@#/ /smyung gnas kyi phan yon dang bka' slob khag sogs bzhugs so/
/

@001a @#/ /da lam theg chen gso sbyong dang/ smyung gnas kyi phan
yon mdor bsdus tsam zhu na/ mdo rgya cher rol pa las/ mi dang

sangs rgyas 'byung rnyed dka'/ /dad pa'ang shin tu rnyed par
dka'/ /mi khom brgyad spangs rnyed par dka'/ /chos nyan pa ni
gtso bo yin/ /sangs

rgyas 'byung dang dal ba dang/ /dad dang chos mnyan dam pa dang/
/de dag thams cad da rnyed kyis/ /bag med ma lus rnam par
spongs/ /zhes

gsungs pa ltar/ /rang cag rnams shin tu rnyed dka' zhing/ rnyed
na don che ba'i dal 'byor gyi rten bzang thob/ shin tu mjal bar
dka'

@002a @#/ /ba'i sangs rgyas kyi bstan pa rin po che dang mjal
ba'i skabs 'dir/ ji skad du/ mdo las/ 'di ni bya ba byas zin don
'di

bya; ;de dag byas nas bdag gis 'di bya zhes/ /de ltar mi ni
yongs su gshoms pa na/ /rga dang na bcas 'chi ba mngon du 'joms/
/zhes gsungs

pa ltar/ tshe 'di'i bde ba sgrub pa dang/ sdug bsngal sel ba'i
thabs sha stag cig de ring 'di byed 'di zin nas 'di byed sogs
bya ba'i rgya mang po

zhig bkrams nas nyin mtshan sbrel te mgo 'khor nas nam zhig 'chi
ba mi rtag pa kho glo bur du 'ongs dus 'gyod mi dgos par/ da lta
rang gi lus

@002b la nad dang/ sems la mya ngan dang/ shes pa rang bzhin du
mi gnas pa sogs rkyen ngan gyi bar chad med pa'i skabs 'dir skye
ba gtan gyi 'dun ma

'grub pa zhig byed dgos/ de ltar gtan 'dun sgrub pa'i thabs ni
sangs rgyas kyis gsungs pa'i dam pa'i chos kho na yin/ chos de
yang gnas

skabs mngon mtho'i lus rten tsam gyi don dang/ dman pa nyan rang
gi byang chub thob 'dod lta bu rang bde don gnyer tsam min par
'khor ba thog med

nas drin gyis che ba'i ma rgan sems can thams cad kyi don du bla
na med pa'i byang chub kyi go 'phang sgrub pa'i lam thabs shes
kyi cha gnyis tshang ba'i

@003a @#/ /theg pa chen po'i lam yongs su rdzogs pa zhig la bslab
pa ma gtogs/ lam gyi cha shas re tsam la bslab pas mi 'grigs

pa ni/ 'phags pa klu sgrub kyi dbu ma rin chen phreng ba las/
bdag nyid dang ni 'jig rten 'dis/ /bla med byang chub thob 'dod
na/ /de yi rtsa ba

byang chub sems/ /ri dbang rgyal po ltar brtan dang/ /phyogs
mthas gtugs pa'i snying rje dang/ /gnyis la mi brten ye shes
lags/ /

zhes gsungs pa red/ de ltar thabs shes cha tshang ba'i theg chen
lam gyi rtsa ba ni byang chub kyi sems rin po che kho na yin la/
byang sems kyi

@003b rgyu'i rtsa ba ni snying rje chen po nyid yin pas/ theg pa
chen po 'jug 'dod pa rnams kyis thog mar snying rje chen po
rgyud la bskyed pa'i thabs la

'bad dgos/ snying rje chen po rgyud la skyes na theg pa chen
po'i lam thams cad bde blag tu 'grub cing/ snying rje chen po
med na theg pa chen

po'i lam thams cad rgyud la skye thabs gtan nas med par 'gyur
ba/ bcom ldan 'das kyis mdo sde rnams las yang nas yang du
gsungs

shing/ mdor na thog mar theg chen gyi lam la slob pa'ang snying
rje kho na la rag las/ bar du theg chen gyi sa lam rim gyis
bgrod

@004a @#/ /pa'ang snying rje kho na la rag las/ mthar sangs rgyas
nas kyang 'khor ba ma stongs bar du sems can gyi don 'ba' zhig
mdzad pa'ang snying rje'i mthu kho na

yin pas na/ rang re theg chen la 'jug 'dod pa rnams kyis snying
rje chen po rgyud la skyed pa la skyes bu'i rtsal ci yod kyis
'bad dgos/ de ltar snying rje chen po rgyud la skyed pa'i

thabs/ mar shes drin dran sogs mdo dang bstan bcos nas gsungs
pa'i dmigs rnam skyong ba yin kyang/ lhan cig byed rkyen lha
dang bla mar gsol ba 'debs pa sogs

phyi nang gi rkyen tshang bar 'bad na rgyud la skye ba'i dgos pa
yod pas gsol 'debs dang tshogs bsags sgrib sbyangs la 'bad dgos/
de yang spyir sangs rgyas thams cad la

spangs rtogs la mtho dman dang/ byin rlabs nus mthu la che chung
khyad med kyang/ sngon gyi thugs bskyed smon lam gyi mthu dang/
gdul bya'i las smon rten 'brel gyi dbang

gis byin rlabs 'jug pa'i sgo mi 'dra ba'i khyad par yod pas
byams snying rje byang chub kyi sems la blo sbyong bar 'dod pa
rnams kyis bla ma thugs rje chen po la gsol ba btab na byin

@004b rlabs myur du 'jug pa'i dgos pa khyad par can yod/ thugs
rje chen po'i sgrub thabs kyang rgyud sde gong 'og rnams su
sku'i rnam 'gyur mi 'dra ba mang du gsungs shing/ klu sgrub

yab sras dang/ slob dpon dze ta ri/ slob dpon rdo rje gdan pa
che chung sogs 'phags bod kyi paN grub du ma las brgyud pa'i
thugs rje chen po'i chos skor du ma zhig

yod kyang/ de dag las dge slong ma dpal mo nas brgyud pa'i sgrub
thabs 'di ni dge slong ma dpal mor thugs rje chen po dngos su
zhal gzigs shing/ dbang dang

gdams pa gnang ba'i byin rlabs nye brgyud khyad par can yin pas
'di yi rnal 'byor la 'bad pa don che zhing/ lhag par smyung gnas
dang 'brel bar nyams su blangs na

phan yon shin tu che/ de ltar smyung gnas kyi cho ga'i sngon
'gror bya rgyud spyi 'gre ltar spyan ras gzigs don zhags kyi
rgyud nas gsungs pa'i theg chen gso sbyong gi

sdom pa blangs te yan lag brgyad pa'i bslab khrims tshul bzhin
bsrung dgos/ de ltar bsrungs pa'i phan yon ni srog gcod spangs
pas tshe rabs thams cad

@005a @#/ /du tshe ring ba dang/ nad med cing gzi brjid che bar
'gyur ba dang/ ma byin len spangs pas tshe rabs thams cad du
longs spyod phun sum tshogs pa dang/

rang gi longs spyod la gzhan gyi gnod pa med par 'gyur ba/ mi
tshangs spyod spangs pas tshe rabs thams cad du gzugs bzang zhing/
kha dog mdzes pa dang/ dbang

po yongs su tshang bar 'gyur ba/ rdzun smra ba spangs pas tshe
rabs thams cad du gzhan gyis bslus par mi 'gyur ba dang/ de'i
ngag la gzhan gyis brtsi bar 'gyur ba/

chang spangs pas tshe rabs kun tu dran shes brtan pa dang/ dbang
po gsal zhing shes rab phun sum tshogs par 'gyur ba/ khri stan
che mtho spangs pas tshe rabs kun

tu gzhan gyis bstod cing bkur ba dang/ mal stan bzang po 'thob
par 'gyur ba/ dus min kha zas spangs pas tshe rabs kun tu lo legs
phun sum tshogs shing/

bza' btung 'bad med du 'byung ba/ dri dang phreng ba rgyan
spangs pas tshe rabs kun tu lus la dri zhim 'byung zhing mdog
legs dbyibs mdzes mtshan bzang dang ldan

@005b pa; gar dang glu sogs spangs pas tshe rabs kun tu shes
rgyud dul ba dang/ chos kyi sgra rgyun mi chad du thos pa sogs
'byung zhing/ der ma zad dpal ldan zla ba grags

pa'i gsung las/ so so'i skye bo rnams dang gsung skyes dang/
/rang byang chub la bdag nyid nges pa dang/ /rgyal sras rnams
kyi nges par legs pa dang/ /mngon mtho'i

rgyu ni tshul khrims las gzhan med/ /ces gnas skabs mngon mtho
dang/ mthar thug nges legs kyi don gang sgrub kyang/ gzhi tshul
khrims kyi bslab pa la slob pa

gal che bar gsungs pa dang/ dpal mgon 'phags pa klu sgrub kyi
bshes springs las kyang/ gso sbyong 'dod spyod lha lus yid 'ongs
pa/ /skyes pa bud med

rnams la stsol bar bgyid/ /ces gsungs pa ltar rang don yid byed
dang bcas pas bsnyen gnas yan lag brgyad pa'i khrims lan re
srung ba rnams kyang sum cu rtsa

gsum gyi lha yul du skyes shing/ bsnyen gnas cung zad nyams pa
rnams kyang rgyal chen ris bzhi'i lha gnas su skye ba'i phan yon
dpag tu med pa mdo sde rnams 

@006a @#/ /las gsungs la/ de las kyang khyad par du zla ba sgron
me'i mdo las kyang/ gang zhig bskal pa bsam gyis mi khyab par/
/rgyal ba bye

mang la mchod byas las/ /gang zhig dam chos rab tu 'jig pa dang/
/bde gshegs bstan pa 'gag par gyur pa'i tshe/ /nyin mtshan du ni
bslab pa gcig spyod pa/ /

bsod nams de ni de bas khyad par 'phags/ /zhes sangs rgyas bye
ba brgya stong la lo brgya phrag mang por mchod pa phul ba dang/
sngon bstan pa rgyas pa'i tshe

yun ring por sdom pa srung ba las kyang/ deng sang sangs rgyas
kyi bstan pa'i mtha' la thug pa'i skabs 'dir nyin mtshan gcig tu
sdom pa sna gcig srung ba phan

yon che bar gsungs pa dang/ byams pa lung bstan pa'i mdo las
kyang/ shAkya sengge'i bstan pa la/ /bslab gzhi yang dag blangs
nas su/ /ji ltar

gsungs bzhin rab bsgrub na/ /nga yi bstan la lhags pa yin/ /zhes
dang/ bcu bzhi dang ni bco lnga dang/ /de bzhin zla gcig tshes
brgyad dang/ /cho 'phrul

@006b gyi ni zla ba la/ /bsnyen gnas yan lag brgyad bsrung
zhing/ /mchod dang gso sbyong legs byas na/ /nga yi bstan la
lhags pa yin/ /zhes rang cag shAkya thub pa'i

bstan pa 'di la/ nya stong brgyad gsum dang/ cho 'phrul zla ba
sogs su gso sbyong blangs te yan lag brgyad pa'i tshul khrims
nyin zhag gcig tsam bsrungs pa

yan chad ma 'ongs byams mgon zhing 'dir byon dus 'khor du skye
bar gsungs shing/ mdor na gso sbyong gi sdom pa byang chub kyi
sems kyis zin pa'i sgo nas nyams

su blangs na rgyal sras byang chub sems dpa'i spyod pa phyin
drug gi nang tshan nyes spyod sdom pa'i tshul khrims su 'gyur ba
sogs phan yon nam mkha' ltar tshad bzung

med cing/ rdzogs pa'i sangs rgyas kyi go 'phang 'thob par 'gyur
la/ khyad par du da res smyung gnas kyi skabs su gsang sngags
rdo rje theg pa'i lha dang sngags kyi

rnal 'byor zab mo dang 'brel bar nyams su blangs pas tshe 'dir
rig 'dzin gyi gral du slebs shing ji tsam 'gor yang skye ba bcu
drug las mi 'gyangs par mchog gi dngos

@007a @#/ /grub thob par 'gyur ba yin pas/ phan yon de dag la
bsams nas yan lag brgyad pa'i tshul khrims 'di nyid ji mi snyam
du yal bar mi

'dor bar tshul bzhin srung dgos/ ma bsrung na nyes dmigs che/
sngon klu e la'i 'dab kyi lo rgyus dang/ gro bzhin skyes rna ba
bye ba ri'i rtogs brjod/ 'phags

pa dge 'dun srungs kyi rtogs brjod sogs 'dul ba lung dang/ mdo
sde las brgya pa sogs las gsungs pa ltar nyes dmigs che bas mkhe
nyen gyi 'dam kha ma

nor bar bslab bya phra mo nas legs par bsrung ba gal che/ 'phags
pa don yod zhags pa'i pha rol tu phyin pa drug gi snying po'i
gzungs las byung ba tshul khrims rnam

dag gi gzungs 'di bzlas pas dus gsum gyi rgyal ba sras dang bcas
pa'i tshul khrims kyi phung po thams cad rang rgyud la rdzogs par
byed pa dang/ sngon chad tshul khrims

'chal ba'i nyes pa thams cad dag par byed cing/ phyin chad mi
nyams par byed pa sogs phan yon dum dang ldan pa yin/ de ltar
spang blang gi dam tshig rnam par dag

@007b pa'i sgo nas smyung gnas kyi cho ga tshul bzhin bgyis te
gzungs sngags bzlas brjod la 'bad na phan yon dpag tu med par
gsungs te/ thugs rje chen po don yod

zhags pa'i rgyud las/ zhag gcig smyung bar bgyi ste bzlas brjod
bgyis na tshe 'di nyid la las de rnam par dag pa dang/ bsal bar
'gyur ba dang/ shi nas bde ba

can gyi 'jig rten gyi khams su skye bar 'gyur ro/ /de padma'i
nang nas rgyan thams cad kyis brgyan par skye bar 'gyur ro/ /tshe
rabs kun tu tshe rabs dran par 'gyur ro/ /

zhes dang/ nyon mongs pa thams cad bsregs shing/ sgrib pa thams
cad las yongs su grol bar 'gyur ro/ /de'i sa'i rdul rlung gis
bdas te de lus la phog

pa'i sems can gang yin pa de yang sdig pa thams cad las yongs su
grol ba dang/ spyan ras gzigs dbang phyug rtag tu mthong ba
dang/ ldan par 'gyur ro/ /zhes

dang/ yang spyan ras gzigs kyi gzungs ring bton pa'i phan yon
ni/ 'phags pa zhal bcu gcig pa zhes bya ba'i gzungs las/ gzungs
'di lan gcig

@008a @#/ /bton pas/ nyan thos kyi rtsa ba'i ltung ba bzhi dang/
mtshams med pa lnga'i las kyang byang bar 'gyur ro/ /lan bdun
brjod na tshe rabs

brgyar bsags pa'i sdig pa byang bar 'gyur ro/ /lan nyer gcig
brjod na bskal pa stong gi sdig pa dag cing/ byang chub kyi sems
dang ldan par 'gyur ro/ /gzungs

'di brgya rtsa brgyad brjod na bskal pa bzhi khri'i 'khor ba
phyir bsnyil bar 'gyur ro/ /gzungs 'di dud 'gro 'chi kha ma'i
rna lam du bsgrags na 'chi 'phos ma thag tu

mi yi 'jig rten du skyes pa'i lus 'thob par 'gyur ro/ /zhes
gzungs ring gi bzlas pa la brtson pa'i gang zag de dus rtag tu
dge zhing bkra shis pa'i yul du skye ba dang/

dus bzang po dang 'phrad pa dang/ dge ba'i grogs dang 'phrad pa
dang/ gzungs sngags 'dzin cing 'don pa de lam du zhugs te 'gro
ba'i tshe rlung chen pos gang zag

de'i lus la phog pa'i rlung gis sems can gzhan gyi lus la reg na
de'i sdig sgrib byang ba dang/ bde ba can gyi 'jig rten gyi
khams su skye ba sogs phan yon

@008b mtha' yas pa zhig gsungs shing/ yig drug gi bzlas bsgom
tshul bzhin 'bad na pha rol tu phyin pa drug gi chos rnams yongs
su rdzogs par 'gyur ba dang/ 'gro ba

rigs drug gi skye sgo gcod cing/ bde ba can du skye ba dang/
mchog dang thun mong zhi rgyas dbang drag gi dngos grub drug
'thob par 'gyur pa dang/ 'dod chags/

zhe sdang/ gti mug sogs rtsa ba'i nyon mongs pa drug dag pa
dang/ sku gsung thugs yon tan 'phrin las mdzad pa dang bcas pa'i
yon tan drug 'thob pa dang/

tshogs lam/ sbyor lam/ mthong lam/ mi slob lam/ rnam mkhyen dang
bcas pa'i lam drug mthar phyin par 'gyur ba la sogs pa bsam
brjod kyi yul

las 'das pa'i phan yon tshad med pa zhig 'thob par 'phags pa bcu
gcig pa'i mdo/ za ma tog bkod pa'i mdo/ mtshan brgya rtsa brgyad
pa'i mdo sogs spyan

ras gzigs kyi mdo rgyud nyi shu rtsa gcig las gsal bar gsungs pa
thams cad 'dir smros kyis mi lang zhing/ smyung gnas kyi nyams
len byas pa'i phan yon ni/

@009a @#/ /smyung gnas tshar gcig byas na bskal pa bzhi khri'i
sdig pa dag cing lha dang mi'i mchog thob pa dang/ smyung bar
gnas pa lan brgyad byas

na bde ba can du skye bar 'gyur ba dang/ lan nyer lnga byas na
bskal pa brgyad khri'i sdig pa dag pa dang/ lan lnga bcu bzlas
na bskal pa khri phrag brgya'i sdig pa dag pa/ brgya

rtsa brgyad byas na bskal pa bye ba phrag brgya'i sdig pa dag
cing/ sangs rgyas tshe dpag med kyi zhabs drung du skye bar 'gyur
ba dang/ gzhan yang lus bsnyung bar gnas

pas lus kyi sdig sgrib dag /ngag bsnyung bar gnas pas ngag gi
sdig sgrib dag /yid bsnyung bar gnas pas yid kyi sgrib pa dag
/yang lus bsnyung bar gnas

nas zas ma zos pas yi dwags su mi skye/ ngag smra bcad byas pas
dud 'gror mi skye/ yid bsnyung bar gnas pas dmyal bar mi skye/
lus bsnyung bar gnas pas

gzugs mdzes par skye/ ngag smra ba bcad pas mgrin pa smra lce
bde zhing brjod pa rnam par dag pa/ sems ma yengs pas yid
gzhungs shing sems gsal bar

@009b 'gyur ba/ lus bsnyung bar gnas pas lus gser mdog ltar
mdzes par 'gyur ba/ ngag smra bcad byas pas ngag snyan par 'gyur
pa/ yid ma yengs pas blo gros

thogs pa med par 'gyur ba/ yang lus bsnyung bar gnas pas sangs
rgyas kyi sku mtshan dpes brgyan pa dang/ ngag smra bcad byas pas
sangs rgyas kyi gsung dbyangs

yan lag drug cu thob pa/ yid bsnyung bar gnas pas ye shes lnga
'thob par 'gyur zhes byang chub sems dpa' zla ba rgyal mtshan
gyis gsungs/ gzhan yang 'phags

pa zhal bcu gcig pa'i gzungs las/ gang la la zhig gis tshes
brgyad dam/ bcu'am/ bco lnga la smyung bar gnas te sdom pa yang
dag par blangs nas

chos bzhin du yongs su dag par bgyis te sems rtse gcig tu spyan
ras gzigs bdag rjes su dran par byas nas gzungs sngags 'di bzlas
brjod bgyis

na bskal pa bzhi khri'i 'khor ba phyir bsnyil ba lags so/ /bcom
ldan 'das/ bdag gi ming 'dzin pa ni don che ste/ sangs rgyas bye
ba phrag 'bum gyi

@010a @#/ /bas lhag lags so/ /bdag gi ming 'dzin pa'i sems can
thams cad ni phyir mi ldog pa nyid la gnas par 'gyur ro/ /bro
nad thams

cad las yongs su thar bar 'gyur ro/ /sgrib pa thams cad dang/
lus dang/ ngag dang/ yid kyis nyes par spyod pa thams cad las
yongs su thar

bar 'gyur ba lags so/ /de dag gi sug par sangs rgyas kyi byang
chub thob pa lags so/ /zhes gsungs shing/ spyan ras gzigs mig
stong dang lag

stong dang ldan pa'i cho ga zhib mo las kyang/ smyung gnas kyi
cho ga bgyis pa'i phan yon mang du gsungs la/ dam chos pad dkar
las/ sangs rgyas

ganggA'i klung drug cu rtsa gnyis kyi bye ma'i rdul gyi grangs
dang mnyam pa la mchod cing bsnyen bkur ba dang/ 'phags pa spyan
ras gzigs kyi mtshan tsam

'dzin cing/ de la phyag lan gcig tsam bgyis pa phan yon mnyam
par gsungs pa sogs sangs rgyas kyi bka' mi bslu ba yin pas yid
ches kyi

@010b dad pa brtan pos tshul bzhin nyams su blangs te/ rnyed
dka'i dal 'byor lan gcig thob pa 'di don med le lo'i dbang du ma
song bar don dang ldan pa zhig 'bad gal che ba lags

so// // ! 1965 zla 9 tshes 16 nyin ^skyabs rje rin po che mchog
bod gzhung shes rig las khungs nas gdan zhus kyis d+ha shod du
dge rgan 'os sbyong tshogs

pa'i sar chibs bsgyur skabs glo bur thol byung du stsal ba'i
bka' slob dge rgan 'os sbyong pa tshos zin bris bkod pa'i deb
gsal/ ngas da ring 'di gar zhu dgos

la/ gra sgrig sogs byed rgyu ma byung bas mang po zhu rgyu gang
yang mi 'dug /snying po ni ^gong sa mchog dang/ shes rig las
khungs nas thugs khur che ba zhes ma

zad/ dze smad rin po che nas kyang sku ngal 'dzems med kyi slob
khrid gnang zhing/ khyed tsho slob gnyer ba sha stag yin stabs
phrug gu chung chung ltar gzhan gyis bskul

lcag la ma ltos par/ rang shugs kyis mar me sdong bskul ltar hur
brtson yod nges dang/ de yang da lta 'dir phun tshogs lnga ldan
lta bu zhig red/ dper na gnas 

@011a @#/ /phun sum tshogs pa/ ston pa phun sum tshogs pa/ chos
phun sum tshogs pa/ dus phun sum tshogs pa/ 'khor phun sum tshogs
pa

lnga tshang yod/ gnas phun sum tshogs pa rgya gar 'phags pa'i yul
te/ de ni nga tsho'i rgya 'grel rnams kyi dbur chos khungs btsun
par bstan pa'i phyir rgya gar skad du

zhes smos pa dang/ der ma zad gnas 'dir gsham du dpal 'khor lo
sdom pa'i gnas nyer bzhi'i nang gi gnyis pa dza land+ha ra dang
nye zhing/ thod du 'khor lo'i gnas

ku lu ta dang nye ba dpa' bo dang dpa' mo 'khor lo sdom pa'i lha
tshogs bzhugs pa'i gnas yin/ de lta bu'i gnas kyis gang zag byin
gyis brlabs pa dang/ ^rgyal ba rin

po che bzhugs pas gang zag gis gnas byin gyis brlabs pa yang yin
pas gnas phun sum tshogs pa dang/ ston pa phun sum tshogs pa ni/
ston pa zhes pa nges

par dbu la gtsug tor sogs sku mtshan dpes spras pa zhig mi dgos/
rang la lam ma nor bar ston pa'i dge ba'i bshes gnyen rin po che
chos gsung bzhin bzhugs

@011b yod pa de gas tshang ba yin/ de yang sangs rgyas byon dang
dam chos ston/ /bstan pa gnas dang de'i rjes 'jug /gzhan phyir
snying ni brtse ba'o/ /zhes 'byor bcu'i nang

nas gzhan 'byor lnga brtsi ba'i tshe rjes mthun tshang bas de gas
'thus pa ltar yin/ gzhan 'byor dngos ni ston pa zhal bzhugs
skabs kyi nyan thos chen po nye bar

'khor lta bu la tshang/ chos phun sum tshogs pa ni/ spyir snyan
sum sogs phyi nang thun mong gi rig gnas yin yang/ sems kyis
thun mong ma yin pa byed chog /

dper na/ zas de phyi nang gnyis kas za yang/ nang pas za ba'i
tshe kha zas sman dang 'dra bar rig pa yis/ /zhes sogs bshes
springs nas gsungs pa ltar/

theg pa thun mong ba'i mdo las bshad pa ltar gyi za tshul dang
lus kyi srin 'bu rnams da lta zang zing gi ros tshim pa bzhin du/
ma 'ongs pa na chos kyi ros tshim par

byed snyam nas sems can thams cad kyi don du za ba theg chen gyi
za tshul dang/ rang lha skur gsal zhing snying ga'i bla ma lha
tshogs rnams la kha zas tshogs 'khor du

@012a @#/ /phul bar mos te longs spyod pa ni gsang sngags kyi zas
za tshul ma zad/ 'gro 'chag nyal 'dug gang la'ang bsam pa'i thog
nas theg pa chen po'i

chos su bsgyur rgyu yod de/ dper na gzhan phan gyi bsam pas kun
nas bslangs te rang gis khang pa'i sgo phye ba na ngas 'di bzhin
du sems can rnams la thar pa'i sgo phye bar bya'o

snyam pa dang/ sgo phyir brgyabs pa'i tshe na'ang 'di bzhin du
ngas sems can rnams kyi ngan song gi sgo brgyab par bya'o snyam
pa dang/ de bzhin du nyal ba dang/ ldang ba dang/

khrus byed pa sogs kyang gzhan phan gyi bsam pas zin na rgyal
sras kyi spyod par 'gro bas/ des na snyan sum tshogs 'khrid skabs
kyang da lta ngas snyan sum 'khrid pa

'di gnas skabs rtsom rgyugs tsam dang/ 'tsho ba bskyel thabs tsam
min par/ ma 'ongs par phrug gur bslab ste bstan 'gro'i don du
'gyur ba zhig byed snyam pa'i

sgo nas slob na rgyal sras kyi spyod par 'gro ba yin/ de ltar ma
byung na phyi rol pas snyan sum sbyangs pa dang khyad med/ bsam
pa 'di med na/ theg pa chen po sngags

@012b bla med kyi yang rtse gsang ba 'dus pa'i bskyed rdzogs
nyams su blang na yang mi phan par 'dug 'drer skye ba'i lo rgyus
yod/ de ltar ma song bar bsam pa bzang po'i thog nas

rig gnas kun la sbyang dgos pa ni/ mdo sde rgyan las/ rig pa'i
gnas lnga dag la mkhas par ma byas na/ /'phags mchog gis kyang
thams cad mkhyen nyid

mi 'gyur bas/ /zhes sogs gsungs pa ltar rig gnas kun la sbyang
dgos/ dpal mgon klu sgrub kyis kyang/ snyan ngag sum rtags sgra
rtsis sogs la sbyangs pa

mdzad pa ma zad/ tha na rdza bzo yan chad kyang sbyangs pa mdzad
yod/ rgyal sras byang chub sems dpa' 'gro ba'i don sgrub pa la
thabs sna tshogs shig ma shes na

'gro ba'i don byed mi nus/ khong gis rdza bzo bslab nas lto gos
'tshol snyam pa med kyang/ rdza mkhan lta bu zhig la thog ma nyid
nas/ rnam pa thams cad mkhyen

nyid lam/ /zhes sogs bstan pas mi phan par de'i blo dang 'tshams
par gang la gang 'dul gyi rnam pa bstan nas rim gyis 'khrid dgos
pa yin/ de yang gzhan la

@013a @#/ /phyin ci ma log par ston pa la rang nyid kyis shes
dgos pa ni/ rnam 'grel las/ thabs byung de rgyu lkog gyur pa/
/de 'chad pa ni dka' ba yin/ /

zhes gsungs pa ltar dang/ chos phun sum tshogs mi tshogs ni/ gtso
bo bsam pa bzang po de rang la rag lus pa yin/ 'di med na chos
mi zab ste/ mi rtag rgyud

la ma skyes na/ /gsang ba 'dus pa mi zab ste/ /mi rtag rgyud la
skyes tsa na/ /skyabs 'gro tshig gsum zab pa yin/ /zhes gsungs pa
ltar yin/ dus phun suM

tshogs pa zer ba ni/ tshes bzang dus bzang lta bu la bya rgyu min
pa/ rang rang so so la ltos pa'i dus bzang po yin/ deng sang
spyir dmag 'khrug mu ge nad

yams sogs shin tu mang ba'i snyigs ma lnga bdo ba'i skabs shig
yin yang/ rang re la ltos pa'i dus ni bzang po yin pa ni/ sngar
grwa sa la yin na de ring

rtsam pa 'di zas na sang nyin ga re za dgos bsam pa'i dka' ngal
gyis 'tsho ba'i thabs 'tshol dang/ dge rgan rnams thugs khom min
sogs gang thad nas

@013b dka' ngal yod pa ni khyed tshor myong grub ltar las/ deng
skabs ^gong skyabs mgon chen po'i thugs rjes/ phyi 'tsho gos kyis
mi phongs pa/ nang shes pa rang

bzhin du gnas pa/ dge rgan phar tshol du 'gro mi dgos par yon tan
gyis tshur rang nyid 'tshol ba lta bu yod pa/ rgyal ba'i bstan pa
rin po che dang mjal zhing/

shing rta chen po'i gzhung lugs la thos bsam byed pa'i skabs yod
pa'i dus tshod bzang shos yin/ 'khor phun sum tshogs pa yang yin
te/ 'di'i nang dge

tshul re gnyis tsam las dge slong gi sdom ldan dang/ mdor na
khyed tsho tshang ma dge tshul slong gi sdom pa ci rigs pa'i so
thar gyi sdom pa dang/ byang chub sems

dpa'i sdom pa/ gsang sngags kyi sdom pa ste/ sdom pa gsum ldan
sha stag yin pas 'khor phun sum tshogs pa bcas phun tshogs lnga
ldan yin/ de 'dra song

tsa na tshang mas slob sbyong yag po gnang gi yod shag red/ ngas
khyed tsho'i yig tshad sogs dmigs bsal mthong rigs ma byung yang/
yag po yod pa'i yid

@014a @#/ /ches rang yod/ da lam shes rig lhan khang nas nga la
'di gar chos 'byung gi skor bshad dgos gsungs byung yang/ rgyas
pa shod khom

yang ma mchis shing dus tshod 'dir mi tshar/ deng sang khyed rang
tshos slob sbyong gnang mus ltar yin/ 'on kyang chos 'byung bshad
pa'i dgos pa ni/ 'jam

mgon sa paN gyis/ slob ma yid ches skyed pa'i phyir/ /bla ma
brgyud pa'i lo rgyus bshad/ /ces gsungs pa ltar/ dam pa'i chos
kyi khungs ni yang dag

par rdzogs pa'i sangs rgyas la thug pa yin te/ de yang mdo yi
khungs ni sprul sku'i rnam rol shAkya thub pa dang/ sngags kyi
khungs ni ston pa 'khor bsgyur gyi

cha byad dam/ longs sku'i rnam par bzhengs pa'i rdo rje 'chang
la thug /de gnyis ngo bo gcig la ldog pa tha dad tsam yin/ chos
yang dag pa yin par nges pa

la; chos de ston pa po yang dag pa yin pa nges dgos/ de yang
lugs 'byung lugs ldog gi rigs pa yang dag pa'i sgo nas nges pa
rnyed pa zhig dgos pa ni/

@014b ji skad du/ rnam 'grel las/ ma skyes pa ni lkog don du/
/gyur pa nyid gsungs de yi phyir/ /zhes dang/ rje bla mas/ gang
zhig gzigs shing gsungs pa

yi; ;zhes sogs gsungs pa ltar/ gzhan sde'i ston pa rgyu med rtag
pa rang byung gi dbang phyug ltar ma yin par/ rgyu tshogs gnyis
goms pa mthar phyin pa las

byung zhing/ nyid kyi ji ltar gzigs pa'i don de nyid 'gro ba la
phyin ci ma log par 'doms pa sogs kyi cha nas ston pa bla na med
par yid ches rnyed pa zhig dgos/

de ltar min par chags sdang gis phyogs su bzung bas mi phan/ ji
skad du/ bdag ni sangs rgyas phyogs mi 'dzin/ /ser skya sogs la
mi sdang yang/ /

gang zhig rigs pa ldan pa'i tshig /de nyid ston par yongs su
'dzin/ /zhes pa ltar rigs pa yang dag gis nges pa rnyed pa zhig
dgos kyi/ de las

gzhan ston pa yang dag yin pa klu sgrub kyis bzhed/ de yang dag
yin pa jo bo chen pos bzhed/ jo bo rje yang tsong kha pa chen
pos yang dag yin par bzhed/

@015a @#/ /tsong kha pa chen po yang rang gi dge rgan gyis yang
dag yin pa bzhed bla ma de rang gis khas len pa'i rgyu mtshan
tsam gyis chog shes 'dzin na/

seng ge'i dpang por stag /stag gi dpang por gzig /gzig gi dpang
por wa sogs bkod pa ltar yin/ zhes dge 'dun chos 'phel gyis
bshad yod pa

ltar nus pa chung du 'gro rgyu las med pas/ ston pa la rgyu
mtshan shes pa'i yid ches ma byung na/ des gsungs pa'i chos la
yid ches mi 'byung/ chos la yid ches

ma byung na de nyams su len pa po'i dge 'dun la yid ches mi
'byung bas/ des na rigs pa'i lam nas ston pa yang dag par nges
dgos/ de nges nas dam pa'i

chos kyi 'byung khungs bdag cag ston pa nas ston pa'i gtad rabs
bdun dang/ rgyan drug mchog gnyis sogs kyi lo rgyus zhib pa da
lta zhu khom med cing/ ma zad

de dag la slob sbyong gnang mus dang/ rgyas par gzigs 'dod na
tA ra nA tha'i rgya gar chos 'byung du gsal zhing/ gnad che ba
rnams ni slob deb khag dang

@015b snga mo 'di gar 'os sbyong phyogs bsdus byas pa'i deb
rnams su gsal ba ltar yin/ de nas bod du chos dar tshul ni/ bod
'di nyid ston pa zhal bzhugs

skabs mi'i 'gro ba dar ba dang ma dar ba'i bshad tshul gnyis las/
dang po'i khungs ni dus 'khor rtsa ba'i rgyud las/ 'phags pa bod
la sogs rnams la/ /

zhes bod yod par bzhed srol zhig dang/ de skabs mi'i 'gro ba ma
dar ba'i khungs ni/ kha ba can gyi mtsho bri nas/ sA ba'i nags
ni 'byung bar 'gyur/ /

zhes sogs 'byung ba ltar yin/ de nas mtsho rnams rim gyis bri
nas/ sA la zhes spos dkar gyi shing gi nags klung 'khrigs pa'i
kha ba can gyi ljongs su ma

sangs spun dgu sogs mi ma yin dang dud 'gros bdag tu bzungs
shing/ de nas spyan ras gzigs dang/ 'phags ma sgrol ma'i thabs
shes kyi sgyu 'phrul la

brten nas mi'i 'gro ba spel te rim bzhin rus chen bzhi dang/
mi'u gdung drug /rgyal phran sil ma bcu gnyis dang/ sil ma bzhi
bcu sogs rim gyis mi'i 

@016a @#/ /'gro ba byung/ rus chen bzhi ni/ ye sang dkar po gnam
gyi 'ju thag can dang gcig /ye smon nag po khro chu'i pha bong
'dra dang gnyis/

spyang khrig ye shes lha yi sgron ma dang gsum/ mon rdzu nag po
khyi'i rnga ljang can dang bzhi yin/ skabs shig na yar klung lha
ri rol po'i rtser/ gzugs byad lha 'dra ba

mi las khyad zhugs pa zhig byung bas/ de nas shes pa can gyi mi
bcu gnyis dang/ yab 'bangs rus drug gis gnya' bar khri brtsigs
te gdan drangs nas rje bor

bskos pas bod rje thog ma gnya' khri btsan po byung/ de nas
rgyal rabs nyer bdun par dam pa'i chos kyi sgra tsam yang med/
rgyal rabs nyer brgyad pa 'phags

pa kun tu bzang po'i rnam 'phrul lha tho tho ri gnyan btsan gyi
dus/ mdo sde spang kong phyag rgya pa dang/ za ma tog bkod pa'i
mdo/ tsinta ma Ni'i rkos phor

sogs/ mkhan chen zhi 'tsho'am paNDi ta blo sems 'tshos rgyal po'i
phyag tu phul bar bshad srol gcig dang/ yang de skabs bon dar
srol che bas gnaM

@016b nas babs par bshad srol bcas las gang ltar de dag 'gal ba
med de/ rgyal sras byang chub sems dpas sems can gyi don mdzad
pa la thabs 'di dang 'di 'byung zhes

nges bzung dka'/ dper na/ sngon rgya gar o rgyan gyi yul du
rgyal po dza zhes pa'i skabs su/ nam mkha' nas gsung rab kyi
glegs bam mang po byung ba'i lo rgyus  

rnying ma'i chos 'byung sogs su gsal yod pa ltar yin/ gong gsal
tsinta ma Ni'i rkos phor zhes pa/ sa tstsha'i dpar 'debs byed kyi
rkos phor ltar tsinta ma Ni'i gzungs

sngags kyi dpar 'debs byed cig yod/ de ltar rten de dag la spos
dang me tog gis mchod cing mtshan du gnyan po gsang ba btags/ mi
rabs lnga nas 'di'i don

shes pa yong zhes rgyal por lung bstan byung ba bzhin/ 'phags pa
thugs rje chen po'i rnam 'phrul chos rgyal srong btsan sgam po
byon nas de'i skabs su thon mi saM

b+ho Tas na ga ra'i yi ger dpe blangs te gzab yig dang/ wa tur
dpe blangs te shar yig gi gzugs bcas sku mkhar ma rung gsar du
bzos/ mkhar de ni lha

@017a @#/ /sa'i byang ngos pha bong kha'i pho brang de yin zhing/
de lha sa'i gtsug lag khang dang/ pho brang dmar po ri ma chags
gong gi chos rgyal bzhugs

gnas yin/ der thon mis rgyal por phul ba'i yig phud kyang deng
sang mjal rgyu yod/ rgyal pos kyang lo gsum gyi ring bod kyi rig
gnas dag la sbyangs brtson

gyis thugs su chud par mdzad/ mtha' 'dul/ yang 'dul/ ru gnon
dang bcas pa'i gtsug lag khang mang po dang chos 'khor rnam
gnyis bcas bzhengs/

gzhan yang thon mis spyan ras gzigs kyi mdo rgyud nyer gcig sogs
bka' bstan mang po bsgyur/ rgyal po rang nyid kyis kyang/ gtsug
lag khang gi dkar

chag dang/ bka' chems bka' khol ma/ ma Ni bka' 'bum/ blon 'bangs
sogs la gdams pa'i bstan bcos mang du mdzad de/ gtsug lag khang
gi

ka ba shing lo can dang/ thugs rje chen po'i lha khang gi rta
mgrin zhabs 'og tu gter du sbas/ phyis jo bo rje bod du phebs
skabs gtsug lag khang du gnas

@017b gzigs phebs pa'i tshe rgyal pos gtsug lag khang rten dang
brten par bcas pa 'di 'dra zhig bzhengs pa la 'di'i lo rgyus
dang 'brel ba'i dkar chag cig yod

nges dgongs pa dang/ dus mtshungs mkha' 'gro ma'i sprul pa bud
med smyon ma zhig gis lung bstan pa ltar jo bo rjes sngar rgyal
pos gter sbas yul lha khang

ka ba shing lo can gyi 'og nas gter de bzhes/ de dag gi ngo
bshus byas te slar yang gter du sbas pa dang/ de rjes grub thob
dngos grub kyis ma Ni bka'

'bum sogs gter nas bton/ de dag ni shog ser la thon mi rang gi
phyag bris gzhung gi rten sgam du mjal rgyu yod/ chos rgyal khri
srong gi sku dus su mkhan chen zhi ba

'tsho dang/ o rgyan rin po che sogs gdan drangs te bstan pa dar
zhing rgyas par mdzad/ bod mi rnams kyis rab byung yong min
nyams sad pa'i phyir 'khon klu

dbang bsrung sogs mi bdun rab tu byung/ de dag la sad mi mi bdun
zhes grags/ zan yang mi 'gyur lhun gyis grub pa'i gtsug lag
khang bzhengs/ zan yang

@018a @#/ /ni lugs gsum gyi don te/ de yang gtsug lag khang gi
steng shod par gsum rgya gar rgya nag bal yul dang bcas pa'i
lugs mi 'dra ba

gsum gyi bzo bkod du bzhengs/ der rnam dag khrims khang gling du
dge tshul slong gi sdom pa 'bog chog mdzad yul dang/ bdud 'dul
sngags pa'i gling/ sgra

bsgyur lo paN gling dang/ gzhan yang g.yos khang ngam rung
khang sogs rgya gar gyi lugs ltar gnas khang so sor byas/ de
skabs bstan pa dar rgyas cher byung bas

slob ma yang slob dang bcas pa grub pa thob pas rje 'bangs nyer
lnga dang/ yer pa'i grub thob brgyad cu sogs byung/ rab byung
dbu zlum gyi sde dang/ sngags pa

lcang lo can gyi sde ste mchod gnas kyi sde gnyis kyang btsugs
par mdzad/ de rjes mnga' bdag khri ral byung zhing chos rgyal
'di ni phyag na rdo rje'i rnam 'phrul yin pa

bka' gdams glegs bam du gsal/ de'i chos blon bran kha dpal yon
yin/ khong rnam gnyis chos la shin tu mos pa'i dbang gis bod du
bstan pa'i dag

@018b ther rgya chen po mdzad/ gong gsal mchod gnas kyi sde
gnyis spyi bor bkur bar mtshon slad rgyal po nyid kyi dbu skra'i
sne mor dar sna lnga btags shing de'i steng du bzhugs su gsol

te 'bangs mi khyim bdun re phul/ der brten sbas stag rna sogs
bdud blon rnams ma dga' nas rgyal blon gnyis kyi dbar phra ma
bcug ste/ rgyal por btsun mo ngang tshul

ma dang/ chos blon gnyis mthun tshul zhus pas/ rgyal pos kyang
zhib dpyad ma mdzad par bran kha dpal yon khrims la sbyar te
bkum/ ngang tshul ma yang chos blon

nyes med du bkrongs pa thugs kyis ma bzod par lcebs/ de nas chos
phyogs su dga' ba rgyal po nyid las med stabs rgyal por a rag
drangs te sku ra bzi skabs zhal

ltag par gcus te bkrongs/ chos rgyal 'di nyid phyag rdor gyi
rnam 'phrul dngos yin na yang/ gdul bya'i las dang bsod nams
dman pa'i dbang gis/ sku srog

la bar chad byung ba dang/ mdzad spyod nor 'khrul byung ba'i
tshul sogs yod na/ deng skabs las 'bras dang chos kyi gnas tshul
mi shes pa 'ga' res/ bod du rkyen

@019a @#/ /ngan byung ba 'dir/ bla lha chos srung sogs la nus
mthu mi 'dug snyam pa byung srid kyang/ de dag bsam blo btang ma
shes pas lan pa yin

zhing/ gdul bya'i las bsod 'grib pa'i tshe bla lha chos srung
sogs la mdzad thabs med pa gong gsal ltar yin/ de nas glang dar
gyis srid bskyangs pas rgyal

bstan ming ma du bzos/ de'i ring jo bo'i sku 'dis bod du bkra mi
shis pa byung zhes mang yul skyid grong du bskyal zhing gtsug
lag khang du bya byi'i tshang 'phor gyur zhing

bshas ra'ang byas/ shul bzhugs sku brnyan rnams kyi phyag tu nor
phyugs bsad pa'i rgyu ma bkal ba sogs rgyal bstan ming tsam med
pa'i dus skabs ches ngan pa

byung/ skabs der lcags zam chu bo ri'i sgrub sde zhig tu/ rmar
shAkya/ g.yo dge 'byung/ gtsang rab gsal gsum gyis bstan pa
bsnubs pa ma bzod

par 'dul ba'i glegs bam drel rgyab gcig bkal te bros nas stod
kyi mnga' ris phyogs su phebs/ bod du dgon sde yongs rdzogs
bshig ral byas rkyen der

@019b yang bzhugs ma nus te byang brgyud nas zi ling du bros/
der bzhugs dus su bon po'i bu dmu gzu gsal 'bar bya ba zhig rab
byung sgrub tu byung bas/ khong rnams

kyis nyams sad ched 'dul ba'i dpe cha zhig bstan pas/ des dpe
char bltas pas lhag par dad cing rab tu byung bar mos nas nan
gyis zhus pas/ g.yo dge

'byung gis las slob/ gtsang rab gsal gyis mkhan po mdzad/ rgya'i
hwa shang gnyis kyis kha skong byas te lnga tshogs kyis bsnyen
par rdzogs/ mtshan du

dge ba rab gsal zhes las slob dang/ mkhan po'i mtshan zur nas
btags/ shes rab ches shin tu bkra bas phyis su bla chen dgongs
pa rab gsal zhes

grags/ gong gi 'di yan la bstan pa snga dar zhes grags shing/ de
rjes lo gon rdo rje dpal ba sogs mi bcu dbus gtsang nas mdo smad
du bskyod de der

bsnyen par rdzogs/ 'di dag bla chen las dngos su bsnyen par
rdzogs tshul dang de'i slob ma las bsnyen par rdzogs par bshad
tshul gnyis yod/ bla chen

@020a @#/ /dgongs pa rab gsal nas brgyud pa'i 'dul ba'i sdom
rgyun smad nas dar ba la smad 'dul zhes grags shing/ 'di nas
bstan pa phyi dar gyi 'go

tshugs/ rgyal po glang dar gyi sras 'od srungs dang/ yum brtan
gnyis las/ 'od srungs kyi brgyud pa zhig gis mnga' ris kyi rgyal
po mdzad/ de'i brgyud par lha bla

ma ye shes 'od sogs byung/ de'i skabs lo chen rin chen bzang po
rgya gar du brdzangs te rigs pa'i gnas kun la sbyangs shing
mkhas par gyur/ 'dis bsgyur ba'i

bka' bstan sogs shin tu mang/ bstan pa phyi dar gyi lo tsA ba'i
mtshan tho dang po yin/ rgya gar shar phyogs kyi paNDi ta d+harmA
pA la dang/ de'i slob ma gu Na pA la/

pradznyA pA la/ sa d+hu pA la ste pA la rnam gsum spyan
drangs/ de nas brgyud pa'i sdom rgyun la stod 'dul zhes grags/
'ga' shas kyis bstan pa snga dar phyi dar dang/ gsang

sngags gsar rnying gnyis bsres mi rung ste bstan pa snga dar
phyi dar ni 'dul ba'i bstan pa dar tshul gong du bshad pa ltar
dang/ gsang sngags gsar rnying gi tha snyad ni

@020b lo chen rin bzang yan bsgyur ba rnams la gsang sngags
rnying ma dang/ de man chad bsgyur ba'i gsang sngags la gsang
sngags gsar mar ngos 'dzin byed dgos/ skabs

der mdo sngags tsha grang lta bu spyod cing/ chos log mi 'dra ba
bco brgyad dang/ zhag bdun sangs rgyas zhes pa'ang de skabs
byung zhing lha bla ma khu dbon gyis man

ngag de dag gcig tu 'dril ba zhig byung na ci ma rung dgongs te
lo chen rnams la bka' stsal skabs rgya gar gyi paNDi ta dI paM
ka ra shrI dznyA na zhes bya ba gdan 'dren thub na

rgyal po'i thugs dgongs rdzogs par 'dug zhus pas/ jo bo chen po
bod du gdan drangs/ khong gis mdo sngags kyi man ngag thams cad
gcig tu bsdus pa'i chos byang chub lam

gyi sgron ma mdzad/ jo bo'i slob ma'i gtso bor/ khu ston brtson
'grus g.yung drung/ rngog legs pa'i shes rab/ 'brom rgyal ba'i
'byung gnas gsum phebs/ 'di

nas bzung jo bo bka' gdams pa'i bstan pa'i srol btod nas bka'
gdams lha chos bdun ldan du grags pa byung/ lha chos bdun ni/
lha bzhi dang/ chos bdun 

@021a @#/ /te; de yang bstan pa'i bdag po yin pas ston pa bcom
ldan 'das dang/ byang chub kyi sems thugs dam gyi mthil du mdzad
pas snying

rje'i rang gzugs spyan ras gzigs/ bar chad sel zhing 'phrin las
sgrub pa'i lha rje btsun sgrol ma dang/ shes rab sgrub pa'i lha
khro bo mi g.yo ba ste lha bzhi dang/

chos gsum ni sde snod gsum ste rgyal ba'i gsung rab kyi snying
po bka' sde snod gsum gyi brjod bya rnams skyes bu gsum gyi lam
gyi rim par bsdus te skyes bu mchog

dman gang gis kyang nyams su blangs bde ba zhig ste/ 'brom rin
po che'i zhal nas/ ngo mtshar bka' ni sde snod gsum po ste/
/gdams pa skyes bu gsum gyis

mdzes pa yi/ /bka' gdams rin chen gser gyi phreng ba ni/ /'gro
ba gang gis bgrangs kyang don yod 'gyur/ /zhes gsungs/ de gsum
gyi nang nas kyang

gdams ngag thams cad bum pa gang byo'i tshul du stsal zhing bstan
pa'i bdag por byin gyis brlabs pa ni 'brom rgyal ba'i 'byung
gnas yin zhing/ 'di'i slob ma'i

@021b gtso bor bka' gdams sku mched gsum bcas bka' gdams pa'i
skyes bu gnam gyis sa bkab pa lta bu pha las bu rdzig bu las tsha
bo rdzig /tsha bo las yang tsha rdzig /

yang tsha las sum tsha rdzig pa byung/ de dag las 'jam mgon chos
kyi rgyal po tsong kha pa chen pos dge bshes po to ba nas brgyud
pa'i bka' gdams gzhung pa ba'i man

ngag rnams grwa skor mkhan chen chos skyabs bzang po dang/ spyan
snga tshul khrims 'bar nas brgyud pa'i bka' gdams man ngag pa
dang/ dpal ldan dgon pa ba nas

brgyud pa'i bka' gdams lam rim pa'i man ngag gnyis/ lho brag
grub chen las kyi rdo rje las gsan te gdams pa'i man ngag chu bo
gcig tu 'dres/ de la bka'

gdams gsar ma zhes grags/ deng sang bka' gdams pa'i mtshan gzhir
dge lugs pa bzhag chog ste de dag gi gtsug lag khang dang glegs
bam rnams dge lugs

par thim rgyu med kyang/ man ngag yongs su rdzogs pa dge lugs
par thim pa lta bur gyur yod/ rnying ma'i lo rgyus ni/ rnying
ma'i bzhed srol rgya che ba ni slob dpon chen

@022a @#/ /po bod du 'byon pa nas dar ba yin/ slob dpon rin po
ches rje 'bangs nyer lnga rdo rje phur bu'i dkyil 'khor du bcug
nas dbang bskur de yang

rnying ma'i rgyud kyi khungs ni/ snar thang dpar ma'i bka' 'gyur
gras dza wa zha gsum du gsal zhing/ de dag rnams su srog stsol/
rdor bzlas/ rjes gzhig /

ril 'dzin sogs bskyed rdzogs kyi lam gyi khog gsang 'dus dang
cha 'dra ba yod/ de dag gi 'grel pa ni bstan 'gyur du bi ma la
mi tras mdzad pa sogs yod/

rnying ma la bka' gter gnyis las/ gter ma la gter chen brgya
rtsa sogs tshad ldan gyi gter mang du byung ba'i nang nas nyi zla
ltar yongs su grags pa gter ston

gong 'og gnyis zhes mnga' bdag nyang ral pa chen po dang/ gu ru
chos dbang gnyis yin/ mnga' bdag nyang ni 'phags mchog thugs rje
chen pos gter bton

du rnam par rol pa 'khrungs rabs su gsal yod/ mnga' bdag gu ru
chos dbang gis lho brag mkho mthing nas gter sogs bzhes shing/
de rjes kyang gter

@022b chen smin grol gling pa sogs gter bton tshad ldan mang du
byon/ /nyams su blang bya'i bka' srol ni theg pa rim pa dgu yod
cing/ nyan thos/ rang rgyal/ byang sems

te thun mong ba'i theg pa gsum/ kri ya/ u pa/ yo ga ste gsang
sngags kyi phyi'i theg pa gsum/ de yang kri ya zhes pa ni bya
rgyud dang/ u pha ni spyod rgyud/ yo

ga ni rnal 'byor rgyud du 'jug /bskyed pa mahA yo ga /lung a
nu yo ga /rdzogs pa a ti yo ga ste nang gi theg pa gsum bcas
dgu'o/ /chos phung brgyad khri bzhi stong

gi don rnams der 'dus pa yin/ sa skya'i chos 'byung tshul ni/ sa
skya'i chos ni 'khon dkon mchog rgyal po nas byung ba yin la/
khong gsang sngags rnying ma'i

gdung brgyud dang/ de'i chos brgyud 'dzin pa'i sngags chen zhig
yin/ 'on kyang khong gis phur pa'i lha tshogs rnams kyi 'dra 'bag
gyon zhing khrom du 'cham rgyag

pa gzigs pas/ rang gi sras kun dga' snying pos da gsang sngags
khrom bsgrags byas 'dug stabs 'chal spyod kyi dus ngan 'dir
khyod rang gsang sngags

@023a @#/ /rnying mar 'jug kyang nyams rtogs skye dka' bas/ da ni
gsang sngags gsar mar zhugs shig gsungs pa ltar/ sa chen kun
dga' snying

pos/ ba ri lo tsA ba rin chen grags las lam 'bras sogs chos
mang du gsan nas grub pa'i skyes bu tshad dang ldan pa zhig
byung/ sa chen kun dga' snying po

dang/ de'i sras rje btsun bsod nams rtse mo dang rje btsun grags
pa rgyal mtshan gsum ste dang po yongs rdzogs dge bsnyen dang/
phyi ma gnyis tshangs spyod

dge bsnyen te rten khyim pa yin pas dkar po rnam gsum zhes grags
pa dang/ sa paNDi ta dang/ 'gro mgon chos rgyal 'phags pa gnyis
la dmar po rnam

gnyis te de lnga la sa skya gong ma rnam lnga zhes yongs su
grags/ kun snying gi slob ma la/ slob ma mchog thob pa gsum/
bzod pa thob pa bdun/ rtogs

ldan brgyad cu/ gzhung bshad 'dzin pa'i thugs sras bcu gcig
/tshig rkang 'grel ba'i thugs sras bdun sogs byon/ sa skya'i thun
mong ma yin

@023b pa'i snyan brgyud kyi man ngag gsang chen slob bshad sogs
tshar chen blo gsal rgya mtsho nas brgyud pa yin zhing/ khong ni
sa skya la sku drin shin tu che/ 'di dge lugs

phyogs su mtshon na paN chen blo bzang chos rgyan lta bu zhig
red/ bod du dar ba'i sdom rgyun mi 'dra ba gsum yod pa ni kha
che paNDi ta shAkya shrI nas brgyud pa dang/ gon

gsal pA la rnam gsum nas brgyud pa/ bla chen dgongs pa rab gsal
nas brgyud pa gsum yin/ bka' brgyud la gnyis las/ mar pa bka'
brgyud/

mkhas grub khyung po rnal 'byor nas brgyud pa'i shangs pa bka'
brgyud gnyis/ dus tshod ni phal cher sa chen dang dus mnyam/ de
yang mkhas grub khyung po rnal

'byor ni dang po bon la zhugs/ de thugs la ma 'thad par rdzogs
chen la bslabs/ des kyang ma tshims par rgya gar du byon nas
mkhas grub kyi bla ma brgya dang

lnga bcu tsam du bsten/ mdo sngags kyi gzhung lugs man ngag dang
bcas pa thugs su chud/ gtso bo ni/ mkha' 'gro ma ni gu ma las ni
gu'i chos drug

@024a @#/ /dang/ mnga' bdag mai tri pa las mgon po'i chos skor
sogs gsan/ bod shangs kyi zhong zhong du dgon pa phyag btab ste
grwa pa yang khri

brgyad la nye ba byung/ de'i nang bzod pa thob pa stong phrag
tsam byung de'i phyin nas shangs pa bka' brgyud du grags/ phyag
rgya chen po ga'u ma zhes pa de yang byung la/ de

yang ga'u ma zhes pa ga'u'i nang blug pa'i don ma yin par/ bde
ba dang stong pa dbyer med ga'u kha sbyor gyi tshul du sgom nas
'od gsal mngon du byed pa'i gdams pa

la zer/ lcags zam bka' brgyud ces pa grub thob thang stong rgyal
po'i brgyud pa'i rtsa ba'ang shangs pa bka' brgyud la thug
/dwags po bka' brgyud ni/ mar pa

lo tsA nas byung ba yin la/ de ni 'brog mi'i drung du lo tsA
bslabs/ rgya bal du lan mang byon nas mkhas grub kyi bla ma
brgya dang brgyad tsam gyi zhabs la gtugs/

gtso bo paN chen nA ro pa dang/ mnga' bdag mai tri ba/ dpal ye
shes snying po/ grub chen zhi ba bzang po sogs bsten te nA ro'i
chos drug sogs gsan/ de'i

@024b slob ma'i gtso bo/ mtshur ston dbang gi rdo rje/ gzhung gi
me sa ston tshon po/ rngog chos sku rdo rje/ gung thang pa mid la
ras pa ste ka chen bzhi dang/ dang po gsuM

ni bshad pa'i bka' babs dang/ phyi ma ni sgrub pa'i bka' babs
yin la/ mid la'i slob ma'i gtso bo/ nyi ma lta bu dwags po lha
rje dang/ zla ba lta bu ras chung

gnyis las/ dwags po lha rje'i slob ma khams pa mi gsum/ khong
rnams tshes bcu zhig la tshogs chang gis nyams 'ur ba'i tshul bstan
te/ bde stong gi nyams

sad pa'i dbang gis rdo rje'i glu gar mdzad pa/ dge bskos nas
shes te dwags la sgam po'i dgon pa'i sgrigs nas phud pas dwags
po lha rje'i gzigs snang du yul

de'i dpa' bo mkha' 'gro rnams yul gzhan du bskyod par gzigs
skabs/ gang yin snyam nas 'od gsal gyi ngang du mnyam par bzhag
nas mngon shes kyis gzigs

skabs/ khams pa mi gsum phyir thon song bar mkhyen te/ rdzu
'phrul gyis rjes su phebs nas/ shog mo mar shog dang/ shog mo
yar 'gro zhes pa'i bla slob

@025a @#/ /rnams nas rdo rje'i mgur blangs res kyis zhabs bro
mdzad/ de'i skabs kyi zhabs rjes kyang deng sang mjal rgyu yod/
drags po bka' brgyud

la nang gses kyis phye na/ karma bka' brgyud/ phag gru/ tshal pa/
'bri gung/ stag lung/ 'brug pa/ g.ya' bzang/ khro phu bka'
brgyud sogs las/

karma bka' brgyud ni/ karma pa dus gsum mkhyen par bla mas lung
bstan pa ltar kam po gangs kyi ri la sgrub pa mdzad de rtogs pa
brnyes pas/ kam tshang bka' brgyud

du grags/ deng sang khams pa tshos ming zur chags te sgam gnas
zhes grags/ mtshur phu sogs kyi gdan sa btab/ de nas sku phreng
rim byon ni/ gnyis pa pakshi/

gsum pa rang byung rdo rje/ bzhi pa rol pa'i rdo rje/ 'di nas
rje rin po ches dge bsnyen gyi sdom pa bzhes/ lnga pa de bzhin
gshegs pa/ drug pa mthong ba don ldan/ bdun

pa chos grags rgya mtsho/ brgyad pa mi bskyod rdo rje/ dgu pa
dbang phyug rdo rje/ bcu pa chos dbyings rdo rje sogs da lta'i
bar rim par byung/ karma pakshi hor rgyal po'i

@025b dbu bla mdzad pas las zhwa nag po zhig phul bas karma zhwa
nag pa dang/ rtogs ldan grags seng la zhwa dmar po phul bas zhwa
dmar ba zhes grags/ byams chen chos rje la gong

mas zhwa nag po phul ba'ang de tsho dang 'dra/ go gnas kyi rtags
yin/ zhwa dmar nag gnyis las nag po go sa mtho ba yin/ phag gru
bka' brgyud ni/ phag mo gru pa rdo rje

rgyal pos srol btod/ de nyid gdan sa mthil du sgrub pa mdzad/
de'i slob ma bsam gyis mi khyab pa byung ba'i nang nas/ stag
lung thang pa bkra shis dpal nas brgyud par

stag lung bka' brgyud dang/ skyob pa 'jig rten mgon po nas
brgyud pa la 'bri gung bka' brgyud/ de'i lugs kyi chos lnga ni/
byang chub sems kyi rta pho la/ /gzhan

gyis dkyus thog ma bcad na/ /khrom lha mi 'or che mi 'byung bas/
/sems sngon 'gro 'di la nan tan mdzod/ /rang lus lha sku'i rgyal
po la/ /'gyur med kyi gtan sa ma

zin na/ /mkha' 'gro'i 'khor 'bangs mi 'du bas/ /lus bla ma yi
dam nan tan bskyed/ /bla ma sku bzhi'i gangs ri la/ /mos gus kyi
nyi ma ma shar na/ /byin rlabs 

@026a @#/ /kyi chu rgyun mi 'byung bas/ /sems mos gus 'di la nan
tan mdzod/ /sems chos nyid kyi nam mkha' yangs pa la/ /rnam rtog
gi sprin tshogs

ma dwangs na/ /mkhyen gnyis kyi gza' skar mi bkra bas/ /sems mi
rtog 'di la nan tan mdzod/ /tshogs gnyis yid bzhin nor bu la/
/smon lam gyi byi dor ma

byas na/ /dgos 'dod kyi 'phrin las mi 'byung bas/ /rjes bsngo ba
'di la nan tan mdzod/ /ces gsungs pa ltar yin la/ 'brug pa bka'
brgyud ni/ phag gru pa'i

slob ma gling ras pa dang/ 'gro mgon gtsang pa rgya ras nas
byung ba yin zhing/ de la 'brug pa'i ngag rgyun du/ stod 'brug
gnam gyi skar ma/ smad 'brug sa yi rtsi shing/

mi phyed 'brug pa/ 'brug phyed sprang po/ sprang phyed grub
thob/ bya rgod po'i nyin lam bco brgyad sar khyab ces grags pa
byung/ pag gru ni 'brug pa bka' brgyud kyi

brgyud rgyu lta bu red/ 'gro mgon gtsang pa rgya ras kyis dbus
su klong rdol ri khrod dang/ gtsang du ra lung/ ra lung ri khrod
sogs phyag btab/ tshal pa bka' brgyud

@026b ni; dwags po tshul khrims snying po'i slob ma zhang g.yu
brag pa nas brgyud pa yin la/ de'i man ngag la phyag rgya dkar
po gcig thub ces grags/ g.ya' bzang bka'

brgyud ni/ kun mkhyen g.ya' bzang pa dang/ 'bab rong bka'
brgyud ni/ 'bab rong pa dar ma dbang phyug nas byung ba yin/
khro phu bka' brgyud ni/ lo tsA ba byams pa

dpal nas byung/ bu ston gyi chos lugs kyang khro phu dang sa
skya gnyis la thug /bu ston rin po ches slob gnyer khro phu nas
gnang zhing rjes khong rang gi grub mtha' la bu lugs

zhes pa de yang byung ba red/ jo nang pa'i grub mtha' byung tshul
ni/ kun spangs thugs rje brtson 'grus kyis jo nang du dgon pa
btab/ yu mo mi bskyod rdo rjes srol btod/

dol bo pa shes rab rgyal mtshan nas grub mtha' de nyid dar zhing
rgyas par mdzad/ khong ni dang po sa skya'i dge bshes yin pa
dang/ rjes su jo nang gi chos brgyud du zhugs te

dus 'khor la 'chad nyan mdzad pa na stong gzugs phyag rgya chen
po la 'khrul nas lta ba rtsal du 'don pa'i gzhung/ ri chos nges
don rgya mtsho bya ba sogs brtsams pas/ ri bo

@027a @#/ /brtsegs pas rgya mtsho rdal/ zhes zer ba'i grags pa
byung/ de rjes su dang po sa skya'i dge bshes yin pa jo nang kun
dga' grol mchog dang/

de'i skyes sprul jo nang tA ra nA tha gnyis kyis kyang dar
rgyas su byas so/ /dge lugs pa'i grub mtha' byung tshul ni/ rje
yi rnam thar chen mo sogs su gsal zhing/ khyed

rang tshos kyang shes gsal ltar da lam rgyas par zhu ma dgos
shing/ dge lugs pa ni rje rin po che nas byung ba yin zhing/ de
yi sras kyi thu bo gnyis ni rgyal tshab dang 'dul

'dzin grags pa rgyal mtshan gnyis red/ mkhas grub rin po che nang
thugs kyi sras gcig pu yin pas/ sras kyi thu bo gnyis kyi grangs
su mi brtsi ba ni dkon mchog gong

phung lta bu byas pa yin/ gzhan yang tsha kho dbon po ngag dbang
grags pas gtsos bstan pa phyogs mthar spel ba'i dar chen bzhi
dang/ 'phrin las nam mkha' dang

mnyam pa'i bu chen bzhi/ 'khor dag pa rnam brgyad sogs bu slob
nam mkha'i skar tshogs bkra ba ltar dar rgyas su gyur pa yin/ de
rjes da lam skabs su babs pa

@027b ngas bslab bya mdor bsdus tsam zhig zhu na/ khyed tshos
chos lugs kyi cha nas phyogs ris byed mi rung/ nga tsho thog med
nas gom pa shas che ba'i dbang gis chags sdang phran

bu yong srid kyang de ni nges par 'gog dgos/ da lam khyed tsho
'dir chos lugs tshang ma mang po med pas 'then 'khyer sogs yong
gi med shag kyang/ rjes su slob dger

bskyod skabs su yang chos lugs la phyogs zhen gtan nas mi rung/
paN chen blo bzang chos rgyan gyis/ phyag rdzogs dbu gsum la
sogs pa/ /nges don lung

rigs la mkhas shing/ /nyams myong can gyi rnal 'byor pas/ /dpyad
na dgongs pa gcig tu 'babs/ /zhes gsungs pa ltar/ gnas skabs
gdul bya lam

la khrid tshul gyi khyad par cung 'dra min ma gtogs mthar nges
'byung byang sems yang dag pa'i lta ba gsum gyi nang du ma 'dus
pa med/ chos lugs gang la'ang

ming 'dogs mi 'dra ba ma gtogs don du lam gyi gtso bo de gsum mi
dgos zer mkhan su yang med/ dper na byang byang chub kyi sems
sbyong tshul la yang rgyal sras

@028a @#/ /zhi ba lha nas brgyud pa dang/ thogs med sku mched nas
brgyud pa gnyis sogs yod rung/ mthar gtugs na yid 'ong gi byams
pa dang snying

rje skye ba'i thabs kho na yin/ de bzhin du rgyu 'bras man ngag
bdun gyi sgo nas blo sbyong tshul dang/ bdag gzhan mnyam brje'i
sgo nas blo sbyong tshul gnyis kyang/

gcig sems can thams cad mar sgom pa dang/ gcig shos rang gces
'dzin la skyon du bsam zhing gzhan gces 'dzin la yon tan du blta
ba'i sgo nas blo sbyong ba

las byang chub kyi sems bskyed pa'i thabs yin pa la mi 'dra ba
med/ de bzhin du/ dben pa'i gnas su gtso bo sems la bzo bcos
btang ste byang chub

sems sbyong sogs byas pa dang/ gcod pa tshos gtso bo lus kyi thog
nas dkar 'gyed dmar 'gyed byas pa sogs lag len 'gel/ des mi 'dra
ba tsam

las don du rang gces 'dzin sogs kyi gnyen po dang/ byang chub
kyi sems sogs la bogs 'don gyi thabs yin pa gcig pa rang yin/
zhi byed pa zhes pa

@028b yang stong pa nyid kyi don shes rab snying po'i sngags don
thog nas srid zhi'i sdug bsngal zhi bar byed pas nga tsho'i stong
nyid sgom pa dang 'dra/ dper na nad pa gcig la mtshon

na bod sman phye ma 'gam pa dang/ rgya sman khab rgyab pa ji
ltar byas kyang don la nad gcig po der phan thabs byas pa ltar
dang/ khang pa gcig la sgo mang po yod pa'i sgo

gang nas zhugs kyang nang du sleb pa gcig pa ltar red/ sngon
rgya gar du bstan pa dar yang bar lam sa rdor gdan dang na lenDa
sogs kyang gyang ror gyur cing/ gnas chen

khag la nyams chag chen po byung ba'ang chos lugs la phyogs zhen
gyi dbang gis yin pa dang/ deng sang rgya gar ba dang spa ki si
than gnyis dmag 'khrug byung ba 'di

yang rtsa ba chos lugs kyi thog nas byung ba red/ de bzhin du
bod du yang sngon sa skya dang 'bri gung gnyis kyang chos lugs
kyi thog nas sa skya bas dmag drangs/ 'bri

gung gis hor dmag drangs te 'khrug rtsod chen po byung/ sa skya
nas 'bri gung dpon po 'dzin bzung gi sgo nas glo snying rgyab
nas phyungs te bsad/ de bzhin du

@029a @#/ /'bri gung pas dbus stod mal dro dang/ 'bri gung khul
gyi dge lugs pa'i dgon pa rnams kyi zhwa ser tshang ma bsdus te
zangs chen po gcig

gi nang du blug ste dmar tshos kyi kha bsgyur btang/ dga' ldan
gyi dgon pa bde chen gsang sngags mkhar yang bdag tu bzung bas
dga' ldan pa dang yang mi

mthun pa byung/ de skabs dga' ldan pas g.yul gsham pa na/ 'brug
pa kun legs kyis dmag byus ston pa la tho ga mar rbad ma bshad
na mi 'grig

dang po rbad bshad dgos zhes brjod de/ de'i tshul yang kun legs
pas/ blo bzang grags pa'i zhabs mar rkyongs la/ zhes brjod la/
thag pa nag po phyungs

dgos zhes sogs gsungs pa na don go ste dmag bshol ba'i lo rgyus
sogs byung yod pa red/ gzhan yang/ rgyal mchog bdun pa'i skabs
da'i ching sba

thur dang pho lha tha'i ji gnyis dbar 'khrug rtsod byung ba yang
gtso bo chos lugs kyi thog nas red/ tshang mas 'di la zab nan
gyis phan tshun dag snang sbyong thub

@029b pa zhig mdzad dgos te/ paN chen blo bzang chos kyi rgyal
mtshan gyi gsung las kyang/ dag snang nor bu'i 'od kyis khyab par
byas na legs so/ /zhes gsungs pa

dang/ rje'i gsung 'bum nang na'ang/ snga rabs pa sogs la don
gyis dgag par song ba yod kyang phyogs sngar bzung skabs mtshan
nas smos te dgag pa mdzad pa

gcig kyang med/ gting mtha' bral ba'i gsang ba gsum gyi yon tan
rgya mtsho lta bu mnga' ba'ang 'di gcig pus mtshon nus/ de nas
ngas zhu rgyu'i gtso bo ^rgyal ba

rin po che'i bka' slob ltar slob sbyong yag po gnang dgos/ thabs
byung de rgyu lkog gyur pa/ /de 'chad pa ni dka' ba yin/ /zhes
gsungs pa ltar/ so sos ma

shes na gzhan la slob rgyu shin tu nas khag po red/ deng sang gi
phrug gu ni sngar dang mi 'dra bar rig pa gsal po yod/ yar dri
ba byung nas lan ma thebs pa byung na shin

tu nas ngo tsha bo byed rgyu red/ yig gzugs yag po dgos/ 'on
kyang gtso bo dag cha dgos/ dag cha med na yig gzugs yag po yod
kyang lha bris pa dang

@030a @#/ /'dra ba yin/ snyan ngag gi rtsom yang dgos/ dag cha
med na snyan ngag gi rtsom yang legs po mi yong/ rang rang gi
pha yul gyi skad yi

ge'i nang 'jug mi rung/ de la gzab dgos/ nga rang yang grwa sar
sdod skabs kyang khams pa dang 'dris che ba dang/ gzhis dgon
yang khams la yin stabs

nga'i skad kyi nang khams skad ma dag pa 'ong gi 'dug /dper na/
khams skad 'ga' zhig la/ skyabs la shabs dang/ skyabs mgon la/
shabs mgon

sogs brjod tshig ma dag pa'i dbang gis yi ge'i nang shabs dang
shabs mgon sogs bris na mi 'grig /rjes su slob grwar slobs dus
su 'dir bslabs

pa rnams 'khyer rgyu dgos shing/ rig pa glegs bam nang na gnas/
/zhes pa ltar ma song ba dgos/ gtso cher rjes su slob grwar 'gro
tshe yag po zhig slob

dgos/ yag gzugs yag po ma shes na de slob mkhan gzhan yang yong
mdog kha po red/ 'dir khyed rang tsho phal cher rtsal yig rkyang
pa yin shag gis/

@030b zhe drags yag po yod mdog kha bo ma red/ gtso bo chos slob
mkhan yin stabs/ chos dang sum rtags yag po shes dgos/ yi ge'i
gzugs tsam la khyim

pa'i nang nas nga tsho las nyis 'gyur sum 'gyur gyis lhag pa mang
po yod/ yin cig min gnyis khyim pa sogs kyis mi 'grig par grwa
pa dang btsun ma bsdus bkong

gnang dgos don/ rjes su phrug gu tsho kha phyir bltas su ma song
bar/ de tsho klad pa'i nang chos kyi gnad don yong ba dang/ nang
pa sangs rgyas pa sha stag bzo

thub pa'i chos kyi slob gso gtong thub nges shig dgos/ 'jig rten
kha dper yang/ mdzes rgyan byi rus ma lo par/ g.yu la rin thang
chen po sprad pa'i

dgos don zhes pa ltar gser gyi rgyan cha la byi ru'i phra rgyan
gyis ma 'grig par g.yu la rin thang chen po sprad pa'i dgos pa
zhig yod pa red/ ma 'ongs pa'i phrug gu

tshos gtor ma bzheng na rtsam pa 'phro brlag dang/ mchod me phul
na mar 'phro brlag red ces zer mkhan zhig byung na chos dge
btang ba'i las don ma 'grub pa red 

@031a @#/ /^gong sa chen pos sku ngal 'dzem med kyis gzhis chags
dang/ slob grwa sogs rug rug bzo dgos pa'i gnad don yang de red/
des na

khyed tshos chos phyogs nas slob gso gtong dgos shing chos dang
mthun pa'i sgrung sogs bshad de rim gyis blo bsgyur dgos/ dge
bshes po to bas kyang bya sgrung

sogs gsung gi yod pa'ang khong la chos gsung rgyu med nas de dag
bshad pa ma yin/ de thog nas blo chos la 'khrid pa'i thabs gnang
ba yin/ de bzhin dkon

mchog dang bden bzhi sogs grangs 'dren bslab pa tsam gyis mi
phan/ dper na/ sa khra'i ngo sprod lta bu kha phyi bltas ma yin
par rgyud la nges shes brtan po

rnyed pa zhig byed thub pa dgos/ grangs ka ngos 'dzin tsam ni/
dper na/ wA ra NA sir yod pa'i 'jar man gyi mi rigs shig
la'ang/ gsang sngags kyi rim pa lnga

sogs bgrang rgyu yod pa ma zad rgya gar ba 'ga' res kyang ngos
la sems gnas kyi ting 'dzin sogs zhi gnas kyi gnad rnams dri ba
byed shes kyi 'dug /chos kyi

@031b skad dod ni d+harma ste rang gi ngo bo 'dzin pa la 'jug
/chos dang 'jig rten gnyis su phye ba'i chos ni de tsam gyis mi
'grig par/ rang nyams su len pa po 'khor ba dang

lam log pa las 'dzin thub pa zhig nges par du byed dgos/ chos
dge 'gro ba'i dgos pa yang de ltar 'dzin thub pa zhig dgos/
gzhon nu rnams la dang po nyid nas

zab mo ma bstan par blo dang 'tshams pa zhig bshad dgos/ sangs
rgyas bcom ldan 'das kyis kyang/ gdul bya'i dbang po dang bstun
te skabs 'gar bdag yod

pa dang/ skabs 'gar bdag med pa sogs sna tshogs bstan yod/ de
bzhin du khyed tshos kyang/ bla ma'i rnam thar dang/ chos kyi
phan yon/ mdo mdzangs

blun/ las brgya pa/ 'dul ba lung sogs las gsungs pa'i las 'bras
sogs bshad na phan/ dper na/ ma mdzangs mas bu gso ba ltar dgos/
mi gcig

man chad bstan pa la 'jug thub na/ bstan pa'i zhabs 'degs dang/
ston pa la rim gro/ ^gong sa chen po'i thugs bzhed 'grub pa yin/
rang rang so so

@032a @#/ /dman sa bzung dgos/ mi la yus bshad rgyu med/ 'dir
tshang ma thun drug 'don mkhan sha stag yin mdog kha po red/ bla
ma rgyal ba sras

bcas kyi spyan sngar gzhan don sgrub rgyu khas blangs tshar ba
yin stabs de rang gi las 'gan red/ mi la yus bshad pas mi phan/
dper na/ ma byan gyis rang gi

las 'gan kha lag bzos pa la de'i dka' ngal mi la yus bshad rgyu
med pa ltar yin/ sems can thams cad kyi don sgrub pa'i phyir
byang chub kyi sems lta bu

sgom ma thub kyang/ bod mi tsho'i don zhig byed e thub blta dgos
pa yin/ rjes sor dge rgan byed skabs rang gi gong na gzhan med
snyam nas spyod lam gang

byung khyim pa sun 'byin byed na gtan nas mi rung/ spyir na phyi
nang gnyis ka smin pa zhig nges par dgos shing/ mthar de ltar ma
byung na/ phyi smin pa zhig nges

par dgos pa gal che 'phags pa rta thul gyis kyang shA ri'i bu
spyod lam bzang pos btul te bstan pa la bcug pa yin pas de ltar
thugs la bzhag dgos shing/

@032b rnam kun gzugs por 'phrod bsten dang/ mig la ca kha yag po
dgos/ zhu mar gyi mdun du dpe cha klog skabs mig shel nges par
gyon dgos/ rjes su slob

sbyong thon pa dang mig thon pa byas na skyon yong gi red/ thugs
rje che zhes bka' stsal// // ! 1980 zla 1 tshes 8 nyin mon g+ho
Dar 'bras spungs

tshogs chen gyi 'du khang du dge ldan lugs bzang gtsug slob gnyer
khang chen po'i slob pa mthar son pa'i dga' ston thengs gsum
pa'i tshogs 'du tshugs skabs ^skyabs

rje rin po che mchog nas bka' slob gsung bshad la/ da lta
^skyabs rje yongs 'dzin khri chen rdo rje 'chang chen po'i zhal
snga nas bka' slob don gyi snying pos lci ba ji

ltar stsal ba 'di las lhag pa'i zab khyad phran rang la zhu rgyu
gang yang med cing/ bar der phran rang gzugs khams phran bu bde
min gyis rkyen pas 'di'i skor bsam

zhib kyang byed rgyu ma byung zhing/ 'on kyang gdan sa gsum gyi
mkhan rin po che rnam pa dang/ dge ldan lugs bzang rig gzhung
gces skyong tshogs pa'i rgyun

@033a @#/ /las mdzad po/ paN chen 'os sprul rin po che sogs 'di
dang 'brel yod tshang mas rgyugs bzhes snga rjes dang/ da lam
slob pa

mthar son gyi dga' ston gzengs rtags gnang sgo'i thad la thugs
khur che bzhes gnang ba'i grub 'bras gzi brjid can 'di lta bu
byung ba la dga' spro rgya chen po dang

bcas thugs rje che zhu rgyu dang/ phyin chad kyang mkhan rin po
che rnam pa dang/ dge lugs rgyun las lhan rgyas bcas pas bstan
pa'i bya ba gal che 'di nyid la mdzad

rim 'char can lta bu'i thugs snang chung skyon med pa'i thugs
khur zab bzhes nges par gnang gal dang/ da lam slob pa mthar son
gyi mkhas pa'i gzengs rtags

thob pa'i dge bshes rnams kyis kyang dka' ba brgya phrag khur du
bzod par byas te rab 'byams gzhung rgya mtshor thos bsam mthar
phyin par mdzad pa'i grub 'bras

bag chags chen po 'jog gnang la rjes su yi rang ba'i sgo nas
legs so'i bsngags rgya cher zhu rgyu dang/ da dung yang dgra
bcom pa bya ba byas zin pa lta bu'i ngang

@033b tshul du ma song bar/ bstan pa'i rgyal mtshan phyogs brgyar
bsgreng ba la zla med pa'i mkhas pa'i khyu mchog dam par son
phyir/ tshul gnas thos dang bsam gtan pas/ /sgom

pa la ni rab tu sbyor/ /zhes pa ltar thos bsam sgom gsum ya ma
bral bar nyams bzhes gnang gal ma zad/ rang gis ji ltar thos
pa'i don rnams rjes 'jug blo gsal

don gnyer can rnams la skyo ngal gyi rnam pa ring du dor te tshig
don khong du chud pa'i slob khrid gnang gal che bas de don tshang
ma'i thugs dbus 'jags pa dang/ yongs rdzogs

bstan pa'i mnga' bdag ^skyabs rje yongs 'dzin khri chen rdo rje
'chang chen po mchog da lam dga' ston gyi tshogs chen 'di nyid la
zhabs sor 'khod de bka' slob zab rgyas

rtsal bar snying thag pa nas bka' drin rjes dran zhu rgyu dang/
slad chad kyang bstan 'gro spyi sgos kyi dpal du ^zhabs pad
g.yo med bskal pa rgya mtshor brtan par bzhugs

pa'i gsol 'debs shugs drag zhu rgyu bcas de tsam yin// // ! bod
rigs gzhon nu'i lhan tshogs dngos su tshugs nas da phan lo ngo bcu
tham pa 'khor

@034a @#/ /ba'i gzi brjid ldan pa'i dus dran gyi tshogs chen sar
mgron 'bod gnang ba ltar dga' spro rgya chen po dang bcas ngo
bcar gyis bkra shis bde legs

zhu rgyu yin/ bod rigs gzhon nu'i sgrigs btsugs 'di bzhin dmigs
yul nges pa can dang/ dgos pa rgyu mtshan du mar gzigs nas ched
'dzugs gnang don

dgra bos 'jigs snang dang/ dwogs zon/ gnyen gyis re bcol blo
gtad zhu 'os pa'i las don grub 'bras ni rang cag skyabs bcol
ba'i gnas stangs la gzhigs

tshe blo yul las 'das pa'i dge mtshan byung bar legs so'i bsngags
brjod rgya cher zhu rgyu dang/ phyin chad kyang dmigs yul bsgrub
bya'i skor la rang cag gzhis byes bod

mi yongs kyi dbu khrid bla na mngon par 'phags pa spyi nor ^gong
sa ^skyabs mgon chen po mchog gis lam ston mdzad pa'i lugs zung
chab srid gzhung 'bangs spyi don

la lhag bsam snying stobs gong mthor spel te rang rang gi sgo
gsum nus shugs 'phyar ba gru 'degs kyis thabs shes yod rgu rtsal
sprugs gnang gal shin tu che ba dang

@034b khyed cag gzhon nu rnams blo dang lang tsho dar la drag
pa'i skabs 'dir gnas skabs kyi skyid bde 'ba' zhig la ma zhen
par bod rgya che'i mi mang gi bde don rlabs po che 'di

nyid slar gso'i thabs tshul la dka' spyad brgya phrag khur du
bzod par byas te mdza' mthun bsam pa gru nang gi ngang tshul lhur
bzhes thog /shes ldan gzhon nu tshos

lung tshan dang/ chos lugs/ gral rim/ sde khag sogs kyi dbye bas
ris su ma bcad par chol kha gsum gyi bod rigs nang phan tshun
mdza' mthun gong bu gcig

gyur yong thabs la dmigs bsal do snang lhur bzhes yong ba dang/
dgra bos rang yul skyid pa'i ljongs de btsan shed kyis bdag tu
bzung zhing/ yul gyi

bdag po bod mi rnams dgra bo'i bran g.yog dang/ gzhan yul du
gyar te gnas skabs 'di 'drar gyur pa'i ngang tshul snying la
bcangs te sems shugs cher bskyed kyis bsil

ldan bod ljongs 'di nyid chos srid rang dbang gtsang ma'i dpal
yon la sbyor ba'i ched du rang gi rgyal khab dang mi rigs kyi
don du dka' spyad lhur len cis kyang gnang gal/

@035a @#/ /khyed cag gzhon nu rnams la deng dus phyi nang gi shes
yon dang/ lhag bsam/ sems shugs ji ltar mchis pa rnams bod spyi
don thog ngo lkog

med pa'i bed spyod bzang po yong thabs la bsam blo'i 'dzin
stangs dang/ las don byed phyogs gang thad nas lam phyogs gzhan
du ma gol ba dgos gal che zhing/ rang

cag gi rgyal khab kyi tha snyad la chos srid gnyis ldan bod kyi
rgyal khab ces dang/ rgyal khab kyi dbu khrid kyang 'di phyi
gnyis kyi lam bzang ston mdzad 'phags mchog

spyan ras gzigs kyi rnam 'phrul ^rgyal ba yid bzhin nor bu mgon
skyabs dpung gnyen du bzhugs pa bcas 'dzam gling rgyal khab
gzhan las lhag pa'i khyad par 'phags

chos bzang po dang ldan pa zhig yin la/ rang rigs ser skya mchog
phal 'bum phrag la nye ba zhig kyang bstan dgra rgya dmar gyis
bod yul btsan 'phrog dang ^rgyal ba'i

bstan pa rin po che nyams dmas su btang ba'i ngang tshul la
snying nas ma bzod par phyi rgyal sa thog tu btsan byol du gyar
dgos pa bcas kyi rtsa don gal che 'di nyid

@035b la snang med kyis lta spyod lam gol du ma 'phyan par chos
srid kyi 'dab gshog zung du 'brel ba'i chos ldan bod mi'i khyad
chos thun mong ma yin pa'i gom srol bzang po

'di nyid kyang rang dang rigs myug bcas pa'i sems rgyud la mi
nyams rgyun gnas su 'jags thabs gnang gal ma zad/ lhag par deng
gi dus su na gzhon rnams

kyis 'phags pa klu sgrub kyi gsung shes rab sdong bu las/ brtson
'grus brtul phod brtan pa dang/ /stobs dang blo gros pha rol
gnon/ /'bad brtson yon tan

drug ldan pa/ /de la lha yang 'jigs pa skye/ /zhes dang/ rtsol
ba yi ni grogs yod la/ /ri rgyal rtse mo'ang mtho ba min/ /rgya
mtshos chod pa'ang pha rol min/ /

ces pa'i snying don thugs la bzhag ste mi zhum snying stobs
dang/ lhag bsam gyi go cha ches cher bgos te 'bad brtson chu
bo'i rgyun bsten na/ rang re'i yid la brnag

pa'i don po bod ljongs rang dbang gtsang ma'i dga' ston 'char
bar gdon mi za zhing/ de 'dra'i don chen bde blag tu sgrub pa'i
thabs tshul la med du mi rung ba phyi nang shes

@036a @#/ /bya rig pa'i gnas la sbyang brtson dang/ ya rabs spyod
tshul bzang po lhur bzhes gnang gal che ba bcas rang gi bsam tshul
rags tsam gsol

ba thugs dbus su 'jags pa dang/ de bas lhag pa'i deng dus kyi
srid don rgya che'i gnas tshul rang nyid la gom myong med la/ na
tshod kyis gtugs pas blo dang

lang tsho nyams te zhu rngo ma thogs shing/ gtso cher 'di phyi'i
^skyabs gcig ^gong sa chen po mchog gis yang dag pa'i dbu khrid
'og rlabs mdzad bzang gi rjes

su snyegs te bzhed don 'grub thabs la sgo kun na sa 'bad brtson
yod pa zhu rgyu bcas de ring rgan po'i bsam 'char zhu rgyu de
tsam yin/ tshang mar bkra shis bde

legs dang/ las don mtha' dag rgyal kha'i ngang nas legs 'grub
yong ba'i smon 'dun zhu rgyu yin// //