[the following text has incomplete sections/ which are on order]

@#*/ /zhu b+ha bAM zha san zho b+ha nA lngka ra pra b+hu bdras twa
syA t+ma kaH shri'a mA t+sa nggu rba rdz+nyA+na shA sa na to
dlip shri'a b+ha dra sya bi mo KSho dde sha mA tra mu kta nA
ma bi har ti sma/

@#*/ /khyab bdag rdo rje sems dpa'i ngo bo dpal ldan bla ma dam pa
ye shes bstan pa'i sgron me dpal bzang po'i rnam par thar pa mdo 
tsam 'rjod pa dge ldan bstan pa'i mdzes rgyan zhes bya ba bzhugs so/

001 @#*/ pra pA ri ta rdz+nyA+na dza ya sya mA ya// d+hral di'a
pa shA n+ya ka ShA ya ni rti/

@#*/ /rab 'byams rgyal ba'i ye shes sgyu ma'i gar/ bstan pa'i
sgron me ngur smrig 'dzin pa yi/

002 @#*/ /bi lA li tA b+hU mi dza ga sya nA tha;/ dri bMA na
mo brdz ng+ha rAH tri pA rya/

@#*/ /rnam par rol pa sa gsum 'gro ba'i mgon//gsum ldan rdo rje 'dzin
pa'i zhabs la 'dud/

sangs rgyas kun las sngar sangs rgyas kyang sangs rgyas sras kyi
rnam pa 'dzin/ /srid par skye ba yongs su zad kyang srid par
skye ba'i tshul yang ston/ /sems can 'ga' yang gzigs pa med kyang

sems can don la rtag gzhol ba/ /smra ba zla med 'jam pa'i
byangs kyis smra ba mchog gi dngos grub stsol/ /dbang gzhu'i
lding khang dbus na chu skyes gdan steng chags pa'i nyams kyis tsog

bur bzhugs/ /mnyen lcugs sor mos bskul ba'i rgyud ston dbyangs kyis
snyan tshig mi zad 'dod pa 'jo/ mtshar sdug lang tsho'i dpal la
rgyal ba rnams kyang rjes chags spyan gyis rtag tu

gzigs/ /dbyangs can ngang pa'i bu mo bdag snying pad mtshor dus
kun dgyes pas rtsen par mdzod/ /ye shes me long gtsang mar shes
bya'i ri mo mtha' dag rdzogs par bkra/ /legs

bshad gru char gyo bas bshad sgrub bstan pa'i chu gter rgyas par
mdzad/ /'phrin las nyi zla'i sgron mes 'jig rtan rgud pa'i mun
pa kun sel ba/ /dpal ldan bla ma rigs brgya'i khyab

bdag rol pa'i rdo rje rgyal gyur cig /mi shigs rlung gi rnam
'phrul rdo rje'i skun ni rnam pa med kyang mtshan dpe'i rnam pa
yongs su rdzogs/ /gzhom med a yi rang gdangs rdo rje'i gsung ni
rgyun    

003 @#*/ /mi 'chad kyang 'byung dang 'jug pa'i rtsol ba bral/ /rtog 
med bde chen ye shes rdo rje'i thugs ni spros dang bral yang shes bya'i
dkyil 'khor kun la khyab//

ngom tshar yon tan phung po khyab bdag rdo rje'i sems khyod bdag snying 
'dab brgya'i ze'u 'brur rtag tu bzhugs/ /sgrib bral chos sku'i nam mkhar
mkhyen bzang nyi zla zung gis rtsen pas dngos

dang dngos med rang bzhing gsal bar mdzad/ /dgra gnyin bar ma'i 'gro la
nye ring mi mnga' bu ltar brtse bas rtag tu gzhan don 'ba' zhig sgrub la 
gzhol/ /yid srubs sde bcas gtan  

du 'joms pa'i nus pa yongs rdzogs dpag bsam shing ltar skyes rgu'i
skong 'phrin las mnga'/ /gang gi yon tan sa dang rgya mtsho'i rdol
grangs ji bzhin dpag par dka' zhing brdzod pa'i yul

las rab tu 'das/ /chos kyi dbyings dang nam mkha' ji tsam pa/ /gang
gi sku gsung thugs kyang de tsam ste/ /ji tsam las dang nyon mongs  
sems can mtha'/ /gang gi 'phrin las mtha' yang

de tsam mo/ /'di na ka lan ta ka'i gshog rlabs rtsal gyis nam mkha'i pha 
mtha' 'tshol ba'i ngal ba lhur len dang/ /byis pa 'ga' yis gting zab
chu gter chen po a mra'i tshig gus bcus

te zad par re ba bzhin/ /rgyal sras thos sgrog bse ru'i tshogs kyi blo 
gros ra ba las 'gong bla ma'i yon tan lhun po ni/ /'ching ba kun ldan
tshur mthong bdag 'dra'i blo gros chung ngu'i khab kyi mig bur ji ltar          

tshud par nus/ /'on kyang mya ngam thang du skom pa yis/ /gdungs pa'i 
skye bos chu klung rnyed pa na/ /rdzogs par btung ma nus kyang cha tsam
zhig  /spyad pa yis kyang gdung ba sel bar 'gyur/ /de bzhin dge 

ba'i bshes kyi yon tan  gyi/ /cha shas tsam zhig gtam du brjod pas kyang/ 
/skal bzang snying la 'dod pa kun 'jo zhing/ /bsod nams phung po mtha'
yas sdud pa nyid/ /de phyir bdag ni tshe rabs gzhan

du yang/ /ma dad rnyog pa bral ba'i yid kyi rdzing/ /bla ma'i yon tan
'dab brgya'i dpal 'dzin pa'i/ /dge mtshan nam yang nyams par ma gyur ces/
/rang don la gus bser bus yang dang yang/ /yid

kyi ma la ya tshal bskyod pa las/ /skal bzang snying la sim pa mchog ster
ba'i/ /rtogs brjod bsung zhim 'thul ba khegs ma gyur/ /'di na gser 'od glog
phreng do shal can/ /sprin sngon mdzes mas

dbyar  rnga brdungs pa na/ /rma  bya gzhon nu nags kyi lding khang du/
/rab dga'i zlos gar ci yang rtse ba bzhin/ /bdag nyid chen po'i kun
bzang spyod pa'i gtam/ /snyan 'jebs ngag gis dal bus gleng  

004a@#*/ /pa la/ /gzur gnas tshogs rnams dga' ba'i 'dzum dang bcas/ /rna
ba blgas te rtse gcig yid kyis nyon/ /ji skad du/ /slob dpon dpa' bos
mdzad pa'i bcom 

ldan 'das kyi skyis pa'i rabs las/ /gras pa'i mtshan mar gyur ba bzang po 
'di rnams kyis/ /bde bar gshes gyur lam rnams gang yin bstan par 'gyur/
/yid la dad pa med pa rnams kyang 

dad par 'gyur/ /chos dang ldan pa'i gtam gyis rab tu dga' bar 'gyur/ 
zhes dam pa'i rnam par thar pa la brten nas skal ba dang ldan pa'i
gdul bya rnam dpyod can dag gis skyis bu dam pa rnams

go 'phang mthon por gshes pa'i lam gang yin pa shes nas phyin ci
ma log pa'i lam la 'jug pa dang/ dkon mchog sgron me'i gzungs
las/ dad pa sngon 'gro ma ltar bskyed pa ste/ /yon tan

thams cad bsrung zhin 'phel bar byed/ /dogs pa sel zhing chu rnams las sgrol/ 
/dad pa bde legs grong khyer mtshon byed yin/ /dad pa rnyog pa med cing   
sems dang byed/ /nga rgyal spong zhin

gus pa'i rtsa ba yin/ /dad pa nor dang gter dang rkang pa'i mchog
/lag pa bzhin du dge sngud rtsa ba yin/ /zhes gsungs pa ltar/ 
legs tshogs thams cad kyi rtsa ba dad pa sngar ma skyes pa zhin/

skyes zin gong 'phel du 'gyur ba dang/ /chos dang mthun pa'i
mrjad spyod bzang po rnams la rjes su yi rang bas rang nyid dam
pa'i rjes su slob par byed pa sogs kyi dgos pa khyad par can du
ma 'grub cing/ smb+hu TI rgyud las/

gang phyir phyogs bcu'i sangs rgyas dang/ /byang chub sems dpa'i
bsod nams pas/ /slob dpon ba spu'i khung gcig mchog /de phyir
slo dpon mchod byed pa/ /sangs rgyas byang chub sems dpas gzigs/
/zhes sogs mdo 

rgyud du ma las phyogs bcu'i sangs rgyas dang byang chub sems
dpa' thams cad mchod pa las rang gi rdo rje slob dpon gyi ba
spu'i khung bu gcig mchod pa bsod nams che bar gsungs pa'i rigs
pas sangs rgyas dang byang chub sems 

dpa' thams cad kyi yon tan brjod pa las kyang/ bla ma'i ba spu'i
khung bu gcig tsam gyi bsngag pa brjod pa bsod nams che bar 'grub
pas/ rdo rje 'chang tshar pa chos rjes/ gang dag rgya mtsho'i gos can 
rdul snyed kyi/ /rgyal pa

rgya mtsho'i rmad byung ngo mtshar gtam/ /srid mtha'i bar du dbyangs 
su bsgrags pa bas/ /'di na mtshan ldan rdo rje slob dpon gyi/ /yon tan
rtogs pa bsod pa'i shas tsam/ /brjod bAng bsod nams bla na med do 
zhes/ /bslu

med dam pa'i gtam gyis yid drangs nas/ /bdag gi yid ni tshul 'dir zhugs 
par gyur/ /ces gsungs so/ /rgyu mtshan de bas bdag cag rnams kyi 'dren 
mchog dam pa/ dus gsum rgyal ba ma lus pa'i mkhyen brtse

005 @#*/ /gcig tu bsngus pa'i ngo bo/ shes bya'i dkyil 'khor
mtha' dag la lkog tu ma gyur pa'i ye shes kyi spyan dri ma med
pa dang ldan pa/ rang dang gzhan gyi grub pa'i mtha' rgya mtsho
lta bu'i pha rol

tu so na te  rig pa'i gnas mtha' dag 'chad pa dang/ rtsod pa
dang/ rtsom pa la sa'i steng 'gran pa'i zla thams cad dang bral
ba'i smra ba'i khyu mchog chen po/ rgyal ba gnyis pa'i ring
lugs kyi gdugs dkar po rgya mtsho'i gos can

gyi khyon kun khyab par 'degs pa la thugs rje dang snying stobs
phul du byung ba/ bde bar gshes pa'i gsung rab rab 'byams kyi dgongs
pa rang dbang du 'grel ba la rnam dpyod thogs pa med pa'i nges
pa don gyi shing rdan chen po/

nor 'rdzin gyi dkyil la 'khor la stobs kyi 'khor los sgyur ba'i
gnam bskos gong ma chen po la sogs pa'i 'dzam gling drigs ldan mtha'
dag gi gtsug gi nor bus gang gi zhabs stegs kyi pad ma mngon par
mchod pa'i lha mi'i gtsug

rgyan dam pa/ gong ma bdag po chen po'i bka'i lung gis bkwan
ting phu'u shan bkang tshi tA kau shrI ste bod kyi skad du
byams brtsas kun gyi spyi bo nas dbang bskur ba'i kun mkhyen
chen po zhes pa'i mtshan dang lung las kyis mngon par mtho

ba/ rigs  dang dkyil la 'khor kun gyi khyab bdag don gyi slad du
mtshan nas smos te yongs rdzogs bstan pa'i mnga' bdag thams cad
mkhyen pa ye shes bstan pa'i sgron me zhes gras kyi ba dan dkar
pos gsum na rnam par gyo ba

de nyid kyi rnam par thar pa rgya mtsho lha bu las skra rtses
blangs pa'i thigs pa tsam zhig rang gzhan gyi dad pa'i gsos su
brjod par bya'o/ /bde gshes grong du bgrod par chas rnams la/
/rgyal ba khyu mchog gshes pa'i lam 'di zhes//

drang por gsel bar ston pa'i sa mkhan ni/ /rmad byung dam pa'i
rnam par thar pa yin/ /de phyir rgyal dang sras nyan rang dang/
/'phags bod mkhas grub du ma'i rnam thar gyi/ /rin chen phreng
ba tshar du dngar ba yis/ /thub bstan gser

gyi bchod sdong mrdzes par byas/ /mkhas btsun bzang po'i rnam
thar nyin byed kyis/ /ring nas btang ba snyigs ma'i mtshan dus
'dir/ /bstan 'gro'i phan nga de'i nor 'bru chud gzon pa'i/ /byi
ba rkun po'i rnam thar 'dzin pa mang/ /gang zhig

'di na cher rlom du ma'i lo rgyus srin bu'i rjes kyis sa gzhi
bkang na yang/ /stabs legs dbang gis srid mtha' tsam du legs
spyad yi ge'i gzugs su grub pa nyi tshe las/ /phal cher srid
pa'i rdul khrod gyi nar 'khyams pa'i spyod tshul

gya gyu'i ri mo 'ba' zhig ste/ /glegs bam che yang bon po'i rnga
bzhin gzugs yor tsam las snying pos stong pa des ci bya/ /tshangs
sras dpal mos lho phyogs chu gter yongs spangs gang gi blo
mtsho'i dbus na bder rol ba'i/ /ngang tshul

dge ba phyogs kyi mdza' bor rtog par byed la spro ba rab rgyas
gom 'gros can/ /nyams med bsod nams 'dzum dkar rnam par bkra
ba'i mrdzes sgeg tshig phreng do shal skyes thogs pa'i/ /dam pa'i
spyod tshul ston pa'i legs bshad

006 @#*/ /mchog 'di 'gro la dge legs thog ma'i pho nya yin/ /a ho
snyigs ma ba tshwa'i khron pa nas/ /phan bde'i gzi byin 'ong du
'bar ba yi/ /rnam thar 'dod rgu stsol ba'i nor rnyid pa/ /

chos gyi rdo rje kho bo skal ba bzang/ /kwa ye rnam grol don
gnyer na chung dag  /gdol gtam 'gron bu'i do shal ring dor nas/ mkhas
btsun bzang po'i gzi 'od stong 'bar ba'i/ /dam pa'i rdogs brjod nor
bu'i

gtsug rgyan longs/ /de ltar thog mar dgos 'brel cung zad brjod
nas da ni rnam par thar pa dngos gzhi bshad pa la 'jug par bya
ste 'di la gnyis/ /sngon gyi skyes pa'i rabs mdo tsam brdzod pa dang/
sku tshe 'di

nyid kyi rnam par thar pa rgyas par brjod pa'o/ /dang po la yang
gnyis te/ 'khrungs rabs gsol 'debs kyi tshig zin la thon pa bcu
bzhi dang/  der mi gsal yang tshad ma'i lung las dngos thos pa
gsum gyi

stogs pa brjod pa'o/ /dang po ni/ ji skad du phal po che'i mdo
las/ byang chub rgya mtsho rab bsnyes gyur nas kyang/ /sems can
rgya mtsho rab tu smin bya'i phyir/ /byang chub sems bskyed rgya
mtsho ston mdzad cing/ /mi 'grib

spyod pa rgya mtsho dus kun ston/ /bde gshes rnams kyi rnam
'phrul de 'dra'o/ /zhes rdzogs smin spyangs gsum mthar phyin te
bla na med pa'i byang chub mngon du mdzad pa'i sangs rgyas btsom
ldan 'das rnams ni chos kyi sku las

gyo ba med bzhin du thugs rje chen po'i gzhan dbang gis mdag
pa'i zhing du sems can gyi don du sprul pa'i sku'i mdzad pa sna
tshogs pa nam mkha' 'ji srid gnas kyi bar du ston par mdzad de/
rgyud bla ma las/ thugs rje chen pos

'jig rtan mkhyen/ /'jig rtan kun la gzigs nas ni/ /chos kyi las
ma gyos par/ /sprul pa'i rang bzhin sna tshogs kyis/ /skye ba
mngon par skye ba dang/ /zhes pa nas/ yongs sum dag zhing rnams
su/ /srid pa ji srid  gnas par ston//

zhes gsungs/ der ma zad sems can gang la gang 'dul gyi thabs la
mkhas pas/ mkhas grub kyi skyes bu dang/ rgyal blon 'bangs gsum/
khyim pa pho mo/ than bya dang ri dwags yan chad kyi sems ldan
dang gru zam gnas mal zas gos sa

chu me rlung sogs sems med kyi bem po'i rna pa ci rigs pas/ gdul
bya mtha' dag gnas skabs dang mthar thug gi phan bde la 'gong
par mdzad de/ sdong po bkod pa'i mdo las/ de dag kun tu 'tsho
ba'i chos 'dzin cing/ /bla na yod dang

bla na med rnams dang/ /ral pa ring dang gzhon nu'i bstul zhugs
can/ /de dag gi yang slob dpon 'byung ba yin/ /de dag dgon par
ljon shing chen por 'gyur/ /sman dang rin cen mi zad gter rnams
dang/ /yid bzhin nor bu 'dod pa 'byin

shing dang/ /lam gol 'khyams pa rnams la lam ston 'gyur/ /zhes
gsungs pa ltar ro/ /de lta bas na bdag nyid chen po 'di lta bu'i
sku'i skyes pa'i rabs kyi grangs dang go rim 'di dang 'di lta bu
zhes tshur mthong gi skye bo sus kyang/ btshon bcad

007 @#*/ /nas smra bar mi nus so/ /'o na ji ltar bsnyad par bya
zhin/ rnam 'gral las/ gnas gsum par ni 'phos pa na/ /lung 'dren
pa ni mkhas pa'i lugs/ /zhes gzhal bya'i gnas shin tu klog gyur rnams

lung tshad ma la brten dgos par gsung pas na/ gnas 'di nyid kyang
dus gsum gyi shes bya thams cad la klog tu ma gyur pa'i spyan
mnga' ba paN chen thams cad mkhyen pa blo bzang dpal ldan ye
shes dbang pos mdzad pa'i rje bla

ma mchog gi 'khrungs rabs gsol 'debs su ji ltar stsal ba'i gsung
tshad ma nyid la brten nas brjod par bya la/ de yang 'khrungs
rabs rnams kyi rtogs brjod rgyas par mkhas pa'i gtsug rgyan bdag
gi dpal ldan bla ma dam pa

'jam dbyangs chos kyi rgyal po dkon mchog 'jigs med dbang pos
mdzad pa'i ngo mtshar dad pa'i ljon shing las shes par bya zhing/
'dir ni don bsdu tsam tshigs su bcad pa'i dbyangs kyis bsnyad pa
ni 'di ltar ro/ /don dam

chos kyi ro la rtag rol pa'i/ /mi shigs dag pa rdo rje snying
po'i dphid / /kun rdzob cir yang 'char ba'i mig 'phrul ni/ /'di
na sgyu ma'i rol pa bzhin du snang/ /'on kyang chags ldan dgu
tshigs gzhon nu yis/ /nyi zla'i nu ma rgyas pa

sngo bsangs ma'i/ /mgul par 'khyud pa'i ngal ba bsten pa bzhin/
/bdag 'dras tshul de smra ba bzhad gad gnas/ /de lta na yang bus     
pa chung ngu yis/ /gzhan gyi rjes su bzlos pa'i ngang tshul bzhin/
/tshad ma'i lung la brten nas smra ba'i 

sgo/ /phye bas cung zad gleng ba'i skabs 'di rnyed/ /ye shes
spyan gyis bden gnyis chos kun gzigs/ /'phrin las bzang pos
bstan pa'i snying po spel/ /legs bshad sgron mes thar lam gsal
mdzad pa/ /thams cad mkhyen dngos lA li ta

bdzra/ /khyod ni stug po bkod pa'i zhing khams su/ /sar gnas
dpa' bo rgya mtsho'i 'khor gyi dbus/ /rang don mthar thug chos
kyi sku brnyes kyang/ /thugs rje'i dbang gis zhi la mi gzhol
bar/ /dag dang ma dag zhing khams rab 'byams su/ 

gdul bya'i mos pa'i rdzing bu tha dad par/ /gang la gang 'tsham
chu zla'i rol pa bzhin/ /'gog med srid mtha'i bar du ston par mdzad/
/{1} thub dbang chos sprin bzang pos 'jig rten 'der/ /theg gsum
dbyar rda dal gyis bzhad pa yis/ /

rnam grol mngal khur bskrun pa'i gtsug phud can/ /nyon mongs
dgra sde bcom pa tsun zhes/ /mkha' la rgyu skar khrod na pa
sangs dang/ /sa la rkang 'thung khrod na tsan na bzhin/ /thub
pa'i slo ba ma'i dbus na khams gsum gyi/ /kun spyor 'dul ba'i

dpa' po mchog tu gyur/ /{2} shAkya bshes gnyen zhes grags ded
dpon gyis/ /'dus pa'i man ngag gser gyi gru spyar nas/ /grub
pa'i go 'phang rin chen gling son ces/ /grags pa'i ba dan 'phags
pa'i yul lan bsgrengs/ /klo sgrub  chos kyi

mdun sa mdzes pa'i rgyan/ /rgyal sras pad dkar 'di yi rnam par thar/
/tshig gi cha shas phra yang zla tshes bzhin/ /mkhas mang bde
'byung gtsug gi rgyan du gyur/ /{3} rab 'byams rgyud snge'i rgya
mtshor dbang bsgyur ba/ /grub mchog gdengs can

008 @#*/ /dpang po dar pan zhes/ /grags pa rab snyan gser gyi
rnga bo che/ /khor yug ri bo'i bar du lhang lhang brdung/ /rdo
rje'i rnal 'byor zab mo nyi ma'i 'od/ /'thungs pas lang tsho
rgyas pa'i pad dkar de/ /'chi

med grub pa'i ge sar so 'phred ni/ /mthar byed grang reg dgra la
'phya bzhin rgod/ /{4} thub bstan drod kyis btang ba'i b+ho Ta'i
yul/ /ma rungs kla klo'i kha ba rgyun chags par/ /mdo dang rgyud
sde nyid ma'i dkyil 'khor brgyab/ /ka ba

dpal brtsegs khyung sdon skyes kyis drangs/ /dam chos rin chen
sgron ma tshar dngar nas/ /bod yul rgud pa'i mun pa nyir bcom
pa'i/ /bka' drin phung po ljongs 'di'i blo ldan la/ /gser gyi ri
bo ji bzhin khur du lci/ /{5} mdo spyu

sems sde'i man ngag la brten nas/ /kun bzang gnyug ma'i rang
zhal mngon sum gzigs/ /snang srid rten 'bral kun la mnga' brnyes pa/
/sgro phug pa zhes grags pa'i 'brug sgra ldir/ /zur rigs gdung
gi rnyog bral rdzing bu'i nang//

gsang bdag sprul pa'i zla snang 'di shar tshe/ /gsang sngas snga
'gyur bstan pa'i ku mu da/ /thos bsam sgom pa'i 'dab ma lhug par
bzhad/ /{6} thugs rje'i bdag nyid 'jig rten dbang phyug gi/
/zhal bzang zla ba'i 'dzum 'od

'thungs pa las/ /dge legs ku mud rgyas pa'i dpal yon can/ /si si
ri par grags pa'i ma Ni pa/ /gang gis rkun nor ltar spas yon tan
dri/ /grags pa'i rlung gis phyogs kun khyer ba na/ /'di ni
'phags pa gos dkar 'chang ba

zhes/ /kun gyis bstod bsngas me tog phreng bas mchod// {7} byang
chub sems kyi rtsa ba rab tu brtan/ /rlabs chen rgyal sras spyod
pa'i yal 'dab rgyas/ /gzhan phan 'bras bzang gyur za'i dpag bsam
shing/ /rdo rje seng ger

mtshan gsol glang thang pa/ /khe rgyal bde thams cad gzhan la
btan/ /pham gyong sdig sngug thams cad rang gis len/ /tshul 'dis
rgyal ba'i sras kyi mdzad pa kun/ /khyed kyi rnam thar yin par
da gdod khums/ /{8}'od gsal

'khon gyi gdung rigs shar ri'i rtser/ /rgyal sras dpa' bo smra
ba'i zla ba 'dzegs/ /gangs ri'i mdangs kyis phyogs kun dkar ba'i
ljongs/ /phan bde'i 'od kyis lhag par dkar bar byas/ /mkhyen
brtse nus pas rgya bod hor gsum

kun/ /dbang du bsngus te bu ram shing pa'i bstan/ /'khor lo gsum
gyis phyogs mthar rgyas mdzad pas/ /chos rgyal 'phags par grags
pa don dang mthun// {9} 'chad rtsod rtsom pa'i 'od zer 'bum
phrag gis/ /mdo rgyud gzhung

lugs pngmo kha' phyi ste/ /legs bshad sprang rtsi'i dga' ston stsol
mdzad pa/ /bla ma dam pa bsod nams rgyal mtshan zhes/ /gangs can
ljongs kyi mkhas grub mtha' dag gi/ /gtsug na zhabs kyi pngmo
ngal bso zhing/ /rab dkar grags

pa mu tig do shal gyis/ /phyogs kyi bu mo'i mgrin pa skal bzang
byas// {10} tshogs gnyis shar ri'i ba gam la 'dzigs pa'i/ /rgyal
sras zla ba mdzad bzang 'od dkar can/ /bstan 'dzin lha chen ral
pa'i rgyan gcig pu/ /de ni byams

009 @#*/ /chen chos rje zhes su gras/ /gang gi gsang gsum bkod
pa'i rnam 'phrul gyis/ /'dzam gling sa chen skyon ba dbang bsdus
te/ /shar phyogs 'jig rten dad pa'i khang bzang rtser/ /blo
bzang ring lugs rgyal mtshan

bsgring bar mdzad/ /rlabs chen 'phrin las nyal 'gro gangs can
gyi/ /'dzin ma'i rgyan du 'khyil ba 'dus sde'i mtsho/ /mdo sngags
bshad sgrub rlabs phrin gyo ba gang/ /mkhas grub gdings can bye
ba'i rol gnas gyur/ /{11} sde

snyod chog ter 'jing na rnam par rol/ /bslab gsum nor bu'i bang
mdzod bdag gi ra 'dzin/ /lung rigs sprul mgo'i gdings ka stong
ldan pa/ /rje btsun chos kyi rgyal mtshan nA gendra/ /gang gi
legs bshad char chen do shal gyis/ /blo

bzang ring lugs rgya mtsho'i dpal rgyas te/ /bshad sgrub rlabs
phreng 'bum phrag 'phyur ba pa/ /bgrang yas blo gsal ngang mo
'phur lding rtsen/ /mkhyen bzang bai DUr chu 'dzin  ba gam
las/ /rgya chen lung gi gru char dang bcas te/ /dgag

sgrub rigs pa'i gnam lcags stor phabs pas/ /rgol dan log rtog
brag ri thal bar brlag/ {12} drang srong dza hus gnggA hub gcig
gis/ /'thungs la mtshar ci dpal 'byor lhun grub rjes/ /sa gi
phyag rdzogs grub mtha'i klung

chen bzhi/ /gcig car rnam dpyod zhal du drangs 'di rmad/ /gangs
can mgon po phyag na pngmos kyang/ /rigs kyi bdag por bzung na
ljongs 'di yi/ /mkhas grub gzhan dag spyi bo'i cod pan gyis/
/gang gi zhabs kyi pngmo cis mi

bsten/ /mdo rgyud man ngag kun gyi pha rol son/ /nyams dang
3rtogs pa'i bang mdzod bdag gir mdzad/ /mthu ldan srung ma'i
tshogs rnams bran du bkol/ /khyod ni zla bral rdo rje 'dzin pa
nyid/ /{13} phun tshogs nags tshal 'khrigs pa'i mdo

smad ljongs/ /grags pa 'od zer brang 'gro'i snyin po 'khrungs/
/rnam dag khrims kyi dri bsung  zhim po yis/ /blo ldan yid kyi
brtan pa dbang med 'phrog/ /e ma kun las dman pa'i bzung nas/
/kun gyi spyi bos bkur ba'i gnas thob cin

mi bsrun skye bo'i smod tshig dug mda' yang/ /bsngags brjod me
tog sil mar gyur 'di rmad/ /bum nang mar me bzhin du yon tan
tshogs/ /nang du spas kyang spyod tshol bdud rtse'i rdzing/ /chos
brgyad rus spal 'gros kyis ma rnyog pa/ /

gang gi rnam thar pngmI spubs bzhin gtsang/ /{14} thub bstan
mkha' la blo bzang chos ldan zhes/ /skal bzang ku nda'i gnyen
gcig shar ba yis/ /dge legs 'od kyis sa kun snang byas zhes/
/grags pa'i yi ge 'og min bar du song//

rgyal bstan nyal 'gro snyigs ma'i than chen gyis/ /gdungs pas
chu thigs go 'phang 'dzin phyogs pa/ /'di yi gsang gsum sprin
sdon las 'ongs pa'i/ /'phrin kas char gyis bskyangs pas rgyas
par gyur/ /gdul bya'i blo dang 'tsham par

legs 'doms pa'i/ /khyod kyi legs bshad pngmI phring ba ni/ /dus
'dir skal bzang bung ba mtha'i dag la/ /rnam grol sprad rtsi'i
dga' ston 'byung ba'i gnas/ /rmad byung skyes rabs bcu bzhis
nyer mtson pa'i/ /sna tshogs sgyu 'phrul

010 @#*/ /bkod pa 'byams klas kyis/ /'gro 'dul 'phrin las dus las
mi yol ba/ /'drin mchog bla ma'i zhabs la phyag 'tshal lo/ /zhes
pa'o/ /gnyis pa 'khrungs rabs gsol 'debs las

dngos su mi 'byung yang tshad ma'i lung las thos pa'i skyes rabs
gsum gyi rtogs brjod mdo tsam gling bar bya ba na/ de yang rje
bla ma 'di nyid skyes bu dam pa mang po zhig gis bla chen dgongs
pa gsal gyi sku'i skye

par gsungs te/  bla chen dan tig tu bzhugs skangs the'u rang
mang po la chos gsungs pas de rnams kyis dang pa thob ste/ ma
'ongs pa'i dus sum mdo smad kyi ljongs 'dir chos sde che chung
du mar gtsug lag khang la gser

thog gyu  thog 'del/ /dge ba'i bshes gnyen mang pos mdo sngags
kyi bshad nyan byed cings sangs rgyas kyi bstan pa dar ba'i dus
su la bya ba byed par smon lam btab/ /the'u rang gcig ci byas
kyang dad pa ma

thob par de lha bu'i dus su rgyal phran zhig tu skyes nas gtsug
lag khang rnams bsreg cing bshigs/ dge 'dun rnams bkrad/ dam pa
du ma bkrong ba sogs bstan la gnod pa byed pa'i log pa'i smon
lam btab/ bla    

chen gyis de lta bu'i dus su dge ba'i bshes gnyen zhig tu gyur
nas rgyal phran des bstan pa bsnubs pa slar yang gong  'phel du
gtong ba'i thugs bskyed dang smon lam rgya chen po mdzad do/
/dus phyis rgya'i dmag dpon nyen gung

ges mso smad kyi dgon sde rnams bshegs pa rje bla ma ngag dbang
chos kyi rgya mtsho'i bka' drin las ?gong ma chen pos slar yang
so bar mdzad na 'ang/  da lta'i bar thabs mkhas kyi mdzad pa rgya
chen pos yon ring du bskyangs te chos sred

gnyis char nas n+ya gro ng+ha'i ljon pa bzhin du rgyas par byed pa
po ni rje btsun bla ma dam pa 'di nyid yin pas na/  log pa'i
smon lam 'debs mkhan ni nyen gung dang/  gzhan rnams des bkrong
ba'i bla ma dam pa'i sku'i skye ba snga ma zhig tu don mi za

bas de'i rnam thar mdo tsam bshad na/  bla chen 'di sku snga ma
'bro stag snang khri gsum rje bya bar 'khrungs nas chos ldan gyi
rgyal po'i bka' blon mdzad/  dam pa'i chos 'dzin  pa'i smon lam
rgya chen po btab nas lo so lnga pa lcags phag

gi lo sku tshe 'phos pa/  chu pho byi ba'i lo tsong kha bde khams
su pon po bza' mi gnyis kyi bur skye ba bzhes/ pha mas mu zugs
la 'bar zhes bon ming btags/ sngon gyi bag chags kyi dbang gis
chos la dad nas sku nar son pa na

lkog tu non 'jam dpal bya ba las bzlas lung blangs/  khang rin
chen rdo rje  zhes bya ba 'phags pa spyan ras gzigs kyi mthong
ba zhig la sems bskyed zhus/  skyi rgyal ba'i gtsug tor la dab
tshad dad/ nan dga' ldan byang

011 / /chub la yo ga gsan de'i tshen bod du rgyal po glang dar
mas bstan pa bsnubs pas/  dpal chu bo ri'i sgom grwa na bzhugs
pa dmar ban shAkya mu ne/  gyo dge 'byung/ gtsang rab 

sal la dang gsum gyis karma sha tam sogs 'dul ba'i dpe cha dgos
pa rnams bsnams nas nying par yi ching mtshan mo lam bcad de bros
nas mnga' ris su slebs kyang/  der bzhugs mnus pas byang lam
brgyud de hor gyi yul du

byon/  der dge bsnyen shAkya shes rab la brten te ri zhig
bzhugs kyang skad rigs ma gcig pas bstan par bya ba byed ma nus
pas/ mdo smad lho'i pe ri tsha mtsho ngos nas tshur byon te/ rma
lung gi lo rdo rje brag  /an chung gnam rdzong/

dan tig shel gyi yang dgon rnams su bsgom zhing bzhugs/  de'i
dus su dan tig gi ri la phyugs ma 'tsho ba rnams kyis brag phug
zhig na khong gsum bzhugs pa mthong nas/ dgong kha grong du mi
rnams la gling ba/ mu bu gsal 'bar

gyis thos nas/  sang nyin blta bar phyin pas slob dpon gsum
mthong/  'khor ba'i sdug bsngal bas la nas thar pa yi/ /bdud
rtsis 'gro ba'i sdug sngal zhe byed pa'i/ /bstan pa phyogs bcur
rgyas par bya ba'i phyir/ /dang por bdag

ni rab tu 'byung bar bya/ /zhes dgongs nas rab tu byung bar gsol
ba btab pas/ 'dul ba'i po ti gtad nas 'di la ltos dang nar ba tu
'byung ngo gsungs/ bltas pa na dad pa lhag par skyes te mci ma
byung nas rab tu 'byung bar

zhus pas/  gtsang gi mkhan po byas/ gyos slob dpon byas ter rab
byung dang dge tshul du bsgrubs te/ mkhan slob kyi ming spyar nas
mtshan la dge ba rab gsal zhes btags pa phyis su thugs rab che
bas bla chen dgongs pa rab gsal

zhes grags so/ /de nas bsnyen rdzogs zhus pas dge slong lnga
mtshang bas mi 'ong gsungs pa la lha lung dpal gyi rdo rjes glang
dar ma bsad bod du bzhugs mnus par bros nas glong thang du phebs
yod pa'i drung du phyin te zhus pas/

ngas rgyal po sdig can bsad pas kha skong mi 'ong/  'on kyang
ngas btsal gyis gsung tshe/  rgya'i dge slong ko  pad dang gyi
ban bya ba gnyis btsal ti btan/  de nas sngar gyi mkhan slob
kyis mkhan po dang las slob byas/ dmar gyis

gsang ston/  rgya'i dge slong gnyis kyis kha skong byas te bla
chen bsnyen par rdzogs so/ /de nas bla chen byang phyogs su cang
in rtse mkhar mi ngag g+ha'i yul du byon te go rong seng ge
grags la 'dul ba gsan pas/  lung sde bzhi bstan

bcos dang bcas pa gnang nas/  bu khyod kyis de bzhin gshegs pa'i
bstan pa tshul bzhin du gsal bar gyis shig  /kho bo ni rgas pas
yun ring mi 'tsho gsung skad/  dbus gtsang du sngar rgyal po
glang dar mas bstan pa bsnubs nas

rab tu byung ba med par byas pa'i dbang gis sdom pa blang yul ma
rnyed pa la/  mdo smad du mkhas pa mi gsum dang bla chen rnams
bzhugs pa thos nas/  sdom pa len par klu mes tshul khrims shes
rab sogs gcad dbus kyi mi bcu slebs/ 

012 @#*/ /gcang la bsnyen rdzogs zhus pas nga rgas nas mkhan po
mi 'khyongs pas bla chen po la zhus shig gsung pa bzhin zhus
par/  bla chen gyis ded bsnyen par rdzogs nas lo ma lon pas
mkhan po mi

btub gsungs ba la/  gtsang gis dmigs gsal la rung gsungs nas bla
chen pos mkhan po dang/  gtsang dang gyos las slob dang gsang
ston/  dmar dang hwa shang gis bskod byas te mi bcu po bsnyen
par rdzogs so/ /de nas bla chen

gyi zhal nas/  lo ston mthu che bas bstan pa srungs/  klu mes
brtsun pas mkhan po gyis/  tshong dge blo rno bas ston pa gyis/
'bring skos mkhas pas gnas gzhi zungs gzhi sogs kyi bslab 
bya'ang gsung/ de nas klu mes kyis grum

ye shes rgyal mtshan la 'dul ba nyan cing bsngad/  gzhan rnams
bod du thegs/  phyi lo klu mes kyang bod du chas te/  phebs khar
bla chen la mchod gnas shig zhus par bon zhwa 'ob zhus ser gyis
kha bsgyur ba gsol 'phro zhig gnang

nas 'di gyon la nga rjes su dran par gyis gsung/  mi bcu po bod
du 'dzom ste/  so sos gnas gzhi dang gtsug lag khang bzung rab
byung dang bsnyen rdzogs kyi sdom pa te bstan pa dar bar byas
so/ /de ldan bstan pa phyi dar zhes grags

pa'i thog ni bla chen po las byung pa yin pas bka' drin 'di ni
gangs can pa rnams kyis nam du yang gzhal bar nus pa ma yin no/
/bar skabs shig shar  phyogs su lha rtse b+hig tig ces bya ba/
sngon gyi lha rden mang du bzhugs pa'i

dge 'dun gyi gnas shig tu kwa 'od mchog grags pa dang mjal nas/
shes rab kyi pha rol tu phyin pa'i 'bum Tki la sogs pa dang/
byang chub sems dpa'i sa la sogs pa mngon pa'i thegs pa chen po
lo bcu gnyis su gsan nas/ mtshan

rma'i rmang lam na glang po che gcig la bci bas nas nor bu rin
po che phyag tu bsnams nas/  tshong 'dus kun tu 'gyu gzhing byon
pa la mi rnams kun na re/  btsun pa khyod kyi nor bu bzang ste/
da ltar re shig nyo ba yang med/ rin yang mi thegs

zer ro/ /den nas mnal sad nas bsam pas/  bstan pa rin chen sgro
ma phye ste/ /yon tan mchog gi nor byin yang/ /mi rnams don du
mi gnyer bas/ /re shig nags su gnas par bya/ /snyam du dgongs
pa'i skabs su/ ri dan tig dang nye

ba na the'u rang spun dgu zhes bya ba mi ma yin stobs dang ldan
pa de rnams bla chen po mthong ba dang dad pa skyes te/  bdag
cag gi phyogs gang dang gang dgon pa chen po dngos grub brnyes
pa mang du byung/ rtsa ba dang 'bras bu la sogs pa

rnyer sla ba der 'byon par ci gnang/  bdag cag gis kyang khyed
kyi grogs dang dge bsnyen du yang bgyi'o zhes zhu bas/ gnang nas
dan tig tu byon no/ /de nas gnas der dkon mchog la mchod pa rgya
chen po dang/ chos skyong la gtor ma rgya chen

po la sogs pa mang du mdzad nas/  bstan pa bsrung ba skyob pa'i
spyan snga ru/ /thugs dam bzhes pa rgyal sras dpa' rnams dang/
/'jig rten skyod ba brdzu 'phrul stobs ldan pa/ /skyob la gus
rnams bdag la stong grogs mdzod/ /ces gsol

013 @#*/ /ba btab bo/ /de nas bdag nyid chen po des cig car 'jug
pa'i rnal 'byor pa zhes bya ba dge ba'o phyogs ce yang mi log
rtog can mang bas/  de dag dag dag pa'i ched du lha khang dang
mchod rtan

dpag tu med pa bzhengs/ tshon rtsi yang yul der byung/  bzo yang
rang nyid kyis mdzad nas 'dus byas kyi dge ba'i rtsa ba la
brtson par mdzad do/ /de ltar dam pa'i spyod pa de lta bus dang
pa skyis nas/  spa gong ye shes gyung drung zhes

bya ba de 'khor mang po dang bcas nas dan tig tu byon pa dang/
bla chen pos dam pa'i chos 'dul ba nas gsungs pa'i bslab pa'i
gzhi rnams mrjod pas/  rang nyid kyi spyod lam de lta bus gnod
zhing 'gyod nas tshul bzhin du rab tu

byung /  de'i rjes su par gnas brtan grags pa zhes bya ba rab tu
byung ste/  spa par gnyis so/ /de bzhin du ja pa grags pa dang
cog chen shes rab 'byung gnas gnyis te/  ja cog gnyis so/ /de
bzhin du bzhad dpal gyi rdo rje zhes bya ba

dang srags rgya mtsho zhes bya ba gnyis te/  bzhad srags gnyis
so/ /'al ba rdop rje dbang phyug dang bsnubs la ba shi dpal gyi
dbang phyug gnyis te/  'al bsnubs gnyis so/ /zong mcho skyong
dang 'tshur shes rab mchog gnyis te

zong 'tshur gnyis so/ /de ltar bla chen slob ma'i tshogs dang bcas
pa bsam gtan dang rjes su mthun pa'i dpen pa'i gnas yid du 'ong
ba der spyangs pa'i yon tan la gnas shing chos kyi dga' bde la
gzhol ban/  mtshan mo'i dus shig

lha'i dbang po brgya byin la sogs pa 'dod khams kyi lha du ma
bla chen nyan par 'ongs pas/  lha'i 'od kyis yul de dag dsal bar
byas pa 'khor rnams kyis kyang mthong ngo/ /lha rnams kyis mchod
pa byas shing bla chen gyi de dag chos kyi bdud

rtses tshim par mdzad pa na rnams kyis/  btsun pa khyod ni bzang
na mi ma yin gyi 'khor 'di dag ni ngan no/ /zhes zer nas song/
phyi nyin 'khor rnams kyis mdangs ya mtshan pa'i snang ba 'di lta
bu mthong bas bla chen po nyid nges par sprul pa

zhig lags sam zhus pas/  sprul pa ma yin gyi/  bdag ni theg pa
chen po la zhugs pa'i spyor ba'i lam pa snang ba thob pa la
zhugs pa'i bned dge ba dsal la yin zhes gsungs/  yang skabs
gzhan du/  dang po bud med sgog 'tshong ma/  /

bar du stag sna khri sum rje/ /da lta mu zu dge ba gsal/ /zhes
bya ba'i skyes rab kyang gsungs so/ /mkhas pa mi gsum ni re zhig
bar dan tig tu bzhugs nas sku tshe'i smad du dmar dang gtsang chu
chen po'i 'gram gyi ri brag

dmar po zhig la khang bu brkos te bzhugs pas ri de la dmar
gtsang brag zhes grags shing deng sang der chags pa'i grong pa'i
ming la yang dmar gtsang zhes 'bod do/ /gyo dge 'byung de dang
thag mi ring ba zhig tu bzhugs pas

lung pa de la gyo dge lung pa zhes grags pa deng sang zur chags
pas byid ge lung pa zer ro/ /mthar gsum ka da lha'i zi ling
mkhar yod pa'i gnas 'dir phebs nas sku mya ngan las 'das pa'i
gdung la chod rten bzhengs

014 @#*/ /pa phyis su rgya mkhar gyi nang du tshud pas bsnyen bkur
sogs ma byung bas sa 'bum tsam du gyur pa dus phyis kyi bar du
yod zer ro/ /bla chen kyang sku tshe'i smad du dmar gtsar du
byon/  der gtsug lag khang dang rten mang du bzhengs/  brag la brkos pa'i 
khang bu zhig tu bzhugs nas dgung lo brgyad cu rtsa bzhi pa shing 
mo phag gi lo mya ngan las 'das so/ /de'i tshe zhal nas/  
'phags pa thogs med dang btsun

pa mche ba'i sde gnyis kyis rgyal ba'i yum gyi dgongs pa mi 'dra
bar bkral ba de/  kho bos rgyal tshab byams pa 'jig rten gyi
khams 'dir ma byon gyi bar du 'dzam bu'i gling 'di thams cad du
skye ba brgyad tsam len dgos

zhes kyang gsungs/  bla chen gyis bstan pa'i me ro gsos tshul
phyis su a ti sha la zhus pas/  so so skye bo la de lta bu'i
'phrin las mi 'ong bas/  bla chen thob pa cig yin nges gsungs
shing/  'di nyid kyis mdzad pa'i mdo

mchod bya ba gzigs nas bod kyis 'di lta bug la shes/  pNDi tas
mdzad pa zhig yin 'dug ces gsung skad/  sku gdung ril po ma
nyams pa'i phyi nas 'jim pa'i sku brnyan bzhengs pa brag phug
der bzhugs pa la/  dus phyis

brag phug rdib kyang skyon cung zad kyang ma byung/  de nas dad
ldan rnams kyis gtsug lag khang bzhengs nas da lta der bzhugs
so/ /sku brnyan de nyid kyis skyis bu dam pa 'ga' zhig la gsung
byon pa dang/  las dag pa 'ga' zhig la mthong snang

ya mtshan can byung pa dang/  skabs 'ga' zhig tu zhal mdangs nag
por gyur pa dang/  sku las rngul thon pa lta bu byung skabs dmag
'khrugs sogs mi legs pa dang/  zhal mdangs bzang ba'i dus su yul
phyogs su bkra shes

pa 'byung ba dang/  yang sdug bsngal gyis nyam thag pa 'ga'
zhig gis phyag mchod sogs byas pas nyer 'tshe las thar ba sogs
kyi lo rgyus ches mang zhing/  rgyun du'ng zhal ras kyi mdangs
mi 'dra bar 'gyur ba dang/  thugs ka'i

thad du reg na sku byin dang mi 'dra ba'i drod yod pa lta bu
dang/  na bza' phul ba la skyi chags shing skabs 'ga' zhig tu
sku la 'byung 'gro ba dang/  dus bzang rnams su tshul khrims kyi
dri ngad kyis gtsug lag khang gi phyi nang thams cad

khyab pa sogs kyi ya mtshan da lta'i bar du dngos su snang ngo/
/kye ma rgyal ngan glang po yi/ /log smon sdig pa'i stobs dar
bas/ /ljongs 'di'i thub bstan pad ma dkar/ /brlang spyod mche bas
rtsad nas phyung/ /de tshe bstan pa 'ba' zhig ni//

bde legs rtsa bar gces dgongs pa/ /bla chen 'di yi bka' drin
gyis/ /slar yang rab tu gsal bar mdzad/ /tshul de 'jig rtan kun
la spron pa'i slad/ /dbang pos phyogs kun sngan ba'i 'od ba kye
zhing/ /khengs pa btang ste gang

015 @#*/ /ge drung lhags nas/  gtsug nor zhabs la gtugs pa'i lha
phyag ba gyis/ /rgyal bstan yungs 'bru'i tshad du gyur pa ni/ /mi
ring dpag bsam shing ltar rgyas mdzad pa'i/ /rnam thar mchog
          
'dis mkhas rnams yid 'phrog ste/ /gang gi ring bsril la yang sri
zhur brtson//   //- gzhan yang bdag cag gi dpal lngan bla ma dam
pa 'di nyid/  sgra bsgyur mar pa chos kyi blo gros kyi sku'i
skye ba

yang yin te/  rgyu mtshan ci lha bu zhe na/  bla ma dam pa bod du
lan rjes ma phebs skabs/  nyin cig lha bris pa zhig la dpal
'khor lo sdom pa'i zhing bkod 'dri rgyu'i zhal ta gnang zhing/
de dus kho bo yang sku drud du

yod pas/  zhing bkod kyi lha grags su mar pa lo tstsha cis kyang
'bri bar gyis/  de la rgyu mtshan zhig yod ces gnang ba dngos su
thos/  yang nyin gcig kho bo mjal mjal du phyin nas sku drung du
phyag 'bul skabs/  rtsed mo'i rnam

pas khyod kyis nga la phyag byed pa dang pas yin nam/  mdzes lam
gyis yin zhes phebs pa la/  dad pas yin mod zhus par/  khyod dad
pa'i mig gis blta shes sam/ /dad pa'i mig gis blta shes na/
/spyi gtsug nyi zla'i

gdan steng du/ /sgra bsgyur mar pa lo tstsha de/ /dag pa longs
sku'i tshul du bzhugs/ /zer ba go ye zhes gsungs/  bdag la de
tsam las ma gsungs kyang bla ma 'jam dbyangs bzhad pa sprul pa'i
sku rin po che dang/  lha btsun no

min han lhun grub dar rgyas dang/  dza sag bla ma dge legs nam
mkha' sogs la/  nged rang mar pa lo tstsha yin srid de gzhan la
ye ma lab ces dngos su gsung snang ngo/ /des na mar ston gyi rnam
thar mdo tsam 'god na 'khrungs yul

ni/ lho brag chu khyer gyi gro bo lung dpe gsar du/ yab mar pa
dbang phyug 'od zer dang/  yu/ rgya mo bza' mdo sde gnyis kyi
sras su 'khrungs/  yul gyi slob dpon zhig las yi ge 'bri klog
bslabs pas tshegs med par thugs su chud/

mtshan chos kyi blo gros zhes btags/  'brog mi lotstsha ba'i drung
du phral skad kyi lotstsha bslabs/  rgya gar du 'byon par bzhed
nas yo byad thams cad gser du brgyur bas srang bco brgyad tsam
byung ba bsnam nas bal por byon/  lo

gsum gyi bar tsha ba goms su bcug  /de'i ring la spyi ther ba'i
drung nas gdan bzhi la sogs pa'i chos 'ga' zhig gsan/  de nas
rgya gar du byon phul ha ri'i dgon par rje nA ro pa dang mjal
dpal dgyes pa rdo rje'i dbang bskur

nas rgyur brtag gnyis dang/  rdo rje gur dang smb+huT rnams gsan/
gsang 'dus zhus par ded kyis kyang shes mod/  nub tu la k+She
Ta'i dgon pa na pha rgyud kyi bdag po pNiD ta ye shes  snying po
bzhugs pas der song la zhus gsungs

pa bzhin phyin nas dpal gsang ba 'dus pa'i dbang dang gdams pa
yongs su rdzogs pa dang/  gzhan  yang kri ya dang yo ga phyag
len las tshogs dang bcas pa gsan/  tshur byon nas nA ro pa la
mhA mA yA zhus pas/  de yang ngas

016 @#*/ /shes nAng dug  mtsho'i gling du ku ku ri pa bzhugs pa
de ma rgyud kyi bdag po yin pas khong la zhus gsung/  de nas lam
bar du dug sprul dang gcan gzan dang mi ma yin gyi 'jigs pa dang
bcas

par dka' spyad chen pos lho dug btsho'i gling du zla ba phyed
kyis thon/  dpal zhi ba bzang po dang mjal te sgyu ma chen po'i
dbang dang gdams ngag rnams rdzogs par zhus/  phyir phebs nas
nA ro pas kyang tshar gcig gnang/  de nas mai

rti pa dang mjal bar dgongs te dka' spyad srog dang bsngos nas
ri me ltar 'bar ba'i dgon par byon/ /mai tri pa'i zhabs la gtugs
te phyag rgya chen po'i gdams ngag bcas pa dang do ha'i bshad pa
rnams rdzogs par

gsan pas sgro 'dogs rnams cig car du chod pas/  rje mnga' bdag
chen po'i bka' drin gyis/ /gzhi chos nyid skye ba med par rtogs/
/sems stong pa nyid spar zin byas/ /mi kho bo'i spros pa de nas
chod/ /ces gsungs /

gzhan yang dur khrod sos gling du mkha' 'gro'i bla ma las gdan
bzhi dang/  si dg+ha gling sogs gnas du mar mkha' 'gro dang ku su
lu'i bla ma mang po las gdams pa sna tshogs pa gsan/  slar yang na
ro pa'i drung nas dpal 'khor

lo sdom pa'i dbang dang rgyud kyi bshad pa dang/  nA ro'i chos
drug dang phyag rgya chen po'i gdams pa rnams gsan cing bsgoms
pas rtogs pa bzang po 'khrungs/  de ltar rgya gar du lo bcu
gnyis bzhugs nas bod du byon pa'i lam bar

bal bod mtshams kyi grong khyer zhig tu mnal lam du dpal gyi rir
byon nas bram ze chen pos ra ha dang mjal/  phyag rgya chen po'i
brda do rnams gsan pa thugs la bzung/  lho brag tu phebs nas
rdog ston chos rdor la dgyes pa rdo rje/

mtshur ston dang mar pa mgo legs la gsan 'dus kyi dbang/  rim
lnga'i dmar khrid/  ba rang lwa ba can la ma hA mA ya'i bshad
pa rnams gnang zhing so sos gser la sogs pa'i 'bul ba rgya chen
po phul/  tshogs 'khor gnang ba'i bral

du slob ma rnams kyis zhus ngor mar pa rang gi mthar mgur du
gsung ba ni 'di ltar ro/ /rje rtsod ldan dus kyi rdo rje 'chang/
/dka' ba spyad pa'i skyes bu mchog  /kun gyi spyi bor thod bzhin
'khor/ /dpal nA ro'i zhabs la gus pas

'dud/ /nga lho brag mar pa lotstsha 'di/ /lo bcu gnyis lon nas
chos dang mjal/ de sdon spyangs kyi bag chags sad par nges/
/dang po yig tshang ka kha bslabs/ /tha ma lho bal rgya la phyin/
/lo gsum bal

po'i mthil du bsdad/ /byin rlabs can gyi bal po la/ /rgyud gnyan
por grags pa'i gdan bzhi nyan/ /chos skyong dud sol lha mo zhus/
/des kyang 'dod pa tshi ma par/ /rgya gar yul du chos la phyin/ 
/chu mi zan dug gi chu la brgal/ /lus

dug sprul bzhin du shun pa brjes/ /srog chos phyir 'dor phod
bsam pa yis/ /gnas ngo mtshar mkha' 'gros lung bstan pa/ /byang
phyogs phu la ha rir phyin/ /dngos grub can gyi dgon pa ru/ /sgo
srung nA ro paN chen la/ /rgyud zab mor grags

017 @#*/ /pa'i dgyis rdor dang/ /bsri 'pho mtshams spyor gyi gdams
ngag thob/ /khyad par gtum mo'i las rgya zhus/ /snyan brgyud kyi
don la ngo sprod byas/ /nub tu la k+She tra'i dgon pa ru/ /dpal
ye shes

snying po'i zhabs la gtugs/ /pha rgyud gsang ba 'dus pa nyan/
/sgyu lus 'od gsal gyi gdams pa thub/ /lam rim pa lnga yi don la
bslabs/ /lho dug mtsho khol ma'i gling du phyin/ /gdugs nyi ma'i
gung la tu sros/ /lam

da lta gsal ba da lta stor/ /srog yal bar dor nas rje btsun
btsal/ /dpal zhi ba bzang po dngos dang mjal/ /ma rgyud mhA mA
yA gnang/ /dbyibs rnal 'byor gsum gyi don la bslabs/ /sgyu ma
gsum rgyud kyi gdams pa

thob/ /shar dngos grub kyi chu bo gang ga brgal/ /ri rab tu
'khrugs pa'i dgon pa ru/ /rje mnga' bdag mai tri'i zhabs la
gtugs/ /rgyud zab mo bstod pa glur blangs thob/ /chos phyag rgya
che la rtogs pa bskyangs/ /sems dngos po'i

bzhugs tshul gtan la phab/ /gzhi chos nyid don gyi ngo bo mthong/
/de 'dzam gling yongs la grags pa yi/ /phyogs bzhi bla ma'i
brgyud tshul yin/ /gzhan dur khrod myul ba'i rnal 'byor dang/
/shing drung gnas pa'i ku su lu/ /yongs

su ma grags 'ga' yod de/ /rdzogs rim kha 'thor mang du zhus/
/ngo mtshar can gyi sgrub thabs dang/ /phran tshegs kyi gdams ngag
rtses las 'das/ /lam la kha rag gnyos dang 'grogs/ /nged bal
po'i mthil du slebs pa'i

tshe/ /nga lho brag gi mar pa lotstsha dang/ /kha rag gnyos kyi
lotstsha gnyis/ /lotstsha gang mkhas gang mkhas zer/ /gdams ngag
gang che gang che zer/ /yar bal bod mtshams su thon tsan/ /nor
zang zing gi sku bsod khong la skyes/ /yul la stod

chos gzhir phyin tsan/ /sgra bsgyur gyi grags pa mnyam po thob/
/bod dbus gtsang gi mthil du thon tsa na/ /gdams ngag gi snyan
pa kho bos thob/ /bla ma grub thob dang mjal lags pas/ /gdams
ngag mi che'i dogs ma mchis/ /tha snyad

la byang chub mi re bas/ /gzhung bshad pa kun ji ltar dgyes
dgyes mdzod/ /ces so/ /de nas snyan grags dang sku bsod shin tu
rgyas 'khor dang longs spyod mang du 'dus pas bdag med ma kha ba
tu bzhas/  gzhan yang phyag rgya ma brgyad tsam yod

de dgyes rdor lha mo dgu dang spyor ba yin gsungs/  dar ma mdo
snge sogs sras kyang 'khrungs/  de nas gser mang po dang bcas
slar yang rgya gar du phebs/  dpal nA ro pa'i drung dud gyes pa
rdo rje'i dbang rgyas 'bril bsngus gsum/  rgyud

brtag gnyis/  bshad rgyud rdo rje gur dang sa mb+hu T/  rgyal po
anidra bo ng+ha nes brgyud pa'i bde mchog  /sangs rgyas thod pa'i
rgyud kyi bshad srol bram ze sa ra ha'i lugs shog dril gdams
ngag dang bcas pa dang/  gsang 'dus kyi dbang mnyam

nyid rnam rgyal dang 'grel pa sgron gsal rnams gsan/  mai tri pa
la gsang 'dus kyi dbang dang 'grel pa/  phyag rgya chen po theg
le'i rgyud rnams zhus/  gzhan yang sngar gyi bla ma thams cad la
mjal zhing chos la dag ther mdzad/  nA ro mai tri'i

018 @#*/ /gtso ba'i bla ma rnams gser gyi 'bul bas mnyes par
byas/  rgya gar nas snga bod du phebs skabs phyag dpe rnams lam
bar du chud zos su song 'di nges dpe cha ma mang du bsgyur te
bris so/ /de ltar rgya

gar du lo drug bzhugs nas bod du 'byon khar nA ro pas grong
'jug gi gdams pa sogs snyan brgyud 'ga' zhig len par slar yang
rgya gar du lan gcig shog gsung/  de nas bod du byon/  mes ston
tshen po la bde mchog gi dbang

dang gdams pa gnang/  rje btsun mi la sogs skal ldan gyi bu slob
mang du  'dus/  gser mang du bsgrubs te rgya gar du 'byon par
chas pa la/  slob 'khor rnams kyis bshol ci btab rung ma gsan
par rgya gar du phebs lam du

jo bo rje bod du 'byon pa dang mjal/  rdo rje 'phring ba'i dbang
gnang ba zhar chos su dsan/  de nas rgya gar du slebs pas/  nA
ro pa mi bzhugs pas/  gshegs khar mar pa yong rgyu yin kyang ma
slebs pas 'di sprod gsung rten

skal bzhag 'dug pa dge tshul shes rab seng gis sprad byung bas/
bla ma snying la 'dod pas gdung ste bzod glags med pa'i spyan
chab mang du shor/  ci la thug kyang bla ma dang mjal dgos
dgongs nas/  mai tre pa'i drung du phebs

nas zla ba gcig gi bar tshogs mchod dang bcas bla ma dang mjal
ba'i gsol ba btab/  de bzhin du zhi ba bzang po/  rnal 'byor ma
rus pa'i rgyan can/  gde tshul shes rab sengeg/ ri ri pa/ ka so
ri pa rnams kyi drung du 'ang zla

ba re re la tshogs mchod dang bchas gsol pa btab pas de thams cad
kyis bla ma dang mjal ba'i lung bstan stsal/  de nas ri sul nags
khrod/  grong khyer sogs phyogs thams cad nyul zhing dka' spyad
chen pos nA ro pa'i mchan nas

'bod cing ngu bzhin byon pas sdig spyod kyi rgyal po zhig gis
gser 'phrog 'dod pas bzung ste btson la bcug  /de las thar nas
zla ba brgyad kyi bar du btsal bas mnal lam du mjal/ yang zla ba
gnyis kyi bar du btsal bas mrnyed

par shin tu ngal la zhing dub pas sgyid lug pa la nam mkha' nas
btson 'grus skyed cig pa'i sgru byung bas zla ba gsum du btsal
bas nA ro pa'i zhabs rjes shig rnyed pa la chen pos de'i rngul
spyi bor bzhag cing yang btsal bas/

nam mkha' nas rjes rnyed pa tsam la snying po med pa'i sgra
gsan/ de nas zla ba bzhi btsal bas ri log tu rnal 'byor pa gos
ser po ra ri gyon pa zhig mthong ba nA ro pa yin nam min snyam
par/ the tshom byas na don mi 'grub zer gar

song med par gshegs/ de nas zla ba lnga'i bar btsal bas zhal
mthong yang zhin pa skyes pas de ma thag yal song/ yang zla ba
drug btsal bas rnyed nas/  gser gyi mNDal phul chos zhus pas/
mi ro gcig gi khog pa klad pa

gsol gyin 'dug pa nas rtsibs mas blangs te gnang nas zo gsungs
pa la skyug blo bas de ma thag yal/  yang zla ba drugm btsal bas
mjal nas ded kyang rjes ma zin/  skabs shig thang cad pa'i tsul
gyis bzhugs 'dug pas gsung

019 @#*/ /gling 'ga' tsam gnang nas yal song/  'di yan nyams snyad
la mjal ba'o/ /de nas kyang dad  pa shugs drag pos btsal bas zla
ba brgyad song ba na/  ri mun pa can gyi nags su tsnda na gyi sdong

po'i rtse mor dgyes pa rdo rje lha dgu'i par mjal/  bla ma'i sprul
par shes nas gsol ba drag tu btab pas/  da gzos nA ro pa dur khyod 
kyi chas kyis brgyan pa zhig byon/  pha bu'i mdun na slebs yod
gsungs sku mngon

sum du bstan pas/  dga' ba ce drags khong nas yus pa'i tshig dang
bcas mchim mang po shor/  zhabs spyi bor blangs pas ma tshim par
sku la 'khyud de brgyal/  sangs pa dang gser mNDal du bkod de
phul/ nA ro pas

rdzu 'phrul gyis tshogs rdzas bkug nas tshogs 'khor mdzad/  mar
pas chos gnang bar gsol ba btab pas zhal gyis te dpon slob gnyis
ka phu la ha rir byon/  lam bar du mkha' 'gro ma rnams chos la 'khron

pa'i cho 'phrul 'jigs su rung ba byung kyang glags ma khel/  de
nas mar pas zhus pa bzhin sngar ma gsan pa'i grong 'jug gi gdams
pa dang/  bde mchog mkha' 'gro snyan brgyud kyi chos rnams gnang
sngar gyi gdams

pa rnams phi'i shun pa lta bu 'di nang gi yang snying lta bu yin
pas brgyud pa bcu gsum bar du chig brgyud gyis zhes bka' rgya
mdzad/  khyod rgya gar du yong thebs snga ma gnyis la dus la ma
bbas pas ma ster/  khyad par du chos kyi phyir

dka' pa ma spyad na rgyud la phan mi thogs/  ngas kyang tai lo
pa'i drung du dka' chen bcu gnyis/  dka' phran bcu gnyis rnams
chos 'di'i phyir du spyad pa yin/  khyod kyis kyang chos kyi
phyir lus srog la ma ltos pa'i dka' ba spyad

'i ched du nga phral du ma 'phrad pa yin gsungs/  de nas chos
bka' gnyan pa dang bar chad kyi rnam pas mar pa rgya tshad kyis
bsnyun nas grong la khad pa byung yang nA ro pa'i byin rlabs
kyis bsnyun las grol/  nA ro pas chos drug rdo rje'i mgur

gsung/  de nas mai tri pa'i drung du byon nas bde mchog dang
dgyes pa rdo rje'i dbang zhus/  'de res rgya gar du lo gsum
bzhugs te bod du byon/  bal yul rin chen tshul gyi gtsug lag
khang du/  bla ma sen ta pa la chos 'ga' zhig

gsan skabs mnal la ma mai tri pa sen ge la chibs nas mdun gyi
nam mkhar byon pa la gsol ba btab pas phyag rgya chen po brda'i
don bstan/  de nas bod du phebs pa'i lam du slob rnams kyis
bsnyen bkur dang de dag la rgya

gar du byon tshul gyi mgur mang du gsung/  phug ron dang lug gu
dang sha ba'i ro sogs la dngos su pas grong 'jug mdzad nas gdams
ngag la yid ches par mdzad/  sras dar ma mdo sde 'bum la gdams
ngag mang po dang khyad par

grong 'jug gi gdams pa gnang bas/  dar ma rtas brdabs nas grong
khar phug ron gyi ro la gron 'jug mdzad de rgya gar du bram ze'i
bu'i ro la zhugs pa ti phu gsang sngags kyi sdong zhes grags so/
/de nas bla ma mar pa nyed

020 @#*/ /kyis gzhung  dang gdams ngag gi dkor mdzod kha phye ste
bu slob rnams la nyin 'chad cing mtshan bsgrom du bcug nas kun
thugs dam 'phel ba'i skabs shig na/  bu chen rnams kyi gngul bya

'phrin las sogs lung ston par bzhed nas so so la rmi lam sgrugs
su bcug pas/  rle btsun mi la la ka chen bzhi'i rmi lam byung
tshul zhus pas thugs nyes nas rmi lam brda 'grol gyi mgur gsungs
te/  mtshur ston

dbang nge/  rngog ston chos rdong/  mes ston tshon po/  mi la ras
pa dang bzhi 'phrin las rgyas par lung bstan/  rngog ston la
rgyud kyi bshad pa/  mtshur ston la 'pho ba/  mes ston la 'od
gsal/  mi la ras pa la gtum mo'i

bka' bbas/  khyad par du mi la la slob ma gzhan su lAng ma gnang 
ba bde mchog mkha' 'gro snyan brgyud kyi dbang cha lag dang bcas
pa rnams bka' rgyas btab ste gnang/  da mdo sde 'bum ni med/ nga'i
bka brgyud

kyi rabs kyi gdams ngag dang byin rlabs kyi brgyud pa khyed
rnams la gtad pa yin pas 'bung shig/  /'gro don 'phel bar yong
ngo gsungs/  de ltar sgra bsgyur mar pa de ngid kyis chos phyir
dka' ba spyad pa'i dbang du

bya san/  snga phyir rgya gar du lan gsum byom pas de dag gi
skabs su mar pa rang gi mgur las/  nga bal po'i lam du zhugs tsa
na/  /gcan 'phrang dar chul thar dus med/ /nags mthug po cig la
dus med/ /shing sdong

po mi ro rengs pa 'dra/ /lam de kun gyi sdug bsngal mthong tsan/
/bya dgung du 'phur ba gshogs pa 'dar/ /zhes dang/  nga de nas
rgya gar du phyin tsa na/ /mtha' 'khong kyi jag pa shi skyid pa/
/srog ci bder thon pa'i re ma mches/ /gcan 
         
gzan phyi ngar skad thos tsan/ /lus gtsang sar thon pa cung ma
bsams/ /sprul spal chen gyi kha rlangs mthong pa'i tshe/ /yid
brtan par phyin yang gom tshugs 'khyor/ /lam de kun 'jigs pa
mthong ba rnams/ /dus da lta dran yang glo

snying 'dar/ /chu grags pa can gyi ga ga brgal/ /zhes dang/
chos snying nas 'tshol ba'i gdung sems kyis/ /yul rgya gar shar
nub chu bzhin myul/ /thang chen po cig la chod dus med/ /me 'obs
kyi thang la phyin no snyam/ /yid chos la

bas ma kyang snying rlung 'phyo/ /nad 'tsho bar dka' ba'i tshad
pas thebs/ /de shi de chad bcu gsum byung/ /kha chem tshig gsum
bzhags med/ /dbugs  'gyu ba chad pa lan gum myong/ /dus de kun
gyi sdug sngal mthong tsan/ /sdang

dgra'i mig nas mchi ma 'chor/ /zhes pa ltar srog dang bsdos pa'i
dka' spyad mdzad/ /spyor pNiD ta dang drub thob dang mkha' 'gro ma ku
sA li rigs pa'i bla ma brgya rtsa dang/  khyad par du grub thob
kyi bla ma lnga dang/  de'i nang nad kyang

'gran gyi do med nA ro pa dang mai tri pa gnyis kyi zhabs la
gtugs/ /gzhung bshad dang gdams ngag gsan rgya che ba'i dbang du
byas na/ sgra ka la tsa ndras sna drang nas/ /skad sna brgya
dang rtsa brgyad shes/ /grogs lotstsha tshogs na nga re

021 @#*/ /brod/ /dgyes rdor gdan bzhis sna drangs nas/ /rgyud
'grel brgya dang rtsa brgyad shes/ /grogs ston chen tshogs na nga
re brod/ /bka' bzhi'i gdams pas sna drangs nas/ /snyan brgyud
brgyad rtsa

brgyad shes/ /grogs sgom chen tshogs na nga re brod/ /ngo mtshar
che ba rnam gsum ni/ /bsri dang 'pho ba ma gtogs pa/ /khyad chos
brgya dang rtsa brgyad shes/ /chen ngo mtshar de che mod/ /dud
sol lha mo ma gtogs pa/ /bstan srung brgya

dang rtsa brgyad shes/ /che na ngo mtshar de che mod/ /rim lnga'i
dmar khrid gtogs pa/ /rdzogs rim brgya dang rtsa brgyad shes/
/che na ngo mtshar de che mod/ /de thams cad bla ma rje'i drin/
/zhes pa ltar ro/ /gdams ngag de rnams thos

rkyang dum bzhag par bsgoms pas thugs rgyud la rtogs pa'i yon
tan 'khrungs pa'i dbang du byas na/  ngas sos dal dben tshe rtsa
rlung bsgom/ /lus sems gcun zhing gcun zhing bsgom/ /'byung pa
'khrugs kyang nyam nga med/ /

bogs 'don du shes pa'i gdengs shig yod/ /gnyid kyi dus su 'od
gsal bsgom/ /snang ba sdud cing sdud cing bsgom/ /gti mug tu
song yang nyam nga med/ /zung 'jug tu shes pa'i gdengs shig yod/
/rmi lam gyi dus su sgyu lus bsgom//

snang ba spro zhing bsgom/ /rnam rdog tu song yang nyam nga med/
/sgyu mar shes pa'i gdengs shig mod/ /'dod yon spyod tshe lha
skur bsgom/ /ro bro myang zhing bsgom/ /bza' tud du mthong rung
nyam nga med/ /tshogs bchod

du shes pa'i gdengs shig yod/ /thabs lam gyi skabs su gzhan lus
bsgom/ /bde ba bskyed cing bsgom/ /tha ma la du 'dug kyang nyam
nga med/ /lhan skyes su shes pa'i gdengs shig yod/ /'chi ba'i
dus su 'pho ba bsgom/ /'pho

ba spyod zhing spyod zhing bsgom/ /'chi lhas byung yang nyam nga
med/ /rdzogs rim du shes pa'i gsengs shig yod/ /shi ba'i dus du
bar sprin dang na bun 'dra/ /chags sdang skyes kyang nyam nga
med/ /rang grol du shes pa'i gdengs

shig yod/ /ces gsungs pa ltar ro/ /skal ldan dang ba 'drin phyir
bkod pa sku'i rdzu 'phrul bstan pa'i dbang du byas na/  rje mi la
sku drung du byon ngus/  sku lha sku ngu ma dang/  'byung bzhi
dang/  cir yang mi snang ba dang/  'ja' tshon dang

'od du snang ba sogs rdzu 'phrul sna tshogs bstan/  mar pa mgo
legs sogs kyis sku dgyes pa rdo rje/  bde gsang rdo rje phag mo
sogs su mthong/  rgyu mtshan zhus par nga yi dam gyi bskyed rim
gsal ba dang/  khyed rnams la dag snang shar ba

'dzom pa yin gsung/  yang la las sku da lta mthong ba de ma thag
ma mthong ba dang/  gser sbram 'od 'tsher ba dang/  chu 'khyil/
me 'bar/  'ja' dang 'od kyi thig le sogs sum mthong nas zhus
par/  nga'i 'byung ba lnga'i rtsa thig rlung gsum rnams

mar gyur te rang gnas su brtan pa dang/  khyed rang rnams snang
ba dag pa gnyis tshogs kyi mthong snang yin gsung/  gzhan yang
'das ma 'ongs thogs med du mkhyen pa/  rtsigs pa sogs la thogs
rdugs med par byon pa sogs kyi

022 @#*/ /lo rgyus mang du mches shing/ yum bdag med ma yang 'od
kyi rnam par yab kyi thugs kar thin par grags/  de nas dgung lo
gya brgyad pa bya'i lo rta'i zla ba'i bco lnga la ltas ya ma
mtshan pa du dam dang bcas mkha'

spyod dug gshegs so/ /slob ma'i dbang du byas na gong du bshad
pa ltar yongs grags kyi bu chen bzhi/  las can gyi slob ma bzhi
sogs nam mkha'i skar tshogs lta bu mang du byung ngo/ /chos
brgyud kyi dbang du byas na rje btsun mi las

sgrub brgyud kyi bka' bbas bzung ste/ nyi ma lta bu'i slob ma
dags po lha rje dang/ zla ba lta bu ras chung ba gnyis kyi/ snga
ma las brgyud pa dags po bka' brgyud ces gangs can gyi ljongs
yongs su khyang cing phyag chen dang chos drug gi gdams

pa gco bor dar zhing rgyas/  mes rngog mtshur gsum gyis bshad pa'i
bka' gtso bor bzung ste/  brgyud 'dzin rnams la/  gsang bde
dgyes rdor gyi dbang bshad gdams pa'i rgyun rgya cher dar bas/
rang re dge ldan pa'i gsang 'dus so sogs

kyi dbang bshad man ngag gi rgyun yang de las 'ongs pa yin no/
/rgyu mtshan de dag gi phyir 'gos lo chen pos/  gangs can gyi
rgyud 'dir bshad sgrub gnyis ka'i sgo nas bstan pa'i bdag por
gyur pa ni rje mar pa lho brag pa yin te/  zhes deb

ther sngon por gsung pa ni gzu bo'i gtam du blo ldan rnams shes
par gyis shig  /mar pa'i rnam thar 'dra min mang po zhig 'dug pa
las/  'di dag ni rnal 'byor pa khrag 'thung rgyal pos mdzad pa'i
rnam thar mthong pa don ldan dang

sgo bsdun nas bris pa ste rgyas par gzhan du shes par bya'o/
/deng dus 'din chos don gnyer ba dag/ /ngin gcig tsam gyi dka'
spyad mi bzod cing/ /'u su'i 'dab ma tsam gyi yo byad kyang/
/sha las bcad bzhin 'phangs par byed mthong

na/ /lus dang srog la mi lta'i dka' spyad dang/ /rang nyid dbul
la mi sems gtong phod kyis/ /dam chos 'tshol ba'i ngal ba bsten
pa 'di/ /ha cang snying stobs tshad las 'das sam snyam/ /e ma
sgra bsgyur mar pa lotstsha zhes/ /grags

pa lha yul lan yang glings pa des/ /'phags yul mkhas grub thugs
gsang mdzod brus nas/ /rgyud don gdams pa'i snying nor bod du
blangs/ /'an kyang deng dus bstan 'dzin phal mo che/ /chos
brgyad byi ma'i mkhar las la gyings nas/ /

lung rtogs gser gyi sgrom bu stor ba la/ /cer yang mi sems byes
pa lag stong bzhin/ /de tshe slar yang mar ston gyi/ /ye shes
rang gzugs bla ma rjes/ /bstan pa'i sgron me spar ba yis/ /'gro
la thar lam ston par mdzad//             //

/ yang bdag cag gi dpal ldan bla ma dam pa 'di nyid/  sku tshe
snga mar gtsang smyon her ru ka' sku'i skye ba bzhes pa yin te/
rgyu mtshan ci lta bu zhin/  nyin gcig gzim khang du bu slob 'ga'
dang gsung gleng mdzad pa'i lhong zhig la sku rtsed

tshul gyis u cu mu chen smon ram pa'i sku skye la/  khyod kyis
nga'i 'khrungs rabs sngar yod de la gsar du kha shas 'jug par
gyis shig  /nga la bla ma zhig gis gtsang smyon gyi skye ba yin
zer te/  nged rang na phra mo'i dus ri brag thon po nags

023 @#*/ /ljongs yod pa'i lung pa zhig gi bkod pa lam 'char ba/
 phyis bod du slebs nas gtsar smyon phebs bzhugs mdzad pa'i gnas
'ga' zhig mthong bas de kho na ltar 'dug ces gsungs pa dang/ 
yad khro 


bos phyis du pa'i cing du mjal skabs/  gsung gling zhig
ri bo rtse lnga'i rje nyid kyi sgyur khang la a lba dga' 'khyil
zhes mang 'dogs gnang ba las 'phros te/  gtsang smyon gyi gur
mtsho'i mjug tu e lba zer ba zhig yong ba 'dug  /

nged gyis khang pa'i ming la e lba btags yod ces gsungs/  'di
dag ni gtsang smyon gyi skye bar zhal gyis bzhes pa'i rdo rje'i
gsung 'khrul pa med pa yin pas rgyu mtshan de dag la dpags na bla
ma dam pa nyid gtsang smyon du grags pa dur

khrod myul ba'i rnal 'byor pa rus pa'i rgyan can nyid yin pa gor
ma cha go  /des na grub thob chen po de nyid kyi rnam thar mdo
tsam bshad 'khrungs yul gtsang nyad stod stag tshal du myang ral
pa can dang/  nyi ma 'od zer sogs kyi brgyud

pa yab sngags 'chang sangs rgyas dpal ldan dang/  yum sangs
rgyas 'drin gnyis kyi sras su angig ra zhes pa chu pho sprel la
sku 'khrungs/  dgung lo bdun gyi dus mkhan chen kun dga' sangs
rgyas kyi drung du rab tu byung ste sangs rgyas rgyal

mtshan zhes mtshan gsol/  nges  'byung dang skyo shas chebs sgrub
pa 'ba' zhig byed pa'i thugs gtad kyis dgung lo bcu gsum thog la
phyi gangs kyi ra bar sgom du 'gro gsung 'byon par chas kyang
yab yum gyis ma btang bas dgung

lo bcu bdun bar yul du bzhugs nas yum gyi po ti dgu tshang thugs
la bzung/  bco brgyad dus dngos nyams ci rigs par mkha' 'gro mas
tsa rir 'byon par bskul bas/  bros stabs kyis byon nas la thog
zur mkhar du a bo chos rje'i rtsa ra

bzhugs/  der sa ra ha'i rnam 'phrul rje btsun sha ra rab 'byams
pa sangs rgyas seng gi dang mjal/  zhal mthong tsam nas snang ba
'rgyur te phyag rgya chen po'i rtogs pa 'khrungs/  ri chos
skor gsum/  thar gru skor gsum/  nA ro chos

drug brgyud lugs mi 'dra ba 'ga'/  phyag rgya chen po lnga ldan/
 ltan cig skyes spyong/  do ha skor gsum dang mdzod drug ro
snyoms sogs bka' brgyud kyi chos skor phal cher gyi lung gsan/
rje btsun ma ltan cig skyes ma'i dkyil 'khor

du dbang bskur te gsang mtshan mi bskyod rdo rje zhes btags/
phyag chen yi ge bzhi pa'i dmar khrid khyad chos kyi ngo sprod
dang bcas pa gsan nas thugs nyams su bzhes pas mnyam gzhag gi
rtogs pa sngar gyi de las 'phar rgyu mi

'dug kyang/  rjes thob la bogs dang rtsal mang du thon/  khyad
par mchan mo'i thugs dam 'od gsal 'ba' zhig tu song/  de nas
chos drug gi dmar khrid gsan nas bskyangs pas/  zhag bco lnga
tsam na man la lam du/  bla ma'i

gsang yum la rol nas 'drin mdzad pas yum mda' 'phen tshad tsam du
'drud thub pa rmis/  sad pan gsang gnas spubs su nub nas zhag
brgyad kyi bar du ma thon zhing/  de nas kyang rgyun du phal
char spubs su nub pa byung/  byin

024 @#*/ /rlabs bla ma'i gtum mo sgom skabs bde drod rang 'bar du song/
rtsa thig rlung la gnad du bsnun pas rtsa phran rnams kyi mdud
pa grol nas der thig le dang rlun sems 'dus pas rtsa rlung
thig le'i zug

dang gzigs snang dang rtags snang bsam gyis mi khyab pa byung/
de nas kyang gtum mo la rtsa la thon nas rkyang gi rlung dbu mar
thim pa'i rjogs rim gyi rtogs pa'i klong rdol/  'od gsal gyi
ngang nas sangs rgyas kyi zhing nyul

ba dang rdzu 'phrul gyi bkod pa sogs sprul bsgyur sna tshogs
dang/  dngos su yang yul nyi shu dang dur khrod brgyad sogs su
phebs pas stor nas mis mi rnyed pa lan du mar byung/  rkyen
bzang ngan thams cad la nyam pa dang khu

'khrig med par thog rdzes dang ro snyoms kho na mdzad/  de nas
bla mas rdul tshon gyi dkyil 'khor du 'khor lo sdom pa lha drug
cu rtsa gnyis/  lha bcu gsum ma/  lha lnga ltan skyes rnams
dang/  rdo rje phag mo'i sind+hu ra'i dkyil

'khor du lha mo bco lnga ma/  bdun ma/  lnga ma/  ltan skyes ma
rnams dang/  lus kyi dkyil 'khor du zab mo brda'i dbang bzhi
rnams rdzogs par bskur nas/  dphal 'khor lo sdom pa'i rgyud dang
man ngag yongs du rdzogs pa

dang/  khyad par du bde mchog mkha' 'gro snyan brgyud kyi gdams
pa thun mong ma yin pa rnams mnog chos su gnang nas/  da gzhan
du song la brtag gnyis sogs rgyud sde'i slob gnyer mthar phyin
gyis/  de nas tshe 'di la phyim ge

ma lta/  dman pa'i sa zungs/  hrul po'i gos gyon/  gyong ltog
gos gtam gsum la thongs/  di'i bu gyis na bun gos su gyon/
brtul zhugs kyi spyod pas yul snang lam du khyer/  nyam nga la
thog rdzes gyis/  'jig rtan chos brgyad blos thongs

la tsa ri tsa gong/  la phyi chu bar/  gangs te se dang rdzong
rdug sogs bka' brgyad kyi gnas chen rnams su sgrub pa'i rgyal
mtshan tshugs la bstan 'gro'i don gyis shig gsungs/  de thugs la
bzhag nas rgyud sde'i slob gnyer byed par

dpal 'khor chos snger byon nas gur pa gra tshang la zhugs/  gyu
lung pa yon tan rgya mtsho'i drung nas sa lugs kyi dgyes rdor/
gur rigs bsdus/  rdo rje phur pa sogs kyi dbang/  rgyud brtag
gnyis/  rdo rje gur/  smb+hu T rnams la rgya 'grel

dang bod 'grel gyi snyeng nas bshad pa mtha' chod pa gsan/  gzhan
yad slob dpon kun dga' nyi ma/  paN chen don grub grags pa sogs
la gsang sngags rgyud kyi bshad pa bskyed rdzogs kyi gdams pa/
gar thig dbyangs

sogs kyi phyag len mang du gsan no/ /de nas bla ma'i bka' bzhin
tsa ri la bsgom du 'gro dgongs nas byon/  zur mkhar du drang
srong mnyam nyid rdo rje las chos 'ga' zhig gsan/  sku tshe snga
ma nas sa lam gyi rtogs pa brgod zin pas

tshe 'dir 'bad rtso la cher ma dgos par grub pa'i go 'phang mthon
por mnga' brnyes te ngus 'di nas bzung phal cher brdul zhugs kyi
spyod pa mdzad/  gangs te se/  tsa ri/  la phyi chu bar/  bal
yul sogs gnas nges med du byon/ 'khor

025 @#*/  /lo bde mchog dang dgyes rdor sogs yid ma gyi lha du
ma'i zhal mdon sum du zigs/  cha kugs kyang skabs 'ga' zhig tu
sku bu mi'i bu la mi'i gyang gzhi khrag can gsol/  rgyu rlon
gyis ga sha dang

gdu bu byas/  mi thod rlon par klad pa dang rgyu ma sogs rtsibs
mas dkrugs te gsol/  phal cher he ru ka'i cha byad rus rgyan
dang/  thod pa/  rkang gling/  khan rnams 'chang zhing dur khrod
dang grong gseb nges med du byon nas tha

mal gyi blor mi chud pa'i tho co'i spyod sna tshogs mdzad pas
gtsang smyon zhes grags/  skye bo mi bsrun pa 'ga' zhig gis sku
la mtho 'tsam pas mda' mdung ral gri sogs kyis lan brgya phrag
tu bsnun kyang brag la khu tshur brdeg

 dang mtshungs par cung zad kyang mi gnod pa dang/  der mzad me
'par ba'i nang du bcug ste yun ring por bsregs pa dang phyag
zhabs rnams bcings nas chu chen po la bskur ba dang/  gangs kyi
seng bar du 'phangs pa sogs byas kyang

gnod pa ci yang med pa dang/  kla klo 'ga' zhig gis dbu dang
phyag zhabs so sor phral sku dum bur bsil nas rgyang ring por
bskyur kyang de ma thag sku gzungs snga ma bzhin gyur te bzhad
mo mdzad pa sogs dpag dka' ba'i rdzu

'phrul mang du bstan pas grub thob kyi snyan grags phyogs thams
cad du khyab par gyur/  gzhan yang nad dang gdon gyis nyin pa'i
sems can mang po sdug sngal las thar bar byas pa dang/  phan
tshun 'thab rtsod kyi yul 'gyed

pa rju 'phrul gyis 'dum byas pa dang/  rtsar khrod kyi ro langs
dang/  'gyung po ma rungs pa du ma btul te dam la btags kyi lo
rgyus kyang shin tu mang/  mdzad pa phyag rjes kyang/  bal yul
du 'phags pa shing kun gyi zhig gsos

dang/  sgrub gnas mang por bka' brgyud kyi sgrub snge btsugs pa
dang/  snyan brgyud glegs bam du bkod ba po ti bcu gsum la zhus
dag gtsang ma dang/  rje btsun mi la'i rnam thar ljags rtsom
mdzad cing/  nyams mgur phyogs gcig tu

bsgrigs par du brkos pa dang/  skal ldan dum la gnang ba'i zhal
gdams mgur ma'i skor dang/  snyan brgyud kyi gdams pa'i yig cha
thor sogs bstan rgyun la phan pa'i gsung rtsom yang mang yod pa
'dug  /snga phyi ngu mar

bka' brgyud kyi chos dang zag la rgol ba rtsom pa'i rtog ge ba
mang po yang lung dang rigs pa dang gtan tshigs kyi sgo nas spobs
pa rmeg med du bcom/  phyi rol du snang ba thams cad zil gyis
gnon pa'i grub thob gangs kyi seng ge lta

bu'i brtul zhugs la gnas kyang/  thugs rgyud byams snying rje'i
gzhan dbang kho nar gyur pas/  sems can phongs pa dang sdug
bsngal ba dang sngig pa'i las chen po gsog pa dag gzigs pa dang
gsan pa tsam gyis mi bzod pa'i
3
spyan chab 'byin cing de la gtso bor dmigs nas thugs dam gnad du
smin pa gnang zhig yod la/  grub pa'i go 'phang mthon por gshigs
kyang las 'bras la rtsi 'jog che bas dge sdig chung ngu tsam
yang khyad du mi gsod cing/  slob ma

026 @#*/ /rnams la yang tshul de kho na 'doms par mdzad/  byin
rlabs kyi tshan kha  che bas gar bzhugs gar phebs kyi gnas thams
cad bkra shes shing khyad par du khrid btab pa'i slob ma la
rtogs pa mi skyes ba

med/  rgan zhugs lo bdun cu brgal ba zhig la khrid gnang nas
bskyangs pas phyag chen gyi rtogs pa skyes te nyams 'bul du
byung bas kyi mig ltos la phan pa byung/  de'i dbang gis dbus
gtsang khams sogs nas slob ma

rangs kyis mi chod pa 'dus shing yongs su grags pa 'ang thugs
sras zhe dgu dang/  thun mong ma yin pa'i thugs sras brgyad/
bla chen bla chung drug cu/  rtogs ldan nyer brgyad/  ston sgom
nyi shu/  rgub chen bco brgyad/  rtogs

ldan bdun brgya dang sum cu rtsa bdun/  rnal 'byor ma sring bzhi
sogs bsam gyis mi khyab pa byon no/ /mthar dgung lo lnga bcu
rtsa drug pa chu mo yos kyi lo ras chud phug tu ya mtshan pa'i
ltas du ma dang bcas mya ngan las 'da' ba'i

tshul bstan/  sku gdung zhugs su phul bas lta sku ring bsrel bsam
gyis mi khyab pa byon pa slob ma rnams kyis dad rten du bgos/
bu slob rnams kyis gnas chen rnams su sgrub pa'i rgyal mtshan
bcugs nas bka' brgyud kyi

bstan pa rin po che dar zhing rgyas par mdzad do/  /zhi ba par
shes 'dod na thugs sras rgod tshang ras pa rtogs ldan sna tshogs
rang grol gyis mdzad pa'i thar  nyi ma'i snying po sogs la blta
bar bya'o/ /rim gnyis lam gyi nyams

rtogs rtsal rdzogs pa/ /gtsang smyon grub pa'i dbang phyug gdong
lnga pas/ /brtul zhugs spyod pa'i gyu ral gsig pa'i tshe/ /gzhan
snang ri dgas 'jigs pa'i zil gyis mnan/ /ras dkar 'dab gshog can
mang 'phur zhing lding/ /rgyan

drug chas kyis sgeg rnams gar byed pas/ /ljongs 'di bya rgod
phung po'i ri bo 'am/ /u rgyan yul zhes ldan rnams the tshom
gyur/ /la lar mkhas dang 'ga' zhig grub pa'i tshul/ /mtams sprin
gos dang ral pa'i cod pan can/ /sna tshogs

zol gyis mos ldan phan bde la/ /'god mkhas rje btsun bla mar
phyag bgyi'o/ /drang don sgyu 'phrul rol pa sna tshogs kyis/
/nges don rang rig bla ma ngo sprad nas/ /gtan 'dun lag tu gtod
pa'i thabs mkhas tshul/ /bsam gyin lag

pa'i pngom snying khar zum/ /khyab bdag rdo rjes sams dpa'i ngo
bo dpal ldan bla ma dam pa ye shes bstan pa'i sgron me dpal
bzang po'i rnam par thar ba mdo tsam brjod pa dge ldan bstan
pa'i mdzes rgyan ces bya ba las sngon gyi skyes pa'i

rabs 'ga' zhig gi rtogs brjod cha shas tsam bshad zin to//
//gang sku mtshan dpe'i 'od zer stong 'bar nyi ma rgyas pa'i gzi
byin gyis ni lha rnams meg mog por byas skye rgu'i gdren byed pdmar
ngo mtshar ze

'bru'i phreng ba spel/ /gnag gsung drug cu'i dbyangs ldan dbyar
skyes rnga gsang phyogs kun bzhad pas tshangs pa'i dbyangs snyan
skyengs byas skal bzang rna ba'i dpag bsam 'dab rtser bdud
rtsi'i zigs ma cir yang 'thor/ /gang thugs

027 @#*/ /'gyur med snying rje'i ros gang spros kun nyer zhi'i
chos dbyings rol pas kun gsal sgeg mo'i khengs 'phrog bden gnyis
bya'i dkyil 'khor khyon kun car gsal bar gzigs/  /

gsang ba gsum ldan rje btsun bla ma rol pa'i rdo rje'i zhabs sen 
'char ka'i gzim mdangs dregs ldan gtsug nor 'od dang 'dres pa de 
yis bdag pdom rtag tu skyongs/ /gang yang 'di na 'jig rtan phan
bde'i snang ba snyigs ma lnga yi

mun pas rim gyis zos/ /lam dang lam min ji bzhin gsal byed 'gro
ba'i nyi ma zhing gzhan nub kyi ri bor bzhud/ /ma rig gnyid kyis
rab non 'gro rnams las snang rmi lam grong du sdug bsngal btson
rar bcings/ /rmongs ba'i gnyid

slong chos kyi nyid kyang glegs bam khang bur sgra med gzim par
gyur/ /de tshe rgyal ba'i chos tshul kun bzung nas/ /lus can pan
bde'i sgo 'phar brgya 'byed pa'i/ /rlabs chen smon lam ring nas
mdzad pa yi/ /rgyal sras dpa' bo

mchog gis zhing 'di bzung/ /mi bzad snyigs ma lnga yi mthu
rdzogs bas/ /snying stobs che ldan rgyal sras gzhan rnams kyis/
/btang snyoms bzhag pa'i bstan 'gro'i khur chen po/ /gang gi
thugs rje'i khyogs la ci bder blangs/ /khyad

par blo bzang rgyal bstan yid bzhin nor/ /lumg dang pas byi dor
legs bsgrubs te/ /thos bsam sgom pa'i rgyal mtshan rtser mchod
nas/ /'dzad med phan bde'i dga' ston char du bsnyil/ /dge legs
shel gyi rwa bas yongs

skor dbang phyogs 'chi med grong khyer du/ /dregs ldan bye ba'i
bzhin ras snod gyur nor bu'i khri 'phang mthon po ru/ /ye shes
spyan stong ldan gang bzhugs pas bstan 'dzin legs bris ma lus
pa/ /nag phyogs lha min gyul las rgyal pa'i

dga' ston nyams pa med par gyur/ /chos kyi rdo rjes mdo smad
sman ljongs na/ /gang gi ngo mtshar yon tan rjes dran nas/ /lag
pad spyi bo'i tshal du nyer zum ste/ /rtogs brjod mgrin pa'i
rgyud mang 'di bsgrings so/ /bshes gnyen du ma'i zhal gyi

bdud rtsis thugs kyi bum bzang yongs gang mdo sngags gzhud lugs
rgya mtsho'i pha rol son/ /'chad rtsod rtsom las yi steng 'dir
'gran zla dang bral mkhas pa'i rtser son grub pa'i go 'phang
mthon por gshegs/ /'phrin las bzang pos

bstan 'gro'i phan bde blar spel 'dzam gling che rgus zhabs kyi
pad ma gus pas spyi bor mchod/ /'di dag ngo mtshar gtam gyi gling
gzhi nyid de bdag blo'i rtsal gyis ci tsam spongs pa de brjod
par bya/ /da na si bcad gnyis pa sku tshe 'di

nyid kyi rnam par thar pa rgyas par 'god pa la 'jug par bya ste/
 'di la gnyis/  dngos dang/  don bsdu ba'o/ /dang po ni/  de
yang rje bla ma dam pa 'di nyid gang du 'khrungs pa'i yul ni/
mdo smad tsong kha'i byang phyogs kyi sa'i cha/ 

sngon gyi dus su hor rgyal pos 'jam dbyangs sa paN dang/  chos
kyi rgyal po 'phags pa sogs gdan drangs nas chos kyi 'khor lo
bskor zhing gtsug lag khang dang dge 'dun gyi sde mang du btsugs
pa'i gnas lang gru'u snge bzhi zhes grags

028 @#*/  /pa las/  nub pdomI snge'i sa char gtogs pa'i 'brog
gnas/  gtsang zhing dbin la yid du 'ong ba/ /lha shug gi nags
tshal dang rtsi sman me tog sna tshogs pas khyab cing/  rgyab ri
brag dkar dung

ri spun bdun du grags pa sbyibs legs lta na sdug pa'i brag ri ha
cang mi che ba bdun tshar du bsgrigs pa/  spang ljongs dang ri
brag 'bab chu la sogs pa'i dge mtshan thams cad tshang ba'i phun
sum tshogs pa'i gnas lung pa'i dbyibs

dang rtags mtshan sogs 'og tu 'byung pa'i lung bstan rnams dang
shin tu mthun pa zhig go/ /rigs rus ni hor yin te/  rje rgyal ba
gnyis pa'i 'khrungs yul mdo smad tsong kha'i phyogs su sngon dus
su chi kya dor rtan po zhes

grags pa'i brgyud pa da lta chi kya dpon por 'bod pa de'i 'bangs
su gtogs pa'i khyim grangs mi nyung mi tsam yod pa'i grong sde
'ga' zhig yod pa las/  yab ni sde de ka'i sngags pa zhig yin
kyang/  gnas 'phos te lang gru'u phyogs

song nas 'brog khyim bzung ba la phyogs der sngags pa la tshangs
pa zer bas chi kya tshangs pa gu ru bstan 'dzin bya ba/  rang
bzhin drang zhing dpa' rtsal dang rtul phod pa/  ma Ni dung
phyur song zhing/  rdo rje 'jigs byed kyi rnal 'byor chag

med thugs dam du mdzad pa zhig yin/  yum ni bu skyid bya ba med
kyi skyon las 'das shing dad pa dang ldan pa dge spyor la rtag
tu brtson pa zhig ste/  yab yum de gnyis kyi sras su rab byung
bcu gnyis pa'i gser 'phyad zhes pa

me mo bya'i zla ba dang po'i tshes bcu Da ki 'du ba'i dus khyad
par can gyi rje bla ma 'de nyid su bstams par gyur to/ /'jam
dpal rdo rje'i rnam 'phrul sa skya pa/ /gnas lnga rig pa'i paN
chen hA nnda'i/ /zhabs pad nyer

bkod dam chos gser spyangs kyi/ /'khor lo lan grangs stong du
bskor ba'i gnas/ /phun tshogs snge bzhi sa yi dge mtshan bcu/
/yongs tshang lang gru'u zhes grags mNDa la/ /grong dang grong
khyer tshom bus mdzes pa ni/ /mtho ris

dga' 'tshal sa la 'phos 'dra yod/ /der ni spang ljongs gtsang
ma'i du kU la'i/ /nyer klubs phu chu'i 'og pags snyan sgra
'byin/ /me tog do shal 'chang ba'i dbyig 'dzin ma/ /phun tshogs
lang tsho'i dpal yon doms pa bzhin//

'khri shing sna chogs ldem ldem gar byed cing/ /bung ba gzhon nu
dar dir glu dbyangs len/ /spu sdug 'dab chags mgrin pa'i rja
rnga brdung/ /bag phebs ri dags bang rtsal 'gran cing rtse/ /dung
ri dkar po 'phags pa'i nor gyi

grangs/ /bkra shes sbyangs snyan sgrogs la 'gran pa bzhin/ /lha
shug nags kyis phyogs mchams gtibs pa ni/ /byed pos gtsang byad
rdzas su bkram pa bzhin/ /de lta'i sa yi thig ler ni/ /rigs rus
cho 'brang mi dman zhing//

yon tan nor bu'i rgyan 'chang ba'i/ mi mchog thabs shes 'brel ba
las/ /sgyu 'phrul mar mtshungs yum gyi sprin rum nas/ /yid 'ong
sprul sku'i nyi gzhon shar ba na/ /skal bzang 'gro ba'i 'drin
byed pdma ni/ /ngo mtshar ze'u 'bru'i

029 @#*/ /phring pa 'rdzin par gyur/ /ces bya ba ni bar skabs kyi
tshigs su bcad pa'o/ /khyab bdag rdo rje sems dpa'i ngo bo dang
la ldan bla ma dam pa ye shes bstan pa'i sgron me dpal bzang
po'i rnam par thar

mdo tsam brjod pa dge ldan bstan pa'i mdzes rgyan las/  sku
bltams pa'i le'u ste dang po'o//   /   //snga phyir rmi ltas
dang rtags ya mchan pa byung tshul ni/  sngar lo mngal lan bzhugs
skabs yum gyi rmi lam

du mo rang gi lus gser du gyur pa lan 'ga' zhig tu rmis pa dang/
kho na gser gyi ri gcig yod snyam byung ba rmis/  yab kyi zhang
pho rab 'byams pa cig sha ra thal zer ba'i sa char sog po'i
spyin bdag gcig gi nang la

sdod skabs dgung gcig rmi lam la/  7sprul sku'i 'khrungs brag
dkar zer ba'i lung pa'i lho phyogs tsha bbas gcig gi sa chan
glang mdo zer ba'i lung pa cig yod pa de ka'i thad kyi nam mkha'
nas sprin shin tu stug po

'khrigs pa'i nang 'brug skad shin du che ba zhig sgrogs bzhin
par/  7sprul sku bltams pa'i gnas na brag dkar po mtho zhing
mdzes pa cig yod pa dang nye pa na kha dog sna lnga pa'i 'ja'
tshon bcas brag thim pa dang brag la

sgo gcig byung/  sgo de nas rje btsun byams pa phebs rgyu red
zer bas/  kho rang dang khong gi a khu dge slong a khu rgad po
gcig dang bcas pas dad gus chen pos phyag mchod byed pa cig
rmis/  sang nyin de phyogs sun nag shu'u bla

ma zer ba smyung gnas rang la thugs dam shin tu 'grus pa gnang
mkhan cig yod pa de la zhus pas/  khong gis rmi lam shin du
legs/  khyed tsho'i brag dkar zer ba'i sa cha de la skyes bu dam
pa shin tu grags che ba cig dngos su 'byon pa'm/

de 'dra cig gi sprul sku phebs pa'i ltas yin pa 'dra gsungs/
7sprul pa'i sku 'khruns ba'i lo de la gnas thugs dam du mdzad
mkhan gyi bla ma des nub gcig rmi lam du cha kyi tshangs pa'i
khyim na seng gi mo gcig gis seng phrug la nu

ma bsnun phyin 'dug zer  ba cig byung bar/  khong gis seng gi'i
num lag mthil du yod zer ba thos pas bden mi bden blta dgos
snyam nas song bar seng gi mo de bros nas ston pa cig rmis/
sang nyin che kyi tshangs pa zer ba cig yod

med mi 'ga' zhig la dris par shes mkhan 'ga' zhig gis yod zer/
der kho sku drung ngu bos nas khyod la bu 'dra e yod ces dris
par kho rang gis bu lo bcu lon pa gcig dang/  byis pa zla ba
gsum bzhi 'gro ba gcig yod zhus

par/  bla mas khyod rang gi bu chung de nga'i rmi ltas la dpag
na gang zag rang dga' ba cig min 'dug pas/  gtsang spra gang
thon thon dang/  skur rim la rim rim gyis gsungs nas skol ja
sogs kyi gnang spyin kyang mdzad/  dgung lo

gnyis gsum bzhes dus nyin gcig khyim du gra pa kha shas kyis
chos 'don zhig byed skabs/  'don gyin yod pa'i dpe cha rnams
sprul skus phar len tshur len mang po mdzad pa yab kyis lan 'ga'i
bar bzlog kyang ma gsan pa la

030 @#*/ /yab khros nas phu thung gis brdung pas bshum bzhin du
khyim sgo nas phyir thon/  dar gcig na bsham 'phro bcad nas nam
mkha' la spyan ce re gzigs te/  a ma zhes bos nas nam mkha'

na/  rje rin po che/  u rgyan rin po che/ bla ma rin po che
rnams bzhugs 'dug  /a phabs nga brdung byung zhes ma lab pa sku
rim 'don mkhan gyi mi tshos thos nas yab la bu chung 'dir nga ga
ba zhig min 'dug pas phyin chad

de 'dra mbyed ces lab 'dug  /nyin gcig ngas khyed rnams la dbang
skur byed ces/  bum pa zhig yod pa thams cad kyi mgor 'jog cing/
dbang bskur rdo rje chen po ste/ /khams gsum kun gyi phyag byas
pa/ /sang

rgyas kun gyi gsang gsum gyi/ /gnas las byung ba spyin par bya/
/zhes pa'i tshigs bcad dag cing gsal ba thogs med gsungs pas de
na yod pa'i ser skya thams cad shin tu ha las shing ngo mtshar
bar gyur to/ /gang

thugs dpal gyi be'u'i gra gcig tu/ /chos kun rjogs par chud pa'i
lha mchog la/ /mkhyen pa'i gter zhes grags pa nyid ni/ /byis
pa'i zol gyis mdo smad ljongs su byon/ /gangs can grub mtha'i
yang rtse dge ldan pa'i//

ring lugs 'di yis gsal bar bgyid zhes/ /yab rje 'jam dpal snying
po thugs dgyes te/ /rings pa'i tshul gyis 'dzum zhal khyod la
bstan/ /gang gi sku yi bar chad ngas bas zhes/ /'dzam bu'i gling
na che ba'i rigs sngas

'chang/ /snang srid zil gnon pdma kA ra yis/ /dgyes zhal dngos
su bstan nas byin gyis brlabs/ /bdag ni rgyal kun snying rje'i
ma ma ste/ /dam chos 'o mas rgyal sras gzhon nu khyod/ /bskyang
bar bya zhes 'phags mchog 'jig rten dbang//

dur smrig 'dzin pa'i gzugs kyis khyod drung byon/ /na tshod sgo
nga'i spubs rgya ma grol kyang/ /dam pa'i rang rtags dbyang
snyan sgrogs pa yis/ /rgyal sras ka la nges rnyed nas/ /skye
rgu ya mtshan bsngags pa brjod la brel/ /rje ngag

dbang blo bzang chos ldan pa'i sku'i skye bar nges pa rnyed pa'i
tshul ni/  dgung lo gnyis bzhes skabs nyin gcihg nga bla ma lcang
skya yin gsungs shing/  lho phyogs la phyag mdzub kyis bstan nas
pha gir dgon pa chen po yod/  nga der song

nas bla ma byed rgya yin zhes sogs sngon nasd rjes dran gyi
gsung mang du byon 'dog cing/  de dus yum gyis za ma grib can
cig zos par brtan/  sku grib kyi rnam pas sku gzugs thams cad
shu bas khyab nas 'o brgyal se ba byung bar

mgon po'i rnal 'byor ba yin pa'i mA bla ma zer ba cig la brtag
pa zhus par/  grib byung ba yin 'dug pas byabs khrus gang mang
dang sku rim 'ga' zhig gyis zhes phebs nas yab yum gnyis kyis
zhal gzigs ri khrod kyi bla ma

'dan ma chos rje zer ba'i sku zabs la byas khrus zhu bar sang
'gro bar thag bcad pa'i dgung mo de la 'dan ma bla ma'i rmi lam
la nyi ma gzas zin 'dug pa la gis la rang dbu mdzad nas ri khrod
pa thams cad tshogs nas khros gsol bgyis

031 @#*/ /pas gza' las grol nas 'od gsal po byung ba zhig rmes/
de'i sang nyin bu chung byabs khrus la khyor yong bar bla mas
rmi ltas la dbags na 'di gang zag rang ga ba min 'dug cing/
byabs khrus kyis

kyang phan rgyu yin 'dug dgongs nas/  rnam 'joms kyi byabs khrus
brgya tshar/  gzhan yang rjes gnang bka' bsgo sogs mang du stsal
bas bsnyun las grol 'dug cing/  de phyin cad bla ma des khong
rang gi gong mchos rje 'gang chen

zhig zhing la phebs pa de'i sku skye yin par re nas sku rim sogs
kyang gang drag mdzad/  mA bla ma la khong rang gi bla ma'i sku
skye yin min gyi brtag pa zhus par/  bu chung de lo bzhi thog nas 
gsal kha nyi ma shar 'dra zhig yong/  da lta 

gsal kha mi thub zer ba bbas 'dug  /de rjes skabs shig zhal gzigs       
ri khrod kyi bla ma'i rmi lam la chu mdog sngo zhing shin tu
dangs pa zhig bkra shis thang zer ba'i lung pa de khyab nas rim
gyis che ru 'gro bar/  khong gi bsam pa

la 'di ha cang che ru song na lung pa 'dir mi shong ba 'dug pas/
phyogs gzhan zhig tu drangs dgos snyam lag tu 'khar gsil cig
thogs 'dug pa'i yu bas brag cig la brgyab nas byams pa gling du
song zhig byas par/  'khar gsil

brgyab pa'i shul du bug pa zhig thon pa'i nang du chu thams cad
lho phyogs su lhag med du bshar song ba cig rmis pas/  bla ma
dang yab yum tshos chu 'di 'gro ba rnams 'tsho ba'i rten du gyur
pa yin pas/  bu chung 'di rang ga ba cig

min 'dug kyang nga rang tsho'i bla ma'i sku skye rang e yin/
byams pa gling zer ba cig nas rtsad gcod mkhan byung na nges par
der 'gro ba 'dra zhes gling/  snga phyi'i lo rgyus de rnams rim
gyis dgon lung du grwa rigs rnams kyis thos pas/ 

bla ma de nyid kyi sku'i skye ba phal cher 'di rang yin 'dra
snyam pa byung 'dug na'ng/  dogs gnas gzhan 'ga' zhig kyang yod
'dug pas thag ma chod pa'i bar skabs shig tu/  dgon lung gi slob
chung zur pa ri khrod la bzhugs nas thugs

dam dge spyor la shin tu brtson zhing/ ?sku zhabs de nyid la mi
phyed pa'i dad pa dang ldan pa rab 'byams pa bstan 'dzin zer ba
zhig gis dgung gcig rmi lam du dgon lung gi rgyab ri'i thad nas
nyi ma'i dkyil 'khor 'od zer nyi ma gzhan

las khyad par su 'phags pa cig shar 'dug par bltas pas/  dkyil
'khor gyi khyon tshon gsum bzhi tsam gyi tshod yin pa la 'od zer
gzan dang 'dra ba zhig 'dug pa rmis nas/  sang nyin khong rang
gi zla bo cho la/  sprul sku 'khrul

med lang gru'u phyogs kyi de ka yin 'dug kyang/  'then khyer
'dis ci 'dra rang yong zhes glin 'dug  /de yang rje bla ma 'di
nyid kyi snga ma yongs rdzogs bstan pa'i mnga' bdag ngag dbang
blo bzang chos ldan dpal bzang po de nyid sku dngos kyi

gdul bya rdzogs nas re zhig zhi ba'i dbyings su mnal bar dgongs
te/  rta lo zla ba lnga pa'i nyer lnga'i nyin snyun bbas lci
ba'i tshul bstan skabs/  dka' chen shes rab dar rgyas sogs grwa
rigs rnams kyis/  rje bla ma nyid gal te gzhan du dgongs

032 @#*/  /pa gtad pa dus la bbas pa'i bshol du med pa yin tshe/
zhing 'di'i bstan 'gro'i dpal du slar yang sprul pa'i sku 'khrul
med zheg myur du phebs dgos tshul ba nan tan phul bar zhal nas
khyed rang

tshos dkon mtshog la gsol thob/  ngas kyang dkon mchog la gsol ba
'debs zhes phebs pas dngos su sprul sku 'byon pa'i zhal bzhes ma
gnang yang don la zhal gyis bzhes par mdzod do/ /gsung 'di tsam
yang blo bros dang ldan

pas zhib tu brtags na gnad che bar snang ste/  zhus lan nor bu'i
phreng las/  rang gi yon tan sba bya zhing/ /gzhan gyi yon tan
bsgrag par bya/ /zhes dang/  'jam mgon sa paN gyis/  blun po yon
tan khar 'byin cing/ /mkhas pa yon 

tan khong du sped/ /ces gsungs pa ltar/  rje bla ma nyid skye
'chi la dbang thob pa'i dam pa khyad par can yin pa rnam thar
mthong ba rnams kyis shes pa ltar yin kyang/  de lta bu'i rnam
pa mi dzad par thugs shin tu sgam pa bka' gdams gong

ma'i rnam thar bdag gir bzhes te bde legs thams cad kyi tsa ba
dkon mchog yin pas/  grwa slob spyin bdag sogs dang ldan mtha'
dag gis rang 'dod spangs te gsol ba rtse gcig tu btab na/  dkon
mchog gi byin rlabs dang thugs rje

'ba' zhig gi mthu las nyi ma rang shar bzhin du gsal bar 'gyur ro/ 
/zhes 'doms par mdzad pa gor ma chag go/ /de nas lug lo zla ba
dang po'i tshes gnyis kyi nyin mdo smad kyi sde chen po dgon lung
byams pa gling gi srung ma rten khog

tu spyan drangs par rje de nyid kyi sprul sku 'byon min gyi lung
bstan zhus par/  srung ma nyid kyis kha dar srid zhi bde skyid
ma ring ba zhig gi sten du rtags brgyad ma ser po zhig dang/
de'i sten du nyin bde dkar po dri ma med pa rnams brtsegs te zhing

 ring thung snyoms par bsgrigs pa dka' 'chen zhes rab dar rgyas
la gnang nas rtog dpyod gyis zhes zhes phebs/  de la thams cad
kyis dpyad pas/  sprul sku mi ring bar 'byon pa dang/  byon pa
nyid kyang sku tshe mdzad 'phrin rgyas pa

dang/ /mdzad 'phrin bzang po la brtan nas zhi'i skyid 'phel ba'i
brdam mtshon du dpyad pa phyis su de khon bzhin du byung 'dug go/
/chu bzang rin po blo bzang bstan pa'i rgyal mtshan la sprul sku
myur 'byon gyi gsol 'de bas zhus

pa bzhin ljags rtsom mdzad skabs/  brka shes dge mtshan 'od dkar
sprol bzhin du/ /thub bstan kunda'i dpal du gsal gyur cig/ /ces
gnang ba dang dus mtshungs su dgon lung gi tshogs dud 'bud pa
'grig pas sprul sku nges par

'byon pa'i rten 'brel legs po byung zhes mnyes tshor chen mdzad/
'di lo bod du paN chen thams cad mkhyen pa blo bzang ye shes/
rgyal sras pa'i sku 'jigs med ye shes grags pa/  grung dbang
sems dpa' rin po che/  la

mo chos skyod chen po/  gnas chung/  dga' gdod chos skyong rnams
la rje bla ma de nyid kyi sprul sku 'byon min gyi lung zhu bgyis
par/  thams cad mthun par 'byon pa'i bka' lung gnang bas/  grwa
rigs thams cad nas sprul sku 'khrul

033 @#*/ /med cig 'byon par nges shes 'drongs/  'on kyang yul
phyogs gang du 'byon ma nges la/  la mo chos skyong nas sprul
sku rang 'dod phyogs su 'byon zhes pa dang/ dga' gdong chos
skyogn gis

rang phyogs su 'byon las che zhes phebs par brten a mdo phyogs
su phebs par thams cad kyis thag chod par gyur/  mdo khams kyi
phyogs ga 'dra zhig tu phebs pa yang/  gnas chung gis/  gnas
gzhi de nas brtsis pa'i nyi

ma'i byang nub tu rtog pa chug phyin rim gsal yong gsung ba
dang/  grub dbang sems dpa' rin po che nas gdan sa'i byang phyogs
su 'byon pa'i ngo shar zhes phebs pa la/  dag nas gang yin gyi
dogs gcod skyar zhu bgyis par

gdon lung yin pa 'dra zhes phebs/  dgon lung chos skyong gis bya
lo zla dang po'i tshes gnyis kyi nyin dgon lung gi nub byang gi
phyogs su mdzub ston gnang nas sprul sku 'di phyogs su phebs
rgyu yin zhes pa dang/  chu bzung rin po

che nas sku 'bum chos skyong la lud zhu gnang bar lho byang gang
shig tu 'byon pa'i lung bstan gnang/  de ltar lung thams cad
thun pa byung bas grwa slob rnams kyis dgon lung gi byang ngam
nub byang mtshams gang rigs

su sku 'khrungs par thag chod na'ng/  des kyang mi chog par da
dungs yul gyi rtags mtshan/  yab yum gyi ming sgra sogs zhib tu
the tshom chod dgos par bsam ste/  mkhas grub chen po rje 'jam
dbyangs bzhad pa'i rdo rje la gsung

brtag zhug pa'i phyir phebs su sprul sku sa cha phal cher lung
ba byang ngos mtho ba/  mgo byang lta'i 'phrang rtags can zhig
yong pa thon pa'i skor zhig la phebs pa'i shar shes gsungs pa
dang/  zhwa dmar bra sti dgon gyi srung  ma dga'

gdong  chos skyong nas/  byang yol lho dogs ltos pa/  rbab bra
sren gyi 'tshub cha ston pa/  skam srid kyi chu mig brdal rdol
ba/  ming dpal rus sogs la ga da ba na nga zhes 'khrungs pa'i
lung bstan byung/  de dag gi don 

bzhin drwa slob rnams kyis sprul sku 'i dogs gnas rtsad bcad
pas/  phyogs yas mas su dogs gzhin can kha shes byung 'dug na'ng/   
lang gru'u phyogs su sku 'khrungs pa 'di nyid khon phyogs dang
gnas dang yab yum gyi ming sgra sogs

gang ci nas lha dang bla ma'i lud bstan dang sgo thams cad mthun
par ma zad/  yab yum sogs kyi mtshan ltas dang/  sprul sku nyid
kyi sku'i mdzad spyod/  gsung gi phebs sgo gang la bltas kyang
rje bla ma ngag dbang blo bzang chos ldan dpal

bzang po'i yang srid 'khrul pa dang bral ba yin 'dug snyam du
thams cad dga' sprod dbyar gyi chu bo bzhin 'phel bar gyur to/
/de nas sprul sku ngos 'dzin gyi ched du grwa rigs kha shas 'gro
rtses kyis chu bzang rin po che ra brtag pa zhus par/  khor

gi brtag pa'i mchod me spar ba dang tshogs dung 'bud pa 'grig
pas/  rtan 'brel legs shing brtag pa 'ang bzang ba bbas pas ngos
'dzin la gang myur song ba 'thad ces gsungs/  rje 'jam dbyangs
bzhad pa rin po che nas kyang/  sa cha sngar

034 @#*/ /lung bstan pa dang mthun phyin brtag pa yang dga' rab
byung bas sku chas kyi rigs khyer nas ngos 'dzin byed bcug rjes
slar 'phros pa yod pa gyis zhes phebs/  dgon lung chos skyong
gis kyang de

mthun gyi lung bstan byung ba bzhin/  dgon lung spyi so nas dka'
bcu blo bzang bsam 'grub/  lcad skya bla blang nas dka' bcu lhun
grub rgya mtsho dang dge slong tshul khrim gyog rnams kyis/  sku
gong ma'i phyag dpe/

phyag 'phring/  thugs dam rten gyi rje'i sku brnyan rnams dang/
de dag dang dbyibs mtshungs pa'i 'dra min re bcas khyer nas ngos
'dzin mdzad bcug par/  phyag dpe phyag 'phring sku rnyan ngo ma
rnams nga'i yin zhes ma nor bar bzhes

shing/  'dra mtshngs rnams btang snyoms su 'jog pa mdzad/  drwa
pa 'di khrod na mkhyen pa'i rigs yod tshe mgo la phyag 'jogs pa
mdzod zhus pas thams cad zhib tu gzigs nas sku gong ma'i gsol
dpon lhun grub kyi mgor

phyag 'jog pa mdzad/  yang sku snga mas lhun grub la gnang ba'i
phyag 'phring zhig dang/  de dang 'dra ba gzhan zhig lhan du
phul nas/  'di gnyis kyi nang nas phring ba ngo mkhyen pa de yab
kyi sker skon/  mi mkhyen pa de bdag por sprod

ces zhus pas phyag 'phrong de yab kyi ske la bskon cing/  cig
shos de bdag por sprad pa sogs ngos 'dzin 'khrul med mdzad/
rgyu mtshan de rnams dang bcas slar yang rje 'jam dbyangs bzhad
par gsung brtag zhus pas/  dogs

gzhi yod pa thams cad la btag pa zhib yad yang byas par chi
kya tshangs pa gu ru bstan 'dzin gyi bu chung grags pa bsod nams
'di bla ma'i sprul sku 'khrul med yin 'dug pas bdag byas na
bzang zhes phebs/  dgon lung chos skyong nas

kyang sprul sku 'khrul med yin par thag chod pa'i lung bstan
gsal po phebs/  deng sang gi sku skye bdag byed mkhan phal che
bas snga ma de sku 'das phral rang nas rigs stobs 'byor dang
ldan pa'i khyim du skyes pa'i bu chung re 'bad pas

btsal nas rnyed phral rang du lha dang bla ma'i lung tshad ma
dang ngos 'dzin 'khrul med sogs gang yang mi dgos par phan tshun
nang mthun gyis go sar ljog gang thub byed pa dang/  yang lung
bstan sogs phul ba'i lugs su byed pa la las

bla ma'i nye gnas dang chos skyong gi sku lhog pa zang zing gis
brngan pa sogs lung bstan rang gi 'dod phyogs dang mthun pa yong
ba'i thabs zab mo'i sgo nas nas lung thel tshe can re la khung
bcol ba sogs 'phyon ma'i zlos gar rnam grangs ji

snyed cig bsgyur ba la ltos na/  deng sang gi dus su sprul
sku 'khrul bral 'si 'dra lta zhog 'di pa'i don skor la zhib cha
nan mthar de zhig lhur len pa'i gzur gnas kyi grwa slob de lta
bu yang u dumlba ra'i me tog las kyang dkon par

mthong ngo/ /gzhan yang/  deng dus go sa mtho ba'i sprul sku
gcig gang du 'khrungs sa der gzhan mchog dman mang po'i skye
srid kyang spang la sha mo rdol ba bzhin du der 'byung ba'i srol
zhig mdo dbus thams cad du dar 'dug pa ni/  so

035 @#*/  /skye'i blor mi chud pa'i 'phags chen dam pa rnams kyi
khyad chos zhig gam/  yang na snyigs ma'i dus kyi rang rtags
rjen par shar ba las ma 'das pa nyid do/  /sngar gyi 'phro ni/
de ltar lung

bstan tshad ma dang/  ngos 'dzing 'khrul med sogs rgyu mtshan du
ma'i sgo nas/  sprul sku ma nor bar ngos zin pas grwa slob rnams
yid bzhin gyi nor bu stor ba slar yang lag tu son pa lta bu'i
dga' ba tshad med pa dang bcas/

rje thu'u bkwan rin po che sogs pe'i cing dang sogs yul du
bzhugs pa'i bla chen rnams dang grwa slob spyin bdag thams cad
la gnas tshul zhib rgyas phul bas/  thams cad kyis rjes su yi
rang ba'i bsngags brjod dang bcas/

?gong ma chen por rgyu tshan zhu rtses bgyus par/  de dus sog
po'i lpang stobs 'byor can zhig la bu chung ba rje lcang skya
pa'i sprul skur dril bsgrags shing/  ?gong ma'i blon chen phal
cher yang lpang de la dga'

ba'i dbang gis re zhig gi bar/  ?gong mar zhu rgyu cur gan nas
bkag phal/  rje thu'u bkwan rin po che nas mdo khams su 'khrungs
pa'i sprul sku 'di la/  mdo dbus kyi skyes bu dam pa rnams dang/
chos skyong tshad ldan rnams

kyi lung bstan thams cad mthun cing/  sprul sku nyid nas kyang
ngos 'dzin thams cad 'khrul med mdzad pa sogs rgyu mtshan phyogs
sgor mo thams cad nas rje lcang skya pa'i sprul sku 'khrul med
yin cing/  gcig shog la de 'dra'i

gtan tshigs kyi phyogs tsam yang med pas gal te lugs srol bzhin
du khrims ra brgyud nas ?gong mar zhu mi 'jug na nged rang dngos
kyis ?gong mar mjal 'phrad skabs dag lam nas zhu rgyu yin/  'di
don la nga rang gi srog yal bar 'dor

dgos byung yang rang gi bla ma'i sku'i don ched yin pas 'gyod
pa cung zad kyang med do zhes cur  gan gyi am ban rnams la gsung
lci ba phebs pas/  khong tshos kyang bya thabs zad nas de 'dra
yin tshe ?gong mar zhus chog pa 'dug zer/  de nas

cu ra gan brgyud ?gong ma chen por rgyu tshan zhib rgyas zhus par
thugs shin tu dgyis pas myur du skye ba gong ma'i gdan sar spyan
drongs la thugs gnyer sogs mdzad chug ces bka' bzang po gnang/
de phral pe'i cing nas dka' chen shes

rab dang rgyas dang de mchi bcas ngo gyog rnams sprul sku gdan
'drin pa'i ched du yong ba dgon lung du 'byor/  lcags byi zla ba
lnga pa'i nang du 'khrungs yul du phyin te sprul skur rin po
cher mjal bas dgyes pa'i rnam pa dpag med mdzad/  tshe

gcig gi nyin sgrul gyi dus tshod la byes sgar gyi gzim gur du
gdan drangs nas gsol ston gzab rgyas thog dngos 'bul spam mtho
ba phul/  de ngen nam mkha' shin tu drwangs shing ngi ma'i 'od
gsal ba/  char rlung sogs kyis dben

pa'i khad shin tu 'jam pa la 'ja' sprin dang 'ja' tshon sna lnga
pa du mas mdzes pa sogs dpon slob thog ma'i mjal phrad kyi rtan
'bral ngo mtshar rmad du byung ba 'grig  /mjal phrad dang ston mo
grub zin nas gzim gur phyi rol

036 @#*/ /du phebs/  dres ma'i nang du bzhugs nas dres sprung
cig gi steng du ling dkar po'i phyag phyi gsar pa cig bkab ste
gdugs dang/  rgyal mtshan dang/  bdan yin gsungs nas sku rtsed du
ma gnang bzhin

par/  zhal nas sngon ?gong ma rgyal po zhabs phyir mi lung pa
khengs pa tsam dang bcas phebs gi 'dug  /sngon la rnga brdung ba
dang/  dung 'bud pa rnams byas nas/  ?gong ma rgyal po nang la
phebs nas gsol ja bzhes gyi 'dug ces

rjo gong ma de ngid zhing la phebs pa'i snga lo bdag po chen po
do lon nor byi gzim khang du phebs nas gsol ja bzhes pa sogs kyi
rnam pa ji lta ba bzhin gsal bar gsungs pas/  sku drung na yod
pa thams cad kyis rje bla ma de nyid kyi

sku'i skye ba 'khrul med du nges shes 'drongs shing dad pa'i spu
long gyo ba dang mig nas mchim 'khrug pa byung 'dug  /sngon rabs
dus kyi rnam thar ri mo kun/ /gzhon nu'i blo gros dri bral me
long du/ /shar 'dir mkhas drub blo bzang

chos ldan rje/ /zhi bar mnal ba'i gtam de rdzun du byas/ /tshul
de 'doms pa'i gsung snyan dbyar skyes sgras/ /bskul tshe grwa
slob yid kyi lha lam ngogs/ /dga' dad skyo ba kha dog 'dres ma'i
sprin/ /gtibs las mchi ma'i thigs pa

char du 'jag  /'di ni sngin gnas dran pa lta zhog gi/ /tshe 'dir
nan gyis bslabs pa'i tshig gsum kyang/ /ji bzhin mi thon gdol
ba'i phru gu 'ga'/ /skye srid bzung bar sgrogs la co 'dri nyid/
/de nas zla ba de ka'i tshe gsum gyi

nyin dgon lung phyogs su chi bas kha bsgyur bar yul phyogs kyi
skya ser dregs zhan mtha' dag gis rten 'brel sgo dum nas bsgrig
pa'i phebs skyel zhus te rim gyis phebs pa'i bshul lam du sang
nyin skar ma bzang bas sgom khang la

'gro rgyu yin zhes dben pa la dgyis pa'i thugs kyi bag chags sad
pa'i tshul dang/  hor zla drug pa'i tshes bzhi sangs rgyas kyi
chos 'khor bskor ba'i dus chen yin pa don gyis gsungs/  de nyin
hor gyi dgon pas bsu ba sar

'phreng sogs gang rgyas ngos 'du khang du gdan drangs te gzhi
len ston mo 'brul ba sogs gzab rgyas zhus pa'i bzhugs gral nas
khri'i gyas phyogs su ston pa'i sku brnyan 'bag btho cig la dbu
rgyan sgron yod pa gzigs nas lha

de'i dbu zhwang la dgos zhes sku rtsed kyi rnam pas gsung bar/
de ka'i bla ma zur bstan skyong zer bas dbu rgyan blangs nas/
phun tshogs gzi 'od phyogs bcur rab tu 'phro/ /zhes sogs kyi
tshigs bcad dang bcas pas phyag tu phul bar

thugs mnyes tshor pos dbu la bzhes sdangs sogs kyi sku rtsed ya
mtshan pa mdzad pa rtan 'brel phun sum tshogs par gyur cing/  der
'tshogs kyi skya ser dregs zhan mtha' dag gis ngo mtshar ba'i gnas
su 'dzin pa byung/  tshe

bzhi la chibs gong du a ra pa tsa gsung gdangs mthon pos bzla
bzhin phebs pa na skabs shig man la phebs pa'i rnam pa gnang
bas/  gka' chen shes dar bas chibs pa bskyod nas mphyogs tsam
phebs/  sku zhabs rgyal yag

037 @#*/  /dgon la phebs dgos rgyu yin mod zhus pa la/  nga rang
tsho rgyal yag dgon la 'gro rgyu e yin/  'o na rgyal yag dgon
pa'i ming ci zer zhes dri ba gnang byung bas ming sus kyang ma
shes pa zhu

rgyu ma rnyed pa la dga' ldan cig zer ba yin pas gsungs/  de nas
rim gyis yag rgyal yag dgon pa'i chibs bsu ba skya ser mang po
'byor pas khong rnams la dris pas dgon pa'i ming la dga' ldan
bde chen sling yin zer bas thams

cad ngo mtshar ba byung/  rgyal yag nas bsu ser 'phring sogs rten
'brel gang kyis 'du khang gi chos khrir gdan drangs ston mo 'bul
ba sogs gzab rgyas zhus/  bzhugs khri'i gyas phyogs su rigs gsum
mgon

po'i sku brnyan bzo de tsam legs rgyu med pa rnams la gzigs nas
'di dang 'di gang gi sku yin dang phyag mtshan sogs 'di dang 'di
ci yin sogs kyi bka' 'dri zhib par gnang/  lan phul tshar ba dang
bzo legs po mi

'dug phebs pa dang/  logs rigs rnams la zhib tu gzigs nas 'di
tsho rgya mis bris pa red gsungs pa sogs thugs rigs shin tu zhib
cing lha nyams la mkhas pa gyis bstan pas thams cad ya mtshan par
gyur/  der

gnas skya ser dregs zhan thams cad la mjal kha dang dmigs brtsem
dang a ra pa tsa'i ljags lung gnang nas ldan rnams tshim par mdzad/      
tshes lnga la zhwa dmar dgon pa'i grwa bsgrags kyi sar chibs
bsgyur  mdzad

par 'dan ma zhabs drung rin po che'i phyag mdzod rab /byams pa
sogs rgyal yag dgon pa'i grwa rgan gzhon du ma dang bcas skya
ser brgya phrag du mas tsha bbas bar du phebs skyil zhus/  khong
rnams yid shin tu mgun nas 'bral mi

phod pa lta bu'i phyir log  /rim gyis zhwa dmar dgon pas thab
bsu rim pa mang po dang/  bzugs sgar gyi nye 'dabs su gdugs dang
bdan rgyal mtshan rol mo sogs mchod rdzas du ma thogs pa'i dge
'dun brgya phrag mang po'i ser

phreng dang bcas gzim gur du gdan drangs/  gzhi len ston mo 'bul
ba sogs gzang rgyas zhus shing/  skya ser thams cad la mjal kha
gnang ba sogs kyis 'dod pa tshim par mdzad/  tshes drug la bzhugs
sgar 'degs pa'i

skabs zhwa dmar dgon pa'i bla ma che chen chos rjes phyag 'bul
zhus te dgon lung bar du phebs skyel zhu dgos don cha 'ga' zhig
gi phyir da lam zhabs phyi zhu mi thub pa 'dug cing/  gang myur
dgon lung du mjal bar yong zhes

dgongs pa zhus par/  thugs dgyes pa'i rnam pas gsol dpon lhun
grub la kha btags che ba zhig khyir shog gsungs pa bzhin phul
bar chos rjor gnang ste phyag gnyis dbu dang bcas pas byin rlabs
mdzad nas dgyes bzhin du

dgongs pa gnang bar chos rje dad pa'i spru long gyos shing/
'dren byed nas chu rgyun 'bab pa dang bcas 'bral mi phod pa
byung zhing/  de nas rim gyis phebs lam du rdor shi dgon pa'i
bla ma khri gdan zur grwa mang dang bcas bas bsu

038  @#*/ /ba ser 'phreng gzhi len ston mo sogs gzab rgyas mdzad/
 de nas rgyal rdog dgon gyi bla ma khri gdan zur gwa mang dang
bcas pas de ji lta ba bzhin mdzad pa'i bzhugs gral thog nas dud
dkar phyag

tu bzhes te 'bul pa'i stangs ka sogs kyi rtsed dang/  rtsa
brgyud bla ma rnams kyi bkra shis shog  /yi dam lha tshogs rnams
kyi bkra shis shog  /ma dang mkha' 'gro rnams kyi bkra shis shog
/chos skyong srung ma rnams kyi bkra

shis shog  /ces shis brjod mdzad par khri gdan zur dang bcas der
tshogs pa thams cad shin tu dad cing dga' ba'i ca co sgrogs pa byung/
de nas jag rung gzhung gi lha sde mi sde skye pho mo skya ser dregs 
zhan stong phrag du ma

tshogs te bsu ba ston mo 'brul ba sogs gzab rgyas zhus/  sku
zhabs nas kyang thams cad la mjal kha phyag dbang 'tshem med
gnang ba sogs kyis dad gus dga' spro'i dpal la bkod/  tshes bdun
la dgon lung gi lha sde

sngo kho dang dob tshang zer ba'i tsho pa gnyis kyis gzhi len ston
mo bsu ba sogs gzab rgyas zhus te thams cad la phyag dbang
gnang/  de nas brag dkar zer ba'i sa char sems nyid sku skye rin
pho che bstan 'dzin 'phrin las rgya mchos

dbu mdzad pa'i sems  nyid dgon gyi che phra mang pos phebs bsu
dang bcas byes sgar du gdan drangs/  ston mo 'brul ba sogs gzang
rgyas zhus/  sems nyid zhabs drung rin po che dang dpon slob
thog mar mjal tsam nas thugs

yid gcig tu 'dres pa lta bus shin tu thugs nang gtsang ba'i
stangs ka mdzad dang/  shel kar sder ma gang phul bar kyi tshul
du ka ra rdog po 'ga' blangs nas rang gi bzhes can du bzhag  /de
rjes zhabs drung la rdog po kha shas

gnang byung bas/  zhabs dung rin po ches 'di lta mdzad pa ni khong
rang bdag gi bla ma yin zhes dngos sum gsungs kyang/  don gyis
nga rang gi bla ma'i sprul sku 'khrul med yin pa'i brda mtshon
par  mdzad pa yin 'du gces gsungs shing

dad mos byis thal mo spyor bar mdzad/  mjal kha'i skabs rab
'byams pa cig la rab 'byams pa zhes bos nas ngos 'dzin mdzad pa
sogs kyis/  zhabs drung rin po ches dbu mdzad pa'i der 'tshogs
kyi skya ser dregs zhan thams 

cad kyis nges shes kyi dad pa'i spul long gyos shing ngo mtshar
rmad du byung ba'i gnas su 'dzin  pa byung/  de nas mchod rten
thang gi dgon pa'i bla ma khrig gdan zur gyis gtso ba'i grwa pa
rnams dang mchod gzhi'i mgo yod rgan mang bcas ser

skya mang pos rgyang ring po nas chibs bsu dang/  dgon pa'i nye
'dabs su mchod rdzas thogs pas sna drangs te dge 'don rnams kyi
ser spring dang bcas gdan drangs/  gzhi len ston mo sogs gang
rgyas zhus/  drigs zhan la ma

ltos pa'i mjal kha phyag dbang ris med du gnang ba sogs kyis
thams cad spro ba'i gnas la bkod/  tshes brgyad la/  bzhugs sgar
'degs skabs yum gyis mjal bar/  nga rang dgong lung la slebs nas
khyod rang dang bsod

039 @#*/ /nams/ tshe ring sgrol ma sogs phral du phyir rang yul du
log  /nged dang yab gnyis dgon lung du re zhig bsngad nas rjes
sor rang yul du 'ong zhes dgung lo  bzhi pa gcig la dpag pa'i mi
rgan

po'i bslab bya lta bu gnang bas/  sprul sku 'di thugs dkyel che
ba zhig yong ba 'dug ces gling/  de nas gan chen dgon pas skya
ser mang po'i chibs bsu dang/  gdugs rgyal mtshan rnga rol sogs
mchod rdzas du mthogs

pas sna drangs pa'i ser 'phreng bcas 'du khang nang du bzhugs
khri'i khar gdan drangs gzhi lan ston mo 'bul ba sogs gang rgyas
zhus pa'i bzhugs gral du rnga dang spub chol sil snyan dril bu
sogs dkrol ba'i sku rtsed gnang

par/  de kha'i grwa pa rgan pa rnams kyis sku zhabs sku tshe snga
mar dbus gtsang nas a ma mdor phebs phral gan chen la sman chog
gsar 'dzug mdzad nas/  sku zhabs nyid rang gis nged tshor rnga
sil dkrol lugs bslabs pa da

res ngos 'dzin mdzad pa yin 'dug ces gling zhing thams cad la
dad dang/  ?sprul sku 'khrul med kyi nges shes bskrun par mdzad/
 tshes dgul lam phebs lam du char che bas dbu gdugs phab par gyog
bskon te bzung nas 

gyang tsam song ba na zhal nas/  dgon lung gi bsu ba slebs yod
pas gdugs par gyis zhes lan 'ga' gsungs pa bzhin/  dbu gdugs
bteg nas ring po ma lon pa na/  dpon slob chu bzang tshang gi
phyag mdzod

dka' bcu blo gros dar rgyas bcas chibs bsu ba mi nyung tsam zhig
slebs pas chibs rag pa rnams ya mtshan pa byung/  tshes bcu la/
dgon lung nas chibs bsur phebs pa'i sku skyes chos rje rnams
dang dka' ram dge tshul slong

brgya phrag mang pos phyag dbang zhus par/  drigs zhan 'bring
gsum la phyag dbang gnang lugs sogs bla chen rgan po lta bu
mdzad cing/  de nas rim gyis phebs lam du chu phran cig gzigs
par/  ngas khrus cig byed dgos kyang

chu 'di la khrus mi byed/  la pha gi'i pha rol lan rgyug chu che
ba cig yod pas der khrus byed rgyu yin zhes shing rta zer ba'i
la rting nas pha rol na kha li chi zer ba'i chu chen zhig yod pa
gsal por gsungs pas/  thams ca ngo 

shing der 'tshogs rnams yid ches kyi gnas su bkod/  de nas rim
gyis bshad sgrub bstan pa'i 'byung gnas chos sde chen po dgon
lung byams pa gling nyi 'dabs pa na/  dge 'dun stong phrag gsum
lha gtsam gyis chos gos

snam spyar sogs dur smrig gi rtags kyis mdzes par klubs shing/
gdugs dang/  rgyal mtshan/  ba dan sogs mchod rdzas sna tshogs pa
mang po dang/  dud chen rgya gling sogs rol cha sna tshogs 'bud
dkrol gyis sna

drangs ta/  gzhan yang me tog dang bdug spos sogs mchod pa'i yo
byad mtha' yas pa dang ser 'phreng gi bkod pa shin tu mdzes pas
bsus par/  sprul sku rin po che ser 'phreng gi slebs pa dang/
thugs gzhan du ci

040 @#*/ /yang mi gyengs par dge 'dun thams cad la zhib gzigs
gnang bzhin par phebs pas/  dge 'dun rnams dad pa'i spu long gyo
ba byung/  dgon lung khri pa sku zhabs chu bzang rin po che

nas gnang skabs yin 'dugs pas khong gi ljags bkod bzhin/  dgon pa
rang du sngar phebs kyi bla ma su la'ang ma mdzad pa'i spyi bla
brang/  sgar pa che tshad thams cad kyi so'i brang khang gi yang
thog nas bkra shis khra ring khra khyil

khyil brkyang ba dang/  ri rtse dang srang bar rnams su dri zhim
po'i shing sna'i dud sprin 'thul zhing/  gtsug lag khang rnams
gyi yang thog dang ba gam ci rigs nas dung chen/  rgya gling/
rnga rol sogs rol mo'i khyad par sna tshogs

pa 'bud dkrol dang/  rgyal mtshan dang ba dan mthon por bsgring
ba sogs bkur sti bla na med pa dang bcas/  sku gong ma'i gzim
khang du gdan drangs/  chu bzang rin po che blo bzang bstan
pa'i rgyal mtshan gyis skra phud bzhes

te/  ngag dbang chos kyi grags pa bstan pa'i rgyal mtshan dpal
bzang po zhes mtshan gsol/  lcang skya bla brang gi gnyer pas
kyang sprul sku rin po che/  chu bzang dpon slob rin po che/
'dan grub chen sprul sku sogs bla ma dang/

yab yang gyis gtso ba'i byes kyi mgron thams cad la dga' ston
rgya chen po dang/  yab yum sku mched sogs la dngos po'i ster
cha bcas gzab rgyas phun sum tshogs pa bgyis so/ /rmad byung
mchog gi sprul sku mtshan mo'i mgon/

dam pa'i rang rtags dkar ngom bzhin du/ /drun dbang rgyu skar
ston gi 'khor dang bcas/ /byams gling kunda'i dga' tshal skyong
bar gshegs/ /de che rig grol gnyis ldan 'dus pa'i sde/ /drangs
med tshar du dngar ba'i ser spring gi//

bla gos gsar pa'i mdangs kyis sngo bsangs ma'i/ /'gram par li
khri'i thig le 'god pa bzhin/ /ji ltar 'phags yul bdzra a sa
nar/ /thub pa'i dbang po'i zhabs sen bkod pa bzhin/ /byams pa
gling du 'od 'bar nor bu'i khrir/

mchog gi sprul sku 'di yi zhabs pad bkod/ /chos kyi rgyal po 'di
yis 'dzam gling kun/ /chos kyi grags pas khyab par mdzad gzigs
nas/ /chos kyi spyan dang ldan pa'i slob dpon gyis/ /chos kyi
grags pa zhes pa'i mtshan gsol

mdzad/ /ji ltar tshes pa'i zla ba yi/ /cha shas rim gyis gang ba
bzhin/ /rgyal sras gzhon nu'i mdzad 'phrin kyang/ /nyin bzhin
gong du 'phel ba na/ /'di yis las dang skal bar ldan pa yi/
/'gro ba mang zhig thar pa'i khang bzang du/ /

'khrid par 'gyur zhes yid srubs sde dang bcas/ /mya ngan khang
bur zhugs te shugs ring 'byin/ /dkar po'i phyogs la mngon dga'i
lha klu rnams/ /legs so'i me tog mkha' la 'thor bzhin du/ /dbu
'phang mthon por bteg

dga' ba'i bzhin/ /cha shas yongs su gang ba'i zla ltar 'dzum/
/zhes bya ba ni bar skabs kyi tshigs su bcad pa'o/ /khyab bdag
rdo rje sems dpa'i ngo bo dpal ldan bla ma dam pa ye shes bstan
pa'i sgron med dpal bzang po'i rnam par

041 @#*/ /thar pa mdo tsam brjod pa dge ldan bstan pa'i mdzes
rgyan las/  chos sde chen po dgon lung byams pa gling gi bla
brang du mi 'jigs seng ge'i khri la zhabs kyi pad mo rnam par
bkod pa'i le'u ste gnyis

pa'o//   /  //sku gong ma'i thugs dam rten thub pa'i li sku byin
can zhig yod pa dgon par spyi 'jog tu 'bul rtses kyis rten sgam
gang gi nang du yod dam zhes sku drung du gling bar/  mchod
khang du byon nas rten sgam

cig la phyag mjub btsugs te 'di'i nang du yod ces gsungs pa/
kha phye bas sku brnyan rten sgam de na 'dug pas thams cad ngo
mtshar bar gyur/  zla ba drug pa'i byar chos kyi skabs 'du khang
steng du rjo gong mas spyi 'jog mdzad

pa'i mkhar rnga brdung ba gzigs nas/  pha gi ci yin zhes tshul
khrims dar rgyas zer ba la bka' 'dri gnang bar 'khar rnga yin
zhes zhus pas/  'khar rnga 'di ngas phul ba yin gsungs/  de la
dka' bcu dag dbang lhun grub pas khyed

kyis zhal rdzun ma gsung zhes sku rtsed zhus par/  rdzun yin na
lha dpang/  'di ngas pho brang nas khyer yongs nas dgon par phul
ba yin/  zhes ngos 'dzin gsal po mdzad/  zla ba bdun pa'i bcu
bdun la drag char chen po cig byung

par/  nga pho brang la song dus drag char 'di 'dra cig byung nas
khag po byas zhes gsungs pa la/  dka' bcu shes dar bas nas ji
ltar byas pa yin zhes dri ba zhus par/  drag char byung nas nged
tsho song na e dga'/  bsdad na e dga'

byas pa yin zhes thog mar pho brang la phebs pa'i bshul lam du
drag char chen po cig byung ba thugs kyis dran nas gsal po
gsung/  yang skabs shig dgon lung gi grwa shag mang po cig la
phyag mdzub kyis bstan nas/  'di nas 'di'i bar dchong 
 
mi shes pa zhig byas 'dug phebs pa dang/  spar bzugs myong 
ba'i khang pa gcig la 'di ngas ngo shes/  nga 'dir rgyun 
ring bsdad pa yin ngos 'dzin gsal po mdzad/  snga phyir 
sngon gnas rjes dran gyi gsung mang du phebs pa 'di dag ni/

blo gros mi zad par bstan pa'i mdo las/  des sngon gnas rjes su
dran te skye ba brgya yang rjes su dran no/ /zhes sogs gsungs pa
dang/  phal po che las/  de 'di nas kyang rmongs pa med par
'gro'o/ /pha rol tu rmongs pa med par skye'o/ /zhes

sogs gzhan don du skye srid 'dzin pa'i byang chub sam dpa'i
khyad chos gsungs pa rnams gsal bar bstan pa ste/  deng sang gi
skye srid bzung bar khas 'chi ba rnams la khyad chos 'di'i
phyogs tsam yang yod pa ma mthong ngo/ /de nas re zhig gi

bar du sku gong ma'i slob ma a rtse chos rjer grags pa rje blo
bzang chos 'dzin pa sku drung du bcar bzhugs mdzad cing/  gzab
gshar gyi yi ge 'dri klog sogs phul bas tshegs med par thugs su
chud/  chos spyod dsol 'debs kyi rim pa dang/

bde gsang 'jigs gsum gyi sgrub thabs/  chos skyong rnams kyi
bskang dso'i rim pa sogs phral du nyer mkho'i rigs phal cher
thugs 'dzin mdzad/  bshar spyang gnang skabs tshig 'dis don 'di
lta bu zhig ston pa 'dug/ /dmigs rnam

042 @#*/ /yid la byed tshul 'dri 'dra dgos rgyu yin 'dug ces bla
ma chos 'chad pa la goms pa zhig gis 'chad pa bzhin du gsungs
pas chos rje sogs dad pa'i shugs kyis mchi ma 'khrug pa byung
'dug  /sku

na phra ba'i dus 'dir nyams dang rmi lam 'dres pa'i snang ba la
ko sa la brik+ShA nas  grub chen zhig gis khyed bsrung bar btang
ba yin zer a tsar gnyis kyis nub bzhin mel tshe byed pa zhig yod
pa dgung lon ra son pa na med song/

phyis su brtags na mgon po dang lha mo gnyis kyi rnam 'phrul yin
pa 'dra zhes bdag cag la dngos su gsung/  dgung lo bdun gyi thog
rje blo bzang bstan pa'i rgyal mtshan dpal bzang po'i drung nas
yongs rdzogs dge bsnyen gyi sdom pa

dang bar ma'i tshul khrims legs par bzhes/  'di dus skyabs 'gro'i
bslab bya dang dge bsnyen gyi bslab bya rnams zhib tu nges par
bgyis te bsrung mtshams las mi 'da' bar bgyis pa yin zhes zhal
nas dngos su gsungs pa

thos so/      /rgyal sras gzhon nu'i zhal gyi chu 'jin las/
/sngon gnas rjes dran gsung gi dbyar skyes sgra/ /yang yang
bzhad pas grwa slob mdong ldan tshogs/ /nges shes brtan po'i
mngal gyis sgeg par gyur/ /zhi dul

bag yod spyod pa zhim bo'i dri/ /skyes rabs mang po'i tsandn
ljon pa la/ /rtag tu sim pa'i ngad pa sku tshe 'dir/ /gzhon nu'i
dus nas ngang gis 'thul dang myur/ /rgyal ba'i myu gu 'di 'dra
mi bsrung na/ /bdag cag srung mar 'bod pa

bo tsha zhes/ /bstanm srung gtso bo ma mgon lcam dral gyis/ /nyin
mtshan kun tu khyod la mel tshe bgyis/  skye phreng kun tu 'bral
med bzung ba yi/ /yon tan rin chen rgyan cham rnying bzhin/
/dbyangs gsal srad bur brgyus pa'i cho ga'i

phring/ /mgul du bzhes pa'i ngal ba 'di zhig  /deng dus bslabs
kyang mi shes blun phrug 'ga'/ /ma bslabs thugs su chud par khas
'che bas/ /chen po'i sar 'gying ba 'di dag la/ /co 'dri'i ched
du yin par bdag gis

'khums/  skabs 'dir mtsho sngon gyi dpon po bstan 'dzin ching
lpang sogs kha shas rang gi mnga' ris la spyod pa'i bsod nams
kyi mthu zad pa'i dus la slebs te 'khor lo bsgyur ba'i rgyal
po'i yan lag bzhi pa'i dpung la

dmus long glin pa dbyug pas gyul 'gyed pa dang mtshungs par/
rgya nag la ngo log rtsis kyis dus zir bslang bas yos kyi lo
'dir cang jun gung nyen gyo'u grung chi gnyis kyis dpung chen
bte nas mtsho sog cham la

phabs/  de dus gser khog dgon gyi se chen rab 'byams pa sogs
'phung 'dres brlams pa 'ga' zhig sog po'i dmag rog la song ba
sogs rkyen ngan mang po zhig 'dzom pas/  gtso bor  gser khog
dgon dang zhar la dgon

lung sogs nyes pa yod med kyi dgon snge che chung mang po zhig
la gong ma'i bka' chad phog ste/  lo 'dir gser khog gdon dang/
shing 'brug lo dgon lung du gmag dpung chen po 'ongs nas dgon
gnyis ka shul med du btang/

043 @#*/ /'di skabs ?gong ma yung Ting chen po rgyal sar mnga'
bsgyur ba'i lo phyi ma yin cing/  gong ma 'di nyid sngar rgyal
sar ma 'khod gong du lcang skya gong ma rje ngag dbang blo bzang
chos ldan las zab rgyas

kyi chos mang du gsan pa dang/  rgyal sid la dbang ba'i rten
'brel du bzhugs khri khyad mtshar zhig rje bla ma nyid la phul
nas thugs smon shugs drag mdzad pa'i 'bras bu dus sa smin pa
bcas/  rje gong ma de nyid la thugs dad thun

mong ma yin pa yod pa'i dbang gis/  blo bur du thugs dran sad
pa lta bus sprul pa'i sku dmag 'khrugs kyi nang du sku la nye
zho sogs 'byung dogs kyis thugs ngal chen po 'khrungs te/  de ma
thag dmag dpon gnyis la/  bdag gi

slob dpon lcang skya kau shri'a chen po'i sprul sku de phyogs su
bzhugs pa sku la nyam cung zad kyang med par gser gyi rgyal khab
chen por myur du dgan 'dren par gyis gsung ba'i bka'i gser yig
pe'i cing nas zi ling gi bar du zhag

lngas slebs pa'i shin tu mgyogs phebs/  'di dus sprul sku rin po
che dgon lung nas nyin lam gnyis tsam gyis cha na ri brag rang
rong lan gas tshal shin tu 'thug po bar mtshams med pa 'khrigs
shing gcan gzan gtum po ma

rungs pa du ma rgyu ba/  lam 'phrang thams cad brag chu 'thab
pa'i bgrid shin tu dka' ba'i spas lung 'ga' zhig yod pa der cha
zi bya ba'i ri'i rtse mor brag phug kha gnam la blta ba mi rgyus
can ma gtogs dka' ba zhig tu

gsang stabs kyis gdan drangs/  phyag gyog pa gnyis tsam bcas
nyin mo me btang na su ba thon nas gzhan gyis shes dogs pas/
gyos skol sogs mtshan gung thun gcig tsam las byed rgyu mi yong
pa sogs shin tu 'o brgyal bar

bzhugs/  phyag gyog pa gnyis rgyun du sems khral khon byed pa
la/  sprul sku rin po che nas rang re 'di 'dra'i spas gsang thabs
sdug po byed dgos pa med/  sa cha gu yangs pa zhig tu phyin nas
zos bder bsngad pas chog ces yang yang

gsugs kyang/  phyag gyog pa tshos sku na phra bas lhus ma things
pa'i bab col du bzung nas cha 'jog mi byed par ma zad nye 'khor
du skyo sangs tsam du yang 'byon mi 'jug pa sogs bsdam ra shin
tu dog po bgyis 'dug  /cang jun gnyis

kyis ?gong ma'i bka' slebs phral du dam mi rnams la lo bco lnga
lon pa man chad dsod mi chog pa dang/  de rigs gang byung bzung
nas cang jun la sprod dgos pa'i dril bsgrags pas/  sprul sku rin
po che'i thugs rje'i mthu las

gyul du tshud pa'i bu chung bgrang las 'das pa zhig srog gi 'jigs
pa las thar bar gyur/  re zhig cig na cang jun sogs kyis sprul
sku rin po che 'ju lag phyogs kyi spas yul zhig na bzhugs pa
cung zad 'phrig tshud pas/  de'i nye

'khor gyi sngo kho dang dob chang gi 'brog sde rnams dang bchod
rten thang dgon pa'i bla ma las sne rnams la sprul sku rin po
che de phyogs su yod 'dug pas mi sprod na dmag dpung chen po btegs
nas yul phyog dang dgon snge rmeg med du gtong

044  @#*/ /rgyu yin tshul gyi rtsad gcod drag po bgyis pas phyogs
de'i ser skya thams cad ci bya gtol med la thug  /da dung yang
re zhig gi bar gsang bsdam pa'i lugs su gyis 'dug 'ang rim gyis

gcig shes gnyis shes kyis gsang rdol bas bya thabs zad de/  dgon
lung spyi pa dang lcang skya bla brang gi nang bzan kha shas
sprul sku rin po che gdan 'dren la phyin/  khong tsho sleb rgyu'i
snga nub sprul sku rin po che'i man la lam du

mi gcig gis sang nyin gdan 'dren mkhan slebs yong bas tsha mtshom
med par phebs na bzang zer ba cig byung/  sang zhog zhabs phyi
tsho la gsungs par/  'jam pa sku rim pa na re/  khyed kyi rmi lam
ltar na mgo bskel

bar song na bzang 'dug ces ma rnags pa'i tshig mang du lab/
sprul sku rin po che nas brag steng zhig tu phebs nas mi 'dra e
yong gi bya ra mdzad dpas/  skabs shig rgyang ring po nas rta pa
kha shas yong gi yod pa gzigs nas

phyag gyog pa rnams la spran par/  sku rim pa na re/  rmi lam
bzhin du mgo len mkhan slebs byung zer zhing la 'gyel te du 'bod
dang brdung ba sogs byed pa la/  sprul sku rin po ches/  ma gi
tsho'i cha ligs la bltas

na mag mi min pa 'dug  /rang re'i grwa pa yin pa 'dra gsungs
pas khos bltas nas da dung yang yid ma ches/  de nas nang bzan
rnams sku drung du slabs nas/  gsang thub par ma zad lta ma
phebs na/  yul phyogs dgon

sde yang gdan brlag 'gro ba dang mthar cis kyang phebs dgos pa
las 'os mi 'dug tshul zhus par/  sprul sku rin po che nas/  nged
rang phyin na rab skyon ci yang med snyam zhing/  gal te skyon
byung na 'ang mi gcig tsam yin pas 'gyod

rgyu med/  ma song na nged rang gi don du mi mang po'i srog la
gnod cing/  mchod rten thang dgon pa yang gtan med du 'gro ba
dang/  mthar nged kyang mgo mi thon nges pas/  da res phral du
'gro ba rang legs zhes gsungs pas/  phya

gyog pa rnams dad pa dang skyo ba 'dres mas ja sun cig gi yun
tsam la mchim 'don pa las gtam gling ba sogs kyang ma byung/  de
nas thams cad kyis phebs rgyur thag bcad de/  lam 'phrang rnams
su phyag gyog pa gnyis gsum

tsam gyis re mos rgyab tu khur ba sogs dka' spyad kyis byon/  ri
sul cung zad khong yangs pa shig na dgon lung spyi pa dang/
lcang skya bla brang sogs ras gur ngan ngon re phub nas gzhi
bzung yod der 'byor na zhag gnyis gsum

tsam ci bder bzhugs so/   /mnga' thang gangs ri dgung du bsnyegs
pa la/ /dbang byed sa yi bdag po gdon lnga par/ /bsod nams dman
pa'i gshong bur rgyu ba yi/ /blun po lba skyes 'ga' yis rgol bar
brtsams/ /de tshe

sa bdag dpun gi rte mo can/ /drag tu gyos pas rgol ngan tshang
tshing nags/ /bsregs dang lhan cig las kyis nongs pa yi/ /nyes
med rtswa shing gel pa gzhan yang bcom/ /bdud dmag bye bas mtshon
gyi char phabs kyang/ /yid 'ong me

045 @#*/ /tog sil mar bsgyur nus pa'i/ /skyes mchog 'di 'dra
rkang gnyis dmag dpung la/ /'jegs pas 'bros pa rus spal spur 
mtshungs kyang/ /gang na spros dang rtsod pa yod pa las/ /dpag tshad

brgya yi pha rol 'gro bya zhes/ /thub pa'i dbang pos rnag gi
rjes 'jug la/ /gdams pa stsal ba rjes su sgrub bzhed nas/ /mda'
na chu brag 'thab pas gnas sgo bsrungs/ /khor yug nags kyi yol
bas mi mngon

bsgribs/ /phyogs mtshams gcan gzan gtum po'i mel tshe can/ /ma la
ya 'dra'i ri bo'i rtser byon te/ /gnyis pa'i grogs ni grib ma
las med cing/ /nyi zla'i 'char nub blta las spros gzhan dor/
/nyin mo'i bza'

btung spangs pa'i dka' thub kyis/ /mkha' 'gro phug ron rtse ba'i
dor 'grims/ /'di ni skyes rabs du mar spyang yon la/ /goms pa'i
rang gi ngang tshul ngom pa'am/ /ting 'dzin bder sred nags kyi
drang la/ /co

'dri byed ces bdag yid 'phyang mo nyug  /kye ma 'gro mang srog
gi 'khri shing ni/ /gyul gyi spu gris gcod par gzas pa yang/
/gang gi mtshan tsam mthun yis phyir bzlog pa/ /'dis kyang
mtshungs med skyabs su cis mi

rtogs/ /sems can gzhan la phan pa'i don 'gyur na/ /spu gris bar
med gtam pa'i lam du yang/ /pad mtsho mthong pa'i ngan pa ltar
'jug pa/ /thugs rje'i dbang gyur khyod la skyabs su mchi/ /de
nas dmag sgar su phebs

par nye ba na/  lcang skya bla brang gi phyag mdzod ba yan nang
so zer ba na re/  da ni sprul sku rang dbang med par dmag nang
du phebs dgos pa 'dug  /gra pa'i khrod na phyag gyog la 'gro
'dod mkhan yod tshe shin tu legs/  gsod sar 'gro

ba yin gshis dang blang gis 'gro mkhan ma byung na tshag rgyag pa
dka'/  nga rang ni lo yang rgas pas bla ma gong ma'i rten gsum
dang phyag bu yod pa 'di rnams bsrung nas 'dug pa las/  sprul
sku'i rjes la 'gro rgyu min no zhes pags

pa sngon po'i lba'i rang skad bsgrags la/  a rtse chos rjes
nged rang sprul sku dgung lo bzhi'i dus nas da lta'i bar 'bral
med du phyag gyog bgyis pa yin/ /da cha gnad 'gag la thug dus
blos gtor mi phod pas 'chen mnyam 'chi dang/

gson nam nyam gson min pa med zer/  de bzhin du gzhung bzang
snying stobs che ba'i gra pa dgu tsam gyis phyag gyog tu 'gro ba
khas blangs/  dpon gyog bcu gcig po rim gyis rgya'i dmag sgar
yod sar 'byor/  gra pa dgu po nang du ma

btang bar/  a rtse chos rje gcig pu sprul sku rin po che dang bcas
yo'u cang jun gyi drung khrid pas/  ras gur shin tu che ba zhig
gi dbus na khri mthon po stag lpags kyi gdan bting ba zhig cang
jun khor rang 'jigs rdam che ba'i tshul

gyis 'khod pa'i gyas gyon du dpon chen brjid bag can du dang
mtshon cha sna tshogs zang zing du 'phyar ba gshid ma'i ngan tshul
can mang po phring tshar du bsgrigs pa rnams kyis ku co sgrogs pa
sogs shin tu 'jigs shing skyi gya' ba'i

046 @#*/ /dbus su sku rin po che zhabs pus btsugs nas bzhugs su
bcug  /cang jun gyis skad kyi nga ro chen pos/  sprul sku khyod
lcang skya hu thog thu'i sku skye yin nam zer ba la/  sprul sku
rin po ches/ lha

dang bla ma tshad ldan rnams kyis bla ma de'i skye ba yin gsungs
pas de'i gos sar bsdad pa yin ces gsungs pa la/  'o na khyod
rang gi skye ba sngon ma de la ?gong ma chen pos bskyangs bdag
rkyen tshad med gnang ba yin pa la/  khyod rang da

cha ?gong ma chen por ngo log pa'i rgyu mtshan ci yin zer/  de la
sprul sku rin po ches/  nged rang byis pa lo brgyad zhig la
rgyal po chen po la log pa'i dpyad gzhi mi sems yod su zhig gis
byed ces gsungs pas/  kho pa dpon po

gzhan rnams la bltas nas ngo 'dzum tsam byed cing/  khyod lo log
pa min na rang gnas su mi sdod par nags khrod dben pa bgrod dka'
ba'i gnas su 'gro b+ha ci yin zer ba la/  srog mi gces mkhan su
yang med pas mi gsong

mkhan gyi dmag dpung chen po yong gi 'dug zer bas skrag nas bros
pa yin zhes gsungs par dpon po thams cad bzhad gad theg gi ba
byas/  de ltar nyam nga ba dang bag tsha ba cung zad kyang med
par drigs pas myos pa'i skye bo

klan ka 'tshol ba de'i slobs pa bcom pas/  khyod ngo log gnong
ste gyog zhig la brda spyar nas/  des phyi rol tu thon ces skrod
pa lta bu byed pa bzhin/  ras gur gyi ra ba'i phyi log tu phebs
pa na zhabs phyi pa gzhan rnams

sa la 'gyel zhing mya ngan gyi cho nge 'debs kyi na 'dug pa
rnams kyis sprul pa'i sku nyam nyes med par phebs pa mthong nas
dga' spro'i shugs kyis phyag zhabs na bza' ci rigs nas 'chang ste
re zhig gi bar du phan tshun gtam 'dri ba yang 

mi dran par lus/  de nas bzhugs gnas ras gur zhig tu phebs pa
na/  cang jun gyi mi zhig btang nas gsol chas phran bu phul
zhing/  sang nyin nas dmag sgar 'degs pa dang lhan du zi ling du
phebs dgos/  gzhon pa dang

chas ka rnams nyin re bzhin sprod pa yin/  dpon chung zhig dang
dmag mi kha shas 'bral med du 'gro rgyu yin zer/  sang nyin
nads dmag sgar 'degs pa dang lhan du tsha zhag gar bbas su mnyam
du phebs/  sprul sku rin po cher nyin

bzhin chibs rta re byung/  phyag gyog pa rnams la skabs 'ga'
zhig tu zhon ster kyang de ma thag dmag mi ngan pa sogs kyis
'phrog nas rang rang gi rta sga khur nas 'gre dgos pa dang/
dsol chas sogs mdzod nas thon na'ang

bar nas gzhan gyis phri ste/  ngan ngon nyung ngu tsam re las ma
byung bas dpon gyog rnams shin tu 'o brgyal ba zhig la zi ling
mkhar du 'byor/  'di yan la ?gong ma'i bka' bzang po phebs yod
pa ma shes pas phyag gyog pa

rnams nyin re bzhen de ring skyon ma byung yang sang nyin ci
'dra yong snyam pa dang lhag par zi ling du slebs nas ga 'dra
byas yong snyam sams ngal 'ba' zhig gis nyin mtshan 'da' bar
gyur/  sprul sku rin po che thugs tshab pa sogs

047 @#*/ /kyi rnam pa cung zad med par ma zad/  rang re rnams
zhag kha shas kyi bar sran btsugs na de nas bza' btung zhim po
bza' ba dang ltad mo ya mtshan can mang po mthong rgyu yin mod
ces phyag gyog pa

rnams la dbugs dbyung ba'i gsung yang yang phebs par phyag gyog
pa phal cher gyis/  sngar sor yang sprul sku'i gang gsung ltar
byung song bas da res gsung ris 'di la dpags na skyon med yong
ba 'dra zhes dga' dga' ltar

byed/  'ga' zhig gis ya mtshan rang ga 'dra yin kyang ltad mo
sngar ma mthong ba zhig mthong dogs 'dug zer/  zi ling du phebs
pa na bzhugs gnas kyi khang pa sogs gang ci'i gra bsgrig gzab
rgyas 'dug pa dang ma 'gyangs par

?gong ma'i bka' bzang po'i gser yig bsgrags pas thams cad kyi
yid la rab dga'i sa thob pa lta bu'i dga' sprod dbyar mtsho'i
lang tsho la 'gran pa byang/    /dus gsum shes bya'i ri mo ji
snyed pa/ /rnam 'dren

'di yi mkhyen pa'i me long du/ /dsal bar bkra yang tshur mthong
skye bo rnams/ /yid gnyis za ba rmongs pa'i rang mtshang ste/
/bsod nams kyis tsang zhal gyi pngma'i dbus  /lung bstan bud
ba'i dar dri sgrogs pa gang/ /ji

bzhin mngon sum gyur tshe gzod de dag  /yid ches dad pas thal mo
spyor par byed/       /dpon chen rnams kyis kyang nyin re bzhin
gsol ston dang rtsed sna mang po'i gzigs mo 'bul ba sogs bku sti
rim gro phun sum

tshogs pa bsgrubs shing/  sngar sor phyag gyog pa bcu las med
kyang/  de nas che phra mang pos phyag gyog la hab thob kyis je
mang dang/  sngar gyi ba yan nang so yang slebs nas phyag mdzod
kyi gos byas pa sogs 'khor ba'i

mtshan nyid mig gis mthong rgyu dang lag pas 'dzin rgyu yod pa
zhig gsal bar bstan 'dug  /mi ring bar sku 'brum bzhes pa la/
dpon po rnams kyis rgya'i sman pa nyams rgyus yod pa mang po'i
ngag bsdur gyis sman dang dbyad 'jam po'i

rigs rnams phul zhing/  dsol chas 'phrod bsten sogs gzab par
gyis/  phyag gyog rnams kyis sku 'bum sogs grwa tshang re gnyis
su zhabs brtan rim gro rgya cher bsgrub pas cher ma 'gyangs par
zla ba bzlas nan tan mdzad dgos

tshul zhus pa la/  bsrung sngags bzla ba'i ngal bas ci byed/  mi
tshe rgya yul du gtong dgos gshis da cha lo phra dus 'brum pas
thar na sems bde bas mi legs sam zhes phebs shing ljags bzlas
sogs ci yang ma mdzad 'dug pa

'byung 'gyur mngon sum du gzigs nas lung ston par mdzad pa gor
ma chag go  /sku 'brum las grol ba'i dga' ston du/  cang jun
chen pos gtsom mdzad dpon po rnams kyis nyin kha shas kyi ring
rgyu'i lugs kyi ston mo dang/  khrang

048 @#*/ /zhi'i zer ba'i zlos gar gzigs mo phul/  de dus mdo smad
kyi zi yon bcu gsum gyi nang so 'ga' zhig chad pa'i khrims mun
du bcug yod pa/  dmar tshang nang so dpon chud blo bzang chos

'dzin nas sprul sku rin po cher zhus don bzhin/  dga' ston gyi
tshogs gral de nyid du cang jun chen po la dgongs khrol dgos tshul
ngo chen mdzad par/  cang jun nas ?gong ma chen por snyan sgron
phul te mi ring bar nang so

rnams btson ra las thar ter rang rang gi gnas mal bdag gir byas
chog pa byung 'dug pa/  mdzad pa'i cha shas phra mo tsam yang
'gro ba'i srog gi bcud len du gyur pa 'phags chen dam pa'i ngang
tshul rmad du byung ba'o/ /de nas 

rgyal khab chen por phebs pa la/  bzhon khal lam chas sogs gang
dgos thams cad mdzod nas byung zhing/  lam bar gyi tsha zhag gi
gra bsgrig thams cad rang rang gi sa cha'i dpon rnams kyis bgyis
te/  dpon gyog

rnams zhag ma lnga bcus pe'i cing du bde bar phyag phebs/  tham
ka bla ma rje thu'u bkwan rin po che nas phyag mdzod ngo gyog
phebs bsur gtong ba gnang zhing/  pe'i cing gi grwa rigs spyin
bdag phal cher dngos dang

tshab ci rigs pas mngon chung gi tshul gyis bsu ba bgyis/  sprul
skuj rin po che zi ling nas thon pa'i yi ge ?gong ma'i snyan du
'byor phral/  ?gong nas rje thu'i bkwan rin po che la sprul sku
rgyal khab tu phebs nas re zhig gi bar du

khyed rang gi ga ma du bzhugs nas lugs srol sogs bslab rjes nged
dang ngo 'phral gyis zhes phebs/  de don bzhin sprul sku rin po
che dpon gyog rnams thog mar tsnadn na jo bo'i lha khang du phebs
nas rje thu'u bkwan rin po che'i bla brang

du bzhugs/  rje thu'u bkwan rin po che dus skabs der pe'i cing
gi tham ka bla ma yin cing/  ?gong nas spyan bskyangs shin tu
che ba sogs lugs gnyis kyis mngon par mthon 'ang/  rje lcang
skya gong ma bka' drin che ba'i rtsa ba'i bla

ma yin gshis/  sprul sku rin po che phebs skabs lha khang gi
rgya sgo'i nang tsam bar du byon nas bsu ba mdzad cing/  nang du
phebs nas sprul sku rin po che thog mar khril bzhugs su gsol te/
phyag 'bul ba dang bcas thog ma'i         

mjal 'phrad kyi legs skyes 'bul ba sogs bkur gzogs bla lha mdzad
cing/  ma bu yun ring stor ba ngo 'phrad pa lta bu'i dgyes tshor
shin tu che ba byung 'dug  /mdzod nas gsol phog sogs phral du ma
byung bas re zhig gi bar la

sprul sku rin po cher gsol chas nar ma dang dbyar rgun ston dbyid
kyi na bza' sna tshogs/  dbu zhwa/  zhabs lham/  bzhugs gdan sogs
gang dgos kyi yo byad ma tshang ba med pa dang/  phyag gyog pa
rnams la go bbas dang bstun

pa'i zas gos gnas mal thams cad thu'u bkwan rin po che nas spyor
ba mdzad cing/  ?gong ma chen por mjal 'phrad skabs zhes byed
lugs than pus mo 'dzugs lugs/ gom pa 'dor lugs tshun chad lugs
srol dang mthun par

049 @#*/ /mdzad tshul nan tan gyis 'dibs phul/  skabs shig gong ma
chen po tsnadn jo bo mjal bar phebs skabs sprul sku rin po che
dang mjal 'dzoms mdzad rgyu'i bka' phebs pa bzhin/  lha

khang gi ra ba'i phyi log tsam du ser 'phring gi mgor sprul sku
rin po che bzhugs nas/  ?gong ma chen po phebs pa la zhabs pus
btsugs te tshe dpag med kyi sku brnyan li ma zhig dang lha dar
dri bral bcas bar/  ?gong ma

'do li la bzhugs pa las bbas te sprul sku'i phyag nas 'then cing
bzhengs su bcug  /nang du sprul sku rin po che sngon la phebs
bar/  slar yang zhabs pus btsugs te ?gong ma chen po sngon la
phebs zhes zhu ba

sogs lugs srol la ring nas go mas pa zhig gi dpe 'dra mdzad pas/
?gong ma rang gi sku pang du bteg nas nang du gdan 'dren zhus te 
bzhugs khri'i stan gyi khar dbus su sprul sku rin po che bzhugs 
su gsol/ ?gong

ma rang nyid bzhugs stan gyi zur gcig la bzhugs/  sprul sku rin
po che'i phyag nas bzung ste sku gong ma de nyid rjes su dran
pas spyan chab bsil zhing re zhig gi bar gsung gzhan phebs thub
pa lta bu byung/  de nas gung nyang ka yo'i

sku drung bos nas/  khyod kyi mtsho sdon po'i sog po thams cad
mnga' 'og tu bcug pa la nged de tsam dga' ba chen po med/  nga
rang gi bla ma'i sku skye 'khrul med 'di bzhin gdan drangs nas
nged ngo 'phrad pa la sems

dga' ba tshad med pa byung zhes bka' bbas/  mi ring bar ?gong nas
sprul pa'i sku skye ba gong ma'i gdan sa zung gru zer phebs nas
khri 'don mdzad rgyu'i tshes grangs sogs rtses la zhus shig ces
bkwan rin po cher bka' phebs pa

bzhin/  gza' skar tshes grangs bzang ba zhig zhib rtses ba gyis
te zhus pa la/  ?gong nas phebs nyin lha khang gnyis kyi bar du
dge 'dun rnams kyi ser 'phring bar mchad du bsgrigs pa dang/
rgyal po rang nyid bzhugs pa'i shing rta

ser por sprul pa'i sku bzhugs shing/  bzhugs stan gser 'brug
ma ser po sogs gong ma'i lung las ltar phebs rgyu dang/  de nas
bzung sprul sku rin po che dang phyag gyog pa rnams la che
'bring chung gsum gyi rim pas mdzod nas 

gtan 'jags kyi gsol phog sogs gnang rgyu'i bka' lung phebs/  tshes
grangs bzang po'i nyin ?gong ma'i bka' phebs ltar gyi bkur gzos
chen po dang bcas sngon gyi dus su/  ?gong ma yung lo chen pos
byams chen chos rje sh'kya

ye sges dgan drangs nas yun rin por bzhugs pa'i gtsug lag khang
dang 'dabs chags par/  ?gong ma yung Ting rang gis bzhengs pa'i
zung gru zi zhes pa'i lha khang rten gsum dge 'dun gyi snge dang
bcas pa rgya khyon yangs shing

byin che ba der dge mtshan gyi ltas phun sum tshogs pa dang bcas
byon nas rang nyid kyi sku snga ma yongs rdzogs bstan pa'i mnga'
bdag rdo rje 'chang chen po ngag dbang blo bzang chos ldan dpal
bzang po'i chos kyi rgyal srid kyi khri 'phang

050 @#*/ /mthon po la zhabs kyi pngom rnam par bkod par mdzad do/
/de nas pe'i cing gi bla ma ser mo pa rnams la lugs gnyis kyi
bslab bya legs par slob pa'i tham ka bla ma jing zi'u chan zhi
thu'u bkwan

hu thog thu rin po che nas gsung chog dang 'brel ba'i brtan
bzhugs tshogs 'khor rgyas pa dang/  'bul nod kyang/  dngul srang
brgya las grub pa'i mNDal/  sku gsung thugs rten/  na bza' cha
tshang/ bzhugs gdan rgyab

yol/  mdzod nang ma'i gos chen ser po na bza'i rgyu pher nges
yug dgu/  dmar po sngon po dkar po ljang gu rnams so so nas yug
dgu re/  sprul rug dmar ser dang/  thig ma 'dres pa dgu tshan
gsum/  bzang spos khres lnga

bcu tham pa/  bu la han brgya tham pa/  lpags rigs sna tshogs
brgya tham pa/  gser srang bcu/  dngul srang dgu brgya dang lnga
bcu/  hor dar che ba yug dgus sogs dngos po spam mtho ba phul te
bstan srid kyi bdag por mnga'

gsol ba'i rten 'brel phul du byung ba bsgrigs par mdzad/  de
mtshungs phu'u yin bla ma shes rab rgya mtsho/  ja sag bla ma blo
bzang dpal 'byor dang bstan 'dzin chos dar sogs pho brang nang
gi bla ma rnams kyis kyang 'byor

'khos kyi 'bul nod phul/  zung gru zi'i grwa mang dang/  gzhan
yang khang so so'i tA bla ma rnams dang/  pho brang nang gi dad
gyi dpon po che phra du mas kyang dad gus kyis bsnyen bkur phun
sum tshogs pa bgyis so/        /

mtshan bzang gser gyi 'khor lo'i ze 'bru can/ /zhabs zung 'dab
brgya reg pa'i rngul tshogs kyis/ /mdo smad dge ba'i bsti gnas
thams cad du/ /lha dang mi yi mchod pa'i rten bzhag nas/ /gang
gi 'phrin las phyogs mthar

'jug pa'i sprin/ /phan bde char gyi snying po can de yis/ /dbang
phyogs skye rgu'i bsod nams lha yi rdzing/ /yongs su 'gengs pa'i
dus la bbas pa na/ /rtag tu gzhan don sems pa'i kyo ba yi/
/dbang gyur rgyal sras dul ba'i khyu

chog de/ /shar phyogs gdul bya'i zhing khams pngma'i mchor/
/gzhan dang mi mnyam snying rje'i 'gros kyis gshegs/ /der nis la
kyang yon tan gyis/ /mthor ris grong khor nyid du brtag bya ba/
/sde bzhi'i dpal 'byor

mtha' dag 'du ba'i gnas/ /nor bu'i ba gam bzhad pa'i pho brang
du/ /gang gi bsod nams dpung pa'i gzi brjid kyis/ /tshangs pa'i
cod pa nas la ltung byed pa/ /mi yi rje bo'i bsnyen bkur rgyal
mtshan rtser/ /zhabs sen nor bu'i

tog gis dpal yon ngoms/ /snyigs ma'i mun pa 'joms la ches dpa'
ba/ /sngon med rgyal sras zla ba gzhon nu 'di'i/ /rnam thar 'od
'phring 'thungs pas cher brtas pa'i/ /sa yi bdag po'i yid kyi
mtsho gtsang mar/ /lhag bsam

gser gyi phye mas lus byugs pa'i/ /rmad byung blo gros gsal ba'i
ngur pa mo/ /mi 'phrog mos pa'i gshog rlabs gyo bzhin du/ /bstod
bsngags mgrin pa'i rdza rnga cir yang brdung/ /sgra ldan chu
'dzin gyo bas mdongs mtha' can/  /

051 @#*/ /rab dga' mjug ma bkram pa'i zlos gar bzhin/ /gang sku
mthong ba'i mchog dman bar pa yi/ /skye rgun mtha' dag dga'i
'dzum 'od 'bar/ /de lta'i rab bsnyan grags pa'i dri bsung gis/ /

ci yang bsgos pa'i ut+pal ma rnyings pa/ /legs byas srang bur
bstar ba'i do shal gyis/ /mtha' dbus skye bo'i mgrin pa skal
bzang byas/ /zhes bya ba bar skabs kyi tshigs du bcad pa'o/
/khyab bdag  rdo rje sems dpa'i

ngo bo dpal ldan bla ma dam pa ye shes bstan pa'i sgron me dpal
bzang po'i rnam par thar pa mdo tsam brjod pa dge ldan bstan
pa'i mdzes rgyan las/  dbang phyogs tsi na'i yul grul zhabs kyi
pngom bskod de 'jam dbyangs gong

ma bdag po chen pos bsnyen bkur bsam gyis mi khyab pa mdzad pa'i
le'u ste gsum pa'o//  '  //'di dus mdo smad du dgon lung dang
gser khog dgon gnyis rgya dmag gis bcom ste/  gtsug lag khang
dang grwa shag

rnams mer bsreg  /dge 'dun mang po bkrong/  lhag ma rnams
phyogs phyogs su byer te grong yul rnams su khyim pa'i zol gyis
spas gsang gang drag gis sdod dgos byung ba la/  rje thu'u bkwan
rin po ches thugs khur che bzhes 
   
dang/  sprul sku rin po che nas kyang zur 'degs mdzad de ?gong
mar zhu mkhas kyi sgo nas/  dgon lung pa rnams ri khrod gsum
dang/  gser khog pa rnams phun tshogs lung pa'i ri khrod du bsdad
chog pa byung/  lo kha

shas kyi bar de ltar la/  slar yang gong ma chen por thabs mkhas
kyi zhu ba dang mdzad sgo gang zab gnang bar brten/  dgon pa
gnyis kas sngar gyi rang rang gi gnas gzhi bdag gir byas chog pa
byung zhing/  gtsug lag khang

dang grwa khang rnams kyang ?gong ma'i mdzod nas gsar bskrun
dang/  lha sde rnams rgya 'og tu tshud pa phyir ma sprad kyang/
de'i tshab tu lo re bzhin mdzod nas phog gtan 'jags su gnang ba
bcas zhu don smin rgyas byung/  de nas dgung

lo bco brgyad la phebs kyi bar du rgyan drug mchog gnyis kyi
gzhung la spyangs pa gtso bor mdzad cing zhar la chos bka' ci
rigs kyang gsan par mdzad snang ba la lo tshigs kyi nges pa sa
bon ma byung bas 'bri bar ma spobs pas

phyog gcig tu 'god par bya ste/  de yang slob ma'i tha shal ba
bdag gis rje bla ma nyid kyi rnam par thar pa yi ger bkod pa
zhig thugs rjes gzigs dgos tshul yang yang zhus par gsung las/
deng sang gzhung lugs mang po la

thos bas mrgya chen po byas par rlom pa phal che ba zhig ni/
kho 'di zer na nga 'di zer gyi shag 'gyid pa tsam gtso bor byas
te/  mi tshe hril gyis thal phreng nyog po zhig kho na la mgo
'gas 'gas su rtsod pa las/  gzhung lugs chen mo rnams

go ba dbyis phyin pa 'tshal mkhan nyin mo'i skar ma bzhin du dkon
par snang/  de dgal bltas na/  kho bo mtshan nyid kyi grwa sar
zhugs nas slob gnyer byed pa ma byung na'ang/  shing rta chen po
rnams kyi gzhung lugs dum dang rje yab sras kyi

052 @#*/ /legs bshad rnams la blo gros zhib mos thos bsam byed
lugs tshad dang ldan pa/  rje bla mas rang kyi rtogs brjod 'dun
legs mar gsungs pa dang cha 'dra btsam zhig bgyis pas

da cha gzhung lugs de rnams la go ba phyogs 'gro zhig chags pa'i
lugs yin/  'di kho bo la ltos pa'i rnam thar bzang shos shig yin
snyam pa yod/  de las gzhan song bsdad byas pa thams cad thar du
byed na mi thams      

cad la rnam thar po ti che ba re yong 'gro zhes phebs par/  bdag
gis 'on rje bla ma nyid nas mdo sngags kyi gzhung lugs chen mo
rnams la thos bsam ji ltar mdzad tshul de rnams yi ger bkod pa
zhig cis kyang thugs rjes gzigs

dgos zhus par/  yi ger bkod pa'i dgos pa med khyod de tsam do
gal chen ngas ngag lam nas bshad kyi gsungs nas/  skun phra mo'i
gnas skabs su mdo phyogs kyi thugs gnyer gtso bor mdzad tshul
dang/  dus de dang phyis su rgyal

dbang dang khri chen gyi zhabs la gtugs nas mdo sngags spyi dang
khyad par du rgyud kyi rgyal po dpal gsang ba 'dus pa dang 'khor
lo mchog gnyis kyi skor la thos bsam gyis bdar sha bcad tshul
rtogs brjod 'dun legs ma

dang spyar te zhib rgyas shig thugs brtse bas 'doms par mdzad pa
shin tu ngo mtshar ba 'dug na'ang/  bdag blo gros dman pas gsung
bshad mtha' dag ji lta ba bzhin blo la 'dzin thub pa ma byung
zhing/  dbyibs tsam zhig yid

yul du nges par bgyis pa rnams 'dir brjod par bya ste/  de yang
thar 'dod rnams kyi 'jug ngogs ni rgyal pa'i bstan pa rin po che
kho na yin cing/  bstan pa la 'jug pa'i rim pa yang mdzod las/
tshul gnas thos dang

sam ldan pas/ /sgom pa la ni rab tu spyor/ /zhes gsungs pa ltar
gzhi tshul khrims rnams par dag pa la gnas nas thos bsam sgom
gsum gyi rim pas 'jugs las 'jug tshul gzhan med cing/  de las
thog mar thos pa rgya

chen po dgos pa ni/ rje thams cad mkhyen pas/  blang dor gnas la
kun nas 'thom pa'i mun/ /yang dag thos pa'i sgron mes ma bsal
bar/ /lam mi shes na thar pa'i grong mchog tu/ /'jug par 'gyur
ba smos kyang ci zhig

dgos/ /zhes gsungs pa ltar ro/ /deng dus kyi dam pa'i skye bar
khas 'cheb phal mo che ni/  rje bla ma nyid kyi gsung las/  byis
pa'i dus nas thos bsam long med par/ /dar gos kyis klubs tshong
zong bzhin du 'grim/ /dad

gshin dkor gyi zas la bag med spyod/ /gnas brtan dge 'dun phyag
dang bsnyen bkur len/ /lnga bdo'i sku skye rnams la thugs rjes
gzigs/ /zhes gsungs pa dang/  rgyal dbang lnga pa chen pos/  mi
shes gdol pa'i phrug gu dar

zab kyis/ /phang phung mdzes par byas te mthon po'i khrir/ /blun
po'i 'khor tshogs dbus na 'gyings pa yi/ /ba mos thub bstan pad
tshal 'joms kyis dogs/ /zhes gang gsungs pa'i ngang tshul las ma
'das na'ang/   
   
053 @#*/  /bdag cag gi dpal ldan bla ma 'di nyid kyis spyod tshul
de lta bu ngan skyugs kyi phung po ltar gzigs nas byon gyi mkhas
grub tshad ldan rnam par thar pa dang rjes sum thun par

sku na phra ba'i gnas skabs 'dir gzhung lugs rgya chen po rnams
thos bsam gyis gtan la 'bebs pa la thugs gzhol bar mdzad do/ /de
yang thog mar mtshan nyid po ti lnga la sbyangs la mthar phyin
cing/  rje gong ma'i zhabs

phyir rgyun ring bzhugs nas mngo sngags kyi gsan pa rgya chen po
mdzad pa dang mnyes pa gsum gyi sgo nas rje de kyi thugs la
btags pa'i grwa slob thun mong ma yin pa bzang shu dka' chen
shes rab dar rgyas sam ngag dbang

chos ldan zhes bya ba lung rigs kyi dbang phyug chen po de nyid
dge rgan gyi tshul du bsten nas bsdus tshad kyi thugs spyong mdzad
pas rtsol ba cher ma dgos rigs lam shin tu phra ba rnams thugs
su chud/  dka' chen

nas thog mar rje gong ma'i gsung 'bum du bzhugs pa'i rtsa ba'i
bla ma dang 'jam dbyangs zung 'brel gyi bla ma'i rnal 'byor gyi
lung khrid 'bul bar mdzad cing/  de nas bzung thugs nyams su
bzhes par lha'i rnam pa la gsal

snang khyad par can thon pas snang ba thams cad rje btsun gyi
sku'i rnam par shar te zhabs 'og tu yang rje btsun gyi sku lam
lam shar nas thugs la cung zad mi bde ba lta bu byung/  phyis su
dgung lo mthon por phebs skabs/  de

dus de ltar byung ba bzhin da cha yang skabs 'ga' zhig tu 'dra'i
snang ba 'ong gi 'dug pa rtsa rlung gi nyams shig yin pa 'dra
gsungs/  'di ni nges pa'i don du rje bla ma nyid kyi gzigs ngor
tha mal gyi snang ba 'char mi srid pas

shar mchog gi snang ba las 'os med kyang/  thun mong gi snang
ngor sku tshe snga ma rnams su snang grag rig gsum rgyal ba'i sku
gsung thugs kyi rol par blta ba'i rnal 'byor la goms pa'i bag
chags rtsol med du shar ba dgon mi

za'o/           /thos pa'i sgron mes rmongs mun ma bas lan/ /lam
dang lam min ji bzhin mi mthong zhes/ /'doms phyor lung rigs
smra ba'i bshes gnyen drung/ /rigs lam bdud rtsi'i dga' ston
khyod kyis spil/ /de tshe

mkhyen dpyod gser gyi ngang pa mo/ /rigs pa'i 'phrul gyi pngam
stong bzhad pa'i/ /bsdus gzhung bdud rtsi'i rdzing bu'i 'jug
ngogs su/ /nyin bzhin thal 'gyur dbyangs snyan sgrogs pas brel/
/phyi nang snod bcud dag pa'i dkyil 'khor du//

'char  ba'i gzigs mor ring nas goms pa yi/ /bag chags sad pa'i
tshul gyis 'jam dbyangs sku/ /nyi zer rdul ltar 'khrigs pa'i
snang ba shar/ / rnam 'drin khyod dang rje btsun mkhyen pa'i
gter/ /gnyis su med kyang gnyis su snang

na dang/ /gcig tu zad kyang du mar ston pa'i 'phrul/ /'di ni
sgyum kyang sgyum nyid/    /de nas byams chos dang rgyan drug
mchog gnyis kyi gzhung spyi la thos bsam mdzad tshul ni/  'dun
legs ma las/  de nyid phyir na

054 @#*/ /mi pham chos rje dang/ /'dzam gling rgyan drug mchog
gnyis zhes grags pa'i/ /gzhung la phyogs re ba dang rags pa res/
/tshems par byas kun la zhib tu sgyangs/ /zhes gsungs pa bzhin phyag

len la btab ste/  byams chos lnga'i nang nas dang por mngon
rtogs rgyan dang de'i 'grel pa rnams kyi nang nas mchog tu gyur
pa slob dpon seng ge bzang po'i don gsal bcas thugs la byang bar
bzung ste/  rgya

'grel gzhan thams cad dang/  rje bla ma'i legs bshad gser gyi
'phreng ba dang/ /khyad par du rje btsun 'jam pa'i dbyangs kyis
rje bla ma la dngos su stsol bar mdzad pa'i sher phyin gyi man
nang gnyams len gyi rim par bsgrigs

rnam bshad snying po rgyan la gzigs rtog gtso bor mdzad cing/
mkhas grub du mas mdzad pa'i spyi thal zur bkol sogs yig cha
gang yod la zhib spyod  gnang ba dang/  skabs skabs su lung rigs
smra pa'i dbang po dka' 'chen

shes dar ba sogs la dka' ba'i gnas la dogs gcod kyi 'bel gtam
kyang yang yang zhib tu mdzad pas ring po ma lon par mngon par
rtogs pa'i rgyan 'grel pa dang bcas pa'i brjod bya gtan la 'bebs
pa la mkhas pa'i go

phang brnyes par gyur to/ /byams chos phyi ma rnams las mdo sde
rgyan rje ngag dbang chos kyi rgya mtsho ba las rgyas bshad mdzub
khrid tshul gyis zhib tu gsan cing/  'byed gnyis dang rgyud dang
rgyud bla ma rnams thogs 'grel dang dar Tik sogs

'grel pa ci rigs pa la brten nas tshig don ma lus pa thugs su
chud par mdzad de/  zhal nas/  mngon rtogs rgyan gyi tshig don
rags pa tsam nges pa la dka' las chen po rang byed ma dgos
kyang/  mdo rgyan skyar te lam gyi rim par

bsgrigs pa'i go ba dpyis phyir ma rnyed pa la ngal ba cher byas
pa yin/  mngon rtogs rgyan la ltos te byams chos phyi ma rnams
la de tsam gyi dka' las byed ma dgos zhes gsungs/     /rgyal yum
spas don rin chen bang

mdzod las/ /mi pham mgon gyis nyer blangs nor bu'i tshogs/ /dngos
brgyad zab don bdun cu'i phreng ba ru/ /bstar ba'i do shal khyod
kyi mgrin par 'khyud/ /'di na thal 'phreng nyog po tsam zhig la/
/ring du sbyangs pa'i yus kyis

cher khengs nas/ /phar phyin shes par rlom pa rigs mthun dbus/
/seng ge lta bur 'gyid ba mang mchis kyang/ /mdo rgyan spyor
tshul dngos shugs bstan don kun/ /'phags seng dgongs pa ji bzhin
thugs chud de/ /gzhung don

gyi rim par bsgrigs mkhas pa/ /dengs dus na khyod nyid gcig pu
tsam/       'dzam gling mdzes par byed pa'i rgyan drug dang
mchog gnyis zhes yongs su grags pa rnams las/  thogs med sku 
mched kyi gzhung la

spyang ba mdzad tshul yang/  mngon pa'i sde snod thams cad kyi
mrjod bya gnas brgyad du bsdus nas ston pa slob dpon dbyig gi
gnyen pos mdzad pa'i mdzod rtsa ba dang/  thams cad mkhyen pa
dge 'dun grub kyis mdzad pa'i mdzod

055 @#*/ /Tik thar lam dsal byed gnyis thugs 'dzin mdzad cing/
/'chim gyi mdzod Tik la rtog gtso bor mdzad/  rang 'grel sogs
rgya 'grel rnams dang bod kyi yig cha phal mo che zhig la zhib

dpyod mdzad pas gnas brgyad kyis shes bya gzhi lnga kha bye brag
smra ba ltar dang/  rang 'grel ltar mdo sde pa'i lugs su 'chad
pa'i tshul dang/  khyad par du gnas dgu pas gang zag gi bdag gtso
bor gtan la 'bebs

tshul sogs bshad yam tsam ma yin pa'i go ba gting tshugs pa 'khrungs/  
'di dus slob dpon dbyig gnyen gyi bstod pa zhig rgyun du zhal
'don mdzad cing/  mi zhig gis mon gra ba'i mdzod 'grel dpe
rnying zhig kyang 'bul ba byung

zhes gsungs/  'phags pa thogs med kyi gzhung mngon pa kun las
btus dang/  sa sde snga/  sdom rnam gnyis dang bcas pa'i dka'
gnad tham la zhib spyod mdzad cing/  khyad par du kun btus dang
sa snge la yun ring

bar du zhib spyong mdzad/  kun btus dar Tig shin tu legs pa 'dug
na'ang/  phyis su re mda' pa'i 'grel pa phyag tu byung nas gzigs
rtogs mdzad pas thugs lhag par te 'grel pa de la yang yang
bsngags mrjod mdzad/

zhal nas/  thig pa gsum gyi gzhi lam 'bras gsum rgya cher gtan
la 'bebs pa la 'phags pa thogs med kyi gzhung 'di lta bu gzhan
mi 'dug pas bstan pa la bka' drin bsam gyis mi khyab pa 'dug ces
yang yang gsungs pa

thos/  de ltar thogs med sku mched kyi gzhung la spyangs pa
mthar phyin pas theg pa che chung gi sde snod gong 'og ma lus
pa'i don mdo sde dgongs 'grel dang mthun par gtan la 'bebs pa la
mkhas pa'i go 'phang thob par gyur

to/       /mkhyen dpyod mkha' lding dbang po'i gzi brjid kyis/
/chos mngon gdengs can dbang po skrag pa las/ /shes bya gzhi
lnga'i rin po sna tshogs pa/ /rang spyi'i kha dog lhag ger khyod
la bstab/ /theg gsum rin

chen za mtog gi kha/ /cig car phye nas gzhi lam 'bras bu'i nor/
/yongs rdzogs khyod kyis bdag gir byas pa la/ /thogs med sku
mched thugs khrel mdzad dam snyam/         /shing rta chen po
dpal mgon 'phags pa klu sgrub

yab sras kyi gzhung la thos bsam mdzad tshul ni/  rtogs mrjod
las/  mdo sngags gzhung la ngal ba mang byas kyang/ /zab don
nyams su len dang smra ba na/ /gang yang ma bslabs ci yang mi
shes pa'i/ /lta ba'i tshul las ring dum

par/ /mthong nas lhag par klu sgrub gzhung lugs kyi/ /zab mo
'byed pa'i phra ba'i rigs lam nas/ /yang dag lta ba 'dren pa'i
gnad kun la/ /legs par spyangs te the tshom chod par byas/  /zhes
gsungs pa ltar phyag

len la 'debs par mdzad de/  de yang chos kyi rgyal po tsong kha
pa chen po ma byon gong du mkhas grub khyad par can re gnyis ma
gtogs phal che ba zhig gis zab mo'i lta ba rang gi nyams su len 
pa'am gzhan la 'doms par byed pa

056 @#*/ /na/  thos ma byas la rnams lta ci gzhung lugs mang du
thos pa rnams kyang rang gi thos pa'i zab mo'i gzhung de dag gi
brjod bya las rol du gyur pa'i blun po'i ngag sgros tsam gyi
rjes su 'brang

bar byed la/  der ma zad rje bla ma'i bstan pa rin po che la
zhugs nas gzhung lugs chen mo rnams la mi tsher thos pa byas par
rlom pa 'ga' zhig kyang dbu ma'i gzhung chen po rnams su gsungs
pa'i ris pa phra mos bdag

med gtan la 'bebs tshul rnams phyi'i go rgya gcod pa tsam du sems
shing/  sems kyi ngo bo gcer mthongs su ngo sprod tshul yin pa
skad kyi mdzub chung ngu re tsam la snying por 'dzin pa pha rjes
bus ma zin pa'i rang mtshang

ston pa mthong mod/  rje btsun bla ma 'di nyid kyis ches shin tu
rtogs par dka' ba zab mo stong pa nyid rtag chad kyi mtha' dang
bral ba la nges pa 'dren pa la/  tha snyad tshad mas grub pa dang
dngos po kun rang bzhin gyis grub pa

rdul tsam yang med pa gnyis 'gal ba med par gcig gcig gi grogs
su 'gro tshul dang/  rang bzhin med pa'i chos la 'khor 'das kyi
bya byed tshad grub 'jog shes pa'i khyad par rnams ma 'dres par
shes dgos shing/  de

shes pa la klu sgrub yab sras kyi gzhung las 'byung ba'i de kho
nyid gtan la 'bebs pa'i rigs pa'i rnam grangs khyad par can
rnams la rag las par dgongs nas/  gzhung de dag la deng dang gi
rigs pa smra ba rnams kyi

slob gnyer byed srol bzhin gzhung chig khol phyung re tsam la
dpe klog dang tshig gi na yam tsam gyi rtsod pa lhur blangs te
stong skad kyi mkhas grags don du gnyer ba lta bu ma yin pa'i
thos bsam tshad dang ldan pa mdzad do/ /de yang rtsa

bshes rab dang dbum 'jug pa gnyis thugs la bzung nas rgyun du
zhal 'don mdzad cing/  rtsa shes 'grel pa bu ngng+ha pa ta dang/
'jug pa'i rang 'grel gnyis tshang ma thugs la skyor ba dang/
rtsa shes Tik chen rigs pa'i rgya

mtsho/  'jug pa'i rnam bshad dgongs par dsal/  stong thun skal
bzang mig 'byed rnams kyi gnad che ba phal cher thugs 'dzin
mdzad/  rjes 'brang gi yig cha gang yod la 'di ma gzigs bya ba
med cing/  de dag las rje btsun

chos kyi rgyal mtshan dang/  mkhas grub 'jam dbyangs bzhad pa
gnyis kyi dbu ma'i yig cha la thugs 'gro ba byung bas tshig don
dpyis phyin pa thugs 'dzin pa mdzad/  'jug pa zhal 'don mdzad
skabs rang gzhan snod bcud sogs

phyi nang gi dngos po gang snang 'di mtha' dag rdzun pa sgyu ma
lta bu las/  don la tshugs thub tu grub pa cung zad kyang mi 'dug
snyam pa yang yang thugs la 'char ba byung/  rje thu'u bkwan rin
po che dang/  slob dpon shes dar ba gnyis la

zhus par/  nyid sku tshe gong ma rnams su zab mo dbu ma'i lta ba
la goms pa'i lag rjes yin 'dug ces dgyes tshor chen po mdzad/
'di dus 'jam dbyangs kyi li sku byin can zhig dbu sngas su gsol
nas gsol 'debs

057 @#*/ /rgyun ldan mdzad pas/  nub cig mnal lam du/  rje ngag
dbang chos kyi rgya mtsho'i sku drung du phebs pas/  khong gi
phyag tu dbu ngas kyi li sku de dang cha 'dra ba'i 'jam dbyangs
kyi sku brnyan/  bzhugs

khri zur drug pa'i zur re re'i steng du gser gyi pad sdong ngo
mtshar ba re re yod pa zhig pa bsnams nas/  bla ma mchog la 'di
'jam dbyangs dngos yin pas gzigs shig gsungs pa bzhin gzigs pa
na/  sku brnyan de las 'od

zer dpag tu med pa 'phro zhing/  khri'i zur gyi pngam rnams kha
'byed 'dzum byed pa zhig 'dug  /de nas dpon slob gnyis ka spra
gur zhig gi nang du phebs nas/  rje ngag rgyam pas mgon po phyag
drug pa dang/  seng gdong ma'i thang

sku gnyis so so nas ngo sprod lta bu gnang/  'jam dbyangs kyi
lder sku khru gang ba zhig gi steng du bla ma'i sku brnyan chung
ngu zhig 'dug pa'i bar du/  tshe bsod zhes pa'i yi ge tshar gsum
yod pa zhig ston pa gnang ste 'bel gtam mang po

mdzad pa rmis pa'i 'phro la mnal sad pas thugs ngi mtshar bar
gyur nas/  slar yang rje btsun 'jam dbyangs la gsol ba shugs
drag tu 'debs bzhin man la du song ba'i rmi lam du/  rje ngag
dbang chos kyi rgya mtsho phebs nas

zhal byang phyogs su gzigs te/  bzhengs stabs su bzhugs pa'i
mdun du rje bla ma nyid kyang bzhugs 'dug pa la/  rje ngag rgyam
pa'i zhal nas/  zab mo dpu ma'i lta ba rtogs pa la bla ma dang
yid ma dbyer med du mos nas gsol

ba gdab dgos/  khyed rang rje btsun 'jam pa'i dbyangs spyi bor
bsgoms la rgyun du gsol ba thob cig gsungs nas/  rje bla ma nyid
dbu la phyag gis yug yug mang du mdzad pa rmis pa'i mod la mnal
sad/  thugs dgyes pa

chen pos rjes gnang kyang stsol ba mdzad 'dug/ /thugs rmis bar
ma de seng gdong ma'i sgo nas phyir bzlog yang yang gnang dgos
pa dang/  mgon po srung ma'i gtso bor mdzad na ?'jam dbyangs
gong ma'i dbu blar gyur nas/  sku tshe

dang bsod nams gong 'phel yong ba'i phyis 'byung gi brda mtshon
du mngon zhing/  snga phyi gnyis ni 'og tu 'byung ba bzhin bla
ma 'jam pa'i dbyangs kyis rjes su bzung ste/  zab mo dbu ma'i
lta ba thugs rgyud la 'khrungs pa'i ltas su

gor ma chags so/ /gong gi mnal lam de dag ni phyag bris kyi
shog dril ngo ma mthong ba ltar bris pa yin no/ /de nas ring po
ma lon pa na nub cig mnal lam du/  a mdo bla rgan yin zer ba'i
a tsa ra zhig rje nyid kyi gzim

phugs su khri zhig gi khar 'khod nas pi lba zhig brdung gi 'dug
pa gsan pas/  de'i sgra las rten 'brel bstod pa'i tshegs yongs su
rjogs pa gsal bar thon pa zhig rmis/  de nas zab mo dbu ma'i lta
ba khyad par can thugs

058 @#*/  /rgyud la 'khrungs pa yin par snang/  'di ni rje bla ma
dkon mchog mtshan can la zhal nas dngos su gsungs 'dug cing/  rje
de nyid kyis gsung chos 'ga' skabs su lcang skya thams

cad mkhyen pas dbu ma'i lta ba thog mar rnyed pa dgung lo bcu
gsum dus yin pa 'dug/ /de dus mnal ltas kyang gong gi de 'dra
byung ba snang zhes gsungs shing bsngags brjod mdzad pa thos so/
/'di ni mgon po klu sgrub dang

rje bla ma ngo bo gcig pa'i rnam 'phrul kyis pi waM gi dpes des
don zab mo 'doms par mdzad pa bsam gyis mi khyab pa'i rnam par
thar pa'o//          /rdzun pa rmi lam grong khyer na/ /rdzun pa
smra ba'i slob dpon

gyis/ /rdzun pa las kyang rdzun pa'i glus/ /rdzun pa'i chos kyi
don bston pas/ /sgom rgyu med pa'i don bsgom pas/ /grol rgyu med
pa'i 'phrang grol nas/ /thob rgyu med pa'i 'bras thob pa'i/ /lta
rgyu med pa'i lta ba rnyed/ /bden pa btsal

bas rdzun pa mthong/ rdzun pa mthong bas bden pa rnyed/ /bden
rdzun mnyam nyid gzigs mo la/ /mnyam rjes med par yengs 'di
rmad/       /'di dus yin nam dbu ma la 'jug pa'i rnam bshad sems
bskyed dang po yan

chad cig ljags rtsom mdzad 'dug pa lung rigs kyi mtha' chod cing
blo gros dang ldan pa rnams la go ba bde blag tu ster bar byed
pa'i legs bshad kyi gter chen por 'dug go/ /gzhan yang mdo kun
las btus dang rigs tshog

lhag ma lnga/  bstod tshogs/  bzhi brgya pa rtsa 'grel/  spyong
'jug rtsa 'grel/  bslab pa kun las btus/  dbu ma rgyan dang/
dbu ma snang ba/  sgom rim gsum sogs klu sgrub yab sras kyi
gzhung gang yod thams cad la thos bsam

dpyis phyin pa mdzad/  zhal nas/  rtsa 'jug gi don la go ba
dpyis pa rnyed phyin/  gzhan rnams phal cher de'i yan lag lta
bur snang bas ngal ba bde tsam mi dgos pa ces gsungs/  'di dus
drang nges rnam 'byed legs

bshad snying po tshang ma thugs la bzung zhing dka' ba'i gnas lam
mkhas pa rnams dang 'bel gtam mang du mdzad pas dbu sems kyi
mkhas pa so so'i rigs 'gros phra rnams ma 'dres par thugs su
chud/  zhal nas/  legs bshad

snying bo'i dka' 'grel thams cad mkhyen pa dge 'dun rgya mtsho
dang gnyal ston dpal 'byor lhun grub kyis mdzad pa gnyis kyang
shin tu legs snang mod/  da dung yang dka' pa'i gnad dpyis phyin
par bshad dgos pa 'ga' zhig yod

'dug pas/  dka' 'grel zhig rtsom 'dun gyis legs bshad snying
po'i gzhung tshig 'ga' zhig la mchan bu btab pa yin kyang skabs
shig dril rnams bor nas ma rnyed pa la/  dus phyis gzhan zhig gi
ngag rtsom gras su bcug

'dug ces gsungs nas bzhad mo mdzad/  dbu ma'i skor la thugs
gnyer gnang skabs 'di ha cang thugs brtson che bas mtshan mo yang
zhal 'don skabs ma gtogs phal cher dpe gzigs kho na mdzad/
skabs 'ga' zhig tu gcig

059 @#*/ /bur bzhugs dus bzhad mo yun ring gnang bar/  phyag
gyogs pa tshos ha cang dpe gzigs la sgrim drags pas thugs rlung
gi rnam pa yin 'dra bas zad lhor tsam mdzad na legs sam zhus

/  de 'dra ma yin rgya gar kha spu can gyi rigs pa 'ga' zhig la
ya mchen skyes nas gad mo shor ba yin/  khyod tsho sems mi bde ba
mi dgos gsungs/  rten 'grel bstod pa yang yang zhal 'don mdzad
cing dgos pa khyad

par can zhig la dgongs nas/  thub pa'i dbang po dang klu sgrub yab
sras/  rgyal ba tsong kha pa rnams kyi sku brnyan re yang
bzhengs pa mdzad/  'di dag ni rje bla mas/  de tshe ring nas
nyams pa'i rtogs dka'i gnas/ /gang gis

btsal nas rnyed pa'i rigs pa'i lam/ /'di yi rnam 'phrul ci lta
bu zhig ces/ /gcig pur gnas kyang dga' ba'i ca co 'chor/ /zhes
gsungs pa dang/  res 'ga' rgyal la dmigs pa'i dad pa dang/
/skabs 'gar shing rta chen

sku drin dran/ /gzhan tshe dge ba'i bshes la gus pa dang/ /mar
gyur 'grol la snying nas brtse ba rnams/ /'di dag phan tshun
'gran pa bzhin du 'phel/ /zhes gang gsungs pa ltar thugs rgyur
la chos kyi ro'i dga' ba lhag par 'phel

zhing/   bcom ldan 'das la tshad mas drangs pa'i dad pa dang/
shing rta chen po rnams kyi sku drin dran pa dang/  sems can la
bcos min gyi snying rje rnams 'gran pa bzhin 'phel ba shin tu ya
mtshan pa'i rnam par thar pa'o/             /

thub dbang gangs kyi ri bo las 'ongs pa'i/  /stong nyid zab mo'i
gtam gyi nyal 'gro'i rgyun/ /klu sgrub yab sras thugs mtshor
bzung ba gang/ /khyod kyi rnam dpyod zhal du rdzogs par dsol/
/mtha' brgyad lta ba ngan pa'i rang rong brag

rigs tshul rdo rjes phi mar bsnyil byas te/ /snang stong zung
'jug dbu ma'i lam yangs por/ /rten 'brel sgyu ma'i rol gar cir
yang bsgyur/ /de tshe chu gter chen po'i klong/ /shugs drag 'bab
chus gang ba bzhin/ /gang gi thugs ni

spro dga' yi/ /rlabs phreng mchog tu gyo bar gyur/ /rang bzhin
med la bya byed bcing grol kun/ /btags tsam 'thad pa dbu ma'i
gsang tshig ni/ /rigs smra phal cher ni tso ltar 'don kyang/ /ji
bzhin gzigs shing gsung ba byod nyid

tsam/ /deng dus 'thad dang mi 'thad sgrub pa dag/ /phal cher
'gro ba bzhi yid bang gis te/ /khyod ni rton pa bzhi yis drang
nges don/ /phye ste nges pa'i don la 'jug par mdzad/ /se ma klu            
sgrub yab sras dgongs pa'i mthil/ /blo bzang 

rgyal bas dsal bar phe ba'i srol/ /khyod 'ba'  zhig gi drin las
dus 'dir yang/ /skal bzang 'ga' la bdud rtsi'i dga' ston gyur/
/slob dpon phyogs glang yab sras kyi gzhung la thos bsam mdzad
tshul yang/   'dun legs

ma las/  /byad par tshu rol mthong bas dngos po yi/ /de nyid gtan
la 'bebs pa'i sgo gcig pu/ /yang dag rigs pa'i gzhung gi dka'
gnas la/ /'bad pa du mas yang dang yang du spyangs/ /zhes gsungs
pa ltar mdzad de/  dpal

060 @#*/ /chos kyi grags pa'i tshad ma rnam 'grel gyi rtsa ba dang
rgyal tshab rje'i rnam bshad thar lam gsal byed tshang ma thugs
'dzin gnang zhing/  lha shAka rgyan gsum gyi rnam 'grel gyi
'grel pa dang/  bod

kyi sa skya'i mkhas pa rnams kyis mdzad pa'i rnam 'grel skor
mang po dang/  lhag par rigs mdzod rje thams cad mkhyen pas
kyang gzigs nas thugs 'phrog tshul rnam thar du gsungs pas/ rigs
mdzod kyi dpe rtsol bas 'tshol

ba gnang ste gzigs rtog zhib tu mdzad/  rnam nges dang rigs
thigs dar Tik gnyis dang/  mkhas grung rje'i Tik chen dang/  sde
bdun rgyan/  rje dge 'dun grub kyi rigs rgyan sogs rang phyogs
kyi yig cha gang yod rnams la gzhan

dring mi 'jog pa'i mkhyen rab kyis rtog dpyod yang dag pa mdzad/
 rnam 'grel smon Tik de dus zhib tu bltas pas sems la phan pa
zhig byung zhes phyes su gsungs pa thos/  deng sang tshad ma'i
gzhung gi bsdus tshan zur bkol kha

shas re la rtags gsal la byang bas rnam 'grel shes par rlom pa
rnams dang mi 'dra bar rnam 'grel le'u gnyis pa'i skabs su lam
dang 'bras bu'i rnam bzhag gtan la phab pa dang/  de nyid le'u
dang por rigs pa yang dag

gis ji ltar sgrub pa'i tshul dang/  le'u gsum par chos kyi bdag
rgyas par gtan la phab pa dang/  le'u bzhi par sngar le'u gnyis
pa dang gsum par dtheg pa che chung gi lam gtan la phab pa rnams
rnag gis ji ltar rtogs

pa bzhin du don de nyid gzhan la bstan nas rjes su 'dzin pa'i
tshul dang bcas bshad rnams ji lta ba bzhin thugs la chud pas
dpal ldan chos kyi grags pa'i gzhung 'di nyid thar 'dod rnams
kyi mig gcig pu lta bur res pa gting tshugs

pa rnyed par gyur to/       /rigs pa'i dbang phyug zhal sgo las
skyugs pa'i/ /rnam dag rigs tshul la gsum 'bab pa'i rgyun/ /tshig
don brgyan kyi yan lag yongs rdzogs pa/ /khyod thugs gser ldan
lto bar rdzogs par

'khyil/ /rtog ge'i chang gis ches cher myos pa yi/ /rnam dpyod
gnyis 'thung sna yi 'khri shing rtser/ /sgrub dang sun 'byin
'khor log yo ba des/ /smra ba dan pa'i dpung tshogs phye mar
brlag  /tshul gsum rtags kyi sprin phung las bbas

pa'i/ /dngos stob rigs pa'i thog gis sgro skur brag  /bshig dang
lhan cig rigs lam gru char gyis/ /thar 'dod shing pa'i tshogs la
dga' ston bskrun/     /mchog gnyis su grags pa yon shAka gnyis
kyi gzhung la thos

bsan mdzad tshul ni/  slob dpon yon tan 'od kyi 'dul ba mdo rtsa
ba tshang ma thugs 'dzin mdzad/  de'i rgya cher 'grel pa chos
bshes kyis mdzad pa/   shAkya 'od kyi sum brgya pa dang 'od
ldan bcas rgya gzhung rnams dang/   bod 'grel

thams cad mkhyen pa dge 'dun grub kyi gling 'bum dang/  'dul Tik
rin chen 'phreng ba/  'dul 'dzin gyi bslab bya chen mo/  grwa
tshang so so'i 'dul ba'i yig cha gang yod zhib gzigs dang/  khyad
par du kun mkhyen mtsho sna

061 @#*/  /pa'i 'dul Tik nyi ma'i 'od zer gyi tshig don mtha' dag
thugs su chud mdzad/  zhal nas/   mtsho 'dul 'di bshad yam tsam
ma yin par 'dul ba lam rim gyi nyams len dang sbyang nas

bshad 'dug pas/  'dul ba rtsod par 'khyer ba tsho'i thugs la 'bab
min ji ltar yang/  lag len du btab nas sems 'dul ba'i thabs su
byed mkhan la shin tu phan pa zhig 'dug ces gsungs/  'dul ba'i

la phyis su dgung lo mthon por phebs nas kyang gzigs rtog rgyun
du mdzad cing/  'dul zhung cha tshang la sdum bde ba zhig rgyun
du blta rtog byed par mkho ba 'dug gsungs nas snar thang pa nam
mkha' shes rab kyis

mdzad pa'i 'dul ba'i bstan chos nor bu'i 'phreng ba dge slong gi
rgyan zhes pa de gzigs dpe ched gnyir du bris te gar phebs su
'bral spangs lta bu mdzad/  yon tan thams cad kyi gzhi ma sangs
rgyas kyi bstan pa'i nang

mdzod chos 'dul ba la nan de lta bu mdzad pa 'di ni rnam par
thar pa mchog tu shes par bya'o/       /dgag sgrub gnang gsum
rlabs phreng rol pa can/ /'dul lung 'bum snge'i chu gter chen
por der/ /

bshad sgrub gser gyi gru yis legs zhugs nas/ /rnam grol nor bu
ded dpon khyod kyis blangs/ /bstan pa'i nang mdzod dam ma chos
'dul ba nyid/ /gces par dgongs te yi glegs bam kyang/ /chos gos

bzhin du 'bral spangs mdzad pa 'di/ /bstan pa thugs la brnga
pa'i rnam thar te/ /rang nyid thub pa'i rjes su zhugs rlom nas/
/de yi bcas pa 'bad pas khyad gsod cing/ /gzhan tshul der nan
gyis spyor byed pa/ /de dag bde

gshegs bstan pa'i chom rkun no/ /kwa yi rnag la snying brte ldan
pa dag  /bdud kyi dbang gyur log pa'i bshes gnyen gyi/ /ngan
spyod tha chad rjes su ma 'brangs par/ /dam pa'i rnam thar ji
bzhin bslab par 'tshal/     /de

ltar rgyan drung mchog gnyis rjes 'brang dang bcas pa'i gzhung
rnams la phyogs re ba dang rags pa res tshem par ma byas par kun
la zhib tu spyangs pa rje bla ma tsong kha pa'i rnam par thar pa
phyag len du thebs pa 'di lta bu bdag

cag gi dpal ldan bla ma 'di nyid tsam ma gtogs/  ngus phyis kyi
'gro 'dren du kahs 'che ba rnams dang/  thos pa rgya chen po
byas par rlom pa rnams kyi khyod du re re tsam yang mi snang
bas/  tshul 'di ni gzhan gyis brkun du

med pa'i rnam thar du blo gros dang ldan pa rnams kyis shes par
byos shig  /gzhung chen mo de dag gi khrod nas kyang dbu ma'i
skor la 'bur du dod pa'i thugs gnyer nan tan mdzad cing/  de
skor kyi 'bel gtam la yang thugs

shin tu dgyes pa zhig yod de/  'di yang rje bla mas/  'dzam
gling mkhas pa'i rgyan gyur 'di rnams kyi/ /legs bshad kun la
snying nas gus mos kyang/ /'khor 'das rten 'byung mi bslu'i gtan
tshigs kyis/ /mthar

062 @#*/ /'dzin dmigs gtan thams cad 'jig byed pa/ /zla ba las
'ongs legs bshad 'od dkar gyis/ /blo mig kunnga'i tshal rab phye
ba'i tshe/ /sangs rgyas bskyangs kyis bstan pa'i lam mthong

nas/ /klu sgrub lugs bzang gtso bor 'dzin su/ /zhes dang/  rten
'brel bstong pa las/  khyod kyis bla med theg pa'i tshul/ /yod
dang med pa'i mtha' spangs te/ /ji bzhin 'grel bar lung bstan
pa/ /klu sgrub gzhung

lugs kunnga'i tshal/ /dri med 'byed pa'i dkyil 'khor rgyas/
/gsung rab mkha' la thogs med rgyu/ /mthar 'dzin snying gi mun
pa sel/ /log smra'i rgyu skar zil gnon pa/ /dpal ldan zla ba'i
legs bshad kyi/ /'od dkar

'phreng pas gsal byas pa/ /bla ma'i drin gyis mthong ba'i tshe/
/bdag gi yid kyi ngal bso thob/ /ces gsungs pa dang tshul mthung
pa'o/ /rnam 'grel la yang thugs lhag par mos pa zhig yod pas/
dge bshes bzang

po'i rigs dang chos kyi gsung gling mdzad kabs/  rnam 'grel gyi
dogs dpyod mang du 'ong ba zhig yod cing/  po ti gzhan rnams se
'bras dge gsum gyi chos gra'i drin gyis dga' mo 'dug kyang/
rnam 'grel gyi dka' ba'i

rnams la dengs nga la gleng tsam byed mkhan yang dkon pa 'dug
ces thugs skyo ba'i rnam pa yang yang mdzad/  'di yang rje bla
ma'i rnam thar dad pa'i 'jug ngogs las/  rnam 'grel gyi rnam
bshad rigs mdzod la

gzigs rtog mdzad cing/  le'u gnyis pa'i skabs kyi lam gyi rnam
bzhag ston pa'i skabs la legs par gzigs pas rkyen byas nas/
chos kyi grags pa'i gzhung lugs dang rigs pa'i srol la dpag tu
med pa'i dad pa shugs

ngo mnan pas min non pa 'khrungs shing/  ston der bzhugs kyi
ring la rnam 'grel gyi gzhung la gzigs tsam nas dad pa'i sprul
long gyos te spyan chab kyi rgyun bcad par mi nus pa rtag tu
'ong ba zhig byung gsungs so/  /zhes

gsungs pa dang rjes su thun pa nyid do/ /chos gsung ba'i tshe
yang rnam 'grel gyi rigs pas sgrub tshul rtsal 'don gyis gsung ba
zhig cing/  dus phyis rje btsun 'jam pa'i dbyangs kyis mnal lam
du rnam 'grel lam gyi rim

par bsgrigs pa'i legs bshad kyi skyes kyang stsol bar mdzad
snang ste 'og tu 'god par bya'o/ /dbu tshad kyi gzhung gi yang
dag pa'i rigs lam la thugs gtsigs che bar mdzad pa 'di ni shin
tu gnad che bar mthong ste/  ci'i phyir zhe na

rgyal ba gnyis pa cong kha pa chen pos/  smra ba'i khyu mchog
'phags pa yab sras dang/ /log smra tshar gcod phyogs glang grags
pa las/ /legs par 'ongs pa'i rigs lam bdud rtsi'i chus/ /blo mig
dri ma yang yang ma brkus na/ /shin tu

zab gnas mthong ba smos ci dgos/  rigs pa'i lung don la yang
dpyad pa na/ /phal cher log par rtog pa 'phel 'gyur zhing/ /gal
te yang dag dam bca' tsam zhig gi/ /nges pa rnyed kyang sgrub
dang sun 'byin gyi/ /tshad ma'i stobs kyis

063 @#*/ /the tshom mi chod phyir/ /'dam la btab pa'i phur pa
bzhin 'gyur bas/ /yang dag bag chags brtan po 'jog mi nus/ /zhes
dang/  de phyir blo gros phra zhing mjangs pa dang/ /ku sha'i
rtse ltar mgyur de

srid du/ /ngoms mi sla bar rigs pa'i gzhung lugs la/ /mkhas pa'i
bshes la brten te legs par sbyangs/ /zhes gsungs pa'i phyir ro/
/de ltar gzhung chen mo rnams la thugs sbyangs mdzad pa yang ji
skad du/  rigs dpe cha las

bslabs shing/ /bla ma'i drung nas ma yin pa/ /'phyon ma'i bud
med sbrum ma bzhin/ /tshogs kyi nang na mdzes ma yin/ /zhes pa'i
dpe lta bu ma yin par/  deng sang po ti chen po rnams kyi gzhung
bshad kyi rgyun phal cher nub

'dug na'ang/  gang yod rnams bshes gnyen mkhas pa rnams las snga
phyi ci rigs su zhib tu gsan cing bshad rgyun med pa rnams la
bklag lung gi rgyun yan chad gsan par mdzad snang ste zhib par
so so'i thad kar 'bri bar

bya'o/         /gang yang 'di na gzhung tshig khol byung tsam
'ga' kha ton byed pa nyid la snge snod 'dzin par smra/ /nyud
ngu'i thal phreng bzlas brjod lhur len gzhan smod tshig gi ngug
mda' 'phen la smra ba'i seng ger sgrogs/ /

thos pa'i snang ba dang bral blun sgom mun pa'i mal du gyi nar
nyal la grub pa'i dbang po zer/ /mi shes gdol pa'i phru gu dar
zab kyis drkis mthon po'i stegs la 'khod nas 'gro ba 'dren par
rlom/ /snyigs ma'i ngang tshul 'phyon

ma'i gar 'di la/ /snyigs ma'i skye bo blun po mgu srid kyang/
/dam pa rnams kyi las su bya ba ni/ /dam pa'i chos la chos bzhin
spyod pa yin/ /de ni thos bsam sgom pa'i lam zhugs nas/ /de
bzhin gshegs pa'i grong du bgrod pa ste/ /

de bas dang por thos pa 'tshol bya zhes/ /de ltar dgongs nas ded
dpon mkhas pa 'di/ /thos bsam gru chen zhon nas nyin bzhin du/
/gzhung lugs rgya mtsho'i khyon kun nyul ba las/ /rnyed par dka'
zhing rnyed na don che ba'i/ /

zab don nor bu grangs med 'dod dgur blangs/ /de tshe bden gnyis
shes bya'i dkyil 'khor ni/ /nam mkha' bzhin du rgya che zhes
grags kyang/ /'di yi mkhyen rab yangs rgya mtsho yis/ /gzhal
bya'i gnas kun rmig rjes chu

bzhin byas/ /tshul de ma bzod gzhung bzang chu bo stong/ /rang
rang rjod don lhur lhung sgrogs bzhin du/ /nyin bzhin gang thugs
chu gter la zhugs kyang/ /dogs pa med par bzung pas skyengs par
gyur/ /'di na mkhas par grags

pa phal mo ches/ /'bad kyang blo yi spyod yul ma gyur ba/ /blo
bzang rgyal ba'i legs bshad dka' gnad kun/ /'di yis lag pa'i
mthil gyi rdzas bzhin gzigs/ /phyogs glang chos kyi grags pa las
'ongs pa'i/ /yang dag rigs

tshul glog gi dra ba yang/ /'di yi yid 'ong zhal gyi chu 'dzin
dbus/ /nyams 'gyur stong phrag 'khyugs pa'i gar rtsen/ /mes po'i
rna ba brgyad kyis ma thos pa'i/ /mkhas pa'i legs bshad ma lus
'di yis dsan/ /dbang po'i

064 @#*/ /'drin byed stong gis ma mthong ba'i/ /zab don dka' gnad
ma lus 'di yis gzigs/ /'di lta'i yon tan lcags kyu yis/ /bdag
yid gnyis 'thung drangs gyur te/ /chen po gzhan gyi spyod tshul
la/ /gus pa

gting nas lhod par gyur/ /shes bya'i dkyil 'khor gcig car 'gengs
pa yi/ /mkhyen bzang nyi ma stong phrag 'bar ba'i gzis/ /lkog
gyur thun gsum ming gi mthar bkrad pa'i/ /ye shes sgyu 'phrul
rol par phyag bgyi'o/          /

tar bka' pod chen po rnams la thos bsam gtso bor mdzad pa'i bar
skabs rnams su dge ba'i bshes gnyen gsum la zab pa dang rgya che
ba'i chos kyi rnam grangs yang mang du gsan par mdzad de/  de
yang thog mar dpal rdo rje 'jigs

byed chen po sogs lhag pa'i lha du ma'i zhal mngon sum du gzigs
shing/  grub pa'i go 'phang mthon po la mnga' brnyes pa rje
thu'u bkwan pa ngag dbang chos kyi rgya mtsho'i drung nas ras
bris kyi dkyil 'khor du dpal rdo rje 'jigs byed lha

bcu gsum ma'i dbang bzhi yongs su rdzogs pa sta gon dang bcas pa
brgyud pa'i chu bo gsum 'dres kyi gdams pas brgyan pa'i smin
byed kyi rim pa rgyas par gsan/  sku tshe 'di la dbang chen gsan
pa'i thog ma 'di yin 'dug pas/

dus phyis phran la khed rang gi skye ba gong ma de nyid ngos cag
sngags kyi sgor thog mar 'jug mkhan gyi rdo rje slob dpon yin
pas bka' drin shin tu zhes yang yang gsung/  rje thu'u bkwan rin
po ches snga mo lcang skya gong ma rje ngag dbang blo

bzang chos ldan pa'i drung nas 'jigs byed kyi dbang gsan pa'i
nub mo rmi lam du/  gzhal yas khang rngam brjid che ba zhig gi
dbus na/  za 'og 'bol mang po brtsegs pa'i khri mthon po zhig
khar rdo rje 'chang lcang skya pa bzhugs

pa'i phyogs gcig tu de 'dra'i khri gzhan 'dug pa la rang nyid
bkod nas/  bla ma gri gug dar tshon sna lngas mtshan pa zhig gtad
de/  'di re zhig khyed rang gis tshags gyis/  slar yang ded la
'phrod pa byed dgos so zhes gsungs pa

zhig rmis pa da res sprul sku rin po cher rdo rje 'jigs byed gyi
dbang 'bul dgos pa 'di yin pa 'dug ces gsungs/ dbang gi mjug tu
dpon slob thun mong nas tshogs 'khor rgas pa zhig mdzad par/
tshogs rjas kyi nang mchod khol zhing

'phyur ba dang/  gnas 'ongs cha med pa'i shing thog a ru ra'i
dbyibs can dri ngad phun sum tshogs shing ro cung zad skyur ba
sngar ye mthong ma myong ba 'ga' zhig tshogs rjas kyi gse ba tu
byung ba sogs ngo mtshar ba'i ltas khyad par can byung/

rje bla ma mchog nas dbang thob pa nas bzung dam tshig dang sdom
pa gces spras su byed dgos pas sngas byang sems kyi rtsa ldung
dang sbom po ngos 'rdzin gyi bshad pa zhig 'bul gsungs nas
'brong rtse lha brtsun rin po chen rgya mtshos mdzad pa'i

bslab bya gnyis kyi steng nas gsung bshad rgyas pa dang/  thun
drug gi rnal 'byor gyi khrid bcas gnang nas phyag len la 'debs
dgos tshul nan tan du 'doms par mdzad/  zhal nas/  de dus nged na
shin tu phra bas zhib par ma

065 @#*/ /nges kyang gsung bshad rags pa tsam blor nges par bgyis
te/  rtsa ltung gis ma gos pa la 'bad pa'i lugs su bgyis pa yin
zhes dbang chen 'ga' zhig gnang ba'i dus su gsung ba kho pos dngos

su thos/  rgyud sde'i gnang mkhyen pa rnams kyis brtag na tshul
'di ni bla slob gnyis ka'i rnam par thar pa rmad du byung ba
zhig yin pa 'dug go/            /rab 'byams rgyal pa'i dkyil
'khor ma lus pa/ /spro dang

bsdu pa'i bdag nyid slob dpon mchog  /dkyil 'khor gtso bor
bzhengs te mgon khod la/ /shes brdzod rin chen bum pas dbang
bskur tshe/ /sa bcu'i ba gam mthon po la 'dzegs par/ /chos kyi
sprin chen rgyal sras dpa'

la/ /mkha' khyab zhing gi rgyal ba rgya mtsho yis/ /'od zer chen
po'i dbang bskur gnyis pa zhin/ /snod bcud dag pa lha yi dkyil
'khor du/ /longs spyod gsum ldan tshogs kyi dga' ston la/ /phyi
nang lha tshogs tshim

pa drug ldan du/ /rol pas o TI ya na'i khengs pa 'phrog  /de
tshe TA ki rnams kyis tshogs rdzas su/ /bshams pa'i ngo mtshar
'chi med ljon 'bras la/ /kha dog ro nus 'gran 'dod ma da na/
/bde skyong snod du long long khol zhing

'phyur/ /deng dus bla chen rnams kyis dbang sna tshogs/ /bchos
ma'i me tog bzhin du khrom dbus su/ /zong du 'grim yamg dam sdom
bsrung pa nyid/ /gces par 'doms dang de bzhin sgrub pa su/ /kyi
ma gsang sngags bon ltar

gyer ba yi/ /dus ngan 'dam mrdzab mnam pa'i khrod 'dir yang/
/chos bzhin spyod pa'i bsung zhim cher 'thul ba'i/ /yab sras pad
dkar zung cig 'khrungs 'di mtshar/            /dbang khrid de dag
gi skabs su dpal rdo rje

'jigs byed kya che ba mang du gsungs pas sprul sku rin po che
thugs 'phrog pa lta bur gyur te/  rim gnyis kyi khrid dang zhi
khro sprag sgrub kyi khrid bcas gnang dgos tshul zhus par rje bla
ma thugs dgyes pa'i sgo nas re zhig lam

rim gyi khrid dmigs mdor bsdus tsam zhig 'bul gsungs nas thog mar
thun mong ba'i lam gyi rim pa'i khrod mdor bsdus dang/  de nas
bskyed rim gyi nyams khrid chos thun lnga tsam dang/  rdzogs rim
lcang skya gong ma'i gsung

'bum du bzhugs pa'i shin tu mdor bsdus pa de'i nas chos thun
gcig tsam dang/  rdo rje tshig sbram gyi steng nas zhi khro sbrag
sgrub thun mong ba dang thun mong ma yin pa'i dmigs skor cha
tshang gi khrid bcas 'bul bar mdzad cing/

sprul sku rin po che 'di pa sku na phra mo 'di 'dra nas chos kyi
srog rtsa nas 'dzin pa zhig 'dug gsungs bsngags brjod chen po
mdzad/  snga phyi ma nges kyang rje bla ma 'di nyid las chos
bka' gsan pa'i rim pa ni/  rje btsun tsong kha pa 

chen po'i gsung 'bum phal cher gyi bklag lung dang chos tshan
'ga' zhig la mdzub khrid tshul gyis gnad che sar bshad pa'ang
gnang/  bla ma mchod pa'i khrid/  dbu ma'i lta khrid kyi gzab
bshad rgyas pa/  spyod 'jug chen mo/

066 @#*/  / stong nyid bdun cu pa/  mdo sde rgyan gsum la mdzub
khrid kyi bshad pa rgyas pa/  'jam dbyangs chos skor gyi lha
rnams dang/  phyag rdor gtum khyud/  rdor sems/  'jam dbyangs
dkar po/ rnam    

rgal ma/  bde mchog dkar po sogs lha mang po'i rdzes gnang gi rim 
pa dang/  jo bo'i chos chung brgya rtsa/ paN chen blo bzang chos
rgyan gyi gsung 'bum bka' rgya ma dang bcas pa/  rigs tshogs/
byams chos/  sgrub thabs

rgya mtsho'i rgya gzhung/  rgyal ba dge 'dun rgya mtsho/  kun
gzigs lnga pa chen po/  rje 'jam dbyang bzhad pa sogs da ma pa
mang po'i gsung thor bu sna tshogs kyi bklag lung bcas gsan/  'di
rnams zhal nas dngos su thos pa rnams

bkod pa yin gyi/  da dud yang chos bka' rnam grangs mang tsam
gsan yod 'dug na'ang gsan yig sogs ma mthong bas 'bri bar ma
spobs so/ /mdor na dgung lo bco brgyad kyi bar lhan tu bzhugs
nas chos bka' ci

rigs gsan pa dang/  dka' gnad kyi dogs gcod 'bel gtam mdzad pa
sogs chos phyogs dang/  'jig rten gyi bya bzhag che phra gang
yod la bka' gros zhu ba sogs lugs gnyis ka'i sgo nas 'brel ba
mchog tu che

zhing phan tshun thugs yid gcig 'dres kyi dag snang 'ba' zhig gis
dus 'da' bar mdzad/          /rgyal ba gnyis pa'i bstan pa sa yi
mthar/ /'dzin cing spel la smon pa'i mthu grub pa'i/ /dam pa
gang dang thugs

kyi 'dza' ba ni/ /mkha' la mkha' dang chu la chu bzhin 'dres/
/phan tshun sku tshe du mar 'brel ba yi/ /mdza' gcugs 'dir yang
doms par mdzad pa 'di/ /lhan cig mi gnas 'gal gyi bla chen
rnams/ /bya 'ug brtul zhugs 'dzin

la 'phya ba bzhin/          /'di dus sprul sku rin po chen nas/
rje thu'u bkwan pa rang nyid kyi dngos nyams ci rigs par lhag
pa'i lha'i zhal gzigs pa sogs kyi rnam thar thun mong ma yin pa
rnams shin tu rtogs dka'

ba'i brda tshig gis bcings pa zhig yod pa la brda bkrol ba'i
gsung bshad zhig gnang dgos tshul zhus par gzhan la mi gsung pa'i
zhal bzhes mdzad na 'bul zhes gsungs par/  sprul sku rin po che
nas de bzhin bgyid

pas cis kyang gsung 'tshal zhes nan tan mdzad pas brda tshig ma'i
steng nas zhib tu gsung ba gnang 'dug  /dus phyis nged nas lcang
skya thams cad mkhyen par rnam thar de mchan gyis bkrol ba zhig
gnang dgos tshul 'phrin yig

gi lam nas zhus par/  gzhan la mi smra rgyu byas yod na'ang/
khyed rang bla ma de'i yang srid yin gshis smras par nyis pa med
'gro gsungs nas zhib mchan shog dril mdzad de/  gnang ba kho bos
bgyis pa'i rnam thar dpag bsam

ljon bzang du bkod pa bzhin yin no/  /dus phyis su lcang skya
rdo rje 'chang gi zhal nas/  rje thu'u bkwan pa de sku yon sbed
pa'i tshul gnang yang dka' gnas kyi dogs pa zhus na/  gzhan las
khyad par du thon pa'i gsung bshad

067 @#*/ /mdzad pa zhig yod/  rigs tshogs/  bslab spyod/  byams
chos la shin tu mkhas pa zhig yin zhes bsngags brjod mdzad pa
kho bos thos so/ /dka' chen shes rab dar

rgyas kyi drung nas/  lam rim chen mo'i steng nas mdzub khyid
tshul gyis bshad pa shin tu rgyas pa dang/  lam rim chung ngu/
lam khyid 'jam dpal zhal lung gnyis kyi bshad zhib rgyas/  rje
gong ma'i gsung

'bum du bzhugs pa'i yig cha rnams kyi steng nas lam rim phyag
chen/  bde gsang 'jigs gsum gyi bskyed rdzogs/  gtum mo'i khrid/
 'pho khrid/  snying po don gsum rnams dmar khrid man ngag zhal
shes dang

bcas pa/  tshe khrid 'chi med dga' ston dang 'ba' ra ba'i tshe
khrid kyi yig cha gnyis kyi steng nas grub rgyal lugs kyi tshe
khrid zhal shes snyan brgyud dang bcas pa/  rje bla ma nas nye
bar brgyud pa'i tshe khrid thun mong ma

yin pa/  bcom ldan 'das dpal 'khor lo bde mchog lU i pa dang/
dril bu lha lnga gnyis kyi dbang/  lhag pa'i lha du ma'i rjes
gnang/  rje gong ma'i gsung 'bum yongs rdzogs kyi lung rnams
gsan/  grub

pa'i dbang phyug chen po rtse chos rje blo bzang ches 'dzin pa'i
drung nas/  grub chen dril bu zhabs lugs kyi dpal 'khor lo sdom
pa lus dkyil kyi dbang bzhi yongs su rdzogs pa sta gon dang bcas
pa rje gong ma de nyid kyi phyag

bzhes man ngag gis brgyan te smin rgyas su gsan/  rje gong ma
nas brgyud pa'i bde gsang 'jigs gsum gyi rim gnyis kyi zab khrid
gsung sgros zhal gdams dang bcas lan mang du gsan cing/  khyad
par du bde mchog dril bu lus

dkyil gyi bskyed rdzogs kyi nyams khrid zhal shes dang bcas pa
lan du ma'i bar du gsan pa yin gsungs/  rje gong ma'i gsung 'bum
du bzhugs pa'i lam khrid mdor bsdus kyi nas dpen sa snyan brgyud
lugs kyi lam rim dmar

khrid thun mong ma yin pa dang/  grub chen tshem bu lugs kyi
thugs rje chen po'i dmar khrid yan lag dang bcas pa gsan par 
mdzad /  rje blo bzang chos 'dzin pa de nyid tshem bu dmar khrid
kyi sgon nas ma Ni dung phyur gnyis lhag song zhing/

gsan bde 'jigs gsum dang/  khyad par du dril bu lus dkyil la
thugs dam gtso bor mdzad pas zhing brje skabs dpa' po dang mkha'
'gro'o tshogs kyis mkha' spyod dag pa'i zhing khams du gdan 'drin
pa'i rtags mtshan khyad par

can mang du byung ba dang/  bde gsan 'jigs gsum gyi rten brten
pa'i dkyil 'khor mdon sum du gzigs par snang zhes rje bla ma
nyid lhas bsam 'grub khang gsar du bde mchog lus dkyil rdzogs
kyi bka' khrid gnang skabs

 cag la dngos su gsungs/  bla ma dam pa de rnams las bka' gdams
thig le bcu drug gi dbang/  sgrub thabs rgya mtsho dang snar
thang brgya rtsa'i rjes gnang yongs rdzogs/  grub rgyal lugs kyi
tshe dbang/  sgrol ma nyer gcig  /sman bla

068 @#*/ /bder gshegs brgyad/  sme brtsegs/  phyag rdor/  rta
mgrin gsang sgrub/  khyung khra/  khyung nag 'dzam dkar sogs
lhag pa'i lha du ma'i rjes gnang/  dril bu skor gsum gyi rgya
gzhung gis mtshon

pa'i bklag lung gi skor kyang mang po zhig gsan par snang ngo/
/skabs 'di dag dang/  phyis du yang bla ma dam pa mang po zhig
las chos bka' ci rigs gsan pa rnams kyi skabs su bla ma rnams la
bzhugs khri mthon po bshams pa

dang/  rje rang nyid kyis phyag dang sngon du ldang ba sogs
bsnyen bkur ba dang/  dad cing gus pa'i tshul gyis chos 'chad pa
la thugs dang snyan gtod pa sogs tshul dang mthun pa kho nas gsan
par mdzad/  deng sang gdan nas mtho ba

dang/  'gro 'dren sprul skur khas 'che ba 'ga' zhig gis chos
rgyun len pa yin zer nas rnag nyid khri stan mthon por 'gying
bag dang bcas pas 'khod nas/  len yul mdun stan dma' bar bzhag
pa la rje bos bran las

dpya len pa'i tshul gyis mnyan pa dang/  yang la las chos mnyan
pa'i dus su phyag gsum tsam btsal ba las skabs gzhan du bla ma
mthong tshe ldang ba tsam yang mi byed par/  yul de la chos nyan
pa gzhan gyis shes na mtshang che ba

lta bus gsang ci thub byed pa sogs bla ma'i dam tshig mtha' dag
khyad du bsad nas thob bla dang nyan lo'i grangs bsogs pa tsam
don du gnyer ba dang/  gzhan la chos rgyun spel khul byed pa
'ga' zhig gis kyang dam mtshig dang sdom pa

lha'i rnal 'byor dang grangs bsnyen sogs kyi rnam bzhag ci yang
med par dkyil 'khor dang dbang rdzas rnams 'dzom zhing chog dpe
thog nas bklag thub phyin phyogs thams cad tshong zong 'grim pa
bzhin du dbang dang rjes gnang lung sogs ster

yul 'bad pas btsal te nor dang brje tshong byed pa dag snang ste/
 'chad nyan gyi gzugs brnyan de lta bu ni rgyal bstan dri mas
sbags par byed pa'i bdud kyi las su shes par bya'o/ /de ltar
dgung lo brgyad pa nas bco brgyad kyi bar mtshan

nyid dang ldan pa'i dge ba'i bshes gnyen rnam gsum tshul bzhin du
bsten nas gtso bor mdo phyogs kyi thugs gnyer mthar phyin pa
mdzad cing/  gsang sngags rdo rje thegs pa'i smin grol gyi lam
gyi rim pa yang rgya che ba zhig gsan ram mdzad

mod/ /'on kyang gsang sngags skor la phyis su rgyal dbang thams
cad mkhyen pa dang/  khri chen rdo rje 'chang gnyis kyi zhabs la
gtugs nas rgyud kyi rgyal po gnyis kyi zab gnad mthar thug pa la
sgro 'dogs chod pa'i nges pa rnyed cing/  de

la brten nas mdo sngags kyi gnad mtha' dag la dpyad pa mthar
phyin pa yin pas de'i tshul ni 'og tu bshad par bya'o/ /tshul 'di
ni brtsun bla ma nyid kyi gsun shes pa smang ste/  grub mtha'i
rnam bzhag thub bstan lhun

po'i mdzes rgyan las/  dang por sems dpa' chen po rje btsun chos
rgya mtsho ba dang sde snod 'dzin pa'i dge bshes gnyen chen po
dka' chen shes rab dar rgyas pa dang rje grub pa'i dbang phyug
'dul 'dzin blo bzang chos 'dzin pa sogs

069 @#*/ /kyi bka' drin las mdo sngags kyi gsung rab du la dpyod
pa'i sgo mang du rnyed cing/  phyis du chos kyi rgyal btsom ldan
'das kyi rgyal 'dod dgur dbang bsgyur ba'i dbang po

thams cad mkhyen pa blo bzang bskal bzang rgya mtsho'i zhal snga
nas dam pa'i chos kyi bdud rtsi'i bgo skal blangs pa dang/
gzhan yang bshes gnyen dam pa ma'i zhabs rdul spyi pos blangs
shing mkhas pa rnams dang dka'

gnad la 'bel ba'i gtam kyang mang du bgyis pa dang/  khyad par
du rje rgyal ba gnyis pa'i rgyal tshab dam pa phyi nang gi rten
'brel rnams chu'i zla ba ltar gzigs shing byang chub kyi sems
lhag par 'byongs pa rim gnyis kyi ting

'dzin la mnga' brnyes pa'i grub pa'i dbang phyug chen po rje
btsun dam pa khri chen ngag dbang mchog ldan pa'i zhal snga nas
las dpal mnyam med ri bo dge lugs pa'i mdo sngags kyi bshad srol
dum dang khrid chen brgyad sogs

legs par thob pa'i bka' drin las rang gzhan gyi grub pa'i mtha'
du ma dang/  rgyal ba'i gsung rab rab 'byams la blo gros kyi
snang ba cung zad rgyas shing blo bzang rgyal ba'i ring lugs la
mi phyed pa'i dad pa brtan po thob

bo/ /zhes so/        /legs bshad glog gi rtse dga' dang 'grogs
pa'i/ /bshes gnyen zhal gyi chu 'dzin 'dzum pa las/ /nyin bzhin
zab rgyas chos char 'jo ba yis/ /gang thugs ye shes mtsho chen rgyas

par gyur/ /de tshe bka' bstan gdams pa'i chu bo kun/ /yongs
rdzogs rnam dpyod lto ba yangs po ru/ /bskyil bzod drang srong
dza hu dsar pa zhig  /tsi na'i yul du byung zhes lhan rnams
glengs/ /bgrang bya nyud du'i yun la mdo sngags

kyi/ /chos tshul ma lus thugs su chud pa 'dis/ /rgyal ba'i gsung
gsang chos kyi phung po'i tshad/ /brjod las 'das zhes grags pa
rdzun du byas/ /snyigs ma'i ngang tshul mun pas ma sbags pa'i/
/gang gi mdzad bzang bdud rtsi'i 'od

can de/ /phyogs bcu'i rgyal ba'i thugs mtshor shar ba'i mod/
/dgyis pa'i kunad dbang med bzhad par gyur/ /dbul bshes gnyen
nor bu'i cod pan mdzes/ /mgrin pa legs bshad mu tig do shal
'chang/ /zhabs pad

mkhas pa'i gtsug nang la bso ba/ /mtshungs med bla ma khyod bdag
phyag 'tshal/ /zhes bya ba ni bar skabs kyi tshigs su bcad pa'o/
/khyab bdag rdo rje sems dpa'i ngo bo dpal ldan bla ma dam pa ye
shes bstan pa'i sgron me dpal

bzang po'i rnam par thar pa mdo tsam brjod pa dge ldan bstan
pa'i mdzes rgyan las/  gzhung lugs chen mo rnams thos bsam gyis
gtan la phab cing zab rgyas kyi gdams pa mang du gsan pa'i le'u
ste bzhi pa'o//               //

de ltar thugs gnyer mdzad pa'i dus su yang thos rkyang gis chog
par mi mdzin par/  don la yang yang dpyad sgom mdzad pa dang/
kha phyir bltas sum song bar rgyud thog tu bskor te nyams su len
tshul gyi gnad la sgro 'dogs gcod

070 @#*/ /pa gtso bor mdzad cing/  thos don rnams phral phral du
phyag len la 'debs pa dang/  spyod 'jug chen mo dang/  rgyan
'jug  /mdo rtsa/  rnam rtsa rnams re mos dang/  rdo rje 'dzin pa
dkon mchog

rgyal mtshan gyi lam rim tshigs bcad ma/  blo sbyong don bdun ma
dang/  tshigs brgyad ma/  bzang spyod dang smon lam bdun cu pa
rnams chag med du zhal 'don mdzad cing don la bshar sgom mdzad
pa yin gsungs/  'di ni 'brom

rin po ches/  rje sangs rgyas bya ba kun mkhyen yin/ /de spangs
rtogs tshogs gnyis mthar phyin yin/ /nga pha ma'i don du de 'dod
pas/ /dus dang por thos pas sgro 'dogs bcad/ /dus gnyis par bsam
pas sgro 'dogs bcad//

dus gsum par bsgom pas sgro 'dogs bcad/ /kye de yang gcigg nyid
ma yin te/ /nga thos dus tshe na bsam bsgom bdo/ /nga bsam dus
tshe na thos bsgom bdo/ /nga bsgom dus tshe na thos bsam bdo/ /nga
gcig tu ma lus bsdoms

byas nas/ /chos lam du khyer nas shes pas/ /nga bka' gdams
phyogs char ma lhung bas/ /don rgya 'bag bzhin du 'phul shes
pa'i/ /legs kun tu rtogs te bka' gdams yin/ /zhes gsungs pa
dang/  rje bla ma rnag gis

kyang/  de ltar thos bsam gnad du legs song na/ /de nyid bsgom
dang len gtso bo yin/ /thos bsam sgom gsum cig car 'byung bas
na/ /tshegs med lam gyi rtogs pa rnyed par 'gyur/ /rgya bod mkhas
pa'i skye bo phal

mo ches/ /mtshams dang 'dag spyar gcig dril mdzad kyang/ /'chad
rtsod rtsom pa'i mdzad pa mdzad bzhin par/ /sa lam rtogs pa phul
byung rnyed la ltos/ /zhes gsungs pa ltar/  thos bsam sgom gsum
ya bral du ma gyur bar gcig

gcig gi grogs su 'khyer shes pa jo bo bka' gdams pa'i rnam par
thar pa phyag len du btab pa'i rnam rmad du byung ba'o/ /mkhas
pa'i bya ba 'chad rtsod rtsom gsum kyang dgung lo shin tu pra
ba'i gnas skabs 'di rang nas bdag

gir bzhes pa yin te/  dgung lo bcu gcig pa'i dus su dad ldan gyi
gra slob spyin bdag mang po zhig gis gsol ba btab pas/  skyabs
'gro'i khrid kyi bka' 'chos dang/  lam gyi gtso bo rnam gsum gyi
bshad pa shin tu rno ba zhig mdzad pas/

thams cad kyi yid rang dbang med par 'phrog ste dad pa'i shugs
kyis mig nas mchi ma rang dbang med par 'chor ba byung/  de nas
bzung zhu ba po rnams kyi mos pa bzhin dbang chen gyi rigs ma
gtogs gsung chos gang zhus thams cad

thogs pa med par gnang nas thams cad yid tshim par mdzad/  rtsod
pa yang dgung lo bcu bdun gyi skabs gzhung lugs la sbyangs pa'i
spobs pa mchog tu dge ba u cu mu chin gu shrI bzong pa zhes
bya bas nyam sad kyi tshul du rtsa shes kyi

rab byed dang po'i sho lo ka kha shas las brtsams pa'i da yid
phul ba la/  'phags pa yab sras dang rje bla ma'i dgongs pa gung
bsgrigs te lung rigs dri ma med pa'i lam las drangs pa'i rtso da
lan gnang/  de la dag bzhag gi

071 @#*/ /tshul gyis rtsod yig yang skyar phul ba la/  slar yang
rdo rje'i gzig ma lta bu'i lung rigs kyi rtsod lan gyis rgol ba
de nyid kyi spobs pa rmig med du 'joms par mdzad pa rtsod lan
gyi yi ge gsung

'bum du bzhugs pa ltar yin no/ /phyi u gu shrA'ide sku mdun du
mjal skabs dngos su 'bel gtam gyi bka' mched rgyas par stsal bas
kho yang shin tu dad pas de phyin chad nas rje bla ma nyid kyi
slob mar gyur te gsung gi bdud

rtsil spyod pa'i skal bcan du gyur pa yin/  legs bshad kyi rtsom
pa yang/  byang chub lam gyi rim pa'i dmigs rnam gsal 'debs
tshigs bcad ma zhig mdzad pa ljags rtsom gyi thog ma yin cing/
'di phyis su gsung 'bum

gyi par bzhengs skabs dguns lo bcu gcig dus mdzad ces mchan btab
'dug na'ang/  'di nga rang lo dgu pa'i dus brtsams pa yin zhes
rje bla ma nyid kyis bdag cag la gsung 'bum gyi ljags lung gnang
skabs dngos su

gsungs pas/ skun shin tu phra ba'i gnas skabs su yang brjod don
zab cing tshig gi spyor ba phun sum tshogs pa deng sang gi 'gro
'dren du khas 'che ba rnams kyis mi tshe hril por 'bad kyang kha
nas thon dka' ba'i legs

bshad kyi dga' ston de lta bu spel ba ni snyigs ma'i dus 'dir
'byung bas dka' ba'i ngo mtshar rmad du byung ba'i rnam thar du
snang ngo/ /dgung lo bco lnga'i dus rje bla ma ngag dbang chos
kyi rgya mtsho las gsan pa'i lta khrid la zin

bris gnang ba rgya gzhung gi nyams dang ldan pa zhig dang/  de
nas bzung dgung lo nyi shu'i bar byang chub kyi sems bskyed tshul
bshad pa theg chen 'jug sgo/  rmad du byung ba'i gtam gyi spyor
ba mkhas mar grin rgyan/  gzhan

yang dad ldan du ma'i zhus ngor/  lha dang bla ma'i gsol 'debs/
lha'i sgrub thabs mngon rtogs/  chab shog mgur ma sogs phyogs
gcig tu sdom par shog grangs brgya lhag tsam zhig mdzad snang
la/  de dag kyang tshig

don phun sum tshogs pa blo gros dang ldan pa dag gis mthong na
yid 'phrog par byed pa sha stag tu 'dug go  /dgung lo bco lnga'i
dus shes rlom snying kham can 'ga' zhig gis/  da slob gnyer chig
dril byed pa las/

bstan bcos rtsom pa sogs par chad kyi rgyu yin pas mi legs zhes
kha 'dud kyis phye ba'i gtam smra ba gsan nas de dag la 'di skad
ces gsungs 'dug/   swa sti/  bslab gsum yon tan lhag cing brtson
dang bcas//

lung gi gter gyur zab don mngon sum rtogs/  /smra mkhas brtse
ldan chos phyir skyong la spangs/ /theg mchog mtshan ldan bshes
gnyen rnams la 'dud/ /kyi hud bzod dka'i 'khor ba'i rgya mcho
cher/ /bgrang dka'i sdug

bsngal na kra du ma yis/ /rab gtses mar gyur 'gro ba ma lus pa/
/thar pa'i skam sar phyin ci ma rung/ /kyi ma lus can kun gyi
phan bde'i gzhi/ /sdug  bsngal ma lus drung nas 'byin byed pa/
/dge legs mtshan mas phyogs

072 @#*/  /kun bkra ba'i thabs/ / 'drin pa'i bstan 'di lags par
rgyal bas gsungs/ /e ma deng thub bstan rin chen 'di/ /bdag
'dra'i blun rmongs rnams kyis 'dzin par rlom/ /rnam dag nges

'byung tsam yang bsgom dang bral/ /'gro ba'i sdug bsngal bsam
tshe skyo bas dben/ /ngan 'gro'i 'jigs la ba spu'i rtse mig yo/
/bdag dang bdag 'dras bstan pa dzin spel ba'i/ /tshul 'di rgyal
ba'i sras rnams dang//

sngon byon skyes chen tshogs kyi bzhad gad gnas/ /rab 'byams
gzhung lugs dka' gnad legs rtogs shing/ /rnam mang yon tan bzang
pos rgyud gtams pa/ /mching bu'i khrod kyi gser bzhin 'ga' srid
kyang/ /nag phyogs

thal bas gyogs te mi mngon byas/ /de lta mod kyi bdag blo'i nyin
byed kyis/ /lung rigs bye ba'i 'od 'phreng spro byas te/ /blo
bzang bstan pa'i pad tshal snying po'i bcud/ /blo gsal bung ba'i
tshogs la 'gyed nus mod/ /'on kyang

deng dus mkhas rlom phyogs lhung ba/ /phyogs re'i gzhung la
spyangs pa chung du can/ /'ga' yis lham dpe zhwa la 'gebs mthong
ba'i/ /tshul 'dis kho bo 'ang snying las dur spro/ /rgyal ba
gnyis pa'i legs bshad lus

phra'i gzugs/ /bdag gi blo gros a dar shar gsal por/ /'char
ba'i dga' ston ci yang myong ba yis/ /gcig pu gnas kyang dga'
ba'i ca co 'chor/ /e ma rgyal dang rgyal ba'i sras/ /kun gyi
bgrod pa gcig pa'i lam/ /zab

mo dbu ma'i lta ba mchog /thabs dang 'brel bar med dri med kyi/
/rigs pas smra la bdag mkhas so/ /chu phran chung chung ca co
che/ /rgya mtsho ku co ga la sgrogs/ /de phyir 'di ni ngang tshul
te/ /sgro btags bdag bstod ga la yin/ /de ldan yang thub

pa'i gsung rab rgya mtsho ste/ /kho bo'i blo gros kyis 'khums
phul gang tsam/ /ring nas goms dang dam pa'i byin rlabs sogs kyi
thus/ /legs par bshad pa 'ga' zhig kyang ni cis mi dmigs/ /de
phyor blo gros ldan rnams

kyang/ /yid rang dga' zhing 'dzum bzhin du/ /legs bshad blangs
te 'chad pa dang/ /rtsod dang nyams su bstar bar rigs/ /blogs la
ma lus legs bshad la/ /'jug par bskul ba'i dge ba yis/ /'gron
rnams tshogs gnyis rab

rdzogs te/ /chos gzugs sku gnyis 'thob par shog  /ces pa 'di ni
kho bo'i legs par bshad pa byung ba dang byung bar 'gyur ba
thams cad la blo ldan rnams 'jug pa'i phyir du chos kyi grags
pas lo bco lnga par sbyar ba dza yan tu/

zhes pa stsal/      /thos pa'i me tog rnam grangs mang bzhad
kyang/ /bsam sgom sprang rtsi'i bcud dang mi ldan na/  /skal
bzang bung ba'i dga' ston mi 'gyur te/ /ri mor bris pa nyid dang
khyad par ci/ /de phyir thos

bsam yongs 'du'i ljon pa las/ /tshul bzhin sgom pa'i 'bras bu
gzur za ba'i/ /sku bzhi mngar ba'i ro la longs spyod pa/ /tshad
ldan mkhas grub rnam thar bdag gir bzhes/ /'chad pa sprin gyi
bla re dang/ /rtsod pa glog gi shal

073 @#*/ /dang/ /rtsom pa 'brag gi sgrang byang gsum/ /thub bstan
nam mkha'i mdzes rgyan te/ /de lta mod kyang deng ngus bstan
'dzin rnams/ /dpal 'byor sa dang me tog mda' can gyi/ /'ching ba
sgrub

las  'chad rtsom pa yis/ /bstan la bya ba byed pa ches cher
dkon/ /mkhas khyod rgya chen gsung rab 'chad la mkhas/ /mkhas
rlom rgol 'joms lung rigs rtsod par mkhas/ /mkhas pa mgu ba'i
legs bshad rtsom la mkhas/ /

mkhas pa'i bya bas thub bstan spal la mkhas/ /ches phra'i na tshod
sgo nga'i sbubs rgya nas/ /mkhas pa'i rtsal kun rdzogs pa'i
mkha' lding khyod/ /bstan 'dzin 'dab ldan yongs kyi rje bo ru/
/thub bstan lhun po'i spo la ngal bso

mdzad/      /yang dgung lo bcu bdun pa'i dus rang nyid la gros
'debs pa'i tshul gyis skal ba dang ldan pa rnams tshe 'di'i dnang
zhen las blo bzlog ste mdo sngags kyi lam la sgrub pa snying por
byed pa la bskul ba'i zhal

gdams 'di lta bu zhig gnang 'dug ste/   na mo mnya dzu shra'i ku
ma ra ye/  bgrang yas 'gro la rab brtses kun bslangs te/ /byang
chub thugs bskyed rlabs chen tshogs gnyis bsags/ /sgrib gnyis
dgra bcom sku gsum mngon du

mdzad/ /stobs bcu mnga' ba kun la snying nas 'dud/ /rgyal ba'i
dgongs don zab dang rgya che'i tshul/ /'gro la gsal mdzad klu
sgrub thogs med zhabs/ /a ti sha dang blo bzang grags pa sogs/
/rgya bod paN grub ji snyed mchis

la 'dud/ /sngon bsags stobs ldan las kyi mthu brtas pas/ /'khor
ba'i gcong rong zab mo'i spubs tshud de/ /jigs rud skye rgan
'chi'i dgras gtses pa/ /bdag nyid rang la phan pa'i gros cig
'debs/ /kyai khyod rnyed dka'

dal 'byor rten mchog thob/ /rgyal bstan dri ma med pa'i sgo ru
zhug/ /yang dag bshes kyis legs par zin gyur na/ /da ni dam pa'i
chos la mi 'bungs/ /kun gyi srog la mnga' bsgyur brtse bral
zhing/ /skyes kun don med

gsod byed 'chi bdag des/ /rtag tu khyod la glgas ni 'tshol byed
na/ /bde bar gnyid log khyod la gdengs ci yod/ /dal 'byor rten
'di shin tu rnyed dka' zhing/ /yid bzhin nor las lhag pa'i don
che bar/ /gsungs na 'di nyid

don med chud gzan pa/ /khyod ni nges par bdud kyi zhags pas zin/
/lo zla zhag dang za ma'i pho nyas bsus/ /na rga'i mtshon dang
dbyig pas lus la brab/ /'dod srid zhag pas ske bcings ngan song
gi/ /gyangs su 'dren pa'i ngang tshul

ma dran nam/ /ma yi mngal las thon pa'i dus nyid nas/ /skad cig
tsam yang ngal gso'i skabs med par/ /rtag tu 'chi ba nyid phyir
rgyug gyur na/ /da dung khyod la khom pa'i skabs mchis sam/ / mi
lus 'thob la tshul khrims gzher

bzung ste/ /sbyin sogs grogs byas smon lam mtshams sbyor bar/
/dgos rgyu 'di khyod kyis nam zhig bsgrubs/ /gzhi mtshul khris
rnam dag bsrungs sam ci/ /bsgrub dgos rgyu ni 'ga' yang ma
bsgrubs shing/ /bya min ngan 'gro'i

074 @#*/ /rgyu la kun tu brtun/ /gshin rje'i pho nyas zin kyang
'chir mi skrag  /kyi hud khod kyi 'gro ba ji 'drar 'gyur/
/phyogs bcu'i rgyal ba sras bcas dpang btsugs te/ /khas blangs
dam tshig sdom pa

yal dor nas/ /dam pas smad pa'i las la ci dgar 'jug  /khyod
snying lcags kyi gong bur gyur tam ci/ /lcags gong me lce 'bar
'dra'i dang zas kyis/ /'tsho zhing dkor sgrong sbyod byed yal bar
dor/ /bsod nams ming btags

bdud kyi pho nya 'dis/ /khyod ko dmyal ba'i srung mar byin du
nges/ /phyogs bcu'i sems can kun gyi mig phyung bas/ /sems dpar
khros pa sdig pa che gsungs shing/ /sems dpa' 'ang gar gnas
brtag par shin tu dka'/  de

phyir mtho la phrag dog mnyam la 'gran/ /dman brnyas par byed
pa'i brtul zhugs 'dis/ /gting zab dmyal ba'i me nang bskal pa'i
bar/ /bud shing ltar bsreg sdug bsngal cis mi myong/ /rnag nyid
ngan 'gror mi skye'i

gdengs med kyang/ /'gro ba gzhan gyi yar 'dren byed do lo/ /bdag
gzhan phung byed don med 'dun ma 'di/ /da ni myur du spangs na
mi legs sam/  /kyi hud dmyal ba'i bud shing khyod nyid la/ /legs
nyes 'byed pa'i sems shig

yod gyur na/ /dma pas bsdags pa'i spyod tshul bzang po la/ /rab
dkar sems kyis 'di ltar 'jug par rigs/ /gnas skabs mthar thug
legs tshogs ma lus pa/ /'grub pa'i rten 'brel 'grig pa'i rtsa ba
mchog/ /lam

ston pa shes gnyen mchog de bsam sbyor gyis/ /tshul bzhin bsten
la sgo gsum brtson par gyis/ /rten 'di rnyed dka' don che 'jig
par sla/ /chi bar nges shing nam 'che nges pa med/ /ngan song
bzod dka' de phyir skyabs 'gro dang/
  
las 'bras blang dor rgyun ngu sems par gyis/ /'khor ba sdug 
bsngal rgya mtsho 'di rgyu/ /las nyon gnyis yin nge las nyon 
las nyon mongs gtso/ /de phyir de nyid spong bar byed pa'i 
thabs/ /lhag pa'i bslab pa gsum po bsten par gyis/  drin

ldan ma rnams 'khor ba'i gnas 'di las/ /sgrol phyir byang chub
mchog tu sems bskyed la/ /phyin drug bsdu ba bzhi yi nyams len
la/ /brtson pa drag pos tshul bzhin slob par gyis/ /khyad par bla
med rdo rje theg pa yi/ /'jug sgo dbang blangs

dam sngom legs bsrungs te/ /sku gsum go 'phang myur du 'thob
byed thabs/ /rim gnyis rnal 'byor spyod la brtson par gyis/ /'di
lta'i tshul gyis legs par blo spyangs na/ /sku bzhi'i sa sa bon
rnam dag thebs 'gyur zhing/ /dal 'byor

thob pa don dang ldan pa ste/ /dam pas bsngags pa'i las ni de
yin no/ /rang la gros 'debs man ngag bdud rti yi/ /bcud bsdus
bdud rti'i thigs pa 'di bgyis pas/ /bdag dang 'gro kun skye ba
thabs cad du/ /theg chen dam pa'i

chos la spyod par shog  /ces rang la gros 'debs pa man ngag bdud
rti'i 'di snang gi chos brgyad dang rol rted la sgrub pa snying
por byed pa'i ban chung ngag dbang chos grags kyis rang lo bcu
bdun pa'i tshe sbyar ba dge legs su

075 @#*/ /gyur cig  /ces pa'o/ /skabs rgyal sras bcu bdun pa sku
dbang che bas kho pas zhus don bzhin/  bod nas krma zhwa dmar
nag gi bla ma gnyis rgyal kha ba chen por gdan drangs/  khong
gnyis pe'i

cing du 'byor nas ?gong ma'i spyan bskyang che ba byung na rang
re'i bstan pa gnod tshab che nges yong rgyur 'dug pa la/  rje
thu'u bkwan pa thugs khral shin tu che bas rim gro stobs che ba
dang/  mngon spyod kyi las 'ga' zhig kyang mdzad/

sprul sku rin po che nas kyang dam can chos kyi rgyal po las la
bskul zhing gtor ma 'phen pa sogs gnang bas bla ma de gnyis lam
dug gshegs/  dnam skos sa'i tshangs pa 'jam dbyang ?gong ma chen
po nas gzigs pa mchog tu dge

bas gser dngul gos dar rin po che'i dpyad pa khyad du mtshar ba
sogs kyi gnang sbyin yang dang yang du mdzad pa dang/  skabs
skabs su rgyal po rnag gi gsol ba'i phud kyang skyel 'jug pa
dang/  hu thog thu nas rgyal ba'i bka'

'gyur ro cog la gzigs rtog zhib tu mdzod ces bka' nan yang yang
phebs shing/  sras bzhi pa da lha'i ?gong ma bdag chen po nyid
kyang rje bla ma dang lhan du slob gnyer mdzad 'jug pa gnang/
rje bla ma mchog nas rgya sog man ju

nams kyi skad rigs dang yi ge thams cad zhar byung du thugs su
tshud pas/  pho brang nang yang yang gdan drangs nas gong ma chen
po dang zhal 'dzom gyi thog chos kyi bka' mchid mang du gnang ba
sogs bdag rkyen bla na med pa

mdzad/  rgyal po 'di nyid hwa shang gi lta ba lam mchog tu dgyes
pas skabs du mar tshom chen zhig tu rgyal po rang nyid dbus su
bzhugs pa'i gyas phyogs su rje bla ma nyid bzhugs su gsol zhing/
 hwa shang mkhas pa rnams mtha' skor du

'dug bcug nas lta ba'i skor gyi mol mchid dang phan tshun nyams
bsdur ba sogs mdzad/  rgyal po rnag nyid kyis lta ba ston pa'i
yig cha zhig ljags rtsom mdzad pa'i spyar byang du/  rje bla ma
nyid kyi mtshan dang hwa shang mkhas pa kha

shas kyi ming smos te/  'di rnams dang lhan du yun ring por
brtags shing dpyad nas grub don brjed byang gi tshul du sbyar ba
yin zhes gnang nas yig cha de rgya yul thams cad du 'grem par
mdzad pas/  da lta rgya nag lho phyogs sogs

kyi hwa shang gi sde che ba rnams su rje 'di nyid lam mkhas pa
chen por grags shing/  yul gru tha dad nas lta ba rtsad gcod
pa'i hwa shang mang po dka' spyad kyis rje 'di'i drung du yongs
nas zhabs la gtugs par byed cing/  de dag la thog mar hwa

shang gi 'dod tshul ltar dang rim gyis dbu ma'i lta ba la 'khrid
par mdzad pas nyams rtogs skyes pa'ang mi nyung tsam byung 'dug
go/ /rje bla ma nyid la bdag gis hwa shang gi lta ba ci lta bu
zhig yin zhus pas/  sngon 'phags yul nas klu

sgrub yab sras kyi rjes 'brang gi paNiT ta 'ga' zhig rgya yul du
byon cing/  rgya'i hwa shang 'ga' zhig kyang rgya gar du song
nas dbum pa'i paN grub rnams la gtugs pas de dag gis dbum ma'i
lta ba rgya yul du cung zad dar bar byas 'dug

076@#*/ /kyang rgyud 'dzin mang du ma phel/  rgya skad du tA mo
tsu shi bya ba slob dpon b+ho ng+hi ng+ha rmotta rgya yul du byon
nas lta ba'i rnam bzhag gsungs pa dar che ba 'dug cing/  slob
dpon de 'ga' zhig gis pha

dam pa sangs rgyas yin yang zer la/  gang ltar yang ba'i ngo bo
bod kyi zhi byed kyi lta ba dang gnad gcig tu 'dug  /deng sang
lta ba'i 'dod tshul dar rgyas che ba ni sems tsam pa'i lta ba
dang shin tu mthun par snang/  bod du byung

ba'i hwa shang mhwa ya na'i lta ba 'dzin mkhan dengs rgya yul du
gcig kyang mi 'dug ces gsungs/  des na bod dag gis hwa shang gi
lta ba thams cad mhwa ya na'i lta ba dang gcig tu 'khrul nas
than mthong ba ltar sdang bar byed pa ni

rgyu mtshan ma mthong bar zad do/ /skabs shig dbyar gyi tsha ba
shin tu che ba la ?gong nas sprul sku rin po che dang rje thu'u
bkwan pa rnam gnyis tsha ba'i ring la ?gong ma'i skyed tshal du
bzhugs chog pa'i bka' gnang ba bzhin dga' tshal

du bzhugs/  ?gong ma'i gsol thab rang nas gsol chas nar ma dang/
 na bza' bzhugs stan snye 'bol bsil yab rnga yab seng gos kyi
gur sogs nye bar mkho ba'i yo byad thams cad gnang zhing/  phyag
gyog pa rnams

la'ang gyon pa sogs gnang sbyin mdzad/  skyed tshal thugs nyams
spro ba gang bzhed du phebs bzhud bag yangs mdzad chog pa'i bka'
gnang/  der bzhugs ring la rje thu'u bkwan rin po che'i drung
nas chos bka' rnam grangs du ma zhig

gsan par mdzad cing dka' gnad mang por dogs dpyod sogs dam pa'i
chos kyi dga' ston gyis dus 'da' bar gyur/  de dus gsungs mgur
gnang ba 'di ltar ro//       oM bde legs su gyur cig  /mchog
sku bzhi'i go

'phang mngon mdzad de/ /chos zab rgyas 'gro la 'doms pa'i slad/
/gos dur smrig 'dzin pa'i tshul bzung ba/ /rje tsong kha pa la
snying nas 'dud/ /sems legs bskyed rlabs che na tshogs gnyis
bsags/ /sgrib gnyis kyi mun stug

rtsad nas bcil/ /skyabs blo bzang bstan pa'i rgyal mtshan la/
/dus kun tu 'dud do thugs rjes zungs/ /rigs kun khyab drug pa
rdo rje 'chang/ /dus snyigs ma'i 'gro rnams 'dren pa'i phyir/
/sku tha mal rnam pas chos tshul

'doms/ /mgon chos kyi rgya mtshor gsol ba 'debs/ /zab gsal zhing
rgya che'i 'khyen rab dang/ /lung rtogs pa'i yon tan gter du
gyur/ /chos zab don bdud rtsir 'dod rgur spyod/ /rje shes rab dar
rgyas zhabs la 'dud/ /dam

sdom rnams mig 'bras ltar du bsrung/ /lam rim gnyis rnal 'byor
zab mor brtson/ /'khrul bral ba'i rtogs pa mchog brnyes pa/ /rje
blo bzang chos 'dzin zhabs la 'dud/ /dus deng nas byang chub
snying po'i bar/ /rje khyer rang rnams

dang mi 'bral zhing/ /chos zab rgyas bdud rtsir longs spyad de/
/mchogs ngas rgyas 'thob par byin gyis rlobs/ /'di snang gi phun
tshogs sgyu ma'i gar/ /mi rtag cing yid brtan mi rung pa'i/
/ngang tshul la nges shes legs bskyed de//

077@#*/ /dam chos la 'bad par byin gyis rlobs/ /srid pa yi rang
bzhin sdug bsngal la/ /bde ba ru 'dzin pa'i log shes 'di/ /myur
ba ru 'gags nas bslab pa gsum/ /'bad pa yis bsten par phyin

gyis rlobs/ /drin can gyi ma rgan sems can rnams/ /'khor ba las
bsgral te gtan gyi bder/ /'god slad du byang du chub sems bskyed
de/ /gzhan don la brtson par byin gyis rlobs/ /smin byed kyi
dbang thob dam sdom bsrung/ /

rim gnyis la brtson bcas sku gsum gyi/ /go 'phang mchog tshe 'dir
myur thob nas/ /sems can kun 'dren par byin gyis rlobs/ /khyad
par du rab dga' thob kyi bar/ /bsod nams du ming btags bdud kyi
'phrul/ /'du 'rdzi

dang snyan grags bkur sti dang/ /skad cig kyang 'phrad par ma
gyur cig /bla chen gyi skye bar sgro btags nas/ /thos bsam dang
sgom pa la gyel te/ /rang phung dang gzhan phung las la 'jug
/go 'phang de 'thob par mgyur cig/

tshes med kyang chos par brdzu ba dang/ /sgom med kyang sgom par
brdzu ba dang/ /sdom med kyang btsun par brdzu ba yi/ /brdzu
chos de rtag tu spong bar shog  /mdo sngags kyi gzhung lugs
mtha' dag la/ /tshig tsam du ma lus thos pa bsags//

thos don la dri med lung rigs kyis/ /legs dpyad de gtan la 'bebs
par shog  /'du 'dzi yis dben pa'i nags khrod du/ /gcig pu ru
thub gsung mtha' dag la/  sgom sgrub kyis rang rgyud legs
sbyangs te/ /sa lam rnams

myur bar bgrod par shog  /sa lam gyi rtogs pa mchog thob nas/
/dag pa dang ma dag zhing rnams su/ /bgrang yas kyi sprul pas
thabs mkhas pas/ /mtha' yas pa'i 'gro ba 'dren par shog  /'dod
don gegs med 'grub 'gyur

bar/ /rje khyed rang rnams kyis byin gyis rlobs/ /dus da lta
nyid du byin gyis rlobs/ /skyabs gzhan na med do bla ma mkhyen/
/ces pa 'di ni 'di snang phun tshogs thams yid brtan du mi rung
ba'i ngang tshul can yin par gsung rab

las byung ba rnams la nges shes cung zad skyes pas rkyen byas
te/  sku skye ngag dbang chos grags kyis rang lo bco brgyad par
?'jam dbyangs gong mchen po'i skyed tshal du sbyar ba'i yi ge pa
ni dpyod ldan tshul khrims chos 'phel gyis

bgyis so zhes pa'o/             /rgyal phran bye bas gang phyag
byas pa'i/ /ral pa'i rlung gis bslangs pa'i rdul 'tshub kyis/
/lha yi rjing ring mog por byed pa lta'i/ /sa chen skyong ba
chos kyi rgyal po che/ /gang gi bsod nams

stobs kyis bskrun pa yi/ /skyed mos tshal gyi bsti gnas nyams
dga' pa/ /mtho ris skyed tshal sa la 'phos pa bzhin/ /ngo mtshar
bkod pa bsam las 'ngas pa yod/ /gang du bai DUr zhun ma'i mtsho/
/yid 'ong gtsang zhing drangs pa la/ /chu

bya'i tshogs dang rgyu skar rnams/ /nyin mtshan res mos khrus la
'jug  /spu sdug 'dab chags sna tshogs rnams/ /'phur lding gar gyi
rol rtsed dang/ /mgrin pa'i rja rnga brdungs pa yis/ /dri za'i
'jig rten rjogs par byed/ /sbrang rtsis myos

078@#*/ /pa'i rkang drug rnams/ /pngam gser gyi skra can la/
/chags pas lang ling 'khor byed cing/ /de yi ngo mtshar dar dir
sgrog  /skyed tshal mdzes ma'i bzhin ras ni/ /tsha bas ma rung
'gyur dogs pas/ /gyu 

yi ljon shing 'khrigs pa rnams/ /yal ga'i bsil yab par byed/ 
/ri bo ni tso'i sdro thul can/ /me tog do shal 'chang rnams 
kyis/ /rang gi bu bzhin ri skyes rnams/ /'phang par nyal la
'khrug mi byed/ /sbu ba dkar po'i stod

gyogs can/ /dal 'gro ma ni dri bzhon gyi/ /bu mos gtor ba'i me
tog tshogs/ /lhung lhung zer zhing 'thu bar byed/ /thang dang ri
sul chu ngogs su/ /lo ma gsar pa'i lding khang dang/ /nor bu'i
pho brnag nyams dga' rnams/ /bkod pa'i khyad

par 'gran pa bzhin/ /'di ni dngos sam 'on te sgyu ma zhes / /blo
ldan yid la dpyang thag 'dzin byed cing/ /gang du gom pa 'jog
pa'ang sngon bsags kyi/ /bsod nams mthu la ltas pa'i gnas der
ni/ /ji ltar kun gsal ra bar nyi zla

zung/ /'dod dgur rgyu zhing 'od kyis rtsen pa bzhin/ /rin chen
khang bzang mchog tu yab sras gnyis/ /spyod lam ci bder chos kyi
dga' bas rtsen/      /nub cig phyis 'byung ston pa'i mnal ltas
bzhi tsam bsdud mar byung snang

ste/  dang po ni mnal lam du rje bla ma nyid ?gong ma'i pho
brang gi gyen theng tsi bya bar byon pa na rje thu'u bkwan
pa'ang de na phebs 'dug pa'i zhal nas/  ?gong nas os rod kyi bu
chung zhig gnang byung bas nged rang gsol ras la phyag

'tshal bar 'ongs pa yin gsungs/ bu chung de nged la gnang 'tshal
zhus par/  de gsol khrims kyis phog pa ?gong nas srog thar mdzad
pa yin/  rab byung byed dgos pas gzhan la ster mi chog gsungs/
gnyis pa ni/  yang mnal

lam du tsnadn jo bor rje thu'u bkwan pa'i drung du phebs pas/
tor ge am pas rje thu'u bkwan par nang rten rnams mjal dgos zhus
par/  khong gi zhal gzhan thams cad chog  /jo bo rje'i dbu zhwa
ston rgyu min gsungs pa rmis/

gsum pa ni/  yang rje thu'u bkwan pas nged la brel ba zhig yod/
nyid re zhig mchod mjal sogs mdzod gsungs byung ba bzhin/  mchod
khang du phebs pas/  rten khrod na bla sku tshon do tsam pa gdan
khri rgyab yol dang bcas pa zhig la/

sprul gdug pa can dmar smug sbom zhing ring ba zhig gnod sems
kyis mjug ma sku brnyan de'i khri rkang rnams la 'khril zhing/
lus po bla sku'i gyas phyogs nas yar te song nas dbu'i steng
tsam du thon pa na/  bla sku'i gyon rol

na rdo rje 'jigs byed kyi sku brnyan tshon do tsam pa zhig 'dug
pa des sku stod gyas phyogs su dkyus nas spyan hrig hrig byed
cing/  ma he'i zhal gyi shangs bug gyas pa nas glog dmar zhig
'khyugs pa'i gseb nas dam can chos kyi rgyal po

sku tshon phyed tsam zhig rgyang gis thon nas song ste/  sprul
de'i mgo lam tshon zhig rgyab pas sprul mgo thur du nar gyis
'phyang song ba zhig rmis/  bzhi pa ni/  yang de'i 'phror mnal
lam du/  phyag dar khrod na chos po ti chung chung 'ga'

079@#*/ /zhig 'dug pa las gcig blangs nas gzigs pas kha byang la
bka' brgyud gtam gsum gyi chos sna tshang bar bzhugs zhes snang
ba kha phye bas/  yi ge gshar ma la bar mtshams su sdig pa

rwa can dang/  ro mgo med dang/  ya lag la mig dang kha yod pa
sogs yid du mi 'ong ba'i ri mo mang po yod pa zhig 'dug  /rje
thu'u bkwan rin po cher/  dpe cha 'di su'i yin zhus par/  de bcu
bdun pa'i yin/  khyed kyis

shes mod gsungs pa rmigs/  'di rnams phyi nyin phral du phyag
bris mdzad nas rje thu'u bkwan par phul ba'i shog  dril de phyis
su kho bos mthong zhing/  bla ma mchog nas brda brda bkrol gnang
byung bar/  rmi lam dang po de/  dus

phyis cun gar ba'i 'khrugs long gis os rod kyi rgyal rgyud
stong pa'i ltas dang/  gnyis pa rje ngag rgyam pa de nyid byang
chub kyi sems rnal ma thugs la mnga' na'ang/  yon tan thams cad
bum nang gi mar me ltar sbed pa zhig yod

pas de mtshon byed dang/  gsum pa dang bzhi pa/  gtso bor sngon
las dang 'phral rkyen gzhan gyi bsam spyor ngan pa'i mthu
byad sogs la brten nas/  nged kyi rkang lag dang mig sogs yun
ring du na ba dang/  'chi la thug pa'i nad tshab

drag po 'ga' 'byung kyang srog la ma skyon pa 'di ri bo dge lugs
pa'i yi dam srung ma'i byin rlabs yin pa'i brda mtshen du mngon
zhes gsungs/   kho bos phyag dar khrod du snang ba de gzhan
phyogs pa'i chos rnams snyong po med

pas phyag dar gyi rdul khrod du dor zhig bya ba yin nam zhus
par/  khyod smyon pa yin 'dug  /de ltar zer ga la 'os gsungs/
skabs shig rgyal btsong kha pa'i rnam 'phrul du grags pa khri
chen blo gros rgya mtsho'i sprul sku blo bzang bstan pa'i nyi ma

mkhas grub gnyis 'dzom gyi skyes bu dam pa khyad par can yin par
mzad/  sku gong ma rnams su bla slob kyi 'brel pa che ba bcas
rgyal khab chen por gdan drangs te dbang khrid man ngag gi rgyun
gsan par bzhid nas ?gong ma chen por snyan

'bul bgyis na'ang/  rgyal sras bcu bdun pa dbang che bas khos
gyos thabs sna tshogs kyis do lon nor du yod pa'i bka' 'gyur ba 
bzer ba dang/  gzhung gi mkhan por 'ongs pa'i no min han ming
can zhig bcas rim pas pe'i cing du

bos te sprul sku rin po che'i yongs /dzin du bskos 'dug /de ltar
byed  pa'i rgyu mtshan de dus sras bcu bdun pa sku dbang che
zhing kho rnying ma la shin tu mos rnying chos mang po rang gis
nyan cing gzhan la'ang ston khul byed pa zhig pa dang/

bla ma de gnyis kyang 'phyon ma'i gar stabs bsgyur ba la shin tu
mkhas pas/  snga ma zhig kho'i drung nas rnying chos /ga' zhig
nyan pa'i lugs bgyis te khong rnams lta gcig par brten/  de
gnyis gang rung zhig yongs 'dzin byed

bcug na sprul sku rin po che rim gyis grub mtha' rnying ma byed
ba zhig yong re yin 'dug  /rje thu'u bkwan rin po ches gnas tshul
de mkhyen nas sprul sku rin po che dang dka' chen shes dar ba
sogs la kho gnyis su las kyang chos gsan pa mi

080@#*/ /'gab tshul nan tan mdzad pa bzhin chos 'brel gyi rigs
gtan nas ma gsan kyang/ ?gong ma'i lud bud pa'i dbang gis bka'
'gyur ba re zhig gi bar pho brang du dbyar gyi tsha ba'i gdung ba
la sran

btsugs te sdod dgos pa byung 'dug cing/  gcig shos phral du
phyir slog 'dug go/ /skabs shig ?gong nas sprul sku rin po che
la yongs 'dzin las chos gsan gyin e yod bka' 'dri gnang bar
phran gyis zhus ba'i yongs 'dzin

da dung pho brang du ma 'byor zhes zhus pas/  thugs cung zad
tshom me ba mdzad nas khyed kyis zhus pa'i bla ma su zer ba zhig
yin gsungs pa la dga' ldan shrirethu'i sprul sku yin tshul zhus
par/  'o na bla ma de brang du myur bar bos

chog gsungs nas yA min la de lugs kyi bka' bbas pas/  mi ring
bar khri chen sprul sku pe'i cing du 'byor/  gsung chos kyi thog
ma tshe dpag med kyi rjes gnang zhig gsan/  dngul srad lnga brgya
khri stan rgyab yol sogs nyer dpyad mang

du 'bul ba gnang/  bla ma 'di nyid tshad ldan gyi skyes bu dam pa
khyad par can zhig yin 'dug pas/  dus de nas bzung ste rigs kyi
cod pan du bzhes/  skabs 'di dag tu rgyal sras bcu gnyis pas
zhabs rdul spyi bor bsten cing/

skabs skabs su 'bul nod rgya chen po 'bul ba dang/  phyis du
'gyogs rgyang 'degs mkhan gyi mi bcu drug phul nas de dag gi zas
gos thams cad rgyal sras rang ster ba sogs khong rang zhal
bzhugs kyi ring la 'gyur ba

med pa mdzad/  gzhan yang mchod rten dkar po'i bla ma sogs pho
brang nang gi dad ldan bla dpon du ma dang/  har chen lpang yi
dam skyabs/  de'i sras lpang rtna si ngeng+ha/ ong nyod pe'i le
phun tshogs/  thu med pe'i zi kun dga'i ming can rnams kyis

sbyin bdag gi mthil zhus shing/  mdor na tsho chen zhe dgu/ ha la
kha tsho bdun/  cha har ho sho brgyad/  hor du su tsho pa drug
sogs kyi bla dpon rnams dang 'byor pa dang ldan pa'i yul mi'i
rigs sbyin bdag tu ma gyur pa gcig kyang med pas/  de

dag gis dus 'di dang phyis su'ang skabs gzhan dang gzhan du rang
rang gi dad pas kun nas bslangs te dngos 'byor gyi mchod pa bsam
gyis mi khyab pas yang dang du mchod par byas pa rnams yi ger
bkod na ha cang mang bar 'gyur zhing

dgos pa'ang mi che bas btang snyoms su bzhag go/       /mthon
po'i rigs kyi gangs ri las 'ongs shing/ /phun tshogs stobs 'byor
gyu ral 'thug po can/  /mi yi seng ge bgrang las 'das pa yis/
/khyod zhabs gser gyi

ri 'phang spyi bor bsten/ /ser sna bral ba'i gtong phod shing
rta che/ /bdog pa'i nor bus bkang ste nyin bzhin tu/ /dad pa
khyu mchos stobs kyis drangs pa yis/ /khyod drung rin chen ri bo
bzhin du byas/ /phyi ma'i dpal la sred ldan 'di dag gi/ /

dad pa dri med yar ngo'i zla ba bzhin/ /phun tshogs 'byor pa mig
skya'i gan mdzod bzhin/ /gtong ba'i lag pa dpag bsam yal ga
bzhin/ /'di dus sras bcu bdun pa grub mtha'i kun slong dang
sngar smos pa'i yongs 'jin gyi don skor sogs

081@#*/ /la brten nas rgyud 'khrugs pas rje bla ma nyid lam gus
pa'i rnam pa mang du bgyis par/  rje bla ma nyid kyang cung zad
thugs khros pa'i tshul gyis/  srod thun zhig la 'dod khams dbang
phyug dpal ldan

lha mo'i bskul ba drag tu mdzad pas/  de nub mnal lam du bud
med nag mo shin tu 'jigs shing mi sdug pa'i gzugs can mig ya
gcig gyis la blta zhing gcig thur du blta ba zhig khyod kyis nga
de tsam bskul bci yin zer ba

la/  rje nyid kyis yus kyi rnam pas nged la dgra bo 'dis 'di
ltar sdang par byed na khyod da lta'i bar gang du ci byed kyin
bsngad pa yin zhes 'bar mdzad pas/  'o na 'di la ltos shig zer
nas rkang pas la brdab pas ri dang bcas

pa'i sa gzhig thams cad yom yom byed pa zhig rmis/  phyi nyin
rje blo bzang chos 'dzin pa la zhus pas khong thugs shin tu ma
dgyis pa'i tshul gyis/  khyed kyi skye ba gong ma de byams snying
rje byang chub kyi sems 'ba' zhig la thugs

dam byed pa ma gtogs sku tshe de la chos skyong gi bskul lan cig
tsam las gtong ma myong/  dgra la chos skyod rbad nas mngon
spyod kyi las byed pa la ya mtshan ci yod/  mthar byad ma rbod
gtong mkhan zhig yong ba yin mod ces bka'

bkyon gyi char phab 'dug  /gzhan yin na sprul sku rin po che'i
mtshan ltas shin tu legs pas da ni rang re'i sku dgra mi ring bar
'chi ba thag chod zer nas dar 'phyar dung 'bud byed dgos rigs su
'dug kyang/  de 'dra mi mdzad

pa'i khar nyes pa che shos su brtsi ba 'di ni nges par bdag pas
gzhan gces pa'i byang chub kyi sems la thugs lhag par 'byongs
pa'i rang rtags bzo med du bstan par gdon mi za bas ya mtshan
shin tu che snang ngo/ /'dod

khams dbang mo 'di nyid kyis 'phrin las mdzad pa'i lo rgyus
gzhan yang mang ste rim pas 'god par bya'o/ /yang skabs shig dge
ba'i bshes gnyen chen po sa mthar 'phrin las kyi khyab brdal che
yang/ ?rgyal dbang bskal bzang rgya

mtshor shin tu mi dad cing 'phrin las kyi sgo 'gegs par brtson pa
zhig yod pa/ nub gcig rje 'di'i mnal lam du dge bshes de nyid
'khor mang po'i dbus su/        khri mthon po zhig gi khar
bzhugs 'dug pa

la/  bod pa gos dkar po gyon cing skra bshigs pa ske rag gi gseb
tu mda' kha shas bcu pa zhig gis bla ma de'i rkang pa nas bzung
ste phyi rol du drang nas khyer ba zhig rmis pas/  mi ring bar
bla ma des mi rtag pa'i mtshan nyid

bstan 'dug pa gnas chung chos skyong gi 'phrul yin pa 'dra zhes
gsungs/  'di 'dra'i lo rgyus gzhan yang mang zhing rgyal ba de
nyid la ma dad dang kha gtong ba sogs nges pa mi 'dug kyang/
'phrin las la gnod par byed mkhan

gyi rigs rnams dpal ldan lha mo dang rdo rje dregs ldan gnyis
kyis nges par tshar gcod pa 'dug ces gsungs/  lo zla sogs kyi
dsal kha ma nges kyang/  skabs 'di 'dra zhig tu gnam gyi lha
?gong ma bdag po chen pos/  rje btsun bla

082@#*/ /ma ngam pa nyid la bsngags pa brjod pa'i gser gyi bka'
lung dang bcas/  sku gong ma'i dus bzhin bkwan ting phu'u shan
bkwan tshi tA kau shri'a zhes bod skad du/  byams brtses 'gro 
ba yongs

kyi spyi bo nas dbang bskur ba'i kun mkhyen bla ma chen po zhes
pa'i mtshan gyis gzengs bstod dang/  dser srang brgyad cu las
grub pa'i tham ka  /bsngags brjod kyi gser yig dang bcas pa
stsal te chab srid chen po'i bla

mar mnga' gsol bar mdzad/  da lta kau shri'I mtshan 'di bzhin
dang bod du chibs bsgyur mdzad nas phyir ?gong ma'i rgyal khab
tu phebs pa na/  ti shri'a chen po'i lung las kyi mngon par mtho
ba gnang rgyu yin tshul gyi

bka' bzang po phebs so/         /sa la gnas pa'i sems dpa'
chen po zhig  /sa chen skyong ba'i rgyal po'i tshul bzung ba/
/sa yi tshangs pa gong ma yung Ting zhes/  /sa gsum grags pa'i ba
dan gyo ba des/ /

gser ldan ljongs 'di'i gzhan gyis rnyid dka' ba'i/  /gser bzang
tham ka gzi 'od 'bar ba dang/  /gser yig 'ja' sa phul nas rnam
'dren khyod/ /gser gyi lung gis chab srid bla mar bsngags/
/'dzam gling mkhas

pa'i gtsug rgyan 'gro ba'i mgon/  /'dzam gling skyong ba'i rgyal
pos bkur ba'i gtam/  /'dzam bu'i gling 'di'i skye rgu'i rna ba
la/  /'dzam bu'i gser gyi rgyan bzhin mdzes par gyur/  /gang gi
stobs 'byor zhags pas nor

'dzin khyon/  /cig car 'ching ba gnam bskos mi rjes/  /bsti
stang bgyid na dregs ldan gzhan dag gis/  / zhabs la spyi pos mi
'dud rang dbang ci/  /'phrin las bcu gnyis bdag po'i snang ba
yis/  /thub bstan pad ma'i dga'

tshal bzhad pa las/  /phan bde sprang rtsis lus can skang drug
tshogs/  /tshim mdzad bstan 'gro'i mgon la bdag phyag 'tshal/
/zhes bya ba ni bar skabs kyi tshigs su bcad pa'o/  / khyab bdag
rdo rje sems dpa'i ngo bo dpal ldan bla ma

dam pa ye shes bstan pa'i sgron me dpal bzang po'i rnam par thar
pa mdo tsam brjod pa dge ldan bstan pa'i mrdzes rgyan las/  skun
phra mo'i gnas skabs nyid nas mkhas grub chen po'i thar bdag gir
mdzad cing/  'jam dbyangs

?gong ma chen pos tA kau shrI'i lung las phul te chab srid
chen po'i bla mar bkur ba'i le'u ste lnga pa'o//         //de
nas rje bla ma mchog gi thugs dgongs la/  /bod dbus gtsang chos
kyi zhing khams su phebs thub pa zhig byung na

don shin tu che bar gzigs nas/  phebs 'dun gyi dgongs pa rgyun
ldan du mdzad kyang ?gong ma chen por gnas tshul zhu ma bde bas/
rje sems dpa' chen po thu'u bkwan rin po cher de don la gsung
brtag zhu ba gnang bar/  lan chags

gtor ma 'bum ther btang na bzhed don 'grub ces phebs/  rje rang
nyid kyi mnal lam du'ang bla ma shang che ba paN zhwa sne ring
dang ches gos gsol ba zhig dmigs brtsem 'bum ther dang/  lan
chags gtor ma mang du btang na thugs

083@#*/ /bzhed bde blag tu 'grub ces gsungs pa cig rmis pas rim
gro rnams bsgrub pa mdzad cing/  khyad par du dmigs brtse ma
dang/  dge legs yon tan ma dang blo bzang rgyal pa ma sho lo ka bcas
 
so so nas 'bum ther re zhal 'don gnang bas/  nub gcig paN chen
blo bzang ye shes yin zer ba'i bla ma zhig dang mjal ba rmis/
phyis su bod du phebs nas paN chen dang mjal bas/  zhal nyams
dang sku'i dbyibs sogs thugs rmis

su byung ba de kho na lta bu 'dug ces gsungs/  de nas ring po ma
lon par ?gong ma chen pos rje 'di nyid la ?rgyal dbang thams cad
mkhyen pa mgar thar nas bod du gdan 'dren pa'i mi snar phebs
nas/  dbus gtsang chos kyi zhing du

rgyal ba yab sras kyi drung bka' chos gsan par yun mi thung tsam
bzhugs chog pa'i bka' bzang po phebs par/  ring mo zhig gnas
thugs la brnag pa'i don khyad par can de da 'grub par 'dug snyam
pa'i dgyes tshor bsam gyis

mi khyab pa byung snang ngo/          /rgyal ba kun gyi ye shes
gcig bsdus pa/ /'jam pa'i dbyangs te de nyid dur smrig gi/ /rnam
rol bdag gi bla ma de yi thugs/ /rtag tu chos kyi bdud rtsi la
chags pas/  /bka' bstan

gzhung lugs chu bo bye ba brgya/ /'thungs pas ma ngoms gang
thugs kyi mtsho/ /zab yangs gting mtha' dpag par mi nus pa/ /ye
shes chen po'i klong nas 'di ltar dgongs/ /deng dus thub pa
gangs kyi ri bo las/ /'ongs pa'i

mdo sngags ches kyi nyal 'gro kun/ /gcig tu 'khyil ba'i gnas ni
gangs ljongs zhes/ /grags dkar phyogs kun gsal ba'i yul de yin/
/ji ltar mkha' la snang byed zung gtso ba'i/ /bgrang yas rgyu
skar 'od kyis rtsen pa bzhin/ /ljongs

der jo shAka rnam gnyis gtso gyur pa'i/ /ngo mtshar rten mang
byin rlabs gzi 'od 'gran/ /lung rigs mgrin pa'i rdza rnga brdung
ba yi/ /blo gsal dang mo bye ba'i khyu 'khrig pa/ /sa chen mdzes
rgyan ches sde'i mcho chen po/ /bshad sgrub rlabs

phring 'phyur bAng de na mang/ /khyad par 'od dpag med dang
spyan ras gzigs/ /dur smrig gar mdzad rgyal ba yab sras zung/
/gser re'i phring ba'i dbus na lhun po bzhin/ /ljongs der mkhas
grub bye ba'i dbus na brjed/ /'di na

gnas skabs tsam gyi dbul sel ba'i/ /yid bzhin nor bu blang 'dod
ded dpon dag  /srog dang bsngos te rgya mtsho'i 'jings brgal nas/
/rin chen gling du bgrod pa'i ngal bsten na/ /skye ba gtan gyi
dbul ba sel byed cing/ /byang chub

phyogs chos 'dod dgu'i dpal ster ba/ /dkon mchog chos kyi nor bu
blang ba'i phyir/ /bdag ni chos kyi gling der cis mi bgrod/ /de
ltar dgongs nas ris med skye rgu'i gnyen/ /de yi zhabs zung
'khor lo'i mtshan bzang gis/ /sa

la dge legs pad ma 'god bzhin du/ /bod yul dbus kyi phyogs su
dal gyis gshegs/        /de nas dgung lo bco brgyad pa shing pho
stag gi lo ?gong ma'i bka' bzhin lha sras bcu bdun pa kheng zi
ching lbang dang lhan du rgyal

084@#*/ /khab chen po nas chibs bskyod gnad ba la/  thu'u bkwan
rin po ches gtso ba'i pe'i cing gi bla ma rnams dang/  dpon che
chung du mas chibs skyel mdzad/  thu'u bkwan rin po ches thugs
shin tu skyo

ba'i rnam pa mdzad cing da ni rnag dpon slob sku tshe 'dir mjal
phrad mi yong bas phyi mar mjal ba'i thugs 'dun mdzad dgos zhes
gsungs pa de kho na bzhin byung 'dug  /de nas rim gyis phebs pas
mgar thar nas

?gong thams cad mkhyen pas mgron gnyer nang so blo bzang dkon
mchog phebs bsur gnang ba ha lo pan du 'byor/  dar rte mdor/
rgyal ba'i yab rje dang/  sde pa sding chen nas drung 'khor kha
shas bcas bsu bar sleb cing

gsung shog gnang rten rnams phul/  hor zla bcun gcig pa'i nyer
gsum gyi nyin mgar thar du sleb rgyu'i thog mar rgya nag lugs
kyi rol cha ba sogs dang/  de rjes rta pa'i tshogs tshar du  dngar
ba'i dbus su ?gong ma'i gser yig

dang/  de rjes lha sras/  mchog sprul rin po che/  am ban ne ge
gsum/  khe yA drug  /dpon chung mang po/  ru mtshon bsgreng ba'i
dmag dpung bcas gzi brjid che bar phebs/  rgyang ring tsam nas
grwa tshang gnyis kyi dge 'dun rnams

kyis mchod rdzas sna tshogs thogs pa'i ser sgrengs dang/  de nas
zhwa lu mkhan po/  ser 'bras kyi dpon slob rnams/  yab rje/
sgong chen nas sogs kyis bsus/  gtsug lag khang gi yang thog tu
rol mo 'bud dkrol sna tshogs

pa dang lha bsangs/  dar 'phyar sogs rgyas pa gnang/  lcags
ri'i phyi rol nas thams cad chibs las bshol te gser yig bkur sti
chen po dang bcas rgya sgor slebs pa na/  ?gong rgyal dbang
thams cad mkhyen pa la  /

mkhan chen rdo rje 'chang/  sku mdun sngags ram pa sogs kyis
zhabs phyi zhus te phebs pa dang mjal 'dzom mdzad/  de nas rgyal
dbang rin po che dbus dang/  lha sras chen po dang mchog sprul
rin po che gyas gyon byas nas

rim gyis 'du khang chen mor phebs/  ?gong ma'i gser yig bsgrags
thog gnang rten bas gyis mi khyab pa rnams phul/  lha sras kyis
mjal dar rtse sprod dang/  sprul sku rin po che nas mjal dar
phul te phyag dbang zhus/  ?gong

sa rin po che khrir phebs thog ?gong ma'i mdzod nas gsol ston
rgyas pa zhus shing gsung gling mang du mdzad/  bzhugs gral grol
nas mtshams shigs sprul sku rin po che phyag gyog pa rnams dang
bcas ?gong rin po che'i sku drung

du phebs te thog ma'i mjal 'dzom rten 'brel du dngos 'bul mi
nyung tsam dang bcas mjal kha zhus/  yun ring tsam lhan du
bzhugs shing/  ?gong sa mchog nas bkur bzos chen pos dgyes pa'i 
bka' mchid lhug stsol dang/

sprul sku rin po che nas kyang thugs dad lhazg par 'phel bas gus
pa lhur len mdzad/  ?gong nas rgyal ba thams cad mkhyen pa'i
yongs 'dzin dam pa mkhan chen ngag dbang mchog ldan pa la rgyal
ba'i zhabs 'degs phun sum tshogs

085@#*/ /pa byung ba'i legs skyes su zhwa ser bstan pa'i gsal
byed a che thu no mon han zhes pa'i cho lo stsal zhing gser tham
gnang skyes du dang bcas yod pa rnams phul nas mjal 'phrad thog

gsung glin zhib rgyas mdzad/  sang nyin 'du khang du rgyal ba'i
dbang po gtso bor bzhugs te/  lha sras dang mchog sprul rin po
che/  am ban sogs mi sna che chung thams cad bod kyi gsol ston
rgyas pa gnang/  'di lo bod rtsis la

zla ba brgyad pa bshol yang/  rgya rtsis la bshol zla med pas/
lha sras nas rgya rtsis dang bstun dgos tshul zhus pa ltar logs
ra snga bsnur mdzad pa'i yos lo'i tshes gcig gi nyin rgyal dbang
mchog la lo gsar rten 'brel gyi

mjal kha zhus shing dbang rjes gnang lung khrid sogs zhus pa'i
snyan gsan phul bar dgyes bzhin du zhal gyis bzhes/  mkhan chen
rdo rje 'chang la yang 'grel pa bzhi sprag dang khrid chen
brgyad sogs zhu ba'i snyan gsan phul

bar/  sprul sku rin po che nyid bod du phebs rgyu yin gshis
'grogs yun ring tsam yong pa 'dug pas/  ngas khyed la mkhas grub
rin po che'i dkar chag tho'i yig chung gi dgongs pa bzhan dge
lugs thun mong ma yin

pa'i sngags phyogs kyi chos bka' yongs su rdzogs pa zhig byed
ces dgyes pa chen pos zhal bzhes mdzad/          shar nub rgya
bod yul gru'i mtsho chen las/  rgyal sras 'khor lo'i lag ldan
gsum/  /ring mo

zhig nas 'brel ba'i mdza' gcugs kyis/  /mgar thar rdzing bu'i
ngogs su lhan cig 'dzom/ /brtse ba'i gter chen gangs can 'gro
ba'i mgon/  /gsang ba'i mdzod 'dzin mkhan chen rdo rje 'chang/
/mkhyen rab dbang byug rol pa'i rdo rje

ste/  /rigs gsum mgon po lhan du gdan 'dzom nas/  /chos dang
srid kyi dga' ston yo lang gis/  /rdzogs ldan gsar pa'i lang tsho
ngoms pa la/  /sngo bsangs bu mos nyin mtshan re mos su/  /rab
gsal nyi zla'i mig gis blta ba bzhin//

7rgyal dbang thams cad mkhyen gzigs chen po'i drung nas/  thog
mar ma rgyud kyi gtso bo byin rlabs kyi gter du gyur pa dpal
'khor lo sdom pa lU i pa'i lugs lha drug cu re gnyis pa'i ras
bris kyi dkyil 'khor du dbang gi sta gon dang/

de'i nyin phyi mar dngos gzhi'i rim pa yongs su rdzogs pa gsan/
'di nyid ?rgyal dbang /mchog nas sge 'dun chogs pa mang po la
dbang chen gnang ba'i thog ma yin 'dug pas/  rje bla ma 'di nyid
7rgyal dbang thams cad mkhyen

pa'i 'phrin las kyi sgo 'byed du gyur pa'i rten 'brel rmad du
byung bar snang/  slar yang rgyud thams cad kyi rgyal po dpal
gsang ba 'phags lugs kyi mi bskyod rdo rje'i bris kyil 'khor ngu
nyin dang por sta gon dang/  phyi

ma'i nyin dbang dngos gzhi'i rim pa rnams smin rgyas su stsal/
snga phyir dbang gsan mkhan kyang/  mkhan chen rdo rje 'chang
ngag dbang mchog ldan/  mtshan nyid zhabs phyi bla ma lnga/  grwa
tshang gnyis kyi dge bshes rnams dang bcas mkhas

086@#*/ / pa'i dbang po du ma bzhugs shing/  ?rgyal dbang mchog
nas kyang dbang gi skabs kyi gsung bshad zab cing rgya che ba/
phyag len phra mo yan chad sla chos su ma song ba'i dngos gtsang
pa sogs gsang

ba bsam gyis mi mi khyab pa mtha' dag mdon sum lha bur gsal bar
mdzad pas rje bla ma nyid thugs tshim pa'i phul du gyur par
snang/  der bzhugs ring la nyin phal mo cher sku mdun du phebs
par dam pa'i chos kyi gsung glin mtha'

yas pa stsal bas nyin re bzhin yang chos kyi dga' ston rgya chen
'phel par gyur/  yang rje bla ma nyid kyis zhus pa bzhin rgyal
ba'i gsung rab thams cad kyi gnad bsdus pa shing rda chen po
gnyis kyi lam srol/  rje bdag gnyid chen po'i

legs bshad mthar thug byad chub lam gyi rim pa'i khrid kun gzigs
lnga pa chen pos mdzad pa'i yig 'jam dpal zhal lung gi thog nas
zhag nyi shu rtsa dgu'i bar du nyin re bzhin chos thun re ma
chag pa gnang/  'di dus thog mtha' bar gyi

phyag len rnams rje sgrub khang pa nas brgyud pa'i bka' srol
ltar/  gdams ngag la nges pa bskyed pa'i yan lag gzhung chen mo
rnams kyi rgyab rten/  bshad don bde blag tu go ba'i yan lag dpe
dang gtan tshigs dam pa gong ma'i

gsung sgros kyis brgyan te/  dmigs rim rnams myong thog nas
gsungs pas rgyud thog tu 'dril zhing/  go ba 'byams klas pa sogs
mkhas pa mgu ba bskyed pa'i gsung bshad bsam gyis mi khyab pa
gnang/  khrid gzhung gi skyor

dpon yang sprul sku rin po che rang nas mdzad par ?rgyal ba'i
dbang thugs dgyes tshor chen po mdzad/  ?rgyal ba'i dbang po dbus
phyogs su chibs bsgyur nye bas skyes bu chen po'i mar shes kyi
mtshams su 'jog pa gnang/  gzhan yang sgrol

dkar 'od zer drug sprag gi rjes gnang dang de'i sgrub thabs kyi
lung/  ?rgyal dbang nyid kyi gsung 'bum nas chos tshan mang tsam
gyi ljags lung/  sprul sku rin po che dang a chi thu rje rnam
gnyis la dpal ldan dmag zor gyi rgyal mo la las

bzhi'i lha mos bskor ba'i rjes gnang thun mong ma yin pa bka'
drin du stsal/  lam khrid gsan skabs rang gzhan chos la bskul
ba'i gros 'debs gser zhun 'khyil ba zhes bya ba /mdzad pa 'di
ltar ro/      /na mo gu ru/  rgyal kun

mkhyen brtse gcig bsdus 'gro 'dren slad/  /dur smrig 'chang ba'i
tshul 'dzin zab rgyas chos/  /ma sbas lhug par 'doms mdzad skyabs
kyi mchog/  /mtshan ldan bshes gnyen tshogs la bdag phyag 'tshal/
/rnyed dka' 'jig sla don che'i dal

'byor rten/  /rnyed kyang 'di snang bya bas rtag gyengs nas/
/den med 'da' zhing gtan bde bsgrub nus kyang/  /mi bsgrub 'di
ko bdud kyis bslus par nges/ /ma rungs 'chi bdag dgra de 'ong
nges shing/  /nam 'ong cha med 'ong tshe mi 'jigs

pa'i/  /gdegs mi 'tshol bar blo bde gnyid log 'dis/  /bstan dang
mjal ba don med byas kyis dogs/  /da lta bkres skom phrag mo'ng
bzod dka' na/  duH khas rtag mnar ngan song ji ltar bzod/  /de
las skyob pa'i skyabs pa'i skyabs cig mi 'tshol

087@#*/ /ba/  /khyod snyid lcags gong la kyang sra bar nges/
/bka' dang bstan bcos du mar mjal mod kyang/  /ngar sems rgyud
steng nyams su ma blangs pas/  /mi dge bcu spong tsam yang mi
bsgrub pa/  /kyi

hud rig sngags mthu yis rmongs sa ci/  / 'jig rten mes po'i dpal
yang spru gri yi/  /sor chags sprang rtsi lta bur legs gsungs
na/  /srid pa'i dpal 'byor 'di la chags pa yis/  / khor ba'i
gting rdo byed tshul ma rtogs sam//

srid rtsa gzhom byed thabs mang ston pa yi/  /gzhung kun thos
dang bsams pas legs rtogs kyang/  /de don mi bsgrub 'di snang
bya bas gyel/  /khyod la thar pa'i gdengs ni zhig yod/  /drin
gyis bskyangs pa'i mar gyur 'gro ba

rnams/  /sdug bsngal me 'bar 'obs su tshud pa la/  /ji mi snyam
pa'i gzhung ngan rgyud rengs po/  /khyod las ltag pa'i ma rungs
gzhan na gang/  /theg chen rgyal sras kun gyi thugs dam mthil/
/rin chen sems mchog bskyed la mi 'bad

par/  /sngags lam zab mo 'tshol bar brtson pa skad/  /byed pa
bstan pa'i gnad rnams stor ba'i rtags/  /pha rol phyin drug bsdu
bzhi nyams bstar tshul/  /tshegs chung tshogs gnyis bde blag rdzogs
pa'i thabs/  /mi bsgrub

'khor ba'i rgyu gtso chos brgyad la/  /rab brtson khyod ni sems
med nyid du zad/  /tshe gcigs sangs rgyas sgrub byed rdo rje theg
 /dam sdom legs bsrung rim gnyis rnal 'byor la/  /brtson pa
spangs te mnog chung bya bas 'da'/  /khod ko

blo ldan mas rnams kyis smad pa'i gnas/  /rgyal ba'i thugs bcud
mdo sngags lam gnad kun/  /gsal la 'dril bar blo bzang grags pa
yis/  /legs gsungs gzhung pa thos bsam sgom gsum gyis/  /nyin
mtshan 'bad pas brtson par

ma byas na/  /'jigs rung brtse bral gshin rje'i pho nya yis/
/gnyen bshes zas nor lus dang phral byas te/  /gcig por mi 'dod
gnas su 'khrid pa'i tshe/  /rab 'gyod sdug bsngal drag pos mnar
gyis dogs/  /de bas da nyid

nas sngon byon gyi/  /mkhas grub ma kus gshegs shul lam bzang
la/  /rgyal ba gnyis pa'i lugs bzhin legs sbyangs te/  /nyams su
bstar bas dal 'byor don ldan mdzod/  /deng dus dzur gnas blo
ldan nyin skar tsam/  /chos bzhin gros

'debs de bas dkon par gda'/  /des na rang sems chos dang zhu
gtugs kyis/  /rnam gyeng chos brgyad dgra 'di btul na legs/
/thabs shes zung 'brel spyod la brtson na legs/  /bzlas brjod me
lce rtag tu sbar na legs/  /nyon mongs

bud shing rtsad nas bsregs na legs/  /rim gnyis spyod pas sku
gsum bsgrun na legs/  /rang sems chos la bskul ba'i gros 'debs
'di/  /rang bzhin brjod pa'i rgyan gyis legs par bsdebs/  /rang
'dod 'khri ba spangs te tshe gcig la//

rang gzhan don gnyis lhun gyis 'grub par shog  /ces gros 'debs
gser zhun 'khyil ba 'di ni dmang pa du ma'i zhabs rdul spyi bos
len pa sku skye ngag dbang chos grags kyis rang lo bcu dgu par
bod du 'gro pa'i lam bar du mi nyag

088@#*/ /sgang gi sa'i char/  ?rgyal dbang thams cad mkhyen pa
dus gsum bde gshegs kun gyi rang gzugs rdo rje 'chang dbang blo
bzang bskal bzang rgya mtsho'i zhabs drung du/  byang chub lam
gyi rim

pa'i khrid kyi bka' drin nod pa'i tshe rang dang grogs gzur gnas
rnams la phan pa'i slad du spyar ba'i yi ge pa ni tshul khrims
chos 'phel gyis pa dge legs su gyur cig  /ces pa'o/  /mgar thar
du bzhugs pa dang bod du

phebs pa'i lam bar sogs su rgyal dbang mchog la bla dpon dang
dad ldan ser skya ci rigs kyis zhus ngor lung khrid rjes gnang
sogs kyi 'dod chos gang gnang phal cher gsan 'dug kyang zhib par
ma nges pas 'dir 'god ma

nus so//         rgyal kun snying rje lha skur shar ba ni/
/spyan ras gzigs te de nyid gangs can gyi/  /'gro ba'i mgon du
dur smrig rnam rol par/  /rgyal dbang mthong ba don ldan zhes su
grags/  /mgon de rang gi zag med ye shes nyid/ /

nus so//      rgyal kun snying rje lha skur shar ba ni/  /spyan
ras gzigs te de nyid gangs can gyi/  /gro ba'i mgon du dur smig
rnam rol par/  /rgyal dbang mthong pa don ldan zhes su grags/
/mgon de rang gi zag med ye shes nyid/ /

rten dang brten par sprul pa'i dkyil 'khor gyi/  /gtso bor
bzhengs nas nam 'kha'i dbyings khyab pa'i/  /rigs lnga rgyal
ba'i tshogs dang lhan cig tu/ /zhing khams kun 'gengs mchod sprin
rgya mtsho'i dbus/  /seng ge'i khri la rgyal sras khyod

bkod nas/  /me tog char phabs shis brjod glu blangs te/  /gsang
chen bstan pa'i bdag por mnga' dsol mdzad/  /de tshe khyab bdag
'khor lo'i dbang phyug gi/  /rgyal ba'i gdug dsob rig 'dzin sras
mchog la/  /chos kyi rgyal

srid yongs su gtad do zhes/  /mkha' 'gro'i tshogs kyis zhing
khams kun bsgrags pas/  /bdud kyi sde rnams mya ngan khang bur
zhugs/  /dkar phyogs lha rnams dga' ba'i ca co sgrogs/  /dus
mtha' 'di yang mgon dang bcas so

zhes/  /rgyal ba rnams ni dgyis pa'i 'dzum zhal bzhad/  / mgar
thar du bzhugs dus der ?gong thams cad mkhyen pa'i rigs kyi cod
pan grub pa'i dbang phyug chen po ngag dbang mchog ldan pa/  rje
bla ma nyid kyi bzhugs shag tu

phebs nas byang chub lam gyi rim pa bde lam gyi dmar khrid sems
bskyed mchod pa dang bcas pa nyin bco nga'i ring smin rgyas su
gnang/  de nas rje 'jam dbyangs bzhad pa dang thang sag pa gnyis
kyi bskyed rdzogs kyi khrid yig gi steng nas

rdo rje 'jigs byed kyi dmar khrid dang/  gsang 'dus bskyed rim
dngos grub rgya mtsho'i bshad lung gnyis rdzogs par gnang zhing/
rim lnga gsal sgron gyi shog ldeb nyis brgya skor gyi bshad pa
dang/  'gril pa bzhi sbrag rgyud mchod snga ma dang

le'u dang po yan grub pa mdzad nas/  rten 'brel gyi khyad che
bas rim lnga gsal sgron gyi bshad pa'i mjug bod du phebs nas
dga' ldan rang du grub pa gnang rgyu dang/  'grel pa'i rgyud
mchod phyi ma rje'i gser gdung chen mo'i drung du byed

dgos zhes mtshams 'jog pa gnang/  nub cig rje bla ma mchog gi
mnal lam du/  mkhan chen rdo rje 'chang pan zhwa ser po rna
thung mnab pa'i rgya gar paN chen gyi cha byad du byon nas/  kho
bo sangs rgyas bskyangs yin pa hses dam gsungs

089@#*/ /pa rmis/  phyi nyin bla ma la mnal lam de 'dra byung
tshul zhus par/  zhal nas/  slob ma dad pa can gyis bla ma zog
por gtong zer ba yin/  kha rog sdod/  khyod rang la dad pa yod
na de kas

chog gsungs nas bzhad mo mdzad/  mkhan chen rdo rje 'chang gi
gzim zhag tu mjal bar phebs pa'i nyin gcig rje sgrub khang pa'i
thugs dam 'jigs byed kyi sku thang sogs ston pa mdzad nas/
sprul sku rin po che ched gtad

kyis khri mthon po zhig bshams pa la bzhugs su gsol/  paN chen
thams cad mkhyen pa blo bzang chos kyi rgyal mtshan gyi dbu zhwa/
 drung pa rta phug pa dam chos rgyal mtshan dang rje sgrub khang
pa dge legs rgya mtsho'i nang rten su bzhugs

pa de gnang nas/  khyed kyis byang chub lam gyi rim pa'i sgo nas
'gro don gang lcogs dang/  rang nyid bde gsang 'jigs gsum la sku
tshe hril por thugs dam byed pa dang/  'jigs byed kyi rtsa sngags
la rtags thon pa zhig cis

kyang mdzod/  rje bla ma'i bstan pa dang ?gong sa mchog gi
'phrin las kyi zhabs 'degs gzhan dang mi 'dra ba des par yong
zhes kyi zhal ta 'doms par mdzad/  'di ni grub pa'i dbang phyug
chen po de nyid kyis/  rje btsun bla

ma dam pa nyid chos kyi rgyal [po cong kha pa chen po'i bstan pa
rin po che'i bdag por mnga' gsol te/  phyis 'byung gi don rnams
lung ston par mdzad ste slad nas de kho na bzhin byung ba kun la
mngon sum gyi grub pa 'di bzhin no/  /     
      
nang du rim gnyis rtogs pa'i klong rdol yang/  /phyi ru 'dul
ba'i kun spyod phra zhib kyi/  /mdo sngags 'gal med spyod pa'i
rdo rje 'dzin/  /ngag la dbang 'byor mchog gi dpa' ldan pa/
/gang gi zhal bzang sprin sngon las 'ongs pa'i/  /

gsang chen bdud rtsi'i char rgyun nyin bzhin du/  /bbas pas
khyod thugs chu gter rab rgyas te/  /bshad sgrub rlabs kyi
phring bas mdzes par rgyur/  /bang thugs shes byam shes bya ma
lus 'char ba'i snod/  /ye shes me long gtsang mar phyis 'byung

gzugs/  /gsal bar bkra rnams lung bstan mdzub tshugs kyis/  /'di
dang 'di zhes khyong la ston par mdzad/  /rdzun lung srin bya
rgod pas blun po'i yid/  /re dogs rgya ru 'dzud pa deng mang
yang/  /bslu med thog tu 'bab pa tshad ma'i

lung/  /'di 'dra ston pa u du mlba ra'i sprun/  /7gong sa rin
po che bod du chi bas kha bsgyur ba'i nyin kha shas kyi sngon du
mkhan chen rdo rje 'chang hor phyogs su phyag bteg  /yos lo hor
zla gsum pa'i tshes nyer gcig gi nyin ?gong thams cad

mkhen pa dpus phyogs su zhabs kyi pngom bskyod pas rje 'di pa
yang lhan cig tu phebs/  nyag chu kha la ma phebs bar bu 'brum
nyin gyis dregs bzhan su la yang mjal kha ma btang yang rje nyid
ltar gyis sku mdun du phebs shing gsung

gling smar ba byung/  /'brum nyin las grol nas li thang thub
chen byams pa phebs/  mkhan chen rdo rje 'chang yang phebs rjes
zin nas yab sras gsum ka gdan 'jom/  de nas bzung lha sar phebs
kyi bar zla ba bzhi'i ring la nyin

090@#*/ /bzhin ?rgyal dbang mchog gi bzhugs zhag khad shin tu nyi
zhing nyi ma yang ring dus yin pa bcas bzhugs zhag sa nas mkhan
chen rdo rje 'zhang gis sprul sku rin po cher 'grel pa bzhi
sprag gi chos thun

rgyas pa ri ma chag pa gnang/  chings rag dang gsol tshigs sogs
kyang lhan tu gnang nas gsung 'phros tshul gyis mdo sngags kyi
dka' gnad du ma lhug par gsungs pa sogs chos kyi dga' ston kho
nas dus 'da' mdzad/

mgar thar nas lha sa'i bar thag nyi ring ci rigs kyis bla dpon
che chung/  dgon sgrub sde/  lha sde mi ris su ma chad pas ?gong
sa thams cad mkhyen par phebs bsu/  gsol ston/  'bul nod sogs
dang/  mjal kha phyag

dbang zhu mkhan bsam gyis mi khyab pa yod pa rnams kyis rje bla
ma 'di nyid la yang bkur ste rim gro dang dad gus lhur len pa
byung 'dug kyang zhib tu brjod na cang yig chogs che bar 'gyur
bas ma smos so/  /ka po gnas

nang bya ba ka rma dus gsum mkhyen pa sogs grub thob kyi skyes
bu dam mang pos byin gyis brlabs pa'i gnas par can/  bde mchog
gi yul nyer bzhi'i nang tshan ka ma rlu par grags pa de'i mdar
bzhugs zhag skabs/

mkhan chen rdo rje 'chang gi zhal nas/  gnas 'di byin rlabs shin
tu che bas rang re dpon slob gnas 'brel zhig mdzad na dgos pa
che gsungs pa bzhin/  mkhan chen dang mchog sprul rin po che
lhan cig par gnas nang du

phebs/  bde mchog dril bu lus dkyil gyi cho ga dang tshogs 'khor
rgyas par mdzad skabs phu mda'i gangs ri rnams las 'ja' sprin ya
mtshan can sna tshogs shar zhing char zim pu 'babs pa dang/  gangs
ri gtso bo'i zhal gyi thad

grug 'thibs pa dpyid glu gnang skabs mthong phyi ste gangs zhal
gsal bar ston pa sogs rten 'brel shin tu bzang byung/
/'khor lo sdom pa'i pho brang tha mal gyi/  /chu bur mig las
'dzin ltar snang ba/  /ka po zhes

grags gnas chen nyer bzhi yi/  /ya gyal ka ma rlu dang gnyis med
pa/  /rtse mo gangs dkar shel gyi cod pan bcings/  /rked pa
'khro shing nags kyi do shal mdzes/  /smad du spang ljongs dsar
pa'i sham thabs klubs/  /nyin bzhin

na bun rked ching bcing bkrol byed/  /der ni gnas gsum dpa' bo
mkha' 'gro rnams/  /sprin bzhin 'du ba gnas nang zhes grags pa/
/gangs kyi seng ge lta bu'i rtogs ldan rnams/  /gnyug ma'i rang
zhal lta ba'i gnas mchog

tu/  /shes bya'i dkyil 'khor lhan skyes bde ba cher/  / sdom
mdzad he ru ka yi dkyil 'khor lha/  / dgyes bskyed tshogs kyi
mchod pa'i sprin gtibs nas/  /rdo rje'i glu ying byar rnga brdung
ba'i tshe/  /dpal ldan 'khor lo sdom pa dgyes

pa'i zhal/  /yab sras zung gi gzigs mor bstan pa la/  /tha mal
skye bos smug pa'i gyogs bsal nas/  /gangs zhal bstan ces ca co
sgrog par byed/  /de nas rim gyis phebs pas brag gyab kyi sa
char nye ba'i shis po la thog bya bar

091 @#*/ /brag gyab sprul sku che tshang dpon gyog lnga brgya skor
chibs bsur phebs/  de skabs brag gyab ngang sa tshigs gzhan gzhag
zhig dos rim gtong ba lam 'cham par 'khrugs long byung bas/  sprul

sku ngo gyog rnams mtshon cha thogs pa'i dmag chas mdzad 'dug pa
dang zhag bbas su chang bzhes pa sogs sku spyod rtsing ba la rje
'di pa thugs ma rangs pas gzim gur du phyag gyog pa rnams la
sprul sku'i mdzad pa la skyon

'dogs kyi gsung gling mang zhig gnang/  de nub mnal lam du mi
dmar po shin tu che ba bse khrab dang dang bse rmog gyon cing
mdung ring 'dzin pa zhig gis/  khyod kyis nga'i bla ma blo ldan
shes rab la skur pa zhus zer ma dga' ba'i rnam

pa ci yang byed pa zhig rmis/ brag gyab tu phebs nas sprul pa'i
skus khong rang gi bzhugs gnas kyi rten gsum rnams dang/ khyab
par du dsang phu bse khrab pa'i sku gsob cig 'dug pa do gal chen
pos ston par mdzad pas sngar thugs

rmis su byung ba de ji lta ba bzhin 'dug pas zhal kyal shor ba
la thugs 'gyod byung/  dngos su zhu ma phod kyang gos chen legs
pa kha shas rgya nas phebs pa'i skyos ma yin tshul gyis phul te
thugs kyis bshags pa dang/  khong rang gi

rnam 'grel zhig ljags rtsom mdzad pa'i dbu tshugs 'dug pa mjug
mthar phyin pa grub par mdzad rgyu'i skul ma yang zhus pa yin
zhes rje nyid kyi zhal nas dngos su thos/  'di las 'phros te
skyes bu dam pa gar yod su yin mi shes

pas/  khyed cag rang snang la shar ba gtan tshigs su bkod nas
gzhanj la zur za skyon 'dogs kyi gtam mang du gtong ba 'di rang
nyid 'phung ba'i las yin pas dag snang spyong ba gal che zhes
bdag cag yang nan tan du 'doms

par mdzad/  brag gyab sprul sku nas ?gong sa rin po cher 'jigs
byed bskyed rim chen po'i bshad lung rgyas par zhus pa'ang gsan/
 rim gyis chab mdor phebs/  zhi bzang sprul sku sogs kyis gus
'dud lhur len mdzad/  ri bo

cher stag lung sprul sku mjal phrad mdzad cing mnyam med sangs
rgyas dpon gyi dus  'khor gyi blos bslang dang dbyibs mtshungs su
bzhengs pa'i gtsug lag khang/  rten gyi gtso bo rgya gar rdo rje
gdan gyi mhA bo ng+ha'i la dpe bgyis pa'i thub pa'i snang

brnyan sogs rten gsum byin rlabs can mang du bzhugs pa la rten
mjal zhib par gnang/  gtsang nas paN chen thams cad mkhyen pas
phebs bsu ba blo bzang yar 'phel la gsung shog gnang ba phyag tu
phul/  de nas rim gyis phebs

pas dbu ma'i mdor dga' ldan khri pa rgyal mtshan seng ge  /rgyal
sras sprul sku 'jigs med ye shes grags pa/  grub dbang sems dpa'
sprul sku/  'ol dga' rje drung sprul sku/  rta tshag rje drung
sprul sku/  shar rtse chos rje/  se 'bras dge gsum

gyi bla ma las sne/  mi dbang pho lha ba bsod nams stobs rgyas/
dga' bzhi gung/  bka' blon mdo mkhar ba tshe ring dbang rgyal/
thon pa sri chod tshe brten/  'brong rtse nas sogs bod kyi che
dgu stong phrag brgal ba ?gong sa rin po che'i phebs

092@#*/ /bsur 'byor/  rje bla ma nyid la yang so sos sger mjal
dang bod du phebs pa'i thog ma'i legs skyes sogs phul/  'di dus
ser 'bras kyi bla ma dge bshes sku drung du phebs pa rnams la

dka' gnad kyi dogs dpyod dang 'bel gtam mang du mdzad pas khengs
pa can rnams kyi spobs pa bcom/  gzu bor gnas pa rnams sngon ma
thos pa'i legs par bshad pa'i bdud rtses yid tshim pas/  thams cad
 
kyis bod dbus gtsang gi grwa sa che por slob gnyer la sbyangs
pa'i ngal ba ma mdzad par rgyal khab chen por bzhugs nas gzhung
chen mo rnams kyi dka' ba'i gnad gang la yang thogs pa med pa'i
thugs gnyer 'di lta bu yong

pa nges par sku tshe snga ma rnams su pNTi ta'i sku'i skye ba
mang du bzhes dus kyi yon tan thams cad ma brjed par byon pa yin
'dug ces bstod bsngags 'ba' zhig sgrog par gyur/  de dag gi
khrod na sgo mang dpon slob chos grags

bya ba po ti thams cad dang khyad par du rnam 'grel la mkhas par
grags shing/  rang nyid kyang mkhas pa'i khur 'khyer ba zhig yod
pa des/  dang po rje nyid dang ma mjal gong du da res ?rgyal ba
rin po che'i chibs bsur 'gro dgos

'dug pas lcang skya zhabs drung la sgo mang ba'i la rgya tsam
gyis mjal ba zhig mi byed ka med 'dug  /gos chen gyi na bza'
sogs 'phyor chas legs pa las yon tan gyi re ba ci yod zer ba
sogs kha mang du btang/  rje nyid dang mjal

ba'i ja gral du ser 'bras kye bla ma thams cad 'dzom pa'i dbus
su/  rje nyid sgo mang dpon slob rnam 'grel la mkhas zhes thos
pas rang re rnam 'grel las brtsams pa'i 'phros pa zhig bgyis na
ci 'dra yong phebs par/  chos grags

na re/  rnam 'grel la sbyangs pa pa dga' mo byas khul yin pas
sprul pa'i sku nas bka' dri gnang na lan 'bul rgyu lag ma thogs
tsam yong 'gro zhes zer/  de la rje bla ma mchog nas lhan cig
dmigs nges kyi rtags kyi skor las brtsams te

bgro gling mdzad par/  dang po lan phyogs re tsam 'bul rgyu
rnyed cing kho yang ngar ngar lta bu byed pa la skabs shig nas
ci zer 'di med pa dang dngos 'gal la lan gsum tsam bud pas/  bla
ma gzhan thams cad kyang bzhad gad theg ge

ba dang bcas 'ga' zhig gis rje bla ma mchog gi thugs rig dang
rnam dpyod kyi spobs pas yid drangs te thal mo spyor/  la las
bla ma chos grags kyi lan 'debs rgyu ma byung ba la sun 'byin
gyi shag brgyab pas/  chos grags gdong dmar hur

re rdul chu'i thigs pa bla gos kyis dbyi bzhin rgun dus kyi khu
byug gi dang tshul la gnas par gyur/  de nas kho sngon la 'bras
spungs su slebs nas sgo mang gi chos grwa'i tshogs lab tu/  byang
pha gi na dge bshes sngo sang nge ba zhig phebs kyi 'dug/

ngas khong grwa sar thugs gnyer ma mdzad pas mtshan nyid kyi bgro
gleng de tsam med 'gro snyam kyang/  mis yon tan thams cad nang
nas shar ba zhig yin 'dug  /dbus gtsang gi ljongs 'dir nged rang
rtsod pa pham pa zhig mi dran yang da

093@#*/ /res sprul sku gzhon nu des nged rang kha grags rgyu med
pa bzos song/  khyed tsho dge bshes chen po yin zer ba tsho sang
gnang mjal skabs thugs rig bsgrim na sngo lo 'phyar 'jug pa la
tshegs mi 'dug

zer ba sogs lab 'dug       /legs bshad chab kyis rtag par brlan
pa'i ljags/  /gdams ngag 'doms la pang ma'i 'dab ltar mnyen/
/rgol ba 'jom la spu gri'i so ltar rno/  / 'di ni mkhas rnams
ngo mtshar bskyed pa'i

'phrul/  /dri med rigs pa'i gad rgyang gcig gis kyang/  /sa gsum
'dar byed smra ba'i seng ge khyod/  yul dbus gangs ri'i ljongs
su lhags pa na/  /mkhas rlom wa tshogs smra bcad rdzu la brten/
/de nas rim gyis phebs te/  rwa

sgring ba'i thab bsu'i bzhugs gral du ?gong sa rin po che nas/
rje 'di pa dang 'ol dga' rje drung sprul sku rnam gnyis la rten
'brel gyi khad dbum ma'i lta ba'i skor gyi gleng mdzod phebs par
brten lta ba las brtsams pa'i

brgal brtag mang du mdzad par/  ?rgyal ba'i dbang po thugs shin
tu dgyes/  rwa sgreng du phebs nas jo bo 'jam pa'i rdo rje dang/
 gna yon ma che chung gis gco bo'i rten rnams dang 'brom gyi
gzim phug sogs lha khang thams cad

la zhib mjal mdzad cing/  lha khang gi 'gag tu rgyal ba'i dbang
po dge 'dun gyi sde dang lhan cig par spyan 'drin khrus gsol/
gnas brtan phyag mchod/  smon lam sogs rgyas par mdzad/  jo
bo'i sku dbu yon ma che chung sogs

rgyal ba'i gzim chung du spyan drangs/ ?rgyal dbang thams cad
mkhyen pa/  mkhan chen rdo rje 'chang/  rje 'di pa rnams lhan du
gsang bde 'jigs gsum gyi sgrub mchod dang tshogs 'khor rgyas pa
mdzad/  ?rgal ba rin po che rwa sgreng gi chos

khrir phebs nas tshogs yongs la rje 'di pas zhus pa'i bla ma'i
rnal 'byor dngos grub nor bu'i bang mdzod kyi lung gnang ba gna
dang gang zag chos gsum 'dzom pa'i rten 'brel phun sum tshogs pa
'grig  /nyin gcig phyi skor du

phebs/  bstan pa'i chu rgyun ring mor sku khrus gnang/  'brom
gyi sku gdung bzhugs pa'i sa 'bum gyis gtso ba'i bka' gdams pa'i
dge ba'i bshes gnyen mang po'i sku gdung bzhugs  pa'i 'bum pa
rnams mjal/  yang dgon

dang dgon pa gong du rje'i chos khred dang nang rten 'bum nag ma
sogs rten gsum dang/  mchod rten brgya rtsa shug pa ming chen
sogs mjal/  gnas der rgyal dbang yab sras rje 'di pa drung sprul
sku rnams lhan cig pas dpal 'khor

lo sdom pa'i sgrub mchod mdzad cing/  tshogs kyi 'khor lo mdzad
skabs 'ol dga' rje drung sprul pa'i skus sems mi 'gyur ma'i mgur
dbyangs 'then pas thugs 'khul ba byung/  phyir phebs lam du shug
gseb nas slong mo ba

'dra ba gos kyi phrag pa phud pa'i phu thung gnyis phrag par
bkal ba zhig glo bur du thon byung bar/  mkhan chen rdo rje
'chang nas rje 'di pa la bal T 'dra yod na byin cig gsungs pas/
phyag gyog tsho la T ka e yod bka' 'dri gnang ba'i bar

094@#*/ /der gar song  cha med du gyur/  de res nga rang gi ma
byung ba ma gtogs 'brom rin po che yin 'dra zhes rje nyid nas
dngos su gsung ba thos shing/  bka' gdams glegs bam las/  bdag
gi sprul pa dam pa

cig  /res 'ga' dge slong nyid du sprul/  /zhes pa nas/  res dga'
dbul phongs sprang po'i gzugs/  /zhes sogs gsungs pa lta bu yin
par sems/  mkha' 'gro ma gsang ba ye shes kyi pho brang du grags
pa'i pha bong rtsar rgyal ba chibs

bshol nas bskor ba gnang/  rje 'di pa dang phyag gyog pa rnams
dang bcas pas dpyid kyi rgyal mo'i glu dang bde mchog gi shis
brjod mdzad pas/  nub phyogs kyi b+ha ga'i dbyibs can gyi brag gi
bu nas blo bur du chu rdol ba thams cad

kyis longs spyod rgya byung/  ?rgyal ba'i dbang por gnas 'di
shin tu ya mtshan pa 'dug pas ming zhig gnang dgos zhus kyang
zhal mdzum pa mdzad pa las ming dngos su ma gnang/        sprul
pa'i gnas mchog dpal gyi rwa

sgreng du/  /sprul pa'i skyes mchog du lhan cig 'dzom/  / sprul
pa'i gligs bam nyid las gsungs pa bzhin/  /sprul pa'i bkod pa
ngo mtshar dpag yas bstan/  /gsang chen rdo rje'i glu yis mkha'
'gro ma/  /gsang ba ye shes

rjes chags bskul ba las/  /gsang gnas bde skyong 'khor lo las
'ongs pa'i/  /gsang rdzas dpa' bo'i tshogs la mchod par bstab/
/'brom rje yab sras khyed kyi sngon byung gi  rnam thar ma lus
phyi rol dngos pos kyang/  /las can

rnams la ngoms pa 'di ltan/  /yon tan sbed pa'i thugs ngal 'dis
ci bya/  /de nas stag lung pho mdor phebs nas rten mjal sogs
zhib par gnang/  dngos grub gling khar grub pa'i dbang phyug rje don
yong mkhas grub phebs pa dang mjal/

mkhan chen rdo rje 'chang nas skya sprul sku rin po che 'di pa
'chad rtsod rtsom gsum gang la 'ang thogs pa med pa 'gran zla
dang bral ba zhig yin tshul gnang bar/  rje don yob mkhas grub
kyis/  'o de nged kyis yag po shes pa yod/  rje 'di

pa'i sku gong ma dang nged cag khri chen blo bzang don yod kyi
drung du lan mang du mjal/  khong gis rlung rdo rje'i bzlas pa
rab mdzad pas mgrin pa'i rtsam dud ma lus pa grol ba'i lag rjes
yin pa 'dug gsungs/  rje 'di la khyod kyis sgom

sgrub la 'bad pa thon cig  /thos pas mang po shes mi yong/
/sgom pas mang po shes yong ba yin ces gsungs/  bla ma mkhas
grub pa'i gsung de nges par thugs mad pa 'dug ces phyis su yang
yang gsungs/  'bum steng du bzhugs

zhag gnang skabs mkhan chen rdo rje 'chang nas rje 'di pa la dur
khrod klu mo rgyal du 'gro gsung/  der phebs nas dur khrod kyi
dbus su bzhugs te yab sras gnyis kyis bde mchog gi tshogs 'khor
dpyid glu dang bcas pa mdzad cing

mkhan chen thugs nyams 'ur ba'i gsung gleng ngo mtshar can mang
du gnang/  de nas rim gyis phebs pas bod kyi sprul sku dang bla
dpon che dgu yod do cog rgyal ba'i phebs bsur byon pa thams cad
kyis rje 'di pa la gus 'dud lhur

095@#*/  /len pa mdzad/  kun gzigs lnga pa rgya nas phebs skabs
thog par khyam sar chen mor phebs pa rten 'brel 'phrod lam che
ba byung bzhin/  ?rgyal ba'i dbang po thog mar lha ldan gtsug
lag khang gi

khyams ra chen mor phebs nas gser khrir bzhugs phral du/  rje
bla ma 'di nyid nas gdan sa chen po'i 'dir  chebs kha bsgyur ba
gang ci'i rten 'brel legs shing/  slad du'ang bstan 'gro'i dpal
mgon dam par zhabs pad bskal

brgyar brtan ngos/  thub bstan spyi dang khyad par 'jam mgon bla
ma'i ring lugs nam mkha'i mtha' khyab tu dar zhing rgyas pa
mdzad dgos tshul gyi zhu ba dang legs 'bul phul/  de nas thub
pa'i dbang po dngos dang khyad par ma

mchis pa jo bo shA kya mu ne/  rang byon lnga ldan/  rje nga
'gran ma sogs lhan ldan sprul pa'i gtsug lag khang gi ster 'og
bar gsum gyi rten rnams la rgyal ba'i dbang po dang lhan cig tu
mjal ba gnang zhing spyan 'dren khrus gsol/

yan lag bdun pa sogs chos spyod kyi rim pa rgyas pa gnang/
gzhung nas bzhugs gnas khrom gzigs khang gsar du grwa bsgrigs
'dug pas der phebs/  phyi nyin e wa du gsol ston gyi bzhugs
gral du phebs/  phur bu lcog

nas rje bla ma byams pa'i mtshan can rgyal dbang rin po cher mjal
bar phebs pa'i zhar la khrom gzigs khang du rje 'di pa dang
mjal phrad mdzad par phebs 'dug na'ang/  de dus rgyal ba rin po
che dang srid skyong pho lha ba thugs nang

ha cang gtsang rgyu med pa dang/  rje bla ma byams pa rin po che
pho lha ba'i bla mar song ba bcas phan tshun thugs rtog mdzad res
kyis thugs gshin pa rang zhig ma byung ba 'dra/  de nas re zhig
gi bar nyin bzhin gsol ston dang mjal phrad zhu mi

mang ba sogs kyis thugs brel shin tu che ba byung/  tshes bcu
bdun gyi nyin ?rgyal ba'i dbang po pho brang chen po po ta lar
phebs nas tshom chen rnying pa'i gser khri la zhabs kyi pang mo
bkod pa la/  thog mar rje 'di pas mjal dar phul zhing/

bkra shis lhun po nas brtan bzhugs dang/  gzhung nas gsol ston
rgyas par zhus/  gza' skar bzang po'i nyin rje bla ma nyid nas
rgyu skyen sbyar te rnam rgyal grwa tshang nas gtsug tor rnam par
rgyal ma'i cho dang 'brel ba'i sgo nas bden tshig

mrjod pa dnag chab gcig par/  ?'jam dbyangs gong ma chen pos
phyag gis gnang ba'i byi ru 'ba' zhig las grub pa'i tshe dpag med
lha dgu'i sku brnyan khyad mtshar sogs dang/  gser dngul gos dar/
 spyad pa ngo mtshar ba sna tshogs dang

bcas/  ?rgyal ba'i dbang po nyid kyi sku che ba'i yon tan brjod
ba sngon du 'gro ba'i sgo nas snyigs dus kyi skye bo'i ngang tshul
la thugs skyo ba med par zhabs pad bskal pa rgya mtsho'i bar du
brtan par bzhugs nas bstan 'gro'i don rgya chen po mdzad

dgos tshul sogs dpe dang gtan tshigs lung rigs du ma'i sgo nas
tshig snyan cing 'jebs pa dag cing gsal bas bcos min gyi dad gus
shugs drag pos tan du gsol ba 'debs par mdzad pa la/  7rgyal
ba'i dbang po thugs dgyis pa'i

096@#*/ /sgo nas zhal bzhes kyang bzang po gnang/        ris med
bstan 'gro'i pad tshal bzhad pa'i gnyen/  /rgyal dbang nam mkha'i
nor bu mgon po 'di'i/  /'phrin las rta ljang shing rta la

bcibs nas/  /gangs can bsod nams shar ri'i rtse la 'dzegs/
/sngon tshe shA kya'i rgyal po 'khor dang bcas/  /rmad byung
rdzu 'phrul bkod pa mtha' yas pas/  /bu ram shing 'phel grong du
gshegs pa yi/  /ngo mtshar dus mtha'

'dir yang gsal bar gyur/  thugs bskyed rdzogs ldan sprin gyi bla
re ni/  /bsel ldan khyon kun khyab par bres pa las/  /phan bde
mngon par bzhad pa'i me tog char/  /snyoms par bbas pas sa 'di
skal bzang byas/  /zhes bya ba ni

bar skabs kyi tshigs su bcad pa'o/  /khyab bdag rdo rje sems
dpa'i ngo bo dpal ldan bla ma dam pa ye shes bstan pa'i sgron me
dpal bzang po'i rnam par thar pa mdo tsam brjod pa dge ldan
bstan pa'i mdzes rgyan las/  ?gong ma chen po'i

gser gyi lung bzhin khams gsum 'gro ba'i mgon po ?rgyal dbang
thams cad mkhyen pa gangs ri'i ljongs su gdan drangs te pho
brang chen po po ta la'i mi 'jigs seng ge'i khri la zhabs kyi
pngom 'god par mdzad pa'i le'u ste drug

pa'o//                    //de nas gong sa thams cad ma khyen
par rje bla ma nyid kyis gsol ba btab pa bzhin dpal rje 'jigs
byed bdud las rnam par rgyal ba dpa' bo gcig pa'i dbang rje 'di
pas gtso ba'i rgyal ba 'phags pa lha/

rgyal sras sprul sku sogs bla ma dge ba'i bshes gnyen bzhi brgya
brgyad cu skor la gnang zhing/  sta gon dang dngos gzhig gnyis
kar thog ma kun slong 'chos pa nas mjug gi bar la rgyud dang
rgya gzhung rje yab sras kyi gsung rab rnams kyi khungs

dang bcas pa'i ljags bshad shin tu rgyas dang/  dka' ba'i gnad
rnams la rigs pas mtha' dpyod pa dang/  phyag len rnams sla chos
su ma song ba'i rgyas su bas der tshogs pa thams cad rigs pa'i
lam nas drangs

pa'i dad pa bcos min skyes/  ?rgyal ba'i dbang po bod du phebs
nas dbang chen thog mar gnang ba 'di'i zhu ba po yang rje bla ma
'di nyid yin 'dug pas gong smos ltar rten 'brel gyi sgo rmad du
byung ba 'grig par snang/  gzhan yang jo bo'i rnam

thar che chung dang pha chos bu chos sogs bka' gdam mas gligs
bam rin po che'i ljags lung yang gnang/  ?rgyal dbang bla ba
phyed gnyis tsam gyi ring sku mtshams bcad rgyar bzhugs skabs su
yang sku mdun du phebs gsungs pa bzhin yang

yang byon par chos kyi gsung gleng mang ba mdzad cing thugs dam
rten gras rgya gar shar li'i 'khor lo sdom pa'i sku brnyan byin
can zhig ste gzhan lam ster bar thugs dam rten mdzod ces phebs/
sngar mgar thar du byang chub lam rim

'jam dpal zhal lung gi bka' khrid mar shes su mtshams 'jog pa
mdzad pa'i 'phro rnams gnang rgyu'i dbu btsug  /gsan mkhan sprul
sku che khag rnams dang dge ba'i bshes gnyen mkhas grags can
mang bas/  7rgyal dbar mchog

097@#*/ /na dka' ba'i gnad du ma la dri rmed dang brgal brtag
mdzad par/  so sos lan phul ba las grub mchog 'jam dpal rgya
mtsho nas bka' lan gang zhus thams cad don la 'byor zhing go

rgyu che bas ?rgyal ba rin po yang thugs dgyes pa byung zhes rje
bla ma nyid gsung ba thos/  bka' khrid rdzogs pa'i mjug tu gzim
chung bka' gdams dbang sta zur ma/  'phags pa lo ke rten khyad
par can

rnams gdan drangs te mchod sprin rgya chen po blor mi shong ba
dang bcas/  thog mar ?rgyal ba'i dbang po nyid nas sems bskyed
cho gas len pa sogs mdzad rjes seng ge'i khril bzhugs te/  dus
gsum rgyal ba thams cad gyi bgrod

pa gcig pa'i lam po che/  byang chub sems dpa' rnams kyi thugs
dam gyi mthil/  byang chub mchog tu sems bskyed pa'i tshul mdo
snge du ma las 'byung ba'i yan lag bsam gyis mi khyab pa rnams
'chad pa sngon du 'gro ba'i nas rje rgyal ba

gnyis pa'i zhal lung brgyud ldan bla ma dam pa'i phyag len ji
lta ba bzhin sems bskyed cho gas 'bog par mdzad/  rje bla ma
mchog gi zhal nas/  'di dus ?rgyal dbang mchog nas lam khrid
skabs kyi gsung bshad gang gnang thams cad

shin tu rno zhing lam la nges pa bskyed pa la phul shin tu che
ba dang/  khyad par du skyes bu chen po'i chos skor la lung rigs
bsam gyis mi khyab pa'i sgrub byed dang bcas myong thog tu 'gril
ba'i gsung bshad 'gran zla dang bral ba bka'

drin bskyang byung bas yid 'khrul ba la tshod ma byung zhes phyis
su yang yang gsung ba thos/  lam khrid 'jam dpal zhal lung gi
ljags lung yang gnang/                  snying stobs rmad byung
khyod thugs 'dzin ma la/  /snying brtse'i gter

chen spyan ras gzigs dngos kyis/  /snying rje'i sa pon grung po
btab pa las/  /snying rje'i myu gu byang chub sems mchog
'khrungs/ /phyin drug bsdu bzhi'i snye ma smin pa yi/  /ma smad
rgyal sras spyod pa'i ston thog gis/  /mkha' khyab 'gro ba'i dbul

ba kun sel ba'i/  /theg chen chos kyi son nam mthar phyin gyur/
/'di dus ?gong sa mchog nas rje bla ma nyid la phyag tham che
chung yang ched gnyer bskrun pa bka' 'drin du stsal/  dpal 'khor
bde mchog dang rdo rje 'jigs byed kyi tshogs

'khor ljags rtsom zhus pa bzhin/  dpal 'khor lo sdom pa'i tshogs
kyi mchod pa'i bde chen snying po rab tu rgyas pa dang/  rdo rje
'jigs byed kyi tshogs mchod cho dga' ston 'dzum zhal bcas bka'
'rtsom mdzad nas ljags lung

stsal/  ?gong sa mchog la mkhan chen rdo rje 'chang nas lam rim
chen mo'i bshad lung zla ba gcig lhag tsam 'bul bar mdzad skabs
yab sras kyis rje 'di pa la chos gral du bzhugs ces phebs pa
ltar bzhugs pas gsung bshad

'byams klas pa dang yab sras gnyis dang chos nyan gyi dge ba'i
bshes gnyen pa rnams dka' gnad la mol mchid mang du mdzad pa
gsan pas thugs la dga' dad skyo gsum khor mo yug tu byung gsung/
 de ltar pe'i cing du bzhugs

098@#*/  /skabs sems dpa' chen po ngag dbang chos kyi rgya mtsho/
dge pa'i bshes gnyen shes rab dar rgyas/  grub pa'i dbang phyug
blo bzang chos 'dzin pa rnams las byang chub lam gyi rim pa'i
khrid mang

du gsan cing/  khyad par mgar thar du bzhugs skabs dang lha sar
phebs nas rnam 'dren ?rgyal ba'i dbang po dang mkhan chen rdo
rje 'chang gnyis kyi drung du rim chen mo/  bde lam/  'jam dpal
zhal lung rnams kyi gzhung

bshad dang/  nyams len dmar khrid lan du mar shin tu gzang rgyas
gsan pa dang/  dkar ba'i gnad rnams la dge ba'i bshes chen po
rnams dang 'bel gtam mang du mdzad par brten/  dus dsum gyi bde
bar gshigs

pa thams cad kyi bgrod pa gcig pa'i lam po che/  yum shes rab
kyi pha rol tu phyin pa'i man ngag zab mo/  dpal lha cig ngi'a pa
ka ra'i thugs kyi bcud phyung ba/  rje rgyal ba gnyis pa'i legs
bshad zla med/  che ba bzhi dang ldan pa'i

byang chub lam gyi rim pa'i gnad la gzhan dring 'jog pa'i mkhyen
rab kyi dkyil 'khor yongs su rgyas te/  sngar shes rab kyi pha
rol tu phyin pa'i don gtan la 'bebs par byed pa 'dzam gling
rgyan drug mchog gnyis kyi gzhung

chen mo rnams la thos rgya mtsho lta bu mdzad pa de thams cad
'dir byang chub lam gyi rim pa'i nyams len du 'ub kyis 'du ba'i
tshul la nges pa gting tshugs pa thugs pa 'khrungs te bstan pa
thams cad gru bzhi lam gyis 'khyer

shes pa zhes bya ba dang/  gzhung lugs ma lus gdams ngag tu
shar ba zhes jo po bka' gdams pa rnams kyis rgya cher bsngags
pa'i nges gyi mkhas pa'i go 'phang la mnga' 'byor par gyur/
tshul 'di ni rje bla ma rang gi rtogs

pa brjod par/  de ltar 'bad pas klu sgrub thogs med las/  rim
bzhin brgyud pa'i byang chub lam rim la/  /thun mong min pa'i
nges rnyed gyur pas/  /zab mo'i gzhung mchog par phyin gdams par
shar/  /zhes dang/  klu sgrub lugs

kyi gzhung mchog du ma'i don/  /nyams su len pa'i rim pa legs
par mthong/  /zhes sogs dang/  bla ma dbum pa la phul ba'i zhu
yig las/  des na gzu bor gnas pa'i sgo nas blo dang ldan pa
rnams kyis lam 'chug med cig 'tshol na/

mdo sde dang rgyud sde rtsod med gang dang yang mi 'gal zhing de
dag nas zin pa/  de yang shing rta chen po gcig gi rigs pa'i
rjes su 'brangs nas drangs nges legs par phyi ste/  mtha' gzhan
du drang du mi btub par rigs pas gnod med du 'grub

pa zhig med mi rung du snang bas/  gsung rab chen po rnams dang
de'i dgongs pa 'tshol ba'i rigs pa'i sgo drim med pa la rtis po
cher bzung nas rgyud la skye ba'i rim pa sngar mang du byung
yang de tsam la chog shes ma byas par bstan pa 'ba'

zhig la dmigs pa'i bsam pas kun nas bslangs te/  yid dam dang
bla ma tha mi dad par byas pa rgyun mi chad du gsol ba gdab pa
bsag spyang gi sgo du ma la 'bad pas da lta gsung rab spyid dang
dgongs 'grel bstan bcos chen po rnams la

099@#*/  /khol bton re tsam min pa'i lus yongs su rdzogs pa nyams
len du 'gro pa'i phyogs su shes pa yod/  tshul de la nges pa bde
blag tu ster bar byed pa ni bdag dang gzhan gyi grub pa'i mtha' rgya

mtsho lta bu'i pha rol tu son cing/  nang rig pa'i sde snod gsum
gyi snying po bslab pa gsum gyi gnad rnams phyin ci ma log par
shes khas blangs pa tsam la ma bzhag par nyams 'og tu tshud par
mdzad pa/  mkhas la grub

pa brnyes pa'i dge ba'i bshes gnyen du mas rjes su bzung ba/
lhag pa'i lha dpag tu med pas byin gyis brlabs pa'i sems
dpa' chen po dpal mar me mdzad ye shes kyi gdams pa byang chub
lam gyi rim pa'i mtshan nyid dang

sngags kyi theg pa'i lam gyi rim pa phyin ci ma log par gtan la
phab pa nyid ya mtshan par mthong nas slob ma bkri ba'i rim pa
rnams de kho na'i steng nas byed kyin yod/  gdams ngag de yang
gsung rab dgongs 'grel gyi bstan

bcos mnang ngag mtha' dag lam gyi rim pa gcig tu dril nas ston
par snang bas 'chad shes pa dang nyan shes pa gnyis bshad cing
nyams su blangs na man ngag chung chung ngu ma zad gsung rab
mtha' dag gi gung 'grig nas 'ong

bar snang/  zhes rje bla mas rang gi thos bsam mdzad tshul gsung
ba'i rnam par thar pa de nyed phyag len du btab pa ste/  deng
sang gi thos bas bsam pa rnams kyis cha shas tsam yang bsgrun du
med pa'i rgyal pa'i rnam par thar

pa rmad byung ba'o//         gzhung bzang gser gyi bye mas lus
bgos shing/  /thabs shes gshog yangs dkar po rab rgyas pa/
/rgyal sras snying  stobs ldan pa'i ngang pa de/  /legs bshad
bdud rtsi'i dpal la rtag sred pas//

gangs ri'i mu khyud zlum por 'khril ba'i ljongs/  /bshad sgrub
chos kyi chu klung 'bum 'khyil bar/  /mkhas grub gdengs can du
rtag rol pa'i/  /yul dbus chos kyi rgya mtsho che der gshegs/
/der ni 'phags mchog phyag na pngom 

nyid /  /mthon mthang thor cog gser zhin khu ba yis/  /legs
byugs lha rdzas na bza' dras drub gos/  /snam phran bdun par
bsgyur nas gangs can gyi/  /gdul bya'i mgon du dur smrig 'dzin
pa yi/  /rnam par byon pa rgyal ba'i dbang po

de'i/ /zhabs pad dge legs ge sar rdul phring can/  /bsam spyor
gtsug gi cod pan du bsten nas/  /theg pa gsum gyi gdams ngag
'dus pa'i gter/  /rigs can gsum gyi 'dod pa skong ba'i nor/
/rgyud pa gsum gyi bla ma zhal gyi lung//

skyes bu gsum gyi lam rim rdzogs par gsan/  /de yi mthu las
gzhan gyis gsung rab mtsho/  /brtsom pas lan brgyar brgal kyang
ma rnyed pa'i/  /rgyal ba'i dgongs don mthar thug yid bzhin nor/
/mkhas grub ded dpon khyod kyi phyag tu

son/  /che ba bzhi zhes kun la rlung ltar du/  /grags kyang
rgyud la 'byor pa deng dus su/  /khyed la tshul 'di ji bzhin
mngon gyur pas/  /yongs rdzogs thub bstan dpal la bzhed rgur
spyod/  /lhag bsam dngul gyi mdog ldan sa srung zhon/  /gtugs

100@#*/  /med mkhyen bzang 'dren byed stong phrag bkra/  /mthu
stobs zho 'thung rus pa'i mtshon 'chang ba/  /skal bzang lha yi
bla mar bdag phyag 'tshal/  /'di skabs shig grogs 'ga' zhig chos
bskul ba'i ched

du thar pa'i sgo 'byed zhes bya'i mgur ma mdzad pa 'di ltar ro//
na mo gu ru/  rje dus gsum sangs rgyas kun gyi dngos/  /chos
brgyad khri bzhi stong 'byung ba'i gnas/  /tshogs 'phags pa'i dge
'dun 'dus pa'i gtso/  /mgon

drin can bla mas snying nas 'dud/  /tshe sdon ma'i las smon bzang po'i
mthus/  /rje rgyal ba gnyis pa'i gsung rab la/  /thos bsam pa'i
rnam spyod  phul byung ba'i/  /grogs chos mthun dpyod ldan bdag
la gson/  /dus snyigs ma lnga

bdo'i gnas skabs 'dir/  /gzhi tshul khrims rnam dag sna gcig
kyang/  /bsrung nus phan yon dpag med 'thob/  /don de sdom gsum
bcas mchams rnams/  /srog bsdos te bsrung ba gnad du che/  /chos
gzhung lugs brgya phrag

thos gyur kyang/  /kha phyir lta'i 'chad rtsod rtsom pa la/  yid
gyengs pas nyams su ma blangs na/  /dgra gshin rje'i pho nyas
zin pa'i tshe/  /sems 'gyod pas gdung ba'i rgyu ru zad/  /'khor
gnyen bshes bu slob  skyong rnams/  /

dgra nyon mongs dpung tshogs rgyas pa'i rgyu/  /las dang po pa
yis spangs na legs/  /grogs bya dang ri dwags bag phebs rgyu/
/chu klung rgyun lhung lhung dal gyis sgrog  /gnas rtsi shing
nags tshal mdzes pas brgyan/  /yid chags sdad

skye ba'i rgyu dang bral/  /gnas de 'dra dam chos 'phel ba'i
rgyu/ /de bsten par mdzod cig skal ldan dag  /sngon byon pa'i
mkha grub bgrang yas kyis/  /chos zab dgu mang du gsungs lags
kyang/  /rje thub pa'i dbang po'i gsung rab kun//

don mtshang med par gcig bsdus pa/  /blo mchog dman kun la phan
pa'i chos/  /lta sgom dang spyod pa ma 'khrul ba/  /khong blo
bzang grags pa'i legs par bshad/  /gzhung byang chub lam rim las
gzhan gang/  /de nyams len mdzod cig

skal ldan dag  /sngon thog med dus nas bsags pa yi/  /las nyon
mongs sgrib pa ches 'thug pas/  /lam rtogs pa skye ba'i gegs
mang yang/  /zhing mchog gyur bla ma dkon mchog la/  /yid gdung
shugs drag pos gsol btab nas/  /tshogs  

gsog dang sgrib sbyong la 'bad na/  /lam rtogs pa bde blag skye
ba lags/  /tshul de la 'bungs cig skal ldan dag  /chos dge sbyor
gang dang gang byed kyang/  /thabs byang chub sems kyis zin pa
dang/  /mjug byang chub 'thob phyir rab bsngos na/ /

lam theg pa chen por 'gyur lags pas/  /de gnad du zungs shig
skal ldan dag  /mchog sangs rgyas 'thob pa'i lam gyi gnad/  /lus
yongs su rdzogs par nyin re bzhin/  /bshar sgom gyis nyams su
blangs byas te/  /lam zab mor bag

chags 'jog pa dang/  /skabs gang bbas dmigs par gcig dril ba/
/yid chos la rtag tu 'dris pa dang/  lam phyogs reng mi 'gro'i
gnad cig gda'/  /de snying gtam yin no skal ldan dag  /rgyud
rnam par dag pa las gsungs pa'i/  /