@01a @#/ /phyogs chos 'khor lo'i gtan tshigs dgu'i re mig la 'god
tshul bcas bzhugs so// //

@01b! /tshad ma'i mdo'i dngos bstan gtan tshigs kyi dbye ba/ bsdu
ba/ mthun dpe/ phyogs chos can gyi gtan tshigs ba dgu gsungs pa'i
dgos pa/ 'khor lo la 'god tshul dang lnga/

dang po ni/ phyogs chos mthun phyogs yod med dang/ /rnam gnyis
re re dag la yang/ /rnam gsum mi mthun phyogs la yang/ /yod med
rnam pa gnyis phyir ro/ /zhes pa'i phyogs chos can gyi gtan
tshigs kyi sgras brjod pa

dgu bstan nas/ dgu po de'i rtags sgrub bya'i chos chos can dpe
rnams ston pa la/ gzhal bya byas dang mi rtag dang/ /byas dang
mnyan bya rtsol las byung/ /mi rtag rtsol byung reg min ba/ /de
dgu rtag la sogs pa'o/

zhes pa'i rtags dgu bstan/ ! /rtag la sogs pa'o zhes pa'i sgrub
bya'i chos dang po dngos su bstan nas/ lhag ma brgyad shugs la
bstan yang/ tshigs su bcad na/ rtag dang mi rtag rtsol byung
dang/ /rtag dang rtag dang rtag pa dang/

rtsol byung min dang mi rtag rtag /de dgu sgrub bya'i chos su
'gyur/ ! /sgra dang sgra dang dung sgra dang/ /sgra dang sgra
dang dung sgra dang/ /dung sgra dung sgra sgra dang ni/ /de dgu
chos can dag tu 'gyur/ ! /gnyis pa ni/

@02a @#/ /gtan tshigs dgu po de bzhir 'du ba yin te/ rtags yang
dag gnyis/ de sgrubs kyi 'gal rtags gnyis/ dngos kyi ma nges
pa'i rtags bzhi/ dbus kyi

thun mong ma yin pa'i ma nges pa'i rtags gcig dang bzhir 'du
ba'i phyir te/ steng 'og gnyis la yang dag gnas/ /logs gnyis
'gal ba'i gtan tshigs so/ /zur bzhi dngos kyi ma nges pa/ /dbus
na thun mong

min ma nges/ /zhes gsungs pa'i phyir/ ! gsum pa ni/ gtan tshigs
'khrul 'khor rnam pa yis/ /dpe yi rnam pa 'di lta ste/ /nam
mkha' bum dang bum mkha' bzhin/ /bum pa glog dang nam mkha'
bzhin/ /nam

mkha' bum dang bum mkha' bzhin/ /mkha' dang bum pa glog bzhin
dang/ /glog dang nam mkha' bum pa bzhin/ /bum pa glog dang nam
mkha' bzhin/ /nam mkha' rdul phran las bum rnams/ /'di ni nges
pa'i dbang byas

yin; ! ;bzhi pa ni/ gang phyir gtan tshigs zhes sogs gsungs pa la
dgos pa yod de/ mtshan gzhi 'bras rang ma dmigs pa'i rtags gsum
gyi grangs nges shes pa'i ched du'o// //

@02b ! lnga pa 'khor lo la 'god tshul la/ re mig dgu yod pa'i
dang po gsum la 'di ltar rim pa bzhin bkod/ re mig dang po sgras
zin la/ sgra chos can/ rtag ste/ gzhal bya yin pa'i phyir/ zhes
bkod pa sgras brjod lta bu yin/ don la/ sgra chos can; rtag ste/
gzhal bya yod pa'i phyir/ dper na nam mkha' dang bum pa bzhin/
zhes pa lta bu yin te/ gzhal bya yod pa de sgra rtag par sgrub
pa'i mthun phyogs dang mi mthun phyogs gnyis ka la khyab byed du
'jug pa'i gtan tshigs yin pa'i phyir/ /

sgra chos can/ mi rtag ste/ byas pa'i phyir/ dper na/ bum pa
dang nam mkha' bzhin/ zhes pa lta bu lteng du bkod pa'i rtags
sbyor yang dag yin no/ byas pa sgra mi rtag par sgrub pa'i mthun
phyogs la khyab byed dang mi mthun phyogs la gtan med du 'jug
pa'i gtan tshigs yang dag yin te/ mi rtag pa la byas pas khyab;
mi rtag pa ma yin pa la byas pa gtan nas med do/ /

dung sgra chos can/ rtsol byung yin te/ mi rtag pa'i phyir/ dper
na bum pa dang glog dang nam mkha' bzhin/ zhes bkod pa'i tshe mi
rtag pa de dung sgra rtsol byung du sgrub pa'i mthun phyogs la
khyab byed dang mi mthun phyogs la rnam gnyis su 'jug pa'i gtan
tshigs yin te; rtsol byung la mi rtag pas khyab/ rtsol byung ma
yin pa la mi rtag pa dang rtag pa gnyis yod pa'i phyir/ /

@03a ! re mig bar pa gsum la rim pa bzhin 'di ltar bkod/ 'khor
lo'i sgras zin la/ sgra chos can/ rtag ste/ byas pa'i phyir/
zhes bkod pa'i tshe/ byas pa sgra rtag par sgrub pa'i mi mthun
phyogs la khyab byed du 'jug pa'i rtags su bkod pa/ rtag pa'i mi
mthun phyogs la mi rtag pa'i khyab pa 'dod pa'i rgol ngor sam
bkod pa'i don yin no la sgra chos can/ mi rtag pa ma yin te/
byas pa yin pa'i phyir/ dper na/ nam mkha' dang bum pa bzhin
zhes bkod pa'i tshe/ byas pa de'i mthun phyogs la gtan mang mi
mthun phyogs la khyab byed

re mig dbus ma la/ sgra chos can/ rtag ste/ mnyan bya yin pa'i
phyir/ dper na/ bum pa bum pa dang nam mkha' bzhin/ zhes bkod
ba'i tshe mnyan bya sgra rtag par sgrub pa'i mi mthun phyogs la
gtan med du gsungs pa ni/ mnyan bya sgra rtag par sgrub pa la
phyogs chos can du song ba'i rgol ba'i ngo bor mthun phyogs
dang/ mi mthun phyogs gnyis ka la gtan med du song ba'i don yin
te/ rgol ba des phyogs gang la yang yod med ma nges pa'i phyir/

dung sgra chos can/ rtag ste/ rtsol byung yin pa'i phyir/ dper
na/ nam mkha' dang bum pa dang glog bzhin no/ /zhes bkod pa'i
tshe/ rtsol byung dung sgra rtag par sgrub pa'i mthun phyogs la
gtan med dang/ mi mthun phyogs la rnam gnyis su 'jug pa'i gtan
tshigs yin te/ rtag pa la rtsol byung gnyan nas med kyang/ rtag
pa ma yin pa la rtsol byung bum pa dang/ rtsol byung ma yin pa
glog gnyis yod pa'i phyir/

@03b ! re mig mtha' ma gsum la rim pa bzhin 'di ltar bkod/ dung
sgra chos can/ rtsol byung ma min te/ mi rtag pa'i phyir/ dper
na/ glog dang nam mkha' dang bum pa bzhin/ zhes bkod pa'i tshe/
mi rtag pa dung sgra rtsol byung ma yin par sgrub pa'i mthun
phyogs la rnam gnyis dang mi mthun phyogs la khyab byed du 'jug
ste/ rtsol byung ma yin pa la mi rtag pa dang rtag par gnyis
yod/ rtsol byung la mi rtag pa'i khyab pa'i phyir/

dung sgra chos can/ mi rtag ste/ rtsol byung yin pa'i phyir/
dper na/ bum pa dang glog dang nam mkha' bzhin/ zhes bkod pa'i
tshe rtsol byung de dung sgra mi rtag par sgrub pa'i mthun phyogs
la rnam gnyis dang mi mthun phyon lag tan med du 'jug pa'i 'og
tu bkod pa'i gtan tshigs yang dag yin te/ mi rtag ba la rtsol
byung yin min gnyis yod/ mi rtag pa ma yin pa la rtsol byung
gtan nas med do/

bye brag pas rtag mi rtag gnyis ka la reg bya can min pa dang
yin pa gnyis gnyis 'dod pa'i de'i ngo bor sgras zin la/ sgra
chos can/ rtag ste/ reg bya can ma yin pa'i phyir; dper na/ nam
mkha' dang rdul phran dang las dang bum pa bzhin zhes bkod kyang
don la zla gcig zla gnyis su snang ba'i dbang shes chos can/
mngon sum yin te/ dbang shes yin pa'i phyir/ zhes bkod pa'i tshe/
dbang shes de de'i phyogs gnyis ka la rnam pa gnyis gnyis su
'jug tshul shes bar bya'o// //