[@##the following text has incomplete sections/ which are on order]

@#/ /dga' ldan khri chen byang chub chos 'phel gyi skye gral du
rlom pa'i phyin pa zhig gis rang gi ngang tshul ma bcos lhug par
bkod pa 'khrul snang sgyu ma'i zlos gar zhes bya ba dge/ //

@001a @##/ /rgyal kun gsang gsum rdo rje snying po'i khams/ /bdag
gi mgon du shar ba'i drin can rje/ /gnyis lhag bcu phrag zung gi

zhabs sen rdul/ /byang chub snying po'i bar du spyi bos bsten/
/dus ring 'khor ba'i mal du las nyon gyi/ /srad bu grangs med
thags su bres pa las/ /

bde dang cig shos za 'og gos kyi ris/ /bkod pa sna tshogs shar
'di nyam re nga/ /'on te mtshan mo mun rum glog 'gyu ltar/ /dam
pa'i drin las chos

lam dri med kyi/ /snang ba lan gcig yud tsam thob pa 'dis/ /srid
pa'i skye ba don ldan 'gyur du re/ /de lta mod kyang bden dang
rtag 'dzin gdon/ /snying

@002a @##/ /la 'thams pas 'di snang spre'u'i gar/ /bar med yon por
bsgyur ba'i rnam g.yeng gis/ /gtan 'dun rlung la bskur ba'i
gtam 'di

gleng/ /de la 'dir gyi na pa blo bzang ye shes bstan 'dzin rgya
mtshor 'bod pa bdag /dga' ldan khri thog drug cu re dgu pa yongs
'dzin khri chen byang chub chos 'phel dang/

de'i sprul sku dga' ldan khri thog brgyad cu gya lnga pa khri
chen blo bzang tshul khrims dpal ldan gyi yang sprul du sgro
btags kyang/ rang blo rang la lkog tu ma gyur pas dam pa de dag

gi skye sprul du 'os pa'i yon tan nam mkha'i padmo'i mched zlar
gyur rung/ sngon las btsan pos sprul sku'i ming 'dzin du stes
dbang gis son cing/ rje gung thang pas/

@002b sku skye bstan don du byon na/ /bshad sgrub lag rjes shig
yod dgos/ /gsungs pa ltar/ sngon gyi skyes bu dam pa rnams kyi
rnam thar mthong na yid 'phrog cing/ thos na dad pa skye la gdul

bya'i rgyud la rnam grol thar pa'i bag chags 'jog nus pa de lta
bu zhig ni/ rmongs pa dug gsum gyi gong bu 'du shes gsum pa kho
bo lta bu la rus sbal gyi spu bzhin ga la 'ong/ de ltar med
kyang

bla ma'i ming tsam 'dzin khul stabs ming skam don stong du ma
song tsam gyi thos bsam bshad sgrub kyi sgo nas bstan pa 'dzin
skyong spel ba'i bya ba 'di byas kyi lag rjes phran bu zhig dgos
nges kyang/

de yang ma brtag ma dpyad na yod yod 'dra la brtag na dpyad mi
bzod pa 'ja' tshon gyi rang bzhin las ston rgyu ma mchis pa zhig
gis 'di snang za zi'i rjes gcod kyi lo rgyus yi ger 'god rgyu

@003a @#/ /'dab chags pha wang mkha' lding du rlom pa'i mngon
pa'i nga rgyal gyis bla ma gong ma dag gi lad mo byas 'drar song
ste dpyod ldan rnams thugs khrel gzhi lta bur 'gyur srid

mod/ 'on kyang phyi lo chig stong dgu brgya re bzhi bod shing
'brug lor 7gong sa lha mi'i rnam 'dren 7skyabs mgon 7rgyal ba'i
dbang po mchog nas/ khyed rang gi lo rgyus rnams yi ger 'god
dgos

zhes bka' lung spyi bor phebs shing/ de rjes ser byes tre hor
dge bshes rta mgrin rab brtan sogs dad ldan slob bu 'gas kyang
nan gyis bskul ba ma zad/ bka' zur sku ngo sne shar thub

bstan thar pa nas kyang thub dbang gi snang brnyan li ma zhig
dang/ lha reg bcas rtsom bskul gnang zhing/ nye ba'i char yang
'jar man gyi yul nas brag g.yab ho thog thu rin po ches gsung
bris

@003b kyi lam nas bskul ma gnang ba'i thog /gam na yun ring nye
bar gnas pa dpal ldan nas kyang kho bo'i gnas tshul dngos mthong
dang/ gleng mo'i zhor 'phros su gang thos rnams gtsigs po cher
bzung nas

brjed tho bkod 'dug pa rnams snga phyi gung sdeb dang 'brel cha
tshang zhig dgos lugs nan bstud rna bsun che ba bcas la brten/
sngon dus sde pa skyid shod pa'am stag rtse ba zhabs drung rdo
rje rnam rgyal dang/

bka' blon dga' bzhi ba rdo ring bstan 'dzin dpal 'byor/ bka'
blon mdo mkhar zhabs drung tshe ring dbang rgyal sogs sde dpon
mi
drag 'gas kyang so so'i lo rgyus yi ger bkod pa'i glegs bam dag

mchis par dpags na/ rang gi ngang tshul gsong por brjod pa la
'gal ba cher med 'dra snyam ste/ ma rig pa dang mngon par 'du
byed pa'i dkar nag las kyis nye bar bskyed pa'i bde sdug dus
bzhi'i nam

zla res mos su shar zhing/ mi tshe hril po chos par brdzus te dal
'byor stong zad byas tshul dang/ mtshan ldan dge ba'i bshes gnyen
sangs rgyas dngos 'dra du ma'i drung nas zab rgyas mdo sngags
kyi chos

@004a @#/ /tshul ji ltar nod pa'i tshul dang/ de ltar gang nod pa
rnams thos lo tsam las rang gi rgyud steng du khel ba'i nyams
len blo gdengs khel ba 'di byas sne gcig tsam ston rgyu

med kyang/ ji skad du/ 7rgyal mchog bskal bzang rgya mtshos/ sems
dang dam chos 'dres pa'i yon tan gyis dbul yang/ /gzhan la thar
lam ston pa'i 'gro don gyi go thugs

brnyan/ /rang gzhan gnyis ka ngal ba'i rgyu tsam du 'dug pa/
/rang mgo rang gis g.yogs pa'i snang tshul 'di skyo ba/ /zhes
gsungs pa ltar sgra sdud 'phrul 'khor dang/ ne tso'i ma

Ni bzhin don gnyer can rnams la 'chad spel cung zad bgyis tshul
sogs mdor na/ bod mkhas pa mi pham dge legs kyis/ snying la rab
zhi'i nags tshal bkod kyang deng/ /tshul

chos khrims kyi 'khar ba 'khyog po zhig /gtad nas rang gzhan
mnyam du bslu ba'i thabs/ /brtse med las kyi byed pos bdag la
sbyin/ /zhes gsungs pa ltar/ chos brgyad dkar

@004b nag khra gsum gyi 'khor lo bskor nas rang g.yengs gzhan
bslu'i bya bar gzhol te chos med sgren mo lag pa stong par
'phyan pa'i lo rgyus rang blor gang nges rnams ma byung byung
tshul dang/ ma byas

byas tshul gyi slad pa med par rags rim tsam yi ge'i ris su spros
med lhug par 'god na 'di lta ste/ de yang nged rang gi skyes yul
ni 'phags mchog phyag na padmo'i gdul zhing/ bod ljongs

chol kha gsum gyi ya gyal dbus gtsang chos kyi chol kha la ru
bzhir phye ba'i dbu ru skyid shod tshal gung thang zhes pa sngar
zhang 'gro ba'i mgon po g.yu brag pa zhes tshal pa bka' brgyud
kyi bstan

pa'i srol 'byed de nyid 'khrungs shing/ gnas der dgon pa phyag
btab nas bshad grwa rgya cher 'phel te/ 'jam mgon tsong kha pa
chen pos gdan sa ri bo dge ldan phyag 'debs ma mdzad gong du

sang bde gung gsum/ dga' skyor zul gsum zhes dbus kyi chos sde
chen po drug tu grags pa'i nang tshan/ tshal gung thang zhes grags
pa der yin/ tshal pa khri dpon gyi mnga' thang rgyas

@005a @#/ /skabs tshal du dbus gling dang/ yang dgon zhes pa'i
grwa tshang gnyis/ gung thang du chos khri dang/ gzim khang shar/
chos 'khor gling bcas grwa tshang gsum

sogs chos srid gang ci mi dman pa yod 'dug kyang/ rjes sor tshal
pa khri dpon gyi mnga' thang nyams pa dang/ rab byung dgu pa'i
me yos/ phyi lo chig stong lnga brgya bdun gyi lor gung

thang du me skyon byung ba bcas kyis gung thang du gtsug lag
khang dbus ma dang/ lha chen thub dbang/ zhang rin po che'i
snang brnyan/ gdung rten bkra shis 'od 'bar/ mgon po phyag bzhi

pa'i sku sogs rten gsum byin can 'ga' shas/ chos khri dang/ gzim
khang shar zhes pa'i grwa tshang chung du gnyis tsam las chos
srid gang thad nas nyams chag chen por song ba 7rgyal mchog
lnga

pa chen po'i skabs zur chen chos dbyings rang grol gyis 'dzin
bdag bskyangs/ de rjes dga' ldan khri thog lnga bcu pa a mdo
bya bral dge 'dun phun tshogs kyis dga' ldan du 'jam mgon

@005b bla ma'i dngul gdung la gser gyis bstums pa'i legs skyes
su rgyal po lha bzang gis gung thang gtsug lag khang rten dang
brten par bcas pa dang/ grwa tshang gnyis/ mchod thebs/ sa khang
mi nor bcas

pa'i bdag dbang 'bul gnang mdzad 'dug pa'i stabs kyis khri chen
gung thang pa zhes grags shing/ rje bstan pa'i sgron me sogs
yang srid rim can la'ang gung thang tshang zhes mtshan yongs
grags
kyang/

khri chen de nyid kyi yang srid rim byon rnams a mdo bkra shis
'khyil du bla brang rgyun chags mdzad stabs sa khang 'gyangs
pas
gung thang gi bla sa 'dzin skyong ma gnang bar gzhung sa mchog
la phyir 'bul mdzad 'dug /

rjes sor 7rgyal mchog bdun pa bskal bzang rgya mtsho'i skabs
7rgyal dbang mchog gi sku zhang sngags rams pa bsam gtan rgya
mtsho zhes 7rgyal dbang sku na phra skabs bdag gces sri zhu dang/
klog gi slob

dpon chabs cig mdzad po de nyid dang/ sku tsha dar han mkhan po
dge slong skal bzang yon tan can tsha rigs brgyud bcas la mthong
bzos bdag rkyen du gung thang gtsug lag khang mchod gzhis
yong

'bab dang bcas pa gtan 'jags su gsol ras gnang zhing/ phran gyi
skyed byed tshe ring don grub de nyid kyang gong gsal 7gong sa
sku phreng bdun pa chen po'i zhang tshan gyi rigs brgyud pa
bsnyon med
@006a @#/ /yin la/ gung thang bla brang gi mi ngo yig rtsis legs
shing srid kyi bya bar brtan brling tshod che sgam pas tshal gung
khul du tshang mas brtsi mthong cha 'jog gis blo gros 'dri yul
lta bu zhig

yin tshod 'dug cing/ skyed byed de nyid la thog mar blangs pa'i
mchis 'brang der rigs brgyud ser byes bra ti kham lung khri
sprul gtsos pa'i bu lnga dang/ bu mo gnyis bcas byung rjes sku
zla sngon ma de bzhin 'das grongs song

'dug /bar der bran mo zhig dang 'dus pa las dga' ldan phu khang
mkhyen rab sprul sku btsas/ gong gsal bu lnga'i tha chung de
rang lo nyi shu skor son skabs gung thang nang gong zhes pa'i
khyim tshang nas phran gyi skyes ma tshe

ring sgrol ma bag mar bzhes 'dug kyang/ bu de nyid lha sar
bskyod skabs shig la skyid chur chu rabs bcad skabs chus 'khyer
gyis 'das grongs song ba'i shul lus mna' ma skyed byed pha de
nyid nas bdag nyar mdzad de bu che ba

nged rang dang/ de 'og bu mo 'jam dpal chos 'tsho/ bu chung ba
sle lung sprul sku'i yang srid red zer ba gcig bcas ming sring
gsum byung ba'i thog ma/ nged rang ni pha chu yos lo pa tshe ring
don grub de nyid dgung grangs lnga bcu nga

dgu'i skabs dang/ ma tshe ring sgrol ma shing phag lo ma rang lo
nyer bdun du son pa gnyis kyi bur sngon bsags legs byas bzang
po'i mthu las phyi lo chig stong dgu brgya gcig /rab byung bco
lnga pa'i lcags glang zla ba gsum pa'i

@006b tshes bcu gnyis res gza' mig dmar/ zla skar dbo 'char ba'i
snga dro nyi ma rtse shar la ma'i mngal las btsas yod tshod 'dug
/gung thang bla brang zhes gtsug lag khang dang/ chos sde grwa
tshang gnyis kyi 'dzin skyong gnang dgos gshis bla sa'i

ming gi rjes 'brel mi ngo'i gras nas gzhung zhabs ser mo ba re
dgos stabs de sngon rtse mkhan mgron che ba byams pa bstan
rgyas
zhes pa sogs byung zhing/ de rjes nged rang gi dran thog tu'ang
mkhan drung gung thang pa bstan 'dzin dbang po zhes pa'i

gzhung zhabs snyan grags can zhig byung ba red/ phran gyi gcen
mo rgan pa skal bzang sgrol mar sger khe smad pa'i sras rin chen
dbang rgyal zhes pa go mag tu bzhes te gzhung zhabs shod drung
zhus rjes khe smad dang/ gung thang bla brang skyid

sdug 'dod bsgril gyis khe gung zhes btags shing/ mi ngo gzhung
zhabs ser skya gnyis ka lha sar las khungs su rtag bcar dgos
stabs phran rang lo gsum bzhi'i skabs lha sar sa cha spus gzigs
kyis kun bzang rtser grags pa'i

gzim shag ar po gsar rgyag gnang 'dug /phran rang lo gsum tsam
gyi skabs mkhan drung bstan 'dzin dbang po dang/ skyed byed dam
pa gnyis kyis khur bzhes kyis gung thang gtsug lag khang steng
shod par gsum/ yang steng du

^rgyal ba'i gzim chung/ phyi khyams shag 'khor dang bcas pa
nyams gso rgya cher gnang ba dang/ sa skya'i phun tshogs pho
brang gi bdag chen 'dzam gling che dgu dbang 'dus zhes pa gung
thang du gdan zhu gnang ste tshe dbang dang/ byad

@007a @#/ /dgrol bcas zhu gnang mdzad de tshe ril dngul thur nang
gnang ba dang/ byad dgrol skabs slang nga'i nang me spar te de'i
steng mi ngo tsho phar 'gro tshur 'gro byed dgos pa/ tshwa tshwa mgo
thog bzhag cing de'i

steng bum chu blugs nas khrus gnang ba/ sa skya'i bdag mo bgres
song zhig gis nged rang sku pang du bzhes te gces skyong che
mdog gnang ba sogs da lta'ang dran gyi 'dug /rjes sor phran rang
lo so bdun skabs gtsang khul gnas

mjal du bskyod skabs sa skya phun tshogs pho brang gi nang rten
du gong gsal tshe dbang zhu sa'i bdag chen de nyid kyi gdung gi
sgal tshigs mtho gang lhag tsam me tog padma'i gzugs su rang
byon
ngo mtshar can phebs pa mjal rgyu 'dug /phran

tsho'i gong ma blo bzang tshul khrims dpal ldan de nyid dbon ston
skyer sgang pa'i gdung brgyud du phyi lo chig stong brgyad brgya
sum cu so dgu /sa phag lor stod lung rags skor du sku bltams
shing/ phyi lo chig stong brgyad brgya dgu

bcu go drug me spre lor dga' ldan gser khrir phebs te phyi lo
chig stong dgu brgya pa lcags byi lor khri pa'i mdzad khur
bskyangs mus thog /^rgyal dbang sku phreng bcu gsum pa thub
bstan rgya mtsho chos 'khor rgyal du chibs bsgyur

skabs sngar srol ltar yar lam dga' ldan du chibs bsgyur mdzad
gtan khel bar brten/ ^rgyal ba'i phebs bsu zhu ba sogs kyi slad
du zla ba gsum pa nang lha sa nas chibs rags sku 'khor dang dbu
gdugs ser po sogs

@007b snga srol bzhin dga' ldan du phebs skabs gung thang bla
brang gi lcang gseb yod sar phebs pa dang sa cha 'dir ngal gsos
te cung zad bzhugs kyi yin ces gsungs par/ zhabs gras tshos chibs
rags sku 'khor sogs yod bzhin

du grong sde'i nye 'khris su rang sar bzhugs na e 'grigs zhus
par/ ci skyon 'di rang la cung zad bzhugs kyi yin gsungs te
chibs bshol gyis cung zad bzhugs te/ sa cha 'di'i khul du ngo
shes shig yod na dga' ldan du

yar mar 'gro dus tsha bab rgyag sa yag po yong ba 'dug ang/ zhes
gsungs shing/ de nas dga' ldan du ^rgyal dbang mchog mdzad sgo
rnams grub nas rgyal du chibs bsgyur zin mjug khri chen de nyid
sku khams rnyog tshul

bzhes mus kyi ngang la dga' ldan gling gi zhabs bskor du nyin
ltar phebs dus zhabs stegs khri'u shing/ zhal skyems chab tshan
sogs 'khyer te gdan zhu bya dgos yod pa'i thog lcags byi zla ba
bzhi pa'i tshes nyer lnga nyin zhabs bskor du

phebs te khri thog khang du 'khor nye'i mtshams chos ra'i ltag
sgo'i 'grams der zhabs stegs thog bzhugs te zhabs gras rnams yod
sar phyag mdzod sngags rams pa rgyud stod blo bzang bstan dar
la
zhal phyogs te mi 'dis rtsad chod

yong zhes sogs bka' mol mang tsam gsungs mthar/ zhal nub
phyogs
kyi nam mkhar gzigs te/ ha ha/ zhes bzhad gad dang bcas dga'
ldan/ dga' ldan zhes gsungs mur sa gnas de rang la glo bur du
dgongs pa zhi

@008a @#/ /dbyings su gshegs shing/ de 'phral bsam gling dge
bshes nyi mtsho 'phrin las kyis khru te sku gdung khri thog khang
gi rje'i gzim chung 'od gsal phug tu gdan drangs/ zhag bdun
phrag gcig ring gdung

mchod zhus rjes dga' ldan 'gog ri'i rgyab tu sku gdung me mchod
zhugs 'bul zhus par/ pur khang steng gi sman rtse'i gdugs de
zhugs me'i dud pa dang rlung gis ded pa lta bus nam mkha'i
dbyings mthon por 'phags rjes gdugs

dang dud pa gnyis ka nub phyogs su dengs shing/ zhag bdun song
rjes pur khang zhal phye skabs sku gdung nas thugs ljags spyan
gsum me ma bzhes par bzhugs yod 'dug pa cha phreng pas gzhis
dgon du gdung rten bzhengs rgyu'i

nang gzungs su 'bul rtsis kyis gdan drangs kyang/ rjes sor cha
phreng ba dang rgya mi g.yul 'khrugs skabs cha phreng bas thog
mar thugs ljags spyan gsum la khrus gsol zhus pa'i khrus chu
btung bas mtshon 'gog thub pa byung

stabs thugs ljags spyan gsum mtshon srung du cha bgos kyis za ba
sogs byas 'dug gshis/ phyag mdzod sngags rams pas rjes sor cha
phreng ba tshe nga'i bla ma'i snying za mkhan yin ces skyon brjod
kyang mdzad kyi 'dug /de

nas phyag mdzod sngags rams dam pa dang/ phyag rogs spyi zur
legs bshad rgya mtsho zhes pa khri chen gong ma'i sku tshar 'gro
ba de gnyis nas dgongs rdzogs mchod sprin bsgrub rgyu dang/
yang
srid gsar 'tshol gnang rgyu'i thugs

@008b 'gan rkang bzhes kyis ^gongs skyabs mgon chen por yang
srid myur byon gyi gsol 'debs bka' rtsom skyabs bskul zhus par
^gong sa mchog nas 'khrungs khang yab gzhis glang mdun du
bzhugs
'jags skabs 'phral mar stsal

'dug cing/ de nas nged rang ma btsas pa'i sngon tsam la gung
thang bla brang gi spro khang lcang gseb nang kham sdong zhig
la
dgun dus su me tog shar te kham 'bras sum cu skor brtsegs mar
ma
smos lo thog 'dra ba byung yod tshod 'dug pa

dang/ btsas rjes gom pa 'dor thub min tsam gyi skabs nas lha sku
rten gsum la dag snang che mdog dang/ rdor dril rnga sbug sogs
mchod cha'i rigs la dga' snang dang grwa rigs la dga' zhing/
tshogs gral du sdod pa/ 'don

pa'i lad mo byed rgyur dga' mos byed pa sogs kyi bya spyod gang
ci phran bu'i bdag chags bzang pa'i rnam pa byung yod tshod 'dug
par brten dga' ldan lho pa'i dge bshes gung thang bla brang gi
zhabs rim mdzad por yang yang phebs mkhan

mchod gnas shig yod 'dug pa des gung thang bla brang du khye'u
ngo mtshar can zhig 'dug pa de dag khyed tshos sprul sku'i yang
srid ngos 'dzin gnang skabs 'os 'char khongs su 'jug gnang gis
brtag zhib gnang na legs tshul gsungs

par brten/ sngags rams dam pa de nyid dang khri pa'i skabs kyi
dbu gdugs pa cha phreng dge bshes sa dul dge 'dun grags pa can
skyid shod tshal gung thang du khye'ur brtag dpyad slad thog
mar
phebs skabs/ nged rang ma ma'i rgyab

@009a @#/ /tu 'khyer te lcags ri'i phyi rol tu yod skabs dang
'khel te 'phrad par dge 'dun grags pa zhes skad 'bod chen po
byas yod 'dug par brten phyag mdzod sngags rams pas de ga gung
thang bla brang gi

zhabs khongs su dge 'dun grags pa zer ba'i ming can zhig yod med
'dri rtsad gnang bar de rigs gtan nas med ces zhus par/ ya mtshan
skye bzhin pa'i thog khong tsho nang du 'byor mtshams slar yang
nged rang nas dge 'dun grags

pa'i pang par phyin te rkang pa brkyangs nas khrus shig ces lab
par/ khong rang de sngon rje gong ma zhabs 'bam bsnyun skabs lab
khus zhabs bsil zhu mkhan yin 'dug stabs sngon gnas rjes dran
byung ba lta bur mngon te mig nas

mchi ma'i thigs pa brul bzhin par rkang mthil la lces 'dag gin
khrus 'phyis byas pa da lta'ang dran gyi 'dug mod/ stes dbang
stabs 'grigs tsam las nged rang la ni sngon gnas kyi dran bsam
gang yang ma mchis/ bla

brang gi she ma bkra shis don grub zer ba mdun g.yogs gsol dpon
rgan pa lha'u dang/ dpal ldan gnyis kyi skyed byed de bzhin rje
gong mar dad zhen che bas khong rang lha sar yong zhor tshal
gung
thang du sprul sku zhig yod tshul go thos

kyis rtogs zhib ngos 'phrad du yong ste gung thang bla brang gi
gzim chung rab gsal nang gral mjug tu bsad yod pa'i sar nged
rang nas thog rgyug gis Tam dkar gcig 'khyer te she mar sprad pa
dang/ she mas len tshod ma things par

@009b phyir sprod byed skabs pha dam pa des 'di khyod rang la
bus sprad pa red nyar na 'grigs zhes gsungs pa zhig blo la nges
kyi 'dug /^rgyal dbang sku phreng bcu gsum pa chen por yang srid
skor thugs dam thog mar phul ba'i bka' lan du/

chu stag zla ba gnyis pa nang lha ldan lho brgyud du rtogs zhib
bgyis/ zhes phebs 'dug pa de skabs a ma lags lha sar phyag
bskor gsog sbyong du phebs te lha sa'i gtsug lag khang gi lho
brgyud khang gnyer a khu 'phrin las lags

zer ba'i las shag tu gnas tshang g.yar te bzhugs skabs su 'khel
yod 'dug /yongs 'dzin phur lcog byams pa rin po cher thugs dam
phul ba'i bka' lan du/ gdan sa dga' ldan nas brtsis pa'i nub
phyogs thag mi ring

ba zhig tu mchog sprul zhal gzigs yong ngo shar zhes pa dang/
dga' gdong chos skyong la lung zhu thog ma 'bul skabs bka' lung
la/ gan d+ho la yi shar phyogs 'dab 'brel mtshams la ma ming sgrol
ma'i mtha' can khye'u lcags

glang lo bar rtogs zhib chugs/ zhes dang/ yongs 'dzin gling sku
gong mar thugs dam phul ba'i bka' lan du/ sku gsung thugs yon
tan 'phrin las dang bcas pa'i sprul pa lnga tsam yod pa'i nang
nas thugs kyi sprul pa lha

ldan lho phyogs dang thag mi ring ba'i sar yod ngo shar/ zhes
dang/ ^rgyal dbang sku phreng bcu gsum pa chen por khye'u rtags
mtshan phran bu bzang rigs 'ga' shas kyi ming tho dang bcas thugs
dam gnyis pa phul ba'i bka' lan

@010a @#/ /du; gung thang gi mtshe ring sgrol ma'i khye'u lcags
glang lo bde bzhin khri chen gong ma'i skye srid du ngos 'dzin
bgyid na bzang bar babs/ zhes dang/ dga' gdong gi bka' lung
gnyis par/ ma tshe

ring sgrol ma'i khye'u lcags glang lo pa dam pa'i skye sprul
ngos su 'dzin pa de rang la zhus chog /ces dang/ gnas chung chos
skyong la khye'u'i ming tho dang bcas lung zhu phul 'dug par/
gung thang ma tshe ring sgrol ma'i khye'u lcags

glang lo pa zhes pa'i ming thog tu chos skyong rang nas phyag
tham phab 'dug /phyag mdzod sngags rams pa sogs kyis thog mar
brtag dpyad ngos 'dzin gnang skabs khri chen gong ma'i bsnyen
rdzogs kyi 'bral dpang thub sku dang/

phyag phreng/ mchod zhal bcas ngo ma dang ngo 'dra re bcas
nged
rang la bstan skabs 'bral dpang thub sku ngo ma lag tu blangs te
thub sku'i dbu kha nang du 'jug rtsis byas 'dug par khong tshos
nged rang nas bstan pa'i bdag por khas

blangs pa lta bu'i rten 'brel du rtsis 'dug pa dang/ de bzhin
mchod zhal ngo ma blangs/ phyag phreng ngo 'dra de bzhin lag tu
blangs tsam byas rjes phar bzhag nas ngo ma lag tu blangs te
phyir ma sprad par bdag nyer byas yod 'dug

stabs khong rnams yid ches chen po byung yod tshod 'dug /bar
skabs der cha phreng stod shog cha gong be mda' khro rtis tshang
zhes par khye'u rtags mtshan bzang ba zhig byung ba de dag cha
phreng ba tshos yul zhen phyogs ris kyis khri chen

@010b gong ma'i yang sprul du ngos 'dzin bya 'dun snying la
brnag ste/ tshal gung thang khul du phyag mdzod rdzong zur legs
bshad rgya mtsho'i phrug gu yod pa sprul skur ngos 'dzin byed
rtsis yod skad mi bden brdzun bsgrigs kyis gtam 'khyar 'phrin

lan yar mar bskur res byas mthar cha phreng dgon pa nas lha sar
phyag mdzod sngags rams dam pa dang/ rdzong zur legs bshad
rgya
mtsho gnyis la/ nga tsho'i bla ma'i yang srid cha phreng rang du
yod pas gung thang bu lir bdag po sprad mi

chog ces pa dang/ gung thang gi sprang phrug ngos 'dzin byas na
mi 'grigs/ lar nas khri byang bla brang gi rgyu dngos zog gsum
cha phreng dgon yul nas bdag sprod bya rgyur khyod gnyis kyis
dbang 'dzin byas mi chog ces pa sogs yi ge

tsha nan snga rjes bskur ba ma zad/ dga' ldan dang/ se ra'i cha
phreng mi tshan so sor yang de don gnas tshul btang bar brten mi
tshan tsho'i nang nas kyang 'ga' zhig gis bla ma 'khrul med cig
byung na 'thus pa las/ yul phyogs

sogs la khyad par med lugs brjod mkhan phyogs gcig dang/ mang
che bas cha phreng du yod pa'i khye'u de rang ngos 'dzin byed
dgos zer mkhan bcas phyogs gnyis su gyes pa sogs kyis 'then
'khyer gleng brjod sna tshogs byung bar

brten smon lam skabs lha sa'i bla brang du dga' ldan shar rtse
grwa tshang gi mkhan po las sne dang/ rdo khang khang tshan/ bsam
gling mi tshan bcas kyi tshogs 'thus rnams tshogs 'dzoms kyis bshad
sbyang nyin bstud byas mthar 

@011a @#/ /^rgyal dbang mchog gis dbus pa'i bla lha'i lung brtag
dgongs don gzhir bzhag gis ngos 'dzin bya rgyur thag gcod byas
te phran la ngos 'dzin byed rgyur gros 'chams byung 'dug /skabs
der cha phreng

dgon yul nas shag la btang ba'i yi ge snga rjes dang/ der la na
ji song gi zin bris yig khag dang/ ^ gong sa mchog gis dbus pa'i
bla lha khag la lung brtag phul ba'i lung zhu khag /yang srid
nges rnyed 'byung slad zhabs rim rgya che

bsgrubs gnang dang/ khri chen gong ma dgongs pa rdzogs nas
nged
rang ngos 'dzin bdag sprod kyis grwa sar chos zhugs ma zin bar
gyi lo rgyus yig cha bcas phyogs bsdebs kyis shag gi yig cha'i
gras su thugs nyar mdzad 'dug pa dus phyis

bar chu bzang ri khrod du yod/ lha sar gros 'chams thag gcod
'brel kho bor sprul sku ngos 'dzin gyis gong ma'i khrir bkod
byas rung/ cha phreng rang du yod pa rnams bar gnas nyung shas
tsam las/ mang che ba 'dzin stangs sngar rgyun

dam bzung gis ngo rgol bya rtsis byas kyang/ shing sbrul lo mjug
nas rgya mi'i dmag dpon gra'o er phung ngam gra'o rta rin gyi
rgya dmag khyon che lhags te li thang dang/ 'ba' chos sde dgon
sogs yul dgon mang po dang/ lhag par

cha phreng dgon du yun ring dmag 'thab rjes me rta zla ba bzhi
pa'i tshes bco lnga nyin dgon pa shor nas skya ser mang po 'das
grongs song zhing/ lhag lus grwa pa dang/ yul mi skyes pa tshang
ma nags gseb tu bros yib kyis bsdad de rgya mir

@011b dmag 'thab yang yang rgyag res byas mthar sa rta zla ba
bzhi pa'i tshes bco lnga nyin dgon pa'i 'du khang gi gyang hrul
nang mang ja thog mar tshugs thub tsam byung ba las/ bar lam lo
bcu gsum ring dgon yul tshang ma lhings 'jags ma byung stabs

lha sar bsnyon 'dzugs kyi spros pa yang rang shugs kyis yun ring
bag la zha/ sa rta lo der kho bo dge bshes lha rams ming btags
kyi mtshams su son zin cing/ mi mang gang 'tshams shig tshur blo
sna rim 'gyur zin yang be mda'i phyogs kyi

sde tshan 'ga' shas nas rjes sor kho bo lo nyer brgyad du son pa
sa 'brug lo'i nang bar du rnyog ma bskyar slong gi bya ba snga
phyir byung ba rnams 'og tu rim par gsal zhing/ 'on kyang las
'bras kyi mtha' 'di khyab 'jug lag pa stong du sprul

pas kyang bsgyur du mi btub pa'i ngang tshul der zad/ rang lo
bzhir son pa shing 'brug zla ba dang po'i tshes nyer gsum nyin
nged rang skyes yul gung thang nas lha sa khri byang bla brang
du thog mar bsu len byas/ de nyin lha sa smon lam chen

mo'i mjug tu dga' ldan khri rin po che lha sa'i skyid chu'i chu
rags la sngar srol rab gnas mdzad sar rtse shod drung 'khor sogs
chibs zhabs rgyas spros dang bcas phebs te rab gnas grub nas
phyir phebs gnang ba dang/ nged tsho yang de'i

phebs rjes bskyod pa ma bsgrigs lhun 'grub kyis khri rin po ches
phebs bsur byon pa lta bu'i rten 'brel gyi la nye bzang po byung
song zhes skabs der gleng 'dug pa dang/ bla brang gi sgo 'gram
du slebs nye'i mtshams gro 'thag pa'i do 'khyer bu mo

@012a @#/ /zhig gis gro ril do gcig rgyab tu 'khur yod pa la rta
rags 'khor tshogs mang po yod stabs ltad mor yengs te do 'khyer
thag pa lag nas shor te gro do rgyab nas lhung ste/ bla brang gi
sgo 'gag tu gro rnams

phal cher bo bas der yod bsu bskyel byed mi tshang mas gro sbar
ba gang tsam re phud gtor gyis rten 'brel du brtsis par brten
gro'i bdag por bla brang nas gro rin slog cha gnang dgos byung
'dug /shag tu slebs 'phral tshom chen du

bzhugs gral mdzad sgo byas song bar phyogs gtsang gi stabs sam
gang ltar khri'i kha phyogs byang la bstan 'dug cing/ dga' bsur
phebs pa'i dga' ldan gyi bla ma las sne rnams byang nas lhor
gzigs te gral 'khod kyis

bzhugs 'dug par/ rje gong ma dang dam sel yod pa'i cha phreng
gzim 'gag khams phrug ces pa'i shag tshang gcig gyur shar rtse'i
gnyer tshang sde pa las thog pa mkhas grub zer ba blo'i 'dzin
stangs gzhan du gyur ba zhig

bzhugs gral du yod par/ nged rang nas khong gi gdong la bltas te
mdzub mo 'gram pa'i ngos su btsugs te ngo tsha bskul ba'i stangs
ka byas yod 'dug gshis/ der yod rnams ya mtshan skyes shing/ sdeb
khong rang bzhin

mdog 'gyur te ngo gnongs kyi rnam pa bstan yod skad/ de rjes
nyin shas song mtshams nas sngags rams dam pa dang/ rdzong zur
legs bshad rgya mtsho sogs dang bcas bskyod de chu bzang ri
khrod
du thog mar 'byor skabs

@012b ri khrod kyi gnas bla 'brom stod dge bshes rin po che zhu
ba bgres song dbu skra dkar po brjid nyams can ^ skyabs rje rdo
rje 'chang pha bong kha pa mchog dang gsung chos phar 'bul tshur
zhu gnang res yod mkhan des mtshon dge slong bgres nyams

can mang pos chos gos snam sbyar dang/ ri khrod paN zhwa bzhes
te bsu ba ser sbreng gnang byung/ tshom chen du bzhugs khri shar
bstan gyis rgyab 'dug pa'i khri steng 'khod rjes gsol ja bzhes
'bras dang/ dge slong tshos gnas

brtan phyag mchod dang 'brel ba'i brtan bzhugs kyi rten 'brel
gnang byung bar/ gnas bcu'i phyag chas kyi gras ne'u le gos chen
gyis bzos pa snying rje po gcig 'dug pa nged rang nas nyar te
yud tsam ma sprad pa da lta'ang dran gyi

'dug /de nas nyin bcu skor song rjes phyag mdzod sngags rams dam
pas sngar gyi lo tsA ba tshos tA la'i lo mar bris pa'i rgya dpe
slob sbyong gis bod du bstan pa spel gnang mdzad pa'i rten 'brel
yod ces byang shing chung chung gcig

ched bskrun gyi steng dbu chen gyi ka li sum cu dang/ brtsegs
'phul 'dogs can gyi yi ge cha tshang dang mjug der/ mi yi mig gis
ri yi sprin 'di rig /btsun chung chung chung bum chung 'bum
chung khur/ /bande re res se bre re re

'khyer/ /sogs tshig 'ga' shas shig bcas bri gnang mdzad de de'i
steng nas gtsug lag kun gyi ma mor gyur pa yi ge'i phyi mo sum
cu klog bslab kyi 'go 'dzugs gnang byung bar/ nged rang nas ka
mad sum cu cha tshang nyi ma gcig

@013a @#/ /po de rang la yig ngo shes pa byung song bas dam pa de
nyid nas mnyes tshor chen po gnang ba ma zad/ rjes sor mi gzhan
dag tshor sprul skus ka kha nyin gcig la shes pa red ces ngo so
bskyon nas

gsung gi 'dug /de nas brgyad stong dang bka' gdams bu chos gnyis
kyi steng nas yi ge gzab ma dang/ paN chen chos rgyan gyi dngos
slob bka' chen nam mkha' rdo rje'i gsung lam rim bris ma yi ge
shar ma bsdus

yig ha cang mang ba pod gcig bcas kyi steng nas sbyor klog yun
ring slob gnang mdzad pa'i drin gyis rjes sor yi ge gzab shar
gang yin khyad med nyin re po ti re klog 'don bde blag tu thub
pa byung/ chu bzang ri khrod du sdod

skabs phyag mdzod rdzong zur legs bshad rgya mtsho lha sa nas
ma
phebs gong nas rdzong sku zhabs phebs kyi 'dug ces lab par de
rjes rdzong sku zhabs phebs pa dang/ nyin gcig snga dro tsha
rting tsam la lhun grub shi song zhes

brjod pa ltar/ rjes sor mal gro bya ra mdo'i gzhis sdod ban log
lhun grub zer ba g.yog rnying zhig dus tshes gong gi nyin par
'das grongs song 'dug tshul ngo mtshar che che mor bzung nas
sngags rams dam pas bsnyel tho gnang

'dug /byis pa'i kha the rang gis bskul te kha nas gang thon
smras pa mo ston phag mgo'i dpe ltar byung ba zhig las/ da nang
zas zos pa'i rtug pa do nub sa 'dir gtong gi tshod kyang mi shes
pa zhig gis ma 'ongs pa'i lkog gyur ga la

@013b shes/ nged rang lo ngo lnga la slebs skabs skyed byed pha
tshe ring don grub de nyid byang rtse chos rje mkhyen rab yon tan
rgya mtsho dpal bzang po'i drung nas dge tshul slong gi bslab sdom
zhus te rgan zhugs gnang bar mkhyen rab chos 'phel

zhes pa'i mtshan yang gnang 'dug cing/ skyed byed de nyid nas ma
tshe ring sgrol ma dang nu mo 'jam dpal tshos 'tsho/ ('di rjes sor
dga' ldan gser khrir phebs) de 'og bu chung bcas ma bu gsum la
'tsho rten sa zhing sogs gnang ste gung thang chos 'khor gling
zhes par

zhang po chos khri'i dge slong rgya mtsho lags kyi bzhugs gnas
nye 'gram du zur 'jog gnang 'dug /phran rang lo drug tu son
skabs der chu bzang ri khrod du bstan gling de mo rin po che
mchog lde 'chang blo mkhas lags kyi bzhugs gnas su

phebs shing/ nyin gcig blo mkhas lags nas phran tsho'i shag tu
gdan zhus kyis phran dang/ de mo gnyis thog ma'i mjal 'phrad
byung bar gnyis ka na mnyam yin pa dang/ bzhugs sgrom gcig gi
nang du mnyam por bsdad

pas de skabs dga' sdug gi rgyu mtshan ci yang med par de mo dang/
nged rang gnyis kas mig chu btang ste phran bu ngus 'dug par/
phran tsho'i phyag mdzod sngags rams dang/ bstan gling lde 'chang
blo mkhas rnam gnyis kyi

gzigs snang la bstan rgyas gling bla brang dang/ phran tsho'i bla
brang gnyis khri chen byang chub chos 'phel gyi dus nas bzung
chos srid gnyis kyi sgo nas ha cang 'brel lam zab mo yod pa
dang/ de mo sku gong ma bod kyi rgyal po gnang

@014a @#/ /mkhan de dag ^rgyal dbang bcu gsum pa chen po'i bka'
bkyon phog nas khrims mun du bzhugs te sku tshe rdzogs dgos kyi
sku ngal byung ba sogs sngon gnas rjes su dran te phran gnyis
nas mig chu btang

bar dgongs 'dug pa stes dbang gis de 'dra zhig byung ba tsam
las/ phran rang la de 'dra'i snang ba gang yang ma mchis/ sngon
bsags bsod nams kyi phung po med mi dman pa dang/ smon lam gyi
'brel ba stobs mtshungs su

dar ba'i mthus gser gyi pha bong sgo rtsar 'gril ba'i ngang tshul
ltar ^ skyabs mchog rdo rje 'chang pha bong kha pa dpal bzang po
mchog kyang chu bzang ri khrod du phyag phebs te/ nged tsho'i
shag gi chos ra'i spro khang du bzhugs 'jags

mdzad cing/ de nas chu byi lo'i mjug bar lo bdun ring de gar
gtan bzhugs mdzad/ de skabs bla ma rdo rje 'chang dgung grangs
nyer dgur phebs pa rgyud stod nas dgongs zhu mdzad 'phral yin
'dug cing/ zhabs zhur sku mched

bgres pa gsol dpon lags zhes pa rjes sor phyag mdzod sku bgres
ngag dbang rgya mtsho zhu ba de dang/ zhol bkras khang nas
zhabs
phyir phul ba blo bzang zer ba de gnyis las med/ se ra nas rgyal
rong dge bshes tshangs dbyangs zer ba

gsol tshigs bzo mkhas pa zhig skabs re yong nas nyin re zung
bsdad cing/ khong nas ma byan gtong gi 'dug /gung sprul rin po
che mkhyen rab dpal ldan bstan pa'i nyi ma dang/ phan po gangs
skya rin po che/ mi nyag ri khung rin

@014b po che zhu ba khams pa'i bla ma zhig dang/ chu bzang gnas
bla ma 'brom stod dge bshes rin po che sogs skabs re zhal 'dzoms
kyis gsung chos phar 'bul chur gsan mdzad pa dang/ se ra sogs
nas phebs pa'i dge 'dun nyi shu sum cu

yas mas la gsung chos skabs re gnang ba/ de dag gi bar mtshams su
sku mtshams bcad rgya yang yang mdzad cing/ bcad rgya grol rjes
spyin sreg re mdzad kyin 'dug par thab thig bskyon rgyu dang/
rdzas cha bshams rgyu/ chu bzhi

dkrugs 'bul sogs thams cad bla ma rin po che nyid rang gcig pus
mdzad kyin 'dug cing/ kho bo lo na phra stabs ltad mo dang
sbrags te rdzas yar 'bul mar zhu sogs mchod g.yog zhu rgyur
gsol dpon lags dang hab thob rgyab

res byed kyi yod/ bla ma rin po che de skabs phyag dpe khyon
'bor che tsam las de min sku chas cher med pas grwa rkyang dkyus
las drag tsam zhig ma gtogs mi snang/ nged rang snga dro'i dpe
cha slob sbyong zin nas nyin mo'i gung tshigs bar

du gung seng yod stabs chos ra'i nang du rtsed mor 'gro zhing/
zhar dang zhor du ^skyabs mchog rdo rje 'chang gi zhabs drung
du
bskyod nas byis pa'i snang bas gus bkur sogs gang yang med pa'i
mnyam 'grogs kyis sku mdun der gung

thang dkar me'i 'chams dang/ me tog mchod pa'i 'chams yin zhes
'chams 'khrab pa dang/ skabs re sku pang du nyal nas rtse ba/
rdo rje 'chang ri mo 'bri gnang mkhas gshis shog bur ri mo sna
tshogs 'drir gzhug pa dang/

@015a @#/ /gsol tshigs kyi skabs 'khel tshe bzhugs gdan thog mnyam
bsdad mnyam zos byed pa sogs ha cang thugs bsun bzos kyang/ bla
ma rin po che thugs gshis ha cang 'jam pas thugs tshom

'khrugs kyi rnam pa ye mi mdzad par dgyes brtses skyong gnang
mdzad kyin yod pa da cha bsams tshe ^pha bla ma bka' drin mtshungs
med chen po'i zhal snga nas zab rgyas kyi gdams pa du ma zhig
nod/ sgrub pa nyams len gyi sgo nas bla

ma'i bzhed dgongs sgrub ma thub kyang/ me khyer nyi gral du
rlom
pa'i ngang tshul bzung ste/ a pha'i skad du dang/ kha chems
rlung la bskur ba'i dpe ltar pha bla ma'i gsung gi lad mor bzlos
te byang chub lam rim gtso bor gyur pa'i

mdo sngags kyi chos 'chad spel gyi gzugs brnyan yang gang 'tshams
shig byas/ bla ma rdo rje 'chang gi yang srid mchog sprul rin po
che de nyid spyi sgos bstan pa'i sku gegs bdo ba lta bus glo bur
zhi bar mnal ba ma gtogs thog

mar sprul sku ngos 'dzin nas bzung dge bshes lha rams dam bca'
ma grub bar du lugs gnyis gang thad nas rang nus gang yod kyis
zhabs 'degs zhu rgyu byung ba sogs la bsams tshe 'di phyi'i legs
tshogs ji snyed pa'i rten

'brel gyi rtsa ba bla ma'i rten 'brel la rags las par gsungs pa
ltar byis pa bsam med kyi tho co'i spyod pa de dag log lam du ma
'phyan par legs phyogs su song 'dra snyam/ sngags rams dam pa
nas dpe cha blo 'dzin gyi

@015b thog mar 'jam dpal mtshan brjod 'dzin du 'jug gnang gis
bzung zin mtshams nas snga dro tshar re chag med 'don 'jug gnang
mdzad cing/ 'jam dbyangs dmar ser gyi sgrub thabs nyung du zhig
blo 'dzin gyis a ra pa tsa dang/

shes rab blo 'phel gyi gzungs bzlar 'jug gnang byung bar/ shes
rab 'phel ba'i re bas ma bskul dwang blang gis a ra pa tsa snga
dgong tshang mar 'bad nas bgrangs te rim pas 'bum gcig longs nges
bsags/ skabs

shig se ra nas gcen po bra ti khams lung rin po che chu bzang du
phran ngo 'phrad la phebs te ka kha'i klog dpe ser byes dpar ma
dpe ring zhig gnang byung ba/ khong gi dgongs par ka kha'i klog
gzhi nas bslab rgyur yin tshod dgongs

'dug kyang/ kho bo chos spyod 'don cha'i rigs mang po dang/
mngon rtogs rgyan yang phal cher blo 'dzin zin stabs khams lung
rin po che zhal skyengs dang dgyes mnyes gnyis ka byung song/ lo
tshod de tsam la dpe cha blo 'dzin

de tsam zin pa dka' mod/ sngags rams dam pas zhi drag skabs su
gang babs kyis skyong tshul shin tu bzang ba dang/ nged rang yang
dpe cha blo 'dzin byed skabs bzung rgyu'i tshig de'i don dngos ma
shes rung blos byas kyi go

ba zhig blangs te bzung na lam seng blor 'jags pa zhig yod
gshis/ sngags rams dam par tshig de'i go don bslab rogs zhus nas
blo 'dzin byed pa sogs rgyu rkyen rten 'brel legs 'dzoms shig
byung bar gda'/ 

@016a @#/ /rang lo bdun la son pa me lug zla ba bzhi pa nang
sngags rams blo bzang bstan dar mchog dang/ mdzod pa spyi zur
legs bshad rgya mtsho/ dga' shar rdo khang pa cha phreng nyi mtsho
'phrin las bstan

'dzin dang/ gnas nang 'bras zhing dge bshes/ gsol dpon phun
tshogs sogs dang bcas chu bzang ri khrod nas thon te phan po rgo
la brgyud glang thang gi lha khang du zhag sdod byas/ de nas
chag la'i la rgyab ste phod mdo brgyud

rwa sgreng dge 'phel gling du 'byor/ zla ba bzhi pa'i tshes
brgyad nyin rwa sgreng sku phreng bzhi pa rje btsun ngag dbang
ye shes bstan pa'i rgyal mtshan dpal bzang po zhal snga nas kyi
drung nas dge bsnyen dang/ rab byung dge tshul

bcas kyi bslab sdom nod/ blo bzang ye shes bstan 'dzin rgya mtsho
zhes pa'i ming dang/ mtshan dpe'i nyams kyis sgeg pa'i ri dwags
mig /ces sogs kyi ring 'tsho'i smon tshig nyams 'gyur legs pa de
bka' rtsom gyis

gsol ras stsal zhing rgyan 'jug gnyis kyi bklag lung yang bka'
drin thob/ tshes bco lnga nyin rwa sgreng khor yug mchod pa'i dus
chen 'khel bas gos sku zhal dbye dang/ gar 'chams sogs mjal
zhing/ de skabs

rwa sgreng gi rten gtso jo bo 'jam dpal rdo rje sogs gtsug lag
khang le lag dang bcas pa'i gnas mjal zhus te stong mchod cig
kyang phul/ rwa sgreng gi nye skor rtse nya ri khrod/ yang dgon
ri khrod/ btsun dgon bsam

@016b gtan gling sogs mjal te bsnyen bkur mchod 'bul zhus/ sngar
chu bzang du klog bslab pa'i skabs bka' gdams bu chos tshar gnyis
dag thon bklags pas rgyal bu dkon cog 'bangs kyi rnam thar blo
nges yod stabs rwa sgreng gi

gnas kyi khyad chos rnams dkon gnyer nas gnas bshad 'go smos
tsam nas lam seng ngo 'phrod rgyus yod kyis 'di dang 'di red
snyam pa blo la 'char byung/ lar nas de sngon bu chos klog
sbyong skabs thog mar sngags rams dam pas

rnam thar gyi lo rgyus rnams nas 'ga' shas ngo sprod 'grel bshad
gnang bar brten/ de rjes rnam thar 'phros rnams klog skabs tshigs
bcad brjod don go sla'i rigs dang/ rnam thar lo rgyus byings
phal cher lam rob tsam rang stobs

kyis go thub cing/ de mtshungs chos spyod blo 'dzin skabs kyang
spyod 'jug smon lam gyi tshig zin gyi don rags pa rnams phal cher
lam tsam rtogs kyi yod pas lo tshod la dpags pa'i shes rab dga'
mo yod tshod 'dug /rwa sgreng du

sdod rgyun ring rwa sgreng bla brang nas gzim chung bar thog gi
rab gsal zhig tu 'jog gnang thog ngo g.yog tshang mar 'tsho ba
nar gtong gis sne len zab rgyas gnang byung/ tshur lam stag lung
dgon du zhag gcig bsdad de gtsug lag

khang steng shod kyi gnas rten zhib mjal dang/ der 'brom ston
gyi sku brnyan dbu skra 'khrungs bzhin pa ngo mtshar can bzhugs
pa yang mjal/ de nas thang sag dga' ldan chos 'khor sogs phan
po'i gzhung lam brgyud 'brom

@017a @#/ /stod du slebs rwa sgreng bla brang nas zho mang po
gnang ba ra rkyal du blugs te lam bar zho zan zos kyin 'brom
stod bar ldeng pa byung/ de nas chu bzang ri khrod du 'byor/
phran rwa sgreng du ma bskyod gong tsam der

skyed byed dam pa de nyid sku tshe'i 'du byed btang rjes mkhan
drung bstan 'dzin dbang po sogs mi ngo skya ser tshang ma lha
ldan kun bzang rtser gtan bzhugs kyis gung thang du ngo tshab
gzhis sdod 'jog gnang mdzad cing/ gung bla'i gzhis sdod

gsar pa pha dam pa'i sku mched a ne g.yang 'dzoms lags dang
de'i bza' zla khams rigs 'ba' pa a pho lags zer ba gnyis nas
kun rtse'i sku ngo drung che bstan 'dzin dbang po dang/ khe smad
sras rin chen dbang rgyal sogs la a

mar rgyu dngos lkog gsog mang po yod tshul gyi dbyen dkrugs
phra
ma sbyar thog /gcen mo lcam skal bzang sgrol mas kyang char pa
chu grogs kyi phan char med khar me 'bar shing bsnan gnang
rkyen
nyin gcig glo bur gung thang chos 'khor

gling du a ma'i sdong khang la a pho lags yong nas khang par
sgo rgya thel bsnan byas te ma mas gsum phyir bton gyis nyin
zhag gang 'tshams ring zhang po rgya mtsho lags nas lto ster
mnyam
sdod bya dgos sogs rje btsun mi la'i ma yum

nyang tsha dkar rgyan dang/ sring mo pre ta mgon skyid kyi gnas
tshul dang phyogs 'dra'i nye ba dgrar langs kyi dka' ngal chen po
byung 'dug /de'i gnas tshul shag nas go thos byung 'phral phyag
mdzod spyi zur legs bshad rgya mtshos

@017b kun rtse'i sku ngo rnam pa'i sar ngo bcar mes tshigs mer
gtugs kyi rgyu rkyen rim zhus mthar/ sgo rgya slod dkrol thog
dngos zog zhib bsher byed skabs gzhis sdod pas zhus dbang ltar
gyi rgyu dngos lkog gsog med pa'i bden pa gsal

thon byung 'dug /a mar dka' ngal byung skor gyi gnas tshul chu
bzang du thos skabs skyo snang gi sems ngal che tsam byung/ lo
de'i dbyar gnas skabs dga' ldan du sgrigs zhugs bya rgyur brten
zla nag gi sgrib bcos dang/

spom gta' sgam bcings sogs gza' skar gyi sgrib gto'i rigs rtsis
gzhung nang gsal ji dgos rnams sngags rams dam pa dkar nag gi
rtsis la byang chub par song gshis de nyid nas mdzad song zhing/
zla ba bdun pa'i tshes

gsum nyin sngags rams de nyid dang/ phyag mdzod spyi zur/ bstan
gling lde 'chang blo mkhas/ skyabs mgon rtse'i sku tshab rtse
mgron byang chub nor bzang bzang sogs rta rags gzab mchor
dang
bcas lha sa'i bla brang nas thon cing/

gung thang bla brang nas sdod sgrig bdag sprod bya 'os che yang
a ne g.yang 'dzos can gyi byed las stabs bdag sprod med gshis/
gung thang chos khri grwa tshang gi yang steng du zhag gcig
bsdad/ de nyin nged rang gi rtar gser sga dang

ze long khebs sogs rgyan spros dang/ nged rang la'ang rta
'phying pho rog mig dang/ zhwa mo thang zha sogs g.yog ste gzab
spros rgyab rgyu byung bas phrug gu'i snang bas dga' tshor skyes/
de'i phyi nyin gung thang nas thon te bde chen

@018a @#/ /gsang sngags mkhar gyi rgyud smad grwa khang yang
steng du zhag gcig bsdad/ gsang sngags mkhar grwa tshang nas bsu
ba sne len gzab cing de khul dkar nye khag nas rten 'brel mjal
dar dang dngos skyes

sprod mkhan 'ga' shas byung/ de'i sang nyin dga' ldan zhol srong
mkhar ba'i lcang gseb tu dga' ldan rdo khang bsam gling mi tshan
gyis sdod sgrig gur dang/ bza' btung sogs kyi gra sgrig gnang
'dug pa der zhag gcig bsdad/

de'i nangs par nyi ma rtse shar skabs thon te gser khang gzhis
kyi g.yul kha'i nang rdo khang khang tshan gyis thab bsu'i gra
sgrig zab rgyas gnang 'dug pa der 'byor 'phral khang tshan dge
rgan dang tshogs 'du ba sogs mang po phebs 'dug pa

nas/ ja 'bras dang/ rten gsum mjal dar sogs gnang/ de'i nyin
sngon ma rnams su rdo khang khang tshan dge rgan ha cang rlung
lang po phrug gu tshor brdungs brdeg lam seng byed mkhan zhig
yod
lugs kyis rdzig gtam 'jigs

snang mang po bskul byung bas de nyin khang tshan rgan ngo ma
grwa pa rgya bo ngo nag stod sbog rgyangs pa zhig 'dug pa
mthong
skabs kha sang khong tshos brjod pa ltar yod mdog mi 'dug snyam
ste 'jigs snang ma byung/ de nas gtsang thog tu

'byor skabs shon 'bag thang du dga' ldan shar rtse grwa tshang
gis thab bsu'i gur sogs gra sgrig rgya che gnang 'dug cing/ der
dga' ldan shar byang gi mkhan po las zur rnams kyis mtshon bla
spyi dang/ grwa tshang gnyis/ khang

@018b tshan khag bcas pa'i bla sprul las sne che chung phal cher
bsu sar phebs pa thab bsu'i gur sgo'i 'gram du mjal dar bsnams
te gral sgrigs kyis bzhugs 'dug /de khongs dga' byang khri dwags
rin po che mjal ma thag ngo sprod ma dgos

par 'di khri dwags rin po che red snyam te sngar nas ngo shes
yin pa zhig 'phrad pa lta bu byung/ der bzhugs gral sar shar
rtse grwa tshang nas gsol ja dang/ bzhes 'bras/ mjal dar rten
gsum/ bla spyi/ grwa tshang bcas kyis rten

gsum mjal dar sogs gnang/ de nas thab bsur phebs pa'i bla sprul
las sne rnams gzab mchor dang bcas rta rags gral sgrig gis lhan
phebs gnang zhing/ 'brog ri sgang du dga' ldan bla spyis thab
bsu'i dbu gur sogs

gra sgrig gnang 'dug pa der gong bzhin gral 'khod thog /gsol ja
bzhes 'bras/ mkhan po gnyis nas bla spyi'i mjal dar rten gsum
sogs gnang zhing/ de nas gral rim gyis thon te dga' ldan mdun
gyi tshogs chen chu 'gor

'byor nye'i mtshams nas shar byang grwa tshang gnyis kyi dge 'dun
khyon che ser sbreng gral sgrig gis bzhugs 'dug /chu 'gor slebs
mtshams rta las babs te khang tshan nas phyag gdan stan dmar ba
ting 'dug pa'i steng dgon par kha phyogs

te brkyangs phyag gsum 'tshal rjes shis brjod kyi 'thor nas gtor
ba sogs sngar srol rnams sngags rams dam pas slob gnang bzhin
byas/ de nas phebs bsu ba rnams kyis spos sne dang bcas rdo
khang khang tshan gyi 'du khang du 'byor

@019a @#/ /te gral 'khod thog /bla spyi/ grwa tshang/ khang tshan
khag bcas nas legs so'i rten 'byung gi rten gsum mjal dar gnang
rjes/ khang tshan nas bzhugs gral du yod tshad la gsol ja/ bzhes
'bras/

dkar spro/ gsol tshigs sogs gsol ston rgyas par phul song zhing/
de skabs mtshan nyid slob gnyer ba gnyis nas bgro gleng brgal
brtags kyi tshogs langs kyang byas song/ bzhugs gral grol nas
khang tshan yang steng bla

brang shag tu 'byor/ der yang spyi sger mang po zhig gis gsol
'bras rten gsum mjal dar sogs gnang byung/ de dag zin nas khang
tshan thog kha'i seng g.yab khar bskyod de mdun du blta skabs
tshogs chen chos ra dar chen dang

bcas pa mthong tshe de sngon chu bzang du yod skabs dga' ldan gyi
gleng mol byung dus nged rang gi yid ngor 'di 'dra zhig yod kyi
red snyam pa'i snang ba shar ba'i rnam pa de rang ji lta ba
bzhin 'khrul med du 'dug /nyin gcig dga' ldan khri

chen las thog pa tshe smon gling sku phreng gsum pa blo bzang
bstan pa'i rgyal mtshan gyi zhabs drung du mjal khar bcar rjes
shar rtse mkhan po phu khang blo bzang mkhyen rab kyi sku mdun
du khang tshan dge rgan gyis sne khrid byas te sngar srol gsar

mjal du bskyod/ de nas tshogs chen dang grwa tshang bcas par mang
'gyed bsnyen bkur dang 'brel chos zhugs dngos gzhi'i rten 'brel
bgyi skabs tshogs chen du khri rin po che tshe smon gling pa tshogs
mgon du spyan 'dren zhus te nged rang

@019b nas rten gsum mjal dar sogs phul/ ^skyabs mgon rtse'i sku
tshab nas gsol ja dngul dam dang/ dkar spro lnga brtsegs phyag
mdud bcas stsal rjes bla spyi/ grwa tshang/ khang tshan khag
/gzhan yang dkar nye khag gis rten 'byung

legs skyes rgya che bstar zhing/ ^skyabs mchog rdo rje 'chang
pha bong kha pa mchog nas kyang zhabs gras ched gtong gnang
ste
rten 'byung mjal dar dang gos chen gyon ldeng sogs gsol ras bka'
drin stsal/ shar rtse'i chos gra legs

bshad kun sgrog gling du thog mar zhugs skabs sngags rams dam
pa
de nyid kyi thugs bzhed ltar ka To ra sogs kyi yol gor shing
'bras sna tshogs phyur bur bkang ste tshogs phebs dge 'dun yongs
la 'thor 'grems gnang song/ de

nas nyin ltar tshogs chen mang ja dang/ grwa ja/ lhag par snga
dgong chos ra bcas pa'i tshogs su chag med bskyod cing/ chos
spyod zhal 'don gyi rigs mang che ba de sngon nas blo 'dzin zin
stabs mkhan brgyud gsol 'debs dang/

dgong mo sgrol 'don skabs kyi cha gsum cho ga tsam ma gtogs
phal
cher blo thog nas mnyam 'don thub kyi yod/ 'di skabs nyin gcig
bka' zur bshad sgra ba phran sar phebs kyi 'dug ces shag tu brel
zing che tsam byung song ba de

'phral sku ngo sku sha 'byor po dbu skra cher med cing gang yod
lcang lo'i lan tshar byas pa/ na bza' gos chen sngo skya'i tshal
phyu bzhes pa rdzig po zhig phebs te mjal dar sogs legs skyes
phyag rtags stsal byung/ nged rang ni na tshod phra

@020a @#/ /stabs bka' mol gang yang zhu ma shes par tsog ger
bsdad cing/ sngags rams dam pa dang bshad sgra ba gnyis sngon
nas thugs 'dris yod 'dug stabs de sngon gyi lo rgyus bka' mol
yun ring gnang

mthar/ bshad sgra bas/ a yod nang gi da yod/ sgo nga'i nang gi
ser ril zer ba bzhin nga tsho dga' ldan pa'i gtsug rgyan lta bu
yin gshis slob gnyer la brtson 'grus yag po dgos tshul gyi bka'
slob mang po phran la gnang

byung/ bshad sgra tshang spyir dga' ldan pa'i mchod sbyin rnying
khungs thun mong ma yin pa dang/ yang sgos rdo khang khang
tshan
gyi yon bdag gtso bo zhig yin 'dug stabs 'di skabs tsam ma zad/
rjes sor srid blon mdzad de ^rgyal

dbang mchog dang lhan du dga' ldan la chibs bsgyur nam mdzad
skabs kyang phran sar ngos 'phrad du phebs kyi yod/ bshad sgra
ba dpal 'byor rdo rje zhu ba 'di ni khong dang/ zhol khang pa/
chang khyim pa/ hor khang pa bcas pa zhi

bka' blon mdzad khur gnang bzhin pa'i skabs/ chu yos lor ^rgyal
dbang sku phreng bcu gsum pa chen pos nges don du dgongs gzhi
dgos pa khyad par can zhig yod pa gzhir bcas kyang/ thun mong
snang tshod du sku bcar zhabs

'bring re zung gis dbyen sbyor g.yo zhu'i stabs kyi sa bod
ljongs tshogs 'du brgyud chab srid kyi zhu sgo 'thus tshang ma
byung ba'i bka' nan phebs te nor gling pho brang du do dam btson
'jug mdzad cing/ de skabs hor khang pa gsang bros

@020b kyis skyid chur lcebs/ bshad zhol chang gsum las zhabs
chabs cig gnas dbyungs kyis sger gzhis so sor bsdad 'thus stsal
te bshad sgra ba kong po o rong du bzhugs dgos bka' bcad mdzad
rjes shing 'brug lor in ci'i dpung

dmag gtsang phyogs nas chu shur du 'byor rkyen ^rgyal dbang
mchog glo bur rgya sog yul grur chibs bsgyur mdzad cing/ de'i
shul rgya dpon am ban krang rtA rin zer ba lha sar 'byor de/ ?
de sgra bar khyod rang lha sar yong ste gzhung gi zhabs

'debs sgrub dgos tshul gyi bkod rgya nan bstud btang bar brten
kong po nas phebs te dga' ldan zhol bshad sgra 'og tu bzhugs
shing/ am ban la nged rang thog mar ^rgyal dbang rin po ches
bka' bcad gnang ste phyir 'bud gnang ba'i mi

red/ da cha rgyal khab tu bcar na ^rgyal ba'i bka' dang 'gal
gshis mi 'grigs pas 'di ga bshad sgra 'og tu sdod kyi yin ces u
tshugs kyis bzhugs bzhin pa'i skabs yin 'dug /rje rin po che'i
rnam thar sogs sngon gyi yig rnying

rnams su sha ra hor zhes gsal zhing/ rjes sor bshad sgra sde
srid kyi skabs tsam nas bshad sgra 'og pa zhes ming legs bcos
btang tshod 'dug /gang ltar rje bdag nyid chen po'i yon bdag
rnying khungs yin par snang ste bshad sgra 'og tu

rje'i gzigs dpe bka' 'gyur sogs nang rten 'gangs che mang ba
dang/ dga' ldan chos rgyal khang gi nang mchod kyang nyin
bstar
'bshad 'og nas 'bul srol sogs snang/ de nas ring por ma song bar
rgya nag nas ^rgyal dbang mchog lha

@021a @#/ /dgongs gsal dwang
gis bka' rgya stsal te bshad zhol
chang gsum la srid blon gyi go gnas gzengs bstod bsko gzhag
mdzad stabs sku ma gshegs bar du chab srid kyi khur bzhes gnang
song/ dbyar gnas

grol rjes dga' ldan nas thon te mar lam bde chen gong ko tshang
nas mkhar rab shan kha'i mdun spang steng zhig tu tsha bab kyi
gra sgrig byas 'dug par khyug tsam bsdad rjes bde chen gsang
sngags mkhar gyi bla brang du zhag sdod/ de skabs rang

khongs bde chen la mo rtse'i gzhis sdod dang/ de min 'brel yod
khag nas rten 'byung dngos skyes bstar/ de nas mar lam gung
thang chos khri ba'i chab zhugs gtong skabs 'khel 'dug pas sbyar
rag gling khar tshogs gur phub ste dri med kun

ldan gyi rtogs brjod las brtsams pa'i lha mo'i zlos gar 'khrab
ston 'dug par khyug bskyod tsha babs dang 'brel ltad mo cung zad
bltas te de nyin phyi dro lha sar slebs byung/ de dus lha mo'i
zlos gar mthong ba'i thog mar song gshis lha

mor bltas te sdod 'dod kyi sems 'phreng tsam byung/ lha sar
slebs nas 7skyabs mgon rtser gsar mjal mjal phyag zhu dgos pa
7gong sa 7rgyal dbang mchog rgya sog yul gru nas phyir zhabs
'khod rgyur brten rtse'i gzim chung nyi

'od du bzhugs khri chen po'i drung sngar srol ltar zhus shing/
de 'brel 7rgyal tshab dga' ldan khri zur blo bzang rgyal mtshan
rin po che lha ldan rme ru grwa tshang gi yang thog tu bzhugs par
yang gsar mjal du bcar/ de nas chu bzang ri khrod

@021b du 'byor rjes phran tsho'i shag gi chos ra'i nang tshogs gur
phub ste phran dga' ldan du chos zhugs zin pa'i dga' ston rten
'brel mtshon byed du 7skyabs mchog rdo rje 'chang pha bong kha
dpal bzang po mchog dbu bzhugs thog gnas bla 'brom stod dge

bshes rin po che dang/ ri khrod kyi spong ba bsam gtan pa dge
slong ji yod gdan zhus kyis nyin gnyis ring spro seng gsol ston
phul song zhing/ de mo rin po che dang nged gnyis khe gtsang la
gur chung zhig zur du phub ste rtsed mo'i dga' ston

nyams su myong/ sngags rams dam pas 7skyabs rje rdo rje 'chang
pha bong kha pa chen por 'jam dbyangs chos skor gyi rjes gnang
cha tshang zhu bskul mdzad par de sngon 'jigs byed sogs bla med
kyi dbang chen thob myong med kyang/ bla ma rdo rje

'chang nas rten 'brel slad dmigs bsal gyis rjes gnang cha tshang
stsal byung bar/ lo na phra stabs gsung bshad gzhan rnams ma
nges kyang chos rgyal rjes gnang gnang skabs sngar tho yon bla
ma don grub rgyal mtshan gyis chos rgyal rjes gnang

skabs phyag mtshan dbyug to ma 'byor bar brten khol rtse ya gcig
rtser mog mog bkon te thod dbyug gi tshab mdzad de rjes gnang
gnang ba'i lo rgyus gsung ba dang/ chos rgyal rjes gnang skabs
de de bzhin du bgyi'o zhes rjes zlos 'ga'

shas byas pa blo la nges kyi 'dug /yang nyin gcig phyag mdzod
sngags ram dam pas zhu bskul gnang ba ltar 7skyabs mchog pha
bong kha mchog shag tu gdan zhus kyis rten 'brel gyi slad du zhi
rgyas dbang gsum gyi sbyin sreg thab thig slob khrid bskyangs

@022a @#/ /byung bar/ dbang gi thab thig phran bu mgo rnyog che
tsam las de min lam seng shes byung/ gong du gsal ba'i 'jam
dbyangs chos skor gyi rjes gnang de dag skabs der bla ma rdo rje
'chang nas rten 'brel dgongs gzhi

dgos pa khyad par can la dgongs te dmigs bsal gzigs bskyangs
kyis stsal ba yin na'ang/ rang gi rgyud tshod rang gis shes stabs
de tsam gyis chog par ma byas par rjes sor rang lo nyer gcig
pa'i skabs slar yang rje nyid kyi drung nas

'jam dbyangs chos skor gyi rjes gnang cha tshang bskyar zhu byas
pa yin/ de rjes sngags rams dam pa dang/ mdzod pa spyi zur gnyis
bka' bgros kyis gzhung chen slob khrid gnang mkhan gyi dge rgan
gcig dgos pa dga' shar grwa tshang khongs

nas slob gnyer bzang gras 'ga' shas kyi mtshan tho bzhes te
7skyabs mchog rdo rje 'chang pha bong kha pa mchog dang/ bstan
srung rgyal chen shugs ldan gnyis la lung brtag zhu gnang la
phu
khang snang bzang ba blo bzang tshul khrims zhal snga

nas de nyid la bzang phebs rtse mthun byung bar brten dga' ldan
nas gdan zhus kyis rdo bsam nyi 'tsho 'phrin las dang lhan cig de
lo zla ba bcu pa nang chu bzang ri khrod du phyag phebs shing/
gza' skar dus tshes dge ba dang bstun thog mar

gsol ja bzhes 'bras dang mjal dar sogs 'bul mtshon phran bu phul
rjes/ rwa stod bsdus gra'i dbu'i mchod brjod kyi tshig 'grel tsam
'go 'dzugs mdzad/ mngon rtogs rgyan cha tshang dang/ dbu ma 'jug
pa yang phyed lhag

@022b tsam sngon du blo 'dzin zin par brten rgyugs 'bul zhus par
bshes gnyen mchog dgyes mnyes chen po byung song/ rwa sgreng
khor yug mchod par sha ba dang/ g.yag gi 'chams ha cang
'khrugs
po rkang pa ya gcig sar 'dzugs kyis g.yas

skor g.yon skor dgu re brgya ba dgos pa zhig 'dug pa de'i lad
mo byas te/ rag gi me dkrug cig yod pa bzung nas sku drung der
'khrab pas rdza kho'i me phor zhig lto ba brdol shor song bas
cung zad skrag kyang de nyin thog mar song stabs kyis

bka' bkyon sogs ma byung/ de nas bzung rgan yongs 'dzin dam pa
de nyid nged rang dang lhan du rtag bzhugs bskyangs/ de lo dgun
chos skabs dga' ldan du bskyod de rwa stod bsdus gra'i steng nas
tshad ma'i rigs pa bsdus pa bsdus gra'i

rigs lam kha dog dkar dmar gyi rnam gzhag sogs sbyor ba brtsi
tshul rtags bsal 'go 'dzugs dang/ de nas rim bzhin gzhi grub/
ldog pa ngos 'dzin sogs nas bzung bsdus gra'i rigs lam chung
'bring che gsum lo bzhi'i ring

sbyong khul byas/ de lo nas bzung dge bshes ming btags ma zin
bar lo ltar dus bzhi'i chos thog so so dang/ gsang phu dbyar
chos/ lha ldan smon tshogs sogs la chag med 'gro bskyod byas/
/rang lo brgyad du son pa sa spre

zla ba drug pa nang dga' ldan gyi dus 'khor chog gra ba rnams
kyis zhu bskul ltar nges pa don gyi mkhas grub gnyis ldan gyi
bdag nyid chen po dga' ldan gser kong rdo rje 'chang ngag dbang
tshul khrims don ldan dpal bzang po'i zhal snga nas kyis

@023a @#/ /dga' ldan tshogs chen gyi 'du khang dkar mor dpal dus
kyi 'khor lo'i dbang chen sta gon dang bcas pa nyin gsum ring
stsal song ba'i skabs/ nged rang yang mgon po gang de'i zhabs
rdul utpal dmar

pos sgeg pa'i chos kyi rkang stegs dam par spyi bos 'dud pa'i
skal bzang mngon du gyur te dbang gral du chud cing/ chos zhu
ba
ha cang mang bas tshogs chen 'du khang nang du'ang ma gshongs
par
sgo 'phyor 'og sogs su sdod dgos byung

song bar/ nged rang dkyil 'khor gyi mdun der 'bras spungs sgo
mang 7skyabs rje khang gsar rin po che'i sku rgyab der sdod 'jug
gnang thog /bum dbang skabs dge tshul gyi khrus dkyil ras bris
kyi steng du 'jog gnang dang/ rten 'brel zhig

la dgongs pa yin nam gang ltar mig sman sbrang rtsir sbyar ba de
yang gsol ras gnang byung ba zhim drags nas lhag med du zos/
rtse rnam grwa'i dus 'khor ba 'ga' shas kyis gar chas bzhes te
bum pa bzung nas dbyangs dang bcas shis brjod

gsungs pa sogs ltad mo che zhing/ rdo rje 'chang de nyid nas
gsung chos skabs zab bshad rgya cher mdzad de skabs re spyan
chab bsil ba dang/ yang de 'phral bka' bkyon zhal shob sogs nges
med gnang gi 'dug pa mjal ba tsam

las lo na phra gshis dbang brda ni ga la 'phrod/ 'on kyang nyin
rjes mar da lam 'dir 'dus tshang ma dbang thob min la the tshom mi
dgos par nges par thob yod ces zhal bzhes dbugs dbyungs stsal
song ba sngon gyi grub chen rnams kyis

@023b 'gram lcag bsnun pa tsam gyis gdul bya'i rgyud smin grol
gyi ngang tshul dang mtshungs pa zhig bdag 'dra'i rigs la dka'
yang bla ma grub thob chen pos dgongs pa gtad pa'i mthus bag
chags khyad par can zhig bzhag par gor ma chag /rang

lo dgu la son pa sa bya lor dge bskos chos thog skabs grwa tshang
du bka' bcu'i ming btags kyi bsnyen bkur dang 'brel tshogs dbus
su sngar srol gzhung gang rung zhig gi bshad pa skyor 'bul dgos
kyi 'dug pa nged rang nas drang nges legs

bshad snying po'i dbu nas shog grangs gnyis tsam zhig blo 'dzin
gyis skyor bar 'jigs zhum rigs gang yang ma byung brten lo tshod
la dpags pa'i yag po byung song zhes tshang mas bsngags brjod
gnang gi 'dug /khang tshan dang mi tshan so sor

bka' bcu ming btags rjes 'brel gyi bsnyen bkur gtong sgo zab
rgyas phul/ bde chen ba lam shar gyi 'brog sa nas she ma bkra
shis don grub kyi bu lha bu lo ngo bcur son pa shag gi dge phrug
tu 'byor zhing/ nged rang gi rtsed mo'i rogs

zlar gyur/ de nas bzung bgrang bya re drug tu son te tshe 'phen
ma rdzogs bar du sdong po bkod pa'i mdo nas gsungs pa ltar/ gru
dang theg pa rdo rje ri 'dra'i brtul zhugs bzung ste mdun g.yog
tshul bzhin bsgrubs shing byas rjes drin du che/

de lo zla ba bcu pa nang 7rgyal dbang sku phreng bcu gsum pa
mchog rgya sog yul gru nas bod ljongs su chibs zhal bsgyur skabs
phan po dga' ldan chos 'khor dgon du dga' ldan khri rin po che
dang/ shar byang chos rje sogs kyis dbus

@024a @#/ /dga' ldan shar byang gi mkhan po/ bla sprul/ las sne
rnams phebs bsur bcar te phebs ston dkar spro rgyas gshoms zhus
song bar de skabs phran rang yang phebs bsu'i gras su bcar te
7rgyal ba'i gser

zhal dge legs kyi mtshan bzang dkyil 'khor yongs su rdzogs pa
gang de thog mar mjal ba'i skal bzang nyams su myong zhing/ de
nas khri rin po che sogs bla sprul las sne rnams lha sar phebs
ston dkar spro sogs kyi mdzad sgo'i sar

bcar gnang song bar/ phran rang lha sar 'gro 'dod byung rung lo
na phra bas mdzod pa rdzong zur gyi thugs 'dod ltar phan po nas
dgongs zhus kyis dga' ldan du phyir log /rang lo bcu la son pa
lcags khyi smon lam chen mo'i skabs

kun bde gling rta tshag sku phreng bcu pa thub bstan skal bzang
bstan pa'i sgron me rin po che smon lam dam bca'i mtshan btags
'khel gshis sngar srol 7gong sa mchog tshogs mgon spyan 'dren
gnang ba dang/ de mtshungs a mdo bkra

shis 'khyil kun mkhyen 'jam dbyangs bzhad pa sku phreng bzhi pa
skal bzang thub bstan dbang phyug nas kyang tshogs phebs spyan
'dren gnang stabs lha sde mi sde tshang mar 7gong sa mchog tshogs
dbus chibs bsgyur mdzad chen bskyang rgyu'i sta

gon gyi brel zing chen po byung song yang/ zla ba dang po'i tshes
gsum smon lam chen mo'i gral 'dzin gyi dgong ja tshugs shul du
lu'u cun rgya dmag khyon che glo bur lhags 'byor gyis lha sa'i
shar phyogs thal phung sgang du rgya mis me

@024b 'phen byas rkyen bod mi gcig gnyis tsam bsad pa dang/ klu
sbug rgyal sgo'i nye 'gram du smon lam spyi khyab pa rtse mgron
'jam dbyangs rgyal mtshan zhes pa de bsad/ phun khang gung bkra
shis rdo rje me mdas rmas skyon byung ba sogs kyis

tshang mar 'ur zing dngangs skrag ci che'i gnas su gyar zhing/ de
nub mtshan mo 7gong sa mchog ston 'khor hrag bsdus bcas rtse pho
brang nas nor gling brgyud glo bur rgya gar phyogs su gsang
stabs kyis chibs zhal bsgyur 'dug cing/

skabs de'i rgya mi'i sku tshab am ban lan zer ba sogs nas rgya
dmag gang 'tshams shig phebs rjes su bsnyegs gtong byas kyang chu
shur lcags zam gru khar spyan bsal gnam gang zhes pa rjes sor
tsha rong gi go mag tu phebs pa'i tsha rong zla bzang

dgra 'dul sogs nyung shas kyis gdong len byas te rgya dmag bkag
'gog thub ste phyir log bya dgos byung 'dug /de lo dge rgan
yongs 'dzin blo bzang tshul khrims zhal snga nas de nyid kyang
lha rams dam bca' 'jog gnang gis dge bshes

lha ram mkhas pa ang gnyis pa'i gzengs rtags thob song/ 7gong
sa mchog rgya sog yul gru nas chibs bsgyur bskyangs pa'i sku
skyes lta bur gzhung gnas nas dngul rkyang gi srang gang sgor
mo
dang thub bstan gser Tam zhes pa'i Tam dkar

dpar 'debs thog mar gnang ba'i gras nas smom lam chen mor dge
'dun rer dngul srang gsum re dang/ kha btags zub phyi re bcas
sku 'gyed stsal zhing/ kun bde gling bla brang nas dge 'dun rer
sku 'gyed dngul Tam dkar zho lnga re dang/

@025a @#/ /'jam bzhad bla brang nas Tam dkar zho gsum re phul
song/ smon lam skabs rgya mis 'khyams ra'i gseng g.yab kyi nag
rtsi'i steng rkang pa brkyangs bsdad thog tha mi kha 'then pa'i
lhag ro tshogs dbus su

g.yugs pa/ gsung chos ra bar khri rin po ches gsung chos stsal
skabs gsung ra'i mdun du rgya dmag ru sgrig gis bskyod cing rnga
brdung rol rtsed byas te dge 'dun la mi gus pa'i brnyad 'tshol
gyi rnam pa ci rigs byed kyin 'dug /

de lo gsang phur dbyar chos su bskyod de chos ra'i gseng dbar
mtshan nyid slob sbyong gi zhor sbyongs su sngags rams dam pa de
nyid nas phran dang/ rgan yongs 'dzin dam pa gnyis la skar rtsis
kyi slob khrid bskyangs bzhed kyis dgu mtha'

nas bzung ste sa ris 'bri sbyong 'go 'dzugs mdzad cing/ de nas
rim gyis lnga bsdus dang/ gza' lnga/ zhag gsum rnam dbye la sogs
pa'i skar rtsis kyi ri mo phal che ba slob khrid kyis rtsis
gzhong nang sa ris bri bsub byas te mdzub

mo rdol la khad tsam du a gsar gyis sbyangs kyang/ lo na phra
skabs su sbyangs pa dang de rjes chos gra 'grim rgyu dang mtshan
nyid skor blo 'dzin slob sbyong bya rgyu sogs kyis rtsis skor la
do snang ma byas par lus gshis da lta brjed nas bya lam

rjes med du song/ gsang phu dbyar chos su yod skabs a mdo 'jam
dbyangs bzhad pa gsang phur gnas gzigs su phebs shing de skabs
'jam dbyangs bzhad pa rin po cher lha sdod rgya mi am ban sogs
rgya phyogs nas mthong bzos

@025b che ba'i stabs kyis phebs sgrig zhu mi 'jam dbyangs bzhad
pa'i zhabs gras sngon 'byor nas gsang phu'i mi ser rnams la
rdzig gtam brdungs rdeg btsan bskul chen po byas gshis/ nged
tsho'i gnas tshang khang bdag sogs khral 'khri mi

ser 'ga' shas gsang phu'i mdun phyogs rgya ma nags ri'i gseb tu
nyin zhag gnyis gsum ring bros yib bya dgos byung song/ 'jam
bzhad rin po che gsang phur bzhugs zhag gcig mdzad de phyi nyin
phebs khar gtsug lag khang du gsang

phu bla khag bcu'i tshogs chen la sku 'gyed bod dngul Tam phyed
re gnang zhing/ grwa mang nas mjal kha zhus rjes lha sar phyir
phebs gnang song/ khong sku na bgres tsam zhal tshom dkar po
ring
po can bla chas thog gos chen ser po'i d+hA sgog rtse bzhes

pa zhig 'dug /lha sa ba sogs mang pos rgya mi'i bla ma red ces
skur 'debs zhu mus stabs kyis nged rang dad mos ha cang ma
byung
yang/ dus phyis brtag skabs rgya mi yod pa dang dus mtshungs
stabs 'khel tsam las bla ma skyon med tshad ldan yin

tshod snang/ ston dus bod dbus gtsang yongs la 'brum nad bag
khyab che bas dga' ldan du gtan sdod bgyis shing 7skyabs mchog
rdo rje 'chang pha bong kha pa mchog nas sna tshogs yum gyi sgrub
thabs dang sku brnyan tsaka li bcas chu bzang ri khrod nas

ched bskur gnang ste sna tshogs yum gyi bzlas bsnyen grangs gsog
dgos phebs bzhi nang bzlas pa 'bum phrag longs nges shig dang/
sgrol dkar tshe bsnyen 'bum gcig /dmigs brtse ma 'bum gcig bcas
rgan yongs 'dzin dam pa mchog 

@026a @#/ /dang lhan du grangs gsog byas/ de skabs lha 'brum
'brum bcos dang/ nad 'gog khab sman sogs deng sang lta bu med
stabs dga' ldan rang du'ang dge 'dun grongs tshab ha cang che bas
dur khrod du phung po sba sa'i

dur khung bru skabs phung po sngon ma thon te 'jugs mi rnyed pa
lta bu byung song zhing/ nged rang yang zla ba bcu pa nang 'brum
nad kyis zin te ngo gdong dang/ rkang lag la 'brum thor mang
thon gyis nyin zhag mang tsam na yang gtso cher bla ma rdo rje
'chang

gi bka' slob ltar bzlas bsnyen grangs gsog bgyis pa dang/ lhag
par rgan yongs 'dzin dam pa mchog des nyin zhag mang por sbrel
te mnal ye nas med par nad g.yog gces skyong gnang ba'i bka'
drin gyis 'brum nad las grol te dgun

chos tshugs skabs chos rar 'gro bskyod thub pa byung song/ de
skabs 'brum nad gzhi lci'i skabs shig rmi lam mam 'khrul snang
lta bu zhig la phran rang dga' ldan nyag rong la kha'i lam sked
du yod pa lta bu dang/ de'i thod nas dge slong

chos gos gyon pa 'ga' shas shig gis/ bu bu tshur shog dga' ldan
gnas su 'gro/ /zhes skyor te lag brda byed pa lta bu zhig byung
ba de skabs shi ba yin na dkor nag gis ma tshos stabs dga' mo
tsam yong rgyu yin pa 'dra/ de dang dus

mtshungs phran gyi pang par khyi phrug gam zhum bu lta bu'i srog
chags shig 'dug pa de dag bud med cig gis 'phrogs te 'khyer song
ba'i 'khrul snang zhig kyang 'char byung ba/ de ni phran gyi
gcung mo 'jam dpal chos 'tsho'i 'og ma sle lung

@026b sprul sku'i yang srid du ngos bzung ba'i bu chung zhig yod
pa de bzhin phran la gong gi 'khrul snang 'char ba'i nyin mor
gung thang du grongs 'dug pa phran gyi tshab tu phyin pa lta bu
byung 'dug /de dus phu khang mkhan po blo bzang mkhyen rab nas
rgan yongs 'dzin

mchog la 'brum nad na skabs thog mar 'om bu'i thang gtong dgos
pa dang/ lhags rlung lus la phog mi nyan pa rjes sor 'brum pa
rnag khug skabs spos dkar gyi dud pa gtong dgos pa sogs kyi man
ngag slob ston gnang 'dug pa dang/

nyin gcig 'brum bu'i thor pa rnams nang du brdibs te thor rtse
kong bur song zhing/ nyen cher gyar skabs rgan yongs 'dzin
mchog
la thugs tshab chen po byung 'dug cing rgan nas phu khang mkhan
por dgongs bskor zhu gnang la/ mkhan pos

phag sha lcug gcig bskur gnang gis de btsos nas phag tshil rkyang
pa bcad kham 'ga' shas ster dgos gsungs pa ltar/ gnang bas sang
zhog der thor pa brdibs pa de rang gi steng du mchod rten bang
rim 'dra ba'i thor pa nyis brtsegs shig thon te

de nas rim bzhin drag bskyed kyi ngo brtas/ nu bo chung ba 'brum
nad kyis grongs rjes a ma lags dang bu mo 'jam dpal chos 'tsho
gnyis rkyang par lus shing/ gung bla'i gzhis sdod a pho dang a
ne dbyangs 'dzoms gnyis nas rgyun

du sdang se ba zhig byas pas sdod zos ma bde ba sogs la brten/
mdzod pa legs bshad rgya mtsho nas bla brang gi khongs gtogs bde
chen kha rab 'og gong ko tshang gi pha bstan 'dzin bzang po dang/
bu don grub gnyis kyi mdun mar

@027a @#/ /a ma dang 'jam chos gnyis bskyal 'dug /rang lo bcu
gcig pa lcags phag lor lha ldan rme ru'i 'du khang shar du bde
yangs mtshan zhabs gnyal gra 'or mchog sprul bstan 'dzin 'phrin
las 'od zer rin

po che'i drung nas thu bkwan chos kyi nyi ma'i gsung 'bum bka'
rgya ma dang bcas mdo smad dpar ma pod bcu bzhi cha tshang gi
bklag lung stsal ba thob/ bstan rgyas gling bla brang dang 'brel
zab che ba'i babs kyis lo ltar de mo dgu 'chams skabs

mgron 'bod gnang ste bskyod bzhin par brten/ zla ba brgyad pa'i
tshes nyer dgu nyin de mo dgu 'chams blta sar bskyod skabs steng
thog rab gsal gyi dbus su de mo rin po che dang/ g.yas phyogs
der lo sems dpa'/ brag g.yab chung

tshang/ gtsang pa mkhan chen/ nged rang/ de mo'i yongs 'dzin bcas
yod cing/ g.yon phyogs su lan am ban gyis gtsos pa'i rgya mi'i
dpon rigs sna tshogs/ bka' shag zhabs pad rnam pa sogs mtho rim
rnams gzim

chung phan tshun gyi rab gsal nang dang/ gzhung zhabs byings
shag
'khor thog steng gur g.yab 'og 'khod 'dug /rab gsal nang rgya
mi tshos tha mi kha 'then pa'i du bas khengs pa dang/ dza sag
chos byang dgra 'dul lags zer ba des rgya mir

ngo srung dga' mdog chen po byed pa sogs mthong skabs nged
rang
mi dga' ba che tsam byung/ dgong dro lha mo dmag zor ma gtso
'khor gyi 'chams yar log skabs bstan ma bcu gnyis gras kong
btsun de mo sgo 'phyor 'og tu kha bub tu 'gyel ba

@027b ma zad/ am ban nas 'chams pa ba tshang mar kha btags re
g.yogs song ba lha sa ba tshos ngan rtags su brtsis song ba
ltar/ de'i phyi lor chu byi rgya dmag gi zing 'khrugs rkyen pas
bstan rgyas gling gi dgon pa rtsa 'thor du song/ de lo phran
rang

dbyar chos grol nas ston dus lha sa'i shag tu yod mus skabs rgya
nag tu gsar brje'i ngo log byung rkyen lha sar yang lha babs dus
chen nyin lha sdod rgya mi rnams rgya mi'i chab srid ring lugs
gsar rnying dbar nang 'khrugs byung ste nang khul gsod res

dang/ lha sa'i khyim tshang 'ga' shas kyi nang du'ang 'tshangs te
rta drel 'phrog pa sogs zang zing chen po byas rkyen rgan yongs
'dzin dam pa dang/ nged rang gnyis lha ldan spro khang lcog gi
shag chung zhig tu gnas g.yar gyis nyin shas bsdad/

skabs der rgya'i am ban lan zhes pa lha sa nas 'bras spungs su
gab byol bya dgos byung song/ lnga mchod gong tsam der dga'
ldan
du bskyod de sngags rams dam pa de nyid nas rgan yongs 'dzin
dang/ nged gnyis la gsang bde 'jigs gsuM

dang/ kun rig bcas kyi dkyil 'khor bri thig rnams thig rtsa ra
sprod dang tshon bkye cho ga sogs zhib cha dang bcas te slob
khrid mdzad cing/ sbyangs tshad kyang dga' ldan shag gi rtsig
ngos su gsang bde 'jigs gsum gyi dkyil 'khor cha tshang zhig rgan

rin po che dang nged gnyis kher rkyang gis tshon mdangs su spel
te gang legs shig bris yod pa rjes sor khang tshan tshogs khang
steng shod nyams gso'i skabs bshig 'dug /dgun chos skabs phar
phyin gyi gzhung gsar tshugs gzhung gsar

@028a @#/ /gyi 'dzin grar zhugs te phar phyin gyi gzhung la slob
sbyong 'go 'dzugs byas/ lha khul rgya mi'i zing 'khrugs dus gzir
gyis rkyen pas nyen kha che stabs rgan rin po che dang/ sngags
rams dam pa bcas nged rang rang lo

bcu gnyis su son rgyu'i chu byi lha sa'i smon laM du ma bskyod
par dga' ldan du bsdad cing/ de lo gzhung sa mchog nas gdan sa
so sor dge 'dun stong phrag re nyen srung du 'jog gnang gis smon
lam mang 'gyed kyi sku skal gnang song/ zla ba gnyis

pa'i tshes lnga'i nub mo rgya mis se rar glo bur dmag 'thab byas
rkyen gzhung gnas nas bka' rgya phebs dgongs bzhin dga' ldan
nas
ser dam gnyis brgya skor 'phral thon bya dgos byung song ba/
mgon khang khag gi spyan gzigs bod mda'

dang gri mdung sogs la dar tshon btags te 'khyer ba dang/ gyon pa
skya chas cha tshang med mkhan 'ga' shas kyis stod 'gag ring 'gag
steng phyu pa dang/ ko ba'i grwa lham gyon pa/ ras khra'i dpe
ras mgo dkris su byed pa sogs cha lugs

ya mtshan rnam pa sna tshogs kyis thon song/ se rar 'byor skabs se
ra'i dge 'dun bgres gras 'ga' shas kyis gdan sa gong gi dge 'dun
phebs byung zhes dpral ba gtugs te mig chu gtong ba dang/ 'ga'
shas kyis dbyug pa'i 'gor sha

gri lham sgrog gis bcings te rgya mi gang du 'dug nged kyis gsod
kyi yin ces sgur 'gros byed kyi 'dug ces zer/ rjes sor gzhung gi
dmag mi dang/ se ra ba/ dga' ldan pa bcas mnyam rub kyis rgya mi
se ra nas 'phral myur phyir

@028b 'bud lha sa'i lho brgyud bar ded 'dug /nged rang gi gsol
dpen lha bu sogs shag gi dge phrug 'ga' shas dang/ bka' 'gyur
klog mi dga' ldan pa brgyad gra gcig yod pa lho brgyud rgya 'og
tu zla shas ring tshud de za chas nyer mkho rdzogs thog

rgya mis dmag sa'i 'dzings rags shur 'dru sa dang/ rdo 'or 'dren
byed sar khral 'ded kyis lha bu sogs 'ga' shas la sgal rma yang
thon pa sogs khong tshor dka' ngal 'jigs skrag tshad med byung
'dug /de lo dmag zing gis rkyen pas

tshogs mchod dang/ gsang phu dbyar chos tshugs ma thub/ 'dzin gra
gcig pa'i chos grogs phu khang yar mi tshan khongs smar khams cha
shal khul kha po gze grong nang pa'i bu za 'bru dgon gyi gra
rigs ngag dbang blo bzang zhes pa rigs lam shin tu

byang zhing rno ba/ rang bzhin bzang po zhig yod pa khong rgan
rin po che'i dge phrug tu song gshis 'di lo nas bzung dge bshes
ming btags ma zin bar du bgro gleng gi rogs zlar rtag bsten
byas/ dgon du dbyar gnas skabs grwa tshang du rdo khang yang
steng

pa blo bzang chos grags zhes slob gnyer bzang ba zhig dang
mnyam
du nged rang nas phar phyin chos 'khor gyi gzhung las brtsams
pa'i tshogs langs kyi spyi bshad gus 'dud dang/ brgal brtag bgro
gleng sogs byas par gra ma 'grigs kyi rigs med pa

legs lam gang che byung zhing/ sngar srol tshogs langs kyi gtong
sgo che phra rnams kyang mdzod pa rdzong zur legs bshad rgya
mtshos khur blangs kyis gang rgyas phul song/ lha sar dmag
'khrugs skabs me sgyogs rgyab pa'i sgra skad dga' ldan

@029a @#/ /nyag rong la khar thos kyi 'dug /de lo gzhung sa mchog
gi bka' dgongs bzhin ^skyabs rje dga' ldan gser kong rdo rje
'chang chen po dga' ldan du phebs te yangs pa can du chos rgyal
khang mdun chos rgyal yang

gsang dug ri nag po'i gtor sgrub mdzad de khrom sgang du zor
'phen mdzad nyin der/ gser skyems bzhes sgra gsung shugs chen
pos gsungs pa rdo khang steng phran gyi shag tu thos kyi 'dug
/gzhan yang lha mo dang/ rta mgrin gyi gtor bzlog /

sri mnan sogs drag las sna tshogs zla ba sbrel nas mdzad song/ de
skabs nyin gcig de sngon lcags khyi lor ^gong sa ^skyabs mgon
chen po lha ldan nas phebs rjes su dang blangs kyis rjes 'ded
'gro mi ra mo che rgyal sgo gdong gi chos mdzad

zer ba de dang/ rgya mi'i dmag dpon che ba gcig bcas dga' ldan
pa'i khongs gtogs kyi dmag mis bsad pa'i mgo lag kyang 'byor pa
brag sgo che'i phar nang der sri mnan gnang song/ gtor rgyag so
so'i skabs gser skong rdo rje 'chang

thugs nyams 'ur te zor 'chams sna tshogs 'khrul ling ling du
bskyon gyi 'dug par/ rdo rje 'chang dbu lo cher med pa'i spyi
ther du bzhugs stabs dbu zhwa rtse zhwa de bud na ya mtshan ltad
mo yong la res dbu zhwa bud na snyam pa byis pa'i mno

bsam 'khor myong/ de lo dbyar gnas grol rjes lha sar dmag thag
ma chod stabs bde chen la mo rtse'i gzhis su dpe mtshams zla ba
gnyis lhag tsam bsdad cing/ rgan rin po che nas drang nges legs
bshad snying po blo 'dzin byed du

@029b 'jug gnang la thog mar nyin shas ring tshig thar thor re
gsal tsam las de min tshig sgra mi gsal bar 'dzin skyor sogs byed
khul byas shing/ blo rgyugs bzhes skabs dpe cha'i dbu phar tshur
gar bstan khyad med par rgyab phyogs nas bklag

gin rgyugs phul nas shog grangs bco lnga tsam bar 'khyol/ de
mtshams rdzun phugs brdol nas bka' bkyon dang rta lcag gnyis ka
rag cing/ slar dbu nas blo 'dzin bya dgos byung ba 'bad nas
gzung bas shog grangs bdun cu tsam dang/ paN chen

gyi phar phyin spyi don dge 'dun nyi shu nas skabs bzhi pa
rdzogs par blo 'dzin byas/ skabs der nged rang rig pa dga' mo
yod pas dpe cha 'dzin rtsod gang ci yar rgyas gyi thugs re chen
po zhig rgan rin po che dam pa de nyid la yod kyang/ brtson
'grus chung

stabs rgan rin po che nas do dam tsha 'jun che tsam gnang gshis
lus la shig ha cang mang po rgyab ste nyin gcig rogs byed yon
tan lags nas mal gzan rtsug phrug la shig sgrub rgyab song bar
shig dang spu 'dres pa dkar yol che ba gang khengs pa byung
song/

zla ba dgu pa nang tsam la gung thang du skyes lha gsol bar
rgan
dang sngags rams dam pa bcas lhan du bskyod de gung thang bla
brang gi khang gnyer zhang po 'jam dbyangs rgya mtshos gtsug
lag
khang gi yang thog gzim chung rab gsal chen mor 'jog gnang gis
nyin shas

bsdad ring bza' btung rnams zhang po'i shag nas dus thog bskyal
gnang byung ba las/ gung thang bla brang nged rang gi skyes
khang dang nged rang yang gung bla'i mi ngo'i bu brgyud ngo ma
yin rung gong gsal a ne g.yang 'dzoms bza' tshos dbang 'dzin
byed skabs

@030a @#/ /la brten nyin gcig tsam gyi bza' btung sne len yang
byed mkhan med cing/ de skabs kun rtse'i go mag rtsis dpon rin
dbang dang/ sku zla phran gyi gcen mo bcas la sa nas gung thang
du phebs te bdun phrag gcig

tsam bzhugs song bas nyin gcig phran dang/ sngags ram dam pa
gnyis mjal 'phrad du bskyod par gsol ja dang gsol tshigs spel
bzhi zhig lhan du gnang byung ba las/ de min grib ma med pa'i
ljon shing bzhin du yal bar dor te/

dmigs bsal bdag sprod kyi rjes 'dzin ma thob/ 'di skabs tsam ma
zad dge bshes dam bca' ma zin par chos mtshams skabs lha sa dang
dga' ldan bar 'grul bzhud lam zhor gung thang du skyes lha gsol
rgyu sogs kyis nam bskyod skabs

chos 'khor gling du zhang po rgya mtsho'i sar bskyod bsdad bya
rgyu las gung blar 'gro sdod bya yul med/ lha sar dmag 'khrun
ma
chod stabs lnga mchod gong bde chen nas dga' ldan du phyir log
byas te phar phyin gzhung rnying 'dzin grar son te

sems bskyed dang/ gdams ngag sogs nas bzung rim gyis sbyang
brtson byas/ dgun chos grol rjes lha sar bskyod de zla ba bcu
gnyis pa'i tshes bcu drug nyin ^rgyal mchog sku phreng bcu gsum
pa rgya gar nas lha sar rgyal khab tu

zhabs 'khod mdzad skabs skyid tshal klu lding du gzhung gnas kyi
phebs bsu'i sar gdan sa gsum gyi bla sprul spyi mtshungs mjal
khar bcar/ /rang lo bcu gsum pa chu glang lor lha sar smon lam
chen mo grol rjes sngags

@030b rams dam pa'i dgongs bzhed bzhin rtse drung zhabs zur bsam
'phel lags zhes pa shag tu gdan zhus kyis khong gi drung nas
phran dang/ lha bu/ rdzong legs bshad kyi tsha bo tshul khrims
bstan 'dzin bcas nged gsum yi ge 'bri

sbyong gi 'go 'dzugs byas te/ mtshan nyid dpe cha 'dzin skyor
dang/ dpe khrid sogs kyi gseng dbar la zla ba gnyis gsum tsam
zhor sbyong byas/ tshogs mchod grol rjes rgan rin po che dang/
ngag dbang blo bzang bcas lhan du

'bras spungs su bskyod de/ sgo mang har gdong rgyud khang du
khyab bdag bka' 'gyur ba chen po rje btsun blo bzang don ldan
dpal bzang po'i zhal snga nas kyi drung nas rgyal ba'i bka' bod
du 'gyur ro cog yongs rdzogs dang/ bstan 'gyur

gras nas lung rgyun gang bzhugs/ ma Ni bka' 'bum/ bka' gdams pha
chos bu chos sogs kyi bklag lung mang po zhig zla ba gsum lhag
tsam ring nod cing/ bla ma rin po che sku zil che zhing non che
bas slob ma rnams kyis gnyid dang/

long gtam smra ba/ yi ge 'bri ba sogs phran bu byas tshe spyan
gru gsum du gzigs nas ljags lung cung zad mtshams 'jog gnang
skabs thams cad 'jam chag ger 'gro ba 'dug /'bras spungs gsung
chos grub 'phral dga' ldan du

bskyod cing/ dbyar thog dang ston kha'i ring rgan rin po che'i
thugs bzhed bzhin phar phyin dge 'dun nyi shu nas bzung/ skabs
gsum pa bar la dka' spyad brtson shugs chen po byas te chos
grogs ngag dbang blo bzang dang

@031a @#/ /mnyam du bgro gleng sbyangs brtson gyis de lo'i dgun
chos skabs phar phyin skabs brgyad rnying pa'i 'dzin grar thod
brgal gyis 'pho thub pa byung zhing/ dgun chos dang gnyis ring
phar phyin skabs bzhi par sbyangs

rang lo bcu bzhi pa shing stag lor smon lam chen mo grol mjug
der rta tshag ho thog thu rin po ches gsol 'debs zhu bskul
gnang ba bzhin/ lha ldan kun bde gling 'du khang du lus can
rgya mtsho'i rgyud du zung 'jug sku bzhi'i lam dang 'bras

bu ci rigs pa sbyor ba'i dpal ldan rigs brgya'i khyab bdag rdo
rje sems dpa' 'bras sgo mang 'bul sdud rdo rje 'chang rje
btsun blo bzang ye shes bstan pa'i rgyal mtshan gyi zhal snga
nas 'jigs byed dpa' gcig dang/ lha bcu gsum/

gsang 'dus 'phags lugs mi bskyod rdo rje/ bde mchog lU i
pa'i lugs lha drug cu rtsa gnyis/ bde mchog dril bu lugs lha
lnga/ thugs rje chen po dpal mo lugs bcas kyi ras bris kyi
dkyil 'khor du dbang chen sta gon dang

bcas pa/ mi tra lugs spyan ras gzigs kyi rnal 'byor snying po
don gsum gyi khrid dang/ gnyan tshem bu pa'i lugs spyan ras
gzigs kyi rnal 'byor gyi khrid bcas stsal song ba'i chos gral
du chud cing/ skabs der rdo rje 'chang nas

dbang bshad zab cing rgya che ba dang/ phyag len phra mo tshun
chad zhib tu phye nas bka' stsal ba nged rang lo na phra stabs
mdo sngags kyi dka' gnad zab don mtha' klas pa rnams blo gros
kyi yol gor ma chud kyang/ dbang don gyi dmigs rim rnams

@031b phal cher blor chub cing thad ka thad kar dmigs pa
skyong khul byas/ de'i drin gyis deng sang yang skabs de'i
gsung bshad dang/ bla ma rin po che'i sku'i rnam 'gyur tshun
gyi don spyi yid la lam mer 'char gyi 'dug pa/ dbang brgya
tshar zhus kyang

dmigs rnam rags pa tsam yang go don mi rtogs pa'i chos zhu
rgan po 'ga' re'i ngang tshul la bltas na lo nar dpags pa'i
chos nyan lugs dga' mo byung tshod snang/ dpyid chos skabs phar
phyin skabs lnga pa nas bzung sbyangs shing/

dbyar gnas skabs dga' ldan tshogs chen du rtsod zla dga' byang
go bo yin pa slob gnyer legs par grags pa zhig dang mnyam du
phar phyin skabs brgyad pa'i tshogs langs spyi bshad dang/ bgro
gleng sogs mkhas pa rnams khrel dgod 'chor

mi dgos tsam bgyis shing/ phyogs mtshungs khri chen rdo rje
'chang mkhyen rab yon tan rgya mtsho dpal bzang po tshogs mgon
du gdan zhu dang 'brel mang 'gyed bsnyen bkur sogs thog mtha'
bar gsum gyi gtong sgo che phra yang sngar srol ltar

gang legs 'bul rgyu byung/ dgun chos skabs dbu ma gsar pa'i
'dzin grar gnas spos byas/ /rang lo bco lnga pa shing yos zla
ba drug pa'i tshes bcu bdun nas bzung dga' ldan yangs pa can
gyi gtsug lag khang du dga'

byang tsha ba dge bskos zur pa ye shes lags kyis zhus bskul
bzhin dga' ldan khri thog gya brgyad pa khri chen mkhyen rab
yon tan rgya mtsho dpal bzang po'i zhal snga nas 'phags yul gyi
slob dpon chen po a b+hya ka ra gupta zhes sam 'jigs med
'byung

@032a @#/ /gnas zhabs kyis srol legs par phye ba'i rdo rje
phreng ba'i dkyil 'khor zhe gnyis dang/ paNDi ta dar paN a
tsar+ya 'aM 'gro ba'i me long zhabs kyis srol phye ba'i kr-i ya
sa mu tstsha nas bshad pa'i bde legs su byed pa'i

dkyil 'khor gsum bcas dkyil 'khor zhe lnga'i dbang chen sta
gon dang bcas par legs par stsal song bar ^skyabs mchog 'bul
sdud rdo rje 'chang dang/ lnga rig smra ba'i dbang phyug 'bras
spungs klu 'bum dge bshes shes rab rgya mtsho

rin po che/ gzhan yang bla sprul dge bshes mkhas grags can
sogs dge 'dun drug brgya lhag tsam dang lhan du skal bzang gi
dga' ston thob cing/ bde mchog 'khor lo bsgyur drug gi dbang
chen gyi brtul zhugs dbang skabs kho bor rus

pa'i rgyan drug sogs chas 'jug rgyas par stsal zhing/ gdugs
rgyal mtshan sogs dang bcas dkyil 'khor la bskor ba dang/ slob
ma lha la 'bul ba sogs bsod nams kyi skal ba mod mi dman pa
thob/ dbang chen 'di dag gi ring ^skyabs

mchog 'bul sdud rdo rje 'chang gi sku'i gzhogs 'gram der sdod
rgyu khel zhing/ rdo rje 'chang nyid dbang tshugs nas ma grol
bar dmigs pa yengs med du bzhugs pa'i dpe ston bzang ba dang/
lo sngon mar kun bde gling du dbang chen skabs gsung

bshad legs thos byung ba sogs kyis 'di res kyang dmigs rnam
rkang grangs ma chad tsam skyong khul byas/ skabs der ^skyabs
mchog 'bul sdud rdo rje 'chang gi zhabs drung nas sum rtags
kyi dpe khrid 'go 'dzugs tsam zhus shing/ gzhi

@032b rtsa rig gnas dpe khrid dge bshes shes rab rgya mtsho rin
po che'i drung nas zhus na legs tshul bka' slob phebs byung/ de
lo dgun chos skabs dbu ma rnying pa'i 'dzin grar slebs/ /rang
lo bcu drug pa me 'brug lor smon lam grol rjes rgan

rin po che de nyid dang/ phran gnyis nas 'bras sgo mang klu
'bum dge bshes shes rab rgya mtsho mchog gdan zhus kyis chu
bzang ri khrod du bskyod de dge bshes rin po che'i drung nas
sum rtags rtsa ba dang/ si tu'i 'grel chen gzhir bzung thog

bra ti dge bshes kyi sum 'grel nas legs cha bsnan te sum cu pa
dang/ rtags 'jug gnyis kyi mdzub khrid zla gcig lhag tsam ring
zhib par nos shing/ dper brjod kyang rjes sor tshigs bcad kyi
rtsom pa byang ched tshigs bcad sha stag rgyag tu

'jug gnang byung ba thog mar slar bsdu'i dper brjod la ka
phreng bsgrigs pa'i tshigs bcad can zhig bzos par rtsom gyi
thog ma yin kyang gang legs shig stabs 'grigs byung bar brten
dge bshes rin po che dgyes mnyes chen pos/ ka

phreng bsgrigs pa'i mkhyen dpyod bzang po la/ /kha tsam min
pa'i spro ba khong nas shar/ /zhes sogs legs so'i dbugs
dbyungs kyi tshigs bcad ka phreng bsgrigs pa zhig kyang mdzad/
skabs de'i dper brjod kyi rtsom tshig nas

cung ngo mtho ba rnams phyogs bsdus bgyis pa'i dper brjod le
tshan zhig kyang de lo dga' ldan du gsar bsgrigs byas/ sum
rtags khrid mjug rdzogs mtshams gsang phu dbyar chos su bskyod/
gzugs brnyan gyi ri mo skyon med tsam

@033a @#/ /'bri shes stabs dbyar gnas skabs dga' ldan du rtsod
grogs 'dzin gra gcig pa ngag dbang blo bzang gi shag tu tshe
ring drug skor dang/ mthun pa spun bzhi'i ri mo zhig bris te
so so'i gsham du kha byang tshigs bcad

'ga' shas brtsams pa'i mthun pa spun bzhi'i kha byang mjug tu/
lnga rig rgya cher smra la gzengs mtho ba'i/ /mgrin mtshor
dbyangs can ngang mo rtsen des sbyar/ /zhes bris pa stong skad
kyi kha pho ha cang thal cher song stabs rgan shes

rab rin po ches sku rtsed kyi tshul du/ lnga rig rgya cher smra
la gzengs mtho zhes/ /lnga mdo'i rmongs pa bdag 'drar 'dzer
rung mod/ /lnga rig mkhas pa gzhan gyis sun phyungs tshe/ /lnga
rig mkhyen pa'i khas len shor na nongs/ /ha ha 'dris

pa'i ku re zhus pa ste/ /ma las bu lhag tshul du 'khrungs pa
spro/ /da dung khyed kyi dpal yon zla med du/ /'phel ba'i
thabs 'phrul rnon por bdag gis 'khyug /ces sogs 'khod pa'i
phyag bris shig stsal byung ba thugs mad par

gda'/ de lo dgun chos skabs mdzod kyi 'dzin grar spos/ phar
phyin dang/ dbu ma'i gzhung la slob sbyong skabs rje yab sras
kyi gsung dang/ paN chen bsod nams grags pa'i gsung rnams gtso
bzung thog /rgan rin po che'i

bka' bzhin rje dge 'dun grub dang/ kun mkhyen 'jam dbyangs
bzhad pa/ rje btsun chos kyi rgyal mtshan gyi gsung rnams
la'ang lta rtog gang nus su byas/ /rang lo bcu bdun pa me
sbrul lor smon lam grol rjes 'bras

@033b spungs har gdong rgyad khang du ^skyabs rje 'bul sdud
rdo rje 'chang gis bde mchog dril bu lha lnga'i dbang chen
dang/ sgrub thabs rin 'byung brgya rtsa'i rjes gnang bcas
stsal song bar rgan rin po che dang lhan cig chos zhur bcar
zhing/ klu 'bum khang

tshag ste 'gan shes rab rin po che'i gzim shag tu gnas mal
byas/ sngags rams dam pa shes rab ? smon lam skabs nas sku
khams phran bu bde min yod stabs phran rang 'bras spungs su
'gro khar gzim chung du thon mjal pa car bar ma bcos

ma slad pa'i bka' slob snying po can mang tsam zhig spyan chab
dang sbrags stsal byung zhing/ phran rang yang slar mjal e
yong snyam pa'i yid gdung gis mig chu dbang med du 'chor bzhin
phyir thon byas/ 'bras spungs su bka' chos zhu ring bod

zla gnyis pa'i tshes bcu bdun nyin sngags rams dam pa de nyid
dgongs pa zhi bar gshegs pa'i gnas tshul thos 'phral ha cang
'gyod gdung mi bzad pa gzugs can bzhin du gyur/ sngags rams
dam pa de nyid ni bar khams sho star

lho gsum khongs a la rngod gro skad kyi grong du a yig thang
'go zhes pa'i khyim tshang du rab byung bcu bzhi pa'i shing
'brug lor 'khrungs/ a rig dgon par sgrigs zhugs kyis 'don cha
rnams la sbyangs/ de rjes dbus su phebs nas 'bras

spungs gung ru khang tshan du zhugs nas lo re zung song rjes
rgyud stod grwa tshang du sgrigs zhugs gnang la rgyud gra'i
chog phyag len rnams zhib par sbyangs/ rgyud pa'i mchod g.yog
gi gral du zhugs te rdul tshon gtor bzo sogs mkhas gras su

@034a @#/ /son/ rta tshag yongs 'dzin dge 'dun rgya mtsho zhes
mkhas grub chen po de dang/ bka' 'gyur ba lho sprul ngag dbang
mkhyen rab bstan pa'i dbang phyug /sgo mang mkhan chen mkhyen
rab bstan pa

chos 'phel/ gung sprul rin po che mkhyen rab dpal ldan bstan
pa'i nyi ma/ yongs 'dzin gling rin po che sku gong ma blo
bzang lung rtogs bstan 'dzin 'phrin las sogs tshad ldan bla ma
du ma'i zhabs la gtugs te dbang lung man ngag

mtha' yas pa gsan pa ma zad/ rtsis dkar nag gi tshul la'ang
byang chub cing/ bar skabs shig yongs 'dzin gling rin po che'i
bka' bzhin pha yul du phebs te rdo rje 'jigs byed kyi gzhi
bsnyen chen mo sbyor dngos rjes gsum tshang

nges shig mdzad nas slar dbus su phebs nas rgyud par sngar
rgyun bzhugs/ a mdo khang tshan rgan gyi 'gan khur yang lo
shas ring gnang dgos byung bar rgyud pa grwa tshang la spyi
sems chen pos zhabs 'degs rim par bsgrubs pa'i lo  

rgyus mang dag cig phran la snga phyir bka' gnang byung ba
mtha' dag 'dir 'brir mi lang/ de rjes khri chen gong ma blo
bzang tshul khrims dpal ldan rgyud stod mkhan po mdzad skabs
nas bzung dga' ldan gser khrir phebs te khri lo lnga

'tsho bzhugs ring bar mdzod pa'i 'gan khur bskyangs shing/ dus
phyis dang mi 'dra bar de sngon phyi lo chig stong dgu brgya
nyi shu yan chod du rgyud pa'i mkhan po dang/ dga' ldan khri
pa rnams rang khongs dge 'dun spyi'i mchod thebs

@034b gzhis khag 'dzin skyong dang/ 'char 'phar gyi gtong sgo
'bul dgos mtha' dag skabs de dang de'i bla brang nas 'gan
bzhes gnang dgos kyi yod pa rnams 'thus shor med cing/ dge
'dun gyi bsnyen bkur rnams kyang thud kyi sngo sa dang lo ma'i
ser sa

lta bu'i ngan ngon dang sla bcos kyi rigs med par gzab gzengs
thon nges 'bul gnang mdzad/ khri chen gong ma zhi bar gshegs
rjes dgongs rdzogs mchod 'bul bsgrub rgyu dang/ dga' ldan
yangs pa can du gdung rten mchod rten bzhengs rgyu sogs

sku rjes zhu sgo'i skor rnams ma zin bar du shag gi 'gan khur
rkang bzhes bskyangs/ nged rang sprul skur ngos 'dzin bdag
sprod grub mtshams khri chen gong ma'i sku tsha dga' ldan spyi
zur legs bshad rgya mtshor las khur rtsis sprod gnang ste chu
bzang ri

khrod du phran gyi klog gi slob dpon mdzad pa nas bzung rjes
sor sku gshegs la nye ba'i bar phran dang mnyam 'grogs mdzad
de pha ma dang khyad med kyi gces skyong bka' drin chen po
gnang zhing gong du smos pa ltar yi ge'i klog dang/ chos spyod
'don

cha; byed grub kyi rtsis kyi ri mo/ rgyud sde'i dkyil 'khor
gyi thig rdul tshon/ dkyil 'khor blos bslang/ rgyud grwa'i
phyag bzhes kyi bskang gso dang/ cho ga'i 'gro stangs/ phyag
rgya 'chings tshul sogs smos ci/ lcags mkhar zur

bcu drug pa dang/ dgu pa'i dbyu gu brtsig tshul/ drug cu ma'i
gtor ma'i smad nas bcad de dbyu gu bzhi tshan bcu drug bzos te
bzhi 'bul byed dgos pa'i rgyu mtshan sogs mdor na gtor ma
bzhengs tshul dang de'i rgyu mtshan/ rgyud pa'i chos thog

@035a @#/ /skabs so so'i 'gro lugs/ tshogs tshugs grol/ las sne'i
byed sgo tshun chad kyi phyag len sna tshogs shig chos brgyad
zog po'i lbu phreng gi rang bzhin mi 'dzin par mthong thos
brgyud pa'i phyag len rnam par dag

pa 'ba' zhig zhar dang zhor du bka' slob gnang bar brten rjes
sor dge bshes ming btags zin nas rgyud grwar chos 'grims skabs
dge bshes rgyud zhugs gsar bu ba dag ltar gsar slob mi dgos
par rgyud grwa'i phyag len phal cher rgyus

yod ma zad/ brag yer pa'i chos thog skabs dkyil 'khor gyi thig
chen dang/ mkhan blar thig rgyugs 'bul dgos sogs kyang thogs
gtugs med par byas chog byung zhing/ rgyud gra gzhon pa rnams
kyis phyag len skor dogs gcod

'dri gtugs byed yul du gyur pa zhig byung ba de sngags rams
dam pa de nyid kyi bka' drin kho nar mchis pas drin lan bskal
par yang gzhal dka' ba'i khur du lcid/ dam pa de'i rgyun gyi
nyin zhag phrugs gcig gi mdzad par mtshon na snga

dro tho rengs bya skad dang po tsam la bzhengs te khrus dang/
dus dran bsten rjes ngag byin rlabs/ 'gyur sngags/ dga' lha
dang 'brel ba'i dmigs brtse ma brgya phrag dang/ skyabs 'gro
bzhi skor brgya tshar/ 'jigs byed dpa'

gcig gi bdag bskyed dang 'brel yig brgya phreng skor gcig
/'jigs byed kyi bzlas pa mang tsam bcas dal bus gsungs mjug
nam zir tsam la 'jigs byed kyi gtor 'bul grub nas chos rgyal
gyi cho ga'i dbu tsam la slebs shing/ chos

@035b rgyal gyi mngon rtogs dang/ bskang bshags rgyas bsdus
bstod pa dang bcas pa yongs rdzogs rgyas par gsung bzhin du
yon chab brgya tshar re 'bul bar mdzad mjug /phran gyi rim gror
dmigs te sgrol dkar tshe sgrub/ gtor ma shA ka thub

ma dang brgya rtsa/ su ru pa/ bsur bsngo bcas rgyas par gtong
gnang zin rjes snga dro'i gsol ja dang/ gsol ba bzhes/ de nas
phran la yi ge'i klog dang/ chos spyod 'don cha'i rigs rgyugs
bzhes dang/ gsar khrid gnang 'os rigs

grub mtshams sbyor chos thub bstan lhun po'i mdzes rgyan dang
'brel bar khrus gsol rgyas pa/ maNDal mang tsam grangs gsog
/ltung bshags dang sbrags te brgya phyag re 'bul bar mdzad/ de
nas skyer sgang lugs rta mgrin gsang

sgrub kyi bdag bskyed dang 'brel rtsa sngags kyi bzlas pa
stong phrag lnga re chag med mdzad bzhin du chu bzang gi chos
ra'i nang sogs su zhabs 'chams gzigs bskor cung zad cing/ nyin
gung la dkon mchog rjes drang yi mdo gsungs

te gung tshigs bzhes rje changs bu dor nas za byed mkha' 'gro'i
sbyin sreg /phud mchod kyi zan la thub dbang gi sku chung ngu
zhig brgya skor tsam dpar 'debs mdzad cing de'i ring bla mgon
dbyer med kyi gsol 'debs chos dbyings mtha'

klas ma tshar gang 'gro gsungs/ dam tshig rdor bzlas phreng skor
gcig /sham b+ha la'i smon lam/ phran gyi rim gror gnas bcu
dang/ ring 'tsho'i smon tshig /rta mgrin gyi bzlog pa rnam rgyal
stobs kyi mtshon cha/ rgyan dpung/ phyogs  

@036a @#/ /bcu mun sel rnams tshar re/ gsang 'dus rtsa rgyud le'u
bcu gnyis yongs rdzogs dang/ bde mchog rtsa rgyud le'u dang po/
sher phyin mdo sdud pa cha tshang bcas dag sgrog mdzad/ de mtshams chu

bzang ri khrod kyi gling bskor du phebs/ dgong dro'i gsol ja
grub nas phran gyi bya ba'i don du dmigs te rig byed ma gsang
sgrub lha lnga'i bdag bskyed dang bzlas pa/ khyung nag me yi spu
gri'i bzlas bsgom bcas zin mjug ma Ni stong phrag

gsum tsam/ nyin ltar snga dgong so sor thun drug bla ma'i rnal
'byor dang/ zla bang re bzhin gyi dgu gsum nam yin la drug cu ma
rgyas pa re dang/ nya stong brgyad gsum so sor nged rang la rta
mgrin dang rnam 'joms res mos kyi sgo nas bya ba

khrus bcas khrigs chags su mdzad/ rgyun gyi zhal 'don cho ga'i
rigs dang/ chos tshan sgrog rgyu rnams kyang mgyogs brel med pa'i
sgra dag gsal gsum dal bus gsung gnang mdzad stabs nged rang gi
rna lam du byang ste phal cher

blor 'jags shing/ rgyud grar zhugs skabs gsang 'dus rtsa rgyud
kyang rang skya ma 'pher ba tsam las tshogs mang dang mnyam
'don
thub kyi yod/ lha sa dang dga' ldan du bzhugs skabs snga dro rta
mgrin gyi bzlas 'go tshugs pa dang/

bzlas pa gsung bzhin du gling bskor re phebs/ lar nas sngags ram
dam pa de nyid chos phyogs nas ga sa'i dge bshes dang/ bka' rams
sogs kyi mtshan gnas med kyang bla ma tshad ldan du ma'i drung
nas
dbang lung khrid gsum sogs

@036b mdo sngags kyi chos gsan rgya che zhing/ thugs dam nyams
bzhes kyi rim pa yang gong smos ltar ri khrod du mtshams par ming
btags pa phal gyis bsgrun du med pa lta bu mchis/ srid phyogs
nas kyang dgos mi dgos kyis mtshams phyed cing

ltag tshugs zin pa sogs dgongs pa zab dkyil che ba mes po tshangs
pa'i blo la 'gran pa lta bu mchis pas de sngon rgyud stod grwa
tshang du a mdo khang tshan dge rgan sogs kyi mdzad khur skabs
kyang rgyud grwa tshang mas cha 'jog gzhan las che ba yod tshod

ma zad/ phran tsho'i nya ga la mtshon na khri chen gong ma dgongs
pa rdzogs rjes gzhis dgon cha phreng phyogs nas dang/ gdan sa'i
nang khungs sogs phyi nang mang po zhig nas gnas dus tshod brtsis
kyi snyad 'dogs bsnyon dkri sna tshogs kyis

glags blta ba byung 'dug kyang/ mchog rab ri bo ltar sus kyang
g.yo 'gul ma thub pa'i rang tshugs bzung ste bla brang gi 'dzin
skyong 'thus shor med pa gnang 'dug /dgongs pa rdzogs nye'i
bsnyun gzhi'i skabs nyin ltar theg chen gso sbyong

bzhes te gsol zas rags pa med par 'o ma tsam zhig gsol zhing/
gang nyid kyi sku gdung la sgron 'bul zhu rgyu'i dbang rdzas
kyang ched du gsar bzo byed 'jug gnang thog /rjes sor sku pur
zhabs zhu sgrub phyogs sogs kyi skor yang bsnyun

g.yog zhu mi cha phreng nyi tsho 'phrin las dang/ rdzong zur
legs bshad la bka' mngags gnang 'dug cing/ dgongs pa rdzogs
rgyu'i lo gcig gi sngon tsam nas dgong mo gzim khar 'pho ba dkar
khung mda' 'phen ma'i nyams bzhes chag

@037a @#/ /med mdzad pa sogs sgo gangs nas dge ba'i bshes gnyen
gyi mtshan nyid yongs su tshang ba zhig mchis pa dgung grangs bdun
cu don bzhir son pa me sprul zla ba gnyis pa'i tshes bcu bdun
nyin dgongs pa zhi

bar gshegs/ tshogs mchod grol rjes slar yang 'bras spungs har
gdong rgyud khang du 'bul sdud rdo rje 'chang gi zhal snga nas
rta mgrin gsang sgrub kyi dbang chen dang/ zur bka' brgya rtsa'i
rjes gnang/ bla ma lnga bcu pa dang/

sdom pa nyi shu pa/ sngags kyi rtsa ltung sbom po'i sdom tshig
bcas kyi bshad khrid bcas stsal ba thob/ rang lo bco brgyad du
son pas rta zla ba dang po'i tshes shar tsam nas mdzod pa rdzong
zur legs bshad rgya mtsho bsnyun mnar

babs lca byung ba rim lod kyis sman bcos thabs rim gyis bzlog tu
med par zla ba gsum pa'i chos gcig nyin sku gshegs song zhing/
bar lam shag gi 'gan khur yongs rdzogs spyi zur de nyid nas
gnang ste rgan rin po che dang/

nged gnyis la chos phyogs slong khrid bya rgyu khon las 'dzin
skyong 'gan khur nyams myong med thog /'gan khur theg pa'i dge
phrug drag pa yang med stabs glo bur zhig la rgan rin po che
dang/ nged gnyis la shag gi 'dzin skyong 'gan

khur thog tu babs pas phyag mdzod khang gi yig cha dang dngos
po
yod rigs bdag tshags zhib gsher skabs dngul rkyang lag yod dngul
srang brgya kha long pa yang med cing/ sku gshegs de nyid bsnyun
yun ring song stabs kyis gnyer

@037b tshang du mar ltang phyed gnyis tsam dang/ ja sbag re zung
tsam las nyer mkho'i rigs kyang rdzogs nyer gtugs pas dgongs
rdzogs sgrub byed kyi lag sne dang/ nyer mkho sogs gzhan g.yar
thabs 'tshol gyis bsgrub dgos byung/ spyi zur de

nyid phyi rgyar mkhyen yon ldan pa zhig la rang gzhan tshang mas
brtsi mus stabs shag tshang tshags tshud gnang ste dngul bun bsdu
rgyu dga' rab cig yod la res gan 'dzin yig rigs 'tshol zhib byas
par/ tshur bsdu rgyu'i gan 'dzin ma thon pa'i khar

zla ngo so sor rtse shod las khungs kyis mtshon pa'i gzhung sger
khag la dngul bun skyed kha 'bul rgyu'i brjed tho deb chung nag
po zhig thon byung ba de nang dngul bun ma 'bor bsdoms skabs Tam
rdo nyis brgya dgu bcu go bzhi tsam chags 'dug pa dang/

de'i steng dgongs rdzogs sgrub byed du Tam rdo drug dngul bun
gsar blangs dang bcas dngul bun sprod rgyu Tam rdo sum brgya
tham par son/ dus skabs de dag gi tshe bod ljongs spyir dngul ha
cang dkon stabs/ de'i dus kyi Tam rdo sum brgya'i bu

lon de dag dus phyis rgya dmar bod 'byor skabs kyi Tam rdo sum
khri'i bu lon dang 'dra mnyam gyi khur shin tu lci/ gzhan yang
tshong rigs khag mang po zhig nas ja dang/ ras cha sogs dngos zog
sna tshogs rim nyos kyi rin babs rtsis chad

'ded gtser yang yang byung ba bcas kyis dka' ngal ci che'i mal
du lhung/ lar nas sngags rams dam pas mdzod pa'i mdzad khur
rdzong zur legs bshad la gnang rjes legs bshad nas lha sa'i chu
byi rgya dmag gi zing 'khrugs dang/ tshur

@038a @#/ /yong 'bab sgo med khar phran gyi chos zhugs dang/
tshogs langs snga rjes kyi gtong sgo sogs phar song 'gro che
zhing/ 'brog dud khag gsum las de min rang dbang rang bdag gi sa
zhing lag

mthil tsam yang med stabs mchod gzhis khag gsum tsam bogs 'dzin
byas mod kyang gzhis sdod rnams gnyen 'brel ltos bcas sha stag
la brten gzhis 'bab tshang ma/ rje mi las/ 'brug dang glog dang
lho sprin gsum/ /

byung yang nam mkha' nyid las byung/ /thim yang nam mkha' nyid
la thim/ /de yang rang byung rang thim yin/ /'ja' dang na bun
khug sna gsum/ /byung yang bar snang rang las byung/ /thim yang
bar snang rang la thim/ /de yang rang byung

rang thim yin/ /zhes gsungs pa'i don thog tu song ste bla brang
phyi che nang stong bon po'i rnga gog lta bu zhig las med tshod
stabs kho bo grwa sar sdod ring lha sa'i smon tshogs skabs ma
gtogs rgyun du stod 'gag lhan pa lnga drug phog pa dang/

gzan sham yang de mtshungs lhan pa can 'ba' zhig gyon dgos ma
zad/ 'tsho ba'ang nyin ltar rtsam zan dang tshod ma'i rigs shas
cher bsten dgos gshis dge bshes dang/ las sne'i gtong sgo'i
mgron dang/ grong chog re tsam 'bod mi byung

skabs do nub nas sems dga' yal le 'ong gi yod/ grong chog yon
sogs byung ba'i dngul nas Tam ka re tsam lkog bsags kyis lha sar
sdod dus mdun g.yog lha bu btang ste skabs re za khang nas mog
mog sogs nyos/ skabs re rgyud pa

@038b ngo shes kyi sa nas za ma stabs bde blangs te mdzod pas ma
mthong bar za dgos/ de skabs dngul dkon za chas nyo thang khe
bas yar 'brog gi lug sha skam po bzhi gling rer thog mar pad
shag zho gsum re dang de rjes zho lnga re byas nas thob kyi

yod pa nyos te lkog zos byed dgos pa sogs 'tsho gos gnyis ka
bkren se ba zhig las med stabs lha sa'i smon lam dang/ tshogs
mchod skabs se 'bras kyi bla sprul 'ga' shas kyi gzi brjid la
yid smon 'chor gyi yod/ 'on kyang de skabs

dka' ngal phran bu myangs rung/ dge bshes 'ban gyis/ sngar nga'i
khas zas mi rnyed/ da lta zas kyis nga'i kha mi rnyed/ ces
gsungs pa ltar mi tshe 'dir skyid sdug go ma ldog tsam byung ba
'di dge ba'i bshes gnyen rnams kyi bka' drin kho

nar khums/ de lo gsang phu dbyar chos su bskyod skabs dga' shar
rdo khang gi grwa zhig gis bskul ngor dge 'dun brgyad cu skor la
brgyad stong pa'i bklag lung cha tshang zhig bklags/ mdzod rtsa
ba lo shas sngon nas blo 'dzin zin te kha ton ltar byang chub

pa yod stabs/ rje dge 'dun grub pa'i mdzod Tika thar lam gsal
byed dang sbrags te mdzub khrid zhib zhus thog ser smad rgyal
dbang chos rje'i mdzod dang/ mchims 'jam dbyangs pa'i mdzod Tika
la'ang rtog zhib dang 'brel sbyang brtson gyis mdzod

gnas brgyad kar rtsa ba'i tshig 'grel shar mar thon gyi yod pa
dang/ de skabs shar rtse'i mkhan po las thog pa nyag re blo gros
chos 'phel zhes pa dga' ldan gser skong rdo rje 'chang gis
bsngags brjod mdzad yul gyi zhal slob drag gras su gyur

@039a @#/ /pa de nyid rgan rin po che dang/ nged gnyis la thugs
gtsigs che ba gnyis tshogs la brten nas mkhan rin po che nas nang
ma'i bka' slob dang 'brel sa lug lo'i lha rams dam bca' bar
dmigs bsal gyis

spar 'jog gnang byung zhing/ der brten spyir btang grwa tshang gi
lam srol la dge bshes rdo ram dang/ gling bsre gang rung zhig ma
zin par mdzod nas 'dul ba'i 'dzin grar 'gro srol med kyang phran
la mkhan pos 'dul bar slob sbyong byed khyad

du dbyar gnas skabs 'dul ba'i 'dzin grar spos 'thas dmigs bsal
gyis stsal ba ltar/ ser smad shar chen gyis mdzad pa'i 'dul sdom
blo 'dzin sngon zin yod thog mtsho Ti ka nas gnad che'i rigs khol
'don gyis dpe khrid zhus te dbyar

gnas skabs 'dul ba'i gzhung la sbyangs shing/ sngar srol tshogs
chen du 'dul ba gzhi stod kyi tshogs langs dang/ grwa tshang du
mdzod kyi tshogs langs bcas gnyis ka chabs cig byas/ bskang gso
dang chos spyod kyi rta dbyangs la

dga' mos chen po yod stabs sngar nas rim slob kyis grwa tshang gi
bskang gso chen mo dang/ chos spyod dus chen gyi tshogs la bskyod
mus yin gshis 'di lo shar rtse grwa tshang gi thun mong ma yin
pa'i bskang gso dang/ chos spyod kyi dbyangs

yig sngon mtsho dang mi 'dra ba'i kha gsal ri mo gsar gtod cig
'dri dgos zhes grwa tshang gi gdong gral ba 'gas bskul ba bzhin
mjug tu rtsom byang dang bcas pa zhig lag bris su bris/ lnga
mchod gong der dga' ldan tshogs chen du dge

@039b bshes rdo ram pa'i bshad pa dang/ dam bca' 'jog dgos par
drang nges legs bshad snying po shog grangs sum cu tsam bshad
pa
skyor zhing/ tshogs chen 'du khang nang dang chos grar dam bca'
nyin gnyis re 'jog dgos par shar byang gnyis kyi

slob gnyer ba sna tshogs nas rtags bsal 'phen gnang byung bar lan
'debs bla ma'i rkang ma drangs tsam 'grigs/ skabs de'i rdo ram
chos grogs byang rtse tsha ba dge bshes chos ldan pa zhes slob
gnyer legs shing/ mi gshis bzang po zhig

yod pa khong rjes sar rgyal ba sku gong mas byang rtse mkhan
por
bsko gzhag stsal song/ rdo ram dam bca' grub nyin der lha sa nor
gling pho brang gzim chung 'gag nas bang chen rta shad gdong
bka' rgya phebs dgongs su/ sa lug lo'i lha rams

dang/ tshogs rams pa'i dam bca' 'jog mi dge bshes ji yod gnangs
nyin nyi ma rtse shar la nor gling bskal bzang pho brang du
rtsod rgyugs 'bul bar bcar dgos zhes phebs gshis/ de'i sang nyin
rgan rin po che dang/ nged gnyis

chos grogs ngag dbang blo bzang bcas gsum shad rtsol gyis dga'
ldan nas nyin gcig la lha sar 'byor ba bskyod de phyi nyin nyi
ma rtse shar la nor gling gzim chung 'gag tu bcar/ de sngon phan
chad dge bshes lha rams pa rnams gdan sa so

so'i mkhan pos bsko gzhag gnang ba de rang sor gnas las/ gzhung
nas dmigs bsal rtsod rgyugs bzhes lam med kyang nged tsho'i snga
lo'i dge bshes rnams glo bur du nor gling pho brang du rtsod
rgyugs bzhes shing/ rtsod rgyugs grub

@040a @#/ /mtshams gdan sa so so'i mkhan po rnams bka' 'gugs kyis
'di lo'i dge bshes gras nas 'ga' shas lha rams mi 'os pa lta bu
'dug rung/ da lam rtsod rgyugs thog mar song gshis dmigs bsal
rang

babs bzhag pa yin cing/ phyi lo nas bzung dge bshes slob gnyer
bzang gras go 'pher sha stag ma byung tshe do bdag dge bshes
phyir 'then bya rgyu smos med thog /grwa tshang so so'i mkhan por
yang nyes bkod gnang rgyu yin zhes bka' nan

phebs zin par brten rtsod rgyugs tshugs nas nyin gnyis tsam ma
song bar du 'jigs ye re'i sems ngal byung/ rtsod rgyugs dngos
gzhi nor gling pho brang gi gzim chung nyi 'od 'khyil du rtsod
dpang mgron gnyer chen mo bstan pa dar rgyas dang/

bde yangs mtshan zhabs rin po che zhal snga nas bcas phebs te
rgyugs bzhes gnang song zhing/ 7rgyal dbang mchog kyang skabs
re
nyi 'od kyi gdengs cha'i gzim sgo'i yol ba'i phag tu byon nas
mngon chung gis gsan gzigs bskyangs kyi

yod 'dug /rtags bsal gtong mi rnams nas rang rang gang 'dod kyis
btang mi chog par bde yangs mtshan zhabs rin po che nas gzhung
tshig 'di dang/ dka' gnad 'di 'dra zhig gi thad nas thongs zhes
phebs pa ltar gtong dgos kyi 'dug par

dge bshes 'ga' shas nas blo nges med par yar 'gro mar 'gro byed
nas sdod cing/ gzhung tshig bskyar spo dgos pa sogs byung song
yang/ nged rang la stes dbang stabs 'grigs lta bu sha stag las
de 'dra'i 'gag cha'i rigs ma byung zhing

@040b dam bca' 'jog skabs kyang khas len 'dzin mtshams thub ma
thub ci rigs byung yang pha rol po'i rtags bsal gyi don rnams
gtan nas ma mthong ba'i mun nag gis gdong smad de kha rog 'dug
dgos pa ma byung/ 'on kyang rtsod rgyugs grub rjes bka'

ji 'dra phebs yong snyam pa'i blo g.yeng gi ngang dga' ldan du
phyir log byas/ phran gyi dge bshes chos grogs rdo khang bsam
gling 'ba' thar zer ba de dang/ ser smad spom ra ra ltag zer ba
gcig /ser byes ldan ma sprul sku zhig /sgo mang u chu

mu cin sog po ho thog thu bcas khong bzhi po re zhig lha sar
sdod ces phebs te zla gcig tsam bar bzang ngan bka' thag ma
chod/ rjes sor ho thog thur bka' nyes gser srang bcu dang/ ldan
ma sprul skur gser srang lnga/ ser smad ra ltag dang/

dga' shar 'ba' thar gnyis la gser srang gang re bcas bka' nyes
phabs nas dge bshes rang 'jags gnas tsam byung ste/ dge bshes
'ba' thar gyi gtong sgo dgun chos gnyis pa'i nang gtong rgyu
khel song/ zla ba bcu gcig pa'i yar

tshes nang dgun chos dang po'i thog dge bshes lha rams pa'i ming
btags gtong sgor tshogs chen la mang ja gnyis dang bzhes thug
'bras tsha/ sku 'gyed bod Tam gnyis re/ shar rtse grwa tshang la
grwa ja shas ma gnyis dang bzhes thug 'bras tsha/

dge 'dun rer mjal dar zub phyi re dang sku 'gyed Tam dkar dga'
ldan pho brang 'khod pa gnyis re dang/ g.yang Tam rnying ma re/
spyi 'bul du tshe lha rnam gsum gyi gos thang lhan drub ma gsum
dang/ bskang gso chen mo'i skabs dbu mdzad kyi phyag

@041a @#/ /sbub mdzad dmigs gra sbub legs pa cha 'grigs shub
ldan/ rdo khang khang tshan du tshom ja bzhes thug gi bsnyen bkur
dang sku 'gyed bcas grwa tshang dang 'dra mtshungs thog /spyi 'bul
du rten gtso'i spyan sngar dngul kong

che legs gcig /mchod thebs su bde chen ba lam shar ru ba nas
blangs te 'bri mo bzhi/ rdo khang bsam gling mi tshan la bsnyen
bkur khang tshan dang 'dra mtshungs thog spyi 'bul lo gsar gtong
sgo'i ma bsnon phran bu/ byang rtse grwa tshang la grwa ja

dang sku 'gyed Tam dkar gnyis re/ gser kong khang tshan dang bsam
gling mi tshan bcas par bsnyen 'gyed byang rtse grwa tshang dang
'dra mtshungs bcas phul zhing/ grwa tshang chos ra'i nang dge
bshes dam bca' nyin gnyis dang/ rdo khang/ sog pa/

dga' byang klu 'bum/ rgyal rong/ tre hor khang tshan bcas su dam
bca' mtshan 'bud re bcas 'jog dgos pa rnams sngar lam ltar bgyis/
dga' ldan gyi gtong sgo zin nas mar lam tshal gung thang du chos
khri grwa tshang dang/ gzim khang shar grwa tshang

la gtong sgo'i sku skal sa bcad ma stong tsam re phul/ zla ba
bcu gnyis pa'i tshes brgyad nyin 'bras spungs su skyabs mgon
rtse'i sku tshab dang/ gzhung las pa mkhan po gnyis bcas kyi sar
dge bshes lha rams pa rnams smon lam dam bca'i

tshes grangs go rim rgyan bskyur byed dgos par phran gyi ngo tshab
tu rgan yongs 'dzin dam pa phebs te dam bca' zla ba dang po'i
tshes drug la gtan khel 'dug /rang lo bcu dgu pa sa lug lo'i smon
lam chen mor lha rams dam bca'

@041b 'jog rgyur brten smon lam gyi thog ma'i gral 'dzin tshes
gsum nyin nor gling du rgyal ba'i mjal kha zhus/ zla ba dang
po'i tshes drug nyin dam bca' dngos gzhi 'khrel bar rlon tshogs
gsum la tshogs dbus su po ti lnga'i rtsa ba'i gzhung bshad dang/
snga

dro gsung chos ra bar rnam 'grel/ nyin gung dbu phar/ dgong mo
'dul mdzod bcas kyi dam bca' 'jog dgos rnams nges 'byung byang
sems sogs kyi kun slong rnam dag gi rtsis zin pa ma byung yang/
re dogs khengs dregs sogs kyi kun slong

ngan pas ma bslad par rtags bsal gang babs la lan 'debs gang
shes drang por byas pa las/ ma mthong mthong tshul dang/ mi shes
shes tshul gyi brdzu bag ma byas shing/ se 'bras kyi slob gnyer
ba drag gras mang pos rtags bsal 'phangs byung

yang lan 'debs mun nag 'doms 'jal gyi 'ol tshod bya mi dgos tsam
byung/ tshes bdun nyin smon lam chen mo'i gung tshigs mang jar dod
'bul gsol ja gcig dang/ lag 'don sku 'gyed Tam re phul zhing de
nyin dga' ldan bla spyi/ grwa tshang

gnyis dang khang tshan mi tshan/ gzhan yang 'brel yod blo dkar
khag nas dam bca'i legs skyes kyi rten 'byung mjal dar gnang mi
mang tsam byung ba bdag gir byas/ rgan rin po che dang/ dge
bshes shes rab rin po che/ gzhan yang

'brel 'dris yod pa'i dge bshes dang/ chos grogs slob gnyer ba
mang pos kha sang dam bca' legs po byung song zhes mnyes mdzad
kyi 'dug /gong smos ltar shag tu bu lon che chags kyis dge bshes
gtong sgo'i dmigs thebs

@042a @#/ /'di yin gyi ston rgyu med stabs rje gong ma'i skabs
kyi mchod kong dang/ gser skyems yo byad sogs dngul chas phran
bu yod pa dang/ gser gyi ze'u lha khang ga'u sor drug pa gcig
/gyon chas sogs dngos

rigs phyir tshong byas pa'i rin 'bab nas 'gyed dngul dang 'bras
rin sogs 'dengs tsam byung thog /mar bde chen ba lam shar gyi ru
sa nas phal cher 'dengs shing kha bsnon phran bu gzhan g.yar
byas te/ dge bshes gtong sgor bu lon gsar

blangs cher ma dgos tsam 'grigs/ smon lam skabs nyin ltar snga
dgong gung gsum gyi mang ja dang tshogs dbar dam bca'/ gsung
chos/ nyin gung smon lam bcas par bskyod rgyu/ bshad chung dam
bca'/ sbyor gzhung sbyor 'god bya rgyu

sogs gna' srol gyi byed sgo ji yod rnams legs par bgyis shing/
smon lam gtor rgyab zin rjes lha sa'i bla brang steng gzim chung
du dge bshes rnams ^gong sa chen po'i mjal kha'i thog dam bca'
bzang gras rnams la ang rim dang

bcas gzengs bstod gnang sbyin stsal srol de ltar yang/ 'di lo
^gong sa mchog nor gling du 'jigs byed kyi bsnyen chen bcad
rgyar bzhugs skabs khel bas gzhung las mkhan po gnyis dang/
phran tsho dge bshes rnams nor gling

gzim chung du mjal khar bcar te gzim chung nyi 'od 'gag nas rtse
mkhan drung chen mos ang rim mtshan tho klog gnang la/ ang
dang
por 'bras sgo mang har gdong sog po sbo rad thu ba thub bstan
snying po dang/ blo gling mi nyag bkra shis

@042b stong 'dus/ ('dis rjes sor dga' ldan khri thog go lnga
pa'i gser khrir phebs) ang gnyis par ser byes har gdong sog po
mgon po tshe ring dang dga' byang tre hor rta'u tshe dbang mgon
po/ ang gsum par blo gling de mo sprul sku rin po che dang/
nged rang bcas

thon te ang yod rnams ang gnas ltar dang/ ang rim khongs
med
pa rnams rgan gzhon gra sa'i gral rim ltar gral 'khod 'jug gnang
la ho thog thu ang rim du med stabs/ nges tsho mi drug gi gral
mjug gzim sgo'i nye 'gram der khri rgyab yol

sogs ho thog thu'i gdan thob steng bzhugs pa sogs sngar med ya
mtshan zhig byung/ tshang mar gsol ja bzhes 'bras dang/ ang yod
rnams la legs skyes gzengs bstod kyi gnang cha stsal bar/ phran
dang de mo rin po che gnyis la ang

gsum pa'i gnang cha chos gos dang/ ban gzan/ zhwa ser/ dar a
shes/ ja sbag gnyis bcas gsol ras thob/ de ltar dge bshes ming
btags kyi dam bca' dang/ rtsod rgyugs sogs la mkhas pa rnams
thugs khrel gzhi'i ngo

nongs ma dgos tsam byung rung/ brtson pa chen pos dpe char yun
ring goms 'dris kyis gzhung don brdar sha bcad de sems la gzer
bu theb pa zhig ma byung na/ 'phral sel rig rtsal kho nas kha
tsha dgos gtugs kyi btsan thabs tsha sbyong

byas pa de dag 'phral sgang tsam ma gtogs lo rim song gis brjed
nas 'ja' lus 'od skur dengs te/ rjes sor dran yul na rmi lam
tsam las mi sdod par snang/ smon lam dam bca'i byed sgo zin rjes
dgra bcom pa rnams kyis/ bdag

@043a @#/ /gis bya ba byas so/ /'di las srid pa gzhan mi shes so/
/gsungs pa ltar nyin shas blo lhod du ngal gsor bsdad rjes/ slar
yang smon tshogs gnyis kyi dbar der dge bshes shes rab rgya mtsho
rin

po che nor gling du bka' 'gyur dpar yig zhu dag mdzad cing
bzhugs mus kyi drung du nyin ltar bcar te snyan ngag rtsa ba
dang/ 'grel pa dbyangs can dgyes glu'i steng nas le'u bar pa'i
bka' khrid zhus shing/ de sngon sum rtags khrid skabs

dper brjod tshigs bcad sha stag rgyab pa'i drin gyis rtsom la
goms 'dris phran bu yod stabs dper brjod kyang thad ka thad kar
rgyugs 'bul zhus/ le'u thog mtha' gnyis rim bzhin sbyong rtsis
kyang rgyud pa'i chos 'grims dang/ bka' chos zhu

ba sogs kyis 'phror lus/ mngal bshol gyi zla ba bsnan te sa lug
zla ba gnyis par tshogs mchod skabs nor gling bskal bzang pho
brang du don gyi slad du mtshan nas smos te yongs rdzogs bstan
pa'i mnga' bdag mkhan chen 'dul ba 'dzin

pa ^rgyal mchog sku phreng bcu gsum pa chen po rje btsun ngag
dbang blo bzang thub bstan rgya mtsho 'jigs bral dbang phyug
phyogs las rnam par rgyal ba'i sde dpal bzang po'i zhal snga nas
mkhan slob sbrags ma dang/ bde yangs mtshan zhabs

rin po che bstan 'dzin 'phrin las 'od zer zhal snga nas kyis
gsang ston/ rnam grwa dus 'khor slob dpon byams pa bsod nams
kyis dus bsgo ba/ byang rtse chos rje blo gling tre hor byams pa
chos grags dang/ shar pa chos rje ser byes la

@043b ba blo bzang rgyal mtshan/ ('di gnyis ka dga' ldan gser
khrir phebs/) sogs mkhan slob dge 'dun bcu tshogs kyis dbus su
bsnyen par rdzogs pa dge slong gi bslab sdom legs par nod/
mtshams 'dir brjod par bya ba 'di mchis te/ de yang rgan rin

po che shag tu thog mar byon nas bzung rjes sor kho bo rgyud
grwa'i chos 'grims kyi skabs bar mnyam 'grogs gtan bzhugs mdzad
stabs kyis snga dro tho rengs skabs tsam nas yar ldang ste dga'
lha dang/ mtshan brjod/ 'jigs byed bdag bskyed bcas

kha ton zin nas zhog ja ma ran par du mtshan nyid kyi gzhung tshan
skabs gang khel dpe ring shog bu phyed gnyis tsam re ma mthar
blo 'dzin/ snga dro'i bza' btung zin rjes dgon du dus bzhi'i
chos thog so so'i skabs snga dro'i chos grwa dang/ dgong dro'i

sgrel 'don sku rim chos grwa chag med rtag bskyod kyis mtshan mo
chu tshod bcu pa yol tsam bar rtsod gra rgyun ring/ grwa ja dang
nyin gung chos grwa gnyis skabs re nges med/ tshogs dbar la rgan
rin po che nas dpe khrid dang chos grogs ngag dbang blo bzang

dang bgro gleng sogs nang sbyong byed dgos/ dgun chos skabs
grang ngad ha cang che bas rna mchog dang lag par lo ltar rma
dang ser kha gas te chu ser 'dzag kyang chos grwar rtag bskyod
bya rgyur dka' ngal gyi skyo bsun med/ chos mtshams skabs

dang/ lha sar snga dro'i dpe khrid grub rjes rgan rin po che
gling skor la phebs shing/ lo na phra skabs ri mo 'bri ba sogs
rtsed mo sna tshogs rtse ba'i go skabs yod/ gling skor nas 'khor
nye'i mtshams der nged rang gi nye 'gram dang mdun cog sogs

@044a @#/ /gang rung zhig nas tsheg sgra che tsam zhig 'char can
'ong bas/ de 'phral rtsed chas rnams bsdus te dpe cha lta khul
gyis bsdad na rgan rin po che phebs dus bka' bkyon med pa'i gra
'grigs 'ong gi yod stabs/

tsheg sgra ma byung bar blo lhod kyis 'khrab rtsed byas chog
/rgyal chen rdo rje'i mtshan can 'dis kho bo byis pa rtsed mo'i
gnas skabs 'di 'dra la'ang byams pa'i ma bzhin bskyangs pa
grangs med/ chos mtshams skabs dang lha sa sogs su dgong mo sa

sribs tsam nas mtshan mo'i chu tshod bcu pa bcu gcig tsam bar thog
steng du phyir thon te dpe cha skyor dgos/ de skabs gzhung tshig
mi dran par chad pa dang/ gnyid khug pa/ tshig sgra mi gsal ba
sogs byung tshe nang du 'khor mtshams rgan rin po che

nas phyag 'bebs dang bka' bkyon ci rigs kyi char babs kyi yod/
dbu ma rnying pa'i 'dzin grar ma son bar du slob gnyer ba rnams
kyis lo ltar dgun chos chen mo'i skabs grwa tshang mkhan rin po
che'i mdun dpe 'dzin blo rgyugs 'bul dgos par

shog grangs stong du longs pa'i ang dang po'i gzengs bstod kyi
legs dar nang mdzod kyang lo gnyis gsum ring thob/ lha sa'i shag
tu bka' 'gyur snar thang dpar ma cha tshang zhig yod mus thog
/chu byi lor lha sar rgya dmag zing 'khrug skabs

bstan rgyas gling grwa tshang 'thor zhig tu song ba'i gsung rten
gras bstan 'gyur bris ma cha tshang zhig gzhung gnas nas dga'
ldan bla spyir stsal 'dug pa yang lo shas ring nges tsho'i shag
tu bcol 'jog gnang stabs/ rang lo bcu gsum skabs bka'

@044b 'gyur lung zhus rjes tsam nas thog mar bka' 'gyur nas 'dul
ba lung pod bcu gsum bklags pa snyan ches pas spro ba btegs te
rim bzhin bka' 'gyur yongs rdzogs dang/ de rjes bstan 'gyur gras
nas bstod tshogs dang/ mdo sngags rig

gnas skor sogs rnam pa sna tshogs phyed lhag tsam bklags shing/
de yang rgan rin po che nas bka' bkyon phebs dogs kyis pod phyed
tsam re sngas 'go'i cha sgam nang sbas te skabs re nyin dus rgan
phyir phebs skabs dang/ phal cher dgong

mo dpe cha skyor sbyong tshar/ rgan rin po che sku gzim gnang bar
phebs grub rjes mal sa nas tsog pur sgron me'i 'od la shog
grangs bzhi bcu lnga bcu re sgra med yid bshar gyis bklags gyi
yod/ gzhan yang lha sa dang/ chu bzang ri khrod du rje yab

sras dang/ rgyal ba paN chen na rim sogs kyis mtshon pa'i bla ma
du ma'i gsung 'bum dang rnam thar/ mdo sngags rig gnas skor sogs
thor bu'i rigs sna tshogs bcas glegs bam khyon che yod pa rnams
'di ma bltas bya ba med pa lta bu'i yam

me ba zhig shing byi lo cha phreng du bskyod kha'i bar zhar dang
zhor du bklags shing/ khams su sdod ring dang slar dbus su 'khor
nas kyang grub mtha' ris med kyi bla ma mang po'i gsung rab du
ma zhig snga phyir mjal mod de/ ji skad du/ shes rab brgya ba

las/ rig pa glegs bam nang gnas dang/ /ma bsgrubs pa yi gsang
sngags dang/ /brjed ngas can gyi bslabs pa rnams/ /dgos pa'i tshe
na bslu ba mang/ /zhes gsungs pa ltar byis pas lha khang gi ltad
mo mthong ba'i dper song ste

@045a @#/ /mthong goms kyi lag rjes ri bong gi rwa'i mched zlar
gyur pa 'dir zad/ tshogs mchod grol rjes dpal ldan stod rgyud
grwa tshang du sgrigs zhugs bgyis shing/ de nas dbus stod chu
mdar rgyud grwa'i dpyid chos su

bskyod de mkhan rin po che ser smad rgyal rong blo bzang brtson
'grus zhal snga nas kyi drung nas gsang 'dus 'grel pa bzhi
sbrags kyi bshad lung rim zhus dang/ dpyid chos grol nas dga'
ldan dbyar chos/ lha sar gtor chen dang sgrub mchod

khag /se ra chos thog bcas su rim par bskyod rjes zla ba bdun pa
nang brag yer par rgyud grwa'i dbyar phyi ma'i zhal bzhes dang
'brel chos thog tshugs skabs dge bshes tshos ? gsar khral dam bca'
'jog rgyu dang/ dkyil 'khor thig sbyong nyin

bdun/ mkhan blar rgyugs 'bul gyi thig chen nyin gsum sogs tshang
mar bskyod cing/ thig chen skabs sngar lam mkhan bla gnyis nas
dge bshes rnams la gsang bde 'jigs gsum gyi blos slangs dang/
dkyil 'khor gyi mtshon don skor/

mchod g.yog rnams la dkyil 'khor gyi tshon thob/ gsar bu rnams
la thig rtsa ra sprod bcas rgyugs bzhes mdzad srol ltar dge
bshes tshor blos bslang sogs kyi dri ba gnang bar nged rang dge
bshes tsho'i mdun der yod gshis sngags rams dam

pa'i bka' drin gyis dri lan tshang ma thad kar 'bul thub pa
byung/ yer bar 'grel pa bzhi sbrags dang/ bde mchog rtsa rgyud
dang 'grel pa sbas don kun gsal gyi 'chad nyan mjug 'gril/ rje
gong ma'i sku tsha rig 'dzin dang/ bla tshab dge

@045b bshes gcig /chog grogs rgyud stod pa gnyis bcas mi bzhi de
sngon rdzong zur legs bshad de nyid nas sog yul thor god phyogs
su 'bul sdud du btang nas lo shas song ba 'di skabs phyir 'khor
yang/ thog mar 'gro chas kyi bu lon lo mang song ba'i

ma bskyed phud 'phros lhag bsdad rnams mi bzhir cha bgos skabs
'bul sdud 'khor ba'i mi kha ldang thub tsam las nus pa thon pa
zhig ma mchis/ de mtshams nas rgan rin po che dang nged gnyis nas
shag gi srid don las 'gan gang ci rig 'dzin la

rtsis sprad/ yer pa'i chos thog grol rjes lha sar ston chos dang
gnyis dang/ rtse chos thog /dga' ldan dgu chos/ 'bras spungs
chos thog bcas su rim bzhin bskyod cing/ rang lo nyi shu pa
lcags spre lor smon lam grol rjes skyor

mo lung du rgyud grwa'i chos thog tu bskyod/ rgyud grwa'i sngar
srol la tshogs chen sprul sku rnams thog mar rgyud grwar zhugs
nas zhag gsum ring gral gnas ming mtshams su bsdad de grwa dkyus
gsar bu tsho nang bzhin tshogs dang chos ra 'grims dgos pa

dang/ nyin zhag gsum song rjes las sne tshor sne ja zhes pa'i
gsol ja gzab nges shig dang/ dge 'dun byings la bsnyen 'gyed
'bul dgos/ de nas bzung las sne thon zin gyi gral mtshams su gnas
spos kyis tshogs chos dgongs zhu sogs

las sne zur pa spyi mtshungs kyi gnang ba thob kyi 'dug kyang/
rgyud pa'i chos 'grims lo gcig ma 'khor bar gnang ba zhu ma dgos
pa gtso 'don gyis grwa rkyang dkyus mtsho dang khyad med tshogs
chos 'grims khul byas gshis rgyud grwa rnams thugs dgyes 

@046a @#/ /tshor chen po mdzad de rjes sor sprul sku rgyud zhugs
mdzad mkhan rnams la sngon ma khri byang tshang gis tshogs chos
grwa 'di 'dra 'grim yong zhes dpe ston byed pa yang byung 'dug
/de lo rgyud grwa'i dga' ldan dgun chos su

bskyod skabs rmi li dge bshes dge 'dun nas bskul ba bzhin rdo
khang khang tshan gyi tshom nang dge 'dun sum brgya skor la dmigs
brtse ma'i be'u bum pod gsum dang/ bkras lhun sngags chog pod
gnyis kyi bklag lung phul/ kho bo rgyud par

sgrigs zhugs zin rjes rgyud grwa'i chos 'grims dang/ de nas chu
bzang ri khrod du chos zhu sogs kyis gtan sdod bya rgyu med
stabs rgan rin po che nyid dga' ldan du shar byang grwa tshang
gnyis ka'i khongs nas dge phrug slob gnyer ba mang po yod pa
rnams

kyis gsol 'debs zhu bskul bzhin dgongs pa zhi bar ma mnal bar du
lo ltar dbyar gnas dang/ dgun chos chen mo'i skabs su dga' ldan
du phebs bzhugs dang/ de min ston dpyid gnyis kar lha sar kho
bo'i shag tu bzhugs 'jags mdzad/

rang lo nyer gcig pa lcags bya lor dpyid dus chu bzang ri khrod
du ^skyabs mchog rdo rje 'chang pha bong kha pa'i zhal snga nas
rdo rje rnal 'byor ma'i sind+hu ra'i dbang bzhi byin rlabs dang
bskyed rdzogs zab khrid/ sa skya'i gser chos bcu gsum/ stag

(phu'i dag snang bcu gsum/ 'jam dbyangs chos skor/ lho brag
snyan brgyud/ rnam sras bka' bco lnga bcas kyi rjes gnang rnams
rim par nod/ bshol zla bdun pa phyi ma'i tshes gsum nas zla ba
brgyad pa'i tshes drug bar stag brag ri khrod du rgyud kyi ston
pa rdo rje 'chang dang zhal mi gnyis pa stag brag)

@046b khri sprul rin po che ngag dbang gsung rab mthu thob bstan
pa'i rgyal mtshan dpal bzang po'i zhabs drung nas/ ^skyabs mchog
rdo rje 'chang pha bong kha pa dpal bzang po mchog dang/ khyab
bdag bka' 'gyur ba chen po blo bzang don ldan/ sgo mang khang

gsar rdo rje 'chang/ gro mo dge bshes rin po che ngag dbang skal
bzang/ 'on rgyal sras rin po che/ tsha ba 'od zer sprul sku/ khri
ngag dbang nor bu rin po che/ dga' byang khri dwags rin po che
sogs bla sprul nyi shu rtsa gcig dang/ brag g.yab 'o 'bom

rtogs ldan 'jam dbyangs blo gros sogs dge ba'i bshes gnyen dgu
bcu go bdun bcas 'khor phun sum tshogs pa du ma dang lhan cig
grub chen mi tra dzwa kis legs par bkral ba'i dkyil 'khor brgya
rtsa brgyad las/ mi tra thun mong ma yin pa dkyil

'khor drug cu rtsa lnga'i dbang chen nyin re snga dro rgyud sde
'og ma'i dbang re dang/ phyi dro bla med kyi dbang re bcas nyin
re dbang gnyis re dang/ rgyud sde bzhi po so so'i dbang gi sta
gon yang skabs so so'i sngon du mdzad pa sogs phyag len mtha'
dag sla bcos su

ma song bar brgyud ldan dam pa'i phyag bzhes ltar cha tshang
nod/
de lo 'bras spungs blo gsal gling gi phyag sbug bsko gzhag skor
gyi gleng brjod cig gis rkyen pas las sne rnams la dbang jus med
par grwa dkyus don ma go ba re zung gis ngan bskul byas

te grwa dmangs gang 'tshams shig gis nor gling pho brang gi zhal
dkar 'og gdengs cha'i steng nas phyag 'tshal zhu 'bod sogs khrims
srol dang mthun min byas rkyen/ ^gong sa mchog chos klong
rnyog
'gal gyi rnam pas byed gte rnams bka' 'gugs

@047a @#/ /bskyangs skabs nyag re rgya'o zhes pa stod lung khul
bros yib yod skad kyis gzhung dmag 'ga' shas stag lung brag tu
'tshol zhib tu 'byor te bka' chos tshugs sar yang blta zhib byas
song bas/ chos zhu'i

gras la rgya'o yod rigs rnams dmag mis 'ol tshod kyis 'ju bzung
byas mi yong ngam snyam pa'i 'jigs dogs chen po byung song/
skabs der chos dbar zhig la ^skyabs mchog rdo rje 'chang pha
bong kha pa'i zhal snga nas las rdo rje rnal

'byor ma'i sngags btu'i rjes gnang dang/ chos rgyal gyi drug cu
ma zhi drag gi phyag khrid bcas kyang thob/ stag brag ri khrod
nas chu bzang du 'khor rjes lha klu'i lha lcam g.yang 'dzoms
tshe ring gis gsol ba btab pa bzhin/ nyang bran chu bzang

ri khrod kyi chos rar ^skyabs kun 'dus zhal blo bzang thub dbang
rdo rje 'chang dngos rje pha bong kha ba chen po'i zhal snga nas
chos zhu bla sprul dge 'dun gtso gyur gyi ser skya chig stong
brgal bar zla ba brgyad pa'i tshes sum cu nas bzung nyin nyer
bzhi'i

ring lam rim 'jam dpal zhal lung dbus brgyud dang/ lho brgyud/
myur lam dmar khrid bcas gsum sbrags kyi steng nas byang chub
lam gyi rim pa'i nyams khrid zhib rgyas stsal mjug smon 'jug cig
car 'dzin pa'i sems bskyed cho

ga dang bcas mdzad song ba'i chos gral du skal bzang thob cing/
bla ma rdo rje 'chang 'di nyid nas gsung chos gnang skabs/ ji
skad du/ blo gros ldan la zab rgya che/ /blo chung go sla bzung
bde ba/ /zhes pa ltar 'chad tshul mkhas pa'i

@047b dbang gis blo mtho dman kun gyis go bde zhing/ tshig gi na
yam tsam min par myong steng du bskor te gnang bas thams cad
blo
sna bsgyur thub pa zhig mchis stabs/ 'di skabs rang sems rta
rgod ri la yar 'dra'i dred po lang shor 'di chos lam drang por

'dzud par mdzad pa'i bka' drin byang chub snying po'i bar mgo la
thod bzhin bkur kyang gzhal nus bral bar gyur/ skabs der brag
g.yab gdong gong sprul skus gsung bshad zin bris lam rob bkong
'dug pa sbyor chos tshogs zhing spyan 'dren mtshams bar

^skyabs mchog rdo rje 'chang nyid nas gzigs zhib bsnon 'khri
bskyar bcos mdzad zin pa'i 'phro skyong rnams rjes sor don gnyer
can mang pos bskul ma gnang ba bzhin lam rim gsung chos snga
rjes su stsal ba'i zin bras khag nas legs cha khu bsdu

dang/ de dag tu ma gsal ba'i gsung bshad rang blor phran bu nges
rigs gsar bsnon bya 'os sogs bgyis te da lta dpar du bkod pa
rnam grol lag bcangs zhes pa de yin/ cha phreng nas cha gong be
mda' sprul sku dang/ la kag sprul sku gnyis

pha yul nas mnyam thon gnang 'dug kyang/ be mda' 'khor bcas
kyis
bang mi sngon btang gis ^rgyal dbang mchog mdun lha sar khri
byang bla brang du bya tshang 'dzul dang/ ral gri shub bcug ltar
shar mar bskyod bsdad chog pa zhes ^snyan zhu'i

bka' lan dus 'byor ma byung bar chab mdor zla gcig lhag tsam
sgug dgos byung stabs/ la kag sprul sku sngon thon gyis chu
bzang ri khrod du nged sar phebs nas dga' ldan du sgrigs zhugs
bya rgyur khyod nas dge rgan dang 'brel gang cir

@048a @#/ /rogs mgon byed dgos gsungs pa ltar byas shing/ lam rim
gsung chos grol rjes lha sar yong skabs lha sa'i gling skor gyi
byang shar smin grol zam pa'i 'gram der kho bo 'byor pa dang/ be
mda' sprul sku ston 'khor

rnams ser smad spom ra dge bshes mda' dpon zer bas bsus te lha
sar thog mar phebs pa gnyis mnyam 'dzoms ma bsgrigs lhun grub
rus sbal dang gnya' shing 'phrad pa'i dpe bzhin ya mtshan can
zhig byung/ ^rgyal dbang mchog nas

be mda'i snyan zhu'i phyir phebs su/ khri byang sprul sku ngos
kyi brtag don bzhin sprul sku ngos 'dzin 'brel gdan sa dga' ldan
du chos zhugs slob gnyer dang/ lha rams ming btags kyang zin te
deng skabs dpal ldan stod rgyud grwa tshang du sgrigs

zhugs yod mus stabs/ khri byang bla brang du thad 'dzul bya 'os
mi che bas/ pha mes kyi thob khungs gang yin gyi gdan sar sgrigs
zhugs byed 'thus/ zhes phebs yod 'dug rkyen sprul sku ser smad
grwa tshang du chos zhugs mdzad song/ gong

gsal 'dis mtshon ^rgyal dbang mchog la snyan zhu snga rjes phul
ba'i phyir phebs bka' yig 'ga' shas sprul sku'i sku mched dge
bshes ye shes zhes pa snyoms chung zhig yod pa nas sprul sku
dgongs pa rdzogs rjes pha yul du bskyod khar nged tshos sngar

don med kyi bya ba mang po byas par bzod bzhes dgos tshul dang
bcas nged la sprad byung/ lam rim grub rjes nyin shas ring chos
seng mdzad de slar yang chu bzang ri khrod kyi 'du khang du
^skyabs mchog rdo rje 'chang gi zhal snga nas chos zhu drug cu
skor la

@048b mchog tu grub pa'i rnal 'byor gyi dbang phyug bye ba'i
gshegs shul/ rdo rje rnal 'byor ma rnams kyis gnyer du bya ba'i
don po/ gsang ba las kyang ches shin tu gsang ba'i rgyud kyi
mthar thug dpal 'khor lo sdom pa dril bu lugs phyi dkyil lha
lnga

dang/ dril bu lus dkyil gyi bka' dbang bcas rim stsal rjes lus
dkyil bskyed rdzogs kyi zab khrid dang/ nA ro chos drug gi
khrid bcas stsal bar kho bor yang skal bzang thob cing/ chos zhu
byings grol rjes nged tsho nyung shas la mtshan mo bskyar

tshogs kyis chos drug gi lus sbyong 'phrul 'khor sogs phyag khrid
zhib par stsal nod/ 'di res dgong mo zhig bla ma rin po che dang
nged tsho tshang mas rlung bum pa can bzung ba dang sbrags lus
sbyong 'phrul 'khor gnang ste 'jam ting nger bzhugs skabs

rgyab gral zhig nas grwa gcig gis 'og rlung sgra can zhig shor
rkyen/ bla slob tshang ma re zhig ring bzhad cha dir re bar
mtshams chod pa zhig byung/ ? /rang lo nyer gnyis pa chu khyi
lo'i smon lam grol rjes ^skyabs mchog rdo rje 'chang pha bong

kha pa mchog nas ^gong sa chen po'i bka' dgongs bzhin lha ldan
rme ru'i 'du khang du chos zhu ba bzhi stong tsam la byang chub
lam rim 'bring po'i bshad lung stsal song bar chos zhur bcar/
tshogs mchod grol mtshams khyab bdag stag phu rdo rje 'chang

blo bzang 'jam dpal bstan pa'i dngos grub bam/ padma badzra
mchog bar khams nas lha sar zhabs 'khod kyis bka' shag lho zhes
par bzhugs pa'i zhabs kyi padmor phyag bgyid pa'i skal bzang
thob cing/ srid blon zhol khang pa'i sras shar pa sprul

@049a @#/ /sku nas gsol ba btab pa bzhin rdo rje 'chang gang de'i
dag snang zab chos kyi dbang bka' sum cu lhag tsam zhig ^skyabs
rje stag brag rdo rje 'chang dang/ dga' ldan khri dwags rin po
che/ 'bras spungs rmog lcog

rin po che sogs dam pa'i skyes mchog bdun dang lhan cig par kho
bo yang byin rlabs bla na med pa'i bdud rtsis re ba'i yol go
gtams/ nyin gcig rdo rje 'chang shag tu gdan drangs te sgrol ma
tsitta ma Ni'i snying zhugs rjes gnang dang/ thang stong

snyan brgyud tshe dbang 'chi med dpal ster bka' drin nod/ rdo rje
'chang 'di nyid la stag phu bstan pa'i rgyal mtshan dang/ gar
dbang rin po che sogs ltar lha dang bla ma'i zhal gzigs dag
snang spyi dang/ lhag par rje btsun sgrol ma mi dang mi 'phrad
pa

ltar yang yang zhal gzigs lung bstan sogs gsang ba bsam mi
khyab
pa'i chos skor ma yig pod gcig dang/ bu yig pod gsum tsam mchis
shing/ rab 'byams dkyil 'khor rgya mtsho dang thabs cig par
bzhugs pa'i bdag nyid chen

por brten kho bo'i lhag pa'i lha skal dang/ phyi ma'i 'gro ba
cir 'gyur lung ston par gsol ba btab pa bzhin/ sgrol mar zhu
gnang gi lung tshigs bcad rkang pa brgyad can zhig kyang stsal
byung ba ldem por dgongs pa'i gsung min na skyid nyal chog

rigs su gda'/ bka' 'gyur bla ma rin po che blo bzang don ldan
dpal bzang po'i zhal snga nas kho bor rgyun du thugs brtse bas
nyin gcig shag tu byon te/ khyed rang rje yab sras gsum gyi
gsung 'bum gyi lung de sngon ma thob gshis lung nyon

@049b dang nged kyis lung bklag chog /'bul ba sogs mi dgos zhes
gsol ba btab ma dgos par dgyes brtses rjes 'dzin gyi bka' bzang
phebs pa bzhin/ gzim shag bshad sgra'i gzim chung du 'jam mgon
tsong kha pa yab sras gsum gyi gsung

'bum gtsang dpar gyi steng nas bklag lung stsal ba thob cing/ de
skabs 'khos 'byor zhan pas 'bul ba dngul rdo tshad lnga las 'bul
ma thub/ de'i mjug tsam la bzhi sde smyang gnas lha khang du
bka' 'gyur bla ma rin po che'i drung nas stag phu

gar dbang gi gsung 'bum pod lnga'i lung thob/ skabs 'di shed cig
tu ^skyabs mchog rdo rje 'chang la dgongs bskor dang 'brel dga'
byang khri dwags rin po che dang/ sgo mang rmog lcog rin po che/
mtsho sna dgon rtse rin po che sogs bla sprul dge

bshes 'ga' shas dang/ kho bo cag bcas nas lha ldan bshad zur
gzim shag tu gsang bde 'jigs gsum gyi dkyil 'khor blos slangs
lag len zhib par sbyangs/ /rang lo nyer gsum pa chu phag lor chu
bzang ri khrod du ^skyabs

mchog rdo rje 'chang pha bong kha'i drung nas ba ri brgya rtsa
dang/ sgrub thabs rgya mtsho/ snar thang brgya rtsa/ grub thob
brgyad cu bcas kyi rjes gnang/ 'jigs byed lha bcu gsum ma'i
sgrub thabs za ma tog gi steng nas bskyed rdzogs kyi nyams khrid

(zab lam bla ma mchod pa dang phyag chen rtsa ba'i steng nas bla
mchod dang phyag chen gyi khrid)/ 'jigs byed dpa' bo gcig pa'i
gzhi bsnyen chen mo'i khrid kyis mtshon gzhan yang lung khrid sna
tshogs shig rim can du thob/ gong smos ltar shag gi 'gan khur
rnams mdzod pa rig

@050a @#/ /'dzin la drag res kyis sprad kyang/ khong shes 'khos
dman pa'i khar sho sbag gi rtsed mor dga' bas 'dzin skyong 'thus
shor che zhing/ rgan rin po che dang nged gnyis kyi bza' btung
yang sha khog phar

sprad gtigs ka tshur sgug gi dpe ltar tshul bzhin 'byor min stabs/
bka' blon khe smad zhabs pad rin chen dbang rgyal de nyid skabs
de'i bka' blon nang nas nus pa che shos shig yin stabs grogs
mgon zhig gnang na tshig tsam gyis

'grub nges la bsam pa'i re ches 'bul mtshon phran bu 'khyer nas
kun bzang rtser khong sar bcar te gang ci'i gnas lugs rnams zhib
zhus 'brel/ rig 'dzin la bsam spyod brje bsgyur gyis byed sgo
tshags tshud lugs mthun dgos pa'i

bka' khyab gnang grogs zhus par/ sprul sku khyed rang nas kho
bar gsung lugs 'di 'dra gnang dgos sogs kyi bka' slob phran bu
las don phan phyag bzhes gnang ma byung bas/ ji skad du/ bdag
nyid bdag gi mgon yin gyi//

gzhan dag su zhig mgon du 'gyur/ /zhes pa ltar rang mgo rang gis
ma thon na gzhan la re dgos 'di bya ba'i tha mar ma zad/ rje
'ba' ra ba rgyal mtshan dpal bzang gis/ gnyen nye 'brel nye ring
mnyam lags kyang/ /'byor ldan kha so ngo

lag blta/ /dbul zhing phongs pa byur du che/ /'khos med mi
mthong mtho kha 'grims/ /dus ngan gnyen zla srong bar dka'/
/zhes gsungs pa thugs mad snyam ste nye 'brel la re ba'i kho
thag chod/ rgyud grwa'i lo 'khor chos

@050b thog 'khor nas bzung phal cher chu bzang ri khrod du gtan
sdod kyis ^skyabs mchog rdo rje 'chang pha bong kha pa mchog gi
gsung chos nam yod la bcar zhing/ lo snga phyi'i gsung chos kyi
seng dbar rnams la rdo rje rnal 'byor ma dang 'jigs byed dpa'

gcig /lha bcu gsum/ bde mchog dril bu lha lnga/ rta mgrin gsang
sgrub/ thugs rje chen po dpal mo lugs sogs lhag lha'i las rung
bsnyen mtshams dang/ gtso bor sngon 'gro bsag sbyangs dang
sbrags
te lam rim gyi dmigs

skor la ci nus 'bad khul gyis blo la yar bskyed cig 'byung re'i
ngang/ ring min cha phreng du bskyod dgos sogs gzhan rkyen
rnam
g.yeng 'du 'dzi'i rgyar tshud de bsam sgom nyams myong gi lag
rjes dgun gyi na bun ltar yal te bsam thog tu mi rgyugs

pa 'di tshe rabs sngon mar bsod nams min pa'i las mang du bsags
pa'i 'bras bur sems/ /rang lo nyer bzhi pa shing byi lor mdo
smad cha phreng dgon yul spyi mgrin nas 'bod bskul byung ba ltar
cha phreng du bskyod gtan 'khel

te smon lam grol rjes rgyud grwa'i sgrigs khongs nas dgongs zhu
byas te gding ba 'then/ de nyin ^skyabs rje gling mchog sprul
rin po che mchog rgyud grwar gsar zhugs kyis bzhugs gding skyon
pa dang stabs khel gyis grwa ja tsha rting ma'i tshogs

thengs gcig ring mnyam du byung/ tshogs mchod grol rjes lha ldan
rang shag bkra shis rab brtan du dga' shar rdo khang bsam gling
dge bshes yon tan gyis bskul ngor chos zhu dge 'dun nyis brgya
skor la rje tsong kha pa yab sras gsum gyi 

@051a @#/ /gsung 'bum gyi bklag lung phul/ de skabs nyin rer pod
re re bklags shing/ gzhan dag ltar nyin rer pod gnyis gsum bklag
pa ni rang gi lce'i dbang pos bskal bas ma nus so/ /dus skabs
der slar

yang ser smad spom ra cha phreng dpal phyug mda' dpon dge bshes
dang/ khro tis tshul khrims sogs nas ^rgyal dbang mchog bka' blon
tsha rong pa zla bzang dgra 'dul la gzigs pa dge bas khong brgyud
kho bo cag khams bskyod skor la bsnyad

pa'i rnyog ma bskyar slong gi ^snyan zhu phul yod 'dug pa dang/
khams phyogs su'ang 'gal rkyen ji 'byung ma nges pa ma zad/
khams bskyod byas shul shag gi 'dzin skyong sogs grwa sa'i khams
tshan la bcol na legs min sogs blo dogs

ma chod stabs/ bzhi sde tA bla ma zhes pa gzhung zhabs dgongs
zhus kyis chu bzang ri khrod du bla ma rdo rje 'chang gi ^zhabs
pad bsnyen nas ci gsungs bka' bzhin sgrub pa'i dge slong rnam
dag cig yod pa khong la rgyal chen shugs ldan brgya lam

na thengs re tsam gsang rgya dam po'i sgo nas khog phebs gnang
gi yod pa nyin gcig shag tu bos te spyan 'dren lung bskul zhus
par bka' lung du/ ^rin chen gdugs de tsha gdung skyob pa'i mchog
/(^rgyal dbang rin po che) gser nya'i

thugs gtad rgya mtsho chen por dge /(gdan sa'i khams tshan) 'dod
rgu'i bum par dgra mang kun gyi chos/ /(log sgrub mang ba chos
nyid) padma'i gnyen byed zla bar dogs ma dgos/ /(gcig shos kyi
don la ^gong nas mi gzigs pa) chos

@051b dung gsung gis dga' ldan snyan brgyud de/ /thugs gsang
dpal be'u nyid nas 'dzin gyur na/ /chos kyi rgyal mtshan g.yul
las rgyal ba yi/ /grogs kyi 'khor lo dregs pa nged nas byed/
/ces phebs pa de kho na bzhin byung/ de'i mjug

tsam la tre hor dkar mdzes 'khrungs gsar rin po ches bskul gnang
bzhin khyab bdag bka' 'gyur ba chen po rje btsun blo bzang don
ldan dpal bzang po mchog gis dbus bla sprul dge 'dun brgyad cu
skor la thu kwan chos kyi nyi ma'i gsung

'bum bka' rgya ma dang bcas pa'i bklag lung phul/ spang mda'i
chos btsun 'phrin las bde de? nas bskul ngor chos nyan pa ser
skya drug cu skor la rdo rje rnal 'byor ma'i byin rlabs dang/
bskyed rdzogs kyi zab khrid/ don gnyer can nyis

brgya skor la bde mchog dril bu lha lnga dang/ rta mgrin gsang
sgrub kyi dbang chen bcas rim par 'chad spel bgyis/ khams phyogs
su thon nye'i skabs nor gling du ^gong sa skyabs mgon chen po'i
zhabs brten gyi padma la mngon par 'dud

pa'i mjal bcar zhus par khams phyogs byed sgo'i skor bka' slob
mang tsam phebs/ yar lam rje bka' 'gyur ba chen po blo bzang don
ldan mchog rtse rnam grwa'i dbyar gnas skabs so thar gyi mdo
rgyas pa 'chad sar ^gong sa chen po'i bka'

'brel bzhin bzhugs 'jags mdzad 'dug par thon phyag mjal bcar
zhus/ ^skyabs kun 'dus zhal rdo rje 'chang pha bong kha pa dpal
bzang po 'bras spungs blo gling grwa tshang du lam rim chen mo'i
gsung chos stsal mus kyis pho brang kun dga'

@052a @#/ /ra bar bzhugs pa'i ^zhabs drung du thon mjal du bcar
bar/ khams phyogs su dge ldan ring lugs gtsang ma spel dgos sogs
rjes su brtse ba'i bka' slob bdud rtsi'i snying po can zhib
rgyas dang gnang

skyes kyang rgya cher stsal/ shag tu las byed rig 'dzin gong
smos ltar byed spyod tshul ldan zhig med gshis/ kho bo khams
bskyod bya shul du shag tshang 'dzin skyong 'thus shor yong nyen
stabs dga' ldan rdo khang khang tshan la 'gan bcol gyis

dga' ldan gyi shag dang/ pogs 'dzin bya mus dga' ldan bla spyi'i
chos gzhis mal dro bya ra mdo'i gtong yong rnams khang tshan la
'gan dkri dang/ lha sa'i shag dang shar rtse'i chos gzhis bogs
'dzin bde chen la mo rtse/ bde yangs pa'i

chos gzhis rgya mag gzhis bogs 'dzin bcas kyi za las 'dzin
skyong mdzod pa rig 'dzin la 'gan dkri rtsis sprod kyis phyi bun
sprod 'jal Tam rdo sum brgya yod pa nas khang tshan la Tam rdo
nyis brgya dang/ rig 'dzin la Tam rdo brgya tham pa

gtsang sel byed rgyu'i 'gan dkri byas kyang/ rjes sor phran
khams nas phyir 'khor skabs khang tshan nas Tam rdo nyis brgya'i
bu lon gtsang sel thog da dung 'bru dngul gang 'tshams gsog
gnang
'dug cing/ rig 'dzin nas bu lon

sngon yod thog da dung phran bu 'phar blangs byas 'dug /bar
skabs shag tu phyag mdzod snga rjes rim gshegs dang/ phran rang
gi dge bshes gtong sgo sogs 'gro song rim bstud gtong dgos thog
/'khur 'gan theg pa'i las byed

@052b nyag phra dang bcas dngul dngos 'khos 'byor ha cang zhan
pas khams phyogs thon rgyu'i 'gro chas sgrig rgyur dka' ngal che
tsam byung yang/ slob bu sbyin bdag khag la re bcol snga g.yar
sogs byas te ngan gra 'grigs tsam gyi thog nas zla ba bdun pa'i
tshes

shar la phran dang/ mdun g.yog lha bu/ mchod g.yog rgyud
stod
sngags ram smar khams ze 'bru dgon grwa bu rdor/ chog grogs
rgyud stod phu khang blo bzang bkra shis/ ma chen rnam rgyal
rdo
rje/ 'tshems bzo bstan 'dzin lha dbang/ rta drel

g.yog bsod nams dbang 'dus can mi gnyis/ cha phreng ba'i gdong
bsu stan grong dpal 'bar thogs med sogs spyi 'thus bzhi bcas lha
sa nas rdog thon byas te yar lam gung thang du zhag gnyis
bsdad/
skyes lha drag shul dbang po dang/

nyi ma gzhon nu gtso 'khor sogs khog brlams spyan 'dren zhu
skabs mdzod pa rig 'dzin phran skyel thung du yong ba las khams
bskyod byed mi min yang/ drag shul dbang po'i las byed btsan
rgod nas lam bgrod skabs lam phrang chu gsum dang/

phran gyi zas spyod 'phrod bsten skor do khur bya dgos sogs kyi
lung ston byas song ba dgod bro mtshang du che/ de nas bskyod de
bde chen kha rab 'og gong ko tshang du a ma lags dang sring mo
'jam dpal chos mtsho gnyis sar zhag gcig bsdad nas/

sang der dga' ldan du 'byor te rgan rin po che blo bzang tshul
khrims mchog dang lhod mjal zhus te nyin shas bsdad zhor rdo
khang khang tshan gyi 'du khang du dge 'dun lnga brgya lhag
tsam
la 'jigs byed lha bcu gsum ma'i dbang chen sta gon dang bcas pa
nyin

@053a @#/ /gnyis/ gser sdong chen mo'i spyan sngar mchod 'bul/
dbang bskur rir lha bsangs nyin gcig /shar rtse grwa tshang nas
dga' skyel mgron 'bod ltar bskyod cing/ der mkhan po las thog pa
phu khang blo bzang

mkhyen rab nas grwa tshang gi skyel rdzongs maNDal rten gsum
'degs gnang skabs/ sku gsung thugs rten so sor tshigs bcad re
gsungs te mchod rten gnang skabs/ bskal pa bye ba bsam yas su/
/mchod rten mdzad cing bzhugs gyur

cig /ces gsungs song ba khong mtshan nyid phyag dpe mkhas snyan
che yang/ yi ge'i brda dag ma mkhyen pa'i skyon cha mngon tshan
can zhig byung song/ cha phreng ba rnams dmag jag la 'dzems med
dgra shugs che ba'i grags pa yod mus khar

phran la dang ba mi rton pa'i phyogs shig kyang yod mus bcas
kyis kho bo cha phreng nas slar dbus su bde 'khor thub dka'i
ngang tshul lta bur tshang mas gzigs bzhin lta bus sam/ gang ltar
kho bo dga' ldan nas thon mjug tsam nas mkhan rin po

ches shag sdod rig 'dzin dang/ khams tshan gyi 'thus mi sogs la
gnas dus tshod rtsis lta bu'i bsnyon dkri ka kor mang tsam gnang
'dug pa/ ^skyabs mchog rdo rje 'chang gis/ skyob par 'os pa'i
char sprin las/ /skyin thang me lce'i

thog mda' 'bebs/ /bsten 'os nyin byed 'od brgya yang/ /sreg byed
dmyal me'i zhags pa bzhin/ /zhes gsungs pa ltar byung snang/
dga' ldan du rten mjal zhu rgyu dang dga' nye chos grogs khag
dang ngo 'phrad sogs kyi byed sgo zin rjes

@053b de gar dngul byung rigs gser sdong chen mor mchod 'bul
sogs 'gro song phud 'phros lag sne dngul srang bco lnga tsam
nyar zhing/ de 'phros ji yod rgan rin po cher phul/ dga' ldan
nas thon nyin der rgan rin po che ha cang thugs 'phreng ba'i
rnam

pas spyan chab dang sbrags 'gro 'dug byed sgo'i skor sogs lugs
gnyis kyi bka' slob snying gi thig ler bskyil bar 'os pa mang du
stsal 'byung bar/ nged rang 'bral mi phod par sems 'phreng bzhin
du bskyod dgos byung/ de nas mal gro bya ra

mdo'i gzhis su zhag gnyis bca' sdod byas nas rin chen gling
dang/ 'od zer rgyangs/ mtsho mo rag /kong po sba la dang rgya
mda'/ khro la dang lha ri 'go /ban d+ha la/ nub gong la/ a la
rong gi lam 'phrang nyam nga gcong rong zab pa dang

chu zam bgrod dka' ba rnams rim bgrod kyis rngod gro skad du
'byor zhing/ der drin can sngags ram dam pa'i gzhis dgon a rig
dgon du zhag gcig bsdad de bsnyen bkur sa bcad tsam phul/ sang
der dam pa de nyid kyi gzim khang a yig

thang 'go ba'i nang du khyug tsam bskyod de sku tsha ngo yod
rnams la lag rtags mtshon byed tsam re bstabs/ rgya mtsho gling
dgon du bla brang nas 'bod gnang ltar bskyod de zhag gcig bsdad/
gung sprul rin po che sku gong ma nas brgyud pa'i chos bka'

mang nod la brten gdung rten la mchod 'bul zhus/ yang srid da
lta'i rgya mtsho gling sprul sku der bzhugs 'dug pa sku na phra
bas sku rtsed la rol bzhin snang/ shar gong la brgal te lcags ra
dpal 'bar du slebs/ der rgyud smad sngags ram pa

@054a @#/ /dpal 'bar dge bshes ngag dbang chos 'byor can nas
bskul ba bzhin dpal 'bar grwa tshang gi dge 'dun bcu skor zhig la
bsnyen rdzogs kyi bslab pa sdom 'bog chog byas/ de nas lha rtse
dang/ sho pa mdo

sogs rim bskyod kyis rdzi thor nyin pa dang/ sribs pa zhes pa'i
grwa tshang gnyis yod pa'i nyin pa grwa tshang nas bskul ba bzhin
der nyin gsum bsdad de/ de ga'i byams sku gsar bzhengs la grwa
tshang gi chog grwa ba dang bcas 'jigs byed kyi sgo nas

rab gnas rgyas pa dge legs char 'bebs dang/ de khul mi mang dang
bcas la tshe dbang zhig kyang bskur/ tshogs dbar la sribs pa grwa
tshang dang brag nag bla brang nas mgron 'bod ltar bskyod de rab
gnas sogs byas/ de nas lho rdzong du rje

gong ma'i yon bdag dpon rnying tshang du bsdad cing/ gzhi bkram
dgon nas 'bod bskul ltar 'khyug tsam bskyod de rten la rab gnas
dang/ dge 'dun rnams la chos 'brel mdor bsdus shig byas/ yi
dwags la dang/ rgyal mo rngul chu'i zam

chen zhabs g.yas zam par grags pa dang/ chu tshul la bcas brgal
te wa ko dmar rir 'byor/ khyung po steng chen nas hor spyi mkhan
chung g.yu thog pa dbang 'dus nor bu nas bang mi ched gnang gis
wa ko dmar rir ngo phebs lhod

mjal gnang rgyur der sgug sdod byed dgos zhes gsungs 'dug par
brten/ dmar rir bca' zhag gcig bsdad pa'i sang der hor spyi ngo
las dang bcas phebs byung ba nyin gcig lhod mjal gyis grub rgyal
lugs kyi tshe dbang phul/

@054b mkhan chung nas bskyel brdzongs gnang cha zab rgyas
stsal
byung ba'i dngul dang/ lam bar dad rdzas kyi dngul phran bu
byung ba rnams hor spyir phul te rdo khang khams tshan du 'bul
byed gser zangs kyi 'phan 'go dzi par gzugs cha gnyis bzo

bskrun bka' mngags zhus/ mkhan chung 'di pa de sngon sa rta lor
^rgyal dbang mchog gi bka' 'brel bzhin gzhung gnas nas gsang
phu'i gtsug lag khang nyams gso bskyangs skabs do dam dbu 'dzin
yin zhing/ phran de lo dbyar

chos su yod pas chos grar rtag bskyod kyis rigs lung rtsod pa
sogs gzigs te mgu ba dang/ gtsug lag khang gi rtsig ngos su 'bri
rgyu'i nyams gso'i dkar chag rgyas pa 'bri rtsom bya rgyu bskul
bar/ dad pa'i ngag dang (dad grol gyi don)

dbang po'i padmor blo 'phrog dri bzang 'dren pa'i gnyen/ /thub
pas lung bstan srid zhi'i sgron me rgya chen chos kyi mtsho las
son/ /'jigs med zla bral snang ba'i dbang phyug bdud dang mi
mthun phyogs kun las/ /rnam par rgyal ba'i

stobs bcu'i sde zhes mi yi nyi ma spyi bor bsten/ /zhes sogs
skyabs yul rnams la mchod brjod dang/ mjug smon tshig dang bcas
pa'i legs nges shig brtsams pa bcas kyis de skabs nas bzung yon
mchod du 'brel te

brtse zhen chen po mdzad kyi yod/ de nas tsha ba spom mda' mdzo
sgang sogs rim brgyud kyis smar khams sde khongs jo la zhes pa'i
la rtsar zhag gcig bsdad/ de nub rmi lam du phran gyi sring mo
kun rtse'i lcam bde skyid g.yang can yin

@055a @#/ /'dra bzhig rgyan gos gzab mchor gyis dga' ba'i rnam
'gyur mang po byed cing/ rtse po tA la'i pho brang dmar po dang
cha 'dra mkhar rdzong chen po zhig gi nang du 'khrid byung ba
khang pa rgya che lha khang khang mig mang po'i

nang sku gsung thugs rten dang/ mchod 'bul ba grwa ba mang po
yod pa/ nang gi them skas rnams kyang zangs ser gyis bstums pa
sha stag 'dug par rim gyis 'khrid de bza' btung zhig kyang byin
pa rmis/ sang der yul mi tshos brjod

skabs yul de'i gnas bdag dpa' bo khro 'bar gyi sring mo rta
lcang ma zhes pa zhig yod tshul zer bas phran gyi bsam par de
ga'i 'khrul zhig yin 'dra snyam pa byung/ rjes sor phyi lo chig
stong dgu brgya drug cu re bzhi lor 'di ga rda ram sa lar

khams mo rnam rgyal sgrol mar khro 'bar dang rta lcang ma
gnyis
khog brlams ngos 'phrad skabs/ rta lcang ma sngar dam pa khyod
nged tsho'i yul lung sa thog tu phebs skabs mnal lam thog ngos
mjal brda ston zhus pa dgongs par

'jags yod kyi red ces zer byung ba nges shes 'drongs po byung/
de'i phyi nyin d+ha chu zer ba'i chu chen la bsam pa 'breng zhes
g.yag ko'i 'breng thag la mi dang/ rta drel btags te thag shur
gtong ba'i steng du bskyod dgos par/ de sngon de

rigs la 'gro myong med pa'i stabs kyis nged tsho tshang ma 'jigs
snang che tsam byung yang skyon med bde bgrod kyis rim bzhin
smar khams sgar thog tu slebs shing/ der smar khams 'od zer dgon
du bla brang gzim shag tu bsdad/ 'od

@055b zer rin po che sku gong ma lha sar bzhugs skabs zhal 'dris
che bas smar khams su sdod ring gzhis len gzab par mdzad/ sgar
thog nas thon te mar lam lha mdun du rgya bza' bod du phebs
zhor
gyi phyag bzor grags pa'i rnam snang gi rdo

sku bzhugs pa'i lha khang mjal/ de nas smar khams ze'u 'bru dgon
du 'byor nyin gangs dkar bla ma rin po che dkon mchog chos
grags
zhes grub pa'i dbang phyug chen po de nyid dgon gsham rdzong
rtsar bsu bar phebs shing/ dgon du bla

brang gi gzim shag gsar par nyin shas bsdad/ gangs dkar rin po
'di nyid sngar gra sa 'bras spungs blo gling du bzhugs shing
slob gnyer yun ring ma gnang bas lung gi yon tan mkhas tshul mi
che mod/ rtogs pa mthon por phebs

pas mngon shes thogs med mnga' zhing mtsho dang ri brag sogs las
sku brnyan dam rdzas gter kha yang khrom gter du 'don gnang
mdzad pa'i rnal 'byor pa chen po yin yang/ dge ldan lta grub
gtsang ma skyong ba'i khrims ldan dge slong rnam dag du

bzhugs pa zhig yin/ phran la de snga phan dngos mjal ma byung
yang tshe rabs su las 'brel yod tshul gyis phran bod du sdod skabs
bla ma rang nas phyag bris yang yang gnang gi yod/ dgon par dge
'dun tshor 'jigs byed lha bcu gsum

gyi dbang dang/ ser skya mi mang spyir thugs rje chen po'i dbang
chen bcas bskur/ bla ma rin po che nas phran la khong gis 'bum
mtsho zhes pa'i mtsho'i dbus kyi brag ri nas khrom gter du bzhes 
pa'i bde mchog lhan skyes kyi li sku zhig 'bral 

@056a @#/ /dpang rten skal du gnang ba da lta yang mnyam 'khyer
yod/ de nas go bo rong dgon gsar steng dgon brgyud 'bri chu
brgal te khram ko lam zhes pa'i lam 'phrang g.yang gzar can
bgrod de rim pas mdzes

mdzes dgon du 'byor/ der dbra nag bla ma'am bla ma chos 'phags
zhes pa sngar bod du bka' 'gyur lung zhu skabs chos grogs yin pa
zhig yod pa khong bar lam lha 'dre'i cho 'phrul lam/ gang ltar
khong nas khams phyogs yul dgon

mang por gcod gtong skabs mtshan mo gcod zhu mi rnams 'dus
mtshams
mun nag gi khrod du gcod gtong zhing/ de skabs gzugs med pa'i
rgya skad dang/ bod skad sogs skad rigs 'dra min mang po sgrog
pa/ mtshon cha'i rigs don

med du rang 'gul gyis me mda' rgyab pa/ dngul mang po brtsi ba/
a tsha a ra zer ba'i skad cor sgrog pa sogs khang pa'i phyi
nang tshang ma nas skad sgra dang 'ur chom gyis zing cha sna
tshogs byed pa sogs cho 'phrul che stabs slob dpon rin po

che'i sprul pa red ces tshang ma 'ur langs te dad mos chen po
zhus par brten/ bla ma bya byed je mang la song ste rjes sor mi
mang kha sdud kyis rgya bod mang por 'thab 'dzings sogs dmag
dpon lta bur gyur nas mdzes mdzes dgon gyi phyi nang tshang

mar go mtshon ldan pa'i dmag mi khyon chen dang bcas 'dug par/
nged rang nas de snga chos zhu'i chos grogs la song stabs de
'dra mi rigs tshul bsam 'char gsal 'debs byas par ^ gong sa ^
rgyal dbang mchog gi bka' 'brel yin

@056b lugs sogs ngan khag bla mar bkal te phran gyi bsam 'char
rna rgyab kyi lhags par gtong rtsis gda'/ der dgon pa'i dge 'dun
tshor chos 'brel zhig byas/ de nas shog drug sgro 'dog grong du ^
rgyal ba tshul khrims rgya mtsho'i 'khrungs khang

du zhag gcig bsdad/ der cha phreng dgon yul gyi bsu mi rta pa
lnga bcu skor 'byor/ rag ltag dgon pa sogs brgyud de cha phreng
gnas nang tshang du zhag gcig bsdad/ der bsam gling dgon pa'i
mkhan po las thog pa gnya' nang gro 'bru

dge bshes blo bzang mthar phyin sogs las sne rnams 'byor/ gro
'bru dge bshes khong phran gra sar sdod skabs grwa tshang dbu
mdzad yin zhing rgan rin po che nas phran la bka' bkyon phyag
'bebs sogs gnang skabs ngo chen dgongs sel zhu ba

sogs kyis phan tshun dga' brtse che ba byed yul zhig yin stabs de
nyin ngos 'phrad skabs nged gnyis ka dga' tshor chen po byung/
de'i sang nyin zla ba bcu gcig pa'i tshes gsuM la cha phreng bsam
'phel gling dgon du 'byor/ re zhig ngal

gsos kyis lhod bsdad thog phyi lus kyi cha lugs gcig kyang nang
sems kyi 'khyer so tha dad pa'i skye bo sna tshogs shig ngos
'phrad du byung/ /rang lo nyer lnga pa shing glang zla ba dang
po'i tshes nang dgon gyi smon lam skabs nyin ltar

snga dro'i chos rar bskyod cing/ sngar srol skyes rabs so bzhi
pa 'chad tshe snyan ngag gis bcings pa dang/ de phyogs skya ser
phal che ba chos nyan ma myong bar lo mang song ba sha stag yin
gshis go sla dang don rtogs sla ba'i ched dang/ mi phal cher

@057a @#/ /bar lam dmag jag la goms pa/ las 'bras kyi blang dor
la rmongs par song gshis mdo mdzangs blun cha phreng gi phal
skad du gsal bshad byas/ smon lam grol rjes dgon yul spyis bskul

ba ltar skya ser lnga stong tsam la dgon pa'i rdo gcal steng du
dpal mo lugs thugs rje chen po'i dbang chen bskur zhing/ dbang
dngos gzhi'i nyin bum dbang skabs char zim babs pa dang 'ja'
tshon shar ba sogs lha klu dga' ba'i mtshan

ma bzang por mngon par byung/ lu cun rgya dmag gis rkyen pas
bar
lam lo mang ring dgon pa stongs shing/ yul mi rnams kyang ri la
gyar dgos pa sogs kyis yul lung sa bcud dang lha klu gzhi bdag
nyams gud byung ba gso slad

dmigs brtse ma'i sgo nas sa bcud bum pa chig stong nyis brgya
tsam gnad smin sgrub ste yul tsho stod smad tshang mar 'grems spel
sba chog byas rjes/ zla ba gsum pa nang dgon gyi dge 'dun dang
phyogs 'dus yul mi bcas nyis

stong skor la cha phreng dgon pa'i 'du khang du lam rim myur
lam
gyi bshad khrid nyin bco lnga dang/ mjug tu sems bskyed mchod pa
bcas byas/ de rjes thun drug bla ma'i rnal 'byor dang/ nyin rer
dmigs brtse ma brgya phrag re'i

khas len byed mi dge 'dun lnga brgya skor la 'jigs byed lha bcu
gsum ma'i dbang chen sta gon dang bcas pa nyin gnyis dang/ 'jigs
byed dpa' gcig gi bdag bskyed chag med dam bca' can brgya dang
bzhi bcu zhe brgyad la dpa'

@057b gcig gi dbang chen/ 'jigs byed bsnyen chen khas len bya mi
drug cu re gsum la nyin bcu gnyis ring 'jigs byed bskyed rdzogs
dang bsnyen chen gyi zab khrid bcas bla ma rdo rje 'chang gi
phyag bzhes ltar byas/ de lo zla ba bzhi pa nang lo rjes mar

dgon pa'i rten gtso gser zangs kyi byams sku gsar bzhengs bya
rtsis kyis phra rgyan sogs dgos mkho nyo sgrub sogs kyi slad
mdun g.yog lha bu rogs zla dang bcas lha ldan du ched gtong
byas shing/ de gdong ^ gong sa ^ skyabs mgon chen po

mchog dang/ ^ skyabs mchog rdo rje 'chang pha bong kha pa/ bka'
'gyur bla ma rin po che/ rgan yongs 'dzin rin po che blo bzang
tshul khrims zhal snga nas dang/ dge bshes shes rab rin po che la
sogs pa'i chos 'brel dngos thob kyi ^ skyabs

yul bla ma rnams la skyabs zhu 'bul bskur zhus pa'i khongs khyab
bdag rdo rje 'chang pha bong kha pa dpal bzang por skyabs zhu
snyan ngag tshigs bcad can zhig 'bul lam zhus/ de mtshungs gro mo
dge bshes rin po che ngag dbang skal bzang mchog

la zhu yig dang gro mo dung dkar dgon gyi rgyal chen shugs
ldan
sku phebs la cha phreng gi gnas tshul rnams zhib bkod dang 'brel
ba'i lung zhu phul/ de sngon phran khams phyogs cha phreng du
ma
slebs gong gi lo sngon ma der cha phreng 'bu tsha bu rgan zer
ba'i

grags can zhig yod pa de cha phreng nang khul nas phyag zhwa
bstan pa sogs kyis phrag dog dang dga' min gyis lkog bsad byung
ba'i snying nad zhe bzhag gi mur yod pa dang/ cha phreng grwa
tshang gi mdzod sbug nas dngul mang tsam zhig rku shor byung
'dug
pa'i

@058a @#/ /rkun phugs su bstan pa yod skad bcas la bsnyad de dgon
yul gyi sne mo ba ser skya gtso drag bu rgan gyi phyogs gtogs
'ga' shas nas sger don snying nad spyi don du kha g.yar ri
bsgul mtsho skyoms kyis cha phreng

yul tsho stod smad dang/ gangs dkar gling/ 'dab pa/ rme bo/ mong
ra sogs nas so so'i 'brel yod khag gi dmag mi khyon che bsdu
'gugs thog /'ba'i sa srung 'go dpon rgya mi rma' si ling dpung
dmag bcas rogs su sbran te cha

phreng phyag zhwa bstan pa zhes pa de bzhin rkun tshang lta bur
ngos 'dzin gyis 'ju bzung byed grabs skabs/ phyag zhwa bstan pa
'khor bcas mang tsam zhig mdzes mdzes dgon du gong smos dbra
nag
bla ma chos 'phags kyi sar mgo bcol

gyis bsdad yod par/ cha phreng dgon yul gyi dmag thon rtsis byed
skabs phran nas de 'dra mi rigs tshul gyi dge bshad sdig bkrol
gang nus byas khul yang/ skyes bu'i 'dod thog tu bzhon pa'i gom
pa bkod pa'i nges pa ma mchis

pa ltar/ rang 'gros 'ba' zhig las bsam bzang gi bslab byar nyan
'jog ye nas ma byas par bsgo ba rnar gzon gyis dmag mang khyon
che thon bskyod song ba ma zad/ dgon nang du'ang phran la
gsang
stabs kyis phyag zhwa bstan pa'i phyogs

gtogs grwa gnyis tsam mtshan mo zhig glo bur shag mer bsreg gis
bsad pa dang/ 'ga' shas khyim nang du bsad pa sogs tshul min bya
spyod mang po zhig byas song ba/ ji skad du/ zhang zhung pa chos
dbang grags pas/ rdo yi sna

@058b can chu shel gyi/ /dri med them skas la khrid nas/ /rnam
par rgyal ba'i khang bzang du/ /brgya byin gyis kyang gzhug nus
min/ /zhes gsungs pa bzhin byung bas dus ngan snyigs ma'i bla ma
nga 'dra ba la grwa slob 'di 'dra ba 'ong ba snyam ste

'dug rgyu las gzhan ma mchis/ mdzes mdzes dgon du dbra nag bla
ma can yang dpung btsan mang 'dzoms la brten pas cha phreng
pa'i
dmag mi rnams mdzes mdzes dgon gyi mtha' rgya nas bskor ba
tsam
las/ dgon nang zhugs

'dzul 'thab ra ma 'phrod par zla ba sbrel te sdod dgos byung
'dug /dbyar gnas ring dgon du gsang 'dus mi bskyod rdo rje'i las
rung gi bsnyen pa btang ste grol rjes dmag zing sogs kyis lhings
'jags bag phebs med pa dang/

gangs dkar gling dgon yul gyis 'bod bskul byung ba stabs 'grigs
kyis ngo 'khor hrag bsdus kyis mong ra zhes pa'i yul lung brgyud
bskyod de gangs gling mtsho thog dpon tshang du 'byor/ der nyin
bco lnga skor bsdad de de'i ring don

gnyer can 'ga' shas kyis bskul bar bde mchog dril bu lha lnga'i
dbang dang/ rdo rje rnal 'byor ma'i sind+hu ra'i byin rlabs/
bskyed rdzogs kyi zab khrid mdor bsdus bcas bgyis rjes de sngon
grwa sar sdod skabs kyi 'dzin gra gcig pa gangs

gling shes rab sprul sku yang bsu bar phebs 'byor dang bcas
gangs gling dgon du dge 'dun rnams kyis bsu pa gzab rgyas dang
bcas dgon du 'byor/ der dge 'dun rnams dang bcas chos zhu bzhi
brgya skor la gsang 'dus mi bskyod

@059a @#/ /rdo rje'i ras bris kyi dkyil 'khor du dbang sta gon
dang bcas pa/ mi mang stong phrag brgal bar thugs rje chen po'i
dbang chen dang/ tshe dbang bcas bskur/ de nas shes rab sprul sku
dang lhan du khri chen

gong ma'i yon bdag rnying khungs 'bum mdzes 'bal sras dpon nas
nan 'bod ltar nyin lam gnyis kyi sar bskyod de dpon tshang du
'byor te nyin bcu skor bsdad de ngo 'khor rnams dang/ mnga'
khongs rnams la thugs rje chen po'i dbang chen

dang tshe dbang bcas bskur/ dpon tshang gi bka' 'gyur lha khang
dang mgon khang sogs la rab gnas rta thog ma dang/ mdzod du
rnam
sras g.yang sgrub bcas byas/ de nas yar lam gangs dkar rigs
gsum mgon po zhes grags

pa'i gnas nang du mjal bar ched bskyod kyis mtsho 'go ri khrod du
gnas mal byas te bdun phrag gsum ring bde mchog dril bu lha
lnga'i bsnyen sgrub kha gso lta bur bzlas grangs gang lon zhig
bsags/ der phyogs ris chags sdang

gi gleng brjod rigs thos rgyu med gshis bag phebs skyid po
byung/ gong du smos pa'i ze'u 'bru dgon gangs dkar bla ma rin po
che la gangs dkar bla ma zhes mtshan chags pa yang khong gi sku
phreng gong ma de gnas 'dir bzhugs nas sgrub pa yun

ring mdzad pa zhig byung 'dug pa la brten nas yin 'dug /gangs
dkar gnas nang yod pa'i dge 'dun dang gnas mjal ba 'ga' shas la
tshe dbang dang rigs gsum mgon po'i rjes gnang bskur/ gnas nang
sdod shul der mdzes

@059b mdzes dgon du dbra nag bla ma chos 'phags kyi gsol dpon
dang/ bla ma'i dgra ya cha phreng ba phyogs gtogs ngan mthun
gyis bla ma rang gi dmag khongs su yod pa'i mi zhig la rgyu
brngan sprad de kho pas mtshan mo gsang phu bla ma'i sring mo nad
gzhi ha

cang babs lci yod pas de'i don du bla mar mo brtag zhu mkhan yin
tshul gyis phyi nas yong zhing/ khos skad 'bod byung 'phral gsol
dpon gyis sgo phye ste nang du 'byor 'phral mi des bla ma chos
'phags mal sar yod pa la sta gri bsnun te dkrongs

'dug pa de sngon bla mar mngon shes dang rdzu 'phrul yod skad
kyi sgra bo che de/ dgos pa'i dus su bslus te/ skabs der sngon
mo'u gal gyi bu kun tu rgyu rnams kyis bcom skabs brdzu ba lta
ci/ 'phrul ba tsam yang ma dran gsungs pa ltar khyad

chos gang yang ston rgyu ma byung bar gda'/ de nas bla ma'i
phyogs gtogs 'khor dmag rnams kyang mgo med ro yi dpe ltar
song
ba dang/ dgra ya'i dpung dmag rnams kyang dmag sar sdod yun
ring
bas ma 'khyongs par gcig rjes

gnyis mthud kyis mang tsam rang gnas su rim gyes sogs phan tshun
gnyis ka bya ba thabs zad kyis rjes su gyod bshad kyis thag gcod
bya rgyu byas te rang zhir song 'dug /phran rang gnas nang nas
thon te lam zhor gangs gling gzi ba dpon

tshang du bskyod de der 'dus yul mi rnams la tshe dbang dang/ ma
Ni'i bklag lung sogs byas rjes slar yang gangs dkar gling dgon
par zhag shas bsdad de rme'o brgyud cha phreng dgon du bod zla
bcu gnyis pa nang phyir logs byas/ /

@060a @#/ /rang lo nyer drug pa me stag lo'i smon lam skabs dgon
du gsung chos ra bar mdo mdzangs blun snga lo'i 'phros nas bshad
par blo ba 'go sba zer ba sogs 'ga' shas kyis kho par chos bshad
rgyu zad nas srid pa'i

gna' sgrung shod kyi 'dug ces brjod yod skad/ dpyid thog dgon du
bde mchog lU i pa'i lugs kyi las rung bzlas bsnyen dang/ kun
rig gi bsnyen pa snga rjes su btang/ dbyar gnas skabs dge 'dun
rnams la grub chen lU i

pa'i lugs bde mchog lha re gnyis dang/ kun rig gi dbang chen/
rin 'byung brgya rtsa'i rjes gnang bcas rim mthud du bskur/ de
lo zla ba bzhi pa nang gsol dpon lha bu ngo 'khor lha sa nas
phyir 'khor gdong ^ skyabs mgon chen po mchog

gi bka' lan dang/ ^ skyabs mchog rdo rje 'chang pha bong kha pa
mchog dang/ dge bshes shes rab rin po che rnam gnyis kyi bka'
lan snyan tshig gis brgyan pa/ rgan rin po che/ gzhan yang thugs
nye khag nas gsung bris/ byams

mgon gyi phra rgyan dang gzungs gzhug byin rten 'gangs che sna
tshogs bcas 'khyer 'dug pa ma zad/ snga lo gsol dpon lha bu dbus
bskyod mdun chab mdor mdo smad spyi khyab bka' blon khri smon
pa
nor bu dbang rgyal la skyabs bskul

zhus pa ltar byams sku bzhengs mi chab khongs rdza chu kha'i lha
bzo drag gras mi gnyis ched brdzongs gnang ba'ang mnyam 'byor
byung ba bzhin cha phreng dgon du byams sku gsar bzheng gi las
gra 'go 'dzugs byas te/ cha phreng ba'i bzo rigs drag

@060b gras dang bcas nas gser zangs las grub pa'i mi pham mgon
po'i snang brnyan thog tshad gsum pa zhig las rgyun zla ba gsum
tsam ring gsar bzhengs la ring bsrel rnam bzhi'i gzungs dang/
gzungs chen sde lnga sogs chos sku'i ring bsrel

dang/ de bzhin gshegs pa'i 'phel gdung dang/ dga' ldan bshad
sgra 'og pa'i nang rten 'jam mgon tsong kha pa'i snang brnyan
rje nyid kyi phyag nas ma/ gzhan yang rgya bod kyi skyes chen du
ma'i sku gdung dang/ sku bal gyi ring bsrel du ma/

gnod sbyin pho mo'i 'khor lo dang bum gter sogs gzungs gzhug
rnams ru nga tshad ldan du 'du bgyis pa rnams gzungs sgrub dang
'brel phran rang nas lag bstar gyis phul te dgon gyi 'du khang
chen mo'i gtsang khang sbug tu bzhugs su gsol/

byams sku bzhengs skabs kyi thog mtha' bar gsum gyi 'gro song
dang nang gzungs byin rten bcas kyi tho/ snang brnyan bzhengs
pa
dang phyag mchod kyi phan yon sogs bkod pa'i dkar chag cig
kyang
byams khang gi rtsig logs su bkod/ stong

mchod kyi chu ting dang me kong/ rgyun 'dzugs mar me dang/ yon
chab chab ting sogs der dgos pa'i mchod 'bul gyi yo byad che
phra mtha' dag kyang tshang bar bsgrubs rjes nged rang gis rdo
rje slob dpon dang/ 'jigs byed bsnyen song dge

'dun nyi shu skor dang bcas te rdo rje 'jigs byed kyi sgo nas
rab gnas rgyas pa dge legs char 'bebs sbyor dngos rjes gsum
tshang bar byas/ yon bdag bsgo ba'i skabs rten bzhengs do dam pa
ngo las dang/ dgon pa'i rgan song tshogs 

@061a @#/ /'du ba rnams dang bcas par bkra shis rdzas brgyad gtod
pa sogs spros pa che tsam bgyis/ ston mjug tu 'dab yangs steng
grwa tshang nas 'bod bskul ltar bskyod de yangs steng dgon du
lam
rim myur lam

gyi khrid nyin bcu skor dang/ 'jigs byed bcu gsum ma'i dbang
chen/ gzhan yang don gnyer can rnams la dbang dang rjes gnang
sogs mang tsam byas shing/ de ga'i nye 'khor gsal lha bde chen
tshang sogs yul tsho so sor bskyod

de 'dod chos kyi rigs skabs bstun byas zin rjes cha phreng dgon
du phyir log byas/ cha phreng dgon pa'i sngar srol gsang bde
'jigs gsum gyi dkyil 'khor sgrub mchod bdag 'jug dang/ bskang
gso chen mo'i mgon chos gnyis kyi

dbyangs rol rnams rgyud stod grwa tshang dang/ lha mo/ rnam
sras/
bse khrab gsum gyi dbyangs rol dang/ chos spyod kyi rta dbyangs
rnams dga' ldan shar rtse'i phyag bzhes yin 'dug rung/ bar skabs
lo mang dgon pa 'thor gyar gyis

gdong gral ba rgan gras nyung shas las med khar/ khong tshos
kyang dbyangs rnams brjed ngas kyi dbang du song bas nyams
chag
ci cher gyur 'dug par brten smar khams klu ra dgon nas rgyud
stod sngags ram pa bu bsod nams zhes pa

ched 'bod thog khong dang/ dgon gyi mkhan po las thog pa dga'
ldan shar rtse'i dbu mdzad zur pa gro 'bru dge bshes blo bzang
mthar phyin gnyis nas gong gsal bskang gso chos spyod sogs kyi
rta dbyangs rnams dgon pa'i

@061b gdong gral ba lnga bcu skor la legs par slob bcug /de nas
rgyud stod sngags ram pa bu bsod nams dang/ byams mgon bzhengs
mi chab mdo ba'i lha bzo ba gnyis dang bcas pa yon dang legs
skyes kyis mgu bar byas te khungs

so sor phyir brdzongs byas/ dgon pa'i dgu gtor gyi 'chams gos
rnams gzhi mtshungs cha lag tshang ba zhig mi 'dug par brten lo
sngon mar bzang gos 'ba' zhig thabs 'tsho la gyis tshang ma cha
'grigs nyams gso byas zin stabs/

zla ba bcu gcig pa'i dgu gtor gyi 'chams sngon yod thog 'di lo
smar khams 'od zer dgon nas grwa gcig ched 'bod kyis a tsa ra
dang/ dur bdag gi 'chams bstan rgyas gling pa'i lugs ltar gsar
'dzugs byas/ zla ba bcu

gnyis pa'i nang snang bzang dgon yul nas nan 'bod gnang ba ltar
dpal shar dang/ go bo dpal 'bar dgon sogs brgyud de snang bzang
'phel rgyas gling du bskyod/ der dge 'dun bdun brgya skor 'dug
par gsang 'dus mi bskyod rdo rje'i

dbang chen dang/ byings la thugs rje chen po'i dbang chen dang
tshe dbang bcas bskur/ rgan yongs 'dzin rin po che blo bzang tshul
khrims zhal snga nas kyi 'khrungs khang mi ngo rnams la dngul
dngos gyon chas kyi skyes bzang bstabs//

rang lo nyer bdun pa me yos lo gsar skabs cha phreng dgon du
phyir bskyod kyis smon lam gsung chos skabs bka' gdams bu chos
kyi dbu nas bshad/ smon lam grol rjes dgon pa'i mkhan po gro
'bru dge bshes kyis bskul ba ltar

@062a @#/ /bla mchod chag med rgyun 'don khas len bya mi dge 'dun
brgyad cu skor la bla mchod kyi khrid nyin bco lnga skor 'chad
spel byas/ gangs dkar bla ma dkon mchog chos grags rin po ches
bka' lan gnang

gsal du/ khyed rang gi sku gong ma'i skabs gzhan gyi pha rol
bsam sbyor ngan pa'i byad gtad cig cha phreng gi ri zhig gi rtse
mor brag nya yi gzugs can thur du rgyug pa/ de'i rtsa ba nas chu
babs pa'i rgyun ri gsham gyi chu chen du 'bab sa'i

nye 'gram gyi gong du mdze nad can 'ga' shas yod cing/ de 'dra'i
brag der gnas pa'i klu la gtad bcol byas 'dug pa nged rang der
slebs na bton chog 'dug kyang stabs 'grigs dka' bas gtad rul
tshad ldan zhig bsgrubs te brag

rtsa der sba chog bya rgyu gal chen yin cing/ ri de cha phreng
dgon pa'i gzim chung nang gi khyed rang gi bzhugs sgrom steng
nas mthong thub pa zhig yod ces nan tan gal po che'i gsung
'phrin bskur gnang 'dug par brten mkhan po gro 'bru dge

bshes sogs 'jigs byed bsnyen chen song ba'i dge 'dun bcu skor
zhig gis gtad rul tshad ldan bsgrubs te gro 'bru dge bshes dang/
mdun g.yog sngags ram bu rdor gnyis btang bar/ gangs dkar bla
mas ji gsungs ltar

ri brag chu sogs gang ci nas nges pa rnyed de sa gnas der gtad
rul sba chog byas 'dug /de lo zla ba bcu gcig pa nang mtshan mo
srod yol tsam la glo bur du dgon gyi lho phyogs nas me sgyogs
kyi sgra skad lta bu'i sgra chen po lan gnyis

@062b bsgrags song ba thog mar ci yin snyam pa byung yang/ mjug
tu 'brug skad yin pa ngo shes tsam gyi 'ur sgra zhig byung song
ba cha phreng du dgun dus 'brug sgra grags srol med kyang ltas
'di ci yin snyam pa'i the tshom byung bar/ rjes sor brtag

dus sngar gtad rul sba sa'i ri rtser thog rgyab song zhes thag
nye'i yul mi tshos brjod kyi 'dug cing/ kho bo lha sar 'byor rjes
tsam la sger ka shod pa'i mchod gnas tshe dbang rgyal mtshan zhes
pa rnying ma'i bla ma zhig yod pa khong phran dang ngos

'phrad byung bar/ bla ma nas khyed rang gi sku gong ma'i skabs
gzhan gyis mnan gtad byas pa khams dang dbus phyogs gnyis kar
'ga' shas 'dug pa nas/ khams kyi der khyed rang nas thog gnyis
phab 'dug pas 'joms 'dug cing/ dga'

ldan gyi mdun chu mig yod sar gcig 'dug par gtad rul bya dgos
zhes gsungs byung ba/ cha phreng gi gnas tshul de lha bu nged
gnyis las gzhan sus kyang mi shes pas tshe dbang rgyal mtshan la
mngon shes yod skad zer ba bden par snang

zhing gtad rul de dag tshad ldan zhig byung tshod gda'/ cha phreng
dpal 'bar bla rgan chos grags dang/ dpal phyug dam pa chos
grags
gnyis nas phran la brjod rigs su khyed rang bod du phebs mtshams
khams nas 'khor ba'i rjes

'brel gyis gdan sa gsum dang rgyud grwa stod smad/ khams tshan/
mi tshan sogs dang/ lha sa'i smon lam chen mo bcas par mang 'gyed
bsnyen bkur sogs gtong sgo rgya chen 'bul dgos kyi 'gro song che
nges yong rgyur/

@063a @#/ /'di phyogs dad 'bul phran bu byung ba des gar yang mi
slebs pas tshong 'khos shig gnang na 'gab tshul dang/ nged gnyis
thun mong nas rta drel dang bcas tshong pa zhig chab mdor gtong
gtan khel

bas de'i gdong ma dngul ji yod tshong bcol zhig bskur gnang mdzad
na/ nged gnyis nas rogs ram zhus te khyed tsho phyag las gang
yang mi dgos par ma rtsa khe 'bab dang bcas pa gsol lcog steng
khrob sgra dang bcas khrig se 'bul

chog ces brjod byung ba/ sa skya legs bshad las/ g.yo can snyan
par smra ba ni/ /rang don yin gyi gus phyir min/ /srin bya
bsnyen nas dgod pa 'di/ /ltas ngan gtong gi dga' nas min/
/gsungs pa ltar

be'u ljang khrid kyi g.yo byus yin pa ma shes par khong gnyis
ka dgon gyi tshogs 'du ba drag gras la brten phan sems dngos
'brel yin shag gis de don khas len thog /lag yod kyi dngul thams
cad phyogs bsgril gyis

rgya mi'i sgor mo khram chan zhes pa sum khri tham pa dang/
dre'u nyi shur rgyab cha drel pa rang 'grigs bcas gtong rgyu
byas shing/ khong gnyis nas tshong rtsa 'di yod kyi gsal kha ma
smos kyang mang tsam yod mdog lta bu'i ngang/

rjes sor tshong pa sang nyin thon rgyu'i nub mo tshong rtsa ma
dngul phyogs bsdoms rtsis rgyag skabs phyogs gsum gzhung thog
tu
dpal 'bar tshang nas rgya sgor khram chan khri gcig dang/ dpal
phyug dam pa chos grags nas

@063b khram chan stong phrag gsum dang mi 'gro ngo ma dam pa
mthar phyin zer ba bzhon khal rang 'grigs gcig tsam las med
cing/ dpal 'bar tshang gis zur du sger tshong yin zhes dre'u rgyab
cha rang 'grigs nyi shu tham pa dang spyi sger gnyis

thog gi tshong 'gror mi ngo bstan 'dzin zer ba bcas btang ste
sger tshong gi mkhe 'bab dpal 'bar la rang bdag smos med thog
/nged tsho'i ma dngul la bskyed cha'ang med cing gzhung thog gi
tshong la mkhe 'bab ji byung ma 'bor mang nyung gi dbye ba

med par gsum bgos bya rgyu zer bar khong gnyis kyi sger don du
khri byang bla brang gi tshong pa'i ming 'khyer nas phran gyi ma
rtsar bed spyod bya rtsis rang don phugs bcug gi bslu brid yin
pa gsal por thon kyang/ chos dang zang zing gis 'brel

ba'i ngo shes nang khul la song gshis tshong sbrel phyir 'then ma
shes par khong gnyis kyi 'dod thog tu btang/ tre hor gzhi tshe
brgya dpon tshang dang/ be ri dgon pa'i spyi so ya phrug tshong
dpon gnyis de sngon lha sa nas mchod yon du 'brel

gshis khong gnyis nas tre hor khul du yong dgos zhes 'phrin yig
gi lam nas snga rjes 'bod bskul rim byung bzhin/ dbyar thog cha
phreng dgon nas ngo 'khor hrag bsdus kyis thon te stong 'byung
nang dang gad mo lnga bcu'i 'brog sde

brgyud li thang sa khongs sde gzhung na kha thang zhes rtswa
thang me tog sna tshogs bzhad pa'i rang mdangs kyis mi dang/ rta
drel gyi mdog kha yang 'gyur nus pa rtswa thang gi rgya khyon
nyin lam gnyis tsam yod pa ri dwags rgo ba sogs khyu sbrel

@064a @#/ /gyis 'gro ba de dang/ nyag rong gi sa sne khrom thar
sogs rim brgyud kyis tre hor be ri sa thog tu 'byor/ be ri'i chu
khar dge rtag sprul sku rin po ches dbus be ri dgon pa'i dge
'dun rnams kyis bsu ba

ser sbreng ? dang bcas dgon par ya phrug gi shag tu gnas mal
phab ste dgon gyi 'du khang du dgon spyi dang/ gong gsal yon
bdag gnyis bcas pa'i bskul ma byung ba ltar gnyug mar gnas pa'i
dge 'dun dang phyogs 'dus bcas kyi skya ser

bdun brgya lhag tsam la lam rim bde lam gyi nyams khrid dang/
gsang bde 'jigs gsum dang/ kun rig /thugs rje chen po bcas kyi
dbang chen/ mgon chos lha mo rnam sras lcam sring bcas kyi rjes
gnang/ grub rgyal tshe dbang/

gzhan yang 'dod chos bklag lung rigs sogs zla gcig lhag tsam
ring 'chad spel byas/ de rjes tre hor dkar mdzes 'khrungs gsar
rin po ches 'bod gnang bzhin 'khrungs gsar ri khrod du bskyod de
rin po cher ^rgyal ba dben sa pa dang/

mkhas grub sangs rgyas ye shes kyi bka' 'bum/ dmigs brtse ma'i
be'u bum sogs kyi bklag lung dang/ ri khrod kyi 'du khang du
dkar mdzes dgon pa'i dge 'dun sogs ser skya mang 'dus la kun rig
gi dbang chen bskur/ nyin gcig

dkar mdzes dgon spyi nas 'bod gnang ltar bskyod de tshogs chen
dang/ gra khang khag gsum bcas par gnas mjal thog rab gnas kyi
me tog gtor/ de zhor khang gsar ^skyabs mgon sprul sku nas bla
brang du mgron 'bod ltar

@064b bskyod de phyi dro 'khrungs gsar ri khrod du phyir log
byas/ de skabs tre hor brag dkar rin po che zhes pa'i mkhas pa'i
snyan grags che ba de dang/ lam brag sku gong ma grub thob rnal
'byor pa'i ngang tshul can zhig de phyogs bzhugs yod 'dug pa

mjal 'dod byung rung/ brag dkar tshang dang/ khang gsar sku gong
ma blo bzang tshul khrims rnam gnyis chos phyogs nas phan tshun
dgag pa dgag lan gnang res yod pa dang/ lam brag khang gsar
dpon
mo'i thugs la mi 'gro zhing/

dpon mo ha cang dbang btsan ma zhig yin tshod stabs/ 'khrungs
gsar rin po che dang brgya dpon bu sogs kyang 'jigs zon dgos kyi
'dug pa'i stabs kyis mjal stabs bde ba zhig ma byung/ nyin gcig
dkar mdzes dgon pa'i mdun gyi

thang der sde mgon khang zhes par sngar 'gro mgon chos rgyal
'phags pa rgya nag nas phebs pa'i yar lam bzhengs gnang mdzad
par grags pa'i mgon po gur lha brgyad kyi snang brnyan thog tshad
ma byin can zhig 'dug pa mjal/ de nas slar

yang be ri dgon du 'byor/ tre hor dar rgyas dgon de dus skabs
de'i tshe dge 'dun tshogs che la srid 'byor rgyas pa zhig 'dug
kyang/ tshogs 'du ba rnams chos phyogs kyi yon tan dbul ba'i
tshong rigs sha stag gis dbang bzung byed

stabs dge 'dun mang che ba rta dang/ gri; me mda' sogs la dang
zhen byed pa las chos byed gsha' ma'i dge 'dun nyung zhing/ re
zung yod pa rnams la'ang dgon pa'i chos srid kyi dbang nus med
stabs/ brgya dpon tshang gi pha

@065a @#/ /(rgyal lu) chos rgyal de dar dgon dang mchod yon babs
kyis dge 'dun rnams zhi dul bag yod la bkri ba'i re 'dun lhag
bsam bzang ngos dar dgon du lam rim zhig 'chad dgos zhes zer ba
ltar khas len byas

kyang/ yon bdag gis dgon pa'i tshogs 'du ba rnams la mol skabs
nged tshor nyin mang 'gor ba'i lam rim zhu mi dgos shing/ steng
grib kyis dge 'dun gshegs chad che bas gza' dbang zhig dang/
gshin gson don du kun

rig gi cho ga yang yang dgos stabs kun rig gi dbang chen zhig
dgos zhes brjod 'dug par brgya dpon tshang gi pha blo pham ya
mtshan gyi ngang nas phran la khong tsho'i 'dod pa bzhin kun rig
dbang chen zhig bgyid dgos zer/ brgya dpon pha

rgyal lu 'di de sngon ^skyabs mchog rdo rje 'chang pha bong kha
pa mchog dwags por ^skyabs rje 'jam dpal lhun grub rgya mtsho'i
drung du lam rim gsan par thog mar phebs skabs su 'di pas chibs
pa chibs drel tshang ma rang gshom gyis zhabs zhu

bsgrubs shing/ khong rang zhabs zhur lhan bcar byas par/ dwags
po bla ma rin po che nas tshems shig khong la gnang 'dug pa 'di
red ces phran la mig ston byung bar spyan ras gzigs phyag bzhi
pa'i rang byon gsal nges shig 'dug /khong

rang rgyun du sbyor chos sogs kha ton dge sbyor la brtson pa
zhig yod/ de nas rgyal lu'i ngag bzhin be ri nas ngar dgon du
bskyod de nyin gnyis ring dgon pa'i mdun ngos thang chen steng
gur phub ste dgon yul tshogs mang la kun rig gi

@065b dbang chen sta gon dang bcas bskur/ lam rim 'chad rgyu ma
'grigs rung dbang gi sngon 'gro'i chos bshad gang rgyas byas/
dgon pa'i 'du khang steng shod du rab gnas kyi me tog gtor/ de
nas gzhi tshe brgya dpon tshang du bskyod de bdun phrag

gnyis tsam bsdad cing/ der lha khang du rten gtso spyan ras
gzigs dang/ bka' 'gyur sogs rten gsum 'gangs che 'dug pa rnams
la dar dgon chog gra dang bcas rab gnas rgyas pa nyin gsum/
mdzod nang du rnam sras g.yang sgrub/

yul mi gang 'tshams la blo sbyong don bdun ma'i bshad khrid/ tshe
dbang bcas bgyis zin bstun phyir log gis nyag rong gi sa khongs
khrom khog stod kyi ri ma 'dabs shig tu rtsa chu 'dzoms pa'i bag
phebs 'dug gshis bca' zhag byas/

der brgya dpon tshang gi bu don grub rnam rgyal dang/ tshong dpon
ya phrug 'khor bcas bskyel thung du yong ba phyir log byed khar
sgra mi snyan gyi tshe sgrub kyi khrid dgos zer ba ltar mdor
bsdus shig byas/ de nyin phyi dro dgong ja tsam la glo bur

du sprin nag 'khrigs te ser ba kham skam che chung tsam drag tu
babs pa dang/ de mtshungs gnam sa 'gas pa lta bu'i 'brug sgra
dang glog dmar 'khyug pa gur gyi nang du'ang dmar 'tshub 'tshub
byed cing/ rdzas dri dro ba sogs kyis gnam lcags

'bab la khad kyi 'tshub lhongs shin tu che ba byung gshis gsur
dang/ gzhi bdag gtor ma/ sde brgyad gser skyems/ 'phrin bcol/
thog ser srung ba'i sngags dang dmigs rnam ci drag byas kyang/
phan nus ma thon stabs mi'i dri 

@066a @#/ /chen rlon pa zhig me la tsha drag tu bsregs pas de ma
thag rgya mthong kha dbye ba ltar nam mkha'i dkyil sngo sangs
su
thon te thog ser rang zhir gyur pas nyi 'od kyang 'char thub pa
byung song/ de nub mtshan phyed

tsam la rta drel rnams don med glo bur 'ur 'drog gis gdang thag
kyang bcad de phyogs bzhir byer ba sang nyin nyi shar tsam bar
'dus ma thub/ rjes sor li thang du 'byor skabs mi rgan 'ga'i
brjod rigs su sngar ^ rgyal mchog bsod

nams rgya mtsho sa phyogs der phebs skabs bon po'i gzhi bdag gi
'phrul gyis thag babs tshul dang/ nged tsho'i khri chen gong ma de
phyogs phebs skabs kyang gnam gshis 'tshub lhongs chen po byung
tshul brjod kyi 'dug /de

nas li thang 'bum nyag thang zhes spang ljongs phyogs kyi tha
gru yangs pa der 'byor skabs li thang gi sde khongs wa shul
g.yon ru zhes g.yon ru dpon khongs kyi 'brog sde tshang ma 'du
'dzoms thog /g.yon ru'i khongs kyi grwa rigs

dge lugs pa dang/ sa skya/ rnying ma bcas kyi dge 'dun rnams
tshogs gur phub ste khungs so sor g.yon ru chos thog ces pa
tshogs shing/ rang lugs kyi cho ga gtong ba sogs mdzad srol 'dug
pa dang stabs 'khel

byung gshis g.yon ru dge dgon rab rgyas gling gi mkhan khri las
thog pa khrom thog sprul sku sogs bla ma las sne rnams phran sar
phebs te khyod rang gi sku gong ma nged tsho'i chos thog sar
phebs nas chos 'brel mdzad de lhod bzhugs

@066b gnang ba mjal myong yod pa'i dge 'dun dang mi skya pho mo
rgan pa yang gang 'tshams yod pa bcas da lam yang ma bsgrigs
lhun
grub kyis 'dzoms pa rten 'brel bzang gshis chos thog ma grol bar
lhod bsdad dgos lugs nan che gsungs par/ yun

ring sdod khom ma byung yang chos thog sgar chen gyi dge lugs
dgon pa'i sgar gral du bdun phrag gnyis tsam bsdad de dge 'dun
lnga brgya skor 'dug par rje'i lam rim nyams mgur gyi bshad
khrid dang/ bde mchog lU i pa'i lugs kyi dbang

chen sta gon dang bcas pa/ rje rigs gsum spyi sgrub kyi rjes
gnang sogs phul/ der dge 'dun rnams kyis gsang bde 'jigs gsum/
kun rig bcas kyi dkyil 'khor sgrub mchod nyin lnga re mdzad kyi
'dug pa nas bde mchog

sgrub mchod nyin gcig ring tshogs su bskyod par/ phyag len rgyud
smad dang phal cher phyogs mtshungs mchis/ rje gong mas spyi 'bul
gnang ba'i mchod rdzas gos chen phye phur cha gcig 'dug cing/
phran nas kyang nyin 'khyongs gcig gi

bsnyen bkur dang sku 'gyed bcas phul/ dge lugs dgon pa'i tshogs
gur shin tu che bar dge 'dun lnga brgya skor bde gshong ka ring
thog tshad gnyis tsam byas pa bzhi dang/ der mchod rdzas rgyan
'grems bzang zhing/ mkhan po/ bla

sprul/ dge bshes rnams na ma'i spang dras te brtsigs pa'i steng
phying pa dang grum rtse sogs bting ba'i khri la bzhugs pa sogs
bag gro byin chags shig snang/ 'brog sde'i dgon par song yang
sngon gyi dam pa dag gis/ nas rtsam dang/

@067a @#/ /'bras/ mar khu sogs kyi gtong sgo 'bul ba las/ sha'i
rigs btang mi chog pa'i dkar 'khyongs 'ba' zhig gi srol bzang
'dzugs gnang mdzad pa'i rgyun ma nyams par 'dug pa rjes su yi

rang gi gnas su gyur/ sa skya dang rnying ma'i grwa tshang gnyis
kyang khad nyer 'dug par 'bod gnang bzhin bskyod de bsnyen bkur
dang skabs babs kyi chos 'brel bklag lung gi rigs sogs phul/ de
gar sdod ring nye 'khor yas

mas su 'khod pa'i 'brog sde chos bos pa bzhin nyin re sbra dud
bco lnga nyi shu skor la bskyod de rab gnas/ chos 'brel 'dod
bstun byas par 'brog khag tshos rta mang po byin pas brgya phrag
lhag longs pa byung zhing/ sdod gnas spang

thang la song gshis rta rnams mtshan mo rang gnas su phyir log
sogs kyis nyar tshags dka' bas de khul 'brog pa tshor spus tshong
byas/ rin rnams dge dgon rab rgyas gling grwa tshang la lo ltar
bsnyen 'gyed thebs rtsar sbyor 'bul zhus/

de nas li thang dgon chen du ngo bskyod dgos zhes 'bod par bla
ma las sne 'ga' shas ched phebs kyis gsung nan bzhin li thang
thub chen byams pa gling dgon du mkhan slob 'dus pa rgya mtsho'i
rta bsu ser sbreng gis sdun bsus te dgon par

'byor zhing/ der tshogs chen rdo gcal du dgon spyis bskul ba
bzhin dge 'dun sum stong tsam dang yul mi khyon che bcas par
dpal mo lugs thugs rje chen po'i dbang chen sta gon dang bcas pa
dang/ grub rgyal lugs kyi tshe

@067b dbang/ tshogs chen 'du khang rnying par tsha ltag rin po che
dang/ sgo zab rin po che sogs bla sprul dge 'dun lnga brgya skor
la lam rim myur lam gyi bshad khrid dang/ 'jigs byed dpa' gcig
gi dbang chen/ thub chen lha khang du nged rang nas mkhan po

dang/ tsha ltag mkhan zur rin po ches las slob/ sgo zab mkhan pos
gsang ston mdzad de yongs rgya sprul sku sogs dge 'dun sum cu
skor la bsnyen rdzogs kyi bslab sdom 'bog chog /mtsho gsum khang
tshan du mgon po zhal sgrub dus

kyi rjes gnang/ sgo zab bla brang du sprul sku sku 'khor la brub
rgyal lugs kyi tshe dbang dang/ rje rigs gsum spyi sgrub kyi rjes
gnang bcas bgyis shing/ gzhan yang ser skya du mar rang rang
'dod chos sna tshogs kyis re ba bskangs/ li thang

tshogs chen du mang 'gyed bsnyen bkur dang/ thebs rtsa spyi 'bul
sogs gzab par bstabs/ li thang grong pa'i nang ^ rgyal mchog
bskal bzang rgya mtsho'i 'khrungs khang gi mi ngo rnams kyis bos
pa ltar 'khrungs khang du nyin gcig bskyod de

^ rgyal ba'i 'dra sku sogs rten gsum rnams la khrus gsol rab
gnas dang mi ngo tshor chos 'brel mdor bsdus shig byas/ li thang
'brog sde'i khongs o tog dpon tshang nas bos pa ltar der bskyod
de g.yang sgrub dang rab gnas/ dpon

a chos sogs ngo 'khor dang mnga' zhabs yul mi/ o tog dgon pa'i
dge 'dun sogs ser skya mi mang khyon che zhig la spyan ras gzigs
kyi rjes gnang dang tshe dbang sogs 'dod chos sna tshogs byas/ wa
shul g.yon ru dang o

@068a @#/ /tog gsum pa'i 'brog rigs rnams chos dad che zhing/ yig
drug du phyur dang dmigs brtse ma dung phyur song zin mang po
'dug cing 'di skabs kyang ma Ni dang/ dmigs brtse ma sogs dung
phyur/ bzang

spyod 'bum ther/ smyung gnas brgya tshar sogs dge rtsa khas che
len mi shin tu mang po byung ba 'brog dud chu ltar myul ba'i don
po zhig thob/ 'brog sde rnams kyi lugs srol la bla ma nang du
drangs skabs gnag lug ched du bsad pa'i dmigs

shas gsol ston drangs kyi yod skad thos gshis/ phran sar 'bod mi
su byung la thog ma nas dkar zas kho na las/ sha ston btang na
mi 'grigs pa'i nang mol nan tan byas pa yin/ o tog khul gyi
'brog sde mang por ngo bskyod kyis

khrus gsol rab gnas dang/ 'dod chos ci rigs byas te li thang
khul gyi byed sgo zin mtshams tshur lam kam po gnas zhes karma pa
dus gsum mkhyen pa yun ring du bzhugs te rtogs pa brnyes shing/
rjes su chos brgyud la'ang

kam tshang bka' brgyud ces mtshan thogs gzhi dpal 'khor lo bde
mchog gi gnas chen der mjal bskyod kyis gnas sgo grwa tshang gi
'du khang yang steng du gnas su ? bcas shing/ der bde mchog gi
bsnyen bzlas nyin bdun phrag

gcig tsam dang bde mchog gi sgo nas rab gnas rgyas pa nyin gsum
byas/ gnas der gnyug mar gnas pa'i dge 'dun lnga bcu skor la bde
mchog dril bu lnga'i ? dbang chen bskur bar dngul dngos kyi yon
gnang ba rnams phyir

@068b phul zhing bde mchog gi bris thang chung du zhig gnang ba
rten 'brel la bsams nas nyar te rjes sor lha sar yang dad rten
du yod/ dge 'dun rnams la bsnyen bkur dang/ nyin gcig gnas de'i
phur kam po gnas zhes tha snyad gdags

gzhi'i rtsa ba pha bong chen po yi ge ka rang byon can zhig yod
pa de mjal zhing tshogs 'khor phul/ de'i lam zhor lha khang zhig
tu gling ge sar gyi dpa' brtul mang po'i go khrab dang/ mda' gri
mdung gsum sogs mtshon cha mang po dang/

rgya tsha zhal dkar gyi ral gri ya zi skar bran sogs mjal rgyu
'dug /kam po gnas de 'khor lo bde mchog gtso bo'i gnas ri gangs
ri che ba zhig dang/ 'khor gyi lha rnams kyi gangs ri chung du
mang po phreng bar bsgrigs pa/ gnas nang

der slebs tsam nyid nas rig pa dwangs shing bag phebs pa zhig
'dug /der cung zad lhod tsam bya 'dod yod mur cha phreng nas
dpal 'bar dang dam pa tshang thun mong nas ched btang gi bang
chen glo bur du 'byor ba'i gnas tshul nang/ nged tsho

gsum gyi mnyam sbrel tshong pa rta drel zog dang bcas chab mdo
nas phyir 'khor gyis 'bum pa stod pa'i sa khongs khang brtsegs
la'i tshur nang star kha grong zer ba'i thag nye'i lam 'phrang
zhig tu 'bum pa stod smad kyi jag dmag gang

'tshams shig gis sgug ra sprad de cha phreng dpal 'bar tshang gi
tsha bo bstan 'dzin dang/ dam pa chos grags kyi tsha bo mthar
phyin/ dpal 'bar tshang gi drel pa gcig /nged tsho'i drel pa gcig
bcas mi bzhi bsad/ rta drel dngos

@069a @#/ /zog yod do cog 'phrog 'khyer byas 'dug par dgra bo
rnams la de lan de mjal ma byas mthu med stabs/ cha phreng du
'phral myur yong dgos zhes gsal ba ltar rings stabs kyis cha
phreng du bskyod de 'byor

mtshams dpal 'bar chos grags dang/ dam pa chos grags gnyis nas
dmag 'thab dgos pa'i rgyu mtshan mang brjod kyis ngar ngar byed
kyin 'dug par/ phran nas tshong khag gsum sbrel gyi khongs su
nged rang gi ming yang yod stabs

kho bo bla ma'i ming gnas dang 'brel ba zhig gis thog mar dgon
par 'byor skabs mdo sngags kyi chos bshad cing/ tha mar bod du
log khar dmag 'thab bya rgyu 'di phyi gtam don gang la'ang mi
btub pas mi rgyu zog gsum dgra shor song ba

blos btang kho na las/ dmag 'thab kyi grab gshom cam bzhag bya
rgyu dam bca' gtsang mar zin pa yin ces nan tan chen pos bkag
/lar nas rjes su zhib brtag skabs 'bum pas tshong pa'i thog jag
bcom byed don yang de snga

mdzes mdzes dgon du dbra nag bla ma dang dmag 'thab skabs/ cha
phreng pa'i dmag mi'i 'go 'khrid du dpal 'bar thogs med zer ba
yod stabs 'bum pa'i sa nas dmag rgyag go mtshon dang/ bza' chas
khyon che blangs pa'i bskyin

tshab 'di yin gtan nas ma byung bar dpal 'bar thogs med dmag sar
nad 'das song ba bcas kyis 'ded yul ma byung bas/ 'bum pa tshos
dpal 'bar tshang la zhe 'khon snying brnag gis 'di skabs tshong
dpon du dpal 'bar tshang

@069b gi mi ngo yod stabs dpal 'bar tshang gi tshong yin pa gzhir
bzhag gis byas pa ma gtogs de khongs phran gyi tshong sbrel yod
pa shes bzhin khyad gsod byas pa zhig yin tshod mi 'dug /'bum
pa'i thog dmag bya rgyu phyir bshol gyis

phan tshun ngos 'phrad zhi mol bya rgyur thag bcad kyis dpal 'bar
tshang gi ngo tshab stan grong bsam 'phel bstan 'dzin dang/ dam pa
tshang nas chos grags ngo ma/ nged tsho'i drung yig mgon po dang
sngags ram bu rdor gnyis bcas btang

bar/ go bo dgon gsar steng gi bye ma bla ma'i phyag mdzod bzang
ldan zhes pa'i grags can zhig yod pa des 'bum pa dang yul lung
thag nye'i babs kyis bar 'dums byed sar yong ste go bo rong du
zi 'phros byed skabs/ 'bum pas

kyang nged tshos phan tshun dmag 'thab kyi dka' ngal mi dgos pa'i
mndo bsam rgya che btang bar bsam shes med par ngan brgal ka
kor
bshad de gyod gzhi 'khrun thag gtsang chos ma thub par zla gsum
tsam 'gor 'dug cing/ mtha'

mar 'bum pas slog char dngul rkyang phran bu dang/ drel rgan
'ga' shas/ gyon dngos phan thogs yod med sna tshogs shig la mi ri
gong chen du brtsis te sprad 'dug pa nas dngul rkyang lag yod
rnams phal cher dpal 'bar dang dam

pa tshang gi mi ngo gnyis rkyen 'das kyi stong 'jal dang/ khong
gnyis kyi mtshon srung ga'u/ gnam lcags rdo rje/ lag mda' bcas
kyi rin thang sogs ming 'dogs sna tshogs kyis zur 'then byas
'phros dngul lhag cung zad dang/

@070a @#/ /gyon dngos sna tshogs yod pa rnams tshong pa thog mar
gtong skabs kyi ma 'bor mang nyung la gzhig pa'i thob cha che
chung zhig dgos gal yang/ de las ldog ste 'khor 'das ro mnyam
gyis phyogs gsum 'dra

mnyam du bgos te phran tshor phran bu tsam las ma byung bas/
phyi
nang gnyis ka nas gyong thog gyong brtsegs shig byung yang/ jo
bo'i bla ma d+harma rak+Shi tas/ gzhan gyi mug skyos rang nyid
bslus pa'i tshe/ /rang nyid nga rgyal ltogs 'dod ches

pas lan/ /las ngan mtshon cha rang la 'khor ba yin/ /zhes gsungs
pa ltar blo chung mal du mi gnas par gzhan zer rjes 'brangs sdod
ma tshugs ltogs la me 'bar gyi le lan rang thog tu bda' rgyu ma
zad/ mi gsod thal char

'gro gzhi'i dmag 'thab kyi bya ba ngan pa brtsams dgos ma byung
ba kho nas yid 'tshe ngas te blo 'gyod kyi rigs ma byung zhing/
khong gnyis ni thog ma nas rang khe bsgrub 'dod snying la brnag
kyang bsam pa gcig gi thog tu ma bsam pa brgya'i

dpe ltar mi ngo gtso che gnyis dgra shor sogs mi 'dod thog babs
shig byung song/ dus skabs de tsam na gong smos ser smad spom
'bor khang tshan gyi sgrigs khongs su zhugs pa'i be mda' khro
rtis sprul sku'i zhang po be mda' tshul

khrims zer ba lha sa nas 'byor te sprul sku dge bshes mtshan
btags gnang rgyu'i gtong sgo'i mthun rkyen dmigs rten cha
phreng
dgon yul la bskul slong byed mkhan yin tshul mda' skad gling
bsgyur gyis cha phreng stod shog ser skya gtso

@070b drag 'tsho bsdus kyis dgon pa'i spyi so khang rnying pa'i
nang tshogs 'du nyin mang tshugs te phyi rgyar gtong ? sgo'i mthun
rkyen skor gros mol byed khul tsam las/ nang don sprul sku'i nye
ltos dang 'brel zab che ba'i gtso drag 'ga' shas ngan mthun

gyis kho bo cag rgyu dngos bcas par glo bur gsang stabs kyis lag
rgyag bsad bzung bcom 'phrog gang bde byed rgyu'i gros ngan
bshams te sprul sku'i gnyen tshan du 'gro ba stan grong bsam
'phel bstan 'dzin la nang 'dri byed skabs/

bstan 'dzin gyis brjod gsal thog mar khyed tshos sbom po lag na
e tshud blta dgos/ cha phreng mi mang gis khong tsho'i rgyab la
langs mkhan e yong mi shes shing/ gal te mi mang langs pa srid
tshe nged rang nas bar gzu yin khul bkag 'gog

byas chog nged rang khri byang tshang dang mchod yon gyi tshul
du
yod stabs dngos su mnyam the byas na mi 'grigs zhes brjod de/
don snying khyi spyang lag sbrel gyi bya ngan tshab che lag len
bstar rgyu'i bzo cho thon skabs der yod tshogs mi'i gras nas

gzur gnas bsam yod 'ga' zhig phyir thon byas tshul sogs stod shog
khongs dad zhen can tsha kha bla rgan dang/ 'ba' li mkhas grub
sogs nas gsang gtam sgo skyel byung bar brten/ nged rang ngo
'khor nyung shas las med stabs bod

du 'gro cha sta gon rogs byed yin khul gyis grwa pa blos thub
'ga' shas rogs su sbran te 'du khang steng thog shag gi sgo yas
mas la sgo gtan bskyar ba snon dang/ nged rang sdod sa'i mal
sgrom gyi rgyab der rtsig pa dang yol ba'i bar stong mi 

@071a @#/ /zhig gshong tshod tsam yod pa der gab bros byas chog
bcos/ gnas nang phun tshogs dar rgyas sogs dgon dang thag nyer
yod pa rnams dang/ dgon nang yod pa'i grwa rigs lhag bsam gcig
tu

dkar ba dag gis mdun g.yog rnams la khyed tshos dus yun phran
bu
tsam gyi ring bkag 'gog thub na de mtshams nged tshos rgyab gnyer
du yong rgyu ang sar byas 'thus sogs brjod 'dug par brten/ mdun
g.yog tshos kyang 'phral sel

nyen bsrung bya rgyu'i sta gon 'du byas/ nged rang ni dkon mchog
la gsol 'debs dang/ srung mar 'phrin bskul thog /las ma byas pa
dang mi 'phrad cing byas pa chud mi za ba'i bden par blo phugs
gtad de las bskos gang yod

sgug ste sdod rgyu las gzhan bya thabs zad bzhin pa'i ngang du
zla gcig tsam gnas dgos thog /sus bcag dang sus khyer ma tshor
bar phyi sgo'i nang lcags bcag pa dang/ sgo'i 'phred gtan brlag
pa sogs gang ci nas zhag bcu

skor nang tshun ya yud rkyen ngan zhig yong rgyur gdon mi za ba
lta bu'i mur/ nyin gcig glo bur du srod 'khor yol tsam la shag
gi rta ra'i phyi sgo brdung ste 'bod mi byung bar mdun g.yog
rnams dngangs tshabs kyis su yin dris skabs dpal

'bar chos grags tshang gi mag pa dbang rgyal zer ba bsam 'phel
bstan 'dzin gyi spun de yin 'dug cing/ kho pas nga tsho'i bsam
'phel bstan 'dzin da lta glo bur steng grib lta bus nad mnar
gyis mgo bo'i gzhogs phyed gas la

@071b khad lta bu'i nad zug sran mi thub pa zhig 'dug pas da lta
byin rten bdug rdzas bskur gnang dang/ sang nyin bka' bsgo dang
bgegs bskrad bya bar kho bo yong grogs zhes brjod 'dug pa bsam
'phel bstan 'dzin dang mchod yon nang ma yin

khul gyi mur song stabs brda slog bya thabs med par bdug rdzas
byin rten sogs bskur te sang nyin yong 'thus khas len bya dgos
byung zhing/ sngags ram bu rdor gyis mtshon mdun g.yog rnams ni
gnas tshul de mgo skor bslu brid kyi

ngan g.yo min nam snyam pa'i dogs pa dang/ yang dbang rgyal
gyi
lus ngag gi rnam 'gyur la bltas na phal cher bden 'dra snyam nas
kha 'dzum khog par mi gshong ba'i dga' tshor chen po byung song/
nged rang yang bla ma'i drung nas blo sbyong

gi gdams pa lan mang nod khul yin rung/ nyams myong rgyud thog
tu ma 'khel ba'i stabs kyis/ lto 'grangs nyi mas dros dus chos
pa'i gzugs/ /rkyen ngan thog tu babs tshe tha mal pa/ /zhes pa
ltar rang nyid 'jigs pa

las thar nyams kyi blo lhod du song/ nangs par dam nyams kyi
mdun sar bskyod de dbang bskur byin rlabs bya rgyu sogs shin tu
'tsher yang/ phyi rgyar yon mchod yin khul stabs g.yog 'khor
'ga' shas dang bcas stan grong bsam  

'phel tshang gi khyim du bslu brid mgo skor min nam snyam pa sogs
re dogs kyis bcings bzhin du bskyod cing/ der 'byor mtshams bstan
'dzin kho pa mal sar lus bsdad 'dug pas brjod rigs su/ 'bum pas
tshong pa

@072a @#/ /jag bcom skabs khyed rang nas dgra lan byed du ma 'jug
pa'i nyer len gyis 'bum pas ngan pa gnya' rengs kyis sprod len
ji bzhin ma byung bar brten nged rang khyed la dad gus gting nas
'gyur ba ci la srid

kyang/ phran bu'i skur 'debs zhu dgos byung gshis chos skyong
srung ma bka' gnyan pas srung mar phog thug byung ba sogs yin
tshe 'gyod tshangs bshags sdom zhus chog pa dang/ go rong khul bla
ma zhig gi lung bstan la khyed kyi drung nas rje

rigs gsum spyi sgrub kyi rjes gnang zhig nges par zhus zhes
gsungs byung bas da res cis kyang gnang dgos zhes zer ba sogs
rang nongs ma bzod nas/ nongs pa 'chab cing sbed pa'i bshags
pa'i gzugs brnyan zhig byas te phran gyi sa

nas dbang zhig byung na rang mthu rang log lta bus khong rang
drag bskyed cig e yong gi re ba yin pa shes te/ nongs bshags de
dang mtshungs pa'i bzod gsol dang len dang rjes gnang yang de
mtshungs shig byas pa/ rwa lo chen pos/

khyod gser dang 'dra ba'i 'dra men phul/ /ngas 'jigs byed 'dra
ba'i gdong drug bshad/ /ces gsungs pa'i dper song/ de'i sang
nyin nas khong rang nad ngo phran bu drag bskyed rim brtas kyis
nyin nyi shu skor nas phar tshur 'gro

bskyod thub pa byung 'dug rung/ slar yang kho tsho'i khyim gyi
thog khar dpal 'bar chos grags dang khong gnyis gung tshigs sha
khu mnyam bzos thog sngon ma'i ngan gros mjug skyong phran tsho
bcom rgyu'i grab gshom skor bskyar mol

@072b byas 'dug pa'i mur steng grib tshab che bskyar phog gis
ngag lkug cing/ de nub mtshan mo 'das grongs song 'dug pa'i nangs
pa snga mor 'pho ba 'debs sar yong dgos 'bod mi byung ba ltar
bskyod de 'pho ba dang gsol 'debs bsngo smon

sogs gang shes bgyis/ bsam 'phel bstan 'dzin 'das grongs song
gshis rgyab rten gyi rten phur zhig pa ltar khro rti'i 'khor
bcas kyi ngan gshoms kyang rang zhir gyur/ bsam 'phel bstan
'dzin la nad gzhi ma phog tsam gyi sngon der

nub gcig rmi lam du mi zhig gis g.yag chen po gcig bsad pa rmis
byung ba ring nas bsten pa'i srung mas mngon spyod kyi 'phrin
las bsgrubs pa'i ltas su mngon/ 'di skabs tsam ma zad ra lug
g.yag sogs srog chags gang rung bsad

pa'i rmi lam nam byung res kyi rjes thog der ring bor mi thogs
par dngos sam brgyud nas log par 'khu ba'i skye bo zhig 'jig
rten phyi mar bzhud pa snga rjes rim par byung/ /rang lo nyer
brgyad pa sa 'brug lor smon lam grol rjes cha  

phreng phreng shog khongs ri sgang dang/ lcags ra sgang sogs kyi
grong sde khag nas bos pa bzhin rim bskyod kyis spyi sger khyim
sde so sor chos 'brel sogs so so'i 'dod mos ltar bgyis shing/
lhag par lcags ra lha khang zhes pa sngar karma pa drug

pa mthong ba don ldan gnas der phebs nas dgun thog gcig ring
bzhugs shing/ phyag phreng rdog po sa la btab pa las skyes pa'i
b+ho d+hi rtse'i ljon pa/ mthong ba don ldan gyi 'dra sku byin can
sogs yod pa der zhag re zung bsdad de mi mang

@073a @#/ /byings la tshe dbang dang yig drug gi bzlas lung/ cha
phreng 'dir sngar karma pa'i chos brgyud dar khyab kyis yul tsho
stod smad tshang mar kar dgon gyi dgon shul lha khang khag
mang
po yod pa ma zad/ grong sde

so sor gto mdos sogs kyi rim gro byed mi a mye zer ba'i sngags
brgyud re yod cing/ de dag gis gu ru rin po cher tshes bcu'i
mchod pa dang/ srung ma mtshur phu'i bka' srung mgon po ber nag
/zhing skyong trag shad/ bkra shis tshe ring ma bcas

bsten gsol byed par brten yas mas kyi sngags pa rnams 'tsho 'dus
kyis dbang lung dgos tshul zer ba ltar lcags ra lha khang du
^rgyal ba dge 'dun rgya mtsho'i yi dam sgrub skor nang gsal gu ru
zhi drag gi rjes gnang dang/ sgrub thabs rin

'byung nang gsal mgon po legs ldan dang/ ber/ trag shad/ tshe
ring mched lnga bcas kyi rjes gnang byas shing/ gu ru'i byin
rlabs byed skabs der lcags ra'i padma tshang zhes pa'i khyim
tshang nas me tog padma dkar po 'dab ma rgyas pa

che legs chun po zhig sprad byung ba ma bsgrigs lhun grub kyi
rten 'brel bzang por mngon/ de nub rmi lam du mi nag po zhig
yong nas lha khang nyams gso dgos tshul zer byung ba/ srung ma'i
bskul mar go ste sang nyin lcags ra'i yul mi

rnams la lha khang nyams gso gsar rgyag dgos pa dang de'i steng
gzim chung zhig kyang bzo rgyu'i bskul ma byas par/ khong tshos
phyi lo der lha khang gsar bzhengs byas 'dug kyang steng du gzim
chung ma brtsigs par lo mang lus te rjes sor

@073b shing rta lor gzim chung brtsigs 'dug pa'i phyi lo der
phran rang rgya nag nas phyir 'khor yar lam cha phreng du
bskyod
de lcags ra lha khang du zhag gcig sdod rgyu'i go skabs byung
bas khong tshos de snga gzim chung rgyag rgyu'i bkod mngags byas
pa ma 'ongs sngon

'char gyis brjod pa lta bur ngos 'dzin byed kyi 'dug pa stes
dbang stabs 'grigs byung ba tsam las gang yang min/ nye gnas dad
pa can gyis bla ma zog por gtong zhes pa'i dpe ltar rang 'dra'i
bla ma tsho'i mngon shes lung bstan phal cher yang 'di

mtshungs shig 'ong gi med dam snyam/ de nas rag po stod smad
gnyis su bskyod de rag stod du chu tshan zhig yod par yang zhag
gsum 'phrod bsten dang/ yul mi spyis bskul ba ltar rag stod bkra
shis lha khang gi bskor tshad phan yon dang

bcas pa rtsom bris byas/ gdong gsum gyi yul khag gsum nas bos pa
ltar rim bskyod byas shing/ lhag par khri chen gong ma byang
chub chos 'phel 'khrungs yul phyogs gdong gsum rigs lnga lha
khang du bdun phrag gcig tsam bsdad de

mi tshan la sangs rgyas stong sku'i zhal thang gong sham rang
'grigs ngo grangs bcu spyi 'jog tu bzhag /mi mang la thugs rje
chen po'i dbang chen dang tshe dbang sogs bskur/ khri chen gong
ma'i gzim khang chu bzang dgon du ngo bskyod kyis khyim

la rab gnas dang nang mi rnams la 'phrad skyes gyon chas dang
dngos po'i rigs rnam grangs mang tsam bstabs/ lar nas cha phreng
du sdod ring khro rti sprul sku'i ltos phyogs cha gong shog gi
khyim tshang yongs rdzogs dang/ gsos pa dang dpal

@074a @#/ /dge grong tsho'i khongs nas khyim tshang 'ga' shas bcas
kyis phyogs ris dam 'dzin gyis 'bod mkhan ma byung ba las de min
cha phreng stod smad kyi grong tsho khag gis chos 'brel rim gro
sogs kyi don du snga rjes

rim 'bod tshang mar dka' tshegs la ma 'dzems par bskyod de so so'i
re ba bskangs/ shes rab sdong bu las/ gos med gcer bu'i grong
khyer du/ /khrus mkhan gyis ni ci zhig bya/ /gsungs pa ltar
bsdad kyang dgos pa dang phan thogs

mi che ba ma zad/ skyes rabs las/ gang na mi rnams phrag dog
byed 'gyur nas/ /gzhan gyi rnyed la rtag tu mi bzod cing/ /sdang
ba'i bsam pas rnam rmongs tshul 'chos pa/ /de tshe bdag 'dod yul
gzhan 'gro bar gyis/ /zhes gsungs

pa bzhin phran lo 'di'i nang dbus phyogs su phyir log bya rgyu
gtan 'khel la brten ze'u 'bru dgon gangs dkar bla ma rin po ches
gsung 'phrin gnang 'byor du zla ba bzhi pa'i tshes bco lnga nang
tshun cha phreng nas rdog thon ma thub tshe 'gal rkyen chen po

yod tshul gsungs 'dug kyang/ gong gsal lcags ra sgang dang rag
po/ gdong gsum sogs kyi grong sde khag la bskyod dgos byung ba
dang/ 'gro chas tshags tshud ma thub pas nar lus song ba'i mur cha
phreng grwa rgyun dang/ tshong rigs

snga lo lha sar bskyod pa rnams phyir 'khor gyis zla ba bzhi
pa'i tshes shar la smar khams sgar thog tu 'byor skabs smar khams
pa'i mi ser 'ga' shas nas de sngon cha phreng dang 'khon 'khrugs
byung ba zhig gi zhe nad 'khon bzung

@074b gis skabs der cha phreng pa tshos khral khrims nor 'khrul
byung tshul bsnyon 'dzugs kyis smar khams sa srung mda' dpon shel
dkar gling pa'i sar brda sbyor khrims gtugs byas te cha phreng
grwa rgyun rnams dang/ 'grul rogs sgro 'dog

chos grags tshang gi bu bcas 'ju bzung bkag bskyil dang/ rta drel
dngos zog rnams do dam bdag nyar byas te 'khrun thag ma chod
par
yod stabs dpal 'bar bla rgan chos grags nas bsam 'phel 'das po'i
lar zhen dam 'dzin gyis phran

tsho lha bskyod bya rgyu bkag bskyil bya rtsis bsam ngan khog
bcug gis she ba phag phrug sogs grwa rgyun dang/ tshong rigs
tsho'i khyim khag dang/ sgro 'dog chos grags zhes sgro 'dog khul
du dbang shugs che ba de bcas la kho bo cag lha sar 'gro

rgyu bshol thabs byed thub tshe smar khams mda' rdzong gis grwa
rgyun rnams dang dngos zog lam seng glod khrol gyi don phan
chen
po 'byung nges sogs shog sbug rlung 'tshangs kyi bsam 'char slob
ston byas par brten sgro 'dog chos grags

sogs nas khong tsho'i gyod 'khrun ma chod par lha bskyod ngang
'then byed dgos nan brjod byung bar/ 'di lo dbus bskyod bya rgyu
gtan 'khel gtsang mar zin te rgyal khab tu ^gong sa chen por
snyen phul kyang zhus zin lugs brjod de bshol

rgyu'i khas len ma byas stabs dpal 'bar bla rgan dang/ sgro 'dog
chos grags can nang don ngan mthun gyis yar lam sgro 'dog khul
du sgug ra sprad de bcom 'phrog bya sems kyis dmag mi bsdu gsog
gi grab gshom byas 'dug

@075a @#/ /cing/ dpal dge rgyag ser g.ya' pa zhes pa'i grwa pa
lba ba can khro rti sprul sku'i zhang por gtogs pa thog mar kho
bo'i mdun nas lam rim dang/ 'jigs byed kyi dbang khrid nyan te
bsnyen chen khas blangs tshun

byas pa zhig yod pa des kyang/ khri byang tshang lha sar bde po
drang po zhig byas nas btang e song ltad mo ltos shig /ces
brjod skad/ g.ya' pa 'di rjes sor ske'i lba ba rnag tu rul nas
shi gson ma phyed par yun ring mnar te/ lha

sar phran la 'gyod bshags kyi yi ge bskur 'dug kyang phan bskyed
ma byung bar 'das 'dug /gong smos ltar sgo gangs nas nyen ka ci
che'i mtshams su slebs gshis klu ltag bkra shis tshong don dang/
gnya' nang phun tshogs dar

rgyas/ shab rgya mtsho nyi ma sogs gtso drag rnams nas khong
tshos
rta dmag chig stong skor dang bcas smar khams bar skyel sgrol
'gan len zhus chog pas sgro 'dog brgyud shar mar thad bskyod
'gab tshul brjod pa ltar/ yar lam khong

tshos skye la sgrol byas tshe 'jigs med bde grol thub nges kyang/
skyel mi tsho dang mar lam 'thab 'khrugs kyis mi gsod thal cha
rgya che 'byung ba gdon mi za bar brten snang bzang dgon yul
phyogs nas bskor bskyod bya rtsis kyis snang

bzang grwa tshang la gsang stabs kyi pho nya btang ba'i lan du
khong tshos 'gan len bya rgyu yin gshis de phyogs nas nges bskyod
dgos tshul gsal ba bzhin lam tsam gtan khel yang/ de skor sgro
'dog chos grags kyis shes te snang bzang grwa

@075b tshang la nga tsho'i grwa rgyun dang tshong rigs smar khams
nas bde grol 'byung ched bla ma gnas skabs bzhugs rogs zhus
kyang/ khyed tshos snang bzang phyogs nas gdan zhu bya rtsis yod
'dug pa de phyogs nas phebs tshe bla ma phebs zin kyang rjes

sor nged tsho phan tshun 'phros mol bya rgyu sdod kyi red ces
bsdigs gtam gyi 'phrin lan bskur bar/ snang bzang bas khyod tshos
phyin chad ji 'dra byed rung chog rgyur nga tshos bla ma gdan
'dren 'gan len byed kyi yin zhes brjod 'dug pa sogs

kyis snang bzang phyogs nas bskyod rgyu yang phyin chad gyod
rtsa lhag nyen gyis stabs bde med pa sogs ci drag la gyar zhing/
zla ba drug pa'i tshes gsum nyin cha phreng nas thon rgyur sngon
nas gtan 'khel zin kyang tshes gnyis nyin bar 'gro

yul lam phyogs gtan 'khel ma thub/ de nyin thabs zad ya yud kyis
bskang gso 'phrin bcol dang 'brel sgro 'dog brgyud dang/ snang
bzang brgyud/ yang 'ga' zhig gis gros 'char ltar li thang
brgyud/ rgyal thang bcas lam phyogs

gang bzang zan bsgril brtag pa bgyis par/ rgyal thang phyogs
brgyud thon rgyu bzang babs byung ba ltar gsang rgya dang bcas
nang don gtan 'khel gyis phyi rgyar cha phreng gi byang phyogs
sgro 'dog brgyud thon rgyu gzhir bzhag yin khul byas te/

tshes gsum snga dro sngon bskyod drel pa dgon pa'i gzhung sgo nas
cha phreng gi lho phyogs rgyal thang gi lam phyogs su gtong
skabs ma gtogs sus kyang mi tshor ba'i gsang rgya dam po byas par
brten 'grul rogs grwa rgyun dang/ skyel thung yong mkhan 

@076a @#/ /sogs 'ga' zhig shog drug sgro 'dog gi phyogs su thon
bskyod zin pa slar yang phyir ldog gis rgyal thang du yong dgos
byung song/ de nyin phran ngo 'khor rnams cha phreng bsam 'phel
gling dgon nas thon te

dgon mdun zam chen gyi pha rir 'byor mtshams/ de snga phan sems
sun phyung ba'i bya ngan rim byung gi dka' ngal gnas tshul rnams
dran te btson pa khrims mun nas thar ba lta bu'i nyams shar
zhing/ phyin chad sa phyogs 'dir nam yang mi

'ong snyam pa zhig shar yang/ zhib tu bsam skabs dgon pa'i 'du
khang nang gi khri steng du paN zhwa dang gding ba lus pa dran
te ltas ngan blta bskyar dang/ dri ngan bskyar snom zhig bya
dgos yong 'dra snyam pa'i rnam rtog cig 'char ba bzhin

rjes sor rang lo nga lnga pa shing lug lor rgya nag nas yar lam
^gong sa mchog gi bka' 'brel sku tshab lta bur li thang dang/ cha
phreng/ 'ba' sogs khams lho phyogs kyi dge dgon khag la bskyod
dgos kyis cha phreng du yang bskyar slebs

song ba de'i rten 'brel du mngon zhing/ bzang ngan las kyi srad
bus sbrel ba'i 'ching thag de bcad kyang mi chod par gda'/ lar
nas kho bo khri chen byang chub chos 'phel gyi skye phreng gi
gral du stes dbang gis son gshis rang ngos nas cha

phreng dgon yul tshang mar chos srid gang ci'i thad nas nyams pa
gso ba dang/ mi nyams gong 'phel gyi thabs tshul la sgo gsum ngal
ba ring du dor nas 'bad khul byas shing/ der brten skya ser mi
mang byings che mos dung brtse zhen dam

@076b tshig gtsang yang/ ji skad du/ thu kwan chos kyi nyi mas/
phar chos bshad tshur la sdig pa gsog /drin phar btags lan du
gnod pa skyel/ /blo phar gtad mgo skor tshur la gtong/ /dus
snyigs ma'i mi dang 'grogs pa dka'/ /

zhes dang/ chos rje zur mkhar ba legs bshad 'tshol gyis/ phyogs
ris drag zhan med pa'i skye bo la/ /btang snyoms chen pos legs
par phan btags kyang/ /phye skyin thal bas 'jal ba'i khrel med
po/ /mang po zhig gis

nges 'byung bskyed du bcug /ces gsungs pa ltar byas pa drin du
mi gzo zhing/ ri zas snying la 'dod kyang ri mi 'dod pa'i skye
bo byed gtso 'ga' shas rjes 'brangs dang bcas pas mgo la til
brdung bya rtsis kyi bsam dang sbyor ba

zung du gnag pa'i bya ba snga rjes rim par brtsams kyang bla ma
mchog gsum gyi thugs rje dang/ las 'bras kyi bden mthu/ ring nas
lus dang grib ma bzhin du 'grogs pa'i srung ma rdo rje'i mtshan
can gyi 'phrin las dus las mi yol

ba bcas kyi mthus 'gal rkyen gyi 'phrang thams cad las grol te
zla ba sprin bral gyi ngang tshul du gyur/ cha phreng dgon pa nas
thon pa'i nub mo der rag po stod bkra shis lha khang du zhag
gcig bsdad/ de nas dbang shod dang 'gum

nags la sogs rim brgyud rgyal thang sum rtsen gling gi dgon gyi
mkhan po las zur dang/ bla sprul/ las sne sogs kyis thab bsu
dang/ grwa mang gi ser sbreng sogs bsu ba'i bkod pa gzab rgyas
dang 'brel dgon du 'byor

@077a @#/ /zhing/ tshogs chen 'du khang gi yang steng rab gsal du
gnas mal byas/ der tshogs chen du dge 'dun nyis stong skor la lam
rim myur lam gyi bshad khrid dang/ rdo rje 'jigs byed lha bcu
gsum ma'i dbang chen/

cha phreng khang tshan sogs khang tshan khag brgyad so so nas
'bod
gnang ltar bskyod de chos 'brel dang/ rab gnas sogs thugs 'dod
ltar bgyis te bdun phrag gsum tsam bsdad/ de skabs rgyal thang
stong ba lha mkhar rin po che sku gong ma de

bzhin dgung lo drug cu lhag tsam la phebs pa zhig 'dug pa mjal
'phrad lan 'ga' shas byung zhing/ thog mar mjal skabs khong nas
nyams sad lta bur mdo sngags skor dri ba mang tsam gnang byung
bar lan ma phongs tsam zhus par

thugs dgyes te lam rim gsan par phebs pa dang/ rjes sor yang
dgongs pa zhi bar ma gshegs bar lo ltar khams 'grul gdong rin
chen dang po'i skyes dang bcas te gsung bris gnang gi yod cing/
lha sar 'byor skabs

^skyabs rje rdo rje 'chang pha bong kha mchog nas lha mkhar rin
po che de sngon grwa sar bzhugs skabs rdo rje 'chang nyid dang
'dzin grwa ltag 'og yin la mkhyen yon che nges yod ces bka'
phebs kyi 'dug /gzhan yang spang lung bla brang dang/ bka'

'gyur tshang sogs bla brang khag gis mgron 'bod gnang bar yang
bskyod/ rgyal thang sum rtsen gling gi dgon gnas de bzhin ^rgyal
mchog lnga pa chen po'i dus 'dzugs gnang mdzad cing/ ^rgyal
mchog mchod yon na rim dang/ rgya nag gong ma

@077b bcas nas gzigs bskyangs ches cher gnang 'dug pa'i stabs
kyis gu shri bstan 'dzin chos rgyal dang/ sde srid/ ^rgyal ba
sku phreng rim pa'i bka' gtan phyag rgya gos ser thog bris pa
mang po ka ring gi ngos su bstar sgrigs kyis mchod rdzas ltar

rgyan 'grems gnang rgyu 'dug /mdo sngags chos spyod kyi rta
dbyangs thad khang tshan khag brgyad so so'i rta dbyangs mi 'dra
ba re dang/ tshogs chen la gcig bcas so sor gnang srol yod skad/
rgyal thang dgon spyi nas de ga'i sgrigs khongs ming

bkod gding 'jog bya dgos gsungs nan ltar mtshan thor ming 'god
byas shing/ tshogs chen dang/ thob khungs cha phreng khang tshan
bcas par bsnyen 'gyed mtshon pa re phul/ rgyal thang nas rong pa
thang stod dang/ thang smad brgyud 'bri chu khar

'byor nyer ri rong shin tu g.yang gzar zhig la nyin gcig thur
babs kyis 'bri chu'i gru kha 'dab thang zer bar slebs/ der gdung
ma bsgrigs pa thag pas sprel ba'i gdung gru mtha' skyor med pa'i
leb mo zhig thog bag tsha ba'i ngang bskyod de 'bri

chu'i chu chen brgal/ chu 'gram rong lam sa rong shin tu rtsub
pa nyin gnyis brgyud kong rtse rag gam spom rtse rag gi zhal ngo
yod sa'i grong sder 'byor/ de nas yar lam shis dpal ri khrod du
bkra thang sku gong ma nas gzhis len gzab/

sang der 'jol don grub gling dgon du bla sprul las sne'i bsu ba
dang bcas 'byor te klu sgrub bla brang du zhag shas bsdad/ da
lta'i klu sgrub sprul sku 'di pa'i sku gong ma de sku gzhon nu
dgung lo bdun brgyad tsam son pa zhig 'dug /bkra thang

@078a @#/ /rin po che sogs bla sprul dge 'dun tshogs yongs la bde
mchog dril bu lha lnga'i dbang chen phul/ 'jol bde chen gling
dgon par zam gdong bla brang du zhag gsum bsdad cing/ dge 'dun
rnams la rje rigs

gsum spyi sgrub kyi rjes gnang dang/ tshe dbang sogs skabs bstun
byas/ zam gdong sku phreng gong ma de bzhin nged tsho lha sar
bka' chos mnyam zhu'i chos grogs bzang po zhig yod pa rang yul
du phebs nas grong sde zhig tu mi mang la tshe

dbang gnang skabs khul de'i mi ngan re zung gis pha ri'i nags
gseb nas me mda' 'phangs rkyen sku gshegs zin 'dug /de nas 'jol
gdong zhes pa'i grong sde brgyud la chung zhig brgal te mtsho
skam kha zhes par zhag gsum bzhi tsam

bsdad/ der gangs dkar bla ma tshang dang/ ze'u 'bru dgon pa'i bsu
mi rnams 'byor zhing/ cha phreng ba bskyel mi rnams snang bzang
phyogs brgyud phyir slog byas/ nged ngo 'khor rnams tshwa la'i la
brgyud dbra nag dgon du 'byor/ nyi ra

sprul skus gtsos dge 'dun rnams la yon tan gzhir gyur ma'i bshad
lung sogs phul/ chu gsum mdo dang kha po 'bu tsha sogs grong sde
rim brgyud kyis ze'u 'bru dgon gangs dkar bla ma tshang du 'byor
te nyin bcu lhag tsam bsdad ring bla

ma tshang nas ngo 'khor tshang mar gzhis len gyi ston mo gzab
cing/ bla ma rin po che sku 'khor rnams dang 'dris zab che bas
rang khyim du slebs pa lta bu'i bag phebs kyi ngang dgon yul ser
skya rnams la thugs rje chen po'i dbang chen dang/ dge

@078b 'dun khe gtsang la 'jigs byed lha bcu gsum ma'i dbang chen
bskur/ bla ma tshang nas nyin gcig phran la ring 'tsho'i brtan
bzhugs tshogs 'khor dang bcas rgyas par gnang zhing/ de nyin bla
ma'i gzigs snang la kho bo slob dpon padma saM b+ha war

gzigs pa dang/ bla ma rang nyid sngar lo chen bai ror 'khrungs
pa sogs skyes rabs 'ga' shas bar du 'brel ba'i gnas tshul thugs
dran gsos tshul sngags ram bu rdor can la gsungs 'dug pa rnal
'byor pa'i nyams snang la nges med ci yang

'char srid pa yin gshis dam gtsang thugs mos che ba'i stabs kyis
snang srid dag pa rab 'byams lta bu'i nyams shig shar ba yin
tshod las/ nged rang la de lta'i bag chags kyi dri tsam yang mi
bro ba'i kha stabs 'dir zad pas bla ma'i nyams

snang 'di rgyu mtshan du byas pa'i mngon pa'i nga rgyal rmi lam
du'ang med/ phran nas kyang bla ma rin po cher tshogs 'khor dang
bcas brtan bzhugs zab rgyas phul/ kho bo cha phreng du sdod
skabs der smar khams mda' dpon shel dkar gling pas bla ma'i

mnga' khongs tshwa kha lho'i tshwa kha de bzhin 'phrog 'dod kyis
gra bzhi ba'i dmag sgar gyi dmag mi lnga brgya'i thog /smar
khams sde khag dgu'i yul dmag dang bcas glo bur gsang stabs su
ze'u 'bru dgon par bla ma tshang la dmag gis bskor te me

sgyogs dang me mda' mang po 'phangs pa sogs byas 'dug kyang/
gsang dmag ma 'ong gong tsam der bla ma'i mnal lam du lung
bstan
byung ba ltar bya khyung brag dkar rdzong nas mtshon srung 'chi
med lcags rdo ril bu gter nas bzhes pa skabs

@079a @#/ /der gter sgrom zhal dbye gnang ste grwa bdun dmigs
bsal ming 'dzugs kyis ril bu gnang nas khong tshor ral gri rkyang
pa re bskur gnang gis pha rol gyi dmag mi rnams dgon gsham ri
sked mchod rten yod

mtshams bar 'ded dgos dang/ de mtshams nas ma brgal bar phyir log
bya dgos zhes bka' mngags dang 'brel btang bar/ gong gsal dmag
mi khyon chen de rnams grwa bdun gyis spyang gis lug khyu 'ded
pa ltar ded nas dmag mi

rnams kyis 'dzings ra'i nang go lag dang/ lto snod lham sogs
bzhag ste bros dgos byung ba dang/ dmag mis dgon par 'phangs
pa'i me sgyogs kyi mde'u khru gang tsam pa zhig bla ma'i gzim
chung nang du 'bar gas ma thub par lhung ba

zhig kyang mthong rgyu bsdad 'dug /de 'dra'i lcags rdo ril bu'i
gter sgrom bzhugs yul gyi khang ba'i nang sman dris khyab cing/
bla ma rin po ches phran ngo 'khor tshor gter sgrom mjal kha dang
zhal dbye gnang ste mtshon srung lcags rdo ril bu

gnang byung bar gter sgrom gyi ngo bo de klu 'jim 'dra ba dpang
la mkhyid gang tsam dang/ zheng la ser gsum tsam yod pa logs su
sku 'dra sna tshogs kyi rang byon yod pa zhig la nang du ril bu
byur khengs 'dug pa de nas phran ngo 'khor dang cha phreng ba

bcas nyi shu skor la spom tshod kyis ril bu khyon che gnang byung
yang/ de 'phral ril bu 'phel te slar gter sgrom du ma gshong par
lhag ma shog chag bskyon te 'jog pa gnang rgyu byung song bas
yid ches ngo mtshar che ba zhig 'dug /thon khar

@079b bla ma rin po cher phran gyi sgo gsum bgyi ba dang bcas
pa'i skor lung brtag zhus par/ bla mas mdangs nga'i rmi lam du
'du khang chen po zhig nang bzhugs khri rnying pa chen po gcig
'dug pa dang/ de'i mdun mi 'ga' shas tshogs te khri gsar pa

zhig brel tshab kyis rtsig bzhin 'dug pa'i mur mgron gnyer chen
mo 'dra ba'i rtse drung rdzig po zhig 'byor song ba'i de ma thag
khri rtsig mi rnams 'jam lhings su bsdad song/ rtse drung 'dra
ba de'i g.yog po mi gos dmar po gyon pa gcig gis khri gsar

pa de rtsa ba nas bshigs te khri shul 'phyag mas phyags shing mi
de rnams gcig kyang ma lus par phyir 'bud byas song bas/ sku
zhabs khyed kyi sku mdzad gnyis kar pha rol po'i 'gal rkyen gyis
mi tshugs thag chod rgyal chen gyis khrig khrig

byed sa red/ nged rang gis khag khur chog ces thugs 'ur nyams
dang bcas gsung gi 'dug pa ltar/ rjes sor lha sar chu sprel lor
smon lam skabs khro rtis sprul sku'i phyogs kyi gtso gras cha
phreng dpal phyug mda' dpon dge bshes tshad

rims kyis nad 'das song zhing/ de mjug nyin bdun song rjes sprul
sku rang yang bsnyun gshegs song ba dang/ de sngon khams
phyogs
su bsam sbyor log sgrub byed mi rnams kyang ring por ma thogs
par 'chi rkyen ngan pa sna tshogs kyis rim

'das song 'dug /lar nas gangs dkar rin po che 'di par sprul sku
ngos dzin dang/ dngos po bor rlag song ba sogs dri ba zhus tshe
skabs re rmi lam brtag pa dang/ skabs re de 'phral spyan zim mer
cung zad mnyam par bzhag nas yul lung

@080a @#/ /sa phyogs/ grong sde/ khang pa'i sgo phyogs/ nang mi/
ming bcas gsal por mdzub tshugs su lung ston pa zhig yod cing/
lung bstan ji bzhin tshang ma ra 'phrod nges rnyed sha stag 'ong
ba kho bo rang gis mngon

sum du lan 'gar myong/ der ma zad kho bo thog mar cha phreng
du
mar bskyod skabs bla ma dbu skra dkar por yod pa rjes sor yar
lam mjal skabs nag por 'gyur 'dug pa dang/ ^rgyal mchog bcu
gsum
pa chen por dad 'dun che zhing ^rgyal

ba zhal nam bzhugs bar kho bo 'chi mi yong zhes rgyun du gsung
gi yod 'dug pa ltar/ rjes sor ^rgyal ba dgongs pa rdzogs pa'i
gnas tshul gsan 'phral da bla rgan 'gro ran pa yin zhes gsungs
shing/ chab kyi bsnyun g+hzi phran bu bzhes

dgongs pa rdzogs nyer zhabs gras rnams sku mdun du bos te tshang
mas shes rab snying po mnyam gsung gi mjug tu ga te'i sngags
tshar gcig gsung rjes phaT sgra chen po gcig bskyon te zhi bar
gshegs 'dug pa sogs grub pa'i nyams rtogs

kyi rtags mtshan gsal po yid ches can byung 'dug /bla ma'i rgyun
gyi nyams bzhes su bla mchod dang 'jigs byed/ rta mgrin gsang
sgrub/ gcod stan thog gcig ma/ srung ma bse khrab bcas las de
min yi dam chos skyong gi rnam

grangs mang po bsten gsol mi mdzad pa zhig yin/ ze'u 'bru dgon
nas thon te smar khams lha mdun dang/ 'go shod spom mda' tshang
sogs brgyud smar khams sgar thog tu rdzong dpon tha'i ji drung
'khor spel bzhi bas rdzong khang du

@080b 'bod gnang ltar bskyod cing/ der sku ngo stangs dpyal dang
'od zer dgon pa'i dge 'dun 'ga' shas bcas la rnal 'byor ma'i
sind+hu ra'i byin rlabs dang/ ser skya byings la thugs rje chen
po'i dbang chen bcas bgyis/ smar khams sa srung

mda' dpon shel dkar gling pas 'bod bskul bzhin dmag sgar du
bskyod de ngo 'khor rnams la tshe dbang bskur/ 'od zer dgon pa
thog ma'i chags yul nas gnas spos kyis sgar thog gi yar phyogs
su gsar rgyag zin 'dug par rab gnas

la 'bod gnang ltar bskyod de rab gnas rta thog ma zhig byas/ de
nas khyung 'bum klur dgon gyis 'bod gnang ltar ched bskyod kyis
dge 'dun rnams la 'jigs byed lha bcu gsum ma'i dbang chen bskur/
lam khel ri 'bur dgon par zhag

gcig gnas mal thog der gsang 'dus kyi blos slangs gsar bzhengs
gnang mus su 'dug par khong tshos de'i skor dogs 'dri 'ga' shas
gnang bar dogs sel zhu dgos rigs dang chos 'brel tsag tsig
bgyis/ phyag na mu tig dgon du

zhag gnyis bsdad cing de ga'i grwa gras su sngar lha sar bstan
rgyas gling grwa tshang gi 'cham dpon byed myong ba zhig 'dug pa
des 'cham bslabs pa legs po yod tshul gsungs te nyin gcig mgon
chos lha mo/ zhwa nag sogs kyi gar 'cham gyi ltad mo

ston gnang byung ba de sngon bstan rgyas gling de mo dgu 'cham
ji lta ba bzhin 'dug /de nas bsam pa 'breng gi rda chu brgal te
tsha ba rong dug mda' dang/ mdzo sgang gsang sngags gling/ dbu
yag /tsha ba ko chen thang/ spang mda' dgon/ 

@081a @#/ /wa ko dmar ri/ zhabs g.yas zam pa/ lho rdzong gzhi
bkrams dgon/ rdzi tho dgon/ sho mdo dgon/ po ti dgon/ lha rtse
dgon sogs lam 'khel dgon khag dang/ grong sde khag la dbang
lung
khrid

sogs 'dod chos kyi rigs sna tshogs bgyis bzhin par bshul lam rim
brgyud kyis lcags ra dpal 'bar du 'byor te dpal 'bar rdzong du
bsdad cing rgyud smad sngags ram ngag dbang chos 'byor gyis
bskul ba ltar/ dgon pa'i dge 'dun

rnams la lam rim bsdus don gyi bshad lung zhig byas/ der mgon po
tshe bdud nag po zhes pa'i lha zhig khog brlams byed kyin yod
'dug pa'i rten gzhi de bzhin sngags ram ngag chos kyis phran sar
'khrid byung bar/ lha babs bcug

pas rten gzhi kho rang gis lag g.yon gyis rnga bzung/ g.yas
pas rnga brdungs te spyan 'dren 'don chog gtong gi 'dug par lha
babs pa dang mnyam du rnga de bzung mkhan mi dgos par gdan gyi
'khris der ker rer sdod kyi 'dug pa/ g.yas

pas rnga brdungs bzhin par sngon byung lo rgyus dang bcas lung
bstan rgyab kyi 'dug pa lo rgyus khungs ldan ra 'phrod gang legs
'dug cing/ 'byung 'gyur gyi blang dor skor lung bstan 'ga' shas
brjod pa rjes sor de bzhin byung/ de nas

shar gong la brgal te a rig dgon du 'byor/ sngags ram dam pa'i
sku nye ltos bcas la zang zing skyes bzang dang bcas ngos 'phrad
byas/ a la lcags gong nas thon te rdo thug tu ma slebs pa'i bar
der ma chen rnam rgyal rdo rje zer ba

@081b zhig yod pa zhog pa sngon thon lam 'phreng zhig nas
g.yang lhungs kyis 'das grongs song bas der bca' zhag gcig
bsdad de 'pho ba bsngo smon dang phung po bsregs sbyang bcas
byas/ nub gong la brgal te lha ri 'go dang/ kong po rgya mda'
sogs

rim brgyud 'od zer rgyangs su slebs skabs der dga' ldan rdo
khang khang tshan dang/ bsam gling mi tshan gyi las byed 'ga' shas
bsu bar phebs/ btsun mo tshal dgon du rdo khang khang tshan nas
sdod sgrig gnang 'dug par zhag gcig bsdad

de 'dul 'dzin grags pa rgyal mtshan gyi sku gdung mchod rten la
mchod sprin spros/ btsun tshal du 'dul 'dzin rin po che'i sku
gdung bzhugs skad sngar nas yongs grags ma zad/ bar skabs shig
mchod rten bzhugs yul la bzo bcos

zhu dgos byung rkyen dgon spyi nas dga' ldan lho pa rgyal sras
sprul sku gong ma de dang/ rdo khang dge bshes chos grags zer ba
gdan zhus kyis mchod rten la a rga'i cho ga zhus te bshigs
skabs bum pa'i nang gzungs su shing sgam zhig nang

sku gdung ril po ma nyams shing dbu skra yang gang 'tshams
'khrungs pa/ snam sbyar gsar rnying nyis brtsegs kyis bstums te
tsog pur bzhugs pa'i mdun der bzhes can rnying pa shing 'bras
kyis bkang ba gcig snang zhing/ tshul

khrims kyi dri bsung rgyang ring khyab pa zhig 'dug ces kho bo
grwa sar sdod skabs dge bshes chos grags ngo ma'i ngag las thos/
bsnyen 'gyed sogs kyi sta gon byed khyad dga' ldan du bskyod
rgyu re zhig ngang 'then gyis bod zla bcu pa'i tshes

@082a @#/ /shar la lha ldan rang shag tu bde bar 'byor zhing/
bka' drin mtshungs zla bral ba rgan yongs 'dzin rin po che dang/
dge bshes shes rab rin po che sogs kyi sku'i dkyil 'khor mig gi
bdud rtsir thob

cing bkra shis bde legs kyi ngang nas zhal 'dzoms dga' ston gyi
ro bde'i dpal la rtsen bzhin par gzhis byes gnyis ga'i bar lam
bde sdug gi gnas tshul gsung gleng nyin mtshan du sbrel/ 'brel yod
blo dkar khag mang ngos 'phrad

du phebs pa rnams mjal/ nor gling gzim chung nyi 'od du ^ gong
sa ^ skyabs mgon chen por sngar srol 'byor phyag mjal kha dang/
dbu rtse'i gzim chung byang chub dga' 'khyil du ^ gong sa mchog
sger mjal thog zhabs bsten gyi

padma srid pa'i che rgu dag gi gtsug gi nor bu 'od 'bar bas 'dud
par byed pa la spyi bos btud cing maNDal rten gsum dang/ gser
srang gang/ rgya mi'i sgor mo lnga stong/ khams phyogs kyi thon
khungs dngos zog phran bu bcas phul/

khams phyogs kyi gnas tshul bka' 'dri mang tsam phebs pa'i lan
rnams g.yo lhad med pa'i drang gsol zhus/ de rjes chu bzang ri
khrod du ^ skyab mchog rdo rje 'chang pa bong kha pa chen po'i
zhabs drung du 'byor mjal du bcar te

bzod pa dam pa'i nor gyis lan brgyar phyis pa snyam byed pa'i
mthong don che ba'i zhal gyi dkyil 'khor mjal ba dang chabs cig
yan lag mchog gis btud nas phyag byas shing/ rin chen dang gnyis
sogs dngos 'bul gyi mchod sprin

@082b mod mi dma' ba spros shing dgyes brtse'i gsung gi dbugs
dbyung yun ring thob/ co ne bla ma rin po che blo bzang rgya
mtsho sprin dpal bzang po yang chu bzang du bzhugs 'dug pa mjal
bcar gyis rjes sor bka' chos ji stsal zhu bcar chog pa'i

snyan gsan phul/ zla ba bcu gcig pa'i tshes shar la dga' ldan du
bskyod par dgon gsham bon po dgon gsar du shar rtse grwa tshang
gi thab bsu'i thog mkhan po las thog pa rdo khang yangs steng
blo bzang dar rgyas sogs las sne rnams phebs

'dug pa mjal te nyag rong la kha nas khrom sgang du babs shing/
de nas shar rtse'i dge 'dun rnams kyis ser sbreng dang/ dga'
ldan shar byang grwa tshang gnyis kyi mkhan po dang bla sprul
las
sne rnams kyis spos sne dang bcas rdo khang khang tshan

gyi tshom du khang tshan nas dkar spro'i ston mo sgrigs gshom
gnang 'dug pa'i sar bcar te bla spyi/ grwa tshang/ khang tshan/ mi
tshan sogs spyi sger khag mang gis legs skyes mjal dar sogs gnang
ba bdag gir zhus/ phran ngo 'khor rnams

khams phyogs su bskyod bsdad ring 'gal rkyen gyis ma gtses par
bde bar phyir 'khor byung ba'i rten 'byung legs skyes kyi tshul
du dga' ldan tshogs chen 'dus tshogs su bsnyen bkur mang ja gnyis
dang bzhes thug /dge 'dun rer sku 'gyed dngul

srang gang zho lnga re dang/ 'bru gtsang ru'i khal gcig re/ spyi
'bul du lo ltar Tam 'gyed re 'bul rgyu'i thebs rtsa/ shar rtse
grwa tshang du grwa ja gnyis dang bzhes thug 'bras tsha legs pa/
dge 'dun rer sku 'gyed dngul srang gsum re dang/

@083a @#/ /'bru gtsang ru'i khal gcig re/ spyi 'bul du 'du khang
gi gral ring bco brgyad la gam rum ser khra padma ris kyi skyong
gdan yug ring dang/ mkhan bla dbu chos sogs la gding rgyu'i rum
gdan kha gang ma gzhi

mtshungs 'ga' shas bcas 'go snam mtshal kha'i mtha' lcags can spus
legs cha tshang/ lo re Tam 'gyed re 'bul rgyu'i thebs rtsa/ byang
rtse grwa tshang du bsnyen bkur ja thug gsum dang sku 'gyed
dngul
srang gsum re/ Tam 'gyed

gcig gi thebs rtsa/ rdo khang khang tshan du tshom ja dang/ bzhes
thug 'bras tsha/ sku 'gyed dngul srang gsum re dang 'bru khal
gcig re/ spyi 'bul du 'du khang gi ka ring bzhir gser zangs kyi
'phan 'go tsi par gzugs la bzang

gos ru su'i rgya se'i mthong dang thon thi tshos tshogs kyi 'phan
lag rang 'grigs byas pa'i ka 'phan bzhi dang/ gos chen bcad ldan
gyi phye phur che ba gnyis dang/ rgyal mtshan gcig /Tam 'gyed
thebs rtsa/ rdo khang bsam gling mi tshan dang

gser kong khang tshan/ gser kong bsam gling mi tshan bcas par yang
tshom ja dang sku 'gyed/ bsnyen 'gyed thebs rtsa bcas phul te
dga' ldan nas mar lam bde chen gsang sngags mkhar dgon par
bsnyen 'gyed/ gong ko tshang du

a ma lags sogs nang mir 'phrad skyes/ gung thang du chos khri
grwa tshang dang/ gzim shar grwa tshang so sor nyin 'khyongs
bsnyen bkur sku 'gyed/ skyes lha drag shul dbang po dang nyi ma
gzhon nu gtso 'khor rnams rten gzhir spyan

@083b 'dren gyis gtang rag nam dod sogs phul te lha ldan rang
shag tu 'khod/ /rang lo nyer dgu pas sbrul lor smon lam chen mor
mang ja gcig dang sku 'gyed dngul zho gsum re dang/ smon lam
grol rjes 'bras spungs dang/ se ra

tshogs chen/ rgyud grwa stod smad gnyis/ chu bzang ri khrod 'dus
spyi bcas par yang bsnyen bkur mang 'gyed phul zhing/ de skabs
rgyud stod grwa tshang la cha phreng du ched bskrun gyi dbang
rdzas rigs lnga rgya rtsi ma cha 'grigs ngo grangs brgya

dang lnga bcu tham pa phul/ de lo chu bzang ri khrod du ^ skyabs
rje rdo rje 'chang pha bong kha pa'i drung nas bla mchod khrid
yig chen mo dang/ phyag chen rtsa 'grel sogs kyi steng nas bla
mchod dang phyag chen gyi bka' 'khrid/ 'jigs byed bcu

gsum ma'i bskyed rdzogs kyi khrid rtsal song bar bskyar zhu
dang/ de min gsung chos kyi rigs mang tsam stsal song ba rnams
skal bzang bgo skal du nod/ /rang lo sum cu pa lcags rta lor
gung thang bla brang gi las 'dzin dmag

drung skal bzang nas chos khri grwa tshang du 'jigs byed kyi
sgrub mchod gsar 'dzugs dang/ bde mchog dril bu lha lnga'i sgrub
mchod sngon yod nyams gso sogs kyi ched yi dam bde 'jigs gnyis
kyi dbang chen bskur bar yong dgos bskul

ba ltar/ de skabs phran rang grang ba'i nad kyis bde min yod mus
kyang dmag drung skal bzang gi bskul ngo ma bzlog par zla ba
bzhi pa'i tshe shar la gung thang du bskyod de dbang chen bskur
bas nad gzhi 'khrugs rkyen thog /yar mar

@084a @#/ /gtsang chu brgal te 'grul bzhud sogs kyis rkyen byas
grang ba gnyan sdong gi nad gzhi babs lci dang/ mjug tu rkang
'bam nad mnar sogs kyis shag gi sgo phyir bskyod ma thub par bod
zla bcu gcig pa'i tshes

shar bar mal du lus te dka' ngal che tsam byung/ skabs der dga'
ldan byang rtse khri dwags rin po che phran sar yang yang phebs
te khrus dang/ glud rdzong sogs rkyen sel gyi rigs gnang zhing
ye shes khyung khra'i rjes gnang zhig kyang bskyar

stsal gyis bsnyen pa gtong thub na legs tshul bka' slob phebs pa
bzhin bzlas bsnyen btang bar nub gcig rang nyid bya khyung che
chung lug tsam byas pa'i rgas po zhig tu gyur te shag gi khang
steng du babs pa'i rmi lam dang/ yang sder ma

gcig gi nang sbal ba mang po zhig blugs pa'i kha ras kyis
g.yogs te sne mo rnams sder ma'i 'og nas nged rang gi lag pa
g.yon pas bsdams nas bzung zhing/ sder ma'i sbal ba 'gul bskyod
kyis kha khebs ras long long du byed 'dug par/

lag g.yas kyis ras khebs cung zad phye nas bltas skabs sbal pa
gnyis phyir shor ba las/ de min sbal ba rnams 'dur nas sgal
lpags ras la 'byar te sgal rma dmar tshal le byed pa zhig byung
ba gdon gnod zhi ba'i mtshan mar go

zhing/ shel dkar em rje 'jigs med dang/ lcags po ri pa'i sman
dge skal bzang lags zung sbrel du bsten nas sman bcos byas pas
nad gzhi rim dwangs kyis dus kyi pho nya'i mgron du ma bos tsam
byung/ khri dwags po ngag dbang

@084b bkra shis kyi yang sprul khri dwags rin po che de bzhin
mdo sngags gnyis ka'i sku yon che zhing/ snyan ngag sum rtags
sgra sogs legs mkhyen ma zad/ rgyud sde'i cho ga phyag len dkyil
'khor thig tshon sogs la byang chub/ lha ris kyang thang sku

bzhengs pher mkhyen pa sogs sku yon gyi rtsal rdzogs shing/ gser
kong rdo rje 'chang dang ^ skyabs rje rdo rje 'chang pha bong
kha pa sogs dam pa du ma las dbang lung man ngag gsan rgya che
yang/ nga che nga mkhas kyi khengs pa dang/ yon tan cung

zad cig yod na spo la dar 'phyar ba ltar gzhan la ngoms pa'i bla
gzugs phal gyi rnam thar ye nas mi mdzad par bum nang mar me'i
ngang tshul mdzad pa zhig yod/ rin po che dang nged gnyis bla ma
gcig gi slob ma dam tshig shin tu gtsang zhing

mnyam 'grogs zhus mod/ rin po ches gser kong rdo rje 'chang
drung nas dga' ldan snyan brgyud kyi man ngag 'gangs can mang
po
gsan yod pa shes bzhin du lha sa'i rgan mos jo bo mi mjal ba'i
dpe ltar snyan brgyud man ngag rnams zhu

sems kyi mur nang lus kyis rin po che zhi bar mnal bas 'gyod
kyang phyis/ gsol dpon lha bu'i pha bkra shis don grub ces pa
bde chen phur bla brang gi she 'dzin lo mang lhag bsam rnam dag
gis bya mi de bzhin sa sprul lor nad 'das

song ba'i kha chems su bu chung shos dpal ldan tshe ring 'di
bzhin bla brang zhabs khongs su skyel dgos zhes brjod pa ltar
'di lo ston mjug 'phrog sa nas dkar she skyel mi dang mnyam du
phran sar 'byor zhing/ dpal ldan 'di bar phran

@085a @#/ /nas yi ge klog 'don bslab cing/ de rjes ring min lha
ldan nyag rong shar gyi lha rje rig 'dzin lhun grub sar yi ge'i
slob grar mngags pa sogs chung dus nas bskyangs pa/ ji skad du/
skyid drag kyang lang du

mi 'chor zhing/ /sdug drag kyang byol 'gros mi 'don pa/ /las
legs nyes ci bcol theg pa ste/ /sems brtse ba g.yog gi yang
rtse yin/ /zhes pa ltar/ sgo gsum ngal ba ring du dor nas lhag
bsam ma med pa'i mdun g.yog tshul bzhin

bsgrubs dang sgrub bzhin gyis rgan po'i lag gi 'khar rten gcig
pur gyur pa 'di lags/ /rang lo so gcig pa lcags lug lor chu
bzang ri khrod dang bkra shis chos gling ri khrod ci rigs su bla
ma rdo rje 'chang gi drung nas gsung chos che phra

nam stsal la phal cher bcar zhing/ lha sar mtshan zhabs stag brag
rdo rje 'chang gi zhal snga nas las gsang 'dus ye shes zhabs
lugs 'jam dpal rdo rje dang/ jo lugs 'jig rten dbang phyug gi
dbang chen/ rdo rje 'jigs byed

kyi chos skor rwa pod dang/ dpal pod/ mgon po zhal gyi be'u bum
ma yig dang/ bu yig ha la nag po'i skor sogs kyi bklag lung mang
tsam nod/ de lo'i ston mjug tu cha phreng dgon yul spyi nas
phran slar yang dgon yul du 'bod mir

spyi 'thus stod shog cha gong phag rged blo bzang ye shes dang/
phreng shog dpag po 'bu tsha dge slong bstan pa rnam rgyal gnyis
'byor/ /rang lo so gnyis pa chu spre lor mdo smad 'ba'i phyogs
nas rgya dmag lhags te mdo

@085b smad sa srung bod gzhung dmag sde khag gis ma bsten par
smar khams 'bum la kha bar sa shor byung ba sogs kyis rkyen pas
rang gzhung ^rgyal khab tu dmag zing gi thugs nyen chen pos
dbyin gzhung nas go lag rtsol sgrub mdzad dgos pa

byung song zhing/ dbyar thog ring phal cher chu bzang du bsdad
de bla ma rdo rje 'chang gi drung nas rdo rje 'jigs byed kyi las
bzhi'i 'khrul 'khor gyi phyag khrid sogs gsung chos rnam grangs
mang tsam nod cing/ de dag gi gseng dbar du lhag lha'i

bzlas bsnyen 'ga' shas byas/ de lo zla ba bcu gnyis pa nang dga'
ldan khri thog go gcig pa ser byes la ba blo bzang rgyal mtshan
sku gshegs par khri ba'i phyag mdzod sogs kyis dmigs bsal 'bod
bskul ma byung yang/ ^ gong sa

^ skyabs mgon chen po mchog gis dbyings dpyad nor gling nas
chibs
g.yog ched stsal gyis 'bod gnang byung ba ltar zhabs bcar skabs
sku bcar thub bstan kun 'phel brgyud bka'i phebs sgor dga' ldan
khri rin po che kha sa sku gshegs

'dug par sku gdung gdung khrus dang/ spur bzhu bya rgyu sogs la
khyed rang bskyod dgos zhes bka' phab pa ltar de 'phral khri
ba'i bzhugs gnas phur lcog bla brang du bskyod skabs/ rnam
grwa'i slob dpon sku zhabs bsod nams lags

kyang phebs 'dug pa khong la ^ gong sa chen po'i bka' lan du sku
gdung zhabs zhu'i skor khri byang sprul sku dang khyed rang
gnyis nas rgyus yod kyis byed rgyu dang/ phur lcog sprul sku rin
po che yang phyin chad phyag len nyams myong goms slad der 

@086a @#/ /yag po gzigs dgos/ zhes bka' mngags stsal 'dug pa rjes
sor brtag skabs phyi lo der ^gong sa mchog dgongs pa chos
dbyings su gshegs pa'i sku gdung rin po che'i sri zhur phur lcog
rin po

che dang/ phran tsho bcar dgos pa ma 'ongs mngon gzigs kyi dgongs
gzhi khyad par can zhig yin tshod 'dug cing/ bka' dgongs bzhin
khri ba'i sku gdung spur bzhu ma zin par nyin ltar gdung khrus
der/ bdag 'jug sogs btang ste pha

bong kha'i ri khrod du phran nas rdor slob byas te sku gdung
bsregs chog thu kwan chos kyi nyi ma'i gsung gi nang gsal ltar
byas shing/ phur lcog rin po che yang gdung khrus 'bul ba nas
bzung thog mtha' bar gsum tshang mar spyan zhib gnang bar

phebs/ /rang lo so gsum pa chu ba lor lha sa'i smon lam grol
rjes dga' ldan stag rtse sgrub mchod skabs ^gong sa ^rgyal dbang
mchog dga' ldan du chibs bsgyur bskyangs song bar/ phran lha
sar
dal sdod ma phod par shad

rtsol gyis dga' ldan du bskyod de shar rtse ba'i 'jigs byed chog
gral du bskyod/ de skabs khri thog khang gi gzim chung 'od gsal
sbug tu ^gong sa chen po mchog sger mjal zhig zhus par bka'i
mtshams 'dri dang/ dga' ldan sgrub

mchod kyi skor sogs bka' 'dri phebs rigs la sngar srol ji yod
snyan gsol zhus te ^gong sa mchog dga' ldan nas chibs bsgyur
grub rjes lha sar phyir log byas/ dga' ldan du 'gro khar phran
de sngon grwa sar sdod skabs mtshan nyid slob

@086b gnyer gyi rtsod grogs phu khang dge bshes ngag dbang blo
bzang zhes pa gdan sa gsum gyi nang na slob gnyer legs tshad du
son zhing/ phran dang lo mang dam tshig gcig 'brel can de tshad
rims kyis mnar te lha sa'i shag tu yod pa phran dga' ldan

nas phyir 'khor ma byung ba'i dbar 'das grongs song 'dug pa 'chi
khar ngo 'phrad ma thub par 'gyod pham ha cang chen po byung
zhing/ rjes mjug dge rtsa gang rgyas bsgrubs/ dbyar mjug tu chu
bzang ri khrod kyi shag tu ^skyabs mchog rdo rje

'chang pha bong kha gdan zhus kyis mgon po zhal rnam 'gyur bcu
bdun gyi rjes gnang zhu bzhin skabs nor gling nas chibs g.yog
bang chen ched stsal gyis sang nyin snga dro nor gling spyan
gsal pho brang du bcar 'byor dgos zhes phebs don bzhin

bcar bar sku bcar kun 'phel brgyud bka'i phebs sgor/ cha phreng
dgon yul nas dgongs zhu'i snyan zhu 'byor bas khyod rang khams
phyogs 'phral thon gyis bstan srid gyan 'degs kyi zhabs 'gyur du
sman phyir khams phyogs ser skya mi mang

la slob gso dang/ rgya phyogs nas tshur rgol bsam sbyor ngan
g.yo'i rigs ji yod 'on seng gis gnas snyan 'bul dgos sogs byed
sgo'i skor bka' slob zhib rgyas stsal byung bar/ 'di lo lam seng
'phral thon zhu rgyu rta khal 'gro chas gang

ci gra bsgrig thub min la brten phyi lo gsar 'phral thon bskyod
chog pa zhes gsol bar de don bgyid 'thus bka' phebs/ mgon zhal
rjes gnang gras nas/ rjes gnang gsum tsam dang mgon po'i gsang
khrid bcas 'phror lus pa

@087a @#/ /rjes sor phan po na lenDa'i ^skyabs rje gzim 'og rin
po che'i drung nas zhus/ khams bskyod bya rtsis kyis cha phreng
pa'i spyi 'thus blo bzang ye shes rgya gar du btang nas nyer
mkho rtsol sgrub bya rgyu'i mngags

gdams sogs byas kyang/ de lo zla ba bcu pa'i tshes sum cu nyin
^skyabs mgon chen po mchog dgongs pa chos dbyings su gshegs
tshul
bstan par brten phur lcog byams mgon mchog sprul dang/ mtshan
zhabs stag brag rdo rje 'chang

dang/ mtshan zhabs ser smad kong po rgyal dbang sprul sku/ ser
byes har gdong ke'u tshang sprul sku/ ^skyabs rje gling rin po
che/ phran rang/ rnam grwa dbu slob gnyis bcas sku gdung rin po
che'i gdung sgrub cho ga sogs kyi sri zhu ba'i

gras su bcar dgos byung ba sogs kyis khams bskyod bya rgyu bshol
zhing/ sku gdung rin po che spyan bsal pho brang gi dbu rtse'i
gzim chung srid zhi'i dpal 'bar du gdung sgrub cho ga dang/
gdung khrus/ bdun phrag re'i mtshams spur tshwa

brje 'bul sogs zhu rgyu'i 'go brtsams/ de nas nyin shas mtshams
nor gling pho brang du sku bcar thub bstan kun 'phel sogs sku
bcar zhabs zhu ba rnams dang/ em chi byams pa bcas la bod
ljongs tshogs 'du chen mo nas ^rgyal dbang

mchog dgongs pa zhi bar gshegs rkyen bsnyun gzhi'i skor dang/
gsol sman 'bul phyogs skor sogs las brtsams pa'i dri rtsad kyis
zhu ba mang bzhes mthar do dam btson 'jug dang 'brel thub bstan
kun 'phel kong po dang/

@087b gzhan dag 'ga' shas kyang phyogs phan tshun du rgyangs 'bud
gtong gnang mdzad song/ zla ba bcu gnyis pa'i nang sku gdung rin
po che rtse pho brang gi shar brgyud gzim chung dga' ldan snang
gsal du gdan zhu mdzad cing/ de nas bzung gser sdong

gsar bzhengs gzungs 'bul ma grub bar lo ngo phyed gnyis tsam
ring nyin ltar sku gdung rin po che'i gdung sgrub mchod 'bul
sogs sri zhu zhu dgos rnams 'char can zhu dgos smos med thog
/gser sdong gsar bzhengs kyi tshad gzhi thig gdab

dang/ nang gzungs nyer bsdog zhu dgos kyi rigs mtha' dag ^rgyal
tshab gsar pa rwa sgreng rin po che dang/ srid blon yab gzhis
glang mdun gung lhan rgyas nas nged tshor bka' mngags 'gan dkri
stsal ba bzhin/ mchod rten gyi tshad gzhi

ras gzhir thig 'debs skabs rtse pho brang gi bde yangs shar gyi
mthil du ras gzhi bting nas ^rgyal mchog lnga pa chen po'i gser
sdong 'dzam gling rgyan gcig gi thig tshad las khru do tsam 'phar
ba'i thig btab cing/ rjes sor rwa sgreng nas

srog shing shug pa 'byor ba de dag mchod rten gyi tog nas bum
gdan padma bar ring thung chad lhag med pa khrig ger 'brigs pa
ma 'grigs lhun grub kyi rten 'brel 'grigs/ spyir btang la mchod
rten gyi srog shing gi tshad tog nas dge bcu padma'i

bar dgos kyang/ dri med rnam gnyis kyi dkyil 'khor dang 'brel
ba'i srog shing 'dzugs chog byed skabs bum gdan padma'i mtshams
der dri med rnam gnyis kyi dkyil 'khor bshams/ de'i steng srog
shing gi rtsa ba 'dzugs dgos

@088a @#/ /pas skabs 'dir yang de ga'i lugs su mdzad/ /rang lo so
bzhi pa shing khyi lor sku gdung rin po che'i sri zhu sgrub
bzhin pa'i skabs zla ba gnyis pa'i tshes bcu drug nyin shag gi
mdzod pa rig 'dzin

steng grib kyis glo bur nad 'das song bar dge mjug bya rgyus
mtshon shag gi gtong yong 'gan khur tshang ma nged rang dang/
gsol
dpon lha bu gnyis nas len dgos byung zhing/ gong smos ltar phyag
mdzod 'das po de nyid shes 'khos

dman cing lam 'gro zhan pa gnyis 'dzoms kyis shag tu 'bru dngul
dang nyer mkho gang ci lag 'dzangs che zhing/ skabs re rtsam pa
yang grong gseb nas dus thog 'khor min dbar chad de grong pa
khyim mtshes nas snga g.yar byed dgos

dang/ she mar gyis lo 'khor ma ldeng par dpyid mjug tsam la
'brog sa nas sngon len bya dgos/ 'og mdzod rnams la 'bud shing
gi lci ba dang mar ko stong pa/ shing khrog sogs kyis khengs pa
zhig yod stabs zla shas ring nyer mkho

ma ldeng pa'i dka' ngal che tsam byung yang/ nged rang dang lha
bu gnyis ka rgya bshig stong 'gugs kyi nus rtsal dman pas thabs
shes gang yang ma byas rung/ mchog gsum byin mthus lo re nas lo
re bzhin ^khos 'byor je legs su

song ste skyid 'go tshugs shing/ tshogs bsags mchod 'bul dang dge
'dun bsnyen bkur sogs kyang ji ltar khron pa'i chu rgyun blangs
kyin 'phel ba'i ngang tshul ltar gang 'dod bya rgyu byung/ de lo
rtsis dpon lung shar ba rdo rje tshe rgyal

@088b dang/ bka' blon khri smon pa nor bu dbang rgyal gnyis
gzhung srid dbang 'dzin gyi skor lam mnan par rtsod pa can du
gyur te phan tshun gnyis phyogs nas gzhung zhabs skya ser mang
por rgyud bskul dang 'brel 'then 'khyer sna tshogs kyis zings

bslangs mthar/ rtsis dpon lung shar ba do dam btson 'jug dang
'brel zla ba bzhi pa'i tshes brgyad nyin rtse po tA la'i zhol
las khungs kyi khrims sar mig 'bras gnyis rtsa ba nas phyungs te
tshe btson do dam dang/ rogs zla 'ga' shas kyang

rdzong gzhis khag tu rgyangs phud btang song/ sngar ^rgyal
dbang
mchog gser zhal 'tsho bzhugs skabs gzigs pa dge ba'i stabs kyis
rtsis dpon lung shar ba dang/ sku bcar thub bstan kun 'phel
gnyis ka mtshan shugs che zhing/ lhag

par sku bcar kun 'phel de gzhung zhabs drag 'bring dkyus gsum
sogs tshang mas khong gi zhal ngo dkar nag la blta dgos pa ma
zad/ gzhung gi las khungs khag rnams kyis kyang khong gi bka'
bstun zhu dgos kyi gnas shig yin rung/

ji skad du/ 'dul ba lung las/ 'du byed kyi rnam pa thams cad
nyams pa dang/ ltung ba dang/ rnam par 'thor ba dang/ rnam par
'jig pa'i chos can no/ /zhes gsungs pa ltar/ khong rnam gnyis
'brel ltos dang bcas par glo

bur gyi 'gyur ba mi bzad pa byung ba sogs lo snga phyi 'di dag
tu zag bcas 'khor ba'i bde sdug dang/ dar rgud glog ltar g.yo
ba'i rnam 'gyur mang zhig shar ba skyo shas dang nges 'byung gi
bsnon mar che/ lo 'di'i ring nyin ltar rtser chag med

@089a @#/ /bcar te gdung sgrub chog dang bdun phrag re'i mtshams
spur tshwa gsar rnying brje 'bul zhu rgyu sogs zhu mus thog /ston
mjug tsam nas gser sdong chen mo'i 'og gzhis 'dzin nas bzung bzo
bos shing

bsgrigs zin rim dang bstun gzungs 'bul 'go 'dzugs zhus shing/
gzungs 'bul zhu stangs skor/ gzungs dpar yongs grags las gzungs
sngags kyi rnam grangs ches shin tu rgyas pa sde srid sangs
rgyas rgya mtsho'i skabs

dpar bskrun mdzad de rtse pho brang gi ltag sgo rgyab tu bzhugs
pa'i gzungs dpar bka' rgya mar grags pa dpar 'debs kyis gzungs
chen sde lngas mtshon pa'i stod smad bar gsum gyi gzungs rnams
dang/ gnod sbyin pho mo'i 'khor lo

sogs rgyal mchog lnga pa'i gsung gzungs 'bul 'khrul spong nyin
byed dang/ lcang skya'i gsung shel dkar me long gnyis kyi dgongs
don bzhin gnas so sor 'bul dgos rnams 'phyugs med thog /^rgyal
ba lnga pa chen po'i gser

sdong 'dzam gling rgyan gcig gi dkar chag nang gsal gyi lam ltar
'phar du 'og gzhi sa 'dzin nang/ dzam ser/ dzam dkar/ rnam sras/
nor rgyun ma/ sa'i lha mo/ rgyal ba rigs lnga bcas kyi gter bum/
seng khri'i gdong

chen nang gi zur bzhi dang dbus bcas par mgon po phyag drug
/chos rgyal/ lha mo dmag zor ma/ gnod sbyin lcam dral/ rgyal po
sku lnga bcas kyi rten sgrom so sor bkod pa'i nang chos skyong
rang rang gi bla rdo srog 'khor/ sku gsung

@089b thugs yon tan 'phrin las kyi rten sogs phyi nang gsang
ba'i rten dang/ rten mngos rnams rdzas sngags 'dod gsol sgrub pa
rab gnas sogs so so'i be'u bum nas gsungs pa ltar tshad ldan du
'du bgyis pa dang/ mchod rten gyi dbu rtse'i nyi zla

tog sogs kyi nang dmigs brtse ma'i zhi rgyas dbang gsum gyi
'khor lo dang/ dge 'dun 'du 'khor/ gdugs dkar yul srung 'khor
lo/ dpal ldan sa skya'i gser chos bcu gsum nang tshan dbang gi
lha dmar mo skor gsum gyi dang

po rje btsun rig byed ma ku ru ku lE'i sgrub thabs tshar chen
gyi gsung khams gsum dbang du bsdu ba'i gnad yig gangga'i chu
rgyun dang/ dwags po bkra shis rnam rgyal gyi yig cha dngos grub
'byung gnas nang gsal ltar bdag nyid nus ldan du

bya ba'i 'khor lo dang/ khams gsum dbang du bsdu ba'i las sbyor
'khor lo/ don kun sgrub pa'i 'khor lo/ dbang gi lha gnyis pa
tshogs bdag dmar chen gyi sgo nas gsang ba snying gi 'khor lo'i
las bzhi sgrub tshul ston pa'i yi ge rin

chen ljon shing nang gsal ltar tshogs bdag gi rgyas pa dang/
dbang gi 'khor lo so so nas gnams bar gsum gyi 'khor lo gsum
brtsegs ma/ dbang lha gsum pa khro bo kag chol 'dod pa'i rgyal
po'i sgrub thabs nor bu gsal 'bar nas

gsungs pa ltar gyi pho 'khor mo 'khor/ gnad 'bebs nyi zla'i
'khor lo sogs steng 'og bar gsum gyi 'khor lo dgu brtsegs ma
bcas rnams 'bri gzhi/ byug rdzas/ 'bri dus/ sgrub pa sogs so
so'i gzhung dang/ ^rgyal

@090a @#/ /mchog lnga pa chen po'i gsung dmar po skor gsum gyi
dka' gnad mdud grol reg gzigs utpal dmar po'i chun po dang/
'khor lo'i gsal byed khams gsum 'gugs pa'i lcags kyu rnams

gung bsgrigs pa'i phyag len 'phyugs med du bstar ba bcas bzhugs
gsol skor zhib pa gser sdong chen po dge legs 'dod 'jo'i dkar
chag tu gsal/ de skabs gser sdong nang gzungs su 'bul rgyu'i
byin rten nyer bsdog mdzad

slad rtse pho brang gi gzim chung dga' ldan yangs rtse'i nang
^rgyal tshab rwa sgreng rin po che dang/ srid blon yab gzhis
glang mdun gung kun dga' dbang phyug /gser sdong do dam pa
bka'
blon khri smon/ rtse mkhan drung rnam pa bzhi/ nged

tsho gdung sgrub sri zhu ba rnams bcas lhan 'dzoms kyis gzhung gi
rten sgam chen mo zhal grangs lnga bcu skor bzhugs pa rnams
tshang ma re re bzhin zhal dbye mdzad de 'phags bod skyes chen
dam pa tshad ldan ris su mchad pa'i ring bsrel/

na bza'/ dbu lo/ gdung dang rten rdzas sogs ngo mtshar bsam brjod
las 'das pa bzhugs pa'i cha shas re nyer bsdog mdzad pa rnams
gser sdong gi stad smad gang 'os so sor rim 'bul zhus shing/ kho
bo cag sku gdung rin po che'i

sri zhu ba rnams la'ang skabs der byin rten gras nas thor bu
nyung shas re gsol ras stsal thob byung ba'i ngos rang gi thob
skal rnams dang/ rjes sor gsham gsal lho kha khul sogs dbus
gtsang gi gnas mjal du bskyod skabs

@090b gnas dgon khag nas khungs ldan rtsod bral lag son byung ba
rnams srid na rnyed dka'i khyad nor gtsigs cher bzung ste bod
rgyal lo nyis stong gya drug /phyi lo chig stong dgu brgya nga
dgu sa phag lor bod ljongs nas rgya gar du btsan byol du yong
skabs

mnyam 'khyer byas yod pa nas 'di ga'i shag tu rten skal cha shas
tsam nyar te de byings mang che ba rnams 'gro ba'i bsod nams kyi
zhing du yun gnas ched ^gong sa ^skyabs mgon chen po mchog la
mtshan byang dkar chag dang bcas 'bul

lam zhus/ sku gdung rin po cher spur tshwa brje 'bul yang yang
zhus stabs sku'i rlan gsher rnams phal cher skam thag chod nas
sku sha bri ste rus tshugs rnams je gsal du song skabs sku rgyab
kyi smad cha sku tshigs bcu gsum tsam nas

'phags pa lo ke shwa ra'i snang brnyan dbu dang/ phyag zhabs pad
gdan dang bcas pa dbang sor drug tsam gsal nges shing rang byon
'bur thon mos gus kyi dpal du che ba zhig mchis/ /rang lo so
lnga pa shing phag lor zla ba

gsum pa nang gser sdong gi bum nang ma gtogs pa'i stod smad
yongs rdzogs dang/ lha khang gi dbu rtse'i gser zangs kyi rgyal
mtshan so so'i nang gdugs dkar dang/ dmigs brtse ma'i sgo nas
rgyal mtshan 'dzugs pa'i chog/ rten

thugs khag nang lha mo dang/ lcam sring sogs kyi rten thugs
'dzugs chog /rgya phibs kyi tog bcas la gzungs 'bul grub cing/
sa ga zla ba'i yar tshes gza' skar dge nyin sku gdung rin po che
na bza' chos gos rnam gsum thog 

@091a @#/ /dbu rgyan rigs lnga sogs longs sku'i cha lugs su byas
te gdan zhus kyis bum nang du bzhugs su gsol skabs gzhung sa
mchog nas rten 'brel mdzad sgo gzab rgyas bskyangs shing/ de
mjug tu ^rgyal tshab

rwa sgreng rin po che dbu bzhugs thog rnam grwa tshogs yongs
bcas
te dpal rdo rje 'jigs byed kyi sgo nas rab gnas rgyas pa nyin
gsum ring mdzad song ba'i chog zhabs su bcar/ de rjes gser sdong
dge legs 'dod 'jo rten dang brten par bcas pa

gsar bzhengs legs grub kyi dga' ston du rtse pho brang gi tshom
chen srid zhi'i phun tshogs su gzhung gnas nas ston chen dkar
spro rgyas gshoms thog /gser sdong do dam zhabs pad khri smon pa
dang/ ar po'i do dam ngo las/ bzo bo'i rigs

rnams dang/ nged tsho sku gdung sri zhu ba bcas tshang mar legs
skyes kyi gnang cha babs bstun gsol rab stsal ba nas/ nged rang
la gzan gsham/ stod 'gag /chos gos/ snam sbyar/ rtse zhwa/ lham
sogs gyon chas cha tshang

dang/ bzang ja sgam gcig /gos yug dngul dar sogs gsol ras stsal
byung zhong/ thog mar sku gdung gdung sgrub nas bzung mjug tu
gser sdong dge legs 'dod 'jo rten dang brten par bcas pa rab
gnas ma grub bar

lo phyed gnyis tsam ring ngal ba khyad bsad kyis sri zhu rnam
dag bsgrubs khul zhus pa 'di dag legs byas kyi skal ba mchog tu
sems/ dbyar gnas skabs dga' ldan du bskyod de dga' byang pha ra
khang tshan 'dus spyi nas bskul gnang

@091b bzhin byang rtse'i 'du khang du shar byang gnyis kyi dge
'dun khyon cher gsang 'dus mi bskyod rdo rje'i dbang sta gon
dang bcas pa phul/ pha ra khang tshan du gsang 'dus sgrub mchod
gsar 'dzugs gnang ba'i tshogs su nyin bdun ring bskyod/

phran gzhis dgon cha phreng du ngo bskyod ma thub stabs 'thus mi
dpa' bo 'bu tsha dge slong bstan pa rnam rgyal phyir slog gdong
grwa tshang gis phran tsho'i lam gron gtong byed du bskur ba'i
spyi dngul phran yod dang/ cha phreng mi rigs lha sar yod rigs

nas zhal 'debs byung ba bcas kyi thog dngul gyi 'gro gron kha
bsnon dgos rigs dang/ bzo bo'i bza' btung bcas shag nas nar
gtong gis bzang gos 'ba' zhig lhan drub kyis gtso bo dga' ldan
lha brgya'i zhing bkod dang/ lha

mgron du khri chen gong ma rnam gnyis/ chos rgyal/ 'phrin las
rgyal po bcas yod pa'i gos sku thog tshad gsum lhag tsam yod pa
gsar bzhengs kyis cha phreng bsam 'phel gling dgon du sbyor 'bul
zhu rgyur bskur/ /rang lo so drug

pa me byi lor zla ba gnyis pa'i tshes shar nas rgan yongs 'dzin
rin po che blo bzang tshul khrims zhal snga nas dgung grangs
drug
cu re bdun du phebs pa sku khams phran bu bde min la shel dkar
em rje 'jigs med lags bsten te gsol

sman 'bul rgyu dang/ zhabs rim/ bsnyun g.yog sogs gang shes
zhus rung zla ba gnyis pa'i tshes bco lnga'i dgong ja khar dgongs
pa zhi bar gshegs song ba yid la gdung ba brnag dka' bas gzir
yang ci bya'i thabs dang bral gshis

@092a @#/ /sran bskyed de sku gdung gdung khrus zhu rgyu sogs kho
bo rang nas lag bstar gyis zhus shing/ nged rang bgrang bya bdun
du son pa shin tu na phra ba'i lus kyi myu gur gnas pa nas bzung
'di lo'i bar gtso cher

chos phyogs kyi bka' slob sku ngal 'dzems med kyis bong bu mi
gral du 'dzud pa'i bka' drin chas cher bskyangs pa ma zad/ srid
phyogs nas kyang phyag mdzod snga phyi 'das grongs skabs kyis
mtshon par bla brang gi 'dzin skyong khur len

nyag phra'i skabs su thugs khur slob ston stsal ba sogs chos
srid gnyis phyogs nas bka' drin gyi phung po'i mtha' tshad bskal
par btsal yang mur thug pa yod snyam mi bgyid/ rgyun du rgan
rin
po che dang mnyam 'grogs stabs kyis

bshes gnyen bsten tshul ji bzhin yong dka' yang/ thugs zhe ma
khrel tsam zhu khul byas mod 'on kyang bshes gnyen bsten tshul
'di shin tu gal che zhing bsten tshul legs nyes phran bus kyang
khe nyen gnyis ka che gshis nyes ltung byung rigs

rnams sku gdung gi spyan sngar 'gyod bshags zhus rjes sku gdung
chu bzang ri khrod du gdan zhus kyis nged rang dang/ rgyud stod
chog grwa bcas nas zhugs 'bul sreg chog zhus/ sku tshigs so sor
tshogs mchod chen mo dang rgyud grwa stod

smad/ gdan sa gsum sogs la mang 'gyed bsnyen bkur/ chos 'khor
rnams gsum gyis gtsos pa'i gnas rten khag la dgongs rdzogs
mchod
sprin gang nus spros/ rgan rin po che dam pa mchog de mdo smad
snang bzang khongs sbyar

@092b zhing zhes pa'i khyim du rab byung bco lnga pa'i lcags rta
lor sku 'khrungs/ dga' ldan shar rtse grwa tshang du chos zhugs
mdzad de gzhung chen bka' pod lnga la gsan sbyong dpyis phyin
mdzad pas mkhas pa'i phul du son te lcags khyi lor lha ldan smon
lam skabs

dge bshes lha rams pa'i dam bca' 'jog gnang gis ang gnyis pa'i
gzengs bstod thob/ shar rtse mkhan po phu khang blo bzang
mkhyen
rab lo dus rdzogs nas dgongs zhus zur bzhugs skabs dang/ de rjes
mkhan po nyag re blo gros

chos 'phel lo lnga song mtshams gshegs 'das bcas mkhan po snga
rjes 'pho 'gyur skabs ^gong sa mchog nas khri byang yongs 'dzin
blo bzang tshul khrims zhes mtshan gsal gyi rtsod rgyugs su ched
'bod mdzad de mkhan po bsko gzhag

gnang nye'i mtshams 'dren byed mi gsal ba dang/ srid don mi
mkhyen pa sogs kyi rgyu mtshan rnams bde yangs mtshan zhabs rin
po
che sogs brgyud snyan gsol gyis dgongs zhu mdzad song zhing/
gzhan zhig yin na ^gong sa mchog

nas dmigs bsal gzigs bskyangs kyis bsko bzhag stsal bzo thon tshe
thob bya mthar thug tu mthong ste dga' spro'i ngang nas dang
len
zhu ba gzhir bcas kyang/ rgan rin po che de nyid de 'dra'i spros
pa la nam yang mi dgyes pa zhig yin

stabs skabs der thugs khral chen pos nyin zhag mang por mnal mi
khug pa dang/ sku rlung stod 'tshang gis bsnyun cing spyan chab
yang yang gnang bar cha phreng nyi 'tsho dge bshes 'phrin las
kyis thugs gso zhu dgos sogs byung

@093a @#/ /song/ lar nas rgan rin po che de nyid kyi mdzad tshul
rgyun du tho rengs tsam nas snga bzhengs kyis bla mchod dang/
thun drug bla rnal/ 'jigs byed bdag bskyed/ sman bla/ smon lam
gyi rigs sogs zhal

'don mang zhing dpe khrid dang/ phyag dpe gzigs rtog sogs gnang
skabs las de min gtso bor dmigs brtse ma dang byams gzungs/ ma
Ni'i bzlas brjod kho nar brtson gnang mdzad pa ma gtogs don med
sos dal bre mo'i gtam

gyis dus 'da' ba sogs nam yang mi mdzad/ dga' ldan du bzhugs
skabs shar byang gnyis ka'i slob gnyer ba mang pos nyin ltar dpe
khrid zhu bcar la skyo ngal gyi rnam pa med par dpe khrid stsol
gnang mdzad la/ dge phrug gras nas

slob gnyer bzang ba mang po thon bskyed kyis de dag gis kyang
slob gnyer ba gzhan la slob khrid bgyis pa'i slob brgyud dge
bshes deng skabs kyang mchis pa sogs bstan pa'i zhabs 'degs
mdzad rjes chen po 'jog gnang mdzad/

rgan rin po che'i dpe khrid mdzad lugs de bzhin bshad pa thug
med kyi spros pa mi mdzad kyang dka' gnad kyi 'gag sdom che sar
tshig nyung la don 'gril ba'i bshad pa go bde 'dus che ba re
mdzad pa zhig yod/ nged rang la dper mtshon

na phar phyin blta skabs rang lo bcu gnyis bcu gsum sogs kyi
skabs song gshis lo na'i babs kyis don gnyer dang go stobs gnyis
ka chung mod/ rgan rin po che nas dpe khrid gnang skabs drang
nges sogs gzhung tshan che rigs

@093b rnams ma gtogs skyabs gsum/ sems bskyed/ chos 'khor lta
bu'i gzhung tshan chung ba rnams yig cha'i steng mdzub khrid yam
me ba zhig khrid gnang thog gzhung de'i don gyi khog phub pa'i
rtags bsal zhig slob gnang mdzad pa blo nges byung

mtshams bya brgya 'ur rdo gcig gis 'ded pa'i dpe bzhin gzhung
de'i 'go mjug bar gsum thams cad la nges pa rnyed cing gung
'grigs thub pa zhig yong gi yod/ dgongs pa zhi bar gshegs nas lo
gnyis lhag tsam song rjes sku skye yang

srid 'dra rnyed tshe phyi rgyar sprul sku'i ming sogs med par
nged rang gi gam du bdag gces thog /rim bzhin grwa dkyus gras su
slob gnyer la btsud de 'tsho skyong gis bka' drin gsob thub res
phan po sengge'i sgang gi bla ma zhes pa g.yu sgron ma'i

bsnyon pa 'bum brgya song zhing/ ^skyabs rje rdo rje 'chang pha
bong kha pa mchog nas kyang cha 'jog mdzad pa zhig yod pa khong
la yang srid skor pra mo 'debs rgyu bskur ba'i lan du/ zla ba
nya la zhon pa'i dus/ /mai tri lha yi thugs ka nas/ /

'od dkar lam gyi rtse mor drangs/ /da lta dga' ldan lha yul du/
/mi pham lha yi 'khor du gnas/ /zhes 'byor byung ba phar pra
lung zhu rgyu'i sa bon gyi yi ger gshegs dus kyi zla tshes bkod
med mod/ lan du tshes bco lnga nyin

gshegs shing dga' ldan lha yul du 'khrungs pa gsal bas yang srid
'tshol rgyu'i re thag chod kyang dad gus kyi sa bon 'phel ba'i
gsos su gyur/ zla ba gsum pa nang dga' ldan du rgan dam pa'i
dgongs rdzogs mchod 'bul zhu

@094a @#/ /phyir bskyod skabs dga' shar lho pa dge bshes ngag
dbang bkra shis kyis bskul ba bzhin/ shar rtse'i 'du khang du
shar byang gnyis kyi mkhan pos gtsos pa'i bla sprul dge 'dun
khyon cher grub chen lu i

pa'i lugs kyi bde mchog lha re gnyis pa'i dbang chen phul/ de lo
dbyar thog ring las gra btsugs te shar rtse grwa tshang 'du khang
gi mthong 'khor phyogs bzhi gseng g.yab kha dang bcas par gzab
'grems gnang rgyu'i mchod rdzas

su bzang gos tshos tshogs 'ba' zhig lhan drub kyi nor bu'i dra ba
dra phyed kyi dbus su ltung bshags lha so lnga dang/ sgo bkag gi
dra phyed la bse khrab kyi snang brnyan bcas yod pa dang/ rdo
khang khang tshan la tshogs khang gi mthong 'khor ka

thung bcu gnyis la gos bcad ldan tshos tshogs kyi ka 'phan 'phan
'go tsi par lhan drub rang 'grigs dang/ phye phur chung ba bcu
gnyis bcas gsar bzhengs kyis dga' ldan du bskyod de lnga mchod
skabs grwa tshang khang tshan so sor bsnyen 'gyed dang

bcas sbyor 'bul zhus shing/ de mtshungs byang rtse grwa tshang
la'ang bsnyen 'gyed dang Tam 'gyed thebs rtsa bcas phul/ /rang
lo so bdun pa me glang lor rgan rin po che'i dgongs rdzogs dang/
nged rang gi so bdun skeg sel

ched smon lam skabs mang 'gyed bsnyen bkur gyi tshogs gsog byas/
rgyud stod grwa tshang la rgan rin po che'i sku'i 'das mchod dang
'brel bsnyen 'gyed thog /lo ltar zla ba gnyis pa'i tshes bco
lnga'i nyin Tam 'gyed kyi thebs rtsa phul/ gzim

@094b lha klu dga' tshal ba'i lha lcam g.yang 'dzoms tshe ring
nas kyi thugs 'dod ltar lha klu'i mgon khang du lha mo dmag zor
rgyal mo'i sku gsung thugs yon tan 'phrin las phyi nang gsang ba
bcas kyi rten rdzas dang/ rten mdos bcas lha mo'i be'u bum

dang ^rgyal mchog lnga pa/ thu kwan rin po che sogs kyi yig cha
tshad ldan rnams kyi dgongs don bzhin phyag len rnam dag tu 'du
bgyis te rten 'dzugs mdos chog gi cho ga nyin bdun ring bsgrubs/
chu bzang ri khrod kyi 'du khang du ^skyabs mchog

rdo rje 'chang gi zhal snga nas rgyud sde thams cad kyi snying
po rab dang phul dang rtse mo mthar thug pa/ gdul bya dbang
rnon
rnams 'khor ba las bsgral te ye shes rdo rje'i sar tshe 'di nyid
la 'god pa'i man ngag dpal gsang ba 'dus pa'i rdzogs rim

rim lnga gsal sgron gyi bshad khrid zhib rgyas su nod cing/ sgyu
lus kyi bshad pa'i mtshams der mchod gtor dang tshogs kyi 'khor lo
sogs rgyas par bshams te/ bla ma rdo rje 'chang nyid dkyil 'khor
gyi gtso bor bskyed pa la phyi nang gsang

ba de kho na nyid kyi mchod pas mchod cing/ sgyu lus kyi gdams
pa ston par gsol ba 'debs pa sogs gsang chen rgyud grwa'i phyag
bzhes ltar gyi sgyu lus mchod pa yang dag par bsgrubs shing
skabs der/ bla ma sangs rgyas kun 'dus bde

chen gyi snying pos/ /dpal ldan 'dus pa'i man ngag rgyud kun gyi
yang rtse/ /gsung dbyangs 'gag med chos sgra lhang lhang du
sgrog pa/ /tshangs dang dbang pos mi rnyed skal bzang 'di dga'
ba/ /longs spyod 'khor lo bde ba'i gre 'gyur zhig

@095a @#/ /med kyang/ /spro dga' khong nas lud pa'i thol byung gi
skyid glu/ /mtshungs med bla ma dgyes pa'i mchod sprin du 'bul
na/ /dam gtsang rdo rje'i mched tshos ram 'degs shig mdzod dang/
/blo dang brtson

pa 'dzoms pa'i stangs ka de zhan kyang/ /bla ma mi bskyod rdo
rje'i byin rlabs kyi mthu las/ /nga tsho skal ba bzang po'i dga'
skyid kyi rkang bro/ /gsang chen bla na med pa'i myur lam la
brgyab chog /snang srid dag pa rab 'byams dkyil

'khor gyi 'khor lo/ /'byung 'jug rlung gi rang gdangs gsang
sngags su shar bas/ /srid gsum 'khor lo spro ba'i mgyogs 'gro yi
dpung tshogs/ /gnyis spangs lam du 'ching ba'i sgyu rtsal der
dga'o/ /spros mtshan nyer zhi'i

dbyings dang ro mnyam gyi 'od gsal/ /gnyug ma lhan cig skyes
pa'i 'dzum dkar gyi lang tsho/ /lnga ldan sgyu ma'i sprin chen
'gog med du grol bas/ /mkha' khyab 'khor lo 'gengs pa'i gar
mkhan zhig byed do/ /mtshan dpe'i tshom

bur shar yang ye shes kyi rang bzhin/ /sgrib bral ye shes nyid
kyang gzugs sku yi rnam 'gyur/ /ro gcig du mar 'char ba'i zung
'jug gi rtse dga'/ /dpal stug 'og min zhing na spyod pa zhig
smon no/ /indra b+ho d+hi zhes bya'i

grub thob kyi drin las/ /u tshugs dka' spyad med par 'gro mang
zhig grol skad/ /e ma zab mo'i lam bzang 'di 'dra dang mjal
tshe/ /o Di ya na zer yang de 'dra zhig red snyam/ /a ma 'gro
kun sgrol ba'i bzod stobs dang

@095b go chas/ /a 'dus ka phreng ldan pa'i rgyud don la zhugs
te/ /a 'thas gnyis 'dzin 'khrul pa'i dri ma kun sbyangs te/ /a
li la mo'i dga' glu len pa ru gyur cig /ces pa'i mgur ma zhig
kyang mchod sprin du spros par/ mtshungs

med bla ma rin po che shin tu dgyes pa'i gsung gi dbugs dbyung
thob/ 'on te mi tshe hril por 'du 'dzi'i gzeb tu chud de yid smon
lag tu longs pa'i skal bas phongs pa 'di tshe rabs sngon ma rnams
kyi las ngan pa'i byed pa rgyu mthun gyi

'bras bu stobs chen zhig tu nges/ ston mtshams phran dang lha bu
sogs ngo 'khor nyung shas bcas lha sa nas thon te yar lam dga'
ldan dang/ mal gro ka tshal/ rgyas steng/ 'chad ka dgon/ spang
sa/ rin chen gling dgon/

ru thog dgon/ gtad dkar la brgal te 'ol kha rdzing phyi/ bsam
gling/ rgyal klong la rgyab ste chos 'khor rgyal/ lha mo'i bla
mtsho/ rgyal lha thog /dwags lha sgam po'i mchod khang chen mo
dang bzang lung ri khrod/ tshur la ma 'ol kha

chu bzang dang chos lung/ rgya sog /lha sding/ nyi ma gling bcas
mjal te 'ol kha'i rdzong zhol chu tshan la zhag re zud bsdad/
dwags lha sgam por sku gsung thugs rten blo yul las 'gongs pa
zhig bzhugs kyang rten rnams bsti

stang chung bar bzhugs snang ba yi pham gyi rang bzhin du gyur/
sgam por sgam po rin po che'i mjal khar bcar zhing glags 'tshol
gyi bsam pas ma bslad par phyag chen dang/ chos drug gi skor re
zung dogs 'dri zhus par/ thugs 

@096a @#/ /'tsher gnang ba'am gang ltar bka' lan spam me ba zhig
las ma thob/ mkhar ltag la brgal te zangs ri khang dmar dang/
gdan sa thel/ 'on mnga' ris grwa tshang bcas mjal/ gtsang

chu'i nyang po gru thon te rtsed thang du 'byor te der lnga
mchod grwa tshang dang dga' ldan chos 'khor/ rnam rgyal lha
khang/ sne gdong rtse tshogs pa/ ban gtsang dgon/ khra 'brug
gtsug lag khang/ ri bo chos gling/ yam bu bla sgang/

yar klung rten gsum gras lha ru sman pa'i rgyal po/ rtag spyan
'bum pa/ bkra shis chos sde/ ras chung phug /thang po che/ srong
btsan bang so/ spyan g.yas dgon du rten gsum gras sman bla rin
chen zla ba/ ri sgang du

rten gsum gras ston pa mtshan legs yongs grags/ 'phyongs rgyas ri
bo bde chen/ dgon thang 'bum mo che/ btsan thang g.yu'i lha
khang/ shel brag sgrub phug /byas lha khang bcas mjal zhing shel
brag tu gu ru rin po che'i

drung du tshogs 'bul skabs gu ru'i snang brnyan de sku dngos lta
bur gzi byin je cher song ste spyan 'bras kyang g.yo 'gul mdzad
'dra ba mjal zhing gsung byon la khad lta bur 'dug pas gsung
zhig 'byon re che yang ma byung/ 'on kyang 'di

nyin rgyun gtan dang mi 'dra bar 'di yin gyi gtad so med pa'i
rig pa stong sang nge dga' yal le ba smra bsam brjod med cig
byung ba o rgyan sangs rgyas gnyis pa'i byin rlabs kyi mtshan
mar go /gong gsal dgon khag phal che bar so

@096b so'i thugs 'dod ltar chos 'brel sna tshogs byas shing khe
smad gzhis khar nyin shas bsdad/ ri bo chos gling du dge 'dun
rnams kyi bzhed pa ltar gsang 'dus mi bskyod rdo rje'i dbang
chen phul/ de nas phyir lam gtsang po'i gad pa gru thon te

dpal bsam yas mi 'gyur lhun gyi grub pa'i gnas rten rnams zhib
mjal rjes mchim phu'i gnas gong 'og /g.ya' ma lung bcas rim
mjal gyis gong gsal gnas rten khag la stong mchod dang/ brgya
mchod/ tshogs 'khor/ dge

'dun bsnyen bkur sogs skabs su gang 'os kyi tshogs gsog gang nus
spros/ gong gsal gnas rten rnams kyi rten gtso sogs kyi khyad
chos lo rgyus rnams chos 'byung rnam thar dang/ mkhyen brtse'i
gnas yig sogs la gsal

bas 'dir ma smos/ de nas rgod dkar la brgyud lha sa'i shag tu
phyir 'khor/ de lo dgun chos skabs dga' ldan du bskyod de shar
rtse grwa tshang la bsnyen 'gyed thog 'du khang gi ka ring mdun
ma bzhir 'grems rgyu'i gser zangs kyi 'phan

'go tsi par gzugs la rgya nag nas gsar thon gyi gos stag shun
'brug chen ris tshos tshogs 'phan lag byas pa'i ka 'phan che legs
bzhi spyi 'bul zhus/ /rang lo so brgyad pa sa stag lor lhar bcas
'gro ba'i ^skyabs gcig

rdo rje 'chang pha bong kha pa chen por sngon nas gsol ba lan
mang btab pa bzhin/ 'di lo dbyar thog 'brog ri bo che dga' ldan
rnam par rgyal ba'i gling du byang chub lam rim chen mo mchan
bzhi sbrags kyi bshad khrid bka' drin stsol rgyu'i zhal

@097a @#/ /bzhes thob par brten/ nged rang dga' ldan du sngon
thon gyis bzhugs bsgrigs sta gon zhu sgo sogs legs par 'du bgyis
shing/ dga' zhol gtsang thog gi spang steng du dbu gur sogs
phebs bsu'i

bzhugs sgrig sngon zhus kyi sar ^skyabs mchog rdo rje 'chang
ston 'khor rnams chibs bsgyur zhabs 'khod mtshams mjal dar rten
gsum sogs phul te bzhugs zhag gcig gi zhabs tog bskubs/ de'i
nangs par snga dro dga' ldan du chibs

bsgyur skabs dga' ldan tshogs chen chu 'go'i 'khris nas kho bo
cag dang/ dga' ldan shar rtse mkhan po las thog pa zong rin po
che blo bzang brtson 'grus sogs bla sprul las sne rnams kyis
spos sne dang bcas rdo khang khang tshan gyi 'du khang du

phebs ston dkar spro sngon bsgrigs kyi bzhugs khrir gdan drangs/
zhabs gras rnams dang grwa tshang gi mkhan bla las sne sogs gral
'khod thog gsol ja/ bzhes 'bras/ dkar spro/ shing 'bras sogs rim
btegs 'brel nged

rang dang grwa tshang khang tshan bcas kyis rten gsum mjal dar
btegs 'bul zhus te bzhugs gral mdzad sgo grol mtshams khang tshan
gyi yang steng phran tsho'i shag tu phebs sgrig sngon zhus sar
bzhugs 'jags bka' drin che zhing/

nged rang ngo g.yog rnams khang tshan dge rgan gyi sdod shag
tu
gnas spos byas/ ^skyabs mchog ston 'khor rnams la nyin shas ring
shag nas gsol ba nar 'bul zhus shing/ de nas gsung chos ma grub
bar sku'i khams bstun 'phrod 'bul

@097b sogs rgyus mnga'i babs kyis legs khyad bla ma rin po che'i
zhabs gras rnams la gsol mar dang/ gsol zhib/ gro zhib/ gsol ja
sogs khrom gzigs mi dgos pa'i rigs rnams ngo 'bul dang/ bzhes
tshal gyi rigs sogs

yang yang spus gzigs mdzad 'os rigs rnams phyag sne spom bsdog
gis rtsis 'bul zhus/ zla ba lnga pa'i tshes gsum gza' skar 'phrod
sbyor dge nyin shar rtse thos bsam nor bu'i gling grwa tshang gi
'du khang chen mor spyan 'dren rgya gling/

spos sne sogs kyis sngun bsus te ^rgyal kun spyi gzugs khams
gsum 'gro ba'i bla ma rin po che gdan drangs 'jigs bral chos kyi
khri la ^zhabs kyi padmo bkod de/ mthong na don yod pa'i zhal
gyi dkyil 'khor dgyes 'dzum gyi nyams dang

dang bcas shar byang gnyis kyi mkhan po las zur/ bla sprul las
sne/ dge 'dun byings bcas kyi thog ser byes brag ri mchog sprul
rin po che dang/ ser smad kong po shar sprul rin po che/ chab
mdor mtshan nyid grwa tshang gsar

tshugs kyi thog ma'i slob dpon chen po ser byes tsha ba dge bshes
byams pa mtha' yas sogs mtshan yongs su grags pa'i bstan 'dzin
dam pa rnams dang/ gzhan yang se 'bras gnyis dang/ lha sa sogs
phyogs phan tshun

nas phebs pa'i bla sprul/ dge bshes/ bya btang ri khrod pa sogs
khyon bsdoms chos zhu ba nyis stong brgal bar rgyal ba'i gsung
rab kun gyi snying po'i gnad bsdus pa shing rta chen po klu
thogs gnyis kyis phye ba'i lam srol/

@098a @#/ /skal bzang skye bo'i 'jug ngogs gcig pu che ba bzhi
dang/ khyad chos gsum gyi sgo nas khyad par du 'phags pa/ sa
gsum gyi sgron me byang chub lam rim chen mo mchan bu bzhi
sbrags kyi steng nas zhib bshad

kyi bshad khrid dang/ paN chen blo bzang ye shes kyi gsung lam
rim myur lam gyi steng nas bshad don lag len myong thog tu bkal
te nyams su len tshul gyi nyams khrid sbrags pa'i gsung chos dbu
'dzugs bka' drin che zhing/ thog

ma'i nyin par bla ma rin po ches lam rim chen mo'i dbu nas rten
'brel gyi slad du brtsi bzhag tshar gsum gnang rjes kho bo nas
lan gcig skyor/ de nyin tshogs pa rnams la bsnyen 'gyed phul/ de
nyin nas bzung ste thog ma'i ring nyin ltar

nyin gung yol ma thag nas mun rub mtshams bar chos thun gnyis re
chag med dang/ rjes sor dbyar chos chen mo tshugs nyer gtugs
skabs snga dro chos thun re 'phar tshugs mdzad dgos byung song
yang bla ma rin po che sku ngal gyi rnam pa ye

med par thugs dgyes spro'i ngang nas brtse ba'i bdag nyid skyo
ba spangs pa'i rnam thar bdag gir bzhes/ gsung chos ring yon
bdag khag gis tshogs par bsnyen bkur 'bul mi yod skabs ma gtogs
de min nyin ltar gsol ja theng re'i bsnyen

bkur phul/ gsung chos dngos gzhi'i mjug ma rdzogs kyang zla ba
drug pa'i tshes bcu bzhi nyin ^skyabs yul kun 'dus 'dren mchog
chos kyi rgyal po bla ma rdo rje 'chang dgung grangs drug cu re
gcig tu phebs pa'i 'khrungs tshes dus chen 'khel

@098b bar brten gsang gsum mi 'gyur rdo rje'i rang bzhin du
bskal pa'i dkyus su brtan pa'i rten 'brel slad/ mchod sprin sna
lnga stong char dang tshogs 'khor sogs rgyas gshom thog /tshes bcu
gsum nyin sems bskyed mchod pa'i sta gon dang/

tshes bcu bzhi snga dror zhi ba lha'i lugs ltar smon 'jug cig
char du 'dzin pa'i sems bskyed kyi sdom pa 'bog chog bka' drin
nod cing/ de rjes zab lam bla ma mchod pa'i tshogs 'khor dang
'brel ba'i sgo nas mkha' 'gro brtan bzhugs bstar

'bul skabs 'jungs sems kyi srad bus bcings pa med par 'dus tshogs
su bsnyen bkur gzab rgyas dang sku 'gyed/ bla ma rdo rje 'chang
chen por rang gi 'byor pa dang/ bsam pa'i khyad par dang mtshungs
pa'i bdog pa'i dngos 'bul

gyi mchod sprin spros te sku che ba'i yon tan dang/ phun tshogs
lnga ldan las brtsams pa'i bstod bsngags sngon du 'gro ba'i sgo
nas ^zhabs zung srid mthar brtan pa'i gsol 'debs maNDal bshad
'bul rgyas par zhus par/ maNDal bshad

pa'i tshig don la thugs dgyes pa chen pos bsngags brjod dbugs
dbyung stsal zhing/ rjes sor bshad pa'i zin bris shig kyang
bzhes cha mdzad song/ phyi nyin nas tshes bcu dgu bar gsung chos
'phro skyong mdzad cing de nyin grol ston rten

'byung slad maNDal rten gsum dang 'bul mtshon phran bu/ 'dus
tshogs su mang 'gyed bsnyen bkur bcas bul te gsung chos legs par
grol ba'i mjug bsdoms su bla ma rin po ches chos zhu ba rnams
la/ ngas ni khyod la thar pa'i lam

@099a @#/ /bstan gyi/ /thar pa rang la rag las shes par gyis/
/zhes sogs kyi lung 'dren dang bcas chos thos pa tsam gyis mi
phan par thos bsam sgom gsum yam bral bar gcig grogs su gcig
bgro dgos

tshul dang/ de lta min par thos pa kha phyir bltas su song na lha
bdud du babs pa ltar chos pa 'dres 'khyer du 'gro nyen yod tshul
sogs/ ji skad du/ dbu ma snying po las/ tsandan pas lhag gsung
gi chus/ /lus can yid kyi nyon

mongs mes/ /rab tu gdungs pa zhi bar byed/ /ces gsungs pa ltar
gyi bka' slob snying gi bcud du smin pa zhib rgyas su stsal
zhing/ de'i zhar la bla ma rdo rje 'chang mchog nyid kyi zhal
slob gras nas sgo mang khang gsar rin po che dang/

kho bo cag gnyis drag gras thugs gtsigs che shos yin cing/ khong
rnam gnyis sku tshe brtan na mdzad 'phrin mi rgyas dogs med/
dwags po bla ma rin po ches pha las bu rdzig /bu las tsha bo
rdzig /tsha bo las yang tsha rdzig pa 'ong zhes

lung bstan gnang yod cing/ de bzhin yong nges pas sku tshe yun du
brtan ched tshang mas thugs smon gnang dgos sogs bka' stsal song
bar/ gong smos brag ri rin po che sogs bla sprul dge bshes tshad
ldan bstan pa 'dzin spel thub

nges 'ga' shas 'khris der yod pa dang bstod bsngags ha cang
mdzad ches pas tshogs pa'i dbus su cung 'tsher ba byung/ de rjes
nyin grangs 'ga' shas sku lhod bzhugs dang 'brel seng dbar la
dbang bskur rir lha bsangs 'brel ba'i

@099b spro gseng dang/ dga' ldan gyi gling bskor la zhabs bskor
dang 'brel da res 'jam mgon bla ma'i gdan sar rje'i gsung gi
snying po byang chub lam rim chen mo'i gsung chos 'chad spel
mdzad rgyu byung ba skal ba bzang po byung zhes dgyes mnyes

gsung gi gsang bas rna ba bdud rtsi'i bang mdzod bzung/ dga'
ldan nas chibs bsgyur bskyangs nyin snga dro der bla ma rdo rje
'chang nyid kyi rgyun bzhes dbu paN de phran gyi mgo bor bkon/
lam rim chen mo dbu shog gsum tsam gser bris can

gyi glegs bam zhig dang/ rdo dril lag tu gtod gnang thog /dngul
gyi rnam bum las bum bum rdzas kyis bkang ba dang/ sgrol ma'i
gser sku/ bla ma rdo rje 'chang gi gsol zhal rnying pa zhig
g.yu byur sogs rin po che 'ba' zhig gis

bkang ba/ gos chen bcad ldan rtags brgyad ris ser po yug tshang
bcas gsol ras stsal te 'jam mgon bla ma'i mdo sngags kyi bstan
pa 'dzin skyong spel gsum rgya cher bgyid dgos sogs chos mthun
gyi bka' slob dang/ zol med pa'i

bka' mchid kyi dbugs dbyung bla na med pa stsal ba bsod nams kyi
phul chen por gyur/ skabs der nged rang gi bsam par skyes
sbyangs kyi yon tan dman cing rnam g.yeng zad mi shes pa'i 'dam
du byings te sgrub pa'i nyams myong gis dbul ba

bdag 'dra ba zhig gis bstan pa la bya ba byed thub pa shin tu
dka' snyam rung/ bla ma'i thugs bskyed dang rten 'brel gyis rjes
sor bla ma rdo rje 'chang dgongs pa zhi bar mnal rjes bya pho
med dus bong bus nam tshod 'dzin pa'i dpe ltar rang la

@100a @#/ /nyams len gyi gtad so gcig kyang med pa'i kha bshad
skam po zhig pha bla ma'i gsung du brdzus nas lam rim gtso bor
gyur pa'i 'chad spel gyi gzugs brnyan mang po zhig bya dgos
byung ba 'di la dgongs pa

yin tshod gda'/ de nas bla ma rdo rje 'chang chen po mchog bde
chen gsang sngags mkhar dgon gyis gdan zhus ltar zhabs 'khod
skabs phebs zhabs su bcar/ der bde chen dgon yul gyi dus ston
dang stabs 'grigs kyis dkar me'i

'chams gzigs kyang phul song bar kho bos kyang ltad mo'i dga'
ston myangs/ de ltar lam rim gyi gsung chos 'di'i thog mtha' bar
gsum du gra ma 'grigs pa dang/ rten 'brel gyi 'jug sgo log par
song rigs ci yang med par

legs pa rab kyi rtser phyin pa 'di dag rnam smin dkar po 'dzag
pa'i las 'bras kyi bde ba ngo mtshar ba zhig tu sems/ mdzod pa
rig 'dzin 'das nas bzung 'di skabs bar lha bu nged gnyis nas kun
'dus nor bu lugs su shag gi las

'gan khur blangs byas shing/ 'di res rdo khang mu li blo bzang
don grub mdzod pa'i las byed du nyar/ de rjes gro stod dung dkar
dgon bla grwa dang mchod sbyin thun mong gis lan mang 'bod
ltar
gro mo dge bshes rin po che ngag dbang skal

bzang snga lo dgongs pa gzhan don du gshegs pa'i sku'i dmar
gdung mchod rten la gzungs 'bul rab gnas sogs kyi slad zla ba
bcu pa nang nged rang dang/ lha bu/ ma byan phun tshogs/ rnam
grwa sku zhabs skal bzang dbang rgyal sogs

@100b dang bcas lha sa nas thon te gam pa la dang/ dpal di/ sna
dkar rtse/ ra lung/ rgyal rtse/ phag ri sogs rim brgyud gro stod
dung dkar dgon du 'byor zhing/ der mchod rten gzungs 'bul byas
te rab gnas bya rgyu phyi lo gsar mchams

bar bshol/ de mtshams da cha gro mo bar slebs zin gshis rgya gar
dang/ bal yul du gnas mjal zhig tu slebs na dge mtshan che bar
mthong ste ngo 'khor rnams rdza leb la dang/ rong gling sogs
brgyud ka sbug bar rta drel thog bskyod de thar

pa chos gling dgon gyi gro mo bla brang du nyin shas bsdad/ de
nas skad bsgyur rogs zla dang bcas rdo rje gdan dang/ bya rgod
phung ri/ na lenDa/ rtswa mchog grong/ gnyan yod/ wa ra Na si/
lum bi'i tshal bcas dang/ bal yul du mchod

rten rnam gsum sogs gnas rten khag rnams zhib mjal bgyis shing/
stag mo lus sbyin gyi mchod rten mjal nyin der yar lam mo Tor
'khor lo zhig glas te mchod rten gyi la gsham bar bskyal yang/
mar 'ongs te der slebs skabs mo

Tor de skyon zhig gis 'gro bskyod ma thub stabs nged tsho tshang
ma rkang bgrod bya dgos byung gshis mtshan mo'i chu tshod bcu gcig
pa tsam bar mchod rten chen mo'i 'khris gnas tshang du slebs ma
thub pa'i dka' ngal che nges byung/ gnas rten khag

la skabs bstun mchod 'bul tshogs gsog gang nus bgyis/ de skabs
rdo rje gdan du la dwags bla ma ngag dbang bsam gtan zhes pa
byang chub chos tshogs kyi mgron khang du 'dug par gnas mal byed
skabs khong nas rdo rje gdan du bod kyi 

@101a @#/ /dgon pa zhig gsar 'debs bya rgyu'i sa cha spus nyos
bya rgyu nang don lam tsam gtan 'khel zin pas sa yul der sa chog
bya rgyu bskul ba/ dus skyabs de dag tu mchod rten chen mo dang
nye skor sa khul rnams

dzwa ki ra dzas dbang 'dzin byed mus la brten gsang stabs kyis
da lta'i bod dgon 'phel rgyas gling chags yul gyi sa mal der bod
zla bcu gcig pa'i tshes bco lnga nyin phyi dro zla ba shar ba
dang dus mtshungs su rdo rje 'jigs byed kyi sgo nas ? skyong

dang/ sa lha las sa slong ba/ sa bzung ba/ srung zhing byin gyis
brlab pa sogs dang/ gter bum chung ngu zhig sba chog byas/ rdo
rje gdan gyi byang chub chen por gser gsol 'bul rgyu sogs dzwa
ki ra dzar gnang ba zhu dgos 'dug

stabs ngo bsrung ched khongs ra 'phrad rten dngos po phran tshegs
dang bcas bskyod cing/ khong gzig lpags sder bzhi mgo 'byar zhig
gi steng 'khod 'dug par kha btags phul bar phyag dbang yang 'jog
gi 'dug /khong yid mgu

nas kho bo cag bsil ba tshal mjal bskyod skabs nged rang la bzhon
par glang chen dang/ g.yog tshor rta bcas g.yar btang byung
bar
glang chen thog de sngon bskyod ma myong stabs thog mar skyid
nyams lta bu 'char rung/ lam bar

'khrugs ling che bas mgo bo 'khor ba sogs kyis sdug bsngal du
gnas 'gyur/ byang chub shing drung du bod mi gnas mjal ba gang
'tshams shig la skabs gsum ma dang/ rten 'brel bstod pa/ smon lam
rnam gsum sogs

@101b kyi bklag lung chos 'brel mdor bsdus shig kyang byas/ de
skabs rgya gar dbyin jis dbang bsgyur gyi dus skabs su song bas
deng dus ltar yar rgyas med stabs grong khyer gyi ri li'i babs
tshugs brgal nas gnas so sor mjal bskyod skabs

'khor lam med gshis rta sga ril dang/ rkang bgrod ci rigs kyis
bskyod dgos kyin 'dug /gnas mjal 'khor rjes ka sbug tu 'byor te
skyid sdug tshogs pa zhig gis bskul ba ltar thar chos dgon pa'i
mdun thang der skya ser stong phrag lhag

tsam la thugs rje chen po'i dbang chen bskur/ ka li ka ta dang/
rdo rje gling gnyis la yang yul gyi dge mtshan nyams su myong
phyir ltad mor khyug tsam ri bskyod cing/ rdor gling lam zhor du
gum dgon rnying pa dga' ldan chos gling nas 'bod

gnang ltar bskyod de chos 'brel mdor bsdus shig byas/ rdor gling
du de sngon ^gong sa chen po'i zhabs zhu sgrub mi legs ldan sba
bu'i nang du mi mang gang 'tshams shig la tshe dbang zhig bskur/
/rang lo so dgu pa sa yos lor

bod kyi lo gsar kha shang bkra shis chos gling dgon du btang
zhing/ de ga'i sbyin bdag tsho'i 'dod mos ltar kha shang gnas
srung rgyal po'i gsol mchod cig kyang lo gsar tshes gcig gi nyin
par brtsams/ tshur lam ka sbug nas rong

gling dang/ rdza legs la sogs rim brgyud kyis gro mo dung dkar
dgon du 'byor zhing sku gdung mchod rten la rab gnas rgyas pa
nyin gsum zin rjes/ bla grwa rnams dang dgon gyi sbyin bdag
rnying khungs dga' gling sgang bon po tshang gi pha jo

@102a @#/ /don yod sogs kyis bskul ba ltar dgon pa'i 'du khang du
ser skya nyis brgya lhag tsan la lam rim myur lam gyi khrid nyin
bco lnga skor mjug tu sems bskyed mchod pa bcas dang/ gsang 'dus
dang/

'jigs byed/ bde mchog dril bu lha lnga/ thugs rje chen po bcas
kyi dbang chen/ mgon chos sogs che bsrung khag gi rjes gnang/
rnal 'byor ma'i sind+hu ra'i byin rlabs dang bskyed rdzogs kyi
nyams khrid/ bla ma mchod pa'i khrid

bcas 'chad spel gyis zla ba phyed gsum tsam ring bsdad/ gro mo
nas thon te phag rir spang mnga' tshar gi tshong dpon che chos kyi
sar gnas mal byas thog /rgyud stong grwa tshang gi 'dzin khongs
brag thog sgang dang/ dga' ldan shar rtse'i

'dzin khongs ri chung spo mtho dgon/ bkras khongs dgon pa gong
'og bcas par nyin re bskyod cing ches 'drel phran che gsar dang/
sngar mda'i ra skor nang mi mang khyon cher dpal mo lugs thugs
rje chen po'i dbang chen bskur/

de nas phag ri kham bu'i chu tshan 'phrod bsten slang bskyod par
sdod sgrig sogs tshong dpon che chos kyis 'gan len byas te bdun
phrag gnyis tsam bsdad/ der bkras lhun sngags zur tA bla ma rin
po che phebs 'dug pa mjal 'phrad

zhus nas tshur lam sngags chen dam chos yar 'phel gyis btab pa'i
kham bu dgon zhes par zhag gcig bsdad/ der gsung rab dpe cha
mang tsam bzhugs 'dug pa nas re zung mjal bar pod gcig gi nang
lung bstan bris ma shog

@102b 'khyar gcig 'dug pa'i tshig tshang ma blor ma nges kyang/
spyan ras gzigs dbang thub pa'i ming can 'byung/ /mdzad spyod
thams cad ra hul dang mtshungs/ /blon chen mgar ba de la thog
'bebs 'byung/ /zhes sogs dang/ bya yi lo

la bya ba ma lus rdzogs/ /zhes pa'i tshig mtshams nas lung tshig
rdzogs 'dug par dpyad tshe ^rgyal mchog sku gong ma sku zil
btsan
brjid che ba dang/ de mo rin po cher bka' nyes phog pa/ chu byi
lor rgya dmag zing 'khrug 'byung

ba/ bya lor dgongs pa gzhan don du gshegs pa sogs lung gsal nges
rnyed cig 'dug /de nas phag ri brgyud gtsang khul gnas rten khag
mjal rtsis kyis thon te khra tshang mdo zhes par rwa d+harma
sengges btab pa'i btsun ma'i

dgon dang/ rdo khra dgon/ spyi lung sogs rim brgyud kyis zla ba
lnga pa'i tshes bco lnga nyin 'brong du la brgal te dpal ldan sa
skyar 'byor/ de nyi nas skya'i lha khang chen mo'i nye 'gram
grong tsho'i gseb tu lha sa'i 'dzam gling spyi bsangs

skabs ltar de khul gyi yul lha khag re zung khog brlams byed
bzhin gnas mus dang/ 'ga' shas khog brlams zin te lha mi ba
rnams gral 'khod kyis myos byed kyi btung bar rol bzhin du bsdad
'dug /sa skya gzhung rkyang nas

drung 'khor zhig gi khyim nang sdod sgrig dang/ sne shan drung
'khor rma bya ba 'dzugs 'jog gis phye rtsam dang/ rta chag sogs
zur gsos kyis sne len stsal/ sdod khang der dpe rnying bris ma
sna tshogs 'dug pa re zung bklag par grwa bskor

@103a @#/ /ba rnams kyis tshad ma dang/ phar phyin/ dbu ma sogs
kyi tshogs langs bshad pa dang/ gzhung las pa'i sar gzhung sbyor
'god len/ tshig bkra sogs nag 'gros kyi bsgrigs ma sna tshogs 'dug

pa de rnams gdan sa gsum gyi tshogs langs pa rnams kyi bshad 'bul
dang/ smon lam rab 'byams pa'i gzhung sbyor 'god stangs sogs
tshig ra zung gi rgyas bsdus dang/ brjod phyogs phran bu ma gtogs
phal cher 'dra mtshungs

'dug pa sngar rje yab sras rnams sa skyar thugs gnyer gsan bsam
mdzad pa dang/ sa skyar mtshan nyid kyi bshad grwa dar khyab yod
pa'i phyag srol dge lugs phyogs la dar ba yin tshod snang/ sgrig
khang der 'dre shig mang bas

sang der chu 'gram gyi spang gshongs shig tu gur phub kyis sdod
dgos byung/ skabs der sa skya'i khri chen las thog phun tshogs
pho brang gi bdag chen rin po ches mdzad mus la mjal kha drung
ja dang stabs bstun gyis bcar dgos kyi

'dug pa ltar gzim chung du bcar te gus phyag gis mngon par btud
cing sa skya'i gser chos kyi nyams len dang/ dmar po skor gsum
gyi 'khor lo'i lag len skor sogs dogs sel bka' 'dri 'ga' shas
zhus par/

gdung sras rnam gnyis kyi yongs 'dzin dang bka' mol zhus zhes
phebs pa tsam las zhib cha'i bka' slob rigs ma thob/ bdud rtsi
ril bu sogs byin rten gang 'tshams gsol ras stsal/ lha khang yas
mas kyi gnas

@103b mjal du bskyod skabs gdung sras gnyis kyi yongs 'dzin de
lam ston sne shan du gtong gnang byung ba dang lhan bcar gyis
'jam dbyangs gar gzigs ma dang/ chos dung dkar po rgyang
bsgrags/ sgo rum mgon khang gi bse 'bag

nag po 'phur shes sogs gnas rten rnams zhib mjal thog /mchod
sprin gang rgyas spros shing dge 'dun rnams la mang 'gyed bsnyen
bkur bstabs/ gdung sras yongs 'dzin dang gang ci'i gleng mo la
sna tshogs byung bar khong mdo

phyogs la thugs 'dris gang legs 'dug cing/ gser chos sogs sa
skya'i snyan brgyud kyi skor la thugs 'dris che ba zhig yod bzo
mi snang/ sa skya nas mar lam bsam gling lha mo'i mgon khang
dang/ dpal mgon zhal

bzhi pa'i gnas mchog kha 'u'i brag rdzong mjal te a khro la
zhes pa zhig rgyab nas cha rong khul dang/ de nas lhun po rtse
dgon pa/ khro phu byams chen/ gangs can chos 'phel dgon bcas rim
mjal gyis dpal snar thang dgon

du 'byor/ der nang rten 'gangs che bzhugs pa rnams mjal zhing
lha khang zhig tu sngar bcom ldan rig ral gyi dus bzhengs par
grags pa'i tsandan las bzhengs pa'i rgya gar rdo rje gdan gyi
gnas bkod cha tshang bzo spus legs pa

gnyis shig 'dug pa mjal skabs/ da lta'i yongs grags kyi rdo rje
gdan gyi gand+ho la dang/ byang chub shing gi bkod pa sogs ji lta
ba bzhin 'dug pas rdor gdan gyi gnas la nges pa lhag par rnyed/
byang chen ri khrod dang zhwa lu

@104a @#/ /gnyis mjal 'dod che yang dus tshod kyis ma khom pas
gnas lhag tu lus/ gtsang stod bkra shis lhun po'i gdan sar 'byor
skabs bla brang gzhung nas sne shan rtse drung zhig 'jog gnang
thog /

nyer mkho'i zur gsos gnang cha spam che gsol stsal dang 'brel
yongs 'dzin lo chen rin po che'i bla brang phan bde khang gsar
du sdod sgrig gnang 'dug pa der bsdad/ skabs der sems can gyi
dbang po zhi ba la 'god pa'i thugs

rje chen po dang ldan pa ^skyabs mchog rdo rje 'chang pha bong
kha pa dpal bzang po mchog bkras lhun bla brang nas ched du
gdan
zhus kyis bde chen pho brang du chos zhu ba stong phrag mang
por
byang chub lam rim chen mo'i bshad lung stsal skabs

su 'dug gshis ^pha bla ma bka' drin mtshungs med chen po'i zhabs
rdul la spyi bos reg pa'i skal bzang thob cing pha bu 'phrad pa
lta bur dgyes pa'i bka' stsal lhug par nod/ kun gzigs paN chen
thams cad mkhyen pa rgya sog

gi yul gru nas phyir zhabs ma 'khod stabs bzhugs 'jags med
kyang/ sngar srol ltar drung ja'i thog 'byor thon gyi phyag 'bul
sbrags ma'i mjal khar bcar bar mjal dar rten gsum 'bul dngos
bcas bstar zhing/ pho

brang rgyal mtshan mthon po'i gzim chung bka' gdams pho brang
du
kun gzigs rin po che'i bzhugs sgrom mdun skyabs dbyings dza sag
bla ma blo bzang rin chen gyi sku mdun der 'jog gnang gis gsol
ja dang/ bzhes 'bras/

@104b bzhes spro/ thon phyag gnang char byin rten/ phyag tsha/
gzim spos/ gos rgyu lhan snam gzan ldeng sogs spam mtho ba
stsal/ de'i gzim sbug tu mgon khang bka' rgya ma dang/ gzim
chung nang dga' ldan sprul pa'i glegs bam du

grags pa'i phyag dpe pod gcig kyang mjal rgyu 'dug /paN chen blo
bzang chos rgyan nas bzung ste sku phreng rim pas yun ring
bzhugs te/ bstan pa'i bya ba rlabs chen mdzad pa'i gzim chung
byin can du song gshis gus spro chen pos yan

lag bdun pa dang 'brel ba'i gsol 'debs smon lam shugs drag btab/
de 'brel paN chen sku phreng rim byon gyi sku gdung mchod sdong
khag dang/ byams chen/ gzhan yang lha khang ches mang ba
rnams
dang/ grwa tshang khag bcas

zhib mjal gyis mchod sprin dang/ bkras lhun tshogs chen du mang
'gyed bsnyen bkur sogs bsod nams kyi phung po 'du bgyis/ skyabs
dbyings dza sag dang drung che sogs lhan 'dzoms kyis bla brang
gzhung gi rten sgam rnams zhal

dbye mdzad de nang rten 'gangs che mang du mchis pa rnams rten
mjal gyi skal bzang bka' drin bskyangs/ nyin gcig bde chen pho
brang du bka' chos sar bla ma rdo rje 'chang chen por rten gsum
'bul dngos kyi bdog pa bstar ba dang 'brel

chos zhu ba rnams la mang 'gyed sogs bkur bsti dang phu dud
bzang pos bsnyen bkur zhing/ gsung chos chos thun gcig gi ring
rten 'brel gyi slad chos gral du bsdad nas gsung gi bdud rtsi'i
skal bzang nyams su myangs te kun tu don yod

@105a @#/ /pa'i bka' drin thob/ bkras lhun du sdod ring nyin ltar
gsung chos chos zhu bas mtshon dge 'dun mang rab cig phran sar
phebs par bla mchod dang/ dga' ldan lha brgya ma sogs so so'i
'dod

chos kyi bklag lung dang khrid sogs chos 'brel gcig mjug nyis
mthud kyi 'bul dgos shar/ lo chen mchog sprul rin po che da
lta'i 'di'i gong ma de sku gzhon nu zhig 'dug par rje rigs gsum
spyi sgrub kyi rjes gnang zhig dgos

tshul gsungs pa ltar bzhed pa bskangs/ bkras lhun nas btegs te pa
rnam dga' gdong dgon dang/ rgyal rtse spos sgang tshogs pa gnyis
mjal zhing de gnyis su'ang nA ro'i thugs dam kyai rdor gyi
dkyil thang/ kha che paN

chen gyi na bza' dang/ rgya dpe sogs nang rten 'gangs che mang
zhig 'dug pa mjal/ mkhar kha ka shod gzhis nas 'bod gnang ltar
bskyod de de khul yul mi tshor tshe dbang zhig bskur/ rgyal rtser
gser lcog tu gnas mal

byas thog dpal 'khor chos sde'i gnas rten lhod mjal dang/ zhi
gnas grwa tshang du dga' lha'i rnal 'byor gyi khrid phul/ ra lung
dgon pa dang/ spos skya ri khrod sogs gong gsal lam khel gnas
dgon tshang mar mang 'gyed mchod

'bul gyi rnam dkar 'du bgyis/ mkha' ro la dang/ sna dkar rtse
sogs brgyud nya sogs gru kha nas gtsang chu brgal te mnyes
thang
du zhag bsdad kyis sgrol ma lha khang gi rten gtso sgrol ma
gsung byon ma dang/ jo bo'i thugs dam

@105b 'bral med mchod rten sogs mjal te lha sar zla ba drug pa'i
zla mjug tu 'byor/ ston dus rdo rje 'chang pha bong kha pa mchog
ser sngags grwa tshang du zhabs 'khod kyis bla ma lnga bcu pa'i
bshad khrid dang/ gsang 'dus mi bskyod rdo rje'i dbang

chen/ ser byes har gdong khang tshan du phyag rdor 'khor lo chen
po'i dbang chen bcas rim stsal skabs kho bo yang byin rlabs
dbang gi chu bo snying gi bcud du thob/ gangs ri'i ljongs kyi
mgon po 'phags pa phyag na puNDa ri kas mtshan pa'i

'gro 'dul sprul pa'i gar gyi rol pa ^gong sa ^skyabs mgon sku
phreng bcu bzhi pa chen po mdo smad nas gdan drangs te zla ba
brgyad pa'i zla mjug tu lha ldan rgyal khab tu zhabs 'khod bka'
drin che skabs sgang stod 'dod rgu thang du gzhung sa chen po'i

phebs bsu'i sgar chen sar se 'bras dge gsum gyi bla sprul rnams
dang lhan du phebs bsu'i mjal khar bcar bas mtshan dpe'i dkyil
'khor mthong bas rnam par grol ba 'dren byed kyi bdud rtsir
thob/ /rang lo bzhi bcu pa

lcags 'brug lor dpyid dus nor gling du rigs brgya'i khyab bdag
yongs 'dzin stag brag rdo rje 'chang gi zhabs drung nas gtsug
tor dri med lha lnga dang/ 'od zer dri med lha lnga'i dbang/
grub rgyal lugs tshe dpag med zhi ba lha mang dang/ khro bo

lha mang/ dkar po lha dgu/ ras chung gong khug ma bcas kyi
dbang
sogs dbang dang rjes gnang gi rigs mang tsam zhig bka' drin nod
cing/ ^skyabs mchog gling sprul rdo rje 'chang gi drung nas
gsang 'dus bskyed rim dngos grub rgya mtsho' 

@106a @#/ /bshad khrid kyang thob/ dbyar gnas skabs dga' ldan du
bskyod cing dga' byang pha ra sprul sku nas bskul gnang bzhin
pha ra khang tshan 'du khang du shar byang grwa tshang gi mkhan
po
las zur rnams dang/ bla sprul/

dge 'dun lnga brgya lhag par bla mchod dang/ phyag chen gyi
nyams khrid 'chad spel byas/ dgun thog der nyin gcig rtsa ba'i
bla ma rdo rje 'chang pha bong kha pa mchog nas gsol dpon rnam
dag lags lha sar ched du gtong gnang gi bka'i phebs

sgor sang nyin nas bzung sgrol ma tsitta ma Ni'i bskyed rdzogs
kyi zab khrid cig stsal rgyu gtan 'khel zhing rjes sor thob dka'
bsad res nges par yong na legs/ sdod gnas kyang ri khrod du bla
brang rang la bsdad 'thus zhes phebs par brten

bkra shis chos gling ri khrod du 'phral bcar gyis stag phu'i dag
snang sgrol ma tsitta ma Ni'i sgrub thabs rtsa gzhung dang/ bla
ma rin po ches mdzad pa'i bskyed rdzogs khrid yig bcas sbrags
pa'i steng nas bskyed rdzogs gnyis/ las tshogs/

char 'bebs dang bcas pa'i zab khrid dang/ de'i mjug tu rgyal
chen shugs ldan gyi bsnyen sgrub las gsum gyi chos skor gyi lung
dang lag len man ngag /rten 'brel gyi slad yin zhes bde mchog
tshe lha dkar po'i rnal 'byor dang 'brel

bar rdor bzlas kyi rlung la brten nas tshe bsring ba'i man ngag
gi lung khrid bcas zhib rgyas su nod/ skabs der gong smos ltar
bla ma rdo rje 'chang nas ched 'bod ma bskyangs tshe kho bo lha
sar grong chog gi rnam g.yeng la mgo bo 'khor nas zab khrid 'di

@106b dag gi skal ba gtan chad du 'gyur bar dgongs te pha bla ma
mchog /gi thugs brtse'i dpyang thag gis bzung ba'i bka' drin gyi
phung po lhun po bye ba'i tshad du lci/ lo sngon ma nas bzung
^skyabs mchog rdo rje 'chang la mnal ltas 'tshub rigs

mang po byung 'dug pa dang/ thugs nyams kyang bag phebs med pa
lta bus thag ring gi yul gzhan zhig tu 'byon bzhed sogs thugs
phyungs ba'i rnam pa ci rigs mdzad kyin 'dug par brten gsung
chos grub 'phral ^skyabs rje gling rin po che

dang/ de mo rin po che/ brag ri rin po che/ kong po shar sprul
sogs nged tsho bla sprul bgres gras rnams nang mol gyis spyi thog
nas brtan bzhugs 'bul 'thus snyan seng zhus te bkras chos 'du
khang du chos zhu bla sprul dge bshes gang yod

thog ri khrod kyi dge slong rnams dang bcas te bde mchog tshe lha
dkar po'i sgo nas mkha' 'gro'i bsu bzlog gi brtan bzhugs tshogs
'khor rgyas par phul te spyi dang bye brag gi bstan pa rin po
che mi nub pa'i srog zungs chen por sku gsung thugs

'pho bral mi phyed rdo rje'i rang bzhin du byin rlabs phan bde'i
gzi brgya 'bar bzhin par ji srid srid pa mtha' can du ma gyur pa
de srid brtan par bzhugs pa'i gsol ba phur tshugs su btab par
bka'i phyir phebs su/ da res nga'i slob ma drag

gras mang 'dzoms kyis bsu bzlog brtan bzhugs gnang bar brten
bar
chad sel rgyu yod rigs nges par du sel bas rdo rje 'chang nyid
nas kyang de bstun dgongs bzhes gnang 'thus kyi bka' bzang phebs
pa nged tshor sems gso'i slad drang don

@107a @#/ /dgongs pa can gyi gsung du snang/ /rang lo zhe gcig pa
lcags sbrul lor snga lo zla ba bcu gnyis pa nang srid skyong rwa
sgreng rin po che glo bur mdzad khur dgongs zhu mdzad de yongs
'dzin stag brag rdo rje 'chang srid

skyong du mnga' gsol gnang ba bzhin zla ba dang po'i tshes gcig
nyin rtse pho brang chen por srid skyong khri bzhengs kyi mdzad
chen dngos gzhi bskyang rgyu'i sngon 'gror snga dro lha ldan
kun
bzang pho brang du bla brang sku sger nas nang ma'i rten 'brel
gyi brtan bzhugs

mdzad sgo'i sar 'bod gnang ltar bcar te maNDal bshad 'bul dang/
bkra shis rtags rdzas sogs 'bul ba/ bkra shis mnga' gsol gyi
bden tshig brjod pa sogs gra rten legs 'grigs kyi tshul du
bsgrubs/ de lo lha ldan smon

lam tshogs chen la ^skyabs mchog rdo rje 'chang pha bong kha pa
mchog nas mang 'gyed bsnyen bkur 'bul gnang bskyangs shing/ kho
bo nas kyang mang 'gyed phul bas ^gong sa chen por smon 'gyed
sku skal 'bul mjal gyi mjal kha nyin gcig la

stabs mtshungs su khel zhing/ mjal khar gral 'khod skabs tshogs
chen sprul sku'i ming gnas rjas 'brel gyis bla ma rdo rje 'chang
gi gong der sdod rgyu khel gyi 'dug stabs sku rgyab tu phyir nud
byas par/ rdo rje 'chang nas spyir btang dmigs

bsal gyi khyad yod pas nges par sdod cig ces phebs par brten
shin tu 'jigs shing bag tsha ba'i ngang nas sdod dgos byung/ smon
lam chen mo grol mjug der 'di snyam du/ bla ma sku dngos kyis
'gro don mdzad bzhin pa de rang gi 'khris

@107b der bzhag nas tshes bcu'i mchod yul bla ma he ru ka'i sku'i
don spyi zhig logs su gsal btab ste spyan 'dren gyi ngal ba byed
pa de bas rtsa ba'i bla ma ^skyabs gnas kun 'dus rtsa khams dpa'
bo mkha' 'gro'i ngo bor rdzogs pa'i rdo rje'i sku'i dkyil

'khor mngon sum du bzhugs shing/ mchod pa 'bul bzhes gnyis ka
dngos su byar yod pa 'di nyid la mchod pa don che bar bsam nas
zla ba dang po'i tshes nyer lnga nyin re skong ^skyabs mchog gcig
pu bla ma rdo rje 'chang ston 'khor shag tu gdan

drangs te gsol ston zhabs tog gi bsod nams 'du byas par dgyes
spror lhod bzhugs thog dam pa'i chos las 'phros pa'i gsung gi
bdud rtsi tshig gi cha shas rer yang don bzang po'i ro mchog 'bum
phrag tu bro ba'i dga' ston ngoms par

stsal zhing/ gsung gi 'phros shig tu da lta'i ^rgyal ba rin po
che 'di sku gegs bar chad kyis dbang du ma song na ^rgyal mchog
bskal bzang rgya mtsho dang mtshungs pa zhig 'byung bar nges pas
khyed tshos zhabs zhu bsgrub dgos shar tshe lhag bsam

rtsal sprugs kyis zhu dgos zhes phebs pa rjes sor mtshan nyid
gsan bsam zhabs zhu dang/ rim pas yongs 'dzin gyi ming khur
bzung ste da lta'i bar chos phyogs kyi sri zhu lo mang ring
bsgrub rgyu'i ma 'ongs mngon gzigs kyi lung bstan stsal

ba yin tshod gda'/ gzim shag lha klu dga' tshal ba'i lha lcam
g.yang 'dzoms tshe ring nas mgon khang du rgyal chen shugs
ldan
gyi phyi nang gsang ba'i rten dang/ rten mdos 'dzugs rgyu
^skyabs rje rdo rje 'chang la lo shas sngon nas gsol

@108a @#/ /'debs snyan seng zhus 'dug par rdo rje 'chang nas rten
'dzugs dang/ rten mdos gra sgrig byed sgo rnams phran la bka'
slob dang 'brel gra sgrig bgyid dgos phebs pa ltar sngon tshud
nas rim

bzhin 'du bgyis pa rnams legs par grub cing/ 'di lo tshogs mchod
chen mo grol 'phral bla ma rdo rje 'chang chen po mchog dang/
gsung zhabs su bkra shis chos gling gi dge 'dun brgyad grwa gcig
bcas lha klu dga' tshal du zhabs 'khod

dang 'brel rten 'dzugs mdos chog sogs nyin gsum ring zab rgyas
mdzad song ba'i chog gral du bcar zhing/ de skabs lha klu'i sku
ngo rtsis dpon 'gyur med tshe dbang rdo rje dang/ lha lcam/ kho
bo bcas la shugs ldan gyi srog

gtad rjes gnang yang chabs cig stsal ba thob/ bla ma rdo rje
'chang lha klu nas lcags zam tshe chu sgrub sde brgyud dwags po
bshad sgrub gling du lam rim gsung chos stsal bar chibs bsgyur
sang nyin bskyang rgyu'i do nub der nged rang gi gzab

gyon gos chen gyi snam sbyar grwa rtags su me tog gi ri mo mu
tig zhib mo'i phreng bas bkod pa can zhig dang/ maNDal rten dod
mjal dar bcas phul te gtso bor bdag sogs bstan 'gro'i mgon du
zhabs pad brtan pa dang/ rgyal chen

shugs ldan gyi rten bskang bzlog gsum gyi mdos chog dang/ gtor
bzlog /sbyin sreg /g.yang sgrub sogs las tshogs cha tshang bka'
rtsom thugs rje che ba mkhyen zhes gsol bar/ 'di dag nged rang
nas bzo thub pa zhig yong

@108b mdog ma kha bas khyed rang nas de sngon blor nges pa dang
brjed tho bkod pa rnams gzhir bzung/ de min rnams la cho ga'i
'ching dang phyag len 'di dang 'di ltar bgyis zhes bka' slob
stsal rjes/ da lta gang bslab pa rnams gzhir bzhag pa'i

thog rigs mthun gyi cho ga gzhan nas kha 'gengs 'os rnams
bskangs te 'di'i las tshogs rnams khyed rang nas legs par sgrigs
shig /don du chos skyong 'di nyid la brten pa'i nged kyi las
ka'i mjug skyong skabs babs khyed rang la yod pas

bcol ba yin zhes bka' phebs byung bar phran gyi bsam par bla ma
rin po che mdzad 'phrin ha cang rgyas gshis thugs khom mi yong
dgongs pa'i bka' yin pa gzhir bzhag las/ mdzad pa tha ma ston
bzhed kyi bka' slob dgongs gzhi

can yin pa rmongs byed kyi mdas zin te ma shes pa/ sngar bcom
ldan 'das kyis de bzhin gshegs pa bzhed na bskal pa nas bskal
pa'i bar du yang bzhugs so/ /zhes lan gsum gsungs kyang kun dga'
bo bdud kyis non pas

ma shes shing gsol ba ma btab pa dang mtshungs pas 'gyod/ de'i
rjes tsam na nyin gcig nor gling shod gzim chung 'gag nas brda
tho phebs gsal khri byang sprul sku dang/ ser smad rgyal rong
dge bshes mkhyen rab rgya mtsho gnyis sang nyin

shod gzim chung 'gag tu bcar dgos phebs pa ltar bcar skabs sne
mgron brgyud ^skyabs mgon srid skyong rin po che'i bka'i phebs
sgor ^gong sa ^skyabs mgon chen po'i gsan bsam zhabs 'degs pa
mtshan zhabs gling rin po

@109a @#/ /che yongs 'dzin du gnas spar bskyangs pa'i tshab khri
byang sprul sku khyod rang dang/ gnas skabs ring mtshan zhabs
'khar bsnon gcig dgos pa ser smad rgyal rong dge bshes mkhyen
rab rgya mtshor bsko gzhag

stsal ba yin na/ khri byang sprul sku'i gdan thob thad gling rin
po che'i lam bzhin mkhan sde che kha'i gral 'gor bsdad 'thus
dang/ dge bshes mkhyen rab rgya mtsho sngar lam mtshan zhabs kyi
ming mtshams su bsdad 'thus/ zhes

bka' bsgyur stsal ba ltar gza' tshes dge ba dang stabs bstun gyis
^skyabs mgon rtse shod gnyis la bka' bsgyur mjal dar gyi mjal
kha zhus/ de rjes zla ba bzhi pa'i tshes bco lnga nyin nor bu
gling kha'i pho brang gi gzim chung nyi 'od du drung

ja'i thog ^skyabs mgon mchod yon gser zhal lhan rgyas zhabs
drung du kho bo cag dang/ dge bshes mkhyen rab rgya mtsho gnyis
mtshan zhabs gsar mjal gyi mjal khar bcar te sngar srol rten gsum
mjal dar dang/ gsol 'bras

dod/ 'bul dngos bcas bstar te mjal kha grub rjes bka' dgongs
ltar drung ja'i gral mtshams su bsdad/ de nyin shag tu mchod yon
nang khul sogs kyis legs skyes rten 'byung stsal ba bdag gir
blangs/ de nas nyin

ltar snga dro drung ja dang/ 'char 'phar gyi mdzad sgo khag bcas
par rtse zhabs drung rigs spyi mtshungs bcar dgos 'dug pa ltar
bcar zhing/ nyin shas song rjes srid skyong yongs 'dzin stag
brag rin po che chab srid mdzad

@109b rgya'i dbang dang/ ^skyabs rje yongs 'dzin gling rin po
che thugs khom ma gyur pa'i gseng dbar la ^gong sa chen por gzab
gshar gyi yi ge'i klog dang/ thugs dam zhal 'don chos spyod kyi
rigs thugs 'dzin mdzad mus rnam gsan

sbyong gsal 'debs zhabs zhur bcar dgos zhes srid skyong rin po
che'i bka' dgongs ltar gza' tshes dge ba zhig la ^gong sa mchog
gi ^zhabs drung du mjal dar rten gsum dang bcas bcar te tshig
bkra legs pa zhig nas 'go

'dzugs zhus/ de nas bzung yongs 'dzin rnam gnyis chibs bsgyur ma
grub pa'i bar gseng nam byung snga dgong nges med du zhabs bcar
zhus shing/ sdod gnas kyang nor gling du mtshan zhabs kyi las
shag cig tu gnas spos gtan

sdod byas/ sku bcar zhabs zhu ba rnams kyis khri byang sprul sku
de bzhin ha cang rlung langs po zhig yod tshul zhus yod tshod la
brten thog mar bcar skabs ^gong sa mchog thugs 'tsher gyi rnam pa
phran bu mdzad kyin 'dug cing/

nged rang nas kyang srid skyong rin po che'i bka' slob bzhin
'dzum mdangs sogs med par sgam tshugs 'dzin khul zhus/ dgung na'i
babs kyis skabs re phyag dpe thugs 'dzin rgyugs stsal ji bzhin
ma byung ba'i skabs sku'i gcen

po blo bzang bsam gtan la khyed rang nas dbu bskor zhus 'dug
tshul bsnyon 'dzugs kyis ngo nag phran bu byas na de gas 'grigs
'gro ba las/ ^gong sa mchog la tshig rtsub sogs kyi rigs gtan nas
zhu dgos ma byung/

@110a @#/ /rigs dang dkyil 'khor kun gyi khyab bdag rdo rje
'chang pha bong kha pa dpal bzang po mchog gzim lha klu dga'
tshal nas zhabs btegs te mar lam chu shul lcags zam tshe chu sgrub
sder gsung chos

dang/ de nas dwags po bshad sgrub gling dgon du zhabs 'khod kyis
byang chub lam rim chen mo'i bshad khrid sogs rim stsal grub
rjes zla ba drug pa'i tshes gcig nyin dgongs pa chos dbyings zhib
chen po'i klong du mnal ba'i gtam

ngan rna ba'i tsher mar thos shing/ drin can bla ma mchog dang
bral te skal ba dman pa'i mya ngan gyi dus skabs la sbyor ba'i
sngon las kyi byed po de glo bur thog babs su byung/ de'i tshe
yid la bzod par dka' ba'i gdung bas non

bzhin du thugs dgongs rdzogs pa'i gsol 'debs dang/ lha ldan
sprul pa'i gtsug lag khang sogs la mchod sprin gang nus spros/
sku tsha phyag mdzod 'phrin las dar rgyas nas sku gdung rin po
che ril por bzhugs gsol dang/

zhugs 'bul zhus pa ji 'gab brtag bsgril zhu sar yong dgos gsung
ba bzhin bkra shis chos gling du bskyod par/ ri khrod bla brang
dang bcas pa snum zhag dang bral ba'i skya bo yul yul po zhig
dang bla ma rdo rje 'chang gi gzim chung

yang stong lhang nge ba lta bur mthong bas 'dren byed nas mchi
ma'i rgyun 'bab bzhin par/ rten gtso dwags po bla ma rin po
che'i 'dra sku'i mdun zan brtag phul bar zhugs 'bul zhu rgyu
babs song ba bzhin bkras chos gnas bla ma blo bzang

@110b chos 'phel can la sku gdung rin po cher sri zhu sgrub
phyogs kyi lag len rnams zhib khrid kyis dwags po'i phyogs su
btang/ ^skyabs mgon srid skyong bka' 'brel zhol bka' 'gyur dpar
khang du thu kwan chos kyi nyi ma dang/ gung thang

bstan pa'i sgron me/ rje shes rab rgya mtsho sogs dbus phyogs dpe
rgyun dkon rigs kyi gsung 'bum dpar gzhi gsar brko'i zhus dga'
go 'dzin du phran dang/ ser smad mtshan zhabs gnyis la bsko gzhag
stsal ba ltar lo shas

ring zhabs 'degs bsgrubs/ gzhung gnas nas tshogs mchod ser sbreng
skabs 'grems rgyu'i gos sku gnyis lo mang yun song gis bgres zad
song tshab gsar bzhengs gnang skabs lha sku'i thig tshad dang/ bzo
bo lhar bskyed/

las gra dngos gzhi'i skabs sku 'dra'i byon tshugs cha tshad gang
cir rtog zhib do dam dgos zhes phebs pa ltar las mjug ma zin par
rtag bskyod kyis rung zhib tshag gis blta rtog skyon bsrang bya
'os 'phyug med byas/ lo 'di dag gi snga

rjes tsam nas che zhe dang/ sring mo/ tsha bo yang tsha sogs snag
gi gnyen mtshams dang/ nye 'brel rtsa lag rim bzhin je mang gis
'brel gtugs dang/ de sngon a ma lags ma mad la sdang po byed
pa'i a ne g.yang 'dzoms

kyis kyang nged la gus tshul dang/ a ma lags la mdza' brtse'i
rnam 'gyur ston pa sogs sngar mi zhig gis/ zhang po med pa'i
zhang po byung/ rdog rdog khyed la phyag 'tshal lo/ /zhes dngul
'thum la phyag byas pa'i dpe 

@111a @#/ /ltar byung ba mdza' bo dang nye du'i mthun 'brel de
yang/ 'jam mgon sa skya paNDi tas/ 'byor pa'i dus na thams cad
gnyen/ /gal te rgud na kun kyang dgra/ rin chen gling du ring
nas 'du/ /

mtsho skam pa la su yang spong/ /gsungs pa ltar rang nyid dar
rgud kyi rjes su 'gro ldog byed pa de skye bo phal dang phal gyi
gshis lugs su snang/ /rang lo zhe gnyis pa chu rta lor zla ba
dang po'i tshes bcu nyin lha ldan sprul

pa'i gtsug lag khang du srid skyong stag brag rin po ches mkhan
slob sbrags ma mdzad de ^gong sa mchog la bar ma rab byung
dang/
dge tshul gyi bslab sdom 'bul bzhes bskyangs skabs phran nas dge
'dun la rab byung zhu ba'i grogs dan

pa zhus/ tshogs mchod grol 'phral dpal ldan smad rgyud grwa
tshang
gi dge 'dun gsar gras bsnyen rdzogs bslab sdom gsar nod tshogs pa
rim can nas khong tsho'i spyi dngul nas sngar srol chos phyogs
dang 'brel ba'i dga' ston du bsnyen

bkur dang/ spyi rdzas 'jog 'bul/ 'ga' res chos rgyun dbang lung
gi sbyin bdag zhu ba sogs gnang srol ltar 'di lo'i dge slong
gsar pa rnams nas phran la bskul ma gnang don bzhin lha sar
rgyud smad grwa khang lcang lo can du rgyud

smad tshogs yongs thog rgyud stod/ gdan sa gsum sogs phan tshun
nas phebs pa bcas 'dus pa nyis stong brgal bar yi dam gsang bde
'jigs gsum gyi dbang chen sta gon dang bcas pa phul/ dbyar gnas
skabs ^skyabs

@111b mgon srid skyong rin po che nas bka'i phebs sgor/ nor
gling gru 'dzin pho brang du 'phags bod mkhas grub ris su ma
chad pa'i gsung rab dbus gtsang mdo khams stod smad/ rgya sog
yul gru sogs nas thon pa'i dpar ma dang bris ma

sngon yod rnams kyi dkar chag la dag bsher dang/ rjes sor gsar
du rim phebs kyi gsung 'bum khag dang thor bu sna tshogs khyon
cher bzhugs pa rnams kyi dkar chag gsar 'god zhu dgos bka' phebs
bzhin bla ma so so'i

gsung 'bum rnams zur bzhugs phud/ de min thor bu'i rigs rnams
dbu phar 'dul mdzod sogs mtshan nyid kyi gzhung dang/ lam rim
blo
sbyong sogs mdo phyogs/ gsang sngags gsar rnying gi rgyud sde so
so'i cho ga dang/

khrid yig sogs sngags phyogs/ rnam thar/ chos 'byung/ rgyal
rabs/ sgra dang/ snyan ngag /sman rtsis sogs sde tshan so sor
phyogs sdebs kyis zla gnyis lhag tsam ring dkar chag zhib 'god
zhus/ zla ba brgyad

pa nang dben gnas bkra shis chos gling du ^skyabs mchog rdo rje
'chang gi sku gdung ring bsrel snying por bzhugs pa'i mchod
sdong rin po che gsar bzhengs phyag mdzod 'phrin las dar rgyas
kyis khur bzhes kyis legs grub mtshams

gzungs 'bul dang/ mjug tu bkra shis chos gling ri khrod kyi dge
slong spong ba pa rnams dang lhan du rdo rje 'jigs byed kyi sgo
nas rab gnas rgyas pa nyin gsum bcas par rdo rje slob dpon gyis
bgyi bar 'os pa mtha' dag sla

@112a @#/ /bcos su ma song bar rung zhib tshag gis yang dag par
bsgrubs shing/ rab gnas mjug chog gi yon bdag bsgo ba'i skabs
bla ma'i bka' drin dran cing/ mchog sprul myur byon gyi gsol

'debs bu chung thang du 'phyin pa'i skyo glu ring mo zhes pa
zhig kyang mgur du blangs/ dus 'khor rtsa rgyud kyi dum bu bla
ma'i yon tan yongs su bzung ba las/ nye du 'brel pa shul na gnas
pa yis/ /gshin gyi don du dge ba gang

byas pa/ /rnam par smin pa ma phyir be'u bzhin/ /gang du gnas pa
de yi rjes su 'brangs/ /de bzhin mos gus ldan pa'i slob ma yis/
/bla ma 'das pa'i lo zla'i tshes grangs dag /nges par bzung ste
mchod pa byas gyur

na; ;thugs kyi dgongs pa yongs su rdzogs 'gyur zhing/ /slob mas
bla ma'i rnam thar snyeg par gyur/ /ces dang/ dge bshes po to
bas/ 'brom rgad po de'i shid lan bcu dgu byas/ skye ba phyi ma
la mjal du

re ba yin/ gsungs pa ltar lo ltar zla ba byung ngo cog gi tshes
gcig nam yin la bde mchog bdag 'jug dang 'brel bar bla mchod
tshogs 'khor bcas sku mchod chag med 'bul rgyu'i mchod bsnyen gyi
ma thebs bkras chos

dge slong 'dus spyir phul/ de lo ston mjug tu mkhan chen don
dpal ba'am bkra shis gling pa mkhyen rab dbang phyug nas nan
bskul gnang ba ltar/ lha ldan rme ru grwa tshang gi 'du khang du
bla sprul dang dge 'dun sogs 'dus pa sum

@112b stong tsam la byang chub lam rim myur lam dang/ 'jam dpal
zhal lung gi bshad khrid sems bskyed mchod pa dang bcas rgyas
par byas/ /rang lo zhe gsum pa chu lug zla ba gsum pa nang pha
bong kha'i bla brang phyag

mdzod 'phrin las dar rgyas nas gsung nan bzhin lha ldan rme ru
grwa tshang gi 'du khang du 'dus pa ser skya sum stong lnga brgya
skor la byang chub lam rim myur lam dang/ 'jam dpal zhal lung
sbrags ma'i nyams khrid/ mjug tu rme ru'i rdo

gcal du sems bskyed mchod pa bcas zla gcig tsam ring 'chad spel
byas/ de'i mjug rnam grwa dbu mdzad las thog pa khri smon chos
mdzad thub bstan bde gshegs dang/ mchod g.yog skal bzang
dbang
rgyal lags gnyis

nas bskul ba ltar rtse rnam rgyal grwa tshang gi 'du khang gsang
sngags dga' tshal du 'dus pa bdun brgya lhag tsam la lam rim bde
lam gyi khrid nyin bco lnga skor dang/ mjug tu gsang bde 'jigs
gsum/ thugs rje chen po bcas

kyi dbang chen/ mgon chos/ lha mo/ rnam sras/ zhal bzhi lcam
sring sogs kyi rjes gnang bcas phul/ dbyar gnas ring nor gling
pho brang du gnas kyi bla ma'i bgyi ba bsgrubs shing/ dgag dbye
zin rjes skyid shod yab

phu'i ra tshag dgon par bskyod nas zhag gsum bsdad de paN chen
nA ro pa'i thugs dam rten rje btsun rdo rje rnal 'byor ma'i
snang brnyan byin rlabs kyi gzi 'od 'bar ba de'i drung du dkyil
'khor sgrub mchod dang 'brel bar mchod 'bul tshogs

@113a @#/ /'khor bcas rgyas par bgyis shing/ de ga'i dge 'dun
rnams la bsnyen 'gyed dang/ zla re'i yar mar tshes bcu'i sgrub
mchod kyi ma thebs shig kyang 'bul sbyor zhus/ yon bdag btsun ma

mkhyen rab lha mo nas bskul ba bzhin gnas der gnyug mar gnas pa
dang phyogs 'dus bcas kyi skya ser brgya skor la rnal 'byor ma'i
sind+hu ra'i dbang bzhi byin rlabs byas/ de skabs rmi lam bzang
por mngon pa 'ga' shas byung ba

da lta brjed nas mi dran/ lar nas de sngon lo na phra skabs dang
rjes sor yang mtshams re rmi lam du lha dang bla ma/ skye bo phal
pa sogs rnam pa ci rigs kyis lung bstan 'dra ba'i tshigs bcad
mang nyung nges med sna tshogs zhal nas gsungs pa

dang/ skabs re shog dril gyi yi ge mig la ston pa sogs 'ong ba'i
lung tshig rnams nangs par gzhan la bshad shor na lam seng brjed
'gro ba dang/ ma bshad na mi brjed cing mo ston phag mgo'i dpe
ltar rjes sor bden bden 'dra ba

zhig yong mus kyang/ bar skabs shig nas rmi lam de rigs brgya
lam na re tsam las mi 'ong ba dkor dang nyams grib kyis sa tshos
rdo tshos su song ba'i skyon du gda'/ ston dus ^skyabs mgon yas
phyin rnam gnyis la dgongs

zhus kyis mdun g.yog lha bu dang/ dpal ldan/ rgyud smad tre
hor
sngags rams tshul khrims dar rgyas sogs ngo 'khor nyung shas
dang
bcas sngon bka' gdams kyi skyes chen du mas byin gyis brlabs
pa'i gnas dbu ru phan

@113b po'i yul gyi gnas rten rnams mjal slad phan po sgo la
brgyud bskyod de dge bshes glang ri thang pa'i gdan sa glang
thang/ kun mkhyen rong ston pa'i gdan sa na lenDa/ pa tshab lo
tsA ba'i sku 'bum mchod rten/ byams pa'i

sprul pa sna nam rdo rje dbang phyug gis bzhengs pa'i rgyal lha
khang/ thang sag dga' ldan chos 'khor/ dge bshes shar ba'i sku
'bum mchod rten sogs mjal zhing/ pa tshab lo tsAs tshe mdo bsgyur
ba'i rten 'brel gyis

pa tshab mchod rten bskor na tshe gegs sel bar grags pas bskor mi
mang yang/ kho bos ni lo tsA ba 'dis dpal ldan zla ba'i dbu ma
'jug pa bod du bsgyur te thal 'gyur ba'i lta ba ches cher dar
bar mdzad gshis zab mo'i lta ba

la yid smon gyis bskor tshad 'bring po zhig bsags/ de snga
^skyabs mchog rdo rje 'chang pha bong kha pa chen po nas dpal
ldan sa skya ba'i gsang chen slob bshad kyi snyan brgyud man
ngag mdzod 'dzin gzim 'og rdo rje 'chang byams pa

kun dga' bstan 'dzin dpal bzang po de nyid nyang bran chu bzang
ri khrod du thog mar mjal 'dzoms skabs gzim 'og rin po cher dpal
mgon zhal rnam 'gyur bcu bdun gyi rjes gnang dang lung man
ngag
rnams bzhugs par

mkhyen yang sku che ba'i yon tan rnams ji bzhin ma dgongs pa lta
bus the tshom ngang don gnyer thugs snang ma mdzad par 'jog
gnang
la brten/ gzim 'og rin po che sang nyin phyir phebs rgyu'i do
nub der rdo rje 'chang gi

@114a @#/ /mnal lam du khri chen po zhig gi steng mi rgan skra
dang sma ra ag tshom sogs dkar po brjid bag can zhig gis mgon
zhal gyi man ngag ma gsan par mi dga' ba'i khros nyams cher byed
pa zhig byung

rkyen sang nyin de gar dbang lung man ngag yongs rdzogs kyi
gsol
'debs mdzad de rim zhu mdzad pa'i gnas tshul ^bla ma rdo rje
'chang nyid kyi zhal las dngos su thos pas dad mos yod kyang/
rin po che phan por gtan bzhugs

mdzad stabs 'di res ma gtogs zhal mjal ma thob/ 'di skabs na
lenDa'i gzim 'og bla brang du phyag rten mtshon pa dang bcas bcar
te gser zhal dngos su mjal ba'i skal bzang thob cing/ zab chos
rim stsol gyi

gsol 'debs kyang zhus par dgyes pa'i zhal bzhes dang bza' btung
gi ston mo'ang gya nom par stsal/ phyogs mtshungs bco brgyad bla
brang nas 'bod gnang ltar bskyod de da lta'i bco brgyad khri
chen rin po che 'di pa dang

lhod mjal zhus/ thang sag dga' ldan chos 'khor du dge 'dun rnams
la yon tan gzhir gyur ma'i bshad lung zhig phul/ der dpal ldan
zla ba'i gzigs dpe gsang 'dus 'grel pa sgron gsal gyi rgya dpe
zhig 'dug

pa mjal/ dga' ldan khri chen 'jam dpal tshul khrims kyi yang
sprul khams lung sprul sku da lta'i gong ma de kho bo dang pha
gcig pa'i gcen por song ba sku gshegs zin kyang zhabs gras rnams
nas nan 'bod ltar dge bshes

@114b khams lung pa chen po'i gdan sa khams lung ri khrod du
bskyod de zhag gsum bsdad khams lung pa'i sku 'bum mchod rten
mjal/ sne zur sogs bka' gdams gong ma rnams kyi gnas dgon 'ga'
shas ri phug kha 'thor du yod 'dug

pas mjal stabs ma 'grigs/ dbu ru stod sger lha sding pa'i sku
ngo rnams nas 'bod bskul bzhin phan mda' bye ri stag rtse brgyud
lha sding gzhis su 'byor zhing/ de nyin tshes bcu zhig dang stabs
khel bas dgong mo lha sding sku ngo rnams

dang lhan du rdo rje rnal 'byor ma'i bdag 'jug dang 'brel ba'i
tshogs 'khor phul bar yon bdag gi thugs 'dod ltar/ ya gi dag pa
mkha' spyod 'og min gyi zhing na/ /mtshar sdug lang tshos sgeg
pa'i rgyal yum gyi dbang mo/ /bye ba bsam yas sgyu

'phrul drwa ba yi bkod pas/ /skal bzang mkha' spyod 'khrid pa'i
sa mkhan zhig mdzad skad/ /drug cu rtsa bzhi e dbyings mkha'
'gro yi grong na/ /mchog gi mdzes ldan dbang mo tsanDa li'i
'dzum dkar/ /mnyen lcug glog ltar g.yo pa'i rol rtsed

kyi gar gyis/ /e waM lhan cig skyes dga'i ston mo zhig 'gyed
do/ /tsitta 'dab brgyad a wa d+hU ti yi dbus na/ /stong chen
spros pa kun bral 'od gsal gyi dga' ma/ /'od lnga'i sgyu ma'i
lang tsho'i 'jog sgeg gi rol bas/ /zung 'jug

bsam mi khyab pa'i ltad mo zhig ston no/ /a ho gsang mtha'i
myur lam zab mo 'di skyid pa/ /dam gtsang dpon slob 'dus pa'i
tshom bu 'di dga' ba/ /dga' skyid zung du 'jug pa'i tshogs 'khor
gyi dpal la/ /rtag tu 'du 'bral med

@115a @#/ /pa'i rten 'brel zhig bzhag yod/ /ces pa'i mgur ma zhig
kyang blangs/ der nyin shas bsdad de sku ngo rnams dang/ khad
nye'i dgon khag gi dge 'dun sogs gang 'tshams shig la rnal 'byor
ma'i sind+hU

ra'i byin rlabs dang/ yul mi rnams la spyan ras gzigs kyi rjes
gnang/ tshe dbang sogs byas/ thang skya dgon pa nas 'bod gnang
ltar bskyod de dge 'dun rnams la 'jigs byed lha bcu gsum ma'i
dbang chen phul/ lha sding nas

mar lam phag mo chos sder dge 'dun rnams kyi thugs 'dod ltar
gtsug lag khang la rab gnas sogs byas nas 'brom stod brgyud lha
sar 'byor/ gong gsal gnas rten khag la mchod sprin dang/ dgon
khag la mang 'gyed kyi bsnyen

bkur gang nus spros/ /rang lo zhe bzhi pa shing spre lor zla ba
bzhi pa nang kun gling rta tshag ho thog thu rin po ches gsung
bskul gnang ba bzhin kun bde gling gi 'du khang du 'dus pa chig
stong brgal bar byang chub lam rim chen mo'i bshad

khrid zla gcig dung phul/ dbyar thog tha'i ji shan kha pa 'gyur
med bsod nams stobs rgyas nas sku gshegs rigs sras bde chen dga'
ba'i dbang phyug gi dge rtsar dmigs te bskul gnang ltar/ lha
ldan rme ru'i 'du khang du 'dus pa sum

stong lhag tsam la gsang bde 'jigs gsum gyi dbang chen sta gon
dang bcas pa nyin lnga'i ring phul/ zla ba brgyad pa nang stod
lung du chu tshan 'phrod bsten slad bskyod cing/ de skabs dpal
ldan smad rgyud grwa tshang gi dge 'dun rnams chu mig

@115b lung du dbyar phyi ma'i zhal bzhes skabs dang 'khel gshis
mkhan bla las snes bskul gnang bzhin yar lam rgyud khang du
bcar
te dge 'dun rnams la dpal ldan smad rgyud pa'i thun mong ma yin
pa'i yig cha rdo lag brgyud ma gsum zhes grags

pa'i nang tshan gsang ba 'dus pa'i rim lnga'i khrid rdo lag
brgyud ma dang/ bshad pa rdo lag brgyud ma gnyis kyi bklag lung
phul zhing tshogs par mang 'gyed bsnyen bkur spros/ chu tshan
'phrod bsten slad bdun phrag gnyis bsdad/ rje gong

ma'i 'khrungs khang stod lung rags skor gyi mi ngo rnams ngos
'phrad du byung bar dngos skyes kyi bdog pa cung zad bstabs/
stod lung nas 'khor 'phral sman stod gzim shag tu bzhugs pa sba
yer tshang gi lcam tshe ring sgrol dkar nas bskul ba bzhin

lha ldan bzhi sde grwa tshang gi 'du khang du gdan sa gsum gyi
bla sprul dge bshes dang/ slob gnyer ba/ rgyud grwa smad stod/
ri khrod phan tshun gyi dge 'dun sogs 'dus pa nyis stong 'dun
brgya skor la lam rim myur lam dang/ 'jam dpal zhal

lung sbrags pa'i nyams khrid sems bskyed mchod pa dang bcas pa
zla ba gcig tsam ring byas/ gzhis dgon cha phreng grwa tshang la
'du khang gi ka ring bzhir 'grems rgyu'i mchod rdzas gos stag
shun 'brug chen tshos tshogs kyi ka 'phan bzang gos

lhan drub kyi 'phan 'go dzi par gzugs can che legs bzhi dang/
gdong gsum rigs lnga mi tshan la bka' 'gyur cha tshang na bza'
rang 'grigs bcas 'bul rgyur bskur/ ming dang gos yul rten mtho
dman gyi rim pa'i dregs snyems dor 

@116a @#/ /nas mkhas pa'i ngag las legs bshad 'tshol bzhig ma
byung tshe khengs pa'i ri rtser chu bo gyen la ldog dka' bar
brten/ dgun thog der lha ldan sman rtsis khang gi slob dge'i
gras stod lung yangs pa can pa dge slong

dpal ldan rgyal mtshan rtse po tA la'i rig gnas slob gra khang
gi yang steng nged rang gi las shag tu gdan zhus kyis dga' shar
dze smad sprul sku dang mnyam du dbyangs can sgra mdo dang/
dge
tshe paNDi ta 'gyur med tshe dbang mchog grub kyis mdzad pa'i

sgra 'grel 'od zer brgya pa gnyis kyi steng nas mtshams sbyor
lnga pa bar dang/ paNDi ta rin chen 'byung gnas zhi bas mdzad
pa'i sdeb sbyor rin 'byung rtsa ba dang/ smin gling lo chen
dang/ bla ma lhag bsam gyi 'grel pa bcas kyi steng nas sdeb

sbyor gyi ri mo bcas mdzub khrid zhus/ sgra'i ri mo yongs rdzogs
shig thub re'i mur gzhan dbang rnam g.yeng gis 'phror lus/ de
lo zla ba bcu pa nang mkhan drung chos 'phel thub bstan gyi thab
rten phan po lhun grub rdzong gi gzhis sdod dang/ ser

byes grwa tshang gi bun 'ded pa rnams 'bru bun 'ded phyogs skor
mthun min gyis lag 'thab byung ste gzhis sdod rkyen 'das song
bar brten/ mkhan drung nas gzhung sar srid skyong mtshan 'god
kyis snyan 'bul zhus gshis zhib dpyod pa drung rtsis drug

sbrel bsko gzhag gnang ste byed gte bka' 'gugs kyis zhib 'go
tshugs nye'i skabs/ shing bya lha ldan smon lam chen mor tshe smon
gling ho thog thu'i dam bca'i tshogs mgon du ^rgyal dbang rin po
che gdan zhu'i mdzad chen 'khel bar/ se ra

@116b byes sngags gnyis kyi mkhan po las sne 'dus mang bcas smon
lam chen mo'i gral 'dzin mang ja sogs la nyin gsum tsam ma phebs
pa'i ka kor byung bar rtse yig tshang lhan rgyas nas dge skyon go
gses kyi bka' yig gnang bas smon lam chen mo sngar rgyun

tshugs thub tsam byung zhing/ smon lam dang tshogs mchod chen mo
grub mtshams bka' zhib mjug skyong mthar byes sngags mkhan po
gnyis gnas dbyungs thog /las sne 'ga' shas dang bun 'ded pa
rnams grwa sa'i sgrigs dbyungs kyis rdzong gzhis khag tu

rgyang phud du 'gro dgos byung ba dang/ der brten byes sngags
gnyis kyi dge 'dun mang pos ^skyabs mgon srid skyong rin po cher
skur 'debs zhub sogs skye bo ngan pa re gnyis kyi byed las la
brten nas las mtha' ngan pa zhig byung song/ skabs

'di dag dang/ gzhan yang rwa sgreng rin po che'i thugs nang dge
ba'i gzhung zhabs 'ga' shas go gnas phyir 'bebs sogs bla slob
dbar dam sel 'byung gzhi'i cho ga snga phyi rim rtsom skabs/
rang blos ma bzod par stag brag phyag mdzod bstan

pa mthar phyin la nyes 'gog gi bsam 'char lhag bsam drang pos ji
tsam zhus kyang/ legs bshad las/ 'bab chu ji ltar bzlog gyur
kyang/ /thur du 'bab pa kho nar 'dod/ /ces pa ltar bzlog tu ma
btub/ /rang lo

zhe lnga pa shing bya lor 'bras spungs dga' ldan pho brang lo
mang yun song gis gog skyon che stabs gzhung sa mchog nas
nyams
gso rgya cher mdzad mus kyi pho brang dbu rtse'i nub rgyud
rnams
rnying pa bshing/ dbral gyis nyams gso bskyang nyer gtug gshis

@117a @#/ /gzim chung sgo khra lha mo'i mgon khang dam sbyar ma
de bzhin ha cang gnyan zhing/ de nas snyan dar re tsam 'khyer
mkhan la'ang nad sogs mi shis pa'i rtags mtshan 'phral mar 'ong
mus stabs khyod rang nas rten rnams

spo chog zhu dgos zhes ^skyabs mgon srid skyong rin po che'i
bka' 'brel bzhin lha sa'i tshogs mchod grol rjes 'bras spungs su
chog gra rnam grwa'i dbu slob sogs dang bcas bskyod de lha mo'i
bskabs gzab gsol nyin shas zhus te/ sang spo

rgyu'i do nub der rmi lam du 'du khang lta bu'i khang pa chen po
nang du mdos dang/ gtor ma chen po gsar rnying mang po dang/
dngos zog sna tshogs kyis byur bur khengs te gom pa 'dor sa med
pa lta bu zhig gi nang nged rang 'gro lam ma rnyed par

bsdad mur bud med lang tsho dar yol tsam zhig 'ong nas dga' ba'i
rnam 'gyur byed cing lam ston byas pa zhig rmis byung ba mgon
khang spo rgyu dus babs kyis lha mo mnyes pa'i mtshan mar go
/nangs par dngos gzhi spo skabs ^skyabs mgon rtse'i sku

tshab mgron gnyer dang bcas mgon khang sgo dbye zhus te thog
mar
khong tsho gzhan ngag gis rten rdzas sogs la lag 'chang tshur zhu
mi nus pa byed kyin 'dug stabs/ nged rang la lta ba'i gdeng
dang/ bsgom pa'i rtsal gang yang med rung lha mo'i

bzlas ba snyen song tsam dang/ mdang gi rmi lam la blo gdeng
bcas te yi dam dang/ lha mo'i sngags bzla bzhin du snyan dar
dang rten rdzas 'ga' shas blangs te gzim chung nyi 'od du spos
shing/ de rjes chog grogs rnam grwa'i dbu slob

@117b sogs dang/ ar po'i do dam mkhan chung ngo las/ sku tshab
rtse mgron sogs tshang mas rten rdzas spyan gzigs go mtshon sogs
lo mang rim gsog gi khyon che mchis pa rnams nyin gsum tsam ring
so 'don dang/ de rjes rten gtso lha mo'i dngul sku

mi tshad tsam pa 'og gzhi khrag mtsho/ dre'u rgyab yol me ri dang
bcas pa'i dpangs thog tshad tsam dang/ 'khor gdong can gnyis byis
pa lo brgyad tshod tsam bcas 'dug kyang/ thog mar sku brnyan
bzhengs skabs su so sor bzhengs gnang

mdzad 'dug stabs gdan zhu bya stabs mi bde ba mi snang bas/ sku
dang/ dre'u/ khrag mtsho sogs so sor phral te shar brgyud gzim
chung du gdan zhu skabs rnam grwa'i sku zhabs rnams la lha mo'i
spyan 'dren dbyangs rol dang bcas pa rgyas par

mdzad du bcug /nged rang dang pho brang nyams gso'i do dam pa
mkhan chung ngag dbang bzod pa/ rtse'i sku tshab rtse mgron sogs
nas spos sne dang/ 'bras spungs grwa tshang bzhi'i khongs bla
sprul dge bshes drag gras 'gas sku brnyan gdan

drangs te gzim chung du lhu sgrigs zhus pa'i mdun du mchod gtor
gzab gshom kyis bskang gso tshogs 'khor sogs gzab gsol rgyas par
phul/ mgon khang du zhal thang sna tshogs yod pa'i thang sgam
chen po zhig 'dug pa zhal dbye ste

mjal bar rwa lo'i thugs dam rten 'jigs byed zhal brtsegs zhal
can gyi zhal thang ha cang rnying song rwa khrid mkha' 'gro
snyan brgyud dang mthun pa zhig dang/ de'i 'dra bshus 7rgyal
mchog lnga pas zur sngags 'chang 'phrin las rnam rgyal

@118a @#/ /la 'brir 'jug gnang mdzad pa bcas zhal thang ma bu
gnyis ka deng/ 'gro mgon chos rgyal 'phags pa'i thugs dam rten
mgon po gur zhabs gnyis bzhengs stabs kyi bris sku/ zur chen
chos dbyings

rang grol gyi phyag bris drang srong khyab 'jug gi bris thang
sogs lo rgyus ngo mtshar can gyi thang ka mang po 'dug /gzhan
yang sa chen gong ma 'ga'i thugs dam rten mgon po gur dang/
dpal
mgon zhal gyi snang brnyan 'ga' shas/ gtor

sgam zhig nang ^rgyal ba tshangs dbyangs rgya mtsho'i phyag bris
phyag bstar ma'i bka' rtsom gsol 'debs 'phrin bcol 'ga' shas
dang/ la mo tshangs par srid don sna tshogs kyi lung 'dri bskyangs
pa lan dang bcas pa gnyis gsum tsam/

rig pa brtul zhugs kyi spyod pa dang 'brel ba'i thugs nang dge
sar stsal ba'i phyag bris khag sogs snyan zhing ya mtshan pa'i
shog dril sna tshogs kyi phon po zhig kyang mjal rgyu 'dug par
phyag bris gzugs 'bring tsam la bka' rtsom tshigs bcad

rnams nyams 'gyur legs par snang/ pho brang nyams gso dang
chabs
cig dge 'phel ri khrod kyi rgyal ba'i pho brang yang nyams gso
bskyang rgyur brten nyin gcig dge 'phel ri khrod du bskyod de
rab gnas ar chog dang/ lha klu spo

chog bgyis/ de dag gi ring rang gzhan las byed tshang mar 'tshub
lhongs kyi rigs gang yang med par lam lhongs byung ba mchog
gsum
srung mar bcas pa'i 'phrin las kho nar sems/ rjes sor 'bras
spungs pho brang nyams gso

@118b legs grub mtshams rnam grwa'i chog grwa dang bcas bskyod de
lha mo'i snang brnyan gyis gtsos pa'i rten dang/ rten rdzas
rnams sgo khra mgon khang du sngar bzhin tshur gdan zhus kyis
nyin bdun ring gtang rag gzab gsol tshogs 'khor dang bcas pa
bsgrubs/

de sngon mgon khang du lha mo'i rten mdos mi snang yang 'di
skabs gsar bzhangs dgos rgyu bka' phebs bzhin rten mdos cha
tshang bkod legs dngos gtsang gsar bzhengs dang 'brel mdos chog
kyang rgyas par btang/ dbyar thog der rtse rnam rgyal  

grwa tshang gi sku zhabs tshe rabs lags kyis skyes ma dang la
skyid de nyid kyi dge rtsar dmigs te bskul ngor/ rnam grwa'i dge
'dun rnams dgag dbye'i spro gseng tshugs yul sbyar rag gling
kha'i tshogs khang du rnam grwa tshogs yongs kyis mtshon 'dus

pa tshig stong brgal bar lam rim myur lam dang/ 'jam dpal zhal
lung sbrags ma'i nyams khrid bgyis shing/ mjug tu sems bskyed
mchod pa'i nyin lha ldan dar po gling chos skyong jo bo phying
dkar ba rten gzhir khog brlams kyis kho bor da

lam lam rim 'chad nyan la legs gso'i bsngags pa rjod dang/ phyi
lo nas lo ltar rnam grwa 'dus spyi nas khur bzhes kyis lam rim
dang/ gsang bde 'jigs gsum gyi bskyed rdzogs kyi khrid sogs res
mos chag med zhu dgos zhes rnam grwa'i

las sne tshor lung bstan gnang song/ de lo ston mjug tu gong gsal
sba yer tshang gi lcam tshe ring sgrol dkar gyis bskul ba ltar lha
ldan bzhi sde grwa tshang du se 'bras dang/ rgyud grwa stod smad
kyi bla sprul dge bshes sogs yi dam gsang bde 'jigs

@119a @#/ /gsum gyi dbang chen thob zin gyi dge 'dun nyis stong
brgal bar zab lam bla ma mchod pa dang/ phyag chen sbrags ma'i
zab khrid rgyas par 'chad spel byas/ dgun thog ^skyabs mgon srid
skyong rin po ches

mtshan zhabs 'phar bsnon du sgo mang gung ru rgya mtsho gling
sprul sku bsko bzhag gnang ste mkhan sde che kha'i gdan thob
dang/ phran la dar han gyi ming thog gnas spar gyis gral mtshams
dza sag dang/ tA bla ma/ tha'i ji sogs kyi gral 'gor

bsdad 'thus bka' bsgyur stsal ba ltar/ ^gong sa ^skyabs mgon yas
phyin rnam gnyis la sngar srol gsar mjal zhu rgyu sogs rten
'brel gyi sarga ma 'chol tsam zhig kyang byas/ /rang lo zhe drug
pa me khyi lo gsar lha sa'i

smon lam chen mo'i skabs rme ru rnying pa'i lcog tu gnas chung
chos rgyal chen po rten gzhir spyan 'dren zhus par/ chos skyong
nas maNDal rten gsum dang mjal dar bcas gnang ste/ 'dren pa
mnyam med zas gtsang sras kyi bstan pa rin po che ches

cher nyams dmas su gyur pa'i skabs 'dir rje nyid nas skal ldan
gyi gdul bya rnams la zab rgyas chos kyi bdud rtsi rgya cher
spel ba legs tshogs shin tu che/ zhes dgyes pa'i rnam 'gyur cher
mdzad/ smon lam grol rjes ^gong sa mchog

mtshan nyid rigs lam gsan bzhes kyi mdzad sgo dngos gzhi sngar
srol 'bras spungs kun dga' ra bar mdzad rgyu yang/ snga 'phros
nang sbyong sta gon dbu 'dzugs kyi rten 'brel mdzad sgo zhig
rtse'i gzim chung dga' ldan yang rtser mdzad song

@119b bar ^gong sa mchog dbus su bzhugs thog /srid skyong stag
brag rin po che dang/ yongs 'dzin gling rin po che/ phran/ rgya
mtsho gling/ ser smad dge bshes mkhyen rab rgya mtsho bcas g.yas
g.yon gral rim du bzhugs nas mkha' mnyam

ma dang/ 'jam dpal mtshan brjod kyi zhal 'don lhan gsungs
bskyangs par rgya mtsho gling dang/ ser smad dge bshes lags gnyis
kyi gsung skad phra sbom dang sgra gdangs ma snyoms pa sogs
kyis
yongs 'dzin gling rin po che bzhad mo shor

zhing/ de'i stabs kyis ^gong sa mchog kyang cher bzhad/ nged
rang yang gad mo dbang med du shor nas zhal 'don chad nyer
gtugs
gshis srid skyong rin po ches zhal ngo nag po ston gnang mdzad
kyin 'dug kyang 'jigs bzhin du gad mo bsran

thabs ye nas med pa zhig dang/ der yod spyi mkhan/ gsol gzim
mchod gsum/ mgron gzim sogs tshang ma dgod pa'i kha la bltas na
dgod bro ba'i dpe ltar bzhad cha dbang med shor ba byung song ba
de dag rjes sor ^gong sa mchog

gsan bsam mkhas rtser son rgyu'i rtags rten legs pa zhig tu
mngon/ 'di nas bzung gzhung gi mdzad sgo 'char 'phar khag sogs
la chos dbar 'jog gnang skabs las de min nyin bstar chags su
nged tsho mtshan zhabs gsum res mos kyis

nyin gung rgyab tu ^gong sa mchog bsdus gra'i gsan bsam gyi bgro
gleng zhabs zhur bcar zhing/ nged tsho sger la chos 'chad spel
sogs dmigs bsal gyi brel ba byung tshe dgongs zhu chog gi yod/
yab gcig bka' drin zla med rdo rje 'chang pha

@120a @#/ /bong kha pa chen po'i mchog sprul skor/ nags shod stag
phu rin po che'i gzigs snang/ spang lung rgyal chen shugs ldan
dang/ dga' gdong chos skyong gi bka' lung/ kho bo rang nas kyang
brtag pa snga

phyir lan mang bgyis pa rnams rtse mthun nges rnyed byung ba
bzhin/ dbus stod 'bri gung du sku bltams pa'i chung srid de nyid
zla ba gnyis pa'i yar tshes nang dben gnas bkra shis chos gling
du gdan drangs te/ rje gong ma'i chos kyi khri la mnga'

gsol ba'i tshe/ kho bo cag kyang ched bcar gyis zhing khams rgya
mtsho'i bkod pas sna drangs pa'i dngos 'bul gyi bdog pa'i phreng
ba bstar/ zla ba gsum pa'i yar tshes nang rgyud smad dge slong
gsar sgrub tshogs pa rnams kyis bskul ba

bzhin rgyud smad grwa khang du rgyud grwa stod smad gtso gyur
gyi dge 'dun khyon cher gsang bde 'jigs gsum gyi dbang chen sta
gon dang bcas pa nyin lnga dang/ bla ma lnga bcu pa'i bshad lung
phul/ ^skyabs mgon srid skyong stag brag rdo rje 'chang gi

bka' dgongs bzhin stag brag ri khrod kyi dge 'dun rnams kyi
gsung rgyun 'dul ba'i gzhi gsum cho gas mtshon pa'i mdo sngags
chos spyod kyi skor rnams spyi dang/ lhag par rab gnas rgyas pa
dge legs char 'bebs kyi 'don sgrig

dpal ldan smad rgyud pa'i phyag len ji lta ba nag po 'gro shes
dang/ gsang 'dus 'jig rten dbang phyug gi bdag mdun bum pa dbang
chog /sbyin sreg bcas kyi 'don chog cha tshang nag 'gros gsar
sgrigs zhu dgos phebs pa'i bka'

@120b dgongs legs par bsgrubs/ phyogs mtshungs rgyud smad dge
'dun rnams nas brag dkar sngags ram pas mdzad pa'i chos rgyal la
brten pa'i sri mnan rdo rje'i thog mda'i yig cha sngon yod bris
ma rnams la cho ga'i tshig dang/ phyag len yig

chung sogs 'dra min mang bas khungs ldan gsar sgrigs shig
^skyabs mgon srid skyong rin po cher snyan bskul zhus pa mdzad
rgya'i dbang gis thugs khom ma gyur bar brten khyod nas sgrigs
shig ces bka' phebs bzhin/ gshed skor gyi

yig cha spyi dang/ lhag par brag dkar sngags ram pa rang gi
gsung le tshan rnams la zhib brtag gis sri mnan gyi 'don chog rdo
rje ri rab brtsegs pa'i 'phrul 'khor zhes pa khungs ldan gyi
lugs su phyogs bsgrigs zhus/ dbyar stod

skabs lha ldan sha khrom 'og tu sdod pa dman lha mo tshe ring nas
sku gshegs dge bsnyen tshe dbang nor bu de nyid kyi dge rtsar
bskul ngor rnam grwa'i sbyar rag gling kha'i nang gur g.yab
phub ste 'dus pa sum stong lhag tsam la lam rim myur lam gyi
khrid

nyin nyer lnga skor dang/ de'i mjug mthud rnam rgyal grwa tshang
'dus spyi nas bskul gnang bzhin 'jigs byed kyi dbang chen thob
pa'i chos zhu ba chig stong brgal bar 'jigs byed bcu gsum ma'i
bskyed rdzogs zab khrid dang/ blos bslang

gi khrid/ zhar dang zhor du gtor chen dang/ drug cu ma/ sbyin
sreg sogs kyi dmigs rim dang/ phyag len skor yang zhal shes man
ngag ma sbas par zhib bshad kyi khrid zhag bco lnga byas/ rnam
rgyal grwa tshang du gsang bde 'jigs 

@121a @#/ /gsum sogs kyi bris thig dang/ rdul tshon gyi phyag
bzhes legs nges yod mus kyang/ dkyil 'khor blos bslang gi lag
khrid mdzad rgyun phyag bzhes med stabs sku bcar mchod dpon
mkhan po

blo bzang bsam gtan dang/ slob dpon bstan pa dar rgyas sogs
dang
mol bsdur gyis bde gsang 'jigs gsum gyi blos slangs bzhengs
rgyu'i lag len slob khrid rgyun spel chad med gsar 'dzugs byas
shing/ thog ma'i slob

khrid dge rgan du rgyud smad tre hor sngags ram pa tshul khrims
dar rgyas la 'gan dkri byas pa gzhin slob dpon dang dbu mdzad
sogs rnam grwa'i sku zhabs brgyad tsam nas slob sbyong mthar
son
gyis sbyang 'bras dkyil 'khor gsar bzhengs

gnang ba gang legs byung 'dug /de lo zla ba drug pa nang rgyu
tshad kyi nad gzhi shin tu mthu ba nyin nyi shu skor dang/ de
mjug chu gzhi'i nad kyis zin te 'chil khad lta bur gyar yang
sman rgyal g.yu thog pa dang mtshungs pa'i mkhas dbang

bod gzhung sman rtsis slob gra chen mo'i dbu 'dzin mkhan che
mkhyen rab nor bu mchog dang/ ^gong sa mchog gi bla sman
mkhan
chung thub bstan lhun grub rnam gnyis nas gsol sman gzab stsal
thog /rim gro sogs 'phrod bsten

lhod med byas stabs zla ba dgu pa'i nang drag bskyed kyis phyir
'gro thub tsam byung/ dgun thog tre hor gzhi tshe brgya dpon
tshang gi chos mdzad ngag dbang rdo rje zhes pa ser byes nang
slob gnyer legs gras shig yod pa de dang/ de'i spun bu don

@121b grub rnam rgyal gnyis nas bskul ngor thog mar nor gling
las shag tu chos zhu lnga bcu skor zhig la lam rim bde lam gyi
nyams khrid 'chad 'go btsugs te nyin shas song mtshams/ chos
zhu'i khongs ser byes kyi dge 'dun slob gnyer ba 'ga' shas yod
stabs

nyin gcig sne mgron mkhan chung thub bstan legs smon kho bo'i
sar phebs nas da res 'di ga nor gling du lam rim gnang rgyu de
bzhin rkun ma nang la bzhag nas sgo lcags phyi'i dpe ltar 'dug
gshis re zhig mtshams 'jog byas na legs/ zhes gsungs par

brten lha sa'i rang shag tu gnas spos kyis don gnyer ba brgya
skor zhig la lam khrid 'phro skyong byas/ ^skyabs mgon srid
skyong rin po che bdag nyid chen por song gshis de lta'i thugs
dogs kyi rnam pa ye med kyang/ sne mgron rang nyid blo chung gu
dog grib

ma sha zar dogs pa'i dogs pa sdun bsus byas tshod du gda'/ /rang
lo zhe bdun pa me phag lor/ rgyal zur rwa sgreng rin po che
dang/ srid skyong las thog stag brag rin po che rnam pa gnyis ka
spangs rtogs mthon por gshegs pa'i

bdag nyid chen por rtsod med du grub kyang/ sangs rgyas byang
sems rnams kyis gdul bya'i mos ngo dang 'tshams par gdul bya 'dul
byed/ dag dang ma dag /bdud dang srin po sogs gang 'dul sgyu
'phrul gyi rol pa ci yang ston pa chos nyid stabs

thun mong gdul bya'i snang ngor/ 'jam mgon sa paN gyis/ rtag tu
'byed la brtson pa'i mis/ /mdza' bo brtan pa'ang phyed 'gyur te/
/chu yis rtag tu gtses gyur na/ /brag la ser ka mi 'byung ngam/
/gsungs pa ltar/ stag brag rin po cher

@122a @#/ /phyag mdzod bstan pa mthar phyin dang/ sne mgron thub
bstan legs smon/ mkhan drung ngag dbang rnam rgyal sogs dang/
rwa sgreng rin po cher sku mched dza sag dang/ bzhi sde smyung
gnas sprul sku/ ser byes

mkhar rdo sprul sku sogs zhabs 'bring 'ga' shas kyis dbyen bcos
te log pa'i snyan bskyod du ma snga phyi rim gsog rkyen gyis
phan tshun dgongs pa snod gcig tu ma gyur pa lta bus rwa sgreng
phyogs gtogs nas rang nyid rlag par byed pa'i cho ga dang po
srid

skyong stag brag rin po che'i sku la bdo ba'i rnam pa thon
gshis/ srid skyong dang bka' shag lhan thog nas zla ba gnyis
pa'i tshes nyer gsum gyi nub mo glo bur du bka' blon zur khang pa
dbang chen dge legs dang/ lha klu ba tshe dbang rdo rje gnyis
grwa bzhi dmag sgar

nas 'go dmag gang 'tshams dang bcas rwa sgreng du rgyal zur rin
po che gdan zhur thon 'dug pa'i gnas tshul sang nyin tsha rting
skabs tsam ma gtogs ma shes/ de skabs phran lha sa'i shag tu
sdod skabs 'khel bas bka' blon bla ma ram pa ba thub bstan kun

mkhyen nas gsang lan gnang ste da lta lam seng rtser bskyod
legs
dang/ bka' bla nyid kyang nyin shas rtser bzhugs dgos 'dug pas
phran gyi shag tu bzhugs sgrib ? dgos tshul gsung ba bzhin rtser
'phral bskyod byas shing/ de nyin phyi dro

bka' shag bka' 'brel rwa sgreng bla brang dang/ yab gzhis phun
khang gi mkhar dbang la sgo rgya thel bsnan thog rwa sgreng
dza
sag las zur gnyis dang/ phun khang bka' zur gung bkra shis rdo
rje yab sras gnyis bcas rtser 'gugs 'bod kyis

@122b las zhabs chabs cig gnas dbyung dang 'brel rtse shar chen
lcog gi khrims mun du btson 'jug do dam gnang zhing/ de'i sang
nyin rwa bla'i phyogs gtogs mkhar rdo sprul sku dang/ bzhi sde
smyung gnas sprul sku/ tre hor sa 'du sogs kyi khang par sgo
rgya

do dam dang 'brel mkhar rdo dang/ sa 'du 'gyur med bcas kyang
rtse shar chen lcog tu do dam gnang/ smyung gnas bla ma 'ju
bzung bya nye'i skabs gsang bros kyis me mdas rang srog bcad
'dug /zla ba gnyis pa'i tshes nyer bdun nyin rwa sgreng rin po

che phan po rgo la dang/ se ra'i dgon mdun tshes gsum thang bcas
rim brgyud rtse pho brang la g.yas bskor gyis zhol shar sgo nas
rtse shar chen lcog tu gdan zhus do dam 'brel srung 'doms 'go
dmag mang po 'jog gnang dang/ bod ljongs tshogs 'du

rgyas pa'i sar rwa sgreng rin po che dri ba zhu bzhes slad
rtse'i bde yangs shar gyi gsum skas brgyud srung 'doms ci che'i
thog nas yar mar gdan drangs pa phran rang gi sdod gnas rtse'i
las shag nas mjal gyi 'dug stabs sngar gzhung sger gnyis kyi
zhabs 'bring

du ma'i 'khor tshogs dang bcas gzi brjid dang ldan par phebs
bzhin pa'i bla dpon chen po de da cha khrims mun du bzhugs te
zhabs 'bring gcig kyang med par dmag mis bskor nas nyin ltar
tshogs 'dur zhu 'bul du phebs dgos pa'i 'o rgyal de ci drag snyam

yid blong blong por gyur kyang bya thabs zad/ rwa sgreng rin po
che zla ba gsum pa'i tshes bcu bdun mtshan mo btson khang du sku
gshegs zin tshul thos par de'i snga nyin der rwa sgreng rin po
che zhu thag chod de bka' nyes 'char gzhi 'god phyogs skor tshogs
'du ba rnams

@123a @#/ /dgongs pa mthun min byung yod tshod stabs rin po che
rang nas bka' nyes babs lci phebs dogs kyis bsam bzhin rang
dbang gis gshegs pa yin nam/ glo bur gzhan rkyen zhig byung ba
ji yin cha ma 'tshal zhing/

rjes sor btson srung ba'i 'go 'doms pa dag gis gsang stabs
dkrongs skad sogs lkog tu gleng brjod mang tsam zhig kyang
thon
tshod snang/ rwa sgreng sku mched dza sag dang/ mkhar rdo sprul
sku gnyis tshe sgo tshe lcags dang bcas nor gling sku srung dmag
sgar du

btson khang phyi nang nyis rim gsar bcos kyis tshe btson sogs le
thog che chung tshang mar yang tshogs 'du rgyas pa nas bka' nyes
babs lci gnang song zhing/ phun khang bka' zur yab sras dang/ sa
'du 'gyur med gnyis rwa bla dang 'brel zab che stabs

thugs dogs kyis thog mar do dam btson 'jug gnang ba tsam las/
rjes sor bya ngan lag sbrel gyi nongs pa med pa gsal thon stabs
mkhar dbang phyir stsal thog ci bder gnas 'thus thob/ skabs der
ser byes grwa tshang gi las sne byings la dbang

jus med par rtse nya sprul skus gtsos pa'i grwa mang khyon che
bsdebs tshogs kyis gzhung sar ya bzung rgol 'dzings zhu rtsis kyi
zing cha che tsam byung stabs/ gzhung gnas nas bka' blon ka shod
pa chos rgyal nyi ma dang/ dmag spyi dza sag skal bzang tshul

khrims/ mkhan drung ngag dbang rnam rgyal/ rtsis dpon nga phod
pa ngag dbang 'jigs med dang/ rnam gling pa dpal 'byor 'jigs med
bcas gra bzhi dmag sgar du phebs te dmag bskul 'brel se rar
'phyar rgyag gdengs gsum gyi dpung

@123b 'jug bsdigs bskul gnang bas ser byes dge 'dun rnams nas
gus bkur gnang ste dmag 'thab rgya cher ma gyar tsam byung
song/
rwa sgreng dgon du bla brang gi zhabs gras rnams kyis bla brang
gi sgo rgya dam srung ba gra bzhi ba'i dmag mi bcu bdun bsdebs
bsad

btang gshis gzhung nas dmag spyi skal bzang tshul khrims dang/
byang spyi zhwa sgab pa blo gsal don grub can dpung dmag khyon
che bcas gtong gnang mdzad gshis rwa sgreng gdan sar me sgyogs
'phen pa dang/ gtsug lag khang gi rten gsum mchod

char do phog ci che/ rwa sgreng bla brang gi sku chas rmug 'dzin
dbang po'i bang mdzod la 'gran bzod pa de dag dmag mis 'phrog
'khyer dang/ gzhung bzhes bcas kyis rtsa med du 'thor ba sogs
srid pa 'khor ba'i bde sdug mi brtan glog gi lce ltar yud yud

g.yo zhing 'gyur ba'i ngang tshul mtha' klas pa zhig byung ba
'di dag la bsam tshe 'di snang snying po med pa'i bya gzhag tshang
ma btsan chod du bskyur te ri dwags rmas ma bzhin dben gsum
bdud
rtsis bran pa'i ri sul du 'phral bskyod kyis 'phags pa'i rigs
bzhi la

gnas te sgo gsum dben pa la sbyor ba'i ngos nas rtse gcig sgrub
la gzhol dgos par snang yang/ tshe 'di'i snang zhen a 'thas kyi
'ching ba dam ches bas rang g.yeng gzhan bslu'i bya ba'i 'phro
gcod ma thub par lus/ gong gi gnas tshul 'di dag gis

rkyen pas srid skyong rin po che dang/ rwa sgreng rin po cher
phyogs so so'i skye bo du ma zhig gis sgro skur sna tshogs zhus
song yang/ gdul bya'i snang tshul dang las dbang mthu btsan pa'i
dbang du byas na nges pa med pa 'phags pa mau'u gal bu dang/

@124a @#/ /dgra bcom pa 'char ka /mnga' bdag khri ral sogs kyi
byung ba bzhin du dam pa'i mdzad pa la skyon du mi gdags par
rang nyid bag yod la gnas dgos rigs su gda'/ lar nas mdza' bshes
kyi tshoms las/

gal te sdig pa byed pa dag /sdig mi byed pas bsten na yang/
/sdig pa byed par dogs skye zhing/ /mi snyan pa yang 'phel bar
gyur/ /bsten bya ma yin bsten pa'i mi/ /de yi skyon gyis skyon
can 'gyur/ /dong par dug bskus mda' bcug pas/

dug ma bskus pa'ang gos pa bzhin/ /zhes dang/ 'jam mgon sa paN
gyis/ skye bo dam pa ngan pa dang/ /'grogs na ngan pa'i shan du
'gyur/ /ganggA'i chu ni rab zhim pa/ /rgya mtshor slebs na ba
tshwar 'gyur/ /zhes gsungs pa ltar

^skyabs mgon srid skyong stag brag rdo rje 'chang mchog ni gsum
ldan rdo rje 'dzin pa chen po dkyil 'khor rgya mtsho'i bdag nyid
dam pa'i chos kyi 'khor los sgyur ba chen por bzhugs shing/
rgyal zur rwa sgreng rin po che yang sku gzhon nu'i skabs dwags
por

bzhugs dus brag la shing phur btab pa dang/ rdo la zhabs rjes
bzhag pa'i zhabs rjes rwa sgreng gi mchod khang chen mor gdan
drangs pa dngos su mjal rgyu mchis pa sogs dam pa'i rang rtags
gsal ba zhig yin rung/ spyir na skye 'gro'i

bsod nams dman pa dang/ gnyis su na stag brag rin po che dang/
rwa sgreng rin po che rnam gnyis kyi zhabs 'bring gong smos
rnams dang/ de dag gi rjes su 'brangs pa'i skye bo yid srubs kyi
chang gis snying myos te 'phral yun gyi bde ba

@124b 'joms pa la dpa' ba dag gi phyin ci log gi byed pa ngan
pa'i rgyus skye bo tshan po che zhig zhing khyad par can bla ma
dang/ dkon mchog gsum la brten pa'i las ngan gyi phung po mi
bzang pa la sbyar ba sogs 'gro ba thams cad kyi gnyen gcig bla
ma chen po

de lta bu dag kyang thun mong snang ngor bzang po'i mdzad
'phrin
la zhabs 'bring ngan pa'i shan gyis bslad pa'i ngang tshul 'di
dag la bsam na/ bcom ldan 'das kyis kyang 'khor dag dang ma dag
gis bung 'tsheng chen po 'byung bar dgongs nas mdo du

mar/ 'khor dag par dgos par gsungs pa de thugs mad par snang/
dbyar thog tre hor sa 'du tshang gi mi ngo bsod chos can gyis
bskul ngor sbyar rag gling khar rnam grwa'i tshogs khang chen
mo'i mdun thang der 'dus pa sum stong brgal bar bla

mchod rtsa tshig dang/ bka' chen gsung khrid yig chen mo sbrags
pa'i steng nas bla mchod khrid dang/ paN chen chos rgyan gsung
phyag chen rtsa 'grel sbrags pa'i steng nas dga' ldan phyag rgya
chen mo'i zab khrid rgyas par 'chad khul byas/

de'i rjes sku 'bum mi nyag rin po che'i drung nas rje'i gsung
drang nges legs bshad snying po dang/ dbu ma dgongs pa rab gsal/
mkhas grub gsung stong thun skal bzang mig 'byed/ gung thang
gsung bstod pa don ldan ma'i 'grel pa/ blo sbyong

nyi ma'i 'od zer dang/ tshig brgyad ma/ mtshon cha 'khor lo bcas
kyi bshad lung nod/ de lo son mtshams gong sa skyas mgon chen po
mchog sngar srol gdan sar chos zhugs dang/ mtshan nyid gsan
bzhes
dgu 'dzugs slad 'bras

@125a @#/ /spungs su chibs rag rgyas gshoms dang bcas chibs
bsgyur bskyangs pa'i chibs zhabs su bcar zhing/ kun dga' ra ba'i
bar thog las shag cig tu bsdad/ srid skyong rin po che nas sngar
lam gdan sa

gsum gyi mtshan nyid grwa tshang bdun nas mtshan zhabs re re bsko
gzhag gnang srol ltar/ sngon yod kho bo cag gsum gyi steng du
blo gling rgyal rong dge bshes blo bzang don ldan/ bde yangs dge
bshes chos 'phel dga' ba/ ser byes har gdong

dge bshes dngos grub mchog brnyes/ dga' byang gser kong thugs
sras thub bstan stobs 'byor bcas 'phar bsnon bsko gzhag stsal
song/ mdzad chen dngos gzhi'i nyin kun dga' ra ba'i chos rar
gzhung zhabs ser skya yongs rdzogs

dang/ gdan sa gsum gyi mkhan po bla sprul sogs tshang 'dzoms gral
'khod thog /^gong sa mchod yon rnam gnyis/ ^skyabs rje yongs
'dzin gling rin po che/ nged tsho mtshan zhabs bdun bcas nas rgyan
drug mchog gnyis kyi bstod

pa mkha' mnyam ma dang/ 'jam dpal mtshan brjod kyi chos kyi rgyal
mtshan legs par 'dzugs/ zhes pa'i bar gsungs rjes srid skyong rin
po ches phar phyin gyi dbu nas brtsi gzhag gnang bar/ ^gong sa
mchog dang/ mtshan zhabs

gsar rnying tshang mas tshar gcig sdeb skyor zhus rjes/ ^gong sa
mchog dam bcar bzhugs pa la nged rang nas bzung ste mtshan
zhabs/
bdun gyis phar phyin gyi dbu nas brtsams pa'i rtags bsal re
phul/ mjug tu phran nas tshig bkra brjod/

@125b sngar srol ston chen dkar spro rgyas gshoms dang bcas
mdzad sgo grol/ de nas nyin so sor tshogs chen dang/ grwa tshang
khag bzhi/ rnam rgyal grwa tshang/ bkra shis khang gsar/ dge
'phel ri khrod bcas la sngar srol mdzad chen gyi chibs zhabs

su bcar/ 'bras spungs kyi mdzad chen grub nas mar lam gnas
chung
lcog tu chibs bsgyur gyis sprul pa'i chos rgyal chen po rdo rje
grags ldan spyan 'dren thog /chos skyong nas bse 'bag smug chung
sogs rten rdzas rnams ^gong sa chen por gsang

stabs kyis spyan zhu mdzad song bar zur mjal thob/ de nas spa
ri'i ri gsham brgyud se ra theg chen gling du chibs bsgyur gyi
chibs gral du bcar/ se rar tshogs chen 'du khang gi ltag sgo'i
nye 'gram ldan ma khang tshan gyi yang steng du bsdad/

se rar yang tshogs chen dang/ grwa tshang gsum/ ha ra gdong khang
tshan bcas par ^gong sa mchog chibs bsgyur mdzad zhabs su bcar/
^gong sa mchog sngar grol pha bong kha'i ri khrod du chibs
bsgyur mdzad ring dgongs zhus kyis bkra

shis chos gling ri khrod du bskyod de ^skyabs mchog rdo rje
'chang gi mchog sprul rin po che mjal zhing tshe dbang sogs lung
chos 'ga' shas phul/ se ra'i mdzad chen grub rjes rtse pho brang
du chibs bsgyur bskyangs pa bzhin kho bo yang rtser bskyod

bsdad byas/ gsum ldan rdo rje 'dzin pa chen po rgyal rong dge
bshes blo bzang bsam 'grub rin po che nas dpal ldan smad rgyud
pa'i lha sa'i grwa khang lcang lo can gyi gtsang khang sbug tu
rje yab sras gsum gyi snang brnyan thog tshad gnyis tsam pa gsar 

@126a @#/ /bzhengs mdzad pa'i rab gnas su yong dgos gsungs pa
ltar smad rgyud grwa tshang gi dge 'dun tshogs yongs dang lhan du
dpal gsang ba 'dus pa'i sgo nas rab gnas rgyas pa dge legs char
'bebs sbyor dngos mjug

gsum cha tshang bsgrubs shing/ mjug chog nyin yon bdag bsgo ba'i
skabs dge bshes rin po che rang nyid dang/ nyams gso'i do dam
tha'i ji shan kha ba bcas phebs par rab gnas kyi yon bdag bsgo
ba'i bshad pa rang blos gang nus spros

te bkra shis rdzas brgyad 'bul ba sogs rgyas par byas/ ston mjug
^gong sa mchog rtser zhabs sor 'khod rjes ^skyabs mgon srid
skyong rin po che'i bka' las/ rtse po tA la'i gzim chung dpe
mdzod khang steng shod du ^rgyal mchog na rim gyi

gzigs dpe khyon cher bzhugs pa rnams ^rgyal mchog sku gong ma'i
skabs ser smad tsha ba khri sprul la dkar chag 'god du 'jug gnang
mdzad pa lam hrob tsam las zhib 'god mjug 'khyongs byung tshod
med gshis khyod rang nas 'gan 'khur thog /

mtshan zhabs dge bshes rnams dang bcas zhib bsher mjug skyong
zhu
dgos phebs pa bzhin bka' stsal khur du bzod par byas te/ pho
brang dmar po'i dbu rtse byang ngos kyi dpe mdzod khang steng
ma'i nang bzhugs gsung rab pod grangs sum stong skor

bzhugs pa rnams phar tshur gdan zhu dang/ na bza' glegs thag sogs
bshig sgril rogs byed rnam grwa'i dge 'dun bco lnga skor gyis
gnang ste/ rtsa'i gzim chung sa gsum du nged tsho mtshan zhabs dge
bshes bdun nas nyin grangs mang po'i ring

@126b dkar chag rnying pa dang go bsdur zhib bsher thog /'khrug
sdeb dang/ gsar 'god zhu rgyu sogs rung zhib tshags kyi khul du
zhus shing/ gzigs dpe'i khrod du rje btsun mi la'i 'khrungs
khang gi mdo sde dkon mchog brtsegs pa dang/ bu ston thams

cad mkhyen pa'i gzigs dpe bu ston rang nyid kyi phyag bris mchan
'byar can/ gzhan yang mkhas grub nor bzang rgya mtsho/ zhwa lu
lo
chen chos skyong bzang po sogs sngon gyi mkhas grub tshad ldan
grags can du ma'i gzigs dpe phyag bris phyag bstar

ma dang/ mchan 'khod kyi rigs mang po/ ^rgyal mchog lnga pa
chen
po'i gzigs dpe zhal yig gi gsham du/ bdag za hor gyi sngags
smyon bzhad pa rtsal gyis lag len du bstar zhing rtags kyang
mang du byung ba lags so/ /zhes phyag bris

'khod pa sogs lnga pa'i phyag bris can mang po dang/ sde srid
sangs rgyas rgya mtsho'i phyag bris kyi mchan 'khod sogs mdor na
rgyal ba'i bka' dang/ de'i dgongs 'grel du gyur pa'i mdo rgyud
kyi bstan bcos grub mtha' ris su mchad pa'i mkhas

grub gong ma rnams kyis mdzad pa dag dang/ rgyal rabs chos
'byung/ phyi nang thun mong ba'i tha snyad rig pa'i gtsug lag
skor sogs bsam brjod kyi yul las 'das pa lta bu snang zhing/ de
dag gi khrod na nged rang gis de sngon mthong ba lta ci

mtshan tsam yang ma thos pa'i dpe rgyun dkon pa ches mang ba
zhig
'dug pa skabs der 'ol spyi re tsam las lhod mjal gyi go skabs ni
ma thob/ de ga'i mjug mthud du rtse pho brang shar brgyud gzim
chung nyi 'od chen mo dga' ldan snang gsal du

@127a @#/ /phyag dpe mang rab cig 'dug par yang dkar chag zhib
'god zhus/ dpe mdzod khang shod kyi nang du'ang gsung rab glegs
bam ha cang khyon che bzhugs par rjes sor dus skabs gang 'os
shig tu zhib 'jug zhu

dgos yod ces phebs kyang rim lus su song/ /rang lo zhe brgyad pa
sa byi lor tshogs mchod grol rjes zla ba gsum pa'i yar tshes nang
rgyud stod mkhan po las thog pa 'bras blo gling mi nyag skyor
dpon blo bzang yon tan gyis

bskul gnang bzhin lha ldan rwa mo che'i rgyud stod chos rar
rgyud stod dge 'dun tshogs yongs gtso bzung gi 'dus pa bzhi stong
skor la gsang bde 'jigs gsum gyi dbang chen sta gon bcas nyin
lnga dang/ rtse drung blo bzang rgyal mtshan gyis bka'

shag e drung bkras tshe 'das po'i dge rtsar bskul ngor thugs rje
chen po'i dbang chen bcas bul/ 'di skabs ^skyabs gcig bka' drin
mtshungs med rdo rje 'chang pha bong kha pa'i yang srid mchog
sprul rin po che yang gsang sngags bla med kyi dkyil

'khor du thog mar 'jug pa'i rnam thar bzung/ shar phyogs dwags
po bshad sgrub gling grwa tshang gi dge 'dun rnams ^gong sa mchog
gdan sa'i chos zhugs mdzad chen legs 'bul brtan bzhugs bstar bar
phebs 'byor skabs las sne

rnams kyis bskul ngor/ bzhi sde grwa tshang du dwags grwa'i dge
'dun gtso gyur gyi chos zhu ba lnga brgya skor la thugs rje chen
po'i dbang chen dang/ dri rjes sku bcar mkhan chen rtse drung
blo bzang skal bzang gis sku mched skal ldan tshe ring 'das

@127b bo'i dge rtsar bskul gnang bzhin/ lha ldan tshe smon gling
grwa tshang gi 'du khang du 'dus pa sum brgya lhag tsam la rdo
rje rnal 'byor ma'i dbang bzhi byin rlabs dang/ rim gnyis khrid
nyin brgyad bcas bgyis/ 'di lo gzhung gnas nas dga' ldan

tshogs chen 'du khang nyams gso legs grub thog srid skyong stag
brag rin po che rab gnas slad chibs bsgyur bskyangs pa'i gsung
zhabs su phran dang/ rnam grwa'i chog grwa bcas bcar te rab gnas
rgyas pa nyin gsum mdzad cing/ rab

gnas kyi zhi rgyas sbyin sreg srid skyong rin po ches mdzad rgyu
sku ngal stabs kyis mdzad ma grub par brten kho bos byas/ tshogs
chen 'du khang zhal bsro'i rten 'byung mtshon byed du mang ja
dang/ bzhes thug 'bras tsha legs pa/ sku 'gyed bcas

kyi mchod sprin spros/ srid skyong rin po che lha sar sngon
phebs grub rjes tshogs chen nyams gso'i ar las do dam tha'i ji
shan kha ba 'gyur med bsod nams stobs rgyal gyis bskul gnang
bzhin/ tshogs chen chos rar shar byang dge 'dun

rnams dang/ ar las 'go dmangs bcas par rje tshe 'dzin ma'i tshe
dbang zhig phul/ rgyud stod grwa tshang gi dge 'dun rnams lo ltar
brag yer bar dbyar phyi ma'i zhal bzhes dbyar chos skabs gsang
bde 'jigs gsum gtso gyur gyi dkyil

'khor bri thig slob sbyong dang/ mkhan po dang bla ma dbu mdzad
nas rgyugs bzhes mdzad mus kyang/ dkyil 'khor blos bslang skor
ngag thog nas dri bzhes tsam las gnang srol ma mchis stabs/ lag
len dngos su mthong goms shig med na blo

@128a @#/ /gros dman pa rnams kyis yig thog nas ji bzhin rtogs
dka' bar brten 'di lo nas bzung lo ltar blos bslang dngos
bzhengs kyi lag len slob khrid chag med mdzad rgyu mkhan bla
las
sne rnams dang gros bsdur gyis gsar du btsugs

skabs 'di shed du nor gling gru 'dzin pho brang du srid skyong
stag brag rdo rje 'chang gi drung nas/ ^gong sa mchog dang lhan
cig ^rgyal dbang lnga pa chen po'i dag snang gsang ba rgya can
gyi dbang yongs rdzogs nod/ /rang lo zhe dgu pa sa glang lor/
dpyid dus rgyud smad

dge slong gsar sgrub tshogs khag nas bskul ba bzhin lha sar rgyud
smad grwa khang du rgyud grwa stod smad kyi mkhan bla dge 'dun
rnams dang/ gdan sa gsum gyi bla sprul dge 'dun sogs khyon cher
gsang bde 'jigs gsum gyi dbang chen dang/ gsang bde 'jags

gsum gyi sngags btu'i rjes gnang/ mgon po/ chos rgyal/ lha mo/
rnam sras bcas pa'i rjes gnang/ 'jigs byed dpa' bo gcig pa'i
bdag bskyed rgyun 'don dam bca' can chig stong tsam la 'jigs
byed dpa' gcig gi dbang chen bcas phul/ rang lo zhe dgu'i

skeg thog gi rkyen sel dang/ 'das son 'brel thogs rnams kyi dge
rtsar dmigs sa ga zla ba'i nang mdun g.yog dpal ldan rogs zla
dang bcas ched btang gis 'ol kha khul dang/ bsam yas/ khra 'brug
sogs lho gnas khag gi gnas rten rnams la

mchod sprin gyi bsod nams mngon par 'du byas/ 'di skabs ^gong sa
mchog la sum cu pa dang rtags 'jug gi mdzub khrid rim 'bul zhus/
zla ba lnga pa nang lha ldan bye sti gling nang gnas sdod bsod
nams rin chen khyim spyi nas dman blo bzang sgrol ma de nyid kyi

@128b dge rtsar bskul ngor bzhi sde'i 'du khang du gdan sa gsum
gyi bla sprul dge 'dun gtso gyur gyi 'dus pa chig stong lhag
tsam la sgrub thabs rin 'byung brgya rtsa nas bshad pa'i lha
tshogs rnams kyi rjes gnang phul/ nor gling pho brang du dbyar
khas blangs kyis sdod mur zla ba

drug pa'i tshes nyer lnga nas bzung rgyu tshad kyi nad ro rnying
pa 'phar ldang gis bshal 'grims ha cang che bas mnar bzhin yang/
zla ba bdun pa'i tshes gnyis nyin nor gling zho ston lha mo'i
zlos gar gyi gzigs mo'i mdzad sgo'i sar gzhung zhabs skya ser
yongs rdzogs

bcar dgos stabs kyis chu tshod gcig tsam sdug rus kyis bcar bas
'khrugs rkyen gyis de nub mtshan mo lto bar gzer zug ha cang che
ba dang/ bshal 'grims lhag par shugs ches rkyen pas gzugs babs
'or lhungs 'gul bskyod ma thub par mal khri'i mdun du

rang sar nyal dgos sogs kyi nad babs gzhi lcis gzugs po'i drod
nyams dran pa mi gsal ba byung ba/ skabs der mdun g.yog dpal
ldan gyis rlung sman a gar so lnga rtsam pa dang bsres pa'i
'dug pa dang/ mgo bo dang/ ngo gdong la lag pa'i sbar drod kyis
bsro

ba sogs byas gshis de nub 'khyol tsam byung zhing/ sang nyin
snga mor bod gzhung sman rtsis khang gi sku ngo sku bgres mkhan
che mkhyen rab nor bu dang/ sku gzhon mkhan chung thub bstan
lhun grub rnam gnyis gdan zhus rtsa chur brtag skabs rtsa chu'i
rtags gang

ci nas 'tsho re bral ba lta bu byung yod tshod 'dug stabs sku ngo
rnam gnyis zho ston mdzad sgo'i sa nas yang yang re mos kyis
phran rtsar gzigs par phebs te sman sbyor gzab 'bungs gnang ba
dang/ rkyen sel rim gro gtos che sgrub pa sogs kyi byin

@129a @#/ /mthu dang/ dad ldan rnams kyi mgo bo mgal me ltar
bskor ba'i dkor nag za skal ma rdzogs pa lta bus rim pas lto
ba'i gzer zug phran bu chag pa sogs cung zad ngo dkar du song
ste tshes bzhi nyin phyi dro sku bcar gzim

dpon mkhan po byams pa chos bzang dang/ rtse mkhan mgron che
ba pha lhab thub bstan 'od ldan rnam gnyis nas ^rgyal dbang mchog
gi phebs byams gdan zhu ba tshos nang sbyong zhu sa'i do li dang/
phebs byams pa rang 'grigs ched gnyer gtong

gnang mdzad byung ba ltar/ do li'i nang btegs te nor gling nas
lha sa'i shag tu gnas spos byas shing/ bshal 'grims chod rjes
chu gzhis bro 'tshal ba sogs kyis nad yun zla gsum tsam ring
'gor/ gzhis dgon cha phreng du gser

zangs las grub pa'i tshe dpag med kyi sku thog tshad phyed gnyis
tsam dang/ sgrol dkar dang rnam rgyal ma'i sku mi tshad lhag nges
bcas gsar bzhengs bya rgyu'i sku gzugs byings khams su bzhengs
rgyu'hrtsis kyis zhal khyim bzo bkod byon

legs khyad lha sar gsar bzhengs la phra rgyan nang gzungs bcas
rang 'grigs khams 'grul phyir log gdong bskur zhing/ cha phreng
dgon yul nas kyang kho bo'i ngag bkod bzhin sku gsum gyi sku
gzugs bzhengs rgyu dang/ grwa tshang 'du

khang gi g.yas der tshe dpag lha khang gsar bzhengs sogs mjug
skyong byas 'dug /dgun thog rtse pho brang du sdod skabs ^gong
sa mchog nas chos rgyal yang gsang dug ri nag po'i phyi nang
gsang ba'i rten rdzas cha tshang gsar bzhengs zhu dgos

@129b phebs pa bzhin sku'i rten du ^rgyal mchog ^gong ma'i spur
ras la phyug rdzas rams gzhung nas bshad pa ltar legs par
byugs shing/ gza' skar byed sbyor drag cing rtsub pa'i nyin bzo
bo lha b

[@##data incomplete here]

@131a @#/ /dang dngul gyi zla ba/ mtshon gru/ byang dmar/ sho rde
dkar nag sogs ^rgyal mchog dge 'dun rgya mtsho'i gsung lha mo'i
las gsum rnam gzhag dang/ ^rgyal mchog lnga pa'i dag snang
gsang ba rgya can gyi bu yig

sogs las gsungs pa ltar tshad ldan du 'du bgyis shing/ rten
bskyed rab gnas sogs legs par bsgrubs rjes shing sgam rtsi nag
drag po'i mtshon ris can gyi nang rgyas btab ste rtse pho brang
gi gzim chung mtshan gzim khang du lha mo'i spyan sngar bzhugs

gsol zhus/ skabs 'di shed cig tu nor gling gzim chung dbu rtse
byang chub dga' 'khyil du ^gong sa mchog dang lhan cig ^skyabs
rje yongs 'dzin gling rin po che'i zhal snga nas las skyid shod
pa'i yig cha'i steng nas gdugs dkar lha bcu bdun ma'i dbang

chen thob/ /rang lo lnga bcu pa lcags stag lor/ mtshams khungs
btsun ma phun tshogs 'da' mo'i dge rtsar rjes mjug rnams nas
bskul ba bzhin dpyid dus lha ldan mtshams khungs btsun ma'i dgon
du don gnyer ba brgya lhag tsam la bde

mchog dril bu lha lnga dang/ dril bu lus dkyil gyi dbang chen/
dril bu lus dkyil gyi bskyed rdzogs nyams khrid/ rdo rje rnal
'byor ma'i dbang bzhi byin rlabs dang/ bskyed rdzogs zab khrid
bcas rim par byas/ ser byes mkhan po tre hor thub

bstan bsam gtan nas bskul gnang bzhin se ra'i dbyar gnas skabs
ser byes mkhas snyan grwa tshang gi 'du khang du grwa tshang byes
smad sngags gsum gyi dge 'dun mang che ba dang/ gzhan yang lha
sa dang 'bras spungs nas se rar nyin ltar snga dgong phar

@131b tshur phebs 'grul gyis chos don gnyer ba'i dge 'dun mang po
sogs 'dus pa lnga stong la nye bar lam rim bde lam dang/ myur
lam/ 'jam dpal zhal lung gsum sbrags kyi steng nas lam rim nyams
khrid dang/ blo sbyong don bdun ma'i khrid/ thun

drug bla ma'i rnal 'byor gyi khrid bcas zla gcig lhag tsam ring
gzhung brgyar nang byan tshud pa'i mkhas mang rgya mtsho'i dbus
su
gzig lpags gyon pa'i mgrin bzang gi ngang tshul lhur blangs/ de
skabs chos nyan gyi gral du 'bras spungs blo gling dge bshes ye
shes blo

ldan zhes gdan sa gsum gyi mkhas pa'i khrod na grags che ba
khong yod pa lam rim tshar rjes nyin gcig phran sar phebs te/ da
lam khyod kyi lam khrid 'di tshig gi bshad yam tsam min par nyams
myong don thog 'dril ba'i legs po byung tshul gyi mnyes

mnyes mdzad kyin 'dug pa/ rang la nyams len gyi gtad so sne gcig
med kyang pha bla ma bka' drin mtshungs med chen po'i gsung gi
lad mo 'phrin skyel gyi tshul bskyar ba kha bshad don stongs bro
pa'i chos bshad yin pa de khong gis ma dgangs par snang/  

de lo dbyar stod du lha sa'i lho phyogs bum pa ri'i thad na zhog
pa tho rengs than skar du ba mjug ring zla gcig tsam shar ba
dang/ se rar lam rim 'chad skabs der nyin gcig mtshan mo srod yol
tsam la se ra'i lho phyogs gra bzhi dmag sgar gyi thad tsam gyi
nam

mkha' nas glo bur du me mda' mang po rgyab 'dra'i sgra skad
grags shing/ de'i mjug thog tsam nas sa g.yos ha cang che ba
yun ring rgyab ste ser byes grwa khang gi dbu rtse'i gser zangs
kyi ganydzir dang/ rgyal mtshan gyi dril bu rnams kyang sil sil
du

@132a @#/ /rang khrol byed kyi 'dug pas kho bo grwa khang gi yang
steng gzim chung du bsdad mus stabs thog mar 'jigs skrag che
tsam byung yang zhib tu bsam tshe las ma byas pa dang mi 'phrad
cing byas pa chud mi za ba'i tshul la blo gdeng

bcas/ gnam mda'i sgra skad de dang sa g.yos de bod sa khul yas
mas mang po zhig la dus mtshungs su byung 'dug pa/ kla klo rgya
dmar gyi dug rlangs de 'ongs nye'i than ltas su snang/ tre hor
be ri dge rtag sprul sku rin po che chab mdor phebs te rgya

dmar gung bran gyi bsam sbyor ngan g.yos bod sar lhags nyen
sngon 'gog ched rgya bod gnyis dbar bar gzu'i 'phros mol gnang
sar thugs sems lhad med kyis phebs 'dug pa/ rin po che mchog
srid skyong stag brag rin po che'i sku mdun nas mdo

sngags gsung chos mang po gsan cing/ kho bo dang yang sngar nas
bla slob 'dris zab che bas rang re'i bstan lar dad zhen bcos min
du mnga' bas phan thogs gang thub mdzad rgyu las/ gnod 'gal log
sgrub kyi rigs gnang dogs ye nas med

kyang/ spyi mthun gegs dbang lta bus grib ma 'drer mthong gi
skye bo 'ga' zhig gi byed las kyis dge rtag sprul skur rang
gzhung nas thugs dogs rnam pas chab mdor yun ring bkag 'gog
dang/ mtha' ma dug sbyor byung skad sogs gang ltar

chab mdor sku gshegs te bod du ngo phebs thub pa byung ma song
bar blo 'gyod yid khol las ci bya ma mchis/ zla ba dgu pa'i tshes
brgyad nyin rgya dmar gung bran gyi dbung dmag chab mdor glo
bur
lhags 'byor gyis bod dmag rnams kyis ma bsten

@132b par rang sa rim shor dang/ mdo spyi bka' blon nga phod ngo
las/ zhi drag 'go gtso khyon che bcas chab khongs gru gu dgon
nas rgya mis btsan bzung btson 'jug byas tshul sogs kyi gnas tshul
je zhan je sdug tu song gshis ^skyabs mgon mchod yon rnam

gnyis dang/ bka' shag /drung rtsis bcas lhan rgyas nas nor gling
gzim chung nyi 'od 'khyil du gnas chung chos rgyal chen po dang/
dga' gdong chos skyong shing bya can 'phar ma'i spyan 'dren
gnang song bar/ dga' gdong chos skyong nas ^rgyal ba'i

spyan sngar brkyangs phyag dang 'brel ^gong sa chen po mchog
nas
gangs ljongs chab srid kyi mdzad khur bzhes rgyu dus la babs pa
yin zhes zhu gnang mdzad cing/ yang bskyar gnas chung nas
kyang
phyogs mthun bka' lung stsal ba bzhin/ de 'phral bka'

shag dang/ drung rtsis/ bod ljongs tshogs 'du bcas nas bka' bgros
dgongs mthun gyis ^rgyal dbang mchog la lugs gnyis thugs 'gan
bskyed bzhes yong ba'i gsol ba btab pa bzhin zhal bzhes thob
ste/ zla ba bcu pa'i tshes bdun nyin

^skyabs mgon srid skyong stag brag rin po ches bod rje'i khri
bshol bskyangs shing/ tshes brgyad nyin rtse pho brang chen po'i
tshom chen srid zhi'i phun tshogs su ston chen rgyas gshom dang
'brel ^gong sa mchog la bod ljongs lugs zung chab srid kyi gser
'khor phyag

mtshan du phul te mnga' gsol mdzad chen bskyangs/ de nyin rwa
sgreng dza sag dang/ mkhar rdo sprul sku/ rtse nya sprul sku/
bka' blon ka shod pa sogs kyis mtshon bod ljongs stod smad rgya
khyab yongs kyi khrims mun du tshud pa'i btson pa mtha' dag dus
gcig

@133a @#/ /tu dgongs yangs kyis glod bkrol mdzad/ de rjes rgya
dmar gyi dpung tshogs drag shugs je cher song stabs zla ba bcu
gcig pa'i tshes bcu skor la ^rgyal dbang mchog nas sku bcar mkhan
che blo bzang bkra shis dang/

rtsis dpon bde mkhar ba tshe dbang rab brtan gnyis srid skyong
las tshab tu bsko gzhag bskyangs te/ ^gong sa mchog dang/ srid
zur stag brag rdo rje 'chang/ yongs 'dzin gling rin po che/ bka'
blon/ drung rtsis sogs gzhung zhabs sku 'khor hrag bsdus kyis
gsang

stabs su rtse nas nor gling brgyud sa mtshams gro mo bar chibs
zhal bsgyur ba'i chibs zhabs su nged rang dang/ lha bu/ dpal
ldan/ rgyud smad sngags ram tre hor tshul khrims dar rgyas sogs
ngo 'khor nyung shas bcas lhan bcar zhus shing/

snga dro lha sa nas thon te mnyes thang bkra shis sgang du
bzhugs zhag sar bsdad de/ mnyes thang sgrol ma lha khang gi
nang
rten jo bo rje'i thugs dam rten sgrol ma gsung byon dang/ gser
gling pa'i gdung rten 'bral med mchod rten sogs mjal kha thob/

de'i nangs par ljang smad sa thog tu phebs skabs ljang dgun chos
su phebs pa'i gdan sa gsum gyi dge 'dun rnams nas ^gong sa mchog
ston 'khor chibs bsgyur mdzad kyi yod skad gsan thos kyis dge
'dun khyon che zhig gis phebs lam du

mjal sgug zhus 'dug kyang/ ^gong sa mchog na bza' dkyus chas
mnabs bzhes stabs zhal ma tshor ba'i ngang sngon phebs grub cing/
^skyabs rje yongs 'dzin gling rin po che dang/ kho bo der 'byor
skabs dge 'dun mang pos mtha'

@133b skor gyis rub ste g.yas g.yon kun nas kha btags dang/
dngul sogs 'phen gnang dang/ bshums shing rta kha bzung ste mi
gtong ba sogs byed dka' chen po byung bar/ dge 'dun rnams la
ring min mjal rgyu sogs thugs gso'i bka' mol

zhus/ dge 'dun rnams nas dngul mang po gtor ba rang sar lus
gshis lam zur gyi grong gseb pa rnams la dngul gyi dngos grub
phran bu thob tshod yin/ de nub chu shul gyi grong khyim zhig tu
bsdad cing der yang gdan sa'i dge 'dun mang po zhig

rjes snyegs kyis slar yang 'phrad sar phebs/ lcags zam gru kha
thon nas chu bo ri'i sgrub gnas su grub thob thang stong pa'i
gnas rten rnams mjal/ de nas gam pa la dang yar 'brog /kha ro
la/ rwa lung/ rgyal rtse/ phag ri sogs rim

brgyud kyis gro mo smad chu 'bir gro mo spyi khyab kyi las khang
du ^gong sa mchog bzhugs shing/ phran ngo 'khor dang/ rgyal
yum/
stag 'tsher rin po che sogs yab gzhis sku 'khor rnams chu 'bi bla
brang zhes pa'i khyim tshang gi steng shod so sor gra bsgrigs

'dug par gnas mal byas/ skabs der ^gong sa mchog ston 'khor
rnams phyi nang gnas tshul la dgongs bzhes kyis gnas skabs ring
gro mor bzhugs te rgya dmar dang zhi mthun gros mol/ phyi rgyal
khag la rgyab gnyer rogs mgon zhu bskul  

mdzad rgyu'i 'char gzhi lam tsam dod gshis phran dang/ lha bu/
rgyud smad tre hor chab ril tshul khrims dar rgyas sogs de gar
bsdad/ dpal ldan de sngon rgya bal gnas rnams mjal myong med
stabs rogs zlar tshong dpon blo bzang ye shes bcas

@134a @#/ /rgya gar dang/ bal yul khul gnas mjal du btang zhing/
gnas rten khag la mchod sprin spro rgyu'i lag sne mi nyung tsam
bskur bas mchod 'bul gang rgyas byung 'dug /rang lo nga gcig tu
son pa lcags

yos lo gsar skabs ^gong sa mchog dang/ yongs 'dzin gling rin po
che/ phran/ rnam grwa gsung zhabs bcas nas lha mo'i tshes gtor
'bul gnang dang/ bka' blon sogs gzhung zhabs ji yod bcas dgung
gsar gyi mdzad sgo stabs bde

zhig gro spyi khang du bskyangs grub mjug ^skyabs mgon srid zur
stag brag rdo rje 'chang gro smad bye mar bzhugs 'jags sar dgung
gsar gyi rten 'byung mjal phyag tu bcar/ dgung gsar tshes gsum
gzab gsol grub rjes ^gong sa mchog gro mo

smad bka' brgyud dgon par gnas gzigs bskyangs pa'i chibs zhabs
su bcar te zhag gnyis bsdad rjes ^gong sa mchog ston 'khor gro
stod dung dkar dgon du bzhugs mal gnas spos mdzad song bar/
phran tsho yang dung dgon grwa tshang gi

grwa shag khongs bon tshang grwa ngag dbang brtson 'grus kyi
shag
tu gnas mal bca' sdod byas/ ^gong sa mchog nas phran la mtshan
zhabs dar han gyi ming gnas rang 'jags thog /gzhung zhabs bka'
blon khyim pa'i gral gsham du sdod rgyu

mi 'gab pas bka' blon rnam pa'i gral 'gor bsdad 'thus kyis gnas
spar zhig stsal ba bzhin bka' bsgyur mjal dar dang/ gsar mjal
mtshon byed kyi rten 'brel stabs bde zhig kyang byas/ bka' tshab
bla ma bkra shis gling pa mkhyen rab

@134b dbang phyug nas sku mched phyag mdzod rgyal bstan rnam
rgyal gyi dge rtsar bskul gnang bzhin/ gro stod dung dgon
khongs
bkra shis chos gling ri khrod kyi 'du khang phyi nang du chos
nyan pa sum brgya skor la lam rim myur lam gyi khrid nyin bco
lnga skor dang/

mjug sems bskyed mchod pa dang bcas pa 'chad spel byas/ gro stod
dga' gling sgang bon po tshang gi mes po gong 'thus pha don yod
'das po'i dus nas bzung bla slob mchod yon du lo mang 'brel zab
che bas shul sdod nang mi rnams

kyis 'bod bskul ltar khyim tshang du bskyod de g.yang sgrub
dang/ tshe dbang sogs byas te nyin shas bsdad/ de sngon gro mo
dge bshes rin po che sku gong ma ngag dbang skal bzang zhes
mtshan snyan yongs grags kyi bdag nyid chen po de dang ha cang

'brel zab yod thog /dung dkar dgon pa'i dge 'dun rnams kyang
sngar nas bla slob tu 'brel gshis dgon par bsnyen 'gyed dang/
'du khang gi ka ring rnams kyi ka 'phan 'go rgyan bzang gos lhan
drub kyi tsi par gzugs bzhi sbyor 'bul  

zhus/ zla ba gsum pa'i tshes brgyad nyin sngar srol brgyad gtor
mdzad sgo stabs bde bskyangs skabs mdun g.yog dpal ldan rtse
skor zhabs sdod gsar mjal zhus/ ^gong sa mchog nas gro mor
bzhugs ring 'jigs byed dpa'

gcig gi rtsa sngags kyi las bsnyen dang/ dpal mo lugs thugs rje
chen po'i las bsnyen/ chos rgyal nang sgrub kyi bsnyen pa bcas
rim mdzad la gsung chog gi zhabs zhur bcar/ rgya nag tu bod
gzhung sku tshab bka' blon nga phod ngag dbang

@135a @#/ /'jigs med dang/ khe smad dza sag bsod nams dbang 'dus/
mkhan drung thub bstan bstan dar/ mkhan chung thub bstan legs
smon sogs gtong gnang rgya mis btsan bskul ltar gros mthun don
tshan bcu

bdun zhes pa bkod de nga phod sogs ngo las 'ga' shas rgya nag
nas khams brgyud bod du 'byor pa dang/ dza sag khe smad pa dang/
mkhan drung thub bstan bstan dar gnyis rgya nag nas hong kong
dang/ rgya gar brgyud gro mor phyir log

gnang ba dang chabs cig rgya nag nas bod du btang ba'i rgya
dmar
sku tshab krang cin u dang/ a lo bu krang zer ba bcas gro mor
'byor te ^gong sa mchog dang mjal 'phrad dang 'brel bod zhi bas
bcings bkrol gyis yul lung yar rgyas dang/

mi mang bde la 'god rgyu yin tshul sogs kyi mkhas snyan 'dra
chags bcas ^gong sa mchog ston 'khor rnams 'phral myur lha
ldan
^rgyal khab tu phyir phebs mdzad dgos nan zhus ltar gang cir
mkhe nyen dgongs bzhes kyis de don phyir phebs

gnang rgyur thugs gtan 'khel te gro mo nas/ zla ba lnga pa'i
tshes shar la chibs bsgyur gyis phag ri dang/ rgyal rtse/ sna
dkar rtse/ yar 'brog /bsam sding/ stag lung dgon/ dpal di/ nya
sog /zad chos 'khor

yangs rtse/ mnyes thang rwa stod/ tshag gur gling gar gzhung
gnas
kyi phebs bsu'i bzhugs sgrig /stag brag ri khrod sogs la rim
phebs kyis skyid tshal klu sding du gzhung gi phebs bsu dngos
gzhi sngar srol rgyas gshoms kyi mdzad sgo dang bcas

@135b nor gling bskal bzang pho brang du zhabs sor 'khod kyi bar
kho bo cag kyang chibs zhabs su lhan rgyas dang snga rting nges
med skabs sbyar gyis bcar/ lam khel rgyal rtse gnas rnying dgon
gyi dge 'dun rnams dang/ rgyal rtse zhi gnas grwa tshang/ chos

'khor yang rtse bcas su dge 'dun rnams kyi thugs mos ltar so sor
chos 'brel gyi sa bcad tsam re phul zhing/ ^skyabs mgon srid zur
stag brag rdo rje 'chang gro mo nas sngon phebs kyis stag brag
ri khrod du bzhugs stan 'jags mus kyi zhabs

sor la mngon par btud/ lha sar 'byor rjes tsam la lha ldan sgo
mang khang gsar du sdod pa phra bzo ba pha skal bzang dang/ bu
mo chos btsun ngag dbang chos 'dzin can nas ne chung ri'i btsun
ma'i dgon du rnal 'byor ma'i bdag 'jug sgrub mchod

gsar btsugs dang chabs cig 'bod bskul ltar ne chung rir bskyod
de btsun ma rnams la bde mchog dril bu lha lnga'i dbang chen
dang/ rnal 'byor ma'i sind+hU ra'i dbang bzhi byin rlabs bcas
bgyis te zhag shas bsdad/ de skabs mar lam

se rar spom 'bor khang tshan khongs bsam gling mi tshan gyi grwa
rigs spyi nas grwa shag zhig tu gra sgrig gis 'bod bskul ltar
bskyod de mi tshan tshogs par bsnyen 'gyed dang/ lo ltar dgag
dbye'i spro seng gi mthun rkyen ma thebs phran bu phul/

de rjes dga' ldan pha ra mchog sprul rin po che nas ched 'bod
gnang ba bzhin dga' ldan du bskyod de pha ra khang tshan du shar
byang grwa tshang gnyis kyi mkhan bla dge 'dun khyon cher gsang
'dus mi bskyod rdo rje'i dbang chen sta gon dang bcas pa nyin
gsum 

@136a @#/ /ring phul/ cha phreng bsam gling dgon du 'jam mgon
tsong kha pa'i snang brnyan thog tshad phyed gnyis tsam dang/
rgyal tshab dang mkhas grub kyi snang brnyan mi tshad lhag nges
bcas gser zangs las grub pa

zhig gsar bzhengs bya rgyu'i sku gzugs dngos gzhi khams su
bzhengs rgyu'i rtsis kyis sku gsum gyi zhal khyim bzo bkod legs
khyad lha sar bzhengs bskrun thog nang gzungs sne 'dzoms bcas
khams 'grul gdong bskur bar/ gzhis

dgon nas kyang sku gzugs dngos gzhi bzhengs rgyu dang/ rje lha
khang gsar bskrun sogs kho bo'i ngag bzhin bsgrubs 'dug /rang lo
nga gnyis pa chu 'brug lor/ zla ba gsum pa nang ^gong sa mchog
gis yongs

'dzin gling sprul rdo rje 'chang gi zhal snga nas las rtse po
tA la'i tshom chen du dpal dus kyi 'khor lo'i dbang chen gsan
bzhes skabs phran yang dbang chen bskyar ma bka' drin thob/ zla
ba bzhi pa'i tshes bcu nas bzung nyin dgu'i ring kun

bde gling bla brang gi zhabs sdod zla ba dar rgyas kyis bskul ba
bzhin lha ldan bzhi sde'i 'du khang du don gnyer ba khyon chen
zhig la rdo rje rnal 'byor ma'i dbang bzhi byin rlabs dang/
sngags btu'i rjes gnang/ bskyed rdzogs kyi nyams khrid bcas

gsang chen slob bshad pa'i phyag len ltar bgyid khul byas/ bar
skabs shig tu ^skyabs rje yongs 'dzin gling rin po che'i thugs
bzhed ltar bde mchog lu i pa'i lugs lha re gnyis pa'i dbang
chen sta gon dang bcas pa phul/

@136b sman stod lcam sba yer tshang tshe ring sgrol dkar gyis
bskul ngor zla ba lnga pa'i tshes bcu nas bzung bzhi sde'i 'du
khang du bla sprul dge bshes kyis mtshon pa'i dge 'dun gtso gyur
gyi chos nyan pa chig stong ma zin tsam la bde mchog dril bu
lugs phyi

dkyil lha lnga'i dbang chen dang/ lus dkyil gyi dbang chen/ dril
bu lus dkyil gyi rim gnyis kyi khrid/ nA ro chos drug gi nyams
khrid bcas nyin nyi shu skor 'chad spel byas/ nor gling dbyar
gnas grol rjes stod lung chu tshan 'phrod

bsten du bskyod de yar lam chu mig lung du dpal ldan smad
rgyud
grwa tshang dbyar phyi ma'i zhal bzhes dang 'brel chos thog tshugs
skabs la brten der zhag gsum bsdad nas tshogs par bsnyen 'gyed
kyi mchod sprin spros/ rgyud pa rnams dbyangs

sbyong gi dbyangs ra tshugs mus su 'dug cing/ khang tshan so so'i
bzhugs gnas su 'bod gnang ltar 'khyug tsam re bskyod/ khrid
khang du kun mkhyen 'jam dbyangs bzhad pa dang/ klong brdol
bla
ma rin po che sogs bzhugs sa'i

spyi la bu chung du khag rnams kyang mjal/ de nas chu tshan
'phrod bsten gyis bdun phrag gnyis tsam ring bsdad cing/ de
skabs bod gzhung sman rtsis dbu 'doms mkhan che mkhyen rab nor
bu dang/ gong dkar khrul 'brug lugs

bde chen chos 'khor dgon gyi chos mgon rin po che sku 'khor
rnams kyang lhan 'dzoms byung ba phan tshun tshang ma sngar 'dris
dam gtsang nang mar song zhing/ chos mgon rin po che chos srid
gnyis kar dgongs pa zab dkyel che la gsung sgo

@137a @#/ /yangs pa dang/ sman rtsis mkhan che yang bcu phrag rig
pa'i gnas la mkhyen dpyod mi dbang budd+ha sa ra'i rjes su 'ching
ba bcas gtsug lag rig gnas skor dang/ sngon byung lo rgyus sogs
kyis mtshon

pa'i spyi bye'i gsung gleng thang mar brdal bas chu tshan du sdod
ring dus tshod ji song ma shes par yud yud 'gro ba lta bu'i skyid
du tshor ba byung/ chu tshan 'phrod bsten zin rjes stod lung
sdings kha rin po ches 'bod gnang ltar sdings kha dgon du

bskyod de rdo rje rnal 'byor ma'i dbang bzhi byin rlabs dang/
rje rin po che'i dngos slob 'brom btsun sher 'byung blo gros kyi
gdan sa chu bzang dgon spyis 'bod bskul ltar dge 'dun rnams la
'jigs byed lha bcu gsum ma dang/ kun

rig gi dbang chen sogs phul te lha sar phyir 'khor/ dus skabs
'di shed cig tu ^gong sa mchog gi thugs dam gyi rten du 'jigs
byed dpa' gcig dang/ rgyal po sku lnga/ rgyal chen shugs ldan
rigs lnga bcas kyi snang brnyan bris

thang tshad ldan gsar bzhengs zhu dgos bka' stsal bzhin/ lha bris
dbu drung dpal 'byor rgyal po 'jigs byed kyi dbang chen de snga
thob zin 'dug pas 'thus pa byas shing/ rgyal po sku lnga'i srog
dbang gsar du bskur zhing/ bzo

bo lhar bskyed dang/ rgyu dang lag cha byin rlabs sogs byas te
thog mar thang ka'i ras gzhi so sor rgyud dang/ be'u bum sogs
gzhung nas bshad pa ltar gyi byug rdzas byugs shing sngags yig
'god rgyu dang/ sku lnga dang/ shugs

@137b ldan so so'i bris thang gi rgyab tu srog 'khor dang/ srog
sngags 'dod gsol can 'bri rgyu sogs sde brgyad rgyu dus kyi
thebs dang bstun te sgrub pa rab gnas dang bcas pa tshul bzhin
snga rjes su bsgrubs/ /rang lo nga gsum pa chu sprul lor rme
grwa chos mdzad rgya

phrug gis bskul ngor/ rme ru'i 'du khang du 'dus pa chig stong
lhag par bde mchog dril bu lha lnga dang/ 'jigs byed lha bcu
gsum ma'i dbang sta gon dang bcas pa phul/ dbyar thog ring ^gong
sa mchog gi dgongs bzhed ltar gzhung gnas nas

rtse po tA la'i zhol bka' 'gyur dpar khang byang ngos rgya
bskyed dang 'brel lha khang gsar bzhengs nang 'jigs byed dang/
dus 'khor/ lha mo rig byed ma gsum gyi snang brnyan thog tshad
gsum pa re gsar bzhengs mdzad pa'i sku rgyu byin

rlabs dang/ bzo bo lhar bskyed bya rgyu/ sku brnyan gyi thig
tshad dang/ bzo dbyibs la rtog zhib bya rgyu/ gzungs sgrub gzungs
'bul zhu rgyu sogs thog mtha' bar gsum gyi z@u sgo rnams bka'
stsal khur du bzod par byas te bsgrubs

shing/ mjug tu rab gnas rgyas pa nyin gsum ring ^gong sa mchog
chibs bsgyur bskyangs te lhag gnas kyi me tog 'thor gnang m


[@##data incomplete here] 

/zhig gsar bzhengs.

kyis bskur/ ston dus 'bras sgo mang

geng ru dge bshes ye shes rgia mtsh_s bskul ngor dpal ldan bkra
shis sgo mang grwa tshang gi'du khang du gdan sa'i mkhan po las
zur dang/ bla

sprul rnam pa sogs kyis mtshon se 'bras dge gsum gyi dge 'dun
gtso gyur gyd

gi de nyid ston pa'i brtul zhug
 
[@##data incomplete here]

@141a @#/ /rgyal ched mngags kyis lan 'ga' shas nan bskul byed
kyin 'dug par khas len rtsa ba nas ma byas stabs/ mtha' don
khong tshos ^gong sa mchog la ^snyan zhu nan che zhus rkyen ^
gong sa mchog nas da lam

khas len bgyis zhes phebs par/ mdzad dka'i ka kor zhu nus bral
bas khas len mi zhu mthu med byung zhing/ de nas dbus gtsang
khongs nas ^gong sa ^skyabs mgon chen po mchog dang/ kun gzigs
paN chen rin po che/ kho bo

cag /bka' blon nga phod ngag dbang 'jigs med/ ^rgyal ba'i gcen
mo tshe ring sgrol ma/ bkras bla'i dza sag bkras mthong pa bcas
la gtan 'khel ba bzhin/ ^gong sa ^skyabs mgon chen po mchog
/^skyabs

rje yongs 'dzin gling rin po che/ karma pa rin po che/ smin grol
gling gcung rin po che/ bka' shag /drung rtsis sogs sku 'khor
dang bcas bod zla lnga pa'i tshes bcu nyin lha ldan rgyal khab
nas chibs zhal bsgyur ba dang lhan

cig kho bo dang rogs zlar lha bu/ dpal ldan/ blo bzang shes rab/
blo bzang ye shes/ rnam grol bcas kyang thon bskyod byas/ yar
lam 'brog ri bo che dga' ldan rnam par rgyal ba'i gling du ^gong
sa mchog gnas gzigs chibs

bsgyur bka' drin che zhing/ de skabs kho bo cag gi shag tshang
nas rten mchog rnams la mchod sprin dang/ tshogs chen gyi dge
'dun 'dus pa'i tshogs su mang ja dang/ bzhes thug 'bras tsha/ sku
'gyed/ 'gyed thebs ma rtsa bcas

@141b kyi bsnyen bkur dang 'brel ^gong sa mchog tshogs mgon du
'jam mgon bla ma'i gser khri'i steng spyan drangs te maNDal
bshad 'bul dang 'brel ba'i bdog pa'i dngos 'bul mchod sprin du
bstar/ dga' ldan nas bzung kong po'i rba la brgal

tsam bar sku 'khor che khag rnams rlangs 'khor dang/ byings
rnams rta thog phebs shing/ de nas spo bo spra mo bar rlangs
'khor 'gro lam bzos mtshar stabs sku 'khor tshang ma mgyogs 'gro'i
bzhon pa la brten nas kong po rgya mda'/ nga phod/

'brul/ zho kha/ nyang khri/ de mo/ klu nang/ spo bo stong rgyugs
sogs su rim gyis phebs par/ shing gi yal ga tshang tshing du
'khrigs te nam mkha' mi mthong ba'i nags gseb stug por sa rong
rtsub cing/ nyin re rer yang la

'phrang chu gsum mang po 'grim dgos ma zad/ de lo dbyar dus kyi
char zhod sngar mi grags pa'i shin tu che skabs dang khel te
gyen thur gyi lam phal cher la rkang bgrod bya dgos thog /steng
nas ri nyil rbab 'dril gyi rdo phog nyen dang/

'og tu thog tshad mang po'i gcong rong gi g.yang sa nyam nga bar
lhung dogs kyi 'jigs skrag /rong chu drag por 'bab pa rba rgod
kyi rlabs phreng gnam du 'phyo ba dag la 'phral sel tsam gyi
shing zam phra mo ldem ldem du byed pa'i steng bskyod dgos 

pa sogs/ rje lho brag mar pas/ bca' 'phrang dang chu la thar dus
med/ /nags mthug po zhig la thon dus med/ /ces dang/ lam de kun
gyi 'jigs pa mthong ba rnams/ /dus da lta dran yang glo snying
'dar/ /gsungs pa

@142a @#/ /ltar tswa ri rong skor gyi lam 'phrang skad grags can
de bas kyang dka' nyen che ba lta bur zla gcig tsam ring lus
sems gnyis ngal gyis bgrod/ de nas spo bo spra mo zhes par rgya
mi'i rlangs 'khor 'ga'

shas phebs bsur 'byor 'dug pa'i nang ston 'khor rnams dang lhan
bskyod byas shing/ zhag sa khel sar rgya mis gur g.yab sogs
ngan ngon tsam gyi sdod sgrig dang/ rgya mi lam bzo ba'i thab
tsho yod sar ja thang sogs bza' btung gi sne

len byed kyin 'dug par/ bram ze khyi dang gdol pa gsum/ /dbyer
med gcig tu rol ba gsang sngags bla med kyi brtul zhugs bskyangs
te rgya mi lam bzo ba rnams dang snod gcig tu ro mnyam gyis
spyad/ lha sa nas mnyam du yod pa'i

bzhon khal rta drdl dang g.yog po byings spra mo nas phyir slog
byas par nged tsho mar lam gyi skabs las kho tshor phyir lam dka'
ngal ha cang che ba byung 'dug /cha ba spang dabg/ brag gab
dkyil thang brgyud chab mdo byams pa gling dgon du

'byor skabs/ phran rang zhi ba lha'i bla brang du sdod sgrig
gnang 'dug pa der zhag gcig bsdad par zhi bzang rin po chede
sngon lha sa nas bla slob tu 'brel bas sne len gzab/ de nas sde
dge kam thog gru kha'i chu chen bgal te sde dge khr la 

[@##data incomplete here]
  
zhes pa'i la che
dgon par dge
ba'i bshes gnyen chen po byams

@142b pa mkhas grub rin po che zhes dar rgyas dgon du mtshan nyid
bshad gra btsugs shing/ lam rim 'chad spel gyis dge 'dun rnam
zhi dul bag yod kyi brtul zhugs la 'god pa po de dang/ pe ri
gling thog tu dge rtag sprul sku'i yang sprul dang/

zhi tshe brgya dpon tshang ngo 'khor sogs sngon ma'i!yon bdag
dang/ slob ma mang tsam re ngos 'phrad byung zhig/ khong tshos
lam chas bza' bca'i ris mang po ster byung yang 'khyer stabs ma
bde bas rtsam pa khug ma gnyis tsam las/ gzhan

[@##data incomplete here]

rnams ma theg /dkar mdz s dgon pas bzhugs zhag phebs sgrig zhus
kyang rgya mi'i bzhugs s     

[@##data incomplete here]

dgon yul 

gyi spyi 'thqs 'ga' shas phran ngos
'phrad slad dkar mdzes su ched 'byor gyis zla gcig tsam ring
sgug bsdad 'dug pa rgya mi'i sgo srung gis nang du ma btang bar
bkag rkyen nged rang phyir thon gyis khong tsho'i sdod

gur du phaq 

[@##data incomplete here]

 ng/ dpal ldan/ blo bzang shes
rab bcas gsum khrid nas 'ar la san du grags pa'i la chen de
brgal nas g.ya' rngan zhes pa'i rgya yul nor 'dzin gyi thig ler
son/ spo'o spra mo nas 

[@##data incomplete here]

bzung 'dir slebs kyi bar nyin ltar mo Tor thog nyin hril por
bskyod dgos stabs mgo na zhing skyug mer byed pa sogs kyis nyin
re bza' btung yang nyung zad las spyod ma nus/ mu li skyabs mgon
sprul sku dang/ mu li rgyal po 

[@##data incomplete here]

dpon g.y g rnams der yod dang stabs 'grigs kyis ngos 'phrad du
phebp 

mchog
sku 'i

[@##data incomplete here]

@146a @#/ /tsho'i khri chen ^gong ma phebs te gsung chos gnang ba
sogs kyis zla shas ring bzhugs tshul ngag sgros 'dug pa ltar/ las
sne rnams kyis 'bod bskul byung ba bzhin 'khyug tsam bskyod de
tshogs par bsnyen 'gyed

stong min dang/ chos 'brel zhig kyang phul/ mi nyag ra rnga kha
nas cha phreng ba'i rta drel thog phran ngo 'khor dang/ sku
zhabs dze smad sprul sku/ gzhung zhabs sne shan mkhan chung/
bla sman pa bcas sngon yod thog rgya mis nyen srung rogs byed yin

zhes don du kho bo'i rgyab rdzi so nyul ba rgya dmag 'go dmangs
bcu shog gnyis tsam zhig btang byung ba khrid 'dod med bzhin du
mnyam khrid byed dgos shar/ nyag chu brgal te rim gyis li thang
gi sa'i thig ler lhags pa na o tog gsum pa'i

dpon tshang dang lam 'khel dgon khag re zung brgyud li thang gi
sa mtshams thang chen zhig tu zhag sa khel zhing/ der dga' shar
zong rin po che zhes mdo dang/ rgyud sde'i bdag nyid du gyur pa
de nyid cha phreng du phran gyi bla tshab tu lo shas sngon nas

phebs te bzhugs mus la brten cha phreng dgon yul gyi gdong bsur
zong rin po che dang/ la kag sprul sku sogs rta pa mang tsam
'byor/ nangs par cha phreng gi bsu mi rnams dang bcas mnyam
bskyod kyis li thang dgon chen du 'byor nye'i ri

mtshams shig tu dgon spyi'i thab bsu'i gur phub gra bsgrigs 'dug
par 'khyug tsam bskyod/ der bla ma las sne sogs na bza' gzab
bzhes can gyi bsu mi mang po phebs 'byor dang lhan du li thang
dgon chen thub chen chos 'khor gling

@146b du 'byor skabs dge 'dun rnams kyis bsu ba ser sbring bstar
bsgrigs dang/ zhi ba khang tshan gyi yang steng du sdod sgrig
gnang 'dug par gnas mal bcas/ der zhag shas bsdad thog dge 'dun
sum stong skor la ^gong sa mchog gi spyan bsal

sku 'gyed bsnyen bkur dang/ dang rten sku dpar bcas phul zhing/
phran tsho sger nas kyang mang 'gyed bsnyen bkur/ thub chen lha
khang du mchod sprin sogs gzab par spros/ dgon spyis bskul gnang
bzhin tshogs chen rdo gcal du dge 'dun

rnams dang/ gzhan dag skya ser mang tsam la dpal mo lugs thugs
rje chen po'i dbang chen dang/ yon tan gzhir gyur ma'i bshad
lung/ cha phreng khang tshan sogs khang tshan rnams dang/ li
thang
grong sder ^rgyal mchog bdun pa

chen po'i 'khrungs khang du bos pa ltar bskyod de chos 'brel rab
gnas sogs so so'i thugs 'dod ltar bsgrubs/ zla ba dang po'i tshes
bco lnga nyin dgon chen du smon lam bco lnga mchod pa gang
legs
bzhengs gnang 'dug pa kun bzang

sprin phung spro ba'i mchod 'bul smon lam gyi mtshams sbyor byas/
li thang nas brag dkar la brgal te 'tsho gsum brgyud 'ja' bya mo
dgon sogs lam khel dgon khag 'ga' shas la bskyod de chos 'brel
rab gnas sogs 'dod

bstun bgyis shing/ 'dab yang steng dgon pa'i bsu mi sngon 'byor
bzhin yang steng dgon par bskyod/ der gzhung sger gnyis kyi
bsnyen 'gyed phul zhing/ dgon spyis bskul ngor yul dgon skya ser
spyir spyan ras gzigs

@147a @#/ /ngan song kun sgrol gyi rjes gnang dang/ yon tan gzhir
gyur ma'i bshad lung mdor bsdus sogs kyi chos 'brel byas/ dze
smad rin po che yang de ga'i dge 'dun tsho dang/ yab yum sku
mched

sogs dang lo mang ring ma 'phrad pa da res mjal 'phrad byung
skabs phan tshun rab dga'i tshor ba rgya cher 'phel/ 'dab pa'i mi
drag gsal lha bde chen chos 'dzin sogs de sngon kho bo khams pa
skyod skabs yon mchod dang 'brel ba'i

mi rgan 'ga' shas kyang 'phrad/ rje karma pa dus gsum mkhyen
pa'i sgrub gnas spang phug dgon dang/ 'brug shod dgon sogs nas
kyang lam khel sa gnas su thab bsu'i gra sgrig gnang 'dug pa'i
sar 'khyug tsam re

bskyod cing/ der spang phug dgon pa'i mkhan po bgres song zhig
'dug par/ dgon par chos phyogs kyi phyag bzhes ji yod dang/ rje
karma pa dus gsum mkhyen pa'i thugs dam lnga tshan lnga'i sgrub
mchod cho ga tshugs kyi

yod med dris par lnga tshan lnga yod pa tsam yang shes kyi mi
snang bar/ slad nas rang bstan rang gis bzung ste rje dus mkhyen
gyi gdan sa ming yod don stong du ma song ba dgos lugs kyi
rmongs 'char bshad pa rna bar song yod med ma

shes/ de nas dpal bde la brgal te cha phreng stod shog khongs
cha gong thang steng phag dges tshang zhes pa tshong dpon blo ye'i
khyim nang du blo ye'i 'dod bstun zhag gnyis bsdad/ yul mi gang
'tshams shig la chos 'brel gyis yi

@147b rang ba byas/ der yul skad du mo ma zhes pa lha babs mi
zhig la cha gong gi yul lha gong btsan karma tshe ring thog babs
khog brlams kyis da lam sa gnas 'dir phebs pa bka' drin che tshul
dang/ dga' tshor chen po byung lugs sogs

legs so'i smra brjod byed kyi 'dug pa/ kho bo thog mar sprul sku
ngos 'dzin skabs dang/ de rjes cha phreng du bskyod bsdad skabs
sogs la cha gong phyogs kyi lha mi tshang mas ngos len cha 'jog
med pa zhig yin rung/ da cha bshul ring phyi

ma'i lam chen du rang 'go thon pa'i gdeng tshad ma thob kyang/
'di snang byis pa'i rtsed mo rang 'go rang thon gyis ^rgyal ba'i
yongs 'dzin gyi ming gnas sogs mgrin bzang gzig lpags gyon pa'i
brdzu bag la brten lha mi tshang mas gus

bkur bsngags brjod byed pa 'di/ skyid na nam mkha'i bya 'khor/
sdug na mchan gyi bu bros zer ba ltar lha 'dre mi gsum spyod
tshul gcig tu snang ba dgod bro'i rang bzhin du gyur/ thang steng
phag dges tshang du yod skabs gro 'bru dge

bshes bstan 'dzin 'phrin las zhes pa yon tan bzang zhing/ gra
sar nged rang gi 'dzin gra 'og ma yin pa 'dris zab shin tu che
ba de thog mar ngos 'phrad byung/ de nas dpal dges dang/ gsol ba
sogs yul grong rim brgyud kyis nges

phyi steng du grwa tshang gi thab bsu 'dug par 'khyug tsam bsdad
rjes cha phreng bsam 'phel gling dgon du 'byor zhing/ dge 'dun
rnams kyi bsu ba ser sbreng gzab rgyas dang bcas dgon du 'byor
'phral/ 'du khang du dga' bsu'i ston mo

@148a @#/ /dkar spro sgrig bshams byas 'dug pa'i thog zong rin po
che dang/ la kag sprul sku/ mkhan po las sne bcas kyis rten gsum
mjal dar sogs gnang zhing/ dbyar lam sgang lcags legs

dge bshes dang/ 'bu tsha nags sga dge bshes gnyis nas dkar spro'i
tshogs langs bgro gleng sogs bod yul dbus ljongs kyi lam srol
nyams med rgyas par bstar/ dgon pa'i 'du khang gi yang steng
phran gyi shag tu nyin grangs

bco lnga tsam bsdad ring dgon par dge 'dun chig stong lhag par
gzhung gi bsnyen 'gyed dang/ dgon spyir ^gong sa chen po'i sku
dpar sogs phul zhing/ phran tsho sger nas kyang mang 'gyed bsnyen
bkur gzab par spros/ dgon yul

spyis bskul ngor dgon yul ser skya khyon cher thugs rje chen
po'i dbang chen dang/ yon tan gzhir gyur ma'i bshad khrid/ de
snga khams bskyod skabs dgon du bskang gso dang/ chos spyod kyi
rta dbyangs rnams nyams gso byas pa

bar lam lo mang yun song gis nyams chag byung yod med brtag
zhib
slad gdong gral ba lnga bcu skor yod pa rnams gzim chung tshom
chen du ched 'bod kyis dbyangs rgyugs rags bsdus nyin gcig dang/
'cham pa ba rnams la dgu

gtor gyi 'cham rgyugs ltad mo nyin gcig blangs shing/ de nyin de
sngon lha sa nas bskur ba'i dga' ldan lha brgya ma'i gos sku
dang/ spyi sgrub gtor rgyag gi mnga' gsol skabs 'grems rgyu'i
chos rgyal gyi gos sku gnyis kyang

@148b 'grems rgya gzhal dbye byas par lhag gnas kyi me tog
'thor/ bar lam gsar bzhengs tshe dpag lha khang dang/ rje lha
khang gnyis su yang nyin gcig re bskyod de khrus gsol rab gnas
sogs bgyis shing/ rje lha khang du mtshan nyid

bshad gra gsar btsugs kyi slob gnyer ba sum cu skor nas bsdus
gra'i rigs lam gyi rtsod rgyugs sprad byung ba slob gsar bar
ltos pa'i gang legs 'dug /la kag rin po ches gsar 'dzugs gnang
ba rgyal chen shugs ldan gyi

bskang gso'i tshogs pa rnams nas shugs ldan gyi gtor bzlog gar
'cham dang bcas pa yang nyin gcig mig lam du phab/ de nas nyi ma
gzhan zhig la cha phreng shog kha bzhi'i gtso drag skya ser
rnams gzim chung tshom chen du 'du 'dzoms

kyis de sngon sprul sku ngos 'dzin skabs nas bzung/ snga sor cha
phreng du sdod skabs sogs kyis mtshon par mi shes rmongs sgrib
phyogs ris chags sdang gis bla slob dam tshig dang 'gal nongs ci
mchis snying nas 'gyod bshags kyis

phyin chan spang blangs tshul bzhin zhu rgyu lags na/ gdon gyis
smyos pa'i bu la ma yis lhag par brtse ba bzhin bzod bzhes kyis
dgon yul ser skya thams cad la tshe rabs rjes 'dzin yong ba zhes
nan tan chen pos brjod kyi 'dug

pa'i lan du/ sngon chad rang re'i skya ser sna tshogs kyis dngos
dang brgyud nas ngan g.yo'i bsam sbyor 'dra min ji snyed cig
byung rung/ de skabs kyi byed gtso'i gras phal mo che da cha tshe
'das zin pa dang/ re zung lhag bsdad

@149a @#/ /yod rigs kyang blo kha tshur phyogs pa ma zad/ nged
rang bla ma'i ming 'dzin zhig nas zhe 'khon yun 'dzin gyis pha
rol pos bsam pa dag pa'i shad sbyangs bzod gsol byed pa dwang du
ma blangs tshe chos

phyogs nas kyang/ pha rol shad kyis 'chags pa spangs/ /zhes
byang sems kyi bslab bya dang 'gal gzhir brten da phyin rang re
tshang ma dam gtsang sel med sprin bral nyi ma'i rang bzhin ltar
chog pas khyed tsho tshang ma blo dogs mi dgos

shing/ yul dgon tshang ma dam tshig gcig mthun gyis dge 'dun rnams
nas sgrig lam chos spyod sogs mi nyams gong spel/ yul sde rnams
nas kyang mi chos ya rabs kyi srol bzang rgyun 'dzin byed dgos
sogs kyi

bslab bya lhug par gdams/ grong tsho so sor nan 'bod byed kyin
'dug kyang/ ^gong sa mchog dang chab mdor mjal 'dzoms thub pa
dgos stabs dus tshod ring po med gshis so sor bskyod rgyu dor nas
phreng shog rnams

lcags ra sgang dang/ rag shog rnams rag smad/ gdong gsum rnams
rigs lnga lha khang sogs su 'du 'dzoms thog ngos 'phrad chog
rgyu mol ba ltar dgon nas thon te lcags ra lha khang du zhag
gcig bsdad de phreng shog

mi mang la tshe dbang chos 'brel dang/ karma pa mthong ba don
ldan gyi snang brnyan sogs la mchod 'bul rab gnas/ gdong gsum
byang phyogs pa rnams gong gsum zhang smad tshang du ngos
'phrad
kyis chos 'brel byas rjes

@149b gdong gsum rigs lnga lha khang du zhag bsdad kyis der
yang
spyan ras gzigs kyi rjes gnang sogs chos 'brel/ de nas rag smad
lha khang du zhag gcig bsdad de rag po stod smad kyi skya ser
spyir chos 'brel/ rag smad nas phyir 'khor gyi yar lam

dpal ri g.yang dar tshang du zhag sa khel bar rgyal thang a sbo
sprul sku rin po che zhes ^skyabs mchog rdo rje 'chang dang/ kho
bo'i drung nas chos bka' mang du gsan cing rang yul du phebs nas
lam rim gtso gyur gyi gsung chos 'chad spel

rgya cher mdzad pa po de ngos 'phrad du ched phebs gnang ba
mjal
zhing/ tshes bcu'i tshogs ston mnyam du byas/ cha phreng du sdod
ring gangs dkar gling nas sku zhabs shes rab rin po che/ rmi li
nas de sngon grwa sa'i dge rgan gcig gyur gyi

'dris bshes su gyur pa dge bshes bstan 'dzin chos 'phel/ snang
bzang nas rgyal khang rtse sprul sku dang rgan rin po che dam
pa'i zhabs zhu'i dge phrug lcang 'go ba dge bshes rgyal mtshan/
kong rag nas chab mdo zhi ba lha'i yongs

'dzin la ba dge bshes khu rna ba sogs de sngon 'dris zab che ba
mang po thag ring nas ngos 'phrad du phebs shing/ rmi li ^skyabs
mgon mchog sprul nas kyang zhabs gras ched mngags gdong chibs
drel sga chas rang 'grigs sogs

skyel rdzongs gzab par gnang ba 'byor/ mi ring bar cha phreng
dgon yul gyi skyel mi rta pa mang tsam dang bcas dmag 'phags la
brgal te shog drug ra ltag dgon par zhag mal thog dgon yul
skya
ser spyir spyan ras gzigs kyi rjes

@150a @#/ /gnang sogs chos 'brel dang/ rje lha khang gsar bzhengs
la rab gnas bgyis/ stong 'byung nang dang/ stag shod sogs rim
bgrod kyis 'khor lo bde mchog gi gnas ka 'bur gangs kyi ra ba'i

gnas kyi mda' stag lpags thang zhes par sdod sgar bcas/ sang der
gnas sgo grwa tshang gis bos gnang ltar gnas nang du bskyod de
dgon par bsnyen 'gyed dang/ 'du khang du skya ser mang tsam la
spyan ras gzigs phyag bzhi pa'i

rjes gnang bskur/ gnas nang phur kha ba tshan che ba sogs kyis
bskyod ma thub kyang/ mkhan chung bsam mchog dang/ dpal ldan
can
pha wang dkar leb dang/ kaM 'bur brag sogs la mchod 'bul gnas
mjal zhu bar

btang/ gnas sgo grwa tshang gis dad rten thang sku rnying ma zhig
gnang ba zhus shing/ dngul dngos gnang ba rnams phyir 'bul zhus
thog bde mchog gi tshes bcu'i mchod thebs shig dad 'bul zhus/
stag lpags thang du rgyal thang

a sbo rin po ches bskul gnang bzhin rin po che nyid dang/ sku
zhabs dze smad/ yangs steng mkhyen rab sprul sku bcas gsum la
bde mchog lus dkyil gyi dbang chen dang sta gon sgrags ma nyin
gcig la byas/ gad mo ru

[@##data incomplete this line] thog tu ru pa spyi nas thab bsu gra
sgrig 'dug pa sogs rim par brgyud 'ba' la kha ri khrod du chos sde
dgon pa'i mkhan po bla sprul sogs yul dgon gyi gtso drag m
  g tsam bsu bar 'byor/ de nas 'ba' chos sde lhun grub rab brtan

@150b gyi dge 'dun rnams kyis ser sbreng sogs bsu ba'i bkod pa
dang bcas la kha bla brang du gnas mal bcas/ chos sde dgon par
^gong sa mchog gi bka' yig dang/ dad rten sku dpar/ spyan bsal
sku 'gyed/ phran tsho sger nas mang 'gyed

bsnyen bkur bcas phul/ dgon yul spyis bskul gnang bzhin thub
chen lha khang gsar bzhengs kyi mdun ngos thang chen du bla
sprul dge 'dun dang mi mang la thugs rje chen po'i dbang chen
dang/ 'ba' pa rgya shog khang tshan du bos gnang

ltar bskyod de rab gnas chos 'brel sogs bgyis zin rjes spyi
srung sgang brgyud 'bri chu'i chu chen shing gi gdung ma gshib
sgrig gi gru gzings la brten nas brgal mtshams der gangs dkar bla
ma tshang gi phyag mdzod a 'brug sogs bsu

mi rta pa mang tsam slebs 'dug pa dang 'phrad/ de nas de sngon
cha phreng dpal 'bar tshang dang/ dam pa tshang/ phran tsho'i tshong
'gro rta drel rnams bcom 'phrog bya sa'i sa gnas star kha grong
dang/ khang brtsegs la brgal nas

'bum pa stod brgyud 'bum nya ma go dgon du 'byor/ der dgon yul
skya ser spyir tshe dbang dang/ yig drug gi bzlas lung sogs 'dod
chos kyi re ba bskangs/ 'bum pa smad nas la zhig brgal te sgos
nang zhes pa'i lung pa

rim brgyud kyis ze'u 'bru dgon gangs dkar bla brang du 'byor/
der zhag gsum bsdad ring bla brang nas gzhis len gyi ston mo
gzab/ yul dgon skya ser mang tsam la spyan ras gzigs ngan song
kun sgrol gyi rjes gnang sogs
@151a @#/ /chos 'brel dang/ gangs dkar bla ma rin po che dam pa'i
gdung rten la ye shes rdo rje'i byin brgya 'bebs pa'i lhag gnas
kyi cho ga byas/ gter byon 'chi med lcags rdo ril bu'i gter
sgrom sngon

ma de bla ma zhi bar ma gshegs bar du ril bu 'dzad med 'phel
zhing/ de rjes ril bu rim zad kyis gter sgrom stong par 'dug
/bla ma gong ma gzhan don ma gshegs gong tsam der lcags rdo ril
ba'i gter sgrom gsar pa zhig

gter nas bzhes te zhal dbye mdzad mi 'dug pa gter sgrom lag tu
blangs te dkrugs skabs nang du ril bu mang po yod nyams 'dug
gshis zhabs gras rnams kyis phran la zhal dbye byed dgos zer
yang/ gter sgrom bya sgong

ltar kha zhabs 'di red kyi ngos bzung med pa'i dum bu gcig pa
lta bur 'dug stabs rang bzhin gya tshom du zhal dbye bya tshod ma
things/ de nas smar khams lha mdun du rgya bza'i phyag bzor
grags pa'i rnam snang gi rdo sku byin can

mjal zhing/ mgu shod spang mda' sogs brgyud de smar khams sgar
thog 'od zer dgon dang/ ri 'bur dgon/ khyung 'bum klu ra dgon
sogs nas 'bod gnang ltar dgon khag so sor rim bskyod kyis bsnyen
'gyed dang/

chos 'brel dbang lung sogs so so'i thugs re ltar bskangs/ klu ra
dgon grags pa sprul sku dang/ dgon spyi nas nan gsungs ltar der
zhag gsum bsdad cing/ nyin gcig lha sa'i bstan rgyas gling de mo
dgu 'cham

@151b gyi btsan rgod 'bar ba spun bdun gyi 'cham srol dang gcig
gyur yin zhes la 'og btsan rgod dpa' bo khro 'bar spun bdun gtum
drag nyams brgyar 'bar ba'i gar 'cham gyi ltad mo zhig ston
gnang byung ba bstan rgyas gling pa'i 'cham gyi stangs

stabs dang phal cher phyogs 'dra snang/ de nas bshul lam rim
bskyod kyis brag g.yab kyi sa sne zin mtshams brag g.yab bla
brang nas nged tshor sne shan mgron gnyer zhig gtong gnang 'dug
pa nas lam 'khel zhag sa so sor gra

sgrig sne len gzab cing/ sa dkar ri khrod pa rnams nas ched 'bod
gnang ba lam skyog 'gor gzhi che yang/ bla ma a rab rin po che
dam pa de nyid zhal 'tsho bzhugs skabs 'phrin yig gi lam nas
'brel ba'i chos grogs la brten

dka' ngal la ma bltas par bskyod de spong ba pa rnams la yon tan
gzhir gyur ma'i bshad lung bgyis/ der mtshan nyid kyi bshad gra
gsar tshugs 'dug pa'i slob gnyer ba rnams kyis rigs lam brgal
brtag bgro gleng yang

gnang ba legs nges 'dug /de nas brag g.yab bu dgon du 'byor
nyin bla brang dang/ dgon pa'i thab bsu/ ser sbreng sogs bsu
ba'i bkod pa rgya chen dang bcas bu dgon 'du khang gi yang steng
brag g.yab ho thog thu

rin po che'i gzim chung du gra sgrig 'dug par nyin bzhi lnga
tsam zhig bsdad/ dge 'dun tshogs chen la 'jigs byed lha bcu gsum
ma'i dbang chen dang/ yul mi rnams la spyan ras gzigs ngan song
kun sgrol gyi rjes gnang

@152a @#/ /bcas bgyis/ nyin gcig lo rgyus yongs grags kyi byams
mdun lha khang du ngo bskyod kyis mchod sprin gang rgyas spros
te rab gnas rta thog ma zhig bgyis shing/ byams mdun gyi rten
gtso byams

sku gtso 'khor rnams sa 'og nas rang 'khrungs kyi rdo sku ngo
mtshar che ba 'dug /bu dgon du sdad skabs de snga grwa sar 'dzin
gra gcig pa'i dge bshes bu chos rgyal zer ba de ri khrod nas
ngos 'phrad du ched phebs byung ba thog mar 'phrad

skabs dman sa bzung nas gus zhabs sogs cher byed kyin 'dug par/
de sngon lo mang mnyam 'grogs kyi chos grogs la brten phran nas
sngar lugs nang nyams ma bcos lhug par byas pas rjes sor dge
bshes nas kyang grwa sa'i

gnas skabs ltar sngon byung lo rgyus sogs kyi mol mchid lhug por
'phel/ khong sogs don gnyer can 'ga' zhig la dga' ldan lha brgya
ma'i khrid spros bshad med pa'i gnad don 'dril ba bshad/ dar
sdod ring nam zla'i dus

babs kyis sngo tshal sogs cher med 'dra bas bra g.yab bla brang
nas ngo bo gcig la ldog pa tha dad pa'i mam sa'i bza' ba'i rnam
grangs shing 'brol chen po khengs pa zhig nyin ltar gtong gnang
mdzad kyin 'dug stabs langka'i bdag

po'i brtul zhugs bzung/ brag g.yab nas chab mdo'i sa mtshams su
'byor skabs chab mdo'i spyi mdzod zhi ba lha rin po che dang/
'phags chen rin po che'i gcen po mkhan chung bsod nams rgyal
mtshan sogs gtos

@152b che gdong bsur phebs te zhag bab kyi gra sgrig gnang 'dug
par zhag sdod byas/ sang der chab mdo chos 'khor byams pa gling
du 'byor nye'i mtshams thab bsu'i dbu gur sogs gra sgrig rgyas
gshoms gnang 'dug par cung zad bsdad rjes

chab mdo dgon yul gyi gtso drag sogs bsu mi khyon che dang bcas
rta rags gral sgrigs kyis bskyod cing/ rdza chu'i zam pa grol
mtshams chab mdor yod pa'i rgya mi'i zhi drag 'go dmangs dang/
slob phrug /de snga chab mdo sa

shor skabs rgya mis 'ju bzung byas pa'i bod dmag gang 'tshams/
lha ldan rgyal khab nas ^gong sa chen po'i phebs bsur bcar 'byor
gyi gzhung zhabs dang/ gdan sa gsum gyi mkhan 'thus/ mi mang
spyi 'thus sogs

ha cang khyon ches dga' bsu'i phreng ba bstar bsgrigs su 'dug
cing/ dgon du 'byor mtshams zhi ba lha'i bla brang du ci bder
gnas mal bcas/ dar mdo'i phyogs su sa g.yos kyis 'khor lam
skyon shor stabs ^gong sa

mchog phebs 'gyangs phran bu byung 'dug gshis de'i bar spyi
mdzod zhi ba lha rin po che nas nan bskul gnang don bzhin chab
dgon tshogs chen 'du khang du chab mdor gnyug mar gnas pa'i dge
'dun rnams dang/ ^rgyal ba'i phebs

bsu dang zhal mjal dq phyogs phan tshun nas lhags pa sogs don
gnyer can chig stong lhag tsam la zhag bcu bzhi'i ring lam rim
bde lam gyi bshad khrid 'chad spel byas/ nyin gcig mtshan nyid
grwa tshang gis ched 'bod gnang

@153a @#/ /ba bzhin mtshan grwa'i chos grwar bskyod de dge 'dun
rnams la lam rim chen mo'i dbu nas chos thun gcig bshad/ de rjes
slob gnyer ba rnams kyis 'dzin grwa so sor rigs lam rtsod grwa
tshugs song bar/

mang du thos pa'i dkyil 'khor yongs su rdzogs pa'i dge ba'i
bshes gnyen chen po byams pa mtha' yas rin po che'i bka' drin
gyis ser byes grwa tshang gi chos grwa'i bgro gleng gi ngang tshul
dang phyogs 'dra ba gra rgyas phun sum tshogs pa

'dug /de nas ^gong sa ^skyabs mgon chen po mchog chab mdor
^zhabs 'khod skabs rdza chu'i zam chen gyi phar phyogs su phebs
bsur bcar te mthong na don che ba'i gser zhal dge legs kyi snang
ba 'bum phrag tu grol ba

mjal skab dgyes brtse'i rnam pa 'gog med ches cher mdzad cing/
bzhugs sgrig gzim chung du ^zhabs 'khod grub 'phral sku mdun du
'bod gnang ltar bcar bar/ bar lam rgya phyogs yul gru gzhan
dang/ mdo smad khul phebs

bzhugs/ ma'o tse tung mjal 'phrad skabs kho pa'i ngag lam nas
bsam phugs kyi lta ngan de gsal thon byung tshul sogs spyi bye'i
gnas tshul gyi bka'i gsang ba snying gi thig ler 'khyil bar 'os
pa du ma zhig zhib lhug tu stsal zhing/

kho bo nas kyang khams khul rim bskyod kyi gnas tshul rnams
snyan
gsol zhus te lhod mjal gyi go skabs thob pas yid kyi padmo gus
spro'i char rgyun gyis rab tu brlan par byas pa'i skal bzang gi
'dab rgya lhag par grol/ chab mdor

@153b sdod ring zhi ba lha rin po che'i bla brang nas phran tsho
ngo 'khor tshang mar bsnyen bkur gzab/ rin po che sku rkyang la
mgon po zhal rnam 'gyur bcu bdun gyi rjes gnang khongs nas
gsang
sgrub kyi rjes gnang dang/ bram ze nag po mangs gtad kyi

kyi rjes gnang ma gtogs gzhan rnams yongs rdzogs bzhed pa 'bras
ldan du byas/ thon khar skyel rdzongs dngul gyi rnam bum las
bum
dang/ nang mchod ka li stegs bcas tsha gser ma sogs mchod chas
spus legs mang po

stsal/ ^gong sa mchog dang lhan du chab mdo nas thon te brag
g.yab sa khongs dkyil thang du brag g.yab spyi mdzod mkhar
'go
sprul sku sogs 'phrad/ tsha ba spang mda' dang/ rgya mo dngul
chu'i zam chen sogs bshul lam rim

bgrod kyis spo bo bkra mor 'byor/ de nas thon nyin snga dro drag
char ha cang babs ches pas ri rdo rbab 'dril gyis lam 'gags te
yun ring 'gor zhing/ rbab rdo phar tshur bsal nas mo Tor thar
tsam byung yang/ phyi dro nyi rgas tsam la

ri sul zhig tu ri gzar gyi chu klung gnod pa can drag por 'bab
cing rba rlabs mthon por 'khrug pa la zam pa zur sne gcig phran
bu shor ba zhig 'dug pa der mo Tor nang bskyod rgyu nyen kha'i
stabs kyis ma bzod par ^gong sa mchog

dang/ yongs 'dzin gling rin po che sogs nged tsho ston 'khor
nyung shas shig zam pa'i steng gom bgrod kyis tshur khar thon
rjes 'jib 'khor mo Tor stong pa zam thog tu re re bzhin bgrod de
re zung zhig tshur khar thon mtshams 'jib 'khor

@154a @#/ /gcig zam steng bgrod mus su tshag sgra dang bcas zam
sked chag lhungs song yang mir skyon byung ma song/ chibs zhabs
byings dang sku chas rnams phar khar lus/ tshur khar thon pa'i
sku 'khor rnams mo Tor

sngon thon re zung nang 'tshangs te mtshan bskyod kyis chu dang
brag g.yang sogs kyi rong lam yang bdag tu 'jigs dngangs dang
bcas mtshan phyed tsam la kong po klu nang zhes phar 'byor/ der
lhas nas gzhung gi phebs bsur rim bzhi sman

stod pa sogs gzhung zhabs 'ga' shas 'byor 'dug pa'i ras gur nang
phran dang/ blo bzang shes rab gnyis mal chas sogs gang yang
med
par nyal bsdad cing/ zla gras bshul lus rnams la ji 'dra zhig
'ong snyam pa'i blo g.yeng

gis de nub gnyid ye ma byung/ mtshan mo der rgya mi lam bzo ba
rnams kyis shing gdung nyis gshib thag pas sbrel ba'i rkang zam
'phral sel zhig bcos pa'i thog ^rgyal ba'i zhabs 'bring gzim
g.yog lags dang/ gsol thab pa re

zung dang mnyam du dpal ldan nas kho bo sngon thal blos ma
bzod
par ya yud kyis 'ongs te chu tshur kha nas mo Tor thog nangs par
nam zir tsam la kho bo'i 'bris su 'byor/ lha bu dang/ blo bzang
ye shes sogs rjes su lus pa kho bo mal gro

dag pa dgon par 'byor skabs ma gtogs rjes zin ma thub/ de nas de
mo/ nyang khri/ rgya mda' sogs kong po'i sa lam rim brgyud kyis
sba la brgal nas mal gro khul dag pa dgon par rtse rnam rgyal
grwa tshang phan bde legs bshad gling pa

@154b nas ^gong sa mchog bzhugs zhag gi phebs sgrig 'dug par
son/ der mal dro bya ra mdo'i gzhis sdod dang lha sa'i shag nas
lhag chung can bcas bsu bar 'byor/ dga' ldan zhol gtsang thog gi
spang ljongs ne'u gsing ne tso'i gshog pa

bkram pa lta bu der 'brog ri po che dga' ldan rnam par rgyal
ba'i gling gi bla spyi nas thab bsu'i dgu gur gra sgrig rgyas
par gnang 'dug par/ ston 'khor rnams dang lhan du gung gi dro
btab cing mkhan po bla sprul las sne sogs dang 'phrad rjes/

nged rang gi skyes yul tshal gung thang gi gtsug lag khang du
'byor/ der ^gong sa mchog gi phebs bsur gzhung zhabs ser skya
drag 'bring dkyu sa gsum yongs rdzogs dang/ gdan sa se 'bras
gnyis kyi mkhan po bla sprul sogs

khyon che phebs 'byor 'dug cing/ gtsug lag khang du gzhung gnas
nas phebs ston dkar spro rgyas gshom dang/ dbu rtse'i gzim chung
nyi 'od du gung thang bla brang sger nas dkar spro spom sgrig
bstar 'bul zhus rjes lha sar phebs rgyu

gza' tshes dang bstun gung thang du zhag gsum bzhugs mdzad ring
kho bo yang bsdad/ zla ba lnga pa'i tshes bcu gsum skor la gung
thang nas nor gling bskal bzang pho brang du phebs byams sogs
sngar srol chibs rags rgyas gshoms

bcas ^zhabs sor 'khod cing/ de nyin gung thang nas chibs zhal
bsgyur tsam nas bzung nor bu gling kha'i pho brang du phebs kyi
bar char pa 'bab ches rkyen pas phebs byams la char khebs sgron
pa dang/ chibs zhabs tshang ma las zhwa

@155a @#/ /las gos kyi na bza' gzab bzhes steng 'go snam dmar
po'i char khebs bzhes te phebs dgos pa zhig byung song brten
'brel gyi la nye mi bzang ba'i rnam rtog cig rang gzhan mang
po'i blo la shar/ nor

gling du phebs ston dkar spro'i mdzad sgo sogs grub rjes lha
sa'i shag tu log ste chos dang zang zing gis 'brel ba'i yon
mchod dang/ slob ma khag sogs mchog dman mang pos nyin mang
ring ngos 'phrad bsnyen bkur sprin bzhin gtibs pa

rnams dang du blangs/ de lo rgya mis lha sa'i slob gra 'bring
ba'i gtso 'dzin byed dgos zhes nan bskul byung bar/ deng dus kyi
lugs dang mthun pa'i slob gra'i lam srol rgyus med pa sogs kyis
rngo mi thogs tshul brjod par brten rgya

mis ^gong sa chen po'i bka' bskul zhus te ming len bya dgos
byung zhing/ bdun phrag re tsam thog slob grar blta bskyod kyis
dge slob rnams la bsam 'char slob ston byed khul byas/ ston dus
chab mdo 'phags chen ho thog thus bskul gnang bzhin bzhi sde'i
'du khang du rin po che nyid dang/ brag g.yab

ho thog thu/ ^skyabs rje rdo rje 'chang pha bong kha'i mchog
sprul rin po che sogs bla sprul dge bshes dang/ gdan sa'i dge
'dun gtso gyur gyi 'dus pa chig stong sum brgya lhag tsam la
sgrub thabs rin 'byung brgya rtsa'i rjes gnang yongs rdzogs
phul/ rgya nag nas

phyir 'khor ba'i skyes kyi tshul du gdan sa gsum dang/ rgyud grwa
rnam gnyis bcas par mang 'gyed kyi bsnyen bkur dang 'gyed thebs
sbyor 'bul/ dga' shar grwa tshang du ka ring brgyad la wa ra Na
si'i rgya se'i ka 'phan che legs brgyad/

@155b rdo khang khang tshan du ri pin rgya se'i ka 'phan che ba
bzhi dang/ rgyal mtshan phye phur gsum bcas dad 'bul bgyis/ /rang
lo nga drug pa me spre lor nged rang gi skyes ma tshe ring sgrol
ma dgung lo brgyad cu gya gnyis su son pa dgung na'i babs

kyis bgres nad lta bus nyin shas bsnyun rjes zla ba dang po'i
tshes bcu gnyis nyin sku tshe'i 'du byed btang song bar/ ma gshegs
gong dang/ gshegs kha bcas par nged rang yang yang ngos mjal
gyis dge sems gsal 'debs dang/

de bzhin gshegs pa'i mtshan dang/ gzungs sngags zab mo'i rigs
snyan lam du bsgrags rjes/ 'pho 'debs gzab khul byas shing/ ma
dam pa de nyid kyang nyams len gyi rnam grangs mang po mi
mkhyen
yang phan sems che zhing

rgyun du yig drug gi bzlas brjod dang/ lha sa'i gtsug lag khang
phyi nang dang/ gling skor sogs la phyag mchod zhabs skor sogs
lus ngag gi dge sbyor la brtson pa chen po mdzad pa bcas gshegs
khar gnad gcod kyi tshor bar dang/ zhen

chags kyi re dogs gang yang med par snum zad mar me'i tshul ltar
mnal khug pa bzhin bde ba'i ngang sku tshe 'phos song ba/ de
skabs lha ldan smon lam chen mo tshugs mus la brten tshes bco
lnga
nyin mang 'gyed bsnyen bkur gyis mtshon pa'i

sku tshigs so sor dgon khag yas mas dang/ chos 'khor rnam gsum
sogs gnas rten khag la dgongs rdzogs mchod 'bul gang nus
bsgrubs/ rgya nag nas dmag dpon drin yi'i zhes pa ched 'byor
gyis bod rang skyong ljongs gra

@156a @#/ /sgrig lhan tshogs zhes pa gzhung dang/ bkras lhun bla
brang/ chab mdo sa khul bcas khag gsum nas 'thus mi lnga bcu nga
gcig ming gsal byas pa'i tshogs pa zhig btsugs song bar/ phran
yang gong gsal

'thus tshogs de khongs dbang med bskyod dgos byung ba ma zad/
chos don las khungs zhes tha snyad btags pa'i las khungs kyi
gtso 'dzin gyi ming yang mi 'dod bzhin du len dgos byung/ 'on
kyang las khungs dngos gzhi tshugs

skabs tshogs pa'i gral 'gor bsdad khul tsam las/ las don skor
rang gi bsam 'char ji ltar brjod kyang/ rgya rigs las byed 'u'i
kho krang zhes pa sogs kyis 'char ston gang byas de kho na las
gzhan du 'da' sa med par

de'i steng du 'gro dgos kyi yod/ gong gsal slob gra'i gtso 'dzin
byed khul skabs kyang de bzhin don dam gyi dbang cha med/ de
ltar nang du dbang med cing phyi rol tu bod mi mang gi yi gar mi
'ong ba'i ming skam po zhig snga rjes

du mar dbang med du 'khyer dgos byung ba 'di ni/ ji skad du/
'jam mgon sa paN gyis/ spre'us zlos gar mi byed na/ /mgul du
thag pa ci ste 'dogs/ /zhes dang/ ne tso smra bas gzeb tu chud/
/byi'u lkug pa ci bder rgyu//

zhes pa ltar rang la nyams len med pa'i tshig spyi tsam gyi chos
gtam sogs dad ldan mgo bo bskor ba'i chos brgyad kyi gar stabs
bsgyur ches pa'i le lan rang thog tu babs/ bod zla bzhi pa'i
nang tshogs chen de dag dngos su tshugs

@156b skabs ^gong sa chen po mchog dang/ kun gzigs paN chen rin
po che rnam gnyis chibs bsgyur bskyangs dgos byung zhing rgya
nag gi zhing chen khag dang/ a mdo/ nang sog /khams khul bcas
pa'i mi sna gtos che 'dzoms te tshogs

'du rten 'brel gyi spros pa'i yo lang rgya che dang bcas tshugs
song zhing/ de'i rjes 'brel za zir gyi g.yeng ba nyin mang
bstud/ zla ba drug pa'i nang rong bde skyid gling gi sras dge
slong dge 'dun chos dbyangs nas bskul ba bzhin/

bzhi sde'i 'du khang du bla sprul dge bshes sogs don gnyer ba
chig stong la nye bar stag phu'i dag snang nye brgyud sgrol ma
tsitta ma Ni'i dbang dang/ rim gnyis kyi nyams khrid nyin shas
shig bgyis/ de rjes brag g.yab ho thog thu rin po

ches bskul gnang bzhin bzhi sde grwa tshang du 'dus pa chig stong
brgal bar skyer sgang lugs rta mgrin gsang sgrub kyi dbang chen
sta gon dang bcas pa dang/ de ga'i mjug mthud du sgrub thabs zur
bka' brgya rtsa dang/ grub chen brgyad cu/

^rgyal ba dge 'dun rgya mtsho'i gsung yi dam sgrub skor gyi lha
tshogs rnams kyi rjes gnang/ sgra mi snyan tshe dpag med kyi tshe
dbang ring brgyud dang/ 'bri gung chos grags kyi dag snang nye
brgyud gnyis/ grub rgyal lugs tshe dpag med lha

gcig bum gcig gi tshe dbang thun mong ma yin pa dbang bzhi byin
rlabs dang 'brel ba/ bcom ldan 'das dam tshig rdo rje'i rjes
gnang/ gsang bde 'jigs gsum gyi sngags btu'i rjes gnang bcas rim
par phul/ zla ba brgyad

@157a @#/ /pa nang rwa sgreng bla brang nas gdan zhus ltar ^gong
sa mchog dang/ yongs gling rin po che/ kho bo cag sogs sku 'khor
nyung bsdus kyis nor gling nas stod lung nang dang/ de nas 'dam
gsang gzhung sogs

byang ngos kyi 'khor lam brgyud de rwa sgreng dge 'phel gling du
^zhabs sor 'khod cing/ gtsug lag khang du ^gong sa mchog dbu
bzhugs kyi nged tsho gsung zhabs rnams dang bcas rab gnas rgyas
pa nyin gsum ring mdzad/ rten gtso

jo bo 'jam dpal rdo rje dang/ jo bo rje'i gdung rten/ sku chos/
snam sbyar/ gzigs dpe rgya dpe/ 'brom gyi gzigs dpe brgyad
stong/ jo bo'i sku brnyan dbu yon ma/ bla ma d+harma rak+Shi ta'i
thugs dam rten gshin rje gshed kyi

thang ka sogs nang rten rnams mjal/ kho bo'i sdod gnas sngar
nged rang dge tshul sgrub sa'i gzim chung der khel 'dug /der
phyag dpe mang tsam zhig bzhugs pa nas rje bdag nyid chen pos
zhu bskul ltar rje btsun red mda' bas

mdzad pa'i mngon pa kun btus kyi 'grel chen pod gcig dang/ yang
red mda' ba'i gsung thor bu sna tshogs pod gcig bcas bris ma pod
gnyis 'dug pa mjal bar/ kun btus 'grel pa gzhung rgya ha cang
che bas mgo yon

gyi mal du lhung/ deng sang rje'i gsung 'bum nang yod pa de tsam
min par rje rin po che dang rnam gnyis spyir mdo sngags dang/
yang sgos lta ba'i skor dri ba dris lan gyi phyag bris 'bul res
mdzad pa 'ga' shas shig 'dug pa dpe bshu

@157b bya rgyu dus tshod kyis ma 'dangs shing/ rjes sor lha sar
g.yar zhu bya rtsis kyang brel g.yeng gi mur lus pa 'gyod
kyang der zad/ rje bdag nyid chen pos lam rim chen mo mdzad sa
yang dgon ri khrod du ^rgyal dbang mchog dang/ nged tsho

chibs zhabs rnams dang bcas pas lam rim chen mo cha bgos kyis
dag sgrog mdzad/ de snga me phag lor rwa sgreng rgyal zur rin
po
che ltos par bcas pa nyams nyes pa'i skabs dmag mi rnams kyis
dngul gyi mchod rten gyi shun pa bshus

pa dang/ mchod rten dang sku brnyan gyi phra rgyan bkog pa/ me
mdel gyis skyon can du byas pa/ gsang 'dus kyi dkyil 'khor blos
bslang zhig dbyug pas 'dam bu ltar bcom ste gsil bur spungs pa
sogs snyigs ma las kyang cher

snyigs pa'i rang mdangs nye ba'i mtshams med kyi las ngan mang du
brtsams pa du ma zhig mthong tshe bka' gdams bstan pa'i chu 'go
gnas chen khyad par can 'dir nyams gud kyi gnas skabs 'di 'dra
byung 'dug snyam yid gdung gi

tshor ba skyes/ ^skyabs rje yongs 'dzin gling rin po che nas
mkhan po dang/ kho bo nas las slob bgyis te rwa sgreng mchog
sprul rin po che dge tshul gyi dngos por bsgrubs/ tshur lam gsang
chen rgyud sde'i mdzod 'dzin dpal ldan smad

rgyud grwa tshang stod lung phu chu mig lung du dbyar phyi ma'i
zhal bzhes chos thog tshugs mus nas gdan zhus ltar ^gong sa
mchog
zhabs 'khod rgyud grwar chos 'brel sogs mdzad song zhing/ kho bo
yang lhan bcar gyis rgyud pa'i nang rten rje bdag

@158a @#/ /nyid chen pos rje shes rab sengger stsal ba'i zhal
thang byin can rnams mjal kha thob/ stod lung nas 'khor rjes
dga' ldan shar rtse'i rab gnas su 'bod bskul ltar bskyod cing/
nyin gcig shar rtse'i

chos bar shar byang gnyis kyi dge 'dun mang tshogs la dga' ldan
lha brgya ma'i bshad khrid phul/ de lo 'phags yul gnas brtan sde
pa'i lugs ltar ston pa sangs rgyas mya ngan las 'das nas lo ngo
nyis stong lnga brgya 'khor ba'i

dran gso'i dus chen rgya gar byang chub chen po'i chos tshogs nas
bsgrigs btsugs dang 'brel ^gong sa mchog dang/ kun gzigs paN
chen rin po che rnam gnyis la gdan zhu'i snyan seng snga rjes
phul bar chibs bsgyur bskyang bzhed

che yang/ rgya phyogs nas khag 'dogs sna tshogs kyis ^gong sa
mchog phebs 'gab mi che bas sku tshab cig btang na legs tshul zhus
rkyen sku tshab tu phran dang/ sne shan rogs zlar dza sag khe
smad pa bsod nams dbang 'dus dang/

mkhan chung dngos gzhi ni thub bstan bsam mchog /skad bsgyur
sa 'du rin chen bcas la bsko gzhag stsal te thon phyag mjal bcar
zhu nyin der lha sa'i rgya mi'i sku tshab krang cin us ^gong sa
mchog rgya gar chos tshogs su phebs

na 'grigs lugs rgya nag nas tar 'phrin 'byor tshul zhus 'dug par
brten chibs bsgyur bskyang rgyu glo bur gtan 'khel thog /phran
yang chibs zhabs su bcar dgos bka' phebs shing/ de nas mi ring
bar lha ldan nas ^gong sa

@158b mchog /^skyabs rje yongs 'dzin gling rin po che/ kho bo
cag /bka' blo nang phod sogs ston 'khor hrag bsdus dang bcas
stabs gcig par stod lung phu dang/ 'u yug sogs brgyud dbus
gtsang 'khor lam thog chibs bskyod

kyis phar lam bkras lhun du kun gzigs paN chen rin po che dang
mjal 'dzoms kyis bzhugs zhag gcig mdzad song zhing/ ^skyabs rje
yongs 'dzin gling rin po che dang/ phran gnyis mgron gnyer chen
mo pha lha ba nas pha lha'i sgos

[@##data apparently incomplete this line] gzhis r yal rtse dpal 'byor
lhun por zhag bzhugs dgos lugs gsung nan ltar bkras lhun du
paN chen mjal zhu zin 'phral sngon thon gyis mtshan mo'i chu
tshod bcu gcig tsam la dpal lhun du 'byor/ kho bo de sngon rgyal
rtser 'gro myong

[@##data apparently incomplete this line] tsam yod kyang de nub mtshan m
zla 'od med pa'i mun nag dang khel ba sa tshod ma things shing/ ^skyabs
rje yongs gling rin po che ston 'khor ma zad/ mo Tor kha lo pa rgya
mi zhig 'dug pa der yang lam rgyus mi snang gshis/ 'ol

tshod kyis bskyod rgyur brten lam nor dang g.yang lhung sogs
kyi 'jigs dngangs bcas tshang mar lus sems gnyis ngal gyis bden
bzhi'i dang po yang cung zad nyams su btar/ rgyal rtse nas gro
mo smad bye ma bar nyin gcig

la bgrod cing/ de'i nangs par sna thos lar ^gong sa mchog gi
chibs zhabs su bcar/ ^rgyal mchog yab sras rnam gnyis lhan cig
tu chibs zhal bsgyur zhing/ la rtse'i bar rgya mi'i dpon dmag
gang 'tshams nas phebs

@159a @#/ /bskyel dang/ de nas rgya gar gzhung gi phebs bsu srung
dmag gis gus 'dud ru sgrig sogs zhus te mtsho 'go sogs brgyud
sbas yul 'bras ljongs su sgang tog pho brang nas phebs sgrig
zhus

'dug par bzhugs zhag /nangs par nam ma gsal gong nas phebs thon
gyis shi li gu ri'i gnam thang bar phebs 'khor dang/ de nas gnam
gru'i thog phebs te de nyin phyi dro rgyal sa ldi li gsar par
^zhabs sor

'khod skabs gnam thang du rgya gar srkd 'dzin sku gzhon dang/
srid blon ne ru/ phyi rgyal sku tshab khag /chos tshogs kyi 'thus
mi rnam pa sogs che rgu mang pos phebs bsu'i bkod pa rgya chen
po zhus te/ de nas ^gong sa

mchog ston 'khor has d+hA ba dar ho se zhes pa'i phyi mgron gal
che'i mgron khang zhig tu gdan zhus bzhugs 'jags mdzad cing/
yongs 'dzin gling rin po che dang/ phran gnyis kyang ^gong sa
chen po'i gzim chung dang khad

nyer gra sgrig 'dug pa der bsdad/ phyi nyin snga dror mahA d+ha
ma gan d+hi'i sku gdung bsreg sa der ^rgyal paN rnam gnyis chibs
bsgyur dang lhan cig bcar/ de nas nyin shas ring chos tshogs kyi
mdzad sgo khag la rim phebs

bskyangs pa'i chibs zhabs su bcar/ 'jigs bral smra ba'i sengge
drin can bshes gnyen chen po klu 'bum shes rab rgya mtsho mchog
kyang rgya nag nas chos tshogs kyi 'thus mir chibs bsgyur gyis
ldi li'i a sho ka'i

@159b mgron khang du bzhugs 'dug pa'i spyan sngar mjal phyag tu
bcar bar mchog tu dgyes pa'i gsung gi bden pa'i ro je zhim du
bro ba du mas yid la sman yon ster bar mdzad/ chos tshogs mdzad
chen grol rjes rgya gar gzhung gis gra sgrig

gnang ba ltar rdo rje gdan dang/ wa ra Na si/ na lendra/ rtswa
mchog grong/ lum 'bi ni/ bya rgod phung ri/ san ci/ a jan ta'i
brag phug /lho phyogs dpal gyi ri sogs gnas chen khag la gnas
gzigs dang/ 'bom

'bel dang/ ma'i sor/ b+heng lor/ ka li ka ta sogs grong khyer
dang/ bzo gra che khag la gzigs bskor bcas par yang lhan bcar
zhus shing/ ston pa'i gnas chen khag dang/ na lendra sogs mjal
skabs sngar

ston pa thugs rje can dang/ rgyan drug mchog gnyis sogs kyis sa
gnas 'dir mdzad pa 'di 'dra zhig mdzad pa red snyam ste rnam
thar dran pa'i dad pa/ gnas der slebs pa'i dga' ba/ da lta shul
tsam las med pas mi rtag dran pa'i skyo

shas sogs dga' dad skyo gsum mnyam 'gran zhig dang/ de sngon
rgya nag dang/ 'di res rgya gar bcas kyi bzo gra khag mang la
slebs te lcags bzo'i bzo grar lcags dang/ zangs zhun me 'bar ba
chu rgyun ltar 'bab cing bzhu blugs byed

pa dang/ 'khrul 'khor chen pos 'tshir ba dang/ brdung ba sogs
mthong skabs dmyal ba'i sdug bsngal dran pa'i 'jigs snang nyin
re tsam 'ong gin 'dug kyang chos dred du song ba'i blo rgod lang
shor rang sor chud de dug gsum gyi rtog

@160a @#/ /pa 'og 'gyu sngar rgyun kho na las bcos su med pa 'di
sngon goms las ngan gyi bag chags ches lci ba'i rtags su mngon/
de nas ^gong sa mchog ka sbug tu gsung chos stsol rgyu sogs kyis
nyin

shas bzhugs 'jags mdzad rjes sgang tog tu chibs bsgyur bskyangs
song zhing/ der lha sa nas srid blon bde mkhar ba (klu khang pa)
tshe dbang rdo rje dang/ bka' tshab g.yu thog pa bkra shis don
grub/ mkhan drung ngag dbang don

grub sogs phyi tshul phebs bsu'i gdan zhur bcar te nang don rgya
phyogs kyi btsan byus ^snyan seng dang 'brel re zhig rgya gar
rang du bzhugs 'jags mdzad legs sogs zhu gnang mdzad pa ltar/
phebs bzhugs bka' bgros thugs

gtan ma 'khel bar zla phyed tsam ring thugs 'gor byung zhing/
de'i ring phran rang ka sbug tu sa 'du'i ko Tir dal sdod byas/
kun gzigs paN chen rin po che ston 'khor rnams ka sbug nas
gtsang du sngon phebs mdzad/ ^gong sa

mchog bod phyogs su chibs bsgyur bskyang gtan 'khel 'phral
sgang
tog tu bcar zhing/ de nas lhan bcar zhus te sa mtshams rna thos
la rtser 'byor skabs rgya mi'i phebs bsu srung dmag gi ru dar
mthong skabs btson khang du slar

'dzul rgyu yin pa lta bu'i skyo nyams dang 'jigs ye re ba zhig
byung/ gro mo dang/ phag ri sogs bshul lam rim bgrod kyis rgyal
rtser son/ rgyal rtser me bya gnam lo gsar tshes dang stabs 'khel
bas ^rgyal mchog ston

@160b 'khor nyin shas bzhugs 'jags mdzad ring/ phran rgyal rtse
zhi gnas grwa tshang du gra sgrig 'dug par bsdad cing/ zhi gnas
grwa tshang dang/ ri kha grwa tshang gnyis so sor dga' lha dang/
yon tan gzhir gyur ma'i khrid sogs chos 'brel

gyi thugs bzhed bskangs/ zla ba bcu gnyis pa'i tshes nyer dgu
nyin zhi gnas grwa tshang nas ^gong sa mchog la dgu gtor gar
'chams kyi gzigs mo bstar ba khrom pa mgo bo bskor ba'i 'khrab
khyer gang bde tsam min pa'i rnam 'gyur byin

chags par snang/ gzhung gnas nas dgung gsar gyi dgyes ston dkar
spro'i mdzad sgo stabs bde zhig mdzad song bar dkar spro'i skabs
dga' shar dze smad rin po che dang/ ra stod skyong bla sprul sku
gnyis nas bgro gleng tshogs langs sogs

zhus song/ dgung gsar grub rjes ^gong sa mchog pa rnam brgyud
gzhis ka bsam 'grub rtse'i rdzong du ^zhabs sor 'khod cing/ kho
bo cag kyang rdzong du gnas mal phab/ rdzong gi tshom chen du
gzhung khongs gtsang khul rdzong khag

bcu gsum gyi lha sde mi sde spyi nas ^gong du brtan bzhugs bstar
'bul dang/ ^gong sa mchog nas mi mngal gsung chos/ chos sde chen
po bkra shis lhun por chibs bsgyur gyis kun gzigs paN chen rin
po che dang mjal 'dzoms/

lha khang khag la gnas gzigs mchod 'bul rab gnas/ bkras lhun
tshogs chen dang/ bde chen pho brang du gsung chos bcas bskyangs
rjes ngor e waM chos sde dang/ dpal snar thang/ zhwa lu ri
mthil gnyis dang/ 'jam

@161a @#/ /mgon sa paN gyis kha che paN chan drung bsnyen rdzogs
bsgrubs gnas zhwa lu rgyan gong gi lha khang bcas la gnas gzigs
rim phebs su'ang chibs zhabs su lhan bcar zhus te skal bzang gi
go skabs

thob/ 7gong sa mchog bkras lhun du bzhugs 'jags mdzad ring
phran rang sdod gnas bkras bla nas yongs 'dzin lho pa sprul sku rin po
che'i gzim shag dpon tshang brang khang du gra sgrig gnang 'dug
pa der bsdad/ yongs 'dzin gling

[@##data incomplete here]

rin po che dang/ phran gnyis 7kun gzh

[@##data incomplete here]

rten gyi bdog pa dang bcas mjal bcar la dgyes pa'i bka' mchid
lhug por stsal/ de'i zhar du yongs 'dzin dngul chu rin po
che yang de sngon phran gyi sa

nas rje yab sras gsum gyi gsung 'bum gyi bklag lung gsan te
'brel yod la brten mjal 'phrad zhus/ 7rgyal mchog yab sras rnam
gnyis nang don dgongs pa snod gcig tu dkar zhing thugs mnyes
gshin pa'i rang bzhin kho na

las cung zad tsam 'da' ba ma mchis kyang/ spyir gyi dga' ldan
pho brang gzhung dang/ bkras lhun bla brang gnyis dbar mthun
lam dam gtsang sel med kyi 'brel zab cig yong du re nas/ 7kun gzigs
rin po che mdo smad nas

lha sar thog mar byon skabs dang/ 'di res kyi skabs sogs snga
phyi du mar gzhung khongs gnad yod kyi zhabs 'bring 'brel zab
khag la lhag bsam rma med pa'i bsam 'char gang yod zhus khul
yang/ chos zab bdud zab

@161b kyi dpe ltar gcig tu na rgya phyogs kyis bod nang khul ya
bral gtong rtsis kyi ngan g.yo'i thabs byus dang/ gnyis su na
bla brang dang/ gzhung gnyis ka'i zhabs 'bring yid srubs snying
zhugs can bstan sel gyi bgyi ba'i mthu lhag

par brtas pa la la dag gi byed las la brten nas ha cang lugs
legs shig byung ma song ba/ mkhar rdo rig 'dzin chos kyi rdo
rje'i ma 'ongs lung bstan du/ dbus gtsang gnyis kyi snal ma'i
bam po de/ /lo mang srin 'bus zos

pas hrul por song/ /da dung 'jam phrugs thags su re re nas/
/thags mkhan 'tshol ba'i phrab gshom thang re chad/ /ces gsungs
pa'i lung don thog tu babs par snang/ gzhis rtse nas stag gru
kha brgyud shangs dga' ldan

chos 'khor dgon dang/ bde chen rab rgyas gling/ paN chen sha ka
mchog pa'i gdan sa thub bstan gser mdog can dgon pa/ stod lung
yangs can dgon sogs nas gdan zhus ltar 7gong sa mchog chibs
bsgyur rim mdzad kyis lha

ldan nor bu gling kha'i pho brang du 7zhabs sen gyi padmo rnam
par bkod kyi bar chibs rjes su 'brangs/ zla ba bzhi pa nang grib
tshe mchog gling bla brang nas bskul ngor tshe mchog gling gi rdo
gcal chen mor brag g.yab rin po che dang/

^skyabs rje pha bong kha'i mchog sprul rin po che sogs se 'bras/
lha sa sogs nas phebs pa'i bla sprul dge bshes dang bcas pa'i
'dus pa brgyad brgya skor la zab lam bla ma mchod pa rtsa tshig
dang/ yongs 'dzin ye shes rgyal

@162a @#/ /mtshan gyi gsung khrid yig chen mo/ paN chen chos rgyan
gsung dga' ldan phyag rgya chen po'i rtsa 'grel bcas kyi steng
nas zab khrid nyin nyer lnga tsam ring smra ba don ldan gyi dge
rtsa bsgrubs/ sgrub

brgyud bstan pa'i gnyen mchog mtshur phu karma pa rin po che nas
gdan zhu gnang ba ltar/ 7gong sa 7skyabs mgon chen po stod lung
mtshur phu'i dgon du 7zhabs 'khod skabs yongs 'dzin gling rin po
che dang/ phran gnyis ka'ang

lhan bcar la mtshur bla nas gzhis len gzab cing/ rten gtso karma
pakshis rdzu 'phrul gyis bzhengs pa'i thub chen 'dzam gling
rgyan dang/ rje dus gsum mkhyen pa'i gdung rten bkra shis 'od
'bar sogs mjal/ zla ba lnga

pa'i tshes bcu nyin mtshur phu dbyar 'cham zhes grags pa gu ru
mtshan brgyad la sogs pa'i gar 'cham gyi stangs stabs brjid la
lhod chags pa dang/ dpa' bo mkha' 'gro'i gar 'cham gyi gar dpon
karma pa rin po che nyid nas

mdzad pa sogs kyi ltad mo'i dga' ston myangs/ der nyin gcig
mtshur bla'i rten sgam chen mo rnams zhal dbye dang 'brel bka'
brgyud gser phreng gi bla rabs rnams dang/ gzhan yang 'phags
bod
kyi mkhas grub du ma'i

byin rten sna tshogs/ zhwa nag gser mdongs can sogs 7gong du
gzigs 'bul mdzad zhar zhib mjal gyi skal bzang thob/ karma pa
sku phreng lnga pa de bzhin gshegs pa rgya nag tu phebs nas gong
ma'i 'das mchod mdzad

@162b skabs me phag zla ba gsum pa'i tshes lnga nas tshes bcu dgu
par tshes so sol nam mkhar 'ja' sprin glang chen dang/ sengge
sogs sna tshogs pa'i gzugs can dang/ sprin gseb tu sangs rgyas
byang sems dang lha'i mchod sprin mngon sum du

mthong ba/ tha ma'i nyin nub phyogs nas gser 'od 'phros pas rgya
nag gi rgyal khams khyab pa sogs ngo mtshar du ma byung ba
rnams
7gong ma'i bkas skabs der nyin so sor ri mor bris te/ bod/ rgya;
yu gur bcas kyi yi ge'i zhal byang

bkod pa'i dar yug chen gyi bsgril kha yod tshul dpa' bo gtsug lag
phreng ba'i chos 'byung du gsal ba de kho bor mig ston gnang
byung ba rgya bris rnying ma legs nges shig snang zhing/ skabs
de'i ltas bzang ya mtshan de dag dad dang/ yid

ches bskyed pa'i ngo mtshar can du gda'/ 7gong sa mchog mtshur phu
nas mar lam gnas nang dpa' bo rin po ches gdan zhus ltar dgon
par chibs bsgyur bskyangs zhor du kho bo cag kyang der bskyod
cing rtogs ldan grags seng

pa'i gdung rten sogs mjal te lha sar son/ nor gling gi dpyar
gnas grol rjes zla ba brgyad pa'i nang 7gong sa mchog gnas chen
yer par chibs bsgyur gyis yer pa grwa tshang dga' ldan gsang
sngags yang rtse'i 'du khang steng du

bzhugs 'jags mdzad cing/ kho bo yang der gnas mal byas/ jo bo'i
gsol sder la jo bo'i phyag bris kyi 'dra sku yod pa sogs mjal/
skabs der gsang chen rin 'dzin 'dus pa'i khyu mchog dpal ldan
stod rgyud grwa tshang

@163a @#/ /gi dge 'dun rnams dbyar phyi ma'i zhal bzhes chos thog
tshugs mus dang stabs khel gshis rgyud grwa tshogs yongs dang
lhan
du 7gong sa mchog dbu bzhugs thog /kho bo cag bcas dpal gsang

ba 'dus pa'i cho ga dang 'brel ba'i rab gnas rgyas pa nyin gsum
gyi sgo nas rten dang brten par bcas pa'i snod bcud kun la ye
shes rdo rje'i byin brgya dbab par mdzad pa dang chabs cig byams
khang du rma ston chos kyi 'byung gnas kyis

bzhengs pa'i byams chen/ srong btsan phug tu rig 'dzin ku ma ras
bzhengs pa'i thugs rje chen po dang/ srong btsan skabs kyi rnam
snang/ dpal lha'i mgon khang/ lha lung dpal rdor gyi sgrub phug
/jo bo rje'i rten 'brel phug /

sras gung ri gung btsan gyi lha khang sogs su gnas gzigs mchod
'bul/ o rgyan sangs rgyas gnyis pa'i gzim phug zla ba phug tu
tshogs 'khor gyi mchod sprin spro 'bul/ rgyud stod grwa tshang
dang/ yer pa grwa tshang gi dge 'dun

spyis zhus ngor/ 'brom ston sprul pa'i zlos gar 7rgyal dbang
mchog nas yer pa lha ri snying po'i mgul du skye bo'i tshogs chen
por byang chub lam sgron gyi bklag lung chos 'brel sogs sngon jo
bo yab sras kyis bka' gdams lha

chos bdun ldan gyi bstan pa'i sgron me sbar ba'i gnas mchog der
bstan 'gro'i phan bder che ba'i 'phrin las bskyangs skabs kho bo
yang lhan cig zhabs zhu'i skal bzang gi dga' ston thob/ ^gong sa
mchog yer pa'i mdzad sgo

@163b grub rjes lha sar chibs bsgyur gyi mar lam rigs brgya'i
khyab bdag 7skyabs rje yongs 'dzin gling sprul rdo rje 'chang
nas gar pa ri khrod du gdan zhu gnang ba ltar zhabs 'khod thog
/brtan bzhugs 7zhabs brtan sogs 'bul bzhes

kyis bzhugs zhag gsum bzhi tsam mdzad de sngon phebs bskyangs
rjes/ kho bor rin po che nas zhag shas dal sdod gyis zhes phebs
pa ltar lhod mjal ring zab pa dang rgya che ba'i gsung gleng
lhug par grol te nor gling du phyir ldog /

de rjes g.yu thog skyid tshal lcam rdo rje g.yu sgron gyis
bskul ba ltar lha ldan bzhi sde grwa tshang gi 'du khang du
^skyabs rje rdo rje 'chang pha bong kha'i mchog sprul rin po che
dang/ brag g.yab ho thog thu/ chab mdo 'phags chen ho thog thu
sogs

bla sprul che chung lnga bcur nye ba dang/ ser byes mkhan zur
gtsang ba thabs mkhas sogs dge bshes grags can du mas mtshon dge
'dun gtso gyur gyi 'dus pa bzhi stong lhag tsam la lam rim bde
myur gnyis dang/ 'jam

dpal zhal lung dbus brgyud lho brgyud gnyis/ lam rim zin bris
rnam grol lag bcangs bcas sbrags pa'i steng nas nyams khrid thog
/bdag gzhan mnyam brje'i sems bskyed skabs blo sbyong don bdun
ma dang sbrags

shing/ mjug tu sems bskyed mchod pa dang bcas zla gcig tsam ring
kho bos bod du lam rim 'chad spel gyi mjug ma de byas/ de rjes
ser byes tre hor dge bshes gzhung brgya smra ba o rgyan tshe
brtan gyis nan bskul ltar

@164a @#/ /nyin gcig se rar bskyod de tre hor khang tshan gyi rdo
gcal chos rar rwa sgreng mchog sprul rin po che dang/ byes smad
sngags gsum gyi mkhan po las zur/ bla sprul dge bshes sogs dge
'dun khyon che

zhig la dga' ldan lha brgya ma'i bshad khrid rgyas par phul/
/rang lo nga brgyad pa sa khyi dpyid dus 7skyabs rje rdo rje
'chang pha bong kha'i mchog sprul rin po che nas gsung bskul
gnang ba bzhin lha sar pha bong kha'i bla brang

du mchog sprul rin po ches gtsos pa'i bla sprul dge 'dun sha
stag nyis brgya skor la rje btsun 'jam dpal dbyangs kyis rje
bdag nyid chen por stsal ba'i nye brgyud 'jam dbyangs chos skor
dang/ dpal ldan sa skya ba'i thun mong ma

yin pa'i gser chos bcu gsum/ stag phu'i dag snang gsang ba bcu
gsum bcas kyi rjes gnang/ gong gsal rjes chog rnams kyi bklag
lung bcas bzhed don bskangs/ 7gong sa 7skyabs mgon chen po
mchog

gzhung chen bka' pod lnga'i thugs gnyer gsan bsam legs grub kyi
grwa bskor mtshan btags slad gdan sa gsum la chibs bsgyur
bskyangs srol ltar/ zla ba drug pa nang dpal ldan 'bras spungs
su chibs bsgyur bskyangs

pa'i chibs zhabs su bcar zhing/ pho brang kun dga' ra ba'i yang
steng du sdod sgrig 'dug pa ltar gnas mal bcas/ tshogs chen gyi
rdo gcal chen mor rig grol 'dus pa rgya mtsho'i dbus su 7gong sa
mchog nas thog mar

@164b mchod brjod sngon du 'gro ba'i gsung bshad dang 'brel dam
bcar bzhugs par 'bras spungs kyi mkhan po rnams dang/ rigs lam
la byang chub pa'i dge bshes drag gras rnams nas bka' pod lnga'i
dka' gnad las brtsams te

brgal brtag phul bar gsung lan thogs med du stsal rjes/ sgo blo
gnyis kyi mkhan po dam bcar 'khod pa la ygong sa mchog nas
rtags
bsal 'phen gnang sogs mkhas rnams mgu ba bskyed pa'i legs bshad
kyi 'od snang spro

bar mdzad song zhing/ phyogs mtshungs tshogs chen 'du khang du
'bras spungs bla spyi'i ston chen dkar spro 'bul bzhes/ tshogs
mang la chos 'brel gsung chos/ 'bras spungs gling skor la ston
'khor rgyas pa dang bcas

^zhabs bskor dang 'brel phyogs bzhir khrus gsol rab gnas/
^skyabs rje yongs 'dzin shar chos gling rin po che'i bla brang
nas 'bras spungs tshogs chen gyi dge 'dun rnams la mang 'gyed
bsnyen bkur thog /^gong sa

mchog tshogs mgon du gdan zhus chibs bsgyur/ sku bcar rnam
rgyal
grwa tshang 'dus spyi nas gru khang gsang sngags dga' tshal du
gdan zhus ltar 7zhabs 'khod chos 'brel sogs mdzad chen khag la
zhabs bcar gyi skal

bzang rim par thob/ gzhung gnas nas kyang tshogs chen la mtshan
btags kyi bsnyen bkur mang 'gyed rgya cher spro 'bul mdzad pa
sogs 'bras spungs kyi mdzad chen grub rjes mar lam gnas chung
lcog tu chibs bsgyur

@165a @#/ /skabs sprul pa'i chos rgyal chen po rten gzhir khog
phebs kyis nub sgo'i rdo skas kyi gsham du phebs nas 7gong sa
mchog la gus btud phyag 'then gyis 'du khang du gdan zhu'i thog
grwa tshang nas gsol

ston dkar spro 'bul bshams dang/ chos skyong nas bse 'bab smug
chung sogs rten rdzas spyan bstar zhu gnang mdzad cing/ 7gong
sa mchog dang/ yongs 'dzin gling rin po che/ phran bcas yod sar
bka' blon rnams 'gugs

'bod gnang ste/ mgon med pa'i dus ngan shar nyen yod ces pa la
sogs pa'i bstan srid skor bka' lung 'ga' shas gnang song ba
skabs der rang gzhan tshang ma'i 'char sgor 7gong sa chen po'i
sku phyar 'gal rkyen gyi lung

yin par dogs kyang/ rjes sor rgya gar du phebs tebod ljongs
mgon med du lus rgyu de lung bstan pa yid tshod snang/ de nas
chos sde chen po se rar chibs zhal bsgyur te tshogs chen du dam
bca'/ chos 'brel/ ston chen dkar

[@##data apparently missing this line] spro; gzhung gnas kyi
bsnyen 'gyed bcas 'bras spungs dang phyogs mtshungs bskyangs
pa'i mdzad zhabs su bcar te se r r bzhugs rgyun ring ldan ma
khang tshan du sdod sgrig 'dug par gnas mal bca' sdod
byas/ de skabs

nyin gcig 7skyabs mchog rdo rje 'chang gimchog sprul rin po
che'i gzim shag tu bskyod de lhod mjal zhus/ 7rgyal dbang mchog
se ra'i mdzad chen thugs gre legs 'grigs kyis nor gling pho
brang du 7zhabs sor 'khod

@165b [@##data incomplete this page] rjes/ slar yang zla ba brgyad
pa nang gdan sa dga' ldan du chibs bsgyur skabs lha sa nas
dga' ldan gyi la gsham gtsang thog par mo Tor thog chibs
bsgyur gyis yar lam bde tshan gsang sngags mkhar dgon par
'khyug tsam zhabs

'khod 'brel dgon gyi rten gtso mkhas grub rje'i rab gnas ma'i
mgon po phyag drug par 'phrin bskur mdzad/ gtsang thog nas sngar
srol chibs rag rgyas gshoms dang bcas 'brog ri bo che dga' ldan
rnam par rgyal ba'i gling du

7zhabs sor 'khod cing/ nged rang yang rdo khang khang tshan gyi
yang steng rang shag tu bsdad/ 7gong sa mchog sngar srol thog
ma'i chos zhugs mdzad sgo 'bras spungs dang/ se rar de sngon me
phag lor bskyangs zin cing/ dga'

ldan du chos zhugs mdzad sgo bskyang rgyur bsdad pa skabs 'dir
chos zhugs dang/ mtshan btags kyi mdzad chen chabs
ch

zhugs dga' ston gyi bsnyen 'gyed/

tshogs chen 'du khang du bla spxis ston chen dkar spr  'bul bshams dang/

@166a @#/ /tshogs mang la chos 'brel/ tshogs chen chos rar mtshan
btags dam bca' sogs se 'bras kyi lam ltar bskyangs pa dang/
yangs pa can gtsug lag khang du khri pa bla brang nas gsol ston
dkar spro

'degs 'bul/ 'jam mgon bla ma'i gdung rten gser sdong chen mo
sogs rten mchog rnams la gzhung gnas nas stong mchod/ tshogs
'khor sogs rgyas gshom thog ^gong sa mchog dbu bzhugs kyis dga'
ldan khri las thog pa thub

bstan kun dga'/ yongs 'dzin shar chos gling rin po che/ kho bo
cag /rnam grwa gsung zhabs pa rnams dang/ shar byang gnyis kyi
mkhan po/ bla sprul/ dge bshes sogs mang tshogs kyis 'jigs mdzad
rdo rje'i cho ga dang 'brel

ba'i rab gnas rgyas pa nyin gsum/ chos rgyal khang du gzab gsol
bskang tshogs bcas rgyas par bskyangs shing/ de skabs nyin gcig
kho bo cag gi shag nas lha mi'i yon gnas dam pa dga' ldan tshogs
chen gyi rig grol 'dus

pa rgya mtshor mang ja sbyor sbrel dang/ bzhes thug 'bras tsha
legs pa/ dge 'dun rer sku 'gyed dngul srang bco lnga dang/ mjal
dar re/ lo ltar sku 'gyed dngul srang gang re 'bul rgyu'i ma
thebs bcas kyi bsnyen bkur ba'i bya ba

sgrub pa dang chabs cig tshogs kyi mgon du phyogs bcu stong gi
'dren pa rgya mtsho'i mkhyen brtse nus gsum gcig tu bsdus pa'i
bdag nyid ^rgyal dbang thams cad mkhyen cing gzigs pa chen po
mchog 'jam mgon chos kyi rgyal po

@166b tsong kha pa chen po'i gser gyi khri la spyan drangs te/
gsang gsum gyi che ba'i yon tan las brtsams pa'i maNDal bshad
'bul dang 'brel dngul dngos kyi 'bul ba bsod nams kyi bgo skal
dang 'tsham pa mo dra mi dma' ba'i mchod sprin spros

shing/ mang tshogs grol rjes 'du khang gi yang steng gzim chung
du gzhung gnas nas dkar spro'i ston mo dang/ legs bya'i gnang
cha gsol ras stsal ba bdag gir zhus/ de nas nyin gcig dga' ldan
gling skor du sngar srol sku 'khor

rgyas gshom dang bcas chibs bsgyur gyis skor lam gyi phyogs
bzhir khrus gsol dang/ zhal 'don/ tshogs chen chu 'go'i 'khris su
^zhabs 'khod kyis shar gangs ri ma dang/ ^rgyal mchog bskal
bzang rgya mtsho'i gsung dga'

ldan gyi gnas bstod gnas sa 'dzin ma rta dbyangs dang bcas zhal
'don bskyangs/ shar gangs ri ma sogs rtse rnam rgyal grwa tshang
gi tshogs 'don du rgyu gtan gsung srol med pa dang/ 'di nyin
^gong sa mchog gi zhal mjal du lhags

pa'i skye bo'i tshogs chen po'i 'du long za zir sogs la brten
zhal 'don zhabs zhu ba rnam grwa'i sku zhabs rnams kyis shar
gangs ri ma'i phyed tsam nas tshig 'khrugs song bar/ mi mang gi
mdun sar zhal 'don chad dogs kyi sems  

tshabs che tsam byung yang sku zhabs rnams gsung skad bzang ba'i
mthus dbyangs kyi gdangs 'gyur snyan brjid chags pa'i 'og tu
mngon mtshan med par skabs shig tshig mjug mthud de gra 'grigs
tsam byung song/ nyin gcig

@167a @#/ /dbang bskur rir ^gong sa mchog lha g.yag dkar por
chibs te sku 'khor hrag bsdus dang bcas chibs bsgyur gyis lha
bsangs dgra lha dpang bstod sogs rgyas par mdzad skabs kho bo
yang zhabs zhu

bcar te ri rtse nas dga' ldan gyi dgon pa'i bkod par mjal skabs
rje yab sras kyi bka' drin dang/ nged rang sngon ma gra sar
tshogs dang chos gra 'grims skabs kyi gnas tshul rnams dran te
dga' skyo zung 'brel gyi yid mnan pas

mi non pa zhig byung/ skabs shig dga' ldan khri thog khang du
yod pa'i rten sgam dam 'byar rnams zhal dbye dang 'brel rje bdag
nyid chen po'i sku 'gag dang/ sku'i chos gos rnam gsum sogs nang
rten 'gangs che rnams mjal

gnang mdzad cing/ kho bo cag la'ang rten skal cha shas tsam re
gsol ras thob/ dga' ldan du bzhugs skabs ^gong sa mchog rgyu
tshad lta bus nyin re zung sku khams rnyog tshul che tsam bzhes
song bar rang gzhan tshang ma blo

g.yeng ci che byung yang/ gtso cher 'phags chen dam pa'i thugs
bskyed kyi rtsal chen po'i go cha bdag gir bzhes pa'i mthu dang/
'phral sel gsol sman 'phrod bzhes sogs kyi mthus gzhi lcir ma
gyur par drangs

bskyed bzhes/ dga' ldan gyi mdzad chen legs grub rjes mar lam
tshal gung thang gi gtsug lag khang yang steng du zhabs 'khod
mdzad cing/ ^skyabs rje yongs 'dzin gling rin po che dang/ phran
gnyis gtsug lag

@167b khang steng nub ngos kyi gzim chung sngar nged rang gi
skyed byed sku gshegs de nyid bzhugs sa der gnas mal byas/ ^gong
sa mchog gung thang bla brang gi dkar spro'i gsol ston 'bul
bzhes grub rjes gling kha'i nang gi spro khang du bzhugs 'jags
kyis

phyag dpe thugs gzhig mdzad rgyu zhig 'khyer shog ces kun rtse'i
dza sag dang/ rtsis dpon gnyis la bka' stsal 'dug pa gung blar
dpe cha ji yod khong tshor thugs rgyus med gshis phran la nang
'dri byung bar/ gtsug lag khang steng rab

gsal chen mo'i cha sgam nang dpe rnying mang po'i khrod du 'gro
mgon zhang g.yu brag pa'i bka' 'bum bris ma pod lnga yod pa de
blangs te phul/ de skabs phyag dpe len par gcung po rtsis dpon
tshe dbang don grub lags phebs byung bar nged

nas rtsed mo'i tshul du/ khyed tshos bod dpe thams cad klog shes
kyi ma red brjod par/ bod yig la mi shes pa ci yod zer/ der dpe
cha'i khrod du phar phyin gyi mtha' dpyod yig 'bru bzhi lnga
tsam re bsdus pa'i bsdus yig ha cang mang  

po can bris ma zhig 'dug pa bstan skabs bklag ma thub par mgo bo
sprugs kyi na snang/ ^gong sa mchog zhang bka' 'bum gzigs zhib
kyis spro bzhugs mdzad mur lha sdod rgya dpon krang cin u nas
chu bzhi sgang drug gi dmag mis

snye mor rgya phyogs dang dmag 'thab kyis mi gsod thal cha chen
po yong bzhin pa de dag tA la'i bla ma dang/ sa gnas gzhung gi
sa bkag sdom 'gan len dgos shing/ de ltar ma byung tshe rgya
phyogs nas drag gnon bya rgyu yin tshul sogs

@168a @#/ /kyi 'jigs bskul ^snyan seng bka' shag brgyud phul
'byor byung gshis thugs dam sad rkyen mi bzad pa byung song/
de'i nangs par ^gong sa mchog thugs nyams mi spro ba'i ngang nor
gling du chibs

bsgyur bskyangs/ de lo dgun thog ser sngags rab 'byams pa blo
bzang dbang ldan can nas bskul ba bzhin/ ser sngags grwa tshang
du bskyod de se ra'i dge 'dun gtso bor gyur pa'i 'dus pa nyis
stong tsam la gsang 'dus 'phags

lugs mi bskyod rdo rje dang/ 'jigs byed lha bcu gsum/ bde mchog
dril bu lha lnga/ kun rig bcas kyi dbang chen sta gon dang bcas
pa/ gsang bde 'jigs gsum gyi sngags btu'i rjes gnang bcas phul/
de dang

stabs mtshungs gro mo dge bshes rin po che'i mchog sprul dge
bshes mtshan btags kyi gtong sgo 'khel bar brten 'bod gnang ltar
gro mo bla brang du bskyod de zhag gnyis bsdad/ ^skyabs mchog
rdo rje 'chang pha bong kha'i mchog sprul rin

po che'i gzim shag tu bcar te lhod mjal thog yongs 'dzin rgyal
rong mkhan sprul rin po che sku khams mi bde bar zhabs zung yun
brtan gyi gsol 'debs zhus/ 'di yan chad du lo mang ring gdan sa
gsum dang/ lha sar rgyud

grwa stod smad/ rme ru/ bzhi sde sogs su gnyug mar gnas pa dang/
phyogs 'dus kyi dge 'dun gtso bor gyur pa'i 'dus pa stong phrag
gcig gnyis nas bzhi lnga'i bar la byang chub lam rim gtso bor
gyur pa'i mdo sngags kyi

@168b khrid lung dbang gsum 'chad spel lan grangs mang du bgyis
shing/ de dag gi skabs bla sprul che chung yang drug cu bdun cu
nas nyung mthar nyi shu sum cu tsam dang/ gdan sa gsum gyi
mkhan
po las zur gyis mtshon pa'i dge bshes snyan

grags can dang/ slob gnyer ba bzang gras du ma zhig 'dus 'dzoms
stabs/ rang ngos nas paN chen blo bzang chos rgyan gyis/ chos
bshad kyis gzhan sems bsgyur mkhas kyang/ /rang rgyud kyi ko
skam gyong por lus/ /

glu mkhan dang bro pa'i chos bshad bzhin/ /chos rgyus mkhan chos
kyi phongs nyen gda'o/ /zhes gsungs pa ltar kha bshad lag len
'gal ba'i zog po chos dred mkhan gyi rang bzhin kho nar zad mod/
'on kyang sngon rang gi ma

bsad pa'i sdig can zhig gis ston pa'i bstan par zhugs nas sde
snod la sbyangs te/ yul mtha' 'khob tu dge sbyong du brdzus nas
chos bshad pas slob mas dgra bcom gyi 'bras bu thob pa byung ba
bzhin/ slob bu'i khrod nas bstan pa

'dzin skyong gi khur chen 'degs pa du ma zhig 'ong du re nas yab
rje drin can bla ma sangs rgyas 'dus sku rnams kyi zhal snga nas
las thar pa dang thams cad mkhyen pa'i lam bde blag tu mtshon
pa'i gsung gi bdud rtsi snying dang rna ba'i bcud du

phran bu chags pa rnams gang nus su spel ba'i brtun pa bskyed
khul byas mod/ yid srubs kyi pho nya kla klo rgya dmar gyis
gangs ljongs bstan 'gro'i dge mtshan mtha' dag chang gis myos
pa'i glang chen gtum po'i khyu tshogs kyis padma'i tshal

@169a @#/ /chen nyam nyes par byas pa ji 'dra ba de ltar glo bur
dus gcig la bcom ste bod ljongs chol kha gsum gyi khyon la rab
byung gi rtags tsam 'dzin pa'ang mthong du med par bcos stabs/
bla sprul dang/

dge ba'i bshes gnyen re ba che ba mang po zhig rgya mi'i btsan
gnon 'og rtsa 'thor du song zhing/ ^gong sa ^skyabs mgon chen
po'i zhabs rjes su bsnyegs te rgya gar 'phags pa'i yul du byes
phebs nyung shas shig mchis pa 'di dag las

kyang re zung ni zhi bar gshegs/ la la zhig ni slob dpon dbyig
gnyen gyis/ phra rgyas spangs pa ma yin dang/ /yul ni nye bar
gnas pa dang/ /tshul bzhin ma yin yid byed las/ /nyon mongs rgyu
ni chang ba yin/ /zhes gsungs

pa'i don thog tu song ste re ba 'bras med du gyur pa'i ngang
tshul 'di dag la bsams tshe byas pa rjes med byis pas bye ma'i
mkhar rdzong brtsigs pa'i mched zlar gyur snyam yid pham che
yang der zad/ /rang lo lnga bcu nga dgu pa sa

phag zla ba dang po'i tshes gcig nyin rtse pho brang du ^gong sa
mchog gi gzim chung mtshan gzim khang lha mo gsung byon ma'i
spyan sngar bskang ba gzab gsol dang/ pho brang gi dbu rtser
tshes gtor gsung chog /gzhan yang dgung gsar

nyin snga phyi'i dgyes ston mdzad sgo khag la sngar lam bzhin
bcar/ lo gsar tshes gcig zhog pa kha ba phran bu babs pa dus zir
yo 'khyoms bstan srid spyi la sku gegs mi shis pa'i mtshan mar
snang/ 'di lo ^gong sa mchog gzhung

@169b chen bka' pod lngar gsan bsam mthar son gyi 'bras rtags su
lha ldan cho 'phrul smon lam chen mo'i skabs grwa skor rab
'byams pa'i dam bca'i mdzad chen bskyang rgyur brten lha ldan
sprul pa'i gtsug lag khang gi yang thog bla brang steng du

chibs bsgyur bskyangs par brten phran yang smon lam ring bla
brang steng gzim chung snang srid du bsdad cing/ tshes bcu gsum
^gong sa mchog lha rams dam bca'i mdzad chen dngos gzhi
bskyangs
nyin smon lam chen mo'i zhog tshogs mang

ja dang/ gsung chos ra ba'i dam bca'/ gung tshigs mang ja/ nyin
gung skam tshogs dam bca'/ dgong ja/ dgong dro dam bca' chen mo
bcas par ^gong sa mchog nas mang ja'i skabs so sor gzhung chen
gyi gsung bshad

dang gus btud chos yar/ snga gung tshogs dbar dam bca' dang/
dgong dro'i dam bca' chen mo bcas par spur len gyi do shal gcal
du bkram pa'am/ sa chen gur kum gzhon nu'i tshal gyis dkrigs pa
lta bu'i dge 'dun khri khrag

gsum la nye zhing/ mang thos blo gsal rigs pa smra ba'i khyu
tshogs chen po'i dbas su gdan sa gsum gyi dge bshes phyogs glang
chos grags kyi snyems pa 'chang ba rnams kyis snga dro gsung
chos ra bar tshad ma/ nyin gung la dbu

par/ dgong dro 'dul mdzod bcas kyi gzhung don dka' gnad las
brtsams pa'i brgal brtag rigs lung rim phul la gsung lan thogs
med du stsal bas gzur gnas rnam dpyod can rnams dad gus kyi
padmo bzhad cing/

@170a @#/ /mkhas rlom khengs dregs can rnams kyi spobs pa'i 'khri
shing nyam nyes par byas te nga rgyal gyi gdengs ka la zhabs
mthil gyis skyang nul mdzad pa'i ngo mtshar ltad mo'i skal bzang
longs su spyad/ nyin

gung dam bca'i skabs gnas chung sprul pa'i chos rgyal chen po
yang rten gzhir khog brlams thog babs kyis ^gong sa mchog la
bden bzhi chos 'khor gyi skor las brtsams pa'i rtags bsal mdor
bsdus shig 'bul gnang dang

'brel legs so'i lung 'bul gnang mdzad/ tshes bcu bzhi nyin
'khyams ra chen mor gzhung gnas nas ^gong sa mchog la dam
bca'i mdzad chen dngos gzhi legs grub kyi legs 'bul ston chen dkar
spro shin tu rgyas pa dang/

mig skya'i khengs pa thung ngur byed pa'i nor sna'i 'bul ba gtos
che ba bstar 'bul 'brel yongs 'dzin shar chos ^skyabs rje gling
rin po che dang/ kho bo cag /mtshan zhabs rnam pa bcas so sor
yang gsan bsam zhabs zhu

legs 'grub byung ba'i legs skyes kyi rten 'byung gsol ras dpangs
mtho stsal ba bdag gir zhus/ zla ba dang po'i tshes bcu nyin
sngar srol lha ldan rme ru rnying par gnas chung chos rgyal
chen po gzab gsol gyi skabs dang/

de rjes tshes bcu bdun nyin bla brang steng gzim chung dga' ldan
yang rtser 'phar ma'i spyan 'dren mdzad skabs bcas par/ chos
skyong nas rgya chu rab med la zam pa zhig 'dzugs e thub gzugs
med nas blta rgyu yin zhes lung

@170b 'bul gnang song ba nged tsho'i bsam par de skabs rgya bod
gnyis dbar 'gras gzhi'i rgyun je 'phel gyi ya 'gal ci che'i
skabs la brten phan tshun 'grigs tsam yong thabs shig mdzad
rgyu'i lung yin 'dra snyam yang/ rjes su brtag skabs lha sa'i

phyogs mtshams kyis gnad tshang ma rgya dmag bca' sdod kyis bskor
te bros thar gyi go skabs ye nas bral ba lta bu yang/ ^gong sa
chen po ston 'khor brgya phrag tu nye ba 'gal rkyen phra mo
tsam
med par shar phebs thub pa 'di dag chos srung gi

rdo rje'i tha tshig mi 'gyur ba'i 'phrin las su nges pa rnyed/
smon lam grol nye'i nyin gcig ^gong sa mchog sngar srol gung
tshigs mang ja'i tshogs dbus su ^zhabs 'khod thog /deng skabs slob
grwa khag tu ngag thog nas dri ba'i rgyugs len

pa'i srol dang mtshungs par kho bo nas sbyor 'god kyi dri tshig tu
bka' pod lnga'i rgya gzhung khag gi nang nas tshigs bcad sholo ka
sna tshogs shig rim par smos rjes ^gong sa mchog nas tshigs bcad
so sor don 'grel rtags sbyor 'god gnang

mdzad cing/ gung tshigs mang ja grol rjes 'khyams rar mkhas mang
mdun sar bshad chung dam bca' 'jog gnang mdzad/ de rjes nyin
gcig rgya mi'i dmag sgar si ling pu'u zhes par gtam brjod kyi
zlos gar ltad mo ston gyi yod

pas der yongs 'dzin gling rin po che dang/ phran/ bka' shag bka'
blon rnam pa sogs do nub nges par phebs dgos zhes dmag sgar las
khungs de nas brda lan 'byor byung bar/ de sngon mdo stod dang/
mdo smad phyogs su tshogs

@171a @#/ /'du dang/ mgron 'bod kyi skabs sogs la bstun te bla
dpon mi drag mang po 'ju bzung khrims gcod btang ba go thos
stabs zab mo'i lta ba dang/ blo sbyong kha bshad du lus pa'i
bdag 'dzin gyi dbang

gis nged tsho tshang ma do nub rgya mis mgo bskor gyis 'ju bzung
byas mi yong ngam snyam pa'i blo g.yeng ci che'i ngang bskyod
dgos byung yang/ rgya phyogs nas rjes sor ^gong sa mchog g.yo
bskor gyis gdan zhu'i sngon 'gro lta bu yin tshod

la brten de nub nged tshor ja dang/ bzhes zas sogs kyi sne len
dang bcas phyi tshul rnam 'gyur mdzes lam gyi ngang nas phyir
log thub tsam byung/ 'phags pa'i dge 'dun ni bsnyen bkur phu
dud rim gro bya ba'i 'os su gyur cing/

bsod nams dang dpal gyi zhing/ mchod pa'i yon gnas dam pa yin
pas/ sbyin pa las byung ba'i bsod nams mngon par 'du bya bar
sems te/ lo shas kyi sngon nas bzung lha ldan smon lam chen
mo'i 'dus tshogs su

mang ja dang/ bzhes thug /sku 'gyed/ 'gyed thebs ma rtsa bcas
lo bstar chags su 'bul mus ltar 'di lo yang 'dus tshogs su mang
'gyed thebs sbyar gyi tshogs gsog gi mtha' ma de byas/ ring nas
bsten pa'i srung

ma'i gtso bo rgyal chen rdo rje shugs ldan gyi sku bsten spang
lung chos rje shag tu ched 'bod kyis chos skyong sku phebs
spyan 'dren gyis blang dor lung zhu bgyis pa'i bka' lung du/
bstan dgra rgya dmar gyi bsam sbyor ngan gshom nye

@171b bas ^gong sa mchog dang/ kho bo cag sogs rgya gar phyogs
su gsang phebs gnang gal shin tu che ba ma zad/ lhag par phran
bod du sdod rgyu gtan nas mi 'gab pas bskyod thabs dgos gal
dang/ ^gong sa mchog la'ang ^snyan

bskul zhu gal che zhing/ phebs dgos pa zhig dang/ phebs thub
pa'i dus skabs nges par yong rgyu'i lung bstan gnang yang/
^gong sa mchog phebs bzhugs thugs gtan ma khel stabs kho bo
cag bskyod rgyu cir 'gyur snyam som nyi'i

mal du gnas/ smon lam grol mjug byams pa chos bskor gdan 'dren
zin 'phral ^gong sa mchog lha ldan nas/ nor gling bskal bzang
pho brang du 'khor tshogs rgya mtsho'i bkod pa dang bcas chibs
bsgyur bskyangs skabs kho bo

cag kyang lhan bcar zhus/ rgya mi'i dmag sgar nas phyi lo chig
stong dgu brgya lnga bcu nga dgu zla ba gsum pa'i tshes bcu/
bod sa phag zla ba gnyis pa'i tshes gcig nyin ^gong sa ^rgyal
dbang mchog dang/ yongs 'dzin rnam gnyis/

bka' blon lhan rgyas kyis gtsos pa'i gzhung zhabs gnad yod
khag rnams rgya dmar gung bran gyi dmag sgar du zlos gar gzigs
mor phebs dgos kyi mgron shog sngon phul thog /sku srung mda'
dpon stag lha phun tshogs bkra shis rgya

mi'i dmag sgar du ched 'bod 'brel ^gong sa mchog gi sku srung
dmag mi bcu lhag lhan bcar mi chog cing/ de dag gis kyang go
mtshon 'khyer mi chog pa dang/ yongs 'dzin gnyis/ bka' blon
sogs ngo ma rkyang pa las zhabs

@172a @#/ /gras mnyam 'khrid mi chog tshul brjod pa sogs byed
babs cho spyod gang ci nas ngan g.yo'i rtags mtshan dngos thon
de ltar yang/ rgya dmar btsan shugs che bas ^gong sa mchog nas
gzigs

mor phebs rgyu'i zhal bzhes mi gnang mthu med kyis thugs gtan
'khel mtshams/ spyir na bod mi ser skya yongs rdzogs rgya dmar
gyi byed spyod la zhe nas mi dga' ba yod mus khar/ lhag par
rgya dmar lha sar slebs nas bzung

da phan lo ngo brgyad ring ^gong sa mchog rgya mi'i dmag sgar
du gdan zhu byed srol med par da lam glo bur gdan zhu bya
rtsis thog /sku srung dmag mis go mtshon 'khyer mi chog cing/
lhan bcar gzhung zhabs rnams nas g.yog mnyam

'khrid mi chog brjod babs dang/ phyogs yas mas tshang ma nas
mtshan mo mo Tor che ba mang po'i nang rgya dmag khyon che dmag
sgar du bsdu bskong byas pa sogs bod mi mang pos dngos su
mthong thos la brten gdan sa gsum gyis

gtsos pa'i dgon sde khag gi bla ma dge 'dun dang/ gzhung zhabs
ser skya/ mi mang pho mo khri khrag 'ga' shas shig sus kyang
bskul ba med par ma bgros bsam pa gcig gyur dang blangs kyis
bod tshes gcig nyin snga dro nor gling pho brang

lcags ri phyi ma'i rgyal sgo'i 'gag tu sdebs 'dzoms kyis ^gong sa
mchog da nyin gzigs mor phebs rgyu blos 'gan bzod min gyis
bshol rgyu'i gsol 'debs skad 'bod rgyab ste phebs lam bkag /bka'
blon bsam pho ba che

@172b dbang rig 'dzin ^gong sa'i chibs zhabs su bcar rtsis
kyis lha sa nas nor gling du me Tor nang phebs par mo Tor kha
lo ba rgya mi zhig yod stabs mi mang nas rdo 'phangs pa bsam
pho'i dbu la phog ste phyir log gnang dgos byung 'dug pa dang/

chab mdo 'phags pa lha'i sku mched mkhan chung bsod nams rgyal
mtshan zhes pa lo na phra bas rgya mi'i las byed dag dang rgyun
du 'grogs 'dris che khar/ lhag par 'di nyin nor gling du 'ong
skabs rgya mi'i kha ras dkris pa sogs gyon chas dang

byed sbyong bzo min byung bar/ mi mang dogs 'char gyis nor
gling gzhung sgo'i 'gag tu rdo char phab ste rkyen 'das song
ba bcas ^gong sa mchog rgya mi'i dmag sgar du chibs bsgyur
bskyang rgyu phyir bshol mdzad/ mi mang nas nga tsho bod mi
rnams

rang dbang rang btsan yin zhes lha sar skad 'bod khrom bskor
byas thog /chol gsum mi mang spyi nas dang blangs kyis sku
srung dmag mi stong phrag brgal bas rang rang gi go mtshon
'khyer te nor gling pho brang gi lcags ri phyi nang dang/

rtse pho brang/ lha sa'i gtsug lag khang sogs la srung 'doms
zhus bsdad thog /nor gling ^zhabs brtan khang du mi mang nas
sgrigs btsugs kyi sku srung dmag spyi khang gsar du tshugs/ lha
sa'i bud med stong phrag mang pos kyang rgya mi

bod nas phyir rgyugs shig ces rgya dmar la ngo rgol skad 'bod
kyi rngams ston khrom bskor byas 'dug /tshes brgyad nyin rgya
dmar nas nor gling pho brang nye 'gram byang phyogs su dge
'dun pa gnyis me mda' 'phangs te bsad pa dang/

@173a @#/ /pho brang gi phyogs su me sgyogs gnyis 'phangs pa
sogs lo rgyus zhib pa ^gong sa mchog gi mdzad rnam du gsal ba
ltar nyen 'gan ches lci bar song stabs bdag dang bdag 'dra
ba'i rigs rnams chos kun

sgyu mar shes pa'i blo dang mi ldan pas sems 'khu 'phrig gi
gnas su bkod/ gnas tshul de dag la brten nas bka' shag drung
rtsis bcas nas sku phya'i nyen yol du phyi rgyal gang 'os su
chibs bsgyur yong ba zhes snyan bskul rim zhus

thog /lha mo gsung byon ma'i spyan snga'i brtag bsgril/ gnas
chung chos rgyal chen po dang/ dga' gdong chos skyong shing
bya can gyi bka' lung/ ^gong sa mchog gi bka' dgongs bzhin kho
bo nas gsang stabs kyis rwa stod chu dbar

rin po che spang lung ri khrod du rgyal chen shugs ldan sar
lung zhur mngags par chos skyong nas da res 'phral phebs dgos
shing/ phebs lam lho nub brgyud phebs na sku 'khor tshang mar
nyes skyon med par ngas khas blangs chog /ral

gri 'di ^rgyal ba'i chibs gral gyi sne mor rdo rje'i ming can
gyis 'phyar stabs su gdengs te bskyod dgos/ zhes gsungs shing
lho nub ra ma sgang phyogs su zhal gtad de mda' 'phen pa dang/
ral gri'i gar stabs mdzad 'dug pa bcas

lung brtag rnams rtse mthun byung ba ltar bod zla gnyis pa'i
tshes brgyad kyi mtshan mo'i chu tshod dgu thog /rgyal yum chen
mo sogs yab gzhis sku ngo rnams sngon phebs dang/ de'i rjes
^gong sa mchog sku 'khor nyung shas bcas chibs

@173b bsgyur/ de rjes ^skyabs rje yongs 'dzin gling rin po che
dang/ nged rang/ bka' blon zur khang pa dbang chen dge legs/
sne shar thub bstan thar pa/ shan kha ba 'gyur med stobs
rgyas/ sku bcar gsol gzim mchod gsum sogs sku

'khor nyung bsdus bcas tshang ma na bza' rgyun chas dor nas
zhabs gras rnams dang zhe 'dres dkyus chas mnabs te nor gling
nas lha sa'i skyid chu'i lho nub phyogs ra ma sgang gi gru kha
bar zhabs thang dang/ gru thon nas ribs chas sogs dkyus

'dris kyis lhan du chibs bsgyur bskyangs/ nged rang gi mdun
g.yog lha bu dang/ 'jam dbyangs bkra shis/ nor bu chos 'phel/
rnam grol/ bsod nams bstan 'dzin bcas tshes brgyad kyi nyin mo
skyid chu'i pha rir ra ma sgang

bar mngon tshan med par sngon btang gis sgug tu bcug /dpal
ldan/ blo bzang shes rab/ blo bzang ye shes bcas mtshan mo nged
rang dang mnyam bskyod byas/ nged tsho nor gling pho brang nas
thon skabs rlangs 'khor chen po ras

kyis bkab pa'i nang gab ste gzhung sgo chen mo'i sgo srung ba
rnams kyis kyang su yin ma 'tshal ba byas nas thon cing/ skyid
chu'i pha rir thon nas sne'u rdzong gi bye la chung ngu de ma
brgal bar du skyid chu'i byang du nor bu gling kha'i nub
phyogs nor

thod gling kha zhes par rgya mi'i dmag sgar zhig yod pa de'i
zhun mar rnams khra lam mer thag nyer yod pa mthong zhing/
zla
'od ni rgyun gtan las gsal nyams lta bu snang bas da lta rang
rgya mis shes tshor gyis mjug 'ded byas dogs

@174a @#/ /dang/ skyid chu brgal thub gshis stabs legs byung na
bros thar thub re sogs khyir ba mgon po rdo rje'i sha ba nag
po'i dpe ltar re dogs kyi ngang nas bskyod/ rgyun gtan rkyen
ngan dang ma 'phrad pa'i skabs

khri thog nas mgrin pa gzengs mthor btegs te mi gzhan la rkyen
ngan lam 'khyer sogs blo sbyong gi stong skad 'brug ltar sgrog
khul de 'di nyin rdzun phugs rdibs te gar song mi snang/
sne'u'i la rtser son pa na zla ba nub ste mun nag tu

song zhing/ rgya'i dmag sgar yang yol zin pas blo cung zad
lhod du song/ 'on kyang mun nag nang glog zhu ston ma nus par
bskyod dgos stabs rogs zla rnams sngon rjes nges med du kha
'thor zhing/ mdun g.yog lha bu lam

nor ches pas rjes lus kyis sang nyin tshes dgu'i mtshan mo'i chu
tshod dgu pa tsam bar ma slebs stabs rgya lag tu tshud pa min
nam snyam blo g.yeng che nges byung/ nor gling nas gru kha
bar rkang bgrod bya rtsis kyis gyon pa yang chas byas

pa dang/ lhags rlung grang ngad che rkyen bad mkhris ldang ste
mgo 'khor zhe mer gyis rta thog nas skyugs pa 'chor bzhin par
bskyod de tshe smon gling gi gzhis ka rnam rgyal sgang zhes pa
der gzhis sdod pa de'i gyon pa tsug phrug gi zla gam dri nog

can zhig g.yar gyon gyis cung zad ngal bsos nas chu skol phor
do tsam btung bas cung bder song/ bye la'i tshur nang der stag
brag bla brang phyag mdzod nas ^gong sa mchog la gsol 'dren
phebs skyel zin te phran tsho sgug 'dug pa nas

@174b bza' btung phran bu byas nas bye la brgal te ban rtsa
gru kha zhes pa gtsang chu dang skyid chu 'dres pa'i chu chen
'gram bye thang der nyi myur tsam la 'byor zhing/ rlung po'i
stabs kyis gru 'gro 'ong dka' bas gru tshur ma 'khor bar bye
rdul 'khyer ba'i

lhags pa mda' ltar tsha ba'i khrod du yun ring sgug cing mun pa
ma rub tsam der gru thon te de nub rwa ba smad dgon pa'i steng
thog tu bsad/ ^gong sa mchog kyang der mjal/ nor gling nas
thon skabs ^gong sa mchog gi sku phya 'gangs shin tu che

bas 'gal rkyen mi 'byung ba zhig dang/ rang srog thar tsam
zhig gi re 'dun kho na las dngos rdzas 'khyer rgyu'i re ba bag
la zha ste nged rang gi gzan sham dang/ kha ton dpe deb/ byin
rten rten sgam/ de min ngo g.yog tshang mas 'bral

dpang mtshon srung ga'u dang/ lag mda'/ 'phral gyi bza' btung
nyung shas dang/ gyon pa lus 'byar tsam las gzhan gang yang
med par 'ong/ mdor na kho bo cag tsam ma zad skabs der mnyam
phebs bka' blon rnam pa sogs

dang/ de rjes bod mi ser skya mchog dman mang po snga rjes rim
phebs thams cad kyang/ ji skad du/ rjes paN gyis/ shes rab med
pa'i longs spyod de/ /phal cher rang la phan pa nyung/ /'dod
'jo'i ba yi 'o ma de/ /be'us

'thung ba brgya lam yin/ /gsungs pa ltar bdag tu bzung ba'i
'dzin dbang snod bcud yod do cog dbang byar med par yud tsam
la dor te mdang gi rmi lam ltar gyur cing/ nye 'brel/ 'khor
g.yog /grwa slob yon bdag sogs

@175a @#/ /snying du gces pa du ma zhig dbang med gson bral bya
dgos byung ba mthong thos sogs 'dus byas rtag pa med pa'i rang
bzhin mngon sum ngo sprod dmar khrid du thob pas nyams len gyi
bogs chen po zhig thon

dgos tshod du gda' na'ang tshe rabs mang por ngan goms kyi bag
chags mthug ches pas rgya gar du 'byor rjes 'di snang 'khrul
pa'i rjes gcod kyi blo ngan dred pos mi tshe stong zad du gtong
ba'i 'du 'god rim gyis snga sor chud/ de nas skyid bde

zhol gyi sa khongs dol rdo phud chos 'khor dgon du gnas mal
thog sang der chos skyong rgyal chen gyi rten khang mjal
bskyod kyis 'phrin bskul byas shing/ de nub g.yo ru gra nang
gra thang dgon zhes pa gter ston gra pa mngon shes can gyis

phyag btab pa der slebs/ yongs 'dzin gling rin po che dang/
phran/ bka' blon zur shan sne gsum bcas der zhag bzhugs mdzad
cing/ ^gong sa mchog der bzhugs blos bzod min gyis gra nang
phur gyang 'go rgyal bzang gzhis

su chibs bsgyur bskyangs/ de'i nangs par phran tsho gzhung lam
brgyud gra phyir rtsod bral gyi rig 'dzin gter chen 'gyur med
rdo rjes phyag btab pa 'og min smin grol gling zhes dge 'dun
rnams gzhi gsum gyi phyag len sogs 'dul khrims

gtsang zhing/ rnying ma bka' gter gnyis kyi nang nas bka' ma'i
bshad sgrub gtso bzung thog /gter chen nyid kyi gter chos bsre
slad med par skyong ba sogs dbus ljongs rnying dgon gyi yang
rtser gyur pa der 'byor zhing/ de ga'i

@175b dge 'dun chos gos gsol te zhi dul gyi nyams thon pa
rnams kyis ser sbreng gis bsu ba mdzad kyi 'dug par phran tsho
ngo g.yog tshang ma 'khor 'das ro mnyam gyis phyu ba gyon te
'bar chas su yod stabs cung zad 'tsher ba byung/ der smin gling

khri tshab gcung rin po che nas gung gi gsol ston sogs sne len
gzab par gnang zhing/ dgon gyi gtsug lag khang byin can khag
dang/ dgon khang shin tu gnyan pa sogs mjal zin rjes yongs
gling rin po che dang/ nged gnyis gcung

rin po che dang sngon nas thugs nang dge zhing zhal 'dris che
bar brten steng thog gzim chung du lhod mjal gyis lha sar dus
'gyur byung ba'i gnas tshul zhib zhus dang 'brel rin po che
nyid kyang gnas skabs dgon du bzhugs 'gab mi che

bas phyogs phebs mdzad legs nan tan zhus kyang/ gcung rin po
che nas nged rang ma bsdad na dgon pa 'thor nyen yod tshul gyis
phebs bzhed ma mdzad par bya thabs zad/ smin gling nas dgong
dro tsam la btegs te de nub lho  phyogs kyi lung pa'i phur
smon 'gro gzhis zhes par zhag sdod byas/ de nas nye bar bgrod
de 'dus spyi la zhes lam thag ha cang ring ba zhig brgyud
'phyongs rgyas phur spyan g.yas dgon du 'byor/ rten gtso sman
bla rin chen zla ba'i snang

brnyan la mchod 'bul gsol 'debs byas/ sang der 'phyongs rgyas
ri bo bde chen dgon du son cing/ der zhag sdod bya rtsis byas
mod/ ^gong sa mchog sku 'khor dgon gnas der snga nyin ^zhabs
'khod zin te sku'i ngal bs 

@176a @#/ /lta bur nyin gcig lhag po bzhugs rtsis kyang/ lha sar
bod tshes bcu'i nub mo rgya dmar gyis me sgyogs sogs drag mtshon
char ltar phab nas nor gling pho brang dang/ rtse pho brang/ lha
sa'i

yas mas gang sar stor skyon dang/ mi bsad thal cha ci ches bod
dmag gis rang sa srung bkag ma thub par mi mang ser skya rnams
srog 'go gang thon gyis sa khul gang sa nas bros byol mi 'gro
mthu med kyi nyen kha'i gnas tshul

[@##data apparently incomplete this line] dza drag gsan thos stabs
thugs nyen ma bzod par glo bur rings stabs su ston 'khor p ams
phebs thon gyis 'phyongs rgyas phu'i don dkar la brgyud yar
lung chos sde gong thos bsam dar rgyas gling dgon du ^zhabs
sor 'khod

cing/ kho bo cag kyang mthar gyis song song ba las der son/ 'di
nyin spyan g.yas nas 'di'i bar nyin lam gnyis kyi sa nyin gcig
la shar bskyod bya dgos kyis mi rta tshang mar ngal dub che nges
byung yang/ dgon gyi 'dzin

bdag ^skyabs rje yongs 'dz
    
       -data missing here-
                 
                                               'gram yar stod
brag la zhes pa'i la chen de

brgyud e chu mo rgyangs zhes pa'i grong sde chung ngu snod
bcud gnyis zhan med dgu 'dz_]s pa'i ha cang tha skyo zhig tu
bsdad/ yul de'i mi rnams tshe rabs sngon ma'i mi dge ba'i las lam
gyi bdag 'bras nyams su myong dgos

@176b pa las dbang btsan po'i 'ching zhags kyis bcings pa zhig
yin tshod las/ de min kho bo cag lta bu nyin gcig kyang sdod thub
pa mi snang/ de'i phyk!nyin s 
                gi 'dzin khongs sho po nub mkhar steng dgon dang/

tshes bcu bdun nyin gnyal gyi g.yul rgyal lhun po rtse'i rdzong
chen du ^gong sa mchog ^zhabs 'khod thog der bod kyi gnas skabs
kyi rgyal sa mdzad bzhed kyis tshom chen du ston 'khor tshang
'dzoms kyis rten 'brel mdzad sgo rob bsdus shig

mdzad song ba'i bzhugs gral du bcar zhing/ yongs 'dzin gling rin
po che nas maNDal bshad 'bul dang/ phran nas bkra shis rdzas
rtags sogs tshigs bcad dang 'brel 'degs 'bul zhus te mdzad sgo
grol 'phral

gnyal dre'u lhas dgon du bzhugs zhag sar lhan bcar zhus/ de nas
rim bskyod kyis gnyal sbyor ra dgon pa dang/ dkar po la brgyud
mtsho sna dgon pa rtser slebs shing/ mtsho snar slebs nyin der
sgor po la zhes pa'i ri khug

tu son skabs rgyal khab su'i yin ma 'tshal ba'i gnam gru zhig
thag nyer slebs byung ba dgra bo'i rjes 'ded du dogs pa'i 'jigs
snang che tsam byung/ brag g.yab che tshang ho thog thu ston
'khor rnams dang/ rgyal khab nas rjes

phebs mkhan chung rta ra ba can yang mtsho snar lhan du 'dzoms/
rtar ba'i gsung gsal du bod tshes bcu'i nub mo chu tshod gnyis
pa'i thog nor gling pho brang la phyogs gang sa nas me sgyogs
mang po bar med rgyab ste sang dgong dro chu

@177a @#/ /tshod drug pa bar me sgyogs stong phrag 'ga' shas rgyab
rkyen nor gling pho brang gi lcags ri phyi nang dang/ ^gong sa
chen po'i bzhugs yul lcags ri ser po'i nang gi pho brang la'ang
skyon cher btang ba ma zad/

pho brang po tA lar yang me sgyogs kyis gnod skyon/ lcags ri
'gro phan rig byed gling sman pa grwa tshang rtsa bstor btang ba
sogs kyi skor zhib cha ^gong sa chen po'i mdzad rnam phyag deb
tu gsal ba ltar gnas tshul dza drag can rna lam du

son/ mtsho sna nas spos la brgyud mang ma zhes pa'i sa gnas su
'byor/ gong gsal la chen khag tshor bskyod skabs kha rlung bu yug
'tshubs pa'i gdung ba nyams su bstar/ de nyin spos la'i thur lam
gzar zhing thag ring

'dam rdzab mang ba sogs kyis bgrod dkar brten/ de khul 'brog
sde'i g.yag gi bzhon pa la brten te bskyod/ mang mar ^gong sa
mchog sku khams cung bde min gyis bca' zhag mdzad stabs kho bo
cag kyang de nyin bsdad/ ^gong sa

mchog gi phebs skyel dang/ phran gyi skyel ma chabs cig par yong
pa'i cha phreng ba gang 'tshams shig yod pa phyir log bya rgyur
byin rten srung ba sogs sprad/ tshes nyer gnyis nyin rgya gar gyi
sa mtshams chu dwangs mo zhes par rgya gar

gzhung gi phebs sgrig dang/ sku srung dmag mi bcas 'dug par
^gong sa mchog ston 'khor dang lhan du sdod sgrig gur gyi nang
bsdad cing/ rgya mis glags blta ba'i nyen 'jigs las thar bas
sems kyi khye'u kun rtog gi zhags pa dam

@177b pos bcings pa las lhug par grol/ de nas bshul lam rim
bgrod kyis gong gsum mchod rten zhes pa bal yul mchod rten chen
mo'i dbyibs 'dra'i lha khang zhig dang/ shar rti/ klung la/
mthong legs zhes sogs kyi grong sde rnams

su rim par zhag sdod/ tshes nyer brgyad nyin ^gong sa mchog rta
dbang dgon du bzhugs 'jags bskyangs shing/ yongs gling rin po
che dang/ phran gnyis rta dbang dgon zhol grong pa'i khyim khang
zhig tu sdod sgrig byas 'dug pa der

nyin gnyis ring bcag mal byas/ sngon 'dris chos grogs rnying
khungs mtsho sna dgon rtse rin po che ngos 'phrad du phebs te
nyer mkho'i bza' bca'i rigs stsal zhing lhod mjal byung/ rta
dbang nas thon te 'jang zhes pa'i grong sde dang/

ze ra zhes pa'i la chen brgal te sengge rdzong/ d+hi rang gi sa
khongs ldum zhes pa'i grong tsho/ ra dbang zhes pa'i grong sde
bcas su rim bzhin zhag sdod byas te/ bod zla gsum pa'i tshes bzhi
nyin 'bum bde lar rgya gar gzhung gi grong sde'i

spyi khyab pa'i khang khungs nye 'dab tu rgya gar gzhung gi sdod
sgrig sar bsdad/ 'di nyin 'bum la'i spyi khyab rgya gar sku tshab
pas ^gong sa chen po ston 'khor rnams gsol ja'i sku mgron du
gdan zhus ltar kho bo yang bskyod/ mtsho sna nas 'dir

ma sldbs kyi bar du ri rong g.yang gzar gyi lam 'phrang dang/
nags klung stug por dkrigs pa'i la che chung ngu mar rkang bgrod
dang/ bzhon pa ci rigs la brten nas 'bab 'dzeg bya dgos sogs
phyi'i lus la ngal dub che tsam byung

@178a @#/ /yang nang gi sems la yid bde 'ba' zhig rgyun du bsten
bzhin pa'i stabs kyis sdug bsngal dang len gyi bzod pa zer ba
sngar chos phyogs la ma nus pa de 'di res lag len du bstar/ 'bum
lar

zhag gsum bsdad rjes yongs gling rin po che dang/ phran tsho
thabs gcig par sngon phebs kyis rgya gar gzhung gi 'jib 'khor
thog ri rong g.yang gzar can gyi lam brgyud lcags gu zhes pa
dang/ khe klong sa khongs rtag ma zhes pa'i grong

sogs rim par brgyud tshes bcu nyin phu kre hel sa gnas mgron
khang du ^gong sa mchog dang lhan du snga dro'i gsol tshigs zhus
rjes/ she long sa khongs ti'i ci pur zhes pa'i grong sde'i ri
steng mgron khang du grong sde spyi'i sne len sar

bskyod cing/ der ka sbug nas ched phebs srid tshab bde mkhar ba
dang/ bka' tshab g.yu thog pa/ 'bras ljongs rgyal po'i mgron
gnyer/ 'bras spyi'i las drung sogs ^gong sa c@en po'i mjal bcar
dang 'brel phran yongs  

'dzin gnyis sar yang ngos 'phrad du phebs/ der gung gi gso?
tshigs grub rjes ti'i ci pur gyi me 'khor babs tshugs su rgya gar
gzhung gi   phebs bsur ched sgrig gnang ba'ime 'khor dngos
gtsang zhig nang ^gong sa chen po

ston 'khor rnams dang lhan bskyod kyis chos bcu gcig gi snga dro
shi li gu ri'i me 'khor babs tshugs su son cing/ der spang ljongs
steng sa gnas kyi dpon rigs dang/ 'bras ljongs rgyal po sogs mi
drag che rgu/ ka rdor khul

@178b yod bod mi mjal bcar zhu mkhan sogs hin bod mi rigs khri
tsho mang po padma'i tshal du bung ba'i tshogs zi dir gyi ca co
sgrog bzhin par 'dus pa lta bus ^gong sa chen por dga' bsu zhus/
de nas wa ra Na si dang/ lag na'u/ rder Don

sogs rim brgyud kyis phyi zla bzhi pa'i tshes nyi shu/ bod zla
gsue pa'i tshes bcu gsum nyin ma su rir rgya gar gzhung gis sbi
?ar ha'o se zhes par ^gong sa mchog ston 'khor rnams bzhugs
sgrig gnang 'dug pa der gnas mal

byas/ denas nyin shas song rjes rgya gar gyi srid blon ne ha ru
^gong sa mchog mjal 'phrad phebs par phran phengs 'dzin gnyis
dang/ bka' blon rnam pa sogs der yod gzhung zhabs rnams nas gus
'dud bsu bskyel zhus/

^gong sa mchog rgyal khab nas chibs bsgyur grub rjes rgya dmar
gyis bka' shag zhabs pad rnam pa sogs dang/ lhag par phran la
log spyod pa'i gtso bo zhes ming 'dogs dang 'brel chu bzhi sgang
drug dang ngan 'brel gyis ngo log

jing slong dang/ tA la'i bla ma phebs 'dod med bzhin btsan
khrid byed po/ phyi rgyal btsan dbang ring lugs dang ngan 'brel/
chos 'bag gyon te mi mang mgo bskor bslu brid kyis bshu gzhog
/bud med la log g.yem byas

tshul sogs skyon gyi rnam grangs brjod mtha' bral ba zhig sgro
btags dril bsgrags dang 'brel gtam brjod zlos gar zhig kyang lha
sa'i phyogs so sor 'khrab ston dang/ kho bo'i 'dra ris mgo dang
lag pa mang po can khrom

@179a @#/ /gzhung la sbyar 'grems byas pa sogs log spyod kyi gtso
bo dug gi sa bon lta bu zhig tu ngos 'dzin byed kyi yod skad
rlung 'phrin dang/ lha sa nas 'di phyogs rjes 'byor dag gi ngag
lam nas yang yang

rim thos byung ba/ ji skad du/ sgro skur gzhan gyi sdig gsog
byung ba'i tshe/ /rang gis dam pa rnams la smad pa yi/ /las ngan
mtshon cha rang la 'khor ba yin/ /zhes blo sbyong mtshon 'khor las
gsungs pa ltar tshe sngon gyi las 'bras

rang thog tu babs pa zhig tu gor ma chags kyang 'phral rkyen de
sngon kho bos khams bod gang sar chos 'chad spel du ma byas te
chol kha gsum gyi mi rigs skya ser drag zhan ches mang po zhig
bla slob yon mchod du 'brel bar brten rgya

dmar nas kho bor bod du slob gra'i spyi khyab dang/ rang skyong
ljongs kyi tshogs 'thus/ chos don las khungs zhes pa'i gtso 'dzin
sogs su bskos te mi mang blo 'gugs kyi lcags kyu zhig yong re
byas mod/ rgya dmar gyi srid jus

ltar phran nas ma bsgrubs pa'i nyer len gyis zhe 'khon 'dzin gyi
yod tshod 'dug gshis bod du rgya dmar gyi btsan 'og tu lus tshe
khrims gcod kyi sdug las sna dgu zhig myong rgyur gdon mi za ba
yin 'dug kyang/ mchog gsum srung

mar bcas pa'i 'phrin las dang/ ^gong sa ^skyabs mgon chen po'i
thugs rje'i dpyang thag gis bzung ba'i drin las rgya gar 'phags
yul du son te sgo gsum rang dbang du spyod pa'i dpal yon thob/
de ltar re zhig rgya dmar

@179b gyi 'jigs chen las grol kyang srid gsum kham zas su byed
pa'i stobs chen be con 'chang ba lho phyogs pa'i pho nya nam
'ong cha ma 'tshal ba de ni thabs gang gis kyang bzlog tu med pas
der zad/ brnag dka' ngan 'gro'i khrims ra btsan

po der 'gro ldog gi 'dam ga rang gi sug par mchis kyang da lta'i
sgo gsum lang shor gyi ngang tshul 'di la gzhig na stangs bzang
bar mi gda'/ ma su rir gnas sdod skabs bod mi rgya gar du sngon
'byor nyung shas ^gong sa chen po'i

mjal bcar zhor du 'phrad sar yong ba skabs re tsam las/ rjes
'byor bod mi rnams sa rgyus med cing skad brda ma 'phrod pa sogs
kyis 'grims 'grul nyung ba dang/ kho bo cag kyang lung pa rgyus
med stabs kyis don dang bya ba mang

po'i 'du 'dzi'i brel g.yeng rang shugs kyis 'gag gshis lhod dal
kha ton dge sbyor sogs phran bu 'phel zhing/ bya bas tshur btang
ba'i bya btang gi brtul zhugs bzung/ bod zla bcu pa'i yar tshes
nang bal yul bod dgon dga'

ldan chos 'phel gling gi gnas 'dzin sog po sprul sku gu ru de
was dgon par rab gnas su 'bod bskul bzhin/ phran tsho ngo 'khor
tshang ma bal yul du bskyod de rgyud grwa stod smad gnyis kyi dge
'dun brgyad gra dang bcas te rdo rje 'jigs byed kyi

sgo nas nyin gsum ring rab gnas rgyas pa byas shing/ phyogs
mtshungs dgon gyi 'du khang du skya ser mi mang mang tsam zhig la
tshe dbang dang/ spyan ras gzigs ngan song kun sgrol gyi rjes
gnang/ la dwags zangs mkhar dge slong

@180a @#/ /bkra shis kyis bskul ba bzhin brag g.yab che tshang
rin po che dang/ 'brug pa tshes bcu sprul sku/ dze smad rin po
che sogs nyung shas la bde mchog dril bu lus dkyil gyi dbang
chen sta gon dang bcas pa nyin

gnyis/ de khul gyi grwa rigs nyi shu skor la dge tshul gyi bslab
sdom 'bog chog dang/ dge 'dun 'ga' shas la rgyal chen shugs ldan
gyi srog gtad rjes gnang sogs bgyis/ bal yul mchod rten rnam
gsum gyis gtsos yas

mas rten gnas khag la gnas mjal dang 'brel stong mchod sogs
mchod sprin gang thub spros/ bal yul nas tshur lam sa 'du tshang
sbyin bdag 'gyur med lags nas 'bod bskul ltar ka sbug tu bskyod
par/ ka sbug thar chos

dgon dang/ skyid sdug tshogs pa khag /der yod gzhung zhabs dang/
bla sprul khag sogs kyis mal le bdun pa'i sa gnas su thab bsu
sne len dang bcas sa 'du'i ko krir 'byor te der gnas mal bcas/
thar pa chos gling dgon

spyis bskul ba bzhin/ dgon du 'jigs byed dpa' gcig gi dbang chen
dang/ sa 'du'i ko krir sbyin bdag gi 'dod mos bzhin don gnyer ba
gang 'tshams la rdo rje rnal 'byor ma'i sind+hu ra'i byin rlabs/
drag po gsum bsgril gyi rjes

gnang sogs 'dod chos sna tshogs kyi re ba bskangs/ khar shang du
gnas sdod yon bdag ngo shes rnying khungs a mdo 'jam dpal bsam
'phel gyis rgan po nad mnar 'chi khar gtugs pas ngos 'phrad du
yong dgos zhes 'bod bskul

@180b ltar bskyod de lam zhor du rdor gling gum dgon bsam gtan
chos gling 'dus spyi'i thugs 'dod ltar dgon du lhod tsam rjes
khar shang du zhag gcig bsdad de yon bdag la tshe dbang bskur/ de
nas ^gong sa chen po rdor gdan du chibs bsgyur dang

stabs bstun gyis shi ri gu ri brgyud me 'khor thog rdo rje gdan
du bskyod cing/ dge sbyong gi dngos po don gnyer ba gang 'tshams
shig la ^gong sa mchog nas bsnyen rdzogs kyi bslab sdom thog mar
stsal ba'i las gral du bcar/ rdor

gdan dang/ wa ra Na si bcas par gnas mjal mchod 'bul byas rjes
bod kyi lo gsar skabs ma su rir phyir log byas/ /rang lo drug
cur son pa lcags byi bod zla gsum pa nang ^gong sa chen po ston
'khor rnams rgya

gar gzhung gi bka' 'brel ltar hi ma cal gyi mnga' khul rda ram
sa lar bzhugs sgar spo gnang mdzad pa dang stabs cig phran ngo
'khor yang gnas spos kyis rda sar na ro 'ji'i ko krir gzhis
phabs/ ^gong sa chen po'i bka' 'brel

bzhin brag g.yab ho thog thu rin po che dang/ paN chen 'os
sprul/ ser smad spang lung sprul sku dang/ lha mkhar sprul sku/
yer pa mtshan zhabs sprul sku/ chos rtse sprul sku/ blo gling zam
gdong sprul sku dang/ yid dga' sprul

sku/ shag skor mkhan sprul/ nyag re mkhan sprul/ ser smad dge
bshes 'jam dpal sengge dang/ bstan pa'i rgyal mtshan bcas par bod
yig gi phyi mo sum cu pa dang/ rtags kyi 'jug pa gnyis zhib
khrid nyin bstud na

@181a @#/ /byas te dper brjod kyang thad ka thad kar rgyugs len
byas/ bod zla brgyad pa'i tshes dgu nas nyin bzhi'i ring ^gong sa
chen po sku 'khor nyung shas la bde mchog dril bu lugs phyi
dkyil lha lnga dang/ dril bu

lus dkyil gyi dbang chen/ rdo rje rnal 'byor ma'i sind+hu ra'i
byin rlabs bcas rim 'bul zhus/ rdor gdan mkhan zur la dwags bla
ma ngag dbang bsam gtan brgyud rdor gling sa khul ma ne sba
ljang shar pa dman phur bu lha mo nas/ tshe 'das

bza' zla ko de su b+hi d+ha ra de nyid kyi dge rtsar dmigs rdor
gling rdzong khongs kyi su na d+ha'i lha khang nye 'gramgyi ko
kri steng shod rnams kho bo cag la dad sbyor dang 'brel 'bod
skul bzhin rdor gling su na d+har bskyod cing/ phyogs der gnyug
mar

gnas pa dang/ glo bur lhags pa'i skya ser mi mang khyon che zhig
la thugs rje chen po dpal mo lugs kyi dbang chen dang/ thang
stong snyan brgyud kyi tshe dbang bskur/ de 'brel gum dgon bsam
gtan chos gling du gro mo dung dkar dgon gyi dge 'dun

rnams kyis bskul gnang ltar der bskyod de zhag bdun tsam bsdad
cing/ dge 'dun spyir 'jigs byed dpa' bo gcig pa'i dbang chen
dang/ dge 'dun rnams nas gsum tshan re byas nas rgyal chen shugs
ldan gyi srog gtad rjes gnang lan

'ga' shas/ khar shang dgon bkra shis chos gling gi yon bdag
rnams kyi 'dod mos ltar der bskyod de yul mi rnams la spyan ras
gzhgs ngan song kun sgrol gyi rjes gnang sogs de khul yas mas
rnams la chos 'brel tsag tsig sna

@181b tshogs byas rjes sa 'du tshang nas 'bod bskul ltar ka sbug
tu bskyod cing/ thar chos dgon du bde mchog dril bu lha lnga'i
dbang chen dang/ rdo rje rnal 'byor ma'i sind+hu ra'i byin rlabs/
gro mo bla brang gi gzim chung du ^skyabs rje rdo rje 'chang pha
bong kha'i

mchog sprul rin po che dang/ ser smad brag rgyab rin po che sogs
dge 'dun drug cu skor la bde mchog dril bu lus dkyil gyi dbang
chen/ ka sbug yid mthun skyid sdug gis bskul ngor sa 'du'i ko
kri'i mdun spang thang der ser skya mi mang la grub

rgyal lugs kyi tshe dbang sogs mchog dman gyi skye bo sna tshogs
la chos 'brel/ mtshur phu karma pa rin po che dang phar tshur lhod
mjal thengs gnyis/ khams sprul rin po che nas 'bod gnang ltar ka
sbug rdor spin zangs mdog dpal ri'i dgon

gnas gsar bzhengs gnang mus la rab gnas sogs ka sbug khul gyi
byed sgo rnams zin rjes ^gong sa chen po'i bka' dgongs bzhin/
bod zla bcu pa'i tshes bcu dgu nyin gdan sa gsum dang/ sa rnying
bka' gsum bcas pa'i dge 'dun

bod nas byes phebs chig stong lnga brgya tham pa'i gnas skabs
kyi bsti gnas sbag sa chos sgar du bskyod de dga' ldan lnga
mchod dus chen skabs dge 'dun rnams la ^gong sa mchog nas stsal
ba'i sbug dam bka' yig snyan sgron dang 'brel gzhung

gnas kyi mang ja dang/ sku 'gyed bcas phul zhing/ phyogs mtshungs
kho bo cag nas kyang bsnyen 'gyed mchod sprin spros/ spyi sger
sna tshogs kyi thugs 'dod ltar tshogs mang la bla mchod kyi bshad
khrid dang/ 'jigs byed lha bcu gsum

@182a @#/ /ma'i dbang chen/ tshe dbang/ drag po gsum bsgril gyi
rjes gnang/ sngags bzlas dam bca' byed mi rnams la rdo rje rnal
'byor ma'i byin rlabs/ zong rin po che'i gzim shag tu dge 'dun
brgya skor la

sgrol ma tsitta ma Ni'i thun mong ba gtor ma'i dbang dang/ thun
mong ma yin pa lus dkyil gyi dbang bzhi byin rlabs/ chab mdo kun
rdor sprul sku sogs la dge tshul dang/ ser byes ldan ma mtshan
'bar sprul sku sogs bsgrub bya drug cu skor

la dge slong gi bslab sdom 'bog chog sogs so so'i 'dod chos kyi
bzhed pa bskangs/ sbag sa de bzhin de sngon rgya gar bas rang
btsan rtsod gleng skabs dbyin cis rgya gar gyi mes po g+han d+hi
dang/ ne ha ru sogs ngo rgol ba mang po btson

du 'jog yul yin skad ltar sa rong dog cing/ gnam sa gru gsum can
snod bcud gang ci tha zhan zhig snang yang dge 'dun rnams gnas
mal dang/ kha zas ngan ngon tsam gyis chog shes pa sogs 'phags
pa'i rigs bzhi dang du bzhes te

bag phebs bzhugs 'dug pa rjes su yi rang gi gnas su gyur/ sbag
sa'i byed sgo zin rjes gzugs por 'phrod bsten brtag dpyad slad
ka li ka tar bskyod de phun khang pa'i bzhugs khang du bsdad/
^skyabs rje yongs 'dzin gling rin

po che gsol sman 'phrod bzhes mdzad de sman khang du bzhugs
'jags sar mjal bcar/ ka tar gtan sdod byams pa lags kyi 'dod pa
ltar bod rigs brgya skor la sgrol dkar gyi tshe dbang/ mtshur phu
karma pa rin po che ka tar

@182b phebs pa slar yang phar tshur mjal 'phrad/ sman khang che
ba zhig tu nged rang gi gzugs por brtag dpyad snga rjes rnams
byas rjes rda sar phyir ldog /rang lo drug cu re gcig phyi lo
chig stong dgu brgya drug cu re gcig bod

lcags glang zla pa dang po'i nang rdor gdan mkhan zur la dwags
bla ma ngag dbang bsam gtan nas rgyu sbyar khur blangs kyis rdo
rje gdan du sbag sa nas gdan drangs pa'i dge 'dun lnga brgya
gtso gyur thog /phyogs gzhan nas phebs pa'i dge 'dun

bcas stong phrag tsam gyis cho 'phrul smon lam chen mo'i dus
mchod tshugs pa'i gsung chos 'chad rgyu sogs kyi don du ^gong sa
mchog gi bka' dgongs bzhin rdor gdan du bskyod de/ bod tshes
brgyad nas tshes bco lnga bar nyin ltar snga dro byang chub

shing drung du sngar srol skyes rabs so bzhi pa'i bshad lung
dang/ 'phar du smon lam spyi khyab mkhan drung ngag dbang don
grub kyis bskul ba bzhin lam gtso rnam gsum gyi bshad khrid/
^skyabs mchog pha bong kha'i mchog sprul rin po ches

gsung bskul bzhin spyod 'jug chen mo'i bklag lung bcas rim phul
thog /nyin gung skam tshogs smon lam skabs bsngo ba dang/ bstan
'bar ma/ bde ba can gyi smon lam mthun 'gyur bya rgyu sogs lha
ldan smon lam chen mo'i phyag

bzhes ltar bgyis shing/ phyi dro de lo'i lha rams dge bshes
rnams kyi dam bca' legs zher blta rtog bya rgyu yang bka' dgongs
bzhin bsgrubs/ tshes bco lnga nyin byang chub shing drung du dus
'brel gso sbyong dang/ skya ser 'dus tshogs

@183a @#/ /chen por sems bskyed mchod pa'i cho ga dang 'brel ba'i
byang sdom 'bog chog /mchod rten chen por stong mchod dang/ dge
'dun rnams la bsnyen 'gyed spro 'bul sogs skal bzang gi bya ba
rnams legs par zin

rjes rda ram sa lar phyir log byas/ bod zla bzhi pa'i tshes
brgyad nas bzung nyin bcu'i ring ^gong sa ^skyabs mgon chen por
sgrub thabs zur bka' brgya rtsa nas bshad pa'i lha tshogs rnams
kyi rjes gnang rnams cha tshang rim 'bul zhus

shing/ de mjug la dwags ba ku la rin po che sogs la bde mchog
dril bu lha lnga dang/ dril bu lus dkyil dbang chen phul/ bod
zla drug pa nang rda sa nas rdor gling su na d+har thon bskyod
kyis su na d+ha'i shag tu zla ba gnyis tsam bsdad cing/

der ^skyabs rje yongs 'dzin gling rin po che/ gro mo rin po che/
smin gling khri chen rin po che/ skyabs rje rdo rje 'chang gi
mchog sprul rin po che sogs ngos 'phrad du phebs shing/ gling
rin po che gum dgon du bzhugs par yang bskyar mjal bcar

zhus/ su na d+ha'i lha khang du kho bo cag nas rgyu yon sbyar te
thugs rje chen po'i sku brnyan gsar bzhengs la 'phags bod skyes
chen du ma'i na bza' dbu lo sogs byin rten 'gangs che du ma
gzungs 'bul dang/ rab gnas spyan dbye'i cho ga byas/

der nyin gnyis ring skya ser bdun brgya skor la spyan ras gzigs
ngan song kun sgrol gyi rjes gnang dang/ grub rgyal lugs kyi tshe
dbang bskur/ zla ba brgyad pa'i tshes nyer lnga nyin sgrub brgyud
bstan pa'i srog shing mtshur phu karma pa rin po

@183b che nas bsu mi'i pho nya ched gtong mdzad pa bzhin sgang
tog rum btegs dgon du zhabs bcar gyis nyin lnga'i ring rin po
che dang nyin ltar lhod mjal thog sngon dang da ltar gyi gnas
tshul sogs las brtsams te ma bcos ma slad pa'i gsung mchid kyi

sgo brgya yangs por grol/ chos sgar dge 'dun rnams la bsnyen
'gyed spro 'bul sogs zhus rjes ka sbug sa 'du'i shag tu bskyod/
ka sbug thar chos dgon du lha sa ba bsod nams chos 'phel gyis
bskul ngor don gnyer ba mang tsam zhig la

rdo rje rnal 'byor ma'i dbang bzhi byin rlabs dang/ rdo rje
'chang pha bong cha'i mchog sprul rin po che'i thugs bzhed ltar/
rin po che nyid dang/ gro mo rin po che sogs dge 'dun dgu bcu la
bde mchog dril bu lus dkyil gyi dbang chen/ de ga'i

mjug thog tu sa 'du'i ko krir ^skyabs rje mchog sprul rin po
ches bka' stsal bzhin bdag bskyed rgyun 'don khas len can gyi
chos zhu ba lnga bcu nga brgyad la dril bu lus dkyil gyi bskyed
rdzogs zab khrid nyin bcu bdun ring zhib rgyas su phul te

thugs bzhed bskangs/ cha phreng khang gsar ye shes nyi ma 'das
po'i dge rtsa dang/ ka sbug yid mthun ka yan skyid sdug spyis bskul
ngor mi grangs stong phrag gnyis tsam la spyan ras gzigs ngan
song kun sgrol gyi rjes gnang lan

gnyis/ sa 'du 'gyur med lags kyis bskul ngor bdag bskyed rgyun
'don dang las rung bsnyen pa khas len byed mi brgya dang sum cu
so gnyis la zla ba bcu pa'i tshes bcu nas bzung nyin brgyad ring
rdo rje rnal 'byor ma'i dbang dang/ bskyed

@184a @#/ /rdzogs kyi nyams khrid 'chad spel byas/ dga' ldan lnga
mchod dus chen nyin ka sbug krang hol tshogs khang du in ci'i mi
rigs dge slong sangga rak+Shi tas 'bod bskul bzhin lnga mchod dus
dran tshogs

'dur sa dge bka' rnying gi bla khag sogs dang/ chos byed skya
ser pho mo mang tshogs sar bskyed de rje bdag nyid chen po'i
gsang gsum gyi che ba'i yon tan dang/ ri bo dge ldan pa'i chos
byed spyi'i bshad sgrub nyams bzhes skyong tshul gyi khyad

chos rnams gsal bshad byas/ bod zla bcu gcig pa nang rda sar
^gong sa mchog gi ^zhabs drung du mngon par bsnyen rjes/ g.yu
thog lha lcam rdo rje g.yu sgron sogs nyung shas la rnal 'byor
ma'i dbang dang/ gnas chung sku bsten sogs

la skyer sgang lugs rta mgrin gsang sgrub kyi dbang chen bskur/
dga' shar dze smad rin po che rkyang par lam rim chen mo mtshan
bzhi sbrags kyi bshad khrid 'go btsugs te seng dbar nam byung la
mu mthud kyis mjug rdzogs par byas/ /

rang lo drug cu re gnyis su son pa/ phyi lo chig stong dgu brgya
drug cu re gnyis/ bod chu stag zla ba dang po nang/ na lendra'i
^skyabs rje gzim 'og rdo rje 'chang rda ram sa lar zhabs 'khod
la zhal mjal du bcar bar dgyes 'dzum lhug par

grol ba'i bka' mchid snying gi bcud du thob/ rdo rje 'chang pha
bong kha'i mchog sprul rin po che bsnyen rdzogs sdom bzhes slad
rda sar phebs par ston 'khor rnams kho bo cag gi sdod shag tu
phebs sgrig dang/ nar ma'i bsnyen bkur gzab/

@184b cam pa khul lam bzo ba dge 'dun sum cu so bdun la rab
byung dang dge tshul bslab sdom 'bog chog /spo bo gsum rdzong bla
ma dang/ stod gzhung ru bla ma gnyis la rgyal chen shugs ldan
gyi srog gtad rjes gnang/ gzhung ru bla mar rnal 'byor ma'i

rdzogs rim rtsa dbu ma'i khrid/ spyi 'thus bsam mkhar ba dang/
rtse drung byams pa dbang 'dus/ stod pa rta mgrin tshe ring bcas
so sos snga rjes su bskul ba bzhin 'jigs byed dpa' gcig gi dbang
chen/ rta mgrin gsang sgrub dang/ ngan

song kun sgrol gyi rjes gnang bcas rim par byas/ zla ba gnyis
pa'i tshes dgu dang bcur ^gong sa ^skyabs mgon chen po mchog gi
bka' dgongs bzhin/ ^gong sa mchog dang/ brag g.yab rin po che
sogs nyi shu skor la pho brang gzim

chung du bde mchog dril bu lus dkyil gyi dbang chen sta gon dang
dngos gzhi/ tshes bcu gcig nas bzung nyin bcu bdun ring ^gong sa
mchog dang/ brag g.yab rin po che/ mtshan zhabs gser kong rin po
che/ sku bcar mchod dpon mkhan po/

mchod g.yog /dze smad rin po che bcas la bde mchog lus dkyil
gyi bskyed rdzogs dang/ nA ro chos drug gi nyams khrid phul/ de
rjes chu shur bsam mkhar ba'i jo lags nas bskul ngor ser smad
mkhan zur ngag dbang grags pa sogs

bla grwa sum cu tsam la 'jigs byed dpa' gcig gi dbang chen dang/
rdo rje rnal 'byor ma'i dbang bzhi byin rlabs/ dga' ldan lha
brgya ma'i khrid/ Dal la ho se'i dge 'dun bcu bzhi dang/ mnga'
ris zangs mkhar ba mi bzhi/ phyag nang

@185a @#/ /lha dbang tshe ring bcas la dge tshul gyi bslab sdom
'bog chog rnams rim par byas/ spi rti dkyil dgon 'dus spyi nas
'bod bskul ltar/ bod zla drug pa'i tshes gsum nyin rda sa nas
thon te man Di dang/

ku lu/ ma na li/ ra brang la/ char li thing bcas rim brgyud kyis
sbi rti blo gsal zhes pa'i grol tshor spyi pa'i lha khang du gra
sgrig 'dug par bsdad/ char li thang nas dkyil dgon du m slebs
bar du phran ngo 'khor rnams lo chen bla brang gi rta

bsu'i bzhon par bsten te bskyod cing/ blo gsal du 'byor nyin der
ri zur zhig tu mo Tor 'jib 'khor zhig dang glo bur 'phrad stabs
bzhon rta 'drog dogs kyis rta las brtab brtab por 'bab dgos
byung bas rkang pa g.yas pa'i sbol tshigs

'gyur te skrang sbos thog na zug che gshis blo gsal du spi rti
ba'i sman pa bkra shis mgon po bsten te nyin bdun ring sdod dgos
byung/ de'i ring de khul yul mi khyon cher yig drug dang/ skyabs
'gro/ sgrol ma sogs kyi bzlas lung byas/

na zug phran bu chag mtshams blo gsal nas thon te spyi kem dang/
dkyil dbar sogs su zhag tshugs rim bgrod kyis grong tsho so sor
tshe dbang dang/ skyabs 'gro/ yig drug gi bzlas lung sogs chos
'brel rim par bgyis/ blo

gsal nas bzung dkyil dgon du ma 'byor bar du nyin ltar rta thog
rkang pa g.yas pa yob kyi nang du 'jog ma thub par sga'i snga
ru'i mdun der g.yas bskum gyis bzhag pa'i pus mo nas mi zhig
gis brten/ g.yon pa yob nang du btsud

@185b de g.yas bskums g.yon brkyang gi stabs su bskyod dgos
sogs dka' dub cher myangs/ tshes bcu dgu nyin bkras lhun yongs
'dzin lo chen rin po che'i gdan sa spi rti dkyil dgon nor bu dge
'phel du 'byor/ der de ga'i 'dus mang dang/ brag

dkar dgon/ stag mo dgon gyi dge 'dun rnams dang/ gzhan yang
yum
mi ser skya khyon cher yon tan gzhir gyur ma'i bshad lung dang/
dge 'dun rnams la 'jigs byed lha bcu gsum ma dang/ gsang 'dus
'phags lugs mi bskyod rdo rje'i

dbang chen/ sman bla/ mgon chos/ lha mo/ rnam sras/ lcam sring
bcas kyi rjes gnang/ dge 'dun bcu skor zhig la dge tshul gyi sdom
pa 'bog chog /dgon pa'i rgyab kyi spang ljongs su mi mang stong
phrag lhag tsam la thugs rje chen po'i dbang

chen dang/ grub rgyal lugs kyi tshe dbang/ skyabs 'gro/ yig drug
sogs kyi bzlas lung bcas dang/ lo chen rin po che'i gzim chung
du don gnyer can nyung bsdus la rnal 'byor ma'i dbang bzhi byin
rlabs bcas spyi sger so so'i 'dod chos kyi re ba

bskangs/ rkang pa'i sbol tshigs la sman pa bkra shis mgon pos
gtar kha'i bcos byas pas tshur lam g.yas bskum g.yon brkyang gi
stangs stabs bzung ma dgos tsam byung/ de khul dgon khag tsho'i
dge 'dun rnams kyis de snga dgon pa'i

tshogs gzhung dang/ grong chog skabs sogs la myos 'gyur gyi
btung
ba 'dzems bag med par spyod pa dang/ dgon du dus mchod so so'i
gtong sgor ched du bsad pa'i gnag lug gi sha'i gtong sgo 'bul
bzhes byed cing/ yul mi rnams

@186a @#/ /kyis lo tog gi lo rim dang/ nad pa'i rkyen sel rim
gror ra lug sogs bsad de yul lhar dmar mchod byed pa sogs mu
stegs dang/ bon gyi lugs ltar sdig to can gyi lta ba ngan pa'i
lam srol zhig yod 'dug pa de

dag tshe rabs phyi ma rnams su las kyi 'bras bu brnag dka' ba
myong dgos tshul sogs bcom ldan 'das kyis 'dul ba dang/ mdo sde
nas gsungs pa'i lung dang/ sngon byung gi lo rgyus sogs sbrags
te zhib bshad dang 'brel phyin chad bkag sdom

gnang na dag mtshan che ba'i skor chos dang 'brel ba'i bslab bya
nan tan byas gshis/ dgon so so nas slad phyin chad chang khrims
sdom rgyu/ dmigs sha'i gtong sgo mtshams 'jog /dam chos 'dul ba'i
dgongs don ltar gzhi gsum phyag bzhes

tshul bzhin skyong rgyu bcas kyi zhal bzhes dam bca' mdzad cing/
yul sde rnams nas kyang phyin chad dmar mchod mtshams 'jog gis
chos mthun gyi rim gro bya rgyu'i khas len byas song ba ltar de
ga'i rgyun bzang da lta'i bar spang blangs byed mus

su yod 'dug pa lam bar dka' ngal che tsam byung yang/ sdig rgyun
bcad pa'i legs byas don dang bcas par gyur snyam ste spro ba
'phel bzhin par mchis/ spi rti dkyil dgon 'dus spyi nas ring
'tsho'i brtan bzhugs cho ga dang 'brel hin sgor

bdun stong tham pa gnang byung ba phyir 'bul thog de'i steng hin
sgor lnga brgya tham pa bsnan te lo ltar dbyar gnas kyi ma
rtsar
sbyor 'bul zhus/ dkyil dgon nas tshur lam kho rig dang/ dkyil
spro/ blo gsal/ cha thul sogs bshul

@186b [@##data incomplete this page] lam rim bgrod kyis
ma na lir 'byor zhing/ der yul mi khyon cher grub rgyal lugs kyi
tshe dbang dang/ skyabs 'gro/ yig drug gi bzlas lung byas te ku lu
brgyud bod zla bdun pa'i tshes bcu nyin rda sar phyir 'khor byung
'phral ^gong sa mchog shag

tu ^zhabs 'khod kyis rkang pa'i nad gz

                       tsom
mdzad pa de dang/ rten dod mjal dar bcas gsol ras stsal te ring
'tsho'i 'dun pa dgos tshul phebs shing/

kho bo nas rin po cher mjal dar rten dod phul te gsol 'debs kyi
lung yang zhus/ rnam grwa sku zhabs chos grags lags kyis bskul
ba bzhin rnam grwa'i dge 'dun gang yod thog /brag g.yab rin po
che dang/ mtshan zhabs gser kong rin po che/

dze smad rin po che sogs bla sprã•l 'ga' shas bcas la rnam grwa'i
sngags chog nang bkras lhun sngags chog dang gcig mthun gang xod
kyi bklag lung nxin bzhi'i ring dang/ Dal hor nas ched phebs
rgyud smad grwa tshang gi mkhan po dang/ dge 'dun nyer

gcig la 'jigs byed kyi sngags btu'i rjes gnang dang/ rgyud smad
phyag b

[@##data incomplete here]

@191a @#/ /bzhed ltar tshogs mang la mgon po phyag drug pa dang/
chos rgyal phyi sgrub kyi rjes gnang bcas rim par byas shing/
skya ser tshang mar ^gong sa mchog gi bka' drin rjes su dran te
dgongs gzhi dang mthun

par chos srid kyi blang dor tshul bzhin dgos pa'i bsam 'char lhug
por zhus/ o ka sir Dal hor du yod pa'i ser skya spyi nas bla
mchod kyi tshogs 'khor dang 'brel ba'i ring 'tsho'i cho ga gnang
ba rten 'brel legs tshogs su smin cing/

dngul dngos kyi bdog pa stsal ba phyir 'bul zhus/ Dal hor gyi
byed sgo rnams zin te bod tshes nyer brgyad nyin ser skya mi mang
rnams kyis dga' bskyel dang bcas rda sar phyir log byas/ zla ba
dgu pa nang ^gong sa chen po'i pho brang du

^gong sa mchog dbu bzhugs kyis bstan srung dwang blangs dmag gi
mtshon srung sgrub pa mdzad pa'i gsung zhabs/ bstan srid bde
thabs su 'bum tshogs grangs gsog bskyangs pa'i chog gral/ sa dge
bka' rnying bon bcas ris

med chos lugs khag gi tshogs 'du nyin lnga bskyangs pa'i tshogs
'du bcas su rim par bcar/ 'di dag gi skabs su sa skya bdag khri
rin po che dang/ karma pa rin po che dang/ 'brug bde chen chos
'khor gyi chos mgon rin po che/

rnying ma bdud 'joms rin po che dang/ dil 'go mkhyen brtse rin
po che/ bka' brgyud ka lu rin po che sogs rim par ngos 'phrad du
phebs shing/ sa skya dang/ karma pa rin po che rnam gnyis kyi
drung du phar yang mjal bcar zhus/

@191b tshes nyer brgyad nyin chos tshogs spyi nas ^gong sa mchog
la tshogs 'khor brtan bzhugs 'bul gnang skabs dil 'go mkhyen
brtse rin po che nas gsang chen rnying ma'i bstan rabs dang/
phun tshogs lnga ldan gyi tshul las brtsams

pa'i maNDal bshad 'bul rgyas par mdzad song zhing/ kho bo lus
gzugs che ba'i tshad lta bur snyems khul yang/ dil 'go mkhyen
brtse'i sku tshad srid zheng gnyis ka che bas gcom chung ngu'i
gnas la bkod/ chos lugs khag

spyi nas phran la'ang tshogs 'khor dang 'brel brtan bzhugs cho ga
gnang bar rten dod mjal dar tsam las de min gnang skyes rnams
phyir 'bul thog /bla ma rnam pas mtshon tshogs phebs tshang mar
gsol ston zhig kyang bshams/

zla ba bcu pa'i tshes dgu nas nyin lnga'i ring ^gong sa mchog la
rje'i gsung rtsa shes Tik chen dang/ legs bshad gser phreng gi
bklag lung phul/ de rjes srid tshab bde mkhar ba dang/ rgyud smad
bsam gtan/ blo gros bcas

nas bskul ba bzhin brag g.yab rin po che dang/ na lendra'i bco
brgyad khri chen rin po che sogs bla sprul dge bshes/ rnam grwa
dge 'dun/ gzhan yang skya ser sna tshogs brgya dang bzhi bcu skor
la rdo rje rnal 'byor ma'i sind+hu ra'i byin rlabs

dang/ bdag bskyed chag med dang las bsnyen dam bca' khas len can
brgya dang bco lnga la rim gnyis zab khrid nyin brgyad/ sngags
btu'i rjes gnang bcas phul/ de'i mjug thogs su ^gong sa mchog la
paN chen chos rgyan gsung

@192a @#/ /bla mchod rtsa tshig dang/ yongs 'dzin ye shes rgyal
mtshan gyi gsung khrid yig chen mo gnyis sbrags pa'i steng nas
zab lam bla ma mchod pa'i nyams khrid dang/ paN chen chos rgyan
gyi gsung phyag

chen rtsa ba dang/ rang 'grel yang gsal sgron me sbrags pa'i
steng nas dga' ldan phyag rgya chen po'i nyams khrid bcas rim
par phul/ de dag gi seng dbar la tre hor dar dgon blo bzang bsod
nams la ngan song kun sgrol gyi rjes

gnang/ cha phreng 'byung gnas sogs gsum la bsnyen rdzogs/ chab
mdo ba rdo tsher 'jam dkar rjes gnang dang/ rnal 'byor ma'i bsam
mi khyab kyi nyams khrid/ bal yul nas 'brug pa tshes bcu sprul
sku'i slob ma dge tshul

lnga la bsnyen rdzogs bcas byas/ zla ba bcu gcig pa'i tshes gsum
nyin rda sa nas thon te tshes bzhi'i snga dro sa ra na tha'i
sangga ram mgron khang du gnas 'khod byas/ mchod rten rin po
cher stong mchod tshogs 'khor gyi mchod sprin dang/

phyag bskor sogs nyin shas byas rjes rdo rje gdan du bskyod de
^skyabs rje yongs 'dzin gling sprul rdo rje 'chang gi gser zhal
mjal/ der dge 'dun spyir nyin 'khyongs bsnyen 'gyed dang 'brel
mchod rten rin po cher stong mchod rgyas

pa sogs tshogs gsog byas/ la dwags blo bzang bkra shis kyi 'dod
mos bzhin lo drug dka' spyad gnas su bod dgon gsar bzhengs la
rab gnas bgyis/ tshes nyer lnga nyin kho bo cag nas rgyu yon
sbyar te rdor gdan du

@192b yod pa'i dge 'dun ji yod la bsnyen bkur 'brel ^skyabs rje
yongs 'dzin gling rin po cher bla mchod bde mchog dang 'brel
ba'i sgo nas tshogs 'khor dang/ mkha' 'gro brtan bzhugs kyi cho
ga bstar te zhabs zung g.yung drung gi khams

su brling ba'i gsol 'debs zhus/ phyi dro yongs 'dzin gling rin
po che dang lhan du rdo rje rnal 'byor ma'i dkyil 'khor sgrub
mtshod byas/ la dwags bla ma ngag dbang bsam gtan nas yon sbyar
te kho bor ring 'tsho'i rten 'brel bcas

zin mjug slar yang sa ra na thar bskyod/ bod dgon gnas 'dzin dge
thub bstan 'byung gnas nas bla mchod tshogs 'khor dang 'brel yun
brtan gyi cho ga bsgrubs shing/ kho bo cag nas dgon pa'i dge
'dun rnams la bsnyen

bkur dang/ rten bzhengs la zhal 'debs phul/ chab mdo rgya ra rin
po ches bskul gnang bzhin ^skyabs mchog rdo rje 'chang pha bong
kha pa chen po'i gsang ba'i rnam thar gsol 'debs gsar brtsams
byas/ sman zur ba'i lcam

nas bskul ba bzhin sa ra na tha'i bod dgon du bla sprul dge 'dun
sogs ser skya mang tsam zhig la bde mchog dril bu lha lnga'i
dbang chen sta gon dang bcas pa dang/ rdo rje rnal 'byor ma'i
sind+hu ra'i dbang bzhi byin rlabs/ a mdo sbyin pa rgya

mtshos bskul ngor dga' lha/ lam sgron sogs chos tshan mang tsam
gyi bklag lung/ ngam ring dge slong rgyal mtshan gyis bskul ngor
sgrol ma tsitta ma Ni'i thun mong ba gtor ma'i dbang dang/ thun
mong ma yin pa lus dkyil gyi

@193a @#/ /[@##data incomplete this page] dbang bzhi byin rlabs/ ra
stod gnyer zur thub bstan ngag dbang gi 'dod mos ltar thun
drug bla ma'i rnal 'byor gyi khrid/ chab mdo dge slong phur
tshe'i dge rtsar spyan ras gzigs ngan song kun sgrol

gii rjes gnang bcas bskul ba po so so'i re ba'i shing rta
bskangs/ /rang lo drug cu re bzhir son pa/ phyi lo chig stong
dgu brgya drug cu re bzhi'i zla ba gnyis pa'i tshes nyer drug
/bod shing 'brug zla dang po'i tshes bcu

gsum nyin wa Na nas rda ram sa lar bskyod/ cha phreng pa spyi
nas dgon yul gyi lo rgyus 'god dgos bskul ba bzhin ha cang zhib
par ma nges kyang mdor bqdus shig bris/ zla ba gnyis pa'i tshes
gnyis nas nyin bcu'i ring

^gong sa mchog gi bka' dgongs bzhin rnam grfa tshogs yong

                                         nyan
rgyal sras kyi spyod pa spyi la bslab tshul gyi sa
bcad rdzogs mtshams re zhig chos dbar bzhag /de rjes stod ru thog
mkhan po'i gsol dpon

@193b nas bskul ngor ru thog pa'i mkhan po sogs gra brgyad dang/
rda sar gtan bzhugs dge 'dun 'ga' shas bcas mi grangs nxi shu
rtsa lnga la 'jigs byed dpa' gcig gi dbang chen sta gon dang
bcas pa/ tshe mchog gling gi sprul sku'i

[@##data incomplete this line] gtsug phud blangs te dga' lha'i bklag
 lung/ cha phreng grags pa
a grags nas bsiul ngor rnal 'byor ma'i sind+hu ra'i
byh            u bcar mchod dpon mkhan po thub bstan bsod
nams nas gsung ngor
sku bar gsol gzim

mchod gsum sogs 'ga' shas la rje rigs gsum spyi sgrub kyi rjes
gnang/ gnas po dngos grub bza' tshor sgrol dkar tshe dbang dang/
phyag rdor drag po gsum bgrhl gyi rjes gnang bcas rim par byas/
^skyabs rje yongs

'dzin gling rin po che'i ^zhabs brtan du rta mgrin gsang sgreb
kyi sgo nas phyir bzlog gi sgrub pa nyin bdun zhus par sku gegs
bzlog pa'i mtshan ma bzang/ zla ba lnga pa'i tshes bc bdun nas
^gong sa chen por lam rim mchan bzhi'i

smad cha phar phyin mtha' ma gnyis la slob tshul gyi dbu nas
bshad lung 'bul 'go btsugs te nyin rim mthud kyis zla ba drug
pa'i tshes bcu bar du mjug rdzogs par phul/ de'i rjes sbags nas
phebs pa'i gdan sa gsum

gyi mkhan po rnams la sum rtags rtsa ba dang legs bshad ljon
dbang sbrags te dpe khrid nyin shas shig phul bar/ mkhan po
rnams dge bshes mkhas gras sha stag yin stabs go don bde blag tu
thugs su chud song yang/ dper

@194a @#/ /brjod 'bri 'god mdzad rgyu thugs bzhed ma gnang bas/
gzhung don lag len thog 'khyol ba zhig byung yod med ma 'tshal/
shar rtse mkhan po sbag sar phyir phebs gdong grwa tshang la bla
mchod tshogs

zhing gi sku thang dang/ ltung bshags kyi 'phred thang gong sham
rang 'grigs/ dbang rdzas rgyur b+ha Na'i gos chen mngags btags
dmar sar sngo gsum kha grangs mang tsam bcas 'bul rgyu bskur/
bstan srid zhabs rim du lha

mo dang/ bstan ma bcu gnyis/ sku lnga/ shugs ldan bcas kyi
bskang bskul grangs gsog slad rnam grwa'i tshogs su bdun phrag
gsum ring bskyod/ zla ba bcu pa'i tshes bcu dgu nas nyin gsum
ring bka' zur shan kha

ba'i thugs 'dod bzhin don gnyer ba gang 'tshams shig la blo
sbyong mtshon cha 'khor lo'i bshad khrid phul/ tshes nyer dgu nyin
rda sa nas rdo rje gdan du bskyod de zla gcig bsdad ring phyag
bskor sogs rnam par dkar ba'i

las lam lhur blangs/ ka ta'i tshong pa byams pa lags kyi 'dod mos
ltar byang chub shing drung du mi grangs drug brgya skor la grub
rgyal lugs kyi tshe dbang dang/ spyan ras gzigs ngan song kun
sgrol gyi rjes gnang bskur/

rdor gdan du bod dgon la bsnyen 'gyed dang/ mchod rten chen por
stong mchod rgyas pa phul ba'i tshogs mgon du ^skyabs rje yongs
gling rin po che spyan drangs/ zla ba bcu gcig pa nyis brtsegs
kyi phyi ma'i tshes gcig nyin

@194b rdo rje gdan nas wa Nar thon te bod dgon du bca' sdod
byas/ bod dgon rten gtso thub dbang gsar bzhengs kyi nang gzungs
su ston pa bde bar gshegs pa nas bzung rgya bod paN grub grub
mtha' ris med kyi byin rten na bza' dbu lo sogs

khungs dag le tshan brgya dang gcig phul zhing gzungs sgrub cho
ga byas/ tshes dgu nas bzung sogs sprul gu ru de wa rin po ches
bskul ba'i thog /phag ri bla spyi'i jo lags dang/ gser khang a
ma/ brag g.yab gnyer zur thub

bstan chos 'byor bcas pas kyang bskul ba ltar/ sa ra Na tha'i
bod dgon bshad sgrub 'dod rgu 'khyil gyi tshogs khang du gdan sa
gsum gyi mkhan po bla sprul dang/ dge bshes/ slob gnyer ba sogs
phyogs phan tshun sna tshogs

nas chos nyan du ched phebs rnams kyi thog /gnas bskor ba nyung
shas bcas ser skya mi grangs brgyad brgya skor la byang chub lam
rim bde lam dang/ lam rim zin bris rnam grol lag bcangs sbrags
pa'i steng nas lam rim gyi nyams khrid nyin

nyi shu rtsa gnyis dang/ de ga'i mu mthud du gong gsal sbyin
bdag rnams kyi thog /chab mdo ba rdo tshe dang/ tsha ba rong pa
dam pa blo gros kyis bskul ngor bla mchod rtsa tshig dang tshe
mchog gling gi khrid yig chen mo sbrags pa'i steng nas bla ma

mchod pa'i khrid nyin lnga/ mjug tu sems bskyed mchod pa bcas
rang la nyams len gyi gtad so sne gcig tsam ston rgyu med kyang
mgrin bzang gzig lpags gyon pa'i ngang tshul bzung ste/ ston pa
sangs rgyas kyis chos 'khor bskor

@195a @#/ /ba'i gnas su dus gsum bde gshegs ma lus gshegs shing
gshegs par 'gyur ba'i lam po che gsung rab kun gyi snying po
byang chub lam gyi rim pa'i man ngag rnams mang thos mkhas pa'i
tshogs par

glu mkhan dang bro pa'i chos bshad lta bu zhig 'bul rgyu de yang
skal bzang legs byas kyi phung por bsams te ngal ba dang du
blangs nas 'chad khul byas/ tsha ba rong pa a chen nas bskul
ngor rje tshe 'dzin ma'i tshe dbang dang/ phyag rdor drag po

gsum bsgril gyi rjes gnang zhig kyang bgyis/ zla ba bcu gnyis
pa'i tshes bcu gcig nyen wa Na nas ldi lir bskyod/ la dwags nang
pa'i lha khang du la dwags bla ma blo bzang gis bskul ba bzhin
mi mang gang 'tshams shig la sgrol

dkar tshe dbang dang/ spyan ras gzigs ngan song kun sgrol gyi
rjes gnang/ lha khang la rab gnas rta thog ma bcas byas/ tshes
bcu bdun nyin ldi li nas sbo spal si hor du sa 'du'i sbyin bdag
'gyur med lags nas 'bod bskul

ltar bskyod/ der yon bdag gi 'dod mos bzhin mi grangs bcu skor
zhig la rnal 'bxor ma'i dbang bzhi byin rlabs dang/ shog bzo'i
bzo gra'i ngo las rnams la grub rgyal lugs kyi tshe dbang bgyis/
/rang lo drug cu

re lnga/ phyi lo chig stong dgu brgya drug cu re lnga zla ba
gsum pa'i tshes dgu /bod shing sprul zla ba dang po'i tshes drug
nyin sil hor nas thon te ldi li brgyud rda ram sa lar 'byor/
^skyabs rje rdo rje 'chang pha bong kha'i mchog sprul

@195b [@##data incomplete this page] rin po che sku'i gsol sman
'phrod bzhes dang/ bka' chos gsan rgyu'i ched rda sar phran
tsho'i shag tu phebs pa bzhugs rgyun ring nar ma'i bsnyen bcur
gzab par zhus/ tshes bcu nyin ^gong sa chen po'i sku mdun du
bcar te mtshan dpe'i

ngo mtshar gsal ba'i dngos dkyil la longs spyad/ gzhung gnas nas
^gong sa mchog la stag phe'i dag snang tshe dpag med nang sgrub
'chi med lha lnga'i cho ga dang 'brel bar mkha' 'gro'i bsu bzlog
brtan bzhugs rgyas par phul ba'i

chog gral du bcar/ ^skyabs rje yongs 'dzi^ gling rif po che 'jam
mgon rgyad ba gnyis pa'i rgyal tshab tu mngon par bzhengs pa'i
che 'don mdzad sgo dngos gzhi rdo rje gdan dq bskyangs shing
si


@196a @#/ /du rang gzhung las byed ser skya rnams dang/ phyogs
gzhan nas 'byor pa'i gdan sa gsum/ rgyud grwa smad stod/ chos
lugs khag bcas kyi mkhan po bla sprul/ dge 'dun/ rda sar

gtan sdod bcas pa'i ser skya mi mang khyon che zhig la blo
sbyong don bdun ma dang/ tshig brgyad ma sbrags te kha bshad lag
len 'gal ba'i bshad khrid zhib rgyas phul/ tshes nyi shu tsam nas
mdun g.yog lha bu mkhris tshad dang/

glang 'thab sne 'doms kyis phran bu'i gzugs khams mi bde ba'i
'go brtsams gshis/ sbag sar dge 'dun spyi'i tshogs chen dang/
shar byang grwa tshang gnyis/ Dal hor rgyud grwa stod smad bcas
par rim gro bsgrub rgyu bskur/

tshes nyer bzhi nyin ^skyabs rje rdo rje 'chang gi mchog sprul
rin po che'i thugs bzhed ltar rin po che nyid dang/ brag g.yab
rin po che/ ra stod chu dbar rin po che/ dze smad rin po che
sogs bla sprul dge 'dun bcu gnyis la dpal mnyam

med jo bo rje nas rim brgyud bka' gdams pa'i bla ma rnams kyis
thugs dam du mdzad cing/ snar thang pa mchim nam mkha' grags
kyis phyogs gcig tu bsdebs par mdzad pa snar thang brgya rtsar
grags pa'i lha tshogs rnams kyi

rjes gnang 'bul rgyu 'go 'dzugs kyis 'di nyin rjes gnang bcu
gnyis dang/ tshes nyer lnga nyin rjes gnang bcu gnyis phul/ 'di
nub snying nas brtse ba'i gsol dpon lha bu rang bzhin drang
zhing/ gya gyu med pa de nyid de sngon

@196b bgrang bya bcur son pa'i tshe kho bo rang lo dgur son pa'i
gam du byis pa'i rtsed 'jo la 'jug pa'i rogs zlar son pa nas
bzung 'di lo bgrang bya drug cu re drug tu slebs kyi bar skyid
sdug bzang ngan gang byung yang mnyam 'grogs khur du bzod

cing/ lhag bsam rtse gcig pa'i sgo nas ji ltar bsgo ba de de
bzhin sgrub pa'i ngang tshul can de sman bcos rim gro sogs thabs
gang gis kyang bzlog tu med par sgo lnga'i dbang shes nub pa la
mngon du phyogs par/ nged rang nas dge sems

gsal 'debs dang/ sangs rgyas kyi mtshan dang gzungs sngags zab mo
rna lam du bsgrags/ khong rang yang rgyun du kha ton la brtson
zhing/ chags sdang gi kun rtog ha cang chung ba zhig yin stabs
zhen chags re dwogs sogs gang yang

med par blo lhod dge sems kyi ngang nas mtshan mo'i chu tshod bcu
gcig dang skar ma sum cu'i thog 'dus byas kyi chos nyid rtag pa
ma yin pa/ 'chi ba zhes bya ba'i lam po cher theg cing de'i tshe/
ji skad du/ skyes rabs las/ mdza' ba

yun ring 'khod 'khod nas/ /'chi bas so sor 'bral 'gyur zhing/
/mya ngan chen po ldang 'gyur ba/ /de ni 'jig rten 'di na nges/
/zhes gsungs pa ltar yid la gdung ba'i tshor ba ches cher brtas
kyang bsran bzod par byas te/

'pho ba dang smon lam gang shes btab/ 'di nas bzung zhag zhe dgu
ma rdzogs bar du sbyang chog sogs dus tha ma'i cho ga nyin ltar
chag med du byas/ bla sprul rnams la snar thang brgya rtsa'i
rjes gnang gi 'phro rnams re zhig 'bul

@197a @#/ /mtshams bzhag /'das po'i dge rtsar ^gong sa mchog gis
dbus skyabs yul khag la bsngo rten dang/ gdan sa gsum dang
rgyud
grwa stod smad sogs Dal hor dang/ sbag sar bzhugs pa'i dge

'dun rnams la mang 'gyed bsnyen bkur/ rgya bal gyi gnas chen
khag la mchod 'bul sogs sgrub pa'i bya ba lhur blangs/ tshes nyer
bdun nyin sku phung dur khrod du zhugs la sbyangs/ ser smad
mkhan zur ngag dbang grags par

rgyal chen shugs ldan gyi rten 'dzugs/ mdos chog /sbyin sreg
sogs phran gyi ngag rtsom gang yod bklag lung dang/ zla ba
gsum
pa'i tshes nyer brgyad nyin tsha ba rong pa dam pa blo gros kyis
bskul ngor mi grangs sum brgya skor la theg

chen gso sbyong gi sdom pa 'bog chog byas/ zla ba bzhi pa'i tshes
shar la ^skyabs rje yongs 'dzin gling rin po che nas gsang 'dus
mi bskyod rdo r
e'i ljags bsnyen bskyar bzhugs mdzad rtsis la
dbang bskyar ma zhig 'bul dgos phebs

pa bzhin nyin gnyis ring rin po che sku rkyang la gsang 'dus
dbang chen sta gon dang bcas pa phul/ zla ba bzhi pa'i tshes bco
lnga nyin gsol dpon 'das po de nyid kyi bdun tshigs bdun pa zhag
zhe dgu 'khel bar ^gong sa mchog dang/

yongs 'dzin khri chen rin po che tshogs mgon du gdan zhus kyis
rnam grwa tshogs yongs dang/ rda sar gtan bzhugs bla sprul dge
bshes rnams la nyin 'khyongs bsnyen bkur dang 'brel bla mchod
tshogs 'khor phul/ phyi nyin nas yon

@197b bdag lha klu'i lha lcam bgrds mo g.yang 'dzoms tshe ring
gi sku rus nyung zad cig lha sa nas sngon 'byor de dang/ gsol
pon lha bu 'das po'i rus phye rus chog lan mang byas pa dedag
chabs cig tu mi 'khrugs pa dang/ spyan ras gzigs

sogs sku brnyan sna tshogs dpar 'debs kyi 'go brtsams/ sbag sa
nas phebs pa'i dge 'dun sum cu tsam gyi steng 'dir yod bla sprul
dge bshes bcas khyon bdun cu skor la nyin gcig rnal 'byor ma'i
sind+hu ra'i dbang bzhi byin rlabs

byas/ tshes nyer bzhi nyin gong gsal bla sprul rnams la snar
thang brgya rtsa'i rjes gnang lhag 'phros dang/ de'i phyi nyin
nas bzung bla ma rdo rje gdan pa nas ba ri lo tsA ba la brgyud
pa'i sgrub thabs brgya rtsa'am/ ba ri brgya rtsar grags pa'i

lha tshogs kyi rjes gnang rnams rim 'bul gyi 'go btsugs te rgya
gzhung gi bklag lung dang bcas pa rdzogs par phul/ ^skyabs rje
mchog sprul rin po che nas sgrub thabs rgya mtsho'i rjes gnang
yang mu mthud 'bul dgos phebs rung  

rgya gzhung gi dpe cha ma 'byor bas re zhig bshol/ zla ba drug
pa'i tshes gsum nyin brag g.yab rin po che 'jar man nub phyogs
slob gra zhig gis gdan zhus gzigs bskor sku mgron du phebs kha'i
thon phyag tu phebs par/ phebs

skyes phran bu dang thugs bzhed bzhin dga' bskyel gyi mgur ma'i
glu dbyangs/ tshe rabs las smon dge ba'i rten 'brel gyi mdud
rgya/ /gcig min du mar sbrel ba'i mtshungs med kyi skyes mchog
/ring nas chos kyis gsos pa'i

@198a @#/ /dam gtsang gi bu gcig /dpag tshad du mas bskal ba'i
thag ring du byon yang/ /bsub kyang zub tu med pa'i mdza' gcug
gi ri mo/ /ma bris snying la bkod pa lam lam du los 'char/ /bu

rgod blo rtsal rdzogs pa'i mkha' lding gi gzhon nu/ /rgya che'i
rgyal khams nyul ba'i gshog rlabs de bsgyur dang/ /pha rgan re
ba'i mig lpags nam mkha' la btegs te/ /legs lam nam 'phang gcod
pa'i smon lam zhig

zhus yong/ /nyi zla gling bzhi bskor ba'i ltad mo de mtshar yang/
/nag phyogs sgra gcan gdug pa'i kha rlangs de nyen che/ /stag mo
gra 'dzum rgyas pa nags mtha' ru 'grims dus/ /mi mngon sha wa ri
pa'i sa mda' der gzon

dgos/ /lha yul sa la 'phos 'dra'i mi yul gyi ljongs na/ /bde
skyid dpal 'byor 'dzoms pa'i 'di snang gi yo lang/ /'khrul pa
sgyu ma las kyang yang 'khrul gyi chu ris/ /snying po'i don gyis
stongs pa'i ngang tshul la

gzigs shig /zin med bya ba'i brel 'tshub zo chun gyi 'khor lo/
/dal med rtag tu bskor bas rang sdug la bkol yang/ /byur la
rgyan du rlom pa'i smyon pa yi zlos gar/ /'chi khar lag stong
'gro ba'i klad chung tshor gzigs

shig /chos med kla klo'i yul gyi spyod tshul la gzigs nas/ /chos
ldan gangs ri'i ljongs kyi khyad chos la bsam tshe/ /rang rigs
lam zan sgug pa'i rgan mo zhig mthong yang/ /yi rang dga' ba
bskyed pa'i yid smon

@198b zhig skye yong/ /khu byug lho mon nags kyi sman ljongs de
bskor nas/ /rab dga'i gseng snyan bsgyur zhing myuc

[@##data incomplete here]

byes 'dzoms pa'i bkra shis kyi dga' glu/ /grogs khyod dbyangs can
mgrin pa'i bang

mdzod las longs shog /ces pa zhig blangs/ skabs shig blo sbyong
don bdun ma'i rtsa tshig la blo sbyong nyi ma'i 'od zer gyi
dgongs pa gzhir bzhag pa'i mchan bu nyung bsdus shig dran gsor
lag bris btab/ ^skyabs mchog

rdo rje 'chang gi mchog sprul rin po che sku 'khor gsum dang/
'di ga'i mdun g.yog dpal ldan bcas la nA ro chos drug gi khrid
yig yid ches gsum ldan dang/ tre hor nags tshang bstan pa dar
rgyas kyi gsung khrid yig gnyis

sbrags pa'i steng nas chos drug gi nyams khrid nyin bdun ring
bgyis/ a mdo lha bris pa rdo rje'i 'dod mos bzhin don gnyer ba
sum cu la rnal 'byor ma'i byin rlabs byas/ skabs 'di dag tu dus
tshod snga phyi nges med kyi seng dbar

nam byung la ^skyabs rje mchog sprul rin po che lhod mjal gyis
dbang lung khrid gsum gyi phyag len man ngag yab rje ^gong ma
bka' drin can gyi drung nas mthong thos gang nges rnams zhar
dang zhor la gsal 'debs zhus/ zla ba

@199a @#/ /bdun pa'i tshes drug nyin snga dro ^gong sa mchog phran
sar ^zhabs 'khod la thugs bzhed ltar gu ru rin po che'i gsol
'debs bsam pa lhun 'grub ma dang/ bar chad lam sel gyi bklag
lung phul/

phyi dro ^gong sa mchog bzhugs sgar nas chibs bsgyur bskyangs
par pa Than ko Ti nye mtshams su phebs skabs pa ki si than gyis
rgya gar la tshur rgol dmag zing 'go tshugs te gnam thog nas dmag
mi 'phang pa sogs nyen che byung

'dug kyang/ ston 'khor rnams 'gal rkyen phra mo tsam med par
bde
phebs byung 'dug /tshes bcu bzhi'i nub mo chu tshod bcu gcig pa
zin nye'i skabs pa ki si than gyis gnam thog nas rda sa'i shad
kyi dmag sgar nye 'gram du

'bom mdel gnyis 'phangs te grong gseb pa mi gnyis dang/ ba
phyugs re zung bsad/ 'ga' shas la rmas skyon byung zhing/ de
rjes nyin shas ring mtshan mo pa ki si than gyi gnam gru 'grul
bzhud kyis rda sa'i nye 'gram grong

gseb 'ga' shas la 'bom mdel 'phangs pa sogs kyis dza drag gi
nyen kha ci che'i stabs kang ra'i rdzong/ ngas su gtogs pa'i sa
gnas tshang mar mtshan mo glog zhu dang/ sgron me sogs kyi 'od
snang med pa dang/ sdod khang gi 'gram

du sa dong drus te pha rol pos 'bom mdel 'phangs skabs lam seng
gab bros byas chog dgos tshul sogs sa gnas khrims khang nas brda
khyab dang bskor g.yeng byed pa bcas kyis blo g.yeng ci che'i
ngang sdod dgos byung/ nyin

@199b zhag gang 'tshams shig song rjes sku'i gcen po blo bzang
bsam gtan ldi li nas ched phebs kyis 'di gar rang gzhung bka'
blon rnams dang bka' bgros thog yongs 'dzin rnam gnyis dang/
rgyal yum chen mo bcas gnas skabs ring

ldi lir phebs 'gab che lugs gsungs par brten ^skyabs rje pha
bong kha'i mchog sprul rin po che gnas skabs 'di gar bzhugs te
rim pas phebs bzhugs ji 'gab gnas 'bul zhu rgyu byas te/ rin po
cher phyag bzhes mchod char rdo

dril dngul gyi rtse rdor can cha 'grigs/ dngul gyi 'bru bzed
dang/ nang mchod ka li stegs khebs rang 'grigs/ ba so'i phyag
Dam gser gyi sked 'chings can/ dngul gyi tshe bum/ dngul kong che
'bring gsum/ hin sgor

chig stong tham pa bcas phul zhing/ ^skyabs rje yongs gling rin
po che sku 'khor dang/ phran ngo g.yog gsum/ rgyal yum sku
'khor nyung bsdus bcas rda sa nas tshes nyer lnga nyin snga dro'i
chu tshod drug steng mo Tor thog phebs shing/

dmag dus zing chas bgrod bde med pa dang/ lam bar 'khor lor
skyon shor/ mo Tor glog 'od med par mun nag tu bskyod dgos sogs
kyi rkyen pas mtshan mo chu tshod bcu pa tsam bar lam 'gor byung
zhing/ ldi lir bod khang du sdod

sgrig gnang 'dug pa der yongs 'dzin gling rin po che dang/ phran
tsho gnas skabs ring bzhugs rgyu gtan 'khel gyis gnas mal byas/
gro mo mchog sprul rin po che nas gro mo'i rin chen ril bu gsar
sbyor gnang bzhed kyis

@200a @#/ /byin rten dgos lugs gsungs par ston pa sangs rgyas
kyis mtshon rgya gar dang/ bod kyi skyes mchog grub mtha' ris med
kyi gdung ring bsrel/ dbu lo/ na bza' sogs 'khrul med khungs

ldan srid na rnyed dka' rnam grangs brgya dang bdun cu skor
'bul
lam zhus/ yun 'gyangs cher ma song bar hin pa gnyis kyi dmag
'khrugs re zhig mtshams 'jog byas stabs blo bag phebs par byung/
bod khang gzim chung du

^skyabs rje yongs 'dzin dga' khri gling rin po che mchog dang/
phyag mdzod blo bzang lung rigs lags/ kho bo cag bcas lhan
bzhugs lhod mjal gyi skabs shig /rin po che sku bgres nyams che
tsam zhig mjal ba'i rkyen gyis/

^legs smon pad dkar 'dab ma khri khrag tu bzhad kyang/ /don med
rang gar 'phyan pa'i gzhan dbang gi ba mos/ /byang chub snying
po'i sbrang rtsi'i bcud bzang de bcom pa'i/ /rmongs rgan gnyis
med sengge'i zhu don 'di dgongs

shig /thub dbang bstan pa'i snying po blo bzang gi zhal lung/
/dri med tshul bzhin rtogs nas rnam mang gi gdul byar/ /rgyal
ba'i lam mchog 'doms pa'i 'phrin bzang gi rgyang glu/ /bskal
pa'i mtha' las 'das par

lhang lhang du sgrogs mdzod/ /rgol bas mi thub rjes bstan lung
rigs kyi lam nas/ /'phags bzhi'i mngon rtogs gsal ba'i rnam thar
gyi bkod pa/ /rgyal kun ngo mtshar rdzogs pa'i mdzad 'phrin gyi
'od dkar/ /mi mthun

@200b mun pa las rgyal lam lam du spros shig /ces dang/ de ga'i
mur phyag mdzod lags la'ang/ blo gros mdzangs la dkyel che'i
grogs po khyod gson dang/ /nor bzang gzhon nu'i rnam thar da
mus
bzhin bzung nas/ /mi phyed

dad pa'i a lung snying dbus su bcang na/ /rigs gsum thugs rje'i
lcags kyus 'dor med du los 'dzin/ /blo sems rtse gcig bsgril nas
drin can gyi bla ma/ /bsam sbyor bzang pos ngal med tshul bzhin
du bsten dang/ /

la lung gzhan 'tshol ma dgos yid bzhin gyi nor bu/ /rang gi lag
na mchis so rigs bzang gi skyes bu/ /zhes glo bur sems la gang
dran gyi mgur ma zhig longs spyod 'khor lo'i gdangs su spros/
zla ba brgyad pa'i tshes nyer drug nyin

^gong sa mchog rgya gar lho phyogs ma'i sor nas ldi lir ^zhabs
'khod la/ yongs gling rin po che dang lhan du mjal bcar gyis
bka' slob zhus par/ dgun thog ring rdor gdan sogs la bzhugs legs
phebs/ la dwags blo bzang can nas

gdan zhus bzhin yongs gling rin po che dang/ kho bo bcas nyin
gcig la dwags nang pa'i gtsug lag khang du phebs bskyod kyis rab
gnas dang/ phyi dro la dwags slob phrug tshos yul lugs kyi bro
dang/ glu gzhas kyi gzigs mo bstar/

zla ba dgu pa'i tshes gnyis nyin ldi li bod khang gi sgo dbye'i
rten 'brel mdzad sgor ^gong sa mchog dang/ phran yongs 'dzin
gnyis/ rgya gar shes rig blon chen cag la/ gro mo mchog sprul
rin po che/ ne ru'i sras mo in d+har g+han d+hi

@201a @#/ /sogs lding cha'i steng gtso 'dzin gras su bzhugs
shing/ phyi mgron mi sna gal che'i rigs khyon che 'du 'dzoms
thog ^gong sa mchog dang/ yongs 'dzin gnyis/ rnam grwa gsung
zhabs bcas

nas shis brjod zhal 'don gsungs rjes shes rig blon chen nas sgo
dbye sogs mdzad/ ^skyabs rje pha bong kha'i mchog sprul rin po
che rda sa nas ldi lir phebs dgos zhus pa ltar phebs 'byor byung
zhing/ mchog sprul rin po che nas

gsung bskul ltar/ rin po che nyid dang/ gro mo rin po che/ ldan
ma blo chos rin po che/ la dwags ri rdzong sprul sku bcas la
rje'i gsung lam rim 'bring po la phran nas gsar bsgrigs kyis
bcad dang sbrags te bshad khrid nyin brgyad ring

phul/ pha bong kha'i mchog sprul rin po cher yang rjes sor 'gro
phan 'phrin las rgya cher skyong du re nas gro mo rin po che
dang phyogs mtshungs kyi byin rten cha tshang dang/ rin chen ril
bu'i gras sne 'dzoms phul thog mkhas btsun bzang gsuM

gyi rnam thar skyong dgos kyi gsal 'debs zhus/ ldi lir sdod
skabs bod khang du ris su ma mchis pa'i gsung rab khyon che 'dug
pa nas bo gdong phyogs las rnam rgyal gyi gsung 'bum dang/ sde
dge zhu chen tshul khrims rin chen

gyi gsung 'bum sogs gsung rab mang po zhig mjal zhing/ bod khang
spyi nas kyang 'tsho ba nar gtong sogs gzab gnang gis lhod dal
skyid du tshor ba byung/ tshes nyer gcig nyin sbo spal si hor shog
bzor sa 'du 'gyur

@201b med lags kyis 'bod bskul ltar bskyod/ dga' shar grwa tshang
nas ^gong sa chen por phran gyi sgo gsum skor thugs dam phul bar
'tshub lhongs che tsam babs tshod stabs/ ^gong sa mchog nas ring
'tsho'i 'dun pa che bskyod dgos pa'i

bka' yig nan che zhig phebs lan tshigs bcad du phul par/ ngag gis
mi mtshon rab 'byams rgyal dbang/ /blo 'das sgyu 'phrul dra ba'i
sprin bzang/ /bstan yod gzugs sku'i 'jo sgeg gar 'dzin/ /rgya
tshad ma dmigs phan

bde'i rol mtsho/ /khyod thugs thugs rjes bskyod pa'i rba rlabs/
/legs gsung gsung gi bdud rtsi'i thigs phreng/ /rmongs rgan rgan
po'i spyi bor lhung tshe/ /spros kun kun zhi'i bde bar 'byams
lags/ /blo la kun rtog gdon gyis

brlams pas/ /bzang med ngan dgu'i spyod pa'i gar stabs/ /ye rer
'khor zhing nyam nga'i g.yang sar/ /shes bzhin mchongs pa'i
smyon pa bdag kyang/ /yon bdag yon gyi nor la brkam pas/ /shog
bzor shog bu rlung 'khyer

bzhin du/ /'khyams shing 'khyams shing bzo mdog bde bar/ /dal
bur dal rten chud zos gtong mus/ /chos kun ma 'dres cig car
'char bzod/ /chos dbyings dag pa'i ye shes gzigs ngor/ /chos med
rag gnag ser

du gzigs 'di/ /chos kun rtog btags tsam la dgongs snyam/ /don
chen rten bzang yun du 'tsho phyir/ /don mthun rkyen bzang
bsgrub
la rems zhes/ /don ldan snying pos lci ba'i bka' lung/ /don zab
snying gi bcud du sim

@202a @#/ /lags/ /chos ldan gangs ljongs skyid pa'i lha yul/
/chos min dpung pa gtum pos bcom pa/ /chos nor 'dod thar slar la
'phel ba'i/ /chos srid ltad mo mthong du re mod/ /dbang med so
skye

bdag 'drar ci cha/ /dbang bcu'i rtsal rdzogs mgon po khyod kyis/
/dbang nus byin brgya'i mthu dpung bskyed na/ /dbang chen gshin
rje'i mche ba brtul nges/ /rtag 'dzin grogs po gzhung bzang de
yis/ /rtag tu snying la 'bral

med 'thams pas/ /rtag brtan re ba'i blo sna ring pos/ /rtag min
bzlog pa'i mgon skyabs khyed zhu/ /bstan pa'i snying po bloX
gter rgyal ba'i/ /bstan zhabs 'di la bzangX po'i zhabs 'degs/
/bstan don yeX nas mi shesX

shes brdzu'i/ /bstan 'dzin gzugs brnyan bdag 'dras ci bgyi/ /zab
rgyas rgyal bstanX mtha' dag gnad rnams/ /ji bzhin nyid kyis
gzigs bzhin 'dzinX cing/ /pad dkar 'dab rgyaX bzhad ltar mdzad
nas/ /'gro tshogs

nyon mongs 'khor mtshoX sgrol mdzod/ /mi mthun rkyen brgya kun
nas ldang zhing/ /mi rnams dmu rgod g.yo sgyu'i 'phrul 'khor/
/mi bzad dus kyi skal ngan 'di 'drar/ /mi zhum bzod stobs go cha
bzhes par/ /mi mngon

dbyings nas sras bcas rgyal bas/ /mi yi sengger bsngags shing
bstod na/ /mi shes glen rmongs dud 'gro las gzhan/ /mi gus skye
bo shes ldan su zhig /kye kye mgon po thugs rje'i gter khyod/
/lam lam snying

@202b dbus ri mor bkod de/ /lhang lhang gsol ba 'debs pa'i rgan
po/ /dung dung brtse ba'i lcags kyus zungs shig /de skad gsol
'debs dbyangs kyi rol mo/ /snyan 'jebs tshig dang don zab bral
yang/ /ring nas rjes brtses bskyangs

pa'i nang nyams/ /gang dran spyi brtol bskyed de gus phul/ /zhes
pa phul/ 'gyur med lags sogs bzo gra'i ngo las mi grangs drug cu
skor la grub rgyal lugs kyi tshe dbang/ /smyung gnas kyi cho ga
dang/ spyod 'jug chen mo'i

bklag lung bcas bgyis/ sbo spal nas rdor gdan du bskyod cing/
der ^gong sa mchog dang/ ^skyabs rje yongs gling rin po cher
mjal phyag /brag g.yab rin po che yang 'jar man nas phyir phebs
mjal/ lha bu 'das po'i

dge rtsar mchod rten chen mor stong mchod rgyas pa dang/ der
yod
dge 'dun rnams la nyin 'khyongs bsnyen 'gyed kyi mchod sprin
spros/ sa skya bdag khri rin po che dang/ rnying ma bdud 'joms
rin po ngos 'phrad du rim phebs lhod

mjal gyis mnyes gshin pa'i gsung gleng zhib mol byung bar bdud
'joms rin po ches mnga' bdag nyang gi gter chos bka' brgyad bde
gshegs 'dus pa'i shog ser pod dgu yod pa nas nyang gi gdan sa
lho brag smra bo lcog tu

re zung yod tshul dang/ gter yig de ldan ma rtse mang gi phyag
bris yin lugs gsungs par/ phyag bris de'i yig gzugs ji yod bka'
'dri zhus lan bdud 'joms kyis gsungs pa dang rtse pho brang gi
rten sgam chen mo'i nang

@203a @#/ /bzhugs nyang gi shog ser gyi yig gzugs gnyis rtse
mthun nges pa rnyed/ zla ba bcu gcig pa'i tshes gsum nyin rdor
gdan dgon pa'i 'du khang rgya bskyed nyams gso grub pa'i rten
'brel du bkra shis

gso sbyong dang/ bod gzhung nas bstan srid spyi rim du mchod
rten chen mo'i drung du stong mchod rgyas pa 'bul gnang skabs
^gong sa mchog gi gsung zhabs su sa skya bdag chen rin po che/
rnying ma bdud 'joms/ bka' brgyud

'brug pa thugs sras/ bka' brgyud bla ma ka lu sogs dang/ phran
yongs 'dzin gnyis sogs bcar/ nyin gcig dur khrod bsil ba tshal
dgon gyi gnas 'dzin a mdo dge slong skal bzang nas nan 'bod
ltar bskyod de

brgya mchod dang/ bskang gso/ rab gnas sogs bgyis shing/ shangs
chos rgyud sde lnga'i skor gyi dpe cha dpar gsar pod gcig mgon
khang gi gsung rten du bzhag /rdo rje gdan nas wa Nar bskyod
bsdad thog lha bu 'das

po'i dge rtsar dmigs sa ra Na thar sngar yod dge 'dun rnams kyi
steng/ bod gzhung nas dge lugs gdan sa gsum dang/ sa rnying bka'
gsum bcas chos lugs khag bzhi nas mkhas gras 'os 'dems bskyangs
pa'i

gtsug lag slob dpon dge bshes lnga bcu nga bzhi yod pa bsnan
pa'i 'dus tshogs la bsnyen bkur nyin 'khyongs 'brel mchod rten
drung du mchod pa sna lnga stong tshar dang/ tshogs 'khor bcas kyi
mchod sprin spros/ nyin gcig gtsug

@203b lag slob dpon rnams la ston pa mchog gi lugs bzang phan
bde mi zad pa'i 'byung gnas dam pa 'di nyid thub pa drang srong
chen po rang gi dgongs pa las gzhan du ma gyur par blo gsal ba
rnams kyi dbang po dang 'tshams par legs

par 'chad cing spel ba'i bya ba sgrub pa ni dgos pa thams cad
kyi gtso bor bzung dgos pa'i skor gsal 'debs zhib par zhus/ dga'
shar grwa tshang la sil snyan rgyu rnying che legs cha gcig dang/
rgya sbab cha gcig /byang rtse grwa tshang

la sil snyan rgyu rnying cha gcig bcas khungs so so'i dge bshes
phyir phebs gdong sbag sar 'bul rgyu bskur/ la dwags ri rdzong
sprul sku nas snga rjes rim par bskul ma gnang ba ma zad/
^skyabs gcig bka' drin zla med rdo rje

'chang pha bong kha pa chen por gang gi slob ma yang slob bdun
brgyud tshun chad rjes su 'dzin par dpal he ru kaH nyid kyis
dngos su zhal gyis 'ches pa'i thugs dam gyi lha mchog /'phags
bod grub brnyes bye ba'i gshegs shul

dpal 'khor lo bde mchog dril bu lugs lus dkyil gyi bshad sgrub
phyogs 'dir nyag phrar gyur pa cung zad 'phel du re nas sa ra Na
tha'i bod dgon du bla sprul dge 'dun sum brgya skor la dpal
'khor lo bde mchog dril bu lugs

phyi dkyil lha lnga'i dbang chen sta gon dang bcas pa dang/ dag
pa gsum gyi rnal 'byor rgyun 'don dam bca' byed mkhan nyis brgya
lnga bcu skor la dril bu lus dkyil gyi dbang chen/ lus dkyil
bdag bskyed rgyas pa rgyun 'don dam

@204a @#/ /bca' can brgya dang dgu bcu go bzhi la dril bu lus
dkyil gyi bskyed rdzogs zab khrid bcas nyin bcu bdun ring dam
pa'i phyag bzhes ma nyams pa'i tshul du bgyis shing/ mjug tu
gling zhabs sbyin pa rgya

mtshos bskul ba ltar bde mchog tshe lha dkar pa'i tshe sgrub bka'
rgya ma'i tshe khrid dang/ ba ku la rin po che dang/ ri rdzong
rin po che thun mong nas yon sbyar gyis bla mchod bde mchog
dang
'brel ba'i tshogs kyi 'khor lo bcas legs par

bsgrubs/ wa Na'i mchod rtan mdun 'brel thogs spyir dmigs slar
yang stong mchod rgyas pa gcig dang/ lha bu'i dge rtsar mar me
khri mchod bcas phul te rnam pa thams cad mkhyen pa'i byang
chub
kyi sa bon bskrun/ /

rang lo drug cu re drug tu son pa/ phyi lo chig stong dgu brgya
drug cu re drug zla ba gsum pa'i tshes gnyis/ bod me rta zla ba
dang po'i tshes bcu nyin wa ra Na si nas rda sar phyir ldog /tshes
nyer bdun nyin ^skyabs rje yongs khri gling rin

po che rdor gdan nas phyir phebs kyis yar lam kho bo'i sar
^zhabs sor 'khod cing/ phyi nyin der phran rang gzim shag tu
mjal bcar gyis rtags rten slad sgrol dkar gyi dngul sku gcig
sogs phul/ zla ba gnyis pa'i tshes

gcig nas nyin bdun ring bod gzhung nas byes 'byor bod rigs
spyi'i slad du ^gong sa mchog dbu bzhugs thog /yongs 'dzin khri
chen gling rin po che/ rnam rgyal grwa tshang tshogs yongs bcas
nas rnam sras g.yang 'gugs dang/ dzam

@204b dkar/ mgon dkar/ rnam sras bcas kyi bum sgrub mdzad pa'i
tshogs gral du bcar/ tshes nyer bdun nyin ^gong sa chen por rgyal
tshab rje'i gsung phar phyin rnam bshad snying po'i rgyan gyi
bklag lung 'bul 'go btsugs shing/ de

nas bzung ^gong sa'i mdzad seng dang/ nged rang gi gzugs khams
stabs bstun gyis seng dbar nam byung la rgyal tshab rje'i gsung
'bum gras nas lung rgyun gang yod rim 'bul zhus/ zla ba gsum
pa'i tshes gsum nyin smar

khams ze'u 'bru dgon gangs dkar bla ma tshang gi mnga' khongs
dbri ba 'bal sras kyi bu 'jam dbyangs khams phyogs rgya mi'i
btsan 'og nas bros thar gyis ngos 'phrad du slebs par smar khams
phyogs kyi gnas tshul spyi dang/

lhag par rgya dmar gyi zing 'khrugs skabs gangs bla'i sprul sku
dang/ mdzod pa a 'brug bcas nags gseb tu bros phebs rgya mis
bzung nyer sprul sku zhi bar gshegs te rgya lag tu ma tshud pa
dang/ a 'brug dgra thog 'thab

'dzings kyis 'das grongs song lugs sogs nges 'drongs zhib par
brjod byung zhing/ sprul sku grwa sar bzhugs skabs phran la gus
brtse che ba dang/ btsun tshugs bzang ba tsam las sku yon mi che
ba'i tshul du snang ba zhig yod kyang/

gal la thug skabs rang dbang gis mya ngan las 'das pa 'di dag
skyes bu dam pa'i dan rtags ngo mtshar can du mngon/ dga' gdong
sku bsten ngo g.yog gsum dang/ srid tshab klu khang pa'i lcam
sogs la drag po gsum bsgril gyi

@205a @#/ /rjes gnang dang/ bka' zur shan kha ba phebs nas rgyu
'bras man ngag bdun dang/ bdag gzhan mnyam brje'i dmigs pa zung
'brel du skyong tshul skor dogs 'dri gnang bar zhib par khrid/
zla ba

bzhi pa'i tshes bcu gnyis nas nyin gsum ring rnam rgyal grwa
tshang gi sku zhabs thub bstan chos dbyangs 'das po'i kha chems
ltar rnam grwa thub bstan chos ldan gyis bskul ba bzhin/ rnam
grwa'i tshogs yongs sogs chos zhu ba brgya skor la blo

sbyong don bdun ma'i bshad khrid phul/ zla ba lnga pa'i yar tshes
nang ra stod skyong bla sprul sku ngag dbang blo bzang gis bskul
ngor sprul sku nyid dang/ bka' zur shan kha ba sogs nyung shas
shig la bde mchog dril bu lus dkyil gyi dbang

chen/ zla ba drug pa'i tshes bcu dgu dang/ nyi shur rnam rgyal
grwa tshang 'dus spyis bskul gnang bzhin dge 'dun rnams dang/
gzhan dag bla sprul dge 'dun bcas brgya lhag tsam zhig la bde
mchog lU i pa'i lugs kyi dbang

chen sta gon dang bcas pa phul/ sus si'i yul nas tre hor sa
'du'i ngo ma chos mdzad g.yul rgyal lags kyis phran gyi gzugs
khams 'phrod bsten brtag dpyad slad sus sir lan cig yong dgos
nan bskul thog phar phyir

lam gron khong nyid nas nar gtong byed rgyu bcas kyis/ sus sir
thon gtan 'khel te tshes nyer gnyis nyin ^gong sa chen po'i
^zhabs drung du thon phyag tu bcar/ tshes nyer bzhi nyin phran
dang/ dpal ldan lhan cig rda sa nas ldi

@205b lir thon/ tshes nyer bdun nyin mo'i chu tshod bcu gcig yol
tsam la ldi li'i gnam thang nas rgya gar gyi gnam gru'i thog
bskyod skabs ldi li bod gzhung don gcod dang/ bod khang ngo las
sogs kyis skyel thung gnang zhing/ de nyin phyi

dro rgya gar gyi mtshan mo'i chu tshod dgu yol tsam dang/ nub
phyogs kyi phyi dro'i chu tshod lnga pa'i thog sus si 'ji ni wa
ra gnam gru'i babs thang du 'byor/ der sus si'i don gcod sku ngo
pha lha ba dang/ gcen po blo bzang bsam gtan/

yon bdag chos mdzad g.yul rgyal bcas kyis gdong bsu gnang ste
chos mdzad kyi sdod shag tu son/ 'di nub sus si'i dus chen zhig
'khel bas 'ji ni wa'i mtsho khar mi tshogs khyon che 'du 'dzoms
kyis shog sbag grangs med nam

mkhar sbar ba me tog tshon khra sna tshogs su shar te mkha'
dbyings nas char ltar 'bab pa sogs kyi ltad mo mthong ba/ kha
ton skabs 'od zer spro bsdu dang/ bdud rtsi 'bebs sbyang gi
dmigs rnam skyong ba la bogs 'don gang legs

byung/ chos mdzad g.yul rgyal la bde can zhing bkod sogs sku
thang ngo bzhi dad rten du phul/ nyin gnyis tsam song rjes khang
pa'i go yul dang bcas sku ngo pha lha ba bzhugs yul der gnas
spos byas shing/ dwags po bam

chos rin po che nas gsol dpon thub bstan lags dpal ldan gyi las
rogs su bza' btung g.yos sbyor byed por 'jog gnang byung ba sus
sir sdod ring phan thogs che/ ra stod skyong bla sprul skus
bskul ngor khong dang/ bam

@206a @#/ /chos rin po che/ rag ra sprul sku/ sku ngo pha lha/
ser smad dge bshes mkhas grub thub bstan sogs la rnal 'byor ma'i
sind+hu ra'i byin rlabs byas/ khongs rnams nas yon sbyar gyis bla
mchod

bde mchog dang 'brel ba'i tshogs 'khor dang/ phran la ring 'tsho'i
brtan bzhugs cho ga nang zhing/ skyong bla nas phran la sgra
sdud 'khor lo'i nang mgur ma zhig 'jug dgos bskul ba ltar/ ^ ya
gi steng phyogs lha yul snod

bcud kyi dge mtshan/ /tshangs chen yid kyi g.yo bas sa steng 'dir
bkod 'dra/ /bde skyid dga' ba 'dzoms pa'i sus si yi grong na/
/rang re dam tshig gtsang ma'i bla slob dang yon mchod/ /zhal
bzang lhan cig 'dzoms pa'i

bkra shis kyi dga' ston/ /gsang chen tshogs kyi 'khor lo 'dod rgu
ru spyod cing/ /yar la bltas pas drin chen rtsa brgyud kyi bla
ma/ /byin rlabs thugs rje'i tshad med sprin phung de 'thibs se/
/yi dam zhi khro dra ba'i dkyil 'khor

gyi lha tshogs/ /mchog thun dngos grub char pa sim sim du 'bab
cing/ /gnas gsum dpa' bo mkha' 'gro'i gar stabs de shig se/
/gsang chen tshogs 'khor rol ba'i skal bzang 'di dga' ba/ /da
dung tshe rabs phreng bar

lhan cig tu 'grogs nas/ /theg mchog bdud rtsi'i skal ba mnyam
nyid du spyod cing/ /lhun grub mngon par dga' ba'i 'og min gyi
zhing na/ /lhan cig rdzogs sangs rgyas pa'i yid smon zhig
'cha'o/ /zhes mgur dbyangs

@206b kyi rta la drangs/ chos mdzad g.yul rgyal nas mtshams
sbyor gyis Dog kror wi si mA zhes pa sger gyi sman pa zhig gi
sar gzugs khams brtag dpyad du bskyod par/ gzugs po dang/ rtsa
chu/ khrag sogs la nyin gnyis ring zhib

brtag byas song bar/ khrag tshad dma' ba dang/ rgyu ma'i nang nad
'bu phran bu zhig yod bzo tsam las/ de min nad gzhi che rigs mi
'dug stabs/ lus stobs gso ched sman khab dang/ sman rim bsten
dgos tshul brjod

pa ltar 'phrod bsten byas shing/ sman pa'i gla dang/ sman rin
sogs ji dgos chos g.yu rang nas khur du blangs/ zla ba bdun
pa'i tshes nyer bzhi nyin 'ji ni wa nas gnam gru'i thog bskyod de
dzus ris grong khyer du ser smad dge

bshes blo bzang chos grags kyi spyin bdag ho len gyi mi rigs a
ma khal le ma'i nang du zhag sdod thog a mas dzus ris grong
khyer gyi me tog skyed tshal zhig tu gcan gzan ri dwags dang/ bya
byi'u sogs srog chags 'dra min sna tshogs

yod sar skyo sangs ltad mor khrid/ bod mi gzhis chags khag rnams
nas 'bod bskul ma zad/ sa gnas so sor ngo bskyod kyi 'brel ba
bgyis na chos rigs goms gshis slar gsor phran bu phan res gzhis
chags so sor rim bskyod

bya rtsis kyis thog mar o kri wi la dang/ ru'u di'i sa gnas su
bod mi gzhis chags gnas 'khod sar rim bskyod chos 'brel dang/
bslab bya sogs byas te ri kon zhes par 'bras sgo mang rgyal
mtshan rnam grol gyi shag tu bsdad

@207a @#/ /cing/ nyin gcig mun khud ling du yod pa'i gzhis chags
sar bskyod de chos 'brel sogs byas te ri kon du phyir ldog /sus
si'i mi rigs khyim tshang 'byor ldan sna tshogs sar de sngon rda
sa'i

bu gso khang nas bod phrug pho mo gang 'tshams shig bu tshab tu
btang ba rnams sku ngo pha lhas 'gugs 'bod gnang bar/ bod phrug
bod mir 'brel gtugs 'jug rgyur mi dga' ba'i khyim bdag re zung
ma gtogs de min phal cher snga

rting rim par khyim bdag dang bcas ngos 'phrad du 'byor par
brngan skyes sogs sprad de rang yul gyi rigs zhen ma brjed pa
dgos tshul sogs bslab bya byas par/ phrug gu gang 'tshams shig bod
kyi goms gshis lta ci bod skad kyang

brjed de sgra med lus kyi rnam 'gyur la brten dgos par gyur zin
'dug pa yid pham gyi gnas su che yang ci byar ma mchis/ nyin
gcig ri kon gzhis chags bod mi'i thog /gzhis chags gzhan nas
'ongs pa bcas mi grangs

drug cu skor la sgrol dkar tshe dbang dang/ dga' lha/ sgrol ma/
skyabs 'gro/ ^rgyal ba'i ^zhabs brtan gyi lung sogs bton cing/
skyabs 'gro las 'bras sogs chos kyi slob ston dang/ gzhan yang
yul khrims

brtsi 'khur dang/ mthun lam sogs spyod bzang/ phrug gu tshor yang
bod kyi skad yig dang chos dad sogs rang rigs kyi goms gshis ma
brlag par bod mi chos srid gnyis ldan yong thabs byed dgos kyi
legs slob byas/

@207b de'i phyi nyin ri kon gzhis chags spyi nas bla mchod dang
'brel ba'i ring 'tsho'i rten 'brel byas shing/ gzhis chags 'go
'dzin sku zhabs Dog Tar lin d+ha kir thabs shes kyang nyin snga
phyi gnyis kar bod chas gyon te tshogs gral du bsdad

song ba ma zad/ khong nas bod skad kyang gang legs shes kyi 'dug
/zla ba brgyad pa'i tshes bzhi nyin ri kon nas ras kre na'or
gzhis chags sar bskyod de chos 'brel bslab bya byas rjes kror
gen bod mi'i slob gra yod sar bskyod/

der bod phrug 'go 'dzin bkras mthong raka ra rin po che dang/
bsod dpal lags/ grong gseb spyi khyab a thar b+hil/ rgya gram
tshogs pa'i las byed/ bod phrug rnams bcas pas dga' bsu 'brel bod
khyim yum bu bla

sgang du tshang ma gral 'khod gsol 'bras 'degs 'bul sogs bod lugs
rten 'brel byed sgo zin rjes bod khyim lugs zung mngon dgar sdod
sgrig gnang 'dug par nyin lnga bsdad/ grong gseb spyi khyab a
thar b+hil sar dngos

skyes phran bu dang bcas ngos 'phrad du bskyod par khong bod
mir
brtse zhen che zhing/ lhag bsam dge ba'i bsam 'char zhib gleng
byung/ kror gen nas thon te wal she kra bod mi gzhis chags sar
zhag gcig bsdad cing/

der rgya gram dmar po'i las byed sho tshan b+har zhes pa'i bud med
bod mi gzhis chags 'tsho khag bcu'i 'go 'khrid de ngos 'phrad du
byung bar dngos skyes sprad de gzhis chags sngon zin tshor rogs
ram bzang po byung bar legs

@208a @#/ /so'i bsngags brjod dang/ 'byung 'gyur yang sngar bzhin
yong ba'i re bskul byas/ de'i phyi nyin sa men d+ha zhes gangs
ri'i nye mtshams kyi grong gseb cig tu tre hor lam brag sprul sku
sogs bod

mi gzhis chags yod sar bskyod/ 'di nyin lam thag ring zhing ri
brgyud kyi lam kyag kyog mang ba dang/ ri bo'i khog pa'i nang
brgyud 'gro bskyod mang ba sogs kyis ngal dub che tsam byung/
der lam brag sprul sku'i gzim khang du bsdad

cing/ rgyud smad tre hor chab ril tshul khrims dar rgyas zhes de
sngon bod du nang mi dang khyad med glob nye ba de'i tsha bo blo
bzang nyi ma dang/ nged rang gi tsha mor gtogs pa bkra shis sgrol
ma bza' tsho bu phrug bcas kyang 'phrad/ de ga'i bod mi

rgan gzhon bzhi bcu skor la mtshan brjod/ 'phags bstod/ sgrol ma/
^rgyal ba'i ^zhabs brtan sogs chos tshan bklag lung mang tsam
dang/ chos srid kyi bslab bya lhug par byas shing/ bod mi spyi
nas rgyu sbyar te bla mchod

tshogs 'khor rgyas par phul/ nyin gcig sa men d+ha'i ri zhes pa
der ri li chung ngu gyen du glog shugs kyis thad kar 'gro ba
zhig la zhugs te ri rtser blta bskor spro seng dang/ der za
khang zhig tu bza' btung sogs byas/ sa men

d+ha nas yang kho kra dang/ 'bu khen/ eb na tha ka spel/ un Da
wa se bcas sa gnas khag bzhi'i gzhis chags so sor rim bskyod
kyis zhag re bshad de chos 'brel dang/ bslab bya sogs gong
mtshungs byas/ un Da

@208b wa ser bod phrug pho mo bcu lhag cig la 'go 'dzin ser smad
dge bshes mkhas grub thub bstan gyi 'dod mos bzhin yon tan gzhir
gyur ma'i bshad lung dang/ khong tsho mnyam du bla mchod tshogs
'khor byas par phrug gu rnams kyis

bla mchod mnyam 'don thub cing/ dal brgyad 'byor bcu dang/ dge
mi dge'i las lam bcu/ rgyu 'bras man ngag bdun sogs kyi grangs
'dren rnams dri ba byas par phrug gu rnams nas lan 'debs tshul
bzhin byung ba/ gdan sa

chen po'i dge bshes shig 'go 'dzin du yod pa'i yod go chod 'dug
snyam ste yid spro brtas/ di nas slar yang kror gen yum bu bla
sgang du nyin brgyad bskyod bsdad ring rag ra sprul skur rje
rigs gsum spyi sgrub kyi rjes gnang dang/

shugs ldan srog gtad/ slob phrug las byed sogs bdun cu skor la
spyan ras gzigs ngan song kun sgrol gyi rjes gnang dang/ sgrol
dkar tshe dbang/ dga' lha/ mtshan brjod sogs chos tshan gyi bklag
lung/ chos srid byed

sgo'i spang blangs bslab bya/ chos mdzad g.yul rgyal lags kyis
bskul ba ltar sku ngo pha lha dang/ rag ra sprul sku sogs mi
bdun la 'jigs byed dpa' gcig gi dbang chen sogs 'dod chos re ba
bskangs/ dgong dro zhig slob

phrug rnams kyis lha bla ma byang chub 'od kyis jo bo rje bod du
gdan drangs pa'i rnam thar zlos gar 'khrab ston byas song bar
lus ngag gi g.yo ba gang ci legs nges 'dug /de nas 'jar man
gyis khongs wal pha se zhes par bod phrug

@209a @#/ /bcu gnyis dang/ chos dge blo gling rgyal zur sprul
sku/ pha tshab blo bzang rnam grol thabs shes bcas yod sar bskyod
de zhag gcig bsdad de chos 'brel bslab bya byas shing/ phrug gu
rnams

ri mo dang/ bod yig kyang legs rab snang/ in lan du yod pa'i
bod khyim khri srong mngon dga'i 'go 'dzin dang/ dge slob spyi
nas nan 'bod ltar tshes sum cu nyin phran dang/ dpal ldan/ sku
ngo pha lha bcas dzus ris nas

gnam gru'i thog thabs gcig par bskyod de in ci'i rgyal sa lon
Don gyi gnam thang du 'byor zhing/ der dga' shar dge bshes tshul
khrims rgyal mtshan dang/ slob phrug 'go 'dzin zhabs zur thub
bstan ngag dbang gnyis

bsu sar 'byor phebs 'dug pa dang mnyam du mo Tor thog bskyod de
bod phrug grong sde khri srong mngon dgar 'byor te nyin bcu'i
ring bsdad/ chos dge dge bshes dang/ 'go 'dzin/ slob phrug bcas
par sgrol dkar tshe dbang dang/

skyabs 'gro/ sgrol ma sogs chos tshan 'ga' shas kyi bklag lung
byas/ der bod phrug rnams nas bod gzhas dang/ zhabs bro'i rnam
grangs 'ga' shas 'khrab ston byung bar skad gra 'grigs la/
'khrab stangs/ rol

dbyangs sogs legs par gda'/ dge bshes dang zhabs zur gnyis nas
khrid de nyin gcig snga dro chu tshod brgyad thog ri li chung ngu
zhig nang zhugs te lon Don rgyal sar ltad mor phyin par 'grems
ston khang chen zhig tu

@209b deng dus kyi in ci'i rgyal mo dang/ blon tshan sogs gtso
'dzin rnams dang/ sngon gyi in rgyal na rim/ gzhan yang rgya
gar gyi srid blon ne ru dang/ sha sa ti ri/ rgya nag ma'o ce
tung dang/ kra'u an le/ a ri'i srid 'dzin sogs 'dzam

gling rgyal khab che gras sna tshogs kyi dpon rigs grags can
dang/ sngon dang da ltar gyi rig rtsal mkhan snyan grags can
mang po'i 'dra brnyan mi mngon sum du 'khrul ba'i ngo mtshar can
shin tu mang ba yod sa zhig dang/ de rjes lon Ton

gyi grong khyer la ltad mo blta yul khang pa thog brtsegs so
bdun yod pa phra la mtho ba zhig tu glog gi 'phrul skas brgyud
rtse mor thon te grong khyer la blta skabs rgya che pha mtha' mi
mngon zhing/ khang pa/ lam srang gi bkod pa shin

tu mdzes pa/ grong khyim mang po 'bras dkar thang la bkrams pa
ltar khra phung nge blta bas mi ngoms pa 'dug pa rnams bltas
rjes de nub mgron khang zhig tu bsdad/ phyi nyin khrom bskor
dang 'brel ya shu'i lha khang rnying pa chen po

in ci rgyal mo na rim gyis thog ma'i khri 'don skabs mchod 'bul
sman lam zhu yul skad grags can der blta sar bskyod par lha
khang de bzhin mtho brjid mdzes la snga nyams dod pa ye shu'i
bla mas chos 'chad kyi khri sogs ha cang

gzi brjid can 'dug cing/ chos nyan bshad kyi spyod lam gus bkur
chen po yod par mngon/ des mtshon blta bskor gang 'tshams shig
byas te bod khyim khri srong mngon dgar phyir log /der sdod ring
ras chung sprul skur rogs

@210a @#/ /ram byed mi ma ri yan wun Tar zhes pa'i bud med nang
chos la dad cing sgrol dkar gyi gzungs sngags kha ton byed
mkhan
zhig 'dug pa der sngags kyi bzlas lung dang/ gsol 'debs dmigs
rnam

skyong tshul gyi slob ston/ dge bshes tshul khrims rgyal mtshan la
blo sbyong don bdun ma'i khrid/ khri mngon gyi dge slob sogs bod
rigs 'ga' shas la 'jam dbyangs dmar ser gyi rjes gnang dang/ bla
mchod/ dga' lha sogs kyi

bklag lung/ has se kri re zhes pa'i grong khyer dang/ de'i
'khris rgya mtsho chen po'i mtsho khar bskyod de mtsho dkyil du zan
sne ring go'i khar ltad mo'i khang pa dang/ za khang sogs 'dug
pa de dag la blta zhib sogs ing lan gyi byed

sgo rnams zin rjes/ 'jar man b+hon nas brag g.yab che tshang ho
thog thu rin po che nas 'bod gnang ltar/ zla ba dgu pa'i tshes
bcu gcig nyin lon Do na gnam gru'i babs tshugs su 'byor skabs de
sngon bod du in gzhung sku tshab

tu bzhugs pa sku zhabs ri char san ngos 'phrad du che phebs
byung bar/ bod skad thog nas gleng mol yun ring tsam byas rjes
gnam thog nas 'jar man ko lon gnam thang du 'byor/ der brag
g.yab rin po che dang/ dga' shar

phu khang mkhan sprul/ rdza rong phu sprul sku/ e bla ma/
rnying ma padma tshe ring bcas bsu sar phebs shing rgyal sa b+hon
gyi nye 'gram brag g.yab rin po che'i bzhugs gnas su nyin shas
bsdad/ de'i ring 'jar man b+hon gyi dzan ta ra'i e sha

@210b ma'i se mi nar zhes dbus e sha ya'i sog bod rig gzhung
khang nas bos pa ltar mkhan sprul dang/ rdza sprul sogs mnyam
bskyod kyis las khungs der rgya gar rig gzhung khang gi spo phe
sa hang dang/ ris med chos lugs spo phe sa man she/

las khungs de'i gtso 'dzin ngo ma 'ja' pan du bskyod skabs 'khel
gshis las rogs Dog krar sar ka si krar sogs nas sne len dang
'brel chos lugs skor sogs dang/ nang pa tshos chos kyi 'khor lo'i
ri mo 'bri ba'i mtshon

don ji yin sogs dri ba mang po byung bar 'khor lo la 'dzin par
byed pa'i lte ba/ bcod par byed pa'i rtsi bas/ sdud par byed
pa'i mu khyud bcas gsum yod pa/ lhag pa'i bslab pa gsum mtshon
tshul sogs skabs bstun

lan 'debs don mthun gang legs su btab/ de ga'i dpe mdzod khang
khag dang/ las khungs so so bcas la blta bskor byas/ 'jar man
gzhung gi sne len khang nas mo Tora dang/ sne shan rogs byed
ched mngags kyis ma ri ya lag

ces pa'i ye shu'i dgon rnying zhig tu lha khang dang/ grwa pa
tsho'i 'tsho thabs kyi bzo las sna tshogs byed sa'i khang pa rnams
la ngo sprod dang 'brel blta bskor du khrid cing/ phyi dro mun
mtshams rang gnas su 'khor/ gong gsal dbus e sha

ya'i rig gshung khang gi gtso 'dzin las rogs DOg krar sa ka si
kra bskyar ma'i ngos 'phrad du yong ste dri ba sna tshogs byung
bar skabs sbyar lan 'debs byas pas/ khong rang ha cang dga'
mgu'i rnam pa ston gyi 'dug /phu khang mkhan 

@211a @#/ /sprul gyi bzhugs gnas su yang yud tsam bskyod/ 'jar
man mi'u nig tu sdod pa sog po dge slong a chu nor gyis gtsos
sog rigs spyi nas nan 'bod ltar tshes bcu drug nyin lub thang
sa'i gnam gru

brgyud 'jar man mi'u nig tu bskyod cing/ der dge slong a chu no
dang/ ser smad spang lung sprul sku/ yer pa mtshan zhabs sprul
sku/ nang pa'i chos tshogs kyi gtso 'dzin nang chos la dad can
hang ga ri'i mkhas pa phA lo bcas bsu

bar phebs 'dug pa dang mnyam du sog po'i dgon par 'byor/ der
zhag bdun bsdad ring spang lung dang/ yer pa mtshan zhabs gnyis
kyi phyag las gnang yul yu ni wa si kri'i 'go khrid spor phe sa
spyi ther zhag nas bos pa ltar bskyod

cing/ khong nas tung has sa khul nas thon pa'i bod kyi yig
rnying dpar 'debs byas pa le tshan 'ga' shas sprad de bod kyi
rgyal rabs dang chos 'byung skor gyi dri ba 'ga' shas byung bar
lan btab/ dge slong a chu no nas dge

bskul gyis gsar bzhengs byas pa'i dgon pa'i sgo dbye rten 'brel
skabs 'jar man gzhung gi skyob gso'i las khungs kyi blon chen
dang/ las rogs drung che/ nang pa'i chos tshogs/ der yod sog
rigs/ gzhan yang phyi

mgron sna tshogs tshang 'dzoms thog phran dang/ chos dge sgo
mang
blo bzang dar rgyas/ spang lung sprul sku bcas nas shis brjod
sngon 'gro'i rjes phran nas sgo dbye'i dar tshon bcad cing/ dgon
pa gsar bzhengs kyi dgos pa

@211b rgyu mtshan sogs legs sbyar mdor bsdus bshad/ dgon pa'i
rten gtsor snyan shal dang/ mchod 'bul/ rab gnas sogs byas te
dgon pa'i ming la theg chen chos 'phel gling zhes btags/ nyin
gcig mi'u nig grong khyer du

bskyod de 'jar man gyi 'grems ston khang chen po zhig tu mtsho
gru dang/ gnam gru'i rigs snga bar phyis gsum gyi bzo dbyibs
khag dang/ rdo sol 'don lugs rnams snga bar phyis gsum du rim
gyis yar rgyas phyin pa'i 'dra

gzugs/ tshan rig /rdul phran nus shugs lag len/ sngon dang deng
dus so sor sman gyi lag len byed stangs/ me shugs 'phur mdel ro
ke kri zhes pa'i bzo dbyibs nang du mi gzugs dang bcas pa dang/
de'i 'phur bskyod

byed stangs sogs sna tshogs mthong/ phyi mi de dag gis tshan rig
dang/ bzo 'phrul gyi gnad la so so skye bo'i rig shes kyis dpyad
cing/ dka' spyad snying rus kyi bzod bsran bskyed pa'i grub
'bras sngon gyi grub chen dag gi rdzu 'phrul

la 'gran bzod lta bu thon pa de dag la dpags na/ rang re rnams
spangs pa dang rtogs pa'i bdag nyid kyi bde bar gshegs pa khyad
par gyi chos gsum dang ldan cing/ bden bzhi'i gnas lugs gzigs pa
mthar phyin pa'i

ston pa sangs rgyas kyis bstan pa'i mdo sngags kyi lam la 'bad
khul byas par grub 'bras cung zad cig thon dgos tshod du 'dug
kyang/ bdag 'dra'i rigs la gang yang mi thon pa 'di blo dang
brtson 'grus gnyis zhan thog /

@212a @#/ /tshes gcig nas 'phyug na gnam gang bar 'phyug pa ltar
lam gyi rtsa ba bshes gnyen bsten tshul nas bzung ste rim gyis
'phyug pa'i nyer len gyis ma byung ba kho na las/ rang skyon
chos la bkal du ma

mchis snyam/ al ti pe thar zer ba'i ye shu'i lha khang rnying
shos grags can zhig la blta bskor/ zlos gar skad grags can mtho
rim gyi mi dang/ 'byor ldan ma gtogs de min skye bo pha la pa
nang du mi gtong ba'i khang pa thog brtsegs

lnga tsam gyi nang rim nas blta sa yod pa sogs shin tu legs pa'i
ngo mtshar yi ger 'god mi lang pa zhig tu phran dang/ dpal ldan/
pha lha/ spang lung bcas bskyod par 'khrab ston dngos gzhi mig
la de sngon goms 'dris med pas

sam gang ltar ltad mo cher ma byung/ 'jar gzhung skyob gso'i las
khungs nas ched 'bod ltar las khungs kyi gtso 'dzin dang/ las
rogs drung che sogs mjal 'phrad byas rjes 'grems ston khang zhig
tu bskyod par ri spin gyi bris

cha dang/ dngos rdzas/ sku brnyan/ a phe ri ka'i mi rigs kyi
dngos rdzas sogs ches mang ba snang/ tshes nyer gnyis lha babs
dus chen nyin nged tsho dang sog po bcas mnyam tshogs kyis bla
mchod bde mchog dang 'brel ba'i tshogs

'khor phul bar sog po rnams dga' gus kyi rnam pa cher ston gyi
'dug /rnying ma padma tshe ring nas blo sbyong don bdun ma'i don
dam sems bskyed kyi blo sbyong skor dris byung bar lan zhib par
byas pas khong yid mgu ba byung song/ pha ran

@212b si nas dwags po bam chos mchog sprul rin po che byams pa
rgya mtshos 'bod gnang ltar tshes nyer gsum nyin gnam gru brgyud
pha ran se'i rgyal sa pad ri si'i gnam thang du 'byor zhing/ der
bam chos rin po che dang/ rgyud smad mkhan zur sgo mang

ngag dbang legs ldan/ pha ran se'i sog po pho mo 'ga' shas bcas
bsu sar phebs pa dang mnyam du bam chos rin po che'i bzhugs gnas
su 'byor 'phral sog rigs mang po ngos 'phrad du byung/ phyi nyin
rgyud smad mkhan zur ngos

'phrad du phebs shing/ khong mdo sngags gnyis ka'i sku yon che
la smra ba'i 'bab stegs padma 'dab rgya grol ba ltar ches cher
yangs shing/ blo rgya dang sems shugs gnyis ka che bas 'dzam
gling spyi dang/ bye brag bod kyi chos srid

skyong stangs sogs spyi sgos sna tshogs pa'i gnad don dgongs
'char 'byams su klas pa zhig nyin 'khyongs thang mar brdal/ bam
chos rin po che dang/ sbyin bdag a ma i phang gis 'khrid de
pha ran si'i rgyal sa pad ri si'i grong khyer mA

b+hal zhes pa'i 'grems ston khang sngar rgyal po'i btsun mo'i pho
brang yin pa zhig nang blta bskor du bskyod par/ khang pa ha
cang rgya che zhing nang gi logs bris bris cha rnying pa shin tu
legs pa/ khang mig du ma can zhig nang sngon gyi rgyal po'i

'dzin chas rin thang can shin tu mang po dang/ gzhan yang a
rab/ 'ja' pan sogs kyi bris cha dang/ dngos rdzas sna tshogs sogs
zhib blta byas na nyin gnyis gsum la'ang mi tshar ba'i shin tu
mang ba zhig dang/ yang tu'u re

@213a @#/ /phel zhes pa'i lcags sgrom shin tu mtho ba rtse mor za
khang dang bcas yod pa zhig gi rtser glog skas thog bskyod de
rgyal sa'i grong khyer la lta skabs grong rgya shin tu che ba
pha mtha' mi mngon pa mdzes la dbyibs

bkod legs par mthong/ nyin gcig pha ran si'i mkhas pa spo phe
sar si tan zhes pas mgron 'bod ltar bskyod de bod kyi lo rgyus
'phros mol byung zhing/ khong pa ge sar sgrung la dga' snang
chen po zhig 'dug /bam chos rin po che'i thugs 'dod ltar rin po
che nyid

dang/ phran dpal gnyis/ sku ngo pha lha bcas pha ran se'i grong
mthar shar phel zhes pa'i grong chung bod dgon gyi dmigs sgor
bzung ba'i khang pa le lag 'ga' shas dang/ der rgyud smad mkhan
zur ngag dbang legs ldan dang/ a mdo

yon tan/ ngag dbang grags pa/ 'jam dbyangs smon lam sogs yod sar
bskyod de zhag lnga bsdad cing/ mkhan zur sogs der bzhugs dge
'dun lnga dang/ sbyin bdag ma rgan sogs dang mnyam du bla
mchod
tshogs 'khor dnag/

mkhan zur gyi thugs 'dod bzhin lam rim chen mo'i dbu nas bshad
lung dang/ yon tan gzhir gyur ma'i bshad lung mdor bsdus shig
byas/ pha ran se'i grong gseb b+he la'i nu'u zhes par slob sbyong
du yod pa'i bod phrug pho mo

gzhon nu nyi shu dang/ pha ma'i tshab shod drung nor rgyas thabs
shes bcas ngos 'phrad ched 'byor byung bar skyabs 'gro dang/
dga' lha/ sgrol ma sogs kyi chos 'brel dang/ rgyal gces rigs
zhen chos dad spyod lam sogs

@213b kyi skor legs slob byas rjes slob phrug rnams nas bod
dang/ pha ran se'i gzhas dang zhabs bro 'khrab ston gang legs
byas te de nub khong tsho rang gnas su phyir log /de nas slar
yang pad ri sir bam chos kyi bzhugs gnas su

'khod de nyin gcig g+hi rig gi 'grems ston khang zhig tu bskyod
par pha ran se'i rgyal rabs sngon ma tsho'i 'dra brnyan dang/
deng dus phyi rgyal khag gi srid 'dzin sogs kyi 'dra gzugs sna
tshogs dbyin yul lon Don gyi de dang phyogs 'dra

mang po dang/ pha ran si'i rgyal po rjes ma der mi mang ngo rgol
gyis gsar brje byed skabs rgyal btsun sras sogs btson 'jug byas
pa dang/ ngo rgol byed stangs kyi rnam pa gsal ba'i 'dra brnyan
mang po/ gzhan zhig tu glog bzhu

tshon khra shel sgo sogs kyis thabs 'phrul la brten nas khang pa
dang/ mi gcig nyid kyang brgya phrag du mar 'char ba sogs sngon
langka mgrin bcu'i pho brang gi gtam rgyud dang phyogs 'dra ngo
mtshar che ba bcas mthong/ zla ba bcu pa'i

tshes bcu gnyis nyin spa ri si nas gnam gru'i thog sus si 'ji ni
war du bskyod de nyin shas ring sman bcos 'phrod bsten byas
shing/ nyin gcig 'ji ni war 'dzam gling rgyal spyi'i tshogs khang
du blta sar bskyod/ gzim zur

khang pa'i sku ngo sku 'bring lha dbang stobs rgyal dang/ lha
lcam bde skyid lha mdzes rnam gnyis phran ngos 'phrad du phebs
te bar skabs kyi gnas tshul dang/ sku ngo sku bgres bka' zur
dbang chen dge legs phran sar phebs bzhed che

@214a @#/ /yang/ a ri'i slob gra'i phyag las dus tshod stabs kyis
phebs ma thub tshul gsungs/ zur khang sku ngo bka' zur 'di nyid
chos srid gang cir dgongs pa zab dkyel che zhing/ sbyang grung
'dzoms

pa ^rgyal dbang mchog gi sri zhu bar med mi rung lta bu zhig yin
yang/ phra men gyi rig pa 'dzin pa la la zhig gi dbyen sbyor gyi
rdzun ris sna tshogs la brten nas/ ji skad du/ sa skya legs bshad
las/ rkun po rnams kyis khyir

btags pa'i/ /ra skyes khur ba bram zes bor/ /zhes pa ltar song
ba 'gyod kyang der zad/ sus si ri kon gzhis chags sar yang
bskyar bskyod de ha yang bzo gra'i sbyin bdag khun nas bod dgon
gsar bzhengs bya sa'i sa yul

der sa chog stabs bde zhig dang/ shis brjod rab gnas byas/ rgya
gram dmar po'i tshogs pas 'bod gnang ltar sus si'i rgyal sa b+hen
du rgya gram dmar po'i tshogs pa'i bsti gnas su bskyod de tshogs
pa'i gtso 'dzin ma rgan phi

shA sogs dang mnyam du kha zas kyi rnam pa ro bda' ba sna tshogs
longs su spyad cing/ byes 'byor bod rigs spyi dang/ lhag par bod
mi gzhis chags blangs zin rnams la rogs phan rgya che gnang bar
legs so'i sngags brjod

dang/ da dung bod mi gang mang len thabs gnang dgos skor re
bskul byas par khas len bzang/ de nas 'ji ni war du phyir 'khod
nyin shas bsdad rjes zla ba bcu gcig pa'i tshes dgu nyin 'ji ni
wa nas gnam thog bskyod de e

@214b Ta li'i gnam thang du 'byor/ der ser smad dge bshes 'jam
dpal seng ge dang/ khong gi dge phrug e Ta li'i pho mo 'ga'
shas/ bka' brgyud sprul sku nam mkha'i nor bu bcas bsu bar 'byor
pa ltar mnyam bskyod kyis nam

mkha'i nor bu'i shag tu gra sgrig 'dug pa der nyin gsum bsdad
cing/ ^gong sa mchog gi bka' yig phebs dgongs bzhin phran dang/
pha lha ba/ dpal ldan/ skad bsgyur nam nor bcas ye shu'i bla
chen spob kyi mjal 'phrad du

bcar bar/ ye shu'i lha khang chen po'i zur zhig tu spob kyi pho
brang rgya khyon che zhing/ thog brtsegs mang po can de'i sgo
srung rim pa rnams brgyud steng thog tu 'byor skabs mgron gnyer
lta bu zhig gis khrid de gzim chung phyi ma zhig tu ngang

tsam bzhag rjes/ spob kyi sar btang byung ba spob nyid bzhengs
nas 'dug par mjal dar nang mdzod dang/ 'bul rten bod kyi rol mo
sbub chol rgyu rnying cha gcig phul te mjal 'phrad kyis nged tsho
tshang ma zhabs stegs thog mnyam 'khod

rjes/ ^skyabs mgon tA la'i bka' bzhin da lam ched bcar zhu don
ni bla chen mchog la mtshams 'dri zhu rgyu dang 'brel nga tsho bod
mi chos byed kyi lung pa snyomgs chung zhig nang rgya nag dmar
po'i ring lugs 'dizn pas btsan

gnon tshab ches rkyen pas bod mi mang po zhig bros gyur skabs ye
shu'i chos tshogs khag nas skyob gso'i rogs phan gnang bar thugs
rje che zhes dang/ phyin chad kyang rang re chos byed gcig gyur
gyi gnas la brten rang mos

@215a @#/ /chos la brten nas 'dzam gling zhi bder gnas thabs la
dgongs bzhes nges pa yod pa zhes brjod par/ khong nas tA la'i
bla mas 'tshams 'dri gnang ba la ha cang dga' po byung/ ngas
kyang tA la'i

bla ma dang/ bod kyi skor la do snang sems khur byed bzhin pa
yin/ khyed tshor rogs ram zhu dgos pa gang 'dug ces dang/ khyed
rang sger la rogs ram zhu dgos pa 'dra mi 'dug gam zhes dris
byung bar/ nged rang sger la rogs

ram zhu dgos pa med/ nga tsho bod kyi chos byed byes 'byor khyon
cher 'tsho gos kyi rogs ram gnang 'os dgongs par 'jags pa zhes
sogs brjod de mjal 'phrad chu tshod gcig ma zin tsam ring mthun
lam lugs legs lta bu

byung song zhing/ khong nas ^gong sa mchog la 'bul rgyu'i dpar
deb dang/ 'tshams rtags/ kho bo rang la'ang dngul gyi rtags ma
bcas gnang ba bdag gir zhus/ zla ba bcu gcig pa'i tshes bcu gsum
nyin e kra li nas

snga dro gnam gru'i thog thon te b+hi ru kra zhes par yud tsam
babs rjes slar yang thon te phyi dro rgya gar gyi chu tshod lnga
pa'i thog ldi li gsar pa'i gnam thang du bde bar son/ der ^gong
sa mchog gi gcen po rgyal don dang/ ldi lo don gcog ngo

las/ bod khang ngo las bcas kyis bsu sar phebs 'dug pa dang chab
cig tu ldi li bod khang du bskyod bsdad byas/ de ltar kun tu
rgyu'i ngang tshul bzung ste 'dzam gling nub phyogs kyi yul gru
chu bzhin nyul ba'i tshe yul

@215b 'khor de dga' 'byor rgyas shing gya nom pa/ nyams bde ba/
lo legs pa/ grong dang grong khyer gyi bkod pa mdzes shing dngos
gtsang ba sogs snod bcud kyi dge mtshan phun sum tshogs pa 'ba'
zhig tu snang rung/ yang dag

pa'i chos kyi 'byor pa dben pas tshu rol mthong ba'i skye bo rtag
'dzin can rnams kyi 'di snang 'khrul pa'i spyod yul du bde ba
tsam zhig tu zad par mthong ste yid 'khos su phebs pa zhig ma
byung/ mdo las/ bsags pa kun gyi mtha'

'dzad cing/ /mthon po rnams kyang mtha' ltung 'gyur/ /gsungs pa
ltar/ sngon gyi rgyal po rgyal mo sogs che btsan dpung stobs
kyis dregs pa'i snyan grags can dag gi mkhar rdzong skye bo
dmangs phal pas gom pa'i 'degs

'jog 'god pa tsam yang thob dka' ba dag dang/ rgyal po'i rgyan
gos sogs che ba'i yo byad rnam pa sna tshogs rnams dus kyi 'gyur
bas da lta 'grems ston gyi ltad mo'i yul du gyur te ming tsam
zhig lhag mar lus pa dang/ rgyal po la

la ni 'bangs gyen ldog gis khrims mun du btsud cing/ mthar rang
srog kyang mi dbang bar bral ba sogs kyi gzugs brnyan dang/ lo
rgyud mang po mthong thos skabs srid pa'i phun tshogs ji 'dra
zhig yin yang mtha' rgud

pas ma sdud pa med pa 'di la mno bsam gtin gtshugs pa zhig rnyed
dgos tshod du 'dug rung/ 'phral sgang der nges 'byung sna thung
spu sud tsam zhig ma gtogs/ rje mi las/ sra ba'i shing dang
gyong po'i rwa/ /bkug na khug tsa  

@216a @#/ /gda' lags te/ /rang sems gyong po 'di la khug dus med/
/gsungs pa ltar/ rang rgyud tha rgod ltar rengs pa 'di nang du
khug dus shig mi snang ba thog med nas ngan goms kyi bag chags
shin

tu brtan pa'i mthu nyid las gzhan ci zhig /tshes bco lnga'i nub
mo ldi li nas thon te phyi nyin snga dro rda ram sa la 'byor
'phral ^gong sa ^skyabs mgon chen po mchog shag tu chibs bsgyur
gyis dgyes 'dzum lhug par grol ba'i sku'i dkyil

'khor mig gi bdud rtsir thob cing bka' mchid kyi phreng ba
'phel/ tshes bco brgyad nyin phyag rten gyi bdog pa nyung shas
dang bcas ^gong sa mchog gi ^zhabs pad ga la bar gus pas bsnyen
cing btud de nub phyogs khul yod bla

sprul dge bshes/ bod mi slob phrug dang/ gzhis chags sogs kyi
gnas stangs/ ye shu'i bla chen spob dang mjal 'phrad byung skor
gyi gnas tshul zhib lhongs gsol bas dgyes mnyes brtas/ de rjes
nyin gcig ^gong sa

mchog la sgrub thabs rin 'byung nang gsal lha mo dmag zor ma'i
rjes gnang thun mong ma yin pa'i lugs ltar phul zhing/ mjug tu
tshogs 'khor yang mdzad/ tshes nyer bdun nyin rda sa nas thon te
sa ra Na tha'i pod dgon du

bskyod/ der gsol dpon lha bu 'das po de nyid dang/ phran gyi tsha
bo kun rtse'i rtsis dpon tshe dbang don grub gnyis kyi dge rtsar
dmigs te bod dgon bshad sgrub 'dod rgu 'khyil gyi lha khang du
sangs rgyas stong sku dang/ ltung

@216b bshags lha tshogs/ gnas brtan bcu drug bcas dang/ sgo 'chor
du rgyal chen sde bzhi bcas kyi ldeb bris bzhengs rgyur kho bo
cag gi shag dang/ kun rtse thun mong nas rgyu yon sbyar te gsar
bzhengs bgyid rgyu'i do dam kun

rtse'i sku ngo khe smad bsod nams dbang 'dus dang/ gnyer par
phran tsho'i blo bzang shes rab gnyis ched 'dzugs kyis lha bris
pa rgyud smad sngags rams ngag dbang nor bu rogs bcas nas bya
rgyur/ nged rang sus sir bskyod

khar mngags cha byas don bzhin khong tshos las gra 'go 'dzugs
kyis phyed lhag tsam zin 'dug cing/ gnas brtan bcu drug dang/
rgyal chen bzhi'i ri mor legs bcos bya rgyu 'ga' shas 'dug pa
rnams dge ngag nor la slob

ston byas/ ser smad spom ra khang tshan nas bskul ba ltar spang
lung chos skyong gi sku bsten 'das po'i bu grags pa bsam grub la
rgyal chen shugs ldan khog brlam rtsa dbye'i 'go 'dzugs spyan
'dren bgyis par thog mar song

gshis sku phebs ma byung rung spyan 'dren rim bstud bya rgyu
dang/ grags bsam nas dmigs brtse ma 'bum phrag dang/ 'jigs byed
dang/ rta mgrin gsang sgrub kyi las bsnyen bsgrub rgyu/ rgyun du
gtsang sbra gang che

dgos skor slob ston byas/ cha phreng 'a nyag gnya' phyogs don
grub tshe ring nas bskul ba ltar bla sprul dge 'dun dang/ gnas
bskor ba sogs skya ser bzhi brgya skor la sgrol dkar tshe dbang
bskur/ 'ba' pa

@217a @#/ /skal bzang legs bshad nas sa ra Na tha'i bod dgon du
ma Ni dung 'khor gsar bzhengs byed mus la zhal 'debs su lha bu'i
dge rtsar hin sgor tshig stong tham pa bstabs shing/ rdor gdan du
bskyod

rgyu ma khom pas ^skyabs rje yongs 'dzin gling rin po cher
skyabs zhu dang sbrags mchod rten rin po cher stong mchod dang/
dgon du bsnyen 'gyed 'bul rgyu sogs phul/ zla ba bcu gnyis pa'i
tshes bcu nyin rdo rje rnal 'byor ma'i sind+hu

ra'i sgrub mchod tshogs 'khor dang bcas pa byas shing/ 'di nyin
bal yul nas kha tshar ba byams pa bzod pas rnal 'byor ma'i sku
brnyan rgya nag li ma chung ngu gcig bskur ba lag son rten 'brel
bzang/ blo gling tre hor bzang ra

sprul sku phran ngos 'phrad kyis sbag sar phyir phebs gdod
^skyabs rje rdo rje 'chang pha bong kha'i mchog sprul rin po
cher dge bshes mtshan btags gtong sgo'i mthun rkyen du hin sgor
chig stong tham pa 'bul rgyu bskur/ slob bu kha tshar

ba bsod nams chos 'phel bal yul du bskyod de phyir 'khor ngos
'phrad du 'byor zhing/ bal yul du lha sa nas gsar 'byor ba'i
brjod rigs su rgya dmar dmar srung tshogs pa khyon che lha 'byor
thog de dag dang/ lha sa'i na gzhon

rgya slob rnams kyis ra che'i gtsug lag khang gi rten gtso jo
bos dbus pa'i rten gsum yod tshad dang/ tshe dpag lha khang/ dga'
bzhi 'phrul snang gtsug lag khang nang jo bo rin po che dang/
chos rgyal lha khang gi srong btsan gtso

@217b 'khor ma gtogs de byings sku brnyan yod tshad gtor bshigs
kyis lha sa'i lam srang khag tu btings pa dang/ gsung rab glegs
bam yod do cog mer bsregs/ po tA la'i zhol bka' 'gyur dpar
khang gis mtshon mdor na khyim

tshang so so'i dad rten dpe cha dang/ sku 'dra chung ngu tshan
chad bshigs gtor/ gtsug lag khang gi ldeb bris rnams dkar rtsis
bsub pa sogs sngar mi grags kyi dus 'gyur byung rkyen bod mi
mang po gtsang chur lcebs tshul brjod

lugs zer ba thos skabs rigs gsum 'phags pa'i sgyu 'phrul sngon
byon chos rgyal lo paN sogs skyes bu dam pa de rnams kyi rlabs
chen 'phrin las kyi phyag rjes bzang po'i phyi mtha' bskal pa'i
bar du brtan par sems

shing re ba de dag rkyen glo bur bas stabs gcig tu dus myur por
brtul ba'i gnas skabs ngan pa 'di lta bu shar ba skye rgu'i bsod
nams kyi ngang tshul yang de 'dra tsam du zad do snyam pa'i yid
skyo tshad med pa zhig byung/ 'brel

thogs 'das gson spyir dmigs rten mchog spyi'i drung du bla sprul
dge 'dun bdun cu skor la nyin 'khyongs bsnyen bkur dang/ stong
mchod rgyas pa dang/ bla mchod bde mchog dang 'brel ba'i tshogs
'khor bcas phul/

spag sa nas dga' shar mkhan po dang/ grwa tshang dbu mdzad gnyis
ched phebs kyis phran sus si nas phyir 'khor legs skyes dang
sbrags ring 'tsho'i rten 'brel mdzad/ /rang lo drug cu re bdun du
son pa/ phyi lo

@218a @#/ /chig stong dgu brgya drug cu re bdun zla ba gnyis pa'i
tshes bcu gcig /bod me lug zla ba dang po'i tshes gnyis nyin sa ra
Na tha'i bod dgon gnas 'dzin dge thub bstan 'byung gnas nas rgyu
sbyar

mchod sprin bsnyen bkur dang 'brel sa dge bka' rnying gi bla
sprul dge 'dun gnyug mar gnas pa dang/ glo bur phebs pa'i 'dus
tshogs rnams nas bla mchod tshogs 'khor 'brel kho bo'i tshe srog
yun du bsring ba'i bden tshig gi

shis brjod dbyangs su gyer/ shar rtse'i dbu mdzad nas grwa tshang
gi phyag bzhes bskang gso dang chos spyod kyi dbyangs yig rnying
pa bod du lus pas sbag sar gsar bris byas pa zhig mig ston dang
'brel dbyangs ring dang/

bar rta sogs dogs 'dri byung ba nged rang de sngon grwa sar sdod
skabs dbyangs rnams gang legs nges kyi yod kyang/ dge bshes ming
btags zin nas lo bzhi bcu zhe brgyad tsam song gshis phal cher
brjed zin 'dug mod/

gang dran rnams slob ston legs bcos byas shing/ dbyangs yig gsar
pa'i 'go brjod tshigs bcad kyang gsar rtsom byas/ tshes bcu nyin
snga dro gtsug lag khang phyi nang gi logs bris dang/ k gdung
bcas par tshon rtsi legs

grub la phran dang/ tre hor 'khrungs gsar rin po che/ gro mo rin
po che/ ser byes rong tha sprul sku bgres gzhon gnyis sogs chog
gra dge 'dun gang 'tshams bcas nas rab gnas rta thog ma dang/ de
nyin rang shag dang/

@218b kun rtse thun mong nas yon sbyar te stong mchod rgyas pa
'bul bshams thog /der bzhugs dge 'dun gang yod la nyin 'khyongs
bsnyen bkur/ sku yon bcas phul te bla mchod tshogs 'khor gyi
mchod sprin spros/ lha bris pa rgyud smad

ngag dbang nor bu dang/ cha phreng ri sgang a 'ga' 'jam
dbyangs/ ser smad thub bstan thar pa sogs bdun dang/ lag g.yog
sogs las byed tshang mar ston mo gzab rgyas dang/ gla yon legs
skyes bcas kyis tshim par

byas/ tshes bcu gsum nyin wa Na nas rda ram sa lar bskyod/ nyin
gcig lha sa'i thugs rje chen po rang byung lnga ldan rgya mis
gtor bshigs btang ba'i rtsa zhal dang/ khro zhal gcig bcas rda
sa'i pho brang du bzhugs par ^gong sa

mchog rnam gra gsung zhabs bcas gdan drangs te mchod 'bul
zhus/
tshes bcu dgu nas nyin lnga'i ring bstan srid zhabs brtan du rnam
gra tshogs yongs nas bod skyong bstan ma bcu gnyis kyi gsol mchod
tshugs pa'i rdor slob

phran dang/ rnying ma dil mgo mkhyen brtse rin po che nas byas/
bka' zur shan kha ba 'gyur med bsod nams stobs rgyal dgung na
mtho khar/ bsnyun gzhi babs lcir brten bla slob 'brel che'i gnas
la bsams te bzhugs

gnas su ched bskyod bsnyun 'dri dang/ blo sbyong gi skor gsal
'debs zhus pa thugs la 'phrod nges byung song/ ^gong sa mchog
nas bstan srid spyi rim du gnas chung lung don bzhin gter ston
bsod rgyal las rab gling pa'i

@219a @#/ /phur pa yang zab kyi sgo nas gtor bzlog sgrub pa mdzad
pa'i dbu bzhugs su ^gong sa mchog dang/ yongs gling rin po che/
dil 'go mkhyen brtse/ rnam grwa tshogs yongs bcas nas tshugs

pa'i tshogs gral du nyin lnga'i ring bcar/ lha sa ba dman mtshams
chod sgrol ma de nyid kyis sngon nas re bskul byung bar khas
blangs zin pa ma zad/ phran sus sir bskyod shul kho rang tshe
'phen rdzogs khar kha chems bzhag 'dug

don bzhin/ zla ba gnyis pa'i tshes bcu nyin bu gso khang gi tshogs
khang du Dal hor dang/ ma su ri sogs nye skor nas glo bur lhags
pa dang/ rda sar gnyug mar gnas pa'i bla sprul dge 'dun gtso
gyur chos zhu ser skya mi

grangs sum brgya brgal bar rdo rje rnal 'byor ma'i sind+hu ra'i
dkyil 'khor du dbang bzhi byin rlabs/ mjug tu tshogs 'khor dang
bcas pa byas shing/ phyi nyin nas bzung bdag bskyed chag med
thog las rung bsnyen

bzlas 'bum ther bzhi khas len byed mi sum brgya bzhi la bskyed
rdzogs kyi nyams khrid nyin brgyad ring bla ma gong rim gyi
phyag len nyams med kyi tshul du 'chad spel byas/ ser byes tre
hor dge bshes rta mgrin rab brten dang/

dge bshes ngag dbang dar rgyas gnyis la rgyal chen shugs ldan
gyi srog gtad rjes gnang dang/ rda steng ras kre ko krir zur
gsog slob phrug nyis brgya skor yod sar ched 'bod bzhin bskyod
de 'don cha'i bklag lung 'brel

@219b spangs blang byed sgo'i slob ston byas/ ^gong sa mchog gi
bka' dgongs bzhin sa dge bka' rnying so so'i ma dgon 'dzugs
rgyu'i gros chod phyi lo chig stong dgu brgya drug cu re lnga
lor rdor gdan du thag chod zin kyang/ dge lugs

ma dgon 'dzugs rgyu rim lus song ba sbag sa'i dge 'dun rnams
bka' bgros kyis ma dgon 'dzugs gtan 'khel ba'i rgyun las 'thus
mir sgo blo/ byes smad/ shar byang bcas grwa tshang drug nas spyi
'thus re zur bsko gnang 'dug pa

rnams 'dir 'byor gyis chos don brgyud ^gong sa mchog la snyan
seng zhus thog /yongs 'dzin khri rin po che dang/ phran sar ched
phebs kyis gnas lugs zhib gsung byung bar/ khong tshor 'phral sel
'gro gron gtong byed kyi phyag

dngul zhal 'debs su yongs 'dzin gnyis so so nas hin sgor chig
stong tham pa re phul/ zla ba gsum pa'i tshes nyi shu nyin skyid
grong 'phags pa wa ti bzang po zhes rang byon 'phags pa mched
bzhi'i ya gyal de nyid skyid grong rdzong

dga' chos sde'i dge 'dun rnams nas gdan drangs te bal yul du lo
shas bzhugs pa 'di skabs rda sa pho brang du gdan zhu bskyangs
par spos sne phebs bsu dang/ ^gong sa mchog dang/ yongs 'dzin
gnyis/ rnam grwa tshogs yongs

bcas nas mchod 'bul khrus gsol mdzad/ lha sa nas bal yul brgyud
jo bo thugs rje chen po rang byung lnga ldan gyi zhal zhi khro
gnyis sngon phebs thog 'di skabs slar yang thugs rje'i khro zhal
gcig dang/ byams pa mched bzhi'i

@220a @#/ /gras dngul sku gcig gi zhabs 'go g.yas pa/ thugs
rje'i srog shing dum bu/ rje tsong kha pa chen pos rje btsun
shes rab seng ger rgyud kyi bshad gra 'dzugs par bka' bsgo mdzad
skabs stsal ba'i gsang

'dus kyi gser sku bcas ^gong sa chen po'i phyag tu byon pa mjal/
nyin gzhan zhig la skyong lung mnga' ris rin po che phran sar
phebs nas dbu ma'i lta ba'i skor dri ba 'ga' shas gnang byung
bar dgung lo gzhon rung dbu ma'i lta bar don

gnyer gnang ba legs snyam dga' zhing yi rang ba'i sgo nas rang
blor shar tshod kyi lan snying por dril te zhus mod de/ rin po
che nas lta ba'i dpyad pa lo shas ring mdzad mthar don dam dpyod
byed kyi rigs pa'i rnyed don du bden bzhi'i

dang pos bsdus pa'i bem gzugs rags pa gdos bcas shig rnyed nas
gda'/ nyin gcig sku ngo tA bla ma thub bstan nor bzang nas rnal
'byor ma'i las bsnyen bskyar ma gtong rgyur sku gsum lam 'khyer
skor dogs dpyod

dang/ rdzogs rim bsre ba skor dgu'i dmigs rnam skyong tshul khrid
dgos gsungs pa ltar zhib khrid byas/ zla ba bzhi pa'i tshes bdun
nyin sbag sa nas tar 'phrin 'byor gsal ^skyabs rje pha bong
kha'i mchog sprul rin po che bsnyun

babs lci bzhes yod tshul 'khod pa thos 'phral yid blong blong por
gyur te de ma thag ^gong sa mchog dang/ yongs gling rin po cher
thugs dam skyabs bskul zhus/ Dal hor ser smad dge 'dun spyir mdo
sde bskal bzang dgung

@220b grangs dang gnas brtan phyag mchod dgung grangs 'phral
sgrub mdzad rgyu'i bsnyen yon bskur/ tshes bcu gcig nas ^gong sa
mchog la mkhas grub rje'i gsung dus 'khor spyi don nas bzung
bklag lung 'bul 'go btsugs shing/ ^gong

sa chen po'i mdzad seng dang/ phran rang gi brel babs stabs
bstun gyis bklag lung rim 'bul zhus/ tshes bcu gsum nyin bka' zur
shan kha ba 'gyur med bsod nams stobs rgyal gzhung zhabs bgres
gras dgung grangs bdun cu

don gnyis la phebs pa de nyid sku tshe ma zin pa'i mgyogs bsngo
'byor par bsngo smon byas shing/ khong ^skyabs mchog rdo rje
'chang pha bong kha pa dang/ sgo mang khang gsar rin po che/
bka' 'gyur bla ma rin po che blo bzang don ldan sogs

bla ma tshad ldan mang po'i drung nas mdo sngags zab chos mang du
nod cing/ dge ldan lta grub gtsang mar skyong ba/ bsam yas tsug
lag khang dang/ dga' ldan tshogs chen sogs gzhung gnas nas nyams
gso'i skabs kyi do dam

gnang zhing/ rgyun du nyams len la brtson pa dang/ gsung rab
gzigs rgya che zhing/ khyad par byang chub lam rim la goms 'dris
che bas lam rim par rlom pa gang byung gis khong gi drung na
smra tshod bzung dgos pa zhig yod/ tshes

bco lnga nyin ^gong sa chen po'i bka' 'brel chos don las khungs
nas bskul gnang bzhin rda sa'i mo kri ma hol thang steng du bod
gzhung las byed dang/ rnam grwa tshogs yongs/ mi mang byings
khyon che bcas la theg chen gso sbyong gi  

@221a @#/ /sdom pa 'bog chog byas/ tshes bcu bdun phyi dro rdor
gling khar shang nas tar 'phrin 'byor gsal/ ^skyabs rje rdo rje
'chang gi mchog sprul rin po che sbag sa nas khar shang sman
khang du gdan drangs

te bzhugs mur kha sa dgong dro chu tshod phyed dgu'i thog gsang
gsum gyi bkod pa chos dbyings su bsdus tshul gsal ba dge ldan
bstan pa'i khur chen theg nges kyi mkhas btsun bzang gsum 'dzoms
shing/ rgya gar du phebs 'byor bla sprul kun gyi

nang nas mdzad bzang phul du byung bas gzur gnas blo ldan kun
gyis bsngags brjod kyi yul du byed bzhin pa/ yongs 'dzin gling
rin po che dang/ phran gnyis kas ma 'ongs dge ldan bstan pa'i
srol 'dzin chen po zhig 'ong du re nas

dbang lung khrid gsum sogs mdo sngags kyi chos bka' ches mang ba
brtun pa bskyed de phul ba'i skyes mchog gzhon nu dgung grangs
nyer drug tu phebs pa de nyid rta bdun dbang po nam mkha'i dkyil
du glo bur nub pa lta bur gyur pa

shin tu gces pa'i bu gcig 'das par mtshungs pa'i 'gyod gdung mi
zad pa'i khung bur tshud/ de 'phral ^skyabs rje yongs gling rin
po cher snyan seng zhu bar btang/ 'phags pa wa ti bzang po sogs
kyi spyan sngar mchod 'bul

dang 'brel dgongs rdzogs smon lam gang shes btab/ pha bong kha'i
phyag sku 'phrin las dar rgyas la thugs gso dang 'brel dgongs
rdzogs mchod sprin zhal 'debs su hin sgor chig stong tham pa
dang/ mchog sprul myur

@221b byon gyi gsol 'debs kyang brtsams te 'bul rgyu bskur/ de
rjes nyin gzhan pa zhig la khu nu nas 'bras blo gling dge bshes
dpal ldan sengge dang/ slob ma grwa btsun brgyad bcas 'byor par
'jigs byed dpa' gcig gi dbang chen byas/

^rgyal dbang chos rje'i gsung rje tsong kha pa chen po'i rnam
thar chen mo sogs sprul gu ru de wa rin po ches dpar bskrun
gnang bar 'brel thogs 'das gson spyir dmigs zhal 'debs hin sgor
chig stong dang/ lha bu 'das po'i ched hin sgor

chig stong tham pa/ 'bras blo gling bka' 'gyur rin po che de
nyid nas dpar 'debs dmigs thebs su stsal ba hin sgor nyis stong
brgyad brgya bcas dang/ dpe deb kyi gleng brjod dang/ dpar byang
smon tshig bcas gsar rtsom gyis

sbrags thog bskur/ ser byes tre hor dge bshes o rgyan tshe brtan
dang/ rdzong rtse sprul sku/ tre hor blo gros sprul sku sogs sus
si ri kon dgon par phebs mi mkhan slob drug la thon skyes phran
bu phul te spyod lam dang/ chos

srid gnang sgo'i skor bsam 'char slob ston zhus shing/ o rgyan
tshe brtan la dgon gsar sa chog skabs lto phye'i thig 'debs tshul
slob khrid byas/ sog sprul la rje'i rnam thar chen mo dpar 'debs
legs zin gyi dpe deb

chig stong tham pa dge lugs ma dgon gyi 'go 'dzin tshogs par zhal
'debs su 'bul lam zhu rgyu'i skor mos bsdur byas par/ sog sprul
nas kyang mos mthun gnang song zhing/ dpar 'debs legs skyes su
mdzod

@222a @#/ /gos ser po'i sha 'jug gsar legs gcig dang/ kha btags
nang mdzod bcas phul/ ^skyabs mchog rdo rje 'chang pha bong
kha'i gsung rgyal chen shugs ldan gyi bstod pa dpag med bskal
sngon

ma'i 'grel pa rnam thar lo rgyus rnams gsal 'khod cig brtsam
dgos zhes sngon dus lha sar tre hor 'khrungs gsar rin po che
dang/ bkra shis chos gling gi gnas bla ma blo bzang chos 'phel/
drung yig blo bzang rdo rje/ gzim lha klu

dga' tshal ba'i sku ngo rnam gnyis sogs mchog dman mang pos bskul
ma gnang ba ltar 'brel yod rnam thar dang/ yig cha gang rnyed
nas khu bsdus kyis zin tho bkod de phyogs sdeb 'bri rtsom bya
rtsis mur rgya dmar zing 'khrug

stabs kyis glo bur byes bskyod bya dgos byung rkyen yig cha
rnams lha sar lus pas brtsam rgyu'i re ba tsam 'jog byas rung/
lha sa nas bod mi byes 'byor gdong lo rgyus zin tho khag dang/
lha sa'i shag gi rten rnying gras rgyal chen gyi

thang ka bcas 'di gar rim son byung ba chos skyong nyid kyi
'phrin las su nges rnyed thog /brag g.yab ho thog thu rin po
che dang/ gro mo mchog sprul rin po che sogs mang po zhig gis
bskul gnang la brten shugs ldan bstod

'grel dam can rgya mtsho dgyes pa'i rol mo zhes pa gsar brtsams
byas/ zla ba bdun pa'i tshes dgu nyin ^gong sa chen por rje yab
sras gsum gyi gsung 'bum bklag lung mjug 'gril phul zin rjes/
gsang 'dus rtsa

@222b rgyud kyi rgyud phyi ma'i bklag lung yang phul/ bod gzhung
nas rgya gar b+hom b+hel du 'grems ston zhig la 'don gnang mdzad
rgyur thugs rje chen pa'i dkyil 'khor blos bslang bzheng rgyu
rgyud smad grwa tshang la bka' gnang bar brten rgyud smad

ldan ma tshul khrims don ldan blos bslang skor dogs dpyod byed
par slebs byung ba lag len zhib khrid byas/ zla ba bdun pa nyis
brtsegs kyi phyi ma'i tshes bcu bdun nyin spi rti dkyil dgon nas
bkras lhun lo chen rin po che'i yang sprul

dgung lo drug son pa dang/ yongs 'dzin bka' chen blo bzang rgyal
mtshan sogs sku 'khor nyi shu tsam ngos 'phrad du phebs par sprul
sku ha cang grung zhing/ gsol ja'i skabs ja mchod gangs can
shing rta sprul sku rkyang pas bag

tsha ba med par gsungs gnang mdzad/ de rjes nyin gcig lo chen
mchog sprul sku 'khor dang/ spi rti ba'i yul mi gang 'tshams la
rje tshe 'dzin ma'i sgo nas tshe dbang phul zhing/ sprul skur dge
bsnyen gyi sdom pa 'bog chog dang/

gtsug phud blangs/ gser zangs kyi thub sku'i snang brnyan gcig
/rdo dril sogs phul/ sbag sar dga' byang pha ra rin po che'i
yang srid sprul sku ngos 'dzin khri gsol skabs 'di nas mjal dar
rten dod bskur ba 'bul skabs

sprul sku yar bzhengs te mjal dar mgul du bzhes/ phyag gsum
btsal te thal sbyar gus 'dud dang/ yid skyo'i rnam pa bstan te
cung zad bzhugs pa sogs gnas tshul sbag sa nas pha ra bla brang
gi ye shes tshe dbang nas yi ge

@223a @#/ /bskur 'dug pa/ khong gi sku gong ma de phran gyi slob
bu dad gus can zhig yin gshis sngon gyi bag chags sad 'dra zhig
byung 'dug /zla ba brgyad pa nang tshe mchog gling mchog sprul
dang/ mdzod pas bskul

ba bzhin sprul sku ngo 'khor dang/ the po/ bla rti sogs bla
sprul dge bshes gang 'tshams shig la 'jam dbyangs chos skor nas
bshad pa'i 'jam dbyangs phyi sgrub/ nang sgrub/ gsang sgrub gsum
ka'i rjes gnang phul/ rda ram sa la'i

shod du bod gzhung nas sa khang spus gzigs gnang ba'i khang
khungs su phran tshor sdod shag cig gnang byung ba skabs der las
khungs kyi khang pa go yul phran bu dog skyon ma zad/ gzhung gi
las byed rnams kyi shag kyang nyung skyon lta bu

yod 'drar brten phran tshor sdod shag gnas skabs zhu mi dgos zhes
zhus kyang/ nang srid bka' blon dbang 'dus rdo rje dang/ rgyun
las tshogs gtso skal bzang dgra 'dul rnam gnyis phran sar ched
phebs kyis las khungs dang/ las byed

bcas par khang khungs nyung skyon med gshis gangs can skyid
gshongs su nges par spo dgos nan gsungs ltar spo rgyu'i khas len
zhus shing/ zla ba brgyad pa'i tshes nyer gcig nyin gza' skar
legs pas dngos chas 'or 'dren gyi thog mar bla mchod tshogs zhing
thang ga dang/ brgyad stong pa'i glegs bam sogs

gdan zhus kyis mdun g.yog dpal ldan sogs btang bar lam du thog
mar 'o ma 'khyer ba dang/ ra dkar po'i khyu/ sbag sa nas bskur
byung zhes sgrol dkar gyi sgo nas brtan bzhugs dpe cha'i dpar
phud bskyel mi sogs rim 'phrad

@223b kyis lam bkra rten 'brel bzang por mngon pa byung 'dug
/bar der nyin gcig yongs gling rin po che'i bka' dgongs bzhin
bcar te thu kwan gsung bka' rgya'i gras nas 'jigs byed kyi bla
ma'i rnal 'byor dngos grub gter mdzod dang/

de'i yan lag zhi rgyas kyi las sgrub tshul/ gshin rje gshed rigs
lngar brten pa'i dam tshig nyams chag gso ba/ 'jam dpal zhi drag
gi bsrung ba sogs kyi lung khrid phul/ zla ba dgu pa'i tshes gsum
nyin gza' tshes legs

pas phran tsho'i sdod gnas spo 'degs kyis sdod gnas rnying pa na
ro 'ji'i ko kri nas thon skabs shag mtshes rnam gra'i dge 'dun
rnams nas skyel ma'i mjal dar gnang zhing/ gangs can skyid
gshongs kyi las shag bkra shis rab

brtan du 'byor skabs bod gzhung las khungs kyi las byed che phra
ngo yod rnams dang/ rnam grwa'i slob dpon rwa stod rin po che
bcas kyis spos sne sogs kyis bsus te shag tu 'byor 'phral bod
gzhung bka' shag dang/ chos don las

khungs gnyis nas rten gsum mjal dar dang/ gzhan yang mchog dman
sna tshogs nas legs skyes kyi rim pa stsal/ rwa stod rin po che
sku sger nas yon sbyar te bla mchod tshogs 'khor dang 'brel ba'i
brtan bzhugs gnang ba

sogs yul dus kyi tshod na rten 'brel gang rgyas su legs/ de'i
phyi nyin bshad sgra'i phyag mdzod ma Ni thang jo lags bza' mi
gnyis nas nan bskul bzhin skya ser brgya phrag tsam la rdo rje
rnal 'byor ma'i sind+hu ra'i byin rlabs dang

@224a @#/ /tshogs 'khor byas/ 'di nyin phyi dro ^gong sa mchog
shag tu chibs bsgyur gyis lhod bzhugs thog /shag skyid po byung
'dug cing da cha yun 'tsho'i 'phen 'dun gtong gal che tshul phebs
par/

thog ma med pa nas rtag 'dzin la goms 'dris che bas yun 'tsho'i
re 'dun rmi lam tshun chad la'ang che lugs sogs gsol/ ser byes ri
skya sprul sku'i thugs 'dod bzhin sgrol ma tsitta ma Ni'i thun
mong ma yin pa'i snying zhugs kyi

rjes gnang chig brgyud ma/ rdor gcod dang mdo sdud pa'i bklag
lung bcas phul/ tshes nyer gsum nyin ^gong sa mchog shag tu chibs
bsgyur gyis bar lam thas lan Dar nang pa'i chos tshogs su chibs
bsgyur bskyangs pa'i

mdzad rim dang/ phyogs de'i rgyal po tshun chad skye bo thams cad
chos dang dge 'dun la gus bkur che ba dang/ gnas brtan sde pa'i
dge 'dun ches mang zhing/ de dag zhi dul gyi btsun tshugs can
mthong na dwang ba 'dren pa/

'dul ba'i kun spyod gtsang ba sogs ngo mtshar che tshul dang/ zhi
lhag ting 'dzin dang/ byang phyogs so bdun sogs las brtsams pa'i
chos kyi dri lan mdzad lugs bka' phebs/ ^skyabs rje yongs gling
rin po che rdor gdan du

chibs bsgyur mdzad zhor shag tu zhabs 'khod bskyangs par 'jigs
byed la rten pa'i yi ge bzhi pa'i bsad bzlog gi lung khrid dang/
mkha' 'gro'i grib sel gyi sku khrus phul/ tshong dpon blo ye rdor
gdan du gnas mjal

@224b du btang zhing/ lha bu 'das po'i dge rtsar mchod me khri
mchod gnyis dang/ 'brel thogs 'das gson spyir dmigs mchod me
khri mchod gnyis bcas rdo gdan dang wa Nar cha bgos kyis 'bul
rgyu bskur/ zla ba bcu gcig pa'i tshes bzhi

nyin dga' shar the po rin po che dang/ bla rti sprul sku/ ser
byes tre hor dge bshes rab brtan sogs la dga' ldan lha brgya ma
rtsa ba dang/ ^rgyal mchog bskal bzang rgya mtsho'i gsung khrid
yig dngos grub kun 'byung gnyis sbrags

pa'i steng nas dga' lha'i bshad khrid phul/ zla ba bcu gnyis
pa'i tshes bcu nyin gser kong rdo rje 'chang gi dgongs rdzogs dus
mchod 'khel bar brten mtshan zhabs gser kong thugs sras rin po
che nas bskul gnang bzhin/ rin

po che nyid dang/ rwa stod rin po che sogs bla sprul dge bshes/
rnam grwa dang/ rdzong dga' chos sde sogs kyi dge 'dun/ mi skya
pho mo bcas brgya lhag tsam la rdo rje rnal 'byor ma'i sind+hu
ra'i dbang bzhi byin rlabs/ mjug tu tshogs 'khor

dang bcas pa rgyas par byas te bzhed pa bskangs/ /rang lo drug
cu re brgyad du son pa/ phyi lo chig stong dgu brgya drug cu re
brgyad zla ba gnyis pa'i tshes nyer dgu /bod sa spre zla ba dang
po'i tshes gcig nyin ^gong sa mchog

gi zhabs drung du lo gsar mjal phyag dang/ tshes gtor gsung chog
sar bcar zhing/ mdzad sgo grub rjes gzim chung du lhod mjal
skabs spyi bye'i gnas tshul sna tshogs dang/ lhag par myang 'das
stong nyid yin min dang/

@225a @#/ /grub mtha' 'og ma'i 'dod pa ltar gyi gang zag rang
skya thub pa'i rdzas su grub par 'dzin pa'i 'dzin pas bskyed
pa'i nyon mongs dang/ thal 'gyur ba'i bzhed pa ltar gang zag
rang bzhin gyis grub

par 'dzin pa'i 'dzin pas bskyed pa'i nyon mongs gnyis khyad par
yod med dang/ thal 'gyur ba'i lugs la nyon mongs thams cad rang
bzhin grub 'dzin dang mtshungs ldan du gsungs pas de ltar na grub
mtha' 'og mas bzhed pa

ltar gyi gang zag gi bdag med sgom pas nyon mongs mngon 'gyur ba
rtsam yang spong mi nus par thal ba sogs kyi skor las brtsams
pa'i bka' 'dri mang tsam phebs par/ myang 'das stong nyid yin
min la bzhed pa mi

mthun pa yod pa dang/ gong gsal nyon mongs gnyis la phra rags
kyi khyad par yod pa/ thal 'gyur ba'i lugs la grub mtha' 'og
ma'i 'dod pa ltar gyi gang zag gi bdag med sgom pas nyon mongs
rags pa mgo non pa

tsam las spong mi nus pas mngon pa nas bshad pa'i dgra bcom zhes
'jog pa yin tshul sogs blor shar tshod 'ga' re gsol ba don mthun
zhig byung min ni ma shes/ tshes bcu gcig nyin ^gong sa mchog 'di
ga'i shag tu

chibs bsgyur gyis tshes bco lnga nas bzung sku bcar mchod mkhan
gyis zhus bskul ltar lam rim chen mo'i bshad lung stsal rgyu'i
skor sogs bka' stsal zhib lhug tu phebs par/ phran nas bstan
'gro spyi byer bka' drin che zhu

@225b dang 'brel chu yos lor rgyal chen gyi zhal thang rang lag
tu 'byor pa'i rten 'brel gzab gsol skabs rje sku dang chabs cig
ma bsgrigs lhun grub tu byon pa'i lam rim chen mo dga' ldan dpar
rnying spus legs de'i dbu shog thog /

rgyalO dang rgyalO sras bye ba'i shul lam mchog /yongsO rdzogs
yongsO su bgrod pa'i rim pa gang/ /bloO gter bloO bzang rgyal
bas legs gsal ba/ /cheO mchog cheO ba bzhi ldan glegs bam 'di/
/bloO la bzangO po'i yon tan

ma dmigs kyang/ /yeO nas dad gus rab brtan shesO rmongs des/
/srid zhi'i rnam 'dren srid pa ji srid bar/ /theg mchog chos kyi
'khor lo bskor phyir phul/ /zhes lag bris kyis bkod de mjal dar
rten dod dang bcas rten

'brel gyi slad du phul/ tshes bco lnga nyin chos don las khungs
kyi bka' 'brel bzhin las khungs khag gi las byed yongs rdzogs
dang/ skya ser gzhan dag bcas bdun cu skor la theg chen gso
sbyong gi sdom pa 'bog chog /

tshes nyer drug nyin rje'i gsung lam rim chung ngur rtsa ba nang
gsal gyi sa bcad la nang gses sa bcad zhib tu bkral ba zhig snga
lo nas 'go 'dzugs kyis 'bad pa chen pos bris pa mjug 'gril dpar
'debs kyi ma phyi ldan ma byams

pa chos rgyal gyis 'bri rgyu'i las 'go btsugs/ zla ba gnyis pa'i
tshes lnga nyin rgyud stod grwa tshang nas yon sbyar gyis mkhan
bla dge 'dun rnams nas bla mchod dang 'brel ba'i ring 'tsho'i
bden tshig bskyangs/ de rjes rgyud smad te

@226a @#/ /hor bsam gtan
gyi 'dod mos bzhin 'di ga'i shag gi mdun
gyi spang ljongs su rnam grwa dang/ rdzong dga' chos sde/ Dal
hor nas phebs pa'i gdan sa gsum dang/ rgyud grwa'i dge 'dun

sogs gtso gyur mi grangs bzhi brgya lhag tsam la dga' ldan lha
brgya ma'i rnal 'byor thun mong min pa'i 'don sgrigs ^skyabs rje
rdo rje 'chang gi gsung gi steng nas bshad khrid nyin gnyis
dang/ zla ba gsum pa'i tshes gcig la phan po

na lendra'i bco brgyad khri chen rin po che'i thugs bzhed ltar
ston 'khor rnams la sgrol dkar gyi tshe dbang phul zhing/ ser
byes gtsang pa dge bshes rab rgyas 'ong nas zhi gnas kyi ting
'dzin thob res zla drug lhag tsam bsgoms kyang/

sems dmigs par yun ring gnas cha 'ong dka' ba'i lang shor 'gog
mi thub pa zhig 'ong gi 'dug pas der dmigs pa'i thabs 'phrul ji
'gab dris byung bar/ sems dmigs rten la 'dres pa'am thim pa lta
bu dang/ de

yang lcid de sdod pa lta bu bsam na cung zad phan srid/ des
kyang ma phan na re zhig thun bzhag ste gsol 'debs bsags sbyangs
byas legs brjod cing/ rjes sor khong gis de bzhin byas pas phan
tshul zer/ tshes gsum

nyin dga' shar grwa tshang nas phran gyi tshe gegs zhi ched brtan
bzhugs gzab rgyas smin sgrub dgos tshul rda sar gtan bzhugs the
po rin po che sogs bla sprul dge bshes rnams la phyag bris gnang
'byor ltar khong rnam pas do khur

@226b gnang ste 'dir yod dga' shar grwa rigs ji yod mnyam tshogs
kyis bla mchod tshogs 'khor dang 'brel nyi bu'i 'tshe ba rgyang du
bsrings pa'i cho ga mdzad/ tshes nyi shu nyin rda sa'i bu gso
khang gi dus dran rten 'brel mdzad sgor ^gong sa

mchog chibs bsgyur thog /yongs 'dzin gling rin po che dang/
phran gnyis kyang mgron 'bod ltar bcar zhing/ der ^gong sa
mchog
nas lam rim sogs su rten 'brel yan lag bcu gnyis de rten 'brel
tshar gcig gi dbang du

byas na/ tshe gsum las lhag pa'i bzhi lnga sogs la rdzogs pa mi
srid par gsungs pa/ dper na dmyal ba'i bar do dge ba'i stobs
kyis lha'i bar dor 'phos pa lta bu'i tshe/ 'grub byed sred len
gyis dmyal ba'i bar dor gsos

btab zin rung/ dmyal bar ma skyes shing/ de nas nam zhig dmyal
bar skyes tshe yang bskyar gsos btab dgos sam/ sngon ma'i sred
len gyis gsos btab pa des go chod/ de ltar na tshe bzhi lnga sogs
kyis rdzogs par yod dgos

pa dang/ sems tsam pas 'dod pa'i phyi don skor la gsung gleng
mang tsam byung bar/ gong gsal sred len gyis yang bskyar gsos
btab dgos bzo yang/ des tshe bzhi lngar rdzogs par thal mi dgos
'dra zhes 'phral sel gyi lan

zhig gsol/ dgong dro bu gso khang gi phrug gu rnams kyis lha bla
ma khu dbon gyis jo bo rje bod du gdan drangs pa'i rnam thar gyi
zlos gar gzigs 'bul zhus song ba khungs dang 'brel zhing 'khrab
stangs gleng brjod sogs gang legs 'dug /

@227a @#/ /zla ba bzhi pa'i tshes bcu gnyis nyin Dal hor du gtan
bzhugs se 'bras dge gsum gyi dge 'dun spyi nas rgyu sbyar thog
^gong sa chen po'i lam rim chos zhur phebs pa'i dge 'dun rnams
dang bcas lhan tshogs

kyis gnas brtan phyag mchod dang 'brel ba'i ring 'tsho'i cho ga
gnang ba dge 'dun mi phyed 'dun pa'i rten 'brel gyis mthar byed
kyi mche ba ri mo'i gnas su bkod cing/ 'dus spyis gnang ba'i
bdog pa'i rten rnams phyir 'bul zhus/

^gong sa mchog nas sems bskyed sdom bzhes bskyang rgyu'i mchod
spran bzhengs dod du hin sgor chig stong tham pa stsal te mchod
pa gzab rgyas grabs gshom dgos phebs la/ khang pa'i go yul dang
yo byad kyis grangs

mang gshom thabs bral gshis/ zhal zas rnams mar khu dang mngar
gsum sbyar ba'i lha bshos phun sum tshogs pa che tshad sum brgya
lhag tsam dang/ shing 'bras sna tshogs do po 'ga' shas sogs rgyu
spus legs su 'du byas/

dngos gzhi tshes bcu gsum snga dro chu tshod brgyad thog ^gong sa
mchog 'di ga'i shag tu ^zhabs 'khod kyis sems bskyed sdom bzhes
bskyang rgyur brten/ nam langs snga char phran rang nas sbyor
chos dang 'brel smon 'jug gi byang sdom

blangs shing/ de nas ^gong sa sku rkyang dang/ kho bo mnyam du
sbyor chos mchod phreng dang bcas rgyas pa sngon du btang nas
zhi ba lha'i lugs ltar smon 'jug cig car du 'dzin pa'i sdom pa
'bog chog zhus mthar/ ^gong sa mchog nas

@227b sems bskyed kyi rdzas su lhung bzed shing 'bras kyis bkang
ba stsal gnang dang 'brel nam zhig rdor gdan ma'i tshigs bcad lan
gsum dang/ spyod 'jug chen mo mnyam gsung bcas bla ma gong rim
gyi phyag len nyams med du bskyangs grub

rjes pho brang du chibs bsgyur gyis lam rim chen mo'i chos zhu
ba rnams la sems bskyed 'bog chog bka' drin stsal te rnam pa
thams cad mkhyen pa'i byang chub kyi sa bon bskrun par mdzad/
bod zla lnga pa'i tshes brgyad nyin cha phreng ba

mi mang spyi nas rgyu yon sbyar te zong rin po che dang/ dze
smad rin po che sogs bla grwa gdan zhus kyis ring 'tsho'i brtan
bzhugs bsgrubs shing/ de rjes cha phreng pa rnams nas skyid sdug
tshogs pa 'dzugs rgyur mang mos gros mthun sngon zin

'dug par brten tshogs pa'i ma rtsa'i zhal 'debs su hin sgor nyis
stong tham pa bstabs/ zla ba bdun pa'i tshes brgyad nyin ^gong sa
mchog pho brang rnying pa sarba a she ram nas ka spu thar la'i
pho brang gsar pa theg chen chos gling du spo 

bzhugs mdzad sgo'i sar bcar te rten 'brel mjal dar rten gsum
phul zhing/ lha sa'i thugs rje chen po'i zhal khyim dang/ skyid
grong jo bo wa ti bzang po bcas gdan zhu mdzad gnang la spos sne
dang/ tshom chen du bzhugs

gsol grub rjes ^gong sa mchog dang/ phran yongs 'dzin gnyis/
rnam grwa dge 'dun bcas nas mchod 'bul khrus gsol rab gnas/ bkra
shis gso sbyong/ yum nyi khri'i glegs bam zhal dbye tshogs pa
rnams la cha bgos

@228a @#/ /dag sgrogs sogs mdzad sgo rnams zin rjes rang gnas su
ldog /tshes bcu gnyis nyin pho brang gsar par rgyud smad mkhan
bla gnyis bcas dge 'dun bcu dang/ rnam grwa dge 'dun 'ga' shas
bcas

nas gsang 'dus kyi sgo nas rab gnas rgyas pa dang/ rgyud stod
mkhan bla gnyis bcas dge 'dun bcu dang/ rnam grwa brgyad nas
bde
mchog dang 'brel ba'i rab gnas rgyas pa nyin gsum bcas tshugs
pa'i rab gnas dngos gzhi 'di

nyin 'khel bar ^skyabs rje yongs gling rin po che gsang 'dus
chog gra'i dbu bzhugs dang/ bde mchog chog gra'i rdor slob tu
kho bo bcar/ ser byes ldan ma byams pa chos rgyal la lam rim
chung ba sa bcad kha skong gsar sgrig

can 'brir bcug pa legs grub rda shod dpar khang du ngo grangs
chig stong tham pa dpar 'debs zin pa rtsis blangs te khong par
yon gyis tshims par byas/ phag ri ri chung spo mtho'i mkhan 'dzin
dga' shar mu li mkhan sprul thub

bstan lam bzang gi yang sprul 'brug yul du 'khrungs te dgung lo
brgyad steng son pa gong ma'i dge phrug dge 'dun nas gdan zhus
kyis phran sar phebs pa gtsug phud blangs te mtshan la blo bzang
don yod dpal ldan zhes btags/

smar khams ze'u 'bru dgon gyi gangs dkar bla ma rin po che dkon
mchog chos grags kyi sprul sku khams phyogs su dmag zing skabs
snyun gzhis gshegs pa'i yang srid brtsad dpyod dgos tshul dgon
gyi gra rigs dang/ tsha kha lho pa mi

@228b mang spyi bcas nas yang yang bskul ba ma zad/ bla ma gong
ma rnam gnyis dang dam tshig gtsang ma'i mthar thug las smon gyi
'brel ba che gshis nged rang la'ang khur du babs pa bcas kyis
dga' gdong chos skyong la lo snga phyi gsum ring lung

bskul rim zhus la rda sa'i bzhugs sgar nas brtsis pa'i shar
phyogs sngon gyi rang khongs shig la nges rnyed yong zhes snga
phyi rtse mthun sha stag byung zhing/ nged rang gi mo brtag rim
par yang sgang tog lam bzo'i khongs sdod tsha kha lho pa'i mi

khongs ma skal bzang gi bu karma lhun grub zer ba bzang babs
rtse mthun ma zad/ gangs bla'i zhabs gras rnying khongs a pho
dbang ldan la mngon tshan med par bu chung der brtag zhib bya
dgos mngags pa bzhin dbang ldan khyim der 'byor rgyu'i de 

nyin snga dro bu chung gis de ring mi zhig yong ba yod ces brjod
pa dang/ dbang ldan khyim du 'byor rjes khye'u des khyim tshang
gi dngul gyi mchod kong 'ga' dang/ chab ting bdun tshar bcas
dbang ldan gyi lag bzung phad bu'i snod du bsdu 'jug byas

pa bcas gang ci nas nges rnyed ra 'phrod stabs khye'u de bzhin
gangs bla'i sprul skur ngos 'dzin thag gcod byas/ tshes nyer gsum
nyin sus si ri kon du ha yang bzo gra'i sbyin bdag khun nas bod
dgon gsar bzhengs legs par zin pa'i sgo

dbye'i rten 'brel dang/ rab gnas kyi slad du ^skyabs rje yongs
'dzin dga' khri gling rin po che dang/ phran la gdan zhu nan
bskul rim byung ^gong sa chen por dgongs bskor bka' 'khrol gyis
'di nyin thon phyag mjal khar bcar zhing/ lam

@229a @#/ /rim chung ngu sa bcad rgyas par phye ba gsar bsgrigs
dpar 'debs zin pa'i dpar phud pod gcig phul/ tshes nyer lnga nyin
phran dang/ dpal ldan/ nor bu chos 'phel bcas rda sa nas thon te
spa Than

ko krar 'byor mtshams yongs gling rin po che sku 'khor yang der
phyag phebs kyis mnyam 'dzoms me 'khor thog zhugs te nangs bar
ldi li rnying pa'i me 'khor babs tshugs sar 'byor/ der ^gong sa
chen po'i gcen po brgya lo don grub dang/

bod gzhung don gcod ngo las/ bod khang ngo las sogs bod rigs
khyon ches bsu ba dang bcas ldi li bod khang du gnas mal phabs/
tshes nyer bdun phyi dro chu tshod bcu thog ldi li gnam gru'i babs
tshugs nas pha ran si'i gnam gru'i

thog thon te i ran gyi rgyal sa ke'i ro dang/ i si ral gyi
rgyal sa kre li spir gnyis su cung zad re babs te tshes nyer
brgyad snga dro chu tshod bdun gyi thog pha ran se'i rgyal sa
pa'i ri si'i gnam thang du 'byor zhing/ de nas gnam grub brjes
te

sus si dzus rig gnam thang du 'byor skabs bod gzhung don gcod
sku ngo pha lha ba dang/ dgon pa'i sbyin bdag khun/ mkhan po ser
byes tre hor dge bshes o rgyan tshe brtan sogs bod rigs skya ser
mang po bsu bar phebs/ der mgron

khang du cung zad ngal bsos kyis rlangs 'khor thog zhugs te ri
kon dgon par 'byor par bod lugs kyi rten 'brel mdzad sgo zin
rjes sdod sgrig byas pa'i 'tsher shag tu gnas mal phab/ bod zla
brgyad pa'i tshes gcig nyin bzo gra'i

@229b sbyin bdag khun nas spro seng zhabs 'cham slad yongs 'dzin
gling rin po che sku 'khor dang/ phran ngo 'khor bcas ri ke'i
mOn kran zhes pa'i ri bo'i ngogs su glog skud thog khang sgrom
che legs mi nyi shu skor gshongs pa zhig glog shugs kyis thad

kar 'then pa'i zhang zhugs te ri rtser slebs shing/ der za khang
che legs shig nang ngal gso dang/ bza' btung byas rjes ri rtse'i
g.yas phyogs su bskor bskyod kyis ri gsham gyi yul ljongs dang/
mtsho gling sna tshogs bkod pa shin

tu mdzes pa rgya che'i ngo mtshar la bltas rjes slar yang glog
skud brgyud yud tsam la thur babs rlangs 'khor thog phyir log
gis lam bar ye shu'i lha khang chen po zhig tu blta bskor du
khrid byung bar ye shu'i chos pa rnams smon lam 'debs

mus su 'dug pa mthong/ 'di nyin snga dro'i chu tshod brgyad pa
nas dgong mo'i chu tshod bcu pa tsam bar du 'gor zhing/ ri rtse
dang/ ye shu'i lha khang du bsdad yun cung zad las de min lam
kyog mang por 'grims dgos pa'i lam thag ring

por bshar bskyod bya dgos stabs mgon zhe mer ldang ba sogs kyi
ngal ba ci che byung bas yon bdag gi bkur sti gzab pa de kho bor
sdug bsngal gyi rang bzhin du gyur/ zla ba brgyad pa'i tshes bdun
nyin dgon pa'i sgo dbye mdzad sgo tshugs

par nye 'khor du yod pa'i bod rigs phal cher dang/ sud si'i yul
mi sogs mi mang khyon che 'du 'dzoms kyis dar 'phyar/ rnga rol
gling bu sogs kyis bsu ba bstar bsgrigs kyis dbus brgyud yongs
gling rin po che dang/ kho bo/ der

@230a @#/ /'dus bla grwa rnams bcas chos gos rnam gsum mnabs te
zhi dul dang ba 'dren pa'i spyod lam 'phags pa rta thul gyi rjes
su 'ching bar bskyod de gtsug lag khang gi sgo drung du 'byor
'phral mchog gsum shis

brjod dang 'brel yongs 'dzin gling rin po ches dar thag gcod
gnang gis sgo dbye mdzad/ 'du khang nang du phebs nas gral 'khod
kyis gnas dang yo byad byin rlabs/ spyan 'dren khrus gsol/ yan
lag bdun pa sogs chos

spyod kyi rim pa rnams grub rjes nged tsho tshang mas rten gtso
thub dbang gi snang brnyan la snyan shal phul/ ^gong sa mchog
gis gsung 'phrin gnang ba spang lung sprul skus 'jar man gyi
skad thog bsgrags/ sbyin bdag khun nas dgon

pa'i gnas lugs skor legs sbyar gnang mjug /phran nas nang pa
sangs rgyas pa'i chos dang/ rig gzhung gi khyad chos/ bod du
nang chos dar khyab che zhing/ de yang ston pa sangs rgyas kyi
dgongs pa las gzhan du ma gyur par bshad

sgrub tshul bzhin byed pa las/ rang gar blos byas kyi nyi tshe ba
zhig min tshul sogs kyi skor legs sbyar mdor bsdus bshad rjes
mdzad sgo grol/ tshes brgyad nyin snga dro ser skya mi mang la
yongs gling rin po che nas sgrol dkar tshe dbang

stsal rjes nged rang nas spyan ras gzigs ngan song kun sgrol gyi
rjes gnang dang/ chos srid kyi slob ston nyung bsdus shig byas/
phyi dro bod gzhung don gcod las khungs nas dgon pa'i sbyin bdag
khun nang mi 'khor bcas/ Dog krar

@230b lin d+ha kir sogs phyi mi 'brel yod khag rnams dang/ nged
tsho bcas tshang mar yul lugs kyi rim pa dang mtshungs pa'i gsol
ston rgyas par stsal ba longs spyad/ ^skyabs mchog yongs 'dzin
gling rin po che sku na phra dus na rgyal mchog sku

phreng bcu gsum pa chen po'i drung nas lam rim chen mo'i bshad
lung zhig gsan bzhes mdzad 'dug kyang dgung na phra ba'i skabs
yin pa dang/ ^skyabs mchog rdo rje 'chang pha bong kha pa chen
po'i drung nas gsan rgyu ma grub pa bcas la brten da

lam bla ma rdo rje 'chang nas brgyud pa zhig gsan bzhed kyis
phran la lam rim chen mo'i bshad lung 'bul dgos zhes bka' phebs
pa bzhed skong slad/ zla ba brgyad pa'i tshes bcu bdun nas bzung
rin po che sku rkyang la nyin byed 'od stong

'bar ba'i mdun sar me khyer srin bu'i rang 'od spro ba'i ngang
tshul bzhin bshad lung gi sa bcad ma stong tsam zhig grub zin
sgrub pa'i bshad nyog gi phreng ba bstar ba'i ngal pa ma bsten
par mdor bsdus tsam du 'bul 'go btsugs/ de rjes

nyin gcig ri gong bod mi gzhis chags spyi pa'i 'dod mos ltar mi
mang spyir yongs gling rin po ches sgrol ljang gi rjes gnang
dang/ phran nas grub rgyal lugs kyi tshe dbang bskur/ tshes nyer
gsum snga dro thur bin thal gyi sman pas phran gyi

byang khog spyi dang/ lhag par rnying la skyon yod med zhib
brtag byas song bar snying skyon sogs khog nang nad gzhi lci
rigs gang yang med lugs zer/ tshes nyer bdun nyin ri gong dgon
pa'i rten gtso thub dbang gi gzungs sgrub cho g 

@231a @#/ /yongs gling rin po che dang/ kho bo cag /dge bshes o
rgyan tshe brtan sogs dgon pa'i dge 'dun bzhi bcas nas gnang rjes
rin po che dang/ phran gnyis nas gzungs 'bul ru nga zhib tshag gi
lugs su

phul/ tshes nyer brgyad nyin sman pa yong ste brtag dpyad byas
rjes spyir lus la khrag tshad brgya dang bzhi bcu dgos pa la kho
bor brgya las mi 'dug pas sha dang/ 'o ma/ zho/ sngo tshal sogs
mang tsam brten dgos zer/ zla ba dgu pa'i

tshes gnyis nyin kror g+hen grong gseb spyi khyab pa dang/ bod
phrug dge slob spyi nas mgron 'bod ltar ^skyabs rje yongs 'dzin
gling rin po che dang lhan du kror g+hen bod khyim yum bu bla
sgang du phebs 'byor skabs bod phrug rnams nas me tog dang/

spos sogs mchod rdzas sna tshogs thogs te bsus shing/ mchod khang
nang bod lugs kyi rten 'brel rag bsdus zin rjes gzim chung so
sor 'khod/ bkras mthong rag ra sprul skus sngon bskul bzhin nyin
gcig rin po che nyid dang/

sku ngo pha lha thub bstan 'od ldan gnyis la dga' lha rgyas pa
thun mong ma yin pa'i 'don sgrigs ^skyabs mchog rdo rje 'chang
pha bong kha'i gsung de'i steng nas khrid rgyas bsdus 'tshams
shing gnad don 'dril ba zhig byas/ tshes drug nyin

yum bu bla sgang dang/ lugs zung mngon dga'i bod phrug pho mo
rnams dang/ 'go 'dzin rag ra sprul sku/ bkras mthong bsod dpal/
bod yig dge rgan shod drung rab sgang pa/ sku ngo pha lha sogs
la snga dro yongs gling rin po ches

@231b 'jam dbyangs dmar ser dang/ sgrol ljang gi rjes gnang
stsal zhing/ nyin gung rgyab tu phran nas sgrol dkar tshe dbang
dang/ dbyangs can ma dkar mo'i rjes gnang bcas byas/ 'di skabs
dbyangs can ma'i rjes gnang gi dpe cha med stabs

bdag mdun gyi cho ga bya rgyud spyi'i lugs ltar blo thog nas
byas shing/ rjes gnang dngos gzhi yi dam spyi 'gro'i rjes gnang
gi 'chings gzhir bzhag thog bzlas lung skabs dbyangs can gyi
'khor lo bkod nas spro bsdu sogs bsnan te byas pas/

blun po snying khams can rang snang gang dran gyis skal mnyam
rmongs pa mgo bo bskor ba'i cho ga khungs med byed mkhan tsho
ltar ma song tsam zhig byas khul yin/ tshes bdun nyin kror g+hen
grong gseb spyi khyab a thar b+hil nas mgron 'bod

ltar ^skyabs rje yongs gling rin po che dang lhan du phran yang
bskyod cing/ khong la 'phrad skyes stong min tsam re bstabs/
khong ni bod mir brtse zhen che zhing 'phral sgang dka' ngal sel
thabs tsam min par bod rigs spyir phugs phan gyi

bsam 'char rogs ram byed mkhan zhig 'dug cing/ khong nas bod mi
tshos gdan sogs la 'brug ris mang po 'bri ba'i rgyu mtshan gang
yin gsung bar/ 'brug sgra khyab che ba ltar snyan grags rgyas
pa'i rten 'brel du 'bri srol

las/ rgya mis 'brug ris bri ba'i rgyu mtshan dang mi 'dra tshul
brjod/ de'i phyi nyin raka ra sprul skur phyag rdor gos sngon
can dang/ gtum po khyung lnga/ 'khor lo chen po gsum gyi rjes
gnang bskur/ tshes dgu nyin snga dro grong gseb

@232a @#/ /spyi pa'i lha khang du yongs gling rin po che dang
lhan bskyod kyis mchod 'bul smon lam rab gnas bcas byas/ phyi
dro de nas thon te ri gong bod dgon du 'byor/ hang sga ri'i mi
rigs 'jar man

gyi spor phe sar zhes pa'i mkhas pa phA lo zer bas rab byung
dge tshul/ dge slong bcas kyi bslab sdom 'bog dgos tshul snga rjes
nan brjod ltar 'gal rkyen rigs yod med sngon nas dri brtsad
bgyis te dge bshes o rgyan tshe brtan

dang/ blo gros sprul sku sogs dge 'dun lnga tshogs kyi dbus su
bslab sdom 'bog chog go brda 'phrod nges skad bsgyur dang 'brel
byas shing bstan 'dzin chos 'phel zhes pa'i chos ming btags/
gzhis chags bod mi dang/

kror g+hen slob gra ba sogs min pa'i bod phrug gzhon nu sus si'i
mi khyim khag la kha 'thor gyis bu tshab tu bzhag pa rnams 'tsho
ba'i gnas stangs legs kyang/ phal che bas bod skad brjed zin
'dug pa rjes sor bod mi'i 'du shes

kyang brjed de gzhon nu mang po 'phro brlag tu 'gro nyen che
stabs sku ngo pha lha bas thabs shes kyis lo re gsum bcu'i dus
dran sogs su sus si'i sa gnas gang 'os su gzhon nu rnams 'du
'dzoms byed du 'jug gnang yod

'dug kyang/ sgrig btsugs gtan 'bebs ma thub par lus 'dug gshis
da lam sku ngo pha lha ba'i dgongs 'char bzhin tshes bcu gsum
nyin yongs gling rin po che dang/ phran nas gong gsal bu phrug
so so'i pha tshab ma tshab lag

@232b tshang mar gsol ja'i mgron brda dang 'brel ri gong dgon du
bsdu bskong bgyis par bu phrug drug cu skor dang/ pha ma khag
'byor zhing/ gsol ja/ bzhes zas/ shing 'bras kyi nying khu sogs
bza' btung gi rigs sna tshogs gzab gshom

bstar theg yongs gling rin po che dang/ phran gnyis nas pha ma
tshos bu phrug rnams la gces skyong gis bod kyi skad dang goms
gshis ma brlag pa'i thabs shes gnang rgyu dang/ phrug gu rnams
nas kyang ya rabs spyod bzang thog rang rigs

kyi skad yig goms gshis gces 'dzin gal che sogs kyi slob ston
gang rgyas kyi tshul du byas shing/ phyi lo nas bzung lo ltar
^gong sa mchog gi 'khrungs skar dus dran stabs mtshungs ri gong
dgon du da lam ltar 'du 'dzoms bya

dgos zhes yongs gling rin po che dang/ phran gnyis thun mong nas
mthun rkyen zhal 'debs su sud sgor chig stong tham pa bstabs par
khyim 'dzin tsho'i thog ma'i srol 'byed Dog kror a she man nas
de don gtan 'bebs bya rgyu'i khas

len gtsang ma byas te der 'khod pha ma tshang mar ngo bsgrags
byas song bar/ pha ma dang/ bu phrug rnams kyis ha cang dga'
ba'i lus ngag gi rnam 'gyur bcos min du ston gyi 'dug /de'i phyi
nyin dgon pa'i sbyin bdag khun bza' mi

dang/ dgon pa'i 'go 'dzin rogs byed lin d+ha kir bza' mi/ rgya
gram dmar po'i 'go 'dzin ma rgan phi'i shA/ sus si'i bod mi
gzhis chags khag gi 'gan 'dzin ma rgan cho d+han sbar/ Dog krar
a she man sogs bod mir 'brel

@233a @#/ /gnad che ba'i mi drag khag rnams dang/ bod gzhung don
gcod sku ngo pha lha ba dang/ ^gong sa mchog gi gcen po blo
bzang bsam gtan sogs mgron 'bod kyis yongs gling rin po che
dang/

phran tsho thun mong nas gsol ston rgyas pa zhig bshams te snga
ma'i gtang rag dang/ phyin chad kyi re bskul chabs cig byas/
tshes bco lnga nyin yongs gling rin po che dang/ phran/ dgon pa'i
mkhan po dge bshes o rgyan tshe brtan can

dge 'dun bzhi bcas nas rten gtso thub dbang gis mtshon pa'i sku
gsung thugs rten dang/ gtsug lag khang bcas par 'jigs byed dpa'
gcig gi rnal 'byor sngon du btang ste rab gnas 'bring po bkra
shis snye ma'i cho ga gzhir bzhag thog

pa la khrus dang mchog khrus skor rab gnas rgyas pa'i phyag len
ltar kha bskangs nas spros bcas rgyas tsam zhig byas shing/ yon
bdag bsgo ba'i skabs sbyin bdag khun nang mi rnams dang/ rogs
byed lin d+ha gir sogs la bkra

shis rdzas brgyad lag tu gtod pa yang byas/ tshes bco brgyad nyin
rdza rong phu'i yab tshang dang/ tre hor brag sras sprul sku'i
khyim tshang thun mong nas mgron 'bod ltar eb na tha ka phel du
phran dpal nor gsum mnyam bskyod

kyis zhag gsum bsdad par sne len gzab/ tshes nyer gnyis nyin mun
khud ling gzhis chags khongs tsa ri ba phun tshogs bza' mi nas
bskul ngor mi grangs brgya skor la yongs gling rin po ches phyag
rdor drag po gsum bsgril gyi

@233b rjes gnang dang/ phran nas grub rgyal lugs kyi tshe dbang/
dgong dro tsa ri bas yon sbyar dge 'dun mi mang bcas mnyam tshogs
kyis bla mchod dang 'brel ba'i tshogs 'khor phul/ tshes nyer drug
nyin phran ngo 'khor rnams b+ha'o ma zhes par

bod mi gsar 'byor nyer gcig yod pa'i gzhis chags rnams kyis nan
'bod ltar bskyod de gnas khang so sor khrus gsol rab gnas dang/
spyir chos 'brel/ blang dor legs slob sogs byas rjes wa la Da
zhes par tre hor blo bzang nyi

ma dang tsha mo bkra shis sgrol ma'i khyim nang du gung gi dro
btab rjes lan Da kho krar brag g.yab rin po che dang/ shag skor
mkhan sprul/ yid dga' sprul sku bcas pas 'bod gnang ltar bskyod
de zhag bdun ring bza' btung sogs kyi sne len

gzab/ brag g.yab rin po che sku rkyang la sde dge shar bla ma'i
yig cha'i steng nas rje btsun rig byed ma'i bskyed rdzogs kyi
nyams khrid nyin gsum phul/ brag g.yab rin po che dang/ shag
'khor mkhan sprul/ yid dga' sprul sku

gsum nas kreb ri khor chen po zhig ched nyos kyis phran la mgur
ma zhig skad 'khor nang 'jug dgos gsungs pa ltar gang dran thol
byung zhig sgra 'jug byas/ sku ngo pha lha ba dang/ lin d+ha kir
gnyis nas thabs bskul bgyis te zla ba bcu

pa'i tshes drug nyin sus si'i gzhung khongs wun Da thur zhes pa'i
grong sde'i sman khang che ba zhig tu phran dang/ dpal ldan
gnyis ngal bso dang/ 'phrod bsten slad bskyod bsdad la khang pa
dang khrus khang/ gyon chas 'jug sgam/ kha spar

@234a @#/ /sogs mthun rkyen phun sum tshogs shing/ nad rigs so
so'i brtag dpyad byed mi khag mang gis 'di nyin nas bzung nged
gnyis kyi gzugs po'i stod smad dang/ rgyab mdun gang cir glog
dang/

'phrul 'khor ci rigs kyi sgo nas brtag zhib dang/ khrag dang/
lud pa/ dri chen/ dri chu sogs la lan mang brtag zhib byed 'go
btsugs/ nor bu chos 'phel brag g.yab rin po che lhan du 'jar
man b+hon du ltad mor btang/ sman

khang der bdun phrag gnyis ring bsdad rjes/ tshes nyer drug nyin
win Dar thun sman pas phran gyi glo rtsar kri pi'i nad phran bu
zhig sngon du byung 'dug kyang da cha phal cher gsos zin 'dug
/'on kyang mjug bcos su wal dra'i sman khang du

bskyod legs kyi lam ston byas pa ltar phran dpal gnyis wal Da'i
sman khang du bskyod de khang pa khe gtsang zhig nang bsdad/ nor
bu chos 'phel 'jar man nas phyir 'khor ba sman khang gi ri zhol
du tre hor blo bzang nyi ma dang/ tsha mo bkra shis

sgrol ma'i khyim du bzhag ste phran gnyis sar blta bskor du yang
yang 'byor/ sman khang de ri bo'i ngos nags tshal khrod du khang
pa steng shod mang zhing/ thog brtsegs 'og mar nad pa rnams
rtsed mo'i rigs sna tshogs rtsed sa yod pa/

gzugs mthong rlung 'phrin gyi ltad mo blta sa sogs dang/ phyi
rol tu rkang 'chams 'gro yul rgya che ba sogs sdod gnas yo byad
gang ci mthun rkyen 'dzoms shing bza' btung yang gtsang zhing
gya nom pa 'dug /sman pas phran dang/

@234b dpal ldan gnyis kar glog spar sogs brtag dpyad rigs mi
'dra ba sna tshogs kyis yang yang zhib brtag 'brel nyin ltar sman
khab brgyag rgyu sogs gzab par byed kyin 'dug /rwa stod blo
bzang 'jam dbyangs kyis nan bskul ltar rnal

'byor ma'i sind+hu ra'i byin rlabs bya rgyu'i slad sman khang nas
zhag gnyis gnang ba zhus nas ri gong dgon du bskyod de/ zla ba
bcu gcig pa'i tshes nyer lnga nyin mi grangs nyi shu rtsa gcig la
rdo rje rnal 'byor ma'i byin rlabs byas/ phyi nyin snga

dro blo gros sprul skur sgrol ma tsitta ma Ni'i chos skor le
tshan mang tsam zhig gi bklag lung dang/ dge bshes o rgyan tshe
brtan la bla 'gugs tshe 'gugs kyi cho ga'i lag len slob khrid
byas te phyi dro wal gyi sman khang du 'byor/ sku zhabs

blo gros sprul sku nas bya pa skal bzang rgya mtshos mdzad pa'i
thub dbang gi rtogs brjod rgya nag dpar ma pod gcig g.yar
bskyel byung ba nyin bzhin bklag /zla ba bcu gnyis pa'i tshes
lnga nyin dzus rig tu sdod pa Dog krar b+ha rong ni zhes pa

sems kyi brtag dpyad mkhas par grags pa zhig 'ong ste skye ba
snga phyi 'phos stangs dang/ sprul sku'i yang srid byon stangs/
thar pa thob ched nyams len ji dgos/ stong nyid bsgom tshul sogs
kyi dri ba sna tshogs shig byung bar skabs

bstun lan 'os 'tshams re btab/ tshes bcu gsum nyin em rje so spal
gyis phran gyi glo rtsar yod pa'i kri rbi'i nad gzhi ha cang
drag bskyed byung lugs dang/ dpal ldan gyi gzhogs g.yon du kha
sngon nad ngo thon pa da cha sing drag red

@235a @#/ /ces zer/ tshes bcu drug nyin ^gong sa mchog dang/ yongs
'dzin gling rin po che/ sa skya khri chen/ karma pa rin po che
sogs bla chen rnam pa dang/ 'brel 'dris che ba'i bod rigs khag
la sa

bya gnam lo gsar tshes kyi rten 'byung shis dbyangs su jo bo
rje'i rnam thar bris thang tshon khra dpar ma'i rgyab tu/ ^phun
tshogs 'dab stong bkra ba'i skyed tshal du/ /saO gsum shis% pa
mgron du 'bod pa'i slad/ /bde% ldan rma byaO sgeg

pa'i mgrin glu'i dbyangs/ /dge legs% g.yu lo dkrigs pa'i ljongs
nas bsgrags/ /zhes bkod de khungs so sor sbrag thog 'bul 'grems
byas/ tshes nyer lnga nyin wal gyi sman khang nas thon khar
phran
gyi gzugs khams

la brtags dpyad 'gan khur byed mi Dog kror so spel la rum gdan
gru bzhi gcig dang/ bod g.yag gi ri mo sna tshogs legs skyes su
sprad cing/ khong nas phran dang/ dpal ldan gnyis kar nad gzhi'i
nyen 'gan gang yang mi

'dug ces dbugs dbyung byas byung bar/ ji skad du/ rig 'dzin
'jigs med gling pas/ bden pa gzigs pa gang zhig ma gtogs pa/
/rnyed dang ma rnyed la sogs chos brgyad kyis/ /dge sbyong bram
ze bla mar btags pa kun/ /

dkris shing dam la ma bzhag yod ma yin/ /gsungs pa ltar chos
brgyad kyi dam 'og tu gnas pa'i stabs kyis gtam snyan dang yid
bde'i tshim pa thob/ rgyun du 'phrod bsten bya rgyu'i sman khyon
che sprad byung ba 'khyer te sman khang nas thon/

@235b blo nyi dang/ bkras sgrol gnyis sar bsdad nas nyer lnga'i
tshogs 'khor phul/ phyi nyin ri gong du bskyod de rgyal mtshan
rnam grol gyi shag tu lhod bsdad byas/ ing lan bod phrug khyim
sde khri srong mngon dga'i pha tshab zhabs zur 'od zer ngag

dbang thabs shes dang/ chos dge dga' shar tshul khrims rgyal
mtshan bcas pas nan 'bod bzhin tshes nyer dgu nyin snga dro chu
tshod bcu gcig thog dzus rig nas mkha' lam brgyud bskyod de ing
lan lon Don gyi gnam thang du 'byor

skabs ing lan bod don tshogs pa'i las byed 'ga' shas dang/ ras
chung sprul sku thabs shes/ zhabs zur 'od zer ngag dbang can
sogs bsu bar 'byor 'dug pa dang me 'khor thog mnyam bskyod kyis
bod khang du phyi dro chu tshod bzhi

pa'i thog 'byor/ /rang lo drug cu re dgur son pa/ phyi lo chig
stong dgu brgya drug cu re dgu zla ba gnyis pa'i tshes bcu bdun/
bod sa bya zla ba dang po'i tshes 1 nyin ing lan bod khyim khri
srong mngon dga'i tshogs khang du kho bo

cag dang/ slob gra'i chos dge dge bshes tshul khrims rgyal mtshan/
'go 'dzin zhabs zur thabs shes/ slob phrug pho mo rnams bcas
lhan tshogs kyis bod lugs lo gsar rten 'brel gang rgyas dang
'brel tshang mas skyabs sems

dang/ gang blo ma/ ^rgyal ba'i ^zhabs brtan sogs gsungs/ lo gsar
nyin snga phyir lon Don grong khyer dang/ gzhan yang sa gnas
kha
thor du yod pa'i bod rigs gzhon nu pho mo mang tsam ngos 'phrad
du 'byor par gnas tshul

@236a @#/ /zhib mol 'brel rang rigs kyi goms gshis dang chos dad
sogs nyams med dgos pa'i legs slob byas/ lo gsar zin rjes dge
bshes tshul khrims rgyal mtshan rkyang par bde mchog dril bu lus

dkyil gyi dbang bzhi sta gon dang bcas pa dang/ dge bshes dang/
zhabs zur thabs shes bcas par rdo rje rnal 'byor ma'i dbang bzhi
byin rlabs/ slob gra'i 'go 'dzin dang/ chos dge slob phrug bcas
par grub rgyal lugs kyi tshe dbang

dang/ lam rim nyams mgur gyi bklag lung rnams nyin rim par byas
shing/ tshang mas chos srid zung 'brel gyi shes yon gong 'phel
dang/ phyi yul du bod spyi'i mtshan lar sman pa'i spyod lam bzang
po dgos gal sogs kyi slob

ston byas/ de rjes nyin gcig has se kring zhes pa'i grong khyer
dang/ de'i nye 'gram rgya mtsho'i dkyil zam pa ring po'i steng za
khang dang/ rtsed chas sna tshogs yod sar blta bskyod dang/ spe
dza lo dzi'i grong gseb spyi khyab pas mtshon

slob gra dang 'brel yod mi drag bco lnga skor mgron 'bod kyis
bza' btung gi ston mo gzab par bstabs shing/ deng phan bod phrug
rnams la rogs phan gzab skyong gnang bar bstod bsngags dang/
slad kyang da mus gzigs

skyong yong ba'i re bskul zhus/ tshes bcu drug nyin khri srong
mngon dga' nas rdog thon gyis lon Don grob khyer gyi mgron
khang
zhig tu gnas mal byas te nyi zla sogs gza' skar gyi byed las
gnas tshul glog brnyan thog nas ston cing/

@236b 'grel brjod byed sa zhig tu bskyod par nam mkhar gza' skar
rnams mtshan dus ji bzhin 'char ba dang/ zla ba'i 'phel 'grib kyi
'gro stangs kyang mngon sum lta bur gsal bar mthong/ phyi nyin
snga dro ras chung sprul sku'i ngo shes in ci'i skye dman nang

chos la dad pa zhig la zhi gnas sgom stangs slob khrid zhib par
byas/ phyi dro in ci rgyal mo'i mkhar rdzong rnying pa grags
can zhig tu rgyal mo'i zhwa mo sogs rin thang che zhing rgyal
po'i mnga' thang gi che ba'i yod byad sna tshogs yod pa dang/ bya
dang gcan

gzan ri dwags sna tshogs yod pa'i skyed tshal zhig la blta bskor
du bskyod/ tshes bco brgyad nyin ing lan bod don tshogs pas mgron
'bod ltar khong tshos sgrigs btsugs byas pa'i bod kyi gsum bcu'i
dus dran gyi tshogs 'du'i sar bskyod

cing/ der in ci'i mi rigs pho mo nyis brgya lhag tsam dang/ bod
mi lnga bcu lhag tsam 'dug par ^gong sa mchog gi gsung 'phrin
sgrog sbyang dang/ phran nas legs sbyar mdor bsdus shig bshad pa
phreng ring lcam rin chen sgrol mas dbyin skad du

bsgyur/ bod phrug rnams nas rgyal glu dang/ bod lugs kyi zhabs
bro/ glu gzhas sogs btang ste rang rigs kyi khyad chos gsal ba'i
dge mtshan ngom/ tshes bcu dgu nyin lon Don nas gnam thog thon te
pha ran si'i rgyal sa spa ri si'i gnam

thang du 'byor skabs dwags po bam chos 'jam dpal lhun grub rgya
mtsho dpal bzang po'i mchog sprul rin po che dang/ shod drung nor
rgyas/ sog po 'ga' shas bcas bsu bar 'byor pa ltar bam chos
bzhugs gnas su gnas mal byas/

@237a @#/ /der ^skyabs rje yongs 'dzin gling rin po che gsol sman
'phrod bzhes kyis bzhugs 'jags mdzad mu'i dgyes zhal mjal te bar
skabs kyi gnas tshul gsung mchid dang/ rjes sor rgya gar du lhan
phebs kyi dus tshod kyang

bka' bsdur zhus/ tshes nyer gcig nyin spa ri sir gtan sdod sog
po'i mi rigs rnams kyis sog po'i lo gsar gyi gsol ston du yongs
'dzin gling rin po che dang/ kho bo cag mgron 'bod ltar bskyod
de sog rigs rnams la legs gso'i

bsngags brjod dang 'brel na gzhon rnams chos dad sogs sog rigs
sngon rabs kyi goms srol bzang po rgyun 'dzin dgos pa'i bsam
'char mdor bsdus brjod/ sang der ^skyabs rje yongs khri gling
rin po che sus sir sngon phebs gnang bar

phebs skyel zhus shing/ de'i phyi nyin bam chos rin po che dang/
thub bstan/ ngag dbang grags pa/ khang bdag a ma gnyis sogs la
lam gtso'i bshad lung mdor bsdus dang/ sngags rim chen mo'i dbu
nas bklag lung phran tsam byas/

nyin gcig pha ran si'i 'grems ston khang zhig nang 'dzam gling
gi mi rigs thog ma spre'u nas bzung ste rim 'gyur du byung tshul
gyi rus sgrom snga rjes rim can dag dang/ mi rnams kyis thog mar
rdo'i lag char bde spyod byas pa nas bzung rig rtsal yar rgyas

rim byung gi dngos zog dang/ chos gos sne mang 'dug par blta
bskor byas/ tshes nyer bdun nyin b+he las nu'u zhes par bod phrug
pho mo nyi shu dang/ 'go 'dzin shod drung nor rgyas thabs shes
bcas yod sar 'bod bskul ltar bskyod de zhag

@237b gcig bsdad thog /dga' lha dang/ gang blo ma'i khrid lung
chos 'brel thog bsam 'char legs slob byas shing/ slob phrug
rnams kyis glu gar zhabs bro'i rig rtsal ltad mo yang bstar/
khong tsho yig gzugs dang/ ri mo/ spyod lam sogs

gang ci legs nges 'dug pas yid tshims/ spa ri si nas thon te sus
si'i 'dzin ni war du sku ngo pha lha ba'i bzhugs gnas su bsdad/
bod zla gnyis pa'i tshes bcu gcig nyin 'ji ni wa nas ras kre
na'o'i bod mi gzhis chags sar bskyod de

zhag bsdad thog chos 'brel rab gnas dang/ phyi nyin lam zhor du
u kru wi la bod mi gzhis chags sar bskyod de drag po gsum
bsgril gyi rjes gnang bskur rjes ri kon du sgo mang rgyal mtshan
rnam grol gyi shag tu 'byor zhing/ yongs gling

rin po che dang lhod mjal thob/ tshes bcu gsum nyin yongs gling
rin po che pha ran sir sku gzugs brtag dpyad bskyar ma mdzad
slad sngon phebs bskyangs/ tshes nyi shu nyin ri kon nas thon te
dzus rig gnam gru'i babs tshugs nas gnam thog

brgyud spa ri si'i gnam thang du 'byor/ der yongs gling rin po
che sku 'khor dang mjal 'dzoms byung zhing/ bam chos rin po che
sogs mang tsam zhig phebs 'dug par 'khyug tsam 'phrad rjes yongs
gling rin po che dang lhan cig rgya gar gyi gnam

gru'i nang zhugs te pha ran si'i mtshan mo'i chu tshod dgu par
thon nas/ tshes nyer gcig nyin rgya gar gyi nyin mo'i chu tshod
bcu gnyis yol tsam la ldi li'i gnam thang du 'byor/ der ldi li
don gcod khang dang/ bod khang gi ngo las/ la dwags pa

@238a @#/ /ku la rin po che/ nyag re mkhan sprul/ sog sprul gu ru
de wa sogs bsu sar phebs shing/ ldi li bod khang du sne len gra
sgrig gnang 'dug par gnas mal bcas/ der 'bras nyag re mkhan
sprul ngag

dbang dge legs nas bskul ba bzhin bod khang gi tshogs khang du mi
mang brgya skor tsam la rje'i gsung lam rim nyams mgur gyi
bshad
lung mdor bsdus shig byas/ tshes nyer gsum nyin ldi li nas thon
te phyi nyin rda ram sa la'i rang shag tu

'byor/ nyin gcig ^gong sa ^skyabs mgon chen po'i spyan sngar
phyag rten gyi bdog pa phran bu dang bcas ^zhabs rdul la spyi
bos btud cing/ dgyes brtse'i bka' mchid kyi dbugs dbyung thob/
zla ba gsum pa'i tshes bcu nyin gnas po dngos

grub kyi 'dod ngor don gnyer ba gang 'tshams shig la rdo rje rnal
'byor ma'i tshes bcu'i mchod pa dang 'brel sind+hu ra'i dbang bzhi
byin rlabs bskur/ ^gong sa mchog nas lha ldan gtsug lag khang gi
rten gtso thugs rje chen po rang byung lnga ldan rgya

dmar gyis bshigs gtor zhus pa'i zhal khyim phyag tu byon pa
rnams nang gzungs su gzhug rgyu'i rin gnyis las grub pa'i thugs
rje chen po'i snang brnyan dang/ gu ru snang srid zil gnon gyi
sku gser zangs las grub pa/ ston pa thub

pa'i dbang po'i snang brnyan bcas gsar bzhengs bskyangs par gson
gshin gyi 'gro ba phan gnod las kyi 'brel ba thogs pa rnams kyi
dge rtsar dmigs zhal 'debs hin sgor lnga stong phul/ zla ba bzhi
pa'i tshes bcu nyin ^gong sa mchog

@238b nas gnyug mar gnas pa'i dge 'dun dang/ rgyud grwa stod
smad sogs phyogs 'dus kyi dge 'dun khyon cher rje'i gsung sngags
rim che mo'i bshad khrid dbu 'dzugs bskyang rgyur brten/ sngon
dus ^rgyal tshab rje dang/ rtogs ldan 'jam dpal rgya mtsho/

sems dpa' chen po kun bzang pa gsum gyis bskul ma gnang ba ltar/
sne gdong sde srid grags pa rgyal mtshan gyis lho kha gong dkar
rdzong dpon du bskos pa dpon bzhi 'dzoms zhes pas rgyu sbyar te
rje tsong kha pas phag lor zhi bar gshegs nas lo

drug 'das pa'i zil gnon zhes pa me rta lor dpar du bskrun te/
^rgyal tshab chos rje khri lo bdun pa'i thog dbar gzhi gdan sa
dga' ldan du phul ba'i dpar rnying 'khrul med kyi sngags rim
chen mo pod gcig gi dbu shog steng/ ^khyab bdag dpal ldan

rdo rje 'chang gi sar/ /rmad byung rnal 'byor chen po'i nye lam
las/ /bgrod pa'i rim pa rnam par phye ba'i tshul/ /skal bzang yid
la dga' bskyed don ldan 'di/ /khri 'bum bskal par rnyed dka'i
byang chub lam/ /ma nor bsgrub la blo nus

rab dman pas/ /kun bzang ye shes snang ba ring bskal ba'i/ /rgan
pos srid zhi'i rnam 'dren dam par phul/ /zhes lag bris su bkod
de 'bul lam zhus/ tshes nyer bzhi nyin rgyud stod grwa tshang
mkhan bla gnyis kyis gtsos sngags rim chos

zhur phebs pa'i rgyud grwa bdun cu tham pa phran sar phebs te
maNDal rten dod sogs gnang skyes stsal te tshe srog ring du
bsrings pa'i drang srong bden tshig gi shis brjod mdzad/ sngags
rim gsung chos grub rjes rgyud grwa stod smad kyi dge 'dun spyi
nas bskul

@239a @#/ /gnang bzhin rda sa'i bu gso khang tshogs khang du rgyud
grwa stod smad dang/ gdan sa gsum gyi dge 'dun/ gzhan yang la
dwags pa dang/ khu nu/ spi ti sogs nas phebs pa bcas dge 'dun
chig stong la nye bar grub chen

kun tu dge ba'i lugs kyi 'khor lo bde mchog lha drug cu rtsa
gnyis pa'i dbang chen sta gon dang bcas pa nyin gnyis ring phul/
tshes nyer dgu nyin chos skyong rgyal chen shugs ldan gyi zla
bskang dang 'brel ser smad grwa gnyis dang/ dga' byang grwa

gcig bcas la srog gtad rjes gnang bskur rtsis kyis bskang chog
tshugs pa dang/ sgang tog nas gro mo ba dge slong blo bzang rdo
rjes rgyal chen gyi bstod pa dpag med bskal sngon ma'i 'grel pa
phran gyi ngag rtsom de dag dpar bskrun zin pa'i

dpar phud skyel mi 'byor ba dus 'grigs rten 'brel gyi la nye
bzang por mngon/ zla ba lnga pa'i tshes gcig nyin dpal ldan smad
rgyud grwa tshang gi mkhan bla dang/ dge 'dun brgya lhag tsam
shag tu ched phebs kyis maNDal rten dod sogs gnang

ste gnas brtan phyag mchod dang/ phran ring 'tsho'i smon lam sogs
zhal 'don dang 'brel ring 'tsho'i 'dun pa dgos tshul gsung bar de
don smon 'dun zhu zhing/ dge 'dun rnams nas rgyud chen gong rim
gyi bzhed srol nyams med skyong

gnang mdzad dgos kyi gsal 'debs zhus/ tshes dgu nyin smar khams
ze'u 'bru dgon gangs dkar bla ma'i yang sprul nges rnyed kyis
rda sar phebs pa ngos mjal thog /ze 'bru dgon gyi grwa rigs spyi
nas 'di nyin dga' gdong chos skyong rten

@239b gzhir spyan 'dren gyis ngos mjal skabs sprul sku dgung lo
lnga las ma son kyang chos skyong la 'jigs 'tsher sogs med cing/
chos skyong nas kyang zhal ja dang/ mjal dar gnang ste ha cang
dgyes nyams chen pos phyag gnyis kyis sprul sku pang par

btegs shing/ rta ra sprul sku rin po che dang/ dge bshes ye shes
thub bstan sogs ze'u 'bru dgon gyi grwa rigs der yod rnams la
sprul skur the tshom gyi dra ba bcad de yid ches ngos/ zhabs pad
brtan thabs 'byed dgos zhes lung gis dbugs

dbyung mdzad/ pha ran si nas dwags po bam chos mchog sprul rin
po che rda sar phebs te bzhugs mus kyis bskul gnang ltar rin po
che nyid dang/ mtshan zhabs gser kong thugs sras rin po che sogs
dgu la bde mchog dril bu lus dkyil gyi

dbang chen sta gon dang bcas nyin gnyis ring bzhed pa bskangs/
zla ba drug pa'i tshes gcig nas bzung nyin bdun ring ^gong sa
mchog gi bka' dgongs bzhin bstan srid zhabs rim ched gnas chung
lcog gra'i tshogs khang du bskyod de lcog gra ba

rnams dang bcas sku lnga dang/ sprul pa'i chos rgyal rdo rje
grags ldan gyi bskang bshags tshogs skong grangs gsog rdor slob
gyi bya ba bsgrubs/ zla ba drug pa'i tshes bzhi nyin 'jar man mi
rigs (ro langs) zhes pa dang/ de min bod rigs

mi drug bcas la dge tshul gyi bslab sdom 'bog chog dang/ ro langs
la chos ming blo bzang skal ldan zhes btags/ kho pa wa Nar bod
chos slob sbyong du bskyod khar dge tshul gyi tshig le'ur byas pa
ka ri ka lnga bcu pa'i dpe zhig sprad/ tshes

@240a @#/ /bcu nas bzung mtshan zhabs gser kong rin po che dang/
dwags po bam chos rin po che rnam gnyis kyi thugs bzhed ltar
khong rnam gnyis dang/ mdun g.yog dpal ldan bcas gsum kho nar
rdo rje

rnal 'byor ma'i bskyed rdzogs kyi nyams khrid gsang stabs su
nyin bdun ring phul/ spang lung rgyal chen gyi sku bsten 'das
po'i bu grags pa bsam grub la chos skyong sku phebs yong res ser
smad spom ra khang tshan sogs lha bdag rnams nas re

bskul byung ba bzhin/ shag tu rgyal chen spyan 'dren lan kha lar
btang ba babs mdangs phran bu byung rjes spang lung btsan rgod
kyi spyan 'dren btang bar sngar las babs mdangs che tsam byung
yang/ yun ring mi gnas pa zhig 'dug pa khog ma

byang ba'i stabs kyis yin 'dra bas re zhig de tsam la cha bzhag
cing/ rgyun mthud na sku phebs yong bzo thon/ zla ba bdun pa'i
tshes bco lnga'i snga dro mtshan zhabs gser kong rin po che ston
'khor la sgrol dkar tshe dbang phul zhing/ 'di

nyin nas bzung nyin gung rgyab tu gser kong rin po che dang/ bam
chos rin po che'i thugs 'dod ltar khong rnam gnyis/ rwa stod chu
dbang rin po che/ dga' shar the po dang/ phu khang bla rti sprul
sku/ dge bshes rab brtan sogs mi

brgyad la rje'i gsung lam rim 'bring por nged rang nas sa bcad
kha skong rgyas par bkral ba de'i steng nas bshad khrid nyin
brgyad ring phul zhing/ khong rnam sku yon legs gras sha stag
yin stabs las dang po bar 'chad tshul gyi nag po 'bru

@240b 'dod kyi rgyas bshad mi dgos par gal che'i rigs la bshad
pa mdor bsdus tsam dang/ gtso bor dmigs rnam myong khrid du
skyong tshul rnams zhib par zhus shing/ de min yongs grags byings
rnams grub zin sgrub pa'i ngal ba ma byas/ zla ba brgyad

pa'i tshes bzhi nyin ^gong sa mchog gi bka' dgongs bzhin gzim
chung du bcar te snga dro 'jam dbyangs chos skor nang gsal bde
mchog tshe lha dkar po'i tshe dbang phul zhing/ nyin gung yol
mtshams nas rje'i gsung lam rim 'bring po'i

bshad khrid/ lam rim bde lam nga ba/ 'jam dpal zhal lung lho
brgyud kyi nyams khrid/ lam rim zin bris rnam grol lag bcangs
kyi lung khrid bcas bzhi go gcig chod kyi tshul du khrid 'bul
rgyu'i 'go 'dzugs zhus te nyin bco lnga'i ring

la rdzogs par phul zhing/ de'i mjug tu ^rgyal ba bsod nams rgya
mtsho'i grub chen dpal ldan rdo rjes stsal ba'i nye brgyud tshe
sgrub 'chi med rdo rje'i srog shing gi tshe dbang phul/ tshes nyer
gsum nas bzung nyin gsum ring ^skyabs rje yongs

'dzin khri chen gling rin po cher snga lo lam rim chen mo'i
bshad lung 'bul 'phros lhag bsdad rnams mjug rdzogs par phul
zhing/ rin po che mchog nyid mdo sngags gang ci'i dka' ba'i gnad
kun bde blag tu thugs su chud de gdul bya rnams

la 'chad spel mdzad dang mdzad bzhin gyi ston pa chen por bzhugs
stabs/ da lam khrid 'bul skabs sngar ma gsan pa dang ma dgongs
pa zhig gsar zhu bya rgyu gang yang med gshis 'bru gnon gyi
bshad pa zhu ma dgos par bzhag ste gzhung don 

@241a @#/ /dmigs rnam skyong tshul mdor bsdus pa zhig thugs dgyes
pa'i mchod sprin du spros/ de rjes nyin gcig mtshan zhabs gser
kong rin po che nas paN chen chos rgyan gyi gsung bka' rgya ma'i
gras drug cu ma'i

lcags mkhar gyi cho ga srog gcod mtshon cha 'bar ba'i 'phrul
'khor sogs lcags mkhar gyi skor le tshan gnyis/ nged rang gi ngag
brtsams chos rgyal phyi sgrub la brten pa'i drug cu'i lcags
mkhar gyi sa chog dang/ 'don chog bcas kyi

bklag lung dgos phebs ltar phul/ ma su ri slob gra dang/ bu
khyim spyi nas nan 'bod bzhin zla ba dgu pa'i tshes bdun nyin rda
sa nas thon te phyi nyin ma su ri'i bod dgon du 'byor/ tshes bcu
nyin snga dro sa skya bdag chen rin po che kho bo cag

sar zhabs 'khod kyis rda sar phyir bskyod lam zhor ra ca spur sa
skya'i chos sgar du bskyod dgos zhes bka' phebs/ phyi dro sgo mo
sprul skus re bskul bzhin dgon pa'i 'du khang du don gnyer ba
brgya skor la rdo rje rnal 'byor ma'i sind+hu

ra'i dkyil 'khor gyi dbang bzhi byin rlabs byas/ phyi nyin sa
skya bdag chen rin po che'i zhabs drung du bcar te lhod mjal
zhus shing/ rin po che dgung na gzhon yang gsan bsam mdzad
spyod
sogs 'jam dbyangs 'khon gyi gdung

rigs kyi dam pa'i rang bzhin mngon par gsal bar gus spro 'phel/
de'i phyi nyin nas bzung slob gra dang/ bu khyim gyi gzhon nu
pho mo gtso gyur thog /ma su rir gnas 'khod mi grangs khyon cher
sgrol dkar tshe dbang dang/ lam gtso

@241b rnam gsum gyi bklag lung/ mjug tu chos srid shes yon slob
sbyong byed sgo sogs kyi gzhen bskul legs slob/ slob phrug bu
drug cu re gnyis dang/ bu mo gcig bcas la dge bsnyen dang/ rab
byung/ dge tshul gyi bslab sdom 'bog

chog /dgon pa'i 'du khang du dus 'brel gso sbyong/ slob gra
dang/ bu khyim gyi khang khungs sde tshan khag la ngo bskyod kyis
rab gnas sogs nyin rim bstud kyis byas/ tshes bcu bdun nyin dbu
'dzin phreng ring sku ngo steng zhal dang/ dge

las slob phrug bcas pa'i dga' skyel dang 'brel thon te lam zhor
ra ca spur du sa skya'i chos sgar la bdag chen rin po che'i bka'
dgongs bzhin bskyod thog /dge 'dun bgres gzhon lnga bcu lhag
tsam 'dug pa mjal zhing/ tshogs par

bsnyen 'gyed dod 'bul du bstabs te dge 'dun rnams thugs mthun
thog rang lugs mdo sngags kyi bzhed srol gtsang ma nyams med
'dzin skyong gnang gal sogs snyan bskul zhib par zhus rjes de
nas thon te am b+ha la zhes pa'i grong

khyer du mgron khang zhig la zhag sdod byas/ phyi nyin rda ram
sa lar 'byor/ tshes nyer brgyad nyin mtshan zhabs gser skong rin
po che'i thugs 'dod bzhin/ rin po che dpon 'khor dang/ sku ngo
lcog steng tA bla ma bcas la rdo rje rnal 'byor

ma'i sngags btu'i byin rlabs dang/ rgyud smad phyag bzhes 'jigs
byed kyi drag sreg cho ga nged rang gi ngag brtsams de dang/ sri
gnon gyi cho ga bcas kyi bklag lung phul/ zla ba bcu pa'i tshes
gcig gi snga dro rda steng pho brang du gu ru rin po

@242a @#/ /che dang/ thub dbang gi sku'i gzungs sgrub tu bcar
zhing/ de'i zhar rgyud smad mkhan bla dge 'dun nyung shas la
sgrol dkar tshe sgrub dang/ mkhas grub rje'i gsung mgon po'i man
ngag yid bzhin nor bu'i

bklag lung dang 'brel lag len man ngag skor phran bu gsol/
gzhung gi bstan srid zhabs rim gnang bar ched phebs rgyud stod
mkhan bla dang/ dge 'dun dgu la khro bcu'i srung bzlog gi gnad
lnga dang/ bsrung bzlog bsang gsum gyi

dmigs rim skor zhib khrid dus/ bar skabs shig tu ^gong sa mchog
la rgyal mkhan chen grags pa rgyal mtshan gyi yig cha'i steng nas
skyer sgang lugs rta mgrin gsang sgrub kyi dbang chen sta gon
dang bcas pa zhig phul/ la dwags ba ku

la rin po che rda sar phran sar ched phebs kyis ldi li la dwags
nang pa'i gtsug lag khang du dge lugs rig gzhung gces skyong
lhan tshogs nas 'gro gron btang ste lnga mchod dus dran tshogs 'du
bya rgyur brten der yong dgos zhes nan gsungs

ltar bod tshes nyer gnyis nyin ldi lir bskyod/ tshes nyer lnga'i
snga dro la dwags dpe mdzod khang du bzhugs mol tshogs 'du'i sar
phran nas rje bdag nyid chen pos gsan bsam dang/ 'chad rtsod
rtsom gsum sogs mdzad pa'i gtso bo

gsung gi mdzad pa las brtsams pa'i gtam gleng brjod par/ lha
lung blo bzang phun tshogs kyis dbyin skad thog bsgyur zhing/
tshogs 'du de'i sar Dog krar su ne sab dang/ Dog krar ra'o sogs
nas rje'i mdzad pa'i skor dri ba phran

@242b bu brjod par lan 'debs don mthun byas/ phyi dro tshogs 'du
dngos gzhi'i skabs rgya gar gyi blon chen ka ran sing dang/
singga la'i gzhung tshab sogs mi drag khyon che/ phyi rgyal mi
rigs/ bod rigs ser skya mchog dman sna tshogs mi

grangs khyon che 'du 'dzoms sar blon chen ka rang sing dang/ la
dwags ba ku la sogs phyi nang mi drag sna tshogs nas legs sbyar
gsungs song zhing/ kho bos kyang rje bdag nyid chen po'i mdzad
rnam dang/ ri bo dge ldan pa'i bstan

'dzin rnams kyis thos bsam sgom gsum dang/ mkhas btsun bzang
grub ya ma bral bar gcig grogs su gcig 'gro ba'i nyams bzhes
skyong stangs sogs las brtsams pa'i gtam gleng rgyas tsam zhig
mgrin pa gzengs

mthor btegs te bshad pa lha lung blo phun gyis dbyin skad du
bsgyur/ tshes nyer bdun dgong dro ldi li nas rda sa'i phyogs su
thon/ zla ba bcu gcig pa'i tshes drug nas rda sa'i sman rtsis dge
rgan gtsug lag rig gzhung la 'dren byed dkyus

su yangs pa bar zhi phun tshogs dbang rgyal la blo sbyong don
bdun ma'i myong khrid nyin gsum dang/ tshes bco lnga nyin rda
steng du smyung gnas tshogs spyis sgrol dkar tshe dbang dang/ rten
'brel snying po'i bzlas lung dgos bskul ltar

lha khang du mi mang khyon cher tshe dbang dang rten 'brel
snying
po'i bzlas lung dang sbrags rten snying sngags don bod skad du/
chos rnams thams cad rgyu las byung/ /zhes sogs tshig rkang bzhis
bden bzhi'i 'jug ldog gi rim pa ston

@243a @#/ /tshul rgyas tsam dang/ smyung gnas dang yig drug gi
phan yon mdor bsdus bcas bshad/ tshes bcu dgu nyin ^gong sa mchog
kho bo'i sar glo bur zhabs kyi padmo bkod de bde mchog tshe lha
dkar

po'i sgo nas tshe sgrub bskyangs pa'i tshe rdzas ril bu gsol ras
stsal thog /'jigs byed kyi ljags bsnyen skabs mnal ltas bzang po
byung tshul 'brel rje'i gsung dbu ma rtsa shes Tik chen dang/
'jug Tik dgongs pa rab gsal/

drang nges legs bshad snying po rnams gzigs par lta ba'i skor de
sngon thugs dogs ma chod pa 'ga' shas da lam dgongs par 'char
tshul sogs bka' phebs pa dam pa'i khyad chos bla med ngo mtshar
mchog tu che ba dad gus kyi gsos

su smin/ zla ba bcu gcig pa'i tshes nyer lnga nyin shar pa karma
dbang phyug dang/ gro mo ba dge slong chos dar sogs don gnyer
ba
gang 'tshams shig la rnal 'byor ma'i sind+hu ra'i dbang bzhi byin
rlabs byas/ ^gong sa mchog so bdun dgung

skeg tu phebs pa'i ^zhabs brtan du dmigs zla ba bcu gnyis pa'i
tshes lnga nas bzung sgrol dkar gyi tshe sgrub rgyun bsrings 'go
'dzugs byas/ tshes brgyad nyin theg chen chos gling gtsug lag
khang du thub dbang dang/ gu ru rin po che'i

snang brnyan gsar bzhengs legs zin gyis bkra shis gso sbyong du
bcar zhing/ sngar smos pa ltar de snga ^rgyal mchog sku phreng
bcu gsum pa chen po'i gser sdong zhabs zhu'i skabs gzhung sa'i
rten sgam chen mo'i byin rten khongs nas

@243b gsol ras byung ba dang/ nged rang gnas rten khag mjal
bskyod skabs byung ba'i 'phags bod skyes chen du ma'i byin rten
rnams rgya gar/ sa dge/ bka' rnying/ bka' gdams sogs sde tshan ma
'dres par dkar chag dang bcas

khungs ldan sha stag rnam grangs sum brgya nyi shu tham pa gos
ser sgril 'bog bcas ^gong sa mchog la gus 'bul zhus/ tshes bcu
nas nyin gsum ring gtsug lag khang du ^gong sa mchog nas rdo
rje
slob dpon mdzad de dpal ldan stod rgyud

kyi mkhan po dang bla mas gtsos pa'i rgyud stod dge 'dun sum cu
so gnyis bcas nas dpal 'khor lo bde mchog gi sgrub mchod dang
'brel ba'i rab gnas dge legs char 'bebs kyi cho ga shin tu rnam
par dag pa'i sgo nas ye shes 'khor lo

rten dam tshig gi gzugs brnyan la gnyis su med par bstim pa'i
sbyor dngos rjes gsum smin rgyas su mdzad pa'i tshogs gral du
bcar/ tshes bcu gsum nyin rgyud stod mkhan bla dang/ dge 'dun
rnams shag tu gdan zhus kyis khrus

gsol rab gnas sogs mdzad cing/ dgong dro dge 'dun rnams la rab
gnas chen mo'i mchog phal gyi khrus dang sbyang ba sogs kyi dgos
pa dang/ byed las/ drug cu ma dang/ lcags mkhar sogs kyi dbyu gu
dang/ gtor

ma'i drang nges kyi gnad dang/ dgos pa ji yod kyi skor sogs bla
ma'i zhal rgyun dang phyag bzhes rnams sba gsang med par zhib
lhongs zhus/ tshes nyer gsum nyin mtshur phu karma pa rin po che
dang/ zhwa dmar/ ka thog si tu/ drung pa rgyal

@244a @#/ /tshab/ kong sprul rin po che bcas phran sar ngos 'phrad
du phebs par gsol ston gzab 'bul 'brel lhod mjal zhus shing/
karma pa rin po che nas ^gong sa mchog dgung skeg tu phebs nyer
brten

^zhabs brtan gsol 'debs shig gsar rtsom dgos zhes rten bcas
bskul gnang bzhin/ 'phags pa'i gnas brtan bcu drug la gsol 'debs
dang 'brel ba'i ^zhabs brtan smon tshig drang srong bden pa'i
dbyangs snyan zhes pa

zhig kyang brtsams/ /rang lo bdun cu tham par son pa/ phyi lo
chig stong dgu brgya bdun cu zla ba gnyis pa'i tshes bcu gsum/
bod lcags khyi zla ba dang po'i tshes bdun nyin bod gzhung las
byed rnams dang/ chos lugs

khag /mi mang spyi 'thus bcas lhan thog nas ^gong sa chen por
stag phu gar dbang gi dag snang 'chi med lha lnga'i sgo nas
mkha' 'gro'i bsu bzlog gi ^zhabs brtan bstar 'bul zhus pa'i chog
gra'i rdor slob tu bcar/ tshes bco lnga nyin  bkras lhun lo chen
sprul sku rin po che'i 'khrungs rabs gsol 'debs gsar rtsom dgos
zhes bka' chen blo bzang rgyal mtshan gyis bskul ba ltar/ paN
chen gsung 'khrungs rabs rnying par gzhi bcol te tshig sbyor gsar
brtsams

kyis lo chen sprul skur mjal dar dang bcas phul/ de rjes ser
byes ri skya sprul sku ngo g.yog la rta mgrin gsang sgrub kyi
rjes gnang dang/ sgra mi snyan gyi tshe dbang ring brgyud kyi
rjes gnang/ gro mo dung dkar dgon pa'i dge slong

@244b blo bzang rdo rjes bskul ba bzhin khong dang/ rogs pa
bkras lhun sngags rams tshe ring dbang 'dus sogs mi grangs lnga
la bde mchog dril bu lus dkyil gyi dbang chen/ blo rdor lus
dkyil bsnyen chen gtong rtsis la thog tha bar gsum

gyi bsnyen sgrub bya rim zhib khrid bcas nyin rim par byas/ bar
lam rmi ltas su rgyal gdon gyi cho 'phrul lta bu yang yang 'ong
stabs dga' shar zong rin po che dang/ rgyud stod dge 'dun rta
mgrin bsnyen song gnyis bcas nas rgyal rdzongs

kyi cho ga nyin gsum bsgrubs te zla ba gnyis pa'i tshes dgu nyin
glud gtor dkor cha rnams phyir brdzangs shing/ nged rang nas
kyang sher snying gi sngags grangs gsog thog gnod bya gnod byed
don dam par ma dmigs kyang/ kun rdzob

'khrul pa'i snang ngor rmi lam sgyu ma ltar shar ba rnams rang
sar dengs pa'i lta sgom skyong khul byas pas rmi ltas ngan 'chub
kyi mtshams chod/ ^gong sa mchog nas dus 'khor dbang chen zla ba
gnyis pa'i tshes bco lnga skor la stsal nyer

brten chos zhur cha phreng mi rigs brgya lhag tsam 'du 'dzoms
stabs khong tsho spyi nas phran la ring 'tsho'i brtan bzhugs kyi
rten 'brel bgyi dgos nan brjod la brten zong rin po che dbu
bzhugs thog /chog gra bcas nas bla mchod

tshogs 'khor dang 'brel ba'i cho ga mdzad cing/ cha phreng spyi
nas legs skyes su hin sgor nyis stong brgya tham pa sprad byung
ba nas sgor drug brgya blangs te/ de 'phros hin sgor chig stong
lnga brgya tham pa/ cha phreng mi mang skyid sdug tshogs

@245a @#/ /pa 'dzugs rgyu'i ma rtsa sngon sprad sgor nyis stong
tham pa'i steng bsnan te spyi dngul du bzhag /dus 'khor dbang
chen gyi sbyin bdag rdor gdan gra rigs a mdo sbyin pa dang/
dpa' shod thub bstan gnyis

nas nan bskul ltar theg chen chos gling gtsug lag khang du dus
'khor chos zhu ba'i gras mi grangs nyis khri brgal bar snga dro
yongs gling rin po ches spyan ras gzigs ngan song kun sgrol gyi
rjes gnang stsal mjug dar nged rang nas jo bo lugs sgrol

ma nyer gcig gi rjes gnang bskur/ tshes sum cu nyin btsun ma ngag
dbang dpal sgron gyis bskul ba bzhin gtsug lag khang du skya ser
khyon cher theg chen gso sbyong gi sdom pa 'bog chog byas/ zla
ba gsum pa'i tshes brgyad nyin lho kha

ri bo chos gling rgyal chen shugs ldan gyi sku phebs rten gzhir
chos skyong spyan 'dren zhus te ^skyabs mchog pha bong kha'i
mchog sprul dam pa'i yang srid skor lung zhu bgyis par rim gsal
yong ngo zhes pa tsam las/ gsal kha che ba zhig

ma byung yang/ de nub tho rangs rmi lam du gzim chung nyi 'od
'khyil ba lta bu'i tshom chen zhig gi khri steng srid skyong stag
brag rin po che bzhugs 'dug par phran mjal bcar skabs dgyes
snang dang 'brel ring 'tsho'i thog bstan par zhabs

'degs dgos tshul gsungs par/ kho bo nas nged rang lo na'i babs
kyis zhabs 'degs 'grub re cher med cing/ ^skyabs rje dam pa'i
mchog sprul de nyid mkhas btsun bzang gsum 'dzoms pa'i re ba che
yang glo bur zhi bar gshegs/

@245b de min sprul sku chung rigs rnams gsan bsam gyi rtsal ma
rdzogs pa sogs kyis rang re dge ldan bstan pa 'dzin mkhan shin
tu nyag phrar gyur lugs sogs 'u thug gi ^snyan seng zhus par/
bka' lan du khyed rang gis/ stobs bcu'i

stobs kyis 'phrul ba'i mai na kaH zhes pa'i rtsom tshig de ha
cang legs po byung 'dug ces gal cher gsungs pa dang/ nged rang
gi ngag tu/ stobs bcu'i stobs kyis 'phrul pa'i ka da ka zhes pa
zhig blo shar te yang yang bskyar ba

zhig rmis byung ba rjes sor yang srid chung ngu 'di pa'i yum gyi
ming zur dang mthun par snang/ tshes nyer gnyis nyin bal yul bod
dgon dga' ldan chos 'phel gling gi rgyal chen sku rten pa bos te
spyan 'dren thog /^skyabs rje'i mchog

sprul skor lung bskul bgyis par/ lo sngon mar sku bltams te lo
gcig dang zla ngo bcur zin nye yod tshul gsungs pa rjes su brtag
skabs da lta'i mchog sprul gzhon nu bya lo zla ba bdun pa'i tshes
bzhi nyin 'khrungs 'dug pa dang

'grigs pas nges pa rnyed/ tshes nyer gsum nas bzung ^gong sa
mchog dang/ mtshan zhabs gser kong rin po che rnam gnyis la sde
dge shar bla ma kun dga' dpal ldan gyis mdzad pa'i yig cha'i
steng nas khams gsum dbang

sdud rje btsun rig byed ma ku ru ku lle'i bskyed rdzogs kyi
nyams khrid bshad pa bzhi bshad kyi tshul du sgro 'dogs gcod pa
dang/ sems 'dzin gtong ba sogs phyag len ltar byas nas phul
zhing/ zhar du sa skya'i gser chos bcu gsum

@246a @#/ /gyi rjes gnang
gi cho ga gangga'i chu rgyun zhes pa
stag phu gar dbang rin po ches mdzad pa pod gcig gi bklag lung
yang phul/ zla ba bzhi pa'i tshes gsum nas bzung ^gong sa mchog
gi bka' 'brel bzhin

phyi 'grul mtshams bcad kyis bka' gdams thig le bcu drug gi
bsnyen pa dang/ de'i mjug mthud du ^gong sa chen po'i ^zhabs
brtan du sgrol dkar tshe bsnyen bcas bgyis te zla ba bzhi pa nyis
brtsegs kyi phyi ma'i tshes nyer bzhi nyin

mtshams grol/ de rjes hang ga ri'i mi rigs dge slong bstan 'dzin
chos 'phel gyi 'dod pa bzhin kho rang sogs nyung shas shig la
'jigs byed dpa' gcig gi dbang chen sta gon dang bcas pa dang/
rje btsun rdo rje rnal 'byor ma'i dbang

bzhi byin rlabs byas/ zla ba drug pa'i tshes bco lnga nyin ^gong
sa mchog la bka' chen ye shes rgyal mtshan gyi gsung dang/ dngul
chu d+harma b+ha dra'i yig cha sbrags pa'i steng nas bka' gdams
thig le bcu drug gi dbang phyag len rgyas pa'i

lugs su phul/ tshes bcu drug nas bzung sku zhabs dze smad rin po
cher sde dge shar bla ma'i yig cha'i steng nas rje btsun rig
byed ma'i bskyed rdzogs kyi nyams khrid sems 'dzin gtong ba sogs
phyag len ltar nyin drug dang/ de'i mjug

mthud du rje'i gsung sgra mi snyan gyi tshe sgrub rtsa gzhung
dang/ ^skyabs rje rdo rje 'chang gi gsung tshe sgrub tshigs bcad
ma/ rje shes rab rgya mtsho'i gsung tshe khrid khag gnyis bcas
sbrags pa'i steng nas sgra mi snyan gyi tshe khrid/ sher rgyam

@246b gsung nang gsal tshe sgrub le tshan gsum gyi khrid/ rje'i
gsung gsang 'dus yig chung nyer gcig nang gsal dam tshig rdor
bzlas dang/ za byed mkha' 'gro'i sbyin sreg gi khrid/ lcang skya
rol rdor gyi gsung steng nas spyan ras gzigs

gnyan tshem bu lugs kyi khrid/ 'jam bzhad 'jigs med dbang po'i
gsung steng nas spyan ras gzigs mi tra lugs snying po don gsum
gyi khrid/ rje sher rgyam gsung steng nas ngag byin rlabs kyi
khrid bcas rim par bzhed pa bskangs/

hang ga ri'i dge slong bstan 'dzin chos 'phel dang/ 'jar man dge
slong blo bzang skal ldan gnyis rang yul du thon khar bstan
chos
kyi 'dod pa ltar/ nyon mongs dug gsum gyi gnyen po bsten dgos pa
dang/ rgyun du sgo gsum la brtag

dgos pa/ dbu ma'i lta ba'i ngo sprod nyung zad bcas sgra sdud
'khor lo'i nang bcug /zla ba bdun pa'i tshes gcig nas bzung ra
stod chu dbang rin po che dang/ sku zhabs dze smad rin po che/
dga' shar phu khang bla rti rin po che/ mdun

g.yog dpal ldan bcas la grub rgyal lugs tshe dpag med gsang
sgrub khro bo dmar po lha nyer gsum ma dang/ yang gsang ras
chung gong khug tu grags pa dmar po lha dgu/ tshe dpag med 'chi
med nges ster lha dgu bcas kyi tshe

dbang dang 'brel ba'i dbang bzhi byin rlabs rnams rim par bskur/
Das ra Don du gnas 'khod drag po'i slob sbyong pa bod rigs dwang
blangs pa 'go dmangs spyi nas nan 'bod ltar/ zla ba brgyad pa'i
tshes bcu gnyis nyin rda sa nas thon te

@247a @#/ /'grul 'khor rim brgyud kyis phyi nyin cag ge ri thar
zer par dmag sgar du 'byor/ tshes bco lnga nyin dmag sgar gyi
rtsed thang du 'go dmangs dang/ slob phrug sogs bod mi bzhi
stong skor la spyan ras

gzigs ngan song kun sgrol gyi rjes gnang dang/ phyi nyin der
grub rgyal lugs kyi tshe dbang bskur/ de'i nyin zhag rjes ma
rnams su dmag sgar 'go khrid rgya gar ba'i dpon rigs che ba'i
sar ngos 'phrad dang/ brgya shog khag so so'i

mchod khang du bskyod de tshogs pa so sor chos 'brel bklag lung
sna tshogs/ dmag sgar gyi gzhon nu'i slob gra /sman khang sogs la
rim bskyod kyis chos 'brel slob ston sogs gang la de 'tshams kyi
re ba 'bras ldan du byas/ tshes nyi shu

nyin dmag sgar nas thon te mar lam dmag mi nad gcong dang/ bza'
mi bud med sogs mnyam sdod kyi lag rtsal bzo gra zhig 'dug par
bskyod de chos 'brel rab gnas sogs byas rjes sa ran spur sogs
bshul lam rim bgrod

kyis tshes nyer gcig nyin rda sar 'byor/ zla ba dgu pa'i tshes
gcig nas bzung ^gong sa ^skyabs mgon chen po mchog la stag phu'i
dag snang nye brgyud sgrol ma'i sgrub thabs tsitta ma Ni rtsa
gzhung dang/ ^skyabs mchog rdo rje 'chang gi

gsung sgrol ma'i bskyed rdzogs sbrags pa'i steng nas nyams khrid
nyin gsum dang/ rdo rje rnal 'byor ma'i sgrub thabs bde chen nye
lam gzhir bzung thog /stag phu'i khrid yig dang/ dngul chu'i
khrid yig /zha lu ri zur blo bzang mkhyen

@247b rab kyi khrid yig bcas kyi bklag lung dang 'brel bzhi go
gcig chod kyi tshul du bshad pa dngos gzhi blo thog nas byas te
rnam 'byor ma'i bskyed rdzogs kyi nyams khrid sgro 'dogs gcod pa
dang/ sems 'dzin gtong ba sogs dpal ldan sa skya

ba'i phyag bzhes nyams med ltar nyin bdun/ rnal 'byor ma'i
sngags btu'i rjes gnang/ tsitta ma Ni'i char 'bebs sogs las
tshogs 'ga' shas kyi bklag lung rnams rim mthud kyis bzhed dgongs
yang dag par bsgrubs/ de rjes

yongs 'dzin khri chen rdo rje 'chang gling rin po che'i zhal
snga nas kyis ^gong sa mchog la spyod rgyud rnam snang mngon
byang gi dbang chen 'bul gnang mdzad skabs kho bo yang rnam
grol
gyi 'bras bu mchog tu dar ba'i skal bzang nod/ mon gor dga'

ldan tshogs chen gyi rten gtsor gser zangs las grub pa'i rje
tsong kha pa chen po'i sku brnyan pad sbrags kyi dpangs la phi
kri gnyis dang in ci brgyad yod pa dang/ sras gnyis kyi sku
brnyan 'bol sbrags kyi dpangs la phi kri gnyis dang/

in ci lnga re yod pa so sor dbu paN dang/ na bza' sku ber spang
khebs sogs rang 'grigs dang/ tshogs chen 'du khang gsar bzhengs
gnang rgyu'i zhal 'debs hin sgor lnga stong tham pa bcas dad
'bul zhus/ tshes nyer bzhi nyin

sog sprul gu ru bde wa phyi sogs d+hA khu ral du nang pa'i chos
tshogs su phebs te phyir 'khor gyi skyes su cha har dge bshes blo
bzang tshul khrims kyi gsung pod bcu dang/ sog po blo bzang rdo
rje'i gsung lam rim chen mo'i mtha' dpyod

@248a @#/ /pod gcig /dpal ldan chos rje'i gsung grub mtha' bzhi'i
bden gnyis 'jog tshul le tshan gcig dang/ mdzod kyi mtha' dpyod/
paN chen bsod grags dang rgyal chen shugs ldan gyi rnam thar
bya

bral lha dbang rgya mtsho can gyi gsung le tshan gcig /tho yon bla
ma don grub rgyal mtshan gyi gsung lam rim lung med bshad 'bum
zhes pa pod gcig /sil snyan rgya sil che ba cha gcig bcas gnang
byung ba dpe cha gser las dkon

gshis skyes kyi mchog tu gyur/ tshes nyer drug nyin spang lung
sku bsten 'das po'i bu dge tshul thub bstan 'phel rgyas la rgyal
chen gtso 'khor khog phebs nges 'drongs la brten 'di nyin phran
dang/ gro mo mchog sprul rin po che/ ra stod

rin po che sogs lhan 'dzoms sar spyan 'dren thog kho bo nas
rgyal chen dang/ bse khrab/ phying dkar ba/ g.yu dmar btsan
rgod bcas rim phebs la dam bzhag gnyer gtad sogs rtsa dbye'i
rten 'brel byas/ zla ba bcu

pa'i tshes bzhi nyin rda sa nas rdo rje gdan du bteg /tshes drug
nyin ^skyabs rje yongs 'dzin gling bla brang nas rgyu yon stsal
te rdor gdan dge 'dun mang tshogs kyis dgon pa'i 'du khang du bla
mchod dang 'brel ba'i tshogs 'khor dang/

kho bor ring 'tsho'i cho ga dang 'brel yongs 'dzin khri chen rdo
rje 'chang mchog nas bkra shis rdzas brgyad kyi mthun 'gyur sogs
mdzad de drang srong bden pa'i dbyangs kyi shis brjod me tog
char du bsnyil ba'i bka' drin stsal/ gsang

@248b rgyud rdo rje theg pa'i zab don 'doms pa la bsnyengs pa
dang bral ba yongs 'dzin dga' khri gling sprul rdo rje 'chang gi
zhal snga nas la sngon nas gsol ba btab pa bzhin tshes brgyad nas
bzung kho bo rkyang par rje bdag nyid chen po'i gsung sngags

rim chen mo'i bshad lung stsal rgyu'i dbu tshugs shing/ 'di nyin
nas bzung nyin gung rgyab chu tshod gnyis pa nas dgong dro bar
chos thun chag med du mdzad/ dkon mchog gsum mchod cing bsti
stang bgyid pa la brtson pa ni snying po

mchog tu bsams te/ mchod rten drung du nyin rim bstud kyis mar
me khri mchod lhag tsam dang/ tshes bco lnga nyin rdor gdan
dgon
du nyin 'khyongs bsnyen 'gyed gzab 'bul dang 'brel 'du khang gi
ldeb bris gsar bzhengs la zhal

'debs hin sgor chig stong tham pa phul zhing/ phyi dro ^skyabs
rje yongs khri rin po che tshogs mgon du spyan drangs te gson
gshin 'brel thogs spyir dmigs mchod rten chen mor stong mchod
rgyas par phul/ tshes bcu drug nyin sngags

rim chen mo'i bshad lung mjug rdzogs par nod de gsang chen chos
kyi bdud rtsi thar pa bla na med pa'i srog 'tsho'i bcud len dam
par thob pas mi lus kyi brnyan po tsam bzung ba don dang bcas
par gyur/ de'i phyi nyin rdor gdan grwa

brtson 'grus rgya mtshos bskul ngor de ga'i dge 'dun gtso gyur
gyi chos zhu lnga bcu tsam la rnal 'byor ma'i sind+hu ra'i dkyil
'khor la brten pa'i dbang bzhi byin rlabs phul/ tshes bco brgyad
dang tshes bcu dgur ^skyabs rje yongs gling rin

@249a @#/ /po che'i thugs bzhed ltar rin po che sku rkyang la
'jigs byed dpa' gcig dang/ lha bcu gsum ma'i ras bris kyi dkyil
'khor du dbang chen sta gon dang bcas pa phul zhing/ rin po che
mchog nyid phyi dang

nang gi de nyid nyi shur mnga' dbang 'byor ba'i rdo rje slob
dpon chen po'i bdag nyid du bzhugs gshis dbang bshad rnams grub
zin sgrub pa'i rgyas zhu mi dgos par mdor bsdus kyis 'thus pa
zhus/ tshes nyi shu nyin kho bo cag nas rgyu yon

sbyar te ^skyabs rje yongs 'dzin khri chen rdo rje 'chang chen
po dgon pa'i 'du khang du gdan drangs nas dge 'dun mang tshogs
dang bcas bla mchod tshogs 'khor dang 'brel ^zhabs zung srid
mthar brling ba'i gsol 'debs zhus shing/ bdog

pa'i 'bul dngos kyang phran bu bstar/ tshes nyer gcig nyin yongs
'dzin khri rin po che'i bka' 'brel dang/ rdor gdan dge 'dun
spyis bskul ngor 'du khang du mi grangs nyis brgya lhag tsam la
dga' ldan lha brgya ma dang/ yon tan

gzhir gyur ma'i bshad lung stabs bde zhig 'chad khul byas/ de'i
phyi nyin rdor gdan nas wa ra Na sir bskyod/ tshes nyer lnga nyin
a ma mig dmar sgrol mas bskul ngor/ sa ra na tha'i bod dgon du
mtho rim slob sbyong pa bla sprul dge bshes

sogs don gnyer can nyis brgya lhag tsam la rdo rje rnal 'byor
ma'i sind+hu ra'i dbang bzhi byin rlabs dang/ dgong dro mchod
rten drung stong mchod rgyas 'bul byas/ phyi nyin dga' shar zong
rin po che dang/ mtshan zhabs gser kong rin po

@249b che; chab mdo rgya ra sprul sku/ tre hor dar dgon rdo 'bum
sprul sku bcas la ngag rtsom shugs ldan gyi bstod 'grel gyi
bklag lung phul/ zla ba bcu gcig pa'i tshes brgyad nyin wa Na nas
ldi li brgyud rda ram sa lar phyir ldog /^gong sa mchog

so bdun dgung skeg tu phebs pa'i ^zhabs brtan du dmigs tshes nyer
bdun nas bzung grub rgyal lugs tshe dpag med nang sgrub zhi ba
lha so gsum ma'i bsnyen pa phyi 'grul mtshams bcad kyis tshugs/
zla ba bcu gnyis pa'i tshes bcu

nyin ^gong sa mchog nas 'di nyin nas bzungs lo gsum phyogs gsum
ring zla re'i yar mar gyi tshes bcu gnyis nam shar la tshogs 'khor
gyi dod du gung tshigs gzab pa re spyod rgyu'i mthun rkyen du
tshes bcu rer sgor bco lnga re rtsis hin sgor

chig stong brgya dang nyi shu rtsa lnga gsol ras stsal te chos
drug gi gtum mo dang 'brel ba'i rdzogs rim gyi nyams bzhes rgyun
skyong mdzad bzhed sogs bong ba gser gzigs kyi bka' glegs phebs
lan du/ ^srid gsum bla ma yid bzhin

gyi nor bus/ /rag gan gser gyi gong bu ru gzigs te/ /rjes
brtse'i bka' yig lhug po ru phebs tshe/ /dga' dad gus gsum 'gran
bzhin du 'phel lags/ /khyi rgan rul pa re zhig gi bar la/ /lho
phyogs pho nyas gung seng

zhig byung na/ /lo gsum tshes bcu'i zas dod du stsal ba/ /rkan
sgra tog ge hab zas su zhu'o/ /gtum mo a thung rdzogs rim gyi
rmangs rdo/ /'phags bod grub brnyes mang po yi thugs bcud/
/stong srog d+hU tir sdud byed kyi

@250a @#/ /lcags kyu/ /phyag char bzhes 'di dam pa yi rnam thar/
/nang gi dga' mas gnyis spang gi lam du/ /rol rtsed glog zhags
'khyug po ru g.yo bas/ /spros kun 'ub kyis chos dbyings su
'ching

ba'i/ /gzigs mo 'di ko ngo mtshar du che snyam/ /stong nyid
snying rje'i snying po yis lci ba'i/ /rnal 'byor zab mo'i rdzogs
rim gyi lam de/ /thang lhod ran zhing res 'jog tu min par/
/rgyun du bskyangs na phyag rjes shig los

thon/ /kha bshad snyan po'i 'ja' ris de bkra yang/ /dpyad na mi
bzod stong pa yi rang bzhin/ /bcos ma'i tshul 'chos zol zog gi
ngang la/ /mi tshe zad pa bdag nyid rang skyo lags/ /zhes phul/
/rang lo don gcig

tu son pa phyi lo chig stong dgu brgya bdun cu don gcig zla ba
gsum pa'i tshes gnyis/ bod lcags phag zla ba dang po'i tshes drug
nyin tshe bsnyen legs zin gyi kha skong sbyin sreg phul/ tshes bcu
gsum nyin bod gzhung bka' shag gi

gtsos las khungs khag gi las byed dang/ mi mang spyi 'thus lhan
tshogs bcas spyi mgrin nas ^gong sa chen por dgung skeg 'gal
rkyen zhi phyir sgrol dkar yid bzhin 'khor lo'i sgo nas brtan
bzhugs gsol 'debs kyi cho ga rgyas

par bstar ba'i chog gral du bcar zhing/ chog grub mtshams gzim
chung du ^zhabs sor la mngon par 'dud pa'i phyag dang bcas lo
gsar gyi rten 'byung bstar/ dga' shar nyag re khang tshan nas
srung ma rnam sras mdung dmar

@250b can gyi cho ga dang 'brel spyi bstabs kyi gtor 'bul dang/
g.yang 'bod/ tshogs 'khor cho ga bcas gsar rtsom dgos zhes lo
shas sngon nas bskul yang bar lam rim lus song bar/ nye char rmi
lam du srung ma nyid kyis myur bskul

mtshan ma gsal bar byung gshis spyi bstabs dang/ g.yang 'gugs
bya tshul gnyis gsar rtsom dang/ tshogs mchod bya tshul thu kwan
gsung nas zur 'don gyis nyag re khang tshan la bskur/ zla ba
gnyis pa'i tshes bzhi nyin mon go

Da nas dga' shar 'dus spyis phyag bris gnang don ltar rda sar
gtan bzhugs the po ran po che dang/ bla rti rin po che sogs nas
khur bzhes kyis wa Na'i mtho rim slob gra ba sogs shar rtse'i
grwa khongs rda sar phebs rigs bla sprul dge

bshes bzhi bcu skor 'du 'dzoms kyis bla tshogs dang 'brel ba'i
ring 'tsho'i bden tshig shis dbyangs sgrog par mdzad/ tshes dgu nas
bzung mtshan zhabs gser kong rin po che'i thugs bzhed ltar bkras
lhun lo chen rin po che sogs bla

sprul dge bshes rkyang pa bcu dgu la bde mchog dril bu lugs lha
lnga'i dbang chen sta gon dang bcas pa dang/ sog sprul gu ru de
was bskul gnang bzhin bla sprul bgres gras dang/ dge bshes
rkyang pa mi bcu bdun la byang

chub lam rim bde lam gyi steng nas nyams khrid 'chad 'go btsugs
shing/ chos zhu ba rnams lam rim gsan myong dang go don rtogs
nges sha stag yin stabs dmigs skor nyams myong 'don tshul gyi
skor sogs gnad che sar bshad   

@251a @#/ /pa rgyas tsam las/ de min rnams mdor bsdus byas te lam
khrid mjug sems bskyed mchod pa dang bcas pa byas shing/ sog
sprul nas tshogs 'khor gyi yon sbyar thog byang chub lam rim chen
mo'i glegs bam

gser bris gsar bzhengs mdzad pa de yang sems bskyed mchod rdzas
su gnang/ zla ba gsum pa'i tshes bcu nyin bar zhi ba'i sku zhabs
byams pa bstan skyong ke Na Da'i gzhis chags su thon nyer brten
rnal 'byor ma'i dbang bzhi byin rlabs dgos

bskul ltar gsang stabs kyis bskur/ de rjes nyin bzhi'i ring gro
mo dung dgon dge slong blo bzang rdo rje rkyang par tre hor
nags
tshang pa'i gsung steng nas nA ro chos drug gi nyams khrid byas/
zla ba bzhi pa'i tshes gnyis nyin mtshan zhabs

gser kong rin po ches bskul gnang ltar bla sprul nyung shas la
ye shes khyung khra'i rjes gnang dang/ sgrol dkar bka' babs dgu
ldan gyi rjes gnang/ rje'i gsung gsang 'dus yig chung nyer gcig
nang gsal dam tshig rdor bzlas dang/

za byed mkha' 'gro'i sbyin sreg gi khrid bcas phul/ 'jam mgon sa
skya bdag khri rin po che ^gong sa chen por brtan bzhugs 'bul
slad rda sar chibs bsgyur bskyangs skabs phar bcar tshur phebs
kyis lhod mjal byung zhing/ de dang chabs

cig na lenDa'i bco brgyad rin po che lhod mjal byung bar rgyud
sde kun 'dus kyi dbang chen sngon 'gro bsnyen pa gtong tshul skor
sogs phyag bzhes ji yod bka' 'dri zhus par/ rdor phreng dang/ mi
tra brgya rtsa'i dbang gnang skabs rdor phrang dang

@251b thun mong ba'i dkyil 'khor rnams kyang gcig 'thus su min
par dbang so sor gnang srol dang/ bsnyen pa rgyud sde so so'i
lha re re nas sam/ yang na rigs bsdus kyi bsnyen pa byed pa'i
phyag len rgyas bsdus gnyis yod tshul gsungs/ zla ba lnga

pa'i nang rnam rgyal grwa tshang spyi nas bskul gnang ltar mkhan
slob dge 'dun rnams la spyan ras gzigs sengge sgra'i rjes gnang/
ser byes tsha ba dge thub bstan ye shes dang/ khong gi slob ma a
ri pa me se/ dge tshul ma blo bzang chos skyid can

la seng ldeng nags sgrol gyi rjes gnang/ the bo rin po che'i
thugs 'dod ltar bla sprul dge 'dun nyi shu la dpal mgon zhal
sgrub dus mgon po'i rjes gnang rnams rim par byas/ zla ba bdun
pa'i tshes brgyad nyin mtshan zhabs gser kong

rin po che'i thugs bzhed ltar bla sprul dge bshes sum cu skor la
rje rigs gsum spyi sgrub kyi byin rlabs rjes gnang dang/ ^rgyal
ba bskal bzang gi gsung khrid yig dngos grub kun 'byung gi steng
nas dga' ldan lha brgya ma'i khrid phul/ de'i

phyi nyin nas bzung ^gong sa mchog gi bka' dgongs bzhin rda
steng theg chen chos gling gtsug lag khang gi yang steng tshogs
khang du ^gong sa mchog dang/ 'bras shag skor mkhan po nyi ma
rgyal mtshan/ rnam grwa mkhan slob/ mtshan zhabs

gser kong rin po che sogs bla sprul dge bshes dang/ bya btang ri
khrod pa/ rnam grwa'i dge 'dun bgres gras sogs 'dus pa drug cu
skor la dpal 'khor lo sdom pa'i bshad rgyud mngon brjod 'bum pa
las gsungs pa'i tshe dpag med

@252a @#/ /kyi chos skor ma gcig grub pa'i rgyal mo nas ras chung
par brgyud pa'i tshe dpag med grub rgyal lugs nang sgrub zhi ba
lha so gsum ma'i dbang chen gyi sngon 'gro slob ma sta gon/
dbang chen dngos gzhi tshe dbang dang

sbrags pa/ tshe dpag med gsang sgrub khro bo lha nyer gsum ma'i
tshe dbang dbang bzhi byin rlabs dang 'brel ba rgyas pa/ tshe dpag
med yang gsang ras chung gong khug ma dmar po lha dgu'i dbang
bzhi byin rlabs dang 'brel ba'i tshe dbang/ tshe

dpag med 'chi med nges ster dkar po lha dgu'i tshe dbang/ tshe
dpag med yang snying dmar po lha gcig bum gcig gi tshe dbang
dbang bzhi byin rlabs dang 'brel ba'i thun mong ma yin pa/ gsang
'dus nas bshad pa'i dam tshig rdo rje yab yum

gyi rjes gnang bcas nyin rim mthud kyis phul zhing/ de dag gi
skabs su nyin re tshe dbang phul zin rjes bla ma d+harma rak+Shi
ta'i gsung blo sbyong mtshon cha 'khor lo'i rtsa tshig gi steng
nas bshad lung rim par phul ba/ rdza dpal sprul rin po ches/

da lta bshad pa byed tsa na/ /'dre ngan sngags pas gzir pa
bzhin/ /rang mtshang 'chad pa'i nyams shig shar/ /ngo re tsha ba
de ltar lags/ /zhes gsungs pa lta bu zhig byung/ de ga'i mjug tu
^gong sa chen po'i thugs bzhed ltar gtsug

lag khang gi tshom chen du ^gong sa mchog dang/ gzhan yang bla
sprul dge bshes/ rnam grwa tshogs yongs/ gnyug mar gnas pa dang/
phyogs 'dus kyi dge 'dun dang khyim pa sogs 'dus pa bdun brgya
tsam la rnal 'byor rgyud kyi rtsa rgyud de

@252b nyid bsdus pa'i dum bu gnyis pa khams gsum rnam rgyal gyi
sdig pa bral ba'i cho ga'i skabs las 'phros pa'i kun rig rtsa
ba'i lha so bdun gyi dbang chen gyi sngon 'gro sta gon dang/
dbang dngos gzhi bcas 'dul 'dzin grags pa rgyal mtshan

gyis mdzad pa'i kun rig gi cho ga rgyud don gsal ba'i dgongs pa
bzhin phul te ^rgyal ba dgyes pa'i mchod sprin bsgrubs/ de rjes
bu gso khang gi las byed btsun ma blo bzang dbang mo nas bskul
ba bzhin rda steng smyung gnas lha khang du bla

sprul dge 'dun/ khyim pa pho mo sogs 'dus pa sum brgya tsam la
rdo rje rnal 'byor ma'i sind+hu ra'i dkyil 'khor du dbang bzhi
byin rlabs byas/ nyin gcig ^gong sa mchog la gsang 'dus rtsa
rgyud kyi rgyud phyi ma dang/ gsang 'dus bshad

rgyud rdo rje'i phreng ba/ dgongs pa lung ston/ ye shes rdo rje
kun las btus pa/ lha mo bzhis zhus bcas kyi bklag lung phul/ zla
ba brgyad pa'i tshes bcu bdun nyin theg chen chos gling gtsug lag
khang du ^gong sa mchog nas gsang 'dus

rtsa rgyud 'grel pa bzhi sbrags kyi gsung chos stsal ba'i chos
zhur ched phebs rgyud grwa stod smad kyis gtsos pa'i 'dus pa
lnga brgya brgal bar ^skyabs rje yongs 'dzin dga' khri gling rin
po che'i bla brang dang/ phran tsho'i shag thun mong nas

rgyu yon sbyar te bsnyen bkur dang 'brel bla mchod tshogs 'khor
dang bcas pa'i mchod sprin rgyas 'bul thog /lhar bcas srid zhi'i
rnam 'dren chen po mchog dgung skeg 'gal rkyen gyi tshul bzhes
phra mo tsam med par gsang gsum

@253a @#/ /'pho bral rdo rje'i khams su brtan pa'i gsol 'debs kyi
cho ga legs par bsgrubs shing 'bul mtshon gyi bdog pa'i phreng ba
bstar/ ^gong sa mchog gi gsung chos grol mjug der smar khams pa
byang chub

rgyal mtshan gyi nan bskul ltar theg chen chos gling gtsug lag
khang du ^gong sa ^skyabs mgon chen po mchog dang/ rgyud gra
smad stod kyi mkhan bla sogs dge 'dun gtso gyur gyi 'dus pa bdun
brgya skor la grub chen kun tu dge ba'i lugs kyi dpal

'khor lo bde mchog lha re gnyis pa'i dbang gi sta gon dang/
dbang dngos gzhi dbang don brda' sprod kyi bshad pa bcas kho bo
rang ngos nas gsang sngags kyi rdo rje slob dpon du 'os pa'i yon
tan lta ci slob ma'i mtshan nyid kyang ji bzhin tshang min lta bu
las ma 'das kyang/ 'brog pa khyis bdas pa gral 'gor slebs pa'i
dpe ltar dus mtha'i slob dpon gyi res su son stabs pha bla ma
bka' drin can rnams kyi phyag bzhes ltar bgyid khul du phul/
ma'i sor gzhis khongs

chos btsun rgyal mtshan dpal mos lo snga phyir 'bod bskul thog
/chos sgar dang/ gzhis chags 'go dmangs spyi nas kyang nan 'bod
bzhin zla ba dgu pa'i tshes bzhi nyin rda sa nas thon cing/ ldi
li nas gnam gru'i thog b+heng lor gnam

thang du 'byor skabs ma'i sor dang/ mon go'i gzhis chags 'go
'dzin/ gdan sa gsum dang/ sa dge bka' rnying gi chos sgar khag
gi mkhan po las sne sogs bsu bar phebs/ de nub b+heng lor du rgya
gar gzhung gi mgron khang

@253b du gra sgrig gnang 'dug pa der bsdad/ nangs par ma'i sor
gzhis sgar du 'byor skabs der yod ser skya mi mang rnams kyis
bsu ba dang bcas ^gong sa mchog gi bzhugs yul pho brang du sdod
bsgrigs gnang 'dug par gnas mal phab/

de'i phyi nyin nas se ra'i chos sgar du grwa tshang byes smad
spyis bskul gnang ltar rje'i gsung lam gtso rnam gsum rtsa ba'i
steng nas bshad khrid rgyas tsam zhig dang/ chos btsun rgyal
mtshan dpal mos bskul ba bzhin rdo rje 'jigs byed

dpa' bo gcig pa'i dbang gi sngon 'gro sta gon dang/ dbang chen
dngos gzhi bcas dbang brda 'phrod nges zhib rgyas bcas rim par
phul/ tshes bcu gsum nyin lha mi'i yon gnas dam pa se ra tshogs
chen gyi dge 'dun rnams la

bsnyen bkur mang ja dang/ bzhes bag /sku 'gyed hin sgor lnga
dang kha btags zub phyi re/ tshogs chen 'du khang gsar bzhengs
kyi zhal 'debs hin sgor chig stong bcas phul/ 'di nyin spang
lung sku bsten gsar pa thub bstan

'phel rgyas la rgyal chen shugs ldan dang/ bse khrab/ g.yu dmar
btsan rgod bcas spyan 'dren zhus par chos skyong nas bka' lung
'go smos tsam gnang/ tshes bcu bzhi nyin rnying dgon rnam grol
gling dang/ sa skya'i dgon

pa; dge dgon theg chen gling so sor rim bskyod kyis mang 'gyed
bsnyen bkur dang/ chos 'brel rab gnas/ gzhis sgar las khungs
dang/ sman khang/ slob gra bcas par blta bskor rab gnas bcas
byas/ tshes bcu

@254a @#/ /drug nyin gzhis chags spyi mgrin nas bskul ba bzhin
pho brang mdun gyi spang ljongs phyogs kyi tha gru rnam par
yangs par skya ser mi mang gi tshogs chen por phyag rdor drag po
gsum bsgril gyi rjes gnang dang/ grub

rgyal lugs kyi tshe dbang bskur rjes skya ser tshang mas ^gong sa
chen po'i bzhed dgongs dang mthun pa'i chos srid blang dor nyams
len dgos pa'i gsal 'debs zhus/ de'i phyi nyin hun su'i gzhis
chags sa gnas su ched bskyod kyis

sgang tog khul nas gsar 'byor ser skya mi mang brgyad brgya
skor
la skyabs 'gro/ yig drug /sgrol ma/ ^rgyal ba'i ^zhabs brtan
sogs kyi bklag lung byas rjes phyir lam dge lugs ma dgon chags
yul sa gnas dang/ gzhis

chags grong sde lnga pa dang/ drug pa'i lha khang du bskyod de
rab gnas byas/ tshes bco brgyad nyin ser byes smad gnyis khongs
grwa rigs gsar zhugs btsun chung brgyad cu gya gsum la bar ma
rab byung dang dge tshul gyi bslab sdom 'bog

chog byas/ de'i phyi nyin snga dro se ra bla spyi dang/ gzhis
chags spyi nas yon sbyar dge 'dun rnams nas bla mchod tshogs
'khor dang 'brel ba'i ring 'tsho'i cho ga rgyas par gnang zhing/
dge 'dun mi phyed 'dun pa'i bden tshig bkra shis

kyi me tog char du bsnyil/ phyi dro ser byes grwa tshang gis
bskul gnang ltar dge 'dun rnams la seng gdong ma'i rjes gnang
phul/ tshes nyi shu nyin b+he la ko spi nas mo Tor thog thon te
sho mo sgang zhes pa'i mgron khang du zhag bsdad kyis phyi nyin

@254b mon go Da'i gzhis sgar du dga' 'bras gnyis dang/ sa skya/
rnying ma bcas kyi mkhan po bla sprul dge 'dun/ gzhis chags 'go
mang bcas kyis bsu ba dang bcas ^gong sa mchog gi pho brang du
sdod bsgrigs 'dug par gnas mal bcas/ tshes

nyer gnyis lha babs dus chen nyin kho bo cag nas dga' ldan tshogs
chen gyi rten gtsor gser zangs las grub pa'i rje yab sras gsum
gyi snang brnyan sngon phul de dag gnas skabs ring lha khang
chung du zhig nang bzhugs gsol gyis rten 'brel

rab gnas dang/ shar rtse grwa tshang la thub dbang gnas brtan
bcu
drug gis bskor ba dang/ paN chen 'khrungs rab kyi zhal thang
rgya nag 'thags drub ma bzang gos thon thi tshos tshogs kyi gong
sham/ sri shan tshos tshogs 'ja' sgrig gi 'dzar

ldan can ngo grangs bcu bdun dad 'bul zhus/ de'i phyi nyin nas
bzung dga' 'bras gnyis kyi bla spyis gsung bskul bzhin byang
rtse'i 'du khang du bla ma'i rnal 'byor dga' ldan lha brgya ma
rtsa ba'i steng nas bshad khrid/ 'bras blo gling grwa tshang

gi chos rar dge 'dun rnams la seng gdong ma'i rjes gnang dang/
thun drug bla ma'i rnal 'byor gyi khrid/ dga' 'bras gnyis kyi
dge 'dun gsar zhugs btsun chung drug cu re lngar rab byung
dang
dge tshul gyi bslab sdom 'bog chog /

shar rtse grwa tshang nas bskul gnang bzhin 'du khang du dga'
'bras gnyis kyi dge 'dun rnams la rje bla ma rigs gsum spyi
sgrub kyi rjes gnang/ sgo mang grwa tshang du rab gnas dang/ dge
'dun rnams la rten 'brel bstod pa'i bklag lung/

@255a @#/ /byang rtse grwa tshang nas bskul gnang bzhin 'du khang
du lha mo dmag zor ma'i rjes gnang bcas rim par phul zhing/
'bras spungs dang/ dga' ldan tshogs chen/ sa skya'i grwa tshang/
rnying ma grwa tshang bcas kyi

rig grol 'dus pa'i tshogs so sor mang ja dang/ bzhes bag /dge
'dun rer sku 'gyed hin sgor lnga re dang/ mjal dar re bcas phul/
tshes sum cu nyin der yod chos lugs khag dang/ gzhis chags 'go
mang spyi nas yon

sbyar gyis dge 'dun rnams nas bla mchod tshogs 'khor dang 'brel
ba'i brtan bzhugs cho ga gnang ba srog 'tsho'i bcud len du gyur/
zla ba bcu pa'i tshes gcig nyin gzhis sgar khongs rgan gso khang
dang/ sman khang/ bzo gra/

slob gra khag bcas par rim bskyod kyis rab gnas me tog 'thor
zhing/ khungs so sor skabs sbyar gyis legs slob byas/ tshes gnyis
nyin gzhis chags spyi mgrin nas bskul ba bzhin pho brang gi phyi
rol der bla sprul dge 'dun/

gzhis chags mi mang khyon cher phyag rdor drag po gsum bsgril
gyi rjes gnang dang/ grub rgyal lugs kyi tshe dbang phul rjes dge
'dun rnams dang/ mi mang tshang mas chos srid bya gzhag gnang
sgo'i thad ^gong sa ^skyabs mgon chen po'i

bzhed dgongs las gzhan du ma gyur pa dgos gal che ba'i gsal
'debs gang shes zhus/ tshes gsum nyin mon go Da nas hub li/ de
nas b+hing lo bar ri li/ de nas gnam gru'i thog thon te ldi lir
sog bla'i shag tu 'byor/ tshes brgyad

@255b nyin yog za khang gi a ma chos 'dzoms nas bskul ba ltar/
la dwags nang pa'i gtsug lag khang du skya ser khyon cher sgrol
dkar tshe dbang bskur/ tshes bcu'i phyi dro ldi li nas rda sar
bteg /tshes bcu bzhi nyin ^gong sa chen po'i ^zhabs

sen la mngon par btud pa'i mjal phyag zhus/ tshes bcu drug gi
phyi dro nas rgya gar dang/ spa ki si than gnyis sa mtshams rtsod
gzhis g.yul gyi ral kha bkye 'go tshugs pas nyin shas ring rda
ram sa lar 'jigs snang ci che'i ngang

gnas dgos byung/ tshes nyi shu nyin ka sbug tu pha bong kha'i
phyag mdzod 'phrin las dar rgyas la mchog sprul ngos 'dzin nges
gsal thag gcod kyi gnas tshul 'bul rgyu'i yig zin bzos pa'i nub
mo rmi lam du ^skyabs rje rdo rje 'chang

sku gong ma bzhugs khri chen po zhig steng bzhugs shing/ lha
klu'i lha lcam bgres mo g.yang 'dzoms tshe ring nas rgyan gos
gzab mchor dang bcas mjal dar phul ba sogs rten 'brel mdzad sgo
rgyas par gnang ba dang/ bla ma rdo rje

'chang gis na bza' gos ber mnabs pa'i rgya se'i gong pa phyag
gis bzung ste phran la ched du ston gnang 'brel da res nged nas
'khrungs skar mdzad sgor na bza' gos ber yang gzab bzhes gnang
yod ces ngo so dang bcas gsungs pa

rmis/ brag g.yab che tshang rin po che 'jar man gyi yul nas rda
sar ched phebs kyis kho bo'i sdod gnas su bzhugs 'jags 'brel
gsung bskul gnang ba ltar/ zla ba bcu gcig pa'i tshes bco brgyad
nas bzung rin po che nyid dang/

@256a @#/ /ser byes khams lung sprul sku/ dgon gsar sprul sku/
tre hor thub bstan sprul sku/ ser smad kong shar sprul sku/ ser
tre dge bshes ngag dbang dar rgyas/ blo gling byang dmar sprul
sku/ dga'

shar dge bshes a song sogs dgu la rje'i gsung lam rim 'bring
po'i bshad khrid nyin bco lnga dang/ de rjes rin po che nyid
sogs nyung shas shig la rnal 'byor ma'i sind+hu ra'i byin rlabs/
rin po che dang/ blo gling ldan ma blo chos

rin po che/ ra stod chu dbar rin po che sogs bla sprul dge bshes
nyer dgu la bka' gdams thig le bcu drug gi dbang/ rin po che
nyid sogs bla sprul dge bshes dgu la rgyal chen bstod 'grel ngag
brtsams kyi bklag lung/ rin po che

sku rkyang la sgra mi snyan gyi tshe khrid rje rin po che'i gsung
rtsa gzhung dang/ ^skyabs mchog rdo rje 'chang gi gsung tshe
sgrub 'don sgrig /rje shes rab rgya mtsho'i gsum 'bum nang gi tshe
khrid khag gnyis bcas yig cha bzhi sbrags kyi steng nas

sgra mi snyan gyi tshe khrid bcas brag g.yab rin po che'i thugs
bzhed kyi yol go bkang zhing rin po che rda sa nas phyir phebs
mdzad/ /rang lo don gnyis su son pa phyi lo chig stong dgu brgya
bdun cu don gnyis zla ba gnyis pa'i

tshes bco lnga/ bod chu byi zla ba dang po'i tshes gcig snga dro
rda steng pho brang du ^gong sa chen por sgrol dkar gyi sgo nas
sku'i tshe sgrub zhus pa'i tshe rdzas phul/ theg chen chos gling
gtsug lag khang du cho 'phrul smon lam gyi dus mchod

@256b tshugs skabs ^gong sa mchog gi bka' dgongs bzhin tshes bcu
nyin snga dro'i gsung chos ra bar 'dus pa skya ser khyon cher
theg chen sems bskyed kyi phan yon dang dgos pa rgyu mtshan/
spyod pa phyin drug la slob dgos tshul/ de yang sngon

byung ston pa'i skyes rabs rnam thar rjes 'jug gdul bya'i nyams
len du 'khyer dgos pa dang/ 'khyer tshul byang chub lam gyi rim
pa'i man ngag dang sbyar te dam pa gong ma rnams kyis 'chad srol
bzhin da lam yang de ltar skyes rabs

'chad rgyu yin tshul sogs sngon 'gro'i bshad pa rgyas tsam dang
'brel skyes rabs kyi 'grel bshad chos thun gcig /de rjes nyin
gung gung tshigs mang ja'i tshogs su bskyod de skyabs sems 'go
bskul bya rgyu/ mang ja grol rjes

mchod 'bul smon lam gyi tshogs su bskyod de bsngo ba dang/ bstan
'bar ma/ bde ba can gyi smon lam sogs sngar srol 'don dgos rnams
bton/ tshes bcu gnyis nyin smon lam mang tshogs kyi dge 'dun lnga
brgya skor la

mang ja sbyor sbrel dang/ bzhes thug 'bras tsha/ dngul 'gyed sogs
bsnyen bkur phu dud kyi tshogs gsog bsgrubs/ tshes bco lnga nyin
^gong sa mchog smon lam tshogs mgon du phebs par snga dro gso
sbyong nas bzung nyin gang

tshogs gral du bcar te ston pa thugs rje can dang/ 'jam mgon bla
ma'i yon tan dang/ bka' drin rjes su dran pa'i gsol 'debs smon
lam ci nus su btab/ zla ba gnyis pa'i tshes drug nyin cha phreng
g.yang dar chos 'dzin

@257a @#/ /dang/ 'ga' lu blo bzang rgyal mtshan/ stod pa ka ko
bkra shis bcas nas bskul ba bzhin rda steng theg chen chos gling
gtsug lag khang du ^gong sa chen po'i lam rim gsung chos su bcar
ba'i

chos zhu skya ser khyon cher spyan ras gzigs ngan song kun sgrol
gyi rjes gnang byas shing/ tshes bcu nyin lha sa ba chos btsun
thub bstan chos sgron dang/ cha phreng g.yang dar chos 'dzin
gnyis nas bskul ba bzhin gdan sa gsuM

dang/ rgyud grwa stod smad kyi mkhan po las zur/ bla sprul/ dge
'dun sogs drug brgya tsam dang/ khyim pa pho mo nyis brgya lhag
tsam la rdo rje rnal 'byor ma'i sind+hu ra'i dkyil 'khor la brten
nas dbang bzhi byin rlabs dang/

phyi nyin nas bzung nyin bdun ring chos zhu gong gsal khongs nas
bdag bskyed rgyas pa dang/ las rung bsnyen pa gtong rgyu'i dam
bca' byed mi drug brgya skor la rnal 'byor ma'i bskyed rdzogs
kyi nyams khrid bshad pa bzhi bshad

'brel bsgom bya'i don la sgro 'dogs gcod pa dang/ bcad don sems
'dzin gtong ba sogs gsang chen slob bshad pa'i phyag bzhes ltar
byas shing/ de'i mjug mthud rten 'brel gyi slad du bde mchog tshe
lha dkar po'i rnal

'byor dang 'brel bar rdo rje'i bzlas pa'i rlung sbyor gyi sgo
nas tshe sgrub bya tshul gyi khrid lung sbrags ma byas/ dga' byang
gser kong dbu zur mon go Dar phyir log gdong byang rtse grwa
tshang la rten gtso gsar bzhengs gnang rgyu'i zhal 'debs

@257b hin sgor sum stong tham pa dang/ spyi 'bul du rgya sbub
rgyu rnying legs pa cha 'grigs gcig 'bul rgyu bskur/ zla ba gsum
pa'i tshes bcu gsum nas bzung rgyud grwa stod smad gnyis kyis
bskul gnang bzhin mkhan bla rnams kyis

gtsos dge bshes drag gras rnams dang/ gzhan yang rda sar gnyug
mar gnas pa dang/ phyogs 'dus bcas bla sprul dge 'dun brgya dang
bco lnga la rje bdag nyid chen po'i gsung nA ro chos drug gi
khrid yig yid ches gsum ldan dang/

tre hor nags tshang bstan pa dar rgyas kyi gsung chos drug khrid
yig sbrags pa'i steng nas zab lam nA ro chos drug lus sbyong
'phrul 'khor dang bcas pa'i zab khrid rnams rang la nyams myong
tshad ma'i gdeng drod dbul yang/ yab rje drin

can bla ma'i zhal gsung man ngag rnams 'phrin skyel gyi tshul du
phul zhing/ chos nyan gyi gras su mang thos dge bshes dang/ bya
btang ri khrod pa mang zhig mchis pa rnams kyis bshad sgrub ci
rigs pas 'dzin spel gyi re ba snying la brnag /  

de ga'i mjug mthud du chos nyan gong gsal rnams la rje btsun
'jam dbyangs nas bla ma dbu ma dang/ rje rin po cher nyi brgyud
'jam dbyangs chos skor gyi lha tshogs rnams kyi rje gnang/ mgon
po phyag drug pa rnam 'gyur mi 'dra

ba bcu gsum gyi rjes gnang/ bde mchog lU i pa'i lugs bdag mdun
bum gsum dang/ dbang chog /sa chog /sbyin sreg /rgyud smad
phyag
bzhes lcags mkhar gyi 'don chog dang/ zur 'debs/ khrid chen
brgyad/

@258a @#/ /sri mnan cho ga rdo rje'i ri rab brtsegs pa'i 'phrul
'khor/ 'jigs byed kyi drag po'i sbyin sreg /rgyud stod phyag
bzhes bde gsang gnyis dang 'brel ba'i rab gnas lhan thabs/ thu
kwan gsung rta

mgrin gsang sgrub kyi bdag bskyed dang/ mdun bskyed/ bskang
chog
/de dang 'brel ba'i sri mnan/ khri chen bstan pa rab rgyas kyi
gsung mgon dkar bum sgrub bcas kyi bklag lung/ bla ma lnga bcu
pa dang/ byang chub sems

dpa'i sdom pa nyi shu pa/ sngags kyi rtsa ltung sbom po'i sdom
tshig bcas kyi steng nas bshad khrid/ brag g.yab ngag dbang tshe
'phel gyis bskul ngor chos zhu ba gong gsal thog /'phar ma dang
bcas mi grangs sum brgya tsam la

sgrol ma tsitta ma Ni'i thun mong ba gtor ma'i dbang dang/ thun
mong ma yin pa lus dkyil gyi dbang bcas nyin rim bstud 'chad
spel bgyis/ de'i rjes bla sprul dge 'dun bzhi bcu zhe drug la
rdo rje rnal 'byor ma'i sngags btu'i

byin rlabs phul/ tshes brgyad nyin ^skyabs rje pha bong kha'i
mchog sprul dam dam pa'i yang srid skor ^gong sa mchog dang/
yongs 'dzin gling rin po che/ kho bcag gi rmi lam dang mo brtag
snga phyi/ dga' gdong chos skyong/

'dul 'dzin rgyal chen bcas kyi lung brtag rnams rtse mthun gyis
rdor gling shis dpal rdo rar lha sa za khang gi pha tshe dbang
nor bu dang/ ma sgrol dkar gnyis kyi bu bsod nams rgya mtshor
bzang babs kyi lung brtag sa bon

@258b khag rnams ka sbug tu pha bong kha'i phyag skur sbrag thog
phul zhing/ de dang mnyam du yang sprul gzhon nur 'bul rgyu'i
rten dod dang/ shis brjod tshigs bcad bcas bskur/ zla ba lnga
pa'i tshes gnyis nyin kun rtse'i sku ngo khe smad bsod

nams dbang 'dus bsnyun mnar nyin shas song bar nged tsho ngo
g.yog tshad mas blta rtog dang 'brel/ sman bcos rim gro sogs
thabs shes gang thub byas kyang/ dgung grangs don gsum la phebs
shing bsnyun mang sne 'doms

stabs 'di nyin lci lod du gyur par nged rang ngo bskyod kyis dge
sems gsal 'debs dang/ gzungs sngags byin can rnams rna lam du
bsgrags pa sogs byas rjes phyi ma'i lam chen du thegs song bar
bsngo smon dang/ kun rtse'i

mi ngo dang khyad med gung thang bla brang gi bu brgyud kho bo
gcig pur thug gshis rjes 'jug zhu sgo rnams tshags tshud kyis sku
chas lhag rol ji yod bar ma dor chud zos ma song ba sha khu sha
thim gyi tshul du rnam dkar gyi tshogs su btang/

tshes gsum nas ^gong sa mchog gi thugs bzhed bzhin gsang 'dus ye
shes zhabs lugs sam 'jam dpal rdo rje zur bka'i lugs ltar gyi
las rung gi bsnyen pa phyi 'grul mtshams bcad kyis 'go 'dzugs
byas/ tshes bcu

drug nyin pha bong kha'i phyag mdzod sku zhabs nas gnas tshul
'byor gsal du/ mchog sprul la na bza' sgron 'bul dang 'brel ngos
'dzin rten 'brel zhu skabs sprul sku dgung lo gnyis dang zla ba
bcu las ma song yang brtan

@259a @#/ /bzhugs mdzad sgo'i ring bzhugs tshul legs shing/ phyag
mdzod sku zhabs la ^skyabs rje gong mas rjes su bzung ba'i bag
chags mngon par gsal ba yun ring 'dris shing 'grogs pa dang

'dra bar dgyes mnyes kyi rnam pa ches cher gnang ba sogs gra
rten legs 'grigs byung tshul dang/ sprul sku'i sku dpar khag bcas
'byor pas rgan po'i yid kyi khur chen zhig sangs te rab dga'i
rtse mor son/ zla ba bdun

pa'i tshes nyer brgyad nyin gsang 'dus 'jam rdor gyi bsnyen sgrub
legs par zin pa'i kha skong sbyin sreg phul/ zla ba brgyad pa'i
tshes bcu gnyis nas bzung grub chen mi tra dzwa ki'i thugs dam
lhag lha'i dkyil 'khor brgya rtsa'i

gras spyan ras gzigs rgyal ba rgya mtsho'i las rung gi bsnyen pa
'go 'dzugs kyis bsnyen pa zin rjes kha skong gi sbyin sreg dang
bcas pa byas/ nyin gcig bar khams sho mdo gra sgom rin po che'i
sprul skus rgyal chen shugs ldan

gyi srog gtad dang/ chos skor bklag lung dgos tshul gsungs pa
khong gi gong ma de dang kho bo chos grogs ma zad/ rgyal chen
srung ma'i gtso bor bsten cing/ chos skor rtsom bskul mdzad po
yin stabs thugs 'dod ltar

phul zhing/ bsnyen sgrub kyi dmigs gnang thun mong ma yin pa'i
zin tho de yang g.yar po phul/ zla ba bcu pa'i tshes bzhi nyin
pha ran si'i mi rigs bud med na d+hi ya zhes par rab byung dang/
dge tshul gyi bslab sdom 'bog

@259b chog byas te chos ming blo bzang chos sgron zhes btags/
tshes bco lnga nas bzung ^gong sa mchog la sgrol ma tsitta ma
Ni'i thun mong ba gtor ma'i dbang dang/ thun mong ma yin pa lus
dkyil gyi dbang/ shin tu gsang ba snying zhugs kyi rjes

gnang chig brgyud can bcas dang/ dpal mgon stobs 'phrog dbang
po
gdong bzhi pa rnam 'gyur bcu bdun gyi rjes gnang gras nas shin
tu gnyan pa dpal mgon gdong bkas ma dang/ gnad dbab mgon po/
gsang sgrub mgon

po bcas kyi rjes gnang gsum dang/ bram ze nag po mngags gtad ma
gtogs gzhan rnams rim par phul/ tshes nyer gcig nyin phran dang/
dpal ldan/ nor bu chos 'phel sogs dang bcas rda sa nas rdo rje
gdan du bskyod/

sgrub brgyud bstan pa'i nyin byed karma pa rin po che rdo rje
gdan du zhabs 'khod la ring nas zhal 'dris che bas phar tshur
mjal 'phrad lan kha shas thog mnyes gshin pa'i gsung mchid kyi
sgo brgya lhug par grol/ zla ba bcu gcig pa'i

tshes dgu nas bzung cha phreng 'byung gnas kyis bskul ngor skya
ser mi mang khyon cher spyan ras gzigs ngan song kun sgrol gyi
rjes gnang/ gzim bshad sgra'i phyag mdzod ma Ni thang pa thabs
shes gnyis kyis bskul ngor dgon pa'i 'du

khang du don gnyer ba brgya dang lnga bcu la rdo rje rnal 'byor
ma'i sand+hu ra'i dkyil 'khor la brten pa'i dbang bzhi byin
rlabs/ rdor gdan dgon pa'i grwa dge slong brtson 'grus rgya
mtshos nan bskul bzhin las bsnyen khas len dam bca'

@260a @#/ /can dgu bcu go gcig la rdo rje rnal 'byor ma'i rim
gnyis kyi nyams khrid bcas rim par bgyis/ ^skyabs rje rdo rje
'chang pha bong kha pa chen po'i mchog sprul rin po che zhi bar
mnal ba de nyid slar yang

bsam bzhin du yang sprul gyi sgron ma rnam par gsal ba gang
dang/ phyag mdzod 'phrin las dar rgyas sogs rdor gling nas ngos
'phrad du ched phebs kyis tshes bcu bdun snga dro glo bur thog
babs su byon par bzhugs sgrig sne len zhabs

tog gzab par zhus/ 'di nyin mon rta dbang dgon pa'i mkhan po ser
byes ri skya sprul skur 'jam dbyangs chos skor nang tshan bde
mchog tshe lha dkar po'i tshe dbang 'bul rgyu dang stes dbang
stabs 'khel gyis mchog sprul gzhon

nu dang/ phyag gsol gnyis bcas par tshe dbang chabs cig phul/ de
yang sngar kho bo rang lo bdun pa'i skabs ^skyabs mchog rdo rje
'chang sku gong ma chu bzang ri khrod du phran tsho'i chos ra'i
spro khang du bzhugs 'jags mdzad mus la

brten dran can sngags rams dam pas zhu bskul mdzad de 'jam
dbyangs chos skor gyi rjes gnang cha tshang zhig chos 'brel gyi
thog mar nod pa lar/ 'di skabs kyang yang sprul gzhon nu thog
mar mjal nyin der 'jam chos gras

bde mchog tshe dbang 'bul rgyu dnag/ der ma zad ^skyabs rje gong
ma'i thugs dam lhag lha'i gtso bo bde mchog yin pa bcas gang ci
nas ma bsgrigs lhun grub ngo mtshar can zhig byung ba kho bo
skyes rabs kyi phreng bar yab rje drin

@260b can bla ma rdo rje 'chang de nyid kyis mnyes bzhin rjes su
bzung ste dad dam gser gyi nyag thag lu gu rgyud du 'brel ba'i
rten 'byung ngo mtshar ba zhig tu mngon/ tshes bco brgyad nyin
^skyabs rje yongs 'dzin khri chen gling sprul rdo rje 'chang lho
phyogs

mal sor khul snod ldan gyi tshogs la zab rgyas chos char 'bebs
pa'i mdzad sgo grub ste rdor gdan du ^zhabs sor 'khod par gus
phyag gis btud/ tshes nyer gnyis nyin ^skyabs rje khri chen rin
po che'i bla brang nas rgyu yon sbyor gnang

gis rdor gdan dgon pa'i 'du khang du gnyug mar gnas pa dang/
phyogs 'dus kyi dge 'dun rnams bcas mang tshogs kyis kho bor bla
mchod tshogs 'khor dang 'brel ba'i ring 'tsho'i cho ga gnang
zhing/ khri chen rin po che mchog nyid

nas bkra shis rdzas brgyad kyi shis brjod mthun 'gyur sogs mdzad
de rdo rje'i srog gi ka ba brtan por tshugs pa'i bka' drin
bskyangs/ de rjes ^skyabs rje'i mchog sprul gzhon nu'i dbu skyes
gtsug phud blangs shing/ blo bzang thub

bstan 'phrin las kun khyab ces pa'i mtshan gsol dang 'brel rten
'byung gi mjal dar sogs phul/ 'di nyin nas bzung ^skyabs rje
yongs 'dzin khri chen rdo rje 'chang chen po'i thugs bzhed ltar
bla mchod rtsa gzhung dang/

dka' chen ye shes rgyal mtshan gsung bla mchod khrid yig chen mo
sbrags pa'i steng nas zab lam bla ma mchod pa'i nyams khrid nyin
rim bstud kyis rdzogs par phul te sgrub pa'i mchod sprin spros/
tshes nyir bzhi nyin kho bo cag nas   

@261a @#/ /rgyu yon sbyar te yongs 'dzin khri chen rdo rje 'chang
chen por dge 'dun mang tshogs dang bcas bla mchod tshogs 'khor
dang 'brel ^zhabs zung mi 'gyur g.yung drung gi khams su brling
ba'i cho ga yang dag par

bsgrubs shing/ nged rang nas bkra shis rdzas brgyad kyi mthun
'gyur shis brjod thog bdog pa'i rten 'byung gi 'bul dngos kyang
bstar/ tshes nyer lnga'i snga dro ^skyabs rje'i mchog sprul gzhon
nur bod yig gi phyi mo ka kha'i klog gi dbu 'dzugs

zhus te bkra shis rten 'brel gyi mjal dar rten gsum phul ba dang
chabs cig 'di skad ces/ ^yab rje 'gran gyi do med bde chen gyi
snying po'i/ /mchog sprul nyi ma gzhon nu mkha' dbyings su nub
kyang/ /yang sprul zla ba gsar pa'i

zhal bzang gi 'dzum dkar/ /skal bzang shar ri'i spo nas tshes pa
'di dga' byung/ /mdo sngags gzhung lugs rgya mtshor thos bsam
dang sgom pas/ /rmad byung mkhas btsun bzang po'i dpal yon zhig
bzung ste/ /blo bzang

rgyal bstan 'dzin skyong spel ba yi mdzad bzang/ /gong ma'i rnam
thar skyong ba'i re smon rang zhu'o/ /zhes 'phral mar bris te
phul/ de'i phyi nyin rdor gdan dge bskos brtson 'grus rgya mtshos
rgyu yon sbyar te dge 'dun mang tshogs

dang bcas bla mchod tshogs 'khor dang 'brel bar ^skyabs rje yongs
'dzin khri rin po che dang/ kho bo cag thun mong la brten bzhugs
kyi rten 'brel bstar ba bdag gir blangs/ ^skyabs rje khri rin po
che'i ^zhabs drung nas rgyud stod

@261b phyag bzhes lcags mkhar zur bcu drug pa'i 'don chog dang/
sa chog /zur 'debs bcas yongs 'dzin gling gong mas mdzad pa'i le
tshan gsum gyi steng nas rdo rje 'jigs byed kyi gtor ma'i 'phrul
'khor lcags mkhar gyi zab khrid bka'

drin nod cing/ sa 'khor gyi thig 'debs rgyu dang/ sngags btu
sogs de sngon 'phrul 'khor gyi khrid thob skabs slob sbyong zin
pas 'di res gsung bshad tsam las lag len dngos su mi dgos par
'jog gnang mdzad pa bla ma rin po che mdzad

brel che khar/ slob ma yang dal med 'du 'dzi'i rgyar chud stabs
'jug pa bde ba byung/ de rjes ^skyabs rje khri rin po che'i
thugs bzhed ltar rje'i gsung 'jam dbyangs zhi khro sbrags sgrub
kyi rtsa tshig rdo rje'i tshig sbra ma dang/ de'i 'grel pa 'jam

dbyangs bzhad pa'i gsung skal ldan re ba kun skong gi steng nas
zhi khro sbrags sgrub kyi khrid phul/ dkar nag las kyi srad bus
sbrel ba'i gson gshin 'brel thogs rnams dang/ mkha' khyab yid
can spyir dmigs mchod rten chen mor stong

mchod rgyas pa dang/ dgon par nyin 'khyongs bsnyen bkur thog
dbyar gnas tshugs thebs kyi zhal 'debs hin sgor chig stong tham
pa bstabs/ rdor gdan du sdod ring nyin rim bstud kyis mar me
khri mchod lhag tsam phul/ tshes

nyer dgu nyin rdor gdan nas wa Nar bskyod de sa ra Na tha'i rgya
lha khang du sog sprul gu ru de wa'i shag tu bsdad/ ^skyabs
mchog rdo rje 'chang pha bong kha'i yang sprul rin po che sngon
phebs kyis sa ra Na thar bzhugs pa'ang mjal/ de

@262a @#/ /rjes nyin gnyis ring sde dge rdzogs chen padma rig
'dzin gyi mchog sprul dang/ wa Nar mtho rim slob sbyong du zhugs
pa'i sa dge bka' rnying gi dge slob sogs mchog dman mang po zhig
ngos 'phrad du

phebs pa mjal/ bod zla bcu gnyis pa'i tshes bzhi nyin 'brug yul
du gnas sdod phag ri ba zhig gis bskul ngor sa ra Na tha'i bod
dgon du mtho rim dge slob sogs ser skya mi grangs sum brgya skor
la sgrol dkar tshe dbang/ tshes

bdun nyin ^skyabs rje mchog sprul rin po che ston 'khor rdor
gling du phyir phebs shing/ rin po cher rten dod mjal dar dang/
'bul rten hin sgor chig stong tham pa/ phyag gsol yab yum bcas
par legs skyes mtshon pa re phul te

mchog sprul la yi ge'i klog sogs sku yon sgron 'bul dang/ gtsang
sbra zhu sgo 'phyug med dgos tshul slob ston byas/ tshes brgyad
nyin sa ra Na tha'i gtsug lag khang du stong mchod rgyas 'bul
thog gnyug mar gnas pa dang/ phyogs

'dus bcas pa'i dge 'dun khyon cher nyin 'khyongs bsnyen bkur yon
bcas phul/ mtho slob khongs grwa lnga la bar ma rab byung dang/
dge tshul gyi bslab sdom 'bog chog /'brug rgyal 'jigs med dbang
phyug gi zur mo a she dbyangs

skyid nas bskul ngor khong pa ngo g.yog dang/ gzhan yang ser
skya mi mang lnga brgya skor la sgrol dkar tshe dbang dang/
dbyangs skyid ngo 'khor rkyang par skyer sgang lugs rta mgrin
gsang sgrub kyi rjes gnang rnams rim par byas/ dga' shar

@262b phu khang bla rti rin po che nas mon go Dar ^gong sa chen
po'i drung nas dbu ma rigs tshogs drug dang/ bzhi brgya pa'i
bshad lung skyabs zhu'i yon bdag gnang sgo rnams grub rjes
phran
ngos 'phrad du phebs gdong dga' shar grwa tshang nas phyag bris
dang/

phran tsho'i shag nas rgyu sbyar gyis grwa tshang gi rten gtsor
bzhugs gsol zhu rgyu'i thub dbang gi snang brnyan gser zangs las
grub pa pad sbrags kyi dpangs la phi kri phyed bzhi yod pa gsar
bzhengs legs zin gyi sku dpar bcas bskur gnang

'dug par sku brnyan blo 'dod ltar byon legs byung 'dug cing/
thub skur nang gzungs 'phags bod skyes chen du ma'i na bza'/ dbu
lo sogs khungs ldan srid Da rnyed dka'i rigs du ma dang/ ring
bsrel rnam bzhi'i gzungs dang

bcas grwa tshang la phul/ bod zla bcu gnyis pa phyi ma'i tshes
gcig nas nyin gsum ring sa ra Na thar mtho rim slob khongs dge
lugs tshogs spyi nas bskul ba ltar bod dgon du slob dge dge bshes
rnams dang/ slob phrug /phyogs

'dus sogs bla sprul dge 'dun bzhi brgya skor dang/ khyim pa bcas
khyon skya ser drug brgya lhag tsam la rje bdag nyid chen po'i
gsung lam gtso rnam gsum gyi bshad khrid dang/ spyan ras gzigs
ngan song kun sgrol gyi rjes gnang

bcas bgyis/ zhwa sgab pa dbang phyug bde ldan ngos 'phrad du
phebs te khong gis de sngon bod kyi rgyal rabs rtsom sgrig gnang
khongs nas bod yig tu phab bsgyur zin pa'i deb gsum la bskyar
zhib dag bcos byed 'os bya rgyur bzhag cing/

@263a @#/ /khong gis gsung rigs su pa Ta Na'i dpe mdzod du dga'
ldan shar rtse'i chos 'byung gi dpe cha yod tshul gsung ba ltar
rgya gar phyogs 'dir dpe rgyun gzhan dag med stabs gal che
rnyed
dka' bar bsams te

dga' shar sog pa a mchog sprul sku dang/ grwa thub bstan mgon
po ched btang gis chos 'byung de dag dpe bshus bya rgyu mngags/
tshes bcu nyin bod kyi mtho rim slob spyi 'bras spungs tsha ba zam
gdong rin po ches 'bod gnang ltar

bzhugs gnas su bskyod de snga dro rgyal chen shugs ldan gyi
srog
gtad dang/ phyi dro tshes bcu'i tshogs 'khor bgyis/ 'di nyin mtho
rim slob gra'i sa dge bka' rnying ris med kyi dge slob yongs
rdzogs la mang 'gyed bsnyen bkur

bstabs/ a mchog sprul sku rogs bcas nas shar rtse'i chos 'byung
'khyug yig brel stabs su dpe bshus bgyis pa lag tu 'byor/ tshes
bco lnga nyin chu bo gangga'i 'gram du bskyod de nya dang nye'u
khyon che srog blu btang ste byang chub

yongs bsngo'i rgyas btab/ rdor gdan dang/ wa Nar sdod rgyun ring
gnas mjal ba sogs phyogs 'dus kyi mchog dman mang po 'phrad sar
'ong ste 'du 'dzi'i g.yeng ba zam mi chad pas yid bsun che/
tshes nyi shu'i mtshan

mo wa ra Na si nas me 'khor thog thon te nangs par ldi li gsar
par 'byor zhing/ sog po gu ru de wa rin po che'i shag tu gnas
mal byas/ /rang lo don gsum du son pa/ phyi lo chig stong dgu
brgya bdun cu don gsum

@263b zla ba gsum pa'i tshes lnga/ bod chu glang zla ba dang po'i
tshes gcig nyin ldi li bod gzhung don gcod dang/ bod khang gi ngo
las/ la dwags nang pa'i gtsug lag khang du gnas sdod bod mi
khyon che lo gsar legs skyes kyi slad du phebs

pa 'phrad/ la dwags ba ku la rin po ches rogs ram gyis wi la
ling Don ho se spe kral zhes pa'i sman khang du bskyod cing/
sman pas brtag dpyad zhib nan byas song bar gzugs khams legs
tshul zer/ tshes dgu'i dgong mo

me 'khor thog thon bskyod kyis nangs par rda shod rang shag
bkra
shis rab brtan du 'byor/ de'i phyi nyin ^skyabs rje yongs 'dzin
dga' khri gling sprul rdo rje 'chang ston 'khor rdor gdan nas
rda sar chibs bsgyur bskyangs zhor phran gyi shag tu

^zhabs 'khod kyis lo gsar rten 'byung phar 'bul tshur zhu'i thog
gung gi gsol ston drangs te lhod mjal zhus/ nyin gcig rda steng
theg chen chos gling du ^gong sa mchog gi ^zhabs bsten gyi padmo
la mngon par btud cing/ dgyas

brtse'i bka'i gsang ba snying gi bcud du sim/ Dal hor nas dpal
ldan stod rgyud grwa tshang gi dge 'dun tshog ha yongs rda sar cho
'phrul smon lam gyi tshogs su phebs te smyung gnas lha khang du
bzhugs mus la nyin 'khyongs bsnyen

bkur dang/ sku 'gyed bcas phul te srung spyi'i bskang ba sgrub
bskul zhus thog nged rang yang tshogs theng gcig cing tshogs su
bsdad cing/ tshogs mang nas mgon po'i bskang pa rtsa brgyud ma
dang/ chos rgyal gyi bskang ba char

@264a @#/ /sprin ltar nag ma'i rta dbyangs gyer gnang mdzad pa
nyan skabs kho bo sngar rgyud grar sdod skabs kyi tshogs gzhung
gi rta dbyangs dang phal cher gcig kyang/ yul dus kyi stabs sam
dge 'dun bgres

gras nyung skyon sogs gang yin rung zur cung zad mi 'dra tsam
zhig mthong ba nged rang nor ba yin nam ji yin cha ma 'tshal/
mtshan zhabs gser kong rin po che nas spyan ras gzigs mi tra lugs
snying po don gsum gyi khrid dgos

tshul gsungs pa ltar bzhed pa bsgrubs/ smar khams ze'u 'bru dgon
gyi gangs dkar bla ma rin po che'i yang sprul gzhon nu dang/
rgyud stod kyi grwa gsar zhugs lnga bcas par rab byung dang/
dge
tshul gyi bslab sdom 'bog chog

byas shing/ sprul skur mtshan blo bzang dkon mchog bstan 'dzin
zhes btags/ rgyud stod grwa tshang nas ^skyabs rje yongs 'dzin
khri chen rin po che dang/ kho bo cag la rda steng smyung gnas
lha khang du bla mchod tshogs 'khor dang 'brel

bar bsu bzlog brtan bzhugs chog gnang ba dge 'dun mi phyed 'dun
pa'i byin rlabs kyi bdud rtsi srog 'tsho'i ljon shing gi zungs su
che/ bod zla gnyis pa'i tshes gcig nyin sku ngo lcog steng thub
bstan nor bzang sogs la rdo rje

rnam 'joms dang/ phyag rdor drag po gsum bsgril gyi rjes gnang/
bkras lhun lo chen sprul sku rin po che dang/ spi rti dkyil dgon
bka' chen blo bzang rgyal mtshan sogs la spyan ras gzigs sengge
sgra'i rjes gnang dang/

@264b grub rgyal lugs kyi tshe dbang bcas phul zhing/ gro mo dge
bshes mchog sprul rin po che nas ^rgyal ba'i bka' 'gyur rin po
che cha tshang lha sa'i dpar ma bod shog legs pa zhig bsod nams
kyi skal ba mchog tu stsal ba mdun g.yog

nor bu chos 'phel rdor gling gum dgon du bskyod nas rtsis zhus
kyis lam bar skyon med lho phyogs mon go Dar gdan drangs rgyu
sogs byed sgo legs grub kyis rda ram sa lar phyir 'khor/ gsang
chen rnying ma'i bstan 'dzin dil 'go

mkhyen brtse rin po che rda sa theg chen chos gling gtsug lag
khang du rab gnas rgyas pa mdzad par phebs zhor phran sar ngos
'phrad du phebs shing/ de dang lhan du sde dge rdzong gsar
mkhyen brtse rin po che'i yang srid chung ngu yang mnyam

phebs byung ba/ dil 'go mkhyen brtse sngon nas zhal 'dris che
stabs spyi bye'i chos srid kyi gsung gleng zhib lhod byung/ bod
zla gsum pa'i tshes bcu gnyis nyin phran gyi skyes tshes 'khel bar
brten dze smad rin po che Dal hor nas

ched phebs kyis don gsum skeg thog gi rkyen sel dang chabs cig
ring 'tsho'i rten 'brel du bla sprul dge 'dun mang tsam gdan zhus
kyis zab lam bla mchod kyi tshogs 'khor dang 'brel bsu bzlog bden
tshig gi shis dbyangs gyer ba

bla slob dad dam gtsang ma'i rten 'brel mi shigs g.yung drung
gi dwangs mar smin/ tshes bcu bdun nyin mtshan zhabs gser kong rin
po ches bskul gnang bzhin rin po che nyid dang/ rgyud smad
mkhan
zur bsam gtan chos

@265a @#/ /'phel/ rwa stod chu dbar rin po che/ 'bras spungs ldan
ma blo chos/ dga' shar bla rti dang/ dze smad/ bkras lhun lo
chen rin po che/ shri chu bzang sprul sku/ ser byes tre hor dge
bshes rab

brtan dang/ bka' 'gyur ba blo bzang thub bstan/ dge bshes ngag
dbang dar rgyas/ blo gling dge bshes rig 'dzin bstan pa sogs bla
sprul dge bshes rkyang pa nyer lnga la rje bdag nyid chen po nas
brgyud pa'i 'jam lugs tshe

dpag lha lnga'i tshe dbang dang/ sgra mi snyan gyi tshe dbang ring
brgyud kyi dbang/ gnyan tshems bu pa'i lugs spyan ras gzigs kyi
rnal 'byor gyi khrid bcas phul/ bod zla bzhi pa'i tshes bcu nyin
^gong sa mchog gi bka' dgongs bzhin dpal

mgon stobs 'phrog dbang po zhal bzhi pa rnam 'gyur bcu bdun gyi
nang tshan bsnyen dus mgon po'i bsnyen pa 'go 'dzugs kyis phyi
'grul mtshams bcad bgyis/ 'di nub rmi lam du nged rang khang pa
ngo mi shes pa zhig nang bsdad yod

mur glo bur mi mang po zhig brel zing byed kyin 'dug cing/ de
'phral khams mu li rgyal po yin khul gyi mi rgan rgya dang/ sma
ra can gos chen sngon po'i phyu ba gyon pa zhig slebs byung bar
phran nas rkub stegs khri'u zhig blangs te

der bzhugs byas kyang ma bsdad par mdun gyi sa thog der ras
gdan
srab mo zhig gi steng kha tshur bstan nas bsdad de ha cang dga'
gus kyi rnam pa byed kyi 'dug /de rjes mu li ^skyabs mgon yin
snyam pa'i bla ma zhig phebs

@265b nas khri'u shing de'i zur der bzhugs song ba phran gyi
bsam par mu li rgyal po de rab byung yin pa la/ da res phyu ba
gyon pa'i mi rgan khyim pa zhig 'dug snyam pa sogs za zir mang
tsam zhig rmis pa dpal mgon 'go ba'i mtshan ma zhig min

nam snyam/ dpal mgon zhal bsnyen dus kyi mgon po dang/ sgrub
dus
kyi mgon po/ gsang sgrub mgon po bcas kyi bsnyen pa zin mjug
rnam grwa'i dge 'dun chog grwa dang bcas te bskang ba/

tshogs 'khor/ spyi bstabs kyi gtor ma sogs rgyas par phul/ bsnyen
mtshams grol nye'i mtshams su yang rmi lam du zhing skyong dgyes
pa'i mtshan ma 'ga' shas rmis/ mtshams bcad de kha'i mur bod zla
drug pa'i tshes gcig

nas ^skyabs rje yongs 'dzin gling sprul rdo rje 'chang gi sku
phya'i ^zhabs brtan du dmigs te sgrol dkar yid bzhin 'khor lo'i
tshe bsnyen zhig 'go 'dzugs bgyis/ tshes bcu bdun nyin mtshams bcad
grol te ^skyabs rje yongs 'dzin rin

po che'i spyan sngar tshe rdzas 'bul bar mjal bcar gyis sku tshe
yun brtan gsol 'debs zhus rjes theg chen chos gling du ^gong sa
chen po mjal bcar thog dpal mgon zhal gyi bsnyen sgrub legs par
zin skor ^snyan seng zhus/

pha ran si'i bod phrug khyim sde'i pha tshab shod drung nor rgyas
bza' mi dang/ 'bom b+hel nas 'ongs pa'i pa sangs lha mo sogs la
tshe dbang/ ser byes la'u rdo sprul sku dang/ dge rgan thub bstan
ye shes gnyis kyis bskul ba ltar khong gnyis 

@266a @#/ /dang/ phyi rgyal ba dge tshul thub bstan don yod dang
thub bstan ngag dbang bcas mi bzhi la dur bdag gi rjes gnang/
thub bstan ngag dbang ma gtogs gzhan gsum la shugs ldan gyi
srog
gtad rjes

gnang rnams nyin rim par byas/ zla ba bdun pa'i tshes brgyad nyin
rda steng pho brang du ^gong sa mchog sku rkyang la dpal mgon
zhal rnam 'gyur bcu bdun gyi gras nas shin tu gnyan pa brtsegs
zhal ma dang/ gnad dbab mgon po/ gsang

sgrub mgon po bcas gsum dang/ mjug tu bram ze nag po mngags
gtad
kyi rjes gnang rnams phul zhing/ gtang rag tshogs 'khor dang bcas
legs par bsgrubs/ bod zla dgu pa'i tshes bcu bzhi nyin tre hor
dar dgon dge

bshes byams pa mkhas grub rin po che'i skye srid blo bzang bstan
'dzin dang/ dge rgan dge bshes rab brtan sogs la rje rigs gsum
spyi sgrub kyi rjes gnang dang/ smar mdzod tshe brtan phun tshogs
sogs mi lnga la dge tshul gyi

bslab sdom 'bog chog byas/ tshes bcu dgu nyin rgyud stod grwa
tshang nas lha ldan ra mo che'i jo bo mi bskyod rdo rje rgya dmar
gyis bshigs gtor btang tshab kyi snang brnyan bal yul du gsar
bzhengs kyis rda sa theg chen chos gling gtsug lag khang du

gdan zhu gnang bar gzungs zhugs byin rten dgos tshul gsung ba
ltar/ rgya bod skyes chen ris med kyi byin rten rnam grangs lnga
bcu tham pa phul zhing/ yongs 'dzin khri chen rin po che dang/
nged rang/ rgyud grwa'i mkhan bla/ dge 'dun

@266b bzhi bcu skor bcas nas gzungs sgrub dang/ gzungs 'bul
phyag bzhes rnam dag mdzad/ lha babs dus chen dang stabs bstun
gyis rgyud stod grwa tshang tshogs yongs nas rten gtso jo bo mi
bskyod rdo rjer dpal rdo rje 'jigs byed kyi sgo nas rab gnas

rgyas pa sbyor dngos rjes gsum phyag len rnam dag tu mdzad pa'i
rab gnas dngos gzhi'i nyin ^skyabs rje yongs 'dzin gling rin po
che rdor slob tu chibs bsgyur mdzad cing/ kho bo yang snga dro
bdag mdun 'jug pa gcig pa'i rnal 'byor nas bzung ste

mjug gi cho ga'i bar nyin gang tshogs gral du bcar/ ^gong sa
mchog kyang rab gnas kyi ye shes pa spyan 'dren nas bzung lha la
dbang bskur rdzogs kyi bar tshogs mgon du chibs bsgyur bskyangs
te rang gi rtogs pa'i chos nyid dang ro mnyam pa'i

ye shes rdo rjes lhag par gnas pas ye shes sems pa mngon sum par
bzhugs par mdzad/ tshes nyer dgu nyin phran dang/ dpal ldan/ nor
bu chos 'phel/ 'jam bkra/ bsod bstan bcas rda sa nas thon bskyod
kyis tshes sum

cu'i mtshan mo sa ra Na thar 'byor/ bod zla bcu pa'i tshes brgyad
nyin tre hor rta'u ba blo bzang byams pas bskul ba bzhin sa ra
Na tha'i bod dgon du gdan sa gsum gyi mkhan po las zur dang/ bla
sprul bzhi bcu tham pas gtsos dge 'dun gtso

gyur gyi phyogs 'dus don gnyer ba bdun brgya lhag par dpal 'khor
lo bde mchog dril bu lugs lha lnga'i dbang gi sta gon dang/ de'i
phyi nyin dbang dngos gzhi phul/ tshes bcu nyin srid tshab klu
khang pa tshe dbang rab brtan sku gshegs kyi dge

@267a @#/ /rtsar dmigs lcam rab byung ma rnam rgyal chos 'dzoms
nas lo snga phyir nan bskul thog /rtse gsol thab pa zur pa ngag
dbang bstan 'dzin nas kyang bskul ba bzhin chos zhu gong gsal
gras nas rnal 'byor ma'i

bdag bskyed chag med dam bca' can 'ba' zhig la rdo rje rnal
'byor ma'i sind+hu ra'i dkyil 'khor la brten pa'i dbang bzhi byin
rlabs/ mjug tu tshogs 'khor dang bcas rgyas par byas/ de'i phyi
nyin nas bzung las rung gi grangs bsnyen khas len

can bla sprul dge 'dun gtsos pa'i ser skya mi grangs drug brgya
bdun cu tham par nyin zhag bdun 'das kyi bar rnal 'byor ma'i
bdag bskyed rtsa ba'i thog nas nyams khrid blo thog nas 'chad
cing/ bsgom bya'i don la thos bsam gyis sgro 'dogs gcod

pa; bcad don nyams len gyi sems 'dzin gtong ba sogs gsang chen
slob bshad pa'i phyag bzhes ltar bgyis/ 'di skabs bla sprul dang
dge bshes drag gras mang pas bstan rgyun la phan res bla ma'i
gsung rgyun man ngag dang phyag len rnams

ngo sprod gang nus byas/ thog mar dbang gi skabs nas bzung cham
tshad lta bus gzugs khams bde min byung yang bzod bsran bskyed
de
'chad stabs 'khrugs rkyen gyis nad mnar lci tsam byung bas khrid
mjug rdzogs rjes nyin shas ring phyi mi

ngos 'phrad mtshams 'jog gis dal sdod sman bsten byas/ thog ma'i
'char gzhir bod zla bcu gcig pa'i tshes gnyis nyin rgya gar lho
phyogs ma'i sor dang mon go Dir bskyod rgyu'i me 'khor gyi 'dzin
nyos zin rung/ nad mjug phran bu bsdad

@267b khar rgya gar rgyal yongs kyi gnam sa'i 'grims 'grul las
byed pa rnams nas gzhung la ngo rgol 'brel las ka mtshams 'jog
gis bgrod lam bde min stabs 'khel gyis lho bskyod dor te sa ra
Na thar lhod bsdad byas/ zla ba bcu gnyis pa'i

tshes dgu nyin ser byes ldan ma bstan rgyas rin po che sku gong
ma'i bag chags mngon par gsal ba'i yang sprul gzhon nu thog ma'i
ngos 'phrad du phebs par bar ma rab byung dang dge tshul gyi
bslab sdom 'bog chog byas shing/ sprul sku'i mtshan

la blo bzang thub bstan rgyal mtshan zhes gsol/ tshes bco lnga
nyin ganggA'i chu 'gram du bskyod de tshong dpon gyi bu khye'u
chu 'bebs kyi rjes su bslabs/ gson gshin 'brel thogs spyir dmigs
bal yul mchod rten rnam gsum la sku dkar dang

stong mchod 'bul rgyur hin sgor bzhi stong bsam gling phyag
mdzod bkra shis rgyal mtshan la bskur/ tshes nyer gsum nyin wa Na
nas rda sar thon bskyod byas/ /rang lo bdun cu don bzhir son pa/
phyi lo chig stong dgu brgya bdun

cu don bzhi'i zla ba gnyis pa'i tshes nyer gnyis/ bod shing stag
zla ba dang po'i tshes gcig nyin rda steng pho brang du dgung
gsar mdzad sgor bcar rjes ^gong sa ^skyabs mgon chen po'i gzim
chung du lhod mjal gyi skal bzang thob/ tshes nyer lnga

nyin ser byes tre hor dge bshes rta mgrin rab brtan gyis rgyu
sbyar te rda sa'i dben rir bzhugs pa'i bya btang sgrub pa'i
rgyal mtshan 'dzin pa rnams dang bcas mnyam tshogs kyis bla
mchod
bde mchog dang 'brel ba'i tshogs 'khor phul ba zang

@268a @#/ /zing spros pa med pa'i gnad smin legs tshad du son/
tshes nyer dgu nyin ^skyabs rje yongs 'dzin khri chen gling rin
po che mon go nas rda sar tshibs bsgyur gyis yar lam 'di ga'i
shag tu ^zhabs 'khod

thog gnam lo gsar pa'i rten 'byung tshur stsal par 'bul gyis lhod
mjal zhus/ de rjes ra stod chu dbar rin po che'i gzim shag tu
bskyod de rin po che'i zhabs rim du rta mgrin gyi sgo nas rgyal
rdzongs kyi cho ga gnad smin bsgrubs/ zla ba gnyis

pa'i tshes bco lnga nyin mon rta dbang mkhan po ser byes ri skya
rin po che ston 'khor dang/ sus si'i mi rigs btsun ma ang se ma
sogs la sgrol dkar tshe dbang bskur/ nyin gcig 'bras spungs ldan
ma blo chos sprul sku rin po cher sems bskyed

bka' rgya ma'i lung khrid zhib par phul/ zla ba bzhi pa'i tshes
bcu gcig nyin ^gong sa ^skyabs mgon chen po'i bka' dgongs bzhin
sku sger gzim chung nas mchod bsnyen rgyu 'gro phyag 'don gyis
mtshan zhabs gser kong rin po che dang/ rnam

grwa dge 'dun bcas nas bde mchog tshe lha dkar po'i cho ga dang
'brel bar ring 'tsho'i rten 'brel thog /sku sger drung che rta ra
ba can phebs te gnang skyes rgya che stsal ba bdag gir zhus/ zla
ba drug pa'i tshes dgu nyin mtshan zhabs gser kong rin

rin po che dang/ blo gling ldan ma blo chos rin po che gnyis la
sgra mi snyan gyi tshe khrid dang 'jigs byed kyi bla ma'i rnal
'byor dngos grub gter mdzod dang de'i yan lag zhi rgyas kyi las
sgrub tshul/ 'jam dpal zhi drag gi srung ba/ gshin rje rigs

@268b lngar brten pa'i dam tshig nyams chag gso ba sogs kyi khrid
phul/ tshes bcu'i nub mo rmi lam du ^rgyal mchog sku gong ma
phran gyi shag tu chibs bsgyur gyis phebs lam du rta dang ba
glang sogs sna tshogs 'dug par thugs snang mi mdzad par mi rgod

'dra ba'i spre'u nag po chen po zhig 'dug par phyag phreng gis
sku rtsed lta bu mdzad song bar spre'u des btang snyoms su
bsdad/ de nas gzim chung sgo 'gram du gzim 'gag pa zhig gis sgo
yol btegs shing/ nged rang nas gus bsu zhus par ^rgyal

dbang mchog thugs dgyes nyams kyis mjal dar nang mdzod dkar
gtsang zhig dang/ gtor ma dmar po gnyis yod pa'i gzhong pa zhig
phyag gnyis kyis phran la stsal zhing/ phran nas kyang gus tshul
gyis gsol ras zhus pa dang/ ^rgyal ba'i

zhabs 'bring ba zhig gis lcags gzhong sgor mo sha gsar tshon po
gzugs gcig gis bkang ba ^rgyal ba'i gnang skyes kyi gras su nged
rang gi mdun du bstar ba rmis pa/ 'di nyin rgyal chen shugs ldan
rigs lnga'i nang tshan rgyas mdzad la brten pa'i g.yang

sgrub cho ga'i bstod pa gsar rtsom byed skabs 'khel bas chos
skyong dgyes pa'i mtshan mar go /zla ba brgyad pa'i tshes bco
brgyad nyin ^gong sa mchog bar skabs sus sir gsol sman 'phrod
bzhes kyis rda sar phyir ^zhabs 'khod par phyag

'bul dang/ kho bo cag lho phyogs ma'i sor dang mon gor bskyod
rgyu'i thon phyag chabs cig tu bcar bar/ sku'i 'phrod bzhes dang
nub phyogs kyi mdzad sgo legs lam du gyur pa'i bka' stsal snying
gi bcud du smin/ zla ba dgu pa'i tshes gsum

@269a @#/ /nyin rda sa nas thon te phyi nyin ldi lir nyag re
mkhan sprul ngag dbang dge legs kyi gzim shag tu bsdad/ nangs
par snga dro ldi li nas gnam gru'i thog bskyod de nyin gung
b+heng lor du 'byor/ de nas se

ra'i mkhan po dang/ sog sprul/ ma'i sor gzhis 'go sogs kyis bsu
ba dang bcas dgong dro ma'i sor b+he kob bkra shis lhun po'i chos
sgar dgon gsar du son te dgon pa'i sgo dbye rten 'brel shis
brjod sogs byas/ tshes brgyad

nas bkras lhun dgon du der yod dge 'dun rnams dang bcas 'jigs
byed kyi sgo nas rab gnas kyi cho ga rgyas pa bkras lhun sngags
gra'i phyag bzhes ltar nyin gsum dang/ mjug tu sog sprul dang
dgon pa'i yon bdag rnams gral 'khod

la bkra shis rdzas brgyad gtod pa sogs byas/ bkras lhun dge 'dun
rnams la mang 'gyed bsnyen bkur thog spyi 'bul du hin sgor chig
stong tham pa phul/ tshes bcu gcig snga dro bkras lhun dgon spyi
nas phran la ring 'tsho'i cho ga

gnang zhing/ phyi dro de ga'i dge 'dun thog rgyud smad dang/ se
ra'i chos sgar sogs nas phebs pa'i dge 'dun bcas khyon cher
'jigs byed lha bcu gsum ma'i dbang gi sngon 'gro sta gon dang/
de'i phyi nyin dbang dngos gzhi phul/

tshes bcu gsum nyin hun sur rgyud smad grwa tshang nas 'bod gnang
bzhin bskyod de grwa tshang nas ^gong sa chen po'i bzhugs yul pho
brang gzim chung du sdod sgrig gnang 'dug pa der bsdad/ ngang
tsam rjes cha phreng ba gzhis chags spyi nas

@269b bos pa ltar khong tsho'i sdod gnas su bskyod de ngos 'phrad
'brel spangs blangs byed sgo'i slob ston lhod mol byas/ phyi dro
pho brang du ldog /nangs par hun su'i gzhis khongs mi mang ser
skya nyis stong skor la sgrol bstod dang/ yig drug /

^rgyal ba'i ^zhabs brtan sogs kyi chos 'brel bklag lung zin rjes
rdzong dga' chos sde'i dge 'dun rnams nas 'bod bskul ltar dgon
par bskyod de sgo dbye'i rten 'brel dang/ rab gnas rta thog ma
byas/ tshes bco lnga snga dro rgyud smad

dge 'dun rnams la rje rigs gsum spyi sgrub kyi rjes gnang phul
zhing rgyud chen gong ma rnams kyi bzhed srol rgyud kyi 'chad
nyan dang/ cho ga phyag len mi nyams gong spel rgyun skyong
dgos
pa'i snyan bskul zhus/ rgyud khang gsar bzhengs

zhal 'debs hin sgor chig stong tham pa snga lo phul zin cing/
'di skabs rgyud grwar grwa ja bzhes bag dang sku 'gyed hin sgor
lnga re mjal dar bcas kyis bsnyen bkur bstabs/ phyi dro hun su
nas thon te lam zhor b+he kob gzhis sgar gnyis

par theg chen chos gling dgon du yud tsam bskyod de khrus gsol
rab gnas byas rjes se ra theg chen gling gi chos sgar du dge
'dun rnams kyis bsu ba ser sbreng dang bcas byes grwa tshang gi
dpe mdzod khang du sdod sgrig gnang 'dug pa der

gnas mal phab/ ser byes ldan ma dge bshes ngag dbang legs ldan
gyis snga lo nas bskul ba bzhin tshes bcu bdun nas bzung se ra
tshogs chen 'du khang du se ra'i dge 'dun gtso gyur thog /rgyud
smad dang/ mon go nas ched phebs

@270a @#/ /sogs dge 'dun brgyad brgya tsam la zab lam bla ma
mchod pa'i rtsa gzhung dang/ bka' chen gsung khrid yig chen mo
sbrags pa'i steng nas nyams khrid 'chad spel 'go 'dzugs byas
shing/ 'di nyin nas

bzung nyin drug ring/ shes rab sdong bu las/ kha cig smra ba
lhur len te/ /kha cig mi smra don mang sgrub/ /'dam bu'i me tog
'bras bu med/ /star kha'i me tog 'bras bur ldan/ /zhes pa ltar
rang nyid 'dam bu'i me tog gi rang

bzhin kho nar bas kyang dred po chos rgyus mkhan smra ba lhur
len gyi tshul du nyin gung rgyab kyi chu tshod dang po nas drug pa
tsam bar nyin bstar chags su 'chad/ tshes bco brgyad nyin snga
dro se ra bla spyi dang/ dge lugs tshogs pa/ dge bshes

legs ldan bcas thun mong nas yon sbyar gyis dge 'dun tshogs yongs
nas mdo lugs brtan bzhugs cho ga dang 'brel ring 'tsho'i bden
tshig gi shis pa brjod pa'i me tog char du phab pa 'chi med srog
zungs kyi dwangs mar smin/

se ra tshogs chen 'du khang gsar bzhengs kyi zhal 'debs hin sgor
chig stong tham pa sngon phul zin stabs 'di res dge 'dun rnams
la mang ja dang/ bzhes bag /sku 'gyed hin sgor lnga dang kha
btags re bcas phul/ tshes

nyer gnyis snga dro ma'i sor gzhis sgar gsar rnying khag gnyis
kyi mi mang yongs rdzogs la sgrol bstod dang/ dam tshig rdor
bzlas sogs kyi chos 'brel bklag lung bgyis/ tshes nyer gsum nyin
ser byes grwa tshang nas

@270b bskul gnang bzhin tshogs mang la gnod sbyin lcam dral gyi
rjes gnang dang/ bsam blo dge bshes blo bzang gi 'dod mos bzhin
rgyan 'jug gnyis kyi bklag lung phul zhing/ dge 'dun rnams nas
bshad sgrub 'chad nyan gong 'phel

sogs bstan pa'i rgyan du che ba'i mdzad bzang lhur bzhes gnang
dgos kyi snyan bskul zhus/ de'i phyi nyin ser smad grwa tshang
gis 'bod gnang bzhin dpe mdzod khang du bskyod de gral 'khod
rten 'brel sogs zin mjug spom ra khang

tshan nas gra sgrig gnang ba ltar spang lung rgyal chen sku bsten
la chos skyong gtso 'khor spyan drangs nas blang dor lung bstan
nges gsal gnang dgos nan bskul zhas par lung bstan re zung
gnang/ tshes nyer lnga nyin se ra'i chos sgar nas

btegs te ma'i sor gzhis chags las khungs le lag dang bcas pa'i
khang pa gsar par rab gnas dang/ gzhis sgar dang po'i lha khang
la rab gnas bcas byas te ma'i sor zhing chen gyi ri li'i babs
tshugs nas phyi dro thon/

phyi nyin hub lir 'byor skabs dga' 'bras gnyis kyi mkhan po las
zur dang/ gzhis chags 'go 'dzin bkras mthong sras sogs bsu bar
phebs shing de nub mgron khang zhig tu bsdad/ tshes nyer bdun
snga dro thon te mon

gor 'byor skabs mkhan po/ bla sprul/ dge 'dun dmangs/ gzhis
chags mi mang/ slob gra ba bcas nas ser sbreng dga' bsu dang
bcas thog mar dga' ldan bla spyis gra sgrig gnang ba ltar tshogs
chen 'du khang du rten

@271a @#/ /'brel gral 'khod thog /gsol 'bras
dang/ bla spyi grwa
tshang so so nas rten gsum mjal dar sogs stsal/ de nas rang shag
gsar pa phun tshogs rab brtan du 'byor zhing/ der yang dga'

'bras bla spyi grwa tshang sogs spyi sger mang po zhig nas legs
so'i rim pa bstar ba sogs tshur mthong skye bo'i yi gar 'bab pa'i
rten 'brel gang legs kyi tshul du gyur/ de sngon khang pa'i ar
las byed sgo rnams shar rtse grwa tshang la

mngags gdams zhus pa bzhin thugs khur chen pos ar po'i 'go byed
nyag re dge bshes byams pa rab 'byor ched 'dzugs gnang ba ltar
khong nas kyang ngal ba khyad bsad lhag bsam yod rgu rtsal
'don
gyis khang pa'i bzo

bkod mdzes shing/ bsra brtan phugs 'pher yid blor 'bab pa byung
'dug /kho bo bgrang bya'i phreng ba mthon por son te rga ba'i
khur gyis gnya' ba non cing/ tshe yi nyi ma dus kyi nub ri'i phag
tu gzhol nyer gtugs kyang slob

ma dang yon bdag glo ba nye ba la la dag gis dad dam lar zhen
gyis phugs bsam gal po cher bzung nas rgya gar lho phyogs mon
go
Tar gdan sa dga' ldan gyi tshogs chen dang/ grwa tshang sogs rang
khongs 'brel yod rnams dang

khad nyer sdod shag gsar bskrun thub na 'phral phugs gang cir
dgos pa dge mtshan che tshul dpal ldan sogs kho bo'i gam na mchis
pa rnams la slob ston rgyud bskul gnang bar tshang ma blo mos ci
che byed kyin 'dug par/

@271b kho bo rang ngos la bltos na mgron zhag gcig gi gnas khang
lta bu las ma 'das kyang dgos pa dang rgyu mtshan gzhan 'ga' zhig
kyang mthong bar brten nas/ rje kha rag sgom chung gis/ ri khrod
dgon pa mi 'grim par 'khor ba'i mun khang

rtsig pa 'di yang 'khrul/ gcig pur don nyid mi sems par 'khor
mang nang du chos 'chad pa 'di yang 'khrul/ zhes gsungs pa ltar
'di snang a 'thas kyi 'khrul pa bden 'dzin gyi 'khor lo zhig
bskor du thal ba/ mgon po klu sgrub kyis

shin tu blun pa la la dag /'chi ba'i rnam pa rab brjed nas/ /bya
ba mang po rtsom byed de/ /bdud kyis bslus pa ma lags sam/ /zhes
gsungs pa'i don thog tu song ste/ kha bshad dang lag len rgyab
'gal gyi zog brdzu'i rang mtshang

zhig rjen par bstan/ zla ba bcu pa'i tshes gsum nyin rang shag
dge phrug spyi nas yon sbyar gyis dze smad rin po che sogs chog
gra gdan zhus 'brel bla mchod tshogs 'khor rgyas gshoms thog
ring
'tsho'i brtan bzhugs rten 'brel gyi cho ga

bstar zhing/ de dang mnyam du cha phreng ba mi rigs spyi nas
kyang mchod tshogs zhal 'debs dang 'brel rten 'byung dngos skyes
btab/ de nyin yang dga' 'bras gnyis kyi bla spyi grwa tshang
dang/ se ra nas ched phebs byes smad mkhan po sogs

nas khang pa gsar pa'i rten 'byung legs skyes stsal/ nyin gcig
rgyal chen shugs ldan zhi ba 'dul 'dzin sku phebs spyan 'dren
zhus par/ 'dul 'dzin nas kho bor deng phan 'jam mgon bla ma'i
lugs bzang 'chad spel bgyis par

@272a @#/ /legs so dang slad kyang 'tsho khams yun brtan bstan
pa'i zhabs 'degs bsgrub dgos zhes gsungs/ tshes dgu nyin dga'
ldan tshogs chen dge 'dun rnams dang/ se ra nas chos zhur phebs
pa'i bla sprul

dge 'dun rnams bcas la gsol ja bzhes 'bras/ sku 'gyed hin sgor
gsum dang mjal dar re bcas kyi bsnyen bkur gzab thog /^khyab
bdag rdo rje sems dpa'i ngo bo ^skyabs rje yongs 'dzin khri chen
gling rin po che mchog tshogs

mgon du spyan drangs te mchod sprin sna lnga brgya tshar dang/
bla mchod tshogs 'khor 'bul bshams dang 'brel ^zhabs zung bskal
pa'i phyi mtha' de srid du 'pho med rtag pa chen po'i ngo bor
'tsho gzhes kyi gsol 'debs thog dngos 'bul

gyi bdog pa dang bcas bstar zhing/ phran nas bkra shis rdzas
brgyad kyi mthun 'gyur sogs rten 'brel legs tshogs su bsgrubs/ de
rjes khri chen rin po che ston 'khor kho bo cag gi sdod shag tu
^zhabs 'khod kyis gnas khang

gsar pa'i rten 'byung legs skyes gsol ras bka' drin stsal zhing/
de nyin lhod bzhugs la gsol ston gzhab 'bul zhus/ skabs 'di dag
tu dga' ldan byang rtse grwa tshang gi dge 'dun rnams la grwa ja/
bzhes bag /sku 'gyed

hin sgor gsum re bcas kyi bsnyen bkur thog spyi 'bul du 'jam
mgon tsong kha pa yab sras gsum gyi snang brnyan zhal thang
bris
legs la gos rgya 'dra rgya se ser po'i gong sham dang 'ja' bcas
sman rtse'i zhal khebs rang 'grigs che

@272b tshad du longs pa zhig dang/ shar rtse grwa tshang du bsnyen
bkur gong 'dra'i thog spyi 'bul du thub dbang dang/ 'dzam gling
rgyan drug mchog gnyis bcas kyi bris thang dgu la lha sa nas bal
yul du 'byor pa'i tshong rigs shig gi lag nas

rim brgyud lag son byung ba ^rgyal mchog sku phreng bcu gsum
pa
thub bstan rgya mtsho'i na bza' gos ber gyi phyi sha 'khrul med
u ru su'i rgya se thang 'bru ris kyi gong sham dang wa ra Na
si'i rgya 'dra mtshal ka'i 'ja'/ sman rtse dang gru'u rtsi

mtshal ka spel ba'i zhal khebs/ rgya dngul gyi bsgril tog bcas
rang 'grigs/ paN chen blo bzang chos rgyan gyi gsung 'bum rgya
shog dpar ma pod lnga/ rol mo rgya sil rgyu rnying che ba cha
'grigs bcas dang/ rdo khang khang tshan la sbub

chol gra sbub e waM sprin sgra cha 'grigs/ 'bras spungs tshogs
chen dge 'dun rnams la bsnyen bkur gong mtshungs thog tshogs
chen
'du khang gsar bzhengs kyi zhal 'debs su hin sgor chig stong
tham pa/ sa skya grwa tshang gi dge

'dun zhal grangs drug cu skor bzhugs par bsnyen bkur gong
mtshungs thog spyi 'bul hin sgor nyis brgya/ rnying ma grwa tshang
gi dge 'dun ngo yod sum cu skor la bsnyen bkur gong bzhin dang
spyi 'bul du hin sgor nyis brgya bcas

rnams phul/ tshes bcu drug gi snga dro 'bras spungs chos sgar du
bskyod cing/ der sgo blo grwa tshang gnyis kyi dge 'dun rnams nas
dga' bsu ser spreng bcas sgo mang tshogs khang du 'bras spungs
bla spyi dang/ grwa tshang gnyis bcas

@273a @#/ /nas rten gsum mjal dar dang ja 'bras sogs kyi rten
'brel mdzad cing/ de rjes blo gling chos rar ^skyabs rje yongs
'dzin gling rin po che'i bla brang nas tshogs 'khor bsnyen 'gyed
sogs kyi rgyu

yon sbyor gnang gis khri chen rdo rje 'chang nyid dbu bzhugs
thog 'bras spungs dge 'dun tshogs yongs dang/ lam rim chos zhur
phebs pa'i se ra'i bla sprul dge 'dun bcas nas bla mchod dang
'brel phran la ring 'tsho'i cho ga dang/

khri chen rdo rje 'chang nyid nas bkra shis rdzas brgyad kyi
bden tshig shis brjod mdzad de gsung rab rnams nas 'dus byas
thams cad mi rtag kho nar gsungs pa'i dam bca' 'jig la cha bar
gyur/ de rjes gling bla brang du bcar te gzim

shag gsar pa'i zhal sro'i rten 'brel du ^skyabs rje rin po che
ston 'khor la legs 'bul gyi bdog pa bstar zhing/ bla brang nas
phran ngo 'khor la gung gi bza' btung gya nom par stsal/ zla ba
bcu gcig pa'i tshes brgyad nyin mon go'i

gzhis chags khongs gdan sa dga' 'bras gnyis/ sa rnying grwa
tshang/ mi mang spyi bcas thun mong nas yon sbyar gyis blo gling
chos rar yongs 'dzin khri chen rin po che dang/ kho bo cag zung
la bla mchod tshogs 'khor dang 'brel brtan

bzhugs cho ga gzab rgyas bstar bar gnyug mar gnas pa dang/ glo
bur phebs pa'i dge 'dun tshogs chen nas bden tshig shis brjod
mdzad/ tshes bcu bdun snga dro 'bras spungs bla spyis bskul gnang
bzhin blo gling chos

@273b rar dge 'dun mang tshogs dang/ gzhis chags mi mang khyon
che bcas par rdo rje rnam 'joms kyi rjes gnang dang/ phyi dro
blo gling grwa tshang nas bskul gnang bzhin blo sbyong don bdun
ma'i bshad khrid phul/ de'i phyi nyin blo gling grwa tshang nas

^skyabs rje khri chen rdo rje 'chang dang/ kho bo thun mong la
bla mchod tshogs 'khor dang 'brel bar dge 'dun mang tshogs nas nyi
bu'i g.yul las rgyal ba'i cho ga mdzad/ dga' ldan shar byang
grwa tshang gnyis kyi thugs 'dod bzhin tshogs chen

'du khang du tshes nyi shu nas bzung nyin gsum ring dga' 'bras
gnyis kyi dge 'dun gtso gyur thog /se ra nas phebs pa'i dge 'dun
sogs don gnyer ba chig stong lhag tsam la dpal gsang ba 'dus pa
'phags lugs mi bskyod rdo rje

dang/ rdo rje 'jigs byed lha bcu gsum ma'i dbang chen sta gon
dang bcas pa rgyas par phul/ tshes nyer gsum snga dro tshogs chen
'du khang du dga' ldan bla spyi nas yon sbyor mdzad de ^skyabs
rje khri chen rin po che dang/ kho bo cag thun

mong la dge 'dun mang tshogs nas mdo lugs kyi brtan bzhugs cho
ga
dang 'brel dge 'dun mi phyed 'dun pa'i byin rlabs char du phabs/
phyi dro khri rin po che dang/ phran/ dga' ldan shar byang gi
mkhan po/ bla sprul/ dge bshes

sogs chog gra dang bcas tshogs chen 'du khang rten dang brten
par
bcas la rab gnas rta thog ma'i cho ga dang 'brel lhag gnas kyi
me tog 'thor/ tshes nyer lnga nyin cha phreng bsod nams mtshams pa
blo bzang mthar phyin nas tshe

@274a @#/ /'das blo bzang 'bum skyid kyi dge rtsar bskul ba bzhin
'jigs gsang gnyis kyi dbang zhu'i tshogs pa yongs la rdo rje rnal
'byor ma'i sind+hu ra'i dkyil 'khor du dbang bzhi byin rlabs
rgyas par phul/

de'i phyi nyin cha phreng a pho bzod pa thogs med nas tshe 'das
dge slong ye shes rgyal mtshan gyi dge rtsar bskul ba ltar sman
bla mtho brtsegs kyi rje gnang dang/ rje tshe 'dzin ma'i tshe
dbang bcas ser skya mi mang khyon cher bskur/ zla ba

bcu gnyis pa'i tshes gcig nyin dge ldan rig gzhung gces skyong
tshogs spyi nas ^skyabs rje yongs 'dzin khri rin po che dang/ kho
bo cag /gzhan yang de sngon lha sa dang/ rjes sor rgya gar bcas
par lha rams dam bca' zin pa dang/

sngags kyi dam bca' zin pa'i dge bshes gsar rnying rnams la lha
rams dang/ sngags rams kyi ming rtags gzengs bstod lag 'khyer
'bul sprod bya rgyu'i rten 'brel tshogs 'du chen mo gnang rgyur
dga' ldan tshogs chen 'du khang du

gdan sa gsum dang/ rgyud grwa'i mkhan po/ dge 'dun mang tshogs
bcas kyi thog zam gdong sprul skus tshogs 'du'i sgo dbye dang/
rnam grwa mkhan po nas sngon 'gro'i gsung bshad 'brel khri rin
po che dang/ phran gnyis la dge

bshes lag 'khyer dang/ gser gyi rtags ma/ mjal dar nang mdzod
re/ dge bshes byings la lag 'khyer yi ge dang/ me tog phreng ba/
lha reg bcas 'bul sprod mdzad/ de rjes khri rin po che dang/
phran gnyis khri steng 'khod

@274b par tshogs spyi/ mon go'i gzhis mi spyi sogs nas rten
'byung legs skyes gnang zhing/ bkra shis bden tshig dang bcas
mdzad sgo grol/ tshes gsum nyin dge ldan rig gzhung gces skyong
tshogs spyi nas dga' ldan tshogs chen du ^skyabs

rje yongs 'dzin khri rin po che dang/ kho bo thun mong la dge
'dun mang tshogs nas mdo lugs kyi zhal 'don 'brel yun du gzhom
zhig mi 'byung ba'i bden brjod bkra shis kyi me tog char du
bsnyil/ tshes brgyad snga dro sgo mang grwa tshang nas

gsung bskul bzhin khri rin po che dang/ kho bo cag /grwa tshang
mkhan bla dge bshes rnams lhan tshogs kyis 'du khang rten dang
brten par bcas la rab tu gnas pa'i cho ga dang 'brel lhag gnas
kyi me tog 'thor ba'i bya ba bsgrubs/ phyi

dro mon go'i gzhis mi'i gras zlos gar tshogs pa nas khri rin po
che dang kho bo lhan 'dzoms kyi sar lha mo'i zlos gar 'khrab
ston gzigs 'bul chog pa zhes nan brjod ltar 'dod bstun gyis
^rgyal ba'i pho brang gi mdun du spang ljongs steng

chu tshod gnyis tsam ring chos rgyal nor bzang gi rtogs brjod las
'phros pa'i zlos gar 'khrab ston la bltas shing/ zlos gar ba
rnams la legs skyes kyi brdan pa'ang bstabs/ ltad mo'i skabs
nged rang ni/ skyes rab las/

kye ma'o 'jig rten rnams mi rtag /gnas par mi 'gyur dga' mi
'gyur/ /kud mu da yi dpal 'di yang/ /dran par bya ba nyid du
'gyur/ /zhes pa de sems la dran te kha nas kyang thon/ 'di skabs
ma zad/ de sngon lha sar

@275a @#/ /mtshan zhabs dang/ yongs 'dzin gyi ming khur bzung nas
nor bu gling ga'i pho brang du sdod skabs zho ston lha mo'i zlos
gar nyin bzhi'i ring gzhung srol gzigs mo'i mdzad sgor bcar dgos
stabs

de skabs kyang skyes rabs kyi tshig 'di yang yang dran te ltad
mo'i dga' snang cher mi yong bar snang/ shar byang grwa tshang
gnyis nas mngon pa mdzod kyi dam bca' phar tshur 'jog res nyin
gnyis mdzad skabs mjal bar bskyod par rtags

bsal mang che ba mdzod kyi mu bzhi dkrugs ma sha stag lta bu
btang song bar nged rang dge bshes dam bca' zin nas lo mang yun
song stabs kyis mdzod kyi grangs 'dren rnams/ ji skad du spyod
'jug las/ thos dang bsam dang

sgom pa yang/ /glo rdol bum pa'i chu bzhin du/ /dran pa la ni de
mi gnas/ /zhes gsungs pa ltar phal cher brjed ngas kyi chom pos
'phrog zin pas rigs lam bzang nan dbye ba ma chod/ grwa tshang
gnyis kyi grwa btsun

gsar pa rgyan 'jug gnyis ka blo 'dzin zin pa dang/ gang rung
gcig zin pa rnams la blo 'dzin mang nyung la gzhig pa'i brngan
skyes stong min tsam re bstabs te slob sbyong la 'bad brtson
dgos pa'i bskul ma byas/ tshes

bco lnga nyin dga' byang pha ra sprul skus gtsos shar byang grwa
tshang gnyis kyi btsun chung lnga bcu skor la bar ma rab byung
dang/ dge tshul gyi bslab sdom 'bog chog byas/ tshes nyer brgyad
nyin snga dro mon go nas thon te 'bel gam bar mo

@275b Tor dang/ de nas gnam gru'i thog 'bom 'bel brgyud ldi lir
'byor te sog bla'i shag tu son/ /rang lo bdun cu don lngar son
pa/ phyi lo chig stong dgu brgya bdun cu don lnga zla ba gnyis
pa'i tshes bcu gcig /bod

shing yos zla ba dang po'i tshes gcig nyin lo gsar gyi rten 'brel
sa bcad ma stongs tsam byas shing/ der ldi li bod gzhung don
gcod/ bod kyi 'grems ston khang bcas pa'i ngo las rnams lo gsar
rten 'byung ngos 'phrad du phebs/

tshes drug nyin dgong dro ldi li nas thon te rda ram sa la'i rang
shag tu 'byor/ phyi nyin ^gong sa mchog gi ^zhabs kyi padmo la
mngon par 'dud pa'i mjal phyag tu bcar bar dgyes 'dzum zla ba'i
'od dkar 'bum du bzhad pa'i gsung

gi dbugs dbyung stsal/ zla ba gnyis pa'i tshes gsum nyin rigs
brgya'i khyab bdag yongs 'dzin khri chen rdo rje 'chang rdo rje
gdan nas rda sar chibs bsgyur bskyangs zhor 'di ga'i shag tu
^zhabs sen gyi padmo rnam par bkod de lo gsar

rten 'byung mjal dar phar 'bul tshur zhus kyis lhod mjal zhus/
tshes bzhi nyin sku gshegs yon bdag karma dbang phyug gi dge
rtsar dmigs te pa sangs lha mo lags nas bskul ba bzhin rda steng
theg chen chos gling gtsug lag khang du

gdan sa gsum dang/ rgyud grwa/ bkras lhun bcas kyi mkhan po/ bla
sprul/ dge bshes/ bya btang ri khrod pa/ gnyug mar gnas pa dang/
phyogs 'dus kyi dge 'dun/ skye bo pho mo sogs don gnyer ba drug
brgya lnga bcu skor

@276a @#/ /la 'khor lo bde mchog dril bu lugs
lha lnga'i dbang gi
sta gon dang/ phyi nyin dbang dngos gzhi/ de'i nyin rjes mar
gong gsal chos zhu'i gras nas bde mchog gi rnal 'byor dag pa
gsum chag

med khas len can lnga brgya drug cu tham par dril bu lugs lus
dkyil gyi dbang chen bcas bskur/ tshes brgyad nas bzung nyin bcu
gnyis ring gangs can skyid gshongs dpe mdzod khang gi yang
steng
tshom chen du lus dkyil bdag

bskyed rgyas pa chag med 'don rgyu'i dam bca' can brgya dang
brgyad cu gya gsum la lus dkyil gyi bskyed rdzogs nyams khrid
dang/ mjug tu bde mchog tshe lha dkar po'i rnal 'byor dang 'brel
bar rdo rje'i bzlas pa'i rlung sbyor la

brten nas tshe sgrub bya tshul gyi khrid bcas/ ji skad du/ paN
chen blo bzang chos kyi rgyal mtshan gyis/ rang nyid nyams len
med par gzhan la 'doms/ /ye shes spyan ldan drung na ngo yang
tsha/ /'on kyang bde bar gshegs

pa'i bstan pa ni/ /lung tsam gyis kyang don dang ldan no zhes/
/zla med ston pa de yis bsngags pas na/ /zhes gsungs pa ltar yab
rje drin can bla ma'i gsung gi bdud rtsi rnams thos sgrog nyan
thos kyi tshul du smra ba don ldan

gyi rnam dkar bsgrubs so/ /de yang dbu ma bzhi brgya pa las/
rnam shes gnas pa med pa las/ /gal te smyon pa gyur na ni/ /srid
'dir smyon pa ma yin zhes/ /mkhas pa su zhig smra bar 'gyur/
/zhes gsungs pa

@276b ltar rang la gzhan gyi bla mar 'os pa'i mkhas dang grub
pa'i yon tan gyi cha til 'bru tsam zhig bgrang du btub pa med
pa'i ngang tshul rang nyid kyis shes bzhin pa de ltar yang/ skye
bo mchog dman mang po zhig gis rag gan gyi gong bu

gser du mngon te bstod bkur bsngags gsum bgyis pa la brten nas
rang sems rnal du mi gnas par 'khrul te smyon pa dang mtshungs
par dus mtha'i bla gzugs kyi zlos gar ci yang bsgyur ba'i tshul
'di dag ni/ kun mkhyen

klong chen pas/ sna tshogs skye bo du ma'i 'du long kun/ /'du
'dzin 'khrul pa'i bdud du ma shes par/ /kha lta chos bshad gzhan
don byas so snyam/ /'di 'dra'i spyod pas yong ba 'dug gam soms/
/

zhes dang/ bka' gdams kyi dge bshes sha po sgang pas/ rgyud la
yon tan med par gzhan gyi slob dpon bya bar 'dod pa 'di yang
min/ /chos mtho la rang rgyud dma' ba 'di yang min/ zhes gsungs
pa ltar

las ma 'das pas chos dang 'jig rten gang dang yang mi mthun pa'i
sgyu ma'i rol rtsed kyi ngang la mi tshe gtugs pa'i sgrung gtam
gyi na pa 'ba' zhig las/ dam pa gzhan gyi rnam thar ltar mthong
na dad pa dang ngo mtshar skye

bar 'os pa zhig yi ge'i lam du 'dren rgyu med mod/ 'on kyang
bskul ba po rnams kyi thugs 'dod dang/ lhag par brag g.yab che
tshang mchog sprul rin po che nas dpar 'debs dang/ dbyin skad du
phab bsgyur

@277a @#/ /gnang bzhed kyis gang myur 'bri dgos zhes ngos mjal
skabs dang gsung bris kyi lam nas snga rjes rim par bskul gnang
mdzad pa'i nyer len ma zad/ rjes sor kho

bo'i spyod tshul gzhan gyis smra ba byung tshe smra ba po so so'i
zhe 'dod dang/ zer lo dang thos lo'i rjes su 'brang ba'i sgro
bskur gyi brjod bya lhag po sna tshogs pa'i rdzun gyi phreng bdag
mi 'byung ba'i nges pa ma mchis shing/

de bas rang dang skal mnyam gyi skye bo rnams dang mtshungs par
'di snang 'khrul pa'i rgya mtsho dkar nag las kyi rlabs phreng
res mos su bskyod pa'i ngang tshul ma bcos lhug po rang bzhin
brjod pa'i tshul du rang nyid kyis

bkod kyang rung ba med 'dra snyam nas dga' ldan khri chen
byang
chub chos 'phel gyi skye gral du stes dbang gis 'khod pa blo
bzang ye shes bstan 'dzin rgya mtshor 'bod pas phyi lo chig stong
dgu brgya lnga bcu nga dgu lor

lha sar dus 'gyur mi bzad pa byung ba phan gyi lo rgyus nged
rang gi dran lam du gsal ba dang/ dpal ldan gyi brjed thor 'khod
rigs che long tsam zhig las/ de min mang che brjod ngas kyi
dbang du song bas

zhib 'god ma thub cing/ rgya gar du slebs tshun chad nas kyi yang
'du 'dzi'i bya byed lu gu rgyud sbrel gyi gnas tshul dgos med
byings che dor te rgyas bsdus 'tshams pa'i lugs su rang lo bdun
cu don lngar

@277b son pa/ phyi lo chig stong dgu brgya bdun cu don lnga/ bod
shing yos zla ba gnyis pa bar gyi lo rgyus rnams yi ge'i ris su
bkod pa ste/ de ltar bgrang bya'i phreng ba de snyed cig 'das
zin mod/

'on te da dung yang ji skad du bod mkhas pa mi pham dge legs
kyis/ 'dus byas glog gi sgeg mo'i rol rtsed dang/ /bde dang sdug
bsngal shing rta'i 'phang lo bzhin/ /'khor ba'i rnam 'gyur mtshar

'di ngas rtogs mod/ /'pho med las ni rang gi bgo skal nyid/ /ces
pa ltar 'dus byas thams cad mi rtag 'jig pa'i chos can dang/ zag
bcas 'khor bas bsdus pa'i gnas lus longs spyod

thams cad sdug bsngal gyi rang bzhin du gsung rab las 'byung ba
ltar mngon sum mthong thos su gyur kyang/ bden 'dzin dang rtag
'dzin gyi gzhan dbang du gyur pa'i blo rgod dred po lang shor
'di nyid

'khrul pa gya gyu'i rtsed mos thar pa'i srog 'phrog pa'i sbyor
ba 'ba' zhig la gzhol ba las/ 'jig rten pha rol sems pa'i blo
gros kyi gom pa gong du cung zad tsam 'pho ba med pa 'di ni
sngon goms

@278a @#/ /las ngan gyi bag chags stobs po che zhig dar ba'i bgo
skal nyid du sems so/ /ma brtags nyams dga' 'khrul pa'i grong
khyer du/ /

'di snang chos brgyad sgyu ma'i zlos gar stong/ /dal med glog
ltar bsgyur ba'i ya mtshan la/ /blta phyir mes pos gdong bzhi
sprul lam snyam // dge legs 'phel// //