@#/ /byams sku dang gos sku sogs kyi dkar chag sna tshogs phyogs
gcig tu bkod pa bzhugs so/ 

@001a @#/ /(mdo smad cha phreng bsam 'phel gling du byams sku
gsar bzhengs kyi dkar chag dad pa'i padmo bzhad pa'i nyin byed
ces bya ba bzhugs so//) oM swa sti/ gdod nas yongs

dag mi 'gyur mi shigs bla med rdo rje snying po'i sku/ /nyon
mongs shes bya'i dri ma las 'das mkhyen pa'i me long gtsang ma'i
ngos/ /ji lta ji snyed chos kun ma 'dres cig car

'char ba'i rgyal rnams dang/ /theg gsum dam chos 'phags tshogs
bcas pas rtag tu shis pa'i dpal yon stsol/ /gzhal du mi spyod
bskal par rab bsags rlabs

chen tshogs gnyis kho lag rdzogs/ /yang yang goms mdzad byams
pa'i grib ma 'gro la gcig tu bsil ba 'dzin/ /kun phan 'phrin las
me tog khrag khrig srid

@002a @#/ /zhi'i bla na mngon par 'dzum/ /rgyal ba'i rgyal tshab
dpag bsam shing der bdag yid dang ba lan brgyar brtsegs/ /'khor
bar 'ching

byed rtog pa'i dra ba ni/ /shes rab ral gris dum bur 'thor ba'i
sgrar/ /'jam pa'i dpal du snyan pa'i lha mchog des/ /ngag dang
yid la grub pa'i mchog spyin mdzod/ /

rab 'byams rgyal kun mkhyen pa'i me shel khams/ /legs bshad 'od
zer bye ba'i dpal yon can/ /blo bzang blo yi nyi ma 'od po
che'i/ /byin rlabs bdud rtsi'i snang ba

snying la khroms/ /ma rung sems kyi rta rgod gdul dka' ba/
/thabs mkhas srab kyis kha lo bsgyur byas te/ /yon por ma yin
chos la ma drang po ru/ /bkri mdzad drin

@002b can bla ma'i tshogs la dad/ /bde chen chos sku'i dbyings su
ro gcig kyang/ /cir snang ma 'gags rol pa chen po'i 'phrul/
/grangs med rten dang brten pa'i dkyil 'khor du/ /shar ba'i yi
dam lha tshogs

phyag gi yul/ /dri med thub pa'i bstan dang de 'dzin sde/ /srung
zhing skyong la thogs med mthu ldan pa'i/ /ye shes spyan ldan
rnams kyis mi g.yel bar/ /bar chad kun sel las bzhi'i 'phrin
las

sgrubs/ /sngon dus zas gtsang sras kyi nyin byed dbang/ /zhing
'di'i legs byas mkha' dbyings shar ba na/ /rgyal bstan mtsho
skyes 'dab stong grol ba'i 'dzum/ /bzhad pa'i ge sar 'od kyis sa

'di 'gengs/ /de nas de gsung zab don sbrang rtsi'i ros/ /rab
myos paN grub gser gyi bung ba'i khyu/ /bshad dang sgrub pa'i
'dab glu dar dir du/ /sgrogs pas nor 'dzin khyon la bkra shis
sbyin/ /

nam zhig snyigs 'gro'i brlang spyod rdul 'tshub dang/ /'grogs
pa'i dkar min ches bde'i rlung shugs kyis/ /thub bstan nam
mkha'i nor bu dus ngan gyi/ /nub ri'i phag tu bag la zha ba
'byung/ /

de tshe mtshar sdug mtshan dpe'i cha rdzogs mi pham zla ba gzhon nu
ni/ /rmad byung 'phrin las 'od dkar phreng ba gzhan phan ga bur
'bum 'dzag pa/ /rgyal sras rgyu skar bye ba'i tshom bus kun nas
mdzes

@003a @#/ /pa'i dpal yon can/ /brgyad khri'i tshe rdzogs skye
rgu'i bsod nams shar ri'i spo la 'dzeg par rtsom/ /skabs der
legs gsung bdud rtsi'i gzegs ma 'bum/ /

'thung bas snyems ldan ku mu da yi tshal/ /spang rtogs ge sar so
phreng rgod pa yis/ /rgya mtsho'i gos can kun dge'i ngo mtshar
'dzin/ /de tshe bdag dang 'brel thogs yid can rnams/ /mgon de'i
'khor gyi

thog mar 'gyur slad du/ /rin chen gser sbyang dpal gyis nyer
mdzes pa'i/ /ngo mtshar gzi byin lham mer 'bar ba yi/ /mthong
grol mi pham rgyal ba'i snang brnyan che/ /gtso 'khor rten dang
brten par

bcas pa rnams/ /gsar bzhengs bgyis pa'i sbyor dngos rjes gsum
gyi/ /dkar chag nor bu'i do shal 'di na 'god// ces dge legs su
byed pa'i snyan tshig padma dkar po'i phreng pa mngon

par mthor bas mdun nas bsus te skabs su gang gleng bar bya ba
ni/ ji skad du rje bdag nyid chen pos/ bde gshegs snga mas btang
snyoms mdzad pa yi/ /grangs med 'gro la brtse bas ma bzod nas/
/zhing

'dir byang chub snying por gshegs 'gyur ba/ /mi pham chos rje'i
zhabs la gsol ba 'debs/ /zhes gsungs pa ltar/ rje btsun byams pa
mgon po 'di nyid sngon bskal ba brjod kyis mi lang ba'i sngon
rol

@003b tu bskal pa chen po 'dzin pa zhes bya ba la 'khor los
bsgyur ba'i rgyal po rtsibs kyi mu khyud kyi mdun na 'don bram
ze rgya mtsho'i rdul gyis sras sangs rgyas rin chen snying po'i
drung du/ rgya mtsho'i rdul gyi slob ma rig byed klog

pa stong gis sems bskyed cing/ de bzhin gshegs pas kyang de dag
bskal ba bzang po 'di la 'tshang rgya bar lung bstan nas de dag
gis rang rang gis zhing bzung ba na/ dang po 'khor ba 'jig nas
mthar mos pa snang

mdzad kyi bar thams cad kyis zhing 'dul sla ba sha stag bzung
nas/ rtsod ldan tshe lo brgya pa'i dus 'di dang/ ma 'ongs pa'i
tshe lo brgyad khri pa'i dus gnyis po 'di lus te/ de yang tshe lo
brgya pa'i dus 'di ni snyigs

ma lnga bdo ba'i dus ha cang ngan ches bas thams cad kyis bor ba
na bram ze rgya mtsho'i rdul gyis thugs rjes ma bzod par dus 'dir
'byon pa'i thugs bskyed/ ma 'ongs tshe lo brgyad khri ba'i dus de
ni shin tu bzang ches

pas thams cad kyis btang snyoms su gzhag te lus pa na/ byams
mgon 'di nyid de'i tshe rig byed klog pa stong gi lnga pa dri med
'od ces bya ba gyur pa des shas ma bzod nas dus der 'byon par
thugs bskyed pa na bde

gshegs rin chen snying pos kyang/ de ltar du bskal bzang gi
sangs rgyas lnga par 'gyur bar lung bstan pa sogs sangs rgyas
mang po'i spyan sngar thugs bskyed par mdzad cing de ltar thugs
bskyed nas bskal pa

@004a @#/ /grangs med mu med par tshogs gnyis par ma chad du bsags
nas mthar ma 'ongs pa na zhing 'dir byon nas 'tshang rgya ba'i
mdzad pa ston tshul ni thub bstan lo lnga stong du gnas pa

rim gyis rdzogs nas mthar rtags tsam 'dzin pa lo lnga brgya dang
de nas de yang nub ste rim gyis 'bri nas mthar tshe lo bcu pa'i
dus 'byung zhing/ de nas mu ge dang nad dang mtshon gyi bskal pa
rnams byung nas

sems can rnams sdug bsngal bar 'gyur la/ de'i tshe byams mgon gyi
sprul pa khru gang pa chos gos gsol ba gzi brjid can byon pa'i
thabs mkhas la brten nas sems can gyi bsod nams rim gyis rgyas
nas

tshe dpal je 'phel du song nas mthar tshe lo brgyad khri'i bar du
'phel te snod bcud kyi yon tan thams cad brjod kyis mi langs ba
lha dang mnyam pa 'byung la/ de'i tshe grong khyer rtswa can du
tog gi blo gros zhes bya ba'i pho

brang na gling bzhi la dbang ba'i 'khor los bsgyur ba'i rgyal po
dung zhes bya ba 'byung zhing/ de'i mdun na 'don chen po bram ze
tshangs rab dang/ de'i btsun mo tshangs ldan ma zhes bya ba 'byung
ste/ dus der byams mgon

gyis gzigs pa lnga la gzigs nas dga' ldan nas babs te 'dzam bu'i
gling du gshegs te yum tshangs ldan ma'i lhums su zhugs nas mthar
skyed mos tshal me tog bzang rgyas zhes bya bar ngo mtshar ba'i
ltas grangs med

@004b dang bcas te sku bltams/ de nas rim gyis sgyu stsal ston
pa sogs gzhon nu'i rol rtsed mdzad pas srog chags grangs med
smin grol la 'god cing lo nyis khri'i bar du khyim du bzhugs/ de
nas 'tshang rgya ba'i dus la

babs pa na/ rin po che'i mchod sdong shin tu che ba bram ze
rnams kyis bgos pa la brten nas mi rtag pa thugs la 'khrungs nas
bram ze dang rgyal bu bzhi stong brgyad cu dang bcas te rab tu
byung nas klu shing zhes pa'i byang chub

kyi shing drung du 'khod de rab tu byung ba'i nub mo nyid la
mngon par rdzogs par sangs rgyas nas zhag bdun du chos ma gsungs
pa na tshangs pas gsol ba btab pa bzhin chos kyi 'khor lo bskor
ba'i 'dus pa dang po la dgra bcom

pa dung phyur phrag dgu dang bye ba phrag drug go /gnyis pa la
dung phyur dgu dang bye ba phrag bzhi'o/ /gsum pa la dung phyur
dgu dang bye ba phrag gnyis so/ /de'i tshe rgyal ba'i 'od zer gyi
mthus mun pa med cing/

me tog kha bye zum dang bya rnams sgra grags dang mi grag gi
khyad par tsam ma gtogs nyin mtshan gyi dbye ba med cing/ skye bo
thams cad kyang byams mgon gyi mthus chos bzhin spyod pa sha
stag yin la/ nyan thos

rnams grong khyer du bsod snyoms la rgyu ba na/ lha rnams kyis
mchod pa'i bye brag sna tshogs kyis mchod cing gding ba gya nom
pa gding bar byed do/ /de ltar lo drug khri'i bar du sems can
tshad med dpag tu

@005a @#/ /med pa'i don mdzad cing 'khor lo bskor nas yongs su
mya ngan las 'da' ste sku gdung ni ril bu bzhugs so/ /de ltar
rje btsun byams pa mgon po de nyid zhing 'dir

sangs rgyas mdzad pa ston pa'i skabs der 'brel thob kyi sems can
rnams bdud rtsi'i bgo skal thob pa'i slad du/ rje bdag nyid chen
pos kyang lha ldan smon lam chen po'i mjug tu byams pa chos
bskor gyi srol

'dzug par mdzad cing/ gzhan yang sngon gyi skyes bu dam pa mang
pos byams pa'i sku bzhengs pa dang/ byams pas dam bcas pa'i
gzungs kha ton du mdzad pa sogs kyi rnam thar mang du snang ba
ltar khri byang sprul ming pa

blo bzang ye shes bstan 'dzin rgya mtsho bdag gis kyang dgos pa
phun sum tshogs pa spyir sangs rgyas kyi bstan pa rin po che
dang/ lhag par rje bla ma'i bstan pa snum zad kyi mar me lta bu
'di cung zad tsam 'phel ba'i phyir dang/

^ skyabs mgon rgyal dbang yab sras dang/ rdo rje 'chang dngos
rje pha bong kha pa'i zhal snga nas la sogs pa'i bstan 'dzin
skyes chen rnams kyi thugs bzhed 'grub pa dang/ chos sde 'di
nyid kyis gtsos pa'i dge 'dun gyi

sde rnams thugs mthun khrims gtsang chos spyod 'phel ba/ yul
phyogs 'di dag tu nad mug 'khrug rtsod sad ser btsa' than sogs
zhi nas thams cad byams pa'i sems dang ldan cing dge ba bcu'i
khrims kyis 'tsho

@005b ba/ khyad par du rang gzhan 'brel thob kyi sems can 'das
gson thams cad nam zhig rje btsun byams pa mgon po zhing 'dir
'byon pa'i tshe de'i zhabs drung du skyes nas 'khor gyi thog mar
'gyur ba'i ched du/ gnas phun

sum tshogs pa sngon dam pa mang pos byin gyis brlabs pa'i gnas
cha phreng dga' ldan bsam 'phel gling gi gtsug lag khang gi dri
gtsang khang sbug tu rgyu phun sum tshogs pa gser zangs las grub
pa'i rgyal ba mi pham mgon

po'i snang brnyan mthong grol yid bzhin nor bu gtso 'khor gsar
bzhengs bgyis pa'i dkar chag 'god pa la/ de yang dus phun sum
tshogs pa rab byung bco lnga pa'i me stag hor zla dang po'i tshes
bcu gsum nas bzung zla ba

dgu pa'i tshes dgu bar las byed phun sum tshogs pa do dam pa smad
shog bstan grong dpal 'bar bla rgan blo bzang chos grags/ dpal
phyug dam pa dge slong bstan 'dzin chos grags/ stod shog yar
phyos la

gsal g.ya' skag dge slong shes rab sengge/ gong dzi mgo dga'
dga' dge slong bstan 'dzin dge legs/ phreng shog dung dkar rong
ba pa dge slong blo bzang don grub/ dri sgang 'a lu phar khog
dge slong 'jam

dbyangs tshul khrims/ rag shog rag smad shes rab dge slong 'phrin
las stobs ldan/ gdong gsum mu zhing skal bzang dge slong bstan
'dzin grags pa/ bcas mi brgyad nas lhag bsam rnam dag gis 

@006a @#/ /khur blangs bgyis shing/ bzo bo phun sum tshogs pa mgar
ba dbu chen sgrol ma tshe ring dang/ tshe dbang rin chen/ dbu
chung don grub tshe ring/ byings 'phags don

bcas chab mdo ba mi bzhi/ 'dam sku'i lha bzo ba ya rgyan a sbag
dge slong mkhas grub gtsos pa'i mi gsum/ shing bzo thang steng
dgon dge bshes blo bzang dpal ldan gtsos pa'i mi bdun bcas kyis
zla ba

gnyis pa'i tshes nyer lnga nas las gra dngos gzhi 'go 'dzugs
kyis/ thog mar gza' tshes dge ba'i nyin sku bzhengs pa'i thad der
dpal rdo rje 'jigs byed kyi sgo nas sa'i cho ga dang/ bzo bo
lhar bskyed pa sogs

sla bcos su ma song bar tshul bzhin bgyis shing/ de nas gtsang
khang sbug tu de sngon mun pa cung zad che bas da lam sngon ma'i
blos bslang khang gi thad du zhal ras lha khang dang de'i steng
du rgya mthong phug nas gsal du

btang/ dngos gzhi gtsang khang gi dbus su byams sku dpangs rtse
khru nyi shu pa ltar dang seng khri rgyab yol drug 'gyogs dang
bcas pa gsar du bzhengs pa 'di'i rgyu 'gro phra rgyan sogs kyi
tho zur gsal ltar

dang; 'di'i nang bzhugs phun sum tshogs pa'i thog mar sku rten
gyi skor la gser zangs las grub pa'i rje tsong kha pa'i snang
brnyan rje nyid kyi rab gnas ma dga' ldan bshad sgra ba'i nang
rten nas byung ba byin can

@006b gcig /rje dge legs ma gcig /yang gser zangs dang li ma
'dres pa'i rje'i sku bzhi/ smri ti phyag tsha'i thub dbang gi sku
gcig /gser zangs dang li ma sna tshogs kyi thub dbang gi sku che
chung nyi shu rtsa gnyis/

yang shar li'i thub dbang sku mtho gang ba gcig /gser zangs kyi
tshe dpag med gsum/ gser zangs kyi rje btsun byams mgon gyi sku
khru gang pa gcig /gzhan yang sangs rgyas byang sems kyi sku
brnyan gser zangs

dang li ma che chung sna tshogs bcu drug /de bzhin gshegs pa'i
sku khri lnga/ rje sku khri lnga/ 'on rgyal sras skal bzang thub
bstan gyi phyag tsha'i sgrol ma'i sku gcig dang gsang bde 'jigs
gsum/ gzhan yang bla ma

dang sangs rgyas byang sems chos skyong sogs kyi sku brnyan sna
tshogs brgya lhag bcas/ gsung rten gras 'bum gser bris cha tshang
gcig dang/ skya bris cha tshang gcig /phal chen dngul bris cha
tshang gcig /

mdo ting 'dzin rgyal po dngul bris pod gcig /mdo dran pa nyer
bzhag dngul bris pod gcig /bka' 'gyur 'dul ba pod bcu gsum/ nyi
khri pod bzhi/ dkon brtsegs pod drug /thar mdo pod gcig

brgyad stong pa pod gsum/ gsang bde 'jigs gsum gyi rtsa rgyud
cha tshang/ rdo rje 'chang pha bong kha pa'i phyag dpe rdor gcod
gser bris gcig dang dngul bris gcig /gser dngul spel ma'i mdo
bskal bzang

@007a @#/ /pod gnyis/ mdo rgya cher rol ba gser dngul spel ma
gcig /byams chos sde lnga tshar gnyis/ mtshan brjod skad gnyis
shan sbyar gcig /mid la'i mgur

'bum gcig /lho brag snyan brgyud dngul bris gcig /'dul ba mtsho
Tika/ mchims mdzod/ rje'i gsung lam rim che chung gnyis/ sngags
rim chen mo/ gsang 'dus rim lnga sgron gsal mtshan

dang bcas pa/ rim lnga gsal sgron/ mkhas grub rje'i dus 'khor
'grel chen cha tshang/ rgyal tshab rje'i gsung phar phyin rnam
bshad snying po rgyan/ rgyal ba bskal bzang gi gsung gsang 'dus
dbang don de nyid

yang gsal/ byams pas dam bcas pa'i gzungs khri tsho bcu gcig
/dmigs brtse ma khri gcig /thugs rten gras bka' gdams mchod rten
gsum/ rdo dril cha gcig bcas/ byin rten sna tshogs

gras sangs rgyas rabs bdun gyi ring bsrel phyogs bsdus ril bu/
sangs rgyas 'khor ba 'jig gi ring bsrel gcig /sangs rgyas gser
thub kyi ring bsrel gcig /sangs rgyas 'od srung gi ring bsrel

gnyis/ rgyal po ma skyes dgra'i rten skal du byon pa'i sangs
rgyas shAkya thub pa'i ring bsrel gsum/ ston pa thub pa'i dbang
po'i tshems kyi cha shas/ sangs rgyas glang po'i gdung gi tshems/
de bzhin

@007b gshegs pa'i dbu skra/ sangs rgyas kyi sku gdung bsregs
pa'i shing tsan dan go shi ra'i sol ba'i dum bu/ shA ri'i bu'i
snam sbyar/ dge slong ma dpal mo'i lhung bzed shubs/ byang sems
chos 'phags kyi tshems/

grub chen tai lo pas u rgyan mkha' 'gro'i gsang mdzod nas spyan
drangs pa'i dam rdzas 'chi med ril bu/ grub chen tai lo pa'i
rgyun bzhes bram ze skye ba bdun pa'i gdung rus la mkha' 'gro ma
bye ba 'bum gyis phyag bskos

mdzad pa'i rus rgyan/ grub chen nA ro pa'i rus rgyan/ ye shes
mkha' 'gro ma ne gu ma'i gdung rus dang sku sha/ bal po pham
mthing pa 'jigs med grags pa'i sku rus dang rus rgyan/ rgya gar
na lenTa'i

mnga' bdag mi tri pa chen po'i tshe ril/ pha dam pa'i sgom thag
/kha che paN chen shAkya shri'i zhabs chags/ za hor rgyal po
gtsug lag 'dzin gyi dbu zhwa/ slob dpon padma 'byung gnas kyi na
bza' dang sku ber/

slob dpon rin po ches g.ya' ma lung du bsgrubs te chos rgyal
khri srong sde btsan la phul ba'i tshe ril/ slob dpon yab yum gyi
byang sems dkar dmar gyi ril bu/ padma 'od kyi chu kun bzang gi
ril bu/ dpal

de'i brag rdo rje rtse gcig nas zab gter du spyan drangs pa
slong dpon yab yum gyi 'chi med a brgya hrIH brgya'i tshe ril/
slob dpon rin po che'i tshems las 'khrungs pa'i sprul pa'i ring
bsrel gcig /lha lcam

@008a @#/ /man da ra ba'i 'chi med rdo rje'i tshe ril/ mkha' 'gro
ye shes mtsho rgyal gyi rakla ril bu dang tshe ril/ paN chen bi ma
la mi tra'i sgrol dkar tshe rdzas/ rje 'bangs nyer lnga'i nang

tshan gnyags ku mA ra'i gdung rus dang sku sha/ rgyal dbang lnga
pa chen po'i phyag tu byon pa mkha' 'gro ma gsang ba ye shes kyi
padma rakta'i ril bu/ chos rgyal khri srong lde btsan gyi gdung
rus/ lha sras mu khri

btsan po'i ring bsrel gcig /tsA ri gsang ba dga' tshal nas gdan
drangs pa'i bram ze skye bdun khye'u snying po'i dbu klad ril
bu/ bram ze skye ba bdun pa'i sku sha/ ma gcig grub pa'i rgyal
mo'i 'chi med ril bu/

lha bla ma ye shes 'od kyi gdung rus dang sku sha/ lha bla ma
byang chub 'od kyi sku sha/ jo bo rje dpal ldan a ti sha'i spur
rdo dang ring bsrel/ rje lho brag mar pa'i sku ber sengge 'jing
mnon/ rje btsun mid la'i

sgom thag /rje ras chung pa chen po'i tshe ril/ dwags po lha
rje'i spur rdo dang ring bsrel/ ras pa zhi ba 'od kyi dbu thod
me ma bzhes pa'i a yig rang byon gyi tshal bu/ lo ras grags pa
dbang phyug gi thugs

kyi ril bu/ rwa lo tsa ba'i sgom thag /sa skya paNDi ta'i gsang
chab ril bu/ rje btsun phag mo gru pa'i tshems/ grub thob gling
chen ras pa'i dbu thod/ 'gro mgon gtsang pa rgya ras pa'i gdung
rus/ zangs

@008b mkhar lo tsA ba'i gdung rus dang sku sha/ rgod tshang lo
tsA ba gzhon nu dpal gyi zhal 'gram ril bu/ grub thob dar
'phyar gyi dbu thod cha shas/ grub chen rgwa lo'i zhal 'gram ril
bu/ lab sgron dbu bla skyo ston bsod

nams bzang po'i dbu thod/ ma gcig lab kyi sgron ma'i dbu thod
cha shas/ shangs pa mkhas grub khyung po'i rnal 'byor gyi thugs
kyi cha shas/ grub thob stag lung thang pa'i dbu thod ril bu/
stag lung

chos sku sangs rgyas yar byin gyi ring bsrel gcig /stag lung
chos sku o rgyan mgon po'i ring bsrel/ karma pa rol pa'i rdo
rje'i na bza'/ karma mthong ba don ldan gyi dbu skra/ sgam po
bsod nams

mchog ldan gyi shangs khrag /lho brag grub chen las kyi rdo
rje'i rnga lpags/ rje tsong kha pa chen po'i sku gzan dang snam
sbyar tshems kyi ril bu/ rje tsong kha pa chen po'i thugs kyi
sras mchog mkhas grub dge legs

dpal bzang gi dbu thod tshal bu/ rje dge 'dun grub kyi sku chos
dang dmigs brtse ma'i sgrub pa mdzad pa'i ril bu/ rje 'jam
dbyangs chos rje'i sku chos dang snam sbyar/ rje shes rab
sengge'i na bza'/

byang rtse tshul khrims chos 'phel gyi sku sha/ spyan snga gzhon
nu dpal gyi zhal 'gram ril bu/ mnyes thang bde ba can gyi lta ba
rtogs pa'i mchod rten nang bzhugs mgon po 'jam dbyangs rgya
ching ri ba'i gdung

@009a @#/ /rus; mkhas grub nor bzang rgya mtsho'i gdung rus/ rgyal
ba dben sa pa chen po'i tshe sgrub ril bu/ paN chen blo bzang
chos kyi rgyal mtshan gyi tshe sgrub ril bu phyag

phreng; rgyal ba lnga pa'i sku ber dang gdung rus/ paN chen blo
bzang ye shes kyi ljags bsnyen skabs kyi tshe sgrub ril bu/ rgyal
dbang tshangs dbyangs rgya mtsho'i na bza'/ rgyal dbang bskal
bzang gi yongs

'dzin khri chen ngag dbang mchog ldan gyi dbu skra dang phreng
thag sku rus/ rgyal dbang bskal bzang rgya mtsho'i sku gzan dang
snam sbyar bzhugs gding bcas cha tshang/ paN chen dpal ldan ye
shes kyi tshe sgrub ril bu/

rgyal dbang 'jam dpal rgya mtsho'i sku gzan/ paN chen bstan pa'i
nyi ma'i sku rags dang/ zhabs chags/ gdung ras/ paN chen bstan
pa'i nyi mas dzamb+ha la'i sgrub pa mdzad pa'i ril bu/ rgyal

dbang lung rtogs rgya mtsho'i gdung ras/ rgyal dbang mkhas grub
kyi gdung ras/ rgyal dbang 'phrin las rgya mtsho'i gdung ras dang
gdung tshwa/ paN chen bstan pa'i dbang phyug gi na bza'/ rgyal

dbang thub bstan rgya mtsho'i na bza' dang phyag phreng/ phur
lcog ngag dbang byams pa'i sku rus/ stag phu gar gyi dbang phyug
gi dbu skra/ bka' chen ye shes rgyal mtshan gyi dbu zhwa/ de mo
'jam dpal rgya

@009b mtsho'i na bza'/ de mo bde legs rgya mtsho'i na bza'/ klong
rdol bla ma rin po che'i na bza'/ 'on rgyal sras skal bzang thub
bstan gyi dbu lo dang byang sems ril bu/ sle lung bzhad pa'i rdo
rje'i na bza' dang ljags

thun gnam lcags rdo rje bcas/ lo sems dpa' smyon pa'i sku rags/
rwa sgreng khri chen bstan pa rab rgyas kyi sku ber dang dbu lo/
tshe smon gling sku phreng dang po'i dbu skra/ thogs med blo
bzang 'jam dbyangs kyis thog

lhung skabs sku gzan gyis stum nas blangs pa'i sku gzan 'khrul
med/ khri chen byang chub chos 'phel gyi dbu thod tshal bu/ brag
g.yab blo ldan shes rab sku phreng gnyis pa'i ring bsrel ril
bu/ rta tshag sku phreng

bcu gcig pa'i gdung tshwa/ dngul chu dbyangs can grub pa'i rdo
rje'i sku chos/ grub thob thang stong rgyal po'i sle ber dang
gdung tshe ril bcas/ grub thob gtsang smyon he ru ka'i sku rus/
gu ru chos dbang gi

ring bsrel/ stag phu rdo rje 'chang padma badzra gyi dbu skra/
'brug pa kun mkhyen padma dkar po'i dbu klad dang ring bsrel/
rje 'bri gung pa rgyal dbang rin chen phun tshogs kyi sku sha/
sangs rgyas kyi zhabs par

sogs mdor na sku bal dang sku gdung yungs 'bru lta bu'i ring
bsrel stong gsum rin chen gyis bkang yang rnyed par dka' ba mang
po dang chos sku'i ring bsrel la gong smos gsung rten skor dang/
gzhan yang gzungs chen

@010a @#/ /sde lngas mtshon pa'i mdo rgyud khungs ma nas 'byung
ba'i gzungs byin rlabs can du ma rang rang gi go rim ma 'khrugs
shing lhag chad nor gsum gyi skyon dang bral ba bzhugs shing/

gzhung nas 'byung ba ltar bris sgrub bgyis pa'i gnod sbyin 'khor
lo dang gter bum lnga/ tsan dan sprul gyi snying po'i phye ma/
rgya gar rdo rje gdan/ bya rgod phung po ri/ grong khyer ser
skya/ rtswa mchog grong/

wa ra Na si/ ma g+ha d+ha/ mnyan yod sogs rgya gar gyi gnas chen
thams cad kyi sa sna shing sna/ rdo rje gdan gyi byang chub
shing gi lo ma/ chu bo gangga'i chu/ chu bo ne ra dza na'i bye
ma/ bal yul mchod rten

rnam gsum gyi sku dkar dang sa sna/ bal yul 'phags pa shing kun
gyi srog shing gi dum bu dang 'phel gdung/ bal yul byang chub
bdud rtsi'i chu/ gzhan yang bal yul gyi gnas chen thams cad kyi
sa sna dang shing

sna; se 'bras dga' gsum lha ldan gtsug lag khang yas mas/ bkra
shis lhun po/ lho kha/ dwags po/ mon yul/ byang rwa sgreng/ tsA
ri bcas kyi sa sna shing sna/ byang gnam mtsho'i rdo/ rje

sku 'bum gyi tsan dan/ rje bdag nyid chen po'i gter ja/ rgya nag
ri bo rtse lnga'i sa sna rdo sna rtswa sna/ ri bo rtse lnga'i
'jam dbyangs rigs lnga'i me tog dang mkhan pa/ rgya nag glang
chen/ ri bo bya rkang/ kha

@010b ba dkar po/ gangs dkar rigs gsum/ kam po gnas sogs mdor na
gnas chen khag phal cher gyi sa sna rdo sna/ chu sna shing sna/
gzhung gi rnam sras gan mdzod nas byung ba'i dar sna/ gzhan yang
phyug

po'i khang sa zhing sa 'dru sman gos dar rin po che go khrab
sogs mkho rgu'i nor rdzas phun sum tshogs pas byur bur gtams
shing byin rlabs kyi gzi 'od 'bar ba bzang gos kyi na bzas klubs
shing rin po che sna tshogs kyi

phras phyug pa/ gtso bo'i g.yas g.yon du sprin dang me tog gi
gseb tu rgyan drug mchog gnyis dang/ bde gshegs so lnga/ jo
'brom gnyis/ logs bris su mi 'khrugs pa'i sku stong phrag gcig /

gtso bo'i mdun ka ba'i ngos su 'brug chen gyin 'khyud mdun du
snang gsal mar me rgyun 'dzugs gsum/ gzhan yang stong mchod kyi
ting phor dang mchod rkong stong phrag re/ mdun sgrigs kyi mchod
cha sogs nye

bar mkho ba'i yo byad sna tshogs cha tshang bcas lo de ka'i zla ba
brgyad pa'i tshes bco lnga'i nyin legs par grub cing/ rdo rje gur
las/ rtag tu sangs rgyas rab gnas bya/ /zin pa'i de ma thag pa
ru/ /rab tu gnas

pa mchog tu 'gyur/ /'khor lo bsgyur pa'i rgyal po yis/ /dbang
phyug thob par the tshom med/ /ces gsungs pa ltar/ zla ba dgu
pa'i yar tshes nang nyin gsum ring ngos rang nas mtshon pa'i chog
grwa pa nyi shus

@011a @#/ /mjug chog phun sum tshogs pa dpal rdo rje 'jigs byed
lha bcu gsum ma la brten nas rab tu gnas pa'i cho ga sbyor dngos
rjes gsum rnam dag gi sgo nas dam ye dbyer med du

bsres te mthong thos dran reg gi skye rgu'i bsod nams kyi zhing
du byas so/ /de ltar sangs rgyas kyi sku gzugs bzhengs pa'i phan
yon ni/ dam chos padma dkar po'i mdo las/ la las 'di na rin chen
sna bdun dang/ /

la las de bzhin zangs dang mkhar ba byas/ /bde bar gshegs pa
rnams kyi gzugs byas pa/ /de dag thams cad byang chub thob par
'gyur/ /ro nye dang ni lcags sam sa yang rung/ /bde bar gshegs
pa

rnams kyi gzugs byas te/ /blta na sdug pa 'jim pa'i las byed
bcug /de dag thams cad byang chub 'thob par 'gyur/ /gang gis
rtsig ngos gzugs kyi ri mo dag /bsod nams brgyas mtshan yongs su

rdzogs pa'i sku/ /gang gis bris sam 'dri ru bcug kyang rung/ /de
dag thams cad byang chub thob par 'gyur/ /zhes bde bar gshegs
pa'i sku gzugs ni rin chen sna bdun dang/ zangs dang mkhar ba
sogs

las 'bur du bzhengs pa dang/ rtsig pa'i ngos dang ras gzhi sogs
la ri mo rang gis bris sam gzhan la 'drir bcug pa thams cad kyis
rgyu de la brten nas mthar thug gi 'bras bu bla na med pa'i
byang chub myur du thob par

@011b gsungs shing/ gsal rgyal gyis zhus pa'i mdo las/ 'di na
rgyal ba'i sku gzugs byed pa ni/ /gzugs dang skal bzang yon tan
nye bar ldan/ /de ni dbang po sbas dang nyi ma'i 'od/ /'jig rten
kun gyis

mthong na dga' bar 'gyur/ /bde bar gshegs pa'i sku gzugs bzhengs
pa dag /de yi lus ni dri ma med pa dang/ /nad dang 'jig rten mya
ngan sdug bsngal bral/ /padma'i nang bzhin 'jam dang yang bar
'gyur/ /

'di na rgyal ba'i sku gzugs byed pa gang/ /bran du mi 'gyur dbul
po'i rang bzhin min/ /las byed ma yin skye ba dman par min/
/dbang po ma tshang min te skyes mchog 'gyur/ /zhes sku gzugs
bzhengs

pas gnas skabs kyi 'bras bu gzugs bzang ba/ dbang po dul ba/ 'od
gsal ba/ gzhan gyis mthong na dga' bar 'gyur ba/ lus la dri ma
dang nad dang 'jigs pa dang mya ngan dang sdug bsngal dang bral
zhing/ padma

ltar 'jam zhing yang ba/ skye ba kun tu bran dang/ dbul po dang/
gla rngan la bltas te las byed pa dang/ skye ba dman pa bud med
dang/ dbang po ma tshang ba rnams su mi 'gyur zhing/ de dag las
ldog pa'i skyes bu

mchog tu 'gyur bar bshad pa dang/ gsal rgyal la gdams pa tshigs
su bcad pa'i mdo las/ bcom ldan 'das kyi mchod rten rnams dang
ni/ /sku gzugs rnams la rdul phran ci yod pa/ /de yi grangs
snyed de byed mi

@012a @#/ /rnams kyis/ /lha yul sa steng nges par rgyal srid
thob/ /gzugs dang gzugs med khams kyi ting nge 'dzin/ /phun sum
tshogs pa'i sa mchog kun myongs nas/ /mtha'

mar skye dang rga la sogs pa yi/ /sdug bsngal med pa'i sangs
rgyas go 'phang 'thob/ /ces sangs rgyas kyi sku gzugs dang mchod
rten bzhengs pa po de la sku 'am mchod rten de la rdul phran ci
yod kyi grangs dang mnyam pa'i

'khor los bsgyur ba'i rgyal srid thob pa dang/ gzugs gzugs med
kyi ting nge 'dzin sogs 'das ma 'das kyis lam kun thob nas myur
du sangs rgyas kyi go 'phang thob pa sogs rgyal ba'i bka' las
phan yon mtha' yas

par gsungs shing/ phyag mchod bsnyen bkur byas pa'i phan yon ni/
dam chos pad dkar las/ de bzhin gshegs pa rnams kyi ring bsrel
dang/ /'jim pa'i gzugs dang mchod rten dag la'ang rung/ /rtsig

ngos bris dang rdul phung mchod rten la/ /de la me tog dang ni
spos gsol te/ /der ni gang gis rab snyan cang te'u dang/ /dung
dang rnga chen rol mo'i sgra byed bcug /byang chub mchog rab
mchod pa bya ba'i phyir/ /gang

zhig rnga chen rab tu rdung byed cing/ /pi wa nga dag ni kheg
dang mkhar chen rnga/ /rdza rnga rgyud gcig gling bu yid 'ong
dang/ /a go na dang rab tu snyan 'byin pa/ /de dag thams cad
byang chub thob par 'gyur/ /

@012b zhes dang/ 'phags pa spyan ras gzigs kyi mdo las/ de bzhin
gshegs pa mchod byas na/ /gzugs dang don ldan longs spyod dang/
/kha dog dang ni 'byor ba dang/ /kun tu grags dang ldan par
gyur/ /zhes dang/

yul 'khor skyong gis zhus pa'i mdo las/ 'gro ba'i sdug bsngal
rnam par sel mdzad pa/ /mnyam med khyod la mchod dang mthong ba
dang/ /thos pa de dag 'bras bu mchis lags te/ /gnas mchog rga
shi

med pa 'thob par 'gyur/ /zhes dang/ snying rje padma dkar po'i
mdo las/ kun dga' bo gang dag kha cig tha na sangs rgyas la
dmigs pa'i sems kyis me tog gcig nam mkha' la 'dor na/ de'i rnam
par

smin pa gang yin pa de ni/ kun dga' bo gal te sems can 'ga' zhig
bskal pa gcig tu 'khor ba ji srid par kun tu rgyug cing 'khor
yang/ 'khor ba'i sngon gyi mtha' mi shes pa bzhin du bsod nams
mngon par

'du bya ba'i dge ba'i rtsa ba mngon par 'dus byas pa de'i mtha'
de ni brgya byin nyid rnams kyis rnyed par sla ba ma yin no/ kun
dga' bo gal te sems can mya ngan las 'da' ba'i skal ba med pa
zhig gis sangs

rgyas la dmigs nas tha na me tog nam mkha' la 'dor na'ang kun
dga' bo dge ba'i rtsa ba de'i 'bras bu de'ang mya ngan las 'das
pa yin te/ zhes dang/ dad pa'i stobs bskyed pa'i phyag rgya'i
mdo las/ 'jam

@013a @#/ /dpal rigs kyi bu'am rigs kyi bu mo gang la la zhig gis
bskal pa gangga'i klung gi bye ma nyid du 'jig rten gyi khams
thams cad kyi rdul rnyed kyi rang sangs rgyas dag la nyin gcig

bzhin lha'i zas ro brgya dang ldan pa byin pa dang/ de bzhin du
lha'i gos rnams sbyin pa byin pa bas/ 'jam dpal rigs kyi bu'am
rigs kyi bu mo gzhan gang zhig gis sangs rgyas ri mor bris
pa'am/ gzugs su

byas pa mthong na/ de ni de bas bsod nams ches grangs med par
bskyed na/ thal mo sbyar ba'am/ me tog gam/ bdug pa'am/ spos
sam/ mar me 'bul ba lta ci smos te/ de ni de bas ches

bsod nams grangs med par bskyed do/ zhes sogs mdo sde du mar sku
gzugs bzhengs pa dang/ de dag la bdug spos dang mar me sogs
mchod pa dang/ mtha' na mig gis lan re re mthong ba tsam gyis
kyang

gnas skabs dang mthar thug gi phan yon mtha' yas pa zhig thob pa
rgyal ba'i bka' mi 'gyur bas zhal gyis bzhes shing/ byams pa
lung bstan pa'i mdo las/ shAkya sengge'i bstan pa la/ /bslab
gzhi

yang dag blangs nas ni/ /ji ltar gsungs bzhin rab bsgrub na/
/nga yi bstan la lhags pa yin/ /dge 'dun la yang chos gos dang/
/zhal zas dang ni btung ba dang/ /bsnyun sos sna tshogs sbyin pa

@013b rnams/ /phul nang yi bstan la lhags/ /bcu bzhi dang ni bco
lnga dang/ /de bzhin zla phyed tshes brgyad dang/ /cho 'phrul gyi
ni zla ba la/ /bsnyen gnas yan lag brgyad bsrung zhing/ /mchod
dang gso sbyong

legs byas na/ /nga yi bstan la lhags pa yin/ /zhes shAkya thub
pa'i bstan pa 'di la dge tshul slong dang bsnyen gnas kyi sdom pa
sogs blangs nas tshul bzhin bsrungs pa dang/ bde bar gshegs pa'i
sku

gsung thugs rten spyi dang/ khyad par byams pa mgon po'i sku la
sogs par mchod pa 'bul ba dang/ dge 'dun la bsnyen bkur dang/
dus bzang rnams su gso sbyong bya ba la sogs pa bgyis na ma
'ongs byams

pa mgon po zhing 'dir byon pa'i tshe 'khor du skye ba sogs phan
yon dpag tu med pa zhig byams pa lung bstan pa'i mdo las gsungs
pas zhib par shes 'dod na der blta bar bya la/ mdor na ji skad
du rje dge 'dun grub

kyis/ byams pa'i sku gzugs phul byung bzhengs pa la/ /mthun
rkyen sgrub par byed pa'i lus can rnams/ /rje btsun byams pa
mgon po'i zhabs drung du/ /theg chen chos kyi dpal la spyod par
shog /

nam zhig rdo rje gdan gyi ri bo'i spor/ /byams mgon nyin byed
dbang po shar ba'i tshe/ /bdag gi blo gros padma kha phye ste/
/skal bzang bung ba'i tshogs rnams tshim byed shog /ces gsungs pa
ltar sku 'di nyid

@014a @#/ /bzhengs pa la rgyu dngos kyi 'brel pa thob pa nas
bzung mtha' na so rdo sbar mo gang dang chu thigs gcig rtsa
shing rkang gcig tsam yan chad kyi 'brel ba thob pa dang/ 'di'i
khur

bzung nas las byed pa dang/ rang gi lag gis blangs nas bzo byas
pa nas bzung/ 'di'i ched du gom pa gcig bor ba tshun chad kyi
'brel pa thob pa'i mi dang dud 'gro la sogs pa'i sems can 'das
gson thams

cad dang/ rten 'di bzhengs zin nas kyang 'di la yon chab/ me tog
/bdug spos/ mar me/ dri chab/ zhal zas/ na bza'/ gser chab/
maNDal sogs mchod pa 'bul ba dang/

phyag dang bskor ba byed pa rnams gnas skabs su dga' ldan chos
kyi mdun sar 'phags mchog mi pham mgon po'i gsung gi bdud rtsi
la 'bral med du longs spyod cing/ ma 'ongs pa na byams mgon
zhing 'dir byon pa'i

tshe 'khor gyi thog mar skye ba sogs phan yon dpag tu med pa zhig
thob pa ma zad/ gus pa'i mig gis rten la lan re tsam mjal ba
dang/ rten bzhengs skabs su rkang 'og tu shi ba'i 'bu srin dang/
bzo bo'i

bza' btung skol ba'i me'i du ba phog pa'i sems can rnams kyang
ngan song gi skye ba la lan re 'gog par gsungs pas de lta bu'i
phan yon rnams yid la bzhag nas dge ba sngar byas la dga' ba
sgom pa dang/ slad

@014b du'ang de ltar 'bad pa la brtson par bya'o/ /slar smras
pa/ de ltar dri med gser gyi lhun po'i ngos/ /dpag yas nyin byed
'od kyis mkhyud pa bzhin/ /blta bas mi ngoms byams pa'i sku
gzugs mchog /

bzhengs las rnam dkar gang zhig thob pa des/ /blo bzang rgyal
ba'i bstan pa phyogs bcur rgyas/ /de 'dzin dam pa'i bzhed dgongs
lhun gyis 'grub/ /'dus pa'i sde 'di thugs mthun khrims gtsang
zhing/ /

bshad sgrub bya bas nyin mtshan 'da' bar shog /'dzam gling spyi
dang yul 'di'i skye bo rnams/ /snyigs ma'i rgud tshogs mun pa kun
zhi nas/ /bde skyid rdzogs ldan gsar pa'i nyi 'od la/ /bag pheb
'dza'

bar spyod pas 'tsho gyur cig /khyad par 'di nyid bzhengs la mthun
pa'i rkyen/ /sgrub cing sgo gsum 'brel thogs lus can kun/ /nad
gdon phyi nang nyer 'tshe zhi ba dang/ /phun tshogs sde bzhi'i
dga' ston rgyas

gyur cig /tshe yi mthar yang mi pham mgon po yis/ /dga' ldan chos
kyi mdun sar legs 'khrid de/ /zab dang rgya che'i gsung gi bdud
rtsi'i rgyun/ /ngoms med longs su spyod pa'i dpal thob shog /nam

zhig 'phags yul kun bzod yangs pa'i gzhir/ /byams mgon pad dkar
'dab brgya grol ba'i tshe/ /'khor tshogs bung ba'i dbus na dam
chos kyi/ /sbrang rtsi'i ro mchog thog mar myong bar shog /der
ni

@015a @#/ /'gro kun sgrol la mi zhum pa'i/ /rgyal sras dpa' bo
chen por gyur nas kyang/ /rlabs chen spyod pa ma lus rdzogs byas
te/ /thams cad gzigs pa'i go 'phang

myur thob shog /der ma son pa'i skye ba thams cad du/ /dal 'byor
nor bu'i them skas la brten nas/ /rgyal bstan khang bzang mchog
gi sgor zhugs te/ /'phags nor bdun gyis rtag tu 'byor gyur

cig /rnyed dka'i lus rten myur du 'jig pa dang/ /nyam nga ngan
'gro'i g.yang sar rab 'jigs te/ /chos brgyad g.yeng ba spangs
nas nyin mtshan du/ /sdig spong dge sgrub tshul bzhin byed par
shog /

srid pa'i phun tshogs dug sbrul grib ma ltar/ /'phral yun bde ba
'joms pa'i mtshon rnon du/ /mthong nas rtse gcig thar pa don
gnyer ba'i/ /bcos min nges 'byung shugs drag skye bar shog /drin
can

ma rnams bde bas rab phongs shing/ /sdug bsngal bye bas mnar
ba'i tshul bsam nas/ /byams dang snying rjes drangs pa'i byang
sems kyis/ /ci byed byang chub lam du bsgyur bar shog /mdor na
tshe

rabs kun tu dge ba'i bshes/ /mtshan nyid ldan pas rjes su bzung
ba'i mthus/ /mdo sngags lam gyi nyams len mthar phyin te/ /zung
'jug gdod ma'i rgyal sa 'dzin gyur cig /bslu med

@015b dkon mchog gsum gyi bden pa dang/ /mi pham rgyal ba'i
dbang po'i byin rlabs dang/ /mthu ldan chos skyong srung ma'i
'phrin las kyis/ /rnam dag smon pa'i gnas kun 'grub par shog /
//

(ces ma 'ongs rnam 'dren snga pa rgyal ba mi pham mgon po'i
snang brnyan/ phun tshogs brgyad kyi bdag nyid can gsar du
bzhengs pa'i dkar chag dang/ phan yon mdo tsam brjod pa dad pa'i
padmo bzhad pa'i nyin byed ces bya ba 'di ni/ sngon las kyi
'bras bu bzang pos chung gzhon nu'i dus nas rgyal ba'i bstan pa
la

rab tu byung nas dga' ldan shar rtse thos bsam nor bu'i gling gi
chos sgor zhugs te/ mtshan ldan dge ba'i bshes gnyen du mas mnyes
shing rjes su bzung ba'i mthu las phyi nang gi rig pa'i gnas kyi
phyogs tsam mthong zhing/ rje bla ma'i snyan brgyud kyi man ngag
nyams su len pa'i gnad phran bu tsam rig pa/

khri byang sprul ming pa blo bzang ye shes bstan 'dzin rgya mtsho
zhes bgyi pas rang lo nyi shu rtsa bdun son pa me yos lo'i hor
zla gnyis pa'i dmar phyogs kyi dga' ba dang po nyi ma me bzhi'i
'grub sbyor 'char ba'i nyin/ cha phreng dga' ldan bsam 'phel
gling gi gtsug lag khang gi yang thog gzim chung dge legs mngon

par bkra ba'i lding khang du rdzogs par sbyar ba'i yi ge pa ni/
g.yar lam ka lcags dge slong shes rab rgya mtshos bgyis pa mi
pham mgon pos mnyes bzhin rjes su 'dzin pa'i rgyur gyur cig
/sarba mangga laM// //

! me stag lor cha phreng bsam 'phel gling dgon du gser zangs las
grub pa'i byams sku gsar bzhengs bgyid skabs dad 'bul zhal 'debs
byung tho dang/ rgyu 'gro ji song gi dkar chag rags rim tsam
bkod pa dge legs nor bus gang ba'i zam tog ces bya ba bzhugs
so/) /na mo gu ru mai tri ya/ 

@016a @#/ /mang mang 'gro la bu ltar byams dgongs skya rengs
gzhon nus nyer drangs pas/ /gang gang gdul bya'i bsam pa'i rjes
'jug 'phrin las 'od zer rol pa 'bum/ /lham

lham mkha' mnyam yid can dpal du rtsol med lhun gyis grub pa'i
mgon/ /'jigs 'jigs phyi nang bdud kyis mi pham rta bdun dbang
pos dge legs stsol/ /gang gi snang brnyan mthong grol yid bzhin
nor/ /

nor 'dzin dpal mo mdzes pa'i rgyan gyi mchog /mchog gi khyad par
du mas 'phags pa 'di/ /'di na lhag bsam dag pas bzhengs pa'i
tshe/ /rnam X mang sdug gi sna 'dren zang zing rdzas/ /rnam X kun

bde ba'i rgyu ru bsgyur ba'i slad/ /rnam X dag zhal 'debs rim
par byung tshul dang/ /rnam X dkar bsgrubs pa'i tho yig gsal bar
bya/ /de yang ji skad du 'dul ba lung las/ las bdag gir bya'o/
zhes

gsungs pa ltar/ lung rtogs kyi yon tan nam mkha'i padmo'i mched
zlar gyur kyang/ sngon gyi las dbang btsan po bzlog tu med pas
yongs 'dzin khri chen byang chub chos 'phel gyi skyes rabs gser
ri'i phreng

ba'i rkang gral du bskyal zhing/ drang don sgro btags kyi ming
gi cod pan yon por 'chang ba blo bzang ye shes bstan 'dzin rgya
mtshor 'bod pa bdag gis ^ rgyal bstan dar zhing 'gro kun bde ba
dang/ lhag par

@016b yul phyogs 'di dag tu nad mug 'khrug rtsod sad ser btsa'
than sogs snyigs ma'i rgud tshogs rnams zhi nas skye rgu rnams
dge bcu'i khrims kyis 'tsho zhing bde skyid kyi dpal la spyod pa
dang/ lhag par 'brel thob kyi

sems can rnams ma 'ongs rnam 'dren lnga pa'i 'khor gyi 'dus pa
dang por skye ba sogs kyi ched du/ lhag pa'i bsam pas dga' ldan
bsam 'phel gling gi 'du khang sbug gtsang khang chen mo'i nang
du gser zangs las

grub pa'i rgyal ba mi pham mgon po'i snang bsnyan gsar bzhengs
byed skabs su/ me stag zla dang po'i tshes bcu gsum rgyal phur
'grub sbyor sogs gza' skar mchog tu dge ba'i nyin sku 'dra'i do
dam 'go byed

gsar bskos bgyis pa nas bzung ste/ ji skad du/ rgyal sras rin po
ches/ 'tshol ba'i tshe na nyon mongs brgya yi rten/ /rnyed nas
spyod par 'dod tshe ser sna'i gzhi/ /gal te gzhan gyis 'phrog na
smre

sngags rgyu/ /shi nas phan pa med pa'i nor gyis ci/ /zhes gsungs
pa ltar/ snying po med pa sgyu ma'i nor rdzas las/ dge 'bras kyi
snying po len 'dod can gyi dad ldan khag nas dad 'bul zhal 'debs

rim par byung rigs chud mi za ba'i slad du dkar chag bkod pa la/
bar 'dir zhal 'debs byung tho rnams yod kyang yig tshogs che bas
'dir ma bkod/ 'di'i 'gro song skor la/ sku'i tsha rgyur gser
srang dgu

@017a @#/ /bcu go bzhi dang zho brgyad la rin rgya sgor stong
phrag dgu dang bcu med drug /tsha la rin sgor bzhi brgya dang
bdun cu don gsum/ tsha la dkar po'i rin sgor brgyad cu tham pa/

dngul chu rin sgor bzhi brgya dang lnga bcu nga drug /byams chen
gtso 'khor dang lha khang phyi nang gnyis kyi tshon rtsi logs
bris sogs kyi rgyur gser shog /dngul shog /tshon sna tshogs/ bse/
sra rtsi bcas

kyi rin dang/ rtsi mkhan mi gnyis kyi gla bcas la rgya sgor drug
brgya gya lnga/ chab mdo'i mgar ba dbu chen mi gnyis/ dbu chung
mi gcig /byings mi gcig bcas kyi gla ston la/ thog mar 'dzugs
ston

skabs dbu chen mi gnyis la re rer/ kha btags a she re/ rta phos
gtsos pa'i dgu tshan re/ ston gdan ja sbag bcu drug re/ dbu chung
la/ kha btags zub she/ mdzo gcig gtsos bdun tshan/

ston gdan ja sbag bcu gnyis/ bying mi gcig la/ kha btags/ g.yag
gcig dang gos lnga tshan/ ston gdan ja sbag drug bcas dngul thog
tu phab par 'dzugs ston la khyon bsdoms rgya sgor bzhi brgya

bcu gsum/ spyan ston skabs dbu chen gnyis la re rer/ kha btags
zub she re/ mdzo gcig gtsos bdun tshan re/ dbu chung la g.yag
dang lnga tshan/ kha btags/ bying la/ kha btags/

@017b lnga tshan bcas dngul thog tu phab par spyan ston la khyon
bsdoms rgya sgor brgya dang re bdun/ gzhung ston skabs dbu chen
gnyis la re rer/ kha btags a she re/ rta phos gtsos pa'i dgu
tshan re/ dbu chung la/  

kha btags zub she/ mdzo gcig dang gos bdun tshan/ bying la/ kha
btags/ g.yag gcig dang lnga tshan bcas dngul thog tu phab par
gzhung ston la khyon bsdoms rgya sgor sum brgya re gnyis/ gser

ston skabs dbu chen gnyis la re rer/ kha btags/ zub she re/
mdzo/ gos bdun tshan re/ dbu chung la g.yag /gos lnga tshan/ kha
btags/ bying la/ kha btags lnga tshan dngul thog tu phab

par gser ston la khyon bsdoms brgya dang re bdun/ rdzogs ston
skabs dbu chen gnyis la re rer/ kha btags nang mdzod/ gzigs
spags bub tshang/ zhwa mo lcags mda'/ gos chen mu pan/

ser po'i phyu pa sram shan/ dA gru dmar po'i sked rags/ bu la'i
rgya lham cha/ me mda' dngul shan spus legs/ rtse srag phra ma
gser shan spus ldan/ phor pa dngul shan/ rta pho 'gros bzang

sga srab gong rmed cha 'grigs/ ston gdan ja sbag nyi shu re bcas
dngul thog tu phab par mi rer rgya sgor lnga brgya re lnga re/
dbu chung la/ kha btags a she/ 'bu ras a ti/ g.yi lpags bub
tshang/

@018a @#/ /mgo snam phyu pa sram shan/ rgya lham cha/ me mda'
dngul shan/ rtse sag phra ma/ phor pa dngul shan/ rta pho 'gros
bzang/ ston gdan ja sbag bcu drug

bcas khyon dngul thog phab par rgya sgor sum brgya nyer bdun/
byings mi gcig la/ kha btags zub she/ 'bu ras a ti/ wa lpags
bub tshang/ rgya tshos phyu pa/ rgya lham cha/ me mda'/ rtse

sag phra ma/ phor pa dngul shan/ rta pho gcig /ston gdan ja sbag
bcu gnyis bcas khyon dngul thog phab par rgya sgor nyis brgya
lnga bcas rdzogs ston la khyon bsdoms rgya sgor chig stong drug
brgya re gnyis mi bzhi'i

zla drug gla cha rgya sgor chig stong brgya dang bco lnga/ bcas
chab mdo'i mgar ba mi bzhi la gla ston khyon bsdoms rgya sgor
sum stong brgyad brgya gya drug /dngul mgar dang/ zangs leb
brdungs mi/ lcags mgar/

stong mchod kyi stong ting brdungs mi bcas mgar ba mang nyung
nges med sna tshogs kyi gla char rgya sgor sum brgya gya gsum/
lha bzo 'dam bzo ba mi gsum dang/ bris sku ba mang nyung nges
med sna tshogs kyi zla ba drug gi gla

char rgya sgor drug brgya gya gsum zho gang/ shing bzo mi bdun
gyi zla ba drug gi gla char rgya sgor lnga brgya so brgyad/ ja
dang tshwa bul sogs kyi rin rgya sgor bzhi brgya brgyad cu tham
pa/ rgyag mar mchod mar sogs kyi

@018b rin rgya sgor chig stong sum brgya nyi shu rtsa lnga/ sha
rin rgya sgor brgyad brgya re bzhi/ byams sku'i sgrom dang
bzhugs khri/ mchod 'bul khang gi phyi nang gi spang gcal/ stong
mchod kyi mchod khri/ steng rgya mthong gi

ru gzhi bad phur/ stong mchod rung khang gi ka gdung lcam sgo
dkar khung kha shing bad phur sogs/ shing cha rtsing zhib sna
tshogs kyi rgyur gong gsal grwa mgo'i shing rnams song thog /kha
bsnon gyi shing cha gdung ma spang

leb rnams kyi rin dang/ sag ma/ spen tshig /tswa/ gzungs par
'debs pa'i shog bu sogs kyi rin rgya sgor bzhi brgya lnga bcu/
byams sku'i shing sgrom sbrel byed kyi 'dzer lcags shan sogs kyi
rgyu'i

lcags/ sol ba gnyis kyi rin rgya sgor nyis brgya gya gsum/ phra
rgyan zhal 'debs byung ba rnams phud de 'phros kyi rin rgya sgor
bzhi brgya nyer dgu zho do/ dngul gyi zla kong che ba gcig dang/
de'i mchod thebs

la rgya sgor bzhi brgya go gsum/ stong thog gi lcags khra dang/
nang gi mchod cha sogs nyer mkho sna tshogs kyi rin rgya sgor
brgya dang so gsum zho do/ rab gnas dge char gyi sku yon dang/
bang mi'i gla cha

bcas la rgya sgor brgya dang gya bzhi zho gang/ las byed do dam
mi brgyad la legs so'i gsol ras phrug /gos chen/ ras cha sogs
dngos zog sna tshogs dngul thog tu phab par rgya sgor lnga brgya
drug cu

@019a @#/ /bcas gong gsal 'gro song thams cad khyon gcig tu
bsdoms par rgya sgor nyis khri chig stong sum brgya go gsum
song/ rtsam pa/ gro zhib sogs phye rtsam gang

dgos thams cad sde dmangs kyi gro nas bsdu cha'i thog nas song
zhing/ sku gzugs dang mchod ting sogs kyi rgyur zangs rgya ma
brgyad brgya don brgyad song bar grwa tshang gi zangs rgya ma
bzhi brgya ma long tsam dang de'i kha

bsnon zhal 'debs rnams kyis 'dang bas gong gi rtsis khongs su
gtogs med/ de ltar bya ba las kyi 'khor lo'i sgo nas byams sku
mthong grol yid bzhin nor bu gtso 'khor mchod pa'i yan lag dang
bcas pa ma

tshang ba med pa legs par bsgrub pa'i tshul rags rim tsam bkod zin
nas slar yang smras pa/ mi zad bskal par goms pa'i thugs bskyed
kyis/ /mi mjed zhing 'dir rdo rje'i gdan gyi char/ /mi 'gyur

go 'phang mngon du mdzad 'gyur ba/ /mi pham rgyal ba'i dbang
po'i snang brnyan 'di/ /rgyal X ba gnyis pa'i 'jigs med gser gyi
khrir/ /rgyal X tshab dam par dbang bskur byang chub mtshan/
/rgyal X la

dad pa'i skal pa can des bsgrubs/ /kye ma zang zing nor 'di gtam
ngan dang/ /sdig sdug brgya yis 'tshol bas dang por sdug /bsrung
spel re dogs blo sna mang po yis/ /don med rtag tu brel bas

@019b bar du sdug /tshe 'dir gyod dang phung gi sna dgu 'dren/
/phyi ma ngan 'gror 'khrid pas tha mar sdug /de lta na yang srid
'byor ha la'i dug /thabs mkhas sbyor bas zhi ba'i sman du bgyis/
/a ho rnyed dka'i

dal 'byor rten bzang thob/ /tshang la ma nor 'jam mgon bstan dang
'jal/ /chos don yang dag mthong ba'i blo gros mig /cung zad gsal
'di sngon gyi skal bar 'khums/ /ston mchog bla mas legs tshogs
kun gyi

gzhir/ /lan gcig min pa rab bsngags dge ba'i bshes/ /du ma'i
zhabs skyes padma dkar po'i 'dzum/ /mos gus thod du mdzes pas
zhe blo bde/ /sangs rgyas kun gyi bgrod pa gcig pa'i lam/
/brgyad khri

bzhi stong chos kyi snying po'i bcud/ /skye bo mchog gi lugs
bzang bdud rtsi'i chab/ /blo gros rdzing bur g.yas su 'khyil
bas skyid/ /thabs mang dka' ba med pa'i myur khyad can/ /ches
zab rdo rje theg pa'i nye lam

gyis; ;zung 'jug nor bu'i grong du bgrod pa'i tshul/ /cha rgyus
cung zad rig 'di bla ma'i drin/ /zab zab mtho mtho'i kha pho ma
mchis kyang/ /bde chen go 'phang tshe 'dir lags bcangs su/ /gtod
pa'i dge ldan

snyan brgyud pha mes nor/ /skal par thob pas dga' ba'i ca co
'chor/ /de ltar dam pa'i zhal lung nor bus dpyas/ /bdag blo'i
bang mdzod mdzes las rang rang gi /dbang por mtshams pa'i chos
'chad mu tig

@020a @#/ /phreng; ;yang yang spel ba'i ngal ba dang du blangs/
/kho bo'i lugs zung nyi 'od 'bar ba'i gzis/ /phyogs 'di'i dge
legs pad tshal bzhad pa 'dir/ /gzu bo'i blo

ldan rkang drug bung ba'i khyu/ /yi rangs dga' ba'i 'dab glu
sgrog par rigs/ /phyogs lhung mun pa thib pa'i brag skam phug
/phrag dog dug chus mig long 'ug pa'i dpung/ /smod tshig than
skad sgrog pa lhur byed

kyang/ /'bras bu rang nyid ngal ba kho nar zad/ /ljon shing phra
mor gnas bcas byi'u chung rnams/ /re dogs sgre ngag ca co mi
dgos kyi/ /'gog med nam mkha'i bya lam yangs po ru/ /mkha' lding

gshog rlabs gang dgar bsgyur bas chog /ltar snang kha dog bkra
ba'i 'ching bu'i rdo/ /gtsigs su byed pa'i rmongs rtul 'gro ba'i
ngor/ /dgos 'dod bsam 'phel nor bu mi mdzes kyang/ /gzur

gnas ded dpon mkhas pa'i mdun sar mdzes/ 'dam las skyes pa'i
padma gzhon nu der/ /lhan cig gnas pa'i spal pa mi mgu mod/ /yid
'ong sbrang rtsi'i ror sred nags khrod kyi/ /bung ba

dbang med 'du ba su yis 'gog /kye hud chos pa dag las zog po
drin/ /drang po'i mi bas g.yo can lhag par rtsi/ /legs nyes
gser dang bong ba mnyam nyid du/ /mthong ba'i skye bo phyogs
'dir

@020b mang bas skyo/ /ma brtag nyams dgar dad mos brtan 'dra
ste/ /gal la thug dus bla ma yin yang 'joms/ /phyi min nang min
kla klo'i mtshan nyid can/ /dus ngan snyigs ma'i 'khor slob 'di
na mang/ /dang

por phyag 'tshal phrag par bkur byas kyang/ /rim gyis che rdeg
chung rdeg spel ba'i mthar/ /tog sgra gsum la nye ba gaNDi yi/
/rnam thar 'dzin dgos phyogs 'di'i slob dpon bdag /'on kyang
gnas dus

ngan pa'i skye bo yi/ /log sgrub sprin nag 'khrigs kyang blo bur
te/ /dge legs 'od dkar grol ba'i ku mud gnyen/ /nam yang rang gi
ngang tshul ga la 'dor/ /kwa ye rang la phan par 'dod pa 'ga'/
/mchis

na kho bos bshad pa'i snying po'i don/ /mos gus brtson pa drag
pos sgrubs shig dang/ /gtan gyi mdun ma'i rtsa ba tshugs par
nges/ /mi gral ma tshud chos pa hrul po de/ /sdig spyod pho bzor
rloms pa'i kha drag

las; ;mnog chung tshe 'di'i snang ngor dman na yang/ /pha rol
skyes chen 'degs dus khyad par che/ /de phyir nyan che'i dus na
dam chos las/ /phan pa gzhan 'ga' med pa'i tshul soms la/ /chos
brgyad

g.yeng ba dor nas rtse gcig tu/ /sgrub pas dal 'byor don ldan
bya bar rigs/ /de ltar snang brnyan bzhengs pa'i dkar chag dang/
/rang gzhan gnas lugs drang por brjod pa'i gtam/ /cung zad bko di  

@021a @#/ /snyan nam mi snyan rung/ /ris med skye rgu'i rna bar
mdzes gyur cig / (//ces me stag lor byams mgon gsar bzhengs
skabs zhal 'debs dang/ 'gro song gi dkar chag rags rim tsam bkod

pa? dge legs nor bus gang ba'i za ma tog ces bya ba 'di ni/ rten
bzhengs zin 'phral du yi ger rgyas pa zhig 'god rtsis yod kyang/
bar skabs su brel dbang gis rim lus song zhing da cha phran bod
bskyod bya rgyur dus gtugs stabs rgyas bsdus 'bring po tsam las
ma grub kyang dgos 'gal che bar bsams te/ khri byang

sprul ming pa blo bzang ye shes bstan 'dzin rgya mtsho zhes bgyi
bas rab byung bcu drug pa'i sa 'brug sags nya ba'i yar tshes
bzang por bris pa'i yi ge pa ni g.yar lam ka lcags shes rab
rgya mtshos bgyis pa'o/) /sarba mangga laM// //

! (mdo smad cha cha phreng dgon dga' ldan bsam 'phel gling gi
rten du rje bla ma tsong kha pa chen po'i gos sku mthong ba kun
grol gsar du bzhengs pa'i tshul gtam du byas pa dge legs yongs
'du'i 'khri shing zhes bya ba bzhugs so/) /oM swa sti/ shes bya
kun mkhyen mkhyen pa'i

me long zab gsal so sor rig bzhi'i mdzod/ /lhag bsam 'od dkar
dkar po'i phyogs rdzogs bla na mi mnga'i 'jam dpal dbyangs/
/bdud las rnam rgyal rgyal sras tshul bzung sengge'i nga ro cher
sgrog pas/ /

smra ba'i 'dab ma ma lus ngag gi 'dod 'jo'i 'khri la rtag tu
sbyor/ /bder gshegs gsung rabO rabO gsal blo gros chu shel dkyil
'khor 'khor ba'i gnyen/ /'gro la rjes brtse brtse ba'i gter chen
bsil zer

@021b mkha' mnyamO mnyamO par 'khril/ /skal bzang 'dren mchog
mchog gi rol pas lus can 'di dag dag par bkri/ /phan bde'i zhing
sa sa gsum mchod sdong grags pas phyogs kun kun nas 'gengs/
/stsal du

du dar ba'i mkhyen brtse'i 'dab ma stong gi rtsa re/ /'chad
rtsod rtsom pa'i ge sar rin chen phreng ba 'dzin/ /dge legs
sbrang rtsi'i 'dod pa 'jo ba'i dpal dgos can/ /sras mchog zung
gis shis pa'i lam bzang

yangs por stsol/ /rnam byang zhi ba lha yi rdzing ring du/ /yon
tan kun chub 'od dkar phreng ba can/ /dam chos bdud rtsi'i bsil
ba 'bum spros pas/ /theg gsum chu gter 'phel ba'i ngo mtshar
bsngags/ /blo

chen kun bzang spyod pa'i rtsa ba brtan/ /rnam dag tshul khrims
yal 'dab phyogs su bres/ /sku gsum 'bras bu'i dpal gyis yongs
dud pa'i/ /mtshan ldan dpag bsam 'jo srid zhi'i rgyan/ /lhun

grub gdod nas dag pa chos kyi sku/ /'gyur med dbyings su ro
mnyam rigs pa'i 'phrul/ /rab 'byams yi dam zhi khro'i dkyil
'khor gyis/ /dngos grub maDA ra ba'i gru char snyil/ /'jigs
rung cho 'phrul

mi zad bdud kyi dpung/ /rnam gnon stangs zil ri bo bskyod pa'i
nyams/ /khams gsum za byed dus kyi srin po ches/ /'bar ba'i
spyan zhags zhing bcu'i dgra la drongs/ /kun bzang gdod ma'i
mgon po

@022a @#/ /rnam snang mdzad/ /rgyu gsum dregs pa'i rje bor yongs
shar ba/ /pe har dgra lha'i rgyal po sprul par bcas/ /rtag tu
las bzhi'i mel tshe lhur byos shig /

legs byas lha lam yangs pa'i gzhir/ /'bad brtson skya rengs
gzhon nu yis/ /mthong grol rgyal ba nyi ma'i sku/ /mngon pa
drangs pa'i mtho ris spel/ /zhes mchod par brjod pa'i snyan
tshigs utpal

gzhon nu'i malli ka mngon par bstar bas mdun sus te/ de yang
'gro ba yongs la rgyu med par yang mnyes shing gshin pa'i bdag
nyid can gnyis med gsung ba thub pa mchog gi bstan pa la bzhugs
pa'i rnam dpyod dang

skal ba mi dman pa dag gi 'jug ngogs mchog tu gyur pa ni/ bshad
sgrub bya ba las kyi 'khor lo gsum du nges shing/ khyad par du
mgon po klu sgrub kyis/ sangs rgyas sku gzugs dbyibs legs shing/
/

legs par bris pa padma la/ /bzhugs pa dag dang rin po che/ /kun
gyis brgyan pa bgyid du gsol/ /zhes gdams pa ltar/ bde bar
gshegs pa'i sku brnyan bzhengs pa ni bsod nams rlabs po che

sdud pa'i thabs 'phrul rmad du byung bas na chos sde chen po cha
phreng dga' ldan bsam 'phel gling gi dgon sde spyi'i dad rten du
bzhengs pa'i 'jam mgon tsong kha pa chen po'i gos sku rin po che
gsar du bskrun pa'i tshul las

@022b brtsam pa'i mnyan par 'os pa'i gtam gyi sbyor ba cung zad
spel ba la/ thog mar bris sku ji ltar byung ba'i tshul/ da ltar
ji ltar bzhengs pa'i tshul/ tshul bzhin bzhengs pa'i phan yon/
phyag mchod bsnyen

bkur byas pa'i phan yon dang bzhi las/ dang po thog mar bris sku
byung tshul ni/ ston pa bcom ldan 'das de nyid 'jig rten na
bzhugs pa'i dus su rgyal po'i khab kyi chos rgyal gzugs can
snying po dang/

grong khyer sgra sgrog gi rgyal po u tra ya na gnyis phan tshun
gcig gis gcig la skyes bskur res byed pa las/ nam zhig na u tra
ya nas rin chen baiDUrya las grub pa'i khrab rin thang med pa
zhig bskur bar/ gzugs

can snying pos skyes lan du bskur 'os pa cang ma rnyed de ston
pa la gsol bas/ bcom ldan 'das kyi rgyal po la/ bde bar gshegs
pa'i sku gzugs bris nas 'og tu skyabs 'gro dang/ bslab pa'i gzhi

dang/ rten 'brel bcu gnyis lugs 'byung dang lugs bzlog bri/
steng du/ brtsam par bya zhing dbyung bar bya/ zhes sogs tshigs
bcad gnyis bris te skur cig ces bka' stsal ba ltar bskur pas

de la brten nas u tra ya nas bden pa mthong ste/ ring na bzhugs
pa'i sangs rgyas kyis/ /shes rab kyi mig rnam par sbyangs/ /gang
la de 'dra'i gsos mnga' ba'i/ /sman pa'i mchog la phyag 'tshal
lo/ /

@023a @#/ /zhes bstod phyag mdzad par 'dul ba lung las bshad pa
ltar ro/ gnyis pa da lta ji ltar bzhengs tshul ni/ stong gsum mi
mjed kyi zhing khams 'di nyid la gling bzhi

ri rab la sogs bye ba phrag brgya yod pa'i nang mtshan 'dzam bu
gling 'di nyid kyi dbus su rgya gar rdo rje gdan/ shar du ri bo
rtse lnga/ lhor po ta la/ nub tu o Ti ya na/ byang du shamb+ha
la bcas gnas lnga dang gzhan yang

yul nyi shu rtsa bzhi sogs gnas chen du mas phyogs dang phyogs
mtshams su mdzes pa dang/ lhag par bla med rdo rje theg pa'i gdul
bya mngal skyes khams drug ldan rin po che lta bu yang 'di nyid
du 'byung bas na gling

gzhan las khyad par du 'phags pa yin te/ bka' gdams glegs bam
las/ chos dge ba bcu yis khyad 'phags pa'i/ /gling phun sum
tshogs pa 'dzam bu'i gling/ /zhes gsungs shi de la'ang

'phags yul dang/ bod dang/ li dang/ rgya nag dang/ shamb+ha la
dang/ gangs ldan te yul chen po drug tu yod pa las bod kyi yul
la stod mnga' ris skor gsum/ smad mdo khams sgang

drug /bar dbus gtsang ru bzhir phye ba'i nang nas mdo khams
sgang drug gi nang tshan spom 'bor sgang gi char gtogs pa/ ji
skad du/ khang sa zhing sa sa ye dge /khang rdo 'thag rdo rdo yi
dge /

@023b btung chu zhing chu chu yi dge /khang shing bud shing
shing gi dge /gam 'brog rgyang 'brog rtswa yi dge /zhes pa ltar
dge bcu yon tan ma lus pa tshang zhing/ skyes bu dam pa mang po'i
zhabs sen bkra shis kyi re kha mngon

par bkod pa'i dge mtshan gyis phyug pa cha phreng gi yul gru
'dir/ ji skad du/ rgyal dbang lnga pa chen pos/ rmad byung rnam
thar gtsang ma'i khrims dang ldan/ /rlabs chen rgyal sras spyod
pa'i snying stobs

che/ /bde stong mchog gi rim gnyis rnal 'byor brtson/ /blo bzang
rgyal ba'i bstan dang mjal bar shog /ces bsngags pa don dang
mthun pa'i 'jam mgon chos kyi rgyal po tsong kha pa chen po'i
ring lugs phyi

gtsang nang gtsang padma'i chun po lta bu 'di nyid 'dzin pa'i
chos sde dga' ldan bsam 'phel gling 'dir sngon gyi dus su chos
srid dpal 'byor gang gi thad du yang 'gran zlas dben pa de ltar
lags mod/ 'on kyang bar skabs

su yid srubs kyi bran du gyur pa'i rgya dmag lhags 'byor gyis
bstan dgon nyams chags ci cher gyur skabs sngon yod kyi gos sku
'thor gyar song bas med gshis/ dgon sde spyi nas kho bor lo snga
phyir yig 'phrin gyi

lam nas ro? la bsgrub dgos tshul rim 'byor khar/ dgon sde'i 'thus
ma'i cha shog gong phag sged dge slong blo bzang ye shes dang/
phreng shog spu 'dza' dge slong bstan pa rnam rgyal gnyis nas
kyang nan gyis

@024a @#/ /bskul ba bzhin phran dang gong gsal 'thus mi gnyis
bcas nas lhag bsam dang bas kun nas bslang ste skyo ngal spangs
pa'i 'bad brtson gyis bsgrubs pa'i skor la/ thog

mar gos sku'i rgyu char rdzas kyi gos la 'gran bzod pa'i bzang
gos sha stag gi sangs rgyas sku sha/ rgya ser/ bcad ldan/ jus/
nyin gru/ mu ton/ ya shel sogs tshon khra dang 'jam sang ri mo

tshos kha sna tshogs dbang po'i gzhu ris ltar bkra ba khyon kha
drug brgya bdun bcu don lnga/ nang sha'i rgyur bying legs pa kha
bzhi brgya sum cu thams pa bcas la/ bzo bo ni/ sdom 'byung las/
dul

zhing bzo rnams kun shes la/ /cho ga mthong zhing mnyam gzhag
pa/ /zhes gsungs pa ltar gyi yon tan dang ldan pa lha bris dbu
mdzad chen mo mkhyen rab/ dbu chung pa sangs/ tshem bu dbu chen
bkra

shis dgra 'dul dang/ byings gras rdo rje rgyal po/ bkra shis don
grub/ blo bzang rgyal mtshan/ bstan 'dzin lha dbang/ lhag pa
dbang 'dus/ pa sangs/ mkhyen rab/ tshe ring

dngos grub/ tshe ring stobs rgyal/ bkra shis don grub/ bsod nams
stobs rgyal/ rnam rgyal/ shi log /gnam gang/ bsod nams rdo rje/
bkra shis bcas khyon tshem bu

@024b pa mi bcu bdun bcas kyis/ bdag cag gi ston pa thugs rje
can drag po zhes pa lcags sprel lor sku bltams nas lo nyis stong
brgyad brgya dgu bcu go lnga/ gser 'phyang zhes pa me mo bya lor
tsong kha'i yul du

'jam mgon bla ma sku bltams nas lo lnga brgya bdun cu don brgyad
'das pa rab byung bcu drug pa'i nyam ma dgu pa legs sbyar gyi
skad du yu bi ka/ mahA tsi na'i skad du ya hi/ stod 'grel gyi
brda las na tshod ldan zhes

pa shing mo phag lo'i dus 'khor ba'i dpyid thar pa/ skar rtsis
pa'i dgun tha/ 'byung rtsis dpyid tha sa 'brug zla ba mchus nya
ba/ hor zla dang po nyis brtsegs kyi phyi ma'i dkar phyogs kyi
tshes bzhi/ res gza' pa

sangs/ /res grogs zla skar nam gru 'chi med 'grub pa'i sbyor ba/
'phrod chen dpal be/ sbyor chung dge ba/ rten 'brel reg pa/ nyi
ma me sprul/ sbar kha zon 'char ba'i gza' skar 'byung 'phrod
mchog

tu dge ba'i nyin nyi dros snga cha bdud rtsi thun mtshams kyi
thog tu dpal dus kyi 'khor lo/ bde mchog sdom 'byung/ sman bla
don grub pa'i thig rtsa/ sprul sku 'phrang kha pa'i thig rtsa/
baiDUrya g.ya' sogs thig rtsa

tshad ldan rnams kyi dgongs pa dang mthun par cha tshad dang ldan
pa'i thig legs par btab ste las 'go btsugs nas zla ba gnyis pa'i
tshes nyer bdun bar las rgyun zhag lnga bcu nga bzhi'i ring rje
bla ma tsong kha pa chen po la brten

@025a @#/ /pa'i bla ma'i rnal 'byor mang du yod pa las gtso bor
gyur pa dben sa snyan rgyud lugs kyi bla ma mchod pa dang/ srad
brgyud lugs kyi dga' ldan lha brgya ma gnyis las da

lam phyi ma dang mthun par steng gi phyogs su dga' ldan yid dga'
chos 'dzin gyi zhing bkod kyi dbus su rje btsun byams pa mgon
po/ g.yas g.yon du rgyal sras nam mkha' dri ma med pa dang/
'jam dpal snying

po gnyis dang bcas pa/ zhing bkod kyi g.yas g.yon gyi nam
mkhar phar phyin theg pa ltar na lam gyi skabs su tshogs gnyis ya
ma bral bar bsags pas 'bras bu chos gzugs kyi sku gnyis 'grub pa
dang/

sngags lugs ltar na lam dus su bde stong zung 'jug gi rnal 'byor
lam gyi srog tu bzung pas 'bras dus kyi sku thugs zung 'jug
'grub pa mtshon pa'i nyi zla gnyis/ byams mgon gyi thugs ka nas
'og tu spros

pa'i sprin dkar gyi rtse mor gtso bo rje bla ma tsong kha pa
chen po sras mchog gnyis dang bcas pa/ gtso bo'i g.yas zur gyi
nam mkhar yongs 'dzin khri chen byang chub chos 'phel dang/
g.yon zur gyi nam mkhar khri

chen blo bzang tshul khrims dpal ldan/ gtso bo'i 'og g.yas su
rje bla ma'i bka' sdod thun mong ma yin pa dam can chos kyi
rgyal po phyi sgrub dang/ g.yon du 'dus sde 'di nyid gang la
gnyer du btad pa'i srung ma

@025b 'phrin las rgyal po/ gtso bo'i mdun du yon tan thams cad
kyi gzhi rten sdom pa gsum bcas mtshams rnams par dag pa'i tshul
khrims mtshon pa'i chu mtsho/ de'i dbus su lta sgom spyod gsum
gang gi cha la'ang bsre slad

kyi dri ma phra mos kyang ma gos par rje bla ma'i rnam thar
gtsang ma'i rjes su slob pa mtshon pa'i padma'i sdong bu/ de'i
steng du phyi nyan thos kyi spyod pa skyong zhing nang du 'dod
yon lam byed gsang sngags rdo rje theg pa'i rnal 'byor zab mo

la gzhol ba mtshon pa'i 'dod yon lnga ste/ de dag kyang gang zag
gcig 'tshang rgya ba'i nyams len du 'gal med gcig grogs su gcig
'khyer nas tshul bzhin nyams su blangs pa sgrub pa'i mchod par
'bul ba'i tshul

du bkod pa gong gsham rgyab sha dang bcas pa legs par bsgrub te/
de'i nang gzungs kyi skor la ring bsrel rnam pa bzhi las thog
mar chos sku'i ring bsrel la rgyal dbang thub bstan rgya mtsho'i
sku gdung rin po cher yun ring

du na bzar gsol ba'i spur ras ka ci dkar po sku brnyan so so'i
spyi gtsug nas gdan gyi bar slebs pa re re'i ngos kyi steng du
dbu gzungs dang mdo sngags kyi bla rgyud dmigs brtse ma bla ma'i
mtshan sngags/ de'i 'og tu rim

par mgrin gzungs/ thugs gzungs/ rgyud sde bzhi'i lha so so'i
rtsa sngags snying po nye snying sogs/ gzungs chen sde lnga/ mdo
gzungs/ sangs rgyas rabs bdun gyi gso sbyong/ chos skyong

@026a @#/ /dang nor lha'i rigs mang po'i sngags/ bkra shis/ 'dod
gsol/ rten 'brel snying po/ brtan bzhugs sogs gtso bo'i skur
shin tu rgyas pa dang/

sku gzhan rnams che chung dpag pa'i rgyas bsdus phran bu dang so
so'i rang gzugs dang 'dod gsol sogs skabs babs bsgyur bkod cung
zad las gzhan gtso bo dang mtshungs pa bcas lhag chad nor gsum
gyi skyon dang bral bar

legs par bris pa rnams sku so so'i rgyab ngos su sbyar ba/ gtso
bo'i nang du yungs 'bru lta bu'i ring bsrel la/ de bzhin gshegs
pa'i 'phel gdung sna tshogs/ sku gdung gi ring bsrel dang/ sku
bal gyi

ring bsrel gyi skor la/ yang dag par rdzogs pa'i sangs rgyas
shAkya thub pa'i mkhar gsil gyi bar shing/ ri bo ma la ya gnam
lcags 'bar ba'i rtser bcom ldan 'das bya khyung rgyal po'i skur
bzhengs pa'i sder mo/

byang chub sems dpa' chos 'phags kyi tshems/ byang chub sems dpa'
rtag tu ngu'i thugs/ nyan thos chen po shAri bu'i mkhar gsil
gyi shing/ chos rgyal srong btsan sgam po'i sprul pa'i stag
lpags/

slob dpon chen po dang chos rgyal khri srong/ mkha' 'gro ye shes
mtsho rgyal gsum gyi shangs mtshal gyis bris pa'i 'bum dmar/ slob
dpon padma 'byung gnas kyi dbu zhwa/ jo bo a ti sha yar klung
thang po che

@026b nas gsang stabs su byon skabs dge bshes zhu ston gyis 'on
gyi gru khar gdan zhur bsnyegs par rten skal du gnang ba'i jo bo
rje'i dbu zhwa/ yang jo bo rje'i snam sbyar/ jo bo rje bod du
gdan zhu'i don du sku srog gar log

rgyal por btang ba'i lha bla ma ye shes 'od kyi sku sha/ dge
ba'i bshes gnyen po to ba'i sku chos/ bram ze skye ba bdun pa'i
dbu thod/ lho brag mar pa lo tsA ba'i dbu klad/ mar ba'i sras
dar ma mdo sde rtas brdab

nas 'das skabs kyi sku ber dbu klad 'byar ba/ rje btsun mid la
ras pa'i sgom thag /sa chen grags pa rgyal mtshan gyis bde dgyes
sogs rgyud sde mang po'i dbang gnang skabs kyi rten khebs/ sa
skya paNTi ta'i

sgom thag /rwa lo tsA ba rdo rje grags kyi dbu lo/ 'gro mgon
phag mo gru pa rdo rje rgyal po'i na bza'/ lho brag grub chen
las kyi rdo rje'i rnga lpags/ chos rje don grub rin chen gyi Tam
'dzar/ rje btsun tsong kha pa

chen po'i sku la yun ring bzhes pa'i snam sbyar rje nyid kyi
'bri khung 'jam dbyangs kha cher stsal pa/ mkhas grub dge legs
dpal bzang gi snam sbyar/ 'jam dbyangs chos rje bkra shis dpal
ldan gyi dbu zhwa/

'jam dbyangs gtsang pa bdun brgyud kyi dbu lo na bza' phyogs
bsdus/ karma pa dus gsum mkhyen pa'i na bza'/ karma pa k+Sha'i
gdung thal/ karma pa de bzhin gshegs pa'i dbu lo/ karma pa rang
byung rdo

@027a @#/ /rje'i snam sbyar/ karma pa rol pa'i rdo rje'i dbu lo/
karma pa mthong pa don ldan gyi dbu thod/ grub thob thang stong
rgyal pos padma 'od du slob dpon chen po'i drung du sku

dngos kyi lan gsum byon skabs sku la mnams pa'i sle ber rje grub
thob nyid kyis/ sle bem 'di dang ma bral na/ /rnal 'byor bsam pa
'grub pa yin/ /zhes gsungs pa'i byin can/ rgyal ba dge 'dun grub

kyi sku chos/ rgyal ba dge 'dun rgya mtsho'i dom ra/ rgyal ba
bsod nams rgya mtsho'i sku ber bya khri sprin 'bum/ rgyal ba yon
tan rgya mtsho'i dbu skra/ rgyal ba lnga pa'i snam sbyar dang sku
ber/ rgyal ba tshangs dbyangs

rgya mtsho'i na bza'/ rgyal ba bskal bzang rgya mtsho'i sku gzan
dang shangs mtshal/ rgyal ba 'jam dpal rgya mtsho'i spur tshwa/
rgyal ba lung rtogs rgya mtsho'i dbu lo dang spur tshwa/ rgyal ba
tshul khrims rgya

mtsho'i dbu lo/ rgyal ba mkhas grub rgya mtsho'i dbu lo/ rgyal ba
'phrin las rgya mtsho'i dbu lo/ rgyal ba thub bstan rgya mtsho'i
dbu lo/ na bza' spur tshwa/ paN chen blo bzang chos rgyan gyi
snam sbyar/

pan chen blo bzang ye shes kyi dbu zhwa/ paN chen dpal ldan ye
shes kyi sku chos/ khri chen byang chub chos 'phel gyi na bza'/
khri chen blo bzang tshul khrims dpal ldan gyi na bza'/ rdo rje
'chang pha bong kha pa

@027b byams pa bstan 'dzin phrin las mtsho'i dpal bzang po'i na
bza' rnams khungs dag 'khrul bral gyi cha shas re re gos chen
gyi na bzas gtum nas bzhugs su gsol zhing/ rab gnas kyi rgyud
las/ bzo bo ma mnyes

pa'i lha la ye shes pa mi 'jug ste/ rab gnas kyi thog mar bzo bo
mnyes par bya'o/ /zhes gsungs pa ltar bris tshems gyi bzo bo
rnams la yon dang/ thog mtha' bar gsum gyi bya dga' bstabs pa'i
skor la/

thog mar 'dzug ston la bzo bo lag g.yog dang bcas par nyin gang
bza' btung gi spro ston gzab rgyas thog /thog ma'i rten 'brel
gsol ras su lha bris chen mor dngul srang nyi shu rtsa lnga dang
kha btags a she/ lha bris

dbu chung la dngul srang nyi shu dang dar zub phyi/ tshem bzo dbu
chen la dngul srang sum chu so lnga dang dar a she/ tshem bu ba
byings mkhas gras mi bzhi la rer dngul srang bcu dang dar zub
phyi re/ de'i 'og mi gnyis la

rer dngul srang brgyad dang zub phyi re/ de'i 'og bcu gcig la
rer dngul srang bdun dang zub phyi re/ rogs byed lag g.yog
spyir dngul srang bcu gnyis dang zub phye brgyad sprad cing/ bar
ston la ston mo nyin gang

thog gsol ras su lha bris dbu cher dngul srang sum cu tham pa
dang dar a she/ dbu chung la dngul srang nyi shu rtsa lnga dang
zub phye/ tshem bzo dbu cher dngul srang lnga bcu tham pa dang
dar a she/ de'i 'og drag

@028a @#/ /gras mi bzhi la rer dngul srang bcu gnyis zho lnga/
zub phye re/ de'i 'og mi gnyis la rer dngul srang bcu dang zub
phye re/ lag g.yog /rogs byed bcas par

gsol ras bsdoms dngul srang bco brgyad dang zho lnga/ zub phye
lnga/ grol ston skabs gsham gsal zhal 'debs 'bul mi sbyin bdag
ngo g.yog rnams mgron 'bod thog bris tshem gyi bzo bo rnams
dang/ kho bo

cag rogs byed dang bcas pa gling khar phyag bteg ste dkar dmar
bza' btung gi ston mo nyin gang gzab rgyas thog gos sku rin po
cher snyal shal a she/ lha bris dbu cher legs gsol dngul srang
bzhi bcu tham pa

dang kha btags a she/ dbu chung la dngul srang sum cu tham pa
dang kha btags par mdzod/ tshem bzo dbu cher dngul srang bdun cu
don lnga dang kha btags a she/ byings mkhas gral mi bzhi la rer
dngul srang

bcu drug dang zub phye re/ de'i mi gsum la rer dngul srang bcu
bzhi dang zub phyi re/ de'i 'og mi dgu la rer dngul srang bcu
gnyis dang zub phyi re/ lag g.yog rogs byed khag sogs la gsol
ras

bsdoms dngul srang drug cu re brgyad dang zho lnga skar lnga/
kha btags zub phyi nyid shu/ lha bris dbu che chung gnyis dang/
tshem bzod bu chen/ byings/ lag g.yog bcas mi nyi shu rtsa gsum
la/

@028b las rgyun zhag lnga bcu nga bzhi song ba'i gla thob khyon
bsdoms dngul srang brgyad brgya drug cu re gnyis dang zho dgu
skar lnga/ spyir gsol ras 'bru dkar po do gnyis dang mu byin
mtshal ka kha brgyad bcas yon dang bya dga' gya nom

pas yid mchog tu mgu bar byas te/ rgyud las/ gang du sku gzugs
rdzogs pa las/ /byin mA rlabs par ring gnas na/ /de la bkra mi
shis 'byung zhing/ /de srid mchod par mi 'os so/ /zhes sku

gzugs bzhengs nas rab gnas ma byas par bzhag na/ sbyin bdag la
mi shis pa 'byung zhing/ rab gnas ma byas par du mchod par yang
mi 'os par gsung zhing/ rgyud rdo rje gur las/ rtag tu sangs
rgyas

rab gnas bya/ /zin pa'i de ma thag pa ru/ /rab tu gnas pa mchog
tu 'gyur/ /'khor los sgyur ba'i rgyal po yi/ /dbang phyug thob
par the tshom med/ /ces gsungs pa ltar bzhengs grub nas ring por
ma

lon par gza' tshes dge ba'i nyin kho bo sgrub grogs dang bcas pas
rje yab sras dang/ paN chen blo bzang chos kyi rgyal mtshan/
lcang skya ngag dbang chos ldan sogs dam pa gong ma dag gi gsung
las 'byung ba ltar

dpal rdo rje 'jigs byed chen po'i sgo nas sbyang gsum sngon du
'gro ba'i rab tu gnas pa'i cho ga rnam par dag pas dam ye dbyer
med du byas nas mthong thos dran reg thams cad skal pa mchog la
sbyor ba'i byin rlabs kyi gzi

@029a @#/ /'od 'bar bar bsgrubs pa lags so/ /de lta bu'i gos sku
rin po che bzhengs pa'i tshe rnam par dkar ba'i bsod nams kyi
mthu yongs su rgyas shing nor las nor gyi snying po

len pa la mkhas shing mdzangs pa'i dad ldan rnams nas zhal 'debs
dang/ bzo ston ji ltar byung ba dang/ 'gro song gi bsdoms tho
rags pa tsam 'god pa la/ cha 'phreng lcags ra thal tsha dge slong
tshul khrims

nas dngul srang lnga brgya tham pa dang/ phran dang 'thus mi
gnyis bzo rigs sogs la go babs kyi dngul dang kha btags kyi legs
skyes bstar/ cha 'phreng ka leg kha ja mtsho 'jam dbyangs nas
zhal 'debs dngul

srang brgyad tham pa dang/ phran 'thus mi bzo bo bcas par legs
'bul gong mtshungs/ mi rje rtsis dpon ka shod pa chos rgyal nyi
ma lhun grub nas zhal 'debs dngul srang nyis brgya lnga bcu
thams pa dang/ kho

bo cag bzo bor bcas par legs skyes gong mtshungs/ tre hor brag
mgo ke tshang mdzod zur nas dngul srang brgya tham pa/ tre hor be
re tshong dpon ngag blo nas dngul srang lnga bcu tham pa/ ser
spom bsam

gling mi tshan nas dngul srang lnga bcu tham pa/ dga' ldan rdo
khang bsam gling mi tshan nas dngul srang bcu/ gser skong bsam
gling mi tshan nas dngul srang bcu/ rdo bsam grwa dbra dbra'i
grong ge le zla ba nas dngul

@029b srang sum cu so gsum/ bstan grong gang tshe dge mthar phyin
nas dngul srang do/ rag po chin 'di dge mthar phyin nas dngul
srang gang/ 'di ga bla brang nas dngul srang chig stong lnga
brgya tham pa/ dgon sde'i

'thus mi blo bzang ye shes dang/ bstan pa rnam rgyal gnyis nas
dngul srang nyis brgya lnga bcu tham pa bcas byung zhing/ gos
sku'i rgyu 'gror gos chen tshem skud/ nang sha'i ras bcas kyi rin
'bab dngul srang chig

khri chig stong brgya dang dgu bcu go gnyis dang zho gang/ thog
mtha' bar gsum gyi bzo ston/ gla/ bza' btung/ kha btags sogs
song rigs rnams dngul thog tu phab par sum stong bzhi brgya lnga
bcu

nga lnga dang zho brgyad bcas gong gsal song rigs thams cad
khyon cig tu bsdoms par dngul srang chig khri bzhi stong drug
brgya bzhi bcu zhe bdun dang zho dgu song ba lags/ gsum pa de
ltar tshul bzhin bzhengs pa'i

phan yon ni/ mdo dran pa nyer bzhag las/ rten dang brten pa legs
bskrun dang/ /dge 'dun gnas mal bca' ba sogs/ /de gnas dge bar
rtag tu 'gyur/ /bskal pa bye ba stong du yang/ /

dge ba yongs su chud mi bza'/ /zhes dang/ ting nge 'dzin rgyal
po las/ 'jim pa dang ni de bzhin rdo ba dang/ /shing dang ri mor
bris pa'i sku gzugs dag /shin tu mdzes shing lta na sdug pa

@030a @#/ /bgyis/ /ring por mi thogs ting 'dzin mchog 'di thob/
/ces dang/ dam chos pad dkar las/ gang gi rtsig ngos gzugs kyi
ri mo dag /bsod

nams brgyas mtshan yongs su rdzogs pa'i sku/ /bdag gi bris sam
'bri ru bcug kyang rung/ /de dag thams cad byang chub thob par
'gyur/ /zhes dang/ 'phags pa dga' ba'i bshes gnyen gyi rtogs pa

brjod pa las/ 'di lta ste/ gser gyi rang bzhin dang/ dngul gyi
rang bzhin dang/ zhes pa nas/ sna tshogs pa'i rang bzhin dang/
rus pa'i rang bzhin dang/ sa la sku gzugs sam mchod rten

bzhengs su gsol zhing/ than sor mo tsam gyi skul ma mchod rten
bzhengs su gsol ba'i dge ba'i rtsa ba de dag thams cad bcom ldan
'das de bzhin gshegs pa yang dag par rdzogs pa'i sangs rgyas
byams pa'i gsung

rab la mi'i 'thob pa rab tu thob nas 'dus pa dang po la dang ba
dang dad pa dang ldan pas rab tu byung nas skra dang kha spu
bregs te chos gos bgos nas khyim med par rab tu byung ste smon
lam ji lta ba bzhin du yongs su mya ngan las

'da'o/ zhes dang/ spyan ras gzigs kyi mdo las/ gang zhig ston pa
mi mchog gzugs byed pa/ /ras 'bri rtsig ngos 'bri'am gser las
byas/ 'di yis chos kyi khyad par gang yin pa/ /

@030b de dag ma lus rab tu bstan gyi nyon/ /de ni lta min long
bar zhar mi 'gyur/ /sgur por mi 'gyur yan lag mi sdug min/ /de
ni gzugs dang ldan zhing kha dog ldan/ /sum cu rtsa gnyis mtshan
gyi go char 'gyur/ /

lus ni rnam par dag cing khyad par thob/ /spobs pa thob cing
sgra snyan yid du 'ong/ /shes bzhin ldan zhing 'jig rten kun gyi
gtso/ /de mthong sems can bde zhing dga' bar 'gyur/ /zhes dang/
bde mchog

sdom 'byung las/ sngags pa las ni dang po pas/ /gzugs brnyan la
sogs bya ba ste/ /bris sku bsgrubs nas myur bar ni/ /dngos grub
rgya chen 'thob par 'gyur/ /zhes sogs dang/ gzhan

yang/ snying rje pad dkar/ don rnam par nges pa'i mdo/ gsal
rgyal gyi zhus pa'i mdo/ de bzhin gshegs pa'i gzugs brnyan
bzhengs pa'i phan yon yang dag par brjod pa zhes bya ba'i chos
kyi rnam

grangs/ rgyud bla ma sogs mdo rgyud bstan bcos du ma nas sangs
rgyas kyi sku gzugs bzhengs pa'i phan yon bsam gyis mi khyab par
mtha' yas pa gsungs shing/ khyad par du 'jam mgon bla ma tsong
kha pa chen po

ni/ ji skad du/ rgyal ba ma lus skyed pa'i yab gyur kyang/
/rgyal sras tshul gyis zhing khams rab 'byams su/ /rgyal ba'i
chos 'dzin thugs bskyed bden pa'i mthus/ /zhes sogs gsungs 

@031a @#/ /pa ltar rgyal ba kun gyi yab gcig 'jam dpal dbyangs
dang tha mi dad kyang sngon rgyal ba dbang po'i tog gi spyan
sngar thugs dam ji ltar bcas pa bzhin rgyal sras sems

pa'i tshul bzung nas dag ma dag gi zhing khams rab 'byams mu med
par sprul pa'i bkod pa mtha' yas pa'i sgo nas zab mo dbu ma'i
lta ba dang gsang chen rdo rje theg pa zung du 'brel ba'i 'khrul
bral gyi lam bzang spel

zhing/ sku tshe 'dir yang gangs can gyi ljongs 'dir thub pa'i
bstan pa la ma rtogs pa dang log par rtog pa'i dri ma mtha' dag
drungs nas phyung ste/ rgyal ba'i bstan pa la rgyal ba rang nyid
slar byon pa dang sgo kun nas

mtshungs par mdzad pa'i tshul la rgya bod kyi pan grub sus kyang
'gran du med pa 'di ltar lags shing/ de lta bu'i khams gsum 'gro
ba'i bla ma 'di nyid kyi sku brnyan bzhengs pa sogs byed pa ni/
mdo sde gdams

ngag 'bogs pa'i bstan pa dwangs snyigs byed pa'i le'u las/ da
lta nga la shel dkar gyi/ /phreng ba bster ba'i khye'u 'di/ /nga
yi bstan pa gso byed pa/ /ma 'ongs snyigs ma'i dus su ni/ /'bri

dang ldan gyi sa mtshams su/ /dge zhes bya ba'i dgon pa 'debs/
/blo bzang zhes bya'i ming can 'byung/ /zhes pa nas/ de nas
'phos nas shar phyogs kyi/ /rmad byung bkod pa'i 'jig rten du/ /

@031b sengge nga ro zhes byar 'gyur/ /de la dad byed zhing der
skyes/ /zhing mchog de ni khyad par 'phags/ /zhes gsungs pa ltar
rje bdag nyid chen por dad pas kun nas bslangs te rje'i sku
brnyan bzhengs pa sogs dge rtsa khyad par

can bskrun na/ ma 'ongs pa na ngo mtshar rmad byung bkod pa'i
zhing du rje bla ma rgyal ba sengge nga ror mngon par 'tshang
rgya ba'i 'khor gyi thog mar skyes te theg pa chen po'i zab
rgyas chos kyi bdud rtsir ci dgar longs su spyod par 'gyur ba
sogs

phan yon mtha' yas par 'byung bas gzu bor gnas pa rnams kyis
tshul 'di lta bu la rjes su yi rangs par bya'o/ bzhi pa phyag
mchod bsnyen bskur byas pa'i phan yon ni/ snying rje padma dkar
po'i mdo las/ kun

dga' bo gang dag kha cig sangs rgyas la dmigs pa'i sems kyi me
tog gcig nam mkha' la gtor na de'i rnam par smin pa gang yin pa
de ni kun dga' bo gal te sems can 'ga' zhig bskal pa gcig tu
'khor ba ji srid

bar kun tu rgyug cing 'khor bar 'khor ba'i sngon gyi mtha' mi
shes bzhin du bsod nams mngon par bya ba'i dge ba'i rtsa ba
mngon par 'du byas pa de'i mtha' de ni brgya byin nyid rnams
kyis rnyed par sla ba ma yin no/ de ci'i

phyir zhe na/ kun dga' bo 'di ltar sangs rgyas la phul ba'i yon
tan ni 'khor ba na sprod pa'i bde ba thams cad kyis mthar gtugs
par sla bar ma yin no/ gzhan du na dge ba'i rtsa ba de'i 'bras
bu mya ngan las 'das pa

@032a @#/ /nyid yin pas tha ma mya ngan las 'das par nga smra'o/
zhes dang/ cho 'phrul rnam par 'phrul ba bstan pa las/ gang dag
de bzhin gshegs pa la mngon sum du me

tog dang/ dri dang/ phreng ba dang/ byug pa dang/ na bza' dang/
rgyan rnams kyi mchod pa lta smos kyang ci dgos/ lha'i bu dag
gang sems can la las sangs rgyas bcom ldan 'das mya ngan las

'das nas lo brgya stong ngam bskal pa bye ba lon kyang sangs
rgyas la phyag 'tshal lo zhes mtshan nas lan bdun brjod nas nam
mkha' la me tog gtor na de dag thams cad sdug bsngal mthar byed
par 'gyur ro/ me tog nam

mkha' la gtor ba lta zhog gi gang dag dad pas de bzhin gshegs
pa'i rjes su slob pa la la zhig gis de bzhin gshegs pa la mchod
pa'i phyir de bzhin gshegs pa'i tshul khrims kyi bslab pa gcig
tsam 'dzin tam/

nyin gcig gam/ mtshan gcig gam/ yud tsam zhig de bzhin gshegs pa
la mchod pa yid la byed par brtson na/ de sdug bsngal mthar byas
nas rim gyis bla na med pa yang dag par rdzogs pa'i byang chub
tu

mngon par rdzogs par 'tshang rgya bar 'gyur ro/ zhes sangs rgyas
la dmigs nas tha na me tog gcig nam mkha' 'dor ba lta bu'i dge
rtsa phra mo zhig yin yang zhing gi mthu la brten nas bsod nams
mtha' med par 'gyur

@032b zhing 'khor ba'i bde 'byor ci tsam myong yang 'bras bu zad
par mi nus pas mi gnas pa'i myang 'das kyi rgyur 'gyur ba dang/
de bzhin gshegs pa dang de'i gzugs brnyan la mchod pa'i dngos po
me tog dang/ dri zhim/ phreng

pa/ dri chab/ na bza'/ rgyan sogs yo byad sna tshogs kyis mngon
sum du mchod pa'i phan yon che ba lta ci smos mi dgos shing/ der
ma zad sangs rgyas la phyag 'tshal lo zhes mtshan tsam brjod
na'ang sdug bsngal

las mthar par gsungs pa dang/ spyan ras gzigs kyi mdo las/ sangs
rgyas stobs bcu ded dpon mthong nas ni/ /dga' ba'i sems kyis
gdugs dang ba dan dang/ /mar me rnams kyis bcom ldan

'das la mchod/ /byang chub spyod mchog 'di ni rtag par spyod/
/mi yi 'jig rten bla mar bsnyen bskur byed/ /lha nang lha yi
bdag dang mi yi gtso/ /yid 'ong spos mdzes lta na sdug pa dang/
/nor bu shel 'dra sna

tshogs dam pa thob/ /ces dang/ las rnam par 'byed pa'i mdo las/
thal mo sbyar ba dang/ phyag 'tshal ba dang/ phyag bdar byas pa/
me tog dang mar me dang spos phul ba sogs re re la'ang phan

yon bcu phrag re 'byung bar gsungs pa dang/ mdo las/ bde gshegs
sku gzugs rtsig ngos bris pa la/ /'khrugs bzhin pa yi sems kyis
bltas na yang/ /de ni rim bzhin sangs rgyas bye ba mthong/ /

@033a @#/ /zhes byis pas rtsed mo'i phyir de bzhin gshegs pa'i
sku gzugs rtsig ngos su bris pa zhig la dad cing gus pas mjal ba
lta ci smos/ dad pa med pa khro bzhin pas

bltas na yang/ mthong ba tsam gyis ma 'ongs pa na sangs rgyas
bye ba mang po'i zhal mjal ba'i bag chags rgyud la bskrun pa
sogs mdor na/ mdo las/ zla ba skar ma bcas pa sa la lhung 'gyur
srid/ /sa

'di ri dang grong bcas gzhan du 'gyur ba srid/ /ri rgyal lhun po
mkha' la 'phur bar 'gyur srid kyi/ /rkang gnyis gtso bo gsungs
rdzun 'gyur ba srid ma yin/ zhes gsungs pa ltar/ rgyal ba'i bka'
dri med pa

rnams las rten bzhengs pa dang phyag mchod bskor ba byas pa'i
phan yon rgya cher gsungs pa la ldog tu med pa'i yid ches bskyed
de zhag 'ga'i g.yar po lta bu'i lus longs spyod kyi steng na
zhing khyad par can la bsod

nams kyi sa bon 'debs pa'i rten 'brel 'dzoms pa'i dus 'dir nus
pa ci yod kyis 'bad par rigs so// smras pa/ ma 'ongs kha ba can
ljongs su/ /ma dag log pa'i gzhung lugs kyis/ /

ma rig mun sel nongs pa na/ /ma lus gso zhes lung bstan pa/ /X
mi pham rgyal ba blo bzang grags/ /X mi yi yul du dga' ldan nas/
/X mi phyed dad pas spyan drangs te/ /X mi mthun 'dzoms par

@033b gsol ba'i tshul/ /mu dbus 'thag ris 'bum bkra'i gos/ /mu
yangs mtshar sdug spungs pa'i gzhir/ /mu mtha' bral ba'i blos
bkod pa/ /mu med mig gi bdud rtsi 'dis/ /lung rtogs thub bstan
ma dros rol

pa'i mtsho/ /mkhas grub gdengs can dbang pos yongs bzung bas/
/kun bzang 'dod pa 'jo ba'i rgya mtsho sprin/ /srid zhi'i mkha'
la rtag tu dkrigs gyur cig /khyad par 'jam mgon ring lugs gdugs
dkar po/ /

bshad sgrub gser gyi yu bas legs btegs te/ /phan dang bde ba'i
grib bsil snum pa yis/ /sa chen nam yang yol pa med gyur cig
/thugs bskyed lho phyogs ri bo'i ngos las bltams/ /rmad byung
nyams dang

rtogs pa'i yal ga rgyas/ /bstan 'dzin dpal gyi dum bu'i nags
klung gi /gzhan phan dri bsung phyogs mthar khyab pas shog /lung
bzang 'o ma 'khyil ba'i rgya mtsho 'dir/ /phun tshogs rig grol
gshog rtsal rab rdzogs

pa'i/ /dge 'dun ngang mo'i khyu tshogs legs bshad kyi/ /mgrin
pa'i rdza rnga rdung bas rtsen gyur cig /ljongs 'dir bsod nams
dpyid kyi pho nya'i glus/ /bde skyid dbyar gyi dpal mo gsar pa'i
'dzum/ /mgron du

bos pa'i kun dga'i dus ston che/ /mchog tu dar ba'i dge mtshan
gsal bar smon/ /phyogs 'dir sgo gsum ngal ba brten pa dang/ /'di
nyid mthong thos dran zhing reg pa kun/ /sngon bsags sdig pa'i
dri ma yongs

@034a @#/ /zad cing/ /'phral yun dga' bde'i dpal la spyod gyur
cig /ma 'ongs rnam 'dren sengge'i nga ro yi/ /'khor gyi dbus na
'gro kun sgrol ba la/ /mi zhum snying

stobs gzhan las cher 'phags pa'i/ /mthu chen rgyal sras dpa' bor
'gyur bar shog /mdor na lhag bsam lam gsum las 'bab 'dir 'bad
dge ba gangga'i rgyun/ /dus gsum legs byas dbu ba dkar

po'i mu tig do shal 'god pa 'di/ /rgyal sras smon pa'i chu klung
bye ba phan bde'i rin chen 'dren pa dang/ /chabs cig kun mkhyen
ye shes rgya mtshor kun nas kun tu gzhol gyur cig / //

(ces mdo smad cha phreng dgon dga' ldan bsam 'phel gling gi rten
du rje bla ma tsong kha pa chen po'i gos sku mthong ba kun grol
gsar du bzhengs pa'i tshul gtam du byas pa dge legs yongs 'du'i
'khri shing zhes bya ba 'di ni/ yongs kyi dge ba'i bshes gnyen
sangs rgyas dngos dang mtshungs pa du ma'i bka' drin gyis nye

par 'tsho ba khri byang sprul ming pa blo bzang ye shes bstan
'dzin rgya mtsho zhes bgyi bas rang gzhan rnams sngon gyi dge ba
la rjes su yi rangs pa dang/ slad kyi dge ba la spro ba'i slad
lo re bzhin dgon du smon lam skabs tshogs su sgrog rgyur rab
byung bcu drug pa'i shing phag lo'i sags nya ba'i dkar phyogs
kyi dga' ba gsum pa'i nyin

lha ldan gand+ho la'i nye 'dabs rang gi bsti gnas su sbyar ba'i
yi ge pa ni/ 'bras bsam blo smad sog rbo rad shog rigs pa smra
ba blo bzang bzang pos gus pa lhur blangs nas bgyis pa ste/ 'jam
dbyangs bla mas mnyes bzhin du rjes su 'dzin pa'i mchod sprin
dkar po'i rgyur gyur cig /) //

@034b ! oM swa sti/ dbyig 'dzin dbyig gi dpal skyed pa/ /bsam
'phel bsam las 'das pa'i gzi/ /sems dpal sems kyi dam pa'i
mdzod/ /'dod 'jo 'dod pa'i gling mchog 'dir/ /rin chen

rin thang bral ba'i gos/ /mchog gyur mchog gsum mchod pa'i
rdzas/ /khri phrag khri byang sprul ming pas/ /sku mchog sku
gsum 'grub phyir du/ /legs par phul bas legs par 'ongs pa'i cha/
/legs

byas sa bon legs lam zab rgyas gzhir/ /legs smon rnam dag legs
par btab pa'i mthus/ /legs tshogs zung gi legs 'bras spyod gyur
cig / //(ces pa 'di yang gos sku dang chab gcig bla brang rang
nas gos

chen mang lhug tshos tshogs las grub pa'i ka 'phan gos sangs rgyas
sku sha'i rtsi bar bzang gos lhan drub kyi shing lo pa Ta ris
stong sbod dril bu rang 'grigs spus legs che ba cha gnyis dgon
du mchod rdzas su phul skabs smon tshig tu bris pa'o//) //

(! tre hor be re dgon gyi gos sku gsar bzhengs kyi dkar chag
zhes bya ba bzhugs so//) oM swa sti/ rlabs chen tshogs gnyis rin
chen 'byung gnas snying rje ri bos bsrubs las skyes/ /bla med
yon tan dkyil 'khor yongs rdzogs

shes bya'i mkha' la thogs med 'jug /'phrin las 'od 'bum srid
mthar mi nub 'gro la gtan bde'i snang ba sbyin/ /thub chen rgyal
ba'i nyi ma mchog gis dge legs padmo bzhad par mdzod/ /blo chen
rgyal kun

@035a @#/ /mkhyen brtse nus pa'i gzugs/ /rgyal ba dgyes pa'i lam
bzang dus kyi mthar/ /gsal mdzad grags pa'i ba dan srid zhi'i
blar/ /mngon par mtho ba tsong kha pa des

skyongs/ /zab zhi spros bral dbyings dang ro gcig pa'i/ /lhan
skyes 'od gsal phyag rgya chen po'i gar/ /rab 'byams zhi khro
dra ba'i dkyil 'khor gyis/ /dngos grub rin chen sil ma char du
snyil/ /'phrin las

gnam lcags thog zer phra mos kyang/ /gdug can rkang gcig dpung
tshogs mthar byed pa/ /mahA ka li dbang gi skyes bur bcas/ /ma
g.yel ma g.yel rnam bzhi'i las la chos/ /mi brtan sgyu ma'i
nor rdzas

'dzam bu'i 'bras/ /rten bzhengs ma dros rol mtshor skyed bsrings
pas/ /dge 'bras rin thang gzhal med bsod nams kyi/ /gser sbyangs
mngon pa spungs pa'i byung ba gleng/ /zhes shis pa brjod pa'i
tshigs

su bcad pa sngon du btang ste/ de la bzang po'i bskal pa 'dir
rgyal ba'i nyi ma stong phrag rim par 'byon pa'i nang nas/ rnam
'dren bzhi pa zas gtsang gi sras pa'i lung rtogs kyi bstan pa'i
sgron me ma nub pa'i

skabs su dal ba'i rten bzang thob cing/ bdag legs su 'dod pa dag
ni/ gtan bde'i bsod nams zad mi shes pa'i dpal yon mngon par 'du
bya ba'i phyir sangs rgyas la dmigs pa'i dge ba'i rtsa ba bskrun
par byed pa

@035b las su bya ba dam pa yin la/ des na mdo smad sa yi thig le
hor khog tu zhwa ser rings lugs 'dzin pa'i dgon sde bcu gsum du
yod pa'i nang tshan pad ri 'gro phan gling gi spyi so'i las 'dzin
sku 'bum gling/ dge slong ya

ma sangs rgyas/ dge slong blo bzang rdo rje/ dge slong dpal
bzang/ dge slong blo bzang chos 'phel/ dge slong ya ma rdo rje/
dge slong rnam rgyal bcas mi drug la rmad byung lung rtogs kyi
gter mdzod/ gcig

tu gzhan phan gyi dgongs pa can dge rtag mchog sprul rin po che
nas khyod rang tsho'i spyi so'i gtong lhag gi dngul rnams phyogs
'di'i yul dgon spyir sman pa'i rten bzhengs sogs ji 'dra 'gab
lha ldan du bla ma rnams la bka' slob

zhus te bstan 'gror phan pa zhig byed na legs zhes bka' stsal ba
ltar/ khong tsho nas zhwa ser bstan pa'i srog shing dga' ldan
khri zur rdo rje 'chang byams pa chos grags dpal bzang por bka'
slob zhus par/ ston pa'i gos sku

bzhengs na legs par phebs shing/ kho bo nas kyang de don ltar
legs tshul mol ba bzhin/ khong pa rnams nas kyang bla ma'i bka'
bzhin sgrub pa dang/ phyogs de'i skye 'gro spyir phan re'i lhag
bsam rnam par dag pas kun

nas bslangs te/ rab byung bcu drug pa'i shing phag zla 8 tshes 18
gza' tshes dge ba'i nyin/ phran dang pir thog dbang po lha bris
dbu chen mkhyen rab can nas sku so so'i thig tshad rnams gzhung
dang lag len bzhin cung zad kyang 'khrul pa

@036a @#/ /med par btab cing bkra shis rten 'brel gyi sgo brgya
thog mar dbye ba nas bzungs lha bris pa gnyis dang/ tshem bzod pu
drung bkra shis dgra 'dul gtsos mi bcu bdun bcas rgyud

sde nas bshad pa'i bzo bo'i yon tan thams cad yongs su tshang
zhing/ sor mo'i sgyu rtsal gyis lha'i bzo bo bi shwa karma
khengs pa thung ngur byed pa rnams nas bya ba las kyi 'khor lor
brtson pa chen pos zhugs te zhag bzhi bcu zhe brgyad

kyi khongs su gos sku rin po che'i dbus su bdag cag gi ston pa
shA kya thub pa/ g.yas g.yon du byams pa dang 'jam dbyangs/
steng gi g.yas g.yon du jo bo rje dpal ldan a ti sha dang rje
bla ma tsong kha pa chen po/ 'og

tu srog bdag gnod sbyin zangs kyi bge rtse can dang/ dpal ldan
dmag zor rgyal mo'i snang brnyan bcas bzo bkod phun sum tshogs pa
legs par grub cing/ 'di dag gi thog mtha' bar gsum du bris tshem
gyi bzo bo rnams

'dzug /sgang/ grol gsum gyi 'phar ma'i ston mo gzab rgyas dang
dngul dang kha btags kyi legs 'bul gya nom pa bstabs shing yon
gyis tshims par byas/ 'di dag gi gzungs su ring bsrel rnam pa
bzhi las/

chos sku'i ring bsrel la sku rnams kyi stod smad par gsum gyi
cha so sor dbu mgrin thugs gzungs/ pad gzungs/ gzhan yang bla
brgyud/ rgyud sde bzhi/ sde lnga/ mdo gzungs/ 'dod gsol sogs

@036b gzungs tshan mang po ka ci'i ngos su par btab pa dang bris
pa sna tshogs go rim ma 'khrugs par bzhugs shing/ yungs 'bru lta
bu'i ring bsrel la bdag cag gi ston pa'i ring bsrel 'khrul med
rdog gcig /sku gdung dang sku bal gyi ring bsrel

skor la byang chub sems dpa' chos 'phags kyi tshems/ byang chub
sems dpa' rtag tu ngu'i thugs/ nyan thos chen po shA ri'i bu'i
mkhar gsil gyi bar shing/ chos rgyal srong btsan sgam po'i sprul
pa'i stag pags/ jo

bo rje rgya gar nas bod du gdan zhu'i don du rang gi sku srog
gar log gi rgyal por btang ba'i rgyal po byang chub sems dpa'
lha bla ma ye shes 'od kyi sku sha/ jo bo rje dpal ldan a ti
sha yar lung thang po ches nas 'brom dang lhan du gsang stabs

su byon skabs dge bshes khu nyon nas gdan zhur snyegs par/ 'on
gyi gru kha nas khu ston la rtel skal du gnang ba'i dbu zhwa/
bstan pa phyi dar gyi dus su rgya gar nas bod du bsnyen rdzogs
kyi sdom rgyun gsar du spel ba'i mes po

kha che paN chen shAkya shri'i snam sbyar/ rje btsun sa skya ba
chen po grags pa rgyal mtshan gyi sku ber/ sa skya paNDi ta kun
dga' rgyal mtshan gyi sgom thag /sa skya pa 'gro mgon chos rgyal
'phags pa'i dbu zhwa/ rgya gar gyi

grub chen pha dam pa sangs rgyas kyi sgom thag /lho brag mar pa
lo tsA ba chos kyi blo gros kyi dbu klad/ mar pa'i sras dar ma
mdo sde rtas brdabs nas 'das skabs kyi sku ber dbu klad 'byar
ba/ mnyam med dwags po lha

@037a @#/ /rje'am sgam po zla 'od gzhon nu'i zhabs chags/ 'gro
ba'i mgon po phag mo grub pa rdo rje rgyal po'i zhabs chags/ bla
ma zhang 'gro mgon g.yu brag pa'i na bza'/

chos rje don grub rin chen gyi Dam 'dzar/ lho brag grub chen nam
mkha' rgyal mtshan gyi rnga pags/ rje btsun tsong kha pa chen
po'i sku la yun ring mnabs pa'i snam sbyar/ rje bla ma'i dbu
zhwa rje nyid kyis rgyal tshab chos rjer gnang

zhing/ des mkhas grub rji la stsal te yab sras gsum nas rim gyis
bzhengs pa'i dbu zhwa/ grub thob thang stong rgyal pos sku dngos
kyis padma 'od du slob dpon chen po'i spyan sngar lan gsum byon
skabs sku la mnabs shing

rje grub thob nyid kyis sle bem 'di dang ma bral na/ rnal 'byor
gyi bsam pa 'grub pa yin/ zhes gsungs pa'i na bza' sle ber/ yang
grub thob thang stong pas 'dzam gling lan gsum skor ba'i zhabs
chags/

! rgyal dbang sku phreng dang po dge 'dun grub kyi sku chos/
gnyis pa dge 'dun rgya mtsho'i dbu zhwa/ gsum pa bsod nams rgya
mtsho'i na bza'/ bzhi pa yon tan rgya mtsho'i dbu skra/ lnga ba
ngag dbang blo bzang

rgya mtsho'i snam sbyar/ drug pa tshangs dbyangs rgya mtsho'i dbu
lo/ bdun pa bskal bzang rgya mtsho'i sku ber/ brgyad pa 'jam dpal
rgya mtsho'i Tam 'dzar/ dgu pa lung rtogs rgya mtsho'i spur tshwa
dang spur ras/

@037b bcu pa tshul khrims rgya mtsho'i dbu lo/ bcu gcig pa mkhas
grub rgya mtsho'i dbu lo/ bcu gnyis pa 'phrin las rgya mtsho'i dbu
lo/ bcu gsum pa thub bstan rgya mtsho'i dbu lo/ na bza'/ gdung
tshwa/ paN chen

blo bzang chos kyi rgyal mtshan gyi snam sbyar/ paN chen blo
bzang ye shes kyi dbu zhwa/ paN chen dpal ldan ye shes kyi sku
chos/ pan chen bstan pa'i nyi ma'i gdung tshwa/ pan chen bstan
pa'i dbang phyug gi na bza'/

pan chen chos kyi nyi ma'i na bza' bcas gzhung dga' ldan pho
brang ba'i rten sgam chen mo nas byung ba'i khungs ldan 'khrul
pral cha shas res kyang srid zhi'i gdung ba sel ba sa gsum na
rnyed dka' ba sha stag gi cha shas re kho bo nas phul

ba dang/ dga' ldan khri zur rin po che byams pa chos grags dang/
phur lcog byams mgon rin po rnam gnyis nas stsal ba'i byin rten
sne 'dzom ril bu dang phyag par re re/ kho bo'i lag par/ khri
zur rin po ches

rten 'brel khyad par can yod ces thugs smon dang sgrags stsal
ba'i dar nang mdzod bcas bzhugs/ de lta bu'i gos sku 'di'i rgyu
'gror gos chen tshon khra kha brgya dang nyer brgyad/ sangs rgyas
sku sha ma kha brgyad dang ra do/

gos chen 'jam sangs kha brgya dang dgu bcu go lnga bcas khyon
gos chen kha sum brgya sum cu so gcig /gong gsham rgyur zar babs
kha bdun cu don lnga/ skyin khag kha bco brgyad/ sha bying legs
pa tha na drug /

@038a @#/ /sbyar lam ser po kha brgyad bcas kyi rin bsdoms bod
dngul srang drug stong bdun brgya lnga bcung bdun/ zhal khebs si
lig tha na bco lnga rin dngul srang bdun brgya lnga bcu/

bzo bo'i gla dang gsol ras song ba bsdoms dngul srang chig stong
nyis brgya sum cu so bzhi/ rtsam pa gro zhib sha mar ja chang me
shing sogs bza' btung tshe phra'i rin bsdoms dngul srang chig
stong drug brgya bcu bdun dang zho lnga bcas

gong gsal song rigs khyon gcig tu bsdoms bod dngul srang chig
khri sum brgya lnga bcu nga brgyad dang zho lnga bcas song ba
rgya sgor du rtsis na rgya sgor drug stong lnga brgya lnga bcu
tham pa ma gnas song ba lags/ de ltar bzhengs pa'i

phan yon ni mdo ting 'dzin rgyal po las/ de bzhin gser dag dang
ni dngul dag dang/ /tsanda gyis ni sku gzugs bzang po dag /mdzes
shing shin tu lta na sdug pa bgyis/ /ring por mi thogs ting
'dzin

mchog 'di thob/ /'jim pa dang ni de bzhin rdo ba dang/ /shing
dang ri mor bris pa'i sku gzugs dag /shin tu mdzes shing lta na
sdug par bgyis/ /ring por mi thogs ting 'dzin mchog 'di thob/
/ces myur

bar yang dag pa'i lam bzang mngon du 'gyur ba gsungs pa dang/
gzhan yang mdo sde padma dkar po/ de bzhin gshegs pa'i gzugs
brnyan bzhengs pa'i phan yon yang dag par brjod pa zhes pa'i
chos kyi rnam grangs/

@038b gsal rgyal las gdams pa'i mdo/ spyan ras gzigs kyi mdo
sogs mdo sde du ma nas sangs rgyas kyi sku gzugs bzhengs pas
ngan song gsum sogs mi khom pa'i gnas su gtan nas mi skye ba
dang/ bran dang dbul

por mi 'gyur ba dang/ dbang po nyams pa dang/ nad dang mya ngan
can du mi skye ba dang/ gzugs bzang zhing skyes bu chen pos
mtshan gyis brgyan pa 'thob pa dang/ sangs rgyas kyi spyan sngar
padma las rdzus te skye ba

dang/ sdig spyod mkhan du mi 'gyur bar byams pa'i sems kyis
gzhan phan la gzhol ba dang/ sku gzugs la rdul phran ji snyed
yod pa'i grangs dang mnyam pa'i lha dang mi rnams kyi rgyal por
skye ba dang/ gzugs

dang gzugs med kyi snyoms 'jug 'thob pa dang/ mthar mngon par
rdzogs par 'tshang rgya ba sogs gnas skabs dang mthar thug gi
phan yon mtha' yas pa 'byung bar gsungs shing/ snying rje chen
po padma dkar po

las/ 'du shes yod dang med pa yi/ /sems can thams cad ji snyed
pa/ /bskal ba bye ba brgya nang du/ /kun gyis mchod pa byas pa
dang/ /rang sangs rgyas pa gang dag dang/ /zag pa med pa'i

dgra bcom pa/ /bskal ba bye ba bsam yas par/ /de dag thams cad
mchod pa bas/ /rdzogs pa'i sangs rgyas bzhugs pa'am/ /yongs su
mya ngan 'das pa la/ /gang gis thal sbyar gcig byas pa/ /

@039a @#/ /bsod nams 'di ni khyad par 'phags/ /zhes sogs mdo sde
du ma nas de bzhin gshegs pa'i sku gzugs la phyag mchod bskor ba
byas pa'i phan yon tshad med par gsungs

pa rnams yid gnyis med pa'i dad gus rtse gcig bskyed de gtan
bde'i lo tog sgrub pa'i phyir rten bzhengs pa dang/ phyag mchod
sogs sgo du ma nas rnam dkar gyi sa bon gdab pa la 'bad par
bya'o// //

smras pa/ snying po med pa'i zang zing sgyu ma'i nor/ /rgyal
ba'i snang brnyan bzhengs pa'i cha rkyen du/ /sbyar pas bsod
nams 'dzad pa med pa'i gter/ /bsgrubs 'di skal bzang skye bo'i
dpal yon nyid/ /

'dir 'bad dge ba lam gsum 'bab pa'i rgyun/ /rang gzhan rnam dkar
chu klung bye ba dang/ /lhan cig byang chen rgya mtshor gzhol
ba'i rlabs/ /dpal stug zhing gi rtse mor 'brims gyur cig /legs
bshad ga bur

rdul mang 'grems bzod pa'i/ /'jam mgon lugs bzang dag pa'i zla
gzhon 'dzum/ /bshad sgrub 'od dkar stong du rgyas pa'i gzis/
/phan bde sa mos dga' tshal bzhad gyur cig /sde 'dir chos srid

pad dkar 'dab ma'i rgya/ /che cher bzhad cing khrims ldan bung
ba'i khyu/ /bslab gsum sbrang rtsi'i ro yis rab myos pas/ /legs
bshad mgrin pa'i 'dab glu rtags sgrogs shog /yul phyogs 'dir
yang dus

@039b kyi rgud pa zhi/ /bde skyid kun dga'i rdzogs ldan gsar du
rgyas/ /rkye rgu rnams kyang phu nu ltar mthun zhing/ /rtag tu
mchog gsum bla mar 'dzin par shog /tshul 'dir 'bad cing mthong
thos dran reg kun/ /skye bar

tshangs spyod dag pa'i rten thob cing/ /theg mchog bstan pa'i
them skas la brten nas/ /sku gsum gzhal med khang du myur thob
shog / //(ces pa 'di yang gos sku bzhengs skabs thog tha bar
gsum gyi bya ba'i khur len byed

po sku 'bum gling chos mdzad sgrol ma tshe brtan nas/ gos sku rin
po che bsam 'phel mthong ba don ldan gsar du bzhengs pa'i dkar
chag 'di 'dra zhig dgos zhes bskul ba'i ngor/ dga' ldan khri
chen byang chub chos 'phel gyi skye bar sgro btags pa'i 'du gsum
pa blo bzang ye shes bstan 'dzin rgya mtshor

'bod pas sbyar ba dge mtshan zad mi shes pa'i gter du gyur cig/
// ! rje btsun rdo rje rnal 'byor ma'i sku brnyan gsar du
bzhengs pa'i dkar chag bsod nams chu gter 'phel ba'i zla ba
bzhugs so//)

bcu drug dga' ba rdzogs pa'i lang tsho ni/ /mnyen lcug byu ru'i
'khri shing g.yo ldem gar/ /rjes chags chags pas srid pa'i
'ching gcod ma/ /'dod la rab dgyes mkha' 'gro'i gtso mor 'dud/
/stong nyid nam mkha'i bu

mo yid 'ong ma/ /srid zhi'i mdzes sdug spungs pa'i ngo mtshar
gzugs/ /dga' bskyed mthong na grol ba'i gzi byin can/ /legs byas
dwangs mtshor shar ba'i gtam 'di gleng/ /de yang nang du dug gsum

@040a @#/ /gyi rnam rtog me ltar 'bar zhing/ yon tan du bgrang du
dung ba nam mkha'i padmo'i mched zlar 'gyur kyang/ dam pa'i skye
bar bsnyad pa'i drang don sgro btags kyi ming tsam la brten nas/

tshul 'chos zol zog gis skal mnyam byis pa 'drid pa'i chos brdzu
mkhan/ shi gson gyi dkor nag sa 'gam rdo 'gam du byed pa'i 'du
shes gsum pa khri byang skye ming pa bdag /na tshod phra mo'i dus
nas rje btsun rdo rje rnal 'byor ma

la mchog tu dad cing/ 'di nyid yi dam du byed pa zhig nam 'ong
na snyam pa'i 'dun pa nar mar yod kyang/ bar skabs der grwa sar
slob gnyer bya rgyu sogs kyis ma grub cing/ rang lo bcu dgu pa
sa lug lo lha ram gyi

grwa skor dam bca' zin pa'i mjug thogs der/ mdo smad btsan po ho
thog thu'i sprul sku nas zhus ngor/ rdo rje chos dang zhal mi
gnyis pa'i rtsa ba'i bla ma rigs brgya'i khyab bdag ! rje pha
bong kha pa dpal bzang po mchog nas

dben gnas nyang brang chu bzang ri khrod kyi phran rang gi shag
gi tshoms chen du don gnyer can mi nyung tsam la yi dam 'di nyid
kyi smin byed sind+hu ra'i dbang bzhi byin rlabs dang/ grol byed
bskyed rim rnal 'byor bcu gcig /rdzogs

rim rtsa dbu ma'i rnal 'byor gyi zab khrid dang bcas pa snyan
brgyud tshad ma bzhi ldan gyi dam pa gong ma'i phyag len bzhin
phra bzhin du stsal skabs ngan bu yang 'dus pa'i tshom bu'i gral
du tshud pa'i skal bzang thob cing/ de nas

@040b bzungs rnal 'byor gyi gzugs brnyan tsam chags med du byed
khul ma zad/ khams bod yul gru du mar yang 'di'i smin grol gyi
'chad nyan lan mang du bgyis te/ rang gi slob bu lam 'dir yi dam
du byed pa'ang stong phrag re zung

brgal bas mtshon bshad sgrub kyi bag chags mi dman tsam 'jog rgyu
byung bar brten/ ji skad du/ rje d+harma badzra gyis/ rdo rje
btsun mo'i thugs rjes ring nas bskyangs/ /dpa' bo mkha' 'gro
rnams dang snying thag nye/ /

gsang lam bgrod pa'i cha rgyus mchis pa'i phyir/ /mkha' spyod
rig 'dzin tshogs gral thob tu re/ /zhes gsungs pa ltar/ rnal
'byor gsang mtha'i myur lam zab mo'i 'bab stegs las/ mkha' spyod
rig pa 'dzin

pa'i zhing du bgrod de/ bla ma he ru kaH dpal yab yum gyi zhal
bzang dngos su mjal nas/ mkha' spyod chen po'i go 'phang mngon
du byed pa'i bsod nams mngon par 'du bya ba'i slad/ ! rje btsun
rdo rje rnal 'byor ma'i

snang brnyan gser zangs las grub pa mda' tshad tsam pa 'di nyid
gsar du bzhengs pa'i rgyu 'gro/ bzo bo'i gla lto sogs ji song
rnams 'dir 'god gal mi che bas ma bkod la/ 'dir ni spyir bde bar
gshegs pa'i sku gzugs

rgyu bzang ngan dang/ bzo po legs nyes sogs ji 'dra yang/ tha na
byis pas rtsed mos phyir rtsig ngos su sen mos ri mor bris pa
tshun chad grub tsam nyid nas mchod pa'i zhing mchog tu gyur par
gsungs pas/ rang 

@041a @#/ /ngos nas bsod nams bsags zin rjes 'di nang 'di yod ces
grags 'dod kyi ngo so bsgrag dgos don ma mchis kyang/ bdag dang
bdag 'dra'i blo ngan rnam rtog can rnams

nang gzungs grags can gyi rnam grangs mang nyung sogs kyis rten
la gtsigs che chung gi rnam rtog 'ong gi 'dug pas phyi rabs dad
ldan mos gus spel ba'i gsos su 'di'i nang gzungs ji ltar bzhugs
pa'i tho rags rim tsam 'god

pa la/ gzungs la ring bsrel rnam pa bzhi bshad pa'i gtso bo chos
sku'i ring bsrel ni/ gzungs sngags kyi rigs rnams yin pas/ de ni
dbu mgrin thugs gsum gyi gzungs dang/ spyi sgos bla ma brgyud
pa'i

sngags/ 'di ga'i rang gzungs oM gsum ma/ bde mchog gi rin chen
rnam bzhi'i sngags/ gzhan yang rgyud sde bzhi'i gzungs sna
tshogs/ gzungs chen sde lnga/ mdo gzungs/ gso sbyong/ chos

skyong/ nor lha/ bkra shis sogs rgya shog la gser gyis bris pa
dang/ bar ma ci rigs pa gzungs 'bul gyi yig cha rnams las 'byung
ba ltar stod smad go rim ma 'chol bar bzhugs shing/ sangs rgyas
byang

sems/ bla ma rnams kyi sku rus sku sha sogs sku gdung gi ring
bsrel dang/ dbu lo/ phyag sen/ na bza' sogs sku bal gyi ring
bsrel dang/ 'phel gdung sogs yungs 'bru lta bu'i ring bsrel
rnams

@041b rgya bod dang/ grub mtha' so so'i sde mtshan ma 'dres par
bzhugs pa las/ thog mar rgya gar ba'i byin rten skor la bdag cag
gi ston pa sangs rgyas shA kya thub pa'i ring bsrel gter ston
'ja' tshon snying po'i gter byon rdog gcig /

bdag cag gi ston pa'i mkhar bsil bar shing gi rten 'dam/ rtsa
mchog grong du sangs rgyas kyi sku gdung zhugs su phul ba'i tsan
dan gyi sol ba'i dum bu/ ri bo ma la gnam lcags 'bar ba'i rtser
bdag cag gi ston pas

sprul pa'i bya khyung 'dab bzang gi sder mo/ nyan thos chen po
shA ri'i bu'i mkhar bsil gyi bar shing/ de'i snam sbyar/ gnas
brtan bcu drug gi zhabs chag /byang chub sems dpa' chos 'phags
kyi tshems/ byang

chub sems dpa' rtag tu ngu'i thugs/ dgra bcom pa nyi ma gung
pa'i gdung thal/ grub chen nag po spyod pa'i rus rgyan/ grub
chen te lo pa'i tshems/ te lo'i rus rgyan phab gta'/ paN chen nA
ro ba'i thugs

dam padma dmar po'i phyag phreng/ nA ro'i rus rgyan/ slob dpon
rin po che'i zab ber gter ma/ de'i dbu zhwa/ mkhan chen zhi ba
'tsho'i na bza'/ dge slong ma dpal mo'i lhung bzed shubs/ slob
dpon zla

ba grags pa'i gzigs dpe tA la'i lo mar bris pa'i gsang 'dus
rtsa rgyud rgya dpe/ bal bza' khri btsun gyi yab rgyal po 'od
zer ga cha'i gdung rus/ pha dam pa'i sgom thag /de'i zhabs
chags/ jo bo rje dpal ldan a

@042a @#/ /ti sha yar klung thang po che nas gsang stabs su byon
skabs 'on gyi gad pa gru nas dge bshes phu ston la rten skal du
gnang ba'i dbu zhwa/ kha che paN chen shAkya shri'i gzigs

dpe tA la'i lo mar bris pa'i brgyad stong rgya dpe/ kha che paN
chen gyi snam sbyar/ mnga' bdag me tri pa chen po'i rdo rdus
sgom thag /grub chen mi tra dzA ki'i rdo rdus sgom thag /bal po
a su'i rdo rdus sgom thag /

paNTi ta nags kyi rin chen gyi dbu zhwa/ ti phu gsang sngags
sdong po'i rus rgyan/ paN chen bi ma la mi tra'i zhabs chags/
bram ze skye ba bdun pa'i dbu thod bcas dang/ sa skya'i skor la/
'khon dkon mchog rgyal

po'i dbu skra'i rten 'dam/ sa chen gong ma rim pa'i dbu lo sne
bsdus/ sa chen kun dga' snying po'i dbu skra/ sa chen bsod nams
rtse mo'i bdud rtsi ril bu/ rje btsun grags pa rgyal mtshan gyi
gdung thal/ de'i

sku ber/ 'jam mgon sa paN gyi sku chos dang/ sgom thag /gdung
thal/ 'gro mgon chos rgyal 'phags pa'i thugs dang/ rdo rgyus
spang phebs/ dbang rdzas/ de'i rten 'dam/ chos rje bla ma

dam pa bsod nams rgyal mtshan gyi sku chos dang/ de'i sku rus/
bdag chen blo gros rgyal mtshan gyi bdud rtsi ril bu/ rje btsun
rdo ring pa'i tshe ril/ tshar chen blo gsal rgya mtshos gdung rus
dang/ dbu lo/ sku

@042b chos/ 'jam dbyangs mkhyen brtse'i dbang phyug gi gdung rus
dang/ bdud rtsi ril bu/ rdo rje 'chang dbang phyug rab brtan gyi
dbu lo dang/ gdung rus/ bka' 'gyur ba mgon po bsod nams mchog
ldan gyi dbu lo dang/

snam sbyar/ mkhyen rab byams pa ngag dbang lhun grub kyi dbu lo/
gnas sar kun dga' legs 'byung gi gtor zan/ sa lo 'jam dpal rdo
rje'i spur spos/ sa chen gyi rten 'dam dpe bral ma/ rje btsun
red 'da'

pa'i na bza'/ sa chen kun blo'i gtor zan dang/ dbu lo/ bdag chen
bsod nams rin chen gyi dam rdzas/ sa chen kun blos bdag med ma'i
dbang gnang skabs nang mchod dngos su khol ba'i phab gta' bcas/

bka' brgyud skor la/ mar pa lo tsA'i dbu klad/ de'i sku ber
seng ge mjing mnol/ rje btsun mid la'i ras gos dang/ sgom thag
/sras dar ma mdo sde rtas brdab nas 'das skabs kyi dbu klad
dang/ na bza'/

ras chung rdo rje grags pa'i dbu lo/ mnyam med bdag po lha rje'i
dbu zhwa/ de'i zhabs chag /'gro mgon gtsang pa rgya ras kyi
gdung rus rten 'dam/ 'gro mgon phag mo gru pa rdo rje rgyal po'i
zhabs chag /'bri gung

skyob pa'i gdung thal/ bla ma zhang gi zhabs chag /grub thob
gtsang smyon he ru kaHI dbu skra/ rgyal ba rgod tshang ba'i zhal
'gram/ 'brug pa kun legs kyi sha dor/ karma pa dus gsum mkhyen
pa'i na bza'/

@043a @#/ /karma pa de bzhin gshegs pa'i dbu skra/ karma pa rang
byung rdo rje'i snam sbyar dang/ zhabs chag /karma pa rol pa'i
rdo rje'i gdung rus dang/ dbu lo/ rtogs ldan

chos dpal bzang po'i shangs tshal/ zhwa dmar mkha' spyod pa'i dbu
lo bcas/ dge lugs gras/ 'jam mgon tsong kha pa chen po'i snam
sbyar/ zhabs chag /gsol sder/ phyag Tam pags pa/

mkhas grub rin po che'i snam sbyar/ 'dul 'dzin grags pa rgyal
mtshan gyi sku chos/ 'khor dag pa rnam brgyad gras gnas brtan
bzang skyong gi snam sbyar/ rje btsun shes rab sengge'i na bza'/
'jam dbyangs

chos rje bkra shis dpal ldan gyi dbu zhwa/ 'jam dbyangs dga'
blo'i sgom thag /mkhas grub nor bzang rgya mtsho'i gdung rus/
grub thob thar pa'i rgyal mtshan gyi sku chos/ khri chen ngag
dbang mchog ldan gyi gdung

rus/ phur lcog ngag dbang byams pa'i gdung rus/ 'on rgyal sras
bskal bzang thub bstan gyi dbu lo/ khri chen bstan pa rab rgyas
kyi dbu zhwa/ stag phu gar gyi dbang phyug gi dbu lo/ stag phu
padma badzra'i

dbu lo/ dwags po bla ma rin po che 'jam dpal lhun grub rgya
mtsho'i dbu lo/ khyab bdag rdo rje 'chang pha bong kha pa'i tshems
kyi cha shas dang/ dbu lo/ byang sems dkar dmar bcas/ bka' gdams

@043b sogs sna tshogs skor la/ rwa lo rdo rje grags pa'i sgom
thag /'brom ston pa'i gdung rus/ rnal 'byor dbang phyug dgon pa
ba'i gdung tsha/ lha bla ma ye shes 'od kyi sku sha/ dge bshes ma
chad ka ba'i na bza'/

rje btsun rgwa lo'i sgom thag /mkhas grub khyung po rnal 'byor
ba'i gdung rus/ mnyam med rin chen brtson 'grus kyi gdung rus/
bu ston thams cad mkhyen pa'i zhabs chag /zhwa lu pa rin chen
bsod nams mchog

grub kyi na bza'/ ma gcig lab sgron gyi zhabs chag /rgyal ba yab
sras kyi skor la/ rgyal ba dge 'dun grub kyi na bza'/ rgyal ba
dge 'dun rgya mtsho'i dbu zhwa/ rgyal ba bsod nams rgya mtsho'i na
bza'/ rgyal

ba yon tan rgya mtsho'i na bza'/ rgyal ba lnga pa'i sku ber dang/
spur tsha/ rgyal ba skal bzang rgya mtsho'i snam sbyar/ rgyal ba
thub bstan rgya mtsho'i byang sems dkar dmar/ paN chen blo bzang
chos rgyan gyi na

bza'/ paN chen blo bzang ye shes kyi dbu lo/ paN chen dpal ldan
ye shes kyi sku chos/ paN chen bstan pa'i nyi ma'i sku rags bcas
kyi cha shas re bzhugs shing/ de rnams phal cher ni rab byung
bcu drug pa'i chu

bya zla ba bcu pa'i tshes sum cu nyin ! rgyal mchog bka' drin zla
med sku phreng bcu gsum pa chen po mtha' ma'i mdzad pa bstan
rjes nas bzungs/ shing phag zla tshes par zla ngo ring/ sku gdung
rin po che'i gdung sgrub dang/

@044a @#/ /gdung khrus/ spur tshab rje 'bul/ gser sdong chen mo
dge legs 'dod 'jo rten dang brten pa yan lag dang bcas pa'i
gzungs 'bul rab gnas kyis mtha' brten pa'i

zhib cha gser sdong dkar chag tu gsal ba ltar gyi sri zhu skal
bzang gi bya ba lhur blangs skabs/ ! rgyal mchog sku na rim pas
thugs gtsigs su mdzad pa'i rten sgam ang grangs bzhi bcu brgal
ba rtse po tA la'i gzims chung

dga' ldan yang rtse'i gzims sbug tu dam 'byar gyis bzhugs pa
rnams ! rgyal tshab rwa sgreng ho thog thus dbus pa'i rgyal blon/
gsol gzim mchod gsum/ mkhan drung rnam pa bcas lhan rgyas nas
zhal dbye dang 'brel

bar gser sdong chen po'i gzungs gzhug nyer bsdogs mdzad skabs/
kho bo cag kyang skabs der zhabs zhur yod gshis rgyal blon rnams
nas nang rten mjal kha dang 'brel ba'i byin rten gyi sne mang
tsam nas cha shas re bgo skal

du gsol ras bka' drin stsal ba rnams kyi gras yin zhing/ de min
rnams kyang bla ma so so'i gdan sa'i rten khrod nas byung ba
sogs khungs ldan 'khrul bral nges rnyed 'ba' zhig bzhugs pa
lags// //