@#/ /zhabs brtan gsol 'debs dang myur byon smon tshig gi skor
phyogs gcig tu bkod pa bzhugs so/ /

@001a @#/ /oM swa sti/ gang gi mtshan tsam rna bar lhung ba'i
mod/ /mthar byed g.yul ngo 'joms pa'i dge mtshan can/ /bla ma
tshe dang ye shes dpag med

lhas/ /deng 'dir 'chi med tshe yi dngos grub stsol/ /rgya chen
pha mtha' mi mngon bloO gros mkhar/ /bzang po'i thugs bskyed nyi
ma stong 'bar bas/ /'gro ba'i miO shes rmongs mun

rabO sel ba'i/ /rje btsun bla ma bskal brgyar zhabs brtan shog
/bloO chen rgyal ba'i gshegs shul lam bzangO gnad/ /legs par
gsal nas mtha' yas gdul bya rnams/ /

kun shesO mchog rabO zhi ba'i grong khyer du/ /khrid pa'i sa
mkhan chen po zhabs brtan shog /mgon khyod bdag sogs gdul bya'i
dpung gnyen du/ /zhabs zung mi 'gyur g.yung

@002a @#/ /drung ngo bor brtan/ /zab dang rgya che'i chos kyi
bdud rtsi'i char/ /chad med 'bebs pa'i dga' ston rgyas gyur cig
/bslu med mchog gsum bden

pa'i byin rlabs dang/ /snang stong 'gal med grogs su 'thad pa
dang/ /bdag cag lhag bsam dag pa'i bden tshig gis/ /smon pa'i don
kun yid bzhin 'grub gyur cig / //

(ces mdo sngags bstan pa'i gsal byed gangs gling sku zhabs blo
bzang shes rab dpal bzang po'i zhabs brtan gsol 'debs 'di yang
zhabs gras rnams nas bskul ngor/ dga' shar khri byang sprul ming
pa blo bzang ye shes bstan 'dzin rgya mtshos sbyar ba'o// //)

! bloO bzangO rgyal ba'i legs gsung ba gam rtser/ /bshadO sgrubO
chos kyi rgyalO mtshanO 'dzin mkhas pa'i/ /dpal ldan bla ma 'gro
ba'i mig gcig pu/ /mi mngon dbyings nas bu la

@002b gzigs su gsol/ /skal bzang yid kyi pad tshal bzhad pa'i
gnyen/ /khyod kyi gsang gsum nyin mor byed pa'i dpal/ /chos
dbyings nub ri'i phag tu gzhol gyur na/ /bdag cag mun sel 'od

snang su la re/ /snyigs dus skye bos brlang por spyod do zhes/
/rang nyid gcig pur zhi bder zhugs mdzad na/ /grangs med rgyal
ba'i mdun sar mtha' yas 'gro/ /sgrol ba'i dam bca'i tshig de gang

du thal/ /slar yang bdag cag gdul bya'i kun da'i tshal/ /rgyas
phyir dmigs med thugs rje'i nam mkha' las/ /dri bral sprul sku'i
zla ba gzhon nu'i 'dzum/ /myur bar tshes pa'i dga' ston stsal du

gsol/ /mu med rab 'byams zhing na bzhugs pa yi/ /rgyal dang de
sras srung mar bcas pas kyang/ /ji ltar smon pa'i don rnams ma
lus pa/ /mngon du 'gyur ba'i bkra shis dam pa stsol// //

(ces pa 'di ni rgyal thang bka' 'gyur mchog sprul rin po che
dgongs pa gzhan don du gshegs par myur byon gsol 'debs 'di 'dra
zhig dgos zhes mdzod pa nas bskul ngor khri byang sprul ming pa
blo bzang ye shes bstan 'dzin rgya mtshos bris pa'o//) //

! oM swa sti/ mtshan dpe'i 'od snang stong 'bar mdzes sdug sku/
/dran pa'i mod la tshe dang ye shes kyi/ /dngos grub 'dod pa 'jo
ba'i dbang gi rgyal/ /bde ldan zhing gi mgon pos dge legs

@003a @#/ /stsol/ /ngagO gi dbangO phyug bloO bzangO dgongs pa'i
mdzod/ /phan bde'i dpyid du phye ba'i gragsO paO dkar/ /rgyalO
sras bye ba'i dbus na rab mdzes pa/ /mtshanO ldan rje

btsun bla ma zhabs brtan shog /ngagO dbangO blo chen rgyal ba'i
lung rtogs kyi/ /bstan pa'i khang bzangO mthon po'i ba gam
rtser/ /snyan par gragsO pa'iO rgyalO mtshanO 'dzin pa la/ /zla
med dpal ldan bla ma zhabs brtan

shog ;sku tshe 'gyur med rdo rje'i gshis su brtan/ /thos bsam
sgom pa'i nyams pa zhes mtha' ru son/ /rnam gsum mkhas pa'i bya
bas blo bzang bstan/ /ris med gdul bya'i dpal du gsal byed shog
/gang zhig

brten na bslu ba med pa'i skyabs/ /dkon mchog gsum gyi bden pa'i
byin rlabs dang/ /bdag cag lhag bsam dag pa'i bden tshig gis/
/smon pa'i don rnams yid bzhin 'grub gyur cig /dpal ldan bla

ma'i rnam par thar pa la/ /skad cig X X X skye ba kun X X X (ces
rgyal thang bka' 'gyur mchog sprul rin po che ngag dbang blo
bzang grags pa rgyal mtshan dpal bzang po'i zhabs brtan smon tshig
'di 'dra zhig dgos zhes phyag mdzod blo bzang nas bskul ngor/

khri byang sprul ming pa blo bzang ye shes bstan 'dzin rgya
mtshos g.yar phral tsam du rgyal thang sum rtsen gling gi gtsug
lag khang thog tu sbyar ba'o//) // ! oM swa sti/ bloO ldan skal
bzangO gdul bya'i mkha' dbyings su/ /'phrinO lasO nyin byed 'od
brgya

@003b 'bar ba'i gzis/ /rnamO mang rgyalO ba'i mdzad pa cig car
du/ /sgrub mkhas dpal ldan bla mar gsol ba 'debs/ /lung rtogs
yal ga 'bum phrag grol ba'i rtser/ /kun phan 'bras bu'i khur
gyis rab dud cing/ /

bstan 'gro'i nags mtha' mdzes pa'i rgyan gcig pu/ /rje btsun
dpag bsam ljon pa gang du thal/ /shed ma bye ba'i byis pa chung
ngu dag /mya ngam thang du ma yis bor ba bzhin/ /bdag mar rtse
gcig mos pa'i bu slob rnams/ /

khyod thugs snying rje'i phyag gis 'dor phod dam/ /des na bdag
sogs skal ldan bung ba'i khyu/ /dam chos sbrang rtsi'i ro yis
tshim pa'i slad/ /rjes chags gser gyi rwa ba yangs po nas/ /mchog
sprul pad dkar

gzhon nu myur du 'dzum/ /gang zhig brten na bslu ba med pa'i
skyabs/ /rgyal sras srung mar bcas pa'i thugs rje dang/ /rten
cing 'brel 'byung bden pa'i nus mthu yis/ /smon pa'i don kun
gegs med 'grub

gyur cig / //(ces pa 'di ni yang steng rdze smad rin po che rje
btsun blo bzang 'phrin las rnam rgyal dpal bzang po dgongs pa
gzhan don du gshegs par brten/ rgyar mchog sprul gyis gtsos bu
slob thun mong nas myur byon gsol 'debs 'di 'dra zhig dgos zhes
bskul ngor/ khri byang sprul ming pa blo bzang

ye shes bstan 'dzin rgya mtshos sug bris su bgyis pa'o//) // !
oM swa sti/ rab mdzes mthong na grol ba mtshan dpe'i sku/ /zab
dang rgya che'i chos tshul 'doms pa'i gsung/ /ji lta ji snyed
gnas kun gzigs

@004a @#/ /pa'i thugs/ /tshe mtha' yas pa'i dpal des shis brtsol/
/bdag cag rnams kyi legs byas gser gyi gzhir/ /dmigs med thugs
rje'i rtsa ba rab brtan cing/ /lung

rtogs 'bras bu'i khur gyis mdzes pa yis/ /rje btsun dpag bsam
ljon pa 'khrungs 'di rmad/ /tshogs gnyis nam mkha' dag pa'i klong
yangs nas/ /byamsO brtse'i cha rdzogs mdzad paO bsil ba'i zer/
/'bum

phrag lhung ba'i skal ldan sa mos tshal/ /dgeO ba'i 'dzum pa
'phelO byed zhabs brtan shog /gang gi thugs bskyed zla ba'i ma
ma che'i/ /'phrin las rlabs kyi phreng ba g.yo ba'i dbus/ /bdag
cag slob bu dra ba'i rkang ldan

rnams/ /dga' ba'i mgrin rnga brdung zhing rtsen gyur cig /bla ma
yi dam rnams kyi byin rlabs dang/ /dam can chos skyong srung
ma'i 'phrin las kyis/ /yid la brnag pa'i re ba'i 'bras bu kun/
/'bad pa

med par lhun gyis 'grub gyur cig / //(ces pa 'di ni dge slong
blo bzang 'phel rgyas nas rten bcas bskul ngor/ khri byang sprul
ming pa blo bzang ye shes bstan 'dzin rgya mtshos sbyar ba/ 'dod
don yid bzhin 'grub pa'i rgyur gyur cig /'di rang lo bco lnga'i
skabs su brtsams gshis

legs rgyu cher mi 'dug /) // ! myur byon gsol 'debs don ldan
tshangs pa'i rnga sgra zhes bya ba bzhugs so/ /oM swa sti/ rgya
mtsho'i rdul rnyed mkha' khyab zhing gi dpal/ /stobs bcu mnga' ba

@004b sras dang slob mar bcas/ /thams cad smon pa'i dbang por
nyer gsol na/ /don mthun bden pa'i dbyangs kyis skyong gyur cig
/rgya chen bloO gros dkyil 'khor yongs rdzogs shing/ /mkhas
btsun bzangO po'i 'od

dkar phreng ba can/ /kun mkhyenO lam bzang rabO gsal chos kyi
rje/ /mtshungs med smra ba'i zla ba khyod la 'dud/ /khyod kyi
gzugs sku mtshan dpe'i dbang po'i gzhu/ /chos dbyings kun gsal
dbyings su nyer bsdus

kyang/ /da dung sngon gyi zhal bzhes ma bsnyel bar/ /mchog sprul
bdud rtsi'i lang tsho myur bar ston/ /mdo sngags gzhung brgyar
mkhas pa'i sdong bu la/ /sdom gsum khrims kyis btsun pa'i 'dab
stong grol/ /

bzang po'i lhag bsam sbrang rtsi'i zil mngar can/ /mchog sprul
pad dkar 'dzum zhal myur du phyes/ /bcu phrag rig gnas mang thos
mkha' dbyings su/ /bsam sgom shes rab chu yi lcid kyis non/
/'chad

rtsod rtsom pa'i sgra brgya dgod pa yi/ /ngo mtshar sprul sku'i
char sprin myur bar dkrigs/ /sku tshe mi 'gyur rdo rje'i gshis su
brtan/ /rlabs chen mdzad 'phrin gong ma'i rjes su bsnyegs/ /bdag
cag pu slob dam

tshig gtsang ma yis/ /khyod mnyes bgyid pa'i skal bzang myur thob
shog /rab 'byams sras bcas rgyal ba'i byin mthu dang/ /chos nyid
rten cing 'brel 'byung mi bslu'i stobs/ /dam can chos skyong
srung ma'i

@005a @#/ /'phrin las kyis/ /smon pa'i don kun yid bzhin 'grub
gyur cig / //(ces pa 'di yang 'brog ri po che dga' ldan rnam par
rgyal ba'i gling gi shar rtse'i mkhan khrir lan gnyis su phebs
shing/ sku tshe'i smad du

rtse gcig sgrub la gzhol te thun bzhi'i rnal 'byor chag med du
bskyangs pa sogs thos bsam sgom gsum la ma bral ba'i rnam thar
can phu khang mkhan zur rin po che blo bzang mkhyen rab dpal
bzang po'i zhal snga nas lcags sbrul zla 2 tshes 30 nyin dgongs
pa chos dbyings su thim skabs/ gang gi zhabs 'bring pa nyag sde
las

'dzin blo bzang dngos grub nas myur byon gsol 'debs shig dgos
zhes bskul ba'i ngor/ khri byang sprul ming pas zla 3 tshes 7 rje
btsun bla ma dam pa de nyid 'od gsal chos sku'i thugs dam las
bzhengs pa'i nyin sbyar ba smon pa yid bzhin 'grub par gyur cig
/) //

! oM swa sti/ byin rlabs bdud rtsi'i zegs ma phra mos kyang/
/mthar byed tsha gdung sel ba'i 'od dkar can/ /tshe sbyin yid
'phrog ston ka'i ri dwags 'dzin/ /'chi med grub pa'i lang tshos
srid 'di srungs/ /

lung rtogs bstanO pa 'dzinO la ngagO gi dbangO/ /bloO ldan skal
bzangO dga' bskyed legs bshad gter/ /rgyal ba'i gdung 'tsho ba
mtshanO ldan sprul pa'i gar/ /bstan dang 'gro ba'i nyer 'tshor
zhabs brtan shog /zab

don 'chad pas bstanO pa'i snying po 'dzinO/ /rtsod ngagO rig
pa'i dbangO phyug chos grags bzhin/ /bloO gros sprin bzangO
rtsom pa'i gru char 'bebs/ /rgyalO sras mtshanO dpe'i ngo mtshar
zhabs brtan shog /dri bral rnam

@005b dag tshul khrims pad ma'i tshal/ /gzhung lugs mang thos 'dab
stong ge sar ngoms/ /'chad rtsod rtsom pa'i sbrang rtsi'i zil
mngar can/ /skal bzang bung ba'i gsos su brtan gyur cig /thugs
bskyed ma la ya yi skyed

tshal las/ /gsang gsum dpal gyi dum bu'i 'khri shing gi /rlabs
chen mdzad pa'i yal ga 'bum dkrigs pas/ /dge legs grib bsil rtag
tu 'bebs gyur cig /slu med bla ma yi dam mchog gsum dang/ /

dam can chos skyong srung ma'i 'phrin las kyis/ /bdag gi smon
pa'i don kun bde blag tu/ /myur 'grub bkra shis snang bas khyab
gyur cig / //(ces pa 'di yang bstan pa'i gsal byed a tsa sprul
sku bstan 'dzin ngag dbang blo bzang rgyal mtshan

gyi gyi zhabs brtan gsol 'debs 'di 'dra zhig dgos zhes gang gi
mdzod pa las byed mgrin gcig nas lha reg rin chen gnyis pa'i
tsham bu bcas bskul ngor skyabs mgon srid skyong yongs 'dzin stag
brag rin po che nas rtsal gyur bris//) // ! legs tshogs

kun gyi rtsa ba bla ma dang/ /yab gcig smra ba'i khyu mchog
tsong kha pa/ /sras dang slob mar bcas pa'i zhabs sen la/ /rtag
tu dwang ba'i sems kyis phyag 'tshal lo/ /dngos su bshams dang
yid kyi sprul pa'i rdzas//

bsam yas mchod pa'i sprin gyi phung po dang/ /khyad par gser
zhun lung dang rtogs pa la/ /thos bsam sgom dang 'chad pas dgyes
pa bskyed/ /thog ma med nas gzhi lam 'bras bu dang/ /pha ma rigs
drug 

@006a @#/ /nam mkha'i mtha' mnyam las/ /sgrib par gyur pa'i dngos
po ci bsags pa/ /snying gi khong nas 'chags shing sdom sems nod/
/sangs rgyas kun dngos 'jam

mgon chos kyi rje/ /blo bzang rgyal ba rgyal sras bye ba'i dpal/
/dge ldan bka' brgyud gser ri'i phreng ba dang/ /dam pa rnams
kyi mdzad la yi rang ngo/ /gang zhig 'bar bas rmongs pa'i mun
'joms shing/ /phan dang

bde ba'i chu gter 'phel 'gyur ba/ /legs gsung zla ba srid pa'i
sgron me yi/ /'od snang mdzod ces 'gro ba'i mgon la bskul/
/rkang gnyis gtso bo ston pa lha yi lha/ /phyogs bcur bzhugs
pa'i bder gshegs

sras dang bcas/ /'khor ba'i dug mtsho ma bcil de srid du/ /mtshan
dpe'i mdzes sdug bsdu ba med par gsol/ /de las thob pa'i dge ba
dri ma med/ /gangs ri'i tog dang dung gi 'phros 'dra bas/ /mu

mtha' bral ba'i ma rnams bde zhing skyid/ /phan mdzad dam pa'i
bzhed dgongs 'grub gyur cig /bdag kyang yang srid kun tu dal
ba'i rten/ /rigs rus gzugs dang dbang phyug tshig btsan sogs/
/mtho

ris 'byor pa ma tshang med pa can/ /gcig nas gcig tu rgyud pas
mdzes gyur cig /de dag tu yang blo bzang rgyal ba'i bstan/ /legs
par bshad pa'i 'o mtsho 'dir zhugs nas/ /rgyal kun dgongs pa ma

@006b nor dbyig gi rtses/ /mtha' yas 'gro ba'i re skong nyid
gyur cig /de las bdud rnams zug rngu ldang byed pa/ /rmad byung
theg pa mchog gi bzhon pa yis/ /ring por mi thogs kun tu 'od
kyis/ /mkha' la lding

ba'i 'phrul gyis gnon gyur cig /khyad par gangs ri'i mgon po mig
mi 'dzum/ /thub bstan rgya mtsho bskal brgyar mi g.yo zhing/
/yid 'phrog mdzad pa'i cha shas gcig gis kyang/ /'jig rten ma
lus dge ba'i

rgyur gyur cig / //(ces yang dag pa'i don la smon pa nges legs
grong du bsu ba'i shing rta zhes bya ba 'di ni/ rigs pa smra ba
rdo bsam dge bshes blo bzang ye shes nas bskul ngor/ sa gsum na
'gran pa'i zla thams cad dang bral ba'i smra ba'i khyu mchog
chos kyi rgyal po tsong kha pa chen po'i slob brgyud

du skyes pa'i khri byang sprul ming pa blo bzang ye shes bstan
'dzin rgya mtshos g.yar phral du sbyar ba'i dus ni rang lo bco
brgyad pa sa rta lo'i cho 'phrul zla ba'i tshes dge ba la'o//) //
! zhabs brtan gsol 'debs 'chi med grub pa'i bden

tshig ces bya ba bzhugs so// lhun grub 'og min chos kyi pho brang
nas/ /mkha' khyab dag pa rab 'byams 'khor lo'i sprin/ /spro
zhing bsdu mdzad bde mchog rdo rje chos/ /bka' drin gsum ldan
rtsa ba'i

bla ma la/ /shugs drag snying nas gus pas gsol 'debs na/ /blo
bzang ring lugs phyogs mthar spel ba'i gnyen/ /'khor lo'i mgon
po ngag dbang skal bzang gi /sku tshe'i bar chad bzlog par byin

@007a @#/ /gyis rlobs/ /rnam kun mchog ldan e dbyings phyag rgya
che/ /'jo sgeg mtshan dper rdzogs pa'i rnal 'byor ma/ /grub pa'i
dbang phyug nA ro ta pa'i zhabs/ /

mchog gi sar gshegs pham mthing sku mched la/ /shugs drag XX blo
bzang ring lugs XX 'khor lo'i mgon po XX sku tshe'i bar chad XX
klog skya shes rab brtsegs dang blo gros grags/

sa chen kun snying rje btsun bsod nams rtse/ /grags pa rgyal
mtshan sa paN kun dga'i mtshan/ /'gro ba'i mgon po chos rgyal
'phags pa la/ /shugs drag X blo bzang ring lugs X 'khor lo'i
mgon

po X sku tshe'i bar chad X zhang ston dkon dpal na bza' brag phug
pa/ /bsod nams rgyal mtshan chos rje yar klung pa/ /mkhan chen
rgyal mchog 'jam dbyangs nam mkha' dang/ /bdag chen blo gros

rgyal mtshan dpal bzang la/ /shugs drag X blo bzang X 'khor lo'i
X sku tshe'i X rdo ring kun bzang cho kyi nyi ma dang/ /tshar chen
blo gsal 'jam dbyangs mkhyen brtse'i dbang/ /bslab

gsum rgyal mtshan dbang phyug rab brtan dpal/ /bsod nams mchog
ldan mkhan chen zhwa lu bar/ /shugs drag X blo bzang X 'khor
lo'i X sku tshe'i X mkhyen rab byams pa ngag dbang lhun

@007b grub dang/ /rmor chen chos rje gnas gsar kun dga' legs/
/blo gsal phun tshogs bstan 'dzin 'phrin las zhabs/ /bka' 'gyur
bla ma dga' ldan bstan 'dzin la/ /shugs drag X blo bzang X 'khor
lo X

sku tshe'i X 'gro ba'i 'dren mchog dga' ldan dar rgyas dang/
/mkhas grub chen po d+harma b+ha dra'i zhabs/ /zab gsang mdzod
'dzin blo bzang chos 'phel dpal/ /rnal 'byor dbang phyug blo
bzang bzod pa la/ /

shugs drag X blo bzang X 'khor lo'i X sku tshe'i X thog mtha'
dbus med kun khyab brjod bral dang/ /ro mnyam lhan skyes 'od
gsal rdo rje'i khams/ /ngo mtshar mdzes sdug mchog gi dga' ma'i

gzugs/ /lhag pa'i lha mchog rdo rje'i rnal 'byor mar/ /shugs
drag X blo bzang X 'khor lo'i X sku tshe'i X sa gsum 'di na gang
gi mtshan tsam yang/ /bgrang yas bskal par rnyed dka'i rgyud

sde'i bcud/ /sangs rgyas las kyang dkon pa'i gdams pa mchog /rdo
rje btsun mo'i lung gi dam chos la/ /shugs drag X blo bzang X
'khor lo'i X sku tshe'i X chos kyi 'khor lo'i bde ba'i bcud chags

pa'i; ;rigs bzhi'i DA ki sum cu rtsa gnyis sogs/ /myur ba'i
shugs kyis sgrub la mchog rtsol ba'i/ /grangs med dpa' bo mkha'
'gro'i tshogs rnams la/ /shugs drag X blo bzang X 'khor

@008a @#/ /lo'i X sku tshe'i X dran pa'i mod la phyi nang bar gcod
kun/ /dbyings su bzlog mdzad mthu stobs rdzu 'phrul can/ /bka'
nyan gur zhal zhing skyong yab yum sogs/ /

dam can rdo rje'i chos srung tshogs rnams la/ /shugs drag X blo
bzang X 'khor lo'i X sku tshe'i X phyogs bcu'i zhing na rdo rje
cing cing

mos pas rim gnyis bzlas brjod la/ /gus brtson tshig tsam 'dzin pa
yan chad la/ /shugs drag X blo bzang X 'khor lo'i X sku tshe'i X
gang thugs bde chen gcig pu'i rnam rol las/ /yongs shar

byang chub phyogs kyi bkod pa ni/ /ngo mtshar rdul rnyed rgya
mtshor 'byams klas pa'i/ /rten dang brten par shar ba'i dkyil
'khor la/ /shugs drag snying nas gus pas gsol 'debs na/ /blo
bzang ring lugs

phyogs mthar spel ba'i gnyen/ /'khor lo'i mgon po ngag dbang
skal bzang gi /sku tshe'i bar chad bzlog par byin gyis rlobs/ /de
ltar rgyal ba kun yum rnal 'byor ma'i/ /rtsa brgyud bla ma yi
dam chos srung sogs/

phul byung skyabs kyi dam pa mchog rnams la/ /zol med snying nas
gus pas gsol 'debs na/ /'khrul bral blo bzang rgyal bstan dus
mtha' 'dir/ /lhag par spel ba'i snying stobs dam bca'i khur/
/'degs

@008b bzod thugs rje'i go cha ches sra ba'i/ /'gro ba'i bla ma
chen po zhabs brtan shog /chos sku'i klong du skye 'chi kun bcom
pa'i/ /gsang gsum 'gag med rdo rje'i snying po'i rlabs/ /srid
zhi'i mchod sdong gcig pur lhun chags

pa'i; ;ngo mtshar kun khyab rgyun chad med par shog /ring nas yid
la brnag pa'i re ba'i don/ /'di dang bar do skye ba'i phreng ba
ru/ /bde legs rtsa ba dam pa'i mgon po yis/ /nam yang 'bral med
rjes su 'dzin

par shog /mi shes bag med nyon mongs dbang gyur pas/ /sgo gsum
sdig ltung spyi dang khyad par du/ /bshes la log par sgrub pa'i
las ngan kun/ /myur sbyangs dam pa'i snod du rung bar shog
/snang grags dran

rig phyi nang bla ma yi/ /gsang gsum rdo rje'i rol par legs shar
nas/ /byin rlabs srog gi rtsa ba brtan pa las/ /sku gsum rang
zhal mi ring mjal bar shog /mdor na 'dis mtshon legs byas bsdoms
pa'i

mthus/ /khyab bdag bla ma mchog gi gsang ba gsum/ /'gyur med rdo
rje'i chos su brtan pa sogs/ /smon pa'i don kun yid bzhin 'grub
par shog / //(ces 'jam mgon rgyal ba gnyis pa'i bstan pa rin po
che snyigs ma'i dus 'dir phyogs

dang phyogs su spel ba la rlabs po che'i thugs bskyed kyi mthu
dus su smin pa'i gsum ldan rdo rje 'dzin pa chen po gro mo bla
ma rin po che ngag dbang skal bzang dpal bzang po'i zhal snga
nas kyi tshul bstan sku tshe'i bar chad zhi zhing zhabs pad brtan
pa'i slad rje btsun rdo rje rnal 'byor ma'i rtsa brgyud kyi bla
ma yi dam sogs skyabs yul

@009a @#/ /rnams la gsol ba 'debs pa'i tshigs su bcad pa 'di 'dra
zhig dgos zhes dad brtson lhag bsam ma smad pa gro chos blo
bzang mgon po lags nas lha reg rin chen gnyis pa'i tshom bu bcas
nan cher bskul ba don yod par bya ba'i phyir dang/ rang nyid
kyang mgon

po gang la mchog tu dad pas mtshams sbyar te/ khri byang sprul
ming pa blo bzang ye shes bstan 'dzin rgya mtshor 'bod pas/ chu
sprel tha skar zla ba'i tshes bcu nyin rdzogs par sbyar ba rje
btsun bla ma'i zhabs pad srid mthar brtan pa'i rgyur gyur cig /)
//

! myur byon gsol 'debs lha yi rnga chen zhes bya ba bzhugs so//
oM swa sti/ rigs gsum mtshan dpe'i sgyu 'phrul tsong kha pa/
/dbyings kyi yum chen rdo rje phag mo sogs/ /skyabs yul rab
'byams zhing

gi rdul snyed kyis/ /bdag sogs yid kyi re ba 'grub par mdzod/
/ngag gi 'dod 'jo 'jam mgon rgyal ba'i dbang/ /mtha' yas gdul
bya'i skal bar mtshams pa'i skur/ /yongs bzhengs mkhas btsun

bzang po'i rnam thar can/ /rje btsun bla ma'i zhabs la gsol ba
'debs/ /mang thos gdams par shar ba'i man ngag la/ /dbang 'byor
legs bshad dri za'i rgyud kyi glus/ /skal bzang theg mchog kun

dga'i dus ston cher/ /'god mkhas rje btsun bla mar gsol ba
'debs/ /phan bde bdud rtsi'i thegs 'phreng 'bum 'dzag pa'i/
/mtshungs med bshes gnyen smra ba'i zla ba khyod/ /zhi bde chu
'dzin phag tu

@009b gzhol gyur na/ /thub bstan ku mud dga' tshal su yis skyong/
/blo bzang bstan pa'i rgyal mtshan su zhig 'dzin/ /mtha' khob mun
sel snang ba su yis sbyin/ /thar 'dod skye bo'i sa mkhan su la
re/ /nyam thag

bdag cag blo gtad su la 'cha'/ /sngon tshe bgrang yas rgyal dang
de sras rnams/ /dbang du gsol nas sems can gcig tsam gyi/ /don
slad bskal pa'i phyi mthar gnas dgos kyang/ /skyo med brtson par

dam bca'i don dgongs la/ /tshogs gnyis rnam par yangs pa'i rgya
mtsho las/ /bskyed bsrings gzugs sku pad dkar 'dab brgya'i ljon/
/dge legs sbrang rtsi'i zil mngar rtag 'jo ba/ /skal bzang bung
ba'i

gsos su myur bar 'dzum/ /mang thos lung gi lus stobs rab rgyas
shing/ /nyams dang rtogs pa'i myos bum mngon par mtho/ /don ldan
'phrin las rab dkar mche bas brjid/ /yang sprul spos kyi glang
po myur

byon shog /rmad byung thos bsam sgom pa'i rtsa ba brtan/ /'chad
rtsod rtsom pa'i me tog 'bum du dkrigs/ /kun phan yal 'dab
phyogs kyi bla re bres/ /mchog sprul yongs 'du'i 'khri shing
myur byon shog /

gsang gsum 'dzad med ngo mtshar 'khor lo'i sprin/ /rnam rol mtshan
dpe rgya mtsho'i skur bzhengs pa'i/ /dge mtshan kun khyab 'gro
ba'i nyer mtsho'i dpyid/ /blo bzang bstan pa'i dpal du smin gyur
cig /

@010a @#/ /dpon slob 'dus pa'i tshom bu chabs cig par/ /mi 'bral
dam tshig gtsang ma'i brtul zhugs kyis/ /bstan 'gro'i phan bde
rlabs chen skyong ba yi/ /skal bzang nam

yang mi nub rgyas gyur cig /bla ma yi dam dam can rgya mtsho
dang/ /kun khyab chos dbyings spros bral zab mo'i mthu/ /bdag
cag dad dam gtsang ma'i bden mthu yis/ /smon pa'i don kun yid
bzhin 'grub gyur

cig / //(ces pa 'di yang gro mo dge bshes rin po che ngag dbang
skal bzang zhes rje bla ma tsong kha pa chen po'i bstan pa rin
po che dus mthar spel ba la rlabs po che'i thugs bskyed kyi mthu
dus su smin pa'i sems dpa' chen po de nyid spyi sgos bsod nams
kyi skal ba dman pa'i mthus zhing 'dir gzugs sku'i

bkod pa nye bar bsdus pa na/ dad brtson ma smad pa gro chos blo
bzang mgon po lags nas myur byon gyi smon tshig 'di 'dra zhig
dgos zhes bskul zhing/ slar yang skyabs rje de nyid kyi zhabs
'bring dang/ yon mchod thun mong nas bskul ba'i ngor/ dga' ldan
khri byang sprul ming pa blo bzang ye shes bstan 'dzin rgya mtsho

nas dwang bas bris pa de de bzhin du 'grub par gyur cig /) // !
zhabs brtan smon tshig 'chi med bdud rtsi'i char 'bebs zhes bya
ba bzhugs so/ /oM swa sti/ rgyal kun 'phrin las zla ba zhun
ma'i

rgyun; ;'jo sgeg mtshan dper 'khyil ba'i g.yo ldan ma/ 'chi med
bdud rtsi'i rlabs phreng 'bum spros pa'i/ /dge legs pha mtha'
yas pas srid 'di srungs/ /brtse chen khyung sngon skyes kyis
nyer bsus pa'i/ /

@010b rnam dag tshogs gnyis bye ba'i me shel khams/ /mchog gi
sprul sku nyi ma gzhon nu'i 'dzum/ /bdag cag bsod nams dgung
mkhar shar 'di rmad/ /dri med rgyal bstan snying po spel ba'i
gnyen/ /ngag gi dbang phyug lung

rtogs chos kyi mdzod/ /rgyal sras dpa' bo mtshan dpe'i zlos gar
can/ /skal bzang 'gro ba'i dpyid du zhabs brtan shog /rgyal ba'i
bzhed gzhung ma smad blo bzang bstan/ /ngag rig mkhas tshul gsum
gyis 'dzin la

dbang/ /chos kyi sgron me bsam 'phel dbang gi rgyal/ /mtshan ldan
rje btsun bla ma zhabs brtan shog /mdo sngags gzhung lugs mang
thos sdong bu la/ /bsam byung shes rab me tog phang phung
dkrigs/ /rtse gcig

sgom pa'i ze'u 'bru gsar pa'i phreng/ /rnam par spud pa'i dge
mtshan gsal gyur cig /rab 'byams gzhung brgyar mkhas pa'i rdzing
bu'i ngogs/ sgo gsum khrims kyis btsun pa'i dbu bdag do/ /gzhan
phan 'ba'

zhig gzhon pa bzang po'i rlabs/ /chad med srid mtha'i bar du
'grems gyur cig /'chad pa zab don dbyar skyes rnga sgra sgrogs/
/rtsod ngag rigs pa'i glog gi phreng ba g.yo/ /rtsom pa legs
bshad gru char 'bebs

pa'i sprin/ /gdul bya'i zhing bzang dpyid du smin gyur cig /sku
tshe mi shigs rdo rje'i khams su brtan/ /rlabs chen mdzad 'phrin
kun gsal 'khor lor khyab/ /dpon slob yon mchod mi 'bral dam tshig
gtsang/ / 

@011a @#/ /bstan 'gro'i phan bde yun ring skyong gyur cig /rgyal
sras rgyal ba'i rmad byung thugs rje dang/ /bsten cing mchod
pa'i bstan srung rgya mtsho'i mthu/ /bdag cag lhag bsam

dag pa'i bden stobs kyis/ /smon pa'i don kun yid bzhin 'grub
gyur cig / //(ces pa 'di yang mdo smad smar khams klur dgon gyi
grags pa mchog sprul rin po che rgyal bstan ngag dbang chos kyi
rgyal mtshan dpal bzang po'i zhabs brtan smon tshig 'di lta bu
zhig dgos zhes gang

gi mdzod pa dge slong ngag dbang chos grags nas lha reg rin chen
gnyis pa'i tshom bu bcas bskul ba'i ngor dga' ldan khri byang
sprul ming pa blo bzang ye shes bstan 'dzin rgya mtshos mchog tu
dang ba'i yid kyis smon pa de de bzhin du 'grub par gyur cig /)
// ! rgya mtsho'i rdul

snyed mkha' khyab zhing gi dpal/ /stobs bcu mnga' ba sras dang
slob mar bcas/ /thams cad smon pa'i dpang por nyer gsol na/ /don
mthun bden pa'i dbyangs kyis skyong gyur cig /lnga ldan yeO
shesO nor bu chu shel

khams/ /byamsO brtse'i ri dwags mtshan ma 'dzinO pa can/ /bstanO
'gro'i ku mud bzhadO pa'i gnyen gcig pu/ /rgyalO kun mtshanO
dpe'i tshom bu zhabs brtan shog /yeO nas shesO bya'i de nyid
gzigs pa'i rtsalO/ /

byamsO chen phan bde'i 'dod paO 'jo ba'i gter/ /thub bstanO
'dzinO pa'i gtsug rgyan dbang gi rgyalO/ /mtshanO ldan rje btsun
bla ma zhabs brtan shog /mdo sngags gzhung brgyar mkhas pa'i
sdong bu la/ /sdom gsuM

@011b khrims kyis btsun pa'i 'dab stong grol/ /bzang po'i lhag
bsam sbrang rtsi'i zil mngar can/ /skal bzang bung ba'i gsos su
zhabs brtan shog /bcu phrag rig gnas mang thos mkha' dbyings su/
/bsam sgom shes rab

chu yi lcid kyis non/ /'chad rtsod rtsom pa'i sgra brgya dgod pa
yi/ /sngon med chu 'dzin dbang po zhabs brtan shog /sku tshe mi
'gyur rdo rje'i gshis su brtan/ /rlabs chen 'phrin las phyogs
kyi 'khor lor khyab/ /bdag cag

bu slob dam tshig gtsang ma yis/ /khyod mnyes bgyid pa'i skal
bzang rgyas gyur cig / //(ces pa 'di yang mkhas btsun bzang po'i
dpal gyis 'jam mgon bstan pa'i snang byed dam par gyur pa skyabs
rje rmog lcog rin po che'i zhabs brtan gsol 'debs 'di 'dra dgos
zhes

dad ldan bal po dznyA na man seng nas bskul ba'i dor/ sku bcar
mtshan nad sa dga' ldan ni byang sprul ming pas sbyar ba'o//) //
! rab 'byams zhing gi rgyal ba'i 'phrin lasO kun/ /kunO bzang
mtshan dpe'i ri mor rdzogs pa'i gzugsO/ /

gzugsO 'dzin dga' bskyed rdo rje tshe yi dpalO/ /dga'O ldan yid
bzhin 'khor los dge legs stsol/ /rnamO gnon mi 'jigs stobs bcu'i
rtsal rdzogs pa'i/ /rnamO dag 'od gsal chos dbyings sgyu ma'i
gar/ /rnamO

mang gdul bya'i mos ngor gang 'dul gyi/ /rnamO par rol pa'i ngo
mtshar bsam las 'das/ /ngag dbang XO dbang phyug brgyad ldan rdo
rje 'dzin/ /X lung XO rigs rigsO gsum gdul byar sgrog pa'i
gnyen/ /gting mtha'O

@012a @#/ /mtha'O yas rgya X chen phan bde'i mtshoX/ /theg mchogO
mchogO gis mkhan zhabs brtan shog /ngag X dbang XO lha mo ngagO
la zhugs pa'i mthus/ /lung XO rtogs thub bstan lungO rigs X

bye ba'i dbyangs/ /rgya XO mtshor rab 'byams rgya che'i sprin
grol ba'i/ /mgon khyod bstan 'gro'i mgon du zhabs brtan shog
/bcu phrag rig gnas rgya mtsho 'phur ba'i ngogs/ /tshul khrims
padma'i 'khri shing 'dzum pa'i

ltor/ /lhag bsam sbrang rtsi'i zil dang ra bcud chags pa'i/
/mkhas btsun bzang po'i rnam thar skyong gyur cig /zab dang rgya
che'i gzhung lugs gang ga'i klung/ /rnam dpyod ral pa'i klong du
legs bskyil nas/ /rmad

byung 'chad rtsod rtsom pa'i lam gsum las/ /skal bzang gdung sel
dpyid du 'bebs gyur cig /mdo rgyud gzhung mang thos pa'i yid
bzhin nor/ /gdams pa dbang gi rgyal por nges rnyed nas/ /bsam
sgom rgyal

mtshan rtse mor legs bkod de/ /don gnyis 'dod rgu char du 'jo
gyur cig /brgyad khri bzhi stong chos kyi snying po'i phul/ /dge
ldan lugs bzang snang ba dam pa'i mdzod/ /rab 'byams phyogs kyi
'khor lor 'grems

pa'i rtsa la/ /blo bzang rgyal ba nyid dang mtshungs gyur cig
/gsang gsum mdzad pa'i cha shas re re yang/ /rgyal ba rgya
mtsho'i 'phrin las lhun rdzogs pas/ /gzhal du mi spyod rlabs chen
'phrin las kyis/ /bstan

@012b 'gro'i phan bde yun ring skyong gyur cig /bdag cag pu slob
yon mchod 'brel thogs kun/ /de nas byang chub bar du mgon khyod
kyis/ /'bral med rjes bzung gsang gsum rnam thar kun/ /'dzin
pa'i sras kyi thu bo nyid

gyur cig /slu med sras bcas rgyal ba'i byin rlabs dang/ /stong
dang rten 'byung rgyu 'bras 'gal med mthu/ /dam can rdo rje'i
srung ma'i 'phrin las kyis/ /smon pa'i don kun yid bzhin 'grub
gyur cig / //

(ces pa 'di yang lung rtogs bstan pa'i snang byed dam pa a rig
ra skya bkra shis ljongs sne mgon gyi shing bza' paNDi tA ngag
dbang lung rigs rgya mtsho'i zhabs brtan gsol 'debs shig dgos
zhes ser byes grwa tshang slob dpon las sne dang/ a rig ra skya
bkra shis ljongs bla grwa thun mong nas rten bcas bskul ba'i
ngor/ skyabs

mgon srid skyong yongs 'dzin stag brag rin po che nas rtsal
rgyur bris//) // ! gang gi mtshan snyan bdud rtsi'i cha shas
tsam/ /snying gi yol gor lan cig bsten pas kyang/ /mthar byed
g.yul ngo

'joms pa'i dge mtshan can/ /tshe mtha' yas pa'i mgon gyis dge legs
stsol/ /rgyal kun brtse chen zla ba nor bu'i 'dzum/ /sku dang
zhing khams rab 'byams bkod pa'i sprin/ /smra bsam brjod med
phyogs su

'byams klas pa/ /rgyal mchog gangs ri'i mgon la gsol ba 'debs/
/'jamO dpalO ngagO gi dbangO po'i bloO gros bzangO/ /yeO shesO
nyi ma thub bstanO nor 'dzinO gnyen/ /rgyaO chen snying rje'i
rol mtshoO sridO gsumO

@013a @#/ /khyon/ /dbangO bsgyurO mtshungsO paO medO pa'iO sdeO la
'dud/ /dmigs med thugs rje'i rtsa ba rab brtan cing/ /mkhas
btsun bzang po'i yal 'dab phyogs brgyar grol/ /phan

bde'i grib bsil snum pas nyam thag 'gro/ /dbugs 'byin yongs
'du'i dbang po zhabs brtan shog /dus gsum rgyal ba'i gshegs shul
lam bzang rnams/ /ji bzhin 'doms pas mtha' yas gdul

bya kun/ /bla med theg mchog zhi ba'i grong khyer du/ /'khrid
pa'i sa mkhan chen por zhabs brtan shog /chos srid rtsi bas
stong 'bar ba'i phyag rgya yis/ /bstan 'gro'i phyogs kyi mu
khyud nyer bcing pas/ /rdzoT

ldan kun dga'i dus ston gsar pa yi/ /dge mtshan srid mtha'i bar
du skyong gyur cig /gang zhig bsten na bslu ba med pa'i skyabs/
/dkon mchog gsum gyi bden pa'i byin mthu dang/ /bdag cag lhag

bsam dag pa'i bden tshig gis/ /smon pa'i don kun yid bzhin 'grub
gyur cig / //(ces pa 'di yang khri byang pas dad ldan zhig gi
ngor bris pa'o//) // ! 'jamO dpalO rdo rje 

 ngagO dbangO bloO yi gter/ /bskal bzangO rgyal kun yeO shesO
sgyu ma'i gar/ /mtha' yas bstanO 'gro'i mgon po pad dkar 'dzinO/
/rgyaO chen phan bde'i rol mtshorO gsol ba 'debs/ /srid gsum
dregs ldan

@013b ral pa'i rtse mo na/ /dbangO bsgyurO 'phrin las nyi ma
'bum gyi 'od/ /phyogs brgyar 'grem la mtshungsO paO medO pa'iO
sde/ /zhabs zung bskal brgyar mi g.yon brtan par shog /bdag
kyang skye ba'i phreng ba thams cad

du/ /mgon po khyod kyis mnyes bzhin rjes bzung ste/ /rgyal sras
spyod pa rgya mtsho mthar phyin nas/ /phyag na padmo'i go 'phang
myur thob shog / //(ces pa 'di yang gongs rgyal ba'i dbang po'i
yab rje mchog gi mgron gnyer lags kyi thugs 'dod

ltar/ sku bcar mtshan zhabs khri byang sprul ming pas sbyar
ba'o//) // ! zhabs brtan smon tshig 'chi med grub pa'i dbyangs
snyan zhes bya ba bzhugs so/ /oM swa sti/ mi shigs rtag pa rdo
rje'i dwangs

ma 'bumO/ /'bumO phrag mtshan bzang thig ler smin pa'i dpalO/
/dpalO ldan 'chi ba 'joms mdzad tshe yi lhaO/ /lhaO dang drang
srong bcas pas srid 'di srungs/ /kun las khyad 'phagsO 'phagsO%
mchog klu

yi lugs/ /mtha' bral zab donO donO bzhin 'doms mdzad % pa/ /smra
ba'i nyi maO maO lus % lha mi'i gtso/ /gdul bya'i mgon duO duO
ma'i srid pa ston/ /ngagO gi dbangO phyug blo bzangO dkyil 'khor
rdzogs/ /

lungO rtogsO thub bstanO pad tshal bzhad pa'iO gnyen/ /phan bde'i
lam bzang gsalO ba'i nyin mor byedO/ /mtha' yas bstan 'gro'i
mgon du zhabs brtan shog /rnam dag tshul khrims nor 'dzin yangs

@014a @#/ /pa'i gzhir/ /g.yo med bstan 'dzin kai la sha ri'i
spor/ /shes rab zab mo'i sbar khyim g.yo ba can/ /'jigs bral
gdong lnga'i dbang por rtag brtan shog /bcu phrag rig

gnas mang thos rdzing bu'i ngogs/ /tshul bzhin bsam pa'i 'dab
brgya'i phreng ba 'dzin/ /gsal la mi rtog sgom pa'i ge sar dgod/
/yid 'phrog padma'i sdong bur rtag brtan shog /mdo sngags gzhung
brgyar

mkhas pa'i dkyil 'khor rdzogs/ /ma bsdams ra ri'i dri ma med pas
btsun/ /yongs sman lhag bsam bzang po'i 'od dkar can/ /sngon med
zla ba bdud rtsir bsil gyur cig /zab rgyas legs bshad bsam

'phel nor bu'i dpya/ /zab yangs mkhyen pa'i mdzod du gtams pa
las/ /zab don 'chad rtsod rtsom pa'i dgos 'dod char/ /zab dgur
'jo ba'i dge mtshan rgyas gyur cig /thugs bskyed bdud rtsi'i chab
kyis

bskyed bsrings pa'i/ /rlabs chen 'phrin las dpag bsam nor bu'i
ljon/ /phan bde'i grib bsil phyogs kyi mu khyud du/ /mngon par
bcings pa'i dga' ston rgyas gyur cig /blo bzang rgyal ba'i ring
lugs

bsam 'phel nor/ /rmad byung rnam thar gtsang ma'i rgyal mtshan
rtser/ /sa gsum 'dod 'jo'i dpyid du yongs bzung ba'i/ /dge legs
srid mtha'i bar du skyong gyur cig /bdag sogs bu slob yon mchod

@014b thams cad kyang/ /mtshungs med bla ma mchog gis rjes bzung
nas/ /rlabs chen spyod pa rgya mtsho mthar phyin te/ /ring min
thugs kyi thig ler ro gcig shog /sras bcas rgyal ba'i rmad byung
thugs rje dang/ /dam can rdo

rje'i srung ma'i mthu nus stobs/ /chos nyid rten cing 'brel
'byung slu med mthus/ /smon pa'i don kun yid bzhin 'grub gyur
cig / //(ces par khams bstan pa'i sgron me chab mdo 'phags pa
lha'i mchog sprul ngag dbang blo bzang lung rtogs bstan pa'i

gsal byed dpal bzang po'i zhabs brtan gsol 'debs 'di lta bu zhig
dgos zhes bla grwa zhabs 'bring thun mong nas bdog pa'i rten lha
reg dang bcas bskul ngor/ srid skyong yongs 'dzin stag brag rin
po che nas rtsal gyur bris//) // ! zhabs brtan gsol 'debs

'chi med grub pa'i dbyangs snyan zhes bya ba bzhugs so/ /oM swa
sti/ gsang gsum nor bu'i rdul phran re res kyang/ /'chi med bdud
rtsi'i zegs ma 'bum 'jo ba/ /rab 'byams tshe yi lha tshogs ma lus
pas/ /mi 'gyur

rdo rje'i srog gi ka ba tshugs/ /blo bzang bstan pa'i snying po
'dzinO pa yi/ /rmad byung 'phrinO lasO nyin byed bye ba'i gzi/
/kunO gsal 'khor lor 'gengs la mkhyenO brtse'i rtsal/ /zla med
rje btsun bla mar gsol ba 'debs/ /

mtha' yas bstanO 'gro'i nor 'dzinO yangs pa'i gzhir/ /gsang gsum
mdzad 'phrinO dbyar skyes chu 'dzin lasO/ /kunO dge'i gru char
'jo ba'i drin can rje/ /rigs gsum mkhyenO brtse'i ngo bor rtag
brtan shog /rab

@015a @#/ /'byams gzhung lugs chu gter dbus na brjid/ /lung rigs
nor bu'i mdzod la dbang bsgyur zhing/ /spangs rtogs gdengs ka'i
grib bsil mngon mtho ba'i/ /mkhas mchog

klu yi dbang por zhabs brtan shog /sprong bdun tshul khrims yid
'phrog padma'i ljon/ /rtse gcig ting 'dzin sbrang rtsi'i bcud
kyis gtams/ /gsal la mi rtog shes rab 'dab brgya'i phreng/ /phan
bde'i snying por

'dzum bzhin zhabs brtan shog /brtse chen zla ba rgyas pa'i lang
tsho'i 'dzum/ /gdul dka'i nyam thag snying la bsil ba'i dpyid/
/theg mchog bdud rtsi'i dga' ba gya nom dpal/ /rtsom mkhas 'gro
ba'i bla mar

zhabs brtan shog /zab dang rgya che'i mdo sngags chos kyi rnga/
/blo bzang snyan brgyud dbyangs su nyer 'khrol pas/ /'gro kun ma
rig gnyid las rtag slong ba'i/ /mtshungs med ston pa chen por
zhabs brtan shog /

rje btsun bla ma'i zhabs zung 'khor lo'i ris/ /mi shigs rtag
pa'i rdo rje'i khams su smin/ /bdag cag skal bzang mos pa'i bu
slob rnams/ /gsang gsum byin brgyas rtag tu skyong gyur cig
/bslu med mchog

gsum bden pa'i byin rlabs dang/ /stong dang rten 'byung rgyu
'bras 'gal med mthu/ /bdag cag lhag bsam dag pa'i bden stobs
kyis/ /smon pa'i don kun yid bzhin 'grub gyur cig / //(ces mkhas
btsun

@015b bzang po'i rnam thar gtsang ma'i dge ldan bstan pa'i snang
byed dam par gyur pa rgyal thang sum rtson gling gi 'a sbug
/mchog sprul bstan 'dzin 'phrin las kun mkhyen dpal bzang po'i
zhabs brtan gsol 'debs shig dgos zhes cha khams mkhan zur rin po
che blo bzang rgyal mtshan mchog nas 'phrin yig gi lam nas rten
bcas bskul ma mdzad

pa bzhin/ sku bcar mtshan zhabs dga' ldan khri byang sprul ming
pa nas dwang ba chen pos sbyar ba'o//) // ! phun tshogs yon tan
bdag nyid rdzogs sangs rgyas/ /sgrib gnyis drung nas 'byin pa'i
'gog lam chos/ /

ngo mtshar rig grol brgyad ldan dge 'dun te/ /rmad byung rin chen
gsum gyis shis brtsol/ /rgyal ba'i man ngagO nor bu'i mdzod la
dbangO/ /bloO ldan skal bzangO dga' bskyed 'dod 'jo'i gter/
/lung rtogs thub

bstanO mdzes pa'iO rgyan gcig pu/ /ngur smrig rgyalO mtshan 'dzin
la gsol ba 'debs/ /mgon khyod gzugs sku zhi dbyings nyer bsdus
pas/ /bdag sogs dmigs bus bor ba'i dmus long bzhin/ /bzod dka'i

gdung bas nyen pa'i tshul rig nas/ /zhal bzhes dam bca'i ri mo
thugs la dgongs/ /bsam bzhin srid bzungs mtshan dpe'i dkyil 'khor
rdzogs/ /mkhas btsun bzang po'i rnam thar mtshan mas brjid/ /

'chad rtsod rtsom pa'i 'od snang 'bum 'phro ba'i/ /mchog sprul
zla gzhon gsar pa myur 'char shog /mdor na gangO la gangO 'dul
rol pa las/ /phan bde'i mchogO sbyin mchogO gi sprul sku'i gar/
/'khrul 

@016a @#/ /bral ma nor ma lus 'gro ba'i mgon/ /myur bar bstan
dang bstan 'dzin dpal du byon/ /bslu med mchog gsum rgyal ba'i
byin rlabs dang/ /las 'bras mi bslu chos

dbyings 'gog med stobs/ /bdag sogs rtse gcig smon pa'i nus
mthu yis/ /re 'bras yid bzhin 'grub pa'i bkra shis shog /
//(ces mnyal sde drug khongs rgya mtsho ri thang dgon gyi sprul
sku ngag dbang blo bzang bstan pa'i rgyal mtshan gyi

sprul myur byon gyi gsol 'debs 'di ltar dgos zhes mdzod pa blo
bzang nyi ma dang/ ye shes gnyis nas bskul ba'i ngor mtshan
zhabs khri byang sprul ming pas sug bris su bgyis pa'o//) // !
e ka ljongs rin po che'i gsol 'debs/ /

bde mchog lhan cig skyes pa chen po'i rtsal/ /chos dbyings
lang tshor rjes chags dgyes dgu'i gar/ /brtul zhugs grub pa'i
rnal 'byor dbang phyug skur/ /yongs bzhengs rdo rje 'dzin la
gsol ba 'debs// //

(tre hor dge rtag rin po che'i bzhed skong du mtshan zhabs khri
byang sprul ming pas bris pa'o//) // ! rtag brtan grub pa'i
dngos po rdo rje'i dbyings/ /gang gi gsang gsum thig ler sgeg
pa'i sku/ /'chi med

mchog ster yid bzhin 'khor lo yis/ /tshe dang ye shes byin
brgya rtag 'bebs mdzod/ /ngagO rig smra ba'i dbangO po'i bloO
gros kyis/ /skal bzangO dam chosO mdzod la dbang bsgyur zhing/
/nag po'i phyogs kyiO

@016b dpung las rgyal ba'i mtshan/ /'dzin mdzad mchog gi sprul
skur gsol ba 'debs/ /'chi med lha dang drang srong grub pa'i
tshe/ /ma lus khyod kyi gsang gsum lang tsho ru/ /smin pas rtag
brtan ngo mtshar bye ba'i

gzugs/ /g.yo med rdo rje'i gshis su lhun chags shog /rab
'byams gzhung la gsan bsam sgom pa dang/ /mdo sngags lam gyi
rim pa'i nyams myong ros/ /'gro la rgyal ba'i mdzad pa sgrub
pa yi/ /

bstan 'gro'i dpung gnyen mchog tu zhabs brtan shog /dpal ldan
bla ma'i rnam par thar pa la/ X X X rmad byung sras bcas X X X
(ces pa 'di yang stag phu yongs 'dzin ye shes rgya mtsho'i yang
sprul ngag dbang blo bzang chos kyi rgyal

mtshan gyi zhabs brtan gsol 'debs 'di ltar dgos zhes gang gi
mdzod pa dge chos bstan 'dzin smon lam nas rten bcas bskul
ngor/ sku bcar mtshan zhabs dar han dga' ldan khri byang sprul
ming pas sug bris su bgyis pa'o//) // ! rab 'byams rnam

'dren kun gyi ye shes sku/ /mtshan dpe'i nyams brgyar bskyod
pa'i 'chi med lha/ /bcom ldan rnam par rgyal ma'i gzi byin
gyis/ /deng 'dir rje btsun bla ma'i sku tshe spel/ /blo% bzang%
rgyal kun bsodO namsO ye%

shes% kyis/ /srid zhi'i pha mthar bgrod pa'i chos kyiO tshul/
/grangs med 'gro la ston pa'i dbangO phyugO che/ /rje btsun
bla ma'i zhabs la gsol ba 'debs/ /blo% ldan skal bzang% gdul
bya'i bsod nams gter/ /

@017a @#/ /rgyal kun ye% shes% sgyu mchen po'i sprin/ /zab
rgyas chosO kyiO gru char 'bebs pa la/ /zla bral dbangO phyugO
chen por zhabs brtan shog /ring nas 'gro la brtse ba'i thugs
bskyed

mthu; ;nyer brtas gsang gsum 'gyur med rdo rje'i khams/ /rnam
par gsal ba'i dga' ston ngom bzhin du/ /bstan 'gro'i spyi mes
chen por zhabs brtan shog /gting mtha' mi mngon gsung rab rgya
mtsho'i

'jing; ;thos bsam sgom pa'i gzings kyis nyer brgal bas/ /'gro
'di sku gsum rin chen gling nyid du/ /'dren pa'i ded dpon
mchog khyod zhabs brtan shog /thub bstan yongs rdzogs gangs
kyi ri bo'i

spor; ;'chad rtsod rtsom pa'i rtsal rdzogs lung rigs kyi/
/mche sder rnon pos log smra'i klad pa 'gem/ /mkhas mchog
gdong lnga'i dbang por zhabs/ /blo bzang ring lugs lha lam
yangs pa'i ngos/ /

mkhas btsun bzang po'i tsha zer 'bum spro bas/ /yang dag lam
gyi snang ba mchog sbyin par/ /rgyal ba gnyis pa ji bzhin
zhabs X /bslu med mchog gsum bden pa'i byin rlabs dang/ /bdag
cag lhag bsam

smon pa'i rten 'byung mthu/ /bstan srung dam can rgya mtsho'i
nus stobs kyis/ /smon pa'i 'bras bu gegs med 'grub gyur cig /
//(ces 'jam mgon bstan pa'i snang byed dam pa dga' ldan pha ra
mkhan sprul rin po che blo bzang ye shes sam/

@017b mtshan gzhan bsod nams chos kyi dbang phyug dpal bzang
po'i zhabs brtan gsol 'debs 'di 'dra zhig dgos zhes mi rje lha
lding sku ngo'i rim bzhi bsod nams tshe ring nas yang yang
bskul ba'i ngor mtshan zhabs dar han khri byang sprul ming pas
sbyar ba'o//) // ! oM swa sti/

gang zhig mtshan tsam dran dang brjod pas kyang/ /phyi nang
mthar byed g.yul las rnam rgyal zhing/ /tshe dang ye shes dpal
ster bcom ldan ma/ /yid bzhin 'khor los 'chi med dpal yon
rtsol/ /bloO chen bskal

bzangO rnam 'dren bzhi pa'i bstanO/ /'dzinO skyong spel la
chosO tshul dri med kyiO/ /ring lugs rnam par rgyalO ba'i dge
mtshanO che/ /sgreng mdzad rje btsun bla mar gsol ba 'debs/
/rmad byung thugs bskyed gser gyi

yu ba brtan/ /mang thos ba dan lhab lhub g.yo ba'i rtser/
/bsam sgom nor bu'i rtog mdzes 'od 'bar ba'i/ /bstan pa'i
snang byed chen por zhabs brtan shog /ting 'dzin shes rab
bslab pa ma lus pa'i/ /

snod gyur thub pa'i nang gi mdzod gcig pu/ /bsrung la 'dul
'dzin chen po nye bar 'khor/ /ji bzhin bskal ba rgya mtshor
rtag brtan shog /mi shes rmongs pas smyos pa'i brang 'gro'i
lce/ /'khyug la rno ngar

'chad rtsod rtsom pa'i mtshon/ /gshed du 'bebs pas lus can gtan
bde'i srog /sbyin mkhas mtsho mdzad chen por zhabs brtan shog
/mgon khyod gsang gsum chu shel 'khyil ba'i khams/ /mkhas

@018a @#/ /btsun bzang po'i cha shas yongs rdzogs shing/ /nyams
rtogs grub pa'i bsil zer 'bum 'gyed pa'i/ /'gro ba'i gdung sel
chen por zhabs brtan shog /rmad byung

sras bcas rgyal ba'i byin rlabs dang/ /rten 'brel bslu ba med
pa'i bden pa dang/ /bdag gi lhag bsam dag pa'i mthu stobs
kyis/ /rnam dag smon pa'i gnas 'di 'grub par shog / //(ces pa
'di

yang tsha ba spang sgang mdzod pa ngag dbang chos ldan dang/
'jol bde chen gling skam zhing dge slong gnyis nas/ 'jol zam
gdong sprul sku blo bzang bstan 'dzin chos kyi rgyal mtshan
dpal bzang po'i zhabs brtan gsol 'debs shig dgos zhes yang
yang bskul ba'i ngor/ sku bcar mtshan zhabs dar han dga' ldan

khri byang sprul ming bas sbyar ba'o//) // ! dus gsum rgyal
ba'i 'phrin las spungs pa'i khams/ /mtshan dpe'i thig ler smin
pa'i 'jo sgeg mkhan/ /tshe dang ye shes mchog ster bcom

ldan las/ /deng 'dir 'chi med rtag pa'i mchog sbyin mdzod/
/ngagO dbangO rgyal kun mkhyen brtse'i me shel khams/ /tshulO
gnas bag yod khrimsO kyi dkyil 'khor rdzogs/ /yeO shesO 'od
stong 'bar bas

sa gsum gyi/ /mun sel srid pa'i sgronO me zhabs brtan shog
/rgyal ba'i chos tshul mdo rgyud mang du thos/ /de don lung
dang rigs pa sems pa dang/ /yang yang dpyad 'jog zab mo'i sgom
pa yis/ /

@018b lung rtogs grub pa'i dpa' bor zhabs brtan shog /mdo 'dul
gsang chen 'gal med 'khyer la mkhas/ /phyi tshul so thar bslab
pas bsdams pas btsun/ /byang chub sems gnyis bzang po'i dpal
ldan pa'i/ /

dge ldan bstan pa'i nyer 'tsho zhabs X /gang 'dul mkhas mang
dbus na 'chad pa'i ngag /phas rgol mthar byed rtsod pa'i
mkhyen rab dang/ /snyan 'jebs don bzang rtsom la thogs med
pa'i/ /smra ba'i dbang

phyug chen por zhabs X /dad dang shes rab brtson ldan dman
mchog 'bring/ /gdul bar bya ba'i yid can gling bzhi'i mkhar/
/chad med 'jug pa'i 'phrin las 'od stong rlabs/ /bskal ba rgya
mtshor spro ba

nyid gyur cig /bslu med bla ma mchog gsum byin rlabs dang/
/chos dbyings rnam dag rgyu 'bras 'gog med mthu/ /lhag bsam
dag pa'i tshig gi smon pa'i 'bras/ /gegs med bde blag nyid du

'grub gyur cig / //(ces pa 'di yang skyabs mgon srid skyong
stag brag rdo rje 'chang nas rgyal rong gi sprul sku zhig gi
zhabs brtan ljags rtsom rtsal rgyur bris//) // ! brag ri mchog
sprul rin po che'i 'khrungs rabs

gsol 'debs phan bde'i gru char g.yo ba'i sprin chen zhes bya
ba bzhugs so// kun khyab chos dbyings kun tu bzang po'i
'phrul/ /dag dang ma dag gdul bya'i mos ngo bzhin/ /sna tshogs
sprul sgyur spro dang sdud

@019a @#/ /mdzad mgon/ /khyab bdag dpal ldan bla mar gsol ba
'debs/ /thub pa'i spyan sngar gnas brtan gser be'u/ /dus 'khor
bka' babs chos rgyal zla bzang zhabs/ /

brtul zhugs grub pa'i dpa' bo nag po pa/ /mkhas grub chen po
gsum la X /zung 'jug rtogs pa mchog brnyes Tomb+hi pa/ /sems
dpa' chen po gser gling chos kyi grags/ /grub mchog pham
mthing ngag gi

dbang phyug rje/ /'dren mchog dam pa gsum la X /mchog gi sar
gshegs mi pham mgon po dang/ /mthu stobs dbang phyug rdo rje
bdud 'joms mtshan/ /bka' gdams bstan pa'i gsal byed brtson

'grus 'bar/ /rje btsun bla ma gsum la X /byang bdag rig 'dzin
bkra shis stobs rgyas dang/ /lung rtogs mnyam med nam mkha'i
rnal 'byor pa/ /'dul 'dzin chen po blo gros sbas pa'i zhabs/
/mtshungs

med dam pa gsum X /brtul zhugs mchog brnyes dbus smyon chos
kyi grags/ /'jam dpal dbyangs mtshungs mkhyen brtse'i dbang
phyug rje/ /'dul ba'i mnga' bdag bde legs nyi ma'i zhabs/ /

bshes gnyen chen po gsum la X /'gro ba'i mgon po bsod nams
mchog ldan dpal/ /mdo rgyud mdzod 'dzin rgya mtsho mtha' yas
zhabs/ /'dren mchog blo bzang chos 'byor rgya mtsho'i mtshan/
/zla med

@019b bla ma gsum la X /mkhas grub blo bzang thub bstan rnam
rgyal dang/ /bloO bzangO snyan brgyud lungO rigsO rgya chen
mtshoO/ /'dzin mkhas mchog gi dbangO phyug rgyalO kun gtso/
/skye dgu'i 'dren pa gnyis la X /srid pa'i rgud

pa mthar byas de srid du/ /rab 'byams bkod pa gang ga'i rdul
gyi sprin/ /'bad med spro la dpa' ba'i skyes rabs phreng/
/mkha' mnyam 'gro ba'i mgon du rtag rtsen shog /'khrungs rabs
gser sbyang sprin gyi so can gyi/

gral ring mngon par bstar ba bsngags pa'i mthus/ /'gro kun tshe
rabs theg mchog bshes gnyen dang/ /mi 'bral rgyal ba'i chos
kun 'dzin gyur cig /rmongs pa'i dbang gis ma gus brnyas smod
sogs/ /bshes

la log par sgrub pa'i nyes tshogs kun/ /myur byang rtag tu du
dang nor bzang bzhin/ /srog kyang btang nas mnyes pa bsgrub
nus shog /de yi mthu las sa lam bgrod pa kun/ /rlabs chen nyi
ma'i shugs kyis myur

brgal nas/ /mgon khyod gsang gsum rdo rje'i dbyings chen po/
/ro mnyam srid gsum bla mar 'grub gyur cig /rmad byung sras
bcas X X X shog / //(ces pa 'di ni 'jam mgon bstan pa'i snang
byed chen po mtshungs

med brag ri mchog sprul rin po che'i 'khrungs rabs gsol 'debs
sngon yod rgyal dbang chos rje'i gsung de nyid las mdor bsdus
rgyun 'khyer zhig 'bri dgos zhes/ ser smad spom ra rgyal thang
bka' 'gyur mchog sprul rin po che nas maNDal rten gsum bcas
yang yang bskul ma mdzad pa bzhin/ sku bcar mtshan

@020a @#/ /zhabs dar han dga' ldan khri byang sprul ming pas
mchog tu dwang ba'i yid kyis smon pa de de bzhin du 'grub par
gyur cig / // ! zhabs brtan gsol 'debs 'chi med bdud rtsi'i
char 'bebs bzhugs/) /

gang gi mtshan tsam rna bar lhung pas kyang/ /'chi bdag sder
bcas khengs pa bsnyil ba dang/ /lhan cig tshe yi mchog sbyin
lhag pa'i lha/ /bcom ldan tshe mtha' yas pas dge legs stsol/
/blo chen mkhyen brtse'i dri

bzang 'dzin pa yi/ /dge ldan legs bshad padmo gsar pa'i ljon/
/yongs rdzogs chos kyi sbrang rtsi'i rgyal mtshan can/ /zla med
rje btsun bla mar gsol ba 'debs/ /blo 'das mkhas btsun bzang
po'i dge

mtshan gyi/ /legs lam snang bas theg gsum chos kyi mdzod/
/yongs gsal rgyalO ba'i mdzad pa sgrub mkhas pa'i/ /mtshanO
ldan bshes gnyen chen por zhabs brtan shog /brtan g.yo'i tshe
dpal lang tsho

dwangs ma'i bcud/ /mgon khyod gsang ba gsum du nyer smin pas/
/sa chen gling bzhi'i dbus na lhun po'i brjid/ /ma nyams de
srid zhabs zung g.yo med gsol/ /rgya chen gzhung lugs pha
mtha' yangs

pa'i khyon/ /lung rigs glog zhun bye bas bcings pa yis/ /gsan
bsam sgom pa'i snang ba 'bum dkrigs pa'i/ /mchog sprul nyin
byed dbang por zhabs brtan shog /gang 'dul blo gsal dga'

@020b skyed 'chad pa dang/ /phas rgol 'joms la thogs med rtsod
pa'i ngag /snyan 'jebs don bzang rtsom la mtshungs med pa'i/
/smra ba'i dbang phyug nyid du zhabs brtan shog /gsung rab
rgya mtsho'i thos don ji

bzhin du/ /sgrub pas lung rtogs nor bu'i gter kha 'bum/ /'gro
la bkye ba'i mkhas btsun bzang grub kyi/ /'phrin las mkha'
dang mnyam par gdal gyur cig /slu med mchog gsum bden pa'i

byin rlabs dang/ /rgyu 'bras rten 'brel 'gog med nus mthu
dang/ /lhag bsam dag pa'i stobs kyis smon pa'i don/ /ji bzhin
gegs med lhun gyis 'grub gyur cig / //(ces pa 'di yang rgyal
ba

btsan bzang lha mkhar mchog sprul blo bzang dge legs chos kyi
rgyal mtshan dpal bzang po'i zhabs brtan gsol 'debs 'di lta bu
zhig dgos zhes/ gang gi mdzod pa las khyed dang/ /ser spom dge
bshes 'phags pa chos rgyan bcas nas bskul ba'i ngor/ /sku bcar
mtshan zhabs dar han dga' ldan khri

byang sprul ming pas smon la dge legs su gyur cig / // ! bstan
pa'i snang byed nags shod 'bri ru skyid shod zhabs drung rin
po che'i sku tshe'i bar chad zhi phyir 'jigs mdzad bdud las
rnam rgyal gyi dbang gi rtsa brgyud kyi bla ma yi dam bka'

sdod dang bcas pa gsol ba 'debs pa phyi nang bdud sde pham
pa'i lha'i rnga dbyangs zhes bya ba bzhugs so//) rab 'byams
rgyal kun chos dbyings sgyu ma'i rtsal/ /gang 'dul cir yang
'char ba'i mig 'phrul mkhan/ /skyabs kun ngo  

@021a @#/ /bo dpal ldan bla ma la/ /bdag cag gdung shugs drag pos
gsol 'debs na/ /mkhasO btsun grubO dbang 'jam dpal snying po yi/
/bstanO 'dzinO 'jigsO bralO

chosO kyiO rgyalO mtshanO che/ /bskal brgyar zhabs brtan rlabs
chen bstan 'gro'i don/ /bzhed dgongs gegs med 'grub par byin
gyis rlobs/ /'jam dpal dpa' bo phyi nang dus kyi dgra/ /'jigs
rung

'phrog byed badzra b+hai ra wa/ /mgon de dgyes skyed ye shes
mkha' 'gro mar/ /bdag cag X X X X X /grub mchog lA li ta dang
a mo g+ha/ /ye shes 'byung gnas padma badzra dang/ /mar me mdzad

bsrung badzra kIrti la/ /bdag cag X X /chos rab ye shes seng ge
'bum seng zhabs/ /rje btsun rgwa lo rong pa sher seng dang/ /ye
shes dpal ba don grub rin chen la/ /bdag cag X X /mdo

rgyud zab don rgyal ba'i dgongs pa ltar/ /mkhyen dang gsung bas
rgyal ba gnyis pa zhes/ /grags pa don ldan thams cad mkhyen
khyod la/ /bdag cag X X /de sras thu bo mkhas grub dge legs

dpal/ /shes rab seng ge 'dul 'dzin dpal ldan bzang/ /dge 'dun
'phel dang bkra shis 'phags pa la/ /bdag cag X X /bsam 'grub
rgya mtsho rgyud chen brtson 'grus 'phags/ /rdo rje bzang

@021b po sangs rgyas rgya mtsho dang/ /snang mtha'i rol gar chos
kyi rgyal mtshan la/ /bdag cag X X /slar yang dpal ldan 'jigs
mdzad rdo rje dang/ /brtan pa'i 'khor lo rgyal ba gnyis pa'i
zhabs/ /chos

kyi rgyal mtshan d+harma badzra la/ /bdag cag X X /blo bzang don
grub sangs rgyas ye shes dang/ /paN chen chos rgyan dkon mchog
rgyal mtshan rje/ /blo bzang ye shes bskal bzang rgya mtsho la/
/bdag

cag X X /rol pa'i rdo rje ngag dbang tshul khrims dang/ /byang
chub chos 'phel chos 'byor rgya mtsho'i mtshan/ /blo bzang lung
rtogs bstan 'dzin 'phrin las la/ /bdag cag X X /mkhan chen

mkhyen rab bstan pa chos 'phel zhabs/ /'jam dpal zhi khro mi yi
sgyu 'phrul gar/ /rigs brgya'i khyab bdag bde chen snying po la/
/bdag cag X X /snying rje'i bdud sder khros pa'i gar dgu'i
nyams/ /

bzod dka' mkha' dang mnyam pas grub gnyis kyi/ /'dod pa kun
stsol dus dgra'i dbang po la/ /bdag cag X X /dbyings dang ro
mnyam bde chen 'od gsal las/ /langs pa'i rjes chags sgyu

ma chen po'i sprin/ /bcom ldan dga' bskyed mkha' 'gro'i gtso mo
la/ /bdag cag X X /lhun grub ngo mtshar rgya mtsho'i bkod pa 'bum/
/spro dang sdud pa 'jigs mdzad khro bo'i gar/ /gnyis

@022a @#/ /min gnyis su snang ba'i dkyil 'khor lhar/ /bdag cag X
X /cher snyigs dug lnga rgyas pas chos byed phal/ /rnam par
nyams pa'i stobs chen bgegs kyi dpung/ /

tshegs med 'joms pa'i khyad chos zla med la/ /bdag cag X X /rgyud
rgyal mthar thug dpal ldan 'dus pa'i gnad/ /sgyu 'od dpal gyis
tshe gcig 'tshang rgya'i thabs/ /ches gsang 'du ba'i myur

lam zab mo la/ /bdag cag X X /bde mchog 'khor lo dgyes pa rdo
rje sogs/ /gsang mtha'i rgyud don bde stong gtum mo'i lam/ /kun
kyang tshang ba'i rdo rje'i lam bzang la/ /bdag cag X X/

'jig rten 'das dang ma 'das lhar bsdigs pas/ /bar chad kun sel
dngos grub myur 'grub cing/ /sdig can btsan thabs 'tshang rgya'i
myur lam la/ /bdag cag X X /'jam dpal dbyangs kyis

rje la mngon sum du/ /stsal ba'i snyan brgyud zhi khro sbrags
sgrub gnad/ /gzhan las ches 'phags dam chos zab mo la/ /bdag cag
X X /'jam dpal rab khros ma he'i zhal can gyi/ /dbang

rgyud man ngag rim gnyis zab mo'i lam/ /'dzin skyong spel mdzad
'dus pa'i tshogs rnams la/ /bdag cag X X /rdo rje 'chang dbang
'jam dpal snying po sogs/ /dngos brgyud bla mas bka'

@022b bsgos gnyer gtad pa'i/ /mthu ldan bka' sdod dam can rnam
gsum la/ /bdag cag X X /lnga bdo'i dus 'dir phyi nang bgegs kyi
dpung/ /'joms la lha mchog gzhan las khyad par lngas/ /ches

'phags 'jigs mdzad rdo rje'i rtsa brgyud kyi/ /bla ma yi dam
mchog gsum bden pa'i mthus/ /'jam mgon thugs sras mkhas dbang
zhang zhung pa'i/ /rnam rol skyes mchog chos dbang grags pa'i

sde; ;sku tshe'i bar chad g.yul las rnam rgyal te/ /bskal brgyar
zhabs brtan bzhed dgu lhun grub shog /phyogs rer ma song thos
bsam sgom pa'i mtshor/ /mkhas btsun bzang grub padmo stong gi

'dzum/ /'chad rtsod rtsom pa'i zil mngar 'bum 'dzag pas/ /skal
bzang bung ba'i re ba skong gyur cig /bsre slad med pa'i rnam
thar gtsang ma yis/ /blo bzang snyan brgyud 'dzin pa'i gnyen
mchog tu/ /

yab gcig bde chen snying po'i bzhed dgongs ltar/ /lhun gyis
'grub pa'i dge mtshan 'dzin gyur cig /de yi mthu las 'jam dbyangs
bla ma'i bstan/ /lta sgom spyod pa'i khyad par phul byung bas/
/yangs

pa'i sa chen khyon la dbang byed pa'i/ /'phrin las snang ba nyi
ltar gsal gyur cig /lus can kun kyang log pa'i ston pa yis/ /nam
yang mi 'brid mtshan ldan bshes gnyen dang/ /blo bzang rgyal ba'i
ring

@023a @#/ /lugs la brten nas/ /'jam dpal zhi khro'i go 'phang
myur thob shog /mchog gsum bslu ba med pa'i gzi byin dang/ /bdag
cag lhag bsam dad mos rten

'byung mthu/ /bstan srung dam can rgya mtsho'i nus stobs kyis/
/smon pa ji bzhin lhun gyis 'grub gyur cig /(//ces mkhan btsun
bzang po'i dpal mnga' bstan pa'i snang byed nags shod 'bri ru
skyid shod zhabs drung mchog sprul rin po che

mkhas grub bstan 'dzin 'jigs bral chos kyi rgyal mtshan chos
dbang grags pa'i sde dpal bzang po'i sku tshe brtan cing/ bstan
'gror sman pa'i bzhed dgongs lhun grub ched/ 'jigs mdzad bdud
las rnam rgyal gyi dbang gi rtsa brgyud kyi bla ma yi dam bka'
sdod dang bcas par gsol 'debs kyi tshigs

su bcad pa 'di 'dra zhig dgos zhes/ /gang gi sku'i gcen po ser
smad rgyal rong mkhan sprul nas bdog pa'i rten bcas yang yang
bskul ma mdzad pa bzhin/ sku bcar mtshan zhabs dar han dga' ldan
khri byang sprul ming pa blo bzang ye shes bstan 'dzin rgya
mtshor 'bod pas rigs brgya'i khyab bdag rdo rje

'chang pha bong kha ba dpal bzang po'i gsan rgyun gyi dbang gi
brgyud rim dang mthun par bkod cing/ 'jigs byed dpa' gcig gi
dkyil 'khor la rgyun du gtso rkyang las yum med kyang mtshan ma
gyen 'greng gis bde chen mtshon zhing/ lingga li ya ti zhes pa
sbas don du bshad skabs dmigs bsal gyi tshe yod chog

pa dang/ de bzhin du phyag mtshan gyi gnad kyis 'khor gyi lha
yang 'gal ba med par bsam yum dang 'khor gyi gsol 'debs kyang
bkod de smon pa rtse gcig pas sbyar ba 'dod don yid bzhin du
'grub par gyur cig / //

@023b ! zhabs brtan gsol 'debs 'chi med 'dod 'jo zhes bya ba
bzhugs so//) oM swa sti/ stobs bcu mnga' ba rnams kyi ye shes
dang/ /'chi med tshe dpal grub gnyis nor bu'i gter/ /'dod dgur
'jo mdzad yid bzhin 'khor

lo'i lha/ /bcom ldan 'das mas tshe yi mchog sbyin mdzod/ /rgyalO
kun spyi gzugs 'jam dpal snying po'i bstanO/ /spel la ngagO gi
dbangO phyug mchog grub pas/ /thub pa'i lugs bzang rabO 'byams

zhing gi mthar/ /rgyasO mdzad bshes gnyen chen po zhabs brtan
shog /rgyalO ba'i lung rtogs bstanO pa'i kun gsal mkhar/ /man
ngagO snang ba stong 'bar nyin byed dbangO/ /rabO mang gdul
bya'i pad tshal

rgyasO pa'i gnyen/ /mtshungs med rje btsun bla ma zhabs brtan
shog /rnam mang gzhung lugs thos pa'i pha mthar son/ /zab rgyas
gdams don ji bzhin sems pa dang/ /dpyad 'jog ting 'dzin sgom
pa'i

nyams rtogs ro/ /myong mkhas grub pa'i dpa' bor zhabs brtan shog
/'chad pa skal bzang gdul bya'i dbang por 'tshams/ /rtsod pas
rgol ngan snying rtsa lkog mar 'byin/ /sdeb legs rtsom pas

mkhas mang yid dbang 'phrog /bstan pa'i rtsa lag mchog tu zhabs
brtan shog /mdo sngags brgyud ldan byin rlabs mngar ba'i bcud/
/mtha' med srid mthar spel ba'i 'phrin las gar/ /blo bzang

@024a @#/ /bstan pa'i dpal du bsgyur ba yi/ /sa gsum 'gro ba'i
nyer 'tshor rtag brtan shog /nam yang slu med mchog gsum bden
byin dang/ /bdag cag lhag bsam

mos pa'i rten 'byung mthus/ /ji ltar smon pa'i re 'bras ma lus
pa/ /gegs med bde blag nyid du 'grub gyur cig /(//ces skyid shod
bkra shis ljongs sprul sku rgyal bstan ngag dbang rab rgyas kyi
zhabs brtan smon tshig tu/

skyabs mgon srid skyong yongs 'dzin stag prag paNTita mchog nas
rtsal rgyur bris//) // ! rab 'byams rgyal kun 'phrin las 'o ma'i
rgyun/ /mdzes sdug mtshan dper 'khyil ba'i yid bzhin mtsho/ /

mchog mthun tshe dpal dngos grub bye ba'i rlabs/ /phyogs kyi
'khor lo 'gengs pas srid 'di srungs/ /bloO gros bzangO po'i 'od
stong 'bar ba'i gzis/ /thub bstanO 'dzinO ma'i khyon kun snang
byed cing/ /

lung rtogs chosO kyi sbrang rtsi'i rgyalO mtshanO tshal/ /'byed
mdzad dpal ldan bla mar gsol ba 'debs/ /bloO 'das mkhas btsun
bzangO po'i 'od snang can/ /bstanO 'dzinO gser gyi ri bo 'bum
gyi dbus/ /

zla bral chosO kyi lhun po brjid chags pa/ /rnam par rgyalO ba'i
dge mtshanO rtag brtan shog /bloO chen bskal bzangO thub pa mchog
gi bstanO/ /'dzinO mkhas brgyad khri bzhi stong chosO kyiO
mdzod/ /rgyalO kun

@024b gsang gsum ngo mtshar mtshanO dpe'i gar/ /mtha' yas 'gro
ba'i mgon du zhabs brtan shog /bcu phrag rig pa'i gnas la mkhas
pa'i mtshor/ /rnam dag tshul khrims btsun pa'i 'dab brgya pa/
/lhag bsam

bzang po'i sbrang rtsi'i zil mngar can/ /skal bzang bung ba'i
nyer 'tshor zhabs brtan shog /rgya chen mang thos lha lam yangs
po'i ngos/ /tshul bzhin bsam pa'i ri dwags mtshan ma can/ /sgom pa
nyams myong

'od dkar 'bum 'phro ba'i/ /bshes gnyen smra ba'i zla ba zhabs
brtan shog /'chad la phur bu'i khengs 'phrog rnam dpyod ldan/
/rtsod ngag rigs pas phyogs kyi glang por 'khu/ /rtsom pa yid
'phrog mtsho

byung rol mo'i sgras/ /mkhas mang dga' bskyed mchog tu zhabs
brtan shog /mgon khyod zhabs zung 'jigs bral rdo rje'i khrir/
/'pho med rtag pa'i khams su rab brtan cing/ /rlabs chen 'phrin
las

gser zhun lang tsho yis/ /bstan 'gro'i phyogs kyi mu khyud bcings
gyur cig /rtse gcig mos gus shing rtas nyer drangs pa'i/ /dge
tshogs bsam 'phel nor bu'i gter chen por/ /'dod dgur longs

su spyod pas skal bzang gi /dga' ston gdul bya'i dpal du 'jo
gyur cig /bslu med mchog gsum bden pas byin rlabs dang/ /stong
dang rten 'byung 'gal med bden pa'i mthu/ /bdag sogs

@025a @#/ /gdul bya'i dad mos rten 'byung gis/ /smon pa'i don kun
yid bzhin 'grub gyur cig/ (//ces pa 'di ni skyabs mgon srid
skyong yongs 'dzin stag brag rin po che nas brag g.yab che
tshang

sprul sku'i zhabs brtan du stsal rgyur bris//) // ! swa sti/ rab
X 'byams rgyal ba'i 'chi med tshe dpal dang/ /rab X mang shes bya
kun mkhyen ye shes khams/ /rab X dkar

lha mor shar ba'i bcom ldan ma/ /rab X mdzes yid bzhin 'khor los
dge legs stsol/ /ngagO gi dbangO phyug blo bzang rgyal ba'i
bstan/ /mang thos tshulO khrimsO nor gyis skyong ba'i gnyen/ /zla
bral

chosO kyiO rgyalO mtshanO 'dzin pa'i rje/ /dpal ldan bla ma'i
zhabs la gsol ba 'debs/ /rgya chen thub gsung kun gsal yangs
pa'i ngogs/ /rnam dpyod gom pa gcig gis bgrod pa'i shugs/ /

thos ldan rgya mtsho'i bla na mngon 'phags pa'i/ /mkhas mchog
smra ba'i dbang por zhabs brtan shog /ma smad gsung rab kai la
sha ri'i rgyun/ /brgyud ldan dam pa'i yur lam las drangs pa/ /

rnyog bral bsam sgom bdud rtsir 'khyil ba'i bcud/ /myang mkhas
grub pa'i mchog tu zhabs brtan shog /rnam dag thos don nyams
myong mngar ba'i ro/ /gang 'tshams 'gro la 'dod dgur sbyin

@025b pa'i ngag /phas rgol 'joms dang sdeb legs snyan pa'i
dbyangs/ /phyogs brgyar dar ba'i byed por zhabs brtan shog
/rgyal kun gzhon nu'i zol can mi yi gar/ /'jam dpal snying po'i
ring lugs snang ba'i

mdzod; ;srid mtha'i bar du mi nub 'phel ba'i gnyen/ /bstan
'gro'i nyin byed gcig pur zhabs brtan shog /mchog gsum bslu ba
med pa'i bden byin dang/ /rgyu 'bras rten cing 'brel 'byung 'gog
med

mthu; ;lhag bsam dag pas smon pa'i 'dod 'bras kun/ /lhun gyis
grub pa'i dge mtshan 'bar gyur cig /(//ces pa 'di yang skyabs
mgon srid skyong yongs 'dzin stag brag rin po che nas sog 'phel
rgyas gling gi zhabs drung sprul sku ngag

dbang tshul khrims chos kyi rgyal mtshan gyi zhabs brtan du stsal
rgyur bris// // ! gongs sa ^skyabs ^mgon sku phreng bcu bzhi pa
chen po mchog bstan 'gro'i mgon du zhabs bzung srid mthar brtan
pa'i gsol 'debs 'chi med bdud rtsi'i gru

char 'bebs pa'i sprin chen zhes bya ba bzhugs so//) oM swa sti/
mi shigs rtag brtan grub pa'i rdo rje'i dbyings/ /mtshan dpe'i
lang tshor sgeg pa'i rab 'byams sprin/ /'chi med bdud rtsi'i gru
char 'bum g.yo pas/ /

srid zhi'i rnam 'dren mchog 'dir dge legs stsol/ /mgon khyod
gdod nas dag pa'i ye shes sku/ /rgyal kun gsang gsum thig le
chen po'i klong/ /dbyer med lhun grub sgyu 'phrul dra ba'i gar/
/cir 

@026a @#/ /yang 'char ba'i ngo mtshar bsam las 'das/ /gzhal du mi
spyod ganggA'i rdul snyed kyi/ /rgyal dang de sras rnam thar
rgya mtsho'i klung/ /ba spu'i khung bu rer yang dog med

du; ;ston kyang rtog pa nyer zhi thub pa'i chos/ /'phags yul ma
la ya yi skyed tshal du/ /skyes rabs dpal gyi ljon bzang bstar
ba'i phreng/ /grags pa yid 'ong dpyid kyi kun dga'i dri/ /rnam
par grol

ba'i rtse dga' snying la bsil/ /rgyal blon paN grub sna tshogs
bkod pa brgyar/ /stobs bcu'i stobs kyis 'phrul ba'i mai na ka
/rdzogs ldan cho ga gsal ba'i zlos gar gyis/ /gangs can mtho ris
ral

pa'i rtse mor drangs/ /mi 'jigs dam bca' rdzogs pa'i ba gam
rtser/ /blo bzang ring lugs chos rnga chen po'i sgra/ /bdud kyi
'khor lo gzhom pa'i dpa' rtags su/ /sgrog pa'i rnam thar srid
zhi'i

khams na snyan/ /ngag gi dbang phyug blo bzang rgyal ba'i bstan/
/'dzin mkhas rgyal ba rgya mtsho gangs ri'i mgon/ /srid gsum
dbang bsgyur phan bde bdud rtsi'i mdzod/ /mtshungs pa med pa'i
sde la

gsol ba 'debs/ /ngag la dbang 'byor rgyal kun mkhyen brtse'i
gar/ /blo 'das mkhas btsun bzang po'i dpal yon can/ /mkha' khyab
bstan 'gro'i mgon po pad dkar 'dzin/ /rgya chen snying

@026b rje'i rol mtsho zhabs brtan shog /snang srid 'khor gsum
yongs dag chos sku'i dbyings/ /dbang dang stobs bcus 'dod dgur
bsgyur ba'i rtsal/ /mtshungs bral 'dren pa bla med bstan pa'i
dpyid/ /sde

bzhi'i dpal yon chen por zhabs brtan shog /dregs ldan gtsug gi
nor bu'i 'od zer dang/ /'grogs pa'i zhabs sen zla ba bdud rtsi'i
gter/ /ke la sha ri'i legs byas nam mkha'i ltor/ /phan

bde'i snang ba 'gyed bzhin rtag brtan shog /rgya chen gtsug lag
kun gsal yangs pa'i mtha'/ /mkhyen rab nyi ma bye ba'i 'od rlabs
kyis/ /phye bas kun rmongs mun pa'i cho 'phrul stong/ /pham byed

mkhas pa'i rtse mor zhabs brtan shog /gya nom zhi ba theg gsum
dbyig gi mdzod/ /thub pa'i brtul zhugs li khri'i chu gter gyis/
/sa chen gur kum lang tshor 'grem pa la/ /zla bral btsun pa'i
mchog

tu zhabs brtan shog /rjes chags snying rje rnga yab dkar po'i
'dzum/ /byin rlabs bdud rtsi'i bsang gtor 'bum 'gyed pas/ /khams
gsum gdung ba 'jig pa'i cho ga mkhan/ /'gro ba'i rtsa lag chen

por zhabs brtan shog /zab dang rgya tsho'i drug skyes rol mo'i
sgra/ /'khrol ba'i cha shas rer yang rgyal kun gyi/ /gsung gi
gsang ba 'byin pas bde gshegs lam/ /gsal mdzad ston pa chen por
zhabs

@027a @#/ /brtan shog /rigs tshul nyag phran gcig gis phas rgol
gyi/ /smra ngan sgra sgrogs mgrin bcu gcod pa la/ /spobs pa mi
zad sred med dpung pa'i stobs/ /zla

med dpa' bo chen por zhabs brtan shog /nyams ldan dbyangs kyi
dkyil 'khor yongs rdzogs pa'i/ /legs bshad mtsho byung rol pa'i
phang 'gro'i glu/ /snyan rgu'i tshad du 'jebs pas mkhas kun gyi/
/

brtan pa cig car 'phrog bzhin zhabs brtan shog /chos srid gser
gyi 'khor lo rtsibs stong can/ /sde bzhi'i mu khyud phyogs kun
'ching ba'i rlabs/ /srid pa gsum gyi spyi bor thogs med du/
/bsgyur

ba'i dbang phyug mchog tu zhabs brtan shog /kun dga' rnam par
rgyas pa'i rdzogs ldan gyi/ /chab srid dpag bsam nor bu'i 'khri
shing gi /kun phan yal 'dab nam mkha'i bla brer dkrigs/ /'gro

ba'i ngal bso chen por zhabs brtan shog /tshul min brlang por
spyod pa'i tshang tshing khrod/ /bag med yon por 'khyug pa'i lto
'gro'i khyu/ /khrims gnyis btsan po'i gshog rlabs 'bar ba'i
gzis/ /

mthar byed mkha' lding dbang por zhabs brtan shog /sa gsum cig
car gnon pa'i rlabs chen gyi/ /'phrin las gom pa'i stangs stabs
bkod tsam na/ /mtha' bzhi'i stobs ldan dregs pa'i

@027b gtsug tor gyis/ /khyod zhabs gus pas bsten cing rtag brtan
shog /thub bstan spyi dang blo bzang rgyal ba'i bstan/ /dri med
zla ba'i gdugs dkar khyon yangs po/ /phyogs kyi khong pa rdzogs
pa'i grib

bsil gyis/ /khor yug ri bo'i bar du khyab gyur cig /zhi ba'i
rlabs ldan theg gsum bdud rtsi'i klung/ /yongs 'khyil bde gshegs
bstan pa'i ma dros mtshor/ /rig grol gser mig g.yo 

ba'i nya mo 'bum/ /bshad sgrub lus rtsal 'khyug pas snyems gyur
cig /brgya phrag gtsug lag nor bu'i snying po skyes/ /dga' ldan
chab srid gter gyi ka la sha/ /sde bzhi'i dbyig gi gru char

rtag 'jo bas/ /khams gsum rgud pa'i dbul ba gzhil gyur cig /sa
la mtho ris rgyal srid spyod pa'i tshul/ /'byed la rnam par dpyod
pa'i 'dab stong can/ /phying sang padma dkar po'i do shal

'dzum/ /bsngags 'os ge sar khur gyis dud gyur cig /dge bcu'i ri
mo g.yas su 'khyil ba'i dung/ /legs byas skye pa lnga pa'i bkra
shis dbyangs/ /kun bzang sprin gyi rol mor rtag snyan

pas; ;ljongs 'dir rdzogs ldan lang tsho bzhad gyur cig /'di smra
po yang 'khor 'das dwangs ma'i bcud/ /srog gi zungs su sbrel
ba'i dpal be'u'i/ /re khA mi shigs rdo rje'i mdud rgya'i

@028a @#/ /ris; ;gzhol med rtag pa'i khams su brtan gyur cig
/phyag na padmo'i rlabs chen chos srid kyi/ /'phrin las rnam par
rgyal ba'i rgyal mtshan che/ /lhag bsam

dpung pa brtan pos yongs bzung ste/ /'chi med lam gyi mthar yang
'dzugs gyur cig /mdor na rgyal kun mkhyen brtse nus pa'i dpal/
/mtshan dpe'i 'khor lo gcig tu rdzogs pa'i mgon/ /dge

legs snang ba stong gi gzi 'bar ba/ /mi nub srid zhi'i gtsug na
mdzes gyur cig /bdag sogs 'gro kun skye ba'i phreng ba ru/
/khyod zhabs mi shigs g.yung drung 'khyil ba'i ris/ /spyi bo'i
rgyan du mchod

pa mi gtong zhing/ /ring min gsang gsum thig ler ro gcig shog
/bslu med mchog gsum bden pa'i byin rlabs dang/ /snang stong
zung 'jug chos dbyings rten 'brel stobs/ /phyogs bral gdul

bya'i lhag bsam dag pa'i mthus/ /smon pa'i don kun bde blag
'grub gyur cig / //(ces lha dang bcas pa'i srid zhi yongs kyi
mgon skyabs dus gsum rgyal ba kun gyi snying rje'i rang gzugs/
rang cag kha ba ri pa rnams kyi me tog gang la phog

pa'i lha skal ^ gongs sa ^ skyabs mgon sku phreng bcu bzhi pa
chen po rje btsun ngag dbang blo bzang bstan 'dzin rgya mtsho
srid gsum dbang bsgyur mtshungs pa med pa'i sde dpal bzang po
mchog bstan 'gro'i mgon du zhabs zung srid mthar brtan pa'i gsol
'debs 'chi med bdud rtsi'i gru char 'bebs pa'i sprin chen zhes

@028b bya ba 'di ni ^ gong sa mchog nyid nges pa'i don du ring
mo zhig nas g.yung drung rtag pa chen po'i go 'phang mngon du
mdzad zin pas rdo rje'i sku la 'pho 'gyur nam yang mi mnga' mod/
drang don gdul bya'i skal ba dang mtshams par sdom brtson ngur
smrig 'chang ba'i gar du bzlos pa'i rags pa'i gzugs sku mthong
ba don ldan

'di nyid kyang gangs ljongs bstan 'gro'i spyi dpal chen por mi
'jigs gdong lngas btegs pa'i khri 'phang mthon por ^ zhabs zung
rdo rje'i chos bdun gyi ngo bor brtan cing/ rlabs chen bzhed don
mtha' dag gegs med du 'grub pa'i bden tshig gsol 'debs 'di lta bu
zhig dgos zhes phyag na padmo'i lugs zung

'phrin las kyi rlabs chen phan bde'i gdugs dkar gyen du 'degs pa
la gzhan dring mi 'jog pa'i rnam dpyod dang lhag bsam gyi dpung
pa mchog tu brtan pa bka'i mdun na 'don rnams dang/ sku bcar
spyi khyab mkhan pos dbus/ gdan sa gsum dang/ drung rigs ser
skya spyi tshogs bcas bod ljongs

lha sde mi sde spyi mgrin nas srid du ring ba'i lha rdzas kyis
btegs pa'i maNDal rten gsum sogs bdog pa'i dngos po gya nom pa'i
rten bcas bskul ma zhus pa bzhin/ ^skyabs mgon srid skyong yongs
'dzin rin po che nas stsal rgyur bris// //

! zhabs brtan gsol 'debs 'chi med bdud rtsi'i sprin chen zhes
bya ba bzhugs so/) /rab 'byams rgyal ba kun gyi mkhyen rab dang/
/mi 'gyur tshe dpal mchog /thun grub gnyis kyi/ /'dod pa 'jo
mdzad yid bzhin 'khor lo'i

lhas; ;deng 'dir 'chi med dam pa'i dngos kun stsol/ /yong ye
thog ma dbus mtha' bral ba'i dbyings/ /shes dang shes bya'i de
nyid zab mo'i don/ /'jal ba'i blo gros snang ba 'bum phrag gi
/dpal

@029a @#/ /ldan bshes gnyen chen por gsol ba 'debs/ /pha mtha' mi
mngon gsung rab rgya mtsho'i 'jing/ /gsal myur zab pa'i ye shes
gru bo ches/ /brgal ba'i blo

gros bzang ldan don gnyis dbyig /'dren mkhas ded dpon chen por
zhabs brtan shog /thub gsung drang nges dka' gnad lcags kyi
gzhu/ /skyes sbyangs lus rtsal stobs kyis nyer bkug ste/ kun

rmongs 'khrul 'khor 'joms pa'i nyag phran mda'/ /ci dgar 'gengs
pa'i byed por zhabs brtan shog /ma smad mkhas dbang phyogs glang
grags pa'i dpal/ /sa 'dir rtsen pa'i rigs tshul rdo rje'i thog /

log smra brag ri'i gshed du 'bebs pa'i mgon/ /bstan pa'i rtsa
lag mchog tu zhabs brtan shog /'bum phrag gzhung don bshad sgrub
gling bzhi'i khyon/ /mkhas btsun bzang po'i 'od kyi snang ba
yis/ /

rab gsal blo bzang rgyal bstan 'dab brgya'i tshal/ /bzhad mdzad
chos kyi nyi mar rtag brtan shog /slu med mchog gsum srung ma'i
bden byin dang/ /nam yang 'gog pa med pa'i rten 'byung mthus/ /

bdag cag lhag bsam dag pas smon pa'i don/ /gegs med lhun gyis
'grub pa'i bkra shis shog / //(ces pa 'di ni gzhung lugs rab
'byams smra ba'i yongs kyi dge ba'i bshes gnyen chen po 'bras
blo gling spom ra ye shes

@029b blo ldan nas dpal ldan 'bras spungs chos kyi sde chen por
blo gsal rigs pa smra ba du mar paN chen bsod nams grags pa'i
phar phyin spyi don gyi bshad lung mdzub khrid du rgya cher spel
bar nye ba na 'bras blo gling pho khang yar bla ma thub bstan
'jigs bral dang/ kong po chos mdzad blo bzang rin chen gnyis nas
zhabs

brtan smon tshig 'di 'dra zhig dgos zhes bskul ba'i ngor/ sku
bcar mtshan zhabs dar han dga' ldan khri byang sprul ming bas
sbyar ba'o// // ! zhabs brtan gsol 'debs 'chi med bdud rtsi'i
char 'bebs zhes bya ba bzhugs so/) /

rab 'byams rgyal ba'i tshe dang ye shes khams/ /rmad byung lha
mor shar ba'i 'jo sgeg gar/ /'chi med mchog sbyin yid bzhin
'khor lo mas/ /deng 'dir rje btsun bla ma'i sku tshe spel/ /thub
pa'i lugs

bzang kun gyi snying po'i bcud/ /blo bzang rgyal bstan spel la
zla med pa'i/ /skal bzang dga' ba bskyed pa'i legs bshad gter/
/mtshungs med rje btsun bla mar gsol ba 'debs/ /thub tshul lung

rtogs bstan pa'i mkha' dbyings su/ /rmad byung thugs bskyed zla
gzhon 'dzum pa'i zer/ /'phrin las snang ba stong gis sa gsum
khyon/ /gsal mdzad 'gro ba'i mgon po zhabs brtan shog /

gsung rab rkang 'thung 'khrigs pa'i skyel tshal las/ /gsan bsam
sgom pa'i nyams myong mngar ba'i bcud/ /lung rtogs dam chos
sbrang rtsi'i snying po 'bum/ /len mkhas bshes gnyen mchog

@030a @#/ /khyod zhabs brtan shog /zab rgyas mdo rgyud rgya mtsho
thos pas mkhas/ /thos don blang dor ngo lkog med pas btsun/
/byang chub sems gnyis spel ba'i bzang

po'i spyod/ /mkha' khyab spro ba'i byed por rtag brtan shog
/'chad pas skal ldan gdul bya'i re ba skong/ /rtsod pas dka'
gnad mdud rgya'i dra ba gcod/ /sdeb legs don bzang zab mo'i
rtsom la

dbang/ /bstan 'gro'i mig 'byed mchog tu zhabs brtan shog /mgon
khyod thugs bskyed kun gsal yangs pa'i mkhar/ /gsang gsum 'phrin
las nyi ma 'bar ba'i gzis/ /'gro tshogs

rmongs mun bcom dang lhan cig tu/ /thub bstan yang snying ring
du gsal gyur cig /bslu med bla ma mchog gsum byin mthu dang/
/rgyu 'bras rten cing 'brel 'byung mi slu zhing/ /bdag cag lhag

bsam dag pa'i nus mthu yis/ /smon pa'i don kun bde blag 'grub
gyur cig / //(ces bstan pa'i gsal byed mtshungs med cha phreng
bsam gling la kag mchog sprul rin po che'i zhabs brtan gsol
'debs 'di 'dra zhig dgos zhes

dad ldan 'phel ra dge slong rab rgyas nas bskul ba'i ngor/ /khri
byang sprul ming pa blo bzang ye shes bstan 'dzin rgya mtshor
'bod pas nor gling skyed mos tshal gyi rang shag tu sbyar ba'o//)
//

@030b ! rab 'byams phyogs bcu'i zhing na bzhugs pa yi/ /stobs
bcu'i dpal mnga' rgyal dang de sras tshogs/ /drang srong bden
pa'i tshig la dbang ba kun/ /deng 'dir gsol btab 'grub pa'i dbang
por

mdzod/ /blo chen kun bzang thub pa yongs kyi bstan/ /lhun grub
'phrin las rgyun mi chad pa yis/ /spel la rgyal ba rgya mtshor
ngang gcig pa'i/ /zla bral rje btsun bla mar gsol ba 'debs/
/mgon

khyod 'gro la brtsi ba'i snying rje'i khur/ /mi dman dpa' ba'i
brtul zhugs lhun rdzogs kyang/ /mthun snang rags pa'i gzugs can
dmigs med dbyings/ /zhi bar mnal ba'i ngang tshul 'di ci zhig /

'gro rgyud dug lnga 'bar ba'i zhugs chen gyis/ /khyod thugs dpal
ygyi 'khri shing lhag med du/ /sreg par rtsom na rjes chags
thugs rje'i sprin/ /ches cher g.yo ba'i gru char cis mi stsol/
/mi

bzad snyigs lnga bdo ba'i nyam thag 'gror/ /ring nas brtse ba'i
dam bca' mi lhod cing/ /thub bstan ming tsam gyur la nyer dgongs
nas/ /yang sprul mchog sku'i zhal bzang myur ngom gsol/ /

tshogs gnyis gser ldan dga' ma'i lto ba ru/ /bla med mchog sprul
dpag bsam gsar pa'i mngal/ /nyer sbrum mkha' khyab 'gro ba'i yid
gsos su/ /gsang gsum ljon 'bras myur du 

@031a @#/ /bzhad gyur cig /gzhon nu nyid nas mkhas btsun bzang
po'i dpal/ /yongs rdzogs blo bzang rgyal bstan gsal ba'i nyi/
/'gro rnams lam mchog bgrod pa'i

mig gcig tu/ /bsam bzhin 'byon pa'i dga' ston myur thob shog
/rmad byung sras bcas X X X X (ces bstan pa'i snang byed dam pa
mdo smad spom rag don gling klu sgrub mchog sprul rin po che
dgongs pa zhi dbyings su mnal ba'i mchog

sprul myur byon gyi gsol 'debs 'di 'dra zhig dgos zhes gang gi
zhabs 'bring gsol dpon nas rten bcas bskul ba'i ngor/ sku bcar
mtshan zhabs dar han dga' ldan khri byang sprul ming pas sbyar
ba'o// //

! zhabs brtan gsol 'debs rtag brtan rdo rje'i re kha zhes bya ba
bzhugs so//) rab 'byams stobs bcu mnga' ba'i ye shes gzugs/
/'chi med sgreg mor rol pa'i 'jo sgeg gis/ /rtag brtan tshe dang
ye shes dngos

grub char/ /'bebs mdzad bcom ldan yid bzhin 'khor los skyongs/
/ngag la mkhas dbang bye ba'i rtsal rdzogs pas/ /lung rtogs chos
tshul rigs pa'i 'od stong gis/ /rab gsal rgyal bstan

pad tshal bzhad pa'i gnyen/ /zla bral srid pa'i sgron me zhabs
brtan shog /ngag gi dbang phyug rgyal ba gnyis pa yi/ /zhal lung
rigs gsum gdul byar 'doms pa la/ /bstan 'dzin mkhas pa'i

@031b gtsug rgyan nor bu'i sgron/ /mthong grol mtshan dpe'i me
tog rtag brtan shog /rnam kun mkhyen dang 'gro la brtse ba'i
cha/ /mtha' dag khams kyi rjes song chos phung mdzod/ /brgyad
khri'i gsang ba zad mi

shes pa'i gter/ /yongs su gzung ba'i byed por zhabs brtan shog
/thub gsung dka' gnad zab dang rgya che'i tshul/ /drang nges ji
bzhin 'byed pa'i shing rta'i srol/ /ma 'dres gsal bar phye la

skyes sbyangs kyi/ /rnam dpyod blo gros bdag por rtag brtan shog
/khyod thugs sgrib bral mkha' la zla ba bzhin/ /rgyal bstan kun
gsal snang ba ches dkar ba'i/ /gsang gsum 'od phreng bstan 'dzin

rgyu skar stong/ /mog por byed pa'i mgon du zhabs brtan shog
/mdor na mnyam med thub bstan rin chen srol/ /dri bral 'jam dpal
snying po'i ring lugs mchog /mkha' mnyam lus can yongs kyi

dpal yon du/ /phyogs dus kun tu nyams med gsal gyur cig /skyabs
gnas mchog gsum bslu ba med pa'i byin/ /bdag sogs lhag bsam rnam
par dag pa'i 'bras/ /zung du 'brel ba'i rten

'byung slu med mthus/ /smon pa'i don 'bras lhun gyis grub gyur
cig / //(ces mdo sngags bstan pa'i snang byed mtshungs bral
skyabs rje dga' byang khri dwags rin po che'i yang sprul zla
zhal gsar du tshes pa'i zhabs brtan gsol 'debs

@032a @#/ /rtag brtan rdo rje'i re kha zhes bya ba 'di yang dwags
po dga' ldan rab brtan dgon gyi slob dpon las sne 'dus dmangs
mgrin gcig nas rten bcas bskul ma gnang ba'i thog /de ga'i slob
dpon las thog chos mdzad mkhyen rab ye shes

nas kyang rten bcas snga phyar yang yang bskul ba bzhin/ sku
bcar mtshan zhabs dar han dga' ldan khri byang sprul ming pas
smon pa'i mtshams sbyor dang bcas te sbyar ba'o//) // ! gsung gi
rdo rje gar dbang tshe mtha'

yas; ;thugs rje'i rang rtsal rig 'dzin pad ma rgyal/ /dbyer med
'jam mgon tshe 'dzin tshe yi lhas/ /deng 'dir 'chi med grub pa'i
dga' ston stsol/ /bstan pa'i nor 'dzin kun da bzhad pa'i gnyen/
/

tshe rabs bsten pa'i lha zhal zla ba gsar/ /dbang phyug bye ba'i
'od dkar rnam grol ba/ /mi mthun sgra gcan g.yul las rab rgyal
shog /dregs par bstan kyang gzung 'dzin spros pa'i rgya/
/dbyings su

yongs dag kun bzang tshe dbang stsal/ /gang 'dul gzugs can rnam
'gyur bkod pa'i sprin/ /gzhom med rgyal ba'i mdzad pa rtag sgrub
shog /thub pa'i bstan dang de 'dzin srung ba'i gtsor/ /sngon tshe

padma dbang gis mnga' gsol ba'i/ /lha mchog rnam par rtsen pa'i
dam tshig rten/ /'di nyid srid mthar mi nub rgyal gyur cig /sgrib
bral dag pa'i gzigs mor rtag 'char ba'i/ /spyi sgos bstan dang

@032b 'gro ba'i blang dor gyi/ /lkog gyur ma sbas dbyangs su
sgrog pa yi/ /gsang tshig skal bzang rna bar rtag snyan shog
/'khor 'das brtan g.yo'i dwangs ma bdud rtsi'i bcud/ /mi shigs
g.yung drung rtag pa'i lang tshor smin/ /

chos nor thar 'dod nor bu'i gter kha brgya/ /grol bas rang gzhan
don gnyis 'grub gyur cig /rgyal ba'i bka' rtags skye ba lnga
pa'i dung/ /gtsug tu mdzes pa'i ging chen tshangs pas kyang/ /zhi
rgyas dbang drag

rol pa'i rnam 'gyur gyis/ /bkod pa stong gis mel tshe'i bya ra
mdzod/ /bslu med mchog gsum rgya mtsho'i thugs rje dang/ /snang
stong 'gal med chos dbyings bden pa'i stobs/ /bdag cag lhag bsam

dag pa'i nus mthu yis/ /smon pa'i don kun yid bzhin 'grub gyur
cig / //(ces la mo byang chub lcog gi gnas srung snang srid
dregs pa'i yang rje ging chen tshangs pa chen po'i sku rten bstan
'dzin tshe dbang rnam rgyal gyi 'gal rkyen sel ba'i

bden tshig 'di 'dra zhig dgos zhes/ bstan pa'i snang byed dam pa
skyabs rje dga' shar the bo mchog sprul rin po che nas rten bcas
bskul ma mdzad pa'i bzhed skong slad/ sku bcar mtshan zhabs dar
han dga' ldan khri byang sprul ming pas sbyar ba sid+hi ra stu//
//

! bla ma rin po che 'jam dpal blo gros kyi sku tshe'i bar chad
zhi ba'i gsol 'debs tshe sbyin 'phags ma'i bden tshig ces bya ba
bzhugs so//) mi 'gyur bde chen chos dbyings dga' ma'i gar/ /'gro
khams 'bum phrag rdzing bur gang 'dul

@033a @#/ /gyi; ;zla snang 'bad med ston mdzad rigs brgya'i bdag
/drin can bla ma kun da'i gnyen gcig la/ /mi phyed dad pas rtse
gcig gsol 'debs na/ /zab rgyas nges

gsang sgrub brgyud bstan pa'i mdzod/ /rnal 'byor dpa' bo 'jam
dpal blo gros kyi/ /sku tshe bar chad bzlog par byin gyis rlobs/
/tha mal kun rtog ma lus 'od gsal du/ /sbyangs pa'i rang snang
sgrol

mdzad bla ma lha'i/ /gsang gsum dag pa'i gzigs mor rtag rtsen
pa'i/ /nam mkha'i rnal 'byor gar gyi dbang po la/ /mi phyed dad
pas X X X X mkhyen rab nyi ma 'bar ba'i so rnon gyis/ /

kun rmongs mun pa zos dang lhan cig tu/ /thub bstan sbrang
rtsi'i rgyal mtshan bzhad pa'i gnyen/ /mtshungs med blo bzang
bstan pa'i dngos grub la/ /mi phyed X X X X rab 'byams mdo rgyud
bye ba'i

lam bzang gnad/ /bshad dang sgrub pas tshul bzhin spel ba yis/
/'jam mgon ring lugs bsre bslad yongs bral bar/ /'dzin mdzad
grub dbang ye shes rgya mtsho la/ /mi phyed X X X X

rgya chen gzhung lugs mchog rab ri bo'i lcid/ /rnam dpyod sor
mos 'degs la dpa' ba'i stobs/ /dga' ldan bstan pa'i gnyen gyur
'gro ba'i mgon/ /bshes gnyen chen po ngag dbang tshul khrims

@033b la; ;mi phyed X X X X grangs med rgyal ba'i dgongs bcud
bdud rtsi'i chab/ /thugs gsang rdzing bur 'khyil ba'i 'dzad med
klung/ /'gro rgyud dad pa'i zhing sar 'bebs pa'i gnyen/ /mtshungs
med rje

btsun blo bzang bstan 'dzin la/ /mi phyed X X X X mkhas mang
gdengs can bye bas yongs bzung ba'i/ /mdo rgyud rin chen mdzod
la mnga' bsgyur zhing/ /mtha' yas 'gro la 'dod dgur spel ba'i

gnyen/ /ngag dbang dge legs bstan pa'i rgyal mtshan la/ /mi phyed
X X X X gsang gsum mi zad ngo mtshar rgyan gyi mdzod/ /gnyis min
gnyis su ston kyang sgyu ma bzhin/ /dag pa rab

'byams brtan g.yo'i 'khor lo'i ltar/ /rnam rtsen grub mchog
padma badzra la/ /mi phyed X X X X byams brtse mkhyen pa blo
bzang rgyal ba yi/ /bstan pa'i snying po 'dzin pa'i dpal gyur
cing/ /

'phrin las rgya mtsho rigs kun rigs kyi gtso/ /drin can bla ma
pha bong kha pa la/ /mi phyed X X X X rgyal kun ye shes mkhyen
brtse nus pa'i gzugs/ /'phrin las lha mor shar ba'i 'jo sgeg
gar/ /

mchog thun dngos grub 'dod pa 'jo ba'i lha/ /myur skyob kun
sgrol a r+ya tA re mar/ /mi phyed X X X X nyon mongs shes
bya'i sgrib pa ma lus pa/ /zhi byed rnam byang bden dang sgrol
mdzad

@034a @#/ /ma'i; ;mngon par 'byung ba'i rgyud sogs lung rtogs
kyi/ /dam chos dkon mchog ji snyed mchis rnams la/ /mi phyed X X
X X rgyal yum 'phags ma'i

rim gnyis rnal 'byor sogs/ /nyan sems sgom dang 'dzin cing spel
ba yis/ /chos mchog tshul bzhin sgrub pa'i skye 'phags kyi/
/phyogs bcur bzhugs pa'i dge 'dun thams cad la/ /mi phyed X X X
X

ches zab gsang ba bla med 'phags ma'i lung/ /snyan brgyud de
'dzin brgyud bcas srung ba'i gtso/ /dur khrod bdag mo e ka dzA
Ti sogs/ /bka' srung dam can rgya mtsho'i tshogs rnams la/ /mi

phyed X X X X rgya bod mkhas grub gzhan gyis ma myangs pa/ /grub
mchog gar gyi dbang por nyer stsal ba'i/ /'phags ma'i zhal chab
tsitta ma Ni yi/ /rtsa brgyud bla ma mchog gsum bden pa'i mthus/
/

zab rgyas nges gsang gdams ngag rgya mtsho'i mdzod/ /rje btsun
bla ma 'jam dpal blo gros zhabs/ /mthun snang gzugs sku 'gyur
med rdo rje ltar/ /bskal pa rgya mtshor nam yang g.yo med shog
/de nas

theg mchog dge ba'i bshes gnyen gyi/ /drin las 'khor slob yon
gyi bdag po sogs/ /grangs mtha' yas pa'i 'gro ba ma lus pa/
/'phags ma'i lam 'dis myur du grol gyur cig /mdor na

@034b thub bstan dri med yun du gnas/ /bstan 'dzin 'dus pa'i sde
bcas 'phel zhing rgyas/ /mtha' dag chos 'byor bde dgas 'tsho ba
yis/ phun tshogs phyogs brgyar 'phel ba'i bkra shis shog / //

(ces pa 'di yang mkhas btsun bzang po'i dpal mang 'brag g.yab
'byor ri bsam gtan gling gi bla ma rin po che 'jam dpal blo gros
kyi sku tshe'i bar chad zhi ba'i slad sgrol ma tsitta ma Ni'i bla
brgyud rnams la gsol ba 'debs pa 'di ltar dgos zhes 'bras nyag
dge bshes dpal 'byor/ blo rgyal/ /thub

bstan tshe ring sogs bu slob rnams dang/ dad ldan skal bzang lags
dang mkhyen rab lha mo bcas nas rten bcas nan tan chen pos bskul
ba bzhin/ sku bcar mtshan zhabs dar han dga' ldan khri byang
sprul ming pas smon pa dge legs 'phel// //

! zhabs brtan smon tshig gzhom med rdo rje'i srog shing zhes bya
ba bzhugs so//) oM swa sti/ bskal bzang rnam 'dren yongs kyi
thugs rje'i stobs/ /mtshan dpe'i phung por sgeg pa'i 'chi med
lha/ /bla ma blo bzang tshe

dpag med mgon gyis/ /mtshungs med 'gro ba'i mgon 'dir dge legs
stsol/ /blo 'das mkhas btsun bzang po'i rnam thar gyis/ /dkon
mchog rin chen chos kyi mdzod srung ba/ /bstan pa'i

gnyen gcig rgyal ba'i mdzad pa can/ /mtshan ldan rje btsun bla ma
zhabs brtan shog /blo chen bskal bzang rgyal las ches dkon pa'i/
/gdams pa'i mchog gyur 'jam mgon bstan pa'i srol/ /

@035a @#/ /mi nub rgyal mtshan srid pa gsum gyi blar/ /sgreng
mkhas dpa' bo chen por zhabs brtan shog /rab 'byams chos phung
thos la ngoms pa med/ /bsam sgom

dpyad 'jog zab mo'i rnal 'byor gyis/ /sa lam bgrod pa rgyal ba'i
rdzu 'phrul bzhin/ /nyams rtogs grub pa'i dbang por zhabs brtan
shog /gang gi mkhyen rab rnam dpyod hub gcig gis/ /mdo

rgyud shes bya rgya mtsho lhag med du/ /gsol las spangs rtogs lus
rtsal stobs bcu'i zungs/ /sprel mdzad mkhas pa'i mchog tu zhabs
brtan shog /thub pa'i brtul zhugs bar ma chad pa ru/ /

skyong ba'i dran shes ldan pa'i spyod pa yis/ /bcas mtshams srog
ltar srung la nye bar 'khor/ /ji bzhin btsun pa'i mchog tu zhabs
brtan shog /rlabs chen rgyal ba'i 'phrin las mtha' med 'gror/ /

spel ba'i rgyal sras spyod pa rgya mtsho cher/ /zhugs la rin chen
'dren pa'i ded dpon bzhin/ /ngal med bzang po'i mchog tu zhabs
brtan shog /tshigs bcad rer yang don bzang 'bum 'byed cing/ /

log rtog rmongs pa'i ra ri kun bcom nas/ /thub bstan yun ring
spel ba'i legs bshad 'bum/ /spro mdzad bstan pa'i gnyen gcig
zhabs brtan shog /mdor na rgyal ba'i ring lugs dri ma med/ /

@035b gang du bsti ba 'jam dpal snying po'i bstan/ /srid mthar
spel ba'i thugs bskyed mdzad bzang rlabs/ /kun khyab mkha' dang
mnyam par rtsen gyur cig /sna tshogs gdul bya'i khams dang rjes
mthun pa'i//

gang 'dul 'phrin las 'dod dgu'i char chen gyis/ /mtha' yas 'gro
ba'i re ba skong ba la/ /bsam 'phel dbang gi rgyal po'i rjes
'gror shog /mkhyen brtse nus pa'i rtse brgya 'bar ba'i gzis/
/phyi nang

'gal rkyen sbyin skyes g.yul ngo las/ /rnam par rgyal ba'i mtho
ris rnga bo che/ /gzhom med rtag pa'i rol mor sgrog gyur cig
/rmad byung X X X X par shog / //(ces brtul zhugs grub

pa'i dpa' bo gsum ldan rdo rje 'dzin pa gangs dkar bla ma rin po
che mkhan chung dkon mchog chos grags dpal bzang po'i yang srid
mchog sprul blo bzang dkon mchog bstan pa'i rgyal mtshan gyi
zhabs brtan gsol 'debs 'di 'dra zhig dgos zhes sngags ram bu
rdor nas gser gyi me tog

dang bcas nan cher bskul ba'i thog /mdzod pa'i mchog /'a 'brug
gis gtsos pa'i zhabs gras rnams dang ze 'bru dgon grwa tshang
bcas nas rten bcas bskul ba'i ngor/ dam pa gang dang skye ba'i
phreng bar dam tshig lu gu rgyud du 'brel ba/ sku bcar mtshan
zhabs dar han dga'

ldan khri byang ming pas gru 'dzin gnyis pa'i gzhal med khang
pho brang chen po po tA la'i rang spyi la du smon pa'i mtshams
sbyor dang bcas sbyar ba dge legs 'phel//) // oM swa sti/ sras
bcas rgyal 

@036a @#/ /ba kun gyi mkhyen dang brtse/ /rmad byung mtshan dpe'i
dpal gyis brjid pa'i gar/ /tshe dpag med mgon grags pa'i ba dan
ni/ /rnam par rgyal ba'i mgon

des dge legs mdzod/ /blo bzang rgyal ba gnyis pa'i thugs kyi
bcud/ /bstan pa'i snying po 'dzin la zla bral ba/ /dge legs 'dod
pa 'jo ba'i bsam 'phel nor/ /'gro khams rgya mtsho'i re skong

zhabs brtan shog /blo gter kun bzang mkhyen brtse'i 'od stong
gis/ /thub bstan nor 'dzin gsal ba'i dge mtshan can/ /legs bshad
kun dA'i 'dab rgya bzhad pa'i gnyen/ /mtsho byung nor bu'i

sgron me zhabs brtan shog /ring nas goms pa'i tshogs gnyis klung
rgyun gyis/ /bskyed bsrings snying rje'i drod kyis yongs smin
pa'i/ /mgon khyod gsang gsum dpag bsam yongs 'du'i ljon/ /

gser ldan dga' ma'i rgyan du rtag brtan shog /thub dbang dpal
gyi mgur pa las 'ongs pa'i/ /zab rgyas 'chi ba med pa'i bdud
rtsi'i bcud/ /mkha' khyab 'gro la gtan gyi srog zungs su/ /spel

la zla bral mgon du zhabs brtan shog /thos bsam sgom pa phyogs
rer ma song ba'i/ /mkhas btsun bzang po'i rnam thar gtsang ma
yis/ /mdo sngags lugs bzang tshang la dri med bstan/ /srid

@036b mthar skyong la mtshungs med mthu ldan shog /zab don 'chod
rtsod rtsom pa'i bkra shis glu/ /'jigs med sengge'i rgyud las
'phos pa'i dbyangs/ /skal bzang rna ba'i dpyid du rtag 'jo bas/
/mkhas mang dga'

skyed mchog tu zhabs brtan shog /bslu med mchog gsum dam pa'i
byin mthu dang/ /lhag bsam dag pas smon pa'i rten 'byung mthu/
/nam yang 'gog pa med par 'char ba'i 'bras/ /gegs med bde

blag 'grub pa'i bkra shis shog / //(ces mdo smad bstan pa'i
sgron me 'ba' la kha mchog sprul rin po che blo bzang bstan
'dzin dge legs rgya mtsho'i zhabs brtan gsol 'debs 'di 'dra zhig
dgos zhes la kha bla brang gi mdzod pa a ke tshe ring/ /dge
slong blo bzang rgyal mtshan

dge slong skal ldan/ dge a tshang bcas nas rten bcas bskul ba'i
ngor/ /sku bcar mtshan zhabs dar han dga' ldan khri byang sprul
ming pa blo bzang ye shes bstan 'dzin rgya mtshor 'bod pas sbyar
ba dge legs 'phel// //

! zhabs brtan gsol 'debs 'chi med rdo rje'i rang sgra bzhugs
so//) oM swa sti/ rgyal kun 'chi med rang snang mtshan dpe'i
gar/ /mi 'gyur tshe dang ye shes snang ba'i gter/ /yid bzhin
'khor lo'i rtag brtan byin

brgya yis/ /deng 'dir rje btsun bla ma'i srid 'di srungs/ /blo
gros rab bzang thub bstan 'dzin ma'i rgyan/ /dge ldan legs bshad
rgya chen dbyar gyi mtsho/ /spel ba'i yon tan phyogs rdzogs kun
dA'i

@037a @#/ /gnyen/ /skye rgu'i gdung sel chen por gsol ba 'debs/
/sna tshogs blo dang dbang por 'tshams pa yi/ /kun bzang rgyal
bstan snying po'i ring lugs 'dzin/ /gdul bya'i

dge legs rgya cher spel ba'i gnyen/ /mtsho byung dgyes pa'i dbang
por zhabs brtan shog /gzhung lugs 'bum phrag mang thos rtsa ba
brtan/ /dpyad 'jog bsam sgom yal ga'i khyon yangs shing/ /nyams

rtogs 'bras bus dud pa'i kun dga'i ljon/ /skyes mchog dpag bsam
dbang por zhabs brtan shog /mdo sngags phyi nang rig gzhung rgya
mtshor mkhas/ /dgag sgrub blang dor chos 'dul spyod pas btsun/ /

bdag pas gzhan gces sems mchog bzang po can/ /bstan 'gro'i rtsa
lag gcig tu zhabs brtan shog /gdams don ji bzhin rdzogs pa'i
nyams myong ro/ /thugs rjes 'gro la 'doms pa'i rlabs chen

spyod; ;lhun grub 'phrin las chad med srid mtha'i bar/ /spel
mdzad 'gro 'dren chen por zhabs brtan shog /slu med rgyal ba
rgya mtsho'i bden byin dang/ /bdag cag gsol btab smon pa'i rten
'byung

mthus/ /ji ltar re ba'i 'bras bu de de bzhin/ /gegs med lhun
gyis 'grub pa'i bkra shis shog / (//ces par khams rdzi tho dgon
brag nag mchog sprul rin po che blo bzang bstan 'dzin dge legs
rgya mtsho'i zhabs

@037b brtan gsol 'debs 'di 'dra zhig dgos zhes bla brang mdzod
pa las byed rnams dang/ rdzi tho dgon bla grwa mgrin gcig nas
rten bcas bskul ba'i ngor/ sku bcar mtshan zhabs dar han dga'
ldan khri byang sprul ming pas smon pa de de bzhin du 'grub par
gyur cig / //

! myur byon gsol 'debs thugs rje'i char rgyun bskul ba'i sprin
sgra zhes bya ba bzhugs so//) oM swa sti/ byin rlabs nor bu'i
rdul phran cha shas kyang/ /srid zhi'i dge legs bye ba'i gter
chen du/ /lhun grub 'dod pa 'jo ba'i

bsam 'phel dbang/ /blo bzang rdo rje 'chang gis bden tshig stsol/
/thub pa'i bzhed gzhung mdo sngags bstan pa'i btsud/ /blo bzang
chos tshul dri med phyogs kyi mthar/ /rgyal ba'i dgongs pa ji
bzhin

spel ba'i mgon/ /mtshan ldan rje btsun bla mar gsol ba 'debs/
/thub bstan 'od snang spro ba'i nyi ma khyod/ /chos dbyings dus
kyi nub rir gzhol gyur na/ /rgyal sras dpa' bo'i bzod stobs go
cha zhes/ /

/mtshan bzang don gyis stong par zad dam ci/ /de phyir thugs
bskyed go la'i rlung shugs kyis/ /drangs pa'i mchog sprul chu
shel thig le'i 'dzum/ /bkra shis

'od zer brgya yi rtse dga' can/ /skal bzang kun dA'i gnyen du
myur byon shog / //('di man gong gsal rdzi thog brag nag sprul
sku'i zhabs brtan gsol 'debs nas kha bsgyur ste ser smad kong po
shar sprul rin po che thub bstan chos kyi rgyal mtshan

@038a @#/ /gyi myur byon gsol 'debs su/ skyabs mgon srid skyong
rin po ches stsal rgyur bris// // ! zhabs brtan gsol 'debs 'chi
med char 'bebs bzhugs so//)

sras bcas rgyal ba kun gyi rdo rje gsum/ /yid 'phrog mtshan dpes
phyug pa'i mdzes sdug skur/ /shar bas 'chi med tshe dang ye shes
dpal/ /sbyin mdzad bcom ldan 'das mas dge legs stsol/ /'jam mgon

mkhyen brtse nus pa'i dpal yon kun/ /gcig bsdus bstan 'gro'i nor
'dzin yangs pa'i gzhir/ /theg gsum chos kyi pad tshal bzhad pa'i
gnyen/ /phan bde'i nyin byed chen po zhabs brtan shog /'jam dpal

snying po'i lung rtogs bstan pa'i gnad/ /tshul bzhin 'dzin mkhas
gdul bya'i zhing sa cher/ /zab rgyas chos kyi gru char nyin
bzhin du/ /'bebs pa'i byed po mchog tu zhabs brtan shog /ring
nas 'gro la rjes

chags snying rje dang/ /thugs bskyed smon lam rlabs chen grub
pa'i mthu/ /nyer smin mchog gi sprul sku yid bzhin nor/ /'gro
ba'i re skong chen por zhabs brtan shog /zab yangs blo gros nor
bu'i me long

du; ;rab 'byams gsung rab gzugs ris kun bsti bas/ /thub dgongs
ma 'dres 'byed pa'i ltad mo 'bum/ /ci dgar ngoms pa'i byed por
zhabs brtan shog /gtsug lag rgya mtshor rol pa'i brtson

@038b pa'i gru/ /dpyad 'jog dpung ba brtan po'i skya ba yis/
/legs bskyed phas rgol chu srin glal ba'i kha/ /skyengs byed ded
dpon mchog tu zhabs brtan shog /phun tshogs dngos kun skyed pa'i
sa chen bzhin/ /sdom

gsum nor bu'i mdzod la mnga' bsgyur zhing/ /mdo sngags lam dang
'bras bu'i dbyig gi char/ /snyil mdzad klu yi dbang por zhabs
brtan shog/ /sras bcas rgyal rnams gshegs pa'i shul chen po/
/bslab

gsum rim gnyis mtha' dag mkha' khyab tu/ /chad med spel la blo
bzang rgyal ba dang/ /dbyer med rgya chen 'phrin las lhun grub
shog /slu med mchog gsum rgya mtsho'i byin rlabs dang/ /bdag cag
dad

dang mos pas gsol btab pa'i/ /rten 'byung rgyu 'bras 'gog pa med
pa'i 'bras/ /gegs med lhun gyis 'grub pa'i bkra shis shog /
(//ces pa 'di yang ser byes bra ti khams lung khri sprul rin po
che 'jam dpal

bstan 'dzin chos kyi nyin byed dpal bzang po'i zhabs brtan gsol
'debs 'di 'dra zhig dgos zhes gang gi mdzod pa las byed spyi
mgrin dang byang a mdo shog chung dgon sde bcas nas rten bcas
bskul ma byung ba ltar/ sku bcar mtshan zhabs dar nyan khri byang
sprul ming pas smon pa de de bzhin du 'grub pa'i

rgyur gyur cig /) // ! mkha' khyab zhing gi 'khor lor yongs
khyab pa'i/ /stobs bcu mnga' pa sras dang slob mar bcas/ /thams
cad smon pa'i dbang por nyer gsol na/ /

@039a @#/ /bdag cag re smon yid bzhin 'grub par mdzod/ /'gro la
brtse chen byams pa'i dgongs pa yi/ /mkhas dang grub pa'i rnam
thar rmad byung ba'i/ /'phrin las bzang

pos rgyal bstan 'dzin pa la/ /zla med rje btsun bla mar gsol ba
'debs/ /mgon khyod dus gsum rgyal ba'i mdzad bzang dang/ /mtha'
yas bstan 'gro'i don chen sgrub bzhed pa'i/ /ma smad rgyal sras

dpa' bo'i snying stobs kyi/ /dam bca'i ri mo thugs la bris pa
dgongs/ /phyogs bcu rab 'byams zhing gi rngul snyed kyi/ /rgyal
kun 'dus pa'i tshom bur nges rnyed de/ /bdag cag gdung shugs drag
pos

gsol 'debs na/ /rjes chags sprul sku'i zhal bzang myur ston cig
/mdo sngags gzhung lugs rgya mtsho chen po'i 'jing/ /thos bsam
brtson pa'i gru yis legs brgal te/ /bsgom pa'i nyams

myong rin chen 'bum gyi dbyig /'dren mkhas ded dpon mchog tu
myur byon shog /mkhas btsun bzang po'i bsil zer 'bum phrag gis/
/skal bzang gdul bya'i snying la kun dga'i char/ /'bebs

la mtshungs med yang sprul zla zhal gsar/ /skal bzang yid kyi
gdung sel myur 'char shog /bslu med rin chen gsum gyi byin rlabs
dang/ /bdag sogs gdul bya'i dad mos rten 'brel stobs/ /

@039b dam can chos skyong srung ma'i 'phrin las kyis/ /smon pa'i
don kun bde blag myur 'grub shog / (//ces pa 'di yang ser byes
lho pa bco brgyad mchog sprul sku phreng drug pa byams pa mkhas
grub 'phrin las bstan 'dzin dgongs pa chos

dbyings su gshegs pa'i yang sprul myur byon gyi gsol 'debs 'di
'dra zhig dgos zhes dam pa de nyid kyi zhabs 'bring rnams dang/
ser lho khams tshan bcas nas bskul ba'i ngor/ /sku bcar mtshan
zhabs dar han dga' ldan khri byang sprul ming pas smon pa de de
bzhin du 'grub par

gyur cig / // ! an ja su bla ma blo bzang byang chub bstan pa'i
nyi ma'i zhabs brtan gsol 'debs ni//) oM swa sti/ rgyal kun
'phrin las zla ba zhun ma'i rgyun/ /gang gi gsang

gsum thig ler sgeg pa'i sku/ /'chi med mchog ster yid bzhin
'khor lo yis/ /deng 'dir tshe dang ye shes mchog sbyin mdzod/
/blo chen skal bzang rgyal kun mkhyen brtse'i gar/ /byang chub
spyod pa'i

'od snang 'bum grol bas/ /thub bstan pad tshal bzhad pa'i nyi
gzhon gsar/ /ma lus skye rgu'i gnyen la gsol ba 'debs/ /blo gros
tshigs bzang lam gyi rjes 'gro'i dbyings/ /byang grol zhi ba'i

ngo mtshar kun chub pas/ /bstan pa'i snying po sprin bral nyi 'od
bzhin/ /gsal mdzad 'gro ba'i bla ma zhabs brtan shog / //('di
man gzhan nas kha bsgyur song//) //

@040a @#/ /swa sti/ brjod bral lhan skyes sems kyi rdo rje'i
dngos/ /dag pa rab 'byams mkha' khyab brtan g.yo'i gar/ /spro
zhing sdud mdzad blo bzang dang po'i mgon/ /bdag sogs re

smon 'grub pa'i byin rlabs stsol/ /blo chen rgyal ba'i lugs
bzang bstan pa'i bcud/ /'dzin la zla bral snyan pa'i grags pa
can/ /mtha' klas 'gro ba'i ded dpon sems dpa' mchog/ /dpag yas
yon tan

mdzod la gsol ba 'debs/ /mgon khyod mthong grol mtshan dpe nor
bu'i sgron/ /chos dbyings zhi ba'i klong du gzim bzhed na/
/snyigs mar 'phyan pa'i skal dman gdul bya yi/ /gdung sel legs

bshad snang ba su yis spro/ /srid mtshor bying ba'i nyam thag
'gro ba kun/ /sgrol ba'i khur chen bdag gis blang bya zhes/
/bgrang yas rgyal ba'i spyan sngar lhag bsam gyi/ /dam bca'i ri
mo bris pa dgongs

sam ci/ /de phyir thugs bskyed mgyogs 'gro'i rlung shugs kyis/
/bskul ba'i yang sprul dbyar skyes sprin gzhon gsar/ /bkra shis
bye ba'i gru char 'bebs bzhin du/ /gdul bya'i mkha' dbyings myur

bar dkrigs gyur cig /gzhung lugs mang thos rdzing bu 'khyil ba'i
klong/ /tshul bzhin bsam pa'i 'dab stong ge sar dgod/ /sgom pa'i
nyams myong sbrang rtsi'i zil mngar can/ mchog sprul 'tsho

@040b skyes gzhon nu myur byon shog /bcu phrag rig gnas la mkhas
lus stobs rgyas/ /bag yod btsun pa'i myos bum mngon par mtho/
/bzang po'i lhag bsam rab dkar mche bas brjid/ /yang sprul spos
kyi

glang po myur byon shog /zab don 'chad pas skal bzang dga' ston
'byed/ /rtsod ngag rigs pa'i ral gris rmongs pa gcod/ /sdeb legs
rtsom pa mtsho byung rol pa'i glu/ /zla zhal sprul pa'i rol gar

myur byon shog /bslu med mchog gsum bden pa'i byin rlabs dang/
/stong dang rten 'byung 'gal med bden pa'i mthu/ /bdag sogs lhag
bsam dag pa'i mthu stobs kyis/ /smon pa'i don kun bde blag

myur 'grub shog / //(ces zla bral bstan pa'i snang byed dam pa
tre hor dpal ri dgon dge rtag mchog sprul rin po che blo bzang
bstan 'dzin grags pa mtha' yas dpal bzang po zhi bar gshegs pa'i
yang srid myur byon gyi gsol 'debs 'di 'dra zhig dgos zhes dpal
ri

dgon 'dus spyi dang/ bla brang zhabs gras mgrin gcig nas bskul
ba bzhin mtshan zhabs dar han khri byang sprul ming pas smon pa'i
mtshams sbyor dang bcas sbyar ba'o/// // ! zhabs brtan gsol 'debs
'chi mes sprin gyi sgra dbyangs

zhes bya ba bzhugs so//) oM swa sti/ rgyal kun so sor rtog pa'i
ye shes nyid/ /mthar byed gshed du rab 'bar mtshan dpe'i gar/
/'chi med dpal ster tshe dpag med mgon gyis/ /deng 'dir rje btsun
bla ma'i

@041a @#/ /srid 'di srungs/ /bloO gter rgyal ba'i lugs bzangO
thub pa'i bstanO/ /'dzinO la dgeO ldan legs bshad nor bu'i
mdzod/ /lung rigs rnamO sad 'od kyi rtse dga' can/ /

rgyalO sras nyin byed dbang por gsol ba 'debs/ /bloO ldan skal
bzangO gdul bya'i mkha' dbyings su/ /bstanO pa'i snying po gsal
ba'i ri dwags 'dzinO/ /dgeO legs 'od stong rnamO par rgyalO ba'i
dpal/ /mi

nub srid pa'i phyi mthar rtag brtan shog /sde snod gzhung lugs
mang thos lus rtsal rdzogs/ /bslab gsum ngur smrig gos bzang
lhab lhub mdzes/ /rin chen sems gnyis mdzod la dbang bsgyur
ba'i/ /

thub pa'i srol 'dzin mchog tu zhabs brtan shog /zab rgyas gdams
zab blo ldan rna bar 'jibs/ /lung rigs thog mdas rgol ngan brag
ri 'joms/ /snyan 'gyur rtsom pas mkhas kun yid 'phrog pa'i/ /

bstan 'gro'i srog gi zungs su yun brtan shog /mdor na khams gsum
phan bde dar ba'i gnyen/ /blo bzang ring lugs srid pa'i sgron me
ltar/ /'degs bzod 'phrin las go la'i rlung gi shugs/ /

bskal brgya'i bar du nyams med gnas gyur cig /mchog gsum lha
dang dam can chos srung tshogs/ /ma g.yel lhag bsam smon pa'i re
ba'i 'bras/ /ji bzhin 'grub pa'i bar chad zhi ba dang/ /mchog

@041b mthun dngos grub stsol ba'i bkra shis shog / //(ces mdo
khams bstan pa'i snang byed dam pa 'jol don gling klu sgrub
mchog sprul rin po che'i yang srid 'khrul bral nges rnyed la
mtshan gsol dang 'brel bar zhabs brtan gsol 'debs 'di 'dra zhig
dgos zhes bla brang mdzad pa

bgres gzhon gyis gtsos pa'i zhabs 'bring rnams nas rten bcas ji
ltar bskul ba bzhin sku bcar mtshan zhabs dar nyan khri byang
sprul ming pas dwangs bas sbyar ba dge legs su gyur cig)/ // !
'gro khams baiDUr dwangs pa'i

rtsig ngos su/ /gang 'dul zhi khro dra ba'i bkod pa 'bum/ /cir
yang 'char ba'i skyabs yul rab 'byams kyis/ /bdag sogs re smon
yid bzhin 'grub par mdzod/ /bloO chen dus gsum rgyal ba thams
cad

kyi; ;gshegs shul mdo sngags theg pa'i lam bzangO kun/ /bshad
dang sgrub pas chosO bzhin 'dzinO pa la/ /zla med rje btsun bla
mar gsol ba 'debs/ /mgon khyod gzod nas zhi ba mchog gi sku/ /

skye 'jig mtshan ma'i snang tshul las 'das kyang/ /byis blo'i mos
ngor 'tshams pa'i mdzes sdug gi /ri mo dbu mar brtul ba'i tshul
'di ci/ /slar yang mtha' yas smon lam thugs bskyed dang/ /stong

dang snying rje zung 'jug sgyu ma'i 'phrul/ /dge legs snang ba
dam pas 'jig rten kun/ /dga' skyed zla ba'i 'dzum dkar myur du
ston/ /mang thos lung gi 'dab stong bzhad pa'i rtser/ /rtogs pa'

@042a @#/ /sbrang rtsi'i zil mngar rtag 'jobs/ /yid can thar pa
dam pa'i ngal 'tsho la/ /sbyor ba'i bshes gnyen mchog tu myur
byon shog /srid pa nyam nga'i 'gro kun dbugs

'byin zhing/ /dman pa'i zhi mtha' 'gog pa'i zab mo'i sgra/ /theg
mchog chos kyi rgyal rnga rtag 'khrol ba'i/ /yang srid dpa' bo
chen po myur byon shog /klog spong bya ba las kyi 'khor lo yis/
/'khrul

bral blo bzang bstan pa'i snying po mchog /srid na nyin mo bzhin
du gsal ba la/ /zla med mchog gi sprul sku myur byon shog /de
tshe mngon dga' gsar ba'i me tog phreng/ /kun bzod sgeg mo'i
rgyan du nyer

bkod pas/ /phan bde'i lnga tsho dar ba'i mdzes sdug gis/ /khams
gsum snying gi gdung ba sel gyur cig /de ltar smon pa'i gnas
rnams 'grub pa la/ /ring nas bsten pa'i bstan srung rgya

mtshos kyang/ /'phrin las glog ltar myur ba'i grogs mdzad nas/
/skal bzang yid kyi re ba skong gyur cig / //(ces pa 'di yang
mdo khams bstan pa'i snang byed dam pa nyi rag mchog sprul rin
po che blo bzang chos 'dzin dgongs pa

zhi bar gshegs pa'i yang sprul myur byon gyi gsol 'debs 'di 'dra
zhig dgos zhes dam pa gang gi zhabs 'bring bu slob rnams nas
bskul ba'i ngor/ sku bcar mtshan zhabs dar han dga' ldan khri
byang sprul ming pas smon pa'o//) //

@042b ! rmog lcog mchog sprul rin po che ye shes byams pa bstan
pa'i rgyal mtshan dgongs pa gzhan don du gshegs pa'i myur byon
gsol 'debs/ skyabs mgon srid skyong rin po ches stsal rgyur gong
gsal nyi rag sprul sku'i myur byon nas kha bsgyur thog /mtshan
brjod la/) spros kun sgyu mar

gzigs pa'i yeO shesO dang/ /ro mnyam brtse chen byamsO paO chen
po'i rtsal/ /yongs rdzogs thub bstan 'dzin pa'iO rgyalO ba'i
sras/ /mtshanO ldan rje btsun bla mar gsol ba 'debs// //

! (zhabs brtan gsol 'debs 'chi med bdud rtsi'i bum bzang zhes
bya ba bzhugs so/) /oM swa sti/ phyi nang gegs kyi tsha gdung
las skyob zhing/ /'chi med bdud rtsi phyogs su 'bebs pa'i sprin/
/bcom ldan thugs rje'i

'od dkar g.yo ba mos/ /rtag brtan 'chi med grub pa'i char gyis
skyongs/ /skalO ldan thar 'dod skye bo'i lam bzangO tshul/ /kun
mkhyenO mchog rabO rgyal ba'i dgongs pa bzhin/ /spel ba'i
'phrinO lasO

'dzad med rlabs phreng can/ /rgyaO chen chos kyi rol mtshoO zhabs
brtan shog /phul byung mkhyen rab gser gyi yub rgyas/ /rgyal
bstan nor bu'i rgyan mdzes gdugs dkar 'bum/ /'degs pas phan

bde'i grib bsil 'bebs mkhas pa'i/ /skyes mchog chos kyi bla mar
zhabs brtan shog /gzhan phan chu 'dzin g.yo ba'i zab klong nas/
/legs bshad dbyar skyes sprin gyi rol mo'i glu/ /'khrol  

@043a@#/ /bas dge legs bye ba rgya mtsho'i dpyid/ /spro mdzad dpal ldan
bla ma zhabs brtan shog /tshul gsum rigs pa'i sgyings 'gro 'bar
ba'i gzis/ /log smra sbyin

skyes gzhom la zla med kyi/ /grags snyan phyogs kyi 'khor lor
rdzogs pa can/ /yongs rdzogs bstan pa'i gnyen du zhabs brtan
shog /tshangs sras rig pa'i padmo'i sbrang chang gis/ /rab myos
shes rab

lus rtsal dar ba'i dbyangs/ /tshig don rab mdzes phang 'gro'i
rgyun nyid du/ /'gugs mkhas dge ba'i dbang por zhabs brtan shog
/bslu med mchog gsum rgya mtsho'i byin rlabs dang/ /snang stong

zung 'jug rten 'byung bden pa'i mthus/ /deng 'dir yid la ji ltar
smon pa'i tshogs/ /'bad med lhun gyis 'grub pa'i bkra shis shog /
//(ces pa 'di yang bstan pa'i snang byed li thang a rdza mchog
sprul rin po che skal

bzang mkhyen rab 'phrin las rgya mtsho dpal bzang po'i zhabs
brtan gsol 'debs 'di lta bu zhig dgos zhes gang gi phyag mdzod
karma tshe dbang nas rten bcas bskul ba'i ngor/ mtshan zhabs dar
han dga' ldan khri byang sprul ming pas sbyar ba de de bzhin du
'grub par gyur cig /) //

! oM swa sti/ kun khyab chos dbyings gdod nas stong pa'i rtsal/
/rang snang lhun grub kun bzang nor bu'i mdzod/ /brjod bral mi
shigs sems kyi rdo rje yis/ /deng 'dir smon pa 'grub pa'i dge
legs

@043b stsol; ;bdeO stong zung 'jug sgyu ma chenO po'i sprin/
/rnam dag chosO nyid dbyings kyiO lha lam nas/ /bsgyur bas 'gro
rnams sems dpa'O mchog gi sar/ /'dren mdzad skyabs kyi gtso borO
gsol ba 'debs/ /

mgon khyod rtag brtan chos sku'i sar gshegs kyang/ /gang 'dul
gdul bya'i mos ngor 'tshams pa'i sku/ /chos dbyings zhi ba'i mal
du nyer bsdus pas/ /bdag sogs mya ngan khur gyis ci yang non/ /

yul snang khrag 'thung dpa' bo'i sprin du btibs/ /sgra grags
gzhom med sngags kyi rol mor 'khrol/ /stong dang snying rje'i
mkha' ru 'byams klas pa/ /zla bral rnal 'byor chen po myur byon
shog /las rlung

d+hu tir dengs pa'i sems kyi klong/ /lnga ldan 'od kyi phung por
sgeg pa'i sku/ /rang snang mtshan dpe'i mdzes sdug sgyu ma'i gar/
/ngo mtshar sprul pa'i rnam rol myur byon shog /gsal dwangs rang
rig gnyug

ma'i sems kyi gshis/ /'od gsal shes rab mchog gi sngo sangs
ltar/ /ma dag lus kyi chu 'dzin legs sbyangs pa'i/ /mkha' khyab
nam mkha'i rdo rje myur byon shog /don dam shes rab smin legs

mdzes dga' mor/ /rjes chags thabs kyis dgyes rgur rol pa'i
dpyid/ /zung 'jug nor bu'i 'khri shing ldem pa'i gar/ /yang
sprul 'gro ba'i 'dren pa myur byon shog /ring nas bslu med mchog
gsum

@044a @#/ /bden byin dang/ /nam yang 'gog med rten cing 'brel
'byung mthus/ /ji ltar smon pa'i re 'bras ma lus pa/ /gegs med
lhun gyis 'grub pas shis gyur cig /

(ces nges don grub pa'i rnal 'byor chen po zhol khang shar sprul
rin po che bde chen chos kyi dpa' bo mchog re zhig gzugs sku
chos dbyings su mnal ba'i yang srid mchog sprul myur byon gyi
gsol 'debs 'di lta bu zhig dgos zhes gsang yum sku zhabs bde
chen chos sgron lags nas bskul ma mdzad pa bzhin khri byang

sprul ming pas smon pa de de bzhin du 'grub par gyur cig / // !
myur byon gsol 'debs thugs rje'i char rgyun bskul ba'i sprin
sgra zhes bya ba bzhugs so/) /oM swa sti/ brjod bral dbyings
kyi kun gsal stong

pa'i mkhar/ /ye shes 'od lngar 'bar ba sgyu ma'i sprin/ /bcu
gnyis mdzad bzang bdud rtsi 'bum gyi gter/ /rgyal rnams dgyes
pa'i byin rlabs char du snyil/ /zla bral blo gros rdzogs pa'i
dri bzang khang/ /

dpalO stug gser ldanO rgyan du chosO tshul brgyas/ /dpyid kyiO
kun dgar 'byed la nyiO gzhon gsar/ /maO smad gdams pa'i gter la
gsol ba 'debs/ /ring nas rmongs pas dub pa'i skye dgu rnams/
/srid

mtsho'i 'jigs las sgrol ba'i dam bca'i khur/ /sems dpa' khyed
kyis 'dor ba de 'os na/ /kun gyis bse ru'i brtul zhugs cis mi
blangs/ /'on te mi bzad snyigs lnga bdo ba las/ /khyod sku zla

@044b shel chu lhar thim mod kyang/ /rjes chags skya rengs gzhon
nu'i mgyogs 'gro yis/ /yang sprul 'od stong bdag po myur bsus
shig /mkhyen rab hub kyis brgyad khri'i chos kyi klung/ /rngub
pa'i rgyun bzang

gdul bya'i gsos sman du/ /'bebs la mkhas btsun grub pa'i dza hu
na/ /dge ldan bstan pa'i gnyen du myur byon shog /bden bzhi legs
'doms 'dab stong phyogs su bres/ /lung rigs ke sa ra yi

phreng ba dngar/ /snyan 'jebs rkang drug myos pa'i rtse dga'
can/ /mchog sprul pad dkar gzhon nu myur byon shog /bla ma yi
dam chos srung bye ba'i mthu/ /byin rlabs bdud rtsi'i dkyil
'khor rdzogs pa

las; ;bdag sogs smon pa'i kun dA myur bzhad de/ /dge mtshan shis
pa'i dpal gyis khyab gyur cig / //(ces pa 'di yang 'dan ma dge
rgyas yang sprul rin po che blo bzang dpal ldan chos kyi nyi ma
dgongs pa chos dbyings su gshegs

pa'i mchog sprul myur byon gyi gsol 'debs 'di lta bu zhig dgos
zhes dam pa gang gi zhabs 'bring rnams nas rten bcas bskul ba'i
ngor/ yongs 'dzin khri byang sprul ming pas smon pa'i mtshams
sbyor dang bcas sbyar ba dge legs 'phel// //

! zhabs brtan gsol 'deb smon tshig 'chi med bdud rtsi'i gter
mdzod ces bya ba bzhugs so//) /oM swa sti/ 'chi med rtag pa'i
mkha' dbyings dar ba'i klong/ /ye shes mtshan dpe'i mdzes pa
rdzogs pa'i khyim/ /smin legs

@045a @#/ /zla ba'i me long dgod pa'i rlabs/ /kun bzang bdud
rtsi'i mdzod du ci yang spros/ /thubO pa'i bstanO la stobs bcu
mnga' ba'i rtsa la/ /gang 'dul skalO bar 'phro ba'i

kun bzangO gar/ /mkhyenO brtse'i 'od snang rabO gsal chos kyi
rje/ /dpal ldan bla ma'i zhabs la gsol ba 'debs/ /bden gnyis
shes bya'i dkyil 'khor yungs 'bru'i tshad/ /mkha' khyab thugs kyi
srang du

bcal ba'i tshe/ /blo gter chos kyi bla mar nges rnyed pa/ /mkhas
mchog srid zhi'i mgon du zhabs brtan shog /dran shes rnyog med
gser gyi khor yug na/ /sdom gsum nor bu'i yal ga nam mkha'i
mchod/ /

phyogs kyi 'khor lor grags pa'i dri bsung can/ /zla bral yongs
'du'i dbang por zhabs brtan shog /dug gi 'jig rten duH kha
'khyil ba'i mtshor/ /'khrul ba rab brtsegs 'gro khams rgya mtsho'i
rdul/ /dri

bral byang grol rdo rje'i thig le ru/ /sgrub mkhas thugs rje'i
gter du zhabs brtan shog /mtha' klas shes bya'i skra tshogs nags
kyi rtser/ /cha shas kun rdzogs legs bshad bdud rtsi'i khyim/
/thob pa'i rtse

dgas rmongs chen mun pa'i tshogs/ /pham byed ston pa'i mchog tu
zhabs brtan shog /cha shas res kyang mu stegs 'bum gyi gtsug
/nang bstan padmor reg pa'i dpal ster ba/ /tshul gsum rigs

@045b lam mi zad snang ba 'khyil/ /phyogs glang grags pa'i phu
nur zhabs brtan shog /gzungs spobs tshangs chen rol ba'i yid mtsho
las/ /brtan g.yo'i brjod pa rdzogs pa'i ngag rig nor/ /thub
gsung mdzod brgya'i

snying por sgrub mkhas pa'i/ /mtsho byung smra ba'i rgyal por
zhabs brtan shog /mgyogs 'gro'i bung ba d+hu ti'i ke sa rar/ /'du
ba mtshan dpe'i me tog sgyu ma'i 'phrul/ /rdo rje'i dkyil 'khor
'dab ma 'bum pa can/ /

gsang chen gdod ma'i mgon por zhabs brtan shog /blaO med blaO ma
yi dam bstan srung mthu/ /chosO dang chosO nyid mi phyed bden
stobs kyis/ /gangO zhig gangO du smon pa'i re 'bras rnams/ /deO
dang deO bzhin myur du

'grub gyur cig / //(ces pa 'di yang ^gong sa ^skyabs mgon rgyal
dbang thams cad mkhyen gzigs chen po'i sku bcar mtshan zhabs zla
bral mkhas btsun bzang po'i 'od rlabs mtha' klas bstan 'gro'i
snang byed mchog tu 'bar ba gung ru rgyal gling shar chos mchog
sprul

rin po che thub bstan skal bzang mkhyen rab dpal bzang po zhabs
zung yun brtan gyi gsol 'debs 'di lta bu zhig dgos zhes gang gi
mdzod pa las byed zhabs 'bring spyi dang/ rab 'byams gzhung
brgya smra ba'i dge ba'i bshes gnyen 'jam dpal mthu stobs lags/
rgyal gling bla grwa bcas nas lha reg rin chen

gnyis pa'i tshom bu bcas bskul ma gnang ba bzhin/ yongs 'dzin
khri byang sprul ming bas lhag bsam dwang bas smon pa de de
bzhin du 'grub par gyur cig)/ /dge legs 'phel// // 

@046a @#/ /(zhabs brtan gsol 'debs rnam rgyal lha yi rnga dbyangs
bzhugs so/) /oM swa sti/ mthong grol zla ba dag pa'i lang tsho'i
'dzum/ /dwang ba'i yid mtshor lan gcig lhung ba'i mod/ /dbyug

'dzin khengs pa gzhom pa'i 'chi med lha/ /tshe sbyin rnam par
rgyal mas dge legs stsol/ /bloO gros bzangO pos thubO dbang
bstanO pa'i bcud/ /dgeO ldan legsO bshad tshul bzhin spel ba la/
/zla bral rnamO

dag rgyalO ba'i mdzad pa can/ /mtha' yas phan bde'i dpal du
zhabs brtan shog /bloO chen bskal bzangO thubO pa mchog gi
bstanO/ /dgeO mtshan dpag yas legsO lam nor bu'i gter/ /rnamO
grol theg

gsum zhi ba'i mdzod 'dzin pa/ /rgyalO sras 'gro ba'i ded dpon
zhabs brtan shog /tshad med mkhyen pa'i gting mtha' mi mngon
zhing/ /zab rgyas legs bshad dbu ba'i 'dzum dkar g.yo/ /skal
ldan

ngang mo bye ba'i nyer 'tsho'i gzhi/ /spangs rtogs rin chen
'byung gnas zhabs brtan shog /gzhung lugs mang thos rdzing bu'i
dpal las bltams/ /rnam dag tshul khrims dri bzang phyogs su
'thul/ /

gzhan phan lhag bsam sbrang rtsi'i zil mngar can/ /zla bral mtsho
skyes gzhon nur zhabs brtan shog /zhi dul bag yod rwa bar bskyed
bsrings pa'i/ /mkhas tshul gsum gyi yal 'dab stug por bres/ /

@046b grub pa'i nyams rtogs 'bras bu'i khur gyis dud/ /kun dga'i
'khri shing mchog tu zhabs brtan shog /blo bzang rgyal ba'i
bzhed gzhung gdugs dkar khyon/ /rnam dpyod dpung pa brtan pos
legs btegs

nas; ;khams gsum yongs la zhi bsil dga' ston 'bum/ /'gyed mkhas
dpa' bo chen por zhabs brtan shog /dkon mchog rin chen gsum gyi
byin rlabs dang/ /dam can chos skyong srung ma'i 'phrin

las mthu/ /bdag cag lhag bsam dag pa'i bden mthu yis/ /smon pa'i
don kun 'bad med 'grub gyur cig / //(ces pa 'di yang shangs dga'
chos thub bstan sprul sku rin po che blo bzang thub bstan dge
legs rnam rgyal dpal bzang

po'i zhabs brtan gsol 'debs 'di lta bu zhig dgos zhes gzim chang
khyim pa'i sku ngo rnams nas rten bcas ji ltar bskul ma mdzad pa
bzhin yongs 'dzin khri byang sprul ming pas smon pa'i mtshams
sbyor dang bcas sbyar ba dge legs 'phel//) //

! swa sti/ srid zhi'i dge legs rin chen 'bum gyi char/ /'dod
rgur 'jo ba'i bslu med skyabs kyi gtso/ /rab 'byams phyogs bcu'i
rgyal ba sras bcas kyis/ /bdag cag re smon yid bzhin 'grub

par mdzod/ /mtha' yas gdul bya'i skalO ba dang 'tshams par/ /thub
pa'i lugs bzangO tshulO bzhin spel ba la/ /zla bral khrimsO ldan
mkhas grub kun gyi gtso/ /rje btsun bla ma'i zhabs la gsol ba

@047a @#/ /'debs/ /rtag 'dzin bran du song ba'i snying med po/
/'di snang srid bder zhen pa bzlog pa'i slad/ /mtshan dpe'i zla
snang brtul ba'i ngang tshul 'dis/ /bdag

snying la zug rngu'i tshor ba byin/ /da ni mkhyen rab dag gtsang
me long ngos/ /ma 'dres shes bya'i snang brnyan cig char du/
/'char ba'i mdzes sdug mkha' dbyings mthar 'grim pa/ /lam ston
sprul pa'i rol

gar myur byon shog /gzhan phan blo yi zla shel rdzogs pa'i
nyams/ /lhag bsam 'od dkar grol ba'i drwa ba can/ /zhi mtha'i
'dab brgya zum byed rgyal ba'i sras/ /kun phan bdud rtsi'i thig
le myur byon shog /

nyon shes sgrib pa'i g.yul ngo 'jig pa'i mtshon/ /stobs bcu'i
rtsa la rab rgyas pa'i rnam gnon bu/ /'phrin las 'od stong 'gyed
pa'i rta bdun dbang/ /mkhas grub chos kyi nyi ma myur byon shog
/thub

gsung 'o ma'i mtsho chen 'phyur ba'i klong/ /rnam dpyod rigs pa'i
gdengs kas mngon brjid cing/ /legs bshad nor bu'i gter gyis rab
phyug pa/ /'jigs bral gdengs can dbang po myur byon shog /ma
smad

sdom gsum khrims kyi rtsa ba brtan/ /bshad sgrub lo 'dab stug po
yid kyi gsos/ /phan bde'i 'bras bzang dud pa'i sman gyi ljon/
/mchog sprul yongs 'du'i dbang po myur byon shog /rmad byung
sras

@047b bcas rgyal ba'i byin rlabs X X X X myur grub shog / //(ces
pa 'di yang dpa' shod khongs rnga sgong ram bu dgon gyi mchog
sprul skal bzang tshul khrims zhi bar gshegs pa'i yang sprul myur
byon gyi smon tshig 'di lta bu zhig dgos zhes chab mdo zhi bzang
ho

thog thu rin po mchog nas dA sgor brgya dang lnga bcu'i rten
bcas bskul ma mdzad pa bzhin/ yongs 'dzin khri byang sprul ming
pas sbyar ba'o//) // ! byamsO paO tshogsO gnyisO ngagO dbangO
phunO sumO tshogsO/ /bloO gros

bzangO pos phyogs las rnam par rgyal/ /shAka thubO bstanO pa'i
snyingO poO 'jam mgon rje'i/ /legs bshad smra mkhas bzhi la gsol
ba 'debs/ /byamsO brtse'i mkhyen paO rin chen 'byungO ba'i
gnasO/ /lungO

rtogsO rlabs chen g.yo ba'i rgyaO chen mtshoO/ /ngagO gi dbangO
phyug rgyaO mtshoO bloO bzangO bstanO/ /phyogs kun darO mdzad
bzhi la gsol ba 'debs/ /thubO bstanO tshul bzhin bsamO gtanO legs
bsgom pas/ /

lhunO grubO yon tan thabsO mkhasO gdul bya skyong/ /blo gter
lugs bzangO smra ba'i dbangO phyugO che/ /'gro 'dren dam pa gsum
la gsol ba 'debs// / //(zhes mkhan brgyud gsol 'debs kha

skong 'di ser byes grwa tshang las sne lhan rgyas kyi bzhed
dgongs ltar yongs 'dzin khri byang pas sbyar ba'o// // ! ser
byes grwa tshang gi dbu mdzad thub bstan bkra shis nas bskul ba
bzhin/ har gdong khang tshan du tshogs dron byed mus ser byes
sgrub

@048a @#/ /khang sprul sku rim byon gyi gsol 'debs kha skong la/)
blo bzangO rgyal ba'i chos tshulO spel ba'i gnyen/ /khrimsO ldan
bstanO pa'iO rgyalO mtshanO 'dzin pa'i rje/ /bloO bzangO mkhyen
brtse'i

dpal ldan ngagO gi dbangO/ /bstanO 'dzinO rgyaO mtsho'iO mgon la
X X X shAka thubO bstanO pa'i zab don 'byed la mkhasO/ /grubO
gnyis 'dod rgus skalO bzangO re ba skong/ /rgyal bstan snying po
tshul bzhin 'dzin pa

la; ;zla med rje btsun bla mar gsol ba 'debs// // ! (zhabs brtan
gsol 'debs 'chi med lha yi rol mo zhes bya ba bzhugs so/) /oM
swa sti/ gzhom bral rtag pa'i rdo rje sgyu ma'i gar/ /'chi

med mngon dga'i 'dod pa kun 'jo ma/ /mtshar sdug zla pa'i lang
tshor sgeg pa'i nyams/ /yid bzhin 'khor los dge legs 'bum gyis
skyongs/ /'jamO dpal snying gi do rwar rtsen pa'i dbyangsO/ /kun

khyab rgyal ba'i rol mor snyan sgrog pa'i/ /phul byung thabsO
kyis 'gro la lam ston pa/ /mkhasO mchog smra ba'i seng ger gsol
ba 'debs/ /rnam dpyod dkyil 'khor rdzogs pa'i 'od stong rlabs/
/lung

rtogs rtse dga' dgod pa'i zegs mas kyang/ /log rtog rmongs pa'i
smag rum sel ba'i gnyen/ /zla bral smra ba'i nyi ma zhabs brtan
shog /mdo rgyud rkang 'thung 'khrigs pa'i skyed tshal du/ /zab
don

@048b bdud rtsi'i bcud kyis rab myos pas/ /srid zhi'i brjod pa
yongs dag tshangs pa'i glu/ /spro mdzad dam pa'i mgon du zhabs
brtan shog /thub gsung rgya mtsho'i drang nges dgongs pa'i mdzod/
/rnam dpyod rigs

pa'i 'phrul gyis legs phyes nas/ /blo gsal yid kyi shing rta
yongs 'gengs pa'i/ /thar 'dod ded dpon chen por zhabs brtan shog
/srid gsum duH khas mnar ba'i lus can tshogs/ /mtha' med

zhi ba'i grong du 'dren pa la/ /mi zad snang ba'i lam ston chos
kyi rje/ /bstan pa'i rtsa lag mchog tu zhabs brtan shog /slu med
rgyal ba rgya mtsho'i byin rlabs dang/ /snang stong rten 'brel
gnyis tshogs bden

pa'i mthus/ /bdag cag rnams kyis yid la smon pa'i don/ /re ba ji
bzhin lhun gyis 'grub gyur cig / //(ces pa 'di yang rab 'byams
gzhung lugs rgya mtsho'i dka' gnad rnams dri ma med pa'i lung
rigs kyi tshul bzhin 'byed

pa'i bshes gnyen chen po 'jam dbyangs thabs mkhas kyi zhabs
brtan smon tshig 'di lta bu zhig dgos zhes tre hor dar rgyas dgon
gyi spyi so zur pa sangs rgyas chos 'phel dang/ chab mdo mtshan
grwa'i drung yig phun tshogs dbang 'dus gnyis nas bskul ba bzhin
yongs 'dzin khri byang sprul ming pas spro ba chen pos

sbyar ba dge legs 'phel// // ! zhabs brtan gsol 'debs mi shigs
grub pa'i rol mo zhes bya ba bzhugs so/) /oM swa sti/ gzhom
zhig 'pho 'gyur bral ba tshe yi khams/ /mtshan dpe

@049a @#/ /bdud rtsi'i thig ler shar ba'i dpyid/ /ye shes sgyu
ma'i rol pa tA re mas/ /'chi med rdo rje'i ka ba deng 'dir
tshugs/ /'jigs bral zla medO bsngags pa don ldan

gyi/ /'phrinO yig nor 'dzin khyon lasO brgal ba'i mgon/ /yon tan
lhunO rdzogs mkhas grubO kun gyi gtso/ /mtha' yas gdul bya'i
mgon du zhabs brtan shog /shes bya'i rnam pa ma 'dres rgyu skar
phreng/ /

mkhyen rab dag gtsang rdzing bu'i grwa gcig tu/ /'char bzod bden
gnyis lam ston chos kyi rje/ /dge ldan bstan pa'i dpal du zhabs
brtan shog /brtse chen bdud rtsi'i khur gyis lus lci ba'i/ /lhag
bsam

sprin sngon mdzes ma'i bzhin ras nas/ /legs bshad char du rngul
ba'i thigs phreng 'bum/ /skye rgu'i gsos su 'grem mkhas zhabs
brtan shog /mtha' bral srid nyon ka ling ka yi grong/ /gzhom
byed

shes rab nyag phran 'bum gyi bdag /stobs bcu'i 'jug pa brtas
pa'i ram Na/ mkha' khyab bstan 'gro'i gnyen du zhabs brtan shog
/mdo rgyud dgongs zab 'dab stong grol ba'i dpyid/ /lung rigs
snang ba

brgya pa'i a darsha/ /rnam dpyod dbyings kyi mdzes mas mngon
bzung ba/ /'jigs med mi yi dpa' bor zhabs brtan shog /sras bcas
bde gshegs rgya mtsho'i thugs rje dang/ /snang stong mi phyed
chos nyid

@049b dag pa las/ /bdag cag yid la re ba'i smon 'bras rnams/
/gegs med bde blag nyid du 'grub gyur cig / //(ces pa 'di yang
dga' ldan klu 'bum 'jigs med sprul sku rin po che 'jigs med
'phrin las lhun grub sku tshe yun brtan gyi

bden tshig 'di lta bu zhig dgos zhes shar phyag mdzod zur pa blo
bzang rgyal mtshan dang/ klu 'bum slob gnyer ba spyi nas brten
bcas bskul ba'i ngor yongs 'dzin khri byang sprul ming pas smon
tshig tu 'du bgyis pa'o// // ! zhabs brtan gsol 'debs 'chi

med bdud rtsi'i char 'bebs bzhugs so/) /rab 'byams rgyal kun
'phrin las sgyu ma'i rtsal/ /'bum phrag zla ba'i lang tshor sgeg
pa'i nyams/ /sgrol mdzad lhag pa'i lha mo yid 'ong ma/ /tshe dang
ye shes dngos grub char du

phobs/ /mtshungs med bloO dang bzangO po'i rnam dpyod kyis/ /thub
bstanO snying po 'dzin pa'iO dpal yon can/ /'gro la rgyalO ba'i
lam bzang gsal mdzad pa'i/ /mtshanO ldan rje btsun bla ma zhabs
brtan shog /

brgya phrag gzhung mang thos pa'i rtsa ba brtan/ /bsam byung
shes rab yal 'dab phyogs su grol/ /sgom pa'i nyams rtogs 'bum
phrag 'bras bu'i gter/ /bshes gnyen yongs 'du'i dbang po zhabs
brtan

rnam dag bslab gsum lus stobs rab rgyas shing/ /'jigs bral 'chad
rtsod rtsom pa'i gad rgyangs kyis/ /blo bzang bstan pa'i gangs
ri yongs srung ba'i/ /mchog sprul gdong lnga'i dbang po zhabs

@050a @#/ /brtan shog /zab rgyas legs bshad chos kyi gru bo che/
/gzhan phan lhag bsam rkya bas nyer bskul te/ /srid mtshor bying
pa'i nyam thag 'gro ba kun/ /sgrol ba'i

ded dpon mchog tu zhabs brtan shog /sras bcas rgyal ba'i rmad
byung thugs rje dang/ /dam can chos skyong srung ma'i mthu nus
stobs/ /bdag cag lhag bsam dag pa'i bden mthu yis/ /smon pa'i
don

kun yid bzhin 'grub gyur cig / //(ces pa 'di yang sog 'phel
rgyas gling gi ngag sprul rin po che blo bzang bstan pa'i rgyal
mtshan gyi zhabs brtan 'di lta bu zhig dgos zhes/ 'phel gling
'dus spyi dang/ ngag sprul mdzod pa 'jam dpal dngos grub/ yab
phur bu bcas

nas rten bcas 'phrin yig gi lam nas bskul ba bzhin yongs 'dzin
khri byang sprul ming pas g.yar khral tsam du sbyar ba'o// // !
'khrungs rabs gsol 'debs rab rgyas utpal gsar pa'i malli ka
zhes bya ba bzhugs so/) /oM swa sti/

rgyal kun gsang gsum rdo rje snying po'i khams/ /lhun grub sgyu
'phrul dra ba'i sprin bkod pa/ /rab 'byams zhing du sna tshogs
sprul pa'i gar/ /ston mkhas rje btsun bla mas shis pa stsol/ /mi
rtog rig pa'i

rtse brgyas bdud kyi sde/ /pham mdzad stobs bcu'i dbang phyug
'gro ba'i mgon/ /rgyal tshab khams gsum sgron me chen po pa/ /mi
pham chos rje'i zhabs la gsol ba 'debs/ /rnam dag lung rigs bdud
rtsi'i

@050b kaO la shas/ /smra ngan dra maO 'khrud laO ganggA'i spun/
/yongs dagO shiO laO mchog gi brtul zhugs can/ /paN chen smra
ba'i seng ger gsol ba 'deb/ /byamsO brtse'i gang ba rdzogs pa'iO
thig le ni/ /theg

mchog rnalO ma'i lam la dbang 'byorO ba'i/ /gzhan phan bdud
rtsi'i 'od dkar 'bum paO can/ /zla med thugs rje'i gter la X zab
rgyas gsung rab rinO thang gzhal med phreng/ /rgya chenO skal
bzangO rgyan du rtag

spel ba'i/ /ngo mtshar phung poO ljongs 'dir drin du lci/ /'jig
rten gsum gyi mig la X mtha' bral don damO rig paO mchog gi
dbyings/ /gzigs pas dug gsum gnyid las rab sangsO te/ /rten
'brel

zab mo'i phyag rgyasO sdug bsngal kun/ /zhi byed grub pa'i skyes
bur X rmongs pa'i dpung bcomO stobs ldanO 'jam dpal gyi/ /lungO
rigs gzhig tu med pa'iO me lce'i phreng/ /bsnol mar bstar ba
ralO griO rnon

po'i mched/ /mtshungs med mkhas pa'i rtse mor X snyigs dusO
rmongs pa'i rgya mtshor bslab gsumO gyi/ /snang byed 'jig rten mi
nub 'degs pa la/ /mkhyenO rab lus kyi rtsal rdzogs karma paO/
/dus

gsum mkhyen pa'i zhabs la X legs bshad rgya mtshor rol pa'i sgra
dbyangs brgyas/ /mkhas rgu'i brtan pa 'gugs pa'i gragsO snyan
gyis/ /sridO pa kun khyab dpal yon chos kyi mdzod/ /skal ldan
skye 

@051a @#/ /rgu'i gnyen la X srid pa'i gtsong rongO zab mor yid
'byung ba'i/ /thar 'dod 'gro la bden bzhi'i lam stonO cing/
/mtha' bral chosO nyid gsal gzigs tshogs

kyi rjeO/ /shAkya rgyal mtshan zhabs la X rnam thar dgeO la
'dunO mos dag pa'i 'gror/ /bstanO pa'i rim paO rab gsal nor bu'i
sgron/ /rnam dpyod sbrang rtsi darO ba'i blo gsal blo/ /rab
rgyasO padma'i gnyen

la X zab rgyas man ngagO nor bu'i mdzod la dbang/ /'gro la rjes
chags byamsO pa'i rtsal rdzogs te/ /byang chub rdo rje'i lam
bzang gsal mdzad paO/ /mchog gis mkhan dam par X mkhyen pa'i

bloO gros 'od stong 'bar ba'i gzis/ /skal bzangO yid kyi 'dab
brgya bzhad pa'i gnyen/ /byamsO dang snying rje'i dkyil 'khor
yongs rdzogs paO/ /smra ba'i nyin byed chen por X blo gter lugs
bzang tshulO

bzhin spel ba'i mchog /sdom gsum khrimsO kyis rab mdzes byamsO
brtse'i gter/ /dam pa'i 'jug paO ma smad rgyaO chen mtshoO/
/mtshungs med yongs 'dzin dam par X tshod thubO ston pas legs

bstanO gsung rab sgo/ /byamsO dang brtse bas 'doms paO skyes
bu'i mchog /mang thos tshulO ldan khrimsO kyis rgyal ba'i bstanO/
/'dzin mdzad skyes bu'i mchog la X byamsO brtse'i mkhyen paO
mchog

@051b gis bshad sgrub bstanO/ /'dzinO la chosO tshul dpyid kyiO
glu dbyangs 'bum/ /srid na spro mkhas smra ba'i dbangO phyugO
mchog /dpal ldan rje btsun bla mar X shes bya'i sgrib pas yid
can yid srung ba/ /de

srid ma nges spro bsdu sgyu ma'i 'phrul/ /gang 'dul bye ba 'bum
gyis lam ston pa/ /rigs gsum gdul bya'i mgon la X de ltar rje
btsun bla ma'i skyes rabs phreng/ /bstod bsngags dbyangs kyis

kun nas gsol 'debs na/ /mgon khyod gsang gsum rdo rje rtag pa'i
gshis/ /lus can gsos su g.yo med brtan gyur cig /bdag sogs deng
nas byang chub shing gi drung/ /mi shigs skyil krung mchog

gis bsnyen pa'i bar/ /gang gi zhabs mthil spyi bos gus bsten
nas/ /gdams ngag rgya mtshor rtsen pas 'tsho gyur cig /dpyad gsum
yongs dag dri bral gser gyi khams/ /phas rgol gzhig la lung

rigs rtsibs stong 'bar/ /dge ldan lugs bzang chos kyi 'khor lo
ches/ /sa gsum cig char non pas shis gyur cig /bslu med mchog
gsum rgyal ba'i thugs rje dang/ /snang stong mi phyed

chos dbyings bden pa'i mthus/ /bdag cag ji ltar re ba'i 'dod don
rnams/ /gegs med bde blag nyid du 'grub gyur cig / //(ces mtha'
klas bstan 'gro'i dpal mgon mtshungs med phur lcog yongs 'dzin

@052a @#/ /byams mgon mchog sprul rin po che'i 'khrungs rabs gsol
'debs rab rgyas utpal gsar pa'i malli ka zhes bya ba 'di yang
mkhas btsun bzang po'i dpal mnga' sku 'bum che shos mchog sprul
rin po che blo bzang dpal ldan lung rigs rgya mtsho nas

'khrungs rabs gsol 'debs sngon ma paN chen bstan pa'i nyi ma'i
gsung de lung rgyun ma bzhugs gshis/ yongs 'dzin blo bzang tshul
khrims byams pa rgya mtsho man chad sku 'phreng gsum gyi gsol
'debs kha skong bcas 'khrungs rabs cha tshang gsar rtsom dgos
zhes yang yang bskul ma mdzad pa bzhin/

yongs 'dzin dga' ldan khri byang sprul ming pa blo bzang ye shes
bstan 'dzin rgya mtshor 'bod pas nor gling bskal bzang po brang
gi 'dabs rol rang spyil dge legs mngon par bkra ba'i lding khang
du spro ba chen pos sbyar ba'o//) //

! 'jam mgon bstan pa'i snang byed dga' byang khri dwags rin po
che'i 'khrungs rabs gsol 'debs utpal gsar pa'i do shal zhes bya
ba bzhugs so/) /oM swa sti/ kun khyab zhing gi rdul grangs las
'das pa'i/ /dag dang ma dag sna

tshogs sprul pa'i gar/ /spro zhing sdud mdzad blo bzang rdo rje
'chang/ /mchog thun 'dod rgu 'jobs shis pa stsol/ /bde gshegs
rnam pa thams cad gzigs pa'i drung/ /byang chub mchog tu sems

bskyed rin chen dbang/ /'od srung stobs bcu mnga' ba'i dge
sbyong che/ /tshul khrims bzang po'i zhabs la gsol ba 'debs/
/khams gsum nyon mongs rdul dang dri ma kun/ /yongs spangs dgr
 
@052b bcom gnas brtan lam phran bstan/ /'phags pa d+hI d+hi ka
yis rjes bzung ba'i/ /tshangs rigs se d+har grags la gsol ba
'debs/ /'jam dpal yongs grub rgyal ba'i mdzad pa can/ /slob dpon
chen

po ma ti tsi tra dang/ /rmongs chen phag rgod 'dul ba'i brtul
zhugs spyod/ /grub chen phag tshang pa la X rlung sems d+hU tir
dengs pa'i lhan skyes kyi/ /sgyu 'phrul thags su bran pa'i tha
ga pa/ /srong

btsan chos kyi rgyal po'i bka'i phying sang/ /byang chub mchog
btsan zhabs la X padma ka ras rjes bzung nyams rtogs rtsal/ /kun
bzang mkha' dbyings spyod pa'i ye shes dbyangs/ /'jigs dus gsang

chen rgyud don gter gyi mdzod/ /rong pa shes rab seng ger X bka'
gdams rin chen gsal ba'i sgron me mchog /rmad byung yon tan
mdzod 'dzin sangs rgyas dbon/ /lung rigs sbar khyim g.yo ba'i
cha pa

ba; ;chos kyi seng ge zhabs la X rgyal ba gnyis pa'i zhal lung
bdud rtsi'i ros/ /rnam dpyod lus stobs yongs rgyas shes rab
grags/ /ba so chos rje'i gsung skyes chos kyi rje/ /blo gros
brtan pa'i

zhabs la X rgyud kyi mthar thug dpal ldan 'dus pa'i lam/ /tshul
bzhin spel mkhas mda' mi nam mkha' grags/ /mtshungs med mkhas
dang grub pa'i rnam thar can/ /sbyin pa dar rgyas zhabs 

@053a @#/ /la X rgyal ba gnyis pa'i 'jigs med chos kyi khrir/
/zhabs sen nyer bkod ngag dbang tshe 'phel dang/ /bskal bzang
rgyal ba'i mdzad pa lhunO grubO pa'i/ /

gragsO paO phyogs bcur snyan la X bloO bzangO ring lugs spel
ba'i 'phrinO lasO kyis/ /bstanO paO rabO rgyasO 'gro kun 'dren
pa'i rje/ /ngagO dbangO 'jam dpalO rdo rje'i gsang gsum gyi/
/dbangO phyugO rgyaO

mtsho'i mgon la X bloO bzangO mkhyenO brtse rabO 'byams 'odO zerO
gyis/ /gdul bya'i pad tshal skyong ba'i mgon mchog dang/ /ngagO
dbangO lungO rigsO snang bas rgyal ba'i bstanO/ /gsal mdzad srid
pa'iO

sgronO merO X yongs rdzogs thub bstanO tshul bzhin 'dzinO pa la/
/'phrinO lasO lhunO stug yal ga'i khyon yangs shing/ /mkhas dang
grubO pa'i 'bras bzang 'bum pa can/ /zla bral yongs 'du'i dbang

por X mgon khyod 'gro ba'i phyi mtha' ji srid bar/ /zhabs zung
rdo rje'i khams su rtag brtan cing/ /mkhas btsun bzang po'i rnam
thar rmad byung bas/ /dge ldan lugs bzang ring du skyong gyur
cig /

bdag sogs rnams kyang tshe rabs thams cad du/ /bshes gnyen dam
pa'i mgon gyis rjes bzung nas/ /rten bzang don med bya bas mi
'da' bar/ /don mchog sgrub la rtag tu gzhol gyur cig /

@053b srid pa'i 'phrul 'khor sdug bsngal bye ba'i rdzong/ /shes
rab me lce 'bar ba'i rdo rje'i mdas/ /gzhom mkhas rA ma Na yi
mched zla ru/ /rmongs pa'i dgra sde 'joms la dpa' gyur cig /theg
mchog sems

kyi 'dab stong bzhad pa'i dbus/ /byang chen sbrang rtsi'i zil
mngar bcud chags pas/ /skal bzang bung ba 'bod pa'i chos kyi
'phrin/ /mkha' khyab zing na sgrog la mchog gyur cig /sras bcas
rgyal ba

rgya mtsho'i byin mthu dang/ /dbyings rig mi phyed bden par 'brel
ba'i stobs/ /bdag cag rtse gcig mos pa'i lhag bsam gyis/ /smon
pa'i don kun gegs med 'grub gyur cig / //

(ces pa 'jam mgon bstan pa'i snang byed dam pa dga' byang khri
dwags rin po che'i sku 'phreng rim byon gyi 'khrungs rabs gsol
'debs 'di lta bu zhig dgos zhes snga sor dwags po rab brtan dgon
gyi slob dpon blo bzang 'phel rgyas nas bskul zhing/ nye char
phyag mdzod thub bstan chos 'phel nas rten bcas

bskul ma gnang ba bzhin/ /stag phu blo bzang chos kyi dbang
phyug dang/ gser kong rdo rje 'chang gis mdzad pa'i 'khrungs
rabs gsol 'debs sngon yod khag gnyis la gzhi bzung nas yongs
'dzin khri byang sprul ming pas tshig sbyor du 'du bgyis pa dge
legs 'phel// //

! myur byon gsol 'debs don ldan tshangs pa'i rnga sgra zhes bya
ba bzhugs so/) /oM swa sti/ mtha' bral nam mkha'i khyon dang
mnyam 'jug pa'i/ /rgyal kun brtse chen sgyu ma mchog gi gar/
/gru 'dzin bdag po mi tra dzwa' ki

@054a @#/ /dang; ;sgrol mdzad lha mos grub gnyis nor gyis
skyongs/ /ngagO la dbangO 'byor blo gros mchog tu bzangO/ /thub
bstanO 'dzinO la chosO tshul bye ba'i gter/ /sems kyiO

rdo rje nyiO gzhon dar ba'i gzis/ /maO rig mun sel sgron mer
gsol ba 'debs/ /mgon khyod mthong grol sprin dkar lang tsho'i
dpal/ /'gro rnams sgrol la ched du spros pa yang/ /yud kyis dag
pa'i mkha'

la dengs pa 'di/ /bdag cag snying la gdung ba'i mtshon du rtsub/
/de phyir don dam sngo sangs mdzes ma'i ltor/ /brgya phrag ting
'dzin glog gi rol rtsed 'bum/ /skad cig 'jug ldang gcig tu spyod
pa'i rje/ /

rgyal ba'i gdung 'tsho ba chen por myur byon shog /'chad pa'i gru
char skal ldan zhing sar 'jo/ /rtsod pa'i thog mda' log smra
brag ri'i gshed/ /rtsom pa'i sprin sgra tshangs sras rol mor
'jebs/ /mtha' yas

gdul bya'i mgon du myur byon shog /kun rtog dri bzhon d+hu tir
brtul ba'i dbyings/ /bde chen nyi mas gsal ba'i sgyu 'phrul gar/
/gang 'dul bkod pa rgya mtsho'i rlabs grol ba/ /rigs gsum rigs
kyi gtso

bor myur byon shog /bslu med mchog gsum rgyal ba rgya mtsho'i
stobs/ /chos dbyings rten 'byung mi phyed bden pa'i mthus/ /ji
ltar smon pa'i 'dod don bde blag tu/ /lhun grub bkra shis snang
bas khyab gyur

@054b cig / //(ces bdag cag gi rnam par 'dren pa rigs dang dkyil
'khor rgya mtsho'i khyab bdag stag phu ba chen po padma badzra
dpal bzang po'i yang srid mchog gi sprul sku rin po che ngag
dbang blo bzang bstan 'dzin chos kyi nyi ma mchog glo bur dgongs
pa chos dbyings su gshegs

pa'i yang sprul myur byon gyi gsol 'debs 'di lta bu zhig dgos
zhes stag phu bla brang gi zhabs 'bring spyi nas rten bcas bskul
ma mdzad pa bzhin yongs 'dzin khri byang sprul ming pas dwang
ba'i yid kyis gsol ba btab pa de de bzhin du 'grub par gyur cig
/ //

! zhabs brtan gsol 'debs gzhom med rdo rje'i re kha zhes bya ba
bzhugs so/) /oM swa sti/ rab 'byams rgyal ba'i 'chi med srog gi
khams/ /stong phrag zla ba rtsegs pa'i bi dza ya/ /grub gnyis
bdud rtsi'i bsil

ba 'bebs pa mos/ /mi shigs rdo rje'i dngos po deng 'dir sgrubs/
/bloO chen lugs bzangO bstanO pa'i snying po mchog /'dzinO la
chosO tshul dpyid kyiO rol mo 'bum/ /spro mkhas thub dbangO dgyes
pa'i dpal

gyis phyugO /mtshan ldan rje btsun bla mar gsol ba 'debs/ /ma dag
rnyog pa'i ra ri kun bral ba'i/ /mkhyen rab nor bu'i me long
grwa gcig tu/ /mtha' yas shes bya'i gzugs brnyan ma lus pa/ /

'char bzod rnam 'dren chen po zhabs brtan shog /spros mtshan nyer
zhi'i ye shes kun gsal mkhar/ /brtse chen nor bu'i sprin phung
'bum dkrigs te/ /gzhan phan bdud rtsi'i sbrang char 'bebs pa'i
gnyen/ /

@055a @#/ /dpal ldan gdengs can dbang po X mang thos stobs su dar
ba'i sa srungs steng/ /smra ngan sbyin skyes 'joms pa'i rtse
brgya'i mtshon/ /gdengs pas dge ldan

ring lugs skabs gsum grong/ /skyong mdzad lha yi dbang por X
rnam dag tshul khrims rin chen mdzod la dbang/ /ting 'dzin rgya
mtshor 'jug ldang 'dod rgur rtse na/ /shes rab sgron mes srid
zhi'i mun pa

'joms/ /thar 'dod 'gro ba'i gnyen du X mdo rgyud dgongs zab skye
ba lnga pa'i dbyangs/ /sna tshogs gdul bya'i khams dang rjes
mthun par/ /snyan rgur 'jegs pas khams gsum rmongs pa'i gnyid/ /

sel mdzad lam ston chen por X mchog gsum rin chen bden pa'i byin
rlabs dang/ /bdag cag mos pa'i lhag bsam dag pa'i mthus/ /ji
ltar re ba'i 'dod don ma lus pa/ /gegs med lhun gyis

'grub pa'i dpal thob shog / // (ces pa 'di yang mkhas btsun
bzang gsum dang/ 'chad rtsod rtsom gsum gyi rnam thar mchog gis
dge ldan lugs bzang bsre lhad med par spel ba'i gnyen mchog chab
mdo rgya ra mchog sprul rin po che blo bzang bstan 'dzin chos
kyi

dbang phyug dpal bzang po'i zhabs brtan gsol 'debs 'di lta bu
zhig dgos zhes tre hor dar dgon spyi so zur pa sangs rgyas chos
'phel dang/ chab mdo mtshan grwa'i drung yig phun tshogs dbang
'dus gnyis nas bskul ba bzhin/ yongs 'dzin khri byang sprul ming
pas dam pa gang gi mdzad bzang la rjes su yi rang gi

@055b spro ba chen pos sbyar ba dge legs 'phel// // ! myur byon
gsol 'debs re smon myur 'grub bzhugs so)/ /oM swa sti/ mtha'
bral ganggA'i zhing gi rdul snyed kyis/ /bgrang du mi spyod
rgyal ba rgya

mtsho'i sprin/ /mthu dang thugs rje'i zegs ma 'bum g.yo bas/
/deng 'dir re 'bras yid bzhin 'grub par mdzod/ /tshad thub rgyal
bstanO chosO tshul padmo'i phreng/ /phyogs bral 'dzinO mar spel
ba'i 'phrinO lasO can/ /

rab 'byams zhing du phan bde rgyasO pa'i gnyen/ /rje btsun bla
ma'i zhabs la gsol ba 'debs/ /mgon khyod bstan la ri mor bya
ba'i khur/ /thugs bskyed khyogs la blangs pa'i g.yar dam 'bum/
/phyogs bcu'i bde

gshegs mdun na lhur bzhes pa/ /bor bar 'tshal lam mtshan dpe sdud
'di ci/ /de phyir dam bca'i re kha mi bsnyel bar/ /yang sprul
zla ba gzhon nu 'dzum pa'i nyams/ /skal bzang ku mud bzhad pa'i
gnyen mchog

tu; ;dad mos dbang phyogs ri bo'i rtse mor spros/ /skye dgu'i re
skong legs bshad nor bu'i gter/ /smra ngan ri bo gzhil ba'i rdo
rje'i thog /snyan 'jebs ngag gi 'dod 'jo tshangs pa'i mtsho/
/yongs rdzogs

bstan pa'i dpal du myur byon shog /ma thogs rigs tshul dag pa'i
mkhyen rab yangs/ /ma 'dris 'gro la rjes chags rlabs kyis
'ching/ /ma lus bdud sde'i g.yul ngo pham pa'i mthu/ /ma smad
dpal gyi 

@056a @#/ /dum bur myur byon shog /bshad sgrub nor bu 'bar ba'i
rtse dga' yis/ /blo bzang bstan la blo bzang rgyal ba bzhin/
/phyogs bral gdul bya'i bshes su zla med pa/ /

rgyal ba'i gdung 'tsho ba chen po myur byon shog /slu med bla ma
yi dam mchog gsum dang/ /bstan srung dam can rgya mtsho'i byin
mthu dang/ /snang stong chos dbyings zab mo'i bden stobs kyis/
/smon pa'i 'bras

bu myur du 'grub gyur cig / //(ces pa 'di yang dam pa'i yon tan
gyi ngo mtshar rgya mtsho'i bdag nyid ser byes ldan ma tshe 'bar
rin po che rje btsun thub bstan chos 'dzin 'phrin las rab rgyas
mchog dgongs pa zhi dbyings su gshegs pa'i yang sprul 'khrul
bral myur byon gyi gsol

'debs 'di lta bu zhig dgos zhes ser byes grwa tshang slob dpon
las sne bcas dang gang gi gsol dpon dge slong thub bstan dge
legs/ ser byes ldan ma khang tshan/ ldan ma lab dgon gra rgyun
spyi/ ldan ma 'gram bu dgon gyi grwa rgyun spyi bcas nas rten
bcas bskul ma mdzad pa bzhin/ yongs 'dzin khri byang

sprul ming pas lhag bsam rtse gcig smon pa de de bzhin du 'grub
par gyur cig /) dge'o// // ! oM swa sti/ mtshan snyan bdud rtsi
yid la bsten pa'i mod/ /gzhom bral rdo rje'i tshe srog sgrub

pa'i mgon/ /ma nges sgyu mar rol pa'i tshe yi lhas/ /'chi med
grub pa'i byin brgya deng 'dir phobs/ /ngagO gi dbangO phyug
thub gsungO rabO 'byams gzhung/ /bshad sgrub bstanO pa'i mdzod
'dzinO chos kyi rje/ /

@056b ma smad dgeO ldan legsO bshad nor bu'i gter/ /rgyaO chen
chos kyi mtshoO la gsol ba 'debs/ /yongs dag 'khrul bral lta ba
zab mo'i klong/ /dpyad 'jog rang rtsal ngoms pa'i dbyig gi gter/
/rgyal sras

spyod pa'i 'dzum rlabs phyogs kyi mthar/ /spro mkhas chos kyi
rgya mtshor zhabs brtan shog /zab gsal mkhyen rab lha lam yangs
pa'i mkhar/ /lhag bsam bdud rtsi'i zla ba 'dzum pa'i rlabs/ /kun

rmongs dgra sde'i mun pa pham pa'i dpyid/ /mtshungs bral smra
ba'i zla bar zhabs brtan shog /'chad pa skabs gsum 'chi med
rdzing bu dngar/ /rtsod pa rnam gnon brjid pa'i sngar khyim rno/
/rtsom pa tshig don

rgyan gyi 'dab stong rgyas/ /bstan pa'i gsal byad chen por zhabs
brtan shog /bslu med sras bcas rgyal ba'i bden byin dang/ /mthu
ldan bstan srung dam can rgya mtsho'i stobs/ /bdag cag dad mos
lhag

bsam dag pa'i mthus/ /re 'bras ji bzhin bde blag 'grub gyur cig
/ //(ces pa 'di yang li thang sgo zab mchog sprul rin po che
ngag dbang gsung rab bstan 'dzin dge legs rgya mtsho dpal bzang
po'i zhabs brtan smon tshig 'di lta bu zhig dgos

zhes ser smad dbu ma gsar pa'i 'dzin grwa spyi nas bskul ma
gnang ba ltar yongs 'dzin khri byang sprul ming pas smon pa'o//)

@057a @#/ /oM swa sti/ gdod nas yongs dag mi shigs chos kyi
dbyings/ /gsal rdzogs mtshan dper rol pa'i 'dod 'jo'i sprin/
/'chi med grub pa'i bdud rtsi'i gru char gyis/ /

'di na dge legs 'dab brgya bzhad par mdzod/ /ngag rig dbang du
'byor ba'i blo gros kyis/ /kun bzang bstan pa'i nor 'dzin mdzes
pa'i rgyan/ /'phrin las rlabs phreng rgya cher rol pa'i mtsho/
/mchog gi sa

mkhan gcig pur gsol ba 'debs/ /shes dang shes bya'i gnas lugs
yangs pa'i mkha'/ /mkhyen rab snang ba 'bum gyis rtag brjid pas/
/srid zhi'i mun pa yongs 'phrog thub pa'i sras/ /mkhas

dbang bstan pa'i gnyen du zhabs brtan shog /zhi dul chos bzhin
spyod pa'i ma dros klung/ /sdom gsum bcas mtshams dag pa'i rlabs
phreng can/ /phan bde'i myu gu phyogs kun 'phel ba'i gzhi/ /thub
pa'i

gdung tshob chen por zhabs brtan shog /theg mchog sems kyi rdo
rje'i rtsa ba brtan/ /kun bzang rgyal sras spyod pa'i lo 'dab
rgyas/ /gzhan phan 'bras bus dud pa'i yongs 'du dbang/ /dge ldan
bstan pa'i

dpal du zhabs brtan shog /mchog gsum pa slu med bden pa'i byin
mthu dang/ /snang stong mi phyed rten 'byung zab mo'i mthus/
/bdag sogs yid la ji ltar smon pa rnams/ /gegs med bde blag nyid
du

@057b 'grub gyur cig / //(ces pa 'di yang li thang yongs rgya
mchog sprul ngag dbang blo bzang bstan 'dzin 'phrin las rgya
mtsho mchog gi zhabs brtan smon tshig 'di lta bu zhig dgos zhes
ser smad dbu ma gsar pa'i 'dzin grwa spyi nas bskul ma gnang ba
ltar yongs 'dzin khri byang sprul ming pas

smon pa'o// // // ! la dwags rgyal sras ba ku la mchog sprul rin
po che'i zhabs brtan gsol 'debs)/ //

oM swa sti/ rgyal kun ye shes chos dbyings chen po'i rtsal/
/gang 'dul mos ngor 'tshams pa'i sgyu ma'i sprin/ /thun mtshams
bla gos gsar pas nyer klubs pa/ /tshe sbyin blo bzang rgyal ba'i
byin mthu yis/ /blo bzang thub

bstan mchog nor dpal bzang po/ /bskal brgyar zhabs brtan mdzad
'phrin rgyas gyur cig /'jam dpal rtag tu zhi ba chos kyi sku/
/gser 'od 'bar ba'i khro chags rnam 'gyur gyis/ /phyi nang nyi
bu'i 'tshe ba lhag med du/ /'joms

mdzad rdo rje 'jigs byed byin mthu yis/ /blo bzang thub bstan X
bskal brgyar X bgrang yas rigs kyi rol gar pad rag gi /lhun po'i
mched zlar brjid pa'i mtshan dpe'i sku/ /'od snang mtha' yas tshe
dang ye shes gter/ /bde

ldan zhing gi mgon po'i byin mthu yis/ /blo bzang X bskal X
brgyad gnyis lang tshos snyems pa'i 'jo sgeg gar/ /dran pa tsam
gyis 'chi bdag dpung 'joms shing/ /tshe dpal 'dod rgur 'jo ba'i
lha yi lha/ /bcom ldan rnam par

@058a @#/ /rgyal ma'i byin mthu yis/ /blo bzang X bskal brgyar X
rab 'byams rgyal kun 'phrin las bdud rtsi'i mtsho/ /bsrubs skyes
stong phrag zla ba bzhad pa'i nyams/ /'chi

med ga bur zegs ma 'bum phrag brgyar/ /spro mdzad yid bzhin
'khor lo'i byin mthu yis/ /blo bzang X bskal brgyar X de ltar
bden pa'i tshig gis gsol btab mthus/ /rje btsun bla ma'i zhabs
zung rdo rje'i

khrir/ /mi 'gyur g.yung drung ngo bor rtag brtan cing/ /bzhed
dgongs ma lus lhun gyis 'grub gyur cig /bdag cag bsam sbyor bya
spyod nongs pa yi/ /'gal 'khrul ci mchis lhag med myur byang
ste/ /sgo gsum

bgyi ba mtha' dag drin can rje/ /dgyes bskyed mchod pa'i sprin
du 'gyur par shog /sras bcas rgyal ba'i rmad byung thugs rje
dang/ /snang stong 'gal med chos dbyings bden pa'i mthu/ /dam
can chos skyong srung ma'i

'phrin las kyis/ /ji ltar smon pa de bzhin 'grub gyur cig (/ces
pa 'di yang bstan pa'i snang byed mkhas btsun bzang po'i rnam
thar rmad byung la dwags rgyal sras pa ku la mchog sprul rin po
che blo bzang thub bstan mchog nor dpal bzang po zhabs zung

yun brtan gyi gsol 'debs shig dgos zhes gang gi gsol zhabs thub
bstan rnam rgyal nas rten bcas bskul ba bzhin/ yongs 'dzin khri
byang sprul ming pas dwang ba'i yid kyis smon pa de de bzhin du
'grub par gyur cig /) // ! oM swa sti/

@058b mthong grol mtshan dpe'i zla gzhon rdzogs pa'i bzhin/ /yid
mos mkha' la yud tsam bsnyen pa'i mod/ /rtag brtan 'chi med lang
tsho grub pa'i dngos/ /stsol mdzad yid bzhin 'khor los dge legs
stsol/ /bloO chen lugs

bzangO thubO dbang bstanO pa'i bcud/ /dgeO ldan legsO bshad
phyogs mthar spel ba la/ /dran dbangO rig pa'i nor gyis yongs
phyugO pa'i/ /dpal ldan rje btsun bla ma zhabs brtan shog
/phyogs kyi tshad du brdal ba'i shes

bya'i mkhar/ /rtse dga'i gar gyis rol ba'i rnam rig nor/ /mang
thos shar ri'i dpung pa srung ba'i gnyen/ /bstan pa'i gsal byed
nyid du zhabs brtan shog /ston pa nyid du ston pas cher bsngags
pa'i/ /bstan pa'i rtsa ba

chos 'dul 'o ma'i mtshor/ /bag yod khrims kyis spyod pa'i spos
kyi glang/ /bsngags 'os btsun pa'i mchog tu zhabs brtan shog
/'gro 'di'i dug gsum smag rum sel byed du/ /lhag bsam zla ba dag
pa'i gdong

mdzes kyis/ /gzhan phan ga bur zegs ma'i char 'bebs pa'i/ /'gro
'dren rgyal sras dpa' bor zhabs brtan shog /rmongs chen gdon
gyis gzir ba'i yid can tshogs/ /rgyal kun bgrod pa gcig pa'i
gshegs bshul

du; ;bkri pa'i chos tshul chos bzhin 'doms pa la/ /'jigs med ston
pa chen por zhabs brtan shog /nying 'khrul snang bar 'phyan pa'i
rtog ge'i khyu/ /log par smra ba'i sgra sgrog rgyu ba'i dpung/
/mi bzad lung rigs dam bca'

@059a @#/ /gsum ldan mdas/ /pham mdzad dga' byed gnyis par zhabs
brtan shog /ma smad rig pa'i rol mtsho 'phyur ba'i dbyangs/ /tshig
don nyams kyis sgeg pa'i snyan 'gyur glu /tshangs sras dbyangs

kyi rol mor rtag 'khrol bas/ /mkhas mang yi ga 'gugs bzhin zhabs
brtan shog /dkon mchog rin chen gsum gyi mthu byin dang/ /chos
nyid rten 'byung zab mo'i bden stobs kyis/ /bdag sogs ji ltar
smon pa'i re

'bras rnams/ /gegs med bde blag nyid du 'grub gyur cig /(ces
bstan pa'i gsal byed dam pa paN chen 'os sprul rin po che blo
bzang thub bstan dge legs dbang phyug mchog gi ^zhabs brtan gsol
'debs 'chi med grub pa'i bden tshig ces bya ba 'di yang

'bras sgo mang mkhan rin po che bstan pa bstan 'dzin dang/ gung
ru khang tshan 'dus spyi/ X X X bcas nas lha reg rten bcas ji
ltar bskul ba bzhin/ yongs 'dzin khri byang sprul ming pas dwang
bas sbyar ba'o// // ! zhabs brtan gsol

'debs 'dod don lhun 'grub ces bya ba bzhugs so)// oM swa sti/
gsal rdzogs mtshan dpes mdzes pa'i yid 'phrog sku/ /dran pa'i mod
la 'chi med dga' ston 'bum/ /'bad med stsol mdzad bde ldan zhing
mgon gyis/ /tshe dang ye

shes dngos grub char du bsnyil/ /bskalO bzangO rnam 'dren bzhi
pa'i mdo sngags kyi/ /zab don mdud rgyaO dgrol ba'i rnam dpyod
rtsal/ /mtshoO skyes 'dab stong bzhad pa'i dpal yon can/ /mtshungs
med bshes gnyen chen por zhabs

@059b brtan shog /bskalO mang rnyed dka'i dam chos nor bu'i
gter/ /lhag bsam bzang po'i shing rtas nyer drangs te/ /rgyaO
chen gdul bya'i srid gdung sel ba'i mgon/ /mtshoO byung rig pa'i
dpa' bo zhabs brtan shog /khyod kyi legs

gsung gdams ngag bdud rtsi'i rgyun/ /bdag cag snying gi bcud du
legs smin nas/ /theg mchog lam gyi lus stobs yongs rdzogs te/
/mtha' yas 'gro ba'i re ba skong nus shog /sras bcas rgyal ba'i
gsang gsum byin

rlabs dang/ /mthu ldan dam can srung ma'i 'phrin las stobs/
/bdag sogs gdul bya'i dad mos rten 'byung mthus/ /smon pa'i don
rnams yid bzhin 'grub par shog /(ces pa 'di yang mang thos tshul
ldan ser byes gtsang pa dge bshes

bskal bzang rgya mtsho'i zhabs brtan smon tshig mdor bsdus shig
dgos zhe sa 'dzam gling nub phyogs ing lan gyi yul nas 'jam
dbyangs chos kyi shes rig tshogs pa spyis 'phrin yig gi lam nas
bskul ba bzhin/ /yongs 'dzin khri byang sprul ming pas sbyar
ba'o// //

! zhabs brtan gsol 'debs 'chi med bdud rtsi'i char 'bebs 'chums
so)// mtshan dpe'i nyams brgyar sgeg pa'i ri dwags mig /stong
phrag zla gzhon lang tshor sgeg pa mo/ /tshe sbyin yid bzhin 'khor
lo lhag pa'i lhas/ /deng 'dir 'chi med bdud

rtsi'i gru char phob/ /gzhung lugs mang de si d+hun pa'i je me
nas/ ga blo gter grubO pa'i legs bshad nyi 'od 'bum/ /kun bzodO
pha mthar spro ba'i 'phrin las kyis/ /'gro blo'i mun paO sel
mdzad zhabs brtan shog /snying rje'i cha shas

@060a @#/ /lhunO rdzogs dkyil 'khor las/ /grubO rigs mkhas pa'i
zhal lung ga pur rgyun/ /skal ldan yid kyi kun da'i sman yon du/
/'grems bzodO ston paO mchog tu zhabs brtan shog /thub pa'i

bstan pa rigs pas legs rtogs nas/ /skyes bu gsum gyi lam gyis
rgyud sbyangs shing/ /bdag cag yang dag lam la khrid mdzad pa'i/
/drin chen bshes gnyen chen po zhabs brtan shog /khyod kyi legs
gsung mtho ris rnga

sgra'i dbyangs/ /skal bzang rna ba'i bdud rtsir rtag snyan pas/
/srid pa'i gzeb brgya'i 'ching las rnam grol zhing/ /bla med
gtan bde'i dbugs dbyungs myur thob shog /ji srid stobs bcu mi
'jigs bzhi yi rtsal/ /rdzogs pa'i

kun mkhyen sa la ma reg pa/ /de srid bla ma mchog dang mi 'bral
zhing/ /bstan 'gror phan bde sgrub pa'i mthu thob shog %/ rten
'byung ma 'gag chos dbyings bden pa'i stobs/ /bdag cag rtse gcig
mos pa'i lhag bsam mthus/ /

ji ltar smon pa'i don 'di lhun 'grub shog /(ces pa 'di yang b+he
kob ser chos sgar nas byes gtsang rigs lam smra ba blo bzang
bstan 'dzin dang/ a ri mi rigs e Da wa sbis ti yan bcas thun
mong nas/ mang thos dge ba'i bshes gnyen lhun grub bzod pa'i

zhabs brtan 'di 'dra zhig dgos zhis bskul ba'i ngor yongs 'dzin
khri byang skye ming pas sbyar ba'o// // ! zhabs brtan gsol
'debs 'chi med gru char bzhugs/) /rgyal kun ye shes rtag pa'i
rdo rje'i khams/ /rnam gsum ngur

@060b smrig gos 'chang mtshan dpe'i gar/ /blo bzang rgyal ba tshe
'dzin tshe yi lhas/ /'chi med grub pa'i dga' ston deng 'dir
stsol/ /bloO gter 'jam mgon lugs bzangO bsam 'phel dbang/ /thub
bstanO snying por 'dzinO pa'i bshad

sgrub kyis/ /rab 'byams rgyalO kun dgyes pa'i ngo mtshar sprin/
/spro mkhas mtshanO ldan bla ma zhabs brtan shog /bloO gros
mtshungs med bzangO po'i 'od dkar gyis/ /lung rtogs bstanO pa'i
nor 'dzinO kun da'i tshal/ /'byed mkhas

rgyalO sras ston mtshanO zla ba'i 'dzum/ /mi nub srid mthar gsal
zhing zhabs brtan shog /ma rungs sems kyi glang po gdul dka' ba/
/dran shes lcags kyu rnon pos dbang byas te/ /thub pa'i brtul
zhugs rgya las mi 'gong ba'i/ /

'dul 'dzin gnas brtan mchog tu zhabs brtan shog /mdo sngags
gzhung lugs baiDUr phang 'gro'i rgyud/ /phra zhib rnam dpyod
sor mos rab bskul nas/ /legs bshad dbyangs bdun rdzogs pa'i
snyan 'gyur glu /skal

bzang rna ba'i dpyid du rtag sgrogs shog /mdor na yab rje 'jam
dpal snying po yi/ /ring lugs gser zhun btso ma'i mchod sdong
che/ /dag gtsang rnam thar bzang pos bla nas blar/ /'degs pa'i
byed po nyid du rtag brtan shog /

mchog gsum rgyal ba rgya mtsho'i thugs rje dang/ /ring nas bsten
cing mchod pa'i bstan srung mthu/ /rgyu 'bras rten 'brel mi
bslu'i bden stobs kyis/ /smon pa'i don 'di gegs med lhun 'grub
shog /(ces pa 'di yang ser byes ldan ma 

@061a @#/ /(rdza srib mchog sprul blo bzang bstan 'dzin rgyal
mtshan rin po che'i zhabs brtan smon tshig 'di 'dra zhig dgos zhes
gang gi yab rgan be ru ngag dbang blo bzang dang/ blo skyabs/
bsod nams bkris bcas nas bskul ba bzhin/ yongs 'dzin khri byang
sprul ming

pas sbyar ba'o//) // ! skalO pa mchog ldanO bloO gros nor 'dzin
ltor/ /kun bzangO 'phrinO yig phyogs lasO rnam rgyal rlabs/
/spro mkhas lung dang rtogs pa'i rgya chen mtshoO/ /yongs rdzogs
bstan pa'i

sgron mer gsol ba 'debs/ /'dod sdang rmongs pa'i bran du bdag
song bas/ /mthong ba'i chos dang sngon rabs phreng bar yang/
/bsags sdig nyes pa'i phung po mchis so 'tshal/ /lhag med dbyings
su dag pa'i tshangs pa stsol//

'di phyi bar do'i dus kyi skabs kun tu/ /legs nyes skyid sdug
mtho dman ci byung yang/ /re sa'i mgon skyabs khyed las gzhan
med pas/ /brtse chen thugs rje'i zhags pa ring du skyongs/ /deng
nas sku bzhi'i mthar thug snyegs kyi

bar/ /tshe yi phreng bar khyod zhabs dbang gi rgyal/ /gtsug na
mtho zhing gsung gsang bdud rtsi'i rgyun/ /'thung ba'i skal
bzang nam yang nyams med shog /de mthus bdag sogs kun rmongs
dgra sde'i ngor/ /ma pham yang dag lam gyi

kun dga'i dar/ /bsgreng zhing sku bzhi'i rgyal thabs bla med
kyi/ /don gnyis phan bde'i mnga' thang brtags gyur cig /(ces pa
'di yang mdo smad rong po skal ldan rgya mtsho'i mchog sprul skal
ldan blo bzang 'phrin las rgya mtsho dpal bzang por tshe rabs rjes
'dzin

@061b gsol 'debs 'di nyid a lag khri rgan rin po ches bskul
gnang ltar/ yongs 'dzin khri byang sprul ming pas smon pa'o//)
// ! mi 'gyur sku bzhi'i bdag nyid bla ma dang/ /yi dam phyogs
bcu'i rgyal ba sras dang bcas/ /byin rlabs

thugs rje'i mthu dpung cher bskyed nas/ /bdag cag smon pa 'grub
pa'i bden byin stsol/ /ngagO gi dbangO phyug blo bzang thubO
dbang bstanO/ /tshulO bzhin spel ba'i khrimsO ldan kun gyi gtsoO/
/bstanO 'gro'i nor 'dzinO phan bder skyong ba'i

mgon/ /mchog gsum rgyaO mtsho'iO 'dus skur gsol ba 'debs/ /mgon
khyod sngon tshe rgyal ba'i spyan snga ru/ /khams gsum srid pa'i
'khor lo ma stongs bar/ /'gro sgrol dam bca'i go cha ma bsnyel
bar/ /slar yang sprul sku'i zhal

bzang myur du ston/ /gzhung lugs rgya mtshor mkhas pa'i 'dab
stong bkra /bag med nyes ltung 'dam gyis ma gos btsun/ /gzhan
phan thugs bskyed dri bzang 'bum grol ba'i/ /mchog sprul pad
dkar gzhon nu myur bzhad shog /

zab rgyas chos kyi gru char rtag 'bebs shing/ /rigs tshul glog
'od stong gi rtse dga' can/ /snyan tshig dbyar rnga dal bur sgrog
mkhas pa'i/ /yang sprul chu 'dzin bla bre myur dkrigs shog /bdag
cag dad mos gtsang ma'i skyed tshal du//

skal bzang 'dod pa 'jo ba'i utpal gsar/ /mthong grol mig gi
bdud rtsir myur gsal zhing/ /kun phan 'phrin las ge sar ngom
gyur cig /sras bcas rgyal ba'i rmad byung thugs rje dang/ /chos
nyid rten cing 'brel 'byung bslu med

@062a @#/ /mthu/ /bdag cag dad dam gtsang ma'i bden stobs kyis/
/smon pa'i don 'di bde blag 'grub par shog /(ces pa 'di yang
rigs brgya'i khyab bdag rdo rje sems dpa'i ngo bo dga' ldan gser
skong rdo rje 'chang

ngag dbang tshul khrims don ldan dpal bzang po'i mchog sprul rin
po che ngag dbang thub bstan tshul khrims bstan 'dzin rgya mtsho
dpal bzang po zhi bar gshegs pa'i yang srid 'khrul bral myur
byon gyi gsol 'debs shig dgos zhes mtshan zhabs gser kong thugs
sras rin po

che mchog dang/ dga' byang gser kong khang tshan bcas nas bskul
gnang ltar/ yongs 'dzin khri byang sprul ming pas smon pa'i
mtshams sbyor dang bcas sbyar ba'o// // ! zhabs brtan gsol 'debs
'chi med bdud rtsi'i gru char zhes bya ba bzhugs so//)

oM swa sti/ gdod nas yongs dag rtag brtan chos sku'i rtsal/
/mkha' khyab 'khor lor 'char ba'i tshe yi lhas/ /gzhom bral 'chi
med bdud rtsi'i char chen gyis/ /rnam 'dren mchog 'dir shis pa'i
dge legs stsol/ /rangO bzhin

dbyings las rmad byungO sgyu ma'i sprin/ /kun rigO thub pa'iO
mtshan nyid yongs rdzogs pa/ /sems kyi rdoO rjeO 'gro 'dul sprul
ba'i gar/ /mtshungs med rje btsun bla mar gsol ba 'debs/ /rangO
snang bde la 'byams pa'i thol byungO glus/ /

gsang chen rigO 'dzin theg pa'iO lam mtshon te/ /nyid 'khrul dgra
sdeO pham mdzad rdoO rjeO 'dzin/ /rgyal ba rgya mtsho'i mgon du
zhabs brtan shog /rmongs dang srid pa'i 'ching ba kun gcod cing/
/zag zad zhi ba'i dbyings su bkri ba'i lam//

@062b bsnyen pas bsam mi khyab kyi yon tan gter/ /mchog gis
mkhan dam par zhabs brtan shog /ji snyed shes bya'i 'khor lo'i
mthar 'ching ba'i/ /gzigs pa dri med ye shes mchog gi sar/
/mtshan med chos dbyings

yangs pa'i go 'byed pa/ /nges don rig pa'i dpa' bor zhabs brtan
shog /chags thogs bral ba'i ting 'dzin mi g.yo zhing/ /rtag
khyab sgyu 'phrul dra ba'i cho 'phrul gyis/ /kun phan rab dga'i
'tsho ba sgrub mkhas pa'i/ /

theg mchog chos kyi rgyal por zhabs brtan shog /rgya chen mang
thos yangs pa'i dga' tshal du/ /bsam sgom rig pa'i 'dab stong
grol ba las/ /spangs rtogs grub pa'i sbrang rtsi'i dog pa can/
/skyes mchog padma'i sdong bur

zhabs brtan shog /bdud sde gzhom pa'i snying stobs rma med pa/
/yon tan mi zad rnam par 'phrul ba'i rgyan/ /mi shigs zung 'jug
rdo rje'i sku brnyes pa'i/ /sa gsum 'gro ba'i mgon du zhabs
brtan shog /'phags bod

mkhas grub brgyud pa'i legs bshad rgyun/ /myangs pas zab rgyas
mngon rtogs 'khyil ba'i bcud/ /lung rigs rlabs phreng dgod pa'i
zegs ma brgyar/ /'grems mkhas mchog gi rgya mtshor zhabs brtan
shog /ye stong rtsa

bral gnas 'gyu rang grol sems/ /gnyug ma'i ngang las bde gsal ma
'gags par/ /re dogs gol sa chod pa'i phyag rgya che/ /gsal mdzad
rnal 'byor dpa' bor zhabs brtan X/ /mchog tu zhi ba bag yod dam
pa'i mkhar/ /gzhan

@063a @#/ /phan thugs rje'i chu khur gtibs pa'i sprin/ /rgyud
lnga'i 'gro la phan bde'i bsil ba'i char/ /'bebs mkhas gdengs
can bdag por zhabs brtan shog /ma bcos chos sku thig le ro gcig

dang/ /gang shar rig stong ma 'gag longs spyod rdzogs/ /yongs
snang gang 'dul sprul bsgyur mi zad pa/ /sku gsum dbyer med ngo
bor zhabs brtan shog /bslu med rin chen gsum gyi byin rlabs
dang/ /chos dang chos nyid mi

phyed bden pa dang/ /bdag cag dad mos lhag bsam dge ba'i mthus/
/smon pa'i 'bras bu bde blag 'grub gyur cig /(ces pa 'di yang
mkha' khyab bstan 'gro'i dpal mgon mtshungs zla ma mchis pa rgyal
dbang karma pa chen po mchog par lam

tshul bstan sku khams rnyog tshul phran bu bzhes kyang da cha zla
ba sprin bral gyi ngang tshul ltar gsal dwangs gyur pa'i bka'
drin dran phyir dang/ da dung yang gsang gsum la 'gal rkyen phra
mo tsam mi bzhes par bstan 'gro'i srog zungs dam par zhabs zung
srid mthar brtan

pa'i gsol 'debs 'di 'dra zhig gsar rtsom dgos zhes mgon po gang
gi gan mdzod 'dzin pa sku ngo dam chos yongs 'du mchog nas gsung
bris kyi lam nas gnang rten bcas bskul gnang bzhin/ yongs 'dzin
khri byang sprul ming pa blo bzang ye shes bstan 'dzin

rgya mtshos dad gus rtse gcig pas gsol ba btab pa de de bzhin du
'grub gyur cig / // ! zhabs brtan gsol 'debs drang srong grub
pa'i dbyangs snyan zhes bya ba bzhugs so//) mtha' yas rgyal ba'i
sor rtog ye shes

@063b khams/ /pad rag lhun por smin pa'i 'od snang gis/ /'chi
bdag bdud kyi mun pa gtan bcom ste/ /tshe dpal padmo bzhad mdzad
mgon des skyongs/ /'jamO dbyangsO mi yi gar rol tsong kha pa'i/
/bzhed dgongs mkhasO dang grubO

pa'i skyes mchog brgyas/ /rjes bstan tshul bzhin skyongO ba'i
dgeO mtshan gyis/ /legsO lam rgyaO mtshoO spel mdzad drin can rje/
/gang gi gsang gsum rin chen ka la shar/ /'chi med lha tshogs
byin rlabs bdud rtsi'i bcud/ /byur

bur gtams pas bskal pa rgya mtsho'i bar/ /'gyur med rdo rje'i
khams su zhabs brtan shog /rmad byung thugs rje'i chu 'dzin
phung po las/ /rab 'byams zab rgyas gdams pa'i gru char rgyun/
/skal bzang gdul bya'i zhing sar

yongs phabs te/ /gtan bde'i lo tog spel bzhin zhabs brtan shog
/gtsug tor gdugs dkar 'od zer can ma dang/ /bsrung ba lnga yi
lha tshogs 'khor bcas kyis/ /rje btsun bla ma'i gsang gsum 'gal
rkyen kun/ /zhi zhing

bzhed rgu 'grub par mdzad du gsol/ /ring nas bsten cing mchod
pa'i srung mas kyang/ /rdo rje'i dam tshig gnyan po nyer dgongs
nas/ /nyin mtshan dus drug bya ra ma g.yel bar/ /bsrung zhing
skyong ba'i 'phrin las g.yel med

mdzod/ /bslu med mchog gsum rgya mtsho'i byin rlabs dang/ /rgyu
'bras rten cing 'brel 'byung bden pa'i mthu/ /bdag cag lhag bsam
rtse gcig smon pa'i mthus/ /yid la re ba ji bzhin 'grub gyur cig
/(ces pa 'di yang bstan pa'i

@064a @#/ /snang byed dam pa li thang dge legs mchog sprul rin po
che rje btsun 'jam dbyangs mkhas grub bstan skyong dge legs rgya
mtsho dpal bzang po'i gsang gsum 'gal rkyen zhi zhing zhabs zung
yun brtan gyi smon tshig cig 'bri dgos zhes sku

mched mi 'gyur rin po che nas gsung bris kyi lam nas rten bcas
nan bskul gnang ba bzhin/ yongs 'dzin khri byang skye ming pas
smon pa de de bzhin du 'grub par gyur cig / // ! zhabs brtan
gsol 'debs 'chi med bdud rtsi'i mchog sbyin zhes bya ba

bzhugs so//) oM swa sti/ zla gzhon lang tshor sgeg pa'i ri dwags
mig /dran pa'i mod la mthar byed dpung 'joms shing/ /tshe dpal
'dod rgur 'jo ba'i bcom ldan ma/ /yid bzhin 'khor los deng 'dir
dge legs

stsol/ /'gro la byamsO brtse'i dgongs paO rmad byung gis/ /gzhan
phan 'phrinO lasO sgo brgya rab dbye ste/ /thubO tshul lung rtogs
bstan pa'i rinO chenO gter/ /'gyed mdzad rje btsun bla mar gsol
ba 'debs/ /mkhas

grub dam pa'i zhal lung las 'ongs pa'i/ /zab dang rgya che'i
legs bshad dal 'bab klung/ /gang thugs ma dros rol mtshor yongs
'khyil ba'i/ /ngag rig dran dbang mchog tu zhabs brtan shog
/rnam dag bslab pa'i

khrims kyi spos chu'i rdzing/ /bag med nyes spyod rnyog mas ma
bslad par/ /gtan bde'i dri bzang rgyal ba dgyes pa'i sprin/
/spro mdzad gnas brtan chen por zhabs brtan shog /mkha' khyab
'gro kun bla med byang chub tu/ /

@064b 'god pa'i spyod mchog rtsi bsam brgya pa'i gdugs/ /lhag
bsam yu ba brtan pos 'degs pa'i rtsal/ /zla med rgyal ba'i sras
por zhabs brtan shog /'jam mgon snyan brgyud zab don g.yas
'khyil dung/ /brtse chen

dbugs kyis bskul ba'i dbyangs snyan gyis/ /khams gsum nyes
brgya'i rims nad drung 'byin pa'i/ /'gro mgon skyabs kyi dam par
zhabs brtan shog /rab 'byams sras bcas rgyal ba'i thugs rje
dang/ /rgyu 'bras

rten cing 'brel 'byung bden pa'i mthu/ /bdag cag rtse gcig mos
pa'i nus stobs kyis/ /smon pa'i don rnams bde blag 'grub gyur
cig /(ces pa 'di yang dge ldan bstan pa'i gsal byed mon rta
dbang dgon gyi mkhan 'dzin 'bras blo gling ldan ma

rgyal sras mchog sprul rin po che byams pa 'phrin las thub bstan
rin chen mchog zhabs zung yun brtan gyi smon tshig 'di lta bu
zhig dgos zhes dad ldan blo bzang rdo rje lags nas lha reg rten
dod bcas bskul ba bzhin/ yongs 'dzin khri byang sprul ming pas
smon tshig tu 'du

bgyis pa de de bzhin du 'grub par gyur cig / // ! zhabs brtan
gsol 'debs rdo rje'i lhun po zhes bya ba bzhugs so/) /oM swa
sti/ mtshan dpe'i mdzes sdug rig ngor 'god tsam gyis/ /mthar byed
dgra sde'i g.yul

las rnam rgyal zhing/ /tshe srog rdo rjer sgrub pa'i lha tshogs
kyis/ /deng 'dir 'chi med dngos grub char du phobs/ /bloO gter
kun bzangO 'jamO dpal snying po yi/ /legs bshad dbyangsO bdun
rdzogs pa'i rol mo'i sgras/ /shag

@065a @#/ /thubO bstanO pa'i snying po nyiO gzhon ltar/ /gsal
mdzad 'gro ba'i bla maO zhabs brtan shog /rnam dag zhi dul
khrims kyi rtsa ba brtan/ /bcu phrag rig pa yangs pa'i lo 'bras
dud/ /

grags dkar snyan pa'i dri bsung yongs 'phro ba'i/ /sngon med
dpag bsam dbang po zhabs brtan shog /mtha' bral gzhung lugs mang
thos rol mtsho cher/ /bsam dang sgom pa'i mu tig zegs ma dgod/
/ma rmad

nyams rtogs 'dod 'byung nor bu'i gter/ /skal bzang gdengs can
nyer 'tshor zhabs brtan shog /'chad pa 'chi med bdud rtsi'i
rdzing bu bskyil/ /rtsod ngag ral gri'i 'phrul 'khor mtshon du
rno/ /snyan ngag dbyangs can

dgyes pa'i padma 'dzum/ /mkhas mchog smra ba'i seng ge zhabs
brtan shog /dag gtsang gser gyi snying po dge ldan bstan/ /ris
med phyogs dang dus kun spel ba la/ /gang gi thugs bskyed btsan
po'i mthu smin pa'i/ /

skal bzang rdzogs ldan snang bas khyab gyur cig /bla ma yi dam
chos srung byin rlabs dang/ /stong dang rten 'byung 'gal med
bden pa'i mthu/ /bdag cag lhag bsam dag pa'i mos stobs kyis/ /re
ba'i 'dod don lhun gyis

grub gyur cig /(ces ldan ma lab mkhan chen mchog sprul rin po
che blo bzang 'jam dbyangs thub bstan nyi ma mchog gi zhabs
brtan gsol 'debs 'di lta bu zhig dgos zhes ldan ma bstan rgyas
rin po che sogs nas bskul ba bzhin/ yongs 'dzin khri byang skye
ming

@065b pas sbyar ba'o//) // ! oM swa sti/ rmad byung 'phrin las
'od snang phra mos kyang/ /'chi bdud mun pa'i smag rum drungs
phyung ste/ /tshe dpal 'dab brgya'i dga' tshal bzhad pa'i gnyen/
/bde ldan zhing gi mgon

pos dge legs stsol/ /mtshungs med bloO dang bzangO po'i rnam
dpyod kyis/ /mdo sngags gzhung lugs rgya mtsho'i mtharO son te/
/lam dang 'bras bu'i sher phyinO zab mo'i tshul/ /ston mkhas rje
btsun bla mar gsol ba 'debs/ /rnam

dag bslab pa'i khrims kyi rtsa ba brtan/ /thos bsam sgom pa'i
'bras bzang 'bum gyis dud/ /gzhan phan 'phrin las yal 'dab
phyogs kun tu/ /yongs khyab dpag bsam dbang po zhabs brtan shog
/dul zhing zhi ba nyer zhi

lung gis phyug /'gro la snying brtse skyo med bzod stobs kyis/
/rnam grol lam bzang 'doms la zla med pa'i/ /theg mchog bshes
gnyen chen por X thugs rje'i sprin sngon rol pa'i lding khang
nas/ /legs bshad chos char 'dzad

med rtag 'jobs/ /skal ldan dge ba'i lo tog yongs spel ba'i/
/drin can bla ma bskal brgyar zhabs brtan shog /bdag sogs rnams
kyang khyod kyi legs gsung don/ /mi brjed snying gi bcud du rtag
bsten nas/ /tshul bzhin

sgrub pa'i 'bras bzang mngon gyur te/ /khams gsum 'gro ba'i bla
ma mchog 'grub shog /bslu med rgyal ba sras bcas byin rlabs
dang/ /snang stong 'gal med chos dbyings rten 'brel stobs/ /bdag
cag rtse gcig mos pa'i

@066a @#/ /bden mthu yis/ /ji ltar smon pa'i don 'di lhun 'grub
shog (/ces pa 'di yang yongs kyi dge ba'i bshes gnyen chen po
ser smad blo bzang mthar phyin gyi slob bu a ri'i grong khyer
wa shing Don dang/ ni'u rngar sir

gnas 'khod thun mong nas dge bshes rin po che sku tshe yun brtan
gyi gsol 'debs shig gsar rtsom dgos zhes 'phrin yig gi lam nas
rten bcas ji ltar bskul ba bzhin/ yongs 'dzin khri byang sprul
ming pas smon tshig tu sbyar ba dge legs 'phel// //

! rnal 'byor ma'i bla brgyud gsol 'debs kha skong la/) zabO
rgyas rgyud sde rgya mtsho'i snying po'i bcud/ /zabO las ches zab
rdo rje rnal 'byor ma'i/ /zabO lam 'doms mkhas blo bzang mthar
phyin la/ /gsol ba 'debs so lhan

skyes ye shes stsol// // ! (zhabs brtan gsol 'debs 'chi med bdud
rtsi'i sprin chen zhes bya ba bzhugs so/) /na mo shrI he ru kaH
ya/ rab 'byams zhi khro'i dkyil 'khor bye ba brgya/ /mkha' khyab
'khor lo'i sprin du spro mdzad

pa'i/ /rigs brgya'i khyab bdag rdo rje 'chang chen por/ /shugs
drag dang ba'i yid kyis gsol 'debs na/ /bka' drin gsum ldan rtsa
ba'i bla ma mchog /blo bzang chos 'byor bstan pa'i rgyal mtshan
gyi/ /sku tshe mi shigs bskal

brgyar rab brtan cing/ /bzhed don lhun gyis 'grub par byin gyis
rlobs/ /rgyal kun mkhyen rab gcig bsdus 'jam dpal dbyangs/
/gsang ba'i mdzod 'dzin dpa' bo rdo rje dang/ /chos kyi rgyal po
'jam mgon tsong kha par/ /

@066b shugs drag X bka' drin X blo bzang X sku tshe X bzhed don X
mkhas grub chen po chos bzang dpal ba dang/ /thams cad mkhyen pa
dge 'dun grub pa'i zhabs/ /lnga rig paN chen ye shes rtse mo la/
/shugs drag X X X X X

mdo rgyud bstan pa'i mnga' bdag chos ldan pa/ /grub mchog dmar
ston tshul khrims rin chen dpal/ /mdo sngags rab 'byams dge 'dun
bkra shis la/ /shugs drag X X X X X rgyal ba'i dbang po bsod
nams rgya mtsho

dang/ /rgyal sras spyan snga chos dpal bzang po'i zhabs/ /pha
bong kha pa dpal 'byor lhun grub la/ /shugs X X X X X rnal 'byor
dbang phyug chos dbyings rang grol dang/ /kun mkhyen ngag dbang
blo bzang rgya mtsho mchog /

de sras gnas brten 'jam dbyangs grags pa la/ /shugs X X X X X
'jam mgon gdung 'tsho ba blo gros rgya mtsho dang/ /stong 'khor
ngag dbang bsod nams rgya mtsho'i dpal/ /'jam dbyangs bzhad pa
'jigs med dbang po

la/ /shugs X X X X mkhas mchog gung thang bstan pa'i sgron me
dang/ /sde khri 'jam dbyangs thub bstan nyi ma che/ /brag dgon
dkon mchog bstan pa rab rgyas la/ /shugs drag X X X X sgrub
khang tshul khrims bstan

pa'i rgyal mtshan dang/ /mang thos bde chen mnyam nyid rdo rje
dpal/ /brag ri blo bzang thub bstan rnam rgyal la/ /shugs X X X
X bde stong zung 'jug thig le chen po'i klong/ /'khor 'das spros
kun sdom mdzad rdo rje

@067a @#/ /sems/ /rtsa ba'i bla ma bde chen snying po la/ /shugs
X X X X dbyings dang ro mnyam bde chen sgyu ma'i sprin/ /zla
gzhon lang tshor sgeg pa'i he ru kaH/ /'chi med bdud rtsi'i char
'bebs

lha tshogs la/ /shugs drag X X X X gzhan yang dngos brgyud bla ma
yi dam sogs/ /skyabs yul rab 'byams zhing gi rdul snyed dang/
/gnas gsum dpa' bo mkha' 'gro'i tshogs rnams la/ /shugs drag
snying nas

gus pas gsol btab mthus/ /bkrin gsum ldan rtsa ba'i bla ma mchog
/blo bzang chos 'byor bstan pa'i rgyal mtshan rje/ /zhabs zung
rdo rje'i mdud rgya srid mtha'i bar/ /mi gzhig g.yung drung ngo
bor rtag brtan cing/ /rgya

chen 'phrin las nyi ma stong gi gzi/ /phyogs kyi mu khyud srid
du rab brdal bas/ /phan bde'i 'dab stong bzhad pa'i ngo mtshar
gyi/ /dge mtshan nam yang mi nub gsal gyur cig /bdag sogs rnams
kyang skye ba'i phreng ba ru/ /drin

can bla ma mchog gi zhabs sen rdul/ /gtsug gi rgyan du mchod pa
mi gtong zhing/ /khyod mnyes 'ba' zhig sgrub par byed nus shog
/de'i mthus gsang gsum byin rlabs bdud rtsi'i bcud/ /snying gi
thig le'i dpyid du rab

smin nas/ /mkha' khyab 'gro ba'i re ba ma lus pa/ /ji bzhin
skong ba'i mthu chen thob gyur cig /bslu med rgyal ba sras bcas
byin rlabs dang/ /stong dang rten 'byung 'gal med bden pa'i
mthu/ /bdag sogs dad dam gtsang

@067b ma'i rten 'brel gyis/ /smon pa'i 'bras bzang lhun gyis
'grub gyur cig (/ces pa 'di yang mkhas btsun bzang po'i dpal
gyis dge ldan bstan pa'i snang byed dam par gyur pa tsha smad
thub chag dgon gyi dar rtse mchog sprul rin po che rje btsun blo
bzang chos 'byor bstan pa'i rgyal mtshan mchog zhabs

zung srid mthar brtan cing/ rlabs chen bzhed rgu 'bad med lhun
gyis 'grub pa'i zhabs brtan gsol 'debs shig brtsam dgos zhes
chab mdo 'phags pa lha'i yongs 'dzin thub bstan dam pa dang/
thub chag dgon gyi grwa byams pa yon tan sogs kyis 'phrin yig gi
lam nas rten bcas bskul ba bzhin/

bde mchog tshe lha dkar po'i dbang gi bla ma brgyud pa rnams kyi
thugs rje byin rlabs bskul ba'i tshigs su bcad pa'i gsol 'debs
'di nyid yongs 'dzin khri byang sprul ming pas spro dga' chen
pos 'du bgyis pa de de bzhin du 'grub par gyur cig /) // ! srid
dang zhi ba'i

dge legs 'dod rgu'i gter/ /bslu med mchog gsum yid bzhin dbang
gi rgyal/ /dad gsum rgyal mtshan rtse mor rab bkod de/ /gsol ba
'debs so yid smon 'grub par mdzod/ /'gro la bu ltar byamsO
brtse'i dgongs paO yis/ /

blaO chen kun bzangO thubO dbang bstanO pa'i bcud/ /'jam mgon
rgyalO ba'i ring lugs tshul bzhin du/ /spel mdzad mtshan ldan bla
mar gsol ba 'debs/ /mgon khyod sras bcas rgyal ba'i spyan snga
ru/ /'khor ba'i phyi mtha' ma

rdzogs par de srid/ /gang 'dul gzugs sku'i rol pas 'gro ba'i
don/ /mdzad bzhed dam bca'i tshul bzang nyer dgongs la/ /lung
rtogs yon tan cha shas yongs rdzogs shing/ /gzhan phan 'phrin
las 'od dkar stong

@068a @#/ /grol ba'i/ /yang sprul zla ba gzhon nu'i dkyil 'khor
'dzum/ /skal bzang kun da'i gnyen du myur ston mdzod/ /rnam dag
tshul khrims spos chu'i rdzing bu'i klong/ /bskyed bsrings ting
'dzin

shes rab 'dab brgya'i phreng/ /mkhas tshul gsum gyi sbrang rtsi'i
zil mngar 'bum/ /spro mdzad sprul pa'i zhal bzang myur mjal shog
/sras bcas rgyal ba'i thugs rje byin rlabs dang/ /snang yang
gdod nas stong pa'i rten

'brel stobs/ /bdag cag rtse gcig mos pa'i bden mthu yis/ /smon
pa'i don 'di bde blag myur 'grub shog (/ces pa 'di yang bstan
pa'i snang byed dam pa stod shel dkar bkras sde mchog sprul rin
po che byams pa blo bzang thub bstan rgyal mtshan

dgongs pa zhi dbyings su mnal ba'i yang srid mchog sprul myur
byon gyi smon tshig 'di 'dra zhig dgos zhes mdzod pa thub bstan
mkhas btsun dang/ shel dkar khul gyi ser skya mgrin gcig nas
rten bcas bskul ngor/ yongs 'dzin khri byang skye ming pas smon
pa'o// //

! ser smad grwa tshang gi mkhan brgyud gsol 'debs gras su 'jug
rgyur bang ri sprul sku thub bstan zla grags blo bzang rgyal
mtshan gyi mtshan bstod la/) thubO bstanO kun da bzhad pa'i dpal
yon du/ /thugs bskyed zla gzhon dar ba'i gragsO snyan gyis/
/bloO

ldan skal bzangO dga' bskyed rgyalO ba'i sras/ /mtshanO ldan rje
btsun bla mar gsol ba 'debs// // ! (dga' shar grwa tshang gi
mkhan brgyud gsol 'debs gras su 'jug rgyur phu khang bla rtis
rin po che byang chub tshul khrims kyi mtshan bltod

@068b la/) rnam byangO zhi bar bgrod pa'i lam bzang gnad/ /ma
lus thugs kyi yol gor legs chubO cing/ /'chal tshulO yongs spangs
khrimsO ldan mkhas pa'i mchog /dpal ldan bla ma'i zhabs la gsol
ba 'debs// //

! (sgo mang grwa tshang gi mkhan brgyud gsol 'debs kha skong la/)
ngagO la rang dbangO 'byor bas legs bshad kyi/ /nyiO 'od stong
du spro ba'i 'od snang gis/ /gdul bya'i blo mun maO lus sel
mdzad pa'i/ /drin can bla ma'i zhabs la gsol ba

'debs// //(zhes dang/ zhabs brtan gsol 'debs la/) ngagO rig dran
dbangO bye ba'i rnam dpyod kyis/ /nyiO tshe tsam min legs bshad
du maO yi/ /zab don skal bzang gdul byar 'grems mkhas pa'i/
/drin can bshes gnyen chen po

zhabs brtan shog / // ! (tre hor dkar mdzes 'khrungs gsar sprul
sku'i 'khrungs rabs gsol 'debs kyi kha skong la/) thub bstanO
snying po tshul bzhin 'dzinO pa'i dpalO/ /don ldanO man ngagO 'od
dkar stong giO gzis/ /dran

dbang rgyu skar rnam gnon spangs rtogs kyis/ /yongs phyugO smra
ba'i zla bar gsol ba 'debs// // ! (rgyud stod grwa tshang gi
mkhan brgyud gsol 'debs kha skong du 'jug rgyur dga' shar blo
bzang nyi ma'i mtshan bstod la/) bloO gter 'jam mgon rgyal

ba'i bzhed dgongs kyi/ /mdo sngags gzhung bzangO pad dkar stong
gi 'dzum/ /rnam dpyod nyiO gzhon zer gyis 'byed pa'i rtsal/
/mtshungs med rje btsun bla marO gsol ba 'debs// // ! (sog bla gu
ru de wa brgyud zhu bskul

@069a @#/ /ltar sogs yul rdzA khu rel gyi bla khag gnyis kyi
mtshan sngags gsol 'debs la/) mdo sngags legs bshad chosO sgra
rtag sgrog pa'i/ /gragsO snyan 'od dkar phyogs kyi mthar grol
zhing/ /rgyaO chen phan bde'i

rol mtshoO spel ba'i gnyen/ /mtshungs med smra ba'i zla bar gsol
ba 'debs/ /oM AH gu ru badzra d+har d+harmA kirti sa ra sidd+hi
hUM hUM// // ! rnamO dag 'od gsal dag pa'i mkha' dbyings su/
/'khor 'das snangO srid gdod nas

stong pa dang/ /ro mnyam bde chen sgyu ma rdoO rje'iO gar/ /spro
mdzad rje btsun bla mar gsol ba 'debs/ /oM AH gu ru badzra
d+ha ra bai ra tsa na badzra sidd+hi hUM hUM// // ! dgeO legs
rab 'byams tshogs gnyis yangs pa'i

mkhar/ /'dunO mos ting 'dzin shes rab dkyil 'khor rgyas/ /bshad
sgrub bkraO shisO 'od 'bar yongs grol ba'i/ /bshes gnyen smra
ba'i zla bar gsol ba 'debs/ /rmad byung dgeO ldan lugs bzang
bdud rtsi'i char/ /'dunO

ldan yid kyi zhing sar rtag phabs pas/ /bkraO shisO phan bde'i
snye ma 'bum gyi tshal/ /rgyas mdzad rje btsun bla mar gsol ba
'debs/ (/zhes pa 'di yang brag lha klu sbug tu bzhugs pa'i lam
rim dge bshes dge 'dun bkra shis la gsol 'debs

tshigs bcad cig dgos zhes slob bu rtse drung blo gling thub bstan
skal bzang nas bskul ba ltar/ yongs 'dzin khri byang sprul skus
smon pa'o//) // ! snang ba mtha' yas kun bzang chos kyi sku/
/padma dbang chen longs sku rta mchog dpal/ /

@069b mtsho skyes rdo rje 'gro 'dul sprul pa'i skur/ /gsol ba
'debs so X lam 'di'i bka' babs chos kyi sengge'i zhabs/ /gnyal
ston chos rje sangs rgyas ston pa dang/ /mkhas grub shangs ston
mus chen rgyal mtshan 'bum/ /

X byams pa dpal bzang snar thad don grub bzang/ /'jam dpal rdo
rje rje btsun tsong kha pa/ /shes rab sengge sems dpa' tshul
khrims dpal/ / X rin chen bshes gnyen budd+ha sA ra dang/
/skyabs mchog dpal bzang

rgyal ba dben sa pa/ /sangs rgyas ye shes paN chen chos rgyan
la/ X dkon mchog rgyal mtshan blo bzang ye shes dang/ /nam mkha'
bzang po dge 'dun bde chen dpal/ /ngag dbang yar 'phel dge legs
bstan

'dzin la/ X /dam tshig rdo rje blo bzang yon tan dang/ /ngag
dbang chos 'dzin ye shes thub bstan zhabs/ /blo bzang bstan
'dzin tshul khrims rgyal mtshan la/ X /mkhyen rab dpal ldan bstan
pa'i nyi ma dang/ /

ngagO gi dbangO phyug gsungO rabO mtha' dag don/ /smra ba'i
mthuO thobO bstanO pa'iO rgyalO mtshanO la/ /gsol ba 'debs so X
ngagO la dbangO 'byor thub bstanO dbyig gi mdzod/ /'dzinO mdzad
rab 'byams rgyal ba rgyaO mtsho'iO

gtso/ /bka' drin mnyam med rtsa ba'i bla ma la/ /gsol X de ltar
bstod pas tshe rabs kun tu bdag /bla ma rta mchog rol pas rjes
gzung ste/ /'dab brgyad snying dbus 'od lnga'i gur khang na/
/zung 'jug dbang chen

@070a @#/ /rta skad bzhad gyur cig (/ces pa 'di la mo byang chub
lcog gi 'don cha'i rta mgrin bdag bskyed 'gor sbyar rgyur dga'
ldan the bo rin po che'i thugs bzhed dbang rgyud ltar bris// //

! (myur byon gsol 'debs 'dod don myur 'grub ces bya ba bzhugs
so/) /srid zhi'i dge legs 'dod 'byung bsam 'phel nor/ /mchog
gsum rin chen snying du bsnyen pa'i mthur/ /phan bde'i byin
rlabs gru char rtag 'jo ba'i/ /deng

'dir smon pa 'grub pa'i shis pa stsol/ /bloO chen lugs bzangO
rgyal bstan kunda'iO tshal/ /lung rigs 'od dkar 'bum gyis 'byed
pa'i gnyen/ /chosO kyi zla ba spangs rtogs rgya chen mtsho/
/'phelO mdzad rje btsun bla

mar gsol ba 'debs/ /mi bzad snyigs lnga'i rgud pa cher bdo bas/
/khyod sku'i nyi ma chu lhar gzhol 'dir skyo/ /'on te gdung sel
yang sprul zla ba gsar/ /bdag cag re skong 'dod 'jor spro bar
mdzod/ /bden gnyis

shes byar mkhas pa'i gser mig 'khyil/ /chos 'dul khrims kyis
btsun pa'i stobs rtsal rdzogs/ /kun phan lhag bsam bzang po'i
g.yu ral brjid/ /bshes gnyen gdong lnga'i dbang por myur byon
shog /rtag chad mtha'

las 'das pa'i lta ba dag /srid nyon rtsad nas phyung ba'i sgom
pa zab/ /yang dag spyod pa mchog gi brtul zhugs can/ /dge ldan
bstan pa'i gnyen du X bslu med bla ma dkon mchog rin chen gsum/
/bstan srung dam can rgya

@070b mtsho'i mthu stobs dang/ /stong dang rten 'byung grogs su
'char ba'i mthus/ /smon pa'i re 'bras gegs med 'grub gyur cig
(/ces pa 'di ni brtan mkhas yon tan gnyis ldan gyi dge ba'i
bshes gnyen chen po dga' ldan shar rtse mkhan zur

blo bzang chos 'phel dgongs pa zhi dbyings su mnal ba'i yang
srid mchog sprul myur byon gyi smon tshig 'di lta bu zhig dgos
zhes phu khang khang tshan 'dus spyi dang/ gang de'i gsol dpon
blo bzang bstan pa sogs slob bu spyi mgrin nas rten bcas bskul
gnang ltar/ yongs 'dzin

khri byang sprul ming pas smon tshig tu 'du bgyis pa'o// // !
myur byon gsol 'debs tshangs pa'i rnga sgra zhes bya ba bzhugs
so/) /zag bral sku bzhi rdzogs pa'i bde gshegs che/ /yongs dag
zhi bsil snying po dam pa'i chos/ /rig grol

'phags chen 'dus pa'i tshom bu ste/ /bslu med rin chen gsum gyi
shis pa stsol/ /bloO gros rab dkar kun bzangO zla ba'i khams/
/thub tshulO ku mud 'byed la chos 'dul khrimsO/ /lung rtogs bdud
rtsi'i cha shas yongs rdzogs

pa/ /dpal ldan rje btsun bla mar gsol ba 'debs/ /khyod sku nyin
snang rgyas pa glo bur du/ /zhi dbyings chu lhar gzhol 'dis
thugs bskyed kyi/ /g.yar dam re kha yal par mi 'gyur ram/ /de
phyir mchog sprul zla

gzhon myur du spros/ /bden don rig pa'i pha mtha' mkha' la
'gran/ /kun phan brtse chen sprin gyi bla re bres/ /mthu nus rdo
rje'i tshwa tshwa 'bum 'phro ba/ /thub bstan nam mkha'i rgyan du
myur byon shog /'chad pa kun dga'i

@071a @#/ /mtsho chen rlabs kyis sgeg /rtsod pa phas rgol 'joms
pa'i mtshon du rno/ /rtsom pa dbyangs can rig pa'i rgyud grol ba/
/dge ldan bstan pa'i gnyen du myur X mchog gsum bslu

med rgyal ba rgya mtsho dang/ /yi dam zhi khro bka' sdod srung
mar bcas/ /snang stong mi phyed rten 'byung zab mo'i mthus/
/smon pa'i re 'bras yid bzhin 'grub gyur cig / //(ces pa 'di ni
bstan pa'i gsal byed dga' shar phu

khang khri sprul rin po che blo bzang tshul khrims dgongs pa zhi
bar gshegs pa'i yang srid mchog sprul myur byon gyi smon tshig
'di 'dra zhig dgos zhes phu khang khang tshan dang/ snang bzang
ser skya mi dmangs/ shag tshang dge phrug blo bzang bstan skyong
sogs thun mong

bcas nas rten bcas bskul gnang ltar/) yongs 'dzin khri byang
sprul ming pas smon pa'i mtshams sbyor dang bcas sbyar ba'o// //
! rgya ra rin po che'i myur byon gsol 'debs bka' rtsom mdzad pa
la/) gangga'i rdul snyed phyogs bcu'i zhing gi bcud/ /

rgyal dang de sras rang byung sra ba ka /grub pa'i drang srong
rig 'dzin tshogs dang bcas/ /deng 'dir smon pa 'grub pa'i dbang
po mdzod/ /bloO chen lugs bzangO rgyal bstanO snang ba'i mdzod/
/'dzinO mkhas dam chosO

yid kyiO bdud rtsi'i gter/ /dbangO dang stobs bcus phyugO pa'i
'gro 'dren rje/ /mtshungs med dpal ldan bla mar gsol ba 'debs/
/khyod sku mtshan dpe'i zla snang zhi dbyings su/ /gzhol yang
gsol 'debs

@071b khyung sngon skyes 'di yis/ /bsus pa'i mchog sprul nyin
byed snang ba'i 'dzum/ /bstan 'gro'i dga' tshal gnyen du myur
byon shog /gzhung brgyar mkhas pa'i 'dab stong phyogs su yangs/
/rnam dag tshul khrims kun

dga'i dri bsung 'phro/ /gzhan phan bcud ldan ze'u 'bru'i snying
po can/ /skyes mchog sman gyi sdong bur myur X lhag bsam dbu ba
rgod pa'i snying rje'i mtshor/ /zla med theg mchog sems kyi bsam
'phel dbang/ /

rab dkar tshogs gnyis 'dod 'byung dam pa'i nor/ /zla med rgyal
sras dpa' bor myur X spros dang stong pa'i chos kun yongs rdzogs
kyang/ /rtog dang bral ba bde chen rig pa'i dbyings/ /snying
rje'i rol par

bzhed pa bzhin 'jug pa'i/ /'phrin las mkha' khyab mgon du X bla
ma yi dam mchog gsum bden byin dang/ /snang stong zung 'jug
dbyings rig mi phyed cing/ /khyad par bstan srung rdo rje shugs
ldan

mthus/ /smon pa'i re 'bras bde blag 'grub par shog / // ! chos
tshul rgya mtsho 'doms pa'i ngagO la dbangO/ /thubO pa'i rgyal
tshab blo bzang bstanO pa'i gnyen/ /zab rgyas chosO kyiO pad tshal

bzhad pa'i nyiO/ /maO lus 'gro ba'i dpal du zhabs brtan shog
/dus kyi 'gyur ba snyigs lnga'i mun rum du/ /blang dor 'chol bar
spyod pa'i skye bo'i tshogs/ /yang dag lam la bkri ba'i thugs
bskyed dang/ /

@072a @#/ /bzod brtson phan tshun 'gran bzhin zhabs brtan shog
(/ces pa 'di yang dge ldan bstan pa'i gsal byed dam pa spos dga'
mchog sprul rin po che mchog tshul bstan bsnyun khams myur

dwangs kyis bstan 'gro'i dpal yon du zhabs pad yun brtan gyi
gsol 'debs mdor bsdus shig dgos zhes ser smad gangs can mchog
sprul rin po ches dbus zhal slob rnams kyi thugs 'dod ltar/
yongs 'dzin khri byang pas smon pa'o//) //

dge legs 'phel// //