@#/ /maNDal bshad zin bla ma'i thugs rje bskul ba'i don ldan
tshangs dbyangs sprin sgra zhes bya ba bzhugs so//

@001a @#/ /(rab rgyal sa stag lor 'brog ri bo che dga' ldan rnam
par rgyal ba'i gling du khri byang sprul ming pa blo bzang ye
shes bstan 'dzin rgya mtsho bdag gis gsol ba btab pa bzhin/ khyab
bdag rdo rje 'chang pha bong kha pa dpal

bzang po'i zhal snga nas lam rim mchan bzhi'i bshad khrid stsal
mjug brtan bzhugs maNDal bshad zin bla ma'i thugs rje bskul ba'i
don ldan tshangs dbyangs sprin sgra zhes bya ba bzhugs so/) /oM
bde legs su gyur cig /bloO bzangO mkhyen pa'i

'od dkar gcig gis shes bya'i mkha' yi mu khyud bcings/ /bdud
kyis mi thubO dbangO phyug brgyad kyi ri dwags mtshan ma 'dzin pa
nyid/ /'chi med rdoO rjeO rtag pa'i thig le kun dga' gzhon

nu'i lang tsho canO/ /deng 'dir tshe bcud bdud rtsi'i thigs phreng
'bum du 'bebs pas sim gyur cig /ces bla ma blo bzang thub dbang
rdo rje 'chang gi byin rlabs dbyar gyi dga' ston bskul

@002a @#/ /ba'i bden tshig khu byug nags su rtsen pa'i mgrin glu
sngon du btang ste/ de yang ji skad du/ mkhas grub thams cad
mkhyen pa'i gsung las/ dpal ldan sa

gsum 'gro ba'i mig gcig pu/ /X X X zhes gsungs pa ltar don gnyis
mthar phyin spangs rtogs kyi yon tan zad mi shes pa'i dpal dang
ldan zhing/ sa gsum gyi 'gro ba yongs la

mngon mtho dang nges legs kyi lam bzang tshul bzhin ston pa'i mig
gcig pu/ bdag cag thar 'dod skal ldan gyi gdul bya rnams kyi bla
na med pa'i mgon dang/ skyabs dang/ gling dang/

dpung gnyen dam par gyur cing/ dus gsum gyi rgyal ba thams cad
las thugs rje dang bka' drin ches cher lhag pa'i bka' drin gsum
ldan gyi rtsa ba'i bla ma thub bstan yongs rdzogs kyi

@002b bdag po don gyi slad du mtshan nas smos te bla ma blo bzang
thub dbang rdo rje 'chang rje btsun byams pa bstan 'dzin 'phrin
las rgya mtsho dpal bzang po'i zhabs stegs srid zhi'i dge legs
kyi 'dod pa 'jo ba'i dpag

bsam nor bu'i khri 'phang mngon mtho'i drung du/ mgon po gang gi
skyabs rol du 'tsho ba'i slob bu'i tha shal blo bzang ye shes
bstan 'dzin rgya mtsho nas snyim pa'i pad mo spyi bor bkod de
gsol ba 'debs pa'i snying

po ni/ de yang mgon po mchog nyid sngon bskal pa dpag tu med
pa'i sngon rol nas nam mkha'i mthas gtugs pa'i sems can rnams
kyi don du bdag pas gzhan gces par 'dzin pa'i byang chub mchog
tu

thugs bskyed/ bar du des kun nas bslangs te bskrun pa'i bsod
nams dang ye shes kyis bsdus pa'i bya dka' ba'i rgyal sras kyi
spyod pa rgya mtsho lta bu la zhum pa med par bslabs/ mthar
rdzogs

smin sbyang gsum mthar phyin te/ slob pa mtha'i don gyi 'od gsal
rdo rje lta bu'i ting nge 'dzin gyis theg pa gzhan dang lam
gzhan gyis spong bar mi nus pa'i gnyis snang 'khrul pa'i dri ma
phra mo tshun chad

lhag med du bcom ste/ rang snang 'og min gyi zhing du rnam par
rgyal ba rdo rje pho brang na phyi nang gi mngon par byang chub
pa chen po mngon du mdzad nas/ kha sbyor yan lag bdun ldan gyi
longs spyod rdzogs pa'i

@003a @#/ /skur bzhengs te/ yul dang yul can ro gcig tu zhugs
pa'i chos sku bde ba chen po la rtse gcig tu mnyam par bzhag pa
las nam mkha' ji srid gnas kyi bar g.yo ba med pa de ltar lags
kyang/ rnam pa

thams cad mkhyen pa'i ye shes chos kyi sku de sangs rgyas nang
phan tshun gyi so so rang rig pa'i ye shes kyi spyod yul las/ sa
bcu srid pa tha ma pas kyang cha shas tsam mjal bar mi nus pas
de tsam gyis bzhed pa mi khengs par/ ji skad

du yang rgyud bla ma las/ ji ltar tshangs pa tshangs pa yi/ /gnas
las 'pho ba med bzhin du/ /lha yi gnas ni thams cad du/ /snang
ba 'bad med ston pa ltar/ /de bzhin thub pa chos sku las/
/bskyod pa med par khams kun tu/ /

skal ldan rnams la 'bad med par/ /sprul pa dag gis ston par
mdzad/ /ces gsungs pa ltar/ byang sems 'phags pa yan chad la
snang du rung ba'i longs spyod rdzogs sku dang rigs brgya rigs
lnga rigs gsum la sogs pa'i

dkyil 'khor bye ba phrag brgya mkha' khyab zhing gi 'khor lor
spro zhing bsdu ba dang/ 'jug pa las kyang/ slar yang mi g.yo'i
sku mnga' khyod kyis srid gsum byon nas sprul rnams dang/
/gshegs pa dang ni bltams dang byang chub zhi ba'i

'khor lo'ang ston par mdzad/ /de ltar khyod kyis 'jig rten g.yo
bag spyod can re ba'i zhags pa ni/ /mang pos bcings pa ma lus
thugs rjes mya ngan 'das par bkri bar mdzad/ /ces gsungs pa
ltar/ so so'i skye bo las

@003b dag yan chad la snang du rung ba'i mchog gi sprul sku'i
rnam par bstan te phyogs bcu'i 'jig rten gyi khams nam mkha'i
mthas gtugs pa rab 'byams rgya mtsho thams cad du 'jig rten gyi
khams re dang/ gling re re dang/ skra'i khyon tsam re

re la'ang zhing khams rgya mtsho'i rdul grangs dang mnyam pa'i
mchog gi sprul sku dang/ de re re'i ba spu'i khung bu rer yang
sprul sku'i zhing na mchog gi sprul sku 'khor gyi dbus na dgyes
par spyod cing/ skad cig gcig la bskal pa rgya mtsho'i

mdzad pa dang/ bskal pa rgya mtshor skad cig gi mdzad pa ston dus
ring thung du ma gyur pa sogs gsang ba bsam gyis mi khyab pa'i
bcu gnyis mdzad pa'i ngo mtshar rim dang cig car du ston par
mdzad pa dang/ mngon rtogs rgyan las/

rgyu ni yongs su smin gyur na/ /gang dang gang la gang dang ni/
/gang tshe bya ba phan gyur pa/ /de dang de la der snang ngo/
/zhes dang/ rgyud bla ma las/ de dag dgon par ljon shing chen
por gyur/ /sman dang rin chen mi zad gter rnams dang//

yid bzhin nor bu 'dod pa sbyin bzhin dang/ /lam gol 'khyams pa
rnams la lam ston 'gyur/ /zhes gsungs pa ltar/ gzhan yang dag pa
dang ma dag pa'i zhing khams du mar rgyal sras/ nyan rang/
tshangs pa dang brgya byin/ rgyal po

dang rgyal phran/ dge sbyong dang bram ze/ khyim bdag dang
dmangs phal pa/ bdud dang srin po/ tha na bya dang ri dwags/
sman dang ljon shing/ gling dang gru zam/ yid bzhin gyi nor bu
sogs chu zla dang mig 'phrul bzhin gang 'dul sprul pa'i rol gar

@004a @#/ /rgya mtsho sprin gyi bkod pa mtha' yas pas sems can
'khor du ma bsdus pa bsdus/ bsdus pa smin/ smin pa grol/ grol ba
lam mthar phyin par mdzad/ mtha' dag ni sangs rgyas nang phan
tshun

kho na'i spyod yul nyag gcig lags pas smra bsam brjod pa'i yul
las 'das kyang/ gdul bya thun mong ba'i snang ngor sku'i phreng
ba byon pa'i tshul tshad ma'i skyes bu'i gsung la brten nas che
long tsam slos na/ sngon 'das pa'i dus

bskal pa dpag tu med pa'i snga rol tu sangs rgyas rnam gzigs
'jig rten du byon pa'i tshe gnyen ldan nu bo zhes bya bar sku'i
skye ba bzhes te/ de bzhin gshegs pa rnam gzigs slob pa dang mi
slob pa'i 'khor 'bum phrag drug cu rtsa

bzhi dang bcas par rin po che'i khrus khang khrus kyi yo byad
dang bcas pas bsnyen bkur nas byang chub mchog tu thugs bskyed/
de nas gzugs khams kyi bdag po tshangs pa gdong gsum pa/ seng ge
'jigs pa med pa/ sangs rgyas

'od srung gi sku gdung la gdugs 'bring po phul ba po rgyal po
gsal ldan grags/ dga' ldan gyi yul du lha'i bu dri ma med pa'i
tog /so sa'i gling gi dur khrod du byang chub sems dpa' stag
mo'i gzugs can/ shamb+ha la'i

rgyal phran stobs kyi shing rta/ bdag cag gi ston pa'i nyan thos
dbang po'i sgo sdom pa rnams kyi mchog tu lung bstan pa gcung
dga' bo/ byang chub sems dpa' bya mgrin sngon zla ba'i chos blon
ye shes 'dzin/ 'phags yul gyi

@004b rnal 'byor gyi dbang phyug brtul zhugs spyod pa grub chen
nag po pa/ chos rgyal srong btsan gyi blon po gangs can 'dir yi
ge'i srol thog mar phye nas bod yul mun pa'i gling na dam chos
kyi srol thog mar drangs pas bod spyir drin gyis che

ba thon mi saM b+ho Ta/ chos rgyal khri srong lde'u btsan gyi
sras tha chung rnam sras rta bdag brgyad bran du bkol nas b+ha ta
hor gyi sgom gra bar pa btul te g.yu'i thub pa dang/ bse bag
smug chung sogs drangs nas rgyal po pe dkar

bsam yas mi 'gyur lhun gyis 'grub pa'i gtsug lag khang gi srung
mar 'god pa po lha sras mu tig btsan po/ mtha' bzhi bdud kyi
rgyal po rnams drag po g.yul gyi sbyor bas cham la phabs nas
bod kyi lha chos bdud kyi 'tshe

ba las bsrung ba smug po gdong gi rigs brgyud gling rje ge sar
rgyal po'i rgyal tshab rgyal sras dgra lha rtse rgyal/ rnal 'byor
gyi dbang phyug mid la bzhad pa'i rdo rje'i slob ma tshe gcig la
'ja' lus grub pa ras pa zhi pa 'od/ lus srog

thad la bor ba'i dka' spyad dang brtson pa drag pos jo bo rje
bod du gdan drangs te/ deng bka' gdams kyi bstan pa nyi ma shar
ba ltar yod pa 'di gang las byung ba'i drin can gyi lo tsA ba
nag tsho tshul khrims rgyal ba/ rje tsong kha pa'i 'gran

zla med pa'i yongs 'dzin rnam pa bzhi'i ya gyal sa skya'i bstan
'dzin chen po rje btsun red mda' ba gzhon nu blo gros/ tshe mchog
gling yongs 'dzin paNDi ta ye shes rgyal mtshan gyi rtsa ba'i bla
ma 'jam mgon snyan brgyud kyi bdag po grub

@005a @#/ /mchog blo bzang rnam rgyal/ gnam bskos 'jam dbyangs
gong ma'i rigs kyi cod pan du gyur nas mkhas btsun bzang gsum
gyis bstan pa 'dzin pa la 'gran zla med pa lcang skya rol pa'i
rdo rje/

dka' ba brgya phrag du mas rgya gar shar nub chu bzhin nyul la
bod du gsang sngags gsar 'gyur gyi lo tsA ba chen po mar pa
chos kyi blo gros/ gzhan yang 'phags pa spyan ras gzigs rgyal bu
dad pa rab tu brtan pa'i skur skye ba

bzhes pa'i skabs blon po khye'u sgyu ma mchil pa/ sro long kun
tu rgyu'i tshong dpon gyi grogs po khyim bdag sogs 'phags yul
gsal byed so drug gi skabs thams cad du yab yum dang sras dang
blon po sogs ci rigs par

skye ba bzhes pa ni sku'i phreng ba zam ma chad par byon nas
skye bo grangs med pa smin grol la 'god par mdzad cing/ lhag par
du'ang ji skad du/ rgyud bla ma las/ ji ltar baiDU r+ya sa gzhi
gtsang ma la/ /lha dbang lus kyi

gzugs brnyan snang ba ltar/ /de bzhin 'gro sems sa gzhi gtsang
ma la/ /thub pa'i dbang po'i sku yi gzugs brnyan 'char/ /zhes
gsungs pa ltar/ gdul bya'i shes rgyud dag na dge ba'i bshes
gnyen mchog gi sprul skur

dngos su mjal nus kyang/ de lta bu'i bskal pa phra zhing snyigs
ma lnga bdo'i dus mthar skyes pa'i bdag sogs mgon med kyi gdul
bya rnams kyi don du/ ji skad du/ paN chen thams cad mkhyen pas/
bde gshegs sku

@005b gsum rgyan gyi 'khor lo ni/ /X X X zhes gsungs pa ltar/
rgyal ba kun gyi gsang gsum mi zad rgyan gyi 'khor lo'i ngo
mtshar mtshan dpe'i sgyu 'phrul tha mal pa'i dge ba'i bshes gnyen
gyi sku'i rnam par bstan pa lha dang bcas

pa'i skye rgu thams cad kyi ma 'dris pa'i mdza' bshes chen po/
sde snod gsum dang rgyud sde bzhi'i dgongs don dngos stobs kyi
rigs pas 'byed pa la gzhan dring mi 'jog pa'i mkhyen rab kyi
dbang phyug /srid pa'i phun tshogs thams

cad chu shing ltar snying po med cing rten 'brel thams cad chu
nang zla ba'i gzugs brnyan ltar gzigs pa'i rnal 'byor pa chen
po/ gzhan dang mi mnyam pa'i grub pa'i go 'phang mthon por
gshegs kyang bka' gdams rnam thar gtsang

ma'i kun spyod las nam yang mi 'da' ba'i gsum ldan rdo rje 'dzin
pa chen po/ dregs ldan che rgu du mas gtsug rgyan du bkur yang
chen por rlom pa'i dri ma tsam med par snying rje'i gzigs pa
dman pa'i yul la bla lhag tu 'jug pa'i

bdag nyid chen po/ 'jam mgon lugs bzang dri ma med pa 'di nyid
mkhas pa'i bya ba rnam gsum gyis 'dzin skyong spel ba la 'gran
pa'i zla thams cad dang bral ba'i skyabs mgon thugs rje can nyid
kyis gdul bya thun mong ba'i snang ngo'i

sku che ba'i yon tan sku gsung thugs gsum/ mkhyen brtse nus
gsum/ mkhas btsun bzang gsum/ lta sgom spyod gsum/ 'chad rtsod
rtsom gsum/ thos bsam sgom gsum sogs mdzad pa'i cha re re nas
'jam mgon tsong 

@006a @#/ /kha pa dang phyi mtshungs pa gsal byed/ nang yon tan de
ldan/ gsang ba ngo bo dbyer med du sbyor ba'i ngo mtshar gtam gyi
phreng ba spro byar mchis kyang/ mang du dogs pas re zhig
bskyungs nas/

da lam rten 'brel gyi slad du byang chub lam rim chen mo nas
gsungs pa'i mdzad pa po'i che ba'i sa bcad dang mthun par smos
na/ rigs phun sum tshogs par skye ba bzhes pa'i tshul/ rten de la
yon tan brnyes pa'i tshul/

brnyes nas bstan pa la bya ba mdzad tshul gsum las/ dang po rigs
phun sum tshogs par skye ba bzhes tshul ni/ rgya yi rus las 'gro
mgon chos rgyal 'phags pa'i gsol dpon nye gnas kun dga' 'bum gyi
brgyud pa/

'ba' ra pa rgyal mtshan bzang po sogs dam pa'i skyes bu bar ma
chad du byon pa'i brgyud du yab sger chab spel ba'i gzhung zhabs
tshe brtan rnam rgyal dang/ yum dkon mchog sgrol ma gnyis kyi
sras su ngo mtshar ba'i ltas dang

bcas te sku bltams shing/ de dag gi skabs snga phyir mtshan mo
khyim nang nyi ma shar ba lta bu'i 'od kyi snang ba chen po
dngos su shar nas khyim gyi chas dngos sogs gsal ba/ yum gyi
mnal lam du shar phyogs nas nyi ma

rnga bo che tsam zhig 'khor bzhin du rang gi phyogs 'ong ba/
khang thog tu zhing skyong dur khrod bdag pos bya ra byed pa
sogs ngo mtshar ba'i ltas mang du byung ba dang/ sku bltams nas
kyang sngon gnas rjes dran gyi gsung dang/ lkog

@006b gyur gzigs pa'i lung bstan dang/ sku las ring bsrel dngos
su babs pa sogs byung zhing/ sku smad la stag sham dang sku stod
la rus rgyan gyi ri mo dkar thig gsal ba da lta'ang mjal du yod
pa lags/ gnyis pa rten de la

yon tan brnyes pa'i tshul gnyis las/ dang po mang du thos pa lung
gi yon tan brnyes pa'i tshul ni/ de yang ji skad du/ rigs pa'i
dbang phyug chos kyi grags pas/ thabs byung de rgyu lkog gyur
pa/ /de 'chad pa ni dka' ba yin/ /

zhes gsungs pa ltar gdul bya rnams yang dag pa'i lam du 'khrid
par byed pa la/ de'i rgyu lam bgrod pa'i rim pa rnams la thos
bsam gyis sgro dogs bcad de 'chad pa po rang la lkog tu ma gyur
ba zhig dgos par gzigs

te; dgung lo bdun nas rab tu byung ste ser smad thos bsam nor
bu'i gling du chos zhugs mdzad nas gzhung chen bka' pod lnga la
brtson pa chen pos sbyangs par mdzad de mkhas pa'i phul du phyin
pa na/ mkhas mang 'dus pa'i

dbus su grwa skor gyi dam bca' mdzad nas mkhas pa mgu ba'i gtam
gyis don ldan grags pa'i me tog phyogs kyi mdzes ma'i rgyan du
bkod/ dpal ldan stod rgyud grwa tshang du phebs te gsang chen
rgyud sde bzhi dang/ de'i nang nas

kyang bla med rdo rje theg pa'i rim gnyis kyi gzhung la gsan
bsam mdzad cing/ rtsa bshad sbyar ba'i man ngag la brten nas
rgyud don thams cad gdams ngag tu shar/ de ltar mdo sngags kyi
gzhung chen du mar sbyangs pa'i tshe yang

@007a @#/ /deng dus thal phreng kha shas kyi tshig ris byang ba
tsam las smra ba'i seng chen du sgrog pa'i stong skad can rnams
dang mi 'dra bar rgya gzhung dang yab sras kyi legs bshad rnams
gzhir bzung ste chos sde

chen po rnams kyi yig cha dang/ bod kyi mkhas pa gong ma dag gi
gsung rnams gung bsgrigs nas dka' gnad so sor dogs gcod mang du
mdzad de gzhung don gyi 'gangs 'chun pa'i thugs nges brtan po
'khrungs shing/

de ltar gsan bsam mdzad pa thams cad kyang kho 'di zer nang 'di
zer gyi shags 'gyed pa tsam dang/ rang rgyal gzhan pham gyi
chags sdang gis kun nas bslangs pa'i rtsod pa skam po zhig la mi
tshe hril gyis mgo bo myos

myos su rtsod pas/ chos ji tsam shes pa tsam gyis dug gsum gyi
zur je rnor song ba phal dang phal gyi ngang tshul ltar ma yin
par rang rgyud 'dul ba'i thabs 'ba' zhig tu sgril bar mdzad pas
mkhas rtags su zhi zhing dul

ba 'di byung/ de dag gi bar bar du brda dag sdeb sbyor sgra dang
snyan ngag /dkar nag rtsis rigs sogs thun mong ba'i rig pa'i
gnas mtha' dag la'ang sbyangs par mdzad cing/ tshad ldan dge ba'i
bshes gnyen bcu phrag

lnga'i zhabs rdul spyi bor bzhes te lung rgyun po ti lnga brgyar
nye ba dang/ rjes gnang stong phrag tsam/ khrid chen khag lnga
bcur brgal ba/ dbang chen bcu phrag bcu gnyis su nye bas mtshon
ris su ma mchis pa'i dbang lung

@007b man ngag rgya mtsho lta bu gsan par mdzad de thos pa rgya
mtsho'i pha rol tu son/ gnyis pa tshul bzhin sgrub pa rtogs pa'i
yon tan brnyes tshul ni/ bshes spring las/ khrims ni rgyu dang mi
rgyu'i sa bzhin du/ /yon tan kun gyi gzhi

rten legs par gsungs/ /zhes pa'i don thugs la brnag ste srid
pa'i phun tshogs dug sbrul gyi tshang ltar gzigs pa'i nges 'byung
gi bsam pas kun nas bslangs te mkhan slob dge 'dun gyi spyan
sngar tshig snga phyi'i sdom pa bzhes pa

nas bzung bcas mtshams phra mo las nam yang mi 'da' zhing/ theg
pa chen po'i dge ba'i bshes gnyen du ma las sems bskyed cho gas
bzung ba lan du ma dang/ lhag par thun drug gi rnal 'byor dang
'brel ba'i smon 'jug

cig car du 'dzin pa nyin ltar dus drug tu chag med mdzad cing/
rtsa ltung dang zag pa chung 'bring sogs las thugs bsrung bar
mdzad/ rigs kyi bdag po rdo rje slob dpon du ma'i drung nas
rgyud sde gong ma'i dkyil 'khor du rig pa

'dzin pa'i sdom pa mnos shing rigs lnga spyi dang so so'i dam
sdom rnams tshul bzhin du bsrung bar mdzad pa ste/ de ltar mkhan
slob kyi spyan sngar zhal gyis bzhes pa'i sdom pa gsum gyi bcas
mtshams rnams spyan 'bras ltar

tshul bzhin du bsrung ste nyes ltung gi dri mas ma gos par mdzad
cing/ brgya la nyes ltung phra mo tsam byung yang ji mi snyam du
zhag tu mi 'grogs par 'phral du phyir bcos kyis dag par mdzad/
lhag par byang chub kyi sems kyi mnga'

@008a @#/ /bdag bla ma gser gling pa dang zhal mi gnyis pa bam
chos bla ma rin po che 'jam dpal lhun grub rgya mtsho dpal bzang
po mnyes pa gsum gyis yun ring du bsten nas bstan pa'i snying

po byang chub lam gyi rim pa'i man ngag rnams bum pa gang byo'i
tshul du gsan nas gsung rab thams cad gdams ngag tu shar te/ de
yang ji skad du mdzod las/ tshul gnas thos dang bsam ldan pas/
/sgom pa la ni

rab tu sbyor/ /zhes dang/ skyes rabs las/ thos pa'i rjes 'jug
sgrub pa'i snying por byed/ /skye ba'i rdzong las tshegs chung
thar bar 'gyur/ /zhes gsungs pa ltar thos bsam sgom pas phyogs
rer ma song bar rgyu dang 'bras

bu'i tshul du 'gro bar gzigs nas/ sngar gsung rab la gsan sbyong
mdzad pa rnams theg chen pa'i lam gyi lus gcig tu bsgril nas
rtse gcig tu thugs nyams su bzhes pas skyes bu gsum gyi lam gyi
rim pa spyi dang/

lhag par byang chub kyi sems kyi myong ba khyad par can thugs
rgyud la 'khrungs/ grub pa'i dbang phyug blo bzang sangs rgyas
dpal bzang po nas rnal 'byor gsang mtha'i rgyud kyi snying po
dpal 'khor lo bde mchog dril bu

lus dkyil gyi dbang khrid man ngag rnams yongs su rdzogs par
gsan te/ thugs chu bo'i rgyun gyi rnal 'byor du mdzad pas nyams
rtogs kyi klong rdol/ rje nyid slob brgyud dang bcas pa rjes su
'dzin pa'i mtshan ma brtan po

@008b thob/ mdor na phyi'i rkyen dge ba'i bshes gnyen bsam sbyor
gnyis kyis tshul bzhin bsten pa dang/ nang gi rkyen sdom pa gsum
gyi bcas mtshams rnam par dag pas nyams len gyi gnad la thos bsam
gyis sgro 'dogs legs

par bcad de thugs nges 'drongs pa/ bcad don rnams thun du bcad
de gus rtag brtson pas nyams su lhur bzhes mdzad pa sogs phyi
nang gi rgyu tshogs rnams yongs su tshang bar bsgrubs pas/ nang du
'bras bu sa lam gyi rtogs

pa khyad par can 'khrungs pa la the tshom med de/ tshad ma rnam
'grel las/ rgyu tshogs pa las 'bras skye bar/ /rjes su dpog pa
gang yin pa/ /don gzhan la ni mi ltos phyir/ /de ni rang bzhin
yin par brjod/ /ces gsungs

pa ltar lags shing/ gsum pa brnyes nas bstan pa la bya ba mdzad
tshul ni/ ji skad du tshom las/ thub rnams sdig pa chu yis mi
'khru zhing/ /'gro ba'i sdug bsngal phyag gis mi bsal la/ /nyid
kyi rtogs pa gzhan la spo min

te; ;chos nyid bden pa bstan pas grol bar gyur/ /ces gsungs pa
ltar/ dus gsum gyi rgyal ba sras dang bcas pa gdan gcig tu
'dzoms kyang sdig pa chus 'khru ba dang/ sdug bsngal phyag gis
sel ba/ rang gi rtogs pa

gzhan rgyud la spo ba sogs byar med pa gsung gi mdzad pa'i sgo
nas gdul bya 'dul dgos pa la/ gsung gi mdzad pa'ang rgyud bla ma
las/ mi rtag sdug bsngal stong bdag med/ /zhi ba'i sgra yis
thabs mkhyen pas/ /srid gsum skyo

@009a @#/ /ba bskyed mdzad nas/ /mya ngan 'das la 'god par mdzad/
/ces gsungs pa ltar gdul bya'i khams dang bsam pa dang mtshungs
par bden bzhi mi rtag sogs bcu drug la sogs dam pa'i

chos kyi bgo skal 'gyed pa'i tshul las gzhan du med pas na skal
ba dang ldan pa'i gdul bya rnams la sangs rgyas dngos su byon
yang de phan chad las ston du med pas zab pa dang rgya che ba'i
chos tshul mtha' yas pa ci 'dod du

stsal bas/ gsung las skyes pa'i bu slob kyis rgya hor bod gsum
du khyab ste bstan pa rin chen phyogs dang phyogs mtshams su
'phel zhing rgyas la yangs par mdzad pa ni/ slob dpon dpa' bos/
'jig rten rnams la thugs

brtse bas/ /yun ring sa steng dam chos bshad/ /'jig rten gsum
phan 'dogs nus pa'i/ /slob ma dam pa mang du bskrun/ /zhes
gsungs pa dang mtshungs shing khyad par du/ bstan pa rin chen
mchog gis ma khyab pa'am/ /

khyab kyang X X X byed par shog /ces gsungs pa ltar/ mtha' dbus
kun tu tshang la ma nor ba'i 'jam mgon snyan brgyud kyi bstan pa
rin po che dus kyi mthar yang nyams su med par spel ba la 'jam
mgon bla ma slar

yang byon pa dang sgo kun nas mtshungs par mdzad dang mdzad bzhin
pa mngon sum du grub pa 'di lags shing/ mdor na bzhi brgya pa
las/ sangs rgyas rnams kyi g.yo ba ni/ /rgyu med 'ga' yang yod
min te/ /dbugs kyang sems

@009b can rnams la ni/ /sman slad kho nar yang dag 'byung/ /zhes
gsungs pa ltar/ sku gsung thugs kyi mdzad pa rgya che ba rnams
smos ci/ mdzad pa'i cha phra mo tha na dbugs kyi rgyu ba tshun
chad kyang gzhan don gtong len dang/ grags stong

nA da'i sgra dbyangs ma bcos sngags kyi gdangs su zlos pa sogs
gsang ba bsam gyis mi khyab pa'i sku gsung thugs kyi yon tan
mtha' dag ni/ ji skad du yang dpal ldan zla bas/ nam mkha' med
pas 'dab chags ldog par

mi 'gyur te/ /'dir ni rang mthu zad pas ldog par 'gyur de bzhin/
/slob ma dang bcas sangs rgyas sras rnams sangs rgyas kyi/ /yon
tan mkha' ltar mtha' yas ma brjod ldog par 'gyur/ /zhes mkha'
lding dbang po nam mkhar

bgrod pa na/ nam zhig na rang gi gshog rtsal zad nas phyir log
pa las nam mkha' zad de ldog par mi 'gyur ba bzhin/ sangs rgyas
gcig gi yon tan sangs rgyas sras dang bcas pa thams cad kyis
bskal pa rgya

mtsho'i bar brjod kyang rdzogs par mi nus par gsungs pa ltar
sangs rgyas nang phan tshun kho na'i so so rang rig pa'i ye shes
kyi spyod yul las/ bdag lta bu'i tshur mthong gi skye bo'i bsam
brjod kyi yul las

'das shing/ lhag par deng gi dus 'dir gus slob sprul ming pa
bdag nas 'phral yun spyi sgos kyi dgos pa du ma zhig yid la
brnag ste rje btsun bla ma rdo rje 'chang nyid la gsol ba btab
pa bzhin/ gnas phun sum

@010a @#/ /tshogs pa/ ji skad du yang 'jam dpal rtsa rgyud las/
nga ni mya ngan 'das 'og tu/ /sa yi steng 'di stongs pa na/
/khyed nyid byis pa'i gzugs can gyis/ /sangs rgyas mdzad pa byed
par

'gyur/ /de tshe dgon chen rab dga' ba/ /kha ba can na yod pa yin/
/zhes dang/ mdo sde gdams ngag 'bog pa'i rgyal po las/ da lta
nga la shel dkar gyi/ /phreng ba ster ba'i khye'u 'di/ /ma 'ongs
snyigs ma'i dus su ni/

'bri dang ldan pa'i sa mtshams su/ /dge zhes bya ba'i dgon pa
'debs/ /blo bzang zhes bya'i ming can byung/ /'khor ni rnam mang
bsdu bar byed/ /chos spyod bcu yi rgyun 'dzug cing/ /zhes dus
dang dgon gnas

mtshan sgra mdzad pa dang bcas rgyal ba nyid kyis gsal bar lung
bstan pa bzhin/ rje btsun brtan pa'i 'khor lo ngur smrig gi gar
du zlos pa rje btsun bla ma kun gzigs blo bzang rgyal ba'i dbang
po zhes grags snyan

gyi ba dan srid pa'i khyon las brgal ba de nyid 'jig rten du
byon te/ mgon po 'jam dpal dbyangs kyi man ngag la brten nas
bstan pa rin po cher ma rtogs pa dang log par rtog pa'i the tshom
gyi dri ma mtha' dag drungs nas

phyung ste mdo sngags kyi bstan pa'i gnad kun lung rigs tshad
ma'i lam nas gsal bar mdzad pa'i bka' drin gyis dpal mnyam med
ri bo dge ldan pa zhes bstan pa'i srol bzang gis 'dzam gling
mtha' dbus kun tu

@010b khyab ste/ zhwa ser thogs kyi chos grwa sa chen gur gum
gzhon nu'i tshal gyis bkang ba lta bu byung dang 'byung 'gyur
thams cad kyi chu 'go gangs la thug pa'i rtsa ba'i ma phyi gcig
pur gyur pa 'brog ri bo che dge ldan rnam par rgyal

ba'i gling zhes phyi ltar na bsam gtan gnas su 'os pa'i dben
pa'i ri khrod/ nang ltar na dpal gsang ba 'dus pa'i pho brang/
gsang ba ltar na ngo mtshar rmad byung bkod pa'i zhing dang gnyis
su med pa/ ji skad du rgyal ba'i

dbang po bskal bzang rgya mtshos/ gnas sa 'dzin mthon por lhun
chags spor/ /rje bde gshegs kun gyis byin brlabs shing/ /don ye
shes rang snang sgyu 'phrul gyi/ /dpal rgyal ba'i dkyil 'khor
chen por grub/ /

ces dang/ zhing rnam dag byin rlabs g.yang du chags/ /nyams
dga' bde 'brog gi ri bo che/ /rje rgyal bas lung bstan dga' ldan
zhes/ /phyogs kun las rnam par rgyal ba der/ /zhes sogs don
mthun gyi bsngags

brjod mdzad pa/ rje bla ma yab sras rnams kyis bshad sgrub kyi
mdzad pa rlabs po che yun ring du bskyangs shing mdzad pa mthar
phyin pa'i gnas mchog /sa rdo ri brag rtsi shing phra mo tshun la
rje bla ma'i gsang gsum rdo rje'i byin

brgya lan gcig ma yin par phab pas/ gnas 'dir thos bsam sgom
gsum sogs chos spyod la gzhol ba lta ci/ tha na lung ma bstan
pa'i sems kyis gom pa gcig tsam bgrod pa'ang sngon gyi bsod nams
kyi skal mthu 

@011a @#/ /las ltos dgos pas/ 'di nyid kyi ya gyal shar rtse thos
bsam nor bu'i gling gi gtsug lag khang du/ ston pa phun sum
tshogs pa ni/ de yang dpal ldan chos kyi grags pas/

de phyir de yi bsgrub bya ru/ /gyur pa'i ye shes rnam dpyad
bya'i/ /'di yi srin bu'i grangs mkhyen pa/ /nged la 'gar yang
nyer mkho med/ /blang dang dor bya'i de nyid ni/ /thabs dang
bcas pa rig mdzad pa/ /gang de

tshad ma nyid 'dod kyi/ /thams cad rig mdzad ma yin no/ /ring po
mthong ba'am min yang rung/ /'dod pa'i de nyid mthong ba yin/
/gal te ring mthong tshad yin na/ /tshur shog bya rgod bsten par
bgyis/ /

zhes gsungs pa ltar grol ba don gnyer gyi gdul bya la lam ston
pa'i dge ba'i bshes gnyen ni sa 'og gi srin bu'i grangs mkhyen
pa dang/ mngon shes kyis thag ring gi gzugs mthong ba sogs mngon
shes dang

grub rtags re zung yod pa tsam mi mkho zhing/ bsgrub bya thar pa
dang thams cad mkhyen par bgrod pa'i lam dang lam ma yin pa
dang/ de dag gi blang dor thabs dang bcas pa ji bzhin gzigs
shing gzhan la ston

par mkhas pa zhig dgos pa gsungs pa bzhin/ sum brgya pa las/
tshul khrims ldan zhing 'dul ba'i cho ga shes/ /nad par snying
brtse 'khor ni dag pa dang/ /chos dang zang zing phan 'dogs la
brtson pa/ /

@011b dus su 'doms pa de ni bla mar bsngags/ /zhes 'dul ba nas
bshad pa'i bla ma'i yon tan dang/ mdo sde rgyan las/ bshes gnyen
dul ba zhi ba nyer zhib X X X skyo ba spangs la bsten/ /zhes
theg chen thun

mong ba'i sde snod nas bshad pa'i bla ma'i yon tan bcu dang/ bla
ma lnga bcu pa las/ brtan zhing dul la blo gros ldan/ /bzod ldan
drang la g.yo sgyu med/ /sngags dang rgyud kyi sbyor ba shes/
/snying brtser ldan zhing bstan

bcos mkhas/ /de nyid bcu ni yongs su shes/ /dkyil 'khor 'bri
ba'i las la mkhas/ /sngags bshad pa yi sbyor ba shes/ /rab tu
dwang bzhin dbang po 'dul/ /zhes phyi nang gi de nyid nyi shu
sogs rdo rje theg pa

nas bshad pa'i rdo rje slob dpon gyi yon tan te/ gsum ldan rdo
rje 'dzin pa'i yon tan thams cad ma tshang ba med pa'i drin can
bla ma blo bzang thub dbang rdo rje 'chang byams pa bstan 'dzin
'phrin las rgya mtsho dpal bzang po'i

zhal snga nas/ 'khor phun sum tshogs pa/ bka' gdams glegs bam
las/ mdor na gnas mchog de dag tu/ /dang po bzhi grwa nas bzungs
te/ /tha ma stong phrag phyed dang gsum/ /bslab pa gsum ldan
shAkya'i sras/ /

'gro ba kun gyi mgon du 'gyur/ /zhes gnas 'dir dang por dge 'dun
bzhi grwa nas bzung ste rim gyis 'phel te mthar stong phrag gi
phyed lnga brgya dang/ de'i steng sum stong bsnan pas sum stong
lnga brgya'i grangs su

@012a @#/ /nye ba'i bslab gsum 'dzin pa'i shAkya'i sras/
shAkya'i dge sbyong mang du 'dus te 'gro ba'i mgon du 'gyur ba
lung bstan pa'i dge 'dun chos gos ngan ngon tsam gyis chog shes
pa/ gnas mal

dang bsod snyoms ngan ngon tsam gyis chog shes pa/ spong ba dang
sgom pa la mngon par dga' ba ste 'phags pa'i rigs bzhi la gnas
pa'i dge 'dun gnas 'dir gnyug mar gnas pa rnams kyis gzhi bzung
gdan sa chen

po gzhan dang phyogs gzhan nas 'dus pa dang bcas te/ bstan pa'i
khur chen theg pa'i bla sprul/ mdo sngags kyi gzhung lugs mtha'
yas pa'i zab don smra ba la 'jigs pa med pa'i bka' rab 'byams
dge ba'i bshes

gnyen sde snod 'dzin pa/ rgyal ba'i gsung rab kyi dgongs don
rnams dri ma med pa'i rigs lam gyis legs par gtan la 'bebs pa la
nyin mtshan 'khor yug tu brtson pa mi lhod pa'i blo gsal slob
gnyer ba/ dben pa'i

ri sul du tshe blos btang gis sgrub pa snying por mdzad pa'i bya
btang ri khrod pa sogs/ mdor na bzhi brgya pa las/ gzur gnas blo
ldan don gnyer ba/ /nyan po snod ces bya bar bshad/ /ces gsungs
pa ltar gyi

nyan pa po'i yon tan yongs su tshang pa'i dad 'dun gyi skye bo
stong phrag gnyis su nye bar/ dus phun sum tshogs pa dang po'i
sangs rgyas dpal dus kyi 'khor lo gangs can du 'gyur ba'i tshul
la brtsams te rab

@012b byung du phye ba'i nang tshan/ rab byung bcu drug pa'i rab
rgyal sa stag hor zla lnga pa snon gyi nya ba'i bkra shis zla
ba'i dkar phyogs kyi gza' tshes mchog tu dge ba nas bzung/ chos
phun sum tshogs pa 'brom chos kyi rgyal pos/

ngo mtshar bka' ni sde snod gsum po ste/ /gdams pa skyes bu gsum
gyis rab mdzes pa'i/ /bka' gdams rin chen gser gyi phreng ba
'dir/ /'gro ba gang gis bgrang yang don yod 'gyur/ /zhes dang/
rje bla mas/

gsung rab kun gyi snying po bsdu bsdu bas/ /tshul 'di thun re
bton dang nyan pas kyang/ /dam chos 'chad dang thos pa'i phan
yon sogs/ /rlabs chen sdud par nges pas de don bsam/ /zhes
gsungs pa ltar/ rgyal ba'i

gsung rab mtha' dag gi dgongs don zab pa dang rgya che ba'i lam
gyi rim pa rnams rgyal sras mi pham pa dang 'jam dpal dbyangs
kyi man ngag la brten nas shing rta chen po klu sgrub dang thogs
med kyis ji ltar bkral ba'i

lam srol/ dpal lha gcig dI paM ka ra dang 'jam mgon chos kyi
rgyal po sogs 'phags bod kyi mkhas grub gser gyi ri bo lta bur
rim par byon pa rnams kyi nyams myong tshad ma'i sgo nas gtan la
phab pa'i gdams

ngag nyid khu/ skal ldan gyi skyes bu sangs rgyas kyi sar bgrod
par byed pa'i theg pa mchog gi chos lugs/ chos phung brgyad khri
bzhi stong gi brjod bya rnams skyes bu gsum gyi lam gyi rim par
bsdus te ngo bo ma nor ba/

@013a @#/ /go rim ma 'khrugs pa/ grangs ma chad par gang zag gcig
'tshang rgya ba'i yan lag tu stan thog gcig tu nyams su len pa'i
rim par dril ba/ de'i gnad kyis 'di la nyan bsam thun

gcig tsam bgyis pas/ rgyal ba'i gsung rab thams cad la thos bsam
byas pa'i phan yon rlabs po che skad cig gis bsdud pa/ che ba
bzhi ldan byang chub lam gyi rim pa zhes sa gsum gyi sgron me
gcig

pu 'di nyid kyi khrid chen brgyad kyi nang tshan rje bla ma khams
gsum chos kyi rgyal po shar tsong kha pa chen pos mdzad pa'i
byang chub lam rim chen mo mchan bu bzhi sbrags kyi steng nas
bshad khrid dang/ paN chen blo

bzang chos kyi rgyal mtshan gyis mdzad pa'i lam rim bde lam gyi
steng nas nyams khrid gnyis sbrags te/ sla sar 'jam la dka' sar
btang snyoms su 'jog pa/ brjod bya'i snying po mi gsal bar 'brel
med

kyi lo rgyus mang ba/ lung rigs dang ma 'brel ba'i rang bzo'i
gtam gyis gzhan mgo bskor ba/ nyams len gyi gnad la mi 'dril bar
ngag sgros sna tshogs kyis nyi ma 'phul ba sogs bshad pa'i skyon
thams cad dang

bral zhing/ spros bshad gang mdzad gsal zhing 'dril bas nges pa
skye sla ba/ gnad don rnams sems kyi steng du bskor tshul gtso
bor ston pas rgyud khul tshabs che ba/ khyad par rje rang nyid
kyi nyams myong gi steng nas

@013b gsungs pas 'chad pa po gzhan dang gzhan dag gis lung rigs
rgya cher spros te bshad pa las/ rje nyid kyis zhor 'phros tsam
gsungs pa gdul bya'i blo sna gting nas 'gyur tshabs che ba/ nyams
len gyi dmigs

skor re re'i nang du'ang skyes bu gsum gyi gnad rnams lam lam du
'du ba bstan pa thams cad gru bzhi lam gyis 'khyer ba'i khyad
chos ming dang don du mthun pa'i man ngag gi gnad dang ldan par
stsal pas/ bdag cag

'dir 'dus kyi gdul bya rnams theg mchog bstan pa'i snying po'i
skal ba mchog la sbyor bar mdzad pa'i bka' drin ni bdag lus
stong gsum gyi rdul grangs dang mnyam par gyur nas de re res
kyang stong gsum rin

chen sna bdun gyis bkang ste bskal pa'i bar du phul yang cha
tsam gzhal bar ga la nus te/ bka' drin gyi cha shas tsam gsab
pa'i slad dang/ deng rab byung bcu drug pa'i sa stag zla ba drug
pa'i tshes bcu drug nyin mgon

po mcho ga nyid sngar rab byung bco lnga pa'i sa stag zla ba
drug pa'i tshes bcu drug nyin sku bltams pa'i 'khrungs tshes ma
bsgrigs lhun grub tu 'grigs pa'i rten 'byung gi sarga ma 'chol
ba sku tshe rgyal ba tshe mtha' yas pa'i

ngo bor brtan par gsol ba 'debs pa'i slad du zhing khams rgya
mtsho'i bkod pas sna drangs/ rung mthun yo byad/ bkra shis rten
'brel gyi rdzas dang dngos 'byor gyi 'bul ba phran bu dang bcas
rang gzhan gyi lus

@014a @#/ /longs spyod dus gsum dge ba'i tshogs dang bcas pa kun
bzang mchod sprin mi zad nam mkha' mdzod kyi rang bzhin du blos
blangs te phul ba lags na/ 'bul ba'i dngos po shin tu

dman rung/ bdag nyid lhag pa'i bsam pa dag pa kho na nyid gtan
tshig tu bzung nas dgyes pa'i spyan ras yud tsam 'bebs pa nas/
slar yang gsol ba 'debs pa'i snying po ni/ rgyud bla ma las/
brgya byin rnga

sprin tshangs pa dang/ /nyi ma nor bu rin chen bzhin/ /de bzhin
gshegs pa sgra snyan bzhin/ /nam mkha' dang ni sa bzhin no/
/zhes dpe dgu'i sgo nas sangs rgyas kyi sku gsung thugs gsum
dang/ de'i 'phrin las

gsum/ sku gsung thugs kyi gsang ba gsum/ thugs rje chen po bcas
lhun grub rgyun mi chad par gsungs pa ltar/ rgyal ba'i 'phrin
las 'khor ba ji srid par lhun grub rgyun mi chad pa'i steng gdul
byas gsol

ba btab pa'i rkyen 'dzoms na rgyu rkyen rten 'brel gyi che bas
'bras bu gdon mi za bar 'byung bar nges pas na/ ji skad du yang/
mkhas mchog dbyig gi gnyen pos/ ston pa 'jig rten mig ni zum
gyur cing/ /

dpang gyur skye bo phal cher zad pa na/ /de nyid ma rtogs rang
gar gyur ba yis/ /ngan rtog rnams kyis bstan pa 'di dkrugs so/
/rang byung rang byung bstan pa gces 'dzin rnams/ /mchog tu zhir
gshegs 'gro

@014b mgon med pas na/ /'doms med yon tan 'joms par byed pa yin/
/dri mas dga' mgur deng sang 'di na spyod/ /de ltar thub pa dag
gi bstan pa ni/ /lkog mar srog phyin 'dra dang dri ma rnams/
/stobs dang ldan pa'i dus su

rigs nas ni/ /thar pa 'dod pa dag gis bag yod kyis/ /zhes sngar
slob dpon dbyig gnyen byon pa'i dus skabs kyang bstan pa'i gnas
tshul la thugs phyung ba'i gsung de lta bu gsungs dgos na/ deng
gi dus

ston pa thugs rje can 'jig rten gyi mig gcig pu de ni ring mo
zhig nas nub/ yab gcig 'jam mgon chos kyi rgyal po yab sras
rnams ni ma bzhugs/ dpang por gyur pa'i skyes bu dam pa bstan pa
la gces pa

phal mo che ni zhi bar mnal/ zog po g.yo khram gyis skye bo
bslu ba chu skyar dang byi la'i ngang tshul bzung ba du mas ni
yul 'khor khyab/ chos pa chos bzhin spyod pa'i skye bo ni nyin
mo'i skar ma bas kyang dkon zhing/ brgya la re

'ga' tsam yod na'ang bya rog lus dkar bzhin du kun gyis brnyas
shing sdang/ pha bla ma bka' drin can 'jam mgon tsong kha pa
chen pos bdag cag gi don du sku dang spog la ma gzigs par dka'
ba brgya phrag mang pos

legs par gtan la phabs te zas chog /btung chog /lag tu blang
chog tu stsal ba'i snyan brgyud kyi bstan pa rin po che ni zungs
zad kyi nad pa sman pas bor ba'am/ srang bar gyi khyi mo rul ba
bzhin du bdag tu

@015a @#/ /'dzin pa su yang med/ rjes 'jug tu rloms pa sgyed pu
gser du song ba'i dbul po'i ngang tshul can bdag dang bdag 'dra
ba phal cher gyi kha stabs ni 'di ltar zad/ gang nas bsam

yang snying khung chu bzhin du grang ba'i bstan pa'i gnas skabs
'di lta bur gyur pa'i tshul 'di dag thugs la brnag nas/ ji skad
du/ nam mkha'i mthas gtugs 'gyur ba ji tsam pa/ /sems can ma lus
mtha'

yang de bzhin te/ /ji tsam las dang nyon mongs mthar gyur pa/
/bdag gi smon lam mtha' yang de tsam mo/ /zhes pa ltar gdul
bya'i snyigs ma bdo ba'i ngang tshul ji tsam 'phel ba de tsam du
bzod stobs dang thugs

bskyed gyi go cha ches cher bzhes nas bstan 'gro'i mgon du sku
tshe zhabs pad bskal pa rgya mtsho'i bar du rdo rje'i chos bdun
gyi ngo bor brtan par bzhugs nas zab rgyas chos kyi 'khor lo
rgyun mi chad du bskor ba dang/

bdag cag 'dir 'dus kyi gdul bya rnams kyang tshe rabs kun tu mgon
po mchog gis mnyes bzhin rjes su 'dzin pa dang/ de'i mthu las
blo bzang bstan pa'i snying po'i nyams len dang mi 'bral zhing/
'gro kun

sgrol ba la mi zhum pa'i mthu chen rgyal sras dpa' bor gyur te/
dus gsum gyi rgyal ba sras dang bcas pa thams cad kyi mdzad pa
dang smon lam thams cad bdag nyid gcig pus yongs su sgrub nus
sogs ji

@015b ltar gsol ba btab pa'i re 'bras rnams de de bzhin du 'grub
pa'i skyabs 'jug brtse bas gzigs pa mkhyain/ zhes gsol ba 'debs
pa lags na brtse ba'i zhal bzhes bzang po spyi bo'i mdzes rgyan
du smin

pa mkhyaien lags// //dge legs 'phel// //