@#/ /yul mchog dman bar ma rnams la 'phrin yig tshigs bcad stsal
ba'i rim pa khag phyogs gcig tu bkod pa bzhugs so//

@001a @#/ /(me yos lor skyabs rje rdo rje 'chang pha bong kha
par/ bka' yig phebs lan du phul ba'i zhu yig skye ba lnga pa'i
rang sgra/) grangs med 'gro la gcig tu byamsO pa'iO dgongs pa
gting mtha' mi mngon

zhing/ /bstanO 'dzinO klu dbang tshogs kyis nyer brten spang
rtogs rin chen 'bum gyis gtams/ /rmad byung mdzad 'phrinO rlabs
kyi phreng ba srid zhi'i mtha' lasO 'das par spyod/ /rab 'byams
rgyal

ba'i chu klung kun byed rgyaO chen dpe med mtshoO yi drung/
/khyod byin bdud rtsi'i chab kyis skye bsrings pa'i/ /bdag blo
ma la yar skyes gzhon nu'i ljon/ /mi phyed dad pa'i rlung gis
nyer bskyod pas/ /gsol

'debs dri bsung mngar po 'di ltar 'thul/ /'od gsal rdo rje'i
rtse brgya 'bar ba'i gzis/ /gnyis snang byin skyes g.yul ngo
ming tsam du/ /bcom nas zung 'jug chos kyi rgyal srid la/ /rang
gir

mdzad pa'i skabs gsum dbang po khyod/ /bde chen spros bral
dbyings su nyer zhi yang/ /nyam thag 'gro la brtse ba'i rjes
chags mdangs/ /rnam bkra mtshan dpe'i ris su shar ba yis/ /sa 'di
ngo mtshar

stong gi bkod pa 'dzin/ /gang gi sa gsum nyin mor byed pa'i
dpal/ /tshul bstan nyer 'tshe'i sprin gyis ma bsgribs shing/ /srid
zhi'i mun pa sel ba'i 'od zer stong/ /'gyed pas 'gro 'di da dung
mgon

@002a @#/ /dang bcas/ /ji lta ji snyed chos tshul sa gsum khyon/
/mkhyen rab gom pa gcig gis cig car du/ /dbang byed mi yi seng
ge gnyis pa zhig /gangs can kun bzod lto bar

bsti zhes gleng/ /dge legs rdul dkar brtsegs pa'i zla ba khyod/
/gzhan phan snang ba 'bum du grol ba'i tshe/ /bgrang yas rgyal
dang de sras kunda'i tshal/ /bzhad pa'i tshems phreng 'od kyis nor
'dzin 'gengs/ /

'di na rten bzang padma dkar po'i phon/ /dal dang 'byor pa'i
'dab brgya nyer grol kyang/ /sna tshogs rkyen gyi 'tshub mas nyin
bzhin du/ /dbang med bskyod pas snying la zug rngur gyur/ /khyed
kyi legs gsung

gdung sel bdud rtsi'i shas/ /blo gros za ma tog tu bskyil na
yang/ /lag len ro mchog nyams su ma myang pas/ /rgya mtshor skom
grir 'chi ba'i tshul du mchis/ /phyogs 'dir mtho dman dgra gnyen
dar

rgud kyi/ /rnam par 'gyur ba glog gi gar stabs bzhin/ /skad cig
g.yo ba'i ngang tshul 'di dag ni/ /'khor ba'i rang mtshang rig
par byed pa bzhin/ /rgya chen tshogs gnyis chu gter 'jing las
thon/ /rgyal

dang rgyal sras gser ri'i dbus na brjid/ /sku bzhi'i bang rim
rab mdzes lhun po khyod/ /thub bstan gling bzhi'i dpal du rtag
bzhugs nas/ /kun rmongs mun pa 'thibs pas nyes spyod 'gros/
/'jigs

@002b rung g.yang sar phyogs pa'i lus can la/ /mdo sngags chos
kyi sgron me sbar ba'i gzis/ /mngon dga'i ngo mtshar dus ring
skyong bar gsol/ /chos brgyad mdongs mtha' bkra ba'i sar sgeg
bdag /dge legs rkang 'thung 'khriD

pa'i nags klung der/ /khyod gsung sprin sgra ldir ba'i kun dga'
yis/ /myos pa'i zlos gar rtsen pa myur thob mdzod/ /der ni 'du
'dzis dben pa'i ri sul du/ /'di snang dug gi dri mas ma bslad
par/ /thos don rtse gcig

bsam dang sgom pa yi/ /nyams len tshul bzhin nus par byin gyis
rlobs/ /khyad par 'di dang phyi ma'i phreng ba ru/ /khyod kyi
zhabs sen zla ba'i 'dzum dkar gyis/ /spyi gtsug bkra shis byed
pa'i skal bzang gi /dus ston

nam yang nyams pa med par mdzod/ /de ltar gsol 'debs skye ba
lnga pa'i dung/ /don bzang ri mo g.yas su 'khyil ba can/ /snyan
'jebs tshig gi sgra dbyangs sgrog pa yis/ /sa gsum 'gro ba'i mgon
po dgyes gyur cig /

ces gsol ba 'debs pa'i rten mtshon par 'jam mnyen stong khun sgeg
mo'i sor 'dab las bskrun pa'i mjal dar nang mdzod dang/ rin chen
sa yi zla ba thur srang gang bcas cha phreng bsam 'phel gling
dgon nas ^ mgon po

gang gi zhabs rdul la spyi bos reg pa khri byang sprul ming pa
blo bzang ye shes bstan 'dzin rgya mtshor 'bod pas me yos zla
tshes bzang por phyag bcas phul ba'i zhu chung// // ! (snga sor
lcags spre lo cha phreng bsam gling

@003a @#/ /grwa tshang la gnas tshul song zin/) bsamO yas yon tan
rin chen gyis/ /skye rgu'i dga' ba 'phelO byed cing/ /dge legs
'dod 'jo nor bu'i glingO/ /mkhas grub 'dus pa sde yi drung/
/rnamO mangO sngon

gyi las dang 'phral rkyen gyis/ /rnamO mangO skyes mchog rtsen
pa'i 'dus sde cher/ /rnamO mangO legs bshad bdud rtsi 'thung
bzhin du/ /rnamO mangO bya bas g.yeng ba 'di yis mchid/ /rnamO
'drenO bzhi pa'i gdung 'tsho ba chos kyi

rje; ;rnamO 'drenO bye ba'i bzhed skong ji bzhin par/ /rnamO
'drenO gshegs pa'i shul du bslab pa yis/ /rnamO 'drenO dgyes
pa'i mchod sprin spros lags sam/ /'di na 'tsho ba dga' ba'i bshes
gnyen yangO/ /yangO dag

skye phreng gong ma'i rnam thar ltarO/ /ltarO snang ma yin mkhas
grub stong gi dbusO/ /dbusO gyur lha sar dam bca'i dga' ston
grub/ /de nas ring min dpal ldan stod rgyud duO/ /duO ma'i gsang
sngags gzhung la sbyangs pa'i

lasO/ /lasO kyi gtso bor bzung nas deng gi dusO/ /dusO kyi lo
yang yongs rdzogs 'khor ba bcas/ /mchogO gsum thugs rjes thos
bsam sgom pa sogs/ /mchogO rab gong ma'i rnam par thar pa las/
/mchogO tu

phul byung gzhan 'ga' ma mchis kyang/ /mchogO de'i zhabs nas ma
drangs tsam du gnas/ /'byungO 'gyurO dus su'ang rku 'phrog gsod
pa'i las/ /'byungO 'gyurO skye ba bsam ste ma mdzad na/ /'byungO
'gyurO ring min bde skyid

@003b nges par du/ /'byungO 'gyurO bslu ba med pa'i bden gtam
yin/ /gcig tu thugs gsang mthun pa'i rtsa ba brtan/ /gnyis su
sdom gsum gtsang ma'i me tog bkra /gsum du chos bzhin spyod pa'i
lo 'dab rgyas/ /bzhi ru

bsod nams 'bras bu'i gter du mdzod/ /dkarO dkarO lhag bsam dag
pa'i gangs ri las/ /snyanO snyanO phebs 'os nyal 'gro ganggA'i
rgyun/ /lhungO lhungO snying la 'bab pa'i sgra dang bcas/ /yangO
yangO bdag yid 'dzin mar stsol

cig kye/ /'phrin yig stong min rten gyi mtshon tsam du/ /rab dkar
gangs ri'i mdangs 'dzin a she dang/ /slob ma 'du sde rgya yi
gling bu'i ngos/ /lung rtogs tshon ris bkra ba'i bla ma yi/ /dar
'phan 'bral med dam tshig legs

'brel te/ /phan bde'i sgra dbyangs sgrog pa'i rten 'brel du/
/gser gzhi ma yi rgya gling rgyab dar ni/ /stong skud sna lnga'i
'dzar ldan cha gcig bcas/ /zag med bloO la bde ster tshig 'bru
bzangO/ /yeO shesO lha mo snying gar bsu ba 'di/ /

bstanO pa'i chu gter gru 'dzinO nye 'dab nas/ /rgyaO gar paN
grub mtshoO byung dgyes pas bris/ /zhes drag po zhes pa lcags
spre cho 'phrul zla ba'i yar tshes dge bar// // ! dgeO legs
'byung gnas sku gsum

yid bzhin dbang/ /nye bar sgrub la rtse gcig 'dun pa'i blo/ /mi
nyams yarO ngo'i ri bong 'dzin pa yi/ /'phelO ba 'dzin pa bshes
gnyen gang de'i drung/ /de yang lus med bdag po'i mda'/ /snying
la zug pa'i skye bo'i mthus/ /

@004a @#/ /yul phyogs ming tsam gyur pa des/ /bdag gi snying la
gdung ba bskyed/ /de lta mod kyi bshes gnyen zla ba khyod/ /nyer
'tshe'i dus mes sgrib pa ma gyur ngos/ /rten bcas yi ge'i bsil
zer

'bum spros pas/ /bdag yid ku mud dga' ba'i 'dzum pa grol/ /'di
na bdag kyang ming btags ni/ /legs par zin rjes rgyud grwa ru/
/'jug rgyus mtshon pa'i gong ma yi/ /rnam thar dag la slob bzhin
mchis/ /slad

char sngar bzhin bsrings ba gnyis ldan gyi/ /dben pa bsten te
rtse gcig dam pa'i chos/ /nyams su blangs 'brel 'di na bdag la
yang/ /'phrin yig nyal 'gro'i rgyun ltar chad med mdzod// //

! gragsO pa'iO yal 'dab phyogs kyi 'khor lo 'gengs/ /bsodO namsO
'bras bu'i khur gyis rab dud pa'i/ /bshes gnyen dpag bsam nor
bu'i ljon pa cher/ /'phrin yig rin chen do shal 'di ltar 'god/
/e ma bshes

gnyen padma'i ge sar khyod/ /nyer 'tshe'i ba mos ma bcom bzhad
pa'i ngos/ /phyag bris sbrang rtsi ci dgar 'jo ba des/ /bdag yid
rkang drug dga' ba'i 'dab glu sgrogs/ /'di na bdag cag gnyis
kyang mchog gsum gyi/ /'phrin

las gdugs dkar dri ma snum po ru/ /tshud pas nye zho'i tsha bas ma
gdung ngos/ /rnam dkar dam pa'i chos la brtson bzhin mchis/ /X
slad char sngar bzhin 'tsho ba 'phrod bsten ngos/ /'du 'dzi'i
g.yeng ba spangs te dben

@004b pa ru/ /dam chos sgrub pa gtso bor 'bad dang 'brel/
/'phrin yig ganggA'i rgyun ltar chad med mdzod// (//'di dang
gong gi gnyis po 'di lo na phra dus kyi rtsom gral song gshis
legs rgyu mi 'dug kyang 'dir bkod//) // ! swa sti/ tshogs gnyis

kha ba'i rdul mang brtsegs pa'i spor/ /mi 'jigs stobs bcu'i lus
rtsa la rab rdzogs shing/ /cher rlom ri dwags ma lus skrag mdzad
pa/ /^ rgyal dbang mi yi seng ge khyod la srungs/ /ma smad thugs
bskyed rtsa ba rab brtan cing//

ngo mtshar mdzad 'phrin lo 'dab 'bum grol ba/ /dge legs bye ba'i
tshom bu padma dkar/ /nor 'dzin mdzes pa'i rgyan gcig zhabs drung
du/ /lugs brgya'i me tog 'dzum pa'i ldum rwa na/ /zhugs kyang
blo gros gshog rtsal ma

rdzogs pa'i/ /skal dman bung ba gzhon nus snyan tshig gi /'dab
glu zim bur sgrogs la yud tsam dgongs/ /e ma nag po'i sder
gtogs g.yul gyi ngo/ /'joms shing brjid pa'i drag rtsal bye ba
brgyas/ /bstan srid

srung skyob dpung gi khyu mchog tu/ /khyod nyid 'os zhes gangs
ri'i mgon gyis bskur/ /de tshe gzhan dring mi 'jog mkhyen dpyod
kyi/ /rnam 'phrul stong gi bkod pa mi zad pas/ /gzhan sde rnam
par gnon pa'i brtul zhugs khur/ /

bzung bas kun bzod sgeg mor ngal bso sbyin/ /dpung gi 'gro ldog
gnas dang rol rtsed sogs/ /blo gros mig skya'i mdzod las blangs
pa yi/ /rgyal thabs rin chen mdzes pa'i phra tshom 'bum/ /bstan
srid khang bzang mdze

@005a @#/ /pa'i rgyan du 'bar/ /sngon rabs 'dun na 'don gyi rgyu
skar phreng/ /phas rgol mun pa za ba'i nyin mor byed/ /khyod
nyid myur bar 'ongs pa 'di mthong nas/ /rang gi 'od dkar mod la
btang snyoms

bgyis/ /legs mdzad zla zhun g.yas su 'khyil ba'i mtsho/ /gser
ldan lto bar ma shong lud pa na/ /skye rgu'i ngang mo bstod
bsngags mgrin pa'i rnga/ /brdung la brel bas bya ba'i skabs
gzhan 'phrog /de ltar khyod kyi ngo mtshar

khrag khrig gi /grangs su grol bar yi rangs rten 'byung skyes/
/cung zad phul 'di kha ba dung ltar dkar/ /dag pa'i thugs kyis
dgyes pa rol ba dang/ /mchog sku pad dkar sdong bu nor 'dzin
rgyan/ /dar ba'i 'dzum pa 'bum du

rgyas pa'i dpal/ /ma bzod zla ba mkha' la 'phags so zhes/ /rig
byed gleng mo'i dus ston rdzogs par mdzod/ /mi zhum snying stobs
ya lad btsan po'i go /yongs su bgos te rgyal thabs 'khor lo yis/
/nag phyogs sgra

gcan mgo bo bregs pa'i gtam/ /grags pa da dung mchog tu gsal bar
gsol/ /de ltar blo gros bai DUr khog pa las/ /blangs pa'i snyan
tshig dri za'i rgyud kyi glu/ /dwangs pa'i yid kyi sor mos bskul
ba 'di/ /mtshungs

med mi mchog mchod pa'i sprin du spros// // ! (chu khyi chu phag
sogs la hor spyi khyab g.yu thog mkhan chung dbang 'dus nor bur
lha ldan nas phul ba'i zhu yig khag gsum/) ma smad dbangO phyug
bzhi zung rdo rje 'dzin/ /rgyal kun

@005b 'dusO zhal bla mar phyag byas nas/ /zla med mkhyen dpyod
norO gyi bang mdzod sgo/ /lhug par grol ba'i mchog gi skyes
bu'iO drung/ /yon tan nam mkha'i padma ltar gyur kyang/ /bstan
'dzin rgyal sras dam pa'i rol garO zhes/ /drang

don tshig gi dbangO bskur nyer thob pa/ /ming bzang don gyis
stong pasO 'di skad gsol/ /skye rgu'i legs byas do rwa yangs
po'i ngogs/ /lugs zung chu skyes gzhon nu'i ge sar la/ /mkhyen
dpyod bung ba'i rkang gdub bsnun pa

yi; ;kun dga' sbyin pa khyod las gzhan na gang/ /'di na kho bo
'khor slob rgyu skar dbus/ /'chad nyan 'od dkar 'dren pa yar gyi
phyogs/ /chos brgyad mun pa 'thib pa mar gyi ngo/ /spel mar
'dren pa zla ba'i rnam thar

'dzin/ /mtshams zhu/ X slad char/ 'od brgya pa dang chu yi lang
tsho bzhin/ /ring na gnas kyang mdza' ba mi gtong ba'i/ /bka'
mchid lam gsum 'bab pa'i nyal 'gro'i zlar/ /yang yang stsol zhes
gar gyi dbang pos

gsol/ /zhes zhu 'degs stong min tsam du lha gos dang/ gser gzhi
ma kha phyed bcas lha ldan khri byang sprul ming pas chu khyi
zla tshes bzang por phul// // ! mtha' yas legs byas sa 'dzin
dbangO po'i spor/ /

lnga rig me shel 'dusO pa'i thig le las/ /phan bde'i 'od snang
'gyed pa'i dpal yon can/ /zla med nam mkha'i norO bu'iO zhabs
drung du/ /tshe 'di'i chos brgyad byis pa'i zlos gar la/ /gtan
gyi mdun mar 'khrul ba'i snying 

@006a @#/ /med mkhan/ /rtag 'dzin gdon chen dbangO du song ba
des/ /dri med lhag bsam bzang posO 'di skad zhu/ /ma smad tshogs
gnyis zla ba'i ma ma las/ /legs 'khrungs gzugs sku'i bkod

pa rta mdun dbang/ /mi mthun nam mkha'i glang pos ma bsgribs
shing/ /mdzad bzang 'od zer bye ba 'gyed bzhin par/ /brtse chen
dbyar skyes rol pa'i lding khang nas/ /bka' mchid sprin sgra dal
bur glal ba na/ /kha

bshad thig le bkra ba'i mgrin sngon bdag /dga' ba'i rol gar mod
la bgyid par rtsom/ /'diO na 'tsho ba gar gyi dbang po bdag /'diO
phyi'i don chen sgrub pa'i lam rnyed kyang/ /'diO snang chos
brgyad g.yang sa'i kha 'gram na/ /

'diO yin med pa'i gom 'gros 'khyor bzhin mchis/ /dkarO dkarO
lhag bsam dag pa'i gangs ri las/ /snyanO snyanO bka' mchid dbu
ba rab rgod cing/ /lhungO lhungO snying la 'bab pa'i sgra dang
bcas/ /yangO yangO bdag yid

'dzin mar stsol bar mdzod/ /rmongs pa'i skye bo bdag 'drar mthu
med mod/ /bslu med mchog gsum thugs rje'i pad dkar 'dzum/ /gsol
'debs nyi ma'i zer gyis bskul gyur na/ /'phral yun phan bde'i
sbrang rtsi 'byung

bar nges/ /zhes gzigs rten mtshon par d+hA gru li hang kha bdun
dang/ byin rten lha rdzas bcas lha ldan nas khri byang pas chu
khyi zla tshes bzang por phul// // ! 'jig rten dbangO phyug phyag
na pad dkar

@006b gyi 'phrin las/ /phun tshogs bye ba 'dus pa'i chos srid kyi
gdugs dkar/ /ma nor rnam dpyod dpung pas mngon mtho ru 'degs
mkhas/ /gang de'i zhabs zung rin chen tshom bu yi drung du/ /lnga
ldan phung po'i padma gzhon nu yi

tshal dang/ /rig pa'i rkang drug dga' ba'i zlos gar gyi dpal yon/
/dbang med mthar byed ba mo rings pa ru 'ongs par/ /mi 'jigs
dred po bdag gis 'di skad ces gsol lo/ /gang gi sku mchog rnam
sad rdzing ring gi dogs

su; ;dge legs sprin gyi me tog khur po ru khyer ba'i/ /mdzad
bzang mkha' glang gom stabs lang ling du bsgyur ba/ /cher rlom
lag ldan phal gyi do zla rang min no/ /khyod thugs brtse chen
khyung gi sngon skyes kyis drangs pa'i/ /bka'

mchid rta ljang gzhon nu 'od stong du 'bar tshe/ /bdag yid 'dab
brgya'i 'dzum ris lhug pa ru grol cing/ /bsngags brjod sbrang
rtsi'i rgyun bzang dbang med du thal song/ /bdag kyang 'du ba
snyoms shing sgo gsum gyi spyod pa/ /gang

shar ma bcos lhug pa mu med kyi rgya mtsho/ /dkar nag rlabs kyi
'phreng ba re mos su spel bas/ /mi tshe stong par zad pa'i ngang
tshul du mchis lags/ /slad ma'i char yang/ dpag yas bsod nams chu
srin grong khyer gyi dpal

las/ /nyer thon gzugs sku bsam 'phel nor bu yi dbang po/ /mi
mthun 'tshe ba'i rkun po mtha' dag las bsrung phyir/ /'phrod
bzhes rim gro'i mel tshe g.yel med kyi ngang nas/ /chos srid
'dab brgya'i tshal na skye rgu yi

@007a @#/ /rkang drug /'tshe spong thabs mkhas bcud kyis ci dga'
ru bkug pa'i/ /grags snyan 'dab glu dar dir phyogs med du sgrogs
bzhin/ /'dir yang bka' mchid dri bsung chad med rang stsol

zhu; ;'di na rgyal ba rgya mtsho'i thugs rje yi gser rnga/ /gsol
'debs dbyu gus dal bur yang yang du bskul bas/ /ngo mtshar dge
legs dbyangs snyan brjid po ru ldir ba'i/ /thabs tshul gnyug ma'i
sems dang 'grogs pa rang

zhu'o/ /'di yang sna tshogs snang ba chu zla yi rdzun ris/ /ye
nas bya rtsol bral ba kun bzang gi klong du/ /rig rtsal khyab
gdal chen po'i rol pa ru shar bas/ /gu yangs blo bde mkhan po
gar dbang pas phul lo/ /zhes gzigs

rten mtshon par 'u tshur ser po kha bdun lha rdzas bcas chu phag
zla ba drug pa'i tshes bzang por dben gnas nyang bran chu bzang
ri khrod nas mtshams kyi thun par zhig la phul// ('di'i kha yig
la/) mkhyen brtse'i 'od dkar rab mdzes

mdzad bzang gi rlabs phreng/ /chad med chal chil g.yo ba'i kun
dga' yi'o mtshor/ /snyan tshig mgrin pa'i rdza rnga ci 'dod du
khrol ba'i/ /zhu yig ngang mo khyod nyid lang ling du rtsen zhig
/ (//'di yi yig rten kha byang/) 'di yi ngo mtshar

gzi byin ma bzod nas/ /gser gyis gzhi rgya mtsho'i 'og tu bros/
/dar dkar mdangs kyis rang nyid pham dwogs nas/ /ti se na bun
yol ba bres par rtsom// //! (shing glang lor cha phreng nas 'bom
bla mar

@007b gnas tshul song zin/) snang srid zil gnon padma ka ra yi/
/bzhed srol a ti rdzogs pa chen po'i bcud/ /thar 'dod blo yi
yol gor 'gyed mkhas pa/ /rig sngags grub pa'i dpa' bo gang de'i
drung/ /'khor 'das brtan dang g.yo ba'i zlos gar

kun/ /rig rtsal 'gag med ka dag chos sku'i klong/ /mnyam nyid
'khrul pa'i rang mtshang ma zhig pas/ /a 'thas rtag 'dzin dbang
gyur de yi mchid/ /tshogs gnyis khyung sngon skyes kyis nyer
drangs pa'i/ /khyod kyi gsang gsuM

'od brgya 'bar ba'i gzis/ /sgrub brgyud pad dkar bzhad pa'i ngo
mtshar gtam/ /'gro 'di'i rna bar utpal chun po bzhin/ /khyod
'phrin bdud rtsi'i thig le ma nyams pas/ /kho bo'i yid la kun
dga'i dpal bskyed pa/ /ma la yar

skyes nags klung las 'ongs pa'i/ /bser bus phyogs kyi mgron po
dag la min/ /dbus 'gyur chos kyi rgya mtsho chen po na/ /rang gar
spyod pa'i gser mig gyi na pa/ /sngon las mchil rnon pos dbang
med du/ /shar phyogs rdzing

bu'i nang der mod la drangs/ /de tshe nyams rtogs padmo ches phra
yang/ /mtshan ldan bla ma'i zhal lung mngar po'i rgyun/ /blo gros
ge sar bcud du chags pa las/ /don gnyer rkang drug dag la shas
tsam sbyin/ /mi bsrun brlang por spyod

pa'i skye bo rnams/ /lugs gnyis thabs mkhas 'phrul gyis nyer
bkug nas/ /re zhig bag yod gnas la bkod byas pas/ /kho bo'i dka'
spyad don ldan 'gyur ram snyam/ /de ltar tshigs su bcad pa'i
dbyangs kyis bsnyad nas/

@008a @#/ /skabs don X X slad mar yang/ pad 'byung thugs kyi rgya
mtsho las 'ongs pa'i/ /ma bcos lhun grub sku gsum nor bu'i tog
/rab mdzes snga 'gyur d+hArmaO d+hwa dza de/ /bshad sgrub khang
bzang rtse na brtan

por bzung/ /ring min chu stod zla ba'i nang tsam la/ /chos srid
rlabs phreng 'phyur ba'i 'o mtsho 'dir/ /bka' gter gshog yangs
bsgyur mi ngang mo khyod/ /bag phebs rtse dgar rol ba'i 'dun pa
mdzod/ /'di skad smra ba mang thos

sgrub la g.yel/ /chos med chos ltar bcos pa'i bzang rdzu mkhan/
/garO gyiO dbangO porO 'bod pa'i b+hu su kus/ /cha 'phreng bsam
gling dgon nas phul ba dge/ //(shing glang hor spyi g.yu thog
mkhan chung la phul ba'i zhu yig

ngang pa'i mgrin glu/) mkhyen rab gting mtha' mi mngon chu gter
dbangO/ /dge legs chu klung brgya phrag 'dusO pa'i dbus/ /mchog
gsum norO bu'iO cod pan nyer mdzes pa/ /sngon med gdengs can
dbang po'i zhabs drung du/ /'khor ba'i

phun tshogs dug sbrul tshang 'dra zhes/ /rgyal bas gsungs pa'i don
la nges rnyed kyang/ /shes bzhin dug la 'gam pa'i spyod tshul
mkhan/ /garO gyiO dbangO porO 'bod pas 'di skad gsol/ /dpag yas
legs byas rgya mtsho'i

dpal las 'ongs/ /mkhyen dpyod lang tsho rgyas pa'i zla ba khyod/
/mthun min dus me'i 'tshe bas ma bsgribs shing/ /mnga' 'bangs
rgyu skar dbus na 'tsher lags grang/ /e ma khyod kyi spyod bzang
'o ma'i mtsho/ /srid rtse'i bar

@008b du lud 'di ma bzod nas/ /ganggA'i zol gyis grags pa 'di
dag kun/ /nor 'dzin lto bar rings pa rings par rgyu/ /bdag kyang
rnam g.yeng srad bu ring po'i ngos/ /'di snang chos brgyad rag
gan ga bur dang/ /legs byas gser bzang

spel ba'i malli ka /chad med 'dren pa lhur len bgyid bzhin
mchis/ /mtshams zhu/ slad char/ legs byas dbyig 'dzin dpal las
legs 'khrungs pa'i/ /khyod sku pad dkar gzhon nu 'od stong gis/
/bskyangs pa'i 'dab

brgya grol ba'i ngo mtshar gyis/ /lugs zung gser gyi rwa ba kun
dger mdzod/ /khyod thugs sprin dkar gzhon nu'i dbyings rum nas/
/bka' mchid gru char zim phur nyer g.yos pas/ /bdag yid nor
'dzin dga' bde'i dpyid kyi dpal/ /

che cher lang tsho bdo ba'i ngo mtshar stsol/ /'di ni legs bshad
mar gyis gtams na yang/ /da dung shes rgyud gyong por lus pa yi/
/mar kog skam po'i ngang tshul 'dzin pa de/ /lhag bsam dbyu gus
bskul ba'i tog sgra lags/ /zhes zhu

'degs mtshon par rin chen bum brgya skyes thur srang gang/ lha
rdzas bcas cha 'phreng bsam gling nas khri byang sprul ming pas
zla tshes bzang por phyag bcas phul ba'i zhu yig / // ! (shing
glang lor rmar khams spang mda' tshang gi

mi ngo rab dga'/ stobs rgyal/ bsod nams lags gsum la gnas tshul
phul zin/) rabO dkar legs byas kun dga'O 'o ma'i mtshor/ /dad
stobsO gshog yangs bsgyur ba'i ngang ba'i rgyalO/ /bsodO namsO
mgrin pa'i rdza rnga snyan 'gyur 'bum/ /

@009a @#/ /khrol ba'i ngo mtshar 'dzin pa gang de la/ /chosO kyi
rgyal po 'jam mgon bla ma yi/ /chosO tshul bdud rtsi rang gir
spyod bzhin du/ /chosO brgyad dug chus myos pa'i garO stabs can/
/chosO gzugs rtag 'dzin

dbangO gyur de yi mchid/ /dpalO mchog bsod nams kun bzod phang
par 'khrungs/ /dpalO ldan rnam dpyod yal ga yangs por brel/
/dpalO dang grags pa'i me tog 'bum grol ba/ /dpalO gyi 'bras bu
mi dman kun dga'i shing/ /legs

mdzad dri ma snum por g.yo ba las/ /legsO 'ongs 'phrin yig dri
bsung mngar po'i rgyun/ /legsO par 'thul tshe yid la dga' bde'i
dpyid/ /legsO skyes ngo mtshar bye ba'i dpal yon 'dzin/ /rnamO
'dren rjes zhugs chos kyi zlos garO

bdag /rnamO dkar las kyis 'phangs pa'i sgyu ma'i lus/ /rnamO par
dge mod zin med 'di snang gi /rnamO g.yeng dra bar chud pa'i
yid dbangO skyo/ /bloO bzang rgyal ba'i legs gsung ga bur rgyun/
/bloO gros zla ba gzhon nu'i dbyings

rum nas/ /bloO ldan kun da'i tshal du nyer spros pas/ /bloO mchog
ge sar so 'phreng lhug par 'dzum/ /maO dul brlang po'i sems ldan
ngan pa 'gas/ /maO sbyin dngos po blangs pa'i byung ba yis/ /maO
lus skye bo'i yid rab 'khrugs

gyur te/ /maO rungs g.yul gyi ral kha 'gyed par rtsom/ /mtshams
zhu/ slad char/ lugs zung rnam dpyod 'dab brgya'i 'dzum ris ni/
/dge legs sbrang rtsi'i bcud dang lhan cig tu/ /lhug par grol
ba'i pad dkar gzhon nu'i

@009b ljon/ /rkyen sel rwa ba yangs por skyed bsrings mdzod/
/'di nas gzhi med rtsa bral sems nyid klong/ /'khor 'das spros
kun rdzogs kyang sgyu ma bzhin/ /rang rtsal ma 'gags gegs su
shar ba rnams/ /ye stong dbyings su zhi ba'i smon

pa bgyid/ /lhag bsam ma smad rin chen yol go las/ /'phrin yig
manda ra ba'i malli ka /rtag tu 'thor ba'i shis pa dam pa'i
dpal/ /bdag yid kun dga' rgyas pa'i dpyid du mdzod/ /de ltar don
ldan zhu mchid zur mig ma/ /nyams

dang 'gyur ba'i 'jo sgeg rol pa can/ /skyes bzang rgyan gyis
spud de blo gros kyi/ /khang bzang rin chen skas las ldem bzhin
song/ /zhes zhu yig gcer min tsam du lha rdzas dang/ zhabs stegs
khri'u rgya rtsi ma khrol ldan gcig bcas

cha 'phreng bsam 'phel gling nas khri byang sprul ming pas/
shing glang zla ba drug pa'i tshes bco lnga bzang por phul// //!
(gong gsal nas bskyar ma'i 'phrin yig byung ba'i lan du slar
bkur ba'i yi ge ni/) rabO dkar bsod nams

sa bon gtsang ma'i khams/ /smon lam bdud rtsi'i chab kyis brlan
pa las/ /lang tsho'i kho lag yongs rdzogs dpag bsam ljon/ /dge
legs grib bsil mngon dga'O gang de la/ /blo gros dri bzang dga'
ba'i skyed tshal du/ /mngon

par rtsen pa'i mtsho byung gzhon nu ma'i/ /bai DUr phang 'gro'i
rgyud las 'phos pa'i dbyangs/ /don bzang tshig tu 'jebs pa'i glu
'di gson/ /legs byas chu shel dag pa'i thig le las/ /lhag bsam
'od ris rabO dkar zla ba khyod/ /

@010a @#/ /spyod bzang mkha' dbyings mdzes pa'i lang tsho la/ /kun
nas chags pa'i rtse dga'O ci yang bgyid/ /phrag dog tsher ma rnon
pos yongs khyab pa'i/ /rmongs rtul tshang tshing 'khrigs pa'i nags
khrod

'dir/ /rig byed dri bsung mngar por 'thul ba yi/ /tsandan gzhon
nu khyod nyid tsam du bas/ /kye ma deng dus 'di na skye bo phal/
/phan nyung gnod pa du ma'i sna 'dren pa/ /zang zing e raNDa yi
ljon shing phon/ /dpag bsam 'dod 'jo'i

dbang por 'khrul bas blus/ /'byung dka' 'jig sla byung na 'phral
yun gyi/ /bde ba dam pa'i srog la rno ba'i mtshon/ /'di snang
srid 'byor 'khyog 'gro'i grib ma la/ /dpyod ldan su zhig bag
phebs dga' bar sems/ /khyod ni ston mchog

bden pa gsung ba'i bkar/ /yid dbang nyer gtod gtong pa'i blo
gros sgo/ /ches yangs me zhal lam du grol ba 'dis/ /bsod nams
nor bu'i bang mdzod dog por byas/ /shes rab ral gris bden bzung
rmongs pa'i dgra /bsad pa'i

dmar 'od mdangs chags ye shes sku/ /phyogs bral rgyal ba'i
mkhyen rab gur gum rdul/ /gcig tu spungs la zur phud lnga par
grags/ /mgon de'i ngo mtshar mtshan dpe'i snang brnyan ni/ /rmad
byung gzi byin lham mer 'bar ba'i tshe/ /

'jam dpal gzhon nu dngos su 'dir byon pas/ /nor 'dzin kun dger
bgyis zhes mkhas rnams gleng/ /legs spyod rnam par dkar ba 'o
ma'i mtsho/ /chad med rlabs 'phreng gyen du 'phyur ba na/ /phyogs
'di'i gzur gnas dra ba'i

@010b rkang ldan khyu/ /bsngags brjod mgrin pa'i rdza rnga
brdung la brtson/ /gang gi 'phrin yig gzhan gsos gnyis skyes
rgyal/ /'dzum grol utpal chun po mchus thogs te/ /gre 'gyur
snyan pa'i sgra brgya sgrogs bzhin par/ /yid kyi naT

mtha' mdzes pa'i dpyid du son/ /'di na ches dkar las kyis
'phangs pa yi/ /dal dang 'byor pa'i lang tsho'i me tog ni/ /mchog
gsum byin rlabs drod kyis bskyangs pa las/ /re zhig nyer 'tshe'i
ba mos reg ma gyur/ /kye ma thub

bstan snang ba'i mu khyud che/ /tshul min shing rtas chu lha'i
phang par drangs/ /ngan spyod rlung dmar 'khrugs pa'i rdul
'tshubb dang/ /'grogs pa'i smag rum stug pos kun nas 'khigs/
/rmongs byed chang gis drgs pa'i gnyis 'thung

khyus/ /rang 'dod gya tshom gom stabs yon po ru/ /sgyur bas skye
rgu'i phan bde dpal gos mtsho/ /ming gi lhag ma tsam du mod la
byas/ /kho bo'i lhag bsam padma dkar po'i ljon/ /legs bshad
sbrang rtsi'i 'dod pa 'jo pa gang/

phyogs 'di'i skyed tshl rgyan du mdzes mod de/ /dus ngan bser bus
bskyod 'di ya ma brla/ /'on te mi gtsang 'dam khrod bying ba yi/
/bsam 'phel dbang gi rgyal po ji bzhin du/ /snyigs 'gro'i brlang
spyod dri mas g.yogs na

yang/ /rang gi ngang tshul mi 'dor gshis lugs yin/ /slad mar lang
tsho'i sa la mos pa'i tshal/ /'tsho thabs ga bur gzegs ma rtag
'thung bas/ /bsngags 'os rnam dkar 'dab brgya bzhad pa'i 'dzum/
/yab mes rgyu 

@011a @#/ /skar bdag po'i rjes 'gror mdzod/ /mtshan tsam gyis
kyang srid dang zhi ba'i mun/ /lhag med 'joms mdzad mchog gsum
nyi ma'i 'od/ /gsol 'debs khyung sngon skyes kyis nyer

drangs te/ /thugs bzhed pad tshal rgyas pa'i smon 'dun zhu/
/khyod blo mal yar skyes gzhon nu'i ljon/ /yid gcugs dri yi
shing rtas bskyod pa las/ /snying la 'bab pa'i snyan tshig bsung
zhim rgyun/ /phyogs 'dir 'thul

bas kun dga' rgyas par mdzod/ /lhag bsam nya lcibs khog las
blangs pa yi/ /don dam 'dzum dkar 'od chags mukti kaH/ /tshig gi
srad bur spel ba'i do shal 'di/ /blo gros rin chen za ma tog las
so/ /zhes zhu

'degs mtshon par rgyal dbang karma pa'i snang brnyan me thub ma
byin can dang/ lha rdzas bcas cha 'phreng dgon nas khri byang
sprul ming pas/ me stag zla ba dang po'i tshes dgu bzang por
phul// //

! (lha ldan nas dge ba'i bshes gnyen chen po shes rab rgya mtshos
bka' yig phebs pa'i lan du me yos lor phul ba'i zhu yig dran
dbang dgyes pa'i mchod yon dge/) shesO rlom phal dang phal gyi
spyi bo na/ /rabO dkar grags pa'i spring yig 'god pa can/ /rgyaO
dang phyogs su ma

chad mdo sngags glus/ /mtshoO byung snying gar 'dzum pa'i dran
dbang drung/ /gang gi legs bshad sbrang rtsi'i ro mngar gyis/
/yid la rab dga'i myos thob bung ba des/ /mi phyed gus pa'i zlos
gar rtsen bzhin du/ /don gnas bsngags pa

@011b brjod pa'i dbyangs 'di gsol/ /zad mi shes pa'i tshogs gnyis
rab dkar rdul/ /mtshan dpe'i tshom bu gcig tu bzlums pa'i zla/
/dge legs rgya che'i 'od kyi khor yug 'dzum/ /skal bzang blo
mtsho'i dpal du bsil ba nas/ /phyag

rgya'i lang tsho rab gsal smin legs ma/ /skyes bzang nor bu'i
'phyang 'phrul g.yo bzhin par/ /nyams 'gyur stong gi 'jo sgeg
rol ba yis/ /yid kyi rwa ba mngon dga'i ngo mtshar 'dzin/ /dregs
ldan yongs kyi ral pa'i rtse mo na/ /

zhabs sen 'od dmar reg pa'i dge mtshan can/ /sdom brtson 'khor
los bsgyur ba'i bstod tshig gi /utpal phreng ba khyod las 'os pa
su/ /phyi nang rig pa'i gnas kyi ganggA'i chab/ /mkhyen rab lto
ba yangs por dog med du/ /'thungs

nas thar 'dod 'dod 'jo'i gsos sman cher/ /skyugs tshe drang srong
dza hu khengs pa skyungs/ /rnam dag lung gi glog dmar phreng ba
dang/ /nyer 'grogs phra zhi ba rigs tshul rdo rje'i char/ /'bum
du dkrigs pas rgol ngan brag ri'i rtse/ /dum

bur bshig pa'i rgyal rnga ci yang brdung/ /nges tshig so sor rig
pa'i chu 'dzin las/ /legs bshad bdud rtsi'i gru char rtag 'jo
bas/ /mdo dang sngags kyi skyed tshal blo gsal gyi/ /rin chen myu
gus rnam par mdzes pa thob/ /de ltar

'chad rtsod rtsom pa'i 'od dkar phreng/ /dpag yas nam mkha'i lam
du grol ba na/ /mkhas mang ngang mo'i tshogs 'dis bsngags brjod
kyi/ /mgrin rnga 'khrol bas thub bstan mtsho chen khengs/ /rmad
byung snying stobs ka ba'i

@012a @#/ /dpung pa yis/ /blo bzang bzhed gzhung bsam 'phel nor
bu'i gdugs/ /srid zhi'i tsha gdung 'phrog pa'i cho ga ru/ /bzung
bas 'gro 'di da dung skal ba sbom/ /'di na ches dka' las

kyis 'phangs pa'i rten/ /'du byed sdug bsngal mtsho las sgrol
ba'i gru/ /mi mthun rlung gis gzhan du ma byas kyang/ /'di snang
'ching bu'i lcid kyis ches cher non/ /dad gshin dkor nag dug gi
khu ba yis/ /rab myos

chos brgyad spre'u'i zlos gar ni/ /gzhan don gzugs su bcos pa'i
zol zog gis/ /skal mnyam byis pa 'drid pa'i tshul 'di dman/ /rgya
chen gzhung gi de nyid ma mthong zhing/ /nyams myong tshad ma'i
gdeng drod mi ldan par/ /

phyug po'i nor la rtsi ba'i bshad yam gyi/ /bcos ma'i me tog
spel ba'i malli ka /ma dad mi shes yang dag 'jog la lhod/ /phyi
nang 'gal ba byi la'i brtul zhugs can/ /rmongs dang 'dun pas
'gro ba'i rna rgyan du/ /bkod 'di

tshu tol mthong ba'i snang ngor mdzes/ /nges dang ngoms dang
grogs med mtho dman 'gyur/ /sdug dang mi sdug bral 'phrad sdug
bsngal sogs/ /kun 'byung 'khor ba'i gshis su gsungs pa yang/
/deng dus 'di na ched du gsal

ba bzhin/ /rnam dag gzhung lugs ral pa mthug pos brjid/ /gzhan
dring mi 'jog spobs pa'i lus stobs rgyas/ /rten 'byung rigs tshul
sbar khyim g.yo ba khyod/ /thub bstan gangs ri'i dpal du rtag
mdzes shing/ /'phrin las

@012b nyi ma 'bum phrag 'bar ba'i gzis/ /zas gtsang sras kyi
bstan mchog padma dkar/ /stong nyid snying rje'i snying po can
gyi 'dzum/ /skal bzang bung ba'i dpyid du grol bar mdzod/ /gzhal
du mi spyod mkhyen pa'i chu gter ni/ /rjes chags

rlabs phreng mkha' la 'phyur ba las/ /'phral yun kun dga' sbyin
pa'i zegs ma brgyar/ /'thor bas bdag yid da dung mchog tu mdzod/
/de skad zhu mchid chu klung bu mo zhig /tshig don dbu ba dkar
po'i do shal rgod/ /bdog pa'i

gser gyi bye ma 'dren bzhin par/ /gangs can chos kyi rgya mtsho'i
ngogs su song/ /zhes zhu yig stong min tsam du lha reg a she
dang/ rin chen sa yi snying po thur zho lnga bcas cha 'phreng
bsam gling dgon nas khri byang sprul ming pas/

me yos zla tshes bzang por phul// // ! (rgyal thang 'a sbug sprul
sku bstan 'dzin 'phrin las kun mkhyen nas stong pa 'bom bla mar
bskur rgyu'i yi ger phran nas bzos pa/) rmad byung dgeO ba'i
tshogs zung me shel rdul/ /mtshan dpe'i tshom

bur smin legsO nyin mor byed/ /skal bzang dpalO gos 'dab brgya
bzhad pa'i gnyen/ /'phrin las 'od stong 'barO ba'i zhabs drung
du/ /bstanO 'dzinO bshes gnyen du ma'i gdams pa'i 'phrin/ /nyan
zhing bklags pa'i lasO bzang mi

dman yang/ /kunO rmongs mun pas snying la mal bcas pas/ /mkhyenO
pa'i bdud rtsi ma 'thung des 'di skad/ /mang thos lung gi lus
stobs rab rgyas shing/ /rtogs pa'i myos bum mtho ba'i gnyis
'thung dbang/ /bag phebs zhi

@013a @#/ /ba'i nags klung nyams dga' bar/ /bla med theg pa'i gom
stabs bsgyur ba nas/ /rjes su brtse ba'i sna zhags ring po yis/
/snyan tshig utpal gsar pa'i malli ka /'di na blo dman gzhon
nu'i thod

rgyan du/ /bcing tshe gus spro'i zlos gar ci yang bsgyur/ /bstanO
pa rin chen mchog gi sgor zhugs kyang/ /bdag tu 'dzinO pa'i
'phrin lasO btsan po yis/ /kunO nas kun tu mnar ba'i snying med
po/ /mkhyenO gsum lam las gol ba kho

bo yang/ /yongs grub 'dus ma byas kyi ye shes dang/ /yod min med
min dgag bya'i mtshams ral ba/ /gol sar song ba'i mtha' bral dbu
ma che/ /klu dang zla ba'i lugs mchog rgyal ba'i yum/ /de la
tshad mas lta ci yid dpyod

kyang/ /yang dag rigs pas 'dren pa'i skal ba phra/ /som nyis
srid pa hrul po gtong ba'i tshul/ /'di na smon pa'i yul du bgyid
cing mchis/ /mgon khyod snyigs ma 'phyur ba'i dus mtha' 'dir/
/kun gzigs drang srong dgyes

pa'i dga' tshal der/ /snga 'gyur bstan pa'i rgyal mtshan sgreng
bzhin du/ /sde gsum dgeO legsO dpalO gzi 'barO bar 'tshal/ /kun
khyab mi shigs grwa zur med pa'i khams/ /rang byung rang shar
thig le chen po'i rtsal/ /'khor 'das

rol mor 'byams su klas pa'i khrod/ /'chi bya 'chi byed bral ba'i
ngo bor bzhugs/ /dgag sgrub spros pa bral ba'i do rwa na/ /du ma
ro gcig gzung 'dzin 'phri ba chod/ /gang shar rgyan du rol ba'i
nyams rtogs 'bar/ /gsang chen rgyan

@013b du rol ba'i gar stabs mdzod/ /de skad zhu mchid padma
dkar/ /don bzang ge sar sor phreng dgod/ /bdog pa'i sbrang
rtsi'i thigs pa can/ /theg chen rgya mtsho'i gling nas spros// //
! (shing glang lor cha phreng nas gro mo'i rgyal

chen la phul ba'i lung zhu/) rgyalO kun mkhyen brtse nus pa'i
rol gar gzugs/ /rgyalO ba gnyis pa'i ring lugs legs skyong ba/
/rgyalO chen shugs ldan rtsal zhes grags snyan gyi/ /rgyalO rnga
brjid por ldir ba'i zhabs drung du/ /chosO kyi rgyal

po 'jam mgon bla ma yis/ /chosO tshul bdud rtsi rang gir spyod
bzhin du/ /chosO brgyad dug chus myos pa'i zlos gar can/ /chosO
gzugs gar gyi dbang pos 'di skad gsol/ /khyod drin sbrang rtsi'i
bcud kyis nyer 'tsho ba'i/ /rnam dpyod

gshog rtsal zhan pa'i bung ba bdag /shul lam bde bar sngaO loO
mgo zla'i nang/ /thos bsamO me tog 'phelO pa'i glingO derO sonO/
/thog mar phan bde'i me tog 'joms pa'i gshed/ /nag phyogs ser
ba'i sprin nag zhig slad du/ /

sri mnan gtor bzlog dbyug mchod drag sreg sogs/ /las bzhi'i rim
gro'i 'thor rlung ci nus spros/ /phal rnams khrid de rim gyis
bkri ba dang/ /skad dang gsung rab brda don 'dris pa'i phyir/
/cho 'phrul smonO lamO nyinO zhagO bcoO

lnga'iO barO/ /mdzangsO dang blunO po dbye ba'i mdo sde bshadO/
/lha klu saO bcudO lus phra'i bzhin ras ni/ /bag med dri mas
nyams pa rje bla ma'i/ /bumO paO brgya phragO bcuO gnyisO lhag
tsam pas/ /bde skyid lang tsho rdzogs pa'i cho ga byas/ /

@014a @#/ /thog mar thun mong lam gyi smin pa'i slad/ /chos 'dod
skya ser nyis stong brgal tsam la/ /dbo zla'i tshes nas nyin zhag
bco lnga'i bar/ /gsung rab kun gyi snying po bsdus pa'i bcud/
/ma rungs

sems kyi glang smyon gdul dka' ba/ /bag med kyo ba rnon pos
dbang byas te/ /bla med zhi ba'i rwa bar myur bkri ba'i/ /byang
chub lam gyi rim pa'i dmar khrid ni/ /dam pa'i legs bshad rin
chen 'byung gnas las/ /bdag

blo bum pa'i bcud du 'khyil ba 'ga'/ /lhag bsam kun sha'i rtse
mor nyer blangs te/ /gdung sel bdud rtsi'i zegs ma ci yang
'thor/ /de nas don gnyer lnga stong lhag tsam la/ /sngon 'gro'i
gtam du bya ba zhib nan 'brel/ /

'phags mchog thugs rje chen po'i dbang bskur bar/ /dge ba'i
mtshan mar mngon pa'ang cung zad shar/ /dmigs brtse brgya phrag
nyin bzhin dam bca' can/ /lnga brgya lhag par bcu gsum 'jigs
mdzad dang/ /dpa' gcig

las rung khas blangs klu mtsho 148 zlar/ /de yi smin byed dbang
gi bya ba byas/ /slar yang gshin rje'i dgra yi bsnyen chen ni/
/khas blangs me ror 63 bcu gnyis zhag gi ring/ /rim pa gnyis
dang gzhi bsnyen chen mo'i khrid/ /khyab bdag bla ma'i

phyag bzhes bzhin du bgyis/ /nyes spyod phyi sa'i ro la rtag
sred pa'i/ /skye bo'i rkang drug 'di dag chos nor gyi/ /thabs
mkhas sbrang rtsi mngar pos nyer bkug pas/ /re zhig bag yod
padma'i tshal na rtsen/ /'on te chos pa dag las

@014b zog po brin/ /drang po'i mi bas g.yo can dpung pa dar/
/sdig can sog le'i sems ldan bla gzugs 'gas/ /phan bde'i 'khri
shing gcod pa mi 'gyur grang/ /dkar min 'bras bu bdo ba'i rlung
shugs kyis/ /'thab rtsod byin za sbar

bas sde dgon nags/ /bsregs pa'i zhing stong 'jag skya 'phyur ba
sogs/ /'khor ba'i ngang tshul gsal ba bzhin du snang/ /de ltar
log spyod bu yug 'tshub pa'i khrod/ /kho bo'i lugs gnyis pa ku la
yi 'dzum/ /cung zad grol

'di bstan srung ri dwags mig /khyod byin 'gram chang mngar po'i
mthur nges pas/ /nyin bzhin dad pa'i rtsig ngos su/ /kun rtog
pir gyi ri mo yis/ /mthong grol khyod kyi gzugs brnyan ni/ /yang
yang 'dri zhing 'di na mchis/ /('di

gsham don tshan bdun yod pa tshig tshogs mang che bas 'dir ma
bris/) gong gsol don tshan so sor nyes bsrung legs spel gyi thabs
rim ji zhu bcas bka' gsal brtse bas gzigs pa mkhyaien zhes gsol
ba 'debs rten

mjal dar a she dang/ phud dod phyi sgor ri bo'i grangs ldan
bcas cha phreng bsam gling nas khri byang sprul ming pas/ /shing
glang zla drug pa'i tshes bzhi bzang por phul// (//! 'di'i phyir
phebs bka' lan ni/) hrIH sngon tshe

rdo rje 'chang dbang nas/ /sngonO gyi skyes mchog nyid nas
kyang/ /sngonO gyi thugs bskyed dam bcas pa/ /sngonO nas thos
bsam rigs phul gnas/ /sngonO bsus der phebs mdzad pa sogs/
/sngon du bgegs tshogs nyon mongs

@015a @#/ /bcom/ /mgo 'thom shar phyogs bzang por bkri/ /snod
bcud gter gyis byur bur gtam/ /thun mong ba dang bla med kyi/
/chos kyi 'khor lo mdo sngags lam/ /zung 'brel bskor ba'i

a mr-i gyis/ /bdud rtsi zas tsam rkang gnyis sogs/ /ka ma la yi
tshal na rtsen/ /bdud rtsis rab tshim slob ma sogs/ /rgya chen
'dus der dregs pa yang/ /dga' bde'i dpal yon bsam las 'das/
/'dul 'dzin nged

la sman rag phud/ /su wa ra Na yi phud dod dang/ /sgeg mo'i reg
bya dam rdzas 'brel/ /mgron pos bka' drin shin tu che/ /bsreg
bya za sogs dbang po yi/ /klong du snyoms shing yal ga'ang sreg
/n+ya gro d+ha yi 'khri shing

rigs/ /byung na sreg la shin tu dga'/ /dang por sku gegs zhi
byed dmigs/ /tshe gzungs gnas bcu bstan rgyas dang/ /drug cu khri
tshar 'gro nges dang/ /gnyis par spyir (cha phreng yul dgon)
dmigs bka' 'gyur sgrogs/ /

gdugs dkar bzlog chen 'bad gal che/ /gsum pa rten (cha phreng du
byams sku'i) bzhengs 'di skor la/ /gegs par ma shar drug cu ma/
/gang mang k+SheH tra pA la yi/ /gtor bzlog gnad smin sgrol ma
gsog /bzhi par rtse

mo'i dpung rgyan dang/ /klung dar gdugs dkar 'gro gang che/
/lnga pa me stag bzang ngo che/ /re 'bras 'grub pa'i grogs dan
yong/ /drug pa sngon gyi mol don bzhin/ /'phral 'phral myur du
yong ba sogs/ /nges nas tambu ra

@015b brgyud du/ /nyal 'gro'i rgyun bzhin yong ba dang/ /gang
ci'i gnas su 'dor med skyob/ /(dbyangs a nges pa/) sa mthar
'jam dpal bstan par dpalO/ /dpalO ldan dam pa gang dag zhabsO/
/zhabsO pad brtan nas yang dag

lamO/ /lamO bzang gsal bar mdzad pa gnang/ /(i nges pa/) mi yi
rigs kyi ji srid pa'i/ /(u nges pa/) gzugs sku bu sdug gdung
gdung kun/ /(e nges pa/) ye rer mel tshe dregs sde nges/ /o
nges pa/ nyon mongs blo log

mthong sgrol skyob/ /chos kyi rgyal po tsong kha pa'i/ /dus
mchod dang bstun dus gsol nyin/ /'dul 'dzin sems dpar rol bzhin
du/ /dbang lcog dga' ba'i tshal nas phul// // ! (rgyal thang a
sbug sprul sku

rin po che bstan 'dzin 'phrin las kun mkhyen nas rgyal srid sna
bdun dang sbyar ba'i snyan tshig gi 'phrin yig 'byor lan/) blo
bzang rgyal bstanO snying po 'dzinO la/ /bshad sgrub mdzad
'phrinO bsam lasO 'das pas/ /skal bzang snying la kunO dga'

'jo ba'i/ /mkhyenO brtse zla med mchog sprul gang der/ /le dbar
khriO phrag sa yis bskal yang/ /yid kyi byangO bur mdza' gcugs
ri mo/ /gzhig tu med cing chos rdzu'i zlos garO/ /dbangO rtul
mig sngar mdzes des 'di skad//

aO ma 'gro kun sgrol ba'i sems mchog /snying gi sbugO nas rtag
tu bsrel te/ /bstanO pa'i bya ba khur du 'dzinO cing/ /bla ma'i
uzhalgdams 'phrin du bzlo bas/ /rnam dkar las ldan mtha' yas
gdul bya/ /kun rmongs 

@016a @#/ /mun pa'i mal nas slong la/ /mkhyenO gter 'jam mgon
rnam thar skyong 'dir/ /blo bzang rgyal ba dbyings nas dgyes
snyam/ /'phrin yig yid 'phrog dri za'i na chung/ /skyes bzang

gser gyi do shal bskyod bzhin/ /tshig don nyams 'gyur stong du
sgeg pas/ /bdag yid gzhon nu'i brtan pa kun 'phrog /theg mchog
chos kyi srid la 'os pa'i/ /rin chen bdun du sbyar ba'i bstod
tshig /nor srung rgan po sengger sgrog

'di/ /'dris pa'i ku re'i co 'dri min nam/ /'on te blo ldan slob
mas bla ma/ /so skye la'ang rgyal kun ngo bor/ /blta zhing bkur
bar thub pas bsngags pa'i/ /lam bzang nyams su bstar ba yin
mchi/ /bloO gros dman yang

bzangO por rloms shing/ /yongs yeO mi shesO rmongs rtul kho bo/
/bstanO pa'i bya ba'i gzugs brnyan 'dzinO bzhin/ /rgyaO chen
dkor nag dug mtshoO 'thung mus/ /aO ye (mtshan sgra la bu/ a
sbug /'a bu nges med 'ong 'dug pas 'di ltar byas) gson dang

snying giO bu gcig /'aO 'ur skyon bral padma'i sdong buO/
/bstanO yod gzugs sku bstanO pa'i dpal 'di/ /'dzinO mar rdo
rje'i lang tsho 'dzinO cing/ /'phrinO yig yid dga' 'jo ba'i
'phrin bzang/ /lasO su che bas snyoms lasO ma mdzod/ /

kunO phan rgyal bstan kunO nas spel la/ /mkhyenO bzang khyod kyi
mkhyenO rtsal bskyed ces/ /garO 'gro'i gtol med smyon pa'i garO
mkhan/ /dbangO po ma dul dbangO bskur mkhan des/ /byaO lor zin
med byaO ba'i gseb nas/ /mchogO khyod

@016b mchog tu dgyes phyir phul lo/ /zhes gzigs rten mtshon par X
zla tshes bzang por phul// // ! (sa rta gnam lo gsar tshes skabs
^skyabs rje yongs 'dzin khri chen gling rin po che dang/ mtshur
phu karma pa/ sa skya khri chen sogs la

rten 'byung shis dbyangs 'bul gnang la/) saO gsum mun sel 'dren
mchog rtaO bdun dbang/ /'phrin las 'od stong phyogs brgyar bkraO
ba'i gzis/ /shisO pa'i phan bdeO padmo 'bum grol ba'i/ /dge
legsO srid mthar mi nub gsal bar

smon// // ! (ma'i sor 'bel kob nas ser byes tre hor dge bshes
bka' 'gyur ba blo bzang thub bstan se ra'i dgon par rdo rje rnal
'byor ma'i bsnyen chen skabs zhug yig phul 'byor gyi bka' lan
la/) bloO gros mtshungs med bzangO po'i rtsal gyis/ /thubO

dbang gnyis pa'i bstanO 'dzin gang nyid/ /bloO gsal skal bzangO
skye bo rnams la/ /thubO dgongs ma nor tshul bzhin bstanO cing/
/bloO rtse bla ma lha la gtad de/ /rdo rje btsun mo'i rnal 'byor
bzangO por/ /brtson pa'i dka' thubO mchog la

gzhol zhing/ /bstanO yod gzugs sku bde ba'i ngos nas/ /khri
steng 'dzegs pa'i ne tso bzhin du/ /chos gtam smra la ro 'dzin
byung yang/ /shing sdong % rgan % po khong rul 'dra ba/ /kho bor
rag ban gser du brtsis te/ /snying nas dran pa'i gdung

ba'i dbyangs dang/ /thos don sgrub pa'i dam bca'i tshigs bcad/
/gnyis 'thung ris mdzes sa snying rten bcas/ /sug par 'byor pa
rab dga'i rtser son/ /gsol 'debs byin rlabs char 'bod de la/
/don skyon ci srid dge bshes

@017a @#/ /gsung lags/ /tshig brjod bde min re zung mchis pa/ /zur
du bkod yod de la gzigs mdzod/ /'di na kho bo 'tsho ba bde mod/
/rang g.yeng gzhan bslu'i 'du 'dzi'i dra bar/ /rtag tu chud

der bsun pa skye yang/ /gzhan ngo bzlog dka'i tshul 'di skyo ba/
/kye kye gson dang bka' gdams gong mas/ /bla ma'i byin rlabs che
dang chung ba/ /dngos la ma yin rang la rag las/ /yon tan rdzogs
pa'i bla ma min yang//

de la de yi byin gyi rlabs 'byung/ /zhes dang khyi so'i ring
bsrel dpe ltar/ /kho bor dam pa'i yon tan dben yang/ /mang thos
bshes gnyen chos kyi bu khyod/ /lam gyi mthar thug bla ma'i rnal
'byor/ /snying por bzung ste rtse gcig brtson

dang/ /sras bcas rgyal ba'i byin rlabs 'jug pa'i/ /rten 'brel
nam yang bslu ba ma mchis/ /lam gyi rtsa ba 'di nyid brtan ngos/
/zab myur khyad par 'phags pa'i nye lam/ /mkha' spyod mkha'
'gro'i rnal 'byor bcu gcig

tshig tu ma lus bsam sgom mdzod cig /rgan po ngas kyang bla slob
dam tshig /mi brjed snying gi ri mor bkod de/ /nyid kyi chos ldan
legs smon mtha' dag /yid bzhin 'grub pa'i gsol 'debs zhu lags/
/zhes khri byang skye ming

pas/ phyi lo 1978 zla ba bdun pa'i tshes nyer bdun la phul// // !
(sku ngo lcog steng thub bstan nor bzang la lo gsar mtshams
'dri'i bka' shog tu stsal ba ni/) thubO pas legs gsung rgyud sde
rgya mtsho'i bcud/ /

@017b gsang chen bstanO pa'i myur lam zab mo las/ /mkha' spyod
norO bu brtsegs pa'i grong khyer du/ /ci dgar rtsen pa'i skal
bzangO 'dzin par smon// // ! ('jar pan nas a tsarya tshul khrims
skal bzang gis

zhu yig phul ba'i bka' lan/) yang dag thub tshulO zla med dge
bcu'i khrimsO/ /phyogs mthar gsal ba'i bgo skalO bde 'byung nor/
/legs smon bzangO po'i rol mtshor smin pa'i 'bras/ /dri bral ston
gyi lang tsho rgyas de'i drung//

lus kyi ljon pa 'phags yul 'dir brtan mod/ /mdza' ba'i me tog
phyogs der dgod pa las/ /snyan 'jebs bsung zhim 'phro ba'i ga
bur 'di'ang/ /khyod yid gdung sel dga' bskyed sman du re/ /rab
dga'i mtsho chen

spel ba'i 'phrin gyi zla/ /gzugs 'dzin ra ris sel ba'i bdud
rtsi'i skyes/ /'dzin mkhas shar gyi thig le gnyis pa des/ /bdag
yid kun da'i 'dzum phreng cir yang dgod/ /sngon rabs nor gyi
gnyen des rgya bal

gnas/ /'grim pa'i gtam zhig grags pa'i lam du mchis/ /deng dus
shar gyi gling du mngon pa'i gzhung/ /'chad la slob dpon mchog
cig mngon du gyur/ /e ma thub bstan nor 'dzin snyigs ma'i
mtshor/ /dengs

par nye yang snying stobs rus sbal gyis/ /'degs bzod dpung pa'i
mthu nus 'di mthong bas/ /stobs kyi 'jug pa'i rabs kyang bden du
dogs/ /bsil ldan chos kyi ma dros rol ba'i mtshor/ /legs smin
gser sbyang

@018a @#/ /dag pa'i mchod sdong che/ /sa mtha'i mun sel sgron mer
brjid pa de/ /thub bstan ring du bsrings pa'i cho gar gal/ /slad
kyi char yangO yangO dag rig pa'i 'phrul/ /thub pa'i chos tshulO
tshulO

bzhin spyod pa'i sgo/ /rgya cher 'byed phyirO phyirO zhing mi
zhum par/ /khams kyi 'phrod zabO zabO mo'ang mi g.yel 'tshal//
// ! (rdor gling san 'jo se mtho slob bod rigs rnams kyis gsar
deb phul 'byor gyi bka' lan/)

rang rigs blo gsal rig pa'i 'od rlabs kyis/ /lugs gnyis shes yon
mkha' mthar nyul ba'i dpyid/ /tshig snyan don zab gsar deb
padmo'i 'dzum/ /bdag yid bung ba 'gugs pa'i pho nyar son/ /sde
bzhi'i dpal

gyis phyug pa'i blo gsar tshogs/ /rnam dpyod rang rtsal ngom pa'i
ltad mo la/ /'byams pa'i bdag yid rtse gcig bsam gtan bzhin/
/spro dga'i dbyings nas ched brjod 'dis kyang bsngags/ /da dung
tshig don snyan 'jebs

rol mo'i glu/ /spel bas bsil ldan ljongs kyi khyad nor tshogs/
/dngoms pa'i dbyangs kyis kun yid bde blag tu/ /'gugs pa'i shis
pa ring du bkye bar 'tshal/ /zhes yongs 'dzin khri byang skye
ming pas/ phyi lo 1979

zla ba gsum pa'i tshes la phul// // ! (mdo stod tre hor khul nas
slob bu dge a chung gis zhu yig phul 'byor gyi bka' lan mjug
sdom la/) aO ye dus gsum rgyal ba gshegs pa'i shul/ /chungO
'bring chen po'i lam

@018b mchog dam pa der/ /aO ma 'gro kun khrid pa'i bzod stobs
de/ /chungO du min par ches cher skyed cig pu// // ! (pha ran
si'i rgyal sa spa ri sir bod kyi chos dge dga' shar dge bshes
lung rigs rnam rgyal la stsal

bris su/) thub pas lungO bstan klu thogs yab sras kyi/ /gzhung
don rigsO pas 'byed pa'i thabs tshul gyis/ /rnamO grol lam mchog
'gro la legs gdams te/ /rgyalO ba gnyis pa'i lugs bzang yongs
spel mdzod// //

! (bal yul sa khongs khum bu khul nas rdza rong 'khrul zhig
sprul sku ngag dbang chos kyi blo gros rin po che nas gsung bris
dang chabs cig tshe rdzas 'bul gnang gi bka' lan 'go brjod la/)
mtshan 'dzin 'khrul pa'i mdud rgya rang sar zhigO /ngagO gi lam
'das dbangO bzhi'i

lam bzang rdzogs/ /theg mchog chosO tshul dpyid kyiO pho nya'i
glus/ /bloO chen rgyal ba'i grosO bzang 'doms khyod rgyal/ /zhes
rgyal ba dang shis pa brjod pa sngon du 'gro ba'i sgo nas skabs
don nang lhug stabs bder gsol snying X X X

zhes yongs 'dzin khri byang sprul ming pas 1981 zla ba bzhi pa'i
tshes bcu bdun bzang por phul// // ! (pha ran sir gtan bzhugs a
mdo yon tan rgya mtshos snyan tshig gi lam las drangs te zhu yig
phul 'byor gyi bka' lan 'go

brjod du/) chos kyi grags pa'i gzungs spobs rnam dpyod kyi/
/yonO tanO bsam 'phel nor bu'i gter brgya yis/ /rgyaO chen blo
gros mtshoO 'jings yongs gtams shing/ /legs bshad rlabs phreng
'bum g.yo gang de'i drung/ /bloO chen dam

@019a @#/ /pa'i ming gi rgyan mdzes kyang/ /bzangO min chos
brgyad 'gong pos snying myos te/ /yeO dag gdod ma'i gnas lugs
zab mo'i don/ /shesO rab rnon pos ma mthong des 'dri zhu// //

! (sud si'i gzhis khongs rdza rong yab tshang gi bu blo bzang dge
'dun dang/ mkhar rta 'og pa'i bu mo skal bzang sgrol ma gnyis
gnyen sgrigs rten 'brel skabs shis brjod bka' yig stsal bar/)
mtshungs med bloO dang bzangO po'i spyod pa yis/ /dgeO tshogs gtan
bde'i 'dun ma legs

'grub cing/ /bsod nams bgo skalO bzangO dgu rab 'phel bar/ /'gro
sgrolO tA re maO yis mchog sbyin mdzod/ /yongs 'dzin khri byang
sprul ming pas/ zla tshes dge bar phul// //dge legs 'phel// //