@001a @#/ /dga' ldan byang rtse thos bsam nor bu gling gi chos
spyod rnam pa gsum gyi dbu phyogs bzhugs so/ /

@001b @##/ /rje btsun 'jam pa'i dbyangs la dus thams cad du phyag
'tshal lo/ /rje btsun chos kyi rgyal po tsong kha pa'i/ /bshad
sgrub bstan pa'i rgyal mtshan

'dzin pa la/ /dpal ldan 'phrin las bzang po'i dpal mnga' ba/
/bshes gnyen dam pa'i zhabs la gsol ba 'debs/ /des 'byung rnam
dag 'chi med

skyed tshal du/ /'dul ba 'bum sde'i 'dab stong rab rgyas shing/
/rnam dag tshul khrims sbrang rtsis gnyer gtams pa/ /thar 'dod
bung ba'i gnyen la gsol ba

'debs; /mdo sngags gzhung brgya'i nam mkha' yangs pa la/ /mkhyen
pa'i dkyil 'khor cha shas yongs rdzogs shing/ /sngon med legs
bshad 'od dkar drwa ba

@002a @##/ /can; /mkhas mchog mtshan mo'i mgon la gsol ba 'debs/
/'chad pa'i legs bshad bdud rtsi'i char 'bebs shing/ /rtsod pa'i
gnam

lcags rgol ngan brag ri 'joms/ /sdeb legs rtsom pa'i 'brug gi
gad rgyang can/ /phyogs las rnam rgyal khyod la gsol ba 'debs/
/rgyu skar dbus na mtshan

mo'i mgon po dang/ /ri dwags khrod na gdong lnga'i dbang po
bzhin/ /mkhas mang dbus na 'gran pa'i zla bral ba/ /bstan pa'i
dpal gyur khyod la gsol ba

'debs/ /rgya chen mang thos rgya mtsho'i 'jings na gnas/ /tshul
bzhin sems pa'i rin chen khams las grub/ /bsgoms byung rtogs
pa'i bang rim mngon par mtho//

@002b bsngags 'os dam pa'i mgon la gsol ba 'debs/ /de ltar bstod
pas 'gro ba ma lus pa/ /theg mchog dge ba'i bshes kyi mgon dang
bcas/ /thub pa'i dgongs zab rgya mtshor legs zhugs

nas; /rnam grol nor bu'i dpal la spyod gyur cig /ces pa 'di ni
rgyal ba dge 'dun rgya mtsho'i gsungs so/ /skye zhing bskye ba
dag ni thams cad du/ /rigs bzang blo gsal nga rgyal med pa dang/
/snying rje

che zhing bla ma la gus ldan/ /dpal ldan bla ma'i dam tshig la
gnas shog /dpal ldan bla ma'i rnam par thar pa la/ /skad cig
tsam yang log lta mi skye zhing/ /ci mdzad legs par mthong ba'i

mos gus gyis/ /bla ma'i byin rlabs sems la 'jug par shog /dpal
ldan bla ma khyed sku {sogs brjod}/ ! na mo gu ru bdzra b+hai rA
wA ya/ rnam dag 'od gsal bde ba'i rol pa las/ /mtshan

dpe'i dpal gyi rab mdzes rdo rje'i sku/ /lhan skyes bde ba chen
po'i ye shes thugs/ /ngo bor dbyer med zung du 'jug pa yis/
/rgyal ba yan lag bdun ldan la phyag 'tshal/ /mgon de'i sprul
pa'i

zlos gar rab bsgyur ba'i/ /stong gsum me mdzed zhing gi dpal
gyur pa'i/ /zas gtsang sras zhes snyan pa'i grags pas khyab/
/zla med ston pa de la bdag phyag 'tshal/ /gang gi mdo sngags

@003a @#/ /gzhung lugs padmo'i tshal/ /blo bzang mkhyen pa'i 'od
stong 'phros pa yi/ /phyogs 'dir legs par phye ba'i grags pa
can/ /mtshungs med bla ma'i zhabs la gsol ba

'debs/ /de yi legs bshad pad mtsho la chags shing/ /ngur smig spu
sdug gser mdog gcod pan 'dzin/ /legs bshad mgrin pa'i rdza rnga
sgrog pa can/ /dga' ldan bstan 'dzin rnams la

gsol ba 'debs/ /rgyal ba'i gsung rab mthar thug snying po'i don/
! skal ldan 'grol yod med mtha' spangs pas/ /rten 'byung zab
mo'i legs bshad sgrog mkhas pa/ /grub pa'i

dbang phyug zhabs la gsol ba 'debs/ /rje btsun 'jam pa'i dbyangs
kyi bdag rkyen las/ /mang thos chos kyi khang bzang mdzes pa'i
rtser/ /'chad rtsod rtsom pa'i rgyal mtshan bsgreng mkhas

pa'i; /dpal ldan bla ma'i zhabs la gsol ba 'debs/ /gdul bya'i
sems kyi tha ba 'dul dka' ba/ /byams brtse'i chu yis legs par
brlan byas te/ /dge ba'i lo tog bkra shis

'phel mdzad pa/ /rnam 'dren dam pa'i zhabs la gsol ba 'debs/
/nges 'byung rnam dag tshul khrims rgya mtsho'i 'jings/ /lung
rtogs chos kyi bang rim mngon mtho ba/ /mkhas mang

@003b gser ri'i dbus na lhun chags pa'i/ /rje btsun lhun po'i
dbang por gsol ba 'debs/ /'gro la rjes brtse bstan pa dar rgyas
dang/ /lung rig smra ba ngag dbang bstan 'dzin dpal/ /byang chub
thugs

mnga' dge 'dun don 'grub zhabs/ /mtshungs med bla ma gsum la gsol
ba 'debs/ /snang shas kun spangs ngag dbang rgyal mtshan dang/
/kun mkhyen gnyis pa ngag dbang phun tshogs rje/ /

mkhyen brtse nus mnga' blo bzang dge legs dpal/ /rnam 'dren dam
pa gsum la gsol ba 'debs/ /lhag bsam bzang po blo bzang don
'grub zhabs/ /legs lam ston mdzad ngag

dbang rab mdzes rje/ /gzhung brgya smra ba dge 'dun grags pa
'bar/ /smra ba'i dbang phyug gsum la gsol ba 'debs/ /bag yod
btsun pa'i ngang tshul byams pa dpal/ /brtson 'grus

che ldan blo bzang shes rab dang/ /dge la 'dun pa ngag ldan lhun
'grub mtshan/ /mtshungs med yongs 'dzin gsum la gsol ba 'debs/
/sngon tshe smon lam lus stobs rab rgyas pas/ /

da lta blo bzang bstan pa'i dpal gyur nas/ /'phrin las bzang pos
gdul bya skyong mkhas pa/ /dpal ldan bla ma'i zhabs la gsol ba
'debs/ /{'di yan chad rje don yod mkhas grub kyi gsungs so}/

@004a @#/ /skal ldan rgya mtsho legs bshad nor bu'i gter/ /sangs
rgyas chos 'phel lung dang rig pa'i mdzod/ /dge 'dun yar 'phel
'khor lo gsum gyi bdag /bshes gnyen dam pa

gsum la gsol ba 'debs/ /lung rtogs mnga' bdag blo bzang bstan pa
dang/ /spangs rtogs mthar son sangs rgyas rgya mtsho'i dpal/
/'chad rtsod rtsom mkhas blo bzang 'phrin las zhabs/ /

dpal ldan bla ma gsum la gsol ba 'debs/ /bsod nams rgya mtsho
'dod dgu'i 'byung gnas che/ /blo bzang phan bde skye dgu'i re ba
bskong/ /dge 'dun chos 'phel bshad sgrub bstan pa'i gnyen/ /

mkhas grub dam pa gsum la gsol ba 'debs/ /tshogs gnyis yongs
rdzogs blo bzang dpal 'byor dang/ /rmongs pa'i mun sel nyi ma
grags pa mchog /byams pa mkhas grub ye shes chos grags dpal/ /

rje btsun dam pa bzhi la gsol ba 'debs/ /blo bzang bkra shis
bstan pa'i nyi ma dang/ /rgyal mtshan chos 'phel 'jam dbyangs
rgya mtsho'i zhabs/ /rgyal ba kun gyi spyi gzugs drin chen rje/
/mtshungs

med bla ma bzhi la gsol ba 'debs/ /bsod nams dar rgyas blo bzang
nyi ma dang/ /byams pa 'phrin las skal bzang bstan pa'i dpal/
/lung rtogs bstan pa'i gsal byed mtshungs med rje/ /dpal

@004b ldan bla ma bzhi la gsol ba 'debs/ /bsod nams bstan 'dzin
bzod pa bkra shis dang/ /ye shes chos 'phel 'jam dbyangs bstan
'dzin dpal/ /mdo sngags bstan pa'i gsal byed chos kyi rje/
/bstan

'dzin dam pa bzhi la gsol ba 'debs/ /rnam dpyod glo gros bzang
po'i 'dzin ma la/ /dri bral rgyal bstan rgyas pa'i dpal yon can/
/bshad sgrub sbrang rtsi'i rgyal mtshan smin mdzad pa/ /rje btsun

bla ma'i zhabs la gsol ba 'debs/ /rmad byung dge legs yid bzhin
nor bu las/ /rnam dpyod 'dun pa'i 'dod rgu rab byin pa/ /'phrin
las snang ba 'bar ba'i 'od stong can/ /dge mtshan

'dab brgyar bzhad la gsol ba 'debs/ /kun mkhyen rgyal ba gnyis
pa'i bstan pa mchog /'dzin skyong spel ba'i grags pa'i dung dkar
po/ /sa gsum kun tu snyan pa'i sgra chen bsgrags/ /

phun tshogs dpal gyi 'byung gnas gsol ba 'debs/ /byams dang
snying rje'i bdag nyid mi pham mgon/ /skal bzang gdul bya thar
pa'i pho brang du/ /'dren mchog rgya che'i gzhung lugs gdams

ngag rnams/ /spel ba'i mtsho chen dbang por gsol ba 'debs/ /sngon
goms sbyin dang bzod brtson gser ri'i dbus/ /sdom gsum tshul
khrims ting 'dzin bang rim mdzes/ /shes rab nyi

@005a @#/ /zla'i 'od kyi stong mun gsal/ /skal ldan rgya mtsho'i
mgon la gsol ba 'debs/ /rnam dag bslab gsum nor gyis rgyud gtams
shing/ /byams pa chen pos

'gro rnams rtag tu skyong/ /'brel tshad don ldan lam bzang la
'god pa'i/ /dpal ldan bla ma'i zhabs la gsol ba 'debs/ /blo
bzang lung rtogs nyin byed 'od snang gi/ /

bsod nams bzang pos pad tshal rgyas mdzad pa/ /zab rgyas chos kun
'phel ba'i ngo mtshar can/ /gsum ldan zlos gar 'dzin la gsol ba
'debs/ /ngag gi dbang phyug rje

btsun mkhyen pa'i gter/ /ngur smig gar rol blo bzang grags pa
yi/ /bshad sgrub bstan pa dar zhing rgyas mdzad pa'i/ /theg
mchog dge ba'i bshes la gsol ba

'debs/ /blo bzang rgyal ba gnyis pa'i lung rtogs bstan/ /'dzin
skyongs spel ba'i thugs bskyed rlabs chen gyi/ /chos tshul bzang
po'i dpal dang ldan pa yi/ /rje

btsun bla ma'i zhabs la gsol ba 'debs/ /blo gter gur gum mdog
can 'jam dpal dbyangs/ /bzang po'i mtshan can mjam mgon ring lugs
tshul/ /sbyin la ngag gi

@005b dbang phyug zla med pa/ /dpal ldan bla ma'i zhabs la gsol
ba 'debs/ /rgya chen bsod nams bzang pos legs bskrun pa'i/ /legs
bshad zab rgu'i chos kyi dbyangs snyan po/ /

nam mkha'i mtha' klas 'gro la spel mkhas pa'i/ /mtshungs med chos
kyi rje la gsol ba 'debs/ /zhes pa 'di yang srid skyong yongs
'dzin stag brag paNDi tas sbyar ba'o// //blo gter

blo la zhugs pas skal bzang gi /chos tshul chos bzhin legs par
'doms pa la/ /zla med zla ba bdud rtsi'i dpal yon can/ /mtshan
ldan rje btsun bla mar gsol ba 'debs/ /rgyal

kun ye shes phung po tsong kha pa'i/ /legs gsung bdud rtsi'i
dga' ston rtag myang pas/ /lung rigs dbyangs snyan bye ba sgrog
pa la/ /zla med mkhas mchog dbang por gsol ba 'debs/ /

mang thos tshul gnas khrims kyi ba gam rtser/ /theg gsum chos kyi
dril chen snyan sgrog pas/ /blo gsal blo yi kun dga' 'phel ba'i
gnyen/ /mtshungs med bshes gnyen chen por gsol

ba 'debs/ /thog mtha' bar du dge ba'i lam mchog la/ /rtse gcig
'dun pa'i kun bzang brtul zhugs kyis/ /bstan pa'i snying po
'dzin mkhas chos kyi rje/ /dpal ldan bla ma'i

@006a @#/ /zhabs la gsol ba 'debs/ /'jigs bral zla med gzungs
spobs rnam dpyod kyis/ /thub dbang bstan pa'i snying po rab spel
te/ /rang gzhan don gnyis lhun gyis

yongs grub pa'i/ /rje btsun bla ma'i zhabs la gsol ba 'debs/
bla ma dang mgon po 'jam dpal dbyangs la phyag 'tshal lo/ /gang
gi blo gros sgrib gnyis sprin bral nyi

ltar rnam dag rab gsal bas/ /ji snyed don kun ji bzhin gzigs
phyir nyid kyi thugs kar glegs bam 'dzin/ /gang dag srid pa'i
brtson rar ma rig mun 'thoms sdug

bsngal gyis gzir ba'i/ /'gro tshogs kun la bu gcig ltar brtse yan
lag drug cu'i dbyangs ldan gsung/ /'brug ltar cher sgrogs nyon
mongs gnyid slong las kyi lcag sgrog

'grol mdzad cing/ /ma rig mun sel sdug bsngal myu gu ji snyed
gcod mdzad ral gri bsnams/ /gdod nas dag cing sa bcu'i mthar son
yon tan lus rdzogs rgyal sras thu ba'i

sku; /bcu phrag bcu dang bcu gnyis rgyan spras bdag blo'i mun
sel 'jam pa'i dbyangs la 'dud/ ! /brtse ldan khyed kyi mkhyen
rab 'od zer gyis/ /bdag blo'i gti mug mun

@006b pa rab bsal nas/ /bka' dang bstan bcos gzhung lugs rtogs
pa yi/ /blo gros spobs pa'i snang ba stsal du gsol/ ! /'jig rten
'jig rten las 'das legs tshogs kyi/ /rtsa ba

dngos brgyud bla ma'i tshogs rnams la/ /rtse gcig gdung ba'i yid
kyis gsol btab pas/ /yid la re ba'i 'bras bu mchis par mdzod/
/mkhyen brtse'i nus mnga' ston pa rdzogs sangs rgyas//

'gog lam rang bzhin skyob pa dam pa'i chos/ /rig grol yon tan
brgyad ldan 'phags tshogs sogs/ /slu med rin chen gsum gyi byin
rlabs dang/ /phyag drug chos rgyal 'dod khams

dbang mo sogs/ /sngon tshe ston pas bka' sgos gnyer gtad pa'i/
/dam can srung ma'i tshogs kyi 'phrin las kyi/ /bden tshig smon
lam 'di dag 'grub par mdzod/ /rig pa'i sgo 'byed

bsdus gra la sbyangs pa'i/ /chos kyi 'gro ba 'byed pa rig pa'i
sgo/ /brgya phrag phye ste myur zhing zab pa la/ /yang dag rig
pa'i 'phrul la skyon par shog /shes phyin mdo yi shugs bstan

sbas pa'i don/ /mi pham mgon po'i gzhung dang rjes 'brang gis/
/legs par bkral ba'i tshul la sbyangs pas na/ /theg chen lam gyi
ngo bo go rim la/ /'khrul med nges pa rnyed nas

@007a @#/ /brtson par shog /sher phyin mdo'i dngos bstan zab mo'i
don/ /klu sgrub yab sras rjes 'brangs dang bcas pa'i/ /gzhung la
tshul bzhin sbyangs pa'i bdag med don/ /tshang

ma'i lam nas nges par 'dren nus shong/ /'dul ba'i mdo yi brjod
bya tshul khrims dang/ /bslab pa nod sogs bstan pa'i rtsa ba kun/
/legs par shes nas nyams len snying po ru/ /brtson

pa drag pos slob pa nyid gyur cig /mngon pa'i mdo yi dgongs pa
ji bzhin du/ /dbyig gnyen sogs kyi gzhung la legs brten nas/
/gzhi lngas bsdus pa'i rang dang spyi'i mtshan nyid/ /

shes ste kun byang gnas la ma rmongs shog /mdo sngags gzhung gi
dgongs pa phra ba'i gnad/ /gsal bar ston pa phyogs glang chos
grags kyis/ /gzhung la sbyangs pa'i mngon sum rjes

dpag dang/ /gtan tshigs thal 'gyur gnas rnams gsal bar shog /de
ltar gong du smos pa'i gzhung rnams sogs/ /legs bshad chu bo
dpag med 'du ba'i gnad/ /byang chub

lam gyi rim pa'i gdams pa la/ /snying nas bsgrub pa snying por
byed par shog /de ltar thun mong lam gyi rgyud sbyangs nas/
/mtshan ldan bla ma'i drung der dbang nod cing/ /rnam dag

@007b dam tshig sdom la legs gnas nas/ /rim gnyis lam gyi sku
gsum myur thob shog /dga' ldan rnam par rgyal ba'i 'dus sde
sogs/ /kun kyang thugs mthun khrims gtsang rang gzhan gyi/ /

don du bshad bsgrub bstan pa'i khur khyer nas/ /mkhas pa'i bya
ba rnams la brtson par shog /bdag kyang ded nas yang srid thams
cad du/ /rgyal ba sras bcas ji snyed mchis pa yi/ /mdzad

pa smon lam ma lus bsgrubs pa la/ /'jam mgon tsong kha pa dang
mtshungs par shog /mdor na phan bde'i 'byung gnas rgyal bstan la/
/thos bsam sgom pas rang rgyud legs dul

nas; /'chad rtsod rtsom pa'i gzhan rgyud 'dul byed pa'i/ /bstan
'dzin skyes bus sa steng khyab par shog /khyad par dga' ldan
thos bsam gling mchog gi /dge 'dun sde rnams

dam chos bsgrub pa la/ /nyer 'tshe 'gal rkyen ma lus kun zhi nas/
/legs tshogs mthun rkyen rtsol med 'grub par shog {/rje bla ma
don yod mkhas grub kyis sbyar ba'o//} ! /rgyal

ba ma lus skyed pa'i yab gyur kyang/ /rgyal sras tshul gyis zhing
khams rab 'byams su/ /rgyal ba'i chos 'dzin thugs bskyed bden
pa'i mthus/ /blo bzang rgyal ba'i bstan pa rgyas

@008a @#/ /gyur cig /sngon tshe dbang po'i tog gi spyan snga ru/
/dam bcas tshe na snying stobs chen po zhes/ /sras bcas rgyal bas
bsngags brjod bden pa'i mthus/ /blo bzang

rgyal ba'i bstan pa rgyas gyur cig /lta spyod gtsang ma'i brgyud
pa spel ba'i phyir/ /thub pa'i drung du shel dkar 'phreng ba
phul/ /chos dung gnad zhing lung bstan bden pa'i

mthus/ /blo bzang rgyal ba'i bstan pa rgyas gyur cig /lta ba
rnam dag rtag chad mtha' las grol/ /sgom pa rnam dag bying rmugs
mun pa sangs/ /spyod pa rnam dag rgyal ba'i

bka' bzhin bsgrubs/ /blo bzang rgyal ba'i bstan pa rgyas gyur
cig /mang du thos pa rgya cher btsal bas mkhas/ /thos don ji
bzhin rgyud la sbyar bas btsun/ /kun kyang

bstan 'gro'i don du bsngo bas bzang/ /blo bzang rgyal ba'i bstan
pa rgyas gyur cig /drang nges gsung rab ma lus 'gal med du/
/gang zag gcig gi nyams len gdams pa ru/ /nges

pa rnyed pas nyes spyod mtha' dag 'gag /blo bzang rgyal ba'i
bstan pa rgyas gyur cig /lung chos sde snod gsum gyi 'chad nyan
dang/ /rtogs pa'i bstan pa bslab gsum nyams len te/ /mkhas

@008b shing grub pa'i rnam thar rmad du byung/ /blo bzang rgyal
ba'i bstan pa rgyas gyur cig /phyi ru nyan thos spyod pas zhi
zhing dul/ /nang du rim gnyis rnal 'byor gdeng dang ldan/ /mdo
sngags lam bzang 'gal

med grogs su 'khyer/ /blo bzang rgyal ba'i bstan pa rgyas gyur
cig /rgyu yi theg par bshad pa'i stong ba nyid/ /'bras bu'i
thabs kyis sgrub pa'i bde chen dang/ /mnyam sbyor chos phung
brgyad khri'i snying po'i

bcud/ /blo bzang rgyal ba'i bstan pa rgyas gyur cig /skyes bu
gsum gyi lam gyi srung ma'i gtso/ /myur mdzad mgon dang rnam
sras las gshin sogs/ /bstan srung dam can rgya mtsho'i mthu stobs
kyis/ /blo

bzang rgyal ba'i bstan pa rgyas gyur cig /mdor na dpal ldan bla
ma'i sku tshe brtan/ /mkhas btsun bstan 'dzin dam pas sa steng
gang/ /bstan pa'i sbyin bdag mnga' thang dar ba yis/ /blo bzang
rgyal

ba'i bstan pa rgyas gyur cig ! phun tshogs zhing mchog grong
khyer chen po'i dbus/ /smon lam lus stobs rgyas pa'i snying
stobs can/ /blo bzang bstan pa'i pad tshal rgyas mdzad pa'i/
/bstan

pa'i nyi ma khyod la gsol ba 'debs/ /ji snyed shes bya'i dkyil
'khor ma yus par/ /khyod kyi rnam dpyod 'od dkar stong 'phro
zhing/ /skal ldan blo gsal gdul bya'i tshogs rnams la/ /

@009a @#/ /legs par gsal mdzod khyod la gsol ba 'debs/ /chos
sku'i mkha' la thugs rje'i sprin phung 'khrigs/ /mdo sngags
gzhung lugs legs bshad char 'bebs pas/ /sa

'dzin gdul bya'i yid la smin grol gyis/ /dga' ston ster bar
mdzad la gsol ba 'debs/ /khyod ni rgyal ba gnyis pa'i bstan pa
la/ /dka' ba dang blang 'bad pa lhur blangs nas/ /gzhon

nu rab byung thos bsam byed pa la/ /grags pa don ldan khyod la
gsol ba 'debs/ /bstan pa'i bdag po paN chen dge 'dun grub/
/rgyal ba'i 'byung gnas bshes gnyen ston pa yang/ /nam

mkha'i dbyings su chu 'dzin 'khrigs pa bzhin/ /rnam 'gyur lung
bstan mdzad la gsol ba 'debs/ /'phrin las lha mo nam mkha'i mdog
can yang/ /phyag g.yon bum pa g.yon pa'i

dku la bsten/ /phyag g.yas mchog sbyin nam mkha'i khyon gang
zhing/ /'gro don lung bstan mdzad la gsol ba 'debs/ /chos kyi
grags pa'i ring lugs la sbyangs tshe/ /gser gyi mdog

can shAkya'i rgyal po yang/ /sgyu 'phrul dra ba'i spyi bo'i
gtsug tu bsten/ /tshogs gsog sgrib sbyongs mdzad la gsol ba
'debs/ /yongs 'dzin bkas bkul 'dus pa rgya mtsho'i dbus/ /

@009b sa yi snying po zhing khams gcig gi khyon/ /rnam dag 'dzin
ma'i lam la 'jug par mdzad/ /bstan pa spel bar mdzad la gsol ba
'debs/ /bstan pa'i snying po rmad byung 'dus pa'i dbu/ /rim

gnyis zab mo'i rnal 'byor bslabs pa'i tshe/ /chos kyi rgyal po ma
he'i gdong can yang/ /'bral med bran ltar 'gyur la gsol ba
'debs/ /g.yu brag gnas su rtse gcig bsgoms pa'i tshe/ /sa bcu'i

dbang phyug rgyal ba ma pham pa/ /rmi lam lung ltar yang yang
mjal bar mdzad/ /yang dag lam ston mdzad la gsol ba 'debs/ /gang
du bzhugs shing gcig tu rab gnas nas/ /phan bde ma

lus 'byung ba'i sgo gcig pu/ /'dod dgu'i 'byung gnas bshad sgrub
rgyal mtshan mchog /thos bsam gling mchog rgyas phyir mngon gyur
cig /'di nas zhing gi mchog gyur shar

gyi phyogs/ /mngon par dga' ba me tog bkram par yang/ /mi 'khrug
dge slong nyid kyi mdun sa ru/ /skye ba kun tu khyod dang mjal
bar shog /theg chen lam gyi gzhung shing byang

chub sems/ /yang dag lta ba'i gnad dang rim gnyis la/ /'khrul
med nges pa rnyed nas brtson pa yi/ /khyod gsung sgrub pa snying
bor byed par shog {/ces pa 'di rje dge 'dun bstan

@010a @#/ /pa dar rgyas kyis mdzad par grags//} ! //mkha' mnyam
'gro la mkhyen brtses rab dgongs nas/ /grangs med gsum du tshogs
gnyis rab rdzogs shing/ /stong

gsum mi mjed zhing gi dpal gyur ba/ /'dren mchog shAkya'i tog
la phyag 'tshal lo/ /shes rab chen pos de nyid legs rtogs nas/
/brtson pa chen pos go 'phang mchog

brnyes shing/ /bstan pa 'di la ston pa gnyis par grags/ /'phags
mchog klu sgrub zhabs la phyag 'tshal lo/ /de sras mthu bo dge
legs dpal yon can/ /log smra tshar

bcad skal ldan rjes su 'dzin/ /thar 'dod rnams la thar pa'i lam
ston pa/ /Arya de ba'i zhabs la phyag 'tshal lo/ /mkhyen pa'i
dkyil 'khor legs bshad 'od stong can/ /rab

'byams shes bya'i mkha' la rab 'phags shing/ /bde gshegs gsung
rab nyin mor byed pa'i dpal/ /'phags pa thogs med zhabs la phyag
'tshal lo/ /dgu bcu go dgu 'bum

sde'i gzhung rnams kyis/ /gang gi blo gros mgul ba rab brgyan
cing/ /'dzam gling 'di na kun mkhyen gnyis par grags/ /mkhas
mchog dbyig gnyen zhabs la phyag 'tshal lo/ /phul

@010b du byung ba'i blo gros stobs kyis btsun/ /rmad du byung
ba'i yon tan khur gyis brjid/ /log smra 'dam bu'i tshal rab 'joms
mdzad pa'i/ /phyogs kyi glang po'i zhabs la phyag 'tshal lo/
/chos

kyi rigs pas chos min pham mdzad cing/ /grags pa'i sgra chen
'jig rten gsum na grags/ /smra ngan mun 'joms smra ba'i nyi ma
mchog /chos kyi grags pa'i zhabs la phyag 'tshal lo/ /tshul

khrims rgya mtsho'i dbus na gnas bcas shing/ /'bum phrag 'dul
ba'i gzhung gi gdengs kas brjid/ /rnam grol thar pa'i nor bus
gtsug na mdzes/ /mchog gnyis klu yi

dbang po la phyag 'tshal/ /thub pa'i bstan la shing rta'i srol
gtod nas/ /skye dgu rnams la legs pa'i lam ston pa/ /'dzam gling
mdzes byed rgyan drug mchog gnyis

la; /rtag tu gus pa'i yid kyis phyag 'tshal lo/ ! hrIH dus gsum
rgyal ba kun gyi 'phrin las rnams/ /gcig tu bsdus pa bde gshegs
rin chen mang/ /'gro la dngos

grub char bzhin 'bebs pa'i phyir/ /sprul ba'i tshul bzung rnam
thos sras la 'dud/ /gnod sbyin sde dpon khyod nyid slar yang ni/
/rmu rgod snyigs ma'i sems can 'dul

@011a @#/ /ba'i phyir/ /drag po'i tshul bzung chos kyi
rgyal po
la/ /lus ngag yid gsum dang ba'i sgo nas bstod/ /khyod sku mi
bzad khro gtum rab tu 'bar/ /'jigs rung zil

gnon bse yi khrab rmog gsol/ /g.yas g.yon ru mtshon dgra sta
mdung dmar bsnams/ /zhags pas dam nyams ma lus 'ching la bstod/
/'ur 'ur sgra yis dam nyams snying

la gzir/ /sil sil sgra yis dgra bo'i snying rtsa 'dar/ /dpa'
bo'i dpa' ba'i mtshon cha chen po yis/ /ma rungs ma lus 'dul ba
khyod la bstod/ /sha lnga bdud rtsi lnga yi legs

sbyar zhing/ /yig 'bru gsum gyis bdud rtsir byin brlabs nas/
/rgyal ba'i bstan srung chen po khyod la 'bul/ /bzhes nas mthun
rkyen 'dod pa'i don kun sgru pas/ /rnal 'byor

bdag cag yon mchod dge 'dun sde/ /mi nor bcas pa khyod la gnyer
du gtad/ /spyan ras gzigs dbang rig 'dzin padma'i bka'/ /dang du
longs la bar gcod thams

cad srungs/ /rtsa brgyud dpal ldan bla ma dam pa dang/ /yi dam
gsang ba'i bdag po phyag rdor dang/ /bstan srung chen po chos
kyi rgyal po yi/ /bkra shis bde legs dngos grub

@011b stsal du gsol/ ! /oM bde legs su gyur cig /sngon bsags
dge legs tshogs kyis rab bskrun pa'i/ /phyogs dang dbang phyug
grangs kyi rgyan ldan sku/ /nyes ltung dris dben

tshul khrims la gnas nas/ /legs bshad dam chos phyogs bcur spel
mdzad pa'i/ /tshul khrims chos 'phel zhabs la/ /tshul khrims rgya
mtsho'i khyon la dbang sgyur zhing/ /

lung rtogs dam chos spel ba'i gdengs kas brjid/ /rnam grol thar
pa'i nor bu gtsug na mdzes/ /mkhas mchog klu dbang zhabs la &/
/dpal ldan smra ba'i zla ba tshul khrims sogs/

'phags nor dkyil 'khor cha shas yongs rdzogs shing/ /mdo sngags
chos tshul ku mu ta ka'i tshal/ /'phel mdzad dam pa'i zhabs la &/
/chos tshul brgya phrag 'byed pa'i rnam dpyod kyi/

khrims ldan kun gyi gtsug na mngon mtho ba/ /lung rtogs dam chos
kun nas spel mdzad pa'i/ /rje btsun bla ma'i zhabs la &/ /tshul
khrims rgya mtsho'i yon tan nor bu'i gter/ /'phrin

las phyogs ba cur g.yo ba'i rlabs 'phreng can/ /bstan dang 'gro
ba'i dpal du mngon gyur nas/ /phun tshogs chos kyi dga' ston
'phel gyur cig /dge la 'dun pa'i rnam

@012a @#/ /dpyod 'od stong gi/ /sangs rgyas bstan pa rin chen
padma'i tshal/ /dar zhing rgyas mdzad 'phrin las bzang po can/
/bshes gnyen dam pa'i zhabs la gsol &/

sngon bsags tshogs gnyis rgya chen legs sbyangs zhing/ /byams
pa'i thugs kyi 'gro kun bu ltar dgongs/ /lhag pa'i lha yis rjes
bzung byin gyis rlabs/ /rnal 'byor

dbang phyug zhabs la &/ /lung rig smra ba'i dbang phyug chos kyi
rje/ /mtha' yas gdul bya'i dpal du zhabs brtan cing/ /phun tshogs
'phrin las phyogs bcur rab rgyas zhing/ /

'gro rnams smin cing 'grol bar byin gyis rlobs/ /gang zhing gus
pas bsten na legs tshogs kun/ /yar ngo'i zla ltar 'phel gyur
yongs 'dzin la/ /rtse gcig gus pa'i yid

kyi gsol 'debs na/ /chos ldan bdag gi re ba skong bar shog/
/'dis mtshon dge bas bdag gzhan 'gro ba kun/ /yang dag dge ba'i
bshes kyi rjes bzung ste/ /dam chos

bdud rtsi gsung gi ro myang nas/ /sku gsung thugs kyi byin rlabs
'jug par shog /dge 'dun 'dus pa'i sgra 'dzin yol go'i nang/
/gsung rab sbrang rtsi'i bcud bsdus 'khyil

@012b mdzad pa/ /zad med blo gsal rgya mtsho'i 'dod pa'i don/
/grub mdzad bshes gnyen dam par gsol ba 'debs/ /rnam gsum dkon
mchog rin chen thugs rje'i mthus/ /mgon

khyod rdo rje'i gdan la bskal ba'i bar/ /tshe mtha' yas pa ji
bzhin legs bzhugs nas/ /mos ldan gdul bya'i re ba skong bar shog
/skye ba kun tu yang dag bla ma dang/ /

'bral med chos kyi dpal la longs spyod cing/ /sa dang lam gyi
yon tan rab rdzogs nas/ /rdo rje 'chang gi go 'phang myur bar
shog/ /dpal ldan bla ma khyed sku ci 'dra dang/ /

'khor dang sku tshe'i tshad dang zhing khams sogs/ /khyod kyi
mtshan mchog bzang po ci 'dra ba/ /de 'dra kho nar bdag sogs
'gyur par shog /khod la bstod cing gsol ba

btab pa'i mthus/ /bdag sogs gang du gnas pa'i sa phyogs der/
/nad gdon dbul 'phong 'thab rtsod zhi ba dang/ /chos dang bkra
shis 'phel bar mdzad du gsol/ /

Hsems can don du bdag gis sngon/ /dka' ba gang zhig spyad gyur
dang/ /bdag gi bde ba btang pa yis/ /bstan pa yun ring 'bar gyur
cig/ /ngas sngon nad pa'i ched

@013a @#/ /dag tu/ /rang gi 'tsho ba yongs btang bas/ /sems can
phongs pa bskyab pa'i phyir/ /yun ring bstan pa 'bar gyur cig/
/bu dang bu mo chung ma dang/ /nor

dang glang chen shing rta dang/ /rin chen byang chub phyir btang
bas/ /bstan pa yun ring 'bar gyur cig /bdag gis sangs rgyas rang
sangs rgyas/ /nyan thos pha dang ma dang ni/ /drang

srong dag la mchod byas pas/ /bstan pa yun ring 'bar gyur cig
/bskal pa bye ba du mar bdag /sdug bsngal sna tshogs myong gyur
cig /byang chub don du thos btsal bas/ /

bstan pa yun ring 'bar gyur cig /bdag gis tshul khrims brtul
zhugs dang/ /dka' thub yun ring bsten byas shing/ /phyogs bcu'i
sangs rgyas ngas mchod pas/ /bstan

pa yun ring 'bar gyur cig/ /bdag sngon brtson 'grus dang ldan
pas/ /rtag tu brtan cing pha rol gnon/ /sems can thams cad
bsgral don du/ /bdag bstan yun ring 'bar gyur

cig /bzod brtul rtag tu bsten byas shing/ /sems can nyen mongs
snyigs ma yi/ /sems can ngan bzod byas gyur pas/ /bstan pa yun
ring 'bar gyur cig/ /bsam

@013b gtan rnam thar gzugs med dang/ /ting 'dzin gang gA'i bye
snyed pa/ /bsgoms pas de mthun bdag gi ni/ /bstan pa yun ring
'bar gyur cig/ /ye shes don du bdag gi sngon/ /dka'

thub nags dag bsten byas shing/ /bstan bcas du ma nyer bstan
pas/ /bdag gi bstan pa 'bar gyur cig/ /brtse ba'i rgyu yis sha
khrag dang/ /'tsho ba yongs su btang gyur cig/ /yan

lag nying lag btang ba yis/ /chos tshul rnam par 'phel gyur cig/
/bdag sngon sdig pa'i sems can rnams/ /byams bas gsal bar smin
byas shing/ /theg pa gsum la rab bkod

pas/ /chos kyi sbyin mchog rgyas gyur cig /bdag sngon thabs shes
gyur pa na/ /sems can lta ngan las bsgral cing/ /yang dag lta la
bkod byas pas/ /chos ni rnam bar 'phel gyur

cig /bdag gis sems can bsdu dngos bzhis/ /nyon mongs me las thar
byas shing/ /bdag gis 'phel sdi ga pham byas pas/ /bdag 'khor
yun ring gnas gyur cig /bdag

gis mu stegs can gzhan dag /lta ba'i chu las bsgral byas te/
/yang dag lta la bkod gyur pas/ /bdag 'khor rtag tu gus gyur cig
! /yun ring bstan pa 'bar gyur cig/

@014a @#/ /chos kyi rgyal po tsong kha pa'i/ /chos tshul rnam par
'phel ba la/ /gegs kyi mtshan ma zhi ba dang/ /mthun rkyen ma lus
tshang bar shog /bdag dang gzhan gyi du

gsum dang/ /'brel ba'i tshogs gnyis la brten nas/ /rgyal ba blo
bzang grags pa yi/ /bstan pa yun ring 'bar gyur cig /b+hyoH rab
'byams rgyal ba kun gyi 'phrin las

la/ /dmag zor rgyal mo zhes byar mtshan gsol ba/ /rtse gcig mos
pa'i dbang gis spyan 'dren na/ /thogs pa med par myur du gshegs
su gsol/ /mdun gyi nam mkhar

rlung nag 'tshub ma'i dbus/ /be con thod khrag 'dzin pa srin mo'i
gzugs/ /dre 'u'i steng bzhugs gdug pa tshar gcod sku/ /je srid
dran pa de srid rtag tu bzhugs/ /

phyi yi spyan gzigs nam mkha'i khyon gang zhing/ /nad gi dam
rdzas sa gzhi ma lus khyab/ /yid kyis sprul ba'i mchod sprin
zhing khams kun/ /rgyas par 'gengs pa 'khor dang

bcas la 'bul/ /sha khrag la sogs bdud rtsi lnga dang bcas/ /'bru
sna lnga dang sbyar ba'i gtor ma 'di/ /dpal ldan dmag zor rgyal
mo la 'bul gyi/ /rgyal ba'i

@014b bstan pa bsrung phyir bzhes su gsol/ /sku gsum lhun grub
thugs rje mthar phyin kyang/ /srid gsum gdug pa 'dul phyir khros
pa'i sku/ /dus gsum rgyal ba'i bstan srung chen

mol/ /sgo gsum gus pa chen pos phyag 'tshal lo/ /dpal ldan thub
pa'i bka' srung mthu rtsal can/ /khyod nyid bsnyen cing sgrub
dang rtse gcig tu/ /gsol ba 'debs pa'i rnal 'byor

dpon slob kyi/ /'gal rkyen kun sol mthun rkyen ma lus sgrubs/
/bdag sogs deng nas tshe rabs thams cad du/ /gsang ba'i lha mo
khyod dang mi 'bral zhing/ /bar chad bgegs

kyi mtshan ma ci byung yang/ /de kun lha mo kyis bzlog par mdzod/
/lhag bsam dag pa'i tshul 'dir brtson pa na/ /tshangs dang dbang
po 'jig rten skyong ba dang/ /dmag zor

rgyal mo la sogs srung ma'i tshogs/ /g.yel ba med par rtag tu
grogs byed shog /dge 'dun sde rnams dpal 'byor mi nyams zhing/
/bsam sbyor ngan pa'i gdug rtsub zhi ba dang/ /

bslab gsum rnam dag bstan pa'i khur 'dzin pa'i/ /dge 'dun tshogs
kyis gang ba'i bkra shis shog /b+hyoH lhun grub bde ba chen po'i
ngang/ /srin mo khros ba'i drag shul can/

@015a @#/ /khams gsum dbang mdzad re ma tI/ /'khor dang bcas pa
khyed rnams kyi/ /pad dkar 'chang ba rim byin sogs/ /sngon gyi
dam tshig rjes dgongs la/ /bstan

dang bstan 'dzin skyong ba dang/ /chos ldan 'phrin les sgrub par
mdzod/ /khyad par 'brum chen dkar nag dang/ /gag lhog be ge
'khru gzer sogs/ /mi phyugs nad yams

ma lus pa/ /zhi zhing bzlog pa'i 'phrin las mdzod/ /b+hyoH 'dod
khams bdag mo dmag dang zor kyi lha/ /mchod gtor dang dam rdzas
spyan gzigs rgya mtsho bzhes/ /sems

can yongs la nye bar 'tshe ba yi/ /'brum nad la sogs nyer 'tshe ma
lus bzlog b+hyoH rgyal ba kun gyi yum yum gcig dbyangs can ma/
/nag phyogs bdud sde'i gshed gyur

dmag zor lha/ /dbang phyug nyer brgyad gtso mo re ma ti/ /zhi
ba'i las mdzad dpal ldan dung skyong ma/ /thub bstan gnas srung
mkha' 'gro tshogs rnams kyis/ /bla ma yi dam

dam tshig nyer dgongs la/ /'gro kun mi shes bag med 'khrul dbang
gis/ /nongs par bgyis pa'i nyes tshogs bshags bgyis nas/ /ma mo
khros pa'i kha rlangs dug mtshon nad/ /

@015b 'brum chen dkar nag gag lhog be ge sogs/ /zhi zhing bzlog
pa'i rnam bzhi 'phrin las kun/ /thogs pa med pa myur du 'grub
par mdzod/ /dpal gyi lha mo 'khor dang bcas rnams

kyis/ /rnal 'byor bdag cag dpon slob 'khor bcas la/ /mi mthun
rkyen dang bar chad bzlog pa dang/ /zhi ba'i 'phrin las ma lus
'grub par mdzod/ /dpal gyi lha mo 'khor

dang bcas rnams kyis/ /tshe dang bsod nams lung rtogs yon tan
sogs/ /mthun rkyen legs tshogs lhun gyis grub pa dang/ /rgyas
pa'i 'phrin las ma lus 'grub par mdzod/ /

dpal gyi lha mo 'khor dang bcas rnams kyis/ /khams gsum ma lus
dbang du bsdu ba dang/ /tshe bsod dbang thang thams cad rgyas pa
dang/ /dbang gi 'phrin las ma lus 'grub

par mdzod/ /dpal kyi lha mo'i 'khor dang bcas rnams kyis/ /rnal
'byor bdag cag 'khor dang bcas rnams la/ /bgegs dang bar gcod
thams cad zhi ba dang/ /drag

po'i 'phrin las ma lus 'grub par mdzod/ /dpal gyi lha mo 'khor
dang bcas rnams kyis/ /'jig rten khams sun nad mug 'khrug rtsod
sogs/ /mi mthun rgud pa tham

@016a @#/ /cad zhi ba dang/ /las bzhi'i 'phrin las ma lus 'grub
par mdzod/ ces 'jig rten gyi khams kun bde thabs su dpal ldan
lha mor las bzhi'i 'phrin las myur 'grub kyi smon

tshig 'di bzhin shAkya'i dge slong blo bzang 'jam dpal rgya
mtshos sug bris su bgyis pa'o//} ! oM/ grub pa'i dbang phyug
rtsa brgyud bla ma dang/ /blo bzang rgyal ba'i dbang pos bka'

bsgos bzhin/ /bstan pa skyong mdzad lha yi dge bsnyen che/
/'khor ba cas thogs pa med par gshegs su gsol/ /sprin dkar g.yo
'dra'i rdzu 'phrul rta yi steng/ /dar mdung

mda' gzhu zhags pa 'dzin mdzad cing/ /dkar gsal dpa' brjid mdzes
pa'i rnam 'gyur gyis/ /'phrin las bsgrub phyir gnas 'dir brtan
par bzhugs/ /phyi nang gsang

ba'i mchod pa'i sprin dkrigs shing/ /gser skyems bdud rtsi'i
btung ba rgya mtshor bskyil/ /sha khrag gtor ma ri rab ltar
spungs nas/ /drag btsan dgra lha'i rgyal po 'khor

bcas mchod/ /'bar ba'i me nang bsangs rdzas stong phrag dang/
/dri zhim spos sna bsregs pa'i dud pa'i sprin/ /dbang sngon chu
'dzin mkha' la bsnyegs 'dra bas/ /gzhi

@016b gdag dge bsnyen chen po 'khor bcas bsangs/ /rnam 'dren
thams cad gzigs pa'i spyan snga ru/ /dang por thugs bskyed sa
bcu'i mthar son kyang/ /'brog gnas tshul bzung rma chen

spom ra zhes/ /chos 'khor skyong mdzad srung ma khyod la bstod/
/dge ldan rnam par rgyal ba'i gling chen po/ /blo gsal mkhas
mang nor bus yongs gang zhing/ /bshad sgrub 'dod

dgu'i longs spyod phun tshogs brgyas/ /dar rgyas srid mtha'i bar
du gnas par mdzod/ /lhag bsam dag pas tshul 'dir &/ /tshangs dang
dbang po &/ /dge bsnyen chen po la sogs

srung ma'i tshogs/ /g.yel ba med par &/ /oM bdzra a mr-i ta
kuNDa li ha na ha na hUM phaT/ /oM sra b+hA was {sbyangs/}
stong ba nyid du gyur/ /stong pa'i ngang las b+hrUM las rin po
che'i snod

yangs shing rgya che ba rnams kyi nang du gtor ma dkar gsum
mngar gsum ye shes kyi bdud rtsi'i rgya mtsho chen por gyur/ /oM
AH hUM/ {lan gsum brjod/} na maH sarba ta thA ga ta a wa

lo ki te oM saM b+ha ra saM b+ha ra hUM/ {lan gsum brjod/} de
bzhin gshegs pa rgyal ba rin chen mang la phyag 'tshal lo/ /de
bzhin gshegs pa gzugs mdzes dam pa la phyag 'tshal

@017a @#/ /lo; /de bzhin gshegs pa sku 'byams klas la phyag 'tshal
lo/ /de bzhin gshegs pa 'jigs pa thams cad dang bral ba la phyag
'tshal lo/ /phun tshogs

'dod yon lnga ldan pa'i/ /bdud rtsi rgya mtsho'i gtor ma 'di nyid
sa bdag sa'i lha mo/ /'dzam gling skyong ba spyi dang/ /khyad
par bod khams skyong ba'i bstan ma bcu gnyis/

yul lha gzhi bdag /stod mnga' ris skor gsum/ /smad mdo khams
sgar gsum/ /bar dbus gtsang ru bzhi/ /sa phyogs/ /yul rigs/
/dgon gnas 'di nyid la

gnas pa'i gzhi bdag dkar phyogs la mngon par dga' ba rnams la
'bul lo/ /rnal 'byor pa'i bdag cag dpon slob 'khor dang bcas pa
rnams la nyin gsum gyi bya ra

mdzod/ /mtshan gsum gyi mel tshe mdzod/ /'gal rkyen kun sol la
mthun rkyen sgrubs/ /bsam pa'i don rnams yid bzhin du 'grub par
mdzad du gsol/ /bdag gi

bsam pa'i stobs dang ni/ /de bzhin gshegs pa'i byin stobs dang/
/chos kyi dbyings kyi stobs rnasm kyis/ /don rnams gang dag
bsams pa kun/ /de dag thams

@017b ci rigs par/ /thogs ba med par 'byung gyur cig/ ! {gser
skyems 'bul ba ni/} hUM/ rtsa brgyud bla ma mchog gsum byin
rlabs dang/ /rang bzhin rnam dag chos dbyings bden

pa'i mthus/ /'dod yon lnga ldan gser skyems rgya mtshor 'khyil/
/kun bzang mchod pa'i sprin ltar 'bar gyur cig /oM AH hUM/
'dod yon lnga ldan gser skyems mchod pa

'di; /bla ma yi dam mchog gsum ma lus dang/ /khyad par bcom ldan
rdo rje 'jigs byed kyi/ /lha tshogs 'khor dang bcas la gus pas
'bul/ /bzhes nas 'jam mgon bla

ma'i bstan pa la/ /nye bar 'tshe ba thams cad zhi ba dang/ /tshe
rabs kun tu 'jam mgon bla ma yis/ /'bral ba med par rjes su
'dzin gyur cig /khyad par 'gro la bu bzhin

rtag brtse yang/ /ma rung 'dul phyir khro rgyal 'bar ba'i sku/
/ston mdzad nag po chen po phyag drug mgon/ /gser skyems &/
/'dod khams bdag mo kShi tra pA la sogs/ /srog

gcod gnod sbyin dang gtsang ris kyi/ /dpal mgon dam can rgya
mtsho'i grangs med dpung/ /gser skyems &/ /'dod yon lnga ldan
gser skyems mchod pa 'di/ /chos skyong

@018a @#/ /ye shes span ldan ma lus dang/ /khyad par dam can chos
kyi rgyal po yi/ /lha tshogs 'khor dang bcas la gus pas phul/
/bzhes nas gnod byed dgra bgegs

ma lus pa/ /skad cig nyid la thal ba'i rdul du rlog /srid zhi'i
dpal 'byor legs tshogs ma lus pa/ /yar ngo'i zla ltar 'phel zhing
rgyas par mdzod/ /'dod yon lnga ldan &/ /

chos kyi rgyal po'i 'khor du gtogs pa yi/ /lo zla zhag dus rgyu
ba'i lha rnams dang/ /khyad par yul 'di'i gzhi bdag rnams la
'bul/ /bzhes nas ru nga phrag dog ma mdzad

cig /gzhi byed kun tu bya ba ci byed kyang/ /chos ldan thams cad
bsam pa yid bzhin du/ /'grub pa'i mthun rkyen stong grogs mdzad
du gsol/ {/gser skyems 'di rnams rgyal dbang

bskal bzang rgya mtsho'i gsung bcos lhad med ba'o// ! {gser
skyems ni/} b+hyoH srid gsum ma lus rdo rje dbugs gcig gis/
/'dren mdzad dpa' bo chen po khro bo'i rgyal/ /sgyu 'phrul

rdo rje 'bar bas gdong brgya 'phro/ /'jam dpal bshin rje'i gshed
po dgyes gyur cig /chu gter klong nas dus mtha'i me 'phro ba'i/
/rdzong rnams skyong zhing dka' thub bzlog

@018b mdzad ma/ /rgyal kun yum gyur dmag dang zor gyi lha/ /'dod
khams dbang mo bdud rtsi'i gser skyems bzhes/ /mi bsrun lha mo
chu srin seng ge'i gdong/ /'jig rten khams kun 'gas byed

gtum drag can/ /dug gi na bun 'brum gzer ser drag 'bebs/ /mkha'
'gro'i gtso zung klang khrag gser g.yur rol/ /rig byed gnam
sa'i 'gyur ba'i gnas ri la/ /dbang byed

mkha' 'gro mi bzad 'bar ba bzhi/ /srog rtsa'i lam phyung raktar
sbyar ba'i gser/ /drag por khol ba'i ro brgya'i btung ba rol/
/bdud dang srin po gshin rje ma mo dang/ /gnod

sbyin grul bum sde brgyad bye ba'i tshogs/ /gser skyems 'di bzhes
bdag la sdang ba'i dgra/ /ma lus thal ba'i rdul phran bzhin du
rlog /srid gsum bdag mo 'khor bcas

rin chen bcud/ /dgyes par bzhes mdzod bdag gi bsam pa'i don/
/kun kyang nyer 'tshe dang bral dus myur bar/ /bde blag nyid du
'grub pa'i 'phrin las mdzod/ /bka' drin 'khor

med rtsa brgyud bla ma dang/ /dngos grub kun stsol 'jam dpal
gshin rje bshed/ /'phrin las sgrub mdzad 'dod khams dbang phyug
ma/ /gser skyems 'di bzhes bcol ba'i

@019a @#/ /las kun sgrubs/ /re ta'i nad gtong bran g.yog rnam pa
bzhi/ /dus bzhi'i lha mo tshe ring mched lnga dang/ /bstan ma bcu
gnyis 'khor tshogs rgya mtshor bcas/ /gser

skyems &/ /tshe rabs du mar bsten pa'i dam can tshogs/ /pha mes
rgyud nas 'go ba'i srung ma dang/ /dregs pa sde brgyad las gshin
'khor dang bcas/ /gser skyems &/ ! /rgyal

ba kun gyi ye shes sgyu ma yi/ /cho 'phrul rnam par sprul pa las
byung ba'i/ /lha mo gang gis sgrub pa'i nad gdon bgegs/ /kun tu
zhi mdzad ma la phyag 'tshal lo/ {/lo gyon ma'i

gzungs ni/} oM pi shA tsi pa rNa sha wa ri sarba rdzwa ra pra
sha ma na ye swA hA/ ! gang gi mtshan tsam 'dzin cing dran pas
kyang/ /bar chad 'jigs pa kun las skyob mdzad ma/ /dri med bde
ba

chen po mchog stsol ba'i/ /lha mo 'od zer can la phyag 'tshal lo/
'od zer can gyi gzungs ni/ oM mA ri tsyi maM swA hA// !
//blo bzang rgyal gnyis ma'i kha skong ni/ /myos rigs las

'khrungs kun mkhyen ngag gi dbang/ /blo bzang rin chen tshangs
dbyangs rgya mtsho'i zhabs/ /blo gros bzang po'i 'gro la dam chos
char/ /'bebs mkhas bskal bzang rgya mtshor

@019b gsol ba 'debs/ /rje btsun blo bzang rgyal ba gnyis pa yis/
/bstan pa'i dbang phyug 'jam dpal rgya mtsho'i zhabs/ /bzang po'i
mdzad pa'i 'gro ba 'dren mdzad pa/ /skyabs

gsum kun 'dus bla mar gsol ba 'debs/ /snyigs dus tsha zer brgya
phrag gis mnar ba'i/ /rkang gnyis tshogs la bsil ba'i bde ba che/
/sbyin mdzad mdzad mkhas btsun bzang po'i

'od dkar can/ /blo bzang 'jam dpal rgya mtshor gsol ba &/ /blo
bzang bstan pa'i 'byung gnas 'dod dgu'i gtar/ /ngag dbang chos
'byor nor bu'i 'od dkar zhing/ /srid zhi'i

dbul phongs ma lus bsal mdzad pa/ /lung rtogs rgya mtsho'i mgon
la gsol ba &/ /ngag la dbang 'byor blo bzang rnam 'pyod kyi/ /
'jam dpal snying po'i bstan 'dzin kun gyi

gtso/ /mkhas btsun tshul khrims rgya mtsho'i mnga' bdag mchog /rje
btsun bla ma'i &/ /ngag gi dbang phyug bskal bzang rnam 'dren
gtso/ /yongs rdzogs bstan pa'i gsal byed

sgron me che/ /mkhas btsun bstan 'dzin rgya mtsho'i gtsug rgyan
mchog /rje btsun bla ma'i zhabs la &/ /ngag dbang blo bzang
bstan pa'i khang bzang rtser/ /ngur smig rgyal mtshan sgreng

@020a @#/ /la mi 'phrog pa'i/ /mkhyen rab bzang po'i thugs rgyud
legs gtams pa'i/ /'phrin las rgya mtsho'i mgon la &/ /ngag dbang
blo gter bskal bzang thub dbang bstan/ /

rgya cher dbyar gyi mtsho ltar spel ba'i slad/ /'jigs bral sa
gsum dbang phyug phyogs kun las/ /rnam par rgyal ba'i sde la &/
/'jam dpal dpa' bo'i ngag la dbang bsgyur

zhing; /blo bzang ye shes rgyal bstan 'dzin pa la/ /rgya mtsho
ltar zab srid gsum dbang sgyur mgon/ /mtshungs pa med pa'i sde la
&/ /mgon khyod zhabs zung nas 'dur bskul

byed/ rgyal kun ma'i kha skong ni/ /mkhyen brtse'i bdag nyid nas
& & & zhabs brtan shog /bla ma yi dam & de ltar bstod pa'i dge
ba'i 'gro ba kun/ /mtshan nyid ldan pa'i dam pa'i

rjes bzung ste/ /mdo rgyud tshig don kun rtogs thabs shes kyi/
/nyams len mthar son thams cad mkhyen rgyur cig /bslab pa gsum
ldan & & & & chos gos ngur smrig gi kha skong ni/ /nga

yi bla ma & & & & skye zhing skye ba & & & & smon lam 'di dag &
& & & dang po rgya chen & & & sogs bya/ thub dbang zhabs padma'i
kha skong ni/ /dge legs yon tan & & & & zhes pa nas/

@020b gsol ba 'debs/ /blo gros yangs pa'i skal bzang gdul bya'i
tshogs/ /gtsug na bsod nams ye shes 'bras bu yi/ /legs dud rlung
gi rgyal mtshan ltar bkra ba/ /dpal ldan bla & & & blo

gros gzigs pa dri med kai la sha'i/ /sa 'dzin las 'ongs chos
bzang gangga'i chus/ /yid can dri 'khrud skal ldan shing rta'i
mdzod/ /dpal ldan ye shes dbang por & & rgyal ba kun las lhag

pa'i bka' drin che/ /rje btsun blo bzang dpal ldan ye shes kyi/
/mchog gis sprul sku blo bzang mkhyen brtse'i gter/ /dpal ldan
bstan pa'i nyi ma &/ /blo bzang rgyal kun 'dus pa'i dpal

ldan zhing/ /theg gsum chos kyi sgra dbyangs sgrogs pa yi/
/snyan pa'i grags pa'i sa gsum kun khyab pa/ /bstan pa'i dbang
phyug chen por gsol ba 'debs/ /blo ldan skal bzang pad

tshal bzhad pa'i gnyen/ /thub bstan gsal mdzad chos kyi nyi ma
che/ /dge legs 'od stong rnam par rgyal ba'i mgon/ /mtshungs med
rje btsun bla mar gsol ba 'debs/ {zhes bcug /

!sgrol ma'i 'dod gsol mjug tu/} mcom ldan 'das ma mchod byas pa/
/bdag gi dge ba ci mchis pa/ des ni 'gro ba ma lus ba/ /bde ba
can du skye bar shog /sku yi skyon spangs mtshan

@021a @#/ /dang dpe byad ldan/ /gsung gi skyon spangs ka la
pingga'i dbyangs/ /thugs kyi skyon spangs shes bya mtha' dag
gzigs/ /bkra shis dpal 'bar ma yi bkra shis shog /

ces sbyor/ ! grub pa'i dbang phyug dpal ldan bla ma dang/ /bslu
ba med pa'i skyabs gnas dkon mchog gsum/ /mthu ldan srung ma
gnas gsum mkha' 'gro'i tshogs/ /dbyer

med zhabs kyi padmo'i bka' drin dang/ /sras bcas rgyal ba'i rnam
dkar dge tshogs bcas/ /tshul bzhin sgrub la mdun pa'i bsam pa yis/
/thub bstan rgya mtsho'i dpal du yun ring du/

gnas shing 'phrin las phyogs bcur rgyas par shog ! mdo sngags
bshad sgrub bstan pa'i 'byung khungs 'dir/ /mkhas shing grub
brnyes rgyun mi 'chad byon nas/ /'brel

tshad don ldan dam pa'i skyes bu yis/ /sa chen padmo'i tshal bzhin
mdzes gyur cig /tshul khrims gtsang zhing mang du thos pa dang/
/byang sems 'byongs dang lta spyod gtsang ba sogs/ /blo

bzang rgyal ba gnyis pa'i bstan pa la/ /bsre lhad med pa'i rnam
thar 'khyongs par shog /de nas nam mkha' zad par ma gyur pa/ /ji
srid yid bzhin nor dang bum pa bzang/ /

@021b dpag bsam shing dang mchog gi rgyal mtshan ltar/ /'gro ba
kun gyi re ba skor bar shog