@001a @#/ /dga' ldan byang rtse thos bsam nor gling grVa tshang gi
chos spyod bskal bzang mgrin rgyan zhes bya ba bzhugs so//

@001a @##/ /phyogs bcu dus gsum gyi de bzhin bshegs pa thams cad
kyi sku gsung thugs yon tan 'phrin las thams cad kyi ngo bor
gyur pa/ /chos kyi phung po stong phrag brgyad cu

rtsa bzhi'i 'byung gnas/ 'phags pa'i dge 'dun thams cad kyi
mnga' bdag /drin can rtsa ba dang brgyud par bcas pa'i dpal ldan
bla ma dam pa rnams la skyabs su mchi'o/ /sangs rgyas la skyabs

su mchi'o/ /chos la skyabs su mchi'o/ /dge 'dun la skyabs su
mchI'o/ /yi dam dkyil 'khor gyi lha tshogs 'khor dang bcas pa
rnams la skyabs su mchI'o/ /dpal mgon dam pa chos skyong ba'i
srung ma

ye shes kyi spyan dang ldan pa rnams la skyabs su mchI'o/ {/lan
gsum brjod/} /sangs rgyas chos dang tshogs kyi mchog rnams la/
/byang chub bar du bdag ni skyabs su mchi/ /bdag gis sbyin sogs
bgyis pa 'di

@002a @#/ /dag gis/ /'gro la phan phyir sangs rgyas 'grub par
shog {/lan gsum brjod/} dkon mchog gsum la bdag skyabs mchi/
/sdig pa thams cad so sor bshags/ /'gro ba'i dge la rjes yi

rang; ;sangs rgyas byang chub yid kyis gzung/ /sangs rgyas chos
dang tshogs mchog la/ /byang chub bar du bdag skyabs mchi/ /rang
gzhan don ni rab bsgrub phyir/ /byang chub sems ni bskyed par
bgyi/ /byang

chub mchog gi sems ni bskyed bgyis nas/ /sems can thams cad bdag
gis mgron du gnyer/ /byang chub spyod mchog yid 'ong spyad par
bgyi/ /'gro la phan phyir sangs rgyas 'grub par shog {/lan gsum
brjod/}

sems can thams cad bde ba dang bde ba'i rgyu dang ldan par gyur
cig /sems can thams cad sdug bsngal dang sdug bsngal gyi rgyu
dang bral bar gyur cig /sems can thams cad sdug bsngal med pa'i
bde ba dang mi 'bral

@002b bar gyur cig /sems can thams cad nye ring chags sdang
gnyis dang bral ba'i btang snyoms la gnas par gyur cig {/ces lan
gsum brjod/} /gang gis rten cing 'brel bar 'byung/ /'gag pa med
pa skye med pa/ /chad pa med pa rtag med

pa; ;'ong ba med pa 'gro med pa/ /tha dad don min don gcig min/
/spros pa nyer zhi zhi bstan pa/ /rdzogs pa'i sangs rgyas smra
rnams kyi/ /dam pa de la phyag 'tshal lo/ /nyan thos zhi ba 'tshol
rnams kun shes nyid kyis nyer zhi 'khrid

mdzad gang yin dang/ /'gro la phan par byed rnams lam shes nyid
kyis 'jig rten don sgrub mdzad pa gang/ gang dang yang dag ldan
pas thub rnams rnam pa kun ldan sna tshogs 'di gsungs pa/ /nyan
thos byang chub sems dpa'i tshogs bcas

sangs rgyas kyi ni yum de la phyag 'tshal lo/ /rtog pa'i dra ba
rnam bsal cing/ /zab cing rgya che'i sku mnga' ba/ /kun tu bzang
pos 'od zer dag /kun nas 'phro la phyag 'tshal lo/ ! /thams cad
du ni sa gzhi dag /gseg ma la sogs med pa dang/ /

lag mthil ltar mnyam bai DUrya'i/ rang bzhin 'jam por gnas gyur
cig ! /ma lus sems can kun gyi mgon gyur cing/ /bdud sde dpung
bcas mi bzad 'joms mdzad lha/ /dngos rnams ma lus yang dag
mkhyen gyur pa'i/ /bcom ldan

'khor bcas gnas 'dir gshegs su gsol/ ! /bcom ldan bskal pa
grangs med du ma ru/ /'gro la brtse phyir thugs rje rnams
sbyangs shing/ /smon lam rgya chen dgongs pa yongs rdzogs pa/
/khyod bzhed 'gro don mdzad dus 'di lags

@003a @#/ /na; ! ;de phyir chos dbyings pho brang lhun grub nas/
/rdzu 'phrul byin rlabs sna tshogs ston mdzad cing/ /mtha' yas
sems can tshogs rnams bsgral bya'i phyir/ /yongs dag 'khor dang
bcas te gshegs su gsol//

! chos rnams kun gyi dbang phyug gtso/ /gtso ma'i gser gyi mdog
'dra zhing/ /nyi ma las lhag gzi brjid che/ /dad pas spyan ni
drang bar bgyi/ /zhi zhing thugs rje che ldan pa/ /dul zhing
bsam gtan sa la bzhugs/ /chos rnams ye

shes chags bral ba/ /kun tu mi zad nus par ldan/ /tshur sbyon
tshur sbyon zhi bdag lha/ /thub pa'i skyes mchog thams cad
mkhyen/ /shin tu legs byas gzugs brnyan ni/ /mchod pas 'dir ni
gshegs su gsol/ /'dir ni

gzugs dang lhan cig tu/ /'gro ba'i don du bzhugs nas kyang/ /nad
med tshe dang dbang phyug dang/ /chos rnams legs par stsal du
gsol/ ! /bcom ldan 'dir ni byon pa legs/ /bdag cag bsod nams
skal bar ldan/ /bdag gi

mchod yon bzhes nas kyang/ /thugs la dgongs shing gnang bar
mdzod/ /bde bar gshegs so bcom ldan 'das/ /tshur byon 'dir ni
gzhugs su gsol/ /bdag gi mchod yon bzhes nas kyang/ /de nyid du
ni bzhugs su gsol/ /bdag

dang 'gro la thugs rje brtse'i phyir/ /nyid kyi rdzu 'phrul mthu
yis ni/ /ji srid mchod pa bdag bgyid na/ /de srid bcom ldan
bzhugs su gsol/ ! /gang 'dir bcom ldan 'das de bzhin gshegs pa
dgra bcom pa yang dag par

@003b rdzogs pa'i sangs rgyas rig pa dang zhabs su ldan pa/ bde
bar gshegs pa/ 'jig rten mkhyen pa/ skyes bu 'dul ba'i kha lo
sgyur ba/ /bla na med pa/ lha dang mi rnams kyi ston pa sangs
rgyas bcom ldan 'das de dag thams cad la yo byad thams cad

dang ldan pa'i khrus 'di gsol bar bgyi'o/ ! /khrus kyi khang pa
shin tu dri zhim pa/ /shel gyi sa gzhi gsal zhing 'tsher ba
bstar/ /rin chen 'bar ba'i ka ba yid 'ong ldan/ /mu tig 'od
chags bla re bres pa der/ ! /ji ltar bltams pa tsam

gyis ni; ;lha rnams kyis ni khrus gsol ltar/ /lha yi chu ni dag
pa yis/ /de bzhin bdag gis sku khrus gsol/ /oM srba ta tha ga
ta a b+hi She ka ta sa ma ya shrI ye AH hUM/ ! /khyed sku
rang bzhin yongs dag pas/ /sred sogs 'ching ba mi mnga' 

yang; ;bdag cag sgrib pa sbyang slad du/ /gtsang ma chab kyis
sku khrus gsol/ /oM srba ta & /de dag sku la mtshungs pa med
pa'i gos/ /gtshang la dri rab bsgos pas sku phyi'o/ /oM hUM
trAM hrIH A kA ya bi sho d+ha na ye swa hA/ rgyal ba'i sku
la nyon

mongs mi mnga' yang/ /sems can lus kyi sgrib pa sbyang slad du/
rgyal ba'i sku la khrus chab 'di gsol bas/ /sems can lus kyi
sgrib pa dag gyur cig /oM srba ta &/ /rgyal ba'i gsung la 'gag
pa mi mnga' yang/ /sems can ngag gi &

oM srba ta &/ /rgyal ba'i thugs la 'khrul pa mi mnga' yang/
sems can yid kyi sgrib pa dag gyur cig /oM srba ta & /de dag
sku la &/ ! 'gro ba nyon mongs skom gyis gdung pa la/ /chos kyi
chu yis tshim par bya ba'i phyir/ /nye bral bsgrub

@004a @#/ /pa'i don la dmigs nas kyang/ /bdag gis khyod la bum
chu dbul bar bgyi/ oM & ! 'di ni khrus mchog dpal dang ldan/
/thugs rje'i chu ni bla na med/ /byin rlabs ye shes chu yis ni/
/ci 'dod dngos grub stsal du gsol/ /

oM srba ta & /de dag sku la & /! 'di ni sbyin pa'i rang bzhin
chu/ /ser sna'i dri ma sbyong mdzad pa/ /gtong ba dri yis legs
bgos chu/ /khrus legs mdzad la sku khrus gsol/ /'di ni tshul
khrims & tshul 'chal dri ma & tshul khrims

dri yis & khrus legs mdzad la & 'di ni bzod pa'i rang bzhin chu/
/khong khro'i dri ma & byams pa dri yis & khrus legs mdzad la
sku khrus gsol/ /oM srba ta & ! 'di ni brtson 'grus rang bzhin
chu/ /le lo'i dri ma

sbyong & brtson pa dri yis & khrus legs mdzad la & 'di ni bsam
gtan rang bzhin chu/ /rnam g.yeng dri ma & ting 'dzin dri yis
legs & 'di ni shes rab rang bzhin chu/ /shes 'chal dri ma & ye
shes dri yis legs bsgos

chu; ;khrus legs mdzad la sku khrus gsol/ /oM srba tha thA ga
ta & ! de bzhin gshegs dang de yi sras rnams la/ /rin chen bum
pa mang po spos kyi chu/ /yid 'ong legs par bkang ba glu dang
ni/ /rol mor bcas pa du mas sku khrus

gsol; ;de dag sku la & ! stong gsum kun tu dri ngad ldang ba yi/
/dri mchog rnams kyi thub dbang rnams kyi sku/ /gser sbyangs
btso ma byi dor byas pa ltar/ /'od chags 'bar ba de dag byug par
bgyi/ /de nas de la kha dog legs bsgyur ba'i/ /

@004b na bza' shin tu dri zhim dam pa 'bul/ /gos bzang srab la
'jam pa sna tshogs dang/ /rgyan mchog brgya phrag de dang de dag
gis/ /'phags pa kun tu bzang dang 'jam dbyangs dang/ /'jig rten
dbang phyug sogs la brgyan par bgyi/ /

! srab 'jam yang pa lha yi gos/ /mi phyed rdo rje'i sku brnyes
la/ /mi phyed dad pas bdag 'bul na/ /bdag kyang rdo rje'i sku
thob shog !/ sna tshogs dbang po'i gzhu ltar rab bkra zhing/
/gang la reg na bde ba'i rgyur 'gyur ba/ /gos bzang

rin chen bdag blo sbyang phyir dbul/ /bzod pa dam pa'i gos kyis
brgyan par shog ! rgyal ba mtshan dpe'i rang bzhin rgyan ldan
phyir/ /rgyan bzhin dag gis brgyan par mi 'tshal yang/ /rin chen
rgyan mchog phul ba'i 'gro ba kun/ /mtshan

dpes brgyan pa'i sku lus thob par shog ! ;brtse ba'i 'khor yug
snyan pa'i ba dan can/ /ting 'dzin bla bre spobs pa'i 'od gsal
ba/ /mchog rkyen 'os pa'i nyer mkho 'di dag 'bul/ /skye bos rnam
dag ye shes thob par shog /! rin chen mdzes

pa'i bkra shis bum pa 'di/ /sna tshogs bcud kyis bkang ste phul
ba yis/ /las dang nyon mongs dri ma kun sbyang nas/ /byang chub
sems kyi rlan gyis brlan par shog /! phun tshogs gser 'od phyogs
bcur rab tu 'phro/ /bkra shis

dpal gyi kun nas lham me ba/ /rin chen sa le sbram gyi dbu rgyan
'di/ /shAkya'i rgyal po'i dbu la phul ba yis/ /bstan pa rin
chen phyogs bcur rgyas pa dang/ /'jig rten bde legs chen pos
khyab pa dang/ /lhar bcas 'gro ba'i gtsug gi rgyan

@005a @#/ /gyur pa'i/ /stobs bcu mnga' ba'i go 'phang thob par
shog /! bdag dang 'gro la thugs brtse'i phyir/ /nyid kyid rdzu
'phrul mthu yis ni/ /ji srid mchod pa bdag 'bul na/ /de srid
bcom ldan bzhugs su gsol/ /

! rgyal ba rgya mtsho'i mchod rdzas las grub pa'i/ /zhing khams
rgya mtsho'i mchod yon rgya mtsho'i tshogs/ /yon tan rgya mtsho'i
rgyal ba 'khor bcas la/ /dad pa rgya mtshos 'bul lo bzhes su
gsol/ /rgyal ba rgya mtsho'i & zhing khams

rgya mtsho'i zhabs bsil rgya mtsho'i tshogs/ /yon tan & dad pa &
rgya ba rgya mtsho'i & zhing khams rgya mtsho'i me tog rgya mtsho'i
tshogs/ /yon tan & dad pa rgya & rgyal ba rgya mtsho'i & zhing
khams rgya mtsho bdug spos rgya mtsho'i

tshogs; ;yan tan & dad pa & rgyal ba rgya mtsho'i & zhing khams
rgya mtsho snang gsal rgya mtsho'i tshogs/ /yon tan & dad pa &
rgyal ba rgya mtsho'i & zhing khams rgya mtsho dri chab rgya
mtsho'i tshogs/ /yon tan & dad

pa & rgyal ba rgya mtsho'i & zhing khams rgya mtsho zhal zas rgya
mtsho'i tshogs/ /yon tan & dad pa & rgyal ba rgya mtsho'i & zhing
khams rgya mtsho'i rol mo rgya mtsho'i tshogs/ /yon tan & dad pa
rgya mtshos 'bul lo bzhes su gsol//

! rin chen dbang gi rgyal po be DUr ya/ /sngon po la sogs kha
dog dbyibs kyi gzugs/ /rnam gsum gzugs kyi rdo rje mar byas nas/
/bla ma lha yi spyan la dbul bar bya/ /ma zin 'byung ba'i tshogs
pa las byung ba'i/ /brjod bral

@005b dbyangs la sogs pa sgra yi tshogs/ /rnam gsum sgra yi rdo
rje mar byas nas/ /bla ma lha yi snyan la dbul bar bya/ /ga bur
a gar dza ti la sogs pa/ /legs par sbyar las byung ba dri yi
tshogs/ /rnam gsum dri yi rdo rje mar byas nas//

bla ma lha yi shangs la dbul bar bya/ /lus mchog rtas byed bdud
rtsi'i zas sogs kyi/ /mngar skyur kha dang bska la sogs pa'i ro/
/rnam gsum ro yi rdo rje mar byas nas/ /bla ma lha yi ljags la
dbul bar bya/ /lus la reg pa tsam gyis bde ster

ba; ;dpag bsam gos la sogs pa reg bya'i tshogs/ /rnam gsum reg
bya'i rdo rje mar byas nas/ /bla ma lha yi sku la dbul bar bya/
/! zhing 'dir 'khor lo rin po che/ /mkhas pa dag gis yongs bkang
ste/ /dngos grub 'dod pa sbyin pa'i

phyir; ;nyin re shes rab can gyis dbul/ /zhing 'dir nor & zhing
'dir btsun mo & zhing 'dir blon po & zhing 'dir glang po & zhing
'dir rta mchog & zhing 'dir dmag dpon rin po che/ /mkhas pa dag
gis yongs bkang ste/ /dngos

grub 'dod pa sbyin pa'i phyir/ /nyin re shes rab can gyis dbul/
/! de las gzhan yang mchod pa'i tshogs/ /rol mor dbyangs snyan
yid 'ong ldan/ /sems can sdug bsngal sim byed pa'i/ /sprin rnams
so sor gnas gyur cig /dam chos dkon

mchog thams cad dang/ /mchod rten rnams dang sku gzugs la/ /rin
chen me tog la sogs char/ /rgyun mi chad par 'bab par shog /ji
ltar 'jam dbyangs la sogs pas/ /rgyal ba rnams la mchod mdzad
pa'i/ /de bzhin bdag gis de bzhin gshegs/ /

@006a @#/ /mgon po sras dang bcas rnams mchod/ /yon tan rgya mtsho
rnams la bdag /bstod dbyangs yan lag rgya mtshos bstod/ /bstod
dbyangs snyan sprin de dag la/ /nges pa kun tu 'byung gyur cig
/! oM bdzra b+hu mi AH hUM/ dbang

chen gser gyi sa gzhi/ oM bdzra rengShe AH hUM/ phyi lcags
ri khor yug gis bskor ba'i dbus su/ /ri'i rgyal po ri rab/ shar
lus 'phags po/ lho 'dzam bu gling/ nub ba glang spyod/ /byang
sgra mi snyan/ lus dang lus 'phags/ rnga

dang rnga yab gzhan/ yon tan dang lam mchog 'gro /sgra mi snyan
dang sgra mi snyan gyi zla/ rin po che'i ri bo/ dpag bsam gyi
shing/ 'dod 'jo yi ba/ ma rmos pa'i lo tog /'khor lo rin po che/
nor bu rin po che/ btsun mo

rin po che/ blon po rin po che/ glang po rin po che/ rta mchog
rin po che/ dmag dpon rin po che/ gter chen po'i bum pa/ sgeg
mo/ phreng ba ma/ glu ma/ gar ma/ me tog ma/ bdug spos ma/ snang
gsal ma/ dri chab ma/ nyi ma/

zla ba; rin po che'i gdugs/ /phyogs las rnam par rgyal ba'i
rgyal mtshan/ dbus su lha dang mi'i dpal 'byor phun sum tshogs pa
ma tshang ba med pa 'di dag drin can rtsa ba dang brgyud par bcas
pa'i dpal ldan bla ma dam pa rnams

dang; mnyam med shAkya'i rgyal po'i lha tshogs 'khor dang bcas
pa rnams la dbul bar bgyi'o/ /thugs rje 'gro ba'i don du bzhes
su gsol/ bzhes nas byin gyis brlab tu gsol/ /sa gzhi spos kyi &
ston pa bla na & i daM

@006b gu ru & ! thabs mkhas thugs rjes shAkya'i rigs 'khrungs
shing/ /gzhan gyis mi thub bdud kyi dpung bcom pa/ /gser gyi
lhun po lta bur brjid pa'i sku/ /shAkya'i rgyal po de la phyag
'tshal lo/ /gang gis dang por byang

chub thugs bskyed nas/ /bsod nams ye shes tshogs gnyis rdzogs
mdzad cing/ /dus 'dir mdzad pa rgya chen 'gro ba yi/ /mgon gyur
khyod la bdag gis bstod par bgyi/ /lha rnams don mdzad 'dul ba'i
dus gzigs nas/ /

lha las babs nas glang chen ltar gshegs te/ /rigs la gzigs nas
lha mo sgyu 'phrul ma'i/ /lhums su zhugs par mdzad la phyag
'tshal lo/ /zla ba bcu rdzogs shAkya'i sras po ni/ /bkra shis
luM bi'i tshal du bltams pa'i tshe/ /

tshangs dang brgya byin gyis btud mtshan mchog ni/ /byang chub
rigs su nges mdzad phyag 'tshal lo/ /gzhon nu stobs ldan me yi
seng gi des/ /oM ga ma ga d+har ni sgyu rtsal bstan/ /skye bo
dregs pa can rnams tshar bcad nas/ /'gran

zla med par mdzad la phyag 'tshal lo/ /'jig rten chos dang mthun
par bya ba dang/ /kha na ma tho spa phyir btsun mo yi/ /'khor
dang ldan tshad thabs la mkhas pa yis/ /rgyal srid skyong bar
mdzad la phyag 'tshal lo/ /'khor

ba'i bya ba snying po med gzigs nas/ /khyim nas byung ste mkha'
la gshegs nas kyang/ /mchod rten rnam dag drung du nyid las
nyid/ /rab tu byung bar mdzad la phyag 'tshal lo/ /brtson pas byang
chub 'grub pa dgongs nas kyang/ /

@007a @#/ /nai ra nydza na'i 'gram du lo drug tu/ /dka' ba spyad
mdzad brtson 'grus mthar phyin nas/ /bsam gtan mchog brnyes
mdzad la phyag 'tshal lo/ /thog ma med nas 'bad pa don yod phyir/
/ma ga d+ha yi byang chub shing

drung du; ;skyil krung mi g.yo mngon par sangs rgyas nas/
/byang chub rdzogs par mdzad la phyag 'tshal lo/ /thugs rjes 'gro
la myur du gzigs nas ni/ /wa ra NA si la sogs gnas mchog tu/
/chos kyi 'khor lo bskor nas gdul bya

rnams; ;theg pa gsum la 'god mdzad phyag 'tshal lo/ /gzhan gyi
rgol ba ngan pa tshar bcad nas/ /mu stegs ston pa drug dang lhas
byin sogs/ /'khor mo 'jig gi yul du bdud rnams btul/ /thub pa
g.yul las rgyas la phyag 'tshal

lo; ;srid pa gsum na dpe med yon tan gyis/ /mnyan du yod par cho
'phrul chen po bstan/ /lha mi 'gro ba kun gyis rab mchod de/
/bstan pa rgyas par mdzad la phyag 'tshal lo/ /le lo can rnams
chos la bskul bya'i

phyir; ;rtsa mchog grong gi sa gzhi gtsang ma ru/ /'chi med rdo
rje lta bu'i sku gshegs nas/ /myang ngan 'da' bar mdzad la phyag
'tshal lo/ /yang dag nyid du 'jigs pa med gzigs kyang/ /ma 'ongs
sems can bsod nams bsag bya'i

phyir; ;de nyid du ni ring bsrel mang sprul nas/ /sku gdung cha
brgyad mdzad la phyag 'tshal lo/ /de ltar bstan pa'i bdag po bcom
ldan gyi/ /mdzad pa'i tshul la mdo tsam bstod pa yi/ /dge bas
'gro ba kun gyi spyod pa yang/ /bde gshegs

@007b nyid kyi mdzad dang mtshungs par shog /de bzhin gshegs pa
khyed sku ci 'dra ba dang/ /'khor dang sku tshe'i tshad dang zhing
khams dang/ /khyed kyi mtshan mchog bzang po ci 'dra ba/ /de 'dra
kho nar bdag sogs 'gyur bar shog /khyod la bstod cing

gsol ba btab pa'i mthus/ /bdag sogs gang du gnas pa'i sa phyogs
der/ /nad dang dbul 'phongs 'thab rtsod zhi ba dang/ /chos dang
bkra shis 'phel bar mdzad du gsol/ /! ston pa 'jig rten khams su
byon pa dang/ /bstan pa

nyi 'od bzhin du gsal ba dang/ /bstan 'dzin bu slob shin tu
mthun pa yis/ /bstan pa yun ring gnas pa'i bkra shis shog/
//{ces pa 'di ni 'bri gung skyob pa 'jig rten gsum mgon gyis
mdzad pa grags so}/ ! /na mo mnydzu g+ho ShA ya/ /skabs gsum pa
dang

dbang po'i dgra /dri za gdongs can grub pa'i gtso/ /kun gyi
gtsug rgyan nor bu yis/ /gang gi zhabs pad mdzes byas pa/ /gser
'od 'khyug pa'i dpal gyis brjid pa'i sku/ /dri za'i dbyangs kyis
bskrun du med pa'i gsung/ /nyi ma bye ba'i

mdangs las gsal ba'i thugs/ /mtha' yas 'gro ba'i 'dren mchog
shAkya'i tog /dag pa'i mkha' la shar ba'i gza' skar rnams/ /chu
gter dbus na yongs su gsal ba bzhin/ /dVang pa'i yid mtshor khyod
kyi yon tan gyi/ /

gzugs brnyan ma 'dres gsal bar rab bkod nas/ /zla zer phog pa'i
chu skyes gzhon nu bzhin/ /lag pa'i sor mo snying ga'i ngos su
zum/ /rtse gcig yid kyis khyod skur mngon phyogs te/ /cung zad
bstod la thugs rje can khyod dgongs/ /skar

@008a @#/ /ma'i tshogs kyi mkha' la zla ba bzhin/ /rgyal sras dpa'
bo rnams kyis kun nas bskor/ /ba lang khyu yi thog mar khyu
mchog bzhin/ /dgra bcom 'khor gyis tshogs kyi mdun du bdar/ /nam
mkha'i khyon

kun 'gengs pa'i 'od zer gyi /dra bas stong gis yongs su dkrigs
pa'i sku/ /nam mkha'i lam nas cho 'phrul du ma yis/ /ngang pa'i
rgyal po bzhin du lding zhing gshegs/ /de tshe ring nas bskrun
pa'i bzang po'i las/ /yongs

su sad pa'i lha mi stong phrag brgya/ /khyod zhal mthong ba'i
mod la mi bsrun yid/ /nyes brgya'i 'ching ba kun nas lhod par
gyur/ ! /dpa' bo khyod kyis byang chub shing drung du/ /mkhyen
brtse'i dpung gis yid srubs bdag po'i sde/ /ma

lus zil gyis gnon par mdzad pa ni/ /drag po'i rlung dang nye
ba'i sprin nag bzhin/ /mda' mtshon go cha ma bzung bar/ /rang
nyid gcig bus bye ba'i bdud/ /ma lus pham mdzad g.yul gyis las/
/khyod las gzhan pa su yis

shes; ;de ltar khyod kyi byams pa'i mes/ /'dod lha'i snying ni
rab gdungs kyang/ /brtse ba'i gter khyod lus can la/ /ris su
chad pa gyur pa med/ /khyod ni 'gro ba'i don gyi slad/ /cung zad
tsam yang mi ngal zhing/ /'gro ba rnams

kyang khyod kyi ni/ /yon tan brjod la ngal ma gyur/ /rgya mtsho'i
klong ltar rab tu zab pa'i thugs/ /lha yi rnga bzhin legs par
'doms pa'i gsung/ /lhun po'i spo ltar mngon par 'phags pa'i sku/
/mthong thos dran pa don

@008b ldan mdzad pa khyod/ /'jig rten kun gyi sems can thams cad
kyis/ /dus gcig nyid du the tshom don zhus kyang/ /de dag re re'i
mdun du'ang de snyed kyi/ /sku dang gsung gis bkod pa dus gcig
tu/ /mdzad pa mdzad kyang rtog pa

nyer zhi ba/ /khyod kyi sku gsung thugs kyi gsang ba yi/ /tshul
'di rgyal sras rang rgyal nyan thos kyis/ /ji tsam brtags kyang
blo yi yul min na/ /tshangs dang dbang po sogs kyi smos ci 'tshal/
/mkha' lding dbang pos mkha' la bsgrod

bsgrod nas/ /nam zhig rang stobs bri bas ldog 'gyur gyi/ /nam
mkha' zad pa'i ldog pa ma 'gyur bzhin/ /khyod kyi yon tan brjod
pa de ltar lags/ /gshog rtsal rab tu rdzogs pa'i mkha' lding
gis/ /bgrod pa'i lam du byi'us

rtsol ba ltar/ /stobs bcu mnga' ba gang du gshegs pa yi/ /lam
mchog der la 'jug par 'dod pa bdag/ /gnas lugs don la blta ba'i
blo mig nyams/ /nges 'byung byang chub sems kyi 'byor pas dbul/
/stobs ldan nyon

mongs dgra bos rgyun du gtsos/ /bdag 'dzin gcong rong zab mo'i
sbubs su lhung/ /'di 'dra'i nyam thag gnas su gyur lags pa/
/brtse chen khyod kyis yal bar 'dor lags na/ /dman pa rnams la
ches cher brtse ba'i mgon/ /khyod

las gzhan pa gang la skyabs su bzung/ /snyigs ma lnga yis ha
cang sbags pa yi/ /zhing 'di gzhan gyis spangs dus mgon khyod
kyis/ /yongs su bzung ste rgyal ba sras bcas kyis/ /pad dkar lta
bur bsngags pa'i dgos pa'ang

@009a @#/ /cing; ;'on kyang khyod kyi 'phrin las gdul bya la/ /ma
brtags btang snyoms cung zad mi mnga' ba'i/ /skal ngan bdag gis
nyes pa kho nar zad/ /de phyir khyod la skyon gyi skabs med pas/
/deng nas byang chub

snying por bdud sde las/ /ji srid rgyal bar ma gyur de srid du/
/skye zhing skye bar khyod kyis rjes bzung nas/ /gsung gi bdud
rtsis ngoms pa med par shog /{ces ston pa shAkya thub pa la
bstod pa byin rlabs nyer 'jug ces bya ba 'di ni mang du thos
pa'i rgyal khams

pa blo bzang grags pa'i dpal gyis sbyar ba'o}// ! //na mo gu ru
mnydzu g+ho ShA ya/ /gang zhig gzigs shing gsung ba yi/ /mkhyen
dang ston pa bla na med/ /rgyal ba rten cing 'brel par 'byung/
/gzigs shing 'doms pa de la 'dud/ /ji rten

rgud pa ji snyed pa/ /de yi rtsa ba ma rig ste/ /gang zhig
mthong bas de ldog pa/ /rten cing 'brel bar 'byung bar gsungs/
/de tshe blo dang ldan pa yis/ /rten cing 'brel ba 'byung ba'i
lam/ /khyod kyi bstan pa'i gnad nyid du/ /ji ltar

khong du chud mi 'gyur/ /de lta lags na mgon khyod la/ /bstod
pa'i sgor ni su zhig gis/ /brten nas 'byung ba gsung pa las/
/ngo tshar gyur pa ci zhig rnyed/ /gang gang rkyen la rag las pa/
/de de rang bzhin gyis stong zhes/ /

gsung ba 'di las ya mtshan pa'i/ /legs 'doms tshul ni ci zhig yod/
/gang du bzung bas byis pa rnams/ /mthar 'dzin 'ching ba brtan
byed pa/ /de nyid mkhas la spros pa yi/ /dra ba ma lus gcod pa'i
sgo/ /bstan 'di

@009b gzhan du ma mthong bas/ /ston pa zhes bya khyod nyid de/
/wa skyes la ni seng ge bzhin/ /mu stegs can la'ang gcam bu'i
tshig /e ma'o ston pa e ma'o skyabs/ /e ma'o smra mchog e
ma'o mgon/ /rten cing 'brel 'byung

legs gsung ba'i/ /ston pa de la bdag phyag 'tshal/ /phan mdzad
khyod kyis 'gro ba la/ /sman pa'i slad du bka' stsal pa/ /bstan
pa'i snying po stong pa nyid/ /nges pa'i rgyu mtshan zla med pa/
/rten cing 'brel bar 'byung ba'i

tshul; ;'gal ba dang ni ma grub par/ /mthong ba 'di yis khyod kyi
lugs/ /ji ltar khong du chud par nus/ /khyod ni nam zhig stong
pa nyid/ /rten 'byung don du mthong ba na/ /rang bzhin gyis ni
stong pa dang/ /bya byed 'thad pa'ang mi 'gal

zhing; ;de las bzlog par mthong ba na/ /stong la bya ba mi rung
zhing/ /bya dang bcas la stong med pas/ /nyam nga'i g.yang du
lhung bar bzhed/ /de phyir khyod kyi bstan pa la/ /rten 'byung
mthong ba legs par bsngags/ /de yang kun tu

med pa dang/ /rang bzhin gyis ni yod pas min/ /ltos med nam
mkha'i me tog bzhin/ /des na ma brten yod ma yin/ /ngo bos grub
na de 'grub pa/ /rgyu dang rkyen la bltos par 'gal/ /de phyir
brten nas 'byung ba las/ /ma

gtogs chos 'ga' yod min pas/ /rang bzhin gyis ni stong pa las/
/ma gtogs chos 'ga' med par gsungs/ /rang bzhin ldog pa med pa'i
phyir/ /chos rnams rang bzhin 'ga' yod na/ /mya ngan 'das pa mi
rung zhing//

@010a spros kun ldog pa med par gsungs/ /de phyir rang bzhin
rnam bral zhes/ /seng ge'i sgra yis yang yang du/ /mkhas pa'i
tshogs su legs gsungs pa/ /'di la su yis 'god par nus/ /rang
bzhin 'ga' yang med pa

dang; ;'di la brten nas 'di 'byung ba'i/ /rnam gzhag thams cad
'thad pa gnyis/ /mi 'gal 'du ba smos ci dgos/ /brten nas 'byung
ba'i rgyu mtshan gyis/ /mthar lta ba la mi brten zhes/ /legs
gsungs 'di ni mgon khyod kyi/ /

smra ba bla na med pa'i rgyu/ /'di kun ngo bos stong ba dang/
/'di las 'di 'bras 'byung ba yi/ /nges pa gnyis po phan tshun du/
/gegs med par ni grogs byed pa/ /'di las ngo mtshar gyur pa dang/
/'di las rmad du byung ba gang/ /tshul

'dis khyod la stod na no/ /bstod par 'gyur gyi gzhan du min/
/rmongs pas bran du bzung ba yis/ /gang zhig khyod dang zhes
'gras pa/ /de yis rang bzhin med pa'i sgra/ /mi bzod gyur la
mtshar ci yod/ /khyod kyi gsung gi bces pa'i mdzod/ /

brten nas 'byung ba khas blangs nas/ /stong nyid nga ro mi bzod
pa/ /'di la kho bo ngo mtshar gyur/ /rang bzhin med la bkri ba'i
sgo/ /bla med rten cing 'brel 'byung gi /ming nyid kyis ni rang
bzhin du/ /'dzin na da ko skye bo 'di/ /'phags

mchog rnams kyis legs bgrod pa'i/ /'jug ngogs zla dang bral gyur
pa/ /khyod dgyes gyur pa'i lam bzang der/ /thabs gang gis ni
bkri bar bya/ /rang bzhin bcos min ltos med dang/ /rten 'brel
ltos dang bcos ma gnyis/ /

@010b ji lta bur na gzhi gcig la/ /mi 'gal 'du ba nyid du 'gyur/
/de phyir brten nas 'byung ba gang/ /rang bzhin gyis ni gdod ma
nas/ /rnam par dben yang der snang bas/ /'di kun sgyu ma bzhin
du gsungs/ /khyod kyis ji ltar

bstan pa la/ /rgol ba 'gas kyang chos mthun du/ /glags mi rnyed
par gsungs pa yang/ /'di nyid kyis ni legs par khums/ /ci slad
ce na 'di bshad pas/ /mthong dang ma mthong dngos po la/ /sgro
'dogs pa dang skur 'debs kyi/ /

go skabs ring du mdzad phyir ro/ /khyod kyi smra ba zla med par/
/mthong ba'i rgyu mtshan rten 'byung gi /lam 'di nyid kyis gsung
gzhan yang/ /tshad mar gyur pa nges pa skye/ /don bzhin gzigs nas
legs gsungs pa/ /khyod kyi

rjes su slob pa la/ /rgud pa thams cad ring du gyur/ /nyes kun
rtsa ba ldog phyir ro/ /khyod kyi bstan las phyir phyogs pas/
/yun ring ngal ba bsten byas kyang/ /phyi phyir skyon rnams bos
pa bzhin/ /bdag tu lta ba brtan phyir ro/ /

e ma'o mkhas pas 'di gnyis kyi/ /khyad par khong du chud gyur
pa/ /de tshe rkang gi khong nas ni/ /khyod la ci phyir gus mi
'gyur/ /khyod gsung du ma ci zhig smos/ /cha shas re yi don tsam
la'ang/ /'ol spyi tsam gyi nges rnyed pa/ /de

la'ang mchog gi bde ba ster/ /kyi hud bdag blo rmongs pas bcom/
/'di 'dra'i yon tan phung po la/ /ring nas skyabs su song gyur
kyang/ /yon tan cha tsam ma 'tshal to/ /'on kyang 'chi bdag khar
phyogs pa'i/ /srog gi rgyun ni ma

@011a @#/ /nub par/ /khyod la cung zad yid ches pa/ /de yang skal
ba bzang snyam bgyid/ ! /ston pa'i nang na rten 'brel ston pa
dang/ /shes rab nang na rten 'brel shes pa gnyis/ /'jig rten dag
na rgyal ba'i

dbang po bzhin/ /phul byung legs par khyod mkhyen gzhan gyis
min/ /khyed kyis ji snyed bka' stsal pa/ /rten 'brel nyid las
brtsams te 'jug /de yang mya ngan 'da' phyir te/ /zhi 'gyur mi
mdzad khyod la med/ /kye ma'o khyod

kyi bstan pa ni/ /gang gi rna ba'i lam song ba/ /de dag thams
cad zhi 'gyur phyir/ /khyod bstan 'dzin par su mi gus/ /phas
rgol mtha' dag 'joms pa dang/ /ltag 'og 'gal 'dus stong pa dang/
/skye rgu'i don gnyis ster byed pa/ /

lugs 'dir kho bo spro ba 'phel/ /'di yi phyir du khyod kyis ni/
/la lar sku dang gzhan du srog /sdug pa'i gnyen dang longs spyod
tshogs/ /grangs med bskal par yang yang btang/ /gang gi yon tan
mthong ba yis/ /lcags

kyus nya la ji bzhin du/ /nyid kyi thugs drangs chos de ni/
/khyod las ma thos skal ba zhan/ /de yi mya ngan shugs kyis ni/
/sdug pa'i bu la ma yi yid/ /rjes su song ba ji bzhin du/ /bdag
gi yid ni gtong mi byed/ /'di la'ang khyod

gsung bsam pa na/ /mtshan dpe'i dpal gyis rab tu 'bar/ /'od kyi
dra bas yongs skor ba'i/ /ston pa de yi tshangs dbyangs kyis/
/'di ni 'di ltar gsungs snyam du/ /yid la thub pa'i gzugs brnyan
ni/ /shar ba tsam yang

@011b tsha ba yis/ /gdungs la zla zer bzhin du sman/ /de ltar
rmad du byung ba yi/ /lugs bzang de yang mi mkhas pa'i/ /skye
bos phal pa ji bzhin du/ /rnam pa kun tu 'dzings par byas/ /tshul
'di mthong nas bdag

gis ni/ /'bad pa du mas mkhas pa yi/ /rjes su 'brangs nas khyod
kyi ni/ /dgongs pa yang dang yang du brtsal/ /de tshe rang gzhan
sde pa yi/ /gzhung mang dag la sbyangs pa na/ /phyi phyir the
tshom dra ba yis/ /bdag gi

yid ni kun tu gdungs/ /khyod kyi bla med theg pa'i tshul/ /yod
dang med pa'i mtha' spangs te/ /ji bzhin 'grel bar lung bstan
pa/ /klu sgrub gzhung lugs kun da'i tshal/ /dri med mkhyen pa'i
dkyil 'khor rgyas/ /gsung rab mkha' la thogs

med rgyu/ /mthar 'dzin snying gi mun pa sel/ /log smra'i rgyu
skar zil gnon pa/ /dpal ldan zla ba'i legs bshad kyi/ /'od dkar
phreng bas gsal byas pa/ /bla ma'i drin gyis mthong ba'i tshe/
/bdag gi yid kyis ngal gso

thob; ;mdzad pa kun las gsung gi ni/ /mdzad pa mchog yin de yang
ni/ /'di nyid yin phyir mkhas pa yis/ /'di las sangs rgyas rjes
dran byos/ /ston de'i rjes su rab tu byung gyur te/ /rgyal ba'i
gsung la sbyangs pa mi dman zhing/ /

rnal 'byor spyod la brtson pa'i dge slong zhig /drang srong chen
po de la de ltar gus/ /ston pa bla na med pa'i bstan pa dang/
/mjal ba 'di 'dra bla ma'i drin yin pas/ /dge ba 'di yang 'gro
ba ma lus pa/ /bshes gnyen dam pas 'dzin

@012a @#/ /pa'i rgyu ru bsngo/ /phan mdzad de yi bstan pa'ang
srid pa'i mthar/ /ngan rtog rlung gis rnam par mi g.yo zhing/
bstan pa'i ngang tshul shes nas ston pa la/ /yid ches rnyed pas
rtag tu gang bar shog /brten nas

'byung ba'i de nyid gsal mdzad pa/ /thub pa'i lugs bzang skye ba
thams cad du/ /lus dang srog kyang btang nas 'dzin pa la/ /skad
cig tsam yang lhod par ma gyur cig /'dren pa mchog des dka' ba
dpag med kyis/ /

nan tan snying por mdzad nas bsgrubs pa 'di/ /thabs gang zhig
gis 'phel bar 'gyur snyam pa'i/ /rnam par dpyod pas nyin mtshan
'da' bar shog /lhag bsam dag pas tshul der brtson pa na/ /tshangs
dang dbang po 'jig rten

skyong ba dang/ legs ldan nag po la sogs srung mas kyang/
/g.yel ba med pa rtag tu grogs byed shog/ //ces pa 'di ni rje
tsong kha pa blo bzang grags pas mdzad pa'o// //! na ma shri gu
ru mnydzu g+ho ShA ya/ /bde bshegs kun

gyis bsngags pa'i bde ba can/ /rnam dag zhing gi dbang phyug
bcom ldan 'das/ /lha mi'i ston pa mgon po tshe dpag med/ /rgyal
ba'i dbang pos 'gro la 'chi med stsol/ /sna tshogs snod kyi dbye
ba mtha' yas pa'i/ /dang pa'i

chu la sprin bral zla gzugs bzhin/ /skal ldan grangs med 'gro la
cig car du/ /rnam pa du mar ston pa khyod kyis sku/ /mtha' yas
gdul bya'i som nyi'i 'dra ba rnams/ /skad cig nyid la so sor
gcod mdzad cing/ /yang dag

@012b don la blo gros mig 'byed pa'i/ /rgyun mi 'chad par sgrogs
par khyod kyi gsung/ /shes bya kun la rab 'byams mkhyen pa
'phro/ /rgyud lnga'i 'gro la thugs rje'i gzhan dbang gyur/
/mkhyen brtse nus pas srid zhi'i 'jigs las skyob/ /'bad

rtsol mtshan mas mi g.yo khyod kyi thugs/ /nyin byed zer gyis
lha yi lam la bzhin/ /dpag yas zhing kun mtha' med 'od dpung
gis/ /yongs su 'gengs pa'i gzi brjid phung po'i skus/ /skal ldan
bdag gi mig gi

dga' ston sgrubs/ /snyan pa'i 'brug sgra rma bya'i snying la
bzhed/ /thos pa tsam gyis bde ba'i mchog ster pa'i/ /yan lag
lnga dang ldan pa'i tshangs dbyangs kyis/ /rna ba'i lam du bdud
rtsi'i zags ma 'thor/ /nam mkha'i dbyings su

sprin phung zhi ba bzhin/ /stong pa'i ngang du rig pa zhugs gyur
pas/ /spros kun nyer zhi zhi ba'i thugs mchog gis/ /kun rtog yid
kyi dmigs gtad thams cad zhi/ /rgyal ba kun gyis dpag med bskal
pa ru/ /brjod kyang pha mtha'

rnyed par mi sla ba'i/ /khyod kyi yon tan phung po ci 'dra ba/
/de 'dra bdag gis brjod pa'i yul la 'das/ /de phyir mi zad yon
tan gter gyur cing/ /nyes pa'i sa bon mtha' dag gtan spangs pa/
/khyod dang mtshungs pa'i ston pa gzhan

yod min/ /de slad khyod nyid gcig pu 'gro ba'i skyabs/ /skyobs
pa khyod kyis smon lam bye ba'i rgyas/ /legs par bsgrub pa'i
zhing mchog dam pa gang/ /sdug bsngal rnams kyi ming yang mi
'byung ba'i/ /bde ba can zhes yongs su grags

@013a @#/ /pa der; ;tshe 'di'i snang ba nub par gyur tsam na/
/'dab stong padma'i spubs su skyes ma thag /chu skyes dbus nas
thogs pa med byung ste/ /khyod sku mthong nas gsung gis tshim par
shog /mgon po khyod las theg

mchog gtam thos nas/ /srid pa'i 'dam du bying rnams bsgral phyir
du/ /spyan ras gzigs dang mthu chen thob gnyis kyis/ /ji ltar
spyod pa de ltar bdag gyur cig /{ces mgon po 'od dpag med kyi
bstod pa zhing mchog sgo 'byed ces bya ba 'di

ni mang du thos pa'i rgyal khams pa blo bzang grags pa'i dpal
gyis gangs can khrod kyi gangs ri'i dbang po 'o de gung rgyal
gyi lha zhol du sbyar ba'o}// // ! swa sti/ /nyi gzhon 'char
ka'i mdangs ldan li khri ltar/ /yid 'ong dmar ser dra bas khebs

pa yi; ;'dab stong ge sar rtse na zla gdan la/ /hrIH las byung
ba'i mgon po tshe dpag med/ /padma ra ga'i lhun po dbang po'i
gzhus/ /kun nas klubs pa ji bzhin khyod kyi sku/ /sna tshogs gos
dang nor bu'i rgyan mang gis/ /kun

nas mdzes par byas la phyag 'tshal lo/ /'khri shing gzhon nu'i
yal 'dab ltar mnyen pa'i/ /phyag gnyis dbus na 'chi med bdud
rtsi yis/ /legs par gang ba'i lhung bzed rab bsnams nas/ /tshe yi
dngos grub stsol

la phyag 'tshal lo/ /bung ba ltar nag ral pa'i thor cog ni/ /spyi
bor mdzes pa'i lan bu ring du 'phyang/ /'jam gnyen sna tshogs dar
gyi smad g.yogs can/ /mtshan dpe'i gzi brjid 'bar la phyag 'tshal
lo/ /shugs drag dang

@013b bas skyod pa'i thal sbyar zhing/ /yid 'phrog shin tu snyan
pa'i nga ro yis/ /khyod kyi yon tan legs par brjod pa la/ /legs
tshogs thams cad stsol la phyags 'tshal lo/ /ye shes mtshon gyis mi
shes dra ba bcad/ /sems can kun

la thugs rje rgyun chad med/ /'gro kun 'dren pa'i khur gyi mi
ngal ba/ /gtan gyi skyabs gnas khyod la phyag 'tshal lo/ /mtshan
tsam bzung bas dus min 'chi ba 'joms/ /yid la dran pas srid pa'i
'jigs las skyob/ /skyabs su

bsten na gtan gyi bde ster ba/ /khyod la rnam pa kun tu phyag
'tshal lo/ /skyon bral khyod la gus pas bsten pa bdag/ /gnas
skabs mi 'dod nyer tshe zhi ba dang/ /mthar thug bde ba can du
padmo las/ /rdzus te skyes nas khyod mnyes bgyid par

shog /ces pa 'di yang rgyal khams pa shar tsong kha pa blo bzang
grags pa'i dpal gyis sbyar ba'o// // ! na mo shri gu ru mnydzu
g+ho ShA ya/ /mnyes gshen byams pas rtag tu brlan yang nag po'i
rtsa lag sreg /shin tu bcad pa'i 'ching ba bcad

kyang snying rjes dam du bcings/ /zhi ba'i btang snyoms rgyun du
ldan yang bdag pa'i gzhan la gces/ /'jam dbyangs zhabs la gus
pas btud nas mi pham mgon la bstod/ /gdong bzhis mang po'i zhal
nas rab tu bsngags/ /

spyan stong ldan pas dang bas rgyun du blta/ /dga' ma'i bdag pos
dregs pa btang nas btud/ /rgyal tshab zhabs la gus pas phyag
bgyi'o/ /dwang ba'i mtsho la 'dab brgya pa ste de nyid la yang
nyin byed 'di/ /dag pa'i

@014a @#/ /mkha' la rgyu skar mgon te des kyang kun de'i tshal la
bzhin/ /mtshan dpe'i 'phreng bas gang sku mthong ma thag tu 'gro
ba'i yid 'phrog pa/ /byams mgon zhabs pad skye zhing skye bar
bdag gi gtsug na

mdzes gyur cig /bdud 'joms 'khor du 'jigs pa kun dang bral/
/mtshungs med dpa' bo srid gsum ston pa mchog /nyam ngar lhung
ba'i 'gro la rtag tu gzigs/ /rnam 'dren khyod kyi zhabs la phyag
'tshal lo/ /

mtha' yas shes byar thogs pa med 'jug pa'i/ /mkhyen pa'i stobs
kyis ma rung bdud kyi sde/ /gnam lcags babs pa'i me tog gzhon nu
bzhin/ /pham mdzad stobs bcu'i dpal gyis brjid pa khyod/ /phas
rgol glang po dregs

pa'i klad 'gems shing/ /legs bshad sgra chen 'khor dbus bsgrags
pa yis/ /smra ba ngan pa'i wa skyes mthar mdzad pa'i/ /mi 'jigs
bzhi ldan mi yi seng ge khyod/ /khengs pas mtho ba'i 'jig rten
mes po dang/ /nya phran bdag

po dge sbyong bram ze sogs/ /gang gis smra bar ma lus 'khor lo
mchog /bskor ba 'gro la byams pa'i mgon po khyod/ /sku dang
gsung la 'khrul ba'i ming yang med/ /dran pa ma nyams rtag tu
mnyam par bzhag /tha dad 'dzin pa ma

brtags btang snyoms kyis/ /dben phyir khyod kyi spyod pa yongs
su dag /'dun pa dang ni brtson 'grus dran pa dang/ /ting 'dzin
shes rab rnam par grol ba la/ /nyams pa'i go skabs ma lus ring
du mdzad/ /de phyir khyod kyi rtogs

@014b pa bla na med/ /dus gsum thams cad chags thogs med par
mkhyen/ /sku gsung thugs kyi 'phrin las rnam par dag /srid pa'i
phyi mtha' ji srid 'gro ba'i don/ /mdzad pa'i khur gyis dgyes
bzhin 'jug pa khyod/ /rgya che'i yon tan phung po

rab rdzogs pas/ /phra mo'i skyon yang 'jug pa'i skabs bcom pa/
/khyod kyi brtse ba'i yul du gyur ba bdag /smre sngags sgo nas
smra la yud tsam dgongs/ /sdug bsngal rgya mtsho che las sgrol
ba'i gru/ /dal 'byor tshang ba'i rten 'di

yin na yang/ /bag med le lo gnyid dang bre mo'i gtam/ /rnyed
bkur 'dod pa'i skyon gyis sbags pa yis/ /don med phyogs su bkol
bas don chen po/ /bde blag bsgrub pa'i lus bzang chung gson pa/
/mi yi sha tshugs phyugs kyi 'du

shes can/ /bdag la khyod kyis thugs rjes gzigs su gsol/ /rnyed
dka'i don che'i dal 'byor thob pa yang/ /stobs kyis mi bzlog
'bros par mi nus pa'i/ /stobs ldan 'chi bdag pho nya bkye ba
dang/ /na dang rga bas zin par mthong

na yang; ;nam 'chi nges med 'chi ba'i dus kyi tshe/ /thams cad
dor nas 'gro ba shes bzhin du/ /lo zla zhag rnams don med 'da'
byed pa'i/ /rab rmongs bdag la brtse ba'i dus la 'babs/ /nges
par legs pa'i go 'phang smos ci

dgos; ;lam gyi rten du thub pas bsngags pa yi/ /mtho ris tsam
yang thob pa'i gdeng med pa/ /bdag la khyed kyis btang snyoms
mdzad lags sam/ /mtho ris dpal dang ldan pa'i lus thob kyang/
/gsung rab tshul bzhin 'byed pa'i

@015a @#/ /shes rab kyis/ /ma nor lam bzang rnyed par ma gyur na/
/slar yang 'khor ba'i rgya mtsho nyid du lhung/ /de phyir gti mug
mun pa'i smag chen gyis/ /yun ring dus su bsgribs pas blang dor
gnas/ /ji bzhin 'byed la kun

nas 'thoms gyur pa/ /bdag la shes rab sgron me stsal du gsol/
/rab 'bar lcags kyi sa gzhir me lces sreg cing lus la mtshon
cha'i char pa 'bab/ /gshin rje'i skyes bus gsal shing la bskyon
zangs zhun ldud cing phur bus lce la

'debs; ;gangs ris bskor ba'i 'khyags pa'i sbus chud bu yug
'tshubs pa'i rlung gis btab pa yis/ /la lar chu bur brgya byung
la lar rdol zhing lus ni tshal pa du mar gas/ /gdong ni skras
khebs kha ni bskams shing chu klung

mthong ste btud phyir brgyugs pa na/ /ral gri mdung rnams thogs
pa'i skyes bus 'gags shing chu yang rnag khrag nyid du mthong/
/kha ni khab kyi mig tsam wa bas mgrin 'gags zas skom rnyed
kyang spyod mi nus/ /zos shing 'thungs

rnams 'bar nas 'tshig cing bshad lcis 'tsho la rang sha bcad de
za/ /rmongs pa'i mun chen 'thibs pas lam dang lam min 'byed la
blo yi nus pa bral/ /gcig la gcig gsod lha mi'i gzhan dbang gyur
pas brdog dang bkol pa'i

sdug bsngal 'bab/ /lha rnams dpal la 'khrug pa'i phra dog me
chen 'bar bas yid bde'i go skabs bcom/ /'thab rtsod las byung
lus bcad dral zhing g.yo sgyus bslad pas bden mthong skal ba
med/ /de ltar mthong ba lta zhog thos na yang/ /

@015b snying la 'jigs bskyed kyi ni g.ya' ba yi/ /dmyal ba yi
dwags dud 'gro lha min gyi/ /g.yang sa chen po dag tu ltung
'gyur pa'i/ /dam pas smad pa'i mi bzad sdig pa'i las/ /thog med
dus nas bsags shing gsog 'gyur ba/ /g.yang

sa chen por mngon phyogs nyam thag bdag /ngan 'gro'i 'jigs las
skyob pa'i dus la bab/ /mi yi gnas na'ang longs spyod dbang
phyug gis/ /mngon par mtho na nyams kyi dogs pa dang/ /mtho ris
yon tan

'byor bas phongs pa na/ /'dod bde 'tshol bar gyur pas sha thang
ngo/ /bde bar 'dod nas de yi thabs bsgrubs pas/ /bde ba thob pa
de las ches lhag pa'i/ /lus kyi sdug bsngal sems kyi yi mi bde/
/rnam pa du mas kun

nas mnar bar 'gyur/ /lus mdzes rin chen rgyan gyis rab brgyan
nas/ /khang bzang dga' ba'i tshal du gnas bcas shing/ /yun ring
'dod pa'i bde la longs spyod pa/ /mtho ris dpal la rol pa'i lha
rnams kyang/ /mi 'dod 'chi

ba'i ltas kyis zin pa na/ /yid 'phrog snying la bcags par gyur
pa yi/ /lha yi mdzes ma yid 'ong skyes mo'i tshal/ /bdud rtsi'i
kha zas gos bzang mdzes pa'i rgyan/ /lha bu gzhon nu rnams dang
myur du bdag /mi 'dod bzhin du

'bral bar mthong ba'i tshe/ /gnas der skyes pa'i lus kyi bde ba
las/ /ches cher lhag pa'i yid kyi sdug bsngal gyis/ /bskyed pa'i
mya ngan me lce 'bar bas bsreg /tshe rabs mang por legs par spyad
pa'i las/ /'bad

@016a @#/ /pas bsgrubs pa'i 'bras bu spyad pas zad/ /bag med
dbang gis ngan 'gro'i rgyu bsgrubs pas/ /slar yang ngan song
gnas su lhung bar 'gyur/ /'dod la 'dun pa'i rnam rtog gnod sems
med/ /gnyid dang yid

la gdung ba'i spyod pa spangs/ /lus dang sems la gnod pa'i sdug
bsngal bral/ /ting 'dzin stobs kyis yun ring bder gnas pa/
/gzugs dang gzugs med lha yi gnas thob kyang/ /'du byed sdug
bsngal 'ching las ma grol

bas; ;sngon gyi ting 'dzin 'phen pa zad pa na/ /phyir yang 'og
tu lhung nas rgyud mar 'khor/ /de ltar 'khor ba'i gtso bo lha mi
yang/ /skye 'chi na dang rga la sogs pa yi/ /sdug bsngal chu bos
srid pa'i mtshor khyer na/ /srid

pa'i bde la chags pa mi rigs mod/ /'on kyang srid pas blo mig
bsgribs pa yis/ /sdug bsngal bde bar 'dzin pa'i log shes yin/
/phyin ci log gi rtog pas bsgribs pa bdag /srid pa'i chu bo che
las bsgral

du gsol/ /'dod pa'i 'dam du byid bas thar pa'i lam las grol/ /ma
rig 'thibs por zhugs pas shes rab mig dang bral/ /spros pa'i
gzeb tu tshud pas 'khor ba'i brtson rar bcings/ /las kyis mnar ba
bdag ni

khyod kyi thugs rje'i gnas/ /'jigs rung 'khor ba'i g.yang sa
'gegs pa la/ /dri med mang du thos la brten pa yi/ /tshul bzhin
dpyod pa'i rnam dag rigs stobs kyis/ /mthas yas gsung rab rnams
kyi drang nges tshul/ /

@016b ji bzhin 'byed la gzhan dring mi 'jog pa'i/ /mkhas pa'i go
'phang nges par rnyed dgos kyang/ /rgyal ba'i dgongs pa phra mo
smos ci dgos/ /'jug ldog gnas ni shin tu rags pa la'ang/ /bdag
gi blo mi ches cher

gsal ma gyur/ /da dung rab rmongs dgra 'dis bdag gi snying/
/ring du bsgribs nas grol ba'i skabs med pa/ /tshul 'di dgongs la
snying gi mun pa sel/ /rgyal ba rgyal sras spyan sngar rig gnas
la/ /mang thos rgya mtshos skye ba

du ma ru/ /yang yang sbyangs pa'i bag chags legs sad pa/ /'gro
la lam bzang mtshon pa'i mig gcig pu/ /sngon gyi dam pa rnams
kyis yal bar dor/ /de phyir mgon dang bral ba'i phongs pa bdag
/phyogs rnams

bslad pa'i 'gron po bzhin gyur pas/ /brtse chen khyod kyis rjes
su bzung ba'i dus/ /yang dang yang du gus pas bsten pa'i skyabs/
/byams pa byams pas 'gro ba sgrol ba khyod/ /myur ba myur bar
byon nas bdag gi ni/ /skye

ba skye bar theg mchog bshes gnyen mdzod/ /rtag tu brtse bas lus
can mtha' dag la/ /rgyun mi 'chad par gzigs pa khyod drung du/
/gang gi yon tan dran pas dang ba'i yid/ /nyin re bzhin du sleb
par bgyis na yang/ /

gnas kyis bskal zhing slar yang dben pa'i ro/ /rab tu myong
phyir thag ring gnas su ni/ /'jug par 'dod pas lus kyis bgrod ma
nus/ /des na bsod nams zhing gi dam pa khyod/ /mnyes par bgyid
slad lhag bsam dag pa yis/ /

@017a @#/ /rin chen sa le sbram dang lha yi dar/ /dge sbyongs
rnams la thub pas bsngags pa yi/ /chos gos gsum dang gsil byed
drang song snod/ /gzhan yang ting 'dzin smon lam gyis sprul
pa'i/ /bkod

legs yid 'phrog mchod pa nam mkha'i khyon/ /yongs su bkang ste
rkang gnyis gtso bo la/ /zhen me ma chags blo yis dbul bar bgyi/
/de las 'ongs pa'i rab dkar dge ba'i tshogs/ /gang de srid par
yun ring 'khyabs

pa na/ /sdug bsngal bye bas mnar zhing bde bas phongs/ /ma lus
'gro ba'i skyabs su bdag gyur cig /'jig rten 'dren pa'i go
'phang dam pa la/ /reg par ma gyur skye ba thams cad du/ /tshangs
spyod yongs su dag pa'i rab byung rten/ /

rnyed nas theg mchog rigs ni sad par shog/ /bzod ldan drang
zhing gya rgyu med pa dang/ /ma zhum snying stobs shug drag dad
pa dang/ /gus dang rtag tu sbyor ba'i brtson 'grus dang/ /rnam
dpyod shes rab phul byung thob par shog /rgyal ba'i

dgongs pa rnam dag rigs stobs kyis/ /ji bzhin rnyed nas rang gi
dgongs pa ltar/ /brtse bas drang pa'i thabs mkhas spyod pa yi/
/gzhan la ston la mkhas pa'i mthar son pa'i/ /bshes gnyen bsten
nas mang thos rgya mtsho la/ /

ring du sbyangs pas the tshom kun bcad nas/ /thos pa'i don rnams
tshul bzhin bsgrubs pa yis/ /bde bar gshegs rnams mnyes par byed
par shog/ /thub pas bcas pa'i mtshams las mi 'da' zhing/ /

@017b rgyal ba'i gdung 'tshob dge ba'i bshes la gus/ /dbang po
rab rno log sgrub skyon dang bral/ /yongs su dag pa'i 'khor dang
ldan par shog /nag po'i phyogs kyis yid ni bskyod pa yis/ /tshogs
pa'i chos spyod dga' ston myong ba'i gegs/ /bdud kyi

gnyen du gyur pa'i sdig grogs dang/ /skad cig tsam yang phrad
par ma gyur cig /thub dbang rjes su gus pas slob pa'i tshe/
/rlabs chen spyod pa rdzogs par byed po'i gegs/ /skal ba ngan
pa'i rjes 'gro bdud kyi las/ /bar du gcod pa'i ming yang med

par shog/ /gang dang ldan na dam pa dga' byed pa/ /dge sbyong
rgyan du 'dren pas bsngags pa yi/ /byang chub spyod pa'i rjes su
mthun pa'i rkyen/ /ma lus thogs pa med par 'grub par shog/
/byang chub spyod tshe gdul bya'i gnas kun kyang/ /

rnam dag bslab pas bsdabs pa'i rab byung la/ /'god cing de la
'os pa'i yo byad rnams/ /bsam pa tsam gyis ma lus stsol bar
shog/ /deng nas btsams te tshe rabs thams cad du/ /lus ngag yid
kyis rtsom pa gang bgyis pa/

de dag thams cad mtha' yas 'gro ba la/ /gnas skabs kun tu phan
pa'i gyur gyur cig/ /bu sdug shi ba'i dus kyi ma bzhin du/ /sdug
bsngal kun gyis mnar ba'i 'gro ba kun/ /rtag tu yid la gcags
pa'i brte ba yis/ /'dog pa thams cad

de la gtong bar shog /mos spyod sa yi dri ma sbyong ba na/ /'das
dang ma 'ongs da ltar byung ba yi/ /tshu rol mthong ba'i rgyal
sras nang na bdag /gser gyi sa 'dzin dbus na lhun po bzhin/
/spyan dang mngon shes mang du thos pa sogs/ /yon tan

@018a @#/ /kun gyis rab tu mtho ba dang/ /byis pa'i rgud pa kun
las 'das gyur te/ /gzhan dring mi 'jog spobs pa thob par shog
/rgyal sras 'phags pas sa la slob pa na/ /sar gnas dpa' bo dus
gsum thams

cad du/ /yongs su gshegs pa rnams kyi khrod na bdag /bya lam
bgrod pa 'dab bzang dbang po bzhin/ /rgyal sras gzhan gyis dpag
par dka' ba yi/ /shin tu rgya che'i shes bya'i gnas rnams la/
/dri med mkhyen pa thogs pa med

'jug cing/ /rlabs chen spyod pa'i gter du 'gyur bar shog /de
ltar spyod pa'i 'bras bu grub pa na/ /dus gsum rgyal ba rnams
kyi sku dang zhing/ /'khor dang mdzad pa sku tshe smon lam rnams/
/gang yin gcig tu bsdoms pa de dag kun/ /

thabs mkhas spyod pas yongs su rdzogs gyur nas/ /ring nas yid la
brnags pa'i 'gro ba 'di/ /dam chos bdud rtsi'i char chen phab pa
yis/ /skad cig gcig la bdag gis sgrol bar shog /lha dang bcas
pa'i 'jig rten kun gyi skyabs gcig pu rgyal ba

byams pa mgon po la smre sngags kyi sgo nas bstod pa tshangs pa'i
cod paN zhes bya ba 'di ni mang du thos pa'i rgyal khams pa blo
bzang grags pa'i dpal gyis lho brag stong ri nyi shar gi dben
gnas su sbyar ba dge legs su gyur cig// //na mo gu ru mny+dzu
go+ha ShA ya/ /ring nas goms

pa'i thugs rje'i chab kyis rang bde 'dod pa'i yid kyi me dpung
bcil/ /zab mo'i rang bzhin ji bzhin gzigs pas kun tu rtog pa'i
spros pa'i dra ba bcad/ /nyid kyis gzigs gang 'gro la bskrun
phyir gzhan phan khur chen skyo med thugs kyis

@018b khyer; ;lhag pa'i lha der yid gtad dad pa'i rlung gis
bskyod pa'i bstod tshig me tog la/ /nyin byed 'char ka'i mdangs
kyis rab 'khyud pa'i/ /lhun stug gser gyi ri bo'i ngos bzhin du/
/dmar ser 'od kyi phung po lham me ba/ /'jam

dbyangs mkhyen pa'i gter khyod yud tsam dgongs/ /ma lus zhing du
'bad pas btsal na yang/ /khyod las gzhan pa'i skyabs bzang ma
mchis pas/ /bdag nyid khyod kyi rjes su phyogs pa ni/ /nyi mas
gdungs pa'i glang chen pad

mtshor bzhin/ /de phyir khyod kyi yon tan brjod la bdag /yid la
re ba skong bar byed pa yi/ /gtong ba mdzes pa'i sbyin bdag
mthong ba na/ /'byor pas dman pa'i slong mo ba bzhin gyur/
/khyod

sku ri dbang ji bzhin mtho zhing drang/ /nya gro'i ljon pa ltar
rgyas chu zhing gab/ /btso ma'i gser ltar dag cing gsal ba yi/
/pags pa'i mdog ni legs shing srab la 'jam/ /rgyal mtshan tog
ltar spyi gtsug gnas su ni/ /ring 'jam

gnag la snum pa'i ral ba yi/ /thor cog mdzes par bcings pa'i zar
bu ni/ /zur phud lnga ldan cung zad g.yon du 'phyang/ /rin chen
rtse phran rnams kyis mdzes byas pa'i/ /dbyibs legs gdugs bzhin
kun nas rgyas pa'i

dbu; ;kra mtshams mtho ba legs par phyed pa yi/ /dpral ba'i dbyes
ni zla ba rgyas pa bzhin/ /kun du dung dang padma'i rtsa ba
ltar/ /dkar gsal g.yas su 'khyil legs ri mo can/ /dag pa'i
dngul gyi 'bur dang 'dra ba yi/ /dri med mdzod

@019a @#/ /spu smin pa'i dbus na mdzes/ /kha dog nag cing cung
zad gus pa yi/ /'jam snum spu mnyam smin tshugs ring po can/
/stug cing 'jam la ma 'dzings sgrig legs pa/ /khyu mchog bzhin
du rdzi ma yid du 'ong/ /ud

pal mthing kha'i 'dab ma ji bzhin du/ /spyan dkyus ring po cung
zad zum pa yi/ /dkar nag cha rnams ma 'dres mdzes pa ni/ /'dam
skyes 'dam ma kun nas dVangs pa bzhin/ /rim par 'tsham zhing kun
tu mtho ba'i shangs/ /

bim+pa ltar dmar yid du 'ong ba'i mchu/ /dkar zhing tshad mnyam
thags bzang bzhin bcu'i tshems/ /'gram pa zlum rgyas ri dVags
rgyal po bzhin/ /srab mnyen ro mchog myong ba'i ljags kyis ni/
/zhal gyi dkyil 'khor kun tu khebs

par mdzad/ /snyan shal bzang po'i ring du 'phyang ba'i rtser/
/rin chen du mas spras pa'i rna cha g.yo/ /gzi 'od 'khyug pa'i
rin chen phreng ba'i rgyan/ /gang du 'phyang ba'i dri med mgrin
pa ni/ /mdzes pa'i gser gyi bum pa'i mgrin pa

bzhin; ;rtsa yi dra ba mi mngon zlum zhing rgyas/ /phyag zhabs
bol dang phrag gong lhag pa'i phyogs/ /yongs su gang bas mi
mnyam med pa'i sku/ /gdong lnga pa bzhin kun nas rgyas pa'i
stod/ /lhun po'i ngos ltar rab tu yangs pa'i

brang; ;dpung pa'i mgo ni legs par zlum pa'i phyag /glang po'i
rgyal po'i sna ltar ring zhing mdzes/ /nyi shu'i sor mo mdzes
pa'i dra ba yis/ /legs par sbrel ba ngang pa'i rgyal po bzhin/
/mdog snum dmar ba'i mdangs

@019b chags sen mo yi/ /phreng bas rab tu dngar ba'i sor mo ni/
/dpag bsam yal 'dab gzhon nu'i lcug phran ltar/ /ring zhing
rgyas la 'jam zhing gzhon sha chags/ /gsal zhing rdzogs la so
sor ma 'dres pa'i/ /rtsibs

stong ldan pa'i gser gyi 'khor lo mchog /phyag dang zhabs kyi
mthil na bkra ba na/ /rgya las rgya yi 'bur ni gsal ba bzhin/
/dpung rgyan gdu bus mdzes par byas pa yi/ /g.yas pa'i phyag na
dngos 'dzin 'khri shing gi /ljon pa

drungs nas gcod pa'i ral gri ni/ /'bar ba'i 'od kyi dra ba 'gyed
pa bsnams/ /zhi sgo gnyis su med pa rten 'brel lam/ /ma lus gsal
bar ston pa'i glegs bam mchog /utpal sngon po'i lte bar gnas pa
yi/ /sdong bu g.yon

pa'i phyag gis thugs kar 'dzin/ /rab 'byams tshon gyis kha bsgrur
srab la 'jam/ /sna tshogs dar gyi smad g.yog g.yo ba'i steng/
/sil sil sgra sgrog gser gyi 'og pag gis/ /yid 'ong sked skabs
kun nas mdzes par bsdams/ /rta

mchog bzhin du gsang gnas sbubs su nub/ /'jam zhing phra ba ba
spu'i tshogs rnams ni/ /zla med re rer byung nas g.yas phyogs
su/ /rim gyis 'khyil nas sku la gyen du phyogs/ /bags kyis phra
zhing zlum pa byin pa legs/ /zhabs

kyi mkhrig ma long bu'i 'bur gyis dben/ /rus sbal lto bzhin
zhabs mthil kun nas mnyam/ /zhabs kyi bzhi cha phyir 'phags
rting pa yangs/ /'dab drug pad dkar dmar ser lte ba'i steng/
/dkyil 'khor yongs rdzogs rgyu skar bdag

@020a @#/ /po'i gdan/ /gang der sgra ldan gdu bus mkhrig ma'i
phyogs/ /mdzes pa'i zhabs gnyis rdo rje'i dkyil krung mdzad/
/bsod nams tshogs rab rab 'byams rgyu las 'khrungs pa'i sku mchog
mchog

tu mdzes pa khyod kyi sku/ /nam mkha'i mthas gtugs gtugs pa med
pa'i zhing mchog kun tu du ma'i 'gro la mig 'phrul bzhin/ /la
lar bltams shing zhing gzhan du yang byang chub tshul ston pa
khyod kyi sku yi ni/ /bkod pa mchog 'di

'di dang gzhan du ma lus 'gro kun kun mkhyen gyur kyang brjod mi
nus/ /li khri'i rgya mtshor rta bdun 'od stong lhung ba bzhin/
/lta bas mi ngoms 'od dpung phyogs bcur 'phro ba'i sku/ /gang de
cung zad bstod pa'i bsod nams de yis bdag /

'jam dyangs sku mdzes mig gi lam du 'bral med shog / nam zhig
khyod sku mthong bar gyur ma thag /srid par ring du 'khyams pas
dub pa bdag /log pa'i lam du song ba'i ma rungs yid/ /byang chub
sems kyi dbang

du 'gyur bar shog /gzhan yang gzungs dang mngon shes rnam thar
sgo/ /mu mtha' yas pa'i ting 'dzin tshogs thob nas/ /zhing khams
bye bar rgyal rnams blta ba'i phyir/ /dpag med lus kyi bkod pa
ston par shog /

der ni mang du thos pa'i mthar son te/ /mtha' yas 'gro ba chos
kyis tshim byas nas/ /ring por mi thogs rgyal ba kun gyi gtso/
/ngag gi dbang po'i sku mchog thob par shog /rje btsun 'jam dpal
dbyangs la bstod pa 'jam dbyangs

@020b mnyes par byed pa'i bstod sprin rgya mtsho las sku la bstod
pa'i skabs te dang po'o// //! 'od stong zer gyis phye ba'i gur
kum gzugs/ /dVangs ba'i me long dkyil na snang ba bzhin/ /'gying
legs dbang po'i gzhu bzhin rab bkra ba/ /

'jam dpal dbyangs kyis ngag gi dbang phyug stsol/ /phyogs bcu'i
zhing kun kun nas khengs pa'i sgra skad skad kyi dbye ba mtha'
yas pa/ /sems can kun yid yid dang mthun par 'tshim byed byed
po'i gdangs kyang zil gnon pa/ /

khyod kyi gsung dbyangs dbyangs kyi nga ro'i dkyil 'khor 'khor
ba srid du rgyun chags pa'i/ /snyan pa'i gsung gang gang gi rna
ba'i lam du lhung na na rga 'chi ba 'phrog par byed/ /gsung
snyan 'jam zhing yid 'ong yid du 'thad/ /dag cing dri

med 'od gsal snyan la 'jebs/ /mnyan par 'os shing mi tshugs snyan
zhing dul/ /mi rtsub mi rlang rab 'dul rna bar snyan/ /lus sems
snying ni 'tshim byed dga' bde bskyed/ /gdung med kun tu shes
byed rnam rig bya/ /rnam gsal

dga' byed mngon par dga' byed cing/ /kun shes byed cing rnam par
rig par byed/ /rigs shing 'brel la zlos pa'i skyon dang bral/
/seng ge glang chen 'brug dang lag 'gro'i dbang/ /dri za ka la
pingka tshangs pa dang/ /shang shang te 'u

dbang po'i dbyangs ltar snyan/ /rnga sgra ma khengs mi dma' kun
rjes zhugs/ /tshig zur phyin cing ma tshang med pa dang/ /ma zhum
mi zhan rab dga' khyab cing chub/ /rgyun chags 'brel zhing sgra
kun rdzogs par byed//

@021a @#/ /dbang po kun 'tshim ma smad mi 'gyur la/ /ma brtags
'khor kyi dkyil 'khor kun tu grag /dug gsum sel byed bdud dpung
tshar gcod cing/ /rnam pa kun gyi mchog dang ldan par 'byung/ /de
ltar bzhi

yis lhag pa'i drug cu'i dbyangs/ /gsung gcig nyid la'ang ma
tshang med par ni/ /ji srid nam mkha'i mthas khyab de srid pa'i/
/skal ldan rna ba'i lam du bde ba ster/ /de tshe nye bar gnas la
ha cang che bar mi snang ring na gnas la

chung min par/ /sna tshogs tshon dang phrad pa'i shel bzhin grangs
med gdul bya'i rang rang skad dang mthun par ni/ /spyi gtsug
mdzod spu mgrin pa la sogs khyod sku'i cha shas kun nas 'byung
bar rab ston kyang/ /de dag kun la rtog

pa nyer zhi 'di ni nam mkhas tshang dbyangs sgrog na mtshon par
nus/ /glog dmar mdzes pa'i ska rags bcings pa yi/ /char sprin
nang gi 'brug sgra zab mo bzhin/ /'jam dbyangs gsung bstod bsod
nams 'di yis bdag /khyod

gsung rna ba'i lam du 'bral med shog /gsung rgyun rna ba'i bu
gar zhugs ma thag /skal ldan rjes 'dzin log smra tshar gcod cing/
/sdeb legs tshig gis blo gsal yid 'phrog pa'i/ /'chad rtsod rtsom
pa'i gnas rnams mthar son

shog ;tha dad 'gro ba'i skad la thogs med pa'i/ /nges tshig so
sor yang dag rig pa mchog /bde blag thob nas 'gro ba thams cad
kyi/ /the tshom gcod pa'i mchog tu bdag gyur cig /khyod kyis ji
ltar rjes su gdams pa yi/ /gsung

@021b gi mtshams las nam yang mi 'da' bar/ /gus pas rtse gcig
nyams su blangs pa yis/ /gsung gi dbang phyug myur du 'grub par
shog /rje btsun 'jam pa'i dbyangs la bstod pa 'jam dbyangs mnyes
par byed pa'i bstod sprin rgya mtsho las

gsung la bstod pa'i skabs de gnyis pa'o// // ! byu ru'i mdang
dang 'dres pa'i gser bzang mdog /mdog legs shes bya ma lus lhang
nger mkhyen/ /mkhyen rab dbang phyug 'jam dbyangs 'gro ba'i
skyabs/ /skyabs mchog khyod

kyis rab 'byams shes rab stsol/ /dngos 'dzin chang gis rab tu
myos pas blang dor dpyod pa'i blo gros nyams/ /nyon mongs gdug
pa'i sna yi lag pas dge ba'i ljon pa kun tu 'joms/ /sred pa'i
zhags pas yid ni drangs pas rnyed

bkur glang mo'i phyir 'brang ba/ /bag med nags khrod kun tu rgyu
ba'i gdul ka'i yid kyi glang po che/ /dran shes bag yod thag pas
dam bcings nas/ /yang dag rigs pa'i lcags kyu rnon po yis/
/'phags mchog bye bas bgrod

cing bsngags pa yi/ /rten 'brel dam pa'i lam bzang srol du
btsud/ /tshul de skyo med brtson pa'i shug drag gis/ /dpag med
bskal bar yang dang yang goms pas/ /sgyu ma lta bu'i ting 'dzin
rdo rje yis/ /mthar 'dzin ri bo

ming gi lhag mar mdzad/ /slar yang mtha' yas rgyal ba'i dbang po
rnams/ /zab mchog mchod sprin rgya mtshos mnyes byas pas/ /dri
med mgul nas tshangs dbyangs nga ro yis/ /dgongs pa gcig gis
gsungs pa'i gdams

@022a @#/ /pa mchog /srid pa'i nad brgya drungs 'byin bdud rtsi'i
zas/ /rgyun du bsten pas bgrod par ches dka' ba'i/ /rgyal sras
spyod pa rlabs che'i pha rol tu/ /bgrod pa'i blo gros lus stobs
rgyas pa na/ /mtha'

dag 'dzin pas nam yang mi rdzi zhing/ /ma lus 'khrul snang
'dzoms la thogs med pa'i/ /ting 'dzin kun gyi gtso bor gyur pa
gang/ /rdo rje lta bur grags pa'i ting nge 'dzin/ /khyod kyis
mngon du mdzad pa de yis mthus/ /sgyu ma

lta bu'i yul gyis snang ba dang/ /rmi lam lta bu'i gsal zhing
rig pa'i blo/ /myong snang ma lus chos kyi dbyings su zhugs/ /de
phyir rtsa ba nyams pa'i ljon shing bzhin/ /ma lus 'dzin pa'i sa
bon drungs phyung bas/ /skyob pa khyod la

nam mkha' ji srid du/ /chos kyi sku las g.yo ba ga la zhig /de
ltar mgon khyod chos kyi dbyings las gcung zad g.yo ba med
bzhin du/ /du ma'i shes bya gsal bar snang ba me long nang gi
gzugs brnyan nam/ /nam

mkha'i lam na 'ja' tshon bzhin du so sor ma 'dres rdzogs par
mkhyen/ /mkhyen bzang khyod kyi mkhyen pa de yang skad cig nyid
la de ltar lags/ /sbyin las 'byor ldan gnas yin dbul po min/
/ser snas dbul po'i gnas yin

'byor ldan min/ /de sogs rten 'brel mi bslu'i gnas kun mkhyen/
/de phyir khyod ni smra ba'i gtso bo legs/ /thogs med srid par
song ba thams cad kyi/ /dge dang mi dge'i las tshul 'bras bur
bcas/ /gang de khyod kyi mngon du

@022b ma gyur med/ /de slad khyod gsung 'bras med ma mchis lags/
/chags la gnas shing sdang la mos pa dang/ /de las ldog sogs mos
pa sna tshogs tshul/ /mngon sum gzigs phyir khyod kyi mdzad pa
kun/ /'gro la don du mi

'gyur yod ma lags/ /bco brgyad khams kyi rab dbye mtha' dag la/
/khyod la lkog tu gyur pa gang yang med/ /de phyir khyod ni gdul
bya'i gnas rnams kyi/ /gdul ba'i dus las cung zad 'da' ma lags/
/srid par rgyu ba rnams kyi dad

sogs kyi/ /dbang po rno rtul dbang po med pa la/ /mkhyen pa
thogs med 'jug pa de slad khyod/ /chos ston tshul la shin tu
mkhas pa lags/ /mngon par mtho zhing nges par legs pa dang/
/ngan song gnas rnams kun tu bgrod pa'i lam/ /

kun la mkhyen pa sgrib pa med pa'i phyir/ /khyod ni 'gro ba'i
bshes gnyen bzang po lags/ /bsam gtan gzugs med seng ge rnam par
'gyings/ /thod rgal la sogs ting 'dzin mtha' dag gis/ /'jug
ldang kun byang tshul la ma rmongs pas/ /

snyoms 'jug rnams kyi pha rol son pa lags/ /thog med 'khor bar
yongs su 'dris bgyis pa'i/ /rang gzhan tshe rabs dran rtogs dang
bcas par/ /skad cig tsam gyis khong du chud pas na/ /khyod ni
sngon gyi mtha' la mkhas pa lags/ /'di rtsam

dus na 'di nas shi 'pho zhing/ /legs spyad nyes spyad las rnams
ji ltar bar/ /gang du skye ba'i gnas kun rab mkhyen pas/ /khyod
ni phyi ma'i mtha' la mkhas pa lags/ /gang zhig zag pa zad pa'i
myang 'das dang/ /gang gis

@023a @#/ /zad byed 'phags lam brgyad kyi lam/ /de dag kun la
sgrib med mngon sum spyan/ /de phyir khyod ni skyabs kyi dam pa
lags/ /de ltar gnas dang gnas min las kyi rnam smin mos pa 'jig
rten

khams; ;dbang po'i rim pa kun 'gro'i las dang nyon mongs rnam
byang sngon gyi gnas/ /'chi 'pho skye dang zag pa zad pa mkhyen
pa thogs pa med 'jug pa/ /gang la mnga' ba khyod kyi yul du ma
gyur shes bya'i

gnas de gang/ /srid par 'khyams pa rnams kyi thog med nas/ /bdag
bde'i phyir du gzhan la gnod pa'i lam/ /drag po'i rtsol bas kun
tu bsten na yang/ /ngal ba 'bras bu med pa'i gol ba ltar/ /gzhan
la

cung zad tsam yang mi 'tshe bar/ /rang nyid phyir du nyin mtshan
par med par/ /brgya phrag brtson pas thar pa bsgrub de yang/
/yang dag lam la rgyab kyis phyogs par gzigs/ /de phyir rgyal ba
kun gyi lam gcig pu/ /

lus can mtha' dag rjes su 'dzin pa'i ma/ /rgyal sras dpa' bo
g.yul du 'jug pa'i go /snying rje'i lam bzang ring nas goms par
mdzad/ /sdug bsngal rmi lam du yang mi 'dod cing/ /phul byung
bde la chog shes med par ni/ /

'gro ba 'di kun khyad par yod min na/ /gzhan bde yal bar 'dor
rnams ches 'khrul bar/ /brtse ldan khyod kyis gzigs nas bdag
dang gzhan/ /mnyam pa nyid du mthong ba'i byang chub sems/ /thog
ma nyid du goms par mdzad pa

@023b yis; ;sems can thams cad khyod kyis bdag gir gzung/ /bdag
bder sred pa yang dag lam gyi gegs/ /gzhan nyid gces 'dzin yon
tan kun gyi gter/ /de phyir khyod kyis bdag gzhan brje ba'i
tshul/ /yang yang goms

pas 'gro kun bdag tu mdzad/ /de ltar snying rje'i ma yis lan
mang du/ /lus stobs rdzogs par bskyangs pa'i bcom ldan khyod/
/phun tshogs yon tan rnams kyis mthar phyin yang/ /zhi ba'i bde
bas 'phrog par ga la 'gyur/ /

'dab bzang dbang po lha yi lam zhugs pa/ /der gnas ma yin 'dzin
mar mi ltung ltar/ /srid zhir mi gnas khyod thugs bstod pas bdag
/'jam dbyangs mkhyen brtse yid la 'bral med shog /mthar 'dzin go

skabs 'phrog pa'i lta ba dang/ /'gro kun bu sdug ltar mthong
snying rje gnyis/ /yid la bde blag nyid du 'grub gyur nas/ /lus
can theg pa mchog la 'khrid par shog /chos kun tshig don mi brjed
dran pas gzungs/ /dri ba kun gyi

lan ldon spobs pa mchog /myur du bskyed nas chos kyi phongs
rnams la/ /legs bshad dga' ston 'gyed par bdag gyur cig /sna
tshogs gdul bya'i bsam pa ji bzhin du/ /mi rtog bzhin du re ba
skong ba yi/ /'jam

dbyangs thugs kyi dpal gyis myur du bdag /ston zlas nam mkhar ji
bzhin mdzes gyur cig /rje btsun 'jam pa'i dbyangs la bstod pa
'jam dbyangs mnyes par byed pa'i bstod sprin rgya mtsho las thugs
la bstod

@024a @#/ /pa'i skabs te gsum pa'o// // ! phyogs bcu'i zhing na
mtha' yas rgyal bas rgyun chad med par rab bsngags pa/ /gang gi
snyan pas 'jig rten gsum bkang 'jam pa'i dbyangs zhes rab tu

grags; ;gang de'i yon tan cung zad gus pas brjod pa'i bstod
sprin rgya mtsho 'di/ /gang zhig 'dzin cing klog pa de yi yid la
'jam dbyangs myur 'jug shog/ {//ces rje btsun 'jam pa'i dbyangs
la bstod pa 'jam dbyangs mnyes par byed

pa'i bstod sprin rgya mtsho zhes bya ba 'di ni/ /mang du thos
pa'i rgyal khams pa blo bzang grags pa'i dpal gyis gangs can
khrod kyi lha zhol gangs ri'i dbang po 'o de gung rgyal gyi lha
zhol du sbyar ba'i yi ge pa ni sde snod 'dzin pa b+ha dra pA
la'o//} // ! jo bo bstod pa bzhugs

so; ;oM bde legs su gyur cig /phun sum tshogs pa b+haM ga la yi
yul/ /cho rigs btsun pa za hor rgyal po'i rigs/ /byang chub sems
dpa' zhi tsho 'khrungs pa'i brgyud/ /mar me mdzad pa'i zhabs la
gsol

ba 'debs/ /yab dang yum la sri zhu mkhas shing gus/ /gzugs mdzas
yid 'ong shes rab snying brtser ldan/ /ngul zhing rgyud 'jam
thabs mkhas snying stobs che/ /mar me mdzad pa'i zhabs la &/
/'jig rten lugs kyi bstan bcos thams cad dang/ /bzo dang gso ba
sgyu rtsal sna tshogs dang/ /rig byed kun la mkhas shing mkhyen
pa rgyas/ /mar me mdzad pa'i zhabs la &/ 'dod pa'i yon tan rnams

la ma chags shing/ /rgyal srid 'byor ba phun tshogs spangs nas
ni/ /dge 'dun phal chen sde pa'i dge slong mdzad/ /dpal ldan a
ti sha la gsol ba 'debs/ /'dul ba sde snod sde bzhi las gsungs
pa/ /

@024b bde bar gshegs pas bslab pa bcas pa la/ /nyes pa'i skyon
gyis ma gos rnam par dag /dpal ldan a te @#/ /yongs su 'dzin
pa'i mkhas pa yang bsten cing/ /sde snod gsum dang sgra dang
tshad ma dang/ /man

ngag kun la mkhas shing mkhyen pa rgyas/ /dpal ldan a ti &/
/gser gling rgyal po sa skyong bla ma las/ /byang chub sems kyi
bdud rtsi'i sman blangs nas/ /'gro ba kun la phan par mdzad pa
yi/ /dpal ldan a

ti &/ /sems can phongs shing shin tu sdug bsngal ba/ /rab tu
mang la snying nas brtse ba yis/ /'jig rten lha dang lha min mir
bcas pa'i/ /skyob pa yab gcig po la gsol ba 'debs/ /grub pa
brnyes pa'i bla

ma dam pa las/ /yi dam lha yi mngon rtogs lung nod nas/ /rtse
gcig sgrub pa snying por mdzad pa yis/ /lung bstan thos par
mdzad la &/ /gdul bya bod du yod par dgongs nas ni/ /kha ba can
gyi ljongs su byon nas

kyang; ;sde pa mi chen rnams kyi bla ma mdzad/ /mchod cing bkur
'os khyed la &/ /mkhas mchog khyed 'dra bod du ma byon na/
/sangs rgyas bstan pa yod par gyur kyang ni/ /phal cher zab mo'i
don la rmongs gyur bas/ /

legs par ston mdzad khyed la &/ /bstan bcos bsgyur dang bsgyur
zin 'chos pa dang/ /de nyid 'chad dang rang gis rtsom pa sogs/
/yang dag lam la legs par 'khrod pa yis/ /bstan pa rgyas mdzad
khyod

@025a @#/ /la &/ /lta ngan la zhan log pa'i lam la zhugs/ /bdud
dang mu stegs dbang phyug grub mtha' ngan/ /rig pas tshar bcad
thar pa'i lam la bkod/ /thar 'dod ded dpon khyed la gsol ba

'debs// ! sbyin dang tshul khrims bzod dang brtson 'grus dang/
/bsam gtan shes rab pha rol phyin pa drug /skye ba du mar yang
yang goms pa yi/ /tshogs gnyis yongs su rdzogs la &/ /

mkho ba sbyin dang snyan par smra ba dang/ /'jig rten don mthun
gdul bya'i don la spyod/ /bsdu ba'i dngos po bzhi yi dpal 'byor
gyis/ /gzhan don lhun mdzad khyod la &/ /dad dang tshul khrims
thos dang gtong ba dang/ /

ngo tsha shes dang khrel yod shes rab kyi/ /nor bdun dag gis
phyug par gyur pas mdzad/ /yon tan 'byung gnas khyed la &/
/sngon tshe smon lam btab pa'i slob ma mchog /rgyal ba'i 'byung
gnas ring nas 'ongs ba'i tshe/ /u pa si

ka de ring slob po zhes/ /lha mig mngon shes mnga' la &/ /ma ga
d+ha nas slob ma gus pa yis/ /sil snyan dkrol zhing gsol ba btab
pa'i skad/ /bod du gsan nas 'brom la sbran pa yi/ /rna ba'i
mngon shes mnga' la &/ /

lha sar lha yi rol mo bsgrags pa las/ /myur bar byon nas bar
khang lha tshogs la/ /phyag rten phul nas mkha' la bskor bar
mdzad/ /rdzu 'phrul mngon shes mnga' la &/ /gang du rgyal po'i
bka' chems gter dus sbas/

@025b mkha' 'gros gter kha phye nas khyod la bstan/ /shAkya mu
ni'i 'ja' sa khyod kyi drin/ /jo bo bka' drin can la &/ /sa dag
nad kyis zin pa'i mi rnams la/ /rtag par tshe 'dzin bsrung ba'i
skor rnams kyang/ /khyod las byung ste

'gro ba'i nad gso mdzad/ /klu sgrub gnyis par grags la &/ /snye
thang 'or du bye ma'i steng bzhugs tshe/ /brgya byin la sogs bar
snang lha tshogs kyis/ /rin chen sna lnga'i me tog char pa phab/
/bla ma lha yi lha la &/ /g.yor

po 'ching rur bu mos mgo rgyan phul/ /she ba gsan nas de yi
sgrib sbyong mdzad/ /rigs kyi bu mo lha ru skyes zhes gsungs/
/'gro ba 'dren pa khyed la &/ /kho ba 'di nas dga' ldan gnas su
'gro /nga la dad cing gus par byed pa

rnams; ;dga' ldan gnas su mjal bar 'gyur zhes gsungs/ /ma 'ongs
mngon sum gzigs la &/ /dga' ldan gnas na nam mkha' dri ma med/
/'phags pa'i yul na dri bam ka ra shri/ /kha ba can 'dir dpal
ldan a ti sha/ /sa

steng grags pas khyab la &/ /'brom ston bdag gis ra sgreng lha
khang bzhengs/ /'gro ba 'dren phyir gsol ba btab pa las/ /dga'
ldan gnas nas rab gnas me tog 'thor/ /byin rlabs dngos su phebs
la &/ /khyod

kyi yon tan mthong dang thos pa las/ /dang ba'i yid kyis lhang
lhang gsol 'debs na/ /dga' ldan gnas nas thugs rjes gzigs mdzod
la/ /gsol ba btab bzhin byin gyis brlab tu gsol/ /da dung kha ba
can na khyod nyid la/ /dad

@026a @#/ /cing rjes su slob pa mang yod kyi/ /thugs la dgongs
nas bu la ma bzhin du/ /brtse bas bdag gi dge bshes mdzad du
gsol/ /snyigs dus skye bo dmus long lta bu rnams/ /dam min dge
ba'i bshes 'dras

rjes bzung ste/ /'khor ba'i gcong rong gnas nas 'dren med rnams/
/thugs rje'i lcags kyus myur du drang du gsol/ /dus dang gnas
skabs dag ni thams cad du/ /dam pa khyod ni bdag gi mgon lags
kyi/ /mngon

par rdzogs par myur du 'tshang rgya 'gyur/ /thos bsam sgom gsum
bdag la stsal du gsol/ /yongs kyi dge ba'i bshes gnyen yongs kyi
mgon/ /rgyal ba'i gdung 'tshob gyur pa rgyal ba'i sras/ /rang
gzhan don gnyis 'byung

gnas rin po che/ /bshes gnyen ston pa'i zhabs la gsol ba 'debs/
/bskal pa du mar tshogs gnyis goms pa'i mthus/ /gnas gsum don la
mkhyen pa'i dkyil 'khor rgyas/ /a ti sha yi sras kyi thu bo pa/
/legs

pa'i shes rab zhabs la gsol ba 'debs/ /mar me mdzad dpal rgyal
ba kun gyi yab/ /rgyal ba'i 'byung gnas rgya ba rgya mtsho las/
/gdams pa'i khu ba bton nas tshim mdzad pa'i/ /brtson 'grus
g.yung drung zhabs la

gsol ba 'debs/ /long med thugs la 'khrungs pa'i po to ba/ /bdag
pas gzhan gces sgom pa'i spyan lnga ba/ /rgyal sras sku mched
gsum la gsol ba 'debs/ /skye ba kun tu jo bo yab sras dang/
/'brel med chos kyi dpal

@026b la longs spyod cing/ /sa dang lam gyi yon tan rab rdzogs
nas/ /rdo rje 'chang gi go 'phang myur thob shog /sangs rgyas
gnyis pa jo bo yab sras kyi/ /bstan pa 'dzin pa'i bstan 'dzin
skyes bu rnams/ /dpag bsam ljon pa

bzhin du khyod 'phyangs shing/ /dal gyi gang bu bzhin du 'phrel
bar shog/ // ! mkhyen pas srid pa'i 'ching ba mthar mdzad cing/
/thugs rjes zhi la dga' ba ring du dor/ /srid zhi'i mtha' la mi
gnas srid

zhi'i mgon/ /rgyal ba rdo rje 'chang la gsol ba 'debs/ /rab
'byams zhing gi rdul snyed las 'das pa'i/ /grangs med rgyal ba
rnams kyi mkhyen pa'i gter/ /mtha' yas gcig tu bsdus pa'i ye
shes sku/ /mgon

po 'jam dpal dbyangs la &/ /rlabs chen smon lam ring nas btab
pa'i mthus/ /rje btsun 'jam dbyangs nyid kyi mngon sum du/ /the
tshom dra ba mtha' dag gsal gyur pa/ /dpa' bo rdo rje'i zhabs la
&/ /bden gnyis

gnas tshul rigs pas legs rtogs shing/ /thabs shes zung 'brel
nyams su blangs pa'i mthus/ /sku gsum mngon du gyur pa'i tsong
kha pa/ /dpal ldan bla ma'i zhabs la &/ /'jig rten 'jig rten
'das pa'i

dge legs kyi/ /yon tan kun gyi rtsa ba drin can rje/ /yid la
dran pa tsam gyis dus kun tu/ /mos gus rtsol med skye bar byin
gyis rlobs/ /'dod chung chog shes zhi zhing dul bar gnas/
/snying nas thar pa don gnyer gsong por

@027a @#/ /smra; ;bag yod la sbyor grogs mchog sten byed cing/
/dag snang phyogs med skye bar byin gyis rlobs/ /'che bar nges
shing nam 'chi cha med par/ /tshig tsam min par dran nas long med
dang/ /snyed bkur chos la

gting nas zhen log ste/ /dgos med rgyud la skye bar &/ /lus can
mtha' dag drin can mar shes pas/ /nyam thag rnams kyi sdug
bsngal dran gyur nas/ /rang bde 'ba' zhig sgrub las yid log ste/
/snying rje rtsol med skye bar &/ /

mthar 'dzin nad kun sel ba'i smin gcig pu/ /zab mo rten 'brel
mtha' dang bral ba'i don/ /'phags mchog klu sgrub yab sras
dgongs pa dag /ji bzhin khong du chud par &/ /dge 'dis mtshon nas
dus gsum dang 'brel

ba'i; ;bdag gzhan dge ba'i rtsa ba ji snyed pa/ /de dag thams
cad skye zhing skye ba ru/ /byang chub mchog gi rjes su mi mthun
pa'i/ /shes kyi khe 'dod pa dang grags pa dang/ /'khor dang
longs spyod rnyed dang bkur ti'i

rgyur; ;skad cig tsam yang rnam pa mi smin par/ /bla med byang
chub khong na'i rgyur gyur cig /rmad byung sras bcas rgyal ba'i
byin rlabs dang/ /rten 'brel bslu ba med pa'i bden pa dang/
/bdag gi lhag bsam dag pa'i mthu

stobs kyis/ /rnam dag smon pa'i gnas 'di 'grub par shog /rtsa
brgyud bla ma khyed sku & & & &// //{ces byin rlabs nye rgyud
kyi bla ma rnams la gsol ba 'debs pa'i dngos grub kyi snye ma
zhes bya ba 'di ni mang du thos pa'i dge slong blo bzang grags
pa'i dpal

@027b gyis gangs can khrod kyi gangs ri'i dbang po 'o de gung
rgyal gyi lha zhol du sbyar ba'o// // ! dpal ldan rtsa ba'i bla
ma rin po che/ /bdag gi snying gar padmo'i steng bzhugs la/
/bka' drin chen po'i sgo nas rjes bzung ste/ /sku gsung thugs
kyi

dngos grub stsal du gsol/ /! 'dren pa mnyam med ston pa bcom
ldan 'das/ /rgyal tshab dam pa rje btsun mi pham mgon/ /rgyal bas
lung bstan 'phags pa thogs med zhabs/ /sangs rgyas byang sems
gsum la gsol ba

'debs/ ! /'dzam gling mkhas pa'i gtsug rgyan dbyig gi gnyen/
/dbu ma'i lam brnyes 'phags pa rnam grol sde/ /dad pa'i sar gnas
btsun pa rnam grol sde/ /'jig rten mig 'byed gsum la &/ /rmad
byung ngo mtshar gnas

gyur mchog gi sde/ /zab mo'i lam gyis rgyud sbyangs dul ba'i
sde/ /rlabs chen spyod pa'i gter gyur rnam snang mdzad/ /'gro
ba'i rtsa lag gsum la &/ /! lam mchog sher chen rgyas mdzad seng
bzang zhabs/ /rgyal ba'i man ngag

kun 'dzin ku sa li/ /'gro kun brtse bas rjes 'dzin dge ba can/
/'gro ba'i ded dpon gsum la &/ /byang chub thugs la mnga' brnyes
gser gling pa/ /shing rta chen po'i srol 'dzin mar me mdzad/
/lam bzang gsal

mdzad ston pa rin po che/ /bstan pa'i srog shing gsum &/ /rnal
'byor dbang phyug dpal ldan dgon pa ba/ /zab mo'i ting 'dzin
bstan pa'i sne'u zur pa/ /'dul ba'i sde snod kun 'dzin thag ma
pa/ /mtha'

@028a @#/ /'khob sgron me gsum la &/ /brtson pas sgrub pa lhur
len nam seng zhabs/ /dam pas byin rlabs nam mkha'i rgyal po
dang/ /'jig rten chos brgyad spangs pa'i seng ge bzang/ /rgyal

sras bzang po'i zhabs la &/ /byang chub thugs kyis 'gro kun bu
bzhin gzigs/ /lhag pa'i lha yis rjes bzung byin gyis brlabs/
/snyigs dus 'gro ba 'dren pa'i bshes gnyen mchog /nam mkha'
rgyal

mtshan zhabs la &/ /! dmigs med brtse ba'i gter chen spyan ras
gzigs/ /dri med mkhyen pa'i dbang po 'jam dpal dbyangs/ /gangs
can mkhas pa'i gtsug rgyan tsong kha pa/ /dpal ldan bla ma'i
zhabs la &/ /

bde bar gshegs pa'i gsung rab padmo'i tshal/ /legs par 'byed pa'i
blo gros 'od stong ldan/ /srid gsum mkhas pa'i gtsug rgyan rin
po che/ /rgyal tshab chos rje'i zhabs la &/ /rab 'byams sde snod
gsum la mkhyen pa

rgyas; ;rnam dag bslab pa gsum gyi nor gyis phyug /lus can byang
chub gsum la 'god mdzad pa'i/ /'dul ba 'dzin pa'i zhabs la &/
/phun tshogs dge legs lung rtogs nor bu'i dpal/ /'phrin las bzang
pos

bstan pa rgyas mdzad pa/ /thar lam gsal bar ston pa'i thugs rje
can/ /mkhas grub chos rje'i zhabs la &/ /phun tshogs bslab gsum
yongs 'du'i rtsa ba brtan/ /rlabs chen spyod pa'i yal ga khyon
yangs

@028b shing; ;bsdu dngos 'bras bus brjid pa'i kunda'i tshal/
/dpal ldan bla ma'i zhabs la &/ /blo gros rab dkar legs bshad
kun gyi gter/ /gsung rab rin chen bdun la dbang sgyur zhing/
/chos kyi rgyal srid skyong ba'i

dpal mnga' ba/ /rje btsun bla ma'i zhabs la &/ /rgya chen chos
kyi srid la dbang bsgyur zhing/ /rgyal ba kun gyi bstan pa'i
rgyal mtshan 'dzin/ /dpal 'byor bzang pos 'gro kun legs skyong
ba/ /chos kyi rgyal mtshan zhabs

la &/ /gzhung lugs 'bum phrag nam mkha'i khyon yongs por/ /dri
med bslab gsum dkyil 'khor rab tu rgyas/ /thub bstan nyin mor
byed pa'i dpal yon can/ /dpal ldan bla ma'i zhabs la &/ /rnam
dkar las dang rlabs

chen smon lam gyis/ /rgyal ba'i bstan pa 'dzin pa kun gyi dpal/
/shes bya kun la legs pa'i blo gros rgyas/ /blo gsal kun gyi
mgon la &/ /mkhyen rab 'jam pa'i dbyangs ltar mtha' yas shing/
/thugs rje'i 'gro ba

ma lus bu bzhin gzigs/ /'phrin las bzang pos bstan pa rgyas
mdzad pa/ /dpal ldan bla ma'i zhabs la &/ /rab 'byams gsung rab
kun la lta ba'i mig /skal bzang thar par bgrod pa'i 'jug ngogs
mchog /

brtse bas bskyod pa'i thams mkhas mdzad pa yis/ /gsal mdzad
bshes gnyen rnams la gsol ba 'debs// ! //smra ba zla med 'dren
mchog shAkya'i tog /rgyal ba'i mkhyen rab kun bsdus 'jam pa'i
dbyangs/ /

@029a @#/ /zab mo'i don gzigs 'phags mchog klu sgrub zhabs/ /smra
ba'i gtsug rgyan gsum la &/ /'phags pa'i dgongs pa gsal mdzad
zla ba grags/ /de sras thub bo rigs pa'i khu byug che/ /rgyal

sras rigs pa'i khu byug gnyis pa'i zhabs/ /rigs pa'i dbang phyug
gsum la &/ /rten 'brel zab mo ji bzhin gzigs pa yi/ /shing rta
chen po'i srol 'dzin mar me mdzad/ /lam bzang gsal

mdzad ston pa rin po che/ /'dzam gling rgyan gyur gnyis la &/
/rgyal ba'i gdung 'tshob bshes gnyen po to ba/ /rnam dpyod 'gran
zla bral ba'i sha ra ba/ /byang chub thugs kyi bka' babs 'chad
kha ba/ /'gro ba'i re skong

gsum la &/ /lung rtogs mnga' bdag byang sems spyil bu pa/ /dri
med lung gi dbang phyug mkhas pa'i mchog /khams gsum 'gro ba'i
mgon po rin po che/ /gnas brtan chen po gsum la &/ /rnam dag
tshul

khrims dad ldang zangs chen pa/ /'dul ba 'bum sde'i mnga' bdag
mtsho sna ba/ /chos mngon rgya mtsho'i mthar son mon grwa pa/
/'gro ba'i 'dren pa gsum la &/ /zab cing rgya che'i chos la
mnga' brnyes pa/ /skal ldan 'gro ba kun gyi

skyabs su gyur/ /'phrin las bzang pos bstan pa rgyas mdzad pa/
/dpal ldan bla ma'i zhabs la &/ /grub pa'i dbang phyug chen po
tshul khrims 'bar/ /bshes gnyen tshul bzhin bsten mdzad gzhon nu
'od/ /theg mchog lam

@029b gyis rgyud sbyangs dgyer sgom zhabs/ /rgyal ba'i sras po
gsum la &/ /rmad byung yon tan mdzod 'dzin sangs rgyas dbon/
/dam pas byin brlabs nam mkha'i rgyal po dang/ /'jig rten chos
brgyad spangs pa'i seng ge

bzang; ;rgyal sras bzang po'i zhabs la &/ /byang chub thugs kyis
'gro kun bu bzhin gzigs/ /lhag pa'i lha yis rjes bzung byin gyis
brlabs/ /snyigs dus 'gro ba 'dren pa'i bshes gnyen mchog /nam
mkha' rgyal

mtshan zhabs la &/ /! blo gros khang bzang bslab gsum nor gyis
phyug /bzang po'i 'phrin las gdul bya'i dpal du shar/ /grags
pa'i 'od zer 'dzam gling phyogs bcur 'phro/ /blo bzang grags
pa'i zhabs la &/ /thar

'dod thar par 'jug pa'i sgo gcig pu/ /dngos stobs rigs pas rigs
pa'i gzhung gi don/ /legs par rtogs nas gzhan la legs 'doms
pa'i/ /rgyal tshab chos rje'i zhabs la &/ /'dul ba 'dzin pa thub
pa'i

rgyal tshab ces/ /snyan pa'i grags pas sa steng kun khyab cing/
/phyogs dus kun tu bstan pa'i rgyal mtshan 'dzin/ /grags pa rgyal
mtshan zhabs la &/ /gzhung lugs ral pa thug pos gnya' khebs
shing/ /rigs

pa'i gad rgyangs sa gsum 'dar byed pa/ /'jigs med smra ba'i seng
ge dge legs dpal/ /mkhas grub chos rje'i zhabs la &/ /dge legs
gting mtha' yangs pa'i chu gter las/ /mkhyen brtse'i 'od 'bar
dbang

@030a @#/ /gi rgyal po ltar/ /mkhas mang rgyal mtshan gtsug na
mngon mtho ba/ /mi pham bla ma'i zhabs la &/ /dri med blo gros
rigs pa'i 'brug sgra can/ /rgya mtsho'i gos can mtha' dag 'dar
byed pa/ /chos char zab mos

thub bstan dpyid kyi dpal/ /skyong mdzad bla ma mchog la &/
/thub bstan gser gyi dra bas gdong mdzes shing/ /bslab gsum dag
pa'i lus stobs rab tu rgyas/ /bdag tu 'dzin pa'i 'khri shing kun
gcod pa/ /bsdu bzhis 'gro

don mdzad la &/ /mdo rgyud kun la blo gros thogs med rgyas/ /ri
dbang lta bur brtan pa'i thugs rje can/ /lus can theg pa mchog
la 'god mdzad pa'i/ /dpal ldan bla ma'i zhabs la &/ /smon lam
brgya phrag du mas bskrun pa'i sku/ /

dpal ldan mkhas pa'i yid rab 'phrog pa'i gsung/ /legs pa'i blo
gros chos kun gsal ba'i thugs/ /rab 'byams chos rje'i zhabs la
&/ /thos bsam sgom pa'i blo gros yongs su gsal/ /mkhas btsun
bzang pos

'phrin las phyogs bcur rgyas/ /'chad rtsod rtsom la smra ba'i
nyi ma mchog /blo bzang nyi ma'i zhabs la &/ /rab 'byams gsung
rab kun la lta ba'i mig /skal bzang thar par bgrod pa'i 'jug
ngogs mchog /brtse bas bskyod

pa'i thabs mkhas mdzad pa yis/ /gsal mdzad bshes gnyen rnams la
gsol ba 'debs// / // ! yon tan kun gyi gzhi gyur drin can rje/
/tshul bzhin bsten pa lam gyi rtsa ba ru/ /legs par mthong

@030b nas 'bad pa du ma yis/ /gus pa chen pos bstan par byin
gyis rlobs/ /lan gcig rnyed pa'i dal ba'i rten bzang 'di/ /shin
tu rnyed dka' don chen shes gyur nas/ /nyin mtshan kun tu snying
po len pa'i blo/ /

rgyun chad med par skye bar &/ /lus srog g.yo ba chu yi chu bur
bzhin/ /myur du 'jig pa'i 'chi ba dran pa dang/ /shi ba'i rjes
su lus dang grib ma bzhin/ /dkar nag las 'bras phye bzhin 'brang
ba la/ /nges pa brtan po rnyed nas

nyes pa'i tshogs/ /phra zhing phra ba rnams kyang spong ba dang/
/dge tshogs mtha' dag sgrub par byed pa la/ /rtag tu bag dang
ldan par &/ /spyod pa'i mi ngoms sdug bsngal kun gyi sgo/ /yid
brtan mi rung srid pa'i phun tshogs kyi/ /

nyes dmigs rig nas thar pa'i bde ba la/ /don gnyer chen po skye
bar &/ /rnam dag bsam pa de yis drangs pa yi/ /dran dang shes
bzhin bag yod chen po yis/ /bstan pa'i rtsa ba so so thar pa la/
/sgrub pa snying por byed

par &/ /rang nyid srid mtshor lhung ba ji bzhin du/ /mar gyur
'gro ba kun kyang de 'dra bas/ /mthong nas 'gro ba sgrol ba'i
khur 'khyer pa'i/ /byang chub sems mchog 'byongs bar &/ /sems
tsam bskyed kyang tshul

khrims rnam gsum la/ /goms pa med na byang chub mi grub par/
/legs par mthong nas rgyal sras sdom pa la/ /brtson pa drag po
slob par &/ /log pa'i yul la g.yeng ba zhi byed cing/ /yang dag
don la tshul bzhin

@031a @#/ /dpyod pa yi/ /zhi gnas lhag mthong zung du 'brel ba'i
lam/ /myur du rgyud la skye bar &/ /thun mong lam sbyangs snod
du gyur pa na/ /theg pa kun gyi mchog gyur rdo rje'i theg /skal
bzang skye bo'i 'jug

ngogs dam pa der/ /bde blag nyid du 'jug par &/ /de tshe dngos
grub rnam gnyis 'grub pa'i gzhi/ /rnam dag dam tshig sdom par
gsungs pa la/ /bcos ma min pa'i nges pa rnyed gyur nas/ /srog
dang bsdos te srung

bar &/ /de nas rgyud sde snying po rim gnyis kyi/ /gnad rnams ji
bzhin rtogs nas brtson pa yis/ /thun bzhi'i rnal 'byor mchog las
mi g.yal bar/ /dam pa'i gsung bzhin sgrub par &/ /de ltar lam

bzang ston pa'i bshes gnyen dang/ /tshul bzhin sgrub pa'i grogs
rnams zhabs brtan cing/ /phyi dang nang gi bar du gcod pa'i
tshogs/ /nye bar zhi bar byin gyis brlab tu gsol/ /skye ba kun tu
yang dag bla ma dang/ /

'bral med chos kyi dpal la longs spyod cing/ /sa dang lam gyi
yon tan rab rdzogs nas/ /rdo rje 'chang gi go 'phang myur thob
shog /rtsa brgyud bla ma khyed sku & & & & mdzad du gsol//
//byang chub lam gyi

rim pa'i brgyud pa rnams la gsol ba 'debs pa'i rim pa lam mchog
sgo 'byed ces bya ba 'di ni 'dod don can du mas bskul ba'i don
du/ sems dpa' chen po du mas byin gyis brlabs pa'i grub gnas
byang rVa sgreng rgyal ba'i dben gnas kyi dgon pa

@031b gong du dpal ldan a ti sha'i sku dngos dang khyad par
ma mchis pa'i sku 'dra dbu yon ma che bar grags pa'i spyan sngar
yun ring du gsol ba btab nas sha kya'i dge slong blo bzang grags
pa'i dpal gyis sbyar ba'i yi ge pa ni shAkya bzang gis bgyis pa'o// //

! dpal ldan sa gsum 'gro ba'i mig gcig pu/ /thar 'dod yongs kyi
bla na med pa'i mgon/ /rgyal ba kun las lhag pa'i thugs rje can/
/zla med bla ma mchog la gsol ba 'debs/ /rgyal ba'i

spyan sngar byang chub spyod pa blangs/ /dga' ldan gnas su 'jam
dpal snying por grags/ /kha ba can 'dir blo bzang grags pa'i
dpal/ /rgyal sras thu bo khyod la &/ /rgya chen bsod nams smin
pa'i mthu ldan pas/ /

gsung rab klog dang legs sbyar sgra la sogs/ /brda sprod gtsug
lag ma bslabs thugs su chud/ /yon tan lhun rdzogs khyod la &/
/khyod sku'i nyin byed yum gyi chu 'dzin las/ /gsal bar byon tshe
srid pa'i phun

tshogs la/ /kun nas srid pa'i glog gi rol rtsed dang/ /nam yang
'grogs pa spangs la &/ /gzhon nu'i nyid nas rgyal ba'i brtul
bzhugs kun/ /ma smad tshul khrims mchog gis legs bsdams shing/ /

skye ba kun tu gcig tu bag yod la/ /goms pa'i mthu ldan khyod la
&/ /rgyal ba'i gsung rab kun gyi tshig don la/ /thogs pa med par
'jug pa'i rnam dpyod kyis/ /rtag tu legs bshad 'tshol ba lhur
blangs

@032a @#/ /pas; ;rgya chen mkhyen pa'i gter la gsol &/ /tshig
phreng wu bas ngoms pa mi mnga' zhing/ /mkhas mchog bye bas
rtogs par dka' ba'i gnas/ /zhib cing ches phra dri med rigs pa
yis/ /

ma lus chos kun gzigs la gsol ba 'debs/ /! rtog ge la sbyangs
rgol ba mtha' dag gis/ /lan brgyar dpyad kyang mgon po khyod kyi
gsung/ /cha tsam rnam pa gzhan du g.yo ba spangs/ /dag pa'i
thugs

mnga' khyod la &/ /'phags yul shing rta che rnams bzhed pa'i
gzhung/ /ji bzhin gzigs pa khyod las gzhan na gang/ /gsung rab
kun kyang khyod nyid 'ba' zhig la/ /gdams pa'i mchog tu shar la
&/ /de phyir

mkhas mchog kun gyi cod pan la/ /rtag tu ngal bso bdzad pa'i
zhabs pad kyis/ /rgya mtsho'i gos can gang la bris pa'i rdul/
/'gro ba'i mchod rten gyur la &/ /rgyal ba'i mkhyen pas ji tsam
legs dpyad kyang/ /

khyod kyi thugs la rnam dag bslab pa'i khrims/ /lhod par bgyis
pa'i nyes pa phra mo ni/ /cha tsam gzigs pa spangs la &/ /rin
chen 'byung gnas chu yi phung po bzhin/ /khyod thugs snying
rje'i gting mtha' ji tsam zhes/ /ye

shes spyan ldan kun gyi yul las 'das/ /rje btsun thugs rje'i
gter la &/ /khyod kyi lhag bsam khyogs la ma blangs pa'i/ /lus
can phan bde'i khur ni cang ma mchis/ /rlabs chen spyod pa kun
gyi mthar son pa/ /snying stobs

@032b rmad du byung la &/ /mgon po khyod kyi zhal gyi dbugs tsam
yang/ /mtha' dag 'gro la sman pa'i rgyur gyur nas/ /tshogs gnyis
spyod pa gzhan lta smos ci tshal/ /sa gsum skye rgu'i gnyen la
gsol ba 'debs/ /

! 'jam pa'i dbyangs kyis khyod la mngon sum du/ /nyin re bzhin
yang legs bshad bdud rtsi'i rgyun/ /dus gsum rgyal ba'i thugs
kyi bcud bsdus pa/ /rgyun mi 'chad par 'doms la &/ /thub

bstan padma'i tshal la 'jig rten 'dir/ /khyod ni rgyal ba nyi ma
ji bzhin zhes/ /mi pham mgon pos khyod la mngon sum du/ /dbugs
dbyung mchog tu bsngags la &/ /grangs med rgyal ba'i sku yi
rgyal mtshan

gzigs; ;sa ra ha dang lU i pa la sogs/ /grub chen du mas mngon
sum byin gyis brlabs/ /yong dag skyes bu mchog la &/ /klu sgrub
'phags pa lha dang sangs rgyas bskyangs/ /zla ba'i zhabs kyis
gang tshe

byin rlabs pa/ /de yi mod la zab mo'i chos nyid la/ /'khrul pa'i
dri ma spangs la &/ /khyod kyis chos nyid nam mkha'i dkyil lta
bu/ /mnyam gzhag ting 'dzin mchog gi legs bsgoms pas/ /rjes thob

tu yang sgyu ma lta bu'i thugs/ /skad cig g.yo ba med la &/
/thub pa'i legs bshad kun gyi mthar thug pa/ /rgyud sde rgya
mtsho'i de nyid 'byed pa la/ /rgyal ba khyab bdag rdo rje 'chang
dbang dang/ /dbyer med bla

@033a @#/ /ma mchog la &/ /phyogs 'dir sngon chad gzhan gyis ma
myangs pa'i/ /lam gyi mthar thug rim gnyis zab mo'i gnad/ /ji
bzhin gzigs nas de don sgrub pa la/ /nyams len snying po mdzad

la &/ /phra rags lha yi rnal 'byor mthar phyin pas/ /tha mal
snang zhen kun rtog rgyang bsrings shing/ /gang shar dkyil 'khor
'khor lo'i rnam rol las/ /khyod thugs g.yo ba med la &/ /kun
rtog rlung gi

rgyu ba d+hU tIr dengs/ /'od gsal thams cad stong pa'i de nyid
gzigs/ /gang shar bde chen mchog gi rnam rol can/ /rdo rje'i
thugs dang ldan la &/ /mtha' yas smon lam stobs lnga thabs mkhas
kyis/ /'bad med

lhun grub mtha' yas gdul bya'i tshogs/ /rgyal ba dgyes pa'i lam
la 'khrid mdzad pa/ /'jig rten kun gyi skyabs la &/ /tshig spyi'i
bshad sgrub rtags kyi dge sbyong gis/ /thub bstan ming tsam lhag
mar gyur pa'i

dus; ;bslab gsum lung rtogs rgyal ba'i dam chos kun/ /khyod kyis
nyim mor mdzad la &/ /bsam bzhin zhing 'dir sku yi bkod pa ni/
/nye bar sdud la khyod thugs gzhol ba'i tshe/ /dpa' bo mkha'
'gro'i

lha tshogs mchod pa yis/ /bsam yas nam mkha' gang la &/ /'od gsal
chos sku mngon du mdzad gyur pa/ /de tshe khyod sku 'od kyi gong
bur gyur/ /bar dor longs spyod rdzogs pa'i sgyu ma'i sku/ /mchog
gi dngos grub

@033b brnyes la gsol ba 'debs/ /! deng nas brtsams te tshe rabs
kun tu bdag /khyod zhabs pad mo gus pas mchod pa dang/ /khyod
gsung nyan cing sgo gsum bya ba kun/ /khyod mnyes 'ba' zhig
sgrub par byin gyis

rlobs; ;rnyed bkur don gnyer tshe 'di'i snang ba dang/ /rang bde
'dod pa'i zhi ba'i sems spangs nas/ /'gro ba'i don sems byang
chub sems mchog dang/ /nam yang 'bral ba med par byin gyis
rlobs/ /phra zhing

mdzangs la zhi ba'i blo gros kyis/ /rigs pa'i rjes 'brang rgyal
ba'i gsung rab don/ /ma lus khong du chud nas 'gro ba yi/
/rmongs pa'i mun chen sal bar byin gyis rlobs/ /rnam mang rgyud
sde'i don la nges rnyed nas/ /lam bzang

mthar thugs rim gnyis zab mo'i don/ /phyin nang 'gal rkyen kun
gyis g.yo med par/ /rtse gcig nyams su len par byin gyis rlobs/
/mdor na rgyal ba'i dam chos mtha' dag dang/ /khyad par du yang
bla med rdo rje theg /

rgyal ba'i dgongs pa ji bzhin legs bzung nas/ /'gro ba'i 'dren
pa bgyid par byin gyis rlobs/ /dge ba 'di yis skye ba thams cad
du/ /'dren mchog bla ma khyod dang mi 'bral zhing/ /mgon po
khyod kyi thugs kyi bcud

phyung ba/ /legs bshad bdud rtsi'i ro yis 'tsho bar shog /gzhan
yang bdag gis bgyis dang bgyid 'gyur ba'i/ /legs par spyad pa ji
snyed mchis pa kun/ /khyod kyis dgyes bzhin rjes su 'dzin pa
dang/ /bka' bzhin sgrub

@034a @#/ /pa kho na'i rgyur gyur cig /dpal ldan bla ma khyed sku
& & & &/ /chos dang bkra shis 'phel bar mdzad du gsol/ /! tshe
rabs kun tu rgyal ba tsong kha pa/ /theg mchog bshes gnyen dngos
su

mdzad pa'i mthus/ /rgyal bas bsngags pa'i lam bzang de nyid la/
/skad cig tsam yang ldog par ma gyur cig/ /rje btsun bla ma de
nyid kyi zhabs kyi pad mo la nye bar gtugs pa'i bka' drin gyis
'tsho ba/ mang du thos pa'i

btsun pa dge legs dpal bzang pos sbyar ba phyogs dus thams cad
du bkra shis par gyur cig/} //! oM bde legs su gyur cig/ /chos
gos ngur smrig rgyal mtshan 'chang ba'i sku/ /chos phung brgyad
khri bzhi stong sgrag pa'i

gsungs; ;chos dbyings ngang las g.yel ba med pa'i thugs/ /chos
kyi rgyal po rgyal ba tsong kha pa/ /dpal ldan bla ma'i zhabs la
gsol ba 'debs/ /rgyal tshab sprul pa'i sku yi byin gyis rlobs/
/rang gzhan

smin cing grol bar byin gyis rlobs/ /bshad sgrub bstan pa dar
bar byin gyis rlobs/ /ka la pa na 'jam dbyangs grags pa ltar/
/kha ba can 'dir thub bstan 'dzin pa la/ /ga nas bltas kyang
'gran zla

ma mchis pa'i/ /nga yi gtsug gi rgyan gyur tsong kha pa/ /dpal
ldan bla ma'i &/ /rgyal tshab sprul pa'i sku yi &/ /rang gzhan
smin cing grol bar &/ /bshad sgrub bstan pa dar bar &/ /ca co
spangs nas legs

@034b bshad sgra dbyangs sgrog /cha lugs mdzes pa'i chos gos
rnam gsum 'phyang/ /ja sogs sred spangs gang byung tsam gyis
'tsho/ /nya lto ba dang mtshungs pa'i tsong kha pa/ /dpal ldan bla
ma'i &/ /rgyal tshab

sprul pa'i sku yi byin &/ /rang gzhan smin cing grol bar &/
/bshad sgrub bstan pa dar bar &/ /ta thA ga tas lung bstan
rgyal ba'i sras/ /tha chad gangs can 'gro rnams 'dul ba la/ /da
lta blo bzang grags

pa zhes su grags/ /na ga rdzu na'i rnam 'phrul tsong kha pa/
/dpal ldan bla ma'i &/ /rgyal tshab sprul ba'i &/ /rang gzhan
smin cing &/ /bshad sgrub bstan pa &/ /pa sangs rgyud skar dbus
na zla ba ltar/ /pha rol

mkhas mang dbus na 'gran zla bral/ /ba glang dag ltar bas mthar
gnas byas shing/ /ma yengs sgrub la brtson pa'i tsong kha pa/
/dpal ldan bla ma'i &/ /rgyal tshab sprul pa'i &/ /rang gzhan
smin cing &/ /

bshad sgrub bstan pa &/ /tsa go ra ltar nags na gnas byas shing/
/tsha grang 'gal rkyen thams cad khyad bsad nas/ /dza lang can
gyi rang sems 'dul ba la/ /wa le rtse gcig gnas pa'i tsong kha
pa/ /dpal

ldan bla ma'i &/ /rgyal tshab sprul pa'i &/ /rang gzhan smin cing
&/ /bshad sgrub bstan pa &/ /zhVa bzang tog ltar yongs 'dzin
gtsug khur nas/ /za ma chog dang gang byung tsam gyis 'tsho/ /'a
ca srid

@035a @#/ /mtshor bying ba'i 'gro rnams la/ /ya mtshan thar lam
ston pa'i tsong kha pa/ /dpal ldan bla ma'i &/ /rgyal tshab sprul
pa'i &/ /rang gzhan smin cing &/ /bshad sgrub bstan pa &/ /ra lo

pa ltar bskyed rim mthar son cing/ /la lVa pa ltar rdzogs rim
mchog tu gyur/ /shA ri'i bu ltar bden pa gzigs pa yi/ /sa steng
'gran zla bral ba'i tsong kha pa/ /dpal ldan bla ma'i &/ /rgyal
tsham sprul

pa'i &/ /rang gzhan smin cing &/ /bshad sgrub bstan pa &//ha
cang gdung ba'i nga ros gsol 'debs na/ /a don skye med ston
pa'i tsong kha pa/ /dpal ldan bla ma'i zhabs la gsol 'debs/
/rgyal tshab sprul

pa'i sku yi byin gyis rlobs/ /rang gzhan smin cing bgrod par
byin gyis rlobs/ /bshad sgrub bstan pa dar bar byin gis rlobs/
/! nga yi bla ma blo bzang grags pa de/ /dga' ldan gnas sam bde
ba can la sogs/ /dag

pa'i zhing khams gang na bzhugs kyang rung/ /bdag sogs 'khor gyi
thog mar skye bar shog /! skye zhing skye ba dag ni thams cad
du/ /rigs bzang blo gsal nga rgyal med pa dang/ /snying rje che
zhing bla ma la gus ldan/ /dpal ldan

bla ma'i dam tshig la gnas shog/ !smon lam 'di dag gang gis
mthong ngam thos/ /yid la dran par byed pa de dag kyang/ /rgyal
sras rnams kyi smon lam rlabs po che/ /ma lus sgrub la zhum pa
med par shog ! dang po

@035b rgya chen thos pa mang du btsal/ /bar du gzhung lugs thams
cad gdams par shar/ /tha mar nyin mtshan kun tu nyams su blangs/
/kun kyang bstan pa rgyas pa'i ched du bsngo// // ! na mo mnydzu
g+ho

ShA ya/ /rnam dag gangs ri'i phreng bas yongs bskor ba'i/
/phyogs 'dir bdag cag mgon med rnams kyi mgon/ /blo dman bsam
pa'i ngo dang 'tshem pa'i sku/ /ston mdzad bla ma mchog la bdag
phyag

'tshal; ;khyod ni sku tshe du ma'i snga rol tu/ /rje btsun 'jam
dbyangs sras kyi thu bor gyur/ /gzungs spobs mngon shes ting
'dzin du ma la/ /dbang 'byor chos kun rnam dpyod spyan gyis
gzigs/ /nam gzhig de bzhin

gshegs pa dbang po'i tog/ /rnam mang 'khor gyi dbus na theg pa
mchog /ston mdzad 'dun cha chen der 'jam pa'i dbyangs/ /rgyal
sras rgya mtsho'i 'khor dang bcas te gshegs/ /de tshe rgyal ba de
yi tshangs dbyangs kyis/ /

rgyal sras dpa' bo lus dang srog la yang/ /ltos pa med par ma
dag zhing rnams su/ /rdo rje theg pa'i lam bzang 'dab brgya ba/
/stong nyid gtam gyi dri bzang rdzogs pa yis/ /yongs su 'gengs
la zhugs pa gang yin pa/ /

de ni byang chub sems pa'i spyod kun gyi/ /rab dang phul zhes
rgya cher bsngags pa las/ /bdag nyid che skyod snying stobs 'o
ma'i mtsho/ /ches cher bskyod pa'i rlabs phreng g.yo ba yis/
/rgyal ba'i 'khor mang dkyil nas myur

@036a @#/ /bar langs/ /ma zhum shin tu mtho ba'i
sgra dbyangs
kyis/ /bdag ni grangs med ma dag zhing rnams su/ /stong nyid lta
dang nye 'brel sngags kyi lam/ /lus dang srog la mi lta 'doms pa
yis/ /rgyal ba

dgyes pa'i lam bzang rgyas bya zhes/ /dam bcas smon lam btab
pa'i mod nyid la/ /rgyal ba dbang po'i rtog dang phyogs bcu yi/
/rgyal ba ma lus dbyangs dang mgrin gcig tu/ /legs so khyod ni
snying stobs chen po zhes/

ches cher bsngags shing ngo mtshar ltas mang bstan/ /de nas
brtsams te sangs rgyas zhing kun tu/ /'di yi mtshan ni snying
stobs chen po zhes/ /rgyal ba sras bcas kun la mthun par grags/
/de nas der ni bde gshegs dbang

po'i tog /sku las 'od zer bye ba 'bum 'byed cing/ /'dzum ldan
zhal gyis bdag gi dge ba'i bshes/ /snying stobs che de 'di ltar
lung bstan mdzod/ /khyod ni deng nas brtsams da ma dag pa'i/
/grangs med zhing du rdo rje theg pa'i lam/ /

zab mo dbu ma'i lta bas yongs bzung ba/ /rgyas byed rlabs chen
spyod pa rdzogs byas te/ /sangs rgyas zhing mang brgal ba'i
byang shar mtshams/ /ngo mtshar rmad byung bkod pa'i 'jig rten tu/
/de bzhin gshegs pa seng ge nga ro zhes/

mngon par rdzogs par myur du 'tshang rgya 'gyur/ /zhes gsungs de
ltar 'di nyid sangs rgyas pa'i/ /rgyal ba seng ge'i nga ro'i sku
tshe ni/ /bskal pa dpag med tha mal sku yi tshad/ /dpag tshad gcig
pa mar gad mdog lta bu/ /

@036b dpag tshad du ma'i 'od ldan phyag g.yas ni/ /chos 'chad
g.yon pa mnyam gzhag la gnas po/ /bdud rtsis gang ba'i lhung
bzed de dbus na/ /bdud rtsi'i 'od ldan mchod sdong cher 'phags
shing/ /grangs

med 'od zer 'gyed pa lhag ger gsal/ /zhing de'i gdul bya dbang
po mchog rnams kyi/ /mchod sdong de nyid mthong ba'i mod tsam
la/ /theg mchog lam bzang rgyud la mngon du byed/ /'bring dang
tha ma'i gdul bya'ang

rgyal ba des/ /sngags tshul stong nyid gtam dang nyer 'breng ba/
/'doms pa'i gsung gi bdud rtsi 'thungs tsam las/ /de yi mod la
lam bzang mngon du byed/ /zhing de'i gdul bya kun kyang sngags
kyi tshul/ /zab mo dbu

ma'i lta dang nyer 'brel ba/ /khong du chud pa'i mthu las srid
pa gzhan/ /nyid mtshams mi sbyor rgyal sras sha stag go /de ltar
'tshang rgya bdag cag rnams kyi skyabs/ /'dren pa mchog de'i
thugs kyi bcud phyung ba/ /rgyud

sde rgya mtsho'i de nyid legs rtags nas/ /bka' bzhin sgrub pa
snying po byed par shog /skye ba kun tu lus dang srog la yang/
/mi lta sngags kyi chos tshul kun bzung nas/ /rgyal ba seng ge
nga ror sangs rgyas pa/ /de yi 'khor gyi dang

por bdag gyur cig/ {//ces rje btsun chos kyi rgyal po tsong kha
pa chen po gang du mngon par rdzogs par 'tshang rgyas pa'i tshul
ston pa'i sprul pa'i sku'i bkod pa mtha' yas pa las phyogs gcig
gi tshul las brtsams te mdor bsdus par brjod nas smon lam du

@037a @#/ /byed pa'i tshigs su bcad pa go bde bar 'di ni/ rje rin
po de nyid la mi byed pa'i dad pa brtan po la sogs pa'i yon tan
du mas legs par brgyan pa drung nam mkha' dpal 'byor ba'i gsung
gis nye bar bskul te btsun pa dge legs

dpal bzang pos sbyar ba'o//} //! sVa sti/ /mtshams sprin gzhon
nu'i mdangs bzhin mdzes pa'i sku/ /'chi med bdag po'i dbyangs
ltar snyan pa'i gsung/ /chu gter chen po'i klong bzhin zab pa'i
thugs/ /'jam

dbyangs rgyal ba'i yab la phyag 'tshal lo/ /rab 'byams bskal par
grangs med rgyal pa la/ /rab 'byams zhing de dpag med legs bshad
tshogs/ /rab 'byams brtson pa'i thos pas mthar son pa'i/ /mtshungs

med mkhyen pa'i dbang phyug khyod la 'dud/ /'khor ba'i tha ma'i
mtshams gang ji srid pa/ /de srid nyam thag 'gro kun bskyab pa'i
phyir/ /sems can khur chen khyel ba'i mi ngal ba'i/ /mtshungs med
snying rje'i dbang phyug khyod la

'dud; ;rgyal sras thu bo'i sku yis zhing kun tu/ /rmad byung
bkod pa'i mdzad pa'i rgya mtsho las/ /skra rtses blangs pa'i cha
shas phra mo tsam/ /mkha' mnyam 'gro ba'i don du 'dir bkod pa'i/
/tshe rabs kun tu rje btsun 'jam

dbyangs kyis/ /theg mchog ston pa'i bshes gnyen mdzad pa dang/
/sdug bsngal rgya mtshor bying ba'i drin can rnams/ /ma lus sgrol
la 'jam dbyangs 'dra bar shog/ // ! na ma A rya lo ke shVa rA
ya/ /

@037b phyogs bcu'i rgyal ba rab 'byams zhing gi rdul dang mnyam
pa de dag gi /'gro la chags pas kun tu chags pa'i snying rje
rgya mtsho lta bur zab/ /de las 'khrungs pa'i yon tan lhun rdzogs
spyan ras gzigs zhes rnam grags pa/ /

mgon po bdag cag kun gyis bsten 'os rin chen ri 'dra de la 'dud/
/dri med chu skyes gsang ba'i dbus su sil zer gang ba'i dkyil
'khor steng/ /padma'i 'dab ltar rnam par dag pa'i zhabs gnyis
mnyam pa'i tshul bzhugs te/ /

'jig rten dag na zla ba nya 'dra kun tu lham mer gsal bar khyod/
/mthong ba'i mod la snying gi gdung sil kun nas dga' ba rgyas
par mdzad/ /kha ba'i reg pa lta bur gsil yang bdud kyi sde rnams
lhag par bsreg /mtha' dag

mtshan ma'i chos las 'das kyang spros ba du ma'i dkyil 'khor
snang/ /srid las brgal yang srid pa gsum du skye ba rtag tu
bston mdzad pa'i/ /sgyu ma ji bzhin khyod kyi spyod la blo dang
ldan rnams ngo mtshar 'gyur/ /rnam pa kun

gyi rjes su zhugs pa ston mtshan nam mkha'i dkyil 'khor te/ skal
ldan skye bo rtag tu bsten pa'i skyo med sa gzhi nyid du gyur/
/'jig rten yongs kyi gti mug mun pa mthar mdzad nyi ma 'bar ba
dang/ /zhe sdang yid bsregs

gdung ba sel ba'i ri bong mtshan ma 'dzin pa can/ /bsam yas mchod
sprin rgyas pa'i dbus na sgrol mdzad sgyu ma'i rtsed 'jo dang/
/bde gshegs rgyal sras khro bo'i dpung tshogs grangs med 'khor
gyi dbus na brjid/ /

@038a @#/ /me dang chu klung skal ba ngan dang rgyal po'i 'jigs
pa la sogs pa/ /shin tu nyams thag gnas su lhung ba'i sdug
bsngal brgya yis gtses pa kun/ /khyod kyi 'od zer zla ba bkrus
'dra'i lu gu rgyud kyis

nyer drangs nas/ /lha yi dpal dang rab tu ldan pa'i bde ba mchog
la mngon pa sbyar/ /dri zhim lan bu spyi bor bcings pa nam
mkha'i 'od dang rab 'dres la/ /rgyal ba'i dbang po 'od dpag med
sku rigs kyi cod pan

dbu la mdzes/ /phyag g.yas mchog sbyin rtse mo las 'bab bdud
rtsi dkar po'i thig pa ni/ /mu tig 'od chags rtag tu lhung pa'i
yi dVags kun gyi gdung ba 'joms/ /phyag g.yon sta zur ngos la
brten pa'i 'gying

bag yid 'ong gtsang ma'i sku/ /tshangs dbang la sogs dregs ldan
'dud pas khyod ni 'jig rten kun dbang phyug /'khor lo padma mda'
dang gzhu yi phyag rgya sogs kyis rab sba ba'i/ /stong phrag
phyag dang spyan stong mnga'

ba bcu gcig zhal bzang yang dag ston/ /la lar gdug can klu yi
ded dpon seng ge'i sgra dang gzhan du ni/ /don yod zhag dang
mgrin sngon la sogs rnam pa du ma'i cho 'phrul 'gyed/ /res dga'
bgegs 'joms khro

rgyal rta mgrin legs ldan nag po'i tshul la sogs/ /drag shul sa
gsum 'gengs pa ston yang thugs ni brtse las g.yo mi mnga'/ /nam
mkha' lam gyi rjes su song ba'i 'jig rten rgya chen mtha' ma
mchis/ /de lha mod kyi

@038b sems can grangs mtshungs khyod kyi sprul pa de snyed cig
/rab tu spro yang ba spu'i rtse tsam g.yo snyam bgyid pa ma yin
te/ /char sprin las ni chu char bzhin du 'bad pa'i rtog pa mnga'
ma lags/ /rnam pa 'gar

yang 'gro ba'i don du mi 'gyur tshig ni yongs su spangs/ /rang
rang blo dang rjes su mthun pa'i 'gag med dbyangs kyi yan lag
ni/ /rgya mtsho'i rdul gyi grangs las 'das pa'i chos rnams nye
bar ston mdzad pa/ /khyod

gsung su yi rna bar lhung yang bka' la yang dag gnas par 'gyur/
/dri za'i rgyud mang sgra dang 'thab pa'i yid 'ong na chung glu
lta bu/ /yid du 'thad kyang chags ldan rnams kyi yul gyi 'dod pa
ma lus 'joms/ /nam

mkha' khyab pa'i 'brug sgra ji bzhin zab mor 'byin yang de yi
mod/ /'jigs pas skrag pa de dag gi yang sdug bsngal ming gi lhag
mar mdzad/ /'khor ba pa rnams rtag tu g.yo ba'i skye bo yang
dag sgrol slad du/ /rnam pa

kun ldan gsang mthor sgrog pa'i chos kyi 'khor lo sngon 'gro ba/
/dus gsum gtogs pa'i rgyal ba kun gyi gsung dbyangs nges par rab
rdzogs pas/ /bla med 'byor ba'i dbang phyug khyod ni 'jig rten
kun gyi bla mar grags/ /skye

bo gang dag rang sdug nyid kyang res 'ga' khro ba'i dbang gyur
te/ /gsod par brtsams mod khyod kyi 'gro rnams bu dang 'dra ba
rtag dgongs nas/ /gnod 'gyur cha tsam thugs kyis dgongs pa ring
mo zhig nas btang bas na/ /bdag 'dra

@039a @#/ /rang la brtse ba des kyang khyod thugs snying rje'i
char mi phod/ /ga bur tsan dan u shir la sogs chab kyis spangs
pa ltar bsil ba'i/ /zhi ba'i gzigs stangs nam yang mi 'dzum rigs
drug spyan ras

btsa' mod kyi/ /myong snang spros pa chos kyi dbyings su nye bar
zhi ba'i dgongs pa ni/ /bde ba mchog gis rtag tu 'khyud bzhin
g.yo ba med la phyag 'tshal lo/ /phyogs kun 'bar ba'i me lces
bsreg cing kha

gdangs mig rtsa dmar khros pa'i/ /gshed mas khor yug kun nas
'jigs bskyed la la zangs zhun 'bar ba'i khrod/ /'bru ltar tshed
pa'i tsha dmyal gnas su bdud rtsi'i char gyis bsil ba dang/ /sha
rus

'gas byed grang bas nyen rnams dro ba'i reg pas skyob tu gsol/
/lto ba ri mtshungs mgrin pa 'gag cing yan lag rtsa phran bzhin
du phra/ /lus bskams thal bas rab g.yogs lhu tshigs 'thab las me
yi tsha

tsha 'bab/ /chu klung bdag kyang bltas pa tsam gyis skem 'gyur
rtag tu ngal ba dang/ /bkres pas gdung ba'i yi dVags rnams zas
gos bdud rtsi'i char pa stsol/ /zas kham tsam gyi 'dod la sred
pas phra mo'i bde ba de

yi slad/ /gces pa'i srog kyang yal bar 'dor bgyid blang dor 'ga'
yang skabs mi phyed/ /dbyings dang kha dog mi sdug la brten shin
tu skal dman dud 'gro rnams/ /myur du dge ba'i dran pa thob cing
bde bas 'tsho

@039b ba stsal du gsol/ /nor bu 'bar ba'i gzhal med la brten
tshangs pa'i rgyal po'i dpal de yang/ /mi rtag nyams nas mnar med
me nang rus pa rkang yang 'bar 'gyur zhing/ /reg na bde ba'i mal
stan 'jam

dang yid 'ong skyed tshal ngogs rtse ba'i/ /lha bu nyid kyang
'gyur byed 'thung zhing lcags kyi tsher rnon thang la 'drad/
/mtho ba nyid kyang mi ring dus su rkang pas bsnun 'os bran du
'gyur/ /lang tsho 'di yang yud kyis

nyams 'gyur ston mtha'i me tog ji lta bu/ /'byor pa 'di yang dus
kyis 'dor nges brnyan po'i rgyan la dga' snyam bzhin/ /bdag gi
tshe yang glog 'od 'gyur bzhin skad cig tsam zhig 'dir snang ste/
/'jig rten

'di yi pha rol zhes bya sngar 'dris dngos po thag bsring ba'i/
/mun khrod stug por bdag nyid cig pu rnam par 'khyams 'gyur de
yi slad/ /'jigs rung 'khor bar nyon mongs sgyu yis snying la
mngon par bslus gyur pa//

bdag cag sdug bsngal rgya mtsho 'di nas thugs rje'i phyag gi
drang du gsol/ /gangs can ri yis bskor ba'i zhing 'dir thub pa'i
bstan gnas mod kyi/ /chos byed phal cher tshul khrims gos bral
gcer bu ngo tsha

spangs nas ni/ /khyim pa rnams la bsnyen cing ngor lta dam pas
smad pa'i las la 'jug /kye ma dam chos nyi ma'i 'od zer ri bo
phrag tu nub la nye/ /stobs dang ldan rnams rang 'dod lhur len
phan tshun rtsod cing dma' la 'tshe

@040a @#/ /dman pa rnams ni rtag tu 'khol zhing gyi na'i zas
kyang rnyed par dka'/ /mi bzad snyigs ma'i ngang tshul 'di 'drar
'phags pa'i btang snyoms mdzad lags na/ /sngon gyi thugs dam de
yis ci 'tshal 'bangs

rnams su zhig skyabs la bsten/ /khyod kyi mtshan yang byin gyis
brlabs te gang thos 'jigs pa zhi ba dang/ /sangs rgyas grangs
med bsnyen pa'i las dang khyod mtshan 'dzin tsam 'bras mtshungs
zhes/ /drang srong

bden pa'i tshig gis bstan bzhin bdag cag re bas gsol 'debs na/
/mgon po gzhan du g.yel ba'i thugs spangs nyam thag sems can
skyob tu gsol/ /skye bo thams cad dkon mchog gsum po gus pas nye

bar bsten pa dang/ /las dang 'bras bu'i gnas la dad pas rtag tu
chos kyi lam du 'jug /sna tshogs khams dang skal bar 'tshams pa'i
zhi khro'i chu 'phrul dpag med kyis/ /srid pa nyam nga'i gnas
'dir lhung ba'i gnyen rnams

bde la sbyor du gsol/ /rab gus bdag kyang de nyid 'byed pa'i blo
gros dri ma med pa dang/ /srid la skyo dang snying rjes gzhan
don skye ba du mar spyod la brtson/ /bdud sde mtha' dag pham par
byed pa'i mthu chen pha rol phyin thob ste/ /rnam

dag dga' ldan chos kyi tshul dang 'gro ba dus ring skyong gyur
cig /blo gros dman yang kho bo'i yid kyi'o mtsho gyen du 'phyur
ba'i mthus/ /bstod cing smre ba'i 'phreng ba rab mdzes dbu ma
dkar po rgod pa 'di/ /klog gam

@040b thos bsam dran pa de yang sdig pa'i dri ma rnam dag cing/
/gru 'dzin zhing du rgyal ba mchog rab spyan ras gzigs kyis rjes
bzung shog/ {//de ltar rgyal ba thams cad kyi thugs rje'i rang
gzugs 'phags pa 'jig rten dbang phyug spyan ras

gzigs la bstod cing thugs rje bskul ba'i gsol 'debs dang bcas pa
phan bde'i char 'bebs zhes bya ba 'di shAkya'i dge slong chos
smra ba blo bzang bskal bzang rgya mtshos sbyar ba'o// //! dpal
ldan bla ma dam pa la bstod pa'i tshigs su bcas pa'i tshangs
dbyangs

zhes bya ba/ /rje btsun bla ma 'jam dpal dbyangs kyi zhabs la
phyag 'tshal lo/} /!dpal ldan yon tan tshogs kyi byed po yis/ /mi
'jigs seng ge'i khri la dbang bskur ba/ /rgyal ba gnyis pa'i
rgyal tshab chos kyi rje/ /mi pham bla ma gnyis

pa rgyal gyur cig /khyod ni rnam dpyod lus mdzes shing/ /dar dir
legs bshad mgrin pa'i dbyangs/ /ma lus mkhas pa'i yid 'phrog pa/
/rin chen rigs pa'i do shal 'chang/ /mkhas pa kun gyi zur phung
la/ /bka' yi

rtse dga' bgyes pa khyod/ /dpal ldan phyogs rnams thams cad las/
/rnam pa rgyal ba'i rgyal mtshan 'dzin/ /rigs pa'i nyin byed
khyod drin las/ /gangs can blo gsal bung ba'i tshogs/ /mtha' dag
bstan pa'i pad tshal du/ /

gsung rab sbrang rtsi'i dga' ston myong/ /da lta thub pa'i
gzhung lugs la/ /log par 'khu ba rnams kyi snying/ /khyod gsung
rigs pa'i ri bo ni/ /shin tu lci bas ci yang non/ /brtson pa dam
pa'i dpung gi tshogs/ /yan

@041a @#/ /lag bzhi dang ldan pa khyod/ /le lo'i dgra sde drungs
phyung nas/ /nyams pa med pa'i go 'phang 'dzegs/ /de phyir chos
tshul chu bo'i rgyun/ /bye ba phrag brgya nyin bzhin du/ /rgyun
mi 'chad par 'babs

pa las/ /khyod thugs chu gter rnam par 'phel/ /khyod ni dam pa'i
mgon gyis bzung/ /rgyal ba'i thugs bcud bdud rtsi'i rgyun/ /zhal
gyi bum bzang lam 'ongs pa/ /dad pa'i snyim pas rdzogs par gsol/
/

de slad chos kun thugs su chud/ /rang gzhan grub mtha'i pha rol
son/ /smra mkhas ri dVags tshogs rnams kyi/ /dbus su seng ge'i
sgra yang sgrogs/ /stong nyid sder phreng cher g.yo ba/ /rten
'brel zab mo'i nga ro

yis/ /dngos 'dzin glang chen myos pa dag/ /snying las tshe ba'i
'jigs pa byin/ /bden gsung bden par gsungs pa gang/ /de yang
bcad pa rdar bsregs pa'i/ /gser bzhin tshad mas legs sbyangs
pa'i/ /

gsung la su zhig glags thor gyur/ /de phyir rtog gi rno ldan pa/
/legs sbyangs rgol ba stong dag gi /khyod drung lce rtse mgron
pa na/ /snying dang lhan cig 'dar ba bsten/ /legs bshad 'od dkar
rab rgyas shing/ /

lhag bsam cha shas yongs rdzogs pa/ /rgya gyu'i ri bong mtshan mo
dang/ /bral ba'i zla ba khyod shar tshe/ /log smra 'byung po'i
bya yi tshogs/ /mtshan mo rgyu ba'ang mtshan mo ni/ /long bas sdug
bsngal thob pa dag/ /mun pa'i khung

@041b bu skyabs su 'dzin/ /khyod ni dbyangs can mgrin par chags/
/legs bshad bdud rtsi zhal la chags/ /pha rol rgol ba ma lus
kyi/ /kha la smra bcad rgya yang byin/ /mkhas pa gser ri'i
phreng ba ni/ /gzi brjid rab rgyas nyi ma

yi; ;drung na mar me'i rtse mo dang/ /mtshungs pa'i gnas la khyod
kyis bkod/ /rtag tu legs bshad tshogs kyi kyang/ /dul ba'i dpal
gyis rnam par brjid/ /rigs pa'i snang ba bye bas brgyan/ /bstan
pa 'ba' zhig gces par

dgongs; ;de phyir phan bde'i rtsa lag mchog /blo ldan thar lam
ston pa'i mig /'gro ba'i mdza' bshes dam pa'i phul/ /khyod lta'i
mgon bcas skal ba bzang/ /bag yod chu lon brtan po yis/ /nyes
pa'i

chu klung rgyun bcad nas/ /brtul zhugs rdzogs pa'i drang srong
mchog /kun mkhyen ral ba'i cod pan mdzes/ /rang gi don du 'chi
med kyi/ /bde ba'ang rtsa ltar dgongs pa khyod/ /thugs rje kho
nas gzhan don phyir/ /bka'

ba brgya phrag dag gis dgyes/ /ri rab lta bur brtan pa'i thugs/
/byams pa'i rlung shugs kyis bskyed pas/ /shing bal bzhin du
srid pa'i 'dir/ /'gro ba'i don du g.yo ba lags/ /rim gnyis nor
bu'i cod pan

gyis; ;bslab gsum gdengs ka rab tu mdzes/ /brag yangs rgyud
sde'i rgya mtsho la/ /dbang bsgyur gdengs can dbang po khyod/
/ting 'dzin mchog gi bde ba la/ /'dod dgur spyod pa'i mthu ldan
yang/ /'gro ba'i

@042a @#/ /mun sel ngal ba la/ /lhag par gzhol 'di rmad du byung/
/mdor na yab rje dam pa'i bka'/ /rgyal ba'i ring lugs yongs
rdzogs la/ /nyams pa med pa'i bka' drin mdzad/ /phan mdzad

khyod la phyag 'tshal lo/ /skye bo yon tan med la yang/ /yon tan
lhag par sgro btags nas/ /gcam bu kho na'i ngag gis ni/ /mgu ba
lhur len tshig tu smra/ /khyod kyi yon tan chu gter las/ /skra
rtses bzung

ba'i thigs pa ltar/ /bsngags pa'i 'dab brgya dgod pa 'di/ /tshad
ma'i nyin byed 'od kyis phye/ /de ltar dge ba'i bshes kyi yon
tan gyi/ /me tog phreng mdzes cung zad spel ba las/ /thob pa'i
dge bas 'gro ba

ma lus pa/ /theg pa mchog gi mgon dang ldan gyur cig/ /rab byed
'di yang gangs ri'i khrod 'di na/ /snyan ngag dbang po kun gyi
mgo bo la/ /tshig gi gom po 'god mkhas dge legs dpal/ /bzang pos
tshig gi sbyor ba

spangs te smras/ //ces pa 'di ni mkhas grub dge legs dpal bzang
pos mdzad pa'o// // ! lha dang bcas pa'i 'jig rten thams cad la/
/chos kyi sgo mo brgyad khri bzhi stong gi/ /seng ge'i nga ro
sgrog la zla bral ba/ /mkhas

grub chos rje'i zhabs la gsol ba 'debs/ /grub pa'i gnas mchog
dpal ldan shamb+ha la'i/ /rigs ldan rigs kyi gtsor gyur grags pa
ni/ /dge legs dpal zhes sa steng mkhas rnams kyi/ /gtsug gi
rgyan du sprul la

@042b gsol ba 'debs/ /phyogs 'dir mkhas rlom ri dVags ma lus pa/
/khyed kyis lung rigs nga ro mi bzad pas/ /ches cher skrag mdzad
smra ba'i gtsug rgyan zhes/ /'jig rten gsum na grags la &/ /sgyu
ma lta bu'i chos kyi don

rtogs nas/ /sgyu ma lta bur nga ni 'tshang rgya zhes/ /skal ldan
'gro la dngos su 'doms mdzad pa/ /rdo rje 'chang dbang khyod la
&/ /bde chen chos sku'i ngang du rtag bzhugs kyang/ /klu sgrub
sras kyi thu bo legs ldan 'byed/ /a b+ha ya

sogs mkhas dang grub pa'i tshul/ /'dzin mdzad bla ma mchog la &/
/rgyal ba kun dngos rje btsun tsong kha pa'i/ /sras kyi thu bo
mnyam med dge legs dpal/ /cung zad bstod las byung ba'i bsod
nams des/ /'gro kun theg

mchog mgon dang ldan gyur cig/ /phyogs 'dir yab sras bla ma'i
'phrin las kyi/ /nyin mo'i dbang phyug 'od zer stong 'bar bas/
/log smra mun pa'i tshogs kun drung phyungs te/ /phan bde'i 'dab
brgya rtag tu rgyas par shog/ //

ces pa 'di ni btsun pa dge 'dun rgya mtsho dpal bzang pos don
gnyer can 'ga' zhig gis bskul pa'i ngor chos grVa chen po rtses
thang du smras pa'o// // oM sVa sti/ /bla ma dang mgon po 'jam
dpal dbyangs la phyag 'tshal lo/ /thub dbang

bstan pa'i sgron me legs bzung nas/ /gdul bya'i yid kyi mun pa
sel mdzad pa'i/ /mkhyen rab dbang phyug dpal ldan chos kyi rje/
/snying ga'i pad mor bzhugs la mchog stsol cig /bslab gsum dag
pa'i

@043a @#/ /dkyil 'khor rab tu rgyas/ /rgya chen mkhyen pa'i 'od
stong rab tu 'khor/ /skal bzang 'dab brgya ldan pa'i gnyen gcig
pu/ /smra ba'i nyi ma blo bzang dge 'dun grub/ /! zhabs pad
gtsug

gis bsten pa'i mang thos bdag /dri bzhon rlung gis bskyod pa'i
nags 'tshal bzhin/ /dang ba'i bser bus kun nas rab bskyod de/
/mgon po 'di yi yon tan cha tsam brjod/ /! 'jam dbyangs gsung gi
'dab

bzang me tog la/ /stong nyid sbrang rtsi zab mo'i bcud chags pa/
/khyod kyi rnam dpyod ro 'dzin dam pa des/ /bsten pas zab lam
sbrang rtsi'i dga' ston myong/ /phyogs glang grags pa'i gsung
rab nam mkha' las/ /legs

par mthon po'i grub mtha' nam mkha' lcags/ /rigs pa'i glog
phreng stong dang bcas pa des/ /phas rgol lha min sde dang bcas
pa 'dir/ / ! bu ram shing pa'i ring lugs bla na med/ /yongs
rdzogs nyams pa med par ston

pa la; ;mgon po khyod ni smra ba bla na med/ /smra ba gzhan
rnams chung shing bzhin du gyur/ /shes rab mchog gis bag yod
legs gsungs pa/ /skal bzang khyod la don dang bcas par gyur/
/bde gshegs bstan la nyes

ltung dri mas dben/ /de slad ngur smrig 'dzin pa'i mchog tu
gyur/ /dpal ldan rdo rje 'chang gis rab bsngags pa'i/ /rgyud sde
rgya mtsho'i de nyid legs rtogs nas/ /zab lam rim gnyis nor bu
len pa de/ /mgon po khyod

@043b la don dang bcas par gyur/ /skal bzang blo gros padmo kha
'byed pa'i/ /gsung rab dal gyis 'chad pa'i smra mkhas dang/ /log
smra phyi rgol spongs pa 'phrog byed pa'i/ /mkhas pa'i 'dun sar
rtso ba'i khri la dbang/ /

gsung rab dgongs don tshul bzhin rab 'byed pa'i/ /sdeb legs rtsom
pas mkhas rnams dga' ba skyed/ /rmad byung mkhas pa'i bya ba
gsum po de/ /'jig rten 'di na mun sel sgron me yin/ /rmongs pa'i

mun sen rgya chen thos pa dang/ /rigs lam ma 'dres 'byed pa'i so
sor rtog/ /gnas lugs don la lta ba'i nyams len gsum/ /'dzam
gling 'di na 'dod pa 'jo ba yin/ /nyon mongs gdung sil nges

'byung tshul khrims dang/ /dpag yas 'gro la brtse ba'i lhag bsam
dang/ /mthar 'dzin dra ba gcod pa'i shes rab ni/ /sa steng 'di
na rin chen rnam pa gsum/ /! mkhas pa mdzes pa'i rgyan bzang 'di
dag ni/ /dam pa rnams

kyis khyod la bsngags pa yis/ /phyogs med rgyal khams bgrod pa'i
mang thos bdag /bshes gnyen dam pa'i rnam par thar pa dran/ /bde
gshegs bstan la ngur smrig rgyal mtshan 'dzin/ /bshes gnyen dam
pa'i zhabs pad spyi bor

len; ;legs par bshad pa'i bdud rtsi'i dga' ston myong/ /'di 'dra
'di yang skal ba bzang snyam bgyid/ /mgon khyod bstod pa'i bsod
nams dam pa des/ /skye dang skye bar khyod dang mi bral zhing/
/zas gtsang sras kyi bstan pa sde snod gsum/ /

@044a @#/ /kun la sbyangs pa'i yon tan mchog tu gyur/ /zab mo dbu
ma'i lam dang 'brel ba yi/ /bla med rdo rje theg pa'i bstan pa
la/ /rgyal bas bsngags pa'i dal 'byor lus thob nas/ /bde gshegs
bstan pa'i dpal du bdag

gyur cig /bdag kyang mgon po khyod kyi bka' drin las/ /thams cad
gzigs pa'i go 'phang thob kyi bar/ /skye ba kun tu tshe rabs dran
pa dang/ /ngur smrig 'dzin pa'i mchog tu 'gyur bar shog / ! ston
pa bla na med pa'i bstan pa dang/ /

mjal ba 'di 'dra bla ma'i drin yin pas/ /dge ba 'di yang 'gro ba
ma lus pa/ /bshes gnyen dam pas 'dzin pa'i rgyu ru bsngo/ / !
thams cad mkhyen pas rjes su bzung ba'i tshe/ /mi mnyes skad cig
tsam yang mi sgrub cing/ /sku gsung

thugs kyi rnam thar lugs bzung nas/ /tshul bzhin sgrub pa'i mchod
pa'i mnyes byed shog/ //ces thams cad mkhyen pa dge 'dun grub pa
dpal bzang po la bstod pa 'di ni 'dul ba 'dzin pa blo gros sbas
pas mdzad pa'o// // ! na mo gu ru mnydzu

g+ho ShA ya/ /thub dbang zhal gyi padmo la chags pa'i/ /legs
bshad sbrang rtsis myos pa'i rkang drug pa/ /rmad byung rtogs
pa'i dbyangs snyan sgrogs pa can/ /theg mchog nyan thos gyur la
gsol ba 'debs/ /ke la shas mdzes nor bu'i

pho brang che/ /dpal ldan dang po'i sangs rgyas rtsa ba'i
brgyud/ /slar yang sdud mdzad 'jam pa'i dbyangs zhes grags/
/rigs ldan rigs kyi gtso la &/ /! grub pa'i go 'phang mthon por
gshegs gyur kyang/ /sna tshogs

@044b gdul bya'i bsam pa ji bzhin du/ /legs ldan rang rgyud
shing rta'i srol 'byed mkhan/ /klu sgrub sras kyi mchog la &/
/rje btsun rnal 'byor ma yis rjes bzung nas/ /rgyud sde'i don la
thog med mkhyen pa rgyas/ /'chad rtsod rtsom pas thub

bstan nyin mor mdzad/ /'jigs med 'byung gnas zhabs la &/ /dam
chos 'dzin pa'i smon lam stobs rgyas pas/ /'phags yul mkhas grub
du ma'i zhabs bsten cing/ /'dus pa'i lam bzang phyogs 'dir gsal
mdzad pa/ /

sgra sgyur dam pa'i zhabs la &/ /'jam pa'i dbyangs kyis dngos su
byin brlabs pas/ /shes bya kun la lta ba'i rnam dpyod kyis/ /rig
gnas rgya mtsho'i mthar son paNDi ta/ /kun dga' rgyal mtshan zhabs
la &/ /gsang sngags rnying

ma'i gdams pa bdud rtsi'i chus/ /skal bzang byas pa grub pa'i ya
mtshan gyis/ /snang srid zil gnod dam can bran du 'khol/ /rnal
'byor dbang phyug zhabs la &/ /rgyal ba gnyis pa rje btsun tsong
kha pa'i/ /sras kyi thu bo'i tshul

bzung bstan pa'i gnyen/ /'dzam gling mkhas pa'i gtsug rgyan dge
legs dpal/ /mkhas grub chen po'i zhabs la &/ /mdo rgyud gzung la
mkhyen pa'i lus stobs rgyas/ /bslab gsum rim gnyis gser gyi dra
bas

mdzes; ;dngos stobs rigs pa'i mche ba mngon mtho ba'i/ /phyogs
kyi glang po'i zhabs la &/ /blo bzang dgongs don bsam 'phel
dbang gi rgyal/ /rmad byung sgrub pa'i rgyal mtshan rtser mchod
pas/ /sku gsum

@045a @#/ /'dod dgu'i char 'bebs dben sa pa/ /grub mchog dam pa'i
zhabs la &/ /dge legs yon tan ma lus 'byung ba'i gnas/ /dri med
blo bzang bstan pa'i khang bzang rtser/ /chos

kyi rgyal mtshan 'dzin pa'i dpal yon can/ /dpal ldan bla ma'i
zhabs la &/ /blo gros yangs pa'i skal bzang gdul bya'i tshogs/
/gtsug na bsod nams ye shes 'bras bu yi/ /legs dud rlung gi
rgyal

mtshan ltar bkra pa/ /dpal ldan bla ma'i zhabs la &/ /blo gros
gzigs pa dri med ke la sha'i/ /sa 'dzin las 'ongs chos bzang
gang ga'i chus/ /yid can dri 'khrud skal ldan shing rta'i mdzod/
/dpal ldan ye shes

dbang po &/ /rgyal ba kun las lhag pa'i bka' drin che/ /rje
btsun blo bzang dpal ldan yi shes kyi/ /mchog gi sprul sku blo
bzang mkhyen brtse'i gter/ /dpal ldan bstan pa'i nyi ma &/ /blo
bzang rgyal kun 'dus pa'i

dpal ldan zhing/ /theg gsum chos kyi sgra dbyangs sgrogs pa yi/
/snyan pa'i grags pa'i sa gsum kun khyab pa/ /bstan pa'i dbang
phyug chen por &/ /blo ldan skal bzang pad tshal bzhad pa'i
gnyen/ /thub bstan

gsal mdzad chos kyi nyi ma che/ /dge legs 'od stong rnam par
rgyal ba'i mgon/ /mtshungs med rje btsun bla mar &/ /rnam 'dren
bzhi pa'i lung rtogs bstan pa'i bcud/ /'dzin pas 'phrin las 'od
snang 'bar ba

@045b yis; ;'jigs med kun mkhyen lam bzang gsal mdzad pa'i/
/chos kyi dbang phyug chen por &/ /'dis mtshon dge bas tshe rabs
thams cad du/ /theg mchog dam pa'i mgon dang mi 'bral zhing/ /

mtha' yas rgyal ba'i chos tshul kun bzung nas/ /bstan dang 'gro
ba'i dpal du bdag gyur cig/ /phan bde'i dpal gyur blo bzang
bstan pa'i gshen/ /bshad sgrub chos kyi rgyal mtshan 'dzin pa'i
mchog /

skal bzang gdul bya'i dpal du zhabs brtan cing/ /thub bstan rgya
mtsho rtag tu rgyas gyur cig /! blo bzang rgyal ba kun gyi thugs
rje ni/ /gcig tu bsdus pa'i yon tan rgya mtsho'i dpal/ /lhun grub
'phrin las bzang po'i

mdzad pa can/ /rje btsun bla ma'i zhabs la gsol ba 'debs/ /!
bgrang yas bskal ba'i sngon nas sangs rgyas kyang/ /'od dpag med
mgon la sogs dus gsum gyi/ /rgyal sras thu bo sa bcu'i dbang
phyug tshul/ /'jig rten gsum

gyi mgon la &/ /!de nyid thugs rje'i 'od gzigs gangs can gyis/
/gdung ba'i mun sel dge legs padmo'i tshal/ /rgyas mdzad nyi mor
byed pa srong btsan zhes/ /chos kyi rgyal por gyur la &/ /dpal
ldan mar me mdzad dpal

thugs kyi sras/ /phan bde'i 'byung gnas bka' gdams shing rta'i
srol/ /legs par 'byed mdzad ston pa rin po che/ /rgyal ba'i
'byung gnas zhabs la &/ /dbang phyug brgyad ldan rgyal ba tsong
kha pa'i/ /bstan pa'i sgro me

@046a @#/ /dge 'dun kun gyi gtso/ /mkhas shing grub pa'i dpal
gyur thams cad mkhyen/ /phan bde'i nyin mor byed la &/ /! dge
tshogs kun la 'dun pa'i rnam dpyod kyis/ /rab 'byams mdo rgyud
gzhung lugs rgya mtsho

la; ;'dod rgur spyod pa'i ded dpon bla na med/ /mkhyen rab dbang
phyug zhabs la &/ /bdag nyid chen po gzhan gyis gdul dka' ba/
/ma rungs mtha' 'khob skye bo mtha' dag la/ /bsod nams ye shes
rgya mtsho mthar

phyin pa'i/ /rgyal ba'i mdzad pa sgrub la &/ /mkhyen pa'i chu
gter gting mtha' mi mngon zhing/ /mthu stobs yon tan rin chen
tshogs kyis gang/ /'phrin las rlabs phreng 'khrigs pa'i rgya mtsho
che/ /'gro

ba'i 'dren pa mchog la &/ /kun mkhyen blo bzang bstan pa'i rgya
mtsho cher/ /mtshams sprin la 'gran ngur smrig gsar pa yi/ /sbrang
rtsi'i rgyal mtshan 'dzin pa'i pad dkar can/ /sprul pas 'gro ba
'dren la &/ /rje btsun blo bzang rgyal ba gnyis pa yis/ /bstan
pa'i dbang phyug 'jam dpal rgya mtsho'i zhabs/ /bzang po'i mdzad
pa'i 'gro ba 'dren mdzad pa/ /skyabs gsum kun 'dus zhabs la &/ /

snyigs dus tsha zer brgya phrag gis mnar ba'i/ /rkang gnyis tshogs
la bsil ba'i bde ba che/ /sbyin mdzad mkhas btsun bzang po'i 'od
dkar can/ /blo bzang 'jam dpal rgya mtshor &/ /blo bzang bstan
pa'i 'byung

gnas 'dod dgu'i gter/ /ngag dbang chos 'byor nor bu'i 'od dkar
zhing/ /srid zhi'i dbul phongs ma lus bsal mdzad pa/ /lung rtogs
rgya mtsho'i mgon la &/ /ngag la dbang 'byor blo bzang rnam dpyod
kyi/ /'jam

@046b dpal snying po'i bstan 'dzin kun gyi gtso/ /mkhas btsun
tshul khrims rgya mtsho'i mnga' bdag mchog /rje btsun bla ma'i &/
/ngag gi dbang phyug skal bzang rnam 'dren gtso/ /yongs rdzogs
bstan pa'i gsal

byed sgron me che/ /mkhas btsun bstan 'dzin rgya mtsho'i gtsug
rgyan mchog /rje btsun bla ma'i zhabs la &/ /ngag dbang blo
bzang bstan pa'i khang bzang rtser/ /ngur smrig rgyal mtshan
sgreng la mi 'phrog pa'i/ /mkhyen

rab bzang po'i thugs rgyud legs gtams pa'i/ /'phrin las rgya
mtsho'i mgon la &/ /ngag dbang blo gter bskal bzang thub dbang
bstan/ /rgya chen dbyar gyi mtsho ltar spel pa'i slad/ /'jigs
bral sa gsum

dbang phyug phyogs kun las/ /rnam par rgyal ba'i sde la &/ /ngag
gi dbang phyug blo bzang rgyal ba'i bstan/ /'dzin mkhas rgyal ba
rgya mtsho'i gangs ri'i mgon/ /srid gsum dbang bsgyur phan bde
bdud rtsis mdzod/ /

mtshungs pa med pa'i sde la &/ ! /mkhyen rtse'i bdag nyid rje
btsun spyan ras gzigs/ /dpal ldan mkhas btsun bzang po'i zlos
gar gyi/ /rnam rol mchog gi sprul sku yid bzhin nor/ /blo bzang
bstan pa'i dpal du

zhabs brtan shog /bla ma yi dam rnams kyi byin rlabs dang/
/bstan srung dmag zor rgyal mo'i mthu stobs kyis/ /gangs can
mgon po bstan 'dzin rgya mtsho yi/ /sku tshe brtan cing 'phrin las
rgyas gyur cig /

@047a @#/ /de ltar bstod pa'i dge ba'i 'gro ba kun/ /mtshan nyid
ldan pa'i dam pa'i rjes bzung ste/ /mdo rgyud tshig don kun rtogs
thabs shes kyi/ /nyams len mthar son thams cad rgyas gyur cig /

bslab pa gsum ldan ngur smrig &/ /'dus pa'i tshogs kyi &/ /rtag
tu &/ /thub bstan phyogs bcu rgyas pa'i bkra shis shog/ {//ces
pa 'di ni yongs kyi dge ba'i bshes gnyen chen po gling smad
zhabs drung rin po che bka'

ba dang du blangs te/ /phyogs myul gyi rgyal khams pa blo bzang
chos kyi rgyal mtshan dpal ldan 'bras spungs kyi gzims chung nyi
'od 'khyil bar sbyar ba'i yi ge pa ni dge slong thub bstan chos
nyid pa'o//} // {smon lam skabs kyi blo bzang rgyal kun gyi kha
bskong

'di ltar/} /sprul ba'i 'gro ba 'dren la gsol ba 'debs/ /snga
'gyur theg pa padma'i rdzus skyes kyang/ /blo bzang grags snyan
bstan pa rin chen gyis/ /gdugs dkar mkha' khyab 'gro ba'i grib
bsil du/ /'degs mkhas

tshangs dbyangs rgya mtshor gsol ba 'debs/ /bskal bzang rnam 'dren
shAkya seng ge yi/ /mdo sngags bstan pa'i rgya mtsho spel slad
du/ /'phags mchog 'jig rten dbang phyug mi yi gar/ /legs mdzad
rje btsun

bla mar &/ /rje btsun blo bzang rgyal ba gnyis pa yis/ /bstan
pa'i dbang phyug 'jam dpal rgya mtsho'i mgon/ /bzang po'i mdzad
pas 'gro ba 'dren mdzad pa/ /skyabs gsum kun 'dus zhabs &/ /blo
bzang

@047b rgyal ba'i bstan pa'i khur chen po/ /'dzin mdzad phan bde
'byung gnas ngag gi dbang/ /bslab gsum lung dang rtogs pa'i rgya
mtsho che/ /skyabs mchog gangs can mgon por &/ /ngag la dbang
'byor blo bzang rnam dpyod kyis/ /

'jam dpal snying po'i bstan 'dzin kun gyi gtso/ /mkhas btsun
tshul khrims rgya mtsho'i mnga' bdag mchog /rje btsun bla ma'i
zhabs la &/ /ngag gi dbang phyug bskal bzang rnam 'dren gtso/
/yongs rdzogs bstan pa'i gsal

byed sgron me che/ /mkhas grub bstan 'dzin rgya mtsho'i gtsug
rgyan mchog/ /rje btsun bla ma'i zhabs la &/ /ngag dbang blo
bzang bstan pa'i khang bzang rtser/ /ngur smrig rgyal mtshan
sgrengs la mi 'phrog pa'i/ /mkhyen rab bzang po'i

thugs rgyud legs gtam pa'i/ /'phrin las rgya mtsho'i mgon la &/
/ngag dbang blo gter bskal bzang thub dbang bstan/ /rgya chen
dbyar gyi mtsho bzhin spel ba'i slad/ /'jigs bral sa gsum dbang
phyug phyogs kun las/ /

rnam par rgyal ba'i sde la &/ /ngag gi dbang phyug blo bzang
rgyal ba'i bstan/ /'dzin mkhas rgya ba rgya mtsho'i gangs ri'i
mgon/ /srid gsum dbang bsgyur phan bde'i bdud rtsi'i mdzod/
/mtshungs pa med pa'i sde

la &/ /mkhyen brtse'i bdag nyid rje btsun spyan ras gzigs/ /dpal
ldan mkhas btsun bzang po'i zlos gar gyis/ /rnam rol mchog gi
sprul sku yid bzhin nor/ /blo bzang bstan pa'i dpal du zhabs
brtan

@048a @#/ /de ltar bstod pa'i dge bas 'gro ba kun/ /mtshan nyid
ldan pa'i dam pas rjes bzung ste/ /mdo rgyud tshig don kun rtogs
thabs shes kyi/ /nyams len mthar son thams cad mkhyen gyur cig /

bla ma yid dam rnams kyi byin rlabs dang/ /bstan srung dmag zor
rgyal mo'i mthu stobs kyis/ /gangs can mgon po bstan 'dzin rgya
mtsho yi/ /sku tshe brtan cing 'phrin las rgyas gyur cig /sangs
rgyas

gnyis pa jo bo yab sras dang/ /bstan pa 'dzin pa'i bstan 'dzin
skyes bu rnams/ /dpag bsam ljon pa bzhin du khyon yangs shing/
/til gyi gang bu bzhin du 'phel bar shog/ // ! oM sVa sti/ /blo

bzang rgyal ba gnyis pa'i thugs kyi bcud/ /gcig bsdus bskal
bzang rgya mtsho las thon pa'i/ /bgrang yas kye rgu'i re skong
yid bzhin nor/ /bsam 'phel dbang gi rgyal por gsol ba 'debs/
/'gro kun

duHkha las sgrol dam bcas nas/ /gang 'dul ji bzhin bsgyur mkhas
gru 'dzin bdag /sgyu 'phrul dra ba las byon 'phags yul gyi/ /mi
rje paN grub tshogs la &/ /mgon khyod thugs rje'i 'od zer bsil
ljongs 'dir/ /

dge bcu'i khrims spel ngan 'gro'i lam bkag nas/ /thub bstan
snang ba'i mdzod kyis khyab mdzad pa'i/ /chos rgyal lo paN rnams
la &/ /sgrol mas lung bstan dVi paM ka ra'i sras/ /bka' gdams
shing rta'i srol 'byed

@048b 'brom ston rje/ /mkhon rigs bstan pa'i mnga' bdag 'khor
lo'i mgon/ /kun dga' snying po'i zhabs la &/ /'di snang srid
bder snying po med gzigs nas/ /lam bzang sgrub mdzad sangs rgyas
sgom pa dang/ /

rgyal ba'i dgongs don 'byed mkhas thams cad mkhyen/ /dge 'dun
grub pa'i zhabs la gsol ba 'debs/ /! 'jam dpal snying po'i lung
rtogs chos srid la/ /dbang bsgyur dge 'dun rgya mtsho'i dbus gnas
shing/ /

gdul dka' mtha' 'khob skye 'gror thar pa'i lam/ /ston mkhas bsod
nams rgya mtshor &/ /zab lam rim gnyis mthar phyin bdud sde'i
dpung/ /phye mar 'thag mdzad yon tan rgya mtsho'i dpal/ /rnam
'dren kun gyi gtsug rgyan

thams cad mkhyen/ /ngag dbang blo bzang rgya mtshor &/ /smyos
rigs las 'khrungs kun mkhyen ngag gi dbang/ /blo bzang rin chen
tshangs dbyangs rgya mtsho'i zhabs/ /blo gros bzang pos 'gro la
dam

chos char/ /'bebs mkhas bskal bzang rgya mtshor &/ /rje btsun blo
bzang rgyal ba gnyis pa yi/ /bstan pa'i dbang phyug 'jam dpal
rgya mtsho'i zhabs/ /bzang po'i mdzad pa'i 'gro ba 'dren mdzad
pa/ /

skyabs gsum kun 'dus &/ /snyigs dus tsha zer brgya phrag gis mnar
ba'i/ /rkang gnyis tshogs la bsil ba'i bde ba che/ /sbyin mdzad
mkhas btsun bzang po'i 'od dkar can/ /blo bzang 'jam dpal rgya

@049a @#/ /mtshor &/ /blo bzang bstan pa'i 'byung gnas 'dod dgu'i
gter/ /ngag dbang chos 'byor nor bu'i 'od dkar zhing/ /srid
zhi'i dbul phongs ma lus bsil mdzad pa/ /lung rtogs rgya mtsho'i

mgon la &/ /ngag la dbang 'byor blo bzang rnam dpyod kyi/ /'jam
dpal snying po'i bstan 'dzin kun gyi gtso/ /mkhas btsun tshul
khrims rgya mtsho'i mnga' bdag mchog /rje btsun bla ma'i &/ /ngag
gi

dbang phyug bskal bzang rnam 'dren gtso/ /yongs rdzogs bstan
pa'i gsal byed sgron me che/ /mkhas btsun bstan 'dzin rgya
mtsho'i gtsug rgyan mchog /rje btsun bla ma'i &/ /ngag dbang

blo bzang bstan pa'i khang bzang rtser/ /ngur smrig rgyal mtshan
sgreng la mi 'grog pa'i/ /mkhyen rab bzang po'i thugs rgyud legs
gtams pa'i/ /'phrin las rgya mtsho'i mgon la &/ /ngag dbang blo
gter bskal

bzang thub dbang bstan/ /rgya chen dbyar gyi mtsho ltar spel ba'i
slad/ /'jigs bral sa gsum dbang phyug phyogs kun las/ /rnam par
rgyal ba'i sde la &/ /ngag gi dbang phyug blo bzang rgyal ba'i
bstan/ /

'dzin mkhas rgyal ba rgya mtsho'i gangs ri'i mgon/ /srid gsum
dbang bsgyur phan bde bdud rtsi'i mdzod/ /mtshungs pa med pa'i
sde la &/ ! /mgon khyod zhabs zung mi 'gyur rdo rje'i khrir/
/bgrang

@049b yas bskal bar g.yo med brtan pa'i ngor/ /zab rgyas chos
'khor mtho ris rnga bo che/ /gzhom med rtag pa'i nga ros stsal
ba gang/ /mkha' mnyam 'gro ba'i khyu mchog rlabs chen gyis/
/thos pa'i dga' ston phun

tshogs rol pa las/ /smin grol lam bzang them skas rtser 'dzegs
nas/ /sku gsum gzhal med khang du myur 'jug shog /gzhan yang
ljongs 'dir nad mtshon mu ge sogs/ /mi mthun rgyud pa'i ming yang
mi

grag cing; ;blo bzang grags bstan phyogs bcur rgyas pa dang/
/'gro kun bde skyid ldan pa'i bkra shis shog/ {//ces thams cad
mkhyen pa blo bzang skal bzang rgya mtsho'i 'khrungs rabs gsol
'debs brtan bzhugs dang bcas pa 'di

yang 'jam dbyangs ^gong ma rgyal po'i zhabs 'bring pa gung tshe
dbang nor bu sogs dang/ mtsho sngon dpon khag rnams kyis bskul ba
la brten chos smra ba blo bzang ye shes kyis pho brang chen po
po tA la'i gzims chung bde ba can du sbyar pa'o//} //

! {rgyal ba khyab bdag rdo rje 'chang chen po dang ngo bo dbyer
ma mchis pa rje btsun blo bzang skal bzang rgya mtsho dpal bzang
po'i zhal snga nas gsang ba'i rnam par thar pa'i sgo nas bstod
pa thugs rje'i nyin byed 'dren pa'i skya rengs zhes bya ba/}
/rje btsun bla ma dam

pa de nyid kyi zhabs la gus pa chen pos phyag 'tshal lo/ /ngo
mtshar bsngags pa'i padma dkar po'i 'phreng/ /spol bas gang la
yang yang mchod pa'i slad/ /rgyal kun nam yang brtson pa mi lhod
pa/ /thugs rje'i

@050a @#/ /bdag nyid bla ma der phyag 'tshal/ /srid pa'i 'brog tu
nyam thag 'gro kun la/ /thugs rje'i phyag ring rkyong bas dbugs
'byin pa/ /dpal ldan thub pa kun gyi mdzad pa'i khur/ /

gcig tu bsnams pa khyod la bdag skyabs mchi/ /bye ba phrag
brgya'i sgyu 'phrul dra ba yis/ /nam mkha' ji srid kun tu rol
mdzad pas/ /bdag gis lce brgya sprul nas srid mtha'i bar/ /brjod
kyang khyed

bsngags ji bzhin ga la spobs/ /'on kyang khyod kyi thugs rje'i
zer 'phreng gis/ /bdag blo 'dab brgya'i tshal la skal bzang gi/
/dge legs shes tsam byin pa'i mthu nyid las/ /rmad byung gtam
gyi sbyor ba 'di

ltar spel/ /khyod ni na tshod zla tshes ches phra'i dus/ /kun gsal
dogs su sprin dkar lang long rtser/ /bcu drug 'phags pa'i gnas
brtan rab gsal bas/ /yongs rdzogs thub bstan bdag por mnga'

gsol mdzad/ /chol kun mkhyen dpyod srang la gzhal ba'i tshe/ /rab
dkar zla ba gzhon nu'i lang tsho can/ /bstan pa'i 'khor lo mchog
dang dbyangs ldan mas/ /yang yang mngon sum byin rlabs snang ba

stsal; ;de tshe rab 'byams gsung rab kun nga'i tshal/ /rang rang
dka' gnad ge sar gser gyi 'phreng/ /rnam par rgod pa'i 'dzum pa
cher bstan te/ /khyod 'ba' zhig gi phyogs su mgo lcogs ldem/
/thugs

@050b rje'i spyan ras stong gis 'gro rnams la/ /srid pa'i phyi
mtha' de srid skyob mdzad pa'i/ /nor bu chu shel lus can 'jig
rten dbang/ /khyod kyi blang dor ston pa'i bshes su gyur/ /de
tshe mi srun skye bo du ma yi/ /brlang spyod mtshon

gyis mi phigs bzod pa'i go /brtan por bgos te dus mtha' mun stug
tshogs/ /sel phyir chas pa'i brtul zhugs khyod kyis blangs/ /'jam
dpal snying po'i grub pa'i gnas mchog tu/ /rnam dag rigs tshul
rdo rje'i rtse brgya

yis; ;mthar 'dzin brag ri'i spo mtho bcom pa na/ /chos kun de
nyid mthar thogs legs par gzigs/ /kun dga'i skyed tshal mdzes par
bsti ba'i tshe/ /'od 'bum 'khyug pa'i lhun po ltar brjid pa'i/
/thub chen

dpa' bo'i mdzes sku mngon gyur pas/ /mchog tu dga' ba'i snyan
'jibs dbyangs kyis bsngags/ /thub pa kun gyi sras mchog rnam
brgyad kyis/ /padma'i 'dab ltar gnyen pa'i phyag bskyangs nas/
/gang gi

yan lag mchog la dpal byin te/ /ched du brjod pa'i dbyangs kyis
rgyud mang bsgreng/ /des ni rin chen sems mchog lhun po ltar/
/rab tu brtan pa'i dpal gyis khyod mdzes te/ /stobs bcu mnga'
ba'i gdung

'tshob bla med du/ /mtha' yas rgyal ba'i zhing du yongs su grags/
/gsang ba'i rnal 'byor mchog la mngon gzhol tshe/ /'jigs mdzad
rdo rje padma gar dbang gis/ /mthu stobs gzi byin dbang phyug
mchog

@051a @#/ /bsgrubs pas/ /phyi nang yid srubs g.yul las rnam par
rgyal/ /byi ru'i yal 'dab bskyod 'dra'i mdzes ma la/ /dbang
sngon khrag 'thung gar gyi rtsen pa'i tshe/ /rgod ma kha yi 'od

zer stong 'bar bas/ /bde 'byung gtsug rgyan ga bur rgyun du
btus/ /de tshe shes bya'i dkyil 'khor 'khor lo kun/ /chos dbyings
sgeg mo'i phang bar bres pa las/ /bde chen sgyu ma'i rigs sngags
brag cha'i

sku; ;srid zhi'i mtha' las 'das pa'i rol mor bsgrags/ /log par
'khu ba'i 'dod lha'i bran gyur 'gas/ /skye dgu'i bde skyid gzhom
la brtson pa'i tshe/ /gzi ldan dbang phyug 'dod khams dbang mo
yis/ /

g.yar dam ma bor mngon sum nyid du bsdus/ /gser 'od 'bar ba'i
gtsug gtor 'chang ba'i lugs/ /nor 'dzin bu mo'i lto bar yongs
'khyil ba'i/ /rtse dga' rnam par rgyas pa'i rgyal mtshan che/
/srid pa'i rtse mor

bgreng la khyod nyid dpa'/ /ma rgad spus 'dra 'brog ri chen po'i
spor/ /thun 'tshams bla gos gsar ba'i lhab lhub can/ /blo bzang
yab rje mchog gi mngon sum du/ /chos kyi rgyal srid chen por
dbang yang bskur/ /de tshe

mgon khyod dad pa'i rlung shugs kyi/ /bskyod pa'i rnyog med yid
mtsho'i rba rlabs 'phreng/ /gyen du 'phyur pa 'dren byed lam zung
las/ /mu tig star la brgyud 'dra rgod bzhin lhung/ /sar gnas
dpa' bo thugs kyi

@051b sras mchog la/ /gsang chen bdud rtsi'i dga' ston 'gyed pa
na/ /mngon sum dkyil 'khor bdag po yongs bzhengs te/ /gar dgu'i
'jo sgeg nyams kyis ci yang brel/ /de tshe dag pa'i snang ba rab
'byams kyi/ /stug po bkod

pa'i phun tshogs gzi byin kun/ /mgron du bos 'dra gnas mchog 'di
nyid du/ /dpa' bo dpa' mo'i gar stabs lang lang bsgyur/ /nyi shu
rtsa bzhi grub pa'i gnas mchog tu/ /rgyan drug sgeg pa'i dpa' bo
rol pa'i shar/ /

bde stong chang gis myos pa'i snang ba che/ /ngo mtshar ltad mo
'byams su klas 'di rmad/ /mi shigs rlung sems gcig gyur rang gi
lus/ /dpa' bo dpa' mo'i dbang phyug bde ba mchog/ /shes rab phag
mo'i mgrin par dam

'khyud pa'i/ /bcu gnyis dpes mtshon sgyur ma'i rol mor gzigs/ /la
lar rnam bcad stong gzugs phyag rgya che/ /rnam med bde chen
mtshon brgya'i mdangs bkrag pa'i/ /dang po'i sangs rgyas gnyis
med dbang phyug mgon/ /

mtha' yas sprul pa'i 'ja' ris 'khyug pa ston/ /ma 'ongs kla
klo'i dpung tshogs gzhom pa la/ /mi bzad rdo rje'i ru mtshon
rngams brjod can/ /mi rje bcu gnyis bdag po'i snang ba yis/
/'dzam gling yangs pa'i khyon la

dge legs sbyin/ /de lta mod kyi da dung ljongs 'di na/ /khyod la
lhag par dad pa'i skal ldan tshogs/ /gdung ba'i dbyangs kyis gsol
'debs ches mang bas/ /thugs rje'i snang ba myur bar bstan du
gsol/ /gdon gyis

@052a @#/ /brloms pa'i bu yi rang gi mar/ /gshe yang byams pa'i
ma yis sar brtsi bzhin/ /snyigs dus 'gro 'dis khyod la mtho
brtsams kyang/ /brtse chen khyod kyis phyir zhing brtse bar
rigs/ /rgyal ba rgya mtsho'i

thugs rje'i bdag nyid khyod/ /skye dang skye bar bdag gi bshes
mdzad nas/ /bla med theg pa'i bdud rtsi'i dga' ston gyis/
/snying la 'gyur ba med pa'i bde ster mdzod/ /khyod kyi gsang ba
kun gyi mdzod 'dzin pa'i/ /

sras kyi thu bo'i mchog tu bdag gyur te/ /nam mkha' ji srid 'gro
ba thams cad la/ /thub pa'i lugs bzang gsal bar byed par shog
/phyogs bcu'i rgyal ba kun gyi zhing dang sku/ /'khor dang

'byor ba mdzad pa ci mchis pa/ /bdag la ma tshang med par gyur
nas kyang/ /stobs bcu mnga' ba mchog tu 'gyur bar shog/ {//ces
rgyal ba thams cad kyi bdag po rdo rje 'chang dang dbyer ma
mchis pa'i rje btsun blo

bzang skal bzang rgyal mtsho dpal bzang po'i zhal snga nas gsang
ba'i rnam par thar pa'i sgo nas bstod pa thugs rje'i nyin byed
'dren pa'i skya rengs zhes bya ba ni/ rje btsun de nyid kyi
zhabs kyi padmo la gtugs shing blo bzang rgyal ba gnyis pa'i mdo
sngags kyi chos

tshul mtha' yas pa la dri ma med pa'i rigs lam nas drangs pa'i
dad pa brtan po dang ldan pa yul byang phyogs su skyes pa'i
rgyal khams pa lcang skya rol pa'i rdo rjes rang gzhan gyi dad
pa'i gsos su gyur par bsams te lha ldan sprul pa'i gtsug lag
khang

@052b gi nye 'dabs su sbyar ba'o//} //na maH shri gu ru mnydzu
g+ho Sha ya/ sa gsum 'gro ba'i re skong dngos grub gter/ /legs
bshad 'od stong 'gyed pa'i nyin mor byed/ /yon tan cha shas kun
rdzogs 'od dkar can/ /

dpal ldan bla ma'i lus can gtsug na rgyal/ /gang la brten na blo
gros mchog ster zhing/ /'chi bdag be con ri mo'i dbyug pa ltar/
/gang gis mdzad pa'i lha mo 'gro ba'i skyabs/ /gtsug tor rnam
rgyal cung zad

bstod par bgyi/ /mig bral skye bos sna tshogs gzugs la bzhin/
/khyed kyi ngang tshul bdag la ring du bskal/ /'on kyang dam chos
yang dag sdud pa'i phug /bde ba can gyi khang bzang mchog nyid
na/ /'jig rten rnam

'dren tshe dpag med mgon gyi/ /khyod la rgya cher bsngags pa thos
pa las/ /'phags ma'i zhabs zung ring nas bsten pa bdag /'di skad
gleng ba'i go skabs cung zad rnyed/ /yid 'phrog 'od zer stong gi
dra ba can/ /phul byung

chu zhing gab pa khyod kyi sku/ /'o ma'i chu gter dbus na gangs
ri bzhin/ /pad zla'i steng na mdzes la phyag 'tshal lo/ /chu shel
btso ma'i gser dang indra rnyil/ /yongs su dag pa'i 'od ltar
rab gsal ba'i/ /

dbus dang g.yas g.yon zhal bzang rgyas pa ni/ /sgeg dang zhi
dang khro la phyag 'tshal lo/ /gdugs mdzes tog la indra ni la
bzhin/ /rab rgyas dbu la ral pa'i thor cog can/ /dri bral mkha'
la 'khyog pa'i 'ja' tshon ltar/ /

@053a @#/ /mthon mthing spyan mchog smin ma ring pos mdzes/
/dbyibs legs shangs kyi rgyud ni yid du 'ong/ /mchu sgros mdzes
pa'i zhal ni lta na sdug /mnyen legs snyan gyi bug par rin chen

'phyang/ /rmad byung nyams kyis yid 'dzin khyod la 'dud/ /skar
'phreng bkra ba'i mdangs ltar rab gsal ba'i/ /do shal mchog gis
mgrin par rab tu 'khyud/ /'o ma'i rgyun 'dzin nu 'bur zung gcig
gis/ /

rab yangs brang la dang bas pad mtshor bzhin/ /rin chen rgyan
gyis mdzes pa'i 'jam mnyen phyag /padma'i rtsa ba ltar dkar zung
bzhi yi/ /dang po rdo rje sdig mdzub zhags pa ste/ /gnyis pa 'od
dpag med

dang mi 'jigs sbyin/ /gsum pas mda' zhu bzhi pas phyag zung gis/
/mchog sbyin bum pa bzung nas 'gro ba la/ /'chi med tshe yi dpal
ster bcom ldan ma/ /tshe dpag med pa khyod la phyag 'tshal lo/ /

yid bzhin mtsho yi mdog gi pad sdong bzhin/ /drang zhing ldan
pa'i skad skabs gsal ba can/ /'ja' tshon gur phub shel gyi mchod
sdong ltar/ /dri med mdzes sku bkra ba'i gos kyis spud/ /mi
phyed skyil

krung mchog gis legs gnas shing/ /brgyad gnyis lang tsho dpal
'dzin rgyal ba'i yum/ /mi 'dra'i rnam 'phrul du mas rnam rol ba/
/'gro ba'i yid bzhin 'jug la phyag 'tshal lo/ /rnga yab dkar po

@053b bsnams pa'i rgyal ba'i sras/ /phyag na padma rdo rje 'dzin
pa gnyis/ /g.yas g.yon gnas nas khyod skur mngon phyogs te/
/rtag tu bsgrims te bltas kyang ngoms pa med/ /ral gri lcags kyu
dbyug pa

rdo rje g.yas/ /g.yon pa ma rungs 'dul ba'i sdigs mdzub can/
/mi g.yo 'dod rgyal dbyug sngon stobs po che/ /khyod kyi phyogs
bzhir gnas nas bgegs dpung 'joms/ /'chi med bdud rtsi'i char gyi

rgyun 'bebs pa'i/ /gtsang ma'i gnas kyi lha yi bu gnyis ni/
/steng gi phyogs nas rin chen bum pa yis/ /dag pa'i chu rgyun
'bebs la mngon par brtson/ /ma lus shes bya mtha' dag mngon du
gyur/ /mu med

'gro la rgyun chad med par brtse/ /me mtshon dug sogs 'jig pa kun
las skyobs/ /mi dang lha yi rnam 'dren khyod la 'dud/ /shes bya
kun la rmongs pa'i dra ba bcad/ /sems can kun la snyoms pa'i
thugs dang

ldan; ;gnas skabs kun tu phan dang bde ster ba/ /'jig rten kun
gyi skyabs la phyag 'tshal lo/ /shin tu brtan pa zhes bya lha yi
bus/ /khyod kyi gzungs sngags zhag drug bgrangs pas kyang/
/'jigs pa che las

yongs su thar gyur te/ /mchog gi tshe thob ngan 'gro dag gyur na/
/'di na khyod la rtse gcig yid kyis ni/ /rgyun du skyabs su
bzung nas ting 'dzin dang/ /bzlas brjod mchod pas dus rnams 'da'
ba la/ /ci lags re ba

@054a @#/ /mi skong bcom ldan ma/ /brtse ba'i ma yis yid 'ong bul
ba bzhin/ /yid la khyod sems dang po'i bu yis ni/ /yang yang bos
kyang rjes su mi 'dzin na/ /brtse ba'i gter du bdag gis ci las

dpag ;khyod ni 'gro ba kun gyi bsam pa mkhyen/ /sngon tshe de dag
don du thugs kyang bskyed/ /ji ltar 'dul ba'i thabs la shin tu
mkhas/ /srid zhi'i rgud pa sel ba'i mthu dang ldan/ /de phyir
rtag tu dag pa'i skye ba

'dzin; ;rgyal dang phrad cing rgyal sras rigs su 'gyur/ /blo rno
tshe rabs dran zhing ngag ni btsun/ /dran dang ldan zhing bde ba
can du skye/ /dpag med tshe thub 'byung po'i gnod pa med/ /dus
min 'chi ba brgyad dang nad las

grol; ;kun gyi mchod 'os dgra las rgyal ba dang/ /ral gri rig
'dzin mkha' la 'gro ba sogs/ /rgyal bas gsungs pa'i gzungs kyi
phan yon kun/ /sgrub pa po yis ji ltar gsol ba bzhin/ /thugs
rjes

dbang gyur 'phags ma'i drin gyis ni/ /yid la re ba yongs su
rdzogs par mdzod/ /gzungs mchog gang la gtad pa'i lha dbang
dang/ /gang de 'dzin pa'i slad bzhin 'brangs nas ni/ /rtag tu
srung bar zhal gyis legs

bzhes pa/ /chos kyi rgyal po gshin rje chen pos kyang/ /snyigs
dus skye bo'i ngang tshul mi lta bar/ /rgyal ba'i spyan sngar dam
bcas dgongs mdzod la/ /gzungs kyi phan yon gang yin de dag kun/
/myur du mngon du 'gyur

@054b ba'i 'phrin las mdzod/ /de ltar 'gro ba'i skyabs gyur rje
btsun ma/ /cung zad bstod las byung ba'i dge ba des/ /'phags
ma'i go 'phang mchog de myur thob nas/ /nyam chung lus can kun
gyi mgon bgyid shog /

mi bsrun yid kyi bran du gyur ba'i mthus/ /mi 'dod 'bras bu ster
ba'i gnag pa'i las/ /mi shes dbang gis bgyis pa gang yin pa/ /ma
lus bde blag nyid du zhi gyur cig /mchog gi tshe dang rlabs chen
rnam dpyod dang/ /

dad dang snying rje brtson grus ting 'dzin sogs/ /lung dang
rtogs pa'i yon tan ji snyed pa/ /mtha' dag gong nas gong du
rgyas par shog /byang chub sgrub pa'i rjes su rab gzhol ba/ /bde
gshegs dgyes pa'i rab 'byams dbang gi

las; ;de dag thams cad ji ltar smon pa bzhin/ /'dod pa tsam gyis
rjes su byed par shog /thos bsam sgom pas bdag rgyud 'dul pa'i
tshe/ /yang dag lam gyi gegs la mngon brtson pa/ /nag po'i rtsa
lag rnams kyi

stobs dang dpung/ /mngon spyod las kyis thams cad tshar gcod shog
/mthong thos dran dang reg pa tsam gyis kyang/ /'gro ba kun gyi
ri ba gang yin pa/ /mtha' dag yongs su rdzogs par byed pa la/
/yid bzhin nor dang dpag bsam

shing bzhin shog /mdor na bshes gnyen dam pa mnyes byas nas/
/thub pa'i dgongs pa rnyed pa'i mang thos kyis/ /sgrub pa'i bya
ba legs par mthar phyin nas/ /rgyal ba'i bstan pa phyogs bcur
rgyas byed

@055a @#/ /shog ;bcom ldan 'das gtsug tor rnam par rgyal ma la
bstod pa 'chi med grub pa zhes bya ba 'di ni/ /mang du thos pa'i
rgyal khams pa blo bzang grags pa'i dpal gyis/ /gsal rje gangs
kyi dben

gnas yar 'dren du sbyar ba'o// //oM bde legs su gyur cig/
/thams cad mkhyen pa la phyag 'tshal lo/ /gang la brten na bde
blag tu/ /thar pa'i grong du bgrod pa'i thabs/ /bde gshegs bstan
pa'i

snying po mchog /so sor thar ces grags pa gang/ /ngo bo dang ni
rab dbye dang/ /so so'i ngos 'dzin skye ba'i rten/ /gtong ba'i
rgyu dang phan yon te/ /rnam pa drug gis ji bzhin bshad/ /nges
'byung bsam pa'i rgyu

byas nas/ /gzhan gnod gzhin dang bcas pa las/ /ldog pa de yang
lus ngag las/ /gzugs can yin zhes 'dod pa dang/ /spong ba'i sems
pa rgyun chags pa/ /sa bon dang bcas yin no zhes/ /'dod

pa'i tshul ni rnam pa gnyis/ /rang gi sde pa gong 'og smra/
/bsnyen gnas dge bsnyen pha ma dang/ /dge tshul pha ma dge slob
ma/ /dge slong ma dang dge slong ste/ /so sor thar pa rigs
brgyad do/ /khyim pa'i sdom pa

dang po gsum/ /rab byung sdom pa tha ma lnga/ /rtsa ba bzhi dang
yan lag bzhi/ /brgyad spong bsnyen ga nas sdom pa'o/ /mi tshangs
spyod dang ma byin len/ /srog gcod rdzun du smra ba rnams/ /rtsa
ba bzhi yin mal che mtho/ /

@055b chang 'thung gar sogs phreng sogs dang/ /phyi dro'i kha
zas yan lag bzhi/ /gsod rku smra dang log par g.yem/ /myos
'gyur 'thung ba lnga spong pa/ /dge bsnyen gyi ni sdom pa'o/
/sna gcig sna 'ga' phal cher spyod/ /

yongs rdzogs spyod dang tshangs spyod dang/ /skyabs 'gro'i dge
bsnyen rnam pa drug /rtsa ba bzhin las gcig gnyis gsum/ /'dod
log mi tshangs spyod spong dang/ /skyabs 'gro tsam gyi dge bsnyen
du/ /khas len rnams dang go

rim bzhin/ /rtsa ba bzhi dang yan lag drug /bcu spong dge tshul
sdom pa'o/ /gar sogs phreng sogs rnam gnyis dang/ /gser dngul
len dang rnam pa gsum/ /phye ba'i yan lag drug tu 'gyur/ /mkhan
por gsol

ba gdab pa dang/ /khyim pa'i rtags ni spong ba dang/ /rab byung
rtags ni len pa las/ /nyams pa rnam gsum bsnan pa yis/ /spang
bya bcu gsum dag tu 'gyur/ /dge tshul sdom pa thob rjes su/ /rtsa
ba'i chos

drug rjes mthun gyi/ /chos drug spong ba'i sdom pa ni/ /dge slob
ma yis sdom pa yin/ /gcig pu lam du 'gro mi bya/ /chu bo'i pha
rol rkyal mi bya/ /skyes pa dang ni reg mi bya/ /skyes pa la ni
dug mi bya/ /smyan du 'gyur ba mi bya zhing/ /

kha na ma tho 'chab mi bya/ /de dag rtsa ba'i chos drug spong/
/gser la bzung bar mi bya zhing/ /'doms kyi spu ni breg mi bya/
/byin len ma byas za mi bya/ /gsog 'jog byas pa bza' mi bya/ /

@056a @#/ /rtsa sngon mi gtsang
'dor mi bya/ /sa ni brko bar mi
bya ba/ /rjes mthun chos ni rnam drug spong/ /pham brgyad lhag
ma nyi shu dang/ /spong ba'i ltung byed sum cu gsum/ /ltung byed

'ba' zhig brgya brgyad cu/ /so sor bshags pa bcu gcig dang/
/nyes byas brgya dang bcu gnyis te/ /sum brgya drug cu rtsa bzhi
rnams/ /spong bar byed pa dge slong ma/ /pham pa bzhi dang lhag
ma

ma ni/ /bcu gsum spang ltung sum cu dang/ /ltung byed 'ba' zhig
dgu bcu dang/ /sor bshags bzhi dang nyes byas ni/ /brgya rtsa
bcu gnyis bsdoms pa yi/ /nyis brgya lnga bcu rtsa gsum rnams/ /

spong bar byed pa dge slong ngo/ /de ltar so thar rigs brgyad
po/ /sgra mi snyan pa ma gtogs pa'i/ /gling gsum skyes pa bud
med kyi/ /rten la skye yi za ma dang/ /ma ning mtshan gnyis sogs
la min/ /

sdom pa gtong pa'i rgyu la gnyis/ /bslab pa phul dang shi 'phos
dang/ /mtshan gnyis byung dang lan gsum gyur/ /dge rtsa chad
rnams thun mong ngo/ /nyi shu ma lon der shes dang/ /bstan phyir
khas

blangs nyin zhag 'das/ /rim bzhin dge slong dge slong ma/
/bsnyen gnas rnams kyi thun mong min/ /rtsa ba'i ltung ba byung
ba dang/ /dam pa'i chos ni nub pa las/ /sdom pa gtong zhes 'dod
pa'ang yod/ /kha

@056b che bye brag smra ba rnams/ /sdom ldan rtsa ltung byung ba
la/ /bu lon nor ldan bzhin du 'dod/ /sdom pa de dag bsrung pa
las/ /gnas skabs 'bras bu lha mi dang/ /mthar thug 'bras bu
byang chub gsum/ /thob par

'gyur zhes gsungs pa'i phyir/ /brtson ldan rnams kyis so sor
thar/ /rtag tu gus pas 'bad de bsrung/ /dge des skye bar lus can
rnams/ /rtag tu tshangs spyod la gnas shog /khrims kyi tshul
khrims skyon

med cing/ /tshul khrims rnam par dag dang ldan/ /rloms sems med
pa'i tshul khrims kyis/ /tshul khrims pha rol phyin rdzogs shog/
//phun tshogs dge legs bye bas bskrun pa'i sku/ /mtha' yas

'gro ba'i re ba skong ba'i gsung/ /ma lus shes bya ji bzhin
gzigs pa'i thugs/ /shAkya'i gtso bo de la mgos phyag 'tshal/
/zla med ston pa de yi sras kyi mchog /rgyal ba'i mdzad pa kun
gyi khur bsnams nas/ /

grangs med zhing du sprul pas rnam rol ba/ /mi pham 'jam pa'i
dbyangs la phyag 'tshal lo/ /shin tu dpag par dka' ba rgyal ba'i
yum/ /ji bzhin dgongs pa 'grel mdzad 'dzam gling rgyan/ /klu
sgrub thogs med ces

ni sa gsum na/ /yongs su grags pa'i zhabs la bdag phyag 'tshal/
/shing rta chen po gnyis las legs brgyud pa'i/ /zab mo'i lta ba
rgya chen spyod pa'i lam/ /ma nor yongs su rdzogs pa'i gnad
bsdus pa'i/ /

@057a @#/ /gdams pa'i mdzod 'dzin mar me mdzad la 'dud/ /rab
'byams gsung rab kun la blta ba'i mig /skal bzang thar ba bgrod
pa'i 'jug ngogs mchog /brtse bas bskyod pa'i

thabs mkhas mdzad pa yis/ /gsal mdzad bshes gnyen rnams la gus
phyag 'tshal/ /'dzam gling mkhas pa yongs kyi gtsug gi rgyan/
/snyan pa'i ba dan 'gro na lha nge ba/ /klu sgrub thogs med
gnyis las

rim bzhin du/ /legs rgyud byang chub lam gyi rim pa ni/ /skye
dgu'i 'dod don ma lus skong bas na/ /gdams pa rin chen dbang gi
rgyal po ste/ /gzhung bzang stong gi chu bo 'du ba'i phyir/
/dpal ldan legs par bshad

pa'i rgya mtsho'ang yin/ /bstan pa thams cad 'gal me rtogs pa
dang/ /gsung rab ma lus gdams par 'char ba dang/ /rgyal ba'i
dgongs pa bde blag rnyed pa dang/ /nyes spyod chen po'i g.yang
sa las kyang bsrung/ /de'i

phyir rgya bod mkhas pa'i skye bo ni/ /skal ldan du mas bsten
pa'i gdams pa mchog /skyes bu gsum gyi lam gyi rim pa yis/ /yid
rab mi 'phrog dpyod ldan su zhig yod/ /gsung rab kun gyi snying
po bsdu bsdu ba/ /tshul

'di thun re bton dang nyan pas kyang/ /dam chos 'chad dang thos
pa'i phan yon tshogs/ /rlabs chen sdud par nges pa'i de don bsam/
/de nas 'di phyi'i legs tshogs ji snyed pa'i/ /rten 'brel legs
par 'sgrig pa'i rtsa ba ni/ /

@057b lam ston bshes gnyen dam pa 'bad pa yis/ /bsam dang sbyor
bas tshul bzhin bsten pa ru/ /mthong nas srog gi phyir yang mi
gtong bar/ /bka' bzhin bsgrub pa'i mchod pas mnyes par byed/
/rje btsun bla mas

nyams len de ltar mdzad/ /thar 'dod bdag kyang de bzhin bskyang
'tshal lo/ /dal ba'i rten 'di yid bzhin nor las lhag /'di 'dra
rnyed pa da res tsam zhig yin/ /rnyed dka' 'jig sla nam mkha'i
glog dang 'dra/ /tshul 'di bsam

nas 'jig rten bya ba kun/ /sbun pa 'phyar ba bzhin du rtogs gyur
nas/ /nyin mtshan kun tu snying po len pa dgos/ /rje btsun bla
mas nyams len de ltar mdzad/ /thar 'dod bdag kyang &/ /shi nas
ngan 'gror mi skye'i gdeng med

cing; ;de yi 'jigs skyob dkon mchog gsum du nges/ /de phyir
skyabs 'gro shin tu brtan pa dang/ /de yi bslab bya nyams pa med
par bya/ /de yang dkar nag las 'bras legs bsam nas/ /blang dor
tshul bzhin

bsgrub la rag las so/ /rje btsun bla mas &/ /thar 'dod bdag
kyang &/ /lam mchog bsgrub la mtshan nyid tshang ba'i rten/ /ma
rnyed bar du sa phyod mi 'ong bas/ /de yi ma tshang med pa'i rgyu
la bslab/ /sgo gsum

sdig ltung dri mas sbags pa 'di/ /lhag par las sgrib sbyong ba
gnad che bas/ /rgyun du stobs bzhi tshang bar bsten pa gces/ /rje
btsun bla mas &/ /thar 'dod bdag kyang &/ /sdug bden nyes dmigs
bsam la

@058a @#/ /ma 'bad na/ /thar ba don gnyer ji bzhin mi skye zhing/
/kun 'byung 'khor ba'i 'jug rim ma bsams na/ /'khor ba'i rtsa ba
gcod tshul mi shes pas/ /srid las nges 'byung skyo shas

bsten pa dang/ /'khor ba gang gis bcings pa shes pa gces/ /rje
btsun bla mas &/ /thar 'dod bdag kyang &/ /sems bskyed theg
mchog lam gyi gzhung shing ste/ /rlabs chen spyod pa rnams

kyi gzhi dang brten/ /tshogs gnyis kun la gser 'gyur rtsi lta bu/
/rab 'byams dge tshogs sdud pa'i bsod nams gter/ /de ltar shes
nas rgyal sras dpa' bo rnams/ /rin chen sems mchog

thugs dam mthil du 'dzin/ /rje btsun bla mas &/ /thar 'dod bdag
kyang &/ /sbyin pa 'gro ba'i re skong yid bzhin nor/ /ser sna'i
mdud pa gcod pa'i mtshon cha mchog /ma zhum snying stobs bskyed

pa'i rgyal sras spyod/ /snyan pa'i grags pa phyogs bcur sgrog
pa'i gzhi/ /de ltar shes nas lus dang longs spyod dge /yongs su
gtong ba'i lam bzang mkhas pas bsten/ /rje btsun bla mas &/
/thar 'dod

bdag kyang &/ /tshul khrims nyes spyod dri ma 'khrud pa'i chu/
/nyon mongs tsha gdung sel ba'i zla ba'i 'od/ /skye rgu'i dbus na
lhun po lta bur brjid/ /stobs kyi bsdigs pa med par 'gro kun
'dud/ /de ltar shes nas

@058b yang dag blangs pa'i khrims/ /dam pa rnams kyis mig bzhin
bsrung bar mdzad/ /rje btsun bla mas &/ /thar 'dod bdag kyang &/
/bzod pa stobs ldan rnams la rgyan gyi mchog /nyon mongs

gdung ba'i dka' thub kun gyi phul/ /zhe sdang lag 'gro'i dgra la
nam mkha' lding/ /tshig rtsub mtshon la sra ba'i go cha yin/ /de
ltar shes nas bzod mchog go cha la/ /rnam pa sna tshogs tshul gyis
goms par mdzad/ /rje btsun bla mas &/ /

thar 'dod bdag kyang &/ /mi ldog brtan pa'i brtson 'grus go bgos
na/ /lung rtogs yon tan yar ngo'i zla bzhin 'phel/ /spyod lam
thams cad don dang ldan par 'gyur/ /gang brtsams las kyi mtha'
rnams yid bzhin

'grub/ /de ltar shes nas le lo kun sel ba'i/ /rlabs chen brtson
'grus rgyal sras rnams kyi brtsams/ /rje btsun bla mas &/ /thar
'dod bdag kyang &/ /bsam gtan sems la dbang bsgyur rgyal po ste/
/bzhag na g.yo

med ri yi dbang po bzhin/ /btang na dge ba'i dmigs pa kun la
'jug /lus sems las su rung ba'i bde chen 'dren/ /de ltar shes
nas rnal 'byor dbang po rnams/ /rnam g.yeng dgra 'joms ting
'dzin rgyun du bsten/ /

rje btsun bla mas &/ /thar 'dod bdag kyang &/ /shes rab zab mo'i
de nyid lta ba'i mig/ /srid pa'i rtsa ba drungs nas 'byin pa'i
lam/ /gsung rab kun las bsngags pa'i yon tan gnyer/ /gti mug mun
sel sgron me

@059a @#/ /mchog tu grags/ /de ltar shes nas thar 'dod mkhas pa
yi/ /lam de 'bad pa du mas bskyed par mdzad/ /rje btsun bla mas
&/ /thar 'dod bdag kyang &/ /rtse gcig bsam

gtan tsam la 'khor ba yi/ /rtsa ba gcod pa'i nus pa ma mthong
zhing/ /zhi gnas lam dang bral pa'i shes rab kyis/ /ji tsam
dpyad kyang nyon mongs mi ldog pas/ /yin lugs phu thag chod pa'i
shes

rab de/ /g.yo med zhi gnas rta la skyon nas ni/ /mtha' bral dbu
ma'i rigs pa'i mtshon rnon gyis/ /mthar 'dzin dmigs gtad thams
cad 'jig byed pa'i/ /tshul bzhin dpyod pa'i yangs pa'i shes rab

kyis/ /de nyid rtogs pa'i blo gros rgyas par mdzad/ /rje btsun
bla mas &/ /thar 'dod bdag kyang &/ /rtse gcig goms pas ting
'dzin 'grub pa ni/ /smos par ci 'tshal tshul bzhin dpyod pa yi/
/so sor

rtog pa yis kyang yin lugs la/ /g.yo med shin tu brtan par gnas
pa yi/ /ting 'dzin bskyed par mthong nas zhi lhag gnyis/ /zung
'brel sgrub la brtson rnams ya mtshan no/ /rje btsun bla mas &/ /

thar 'dod bdag kyang &/ /mnyam gzhag nam mkha' lta bu'i stong
nyid dang/ /rjes thob sgyu ma lta bu'i stong pa gnyis/ /bsgoms
nas thabs shes zung du 'brel ba yis/ /rgyal sras spyod pa'i pha
rol

@059b 'gro ba bsngags/ /de ltar rtogs nas phyogs re'i lam gyis
ni/ /tshim pa med pa skal bzang rnams kyi lugs/ /rje btsun bla
mas &/ /thar 'dod bdag kyang &/ /de ltar rgyu dang 'bras bu'i
theg chen gyi/ /lam

mchog gnyis kar dgos pa'i thun mong lam/ /ji bzhin bskyed nas
mkhas pa'i ded dpon gyi/ /mgon la brten nas rgyud sde'i rgya
mtsho cher/ /zhugs nas yongs rdzogs man ngag bsten pa des/ /dal
'byor thob pa

don dang ldan par byas/ /rje btsun bla mas nyams len de ltar
mdzad/ /thar 'dod bdag kyang de bzhin bskyang 'tshal lo/ /rang gi
yid la goms par bya phyir dang/ /skal bzang gzhan la'ang phan
par bya ba'i phyir/ /rgyal ba dgyes

pa'i yongs su rdzogs pa'i lam/ /go sla'i ngag gis bshad pa'i dge
ba des/ /'gro ba kun kyang rnam dag lam bzang dang/ /'bral med
gyur cig ces ni smon lam 'debs/ /rje btsun bla mas smon lam de
ltar btab/ /thar 'dod bdag

kyang de bzhin 'debs 'tshal lo/ ! ston pa bla ma med pa'i bstan
pa dang/ /'jal ba 'di 'dra bla ma'i drin yin pa'i/ /dge ba 'di
yang 'gro ba ma lus pa/ /bshes gnyen dam pas 'dzin pa'i rgyu ru
bsngo/ /nga yi bla ma blo bzang

grags pa de/ /dga' ldan gnas sam bde ba can la sogs/ /dag pa'i
zhing khams gang na bzhugs kyang rung/ /bdag sogs 'khor gyi thog
mar skye bar shog /dang por rgya chen thos pa mang du btsal/
/bar du gzhung

@060a @#/ /lugs thams cad gdams par shar/ /tha mar nyin mtshan kun
tu nyams su blangs/ /kun kyang bstan pa rgyas pa'i ched du
bsngo// // ! oM bde legs su gyur cig /'jig rten tho

ris byang grol lta ba'i mig /srid lam 'khyams pas dub pa'i ngal
gso'i gnas/ /bde legs rtsa ba drin can bla ma dang/ /rje btsun
mkhyen pa'i gter gyi zhabs la 'dud/ /'bad pa chung ngus rlabs
chen

tshogs sdud la/ /dge la rjes su yid rang mchog tu gsungs/ /khyad
par rang gis sngon byas dge ba la/ /rlom sems bral bas dga' ba
cher bskyed na/ /sngon byas dge ba gong du 'phel lo zhes/ /rgyal
bas

gsungs pa'i don de bsgrub phyir dang/ /dgos pa gzhan yang mang
du mthong bas na/ /sems khyod dga' ba 'di ltar bskyed na legs/
/dang por rgya chen thos pa mang du btsal/ /bar du gzhung lugs
thams

cad gdams par shar/ /tha mar nyin mtshan kun tu nyams su blangs/
/kun kyang bstan pa rgyas pa'i ched du bsngos/ /tshul 'di bsams
shing mdun ma legs nas gda'/ /bka' drin che'o rje btsun mkhyen
pa'i

gter; ;blang dor gnas la kun nas 'thoms pa'i mun/ /yang dag thos
pa'i sgron mes ma bsal bar/ /lam mi shes na thar pa'i grong
mchog tu/ /'jug par 'gyur ba smos kyang ci zhig dgos/ /de nyid

@060b phyir na mi pham chos rje dang/ /'dzam gling rgyan drug
mchog gnyis zhes grags pa'i/ /gzhung la phyogs re ba dang rags
pa res/ /tshim par ma byas kun la

zhib tu sbyangs/ /tshul 'di bsams shing mdun ma legs nas gda'/
/bka' drin che'o rje btsun mkhyen pa'i gter/ /khyad par tshu rol
mthong bas dngos po yi/ /de nyid gtan la 'bebs pa'i sgo gcig

pu; ;yang dag rigs pa'i gzhung gi dka' gnas la/ /'bad pa du mas
yang dang yang du sbyangs/ /tshul 'di bsams shing mdun ma legs
nas gda'/ /bka' drin che'o rje btsun mkhyen pa'i gter/ /

mdo sngags gzhung la ngal ba mang byas kyang/ /zab don nyams su
len dang smra ba na/ /gang yang ma bslabs ci yang mi shes pa'i/
/lta ba'i tshul las ring du ma song bar/ /mthong nas lhag par klu
sgrub gzhung

lugs kyi/ /zab mo 'byed pa'i phra ba'i rigs lam nas/ /yang dag
lta ba 'dren pa'i gnad kun la/ /legs par sbyangs te the tshom
chod par byas/ /tshul 'di bsams shing mdun ma legs nas gda'/ /

bka' drin che'o rje btsun mkhyen pa'i gter/ /'di na rdzogs sangs
rgyas su bgrod pa la/ /zab mo rdo rje theg dang phar phyin theg
/rnam pa gnyis yod gsang sngags phar phyin las/ /shin tu khyad
par 'phags pa

@061a @#/ /yin no zhes/ /nyi ma zla ba lta bur kun tu grags/
/tshig de bden pa'i tshig tu 'dod bzhin du/ /zab mo'i theg de ji
lta bu zhig ces/ /tshol bar mi byed mkhas pa'i khur 'dzin pa/ /de

'dra de yang shes rab can yin na/ /de las gzhan pa'i dbang po
rtul po gang/ /shin tu phrad dka' gong na med pa'i lam/ /'di
'dra yal bar 'dod pa kye ma'o mtshar/ /de nyid phyir na rgyal
ba'i theg pa mchog

sangs rgyas las kyang dkon pa'i rdo rje theg /dngos grub gnyis
kyi gter gyur zab mo der/ /zhugs nas 'bad pa mang pos ring du
sbyangs/ /tshul 'di bsams shing mdun ma legs nas gda'/ /bka' drin
che'o rje

btsun mkhyen pa'i gter/ /rgyud sde 'og ma gsum gyi lam gyi tshul/
/mi shes de yis rnal 'byor bla med rgyud/ /rgyud sde kun gyi
mchog tu thag bcad kyang/ /dam bca' tsam du zad pa legs mthong
nas/ /gsang

ba spyi rgyud legs par grub pa dang/ /dpung bzang gis zhus bsam
gtan phyi ma sogs/ /bya rgyud rigs gsum spyi dang bye brag gi
/rgyu sde rnams la ring du 'dris par byas/ /tshul 'di bsams shing
mdun

ma legs nas gda'/ /bka' drin che'o rje btsun mkhyen pa'i gter/
/rgyud sde gnyis pa spyod pa'i rgyud rnams kyi/ /gtso bor gyur
pa rnam snang mngon byang gi /rgyud la sbyangs pas spyod pa'i
rgyud kyi phyogs/ /gang

@061b yin de yang legs par nges par byas/ /tshul 'di bsams shing
mdun ma legs nas gda'/ /bka' drin che'o rje btsun mkhyen pa'i
gter/ /rgyud sde gsum pa rnal 'byor rgyud rnams kyi/ /gtso bor
dpal ldan de nyid bsdus

pa'i rgyud/ /bshad rgyud rdo rje rtse mo la sogs la/ /sbyangs
pa'i rnal 'byor rgyud kyi dga' ston myong/ /tshul 'di bsams shing
mdun ma legs nas gda'/ /bka' drin che'o rje brtsun mkhyen pa'i
gter/ /bzhi pa rnal 'byor

bla na med pa la/ /'phags yul mkhas pa rnams la nyi zla ltar/
/yongs su grags pa'i pha rgyud 'dus pa dang/ /rnal 'byor ma
rgyud kyi rdor bde mchog gi /rtsa rgyud bshad pa'i rgyud la sogs
pa dang/ /mdo rgyud gzhan dang bshad

srol mi 'dra ba'i/ /shing rta'i srol chen dus kyi 'khor lo'i
rgyud/ /gsal byed dri ma med pa'i 'od la sbyangs/ /tshul 'di
bsams shing mdun ma legs nas gda'/ /bka' drin che'o rje btsun
mkhyen pa'i gter/ /dang por brgya

chen po mang du thos pa btsal ba'i skabs te dang po'o/ //! de
nas gdul bya'i blo mun sel ba'i mchog /'jam dpal dbyangs la
shugs drag rgyun ring gi /dad pa brtan pos gzhung lugs gdams pa
ru/ /'char phyir

gsol btab rgyu tshogs kun la 'bad/ /tshul 'di bsams shing mdun ma
legs nas gda'/ /bka' drin che'o rje btsun mkhyen pa'i gter/ /de
ltar 'bad pas klu sgrub thogs med las/ /rim bzhin rgyud pa'i
byang chub

@062a @#/ /lam rim la/ /thun mong min pa'i nges pa rnyed gyur
pas/ /zab mo'i gzhung mchog phar phyin gdams par shar/ /tshul 'di
bsams shing mdun ma legs nas gda'/ /bka' drin che'o rje btsun

mkhyen pa'i gter/ /byang phyogs 'di na tshad ma'i gzhung lugs la/
/sbyangs dang ma sbyangs du ma mgrin gcig tu/ /mdo dang sde bdun
kun la byang chub tu/ /bgrod pa'i nyams len rim pa yod min zer/
/'jam dpal dbyangs

kyis phyogs kyi glang po la/ /dngos su 'di rtsoms 'di ni ma
'ongs dus/ /'gro ba kun gyi mig tu 'gyur ro zhes/ /gsung gi
gnang ba stsal ba'ang tshad mar byed/ /de ni mi rigs smra ba'i
phul byung du/ /mthong nas lhag par

tshul 'dir dpyad pa ni/ /tshad ma kun las btus pa'i mchod brjod
don/ /tshad ma grub par lugs 'byung lugs ldog gis/ /rnam grol don
du gnyer ba bcom ldan 'das/ /tshad mar bsgrubs shing de las de yi
ni/

bstan pa kho na thar 'dod 'jug ngogs su/ /nges pa gting nas
rnyed pas theg gnyis kyi/ /lam gyi gnad kun 'dril bar rigs lam
nas/ /legs par thon pas lhag par dga' ba rnyed/ /tshul 'di

bsams shing mdun ma legs nas gda'/ /bka' drin che'o rje btsun
mkhyen pa'i gter/ /de nas byang sa mdo sde rgyan gnyis po/ /legs
par sbyar te tshul bzhin rab 'bad pas/ /mi pham chos rje'i

@062b gzhung dang rjes 'brang gi /gzhung kun nyams su len pa'i
gdams par shar/ /tshul 'di bsams shing mdun ma legs nas gda'/
/bka' drin che'o rje btsun mkhyen pa'i gter/ /lhag par zab cing
rgya che'i gsung rab

tshogs/ /bsgrigs pa'i go rim nyid las lam gyi gnad/ /kun la nges
ster bslab pa kun btus la/ /brten nas mdo sde kun las btus pa
sogs/ /klu sgrub lugs kyi gzhung mchog du ma'i don/ /nyams su
len pa'i

rim pa legs par mthong/ /tshul 'di bsams shing mdun ma legs nas
gda'/ /bka' drin che'o rje btsun mkhyen pa'i gter/ /de nas bsam
gtan phyi ma rnam snang ni/ /mngon par byang chub sangs rgyas
gsang ba yis/ /

legs par bshad pa'i man ngag la brten nas/ /lam gyi gnad kun
legs par gdams par shar/ /tshul 'di bsams shing mdun ma legs nas
gda'/ /bka' drin che 'o rje btsun mkhyen pa'i gter/ /dpal ldan

de nyid bsdus pa'i lam gyi gnad/ /ting 'dzin gsum gyis bsdus par
mthong bar ni/ /cung zad sla yang lam der zab mo'i don/ /sgom
tshul rtogs par dka' ba paN chen ni/ /sangs rgyas gsang bas

rtsa bshad cha mthun rgyud/ /rnam gsum sbyar te tshul bzhin bshad
pa dang/ /rgyud sde gsum gyi zab mo'i nyams len rnams/ /sgom rim
ji bzhin bshad pas blo mun bsal/ /tshul 'di bsams shing mdun ma

@063a @#/ /legs na gda'/ /bka' drin che 'o rje btsun mkhyen pa'i
gter/ /thub pa'i legs bshad kun gyi mthar thug pa/ /dpal ldan
rnal 'byor bla na med pa'i rgyud/ /de yi nang nas

shin tu ches zab pa/ /dpal ldan gsang ba 'dus pa'i rgyud rgyal
la/ smra ba'i dam pa klu sgrub 'di skad gsung/ /rtsa ba'i rgyud
du lam gyi gnad rnams ni/ /mtha' drug tshul bzhi'i rgya yis btab
ste gnas/ /

de phyir bshad pa'i rgyud kyi rjes 'brangs nas/ /bla ma'i man
ngag las ni shes byar gsungs/ /tshul de gnad du bzung nas man
ngag gi /mthar thug mdor byas spyod bsdus rnam gzhag sogs/ /'dus
pa 'phags pa'i

pa'i skor gyi phran kun la/ /ring du 'dris par byas te rtsa ba'i
rgyud/ /sgron me lta bur gsal bar byed pa la/ /brten nas bshad
rgyud chen po lnga dang ni/ /legs par sbyar la 'bad pa chen pos
sbyangs/ /sbyangs

pas 'dus pa'i rim gnyis spyi dang ni/ /khyad par rdzogs pa'i rim
pa'i gnad kun rnyed/ /tshul 'di bsams shing mdun ma legs nas
gda'/ /bka' drin che'o rje btsun mkhyen pa'i gter/ /de yi mthu
las

bde dgyes dus 'khor sogs/ /rgyud sde mang po'i gnad don gdams
par shar/ /de dag bdag gis gzhan du bshad pas na/ /'dir ni rnam
dpyod can la sgo tsam zhig /tshul 'di bsams shing

@063b mdun ma legs na gda'/ /bka' drin che'o rje btsun mkhyen
pa'i gter/ /bar du gzhung lugs thams cad gdams par shar ba'i
skabs te gnyis pa'o// ! de ltar gdams pa'i gter du gyur pa ni/
/theg chen

gnyis kyi thun mong lam dang ni/ /thun mong min pa'i lam gyi rim
pa gnyis/ /gnad bsdus tshang pa'i lam la 'dris par sbyangs/ /tshul
'di bsams shing mdun ma legs nas gda'/ /bkrin drin che'o rje
btsun

mkhyen pa'i gter/ /rgyal sras smon lam gangga'i klung rnams ni/
/dam chos 'dzin pa'i smon lam nang 'dus par/ /gsungs phyir dge
rtsa ji rnyed bsags pa ni/ /kun kyang thub bstan rgyas pa'i ched
du bsngos/ /tshul

'di bsams shing mdun ma legs na gda'/ /bka' drin che'o rje btsun
mkhyen pa'i gter/ /tha mar nyin mtshan kun tu nyams su blangs pa
dang/ /kun kyang bstan pa rgyas pa ched du bsngos pa'i skabs te
gsum

pa'o// ! //rang gi dge ba rgya che spel phyir dang/ /rnam dpyod
ldan pa'i skal bzang mang po la/ /'jug sgo ma nor tshul bzhin
bstan pa'i phyir/ /rang gi rtogs pa brjod pa 'di byas so/ /de
las thob pa'i

dge ba'i tshogs rnams kyis/ /rim pa 'di yis 'gro ba ma lus kun/
/thub pa'i brtul zhugs bla na med bzungs nas/ /rgyal ba dgyes
pa'i lam la 'jug par shog/ {//ces rang gi rtogs pa mngon par
brjod pa mdo tsam}

@064a @#/ /du bshad pa 'di ni/ /mang du thos pa'i dge slong shar
tsong kha pa blo bzang grags pa'i dpal gyis 'brog ri bo che dge
ldan rnam par rgyal ba'i gling du sbyar ba'o// ! chos kyi rgyal
po tsong kha pa la phyag 'tshal lo//

! gang gi mkhyen pa rab yangs nam mkha' la/ /ji lta ji snyed
mkhyen pa'i 'od zer can/ /rgyal sras nyi ma rje btsun chos kyi
rje/ /dpal ldan bla ma'i zhabs rdul spyi bos bsten/ /khyod kyi
sku gsung thugs kyi yon

tan rnams/ /phyogs bcur bzhugs pa'i rgyal ba sras bcas kyis/ /ma
lus brjod par mi nus 'on kyang ni/ /dad pas spel la cung zad
mnyan par gyis/ /yon tan rgya mtsho'i bstod tshig me tog gi
/'phreng ba

spel legs blo gsal mgrin pa'i rgyan/ /dad pa'i bsod nams spel
ba'i rin chen ni/ /bdag gis bsgrubs la mkhas rnams dgyes par
mdzod/ /khyod kyis legs par spyad pa'i bsod nams sprin/ /gdul

bya'i dge legs spel ba'i char rgyan can/ /zab dang rgya che'i
snyan pa'i 'brug sgra sgrog /dpal ldan bla ma chu 'dzin dbang po
bzhin/ /ting 'dzin bye ba mang la dbang bsgyur zhing/ /legs
bshad rtsom dang sgrub la mngon

brtson pa/ /rnal 'byor dbang phyug sngags rig kun gyi gtso/
/dpal ldan bla ma lus can gtsug na rgyal/ /sngon tshe rdo rje
gdan du rgyal ba la/ /rin chen shel gyi phreng ba brgya rtsa
gcig /legs par phul te byang chub sems bskyed nas/ /yang dag lta

@064b ba rtogs pa'i skal ldan gyur/ /dpal ldan bla ma'i zhabs la
gsol ba 'debs/ /dgung lo bdun nas rje btsun gsang bdag dang/
/shing rta chen po dpal ldan mar me mdzad/ /mngon sum gzigs
shing rgyun du rjes bzung

bas/ /sngags dang pha rol phyin gzhung gdams par shar/ /dpal
ldan bla ma'i zhabs la gsol ba 'debs/ /indra na'i la'i mdog
ltar rab sngo ba'i/ /rab mdzes 'od zer lnga yi dra ba can/ shin
tu zlum pa'i

dbus su 'jam pa'i dbyangs/ /mngon sum gzigs pa rje btsun chos
kyi rje/ /dpal ldan bla ma'i zhabs la &/ /de nas brtsams te rje
btsun mkhyen pa'i gter/ /nam 'dod gzigs shing dpal ldan 'dus pa
dang/ /shes

rab pha rol phyin gzhung zab mo'i don/ /rgyun du gsan pa rgyal
sras chos kyi rje/ /dpal ldan bla ma'i zhabs la &/ /yan lag bdun
pa'i cho ga mdzad pa'i tshe/ /sangs rgyas sum cu so lnga mngon
sum du/ /rang rang sku yi

dbyibs dang phyag mtshan sogs/ /ji bzhin rgyun du gzigs pa chos
kyi rje/ /dpal ldan bla ma'i zhabs la &/ /g.yas g.yon phyag gi
chos 'chad phyag rgya can/ /bzang po'i bzhugs stangs mdzad pa'i
byams mgon

gyis; slar yang stobs bcu mnga' ba gshegs pa bzhin/ /rgyal ba'i
mdzad pa sgrub par lung bstan pa/ /dpal ldan bla ma'i zhabs la
&/ /lha mi'i ston pa shAkya'i rgyal po dang/ /sman gyi bla dang
'dren pa 'od dpag

@065a @#/ /med/ /'khor tshogs rgya mtsho'i dbus na lham me ba/
/mngon sum gzigs pa rgyal sras chos kyi rje/ /dpal ldan bla ma'i
zhabs la &/ /! dngos grub 'byung gnas rje

btsun sgrol ma dang/ /gtsug gtor rnam rgyal 'phags ma 'od zer
can/ /bar chad kun sel gtsug tor gdugs dkar sogs/ /lhag pa'i lha
rnams yang yang gsal bar gzigs/ /dpal

ldan bla ma'i zhabs la &/ /rgyal sras klu sgrub rje btsun sangs
rgyas bskyangs/ /'phags pa lha dang dpal zla ba'i zhabs/ /rnal
'byor dbang phyug klu yi byang chub rnams/ /mngon sum byon nas
rgyun du rjes bzung

ba/ /pdal ldan &/ /sa gsum brnyes pa 'phags thogs med dang/ /kun
mkhyen gnyis pa rgyal sras dbyig gi gnyen/ /'phags pas rjes
bzungs phyogs kyi glang po rnams/ /mngon sum byon

nas rgyun du rjes bzung ba/ /dpal ldan &/ /smra ba'i zla ba chos
kyi grags pa dang/ /yon tan 'od dang rgyal sras shAkya'i 'od/
/zhi ba lha dang dpal ldan a b+ha ya/ /mngon sum byon nas rgyun
du rjes bzung

ba; ;dpal ldan &/ /indra b+hU ti dpal ldan sa ra ha/ /lU yi pa
dang rje btsun dril bu'i zhabs/ /nag po'i spyod pa padma'i ngang
tshul sogs/ /mngon sum byon nas rgyun du rjes bzung ba/ /dpal
ldan &/ /

@065b 'di dag gzhung la brten nas rang gzhan la/ /phan pa rgya
che 'grub pa'i rten 'brel zhes/ /'jam dpal dbyangs kyis gsal bar
lung bstan cing/ /gzhan don lhun gyis grub pa'i sems dpa' che/
/dpal ldan

&/ /zhi lhag zung du 'brel ba'i rnal 'byor gyi/ /ting 'dzin yar
ngo'i zla ltar 'phel ba na/ /bcom ldan rdo rje 'jigs byed rab
brjid pa'i/ /zhal phyag yongs su rdzogs pa'i sku mchog gzigs/
/dpal

ldan &/ /'jam dpal dbyangs dang rje btsun bla ma yi/ /thugs kar
shes rab ral gris 'brel ba las/ /zag med bdud rtsi'i chu rgyun
thugs kar zhugs/ /lhan skyes bde ba'i ting 'dzin bzang po
'khrungs/ /dpal

ldan &/ /bde ba can du skye ba'i smon lam dang/ /mi pham mgon
gyi yang dag don bstod pa/ /don gyi ngo bo go rim 'jam dbyangs
kyi/ gsal bar gsungs nas tshig sbyor legs sbyar ba/ /dpal ldan&
/sku

gsung thugs rten rab gnas mdzad pa'i tshe/ /dam tshig pa la ye
shes mngon sum zhugs/ /gang gis byin gyis brlabs pa'i lha tshogs
rnams/ /skye rgu'i bsod nams zhing du legs grub pa/ /dpal

ldan &/ /rgyal sras klu sgrub yab sras gtso 'khor lnga/ /zab mo
rten 'byung gtam gyis bgrod ba mdzad/ /de yi nang nas dpal ldan
sangs rgyas bskyangs/ /rgya dpes byin brlabs 'phags pa'i dgongs
pa

@066a @#/ /'khrungs/ /dpal ldan &/ /rgyud kyi mthar thug dpal
ldan dus 'khor lo'i/ /yan lag drug gi gnad rnams dgongs pa na/
/bcom ldan dus kyi 'khor lo mngon sum

gzigs/ /zla ba bzang po 'dra bar lung bstan pa/ /dpal ldan &/
/chos 'khor lha sar cho 'phrul chen po'i dus/ /ngo mtshar bkra
shis sna tshogs brgya bkod pas/ /mchod pa bde ba chen

por byin brlabs nas/ /phyogs bcu'i rgyal ba sras bcas mnyes par
mdzad/ /dpal ldan &/ /tha mal snod bcud snang stod sgyu ma dang/
/zab gsal gnyis su med pa'i rnal 'byor gyis/ /bde chen lha

yi rnam par shar pa'i tshe/ /sku yi rdo rje'i rnal 'byor chos kyi
rje/ /dpal ldan &/ /snying ga'i padmor sku gsung rdo rje yi/
/'byung 'jug sngags kyi gdangs su bzlas pa na/ /zhugs gnas thim
pa'i 'od gsal

phyag rgya che/ /gsung gi rdo rje rnal 'byor chos kyi rje/ /dpal
ldan &/ /lte ba'i 'khor lo'i gtum mo tsaNDa lis/ /spyi bo'i haM
yig dbu mar bzhu ba las/ /lhan skyes bde chen dpal la rnam rol
ba/ /thugs kyi rdo

rje'i rnal 'byor chos kyi rje/ /dpal ldan &/ /phyogs bcur bzhugs
pa'i rgyal ba sras bcas rnams/ /rnam dag smon pa'i dpang por
spyan drangs tshe/ /rang rang phyogs kyi de bzhin gshegs pa yi/
/sku yi bkod

@066b pas mchod pa bdag gir mdzad/ /dpal ldan &/ /'jam pa'i rdo
rje'i dkyil 'khor gtso bo yis/ /'jam pa'i dbyangs dang rje btsun
byams pa gnyis/ /chos kyi bgro ba mdzad pa'i chus bkang ba'i/ /

rin chen bum bzang ster ba gsal bar rmis/ /dpal ldan &/ /rin
chen du mas spras pa'i khri steng na/ /thams cad mkhyen pa bu
ston rin chen grub/ /'dus pa'i rtsa ba'i rgyud kyi glegs bam ni/
/gnang nas

'di yi bdag po gyis zhes gsung/ /dpal ldan &/ /glegs bam gtad de
sngags dang phyag rgya yis/ /lan gsum dbu yi steng du byin
brlabs pas/ /lho brag mar pa'i dgongs pa bsre 'pho'i gnad/
/rgyud dang

'phags pa'i man ngag yin par nges/ /dpal ldan &/ /bde mchog
'khor lo'i sgrub pa mdzad pa'i tshe/ /dkyil 'khor pa rnams mngon
sum gsal bar gzigs/ /phyi nang gnas gsum mkha' 'gro'i tshogs
rnams

kyis/ /rdo rje glu yi mchod pas dgyes par mdzad/ /dpal ldan &/
/bdud dpung gzhil ba'i thugs dam mdzad pa'i tshe/ /gser sbyangs
btso ma'i mdangs ltar rab gsal zhing/ /nyi ma bye ba'i 'od kyi
'khor yug

can; ;bdud 'dul chen po'i thub pa dngos su gzigs/ /dpal ldan &/
/rje yi sku dang rgyal ba sku gsung thugs/ /dbyer med mdzad nas
bdud sde zil mnan pas/ /bstan srung rnams kyis bdud rigs tshar

@067a @#/ /bcad tshe/ /bdud kyi dmag dpung pham pa'i sgra chen
grags/ /dpal ldan &/ /bstan srung rgya mtsho'i tshogs kyi mngon
sum du/ /sngon tshe rdo rje 'chang gis bka' stsal bzhin/ /khyed

kyi bstan pa 'dzin dang spel ba la/ /lhag par gus pa'i yid kyi
tshul bzhin sgrub/ /dpal ldan &/ /dga' ldan gnas su mi pham chos
rje'i drung/ /rgyal ba'i sras po 'jam dpal snying po zhes/ /'jam

pa'i dbyangs dang gsang ba'i bdag po yis/ /gsal bar lung bstan
rje btsun chos kyi rje/ /dpal ldan &/ /de ltar dad pa'i yid kyis
gsol btab pas/ /mkha' mnyam 'gro ba'i sdug bsngal sel byed cing/
/skye

dang skye bar rje btsun bla ma yis/ /rjes bzung dam chos 'dzin
par byin gyis rlobs/ /bde chen lhan skyes ye shes 'char du gsol/
/dngos 'dzin 'khrul pa'i dri ma bsal du gsol/ /sems nyid the
tshom dra ba bcad du

gsol; ;myur du khyed rang lta bur byin gyis rlobs/ /thos bsam
sgom pa'i shes rab 'phel du gsol/ /'chad rtsod rtsom pa'i blo
gros rgyas su gsol/ /mchog dang thun mong dngos grub stsal du
gsol/ /myur du khyod rang lta bur byin gyis rlobs/ /kun bzang
mchod

sprin nam mkha' mnyam par 'bul/ /thog med bsags pa'i sdig ltung
so sor bshags/ /rgyal sras kun gyi dge la yi rang zhing/ /mya
ngan mi 'da' chos 'khor bskor bar bskul/ /de ltar bgyis pa'i

@067b pa'i bsod nams rgya mtsho des/ /'gro kun ting 'dzin dpal la
rnam rol zhing/ /legs tshogs yar ngo'i zla ltar 'phel ba dang/
/kun mkhyen rgyal ba'i bstan pa rgyas par shog/ //ces bsod nams
chen po'i

dpal gyis mtho ba drung grags pa dpal gyi bzang po sku mched kyi
gsung gis bskul zhing/ /gzhung lugs 'bum phrag du ma la blo 'od
'phro ba rigs pa smra ba shAkya'i dge slong bkra shis dpal ldan
'bras spungs chos sde chen por sbyar ba'o// // ! na mo gu ru/

shar gangs ri dkar po'i rtse mo na/ /sprin dkar po gnam la snyeg
'dra ba/ /de mthong ba'i mod la bla ma dran/ /drin bsams shing
bsams shing dad pa skyes/ /sprin dkar po lding ba'i shar phyogs
na/ /'brog dge ldan rnam par rgyal

ba der/ /mtshan brjod par dka' ba rin po che/ /pha blo bzang
grags pa yab sras bzhugs/ /! lam rim pa gnyis kyi rnal 'byor
sogs/ /chos zab la shin tu rgyas pa gsung/ /bod kha ba can gyi
skal ldan la/ //

mgon khyod kyi bka' drin bsam mi khyab/ /gos snyoms las 'dzin
pa'i dge 'dun grub/ /blo cung zad chos la phyogs pa 'di/ /rje
yab sras rnams kyi bka' drin yin/ /drin che bar nges so yab sras
rnams/ /dus deng

nas byang chub snying po'i bar/ /rje yab sras khyed rnams ma
gtogs par/ /skyabs re sa gzhan na mi 'tshol bas/ /thugs brtse
ba'i lcags kyus drang du gsol/ ! /drin ji bzhin 'khur bar ma nus
kyang/ /sems chags

@068a @#/ /sdang dbang du ma song bas/ /mgon khyod kyi bstan pa
'dzin pa la/ /dus nam yang brtson par bgyid par smon/ /lar da
lta gangs ri'i khrod 'di na/ /rang bstan pa 'dzin par khas len
zhing/ /

gzhan bstan 'dzin dgra bo'i dngas mar 'dzin/ /tshul 'di la skyo
ba gting nas skyes/ /gzhan 'phung bar 'dod pa'i kun slong dang/
/rgyud mtshan 'dzin dam pos bcings lags kyang/ /lam

mthon por gnas pa'i khas len byed/ /'di brtags na kun kyang
'khrel ba'i rgyu/ /lam gol sar rgas pa'i sdug yus kyis/ /chos
tshul bzhin bsgrub pa'i gang zag la/ /rgyud khong nas 'khrug pa'i
gdug

sems can/ /gdon thugs la zhugs pa ma lags sam/ /dgra nyon mongs
'dul thabs mi byed par/ /bshags 'gyed pa tsam gyi 'chad nyan
yang/ /'dre shar sgo'i phyogs su gnas pa la/ /glud nub sgor
gtong

ba don re chung/ /don de ltar go ba'i bshes gnyen rnams/ /spyir
lus can kun la bka' drin bsam/ /sgos chos mdzad yongs la dag
snang sbyangs/ /dgra nang na 'dug pa'i nyon mongs 'dul/ /mi kho
bo'i rjes

'jug grogs po rnams/ /yid phyogs su lhung bar ma byas par/ /blo
gzu bor gnas pa'i rtog dpyod kyi/ /lam drang por zhugs pa cis
kyang legs/ /! gtam 'di la brten nas 'gro ba rnams/ /byams
snying

@068b rjes byang chub sems bskyed nas/ /dbyings spros bral rtogs
pa'i lta ba yis/ /dpal bla med byang chub myur thob shog /sku la
mtshan dpe'i dpal 'bar zhing/ /gsung dbyangs yan lag drug bcus
brgyan/ /thugs

ni zab yangs mkhyen brtse'i gter/ /rje yab sras rnams kyi bkra
shis shog/ //ces pa 'di ni thams cad mkhyen pa chen po dge 'dun
grub pa dpal bzang pos gdungs dbyangs su mdzad pa'o// // ! gnas
sa 'dzin mthon po lhun

chags po/ /rje bde gshegs kun gyis byin gyis brlabs/ /don ye
shes rang snang sgyu 'phrul gyi/ /dpal rgyal ba'i dkyil 'khor
chen por grub/ /ri sman ljongs dri bzang dngos pa 'thul/ /dus
gsum du me tog

lding khang bkra/ /shing g.yu lo rgyas pa'i tshang tshing gis/
/rje bla ma'i mdzes sku yid la shar/ /chab lhung lhung 'bab pa'i
nyal 'gro'i sgra/ /yid 'khos su phebs pa'i 'dab chags skad/
/chos legs

bshad dar der sgrogs pa yis/ /rje bla ma'i gsung dbyangs yid la
dran/ /ston g.ya' dang bral ba'i dgung sngon por/ /sprin dkar
gsal lang long rtsibs shar sgrengs/ /nyi gzhon gyi 'od snang lam

lam 'dis/ /rje bla ma'i mkhyen brtse yid la shar/ /sku gsal
rdzogs mtshan dpe'i rgyan gyis spras/ /gsung zab rgyas gdams pa'i
'dod pa 'jo/ /thugs 'od gsal chos kun gzigs mo can/ /rje blo

@069a @#/ /bzang grags pa sras dang bcas/ /sngon thugs dam ji
ltar bcas pa bzhin/ /mgon dpung gnyen slad du 'dir gshegs la/
/kun bzang gi mchod pa rgya mtsho'i tshogs/ /

dbyings bde chen ngang du bzhes su gsol/ /zhing rnam dag byin
rlabs g.yang du chags/ /nyams dga' bde'i 'brog ri bo cher/ /rje
rgyal bas lung bstan dga' ldan zhes/ /phyogs kun las rnam par

rgyal ba 'dir/ /thugs bde stong dbyer med ngang nyid la/ /yul
kun rdzob 'ja' tshon ci yang bkra/ /sku gcig las rab 'byams sprul
ba'i sprin/ /tshad mu mtha' bral bar 'gyed bzhin du/ /chos mdo
sngags

zab dang rgya che'i lam/ /thar 'dod kyi 'jug ngogs gang yin pa/
/tshig sgra spyir ma lus 'khrul med du/ /skal ldan gyi 'gro la
rjen par bstan/ /rje bla ma khyed kyi bka' drin las/ /bka' mdo
rgyud ma lus

gdams par go /mthar byang chub nye ba'i lam ngo mthong/ /phyogs
gol sar shor ba'i 'khrul pa zad/ /mgon khyod kyi rnam par thar
pa dang/ /'bangs rjes su zhugs pa'i gdul bya la/ /drin legs par
bsam

pa'i mos gus kyis/ /yid khong nas skyo ba'i re ltos zhu/ /pha mi
mngon bde chen dbyings su gshegs/ /bu skal med 'khor ba'i 'dam
'dir lus/ /da mgon skyabs bor ba'i smre sngags kyi/ /ngag gdung

@069b dbyangs 'di la gsan du gson/ /phar 'gro ba'i spyod tshul la
bltas na/ /phyi rab byung chos par rlom na yang/ /nang tshe 'di
kho na'i snang shas la/ /khong khyim pa las kyang zhen pa mang/
/phal skye bo

nag po'i las la dga'/ /ngan g.yo can mgo 'phang mtho la drin/
/dus snyigs mar spyod pa'i ngang tshul 'di/ /snying rus pa'i
gting la nang du things/ /tshur rang gi ngang tshul la bltas na/
/phyi dge sbyong

tshul 'chos kyis mdzes shing/ /chos sde snod zab mo thos na yang/
/nang shes rgyud ma dul shing ltar rengs/ /dbang yul gyi snang
ba gang shar la/ /dran shes dang gnyen po mthu chung bas/ /yid
dug gsum dbang du

shor shor te/ /rdzas mi gtsang gang bas ser bum bzhin/ /lar dal
'byor ldan pa'i mi lus 'di/ /sngar ngan song rgyu tshogs bsgrub
bsgrubs nas/ /don rang gzhan phan nges rnam dkar kyi/ /deng cha
shas tsam yang ma

mchis so/ /bdag yul ngan dus kyi tha mar skyes/ /las kyi nas
'da' ba'i ngang tshul 'dir/ /pha bla ma khyed kyis nyer dgongs
la/ /thugs brtse ba'i lcags kyus bzung du gsol/ /! tshe 'di phyi
bar do gang du yang/ /

rje gcig mchog khyed rang mkhyen lags pas/ /skyabs re sa bslu ba
ma mdzad par/ /mgon dpung gnyen mdzod gcig bla ma mkhyen/ /spyir
'gro ba kun la bu ltar brtse/ /sgos nyam thag bdag gi pha lags
na/ /

@070a @#/ /sku mtshan dpes brgyan pa'i dkyil 'khor de/ /'dir mngon
sum snang bar bstan du gsol/ /dus gnas skabs kun tu phan nges
pa'i/ /gsung gdams ngag rna bar stsal du gsol/ /

thugs dmigs med bde ba chen po dang/ /yid ro gcig 'dres par byin
gyis rlobs/ /tshe mi rtag nub ka'i nyi ma 'dra/ /nor longs spyod
rtsa rtse'i zil par mtshungs/ /gtam snyan grags lung stong rlung
gi sgra/ /lus

lang 'tsho ston mtha'i me tog bzhin/ /lar 'khor ba spyi dang byed
brag gi/ /mtshang ngan pa'i ngang tshul kun mthong nas/ /blo gting
nas chos la phyogs pa dang/ /chos lam du 'gro bar byin gyis
rlobs/ /thog med

nas drin gyis bskyang bskyangs pa'i/ /ma rigs drug sems can nyam
thag la/ /byams snying rje byang chub sems kyi blos/ /rgyud lhag
par phyug par byin gyis rlobs/ /chos gang shar ngos la phan ltas
tshe/ /rang

rtogs btags ri mo tsam zhig las/ /gshis spros bral gnas lugs
chen po de/ /dus myur du rtogs par byin gyis rlobs/ /phyi snang
ba lha dang lha mor shar/ /nang sems rgyud bde stong rol pas
tshim/ /mchog bskyed

rdzogs rdo rje'i rnal 'byor gyis/ /tshe 'di la grol bar byin gyis
rlobs/ /rgyud nyon mongs 'phel ba'i bsam gtan dgra'i/ /rgyang
ring du dben pa'i gnas bzang po/ /nyams bag phebs bde dga'
bskyed

@070b pa'i sar/ /zab don la gzhol bar byin gyis rlobs/ /chos
sdom pa gsum gyi blang dor las/ /phyir phyogs pa'i sdig ltung
dri ma dang/ /rkyen bar gcod phyi nang 'tshe ba kun/ /dus myur du
zhi bar byin gyis

rlobs; ;lha 'jam dpal zhi khro bka' sdod sogs/ /sku cir yang
ston pa'i rdzu 'phrul gyis/ /rkyen mthun pa'i las kun sgrub pa
dang/ /skyabs g.yel ba med par mdzad du gsol/ /bdag lus

ngag yid la gsang gsum gyi/ /dpal byin rlabs nus mthu kun stsol
la/ /sgo gsum gyis ci byed sems can dang/ /rje khyed kyi bstan
la phan par shog /chos mdo sngags sgra yis sa steng khyab/ /don
sgrub

brgyud bstan pa'i nyi ma shar/ /'brel tshad la phan bde'i dngos
grub 'phel/ /yid ci bsam 'grub pa'i bkra shis shog /sku la mtshan
dpe'i dpal 'bar zhing/ /gsung dbyangs yan lag drug cus brgyan/ /

thugs ni zab yangs mkhyen brtse'i gter/ /dpal ldan bla ma'i bkra
shis shog {/ces 'di ni chu khyi lo gdan sa chen po ri bo dga'
ldan rnam par rgyal ba'i gling du bskyod skabs gnas kyi khyad
par sogs mthong ba'i rgyan byas/ rjes thams cad

mkhyen pa'i rnam thar dang bka' drin la dad gus kyis kun nas
bslangs te gsol 'debs 'di 'dra zhig byed 'dod byung ba ltar 'go
brtsams nas sh'kyA'i dge slong blo bzang skal bzang rgya mtshos
bsdebs pa'o/}

@071a @#/ / ! 'dren pa mnyam med zas gtsang sras/ /de sras mkhyen
dang brtse ba'i bdag /'jam pa'i dbyangs dang mi pham mgon/ /gsol
ba 'debs so byin gyis rlobs/ /lnga brgya'i

gtsug rgyan thams cad mkhyen/ /'od dpag med mgon mar me mdzad/
/spyan ras gzigs dbang rgyal ba 'brom/ /zag med bdud rtsi'i
mchod pa bzhes/ /rgyal ba'i yab gcig 'jam pa'i dbyangs/ /dge
slong

tshul bzung tsong kha pa/ /byin rlabs thugs rje'i sprin dkrigs
nas/ /bde chen bdud rtsis tshim par mdzod/ /yab gcig yab gcig
'jam dpal dbyangs/ /gtan gyi skyabs gnas rin po che/ /'bral med

snying ga'i padmor bzhugs/ /dpag med bdud rtsi'i mchod pa bzhes/
/rang lus lha sku'i ngo bo nyid/ /ro brgya bdud rtsi'i sred bral
yang/ /'dod dgur spyod pas bde ba che/ /e ma'o rmad byung skal
pa bzang// //

! thams cad mkhyen pa la phyag 'tshal lo/ /'di ltar sangs rgyas
bcom ldan 'das de ni de bzhin gshegs pa dgra bcom pa yang dag
par rdzogs pa'i sangs rgyas bcom ldan 'das rig pa dang zhabs

su ldan pa/ bde bar gshegs pa/ 'jig rten mkhyen pa/ skyes bu
'dul ba'i kha lo sgyur ba/ bla na med pa/ lha dang mi rnams kyi
ston pa sangs rgyas bcom ldan 'das so/ /de bzhin gshegs pa de ni
bsod nams

@071b dag gi rgyun mthun pa/ dge ba'i rtsa ba rnams chud mi za
ba/ bzod pas rab tu brgyan pa/ bsod nams kyi gter rnams kyi
gzhi/ dpe byad bzang po rnams kyis spras pa/ mtshan rnams kyi me
tog rgyas pa/ spyod

yul ran pas mthun pa/ mthong na mi mthun pa med pa/ dad pas mos
pa rnams la mngon par dga' ba/ shes rab zil gyis mi non pa/
stobs rnams la brdzi ba med pa/ sems can thams cad kyi ston pa/

byang chub sems dpa' rnams kyi yab/ 'phags pa'i gang zag rnams
kyi rgyal po/ mya ngan las 'das pa'i grong khyer du 'gro ba
rnams kyi ded dpon/ ye shes dpag tu med pa/ spobs pa bsam gyis
mi khyab pa/ gsung rnam

par dag pa/ dbyangs snyan pa/ sku byed blta bas chog shes pa/
sku mtshungs pa med pa/ 'dod pa dag gis ma gos pa/ gzugs dag gis
nye bar ma gos pa/ gzugs med pa dag dang ma 'dres pa dang/ sdug
bsngal

las rnam par grol ba/ phung po dag las rab tu rnam par grol ba/
khams rnams dang mi ldan pa/ skye mched rnams bsdams pa/ mdud pa
rnams shin tu bcad pa/ yongs su gdung ba dag las rnam par grol

ba; srid pa las grol ba/ chu bo las brgal ba/ ye shes yongs su
rdzogs pa/ 'das pa dang ma byon pa dang da ltar byung ba'i sangs
rgyas bcom ldan 'das rnams kyi ye shes la gnas pa/ mya ngan las
'das

@072a @#/ /pa la mi gnas pa/ yang dag pa nyid kyi mtha' la gnas
pa/ sems can thams cad la gzigs pa'i sa la bzhugs pa ste/ /'di
dag ni sangs rgyas bcom ldan 'das rnams kyi sku

che ba'i yon tan yang dag pa rnams so/ /dam pa'i chos ni thog
mar dge ba/ bar du dge ba/ tha mar dge ba/ don bzang po/ tshig
'bru bzang po/ ma 'dres pa/ yongs su rdzogs pa/ yongs su dag pa/

yongs su byang ba/ yang dag par mthong ba/ nad med pa/ dus chad
pa med pa/ nye bar ston pa/ 'di mthong ba la don yod pa/ mkhas
pa rnams kyis so sor rang gis rig par bya ba/ bcom ldan 'das
kyis legs

par gsungs pa'i chos 'dul ba la legs par ston pa/ nges par
'byung ba/ rdzogs pa'i byang chub tu 'gro bar byed pa/ mi mthun
pa med cing 'dus pa dang ldan pa/ brten pa yod pa/ rgyu ba bcad
pa'o/ /theg pa

chen po'i dge 'dun ni legs par zhugs pa/ rigs par zhugs pa/
drang por zhugs pa/ mthun par zhugs pa/ thal mo sbyar ba'i 'os
su gyur pa/ phyag bya ba'i 'os su gyur pa/ bsod nams kyi dpal
gyi zhing/

yon yongs su sbyong ba chen po/ sbyin pa'i gnas su gyur pa/ kun
tu 'ang sbyin pa'i gnas su gyur pa chen po'o/ /rgyal bas bdud
bcom byang chub sangs rgyas te/ /rgyal ba'i sku la sgribs skyems
mi mnga' yang/ /bdag

@072b cag bsod nams zhing du 'gyur slad du/ /bshos dang zhal
bras sbyar ba 'di phul bas/ /dus kun dge ba'i lo tog 'phel rgyas
nas/ /bde ba can du padmo las skyes te/ /ting 'dzin zas dang
chos la longs spyod shog /

sangs rgyas yon tan bsam mi khyab/ /dam pa'i chos kyang bsam
mi khyab/ /'phags pa'i dge 'dun bsam mi khyab/ /bsam mi khyab la
dad byas pa'i/ /rnam pa smin pa'ang bsam mi khyab/ /rnam dag
zhing la spyod

par shog / ! //mgon po thugs rje che ldan pa/ /thams cad mkhyen
pa ston pa po/ /bsod nams yon tan rgya mtsho'i zhing/ /de bzhin
gshegs la phyag 'tshal lo/ /dag pas

'dod chags bral bar gyur/ /dge bas ngan song las grol cing/
/gcig tu don dam mchog gyur pa/ /zhi gyur chos la phyag 'tshal
lo/ /grol nas grol ba'i lam yang ston/ /bslab pa dag la rab tu

gnas; ;zhing gi dam pa yon tan ldan/ /dge 'dun la yang phyag
'tshal lo/ /sangs rgyas gtso la phyag 'tshal lo/ /skyob pa chos la
phyag 'tshal lo/ /dge 'dun che la phyag 'tshal lo/ /gsum la

rtag tu gus phyag 'tshal/ /sangs rgyas yon tan bsam mi khyab/
/chos kyi yon tan bsam mi khyab/ /dge 'dun yon tan bsam mi
khyab/ /bsam mi khyab la dad byas pa'i/ /rnam par smin

@073a @#/ /pa'ang bsam mi khyab/ /rnam dag zhing la spyod par
shog /ston pa bla med sangs rgyas rin po che/ /skyob pa bla med
dam chos rin po che/ /'dren pa bla med dge 'dun rin po che/ /bla
med

dkon mchog gsum la mchod pa 'bul/ /zhal zas ro brgya ldan pa'i
yid 'phrog pa/ /legs sbyar 'di ni rgyal ba sras bcas la/ /dad
pas phul pas 'gro ba 'di dag kun/ /'byor ldan ting 'dzin zas

la spyod par shog /oM gu ru bdzra nai wi dya AH hUM/ phud
bla ma la dbul/ oM srba bu dd+ha bo d+hi sa twa b+hyo bdzra nai wi
dya AH hUM/ sangs rgyas la dbul/ oM kA ma de wa maNDal
bdzra nai wi dya AH hUM/ yi dam lha tshogs 'bul

oM shri d+ha rma pA la bdzra nai wi dya AH hUM/ chos skyong
la 'bul/ de nas chang bu dang po la/ oM ha ri te swa hwa/
'phrog ma la 'bul/ oM ha re te mhA bdzra la kiSha Ni ha ra ha
ra srba pA paM ma kiShaM swa hwa/ 'phrog ma'i bu lnga brgya la
'bul/ /

oM a gra piNDa a shi b+hyaH swa hwa/ /phud la dbang ba'i
'byung po la 'bul/ oM u tstsha ShaDa biNDa a shi b+hyaH swa
hwa/ lhag ma la dbang pa'i 'byung po la 'bul/ bcom ldan 'das de
bzhin gshegs pa dgra bcom pa yang dag par rdzogs pa'i

sangs rgyas rin chen 'od kyi rgyal po me 'od rab tu gsal ba la
phyag 'tshal lo/ /na maH sa manta pra b+ha rA dzA ya/ ta thA ga
tA ya/ arha te smya kaMsa bu d+hO ya/ na mo mnydzu shri ye ku
mA ra b+hu tA ya/ bo d+hi swa twa ya/

@073b mhA sa tA ya/ mhA ka ru Ni ka ya/ ta dya thA/ oM ni
ra la meb+ha ni rA b+ha se/ dza ye/ dza ye/ lab d+he/ mhA ma te/
dkeSha dkeSha Ni me pa ri sho d+ha ye swa hA/ gang gis bdag la
kha zas byin pa de dag nye bar zhi ba'i bde ba

thob par gyur cig gang gis bdag la skom blud pa dang/ rim gro
byas pa dang/ bkur bste byas pa dang/ bsti stang byas pa dang/
mchod pa byas pa de dag thams cad nye bar zhi ba'i bde ba thob
par gyur

cig /gang dag bdag la gshe bar byed pa dang/ mi bde bar byed pa
dang/ ldeg pa dang/ mtshon gyis 'debs pa dang/ rnam pa thams cad
du srog gcod pa'i bar du byed pa de dag thams cad byang chub kyi
bde

pa thob cing/ bla na med pa yang dag par rdzogs pa'i byang chub
tu mngon par rdzogs par 'tshangs rgya bar gyur cig /bza' ba phul
ba'i bsod nams kyis/ /kha dog bzi brjid stobs dang ldan gyur cig
/ro brgya ldan pa'i

zas rnyed cing/ /bsam gtan zas kyis 'tsho bar shog /gtung ba phul
ba'i bsod nams kyis/ /nyon mongs bkres skom zhi gyur cig /sbyin
sogs yon tan ldan pa dang/ /skom nad med par skye bar shog /

gang gis sbyin pa gang la sbyin/ /sbyin pa ji ltar mi dmigs pa/
/sbyin pa mnyam pa de nyid kyis/ /sbyin bdag la ni yongs rdzogs
shog /klu rgyal dga' bo nye dga' bo/ /bstan la dad pa'i lhag
rnams dang/ /rgyal po

@074a @#/ /sbyin bdag nyid dang ni/ /sems can phongs pa gzhan dag
kyang/ /tshe ring nad med phun sum tshogs/ /gtan du bde ba thob
par shog / ! //grub pa'i dbang phyug dpal ldan dpal

ldan bla ma dang/ /bslu ba med pa'i skyabs gnas dkon mchog gsum/
/mthu ldan srung ma gnas gsum mkha' 'gro'i tshogs/ /dbyer med
zhabs kyi padmo'i bka' drin can/ /sras bcas rgyal ba'i rnam dkar

dge tshogs bcas/ /tshul bzhin sgrub la 'dun pa'i bsams pa yis/
/thub bstan rgya mtsho'i dpal du yin ring du/ /gnas shing 'phrin
las phyogs bcur rgyas gyur cig /bslab pa gsum ldan du smrig
'dzin pa yi//

'dus pa'i tshogs kyis gnas 'dir yongs gang zhing/ /rtag tu bshad
sgrub bya bas srid mtha'i bar/ /thub bstan phyogs bcur rgyas
pa'i bkra shig shog / ! //oM bdzra a mr-i ta kuNDa le ha na ha
na hUM phDa/ oM

swa b+hA wa shudd+haH srba d+ha rmaH swa b+hA wa shudd+ho nya haM/
stong pa nyid du gyur/ stong pa'i ngang las b+hrUM las rin po
che'i snod yangs shing rgya che ba rnams kyi nang du gtor ma
dkar gsum mngar gsum ye shes kyi bdud rtsi'i rgya mtsho chen po
gyur/

oM AH hUM/ lan gsum/ na ma srba ta thA ga tA a wa lo ke
te oM saM b+ha ra saM b+ha ra hUM/ lan gsum/ de bzhin gshegs pa
rin chen mang la phyag 'tshal lo/ /de bzhin gshegs pa gzugs mdzes
dam

@074b pa la phyag 'tshal lo/ /de bzhin gshegs pa sku 'byams klas
la phyag 'tshal lo/ /de bzhin gshegs pa 'jigs pa thams cad dang
bral ba la phyag 'tshal lo/ /bdud rtse rgya mtsho'i gtor ma 'di

nyid sa bdag sa'i lha mo/ 'dzam gling skyong ba spyi dang khyad
par bod khams skyong ba'i bstan ma bcu gnyis/ yul lha gzhi bdag
/stod mnga' ris skor gsum/ smad mdo khams sgang gsum/ bar dbus
gtsang

ru bzhi/ sa phyogs/ yul rigs/ dgon gnas 'di nyid la gnas pa'i
gzhi bdag dkar phyogs la mngon par dga' ba rnams la 'bul lo/
/bdag cag dpon slob 'khor dang bcas pa rnams kyi 'gal rkyen

sel la mthun rkyen sgrub/ bsams pa'i don rnams yid bzhin du
'grub par mdzad du gsol/ /bdag gi bsam pa'i stobs dang ni/ /de
bzhin gshegs pa'i spyin stobs dang/ /chos kyi dbyings kyi stobs

rnams kyis/ /don rnams gang dag bsam pa kun/ /de dag thams cad
ci rigs par/ /thogs pa med par 'byung gyur cig/ ! //sangs rgyas
rnam gzigs gtsug tor thams cad skyobs/ /'khor

ba 'jigs dang gser thub 'od srung dang/ /shAkya thub pa go'u
taM lha yi lha/ /sangs rgyas dpa' bo bdun la phyag 'tshal lo/
/sems can don bdag gis sngon/ /dka' ba gang zhig spyad gyur
dang/ /bdag gi bde ba

@075a @#/ /btang ba yis/ /bstan pa yun ring 'bar gyur cig /ngas
sngon nad pa'i ched dag tu/ /rang gi 'tsho ba yongs btang bas/
/sems can phongs pa bskyab pa'i phyir/ /yun ring bstan pa 'bar
gyur

cig ;bu dang bu mo chung ma dang/ /nor dang glang chen shing rta
dang/ /rin chen byang chub phyir btang bas/ /bstan pa yun cing
'bar gyur cig /bdag gi sangs rgyas rang sangs rgyas/ /nyan thos
pha dang ma

dang ni/ /drang srong dag la mchod byas pas/ /bstan pa yun ring
'bar gyur cig /skal pa bye ba du mar bdag /sdug bsngal sna tshogs
myong gyur cig /byang chub don du thos brtsal bas/ /bstan pa yun
ring

'bar gyur cig /bdag gis tshul khrims brtul zhugs dang/ /dka' thub
yin ring bsten byas shing/ /phyogs bcu'i sangs rgyas ngas mchod
pas/ /bstan pa yin ring 'bar gyur cig /bdag sngon brtson grus

dang ldan pa/ /rtag tu brtan cing pha rol gnon/ /sems can thams
cad bsgral don du/ /bdag bstan yin ring 'bar gyur cig /bzod
brtul rtag tu bsten byas shing/ /sems can nyon mongs snyigs ma
yi/ /

sems can ngan bzod byas gyur pas/ /bstan pa yin ring 'bar gyur
cig /bsam gtan rnam thar gzugs med dang/ /ting 'dzin gang gI ji
snyed pa/ /bsgoms pas de mthus bdag gi ni/ /bstan pa yin

@075b ring yin ring gnas gyur cig /ye shes don du bdag gis
sngon/ /dka' thub nags dag bsten byas shing/ /bstan bcos du ma
nyer bstan pas/ /bdag gi bstan pa 'bar gyur cig /brtse ba'i rgyu
yi sha khrag dang/ /'tsho ba yongs

su btang gyur cig /yan lag nying lag btang ba yis/ /chos tshul
rnam dag 'phel gyur cig /bdag sngon sdig pa'i sems can rnams/
/byams pas gsal bar smin byas shing/ /theg pa gsum la rab bkod
pas/ /

chos kyi mchod sbyin rgyas gyur cig /bdag sngon thabs shes gyur
pa ni/ /sems can lta ngan las bsgral cing/ /yang dag lta la bkod
byas pas/ /chos ni rnam par 'phel gyur cig /bdag gis sems can
bsdu

dngos bzhis/ /nyon mongs me las thar byas shing/ /bdag gis 'phel
sdig pham byas pas/ /bdag 'khor yin ring gnas gyur cig /bdag gis
mu stegs can gzhan dag /blta ba'i chu las bsgral byas te/ /

yang dag lta la bkod gyur pas/ /bdag 'khor rtag tu gus gyur cig
! /yun ring bstan pa 'bar gyur cig /chos kyi rgyal po tsong kha
pa'i/ /chos tshul rnam par 'phel ba la/ /gegs kyi mtshan ma zhi ba
dang/

mthun rkyen ma lus tshang bar shog /bdag dang gzhan gyi dus gsum
dang/ /'brel ba'i tshogs gnyis la brten nas/ /rgyal ba blo bzang
grags pa yi/ /bstan pa yun ring 'bar gyur cig/ /

@076a @#/ / ! rgyal mtshan rtse mo dbang gi rgyal po ltar/ /lhag
pa'i lha yi gtsug gi rgyan gyur pa/ /sgrub pa po la dngos grub
mchog stsol ba'i/ /dpal ldan bla ma rnams kyi bkra shis shog
/gangs

can shing rta'i srol 'byed tsong kha pa/ /dngos stobs rigs pa'i
dbang phyug rgyal tshab rje/ /mdo sngags bstan pa'i bdag po mkhas
grub rje/ /yab sras brgyud par bcas pa'i bkra shis shog /ngag gi
dbang

phyug blo bzang rgyal ba'i bstan/ /'dzin mkhas rgyal ba rgya
mtsho'i gangs ri'i mgon/ /srid gsum dbang bsgyur phan bde bdud
rtsi'i mdzod/ /mtshungs pa med pa'i sde yi bkra shis shog /rab
'byams

gsungs rab kun la blta ba'i mig /bskal bzang thar par bgrod pa'i
'jug ngogs mchog /brtse bas bskyod pa'i thabs mkhas mdzad pa yi/
/gsal mdzad bshes gnyen rnams kyi bkra shis shog /gsang

ba 'dus pa bde dgyes he ru ka /dpal chen rdo rje 'jigs byed la
sogs pa/ /grangs med rgyud sde bzhi yi 'khor lo'i mgon/ /yi dam
lha tshogs rnams kyi bkra shis shog /mthun pa'i smon lam dge
tshogs rmad byung

zhing; ;spyad pa spyod tshe nam yang mched gyur la/ /bskal bzang
gcig la mdzad pa mthar phyin pa'i/ /rdzogs pa'i sangs rgyas
stong gi bkra shis shog /kun 'byung mun pa'i sa bon mthar mdzad
cing/ /

@076b sdug bsngal zug rngu'i rtsa ba drung nas 'byin/ /rgyal yum
shes rab pha rol phyin la sogs/ /theg gsum dam pa'i chos kyi
bkra shis shog /'jam dbyangs phyag na rdo rje spyan ras gzigs/
/sa yi snying po sgrib pa rnam

par sel/ /nam mkha'i snying po byams pa kun tu bzang/ /nye ba'i
sras chen brgyad kyi bkra shis shog /zab mo rten 'brel bcu gnyis
legs bsgoms pas/ /rang byung rang sangs rgyas kyi ye shes ni/
/bsten pa

med pa'i tshul gyis thugs chud pa'i/ /'phags pa rang rgyal rnams
kyi bkra shis shog /dus gsum rgyal ba rgyal sras thugs rje yis/
/nyan thos tshul bzung srid pa ji srid par/ /bstan pa skyong
zhing 'gro ba'i

don mdzad pa'i/ /gnas brtan chen po rnams kyi bkra shis shog
/mkha' la spyod pa'i gnas mchog dam pa nas/ /mngon shes rdzu
'phrul mnga' ba'i mthu stobs can/ /sgrub pa po la ma yis bu
bzhin gzigs/ /

gnas gsum mkha' 'gro'i tshogs kyi bkra shis shog /sngon tshe bcom
ldan 'das kyi spyan snga ru/ /chos bzhin sgrub pa mdzad pa'i
gang zag la/ /bu bzhin skyong bar zhal gyis bzhes pa yi/ /chos
skyong srung

ma'i tshogs kyi bkra shis shog /lhun grub chos dbyings pho brang
dam pa nas/ /gdugs pa 'dul phyir drag mo'i sku bstan yang/
/dngos grub rin chen 'dod dgu'i char 'bebs ma/ /dmag zor rgyal
mo'i zhabs kyi

@077a @#/ /bkra shis shog /legs bshad ri mo bkra ba'i lung gi
gos/ /rnam dpyod gser gyi yu ba la brten cing/ /bslab gsum nor
bu'i tog gis rab mtshan pa'i/ /bstan pa'i rgyal mtshan

phyogs bcur tshugs par shog /sangs rgyas sku gsum brnyes pa'i
byin rlabs dang/ /chos nyid mi 'gyur bden pa'i byin rlabs kyis/
/ji ltar bsngo ba smon lam 'grub par shog / //

@077b ! rnam grol zhi ba'i rgya mtsho ro gcig tu/ /gzhol ba'i
mtha' yas chos tshul dal bab klung//

tshig gi gzegs ma res kyang dug gsum gyi/ /dri ma yongs 'khrud
legs bshad bdud rtsi 'di/ /dpar du bskrun pa'i rnam dkar phung
po'i mthus/ /yang dag chos kyi sgo ma stong phrag brgya/ /gdangs
te rgyud

lnga'i 'gro ba ma lus pa/ /nges legs nor bu'i mdzod la dbang
'byor shog / //{ ces dge bsngo'i smon tshig 'di bzhin 'dzam gling
gzhi bde'i ded dpon chen po ^gong sa lha mi'i rnams 'dren chen
po skyabs mgon ^rgyal dbang

thams cad mkhyen pa sku phreng bcu bzhi pa chen pos mdzad pa'o
//