[@##the following text has incomplete sections/ which are on order]

@1a @#/ /so thar byang sems gsang sngags gsum gyi sdom pa'i bslab bya
nor bu'i 'od 'phreng zhes bya ba bzhugs so/ /

@1b @##/ /thams cad mkhyen pa la phyag 'tshal lo// ! 'dir so thar gyi sdom
pa ma thob pa thob par byed pa'i thabs/ ! thob pa mi nyams pa bsrung
ba'i tshul/ ! nyams na phyir

bcos tshul dang gsum/ ! dang po la sngon chog dang da chog gnyis/
dang po sngon chog ni/ ston pa sangs rgyas nas lo drug gi bar rab
byung bsnyen rdzogs cig char du sgrub byed gsol bzhi'i las kyi

cho ga'o// ! gnyis pa da chog ni ston pa sangs rgyas te lo drug nas
da lta'i bar rab byung gi rjes su bsnyen rdzogs sgrub byed kyi gsol
bzhi'i las kyi cho ga'o// ! gnyis pa thob pa mi nyams par

bsrung tshul la phyi'i rkyen dge ba'i bshes gnyen la brten nas bsrung
ba/ ! nang gi rkyen bsam pa phun tshogs la brten nas bsrung ba/ ! mi
mthun phyogs ngo shes pa'i sgo nas bsrung ba/ ! bslab pa

yongs su sbyong ba'i sgo nas bsrung ba/ ! bde bar gnas pa'i rkyen
bsten pa'i sgo nas bsrung ba dang lnga/ ! dang po phyi'i rkyen dge
ba'i bshes gnyen la brten nas bsrung tshul ni/ gnas kyi bla ma mtshan

@2a @#/ /nyid dang ldan pa zhig la 'dul ba nas gsungs pa'i blang dor
rnams zhib tu dris nas tshul bzhin du bsrung ba'o// ! gnyis pa nang gi
rkyen bsam pa phun tshogs la brten nas bsrung 

tshul ni/ 'dul ba nas gsungs pa'i bslab bya'i gnad rnams la dran shes
brtan po rgyun mi chad pa'i sgo nas bsrung ba'o// ! gsum pa mi mthun
phyogs ngo shes pa'i sgo nas bsrung tshul cung zad rgyas

par bshad na mi mthun phyogs la pham pa'i sde/ ! lhag ma'i sde/ !
ltung byed kyi sde/ ! sor bshags kyi sde/ ! nyes rgyas {byas} kyi sde
dang bcas pa'i ltung ba sde lnga/ ! de rnams la so sor phye na

nyis brgya lnga bcu rtsa gsum las/ bcas ldan dge slong rang nyid
nyes pa'i gzhi la zhugs na ltung ba bskyed tshul yod de/ kha bshad
{bshang} lam zag byed gsum gang rung du mi tshangs par spyad pa'i
bde ba

myong tshe mi tshangs spyod kyi pham pa/ rang dang nor mi gcig pa'i
mis bdag tu bzung ba'i rdzas zho gang yan chad rin thang tshang ba
'phrog pa/ brku ba/ g.yo thabs sogs kyis blangs te rang gis thob pa
na 

@2b ma byin par blangs pa'i pham pa/ gsod sems kyis mi gzhan la
mtshon/ dug/ mthu sogs kyis rang ngam/ rang gis bcol ba'i sbyor ba
byed pa'i rkyen gyis rang gi snga rol shi tshe srog gcod pa'i pham pa/
ngag mtshan nyid lnga ldan

gyi yul tha snyad lnga ldan la mngon shes sogs yon tan khyad par
can rang gis ma thob pa shes bzhin du thob ces smra ba yul des don
go na rdzun smra ba'i pham pa ste pham pa bzhi'o/ /ngag mtshan nyid
lnga ldan ni/ ngag yin pa/ rang gi yin pa/

bdag nyid dang 'brel ba/ ma nor ba/ gsal por smra ba'o/ /tha snyad
lnga ni/ mi yin pa/ smra shes pa/ don go ba/ shes pa rang bzhin du
gnas pa/ ma ning ma yin pa'o/ ! rma sgo gsum las gzhan pa'i rang
gzhan gyi lus kyi yan

lag gam/ phyi'i reg bya sogs la rang gi nor bu rtsal drung byas te
khu ba phyung tshe khu ba 'byin pa'i lhag ma/ bud med mtshan nyid
dang ldan pa'i lus dngos sam de dang 'brel ba'i gos skra sogs la
chags sems kyis reg na reg

pa'i lhag ma/ bud med la chags sems kyis 'khrig pa spyod pa'i tshig rang
gis smra ba'am/ gzhan gyis smra ba la rang gi tshig gis dang du blangs
pa yul des don go na 'khrig tshig smra ba'i lhag ma/ bud med la chags

sems kyis bdag la 'khrig pa'i bsnyen bkur na bsnyen bkur mchog ces
smra ba'am gzhan gyis smra ba dang du len pa'i tshig smras pa yul des
don go na bsnyen bkur bsngags pa'i lhag ma/ skyes pa bud med smyan
byed

pa'i tshig rang gis phan tshun la lan gsum sogs smra ba'am gzhan
smrar bcug ste de gnyis mthun par 'khrig pa sbyad tshe smyan byed
pa'i lhag ma/ chu srog chags rtsod pa dang ldan pa'i sa gzhi ma dag
pa la dge 'dun la

@3a @#/ /gnang ba ma gsol bar srid du khru bco brgyad/ zhing du khru
phyed dang bcu gcig bcas kyi tshad las lhag pa'i khang pa rtsig ste
phal cher zin pa na khang pa'i lhag ma/ sa gzhi ma dag pa dge 'dun

la gnang ba ma gsol bar dkon mchog gi ched du khang chen rtsig
ste phal cher zin na tshad lhag dang/ yo byad gzhan las btsal ba
med kyang khang chen gyi lhag ma/ dge slong rnam dag la pham pa
byung zer zhing skur

pa 'debs na gzhi med skur 'debs kyi lhag ma/ dge slong rnam dag la
bya byed ma sbyar bar pham pa'i skur pa btab na bag tsam skur 'debs
kyi lhag ma/ dge 'dun rnams phyogs gnyis su dbye ba na dge 'dun

gyis bzhams bsgo gsol bzhi'i las te zlog pa lngas bzlog kyang mi
gtong na dge 'dun dbyen gyi lhag ma/ dge 'dun dbyen byed pa de'i
grogs byed pa'i dge slong la bzhams bsgo dang gsol bzhi'i las te
zlog

pa lngas bzlog kyang mi gtod na da ? rjes phyogs kyi lhag ma/ dge
slong 'ga' zhig gis khyim sun 'byin pa'i tshe dge 'dun gyis bskrad pa
nan tur byed pa la dge 'dun la skur pa 'debs pa na bzhams bsgo dang
gsol

bzhi'i las te zlog pa lngas bzlog kyang mi gtong na khyim sun 'byin
pa'i lhag ma/ dge slong gis dge slong gzhan la bslab pa'i gzhi sogs
glengs pa na bdag la cang ma smra zer zhes dang du ma blangs na
bzhams

bsgo gsol bzhi'i las te zlog pa lngas bzlog kyang ma btang na bka'
blo mi bde ba'i lhag ma ste lhag ma bcu gsum mo/ ! gos dngos dang
de'i rigs khru gang yan chad du longs pa byin gyis ma brlabs par

@3b rang stobs sam/ shan stobs kyi zhag bcu 'das pa 'chang na zhag
bcu 'chang spang/ ! gos byin gyis brlab tshul yod de/ 'tsho ba'i yo byad
snam sbyar lta bu la yul bslab pa rgan na/ phyag gsum btsal te
snyan

gsan zhus nas/ gnas brtan dgongs su gsol/ bdag dge slong ming 'di
zhes bgyi bas chos gos bgyis lags pa rung ba spyad pa 'os pa 'di chos
gos snam sbyar du byin gyis brlab bo/ zhes lan gsum/

thabs legs bya/ gtang rags kyi phyag gsum 'tshal/ yul bslob pa gzhon
na 'dud pa'i rnam pa bya/ phyag mi bya/ 'dis 'tsho ba'i yo byad gzhan
rnams la yang byin gyis brlabs tshul shes par bya/ rgyu'i byin brlab

ni snam sbyar lta bu'i rgyu rung ba khru gang gru bzhi yan la snam
sbyar gyi rgyu dmigs shing/ snyan gsan zhus nas/ gnas brtan dgongs
su gsol/ bdag ming 'di zhes bgyi bas chos gos 'di snam sbyar du byin
gyis brlab bo//

'tshol na snam phran dgu pa la sogs par bgyi ste/ glegs bu phyed dang
gsum pa la sogs pa bgyi'o/ bar chad mi 'gyur na bkru'o/ /bskyang ngo/
/dra'o/ /sdeb bo/ /zung gdab bo/ /drub bo/ /kha bsgyur ro/ /yang na 'di
la lhan thabs

su glan no/ /rkyen ji lta ba bzhin du bgyi ste/ chos gos 'di ni rung ba
spyad par 'os pa'o/ /zhes lan gsum/ thabs legs bya/ bla gos la snam
phran bdun pa glegs bu phyed dang gsum pa dang/ thang gos la
snam phran lnga pa glegs

bu phyed dang gnyis pa zhes bsgyur/ ! byin brlab dbyung tshul ni
snyan gsan zhus nas snam sbyar lta bur/ gnas brtan dgongs su gsol/
bdag ming 'di zhes bgyi bas chos gos ba gyis lags pa rung ba spyad pa
'os pa

@4a @#/ /'di chos gos snam sbyar du byin gyis brlab sa pa las/ de lta bas
na dngos po 'di slar dbyung bar bgyi'o/ /zhes lan gsum/ thabs le gas
bya/ 'di la dngos po de dngos su yod med gang yin kyang rung
gsungs/

! lhag pa'i yo byad ni/ snam sbyar lhag po lta bu la/ snyan gsan zhus
nas/ gnas brtan dgongs su gsol/ bdag dge slong ming 'di zhes bgyi
ba'i gos lhag pa rung ba ma bgyis pa rung ba bgyis pa 'os pa 'di

mkhan po'i lags par rung bar bgyi'o/ /mkhan po la yid gtad de bcad
bar bgyi'o/ /rkyen ji lta ba bzhin du bgyi'o/ /zhes lan gsum/ thabs legs
bya/ ! mkho ba'i yo byad ni/ 'tsho ba'i yo byad dang/ lhag pa'i yo byad

las gzhan pa'i zong gos su nges pa dang/ ma nges pa ci rigs la snyan
gsan zhus nas/ gnas brtan dgongs su gsol/ bdag dge slong ming 'di
zhes bgyi ba'i gos 'di bdag dang tshangs par mtshungs par

spyod pa rnams la mkho ba'i yo byad kyi gos su byin gyis brlab bo/
/zhes lan gsum/ thabs legs bya/ byin gyis brlabs pa'i yul med na snyan
gsan dang/ thabs le gas mi dgos/ dngos gsol la lha

dgongs su gsol zhes bsgyur/ gos las gzhan pa'i mkho ba'i yo byad
rnams la rdzas 'di zhes bsgyur/ rang gi gos byin brlabs can snam
sbyar/ bla gos/ mthang gos gsum gang rung dang gnas tha dad du
skya

rengs shar na chos gos 'bral spang/ ?? gos rgyu khru gang nas 'khor
gsum ma khe bas pa'i bar la gos de'i kha skong gi re ba yod bzhin byin
gyis ma brlab par rang stobs sam/ shan stobs kyis zla gcig 'das na 

@4b zla 'jog gi spang ba/ dge slong ma tha snyad brgyad ldan la
rang gi chos gos byin brlab can rnying pa 'khrur bcug ste bya ba
rdzogs pa na 'khrur 'jug gi spang ltung/ tha snyad brgyad ni/ bsnyen
rdzogs kyi sdom pa dang ldan pa/

lta ba mthun pa/ mtshan mi mthun pa/ lus sten du rung ba / lus tha
mal du gnas pa/ tha snyad gsum dang ldan pa/ nye du ma yin pa/
rdzu 'phrul gyi chos can ma yin pa ste brgyad do/ /dge slong ma
chos brgyad ldan la gos rung

ba tshad ldan bslangs te thob pa na dge slong ma las gos len pa'i
spang pa/ khyim pa chos drug ldan la dge slong rang nyid chos gos
tshad bzhin du chos gos rung ba tshad ldan bslangs nas thob pa na
khyim pa las gos slong

ba'i spang ba/ chos drug ni/ khyim pa mtshan nyid dang ldan pa/ tha
snyad lnga dang ldan pa/ rang dang nor tha dad pa yin pa/ lus tha
mal du gnas pa/ ci bder stobs pa ma yin pa/ nye du ma yin pa ste drug/
khyim pa chos drug ldan

la dge slong rang nyid chos gos med par slong ba rigs kyang chos
gos zung gcig las lhag pa bslangs te thob pa na slong ba rigs pa
slong ba'i spang ba/ khyim pa chos drug ldan gyis gos bsngos pa dge
slong gis de las

lhag pa bslangs te thob pa na spags pa slong ba'i spang ba/ khyim pa
pho mo gnyis so so nas dge slong la gos re re bsdos pa dge slong
gis de las lhag pa bslangs te thob pa na so so nas spags pa slong ba'i
spang ba/ sbyin

bdag khyim pas pho nya ba khyim pa la dge slong gi chos gos kyi rin
bkur ba zhal ta ba khyim pa la sprad zhal ta ba de la dge slong gis
bskul bsdad drug las lhag pa'am ma lhag kyang zhal ta bas sbyin
bdag gi sems bsdu ba

@5a @#/ /khas ma blangs par de 'dra'i rin po che bslangs pa na bskur
ba'i spang ba/ srin bal gyi stan byed de zin pa na sran bal gyi spang
ba/ bal nag po 'ba' zhig gis stan byed de zin pa na bal nag 'ba'

zhig gi spang ba/ bal dkar nag bsres kyang nag po dkar po las phyed
kyis lhag pa'i stan byed de zin pa na cha gnyis bsres pa'i spang ba/
stan yod bzhin gnang ba ma thob par lo drug nang stan gnyis pa
byed na

lo drug stan gyi spang ba/ gding ba gsar pa la gding ba rnying pa
nas bde gshegs mtho gang gis ma glan par longs spyad na mtho
gang gi spang ba/ bal la sogs pa khur tshad du longs pa khur te
rgyang grags 'das

pa na bal thog pa'i spang ba/ dge slong ma la bal rmel du bcug pa na
bal rmel du 'jug pa'i spang ba/ rang dbang ba'i rin po che rung ba ma
byas par rang gis reg gam gzhan reg tu bcug pa bdag gir byed pa

na gser dngul len pa'i spang ba/ ! rung ba byed tshul la/ rin po che
byin gyis brlabs te rung ba byed pa dang/ sbyin bdag sogs la bdag po
nyid du mos su gzhug pa dang/ zhal tha ba la bdag po nyid du

las len du gzhug pa ste rung ba byed tshul gsum yod/ ! dang po byin
gyis brlabs tshul ni/ rin po che mdun du bzhag /yul dge slong la/
phyag gsum btsal te snyan gsan zhus nas yul rten gnyis ka

'grings/ lag pa mdun tu stegs te kha sbub/ /gnas brtan dgongs su
gsol/ bdag dge slong ming 'di zhes bgyi bas dngos po rung ba ma
lags pa 'di rnyed de/ bdag dge slong ming 'di zhes bgyi ba'i

@5b dngos po rung ba ma lags pa 'di byin gyis brlabs bo/ /dngos po
rung ba ma lags pa 'dis dngos po rung ba bsgrub par bgyi bo zhes
lan gsum/ thabs legs bya/ gtang rag gi phyag gsum bya/ yul med na

snyan gsan dang thabs legs sogs mi dgos/ lha dgongs su gsol zhes
bsgyur/ rang gi rdzas khyim pa sogs la bskyed btang ste khe thob pa
na mngon mtshan can gyi spang ba/ rang gi rdzas khyim pa sogs dang
nyo tshong

byas te khe thob pa na nyo tshang byed pa'i spang ba/ ! rang gi lhung
bzed byin gyis ma brlabs par rang stobs sam/ shan stobs kyis zhag
bcu 'das na lhung bzed zhag bcu 'chang spang/ lhung bzed byin gyis
brlabs tshul

ni; snyan gsan zhus nas/ gnas brtan dgongs su gsol/ bdag dge slong
ming 'di zhes bgyi ba'i lhung bzed zas la spyad par 'os pa drang
srong gi snod 'di bslang ba'i snod du byin gyis brlab po zhes lan
gsum/ thabs

legs bya/ rang la lhung bzed tshad ldan yod bzhin khyim pa chos
drug ldan la lhung bzed slong ste thob pa na lhung bzed 'tshol ba'i
spang ba/ lhung bzed tshad ni/ che 'bring chung gsum las/ phul dgu
tsam shong ba chung tshad phul bco

brgyad tsam shong ba che tshad/ de gnyis kyi bar rnams 'bring tshad/
phul ni 'khyor ba nyer gcig tsam la bre gang du byas pa'i de'i drug
chal phul gang du brtsi ba'o/ /thag pa khyim pa la gos 'thag bcug
ste gla rdan mi ster bar thags

bcad pa na gla rngan mi ster ba'i spang ba/ rang la khyim pas bsdos
pa'i gos rgyu thag pa la 'thag tu bcug ste bsdos tshad las zhing dkyus
cher bskyed bcug pa'am 'thags bzang ba byed du bcug ste thob pa na
'thag pa bskyed pa'i

@6a @#/ /spang ba/ rang gi yo byad dge slong gzhan la byin pa slar
yang 'phrogs te thob pa na byin phrogs kyi spang ba/ dbyar nang du
bza' btung las gzhan pa'i dbyar rnyed bdag gir byed dam der bgos
sam dgag dbye'i phyi

nyin der ma bgos na gtad pa'i spang ba/ dgon pa ba la 'jigs pa dang
bcas pa'i sar snam sbyar dang zhag drug 'bral ba la ltung med du
gnang yang zhag bdun pa'i skya rengs shar na dgon pa ba'i 'bral
spang/ dbyar khas len gyi snga

rol zla gcig gong du ras chen btsal te thob pa'am dgag dbye grol
nas zla phyed 'das rjes ras chen 'chang na ras chen gyi spang ba/
sbyin bdag gi rdzas dge slong gzhan la bsngos pa rang la bsgyur te
thob pa na bsngos bsgyur gyi spang ba/

sman bzhi po sbyin len byas pa ma zhig bzhin du nyin gung/ srod
thun gyi mtha'/ mtshan mtha' rnams las 'das na gsog 'jog gi spang ba
ste spang ltung sum cu'o/ /so sor gsog 'jog tu 'gro tshul ni/ thun tshod
du byung ba'i sman

snga dro byin brlabs byas pa/ ma zhig bzhin srod thun gyi mtha' 'das
na gsog 'jog dang/ zhag bdun pa'i sman zhag brgyad pa'i skya rengs
shar pa'i tshe gsog 'jog /'tsho bcang gi sman nad las grol nas thun
tshod kyi mtha'

'das tshe gsog 'jog /dus rung gi sman snga dro byin len byas pa ma
zhig bzhin nyin gung 'das na gsog 'jog go / ! mi tha snyad lnga ldan
la rdzun bzhi las gzhan pa'i rdzun ngag mtshan nyid lnga ldan gyis
smras pa yul des don go na rdzun

smra ba'i ltung byed/ rdzun bzhi ni pham par 'gyur ba'i rdzun/ lhag
mar 'gyur ba'i rdzun/ sbom por 'gyur ba'i rdzun/ nyes byas su 'gyur
ba'i rdzun no/ /dge slong ba skyon gang yang rung ba smras pa yul
de'i don go na skyon smra'i ltung byed/ dge 

@6b slong phan tshun dbye ba'i bsam pas phra ma'i tshig smras pa yul
des don go na phra ma byed pa'i ltung byed/ dge slong gnyis yan
chad rtsod pa bzhi po gang rung dge 'dun gyi chos phyogs su zhi
ba byas zin pa la slar slong na skyo sngogs byed pa'i ltung byed/

rtsod pa bzhi ni/ ltung phyir rtsod pa/ 'gyed phyir rtsod pa/ mi
bsdams phyir rtsod pa/ bya ba las phyir rtsod pa dang bzhi'o/ /khrims
grogs med par khyim pa mo la chos tshig lnga'am drug las lhag pa
stan te don go na khyim pa mo la chos ston pa'i ltung

byed/ bsnyen par ma rdzogs pa dang mnyam po'am mjug tu gsung rab
kyi tshig 'don par byas na 'don pa'i ltung byed/ bsnyen par ma rdzogs
pa la dge slong gzhan gyi pham lhag gi ltung ba brjod pa don go
na gnas ngan lan brjod pa'i ltung

byed/ dge slong gis mi chos bla ma thob pa de bsnyen par ma rdzogs
pa sogs la dgos med du brjod pa don go na mi chos bla ma bden par
brjod pa'i ltung byed/ mi chos bla ma ni/ 'dod pa'i chos las bla ma ste
lhag pa'i bsam gtan gzugs med

kyi dngos gzhi dang/ mngon shes sogs yon tan khyad par can rnams
la byed/ dge slong gis dge 'dun gyi rnyed pa gang zag la log par
bsngos ? so zhes skur pa btab pa don go na bshes ngor byas so zhes
skur ba 'debs pa'i ltung byed/ /

'dul ba'i tshig khyad du gsod pa'i ngag dge slong gzhan la smras pa
don go na khyad du gsod pa'i ltung byed/ ! sa bon ma nyams pa dang
skye ba gang rigs rung ba ma byas par rang gis nyams par byed dam
gzhan byed du bcug na sa bon

nam skye ba 'joms pa'i ltung byed/ rung ba byed tshul ni/ nas 'bras lta
bu spungs pa la bsnyen par ma rdzogs pas phyogs bzhi nas mes cug
tsan byed pa me'i rung ba dang/ la phug lta bur bsnyen par ma
rdzogs pas gris tsug tsam byed pa

@7a @#/ /mtshon gyi rung ba dang/ star kha lta bur bsnyen par ma
rdzogs pas/ kha bshag tsam byed pa bkas pa'i rung ba byed tshul dang
gsum yod/ dge 'dun gyi las byed pa'i gang zag bcu gnyis po la mir
smos te 'phya

ba'am ming ma smos pa zur gyis 'phya na 'phya ba'i ltung byed/ gang
zag bcu gnyis ni/ gnas khang zas la bskos pa gnyis/ thug pa bag chos
'grim pa gnyis/ phran tshogs 'grim par byed pa dang/ snod spyad 'grub
dang gos

kyi gnyis/ dbyar gyi ras chen sbed dang 'gyed/ mdags ? gzhug pa dang
mdzes chos so zhes gsungs/ dge slong gis rang la chos ldan gyi tshig
gis bsgo ba la lan log par smra ba don go na bsgo ba rnal gzon pa'i
ltung byed/ dge 'dun gyi gnas

mal ma bsdus par phan phun du gyur pa'am 'dom bzhi bcu rtsa dgu
'das pa na gnas mal ma bsdus par 'gro ba'i ltung byed/ dge 'dun gyi
rtswa 'am lo ma'i gding ba ma bsdus par phan phun du gyur pa'am
'dom bzhi bcu rtsa dgu 'das pa

na gding ba ma bsdus par 'gro ba'i ltung byed/ dge slong gzhan dge
'dun gyi gnas nas bskrad de nye 'khor 'das pa na bskrad pa'i ltung
byed/ dge 'dun gyi gnas su sngar bzhugs pa'i dge slong la mtho
'tshams pa'i phyis gnon byed pa na phyis

gnon byed pa'i ltung byed/ mtho 'tshams pa'i bsam pas dge 'dun gyi
gtsug lag khang gi steng du khri'i rkang pa btsugs te mnan nas
'dug pa na rtsa ba 'byung ba la 'dug pa'i ltung byed/ gzhan don du
chu dang shing sogs la spyad de dud 'gro shi

pa na dud 'gro 'debs pa'i ltung byed/ gtsug lag khang sogs rtsig tshe
nyin gcig la pha gu rim pa gsum las lhag par rtsig na pha gu rim pa
gsum las lhag pa rtsig pa'i ltung byed/ /dge slong ma'i ston par ma
bskos par dge slong

@7b ma la chos ston na ma bskos par chos ston pa'i ltung byed/ dge
slong ma la nyi ma nub kyi bar du chos ston na nyi ma nub kyi bar
du chos ston pa'i ltung byed/ dge slong ma la zas gos sogs kyi don
du chos ston to zhes skur ba btab na zas cung zad com gyi

phyir chos ston to zhes skur pa 'debs pa'i ltung byed/ dge slong ma
nye du ma yin pa'i gos bzo byas te zin pa na gos byed pa'i ltung byed/
dge slong ma nye du min pa la gos byin pa des thob pa na gos byin
pa'i ltung byed/ dge slong ma dang lhan cig

lam du rgyang grags 'das par phyin na lhan cig lam du 'gro ba'i
ltung byed/ dge slong ma dang lhan cig grur zhugs nas rgyang
grags 'das na dge slong ma dang lhan cig grur 'jug pa'i ltung byed/
khrims grogs med par bud med dang lhan cig

dben pa skyabs yod du 'dug pa na dben par 'dug pa'i ltung byed/
khrims grogs med par dge slong ma dang dben par lhan cig 'greng
pa na dben par 'greng ba'i ltung byed/ dge slong mas dge slong bdag
nyid kyi yang dag pa ma yin pa'i

yon tan khyim pa la brjod nas sbyor bcug pa'i zas zos na dge slong
mas sbyor bcug pa za ba'i ltung byed/ ! nyin gcig la khyim pas mgron
du bos pa lan gnyis byung tshe gnyis ga zos na yang yang za ba'i
ltung byed/ mu stegs 'dug

gnas su zhag gcig gnas te zas gnyis zos na 'dug gnas su za ba'i ltung
byed/ dus rung gi zas g.yos su byas pa lhung bzed do gsum las lhag
pa bslangs te zos na lhung bzed do gsum las lhag pa len pa'i ltung
byed/ dus rung gi

zas spangs pa nyin gung ma yol kyang lhag por ma byas par zos na
spangs pa za ba'i ltung byed/ ! lhag po'i cho ga ni/ rang gi lags pa
bkrus te byin len byas nas dge slong tshad ldan zhig gi mdun du
tsog bur 'dug ste tshe dang ldan pa dgongs su

@8a @#/ /gsol/ bdag dge slong ming 'di zhes bgyi ba 'chol ma 'tshal lags
te spangs zhing 'tshal ba bgyis pa las bza' ba dang bca' ba rnyed nas
'tshal par 'tshal na btsun pas lhag por bgyis te bdag la stsal du gsol
zhes

lan gcig brjod/ yul gyis blangs te zas ma spangs na kham gnyis gsum
tsam zos nas khyod kyis ci bder gsol zhig ces phyir gtad do/ /lhag
po ni byin len 'jig rgyu rnams kyis 'jig /zas spangs pa'i dge slong la
dus rung gi zas gtad na

spangs pa stobs pa'i ltung byed do/ /dge 'dun dang lhan cig tu za
dgos pa'i zas/ na ba sogs kyi rkyen med par log zhig tu dge slong
bzhi yan 'dus shing zos na 'dus shing za ba'i ltung byed/ rang gnas
pa'i gling gi nyi ma phyed yol nas skya rengs ma shar

bar dus rung gi zas zos na dus ma yin par zas zos pa'i ltung byed/
sman bzhi po gang rung gsog 'jog tu song ba kham gcig yan chad
zos na gsog 'jog tu song ba za ba'i ltung byed/ byin len bya dgos pa'i
sman la byin len ma byas par

longs spyod na byin len ma byas par za ba'i ltung byed/ ! skabs 'dir
cha la brten pa'i nyes byas brgyad kyang gsungs te rung khang ma
yin pa'i 'tshams dang/ de'i nye 'khor du dge slong gi bza' bca' sogs
sman gyi rig bzhi bzhag ste

skya rengs shar ba'i tshe zhag lon gyi nyes pa/ der bza' bca' sogs brjen
pa btsos na mtshams btsos kyi nyes pa/ sman bzhi gang rung la rung
ba ma byas par reg na lag nya'i nyes pa/ brjen pa btsos na brjen btsos
kyi nyes pa ste bzhi skye la/ /

zas de bzhi zos na nyes pa bzhi ste brgyad skye/ dang po zhag lon
mtshams btsos sogs kyi nyes pa 'gog phyir rung khang la bzhir
gsungs kyang/ ; skabs 'dir shes pa chung dus rung khang byin gyis
brlabs tshul ni/ rung khang bya ba'i gzhi der 'dug

@8b nas; bdag ni bslab pa rnams la mi gus pa ma lags so ji ltar sangs
rgyas bcom ldan 'das rnams mkhyen pa dang gzigs pa dang ldan pa
de dag gis rung ba'i khang pa dang/ zas kyi khang pa yongs su longs
spyod par mkhyen cing/ bzod pa de ltar na/ 'di

bdag gi phyir dran pa nye bar 'jog go /de bdag gi tshangs par spyod pa
rjes su 'dzin par gyur cig ces lan gsum brjod pa'o// ! byin len 'jig rgyu
bcu ni/ phrogs dang shor 'dril bor ba dang/ /babs dang shi dang
gzhan reg dang/ /dngos po 'gyur dang

skye bar 'gyur/ /gzhan la bsngos pa nyid kyang ngo/ /khyim pa nye du
ma yin pa las zas bsod pa slong ste zos na bsod pa slong ba'i ltung
byed/ ! rang kho na'i don du chu sogs la ma brtag par longs spyod
de srog chags shi na dud 'gro spyod pa'i ltung byed/ /

chu la brtog tshul ni/ chu mi g.yo zhing rnyog pa med pa snod shin
tu dwangs pa dge slong snying rje can gyi tha mal pa'i mi gis chu'i
steng 'og bar gsum du srog chags med pa yid ma ches kyi bar du
brtag pa'o/ /khyim pa pho mo nyal po byed pa gshom pa'i khyim na

mngon sum 'dom gang gi nang du 'dug pa pho mo gnyis kyis go na
nyal po byed pa gshom pa'i khyim na 'dug pa'i ltung byed/ khyim pa
pho mo nyal po byed pa bshom pa'i khyim na skyabs yod par 'gring ba
phyed na nyal bo byed par gshom pa'i khyim na

'grer ba'i ltung byed/ dgos pa khyad par can med par mu ste kyi rab
byung la zas byin zhing des thob na gcer bul zas byin ba'i ltung
byed/ khyim pa'i dmag bzhi longs yan chad la rgyal po sogs kyi bos
pa'i rkyen med par rang gi nye 'khor 'das

te bltas na dmag la blta ba'i ltung byed/ dmag nang du dgos med
mtshan mo gnyis 'das na dmag nang gnas pa'i ltung byed/ dmag mtshan
nyid pa la reg pa'am dmag bshams pa dkrug pa'am gzhan gyis bos pa'i
rkyen yod kyang dmag de

@9a @#/ /blta ba'i ched du nye 'khor 'das te bltas pa na dpung gi yan
lag nyams su myong ba'i ltung byed/ sems rnyog pa can gyis dge
slong gzhan la brdeg ste phog na brdeg pa'i ltung byed/ sems rnyog
pa can gyis dge slong gzhan la brdeg

par gzas na brdeg par gzas pa'i ltung byed/ mthol yul tshad ldan yod
pa'i gnas su dge slong gzhan gyi pham lhag gang rung bcabs te
mtshan mo 'das na gnas ngan len 'chab pa'i ltung byed/ ! dge slong
la khyim pas zas 'dren pa phan sems

med par gcod bcug pa khyim pas go na zas gcod pa'i ltung byed/ dus
dran ma byas par mi la reg gam reg bcug na me la reg pa'i ltung
byed/ dge 'dun las la 'dus pa la 'dun pa phul nas rjes su phyir bsgyur
ba'i tshig smras pa'i don go

na 'dun pa phyir bsgyur gyi ltung byed/ bsnyen par ma rdzogs pa
dang gnas gcig tu nyal ste mtshan mo gsum 'das na bsnyen par ma
rdzogs pa dang lhan cig nyal ba'i ltung byed/ sdig lta bskyed pa
gzhams bsgo dang gsol bzhi'i las te zlog pa

lngas bzlog kyang mi gtong na sdig lta mi gtong ba'i ltung byed/
dge 'dun gyi gnas nas dbyung ba'i dge slong dang chos dang zang
zing gi longs spyod lhan cig tu byas na spangs pa rjes phyogs kyi
ltung byed/ dge 'dun gyis bsnyil ba'i

dge tshul dang chos dang zang zing gi longs spyod lhan cig byas pa
na dge tshul bsnyil bsdud pa'i ltung byed/ rang gi gos kha ma bsgyur
ba dkar po sogs la longs spyad na kha ma bsgyur bar gos gyon pa'i
ltung byed/ /rang gi ma yin pa'i rin po che

dang der smos pa la reg gam reg tu bcug na longs pa gzhir gtogs
kyi ltung byed/ tsha ba'i dus ma yin par zla phyed nang du khrus byas
te lus phyed khyab pa na khrus byed pa'i ltung byed/ ! tsha ba'i dus
yod de hor zla lnga pa'i yar ngo'i tshes gcig nas/ /

@9b bdun pa'i yar ngo'i tshes bco lnga bar zla ba phyed dang gsum po
de yin no/ /gsod sems kyis dud 'gro rang gis gsod dam gzhan gsod du
bcug ste dud 'gro shi na dud 'gro gsod pa'i ltung byed/ dge slong la
khyed rnam dag ma yin zhes 'gyod pa

bskyed du bcug na 'gyod pa bskyed pa'i ltung byed/ skyi g.ya' bar
'dod pa'i sems kyis dge slong gi lus la reg nag gi tshal byed pa'i ltung
byed/ chu la rtse ba'am rtse bcug pa na chu la rtse ba'i ltung byed/
bud med dang lhan cig nyal te mtshan

mo 'das pa na bud med dang lhan cig nyal ba'i ltung byed/ dge
slong la skrag par byed pa'i tshig smra ba don go na dang ngas par
phyed pa'i ltung byed/ chos 'di pa'i rab byung gi 'tsho ba'i yo byad sbed
dam sbed du bcug na sbed pa'i ltung byed/ rang gis

dge slong la byin pa'i gos sam lhung bzed la gnang pa med par
longs spyod na gdeng med du spyod pa'i ltung byed/ dge slong la
gzhi med par lhag ma'i skur pa btab na lhag ma'i skur 'debs kyi ltung
byed/ khrims grogs med par bud med dang lhan

cig lam du rgyang grags 'das pa phyin na bud med dang lhan cig
lam du 'gro ba'i ltung byed/ ! rkun ma dang lhan cig lam du rgyang
grags 'das pa phyin na rkun ma dang lhan cig lam du 'gro ba'i ltung
byed/ bsgrub bya lo nyi shu ma lon pa shes bzhin

du bsnyen rdzogs kyi mkhan po byas na nyi shu ma lon pa bsnyen
rdzogs byed pa'i ltung byed/ sa sor bzhi yan chad rang gi brko ba'am
brkor ba cug na sa brko ba'i ltung byed/ khyim pas mgron du bos pa
dus tshigs su bcas pa las lhag pa'am/

dus med kyang zla ba bzhi las lhag pa zos na mgron gnyer ring 'dug
gi ltung byed/ rang la dge slong gis bslab pa'i sgo nas bsgo ba na
tshig gis spang ste don go na bslab pa nye bar 'jog pa spang ba'i ltung
byed/ dge slong gnyis yan gos byed pa

@10a @#/ /la rtsod pa spel ba'i ched du nyan pa rang gis go na nyan
rna byed pa'i ltung byed/ dge 'dun gyi chos ldan gyi las la 'dus nas
dge slong la ma smra ba thos pa'i nye skor las 'das pa phyin na las
gral nas mi smra bar 'gro ba'i

ltung byed/ sangs rgyas sam dge 'dun nam dge slong zhal ta byed
pas rang la chos ldan gyis bsgo ba'i lan la shad sbyang med par 'gal
bar byed na ma gus pa'i ltung byed/ chang mtshan nyid pa mgul du
med pa na myos 'gyur 'thung ba'i

ltung byed/ nyin gung yol nas skya rengs ma shar bar rab byung sde
lnga gang rung la ma smra bar khyim pa'i gnas su phyin na dus ma
yin par grong du 'jug pa'i ltung byed/ ! rab byung sde lnga ni/ dge
tshul pha ma gnyis/ dge slong ma/ dge slong pha ma

gnyis te lnga'o/ /rang gi tshig gis dge 'dun zas la spyan drangs pa'i tshe
zas brims pa yol bar ma byed ces ces sbyin bdag la ma bsgo bar khyim
gsum du rgyu ba na grong du rgyu ba'i ltung byed/ 'od dmar thag
chad nas skya rengs mtha' ma ste nyi

ma ma shar bar rgyal po'i pho brang du phyin na mtshan mo rgyal
po'i pho brang du 'gro ba'i ltung byed/ gso sbyong gi tshe so thar gyi
mdo 'don pa'i dus su rang gi tshul khrims kyi bslab gzhi khyad du
bsad pa gzhan gyis don go na khyad du gsod pa'i ltung

byed; rang don du khab ral byed dam byed du bcug na khab ral
'chos pa'i ltung byed/ dge 'dun dbang ba'i shing gis khri'i rkang pa
khru gang las lhag pa byed dam byed du bcug ste zin pa na khri
rkang 'chos pa'i ltung byed/ dge 'dun gyi gnas

mal la shing bal gyi gos pa byas na shing bal gyis gos par byed pa'i
ltung byed/ gding ba bsrid du khru gsum/ zhing du khru do sor drug
las lhag pa byas na gding ba tshad lhag byed pa'i ltung byed/ g.yan
pa dgab pa srid du khru drug zhing

@10b du khru gsum/ de las lhag par byas na g.yan pa dgab pa tshad
las lhag par byed pa'i ltung byed 88/ ras chen srid du khru dgu
zhing du khru gsum sor bco brgyad/ de las lhag par byas na ras
chen tshad las lhag par byed pa'i ltung byed 89/ chos

gos kyi tshad bde gshegs chos gos dang mnyam pa'am de las lhag par
byas na bde bar gshegs pa'i chos gos kyi tshad las gyur pa'i ltung 90
byed ste dgu bcu'o// ! dge slong ma grong ngam grong gi nye 'khor
ram lam po cher 'dug pa la

rang nyid kyang de rnams su phyin te zas bslang ste zos na dge
slong ma las zas len pa'i sor 1 bshags/ khyim pas mgron du bos pa la
dge slong mas gral rims su ma phebs par 'brim du bcug pa ma bzlog
par zas zos na gral rims su

ma phebs par 'brim du bcug pa ma bzlog par za ba'i sor bshags 2/ dge
'dun gyis thugs brtse ba'i sbyin bdag gud pa la bslab pa'i sdom pa byin
pa shes bzhin du de'i khyim du zas bslang ste zos na bslab pa dral te
khyim du 'jug pa'i

sor bshags 3/ 'jigs pa dang bcas pa'i nags nyul ba po bskos kyang des
nags ma nyul ba sbyin bdag khyim pa las zas bslangs te zos na nags
ma brtags pa las byung ba'i sor bshags te bzhi'o/ ! gos bgo ba'i sde la/
mthang gos

zlum por ma bgos pa/ mthang gos ha cang brtsengs pa ste pus mo ma
khebs pa/ mthang gos ha cang 'jol ba ste long bu bkab pa/ phyogs
gcig glang po che'i sna ltar nar ba 4/ lte gong du 'go lte ba pa 5/ ske
rag gi bar bar nas 'bru'i

'thum bu ltar 'dug pa bgo ba 6/ lte 'og tu sprul mgo ltar gdengs pa
7/ bla gos zlum por ma bgo ba 8/ ha cang brtsings pa bgo ba 9/ ha
cang 'jol ba bgo ba 10/ ! 'gro ba'i sde lnga/ dran shes ma bsten par
khyim du 'gro ba 10/

@11a @#/ /chos gos tshul bzhin ma bgo bar 'gro ba 12/ ca co'i sgra ma
bskyungs par 'gro ba 13/ mig g.yengs bag tu blta zhing 'gro ba 14/
gnya' shing gang mi blta' bar 'gro ba 15/ zha ma yin pa'i gos kyis mgo
g.yogs te 'gro ba 16/

chos gos brdzes te 'gro ba 17/ chos gos phrag pa gnyis kar gzar te
'gro ba 18/ lag gnyis gnya' bar bsnol zheng 'gro ba 19/ lag gnyis ltag
par bsnol zhing 'gro ba 20/ mchongs te 'gro ba 21/ rkang pa brkyangs
bskums byed cing 'gro ba 22/ /

tsog bu'i 'gro ba 23/ rting pa bteg ste brang bas 'gro ba 24/ gru mo
gnyis brgyangs te 'gro ba 25/ mgo bsgyur zhing 'gro ba 26/ lus gcu ste
'gro ba 27/ lag pa g.yug zhing 'gro ba 28/ dpung pa sbrad de 'gro ba
29/ lag pa sbrel te 'gro ba 30// ! 'dug pa'i

sde la/ khyim pas ma bsgo bar stan la 'dug pa 31/ ma brtags par stan
la 'dug pa 32/ lcid phab ste stan la 'dug pa 33/ rkang pa'i steng du
rkang pa bzhag ste 'dug pa 34/ brla'i steng du brla bzhag ste 'dug pa
35/ long bu'i steng du long bu

bzhag ste 'dug pa 36/ khri sogs kyi 'og tu rkang pa bcug ste 'dug pa 37/
rkang pa so sor brkyangs te 'dug pa 38/ 'dom snang bar byas te 'dug
pa 39/ ! zas len pa'i sde la/ zas legs par ma bslangs pa 40/ lhung bzed
kyi mu ste

kha dang mnyam pa bslangs pa 40/ 'bras mchan dang tshod ma mnyam
pa bslangs pa 41/ mthar chags su ma bslangs pa 42/ lhung bzed la yid
ma gtad par bslangs pa 44/ bza' bca' ma 'ongs gong nas lhung bzed
bzod pa 45/ 'bras mchan

tshod ma rtsi rigs lhag 'dod kyis phan tshun 'gebs pa 46/ zas steng du
lhung bzed bzed pa 47/ ! zas za ba'i sde la 14/ zas tshul mthun du ma zos
pa 48/ ha cang kham chung ba za ba 49/ ha cang kham che ba za ba 50/
zas ran pa ma zos pa 51/ zas ma 'ongs gong

@11b nas kha gdangs pa 52/ kha zas kyis bkang ste gtam smra ba 53/
tsug tsug gi sgra dang bcas te za ba 54/ cag cag gi sgra dang bcas te
za ba 55/ hu hu zer zhing za ba 56/ phu phu zer zhing za ba 57/ lce
phyir phyung ste za ba 58/ 'bru re re nas za ba 59/ zas la 'phya smod

byas te za ba 60/ mkhur ba g.yas g.yon spo zhing za ba 61/ skan sgra
gtog cang za ba 62/ kham phro gcad nas za ba/ lag pa la zas chags
pa bldag pa 64/ zas snod la zas chags pa lag pa dang lces bldag pa
65/ lag pa la zas chags pa

sprug ? pa 66/ lhung bzed skyoms pa 67/ zas mchod rten 'dra ba gzhom
pa 68/ gzhan gyi lhung bzed la 'phya ba 69/ lag pa zas kyis gos pas chu
snod la reg pa 70/ zas kyis spags pa'i chu dge slong la 'thor pa 71/
lhung bzed bkrus pa'i chu

sogs 'bags chu khyim bdag la ma dris par ci bder 'dor pa 72/ zas lhag
lhung bzed du blug pa 73/ lhung bzed 'og gzhi med par bzhag pa 74/
lhung bzed gang khar bzhag pa 75/ lhung bzed g.yang sar bzhag pa
76/ lhung bzed

dkan gzar bzhag pa 77/ 'grang ste lhung bzed 'khru ba 78/ lhung bzed
gang khar 'khru ba 79/ lhung bzed g.yang sar 'khru ba 80/ lhung
bzed dkan gzar 'khru ba 81/ 'bab chu'i rgyun phyogs ldog ste lhung
bzed kyis chu gcu ba 82/ ! /chos

ston pa'i sde la/ 'greng ba la 'dug ste chos ston pa 83/ 'dug pa la
'greng ste chos ston pa 84/ nyal ba la chos ston pa 85/ stan mthon
por 'dug pa la stan dma' ba la 'dug ste chos ston pa 86/ stan bzang
por 'dug pa la stan ngan par

'dug ste chos ston pa 87/ mdun du 'gro ba la rjes nas 'gro ste chos
ston pa 88/ lam gyi dbus nas 'gro ba la lam gyi 'gram nas 'gro ste
chos ston pa 89/ mgo gos sogs kyi g.yogs pa la chos ston pa 90/ gos
brdzes pa la chos ston  

@12a @#/ /pa 91/ chos gos phrag pa gnyis kar gzar ba la chos ston pa 92/
lag gnyis gnya' bar bsnol ba la chos ston pa 93/ lag gnyis ltag par
bsnol ba la chos ston pa 94/ do ker can te thor cog can la chos
ston pa 95/

zha gyon pa la chos ston pa 96/ cod pan bcings pa la chos ston pa 97/
phreng ba bcings pa la chos ston pa 98/ thod dkris can la chos ston
pa 99/ rta glang sogs zhon pa'i steng du 'dug pa la chos ston pa 100/
'khyogs kyi nang du 'dug pa la chos ston

pa 101/ lham gyon pa la chos ston pa 102/ lag na 'khar ba thogs pa la
chos ston pa 103/ lag na gdugs thogs pa la chos ston pa 104/ lag na
mtshon cha thog pa la chos ston pa 105/ lag na ral gri thog pa la
chos ston pa 106/ lag na dgra cha thog

pa la chos ston pa 107/ go cha gyon pa la chos ston pa 108/ ! sgrub pa'i
sde la 3/ 'greng ste bshad gci byed pa 109/ phyogs kun chus ma khebs
kyang chu'i nang du bshad gci mchil snab sogs 'dor ba 110/ phyogs
kun rtsa sngon gyis ma khebs

kyang rtsa sngon du bshad gci mchil snabs sogs 'dor ba 111/ ! rgyu
ba'i sde la 1/ dgos med du shing la mi gang las lhag pa 'dzegs 112 pa
la nyes byas te nyes byas brgya dang bcu gnyis bcas ltung ba nyis
brgya lnga bcu rtsa gsum

sogs skye ba yod pas de rnams ngo shes pa byas te rang rgyud la
sngar bskyed zin pa 'dug na de la 'gyod sems drag po'i sgo nas
bshags pa dang/ phyin chad srog la babs kyang mi skye ba la 'bad par
bya'o// ! bzhi pa bslab

pa yongs su sbyong pa'i sgo nas bsrung ba la gso sbyong gi gzhi/ !
dbyar gyi gzhi/ ! dgag dbye'i gzhi dang gsum yod/ ! dang po gso
sbyong gi gzhi de la zhi gnas kyi gso sbyong dang/ mthun pa'i gso
sbyong gnyis/ 

@12b dang po zhi gnas kyi gso sbyong ni/ stan bde ba la lus gnad
legs par bcos te rang gi sems bying rgod sogs kyi dbang du ma btang
bar dmigs pa la rtse gcig tu gnas pa'i dang nas/ dpyad 'jog gnyis kyi
zhi gnas

dang lhag mthong gi dmigs pa sbyong ba yin pas/ ting nge 'dzin
dang shes rab kyi bslab pa gnyis gso zhing/ de'i mi mthun phyogs
sbyong ba'o/ /gnyis pa mthun pa'i gso sbyong ni tshul khrims kyi bslab
pa gso zhing/ /

de'i mi mthun phyogs sbyong ba yin cing/ de la dbye na gso sbyong
bcu bzhi pa/ bco lnga pa/ bkra shis gso sbyong/ gnod pa phyir bzlog
gi gso sbyong dang bzhi/ dang po gso sbyong bcu bzhi pa ni/ hor zla
dang po/ gsum pa/ lnga pa/ bdun pa/ dgu pa/ bcu

gcig pa ste drug gi tshes 14 la bya zhing/ de las gzhan pa'i zla ba
phyed phyed kyi yar ngo mar ngo gang rung gi tshes 10 la gso sbyong
bco lnga pa bya ste lo gcig la gso sbyong bcu bzhi pa drug /bco
lnga pa bco brgyad ste nyer bzhi yong ngo/ /

bkra shis gso sbyong/ gnod pa phyir bzlog gi gso sbyong gnyis dus
nges pa med p

[@##data incomplete here]

@14b lags na/ bdag dge slong ming 'di zhes bgyi ba'i dgag dbye nyin
gyis brlab po/ /gang gi dge 'dun tshogs pa rnyed pa de'i tshe/ dge 'dun
tshogs pa dang lhan cig dgag dbye bgyi'o/ /zhes lan gsum du byin gyis
brlab par bya'o/ ! lnga pa

bde bar gnas pa'i rkyen bsten pa'i sgo nas bsrung ba la/ ! sra skyangs
kyi gzhi/ ! gos gzhi/ ! ko phags kyi gzhi/ ! sman gyi gzhi gnas mal gyi
gzhi dang lnga/ dang po sra skyongs ni dbyar gyi mthar dge 'dun
rnams kyi chos

gos rnam gsum gyi byin brlab rnams snam sbyar gcig/ /bla gos gcig
/mthang gos gcig ste gsum tsam la rgyab ste/ zla ba lnga'i bar
'chang 'bral 'jog sogs kyi ltung ba mi 'byung zhing/ bag yangs su
gnang ba'o// ! gnyis pa gos bzhi ni/

gos la 'tsho ba'i yo byad bcu gsum yod pa'i snam sbyar/ bla gos/ rdul
gzan/ rdul gzan gyi gzan dang bzhi ni che tshad srid du khru lnga/
zhing du khru gsum/ chung tshad srid du khru phyed lnga/ zhing du
khru phyed gsum/ 'bring tshad de gnyis kyi bar/ mthang gos/ sham
thabs/

sham thabs kyi gzan gsum gyi che tshad srid du khru lnga/ zhing du
khru do/ chung tshad 'khor gsum khebs pa/ 'bring tshad de gnyis gyi
bar/ rnag gzan/ g.yan pa dgab ? pa/ gnyis srid du khru drug / zhing
du khru gsum/ gdong phyis srid zhing gnyis ka khru re/ skra gzed

srid du khru gsum/ zhing du khru phye do/ ngas chen srid du khru
dgu/ zhing du khru gsum/ sor bco brgyad/ gding ba srid du khru
gsum/ zhing du khru do sor drug yod/ ! nges par rgyun du 'chang
dgos pa'i yo byad drug ni/ chos gos rnam gsum/ gding ba/ chu tshags

lhung bzed dang drug go/ ! gsum pa ko pags kyi gzhi la/ spyir dge
slong rnams kyis ko pags la longs spyod du mi rung bar gsungs
kyang/ mtha' 'khob du shin tu grang tsho ko pags kyi lha ma gnang
ba dang/ grang nad can dang mig nad can la

@15a @#/ /dom lpags gnang ba ni yod do/ ! bzhi pa sman gyi gzhi la/ dus
rung gi sman/ thun tshod du dung ba'i sman/ zhag bdun pa'i sman/ 'tsho
bcad gi sman dang bzhi/ dang po dus rung gi sman ni bcas ldan dge
slong gis snga dro

longs spyod rung zhing/ phyi dro longs spyod mi rung ba'i bza' bca'i
rigs rnams so/ ! gnyis pa thun tshod du rung ba'i sman ni bcas ldan
dge slong gis byin len byas na dus kun tu longs spyod rung ba
dang/ khyad par snga dro byin brlab byas na

srong thun gyi mtha' tshun longs spyod rung ba'i btung ba'i rigs
rnams so/ ! gsum pa zhag bdun pa'i sman ni/ dge 'dun gyi las byed sogs
la byin gyis brlab na zhag bdun tshun tshang du rang gi longs spyod
du rung ba'i mar dang bu ram/ /

ka ra sogs la byed/ ! bzhi pa 'tsho ba cang gi sman ni dge slong na ba'i
nad las ma grol ba'i bar byin gyis brlab na de'i longs spyod du rung
bas sman du sbyar ba dang ma sbyar ba'i a bar skyur sogs so// ! rtsa
rtags gsum pa nyams na phyir bcos

pa'i tshul la/ ltung ba phyir bcos tshul dang/ rtsod pa phyir bcos tshul
gnyis yod/ dang po ltung ba phyir bcos tshul ni/ pham pa 'chab bcas
byung na dge 'dun gyi gnas nas bskrad/ rang gis gnyen po stobs
bzhi'i sgo nas bshags par bya'o/ /

pham pa 'chab med ni dge 'dun las bslab pa nod nas ji srid 'tsho ba'i
bar khyad par can gyi spyod pa lnga spang zhing/ dman spyad lnga
dang du blang ba'i sgo nas stobs bzhis bshags par bya'o/ /lhag ma ni
dge 'dun las spo 'gu dbyung gsum nod

spyod sogs bya zhing/ stobs bzhis bshags par bya'o/ spang ltung ni/
spang ltung phog pa'i gzhi'i rdzas dang/ spang ltung de'i phyi rnyed
kyi yo byad rnams dge slong gzhan la gnas tha dad tu zhag gcig
spang bral sngon du btang nas zhag bcu

@15b 'chang spang lta bu pa/ spang ltung des ma gos pa'i dge slong
zhig gi mdun du phyag gsum 'tshal/ snyan gsan zhus/ stobs bzhi tshang
ba'i sgo nas/ gnas brtan dgongs su gsol/ bdag dge slong ming 'di
zhes bgyi ba la

ltung ba nyes byas kyi sde tshan las/ gos zhag bcu 'chang spang gi
ltung ba byung ba dgung zhag du mang bcabs pa'i nyes pa byung ste/
bdag dge slong ming 'di zhes bgyi ba'i nyes pa de gnas brtan gyi
mdun du mthol lo/ /mi 'chab

bo/ /'chags so/ mthol zhing bshags na bdag bde ba la reg par 'gyur
gyi/ ma mthol ma bshags na ni mi 'gyur ro/ /zhes lan gsum bzlas/
mthong sdom 'dri/ thabs legs bya'o/ /de nas ltung ba dngos gzhi
phyir bcos

tshul ni/ gnas brtan dgongs su gsol/ bdag dge slong ming 'de zhes
bgyi ba la/ ltung ba ltung byed kyi sde tshan las/ gos zhag bcu'i
'chang spang gi ltung ba byung ste/ bdag dge slong ming 'di zhes
bgyi ba'i ltung ba de gnas brtan

gyi mdun du mthol lo/ mi 'chab bo/ /'chags so/ /mthol zhing bshags
na bdag bde ba la reg par 'gyur gyi/ ma mthol ma bshags na ni mi
'gyur ro/ /zhes lan gsum/ mthong sdom 'dri/ thabs legs bya/ 'dis spang
ltung

gzhan rnams phyir bcos tshul yang shes par bya/ ltung byed 'ba' zhig
pa/ sor bshags/ nyes byas rnams phyir bcos tshul ni spang 'bral sngon
du gtong mi dgos shing/ ltung ba'i ming rigs brje ba ma gtogs sngar
bzhin bya

zhing/ khang par khab ral 'chos pa'i ltung byed la khab ral bcags
pa sngon du 'gro dgos pa dang/ sor bshags la bcabs nyes yod med
gang yin yang dge 'dun la mthol pa sngon du 'gro dgos shing/ /

@16a @#/ /gzhan phyir bcos kyi cho ga rnams 'dra'o/ ! gnyis pa rtsod pa
phyir bcos tshul la/ rtsod pa bzhi sogs dge 'dun gyi rtsod pa'i rigs
rnams zhi byed mtshan nyid dang ldan pa'i tshul bzhin chos phyogs su
zhi bar byed

pa'o mdor na ltung ba 'byung ba'i sgo de la/ bag med pa/ ma gus pa/
mi shes pa/ nyon mongs mang ba dang bzhi yod pa'i/ rgyun du bag
yod pa dang ldan zhing/ tshul khrims kyi bslab bya'i gnas sogs la shin
tu gus pa'i sgo nas/ bslab bya

mtha' dag shes par byas te/ rang gi rgyud la skye ba'i nyon mongs
rnams kyi gnyen po la 'bad ci thub mdzad na nyes ltung gi sgo
rnams 'gags shing/ legs tshogs rnams 'phel zhing rgyas par 'gyur ba
dang/ khyad par du de lta bu'i

sgo nas tshul khrims bsrung ba la/ sangs rgyas rnams kyis bstod pa/
lha rnams kyis bstod pa/ rang gi grogs kyis bstod pa/ rang nyid kyis
kyang bstod par 'os pa/ chos nyid kyis bstod par 'os pa/ snyan grags
kyis phyogs kun khyab

la; dam pa'i chos rnams thos par 'gyur ba/ thos pa de yang mi brjed
pa/ sa lam gyi rtogs pa gong 'phel du 'gyur ba/ 'chi tshe dga' zhing bde
'gror 'gro ba/ nyin mtshan kun tu bde ba dang ldan zhing lha rnams
kyis bsrung ba/ dam pa rnams

kyi drung du bde zhing mi dang mi min gyis glags mi rnyed pa/ longs
spyod gang dgos 'bad med du 'grub cing/ smon lam gang btab 'grub
pa sogs phan yon mtha' yas par gsungs pa'o// ! rgyal ba sras dang
bcas pa

la phyag 'tshal lo// 'dir byang sems kyi sdom pa ma thob pa thob par
byed pa'i thabs/ ! thob pa mi nyams pa bsrung tshul/ ! nyams na phyir
bcos tshul/ ! bsrung ba'i phan yon dang bzhi/ ! dang po ma thob pa
thob par byed

@16b pa'i thabs ni/ sangs rgyas sras bcas la gus pas phyag 'tshal/ ci nus
kyis mchod nas/ bsod nams kun gyi gter du gyur pa'i byang sems kyi
sdom pa de/ sems can kun gyi don du len yul bla ma byang sems kyi
sdom pa

la gnas shing/ byang sems kyi sde snod la mkhas pa/ slob ma skyong
ba'i nus pa dang ldan pa la gsol ba nan gyis btab ste blang bar
bya'o// ! gnyis pa thob pa mi nyams pa bsrung tshul ni/ byang sems kyi
sde snod dgongs

'grel dang bcas pa la mkhas pa'i bshes gnyen dam pa tshul bzhin du
bsten nas byang sems kyi bslab bya'i gnas rnams shes par bya zhing/
khyad par rtsa ltung bco brgyad dang/ nyes byas zhe drug sogs
shes par bya dgos

shing; ! dang po rtsa ltung bco brgyad ni/ rnyed pa dang bkur sti la
chags nas rang la bstod cing/ gzhan yon tan can la smad na bdag
bstod gzhan smod kyi rtsa ltung/ 'di la dbye na bdag bstod gzhan
smod kyi rtsa ltung gnyis/ sdug

bsngal ba dang/ mgon med pa dag la rang gi chos dang nor ster ba'i
'os yod kyang/ ser sna'i dbang gis mi ster na chos nor mi ster ba'i
rtsa ltung/ 'di la dbye na chos dang nor mi ster ba'i rtsa ltung
gnyis/ gzhan gyis rang la bzod pa gsol ba sogs

shad sbyang tshul mthun byas kyang mi nyan par khro ba'i lus ngag
gis 'che {'tshe} ba sna tshogs byas na bshags kyang mi nyan par gzhan
la 'tshog pa'i rtsa ltung/ 'di la dbye na 'tshog pa dang shad sbyang mi
len pa'i rtsa ltung gnyis/ byang sems

kyi sde snod la 'di sangs rgyas kyis gsungs pa ma yin zhes spangs nas/
chos ltar snang la rang nyid dga' zhing gzhan la ston na theg
chen spong zhing dam chos ltar snang ston pa'i rtsa ltung/ 'di la
dbye na theg chen spong ba dang/ /

@17a @#/ /dam chos ltar snang ston pa'i rtsa ltung gnyis/ dkon mchog
la bsngos pa'i rdzas/ rang mi dbang ba shes bzhin tu {du?}/ rang gi
chad du rang ngam/ rang gi {gis} bcol ba'i rku 'am/ phrog gam/ thabs
kyis blangs te

thob pa na dkon mchog gi dkor phrog pa'i rtsa ltung/ 'di la dbye na
dkon mchog gsum so so'i dkor phrog pa'i rtsa ltung gsum/ lam gyi
cha yongs rdzogs ston pa'i theg pa gsum gyi sde snod la 'di sangs
rgyas kyi gsung

ma yin zhes skur pa {ba?} btab na/ dam chos spong ba'i rtsa ltung/ 'di
la dbye na theg pa gsum gyi sde snod gsum spangs pa'i rtsa ltung
gsum/ rab tu byung ba tshul khrims dang ldan mi ldan gang yang
rung ba la gnod sems kyis ngur

smig phrog pa/ brdeg pa/ btson rar 'jug pa/ rab byung las phab pa
sogs byas na/ ngur smrig phrog pa sogs dang rab byung las phab pa'i
rtsa ltung/ 'di la dbye na ngur smrig phrog pa bcas dang/ rab byung
las phab pa'i rtsa  

ltung gnyis/ pha dang/ ma dang/ dgra bcom pa bsad pa/ dge 'dun gyi
dbyen byed pa/ de bzhin gshegs pa la ngan sems kyis khrag 'byin pa
ste lnga po 'di gang rung byas na/ mtshams med byed pa'i rtsa ltung/
'di la dbye na

mtshams med lnga'i rtsa ltung lnga/ las 'bras dang/ skye ba snga phyi
sogs med do zhes 'dzin na/ log par lta ba 'dzin pa'i rtsa ltung/
grong dang grong khyer dang/ ljongs dang/ yul 'khor gang rung
'jigs {'jig?} par byas na/ grong sogs

'joms pa'i rtsa ltung/ 'di la dbye na grong sogs 'joms pa'i rtsa ltung
bzhi/ stong nyid ston pa'i snod du mi rung zhing/ rdzogs byang du
sems bskyed pa dang ldan pa'i sems can la stong nyid bstan pas skrag
nas sems

@17b bskyed las log ste theg dman gyi sems bskyed na blo ma sbyangs
pa la stong nyid bstan pa'i rtsa ltung/ rdzogs byang du sems bskyed
pa la khyod phyin drug la spyad pa dang/ sangs rgya ba mi nus/ nyan
rang gi sems bskyed na 'khor

ba las grol bar 'gyur zhes smra bas yul de rdzogs byang du sems
bskyed pa las log na/ rdzogs byang las ldog pa'i rtsa ltung/ so thar
gyi tshul khrims la tshul bzhin du gnas pa la so thar tshul khrims dag
pas ci zhig bya/

rdzogs byang du sems bskyed la/ theg chen lhogs zhes dang/ sgo
gsum gyi nyes spyod thams cad 'gag par 'gyur zhes smra bas yul de
so thar gyi tshul khrims las log pa na/ so thar spangs pa'i rtsa ltung/
nyan rang gi

theg pa la ji tsam bslab kyang nyon mongs ma lus pa spong mi nus
zhes skur ba {compare abowe/ skur pa} btab ste/ nyan rang gi rtogs
pas 'khor ba las mi grol bar 'dzin na/ slob pa'i theg pas chags sogs
spong mi nus par 'dzin pa'i rtsa

ltung/ rang nyid rnyed bkur la chags pa'i {pas} theg chen 'don pa/
klog pa/ ston pa sogs byed bzhin du bdag ni rnyed bkur sogs la mi
blta ba'i theg chen pa yin gyi/ gzhan ni ma yin no zhes bstod smad
so sor smras pa

na; tshig bcad rgyu yis gzhan smad pa'i rtsa ltung/ rtsa ltung 'di
rtsa ltung dang po bdag bstod gzhan smod kyi rtsa ltung du 'du
bas logs su ma bgrang bar gsungs/ rang gis stong nyid mngon sum
du ma rtogs kyang/ gzhan

la stong pa nyid bstan nas/ khyod kyi 'di bsgoms shig dang/ stong pa
nyid mngon sum du rtogs par 'gyur bas kho bo dang 'dra bar 'gyur
ro zhes smras pas/ pha rol gyi {gyis} don go na log pa nyid smra ba'i
rtsa ltung/ rgyal po dang blon

@18a @#/ /po sogs kyis dkon mchog gi dkor ram/ dge 'dun dang/ dge
slong la chad pa bcad pa'i yo byad de/ rang la phul ba'i tshe blangs
te thob pa na dkon mchog gi dkor byin pa len pa'i rtsa ltung 16/ zhi

gnas la mnyam par 'jog pa'i bsam gtan pa so skye la sdang ba'i bsam
pas de dag gi longs spyod rnams lan nas/ kha ton pa rnams la byin
pa na zhi gnas 'dor ba bya zhing bsam gtan pa'i longs spyod kha ton
pa la

byin pa'i rtsa ltung/ byang chub kyi sems gtong na/ byang chub sems
'dor gyi rtsa ltung/ rtsa ltung 'di dang/ rtsa ltung dgu pa log pa
lta ba 'dzin pa'i rtsa ltung gnyis skye ba la kun dkris tshang mi dgos
shing/ gzhan rtsa ltung bcu

drug la kun dkris chen po ste bzhi tshang dgos pas/ kun dkris bzhi ni/
nyes spyod de la da dung spyod 'dod pa/ ngo tsha khrel yod med pa/
dga' zhing mgu ba/ nyes dmigs su mi blta ba ste bzhi/ phyi ma 'di'i
steng du dang po gsum

tshang na kun dkris chen po/ phyi ma 'di'i steng du dang po gsum las
gnyis tsam dang/ gcig tsam dang/ phyi ma kho rang tsam la zag pa
'bring dang/ dang po gsum la zag pa chung ngu yin no/ /rtsa ltung
bcu drug po de'i gzhi la

zhugs kyang kun dkris chen po ma tshang na zag pa chung 'bring gis
bsdus pa'i ltung ba yin pas de rnams rtsa ltung de'i {?} sder gtogs
pa'i nyes byas so// ! gnyis pa nyes byas zhe drug ni/ dkon mchog gsum
gang

rung la lus kyis phyag/ ngag gis bstod pa/ yid kyis dwang ba ste sgo
gsum gyis mchod pa ma byas par zhag gcig 'das na/ dkon mchog
gsum la sgo gsum gyis ma mchod pa'i nyes byas/ rang nyid 'dod pa
che ba chog 

@18b mi shes pa bsnyen bkur la chags pa sogs 'gog par mi byed na/
'dod pa'i sems kyi rjes su 'jug pa'i nyes byas/ byang sems bslab pa rgan
pa yon tan dang ldan pa bkur sti bya 'os pa la/ bkur sti sogs gus

par ma byas na/ rgan pa rnams la gus par mi byed pa'i nyes byas/
gzhan gyis rang la drang por smra zhing dga' bar byed cing/ don
'dri ba la khong khro 'am/ le lo'i dbang gis rjes su mthun pa'i lan mi
'debs na/ dris pa

rnams la lan mi 'debs pa'i nyes byas 4/ gzhan gyis zas gos sogs kyi
mgron du bos pa la nga rgyal lam/ mnar sems sam/ khong khro 'am/
le lo'i dbang gis mi 'gro na/ mgron du bos pa bdag gir mi byed pa'i

nyes byas/ sbyin bdag gis gser dngul sogs nor sna tshogs phul ba na/
mnar sems sam/ khong khro'am/ le lo'i dbang gis mi len na/ gser la
sogs pa mi len pa'i nyes byas/ gzhan chos 'dod pa rnams la mnar

sems sam/ khong khro'am/ phrag dog gam/ le lo'i dbang gis chos mi
sbyin na/ chos 'dod pa la chos mi sbyin pa'i nyes byas/ nyes byas bdun
po 'di dge ba chos sdud kyi sbyin pa'i mi mthun phyogs so/ /mtshams
med byed

pa'am/ rtsa ltung byung ba'i tshul khrims 'chal ba rnams des {de'i}
rgyu mtshan du byas nas/ mnar sems sam/ khong khro'am/ le lo'i
dbang gis yal bar dor zhing khyad du gsang {gsad} na tshul khrims
'chal rnams yal bar 'dor ba'i nyes

byas/ gzhan gyi sems bsrung ba'i phyir 'dul ba'i bslab pa rnams nyan
thos rnams dang 'dra bar mi bslab na/ pha rol dad phyir slob par mi
byed pa'i nyes byis {byas}/ 'dul ba'i bcas pa gos zhag bcu 'chang
spangs sogs

@19a @#/ /bcas rkyang gi ltung ba sogs la byang sems kyis nyan thos
bzhin slob mi dgos pa las/ de dang mtshungs par slob na/ sems can
don la bya ba chung ba'i nyes byas/ byang sems kyi bslab pa la tshul

bzhin du slob pa'i byang chub gyi sems dang ldan pa la/ gzhan don
khyad par can du 'gyur na srog gcod sogs bdun gnang ba'i skabs
yod bzhin du de la ma zhugs na/ snying brtser bcas par ma byas pa'i
nyes byas/ tshul

'chos/ kha gsag/ gzhog slong/ thob kyis 'jal ba/ rnyed pas rnyed pa
'tshol ba ste log 'tsho lnga gang rung dang du lan zhing/ de dag gi
gnyen po mi bsten na/ 'tsho ba log pa dang du len pa'i nyes byas/ 'char
zhing rgod pa rtse zhing ca co

'don pa g.yeng pa/ gzhan la yang rgod pa sogs su gzhug par 'dod
na/ 'char nas rab du rgod pa bcas kyi nyes byas/ byang sems rnams
myang 'das la dga' bar mi bya zhing/ de la rgyab kyi phyogs par bya/
nyon mongs

pa 'jigs par mi bya zhing/ de dag las sems shin tu dben par mi bya ste/
bskal pa grangs med gsum du 'khor bar 'khor zhing/ byang chub
bsgrub dgos pa blta zhing/ de skad smra na 'khor bar gcig bu 'grod
par sems

pa'i nyes byas/ rang gi tshig mi btsan pa'am mi btsun bar 'gyur ba'i dri
ngas dang/ mi snyan pa gtam ngan 'byung ba'i gzhi rang la yod pa
de rnams ma sel zhing mi spong na/ grags pa ma yin pa mi spong ba'i
nyes byas/ pha rol

po'i lus ngag gi nyes spyod rnams drag po'i chad pas phyir bcos nus
pa mthong bzhin du de'i sems bsrung btsam gyi phyir du thabs des mi
'chos na/ nyon mongs bcas kyang 'chos par mi byed pa'i nyes byas/
tshul khrims

@19b 'chal ba rnams yal bar 'dod pa'i nyes byas nas 'di'i bar gyi nyes
byas dgu ni tshul khrims kyi mi mthun phyogs so/ /gzhan gyi rang la
gshe ba/ khro ba/ brdeg pa/ mtshang 'dru ba/ sogs bzhi la de dang de'i
lan byas

na/ dge sbyong gi chos bzhi dang bral ba'i nyes byas/ rang gis gzhan
la nyes pa byas sam/ gzhan gyis byas dogs pa gang rung la mnar sems
sam/ nga rgyal lam/ le lo'i dbang gis tshul dang mthun pa bshad
sbyang mi byed

na/ khros pa rnams yal bar dor ba'i nyes byes/ rang la gzhan gyis
nyes pa byas pa dag chos bzhin du mthun par shad sbyang byas
kyang mnar sems sam 'tshe ba'i bsam pa'am len mi 'dod pa'i dbang gis
shad sbyang

mi len na/ pha rol shad kyis 'chags pa spong ba'i nyes byas/ gzhan la
khro ba'i bsam pa byung zhing 'dzin la nyes pa mi blta zhes dang du
len na/ khros pa'i sems kyis rjes su 'jug pa'i nyes byas/ 'di yan gyi nyes

byas bzhi ni bzod pa'i mi mthun phyogs so/ /rnyen bkur rim gro rnyed
pa sogs la re ba'i 'khor bsdu na/ bsnyen bkur 'dod phyir 'khor rnams
bsdu ba'i nyes byas/ snyoms las dang/ le lo'i dbang gi gung thun

ma gtogs nyin mo dang/ nam gyi cha stod smad la gnyid kyi bde ba/
glos 'bebs pa'i bde ba/ mal du nyal ba'i bde ba sogs dang du len zhing
sel bar mi byed na/ le lo la sogs sel bar mi byed pa'i nyes

byas/ rgyal blon chom rkun bud med sogs 'du 'dzi'i gtam la kun tu
chags pa'i sems kyis dus yel bar byed na/ chags pas bre mo'i gtam la
bsten pa'i nyes byas/ 'di yan nyes byas gsum ni

@20a @#/ /brtson 'grus kyi mi mthun phyogs so/ /sems snyoms par 'jogs
par 'dod la mnar sems sam/ le lo'i dbang gis ting nge 'dzin gyi gdams
ngag gzhan la nod du mi 'gro na/ ting nge

'dzin gyi don mi 'tshol ba'i nyes byas/ bsam gtan la gegs byed pa'i sgrib
pa/ rgod 'gyod gnyis/ gnod sems/ gnyid rmugs gnyis/ 'dod pa la 'dun
pa/ the tshom ste lnga po gang yang rung ba dang du len zhing

sel bar mi byed na/ bsam gtan sgrib pa sbyong bar mi byed pa'i nyes
byas/ bsam gtan gyi bde ba la sred cing ro myong la yon tan du lta
na/ gsam gtan ro la yon tan du lta ba'i nyes byas/ 'di yan gyi nyes
byas

gsum ni bsam gtan gyi mi mthun phyogs so/ /nyan thos kyi sde snod
nyan pa/ tshig don bzung ba/ bslab pa sogs theg dman la dgos kyang
byang sems la dgos pa med par lta zhing gzhan la de skad smra na/

nyan thos theg pa spong bar byed pa'i nyes byas/ byang sems kyi sde
snod la brtson par byar yod bzhin du de yal bar bor nas/ nyan thos
kyi sde snod pa brtson par byed na/ rang tshul yod bzhin de la
brtson pa'i nyes byas/ /

sangs rgyas kyi gsung la brtson par byar yod bzhin de ma byas par/
mu stegs kyi bstan bcos la brtson par byed na/ brtson min phyi rol
bstan bcos la brtson pa'i nyes byas/ dgos pa'i dbang gis mu stegs kyi
bstan

bcos la brtson dgos pa yod kyang thog mtha' bar gsum du de la
dga' zhing 'jug par byed na/ brtson par byas kyang de la dga' ba'i
nyes byas/ byang sems kyi sde snod gang yang rung ba la 'di brjod
bya dman zhes pa'am/ brjod byed dman zhes

@20b pa'am/ byed pa po dman zhes pa'am/ sems can gyi don du mi 'gyur
zhes skur pa {HERE REALLY SKUR PA/ CHECK ThE OThERS} 'debs pa'i tshig smra na/
theg pa chen po spong bar byed pa'i nyes byas 31/ nga rgyal lam
khong khros bdag la bstod cing gzhan la smod na/ /

bdag bstod gzhan smod kyi nyes byas 32/ nga rgyal lam le lo'i dbang
gis chos 'chad pa dang/ chos kyi 'bel gtam sogs la mi 'gro na/ chos
kyi don du 'gro bar mi byed pa'i nyes byas 33/ rang la chos smra ba'i
gang zag la

ston pa'i 'du shes dang/ bkur sti sogs mi bya bar khyad gsod dang
'phya zhing tshig legs pa la rton gyi don la mi rton na/ de la snod
dang yi ge rton pa'i nyes byas 34/ 'di yan gyi nyes byas brgyad ni shes
rab kyi mi mthun

phyogs te nyes byas so bzhi po 'di rnams ni dge ba chos sdud kyi
phyin drug gi mi mthun phyogs kyi nyes pa'o/ /bya ba gtan la 'bebs pa/
lam du 'gro ba/ skad slob pa/ nyes pa med pa'i las/ longs spyod bsrung
ba/

bya [@#bye] ba bsdum pa/ dga' ston/ bsod nams byed pa ste brgyad
gang rung la grogs byed 'os pa'i tshe khong khro'am le lo'i dbang gis
grogs mi byed na/ dgos pa'i grogs su 'gro bar mi byed pa'i nyes byas
so 35/ nad pa

la rim gro dang bsnyen bkur byed 'os pa'i tshe khong khro'am le lo'i
dbang gis rim gro dang bsnyen bkur ma byed na/ nad pa'i rim gro bya
bar spong ba'i nyes byas so 36/ /long ba/ 'on pa/ yan lag med pa/ lam
gyis ngal ba/ sgrib

pa lnga'i sdug bsngal ba/ gnod sems sogs rnam rtog gi sdug bsngal
ba/ gzhan gyis dma' phabs pa'i sdug bsngal ba ste bdun gang rung la
khong khro dang le lo'i dbang gis sdug bsngal de dag sel ba'i thabs

@21a @#/ /mi byed na/ sdug bsngal sel bar mi byed pa'i nyes byas/ 'di phyi'i
don la tshul bzhin ma yin par zhugs pa'i sems can la khong khro'am
le lo'i dbang gis skyon med pa'i rigs {pa} ji ltar 'tshams

pa tshul bzhin mi bstan na/ bag med pa la rigs pa mi bstan pa'i nyes
byas/ rang la phan 'dogs pa la mnar sems sam le lo'i dbang gis phan
lan mi byed na byas la lan du phan mi 'dogs pa'i nyes byas 31/ nyes

du'am longs spyod dang bral ba'i mya ngan byung ba'i sems can la
mnar sems sam/ le lo'i dbang gis mya ngan de sel bar mi byed na/
gzhan gyis mya ngan sel bar mi byed pa'i nyes byas 32 {?}/ zas skom
sogs slong ba

po la mnar sems sam/ le lo'i dbang gis ma byin na/ nor 'dod pa la
sbyin par mi byed pa'i nyes byas 33 {?}/ 'khor bsdus pa la mnar sems sam
le lo'i dbang gis gdams ngag mi ster ba'am de dag gi phyir bram ze
khyim

bdag ngang {dad} pa can la yo byad chos bzhin du mi 'tshol na/ 'khor
rnams kyis ni don mi byed pa'i nyes byas 31 {?}/ mnar sems sam le lo'i
dbang gis gzhan gyi sems dang mthun par mi byed na/ gzhan gyi blo
dang mthun par

mi 'jug pa'i nyes byas/ mnar sems sam le lo'i dbang gis gzhan gyi yon
tan dang bsngags la mi brjod pa'am legs par smra ba la legs so mi
ster na/ yon tan bsngags pa brjod par mi bya ba'i nyes byas/ sems

can dma' dbab pa dang/ chad pas bcad pa dang/ bskrad par rig {@#rigs
[rje rin po che]} pa rnams la nyon mongs sam le lo'i dbang gis de
dang de mi byed na/ rkyen du 'tsham par tshar mi gcod pa'i nyes byas/
rang nyid rdzu 'phrul dang/ mthu sna tshogs

@21b dang ldan na/ skrag par/ mdun {'dun} par/ sdom pa dang ma
ldan pa la dad pa'i byin pa spong ba sogs byed rigs pa la/ skrag par/
mdun {'dun} par/ sdom pa dang mi ldan pa la dad pa'i byin pa spang
ba sogs mi byed na/ rdzu 'phrul bsdigs

la sogs mi byed pa'i nyes byas/ nyes byas bcu gnyis po 'di sems can don
byed kyi tshul khrims kyi mi mthun phyogs so// ! gzhan yang smon sems
kyi bslab bya dang 'gal ba'i nyes byas la/ gzhan la chos

dang zang zing gi {gis} skyong 'os pa la mi skyong ba dang/ gzhan
gyi gnod pa la 'khon du 'dzin cing ris su bcad nas chags sdang byed
pa dang/ dam pa mi bstan {bsten} zhing thos bsam byed pa dor ba
dang/ zas gos sogs la longs

spyod tshe gzhan don gyi bsam pas ma zin pa dang dge ba'i bya ba kun
la sems bskyed kyis zin par ma byas na nyes byas su gsungs shing/ !
skye ba gzhan du yang byang chub kyi sems dang mi 'bral ba'i rgyu/
nag chos

bzhi spong zhing/ dkar chos bzhi blang bar bya dgos pas de'i tshul ni/
nag chos dang po bla ma dang mchod gnas sogs la der shes bzhin
du rdzun gyi {@#gyis} dbu bskor ba/ de'i gnyen por dkar chos dang po
sems can kun la bzhad

gad tsam gyi phyir yang shes bzhin du rdzun mi smra ba/ nag chos
gnyis pa gzhan gyi dge ba byed pa la 'gyod pa bskyed du gzhug pa/
de'i gnyen por dkar chos bzhi pa rang gis smin par byas pa'i sems can
theg dman gyi

theg pa la mi 'god par rdzogs pa'i byang chub 'dzin du gzhug pa/ nag
chos gsum pa byang sems la khong khros mi snyan par brjod pa/ de'i
gnyen por dkar chos gsum pa sems can kun la ston pa'i 'du shes
bskyed

@22a @#/ /cing dag snang sbyor ba/ nag chos bzhi pa sems can gang la
yang lhag bsam min pa'i g.yo rgyu {sgyu?} byed pa/ de'i gnyen por
dkar chos gnyis pa sems can kun la g.yo rgyu {sgyu?} med par drang
po'i bsam

pa la gnas pa sogs bslab bya 'di rnams la nan tan gyis bslab par bya
ba'o// ! gsum pa nyams na phyir bcos tshul ni/ kun dkris chen po tshang
ba'i rtsa ltung ngam/ smon sems gtong ba/ log lta byung ba lta bu

la sdom pa slar bslang dgos shing/ zag pa 'bring gi nyes byas rnams/
gsum yan chad la bshags pa dang/ zag pa chung ngu'i nyes byas
dang/ nyes byas zhe drug sogs gang zag gcig gi mdun du bshags par

bya zhing/ de dag las gzhan pa'i nyes byas gcig la sogs pa'i mdun du
bshags na rab dang/ de min rgyal ba sras bcas kyi mdun du bshags
par mos te rten gyi drung du bshags par bya zhing/ skyabs 'gro sems

bskyed/ ltung bshags/ spyi bshags/ rdor sems bsgoms bzlas sogs kyi
sgo nas bshags par yang bya'o// bshags pa snga phyi 'di rnams kyi tshe
gnyen po stobs bzhi tshang ba'i sgo nas bshags dgos shing/ /

gso sbyong sogs dge 'dun gyi mdun du phyir bcos tshul ni/ phyag
gsum byas nas 'greng ste 'dud cing thal mo sbyar te/ phyogs bcu na
bzhugs pa'i sangs rgyas dang byang chub sems dpa' thams cad dang/
dge

'dun byang chub sems dpa' rnams ji skad yongs su brjod pa'i pham pa'i
gzhi dang/ nyes byas kyi gzhi las byang chub sems dpa'i 'dul ba dang
'gal ba'i nongs pa dpag tu med pa byung ba rnams phyir bcos

@22b pa'i cho ga la thugs gtad par zhu/ zhes brjod/ de nas tsog pur
'dug ste thal mo sbyar nas/ phyogs bcu na zhugs pa'i sangs rgyas
dang byang chub sems dpa' thams cad dang/ dge 'dun byang chub
sems dpa'

rnams bdag la dgongs su dgsol/ bdag byang chub sems dpa' ming 'di
zhes bgyi ba la ji skad yongs su brjod pa'i pham pa'i gzhi las/ byang
chub sems dpa'i 'dul ba dang 'gal ba'i nongs pa/ rnyed dang

bkur stir chags pa yis/ /bdag bstod gzhan la smod pa dang/ sdug
bsngal mgon med gyur pa la/ /ser snas chos nor mi ster dang/ /gzhan
gyis bshags kyang mi nyan par/ /khros nas gzhan la 'tshog pa dang/ 

/theg pa chen po spong byed cing/ /dam chos 'drar snang ston pa
dang/ /dkon mchog gsum gyi dkor 'phrog pa/ phas pham pa yi ltung
bar 'dod/ /ces sogs rtsa ltung bco brgyad kyi sder gtogs pa'i zag pa
chung 'bring

gis bsdus pa'i dngos gzhi'i ltung ba dang/ de rnams kyi phyogs mthun
gyi nongs pa dpag tu med pa byung ba dang/ ji skad yongs su brjod
pa'i nyes byas kyi gzhi las/ byang chub sems pa'i 'dul ba dang 'gal

ba'i nongs pa/ dkon mchog gsum la gsum mi mchod/ /dod pa'i sems kyi
rjes su 'jug  /ces sogs nyes byas bzhi bcu zhe drug gi sder gtogs pa'i
dngos gzhi'i ltung ba dang/ de rnams kyi phyogs mthun gyi

nongs pa dpag tu med pa byung ba dang/ gzhan yang byang chub kyi
sems kyi phan yon thun drug tu ma dran ba dang/ smon sems thun
drug tu ma bzung ba dang/ sems can blos spangs pa dang/ tshogs
gnyis gsog pa la

@23a brtson par ma byas pa dang/ nag po'i chos bzhi ma spangs pa
dang/ dkar po'i chos bzhi ma bsten pa dang/ sdom pa'i tshul khrims
dang/ dge ba'i chos sdud pa'i tshul khrims dang/ sems

can don byed kyi tshul khrims rnams la slob pa la brtson par ma byas
pa dang/ sbyin sogs pha rol tu phyin pa drug la slob pa la brtson
par ma byas pa dang/ bsdu ba rnam pa bzhi'i sgo nas sems can gyi don

la brtson par ma byas pa dang/ gzhan la chos dang zang zing gi
sbyor bas phyir brtson par bya dgos pa'i tshe/ brtson pa ma byas pa
dang/ gzhan gyi phan btags pa dang gnod pa bskyal ba'i mtshan ma
zhe

la bzhag nas/ ris su bcad pa dang/ phyogs yongs su bzung ba'i bsam
pas chags pa dang/ sdang ba dang/ btang snyoms kyi yal bar 'dor ba'i
blo skyes pa dang/ dam pa nye bar ma bsten pa dang/

byang chub sems pa'i zab pa dang rgya che ba'i sde snod la thos bsam
tshul bzhin du ma byas pa dang/ zas gos gnas mal sogs la longs spyod
pa'i tshe gzhan don gyi blos ma spyad pa dang/ sbyin sogs

pha rol tu phyin pa drug la spyod pa'i tshe/ gzhan don gyi bsam pas
zin pa ma byas pa dang/ gzhan gyi phan bde sgrub pa dang/ sdug
bsngal sel ba'i sbyor pa la brtson par ma byas pa la sogs pa/ mdor na

byang chub sems dpa'i 'dul ba dang 'gal ba'i nongs pa dpag tu med pa
byung ste/ bdag byang chub sems dpa' ming 'di zhes bgyi ba'i nongs pa
de rnams phyogs bcu na bzhugs pa'i sangs rgyas

@23b dang byang chub sems dpa' thams cad dang/ dge 'dun byang
chub sems dpa' rnams kyi spyan sngar mthol lo// mi 'chab bo// 'chags
so// phyin chad kyang sdom par bgyid lags so/ /mthol zhing bshags

na bdag bde ba la reg par gnas par 'gyur gyi/ ma mthol ma bshags na
de ltar mi 'gyur ba lags so// zhes lan gsum bzla/  de nas slob dpon
sogs 'os pas/ 'di rnams la nongs par gzigs lags

sam/ gzhan rnams kyis mthong lags/ yang des phyin chad legs par
sdom mam/ gzhan rnams kyis chos bzhin 'dul ba bzhin du shin tu
legs par spyi bos nod par bgyi'o// zhes mthong sdom lan gsum

dang/ thabs legs bya ba'o// ! bzhi pa bsrung ba'i phan yon la gnas
skabs sangs rgyas rnams kyis bu ltar dgongs pa/ 'chi ba'i tshe dge rtsa
tshad med pa dang ldan pas ngan song gi 'jigs pa med cing phyi ma
sangs

rgyas byang sems dang 'phrad pa yid la byed pa'i mchog tu dga' ba
dang ldan pa/ phyi ma rang dang lta spyod mtshungs pa'i byang sems
sam de las lhag pa'i dge ba'i bshes gnyen gnas pa'i zhing der skye ba/
tshul khrims kyi

phar phyin rdzogs par byed pa'i bsod nams kyi phung po tshad med pa
'byung ba/ phyi ma yang tshul khrims nyid kyi bdag nyid thob par
'gyur ba sogs gnas skabs kyi phan yon mtha' yas par gsungs shing/
mthar thug

gi phan yon ni 'di la brten nas tshul khrims kyi phar phyin yongs su
rdzogs nas bla na med pa'i byang chub {tu? wiped spot} tshang rgya
ba'o//  ! bla ma dang rgyal ba rdo rje 'chang dbyer ma mchis pa la
gus pas phyag 'tshal lo// /

@24a 'dir gsang sngags kyi sdom pa ma thob pa thob par byed pa'i
thabs/ | thob pa mi nyams pa bsrung tshul/ | nyams na phyir bcos tshul/
| sdom pa bsrung ba'i phan yon dang bzhi/ | dang po

ma thob pa thob par byed pa'i thabs ni/ lam thun mongs {sic?} bas
rgyud legs par sbyangs nas/ rdo rje slob don mtshan nyid dang ldan
pa las nyes pa gsum gyis mnyes par byas te gsol ba phur btsugs su
btab nas

blang bar bya'o//  ! gnyis pa thob pa mi nyams par bsrung tshul ni/ rdo
rje slob dpon mtshan nyid dang ldan pa tshul bzhin du bsten nas/ dam
tshig dang sdom pa'i bslab bya rnams shes par bya zhing/ khyad par du
rang la

dbang bskur ba/ rgyud bshad pa/ man ngag gnang ba gang yang
rung ba'i bla ma de dngos grub kun gyi gzhi rnam {? unclear} par
mthong nas/ nyin zhag re re bzhin dus drug tu maNDal me tog bcas
phul nas phyag 'tshal ba/ chos tshul bzhin

du nyan bshad bya ba/ gus shing bstod pa/ bla ma'i thugs dgongs
bzhin sgrub pa/ yid du 'ong ba'i yo byad {? not clear} phul ba/ rtag
tu dam tshig bsrung ba/ rtag tu bde gshegs mchod pa/ rtag tu bla ma
mchod pa/ bla ma dang rdo rje 'chang

ngo bo dbyer med du blta ba/ bla ma'i grib ma/ lham/ stan/ bzhon pa
sogs la mi 'goms pa/ bka' bzhin sgrub pa/ mi nus pa shad sbyang 'os pa
la shad sbyang bya ba/ bla ma'i rdzas srog bzhin bsrung ba/ bla ma'i
'khor

la gnyen bzhin blta ba/ bal ma'i drung du mal stan la mi 'dug pa/
dgos med du bla ma'i sngon du mi {ok?} 'gro ba/ bla ma las sngar
stan gyi steng du rkang pa mi 'jog pa/ bla ma'i mdun du yan lags bag
dang ldan par

@24b bya ba/ bla ma bzhengs pa'i tshe myur du ldang ba/ bla ma'i drung
du ma chil ma sogs mi 'dor zhing/ rkang pa kyong ba 'chag pa kha
stobs 'gyed pa/ yan lag mnye pa/ glu gar rol mo byed pa/ phre mo'i
gtam smra ba rnams spong

zhing/ bla ma'i drung du ldang 'dug gus par mi byed pa/ lus gcu ba/
ka ba sogs la bstan pa/ sor mo'i tshig 'bren pa rnams spong ba dang/
bla ma'i sku la dril phyis sku mnye sogs byed pa'i tshe thog mthar
phyag bya ba

gzhan dag gus par bya ba'i phyir bla ma'i mtshan smos tshe zhal snga
nas zhes pa sogs khyad par can gyi tshig sbyar zhing/ rgong pa dang/
lud pa sogs la lag pas kha bkab pa/ bya ba gang byed kyang de zin
nas tshog

'jam pos brda sbyar ba/ bla ma'i mdun du zhi zhing dul bar 'dug pa/
gos sogs tshul dang mthun pa bgo ba/ chos nyan pa'i tshe pus btsugs
thal mo sbyar nas gsol ba lan gsum btab pa/ nga rgyal sgeg

chos sogs spangs nas dul zhing bag yod pa byed pa/ bla ma'i gnang
ba ma thob par bla ma bzhugs pa'i nye 'khor der rab gnas dkyil 'khor
gyi las/ slob ma bsdu ba/ chos 'chad pa/ bla ma'i slob ma

rang gi slob ma byed pa sogs spong zhing/ gnang ba thob kyang
spyan 'byed ste rab gnas sogs la yon ci byung ba rnams bla ma la
phul ba/ bla mas phyir gnang na gzhan la ci bder bya ba/ slob dpon
dang bla ma

la 'bul ba dang/ des tshur gnang ba sogs la lag pa gnyis kyis gus pas
'bul ba dang len par bya ba/ /bla ma'i drung du gzhan gyis phyag bya
ba sogs bzlog pa/ rang gi kun spyod ? tshal dang mthun pa

@25a @#/ /la brtson pas/ rang gi rdo rje spun rang gi kun spyod de las
'das pa na/ dga' ba'i bsam pas thabs kyis bzlog pa bya ba sogs bla ma
bsten tshul 'di gnang che zhing/ dngos grub ma lus pa'i 'byung

gnas yin pa la/ de tshul bzhin du mi bsten cing/ de la brnyas pa'am
smod par byas na rdo rje slob dpon la brnyas smod byas pa'i rtsa
ltung/ gong gi bla ma bsten tshul gyi bslab bya de rnams las 'das na
spom po/

sdom pa gsum gyi bslab pa'i bcas pa gang yang rung ba la shes bzhin
du khyad du bsad pa'i 'gal bar byas na/ bde gshegs bka' 'das kyi rtsa
ltung/ bla ma gcig las rgyud sde bzhi gang dung gi dbang thob

par mtshungs pa'i rdo rje sdun sngags kyi sdom ldan la der 'du shes
pa'i khro ba'i sems kyis skyon brjod na rdo rje spun la khros pa'i rtsa
ltung/ sems can gang yang rung ba gcig la dmigs nas bde ba dang
bral na

dga' ba'i sems bskyed na/ sems can rnams la byams pa spong ba'i rtsa
ltung/ bdag gi sems can thams cad kyi don du byang chub bsgrub pa
ga la nus snyam pa'i bsam pas smon sems btang na byang sems

btang pa'i rtsa ltung/ theg pa gsum gang rung du gtogs pa'i rgyal
ba'i bka' gang yang rung ba la 'di sangs rgyas kyi gsungs pa'i chos
ma yin no/ zhes skur pa zhe nas btab na rang gzhan grub mtha' la

smod pa'i rtsa ltung/ dbang mtshan nyid dang ldan pas snod rung du
ma byas pa'i gang zag la der 'du shes pa'i lha'i rnal 'byor la sogs pa'i
sngags kyi gsang ba gang yang rung ba bskrags pa pha rol pos

@25b don go na/ ma smin pa la gsang ba bsgrags pa'i rtsa ltung/ rang
gi phung po lnga sangs rgyas lnga'i rang bzhin du bsgoms par bya
ba la/ sdug bsngal ba'i mi gtsang ba 'di sangs rgyas su bsgoms mi
rung zhes

brnyas pa'am rang gi phung po rgud par bya ba'i bsam pas zas bcad
pa sogs kyis rgud par byad na phung po la brnyas smod byed pa'i
rtsa ltung/ stong pa nyid la yid ma ches

nas spong na/ stong pa nyid spong ba'i rtsa ltung/ dkon mchog
dang bla mar smod pa bstan pa bshig pa sogs mdon spyod bya 'os pa'i
gang zag la lus ngag gis mdza' bar byas na/ sa dug pa can la byams
par

gyas pa'i rtsa ltung/ 'di la mngon spyod ma byas pa tsam gyis rtsa
ltung mi 'byung zhing/ yid kyis byams pa spong ba ni ma yin no/
/dbang bskur ba mtshan nyid tshang ba'i sgo nas sngags kyi sdom pa
thob phyin rang gi blo

nus dang 'tshams par bdag med phra rags gang yang rung ba ma dran
par nyin zhag gcig 'des na/ rgyan par stong nyid ma bsgoms pa'i rtsa
ltung/ sngags kyi snod du rung ba'i gdul bya sngags kyi gdams

ngag la dad cing/ don du gnyer ba la/ de'i 'dun pa bzlog 'dod kyi
bsam pas de'i sems bsun 'byin par byas nas de 'dun pa log na/ dad ldan
sun 'byin par byed pa'i rtsa ltung/ tshogs kyi 'khor

[@##line apparently missing this page]

@26a @#/ /po'am/ dpa' po'i ston mo'am/ dpa' mo'i ston mo rgyud nas
bshad pa bzhin tshul dang mthun par byas pa'i tshe sha lnga la sogs
pa'i dam tshig gi rdzas tshul bzhin du bstabs pa na mi gcod

pa dang yid mi ches pa sogs kyi bsam pas dang du mi len pa'am/ nang
gi bsgom pa kho na gtso phor gyur pa yin gyi de yod na/ phyi'i rdo
rji dzri la sogs dang lag pa'i phyag rgya sogs la dgos pa med do
zhes 'dzin na/

dam rdzas tshul bzhin ma bsten pa'i rtsa ltung/ rdo rje phag mo sogs
'jig rten las 'das pa bud med kyi tshul 'dzin pa de'i skyon brjod nas
smod pa'am/ bud med kyi rigs 'di g.yo rgyu che zhes pa lta bu bud

med kyi rigs la skyon brjod nas smod na/ phud med la smod pa'i rtsa
ltung/ rtsa ltung 'di rnams skye ba la sngags sdom dang lan zhing/
shes pa rang bzhin du gnas pa dgos la/ khyad par byang chub sems
'dod

gyi rtsa ltung ma gtogs gzhan bcu gsum po la kun dkris chen po
tshang dgos shing/ kun dkris chen po ma tshang bar rtsa ltung de
rnams kyi gzhi la zhugs na sgom pa'o/ /gzhan yang sbom po brgyad
ni/ rig

ma dbang bskur/ dam tshig dang sdom pa la bkod/ sngags kyi rgyud la
legs par bslab pa sogs kyi sgo nas ma sbyangs par rig ma bsten pa ni/
shes rab stobs kyi len pa'i sbom po/ rig ma la longs

spyod tshul rgyud sde las bkag pa ltar spyad na/ de yi bdud rtsi stobs
kyi len pa'i sbom po/ dbang ma thob pa'am/ thob kyang sngags la mi
dad pa la sngags kyi bris sku/ glegs bam/ rdor dril/ rgyan drug

@26b sogs dang/ lag pa'i phyag rgya dang/ rkang stabs sogs bstan na/
snod min pa la gsang ba ston pa'i sbom po/ tshogs 'khor dang/ dpa' bo
dpa' mo'i ston mo tshul bzhin byed pa'i tshe kha gshags cung zad dam/

thal mo brdegs pa tsam yan chad kyis rtsong na/ tshogs kyi nang du
rtsod pa'i spom po/ snod ldan gyi gang zag gis chos kyi don 'dri ba
na shes bzhin du lan log par 'debs pa na/ dad ldan la gzhan chos
ston

pa'i sbom po/ sngags sun 'byin pa'i nyan thos kyi nang du dgos pa
khyad par can med par zhag bdun 'das pa na/ nyan thos nang du
zhag bdun 'das pa'i sbom po/ lha dang sngags kyi de nyid mi shes
kyang/

lta'i sgrub thabs gcig tsam mam/ bskyed rdzogs su ming btags pa'i
dmigs pa thun re tsam bsgom pa la brten nas nga rnal 'byor pa'o
zhes 'dzin na brtsan ? gyi rnal 'byor ba rgyal byed pa'i sbom po/
dbang

thob kyang sngags la mi dad pa la gsang ba bsgrags na/ dad pa med
la chos ston pa'i sbom po/ ! sbyor ba legs par ma byas pa'i skal ba
dang mi ldan pa la gsang ba ston pa'i sbom po ni gong du bshad

zin; gzhan yang/ dkyil 'khor de'i gtso 'khor ma lus pa'i grangs
bsnyen kha skang gi sbyin bsregs dang bcas pa song ba'am/ lha'i
gnang ba thob pa sogs gang yang med par/ dkyil 'khor

de'i dbang bsar ba dang/ bdag 'jug dang/ de la brtsen nas rab gnas
sogs byas na bsnyen sogs dag par ma byas par dkyil 'khor gyi las
sogs la 'jug pa'i sdom po/ dge slong rdo rje 'dzin

@27a @#/ /pas sbyin bsregs gi tshe me reg gi dus dran/ 'brul bung ba ma
byas par bsregs na sdom pa gnyis kyi bcas pa las dgos med du 'das pa'i
sbom po dang/ so thar gyi lhung

byed gnyis skye ba'o/ /de lta bu'i rtsa ltung dang sbom po'i ltung ba
rnams ngos zin par byas te/ dam tshig tshul bzhin du bsrung dgos pa'i
dam tshig de la rigs lnga so so'i dam tshig dang/ spyi'i dam tshig gnyis

las/ dang po ni/ nyes spyod sdom pa'i tshul khrims/ dge ba chos sdud
kyi tshul khrims/ sems can don byed kyi tshul khrims te gsum la rgyun
du gnas pa dang/ sangs rgyas dkon mchog /chos dkon mchog

dge 'dun dkon mchog ste gsum la nyin mtshan dus drug tu skye bas
'gro bya ba ste drug ni rnam snang gi rigs kyi dam tshig / rdo rje dang
dril bu tshad ldan/ rang nyid lha'i skur bskyed nas sems can gyi
khams

sbyong zhing bsgom bzlas byed pa'am las dang ye shes kyi phyag
rgya bsten pa'i phyag rgya dang/ slob dpon dus drug tu mchod pa
ste bzhi/ mi bskyod pa'i rigs kyi dam tshig /zang zing gi sbyin pa/ mi 'jigs
pa'i

sbyin pa/ chos kyi sbyin pa/ byams pa'i sbyin pa/ bzhi dus drug tu sbyin
pa/ rin 'byung gi rigs kyi dam tshig /phyi bya spyod kyi rgyud sde dang/
gsang ba rnal 'byor dang rnal 'byor bla na med pa'i rgyud sde dang/
nyan

thos kyi theg pa/ rang rgyal gyi theg pa/ phar phyin gyi theg pa ste
phyi ma gsum po 'di gcig tu grangs pa'i gsum po 'di dus drug tu 'dzin
pa/ 'od dpag med kyi rigs kyi dam tshig /phyi nang gsang ba de kho na

@27b nyid kyi mchod pa sogs thams cad la rang gi stobs ci yod kyis
'bad pa khas len pa dang/ nyin mtshan dus drug tu mchod pa byed pa
ste gnyis/ don grub kyi rigs kyi dam tshig ste bsdom na bcu dgu'o/ /don
bsdu

ni byang chub tu sems bskyed pa/ sems can gyi don du sdom pa ma lus
pa gzung ba/ nyon mongs las ma grol ba rnams sgrol ba/ shes sgrib
las ma bsgral ba rnams bsgral ba/ ngan song gsum la sogs pa'i sdug

bsngal gyi dbugs ma phyin pa rnams dbug dbyung ba/ sems can rnams
myang 'das la 'god pa bcas kyi dam tshig la gnas par bya ba'o// ! gnyis
pa rigs lnga spyi'i dam tshig la rtsa ba'i dam tshig dang/ yan

lag gi dam tshig gnyis dang po rtsa ba'i dam tshig bsrung tshul ni/ rtsa
ltung dang sbom po'i ltung ba rnams nyin lan gsum mtshan lan gsum
ste dus drug tu rang rgyud la byung ma byung brtags te sngo ?
bgrang byas nas

byung 'dug na 'gyod pa drag pos phyir 'chos pa dang/ byung mi 'dug
na dga' ba bsgom zhing phyin chad srog la babs kyang mi 'byung ba
la 'bad par bya dgos te/ dus drug po der gang rung gcig la de ltar

ma byas na yang/ sbom po 'byung bas sdom sems dus drug tu brtan
pa'o/ /gnyis pa yan lag gi dam tshig la sprod ba'i dam tshig /bstan pa'i
dam tshig /spong ba'i dam tshig gzhan bstan pa dang gsum//

dang po ni rtsa gzhi chang dang bcas pa spong ba dang/ sems can
'dul ba'i phyir ma gtogs bya ba ma yin pa thams cad spangs pa la
brtson par bya ba'o// gnyis pa bsten pa'i dam tshig ni bla ma dam pa la

@28a @#/ /bsten zhing/ rnal 'byor pa rnams la bsnyan bkur dang mchod
pa bya ba/ mi dge ba cu spong gi tshul khrims la 'bad pas gnas par bya
ba'o/ /gsum pa spong ba'i dam tshig gzhan

bstan pa ni/ rang nyid theg dman lam gyis bgrod par 'dod pa mi bya
zhing/ de'i 'bras bu myang 'das rang gis thob par smon cing chags
par mi bya la/ sems can gyi don la dga' ba ci yod kyang spro

bar bya zhing/ 'khor pa ma stong kyi bar du don byed pa'i go cha
gyon pa dang/ lha dang lha min dang gsang ba pa ste gnod sbyin
bcas la brnyas par mi bya zhing/ lha'i gzugs brnyan rdzogs par byed
pa'i phyag

rgya dang/ lha'i bzhon pa dngos sam ? de'i gzugs brnyan dang/ bla
ma'i bzhon pa/ lha'i phyag mtshan sogs la 'goms par mi bya zhing/ lha
la phul ba'i mchod rdzas rnying pa zhal zas me tog yon chab

sogs kyi dman ma dang/ lha dang bla ma mchod rten sogs kyi grib
ma la sang mi 'goms shing/ gal srid mi 'gom dka' med byung na/
badzra be ga a kra ma/ zhes brjod cing/ rang nyid de dag gi

'og nas 'jug pa'i mos pa bya/ de ltar rigs lnga spyi dang so so'i dam
tshig rnams sngo bgrang byas te bsrung bar bya'o// ! gsum pa nyams na
phyir bcos tshul ni/ bla ma la brnyas smod byed pa'i rtsa ltung

lta bu la/ bla ma de mnyes pa'i phyir 'byor bci yod kyis mchod pa
dang/ skyabs 'gro sems bskyed nan tan byas nas/ dbang bskur ba tshul
bzhin du blangs nas sdom pa gsor gzhug par bya zhing/ gal srid bla

@28b ma mtshan nyid tshang ba thag ring ba sogs kyis ma 'grub tshe
rang gi bdag 'jug blangs pa'i sgo nas gsor chud par bya zhing/ 'dis
rtsa ltung gzhan rnams phyir bcos tshul yang shes par bya la/ rtsa
ltung de'i

sder gtogs pa'i spom po phyir bcos tshul ni/ bshags yul tshad ldan la
bslab pa rgan na phyag 'tshal/ gzhon na 'dud par byas nas snyan gsan
zhus te thal mo sbyar/ tsog pur 'dug ste slob dpon

yin na slob dpon dang/ min na rig pa 'dzin pa dgongs su gsol/ bdag
mi bskyod rdo rje zhes bgyi ba la ji skad yongs su brjod pa'i pham pa'i
gzhi las rdo rje theg pa'i 'dul ba dang 'gal bas nongs

pa/ bla ma la brnyas smod byas pa'i sbom po byung ste/ ltung ba de
rig pa 'dzin pa'i mdun du 'chags shing mthol te mi 'chab bo/ /bshags
shing mthol bas bdag bde bar gnas par 'gyur gyi/ ma mthol

zhing ma bshags na bde bar gnas par mi 'gyur ro/ /zhes lan gsum
brjod/ sbom po gzhan rnams la spom po'i sder ba gtogs pa'i zhes
bsgyur/ spom po'i grangs des na grangs de bzhin brjod/ grangs

ma nges na du ma zhes brjod/ bshags yul gyis khyed kyi 'di rnams
nyes par mthong ngam/ zhes brjod/ rang gis mthong lags/ zhes
brjod/ bshags yul gyis/ phyis kyang sdom par byed dam/ zhes 'dri/

rang gis/ chos bzhin 'dul ba bzhin du shin tu legs par spyi bos nod
par bgyi'o/ /zhes mthong sdom lan gsum/ thabs legs bya/ ltung ba de
dag phyir ma bcos nas zhag 'das na zhag re re la nyis 'gyur

@29a @#/ /nyis ? 'gyur du 'gro bas shin tu 'phel che bas/ de dag 'phel kha
bcad pa'i phyir rdor sems bsgom pa bzlas dang 'brel ba'i yig brgya
nyer gcig re nyin bzhin bzlas pa ma chags na 'phel

kha 'chad pa dang/ 'bum ther song na ltung ba dag par gsungs so/
/gzhan yang ltung bshags/ spyi bshags/ mdo sde/ gzungs sdags zag
mo sogs bzla ba/ stong nyid bsgom pa/ za byed mkha' 'gro'i

sbyin bsreg /gser 'od dam pa'i bshags pa sangs rgyas kyi mtshan brjod
pa sogs bshags pa'i rigs rnams la 'phad par gnad che'o/ /bshags pa
gong 'og 'di rnams kyi tshe gnyen po stobs

bzhi tshang dgos par gsungs/ gso sbyong sogs dge 'dun gyi mdun du
phyir bcos byed tshe/ phyag gsum byas 'gring ste 'dud cing thal mo
sbyar/ phyogs bcu na bzhugs pa'i sangs rgyas dang byang

chub sems dpa' thams cad dang/ dge 'dun rigs pa 'dzin pa rnams ji
skad yongs su brjod pa'i pham pa'i gzhi dang/ spom po'i gzhi las rdo
rje theg pa'i 'dul ba dang 'gal ba'i nongs pa dpag

tu med pa byung ba rnams phyir bcos pa'i cho ga la thugs gtad par
zhu/ phyogs bcu na bzhugs pa'i sangs rgyas dang byang chub sems
dpa' thams cad dang/ dge 'dun rig pa 'dzin pa rnams bdag la dgongs

su gsol/ bdag rig pa 'dzin pa ming 'di zhes bgyi ba la/ ji skad yongs su
brjod pa'i pham pa'i gzhi las/ rdo rje theg pa'i 'dul ba dang 'gal ba'i
nongs pa/ gang phyir rdo rje 'dzin pa yis/ /dngos grub

@29b slob ? dpon rjes 'brangs gsungs/ /de pas de la brnyas pa ni/ /rtsa
ba'i ltung ba dang por bshad/ /ces sogs rtsa ltung bcu bzhi'i sder
gtogs pa'i yan lag ma tshang ba'i sbom po dang/ de rnams kyi phyogs

mthun gyi nongs pa dpag tu med pa byung ba dang/ ji skad yongs su
brjod pa'i sbom po'i gzhi las/ rdo rje theg pa'i 'dul ba dang 'gal ba'i
nongs pa/ shes rab stobs kyi len pa dang/ de yi bdud rtsi stobs

kyi len/ /zhes sogs sbom po brgyad dang/ sbyor ba legs par ma byas
par/ /skal min gsang ba ston pa dang/ /gang zhig phyag rgya mi
mkhas la/ /lus kyi phyag rgya ston pa dang/ bsnyen sogs dag par ma

byas par/ /dkyil 'khor las la 'jug pa dang/ /sdom pa gnyis kyi bcas pa
las/ /dgos pa med par 'da' ba dang/ /zhes sogs spom po'i sder gtegs pa'i
dngos gzhi'i ltung ba dang/ de rnams kyi

phyogs mthun gyi nongs pa dpag tu med pa byung ba dang/ gzhan
yang rigs lnga spyi dang/ so so'i dam tshig dang sdom pa rnams
bsrung bar khas blangs pa dang 'gal ba'i dngos gzhi'i ltung ba dang/
de

rnams kyi phyogs mthun gyi nongs pa dpag tu med pa byung ba
dang/ khyad par du rigs lnga spyi dang/ so so'i dam tshig dang sdom
pa rnams kyi don thun drug tu ma dran pa dang/ rtsa ba dang yan
lag gi dam tshig dang/

sdom pa rnams kyi don thun drug tu ma dran pa dang/ rtsa ba dang
yan lag gi dam tshig dang sdom pa rnams la bsngo bgrang thun drug
tu ma byas pa dang/ bla ma lnga bcu pa'i skabs nas ji skad bshad pa
ltar gyi bla ma'i

@30a @#/ /bsten tshul rnams tshul bzhin du ma byas pa dang/ lha'i mtshan
ma dang dman ? ma sogs la 'goms pa dang/ sdom sems thun drug gi
rnal 'byor chag pa dang/ thun bzhi'i rnal

'byor dang/ thun tha ma'i gtor ma dang/ nyal ba dang/ ldang ba
dang/ khrus dang/ kha zas kyi rnal 'byor la brtson par ma byas pa
dang/ gang snang lha'i rnam rol tu ma bsgom pa dang/ brtul zhugs
nyi shu rtsa lnga 

po bsrung bar khas blangs pa dang 'gal ba'i dngos gzhi'i ltung ba
dang/ de rnams kyi phyogs mthun gyi nongs pa dpag tu med pa
byung ba dang/ gzhan yang lha dang bla ma la rkang brgyad kyis
ma bstong

pa dang/ bud med la phyag dang skor ba byed par ma bsgom pa dang/
g.yon pa'i gun spyod dang/ tshes bcu'i mchod pa la brtson par ma
byas pa la sogs pa/ mdor na rdo rje theg pa'i 'dul ba dang

'gal ba'i nongs pa dpag tu med pa byung ste/ bdag rig pa 'dzin pa
gsang ming 'di zhes bgyi bas nongs pa de rnams phyogs bcu na
bzhugs pa'i sangs rgyas dang byang chub sems dpa'

thams cad dang/ dge 'dun rig pa 'dzin pa rnams kyi spyan sngar
mthol lo/ /mi 'chab po/ /'chags so/ /phyin chad kyang ba sdoms par
bgyid lags so/ /mthol zhing bshags na bdag bde ba

la reg par gnas par 'gyur gyi/ ma mthol ma bshags na re ltar mi
'gyur ba lags so/ /zhes lan gsum bzla/ rdo rje slob dpon sogs 'os pas/
'di rnams la nongs par gzigs lags sam 

@30b gzhan rnams kyis mthong lags/ yang des/ phyin chad legs par
sdom mam/ gzhan rnams kyis chos bzhin 'dul ba bzhin du shin tu
legs par spyi bos nod par bgyi'o/ /zhes mthong sdom lan gsum thabs

legs bya ba'o// ! bzhi pa bsrung ba'i phan yon ni/ sngags sdom dang
ldan pa'i gang zag gis rtsa ltung dang/ sbom po'i ltung ba rnams
spong ba'i rigs lnga spyi dang/ so so'i dam tshig rnams bsrung na gnas
skabs

dang mthar thug gi dngos grub ma lus pa thob par 'gyur zhing/
khyad par skye ba bcu drug tshun la 'tshang rgya bar gsungs pa'o// !
slar yang so thar bslab bya bsdus pa/ thams cad mkhyen pa la phyag
'tshal

lo/ /'dir bcas ldan dge slong gis/ /zas gos gnas mal sogs la longs
spyod tshul/ rin po che phyin bzla ba bya tshul/ ltung ba phyir bcos
tshul dang gsum/ dang po/ zas la sman gyi rigs bzhi las/ dus rung gi

sman ni bcas ldan dge slong gi snga dro byin len byas pa ma zhig na
rang gnas pa'i gling gi nyi ma nam mkha'i dkyil du sleb tshun chad
longs spyod rung zhing/ de las 'des na longs spyod mi rung ba'i bza'
bca'i rig

la bya/ 'bras/ zan sha/ bya khur ba lnga/ bza' ba dang/ rtsa ba/ sdong
bu/ me tog/ 'bras bu/ yal 'dab lnga bca' ba'o/ /thun chod du rung ba'i
sman gyi rigs/ zhag bdun pa'i sman gyi rigs/ 'tsho bcang gi sman gyi

rigs dang gsum ni byin len byas na dus kun tu longs spyod rang
zhing nyin grang 'da' nas skya rengs ma shar gyi bar du longs spyod
na bsnyen par ma rdzogs pas chu grang mos rung chu yang btab
dgos pa zhig la bya/

@31a @#/ /de gsum byin gyis brlabs tshul ni/ /dang po thun tshod du rung
ba'i sman la/ lag pa bkrus byin len byas te/ yul bslab pa rgan na
phyag gsum gzhon na thang shad lan gsum bya ste snyan gsan zhus
nas/

yul rten gnyis ka'i lag pa g.yon pa'i steng du sman bzhag / g.yas
pas kha bkab ste/ gnas rten dgongs su gsol/ bdag dge slong ming 'di
zhes bgyis pa'i sman thun chod du rung ba 'di dag bdag dang tshangs
par mtshungs pa

spyod pa rnams kyis bgyi bar thun chod du rung bar byin gyis brlab
po/ /zhes lan gsum bzlas/ thabs legs dang btang rag bya/ gnyis pa
zhag bdun sman la/ spyod lam sngar bzhin byas nas/ gnas brtan
dgongs su gsol/

bdag dge slong ming 'di zhes bgyi ba'i sman zhag bdun bar rung ba
'di dag bdag dang tshangs pa mtshungs par spyod pa rnams kyis bgyi
bar zhag bdun bar rung bar byin gyis brlabs bo/ /zhes lan gsum
bzlas/ thabs leg

dang gtang rag bya/ gsum pa 'tsho bcang gi sman la/ spyod lam sngar
bzhin byas nas/ gnas brtan dgongs su gsol/ /bdag dge slong ming 'di
zhes bgyi ba'i sman ji srid 'tsho'i bar du rung ba 'di dag bdag dang
tshangs pa

mtshungs par spyod pa rnams kyis bgyi par ji srid 'tsho'i bar du rung
bar byin gyis brlab bo/ /zhes lan gsum bzlas/ thabs legs dang btang
rag bya/ ! zas gcod gyi chog byas na/ byin lan ma byas pa/ lag nya/?
gsog

'jog sogs kyis nyes pa khegs pas/ de'i tshul ni/ byin lan ma byas na bcas
pa dang 'gal bas/ de bas zas bcad snyam ste nyin gcig zas bcad/ da ni
zas bcad na shin tu rnyed dga' ba'i dal 'byor gyi rten 'di chud zos

@31b su 'gyur dogs nas/ de bas cung zad za snyam ste nyin dang por
zas spar gang/ nyin gnyis par spar do/ gsum pa nas ji tsam dgos pa
za'o/ ! gos la 'tsho ba'i yo byad/ ltag pa'i yo byad/ mkho ba'i yo byad
dang gsum/ /

dang po 'tsho ba'i yo byad ni/ snam sbyar sogs bcu gsum ste rang gi
yin pa'i 'du shes kyis bcang/ lhag pa'i yo byad ni/ de rnams kyi lhag
ma rnams te gzhan gyi yin pa'i 'du shes kyis bcang / mkho ba'i yo byad
ni/ dar yugs

gos yugs ras yugs/ snam bu sogs zong gos su nges pa dang ma nges
pa ci rigs te rang gzhan thun mong gi yin pa'i 'du shes kyi bcang
ngo/ /'tsho ba'i yo byad phran tshogs ni/ zhwa ska rags gdan sogs dang/
ltag

pa'i yo byad phran tshogs ni/ zhwa ska rags gdan sogs lhag po rnams
dang/ mkho ba'i yo byad phran tshogs ni/ dar gos ras snam bu sogs
khrug gang du ma longs pa rnams la bya'o// ! rkyen dbang gi chos
gos rnam

gsum byin gyis brlab dgos pa byung tshe/ de'i tshul ni/ snam sbyar lta
bu la/ mtshams nang du snam sbyar lus nas gnas gzhan la zhag du
bsdod dgos pa byung 'tshe snam sbyar de'i byin brlab dbyung nas/ byin
gyis ma brlabs

pa'i gos gang yang rung ba zhig snam sbyar du byin gyis brlabs dgos
pas/ de'i tshul ni/ yul bslab pa rgan na/ phyag gsum/ gzhon na thang
shad la lan gsum bya ste/ snyan gsan zhus nas/ gnas brtan dgongs
su gsol

bdag dge slong ming 'di zhes bgyi ba'i gos 'di snam sbyar du byin gyis
brlab bo/ zhes lan gsum/ thabs legs dang gtang rag bya/ yul med na
snyan gsan dang thabs legs mi dgos/ dgongs gsol la/ lha dgong

@32a @#/ /su gsol/ zhes sngar bzhin rang gi byin gyis brlab du rung
ngo/ /'tsho ba'i yo byad lhag pa'i yo byad mkho ba'i yo byad rnams kyi
gos dngos phran tshogs rin po che sogs las gzhan pa'i rdzas spong
lcog gdan

khri sgam sogs shing cha'i rigs dang/ ras phad sgye mo tsam por
khog ma sogs snod kyi rigs/ yol ba gnam gdan sgo yol bsham bu
sogs kha gang lan chang gyi rin thang tshang ba rnams la byin
brlab bya dgos pas/ de'i

tshul ni/ yul bslab pa rgan na phyag gsum/ gzhon na thang shad lan
gsum bya ste/ snyan gsan zhus nas/ gnas brtan dgongs su gsol/ bdag
dge slong ming 'di zhes bgyi ba'i rdzas 'di bdag dang tshangs par

mtshungs pa spyod pa rnams la mkho ba'i yo byad gyi rdzas su byin gyi
brlab bo/ zhes lan gsum/ thabs legs dang gtang rag bya/ yul med na
yang yar bzhin byin gyis brlab/ kha gang yan chad kyi rin thang
mtshong

ba rnams yid gyis rtags te zhen pa med par bcang/ dge slong gi 'chad
du me rung ba mtshon cha/ rta nor/ phar gtang phra bo sogs khyim
pa zhi zhig la yid gtang de bcang ngo// ! gnas mal la dge slong gi
gnas

khang chung tshang spyod lam bzhi shong/ che tshad khang pa'i nang
gi srid du rdul khru bco brgyad/ zhing du rul khru phyed bcu gcig
/gdan la nyal stan dang; bsam gtan gyi gdan gnyis/ nyal stan ni
chung tshad srid du khru phyed

gsum/ che tshad srid du khru phyed lnga/ 'bring tshad de gnyis kyi bar/
zhing du khru do sor drug /bsam gtan gyi gdan ni khru do gru bzhi
pa'o/ / ! gnyis pa rin po che ni/ gser dngul pad ngags g.yu byi ru mu
man mu tig 

@32b sogs rin po che yongs grags rnams drang/ zangs lcags 'khar
nga zha nye tig cha sogs kyi rigs rnams la rin po che'i byin brlab bya
dgos pas/ de'i tshul ni/ yul bslab pa rgan na phyag gsum/ gzhon na
thang shad lan gsum

pa ste; snyan gsan zhus nas/ gnas brtan dgongs su gsol/ bdag dge
slong ming 'di zhes bgyi ba'i dngos po rung ba ma lags pa 'di rnyed
de/ bdag dge slong ming 'di zhes bgyi ba'i dngos po rung ba ma lags
pa 'di byin

gyis brlab bo/ dngos po rung ba ma lags pa 'dis dngos po rung ba
sgrub par bgyi'o/ /zhes lan gsum/ thabs legs dang gtang rag bya/ yul
med na sdang bzhin bya'o// ! gsum pa ltung ba phyir bcos tshul ni/ /

pham pa 'chab bcas byung ba de dge 'dun gyi gnas nas bskrad/ bskrad
yul des gnyen po stobs bzhi'i sgo nas bshags pa bya/ pham pa 'chab
med ni sngar bzhin bya ba'am yang na dge 'dun las bslab pa nod de

ji srid 'tsho'i bar du khyad par can gyi spyod pa lnga spong zhing
dman spyod lnga dang du blang ba'i sgo nas bshags pa bya/ lhag ma
'chab bcas ni dge 'dun las spo mgu dbyung gsum nod spyad sogs kyi
sgo nas bshags/ /

'chab med mgu ba dang dbyung ba gnyis kyi sgo nas bshags pa bya/
gang zag khyad par can gyi lhag ma sbom po ltung byed sor bshags
nyes byas sogs ni/ ltung ba ming rigs mthun pa'i ma gos pa'i dge
slong rnam dag

zhig gi mdun du phyir bcos byed chog par gsungs pas/ de'i tshul ni/
khu ba 'byin pa'i lhag ma lta bu la/ yul bslab pa rgan na phyag gsum/
gzhon na thang shad lan gsum bya ste/ snyan gsan zhus nas/ bcab
nyes

@33a @#/ /yod na thog ma de bshags dgos pas/ de'i tshul ni/ gnas brtan
dgongs su gsol/ bdag dge slong ming 'di zhes bgyi ba la ltung ba
nyes byas kyi sde tshan las/ khu ba 'byin pa'i lhag ma byung ba

dgung zhag du ma bcab pa'i nyes pa byung ste/ bdag dge slong ming
'di zhes bgyi ba'i nyes pa de gnas brtan gyi mdun du mthol lo/ /mi
'chab bo/ /'chags so/ /mthol zhing bshags na bdag bde ba la reg par
'gyur gyi

ma mthol ma bshags na ni mi 'gyur ro// zhes lan gsum/ mthong sdom
'dri/ thabs legs dang gtang rag bya/ ltung ba dngos gzhi ni phyag
sogs spyod lam sngar bzhin la/ gnas brtan dgongs su gsol/ bdag

dge slong ming 'di zhes bgyi ba la ltung ba lhag ma'i sde tshan las/
khu ba 'byin pa'i lhag ma byung ste/ bdag dge slong ming 'di zhes
bgyi ba'i ltung ba de gnas brtan gyi mdun du mthol lo/ /mi 'chab bo/
/'chags

so; mthol zhing bshags na bdag bde ba la reg par 'gyur gyi/ ma
mthol ma bshags na ni mi 'gyur ro/ /zhes lan gsum/ mthong sdom
'dri/ thabs legs dang gtang rag bya/ des lhag ma gzhan rnams dang
sbom

po ltung byed sor bshags nyes byas rnams kyang phyir bcos tshul
shes par bya/ gang zag khyad par can ma yin pa'i spang ltung phyir
bcos byed tshul la/ thog mar spang 'bral sngon du btang dgos pas/
de'i tshul ni/ /

spang ltung phog pa'i gzhi'i rdzas de nyid dang/ spang ltung de'i
phyis rnyed kyi rdzas khru gang yan chad dang/ de'i rin thang
tshang ba'i rdzas/ zas kham du longs pa/ da lta spang 'os su yod pa
rnams zhag gcig dge slong zhig

@33b la gnas tha dad du spang dgos shing/ khyad par lhung bzed
'tshol ba'i spang ltung gi gzhi'i lhung bzed de dge 'dun la phul te/
rgan rim gyi ngan pa dang brjes nas mthar lhag pa de rgyun du
bcang dgos pa'i chad len byung/ /

byin 'phrog gi spang ltung phog pa'i gzhi'i rdzas de phyir gtad de
gtan du spang dgos/ de nas ltung ba ming rigs mthun pa'i ma gos pa'i
dge slong rnam dag zhig la bshags yul bcol/ des khyed spang 'bral
sngon du song

ngam zhes 'dri/ rang gi song lags zhes brjod/ de nas zhag bcu 'chang
spang lta bu la/ yul bslab pa rgan na phyag gsum/ gzhon na thang
shad lan gsum bya ste/ snyan gsan zhus nas/ bcab nyes yod na/ thog
mar de

bshags dgos pas/ de'i tshul ni/ gnas brtan dgongs su gsol/ bdag dge
slong ming 'di zhes bgyi ba la/ ltung ba nyes byas kyi sde tshan las/
gos zhag bcu 'chang spang gi ltung ba byung ba dgung zhag du ma
bcab

pa'i nyes pa byung ste/ bdag dge slong ming 'di zhes bgyi ba'i nyes pa
de gnas brtan gyi mdun du mthol lo/ /mi 'chab bo/ /'chags so/ /mthol
zhing bshags na bdag bde ba la reg par 'gyur gyi/ ma mthol ma

bshags na ni mi 'gyur ro/ /zhes lan gsum/ mthong sdom 'dri/ thabs
legs dang gtang rag bya/ ltung ba dngos gzhi ni phyag sogs spyod
lam sngar bzhin la/ gnas brtan dgongs su gsol/ bdag dge slong

ming 'di zhes bgyi ba la ltung ba ltung byed kyi sde tshan las/ gos
zhag bcu 'chang spang gi ltung ba byung ste/ bdag dge slong ming
'di zhes bgyi ba'i ltung ba de gnas brtan gyi mdun du mthol lo/ /mi
'chab bo/ /

@34a @#/ /'chags so/ /'thol zhing bshags na bdag bde ba la reg par 'gyur
gyi/ ma mthol ma bshags na ni mi 'gyur ro/ /zhes lan gsum/ mthong
sdom 'dri/ thabs legs dang gtang rag bya/ /

des spang ltung gzhan dang/ 'ba' zhig /sor bshags nyes byas rnams
kyang phyir bcos tshul shes par bya zhing/ dmigs la ltung byed 'ba'
zhig pa sor bshags nyes byas rnams la spang 'bral sngon du btang
mi

dgos/ khab ral 'chos pa'i ltung byed kyi gzhi khab ral de bcag pa
sngon du 'gro dgos/ sor bshags la bcab nyes med kyang mthol ba
dang bshags pa so sor bya dgos/ gzhan sngar bzhin phyir bcos bya/
sdom pa'i

bshags tshal yang pham pa'i sder gtogs kyi sbom po lci ba yul dge
slong drug yan chad kyi mdun du bshags/ pham pa'i sbom po yang ba
yul dge slong bzhi yan chad dang/ lhag ma'i sbom po lci ba dge
slong lnga yan chad/

lhag ma'i sgrom ? po yang pa dge slong gcig gi mdun du bshags dgos
zhing/ de'i tshul ni/ sbom po zhes ming brje ba ma gtogs phyir bcos
byed tshul gyi cho ga gong bzhin du shes par bya'o/ /bshags pa 'di
rnams kyang

gi tshe gnyen po stobs bzhi nges par tshang dgos pa ni/ mdo rtsa ba
las/ bsam pas ltung ba las ldang gis/ chad pa'i las kyis ni ma yin no/
/zhes gsungs/ ! ltung bas ma gos pa la brtson zhing/ gal te gos

bshags pa la rgyun du 'bad pa bya/ dge slong 'dod chung chog shes
can gyi zas gos gnas ma la sogs longs spyod tshul la brten nas yang
sbyangs pa'i yon tan bcu gnyis 'jog ste/ de yang/ bsod snyoms pa
dang/ stan

@34b gcig phyis mi len/ /chos gos gsum dang phying pa phyag dar
khrod/ /dgon pa shing drung pa dang bla gab med/ /tsog pu dur
khrod pa dang gzhi ji bzhin/ /zhes gsungs pa ltar/ dang po bsod
snyoms pa la/ rnyed pa'i chog pa'i

bsod snyoms pa dang/ mthar gyis slong ba gnyis/ dang po ni/ nyin
zhag gcig tu 'brel ba'i khyim gcig gnyis tsam las zas blang ste longs
spyod/ de phan chod mi slong snyam pa dang/ gnyis pa ni/ khyim
bzang ngan mi 'dom

pa mthar chags su slong ba'o/ /gnyis pa stan gcig pa la/ stan gyi
mtha' can gyis stan gcig pa/ chu'i mtha' can gyis stan gcig pa/ zas kyi
mtha' can gyis stan gcig pa dang gsum/ /de gsum ni nyin

zhag gcig du zas len gcig las mi za bar mtshungs kyang/ dang pos ni/
zas za ba'i stan de las langs nas mi za snyam pa dang/ gnyis pas ni
stan de las ma langs yang kha bshal ba sa chu blangs nas mi za

snyam pa dang/ gsum pas ni/ stan de las ma langs shing kha bshal
ba'i chu ma blangs yang zas kyi kham tha ma ming nas mi za snyam
pa'o/ /gsum pa phyis mi len pa la/ dus gcig pa dang/ gsog rung ba
gnyis

dang po ni/ nyin zhag gcig tu dus rung gi zas ji tsam dgos pa blangs
nas byin len dus gcig tu bya ste/ za bar brtsams pa nas phyis mi len
pa dang/ gnyis pa ni/ nyin zhag gcig tu dus rung gi zas

ji tsam dgos pa blangs nas byin len rim bzhin bya ste/ za bar brtsams
pa nas phyis mi len pa'o/ /bzhi pa chos gos gsum pa ni/ chos gos gsum
gtso bor 'chang ba la byed cing/ 'tsho ba'i yo byad

@35a @#/ /gzhan rnams 'chang mi rung ba min la/ lhag pa'i yo byad
dang mkho ba'i yo byad kyi gos mi 'chang ba'o/ /lnga pa phying pa ba
ni/ gos thams cad lugs gi bal las byed pa 'chang gi/

de las gzhan pa'i gos mi 'chang ba'o/ /drug pa phyag dar khrod pa la/
dor ba phyag dang khrod pa dang/ dus tshigs su bcad pa'i phyag dang
khrod pa gnyis/ dang po ni/ gzhan gyis dor ba'i gos kyi dum bu rnams
brku

ba drub pa kha bsgyur ba sogs byed pa'i gos 'chang gi /de las gzhan
pa'i gos mi 'chang ba dang/ gnyis pa ni gzhan gyi zla ba bzhi yan
chad longs spyad zin pa'i gos 'chang gi /de las gzhan pa'i gos mi
'chang

ba'o/ /bdun pa dgon pa ba ni grong las rgyang grags gcig yan chad
kyi bar du chod pa'i dben par gnas 'cha' zhing/ de las gzhan du gnas
mi 'cha' ba'o/ /brgyang pa shing drung pa ni shing drung dben pa'i
gnas

su gnas 'cha' zhing/ de las gzhan du gnas mi 'cha' ba'o/ /dgu pa bla
gab med pa ni/ steng ma g.yog pa'i phyogs su gnas 'cha' zhing/ de las
gzhan du gnas mi 'cha' ba'o/ /bcu pa tsog pu ba la che

'bring chung gsum/ dang po ni/ nyin mtshan gang la yang nyal ba mi
byed cing 'dug pa'i tshe g.yas g.yon rgyab mdun gang yang rtsigs
pa sogs la mi brten pa tsog pur 'dug pa dang/ gnyis pa ni/ rgyal
rtsigs

pa sogs la brten cing g.yas g.yon mdun rnams mi brten pa tsog
pur 'dug pa dang/ gsum pa ni g.yas g.yon rgyab rnams rtsigs pa
sogs la brten cing/ mgo sngas la mi 'jog par tsog pur 'dug

@35b pa'o; /bcu gcig pa dur khrod pa la/ phyogs thams cad dur khrod
pa dang/ phyogs 'ga' dur khrod pa gnyis/ dang po ni/ zas gos snod
spyad gnas mal thams cad dur khrod kyi rdzas la brten cing/ de las
gzhan du mi brten pa

dang; gnyis pa ni/ zas gos snod spyad gnas mal rnams la 'ga' zhig
dur khrod kyi rdzas la brten pa'o/ /bcu gnyis pa gzhi ji bzhin pa ni/
rtsa'am lo ma bting ba'i stan la mal 'chal bar byed cing/ de las
gzhan pa'i stan la

mal mi 'cha' ba'o/ /bcu gnyis po 'di rnams yid kyi dam bca' byed pa'i
steng nas 'jog go/ /tshig bcad 'don pa'i gnas skabs yang bcu bdun yod/
ngal gso ba/ chu bcu ba/ chu'i 'byung khungs khron pa brko ba/ /

chu la longs spyod pa/ sbyin bdag gi zas la longs spyod pa'i skabs
dang lnga la/ mdo nas gsungs pa'i sbyin pa'i tshig bcad gar yang rung
ba 'don/ sbyin bdag gi bsngo ba ldan pa ldog pa/ mdo bskul ba/ lhung

bzed gyi chu sbyin pa/ dri gtsang khang du 'jug pa/ mchod rten sku
'dra 'am de dag gi gri/ ba ma sogs la 'gom dgos pa byung ba/ phyi rol
pa'i lha gnas su 'gro ba/ 'jig rten pa'i lha gnas su 'gro ba'i skabs

dang bdun la/ mdo nas gsungs pa'i mi rtag pa'i tshig bcad gang yang
'don/ gso khang bstan pa'i 'jug dang/ dge 'dun gyi don du ljon shing
bcod pa/ spong ba pa rnams bsam gtan las langs te

ci bder bya ba/ khyim pa'i khyim du mtshan mo gnas pa/ rkyal ba'i
bsregs pa'i skabs dang lnga la rgyud chags gsum pa 'don par bya'o//
! mdor na 'dul ba nas gsungs pa'i bslab bya'i gnad rnams la

@36a @#/ /spang blangs tshul bzhin bya dgos te/ bslab pa la gces spras
med par nyes ltung la spyod na skra bregs shing gos dur smrig gyon
pa ni/ dgos pa chung ste/ mdo ting nge 'dzin rgyal po las/ sangs

rgyas bstan pa 'di la rab byung nas/ /sdig pa'i las rnams shin tu spyad
par byed/ /nor dang 'bru la snying po 'du shes shing/ /bzhon dang ba
glang shing rta rnams la chags/ /gang la bslab pa'i nan tan med pa
rnams/

de dag gis kyang ci phyir mgo bo bregs/ /zhes gsungs pa ltar ro/
/bslab pa'i gzhi rnams la spang blangs tshul mthun byas na phan yon
tshad med pa 'byung ba lta ci smos/ bslab pa'i gzhi pha mo gcig la nyin

zhag gcig tu sbyong na yang bsod nams dpag tu med pa gsungs te/
mdo ting nge 'dzin rgyal po las/ bskal pa bye ba gangga'i bye snyed
du/ dwangs ba'i sems kyis zas dang skom rnams dang/ /gdug dang ba
dan

mar me'i phreng ba yis/ /sangs rgyas bye khrag khrig rim gro byas/
/gang gi dam chos rab tu 'jig pa dang/ /bde gshegs bstan pa 'gags par
'gyur ba'i tshe/ /nyin mtshan du ni bslab pa gcig spyod pa/ /bsod nam 'di
ni de bas khyad par 'phags

zhes gsungs// // ! oM swamb+ha ra samb+ha ra/ bi ma na sa ra ma hA dza
ba hUM/ oM sma ra sma ra bi ma na ska ra ma hA dza ba hUM/ lan
bdun brjod na dge ba 'bum 'gyur du 'gro bar gsungs/ oM d+ha re d+ha
re b+ha md+ha re swA hA/ lan bdun brjod na dge ba grangs

med du 'gyur bar gsungs// oM ru tsi ra ma Ni pra wA rta ya hUM/ lan
bdun brjod nas 'phreng ba la btab na 'phreng ba de bgrang ba'i bzlas
pa 'bum 'gyur du 'gro bar gsungs/ oM na mo manydzu shri ye/ na maH
su shri ye/ na maH

@36b u tta ma shri ye swA hA/ brjod nas brkyang phyag gsum byas
nas bde gshegs bka' rnams klog pa'i bsod nams thob cing/ phyag
stong 'gyur du 'gro bar gsungs/ na mo ratna tra yA ya/ oM na mo
b+ha ga wa te/ badzra sA ra pra marda

ne/ ta thA ga tA ya/ a rha te samya swaM bu dd+ha ya/ ta dya thA/
oM badze badzre/ ma hA badzre/ ma hA te dza badzre/ ma hA bi dya
badzre/ ma hA bo d+hi tsi tta badzre/ ma hA bo rhi maNDo ba saM pra
ma Na badzre/ sarba ka rma A wa ra Ni bi sho d+ha na badzre swA hA/
mchod pa'i

sprin gyi gzungs 'di brjod nas mchod pa phul na rgyal ba sras bcas
thams cad kyi spyan sngar mchod pa'i char chen po 'bab par gsungs/
oM AH bai ra hUM/ khe tsa ra swA hA/ lan bdun brjod nas shi la
btab na sha

de gang las byung ba'i sems can de bde 'gror skye bar gsungs/ oM
khre tsa mag na hUM hri swA hA/ lan bdun brjod nas rkang mthil
la btab na rkang 'og tu shi pa'i sems can de bde 'gror skye bar
gsungs/ na mo

b+ha ga wa te/ ratna ke tu rA dzA ya/ ta thA ga tA ya/ a rha he
samya ksaM bu dd+ha ya/ ta dya thA/ oM ra tne ra tne ma hA ra tne
ra tne bi dza ye swA hA/ 'di brjod nas phyag dang skor ba byas na
phyag dang skor ba stong 'gyur du 'gro bar gsungs/ /

gzungs 'di rnams kyang khungs shin tu btsun pas rgyu na du nyams
len mdzad na tshogs rlabs po che rdzogs par 'gyur ro// sdom gsum
bslab bya nor bu'i 'od phred 'di/ /bslab gsum rnam par dag

pa'i rgyar gyur nas/ /sgo gsum nyes spyod bsdams pa'i skye 'gro rnams/
/sku gsum go 'phang myur du thob par shog /dge 'dis mtshon nas dus
gsum dang 'brel ba'i/ /bdag gzhan dge ba'i rtsa ba ji

@37a @#/ /snyed pa/ /de dag thams cad skye zhing skye ba ru/ /byang
chub mchog gi rjes su mi mthun pa'i/ /shes kyi khe 'dod pa dang grags
pa dang/ /'khor dang longs spyod rnyed dang bkur sti'i rgyur/ /skad
cig tsam

yang nam yang mi smin par/ /bla med byang chub kho na'i rgyur gyur
cig/ (ces sdom pa gsum gyi bslab bya nor bu'i 'od 'phreng zhes bya ba
'di/ dam pa rnams kyi gsung gi cha shas bsdus pa yin pas rang bzo'i
nyes pa med la rgyas pa ni sdom gsum gyi bslab bya rgyas

pa rnams las shes par bya dgos shing/ 'di ni tshig nyung la don go bde
ba zhig dgos zhes bde gsal dge slong byang chub yon tan dang/
mon chos dge slong ngag dbang bde ldan/ rme ru dge slong ngag
dbang bstan dar bcas nas bskul ba la brten/ ^ gongs skyabs

mgon chen po'i mtshan zhabs dge ming pa 'bras tre bo tshe dbang
bsam 'grub kyis bgyis pa 'dis kyang bstan pa rin po che 'phel zhing
rgyas pa'i rgyur gyur cig/ //dge bshes tshe dbang bsam 'grub kyis mdzad
pa'i/ /sdom gsum bslab bya nor bu'i 'od 'phreng ba

'di; ;dkar mdzes dge slong blo bzang nyi ma dang/ /dge bsnyen blo
bzang phrin las thun mong gis/ /dpar du bskrun pa'i rnam dkar dge
tshogs mthus/ /ma rgan 'gro rnams skye zhing skye ba ru/ /tshangs
spyod bslab gsum ldan pa'i rten thob zhing/ /ngur smrig 'dzin pa'i

mchog tu 'gyur bar shog /bdag kyang deng nas tshe rabs thams cad
du/ /tshad ldan bshes gnyen dam pas rjes bzung ste/ /byang sems yang
dag lta dang rim gnyis kyi/ /tshe gcig sangs rgyas sgrub la brtson par
shog /