@001a @#/ /dga' ldan lha brgya'i mgon gyi thugs ka nas/

rab dkar zho gsar spungs 'dra'i chu 'dzin rtser/ /

chos kyi rgyal po kun mkhyen blo bzang grags/ /

sras dang bcas pa gnas 'dir gshegs su gsol/

@002a mdun gyi nam mkhar ser khri pad zla'i steng/ /rje

btsun bla ma dgyes pa'i 'dzum dkar can/ /bdag

blo dad pa'i bsod nams zhing mchog tu/ /bstan

pa rgyas phyir bskal brgyar bzhugs su gsol/ /

shes bya'i khyon kun 'jal ba'i blo gros thugs/ /

skal bzang rna ba'i rgyan gyur legs bshad gsung/ /

grags pa'i dpal gyis lham mer mdzes pa'i sku/ /

mthong thos dran pas don ldan la phyag 'tshal/ /

yid 'ong mchod yon sna tshogs me tog dang/ /dri

zhim bdug spos snang gsal dri chab sogs/ /dngos

bshams yid sprul mchod sprin rgya mtsho 'di/ /

bsod nams zhing mchog khyed la mchod par 'bul/ /

gang zhig thog med dus nas bsags pa yi/ /

lus ngag yid kyis mi dge ci bgyis dang/ /khyad

par sdom pa gsum gyi mi mthun phyogs/ /snying

nas 'gyod pa drag pos so sor bshags/ /snyigs

ma'i dus 'dir mang thos sgrub la brtson/ /chos

@002b brgyad spangs pas dal 'byor don yod byed/ /

mgon po khyod kyi rlabs chen mdzad pa la/ /bdag

cag bsam pa thag pas yi rang ngo/ /rje btsun bla

ma dam pa khyed rnams kyis/ /chos sku'i mkha' la

mkhyen brtse'i chu 'dzin 'khrigs/ /ji ltar 'tshams

pa'i gdul bya'i 'dzin ma la/ /zab rgyas chos kyi

char pa dbab tu gsol/ /bdag gis ji snyed

bsags pa'i dge ba 'dis/ bstan dang 'gro ba

kun la gang phan dang/ /khyad par rje btsun blo bzang

grags pa yi/ /bstan pa'i snying po ring du gsal

byed shog  /(de nas/) sa gzhi spos kyis

byugs shing me tog bkram/ /ri rab gling bzhi nyi

zlas brgyan pa 'di/ /sangs rgyas zhing du dmigs

te dbul ba yis/ /'gro kun rnam dag zhing la

spyod par shog  /i daM gu ru ratna maNDa la kaM nir+yA

ta ya mi/ (zhes maNDala mdor bsdus phul te/)

@003a @#/ /yon tan kun gyi gzhir gyur drin

can rje/ /tshul bzhin bsten pa lam gyi rtsa ba ru/ /

legs par mthong nas 'bad pa du ma yis/ /gus

pa chen pos bsten par byin gyis rlobs/ /lan

cig rnyed pa'i dal ba'i rten bzang 'di/ /shin tu

rnyed dka' don chen shes gyur nas/ /nyin mtshan

kun tu snying po len pa'i blo/ /rgyun chad med par

skye bar +/ /lus srog g.yo ba chu yi chu lbur bzhin/

myur du 'jig pa'i 'chi ba dran pa dang/ /shi ba'i

rjes su lus dang grib ma bzhin/ /dkar nag las

'bras phyi bzhin 'brang ba la/ /nges pa brtan po

rnyed nas nyes pa'i tshogs/ /phra zhing phra ba rnams

kyang spong ba dang/ /dge tshogs mtha' dag sgrub

par byed pa la/ /rtag tu bag dang ldan par +/

spyad pas mi ngoms sdug bsngal kun gyi sgo/ /yid

brtan mi rung srid pa'i phun tshogs kyi/ /nyes

dmigs rig nas thar pa'i bde ba la/ /don

@003b gnyer chen por skye bar +/ /rnam dag bsam pa de

yis drangs pa yi/ /dran dang shes bzhin bag

yod chen po yis/ /bstan pa'i rtsa ba so sor

thar pa la/ /sgrub pa snying por byed par +/ /rang

nyid srid mtshor lhung ba ji bzhin du/ /mar gyur

'gro ba kun kyang de 'dra bar/ /mthong nas 'gro

ba sgrol ba'i khur khyer ba'i/ /byang chub sems

mchog 'byongs par +/ /sems tsam bskyed kyang

tshul khrims rnam gsum la/ /goms pa med na

byang chub mi 'grub par/ /legs par mthong nas

rgyal sras sdom pa la/ /rtson pa drag pos slob

par +/ /log pa'i yul la g.yeng ba zhi byed

cing; ;yang dag don la tshul bzhin dpyad pa yis/

zhi gnas lhag mthong zung du 'brel ba'i lam/ /

myur du rgyud la skye bar +/ /thun mong lam sbyangs

snod du gyur pa na/ /theg pa kun gyi mchog gyur rdo

rje'i theg  /skal bzang skye bo'i 'jug ngogs dam

@004a pa der/ bde blag nyid du 'jug par +/ /de

tshe dngos grub rnam gnyis grub pa'i gzhi/ /rnam

dag dam tshig sdom par bsrung ba la/ /bcos ma

min pa'i nges pa rnyed gyur nas/ srog dang bsdos

te bsrung bar +/ /de nas rgyud sde'i snying po rim

gnyis kyi/ /gnad rnams ji bzhin rtogs nas

brtson pa yis/ /thun bzhi'i rnal 'byor mchog

las mi g.yel bar/ /dam pa'i gsung bzhin

sgrub par +/ /de ltar lam bzang ston pa'i bshes

gnyen dang/ /tshul bzhin sgrub pa'i grogs rnams

zhabs brtan cing/ /phyi dang nang gi bar du gcod

pa'i tshogs/ /nye bar zhi bar byin gyis brlab tu

gsol; ;skye ba kun tu yang dag bla ma dang/ /

'bral med chos kyi dpal la longs spyod cing/ /

sa dang lam gyi yon tan rab rdzogs nas/ /rdo rje

'chang gi go 'phang myur thob shog  /(ces) lam

yongs rdzogs la shar bsgom mdor bsdus bya/)

@004b dmigs med brtse ba'i gter chen spyan ras gzigs/ /

dri med mkhyen pa'i dbang po 'jam dpal dbyangs/ /

bdud dpung ma lus 'joms mdzad gsang ba'i

bdag ;gangs can mkhas pa'i gtsug rgyan tsong

kha pa/ /blo bzang grags pa'i zhabs la gsol ba

'debs/ /(zhes lan brgya stong sogs ci 'grub

bzlas mthar/) thos bsam sgom pa'i shes rab

'phel du gsol/ /'chad rtsod rtsom pa'i blo gros

rgyas su gsol/ /mchog dang thun mong dngos grub

stsal du gsol/ /myur du khyed rang lta bur byin

gyis rlobs/ /bde chen lhan skyes ye shes 'char

du gsol/ /dngos 'dzin 'khrul pa'i dri ma bsal

du gsol/ /sems nyid the tshom dra ba bcad du

gsol; ;myur du khyed rang lta bur byin gyis rlobs/ /

dpal ldan rtsa ba'i bla ma rin po che/ /bdag gi

snying gar padmo'i steng bzhugs la/ /bka' drin

chen po'i sgo nas rjes bzung ste/ /sku gsung thugs

@005a kyi dngos grub stsal du gsol/ /(lan gsum/

de nas/) tshe rabs kun tu rgyal ba tsong kha pas/ /

theg mchog bshes gnyen dngos su mdzad pa'i mthus/

rgyal bas bsngags pa'i lam bzang de nyid las/ /

skad cig tsam yang bzlog par ma gyur cig  /

(ces brjod/ dga' ldan lha brgya ma 'di nyid kyi

smon lam rgyas par spro na/) de ltar dngos grub ma

lus 'byung ba'i gnas/ /rje btsun bla ma mchod

cing gsol btab mthus/ /skye ba kun tu 'jam

dbyangs bla ma yis/ /mnyes bzhin rjes su 'dzin

pa nyid gyur cig  /rin chen du ma las grub dga'

ldan zhing/ /ngo mtshar bye ba'i dbus na mi pham

mgon/ /legs par bsgoms pas rnam dag zhing

'grub cing/ /tshe 'phos mdo la gnas der skye

bar shog  /rje btsun thugs ka nas 'phros sprin

dkar yug  /brkyang ba'i sne mor bla ma sras dang

bcas/ /spyan drangs yan lag bdun gyis tshogs

@005b bsags pas/ /bdag rgyud bde blag nyid du smin

par shog  /dus gsum rgyal ba'i mkhyen brtse nus

pa rnams/ /zung 'jug sprul skur shar ba'i rnam

'dren gang/ /rigs gsum ngo bor thag bcad

gsol btab mthus/ /mchog thun dngos grub ma

lus myur thob shog  /khyad par dag pa ye shes

bdud rtsi'i chus/ /sgo gsum sdig sgrib mi shes kun

'khrud cing/ /'chad rtsod rtsom sogs mtha' yas

shes bya la/ /blo gros mgon po 'jam dbyangs

mtshungs par shog  /byang shar ngo mtshar rmad byung

bkod pa'i zhing/ /rnam 'dren seng ge'i nga ro'i

zhabs drung du/ /'khor gyi thog mar skyes nas

mdo sngags la/ /thos bsam bsgom pas rtag tu

'da' bar shog  /mdor na skye zhing skye ba thams

cad du/ /rje btsun blo bzang grags pa yab sras

dang; ;mi 'bral rgyal ba'i chos tshul kun bzung

nas; ;bstan dang 'gro ba'i don chen lhur len

@006a shog ;(ces sogs bsngo smon dang shis brjod kyis

mtha' brgyan par bya'o/ /de ltar dga' ldan lha

brgya ma'i rnal 'byor 'di la 'don tshul phyag len

rgyas bsdus dang/ man ngag gi rim pa mtha'

yas pa zhig bzhugs pa las/ 'di ni dpal dben

sa snyan brgyud kyi bla ma'i rnal 'byor bsdus pa'i

'don lugs kun gzigs rgyal ba'i dbang po bskal

bzang rgya mtsho'i gsung khrid yig dngos grub kun

'byung gi dgongs pa dang/ phyag len ji lta ba bzhin

bsgrigs pa'o//)