@00 [ls]

@#/ /su kta ga rb+ha s+ya pra yA ga nA ma ne ya tsa ni ta s+yA
rtha bi b+ha dzya ru tsi ka ra su ktaM garb+ha s+yA rtha n+ya
k+Sha bi b+ha ga s+ya shA sti bi ha ra/ /

@#/ /drang ba dang nges pa'i don rnam par phye ba gsal bar byed
pa legs bshad snying po'i don mtha' dag rnam par 'byed pa'i
bstan bcos legs bshad snying po'i 'jug ngogs zhes bya ba bzhugs
so/ /

@001 [dd]

[ls]

[ls]

@001a @#/ /garbi ta ska tU ra pu Shbau dza ssa tsU DA hI dzA
laM kra ma NaM ha s+yaM ta laM/

@#/ /dregs pa'i gtsug gi me tog mdangs ldan pa/ /zhabs mthil ga
pur 'dzum pa'i dra ba la/ /

[dd]

@002a [dd]

[ls]

[ls]

@002a @#/ /b+hA nti ni mnAM ka ra de bA nA dza naM pU dza nA
gu tstsha mu nI ndrA mr-i rdza yaH/

@#/ /btud pas zab don sbrang rtsi'i 'byung gnas su/ /sgrub mkhas
thub dbang lha ma'i mchod sdong rgyal/ /

@002b che ba'i blo can gang gis mkhyen rab mtha'/ /mi rnyed kun
bzang spyod pa'i 'od stong can/ /lam 'di ji bzhin rtogs nas
'doms pa la/ /zla bral dpal

ldan bla mas dus kun skyongs/ /shes bya'i dkyil 'khor utpal
sngo ba'i mdangs/ /rnam 'byed me long dwangs pa'i gdong pa la/
/rgyan du 'char ba'i dngos grub

stsol ba'i lha/ /'jam dpal sangs rgyas kun gyi bla mar gus/
/rgya chen spyod pa'i gtam gyi ku mu da/ /thugs bskyed zur phud
ngos la rab rtsen pas/ /kun

mkhyen shAkya seng ge'i chos kyi khrir/ /dbang bsgyur mi pham
bla ma'i zhabs la 'dud/ /dpal stug lam bzang yongs kyi rtser son
pa/ /zab mo'i rten 'byung

@003a @#/ /rig pa'i rgyal rnga yis/ /mthar 'dzin gdug pa'i 'khrul
'khor 'jig byed pa/ /klu sgrub sangs rgyas gnyis ba rgyal gyur
cig /dga' ldan zhing gi me tog ma rnyings pa/ /rang gi gtsug tor
rtse la

mngon drangs pas/ /sngon med legs bshad gtam gyi mchod sbyin
mkhan/ /rnam rig shing rta'i srol 'byed thogs med mchod/ /klu
sgrub srol la dbang bsgyur 'phags pa lha/ /dpal ldan dpa' bo
grub brnyes

sangs rgyas bskyangs/ /legs ldan zhi ba 'tsho sogs mu tig gi /do
shal sa la grol ba'i mched por dad/ /khyad par mtha' bral gnas
lugs 'khul mang du/ /'tshol ba'i skal ba bzang por bka' drin gyi/
/

cod pan rin thang med pa'i khur sbyin pa/ /zla grags srid pa'i
gdung sel gtsug tu bkur/ /thogs med lam srol u dumba ra'i
'dzum/ /skyong mkhas dbyig gnyen blo gros brtan pa'i zhabs/
/phyogs glang chos

grags la sogs 'phags yul na/ /rigs pa skyong ba'i paN chen rim
byon bsngags/ /zab gsang legs bshad gtam gyi snying po seng chen
rtsen pa'i sgra dbyangs kyis/ /nor gyi blo gros yangs pa'i mtha'
la rgyal

dbang bden par smra ba yi/ /mdzad bzang zla ba 'bum gyi bzhin
ras ji bzhin ston pa'i grags pa can/ /gangs ljongs tshad ma'i
ston pa gang la tshul 'di rtogs pa'i dngos grub zhu/ /de yi bstan
la gang gi sor rtog

@003b gi /ye shes 'dzam gling rgyan gyi paN chen du/ /yongs shar
gser zhun cod pan 'chang ba yi/ /ston pa gnyis pa dge legs dpal
bzang rgyal/ /mdo smad nor bu 'dzin pa'i byad yangs por/ /sgrub
bstan bdud las

rgyal ba'i ba dan dkar/ /sgreng mkhas rong ston skal ldan rgya
mtsho yi/ /sku 'phreng zhing 'di'i ston pa nyid phyir mchod/
/'jam dpal dbyangs dang mnyam pa'i mkhyen rab 'phrul/ /'phags
bod gzhung lugs che la

bkod tsam gyis/ /gtsug lag mtha' dag rang tshugs mi bzod pa/
/bdag gi mes po bzhad pa'i rdo rjes skyongs/ /bdag la dge mtshan
gser gyi gar bu ni/ /mos 'dun bzhin du gang las 'byung ba'i
zhing/ /dus

'dir thub bstan 'dzin pa'i dkyil 'khor gtso/ /gang zhig rgyal ba
rgya mtsho'i bo bor bsten/ /mi pham zab gsang gdams pa'i rgya
mtsho gang gi thugs la dga' ldan pa'i/ /snying po las byung sngon
med gtam gyis kun tu

rmongs pa'i khol po bdag /mkhas mang padma dkar po'i lcug phran
rnam par bzhad pa'i gral ring bor/ /ci yang 'dren pa'i byed po
gcig pur dad gus lang tsho ngom pas gus/ /rgyal ba phyogs kyi kun
dga' ches/ /zab

don utpal gzhon nu yis/ /skal bzang mig dkyus ring bo can/ /yid
la sos kyi dus ston gyis/ /gang tshe blo bzang shing rtabs/
/mkhyen gter gsung gi padmo'i bcud/ /bzhes pa'i gsung gsang ke
ta kas/ /

@004a @#/ /rnyog pa bkrungs pa'i chu gter spel/ /de las legs par
bshad pa yi/ /snying po gcig tu bsdus pa'i bcud/ /gang zhig rgol
ba dan pa la/ /'jigs pa sbyin pa'i 'phrul 'khor nyid/ /thar pa
mya

ngan med pa'i grong/ /ji bzhin mtshon 'dod re ba'i mig /mtho bar
'di gsal yang dag gnad/ /gsal ba'i sgron me gcig pur gyur/ /gang
zhig don la ma rmongs pa'i/ /blo gros nam mkha'i mthongs phye
ste/ /rjod

pa dag pa'i 'od tshogs kyis/ /dge legs sbyin pa zad ma gyur/
/'jam mgon 'jam dpal snying po yi/ /lcags mda' lcags kyi gzhu bo
zhes/ /'gugs 'dod 'gugs dka'i gtam tsam gyis/ /zhum zhing zhum

par gyur pa'ang mang/ /gang tshe bdag gi cod pan gyis/ /rgyal ba
kun gyi zur phud pa/ /zhabs sen 'od ris rnam bkra ba/ /li khri'i
snye ma'i bcud la bzhes/ /thar 'dod slu ba'i chom po ni/ /'di
zhes 'jig ltar

gsod sdigs kyis/ /legs bshad 'phrul gyi gzhu mo la/ /man ngag
nyag phran sbyar te 'phangs/ /'khor ba chu yi srin po'i grong/
/bgrod pa'i zam stegs btsugs pa las/ /rang blo gser gyi yol go
dang/ /

'tsham pa'i bdud rtsi shas gcig thob/ /nags kyi dpal mo'i sgra
tshogs 'dzum par me tog snye ma'i 'phyang 'phrul la/ /rkang bas
snun pa'i rdzu 'phrul dang ldan mgrin pa'i za zi sbreng ba
bzhin/ /khyab bdag chos kyi

@004b padma mchog gi gsung gsang bcud kyis myos pa las/ /sngon
med legs par bshad pa'i sgra dbyangs thar 'dod yid kyi dus ston
bya/ /rgyal ba'i gsung rab kyi drang ba dang nges pa'i don ma
lus pa rnam par 'byed pa/

shing rta chen po mtha' dag gi bzhed pa ma 'dres par gsal bar
phye ba/ mdo sngags kyi bstan pa ji snyed pa'i snying po yul
dang yul can gyi de kho na nyid legs par gsal ba/ dus gsum gyi
'phags pa ma lus pa'i bgrod pa

gcig pa'i gzhung lam nye bar mtshon pa/ tshad mar gyur ba'i paN
grub mtha' dag gi legs bshad kyis rnam par brgyan pa/ rje btsun
'jam pa'i dbyangs kyi man ngag gi gsang bas nye bar 'khyud pa/
phas kyi rgol ba mtha'

dag spa bkong nas skal ba bzang po rnams yang dag pa'i lam la
'dren pa/ bstan pa la log par rtog pa'i dri ma phra mo nas bsal
te 'khrul ba med pa'i lam srol brtan por 'dzugs pa/ sngon med
pa'i legs bshad kyi

phung po 'jigs pa med pa'i seng ge'i sgra rnam par bsgrags pa/
bdag cag gi rnam 'dren bla ma chos kyi rgyal po tsong kha ba
chen po bstan pa 'di la bstan pa'i bdag po las kyang lhag pa'i
mdzad pa dang bka' drin gyi khur lci ba

gang gis mdzad pa'i drang nges kyi bstan bcos legs bshad snying
po zhes bya ba'i sngon med pa'i chos kyi gtam chen po de nyid
kyi don 'chad pa la gnyis/ bstan bcos 'di mdzad tshul sogs bshad
pa'i gleng bslang ba dang/ /

@005a @#/ /skabs su bab pa'i bstan bcos kyi don dngos bshad pa'o/
/dang po ni/ ston pa yang dag par rdzogs pa'i sangs rgyas kyis
dang por thugs bskyed pa dang/ bar du tshogs bsags pa dang/

mthar mngon par rdzogs par sangs rgyas pa thams cad 'gro ba
rnams 'khor ba phra rags kyi rgya mtsho las bsgral nas thar pa
dang thams cad mkhyen pa'i go 'phang la 'god pa'i phyir chos kyi
sgra dbyangs spyir sgrogs

pa dang/ khyad par du shes rab kyi pha rol tu phyin pa'i mdo la
sogs pa'i skabs su zab mo de kho na nyid kyi chos kyi rnga chen
po 'jigs pa med par rdung ba'i ched du mdzad pa yin la/ sher
phyin yongs gtad kyi skabs su shes

rab kyi pha rol tu phyin pa'i mdo sde rin po che kun dga' bo la
ji ltar gtad pa dang tshul mtshungs par zab mo'i lam gyi rim pa
mtha' dag rje btsun 'jam pa'i dbyangs la gtad nas nyams pa med
par skyong ba'i khur phog pa

ltar rje btsun mkhyen pa'i gter gyis kyang srol de nyid zhing
'dir tshul bzhin du bskyangs pa'i sgo nas zab mo'i lam gyi khur
thams cad bzhes par mdzad cing/ 'phags bod kyi yul du bstan
'dzin gyi skyes bu byon pa

phal mo ches bstan pa'i snying po yang dag pa'i lta ba 'di la
thos bsam sgom gsum dang 'chad rtsod rtsom gsum gyi bya ba
rgya
cher mdzad do/ /de yang 'jam mgon chos kyi rgyal po tsong kha ba
chen po de nyid bstan pa'i srol ga

@005b thams cad gzhi nas nyams pa'i dus su zhing 'dir byon te
dang por thos bsam/ bar du sgom sgrub/ tha mar 'chad rtsod rtsom
pa gang mdzad kyang/ mkhas grub thams cad mkhyen pas/ rgyal ba'i
gsung rab mtha' dag gi

don tshig spyi tsam la ma lus par/ da lta las dang po ba nyid nas
rang gi rgyud la bskor nas nyams su blangs pas chog pa'i tshul/
lam gyi ngo bo/ grangs nges/ go rim sogs thams cad shing rta
chen po rnams kyi lam srol

dang mthun pa zhig med du mi rung bar gzigs nas bla ma yi dam la
gsol ba drag tu btab cing/ gsung rab dgongs 'grel dang bcas pa
mtha' dag la zhib tu dpyod pa rgyun mi 'chad du mdzad pas/ thog
mar bshes gnyen

bsten pa nas 'go brtsams te/ mthar zhi gnas dang lhag mthong la
bslab tshul gyi bar theg pa che chung thun mong dang/ theg chen
thun mong ma yin pa'i lam spyi dang/ de'i steng du sngags kyi
thabs mkhas kyi khyad par thun mong

ma yin pa rnams snon pa btab nas nyams su len tshul gyi lam gyi
ngo bo dang go rim dang grangs nges la phyin ci ma log pa'i nges
pa 'khyungs nas gsung rab dgongs 'grel dang bcas pa gang la'ang
khol bton re tsam ma yin

par thams cad gang zag gcig 'tshang rgya ba'i cha rkyen du sbyar
nas nyams len gyi phyogs su 'khyer shes pa/ de yang bshad pa
tsam ma yin par da lta blo mtho dman dbang po rab 'bring tha ma
gang yin gyis rgyud la bskor 

@006a @#/ /nas dmigs rnam gyi rim par nyams su len pa'i lag len
du 'khyer bde zhing 'tshun chel/ sems 'dul ba'i rim pa 'ba' zhig
lhur mdzad pa'i sgo nas gdul bya mchog dman thams cad ji ltar
bkri

ba'i rim pa la mnga' brnyes/ zhes gsungs pa ltar rgyal ba'i
bstan pa yongs su rdzogs pa'i lus dang mthun pa 'ba' zhig mdzad
cing/ khyad par du rgyal ba dbang po'i tog gi spyan sngar snyigs
ma'i dus su dbu sngags

zung 'brel du spel ba'i thugs bskyed kyi go cha thun mong ma yin
par bzhes pa dang mthun par tshogs gnyis kyi spyod pa bya dka' la
grangs mang zhing ngo mtshar ba mtha' dag sku nyams su bzhes te
zhing 'dir sprul pa'i zlos

gar mngon du mdzad pa'i dus su/ zab mo'i lam gyi gnad ma lus pa
dang por 'tshol ba na'ang thugs stobs gzhan 'gran med pas bla ma
red mda' ba la sogs pa'i mi'i dge ba'i bshes gnyen dang/ rje
btsun 'jam

pa'i dbyangs sogs lha'i dge ba'i bshes gnyen mang po'i gsung gi
bdud rtsi bzhes pa'i sgo nas 'phags bod kyi dbu ma'i bstan bcos
che ba rnams la phyogs re ba dang rags par ma song ba'i gsan
sbyong mthar phyin pa mdzad

de dgung lo zhe gcig gi dus su budd+ha pA li tar brten nas zab
mo'i de kho na nyid kyi don ji bzhin rtogs pa'i ye shes klong du
brdol ba'i tshul bstan cing/ 'chad rtsod rtsom gsum gyis dbu ma'i
lugs bzang 'di nyid rmang nas nyams

@006b pa slar bsos te 'phags pa yab sras kyi gzhung gi sger
'grel du rtsa 'jug gi rnam bshad/ bod kyi lta ba'i 'dod tshul gyi
'khrul sel du lhag mthong chen mo/ rang lugs kyi lta pa'i snying
po ma nor bar skyong ba'i don du lhag

mthong chung du/ dbu sems kyi lta ba'i phra rags dang drang nges
kyi don gsal par byed pa'i ched du legs bshad snying po ste lta
ba'i legs bshad chen po lnga mdzad phal brten nas bstan ba'i
snying po dri ma med pa 'di nyid da lta'i

bar du 'jig rten na nyi zla bzhin du gsal bar mdzad do/ /skabs
su bab pa drang nges rnam 'byed chen mo 'di nyid ji ltar mdzad
pa'i tshul ni/ skyid shod dga' ba gdong du rje btsun 'jam pa'i
dbyangs la lta ba'i zab gnad

mang du zhus pa'i tshe rje btsun gyis/ thal rang gi khyad par/
lhan skyes dang kun btags kyis ji ltar bzung ba ltar gyi bdag
rtags kyi dgag bya'i phra rags/ lta ba rnyed pa'i tshad/ thal
'gyur ba'i lta ba 'khrul med kyi don/

lugs de'i kun rdzob 'jog tshul rnams gsungs pa la/ ji bzhin ma
dgongs pa'i tshul gyis mi go bar 'dug lags zhus pas/ 'di rnams ma
brjed par gyis la zin ris su bris/ bla ma dang yid ma tha mi dad
du byas pa la gsol

pa 'debs shing bsnyen sgrub byed pa dang/ bsags sbyangs gnyis la
legs par 'bad pa dang/ gzhung lugs kyi don la rigs pas rnam par
dbyed cing zhib tu sems pa rnams sum sgril du nyams su longs la
tshim ma sla

@007a @#/ /bar rgyun bsrings te legs par dpyod cig dang/ skabs su
bab na ngas da lta sa bon btab pa 'di rnams kyis kyang rkyen
byas nas legs par go ba zhig myur du 'ong bar 'dug ces gsungs pa
ltar gang

gsungs rnams la zin bris kyi sa bon re mdzad cing/ phyis dgung
long gcig pa'i dus ser chos sdings su dbu ma'i rigs pa phra mo
'ga' zhig la dogs ba cung zad dpyad dka' ba byung nas bla ma
dang rje btsun 'jam

dbyangs la gsol 'debs drag tu mdzad pa na/ sher mdo'i stong nyid
nyi shu'i 'gres rkang rnams gser btso ma'i yi ger bkod pa'i rnam
pas bar snang khrig gis gang bar gzigs pa la brten nas dogs pa
lhag med du

chod de sngar gyi zin bris kyi sa bon la gzhi byas nas legs
bshad snying po dang rtsa she'i rnam bshad chen mo mdzad pa yin
no/ /se ra rje btsun pa'i mkhas grub rnam thar sogs su mkhan po
g.yag yu'i slob ma g.yag phrug sangs

rgyas dpal ba'am g.yag mi pham chos kyi bla ma zhes pa sa
skya'i mkhas pa g.yag gzhon gnyis kyi nang tshan des rje thams
cad mkhyen pa la drang nges las brtsams pa'i dri ba mang du zhus
pa'i lan du drang nges rnam 'byed mdzad par

bshad tshul yang yod do/ /gang ltar 'jam mgon bla mas bstan bcos
'di mdzad nas gzab bshad snga phyir gnang ba rgyal tshab mkhas
grub 'jam dbyangs chos rje gsum ga las brgyud tshul byung zhing/
dge ldan pa'i mkhas

@007b grub rim byon dag gis tshul 'di la 'chad rtsod rtsom pa'i
bya ba rgya cher mdzad do/ /de yang rje btsun 'jam pa'i dbyangs
kyi zhabs kyi padmo'i ze'u 'bru gtsug gi rgyan du bzhes pa'i
chos kyi sras po/ zab mo de kho na nyid kyi don ji bzhin gzigs

nas rgya bod kyi legs bshad gung bsgrigs te 'chad pa la 'jam
mgon rgyal ba'i rang 'dra gnyis pa/ rtsod dus paN chen kun
mkhyen chos kyi rgyal po blo bzang dpal ba la kho bo cag gis
bka' drin du zhus skabs gsung

gi bdud rtsi las rang blo dang 'tshams pa'i cha shas shig yang
dag pa'i don la goms 'dris bgyid pa'i phyir 'god par 'dod do/
/gnyis pa la gsum/ bstan bcos rtsom pa la 'jug pa'i yan lag
mchod par brjod

cing rtsom par dam bcas te snod ldan nyan bar bskul ba/ brtsams
pa'i bstan bcos kyi lus dngos bshad pa/ bstan bcos ji ltar
brtsams pa'i tshul dge bsngo sbyar byang dang bcas pa'o/ /dang po
la gsum/ mchod

par brjod pa/ rtsom par dam bca' ba/ snod ldan nyan par bskul
ba'o/ /dang po la gsum/ drang nges kyi gnad gang la brten nas
rnyed pa'i bla ma rje btsun 'jam dbyangs la mchod par brjod pa/
bstan pa'i bdag po ston

pa yang dag par rdzogs pa'i sangs rgyas la mchod par brjod pa/
bstan 'dzin gyi skyes bu byams 'jam dbyangs dang shing rta chen
po gnyis sogs la mchod par brjod pa'o/ /dang po ni/ na mo gu ru
manydzu g+ho ShA ya/ zhes byung/

@008a @#/ /'dud pa'i byings Na ma'i Na nar bsgyur te rkyen a sun
byin/ u dang na phyis nas mtshams sbyar ba la rnam dbye dang
po'i si byin te i phyis shing sra rnam bcad byas pas na maH
grub ste phyag 'tshal ba'am 'dud pa'o/ /

nges par gnon pa'i byi bas kr-I la rkyen ku byin te ka phyis
nas/ kr-I'i r-I ur dang ka gar byes te drangs shing rnam dbye
dang po'i si byin i phyis sa rnam bcad byas pas gu ruH grub ste
bla ma'am gong ma'o/ /mtshar sdug gi byings manydzu'i

rjes 'brel phyis/ u rkyen dang nga si byin i dang a dang dra
rnams phyis te drangs sa rnam bcad byas pas manydzuH grub ste
'jam pa'o/ /sgrogs pa'i byings g+hu ShI ru la/ rkyen a tsa
byin/ Ti dang rjes 'brel phyis te yon tan byas rnam dbye dang

po'i si byin i phyis shing sa rnam bcad byas pas g+ho ShaH grub
ste dbyangs sam skad do/ /de la na ma'i rnam bcad u dang de or
byas/ rnam bcad gzhan rnams phyis te/ mthar rnam dbye bzhi ba'i
gcig tshig de byin/ de la a kra

a ga ma byin nas e a ya dang 'dra 'dus byas bas/ na mo gu ru
manydzu g+ho ShA ya/ zhes pa grub ste/ bla ma 'jam pa'i dbyangs
la phyag 'tshal lo zhes pa'o/ /de yang yon tan dang slob ma rjes
su 'dzin pa'i sgo nas skye dgu'i

gong mar gyur pa dang/ rgyud lung rtogs kyi yon tan gyis lci ba
dang/ rkyen ngan pas rdzi mi nus shing slob mas bsten na rkyen
dbang du mi 'gro ba'i bkan cha dang ldan pas na bla ma dang/
'jam zhes pas sgrib gnyis bag chags

@008b dang bcas pa'i rtsub reg dang bral ba'i ngo bo nyid sku
dang/ dbyangs zhes pas gsung gi bdag rkyen ye shes chos sku dang
ldan pas 'jam dbyangs sam/ sgrib gnyis kyi rtsub reg dang bral
ba'i sku gnyis dang/ gsung dbyangs

yan lag drug cu mnga' bas 'jam dbyangs sam/ snyan pa yid du 'ong
ba'i gsung dbyangs dang ldan pas na 'jam dbyangs te/ sgron gsal
las/ 'jam pa ni rnam par mi 'jig pa'o/ /dpal ni 'od gsal ba'o/ /

zhes kyang 'byung ngo/ /de lta bu'i bla ma lhag pa'i lhar rje
thams cad mkhyen pas sgo gsum gus pas btud de phyag mdzad pa'i
dgos pa ni/ sde snod gsum gyi 'gyur phyag gi skabs mngon pa'i
sde snod la brjod bya lhag pa

shes rab kyi yul rang spyi'i mtshan nyid ji bzhin shes pa 'jam
dbyangs la rag las pas de la 'gyur phyag byed pa dang mthun par/
bstan bcos 'di don dam pa'i mngon pa'i sde snod du go ba dang/
mdzad pa pos dbu sems

kyi lta ba dang drang nges kyi gnad gang las rnyed pa'i yul thun
mong min pa yin pa dang/ rjes 'jug lta ba 'tshol ba rnams kyis
zab mo'i don khong du chud pa de la nges par ltos par ston pa'i
phyir yin no/ /gnyis pa ni/ bde

'byung sprin la zhes sogs byung/ mchog tu dga' ba'i gzugs 'chang
bas bde 'byung ste dbang phyug dang/ sprin gyi phung po dang
mtshungs pa'i blang po che la zhon pas sprin la zhon pa ste brgya
byin dang/ gser gyi kha dog can

@009a @#/ /gyi sgo nga dang 'dra ba'i padma las skyes pas gser
gyi mngal te tshangs pa dang/ dbang phyug dka' thub la gnas pa
bdud kyis mda' lngas nyams par byas pa la/ dbang phyug gi me'i
mig las me sbar bas

lus bsregs te med par byas pas lus med de bdud kyang yin la bdud
kyi bdag po yang yin pa'am/ lus ni med kyang sems can gyi snying
la gnas te srid pa'i kun sbyor sna tshogs rtsom pas 'dod chags la
yid la nyal

dang lus med ces bya zhing/ de gzhan la skyed pa'i bdag por gyur
pa'am de la dbang bsgyur bas na lus med bdag po ste bdud sdig
can dang/ tha gu'am me tog lto ba la bcings pas na tha gu'i lto
'am me tog lto ste khyab

'jug dang/ sogs kyis bsdus pa tshogs bdag dang/ gdong drug dang/
nyi ma dang/ zla ba dang/ phur bu rnams srid pa gsum na blo gros
dang mthu stobs dang rdzu 'phrul 'gran zla med par dregs pa ste
khengs pa'i nga ro

ches cher sgrogs pa'i rlom pa'am nga rgyal gyis 'gying ba rnams
kyis thub dbang gang gi mdzes pa'i sku mthong ba'i mod la nyims
srin bu me khyer zil gyis gnon pa bzhin du de thams cad zil gyis
gnon par mdzad par  

gyur pa'i tshe lha de dag gi mdzes pa'i cod pan gyis thub dbang
gang gi zhabs pad la gus pas sten par byed pa thub pa'i dbang po
lha rnams kyi yang lhar gyur pa la phyag 'tshal lo/ /zhes pa ste/
kyang zhes pa ni chen po

@009b rnams kyis 'dud na dman pa rnams kyis lta ci smos pa'o/
/des na dbang phyug ni zhib ba dang/ tshangs pa ni tshangs pa ba
dang/ khyab 'jug ni khyab 'jug pa ste mu stegs kyi grub mtha'
che ba gsum gyi ston pa dang/ brgya byin

ni sgra'i khungs gtugs dang/ bdud ni byed pa sna tshogs kyis skye
bo rnams bstan pa la rgyab kyis phyogs par byed pa yin pas de
dag tshig la thon par mdzad nas/ dregs pa'i lha gzhan 'jig rten
na dregs pas rlom pa tsam

yin pas tshig zin la thon par ma mdzad de/ de dag gis rgyal ba
phyi nang gi chos smra ba thams cad kyis bkur ba'i zhing du ston
pa yin zhing/ tshul 'di lha las phul du byung ba'i yon tan brjod
pa'i bstod pa yin pas lha las

phul byung gi bstod pa'i brjod don thams cad 'dir sbyar nas
bshad na mkhas pa dgyes pa'i legs bshad du 'gyur ro/ ! /dogs
dpyod spro na/ yang snying du bde 'byung zhes pa dbang phyug las
gzhan rgyud la bde ba

'byung tshul bshad pa ma gtogs/ dbang phyug rang la bde ba 'byung
tshul bshad pa mi 'thad ces gsungs kyang/ dbang phyug dgra sta'i
rgyud las/ dbang phyug u ma mnyam sbyor bas/ /rmad du byung
ba'i bde ba skyes/ /

zhes dang/ dbang phyug 'khrig pa spyad pa las/ /dbu ma'i ye shes
skye bar 'dod/ /ces sogs dang bstun te/ gnyal ston gyis gsungs pa
ltar lha mo u ma la brten nas dbang phyug la snyoms 'jug gi
bde ba 'byung

@010a @#/ /ba dang/ mngon brjod 'grel ba 'dod 'jo'i ba mo dang/
dka' 'grel ltar mchog tu dga' ba'i gzugs 'chang ba dang/ rab
'byor zla bas gsungs pa ltar dge ba'am thar ba dang bde ba'am

dga' ba 'byung ba la bshad pa gang ltar byas kyang rung ste/ bde
'byung zhes pa rang las gzhan la bde ba 'byung tshul kho na las/
gzhan las rang la bde ba 'byung tshul la bshad na 'brel med du
'gyur don med pa'i phyir

zer na brtag la/ sdug bden la kun 'byung gi sgra bshad pa 'brel
med du mi 'gyur tshul drang nges dogs dpyod legs bshad kun btus
su 'byung bas der blta'o/ /rab 'byor zla ba'i bshad tshul 'di
dbang phyug gi yon

tan brgyad kyi tha ma dga' mgur gnas pa'i don yang yin par yang
snying du gsungs pa la/ dpyod ldan yid kyi mun sel du/ dbang
phyug la brten nas gzhan gyis thar pa'am gnas skabs kyi bde ba
thob pa dbang phyug rang

nyid dga' mgur gnas pa'i don du gzhag dka' ba 'dra/ zhes dpyad
gzhir mdzad do/ /de la spyan ras gzigs brtul zhugs kyis/ thar
pa'am yang na lha yi lus/ /gang du bdag nyid 'dod bdag /thams
cad

'dod pa thob 'gyur bas/ /des na dga' mgur gnas zhes bya/ /zhes
dbang phyug gi gzhung drangs nas gsungs pa dang mthun par/ rim
lnga gsal sgron dang le'u bco lnga ba'i sgron gsal mtshan gnyis
kar/ gang

@010b thob par 'dod pa'i don de ltar thob nus pa ni dga' mgur
gnas pa/ zhes gsungs pa'i don grub mtshan las/ rang nyid zhi ba
thob cing gzhan la mtho ris dang thar ba gang 'dod ster ba ni
de'i dga' mgur gnas pa'i yon

tan yin te/ zhes 'byung ba don gnas yin tshe snga ma ltar ro/
/yon tan gyi dbang phyug brgyad ni mchog gi dngos grub yin pas
'bras bu'i skabs kho nar yod par rim lnga gsal sgron dang sgron
gsal mtshan du gsungs

pa ltar la/ dbang phyug gi yon tan brgyad ni/ spyod bsdus chag
'gyur las/ gzugs phra ba dang reg pa yang/ /khyab pa yang dag
thob pa nyid/ /rab tu gsal ba nyid brtan pa/ /dbang phyug nyid
dang 'dod dgur

'gyur/ /zhes dang/ spyan ras gzigs brtul zhugs las/ phra ba
dang/ yang ba dang/ mchod par bya ba dang/ bdag por gyur pa
dang/ dbang du gyur pa dang/ gar yang phyin pa dang/ 'dod dgur
ldan pa dang/

dga' mgur gnas pa'o/ /zhes gsungs pa ltar te/ so so'i ngo bo
rgyas par rim lnga gsal sgron dang sgron gsal le'u bco lnga ba'i
mchan dang grub mtha' chen mo mchan dang bcas pa las shes par
bya'o/ /brgya byin gyi

bzhon pa'i glang po sprin dang 'dra mtshungs sbyor tshul la gnyal
ston dang sbyin pa dar rgyas sogs kyis sprin gyi shugs 'chang
ba'i glang bo zhes mgyogs khyad la sbyar ba dang/ 'dod 'jo'i ba
mo las sprin chen po glang po 

@011a @#/ /che'i gzugs 'dzin par bshad pa'i don/ yang snying du
shin tu che zhing dal gyis g.yo bas brjid pa'i nyams dang sbyar
ba glang po'i skyes rabs las/ ston ka'i sprin nam na bun gyi
tshogs rlung gis

bskyod pa bzhin du tshur 'ongs pa mthong ngo/ /zhes gsungs pa
dang mthun par bshad pa dang/ kun mkhyen 'jigs med dbang pos
glang po thal mdog yin pas sprin dang 'dra bar gsungs kyang che
ba dang brjid pa'i

dper sprin blangs pa 'dod 'jo'i ba mo dang glang po'i skyes rabs
gnyis kar mi gsal lo/ /ye shes snying po kun btus kyi 'grel bar
tshangs pa me dkyil gyi dbus su gser gyi sgo nga smin pa las
byung bar bshad pa dang/

dran pa'i gzhung las sgong de chu las byung bar bshad pa ni/
yang snying las/ gnyig rig byed la grags pa'i gtam rgyud bkod pa
tsam yin gyi don dngos gnas ma yin pa'i phyir/ zhes gsungs pa
ltar ro/ /gzhan

yang rig byed las tshangs pa dbang phyug gi sa bon las sprul pa
dang/ khyab 'jug gi lto ba'i padma las skyes pa dang/ des 'jig
rten thams cad byas pa dang/ de sgong skyes/ khyab 'jug mang la
skyes/ dbang phyug bdag

skyes su bshad pa sogs dngos gnas su khas blang mi rung zhing/
za ma tog bkod par tshangs pa spyan ras gzigs kyi phrag pa g.yas
nas byung bar gsungs so/ /tshangs pa rdzus skyes yin gyi sgong
mtshan nyid pa las skyes  

@011b pa ma yin pas sngar ltar bshad dgos shing/ spyir sgong
skyes ni mngal las skyes pa yin yang mngal skyes ma yin te/
mngal du lus kyi mtshan nyid rnams rdzogs nas skyes pa mngal
skyes dang/ der de ma rdzogs par sgo

nga las rdzogs pa la sgong skyes su bshad pa'i phyir/ lus med
kyi bdag po byas na'ang drug sgra de gzhi mthun sdud pa'i 'brel
sgrar byas chog pas/ lus med bdag po zhes pa dang/ lus med kyi
bdag po zhes pa gnyis kyi

tshig nus la khyad med par snang ngo/ /des na khas len gyi rgyun
la/ lus med ba dag po byas na lus med dang bdag po don gcig tu
'gro yang/ lus med kyi bdag po byas na lus med 'dod chags dang
bdag po dga' rab dbang

phyug la go dgos/ zhes zer rgyun 'dug mong/ yang snying du lus
med dang lus med kyi bdag po so sor 'jog na'ang dga' rab dbang
phyug la lus med bdag po dang lus med ces pa'i tha snyad gnyis
ka sbyar chog par

bzhed par mngon no/ /mchan du 'dod pa ba rnams khams gong ma
la
ltos ta lus chung bas lus med pa dang 'dra zhing/ bdud de'i bdag
po yin pas lus med bdag por gsungs kyang/ yang snying du de bkag
go /bdud kyi

mda' lnga ni sgron gsal las/ dregs pa dang/ rmongs pa dang/ kun
tu rmongs pa dang/ brgyal ba dang/ sems med par byed pa lnga
dang/ gzhan yang rgyal ba'i lha sogs kyis bshad pa rnams ming mi
'dra ba ma gtogs

@012a @#/ /don phal cher 'dra bar snang zhing mda' lnga so so'i
don le'u bcu drug pa'i sgron gsal mchan las byung ba ltar la/
bdud ni dbang phyug gi mig gsum ga las me byung bas bsregs pa
dang/ mig dbus

ma'i mes bsregs par bshad pa gnyis snang yang phyi ma'i phyogs
ltar mdzad pa mang ngo/ /dran pa'i gzhung las/ tha gu'i lto ni
byis pa'i tshe/ /tha gu'i ske rags bcings pa'o/ /zhes pa dang
mthun par tshig gter

'grel bar yang bshad pa dang/ 'dod 'jo 'gyur gsar du grags pa
dang snying rje dang rol ba dang sel ba'i don gyis me tog gi
chun po rnams 'di'i lto ba la ldan pas na me tog lto bar bshad
pa dang/ 'dod

'jo shong 'gyur du khyab 'jug gi chung ma lha mo grags mas khyab
'jug gi mgo la me tog 'jog par 'dod pa la ma slebs par lto ba la
bzhag pas me tog lto bar bshad pa'i lugs gsum snang zhing/ yang
snying las/

dA mod raH ni/ snga ma rnams tha gu'i lto bar bsgyur ba ltar
byas pa yin la/ zhes khyab 'jug la tha gu'i lto bar byas pa ni
'gyur ma legs pa'i rjes su 'brangs pa lta bu zhig gsungs so/
/rig byed las/ nya dang

rus sbal phag pa dang/ /mi yi seng ge mi'u thung dang/ /dA ma
gnyis dang nag pa dang/ /sangs rgyas kirti rtse dang bcu/ /zhes
'byung ba ltar gyi khyab 'jug gi 'jug pa bcu grub mtha' chen mo
sogs las rtogs par bya'o/ /

@012b sogs khong nas 'don rgyu dka' 'grel du nyi zla tshogs bdag
gdong drug bzhi dang/ yang snying du de'i steng phung bu bcas
lnga dang/ byang rtse sbyin pa dar rgyas kyis tshig la thon pa
lnga dang ma thon pa bzhi las nyi zla gcig tu bgrangs

nas brgyad du byed par bshad pa dang/ rje 'jigs med dbang pos
'ga' zhig gis lha 'di dag la dregs pa'i lha brgyad zer yang dgu
yod par gsungs pa sogs 'dra min mang yang/ yongs grags kyi dregs
pa'i lha brgyad

ni tshig tu thon pa lnga las bdud dor nas sogs sgras bsdus pa
bzhi bcas brgyad la byed do/ /gnod sbyin shAkya 'phel gyis
phyag byas pas dang/ blo gros yangs pa khyod la 'di dang ni/
/kun spyan zhabs la lan gsum phyag bgyis

te; /bltams pa'i tshe na sa ni g.yos pa dang/ /'dzam bu'i grib
ma sku las ma 'das pa'o/ /zhes pa ltar yab kyis lan gsum du
phyag phul bas lha'i ltar mtshan gsol tshul sogs yod kyang skabs
'dir dregs pa'i lha rnams

kyi 'ang lhar gyur pas na lha'i lha zhes bshad na skabs don dang
'grig par mngon no/ /'dir ston par lha chen rnams kyis btud tshul
gyi sgo nas bstod pa'i rgyu mtshan ni yang snying du/ 'dren pa
mnyam med ston pa bcom ldan 'das//

zhes pas rgya che ba'i yon tan sgos bstod pa bzhin du/ lha dang
mi rnams kyi ston pa/ zhes dang/ skabs gsum pa dang dbang po'i
dgra/ /zhes sogs kyis sgrub phyogs nas 'gro rnams srid zhi'i
'jigs pa las skyob pa'i

@013a @#/ /skyabs su gyur tshul sgos bstod pa dang mi 'dra bar/
smra ba zla med 'dren mchog shAkya'i tog /ces pas zab mo'i yon
tan sgos bstod pa bzhin du/ lha chen de dag gis lam ltar snang
bstan pa rnams rgyal

pa'i gsung gi 'od zer gyis rmeg med du bcom ste smra ba zla med
du gyur pa'i sgos bstod pa yin gsungs pa gzhan dang mi 'dra ba'i
legs bshad yin pa gzhir byas kyang/ lha dang mi rnams kyi ston
pa/ zhes pas ston pa phun

tshogs dang/ skabs gsum pa dang zhes sogs kyis 'gro ba'i gtsug
rgyan du gyur tshul gyi yon tan bstan pa tsam las zab rgyas kyi
yon tan gang la sbyar mi gsal zhing/ sbyor na ston pa zhes pa'i
tshig nus kyis lha dang mi

rnams kyi ston pa/ zhes pa ni zab mo'i yon tan la sbyar na
'grigs pa dang/ 'dren pa mnyam med ston pa bcom ldan 'das/ /zhes
pas kyang rgya che ba'i yon tan gyi sgo nas bstod pa'ang mi gsal
ba dang/ 'dir/ rlom

pas 'gying rnams kyis kyang gang gi gsung/ /thos pa'i mod la nyi
mas me khyer bzhin/ /zhes yod tshe smra ba zla med dang sbyor
rung tsam snang mod de ltar ma gsungs pas shes byed dka' zhing/
skabs gsum pa dang zhes

sogs kyis smra ba zla med dang/ 'dis rgya che ba'i yon tan brjod
de bstod ces bzlog ste khas blangs na'ang gnod byed dka' bar
dogs so/ /brjod bya lus dang mthun pa'i mchod brjod mdzad pa la
dgongs na'ang brtag

@013b dgos te/ bstan bcos yin tshad kyi mchod brjod brjod bya'i
lus dang mthun pa'i mchod brjod du sgrub dka' zhing/ dka' 'grel
sogs su 'di la bstan bcos lus kyi mchod brjod ces pa las bstan
bcos lus

dang mthun pa'i mchod brjod ces gsungs pa mi snang ba'i phyir
ro/ /gsum pa la gsum/ bstan 'dzin mtha' dag gi mes po byams 'jam
dbyangs la mchod par brjod pa/ shing rta'i srol 'byed kyi slob
dpon klu

sgrub dang thogs med la mchod par brjod pa/ shing rta'i srol
'dzin gyi bshes gnyen 'phags pa lha dang dbyig gnyen sogs la
mchod par brjod pa'o/ /dang po ni/ mkhyen brtse'i gting mtha'
zhes sogs byung/ rgya

mtsho la gting mtha' dpag dka' ba dang/ rlabs phreng chal chil
g.yo ba dang/ rin po che'i 'byung gnas su gyur pa'i khyad chos
gsum yod pa bzhin du byams 'jam dbyangs gnyis zab don 'byed pa'i
mkhyen rab zab

pas gting dang/ gzhan phan gyi brtse brgya che bas mtha' dpag
par dka' ba dang ldan pa khyad chos dang po dang/ byang chub
kyi
spyod pa ste phyin drug spyi dang/ khyad par mdzad pa bcu gnyis
sogs rgyal ba'i mdzad pa thams cad

khur du 'khyer ba'i rlabs chen chal chil g.yo ba khyad chos
gnyis pa dang/ zab rgyas kyi legs bshad rin po che'i gter du
gyur pa khyad chos gsum pa ste khyad par de gsum dang ldan pa'i
'jam pa'i dbyangs dang rgyal tshab byams

@014a @#/ /mgon gnyis la gus pas phyag 'tshal ba ste/ yongs 'dzin
ye shes rgyal mtshan gyis 'di dang mchod brjod gong ma gnyis
bsdoms pas theg chen gyi lam 'bras cha tshang bstan par gsungs
so/ ! /spro

na; kha cig /dpe rgya mtsho'i chos gsum dang sbyor rgyu'i don ni/
'jam dbyangs la mkhyen pa dang/ zab mo gtso bor gyur pa'i spyod
pa dang/ de gtso bor gyur pa'i legs bshad gsum dang/ byams pa la
de'i zlas drangs

pa'i brtse ba sogs gsum la bshad pa dang/ kha cig sngar ltar
gnyis ka la gnyis ka sbyor bar bshad pa gang byas kyang 'dra la/
gting mtha' dpag dka' pa gnyis ka mkhyen brtse gnyis kar sbyar
nas/ brtse ba'i gting

dpag dka' ba ni de 'dzad pa med pa dang/ de'i mtha' dpag dka' ba
ni brtse yul gyi sems can mtha' med pa la shing bza' paNTi tas
gsungs so/ /rje btsun byams pa la sangs rgyas byang sems gnyis
yod pas

spyir de sangs 'phags yin mi zer yang 'dir mchod par brjod yul
gyi rgyal tshab byams pa skye ba gcig thogs pa'i byang sems rnam
can du khas len dgos shing/ dga' ldan rten can gyi byams pa
sangs rgyas stong gi lnga

bar 'dod pa dang/ rgyan rtsom pa po byang sems su 'dod pa mi
'thad par phar phyin mtha' dpyod du gsungs pa ltar ro/ /'dir
snang tshod kyi dbang du byas nas byang sems lugs su mchod brjod
mdzad cing/ thun mong

@014b min pa ltar na rgyal tshab byams pa sangs rgyas dang de'i
mdzad pa sangs rgyas kyi mdzad pa dngos gnas pa dang byang
sems
kyi mdzad pa'i tshul bstan pa dang/ thun mong ba ltar na byang
sems sa bcu pa ba yin par 'dod dgos so/ /

'di'i thun mong ba mngon rtogs rgyan dang de min pa rgyud bla'i
lugs su byed pa dang/ thun mong ba drang don dang de min pa
nges
don du byed pa dang/ sgo thun mong ba phar phyin theg pa dang
de
min pa sngags kyi theg pa la byed pa yod kyang/

snang tshod ltar min pa'i gnas tshod cig khas len pa'i ngor bzhag
pa thun mong min pa dang/ snang tshod dang gnas tshod mthun par
khas len pa'i ngor bzhag pa thun mong ba la byed pa legs sam
snyam mo/ /rgyan rtsom pa po'i

byams pa dang/ bskal bzang rnam 'dren lnga ba'i mdzad pa ston
dgos kyi de dang/ dga' ldan rten can gyi de dang/ sangs rgyas
stong gi nang tshan gyi de rnams sangs 'phags dang/ dge slong
rnam dag dang/ mchog gi

sprul skur kun mkhyen bla mas gsungs pa ni dngos po'i gnas tshod
kyi dbang du mdzad pa yin zhing/ rje 'jigs med dbang pos/ rgyan
rtsom pa po dga' ldan gnas su bzhugs tshe rang las gzhan sangs
'phags kyi rnam can

du med pas rang mchog sprul rnam can dang/ gling 'dir ston pa'i
'khor du byon tshe rang las gzhan mchog sprul rnam can gyi 'khor
gyi rnam pa 'dzin dgos stabs/ dga' ldan gnas la ltos te sangs
'phags dang/ gling

@015a @#/ /'di la ltos te byang 'phags rnam can du khas len par
gsungs te/ mchog sprul rnam can zhig mchog sprul rnam can
gzhan
zhig gi 'khor du byung ba na byang 'phags rnam can du 'gyur ba
ngo

mtshar che'o zhes gzhan dag zer ro/ /gnyis pa ni/ bder gshegs
gsung rab ces sogs byung/ sher mdo gtso bor gyur pa'i bde bar
gshegs pa'i gsung rab spyi la/ rnam bshad rigs pa las/ tshul gyi
sgra ni

bden pa dang/ /lam dang 'brel 'byung rig pa dang/ /zhes dang/
smra sgo las/ tshul ni 'dra dang smad pa dang/ /sgo dang sdom pa
mtshan nyid dang/ /thabs dang rig pa don dang 'dod/ /legs pa dag
la 'jug pa las/

zhes pa ltar tshul don du mar 'jug pa las/ 'dir drang nges su
'jog pa'i lam srol mi 'dra ba'i shing rta'i srol chen po gnyis
phye ba ste/ klu sgrub kyis chos thams cad tha snyad du yod cing
don dam par med pa'i srol dang/

thogs med kyis gzhan dbang yongs grub bden par grub pa dang
kun
btags kyi chos rnams bden par med pa'i srol phye ba'o/ /de lta
bu'i srol gnyis legs par phye ba la brten nas rgyal ba'i bstan
pa spyi dang/ khyad par

du theg chen gyi bstan pa gsal bar mdzad pas bstan pa mchog ces
gsungs pa yin te/ yang snying las/ rgyal ba'i bstan pa mchog ces
pa'ang mchog gi sgra nye tshig tu byas te bstan pa spyi la sbyar
kyang rung la/ 'on kyang

@015b zhib tu brtags na dpal mgon klu sgrub ni zab mo'i lam gyi
bka' bab dang/ 'phags pa thogs med rgya che ba'i lam gyi bka'
bab yin pas/ gnyig bsdoms te zab rgyas zung du 'jug pa'i theg pa
mchog gi lam bzang

gsal bar mdzad pa'i don du byas na legs pas/ bstan pa mchog ces
pa'ang thabs shes ya bral du ma song ba'i theg chen gyi bstan pa
la bya'o/ /zhes gsungs pa'i phyir/ theg chen gyi bstan pa de
yang sa gsum gyi 'gro ba

rnams kyi nang na nyi ma ltar gsal bar mdzad pa po ni klu sgrub
dang thogs med gnyis yin pas de gnyis ka'i zhabs la spyi bos
'dud par mdzad do/ ! /skabs 'dir mkho ba'i spyi'i don ni/ rgyal
bas lung bstan pa ltar mi'i

sha tshugs can gyi 'grel byed gzhan la ma brten par nges don gyi
gsung rab kyi don gzhan du 'grel ba la gnod byed dang gzhan du
drang du mi rung bar don der nges pa'i sgrub byed bstan pa'i sgo
nas gsung rab la shing rta'i lam srol

lta bu'i drang nges kyi don legs par phye ba'i gang zag de/
shing rta'i srol 'byed kyi mtshan nyid yin te/ gzhung las/ gsung
rab kyi drang nges 'byed par lung bstan pa'i shing rta chen po
dag gis drang nges kyi dgongs pa bkral cing/

de yang nges don gyi gsung rab kyi don gzhan du 'dren pa la gnod
byed dang/ gzhan du drang du mi rung bar don der nges pa'i sgrub
byed kyi rigs pas legs par gtan la phab/ ces dang/ gser phreng
las/ de ltar grags 

@016a @#/ /kyang brgyad stong don bsdus kyi brjod bya'i gtso bo
stong nyid bcu drug rnam g.yeng gi rtog pa bcu'i gnyen por
sgrub pa la gdams pa'i mdo'i 'grel tshul dang/ nas/ dbus mtha'
dang theg pa chen

po bsdus pa ji lta ba bzhin du snang bas/ byams chos las logs su
srol btod pa min zhing/ gzhung 'grel ni stong nyid bcu drug dang
skye 'gag kun byang med pa'i skabs su rtsa she'i lung drangs nas
klu sgrub zhabs kyi rigs pa

ji lta ba bzhin du 'chad 'dod par 'dug pas/ klu sgrub kyi rigs
tshogs las bshad srol zur du byed pa ma yin no/ /zhes gsungs pa'i
phyir ro/ /lung snga ma 'di'i shes byed du sbyar ba'i don dogs
dpyod du 'chad la/ phyi

ma ni de la mi'i sha tshugs can gyi 'grel byed gzhan lam brten
par phye ba zhig dgos pa'i shes byed du drangs so/ /shing rta
chen po gnyis rgyal bas lung bstan pa'i tshul ni/ lang gshegs
las/ lho phyogs bai da'i yul du ni//

dge slong dpal ldan cher grags pa/ /de ming klu zhes 'bod pa
ste/ /yod dang med pa'i phyogs 'jig pa/ /da yi theg pa 'jig rten
du/ /bla med theg chen rab bshad nas/ /rab tu dga' ba'i sa
bsgrubs te/ /bde ba can

du de 'gro'o/ /zhes mtha' gnyis 'jig pa'i dbu ma'i drang nges
'byed par gsungs pa dang/ 'jam dpal rtsa rgyud las/ de bzhin
gshegs pa nga 'das nas/ /lo ni bzhi brgya lon pa na/ /dge slong
klu zhes de 'bod

@016b 'byung/ /bstan pa la ni dad cing phan/ /rab tu dga' ba'i
sa thob pa/ /lo ni drug brgya dag tu 'tsho/ /rig pa rma bya chen
mo ni/ /bdag nyid chen po des kyang 'grub/ /bstan bcos sna tshogs
don dang ni/ /dngos po med

pa'i don de rig /ces sna tshogs pa'i don te drang don dang/ dngos
po med pa'i don te nges don gsal bar byed par gsungs pas klu
sgrub dang/ de nyid las/ thogs med ces bya'i dge slong ni/
/bstan bcos de ni don la

mkhas/ /mdo sde nges don drang ba'i don/ /rnam pa mang po rab tu
'byed/ /ces rnam rig pa dang mthun pa'i drang nges gsal bar
'byed par gsungs pas thogs med lung bstan pa yin no/ /dbye na/
dbu ma ba dang/ rnam rig

pa'i shing rta'i srol 'byed gnyis te/ dang po dang rigs tshogs
mdzad pa po'i klu sgrub don gcig gnyis pa dang sa sde mdzad pa
po'i thogs med don gcig go /de ltar du gzhung las/ rgyu rkyen la
rag las pa nyid kyis rang gi mtshan

nyid kyis grub pa med pa yin pa la rang gi mtshan nyid kyis ma
grub na bcings grol dang blang dor dang rgyu 'bras sogs med par
'gyur ro/ /zhes smra ba ni/ rang gi mtshan nyid kyis grub pa'i
rang bzhin gyis stong pa'i sgrub byed mthar thug

pa la gnod byed mthar thug par 'dzin pa yin no zhes 'chad pa 'di
ni mgon po klu sgrub kyis yum gyi mdo dang de dang rjes su mthun
pa'i gsung rab rnams kyi don gzhan du drang du mi rung bar don
der nges pa'i nges don du sgrub pa'i sgrub

@017a @#/ /byed kyi rigs pa dang/ de dag dang mi mthun par ston
pa'i mdo rnams kyi sgra ji bzhin pa la rigs pa'i gnod pa ston
pa'i shing rta'i srol phye ba yin no/ /zhes dang/ stong thun
las/ de bas na 'phags pa'i gzhung

'di dag gis dgag sgrub la sogs pa'i bya byed thams cad kun rdzob
ming du btags pa tsam la 'jog gi rang gi mtshan nyid kyis grub pa
la bzhag tu mi rung ba dang/ chos gang la yang rang bzhin cung
zad kyang med pa'i de kho na

nyid kyi don dam pa'i bden pa gnyis rgyas par gtan la phab cing/
tshul de ltar rtogs pa ni sangs rgyas thob pa lta ci smos/ 'khor
ba las grol pa la yang med du mi rung ngo zhes lung dang rigs pa
mtha' yas pa'i sgo nas bstan pas/

bdag nyid chen po 'dis skal ba dang ldan pa rnams la thar pa
dang thams cad mkhyen pa'i lam rgyal ba'i dgongs pa bzhin du
gsal bar mdzad pa'i shing rta'i srol legs par phye ba yin no/
/zhes klu sgrub dbu ma pa'i shing rta'i srol

'byed du gsungs shing/ gzhung las/ bdag nyid chen po thogs med
kyis rnam sar rig pa tsam gyi tshul gyi shing rta chen po'i srol
phye/ zhes thogs med rnam rig pa'i shing rta'i srol 'byed du
gsungs so/ /de ltar shing rta'i srol

'byed la gnyis su grangs nges pa yin te/ gzhung las/ bder gshegs
gsung rab tshul gnyis shing rta'i srol/ /nas/ klu sgrub thogs med
ces dang/ shing rta chen po'i srol gnyis legs bzung nas/ /zhes

@017b dang/ gsung rab kyi drang nges phye nas de kho na nyid
gtan la 'bebs pa'i shing rta'i srol gnyis/ zhes dang/ smra ba'i
khyu mchog klu sgrub thogs med kyis/ /ji bzhin bkral ba'i tshul
gnyis shing rta'i srol/ /zhes dang/

mgon po klu sgrub kyis ngo bo nyid med pa'i tshul dang/ bdag nyid
chen po thogs med kyis rnam par rig pa tsam gyi tshul gyi shing
rta chen po'i srol gnyis phye/ zhes dang/ lam rim chen mor/
shing rta chen po gnyis las legs

brgyud pa'i/ /zhes dang/ lam rim che chung gnyis ka'i thog mtha'
gnyis kar/ shing rta chen po klu sgrub dang thogs med gnyis ka'i
lam srol/ zhes sogs rje'i legs bshad mang po dang/ stong thun
las/ gsung rab kyi

drang nges 'byed pa'i tshul la theg pa chen po'i shing rta'i srol
ni gnyis te/ zhes dang/ rgyud bla dar TI ka dang/ phar phyin
rnam bshad sogs sras kyi thu bo rnams kyi gsung las kyang shing
rta chen po gnyis su gsungs pa'i phyir ro//

mi'i 'grel byed gzhan lam brten par rgya che ba'i rnam gzhag
shing rta'i lam srol lta bu'i srol chen po phye ba'i gang zag
de/ rgya che ba'i shing rta'i srol 'byed kyi mtshan nyid/ de dang
rgyan rtsom pa po don gcig /des zab mo'i shing rta'i srol

'byed kyi mtshan nyid dang rnam grangs kyang shes nus so/ /de
skad du gser phreng las/ dngos bstan stong nyid kyi don rigs
tshogs dang/ shugs bstan stong nyid bshad pa na gdul bya'i rgyud
la mngon rtogs skye ba'i rim pa

@018a @#/ /rnams rgyan gyis bkral bas/ rje btsun dang klu sgrub
zhabs gnyis kyi sher phyin 'grel tshul gnyis su byung ngo/ /zhes
bya bar yang gnas so/ /zhes gsungs so/ /rnam rig tsam gyi gzhi
lam 'bras gsum

gyi shing rta'i lam srol lta bu'i srol chen po gsar du phye ba'i
cha nas bzhag pa'i gang zag de/ rnam rig pa'i shing rta'i srol
'byed kyi mtshan nyid/ des thal 'gyur ba dang rang rgyud pa spyi
bye brag gi shing rta'i srol 'byed kyi mtshan nyid

kyang rigs bsgre'o/ /thal 'gyur ba'i shing rta'i srol 'byed la
zla ba grags pa 'jog dgos te/ gzhung las/ rang sde'i gzhung
'gyur ba rnams las thal rang gang 'dod brtags nas rang rgyud mi
'thad thal 'gyur 'thad

ces pa ni zla ba'i gzhung rjes 'brang dang bcas pa min pa nas
dngos su ma byung ngo/ /zhes dang/ byung tshul ni/ sangs rgyas
bskyangs kyis/ bdag las ma yin gzhan las min/ /zhes sogs kyi
tshigs bcad kyi don bkral ba

la legs ldan gyis skyon bzung ba mi 'jug par ston pa'i skabs su
tshig gsal las sangs rgyas bskyangs rang rgyud mi bzhed pa dang
dbu ma pas rang rgyud bya mi rigs pa'i sgrub byed dang ldog
phyogs la gnod byed mang du bstan nas

shing rta'i srol phye la/ zhes gsungs pa'i phyir ro/ /legs ldan
gyis rang rgyud pa'i shing rta'i srol phye ba ni/ stong thun
las/ slob dpon legs ldan 'byed kyis rtsa she'i 'grel ba mdzad
nas/ sangs rgyas bskyangs kyis thal

@018b 'gyur du bkral ba la dgag pa mang du mdzad de/ rang rgyud
kyi srol thog mar phye ba yin la/ zhes gsungs te/ thal bzlog gi
dgag gzhag byed lugs kyis kyang shes nus so/ /slob dpon 'di mdo
sde spyod pa'i dbu ma

rang rgyud pa'i shing rta'i srol 'byed kyang yin te/ gzhung las/
dgongs 'grel las mtshan nyid gsum gsungs pa'i don rnal 'byor
spyod pa bdag gis ji ltar bkral ba mdo'i don min par dbu ma'i
don du 'grel ba'i lam

srol 'di ni legs ldan 'byed kyis phye ba zhib tu ni dbu ma snang
ba las bshad/ ces gsungs pa'i phyir/ rnal 'byor spyod pa'i dbu
ma rang rgyud pa'i shing rta'i srol 'byed zhi ba 'tsho yin pa ni/
gzhung las/ gzhung rgyas

par brtsams nas tha snyad du phyi rol med pa'i tshul gyi dbu ma'i
grub mtha' ni slob dpon zhi ba 'tshos srol phye bar slob dpon ye
shes sdes bzhed pa ltar legs so/ /zhes dang/ stong thun las/
slob dpon zhi ba 'tshos tha

snyad du phyi don med cing rang rig yod pa dang shes pa bden par
ma grub pa'i dbu ma'i lugs kyi srol thog mar phye nas dbu ma
rgyan mdzad/ ces gsungs pa ltar ro/ ! /spro na/ dgongs 'grel
dang/ blo gros mi zad pas

bstan pa gnyis drang nges 'byed byed dang/ sher mdo gtso bor
gyur pa'i gsung rab thams cad drang nges 'byed gzhir 'jog dgos
pas/ kha cig /bder gshegs gsung rab tshul gnyis shing rta'i srol/
/zhes pa'i

@019a @#/ /gsung rab la de gnyis tsam 'jog pa mi 'thad pa dang/
yang snying las/ dgongs 'grel dang/ blo gros mi zad pas bshad
tshul ltar gyi shing rta'i srol gnyis phye bar bstan zer ba mi
'thad/ ces pa'i

sgras zin la mun sel du/ klu sgrub thogs med gnyis kyis dbu sems
kyi shing rta'i srol phye ba de blo gros mi zad pa dang dgongs
'grel las bshad tshul ltar phye ba min par thal ba bkod pa dang/
'od snga mas shing rta'i srol

'byed bzhir byed pa gser phreng du bkag pa ltar dang/ gsung rab
kyi dgongs pa rang dbang du 'grel ba'i gang zag shing rta'i srol
'byed du 'jog na rab 'byor dang thogs med kyis ma nges par phar
phyin mtha' dpyod du

gsungs so/ /sngar shing rta'i srol 'byed kyi 'jog byed du drangs
pa'i gzhung gi lung shing rta'i srol 'byed spyi la sbyor dgos pa
tshig zin la mi gsal yang/ lcang skya'i grub mthar sbyar ba don
la gnas te/ spyir shing rta'i srol phye

ba'i don theg chen gyi grub mtha'i dbang du byas pa dang/ de
yang dbu sems kyi drang nges kyi shing rta'i srol phye ba la bya
dgos pa 'chad par 'gyur zhing/ gzhung du'ang shing rta chen po
dang drang nges phye ba'i shing rta chen po la khyad ma phye bar

gsungs pa'i phyir ro/ /kho na re/ klu sgrub thal 'gyur ba'i
shing rta'i srol 'byed yin par thal/ des chos thams cad rang
mtshan gyis ma grub pa dang/ ming rkyang btags yod tsam la bya
byed 'thad pa'i tshul gyi shing rta'i srol

@019b phye ba sngar drangs pa'i lung gnyis su gsal ba gang/ tshul
de thal 'gyur ba'i thun mong ma yin pa'i lam srol chen po yin
la/ de phye ba las lhag pa'i thal 'gyur ba'i shing rta'i srol
'byed tshul med pa'i phyir na/ ma khyab

ste/ de ni dbu ma'i spyi bshad skabs yin pas/ don dam par med pa
dang rang bzhin gyis med pa la khyad ma phye bar chos thams cad
bden par med pa'i srol phye ba'i don yin pa'i phyir/ gser phreng
las/ rje btsun dang klu

sgrub zhabs gnyis kyis sher phyin 'grel tshul gnyis byung bar
gsungs pa la brten nas rje btsun byams pa shing rta'i srol 'byed
du bzhed pa dang/ de rgya che ba'i shing rta'i srol 'byed yin
yang shing rta'i srol 'byed ma yin par

'dod pa'i lugs gnyis las phyi mas/ gser phreng las gsungs pa rje
btsun byams pa rgya che ba'i shing rta'i srol 'byed yin pa'i
shes byed du rung gi spyir shing rta'i srol 'byed yin pa'i shes
byed du mi rung ste/ rgya che ba'i shing rta'i

srol 'byed yin na shing rta'i srol 'byed yin mi dgos pa'i phyir
te/ thal 'gyur ba'i shing rta'i srol 'byed yin na shing rta'i
srol 'byed yin mi dgos pa'i phyir zer ba la/ snga mas ma khyab
ste/ spyir shing rta'i srol 'byed yin

min mi'i sha tshugs can gyi 'grel byed gzhan la ma brten par
rgyal ba'i gsung rab kyi dgongs pa rang dbang du 'grel mi 'grel
gyi steng nas 'jog pa gang/ rje btsun byams pas de ltar 'grel
gyi zla ba grags pas de ltar mi

@020a @#/ /'grel ba'i phyir zer/ gzhan yang snga mas spyir shing
rta'i srol 'byed la gsum yod kyang drang nges 'byed pa'i shing
rta'i srol 'byed la gnyis su grangs nges par bshad pa la/ phyi
ma'i phyogs 'dzin dag

spyir shing rta'i srol 'byed yin min drang nges 'byed pa'i shing
rta'i srol 'byed yin min gyi sgo nas 'jog dgos te/ spyir shing
rta'i srol 'byed theg chen gyi grub mtha' smra ba'i dbang du
byas la/ der dbu sems kyi srol gnyis

las phung gsum pa med cing/ de gnyis kyi khyad par rgya che ba'i
shing rta'i srol phye bas mi 'byed pa'i phyir/ khyab ste/ de
ltar na srol 'byed gzhi ni lugs de gnyis kyi zab mo lta ba'i
gnad las ma 'das pas shing rta'i srol 'byed

ni drang nges la shing rta'i srol 'byed yin min gyis 'jog par
grub pa'i phyir/ ma khyab mtshams kyi rtags grub ste/ grub mtha'
rtsa bar/ phal cher rgya che'i lam mthun zab la min/ /zhes dang/
lcang skya'i grub mthar/ dbu

sems kyi shing rta'i srol chen po 'di gnyis la bden pa bzhi dang
rten 'brel bcu gnyis la sogs pa theg pa dman pa'i lam gyi rim
pa'i nyams len dang/ theg pa chen po'i lam gyi rim pa la yang
spyod pa'i rten sems

bskyed pa dang/ nas/ phal cher mtshungs/ zhes gsungs pa'i phyir/
gzhan dun grub mtha' smra ba gang rung zhig gi shing rta'i srol
'byed yin na shing rta'i srol 'byed yin dgos pas shing rta'i
srol 'byed la

@020b mang po yod kyang drang nges 'byed pa'i de la gnyis su
grangs nges par khas blangs kyang gnod byed mi rnyed pa'i phyir/
des na dbu sems gang rung gi shing rta'i srol 'byed yin na shing
rta'i srol 'byed yin pas khyab la/ thal

rang sogs la de ltar ma khyab pa'ang gnad 'di la thug pa yin no
zhes zer ba la/ snga mas de 'dra'i skyon med de/ grub mtha' smra
ba gang yang rung ba zhig gi shing rta'i srol 'byed yin na mi'i
sha tshugs can gyi 'grel byed gzhan

la ma brten pas khyab pa med pa'i phyir zhes skyon spong byed
do/ /phar phyin mtha' dpyod du dbu ma ba'i sbas don mngon rtogs
dngos po brgyad du 'grel ba'i shing rta'i srol 'byed la rgyan
rtsom pa po bzhag par/ gzhan dag na re/ de

chos can/ khyod sems tsam pa'i shing rta'i srol 'byed kyang yin
par thal/ khyod kyis sbas don mngon rtogs kyi srol phye ba gang/
dbu sems kyi rgya che ba'i lam gyi lus rags pa la khyad par med
pa'i phyir zer na brtag go /kho

na re/ rgyan rtsom pa po rgya che ba'i shing rta'i srol 'byed ma
yin par thal/ thogs med de yin pa'i phyir te/ rje thams cad
mkhyen pas/ shing rta chen po gnyis las legs brgyud pa'i/ /zab
mo lta brgya chen spyod pa'i lam/ /zhes

gsungs pa'i phyir na ma khyab ste/ de'i don ni spyir de gnyis
shing rta chen po yin pa dang zab rgyas gnyis de dag las brgyud
pa'i dbang du byas pa las/ de gnyis shing rta chen por 'jog byed
zab rgyas kyi shing rta'i srol gnyis 

@021a @#/ /phye ba la byed pa'i don ma yin pa'i phyir ro/ /lcang
skya'i grub mthar/ 'jam dbyangs bzhad pas phar phyin du shing
rta'i srol 'byed la gsum du gsungs pa sngon gyi mkhas pa'i khas
len gyi rting mnan pa tsam las

rang gi bzhed pa dngos ni shing rta'i srol 'byed gnyis su nges
pa grub mtha'i bshad lugs kyis shes par gsungs kyang/ grub mtha'
las/ des na slob dpon klu sgrub dang thogs med 'di gnyis kyis
gtso bor dbu sems kyi

shing rta'i srol phye zhing/ zhar la theg dman gyi mdo'i dgongs
pa'ang dbu sems kyi lugs su bkral ba yin/ zhes gsungs pa ltar de
gnyis kyis dbu sems kyi shing rta'i srol phye bar gsungs pa las
shing rta'i srol 'byed la

gnyis su grangs nges par bzhed pa'i bshad lugs mi snang ngo/
/stong thun las/ sangs rgyas bskyangs kyis rtsa she'i 'grel ba
mdzad nas 'phags pa yab sras kyi dgongs pa thal 'gyur du bkral/
ces gsungs pa la

brten nas/ yab rje skal ldan rgya mtshos/ thal 'gyur shing rta'i
srol 'byed sangs rgyas bskyangs/ /zhes gsungs shing/ rgyal rong
bstan dar/ kun mkhyen bla ma/ byang rtse sbyin pa dar rgyas sogs
kyis kyang de ltar

bzhed do/ /de la kha cig /de mi 'thad de/ stong thun gyi lung
don/ sangs rgyas bskyangs kyis thal 'gyur ba'i srol klu sgrub
las gsal tsam phye ba ma gtogs/ de thal 'gyur ba'i shing rta'i
srol 'byed du bzhed pa

@021b min zhing/ thal 'gyur ba'i shing rta'i srol 'byed la zla
grags 'jog pa gzhung 'di shin tu gsal ba dang/ srol phye ba tsam
la byed na/ byams mgon sems tsam dang/ klu sgrub thal 'gyur ba'i
shing rta'i srol 'byed du ha cang

thal ba'i phyir zhes zer ro/ /sbyin pa dar rgyas kyis/ sangs
rgyas bskyangs dang zla ba gnyis ka thal 'gyur ba'i shing rta'i
srol 'byed du bshad pa la/ kha cig /sangs rgyas bskyangs kyis
phye zin na zla bas slar 'byed dgos don med la/

ma phyen de thal 'gyur ba'i shing rta'i srol 'byed du 'dod pa
nyams pa'i phyir/ gzhan yang/ kho rang la/ de ba sharma dang
legs ldan gnyis ka rang rgyud pa'i shing rta'i srol 'byed yin
par thal/ de gnyis kas rang rgyud pa'i srol phye bar

khyod kyis kyang bshad pa'i phyir/ khyab ste/ sangs rgyas
bskyangs kyis thal 'gyur ba'i srol phye bas de de'i shing rta'i
srol 'byed du bzhag pa'i phyir/ 'khor gsum zer na brtag go /phar
phyin mtha' dpyod du sangs rgyas bskyangs

thal 'gyur ba'i shing rta'i srol 'byed du bzhag nas/ zla grags
shing rta'i srol 'byed du bshad pa'i gzhung sngar drangs pa'i
don 'grel ba na/ de la kho na re/ 'di'i dbu ma pas rang rgyud
bya mi rigs pa'i sgrub byed dang/ ldog phyogs

rang rgyud la gnod byed mang du ston mkhan sangs rgyas
bskyangs
yin par thal/ shing rta'i srol phye la zhes pa'i shing rta'i
srol 'byed mkhan sangs rgyas bskyangs yin pa'i phyir na/ ma
khyab ste/ sgrub byed dang gnod byed ston mkhan zla

@022a @#/ /grags yin yang sangs rgyas bskyangs kyis thal 'gyur
ba'i shing rta'i srol phye ba'i phyir/ zhes lung gi stod smad
dum bur bcad nas sgrub byed dang gnod byed ston mkhan dang
shing
rta'i srol 'byed mkhan la gang zag so

sor gnyis bzhag pa ni 'brel med du mkhas pa mang po zhal 'cham
mo/ /lcang skya'i grub mthar/ kun mkhyen bla mas sangs rgyas
bskyangs thal 'gyur ba'i shing rta'i srol 'byed du bzhag pa'ang
snga ma'i gsung dang bstun pa las rang

lugs la zla grags thal 'gyur ba'i shing rta'i srol 'byed du
bzhed pa/ grub mtha' rtsa bar/ zla bas legs bkag thun mong min
par bsgrubs/ /zhes pa rtsa 'grel gyis shes par gsungs kyang/ der
ni/ rtsa ba sangs rgyas bskyangs

kyis thal 'gyur bkral/ /ces pa rtsa 'grel gyis sangs rgyas
bskyangs kyis thal 'gyur ba'i shing rta'i srol phye ba dang/ zla
bas legs bkag thun mong min par bsgrubs/ /zhes pa rtsa 'grel
gyis zla bas rang phyogs la sgrub byed dang/

ldog phyogs la gnod byed bstan par bzhed snang bas phar phyin
mtha' dpyod kyi bshad tshul las bshad tshul gnyis pa zhig min nam
snyam mo/ /theg dman gyi shing rta'i srol 'byed yod med dang/
yod na gang la ngos 'dzin pa dang/ rnam

bden rdzun gyi shing rta'i srol 'byed dang/ bod kyi grub mtha'
so so'i shing rta'i srol 'byed sogs dpyad bya ha cang mang yang
ma spros so/ /gsum pa ni/ shing rta chen po'i zhes sogs byung/
shing rta chen po'i lam srol gnyis legs

@022b par bzung ba'i sgo nas/ 'dzam gling 'dir dbu sems so so'i
blo gsal bye ba ste grangs med pa'i rgyud la gsung rab kyi don
shing rta chen po gnyis kyis so sor bkral bltar rtogs pa'i shes
rab kyi mig 'byed par byed pa'i shing rta'i

srol 'dzin gyi paNTita 'phags pa lha sogs klu sgrub kyi rjes
'brang dang/ dbyig gnyen sogs thogs med kyi rjes 'brang mtshan
dngos su thon pa dang/ mthon pa zhi ba lhas mtshon pa'i dbu ma
dang/ shAnti bas mtshon pa'i rnam

rig pa'i srol 'dzin 'dzam gling mdzes pa'i rgyan du gyur cing
thub bstan rin po che bshad sgrub gnyis kyi sgo nas mi nub pa'i
rgyal mtshan 'dzin pa'i mchog tu gyur pa'i mkhas pa'i dbang po
rnams la gus pa chen pos 'dud pa'o/ /de yang

'phags pa lha ni gzhung phyi mo'i dbu ma pa ste des ye shes
snying po kun btus/ 'khrul bzlog pa'i gtan tshigs sgrub pa/ dbu
ma lag pa'i tshad sogs dang/ brjod bya yongs su rdzogs pa rnal
'byor spyod pa bzhi brgya ba mdzad nas klu

sgrub kyi srol bzung ba dang/ dpa' bos skyes rabs dang/ bstod
tshogs sogs mang po dang/ dbu ma'i gzhung yang phar phyin bsdus
pa sogs du ma mdzad na'ang/ dbu ma'i gzhung che ba rnams bod la
ma phebs par rjes gsungs so//

sangs rgyas bskyangs kyis mdzad pa'i bstan bcos phal cher bod du
ma phebs kyang/ gtso bo 'grel ba budd+hA pA li ta mdzad nas
thal 'gyur ba'i srol phye zhing/ legs ldan gyis dbu ma'i lta
sgom spyod pa'i gnad rgyas par ston pa

@023a @#/ /dbu ma snying po dang de'i 'grel ba rtog ge 'bar ba/
rtsa she'i 'grel ba shes rab sgron me rnams mdzad nas rang rgyud
pa'i shing rta'i srol phye ba yin no/ /zla ba grags pas rtsa
she'i sgos 'grel du tshig gsal dang/

rtsa sher zab rgyas gnyis tshogs kyi sgo nas 'jug pa dbu ma 'jug
pa rtsa 'grel mdzad de thal 'gyur ba'i shing rta'i srol phye nas
'phags pa'i dgongs pa mthar thug phyin ci ma log par gsal bar
mdzad pa ste de dag ni shing rta

chen po klu sgrub kyi srol 'dzin skyong spel ba'i mkhas grub
chen po dag go /dbyig gnyen gyis theg pa che chung gi gzhung
mang du mdzad pa las/ pra ka ra Na sde brgyad dang/ mdo 'grel
skor gsum sogs kyi skabs dang/ blo

gros brtan pas mdo sde rgyan dang dbus mtha' gnyis kyi 'grel
bshad/ phung po lnga'i rab byed dang sum cu ba gnyis kyi 'grel
ba sogs dang/ phyogs glang gis brgyad stong don bsdus dang
tshang
ma kun btus sogs dang/

chos grags kyis tshad ma sde bdun sogs mdzad nas thogs med kyis
phye ba'i lam srol bskyangs pa ste de dag ni shing rta chen po
thogs med kyi srol 'dzin skyong spel ba'i mkhas grub dag go
/'dir 'phags pa lha rdzus skyes

yin min dang/ zla bas klu sgrub kyi zhabs zin ma zin dang/ de
byon dus sogs dpyad bya mang yang ma spros so/ /gnyis pa rtsom
par dam bca' ba ni/ gzhung lugs mang thos zhes sogs byung/ de la
rkang ba dang po bzhis

@023b gsung rab la drang nges 'byed tshul rtogs dka' bas bod snga
ma rnams kyis ji bzhin ma rtogs par bstan nas/ rkang ba tha ma
gnyis kyis rjes 'jam dbyangs kyi man ngag la brten nas ji bzhin
rtogs te brtse ba chen pos 'chad

par dam bca' ba ste/ de yangs rdog bu sogs gzhung lugs mang du
thos pa dang/ seng chen brgyad sogs mang du thos par ma zad rigs
pa'i lam du yang ngal ba mang po bsten pa dang/ dol bo ba sogs
mngon par rtogs

pa'i yon tan gyi tshogs kyis mi dman pa zhes brag sgo phun tshogs
rgya mtsho sogs kyis sbyar ba ltar ram/ gzhan phal cher gyi
gsungs tshul ltar na/ mdo sngags rig gnas sogs mang du thos pa
dang/ rigs pa'i lam la

sbyangs pa mang du mdzad pa dang/ spyod phyogs kyi rtogs pa'i
yon tan gyis mi dman pa du mas kyang rtsol ba mang du bsten na
yang rtogs par ma gyur pa'i zab mo'i gnas de ni 'jam mgon bla ma
ste 'jam pa'i dbyangs bshes gnyen

du bzung zhing gsung gi bdud rtsi ngoms med du bzhes pa'i drin
gyis legs par te phyin ci ma log par gzigs nas/ rjes 'jug rnams
la thugs shin tu brtse ba'i bsam pas bdag gis bshad par bya'o
zhes dam bca' mdzad

pa ste/ 'jam mgon bla ma'i bka' drin gyis legs par mthong ba'i
tshul ni/ mkhas grub thams cad mkhyen pas/ 'jam pa'i dbyangs kyis
khyod la mngon sum du/ /nyin re bzhin yang legs bshad bdud
rtsi'i rgyun/ /dus

@024a @#/ /gsum rgyal ba'i thugs kyi bcud bsdus pa/ /rgyun mi
'chad par 'doms zhes dang/ gsang rnam tshigs bcad mar/ rab mdzes
'od zer lnga yi dra ba can/ /shin tu zlum pa'i dbus su 'jam pa'i
dbyangs//

mngon sum gzigs pa rgyal sras chos kyi rje/ /zhes dang/ de nas
brtsams te rje btsun mkhyen pa'i gter/ /nam 'dod gzigs shing
dpal ldan 'dus pa dang/ /shes rab pha rol phyin gzhung zab mo'i
don/ /rgyun du gsan pa

rgyal sras chos kyi rje/ /zhes gsungs pa ltar te/ gzhung 'di
mdzad pa na'ang/ rnam thar zur rgyan las/ 'jam pa'i dbyangs kyis
dbu sems kyi grub mtha'i gnad rnams gsungs nas/ da ni 'di rnams
kyi don bsdus pa

zhig yi ger gyis gsungs pa la brten nas drang nges rnam 'byed
brtsams pa yin/ zhes dang/ gzhung 'di'i mjug rtsom du yang gsal
ba ltar la/ sman lung rgya sog phur 'jam dbyangs la sangs rgyas
byang sems dang paN

grub mang pos bskor ba gzigs pa/ de dag gi gzhung la brten nas
phan thogs rgya chen 'byung ba'i rten 'brel du gsungs pa'i nang
tshan dbu sems kyi drang nges kyi srol 'byed dang srol 'dzin mang
po'i gzhung la brten nas phan

pa rgya chen 'byung ba ni gzhung 'di la brten nas yin par dam pa
dag gsungs pa ltar ro/ /mchod brjod kyis bstan bcos rtsom pa'i
rgyu tshogs slob dpon snga ma'i man ngag dang ldan tshul dang/
rtsom par dam bcas nang gi

@024b don rtogs pa'i shes rab dang ldan tshul gnyis tshang bar
bstan pa dang/ yang rtsom par dam bcas gsung rab kyi dgongs pa
ma nor bar gzigs pa'i mkhyen rab phun tshogs dang/ gdul bya la
rjes su brtse ba'i brtse ba

phun tshogs gnyis tshang bar bstan pa yin no/ /gsum pa snod ldan
nyan par bskul ba ni/ bstan pa'i de nyid ces sogs byung/ mdo
sngags kyi lam gang gis bla med byang chub sgrub kyang gang
gtan
la phab nas nyams

su len pa las 'dar mi rung ba ni bstan pa'i de kho na nyid rtogs
pa'i rnam dpyod de de rgyud la bskyed nas 'bras bu smra ba zla
med kyi go 'phang 'dod pa'i skal bzang rnams gus pa chen pos
nyon ces bskul ba ste/ snga phyi

bsdoms pas dgos sogs chos bzhi bstan tshul ni/ gnas de ni zhes pa
yan gyis brjod bya zab mo'i de kho na nyid de 'di'i brjod bya
dang/ bstan pa'i de nyid rtogs pa'i rnam dpyod ces pas 'di la
brten nas zab don

rtogs pa'i shes rab skyed pa gnas skabs kyi dgos pa dang/ smra
ba zla med ces pas 'di la brten nas zab mo'i lam nyid rgya che
ba'i lam dang sbrel nas nyams su blangs pa'i 'bras bu sangs
rgyas kyi go 'phang nying dgos

dang/ nying dgos de nying stong pa nyid rtogs pa'i lam dang
'brel ba dang/ lam nyid brjod bya de kho na nyid ston pa dang
'brel ba ni 'brel ba'i tshul te shugs la thon pa yin no/ /'brel
ba la gzhan sdes sna tshogs smra

@025a @#/ /yang rang lugs la bdag gcig 'brel dang rten byung
'brel gnyis su grangs nges shing 'di'i 'brel ba ni phyi ma yin
la/ de yang 'di'i ched du bya ba'i gdul bya'i thob bya stong
nyid rtogs pa'i mthar thug gi

ye shes de nyid rang rgyu stong nyid rtogs pa'i lam la brten nas
byung/ lam de nyid 'di'i brjod bya'i stong pa nyid bstan bcos
kyis drang nges phye nas bshad pa la brten nas byung ba yin no/
/bden tshig kun la chos bzhi brtsir

rung zhing/ dgos 'brel gyi dbang du byas na/ bstan bcos lus kyi
chos bzhi brjod bya/ ngag las rtog ldan la go ba'am the tshom
skye ba dgos pa/ de las bstan bcos la 'jug pa nyid dgos/ de dag
snga ma med na phyi ma

mi 'byung ba 'brel ba yin zhing/ rtog ldan bstan bcos la 'jug
pa'i gegs bzhi sel tshul dang/ de'i yan lag la chos bzhi las mang
mi dgos shing nyung mi rung ba'i tshul sogs gser phreng las shes
par bya'o/ ! /spron/

de la kho na re/ 'di'i dgos pa dang brjod bya gnyis rten byung
'brel ma yin par thal/ 'di'i brjod bya la stong nyid dang/ nying
dgos la mi gnas pa'i myang 'das kyang yod pa gang zhig /myang
'das de de kho na nyid rtogs pa dang/

de stong nyid dang rten byung 'brel du 'gyur tshul med pa'i phyir
na ma khyab cing/ 'di'i nying dgos la nying dgos mthar thug gis
ma khyab pa dang/ spyir rnam mkhyen dang ngo bo nyid sku sogs
'di'i nying dgos la mi 'jog pa dang

@025b bstan bcos kyi 'brel ba la dgos sogs bzhi'i nang gi 'brel
bas khyab ma khyab dang/ de la rten byung 'brel yin dgos mi dgos
dang/ 'di'i ched du bya ba'i gdul byas thob pa'i rnam mkhyen kho
kho rang yin min sogs

la'ang spro bya mang ngo/ /dgos 'brel ngag klad du bkod pa'i
dgos pa la/ ku mA ri la la sogs pas dgos 'brel ngag la brten
nas chos bzhi yod pa tshad mas nges nas bstan bcos la 'jug pa
dang/ zhi 'tsho'i bden

gnyis dka' 'grel du bstan bcos rtsom pa'i skabs 'gog pa zlog pa
dang/ bram ze bde byed dga' ba dang g.yag phrug pas gzhung gi
yi ge mdzes pa dang/ chos mchog gis don mi 'gyur gyi dogs pa
bzhi bsal nas

don 'gyur gyi the tshom bzhi skyed pa bshad pa rnams 'thad mi
'thad kyi khyad par gser phreng las shes par bya la/ phar phyin
mtha' dpyod du bu ston gyis lugs dang po ltar bzhed par gsungs
kyang lung snyer de bkag

go /rang lugs ni gser phreng las/ ngag 'dis ji ltar dam bcas pa
ltar bstan bcos la zhugs te yod med brtags la yod na ni 'jug
cing med na ni ldog par bya'o snyam du bsams nas 'jug par 'gyur/
zhes

gsungs pa ltar gdul bya 'jug pa'i yan lag tu dgos 'brel ngag
thog mar bkod pa yin no/ /de la 'di'i dgos pa dang nying dgos
gnyis 'di la brten nas 'ong dgos pas chos bzhi bstan bcos la
'jug pa'i 

@026a @#/ /yan lag tu mi 'thad cing/ 'di'i brjod bya rtogs pa la
stong nyid rtogs dgos shing de 'di la zhugs 'bras su 'byung dgos
pas chos bzhi rtogs pa'ang der mi rung la/ dgos 'brel gyi ngag

thos pa tsam gyis dbang rnon bstan bcos la mi 'jug pas dgos
'brel gyi dag thos pa'ang der mi rung ngo/ /des na chos bzhi la
go ba yang dag gam don 'gyur gyi the tshom ni bstan bcos la 'jug
pa'i yan lag yin

te/ de'i sgo nas gdul bya bstan bcos la 'jug par byed pa'i
phyir/ tshad ma brtag pa las/ gang phyir don gnyer 'jig rten 'di/
/the tshom las kyang 'jug phyir ro/ /zhes dang/ be'u bum sngon po
las/ don

'gyur don mi 'gyur bdag la/ /the tshom za na'ang 'jug ldog rgyur
gsungs/ /zhes dang/ gser phreng las/ de bzhi phal cher yod las
tshe snyam pa'i don 'gyur gyi the tshom bzhi bskyed de rtog ldan
bstan bcos la 'jug

ces gsungs pa'i phyir/ lung dang po 'di gser phreng du khungs
gsal bar ma mdzad la lung snyer dbyig gnyen gyi gsung dang/
phar
phyin mtha' dpyod sogs su 'thad ldan gyi yin par byas kyang
gzhung mang por

tshad ma brtag pa'i yin par gsungs pa ltar gzhung der snang ngo/
/phar phyin mtha' dpyod du gdul bya dbang rnon the tshom las
rgyan la 'jug pa'i shes byed du drangs pa ltar na des dbang rnon
gyi 'jug tshul dang/

@026b dbu ma rgyan zin du rang sde dbang rtul shin lkog la 'jug
pa na lung tsam sgrub byed du byas nas 'jug pa'i shes byed du
drangs pa ltar na des dbang rtul gyi 'jug tshul bstan par snang
ba dang/ tshad ma brtag pa'i lung 'di dang

rgyud bla dar TI ka la brten nas dbang rnon the tshom dang rgyu
mtshan yang dag mthong ba gang gi sgo nas bstan bcos la 'jug
dpyad tshul sogs drang nges dogs dpyod du 'byung zhing/ der/ grub
mtha' rtsa bar/ yul mchog

bstan kyang yul can mchog sbas bzhin/ /zhes sogs la brten nas
gzhung 'dir sngags lam yongs rdzogs bstan ma bstan gyi dogs pa
bkod kyang/ grub mtha' rtsa bas mdo phyogs su sngags lam sbas pa
ma gtogs

sbas te bstan par gsungs pa min par mngon no/ /the tshom bstan
bcos la 'jug pa'i yan lag tu 'gyur tshul ni/ dgos 'brel ngag gis
bstan bcos lus la chos bzhi yod par dam bcas pa na rtog ldan la
der de yod

med the tshom skye zhing de las chos bzhi yod med lta la yod na
'jug par bya'o snyam du bstan bcos la 'jug par gser phreng las
gsungs so/ /de lta na'ang dgos 'brel mchod brjod kyi sngon du ma
bkod pa ni de'i sngon du bkod

na tshul dang mi mthun pa dang/ mchod brjod kyis dang ba skyed
la/ des bstan bcos la 'jug par phyogs pa na chos bzhi la rtog
pas mchod brjod kyi 'og tu dgos 'brel ngag bkod par chos bshes
'chad pa ltar rjes

@027a @#/ /kyang bzhed do/ /gnyis pa brtsams pa'i bstan bcos kyi
lus dngos bshad pa la gsum/ gsung rab kyi drang nges 'byed pa
gal che bar bstan pa/ rgyal ba'i gsung rab la drang nges rgyas
par phye ba/ rang

nyid gang gi rjes su 'brang bstan cing mjug bsdu ba'o/ /dang po
la gsum/ thar pa thob pa la yul rnam thar sgo gsum gyis bsdus
pa'i stong nyid rtogs dgos pa dang/ de lta bu'i stong nyid rtogs
pa la rgyal ba'i gsung rab kyi drang

nges 'byed dgos pa dang/ de nyid kyi shes byed mdo dang sbyar
ba'o/ /dang po ni/ ji skad du/ zhes sogs byung/ dkon brtsegs kyi
yul 'khor skyong zhus su myu gu lta bu rang gi ngo bo bden pas
stong pa ni stong ba nyid dang/

de'i rgyu bden pas stong pa'am de don dam par rgyu las skyes pas
stong pa ni zhi ba ste mtshan ma med pa dang/ de'i 'bras bu bden
pas stong pa'am des don dam par rang 'bras skyed pas stong pa ni
skye ba med pa ste smon pa med pa'i

rnam thar gsum gyi tshul mi shes pas bdag 'dzin gnyis kyi zhen
yul sun 'byin mi nus la/ de ma nus pas bdag 'dzin gyi dbang du
song ste las sna tshogs bsags nas 'khor bar 'khyam par 'gyur ba
gzigs nas/

'gro ba de dag ston pa thugs rje mnga' bas mdzad pa bcu gnyis
spyi dang khyad par chos dang yang sgos rags pa'i bdag med ston
pa sogs stong nyid las brtsams pa'i chos sgo mang po ston pa'i
thabs tshul dang/ rten

@027b 'brel sogs dri ma med pa'i rigs pa brgya dag ste dpag tu
med pa'i sgo nas yul rnam thar sgo gsum khong du chud pa la
'dzud par mdzad do/ /zhes pa ste phyi 'grel don des rtogs nus
so/ ! /'dir/ rnam thar sgo gsum

la; nyan thos sde ba'i gzhung mdzod du bden bzhi'i rnam pas
bzhag pa dang/ rnam rig pa'i gzhung mdo sde rgyan le'u bco lnga
bar mthong lam gyi dmigs pa dag pas dang/ de dang phyogs mthun
par le'u bcu dgu bar bdag

med gzhan dbang myang 'das gsum gyis dang/ chos kyi sdom bzhis
bzhag pa dang/ dbus mthar gnyen po gsum gyis bzhag pa dang/ sa'i
dngos gzhir stong nyid bzhi sogs yul gyis bzhag pa dang/ byang
sar bdag

med gzhan dbang myang 'das gsum gyis bzhag pa dang/ nyan sar
'khor ba myang 'das bdag med gsum gyis bzhag pa dang/ kun btus
su bden bzhi'i rnam pas bzhag pa dang/ bsdu bar mtshan nyid gsum
gyis dang/

gnyen po gsum gyis dang/ rgyu mtshan sogs chos lngas dang/ bden
pa gsum gyi rnam pas dang/ bden bzhi'i rnam pas bzhag pa dang/
dbu ma'i gzhung mdo phyogs su yul 'khor skyong zhus/ ting nge
'dzin rgyal po/ 'od

srungs kyi le'u rnams las rgyu 'bras ngo bo gsum gyis bzhag pa
dang/ yang ting nge 'dzin rgyal por bya byed las gsum gyis bzhag
pa dang/ sher mdor ngo bo mtshan ma sred pa gsum gyis dang/ bden
bzhi'i rnam pas dang/

@028a @#/ /yul la bden zhen 'gog tshul gyis bzhag pa dang/ 'jug
par mtshan nyid mi 'dra ba gsum gyis bzhag pa dang/ sngags phyogs
su 'dus pa'i rtsa rgyud du bya byed las gsum dang/ de dang mngon

byang dang sgrub thabs kun bzang las rgyu 'bras ngo bo gsum
gyis
bzhag pa rnams so/ /de pa mdzod las/ mtshan med zhi ba'i rnam pa
dang/ /stong nyid bdag med stong nyid du/ /'jug pa'o smon pa med
pa ni/ /de las gzhan

bden rnam pa can/ /zhes zhi ba 'gog bden gyi khyad chos bzhi
rtogs pa'i mtshan med dang/ stong bdag med gnyis rtogs pa'i stong
nyid dang/ mi rtag sdug bsngal gnyis dang kun lam gyi bzhi re
ste bcu rtogs pa'i smon

med kyi rnam thar gsungs so/ /mdo sde rgyan las/ med pa'i stong
pa nyid shes shing/ /de bzhin yod pa'i stong nyid dang/ /rang
bzhin stong pa nyid shes pas/ /stong pa shes pa zhes brjod do/
/mtshan med gzhi ni rnam rtog

rnams/ /yang dag zad pa yin zhes bya/ /smon pa med par gyur pa'i
de/ /yang dag ma yin kun rtog go /zhes dgag bya'i dbang du byas
nas kun btags pa ltar med pa'i stong pa nyid dang/ stong gzhi'i
dbang du byas

nas gzhan dbang sgyu ma ltar yod pa'i steng gi stong pa nyid
dang/ ngo bo'i dbang du byas nas dgag bya rang bzhin gyis stong
pa nyid yongs grub kyi chos nyid la dmigs pa'i stong nyid dang/
rnam rtog zad pa'i 'gog bden

@028b la dmigs pa'i mtshan med dang/ yang dag ma yin kun rtog la
mi smon pa'i smon med kyi ting 'dzin gsungs pa dang/ ting 'dzin
gsum gyi spyod yul ni/ /bdag med rnam pa gnyis po dang/ /bdag tu
'dzin pa'i rten

dang ni/ /de rtag nyer zhi yin zhes bya/ /zhes bdag med gnyis
rtogs pa'i stong nyid dang/ bdag 'dzin gyi rten gzhan dbang gi
ngo bo nyid rtogs pa'i smon med dang/ sdug bsngal gyi mtshan ma
rtag tu zhi ba'i myang 'das rtogs

pa'i mtshan med kyi ting 'dzin gsungs pa dang/ ting nge 'dzin gyi
rgyu nyid du/ /chos kyi sdom ni rnam pa bzhi/ /zhes mi rtag sdug
bsngal gnyis rtogs pa'i smon med dang/ bdag med rtogs pa'i stong
nyid dang/ myang 'das

rtogs pa'i mtshan med kyi ting 'dzin gsungs so/ /dbus mtha' las/
tha dad pa dang gcig mtha' dang/ /zhes sogs kyis dbu ma'i lam
bco lnga gsungs pa'i brgyad pa'i skabs nyon mongs kyi gnyen po'i
cha nas stong

nyid dang/ srid sred kyi gnyen po'i cha nas smon med dang/ mtshan
ma mngon par 'du byed pa'i gnyen po'i cha nas mtshan med kyi rnam
thar gsungs so/ /sa'i dngos gzhi las/ stong pa nyid kyi ting nge
'dzin gang zhe na/

nas/ de la stong pa nyid rnam pa bzhi ste/ zhes sogs dang/ smon
pa med pa'i sems kyi ting nge 'dzin gang zhe na/ nye bar len
pa'i phung po lnga bo la mi rtag pa'am sdug bsngal bar yid la
byed cing sems kyi gnas pa rtse

@029a @#/ /gcig pa gang yin pa'o/ /mtshan ma med pa'i ting nge
'dzin gang zhe na/ nas/ mtshan ma thams cad yid la mi byed pa
dang/ mtshan ma med pa'i dbyings yid la byed pa dang rnam pa
gnyis kyis mtshan

ma med pa la snyoms par 'jug go /zhes rtag pa dang 'bras bu dang
nang dang phyi stong pa nyid bzhi rtogs pa'i stong nyid dang/
nyer len gyi phung po lnga'i nyes dmigs rtogs pa'i smon med
dang/ mtshan ma yid la mi

byed pa dang mtshan med kyi dbyings rtogs pa'i mtshan med kyi ting
'dzin gsungs so/ /byangs las/ de la byang chub sems dpa'i stong
pa nyid kyi ting nge 'dzin gang zhe na/ 'di la byang chub sems
dpa'i brjod pa

thams cad kyi bdag nyid kyi ngo bo nyid dang bral ba brjod du
med pa'i ngo bo nyid kyi dngos po mthong nas sems gnas pa gang
yin pa de ni de'i stong pa nyid kyi ting nge 'dzin ces bya'o/
/smon pa med pa'i ting nge 'dzin gang zhe na/

'di la byang chub sems dpa'i brjod du med pa'i ngo bo nyid kyi
dngos po de nyid la log par rnam par brtags pa las byung ba'i
nyon mongs pa dang/ sdug bsngal gyis yongs su zin pa'i phyir
nyes pa du ma'i skyon chags par yang

dag par mthong nas phyis de la mi smon pa sngon du 'gro ba'i
sems gnas pa gang yin pa de ni de'i smon pa med pa'i ting nge
'dzin ces bya'o/ /mtshan ma med pa'i ting nge 'dzin gang zhe na/
'di la byang chub sems dpa'i brjod du

@029b med pa'i ngo bo nyid kyi dngos po de nyid kyi rnam par
rtog pa dang/ spros pa'i mtshan ma thams cad bsal nas yang dag pa
ji lta ba bzhin du zhi bar yid la byed pas sems gnas pa gang yin
pa de ni de'i mtshan ma med pa'i ting

nge 'dzin ces bya'o/ /zhes chos kun tha snyad kyi gzhir rang
mtshan gyis med pa ste stong bdag med rtogs pa'i stong nyid dang/
ma dag gzhan dbang tha snyad kyi gzhir rang mtshan gyis grub par
zhen pa las byung ba'i nyon mongs

dang sdug bsngal gyis zin pas na nyes pa'i gzhir rtogs nas phyis
de la mi smon pas smon med dang/ tha snyad kyi gzhir rang mtshan
gyis grub par 'dzin pa'i rtog pa kun zhi ba'i myang 'das la zhi
bar rtogs pa'i mtshan med kyi ting

'dzin gsungs so/ /nyan sa las/ rnam par thar ba'i sgo gsum po de
dag gi rnam par bzhag pa ji lta bu yin zhe na/ smras pa/ 'di ni
gnyis yin te/ 'dus byas dang 'dus ma byas so/ /de la 'dus byas
ni khams gsum

dang ldan pa'i phung po lnga'o/ /'dus ma byas ni mya ngan las
'das pa'o/ /'dus byas gang yin pa dang/ 'dus ma byas gang yin pa
de gnyis ni yod pa zhes bya'o/ /bdag dang/ sems can dang/ srog
dang/ skye ba po zhes

bya ba gang yin pa de ni med pa zhes bya'o/ /de la 'dus byas la
skyon du mthong ba dang nyes dmigs su mthong ba'i phyir smon
par
mi byed do/ /mi smon pa'i phyir rnam par thar ba'i sgo smon pa
med pa rnam par bzhag go /mya ngan las

@030a @#/ /'das pa de la smon pa dang ldan pas/ zhi bar lta/ gya
nom par lta/ nges par 'byung bar lta zhing smon par byed de/ de
la nges par 'byung bar lta ba'i phyir rnam par thar pa'i sgo
mtshan ma med pa rnam par

bzhag go /med cing yod pa ma yin pa de la smon pa yang med/ smon
pa med pa yang med do zhes ji lta bu kho nar med pa de lta bu
kho nar med pa yin no zhes shes shing mthong ba'i sgo nas rnam
par thar pa'i sgo stong pa nyid rnam par

bzhag ste/ de ni rnam par thar pa'i sgo gsum po de dag gi rnam
par bzhag pa yin no/ /zhes khams gsum la skyon dang nyes dmigs
rtogs nas mi smon pa'i smon med dang/ myang 'das ni zhi sogs
gsum du rtogs nas

de la smon pa'i mtshan med dang/ stong bdag med ji ltar gnas pa
de ltar rtogs pa'i stong nyid kyi rnam thar gsungs so/ /kun btus
las/ rnam pa bcu drug gi nang nas stong pa nyid kyi rnam pa du
zhe na/ gnyis so/ /

smon pa med pa'i rnam pa du zhe na/ drug go /mtshan ma med pa'i
rnam pa du zhe na/ brgyad do/ /zhes stong bdag med rtogs pa'i
stong nyid dang/ 'gog lam gyi brgyad rtogs pa'i mtshan med dang/
mi rtag sdug bsngal dang

kun 'byung gi bzhi ste drug rtogs pa'i smon med kyi rnam thar
gsungs so/ /bsdu ba las/ rnam par thar pa'i sgo gsum po 'di dag
ni ngo bo nyid gsum la brten nas rnam par bzhag ste/ kun btags
pa'i ngo bo nyid la

@030b brten nas ni rnam par thar pa'i sgo stong pa nyid rnam par
bzhag go /gzhan gyi dbang gi ngo bo nyid la brten nas ni rnam
par thar pa'i sgo smon pa med pa rnam par bzhag go /yongs su
grub pa'i ngo bo nyid la brten nas ni rnam

par thar pa'i sgo mtshan ma med pa rnam par bzhag go /zhes dgag
bya'i kun btags kyi ngo bo stong par rtogs pa'i stong nyid dang/
ma dag gzhan dbang gi ngo bo nyes dmigs can du rtogs pa'i smon
med dang/ myang 'das

su gyur pa'i yongs grub kyi ngo bo rtogs pa'i mtshan med kyi rnam
thar gsungs pa dang/ stong pa nyid ni nyon mongs pa'i gnyen
po'o/ /smon pa med pa ni srid par smon pa'i 'o/ /mtshan ma med pa
ni mtshan ma rnams kyi ste/

de dag thams cad kyang mngon par 'du byed pa med pa zhes bya'o/
/zhes dbus mtha' dang mthun par gsungs pa dang/ du zhig stong pa
nyid dang/ stong pa nyid kyi spyod yul dag yin/ du zhig smon pa
med pa dang mtshan ma

med pa dang/ smon pa med pa dang mtshan ma med pa'i spyod yul dag
yin zhe na/ smras pa/ rgyu mtshan ni rnam pa sum char yin la rnam
pa sum char gyi spyod yul yang yin/ ming ni rnam pa sum char ma
yin la rnam pa gnyis kyi

spyod yul yin no/ /rnam par rtog pa ni rnam pa sum char yin la
rnam pa gnyis kyi spyod yul yin no/ /de bzhin nyid ni rnam pa
sum char yang ma yin la stong pa nyid kyi spyod yul dang mtshan
ma med pa'i spyod yul yin no/ /yang 

@031a @#/ /dag pa'i shes pa ni rnam pa sum char yin la stong pa
nyid kyi spyod yul yin no/ /zhes 'dir rgyu mtshan la dngos po
dang dngos med gnyis ka yod pas ting 'dzin gsum ga dang de dag
gi yul gsum g.yod

pa dang/ ming ni sgra yin pas de la ting 'dzin gsum ga med cing
stong nyid dang smon med gnyis ka'i yul yod pa dang/ 'di'i rnam
rtog dang gzhan dbang don gcig pas de la ting 'dzin gsum ga yod
cing stong smon

gnyis kyi yul yod pa dang/ de bzhin nyid dang chos nyid don gcig
pas de la ting 'dzin gsum ga med la stong mtshan gnyis kyi yul
yod pa dang/ yang dag pa'i shes pa la don dam rnam can dang/ kun
rdzob rnam can

gnyis ka yod pas/ de la ting 'dzin gsum g.yod cing/ de stong
nyid kyi ting 'dzin gyi yul yang yan par gsungs te/ de yang
stong nyid kyi ting 'dzin gyi yul la chos lnga ga dang/ smon med
kyi ting 'dzin gyi yul la chos

gsum gsungs pa ni dmigs yul dang 'dzin stangs kyi yul ci rigs
pa'i dbang du byas pa dang/ mtshan med kyi ting 'dzin gyi yul la
chos gsum ma gsungs pa ni de'i yul gnyis po gang la yang chos de
gsum mi 'byung

ba'i gnad kyis yin no/ /mdor na/ rgyu mtshan dang/ ming dang/
rnam rtog dang/ de bzhin nyid dang/ yang dag pa'i shes pa lnga
las/ rgyu mtshan dang de bzhin nyid gnyis ka'ang yin zhing lnga
po'i ci rigs khyad

@031b gzhir ldan pa'i stong bdag med rtogs pa'i stong nyid dang/
ma dag pas bsdus pa'i rgyu mtshan dang ming dang rnam rtog la
nyes dmigs su lta ba'i smon med dang/ rgyu mtshan dang de bzhin
nyid gnyis ka yin pa'i myang

'das la zhi bar lta ba'i mtshan med kyi ting 'dzin gsungs pa
dang/ rnam pa bcu drug po gang dag yin pa de dag las du zhig
stong ba'i rnam pa yin zhe na/ smras pa/ gnyis te sdug bsngal
gyi bden pa las tha ma gnyis so/ /du zhig smon

pa med pa'i rnam pa yin zhe na/ smras pa/ drug ste sdug bsngal
gyi bden pa las dang po gnyis dang/ kun 'byung ba'i bden pa las
thams cad do/ /du zhig mtshan ma med pa'i rnam pa yin zhe na/
smras pa/ 'gog pa'i bden pa las

thams cad do/ /du zhig ni rnam par dag pa'i rgyu nye bar mtshon
pa'i rnam pa yin zhe na/ smras pa/ lam gyi bden pa las thams cad
do/ /zhes stong bdag med gnyis rtogs pa'i stong nyid dang/ mi
rtag sdug bsngal gnyis dang kun

'byung gi bzhi ste drug rtogs pa'i smon med dang/ 'gog bden gyi
bzhi rtogs pa'i mtshan med kyi rnam thar gsungs te/ lam bden gyi
bzhi de gsum gang dang yang ma sbyar ro/ /rnam pa bcu gcig po de
dag las stong pa nyid kyi

rnam pa dang/ bdag med pa gnyis kyi rnam pa gnyis ni stong pa
nyid kyi rnam pa yin no/ /lhag ma brgyad ni smon pa med pa'i
rnam pa yin no/ /'gog pa'i bden pa la bral ba'i rnam pa gang yin
pa gcig pu ni mtshan ma med pa'i rnam pa

@032a @#/ /yin no/ /zhes nad dang/ 'bras dang/ zug rngu dang/
sdig pa dang/ mi rtag pa dang/ sdug bsngal pa dang/ stong pa
dang/ bdag med pa dang/ kun tu sbyor bar byed pa dang/ bral ba
dang/ 'bral bar byed

par lta ba ste bcu gcig las stong bdag med gnyis rtogs pa'i
stong nyid dang/ stong bdag med bral ba gsum dor ba'i lhag ma
brgyad rtogs pa'i smon med dang/ bral ba rtogs pa'i mtshan med
kyi rnam thar gsungs te/

bcu gcig po de dag gi don ni/ mun sel las/ bcu gcig las dang po
bzhi ni nyon mongs pa'i kun dkris dang ldan pa dang/ bgal nyal
dang ldan pa dang/ ro myang ba dang ldan pa dang/ nyes dmigs
dang ldan pa rnams la

nad sogs su lta pa bzhi'o/ /rgyu kun 'byung rab skye rkyen du
lta ba bzhi ni kun tu sbyor bar byed par lta ba/ 'gog pa zhi ba
sogs bzhir lta ba bral bar lta ba/ lam rig pa sogs bzhir lta ba
'bral bar byed par lta

bar gsungs/ zhes 'byung ba ltar te mdzod kyi bshad tshul dang
mthun no/ /yul 'khor skyong zhus kyi don sngar bkral zin la/
ting nge 'dzin rgyal po las/ 'ong ba med cing 'di nas 'gro ba
med/ /rgyu rnams rtag

tu stong zhing mtshan ma med/ /ces chos rnams don dam par snga
ma
nas 'dir 'ong ba med pa rtogs pa'i mtshan med dang/ de ltar 'di
nas phyi mar 'gro ba med pa rtogs pa'i smon med dang/ de ltar
rgyun rtag tu

@032b stong pa rtogs pa'i stong nyid kyi rnam thar gsungs so/
/'od srungs le'u las/ gang stong pa nyid kyis chos rnams stong
bar mi byed de/ chos rnams nyid stong pa dang/ gang mtshan ma
med
pas chos rnams mtshan ma med par

mi byed de/ chos rnams nyid mtshan ma med pa dang/ gang smon pa
med pas chos rnams smon pa med par mi byed de/ chos rnams nyid
smon pa med pa dang/ zhes sogs kyis chos de'i ngo bo bden par
grub pas stong ba

rtogs pa'i stong nyid dang/ rgyu las nyon gyi mtshan ma dag dang
bral ba'i myang 'das kyi phan yon rtogs pa'i mtshan med dang/
'bras bu nyer len gyi phung po'i nyes dmigs rtogs pa'i smon med
kyi rnam thar bstan par dbu

ma'i lam bshad las 'byung zhing/ mdo'i tshig don ni/ chos rnams
bden grub kyis stong pa stong pa nyid du rung gi chos gzhan zhig
bden par grub pas chos de stong pa nyid du mi rung ste/ chos
rnams rang nyid bden

pas stong pa chos rnams bden par grub pas stong pa'i don yin
pa'i phyir/ zhes pa'am/ bden grub kyis stong pa'i chos rnams
stong par mi byed de/ chos rnams bden pas stong pa'i phyir/ zhes
pa ste/ des lhag

ma'i don yang shes par bya la/ sems tsam pas 'di las gzhan du
'grel tshul yang yod do/ /ting nge 'dzin rgyal po las/ sems dmyal
'jigs pa nga yis bstan byas te/ /sems can stong phrag du ma skyo
phyas

@033a @#/ /kyang/ /gang dag shi 'phos ngan song rtag 'gro ba'i/
/'gro ba de dag nam yang yod ma yin/ /zhes sems can shi nas
skyes ngan song ste/ las don dam par med par rtogs pa'i mtshan
med dang/

der skye ba ste bya ba don dam par med par rtogs pa'i stong nyid
dang/ der skye ba bo ste byed pa don dam par med par rtogs pa'i
smon med kyi rnam thar gsungs so/ /sher phyin gyi mdor rnam thar
sgo gsum skabs gsum

du gsungs pa las sa bdun pa'i yongs sbyong gi rgyan las/ rnam
thar sgo gsum shes pa dang/ /zhes pa'i thad kyi mdor/ de la ji
ltar na byang chub sems dpa' sems dpa' chen pos stong pa nyid
yongs su rdzogs

par bya ba yin zhe na/ rang gi mtshan nyid stong ba nyid nye bar
bzung nas yongs su rdzogs pa ni byang chub sems dpa' sems dpa'
chen po'i stong ba nyid yongs su rdzogs pa ste/ de ni byang chub
sems dpa' sems dpa'

chen po'i stong ba nyid yongs su rdzogs par bya ba'o/ /de la ji
ltar na byang chub sems dpa' sems dpa' chen pos mtshan ma med pa
mngon du bya ba yin zhe na/ 'di lta ste/ mtshan ma thams cad yid
la mi byed pa'i phyir

te; de ni byang chub sems dpa' sems dpa' chen po'i mtshan ma med
pa mngon du bya ba'o/ /de la ji ltar na byang chub sems dpa'
sems dpa' chen po'i smon pa med pa shes pa yin zhe na/ de ni
khams gsum thams

@033b cad du sems mi gnas pa ste/ de ni byang chub sems dpa'
sems dpa' chen po'i smon pa med pa shes pa'o/ /zhes chos thams
cad rang gi ngo bos stong par rtogs pa'i stong nyid dang/ chos
rnams kyi mtshan ma gang yang

yid la mi byed pa'i mtshan med dang/ khams gsum la sred pa'i sgo
nas sems mi gnas pa'i smon med kyi rnam thar gsungs pa dang/
skabs bzhi ba'i rnam pa'i thad du/ shes rab kyi pha rol tu phyin
pa 'di ni stong pa nyid kyi

pha rol tu phyin pa'o/ /zhes dang/ de'i thad kyi 'grel chung
las/ stong pa dang bdag med pa'i rnam pa'i ngo bo nyid ni rnam
par thar ba'i sgo dang bo'o/ /'gog pa dang lam gyi bden pa'i
rnam pa'i ngo bo nyid ni gnyis pa'o/ /mi

rtag pa dang sdug bsngal ba dang kun 'byung ba'i bden pa'i rnam
pa'i ngo bo nyid ni gsum pa ste/ zhes kun btus kyi bshad tshul
dang mthun par gsungs pa dang/ thabs mkhas sbyor ba'i thad du/
sems can 'di dag ni

yun ring po nas phyin ci log bzhi la spyod spyod pa rtag par 'du
shes pa dang bde bar 'du shes pa dang bdag tu 'du shes pa dang
sdug par 'du shes pa la spyod spyod pa yin gyi de dag gi phyir
byang chub tu spyad par bya'o/ /zhes

sems can gyi bdag dang chos su dmigs pa spong ba'i stong nyid
dang/ sems can 'di dag ni yun ring po nas mtshan ma la spyod
spyod pa ste/ nas/ sems can rnams kyi nyes pa de dag med par
bya'o snyam ste/ zhes

@034a @#/ /sems can gyi gzugs nas rnam mkhyen gyi bar la mtshan
mar 'dzin pa spong ba'i mtshan med dang/ sems can 'di dag ni yun
ring po nas smon lam la spyod spyod pa ste/ 'di ltar brgya byin
dang/

tshangs pa dang/ 'jig rten skyong ba dang/ 'khor los sgyur ba la
mngon par dga' 'o/ /nas/ ci nas kyang sems can thams cad kyi
smon lam gyi nyes pa de dag med par 'gyur ba de ltar chos bstan
par bya'o snyam

ste; zhes sems can gyi de dag la sred pa'i dga' ba spong ba'i
smon med kyi rnam thar gsungs so/ /'jug pa las/ stong pa nyid
kyi mtshan nyid ni/ /dmigs pa med pa'i rnam bden nyid/ /mtshan ma
med pa zhi nyid de//

gsum pa'i mtshan nyid sdug bsngal dang/ /gti mug med ces bden
'dzin gyi dmigs gtad kyi rtog pa'i dri mas mas ma sbags pas rnam
par dben pa'i mtshan nyid can gyi stong nyid dang/ mtshan ma ma
dmigs pa'i sgos zhi

pa'i mtshan nyid can gyi mtshan med dang/ 'du byed sdug bsngal gyi
bdag nyid can rnams la sdug bsngal du lta ba dang/ de kho na
nyid rtogs pa'i shes rab kyis 'du byed kyi yin lugs la lta ba na
srid pa'i phun tshogs la

mi smon zhing/ 'jig rten las 'das pa'i go 'phang la yang/ bden
par 'dzin pa'i sgos smon pa med pas sdug bsngal dang gti mug med
pa'i mtshan nyid can gyi smon med kyi rnam thar gsungs so/ /'dus
pa'i rtsa

@034b rgyud le'u gnyis pa las/ dngos po med pas sgom pa med/
/bsgom par bya ba bsgom pa min/ /de ltar dngos po dngos med pas/
/sgom pa dmigs su med pa'o/ /zhes pa la tshul bzhi'i yig don gyi
bshad pa'i skabs

su bsgom pa'i bya ba don dam par mi dmigs par rtogs pa'i stong
nyid dang/ bsgom par bya ba'i las don dam par mi dmigs par rtogs
pa'i mtshan med dang/ sgom pa po don dam par mi dmigs par rtogs
pa'i

smon med gsungs te/ rnal 'byor dag rim las/ snod bcud kyi chos
thams cad don dam par ngo bo nyid med pas bsgom pa dang bsgom
par bya ba dang sgom pa po gsum mi dmigs pa'i stong ba nyid dang
mtshan ma med pa

dang smon pa med pa'i rang bzhin du bsams la/ zhes gsungs pa
ltar ro/ /spyi don gyi skabs su rgyu 'bras ngo bo gsum gyi sgo
nas gsungs pa yul 'khor skyong zhus kyi don bshad zin dang
mthun
zhing/ rgyas par

sgron gsal mchan dang bcas pa la blta bar bya'o/ /mngon byang gi
rgyud las/ sems ni rang dngos med phyir dang/ /rgyu dang 'bras
bu spangs pa'i phyir/ /zhes dang/ sbru ba thabs kun bzang las/
ngo bo nyid dang

bral phyir stong ba ste/ /de bzhin rgyu dang bral bas mtshan ma
med/ /rtog pa rnams dang bral phyir dngos po ni/ /ma lus smon pa
las ni nges par grol/ /zhes rgyu 'bras ngo bo gsum gyis rnam
thar sgo gsum 'jog

@035a @#/ /tshul gsungs so/ /dus 'khor du/ dngos po med pas sgom
pa med/ /ces sogs kyi rkang pa dang pos stong nyid dang/ gnyis
pas smon med dang/ gsum pas mtshan med dang/ bzhi pas

mngon par 'du mi byed pa'i rnam thar bstan pa dang/ bsdus rgyud
du/ stong ba dngos po'i ngo bo'i rang bzhin 'gro ba mtha' dag
'di ni dngos po dag gis rnam par dman/ /de las sangs rgyas byang
chub med cing

gzhan phan snying rje dag dang mtshan ma'i dam bca' med pa ste/
/zhes rnam thar sgo bzhi'i mtshan nyid gsungs pa gnyis don 'dra
bar 'chad do/ /de yang drangs ma thag pa'i rkang ba dang pos
stong ba nyid kyi rnam thar te/ 'gro

ba zhes pa chos te de thams cad rang bzhin gyis grub pas stong
ba rtogs pa'i ye shes bstan to/ /rang bzhin dag gis rnam par
dman/ /zhes bsgyur dgos rgyu la sAb+hA wa der ma bsgyur bar
dngos por bsgyur ba mi legs

par mkhas grub yab sras gsungs so/ /de las sangs rgyas byang
chub med cing zhes bas smon med kyi rnam thar te/ sangs rgyas
kyi byang chub kyis mtshon pa'i 'bras bu don dam par thob byar
med par rtogs pa'i ye shes bstan

to; /gzhan phan snying rje dag dang zhes pas mtshan med kyi rnam
thar te/ snying rjes gzhan phan sgrub pas mtshon pa'i rgyu'i
mtshan ma rnams don dam par ma grub par rtogs pa'i ye shes bstan
te/ rwa 'gyur du snying rjes gzhan la

@035b phan pa zhes 'don pa ltar bshad do/ /mtshan ma'i dam bca'
med pa ste/ zhes bas mngon par 'du mi byed pa'i rnam thar te
khams dkar dmar gyi dbus su rnam shes nying mtshams sbyor ba'i
bya bas mtshon pa'i rgyus 'bras bu mngon

par bdu byed pa'i bya byed thams cad rang bzhin gyis grub pas
stong bar rtogs pa'i ye shes bstan par mkhas grub thams cad
mkhyen pas gsungs so/ /de dag las mdzod du gsungs pa dang bsdu
ba'i bshad tshul lnga ba

nyan thos sde ba dang/ kun btus dang skabs bzhi ba'i rnam pa'i
mdo 'grel ba dang bcas pas gsungs pa theg pa thun mong dang/
mdo
sde rgyan nas nyan sa'i bar dang bsdu ba'i bshad tshul gzhan
rnams sems tsam

pa dang/ yul 'khor skyong zhus sogs dbu ma ba'i thun mong min
pa'i bshad tshul du bzhed pa'i lugs ltar so so'i mtshan nyid gzhag
na/ dang po ltar na/ stong bdag med gnyis ci rigs rtogs pa'i cha
nas bzhag pa'i

rnam thar gyi sgo de/ stong nyid dang/ 'gog bden gyi khyad chos
bzhi ci rigs rtogs pa'i cha nas bzhag pa'i de/ mtshan med dang/
mi rtag sdug bsngal gnyis dang kun lam gyi khyad chos bzhi bzhi
ste bcu po ci rigs rtogs

pa'i cha nas bzhag pa'i de/ smon med kyi rnam thar gyi mtshan
nyid do/ /gnyis pa ltar na/ dang po'i mtshan nyid 'dra zhing/
'gog lam gyi rnam pa brgyad ci rigs rtogs pa'i cha nas bzhag
pa'i de/ mtshan med dang/ mi 

@036a @#/ /rtag sdug bsngal dang kun 'byung gi bzhi ste drug ci
rigs rtogs pa'i cha nas bzhag pa'i de/ smon med kyi rnam thar
gyi mtshan nyid do/ /gsum pa ltar na/ bdag med phra mo gnyis gang
rung du gyur pa'i

gnas lugs mthong ba'i cha nas bzhag pa'i de/ stong nyid dang/
yongs grub myang 'das kyi phan yon du mthong ba'i cha nas bzhag
pa'i de/ mtshan med dang/ ma dag gzhan dbang gi nyes dmigs
mthong
ba'i cha nas

bzhag pa'i de/ smon med kyi rnam thar gyi mtshan nyid do/ /bzhi
ba ltar na/ skabs der ltos pa'i ngo bo dang bya ba ci rigs bden
stong du rtogs pa'i cha nas bzhag pa'i de/ stong nyid dang/
skabs der ltos pa'i rgyu

dang las ci rigs bden stong du rtogs pa'i cha nas bzhag pa'i de/
mtshan med dang/ skabs der ltos pa'i 'bras bu dang byed pa ci
rigs bden stong du rtogs pa'i cha nas bzhag pa'i de/ smon med
kyi rnam thar

gyi mtshan nyid do/ /thal 'gyur ba thun mong min pa ltar na/
skabs der ltos pa'i ngo bo dang bya ba ci rigs rang mtshan gyis
grub pas stong pa rtogs pa'i cha nas bzhag pa'i de/ stong nyid
kyi rnam thar gyi mtshan nyid/

des gzhan gnyis la'ang rigs 'dra/ sa mtshams de dang de rgyud la
skyes pa nas sangs rgyas sa'i bar yod do/ ! /spro na/ kho na re/
mdzod kyi de nyan thos sde pa'i lugs su bshad pa mi 'thad par
thal/ de gong  

@036b mas kyang khas len pa'i phyir te/ bsdu ba'i bshad tshul
lnga ba de dang mthun pa'i phyir na ma khyab ste/ bsdu ba'i de
nyan thos sde pa'i bshad yam bkod pa tsam yin pa'i phyir/ der
thal/ gser phreng du mdzod kyi bshad

tshul bkod nas/ nyan thos kyi lam gyi dbang du byas pas/ zhes
gsungs pa'i phyir/ khyab ste/ 'di'i nyan thos ni nyan thos grub
mtha' smra ba yin pa'i phyir te/ gzhan du na shes byed mi rnyed
pa'i phyir zer ba dang/

mun sel du gong mas kyang de ltar 'dod par bzhed pa gnyis snang
zhing/ kun btus dang skabs bzhi ba'i rnam par bshad pa theg pa
thun mong gi lugs yin nam snyam mo/ /gung thang rnam thar sgo
gsum du sems tsam pas

kyang stong nyid gcig pu la rnam thar sgo gsum 'byed tshul zhig
'dod pa'i shes byed du byangs las/ med pa kho na'i dngos po gang
yin pa de la ni/ byang chub sems dpa' smon pa'am mi smon par mi
bya bar de med pa kho nar

yang dag par ji lta ba bzhin du blta bar bya ste/ zhes pa drangs
mod/ rnam thar sgo gsum dogs dpyod du/ lung de de'i shes byed du
mi 'gro ste/ lung de'i/ med pa kho na'i dngos po gang yin pa/
zhes pa'i med pa ni bdag la

byed cing/ de rnam thar gzhan gnyis la ma sbyar ba'i phyir dang/
lung de'i gong de ma thag tu/ de la byang chub sems dpa'i stong
pa nyid kyi ting nge 'dzin gang zhe na/ zhes sogs drangs zin de
byang zhing/ de dang/

@037a @#/ /nyan sar/ de la 'dus byas la skyon du mthong ba/ zhes
sogs sngar drangs pa gnyis gnad gcig pa'i phyir/ zhes dpyad pas
rnam rig pa ltar na rnam thar sgo gsum gang rung la don dam
rnam can gyis

ma khyab par khas blangs na bde bar mngon no/ /skabs bzhi ba'i
rnam pa'i skabs nyi snang/ don gsal/ gser phreng sogs su kun
btus ltar gsungs pa ni thun mong ba'i lugs mdzad tsam las/ rang
rgyud pa'i lugs la

yongs sbyong dang thabs mkhas sbyor ba'i skabs ltar rnam thar
sgo gsum gang don dam rnam can dgos so/ /kha cig stong bzhi pa
sogs kyi tshigs bcad ni dbu ma snang ba sogs su drangs pa ma
gtogs bka' 'gyur du med

zer ba mi 'thad de/ mdo chung zur na bzhugs pa der med kyang
dkon brtsegs chos kyi rnam grangs bco brgyad pa yul 'khor skyong
zhus las rkang pa phyi ma gnyis la/ thugs rjes thabs tshul rigs
pa brgya dag gis/ /de dag

rnams ni 'dzud par mdzad pa lags/ /zhes 'byung ba 'gyur khyad
tsam las 'dir drangs pa dang gcig pa'i phyir ro/ /kha cig na re/
lung de'i zhi ba zhes pas mtshan med dang/ skye ba med pa zhes
pas smon med bstan pa ma

yin par thal/ skye med kyis mtshan med dang/ zhi bas smon med
bstan pa'i phyir te/ 'dus byas kyi chos rnams don dam par rgyu
las skye ba med pa yul mtshan med dang/ don dam par 'bras bu mi
skyed pa yul smon med

@037b la byed pa'i phyir na ma khyab/ yang rtsa rtags der thal/
sher mdor skye ba ma mchis pa zhes pa mtshan med dang/ 'gags pa
ma mchis pa zhes pa smon med ston byed du yang snying sogs las
sbyar ba'i phyir zer na/ de la shes byed

'chol dgos shing/ khyab pa yang med de/ ma skyes pa'am skye ba
ma mchis pa ni mtshan med dang smon med la sbyor ba'i skabs gnyis
yod chog pa'i phyir ro/ /yang rtsa rtags der thal/ rtsa she'i/
'gag pa med pa skye med pa/ /

zhes dang/ skye ba nam yang yod ma yin/ /zhes pa'i skye med ni
'dus byas rnams don dam par rgyu las skye ba med pa la byed pa
dang/ spros pa nyer zhi zhes pa'i zhi ba'i don nyer 'tshe kun
dang bral ba la byed par de'i TIka chen las

gsungs pa'i phyir na ma khyab ste/ zhi ba mtshan med la sbyar
ba'i gzhung tshad ldan yod pa gang/ de mtshan med la sbyar na de'i
zla'i skye med smon med la sbyor rigs pa'i phyir/ dang po grub
ste/ 'jug pa las/ mtshan ma med pa

zhi nyid de/ /zhes gsungs pa'i phyir/ des na gnyal ston/ ser rje
btsun pa/ pra sti/ gung thang 'jam pa'i dbyangs sogs kyis 'di'i
skye med smon med dang/ zhi ba mtshan med la sbyar ba ltar khas
blang la/ spyir yul

'khor skyong zhus kyi mdo tshig 'dis rnam thar sgo gsum bstan par
mkhas pa phyir ba sa pa rnams zhal 'cham yang lung gong ma dang
rigs pa stobs chen gang yin dang/ de yang rgyu 'bras ngo bo gsum
dang sbyar ba'i rnam thar sgo

@038a @#/ /gsum bstan pa'i rgyu mtshan yang bsam rigs so/ /yang
snying du ngo bo nyid ma mchis pa sogs kyi mdo ni/ rnam thar sgo
gsum shes pa dang/ /zhes pa'i bshad bya'i mdor gsungs kyang der
lung de med cing/

bsgom bya bden stong mtshan med la 'jog pa'i sgrub byed du/ gser
phreng las/ rnam par thar pa'i sgo mtshan ma med pa rdzogs par
bsgoms pa nyid kyis gzugs nas rnam mkhyen gyi bar la/ zhes sogs
drangs pa yang mtshan

med skabs gzugs nas rnam mkhyen gyi bar zhes yul la bden zhen
bkag pa'i ldog cha nas gsungs pa la dgongs snang yang/ smon med
skabs kyang de ltar sbyar bas shes byed du 'gro lugs dpyad dgos
shing/ sher

mdo'i rnam thar sgo gsum ston pa'i skabs gsum gar rgyu 'bras ngo
bo gsum la sbyar ba'i gsung rgyun snang mod de gsum gar de ltar
sbyar ba mi gsal lo/ /kho na re/ dngos po med pas sgom pa med/
/ces sogs kyi yig

don skabs bya byed las gsum bden med dang/ spyi don skabs rgyu
'bras ngo bo gsum bden med bstan tshul sgron gsal mchan dang bcas
par gsal yang snga ma rnam thar sgo gsum dang sbyar ba mi 'thad
de/ de ltar

sgron gsal mtshan dang bcas par mi gsal zhing/ gsang 'dus bskyed
rim chen mo las/ spyi don du bshad pa na rnam thar sgo gsum la
sgron gsal gyis bshad cing/ zhes spyi don dmigs kyis bkar ba'i
phyir zer na

@038b ma khyab ste/ sgron gsal mchan bcas su mi gsal yang rnal
'byor dag rim sngar drangs par gsal zhing/ de yig don las 'os
med pa'i phyir/ des na rje'i gsung zin gsang 'dus bskyed rim du
'di spyi don la

sbyar ba'ang brtag par bya'o/ /kho na re/ de'i yig don bya byed
las gsum bden med du ston pa la sbyor ba mi 'thad par thal/ de
rgyu 'bras ngo bo gsum bden med du ston pa la sbyor dgos pa'i
phyir te/ bskyed rim chen

mo las/ yig don du bshad pa na chos rnams kyi ngo bo rgyu 'bras
gsum rang gi mtshan nyid kyis grub pas stong ba dang/ zhes gsungs
pa'i phyir na ma khyab ste/ de ni yi ge nor ba yin pa'i phyir
te/ 'og tu rgyas par 'chad

pa na yig don bya byed las gsum bden med du ston pa la sbyar nas
gsungs pa'i phyir/ rtsa bar 'dod mi nus te/ sgron gsal mchan
sgrags las/ de bas na gang ba sgom par bya ba dang/ gang gis
sgom pa po dang/

ji ltar bsgom pa gsum rang bzhin gyis grub pa dmigs su med pa
ste/ rkang pa bzhi po'i dngos kyi don tshig gi nus bas gang thon
pa bshad pa'i yi ge'i don to/ /zhes gsungs pa'i phyir/ yang
snying du rnam 'grel TIka chen

gyi lung drangs nas tshad 'bras gzhal gsum dang bya byed las gsum
sbyar te gsungs pa la/ rnam thar sgo gsum dogs dpyod du/ de yang
dpyad dgos te/ de ltar na stong nyid las dang/ de rtogs pa'i
mthong lam

@039a @#/ /bya ba dang/ de rtogs pa'i bden pa mngon rtogs byed
par thal bar 'gyur la/ gzhung rnams su tshad ma dang gsar du mi
bslu ba'i rig pa gnyis mtshon bya mtshon byed yin pa la dgongs nas
bya byed

du btags pa tsam yin gyi dngos ma yin pa'i phyir te/ gzhan du na
don byed nus pa dngos po'i byed por thal ba'i phyir zhes brtags
par mdzad do/ /gung thang rin po ches/ bya ba stong nyid/ las
mtshan med/

byed pa po smon med la sbyar ba/ rnal 'byor dag rim drangs zin
pa dang/ bskyed rim blo gsal dung ba'i re skong sogs kyi bshad
pa'i go rim dang bstun na de ltar gnas kyang/ rnam gzhag rim
pa'i rnam bshad

las/ sgom pa po dang bsgom par bya ba dang bsgom pa la rang
bzhin med pa'i 'khor gsum mi dmigs pa stong pa nyid dang mtshan
ma med pa dang smon pa med pa'i sgo gsum la gsungs pa'i phyir
ro/ /zhes gsungs pa

ltar rje'i gsung zin bskyed rim las kyang 'byung ba dang/ bskyed
rim chen mo las kyang/ bsgom par bya ba dang/ bsgom pa dang/
sgom pa po mi dmigs pa'i stong pa nyid dang/ mtshan ma med pa
dang/ smon pa

me dang/ zhes byung bas dpyad par bya'o/ /gung thang rin po
ches/ 'khor gsum mi dmigs par bshad tshad kyis bya byed las gsum
la sbyar ba'i rnam thar sgo gsum bshad par gsungs pa la/ kha cig
de

@039b ma yin te/ sa bdun pa'i yongs sbyong du/ rnam thar sgo
gsum shes pa dang/ /'khor gsum rnam par dag nyid dang/ /zhes de
gnyis so sor bshad pa'i phyir dang/ gser phreng las/ rnam thar
sgo gsum shes pa ni/ nas/

rnam par thar pa'i sgo stong pa nyid dang mtshan ma med pa dang
smon pa med pa yang dag par shes pa ste/ zhes dang/ 'khor gsum
rnam dag ni/ nas/ dge ba bcu'i las lam la 'jug pa ste/ zhes
gsungs pa'i phyir zer ba dang/

kha cig /'khor gsum mi dmigs pa dang/ rnam thar sgo gsum sbyar
nas bshad rung ste/ rnam gzhag rim pa'i rnam bshad drangs ma
thag pa dang/ rje'i gsung zin gsang 'dus bskyed rim las kyang/
sgom pa po dang bsgom

par bya ba dang bsgom pa la rang bzhin med pa'i 'khor gsum mi
dmigs pa dang stong pa nyid dang mtshan ma med pa dang smon pa
med pa la gsungs so/ /zhes gsungs pa'i phyir zer pa la/ kha cig
/de sngags lugs su rung yang mdo

phyogs su bya byed las gsum ma ma 'khor gsum mi dmigs pa dang
rnam thar sgo gsum sbyar nas gsungs pa med pa'i phyir zer na
brtag go /kha cig /'di'i mtshan ma ni rgyu rkyang bar 'dod pa mi
rigs te/ gser phrengs bdun

pa'i yongs sbyong las/ chos rnams kyi mtshan ma/ zhes de la chos
thams cad kyi mtshan ma yod par gsungs pa dang/ 'di skyes pa'o
'di bud med do zhes sogs sems can gyi mtshan ma dang/ zhes gzhan
dang mi nor ba'i khyad

@040a @#/ /'byed byed la'ang 'di'i mtshan mar gsungs pa'i phyir
ro/ /des na 'di'i mtshan ma la rgyu dang/ khyad 'byed byed kyi
mtshan ma gnyis shes dgos so/ /drang nges zur rgyan du rgyu 'bras
ngo bo gsum dang sbyar ba'i rnam

thar sgo gsum chos thams cad kyi steng du gzhag mi rung bar
bshad kyang/ rtag pa rnams la rang 'dogs byed kyi rtog pa dang
cha shas sogs rang gi rgyu lta bu yin pas de bden stong mtshan
med dang/ btags chos rang nyid

'bras bu lta bu yin pas de bden stong smon med dang/ 'dogs byed
kyi rtog pas chos de btags pa'i bya ba bden stong stong nyid du
sbyar nas bshad chog gam brtag go /rje btsun pas/ chos rnams kyi
rgyu 'bras ngo bo gsum

bden pas stong pa la rim bzhin rnam thar sgo gsum du 'jog rigs
par/ mngon rtogs rgyan las/ rnam thar sgo gsum shes pa dang/
/zhes dang/ dbus mtha' las/ mtshan ma med dang don dam dang/
/zhes sogs kyis

sbrub pa la/ kha cig /de ni brtag par bya ste/ yul rnam thar gyi
sgo rnam thar gyi sgom yin pa'i phyir te/ lhag mthong chen mo
las/ rnam par thar ba'i sgo gsum bshad pa dang/ rang bzhin gyis
stong par lta ba'i lta ba nyag gcig

thar ba'i sgor bshad pa'i 'gal ba spangs nas lung dang rigs pas
de nyid thar pa'i sgor bsgrubs so/ /zhes lta ba nyag gcig gsungs
pa'i don yod pa'i phyir dang/ gzhan du na sems can thams cad
rnam thar gyi sgo

@040b la gnas par thal ba dang/ yul lta ba lta ba yin par thal
ba dang/ de 'dod na/ phyi rol ba'i rgyud na yang dag pa'i lta ba
yod par thal bar 'gyur ba'i phyir ro/ /des na yul rnam thar sgo
gsum chos can/ khyod rnam thar gyi sgo

yin par thal/ khyod la skabs du mar rnam thar gyi sgo zhes byung
ba'i phyir na ma khyab/ rtags grub ste/ rgyan gyi lung drangs pa
de'i phyir zer na dpyad/ gzhan yang/ theg chen mthong lam bar
chad med lam rnam thar sgo

gsum gyi gzhi mthun yin pas de gsum 'gal ba yang ma yin la/ gzhi
gcig la ltos te don gcig kyang ma yin no/ /gung thang rin po
ches/ bsgom pa'i bya ba ni bsgom bya sgom byed nyis tshogs kyi
steng nas 'jog dgos pas

bsgom pa'i bya ba bden stong gi nang du bden stong gzhan gnyis
pa du bar gsungs kyang de ltar 'jog dka' 'am brtag go /'on kyang
rnam thar gzhan gnyis stong nyid kyi rnam thar du 'du ba ni/ klu
sgrub kyi byang chub kyi tshogs las/

rang bzhin med pas stong la stong pa ni/ /yin dang mtshan mas ci
zhig byed par 'gyur/ /mtshan ma thams cad log par 'gyur ba'i
phyir/ /mkhas pas ci ste smon lam 'debs par 'gyur/ /zhes dang/
sman zhabs kyis

kyang; don dam par ngo bos stong pa kho nar gzhan gnyis 'du par
gsungs shing/ sngags rim las kyang/ gsum bshad kyang stong nyid
kyi rnam thar nyid du gzhan gnyis pa dus so/ /zhes gsal bar
gsungs pa dang/ bzhi 

@041a @#/ /brgya ba'i 'grel ba las/ rnam par thar pa'i sgo gsum
yod mod kyi/ de lta na'ang bdag med par lta ba kho na gtso bo
yin te/ nas/ de'i phyir bdag med pa 'di ni zhi ba'i sgo gnyis pa
med pa kho na yin no/ /

zhes pa gnyis gnad gcig pa ltar ro/ /gung thang rin po ches/ bum
pa rang steng gi stong nyid stong pa nyid dang/ de'i rgyu'i
steng gi stong nyid mtshan med dang/ de'i 'bras bu'i steng gi
stong nyid smon med kyi rnam thar la sbyor yang/

bum pa don dam par ma grub pa stong nyid dang/ de don dam par
rgyu las ma skyes pa mtshan med dang/ des don dam par 'bras bu mi
skyed pa smon med la sbyar na bum pa'i de gsum bum pa rang steng
du 'jog nus par gsungs so/ /kha

cig /de mi 'thad de/ bum pa don dam par rgyu las ma skyes pa
yang bum pa'i steng gi stong nyid ma yin pa'i phyir te/ bum pa
gzhan skye med pa bum pa'i stong nyid ma yin pa'i phyir/ dbu
ma'i mtha' dpyod las/ myu gu gzhan skye

med pa stong nyid ma yin par thal/ myu gu'i stong nyid ma yin
pa'i phyir nam khyab/ myu gu skye ba'i stong nyid yin yang myu
gu'i stong nyid ma yin pa'i phyir/ zhes gsungs pa'i phyir zer ba
la/ rje des ma khyab ste/ gzhan skye 'jog tshul

ni skye ba btags yod tsam gyis ma tshim par bdag gzhan gang las
yin zhes dpyad nas rgyu rang mtshan gyis grub pa zhig las 'bras
bu rang mtshan gyis grub pa zhig skye ba gzhan skye'i don du 'dod
pa yin la/ de ltar skye ba'i btags

@041b don btsal mthar dpyad bzod du ma grub pa skye ba'i steng
gi stong nyid yin pa ni dbu ma'i mtha' dpyod kyi don yin pa'i
phyir/ zhes rtsod spong mdzad kyang dpyad dgos te/ de lta na bum
pa skye ba btags yod tsam gyis mtshim bar

bum pa don dam par rgyu las skyes ma skyes dpyad na bum pa don
dam par rgyu las ma skyes pa yang bum pa'i stong nyid ma yin par
'gyur ba'i phyir ro/ /yang rje des/ gang zag don dam par grub pa
cung zad kyang med par mthong nas

don dam par skyes ma skyes the tshom za ba zhig yod par thal/
bdag med gnyis kyi rtogs rim 'thad pa'i phyir/ zhes gsungs pa
la/ mun sel las/ khyab pa med de/ gang zag rang bzhin med pa
rtogs rjes phung po rang bzhin

yod med la blo kha phyogs pa tsam gyis rang bzhin med par rtogs
kyi/ de la the tshom zab med pas so/ /zhes gsungs so/ /mchims
mdzod las/ thos bsams las byung ba dang/ 'jig rten pa'i bsgoms
byung dang/ 'jig

rten las 'das pa'i bsgoms byung gi ting nge 'dzin gsum rim pa
ltar stong pa nyid la sogs pa dang/ stong pa nyid kyi ting nge
'dzin la sogs pa dang/ rnam par thar pa'i sgo stong pa nyid la
sogs pa yin no/ /zhes gsungs

pa'i don la/ skabs bzhi ba'i sdom las/ mchims mdzod dang por
sgom dang gnyis pa la/ /bsgoms byung 'das lam ma bzhag 'thad par
dka'/ /zhes pa ltar drang nges mtshan dang rnam thar sgo gsum
du'ang bkag

@042a @#/ /kyang; bsdu ba las/ gang du stong pa nyid dang/ smon
pa med pa dang/ mtshan ma med pa bye brag med par gsungs pa der
ni de dag thos pa dang/ bsams pa dang/ bsgoms pa las byung ba
nyid yin par

blta bar bya'o/ /gang du de dag ting nge 'dzin gyi sgra kho nar
gsungs pa der ni de dag bsgoms pa las byung ba 'jig rten pa dang
'jig rten las 'das pa yin par blta bar bya'o/ /gang du de dag
rnam par thar pa'i sgo'i sgra kho

nar gsungs pa der ni de dag 'jig rten las 'das pa nyid yin par
blta bar bya'o/ /zhes gsungs pa ltar/ mchims mdzod las kyang
thos bsam las byung ba la stong nyid sogs dang/ 'jig rten pa'i
bsgoms byung la

stong nyid kyi ting 'dzin sogs dang/ 'jig rten las 'das pa'i
bspoms byung la rnam thar gyi sgo'i stong nyid sogs kyi sgras
bstan par gsungs pa las stong nyid sogs kyi sgras bstan pa la
thos bsam sogs kyis khyab

par ma gsungs shing/ stong nyid sogs kyis gras bstan pa gsum la
thos bsams las byung ba dang/ 'jig rten pa'i bsgoms byung dang/
'jig rten las 'das pa'i bsgoms byung gsum ga dang/ stong nyid
kyi nyid

'dzin sogs kyi sgras bstan pa gsum la phyi ma gnyis dang/ rnam
thar gyi sgo'i stong nyid sogs kyi sbras bstan pa gsum la 'jig
rten las 'das pa'i bsgoms byung kho na 'jog pa drangs ma thag
pa'i bsdu ba ha cang gsal

@042b bas mchims TIka kyang de dang mthun par 'grel dgos sam
snyam mo/ /dus 'khor bsdus rgyud kyis rnam thar sgo bzhi bstan
tshul sngar bkod pa ni mkhas grub dang g.yag sde'i gsung la
bstun pa ste/ zhang zhung bas/ de las

sangs rgyas byang chub med cing gzhan phan snying rje dag dang
zhes pas smon med dang/ de man gyis mtshan med dang/ rkang ba
gnyigs mngon par 'du mi byed pa'i rnam thar gyi sgo bstan par
byas sam snyam mod gzhung

brling bas zhib tu dpyad dgos so/ /g.yag sdes thad 'dir rang gi
bla ma'i bzhed pa dang mthun par bshad gsungs kyang mngon par
'du mi byed pa'i rnam thar la/ 'gro ba rnams la phan pa'i phyir
bdag nyid sangs

rgyas su bya'o zhes smon pa'i mtshan ma'i dam bca' dag kyang don
dam par med pa/ zhes gsungs pa ni mkhas grub kyi gsung dang
sgras zin mi mthun zhing/ bod snga ma dag gis tshul 'di la sna
tshogs smras pa rnams 'thad

mi 'thad zhang zhung ba'i sgrub le'i 'grel bshad du blta'o/
/spyod 'jug dar TIka las/ nyan thos sde ba kha cig sangs rgyas
'thob par byed pa la yang stong nyid rtogs mi dgos par ma zad
chos kyi bdag med kyi ming tsam

yang khas mi len/ ces gsungs pa la brten nas/ kha cig /bye smras
stong nyid khas mi len pas rnam thar sgo gsum mi 'dod zer ba mi
'thad de/ lung de'i don ni nyan thos sde pa rang gis 'dod pa'i
bden bzhi khyad chos

@043a @#/ /bcu drug dang bcas par ma 'dus pa'i stong nyid cig
bsgom rgyu med pa'i don du gung thang rin po ches gsungs pa ltar
yin pa'i phyir te/ bye smras stong bdag med gnyis 'dod pa'i
phyir ro/ /sems tsam

pas kyang bden bzhi'i khyad chos bcu drug rtogs pa rnam thar sgo
gsum du bsdus nas 'chad tshul sngar bshad pa ltar yin pas/ de
thams cad rnam thar gyi sgor 'dod dgos pas zhi sgo bcu drug khas
len kyang/ 'khor rtsa bcu

drug khas len mi dgos te/ khyod 'khor rtsa yin na rang dang
'dzin stangs dngos 'gal du zhugs pa'i ye shes de zhi sgo yin pas
khyab kyang/ khyod zhi sgo yin na rang dang 'dzin stangs dngos
'gal du zhugs pa'i log zhugs de 'khor

rtsa yin pas ma khyab pa'i phyir/ rnal 'byor spyod pa'i rang
rgyud pa'i lugs la theg gsum gyi rtogs rigs mi 'dra bar bzhed
pas zhi sgo yang gsum bzhed par gsungs pa ltar yin pas/ rnam par
mi rtog par bstod pa las/

sangs rgyas rang sangs rgyas rnams dang/ /nyan thos rnams kyis
nges bsten pa'i/ /thar pa'i lam ni gcig nyid de/ gzhan dag med
ces bya bar nges/ /zhes dang/ bzhi brgya bar/ zhi sgo gnyis pa
med pa dang/ /zhes

pa'i don spyir bdag med rtogs pa'i ye shes zhi sgor bzhag nas de
ma yin pa'i zhi sgo med pa'i don du 'grel dgos shing/ mdo sde
spyod pa'i rang rgyud pas kyang theg pa che chung la rtogs rigs
mi 'dra ba gnyis bzhed pas zhi sgo

@043b yang mi 'dra ba gnyis 'dod dgos la/ de bas na zhi sgo
gnyis pa med par bzhid pa ni thal 'gyur ba kho nar nges so/ /de
la kho na re/ thal 'gyur ba'i lugs la'ang zhi sgo gnyis pa yod
par thal/ des rnam thar sgo gsum

bzhed pa'i phyir dang/ 'jug par gang zag gi bdag 'dzin dang/ rin
chen phreng ba sogs su chos kyi bdag 'dzin 'khor rtsar gsungs
pas bdag med gnyis rtogs pa'i ye shes gnyis thar pa'i sgor 'jog

pa'i phyir zer na/ ma khyab ste/ zhi sgo gnyis pa yod na 'dzin
stangs mi mthun pa'i de gnyis yod dgos pa la de med pa'i phyir
dang/ bzhi brgya ba'i 'grel ba las/ gal te yang stong pa nyid
dang/ mtshan ma med pa dang/

smon pa med pa zhes bya ba rnam par thar pa'i sgo gsum yod mod
kyi/ de lta na'ang bdag med par lta ba kho na gtso bo yin te/
chos ma lus pa bdag med par rig cing dngos po thams cad la chags
pa ma lus par zad pa la

'gar yang 'ga' zhig gi don du gnyer ba'am mtshan mar dmigs pa ga
la yod/ de'i phyir bdag med pa 'di ni zhi ba'i sgo gnyis pa med
pa kho na yin no/ /zhes dang/ lam rim las/ rnam par thar pa'i
sgo gsum bshad

pa dang/ rang bzhin gyis stong par lta ba'i lta ba nyag gcig
thar pa'i sgor bshad pa'i 'gal ba spangs nas lung dang rigs pas
de nyid thar pa'i sgor bsgrubs so/ /zhes dang/ de'i thad kyi pra
sti'i mtshan yang shin tu

@044a @#/ /gsal ba'i phyir ro/ /gser phreng las/ rang sa'i kun
dkris las thar cing de dang mi 'dre ba'i cha nas rnam thar tu
'jog go /zhes gsungs pa rnam thar brgyad ces pa'i rnam thar gyi
sgra bshad yin  

la; 'di'i rnam thar gyi sgra bshad ni mdzod 'grel las/ thar pa'i
sgo yin pa'i phyir rnam par thar pa'i sgo/ zhes bshad pa ltar
gang zag gang dang gang thar par bgrod na 'ang gang du zhugs
nas
bgrod pa'i sgo yin pas

na rnam thar gyi sgo zhes brjod pa yin byas pa la/ kho na re/
theg chen mthong lam bar chad med lam chos can/ rnam thar gyi
sgom yin par thal/ gang zag gang dang gang thar par bgrod
na'ang
gang du zhugs nas

bgrod pa'i sgom yin pa'i phyir na ma khyab ste/ mig shes 'khor
gyi tshor ba sems kun gyi 'khor du mi 'gro yang kun 'gro ma yin
par mi 'gyur ba bzhin yin pa'i phyir/ des na theg chen mthong
lam bar chad med lam thar

sgor 'gyur tshul dang/ sprin lta bu'i sems bskyed theg chen lam
gyi 'jug sgor 'gyur tshul ni/ spyir stong pa nyid rtogs pa'i ye
shes thar sgo dang/ sems bskyed theg chen lam gyi 'jug sgo yin
pas de dag gi bye brag

rnams kyang sgo de dang der 'jog pa'i dbang gis yin no/ /rgya
cher spron 'gro ba 'khyams zhes pa'i steng nas 'khor ba dang
'khor bar 'khyams tshul/ thugs rje mnga' ba zhes pa'i steng nas
thugs rje chen po so gnyis dang

@044b bcu drug thugs rje dang snying rje'i khyad spro tshul sogs
shes par bya'o/ /thabs tshul dang/ zhes pas thabs dang/ rigs pa
brgyad gces pas shes rab phun tshogs bstan zer ba yod kyang/
sngar bshad pa ltar gung thang rin

po che sogs mkhas pa mang pos gsungs so/ /gnyis pa ni/ de'i
phyir rnam dpyod/ ces sogs byung/ de la/ de'i phyir/ nas/ rag
las shing/ zhes pa'i bar gyis stong nyid rtogs pa la gsung rab
kyi drang nges 'byed

dgos pa dang/ de gnyis/ nas/ mi nus pa'i phyir ro/ /zhes pa'i
bar gyis lung tsam gyis gsung rab kyi drang nges 'byed mi nus pa
dang/ de'i phyir/ nas/ ldan pa'i phyir ro/ /zhes pa'i bar gyis
shing rta chen po'i rjes

su 'brangs nas rigs pas drang nges 'byed dgos pa ste/ thar pa
don gnyer gyi dpyod ldan chos can/ khyod kyis rgyal ba'i gsung
rab kyi drang nges 'byed dgos te/ khyod kyis stong nyid rtogs
pa'i thabs la 'bad dgos

pa'i phyir te/ de ma rtogs na 'khor ba las mi grol bar sngar
bshad zin pa de'i phyir/ rtsa bar khyab ste/ stong nyid rtogs pa
gsung rab kyi drang nges phyed pa la rag las pa'i phyir/ gsung
rab kyi drang nges 'byed pa chos can/

'di ni drang don no 'di ni nges don no zhes pa'i lung tsam gyis
nus pa ma yin te/ lung tsam gyis drang nges 'byed nus na shing
rta chen po dag gis drang nges 'byed pa'i dgongs 'grel brtsams
pa don med par 'gyur ba'i phyir

@045a @#/ /dang/ gsung rab las drang nges kyi 'jog tshul mi mthun
pa du ma gsungs pa'i phyir dang/ lung las drang nges su gsungs
pa tsam gyis drang nges kyi khyad par 'jog mi nus pa'i phyir/
dang po sla/ gnyis

pa grub ste/ dbu ma'i skabs su 'dren par 'gyur ba ltar blo gros
mi zad pas bstan par drang nges mi 'dra ba brgyad dang/ rgya nag
'grel chen las/ byang chub sems dpa'i sde snod chen po'i mdo las
ni phan tshun ltos pa  

rnam pa dgus nges pa dang nges pa ma yin pa'i don ston par mdzad
de/ zhes gsungs pa ltar tshig rgyas pa drang don dang/ don rgyas
pa nges don gyi mdor gsungs pa dang por byas te snga ma brgyad
bcas dgu dang/ yang de las

'dus pa chen po'i mdo las kyang phan tshun ltos pa rnam pa bdun
gyis ston par mdzad pa/ zhes gsungs pa ltar dgu po de las gnyis
pa dang gsum pa dor nas drang nges kyi tshul bdun sogs gsungs pa
yod pa'i phyir/

gsum pa grub ste/ don 'di ni 'di'o zhes gsungs pa tsam gyi lung
gis don de de ltar gzhag mi nus pa'i phyir/ khyab ste/ spyi la
de ltar mi nus na bye brag drang nges la'ang 'dra ba'i phyir/ ma
khyab mtshams kyi rtags der

thal; lung las drang don gyi mdor gsungs na drang don gyi mdo
yin pas ma khyab cing/ de las nges don gyi mdor gsungs na nges
don gyi mdo yin pas ma khyab pa'i phyir te/ dgongs 'grel du 'bum
sogs drang don gyi

@045b mdor gsungs kyang de nges don gyi mdo yin la/ 'khor lo tha
ma nges don gyi mdor gsungs kyang de drang don gyi mdo yin pa'i
phyir/ yang gsung rab kyi drang nges 'byed par lung bstan pa'i
shing rta chen po dag gis nges don gyi

mdo'i don gzhan du 'dren pa la gnod byed dang/ don der nges pa'i
sgrub byed kyi rigs pas drang nges kyi dgongs pa bkral ba zhig
gi rjes su 'brangs nas dgongs pa 'tshol dgos te/ gzhan du gsung
rab kyi drang nges 'byed

mi nus par bshad ma thag pa de'i phyir/ de yang sgrub byed mthar
gtugs na dri ma med pa'i rigs pa kho nas 'byed dgos te/ rigs pa
dang 'gal ba'i grub mtha' khas len na de 'dra'i grub mtha' smra
ba bo de tshad ma'i skyes pur mi

rung ba'i phyir dang/ chos rnams kyi kun rdzob dang don dam pa'i
dngos po'i de kho na nyid kyang 'thad sgrub kyi rigs pa'i sgrub
byed dang ldan pa'i phyir ro/ /de 'dra'i rigs pa ni/ rnam rig pa
ltar na/ 'dir bstan 'khor lo dang po

gnyis kyi sgra ji bzhin pa la gnod byed dang/ 'dir bstan 'khor
lo tha ma'i don deng nges pa'i sgrub byed gnyis ka rgya cher
bstan pa de dag dang/ dbu ma ba ltar na/ bden grub ston pa'i
mdo'i sgras zin la gnod byed dang/

bden med gtso bor ston pa'i mdo'i don der nges pa'i sgrub byed
gnyis ka rgya cher bstan pa thams cad de yin zhing/ de la brten
nas rgyal ba'i gsung rab la drang nges phye ba'i tshad ni rigs pa
de dag la brten nas drang don nges 

@046a @#/ /don gyi gsung rab so sor tshad mas nges pa la bya'o/ !
/spro na/ gung thang rin po ches/ gsung rab la drang nges 'byed
ces pa'i don ni gsung rab kyi don la drang nges 'byed pa ste
brjod bya don gyi drang

nges 'byed pa'i don yin zhing/ de ni gsung rab dpyad gzhir byas
te de'i steng nas bden gnyis kyi rnam gzhag gtan la 'bebs pa yin
pas bden gnyis la tshad ma'i stobs kyis drang nges 'byed dgos pa
dang/ gsung

rab kyi drang nges 'byed ces pa'i don ni gsung rab kyi tshig la
drang nges 'byed pa ste rjod byed tshig gi drang nges 'byed pa'i
don yin zhing/ de ni gsung rab kyi nang nas drang don gyi gsung
rab dang nges don gyi gsung rab gang yin

so sor ngos bzung ba la byed pa yin pas gsung rab kyi nang gses
kyi dbye ba 'byed tshul las don la drang nges 'byed mi dgos pa
dang/ shing gcod pa la zor bas mi chog kyang rtswa rnga ba la
des chog pa ltar/ don la drang nges

'byed pa ni tshad ma'i stobs kyis 'byed dgos kyang tshig gi drang
nges 'byed pa la yid dpyod kyis chog par bzhed de/ dgongs zab
snang ba'i sgron mer/ rjod byed tshig gi drang nges 'byed pa'i
don gsung rab kyi brjod

bya'i bden gnyis la sgra spyi'i go ba chags pa'i sgo nas rjod
byed drang nges kyi gsung rab so sor ngos bzung ba la byed pa
dang/ bstan bya la go ba ma chags par de ston byed kyi mdo la go
ba chags pa zhig 'jog dka' bas

@046b rjod byed tshig gi drang nges phye ba'i tshe brjod bya don
gyi drang nges la'ang yid dpyod kyis go ba chags par khas len
dgos pa dang/ sher mdo nges don gyi gsung rab tu tshad mas rtogs
pa la de'i brjod bya nges don yang rtogs dgos

pa dang/ gung thang rin po ches bzhed pa ltar don gyi drang nges
'byed pa la yid dpyod kyis mi chog kyang tshig gi drang nges
'byed pa la des chog pa dang/ don gyi drang nges yid dpyod kyis
nges pa med pa dang tshig gi drang nges la tshad

mas sgro 'dogs chod pa med pa lta bu'i don du mi go bar don dang
gsung rab gang la'ang dang por sgra spyi'i go ba dang phyin sa
bsams byung gi tshad mas rtogs dgos par 'dra yang/ mkhas pa'i tha
snyad dang bstun na don gyi drang nges

'byed pa la bden gnyis tshad mas rtogs dgos par gsungs nas gung
thang rin po che'i gsung la zur 'dogs par mdzad cing/ mun sel
du/ gsung rab la drang nges 'byed dgos na gsung rab kyi don la
drang nges 'byed dgos

pas ma khyab par gsungs so/ /tshe brtan lha rams pas/ gzhung las
gsung rab kyi drang nges lung tsam gyis 'byed mi nus pa dang dri
ma med pa'i rigs pas 'byed dgos par dngos su gsungs shing/ gsung
rab la drang nges

'byed tshul de las lhag ma gsungs pas gsung rab kyi drang nges
'byed pa dang gsung rab la drang nges 'byed pa gnyis khyad med
pa dang/ gsung rab kyi drang nges zhes pa tshig tsam gyi drang
nges kho nar byed dgos na mthar gtugs

@047a @#/ /na dri ma med pa'i rigs pas 'byed dgos par gsungs pa
mi 'thad par 'gyur ba dang/ des na gyi dang la'i sgra la khyad
med par tshig gi drang nges 'byed pa la yid dpyod tsam gyis chog
pa dang/ don gyi

drang nges 'byed pa la tshad ma dgos par bshad do/ /de la kha cig
gsung rab kyi drang nges phye ba dang gsung rab la drang nges
phye ba khyad 'byed dka' ste/ gsung rab kyi khyad phye ba dang
gsung rab la khyad phye ba gnyis ka rjod

byed dang/ don gyi khyad phye ba dang don la khyad phye ba
gnyis
ka brjod bya'i khyad par ngos zin pa la byed dgos par 'dra ba'i
phyir ro/ /des na tshig gi drang nges dang don gyi drang nges
gnyis rim bzhin gsung rab dang bden gnyis la

byed dgos pa ni/ gzhung las/ 'di'i don gzhan du drang dgos mi
dgos kyi dbang du byas nas drang nges 'jog pa na gsung rab nyid
drang nges kyi mtshan gzhir bzung la/ gzhan du drang dgos mi
dgos
kyi don la drang

nges su 'jog pa na kun rdzob dang don dam la drang nges su bya
ste/ zhes pas gsal bar bstan la/ de kho na nyid rtogs pa'i sngon
du drang nges phyed dgos zhes pa tshig gi drang nges phyed dgos
zhes pa yin te/ drang don kun

rdzob dang nges don don dam ston pa'i gsung rab kyi khyad par
shes nas phyi ma ngos bzung ste de la thos sogs kyis zhugs pa
las de kho na nyid rtogs dgos pa'i phyir dang/ spyir yang lung
rtogs kyi bstan pa rgyu 'bras su

@047b 'gro tshul lam rim ltar yin pa'i phyir ro/ /yang tshig gi
drang nges sam gsung rab kyi drang nges de yang yid dpyod dang
lung tsam gyis phye bas phye ba'i go mi chod pas tshad mas phyed
dgos te/ nges don gyi gsung rab don gzhan du

'dren pa la gnod byed kyi rigs pa dang don der nges pa'i sgrub
byed kyi rigs pa dri ma med pa'i stobs kyis 'byed dgos pa'i
phyir ro/ /kho na re/ nges don gyi gsung rab ngos zin pa la nges
don don dam rtogs dgos par

thal/ gsung rab de'i brjod bya ma rtogs par gsung rab de de ston
pa'i rjod byed yin pa ngos mi zin pa'i phyir zer na/ ma grub
ste/ shing rta chen pos mdo des nges don bstan par sgrub pa'i
rigs pa'i phyogs nges pa dang/

mdo de'i rjod tshul gyi phyogs dang brjod byar gsal nges na nges
don ma rtogs kyang de de ston pa'i gsung rab yin par nges thub
pa'i phyir te/ shin lkog ston pa'i mdo'i don ma nges kyang de
shin lkog ston pa'i mdo yin par

nges nas bstan don la mi slu ba yin min gzod nges pa bzhin yin
pa'i phyir dang/ srid gsum mi rtag ston ka'i sprin dang 'dra/
/zhes pa'i mdo'i bstan don sprin steng gi rgyun gyi mi rtag pa
nges nas srid gsum mi rtag pa phra mo

ma nges kyang de srid gsum mi rtag par ston pa'i mdor nges thub
pa bzhin yin pa'i phyir dang/ thar lam gsal byed du byang grol
gyi lam mi shes kyang de mkhyen pa'i yon tan dang ldan pa'i
bshes gnyen ngos zin nas thog mar

@048a @#/ /bsten par gsungs pa dang mgo mtshungs pa yin pa'i phyir
zer na brtag go /'dus pa'i rtsa rgyud las/ rin chen chen po kha
dog lnga/ /zhes sogs kyis bskyed rim gyi phyag mtshan bsgom par
bstan

pa drang don dang/ rdzogs rim pa'i rlung rdor bzlas bstan pa
nges don du bshad pa'i drang nges kyi 'jog lugs sogs ni dbu ma
pa'i lugs la rnam grangs pa'i drang nges kyi 'jog tshul tsam las/
drang nges kyi 'jog

tshul dngos ni bden gnyis kyi steng nas byed pa la mdo sngags mi
'dra ba med do/ /yang snying du/ 'dus pa'i mtha' drug gi nang gi
drang nges kyi 'jog tshul dbu ma rang lugs kyi drang nges 'jog
tshul du khas blangs nas/

mdo lugs thal 'gyur bas drang nges kyi gsung rab kyi gzhi mthun
mi 'dong la/ sngags lugs thal 'gyur bas de gnyis kyi gzhi mthun
'dod de/ mtha' drug gi nang gi drang nges tshig gcig la don gnyis
phye ste 'jog

dgos pa sgron gsal mchan dang bcas pa dang/ ye shes rdo rje kun
btus kyi rnam bshad sogs su gsungs pa'i phyir zhes bzhed pa la/
sngags lugs thal 'gyur ba ni klu sgrub dang zla ba lta bu las
'os med pas/ de

dag gi lugs la drang nges kyi gsung rab kyi gzhi mthun yod med
dpyad nas zhib cha phyed dgos so/ /blo gros mi zad pa'i mdo las/
mdo sde gang dag lam la 'jug pa'i phyir bstan pa de dag ni drang
ba'i don zhes bya'o/ /

@048b mdo sde gang dag 'bras bu la 'jug pa'i phyir bstan pa de
dag ni nges pa'i don zhes bya'o/ /zhes pa'i skabs kyi drang nges
'jog tshul la/ yang snying du/ lam la brten nas 'bras bur drang
dgos pas drang don dang/ 'bras

bu mthar thug grub nas de las gong mar drang du med pas nges
don
du gsungs te/ mtha' drug gi drang nges dang 'gros mthun par
bshad do/ /de la/ dka' gnad brgyad kyi zin bris su/ de gdul
bya'i dbang du byas

pa'i dbye ba yin tshul dang/ de'i don lam rang bzhin med rtogs
kyi shes rab la 'jug pa'i thabs mi rtag sdug bsngal sogs ston pa
drang don dang/ 'bras bu myang 'das la dngos su 'jug pa'i thabs
rang bzhin

med rtogs kyi shes rab bskyed phyir don dam ston pa nges don du
'jog par gsungs pas/ blo gros mi zad pa'i don/ dgongs zab snang
ba'i sgron me las/ brjod bya'i dbang du byas pa'i 'jog tshul dang
don gcig pa

'dra'o/ /zhes gsungs pa ltar ro/ /bshad tshul de mtha' drug gi
drang nges dang 'gros mthun min yang brtag par bya ste/ mtha'
drug gi drang nges kyi don ni/ sgron gsal mchan las/ dbang po
dman pa tsandan lta

bu la sogs pa rnams la gsang bar bya ba'i nges don tshig de'i don
la yod kyang dngos su mi ston par sbas te rgyal ba yis bshad pa
ni da dung dngos zin de min pa'i don gnyis pa zhig drang du yod
pas drang ba'i don no/ /zhes

@049a @#/ /dang; drang don du bshad pa'i gzhung de nyid kyis yang
dag pa'i don rdzogs rim yan lag dang bcas pa rab tu ston pa'i
phyir drang don gsungs par ma zad nges pa'i don yang gsungs pa
yin no/ /zhes

dang; ye shes rdo rje kun btus kyi 'grel pa las/ gzhung de'i
dngos zin gyi don de las da dung yang dag pa'i don gzhan drang
du yod pas drang don zhes bya la/ don gzhan drangs pa de las
slar yang don gzhan drang du med

cing der nges pas nges pa'i don no/ /zhes gsungs pa dang/ blo
gros mi zad pas bshad pa gnyis 'gros mthun tshul dka' ba'i phyir
ro/ /yang snying du/ gzhung la sbyar na gzhung des drang nges
'byed tshul la bshad pa

las lhag med cing/ gang zag la sbyar na gang zag des drang nges
phye ma phye tshad ma'i stobs kyis phye ma phye la 'jog dgos pas/
phyi ma la dbu ma rang lugs kyi drang nges 'byed pa dgos kyang/
snga ma la de ltar mi dgos

par gsungs pa la/ tshe brtan lha rams pas dpyad tshul dang/ mun
sel du de gnyis kar dpyad pa mdzad tshul/ gzhung gi smra ba po
tshad ma'i skyes bur mi rung ba'i phyir zhes pa'i tshad ma'i skyes
bu'i don rnams kyang

shes par bya'o/ /gsum pa ni/ don gyi dbang/ zhes sogs byung/ de
la tshigs bcad 'di dri med 'od du drangs pa ma gtogs/ lung khungs
rtsar mi chod pas ma gsungs pa yin nam brtag la/ bu ston dpal
'dzin

@049b mkhas grub rje sogs kyis rgyan stug las drangs par gsungs
kyang rgyan stug gi mdo zhes bod du 'gyur ba 'dir mi snang ngo/
/'dir drangs pa ni rwa 'gyur ltar dang/ 'bro 'gyur las/ bsregs
bcad brdar ba'i gser

bzhin du/ /mkhas pa rnams kyis yongs brtags nas/ /bdag gsung
blang bya dge slong dag /gus pa'i phyir ni ma yin no/ /zhes
dang/ 'gyur gzhan zhig tu/ bsregs bcad brdar ba'i gser bzhin du/
/legs

par brtags la nga yi bka'/ /mkhas pa dag gis blang bya yi/ /dge
slong dag gis gus phyir min/ /zhes 'byung ngo/ /lung tsam gyis
drang nges 'byed mi nus shing rigs pas 'byed dgos pa'i don gyi
dbang 'di gzigs

nas bcom ldan 'das kyis chos kyi rjes su 'brangs pa'i dge slong
dgag ma de las gzhan pa'i mkhas pa rnams kyis gsung rab la dpyod
skabs/ dper na gser rtog pa'i tshe dang por bsregs pa dang/ de
nas bcad

pa dang/ de nas brdar bas gser du nges pa na nor gyi mchog tu
'dzin pa bzhin du gsung rab gang dang gang la gzhal bya mngon
gyur ston pa rnams la mngon sum tshad ma dang/ gzhal bya lkog
gyur ston pa rnams la dngos

stobs rjes dpag dang/ gzhal bya shin lkog ston pa rnams la yid
ches rjes dpag gis gnod pa yod med legs par brtags la gnod pa
med par mthong ba na/ rgyal ba nga'i bka' las ji ltar bshad pa
bzhin nyams su

@050a @#/ /blang bar bya yi/ rang gi ston pa yin pas gus pa tsam
la brten nas gsung rab las bshad tshad sgra ji bzhin pa dang nges
don du gzung bar mi bya'o/ /bsregs bcad brdar gsum tshad ma gsum
dang chos

mthun sbyor tshul ni/ ka shI'i rigs thigs kyi phyogs snga mdor
bsdus pa las/ mngon sum gyi dpe ni bsregs pa dang chos mthun par
bstan pa'i phyir ro/ /rjes su dpag pa ni brdar ba dang chos
mthun par bstan

pa'i phyir ro/ /phan tshun mi 'gal ba ni bcad pa dang chos mthun
par yongs su brtag par gsungs te de yang rjes su dpag pa kho na
yin no/ /zhes gsungs pa ltar ro/ /nga zhes pa dang/ gus phyir
min/ /zhes pa

bsdoms pas/ bcom ldan 'das la gus pa tsam rgyu mtshan du mi byed
par gsungs pas gang zag la mi rton pa dang/ nga yi bka'/ /blang
bar bya zhes bka' tshad mar byas te nyams su blang bar gsungs pas
chos la rton

pa dang/ nga yi bka'/ /zhes dang/ gus phyir min/ /zhes pa bsdoms
pas bka' las gsungs pa rgyu mtshan du byas te de las bshad tshad
sgras zin ltar mi gzung bar gsungs pas tshig la mi rton pa dang/
bsregs

bcad brdar ba'i gser bzhin du/ /legs par brtags zhes gser la
rtog pa bzhin gsung rab kyi dgongs don la legs par brtag gsungs
pas don la rton pa dang/ de dag gi shugs la drang don la mi rton
pa dang/

@050b nges don la rton pa dang/ rnam shes la mi rton pa dang/ ye
shes la rton pa bzhi bstan pas rton pa bzhi dang mi rton pa bzhi
bstan to/ /yang snying du/ brtags la blang bar bya/ /zhes pas
don la rton pa dang/ bsregs bcad

brdar ba'i gser bzhin du/ /legs par brtags zhes pas phyi ma bzhi
bstan par bshad do/ ! /'dir/ grub mtha' rtsa ba las/ drang nges
rton rigs dgongs ldem bzhi bzhis 'byed/ /ces pa ltar gsung rab
la drang

nges 'byed pa la/ rton pa bzhi dang/ rigs pa bzhi dang/ dgongs
pa bzhi dang/ ldem dgongs bzhi rnams gal che ba las/ rton pa
bzhi ni/ blo gros mi zad pa'i mdo las/ byang chub sems dpa'
rnams kyi rton pa

bzhi yang mi zad pa ste/ bzhi gang zhe na/ 'di lta ste/ don la
rton gyi tshig 'bru la mi rton pa dang/ ye shes la rton gyi rnam
par shes pa la mi rton pa dang/ nges pa'i don gyi mdo sde la
rton gyi drang ba'i don gyi mdo sde la mi rton

pa dang/ chos nyid la rton gyi gang zag la mi rton pa'o/ /zhes
gsungs pa rnams yin zhing/ mdo sde rgyan las/ gtsug lag brtan
pa'i chos dang ni/ /de'i don dgongs pa can dang ni/ /nges don
tshad mar ldan pa dang/ /

de yi brjod med thob pa'o/ /zhes rton pa bzhi dang/ sdong dang
ji skad bshad pa dang/ /'gog par yang dag shes pa dang/ /brjod
dang bcas par thob pa dag /'dir ni dgag par bstan pa yin/ /zhes
rton bzhi'i dgag 

@051a @#/ /bya'am mi rton pa bzhi gsungs so/ /de la/ sa sde ltar
grub mtha' chen mo rjes 'brang dang bcas par/ tshul 'chos can lta
bu chos la mi rton gang zag la rton pa ma yin par chos la rton
gyi gang zag la

mi rton pa dang/ rgyang pan lta bu don la mi rton tshig la rton
pa ma yin par don la rton gyi tshig la mi rton pa dang/ rang lta
mchog 'dzin can lta bu nges don la mi rton drang don la rton pa
ma yin par nges don la rton gyi drang don la mi rton

pa dang/ thos pa lhur len pa'i gang zag lta bu ye shes la mi
rton rnam shes la rton pa ma yin par ye shes la rton gyi rnam
shes la mi rton pa ni gang zag gi sgo nas dang/ thos pa'i dus su
thos pa chud mi za ba dang/ thos don

mi brjed par 'dzin pa'i dus su don mi brjed par bzung pa chud mi
za ba dang/ bsams byung gi tshe bsams byung gi nges pa chud mi za
ba dang/ sgrub pa'i dus su rtogs pa chud mi za ba'i phyir de
bzhi rim par bzhag pa ni dus

kyi sgo nas dang/ rigs pa tshad ma ni chos la rton pa dang/ don
tshad ma ni don la rton pa dang/ ston pa tshad ma ni nges don la
rton pa dang/ ye shes tshad ma ni ye shes la rton pa dang go don
gcig tu bstan pa ni tshad ma'i sgo

nas dang/ 'chad 'gyur ltar gang la rton pa bzhi'i sgo nas dang/
gang la mi rton pa bzhi'i sgo nas ngos 'dzin pa ste rton bzhi
ngos 'dzin tshul lnga gsungs pa dang/ yang snying du/ thos pa
byed pa la thog mar tshul 'chos

@051b can lta bu min par chos bzhin spyod cing chos kyi tshul
legs par ston nus pa'i bshes gnyen zhig la brten pa dang/ chos
nyan pa'i tshe rgyang pan pa lta bu min par blang dor gyi 'jug
ldog gi gnad gtso bor byas te nyan pa dang/

nyan bya'i chos tan thos sde gnyis lta bu min par rang gis khong
du ma chud pa rnams nges don rtogs pa gzhan las nyan zhing thos
par byed pa dang/ nyan pa'i dgos pa thos pa lhur len pa'i gang
zag lta bu min par thos pa byed pa

na kun spong rnam dag gi sgo nas nyan pa dgos pas dang po thos
pa byed tshul yang rton bzhir 'du ba dang/ bsam pa'i tshe zhen
phyogs tsam min par tshad mar gyur pa'i ston pa'i gsung gi rjes
su slob pa dang/ slob tshul tshig bzung

ba tsam min par lung don rigs pas dpyad pa dang/ gtan la dbab
bya gang byung gis mi chog par nges don zab mo'i gnad gtan la
dbab pa dang/ rtogs pa'i blo blos byas kyi stong pa rtogs pa
tsam min par yang dag pa'i

stong pa rtogs pa zhig dgos pas bsam pa byed tshul yang rton
bzhir 'du ba dang/ nyams len byed pa la gzhung chen mo rnams
phyi'i go rgya gcod byed tsam min par gsung rab la man ngag gi
mchog tu go nas mos pa byed pa

dang; bstan pa thams cad 'gal 'du can min par bka' la sgras zin
'gal ba yod kyang dgongs don 'gal ba med par mthong ba dang/
nges don nyams su mi len pa min par drang don rnams kyis rim
gyis khrid nas

@052a @#/ /nges don la snying por byas te gzhan de'i yan lag tu
go ba dang/ nyams su blangs te mi rtog ye shes kyis myang 'das
su bgrod pa dgos bas sgom byed tshul yang rton bzhir 'du ba dang/
rton pa dang pos

thos pa rgya chen byas te chos kun byang chub pa dang/ gnyis pas
thos don mi brjed par 'dzin pa dang/ gsum pas gsung rab kyi
dgongs pa brtags te sgro 'dogs bcad nas thos don bsams byung gis
nges pa dang/

bzhi bas thos bsam tsam gyis mi chog par thos don nyams su
blangs te bsgoms byung gi ye shes skyed par byed pas thos bsam
sgom gsum ya ma bral bar byed tshul yang rton bzhir 'du ba dang/
gang zag bzang ngan la

ma ltos par don du 'gyur na sus bshad kyang nyan pa dang/ kha
nas chos bshad shes pas mi chog par sgom gyis ci byed don dang
ldan pa dang/ don yang phugs su mi slu ba dang/ mdor na ci byas
thar pa'i rgyur 'gro ba zhig

dgos pas rgyun gyi nyams len kyang rton bzhir 'du ba'i tshul sa'i
dngos gzhi dang byang sa sogs gzhung chen mo dang sbyar nas
gsungs pa khungs rnams la zin so gsal po yod med ji ltar yang/
byang sa las/ rton

pa bzhi po thams cad kyis ni byang chub sems dpa' yang dag pa'i
sbyor ba brtson pa la zhugs pa'i nges par 'byin par 'khrul ba
med pa mngon par gsal bar byas pa yin no/ /zhes dang/ yang
snying las/ rton

@052b bzhi'i khong 'dir rgyal ba'i bstan pa la slob tshul gyi man
ngag cha tshang ba'i sdom chen po zhig yod snyam pa su la'ang mi
'dug pas cung zad rgyas par bshad pa yin no/ /zhes gsungs pa
ltar bstan pa yongs su rdzogs pa'i

gnad la gzhan dring mi 'jog pa'i mkhas pa chen po'i rang rtags
ngom pa'i legs bshad rmad du byung ba'o/ /de la/ gang la rton pa
bzhi ni don dang ye shes dang nges don dang chos bzhi ste/ dang
po don la/ yang snying du

gtan la dbab bya'i chos thams cad dang/ lcang skya'i grub mthar
sgras zin dang dgongs pa'i don gnyis dang/ grub mtha' chen mor
chos nyid dang rigs pa gnyis dang/ yig char brjod bya rjod byed
kyi drang nges gnyis bzhag

pa dang/ gnyis pa ye shes la/ yang snying du lam thams cad dang/
grub mtha' gnyis su 'phags pa gsum gyi mnyam gzhag rnam par mi
rtog pa'i ye shes dang/ yig char gtso bor stong nyid mngon sum
du rtogs pa'i ye

shes dang/ stong nyid la bsgoms byung gi shes rab kyang der
bzhag pa dang/ gsum pa nges don la/ yang snying du lam gyi bsgom
bya'i rnam pa thams cad dang/ grub mtha' gnyis su sems tsam pa
ltar na sgra ji bzhin pa la tshad

mas gnod pa med pa rnams dang/ dbu ma ba ltar na don dam brjod
bya'i gtso bor byas pa zhig dang/ yig char brjod bya rjod byed
gnyis ka bzhag pa dang/ bzhi ba chos la/ yang snying du dgos pa
can gyi tshig thams cad dang/

@053a @#/ /lcang skya'i grub mthar bka' bstan gyi tshig don gnyis
dang/ grub mtha' chen mor tshig don gnyis dang/ yig char bka'
dang de'i brjod bya gnyis ka 'jog par gsungs pa dang/ gang la mi
rton pa

bzhi ni tshig dang rnam shes dang drang don dang gang zag bzhi
ste/ dang po tshig la/ yang snying du rjod byed kyi sgra thams
cad dang/ gzhan gsum du bka' bstan gyi rjod byed thams cad
bzhag
pa dang/ gnyis pa rnam shes la/

yang snying du 'phags pa'i mnyam gzhag rnam par mi rtog pa las
gzhan pa'i blo thams cad dang/ lcang skya'i grub mthar skabs
thob kyis gnas lugs la blo kham phyogs pa'i shes pa'am gnas lugs
la 'khrul

ba'i shes pa dang/ grub mtha' chen mor dbang shes dang/ kun
rdzob rnam can gyi yid shes dang/ yig char stong nyid rtogs ma
rtogs kyi blo gnyis bzhag pa dang/ gsum pa drang don la/ yang
snying du stong nyid las

gzhan pa'i chos thams cad dang/ grub mtha' gnyis su rnam rig pa
ltar na sgra ji bzhin pa la rigs pas gnod pa 'bab pa dang/ dbu
ma pa ltar na kun rdzob bden pa brjod bya'i gtso bor byas pa
zhig dang/

yig char brjod bya rjod byed gnyis ka bzhag pa dang/ bzhi pa
gang zag la/ yang snying du gang zag yin tshad dang/ lcang skya'i
grub mthar so skye nas sangs rgyas kyi bar gyi chos ston pa
rnams dang/ grub mtha'

@053b chen mor chos spong ba'i gang zag gis mtshon pa'i gang zag
dang/ yig char so skye nas sangs rgyas bar 'jog par gsungs so/
/de la rton pa ni yid ches pa ste/ rton bzhi'i ngo bo ni/ skabs
don gyi tshig dang don gnyis

su phye ba'i tshig tshad mar byas nas sgras zin dang 'bru legs par
sbyar ba la yid rton pa ma yin par don legs par bshad pa'am nyes
par bshad pa la rigs pas brtags nas 'dor len byed pa'i cha nas
bzhag pa'i yid

ches pa ni/ tshig la mi rton don la rton pa'i mtshan nyid/ de la
dbye na/ sgras zin sgra ji bzhin pa ma yin pa'i mdo'i tshig la mi
rton par don la rton pa dang/ yi ge dang tshig 'bru legs par
sbyar ba'i tshig la mi rton par

don la rton pa gnyis yod/ mtshan gzhi ni rim pa ltar/ pha dang ma
ni bsad byas shing/ /zhes pa'i mdo'i sgras zin la mi rton par
bsnyan don la yid ches pa dang/ dri med 'od mdor bsdus dang por/
don dam de

nyid yul la rtag tu ni/ /chen po rnams dag tshig la rton pa min/
/yul gyi ming rnams kyi ni don shes la/ /bstan bcos sgra dag gis
ni ci zhig bya/ /zhes gsungs pa ltar tshig gi sdeb la mi rton par
don la yid ches pa lta

bu'o; /skabs don gyi rnam shes dang ye shes gnyis su phye ba'i
rnam shes dbang yid kyi shes pa phal ba la yid mi rton par
'phags pa'i mnyam gzhag rnam par mi rtog pa'i ye shes sam de'i
rgyur gyur pa'i de kho na nyid dpog

@054a @#/ /par byed pa'i rigs shes la rton pa'am/ thos bsam gyis
don spyi tsam shes pa'i blo la yid mi rton par de kho na nyid
mngon sum du rtogs pa la yid rton pa ci rigs kyi cha nas bzhag
pa'i yid ches pa

ni; rnam shes la mi rton ye shes la rton pa'i mtshan nyid/ de la
dbye na/ stong nyid ma rtogs pa dang/ rtogs pa'i blo la ltos
pa'i de gnyis yod/ mtshan gzhi ni rim pa ltar/ stong nyid ma
rtogs pa'i blo'i 'dzin

stangs gnas lugs su ma zhugs shing stong nyid rtogs pa'i blo'i
'dzin stangs der zhugs par yid ches pa dang/ stong nyid don
spyi'i tshul du rtogs pa rtogs tshul mthar thug par mi byed par de
mngon sum du

rtogs brtogs tshul rdzogs par yid ches pa lta bu'o/ /skabs don
gyi drang don dang nges don gnyis su phye ba'i drang don sgra ji
bzhin pa ma yin pa la rigs pas gnod pa 'bab pa rnams gdul bya
drang ba'i ched du

gsungs par shes nas yid mi rton par nges don sgra ji bzhin pa la
rigs pas gnod pa mi 'bab par shes pa'i cha nas bzhag pa'i yid
ches pa ni/ sems tsam lugs kyi drang don la mi rton nges don la
rton pa'i mtshan

nyid dang/ skabs don gyi drang don dang nges don gnyis su phye
ba'i drang don kun rdzob sna tshogs su snang ba 'di gnas lugs
mthar thug tu yid mi rton par bden stong gnas lugs mthar thug
tu
khas len pa'i cha nas

@054b bzhag pa'i yid ches pa ni/ dbu ma ba'i lugs kyi de'i mtshan
nyid/ de la dbye na/ brjod bya dang/ rjod byed la ltos pa'i de
gnyis yod/ mtshan gzhi ni rim pa ltar/ kun rdzob la gnas lugs
mthar thug tu yid mi ches

bar stong nyid la der yid ches pa dang/ 'dul ba mdor bsdus lta
bu nges don gyi gsung rab tu yid mi ches par sher mdo lta bu
nges don gyi gsung rab tu yid ches pa lta bu'o/ /skabs don gyi
gang zag dang chos gnyis su phye

ba'i gang zag tshad mar byas nas blang dor byed pa ma yin par
rigs pas brtags te don de khas len pa'i cha nas bzhag pa'i yid
ches pa ni/ gang zag la mi rton chos la rton pa'i mtshan nyid/ de
la dbye na/ gang zag

phal ba dang/ mchog dang/ gang zag la bden zhen bkag pa la ltos
pa'i de gsum yod par gsungs so/ /mtshan gzhi ni rim pa ltar bdag
yod par ston pa'i mdo lta bu gdul bya'i bsam ngo bzhin thar pa
thob pa'i

thabs su mi bden yang spyir blo rim gyis drangs te thar pa thob
pa'i thabs su bden par yid ches pa dang/ sbyin pas longs spyod
khrims kyis bde/ /zhes pa'i gzhung lta bu gang zag khyad par bas
bshad pa tsam rgyu mtshan

du byas pa ma yin par rigs pa rnam dag la brten nas yid ches pa
dang/ gang zag gi tha snyad la brten nas bden zhen mi byed par
bden med la yid ches pa lta bu'o/ /de 'dra'i rton bzhi'i byed
las ni/ mdo snga rgyan

@055a @#/ /las; mos dang rnam par dpyod pa dang/ /gzhan las ji
bzhin thos pa dang/ /rjod pa med pa'i ye shes las/ /brtan rnams
nyams par mi 'gyur ro/ /zhes gsungs pa ltar rton pa dang pos

gtsug lag gi chos la mos pa las dang/ thams bdag nyid kyis
dgongs pa can gyi don spyod pa las dang/ gsum pas gzhan las nges
don ji bzhin thos pa las dang/ gnyis pas 'jig rten las 'das

pa'i ye shes las mi nyams par byed do/ /rton bzhi'i go rim blo
gros mi zad par gsungs pa ni/ thar 'dod rnams kyis gsung rab kyi
don gtan la dbab dgos pa dang/ de yang tha snyad pa'i shes pa
tsam

gyis don mthar thug 'byed mi nus pas de la gnas lugs rtogs pa'i
shes rab dgos pa dang/ de'i sgo nas nges don gyi mdo'i dgongs pa
'byed tshul gsum sngon du bshad nas dgongs pa mthar thug chos
dang gang

zag gnyis ka bden par med pa 'dir gnas zhes drang nges kyi mtshan
nyid ngos 'dzin pa'i phyir mjug tu gsungs pa dang/ mdo sde rgyan
du don chos nges don ye shes la rton pa ste yongs grags kyi go
rim 'di gsungs

pa ni gdul bya spyi'i nyams len gyi rim par bsgrigs tshul sngar
bshad pa ltar gyi ched dang/ byang sar don la rton pa dang po
dang chos la rton pa gnyis par byas pa ni don gtso bor byas te
nyan tshul dang/ don de yang

@055b 'thad sgrub kyi rigs pa dang ldan pa zhig dgos pa shes
phyir rgyan gyi bshad par zur bskangs pa yin par yang snying du
gsungs pa ltar la/ rton bzhi rgyas par blo gros mi zad pa'i mdo
dang/ mdo sde rgyan/ sa'i dngos gzhi/

byang sa sogs rgya gzhung che ba dang/ grub mtha' rnam gnyis/
drang nges mtha' dpyod/ yang snying sogs las shes par bya'o/
/rigs pa bzhi ni/ dgongs 'grel las/ rigs pa ni rnam pa bzhir rig
par bya ste/ ltos

pa'i rigs pa dang/ bya ba byed pa'i rigs pa dang/ 'thad pas
sgrub pa'i rigs pa dang/ chos nyid kyi rigs pa'o/ /zhes pa ltar
bzhi ste/ mtshams rnam par bkrol ba'i mdo las/ grub pa ni bzhi
ste/ yod par gyur pa'i

grub pa dang/ bya ba'i dngos po grub pa dang/ grogs byas te grub
pa dang/ chos kyis grub pa'o/ /zhes dang/ dgongs pa zab mo rnam
par bkrol ba'i mdo las/ mthun par gyur pa'i mtshan nyid ni rnam
pa bzhir rigs

par bya ste/ phan tshun ltos pa'i mthun pa dang/ bya ba byed pa'i
mthun pa dang/ bya ba byed pa dang mthun pa skye ba'i mtshan nyid
dang/ chos kyi ngo bo nyid kyi mthun pa/ zhes gsungs pa ni rnam
grangs te kun btus su gsum

par gtan tshigs sgrub pa'i rigs pa zhes 'byung ngo/ /de la lam
rim las/ ltos pa'i rigs pa ni/ 'bras bu rnams 'byung ba rgyu
dang rkyen la ltos pa'o/ /'di'ang kun rdzob dang don dam dang de
dag gi gzhi

@056a @#/ /rnams so so'i sgo nas 'tshol ba'o/ /zhes gsungs pa
ltar/ 'bras bu rnams 'byung ba rgyu rkyen la ltos par brtags
pa'i cha nas bzhag pa'i rigs pa de/ ltos pa'i rigs pa'i mtshan
nyid/

bya ba byed pa'i rigs pa ni/ mes sreg pa'i bya ba byed pa sogs
chos rnams kyis rang rang gi bya ba byed pa'o/ /'di 'ang 'di ni
chos so/ /'di ni byed pa'o/ /chos 'dis ni bya ba 'di byed de
zhes 'tshol ba'o/ /zhes

gsungs pa ltar/ chos rnams kyis rang rang gi bya ba byed par
brtags pa'i cha nas bzhag pa'i rigs pa de/ bya ba byed pa'i rigs
pa'i mtshan nyid/ 'thad pas sgrub pa'i rigs pa ni/ tshad ma dang
mi 'gal bar don

sgrub pa'o/ /'di yang/ ci 'di la mngon sum dang rjes dpag dang
yid ches pa'i lung gi tshad ma gsum po yod dam med snyam du 'tshol
ba'o/ /zhes gsungs pa ltar/ mngon rjes kyi tshang ma dang mi 'gal
bar

don sgrub pa'i cha nas bzhag pa'i rigs pa de/ 'thad sgrub kyi
rigs pa'i mtshan nyid/ chos nyid kyi rigs pa ni/ me tsha ba dang
chu rlan pa sogs la de dag gi chos nyid du 'jig rten na grags
pa'i chos nyid dang/

bsam gyis mi khyab pa'i chos nyid dang/ gnas pa'i chos nyid la
mos par byed cing/ de ltar yin pa'i rgyu mtshan gzhan sems par mi
byed de/ de ltar 'tshol ba'o/ /zhes gsungs pa ltar/ grags pa dang

@056b bsam gyis mi khyab pa dang gnas pa'i chos nyid ci rigs la
brtags pa'i cha nas bzhag pa'i rigs pa de/ chos nyid kyi rigs
pa'i mtshan nyid/ de bzhig re re la dbye na/ thal 'gyur dang/
gtan tshigs dang/ sbyor

ngag dang/ rjes dpag bzhi re yod la/ kun btus dar TI ka las/
rigs pa dngos ni yul can tshad ma la bya'o/ /zhes gsungs pa ni
lam rim dang bstun na gtso bo'i dbang du byas pa'o/ /'bras bu
rnams rgyu la

ltos pa dang/ rang rang gi bya ba byed pa dang/ tshad ma dang mi
'gal ba dang/ chos nyid du gnas pa rnams rigs pa yin pas rtags
su 'god rgyu dang/ de rnams bsgrub byad byas nas de sgrub byed
gzhan 'god pa

gnyis las phyi ma ni/ kun btus dar TI ka las/ sa bon la brten
nas myu gu 'byung bar rtogs pa sogs 'bras bu rnams rgyu la ltos
par rtogs pa dang/ chus ngoms pa'i bya ba byed pa sogs so so
rang rang gi mtshan

nyid ji lta ba bzhin rtogs pa ltos pa dang bya ba byed pa'i rigs
pa dang/ lkog gyur gyi don rtogs pa sgrub pa'i rigs pa dang/
chos rnams kyi rang spyi'i mtshan nyid ji ltar gnas pa ltar rtogs
pa chos nyid kyi rigs pa rnams

yod pa'i phyir/ zhes gsungs pa dang mthun nam snyam mo/ /rgyas
par kun btus skor/ nyan sa/ rgya nag 'grel chen/ lam rim mchan
sogs las shes par bya zhing/ rigs pa bzhis gsung rab la drang
nges 'byed

@057a @#/ /tshul ni/ sems tsam ltar na mdo de'i sgras zin la de
bzhis gnod mi gnod legs par brtags nas gnod med du mthong ba na
sgra ji bzhin pa dang/ gnod pa mthong nas dgongs gzhi dgos pa

dngos la gnod byed rig par byas te sgra ji bzhin pa ma yin par
byed pa dang/ dbu ma pa ltar na mdo des gnas lugs mthar thug
bstan pa la de bzhis gnod mi gnod legs par brtags nas gnod med
du mthong

ban nges don gyi gsung rab dang/ gnod pa mthong ba na drang
don
gyi gsung rab tu byed pa yin no/ /dgongs ldem dgongs ni/ dgongs
gzhi gtso bor yod kyang de sgras zin la mi ston pa'i sgra ji
bzhin pa ma yin

pa'i mdo de/ dgongs pa can gyi mdo'i mtshan nyid/ de la dbye na/
mdo sde rgyan las/ mnyam pa nyid dang don gzhan dang/ /de bzhin
du ni dus gzhan dang/ /gang zag gi ni bsam pa la/ /dgongs pa
rnam pa

bzhir shes bya/ /zhes pa ltar mnyam pa nyid dang/ don gzhan
dang/ dus gzhan dang/ gang zag gi bsam pa la dgongs pa bzhi yod/
mtshan gzhi rim par/ bdag cag gi ston pa sku tshe thung zhing sku
bongs

chung ba sogs kyis sangs rgyas rnam gzigs las dman snyam pa'i
gnyen por mnyam nyid gsum la dgongs nas/ bcom ldan 'das kyis/
nga nyid de'i tshe yang dag par rdzogs pa'i sangs rgyas rnam

@057b gzigs su gyur to/ /zhes gsungs pa lta bu dang po dang/
rnam rig pa ltar na chos thams cad ngo bo nyid med ces gsungs pa
lta bu dang/ dbu sems thun mong ba ltar na lung gi chos la
brnyas pa'i gnyen por/

sangs rgyas ganggA'i klung gi bye ma snyed la bsnyen bkur na
theg chen gyi don khong du chud par gsungs pa lta bu gnyis pa
dang/ le lo'i sgrib pa'i gnyen por bde ba can du smon lam btab
pa tsam gyis skye ba dang/ sangs

rgyas zla 'od kyi mtshan brjod pas byang chub tu nges par bshad
pa lta bu gsum pa dang/ sbyin pas chog par 'dzin pa'i gnyen por
de la smad pa lta bu bzhi pa'o/ /dgos dbang gis sgras zin sgra
ji bzhin ma yin par ston

pa'i mdo de/ ldem dgongs kyi mdo'i mtshan nyid/ de la dbye na/
mdo sde rgyan las/ gzhug pa ldem por dgongs pa dang/ /mtshan nyid
ldem por dgongs pa dang/ /gnyen po ldem por dgongs pa dang/
/bsgyur

ba ldem por dgongs pa ste/ /zhes pa ltar gzhug pa dang/ mtshan
nyid dang/ gnyen po dang/ bsgyur ba ldem dgongs bzhi yod/ mtshan
gzhi rim par/ bstan pa la rim gyis gzhug pa'i phyir gang zag gi

bdag yod par gsungs pa lta bu dang po dang/ sems tsam pa ltar na
ngo bo nyid gsum la dgongs nas ngo bo nyid med par gsungs pa lta
bu dang/ dbu ma pa ltar na gdul bya kha drang phyir gzhan dbang
yongs grub bden

@058a @#/ /grub tu ston pa lta bu gnyis pa dang/ mdo sde rgyan
las 'byung ba ltar chos la brnyas pa sogs nyes pa brgyad 'dul
phyir theg chen gsungs pa lta bu gsum pa ste/ 'di la sangs rgyas
la brnyas pa dang/

lung gi chos la brnyas pa dang/ le lo'i sgrib pa dang/ cung zad
tsam gyis chog par 'dzin pa dang/ 'dod chags la spyod pa dang/
nga rgyal la spyod pa dang/ 'gyod pa dang/ ma nges pa ldog pa'i
sgrib pa ste nyes pa

brgyad so so'i gnyen por gsungs pa'i mtshan gzhi rnams gser
phreng sogs las shes par bya'o/ /gdul bya lam zab mo la drang
ba'i phyir/ pha dang ma ni bsad byas shing/ /zhes sogs dang/ yid
mi ches dang

byas gzo dang/ /zhes sogs dang/ snying po med la snying por
shes/ /zhes sogs dang/ byang chub sems dpa' chos lnga dang ldan
na sbyin pa'i pha rol tu phyin pa yongs su rdzogs par byed de/
zhes sogs dang/

byang chub sems dpa' chos lnga dang ldan na tshangs par spyod pa
yin/ zhes sogs bzhi pa ste dgongs lde ma ? dgongs rgyas bar mdo
sde rgyan dang sdom rnam gnyis rtsa 'grel sogs las shes par
bya'o/ /dgongs

ldem dgongs gnyis drang don gyi gzhung gcig la 'jog tshul tha dad
pas bzhag pa yin te/ de yang 'di la dgongs nas so/ /zhes dang/
'di'i ched du gsungs so/ /zhes pa gnyis so/ /zhes gser phreng

@058b las gsungs so/ /dgongs ldem dgongs thams cad bsgyur pa
ldem dgongs yin te/ kun btus las/ ldem por dgongs pa rnam par
nges pa gang zhen/ ming gi tshogs dang/ tshig gi tshogs dang/ yi
ge'i tshogs

rnams kyi don gzhan du brjod la don gzhan du yongs su bsgyur pa
ste/ zhes dang/ gser phreng las/ 'o na thams cad bsgyur ba ldem
dgongs su 'gyur zhe na/ 'dod pa yin no/ /'o na ji ltar phye zhe
na/ ldog pa tsam gyis

yin te/ de ltar min na dgongs ldem dgongs kyang 'gal bar 'gyur
la/ dgongs pa dang po yang don gzhan la dgongs pa ma yin par
'gyur na de yang min te/ rgyan 'grel las sgra ji bzhin pa min
par bshad pa rnams

de'i dper mdzad pa'i phyir ro/ /zhes gsungs pa'i phyir/ dgongs
ldem dgongs kyis gsung rab la drang nges 'byed pa ni gtso bo
sgra ji bzhin pa yin min gyi mdo'i khyad par 'byed pa yin no/ !
/spro na/ kha cig

na re/ tshig la mi rton zhes pa'i tshig yin na sgras zin ltar khas
mi len par bsam don gyi brjod bya la 'jug dgos pa'i bka' yin pas
khyab par thal/ tshig la mi rton zhes pa'i tshig yod pa'i phyir na
ma khyab ste/ sgra ji

bzhin pa min pa'i bka' la de ltar 'dod kyang/ spyir de la skye
bo gzhan gyi tshig dang/ don zab mo tshig phal bas bshad pa'i tshig
dang/ sgra ji bzhin pa yin yang dgongs don gyi gnas lugs btsal
nas khas len pa'i

@059a @#/ /tshig kyang yod pa'i phyir te/ sgrub byed rim par yig
cha las shes par bya'o/ /de nyid las/ stong nyid rtogs pa'i rjes
dpag la snang ba ltar du 'ang gnas lugs mthar thug tu khas mi
len pa

de de'i don yin pa'i phyir/ zhes pa ni stong nyid don spyi'i
tshul gyis rtogs pa'i blo la snang ba ltar du gnas lugs mthar
thug tu khas mi len par stong nyid mngon sum du rtogs pa'i
mnyam
gzhag ye shes la snang ba ltar du

gnas lugs mthar thug tu khas len pa zhes pa'i don du song snang
ba la/ de ltar na yul gyi steng du song bas drang don la mi rton
nges don la rton tshul las rnam shes la mi rton ye shes la rton
tshul du mi 'gro bas sngar bzhin sbyar

na bde'am snyam mo/ /yig cha gsar rnying du/ ston pas drang nges
kyi gsung rab ji snyed cig gsungs pa thams cad thar pa 'thob
pa'i thabs su bden pa de chos la rton pa'i don du gsungs par/
yang snying du/ gcer bu ba chos

can/ chos la rton par thal/ ston pas chos gsungs tshad thar pa
thob pa'i thabs su bden pa'i phyir/ zhes gnod pa brjod de/ sangs
rgyas bcom ldan 'das gang zag khyad par can du grags pas gus pa
tsam rgyu mtshan du

mi byed pa ste gang zag la mi rton pa dang/ zhes dang/ bka' las
gsungs pa rgyu mtshan du byas te bshad tshad sgras zin ltar mi
'dzin pas tshig la mi rton pa dang/ zhes gsungs pa la dogs dpyod
du/ gcer

@059b bu ba dang/ rgyang pa na pas ma nges pa brjod do/ /rgyud
kyi zin so 'ga' la brten nas/ gsung rab kun tshad mar byed pa las
don la 'thad mi 'thad kyi dpyad pa byed mi rung zer ba yod
kyang/ brtags dpyad

byas te dgongs pa btsal nas nges don gyi gsung rab len pa gsung
rab la tshad mar byed tshul yin pas 'thad mi 'thad kyi brtag dpyad
byed mi rung ba min no/ /yang snying du gang zag yin na gang zag
la mi rton zhes pa'i

gang zag yin pas khyab par bshad kyang/ 'bu srin lta bu'i tshig
la yid rton nam snyam pa'i dogs pa med pas de 'di'i gang zag tu
mi rung bar mun sel du gsungs pa dang/ blo brtan mdo rgyan 'grel
bshad las/ gan

zag gi rjes su 'brangs pa ni ji lta bu/ chos kyi rjes su 'brangs
pa yang ji lta bu zhe na/ gang zag kyang yod par bltas/ chos
kyang yod par bltas nas/ gang zag 'dis dge ba byas na ni bde ba
mthong bar 'gyur/ mi

dge ba byas na ni sdug bsngal mthong bar 'gyur ro zhes lta ba ni
gang zag gi rjes su 'brangs pa zhes bya'o/ /zhes gsungs pa ltar
na 'di'i gang zag la rang nyid kyang bzhag chog pa'am/ yang na
dgag bya'i bdag la byed

dgos dpyad byar yang snying du gsungs kyang/ lung de'i 'phros
su/ gang zag dang chos gnyi ga rang bzhin med par khong du chud
pas gnyi ga la mi lta ba ni chos kyi rjes su 'brangs pa zhes bya
ste/ zhes gsungs pa la

@060a @#/ /dpags na phyi ma las snga ma ltar byed dgos pa'i dogs
pa med par mngon no/ /kha cig sher mdo chos can/ gang zag la mi
rton chos la rton zhes pa'i chos la 'jog mi rigs par thal/ tshig
la mi

rton don la rton zhes pa'i tshig gam yi ge la 'jog pa'i phyir na
ma khyab ste/ dper na skas kyi them pa bar ma de 'og ma nas yar
bgrod sa'i them pa gong ma dang/ de'i steng mar bgrod pa'i tshe
'dor rgyu'i them pa 'og mar 'jog

pa mi 'gal ba bzhin yin pa'i phyir/ byas pa la kho na re/ stong
nyid don spyi'i tshul gyis rtogs pa'i blo chos can/ gang la mi
rton sa yin par thal/ rnam shes la mi rton ye shes la rton zhes
pa'i skabs kyi rnam shes yin pa'i phyir/

khyab ste/ de 'dra'i rnam shes la mi rton sa zhig dgos pa'i
phyir te/ de la de'i skabs kyi mi rton sa zhig dgos pa'i phyir
na ma khyab bo/ /yang snying du/ ngan 'gro'i sdug bsngal bsams
tshe don gyi rnam pa blo la 'char

dgos pa dang/ mi dge bcu spong la'ang don legs par nges nas
spong dgos pas srog gcod kyi las dang dmyal ba'i sdug bsngal
sogs don la rton zhes pa'i don dang/ nges don la rton zhes pa'i
nges don gnyis

kar bzhag chog ste/ de gnyis so sor ston pa'i mdo yod pa gang
zhig de 'dra'i mdo la drang nges 'byed pa'i tshe rang gi bstan
bya'i gtso bo de nges don du 'jog dgos pa'i phyir zhes gsungs pa
la/ kha cig na re/

@060b 'o na/ de 'dra'i mdo chos can/ khyod kyi bstan bya phal ba
drang don du 'jog par thal/ khyod kyi bstan bya'i gtso bo nges
don du 'jog pa'i phyir/ 'dod na/ de chos can/ khyod drang nges
kyi gsung rab gnyis kar thal/

khyod kyis bstan bya gtso phal gnyis ka ston pa gang zhig khyod
kyi bstan bya'i gtso bo nges don dang/ phal ba drang don yin
pa'i phyir/ rtags khas/ zer na dpyad dgos shing/ bstan bya'i
gtso bo yin pas nges don du

'jog pa shing rta chen po gnyis gang gi lugs yin dpyad dgos so/
/chos la rton pa'i skabs byang sa'i nag po bstan pa dang chen po
bstan pa zhes pa'i don yon tan 'od kyi 'grel bar/ gang mdo sde
la 'jug cing/

'dul ba la snang la/ chos nyid dang mi 'gal ba de ni chen po
bstan pa yin la/ de las ldog pa ni nag po bstan pa'o/ /zhes
gsungs pa sogs la brten nas gung thang rin po ches nag po bstan
pa ni 'khor bar

'khyams byed kyi rgyu kho na ston pa phyi rol ba'i bstan pa
dang/ chen po bstan pa ni 'khor ba'i 'ching ba 'grol byed kyi
gnyen po ston pa nang ba'i bstan pa la byas te/ kha cig de gnyi
ga bstan pa skyon med la byas nas 'khor

ba'i nyes dmigs ston pas na nag po bstan pa dang/ thar pa'i phan
yon ston pas na chen po bstan par 'dod pa bkag kyang sher le'i
zin bris las/ chen po bstan pa dang nag po bstan pa ni theg chen
la yang yod 

@061a @#/ /pa'i phyir ro/ /zhes gsungs pas brtag go /yang snying
gi rton bzhi'i bshad pa rnams bsam gyis mi khyab pa'i legs bshad
yin yang sgras zin la dpyad pa re mang dgos pa dag drang nges
dogs

dpyod du gsal bas 'dir mangs dogs nas thams cad ma bkod do/ /kho
na re/ gsung rab la drang nges 'byed pa la rton bzhi gal che ba
ma yin par thal/ de la lung rigs gnyis kyi nang nas lung gal che
ba'i phyir

te/ chos rnams kyi gnas lugs so skye la lkog gyur yin pa'i phyir
na ma khyab/ kha cig /rton bzhis drang nges 'byed pa mi 'thad
par thal/ de dbang rtul la sbyar na mi rung ba gang zhig /dbang
rnon la sbyar na'ang mi rung ba'i

phyir/ dang po grub ste/ nges lung la yid ches byas te the tshom
med par 'jug cing/ de ltar na de la tshig la mi rton pa'i don mi
tshang pa'i phyir/ gnyis pa grub ste/ des stong nyid ma rtogs par
nges don gyi mdo sde la mi

rton pa'i phyir/ der thal/ des nges don gyi mdor yid ches skye
ba la brjod bya'i de kho na nyid rtogs dgos pa'i phyir te/ 'grel
ba don gsal las/ chos kyi rjes su 'brangs pa rnams kyang/ nas/
tshigs su bcad

pa'i don gyi mtshan nyid kyi yum la gnod pa ma mthong nas/ nas/
de la rab tu dang ba skyed par byed pa nyid do/ /zhes gsungs
pa'i phyir zer/ gzhan dag /dbang rnon gyis nges don gyi mdor yid
ches skye ba la brjod bya'i

@061b de kho na nyid rtogs mi dgos te/ stong nyid ma rtogs par
de stong nyid ston pa'i bstan bcos su tshad mas nges chog pa'i
phyir/ dper na sgra rtag par tshad mas ma rtogs par ngag de sgra
rtag par ston pa'i ngag tu tshad mas

nges chog pa dang/ mi rtag pa ma rtogs par bshes gnyen de mi
rtag pa ston pa'i bshes gnyen du nges chog pa bzhin no/ /de yang
yin te/ dbang rnon gyis drang nges rnam 'byed lta bur thos bsam
byas nas gsung rab

la drang nges 'byed nus pa'i blo stobs dang ldan pa na gsung rab
la 'di drang don dang 'di nges don no zhes rnam par phye na
drang nges kyi gsung rab tshad mas rtogs pa 'byung ba sngar bshad
zin pa bzhin yin pa'i phyir ro zer/

yang snying du/ dbang rnon gyis mdo de gnod med du mthong nas
rtse gnyis pa'i sgro 'dogs ma chod kyang mtha' gcig 'dzin gyi
sgro 'dogs chod nas don 'gyur gyi the tshom gyis yid ches rnyed
de mdor zos bsam gyis

zhugs nas slar de'i don la tshad mas nges pa rnyed de sgro 'dogs
lhag med du chod pa na yid ches shugs drag tu song ste/ mi ldog
pa'i dad pa 'byung ba dang 'grel ba don gsal gyi don yang de yin
par gsungs so/ /de la

gser phreng las/ dang ba'i ngo bo ni rab tu ste mi 'phrog pa'o/
/zhes gsungs pas/ rgyan la 'jug pa'i sngon du dbang rnon ni yum
la tshad mas drangs te mi ldog pa'i dad pa 'byung bas snga ma don
dang 'byor min brtag

@062a @#/ /go /kha cig /nges don gyi lung gnod med du grub pa
dang de'i don rtogs pa dus mnyam pa dang/ shin lkog ston pa'i
lung gnod med du rtogs pa dang de'i bstan bya'i shin lkog rtogs
pa dus mnyam

zer na/ de mi 'thad par thal/ shin lkog ston pa'i lung gnod med
du mthong na shin lkog gi don de rtogs pas ma khyab pa'i phyir
te/ shin lkog ston pa'i lung de rang gi bstan don la mi slu par
sgrub pa'i chos can dang/

dpyad gsum gyis gnod pa med pa de de sgrub kyi rtags yang dag
yin pa'i phyir/ dpyad gsum gyis dag tshul la/ sde bdun rgyan du/
mthong ba mngon gyur 'jal ba'i mngon sum tshad mas dang/ ma
mthong blkog ?

gyur 'jal pa'i rjes dpag tshad mas dang/ rang tshig 'gal ba sogs
kyis gnod pa med pa gsum dang/ rigs rgyan du/ mthong ba mngon
gyur bstan pa la mngon sum tshad mas gnod pa med par des grub pa
dang/

mthong ba lkog gyur bstan pa la dngos stobs rjes dpag gis gnod
pa med par des grub pa dang/ ma mthong ba shin lkog bstan pa la
khas blangs snga phyi dang rang tshig dngos shugs 'ga' khas gnod
pa med pa gsum

gsungs shing/ rnam 'grel TIkka che chung yang 'di dang mthun
la/ rnam 'grel mtha' dpyod du/ rang gi bstan don gtso bo la tshad
ma bzhis gnod pa med pa la bshad do/ /de la yang snying du/ rnam
'grel las/ mthong

@062b dang ma mthong dngos po yi/ /zhes sogs dang/ mthong dang
ma mthong ba dag la/ /zhes sogs dang mthun zhing mkhas grub
rje'i phyi rtsom yin pas TIka chen dang bstun dgos par gsungs
shing/ tshe brtan lhar mas pas/

sde bdun rgyan las bshad pa shin lkog kho na ston pa'i lung bye
brag pa rnams la dpyad gsum gyis dpyod tshul dang/ TIka chen las
bshad pa spyir gsung rab la dpyad gsum gyis dpyod tshul dang dag
tshul yin pas de gnyis mi

'gal bar bshad do/ /de yang shin lkog kho na ston pa'i bka' yod
na sde bdun rgyan ltar bshad pa las 'os med kyang/ gsung rab yin
na thar lam rnam dag ston pas khyab pas na shin lkog rkyang ba
ston pa'i gsung rab med par

snang ba dang/ gsung rab yin na rang gi brjod bya la gzhal bya'i
gnas gsum ga yod pas khyab par 'dod na TIka chen ltar khas
blangs na bde'o/ /gang ltar yang/ bsregs bcad brdar ba'i gser
bzhin du/ /zhes pa'i

dpyad gsum gyis ngag tshul ni ka shIs bshad pa ltar tshad ma gsum
gyis gnod pa med pa ste/ tshad ma gsum ni mngon sum dngos stobs
rjes dpag yid ches rjes dpag gsum dang/ dpyad pa gsum ni bstan
bcos de'i

bshad don la tshad ma de gsum gyis gnod pa yod med brtags pa
gsum
la bya dgos shing/ tshad ma des gnod pa med par rtogs na tshad ma
des grub pas ma khyab ste/ so skyes stong nyid la mngon sum tshad
mas gnod pa

@063a @#/ /med par rtogs kyang des tshad ma des de ma grub pa
bzhin no/ /yang snying du/ me dang gdar sogs dang chos mthun la
gnas lugs 'jal byed thos bsam sgom gsum bzhag pa sngar drangs
pa'i rigs

thigs kyi phyogs snga mdor bsdus dang mthun tshul 'chad dka' bas
khungs 'tshol dgos so/ /kho na re/ sgra ji bzhin pa ma yin pa'i
mdo chos can/ bstan don la tshad mas gnod pa mi 'jug par thal/
dpyad gsum

gyis dag pa'i lung yin pa'i phyir/ 'dod na/ de chos can/ dngos
la gnod byed med par thal/ 'dod pa'i phyir na ma khyab ste/ mdo
'ga' zhig sgra ji bzhin pa la dngos la gnod byed yod kyang de
tsam gyis dpyad gsum

gyis ma dag par mi 'gyur ba'i phyir te/ bka' yin na dgongs don
la legs par dpyad tshe gang gi ched du gsungs pa'i gdul bya la mi
slu ba'i don zhig nges par ston pas khyab pa'i phyir ro/ /dbu
ma'i mtha' dpyod du/

gzhi grub na yid ches rjes dpag gi gzhal bya yin pas khyab pa
dang/ rnam 'grel mtha' dpyod du/ yid ches rjes dpag gi gzhal bya
yin na shin lkog yin pas khyab par gsungs shing/ legs bshad rjes
'brangs las kyang

phyi ma ltar bshad do/ /phar phyin mtha' dpyod ltar na gzhal
bya'i gnas gsum 'gal bar mngon zhing/ yang snying du bka' yin na
gzhal bya'i gnas gsum ston pas khyab par gsungs pa la/ tshe brtan
lha rams

@063b pas; shin lkog kho na lung gis sgrub dgos par gsungs pa
dang 'gal 'du bsgrigs kyang/ mun sel las/ ga la 'gal te/ gzhal
bya'i gnas gsum ston pa de chos can du bzung yang bstan don shin
tu lkog gyur kho na

lung gis sgrub pa yin pa'i phyir/ zhes gsungs so/ /rnam 'grel
TIka chen las/ 'dis ni dpyad gsum gyis dag pa'i lung sbyin pa
las longs spyod 'byung ba'i sgrub byed dang/ mi 'byung ba la
gnod byed du bstan pa

yin gyi/ sbyin pas longs spyod khrims kyis bde/ /zhes pa sbyin
pa las longs spyod 'byung ba'i sgrub byed dang/ mi 'byung ba la
gnod byed du bstan pa ma yin/ zhes pa'i don/ yang snying du/
sbyin pas longs spyod khrims

kyis bde/ /zhes pa'i lung chos can/ rang gi bstan don la ma slu
ba yin te/ dpyad gsum gyis dag pa'i lung yin pa'i phyir/ zhes
bkod tshe lung de rtags su bkod nas sbyin pa las longs spyod
'byung bar sgrub pa min

zhes pa'i don las/ lung des sbyin pa las longs spyod 'byung ba
mi sgrub pa min te/ yin na/ shin lkog thams cad sgrub byed la
dpyad gsum gyis dag pa'i lung rang ldog de ma gtogs med par
thal/ lung bye brag pa yin

na de ma yin dgos pa'i phyir gsungs pa la/ mun sel las/ 'dod lan
thebs pa 'dra ste/ lung bye brag pa ci 'dra zhig chos can du
bzung yang dpyad gsum gyis dag pa'i lung rang ldog de ma gtogs
rtags su

@064a @#/ /'god rgyu med pa'i phyir/ zhes gsungs so/ /shin lkog
sgrub byed du/ sbyin pas longs spyod khrims kyis bde/ /zhes pa
lta bu'i lung bye brag pa mi 'jog pa ni/ spyi las rjes su dpag
pa nyid/ /ces

pas grub cing/ shin lkog sgrub byed la 'brel sogs chos gsum
tshang ba'i lung dang/ nyes zad kyi lung dang/ tshad ma gsum gyis
gnod pa med pa'i lung sogs du ma yod do/ /dpyad gsum gyi skor
'di la spro bya mang

yang ma spros so/ /dgongs ldem dgongs kyi don la theg bsdus
dbyig 'grel las/ dgongs pa dang ldem por dgongs pa la tha dad du
bya ba ci yod cen/ bcom ldan 'das kyis kyang thugs la bzhag pa
ston par mdzad

pa de ni dgongs pa yin no/ /gang nyid kyis nges par bstan pa la
'jug par mdzad pa de ni ldem por dgongs pa yin no/ /zhes dang/
bshad sbyar las/ dgongs pa ni yid la bzhag pa tsam yin gyi pha
rol la ltos par

ni khas mi len to/ /ldem por dgongs pa ni de nyid pha rol gzung
pa la ltos pa'o/ /zhes sogs kyi don du dgongs nas lung gi snye
ma las/ 'di gnyis kyi khyad par ni/ dgongs pa gtso bor ston pa
ldem dgongs/

dgongs gzhi gtso bor ston pa dgongs pa can te ngo bo gcig go
/zhes gsungs pa dang/ kha cig /de gnyis 'gal bar 'dod pa dang/
gzhan dag /dgongs pa dang dgos pa gtso bor gyur pa'i sgo nas de
gnyis

@064b kyi khyad par 'byed pa rnams mi 'thad tshul gser phreng
dang phar phyin mtha' dpyod du gsal ba ltar la/ theg bsdus 'grel
ba gnyis kyi lung don ni/ gser phreng las/ sgras zin tshod de
tshig de'i dgongs pa min par

logs su bshad nas 'di la bsams te gsungs so/ /zhes smra ba po'i
bsam pa ston pa'i cha nas dgongs pa yin la/ thad kar mi ston par
'khyog po'i ngag gis bstan pa'i dgos pa 'di'o/ /zhes dgos pa
ston pa'i

cha nas ldem por dgongs pa ste/ ldem po 'am lde'u'i ngag ni
'khyog po yin pas so/ /zhes gsungs pa ltar ro/ /kha cig /gnyen
po dang mtshan nyid ldem dgongs dang/ don gzhan la dgongs pa
ste
gsum ga dbu ma

bas mi bzhed par thal/ gser phreng las/ 'di dang dgongs pa dang
ldem dgongs gnyis pa rnams sems tsam kho nas 'dod pa'o/ /zhes
gsungs pa'i phyir na ma khyab ste/ gnyen po ldem dgongs kyi
mtshan gzhi

brgyad kyi tha ma nyan thos rnams lung bstan pa dang mthar
thug
theg pa gcig tu bshad pa dang/ don gzhan la dgongs pa'i mtshan
gzhi chos thams cad ngo bo nyid med pa ma skyes pa'o zhes bstan
pa dang/ mtshan nyid ldem

dgongs kyi mtshan gzhi ngo bo nyid gsum la dgongs nas chos thams
cad ngo bo nyid med par gsungs pa rnams sems tsam kho na'i lugs
su gsungs pa las/ spyir dbu ma bas dgongs ldem dgongs bzhi 'dod
pa'i

@065a @#/ /mtshan gzhi sngar bshad ltar rigs pa'i phyir ro/ /kho
na re/ bka' thams cad sgra ji bzhin pa ma yin pa'i mdo yin par
thal/ bka' yin na dgongs ldem dgongs brgyad po gang rung yin pas

khyab pa'i phyir te/ theg bsdus las/ dgongs pa bzhi dang ldem
por dgongs pa bzhis sangs rgyas kyi gsung thams cad khong du
chud par bya'o/ /zhes dang/ gnyen po la ldem por dgongs pa ni/
gang du spyod pa brgyad

khri bzhi stong gi gnyen por bstan pa'o/ /zhes gsungs pa'i phyir
na ma khyab ste/ lung dang pos/ dgongs ldem brgyad gsung rab la
sgra ji bzhin pa yin min gnyis khong du chud pa'i thabs su
gsungs pa dang/ gnyis

pas/ nyon mongs sna re gnyen po sna res rdzogs par spong bar
bstan pa sgra ji bzhin pa min par gsungs pa yin pa'i phyir/ kho
na re/ yum rgyas pa chos can/ sgra ji bzhin pa ma yin par thal/
dgongs pa can gyi mdo

yin pa'i phyir te/ dgongs pa yod pa'i mdo yin pa'i phyir na ma
khyab byas pa la/ kho na re/ mdo yin na dgongs gzhi can gyi mdo
yin pas khyab par thal/ mdo yin na dgongs pa yod pa'i mdo yin
pas khyab pa'i phyir

na yang ma khyab ste/ dgongs gzhi can gyi mdo yin na sgra ji
bzhin pa min pa'i drang don gyi mdo yin dgos par skabs dang po'i
mtha' dpyod du gsungs pa'i phyir ro/ /gnyis pa rgyal ba'i gsung
rab la drang nges

@065b rgyas par phye ba la gnyis/ mdo sde dgongs 'grel la brten
pa'i phyogs dang/ blo gros mi zad pas bstan pa la brten pa'i
phyogs so/ /dang po la gnyis/ mdo sde nas ji ltar gsungs pa
dgongs pa dang/ de'i don ji ltar

bkral ba'i tshul lo/ /dang po la bzhi/ mdo sde la 'gal spong gi
dri ba/ 'gal ba de spong ba'i lan/ ngo bo nyid gsum gyi ngo bo
ngos gzung ba/ de dag gis grub pa'i don zhus pa'o/ /dang po la
gnyis/ bshad bya'i mdo dgod

pa dang/ mdo'i don bshad pa'o/ /dang po ni/ dgongs 'grel las/
zhes sogs byung/ /'dir/ dgongs 'grel bod 'gyur du/ don zab
dgongs pa nges 'grel gyi le'u ste dang po/ chos 'phags kyi gnyis
pa/ blo gros

shin tu rnam dag gi gsum pa/ rab 'byor gyi bzhi ba/ blo gros
yangs pa'i lnga pa/ yon tan 'byung gnas kyi drug pa/ don dam
yang dag 'phags zhus kyi bdun pa/ byams pa'i brgyad pa/ spyan
ras gzigs dbang phyug gi

dgu ba/ theg pa chen po'i yon tan gyi tshogs rnam par nges pa'i
le'u zhes 'byung ste/ le'u bcus rim par rnam reg gi de kho na
nyid dang/ don dam pa rtog ga'i blos ji lta ba bzhin bsam gyis
mi khyab pa'i tshul dang/ bden

gnyis ngo bo gcig dang ldog pa tha dad du 'jog tshul dang/ chos
dbyings dbyer med dang/ kun gzhi'i rnam gzhag dang/ mtshan nyid
gsum gyi rnam gzhag dang/ gsung rab kyi drang nges dang/ zhi
lhag gi rnam gzhag 

@066a @#/ /dang; sa bcu'i rnam gzhag dang/ 'bras bu sangs rgyas
kyi sa'i ye shes kyi sku'i rnam gzhag sogs gtso bor gtan la
'bebs so/ /le'u bcu po 'di'i brgyad pa dang dgu pas lam dang/
bcu pas

'bras bu dang/ gzhan bdun gyis gzhi'i rnam gzhag bstan pa dang/
de yang sems tsam pa'i lugs kyi de dag tshang bar ston pa theg
bsdus dang khog 'dra tshul rnams yang snying las shes par bya'o/
/de las 'dir skabs

su bab pa 'phags zhus kyi le'u ste/ de la ngo bo nyid med pa'i
le'u zhes brjod don las dang/ don dam yang dag 'phags kyis zhus
pa'i le'u zhes zhub po las btags te/ rgya nag 'grel chen las/
le'u 'di las

ngo bo nyid med pa rnam pa gsum gyi bdag nyid kyi mtshan nyid
rgya cher ston pas de'i phyir rang gi ngo bo nyid med pa'i mtshan
nyid kyi le'u zhes gsungs so/ /dgongs pa zab mo rnam par 'grol
ba'i mdo las/ byang chub

sems dpa' don dam pa mngon par grub pas zhus pa'i le'u zhes
'byung ba ni gang zag las ming du btags pa yin/ zhes gsungs pa'i
phyir ro/ /don dam yang dag 'phags zhes pa'ang/ don dam pa ni
thob bya'i

yul te ye shes dam pa'i yul dang/ yang dag 'phags zhes pa ni
'thob byed kyi ye shes don dam la dmigs pa las skyes pa la 'brel
chen las bshad de/ de nyid las/ rtogs pa dang rtogs par bya ba'i
dbang du

@066b mdzad nas don dam yang dag 'phags zhes btags pa yin no/
/zhes gsungs so/ /le'u de las ji ltar gsungs tshul yang/ 'grel
chen las/ le'u 'di la phyogs rnam pa lnga yod de/ dang po ni
byang chub sems

dpa' zhu ba gsol ba'i phyogs so/ /gnyis pa de nas bcom ldan 'das
zhes bya ba man chad ni de bzhin gshegs pa yang dag par bshad
pa'i phyogs so/ /gsum pa de nas byang chub sems dpa' don dam
yang dag

'phags zhes bya ba man chad ni khong du chud par gyur nas bka'
yang dag par blangs pa'i phyogs so/ /bzhi pa de nas byang chub
sems dpa' don dam yang dag 'phags zhes bya ba man chad ni khyad
par gyi bsngags pa brjod cing

bskrun pa'i phyogs so/ /lnga ba de nas byang chub sems dpa' don
dam yang dag 'phags zhes bya ba man chad ni bka' bzhin du spyod
pa spyad pa'i phyogs so/ /zhes pa ltar phyogs lnga las 'dir zhu
ba gsol ba'i phyogs sam dri

ba zhus pa'i gzhung 'god par mdzad do/ ! /spro na/ dgongs 'grel
rgya 'gyur la 'gyur bzhi byung ste/ rgya nag 'grel chen las/
snga phyis bsgyur pa tha dad pa'i phyir dpe mi mthun pa bzhir
'gyur te/ dang po ni rgya rje song

gi tshe rgya gar gyi mkhan po yon tan bzang pos mtshams sbyor ba'i
rnam par 'grol ba'i mdo zhes bya bar bsgyur pa pa ma ? po gnyis
bzhugs te/ dgongs pa zab mo nges par 'grel ba'i mdo 'di'i tha
mar byung ba'i le'u

@067a @#/ /gnyis po dag nyid yin no/ /gnyis pa ni rgya rje 'gris
phyi ma'i tshe rgya gar mkhan po bo de le'u cis zab mo rnam par
'grol ba'i mdo zhes bya ba rnam pa gcig bsgyur pa le'u bcu gcig
bzhugs te/ dgongs

pa zab mo nges par 'grel ba'i mdo 'di las don dam pa'i bden pa
bstan pa'i le'u la le'u bzhir phye ba'i phyir bcu gcig tu gyur
te gzhan ni bdun no/ /gsum pa ni rgya rje tshin gyi tshe rgya gar
mkhan po yang dag bden pas

tshig nges par 'grel ba zhes bya ba'i mdo bam po gcig bsgyur pa
le'u bzhi bzhugs te/ don dam pa'i bden pa bstan pa'i le'u la
rnam pa bzhi phye ba'i phyir te/ dgongs pa zab mo nges par 'grel
ba'i mdo 'di

las 'byung ba'i don dam pa'i bden pa bstan pa'i le'u zhes bya ba
nyid yin no/ /bzhi pa ni rgya rje thang gi tshe slob dpon sde
snod gsum pa hyan tsang gis dgongs pa zab mo nges par 'grel ba
zhes bya ba'i mdo bam po lnga pa

gcig bsgyur te le'u brgyad bzhugs so/ /zhes gsungs pa ltar ste/
rgya nag chos 'byung las/ 'phags pa dgongs pa nges par 'grel ba
zhes bya ba theg pa chen po'i mdo bam po lnga pa rgya gar gyi
paNTi ta bo d+hi ru tsi'i

'gyur/ yang Shu'an Tu'ang hwa shis bsgyur ba bam lnga pa/ zhes
'byung ba ni 'grel chen gyi gnyis pa dang bzhi pa gnyis dang/ de
las/ khol phyung rnam gnyis/ zhes 'byung ba ni 'grel chen gyi
gzhan gnyis yin nam snyam

@067b mo/ /dgongs 'grel rgyas pa sho lo ka 'bum pa dang/ bsdus
pa sho lo ka stong lnga brgya gnyis yod par 'grel chen der bshad
pa las deng sang yul 'dir thos bsam byed pa'i rten 'di ni phyi
mar mngon no/ /'grel chen

de'i bshad bya'i dgongs 'grel ni le'u brgyad pa ste/ gleng gzhi
dang/ don dam bden pa'i mtshan nyid dang/ sems dang yid dang
rnam
par shes pa'i mtshan nyid dang/ chos thams cad kyi mtshan nyid
dang/ rang gi ngo bo

nyid med pa'i mtshan nyid dang/ rnal 'byor rnam par 'byed pa
dang/ sa dang pha rol tu phyin pa dang/ de bzhin gshegs pa'i bya
ba sgrub pa'i le'u ste brgyad las/ don dam bden pa'i mtshan nyid
kyi le'u sogs bzhis rnal 'byor

spyod pa'i sa yongs su brtag par bya ba'i yul dang/ de nas gnyis
kyis rnal 'byor ba'i lam dang/ tha mas thob bya'i 'bras bu bstan
par 'grel chen nyid las gsungs shing/ le'u phyi ma bdun ni rim
par bod 'gyur gyi gleng

gzhi'i 'phros le'u dang po bzhi bsgoms pa dang/ lnga pa nas bcu
pa'i bar dang 'dra bar snang ngo/ /dka' 'grel dang rgol ngan
tshar gcod las/ spyir mdo sde dgongs 'grel la le'u bcu yod de/
gleng gzhi'i le'u/ don zab

dgongs pa nges 'grel dang tshul bzhin kun tu 'dri ba gnyis kyis
zhus pa'i le'u/ chos 'phags kyi dri lan gyi le'u/ byang chub
sems dpa' blo gros rnam dag gi dri lan gyi le'u/ blo gros yangs
pa'i dri lan gyi le'u/ yon

@068a @#/ /tan 'byung gnas kyi dri lan gyi le'u/ don dam yang dag
'phags kyi dri lan gyi le'u/ byams pas zhus pa'i dri lan gyi
le'u/ spyan ras gzigs kyis zhus pa'i dri lan gyi le'u/ 'jam
dbyangs kyis zhus pa'i

dri lan gyi le'u/ zhes gsungs par/ yang snying du/ gleng gzhi'i
le'u dor te le'u gzhan rnams mdo'i dngos zin bzhin dang/ le'u
tha ma la 'jam dpal gyis zhus pa'i le'u zhes gsungs nas/ dka'
'grel du

gsungs pa gleng gzhi'i le'u don gyis thob pa dang/ rab 'byor gyi
le'u dor bas bcu'i sems dpa' bcu'i dri lan gyi grangs ma yin pa
la dgongs pa'i don du bkral te/ gzhung las kyang/ bsdu bar
dgongs 'grel gyi gleng

gzhi'i le'u ma gtogs le'u ltag ma rnams pa la mo che drangs
shing/ zhes gleng gzhi'i le'u'i tha snyad 'byung ngo/ /rje 'jigs
med dbang bos/ da lta'i dgongs 'phrel gyi dpe la dang por rab
'byor gyi le'u zhes pa zhig 'dug

ces gsungs pa da lta'i dgongs 'grel gyi dpe dang mi mthun no/
/'grel chen las/ lo tsA bdag gi bsam pa tha dad pa'i phyir ro/
/zhes gsungs pa ltar le grangs dang gcod mtshams dang le mtshan
rnams lo tsA ba so sos

mdzad pas gang ltar byas kyang chog mod/ bod 'gyur 'di dang
bstun tshe le'u bcur byed pa dang/ rab 'byor gyi le'u mi 'dor bal
snyon sa med la/ phar phyin rnam bshad las/ sa bcu'i dbang phyug
gi byang chub

@068b sems dpa' bcus ston pa la dri ba mi 'dra ba re re mdzad/
ces gsungs kyang/ mdo rang dang bstun na tshul bzhin kun tu 'dri
bas dris nas dgongs pa nges 'grel gyis lan btab pa las gnyis kas
bcom ldan 'das

la dri ba zhus pa med do/ /gnyis pa ni/ 'dis ni mdo sde/ zhes
sogs byung/ dris zhus kyi gzhung la rgya nag 'grel chen du/ zhu
ba dang lan gsung ba po smras pa/ gang zhu ba'i dngos po bstan
pa/ bstan pa ji lta ba zhu ba

gsum gyis 'chad la/ 'dir/ 'dis ni/ nas/ don gyis zhus so'i bar
gyis dri ba zhus tshul dang/ de man gyis dka' sa rnams bkral ba
las/ dri ba zhus tshul ni/ dri zhus kyi mdo 'dis 'dir bstan 'khor
lo bar ba shed

mdo sogs su chos thams cad ngo bo nyid med pa dang ma skyes pa
sogs bzhir gsungs pa dang/ 'dir bstan 'khor lo dang po rgyal po
la gdams pa lta bur phung po dang 'gres rgad lhag ma drug gi
rang mtshan gyis grub pa dang skye 'jig

gi mtshan nyid sogs kyang rang mtshan gyis grub par gsungs pa
gnyis sgra sor bzhag na 'gal na'ang/ 'gal ba med dgos pas dgongs
gzhi ci la dgongs nas sher mdo sogs su ngo bo nyid med pa sogs
lngar gsungs pa yin/

zhes 'dir bstan 'khor lo bar ba'i dgongs gzhi dngos su dris nas
dang po'i dgongs gzhi don gyis zhus so/ /de la dri ba mdzad pa
po don dam yang dag 'phags ni sa la gnas pas rang gis dogs pa ma
chod pa min par/ rnam

@069a @#/ /rig tsam gyi tshul bstan nas rjes su gzung dgos pa
rnams la phan gdags phyir dogs pa yod pa ltar bcos nas dri ba
zhus pa ste/ 'dir bstan 'khor lo dang por bcom ldan 'das kyis
phung po/ skye mched/

rten 'brel/ zas/ bden bzhi/ khams/ byang phyogs te 'gres rkang
bdun tsam gyi dang po la brtsams te rnam grangs du mar phung
po
rnams kyi rang mtshan gyis grub pa yang bka' stsal ba dang/ de
bzhin du rang mtshan gyis

grub pa gzhir byas te/ rgyu las skye ba dang/ ngang gis 'jig pa
dang/ zag bcas kyi phung po rnams spang ba dang/ zag med kyi
phung po rnams shes pa yang bka' stsal/ ces pa ste/ 'dir rang
mtshan zhes pa rgya nag 'grel

chen las/ de la rang gi mtshan nyid ces bya ba ni bye brag gi
mtshan nyid yin te/ ji skad du/ gzugs ni thogs pa dang bcas pa'o
zhes bya ba nas rnam pa bshes pa ni rnam par rig pa'o zhes bya
ba'i bar du bshad pa lta bu'o/ /skye

ba'i mtshan nyid dang/ 'jig pa'i mtshan nyid ces bya ba ni spyi'i
mtshan nyid yin te/ zhes thun mong min pa'i mtshan nyid la bshad
pa ni mi rigs te/ mdo nyid las kun btags skabs/ de la chos rnams
kyi mtshan nyid ngo bo

nyid med pa gang zhe na/ kun btags pa'i mtshan nyid gang yin
pa'o/ /de ci'i phyir zhe na/ 'di ltar de ni ming dang brdas rnam
par bzhag pa'i mtshan nyid yin gyi/ rang gi mtshan nyid kyis rnam
par gnas pa ni ma yin pas

@069b de'i phyir de ni mtshan nyid ngo bo nyid med pa nyid ces
bya'o/ /zhes rang mtshan gyis grub pa la gsal bar gsungs pa'i
phyir dang/ 'grel chen ltar na mtshan nyid ngo bo nyid med pa kun
btags la bshad mi rung bar thal/ kun

btags la'ang thun mong min pa'i mtshon byed yod pa'i phyir/ sogs
spras bsdus pa ni/ sde dge'i bstan 'gyur dkar chag sogs su thogs
med kyis mdzad par grags pa'i 'grel chen du byas pa'i dgongs
'grel rnam bshad las/

skabs 'di dag gi tshig gi don gzhan ni sngar 'phags pa rab 'byor
gyi le'ur bshad pa bzhin du rig par bya'o/ /zhes dang/ de'i rab
'byor le'u'i thad du/ phung po'i mtshan ma dmigs pa zhes bya ba
ni rang gi mtshan ma

yongs su brtags pa'i sgo nas so/ /phung po'i skye ba dmigs pa
dang/ phung po'i 'jig pa dmigs pa zhes bya ba gnyis ni spyi'i
mtshan nyid yongs su brtags pa'i sgo nas te/ zhes gsungs pa 'di
yin nam snyam mo/ /phung po

bzhin du 'gres rkang gnyis pa skye mched bcu gnyis dang/ gsum pa
rten 'brel yan lag bcu gnyis dang/ bzhi ba zas bzhi'i bar yang
rang mtshan nas yongs su shes pa'i bar lnga bka' stsal pa ste/
bar zhes pa sgron gsal

mchan du bar na bsdu rgyu med pa'i rigs la tha tshig tu bsgyur pa
legs par gsungs pa 'dir 'byor min brtag go /zas bzhi ni/ mdzod
las/ 'di la gnas dang ni/ /brten pa rgyas pa'i don du gnyis/
/srid gzhan 'phen

@070a @#/ /dang 'grub pa yi/ /don du gnyis te go rim bzhin/ /zhes
pa ltar na tshe 'di'i rten lus rgyas byed kham thas/ brten pa
sems rgyas byed reg zas/ yang srid 'phen byed sems pa'i zas/
'grub byed rnam shes kyi

zas bzhi ste/ phyi mar ting nge 'dzin gyi zas zhes bshad pa'ang
yod do/ /de bzhin du sbyar nas 'gres rkang lnga ba bden bzhi'i
rang mtshan gyis grub pa dang/ de ltar grub pa gzhir byas te/
sdug bsngal shes pa dang/ kun 'byung

spang ba dang/ 'gog pa mngon du bgyi ba dang/ lam bsgom pa rnams
bka' stsal ba dang/ 'gres rkang drug pa khams noms kyi rang
mtshan gyis grub pa dang/ de ltar grub pa gzhir byas te/ khams
sna tshogs pa nas yongs su shes

pa'i bka' stsal ba ste/ khams sna tshogs dang khams du ma gnyis
kyi khyad par la/ 'grel chen las/ khams bco brgyad po dag gcig
las gcig tha dad pa'i mtshan nyid gang yin pa de ni khams sna
tshogs pa nyid ces bya'o/ /

khams bco brgyad po de dag nyid sems can tshad med pa rnams kyi
rten gyi bye brag tu gyur pa ni khams du ma nyid ces bya ste/
zhes khams bco brgyad po de dag la nang tshan mi 'dra ba'i khyad
par yod pa dang/ de dag sems can tshad med

pa'i rten gyi bye brag tu gyur pa'i ldog cha nas ming gnyis
btags pa tsam yin par bshad pa dang/ dgongs 'grel rnam bshad du/
rigs la gnas pa sna tshogs dang sems can gyi spyod pa brgyad
khri'i bar rnams ni khams sna tshogs

@070b dang/ khams sna tshogs pa de dag la rang bzhin du gnas pa
dang/ sngon goms pa dang/ rnam par dag par byar rung ba dang/ mi
rung ba dang/ de dag re re la mtha' yas pa yod pa ni khams du ma
zhes bshad kyang/ 'og nas lan gyi skabs

mdo rang nyid las/ khams drug dang khams bco brgyad po dag gi
khams re re yang de bzhin lags so/ /zhes gsungs pa dang sbyar na
khams sna tshogs pa ni khams bco brgyad dang khams du ma ni khams
drug la bya'o/ /'gres rkang

bdun pa byang phyogs so bdun gyi rang mtshan gyis grub pa dang/
de ltar grub pa gzhir byas te/ mi mthun phyogs dang/ gnyen po'i
phyogs dang/ lam ma skyes pa skye ba dang/ skyes pa gnas pa
dang/ mi bskyud pa ste mi brjed pa dang/

yang yang goms par byed pa'i slar zhing 'byung ba'am phyir zhing
'byung ba dang/ gong nas gong du 'phel zhing mtha' med du rgyas
pa'i 'phel zhing yangs pa'am 'phel zhing rgyas pa rnams kyang
bka' stsal te rang gi mtshan nyid

sogs rnam grangs brgyad po byang phyogs sde tshan re rer tshang
bar sbyor dgos pa rab 'byor gyi le'u na gsal lo/ /'dir bstan
'khor lo bar bar bcom ldan 'das kyis chos rnams rang mtshan gyis
ma grub pa gzhir byas te/ ngo bo

nyid ma mchis pa sogs lnga bka' stsal na/ ci la dgongs nas de
ltar bka' stsal snyam du dogs pa ste/ ci la dgongs nas de ltar
bka' stsal pa'i don de nyid bcom ldan 'das la don dam yang dag
'phags bdag gis zhu ba lags 

@071a @#/ /so; /zhes gsungs te/ mtshan gzhi la/ sgo mang gsung
rgyun ltar na phung po la brtsams pa ni/ rgyal po gzugs can
snying po la gdams pa las/ rgyal po chen po gzugs la skye ba
yang yod/ 'jig pa yang yod/ de'i

skye ba dang 'jig pa yang shes par bya'o/ /zhes sogs lta bu
dang/ skye mtshad dang/ rten 'brel dang/ zas la brtsams pa gsum
ni/ mngon 'byung gi mdor ral ba can lnga brgya dang 'od srungs
chen po sogs la gdams pa lta bu

dang/ bden pa la brtsams pa ni/ bden bzhi'i chos 'khor gyi mdo
lta bu dang/ khams la brtsams pa ni/ khams mang po'i mdo lta bu
dang/ byang phyogs la brtsams pa ni/ dran pa nyer bzhag gi mdo
lta bu yin no/ ! /spro na/ dri ba

zhus tshul ni/ stong thun las/ mdo kha cig tu phung sogs rang
bzhin gyis yod par gsungs pa dang/ kha cig tu rang bzhin med par
gsungs pa la dri bzhus pa dang/ gnyal ston gyis 'dir bstan 'khor
lo dang por gzugs nas

rnam mkhyen gyi bar gyi chos rnams rang mtshan gyis grub pa
dang/
bar bar chos rnams ngo bo nyid ma mchis pa sogs su gsungs pa la
dang/ dka' 'grel du 'khor lo dang por phung sogs rang mtshan gyis
grub pa dang/ bar bar

de ma grub par gsungs pa la dang/ rje btsun pas 'khor lo dang
por gzugs nas byang phyogs par gyi chos rnams rang mtshan gyis
grub mnyam dang/ bar bar gzugs nas rnam mkhyen gyi bar gyi
chos
rnams rang mtshan gyis ma

@071b grub mnyam du gsungs pa la dang/ blo gling bas 'khor lo
dang por phung sogs chos rnams bden grub tu dngos su bstan pa
dang/ bar bar de bden med du sgras zin la bstan pa sa dang/ kha
cig 'khor lo dang por phung sogs rang 'dzin

rtog pa'i zhen gzhir rang mtshan gyis grub mnyam dang/ bar bar
gzugs nas rnam mkhyen gyi bar de ltar ma grub mnyam du gsungs
pa
la dang/ yig char 'khor lo dang por gzugs nas byang phyogs kyi
bar gyi 'dus byas kyi chos rnams

la rang mtshan gyis grub pa'i ngo bo dang skye 'gag sogs yod yod
ces pa'i mdo tshig lan grangs mang por bka' stsal pa dang/ bar
bar gzugs nas rnam mkhyen gyi bar gyi chos rnams la rang mtshan
gyis grub pa'i skye 'gag sogs med

med ces pa'i mdo tshig lan grangs du mar bka' stsal pa gnyis sgra
sor bzhag na 'gal zhes dri ba zhus par gsungs so/ /rje btsun pas
bshad tshul ni/ gzhung las/ chos rnams la rang gi mtshan nyid kyis
grub pa'i ngo bo nyid yod

mnyam du gsungs pa dang med mnyam du gsungs pa dang yod med
legs
par bye ba gsum/ zhes dang/ stong thun las/ dang por phung sogs
rang gi mtshan nyid kyis yod mnyam dang/ bar pa las thams cad
rang bzhin med

mnyam du gsungs kyi/ rang bzhin yod med dngos su phye nas ma
gsungs pas drang don dang/ zhes gsungs pa dang/ dka' 'grel sogs
kyi sgras zin dang phal cher mthun par snang ngo/ /yang snying
gis stong thun gyi don yang/

@072a @#/ /chos rnams la rang mtshan gyis grub ces pa'i tshig yod
mnyam yin pa la dgongs zhes yig cha dang mthun par 'grel lo/ /'o
na/ 'khor lo dang por phung sogs rang mtshan gyis grub par rjod
pa'i tshig cho ga can/

khyod sgra ji bzhin pa'i mdor thal/ khyod phung sogs rang mtshan
gyis yod par rjod pa'i mdo gang/ phung sogs rang mtshan gyis yod
pa'i phyir na/ gzhan dag ma khyab ste/ 'dir bstan 'khor lo dang
pos phung sogs rang

mtshan gyis grub ces pa'i tshig gis phung sogs rang mtshan gyis yod
pa tsam brjod pa ma yin par phung sogs rang 'dzin rtog pa'i zhen
gzhir rang mtshan gyis yod par yang brjod pa'i phyir te/ sgra des
don de brjod ma brjod ston pa

po'i ston 'dod dang nyan pa po'i zhe 'dod la ltos pa'i phyir
zer/ de la rnam 'grel gyi gzhung che ba dag dang bstun na/ 'khor
lo dang po'i ched du bya ba'i gdul bya nyan thos sde gnyis kyis
spyi mtshan sgra rtog gis btags pa la ma ltos

par yod par mi 'dod pas chos khams sogs rang mtshan gyis yod par
bstan pa'i rgyu mtshan dang dgos pa bsam dgos so/ /kha cig phung
po rnams kyi rang gi mtshan nyid kyang bka' stsal/ ces sogs kyi
skabs nas 'byung

ba'i rang mtshan ni rang 'dzin rtog pa'i zhen gzhir rang mtshan
gyis grub pa kho na la byed zer na/ de mi 'thad de/ de la sgra
rtog gis btags pa la ma ltos par grub pa'ang 'jog pa'i phyir/
der thal/ de la phung sogs kyi

@072b steng du yod la/ kun btags kyi steng du med pa zhig kyang
'jog dgos pa'i phyir te/ gzhung las/ kun btags la'ang thun mong
ma yin pa'i mtshon byed yod pas mtshan nyid ngo bo nyid med pa kun
btags la bshad du mi rung ba'i

skyon du 'gyur ba'i phyir/ zhes pa de 'di'i rang mtshan thun mong
min pa'i mtshan nyid du bshad pa la gnod byed du 'gro tshul yod
pa'i phyir/ khyab ste/ de rang 'dzin rtog pa'i zhen gzhir rang
mtshan gyis grub pa kho na la byed na kun

btags dmigs kyis bkar ba la dgos pa med par 'gyur ba'i phyir/
kho na re/ phung po rnams kyi rang gi mtshan nyid kyang bka'
stsal/ ces pa'i dngos bstan gyi 'khor lo dang po chos can/ khyod
dngos zin sgra ji bzhin pa yin

par thal/ khyod kyis sgras zin la phung po rang mtshan gyis grub
par bstan la/ phung po rang mtshan gyis grub pa'i phyir zer na/
gzhan dag ma khyab ste/ des rang 'dzin rtog pa'i zhen gzhir rang
mtshan gyis grub par yang sgras zin la

bstan pa'i phyir zer/ 'dod na/ de chos can/ dogs pa can gyi
'khor lo dang po ma yin par thal/ 'dod pa'i phyir/ 'dod na/ de
dri zhus kyis dri ba zhu ba'i gzhir 'god mi dgos par thal lo/
/de ltar na skabs 'di'i rang mtshan

zhes pa/ thun mong min pa'i mtshan nyid dang/ don byed nus pa
dang/ yul steng nas grub pa dang/ sgra rtog gis btags pa la ma
ltos par grub pa dang/ rang 'dzin rtog pa'i zhen gzhir rang
mtshan gyis grub pa rnams las dang po

@073a @#/ /gzhung du bkag cing/ nyan thos sde bas kyang chos
thams cad don byed nus pa'i rang mtshan du mi 'dod pa'i phyir na
de ltar ston dgos med pas gnyis pa yang mi 'thad la/ gsum pa
ltar na 'dir bstan 'khor lo

dang po sgra ji bzhin par 'gyur zhing/ bzhi ba ltar na 'dir
bstan 'khor lo dang po'i ched du bya ba'i gdul bya la chos thams
cad sgra rtog gis btags pa la ma ltos par grub par ston dgos par
'gyur ba dang/ lnga ba ltar na de rtags kyi

dgag bya yin pas kun btags ma yin pa la'ang med do/ /des na
'di'i rang mtshan la sgra rtog gis btags pa la ma ltos pa'i rang
mtshan yod pa gzhung las/ mdo nyid las kun btags kyi skabs su
rang gi mtshan nyid kyis

grub pa la gsal bar gsungs/ zhes dang/ 'dir rang gi mtshan nyid
kyis yod med bstan tshod ni ming dang brda la ltos nas bzhag ma
bzhag yin la/ zhes dang/ chos rnams la rang gi mtshan nyid kyis
grub pa'i ngo bo nyid/ nas/

yod med legs par phye ba/ zhes 'khor lo gsum par chos rnams la
rang mtshan gyis yod med phye bar gsungs pa dang/ stong thun las
kyang/ tha ma las ni kun btags rang bzhin med pa dang/ gzhan
dbang dang yongs grub

rang bzhin gyis yod par gsungs/ zhes gsungs pa sogs mang pos
grub cing/ phung sogs kyi steng du yod la kun btags kyi steng du
med pa zhig 'jog pa/ kun btags la'ang thun mong ma yin pa'i
mtshon byed yod pas mtshan

@073b nyid ngo bo nyid med pa kun btags la bshad du mi rung ba'i
skyon du 'gyur ba'i phyir/ zhes kun btags dmigs kyis bkar bas
shes so/ /kho na re/ 'di'i rang mtshan chos bdag kho na la byed
dgos te/ kun btags ngos 'dzin

dang po'i mdor/ rang gi mtshan nyid kyis rnam par gnas pa ni ma
yin/ zhes dang/ gzhung las/ kun btags la med rgyu'i mtshan nyid
kyi ngo bo nyid ni rang gi mtshan nyid kyis grub pa'am gnas pa la
bya'o/ /zhes gsungs pa'i phyir/

khyab ste/ gzhung las/ kun btags ngos bzung ba'i skabs gnyis kar
ngo bo dang khyad par du btags pa tsam min pa'i kun btags gzhan
ma gsungs/ zhes de ngo bo dang khyad par du kun btags pa'i kun
btags la gsungs pa

gang/ de 'dra'i kun btags rang mtshan gyis grub pa ni brtag pa
mtha' bzung gi chos bdag yin pa'i phyir ther na ma khyab ste/
kun btags gzhan ma gsungs zhes pa gang gis stong ba'i kun btags
la byed pa gzhung rang las gsal

pa'i phyir ro/ /ma khyab mtshams kyi rtags gnyis pa grub ste/ de
ltar 'dzin pa chos kyi bdag 'dzin yin pa'i phyir te/ gzhung
dang/ stong thun las/ gzhan dbang la ngo bo dang khyad par du
btags pa rang gi mtshan nyid kyis grub par

'dzin pa chos kyi bdag 'dzin du bstan la/ zhes gsungs pa'i
phyir/ kha cig lung 'di'i don de'i gong de ma thag tu gsal ba
ltar gzhan dbang ngo bo dang khyad par du kun btags pa'i ngo
bor
rang mtshan gyis grub par 'dzin

@074a @#/ /pa chos kyi bdag 'dzin du gsungs pa'i don las/ gzhan
dbang la ngo bo dang khyad par du kun btags pa rang mtshan gyis
grub par 'dzin pa chos kyi bdag 'dzin du gsungs pa'i don ma yin
pa'i phyir zer

na; mi 'thad de/ de gnyis ming rnam grangs pa yin pa'i phyir ro/
/kha cig 'di'i rang mtshan chos bdag kho na la byed dgos te/
gzhung las/ mtshan nyid ngo bo nyid med pa chos kyi bdag med du
bshad/ ces gsungs

ba'i phyir na ma khyab ste/ mun sel du kun btags rang mtshan gyis
grub pa dang/ gzhan dbang la ngo bo dang khyad par du btags pa
rang mtshan gyis grub pa gnyis chos bdag tu 'gro tshul zhig yod
par gsungs pa ltar/

de'i mtshan nyid ngo bo nyid ces pa ngo bo dang khyad par la kun
btags pa'i kun btags la bya zhing/ de med pa chos kyi bdag med
du bshad pa'i don yin pas gzhung gi gcod mtshams la gzab dgos
pa'i phyir/ yang snying du

yig cha dang bstun te/ rang gi mtshan nyid kyang bka' stsal/ ces
pa dang/ kun btags kyi skabs su rang gi mtshan nyid kyis grub pa
la gsal bar gsungs/ zhes pa'i rang mtshan ni dgag bya'i rang
mtshan dang/ rang

gi mtshan nyid kyis rnam par gnas ba ni ma yin/ zhes pa'i rang
mtshan ni rang mtshan dngos la mdzad kyang/ dang po la dgag bya'i
rang mtshan dang/ bden grub kyi rang mtshan gnyis ka dang/ phyi
ma
gnyis ka bden grub

@074b kyi rang mtshan nyid la ngos 'dzin pa yod do/ /blo gling
bas 'dir bstan 'khor lo dang por gzugs sogs phyi don du grub pa
dngos su bstan par bshad pa dang/ yig cha rnying par phyi don
yod par dngos su ston pa'i 'khor lo dang

po dang/ rang 'dzin rtog pa'i zhen gzhir rang mtshan gyis grub
par dngos su ston pa'i 'khor lo dang po gnyis so so ba dang/
gzhung las 'dir bstan 'khor lo dang po drang don du 'grel tshul
'chad pa na phyi don ston pa drang don du

'grel tshul gsungs pa ni rang mtshan gyis grub par gsungs pa drang
don du 'grel ba'i dper bstan par bshad do/ /de la yig char/ 'dir
bstan 'khor lo dang por gzugs sogs rang 'dzin rtog pa'i zhen
gzhir rang mtshan

gyis grub par dngos su bstan kyang phyi don dngos su ma bstan
pa'i khyad yod pa dang/ snga ma dngos su brjod pa'i sgras phyi
ma dngos su brjod na sgra rtog gsel 'jug ma yin par thal ba
dang/ chos rnams kyi mtshan nyid ngo bo nyid med

pa; zhes sogs kyis phyi don dngos su ma bkag par rang 'dzin rtog
pa'i zhen gzhir rang mtshan gyis grub pa dngos su bkag pa'i shugs
kyis phyi don med pa'i rnam rig la 'jug par ma gsungs par thal
bas lugs dang po bkag

cing/ skabs dang po'i mtha' dpyod las/ dang por phyi don ston
pa'i 'khor lo dang po drang don dang/ de rjes rang 'dzin rtog
pa'i zhen gzhir rang mtshan gyis grub par ston pa'i 'khor lo dang
po drang don du bshad pa'i phyir/ zhes

@075a @#/ /phyi don yod par ston pa'i 'khor lo dang po dang/ rang
'dzin rtog pa'i zhen gzhir rang gi mtshan nyid kyis grub par ston
pa'i 'khor lo dang po gnyis so so ba dang/ gzhan yang/ phyi don
yod par ston pa'i 'khor

lo dang po chos can/ nas/ 'dod na/ dris zhus kyi 'khor lo dang
po yin par thal/ 'dod pa'i phyir/ 'dod na/ gzugs nas byang
phyogs bar gang rung rang 'dzin rtog pa'i zhen gzhir rang mtshan
gyis grub par ston pa'i

mdo yin par thal/ 'dod pa'i phyir/ 'dod mi nus te/ phyi don yod
par ston pa'i mdo yin pa'i phyir/ zhes phyi don yod par ston
pa'i 'khor lo dang po dri zhus kyi 'khor lo dang po min pa dang/
phyi don yod par ston pa'i mdo yin

na rang 'dzin rtog pa'i zhen gzhir rang mtshan gyis grub par ston
pa'i mdo ma yin pas khyab par gsungs pa la/ yang snying du/ mig
dang gzugs la brten nas mig gi rnam par shes pa skye'o/ /zhes pa
lta bu phyi don yod par ston pa'i

'khor lo dang po dang/ rgyal po chen po gzugs la skye ba yang
yod/ ces pa lta bu rang 'dzin rtog pa'i zhen gzhir rang mtshan
gyis grub par ston pa'i 'khor lo dang po la 'jog par gsungs nas/
phyi don dang/ rang 'dzin rtog pa'i

zhen gzhir rang mtshan gyis grub par ston pa'i 'khor lo dang po
gnyis mdo so so ba yin zer ba bkag ste/ gnyig dngos bstan la ma
sbyar na mdo de gnyis don gcig cing/ 'di'i mtshan gzhi snga ma
yang gnyig dang/ mdo gcig

@075b yin yang drang don du 'grel ba'i sgo gnyis so sor yod pa
yig cha'i dgongs par 'chad do/ /de'i dngos bstan gnyis don gcig
min pa las dngos bstan gnyis 'gal ba'i don min par phar phyin
bsnyel byang du gsungs la/ phar

phyin zhi ba char/ yig char gyi don yod par ston pa'i 'dir bstan
'khor lo dang po med par gsungs pa yig cha rnying ba'i zin ltar
bkod pa dang/ yang snying gi dgongs pa phyi don yod par dngos su
ston pa'i 'khor lo dang po yin

na dri zhus dngos bsnyan gyi 'khor lo dang po ma yin pas khyab
pa'i don dang/ mig dang gzugs la brten nas/ zhes sogs kyang phyi
don dngos su ston pa'i 'khor lo dang po dang/ 'dir bstan 'khor
lo dang po yin yang 'dir dngos su

bstan pa'i 'khor lo dang po min par bshad na yig cha gnyis ka'i
dgongs par 'gro zhes bshad do/ /dri ba'i ngo bo la tshig gis
khyab zer ba dang/ de la ngag gi sgra lus kyi rnam 'gyur yid kyi
shes pa gsum ga yod zer ba dang/ tshig

dri ba zhu byed las dri ba min pas dri ba la lung gi spras zin
'gal ba ltar snang ba 'jog zer ba dang/ don dam yang dag 'phags
kyi rgyud kyi mdo gnyis sgras zin 'gal snyam pa'i dogs pa 'jog
zer ba dang/ 'dir bstan 'khor lo

dang po dang bar ba gnyis kyi brjod bya 'jog zer ba sogs sna
tshogs yod la/ yang snying du/ don de nyid bcom ldan 'das la bdag
yongs su zhu lags so/ /zhes pas 'khor lo dang po dang bar ba
gnyis la dri ba zhus pa yin

@076a @#/ /na; 'khor lo dang po'i dri ba
dngos su zhus par thal/
mdo de zhu byed kyi tshig dngos su byung ba'i phyir dang/ dang
po'i dri ba yin na dngos su zhus pas khyab pa'i phyir te/ de yin
na bar ba'i dri ba yin pas khyab

pa'i phyir gsungs pa dang/ gzhan dag de la khyab pa rnams ma
grub cing/ gzhung las/ des ni rang gi mtshan nyid yod pa sogs su
gsungs pa yang cil dgongs nas gsungs pa don gyis zhus so/ /zhes
dang/ phar phyin

mtha' dpyod las/ 'khor lo dang po bar ba gnyis la dri ba dngos
su bstan/ ces dri zhus kyi gzhung gis 'khor lo dang po la dri ba
zhus par gsungs pas/ 'khor lo dang po dang bar ba gnyis kyi dri
ba dngos su byung yang bar ba ma

gtogs dang po la dngos su ma zhus shing/ dang po la dri ba don
gyis zhus kyang bar ba la de ltar ma zhus zhes 'dod pa'i phyi ma
'di gzhung don dang 'byor tam snyam mo/ /kha cig /dri zhus kyi
'khor lo dang po yin na bden bzhi las

brtsams pas khyab ste/ phung po las brtsams pa'i mdo yang de yin
pa'i phyir te/ de nyan thos kyi gzhi lam rnam gsum gtan la 'bebs
pa'i mdo yin pa'i phyir dang/ grub don gyi mdo las kyang/ 'phags
pa'i bden pa bzhi'i

rnam pa bstan pa'i chos kyi 'khor lo/ zhes gsungs pa'i phyir zer
na ma khyab ste/ lung de'i don ni nyan thos sde pa'i rigs can
dag gi blo dang bstun pa'i gsung rab kyi don gtan la 'bebs tshul
gtso bo'i dbang du byas pa la byed

@076b pa'i phyir/ rdo rje 'chang nas rtog ge 'bar bar bden bzhi
phyin ci ma log par ston pa'i rtags kyis theg chen gyi mdo bkar
bsgrubs pa la dpags na bka' la bden bzhi ston pas khyab ces lam
rim gsung bshad la mdzad

kyang/ mun sel du/ brjod bya bden bzhir brtsams zhes pa dngos
dang brgyud pas bden bzhi ston pa la byas na gsung rab thams cad
der thal bas bden bzhi dngos su ston pa'am/ bden bzhir brtsams
pa'i mdo

yin na bden bzhi dngos su ston pas ma khyab byas na bde bar
gsungs so/ /rgyal po chen po gzugs la skye ba yang yod/ ces sogs
kyi mdo 'di bka' 'gyur dkar chag rnams su rgyal po la gdams pa'i
ming btags pa rnams

na med kyang/ gzugs can snying pos bsu ba bya ba'i mdor yod la/
dmag ldan gzugs can snying po/ bzo sbyangs gzugs can snying po/
rgyal po gzugs can snying po gsum don gcig par gung thang rin po
ches gsungs

pa ltar ro/ /kha cig /phar phyin mtha' dpyod dang gung thang rin
po ches/ rgyal po chen po gzugs la skye ba yang yod/ ces sogs
kyi mdo 'di/ phung po rnams kyi rang gi mtshan nyid kyang bka'
stsal/ ces pa'i dngos bstan

gyi 'khor lo dang por bzhag pa mi 'thad de/ mdo 'di phung po
skye ba dang 'jig pa rang mtshan gyis grub pa ston pa'i 'khor lo
dang po yin gyi/ phung po rang gi ngo bo la de ltar ston pa'i
mdo ma yin pa'i phyir zer na/ skyon med de/

@077a @#/ /brjod don ngo bo la kun btags pa rang mtshan gyis grub
pa dang/ khyad par la kun btags pa ste gzugs kyi skye ba rang
mtshan gyis grub pa sogs su song ba yin pa'i phyir byas pa la/
kho na re/ gzugs kyi

khyad par la kun btags pa dngos su ston pa'i mdo yin na/ gzugs
kyi ngo bo la kun btags pa dngos su ston pa'i mdo yin pas khyab
par thal/ 'dod pa'i phyir/ zhes zer na brtag go /des na rgyal po
la gdams

pa'i mdo 'dis tshig zin la gzugs skye 'jig yod par bstan pa las
gzugs rang 'dzin rtog pa'i zhen gzir rang mtshan gyis grub ces
pa'i tshig med kyang/ sgras zin la rang 'dzin rtog pa'i zhen
gzhir rang mtshan gyis

grub pa'i skye 'jig yod par bstan pas dri zhus ltar dogs pa yod
pa'i 'khor lo dang po yin zhing/ sgras zin ma zin ni tshig gis
zin ma zin dang/ shes 'dod dang ston 'dod kyis zin ma zin la
byed pa gnyis las phyi ma ltar

byed pa la'ang khungs thub kyi rgyab rten yod med dpyad dgos so/
/yang snying du/ mngon 'byung gi mdor/ 'od srungs/ nga ni khyod
kyi ston pa yin no/ /khyod ni nga'i nyan thos yin no/ /zhes
dang/ 'dul ba'i bslab bya ston

pa'i 'khor lo dang po rnams ched du bya ba'i gdul bya nyan thos
sde ba'i rigs la gsungs kyang don de rang 'dzin rtog pa'i zhen
gzhir rang mtshan gyis grub par ma bstan pas dogs pa zhu dgos kyi
mdo ma yin pa/ gzhung

@077b las; bslab bya gsungs pa la 'dir dogs pa gcod mi dgos pa
bzhin no/ /zhes gsungs pas shes par gsungs pa la/ mun sel du/
'khor lo dang po'i ched du bya ba'i gdul byar rang 'dzin rtog
pa'i zhen gzhir rang

mtshan gyis grub par ma bstan pa'i skye 'jig yod par bstan pa
zhig gzhag dka' bar gsungs so/ /rgya nag 'grel chen du/ spang ba
dang/ yongs su shes pa'i don la kun nyon gyi gzugs phung spang
ba dang/ kun nyon

ma yin pa'i gzugs phung yongs su shes pa la sbyar ba dang/ kun
'byung spang ba dang/ sdug bden yongs su shes pa la sbyar ba'i
bshad pa gnyis byung ba gnyis ka khas blang rung ngo/ /bden
bzhi'i chos 'khor gyi mdo dri zhus

kyi bden pa las brtsams pa'i mdo'i mtshan gzhir khas blangs pa
la/ kho na re/ de chos can/ khyod kyis rang 'dzin rtog pa'i zhen
gzhir rang mtshan gyis grub par bstan par thal/ khyod dri zhus
kyi 'khor lo dang po yin

pa'i phyir/ 'dod na/ de chos can/ khyod rang gi bstan don la slu
bar thal/ 'dod pa'i phyir na ma khyab ste/ bstan don la slu mi
slu rang gi bstan bya'i gtso bo la ltos nas 'jog dgos pa'i
phyir/ rtsa bar 'dod mi nus te/ khyod

dpyad gsum gyis dag pa'i lung gi rtags kyis shin lkog ston pa'i
mdo rang gi bstan don la mi slu bar sgrub pa'i rtags chos gnyis
ldan gyi mthun dpe yang dag yin pa'i phyir ro/ /mdo las khams
drug dang khams bco brgyad

@078a @#/ /rim par gsungs pa dang bstun na khams sna tshogs pa
khams drug dang/ khams du ma khams bco brgyad la byed dgos
lta
bur snang yang/ gzhung du de las bzlog ste sbyar ba'i rgyu mtshan
brtag go /mtshan

du/ 'on kyang rab 'byor gyi le'u las khams sna tshogs dang khams
du ma zhes pa de gzhi gcig la yang khyad chos mang po sbyar nas
bshad pa'i dkyus la 'byung bas 'grel chen gyi de ltar byed dgos
sam snyam zhes klan ka mdzad

de/ rab 'byor gyi le'u las 'byung zhes pa ni/ le'u de las/ kha
cig ni khams kyi dmigs pa dang/ khams kyi mtshan ma dmigs pa
dang/ khams sna tshogs pa nyid dmigs pa dang/ khams du ma dmigs
pa dang/ khams

'gog pa dmigs pa dang/ khams 'gog pa mngon du bgyi ba dmigs pas
shes pa brda sprod par bgyid/ ces pa 'di yin la/ de lta na de'i
gong nyid du/ bden pa dmigs pa dang/ bden pa'i mtshan nyid dmigs
pa dang/

bden pa yongs su shes pa dmigs pa dang/ bden pa spang ba dmigs
pa dang/ bden pa mngon du bgyi ba dmigs pa dang/ bden pa sgom pa
dmigs pas shes pa brda sprod par bgyid/ ces gsungs pas/ bden

bzhi re rer shes spong mngon sgom bzhi bzhi sbyar nas 'chad rigs
par thal zhing/ yang snying du 'ang rgya nag 'grel chen gyi
bshad tshul bkag la/ rab 'byor gyi le'ur khams kyi rnam grangs
drug gsungs pa gzhi gcig

@078b la sbyar te gsungs pa min pa le'u de'i thad kyi 'grel chen
du gsal lo/ /yang snying du/ bsdu bar/ khams sna tshogs pa nyid
gang zhe na/ khams bco brgyad po dag phan tshun mtshan nyid tha
dad pa gang yin pa'o/ /khams

du ma nyid gang zhe na/ de dag nyid sems can sna tshogs dpag tu
med pa'i rab tu dbye bas gnas pa'o/ /zhes pa ni ba ru ra'i mdo
dang/ mdo sde rgyan gyi zin so 'ga' dang mthun par sems can gyi
khams dang mos pa sna tshogs

par gsungs pa las/ dgongs 'grel gyi khams sna tshogs dang khams
du ma zhes pa 'di'i dbang du byas pa'i bshad tshul ma yin te/
dgongs 'grel las khams kyi dri ba 'god pa'i mdo ni gtso bo khams
mang po'i mdo yin

pa'i phyir/ zhes bzhed kyang/ mun sel du/ lung rnams la dpyad na
ba ru ra'i mdo'i de 'jig rten gyi khams dang/ mdo sde rgyan gyi
de sems can gyi khams dang/ bsdu ba'i de khams bco brgyad du
snang bas de gsum gyi don

'dra bar sgrub dka' bar gsungs so/ /gnyis pa 'gal bde spong ba'i
lan la gnyis/ ngo bo nyid med tshul gang la dgongs nas ngo bo
nyid med par gsungs pa bshad pa dang/ gang la dgongs nas ma
skyes pa sogs su

gsungs pa bshad pa'o/ /dang po la gsum/ mdor bstan pa dang/
rgyas par bshad pa dang/ de dag gi dpe bstan pa'o/ /dang po la
gnyis/ lung drangs nas dgongs gzhi ngos gzung ba/ sher mdo las
ngo bo nyid med

@079a @#/ /par gsungs pa kun rdzob kyi chos tsam la dgongs par
'dod pa'i lugs dgag pa'o/ /dang po ni/ dgongs 'grel las/ zhes
sogs byung/ dgongs 'grel las lan gyi skabs su/ zhu ba gsol

ba la bsngags shing bshad par gnang ba bstan pa dang/ zhus pa
bzhin du lan yang dag par bstan pa gnyis las/ dang po la/ zhu ba
gsol ba la phan yon yod par bsngags pa dang/ nyan par skul zhing
bshad par

gnang ba gnyis las/ dang po la/ de skad ces gsol ba dang/ zhes
sogs kyis 'chad pa po rnam par 'byed pa dang/ khyod kyi sems kyi
yongs su rtog pa dge ba tshul bzhin skyes pa legs so legs so/
/zhes pas zhu ba

gsol ba'i rigs pa dang mthun par bsngags pa dang/ rigs kyi bu
khyod kyis deng 'dir de bzhin gshegs pa la don zab mo 'dri ba
legs so legs so/ /zhes pas don zab mo zhus pa'i bsngags brjod pa
dang/ khyod

de ltar skye bo mang po la phan pa dang/ zhes sogs kyis zhu ba
gsol ba'i phan yon bstan la/ de'i phyir nyon cig dang/ zhes sogs
kyis nyan par skul zhing bshad par gnang ba dang/ ngas chos
rnams kyi ngo bo nyid med pa

nyid rnam pa gsum po 'di lta ste/ zhes sogs kyis zhus pa bzhin
du lan yang dag par bstan pa byung bar rgya nag 'grel chen du
bshad pa las/ don zab mo zhus pa'i bsngags pa brjod pa bod 'gyur
'dir mi snang ngo/ /zhus

@079b pa bzhin du lan yang dag par bstan pa la yang/ 'grel chen
las/ rnam pa gsum ste/ sgo bstan nas mdor bshad pa dang/ rigs
kyi bu zhes bya ba man chad kyis zhus pa dang lan dag gis rgya
cher rnam par bshad pa dang/

rigs kyi bu zhes bya ba man chad kyis bshad zin nas spyi'i mjug
bsdu ba'o/ /zhes pa ltar gsum gyi dang po'i skabs kyi lung 'dir
drangs shing de'i tshig don go sla la/ bsdu ba dang sum cu ba
gnyis po dka' 'grel gnyis su

dgongs gzhi'i ngos 'dzin dang/ gung thang rin po ches jo nang
'gog byed la sbyar ba gnyis ka rung ste/ de gnyi ga'i don gcig
'thus su mdzad snang ba'i phyir ro/ /gnyis pa ni/ bsdu ba las
kyang/ zhes sogs byung/

bsdu ba la dri lan gnyis kyi lan gyi skabs/ gdul bya'i bsam pa'i
dbang gis mdo de dang der ram gdul bya de dang der ngo bo nyid
med pa gsum la dgongs nas chos thams cad ngo bo nyid med par
gsungs te/ zhes pa ste de

sgra gnyis gdul bya dang gzhung gang la snyegs dka' 'grel gong
ma dag tu mi gsal lo/ /rnam rig tsam du sgrub pa'i tshig le'ur
byas pa sum cu ba'i tshigs bcad kyi don ni/ sgrub phyogs nas
gzhan dbang dang/

yongs grub dang/ kun btags kyi ngo bo nyid gsum gyi ngo bo nyid
med pa ste/ dgag phyogs nas skye ba ngo bo nyid med pa/ don dam
pa ngo bo nyid med pa/ mtshan nyid ngo bo nyid med pa gsum la
dgongs nas ston pas sher

@080a @#/ /mdor chos rnams ngo bo nyid med par bstan/ ces pa'o/
/de la jo nang dol bo ba shes rab rgyal mtshan rjes 'brang dang
bcas pa na re/ sher mdo sogs su chos rnams ngo bo nyid med par
gsungs

pa'i chos ni kun rdzob tsam gyi chos rnams la dgongs kyi/ de la
don dam pa mi 'jog ste/ kun rdzob rnams ni rang gi ngo bo bden
grub kyis stong pas rang stong dang/ don dam ni rang gi ngo bo
bden par grub cing kun rdzob pa'i

chos gzhan gyis stong pas gzhan stong yin pa'i phyir/ zhes 'chad
do/ /'o na/ sher mdor chos rnams ngo bo nyid med par gsungs pa'i
chos rnams kyi nang du don dam gyi chos med par thal/ dam bca'
'thad pa'i phyir/ 'dod

mi nus te/ de ltar 'dod pa dgongs 'grel dang lag la/ thogs med
sku mched kyi gzhung dang 'gal/ klu sgrub yab sras sogs kyi lugs
las kyang phyi rol tu gyur pa'i phyir/ dang po grub ste/ mdo des
chos kun ngo bo nyid

med pa gsum du bsdus te sher mdo'i dgongs pa bstan pa gang/
khyod rang gis de mi 'dod pa'i phyir/ dang po der thal/ don dam
yang dag 'phags kyis rgyal bar ci la dgongs nas ngo bo nyid med
par gsungs pa dris pa ni ci

la bsams nas ngo bo nyid med par bstan pa dang ngo bo nyid med
tshul dris pa yin pa gang zhig lan gyis kyang gnyis po de rim
bzhin ston pa las/ dang po ci la dgongs pa 'chad pa ni/ chos
rnams kyi dbye ba mtha' yas pa

@080b la ngo bo nyid med par gsungs pa rnams ngo bo nyid med pa
gsum du 'du zhing/ ngo bo nyid med pa gsum gyi ngo bo nyid med
tshul bshad na sher mdor chos rnams ngo bo nyid med par gsungs
pa'i don go sla bar dgongs nas/ de

ltar gsungs pa'i chos rnams ngo bo nyid med pa gsum du bsdus te
sher mdo'i dgongs pa bsgrubs pa yin zhing/ kun rdzob dang don
dam gyi chos kun kyang ngo bo nyid med pa gsum gyis bsdus pa'i
phyir/ gnyis pa der

thal; lan gyi skabs su de ltar mdzad dgos pa'i rgyu mtshan yod
pa'i phyir te/ sher mdo sogs su chos rnams la re re nas dngos po
med pa dang rang bzhin med pa dang ngo bo nyid med par gsungs
shing/ khyad par don

dam pa'i rnam grangs kun smos nas de dag la ngo bo nyid med par
gsungs pa'i phyir/ khyab ste/ de ltar na mdo de dag las chos
rnams ngo bo nyid med par gsungs pa'i chos kyi nang na don dam
med par smra mi rigs pa'i phyir/

rtsa rtags gnyis pa grub ste/ ngo bo nyid med pa gsum la dgongs
nas sher mdor di ltar gsungs par thogs med sku mched bzhed pa
gang zhig khyod rang gis de mi 'dod pa'i phyir/ dang po bsdu ba
dang sum cu ba'i lung

gis grub/ rtsa rtags gsum pa grub ste/ khyod rang gis don dam
bden pa bden grub tu 'dod la/ klu sgrub yab sras kyis stong nyid
bden med du gsungs pa'i phyir te/ rtsa she las/ rgyal ba rnams
kyis stong pa nyid/ /lta 

@081a @#/ /kun nges par 'byin par gsungs/ /gang dag stong pa nyid
lta ba/ /de dag sgrub tu med par gsungs/ /zhes dang/ bzhi brgya
ba las/ mi stong med par stong ba ni/ /gang las 'byung ba nyid
du 'gyur/ /

ji ltar bur na cig shos ni/ /med par gnyen po 'byung bar 'gyur/
/zhes gsungs pa'i phyir ro/ /de la sher mdor stong nyid kyi rnam
grangs mang po smos nas de dag ngo bo nyid med par gsungs pas ni
chad stong med dgag

tsam zhig bstan gyi gzhan stong bden grub ma bstan zer na/ de ni
mi 'thad de/ kho rang gis sher mdo drang don du sgrub pa'i rgyu
mtshan ni chos thams cad ngo bo nyid med par gsungs pas yin la/
de ltar na gzhan stong don

dam bden pa ni ngo bo nyid med par ma gsungs pa la 'gal ba 'du
ba'i phyir ro/ /gung thang rin po ches/ sher mdor chos thams cad
ngo bo nyid med par gsungs pa'i chos kyi nang na don dam pa yod
pa 'gres rkang gis shes

pas de dag don dam pa ngo bo nyid med pa la dgongs pa min na ngo
bo nyid med pa gzhan gnyis la dgongs don med do/ /de bas na jo
nang bas de ltar gsungs pa'i dgongs gzhi la don dam pa med zer
ba 'bud do/ /zhes

'grel ba ma skyes pa sogs kyi dgongs gzhi 'chad pa'i mchan dang
yang snying du gsal lo/ ! /spro na/ mdor bstan skabs su mtshan
gzhi dang sbyar nas ngo bo nyid med pa gsum gsungs zin na/ rgyas
bshad du/ chos

@081b rnams kyi mtshan nyid ngo bo nyid med pa nyid gang zhe na/
kun btags pa'i mtshan nyid gang yin pa'o/ /zhes dris lan gyis
mtshan gzhi dang sbyor mi dgos par 'gyur bas/ stong thun dang
dka' 'grel las/ kun btags

mtshan nyid ngo bo nyid med pa/ zhes sogs gsungs pa go bde phyir
bstan bshad sbyar ba las/ mdor bstan rkyang ba'i don bkral ba
min no/ /bsdu ba'i/ 'dul ba'i dbang gis zhes pa 'grel skabs
dgongs rgyan du/

gdul bya dbu ma ba'i rigs can sgras zin des 'dul ba'i dbang gis/
zhes bshad kyang/ 'og tu gzhung las/ 'dul ba'i dbang gis zhes pa
ni gdul bya'i bsam pa'i dbang gis/ zhes gsungs pa la brten nas
sngar

ltar bshad do/ /gzhung las/ ci la dgongs nas ngo bo nyid med par
gsungs pa dris pa ni ci la bsams nas ngo bo nyid med tshul dris
pa yin la/ zhes pa la dpags na mdo sde la 'gal spong gi dri ba'i
skabs ngo bo nyid

med tshul dris par snang ba dag /rgyas bshad skabs/ de gsum gang
yin/ ngo bo nyid med tshul ji ltar yin snyam na/ zhes pa la dpags
na/ de ci'i phyir zhe na/ zhes pas ngo bo nyid med tshul dris pa
lta bu zhig 'dug pa ni

snga ma spyir ngo bo nyid med tshul dang/ phyi ma ngo bo nyid med
pa gsum so so'i ngo bo nyid med tshul dris pa la sbyor ram brtag
yig cha rnying ba dang bstan te yig cha las/ skabs 'dir dngos su
bstan pa'i de chos kyi bdag med phra mo la

@082a @#/ /'jog ces dang/ snga ma'i med rgyu de shes bya la mi
srid/ ces dang/ dngos bstan gyi mtshan nyid ngo bo nyid yin na
rang 'dzin rtog pa'i zhen gzhir rang mtshan gyis grub pa dang/
der rang ngos nas grub pa

rnams yin pas khyab pa'i phyir/ zhes mdor bstan dngos bstan gyi
mtshan nyid ngo bo nyid med pa stong nyid yin par gsungs pa la/
kun mkhyen par bas/ mdor bstan gyi mtshan nyid ngo bo nyid med pa
chos kyi bdag med phra mo

yin na de don dam pa ngo bo nyid med pa yin dgos/ de ltar na
mdor bstan du don dam pa ngo bo nyid med pa lan gnyis bshad cing
mtshan nyid ngo bo nyid med pa gtan ma bshad par 'gyur ro/ /gal
te med rgyu'i mtshan nyid kun

btags yin pas de bshad pas chog zer na/ 'di kun btags 'chad byed
kyi gzhung ma yin par thal/ de 'gog byed kyi gzhung yin pa'i
phyir/ gzhan yang de chos can/ mtshan nyid ngo bo nyid med pa
mdor bstan gyi gzhung ma

yin par thal/ don dam pa ngo bo nyid med pa mdor bstan gyi
gzhung yin pa'i phyir te/ skabs 'di'i mtshan nyid ngo bo nyid med
pa chos kyi bdag med phra mo yin pa'i phyir/ gzhan yang/ rgyas
bshad kyi/ mtshan nyid ngo bo

nyid med pa gang zhe na/ zhes pa'i lan du/ kun btags pa'i mtshan
nyid gang yin pa'o/ /zhes gsungs pa dang/ dpe'i skabs su nam
mkha'i me tog bzhin du rtog pas btags tsam du bshad pa dang yang
mi

@082b 'grig ces 'gog par mdzad cing/ gung thang rin po ches/
mdor bstan gyi mtshan nyid ngo bo nyid med pa ston byed stong
nyid dngos su ston pa'i mdo yin na don dam pa ngo bo nyid med pa
dngos su ston pa'i mdor song bas

de'i mjug thogs su don dam pa ngo bo nyid med pa smos mi dgos
par thal ba dang/ mdor bstan dngos bstan gyi mtshan nyid ngo bo
nyid med pa 'gog bdren las gzhan pa'i stong nyid yin na de'i
dgag bya la rang nyid

gang gis stong ba yongs grub tu 'jog pa'i skabs kyi dgag byas
khyab par 'gyur la/ de lta na mdor bstan dngos bstan gyi mtshan
nyid ngo bo nyid med pa don dam pa ngo bo nyid med pa dang/ de'i
dngos bstan gyi don

dam pa ngo bo nyid med pa mtshan nyid ngo bo nyid med pa yin zhes
go zlog rigs par thal ba dang/ mdor bstan dngos bstan gyi mtshan
nyid ngo bo nyid med pa rang gi stong gzhi chos can la khyab
cing dgag bya'i bdag bkag

tsam gyis rab tu phye bas nam mkha' dang dpe don sbyor rigs par
thal ba rnams kyis bkag nas/ yig char/ skabs 'dir dngos su bstan
pa'i mtshan nyid ngo bo nyid med pa'i don yin pa'i phyir/ zhes
dang/ gang

zag gi bdag med kyi dbang du byas pa'i mtshan nyid ngo bo nyid
med pa'i don de/ zhes sngar drangs pa'i yig cha'i lung gsum gyi
dang po'i gong 'og ga nyi gar mtshan nyid ngo bo nyid med pa tsam
ma gsungs par de'i don zhes

@083a @#/ /gsungs shing/ don stong nyid du 'gro tshul 'di'i ngo bo
nyid la bdag tu sgro btags pa'ang yod pas tshig la de bkag pa
ltar brjod kyang/ don 'chad pa'i tshe des sgro btags pa ltar du
med pa zhes

bshad dgos shing de ltar byas na stong nyid du 'gro ba'i don yin
pa'i phyir/ zhes yig cha'i lung dang po'i don bshad do/ /de ni/
mun sel las/ yig char dngos bstan gyi de chos kyi bdag med phra
mo la 'jog par

bshad pa'i don dka' 'grel du mtshan nyid ngo bo nyid med pa'i don
stong nyid du 'gro ba la sbyar kyang/ yig cha rang las dngos
bstan gyi mtshan nyid ngo bo nyid med pa'i med rgyu shes bya la
mi srid pa dang/ de yin na zhen gzhir

rang mtshan gyis grub pas khyab par gsungs pa dang 'gal/ zhes yig
cha'i dgongs pa rnal ma min par gsungs shing dogs dpyod du'ang
gnod byed rgyas par bstan to/ /yang snying du/ rang lugs de'i
mtshan nyid ngo bo

nyid la sgro btags pa'ang bzhag nas de ltar grub pa shes bya la
mi srid pa dang/ de ltar grub pa la chos bdag gis khyab pa'i don
yin pa sogs sngar dang 'dra ba'i phyir/ zhes lung phyi ma gnyis
kyi dgongs pa 'grel bar mdzad de dpyad

dgos so/ /tshe brtan lha rams pas/ rgyas bshad du/ chos rnams kyi
mtshan nyid ngo bo nyid med pa nyid gang zhe na/ zhes sogs kyis
stong gzhi gzhan dbang steng du dgag bya kun btags rang mtshan
gyis grub pa bkag pa'i

@083b yongs grub gtan la phab pa yin la/ de ltar gtan la phab
pa'i yongs grub de ni dgag bya chos bdag bkag pa tsam la 'jog
par shes par bya ba'i phyir yongs grub don dam pa ngo bo nyid
med par bstan pa yin gyi/ chos kyi bdag

med kyi yongs grub gsar du gtan la phab pa ma yin par 'chad do/
/kha cig /mdor bstan dngos bstan gyi mtshan nyid ngo bo nyid med
pa stong nyid dang/ rgyas bshad kyi de kun btags la byed kyang/
mdor bstan rgyas bshad mi

mthun pa'i skyon med pa skabs bzhi ba'i rnam pa mdor bstan las
shes rnam dngos su dang rgyas bshad las don rnam dngos su
gsungs
pa bzhin no/ /zhes zer yang/ rang lugs la/ mdor bstan du mtshan
gzhi dang ma sbyar ba ma

gtogs rgyas bshad du gtan la phab pa'i don de nyid mdor bstan
gyis mdor bstan pas gnyi ga'i bstan don 'dra zhing/ de yang kun
btags sgra rtog gis btags pa la ma ltos par rang ngos nas grub
pa ma yin par/ sgra rtog

gis bzhag pa nyid du ston pa yin pas bstan bshad gnyi ga'i skabs
kyi mtshan nyid ngo bo nyid med pa ni kun btags la byas na legs
la/ sgra rtog gis btags pa la ma ltos pa ra rang ngos nas grub
pa spyir yod kyang de nyid ngo bo

dang khyad par la kun btags pa'i kun btags kyi steng du grub pa
chos bdag dang de med pa chos kyi bdag med do/ /rang 'dzin rtog
pa'i zhen gzhir rang mtshan gyis grub pa chos can/ mdor bstan
gyis dngos su bstan

@084a @#/ /par thal/ mdor bstan dngos bstan gyi mtshan nyid ngo bo
nyid yin pa'i phyir na 'gal khyab ces yang snying dang/ de chos
can/ rang 'dzin rtog pa'i zhen gzhir rang mtshan gyis grub pa yin
par thal/ de'i

ngo bo nyid yin pa'i phyir na ma khyab 'dra ste/ go rgyu ni zhen
gzhir rang mtshan gyis grub pa chos bdag yin/ de mtshan nyid ngo
bo nyid yin zhes sogs brtag pa mtha' bzung las gnas tshod la zhen
gzhir rang mtshan gyis grub pa'ang zhen

gzhir rang mtshan gyis grub pa med pa yin pa la'o/ /bden grub
bden med du 'dod pa bzhin yin zhes mun sel du gsungs so/ /jo
nang bas/ bsdu ba dang sum cu ba sogs sems tsam pa'i lta ba ston
byed yin pas de las bshad

pa'i lta ba dang/ rgyud bla thogs 'grel dang yum gsum gnod
'dzoms las bshad pa'i thogs med sru mched kyi rang lugs dbu ma
chen po'i lta ba gzhan stong gnyis mi 'dra zer bas/ gzhung du jo
nang pa'i 'dod pa thogs med

sku mched kyi gzhung dang 'gal ba bsgrigs tshul la 'ang bsam par
bya ba'i gnas mang ngo/ /gnyis pa rgyas par bshad pa la gnyis/
dri ba'i sgo nas mtshams sbyar ba dang/ lan gyi sgo nas ngo bo
nyid med pa gsum ngos gzung

ba'o; /dang po ni/ gal te ngo bo nyid/ ces sogs byung ste/ gal
te ngo bo nyid med par gsungs zhes pa sher mdor chos rnams ngo
bo nyid med par gsungs pa'o/ /gnyis pa la gsum/ mtshan nyid ngo
bo nyid med pa bshad

@084b pa; skye ba ngo bo nyid med pa bshad pa/ don dam pa ngo bo
nyid med pa bshad pa'o/ /dang po la gnyis/ bshad bya'i mdo dgod
pa dang/ mdo don ji ltar bkral ba'o/ /dang po ni/ ngo bo nyid
med pa dang po/ zhes sogs

byung ste don 'chad par 'gyur ro/ /gnyis pa ni/ tshig dang po
gnyis kyi/ zhes sogs byung/ rgya nag 'grel chen las/ dang po 'di
yang rnam pa lngas bstan te/ dris pa dang/ lan dang/ brtag pa
dang/ rnam par

bshad pa dang/ mjug bsdu ba ste 'di ni dang po dris pa'o/ /zhes
de la chos rnams kyi/ zhes sogs dang/ kun btags pa'i mtshan nyid
gang yin pa'o/ /zhes dang/ de ci'i phyir zhe na/ zhes dang/ 'di
ltar/ zhes sogs

dang/ de'i phyir/ zhes sogs kyis rnam pa lnga bo rim bzhin bstan
par gsungs shing 'og ma gnyis la'ang de ltar sbyar ro/ /gzhung
las tshig dang po gnyis kyi dris lan gyis kun btags mtshan nyid
ngo bo nyid med par

bshad nas/ tshig gsum pas rgyu mtshan nam ngo bo nyid med tshul
dris pa'i lan du dgag phyogs dang sgrub phyogs gnyis nas gsungs
pa'i dmigs phye'o/ /des na mtshan nyid ngo bo nyid med pa zhes
pa'i skabs kyi kun

btags la med rgyu'i mtshan nyid ngo bo nyid ni sgra rtog gis
btags pa la ma ltos par grub pa'am de ltar gnas pa la bya ste/
dri lan 'di gnyig bsdoms pas mtshan nyid ngo bo nyid med pa gzhi
kun btags dang sbyar nas

@085a @#/ /gsungs so/ /'dir kun btags la rang mtshan gyis yod med
bstan chod ni/ ming brdas bzhag pa la ma ltos par grub ma grub
dang/ sgra rtog gis btags pa la ma ltos par grub ma grub la byed
pa

yin no/ /ming ba rdas bzhag na yod pas ma khyab ste/ nam mkha'i
me tog dang bdag gnyis kyang des bzhag tsam yin yang gzhi ma
grub pa'i phyir ro/ /ming brdas 'jog lugs kyang rnam rig pa'i
kun btags ming brdas

'jog tshul dang/ thal 'gyur ba'i chos rnams ming brdas 'jog tshul
gnyis ming mthun yang don mi 'dra ste/ snga mas nam mkha' lta bu
sdod lugs su 'am yul steng nas yod pa ming brda la ltos pa dang/
phyi mas bum pa

lta bu sdod lugs su 'am yul steng nas cung zad tsam yang ma
grub
kyang ming brngas bzhag pa la ltos pa la bzhed pa'i phyir/ des
na de gnyis rang mtshan gyis yod med kyi don 'jog tshul ches mi
mthun te/ phyi mas don de phar

ming gis btags tsam min par yul steng nas grub pa zhig yod phyin
rang mtshan gyis grub par bzhed la/ snga mas de tsam gyis de ltar
thub pa min par sgra rtog gis btags pa la ma ltos par grub pa
zhig la de ltar grub par 'dod

pa'i phyir/ 'on kyang kun btags kyi steng du rnam rig pa ltar
gyi rang mtshan gyis grub par 'dzin pa yod na thal 'gyur ba ltar
gyi rang mtshan gyis grub par 'dzin pa yang yod dgos te/ gzugs
rung ni gzugs zhes brda

@085b 'dogs pa'i gzhir rang mtshan gyis grub par 'dzin pa yod na
de ming brdas bzhag tsam min par gzugs kyi tha snyad 'jug pa'i
gzhir yul steng nas grub par 'dzin pa yod dgos pa'i phyir ro/
/des na gzhi kun btags kyi steng

du sems tsam pa ltar gyi rang mtshan gyis grub par 'dzin pa med
kyang/ thal 'gyur ba ltar gyi rang mtshan gyis grub par 'dzin pa
yod de/ gzugs rung ni gzugs zhes pa'i ming brda 'jug pa'i gzhir
rang mtshan gyis ma grub

par rtogs kyang/ zal 'gyur ba ltar gyi kun btags rang mtshan gyis
ma grub pa'i don cung zad kyang ma rtogs pa yod pa'i phyir ro/
/'dir/ sgrub phyogs nas ming brngas bzhag tsam yin la ngag
phyogs nas rang

mtshan gyis ma grub pa de/ mtshan nyid ngo bo nyid med pa'i mtshan
nyid/ mtshan gzhi ni ngo bo dang khyad par la sgro btags pa lta
bu/ ming brda 'am sgra rtog la ma ltos par grub pa'i rigs su
gnas pa de/ rang mtshan gyis yod

pa'i mtshan nyid/ ming brda'am sgra rtog tsam la ltos nas bzhag
pa de/ rang mtshan gyis med pa'i mtshan nyid do/ /spro na/ dka'
'grel las/ kun btags chos can/ khyod la mtshan nyid ngo bo nyid
med pa zhes bya ste/

khyod ming dang brdas bzhag pa tsam yin gyi rang gi mtshan nyid
kyis ma grub pa'i phyir/ zhes gsungs pa la/ yig char/ kun btags
rang mtshan gyis ma grub pa de mdo sde bas tshang mas grub pas de
skabs 'dir dngos su 

@086a @#/ /bstan pa'i mtshan nyid ngo bo nyid med pa'i don du mi
rung ba sogs kyis bkag pa la/ yang snying du/ dka' 'grel gyi
dgongs pa skabs thob kyi kun btags 'di gzhir bzhag yin pas kun
btags spyi

tsam rtsod gzhir bzung ba mi 'thad cing/ rtog pa'i zhen gzhir
rang mtshan gyis grub par sgro btags pa rang mtshan gyis ma grub
pa chos kyi bdag med phra mor 'gro tshul zhig yod par gsungs so/
/yig char/ gzugs rung de

gzugs zhes pa'i sgra'i 'jug gzhir rang mtshan gyis grub par sgro
btags pa gzugs kyi ngo bo la kun btags pa'i kun btags dang/
gzugs rung de gzugs kyi skye ba'o zhes pa'i sgra'i 'jug gzhir
rang mtshan gyis

grub par sgro btags pa gzugs kyi khyad par la kun btags pa'i kun
btags rnams skabs 'di'i dngos bstan gyi kun btags yin yang/ gang
zag gi bdag med kyi dbang du byas pa'i ngo bo dang khyad par la
kun

btags pa'i kun btags rnams skabs 'di'i dngos bstan gyi kun btags
min pas/ ngo bo dang khyad par la kun btags pa'i kun btags dang/
gzugs kyi ngo bo dang khyad par la kun btags pa'i kun btags

dang/ 'di ni gzugs so 'di ni gzugs kyi skye ba'o zhes ngo bo
dang khyad par la kun btags pa'i kun btags rnams skabs 'di'i
dngos bstan gyi kun btags min pa dang/ skabs 'di'i dngos bstan
gyi kun

@086b btags yin na med pas khyab pa dang/ de yin na yod pas
khyab pa re re nas med par gsungs shing/ mun sel las/ yig char
rtog pa'i zhen gzhir rang mtshan gyis grub par sgro btags pa zhes
pa'i khungs rje'i gsung

du rnyed dka'/ zhes gsungs so/ /yig char/ rang gi mtshan nyid
kyis rnam par gnas pa ni ma yin zhes pa'i rang mtshan dang/ de'i
phyir de ni mtshan nyid ngo bo nyid med pa nyid ces bya'o/ /zhes
pa'i rang mtshan

gnyis mi gcig par rim par bden grub dang dgag bya'i rang mtshan
la mdzad kyang/ yig cha gzhan ltar de gnyis phyogs gcig tu 'chad
dgos so/ /blo gling dang byang rtse'i yig char/ rnam grangs pa'i
kun

btags rnams rtog pas btags pa tsam yin yang/ mtshan nyid yongs
chad kyi kun btags rnams de ma yin te/ de dag rtog pas ma bzhag
pa'i phyir/ der thal/ blos ma bzhag pa'i phyir te/ blos yul du

byar mi rung ba'i phyir/ zhes mtshan nyid yongs chad kyi kun
btags rnams rang 'dzin rtog pas bzhag kyang rtog pas ma bzhag
par 'dod mod/ ming brdas bzhag pa la yod pas ma khyab pa gzhung
du gsal bas mtshan

nyid yongs chad kyi kun btags rnams kyang rtogs pas bzhag par
'dod dgos so/ /lhag mthong chen mo las/ de la mtshan nyid ngo bo
nyid med pa'i mtshan nyid ni rang gi mtshan nyid dam rang bzhin
yin la/ sems tsam

@087a @#/ /pas de med pa de kun btags la 'dod kyi/ gzhan dbang la
mtshan nyid de yod pas rang bzhin yod la/ zhes gsungs pa la/ gung
thang rin po ches/ thal 'gyur ba'i lugs bshad skabs yin pa

de'i dbang du byas pa'i phyir/ zhis thal 'gyur ba'i grub mtha'i
bshad shan shor bar gsungs so/ /de ni brtag pa'i gnas te/ lhag
mthong gi lung de thal 'gyur ba'i lugs bshad skabs ma yin pa
gang zhig /sems

tsam pa'i lugs la kun btags rang bzhin gyis med par khas len
pa'i phyir/ dang po der thal/ de legs ldan gyis sems tsam pa
'gog pa'i phyogs snga'i 'dod pa ngos 'dzin pa'i skabs yin pa'i
phyir dang/ gzhan dun

khyod thal 'gyur ba'i rang gzhung yin na khyod kyis phyogs
snga'i 'dod pa gang 'god thams cad thal 'gyur ba'i lugs bzhin
'god dgos par thal ba'i phyir ro/ /gnyis pa der thal/ blo brtan
gyis dbus mtha'i 'grel

bshad las/ la la dag chos thams cad ri bong gi rwa ltar rang
bzhin ye med do snyam du sems pa de'i phyir thams cad la skur ba
dgag pa'i don du/ yang dag ma yin kun rtog yod/ /ces bya ba
gsungs te/ rang bzhin gyis

zhes bya ba tshig gi lhag ma'o/ /zhes gsungs pa'i phyir/ khyab
ste/ des gzhan dbang rang bzhin gyis yod par bshad pa'i shugs
kyis kun btags rang bzhin gyis med par gsungs pa'i phyir dang/
stong thun las kyang/

@087b tha ma las ni kun btags rang bzhin med pa dang/ gzhan
dbang dang yongs grub rang bzhin gyis yod par gsungs/ zhes
gsungs pa'i phyir dang/ kun btags yul steng nas grub kyang rang
bzhin gyis ma grub par khas

blangs na rnam rig pa'i gzhung rgya mtsho lta bu gang dang yang
mi 'gal ba'i phyir/ 'o na lugs 'dir kun btags rang ngos nas ma
grub par yang 'dod par thal/ lhag mthong las/ de gnyis la rang
gi ngo bos grub pa'i mtshan nyid

dam rang bzhin 'dod pa ni mdo dgongs 'grel la gtso bor brten par
snang/ zhes gsungs pa'i phyir/ khyab ste/ des kun btags rang
ngos nas ma grub par 'dod pa shugs la bstan pa'i phyir na 'dod
zer dgos pa 'dra'o//

kho na re/ thal 'gyur ba dang rnam rig pas kun btags ming brdas
bzhag tsam du 'jog lugs mthun par thal/ de gnyis kas de ming
brdas bzhag tsam du 'dod par mthun pa'i phyir na ma khyab ste/
phyi mas tsam sgras rtog pas

btags pa la ma ltos par grub pa gcod kyi/ yul gyi dngos dbang
gis grub pa gcod par mi 'dod la/ snga mas de gcod par bzhed pa'i
phyir/ kho na re/ rang gi gnas tshod kyis grub pa rang mtshan gyis
grub par song ba'i

don yin par thal/ rang 'dzin rtog pa'i zhen gzhir rang gi gnas
tshod kyis grub pa rang 'dzin rtog pa'i zhen gzhir rang mtshan
gyis grub par song ba'i don yin pa'i phyir na ma khyab/ kho na
re/ rnam rig pa dang thal

@088a @#/ /'gyur ba gnyis kyi rang mtshan gyis grub tshad 'dra bar
thal/ rnam rig pa'i lugs la'ang rang mtshan gyis grub pa'i don
rang gi gdags gzhi'i ngos nas btsal na rnyed rgyu yod pa zhig la
byed pa'i

phyir te/ gzhung las/ gang zag gi tha snyad btags pa tsam gyis
mi tshim par de'i tha snyad gang la btags pa'i gdags gzhi de ji
ltar yin dpyad cing btsal nas 'jog na gang zag rang gi mtshan
nyid kyis grub par

'jog pa yin te/ rang sde bye brag tu smra ba nas dbu ma rang
rgyud pa'i bar thams cad kyis de bzhin du 'dod do/ /zhes gsungs
pa'i phyir na ma khyab ste/ de ni rnam rig pa sogs kyis chos
gang yang btags don btsal

nas rnyed dgos par 'dod pas/ don gyis thal 'gyur ba'i lugs kyi
rang mtshan du khas blangs song ba'i don yin pa'i phyir ro/ /yig
cha las/ shes pa gang gis sems tsam pa 'di'i lugs kyi rang mtshan
gyis grub

par 'dzin na/ shes pa de'i 'dzin tshul la thal 'gyur pa'i lugs
kyi rang mtshan gyis grub pa'i 'dzin tshul tshang ba de/ 'on kyang
zhes sogs kyi lung gi don yin no/ /zhes rang mtshan gyis yod par
'dzin pa po shes pa la sbyar

kyang/ mun sel du/ rje btsun pas/ gzhi de rnam rig pa ltar gyi
rang mtshan gyis grub par 'dzin pa rgyud ldan yin na gzhi de thal
'gyur ba ltar gyi rang mtshan gyis grub par 'dzin pa rgyud ldan
yin pas khyab pa'i don du bshad pa

@088b stabs bde bar gsungs so/ /gzhi 'ga' zhig /ces sogs kyi don
la/ gnyal ston gyis/ mdo sems kyis kun btags rang mtshan gyis ma
grub par 'dod kyang btags don btsal tshe yod par 'dod pas thal

'gyur ba ltar gyi rang mtshan gyis grub par khas len par gsungs
kyang/ rgol ngan tshar gcod du/ mdo sde ba dang rang rgyud pas
kun btags rnam rig pa ltar gyi rang mtshan gyis grub par mi 'dzin
kyang/ thal 'gyur

ba ltar gyi rang mtshan gyis grub par 'dzin pa de'i don yin pa'i
phyir/ dang po grub ste/ de gnyis kyis kun btags rtog btags tsam
min par rang ngos nas grub par mi 'dzin pa'i phyir/ gnyis pa
grub ste/ de gnyis

kyis kun btags btags don btsal tshe yod par 'dzin pa'i phyir/
zhes 'dod do/ /gnyis pa skye ba ngo bo nyid med pa bshad pa la
gnyis/ bshad bya'i mdo dgod pa dang/ mdo don ji ltar bkral ba'o/
/dang po ni/

ngo bo nyid med pa gnyis pa/ zhes sogs byung ste don 'chad par
'gyur ro/ /gnyis pa ni/ gzhan dbang la med rgyu'i/ zhes sogs
byung/ skye ba ngo bo nyid med pa zhes pa'i gzhan dbang la med
rgyu'i skye ba'i ngo bo 'am ngo bo

nyid kyis skye ba ni/ rang bzhin gyis skye ba la byed pa ma yin
te/ skabs 'dir rang bzhin gyis mi skye na spyir skye bar 'jog mi
shes pa'i phyir/ des na/ dgongs 'grel las/ rkyen gzhan gyi stobs
kyis byung ba yin gyi

@089a @#/ /bdag nyid kyis ma yin pas/ zhes gsungs pas skye ba ngo
bo nyid ni bdag nyid kyis skye ba ste rang dbang gis skye ba'o/
/de yang gzhan dbang de rgyu rkyen la rag ma las par rang
dbang
du skyi ba med pa ni

gzhan dbang skye ba ngo bo nyid med pa'i don du bsdu ba gzhung
du drangs pa ltar dang/ rgya nag 'grel chen las kyang/ bdag nyid
kyis yod pa ma yin zhes bya bas ni ngo bo nyid med pa nyid bstan
pa'o/ /de ni 'di skad du/ chos

gzhan rnams la brten pa'i rgyu dang rkyen gyi phyir skye ba zhes
bshad kyi/ zhes gsungs pa'i phyir ro/ /bsdu ba'i don ni/ 'du
byed dam 'dus byas rnams chos can/ khyod la skye ba ngo bo nyid
med pa zhes bya ste/ khyod sgrub

phyogs nas rang gi rgyu rkyen las byung zhing dgag phyogs nas
rang gi bdag nyid kyis skye bas yin pa'i phyir te/ rten 'brel
yin pa'i phyir zhes pa ste/ lugs so zhes pa ni rje rang nyid kyi
bzhed pa min par ston pa'o/ ! /'dir/

dgag phyogs nas bdag nyid kyi dbang gis mi skye zhing sgrub
phyogs nas rang gi rgyu rkyen gyi stobs kyis skye ba de/ skye ba
ngo bo nyid med pa'i mtshan nyid/ mtshan gzhi ni gzhan dbang rnams
so/ ! /spro na/ kha cig /gzhan dbang la

skye ba ngo bo nyid med pa zhes pa'i skye ba ngo bo nyid ni
gzhan dbang gzhan dbang las skye ba dang/ de'i med pa ni der de
med pa la byed dgos te/ dgongs 'grel las/ bdag nyid kyis ma yin
pas de'i phyir de ni skye ba ngo bo nyid med

@089b pa nyid ces bya'o/ /zhes dang/ bsdu ba las/ rang mi skye
ba ni skye ba ngo bo nyid med pa nyid ces bya'o/ /zhes dang/
gzhung las/ bdag nyid kyis ma yin pas zhes gsungs pas bdag nyid
kyis skye ba'o/ /zhes gsungs

pa'i phyir na/ yang snying las/ shin tu ma khyab ste/ lung de
rnams su bdag nyid kyis ma yin/ zhes dang/ rang mi skye ba zhes
gsung gi /bdag nyid las mi skye ba dang/ rang las mi skye ba
zhes ma gsungs pa'i phyir/

zhes gsungs so/ /kha cig /snga ma ltar byed dgos te/ stong thun
las/ rgyu rkyen gzhan la rag las nas skye dgos kyi rang gi ngo
bo nyid las skye ba'am/ rang gi bdag nyid las skye ba med pa'i
phyir gzhan dbang la skye ba ngo

bo nyid med pa zhes bya/ zhes rang gi ngo bo nyid las skye ba
dang/ bdag nyid las skye ba med par gsungs pa'i phyir na ma
khyab ste/ rgyu rkyen la ma ltos par rang nyid rang dbang du
skye ba la ngo bo nyid dang bdag nyid las skye ba zhes

gsungs pa yin pa'i phyir te/ yig cha las/ 'di'i don dang rang
dbang gis skye ba dang rgyu med las skye ba dang ngo bo nyid
kyis skye ba dang 'dod rgyal du skye ba rnams kyi go don gcig la
byed pa'i phyir/ zhes gsungs pa'i phyir/

'di dang mtha' bzhi'i bdag skye mi 'dra ste/ mtha' bzhi'i de
rang dang ngo bo gcig pa'i rgyu las skye ba la byed pa'i phyir/
des na bdag skye'i go don yang snying las/ gzhan dbang gzhan
dbang las skye ba lta bur 'dod mkhan

@090a @#/ /des ngo bo nyid kyis skye ba zhes pa bdag skye la byed
'dod par snang mod/ bdag skye'ang bum pa bum pa las skye ba la
mi zer gyi/ rang dang bdag nyid gcig pa'i rgyu las skye ba la
zer ro/ /zhes gsungs pa

ltar la/ gung thang rin po ches/ bye smras rang dang bdag nyid
gcig pa'i rgyu las skye par khas len pa ni dus mnyam la bsams
kyi/ sa bon gyi dus na myu gu'ang mngon par mi gsal ba'i tshul
gyis yod pa de 'dra mi 'dod pas

bdag skye'i don med do/ /zhes gsungs par tsa ? 'jug gi rnam
bshad las/ rang sde dngos bor sgra ba rnams na re/ rang las skye
ba don med pas bdag skye mi rigs shing/ zhes pa dang mthun mod/
rtsa she'i TIk chen las/

bye brag tu smra ba ma gtogs pa'i rang sdes 'bras bu grub zin
slar yang rgyus skyed mi dgos kyang/ grub pa de nyid rgyus
bskyed par 'dod la/ zhes bye smras bdag skye 'dod pa 'dra ba
zhig kyang gsungs so/ /yig cha las/ rgyu rkyen

la ma ltos par bdag nyid gcig pa'i rgyu las ste/ zhes gsungs pa
ni tshig snga phyi 'gal ba lta bur snang bas tshig la zhib cha
dgos shing/ rgya nag 'grel chen las/ dbang phyug la sogs pa las
'byung ba ma yin pas skye ba

med pa zhes bya'o/ /zhes 'di'i med gyu'i skye ba ni mi mthun
pa'i rgyu las skye ba la gsungs kyang de las gsungs tshad 'thad
ldan yin pa'i nges pa med pas khas blang dka' 'o/ /thal 'gyur
bas dgongs 'grel rnam rig

@090b pa'i rang gzhung du bzhed pas/ de las gsungs pa'i ngo bo
nyid med pa gsum gyi don rnam rig pa ltar yin par bzhed kyang
rang lugs dgongs 'grel dang sgo mi bstun la/ rang rgyud pas
dgongs 'grel rang gzhung du

byed cing de'i skye ba ngo bo nyid med pa'i don rnam rig pa dang
mi 'dra bar bden grub kyi skye ba med pa la byed pa'i khyad par
yang snying ltar shes dgos so/ /byang rtse'i drang nges su/ skye
ba ngo bo nyid med ces pa'i med rgyu'i skye

ba'i ngo bo ni/ rgyu rkyen gzhan la ltos med du rang dbang gis
skye ba'am bdag nyid kyis skye ba la byed cing/ de ni chos gang
gi steng du yang med pas chos thams cad skye ba ngo bo nyid med
par 'jog par bshad kyang/

'di'i skye ba ngo bo nyid med pa la rgyu las skyes pa dang rgyu
med du skye ba min pa nyis tshogs dgos pa dgongs 'grel dang
gzhung las shin tu gsal lo/ /gsum pa don dam pa ngo bo nyid med
pa bshad pa la gnyis/ gzhan

dbang gi dbang du byas pa dang/ yongs grub kyi dbang du byas
pa'o/ /dang po la gnyis/ bshad bya'i mdo dgod pa dang/ mdo don
ji ltar bkral ba'o/ /dang po ni/ ngo bo nyid med pa gsum pa/
zhes sogs byung ste

don 'chad par 'gyur ro/ /gnyis pa la gnyis/ dngos dang/ rtsod pa
spang ba'o/ /dang po ni/ gzhan dbang ni/ zhes sogs byung/ chos
rnams zhes sogs kyi dri ba ni 'jog tshul gnyis ka'i thun mong gi
dri ba 

@091a @#/ /yin pas dang po kho nar mi sbyor la/ rten cing/ nas/
de dag ni/ zhes pa'i bar gyis 'jog tshul dang po'i dbang du byas
pa'i mtshan gzhi dang/ de man gyis de don dam pa ngo bo nyid med
pa dang/ de ci'i phyir

zhe na/ sogs kyis de'i rgyu mtshan bstan pa las/ rgyu rkyen la
brten nas byung ba'i rten 'brel gyi chos rnams skye yang rang
dbang gis skye ba'am rgyu med las skye ba'i ngo bo nyid med pas
skye ba ngo bo nyid med par bzhag pa ni zhes

mtshan gzhi gzhan dbang ngos bzung ngo/ /don dam pa ngo bo nyid
ni rnam dag lam gyi dmigs pa mthar thug la byed cing gzhan
dbang
de'i ngo bo nyid du med pas don dam pa ngo bo nyid med pa zhes
kyang bya'o/ /dris lan phyi mas

de gsal bar byas te/ chos rnams la ste chos rnams kyi steng gi
gang la dmigs nas goms pas sgrib pa zad par 'gyur ba'i dmigs pa
mthar thug yongs grub/ zag bcas kyis rnam par dag pa'i lam gyi
dmigs

pa gang yin pa de ni 'di'i don dam pa'i ngo bo nyid yin/ zhes
'di'i don dam ngos bzung nas/ gzhan gyi dbang gi sogs kyis gzhan
dbang ni de ma yin par bstan to/ ! /'dir/ dgongs 'grel las don
dam

pa ngo bo nyid med par dngos su gsungs pa gang zhig rnam dag
lam
gyi dmigs pa mthar thug ma yin pa de/ 'jog tshul dang po'i dbang
du byas pa'i don dam pa ngo bo nyid med pa'i mtshan nyid/ mtshan
gzhi ni gzhan

@091b dbang rnams so/ /gnyis pa ni/ 'o na/ zhes sogs byung/ kho
na re/ kun btags chos can/ khyod 'jog tshul dang po'i don dam pa
ngo bo nyid med par 'jog rigs par thal/ khyod rnam dag lam gyi
dmigs pa mthar

thug ma yin pa'i phyir na ma khyab ste/ gzhan dbang ni rnam dag
lam gyi dmigs pa mthar thug ma yin pa tsam gyis don dam pa ngo
bo nyid med par 'jog na skyon de 'byung ba bden yang de tsam
gyis ma yin pa'i phyir te/ dgongs

'grel du gzhan dbang rnam dag lam gyi dmigs pa mthar thug ma
yin
pas don dam pa ngo bo nyid med par bzhag pa ni log rtog dgag pa
la ltos nas bzhag la/ kun btags de ltar ma bzhag pa'i phyir/
gzhan dbang

la lhag par log rtog skye tshul ji ltar yin zhe na/ yod de/ mdo
'dis stong gzhi gzhan dbang gi steng du dgag bya ngo bo dang
khyad par la kun btags pa ltar grub pas stong pa ni rnam dag lam
gyi dmigs pa mthar thug tu

dngos bstan gtso bor byed cing/ de'i tshe de la dmigs nas bsgoms
pas sgrib pa dag par 'gyur bar shes la/ de ltar shes pa na bstan
tshul de la brten te/ kho na/ stong gzhi gzhan dbang yang chos
can/ don dam par

'gyur bar thal/ rnam dag lam gyi dmigs pa mthar thug sgrib pa
zad byed yin pa'i phyir te/ rnam dag lam gyis khyod la dmigs
dgos pa'i phyir snyam pa'i dogs pa skye la/ mdo des bstan tshul
la brten nas kun

@092a @#/ /btags la de 'dra'i dogs pa skye dka' ba'i phyir ro/
/de 'dra'i log rtog bsal phyir mdo der 'di'i 'jog tshul dang po'i
skabs su gzhan dbang don dam pa ngo bo nyid med par dngos su
bzhag cing kun

btags der ma bzhag la/ skabs 'di'i don dam pa ngo bo nyid med pa
ni dngos su bzhag tshod gtso ba'i dbang du byed dgos pas gzhan
dbang dang don gcig tu song ba yin no/ /dogs pa de'i skyon med
de/ gzhan dbang ngo

bo dang khyad par la kun btags pa ltar grub pas stong par bsgoms
pas sgrib pa zad par 'gyur yang gzhan dbang la dmigs nas bsgoms
pas sgrib pa zad par 'gyur mi dgos pa'i phyir te/ dper na sgra
mi rtag pa

'dzin stangs kyi yul ru byas nas nges pas sgra rtag 'dzin ldog
kyang/ sgra la dmigs pa tsam gyis sgra rtag 'dzin mi ldog pa
bzhin yin pa'i phyir/ yang kho na re/ gzhan dbang chos can/ don
dam par ma grub par thal/

rnam dag lam gyi dmigs pa mthar thug la don dam du byas pa'i
don
dam der ma grub pa'i phyir na ma khyab/ rtags grub ste/ khyod
don dam bden pa ma yin pa'i phyir/ 'dod mi rigs te/ khyod rtog
pas btags tsam ma

yin pa'i phyir dang/ khyod don dam par med par lta bskur 'debs
kyi lta bar gzhung las mtha' gnyis spong tshul spyir bstan pa'i
skabs su/ dngos po gzhan dbang la skur ba 'debs tshul ni/ zhes
sogs su 'byung ba'i

@092b phyir/ ! spro na/ zin bris su 'jog tshul gnyi ga'i dbang du
byas pa'i don dam pa ngo bo nyid med pa gnyi ga gnas lugs su
'jog par gsungs kyang/ yang snying du 'jog tshul dang po'i don
dam pa ngo bo nyid med pa stong nyid ma

yin par gsungs pa dang bstun na/ gzhan dbang rnam dag lam gyi
dmigs pa mthar thug tu ma grub pa stong nyid ma yin par khas len
dgos sam snyam/ gzhan dbang rnam dag lam gyi dmigs pa mthar
thug
tu 'gyur

snyam pa'i dogs pa che lugs la/ gzhan dbang ni rang sde kun gyis
bden par grub ma grub rtsod gzhi'i gtso bo yin zhing/ kun btags
de min pas gzhan dbang la dogs pa che ba yin zer ba dang/ gzhan
dbang

kun btags kyis stong pa la dmigs nas bsgoms pas sgrib pa dag par
'gyur bas gzhan dbang don dam bden par grub pa'i dogs pa che la/
kun btags kun btags kyis stong pa la dmigs nas bsgoms pas

sgrib pa dag par mi 'gyur bas kun btags la de 'dra'i dogs pa
chung zhing/ skabs 'di'i kun btags kun btags tsam la mi byed par
skabs su mkho ba'i kun btags la byed zer ba'ang snang/ dka'
'grel du/

dgongs 'grel las stong gzhi gzhan dbang ni ngo bo dang khyad
par
du kun btags pa'i kun btags kyis stong pa rnam dag lam gyi dmigs
pa'i gtso bor bstan pa na de la brten nas gzhan dbang rnam dag
gi dmigs par

@093a @#/ /'gyur ram snyam pa'i dogs pa skye bas de gcad dgos la/
kun btags la dogs pa de mi skye bas gcad mi dgos par gsungs
shing/ gnyal ston dang/ blo gling dang/ yig cha'i bshad tshul

yang de dang mthun par mngon/ rgol ngan tshar gcod du/ dgongs
'grel dngos bstan la chos rnams kyi yongs grub gtan la 'bebs tshe
de dag gi gzhan dbang kho na stong gzhir bzung nas gtan la phab
pas rnam dag ye

shes kyis stong gzhi gzhan dbang la dmigs dgos pas gzhan dbang
rnam dag gi dmigs par gyur pas don dam yin na ma snyam pa'i dogs
pa shas che yang/ spyir kun btags la de 'dra'i dogs pa skye mi
srid pa ma yin par

gsungs pa la/ bde legs nyims/ dgongs 'grel gyis gzhan dbang kho
na dngos su stong gzhir bzung bar bshad pa mi 'thad ces bkag
nas/ rang lugs dka' 'grel dang mthun par bzhag ste/ gzhan dbang
kun

btags kyis stong pa'i yongs grub mngon sum du rtogs pa'i lam
gyis dgag bya'i kun btags la ma dmigs pas kun btags de'i dmigs
par 'gyur ram snyam pa'i dogs pa dpyod ldan la mi 'byung ba'i
phyir/ zhes

dang; spyir kun btags la rnam dag lam gyi dmigs par 'gyur ram
snyam pa'i dogs pa dpyod ldan la mi 'byung ba yang ma yin te/ de
la dmigs pa'i rnam dag gi lam yod pa'i phyir/ zhes gsungs so/
/rje drung

@093b khyung phrug sgom sde sogs kyis dgongs 'grel las gzhan
dbang stong gzhir bzung yang kun btags sogs 'dus ma byas rnams
stong gzhir ma bzung bas kun btags la dogs pa chung zhing gzhan
dbang 'dogs pa che

bar gsungs shing/ zur rgyan du/ gzhan dbang bden par grub pas
don dam par 'gyur snyam pa'i dogs pa che bas de don dam pa ngo
bo nyid med par bstan la/ kun btags bden par med pas don dam par
'gyur

snyam pa'i dogs pa skye don med par bshad do/ /dgongs rgyan du/
rnam dag ye shes kyis yongs grub de gang gi sdod lugs mthar
thug
tu song ba'i rten gyi gtso bo gzhan dbang don dam par grub pa
la'ang dmigs dgos

pas de 'dra'i gzhan dbang de don dam pa yin nam snyam pa'i dogs
pa skye ba shas che zhing/ kun btags de de 'dra'i gzhan dbang gi
steng du btags tsam gyi rdzun pa yin pas de 'dra'i dogs pa skye
ba shas chung bar bshad la/ ke

tshang gis/ don dam gtan la 'bebs pa na phyi rol gyi yul snang
rags pa log pa'i tshe sems las logs su mthong rgyu gzhan med pas
sems don dam dpyod pa'i rnyed don mthar thug tu 'gyur snyam pa'i
dogs pa che ba dang/

sems tsam pa'i gzhung rnams su gzhan dbang ngos 'dzin pa'i tshe
sems gtso bor byas pa mang bas gzhan dbang rnam dag lam gyi
dmigs pa mthar thug tu 'gyur snyam pa'i dogs pa che ba yin zer
la/ lcang skya'i grub

@094a @#/ /mthar/ rnam rig tsam nyid don dam sgrub byed kyi sbyor
ba'i bsgrub bya'i chos dang don dam dpyod pa'i rigs shes kyi
rnyed don du gsungs pa'ang yod do/ /yig cha rnying bar gzhan gyi
'dod tshul bkod

par/ 'di'i dogs pa thal rang gnyis la 'byung zhing/ sems tsam
pas gzhan dbang rnam dag lam gyi dmigs pa bden grub tu khas
blangs pa la/ de gnyis kyis/ gzhan dbang rnam dag lam gyi dmigs
pa mthar thug

yin par thal/ gzhan dbang rnam dag lam gyi dmigs pa gang/ rnam
dag lam gyi dmigs pa bden grub yin pa'i phyir/ khyab ste/ bden
grub yin na yul gyi gnas lugs mthar thug yin dgos pa'i phyir/
kun btags

dmigs pa tsam yin yang bden par ma grub pas skyon med snyam du
brgal bar/ lan du/ gzhan dbang yongs grub gnyis bden grub tu
mtshungs kyang bsgoms na bdag 'dzin dang 'dzin stangs dngos su
'gal ba'i sgo nas

shes sgrib spong mi spong gi khyad yod de/ sgra dang sgra mi
rtag pa sgra 'dzin mngon sum gyi snang yul du mtshungs kyang
rang
la dmigs na sgra rtag 'dzin ldog mi ldog gi khyad yod pa dang
'dra ba'i phyir zhes pa'i rjes su sgo mang phyi rabs

pa phal cher 'brangs so/ /tshul khang gis/ rgol ba rtog ldan la
dogs pa skye dka' sla'i don du bkral kyang dkar sla'i tshul mi
gsal zhing/ 'ga' zhig gis gzhan dbang gi chos nyid stong nyid
yin zhing/ kun btags kyi

@094b chos nyid stong nyid min pas gzhan dbang la dogs pa che la
kun btags la dogs pa chung ba yin zer ba sogs bshad tshul mi 'dra
ba mang ba dang/ 'di las 'phros te/ 'dus ma byas kyi chos rnams
kyi chos nyid med

par smra ba dang/ de yod kyang des chos nyid kyi go mi chod par
'dod pa dang/ yig cha rnying bar/ rang rgyal mthong lam bar
chad
med lam 'gog pa chos bzod du song ba'i yul la 'gog bden rang
'dzin rtog pa'i

zhen gzhir rang mtshan gyis stong pa 'jog pa dang/ 'gog bden dang
nam mkha' phyi rol don 'dzin gyi blo lhan skyes med pa dang/
'gog bden rang rkya thub pa'i rdzas yod kyis stong pa de rang
rgyal mthong lam bar chad med

lam 'gog pa chos bzod du song ba'i yul la mi 'jog par bshad pa
sogs sna tshogs byung ngo/ /mchan du pra stis bshad pa yig cha
dang mthun zhes bzhed phyogs mdzad kyang/ yang snying du de
bkag
go /byang rtse'i yig

char/ 'o na kun btags kyang don dam pa ngo bo nyid med pa yin na
ma zhe na/ de ltar yin yang/ zhes kun btags kyang don dam pa ngo
bo nyid med pa yin par bshad pa dang/ zin bris su/ gzugs nas
rnam mkhyen gyi

bar chos thams cad kyi steng gi don dam pa ngo bo nyid med pa
gnyis re 'jog par gsungs pa ni/ gzhung las/ kun btags ma bzhag
go /zhes gsungs pa dang 'gal min brtag go /tshe brtan lha rams
pas 'di'i

@095a @#/ /dogs pa thal rang gnyis la mi 'byung ba'i rgyu mtshan
mang tsam bshad kyang 'brel mi che bar mun sel du gsungs shing/
snga mas bshad pa rnams kyi dogs pa thal rang gnyis la 'byung
bar 'dod pa la

gnod byed du mi 'jug tshul rin chen sgron mer rgyas par bshad do/
/gnyis pa yongs grub kyi dbang du byas pa la gnyis/ bshad bya'i
mdo dgod pa dang/ mdo don ji ltar bkral ba'o/ /dang po ni/ don
dam pa/ zhes

sogs byung ste don 'chad par 'gyur ro/ /gnyis pa la gnyis/ yongs
grub don dam pa ngo bo nyid med par 'jog tshul dang/ de sgrub pa
rang dbang bar 'dod pa'i gzhan lugs dgag pa'o/ /dang po ni/ chos
rnams kyi/

zhes sogs byung/ 'jog tshul dang po'i bshad pa de las gzhan yang/
chos rnams kyi chos kyi bdag med yongs grub kyang don dam pa
ngo
bo nyid med par 'jog pa yin no/ /de yang 'di ltar/ chos bdag
bkag pa'i yongs

grub chos can/ don dam pa ngo bo nyid med pa yin te/ don dam
pa'ang yin la/ chos bdag gi ngo bo nyid med pa'ang yin pa'i
phyir/ dang po grub ste/ rnam dag lam gyi dmigs pa mthar thug
yin pa'i phyir/ khyab ste/

rnam dag lam gyi dmigs pa mthar thug ni don yang yin la dam pa
yang yin pas don dam pa zhes bshad pa'i phyir/ gnyis pa grub
ste/ chos rnams kyi bdag gi ngo bo nyid med pas rab tu phye ba
ste de tsam gyis bzhag pa

@095b yin pa'i phyir/ khyab ste/ chos bdag ni 'di'i ngo bo nyid
la byas nas de med pa'i don ni de rnam par bcad tsam gyis bzhag
pa la go dgos pa'i phyir/ mdo'i/ gang yin pa de yang/ zhes pa'i
yang sgra gzhan dbang la don

dam pa ngo bo nyid med pa zhes bshad par ma zad pa'o/ ! /'dir/
don dam pa yang yin la bdag rnam par bcad tsam yang yin pa de/
don dam pa ngo bo nyid med pa'i mtshan nyid/ mtshan gzhi ni yongs
grub rnams so/ /

gnyis pa ni/ yang dgongs 'grel las/ zhes sogs byung/ de la/ gsal
ba'i phyir/ zhes pa'i bar gyis jo nang ba 'gog tshul dang/ mdo
'dis/ sogs kyis phyogs snga'i 'dod pa dang/ yongs grub 'di ni/
sogs

kyis grub mtha'i khyad ston to/ /de la thog mar jo nang ba'i
'dod tshul shes pa gal che bas de phyogs tsam bshad na/ sher mdos
de kho na nyid bstan pa drang don dang/ dgongs 'grel 'dis de
bstan pa nges don du 'dod

bzhin du/ 'gyur med yongs grub ni sgrub pa rang dbang ba yin pas
dgag bya ba cad ldog nas mi 'jog par/ de blo yul du 'char ba'ang
dgag bya bcad pa la mi ltos par 'dod la/ snying po'i mdo bcu
sogs kyi tshig

ris la 'khrul nas/ 'gyur med yongs grub de yang sgrub pa rang
dbang ba/ ngo bo mi 'gyur ba'i rtag pa/ rkyen gang gis kyang mi
g.yo pa'i brtan pa/ rang tshugs thub pa'i ther zug pa/ gang gis
kyang mi shigs pa'i g.yung 

@096a @#/ /drung; cha shas thams cad dang bral ba'i cha med pa/
rgyu rkyen gyis 'du ma byas pa/ yon tan thams cad rang chas su
ldan pa/ kun rdzob dang 'khor ba'i chos kun gyis stong pa/ rigs
pas dpyad

bzod pa'i bden grub/ rang gi ngo bos mi stong pa'i gzhan stong/
zag med kyi kun gzhi la rnam shes dang yid shes gnyis yod pa'i
yid shes/ don dam bden pa dang yongs grub kyi ngo bo/ chos nyid
kyi mchog gsum/

rgyal ba lnga dang rig ma lnga'i bdag nyid/ brtan g.yo kun la
khyab pa/ dbyings rig dbyed med pa/ bde bar gshegs pa'i snying
po/ rang bzhin du gnas pa'i rigs/ dam pa rigs brgya sogs dang
don gcig pa/

gzhi 'bras dbyer med kyi rgyud du bzhugs pa/ chos sku'i gnas
skabs gsum du yod pa/ gzhi la rtag tu bzhugs kyang rnam shes la
gtan mi snang ba/ mtshan dpes bkra ba'i stong gzugs kyi sku yin
pa/ rnam kun

mchog ldan gyi stong nyid dang/ stong gzugs phyag rgya chen mo
dang/ sor sdud sogs kyis mngon sum du mthong ba'i du ba la sogs
pa'i mtshan ma dang/ mchog mi 'gyur gyi bde ba dang/ lhan cig
skyes pa'i sku dang/

dang po'i sangs rgyas dang/ 'od gsal gyi sems la sogs pa'i ming
gis bstan pa zhig tu 'dod pa nges don rgya mtsho dang bka' bsdu
bzhi ba sogs su bshad do/ /de ltar khas blangs nas med dgag gi
stong nyid

@096b stong nyid dngos min par chad stong du byas pas 'khor lo
bar bar chad stong de tsam zhig bstan pas sgra ji bzhin pa min
pa dang/ 'khor lo tha mas gzhan stong bden grub bstan pas de
nges don gyi mdor 'dod pa byung 'dug

go /jo nang pa'i 'dod pa 'di ni bu'i bde gshegs snying po gsal
zhing mdzes pa'i rgyan/ sgra tshad pa'i bde gshegs snying po'i
mdzes rgyan gyi rgyan/ brtson 'grus dpal gyi bde gshegs snying
po gsal bar byed pa'i

sgron me/ yar 'brog pa rin chen tog gi mnyam med dbang bo'i rdo
rje/ ye shes thog tog /rdo rje thog chen/ rdo rje tho ba ste rdo
rje thog pa zhir grags pa rnams dang/ gnas drug pa dge 'dun
dpal/ bde ba can pa rin chen

gzhon nu/ dka' bzhi ba rin chen rdo rje/ red mda' ba sogs kyis
rgyas par bkag cing/ rje yab sras rjes 'brang dang bcas pa'i
gsung du'ang res mang bkag pa ltar ro/ /de la jo nar ba'i 'dod
tshul de mi 'thad par

thal; yongs grub dgag bya'i bdag bkag tsam la 'jog dgos pa'i
phyir te/ de dgag bya'i bdag bkag tsam gyi med dgag yin pa'i
phyir/ der thal/ chos can 'dus byas la chos bdag gi spros pa
rnam par bcad

tsam gyi med dgag chos kyi bdag med kyi yongs grub tu 'jog dgos
pa dgongs 'grel na shin tu gsal ba'i phyir te/ dgongs 'grel gyi
blo gros shin tu rnam dag gi le'ur bden gnyis ngo bo tha dad du
'dod pa la thal ba

@097a @#/ /'phen skabs/ stong gzhi gzhan dbang dang chos nyid
yongs grub gnyis ngo bo tha dad yin na 'du byed kyi bdag med pa
tsam mam/ 'du byed kyi ngo bo nyid med pa tsam ni gzhan dbang gi
yongs grub tu mi 'gyur

par gsungs pa gzhung du drangs pa ltar dang/ 'phags zhus kyi
le'ur ngo bo nyid med pa gsum gyi dpe ston skabs/ nam mkha' ni
gzugs kyi ngo bo nyid med pa tsam gyis rab tu phye ba/ zhes sogs
kyis nam mkha' gzugs

med tsam ma ma thogs reg bkag tsam la 'jog pa bzhin du/ bdag med
de yang dgag bya'i bdag bkag tsam la 'jog pa shin tu gsal bar
gsungs pa'i phyir/ lung gnyis ka'i tsam sgra'i nus pa shin tu
gsal la/ lung phyi ma

gzhung du dpe 'chad tshe 'byung zhing/ yang dgongs 'grel/ zhes
pa'i yang sgra ni sher mdor chos rnams ngo bo nyid med par
gsungs pa'i dgongs pa jo nang bas bshad pa mi 'thad par ma zad
pa'o/ /skabs 'dir yongs grub ni

don dam pa'ang yin la dgag bya'i bdag gi ngo bo bkag tsam gyis
rab tu phye ba'ang yin pas don dam pa ngo bo nyid med pa zhes
bshad pa 'di ba'i lugs yin gyi/ de chos can gzhan dbang gi steng
gi dgag bya bkag tsam gyi don dam

yin par ma zad chos nyid rang gi ngo bo'ang don dam par grub pa
med pas don dam pa ngo bo nyid med par bzhed pa ngo bo nyid med
par smra ba ltar mi 'dod pa'i lugs so/ ! /spro na/ mdo'i/ ngo bo
nyid med pa nyid kyis rab tu phye ba

@097b zhes pa'i don la/ yig cha las/ med pa nyid ces pa'i don/
dgag bya de dag med pa nyid dam/ dgag bya de dag med pa tsam
zhes pa'i don yin pa'i phyir/ zhes dang/ skabs 'di'i med pa nyid
ces pa'i nyid sgra de tsam sgra'i

dgag tshig dang/ rab tu phye ba ni de tsam gyis rab tu bzhag pa'i
don yin pa'i phyir/ zhes gsungs mod/ ngo bo nyid med pa dang po
gnyis la'ang nyid sgra yod kyang dgag tshig tu mi 'gyur ba bzhin
'dir yang de nges bzung las

dgag tshig tu mi snang ba dang/ gzhung las/ ngo bo nyid med pas
rab tu phye ba ste de tsam gyis bzhag /ces pa bya rkang du
bklags na/ ngo bo nyid med pas rab tu phye ba ste ngo bo nyid
med pa de tsam gyis bzhag ces par 'gyur bas

don la chos bdag gi ngo bo nyid med pa de tsam gyis bzhag ces
par 'gyur ba'i phyir/ gung thang rin po ches jo nang bas yongs
grub dngos por 'dod pa'i shes byed du/ bde gshegs snying po'i
mdzes rgyan gyi rgyan/ sdom

gsum rab dbye/ rje btsun pa'i kar lan gsum drangs pa'i dang po
gnyis skabs kyi shes byed du mi 'gro zhing/ phyi ma'i don yang
rtag dngos su 'dod par song bas khas blangs nang 'gal du gyur/
ces 'grel nus so/ /

stong thun las/ stong gzhi bde gshegs snying po dngos med de
nyid gzhan dbang dngos po 'dus byas kyi tshogs kyis stong ba'i
gzhan stong/ zhes bde gshegs snying po dngos med du 'dod par
gsungs pa ni/ yang

@098a @#/ /snying du/ spyir bde gshegs snying po dngos med yin pa
la dgongs pa'am/ de dag gis dngos por khas blangs kyang rgyu
rkyen gyis 'dus ma byas par 'dod pas dngos po'i don med pa la
dgongs pa'i

phyir; zhes dgongs pa len par mdzad do/ /TI ka bshad de nyid
snang ba las/ 'di ni sangs rgyas kyi chos kun gyi gzhir gyur
pa'i kun gzhi ye shes 'dus ma byas te/ 'dus ma byas pa'i sems
dang rtag pa'i shes pa

mtshan nyid pa yin la/ dngos por ma grub pa'i shes pa yin zhing/
dngos po ma yin yang kha dog dang dbyibs dang ldan pa dang/
shes
pa yin yang du ba la sogs pa'i gzugs su grub pa ni kun rdzob
'dus byas la 'gal

yang don dam 'dus ma byas la mi 'gal bas kun rdzob 'gal 'du'i
skyon can dang don dam 'gal 'du'i skyon med ces bya'o/ /zhes
gsungs pa'ang ches gsal zhing/ jo nang pas yongs grub zag med ye
shes su khas

blangs na'ang dngos su dngos por khas len mi dgos so/ /'on kyang
de nyid las/ 'khor ba'i chos 'dus byas yin la/ zhes kyang 'byung
bas jo nang pa'i rang gzhung dang bstun nas brtag go /mchan du
skye ba ngo bo

nyid med pa sems tsam pas bdag skye med pa la sbyar bar gsungs
kyang/ yang snying du rgyu med las skye ba med pa la sbyar ba
ltar gnas la/ yang mchan du/ don dam pa ngo bo nyid med pa zhes
pa'i don dam de med rgyu'i

@098b dgag bya la sbyar mod/ yang snying du/ ngo bo nyid med pa
gsum pa'i skabs su don dam pa'ang yin la/ dgag bya'i bdag gi ngo
bo nyid bkag tsam gyis rab tu phye ba yin pas don dam pa ngo bo
nyid med pa zhes bshad pa

sems tsam pa'i lugs dang/ zhes gsungs pa ltar ro/ /gsum pa de
dag gi dpe bstan pa la gnyis/ dpe dngos dang/ ngo bo nyid med
par gsungs pa'i sgras zin la gnod byed bstan pa'o/ /dang po la
gnyis/ mdo

dgod pa dang/ mdo don ji ltar bkral ba'o/ /dang po ni/ ngo bo
nyid med pa/ zhes sogs byung ste don 'chad par 'gyur ro/ /gnyis
pa ni/ kun btags nam mkha'i me tog /ces sogs byung/ de la kun
btags

mtshan nyid ngo bo nyid med pa'i dpe la nam mkha'i me tog bzhag
ste kun btags rtog btags tsam du grub pa'i dper mdzad do/ /de
yang dpe de rang snang ba'i shes ngor rab rib dbang gis nam
mkhar me tog gi mtshan ma lta bu

snang yang don la nam mkhar me tog med pa ni/ kun btags de rtog
btags tsam las rang mtshan gyis ma grub pa'i dper bya ste rgya
nag 'grel chen gyi bshad pa'o/ /dpe de ni kun btags shes bya la
mi srid pa'i dpe ma yin te/

de mi srid na btags yong shes bya la mi srid dgos shing/ de lta
na gzhi grub na rdzas yod du thal ba'i phyir ro/ /gzhan dbang
skye ba ngo bo nyid med pa'i dpe la sgyu ma bzhag ste gzhan
dbang gi gtso bo yang dag ma yin pa'i kun rtog

@099a @#/ /la 'khrul ba'i bag chags kyi dbang gis gzung 'dzin
gnyis su snang ba'i dper mdzad do/ /de yang yang dag ma yin pa'i
kun rtog dang sgyu ma'i rde'u shing gnyis dang/ de 'dra'i kun
rtog gnyis snang 'khrul

ba'i bag chags kyis bslad pa dang rde'u shing sgyu ma'i sngags
rdzas kyis bslad pa gnyis dang/ kun rtog de bag chags des bslad
pas gzung 'dzin rgyang chad du snang ba dang rde'u shing sgyu
ma'i sngags rdzas kyis bslad pas ltad

mo ba la rta glang sogs su snang ba gnyis rnams dpe don sbyor
dgos shing/ skye ba ngo bo nyid med par ma zad don dam pa ngo bo
nyid med par bzhag pa gnyis po de las kyang phyogs gcig gzhan
dbang yang dpe de ltar sbyar bar

bya'o; /gzhung las/ 'chad par 'gyur/ zhes pa ni 'og tu mdo sde
rgyan gyis mtha' gnyis spong tshul bshad pa'i skabs so/ /yongs
grub don dam pa ngo bo nyid med pa'i dpel nam mkha' bzhag ste
yongs grub de kun

la khyab cing rang gi dgag bya de bkag tsam la btags pa'i dper
mdzad do/ /de yang nam mkha' ni gzugs kyi ngo bo med pa tsam ste
thogs reg bkag tsam gyis rab tu phye ba ste bzhag pa dang/ thams
cad du song ba ste

rang nyid gzugs can gyi chos rnams kyi steng du yod pa'i tshul
gyis khyab pa gnyis ldan yin pa ni/ gnyis po de las phyogs gcig
yongs grub de dgag bya chos bdag bcad tsam gyis rab tu phye ba
dang/ chos can kun la

@099b gnas lugs kyi tshul du khyab pa'i dper mdzad pa ni dgongs
'grel gyi dkyus na gsal lo/ /sems tsam dang thal 'gyur ba ltar
na rtog pas btags tsam yin na shes bya la mi srid mi dgos kyang/
rang rgyud pa ltar na kun

btags kyang rang mtshan gyis grub pas rtog pas btags tsam yin na
shes bya la mi srid dgos pas gang gi dper byed de gsum mi mthun
no/ /gzhan dbang sgyu ma dang 'dra bar bstan pa ni 'dir bden par
med pa'i dper

gsungs pa min pas sgyu ma sogs dper byed lugs mi 'dra tshul 'og
tu gsal lo/ /gnyis pa ngo bo nyid med par gsungs pa'i sgras zin
la gnod byed bstan pa ni/ ngo bo nyid med par/ zhes sogs byung/
de la/ ye med

du 'gyur ba'i phyir ro/ /zhes pa'i bar ngo bo nyid med par
gsungs pa'i sgras zin la gnod byed dang/ de ltar yang/ sogs kyis
de nyid mdo dang sbyar ba dang/ don la sgra ji bzhin du/ zhes pa
man gyis mdo de'i don bkral ba

ste; sher mdor ngo bo nyid med par gsungs pa'i ngo bo nyid med
tshul ni ngo bo nyid med pa gsum ga la dgongs nas chos kun ngo bo
nyid med par gsungs pa de ltar bshad dgos kyi de ltar min par de
gsum ga rang mtshan gyis ma

grub pa la ngo bo nyid med par bshad na mi rung ste/ de ltar
bshad na ngo bo nyid med par gsungs pa'i sher mdo la sgra ji
bzhin par zhen pa yin zhing/ de la de ltar zhen na chad lta thob
pa ste skye bar 'gyur ba'i phyir te/ de ltar

@100a @#/ /zhen na mtshan nyid med par lta ba can du 'gyur ba'i
phyir/ der thal/ de ltar zhen na ngo bo nyid gsum ga la skur
'debs su 'gyur ba'i phyir te/ de ltar zhen na gzhan dbang la de
ltar 'gyur ba gang/

yongs grub la'ang 'gyur/ de gnyis rang mtshan gyis ma grub par
bltas pas kun btags la'ang 'gyur ba'i phyir/ dang po ma grub na/
gzhan dbang chos can/ khyod rang mtshan gyis ma grub par zhen
na

skur  'debs su 'gyur bar thal/ khyod rang mtshan gyis med na
khyod rgyu las skye ba dang/ dang gis 'gag par 'gyur ba'i rdzas
su med dgos la/ de ltar med na khyod gtan med du 'gyur ba'i chos
yin pa'i phyir/ gnyis

pa ma grub na/ skabs 'dir yongs grub chos can/ khyod rang mtshan
gyis ma grub par zhen na skur 'debs su 'gyur bar thal/ khyod
rang mtshan gyis med na khyod dngos po'i gnas lugs su mi 'gyur
ba'i lugs yin

zhing ra khyod dngos po'i gnas lugs su med na khyod gtan med yin
dgos pa'i chos yin pa'i phyir/ gsum pa ma grub na/ kun btags
chos can/ ngo bo nyid gzhan gnyis rang mtshan gyis ma grub par
bltas pas khyod

la skur ba btab par 'gyur bar thal/ de gnyis rang mtshan gyis med
na de gnyis med dgos la/ gzhan dbang med na khyod 'dogs pa'i
gzhi dang/ khyod 'dogs pa po'i sgra rtog kyang med par 'gyur
ba'i phyir/

@100b dgongs 'grel gyi lung don ni/ ngas dgongs te bshad pa ste
sgra ji bzhin pa min par bshad pa dag gi bstan don zab mo ma nor
ba ni gdul bya phal ba dag gis dgongs pa bzhin du mi shes te/
des de mi shes pa'i rgyu mtshan

la rgya nag 'grel chen las/ drang po'i rang bzhin can ma yin pa
dang/ rang gi lta ba la gnas pa nyid kyi phyir/ zhes gzu bor mi
gnas pa dang/ rang lta la zhen pa gnyis bkod do/ /sgra ji bzhin
pa min pa'i chos de la mos

kyang don te chos rnams la rang mtshan gyis ma grub pa la sogs pa
sgra ji bzhin par zhen zhes pa'i sgra ni sher mdor chos rnams
don dam par rang bzhin gyis stong pa sogs su gsungs pa rnams yin
la/ sher mdor de ltar

bstan pa de dag la sgras zin ltar 'dzin pa ni sgra ji bzhin par
zhen par 'dod pa'i lugs so/ /gdul bya de dag gzhi ste rgyu de'i
dbang gis chos kun med par lta ba dang/ mtshan nyid med par lta
ba gnyis 'thob par bstan

pas sgra ji bzhin pa min pa'i mdo sgras zin ltar bzung ba'i nyes
pa gsungs shing/ lta ba de gnyis skyes nas kyang mtshan nyid gsum
la skur ba 'debs par gsungs pas de gnyis kyi gyed las bstan cing
de la 'grel chen du

nyes dmigs gnyis kyi mtshan nyid bstan pa zhes zer ro/ /'di la
lta ba gnyis thob nas chos rnams la mtshan nyid thams cad kyi sgo
nas skur ba 'debs zhes mdor bstan nas/ chos rnams kyi zhes sogs
kyis rgyas par 

@101a @#/ /bshad de mtshan nyid gsum la skur ba 'debs tshul sngar
bshad pa ltar ro/ /mtshan nyid gzhan gnyis la skur ba btab pas
kun btags la skur ba btab par song zhing/ mtshan nyid gzhan gnyis
la skur

ba 'debs pa'am mtshan nyid med par mthong ba ni de gnyis rang
mtshan gyis ma grub par lta ba ste/ de ci'i phyir zhe na/ man
gyis ngo bo nyid gsum ga la skur 'debs su 'gro ba'i rgyu mtshan
ston la/ mtshan nyid gzhan gnyis la de'i

rgyu mtshan dngos sum gsungs bar kun btags la gsungs pa ni de la
dgos pa che ba'i gnad gyis yin no/ /de yang gzhan dbang yongs
grub gnyis tshad grub tu yod na ni kun btags kyang yod par shes
par 'gyur na/ ngo

po nyid med par smra ba gzhan dbang dang yongs 'grub la rang
mtshan gyis grub pa med par lta ba de dag gis kun btags la yang
skur ba btab ces lan gsungs nas/ de lta bas na man gyis don
bsdus pa'o/ /spro na/ kha

cig /kun btags bden par med na de gtan med du 'gyur bar thal/
mtshan nyid gzhan gnyis la de'i phyir zer na ma khyab ste/ thag
khra skrul du grub pa med kyang thag khra sprul snang med mi
dgos pa dang/ thag khra med na thag

khra sprul snang yang gtan med dgos pa bzhin yin pa'i phyir te/
thag khra sprul snang rtog btags tsam gyis 'jog nus pa ltar kun
btags rtog btags tsam gyis 'jog nus la/ thag khra thag khrar
grub pa blo la snang tsam

@101b gyis bzhag pa min dgos pa ltar gzhan dbang nges par rang
mtshan gyis grub pa zhig dgos pa'i phyir te/ thag khra sprul du
rlom pa dang 'dra bar gzhan dbang blos rlom pa tsam du song na
thag pa'i sprul gyis gzhan la 'tshe mi nus

pa ltar gzhan dbang gis kyang 'gras bu skyed pa sogs mi nus par
'gyur ba'i phyir dang/ skye ba med na skyes ma thar 'gag pa'ang
med dgos shing/ de gnyig med na las 'bras dang thar pa dang
thams cad mkhyen pa la skur 'debs

su 'gyur pa'i phyir ro/ /de de ltar yin yang kun btags dang
yongs grub gnyis bden par yod med gang gis 'byed snyam na/ thag
khra'i sprul snang 'khrul ba tsam gyis bzhag pa yin yang thag
khra de sprul gyis stong pa rlom tsam gyis

mi 'grub par don steng nas grub pa zhig dgos pa ni dngos po'i
gshis su grub pa'i rtags yin pa ltar yongs grub kyang rlom tsam
gyis min par ming brda lam ltos par don steng nas grub pa zhig
dgos pa de ngos po'i gshis lugs yin

pa'i rgyu mtshan gyis yin no/ /kho na re/ de ltar na thag khra
sprul stong dang shes bya dang nam mkha' sogs don dam du 'gyur
ro zhe na/ rlom tsam gyis 'jog mi nus kyang rlom pas bzhag tsam
yin pa mi 'gal mod/ de chos nyid la mi

mtshungs te/ chos nyid 'jog byed gtso bo 'phags pa'i mnyam gzhag
ye shes yin zhing/ thag khra sprul stong sogs 'jog byed tshur
mthong gi gnyis snang 'khrul ba'i rtog pa yin pa ngo bo nyid med
par smra bas kyang 'dod pa'i phyir/

@102a @#/ /'di chos nyid la mi mtshungs pa'i rgyu mtshan du 'gro
tshul cung zad dpyad dka' zhing/ chos nyid de rnam dag lam gyi
dmigs pa mthar thug yin la/ thag khra sprul stong de min pa'i
gnad cig gi steng nas yong

dgos sam brtag go /'di'i med par lta ba dang/ mtshan nyid med par
lta ba gnyis kyi khyad par la/ rgya nag 'grel chen du/ rim bzhin
gzhan dbang yongs grub gnyis med par skur ba dang/ kun btags
med
par

skur ba la bshad pa gcig dang/ chos kyi me long gi mdor bshad
pa'i lta ba nyer brgyad kyi dang po mtshan mar lta ba ni 'di'i
med lta dang/ de'i 'og ma gdags pa 'jig pa'i dang/ kun tu rtog
pa 'jig pa'i dang/ de kho na

nyid 'jig pa'i lta ba gsum mtshan nyid med par lta ba la gsungs
pa'i tshul gcig bkod nas/ de'i don 'tshad par kun btus su/ chos
kun rang mtshan gyis med par bltas te ngo bo nyid gsum la skur ba
gdab pa ni gdags

pa 'jig pa'i lta ba sogs su gsungs pa bkod do/ /bshad tshul de
gnyis kyi phyi ma ni kun btus dang mthun pas rang lugs su bya
la/ snga ma ni dgongs 'grel las/ 'di ltar gzhan gyi dbang gi
mtshan nyid dang/ yongs su grub

pa'i mtshan nyid yod na ni/ zhes sogs dang 'grigs pa ltar snang
bar yang snying sogs las bshad pa mtshan nyid gzhan skor gcig
dang kun btags gcig tu byas te so sor bcad par mtshungs pa tsam
las 'grig rgyu gzhan yod

@102b med dpyad dgos te/ gzhan du na rim par kun btags med par
lta ba dang/ gzhan gnyis mtshan nyid med par lta ba la sbyar na/
dgongs 'grel las/ chos rnams kyi kun btags pa'i mtshan nyid la
yang skur ba 'debs/ chos

rnams kyi gzhan gyi dbang gi mtshan nyid dang yongs su grub pa'i
mtshan nyid la yang skur ba 'debs so/ /zhes pa dang 'grig par
'gyur ba'i phyir ro/ /chos thams cad la mtshan nyid thams cad
kyis skur ba 'debs te/ zhes pa

dang/ de man gyi gzhung gis rim par lta ba gnyis kyis bsgrubs
pa'i nyes dmigs dang/ mtshan nyid gsum la skur ba 'debs pa'i nyes
dmigs phye ste bstan par bshad pa dang/ gzhung de gnyis kyis rim
par med lta dang/

mtshan nyid med par lta ba'i don phye ste bshad par 'dod pa'i
lugs gnyis rgya nag 'grel chen du bkod kyang/ skur ba 'debs te/
zhes pa'i lhag bcas kyi tshig nus la dpags na snga ma ltar gnas
par mngon no/ /kha cig

lugs 'dir 'khor lo bar bas kun btags rang mtshan gyis med par
gsungs pa ltar 'dzin rung bar thal/ de rang mtshan gyis ma thub
pa'i phyir na ma khyab ste/ sems tsam pa'i lugs la thal 'gyur
bas las 'bras med

par khas len zer mi rung bas 'khor lo bar bas de la de ltar ma
bstan pa dang/ mdo de'i sgras zin la gzugs rang mtshan gyis med
par gsungs pa de gtan med du gsungs par song yang de ltar du
gsungs pa min pa dang/

@103a @#/ /mdo de'i sgras zin ltar las 'bras rang mtshan gyis med
par 'dzin pa de skur 'debs kyi lta bar 'dod pas las 'bras la
skur ba btab par song yang las 'bras med par ma bzung zhes khas
len dgos pa'i

phyir; kho na re/ sher mdos kun btags rang mtshan gyis med par ma
bstan par thal/ de'i sgras zin ltar gyi kun btags rang mtshan
gyis med par 'dzin pa de kun btags rang mtshan gyis med par 'dzin
pa ma yin pa'i phyir nam

khyab; rtags grub ste/ de ltar 'dzin pa de gtan med du 'dzin pa
yin pa'i phyir/ des na kun btags sher mdo'i sgras zin ltar gyi
rang mtshan gyis med pa chod bsal dang/ kun btags dang mtshan
gyis
med pa tshad mas grub pas

sher mdo'i sgras zin ltar gyi de de'i bstan don gtso bo ma yin
no/ /gnyis pa gang la dgongs nas ma skyes pa sogs su gsungs pa
bshad pa la gsum/ mtshams sbyar ba dang/ dgongs 'grel las gsungs
tshul dang/ de dang

kun btus las gsungs tshul gnad mi 'gal bar bstan pa'o/ /dang po
ni/ ngo bo nyid med pa'i tshul/ zhes sogs dris lan gnyis kyis
mtshams sbyar tshul go sla'o/ /gnyis pa la gnyis/ mtshan nyid ngo
bo nyid med pa

la dgongs tshul dang/ don dam pa ngo bo nyid med pa la dgongs
tshul lo/ /dang po la gnyis/ bshad bya'i mdo dgod pa dang/ mdo
don ji ltar bkral ba'o/ /dang po ni/ de yang dang po ni/ zhes
sogs byung ste don 'chang

@103b par 'gyur ro/ /gnyis pa ni/ kun btags la/ zhes sogs byung/
de la rgya nag 'grel chen las/ mdor bstan pa dang/ brtag pa
dang/ rnam par bshad pa dang/ mjug bsdu ba bzhir gsungs pa ltar/
chos thams cad

ma skyes pa sogs su gsungs pa ni mtshan nyid ngo bo nyid med pa
la dgongs nas gsungs zhes mdor bstan cing/ ci'i phyir zhe na/
zhes brtags te/ lan du kun btags la skye 'gag med pa'i rtags su
rang mtshon gyis med pa bkod

pas chos de la skye 'gag yod na de rang mtshan gyis grub dgos pa
dang/ gzhan dbang la rang mtshan gyis grub pa'i skye 'gag yod par
yang bstan la/ de dag gi skabs su/ kun btags chos can/ yongs su
mya ngan las bzla bar bya ba

cung zad kyang med de/ 'di'i rang bzhin gyis yongs su mya ngan
las 'das pa'i phyir/ de chos can/ der thal/ gzod ma ste dang po
nas zhi ba'i phyir/ de chos can/ der thal/ kun nas nyon mongs
pa'i chos su mi rung

ba'i phyir/ de chos can/ der thal/ 'dus ma byas yin pa'i phyir/
de chos can/ der thal/ skye 'gag dang bral ba'i phyir/ de chos
can/ der thal/ rang mtshan gyis med pa'i phyir/ zhes pa ste/ kun
nas nyon

mongs kyi chos su mi rung ba'i rgyu mtshan gyis gzod ma nas zhi
ba dang rang bzhin gyis yongs su mya ngan las 'das pa gnyis
'grub pas gzhung du de gnyis kyi rgyu mtshan la kun nas nyon
mongs kyi chos su mi rung ba bkod do/

@104a @#/ /mjug bsdu bar/ 'dir mtshan nyid ngo bo nyid med pa la
dgongs nas/ nas/ yongs su mya ngan las 'das pa'o zhes bstan to/
/zhes mdor byung ba mdor bstan dang tshig 'dra bas gzhung du ma

drangs so/ /gnyis pa don dam pa ngo bo nyid med pa la dgongs
tshul la gnyis/ bshad bya'i mdo dgod pa dang/ mdo don ji ltar
bkral ba'o/ /dang po ni/ gnyis pa yang/ zhes sogs byung ste don
'chad par 'gyur ro/ /

gnyis pa ni/ rtag pa rtag pa'i dus ni/ zhes sogs byung/ de la
yang sngar ltar don tshan bzhi las/ chos thams cad ma skyes pa
sogs su gsungs pa ni don dam pa ngo bo nyid med pa la dgongs nas
gsungs/ zhes mdor bstan

nas; ci'i phyir zhe na/ zhes brtags te/ lan du/ 'di ltar/ nas/
nyon mongs pa thams cad dang bral ba yin te/ zhes pa'i bar mdor
bstan dang/ de man rgyas bshad du rgya nag 'grel chen las sbyar
ba ltar la/ de dag gi skabs

su; chos kyi bdag med chos can/ gzod ma nas zhi ba dang rang
bzhin gyis yongs su mya ngan las 'das pa yin te/ nyon mongs pa
thams cad dang bral ba'i phyir te/ ma skyes pa dang ma 'gags pa
yin pa'i phyir/ de chos can/ der thal

'dus ma byas yin pa'i phyir te/ snga phyi'i dus na chos nyid kyi
rnam par gnas pa'i phyir/ de chos can/ der thal/ chos bdag med
pas rab tu phye ba yin pa'i phyir/ zhes gsungs te/ mjug bsdu
bar/ de'i phyir don dam pa ngo bo nyid

@104b med pa nyid/ nas/ yongs su mya ngan las 'das pa'o zhes
bstan to/ /zhes pa'i bar te 'dir ma drangs so/ /spyir sa'i dngos
gzhi las/ rtag pa'i dus dang ther zug gi dus su rgyu la 'bras bu
yod pa kho nar mi rung ste/ zhes rtag

pa'i dus dang ther zug gi dus gnyis ka snga ma'i dus kyi rnam
grangs su gsungs pa/ dper na sngon thog ma med pa'i dus zhes pa
bzhin yin pas rigs shing/ rnam bshad rigs par/ gzugs rtag pa
dang/ brtan pa dang/ ther

zug ba zhes bya ba ni mdo sde'i dum bu'o/ /de la rtag pa ni mi
rtag pa nyid med pa'i phyir ro/ /brtan pa ni skad cig mar 'jig
pa med pa'i phyir te dus gzhan du gnas pa nyid kyis so/ /ther
zug ni rgyud 'jig pa med pa'i phyir ro/ /zhes

rtag pa dang brtan pa dang ther zug gsum ga phyi ma'i dus la
sbyar te/ dngos po rnams slar yang 'jig pa dang/ de'ang skad cig
gis 'jig pa dang/ der ma zad rgyun dang bcas pa 'jig pa gsum gyi
ldog phyogs la bshad pa dang/ slob

dpon yang dag bden pas ther zug mdun rol dang/ rtag pa bar dang
tha ma'i gnas skabs la sbyar ba lta bu'ang yod pas spyir de la
bshad tshul gcig tu nges bzung byed mi dgos kyang/ dgongs 'grel
rab 'byor le'u'i rgya nag

'grel chen las/ sngar yang gcig pa nyid ma yin pas rtag pa rtag
pa'i dus zhes bya'o/ /phyis kyang gcig pa nyid ma yin pas ther
zug ther zug gi dus zhes bya ste/ zhes dus de gnyis snga ma snga
ma'i dang phyi ma phyi ma'i don du gsungs so//

@105a @#/ /gsum pa de dang kun btus las gsungs tshul gnad mi 'gal
bar bstan pa ni/ 'o na 'dir/ zhes sogs byung/ de la/ ci yin zhe
na/ zhes pa'i bar gyis rtsod pa dang/ de man gyis de'i lan bstan
pa ste/ de la

yang/ dbang du byas par bshad do/ /zhes pa yan gyis 'grel chen
gyi bshad tshul dang/ de man gyis rang lugs kyi rtsod spong mdzad
pa rnams rim par bshad na/ 'on dgongs 'grel du ngo bo nyid ma
mchis pa'i dgongs gzhi ngo

bo nyid med pa gsum ga la mdzad nas/ ma skyes pa sogs bzhi'i
dgongs gzhi skye ba ngo bo nyid med pa la mi mdzad pa dang/ kun
btus su mtshan nyid gsum ga'i dbang du byas nas ma skyes pa sogs
bzhi'i dgongs gzhi bshad pa'i

don ci yin zhe na/ 'grel chen las/ mdo dag las ni ma skyes pa
zhes bya ba la sogs pa gsungs na/ 'dir ci'i phyir ngo bo nyid
med pa dang po dang tha ma kho na las brtsams she na/ smras pa/
nas/ bstan bcos shin tu rgyas

pa brgyab la sogs pa las/ kun btags pa'i ngo bo nyid la brten
nas chos thams cad ngo bo nyid med pa dang skye ba med pa dang
'gag pa med pa zhes bya ba la sogs par bstan pa ni rten cing
'brel bar 'byung ba'i don dam pa ma

yin par rab tu bstan pa yin te/ de'i phyir mdo 'di yang spyir
ngo bo nyid med pa gsum las dgongs nas ni chos thams cad ngo bo
nyid med pa zhes bstan la/ ngo bo nyid med pa dang po dang tha
ma las dgongs nas skye ba med pa

@105b la sogs par bstan pa yin no/ /gzhan gyi dbang gi bdag nyid
ni gzhan la brten nas skye yang bdag nyid kyis skye ba dang/
rgyu med pa la skye ba'i don med pas de'i phyir bstan bcos chos
mngon pa kun las btus pa la sogs

pa las ngo bo nyid rnam pa gsum las brtsams nas chos thams cad
ngo bo nyid med pa dang/ skye ba med pa dang/ 'gag pa med pa la
sogs pa zhes bstan pa yin te/ zhes bshad pa'i rnam grangs mang
du bkod de/ khong rang

gis dgongs 'grel las ma skyes pa sogs kyi dgongs gzhir gzhan
dbang ma gsungs pa ni rgyu rkyen la brten nas byung ba'i don med
pa ma yin pa ste gzhan dbang rgyu rkyen las skyes par bstan pa'i
phyir yin pa dang/ kun btus

las bdag nyid kyis skye ba'am rgyu med las skye ba med pa'i
dbang du byas nas gzhan dbang yang ma skyes pa sogs kyi dgongs
gzhir gsungs par bshad do/ /rang lugs ni/ gzhan dbang la rang
mtshan gyis skye 'gag

yod pas skye 'gag med par gsungs pa'i dgongs gzhir ma byas
shing/ gzhan dbang phal cher kun nyon phyogs kyis bsdus pas/
gzod ma nas zhi ba dang/ rang bzhin gyis mya ngan las 'das pa
zhes gsungs pa'i

dgongs gzhir yang ma mdzad do/ /kun btus su/ ngo bo nyid gsum
gyi rang rang gi skabs kyi ngo bo nyid med rgyu'i mtshan nyid ngo
bo nyid dang/ skye ba ngo bo nyid dang/ don dam pa ngo bo nyid
kyi dbang du mdzad nas skabs kyi ngo bo 

@106a @#/ /nyid ji ltar med pa de ltar ma skyes pa sogs gsungs
pas gzhan dbang yang ma skyes pa sogs kyi dgongs gzhir mdzad
do/
/de ltar mdo dang bstan bcos de gnyis dgos pa mi 'dra ba'i dbang
gis

gsungs tshul mi 'dra ba byung ba las/ don gyi gnad la 'gal ba med
do/ /de yang rgya nag 'grel chen las/ gsung rab kha cig las ni
ngo bo nyid med pa rnam pa gsum la brten nas ni chos thams cad
ngo bo nyid med par

ston la/ dang po dang tha ma gnyis la brten nas ni skye ba med
pa la sogs par ston pa yang yod/ ces dang/ gsung rab kha cig las
ni ngo bo nyid med pa rnam pa gsum las brtsams nas chos thams
cad ngo bo nyid med pa

dang skye ba med pa la sogs par ston pa yang yod/ ces gsungs pa
ltar mdo mi 'dra ba gnyis yod pa'i dbang gis yin no/ /gzhung du
drangs pa'i kun btus kyi don ni/ kun btags pa'i ngo bo nyid la/
sogs kyis

mtshan nyid gsum la rang rang gi ngo bo nyid med tshul gsungs nas/
ma skyes pa/ sogs kyis dgongs pa dri ba dang/ lan du kun btags
chos can/ khyod lam skyes ma 'gags zhes bya ste/ khyod la rang
gi mtshan nyid kyis grub

pa'i skye 'gag med pa'i phyir/ zhes pa ji ltar ngo bo nyid med
pa/ sogs kyis bstan cing/ de chos can/ khyod la gzod ma nas zhi
ba dang rang bzhin gyis mya ngan las 'das pa zhes bya ste/ khyod
'dus ma byas kyi chos yin pas kun nyon

@106b gyi chos su mi rung ba'i phyir/ zhes pa ji ltar ma skyes
pa/ sogs kyis bstan to/ /de bzhin du gzhan dbang chos can/ khyod
la ma skyes ma 'gags zhes bya ste/ khyod rkyen la ltos med du ma
skyes shing ma 'gags pa'i phyir/ de chos

can/ khyod la gzod ma nas zhi ba dang rang bzhin gyis mya ngan
las 'das pa zhes bya ste/ khyod rkyen lam ltos par kun nyon gyi
chos su med pa'i phyir/ yongs grub chos can/ khyod la ma skyes
ma 'gags zhes bya ste/ khyod bdag

gnyis gang gi ngo bor yang ma skyes shing ma 'gags pa'i de bzhin
nyid yin pa'i phyir/ de chos can/ khyod la gzod ma nas zhi ba
dang rang bzhin gyis mya ngan las 'das pa zhes bya ste/ khyod
bdag gnyis gang rung du grub pa'i sgo nas

kun nyon las rang bzhin gyis 'das pa yin pa'i phyir/ zhes pa'o/
! /spro na/ yang snying du/ skye sogs rang bzhin med ces pa de
rang gi ngo bos grub pa'i rang bzhin med pa min gyi/ dgag bya'i
rang bzhin dang gnas lugs la

rang bzhin du byas pa'i rang bzhin de gnyis kyi dbang du byas
par gsungs pa gzhung don la zhugs tshabs che tshul dang/ gzhung
du
kun btags la skye 'gag med pa dgongs gzhir gsungs pa'i sgras zin
snon phri med pa'i bshad tshul

yin min brtag go /gzhung las/ gzhan dbang la rang gi mtshan nyid
kyis skye ba dang 'gag pa yod pas skye 'gag med par gsungs pa
gzhan dbang la dgongs pa min la/ zhes pa'i don/ yig char/ dgongs
'grel gyis

@107a @#/ /gzhan dbang ma skyes pa sogs kyi dgongs gzhir gsungs
kyang dngos su ma gsungs pa'i don du bkral nas/ dgongs 'grel
las/ don dam yang dag 'phags/ 'di la de bzhin gshegs pa ni ngo
bo nyid med

pa rnam pa gsum po de dag nyid las dgongs nas drang ba'i don gyi
mdo brjod pa'i rnam pas 'di lta ste/ chos thams cad ngo bo nyid
med pa/ chos thams cad ma skyes pa/ ma 'gags pa/ gzod ma nas zhi
ba/ rang bzhin gyis yongs su

mya ngan las 'das pa'o zhes chos ston to/ /zhes gsungs pas skye
ba ngo bo nyid med pa ma skyes pa sogs kyi dgongs gzhir dngos su
gsungs par bzhed pa la/ kha cig /dgongs 'grel gyis gzhan dbang
ma skyes pa sogs kyi dgongs

gzhir dngos su gsungs par thal/ des ngo bo nyid med pa gsum po
de'i dgongs gzhir dngos su gsungs pa'i phyir/ rtags khas/ ma
khyab na/ 'o na kun btags dang yongs grub gnyis chos can/ khyod
dgongs 'grel gyis

ma skyes pa sogs kyi dgongs gzhir dngos su ma gsungs par thal/
ngo bo nyid med pa gsum po de'i dgongs gzhir gsungs pas mtshan
nyid gsum de'i dgongs gzhir gsungs pa'i go mi chod cing/ dgongs
'grel las

khyod rang ldog nas de ltar gsungs pa med pa'i phyir/ 'khor
gsum/ 'dod na/ gzhan dbang dmigs kyis bkar ba mi 'thad par thal
lo zer na brtag pa'i gnas 'gangs che'o/ /de la mtshan du/ dgongs
'grel

@107b las sher mdor ngo bo nyid ma mchis pa sogs lnga gsungs pa
ngo bo nyid med pa gsum ga la dgongs par dngos su gsungs kyang/
skabs 'dir dang tha gnyis smras pa mtshan gzhi'i dbang du byas
par bkral ba dang/ yang snying du/

ma skyes pa sogs su gsungs pa'i dgongs gzhi dris pa'i lan du
skye ba ngo bo nyid med pa la dgongs tshul ma gsungs pa dang/
gzhung las/ skye ba sogs med pa'i gzhi ngo bo nyid med pa bar ba
la mi mdzad/ ces pa skye ba ngo bo nyid

med pa'i rang ldog min par de'i gzhi ldog gzhan dbang de ltar ma
gsungs pa'i don dang/ dgongs 'grel las 'di'i dris lan gyi skabs
skye ba ngo bo nyid med pa ma skyes pa sogs kyi dgongs gzhir
dngos su ma gsungs kyang/

dgongs 'grel las 'og tu mdo'i don gdul byas go tshul mi 'dra bar
bshad pa'i skabs su gsungs pa drangs ma thag pa ltar yin par
gsungs nas yig cha'i rting gnon par mdzad pa la/ gzhan dag /ma
skyes pa sogs su

gsungs pa'i dgongs gzhi dris pa'i lan du skye ba ngo bo nyid med
pa la dgongs tshul ma gsungs pa mi 'thad par thal/ ngo bo nyid
med pa bar pa la mi mdzad ces pa skye ba ngo bo nyid med pa'i
rang ldog min par de'i gzhi ldog gzhan

dbang la byed dgos pa'i rgyu mtshan 'thad pa'i phyir/ khyab ste/
mi mdzad rgyu skabs 'di nyid la byed dgos pa'i phyir te/ gzhan
du na kun btus dang mi mthun pa'i dogs pa 'byung don med pa'i
phyir/ dgongs 'grel rang du

@108a @#/ /skye ba ngo bo nyid med pa ma skyes pa sogs kyi dgongs
gzhir gsungs pa yod par bshad pa'ang mi 'thad de/ de 'dra yod na
dris lan gyi skabs 'di dang kun btus gnyis 'gal ba'i rtsod spong
mdzad la 'di

dang de gnyis 'gal ba'i rtsod spong mi mdzad don med pa'i phyir
ro/ /zhes zer na brtag dgos so/ /dgongs 'grel gyi/ ngo bo nyid
med pa gsum po de dag nyid las dgongs nas/ zhes sogs kyi don ni/
rgya nag 'grel chen

las/ 'di ltar dgongs pa'i dbang gis drang ba'i don gyi mdo las
ngo bo nyid med pa rnam pa gsum gyi gsang ba'i mtshan nyid las
brtsams nas chos thams cad ngo bo nyid med pa la sogs pa nyid du
gsungs so/ /zhes bstan par

'gyur ro/ /zhes gsungs pa ltar khyad ma phye na ngo bo nyid ma
mchis pa sogs lnga gsungs pa'i dgongs gzhir ngo bo nyid med pa
gsum ga yod na yang/ de nyid las/ spyir ngo bo nyid med pa gsum
las dgongs nas ni chos thams

cad ngo bo nyid med pa zhes bstan la/ ngo bo nyid med pa dang po
dang tha ma la dgongs nas skye ba ngo bo nyid med pa la sogs par
bstan pa yin no/ /zhes gsungs pa ltar khyad phye na ngo bo nyid
ma mchis par gsungs pa'i dgongs

gzhi la ngo bo nyid med pa gsum ga yod yang/ ma skyes pa sogs su
gsungs pa'i dgongs gzhi la ngo bo nyid med pa dang tha gnyis las
mi yong ba'i don no/ /des na mun sel gyi bzhed pa ltar dgongs
'grel las ma

@108b skyes pa sogs kyi dgongs gzhi la gzhan dbang dngos su ma
gsungs par ma zad gtan nas ma gsungs par khas blangs na gzhung
don phyin ci ma log par snang ngo/ /gzhung gi /kun las btus las
kyang/ zhes pa'i kyang

sgra'i nus pa ji ltar 'grel brtag la/ bsdu ba las/ bcom ldan
'das kyis ci la dgongs nas chos thams cad ma skyes pa dang/ ma
'gags pa dang/ gzod ma nas zhi ba dang/ rang bzhin gyis yongs su
mya ngan las 'das

pa zhes gsungs she na/ smras pa/ mtshan nyid ngo bo nyid med pa
kho na las dgongs te gsungs so/ /zhes pa dgongs 'grel dang mi
mthun pa'i rtsod spong gzhung du 'byung rgyu la ma byung ba'i
rgyu mtshan dang/ bsdu ba'i don zab gsal

sgron mer/ ngo bo nyid gzhan gnyis la rang gi mtshan nyid kyis
grub pa'i ngo bo yod pas de'i dgongs gzhir ma gsungs pa tsam du
bshad pa dang/ dgongs 'grel kun btus bsdu ba gsum bsdur na spyir
sher mdos ma skyes pa sogs

su gsungs pa'i dgongs gzhir ngo bo nyid med pa dang tha gnyis
tsam dang/ gsum ga dang/ kun btags tsam las gang 'jog rnams la
brtag go /yig cha las/ de ltar ma yin na jo nang ba la skyon
bstan pa dag gis kyang gnod

do/ /zhes skye ba ngo bo nyid med pa ma skyes pa sogs kyi dgongs
gzhir dngos su ma bstan na jo nang ba la skyon bstan pa dag gis
kyang gnod par gsungs pa'i don/ yang snying du/ dgongs 'grel las
don dam pa ngo bo nyid med

@109a @#/ /pa sher mdo sogs kyi dgongs gzhir dngos su bstan na
sher mdos yongs grub rang mtshan gyis med par gsungs pa'i dgongs
gzhi dngos su ma bstan par 'gyur bas sher mdo sogs su yongs grub

rang mtshan gyis med par ma bstan par 'gyur zhes jo nang ba sngar
bkag pa yin la/ rang lugs la'ang skye ba ngo bo nyid med pa
gzhan dbang ma skyes pa sogs su gsungs pa'i dgongs gzhir dngos
su ma bstan na gzhan dbang ma

skyes pa sogs su gsungs pa'i dgongs gzhi dngos su ma bstan par
'gyur te/ kun btags rang mtshan gyis med pa la dgongs nas gzhan
dbang ma skyes pa sogs su gsungs zer don med cing gzhan dbang
rang steng na de'i

dgongs gzhir dngos su bstan pa'i skye med cig med pa'i phyir/
sher mdo sogs las ma skyes pa sogs su gsungs pa'i chos kyi nang
na gzhan dbang med ces smra dgos par 'gyur ba'i don du bkral
mod/ skye ba ngo bo nyid med

pa ma skyes pa sogs su gsungs pa'i dgongs gzhir gtan mi 'ong na
de ltar yin du chug kyang/ de ltar dgongs 'grel gyis ma bstan pa
la des gnod rgyu gang yang med dam snyam mo/ /kun btags rang
mtshan gyis med pa la

dgongs nas gzhan dbang ma skyes pa sogs su gsungs don med par
bshad pa ni/ de rang mtshan gyis med pa la dgongs nas chos thams
cad ma skyes pa sogs su mdo las dngos su gsungs pa dang 'gal bar
mun sel

@109b du gsungs so/ /yang snying du/ skye med brgyad ka khyad
med du chos thams cad skye ba med par gsungs pa'i dgongs gzhir
'jog na bum pa rang mtshan gyis skye ba med par gsungs pa chos
sku'i ngo bo gong 'phel du 'gro rgyu med

pa la dgongs par 'gyur gsungs kyang/ mun sel du/ skye med brgyad
ka chos thams cad skye ba med par gsungs pa'i dgongs gzhi yin
pas chos sku'i ngo bo gong 'phel du 'gro rgyu med pa'ang chos re
re nas rang mtshan gyis skye ba

med par gsungs pa'i dgongs gzhi yin par gsungs so/ /gzhung las/
mya ngan ni 'dir kun nyon yin pa'i phyir ro/ /zhes rang bzhin
gyis myang 'das zhes pa'i mya ngan kun nyon du gsungs pa la/ kha
cig /rang bzhin

gyis myang 'das zhes pa'i mya ngan ngos 'dzin la dbu sems mi
'dra ste/ sems tsam pas de kun nyon la byed pa gang zhig /dbu ma
pas de dgag bya bden grub la byed pa'i phyir/ dang po gzhung gis
'grub la/ gnyis pa gser

phreng las dbu ma pa'i lugs kyi rang bzhin gyis myang 'das 'chad
skabs/ chos rnams kyi rang bzhin spros pa mtha' dag dang bral
ba'o/ /zhes gsungs pas de'i mya ngan la chos rnams kyi rang
bzhin gyi spros pa 'jog pa gsal

zhing/ bzhi brgya bar/ stong nyid mya ngan 'das pa ste/ /zhes
dang/ de'i dar TIka las/ chos rnams rang bzhin gyis grub pa'i
stong pa nyid rang bzhin gyis myang 'das dang/ zhes gsungs pas
chos rnams rang bzhin gyis

@110a @#/ /grub pa 'di'i mya ngan la 'jog pa gsal ba'i phyir zer
na/ de mi 'thad par thal/ rje'i legs bshad gzhan du de la grub
mtha'i khyad phye ba med cing/ gzhung 'dir yang de 'dra'i khyad
ma phye bar gsungs pa'i

phyir byas pa la/ kho na re/ rjes de ltar khyad phye ba yod par
thal/ gzhung las/ mya ngan ni 'dir kun nyon yin/ zhes pa'i 'di
sgras rnam rig skabs dmigs kyis bkar ba gang zhig /des dbu ma
pas de ltar mi 'dod pa don

gyis 'phangs pa'i phyir zer na/ de mi 'thad de/ 'di sgra ni rang
bzhin gyis myang 'das zhes pa'i skabs ma gtogs grub mtha'i khyad
par la snyegs pa ma yin pa'i phyir/ des na gser phreng gis rang
bzhin gyis myang 'das

kyi dgag bya tsam las de'i 'da' bya'i mya ngan gsungs pa men la/
stong nyid mya ngan 'das pa ste/ /zhes pa'i don zla 'grel las/
rang bzhin stong pa nyid du gang bshad pa de nyid sangs rgyas
bcom ldan 'das rnams kyis mya

ngan las 'das par gsungs so/ /zhes mdor bstan nas/ sdug bsngal
phung po lnga'i rang bzhin can gtan nye bar zhi ba gang yin pa
de ni mya ngan las 'das pa yin la/ zhes thob bya'i myang 'das
ngos bzung/ rang bzhin

ma skyes par mthong ba'i dus su yang sdug bsngal rang bzhin gyis
ma skyes par khong du chud pas/ nas/ dngos po rnams rang bzhin
gyis stong pa nyid du mthong ba nyid mya ngan las 'das pa'o zhes
de bzhin gshegs pas

@110b gsungs/ zhes dang/ de'i phyir rang bzhin gyis ma skyes pa
mthong ba kho na mya ngan las 'das pa yin no/ /zhes stong nyid
rtogs pa las myang 'das thob par gsungs pas/ ston pas stong nyid
myang 'das su gsungs zhes pa

ni stong nyid rtogs pas myang 'das thob pa'i don lta bur snang
ngo/ /des na 'di'i stong nyid myang 'das kyi don du bshad pa zla
'grel dang mi mthun zhing/ tshig gsal dang TI ka chen du 'di/
stong pa nyid kyis 'gag par 'gyur//

zhes pa'i phyogs mthun du drangs pa dang yang 'gal lo/ /des na
dgag bya'i bdag tu grub pa'i sgo nas kun nas nyon mongs las rang
bzhin gyis 'das pa'i chos de/ rang bzhin gyis myang 'das kyi ngo
bor dbu sems

gnyis kas 'dod pas/ rang bzhin gyis myang 'das stong nyid du
'jog pa'i dgag bya yin na med pas khyab pa dang/ gang las 'da'
rgyu'i mya ngan yin na yod pas khyab pa dang/ kho rang stong
nyid du dgag bya'i bdag bkag pa'i cha

nas 'jog kyang/ rang bzhin gyis myang 'das su de'i cha nas mi
'jog par rang bzhin la kun nyon ma zhugs pa'i chos yin pa'i cha
nas 'jog pas skabs 'di'i dgag bya dang gang las 'da' rgyu'i mya
ngan mi 'dra bar khas blangs

na bde'am snyam/ des na blo gling bas rang bzhin gyis myang 'das
kyi 'da' rgyu'i mya ngan la bden grub bzhag la/ de gzhung dang
'gal bar mkhas pShThA ? dag gis bshad do/ /yig cha las/ rang
bzhin gyis mya ngan las 'das pa 

@111a @#/ /zhes pa'i mya ngan ni nyon mongs yin la/ zhes gsungs
shing/ dbu ma'i mtha' dpyod du 'di'i mya ngan la bden grub bzhag
kyang de la nyon mongs 'jog min mi gsal lo/ /gung thang rin po
ches/ kun nyon ni

'di'i mya ngan la bzhag nas/ rtsa she las/ las dang nyon mongs
rnam rtog las/ /zhes sogs dang/ de'i tshig gsal gyi gzhung ni
rang bzhin gyi myang 'das stong nyid du bya ba'i sgrub byed du
sbyar ba ni/ rtsa she'i TI ka chen las/ de

ltar na stong pa nyid ni de kho na yin la de'i lta ba bsgoms pas
de rtogs par 'gyur zhing/ bsgoms pa'i mthar nyon mongs pa'i sa
bon zad pa na spros pa rnam par chad pa'i stong nyid de nyid
thar pa dang mya ngan las 'das pa zhes bya ste/

zhes dang/ las dang nyon mongs zad pas thar bar 'gyur ro zhes
bya bar gnas te/ zhes stong nyid bsgoms pas myang 'das dngos
gnas thob tshul la sbyar te gsungs pa'i sgras zin dang mthun min
dpyad byar snang ngo/ /yang rje

des; sems kyi ngo bo dri mas bsgribs kyang dri ma de sems kyi
rang bzhin la ma zhugs par sems kyi rang bzhin las nyon gyi
spros pa de dag gis dben zhing dag pa'i cha de rang bzhin gyi
myang 'das su gsungs pa la/ sems nyon

mongs kyi gshis su ma grub pa nyon mongs kyi stong nyid yin par
thal/ sems nyon mongs kyi spros pas dag pa'i cha sems kyi stong
nyid yin pa'i phyir zer na brtag go /yang/ rang bzhin gyi mya
ngan dang/ rang bzhin gyi myang

@111b 'das zhes pa'i tshig zur gyi mya ngan don mi gcig par
gsungs pa/ spyir rang bzhin gyi mya ngan zhes gdags rung gi don
tsam las/ rang bzhin gyis mya ngan las 'das pa zhes pa'i mya
ngan la go mi rung ste/ de ni dpe dag pa

rnams su byed pa byas pa ltar mya ngan de las rang bzhin gyis
'das pa ste ngo bo nyid kyis 'das pa la byed dgos pa'i phyir ro/
/yang/ dbu sems gnyis kas sems kyi rang bzhin dri mas ma bslad
pa'i 'od gsal bar 'dod

pa 'dra yang/ dri mas sgrib tshul sems tsam pas dri mkho rang gi
ngos nas sems sgrib byed du ma gyur na sgrib pa rlom tsam du
song bas sgrib pa dngos su mi 'gyur bar 'dod pa dang/ dbu ma bas
dri ma kho rang gi ngos nas sems

sgrib na sems dri mas bsgribs pa tsam du ma zad sems kyi rang
bzhin bslad par 'gyur bar 'dod la/ mthar thug theg pa gcig dang
gsum du 'dod pa'i rtsa ba yang de la thug par gsungs kyang brtag
dgos te/ rigs pa'i

rjes 'brang gi sems tsam pas rigs dang dri ma sogs bden grub tu
'dod kyang mthar thug theg gcig 'dod par grub mtha' chen mor
gsal ba'i phyir ro/ /gsum pa ngo bo nyid gsum gyi ngo bo ngos
gzung ba la gsum/ gzugs

phung gi ngo bo nyid gsum gyi ngo bo ngos gzung ba dang/ 'grel
rkang gzhan gyi ngo bo nyid gsum ji ltar ngos 'dzin pa'i tshul
dang/ de dag gi don bsdu ba'o/ /dang po la gsum/ kun btags kyi
ngo bo ngos gzung ba dang/ gzhan

@112a @#/ /dbang gi ngo bo ngos gzung ba dang/ yongs grub kyi ngo
bo ngos gzung ba'o/ /dang po la gnyis/ mtshams sbyar nas bshad
bya'i mdo dgod pa dang/ mdo don ji ltar bkral ba'o/ /dang po ni/
kun btags/

zhes sogs byung ste/ ngo bo nyid gsum ga'i skabs dri pas so sor
mtshams sbyar tshul shes sla zhing mdo don 'chad par 'gyur ro/
/gnyis pa ni/ de la tshig dang po/ zhes sogs byung/ de la rgya
nag 'grel chen ltar/ dgongs

'grel las/ bcom ldan 'das/ bcom ldan 'das kyis bka' stsal ba'i
don bdag gis 'di ltar 'tshal lags te/ zhes mdor bstan nas/ rnam
par rtog pa'i spyod yul/ zhes pa dang/ kun btags pa'i mtshan

nyid kyi gnas/ zhes pa dang/ 'du byed kyi mtshan ma/ zhes pa'i
tshig dang po gsum gyis kun btags 'dogs pa'i gzhi gzhan dbang
khyad par gsum ldan bstan la/ de man gyis kun tu btags tshul
bstan pa ni phye nas

bshad pa dang/ de la brten nas bcom ldan 'das chos rnams kyi ngo
bo nyid ma mchis pa nyid 'dogs par mdzad lags so/ /zhes kun
btags kyi mtshan nyid la brten nas mtshan nyid ngo bo nyid med pa
ngos 'dzin par mdzad

pa las/ khyad par dang po rnam rtog gi spyod yul la/ rnam rtog
ni 'grel chen las/ rnam par rtog pa nyid kun tu gzhal ba'i sems
dang sems las byung ba nyid de/ zhes gsungs pa ltar dang/ spyod
yul du 'gyur tshul ni/

@112b de nyid du gzugs phung sogs rnam rtog gi yul yin pa dang/
de rnam rtog gi dmigs rkyen yin par bshad pa'i lugs gnyis bkod
pa'i snga ma ni 'dzin stangs kyi yul la bsams pa 'dra zhing/
phyi ma'i don la mchan las/ 'di'i

dmigs rkyen zhes pa snang ba'i dmigs rkyen nam dmigs rkyen btags
pa ba la 'chad dgos pas rnam par rtog pa yang gtso bor rang rang
'dzin pa'i rtog pa la bya ste/ de byas na dmigs pa dang zhen
gzhi dang zhen yul so sor dbye mi

dgos pas spyod yul dngos su yang rung la/ de dag gi steng gi
bdag 'dzin lta bu zhen gzhi dang zhen yul tha dad pa rnams kyi
dmigs pa rkyang ba ni spyod yul du mi rung/ zhes gsungs shing/
wen tsheg rang gis kyang bshad pa snga ma'i

mthar/ rab tu bstan pa'o/ /zhes rang lugs dang/ phyi ma bshad
pa'i rnam grangs su byas par snang ngo/ /khyad par gnyis pa kun
btags pa'i mtshan nyid kyi gnas la/ kun btags ni mtshan nyid gsum
gyi de dang/ de'i mtshan

nyid kyi gnas su gyur tshul ni de 'dogs pa'i gzhir gyur pa'o/
/khyad par gsum pa 'du byed kyi mtshan ma ni/ 'grel chen du 'du
byed la dmigs pa'i shes pa'i yul gyi mtshan ma dang/ 'dus byas
kyi rnam pa'i mtshan nyid la byed pa'i

lugs gnyis bkod nas phyi ma bzang bar bshad pa la/ gung thang
rin po ches/ 'dus byas kyi chos rnams blo yul du byed tshe rang
rang gi thun mong min pa'i mtshan ma ste khyad par mi 'dra ba re
shar ba'i sgo nas nges dgos pa dang/ 'dus

@113a @#/ /ma byas rnams spyi'i rnam pa yid la bya dgos pas bshad
pa snga ma gnad che bar gsungs pa ni legs bshad de/ thun mong
min pa'i mtshan mas nges par byed tshul rgyas par tshad ma'i skor
las shes par bya'o/ 'di'i

gzhan dbang gi khyad par gsum dang/ 'jug pa las/ phyi rol gzung
ba med par 'byung 'gyur la/ /yod dang spros kun yul min rang
bzhin yod/ /ces dang/ de'i rnam bshad las/ gzhan dbang la khyad
par gsum yod de/

phyi rol med par 'byung ba dang/ rang bzhin gyis yod pa dang/
don dam par spros pa yin no cog gi yul ma yin pa'o/ /zhes gsungs
pa rnams phan tshun sgrig mi dgos 'dra yang/ yang snying du/ 'jug
pa'i phyi rol med par 'byung

ba dang/ 'di'i rnam rtog gi spyod yul/ de'i rang bzhin gyis yod
pa dang/ 'di'i bdu byed kyi mtshan ma/ de'i don dam par sgra rtog
gi yul min pa dang/ 'di'i kun btags pa'i mtshan nyid kyi gnas
gnad 'dra ba'i go ba blangs

so/ /des na bum pa rnam rtog gi yul/ rang steng gi kun btags
'dogs pa'i gnas/ gzhan dbang gi khyad par yin pa ste khyad par
gsum ldan no/ /khyad par gsum ldan de la kun tu btags tshul ni/
'di ni gzugs phung ngo

zhes btags pa ni ngo bo la kun btags tshul dang/ gzugs phung skye
'o zhes sogs su btags pa ni bye brag gam khyad par du kun btags
tshul lo/ /ngo bo la kun btags pa'i skabs ngo bo nyid dang bye
brag gi mtshan nyid gnyis

@113b kyi khyad par ni/ 'grel chen las/ mtshan nyid kyi bdag nyid
spyir bstan pa la ngo bo nyid ces bya ste/ zhes pa ltar zag bcas
kyi gzugs phung la zag bcas zag med sogs kyi khyad ma phye bar
'di ni gzugs phung ngo/ /zhes ngo bo la kun

btags pa ni ngo bo nyid kyi mtshan nyid du kun btags pa dang/ de
nyid las/ rang gi ngo bo nyid de nyid la zag pa dang bcas pa
dang/ zag pa med pa dang/ bstan du yod pa dang/ bstan du med pa
zhes bya ba la sogs pas ni bye brag

ces bya'o/ /zhes pa ltar de 'dra'i gzugs phung la zag bcas zag
med sogs kyi khyad phye ste 'di ni zag bcas kyi gzugs phung ngo/
/zhes ngo bo la kun btags pa ni bye brag gi mtshan nyid du kun
btags pa'i don no/ /ming dang

brdar rnam par bzhag pa'i don ni/ sgra rtog gis btags pa'i ngo
bor rang mtshan gyis grub pa'o/ /khyad par la kun btags pa'i
skabs 'grel chen du/ gzugs phung sngon med pa las yod par 'gyur
ba ni skye ba dang/ skyes nas med

par 'gyur ba ni 'gag pa dang/ kun nyon gyi gzugs phung gtan du
spang bar bya ba dang/ kun nyon ma yin pa'i gzugs phung yongs su
shes pa dang/ yang na kun 'byung thams cad spang bya dang/ sdug
bden thams cad shes byar

bshad tshul gnyis bkod de/ 'di'i ngo bo nyid mtshan nyid dang bye
brag gi mtshan nyid kyi khyad par ni/ 'grel chen las/ skye ba
dang 'gag pa rnam par 'byed pa gang yin pa de ni ngo bo nyid kyi
mtshan nyid ces bya'o//

@114a @#/ /zhes pa ltar skad cig thang cig sogs kyi khyad na phye
bar gzugs phung skye'o/ /zhes khyad par la kun btags pa ni ngo
bo nyid kyi mtshan nyid du kun btags pa dang/ de nyid las/ skad
cig mar skye zhing 'jig pa

dang; thang cig tsam du gnas pa la sogs pa ni bye brag gi mtshan
nyid ces bya'o/ /zhes pa ltar skad cig thang cig sogs kyi khyad
phye ste gzugs phung skad cig la skye'o/ /zhes sogs khyad par la
kun btags pa ni bye brag gi

mtshan nyid du kun btags pa'i don no/ /ming dang brdas rnam par
bzhag pa ni sgra rtog gis bzhag pa'i don dang/ de ni kun btags
pa'i mtshan nyid lags te/ zhes mdor na gzhan dbang khyad par gsum
ldan la ngo bo dang

khyad par du kun btags pa ni 'dir dngos su bstan pa'i kun btags
kyi mtshan nyid du ston par mdzad de/ ngo bo dang khyad par du
kun btags tshul zhib par sgro skor du 'chad par 'gyur ro/ /gnyis
pa gzhan dbang gi ngo bo

ngos gzung ba la gnyis/ mtshams sbyar nas bshad bya'i mdo dgod pa
dang/ mdo don ji ltar bkral ba'o/ /dang po ni/ gzhan dbang/ zhes
sogs byung ste mdo don 'chad par 'gyur ro/ /gnyis pa ni/ dang
pos gang

gi yul/ zhes sogs byung/ gzhan dbang gi khyad par gsum gyi dang
po rnam par rtog pa'i spyod yul zhes pas gzhan dbang yul can
gang gi yul yin pa dang/ gnyis pa kun btags pa'i mtshan nyid kyi
gnas zhes pas

@114b gzhan dbang kun btags kyi gdags gzhi yin pa dang/ gsum pa
'du byed kyi mtshan ma zhes pas gzhan dbang rang gi ngo bo bstan
te de lta bu'i khyad par gsum ldan ni gzhan dbang gi mtshan nyid
du bstan to/ /de la brten nas

bcom ldan 'das chos rnams kyi skye ba ngo bo nyid ma mchis pa
nyid dang/ don dam pa ngo bo nyid ma mchis pa de nyid las gcig
kyang 'dogs par mdzad lags so/ /zhes gzhan dbang gi mtshan nyid
la brten nas skye ba ngo bo nyid med

pa dang/ don dam pa ngo bo nyid med par bzhag pa'i phyogs gcig
ngos 'dzin par mdzad do/ /gsum pa yongs grub kyi ngo bo ngos
gzung ba la gnyis/ mtshams sbyar nas bshad bya'i mdo dgod pa
dang/ mdo don ji ltar bkral

ba'o/ /dang po ni/ yongs grub/ ces sogs byung ste mdo don 'chad
par 'gyur ro/ /gnyis pa la gnyis/ dngos dang/ gzhan lugs dgag
pa'o/ /dang po ni/ chos la/ zhes sogs byung/ 'di la rgya nag
'grel chen

ltar; bcom ldan 'das/ bcom ldan 'das kyis bka' stsal pa'i don
bdag gis 'di ltar 'tshal te/ zhes mdor bstan nas/ rnam par rtog
pa'i spyod yul kun btags pa'i mtshan nyid ces sogs kyis phye nas
bshad pa

dang/ de la brten nas bcom ldan 'das chos rnams kyi don dam pa
ngo bo nyid ma mchis pa de nyid de las gcig 'dogs par mdzad lags
so/ /zhes yongs grub kyi mtshan nyid la brten nas don dam pa ngo
bo nyid med pa ngos

@115a @#/ /'dzin par mdzad do/ /mdo rang du mtshan nyid bar bar
mdor bstan gyi tshig mi 'byung zhing/ dang mtha' gnyis kyi mdor
bstan dang/ gsum ga'i ngo bo nyid med pa ngos 'dzin pa'i tshig
gzhung du ma drangs so/ /chos

la bdag ma mchis pa/ de bzhin nyid/ rnam par dag pa'i dmigs pa/
zhes pas chos kyi bdag med dang de bzhin nyid ces brjod pa/ gang
la dmigs nas bsgoms pas sgrib pa dag par 'gyur ba'i dmigs pa
mthar thug de nyid

skabs 'dir yongs grub tu ngos 'dzin par mdzad do/ /yongs grub tu
ngos bzung ba'i chos kyi bdag med de gang zhe na/ ngo bo nyid
gzhan gnyis kyi ngo bo nyid med pa la mi bya bar gong du smos pa
ltar kun btags kho na'i ngo bo nyid

ma mchis pa la byed do/ /don de nyid/ rnam par rtog pa'i spyod
yul/ nas/ mtshan ma de nyid/ ces pa'i bar gyi mdo tshig gong mas
bshad pa ni gzhan dbang khyad par gsum ldan kun btags 'dogs pa'i
gzhi'am stong

gzhir bstan nas/ stong gzhi de nyid kun btags kyi mtshan nyid du
ma grub ces pas gzhan dbang kun btags kyis stong pa la yongs
grub tu 'jog par shin tu gsal lo/ /yon tan 'byung gnas kyi
le'ur/ rab rib can gyi

mig la rab rib kyi skyon chags pa kun btags dang/ de la rab rib
kyi mtshan ma snang ba gzhan dbang dang/ rab rib dang bral na
rang bzhin gyi spyod yul mnor ba'i spyod yul yongs grub kyi dpe
dang/ yang/ shel gsal

@115b ba tshon dang phrad na rin po che sna tshogs su 'khrul bas
log par 'dzin pa kun btags dang/ shel gsal ba de nyid gzhan
dbang dang/ shel de rin po che sna tshogs su dus nam du yang ma
grub pa yongs grub kyi dper gsungs pa'i

gnad kyang shes par bya'o/ /gnyis pa ni/ mdo 'dis stong tshul/
zhes sogs byung/ jo nang bas ngo bo nyid tha ma gzhan dbang dang
kun btags gnyis kyis stong pa ni yongs grub tu 'dod cing/ stong
lugs kyang sa phyogs

bum pas stong pa ltar rten brten pas stong par khas len no/
/'dod tshul de yang mi 'thad par thal/ de kho rang gis dgongs
'grel gyis stong tshul bshad pa sgra ji bzhin par khas len pa
dang 'gal ba'i phyir te/ mdo des stong

tshul gang zag rdzas su med pa ltar gzhan dbang kun btags kyi ngo
bor grub pas stong pa la byed pa'i phyir/ der thal/ mdo des
gzhan dbang kun btags kyis stong pa la yongs grub tu shin tu
gsal bar gsungs pa'i phyir te/

mdo de las/ de nyid kun btags pa'i mtshan nyid deng yongs su ma
grub cing/ zhes gsungs pa'i phyir/ gang gis stong pa'i kun btags
ni/ mdo 'di'i chos thams cad ngo bo nyid med pa'i dgongs gzhi
ston pa'i rgyas

bshad du/ de la chos rnams kyi mtshan nyid ngo bo nyid med pa
nyid gang zhe na/ kun btags pa'i mtshan nyid gang yin pa'o/ /zhes
sogs dang/ skabs 'dir/ rnam par rtog pa'i spyod yul kun btags
pa'i mtshan nyid

@116a @#/ /kyi gnas 'du byed kyi mtshan ma la gzugs kyi phung po
zhes ngo bo nyid dam/ zhes sogs te/ kun btags ngos bzung ba'i
skabs gnyis kar ngo bo dang khyad par la kun btags pa'i kun
btags ma gtogs

kun btags gzhan ma gsungs pa'i rgyu mtshan/ 'og tu sgro 'dogs
'gog tshul dngos kyi skabs/ spyir kun btags la spyi mtshan thams
cad dang nam mkha' la sogs pa du ma zhig yod kyang dgongs 'grel
las ma gsungs

pa ni; kun btags gang gis stong pa yongs grub tu 'jog pa'i skabs
su de dag mi mkho bas so/ /zhes pas 'chad par 'gyur ro/ /gnyis
pa 'gres rkang gzhan gyi ngo bo nyid gsum ji ltar ngos 'dzin
pa'i tshul ni/ de ltar

gzugs phung/ zhes sogs byung/ ngo bo nyid gsum gyi rnam gzhag
bshad ma thag pa de ltar dgongs 'grel las/ gzugs kyi phung po la
ji lta ba bzhin du phung po lhag ma rnams la'ang de bzhin du
sbyar bar bgyi lags so/ /

zhes gzugs phung la mtshan nyid gsum gyi ngo bo ngos 'dzin ji
ltar sbyar ba de bzhin du/ phung po lhag ma bzhir mtshan nyid
gsum gyi ngo bo ngos 'dzin sbyar ba ni 'gres rkang dang po phung
po dang/ phung po rnams la ji lta ba bzhin du skye mched

bcu gnyis po dag gi skye mched re re la'ang de bzhin lags so/
/zhes gnyis pa skye mched dang/ srid pa'i yan lag bcu gnyis po
de dag gi srid pa'i yan lag re re la yang de bzhin bgyi lags so/
/zhes gsum pa rten

@116b 'brel dang/ zas bzhi po dag gi zas re re la yang de bzhin
lags so/ /zhes bzhi ba zas dang/ khams drug dang khams bco
brgyad po dag gi khams re re yang de bzhin lags so/ /zhes lnga
pa khams las brtsams pa re re la

yang mtshan nyid gsum gyi ngo bo ngos 'dzin sbyar bar gsungs so/
/drug pa bden pa las brtsams pa la bzhi las sdug bden la/ bcom
ldan 'das/ bcom ldan 'das kyis bka' stsal pa'i don bdag gis 'di
ltar 'tshal te/

rnam par rtog pa'i spyod yul kun btags pa'i mtshan nyid kyi gnas
'du byed kyi mtshan ma la sdug bsngal gyi bden pa dang/ sdug
bsngal gyi bden pa yongs su shes pa zhes ngo bo nyid kyi mtshan
nyid dam bye brag gi mtshan nyid du ming dang

brdar rnam par bzhag pa gang lags pa de ni kun btags pa'i mtshan
nyid lags te/ zhes sogs kyis gdags gzhi gzhan dbang khyad par
gsum ldan la ngo bo dang khyad par du kun btags pa dang/ gzhan
dbang dang yongs grub sngar

bzhin mdo las gsungs so/ /gzugs phung nas sdug bden gyi bar
yongs grub ston pa'i mdo tshig shin tu mthun yang/ gzhung las/
ngo bo nyid de kho nas ngo bo nyid ma mchis pa/ zhes gsungs
shing/ zhes 'byung ba ni/ jo nang

bas kun rdzob dang chos nyid lab den par grub ma grub kyi khyad
phye ba la/ dgongs 'grel las de 'dra'i khyad ma bye bar gzugs
nas 'di'i bar chos nyid 'jog tshul khyad med du go ched mi
'phyugs pa'i gzer btab pa yin par gung

@117a @#/ /thang rin po ches gsungs so/ /sdug bsngal 'phags pa'i
bden pa la ji lta ba de bzhin du bden pa lhag ma rnams la yang
de bzhin du sbyar bar bgyi lags so/ /zhes bden pa lhag ma dang/
bden pa rnams

ji lta ba bzhin du dran pa nye bar bzhag pa rnams dang/ yang dag
par spong ba rnams dang/ rdzu 'phrul gyi rkang ba rnams dang/
dbang po rnams dang/ stobs rnams dang/ byang chub kyi yan lag
rnams dang/ lam gyi yan

lag rnams kyi yan lag re re la yang de bzhin du sbyar bar bgyi
lags so/ /zhes sogs kyis bdun pa byang phyogs sde tshan bdun las
brtsams pa la'ang mtshan nyid gsum gyi ngo bo gzugs phung la
sbyar ba bzhin du bsgres te

gsungs so/ /gsum pa de dag gi don bsdu ba ni/ de dag ni sngar/
zhes sogs byung ste go sla'o/ ! /'dir/ gzhi gang la sgra rtog
gam ming brda ci rigs kyis gnas tshul ma yin par sgro btags pa'i
chad de/ kun btags

kyi mtshan nyid/ yang na/ rtog pas btags pa tsam de/ de'i mtshan
nyid yin pa ni yon tan 'byung gnas kyi le'u dang/ theg bsdus
grub mtha' chen mor drangs pa ltar ro/ /yongs grub ma yin pa'i
spyi mtshan thams cad mtshan

gzhi; bdag gnyis gang rung du sgro btags pa'i cha nas bzhag pa'i
rtog pas btags tsam de/ skabs su mkho ba'i kun btags kyi mtshan
nyid/ kun btags la sgras brjod kyis dbye na rnam grangs pa'i kun
btags

@117b dang; mtshan nyid yongs chad kyi kun btags gnyis/ snga ma
dang yod rgyu'i kun btags don gcig phyi ma dang med rgyu'i kun
btags yin khyab mnyam/ spyi mtshan dang nam mkha' lta bu dang po
dang/ ri bong rwa dang bdag

gnyis lta bu gnyis pa/ skabs su mkho ba'i dbang du byas na/
gzugs gzugs so zhes rang 'dzin rtog pa'i zhen gzhir rang mtshan
gyis sgro btags pa lta bu dang po dang/ de ltar sgro btags pa
ltar grub pa lta bu gnyis pa'o/ /

yod rgyu'i kun btags la dbye na ngo bo la dang/ khyad par la kun
btags pa'i kun btags gnyis/ de re re la der gyur pa'i ngo bo
nyid la dang/ bye brag la kun btags pa gnyis gnyis te bzhi'o/
/rim par 'di ni gzugs so

zhes dang/ 'di ni zag bcas kyi gzugs so zhes dang/ gzugs skye'o
zhes dang/ gzugs skad cig la skye'o zhes kun btags pa lta bu'o/
/sgra bshad ni/ rang gi ngo bo rnam rtog gis kun tu btags pa
tsam yin pas na

kun btags zhes bya ste/ theg bsdus las/ ci'i phyir kun btags pa
zhes bya zhe na/ yid kyi rnam par rtog pa dpag tu med pa'i rnam
pa can gyi phyin ci log 'byung ba'i rgyu mtshan yin pas kun btags
pa'o/ /rang gi mtshan

nyid med la kun tu rtog pa tsam du dmigs pas kun btags pa zhes
bya'o/ /zhes gsungs pa'i phyir ro/ /kun tu btags tshul ni/ rnam
rtog gis dmigs pa gzhan dbang la dmigs nas kun tu sgro sna tshogs
'dogs par

@118a @#/ /byed pa ste/ theg bsdus su/ ming ma thos par don la
de'o zhes kun tu rtog par byed mi nus pas sbrul la sogs pa'i
ming gis dmigs pa dang/ gzhi thag pa sogs la sbrul la sogs par
mtshan mar 'dzin

pa'i 'du shes phyin ci log dang/ nges par de yin no zhes mngon
par zhen pa'i lta ba phyin ci log dang/ de gzhan la ston 'dod pa
na rtog dpyod kyi ngag kun nas slong ba dang/ sbrul mthong ngo
zhes bya ba la sogs par tha snyad

'dogs pa dang/ sbrul la sogs pa'i med pa'i don la yod do zhes
sdod lugs ji lta ba bzhin ma yin par kun tu rtog tshul gsungs so/
/rgyu rkyen gzhan gyi dbang gis byung ba de/ gzhan dbang gi
mtshan nyid/ de dang/

'dus byas/ rten 'brel/ dngos po rnams don gcig gzugs sgra sogs
mtshan gzhi/ de la dbye na/ dag pa dang/ ma dag pa'i gzhan dbang
gnyis/ dag pa'i snod bcud rnams dang po dang/ ma dag pa'i de
rnams

gnyis pa ste/ stong thun sogs su dang po'i mtshan gzhir theg chen
'phags pa'i rjes thob dag pa 'jig rten pa'i ye shes lta bu/ zhes
mnyam gzhag las bkar ba ni/ mnyam gzhag ye shes phyin ci ma log
pa'i yongs grub

kyi mtshan gzhir 'jog pa shes phyir las/ de dag pa'i gzhan dbang
min pa'i don du go mi rung ngo/ /sgra bshad ni/ rang rang gi bag
chags las skyes pa'am rgyu rkyen gzhan gyi dbang gis skyes pas
na gzhan dbang dang/

@118b skyes nas skad cig las lhag par rang nyid gnas pa'i dbang
med pas na gzhan dbang zhes bshad tshul gnyis yod de/ theg bsdus
las/ ci'i phyir na gzhan gyi dbang zhes bya zhe na/ rang gi bag
chags kyi sa bon las skyes pa

yin pas de lta bas na rkyen gyi gzhan dbang yin no/ /skyes nas
kyang skad cig las lhag par bdag nyid gnas par mi nus pas na
gzhan gyi dbang zhes bya'o/ /zhes gsungs pa'i phyir ro/ /bdag
'dzin gnyis gang rung gis sgro

btags pa ltar grub pas stong ba'i de bzhin nyid de/ yongs grub
kyi mtshan nyid de/ grub mtha' rtsa bar/ bdag gnyis btags pas
stong pa yongs grub ste/ /zhes pa'i sgras zin ltar ro/ /yang na/
rnam dag lam gyi dmigs pa

mthar thug tu gyur pa'i de bzhin nyid de/ de'i mtshan nyid yin pa
ni yon tan 'byung gnas gyi le'ur gsungs pa ltar ro/ /de dang/
stong nyid/ de bzhin nyid/ yang dag mtha'/ mtshan med/ don dam
bden pa/ chos dbyings rnams

don gcig mtshan gzhi ni bdag med gnyis so/ /de la dbye na ngo
bo'i dang/ sgras brjod kyis gzhi lam 'bras bu sdud pa'i dang/
yul dang yul can sbyar ba'i dbye ba gsum las/ dang po la gang
zag gi bdag med dang chos kyi bdag

med kyi dbang du byas pa gnyis/ gang zag gi bdag bkag tsam gyi
de bzhin nyid de dang po dang/ chos bdag bkag tsam gyi de bzhin
nyid de gnyis pa'i mtshan nyid/ de so so'i dbang du byas pa'i
yongs grub sogs bdun don gcig

@119a @#/ /dbye na de so so'i dbang du byas pa'i stong nyid nyi
shu yod/ dbye sgo gnyis pa la/ don dang/ sgrub pa dang/ thob pa
yongs grub gsum ste rim bzhin don dang/ sgrub pa dang/ thob pa
don dam gsum dang don gcig

pas; bsgom bya'i stong nyid dang po/ de sgom byed kyi lam gnyis
pa/ bsgoms 'bras myang 'das gsum pa yin no/ /dbye sgo gsum pa
la/ phyin ci ma log pa'i yongs grub dang/ 'gyur med yongs grub
gnyis/ 'phags pa'i

mnyam gzhag rnam par mi rtog pa'i ye shes dang po dang/ chos
nyid gnyis pa 'o/ /sgra bshad ni/ rnam pa gzhan du mi 'gyur ba
dang/ rnam dag lam gyi dmigs pa mthar thug dang/ dge ba'i chos
thams cad kyi mchog yin pas na

yongs grub ces bya ste/ theg bsdus las/ ci'i phyir na yongs su
grub pa zhes bya zhe na/ gzhan du mi 'gyur ba'i phyir yongs su
grub pa'o/ /rnam par dag pa'i dmigs pa yin pa dang/ dge ba'i
chos thams cad kyi mchog yin

pa'i phyir mchog gi don gyis yongs su grub pa zhes bya'o/ /zhes
gsungs pa'i phyir ro/ /yang snying las/ 'phags pa'i mnyam gzhag
ye shes kyis ji ltar gzigs pa bzhin/ dag ma dag sngon dang phyi
ma'i dus gang gi tshe'ang 'gyur

ldog med par yul gyi gnas lugs mthar thug tu gdod nas grub pas
yongs grub ces bya ste/ zhes yongs grub kyi sgra bshad do/ /dus
rtag tu gnas tshul mthar thug tu grub pa de las gzhan du mi 'gyur
bar gnas pas de

@119b bzhan nyid dang/ phyin ci ma log pa'i gnas lugs mthar thug
tu yang dag par gnas pas yang dag mtha' dang/ dgag bya spros
pa'i mtshan ma bkag pa'i gnas lugs mthar thug yin pas mtshan ma
med pa dang/ 'phags

pa'i mnyam gzhag rnam par mi rtog pa'i spyod yul mthar thug yin
pas don dam pa dang/ gang la dmigs te bsgoms na 'phags pa'i chos
kyi dbyings te rgyur 'gro bas chos dbyings te/ dbus mtha' las/
stong pa nyid ni

mdor bsdus na/ /de bzhin nyid dang yang dag mtha'/ /mtshan ma med
dang don dam dang/ /chos kyi dbyings ni rnam grangs so/ /gzhan
min phyin ci log ma yin/ /de 'gog 'phags pa'i spyod yul dang/
/'phags pa'i chos

kyi rgyu yi phyir/ /rnam grangs don de go rim bzhin/ /zhes dang/
kun btus las/ ci'i phyir de bzhin nyid la de bzhin nyid ces bya
zhe na/ gzhan du mi 'gyur ba nyid kyi phyir ro/ /ci'i phyir
stong pa nyid ces bya zhe na/ kun nas

nyon mongs pa mi rgyu ba'i phyir ro/ /ci'i phyir mtshan ma med pa
zhes bya zhe na/ mtshan ma nye bar zhi ba'i phyir ro/ /ci'i phyir
yang dag pa'i mtha' zhes bya zhe na/ phyin ci log med pa'i dmigs
pa yin pa'i phyir ro/ /ci'i phyir don

dam pa zhes bya zhe na/ 'phags pa'i ye shes dam pa'i spyod yul
yin pa'i phyir ro/ /ci'i phyir chos kyi dbyings zhes bya zhe na/
nyan thos dang rang sangs rgyas dang sangs rgyas kyi chos
thams
cad kyi rgyu yin pa'i phyir ro/ /

@120a @#/ /zhes gsungs so/ /rnam 'grel TIk chen du/ gnyis snang
gi bag chags kyis bslad pa'i shes pa'i snang ba gang zhig /mthar
thug dpyod pa'i rigs pas dpyad mi bzod pa'i chos kun btags kyi

mtshan nyid/ gnyis snang gi bag chags kyi gzhan dbang du gyur
pa'i dngos po gzhan dbang gi mtshan nyid/ rang gi myong byar gyur
pa'i shes pa'i gnas lugs gang zhig gnyis snang dang bral ba'i
gsal rig yongs grub

kyi mtshan nyid du gsungs te bshad ma thag pa dang gtan mi
'dra'o/ ! /spro na/ gzugs skye'o zhes pa dang/ gzugs kyi skye
ba'o zhes kun btags pa gang yin yang gzugs kyi khyad par la kun
btags pa'i kun btags

yin te/ gzhung las/ 'di gzugs kyi skye ba'o zhes sogs khyad par
du ming dang brngar btags pa'i ngo bo 'o/ /zhes gsungs pa'i
phyir byas pa la/ kho na re/ gzugs kyi skye ba'o zhes kun btags
pa chos can/

gzugs kyi khyad par la kun btags pa'i kun btags ma yin par thal/
gzugs kyi skye pa'i ngo bo la kun btags pa'i kun btags pa yin
pa'i phyir nam khyab ste/ de gzugs kyi khyad par la kun btags
pa'i kun btags

dang; gzugs kyi skye ba'i ngo bo la kun btags pa'i kun btags
gnyis ka yin pa'i phyir/ mkhyab mtshams kyi rtags grub ste/ de
yod pa'i phyir/ der thal/ 'gres rkang bdun po'i re re la mtshan
nyid gsum re ngos

@120b 'dzin dgos pa'i phyir/ dgongs rgyan las/ tshor ba nas byang
chub yan lag gi bar thams cad la re re nas kho rang zhes de'i
ngo bo dang de'i skye ba dang de'i 'gag pa dang de'i spang ba
dang yongs su shes pa sogs thams cad la

re re nas sbyar dgos/ zhes gsungs pa ni dpyad par bya ste/ 'gres
rkang bdun po'i re re la spang ba sbyor mi rung ba'i phyir te/
byang phyogs so bdun la spang ba sbyar du med pa'i phyir dang/
sbyor yang mi dgos te/ phung po nas

zas kyi bar la rang mtshan dang/ skye 'jig spang shes bzhi dang/
bden pa la rang mtshan dang/ shes spang mngon sgom bzhin dang/
khams la rang mtshan dang/ sna tshogs du ma spang shes bzhi dang/
byang phyogs la rang mtshan

dang; mi mthun pa sogs bdun sbyar te ngo bo dang khyad par du
kun btags pa ngos 'dzin pa dri zhus dang thad 'di'i mdo gnyis
kas shes pa'i phyir/ mdo dang gzhung las/ de bzhin du dang/ ji
lta ba bzhin du/ zhes sogs byung

ba'ang snga ma snga ma la mtshan nyid gsum re ngos bzung ba bzhin
'di dang 'di la'ang mtshan nyid gsum re ngos 'dzin dgos zhes dper
byas pa tsam yin pa'i phyir ro/ /yig cha dang bzhed pa mthun
pa'i mkhas pa snga ma dag gzhi grub

na mtshan nyid gsum po gang rung yin pas khyab par gsungs pa la/
rje btsun pas rang mtshan gyis ma nges pa bstan pa ni/ 'di'i rang
mtshan kun btags yin pas skyon med la/ kha cig /gzhan dbang yongs
grub gnyis chos can/ der 

@121a @#/ /thal; de'i phyir/ 'dod na/ de chos can/ kun btags yin
par thal/ 'dod pa'i phyir/ 'dod na/ de chos can/ bden par ma
grub par thal/ 'dod pa'i phyir na kha cig ma khyab zer yang
rtsod gzhi skyon

can no/ /kha cig /mtshan nyid gsum dang ngo bo nyid med pa gsum
rim bzhin don gcig ma yin par thal/ yig cha las/ des na mtshan
nyid gsum dang ngo bo nyid med pa gsum mi gcig ste/ zhes dang/
de'i shes byed du yon

tan 'byung gnas kyi le'u dangs pa'i phyir na ma khyab ste/ le'u
der don de mi gsal zhing/ yig cha'i gong 'og gi bab la dpags
na'ang de dag don gcig tu bzhed 'dra bas/ mtshan nyid gsum dang
ngo bo nyid med pa gsum la

gdags gzhi btags chos lta bu'i khyad re yod pa la dgongs sam
brtag go /rnam 'grel TI ka chen las/ kun btags pa'i ngo bo nyid
ma yin te/ shes bya la mi srid pa'i phyir ro/ /shes bya la mi
srid na yang kun

btags pa'i ngo bo yin pa 'gal te/ gzhi ma grub na btags yod yin
pa 'gal ba'i phyir ro/ /zhes dang/ sgra rtag pa ni mi srid pa'i
phyir sgro btags dang kun btags gang yang ma yin no/ /zhes pa
dang mthun par dgongs

rgyan las kyang/ ming brdas bzhag pa'i sgo nas rtog pas btags pa
tsam gyi chos de kun btags su 'jog dgos pa'i phyir/ zhes sogs
kun btags la yod pas khyab par bshad pa yod kyang/ dka' 'grel
las/   

@121b deng sang bdag mtshan nyid yongs su chad pa'i kun btags kun
btags mtshan nyid pa ma yin par smra ba ni rje yab sras kyi gsung
dang 'gal bar dogs/ zhes gsungs pa ltar rje yab sras dang/ rjes
'brang phal mo ches

kun btags la yod pas ma khyab par bzhed pa grags che zhing/
skabs 'di'i kun btags yin na med dgos par thal/ de yin na kun
btags gang gis stong pa yongs grub tu 'jog pa'i skabs su mkho
ba'i kun btags

yin dgos pa'i phyir na ma khyab po/ /'dus ma byas kyi chos rnams
kyi steng gi gzhan dbang ngos 'dzin tshul la/ blo gling yig char/
nam mkha' nam mkha'i gzhan dbang ma yin te/ nam mkha' nam
mkha'i
yongs grub kyi khyad

gzhi'i kun btags yin pas de'i khyad gzhi'i gzhan dbang du mi
rung ba'i phyir dang/ nam mkha'i gzhan dbang rang dang ngo bo
tha dad pa'i rgyu las byung zhing ngo bo gcig pa'i rgyu las mi
skye ba de nam mkha'i gzhan dbang skye ba ngo bo nyid

med pa'i don du bya dgos pa'i phyir dang/ chos de'i gzhan dbang
bden par med na chos de'i chos nyid bden par med dgos pa dbu
sems kyi grub mtha'i gshis bab yin pas nam mkha'i gzhan dbang
bden par ma grub na nam

mkha'i yongs grub bden par ma grub par 'gyur ba'i phyir ro/ /des
na sems tsam pa'i lugs la nam mkha' 'dzin pa'i tshad ma nam
mkha'i gzhan dbang/ de 'dra'i tshad ma de de 'dra'i tshad ma zhes
pa'i sgra 'jug pa'i gzhir

@122a @#/ /rang mtshan gyis grub pa'am der sgro btags pa nam
mkha'i kun btags/ de des stong pa nam mkha'i yongs grub tu 'dod
la/ dbu ma rang rgyud pa'i lugs la nam mkha' nam mkha'i gzhan
dbang du

byed do/ /rgol ngan tshar gcod du/ kha cig gis/ 'dus ma byas kyi
chos rnams kyi steng gi gzhan dbang gzhan dbang mtshan nyid pa
min pa dang/ de'i gzhan dbang gis gzhan dbang gi go mi chod par
'dod pa mi

'thad de/ dgongs 'grel gyi skye ba ngo bo nyid med pa ngos 'dzin
gyi mdor chos thams cad la skye ba ngo bo nyid med tshul zhig
dngos su bstan pas nam mkha' sogs kyi gzhan dbang rang gi rgyu
rkyen la brten nas skye ba las

de la ltos med du rang dbang du mi skye ba nam mkha' sogs kyi
gzhan dbang skye ba ngo bo nyid med pa'i don du bstan pa'i phyir
dang/ nam mkha'i yongs grub yongs grub yin na de'i gzhan dbang
gzhan dbang yin dgos pa'i phyir te/

gzhung las/ chos rnams rang gi mtshan nyid kyis gnas tshul la ji
ltar yod dpyod pa'i don dam du yod pa la ni chos can med na chos
nyid yan gar ba la gnas pa'i mthu med pas gzhan dbang gi rten
'brel rang bzhin gyis

grub pas stong na yongs grub kyang rang gi mtshan nyid kyis ma
grub par 'gyur zhes lugs snga mas kyang smra la lugs 'dis kyang
de ltar smra ste/ zhes dang/ rtsa she'i TIka chen las/ stong pa
nyid yin pa cung zad cig bden par

@122b grub par 'dod na ni de'i rten chos can bden par grub pa
gcig kyang gdon mi za bar 'dod dgos te/ rten chos can med par
brten pa'i chos nyid gnas pa mi srid pa'i phyir dang/ bden grub
kyi rten rdzun pas byed pa 'gal

ba'i phyir/ zhes gsungs pa'i phyir dang/ de'i don thal 'gyur bas
'phul mtshams byed pa yang ma yin pa'i phyir dang/ chos nyid bden
par grub na de'i rten chos can bden par grub dgos par dbu sems
gnyis kas 'dod

dgos pa/ de nyid las/ rnal 'byor spyod pa ba'i mkhas pa rnams
kyang yongs grub bden par 'grub pa la de'i rten gzhan dbang bden
par 'grub dgos par mthong nas gzhan dbang bden par grub ste/ de
bden par grub na de'i

stong nyid bden pa 'bad med du 'grub pa'i phyir dang/ de bden
par ma grub na rgyu mtshan de nyid kyis de'i chos nyid bden med
du 'gyur ba'i phyir ro/ /des na de dag las ldog ste smra ba ni
rang gi sde ba gong 'og gang gi yang lugs min

pas dor bar bya ba kho na'o/ /zhes gsungs pa gsal ba'i phyir ro/
/des na nam mkha'i gdags gzhir gyur pa'i dngos po dang nam
mkha'i 'dzin pa'i tshad ma re re nas nam mkha'i gzhan dbang/
gdags gzhi de dang tshad ma de de

'dra'i sgra'i 'jug gzhir rang mtshan gyis grub pa nam mkha'i kun
btags/ de des stong pa nam mkha'i yongs grub tu bzhed cing/ ma
byas pa'i chos rnams kyi rten du rang gi bya ba byed pa'i nus pa
yod med dpyod pa'i rten mthar thug tu

@123a @#/ /gyur pa'i dngos po rang mtshan pa re yod pa/ rnam 'grel
las/ rang gi mtshan nyid gcig gzhal bya/ /yod med nyid du dpyod
rnams kyis/ /don bya de las grub phyir ro/ /zhes pas sgrub bo/
/tshe brtan

lha rams pas/ nam mkha'i chos nyid gtan la 'bebs pa na nam mkha'
stong gzhir ma bzung bar gzhan zhig gi steng du gtan la 'bebs pa
min par dngos kyi stong gzhi nam mkha' yin yang rtsa ba'i stong
gzhi la gzhan dbang

dngos gnas pa re dgos te/ 'dus ma byas kyi chos re re la gdags
gzhi'i gzhan dbang re yod pa'i phyir te/ nam mkha' chos bdag tu
'dzin pa'i bdag 'dzin des bar snang lta bu'i gzhir thogs reg med
pa tsam la nam mkhar

btags pa'i stong sang la dmigs nas de chos bdag tu 'dzin pa yin
la/ de bar snang lta bu'i rtsa ba'i dmigs rten rang mtshan pa med
na nam mkha' tsam la dmigs tshul gtan med pa ltar/ chos kyi bdag
'dzin gyi zhen yul

bkag pa'i stong nyid kyang rtsa ba'i rten chos can bar snang lta
bu'i gzhi rang mtshan pa med na nam mkha' tsam la brten du mi
rung ba blo kha phyogs pa tsam gyis shes nus pa'i phyir te/ chos
nyid bden grub tu 'dod pa'i lugs yin pas

so; /'dus byas kyi gzhan dbang kun btags kyis stong pa 'dus byas
de dang de'i yongs grub tu 'jog kyang/ ma byas pa'i chos gzhan
dbang kun btags kyis stong pa 'dus ma byas kyi chos de dang de'i
yongs grub tu mi 'jog

@123b par de dag gi gzhan dbang rtsa ba'i stong gzhir byas pa'i
steng du chos de dang der ngo bo dang khyad par du kun btags
pas
stong pa chos de dang de'i yongs grub tu 'jog pa dang/ nam
mkha'i chos nyid de'i gzhan dbang gi steng gi

chos nyid yin yang nam mkha'i gzhan dbang gi chos nyid min zhing
spyi don du nam mkha'i gzhan dbang gi chos nyid nam mkha'i chos
nyid yin par gsungs pa yig nor yin no/ /'di ni lugs 'di'i thun
mong min pa'i 'dod

tshul dgongs 'grel las gsungs pa ltar bshad pa las/ spyir 'di
ltar bshad na thal rang gi rigs pas gnod pas mi rung zhing/ chos
nyid gtan la 'bebs pa'i stong gzhir 'dus byas rnams bzung tshe
rang rang ni

dngos kyi stong gzhir bzung bas chog pa dang/ ma byas pa'i tshes
rnams la gzhan dbang stong gzhir bzung tshe de rtsa ba'i stong
gzhi rang mtshan pa las dngos kyi stong gzhir 'gro tshul med pa'i
khyad legs par phyed dgos/ ma byas

pa'i chos kyi steng gi gzhan dbang la gzhan dbang mtshan nyid pa
re dgos pa'i rgyu mtshan ni/ mdor skye ba ngo bo nyid med pa'i
rgyu mtshan du rang dbang du mi skye ba dang rkyen gzhan gyi
stobs kyis skye ba gnyis ka gzugs nas lam gyi

yan lag gi bar la khyad med du sbyar bas/ ma byas pa'i chos kyi
gzhan dbang la chos rang rang bzhag na de la skye ba ngo bo
nyid
med pa'i don 'jog rgyu mi rnyed pa dang/ de'i steng na gzhan
dbang gi dod 'jog rgyu yod kyang skye ba ngo

@124a @#/ /po nyid med pa'i don mi tshang na rjes gsung dgos pa la
ma gsungs pa dang/ ma gsungs bzhin nan gyis sbyor mi rung ba
dang/ gzhan dbang don dam pa ngo bo nyid med pa 'chad skabs
chos
de rnams

kyi gzhan dbang la rten cing 'brel bar 'byung ba zhes 'dus byas
gzhir bzhag nas gsungs kyang 'dus ma byas kyi gzhan dbang 'phud
dgos pa'i dmigs bsal mdo dang rjes ma gsungs pa dang/ chos rnams
kyi mtshan

nyid gsum ngos 'dzin tshe gzugs phung gi kun btags 'dogs pa'i
gzhi la gzhan dbang khyad par gsum ldan bzhag nas de bzhin lam
gyi yan lag gi bar la sbyor bar gsungs shing/ de ltar na 'gog
bden gyi kun

btags 'dogs pa'i gzhi dang de'i yongs grub kyi stong gzhi'i
gzhan dbang yang khyad par gsum ldan dgos pa bsnyon du med pa
dang/ ngo bo nyid gsum ngos 'dzin skabs 'gres rkang bdun la
mtshan nyid gsum gsum

gyi 'jog lugs byas par gzhung las 'byung ba ltar la/ 'jog lugs
zhes pa'i don yang/ ma byas pa'i chos kyi gzhan dbang 'dus ma
byas dngos min yang de'i kun btags dang yongs grub gnyis kyi med
na mi 'byung

ba'i gzhi rten yin pas gzhan dbang du bzhag pa yin no/ /spyi don
du drangs pa'i lung rnams sgra ji bzhin du khas len phyin 'di
ba'i lugs la yongs grub yin na rang rten chos can bden grub cig
yod pas khyab pa nges par khas

@124b len dgos pa'i rgyu mtshan mang po spros shing/ de ltar mdo
dang rje'i gsung zin dang 'gal bar dgongs nas spyi don du sngar
bzhin gsungs par bshad do/ /sgo mang yig char/ nam mkha' nam
mkha'i gzhan dbang min zer ba mi

'thad de/ gzugs gzugs kyi gzhan dbang la 'jog pa bzhin du chos
kun la mtshan nyid gsum gyi rnam gzhag sbyar dgos pa dgongs
'grel
gyis grub pa'i phyir dang/ nam mkha' 'dzin pa'i rtog pa nam
mkha'i gzhan dbang

yin na/ bum 'dzin rtog pa'i chos nyid yod na bum pa'i chos nyid
yod pas khyab par thal ba dang/ nam mkha' 'dzin pa'i tshad ma nam
mkha'i gzhan dbang yin na tshad ma de'i chos nyid nam mkha'i chos
nyid yin dgos pas de 'dus

ma byas stong pa nyid yin par thal ba dang/ spangs pa mthar thug
'dzin pa'i rtog pa spangs pa mthar thug gi gzhan dbang yin na
spangs pa mthar thug 'dzin pa'i rtog pa'i chos nyid de spangs pa
mthar thug gi chos nyid yin dgos

pas de ngo bo nyid skur thal ba dang/ 'gog bden 'gog bden gyi
gzhan dbang min na sdug bden bzhi bden pa lhag ma la sbyar bar
gsungs pa mi 'thad par thal ba dang/ nam mkha'i yongs grub gtan
la 'bebs tshe nam mkha'

'dzin pa'i tshad ma stong gzhir bzung chog na/ gzhung las/ de la
rnal 'byor spyod pa ba dang dbu ma ba su'i lugs la yang chos kyi
bdag med kyi yongs grub gtan la 'bebs pa na stong gzhi gang la
bya dgos pa ni chos kyi bdag

@125a @#/ /'dzin gyis gzhi gang la chos kyi bdag tu bzung ba de
la rag las te/ zhes gsungs pa mi 'thad par thal ba dang/ nam
mkha'i bdag 'dzin dang de'i bdag med rtogs pa'i ye shes gnyis
dmigs pa gcig

la dmigs nas 'dzin stangs dngos 'gal du song ba zhig mi dgos na/
rnam 'grel las/ 'di yul sun byung med par ni/ /de spong ba ni
nus ma yin/ /zhes sogs mi 'thad par thal ba dang/ nam mkha' chos
bdag tu

'khrul ba'i tshe nam mkha' khyad gzhir bzung nas chos bdag tu
grub pas stong par bstan mi dgos na/ gzhung las/ dper na thag pa
la sbrul du bzung nas skrag pa'i sdug bsngal bsal bar 'dod pa na
thag pa stong gzhir bzung

nas de sbrul gyis stong ngo zhes bstan dgos kyi/ zhes gsungs pa
dang 'gal bar 'gyur ba dang/ nam mkha'i chos nyid nam mkha'
rtogs pa'i yul can kun gyi chos nyid yin na/ nam mkha'i chos
nyid la nam mkha'i chos nyid

du song la bum pa'i chos nyid du ma song ba'i cha gnyis med dgos
pas nam mkha'i chos nyid cha can ma yi par thal ba dang/ chos
nyid yin na rang rten chos can bden par grub pas khyab pa de/
rtsa she'i TIka chen du chos nyid

bden par grub pa la de'i rten chos can bden par grub dgos par
gsungs pa'i don dang/ rdzun par grub na chos nyid bden grub gang
gi'ang rten byed mi nus pas khyab pa de/ der bden par grub pa'i
rten rdzun pas byed

@125b pa 'gal bar gsungs pa'i don dang/ khyab tshul de ltar khas
len pa la dbu sems mthun pa ni/ der sems tsam dang ngo bo nyid
med par smra ba 'dod pa mthun par gsungs pa'i don yin na/ sems
tsam lugs la

nam mkha'i chos nyid bden par grub pas nam mkha' bden par grub
par thal ba dang/ chos can nam mkha' bden par ma grub pas nam
mkha'i chos nyid bden par ma grub par thal bar 'gyur ro/ /chos
nyid bden grub

la chos can bden grub cig dgos pa las/ de'i rten chos can la
bden grub kyis khyab pa lung de'i don min zer na'ang mi 'thad
de/ nam mkha'i chos nyid la chos can bden grub cig gzhan nas
btsal mi dgos pa'i phyir te/

nam mkha' gcig pus kyang rang gi chos nyid gcig bu las gzhan
zhig gi chos nyid kyi rten mi byed la/ gzhan zhig gis kyang nam
mkha'i chos nyid kyi rten mi byed pa'i phyir/ des na nam mkha'
nam mkha'i gzhan dbang/ nam

mkha'i ngo bo dang khyad par du kun btags pa nam mkha'i kun
btags/ de des stong pa nam mkha'i yongs grub yin yang/ nam mkha'
<gzhan dbang dngos yin mi dgos pa dang/ dgongs 'grel gyis 'dus
byas rnams kyi

steng gi skye ba ngo bo nyid med tshul gtso bor dngos su bstan
la/ ma byas pa'i chos rnams kyi steng gi de dngos su bstan kyang
gtso bor ma bstan par bzhed de yig cha rnying ba'i 'gangs dang
ches mthun no/ /gung thang rin po 

@126a @#/ /ches; nam mkha'i gzhan dbang la nam mkha' 'jog par
thal/ rnam brtags kyi nam mkha' la nam mkha' 'jog pa'i phyir
te/ gzugs phung steng gi stong gzhi rnam brtags kyi gzugs la

gzugs rang nyid bzhag nas/ de bzhin du chos thams cad la khyad
med du sbyor dgos pa'i phyir/ dbus mtha'i dbyig 'grel las/
rnam par btags pa'i gzugs ni gang gzugs kyi gzhan gyi dbang gi
ngo bo nyid de

de la gzugs su rnam par rtog par byed do/ /zhes dang/ gzugs la
ji lta ba de bzhin du tshor ba la sogs pa'i phung po rnams dang
khams dang skye mched la sogs pa la'ang sbyar bar bya'o/ /zhes
dang/ de'i 'grel

bshad las kyang de ltar sbyor bar gsungs pa'i phyir dang/ kun
btus las/ rnam par brtags pa'i mtshan nyid kyi rab tu dbye ba
gang zhe na/ phung po dang khams dang skye mched de dag nyid
do/ /zhes de'i steng gi rnam

brtags sam gzhan dbang la de dag rang rang kho na 'jog pa las
gzhan zhig btsal nas 'jog par ma gsungs pa'i phyir/ zhes sogs
rnam par spros te 'chad do/ /mdor na blo rje'i yig cha gnyis
dang/ phyi ma'i rjes

'brang rje drung dang bde legs nyi ma sogs kyis nam mkha' nam
mkha'i gzhan dbang min pa dang/ tshul khang dang yig cha gsar
rnying rjes 'brang dang bcas pas de de yin par dam bca' 'o/
/de la 'di ltar/ blo gling bas

@126b bkod pa'i rigs pa dang po'i rtags ma grub cing/ gzhan
dbang la rgyu las skyes pa zhig dgos gsungs pa 'dus byas kyi
yin la/ chos can dang chos nyid bden par grub mnyam mi dgos pa
dang/ nam mkha' 'dzin pa'i tshad

ma nam mkha'i gzhan dbang min pa 'chad par 'gyur ro/ /rje
btsun pas bkod pa'i rigs pa dang po blo gling ba'i rigs pa
gnyis pa dang 'dra bas lan song zin cing/ gzhung las/ chos
rnams rang gi mtshan nyid kyis gnas

tshul la/ zhes sogs kyi lung don ni/ yang snying du dgag bya'i
don dam du yod med mtshungs pa'i don dang/ rtsa she'i TIka
chen gyi lung don yang yig cha gsar rnying gnyi gas snga ma
dang mthun par bkral mod/ yang snying du de

bkag nas/ chos nyid rang ngos nas grub na chos can rang ngos
nas grub dgos pa'i don du bshad de/ gzhung gnyi ga'i don
phyogs gcig tu bkral cing/ TIka chen gyi skabs 'di'i bden
grub gsungs tshad rang ngos nas grub

pa la byed do/ /rnam 'grel gyi lung don ni/ de'i TIka chen
las/ blos ma btags pa'i gzhal bya ni dang mtshan gcig pu'o zhes
ston pa ni/ shes bya chos can/ rang spyi gnyis kyi nang nas
don rang ngos nas grub pa'i gzhal bya rang

gi mtshan nyid gcig pu yin te/ mngon par 'dod pa'i don byed
pa'i nas pa yod med nyid du dpyod pa rnams kyis mngon par 'dod
pa'i don bya ba'i nus pa rang spyi gnyis kyi nang nas rang
mtshan de kho na la grub pa'i phyir/ zhes  

@127a @#/ /gsungs pa
ltar ro/ /tshe brtan lha rams pas mdo 'gal bzhi brjod pa'i dang
po blo gling gi rigs pa gnyis pa dang mtshungs shing/ ma byas
pa'i chos kyi steng na skye ba ngo bo nyid med pa'i don mtshan
nyid pa zhig

'jog rgyu med kyang skyon med pa dang/ rjes gsung dgos pa lam
gsungs pa dang/ ma gsungs bzhin nan gyis sbyar ba'i skyon
phyogs 'di la 'jug na/ nam mkha' 'dzin pa'i tshad ma dang nam
mkha'i gdags gzhi'i bar

snang skya sang nam mkha'i gzhan dbang du 'dod pa la'ang skyon
de dag 'jug mnyam yin pa dang/ mdo 'gal gnyis pa'i skabs/
dmigs bsal rjes ma gsungs pa bden yang don gyis 'grub la/ 'dus
byas kyi rang steng

gi gzhan dbang la chos rang rang 'jog kyang ma byas pa'i chos
la de ltar mi 'jog pa'i dmigs bsal rjes gsungs pa yod med bsam
par rigs pa dang/ mdo 'gal gsum pa'i skabs kyi mdo don ni
gzugs gzugs

kyi gzhan dbang du ngos bzung ba de bzhin du chos thams cad la
rang rang rang rang gi gzhan dbang du ngos 'dzin par gsungs pa
yin zhing/ mdo 'gal bzhi ba'i skabs/ 'jog lugs gsungs pa'i
steng na nus pa lhag

po yod pa'i dbang du byas na/ yig cha rnying ba'i rjes su
'brangs te yang snying du/ don de dngos min yang phyogs tsam
'dra ba la tshul dang lugs kyi sgra 'jug pas/ 'dir ma byas pa'i
chos rnams kyi gzhan dbang la  

@127b gzhan dbang gi don dngos
ma tshang yang/ stong gzhi yin pa'i cha nas gzhan dbang du 'jog
lugs byas chog /ces bkral ba dang/ kho rang gis bshad pa gnyis
la btsan gnyom med par snang ngo/ /gzhung gi lung sngar

drangs pa'i don la tshe brtan lha rams pas/ de'i tshig zur gyi
don dam de rigs pas dpyad bzod la byas tshe sems tsam pas chos
can rigs pas dpyad bzod du ma grub na chos nyid rigs pas dpyad
bzod du gnas pa'i

mthu med pas gzhan dbang rang mtshan gyis ma grub na yongs grub
kyang de ltar ma grub par 'gyur/ zhes smras na 'brel ci yang
med ces sgo mang bkag ste/ lung don ni de'i tshig zur gyi don
dam de rang ngos nas grub pa la byas

na sems tsam pas chos can gzhan dbang don dam par ma grub na
yongs grub gcig pu don dam der gnas pa'i mthu med pas gzhan
dbang rang mtshan gyis ma grub na yongs grub kyang de ltar ma
grub par 'gyur ba'i don du

bkral kyang/ gzhung du/ gzhan dbang rang bzhin gyis med na
yongs grub kyang rang bzhin gyis med par dbu sems gnyis kas
'dod par gsungs pa las mi 'byung zhing/ 'brel yod tshul da dung
gnyis kas rtsod

gcod dgos par mnyam mo/ /rtsa she'i TIka chen du dbu ma bas
chos can mi bden pas chos nyid kyang bden par ma grub par
bzhed ces pa'i dbu ma ba la thal rang gnyis 'ong bas bden grub
de rang ngos nas grub pa la  

@128a @#/ /byed pa 'gal zhing/
thal 'gyur pa kho na la byed na rang rgyud pa thad 'di'i dngos
smra ba'i grangs su bgrang dgos par 'gyur zhes lha rams pa des
bshad kyang/ skyon med de/ gzhan dbang dang yongs

grub rang ngos nas grub par rang bzhin smra ba kun gyis 'dod
mod/ dngos smra ba zur du bkar ba ni/ chos byed mkhan mang du
yod kyang lhas byin ma zad mchod byin gyis kyang chos byed do
zhes smra ba bzhin yin pa'i phyir

ro; /tshe brtan lha rams pas/ chos gang yin yang de'i gzhan
dbang la chos rang rang bzhag na rtsod gzhi cung zad kyang
med/ ces phyogs sngar bsngags shing/ spyi lugs la 'di ltar
bshad pa min pas thal rang gi

rigs pas gnod kyang de dag dang mthun par bshad du ga la rung/
zhes dang/ 'dus ma byas kyi chos rnams kyi gzhan dbang la
gzhan dbang mtshan nyid pa 'jog lugs 'di thal rang gi gzhung
nas bshad pa'i rigs

pa'i 'gros kyis dpyad na blo la bde bo mi 'dug /ces rang gi
'dod pa la rang gis bsnyings par byas nas/ khas len 'dzin so
mi bde pa byung ba na/ rtsod pa'i skabs su 'dzin mi bde ba 'di
lta bu phran tshegs byung ba grub

mtha'i dbang gis yin zhes grub mtha' la khag bkal nas rang
mtshang sgrogs pa byung ngo/ /kho na re/ nam mkha' nam mkha'i
gzhan dbang ma yin par thal/ nam mkha' nam mkha'i gzhan dbang
yin tshul med pa'i phyir

@128b zer na/ de yod de/ rtog ge 'bar ba las/ yang na gzhan
skyes pa la dbang byed pas na gzhan gyi dbang ste/ kun btags
pa dang yongs su grub pa gnyis de'i gzhi las kun btags pa
dang/ yongs su grub par 'gyur ba'i

phyir te/ de ni gzhan gyi dbang gi ngo bo nyid do/ /zhes
gsungs pa ltar kun btags dang yongs grub gnyis kun btags pa
dang yongs su grub par 'gyur bar dbang byed pas na gzhan dbang
zhes bshad chog pa'i phyir/ kha

cig /nam mkha' nam mkha'i steng gi skye ba ngo bo nyid med pa
ma yin te/ de la skye ba ngo bo nyid med pa zhes bshad du med
pa'i phyir na/ stong thun las/ gzhan dbang rang nyid rang las
mi skye ba skye ba ngo bo nyid med pa'i don du bshad/

ces gsungs pa khungs su byas te ma byas pa'i chos kyi steng du
skye ba ngo bo nyid med pa bshad tshe de ltar bshad chog pa'i
phyir/ nyi khri byams zhus las/ ming dang 'du shes dang btags
pa dang tha snyad gang yin pa de ni rnam par

btags pa'i gzugs so/ /zhes pas nam mkha' 'dzin pa'i tshad ma
rnam brtags kyi nam mkhar mi 'grub ste/ 'dogs byed kyi rtog pa
de gdags gzhi de la brten pa'i rnam brtags las gdags gzhi de'i
rnam brtags su

gsungs pa min pa'i phyir ro/ /des na nam mkha' nam mkha'i
gzhan dbang du khas blangs na/ gzhung las/ ngo bo dang khyad
par du btags pa dang gzung 'dzin rdzas gzhan gyi kun btags
kyis stong pa'i skabs thams

@129a @#/ /cad du gzhan dbang nyid stong gzhir byas nas/ de
snga ma gnyis kyis yin pa'i tshul gyis stong pa yongs grub tu
bya dgos/ zhes dang/ rnal 'byor spyod pa ba dang dbu ma ba
su'i lugs la yang chos kyi

bdag med kyi yongs grub gtan la 'bebs pa na stong gzhi gang la
bya dgos pa ni chos kyi bdag 'dzin gyis gzhi gang la chos kyi
bdag tu bzung ba de la rag las/ zhes dang/ mig dang gzugs la
sogs pa'i phyi nang gi

dngos po gzhan dbang 'di tsam la bdag tu 'dzin pas de nyid
stong gzhir bzung nas stong pa gtan la dbab dgos/ zhes dang/
des na 'jig rten na 'dre shar sgor gnod pa la glud nub sgor
gtong zhes pa ltar ma song bar

gang la bdag tu bzung ba'i gzhi gzhan dbang de ji ltar bzung
ba ltar gyi kun btags kyi bdag gis stong pa yongs grub yin
pa'i stong tshul de 'dra'i stong nyid bsgoms na bdag 'dzin gyi
gnyen por 'gro ba yin gyi/ zhes

dang; yum gyi mdo nyid las gzugs nas rnam mkhyen gyi bar re re
la gsum gsum gyi rnam gzhag byas nas stong gzhi rnam brtags
dgag bya kun btags kyis stong pa chos nyid yongs grub tu
bshad/ ces sogs kyis

chos kyi bdag med gtan la 'bebs tshe stong gzhi ni chos kyi
bdag 'dzin gyis gang la dmigs nas chos kyi bdag tu bzung ba de
la bya dgos par shin tu gsal bar yang yang gsungs pa dang
mthun zhing/ de ltar ma

@129b gyur na/ 'di yul sun phyung med par ni/ /zhes sogs ltar
chos kyi bdag 'dzin sun 'byin mi nus par 'gyur ba dang/ gzhung
las/ de la rnam brtags ni gzugs nas sangs rgyas kyi bar gyi
rten 'byung gi gzhan

dbang la bya ste gtso bo'i dbang du byas pa'o/ /zhes gzhan
dbang khyad par gsum ldan stong gzhir gsungs pa gtso bo'i
dbang du byas par rje rang nyid kyis gsungs pa dang yang mthun
no/ /zhes phyi ma'i phyogs 'dzin dag

'chad do/ /snga ma'i phyogs 'dzin dag gis/ yang snying du rnam
brtags kyi nam mkha' la nam mkha' 'jog pas na nam mkha'i gzhan
dbang la nam mkha' 'jog rigs gsungs pa la/ 'o na gzugs kyi
ming sogs

gzugs kyi gzhan dbang du thal/ gzhung las/ de ltar brjod pa'i
ming sogs rnam btags su bshad pas ni sngar bstan pa'i brjod
bya dang rnam rtog kyang rnam btags su bshad par gzung ste/
zhes gsungs pa'i phyir/

nam mkha' nam mkha'i gzhan dbang yin pa'i shes byed du dbus
mtha'i 'grel ba 'grel bshad dang/ kun btus su chos re rer rnam
brtags sogs gsum gsum sbyar nas gsungs pa drangs kyang nam
mkha' rnam brtags

kyi nam mkhar khas len pa la dbu sems mthun pas nam mkha' rnam
brtags kyi nam mkha' yin yang/ de de'i gzhan dbang yin pa'i
sgrub byed yod na ston cig /nam mkha' nam mkha'i steng gi
dngos po yin par

@130a @#/ /thal; nam mkha' nam mkha'i steng gi gzhan dbang yin
pa'i phyir/ khyab ste/ de de'i steng gi don byed nus pa min
la/ de de'i steng gi rgyu rkyen gzhan gyi dbang gis byung ba
yin tshul med pa'i phyir/

nam mkha' 'dzin pa'i tshad ma nam mkha'i gzhan dbang du bzhag
pa 'dre shar sgo dang glud nub sgo'i dper mi 'gyur te/ nam
mkha' 'dzin pa'i tshad ma nam mkha'i yongs grub kyi stong gzhi
yin zhing/ gnod 'joms

su gzhan dbang stong gzhir ma byas par yongs grub stong gzhir
byas pa 'gog pa na gzhung du dpe de bkod kyi 'di la ma yin
pa'i phyir dang/ dgongs 'grel las gzugs gzugs kyi gzhan dbang
du gsungs kyang

nam mkha' nam mkha'i gzhan dbang du gsungs pa med pa'i phyir/
gzhi grub na rang steng gi mtshan nyid gsum yod pas khyab
kyang/ gzhi grub na rang steng gi rnam brtags sogs gsum yod
pas ma khyab ste/ gzhan du na

ka bum gnyis rnam brtags kyi ka bum gnyis yin par 'gyur ba'i
phyir ro/ /zhes 'chad do/ /dogs dpyod du/ rnam brtags kyi
gzugs yin na gzugs kyi gzhan dbang yin pas ma khyab pa dang/
dgongs 'grel du chos

rnams la mtshan nyid gsum gsum gsungs kyang mtshan gzhi dngos su
rgyas par ma gsungs pa nyi khri byams zhus las gsal bar gsungs
pa'i rgyu mtshan gyis yin par bshad/ 'o na/ gzugs kyi ming
gzugs kyi gzhan

@130b dbang yin par thal/ byams zhus kyis gzugs kyi ming gzugs
kyi gzhan dbang gi mtshan gzhi gsal bar gsungs pa'i phyir/
rtags song/ rgol ngan tshar gcod du/ gzugs dang gzugs 'dzin
tshad ma rdzas gzhan gyis stong

pa gzugs dang gzugs 'dzin tshad ma gnyis ka'i chos nyid yin
pa'i shes byed du/ rnam 'grel las/ de phyir gnyis stong gang
yin pa/ /de ni de yi'ang de nyid yin/ /zhes dang/ de'i dar
TIka las/ gzung 'dzin rdzas tha  

dad gnyis kyis stong pa'i stong nyid gang yin pa de ni chos
can gnyis med kyi shes par ma zad gnyis snang de yi'ang de kho
na nyid yin te/ mthar thug dpyod pa'i rigs shes kyi dpyad bzod
yin pa de'i phyir/ zhes pa 'dren no/ /de

la; des ni gzung 'dzin gnyis ka'i stong nyid kyi gzhi mthun
yod par gsungs pa min par de gnyis ka'i stong nyid kyi stong
tshul mthun par bstan te/ de'i rgyu mtshan rtsa she las/ mya
ngan 'das mtha' gang yin pa/ /de ni 'khor

ba'i mtha' yin te/ /zhes dang/ de bzhin gshegs pa'i rang bzhin
gang/ /de ni 'gro 'di'i rang bzhin yin/ /zhes sogs kyi don
'chad tshe/ TIka chen du/ de dang de dgag bya'i bdag gis stong
tshul 'dra ba'i don du

gsungs pa ltar/ 'dir yang yul shes gnyis ka gzung 'dzin rdzas
gzhan gyis stong mnyam yin pas gnyis stong gi de kho na nyid
de de gnyis ka'i steng du gnas tshul dbyer med pa'i don yin te/
de la gcig ni med pas kyang/  

@131a @#/ /gnyis ka nyams par 'gyur ba yin/ /de phyir gnyis stong
gang yin pa/ /de ni de yi'ang de nyid yin/ /zhes gsungs pa'i
phyir/ gzhan dun 'khor 'das gnyis dang/ sangs rgyas dang sems
can gnyis kyi

rang bzhin phar yin tshur yin dang/ chos kun gyi rang bzhin mthar
thug yin khyab mnyam du khas blangs chog par thal/ drangs ma
thag pa'i rtsa she'i lung gnyis dang/ bzhi brgya bar/ gcig gi
stong nyid gang yin pa/ /de ni kun gyi

stong nyid yin/ /zhes gsungs pa'i phyir ro/ /gzhan yang lhas
byin dang de 'dzin rnam mkhyen rdzas gzhan gyis stong pa gzhi ma
grub pas de de gnyis ka'i stong nyid du mi 'gyur zhing/ rnam
mkhyen dang lhas byin gnyis ka'i stong

nyid kyi gzhi mthun yod par thal/ de gnyi ga'i stong nyid 'gal
bam yin pa'i phyir/ ma grub na/ de gnyis kyi steng gi stong nyid
chos can/ khyod yin na gang dran dran yin pas khyab par thal/
khyod 'gal ba yin pa'i phyir zer na/

de sgra sbyar te ma grub pa dang/ de gnyi ga'i steng gi stong
nyid yin na gang dran dran yin pas khyab par thal/ de gnyis ka'i
stong nyid 'gal ba yin pa'i phyir na sbyor lugs skyon can gyi
lan 'debs par gung thang rin po ches

gsungs so/ /tshe brtan lha rams pas phyi nang gi stong nyid gnyis
ka 'gal bar khas blangs nas/ gzugs dang de 'dzin tshad ma rdzas
gzhan gyis stong pa chos can/ phyi stong pa nyid ma yin par
thal/ nang stong pa nyid yin

@131b pa'i phyir/ khyab pa khas/ der thal/ gzugs 'dzin tshang
ma'i stong nyid yin pa'i phyir nam khyab ste/ nang stong pa nyid
kyi stong gzhi la nang kho na'i chos dgos pa'i phyir/ rtsa bar
'dod mi nus te/ de gzugs kyi chos nyid

yin pa'i phyir na ma khyab ste/ phyi stong pa nyid kyi stong
gzhi la phyi kho na'i chos dgos pa'i phyir/ yang/ stong nyid de
gnyis mi 'gal byas na'ang lung rigs kyi gnod pa med par bshad
do/ /'o na/ phyi nang gi stong nyid gnyis

chos can/ mi 'gal byas chog par thal/ de ltar byas na lung rigs
kyi gnod pa med pa'i phyir/ rtags khas 'dod na/ de chos can/ mi
'gal byas mi chog par thal/ 'gal byas chog pa'i phyir na rnam pa
gcig

tu ma khyab ces rtsod pa spong la/ sgo mang rjes 'brang dag gis/
sngon po dang sngo 'dzin tshad ma'i chos nyid 'gal ba ma yin par
thal/ de gnyis kyi ngo bo 'gal ba ma yin pa'i phyir nam khyab
zer ba sogs rtsod tshul dang lan

'debs tshul phra mo mang ba rnams gzhan las shes par bya'o/ /dka'
'grel du/ gzhan dbang khyad chos gnyis ldan du gsungs pa ni/
gzhan dbang rang ldog la sbyar na 'du byed kyi mtshan ma zhes pa
gzhan dbang rang nyid

la go dgos pas de la khyad chos gnyis las sbyor rgyu med pa la
dgongs kyi/ gzhan dbang khyad chos gsum ldan mi bzhed pa min te/
gzhung las/ gsum pas rang gi ngo bo bstan to/ /zhes gsungs pa'i
phyir/

@132a @#/ /dogs dpyod du/ khyad par gsum po'i gang rung la gzhan
dbang gis khyab par gsungs kyang khyad par dang po la gzhan
dbang gis ma khyab pa ma brtag khyad par dang po'i rnam rtog ni
rang 'dzin rtog pa dang/

kun btags 'dogs byed kyi rtog pa la bshad pa gnyis snang la/
de'i spyod yul du gyur tshul/ yang snying du de'i dmigs yul la
byed cing/ blo de'i dmigs yul yin na blo de'i spyod yul yin mi
dgos par gsungs so/ /

de ltar dgos na kun rdzob thams cad 'phags pa'i mnyam gzhag ye
shes kyi spyod yul dang/ rnam mkhyen so skye'i shes pa phal ba'i
spyod yul du 'gyur ba'i skyon yod do/ /khyad par gsum pa'i don
la rgya nag 'grel chen gyis

bshad pa gnyis bkod pa'i dang po'i don/ kha cig 'du byed la
dmigs pa'i shes pa'i yul gyi bye brag la bya dgos te/ 'grel chen
las/ 'du byed la bye brag tu dmigs pa'i shes pa'o/ /zhes dang/
dmigs par bya

ba'i mtshan ma'o/ /zhes gsungs pa'i phyir zer ba dang/ kha cig de
ltar gsungs kyang 'du byed la dmigs pa'i shes pa'i khyad par la
byas nas/ 'gyur gyis ma thon pa ma gtogs dmigs par byed pa'i
mtshan ma la go

dgos te/ 'grel chen du bshad pa snga ma mi legs pa'i rgyu mtshan
ston pa na/ lta ba la sogs pa'i rnam pa yin pa'i phyir ro/ /zhes
gsungs pa'i phyir zer yang/ dgongs tshod dngos ni/ mun sel las/
'du byed rtogs

@132b pa'i shes pa des rtags sam rgyu mtshan gyi rnam pas 'dzin
pa la 'du byed kyi mtshan mar bzhag ces gsungs pa ltar ro/ /rnam
'grel TIka chen du/ yongs grub dngos por med na mngon sum gyi
snang yul du mi rung ba dang/

mngon sum du mthong mi srid pa dang/ rdzas su ma grub pas btags
yod du 'dod dgos shing de yin na bden par grub pa 'gal ba dang/
don dam bden pa min par 'gyur bas gzung 'dzin du bden pas stong
pa'i stong nyid

yongs grub yin zer ba mi 'thad par gsungs nas/ shes pa rnams kyi
myong ba gsal rig gi cha la yongs grub ces bya zhing/ rang nyid
gnyis med kyi ngo bo las gzhan du rkyen gyis 'gyur bar byed mi
nus pas 'gyur med yongs

grub ces kyang bya ste/ 'di dang shes pa'i 'dzin rnam la khyad
med par gsungs pa ni/ kun mkhyen bla mas/ mngon sum gyi snang
yul la rang mtshan gyis khyab par khas blangs pa'i sems tsam pa
'ga' zhig gi lugs su bzhed

par mngon te/ dbu ma snang bar rnal 'byor mngon sum gyi dngos
yul dngos por 'dod pa mdo sde pa'i rigs pa la brten pa'i sems
tsam pa kha cig gi lugs su grub mtha' chen mor gsungs pa'i
phyir/ blo rig mtha'

dpyod dang/ gung thang bden bzhir yang de ltar gsungs so/ /gang
zag gi bdag med dra mo yongs grub yin min gyi don la/ dka' 'grel
dang/ blo gling dang/ de dag gi rjes 'brang rnams na re/ de
yongs grub ma

@133a @#/ /yin te/ yongs grub yin na chos bdag bkag tsam yin dgos
pa'i phyir te/ dgongs 'grel las/ chos rnams kyi chos bdag med pa
gang yin pa de ni de dag gi ngo bo nyid med pa nyid ces bya'o/ /

zhes dang/ chos la bdag ma mchis pa de bzhin nyid rnam par dag
pa'i dmigs pa gang lags pa de ni yongs su grub pa'i mtshan nyid
lags/ zhes dang/ dbus mtha' las/ rnam dag spyod yul rnam gnyis
te/ /gcig

bu kho nar brjod pa yin/ /zhes 'phags pa'i mnyam gzhag gi 'dzin
stangs yul gyi bdag med gnyis yod kyang yongs grub ni de'i nang
nas chos kyi bdag med gcig pu yin par gsungs pa dang/ gzhung
las/ chos

rnams kyi chos kyi bdag med yongs grub ni rnam par dag pa'i
dmigs pa yin pas don dam pa'ang yin la/ chos rnams kyi bdag gi
ngo bo nyid med pas rab tu phye ba ste de tsam gyis bzhag pa yin
pa'i phyir chos rnams kyi ngo

bo nyid med pa zhes kyang bya bas don dam pa ngo bo nyid med pa
zhes bya'o/ /zhes dang/ chos can 'dus byas la chos kyi bdag rnam
par bcad tsam gyi spros pa med dgag la chos kyi bdag med kyi
yongs grub 'jog par

shin tu gsal ba'i phyir/ zhes dang/ chos kyi bdag med de bzhin
nyid ces brjod pa gang la dmigs nas bsgoms pas sgrib pa dag par
'gyur ba de nyid yongs grub tu ngos bzung ngo/ /chos kyi bdag
med de gang zhe

@133b na; nas/ kun btags kho na'i ngo bo nyid med pa la yongs
grub tu byed ces pa'i don no/ /zhes chos kyi bdag med rkyang ba
la yongs grub tu gsungs pa dang/ stong thun las/ sems tsam pa
dang dbu ma rang rgyud pa dag gang

zag gi bdag med don dam bden par mi 'dod cing/ gang zag gi bdag
'gog pa'i rigs pa yang kun rdzob dpyod byed kyi rigs par 'dod
do/ /zhes dang/ rnam 'grel thar lam gsal byed las/ 'gyur med

yongs grub ni gang la dmigs nas bsgoms na shes sgrib mtha' dag
zad par 'gyur ba'i dmigs pa mthar thug yin/ zhes gsungs pa sogs
lung dang/ gang zag gi bdag med phra mo chos can/ dbu ma yin par

thal; stong nyid yin pa'i phyir/ 'dod na/ mdo sde bas dbu ma'i
lta ba rnyed par thal/ gang zag gi bdag med phra mo de dbu ma
yin pa gang zhig de de'i lta ba rnyed pa'i gang zag yin pa'i
phyir/ 'dod na/ de dbu ma ba

yin par thal/ 'dod pa'i phyir/ 'dod mi nus te/ de sems tsam pa
ma yin pa'i phyir/ yang gang zag gi bdag med phra mo chos can/
khyod gang zag gi stong nyid yin par thal/ khyod stong nyid yin
tshul 'thad

pa'i phyir/ 'dod na/ de chos can/ gang zag gi gnas lugs yin par
thal/ 'dod pa'i phyir/ 'dod na/ mdo sde ba chos can/ khyod kyis
gang zag gi gnas lugs rtogs par thal/ 'dod pa'i phyir/ 'dod

@134a @#/ /mi nus te/ khyod gang zag gi gnas lugs la phyin ci log
tu sgro 'dogs pa'i gang zag yin pa'i phyir te/ khyod gang zag
rang 'dzin rtog pa'i zhen gzhir rang mtshan gyis grub par zhen
pa'i gang zag gang

zhig /de ltar ma grub pa gnas lugs phra mo yin pa'i phyir/ yang
gang zag gi bdag med phra mo chos can/ chos dbyings yin par
thal/ stong nyid yin pa'i phyir/ 'dod na/ chos dbyings la ngo bo
dang rigs mi 'dra ba'i dbye

ba yod par thal/ 'dod pa'i phyir/ 'dod mi nus te/ chos kyi
dbyings la dbyer med phyir/ /zhes gsungs pa'i phyir/ zhes rigs
pa ston to/ /rje btsun dang/ yig cha gsar rnying dang/ de dag gi
rjes 'brang rnams

kyis; dgongs 'grel gyis chos kyi bdag med phra mo yongs grub tu
gsungs pa las/ gang zag gi bdag med phra mo de min par ma gsungs
shing/ dbus mtha'i lung don yang sngar ltar gtan min te/ de'i
dbyig 'grel

las; rnam par dag pa'i spyod yul gyi de kho na nyid rnam pa
gnyis te/ nas/ yongs su grub pa'i ngo bo nyid du brjod de/ ngo
bo nyid gzhan ni rnam par dag pa'i ye shes rnam pa gnyis kyi
spyod yul ma yin no/ /zhes dang/

de'i 'grel bshad las/ rnam par dag pa'i spyod yul 'di rnam pa
gnyis ni yongs su grub pa'i ngo bo nyid gcig bus brjod de/ zhes
dang/ ye shes rnam pa gnyis kyi yul ni chos nyid yin pas rnam
par dag pa'i spyod

@134b yul gyi de kho na ni yongs su grub pa nyid kyis rnam par
bzhag go /zhes rnam dag lam gyi spyod yul la dgag bya mi 'dra
ba'i bdag med gnyis yod kyang de gnyis ka mtshan nyid gsum gyi
nang nas yongs grub gcig bur 'jog

dgos pa'i don du gsungs pa'i phyir dang/ gzhung gi lung rnams
kyis kyang chos kyi bdag med yongs grub tu gsungs pa las mi gsal
zhing/ lung gnyis par 'dus byas dmigs kyis bkar ba ni yig cha
rnying bar gtso

che ba'i don du gsungs pa dang/ yig cha dang yang snying du jo
nang bas 'dus byas rnams gang gis stong rgyu'i dgag bya la bzhag
pa de bzlog nas 'dus byas stong gzhir byas te dgag bya la kun
btags shig 'jog dgos zhes

pa'i don yin par gsungs pa gang ltar byas kyang rung la/ stong
thun gyi don yig cha las/ gang zag gi bdag med spyi ldog la
dgongs pa'am yang na rtag gcig rang dbang can gyi bdag med la
dgongs par mngon te/ zhes

gsungs so/ /de la kha cig spyi ldog ces pa rang ldog la byed zer
ba dang/ la las phra rags gnyis su ma phye ba'i gang zag gi bdag
med tsam la byed zer bdag yang snying las/ bdag med don dam yin
na bdag med

rang nyid don dam yin dgos pa'i phyir dang/ de gnyis su ma phye
ba'i bdag khegs na bdag khegs dgos pa'i phyir ro/ /zhes bkag
nas/ de phyag rgya bzhi'i ya gyal gyi bdag med tsam la byed par
gsungs shing/

@135a @#/ /lcang skya'i grub mthar stong thun gyi don gzhan du
bkral du yod par gsungs pa las 'grel tshul ma gsungs kyang/ sems
tsam pa dang dbu ma rang rgyud pa dag gis 'dod pa'i gang zag gi
bdag med thal

'gyur bas don dam bden par mi 'dod pa'i don du bkral na rung
tsam yin nam brtag go /'dren 'gyur ltar stong thun las bdag med
gnyis yongs grub tu gsungs pa dang lung 'di gnyis sgom sde sogs
kyis sgra ji bzhin

par byas nas gang zag gi bdag med phra mo yongs grub yin yang
don dam bden pa ma yin pas de bzhin nyid du gsungs pa gang zag
gi bdag med kyi dbang du byas pa'i de bzhin nyid yin pa tsam la
'chad do/ /stong thun gyi

sgras zin la skyon 'ben pa kha cig gang zag gi bdag med phra mo
chos can/ stong nyid yin par thal/ 'dus ma byas gang zhig bden
par grub pa'i phyir/ khyab ste/ dbus mtha' las/ yang dag ma yin
kun rtog

yod; /de la gnyis po yod ma yin/ /stong pa nyid ni 'di la yod/
/ces bden grub la gzhan dbang dang/ stong nyid gnyis su kha tshon
chod par gsungs pa'i phyir/ 'dod na/ de chos can/ don dam yin
par thal/

'dod pa'i phyir/ 'dod na dngos/ khyab pa/ stong pa nyid ni mdor
bsdus na/ /zhes sogs kyis grub/ yang de chos can/ don dam yin
par thal/ mnyam gzhag rnam par mi rtog pa'i ye shes dam pa'i don
yin

@135b pa'i phyir te/ rnam dag lam gyi dmigs pa mthar thug yin
pa'i phyir te/ yongs grub yin pa'i phyir/ khyab pa dgongs 'grel
las/ rnam par dag pa'i dmigs pa gang lags pa de ni yongs su grub
pa'i mtshan nyid

lags/ zhes pas grub/ yang de chos can/ de bzhin nyid yin par
thal/ gang la dmigs nas nyon sgrib zad pa'i 'gog bden 'thob byed
kyi dmigs pa mthar thug yin pa'i phyir/ khyab pa kun btus las/
de bzhin

nyid la dmigs nas gang du zag pa dang bcas pa'i dngos po 'gag pa
de 'gog pa'i mtshan nyid do/ /zhes pas grub po/ /zhes zer na
dpyad do/ /thar lam gsal byed kyi lung don ni/ de phyir gnyis
stong gang

yin pa/ /zhes pa'i skabs kyi yongs grub de 'gyur med yongs grub
de la byed pa'i don du rgol ngan tshor gcod du gsungs so/ /rigs
pa dang po la/ gang zag gi bdag med phra mo de dbu ma yin pa
gang zhig mdo sde ba

de rtogs pa'i lta ba rnyed pa'i gang zag yin na mdo sde bas dbu
ma'i lta ba rnyed pas ma khyab zer ba dang/ khyod gang la rigs
shes su song ba'i yul de khyod kyis rnyed pa gang zhig yul de
don dam yin na don dam dpyad

nas rnyed pa'i rigs shes yin pas ma khyab zer ba dang/ stong
nyid yin na dbu ma yin pas ma khyab zer ba rnams las gang 'thad
brtag rigs pa gnyis pa'i mthar ma khyab ste/ mdo sde bas gang
zag gi steng gi 

@136a @#/ /chos kyi bdag med la phyin ci log tu sgro 'dogs
kyang gang zag gi gnas lugs la phyin ci log tu sgro mi 'dogs
pa'i phyir/ zhes rgol ngan tshar gcod du bshad pa dang/ rtsa
bar ma khyab ste/

gang zag gi bdag med phra mo'i stong gzhi la chos thams cad
yong pa'i phyir zer ba gnyis gang don la gnas dpyad do/ /rigs
pa gsum pa'i lung drangs mtshams la ma khyab ste/ lung de'i don
ni gser phreng las/

rtogs bya de bzhin nyid la tha dad med kyang rtogs pa'i blo la
rab 'bring tha gsum byung bas yul can gyi sgo nas ming tha dad
par btags/ zhes gsungs pa'i phyir zhes rtsod pa spangs nas/
gang zag gi bdag med phra mo

yongs grub yin te/ dbus mtha' las/ rnam dag spyod yul rnam
gnyis te/ /gcig bu kho nar brjod pa yin/ /zhes dang/ de'i
'grel ba 'grel bshad drangs zin dang/ yang dbus mtha' las/
gang zag dang ni

chos rnams kyi/ /dngos po med 'dir stong ba nyid/ /ces dang/
de'i 'grel bshad las/ ye shes rnam pa gnyis kyi yul ni chos
nyid yin pas/ zhes dang/ kun btus las/ chos dge ba rnams kyi
de bzhin nyid gang

zhe na; bdag med pa rnam pa gnyis dang/ stong pa nyid dang/
mtshan ma med pa dang/ yang dag pa'i mtha' dang/ don dam pa
ste/ chos kyi dbyings kyang de yin no/ /zhes dang/ byang sa
las/ chos dang gang zag la

@136b bdag med pa/ don dam pa/ chos kyi de bzhin nyid/ zab mo/
zhes dang/ bsdu ba las/ gang zag bdag med pa gang yin pa dang/
chos bdag med pa gang yin pa'i bdag med pa thams cad ni spyir
na stong pa nyid ces

bya'o; /zhes dang/ gzhung las/ phung bo'i gzhan dbang gang zag
gi bdag gi kun btags kyis stong ba gang zag gi bdag med kyi
yongs grub tu 'jog ces dang/ stong thun las/ yongs grub ni
gzhan dbang gi

steng du bdag 'dzin gnyis kyis kun btags pa ltar grub pas
stong pa'i de bzhin nyid de/ mtshan nyid kyang de nyid do/
/zhes dang/ thar lam gsal byed las/ gang zag dang chos la bdag
med pa'i stong pa nyid 'phags

pa rnams kyi mnyam gzhag so sor rang gis mngon sum du rig par
bya ba yin gyi/ zhes rje btsun byams pa thogs med sku mched
blo brtan rje yab sras rnams kyis mgrin gcig tu de de yin par
gsungs pa'i phyir/ 'di la rje

btsun chos kyi rgyal mtshan dang kun mkhyen 'jam dbyangs bzhad
pa'i legs bshad du zur cung zad re ma gtogs mthun par byung
ngo/ kha cig gang zag gi bdag med phra mo chos can/ don dam
bden pa ma yin par thal/ rang

mngon sum du rtogs pa'i blo la gnyis snang dang bcas par shar
ba'i phyir te/ mi rtag sogs rang mngon sum du rtogs pa'i blo
la gnyis snang dang bcas par 'char ba'i chos yin pa'i phyir
te/ mi rtag sogs la spyod pa dmigs

@137a @#/ /bcas yin pas sher phyin ltar snang la spyod pa yin
par sher mdor gsungs pa'i phyir/ khyab ste/ de'i dmigs bcas ni
gnyis snang dang bcas pa'i don yin pa'i phyir/ zhes pa skabs
dang po'i yig cha dang

stong thun gyi gsung zur gcig la brten pa'i bshad pa'o/ /kha
cig /de chos can/ don dam bden pa yin par thal/ stong nyid yin
pa'i phyir te/ dbus mtha' bsdu ba kun btus sogs su bdag med
gnyis stong nyid du

bshad cing sems tsam pa'i lugs la de ltar 'dod dgos par yig
chas rgyas par gsungs la/ der ma zad dbu ma snang ba sogs su
yang de gnyis stong nyid dang don dam bden par bshad pas rang
rgyud pas kyang de ltar 'dod

dgos tshul dpal ldan chos rje'i bden gnyis su rgyas par bsgrubs
pa ltar yin pa'i phyir/ zhes pa skabs gsum pa dang drang nges
yig cha rjes 'brang dang bcas pa'i bshad pa'o/ /kha cig 'gog
bden chos can/ mtshan

nyid gsum po gang rung ma yin par thal/ yin na yongs grub yin
dgos pa la/ de ma yin pa'i phyir te/ gser phreng las/ kha cig
'gog bden la de bzhin nyid kyis khyab par 'dod cing gzhan dag
bzlog ste 'dod

pa ni gnyis kas kyang zhib tu ma brtags pa ste/ zhes gsungs
pa'i phyir zer/ kha cig de chos can/ yongs grub yin par thal/
don dam bden pa yin pa'i phyir te/ bsdu ba las/ mya ngan las
'das pa

@137b gang zhe na/ chos kyi dbyings rnam par dag pa gang yin
pa ste/ zhes gsungs shing/ de la brten nas gung thang rin po
ches kyang/ chos nyid ni bcos ma ma yin pa zhig dgos snyam nas
rang rgyud pa sogs 'gog bden chos

nyid ma yin par bzhed pa dang/ sems tsam pas dri ma zad pa lam
gyi stobs kyis yin yang gang gi ngo bor zad pa'i chos dbyings
ni nam yang 'gyur ldog med pas sems kyi rang bzhin gdod nas
gnas pa de yin pas skyon

med par sma/ zhes gsungs pa ltar 'gog bden la de bzhin nyid
kyis khyab cing glo bur gyi dri mas dag pa'i so sor brtags
'gog la ldog pas phye ba ma gtogs de'i skabs kyi rang bzhin
rnam dag der 'jog bzhed nas/

kun btus las kyang/ mtshan nyid kyis ji lta bu zhen/ de bzhin
nyid dang/ lam dang/ nyon mongs pa mi 'byung ba ste/ gang du
'gog pa dang/ gang gis 'gog pa dang/ gang 'gog pa'o/ /zhes
dang/ rnam grangs 'dis

na de bzhin nyid la dmigs pa gang du zag pa dang bcas pa'i
dngos po 'gag pa de 'gag pa'i mtshan nyid do/ /zhes gsungs pa'i
phyir zer ba dang/ phar phyin yig cha phal mo cher rang rgyud
pa'i lugs la 'gog bden la

kun rdzob bden pas khyab par bshad pa dang/ 'jug pa'i rnam
bshad las/ rigs pa drug cu pa'i 'grel ba las kyang myang 'das
don dam bden pa dang/ bden pa gzhan gsum kun rdzob bden par
gsungs te

@138a @#/ /myang 'das ni 'gog bden no/ /nas/ rang lugs la 'gog
pa mngon sum du shes pa mnyam gzhag zag med kyi ye shes kyis
de kho na nyid kyi don rtogs pa'i steng nas bsgrubs pas/ 'gog
bden

kun rdzob kyi bden pa yin na rnam gzhag de dag gtan mi
rung zhing myang 'das mngon du byas pa'i tshe yang de kho na
nyid kyi don mngon sum du rtogs dgos par 'bad pa du mas
bsgrubs pas na 'gog bden kun rdzob bden

par smra ba ni mtha' mchod pa'o/ /zhes dang/ stong thun las/
'jug pa'i rnam bshad du rje nyid kyis/ 'gog bden kun rdzob
bden par smra ba ni mtha' mchod pa'o/ /zhes gsungs pa yang
'phags yul gyi shing

rta chen po rang rgyud pa rnams la gsungs pa'ang ma yin zhing/
bod du thal 'gyur ba'i lugs la 'gog bden kun rdzob bden par
'dod pa byung ba'ang ma yin gyi/ rang rgyud kyi gzhung 'chad
pa'i skabs su de ltar smra

ba'i mkhas pa brjod ma thag pa de dag la gsungs pa yin no/
/zhes dang/ 'gog bden don dam bden par 'dod pa ni thal 'gyur
ba'i khyad chos ma yin gyi dbu ma thal rang gang gi lugs
la'ang khyad med de/ zhes

dang; 'gog bden yin na de bzhin nyid yin pas khyab par 'dod pa
la dbu sems kyi mkhas pa su yang mi mthun pa med do/ /zhes
gsungs pa ltar rje lcang skya ba sogs kyis kyang 'gog bden la
don dam bden pas

@138b khyab par bzhed pa dbu sems dang thal rang la khyad med
gsungs pa dang/ dbu ma'i mtha' dpyod las/ phar phyin skabs su
'dir bstan yang dag mtha' de bzhin nyid la byed rigs par thal/
'phags seng

gis kyang 'gog bden don dam bden par bzhed pa'i phyir na ma
khyab ste/ mngon rtogs rgyan gyi dgongs pa thal 'gyur du gnas
pas 'gog bden de bzhin nyid yin yang stong nyid ma rtogs pa'i
gdul bya mang bo bkri ba'i

ched du mtshan 'dzin gyis bcings pa'i gzhi shes sogs mang du
bshad pa ltar 'gog bden kun rdzob bden pa'i phyogs mang tsam
bstan pa yin pa'i phyir/ zhes gsungs pa ltar byams mgon dang
'phags seng gi bzhed pa

la 'gog bden la don dam bden pas khyab par bzhed kyang/ phar
phyin skabs gdul bya'i ngor 'gog bden la kun rdzob bden pas
khyab par mang du gsungs par 'chad do/ /de la phar phyin skabs
nyid la'ang/ gser

phreng ltar na de la bden pa gnyis ka'i cha yod pa dang/ rnam
bshad dang sgo mang sogs ltar na kun rdzob bden pas khyab pa
dang/ stong thun ltar na don dam bden pas khyab par bzhed pa'i
lugs gsum byung bas/ 'gog

bden kun rdzob bden par smra ba ni mtha' mchod pa'o/ /zhes
pa'ang sgo mang ltar na bod snga ra bas pas thal 'gyur ba'i
lugs la 'gog bden kun rdzob bden par smra ba mtha' ma chod pa
dang/ stong thun ltar na rang rgyud

@139a @#/ /pa'i gzhung 'chad skabs 'gog bden kun rdzob bden par
'dod pa mtha' mchod par gsungs pa yin no/ /bzhi ba de dag gis
grub pa'i don zhus pa la gnyis/ mdo dgod pa dang/ de'i don
cung zad

bshad pa'o/ /dang po la gnyis/ mtshams sbyar ba dang/ bshad
bya'i mdo dgod pa'o/ /dang po ni/ de ltar na/ zhes sogs byung/
sngar bshad pa de ltar na gsung rab la mi 'dra ba gsum byung
ste/ 'khor lo

dang por chos kun la rang mtshan gyis yod mnyam dang/ bar bar
de ltar med mnyam dang/ tha mar kun btags rang mtshan gyis ma
grub pa dang/ gzhan dbang yongs grub rang mtshan gyis grub pa'i
khyad

legs par phye ste gsungs pa'i phyir/ de dag kyang ngo bo nyid
yod med phye ma phye gnyis su 'gyur te/ 'khor lo dang po gnyis
kyis mtshan nyid gsum la rang mtshan gyis grub ma grub so sor ma
phye zhing/ tha mas de phye ba'i

phyir; de ltar phye ba'i mdo nges don dang ma phye ba drang
don yin te/ snga ma ni don gzhan du drang bar mi bya ba dang/
phyi ma ni de ltar drang dgos pa'i phyir/ spyir gsung rab la
drang nges kyi mdo gnyis yod par ma zad/ drang don

gyi de la yang chos rnams rang mtshan gyis grub mnyam dang ma
grub mnyam du gsungs pa gnyis yod pas mdo gnyis po de drang
don dang/ khyad phye ba'i mdo de nges don gyi mdo yin par
sngar mdo sde la 'gal spong gi dris lan

@139b ngo bo nyid gsum gyi ngo bo ngos 'dzin pa dang bcas pa'i
skabs su bshad pa rnams kyi sgras zin la 'di ni drang don gyi
mdo 'o/ /'di ni nges don gyi mdo 'o zhes dngos sum bshad kyang
dgongs gzhi sogs bstan pa'i shugs

kyis shes par 'gyur ro/ /mdo sde la 'gal spong gi dris lan
sogs kyi shugs la gnas pa'i don mdo gnyis drang don dang gcig
nges don yin pa de nyid dus snga phyi bar gsum gyi rim pas
'khor lo gsum dang sbyar ba'i

drang nges su 'gyur tshul don dam yang dag 'phags kyis ston pa
la grub don gyi mdo'i skabs 'dir zhus par gsungs so/ !/spron/
'di'i shugs la gnas pa'i don ni/ phar phyin mtha' dpyod las/
bka' thams

cad bsdus na dus dang por gsungs pa'i 'khor lo dang po dang/
dus bar bar gsungs pa'i 'khor lo bar ba dang/ dus tha mar
gsungs pa'i 'khor lo tha ma gsum du grangs nges pa'i phyir te/
de ltar grangs nges par

dgongs 'grel dri zhus kyis shugs la bstan pa'i phyir/ zhes
'khor lo gsum gyi grangs nges dang/ kha cig de nyid las/ des
'khor lo dang po bar ba gnyis la dri ba dngos su bstan nas tha
ma shugs la bstan pa'i

phyir; zhes pa la brten nas 'khor lo tha ma la dri ba shugs la
gnas pa'i don du byed zer ba dang/ lcang skya'i grub mtha'
las/ sngar dri ba dang lan gyi mdo de rnams kyis drang nges su
'grel rgyu'i mdo tshan gsum

@140a @#/ /yod pa shugs la bshad/ ces drang nges su 'grel
rgyu'i mdo tshan gsum yod pa bzhag pa dang/ mchan du/ dgongs
'grel las 'khor lo gsum gyi tha snyad grub don yan la ma byung
zhing der

byung bas/ sngar mdo so sor ngos bzung nas drang nges phye ste
bshad pa'i shugs kyis 'khor lo gsum dang de'i tha snyad sbyar
te drang nges su 'jog tshul shes nus mod/ tshig la mi gsal bas
grub don 'dir de'i

tha snyad dang drang nges su 'jog tshul sbyar nas gsungs pas/
shugs la gnas pa'i don 'khor lo gsum so so'i tha snyad dang
drang nges su 'jog tshul sbyar pa yin par gsungs shing/ gzhung
gi 'bru gnyer la'ang mdo

gnyis drang don dang gcig nges don yin par sngar bshad pa'i
shugs kyis don gzhan zhig shes par 'gyur ro/ /shugs la gnas
pa'i don 'khor lo gsum gyi tha snyad dang drang nges su 'jog
tshul sbyar ba de nyid dus kyi rim

pa'i sgo nas 'khor lo gsum dang sbyar zhes 'grel dgos par
mdzad de/ phar mchan yang 'di dang mthun no/ /yang snying
du'ang/ 'khor lo dang po gnyis drang don dang tha ma nges don
du grub don yan la dngos su ma bstan cing der

de ltar dngos su bstan zer ba la dgag pa mdzad la/ de yang
gong gi dris lan skabs 'khor lo dang po gnyis kyi dgongs gzhi
dang dngos la gnod byed dngos su bstan cing drang don gyi mdo
sgra ji bzhin par zhen na rtag chad kyi lta

@140b bar 'gyur tshul rgyu mtshan dang bcas bstan pas mdo sde
gnyis drang don dang gcig nges don du dngos su bstan pa min
na/ grub don gyi mdor drang ba'i don no nges pa'i don no zhes
pa'i tshig re byung bas mdo gnyis drang don

dang gcig nges don du dngos su bstan par 'gro don med par
dgongs so/ /der shugs la gnas pa'i don ni mchan dang cung mi
'dra bar 'khor lo gsum gyi tha snyad dang mdo tshan gsum ming
don sbyar ba la byas nas sngar

drangs pa'i phar phyin mtha' dpyod kyi lung gnyis kyang bzhed
phyogs su 'then par mdzad do/ /de la/ dris lan sogs kyi skabs
drang nges kyi khyad 'byed byed dngos su rgyas par bstan
kyang/ des mdo gnyis drang don dang

gcig nges don du dngos su bstan pa min te/ sgra chos can/ skad
cig ma yin te/ bas pa'i phyir zhes pas sgra skad cig ma dngos
su bsgrub byar bzung yang/ sgra mi rtag pa dngos su bsgrub
byar ma bzung ba bzhin yin pa'i

phyir; kha cig gung thang rin po ches gsungs tshul de mi 'thad
par thal/ shugs la gnas pa'i don gang yin pa de 'khor lo gsum
dang sbyar ba'i drang nges su 'gyur tshul zhus pa'i tshig ni
grub don gyi mdo yin par gzhung

las gsungs pa la bsnyon du med cing/ de ltar na/ 'khor lo gsum
gyi tha snyad dang drang nges su 'jog tshul sbyar ba de 'khor
lo gsum dang sbyar zhes dang/ 'khor lo gsum gyi tha snyad dang
mdo tshan gsum gyi ming  

@141a @#/ /don sbyar ba de 'khor lo gsum dang sbyar zhes bshad
dgos par 'gyur ba'i phyir/ gzhan yang/ de mi 'thad par thal/
shugs kyis shes rgyu'i don gzhung rang nas ma smos par shugs
kyis shes par

'gyur ro zhes gsungs na gzhi med kyi bshad par 'gyur zhing/ de
lta'i bshad pa rje bla ma lta zhog rigs smra phal bas kyang mi
byed pa'i phyir/ de bas na bdud rtsi'i zegs ma las kyang/ 'di
ltar dkyogs bshad lta bu gnang

ba yang/ kun mkhyen gyi phar phyin mtha' dpyod las/ nas/ 'brel
bsgrigs tshul gyi dbang gis yin/ zhes dang/ mchan du 'di'i thad
du gnyis drang don dang gcig nges don du sngar bshad pa'i shugs
kyis gzhan zhig

shes rgyu yod pa'i phyir gsungs/ gnyis drang don du sngar bshad
pa yin yang gcig nges don du sngar dris lan gyi mdo gang gis
kyang ma bshad pas ci 'dra yin ang/ zhes 'byung ngo/ /gzhan
yang/ dris lan gyi mdos

'khor lo dang po gnyis drang don du dngos su ma gsungs par thal/
des 'khor lo dang po gnyis kyi drang nges kyi tha snyad dngos su
ma gsungs pa'i phyir byas pa la/ kho na re/ mdo de chos can/
khyod kyis 'khor lo dang

po gnyis drang don du dngos su gsungs par thal/ khyod kyis de
dag gi dgongs gzhi dang dngos la gnod byed dngos su gsungs pa'i
phyir na ma khyab ste/ 'khor lo dang po gnyis drang don yin pa
la drang don dang/ tha ma

@141b nges don yin pa la nges don du grub don gyi mdo las gzhan
gyis dngos su ma gsungs pa'i phyir zer na brtag go /gzhung rang
gi dngos zin la shin tu gsal ba dang/ dka' 'grel gnyis sogs
rtsod med kyi gzhung

phal cher du'ang mthun par byung ba ltar shugs la gnas pa'i don
la mdo sde gnyis drang don dang gcig nges don yin pa 'jog pa'i
srol de khas blang bar bya'o/ /gung thang dgongs pa 'grel mdzad
kha cig (ma ti/) shugs la

gnas pa'i don de nyid gang yin na/ mdo tshan gsum po de la dus
kyi rim pa'i sgo nas 'khor lo gsum gyi tha snyad sbyar ba'i
drang nges su 'gyur tshul zhes 'grel dgos par dkyogs te 'chad mod
don chung ngo/ /kho na

re; dris lan gyis 'khor lo bar pa yang drang don du dngos su
bkral bar thal/ des de drang don no zhes pa'i dam bca' dngos su
ma gsungs kyang ngo bo nyid med pa gsum de'i dgongs gzhir dngos
su gsungs nas drang don du

bkral ba'i phyir na ma khyab ste/ des dgongs gzhi dgos pa dngos
la gnod byed gsum tshang gi sgrub byed dngos su bstan nas bsgrub
bya de drang don yin pa'i dam bca' dngos su ma bstan pa ni 'khor
lo bar pa drang don yin pa

shugs bstan yin pa'i sgrub byed du 'dug pa'i phyir ro/ /rje
btsun sogs kyis grub don gyi skabs 'dir 'khor lo gsum gyi tha
snyad so sor sbyar ba ma gtogs de'i sngon la de'i tha snyad ma
byung gsungs pa ni/ bden

@142a @#/ /bzhi'i chos 'khor bskor tshe lha rnams kyis 'dzam bu'i
gling du sngon ma byung ba'i chos kyi 'khor lo bskor ba mthong
ngo/ /zhes dang/ sher mdo bskor tshe lha rnams kyis 'dzam bu'i
gling du chos kyi

'khor lo gnyis pa bskor ba mthong ngo/ /zhes bsgrags pas khegs
so/ /de ltar na/ shugs la gnas pa'i don/ zhes pa'i don dang/ de
dag gis grub pa'i don zhus pa'o/ /zhes pa'i don gnyis 'dra'am mi
'dra zhe

na; kha cig na re/ de gnyis mi 'dra ste/ snga ma'i don bshad ma
thag pa ltar dang/ phyi ma'i don chos rnams rang mtshan gyis grub
mnyam dang ma grub mnyam du 'dzin pa lo gnas kun btags rang
mtshan gyis ma grub cing

ngo bo nyid gzhan gnyis rang mtshan gyis grub pa dang/ gzhan
dbang kun btags kyis stong pa'i stong nyid rnam dag lam gyi
dmigs pa mthar thug tu go ba la byed pa'i phyir te/ gzhung las/
mdo 'dis ci zhig 'grub

par 'dod nas chos 'khor gyi drang nges phye ba yin snyam na/
chos rnams la so sor ma phye bar rang gi mtshan nyid kyis grub pa
dang ma grub par bstan pa sgra ji bzhin du 'dzin pa bzlog nas
kun btags rang gi mtshan nyid

kyis ma grub cing ngo bo nyid gzhan gnyis rang gi mtshan nyid
kyis grub pa dang gzhan dbang la kun btags kyis stong ba'i stong
nyid lam gyi dmigs pa'i don dam mthar thug tu de'i gdul bya la
bstan par bzhed nas yin

@142b no; /zhes gsungs pa'i phyir zer na/ de ni mdo 'dis drang
nges phye ba'i dgos pa ngos 'dzin pa'i gzhung yin gyi/ grub don
ngos 'dzin gyi gzhur ni de'i 'og tu/ de'i phyir 'khor lo dang po
gnyis drang don dang tha ma

nges don du gsungs so/ /zhes pa 'di gnyal ston sogs mkhas pa
mang pos sbyar ba ltar yin pa'i phyir/ des na grub don gang la
byed drangs ma thag pa'i gzhung gsal zhing/ dka' 'grel las
kyang/ 'khor lo dang

po dang bar pa gnyis drang don dang tha ma nges don yin par don
dam yang ngag 'phags bdag gis legs par 'khrums so zhes sngar
bshad pa rnams kyis grub pa'i don bcom ldan 'das la zhus/ zhes
gsungs pa ltar ro/ /

grub don gyi gzhung 'di 'phags zhus rkyang pa dang/ dgongs 'grel
yongs rdzogs dang/ legs phye kun gyi grub don yin zer ba'i 'dod
pa mi mthun pa yod kyang/ 'phags zhus kyi dris lan gnyis dang
ngo bo nyid

gsum ngos bzung ba'i gzhung de dag gis 'khor lo dang po gnyis
drang don dang tha ma nges don du grub tshul zhus pa'i gzhung
yin
pas 'phags zhus kyi le'u'i grub don yin te/ de dag gis grub pa'i
don zhus pa/ zhes

gzhung 'di las byung ba'i de sgra snyegs sa ni/ mdo sde la 'gal
spong gi dri ba dang/ de spong pa'i lan dang/ ngo bo nyid gsum
gyi ngo bo ngos bzung ba gsum la byed pa'i phyir ro/ /gnyis pa
ni/ dgongs 'grel las/

@143a @#/ /zhes sogs byung ste don 'chad par 'gyur ro/ /gnyis pa
de'i don cung zad gshad pa la gnyis/ /mdo'i tshig don cung zad
bshad pa dang/ drang nges kyi tshul cung zad bshad pa'o/ /dang po
la gsum/ /

'khor lo dang po ston pa'i mdo'i tshig don bshad pa/ 'khor lo
gnyis pa ston pa'i mdo'i tshig don bshad pa/ 'khor lo gsum pa
ston pa'i mdo'i tshig don bshad pa'o/ /dang po ni/ de la 'khor lo
dang po/ zhes sogs

byung/ de la rgya nag 'grel chen du/ gsungs pa khong du chud nas
bka' yang dag par blangs pa/ de bzhin gshegs pas bsgrub par
bskul ba/ khyad par gyi bsngags pa brjod cing bsgrub pa/ bka'
bzhin du spyod pa

spyad pa bzhir phye ba'i gsum pa gzhung du ston pa/ dus/ gnas/
'dul bya/ brjod bya/ ston tshul/ ngo bo/ bsngags pa/ drang nges
kyi mdo gang yin gyi khyad par te dgus 'chad do/ /skor pa po
bdud bzhi bcom

zhing skal ba drug dang ldan pas/ dus dang por/ gnas wa ra NA
si ste 'khor mo 'jig tu drang srong 'dus pa ri dwags rgyu ba'i
gnas sam/ ri dwags kyi tshal drang srong 'dus pa'i gnas sam/
drang srong lhung ba ri dwags

byin pa'i tshal lam/ drang srong smra ba'i gnas sam/ ri dwags
rgyu ba'i tshal lam/ drang srong lhung ba ri dwags kyi nags sam/
drang srong smra ba ri dwags kyi nags te/ chu klung wa ra Na
dang a si'i bar gyi gnas su

@143b rtag tu drang srong mchog sangs rgyas dang nyan rang dang
lha'i drang srong ci rigs gnas nas chos smra ba'am ston pas chos
smra ba'i yul/ byang sems ri dwags su skyes pas rgyal bo tshangs
byin btul nas rtsa sogs ri dwags la

btang bas ri dwags kyi gnas su grags pa yin la/ drang srong
lhung ba la bshad tshul gnyis dang/ wa ra NA si dang drang srong
'dus pa'i gnas dang/ ri dwags byin pa'i tshal dang/ ri dwags kyi
nags rnams la bshad tshul gsum re

byung tshul sogs 'grel chen dang/ yang snying las shes par bya
zhing/ gnas de la yon tan gsum ldan pa dang/ gang zag gsum rtag
tu 'du tshul dang/ der chos 'khor bskor ba'i rkyen bzhi sogs
'grel chen du gsal

lo; /ched du bya ba'i gdul bya nyan thos kyi rjod byed tshig gi
theg pa ste sde snod la gtso bor thos sogs kyis yang dag par
zhugs pa dman pa'i rigs can no/ /brjod bya bdan bzhi'i rnam pa
dang/ ston tshul chos thams

cad la khyad ma phye bar rang mtshan gyis yod mnyam du ston pa
dang/ ngo bo chos kyi 'khor lo ste 'khor lo dang chos mtshungs
tshul mi 'dra ba gsum 'gril chen du bshad do/ /bsngags pa ngo
mtshar sogs te spyir ngo mtshar dang

rmad byung gi don la rgyan snang ltar na rgyu khyad par du
'phags pas ngo mtshar/ 'bras bu phul du byung bas rmad byung/
sgron gsal ltar na kun rdzob bden pa bstan pas ngo mtshar/ don
dam bden pa bstan pas rmrad byung/

@144a @#/ /grub mtha' chen mo ltar na sngon chad de 'dra ma
mthong bas ngo mtshar/ de 'dra ma thos pas rmad byung zhes bshad
tshul gyi rnam grangs mang ngo/ /sangs rgyas byon pa'i sngar lha
mi sus kyang chos bzhin du

'jig rten du ma bskor ba zhig bskor pa ste/ lha mi smos pa ni
rten mchog tu gyur pa yin pas gzhan lta ci smos pa'i don dang/
nyi khri las/ 'jig rten na dge sbyong ngam/ bram ze'am/ lha'am/
bdud dam/ tshangs

pa'am/ gzhan su yang rung bas chos dang ldan par 'jig rten du
skor mi nus pa bdag gis rab tu bskor/ ces dge sbyong dang bram
ze shes rab dang/ lha dang bdud lha'i mig dang pha rol gyi sems
shes pa sogs

phun sum tshogs pa dang/ tshangs pa mthu dang rdzu 'phrul gyis
rlom pa che bas smras par gser phreng du gsungs te/ de dag gis
chos 'khor gyi bdag rkyen rnam mkhyen ma thob pas skor bar ma
nus pa'o/ /gzhung du brjod

bya dang/ bsngags pa ston pa gnyis ngo bo ston pa'i gzhung du
sdud de 'dir bshad pa dang gnad mi 'gal lo/ /drang nges kyi mdo
gang yin gyi khyad par ston pa la/ bla na mchis pa ni rang gi
gong na nges don gyi mdo gzhan yod pa

yin la/ wen tsheg ste shes rab khri bar grags pa'i rgya nag 'grel
chen las/ chos stong pa nyid kyi rigs pa ston par mi byed pas
de'i phyir bstan pa 'di ni gong na khyad par can yod pa'i bstan
pa dang/ zhes mdo 'di'i

@144b gong na khyad par can gyi bstan pa ste nges don gyi gsung
rab gzhan yod pa la bshad do/ /skabs mchis pa ni/ spyir skabs
kyi don le'u dang/ don tshan so sor gcod pa dang/ rtog pa dang/
dum bur gnas pa dang/ rim

par phye ba dang/ go skabs yod pa dang/ klan ka 'jug rung rnams
la bshad pa'i skabs mang du yod kyang/ 'dir 'khor lo dang pos
sgras zin la ji ltar bstan pa ltar chos rnams rang mtshan gyis
grub par khas blangs na

sems tsam sogs rgol bas sgro 'dogs kyi mtha' 'gog pa'i rigs pa
dag gis rgol ba'i skyon gyi go skabs yod pa'o/ /'grel chen las/
skabs khyad par can yod pa'i bstan pa dang/ zhes pa khyad par
can te stong nyid

bstan pa'i skabs gzhan yod pa la bshad dgos pas bla na yod pa'i
bshad pa dang zlos la/ rang lugs la 'di dang 'di'i ldog phyogs
gnyis mi 'thad tshul 'chad par 'gyur ro/ /'di la 'grel chen der
yang dag bden pa'i

bshad pa 'god skabs rgol ba dang bcas pa zhes bsgyur ba legs pas
don sngar ltar ro/ /drang ba'i don ni sgras zin las don gzhan du
drang dgos pa ste/ 'grel chen las/ chos kyi 'khor lo 'di stong
pa nyid mkhyud cing

yod pa nyid du bstan pas drang ba'i don yin la/ zhes 'khor lo
dang pos chos bdag gis stong pa mkhyud pa ste sbas nas chos kun
rang mtshan gyis yod mnyam du ston pas na drang don du gsungs
so/
/rtsod pa'i gnas

@145a @#/ /su gyur pa ni/ 'khor lo dang por mtshan nyid gsum la
rang mtshan gyis yod med kyi khyad gsal bar ma phye bas nyan
thos
sde bas sgras zin khas blangs nas dgongs pa la mi mthun par
rtsod pa'i gzhi ste

rgyu'i gnas su gyur pa ste/ 'grel chen las/ gzhan dag gis gzhig
par bya ba dang/ sde ba nyi shu po rtsod par smra ba dag gi gnas
su gyur pa yin/ zhes sgras zin min par mdo'i dgongs tshod la nyan
thos sde bas rtsod pa

dang; de la rgol ba gzhan gyis rtsod pas gzhig pa yod par gsungs
te 'khor lo dang po'i bstan don la nyan thos sde bas brtsad du
yod pa'o/ /gnyis pa ni/ 'khor lo gnyis pa/ zhes sogs byung/
dgongs 'grel

rgya nag mar 'khor lo phyi ma gnyis la'ang dus ston pa'i tshig
gsal bar yod pa 'grel chen gyis dpog mod bod mar de mi 'byung
yang/ 'dir dus dang gnas gnyis bsnan nas sngar ltar khyad par
dgus 'chad do/ /de

la skor ba po ston pas/ dus gnyis par/ gnas bya rgod phung po'i
ri sogs bzhir 'dus pa bcu drug la gsungs te/ brag bya rgod kyi
mgo'i dbyibs lta bu yod pas bya rgod phung po'i ri zhes bshad pa
sogs sgra bshad

rnams gzhan du gsal zhing/ grub don du gnas ngos bzung ma
mdzad
pa ni gsung yul gnas gcig tu ma nges pa'i rgyu mtshan gyis yin
par gsungs so/ /brjod bya/ chos rnams kyi/ nas/ brtsams nas/
zhes

@145b pa'i bar gyis ngo bo nyid ma mchis pa sogs lnga las
brtsams pa dang/ ched du bya ba'i gdul bya theg chen gyi sde
snod la gtso bor thos sogs kyis yang dag par zhugs pa'i theg
chen rigs can rnams dang/ ston tshul chos

kun bde par med mnyam du gsungs pa ste/ dgongs 'grel rnam bshad
las/ stong pa nyid smos pa'i rnam pas zhes bya ba ni chos bdag
med pa ston pa'o/ /zhes bshad la/ dgongs 'grel ska cog gi 'gyur
las/ spros

pa dang bcas pa/ zhes dang/ 'grel chen du dgongs 'grel 'god
skabs/ mi mngon pa'i rnam pas/ zhes byung la/ de'i don/ gsang
ba'i rnam pa zhes kyang bya bas/ zhes gsang ba'am mkhyud pa'am
sbas pa'i don la

bshad do/ /'gyur de legs shing de'i don ni 'khor lo phyi ma
gnyis brjod bya 'dra yang ston tshul ni/ bar bas chos rnams la
ngo bo nyid yod med ma phye bar bstan pa yin la/ thams de phye
bas legs par rnam par phye ba zhes

gsungs so/ /ngo bo 'khor lo dang po la ltos pa'i gnyis pa dang/
bsngags pa stong pa nyid rgya cher ston pa'i sgo nas mdo kun gyi
gtso bor gyur pas ches ngo mtshar rmad du byung ba zhes che tshig
bton pa yin no/ /drang nges kyi

mdo gang yin gyi khyad par ston pa la/ bcom ldan 'das kyis chos
kyi 'khor lo bskor ba de yang bla na mchis pa/ zhes sogs kyis
ston la/ 'grel chen las/ gsum pa la ltos nas bla na yod pa/
skabs yod pa 

@146a @#/ /drang ba'i don yin la/ drang ba'i don yin pa'i phyir
rtsod par smra ba dang bcas pa yin no/ /zhes 'khor lo gsum pa la
ltos nas bar ba bla na yod pa sogs su gsungs pa tsam las ma
bshad cing/

yang dag bden pas 'khor lo dang po'i skabs/ dang por theg pa
chung ngu ba'i bden pa bzhi mthong ba ni mtshan nyid med pa ma
yin pa'i phyir drang ba'i don zhes bya'o/ /gong na theg pa chen
po yod pa'i phyir bla na yod pa

zhes bya'o/ /theg pa chen po dag gi sngon phyin pa'i phyir rgol
ba dang bcas pa'o/ /'jig rten pa'i don dang tha dad par gyur
pa'i phyir de dag dang 'thab cing rtsod par 'gyur ba'o/ /zhes
dang/ 'khor lo bar ba'i skabs/

bar ma 'di ni theg pa chen po theg pa chung ngu las tha dad par
ston pa'i phyir nges pa'i don ma yin pa'o/ /da dung theg pa gcig
yod pa'i phyir gong ma dang bcas pa'o/ /theg pa chung ngu bdag
dang tha dad pa'i phyir theg pa chung ngu

bdag dang 'thab cing rtsod par 'gyur ba'o/ /theg pa gcig gis
rnam par 'jig pa'i phyir rgol ba dang bcas pa'o/ /zhes dang/
'khor lo tha ma'i skabs/ 'dis ni theg pa des theg pa chung ngu
ba dang/ theg pa chen po ba

dag dang rgyu rkyen mtshungs shing 'bras bu mtshungs pa ston pa'i
phyir rnam par mi rtog pa don dam pa bstan pa zhes bya'o/ /chos
kyi 'khor lo de mchog tu rmad du byung ba don de las lhag pa
gzhan med pa'i phyir bla na med pa zhes

@146b bya'o/ /gzhan yang theg pa chung ngu kun gyis bgrod par
bya ba yin pa'i phyir rtsod pa med pa'o/ /rtsod pa med pa'i
phyir gzhig tu med pa'o/ /gzhig tu med pa'i phyir rgol ba med
pa'o/ /zhes gsungs pa'i bshad pa wen tsheg

gis bkod kyang phal cher legs par mi snang bas gzhung du ma bkod
pa 'dir dkyus gcig la drangs pa ste/ rang lugs ni 'khor lo dang
po'i skabs ltar ro/ /lags kyi/ zhes 'khor lo bar ba las dang
po'i mthar ma byung

ba ni dang po gnyis drang don du gcig pa dang/ 'khor lo tha ma
de las dgar ba'i ched yin no/ /gsum pa ni/ 'khor lo gsum pa/
zhes sogs byung/ de yang sngar ltar khyad par dgus 'chad pa la/
skor ba po ston

pas/ dus gsum par/ gnas yangs pa can gtso bor gyur pa'i gnas
bdun du 'dus pa brgyad la gsungs kyang/ yangs pa can gtso bor
byed pa dgongs 'grel 'khor lo gsum pa'i gtso bo yin zhing de
yang dag bdan

pa'i brjed byang du bshad pa ltar yangs pa can du gsungs pa'i
rgyu mtshan gyis yin la/ mdo rang na gang du gsungs pa'i gnas mi
gsal lo/ /dge legs bshes gnyen gyis khyim dang 'byor ba yangs
shing rgya che bar gyur

pa'am/ mi rnams bsod nams rgya che zhing lha'i phun sum tshogs pa
dang ldan pas yangs pa can zhes bya bar phun tshogs 'grel bar
bshad do/ /brjod bya chos rnams kyi ngo bo nyid ma mchis pa sogs
lnga las brtsams pa

@147a @#/ /'khor lo bar pa dang 'dra zhing/ ched du bya ba'i gdul
bya theg pa che chung gi sde snod gsum ga la gtso bor thos sogs
kyis yang dag par zhugs pa'i theg chen rigs can te/ snga ma
gnyis kyi ched du bya

ba'i gdul bya ni theg pa che chung gi sde snod re re rkyang bar
gtso bor thos sogs kyis zhugs pa'o/ /ston tshul legs par rnam par
phye ba ste sngar ngo bo nyid gsum ngos bzung skabs bshad pa
ltar/ chos re rer mtshan nyid

gsum gsum gyi rnam gzhag dang/ chos rnams kyi mtshan nyid gsum
po
de la ngo bo nyid med tshul gsum gsum du phye nas ston pa dang/
ngo bo 'khor lo dang po la ltos pa'i gsum pa dang/ bsngags pa
sngar bshad pa

ltar dang/ drang nges kyi mdo gang yin gyi khyad par ram che ba
ston pa la/ 'di ni zhes pa'i nye tshig ni de ma thag tu smos pa'i
legs phye'i dgongs 'grel dang/ dgongs 'grel bzhin du phye ba'i
mdo rnams la yin gyi tha mar

gsungs kyang ngo bo nyid yod med kyi khyad ma phye ba'i mdo
rnams la min no/ /'grel chen las/ chos kyi 'khor lo bskor ba de
mchog tu rmad du byung zhing de las lhag pa'i mchog gzhan med
pa'i phyir bla na med pa zhes bya'o//

phyis mchog tu 'gyur ba'i skabs med cing phyis gzhig pa'i skabs
med pa'i phyir skabs med pa zhes bya'o/ /yod pa dang med pa
yongs su rdzogs par bstan pa'i phyir nges pa'i don yin zhing
rtsod par smra ba rnams kyi

@147b gzhi'i gnas ma yin pa'o/ /zhes 'khor lo tha ma 'di drang
nges phye ba'i sgo nas 'khor lo gzhan las mchog tu rmad du byung
zhing/ de'i sgo nas de las lhag pa gzhan med pas bla na ma mchis
pa dang/ mdo 'di'i rjes nas

'di'i don las mchog tu gyur pa'i stong nyid rtogs pa sogs kyi
skabs med pa dang/ dam bcas pa'i rjes nas rgol ba gzhan gyis
gzhig pa'i skabs med pa'i phyir skabs ma mchis pa dang/ mtshan
nyid gsum la bden

par yod med kyi khyad rdzogs par bstan pas nges don dang/ rtsod
pa smra ba'i rtog ge ba rnams kyis rgol ba'i gzhi'i gnas min pas
rtsod pa'i gnas ma lags par bshad pa las/ skabs med pa la bshad
tshul gnyis kyi snga ma

phyis mchog tu 'gyur ba'i skabs med pa khas blang mi rung ste/
de ni mdo gzhan 'di las mchog tu 'gyur ba'i skabs med pa la byed
na bla na ma mchis pa dang zlos shing/ 'khor lo gnyis pa skabs
ma mchis par yang 'gyur

ba'i phyir ro/ /gzhan sngar bla na yod pa sogs kyi don gsungs pa
las bzlog pa dang don 'dra'o/ /mdo sde phyogs gnyis kyi sgra ji
bzhin pa la skyon gyi skabs yod med ni sgra ji bzhin pa'i don de
las gzhan du drang dgos mi dgos  

kyis yin la/ rtsod sa yod med ni/ mdo de'i sgras zin gyi bstan
tshod de ltar dgongs tshod la yin min mkhas pas dpyad na rtsod sa
yod med las/ blun po'i tshul min gyi rtsod sa yod med la byed pa
min no/ ! /spro na/ grub

@148a @#/ /don gyi mdo la 'grel chen las/ rnam pa lngar phye/
zhes byung yang/ 'og tu bzhi las mi 'byung ba ni dpe dag min
brtag la/ kha cig yang dag bden pas/ gsum pa ni bcom ldan 'das
mngon

par rdzogs par sangs rgyas pa'i 'og tu lo sum cu rtsa brgyad lon
nas yul yangs pa can gyi yi dwags kyi rgyal po'i chos kyi khang
ba na bzhugs nas byang chub sems dpa' don dam yang dag 'phags
la sogs pa la tshig

nges par 'grel ba'i mdo dang/ zhes dgongs 'grel gsungs pa'i gnas
bshad pa mi 'thad par thal/ mdo'i gleng gzhir gzhal med khang
rin po che sna bdun mchog tu 'bar ba bkod pa nas gsungs pa gsal

ba'i phyir zer na/ kha cig ma khyab ste/ de gnyis 'gal mi dgos
pa'i phyir zer na brtag go /gdul bya'i skabs/ kha cig na re/
'dir bstan 'khor lo dang po'i ched du bya ba'i gdul bya la theg
dman gang zag gis

khyab pa dang/ bar ba'i de la theg chen gang zag gis khyab pa
dang/ tha ma'i de la rigs can gsum ga yod pa yin te/ mdo las/
nyan thos kyi theg pa la yang dag par zhugs pa rnams/ zhes dang/
theg pa chen po la

yang dag par zhugs pa/ zhes dang/ theg pa thams cad la yang dag
par zhugs pa/ zhes gsungs pa'i phyir zer na ma khyab ste/ 'di'i
theg pa zhes pa gtso bor de dang de'i lam la mi byed par de'i
lam 'bras gtso bor

@148b ston pa'i bka' la byed pa'i phyir te/ theg chen gyi lam
'bras ston pa'i gzhung la theg pa chen po zhes 'byung ba yod
pa'i phyir/ rtog ge 'bar ba las/ 'bras bu dang bcas pa'i pha rol
tu phyin pa drug ces bya ba'i lam dang

de ston par byed pa'i gtsug lag kyang theg pa chen po zhes bya/
zhes dang/ dbus mtha'i 'grel bshad las kyang de ltar gsungs so/
/theg pa thams cad la yang dag par zhugs pa'i don ni/ 'grel chen
du 'khor lo tha

ma la brten nas rang gi gdul bya rigs can gsum gyis rang lam las
'bras bu thob tu yod pa dang/ rje btsun pas/ theg pa che chung
gi rigs can gnyis ka yod pa la bshad cing/ dka' 'grel dang/ yig
chags re rnying

rjes 'brang dang bcas pas 'khor lo tha mas dang po gnyis kyi
dgongs pa bkral ba la brten nas de gnyis kyi dgongs gzhi bdag
med gnyis ka tshang bar rtogs nus pa zhig la bshad pa ni/ gzhung
las/ de des stong pa chos kyi

bdag med kyi yongs grub tu 'jog pa theg chen gyi mdo'i don du
dgongs 'grel gyis bkral pa'i shugs kyis/ nas/ gang zag gi bdag
med kyi yongs grub tu 'jog pa'i ngo bo nyid gsum gyi rnam gzhag
de tsam zhig theg

dman gyi mdo'i don du go nus la/ de'i phyir 'khor lo dang po
gsungs pa'i gdul bya ni/ nas/ chos kyi bdag med kyi dbang du
byas pa'i mtshan nyid ngo bo nyid med pa rtogs pa'i snod du mi
rung ba la gsungs par dgongs

@149a @#/ /'grel gyi shugs kyis 'grel bas/ legs par rnam par phye
ba'i chos 'khor theg pa thams cad la zhugs pa'i ched du gsungs
pa'i don ni de'o/ /zhes gsungs pa dang mthun no zhes 'chad do/
/der ma

zas bye mdo gnyis la theg dman pa dang/ dbu sems gnyis la theg
chen pa zhes pa'ang de dang de'i sde snod la brten nas grub
mtha' 'dzin pa'i don gyis yin no/ /rtogs dka'i snang bar theg pa
thams cad la yang dag par

zhugs pa'i don dgongs 'grel gyi ched du bya ba'i gdul bya theg
chen rigs can yin yang dbang po rtul bas theg pa gzhan du bkrir
rung ba la gsungs so/ /kho na re/ 'khor lo bar ba'i ched du bya
ba'i gdul bya chos

can/ theg pa thams cad la yang dag par zhugs pa yin par thal/
'khor lo bar ba la brten nas 'khor lo gsum ga'i dgongs pa rtogs
nus pa'i gang zag yin pa'i phyir/ khyab ste/ mdo de la brten nas
'khor

lo gsum ga'i dgongs pa rtogs nus pa de theg pa thams cad la yang
dag par zhugs pa'i don yin pa'i phyir na ma grub ste/ de'i don
ni mdo des 'khor lo gsum gyi dgongs pa bkral ba la brten nas de
gsum gyi dgongs

pa rtogs nus pa la byed pa'i phyir/ 'o na/ 'khor lo bar ba chos
can/ khyod kyis gang zag gi bdag med kyi dbang du byas pa'i
mtshan nyid gsum ma bstan par thal/ 'khor lo dang po'i dgongs pa
ma bkral ba'i

@149b phyir na ma khyab ste/ der de smin byed kyi yan lag tu
bstan pa tsam yin pa'i phyir/ kha cig na re/ 'dir bstan 'khor lo
tha ma gsar du bskor ba'i dus su de'i ched du bya ba'i gdul bya
med par thal/ de dus kyi gdul

bya la theg pa thams cad la yang dag par zhugs pa'i don ma tshang
ba'i phyir te/ de de la brten nas 'khor lo dang po gnyis kyi
dgongs pa rtogs dgos kyi gang zag yin pa'i phyir na/ gzhan dag
rtsa bar ma khyab ste/

de'i ched du bya ba'i gdul bya yin na theg pa thams cad la yang
dag par zhugs pa yin pas ma khyab par khas blangs chog pa'i
phyir zer yang/ rang lugs la de dus kyi ched du bya ba'i gdul
bya yang mdo de la brten nas

dang po gnyis kyi dgongs pa ma rtogs kyang rtogs nus pa'i gang
zag yin pas de'i don ma tshang ba ma yin no/ /blo gling bas/
gzhung las/ theg pa thams cad la yang dag par zhugs pa'i ched du
gsungs pa'i don ni de'o//

zhes sogs kyis 'khor lo thams bar ba'i dgongs pa 'grel tshul ston
pa las/ de'i ched du bya ba'i gdul bya ngos bzung ba min te/
yang dag par zhugs pa'i don ni de 'o ma gsungs par/ yang dag par
zhugs pa'i

ched du gsungs pa'i don ni de'o/ /zhes 'byung bas gzhung gi don
'khor lo dang po gnyis kyi brjod bya la dogs pa yang dag par
zhugs pa'i theg chen gyi rigs can dbang rtul la legs phye'i chos
'khor bskor

@150a @#/ /ba'i don no/ /zhes bshad do/ /yang snying du blo gling
bshad tshul 'god skabs/ gzhung las/ snga ma gnyis ni theg pa che
chung so so pa yin la/ 'di ni gnyis ka'i dbang du byas pa'o/
/zhes

gsungs pa'i go don so so'i dgongs don la dogs pa skye ba dang/
snga ma gnyis ka'i dgongs don la dogs pa skyes nas zhugs pa'i
don du byas par bshad pa la/ rin chen sgron mer/ de rigs pa'i
'phul yin

gyi/ bsod grags kyis dang po gnyis kyi ched du bya ba'i gdul
byas dang po gnyis rang rang gi brjod don rtogs pa de la zhugs
pa'i don dang/ tha ma'i ched du bya ba'i gdul byas dang po gnyis
kyi brjod don ma rtogs par

de la dogs pa'am the tshom skye ba theg pa thams cad la zhugs
pa'i don du gsungs par bshad do/ /de yang gzhung las/ gdul bya
ni theg pa thams cad la yang dag par zhugs pa ste/ zhes pas gdul
bya ngos bzung/

theg pa thams cad la zhugs pa'i ched du gsungs pa'i don ni de'o/
/zhes gdul bya de'i chod du gsungs par dngos su gsungs/ de lta
bu'i gdul bya ngos 'dzin pa la lung snga phyi gnyis ka byung bas
da'i bstan tshod la tha

ma'i gdul bya theg pa thams cad la yang dag par zhugs pa ni
sngar bshad pa de lta bu zhig dgos pa shin tu gsal bar gsungs pa
la brgal du med do/ /des na/ gzhung las/ snga ma gnyis ni theg
pa che chung so so ba

@150b yin la/ zhes sogs kyi don yang sngar bshad pa ltar ro/ /de
la the tshom skye ba de la zhugs par 'jog pa dang/ 'khor lo dang
po gnyis dang tha mar zhugs pa'i don mi 'dra ba gnyis 'jog pa
yang bzhed pa tsam du zad dam

brtag go /dgongs 'grel gyis 'khor lo gsum ga'i dgongs pa 'grel
yang de de'i dgongs 'grel min pa ni/ bar ba'i dgongs pa gtso bo
dang/ dang po'i dgongs pa zhar byung du 'grel bas yin la/ kun
btus

dang lam sgron sogs mdo kun gyi dgongs 'grel yin pa'i rgyu mtshan
'khor lo gsum ga'i dgongs pa cha mnyam du 'grel ba'i dbang gis
yin yang/ ched du bya ba'i gdul bya theg chen rigs can yin pas
ngo bo theg chen gyi bstan

bcos su 'jog par gsungs so/ /mdo kun gyi dgongs pa 'grel ba'i
gzhung yod kyang de'i dgongs 'grel gyi yin pa med zer ba/ gser
phreng las/ thub pa'i dgongs rgyan rnams so/ /phyi ma 'di thub
pa'i gsung rab

spyi'i dgongs 'grel du brtsams pa'i bstan bcos rang dga' ba yin/
zhes gsungs pa dang mi mthun no/ /tshe brtan lha rams pas/ theg
pa che chung gi mdo gdul byas 'byed pa dang/ theg chen rigs can
kho na la

gsungs pa theg chen thun mong min pa'i mdo dang/ theg dman rigs
can kho na la gsungs pa theg dman thun mong min pa'i mdo dang/
ched du bya ba'i gdul bya rigs can gnyi ga'i ched du gsungs pa
theg pa thun mong gi 

@151a @#/ /mdor khas blangs na dbyug pa 'dra zhig gis mi gnod na
lung rigs kyis gnod pa med par bshad de/ de la dka' 'grel las/
'khor lo gsum pa'i ched du bya ba'i gdul bya la rigs can gsum
g.yod

par smra ba khyed cag ni mkhas pa thams cad kyi bzhad gad kyi
gnas su gsal bar 'os so/ /zhes gsungs ba 'di dbyug pa ma yin
pa'i gnod byed do/ /kho na re/ dgongs 'grel gyi gdul bya theg
dman rigs can chos can/

dgongs 'grel dngos bstan chos kyi bdag med kyi mtshan nyid gsum
dngos su rtogs pa'i shugs la gang zag gi bdag med kyi mtshan nyid
gsum rtogs mi nus par thal/ dngos bstan ma rtogs par shugs bstan
rtogs pa med

pa'i phyir zer na lan gdab pa la mkhas dgos so/ /brjod bya'i
skabs mdo las/ 'phags pa'i bden pa bzhi'i rnam pas bstan/ ces
byung ba ni gtso che ba'i don las/ gzhan gyis bshad pa ltar
'khor lo dang po yin na bden bzhi'i

chos 'khor dang/ de yin na bden bzhi las brtsams pas khyab pa
dang/ bden bzhi las brtsams pa'i 'khor lo dang po yin na de rang
'dzin rtog pa'i zhen gzhir rang mtshan gyis blo rje sogs grub par
dngos su bstan pas khyab pa dang/ de yin

na bden bzhi gang rung rang mtshan gyis grub par dngos su ston
pas khyab pa rnams med cing/ 'khor lo so so'i brtsam gzhi la
gang dang gang gtso che ba de grub don gyis dngos su smos pa las
'dir bstan 'khor lo dang po'i brtsam gzhi la

@151b bden bzhi gang rung gis ma khyab bo/ /de las brtsams zhes
pa'ang dgongs pa der 'bab pa tsam dang/ khyad gzhir bzung ba la
byed pa gnyis las 'dir ni phyi ma ste/ brtsam gzhi de sdug bden
dang mdo de de las brtsams pa yin na

de sdug bden las brtsams pa'i mdo yin pas ma khyab ste/ de las
brtsams ma brtsams rjod 'dod dang go tshul la ltos pa'i phyir ro/
/kha cig na re/ ngo bo nyid med pa sogs lnga ga 'khor lo bar tha
gnyis ka'i brtsam gzhir 'jog pa

'dra bar thal/ gzhung las/ 'khor lo gsum pa la brjod bya gang
las brtsams pa bar ba dang 'dra zhing/ zhes gsungs pa'i phyir/
'dod na/ de lnga ga 'khor lo bar tha gnyis ga'i dngos zin gyi
brtsam gzhir 'jog par thal/

'dod pa'i phyir na kha cig ma khyab zer/ 'dod na/ de lnga ga de
gnyi ga'i sgras zin sgra ji bzhin pa'i don yin par thal/ 'dod
pa'i phyir na/ gzhan dag 'dir ma khyab ste/ de gnyi gas de lnga
las brtsams zhes pa mtshan nyid gsum rang rang

gi skabs kyi ngo bo nyid med pa sogs lnga po de de gnyi ga'i
dgongs pa mthar thug gi khyad gzhir bzung ba'i don yin pa'i
phyir zer/ des na yang snying las/ de'i sgras zin sgra ji bzhin
pa'i ngo bo nyid med pa ni chos thams cad la rang bzhin gyis

grub pa'i ngo bo nyid med pa sogs la byed dgos pas de'i sgras
zin ltar gyi de lnga tshad mas bsal ba yin/ tha ma'i sgras zin
gyi ngo bo nyid med pa ni mtshan nyid gsum rang rang gi ngo bo
nyid med lugs re sngar bshad pa ltar yin pas snga phyi'i ngo bo

@152a @#/ /nyid med pa sogs ming 'dra yang don mi 'dra ba'i
phyir/ zhes pa ltar 'dod dgos so/ /ston tshul skabs/ stong pa
nyid smos pa'i rnam pas zhes pa mi mngon pa'i rnam pas zhes
bsgyur pa legs par gzhung las gsungs

pa la; gung thang rin po ches/ 'on kyang legs par phye zhes pa
bden par grub pa'i phyogs dang bden grub kyis stong pa'i phyogs
gnyis su phye ba la byas na/ snga mas stong phyogs gcig pu gtso
bor byas pa go nus pas de'ang 'brel med pa

min no/ /zhes gsung phyogs cung mi mthun par mdzad do/ /che ba'i
skabs/ gnyal ston gyis/ sngon zhes pa nas ma bskor ba gcig bskor
ces pas 'khor lo dang por bstan/ ces pa la/ gung thang rin po
ches/ de mi 'thad de/ des

bden bzhi'i chos 'khor 'khor lo dang por bstan pa ma yin pa gang
zhig de 'khor lo phyi ma gnyis kyi che ba la'ang sbyor dgos pa'i
phyir/ dang po grub ste/ 'di'i sngon zhes pa ston pa 'jig rten
du ma byon gong las mdo 'di gsungs pa'i sngon tsam

la mi byed/ ma bskor ba yang tshangs pa sogs kyis ma bskor ba las
ston pas sngar ma bskor ba la mi byed pa'i phyir/ gnyis pa grub
ste/ des ston pa las gzhan sus kyang skor mi nus pa'i chos 'khor
gyi khyad chos bstan pa'i phyir te/

nyi khri las/ tshangs pa'i 'khor lo 'jig rten na dge sbyong ngam/
nas/ gzhan su yang rung bas chos dang ldan pas 'jig rten du skor
bar ma nus pa/ zhes gsungs pa'i phyir/ khyab ste/ gzhan du na
sher mdo yang 'khor lo dang por

@152b 'gyur ba'i phyir/ zhes 'gog go /gzhan dag de mi 'thad par
thal/ mdo tshig 'dis bden bzhi'i chos 'khor 'khor lo dang por ma
bstan pa dang/ de 'khor lo phyi ma gnyis la'ang sbyor dgos pa'i
shes byed re re nas mi 'thad pa'i

phyir; dang po der thal/ sngon zhes pas chos 'khor bskor dus la
gsum yod pa'i sngon ma'am dang po dang/ lhar gyur pa sogs kyis
spyir chos 'khor rnam mkhyen dang mi ldan pas skor mi nus pa
dang/ rab tu bskor ces pa sngon

zhes pa dang sbrel nas dang por rab tu bskor ces bstan par khas
blangs pa la skyon med pa'i phyir/ gnyis pa der thal/ nyi khris
khyad par de 'dir bstan 'khor lo bar ba la ldan par gsungs pa
las 'khor lo phyi ma gnyis la sbyor

dgos ba'i shes byed du mi 'gro bar ma zad/ nyi khri'i lung la
sngon zhes pa yod na rung du chug kyang/ de yang med pas sher
mdo 'khor lo dang por thal tshul yang med pa'i phyir ro/ /zhes
zer zhing/ ston pa 'di ma byon gong du lha mi sus kyang

ma bskor byas na sangs rgyas 'od srungs sogs kyis bskor bas
bstan pa 'di la ston pa 'di'i sngon du zhes ba'am/ spyir 'jig
rten 'dir sangs rgyas ma byon pa'i sngon du zhes pa gang rigs
kyi zhib cha'ang shes dgos so/ /kho na re/

'khor lo tha ma mdo sde kun gyi mchog yin par thal/ de skabs
'di'i bla na ma mchis pa yin pa'i phyir na ma khyab ste/ zab
rgyas kyi lam gnyis bstan bya'i gtso bor byas nas rgyas par ston
pas mdo sde kun gyi mchog dang/ mtshan nyid

@153a @#/ /gsum la bden par yod med tshul bzhin du 'byed pas skabs
'di'i bla na ma mchis par 'jog pa'i phyir/ rnam bshad snying
po'i rgyan du gsungs pa ltar sher mdo'i ched du bya ba'i gdul
byas dgongs 'grel la ma

brten par sher mdo'i dgongs don rtogs nus la/ dgongs 'grel gyi
ched du bya ba'i gdul byas de ltar du rtogs mi nus pas ched du
bya ba'i gdul bya'i sgo nas kyang shed mdo dgongs 'grel las rab
tu grub cing 'di bas sher mdo'i

ched du bya ba'i gdul bya sems tsam dang/ de'i sgras zin gyi de
ngo bo nyid med par smra ba yin pa'i khyad kyang 'byed do/ /kha
cig de mi 'thad par thal/ shed mdo dang dgongs 'grel gnyis mdo
sde kun gyi mchog yin min mnyam pa'i phyir

te; 'khor lo bar pa'i skabs ches ngo mtshar sogs dang/ tha ma'i
skabs shin tu ngo mtshar zhes sogs byung ba'i phyir na/ tha mar
de ltar yod pa'i dpe kha cig byung ba ma dag par snang ste/ dpe
dag pa mang po dang/ bsdu ba dang rgya

nag 'grel chen du drangs pa sogs las shin tu zhes pa mi 'byung
ba ltar rjes kyang ma bkod pa'i phyir dang/ dgongs 'grel rnam
bshad las/ gcig tu ngo mtshar rmad du byung ba/ zhes byung yang
'grel ba de la yid brtan med pa'i

phyir ro/ /drang nges kyi mdo gang yin gyi khyad par ston pa'i
skabs/ kha cig na re/ wen tsheg gi bshad tshul gzhung du bkod
skabs gzhan gyis gzhig par bya ba zhes brtsod pa dang bcas pa'i
don du sbyar ba mi 'thad par thal/ des

@153b skabs ma mchis pa'i don 'chad pa na/ phyis mchog tu 'gyur
ba'i skabs med cing phyis gzhig pa'i skabs med pa'i phyir skabs
med pa zhes bya'o/ /zhes gzhan gyis gzhig tu med pa skabs med pa
dang sbyar bas gzhan gyis gzhig nus

pa de skabs yod pa la sbyor dgos pa shes pa'i phyir dang/ gzhung
las/ phyis mchog tu 'gyur ba'i skabs dang gzhig pa'i skabs med
pas skabs ma mchis pa/ zhes dang/ skabs med pa'i snga ma ma
gtogs pa/ zhes skabs

med pa'i don 'chad pa na phyis mchog tu 'gyur ba'i skabs dang
gzhig pa'i skabs gnyis gsungs pa'i phyir zer na/ de la yang
snying du gzhig par bya ba ni skabs yod pa'i don la gtan mi
sbyor ba'i dbang du byas shing/ skabs ma

mchis pa'i don bshad tshe wen tsheg lugs la phyis mchog tu 'gyur
ba'i skabs dang gzhig pa'i skabs gnyis phyogs 'dra bar bsgrubs
te/ phyis mchog tu 'gyur ba'i skabs yod pa ni de'i dgongs pa
rtogs nas phyis de las lhag cig

rtogs rgyu yod pa dang/ gzhig pa'i skabs yod pa ni phyis mdo zab
mo gzhan gyi dgongs pa rtogs pa na sngar gyi dam bca' gzhig pa
dang/ skabs ma mchis pa ni de dang de med pa la byas te/ phyis
mchog tu 'gyur ba'i skabs dang

phyogs mthun pa'i gzhig pa'i skabs med pa ni skabs ma mchis pa
las rtsod pa med par sbyar mi rung ba dang/ rtsod pa dang bcas
pa'i skabs kyi gzhan gyis gzhig par bya ba spyir btang gzhig
pa'i skabs yod pa'i don yin pas de ni

@154a @#/ /rtsod pa yod pa la bya ba ni wen tsheg dang de'i 'dod
pa rjes blangs pa gnyis kyi don ma nor ba yin la/ mdor na phyis
mchog tu 'gyur ba dang phyogs mthun pa'i gzhig pa'i skabs ni
skabs ma mchis pa las rtsod pa'i

gzhi'i gnas su gyur pa la sbyor mi rung ba dang/ spyir btang gi
gzhig pa'i skabs ni rtsod pa'i gzhi'i gnas su gyur pa las skabs
yod pa'i don la sbyor mi rung bar bzhed do/ /de bas na yang
snying du/ sgron gsal drangs pa nas skabs kyi

sgra 'jug go zhes pa'i bar gyis skabs kyi rnam grangs dang don
spyir gsungs/ des na nas phyis mchog tu 'gyur ba dang phyogs
mthun pa'i gzhig pa'i skabs kyi don rtsod spong dang bcas pa
gsungs/ 'khor lo tha ma'i thad du'ang nas

rtsod pa'i gzhi'i gnas su 'gyur ba dang phyogs mthun pa'i gzhig
pa'i skabs rtsod spong dang bcas gsungs pa yin no/ /bzhed tshul
de la gzhan dag skabs ma mchis pa'i bshad tshul snga ma chos can/
khyod rang lugs la 'thad

par thal/ khyod bshad tshul phyi ma dang phyogs mthun pa gang
zhig de rang lugs la 'thad pa'i phyir/ dang go bas/ 'dod dang
phyi ma ma grub gang byas kyang gzhung las/ wen tsheg gis bshad
pa ni skabs med pa'i snga ma ma gtogs

pa sngar bdag gis bla na yod pa sogs kyi don bshad pa las bzlog
pa dang don 'dra'o/ /zhes pa dang 'gal lo/ /yang skabs ma mchis
pa'i bshad tshul phyi ma chos can/ khyod rang lugs la mi 'thad
par thal/ khyod bshad tshul snga

@154b ma dang phyogs mthun pa gang zhig de rang lugs la mi 'thad
pa'i phyir/ dang po khas/ 'dod dang phyi ma ma grub gang byas
kyang drangs ma thag pa'i lung dang 'gal lo/ /rgol bas snga phyi
nam du yang gzhig pa'i skabs med pas gzhig

pa'i skabs med pa de rgol bas gzhig mi nus pa'i don yin na phyis
zhes smos don med par yang snying du gsungs pa'ang sgra ji bzhin
du byed mi rung ste/ de ltar na mi dge bcur spyad na phyis mngon
mtho mi thob ces smra mi rung bar thal ba'i phyir

ro/ /des na gzhig ces pa gzhom pa'i don yin la/ 'dir rtsod pas
gzhom pa ste rtsod pa yod pa la byed cing/ skabs yod med dang
rtsod pa'i gzhi'i gnas su gyur ma gyur kyang de yod med kyi don
yin pas/ 'di'i gzhan gyis gzhig

par bya ba dang/ rtsod pa dang bcas pa dang/ rgol ba dang bcas
pa dang/ skabs yod pa dang/ rtsod pa'i gzhi'i gnas su gyur pa
rnams sgra rnams grangs pa yin yang don la khyad yod de/ bzhi pa
ni sgras zin dang/ tha ma ni bstan

don la rtsod pa yod pa la bya zhing/ skabs med pa dang rtsod
pa'i gzhi'i gnas su ma gyur pa'i don yang de gnyis las bzlog pa
la bya'o/ /de ltar na gzhig pa'i skabs yod pa zhes pa'i sgra
gcig pu de don gnyis kar sbyar na bstan

don dang/ sgras zin la rtsod pa'i don mi 'dra bar 'gyur zhing/
gzhung gis gzhig pa'i skabs zhes pa 'khor lo dang po gnyis la
rtsod pa'i gzhi'i gnas su gyur pa dang/ tha mar skabs ma mchis
pa la sbyar ba ni gnyis ka la

@155a @#/ /sbyor rung bar go bar bzhed pa yin no/ /de 'dra'i
rtsod spong gi tshul 'di ni bdag gi bla ma rdo rje 'chang yab
sras gnyis dgongs pa'i chu bo gcig tu 'dres pa las byung ba'i
legs bshad do/ /zegs ma las/

sde snod gsum pa wen tsheg gis zhes don 'gyur byas na sde snod
gsum pa ba yin pa 'dis gsal/ zhes pa ltar na/ 'jug pa'i rnam
bshad las/ bdag nyid chen po tsandra go mi/ zhes gsungs pas
tsandra go mi bdag nyid chen po dang/

lam rim chen mo las/ mkhas grub chen po shAnti ba/ zhes gsungs
pas shAnti ba mkhas grub chen por don 'gyur byed tshul dang/
gzhung de gnyis su rim par mkhas pa'i dbang po ka ma la shI la/
zhes dang/ shing rta chen po ka ma

la shI la zhes gsungs pas ka ma la shI la de gnyis kar don
'gyur byed tshul gyi man ngag cig ston dgos par snang ngo/ /gang
zag la rton pa'i dus su 'dug pas smos kyi/ gzhan du 'di lta bu'i
dgag gzhag gis ci zhig bya/ kho na

re/ nyan thos sde ba 'khor lo dang por rtsod pa 'god pa por mi
rung bar thal/ de 'khor lo dang por sgra ji bzhin par mi rung
zhes rtsod pa 'god pa por mi rung ba'i phyir na ma khyab ste/
nyan thos sde ba rnams kyis rtsod ces pa de'i sgras

zin mi 'thad ces rtsod pa min par de rang lugs su 'thad pa gzhir
bzhag gi steng nas dgongs pa 'grel tshul la rtsod pa yin pa'i
phyir/ kha cig wen tsheg gis 'khor lo dang po'i drang don gyi
bshad pa la stong nyid mi ston cing yod

@155b par bstan pa zhes bshad pa mi dung bar thal/ stong nyid mi
ston pa'i mdo yin pas drang don du bshad pa ngo bo nyid med par
smra ba'i lugs yin zhing/ yod par bstan pas drang don du 'gro
don med pa'i phyir zer na/ skyon med do/ de ni

chos kyi bdag med mi ston cing chos kun rang mtshan gyis grub
mnyam du ston pa la byed pa sngar bshad zin pa'i phyir/ rtsod
pa'i gzhi'i gnas su gyur pa ma lags/ zhes pa'i don/ des gzhan
dbang yongs grub bden grub tu

bstan pa ltar khas blangs pa la mkhas pas rtsod pa mi 'byung ba
la byas na thal 'gyur bas de la gnod byed ston pas mi rigs par
yang snying du gsungs kyang skabs 'dir thal 'gyur ba chad lta
bar byed pas/ gzhung las/

mkhas pas brtags na rtsod sa med pa la bya yi/ zhes gsungs pa
sgra sor bzhag byas chog cing/ mdo don la rtsod tshul ni sgras
zin mi gsal bas de'i dgongs pa de ltar yin min rtsod pa dang/
dgongs pa de ltar du thag chod

kyang de'i bstan don rang lugs yin min rtsod pa gnyis las thal
'gyur bas dgongs 'grel la rtsod tshul ni phyi ma'o/ /rnam bshad
snying po'i rgyan las/ 'di ni bla na ma mchis pa zhes nye tshig
smos pa'i mtshan gzhir mdo sde

dgongs pa nges 'grel ril bor 'dzin pa yang mi 'thad de/ nas/ des
na byang chub sems dpa' don dam yang dag 'phags kyis drang don
dang nges don zhus pa'i lan ston pas bka' stsal pa de nyid yin/
zhes gsungs pa la 

@156a @#/ /brten nas rje btsun pas 'phags zhus kho na 'di sgra
snyegs sar 'dzin cing/ 'khor lo gsum pa la des ma khyab zer/ blo
gling bas 'di sgra snyegs sa'i mtshan gzhi'i legs phye'i chos
'khor la mdo sde la

'gal spong gi dris lan gyi mdo 'jog pa dang/ phar phyin mtha'
dpyod dang drang nges yig cha rnying bar/ legs phye'i mdo dang
'di sgra snyegs sa gnyig 'phags zhus dang dgongs 'grel yin yang
dgongs 'grel ri la bo min gsungs/

yig cha las/ des na bstan tshul 'di ni zhes brjod bya'i ngos nas
bshad pa'i mtshan gzhi legs bshad snying po ltar dang/ chos 'khor
skor bzhin pa'i le'u 'di ni zhes rjod byed la sbyar na rnam
bshad ltar bya'o/ /zhes brjod bya'i ngos

nas bzhag pa'i mtshan gzhir/ gzhung las/ 'di ni zhes nye ba'i
tshig gis smos pa ni de ma thag tu smos pa'i legs par rnam par
phye ba'i 'khor lo dgongs 'grel dang de bzhin du phye ba rnams
la zer ba yin/ zhes pa ltar dgongs 'grel

dang; de bzhin du phye ba'i mdo rnams dang/ rjod byed la sbyar
na/ yig cha las/ chos 'khor skor bzhin pa'i le'u 'di ni zhes
pa'i nye tshig gis smos pa'i tshig zin gyi mtshan gzhir dgongs
'grel ril mi 'dzin cing 'dir tshig zin gyi grub

don zhu rgyu'i le'u la le'u gzhan dgu 'ong don med de/ de dag
rang rang gi skabs su bstan zin pas 'di la don dam yang dag
'phags kyi le'u 'jog ces pa'i don no/ /zhes 'phags zhus 'jog par
gsungs so/ /de la gung thang phar mtshan

@156b las; kha cig brjod bya'i cha nas nye tshig thams cad la
'jug kyang/ rjod byed kyi cha nas dgongs 'grel dang don dam yang
dag 'phags zhus gnyis la 'jug ces 'chad pa snying po yod med
dpyad par bya'o/ /zhes gsungs kyang/

yang snying las/ brjod bya rjod byed la so sor sbyar te yab sras
dgongs pa gcig tu bsgrubs pa ni legs bshad chen po yin te/ rjod
byed kyi cha nas nye tshig smos pa'i tshe skor bzhin pa 'di ni zer
dgos pas lang gshegs sogs yod don

med kyang/ brjod bya'i cha nas nye tshig smos pa'i tshe mtshan nyid
gsum la bden par grub ma grub kyi khyad par phye ba'i 'khor lo
tham 'di ni zer dgos pas rang dang ston tshul mtshungs pa'i mdo
lang gshegs sogs thams cad yod pa'i phyir/

zhes gsungs so/ /drangs ma thag pa'i gzhung las dris lan tsam
dang le'u gcig dang dgongs 'grel ril bo tsam 'jog pa'i khyad
gang yang ma phye bas gzhung gi sgras zin dang mthun par khas
blangs na legs shing/ brjod bya dang rjod

byed la sbyar ba'i zhi ba cha yang rje'i gsung zin dang bstun sa
med do/ /gnyis pa drang nges kyi tshul cung zad bshad pa la bzhi/
'khor lo gsum gyi tha snyad ngos bzung nas de la drang nges su
'jog tshul/ drang nges su 'jog pa'i gzhi'i gsung

rab ngos gzung ba/ mdo gsum la drang nges phye bas ci zhig 'grub
pa'i dgos pa/ des gzhan gyi lugs khegs par bstan pa'o/ /dang po
ni/ de 'dra ba'i/ zhes sogs byung/ de la/ 'khor lo zhes bya'o/
/zhes pa'i bar

@157a @#/ /gyis 'khor lo gsum gyi tha snyad ngos bzung/ de man
gyis de gsum la drang nges su 'jog tshul ston te/ sngar bshad
pa'i 'khor lo dang po chos can/ khyod la bden bzhi'i chos 'khor
zhes bya ste/ brjod bya'i

gtso bo bden bzhi las brtsams pa'i mdo yin pas khyod la de ltar
brjod pa'i phyir/ sngar bshad pa'i 'khor lo bar pa chos can/
khyod la mtshan nyid med pa'i chos 'khor zhes bya ste/ chos kun
rang mtshan gyis ma grub par

bstan pa'i mdo yin pas khyod la de ltar brjod pa'i phyir/ sngar
bshad pa'i 'khor lo tha ma chos can/ khyod la legs phye'i chos
'khor zhes bya ste/ mtshan nyid gsum la bden par yod med legs par
phye ba'i mdo yin pas khyod la de

ltar brjod pa'i phyir/ dang po brjod bya dang phyi ma gnyis ston
tshul sgos ming btags pa'o/ /'phags zhus kyi le'u las/ chos kyi
rnam grangs 'dir bstan pa 'di'i ming ci lags/ nas/ 'di don dam
pa nges pa'i don bstan pa zhes

bya bar zungs shig /ces pa la brten nas 'khor lo tha ma la don
dam rnam par nges pa'i 'khor lo zhes rgya nag 'grel chen las
'byung ba ni de'i mtshan du khyab chung ste/ de 'phags zhus
le'u'i sger ming yin pa'i phyir/ des na mdo

rang las/ legs par rnam par phye ba dang ldan pa/ zhes ngo bo
nyid gsum la bden par yod med kyi khyad legs par phye ba'i sgos
ming btags pa ltar legs par rnam par phye ba'i 'khor lo zhes
bya'o/ /de 'dra'i 'khor lo gsum la mdo

@157b 'dis drang nges su 'jog tshul ni bden par yod med legs par
phye ma phye gnyis yin la/ drang nges su 'jog pa'i gzhi ni/ zhes
pa la dka' 'grel las drang nges su 'jog pa'i dbye gzhi ni/ zhes
'bru gnyed kyang/ de ltar na dbye chos

gsum po dbye gzhir 'gyur bas/ drang nges su 'jog pa'i gzhi'am
rgyu ni chos rnams la rang mtshan gyis yong mnyam du gsungs pa
'dir bstan 'khor lo dang po dang/ de ltar med mnyam du gsungs pa
'dir bstan 'khor lo bar ba

dang; chos rnams la rang mtshan gyis yod med kyi khyad phye ba
'dir bstan 'khor lo tha ma 'jog byed yin pa ni mdo sde la 'gal
spong gi dris lan dang ngo bo nyid gsum ngos 'dzin dang grub don
gyis ngo bo nyid med par bshad tshul dang drang

nges zhus pa rnams las shin tu gsal lo/ ! /'dir/ spobs pa bzhi
ldan gyi rgyal ba'i gsung rab de/ bka'i mtshan nyid/ de la dbye
na/ nges don dang/ drang don gyi gsung rab gnyis yod/ sgra ji

bzhin pa'i mdo de/ nges don gyi mdo'i mtshan nyid/ de la dbye na/
dgongs 'grel dngos bstan gyi de dang/ de las gzhan pa'i de gnyis
yod/ mtshan gzhi rim par/ mtshan nyid gsum la bden par yod med kyi
khyad phye

ba'i mdo dang/ 'dul ba rung mthun lta bu/ sgras zin sgra ji
bzhin du nges pa'i don can gyi mdo yin pas na nges don gyi mdo
zhes bya'o/ /sgra ji bzhin pa ma yin pa'i mdo de/ drang don gyi
mdo'i mtshan nyid/ de la dbye na/

@158a @#/ /dgongs 'grel dngos bstan gyi de dang/ de las gzhan
pa'i de gnyis yod/ chos rnams rang mtshan gyis yod mnyam dang
med
mnyam du ston pa gnyis lta bu dang po dang/ pha dang ma ni bsad
byas shig /

zhes sogs kyi mdo lta bu gnyis pa yin/ sgras zin sgra ji bzhin
du khas blang mi rung bar dgongs pa gzhan du drang dgos pa'i
don
can gyi mdo yin pas drang don gyi mdo zhes bya'o/ /gnyis pa ni/
de'i phyir dus dang por/ zhes sogs

byung; de la/ mi dgos pa bzhin no/ /zhes pa yan dang/ ston mi
dgos so/ /zhes pa yan gyis rim par drang don du 'jog pa'i gsung
rab dang po gnyis dang/ de man gyis nges don du 'jog pa'i gsung
rab gsum pa ngos bzung ba

ste; dus dang por bden bzhi las brtsams nas rang mtshan gyis yod
pa sogs su gsungs pa'i 'khor lo dang po chos can/ drang don gyi
mdo yin te/ chos kun rang mtshan gyis grub mnyam du gsungs pa'i
mdo yin pa'i phyir/

zhes pa'i rtags ni de'i phyir zhes pa'i nus pas thon pa ste lhag
ma gnyis la'ang 'dra'o/ /'o na dus dang por gsungs tshad dris
zhus kyi mdo yin nam zhe na/ min te/ lnga sdel sham thabs zlum
por bgo bar bya'o/ /zhes gsungs

pa lta bu dus dang por gsungs pa'i bslab bya tsam ston pa la
dogs pa gcod mi dgos pa'i phyir/ dus gnyis par ngo bo nyid med
pa sogs las brtsams nas chos kun rang mtshan gyis med pa sogs su
gsungs pa'i mdo chos

@158b can/ drang don gyi mdo yin te/ chos kun rang mtshan gyis
med mnyam du gsungs pa'i mdo yin pa'i phyir/ 'o na dus gnyis par
gsungs tshad dri zhus kyi mdo yin nam zhe na/ min te/ yum par ma
las/ gang yang dag par skyon

med par zhugs pa de dag ni bla na med pa yang dag par rdzogs
pa'i byang chub tu sems skyed pa'i mthu med do/ /zhes gsungs pa
lta bu dus gnyis par gsungs pa'i ngo bo nyid med pa sogs las ma
brtsams pa'i mdo rnams la

dogs pa gcod mi dgos pa'i phyir/ legs phye'i mdo rnams chos can/
nges don gyi mdo yin te/ mtshan nyid gsum la bden par yod med kyi
khyad phye nas gsungs pa'i mdo yin pa'i phyir/ 'o na 'khor lo
gsum pa thams

cad dgongs 'grel dngos bstan gyi mdo yin nam zhe na/ min te/
'dul ba mdor bsdus lta bu dus za mar gsungs pa'i bslab bya rnams
la dogs pa gcod mi dgos pa'i phyir/ ! /'dir/ lung rtogs kyi dam
chos

gnyis gang rung gyis bsdus pa'i yon tan de/ chos 'khor gyi mtshan
nyid/ de la dbye na lung rtogs kyi de gnyis yod/ lung gi bstan
pa'i dam chos de/ lung gi chos 'khor gyi mtshan nyid/ de la dbye
na bka' dang bstan bcos

gnyis yod/ dang po la 'khor lo gsum yod/ dus dang por gsungs
pa'i mdo de/ 'khor lo dang po'i mtshan nyid/ rang gi ched du bya
ba'i gdul bya nyan thos sde ba'i rigs can la gzugs nas 'phags
lam yan lag bar gang rung

@159a @#/ /las brtsams shing rang 'dzin rtog pa'i zhen gzhir rang
gi mtshan nyid kyis grub par gtso bor dngos su bstan pa'i mdo de/
dgongs 'grel dngos bstan gyi 'khor lo dang po'i mtshan nyid/ de
dang dri zhus kyi

'khor lo dang po don gcig /dus bar du gsungs pa'i mdo de/ 'khor
lo bar ba'i mtshan nyid/ rang gi ched du bya ba'i gdul bya dgongs
'grel gyi gdul bya las dbang po rno ba'i theg chen rigs can la
gzugs nas rnam mkhyen

gyi bar gyi chos gang rung la ngo bo nyid med pa sogs su brtsams
shing ngo bo nyid gsum la bden par yod med mi gsal ba'i mdo de/
de'i dngos bstan gyi 'khor lo bar ba'i mtshan nyid/ de dang dri
zhus kyi 'khor lo bar ba don

gcig /dus tha mar gsungs pa'i mdo de/ 'khor lo tha ma'i mtshan
nyid/ rang gi ched du bya ba'i gdul bya 'khor lo bar ba'i ched
du bya ba'i gdul bya las dbang po dman pa'i theg chen rigs can
la mtshan nyid gsum la bden

par grub ma grub kyi khyad par gsal bar ston pa'i mdo de/ de'i
dngos bstan gyi 'khor lo tha ma'i mtshan nyid/ de dang legs
phye'i chos 'khor don gcig 'khor lo gsum gang rang gsungs pa nas
ston pa 'da' tshul ston gyi

par gsungs/ bkar gyur ba'i chos 'khor la 'khor lo rim pa gsum du
grangs nges te/ gser phreng las/ chos 'khor gsum gyis gsung rab
thams cad bsdus/ zhes gsungs pa'i phyir ro/ /rtogs pa'i bstan
pa'i dam

@159b chos de/ rtogs pa'i chos 'khor gyi mtshan nyid/ de la dbye
na/ 'gog bden dang/ lam bden dang/ de gnyis gang yang ma yin
pa'i rtogs pa'i chos 'khor dang gsum yod/ lung rtogs kyi dam
chos gang rung la chos

'khor gyis khyab ste/ de nyid las/ lung dang rtogs pa'i chos
thams cad chos 'khor du 'dod par bya ste/ chos 'khor gsum gyis
gsung rab thams cad bsdus ba dang/ lam thams cad la yang chos
'khor gyi don dmigs

pa'i phyir ro/ /zhes gsungs pa'i phyir/ thabs rnam mkhyen la
brten nas 'bras bu lung rtogs kyi dam chos de dang de'i rigs
'dra gdul bya'i rgyud la 'pho zhing mi mthun phyogs sel ba la
'khor skyur gyi 'khor lo dang chos

mtshungs pas na chos kyi 'khor lo zhes bya ste/ bsdu ba las/ de
bas na gcig nas gcig tu brgyud de mthun par bskor ba'i don gyis
'khor lo zhes bya'o/ /zhes gsungs pa'i phyir/ gzhan yang bye
brag tu bshad par/ chos la

grub cing chos kyi ngo bo nyid byed pa dang/ gser 'khor dang
chos mtshungs pas chos 'khor dang/ kha cig 'phags pa'i chos kyi
mig dag par byed pa dang/ kha cig phyi rol ba'i chos sogs 'khor
lo ma yin pa'i gnyen por gyur pas

chos 'khor zhes bshad pa dang/ g.yo zhing mi gnas pa dang/ 'di
spangs nas der 'gro ba dang/ phyir rgol ba 'joms par byed pas
chos 'khor zhes bshad par rgya nag 'grel chen du 'byung ngo/
/mdzod las/ myur bar 'gro

@160a @#/ /sogs rtsibs sogs phyir/ /zhes 'khor sgyur gyi 'khor lo
bgrod pa myur ba dang/ sa gzhan dang gzhan du 'gro ba dang/ yul
dbang du ma 'dus pa sdud pas ma rgyal ba las rgyal bar byed pa
dang/ dbang du bsdus

zin brtan par byed pas rgyal ba rnal du 'god pa dang/ mtho ba la
'phar ba dang/ dma' ba la 'bab pa drug dang chos mthun yod pas
chos 'khor du bshad cing/ 'phags lam yan lag brgyad 'khor lo
dang chos mtshungs sbyar

nas 'chad do/ /'di ni sdug bsngal 'phags pa'i bden pa'o zhes
tshul bzhin du yid la byed pa na mig skyes so/ /shes pa dang/ rig
pa dang/ blo dang rtogs pa skyes so/ /zhes sogs bzlas pa dang po
ngo bo la bzlas pa dang/

sdug bsngal 'phags pa'i bden pa de ngas mngon par shes pas yongs
su shes par bya'o zhes tshul bzhin du yid la byed pa na/ zhes
sogs kyis bzlas pa gnyis pa bya ba la bzlas pa dang/ sdug bsngal
'phags pa'i bden pa de ngas

mngon par shes pas yongs su shes so zhes tshul bzhin du yid la
byed pa na/ zhes sogs kyis bzlas pa gsum pa byed pa la bzlas ste
bzlas pa gsum dang/ bzlas pa rer mig dang/ shes pa dang/ rig pa
dang/ blo skyes pa bzhi

bzhi so sor bgrangs pas rnam grangs bcu gnyis so/ /yang bden
bzhi re rer bzlas pa gsum gsum sbyar bas bzlas pa bcu gnyis
dang/ bcu gnyis po re rer mig skyes sogs bzhi bzhi sbyar bas
rnam grangs zhe brgyad yod kyang sum

@160b tshan dang bcu gnyis tshan du 'dra bas bzlas pa gsum dang
rnam grangs bcu gnyis su gsungs te/ gnas bdun la mkhas pa'i dge
slong bzhin zhes bye brag smra ba zed yang/ mdo sde ba yan gyis
bzlas pa gsum gyi zur bcu gnyis la

rnam grangs su 'dod pas/ bzlas pa gsum dang rnam grangs bcu
gnyis las bzlas pa bcu gnyis dang rnam grangs zhe brgyad byar
med par 'dod do/ /mig blo shes rig bzhi'i ngos 'dzin la rnam
bshad rigs pa/ rgyan snang/ rgya nag

'grel chen sogs kyi bshad tshul rnams yang snying las shes par
bya'o/ /zhar byung chos phung gi tshad ni shA ri'i bus byas pa'i
chos phung la shlau ka drug stong yod pas de tsam dang/ gtam
rgyud tshang ba re dang/ spang bya re'i gnyen po rdzogs par

la 'dod pa sogs yod kyang/ theg pa thun mong ba ltar na shlau ka
stong phrag re dang/ thun mong min pa ltar na glang po che rab
brtan gyis bkur bar 'os pa'i snag tshas 'bri nus pa tsam mo/ !
/spro na/ blo rjes/ bka' dang lam

zhugs kyi mngon rtogs gang rung gis bsdus pa'i rnam dkar gyi yon
tan chos 'khor gyi mtshan nyid/ lung gi chos 'khor dang sangs
rgyas kyi bka' don gcig dang/ rtogs pa'i chos 'khor dang lam
zhugs kyi mngon rtogs don gcig tu 

'dod/ sgo mang gis/ gser phreng las/ lung rtogs kyi chos bshad
pas gcig nas gcig tu rgyud gzhan la 'pho bar snang bas 'khor lo/
zhes dang/ lung dang rtogs pa'i chos thams cad chos 'khor du
'dod/ ces dang/ rnam 

@161a @#/ /bshad snying po'i rgyan las/ lung dang mngon par rtogs
pa'i chos ji snyed pa de thams cad chos kyi 'khor lo yin/ zhes
sogs la brten nas lung rtogs kyi chos kun chos 'khor dang/ blo
gros rab gnas kyis zhus

pa las/ chos rnams thams cad bka' dang bstan bcos gnyis su 'du/
/zhes pa la bsten nas bka' bstan kun lung gi chos 'khor dang/
kun btus las/ rtogs pa'i bstan pa yang rgyu dang 'bras bu'i dbye
bas 'gog pa dang lam gyi

bden pa dag go /zhes drangs nas 'gog bden rtogs pa'i chos 'khor
du bsgrubs pa dang/ rtogs dka'i snang bar/ mi mthun phyogs kyi
sa bon gcod mi nus pas tshogs sbyor gnyis rtogs pa'i chos 'khor
min par bshad cing/ rtogs

pa'i chos 'khor ni mthong lam dang sgoM lam dag yin/ zhes mi
slob lam yang rtogs pa'i chos 'khor min par gsungs so/ /yig cha
'gar lung gi chos 'khor skor pa po la sangs rgyas dgos pas de la
bkas khyab par bsgrubs

pa ltar na skor pa po dang rtsom pa po khyad med pa lta bur
'gyur zhing/ gzhi bsdu ba'i tshig zin 'gar brten nas ko ND-in+ya
sogs chos 'khor skor pa por khas len pa yod mod/ mdo las/ rnam
pa thams cad mkhyen pa nyid thob

par ma bgyis par chos 'khor skor par mi nus so/ /zhes gsungs
par/ chos 'khor skor pa po la sangs rgyas dgos shing/ skor tshul
yang sangs rgyas kyis dngos su gsungs ba rnams la gsungs pa gtso
che zhing/ gzhan

@161b la brjod don bskor bas de bskor bar 'jog pa dang/ rtogs
pa'i bstan pa gdul bya de dang de'i rgyud la skyes pa na ston
pas gcig nas gcig tu brgyud pa'i tshul gyis de'i rgyud la chos
'khor bskor bar 'jog go /kha cig na re/

bka' la 'khor lo gsum po'i gang rung gis ma khyab ste/ stong
thun las/ de'i phyir gsung rab yin pa la 'khor lo gsum gang rung
gi mdo yin pas ma khyab kyi/ gsum du phye ba ni gtso bo'i dbang
du byas pa'i dbye ba'o/ /zhes

gsungs ba'i phyir zer na ma khyab ste/ de ni dgongs 'grel dngos
bstan sor bzhag yin pa'i phyir/ kha cig bka' thams cad 'khor lo
rim pa gsum du 'dus kyang der grangs ma nges zer na/ der nges
par thal/ bka'

rnams thor bur gsungs par bsdus na/ der grangs nges pa'i phyir
te/ rnam bshad snying po'i rgyan las/ chos kyi 'khor lo thor bur
gsungs ba rnams kyi don phyogs gcig tu go sla bar bsdus na chos
kyi 'khor lo rim pa gsum gyi ming

gi tha snyad kyis dngos su gsungs/ zhes gsungs pa'i phyir/ pod
chen drug gi gtam du/ rnam mkhyen gyi mdo'i rjes su lam shes kyi
mdo gsungs tshe lha rnams kyis/ kye 'dzam bu'i gling tu chos kyi
'khor lo gnyis pa bskor bar

mthong ngo/ /zhes brjod pas rnam mkhyen gyi mdo 'khor lo dang
po
dang/ lam shes kyi mdo gnyis pa dang/ de'i shugs las gzhi shes
kyi mdo 'khor lo gsum pa yin par bstan pas sher phyin nyid
la'ang 'khor lo gsum dbye rgyu

@162a @#/ /yod 'dra zer ba mi 'thad de/ 'khor lo gnyis pa bskor
ba mthong zhes pa sher mdo 'khor lo gnyis par sgrub byed las de
la 'khor lo gsum 'byed pa'i sgrub byed du mi rung ba dang/ de la
brten nas gzhi shes

kyi mdo sher mdo'i 'khor lo gsum par bsgrubs pa la 'brel med pa
dang/ de ltar sgrub phyin brgyad stong pa la le'u brgyad pa yan
de'i 'khor lo dang po dang/ le'u dgu ba de'i bar ba dang/ le'u
bcu pa man de'i tha mar khas

blangs chog bar thal ba'i phyir/ de 'dra'i tshig gzhi shes las
lam shes skabs byung ba'ang ma yin te/ lam shes kyi mdo le'u
brgyad pa rdzogs nas/ le'u dgu ba'i gzhi shes kyi chos dgu'i tha
ma'i skabs/ de nas lha'i bu

stong phrag mang po dag par snang la ca co dang ga zha dag byed
de gos dag 'thor zhing 'di skad du em 'dzam bu'i gling du chos
kyi 'khor lo bskor ba lan gnyis su byung bar snang ngo/ /zhes
'byung ba mngon sum gyis grub pa'i phyir ro/ /kha cig

gzungs rgyal gyis zhus pa'i mdor nor bu mkhan gyis nor bu sbyong
ba'i dpes gdul bya'i blo bkri rim gsum bshad pa 'khor lo gsum
dang sbyor bar bshad pa'ang mi 'thad de/ gzhung khungs ma rnams
su de gdul bya'i blo sbyang

rim las 'khor lo gsum dang sbyar ba med pa'i phyir/ kha cig 'dus
pa dang po la gsungs pa 'khor lo dang por 'jog zer na/ 'o na/
sher mdo 'khor lo dang por thal/ de'i gling gzhir dge slong
brgya phrag phyed dang bcu gsum

@162b zhes 'byung la/ de ni stong nyis brgya lnga bcu'i dge 'dun
dang don 'dra zhing/ stong nyis brgya lnga bcu'i dge 'dun ni
'dus pa dang po'i grangs yin pa'i phyir te/ bskal bzang las/
'dus pa dang po la ni dge slong stong nyis brgya lnga

bcu'o/ /zhes gsungs pa'i phyir/ kha cig 'khor lo dang po yin na
dgongs 'grel las bshad pa'i 'khor lo dang po yin pas khyab/ des
bar tha gnyis la'ang 'dra bar gsungs shing/ de'i rjes su 'brang
dag grub don gyi mdo dang/

gzhung las/ dus dang por bden pa bzhi (blo rje)/ la brtsams nas
rang gi mtshan nyid yod pa sogs su gsungs ba'i 'khor lo dang po
drang don du ston pa yin gyi dus dang por gsungs tshad kyi gsung
rab/ (lcang/) thams cad la min te/ zhes

dang; de bzhin du gnyis pa yang ngo bo nyid med pa sogs su
gsungs pa la bya yi dus gnyis par gsungs kyang ngo bo nyid med
pa sogs las ma brtsams pa'i mdo sde la 'gal slong dris pa ltar
gyi dogs pa med pas de 'dir drang don du ston

mi dgos so/ /zhes dang/ 'khor lo gsum pa nges don du bshad pa
yang sngar bshad pa ltar legs par phye ba rnams yin gyi thams
cad min pa ni mdo nyid las kyang shin tu gsal/ zhes grub don las
dus dang por gsungs pa'i

bden bzhi'i chos 'khor la 'khor lo dang po dang/ gnyis par gsungs
pa'i mtshan nyid med pa'i chos 'khor la 'khor lo bar ba dang/ tha
mar gsungs pa'i legs phye chos 'khor la 'khor lo tha mar gsungs
pas 'khrul gzhi

@163a @#/ /byas nas snga phyi bar gsum du gsungs tshad kyi bka' la
rim par 'khor lo dang tha bar gsum du bzhag pa mi 'thad de/ grub
don gyis dus kyi rim pa dang sbyar ba de 'khor lo gsum gyi 'jog
byed du gsungs pa ma yin pa'i

phyir dang/ gzhung gi lung rnams kyang grub don la brten nas
dus
gsum par gsungs pa'i mdo rnams nges don gyi mdor bsgrubs pa
dang/ mdo'i bstan don de ltar yin snyam nas dgongs 'grel las
bshad pa'i drang nges kyi tshul sgra

ji bzhin pa min par smra ba dag 'gog pa'i phyir gsungs par gsal
bas/ rjes dus dang por gsungs pa'i mdo yin na 'khor lo dang po
yin pas khyab par bzung gis dogs nas de 'gog phyir gsungs pa
rnams dus dang por gsungs

pa'i mdo 'khor lo dang po'i 'jog byed yin pa'i don du ma 'dzin
ces gdams so/ /de la lung dang po'i don ni/ sngar 'khor lo dang
po drang don du gsungs pa la/ 'o na/ dang po thams cad drang don
yin nam zhen/ de las rang

mtshan gyis yod pa sogs su gsungs pa drang don yin gyi 'khor lo
dang po thams cad min te/ lnga sde la sham thabs zlum por bgo
bar gsungs pa lta bu 'khor lo dang po yin yang de la dogs pa
gcod mi dgos pa bzhin yin pa'i phyir

zhes gsungs pa yin gyi/ dus dang por rang mtshan gyis yod pa sogs
su gsungs pa drang don yin gyi dus dang por gsungs tshad thams
cad 'khor lo dang po min zhes bkral na dkyogs bshad du 'gyur ro/
/lung gnyis pa'i don ni/

@163b sngar 'khor lo bar ba drang don du gsungs pa la/ 'o na/
bar ba thams cad drang don yin nam zhe na/ de las ngo bo nyid
med pa sogs su gsungs pa rnams drang don yin gyi 'khor lo gnyis
pa thams cad min te/ ngo bo nyid med pa

sogs la sam brtsams pa'i 'khor lo gnyis pa la dogs pa med pa'i
phyir zhes gsungs pa yin gyi/ dus gnyis par ngo bo nyid med pa
sogs su gsungs pa drang don yin gyi dus gnyis par gsungs tshad
thams cad 'khor lo bar ba

min zhes pa'i don du 'grel mi rigs so/ /lung gsum pa'i don ni/
sngar 'khor lo tha ma nges don du gsungs pa la/ 'o na/ dgongs
'grel gyis tha ma thams cad nges don du gsungs sam zhe na/ de
las sngar ltar legs par phye ba

rnams yin gyi/ 'khor lo tha ma thams cad min te/ 'dul ba mdor
bsdus 'khor lo tha ma yin yang des nges don du ston pa min pa
bzhin yin pa'i phyir zhes gsungs pa yin gyi/ 'khor lo dang po'i
skabs/ thams cad la min zhes

pa phyogs sngas 'grel tshul ltar na/ 'dir thams cad min zhes pa
'khor lo gsum pa thams cad 'khor lo tha ma min zhes par 'gro ba
la bsnyon du med pas de las bzhad gad che ba ci yod/ des na lung
de gsum 'khor lo gsum dus

kyi rim pas 'jog pa la gnod byed du mi 'gyur par ma zad sgrub
byed du che la lung gsum pa ha cang yang gsal lo/ /yang snying
du dus dang por gsungs pa'i mdo 'khor lo dang po'i don min na/
'khor lo dang po thams cad drang don ma

@164a @#/ /yin te/ dus dang por gsungs pa'i mdo la bslab bya tsam
ston pa'ang yod pa'i phyir/ zhes pa'i rtags chos la 'brel ci
yang med par gsungs kyang/ lcang skya'i grub mtha' sogs kyis dus
dang por

gsungs tshad kyi mdo thams cad 'khor lo dang po min te/ de'i
phyir/ zhes 'grel bas de dag la rtags chos 'brel med kyi skyon
mi 'byung bar mngon/ kho na re/ dri zhus kyi 'khor lo gsum dang
'khor lo gsum rim

bzhin don 'dra bar thal/ mdo gnyis drang don dang gcig nges don
du shugs la gnas pa de nyid dus kyi rim pas 'khor lo gsum dang
sbyar nas drang nges su 'jog dgos pa'i phyir na ma khyab ste/
'khor lo dang po sogs kyi tha

snyad dus kyis bzhag pa yin yang drang nges su 'jog rgyu rnams
brjod byas bzhag pa la 'gal ba med pa'i phyir/ 'khor lo gsum dus
kyi rim pas bzhag pa la/ gzhung las/ dgongs 'grel las 'khor lo
rim pa gsum

gsungs pa ni 'khor gyi 'du thebs dang ston pa'i sku che'i tshigs
la sogs pas 'jog pa min gyi brjod bya'i ngos nas yin no/ /de
yang bdag med pa'i don gtan la 'bebs pa'i dbang du byas pa ste/
zhes pa la brten nas

lcang skya'i grub mthar/ de ni 'khor lo dang po gsungs pa'i dus
su gsungs pa'i mdo 'khor lo dang po'i 'jog byed du song bas/ de
ltar na bum pa grub pa'i dus kyi bum pa bum pa'i mtshan nyid du
smos na cis 'gog ces

@164b gsungs shing/ rang lugs rgyud sde spyi rnam dang bstun te
brjod bya phyogs mthun gyi sgo nas 'khor lo gsum bzhag nas/
spyir bka' thams cad 'khor lo gsum du 'du ba'i dbang du byas
pa'i 'khor lo dang po la dgongs 'grel

las bshad pa'i 'khor lo dang pos ma khyab cing des gzhan gnyis
la'ang 'dra'o/ /zhes bka' thams cad 'khor lo gsum du 'dus par
yang gsungs so/ /des sgo mang la bstan pa'i skyon mi 'jug ste/
dus dang por gsungs

pa'i mdo 'khor lo dang po'i mtshan nyid du bzhag pas/ 'khor lo
dang po gsungs pa'i dus su gsungs pa'i mdo 'khor lo dang po'i
mtshan nyid du byed dgos par mi 'grub pa'i phyir/ 'khor lo gsum
brjod bya phyogs mthun gyis

'jog pa ltar na/ dgongs 'grel las/ dang por/ zhes pa dang/ 'khor
lo gnyis pa bskor/ ces pa dang/ gsum pa bskor/ ces pa rnams kyi
don bshad du med par thal/ de 'khor lo gsum skor ba'i dus la mi

sbyor zhing/ gzungs rgyal gyis zhus pa ltar gang zag gcig 'khrid
pa'i rim pa la'ang sbyor mi rung ba'i phyir te/ gzhung las/ 'di
ni gang zag gcig dang por theg dman du khrid de/ de nas sangs
rgyas kyi yul theg chen

la bcud nas mthar sangs rgyas 'thob par byed pa'i rim pa yin la/
chos 'khor gsum ni theg pa che chung gi gdul bya rgyud tha dad
kyi dbang du mdzad pa'i phyir/ zhes gsungs pa'i phyir/ tshe brtan
lhar mas pas/

@165a @#/ /'khor lo tha ma'i skabs su thams cad min zhes 'byung
ba 'khor lo tha ma thams cad min zhes pa'i don min gyi/ tha mar
gsungs tshad kyi gsung rab thams cad min zhes pa'i don yin te/
'khor lo dang

po'i skabs dus dang por gsungs tshad kyi gsung rab thams cad la
min te/ zhes pa 'dir yang 'dra ba'i phyir dang/ dang po'i skabs
dus zhes dngos su sbyar bas 'dir dus tha ma zhes dngos sum
gsungs kyang don gyis sbyar

ba yin pa'i phyir/ yang dus kyi rim pas 'khor lo gsum 'jog pa mi
'thad de/ rjes 'khor lo gsum la skabs 'di'i drang nges 'byed
pa'i gzhi yin min gnyis re yod gsungs pa yin na/ dus dang po
sogs kyi dus tshad

re yang gsung dgos pa la rje yab sras sus kyang de ltar ma
gsungs pa'i phyir dang/ stong thun las/ dgongs 'grel las 'khor
lo rim pa gsum gsungs pa ni 'khor gyi 'du thebs dang ston pa'i
sku tshe'i tshigs la sogs

fpas 'jog pa min gyi brjod bya'i ngos nas yin la/ zhes dang/
rgyud sde spyi rnam las/ de la bden pa bzhi'i chos kyi 'khor lo
bskor pa'i mdo ni 'khor lo dang po'i mdo dngos yin zhing/ de
dang brjod bya phyogs mthun gyi sgo

nas 'dul ba lung dang/ nas/ 'khor lo dang po'i mdor gtogs so/
/zhes dang/ 'phags pa sdud pa rnams ni bka' bar ba'i mdo dngos
yin zhing/ de dang brjod bya phyogs mthun gyi sgo nas ting nge
'dzin rgyal po'i mdo/

@165b zhes sogs dang/ mdo sde dgongs pa nges par 'grel ba ni
'khor lo tha ma'i mdo dngos yin zhing/ de dang brjod bya phyogs
mthun pa'i mdo rnams ni 'khor lo tha ma'i mdo ru gtogs so/ /zhes
'khor lo gsum brjod bya'i sgo

nas 'jog par gsungs pa'i phyir dang/ dus kyi sgo nas 'jog na
ston pa sangs rgyas nas sher mdo ma gsungs pa'i bar la 'khor lo
dang po 'jog pa sogs byed dgos shing/ de la khungs grub don gyi
mdo las med pas/

lnga sder sham thabs zlum por bgo bar gsungs pa grub don gyi
mdo'i shugs bstan gyi 'khor lo dang por thal ba'i phyir/ zhes
smra 'o/ /de'i dang po mi 'thad de/ thams cad min zhes pa de'i
gong du 'khor lo gsum pa zhes pa

dang sbrel dgos pa'i phyir te/ 'khor lo gsum pa nges don du
bshad pa yang legs phye rnams yin gyi 'khor lo gsum pa thams cad
min zhes pa las/ khyod ltar na 'khor lo tha ma nges don du bshad
pa legs phye rnams yin gyi 'khor

lo tham ma yin pa rnams min zhes par 'gyur ba'i phyir/ gnyis pa
la 'o na/ khyod ltar na'ang dus dang po sogs su 'jog pa'i dus
kyi tshad re rjes gsung dgos par thal/ dus kyi rim pas 'khor lo
gsum 'dod pa'i phyir te/ grub don

gyi mdor dang por zhes sogs gsungs pa'i phyir/ gsum pa'i skyon
med de/ stong thun gyi de dgongs 'grel dngos bstan du gsal
zhing/ spyi rnam ltar na de ltar yin pa'i lugs su byas kyang
rang lugs la dus kyi rim pa'i sgo nas 'khor lo 

@166a @#/ /gsum 'phyed dgos pa gzhung nyid gsal ba bshad zin pa'i
phyir/ bzhi ba'i skyon med de/ dus kyi mtshams de ltar 'byed par
byas kyang skyon med pa'i phyir dang/ kho rang gzhir bzhag
na'ang/ 'khor lo

gsum dus kyi rim pas kyang 'jog dgos par thal/ bden bzhi'i chos
'khor dus dang po dang/ mtshan nyid med pa'i chos 'khor dus bar
ba dang/ legs phye'i chos 'khor dus gsum par gsungs pas na de
gsum 'khor lo dang po

bar ba tha ma gsum du 'jog pa'i phyir/ khyab ste/ de las lhag
pa'i dus kyi rim pas 'khor lo gsum 'jog tshul mi dgos pa'i phyir/
ma khyab mtshams kyi rtags grub ste/ kho rang gis/ bden bzhi'i
chos 'khor dus dang por

gsungs pa'i rgyu mtshan gyis 'khor lo dang po dang/ zhes sogs
bshad pa'i phyir/ des na grub mtha' 'dis gang la brten pa'i lung
gis kyang dgongs 'grel dngos bstan gyi 'khor lo gsum bstan pa
yin zhing/ yang snying du

gsung des dri zhus kyi 'khor lo gsum 'byed byed kyi gtso bo bdag
med gnyis ston tshul dang dgag bya 'gog chabs che chung gi sgo
nas 'jog par bstan pas/ 'khor lo gsum dus kyi rim pas 'jog pa la
mi gnod par gsungs

so/ /de lta na spyir 'khor lo gsum dus kyi rim pa dang/ dri zhus
kyi 'khor lo gsum brjod bya'i sgo nas 'jog dgos te/ rgyud bla
dar TIka las/ 'khor lo tha ma de bzhin gshegs pa'i snying po'i
mdo/ zhes dang/ chos

@166b kyi 'khor lo tha ma de bzhin gshegs pa'i snying po'i mdo
dang dpal phreng gi mdo la sogs pa/ zhes dang/ de dang don
mtshungs par 'khor lo tha ma de bzhin gshegs pa'i snying po'i
mdo/ zhes dang/ 'khor lo tha mar bstan pa'i

khams rang bzhin rnam dag de nyid/ ces dang/ rgyud phyi ma 'khor
lo tha ma 'dir ni sems can thams cad la sangs rgyas kyi khams
yod pa nyid ces bstan/ ces bde gshegs snying po'i mdo 'khor lo
tha mar gsungs pa gang

de bzhin gshegs pa'i snying po'i mdo dgongs 'grel du gsungs pa'i
'khor lo gsum pa'i mtshan gzhir 'dod pa ni phyogs tsam yang ma
rtogs pa'i mu cor du smra ba yin te/ zhes de dgongs 'grel dngos
bstan gyi 'khor lo tha ma min

par gsungs pa'i phyir/ 'on kyang rnam bshad du bde gshegs snying
po'i mdo gzungs rgyal gyi mdo'i rim pa gsum par mdzad do/ /de la
kho na re/ dri nus kyi 'khor lo gsum yang dus kyi rim pas 'jog
dgos te/ gzhung las/

dus kyi rim pa'i sgo nas 'khor lo gsum dang sbyar ba'i drang
nges su 'gyur tshul/ zhes gsungs pa'i phyir na ma khyab ste/ tha
snyad dus kyi sgo nas sbyar kyang/ 'jog byed brjod bya ston tshul
gyi sgo nas 'jog pa mi 'gal pa'i phyir te/ padma la

mtsho skyes zhes pa'i tha snyad mtsho las skyes pa'i cha nas sbyar
kyang padma yin min de'i sgo nas mi 'jog pa bzhin yin pa'i
phyir/ yang sgo mang ltar na/ 'khor lo gsum dus kyi rim pas mi
'jog par thal/ de brjod bya phyogs mthun gyi sgo

@167a @#/ /nas 'jog pa'i phyir te/ yig cha las/ yang na rgyud sde
spyi rnam ltar bya ste/ zhes gsungs pa'i phyir na/ lcang skya'i
grub mtha' las/ spyir rje btsun dam pa 'jam dbyangs bzhad pa'i
rdo rjes kyang/ drang nges rnam

'byed kyi mtha' dpyod du mkhas pa snga ma'i bzhed pa bkod pa
tsam mdzad kyang/ yang na rgyud sde spyi rnam dang mthun pa'i
'khor lo gsum gyi mtshan nyid 'jog tshul gnyis pa zhig gsungs pa
de kho na rje btsun de nyid kyi bzhed par snang ngo/ /zhes

gsungs kyang/ yang snying las/ spyir 'khor lo gsum gyi 'jog tshul
la dus kyi rim pa'i dbang du byas pa dang/ brjod bya phyogs
mthun gyi dbang du byas pa gnyis ka rang lugs su khas len dgos
kyang/ khyab mtha' bzung ba'i tshe

dus kyi rim pa'i de gtso bor byed dgos/ zhes dang/ de ltar bshad
lugs byas chog kyang 'dir bshad bya rtsa ba'i gzhung gi dngos
zin dang mthun tshabs che zhing spyi khyab tu 'jog bde ba ni dus
kyi rim pas 'jog tshul 'di yin pas de gtso

bor byed dgos zhes pa'i don yin pa'i phyir/ zhes gsungs la/ phar
phyin zhib char/ rgyud sde spyi rnam gyi lugs so/ /zhes rang
lugs ma byas shing spyi rnam du yang de ltar 'jog lugs byas
kyang/ spyir 'khor lo gsum dus kyi rim

pas 'jog pa/ de nyid du'ang/ bden bzhi'i chos kyi 'khor lo bskor
ba'i mdo ni 'khor lo dang po'i mdo dngos yin gsungs pas shes
shing/ mtha' dpyod du'ang dus kyi rim pas 'jog pa mkhas grub
rje'i dgongs par gsungs pa

@167b yin par bshad do/ /za bzhi spros bral 'od gsal 'dus ma
byas/ /zhes sogs kyi mdo 'khor lo dang por phar phyin mtha'
dpyod las gsungs par ma zad der de'i mtshan nyid kyis kyang 'grub
byas pa la/ kho na re/ de chos can/

'khor lo dang po ma yin par thal/ khyod gsung dus ston pas zhing
'dir chos 'khor ma bskor ba'i phyir na/ kha cig ma khyab zer/ de
chos can/ der thal/ khyod ston pa sangs rgyas tshul bstan ma thag
tu gsungs pa gang zhig/ de nas

zhag zhe dgu ba na chos 'khor gsar du bskor bar gsungs pa'i
phyir na ma khyab ste/ de thun mong gi dbang du byas byas ba la/
kho na re/ bden bzhi'i chos 'khor gyi sngar snang ched la chos
'khor bskor bar thal/ zab zhi sogs kyi mdo de chos

'khor gang/ de de'i sngar bskor ba'i phyir na ma khyab ste/
snang tshod la chos 'khor bskor ma bskor chos 'khor bskor to zhes
grags pa che bar byung ba'i sgo nas 'jog dgos pa'i phyir/ gzhan
du na/ mun bskal du bstan pa dar bar thal/ der

rang rgyal gyi rgyud la bstan pa dar ba'i phyir/ 'khor gsum/
thun mong dang thun mong min pa gnyis dngos gnas la khas len
dgos pas 'khor lo gsum rim dang cig car gnyis kar bskor ba dang/
gsung gcig gis 'khor lo gsum dang

sde snod kun bstan kyang gsung gcig po de de thams cad kyi gzhi
mthun du mi 'gyur ba sogs kyi zhib cha dang/ yum rgyas 'bring
bsdus gsum zhu ba po rnams mthun pa dang/ zhing dag sbyor ba'i
thad du ganggA'i lha mo lung bstan pa 'dra pa dang/

@168a @#/ /tshig rgyas bsdus tsam las rjod byed kyang phal cher
'dra bas gdul byas thos tshul gyis rgyas bsdus byung ba las dus
gcig la gsungs tshul sogs gzhan las shes par bya'o/ /de ltar na
'khor lo gsum

bskor ba'i dus kyi ngos 'dzin ji lta bu zhe na/ de la chag lo/
mchims/ khro lo/ rong TIka pa sogs kyi bshad tshul sna tshogs yod
kyang/ bu ston gyis/ dus kyi nges pa 'di rnams kyi khungs gsal
po kho bos ma mthong ngo/ /zhes

gsungs pa ltar rtsod med kyi khungs dka' zhing/ bden bzhi'i chos
'khor lta bu sangs rgyas tshul bstan nas 'da' tshul ston gyi bar
gsungs par lung sde bzhis grub pa ltar kun mkhyen yab sras bzhed
do/ /de la bden bzhi'i chos

'khor ston pa dgung lo so bdun pa chu rta'i sa ga'i nya la sangs
rgyas tshul bstan pa nas brtsis pa'i zhag zhe dgu ba rags rtsis
chu stod zla ba'i tshes bzhi dang/ zhib rtsis zhag mi thub dor
ba'i tshes drug la bskor cing/ skyes rabs kyi gleng

gzhi'i mdo las/ bden bzhi'i chos 'khor bskor bas kauNDi n+ya
dang bye ba phrag bco brgyad kyi tshangs pa rgyun zhugs kyi 'bras
bur bkod nas dbyar la bzhugs/ de'i nyi ma gnyis pa nas bcu dgu'i
bar nyin rer rim bzhin rlangs pa bzang ldan

ming can rta thul rnams rgyun zhugs dang/ tshes nyi shu la lnga
ga dgra bcom la bkod par gsungs pa ni yongs grags kyi chos 'khor
bskor ba'i dus dang lnga sde mthong lam dang mi slob lam la
bkod
tshul dang mi mthun no/ /mtshan nyid med

@168b pa'i chos 'khor de nas phyi lo'i nag nya ma slebs pa'i lo
khong der bskor/ legs phye'i chos 'khor sangs rgyas tshul bstan
nas lo so brgyad dang dgung lo don bzhi ba lcags sprel la bskor
ba yin te/ TIka chen de nyid snang ba las/ sa ga'i

nya'i tho rangs kyi cha la sangs rgyas shing de'i tshe zla ba
gzas zin par bshad la/ de'i lo de nyid chu 'o rta sna tshogs kyi
lo yin/ zhes sangs rgyas pa'i lo de chu rtar gsungs shing/ bu
dang dge lugs la 'khrungs lo me rtar grags che zhing/ rgyud

sde spyi rnam las/ sangs rgyas pa'i tshul bstan nas zhag bdun
phrag bdun du chos 'khor ma bskor ro/ /de nas/ nas/ bden pa
bzhi'i chos kyi 'khor lo bskor te/ zhes pa ltar gzhung khungs ma
rnams su gsungs pa'i phyir dang/ de

nyid snang ba las/ mngon par rdzogs par sangs rgyas pa'i tshul
bstan nas de nas lo gcig gi bar du phar phyin gyi theg pa spyi
dang/ khyad par du bya rgod phung po'i rir phar phyin gyi theg
pa chen po'i chos kyi gtso bo mthar thug pa shes rab kyi pha rol

tu phyin pa'i chos kyi 'khor lo bskor nas/ de nas sangs rgyas
pa'i dus de nas brtsis pa'i zla ba bcu gnyis pa nag pa zla ba'i
nya nas bzung ste bya rgod phung po'i ri la sogs pa gnas gzhan
dang gzhan du pha rol tu phyin pa'i theg pa ston pa dang/ rgya

gar lho phyogs dpal gyi ri dang nye ba dpal ldan 'bras spungs
kyi mchod rten chen por byon nas/ nas/ dus kyi 'khor lo'i rtsa
ba'i rgyud stong phrag bcu gnyis pa gsungs pa yin no/ /zhes
sangs rgyas nas lo gcig gi nang du phar phyin gyi

@169a @#/ /chos 'khor spyi dang mtshan nyid med pa'i chos 'khor
bcas bskor rjes/ gnas gzhan dag tu phar phyin dang/ 'bras spungs
mchod rten du dus 'khor gyi chos 'khor bskor par gsungs pa'i
phyir dang/

yang dag bden pa'i dgongs 'grel 'grel ba las kyang/ gsum pa ni
bcom ldan 'das mngon par rdzogs par sangs rgyas pa'i 'og tu lo
sum cu rtsa brgyad lon nas/ zhes sogs gsungs pa'i phyir ro/ /'di
la sangs rgyas

pa'i lo ma brtsis pa'i so brgyad pa la dgongs 'grel gsungs pa'i
dbang du byas nas dgung lo don bzhi ba dang bsgrigs pa yin
yang zhib tu brtag dgos la/ bde gshegs snying po'i mdo sangs
rgyas nas lo bcu ba la gsungs bar

mdo de'i gleng gzhir 'byung zhing/ de dang sngar drangs pa'i
rgyud bla dar TIka bsdur na 'khor lo tha ma sangs rgyas pa'i lo
bcu ba nas gsungs par byed dgos par snang ngo/ /kha cig dgung lo
so lnga ba la sangs rgyas tshul bstan par

bshad pa yod kyang mkhas grub rje'i dgongs pa sngar bshad ltar
gnas par mngon la/ dus 'khor rtsa rgyud kyi/ ston pas bya rgod
phung po ru/ /sogs drangs nas nag nyar dus 'khor dang sher mdog
sar du gsungs par

mkhas pa mang pos bsgrubs kyang/ lung gi zin sol/ ston pas bya
rgod phung por sher mdo gsungs pa bzhin du 'bras spungs su gsang
sngags gsungs par bshad pa tsam las gzhan mi gsal zhing/ de
gnyis dus

@169b mnyam par bstan du chug kyang sher phyin de dus gsar du
gsungs par khas len mi rigs te/ dus 'khor dang mnyam du sher
phyin bskyar nas gsungs pa sngar drangs pa'i TIka bshad kyi
lung ches gsal ba'i phyir/ dus 'khor

gsungs dus la srol chen po gnyis byung ba'i phug lugs kyis/ dri
med 'od las/ mngon par rdzogs par sangs rgyas te de nas chos kyi
'khor lo bskor cing theg pa gsum bstan pa mdzad nas/ zhes pa la
brten nas

'khor lo gsum bskor zin te mya ngan las 'das tshul bstan pa'i zla
ba'i snga ma nag pa'i nyar gsungs par 'dod pa dang/ mkhas grub
rjes/ sangs rgyas te chos 'khor bskor cing sangs rgyas pa'i zla
ba de nas brtsis pa'i zla

ba bcu gnyis pa nag nyar gsungs par bzhed pa gnyis las/ phyi ma
ltar nges par khas len dgos te/ dri med 'od las/ sa ga'i nya'i
skya rengs 'char pa'i tshe bcom ldan 'das shAkya thub pa mngon
par rdzogs par sangs rgyas te

de nas chos kyi 'khor lo bskor cing theg pa gsum bstan pa mdzad
nas/ zla ba bcu gnyis pa nag pa'i nya la shrI d+hAn+ya kaTa
kar/ nas/ dang po'i sangs rgyas rnam par spros so/ /zhes gsungs
pa'i phyir/ khyab ste/ de'i don sa ga'i

nyar sangs rgyas nas lo gcig gi nang 'khor lo dang po gnyis
bskor te rigs can gsum la theg gsum tshang bar bstan nas/ sangs
rgyas pa'i tshul bstan pa nas bgrangs pa'i zla ba bcu gnyis pa
nag pa'i nyar dus 'khor gsungs par

@170a @#/ /bshad pa yin pa'i phyir te/ TIka bshad kyis don de
'chad pa na/ ston pa bcom ldan 'das shAkya seng ges rgya gar
'phags pa'i yul gyi rdo rje gdan la byang chub kyi shing drung
du sa ga'i nya'i skya rengs 'char ba'i tshe mngon

par rdzogs par sangs rgyas pa'i tshul bstan nas/ zhes sogs drangs
zin rnams gsungs pa'i phyir ro/ /kho na re/ dus gsum du phye nas
'khor lo gsum 'jog pa mi 'thad par thal/ 'khor lo dang po gnyis
ka dus dang por gsungs

pa'i phyir te/ de gnyis lo gcig 'khor ba'i nang la gsungs pa'i
phyir na ma khyab ste/ dus kyi sgo nas 'khor lo gsum 'jog pa sku
tshe cha mnyam gsum byas pa'i cha re min par/ lha rnams kyis
bsgrags tshul dang yongs su grags pa

sogs la ltos nas bzhag pa yin zhing/ ston pa nyid kyis kyang
grub don skabs bden bzhi'i chos 'khor 'khor lo dang po dang/
mtshan nyid med pa'i chos 'khor gnyis pa dang/ legs phye'i chos
'khor gsum par mdzad pa ltar 'jog

dgos pa'i phyir/ bu'i dus 'khor chos 'byung las/ sangs rgyas nas
zla ba bcu gnyis pa nag pa'i nya la/ nas/ rtsa ba'i rgyud stong
phrag bcu gnyis pa bka' stsal to/ /zhes TIka bshad dang mthun
par gsungs la/ dbang le'i

mchan las/ bcom ldan 'das shAkya thub pa mngon par rdzogs par
sangs rgyas te/ de nas chos kyi 'khor lo rim pa gsum bskor cing
theg pa gsum bstan par mdzad nas zla ba bcu gnyis pa nag pa'i
nya la/ zhes sogs phug

@170b lugs dang mthun rgyu 'dra ba zhig mdzad snang mod/ bu rang
gi bzhed mthil gang yin brtag dgos te/ gnyis ka ltar gnas na
'gal ba la mi 'khrul ba'i tshad ma yod par 'gyur pa'i phyir ro/
/'dul ba'i mtha' dpyod las/ nag

pa'i bzhi cha nas bzung sa ga dang lug khyim dus mnyam du rdzogs
pa zhig yod pa'i phyir/ zhes dang/ yang snying las/ nyi mas nag
pa'i skar khyim gyi cha gsum la longs spyad zin te bzhi char
slebs pa nas lug khyim gyi ri mo shar bas

lug khyim dang sa ga mnyam du rdzogs pa zhig yod la/ zhes
gsungs
pa sgras zin ltar khas blang mi rung ste/ de ltar na nag nyar
nyi zla mnyam 'char mnyam nub gcig dang/ dum bu gcig la lug
khyim srang khyim mnyam du 'char pa zhig

khas len dgos par 'gyur ba'i phyir te/ nyi zla gnyis nag pa'i
steng du mnyam sle ba cig yod par khas blangs song zhing/ nag
pa'i phyed srang khyim du yod pa la/ nyi ma lug khyim du slebs
skabs nag pa'i steng du slebs par khas blangs pa'i

phyir ro/ /rgya cher spror yod do/ /yang snying du/ sher mdo
gsar du gsungs tshe kun dga' bo 'khor du med kyang phyis sangs
rgyas las nyan ba'am/ sangs rgyas kyi mthus dge slong gzhan las
thos pa la'ang sangs rgyas las thos

par bzhag chog par gsungs shing/ kha cig rnam pa gcig tu na/
sher mdo gsar du gsungs tshe kun dga' bo 'khor du 'dus pa'i dbang
du byas kyang rung ste/ kun dga' bo'i ming can la ston pa sangs
rgyas pa'i mtshan mor 

@171a @#/ /'khrungs pa gcig dang/ sgyu rtsal 'gran skabs yod pa
gcig las phyi ma 'di'i kun dga' bor khas blangs na kun dga' ba'i
mdor chos phung nyis stong tsam zhig thos par gsungs pa ni/ nye
gnas mdzad pa'i lo nyi

shu lhag gi ring la thos par 'grel nus pa dang/ 'khor du 'dus ma
thag nas nye gnas byed mi dgos pa dang/ skye dgu'i bdag mo
bsnyen par rdzogs par gsol ba po kun dga' bo yin zhing de'i tshe
sangs rgyas tshul bstan nas ha cang

yun ring ma song ba dang/ mdzad brgya sogs su 'od srungs 'khor
du 'dus pa mdzad pa ba bdun pa dang/ kun dga' bo lhan cig tu
gnas par bstan pa nga dgu bar byas pa'ang mdzad pa'i go rim du
snang la/ de ltar na 'od srungs

'khor du 'dus pa chos 'khor bskor nas ral ba can dang gzugs can
snying po rjes su bzung nas rgyal po'i khab bu mang gi mchod
rten na bzhugs pa'i skabs yin par lung las gsungs pa'i phyir zer
na brtag go /bka' bsdus

tshul sogs la/ nyan thos sde ba snga ma dag gis kun dga' bo sogs
kyis ma bsdus pas theg chen gyi mdo sangs rgyas kyis ma gsungs
par bsgrubs pa'i lan du/ nyan thos sde ba rang la grags pa'i
lung gis bsgrubs pa dang/

kun dga' bo sogs kyis ma bsdus kyang phyag rdor kun bzang sogs
kyis bsdus pa dang/ theg chen gyi mdo 'ga' zhig kun dga' bo sogs
kyis ma bsdus pa ni de dag gi yul min pas ma bsdus pa dang/ rtog
ge 'bar bar 'di'i

@171b kun bzang phyag rdor las logs su byas kyang rang lugs
'di'i de gnyis gcig tu byed dgos pa sgron gsal gyis shes pa
dang/ sngags kyi bka' bsdus tshul thun mong min pa ni sangs rgyas
'das tshul bstan rjes min pa rgyud sde spyi rnam gyi

don du byed dgos pa dang/ brgyad stong pa lta bu'ang sdud po so
sos bsdus pa'i rnam grangs mang po yod chog pa dang/ snang tshod
las gnas tshod la bka' bsdu med pa sogs las brtsams te dpyad bya
mang ngo/ /thub bstan byi dor du kun

dga' bo sprul sku dang/ mkhas thub dus 'khor zin bris su chags
bral gyi tshul bstan can dang/ sum cu rtsa gsum pa'i le'ur ston
pa gar bzhugs su yod pa dang/ stong thun du nyan thos mtshan
nyid
par gsungs pa rnams kyi

'gal spong la/ yang snying las/ gcig tu kha tshon gcod mi rung
ste/ de la sprul pa gcig kyang yod la/ nyan thos dngos gnas pa
gcig kyang yod pa'i phyir/ zhes kun dga' bo'i ming can gnyis yod
pa'i steng nas rtsod spong

mdzad mod/ sher mdo gtad yul gyi kun dga' bo gcig bu'i dbang du
byas na yang gnas tshod la sangs rgyas dang snang tshod la nyan
thos su khas blangs na bde bar snang zhing/ phar phyin mtha'
dpyod las kun dga' bo bsam

gyis mi khyab pa'i tshad ma'i skyes bur gsungs pa'ang gnas tshod
la sbyor dgos par mngon la/ sangs rgyas kyis sprul pa'i ljon
shing ljon shing mtshan nyid pa yin yang sangs rgyas min par de'i
sprul pa yin zer ba ltar/ stong

@172a @#/ /thun du'ang sangs rgyas kyi sprul pa yin pa rgyu mtshan
du byas nas nyan thos mtshan nyid pa min par khas blang mi rung
gsungs pa las kun dga' bo sogs sprul pa tsam yang min par gsungs
pa min nam

snyam yang brtag go /dran nye'i mdo ni sgyur mdzad lo tsA bas
theg chen dang/ dkar chag chen mo dag tu theg chung dang/ spyi
rnam du brjod bya phyogs mthun gyi 'khor lo dang po'i mtshan
gzhir bzhag la/ sa'i stong

'grel du theg chen gyi mdor bshad pa la/ yang snying gis theg
chen gyi mdo yin rgyu byas te drangs snang zhes ma rangs pa'i
nyams mdzad mod/ mun sel las/ sa'i stod 'grel rjes kyang zhal
gyis bzhes pas dran nye theg

chen gyi mdor khas len dgos/ zhes gsungs so/ /bskal bzang du
nyon mongs pa brgyad khri bzhi stong du grangs nges pas chos
phung yang de snyed du grangs nges par gsungs pa dang/ snying
rje pad dkar du chos phung dgu khri'i lung

mnos par gsungs pa dang/ gsang ba bsam gyis mi khyab pa'i mdor
sems can gyi spyod pa la brgyad khri bzhi stong du grangs ma
nges par gsungs pa dang bstun na chos phung la brgyad khri bzhi
stong du grangs ma nges par 'gyur la/ yang

snying las/ rkyen 'di kho na dang 'byung tshul yang 'di kho na
nyes dmigs 'di tsam kho na skyed pa zhes kha tshon bcad pa'i
spyod pa bye brag pa zhig ngos bzung ste 'di lta bu brgyad khri
bzhi stong las med ces grangs nges pa dang/ chos phung gcig

@172b la'ang shlau ka sogs kyi tshad bzung ste 'di 'dra ba brgyad
khri bzhi stong las med ces grangs nges byed mi nus pa'i don yin
pa'i phyir/ zhes gsungs so/ /phal chen sde ba'i lung las spyod
pa sna gcig gi gnyen po nyan thos kyis mi shes par

gsungs pa nyon mongs pa sna gcig la'ang de'i rtsa ba'i shes
sgrib dang bcas pa spong ba'i lam tshang ba rang gis nyams su
myong ba'i tshul gyis mi shes pa'i don te/ yang snying du de'i
bag chags shes sgrib phra mo zhes sbyar ba thal 'gyur ba'i rang

skad du 'gyur dogs so/ /gsum pa ni/ mdo 'dis ci zhig /ces sogs
byung/ de la/ yin no/ /yan gyis drang nges phye ba'i dgos pa
dang/ de man gyis 'gal spong gi dris lan dang ngo bo nyid ngos
bzung ba rnams kyis ci zhig grub pa'i

don ston te/ mdo sde la 'gal spong gi dris lan sogs chos can/
khyod kyi grub don yod de/ 'khor lo dang po gnyis drang don
dang
tha ma nges don du gnas pa de de yin pa'i phyir/ de chos can/
khyod kyis 'khor lo gsum gyi drang nges phye ba

la dgos pa yod de/ rang gi ched du bya ba'i gdul bya la drang
don gyi mdo sgra ji bzhin du 'dzin pa zlog pa dang/ ngo bo nyid
gsum rang mtshan gyis grub ma grub kyi khyad phyed pa dang/
stong
gzhi gzhan dbang la stong rgyu ngo bo dang khyad par du kun

btags pas stong pa yongs grub ni rnam dag lam gyi dmigs par gyur
pa'i don dam mthar thug tu ston pa de de yin pa'i phyir/ bzhi pa
ni/ de'i phyir kha cig gis/ zhes sogs byung/ de la/ 'dod do/
/yan gyis jo nang ba dang/ de la/

@173a @#/ /sogs kyis bu sogs kyi 'dod pa dang/ de gnyis kas/ man
gyis de gnyis 'gog par mdzad do/ /jo nang bas bde gshegs snying
po dang/ gzungs rgyal gyis zhus pa dang/ 'das chen dang/ sor
phreng la phan

gdags pa dang/ dpal phreng gis zhus pa dang/ ye shes snang ba
rgyan dang/ 'phel 'grib med par bstan pa dang/ rnga bo che rnams
kyi mdo/ rnam par mi rtog pa la 'jug pa'i gzungs/ dgongs 'grel
te snying po'i mdo bcur

grags pa las/ bde gshegs snying po'i mdo dang rtag brtan snying
po'i mdo don gcig tu 'khrul zhing/ de bcu brjod bya phyogs mthun
du byas nas de dag gi tshig zin la bstan tshod kyi don de de ltar
grub pa nges don dang de las bzlog pa

drang don du khas blangs te de bcu nges don dang sher mdo
drang
don gyi mdor 'dod cing/ snying po'i mdo bcu la brten nas rang gi
grub mtha' 'jog go /sems can gyi rgyud la thog med nas mtshan
dpes spras pa'i rtag brtan gyi snying po yod

par ston pa'i mdo rnams nges don gyi mdo yin te/ dus gsum par
gsungs pa'i mdo rnams de yin pa'i phyir te/ dgongs 'grel las
'khor lo dang po gnyis drang don dang tha ma nges don du gsungs
pa'i phyir/ zhes zer ro/ /gzhung

las; gzhan sde'i rigs can bdag tu smra ba la zhen pa rnams drang
ba'i phyir du gsungs pa/ zhes 'byung ba kho rang gis nges don du
'dod pa'i rtag brtan snying po'i mdo lta bu rang lugs la gzhan
sde'i rigs can rjes su gzung

@173b phyir gsungs par 'dod pas rang lugs sor bzhag las/ jo nang
bas gzhan sde drang phyir gsungs pa dang sgra ji bzhin pa gnyi
gar 'dod par ston pa min no/ /kho rang gis legs phye'i don yang/
chos gzhan kun blo 'khrul

bas rlom tsam las med pas bden med dang/ chos nyid sgrub pa rang
dbang ba yin pas bden par grub pas chos can bden med dang chos
nyid bden grub kyi khyad phye ba la 'dod do/ /de rnams mi 'thad
par thal/ rtag

brtan snying po'i mdo dang bde gshegs snying po'i mdo don gcig
pa dang/ snying po'i mdo bcu brjod bya phyogs mthun byas pa
dang/ de bcu'i sgras zin ltar grub pa nges don dang de las bzlog
pa drang don du 'dod pa dang/ rtag

brtan snying po'i mdo nges don du sgrub byed dang/ legs phye'i
don bshad pa rnams re re nas mi 'thad pa'i phyir/ dang po der
thal/ snga ma ni lang gshegs las drang don du 'grel rgyu bod du
ma 'gyur ba dang/ phyi ma ni rgyud bla'i

khams sgrib byed dpe dgu dang don dgu sogs ston pa'i skabs kyi
bshad bya'i mdo bod du 'gyur ba nges don stong nyid gtso bor
gtan la 'bebs pa sher mdo dang phyogs mthun pa de yin pa'i
phyir/ shes byed rgyas par gzhan

du ltos/ gnyis pa der thal/ dgongs 'grel du gdul bya rigs gsum
la 'khor lo rim pa gsum dang/ gzungs rgyal gyis zhus par gdul
bya gcig gi dri ma phra rags gsum sbyong tshul la rim pa gsum
bstan/ dgongs

@174a @#/ /'grel gyis gzhan dbang yongs grub bden grub dang/
gzhan dgus chos thams cad bden med du bstan/ dgongs 'grel gyis
yid shes las ngo bo tha dad pa'i kun gzhi yod pa dang/ gzhan
gyis de

med par bstan/ dgongs 'grel gyis mthar thug theg gsum dang/
dpal
phreng gi mdo sogs kyis mthar thug theg gcig bstan/ dgongs 'grel
du sgra ji bzhin pa yin min dang/ ye shes snang ba rgyan gyi
mdor bden

gnyis ston tshul sgos drang nges bzhag pa sogs gnad ches la mi
mthun pa mang ba'i phyir/ shes byed rnams stong thun dang rgyud
sde spyi rnam las shes par bya'o/ /gsum pa der thal/ rtag brtan
snying po'i mdo'i sgras zin la

sems can rnams la rang chas su sangs rgyas kyi sku dang ye shes
yod par bshad pa sgra ji bzhin du khas len mi rung ba'i phyir
te/ bde gshegs snying bo'i mdo las/ sems can 'di dag ni rtag tu
de bzhin gshegs pa'i snying bo

can yin no/ /zhes pa mdo de'i skabs gzhan la'ang sbyor dgos pa
bzhin du/ mdo 'dis kyang sems can rnams la bde gshegs snying po
sems kyi chos nyid yod par bshad pa yin pa'i phyir/ khyed ltar
na sems can kun

sangs rgyas zin par thal ba dang/ sangs rgyas zin slar 'tshang mi
rgya bas sems can 'tshang rgya ba mi srid par thal ba sogs gnod
byed mang du 'byung ngo/ /gzhan yang/ mngon rtogs rgyan las/ de
ltar mdzad pa rgya

@174b che'i phyir/ /sangs rgyas khyab par nges par brjod/ /de
nyid zad pa med pa'i phyir/ /rtag pa zhes kyang brjod pa yin/
/zhes pas kyang sems can gyi rgyud la sangs rgyas rang chas su
yod pa dang/ de nyid rtag brtan ther

zug tu bshad par thal/ der yang thams cad la khyab par bshad pa
dang/ rtag ces pa'i tshig byung ba'i phyir/ 'khor gsum/ bzhi pa
der thal/ dgongs 'grel las 'khor lo tha ma nges don du bshad pa
legs phye rnams las/

de ltar ma phye ba rnams min pa bshad zin ltar dang/ mdo nyid
las kyang/ legs par rnam par phye ba dang ldan pa/ nas/ nges
pa'i don lags te/ zhes gsungs pas kyang shes pa'i phyir/ lnga pa
der thal/ thogs med sku mched kyi

lugs la chos can gzhan dbang bden par ma grub pa chad mtha' yin
zhing/ klu sgrub yab sras kyi lugs la chos nyid bden grub tu
'dod pa gsor mi rung ba'i lta ba yin pa'i phyir/ rgyud sde spyi
rnam las/ rang lugs la/ rje rin po che'i

bzhed pas bka' bar ba'i phyogs mthun gyi mdo/ bde gshegs snying
po'i mdo dang/ gzungs kyi dbang phyug rgyal pos zhus pa'i mdo
dang/ ye shes snang ba rgyan gyi mdo dang/ nas/ dgongs pa thal
'gyur du gnas/ zhes dang/

rgyud bla dar TIka las/ don dam pa'i bden pa spros pa thams cad
dang bral ba mdo rgyas 'bring bsdus gsum dang/ de bzhin gshegs
pa'i snying po'i mdos khyad par med par gsal bar ston la/ zhes
dang/ lha mo dpal phreng

@175a @#/ /gis zhus pa'i mdo/ nas/ 'di ni rtsa she nas bshad pa'i
phrad pa brtag pa'i rigs pa dang don gcig go /zhes dang/ des na
de bzhin gshegs pa'i snying po'i mdo yang sher phyin gyi mdo
dang 'dra bar nges don gyi  

mdo sde mthar thug par shes par bya'o/ /zhes bde gshegs snying
po'i mdo sogs 'khor lo bar ba'i phyogs mthun/ sher mdo dang
brjod bya mthun par rje yab sras zhal mthun par gsungs ba la/
kho na re/ de chos can/ 'khor

lo bar ba yin par thal/ brjod bya phyogs mthun gyi 'khor lo bar
ba yin pa'i phyir na ma khyab/ 'dod mi nus te/ 'khor lo tha ma
yin pa'i phyir te/ rgyud bla dar TI ka tu de ltar gsungs pa
sngar drangs zin pa sogs shes byed mang du yod pa'i

phyir/ phar phyin mtha' dpyod dang yang snying du/ rgyud bla dar
TI ka las/ slar yang bla ma'i rgyud 'khor lo gsum pa de bzhin
gshegs pa'i snying po'i mdo la sogs pa/ zhes drangs pa ni/ rgyud
phyi ma 'khor lo tha ma 'dir ni sems can

thams cad la sangs rgyas kyi khams yod pa nyid ces bstan pa dgos
pa dang bcas pa yin te/ zhes pa 'di las gzhan med par mngon no/
/kho na re/ rtag brtan snying po'i mdo'i sgras zin 'gog mi rigs
par thal/ rtag brtan snying po

khas len dgos pa'i phyir te/ bde gshegs snying po de rtag brtan
du khas len dgos pa'i phyir na ma khyab/ khyod rang la/ kun
gzhi'i rnam shes gang zag gi bdag tu khas len par thal/ de gang
zag gi mtshan gzhi'i bdag tu khas

@175b len pa'i phyir/ khyab pa 'grigs/ bu sogs kyis dgongs 'grel
gyis drang nges phye ba ltar yin na/ dus tha mar gsungs tshad
nges don dang snying po'i mdo bcu sgra ji bzhin par 'gyur bar
dgongs nas dgongs 'grel gyi drang nges kyi

tshul de sgra ji bzhin pa ma yin pa dang/ mdo bcu po de bka' tha
ma'i mdor bzhed cing/ de dag las jo nang ba'i 'dod pa ltar ngo
bo nyid sku sems can la rang chas su yod par bstan pa'i dbang du
mdzad nas de dag drang don dang/ ngo bo nyid

sku dang bde gshegs snying po don gcig par byas te de sems can
gyi rgyud na med par bzhed cing bka' bar ba kho na nges don du
'dod do/ /de la bshad tshul gzhan jo nang ba bkag pas khegs
shing/ bde gshegs snying po sems can gyi

rgyud la med par bshad pa mi 'thad par thal/ de dang ngo bo nyid
sku don mi gcig ba gang zhig /de sems can gyi rgyud la med na
sems can 'tshang rgya mi srid pa'i phyir/ dang po grub ste/ ngo
bo nyid sku thob bya mthar thug yin pa gang zhig

bde gshegs snying po sangs rgyas kyi yon tan 'byung dung gi sems
kyi chos nyid la byed dgos pa'i phyir/ dang po sla/ gnyis 'grub
ste/ mdo las/ sems can thams cad pa de bzhin gshegs pa'i chos
nyid chud mi za ba yod pas/

zhes gsungs shing/ de la rgyud blar de bzhin gshegs pa'i snying
po dang/ de bzhin gshegs pa'i khams dang/ sangs rgyas kyi rigs
rnams don gcig tu gsungs la/ de'i 'grel ba las/ khams kyi don ni
'dir rgyu'i don to/ / 

@176a @#/ /zhes gsungs pas bde gshegs snying bo ni de bzhin
gshegs pa'i rgyur btags pa sems bden stong nyid la bya dgos pa'i
phyir/ de yang glo bur gyi dri ma dang bcas pa'i skabs kyi de la
bde gshegs snying bo dang rang

bzhin gnas rigs zhes bya la/ dri ma dang bral ba'i skabs kyi de
la ngo bo nyid sku dang 'gog bden mthar thug dang dag pa gnyis
ldan gyi chos nyid dang chos sku zhes bya bas na de gnyis 'gal
ba ste/ 'di dag rgyud sde spyi rnam ltar

bkod pa'o/ /rtsa rtags phyi ma grub ste/ de lta na de la sangs
rgyas kyi rigs med par 'gyur ba'i phyir/ des na jo nang ba dang
bu sogs kyis mdor chos kun rang mtshan gyis yod mnyam dang med
mnyan du gsungs pa gnyis cil

dgongs zhes dri ba zhus lugs dang/ de gnyis kyi dgongs gzhi
bstan nas sgra ji bzhin du bzung na rtag chad kyi mthar 'gro
zhes lan btab lugs dang/ de la brten nas dus 'di dang 'di'i tshe
gsungs pa drang don dang dus 'di

dang 'di'i tshe gsungs pa nges don no zhes 'byed pa min par mtshan
nyid gsum la bden par grub ma grub kyi khyad phye ba'i sgos
drang nges su bzhag lugs rnams zhib tu ma brtags par/ de gnyis
kas bde gshegs snying po dang ngo bo

nyid sku don gcig tu byas nas dol bos sems can gyi rgyud na ngo
bo nyid sku'ang yod par bshad/ bus de'i rgyud na bde gshegs
snying bo'ang med par bshad de/ grub don gyi ma dos 'di ni drang
don no 'di ni nges don no zhes drang

@176b nges gsungs pa'i skabs tsam la brten nas dus tha mar
gsungs tshad nges don yin min la rtsod par snang ngo/ ! /spro na/
yar 'brog pa rin chen tog gis thog tog tu dgongs 'grel gyis
drang nges phye tshul sgra ji bzhin par byas

pas/ rin chen sgron mes gzhung gi gzhan lugs gnyis pa'i gtso bo
der ngos 'dzin pa brtag dgos la/ gung thang rin po ches/ yar
'brog pa rin chen tog gis kyang/ zhes gsungs pas ni de ltar byed
min dpyad bya'o/ /dgongs

'grel gyis drang nges phye tshul sgra ji bzhin pa dang/ sher mdo
nges don gyi mdor khas blangs pa'i dbang gis thog tog las/ 'o na
nges don ston pa gang yin snyam na/ chos kyi 'khor lo gsum pa
ni/ /sher phyin phal chen chos

pad dka'/ /zhes sher mdo 'khor lo gsum pa nges don gyi mdor
bshad nas de la rtsod spong byas te 'khor lo snga ma snga ma las
phyi ma phyi ma mtho bar 'dod cing dgongs 'grel 'khor lo gnyis
par 'jog go /des na yar 'brog pa

sogs kyi bshad tshul ni snga ma gnyis dang mi 'dra'o/ /yang dag
bden pas 'das chen 'khor lo gnyis pa dang/ phal chen dang sher
phyin gsum par byas nas/ sher mdor 'khor lo gnyis pa bskor ba
mthong zhes pas dus gnyis

par gsungs pa'i chos 'khor las 'khor lo gnyis pa yin pa'i don
min zhes bshad pa ltar na 'khor lo gsum dus kyi rim pas mi 'jog
par snang zhing/ b+ha byas sher mdo 'khor lo tha mar 'dod tshul
gcig wen tsheg gis bshad pa

@177a @#/ /yang snying du de'i ming can zhig la ngos bzung ngo/
/stong thun las/ snying bo'i mdo la sogs pa rnams kyi dgongs pa
'grel ba'i tshe ni rgyud bla rtsa 'grel du mthar thug gi theg pa
gcig tu bshad pa yin no/ /zhes

dang/ rgyud sde spyi rnam las/ de dag gis bde gshegs snying po
dang rdzogs pa'i sangs rgyas kyi ngo bo nyid sku don gcig cing/
bden par grub pa/ rtag brtan ther zug 'dus ma byas/ mtshan dpes
brgyan pa/ sems can

thams cad kyi rgyud la 'khor ba thog ma med pa nas nyon mongs
pa'i sbubs na rang chas su yod pa de dpe dgu don dgu'i sgo nas
bstan par 'dod/ ces dang/ grub mtha' chen mo las/ de bzhin
gshegs pa'i snying po'i mdo

las sems can thams cad kyi rgyud la snying po rtag brtan mtshan
dpe can bshad pa dang/ zhes jo nang pas grub mtha'i rtsa bar
byed rgyu'i rtag brtan snying po'i mdo la bde gshegs snying po'i
mdor bshad pa'i skabs yod kyang

yongs grags rgyud bla'i bshad bya rtsa ba'i mdo la de ltar bshad
pa tha snyad khyab che'o/ /kha cig jo nang bas snying bo'i mdo
bcu'i nang gi bde gshegs snying bo'i mdo de rtag brtan snying
bo'i mdor khas len par thal/ de ltar khas mi

len na/ rtag brtan snying bo'i mdo ni des khungs su byed cing
sgra ji bzhin par 'dod pas snying bo'i mdo bcu gcig tu 'gyur
ba'i phyir zer na/ 'dod pa yin te/ des snying bo'i mdo bcu'i
nang du bde gshegs snying bo'i mdo dang

@177b rtag brtan snying po'i mdo gnyis gcig tu 'khrul nas
bgrangs pa'i phyir/ gnyis pa de'i don ji ltar bkral ba'i tshul la
gnyis/ slob dpon thogs med kyis gtso bor dgongs 'grel la brten
tshul dang/ de la brten nas de kho

na nyid gtan la phab pa'i tshul lo/ /dang po ni/ bsdu ba las/
zhes sogs byung/ de la/ gsungs pa rnams drangs so/ /yan gyis
bsdub dang/ mdzad do/ /yan gyis thogs med kyi gzhung gzhan
dang/
de man gyis thogs med kyi

brten sa byams chos las bshad tshul bstan to/ /bsdu bar don dam
mtshan nyid lnga ldan ston pa'i skabs su yang 'di ltar 'byung
ste/ dgongs 'grel las 'byung ba bzhin shes par bya'o/ /zhes
gsungs nas de'i don dam pa'i

le'u rnams drangs shing/ de la don dam mtshan nyid lnga ldan ni/
bsdu ba las/ don dam pa ni mtshan nyid lnga dang ldan pa yin te/
brjod du med pa'i mtshan nyid dang/ gnyis su med pa'i mtshan nyid
dang/ rtog ge'i spyod yul las yang

dag par 'das pa'i mtshan nyid dang/ tha dad pa dang tha dad pa ma
yin pa nyid las yang dag par 'das pa'i mtshan nyid dang/ thams
cad du ro gcig pa'i mtshan nyid do/ /zhes sgra rtog gis ji bzhin
brjod mi nus pas dang po/ don

dam mngon sum du gzigs pa'i mnyam gzhag ye shes kyi dor 'dus
byas ma byas sogs gnyis chos med pas gnyis pa/ so skye'i mngon
sum gyi yul min pas gsum pa/ stong gzhi dang ngo bo tha dad dang
ldog pa tha mi dad min

@178a @#/ /pas bzhi ba/ dgag bya bcad tsam du ro gcig pas lnga
pa'o/ /phung po dang bcas pa dang phung po med pa'i sa'i bsdu
bar dgongs 'grel drangs tshul ni/ de nyid las/ de la brjod du med
pa'i mtshan nyid dang gnyis

su med pa'i mtshan nyid ni/ dgongs pa nges par 'grel ba'i mdo las
ji skad 'byung ba bzhin blta bar bya ste/ byang chub sems dpa'
tshul bzhin kun 'dris byang chub sems dpa' don zab dgongs pa nges
par 'grel la dri ba dris

pa/ kye rgyal ba'i sras/ chos thams cad gnyis su med pa chos
thams cad gnyis su med pa zhes bya na/ nas/ shin tu yun ring
'khor ba 'dir 'khor 'gyur/ /zhes pa'i bar le'u dang bo dgongs pa
nges 'grel gyi le'u drangs/

de la rtog ge'i spyod yul las yang dag par 'das pa'i mtshan nyid
ni/ dgongs pa nges par 'grel ba'i mdo las ji skad gsungs pa
bzhin blta bar bya ste/ bcom ldan 'das la byang chub sems dpa'
chos 'phags kyis

'di skad ces gsol to/ /nas/ de ni rtog gi kun las 'das mtshan
nyid/ /ces pa'i bar le'u gnyis pa chos 'phags kyi le'u drangs/
de la tha dad pa dang tha dad pa ma yin pa nyid las yang dag par
'das pas mtshan nyid

ni/ dgongs pa nges par 'grel ba'i mdo las ji skad 'byung ba
bzhin blta bar bya ste/ bcom ldan 'das la byang chub sems dpa'
blo gros shin tu rnam dag gis 'di skad ces gsol to/ /nas/ mtshan
ma'i 'ching las

@178b rnam grol 'gyur/ /zhes pa'i bar le'u gsum pa blo gros shin
tu rnam dag gi le'u drangs/ de la thams cad du ro gcig pa'i
mtshan nyid ni/ dgongs pa nges par 'grel ba'i mdo las ji skad
'byung ba bzhin blta bar bya ste/

bcom ldan 'das kyis tshe dang ldan pa rab 'byor la bka' stsal pa/
rab 'byor khyod kyis sems can gyi khams na gang dag mngon pa'i
nga rgyal mngon pa'i nga rgyal gyis mngon du zin cing/ nas/ de
dag nga rgyal gnas la rmongs

pa yin/ /zhes pa'i bar le'u bzhi ba rab 'byor gyi le'u drangs
pas/ don dam pa'i mtshan nyid dang po gnyis ston pa la le'u dang
po/ gsum pa ston pa la gnyis pa/ bzhi ba ston pa la gsum pa/
lnga pa ston pa la bzhi ba rnams

byung bas don dam pa'i le'u rnams drangs zhes pa las don dam
pa'i le'u zhes pa le'u gcig gi ming min no/ /de la chos rnams
kyi mtshan nyid ni/ dgongs pa nges par 'grel ba'i mdo las ji skad
'byung ba bzhin blta bar

bya ste/ bcom ldan 'das la byang chub sems dpa' yon tan 'byung
gnas kyis zhu ba zhus pa/ bcom ldan 'das byang chub sems dpa'
chos rnams kyi mtshan nyid la mkhas pa byang chub sems dpa' chos
rnams kyi mtshan

nyid la mkhas pa zhes bgyi na/ nas/ rab tu nyams pas snying
brtser byas pa yin/ /zhes pa'i bar le'u drug pa yon tan 'byung
gnas kyi le'u yongs rdzogs drangs shing/ 'dis mtshan nyid gsum
ston pas mtshan nyid kyi

@179a @#/ /le'u zhes gsungs so/ /de la chos rnams kyi ngo bo nyid
med pa'i mtshan nyid ni/ dgongs pa nges par 'grel ba'i mdo las ji
skad 'byung ba bzhin blta bar bya ste/ bcom ldan 'das la byang
chub sems

dpa' don dam yang dag 'phags kyis 'di skad ces gsol to/ /bcom
ldan 'das 'di na bdag gcig pu dben pa zhig na mchis pa'i tshe/
nas/ mi skye ba'i chos la bzod pa thob par gyur to/ /zhes pa'i
bar le'u bdun pa

don dam yang dag 'phags kyi le'u'i mdo sde la 'gal spong gi dris
lan dang drang nges sogs ston pa yongs rdzogs drangs shing/ 'dis
ngo bo nyid med pa gsum rgyas par ston pas ngo bo nyid med pa'i
le'u zhes gsungs so/ /de

bzhin du rnam shes tshogs brgyad ston pa la/ de la sems kyi mtshan
nyid ni/ dgongs pa nges par 'grel ba'i mdo las ji skad 'byung ba
bzhin blta bar bya ste/ bcom ldan 'das la byang chub sems dpa'
blo gros yangs pas zhu ba zhus

pa/ bcom ldan 'das byang chub sems dpa' sems dang yid dang rnam
par shes pa'i gsang ba la mkhas pa/ nas/ phyis pa rnams langs ni
de ma bstan/ /ces pa'i bar le'u lnga ba blo gros yangs pa'i le'u
drangs pa dang/

mthar thug rigs nges pa ste theg gsum ston pa la/ don dam yang
dag 'phags kyi le'u las/ don dam yang dag 'phags/ da ni sems can
gyi khams na sems can rnams kyi kun btags pa'i ngo bo nyid ngo
bo nyid kyis tha dad

@179b par mthong zhing/ nas/ de'i phyir de bzhin gshegs pas nyan
thos kyi rigs su 'dogs so/ /zhes pa'i bar sngar 'phags zhus kyi
le'u drangs pa'i dkyus su byung ba dang/ spyan ras gzigs kyi
le'u sogs gzhan las

kyang thor bu ci rigs byung ba dang/ gzhan yang zhi lhag gi rab
dbye ston pa la/ chos gdags pa rnam par dgod pa las brtsams nas
rnal 'byor gyis yongs su bsdus pa'i zhi gnas dang lhag mthong gi
lam gyi rab tu dbye ba

ni/ dgongs pa nges par 'grel ba'i mdo las ji skad 'byung ba
bzhin rig par bya ste/ bcom ldan 'das la byang chub sems dpa'
byams pas zhu ba zhus pa/ bcom ldan 'das byang chub sems dpa' ci
la gnas/ ci la

brten te theg pa chen po la zhi gnas dang lhag mthong sgom par
bgyid lags/ nas/ rnal 'byor chen po yid la byed pa thob par gyur
to/ /zhes pa'i bar le'u brgyad pa byams pa'i le'u drangs/ sa
bcu'i rnam gzhag ston pa la/

theg pa rnam par bzhag pa las brtsams nas theg pa'i rnam par
dbye ba ji lta ba bzhin bstan pa ni/ dgongs pa nges par 'grel
ba'i mdo las ji skad 'byung ba bzhin blta bar bya ste/ bcom ldan
'das la byang chub sems dpa' spyan

ras gzigs dbang phyug gis zhu ba zhus pa/ bcom ldan 'das byang
chub sems dpa' rnams kyi sa bcu gang lags pa de dag ni 'di lta
ste/ nas/ byang chub sems dpa'i ting nge 'dzin theg pa chen po
snang ba thob par gyur to/ /

@180a @#/ /zhes pa'i bar le'u dgu pa spyan ras gzigs dbang phyug
gi le'u drangs/ de bzhin gshegs pa'i bya ba sgrub pa'i rab dbye
ste 'bras bu sangs rgyas kyi rnam gzhag ston pa la/ theg pa rnam
par bzhag pa kho na las

brtsams nas de bzhin gshegs pa'i bya ba sgrub pa'i rab tu dbye
ba ni/ dgongs pa nges par 'grel ba'i mdo las ji skad byung ba
bzhin blta bar bya ste/ bcom ldan 'das la byang chub sems dpa'
'jam dpal gyis zhu ba zhus pa/

bcom ldan 'das de bzhin gshegs pa rnams kyi chos kyi sku zhes
bgyi na/ bcom ldan 'das de bzhin gshegs pa rnams kyi chos kyi
sku'i mtshan nyid ji lta bu lags/ nas/ chos kyi sku yongs su
rdzogs pa so so yang dag par rig pa thob

par gyur to/ /zhes pa'i bar le'u bcu pa 'jam dpal gyi le'u
drangs te le'u 'di la dgongs 'grel las theg pa chen po'i yon tan
gyi tshogs rnam par nges pa'i le'u zhes byung ngo/ /byang sa'i
le'u bzhi pa de kho na nyid kyi le'u las/ de kho

na'i don gang zhe na/ mdor bsdu na rnam pa gnyis te/ zhes sogs
le'u yongs rdzogs dang/ bsdu ba las/ de kho na'i don rnam par
shes par 'dod pas mdor bsdu na/ nas/ de ni rnam par mi rtog pa
zhes bya'o/ /zhes pa'i bar byang sa'i

de kho na nyid kyi le'u'i bsdu ba yongs rdzogs dang/ theg bsdus
su/ don bcu'i gnyis pa mtshan nyid gsum bshad pa las/ de la yongs
su grub pa'i mtshan nyid gang zhe na/ gang gzhan gyi dbang gi
mtshan nyid de nyid la don gyi mtshan

@180b nyid de gnyan med pa nyid do/ /zhes sogs kyis dgongs 'grel
las stong gzhi gzhan dbang kun btags kyis stong pa yongs grub tu
gsungs pa'i don ni bshad pa'i rnam grangs mang pos 'chad par
mdzad do/ /mdo sde rgyan las/ yod

min med min de bzhin min gzhan min/ /zhes sogs le'u bdun pa de
kho na nyid kyi le'u dang/ dbus mtha' las/ rtsa ba mtshan nyid de
kho na/ /zhes sogs le'u gsum pa de kho na'i le'u gnyi gar de kho
na'i don bshad de/ sogs sgras

bsdus pa ni dka' 'grel gyis chos nyid rnam 'byed la byed gsungs
kyang brtag go /yon tan 'od dang rgya mtsho'i sprin gyi byang
sa'i 'grel ba dang/ theg bsdus dbyig 'grel dang/ btsun pa ngo bo
nyid med pa'i bshad sbyar dang/ mdo sde

rgyan gyi dbyig 'grel dang/ blo brtan dang btsun pa ngo bo nyid
med pa'i 'grel bshad dang/ dbus mtha'i dbyig 'grel dang/ blo
brtan gyi 'grel bshad rnams su de kho na nyid kyi don bstan pa'i
gnad rnams kyang dgongs 'grel dang shin tu

mthun pas sems tsam lugs la mdo 'di'i don gtan la 'bebs pa ni
rtsa bar snang ngo/ ! /spro na/ thogs med kyis gtso bor dgongs
'grel la brten ces pa'i don/ gnyal ston dka' 'grel las/ rgyud
bla'i 'grel bar 'phags

pa gzungs kyi dbang phyug rgya la pos zhus pa'i mdo la brten nas
sems bden stong de kho na nyid du bshad pa las logs su bkar ba'i
don no/ /zhes gsungs pa la/ mtshan las/ ma 'brel te/ 'phags pa
thogs med kyis gsungs 

@181a @#/ /tshad mdo gang la brten 'chad pa min gyi/ sems tsam
dang mthun pa'i drang nges kyi tshul 'di gang la brten 'chad pa
'og tu klu sgrub kyis gang la brten 'chad pa'i skabs kyis shes
la/ de yang legs phye'i nang nas

lang gshegs sogs las 'di gtso ba'i don yin gyi/ skabs 'dir
gzungs kyi dbang phyug rgyal bor brten pa tsam yang ma yin pas
gtso bo smos don med la/ de'i tshe de gtso ba'i phyir/ zhes
gsungs pa ltar 'dod par bya'o/ /

dka' 'grel de nyid du/ don dam mtshan nyid lnga ldan ne/ ngo bo
nyid gzhan gnyis kyis yod pa min zhing yongs grub kyis med pa
min pa dang/ kun rdzob dang gcig min zhing don gzhan min pa
dang/ skye 'jig med pa dang/

'phel 'grib med pa dang/ sems can gyi dus na sgrib pas ma dag
cing rang la dmigs nas shes sgrib dag par 'gyur ba ste de
lngas don dam bden pa de blo yul du mtshon par byed pas na don
dam bden pa'i mtshan nyid du bzhag cing/

mdo sde rgyan las/ yod min med min zhes pas dang po/ de bzhin
min gzhan min/ /zhes pas gnyis pa/ skye dang 'jig med ces pas
gsum pa/ bri bar mi 'gyur te/ /'phel ba med cing zhes pas bzhi
ba/ rnam par dag pa'ang

med; /rnam par dag 'gyur zhes pas lnga ba bstan par mdzad do/
/de la mchan las/ skabs 'dir gnyal ston dpal 'byor lhun grub
kyis don dam pa mtshan nyid lnga ldan zhes pa dang/ mdo sde
rgyan drangs nas de ltar du

@181b bshad pa ni 'ol tshod kyis nya dang nyung ma bsres pa'o/
/zhes bkyon pa'i dgongs pa btsal dgos te/ mdo sde rgyan gyi
don bshad pa nor ba min pa de'i dbyig 'grel bklags pa tsam
gyis shes pa'i phyir dang/ mdo sde rgyan dang

dgongs 'grel gyi mtshan nyid lnga 'dra bar byas ma byas gang
yang mi gsal ba'i phyir/ 'di la zin bris su gnyal ston dka'
'grel ltar gsungs pa la/ 'ol tshod kyis nya dang nyung ma bsres
zhes pa'i bka' bkyon dngos

gnas su 'bab pa zegs ma'i dgongs pa 'khrul med do/ /mchan du/
gzhung gi don dam pa'i le'u rnams drangs shing/ zhes pa'i don
dam pa'i le'u la le'u bzhi byung ba dang bstun nas/ mtshan nyid
kyi le'u rnams drangs la/

zhes pa la'ang sems dang chos kyi mtshan nyid gnyis phye nas de
gnyis ston pa la rim par blo gros yangs pa dang yon tan 'byung
gnas kyi le'u gnyis byung bas mang tshig dang/ ngo bo nyid med
pa'i le'u rnams drangs shing/ zhes

pa la'ang ngo bo nyid med pa'i mtshan nyid ston pa dngos la
'phags zhus dang/ byams zhus kyi le'ur phyi don gsungs pa
drang don du 'grel ba'i gnad kyis de yang ngo bo nyid med pa'i
le'ur bsdus pa mang tshig gi don du bshad pa brtag

dgos te/ sems kyi mtshan nyid ston pa blo gros yangs pa'i le'us
rnam shes tshogs brgyad ston pas de/ gzhung las/ de bzhin du
rnam shes tshogs brgyad dang/ zhes pa la sbyor dgos pa'i phyir
te/ der de ma sbyar na sbyor

@182a @#/ /rgyu mi rnyed pa'i phyir dang/ gzhung du chos rnams
kyi mtshan nyid ston pa la mtshan nyid gsum ston pa'i mtshan nyid
kyi le'u rnams drangs par gsungs pas mtshan nyid gsum mi ston
pa'i blo gros yangs pa'i

le'u der 'ong don med pa'i phyir/ des na/ mun sel las/ mchan
'grel du/ sems kyi mtshan nyid ston pa blo gros yangs pas zhus
pa'i le'u chos rnams kyi mtshan nyid ces pa'i skabs su sbyar
kyang le'u der rnam shes tshogs

brgyad ston pas rnam shes tshogs brgyad dang zhes pa la sbyar
na 'grig ces gsungs pa ltar ro/ /blo gros yangs pa'i le'u
mtshan nyid kyi le'ur byed dgos pa'i rgyu mtshan du/ dgongs
'grel gyi mgo nas mthar chags su drangs

pa la; blo gros yangs pa'i le'u 'dor don med pa'i phyir/ zhes
pa'ang dpyad dgos te/ bsdu ba dang gzhung gang gis dgongs
'grel de ltar 'dren pa la byed/ dang pos de dor med cing/
gzhung gis de ltar ma drangs pa'i phyir

te; skabs 'dir thogs med kyis drang nges 'byed pa dgongs 'grel
la brten tshul gyi gtso bo sngon du gsungs nas/ de'i rjes su
rnam shes tshogs brgyad dang mthar thug theg gsum sogs des srol
phye ba'i rnam rig pa'i grub

mtha' 'gangs che ba rnams mdo de la brten tshul gyi phyogs tsam
zhar la gsungs pa yin pa'i phyir ro/ /gzhung du chos rnams kyi
ngo bo nyid med pa'i mtshan nyid ston pa la mdo sde la 'gal
spong gi dris lan dang drang nges la sogs pa

@182b rnams ston pa'i ngo bo nyid med pa'i le'u rnams drangs
par gsungs pas de dag mi ston pa'i byams zhus kyi le'u der
'ong don med pa dang/ mun sel las/ mchan 'grel du byams zhus
le'ur phyi don bkag pas ngo bo nyid med

pa'i le'ur sdud par bshad kyang/ byams zhus su zhi lhag sgom
tshul rgyas par bstan/ ces gsungs pa ltar yin pas byams zhus
ngo bo nyid med pa'i mtshan nyid ston pa la glan pa 'byor dka'
zhing/ skabs 'di'i gzhung gi

mang tshig rnams le'u'i mang tshig yin na/ chos rnams kyi mtshan
nyid dang/ ngo bo nyid med pa'i mtshan nyid gsum ston pa re re
la le'u mang po re yod dgos pa la mchan ltar na'ang le'u gnyis
re las ma byung bas gnyis tshig

gis ston dgos pa la des ma bstan to/ /des na don dam pa'i le'u
rnams zhes pa le'u'i mang tshig dang/ mtshan nyid kyi le'u rnams
dang/ ngo bo nyid med pa'i le'u rnams zhes pa le'u yongs
rdzogs kyi don te mun sel gyi bar

dgongs pa'o/ /kha cig na re/ dgongs 'grel gyi le'u bcu po don
dam mtshan nyid lnga ldan dang/ mtshan nyid gsum dang/ ngo bo
nyid med pa gsum dang/ rnam shes tshogs brgyad dang/ mthar thug
theg gsum ston pa lngar

'du ste/ de'i le'u bcu'i don thogs med kyis bsdu bar don dam
pa'i mtshan nyid dang/ rnam shes tshogs brgyad dang/ mtshan nyid
gsum dang/ ngo bo nyid med pa gsum dang/ zhi lhag sgom tshul
dang/ sa bcu dang/ 'bras

@183a @#/ /bu'i rnam gzhag ston pa bdun du bsdus shing/ bdun po
de gzhung 'dir don tshan lngar bsdus pa'i phyir te/ 'dir don
lnga gsungs pa la dgos pa yod pa'i phyir na ma khyab ste/ 'dir
don lnga gsungs pa'i dgos pa

bshad zin ltar yin pa'i phyir/ kho nar/ dgongs 'grel gyi don
don tshan lngar 'du bar thal/ byams zhus su zhi lhag rgyas par
bstan kyang de'i tshig ris 'ga' dang/ spyan ras gzigs kyi
le'u'i mtshams sbyor du bsdu ba las/

theg pa rnam par bzhag pa las brtsams nas/ zhes byung ba dang/
'jam dpal gyi le'us gsungs tshul rnams la dpags na de rnams
kyis mthar thug theg gsum ston bzhed pas le'u de gsum mthar
thug theg gsum ston par sbyor

dgos la/ des na don tshan lngar le'u bcu ga 'du ba'i phyir zer
na/ le'u de gsum gas de ltar bsta na du chug kyang/ le'u de
gsum la rim par rnal 'byor nges pa'i don bstan pa dang/ sa
dang pha rol tu phyin pa'i don bstan pa dang/ de

bzhin gshegs pa'i bya ba sgrub pa nges pa'i don bstan pa zhes
byung ba la dpags na 'ang sngar ltar sbyor dgos pa shes pa'i
phyir/ de bas na rgyud sde spyi rnam du spyan ras gzigs kyis
zhus pa'i la bos mthar thug theg gsum dang/ 'phags

zhus ril bos gzhan dbang yongs grub bden grub dang/ byams zhus
ril bos kun gzhi bstan par gsungs pa'i dgongs pa'ang btsal
dgos te/ de gsum na de ltar ston pa'i tshig yod pa las ril pos
de dag ston pa min pa'i

@183b phyir ro/ /mchan du/ mthar thug rigs nges pa dang/ rnam
shes tshogs brgyad sogs ni spyan ras gzigs kyi le'u sogs las
thor bur gsungs pa las snga ma rnams dang 'dra bar le'u ril
pos ston pa med pas rnams zhes ma smos

gsungs pa'ang dpyad dgos te/ rnam shes tshogs brgyad ston pa la
blo gros yangs pa'i le'u yongs rdzogs sbyor dgos pa'i phyir
te/ le'u'i ming la sems kyi mtshan nyid kyi le'u zhes byung bas
kyang de shes pa'i phyir/ mchan gyi

gsungs tshul ni yang snying las/ drug pa mtshan nyid gsum ston
pa yon tan 'byung gnas kyi le'u/ bdun pa ngo bo nyid med pa
sogs su gsungs pa'i drang nges so sor 'byed pa don dam yang
dag 'phags kyi le'u/ zhes mtshan nyid gsum

dang ngo bo nyid med pa ston pa la le'u re re las ma sbyar ba
dang yang mi mthun no/ /kho na re/ mthar thug theg gsum ston
pa la 'phags zhus kyi phyogs gcig sbyar ba mi 'thad de/ spyan
ras gzigs kyis zhus pa las/ bcom ldan 'das

bcom ldan 'das kyis nyan thos kyi theg pa gang yin pa dang/
theg pa chen po gang yin pa de ni theg pa gcig go zhes bka'
stsal pa de la dgongs pa gang lags/ nas/ de dag la sogs pa
gang dag bstan pa de dag nyid dangs theg pa

chen por chos kyi dbyings tshul gcig par bstan pas bshad de/
de'i phyir nga ni theg pa tha dad par mi smra'o/ /zhes sogs
kyis kyang de ston pa'i phyir na ma khyab ste/ de 'dra'i tshig
sil bu gong 'og tu yod kyang gtso bo ni sngar sbyar ba

@184a @#/ /ltar yin pa'i phyir ro/ /dgongs rgyan du byang sa
sogs kyis de kho na nyid gtan la 'bebs pa na dgongs 'grel gyi
lung rnams drangs par gsungs kyang byang sa'i thad der de'i
lung drangs pa med do/ /gnyis pa

la gsum/ mtha' gnyis spong tshul spyir bstan pa/ sgro 'dogs kyi
mtha' bye brag tu dgag pa/ des gsung rab kyi drang nges 'byed
pa'i tshul lo/ /dang po la gsum/ byangs nas bshad pa'i tshul
dang/ bsdu ba nas bshad pa'i

tshul dang/ de dag las gzhan pa'i gzhung nas bshad tshul lo/
/dang po la gnyis/ spo skur du lta ba'i tshul dang/ de gnyis
'gog pa'i tshul lo/ /dang po la gnyis/ dngos dang/ skyon spong
ngo/ /dang po ni/ byangs las/

zhes sogs byung/ de la/ yin zhe na/ yan gyis byang sa'i le'u
bzhi ba drangs te sgro skur du lta ba'i ngo bo ngos 'dzin gyi
dri ba dang/ sgro 'dogs tshul gsungs la/ yan gyis sgro 'dogs su
lta ba ngos bzung/ skur 'debs

so/ /yan gyis skur 'debs su lta ba nyes dmigs bcas ngos bzung/
de ltar/ sogs kyis de dag gi don bsdus pa ste/ gnas lugs sam
mtha' gnyis spangs pa'i dbu ma'i lam de ji ltar yod ces 'dri
na/ blo dman gyis

gnas lugs ji ltar yod btsal ba na kun btags rang mtshan gyis
yod pa min pa la de ltar yod par sgro btags te sgrub tshod ma
zin par dbus nas thal bas legs par ma zin pa ste log par 'dzin
pa ni sgro 'dogs dang/ de'i zhen

@184b yul ni sgro 'dogs kyi mtha' 'o/ /gnas lugs ni mtha' de
spangs pa'i tshul gyis yod pa ste/ rgya mtsho'i sprin las/ rang
gi mtshan nyid kyis yod pa ma yin pa'i rang bzhin la mtshan mar
bzung nas sgro btags pa dang log

par bzung ba dang spangs pa ni yod pa ma yin pa la sgro btags
pa'o/ /de nyid ni legs par ma zin pa ste/ yongs su btags pa'i
rang bzhin yin pa'i phyir ro/ /yongs su btags pa'i rang bzhin
yang phyin ci log tu bzung ba la sogs

pa'i rnam grangs su bstan pa yin no/ /legs par ma zin pa zhes
smos pa ni mngon par zhen pa gsal bar bstan pa'i phyir ro/
/zhes legs par ma zin pa'i don rang mtshan gyis med pa la de
ltar yod par sgro btags pa dang de ltar

log par bzung ba dang bzung ba ltar yod pa min pa la sgro
btags pa ste/ yongs su btags pa'i rang bzhin nam phyin ci log
tu bzung ba'am mngon par zhen pa la bshad do/ /yang dag pa ni
bden par grub pa'i don te gzhan dbang bden/

par grub pa la bden par med ces dgag tshod ma zin par dbus nas
thal te skur ba 'debs pa'i log par 'dzin pa ni skur ba 'debs
dang/ de'i zhen yul ni skur 'debs kyi mtha' ste/ gnas lugs ni
mtha' de spangs pa'i tshul gyis

yod pa'o/ /mdor na gnas lugs sam dbu ma'i lam ni kun btags
rang mtshan gyis yod pa sgro 'dogs kyi mtha' dang/ gzhan dbang
dang yongs grub rang mtshan gyis med pa skur 'debs kyi mtha'
gnyis spangs pa'i tshul gyis yod

@185a @#/ /do zhes byang sa las gsungs pa'i sgro skur gnyis
po ji lta bu zhes dris pa la/ de gnyis ngos 'dzin pa la kun
btags bden par sgro 'dogs tshul ni/ byang sa las/ gzugs la sogs
pa'i chos rnams dang

zhes ngo bo la 'dogs pa'i gzhi dang/ gzugs la sogs pa'i dngos
po zhes khyad par la 'dogs pa'i gzhi bstan par dka' 'grel rjes
'brang dang bcas pas gsungs pa ltar te/ gang du sgro 'dogs
pa'i gzhi bstan la/

'dogs pa'i tshig gi ngo bo nyid ces pa ni tshig gis btags pa'i
ngo bo nyid la bya ste/ bsdu ba las/ de la gzhan gyi dbang gi
ngo bo nyid dang/ yongs su grub pa la kun btags pa'i ngo bo
nyid du zhen pa gang yin par rig par

bya'o; /zhes dang/ rgya mtsho'i sprin las/ rjod pa'i bdag nyid
de des nges par brtags pa'i bdag nyid yin pa'i phyir te/ mngon
par rjod pa'i tshig gi rang bzhin no zhes bya ba'i don te/ zhes
gsungs pa'i phyir/ des

na gdags gzhi gzhan dbang gi steng du 'dogs byed ngo bo dang
khyad par la 'dogs pa'i tshig gis btags pa ni skabs 'di'i kun
btags kyi ngo bo yin la/ de la sgro 'dogs tshul ni/ gzhan dbang
de ltar btags pa'i gzhir rang

mtshan gyis yod pa min pa la de ltar yod par sgro btags nas de
ltar rang mtshan gyis grub par zhen pa ni sgro 'dogs so/ /gzhan
dbang bden med du skur ba 'debs tshul ni/ btags pa'i tshig gi
mtshan ma'i gzhi ste rten

@185b ni 'dogs byed kyi tshig gis kun btags pa'i mtshan ma'i
gzhi yin la de ni kun btags kyi gdags gzhi gzhan dbang ngo/
/gzhan dbang de nyid brjod du med pa'i bdag nyid de tshul gyis
bden par yod pa ste/ brjod med kyi don

don dam par sgra rtog gi yul min pa la byed la/ de min tshul
yang rgyus med kyi yul zhig gzhan gyis brjod tshe nyan pa po'i
rtog pa la rgyus med kyi yul de dngos gnas la shar du yod na
yul de don dam par sgra rtog gi yul du song ba yin

pa la de ltar med pa ni de don dam par sgra rtog gi yul min
pa'i don no/ /thams cad kyi thams cad du med do zhes pa'i don
rgya mtsho'i sprin du mi gsal yang/ mchan du yul dus grub mtha'
gang gi dbang gis kyang rang mtshan gyis skye ba

med par 'dzin pa dang/ mun sel du gzugs bden par med na de
gzhan dbang du ma grub dgos/ de lta na de gzugs 'dzin rtog
pa'i zhen gzhir rang mtshan gyis grub pas stong pa yongs grub
tu ma grub dgos/ de lta na gzugs

kyi ngo bo sogs su sgro btags pa kun btags su ma grub par
'gyur bas thams cad kyi thams cad du med par song bar gsungs
te de ltar zhen pa ni skur 'debs so/ /de 'dra'i sgro 'dogs kyi
mthar lhung ba don smra dang/ skur

'debs kyi mthar lhung ste rgyud chud zos pa ngo bo nyid med
par smra ba gnyis ni chos 'dul ba ste theg chen zab mo las
nyams pa'o/ /chos 'dul ba ni rgya mtsho'i sprin du/ yang dag
pa'i ye shes 'thob par byed pas chos dang/ spangs a  

@186a @#/ /pa 'thob par byed pas 'dul bar bshad do/ /gnyis pa ni/
don dam par yod pa la/ zhes sogs byung/ kho na re/ kun btags don
dam par yod par 'dzin pa sgro 'dogs ma yin par thal/ skabs

'dir kun btags rang mtshan gyis yod par 'dzin pa las de don dam
par yod par 'dzin pa sgro 'dogs su tshig zin la gsal bar ma
gsungs pa'i phyir na ma khyab ste/ byang sa'i skabs 'dir rang gi
mtshan nyid yod pa ma

yin pa la sgro btags nas zhes pa'i tshig 'dis de ltar gsal bar ma
bstan kyang/ de sgro 'dogs yin pa'i phyir te/ byang sa las/ don
dam par yod pa yang dag pa'i dngos po la thams cad kyi thams cad
du med do zhes skur

pa 'debs/ zhes don dam par yod pa la der med pa lta ba skur
'debs su bshad pa'i zlas drangs na don dam par med pa la der yod
pa ltar sgro 'dogs su bshad dgos pa'i phyir te/ rang mtshan gyis
yod na don dam par yod

dgos pa byang sa'i don yin pa'i phyir/ yang kho na re/ gzhan
dbang rang mtshan gyis med par 'dzin pa skur 'debs ma yin par
thal/ skabs 'dir gzhan dbang don dam par med par 'dzin pa las de
rang mtshan gyis med par

'dzin pa skur 'debs su tshig zin la gsal bar ma bstan pa'i phyir
na ma khyab ste/ byang sa'i thams cad kyi thams cad du med do
sogs kyi tshig zin la de ltar gsal bar ma bstan kyang de skur
'debs yin pa'i phyir te/ der/

@186b rang gi mtshan nyid yod pa ma yin pa la sgo btags nas/ zhes
rang mtshan gyis med pa la ded yod par lta ba sgro 'dogs su bshad
pa'i zlas drangs na rang mtshan gyis yod pa la der med par lta
bskur 'debs su bshad dgos pa'i

phyir te/ don dam par med na rang mtshan gyis med dgos pa byang
sa'i don yin pa'i phyir ro/ /byang sar snga ma la/ rang gi mtshan
nyid yod pa ma yin pa la/ zhes dang/ phyi ma la/ daun dam par
yod pa yang dag pa'i dngos po la/

zhes gsungs pa'i rgyu mtshan mchan las/ spyir don dam par grub pa
dang rang mtshan gyis grub pa la khyad med kyang 'dir de ltar
gsungs pa'i rgyu mtshan yod de/ kun btags bden par ma grub kyang
de la bden grub kyi ngo bo nyid

med pa zhes ma grags par mtshan nyid ngo bo nyid med pa zhes
grags pa'i zlas drangs nas rang gis mtshan nyid kyis grub par
'dzin pa sgro 'dogs su bshad cing/ dbu ma ba rnams don dam du
yod pa'i yod mtha' dang tha snyad du

med pa'i med mtha' zhes zer gyi rang mtshan gyis grub pa'i yod
mtha' zhes cher ma grags pas/ snga ma de'i zlas drangs nas don
dam du med par 'dzin pa skur 'debs su dngos su bshad pa yin pa'i
phyir/ zhes gsungs so/ /

kho na re/ byang sas kun btags don dam par yod pa dang/ gzhan
dbang rang mtshan gyis med par 'dzin pa rim bzhin sgro 'dogs dang
skur 'debs su dngos su gsungs par thal/ de dag byang sa'i dngos
bstan gyi de dag

@187a @#/ /yin pa'i phyir na ma khyab/ yang kho na re/ gzhung
las/ ngo bo nyid gzhan gnyis don dam par med do zhes pa ni skur
'debs yin te/ zhes yongs grub don dam par med par 'dzin pa skur
'debs su

bshad pa mi 'thad par thal/ byang sa'i btags pa'i tshig gi mtshan
ma'i gzhi sogs kyis de skur 'debs su dngos su ma gsungs pa'i
phyir na ma khyab ste/ de'i dngos bstan la gzhan dbang las ma
byung yang/ gzhan dbang don

dam par med na yongs grub kyang der med par 'gyur ba'i phyir te/
byang sa las/ gzugs la sogs pa'i chos rnams kyi dngos po tsam
la/ zhes sogs gsungs pa'i phyir/ lung de'i don ni/ dngos por
gyur pa'i chos

gzugs la sogs pa rnams gcig pu la don dam par med do zhes skur
ba 'debs pa la ni yongs grub dang kun btags gnyis kyang med par
'gyur te/ gzhan dbang la skur ba btab pa'i phyir/ khyab ste/
gzhan dbang la skur

ba btab pas ngo bo nyid gzhan gnyis la skur ba btab pa'i phyir
dang/ de gnyis la skur ba 'debs kyang mi rigs pa'i phyir/ zhes
pa ste/ gnyis ka la bshad pa la skyon med ces pa'i gnyis ka
gzhan dbang yongs grub dang/ byang sa'i

de gnyis ka yang mi rigs so zhes pa'i gnyis ka yongs grub kun
btags la byed dgos so/ ! /'dir/ chos gang rung la ngo bo dang
khyad par du kun btags pa'i kun btags de nyid sgra rtog gis
btags pa la ma ltos par yul gyi

@187b gnas tshod kyis grub pa ni brtag pa mtha' bzung gis skabs
'di'i sgro 'dogs kyi mthar grub tshad dang/ de ltar grub par
'dzin pa'i cha nas bzhag pa'i blo de/ 'di'i sgro 'dogs kyi mtshan
nyid/ kun btags bden par dang/

de don dam par dang/ de rang mtshan gyis dang/ de rang dbang gis
grub pa rnams dang/ yod mtha' dang/ rtag mtha' dang/ sgro 'dogs
kyi mtha' rnams rnam grangs dang/ der 'dzin gyi rtog pa rnams
don gcig gzhan dbang

yongs grub gnyis sgra rtog gis btags pa la ma ltos par yul rang
gi gnas tshod kyis ma grub pa ni brtag pa mtha' bzung gis 'di'i
skur 'debs kyi mthar grub tshad dang/ de ltar ma grub par 'dzin
pa'i cha nas bzhag pa'i blo

de; 'di'i skur 'debs kyi mtshan nyid/ gzhan dbang yongs grub bden
par dang/ de don dam par dang/ de rang mtshan gyis dang/ de rang
dbang gis ma grub pa rnams dang/ med mtha' dang/ chad mtha'
dang/ skur

'debs kyi mtha' rnams rnam grangs dang/ der 'dzin gyi rtog pa
rnams don gcig sgro skur gnyis las bzlog ste chos rnams sgra
rtog gi gzhir rang mtshan gyis ma grub par rtogs pa'i cha nas
bzhag pa de/ 'di'i dbu ma'i

lam gyi mtshan nyid/ yod med kyi dang/ rtag chad kyi dang/ sgro
skur gyi mtha' gnyis dang bral ba'i dbu ma'i lam gsum don gcig
sgro skur gyi mtha' gnyis dang bral ba'i chos de/ dbus kyi mtshan
nyid/ mtha' de gsum

@188a @#/ /dang bral ba'i dbus gsum don gcig sgro skur gyi mtha'
gnyis dang bral ba'i gnas lugs mthar thug gi cha nas bzhag pa
de/ dbu ma'i mtshan nyid/ mtha' de gsum dang bral ba'i dbu ma
gsum don

gcig go ! /spro na/ byangs las/ ji ltar yod ce na/ zhes pa'i don
la/ dka' 'grel las/ gnas lugs kyi don ji ltar yod ce na/ zhes pa
dang mthun par mchan las/ gnas lugs sam mtha' gnyis spangs

pa'i dbu ma'i lam de ji ltar yod/ ces dang/ bde legs nyi mas/
mtha' gnyis dang bral ba'i dbu ma'i lam dang chos thams cad sgro
skur gyi mtha' gnyis dang bral ba'i tshul gyis yod do/ /nas/
byang sa las kyang/ ji ltar yod

ce na; zhes sogs dang/ tshul khang gis/ kun btags gzhan dbang
yongs grub gsum kyis bsdus pa'i chos rnams sgro 'dogs kyi mtha'
dang skur 'debs kyi mtha' gnyis spangs pa/ nas/ zhes 'chad pa la
byang sa las/

ji ltar yod ce na/ zhes sogs dang/ zin bris sogs su chos thams
cad ji ltar yod ces bkral la/ mchan/ rin chen sgron me/ zab gsal
sgron me/ de'i dgag pa rnams su pra stis sgro skur byed tshul ji
ltar yod ce na zhes

bkral bar bshad kyang/ de'i drang nges las/ sgro 'dogs tshul
dngos de ji lta bu zhe na/ zhes dang/ skur ba 'debs tshul ji lta
bu yin zhe na/ zhes byung ba rim par gzhung du byang sa drangs
pa'i gzugs la sogs pa'i dang/

@188b btags pa'i tshig gi sogs kyi mtshams sbyor du bsnan pa yin
zhing/ byang sa'i ji ltar yod ce na sogs kyi don 'chad skabs/
chos rnams kyi yod tshul/ nas/ de'i phyir byang sa las/ ji ltar
yod ce na/ zhes sogs gsungs

pa la dpags na zin bris sogs kyi bshad tshul las zur ba zhig min
par mngon no/ /yig cha dang dbu ma'i mtha' dpyod du/ gzhi grub
na mtha' gnyis dang bral ba'i dbus yin dgos par gsungs pa ltar
na/ dpal li'i drang

nges dgag par/ mtha' gnyis spangs pa'i tshul gyis yod ces lan
gdab gzhir chos rnams 'jog mi rung bar bshad pa mi 'thad cing/
khong bas gnod byed bstan pa rnams kyang 'jug dka' 'o/ /gzhung
las/ sgro skur

spangs pa'i tshul gyis yod do/ /zhes pa'i sgro skur spangs ma
spangs ni de gang rung yin min la byed na sgro skur gang rung
min pa'i chos yin na sgro skur spangs pa'i tshul gyis yod pas
khyab pa dang/ chos de la brten pa'i sgro skur yod med

la byed na gzhi grub na sgro skur dang bcas pas khyab pa dang/
sgro skur byas pa ltar grub ma grub la byed na gzhi grub na sgro
skur spangs pa'i tshul gyis yod pas khyab pa dang/ chos de 'jog
pa na sgro skur gyi zhen yul dang bral ba'i cha nas

'jog dgos pa la byed na sgro skur dang bral ba'i tshul gyis yod
na dbu ma yin pas khyab pa khas len dgos pas gang ba de dpyad
par bya'o/ /sgro skur la de dang de'i mtha' ma yin pas khyab pa
dang/ gzhan dbang don dam par

@189a @#/ /sgras brjod mi nus kyang de don dam par yod par sgras
brjod nus pa dang/ don dam par brjod du med na don dam par med
pas ma khyab pa dang/ khyod don dam pa yang yin sgra'i yul yang
yin na khyod don

dam par sgra'i yul yin mi dgos pa dang/ tshad ma'i yul du don dam
par grub na rtog pa'i yul du don dam par grub pas ma khyab pa
sogs kyang shes dgos so/ /gzugs la sogs pa'i chos dang gzugs la
sogs pa'i

dngos po zhes pa gnyis la rgya mtsho'i sprin du/ gzhan dbang la
chos dang yongs grub la dngos por bshad pa dang/ yongs grub la
chos dang dngos po lnga'i nang nas rgyu mtshan la dngos por
bshad
pa dang/ rdzas yod du bstan pa'i

phyir chos dang ming dang rnam rtog la brten pa'i phyir dngos
por bshad pa gsum dang/ yon tan 'od mar grags pa'i byang sa'i
'grel bar/ chos rnams zhes pa lkog gyur dang/ dngos po zhes pa
mngon gyur la sbyar ba dang/ shing

bza' paNTi tas chos so sor yang dag par rig pa dang don so sor
yang dag par rig pa zhes pa ltar ming dang don la go na'ang chog
par gsungs pa dang/ mchan las/ snga mas chos rnams spyir bstan
pa dang/ phyi mas sgro

'dogs kyi gzhi'i gtso bo gzhan dbang dmigs kyis bsal bar gsungs
pa'i phyi ma'i khungs btsal dgos te/ dka' 'grel rjes 'brangs
dang bcas pa'i bshad tshul sngar bkod pa dang mi mthun pa'i phyir
ro/ /dgongs rgyan

@189b las; gzugs sogs kyi chos dang gzugs sogs kyi dngos po ni
ngo bo dang khyad par gyi kun 'dogs pa'i gzhi yin pa/ zhes pa
mchan du 'god skabs/ kha cig gzugs la sogs pa'i chos rnams dang
gzugs la

sogs pa'i dngos po zhes smos pa khyad par dang ngo bo'i dbang du
byas zer/ zhes go ldog tu sbyar ba rin chen sgron mer dpyad dgos
par bshad pa ltar ro/ /byang sa'i dngos zin la rang nyid la tshig
gis btags pa'i kun btags

'dogs pa'i gzhi dang/ don dam par sgra rtog gi spros pa'i yul ma
yin pa'am brjod du med pa dang/ don dam par grub pa ste gzhan
dbang khyad par gsum ldan du byas pa ha cang mi gsal yang yig
char sbyar ba ltar/ khyad par dang

po'i skabs dka' 'grel las/ kun btags pa'i tshig 'jug pa'i mtshan
ma'i gzhi/ zhes gsungs pa la brten nas sngar ltar bris pa yin
yang/ dgongs rgyan du btags pa'i tshig gi mtshan ma kun btags
dang/ de'i gzhi

gzhan dbang la byas pa gang dgongs par song dpyad do/ /khyad
par
gnyis pa'i brjod med kyi don la dka' 'grel las/ ming 'dogs byed
kyi brda rtog gis ming 'di zhes brda sbyar ba'i snga rol tu grub
cing/ ming de 'jug pa'i 'jug

gzhi'i dngos po zhig brjod med kyi dngos por 'jog par gsungs pa
dang/ yig char/ spyir chos de grub tsam nas tha snyad dang ldan
dgos par dgongs nas brda sbyor dgos kyi gang zag gi ngor brda ma
sbyar gong gi dngos po la

@190a @#/ /bzhed par gsungs nas/ rjod byed kyi sgras gnas lugs ji
lta ba bzhin rjod mi nus shing de'i rjes su 'brangs pa'i rtog
pas sgra don gyi spyi dang ma 'dres par yul du byed mi nus pa la
mdzad pa dang/ sgo mang

slob chung rin chen byang chub kyis mtshon bya la rang gi ngo bo
nges pa las logs su tha snyad 'tshol rgyu med pa la bsams nas/
bum brda ma sbyar ba des lto ldir ba mthong tshe rang gi ngo bo
tsam brjod du yod kyang bum pa'i tha snyad brjod

du med pas mtshon byas bsdus pa'i dngos po rnams brjod med kyi
dngos po min la/ mtshan nyid kyis bsdus pa rnams de yin zhes
bshad pa dang/ dgongs rgyan du sgra rtog gi dbang gis bzhag tu
med pa'i bdag nyid du grub

pa la byas pa dang/ pra sti'i drang nges rgyas par gzhan dbang
gi gtso bo kun rtog dang yongs grub gnyis rim par rang rig dang
mi rtog ye shes kyi ngor gnyis snang nub pas na spros pa'i rnam
par brjod du med pa la bshad pa dang/

mchan du pha rol nas tshur 'char rgyu yang med la/ tshur ngos kyi
sems kyang min zhing/ ye med kyang min pa rmi lam gyi glang po
dang 'dra bas brjod med du gsungs shing/ yig cha'i bzhed pa la
dogs dpyod du brtag pa

mdzad do/ /gung thang rin po che dang tshe btan lha rams pa gnyis
sngo 'dzin la sngon po snang nus mi nus kyi steng na ma gtogs
brjod med kyi don la mi mthun pa med pa dang/ shing bza' paNTi
tas sgra rtog gnyis kyis ji lta ba bzhin

@190b brjod pa dang rtogs par mi nus pas rang mtshan brjod med
zer bar gsungs pa yig cha'i bshad srol dang mthun nam snyam
zhing/ zab gsal sgron mer brjod pa sgra rtog gi gzhir rang mtshan
du med pa la byas nas byang sa rtsa

'grel gyi khungs mang du bsgrigs pa sogs bshad tshul mang ste
brjod med kyi don zhib par 'og tu 'chad la/ gzhung las/ brjod du
med pa'i tshul gyis don dam par yod/ ces pa'i tshul gyi sgra rgyu
mtshan la go dgos par dgongs

rgyan du bshad do/ /rigs rgyan du/ blo'i yul du bya rung de
mtshan nyid yin pa'i rtags kyis rtog pa la blo'i yul du byar rung
du snang ba don spyi dang/ shes bya de mtshon bya yin pa'i rtags
kyis rtog pa la shes byar snang ba sgra spyi yin par

bsgrubs pa la dpags na sgra spyi dang don spyi'i khyad mtshan
mtshon steng nas 'byed pa dang/ kun mkhyen 'jigs med dbang pos/
bum pa sgra spyi tsam gyis 'dzin pa'i rtog pa la bum pa zhes
brjod pa'i sgra ma yin pa las log par snang ba

bum pa'i sgra spyi byas na blo ngor bde/ zhes gsungs pa dang/
mchan du/ gnas kyi bkod pa lta bu zhig gzhan gyis brjod pa'i tshe
blor lam gyis 'char rgyu zhig yod pa de sgra spyi yin gyi/ zhes
gsungs pa gsum las/ sde bdun chung bar/ chos de'i

don spyi'i mtshan nyid/ rtog pa la chos de'i don du snang ba gang
zhig dngos po ma yin pa/ zhes dang/ sgra spyi'i mtshan nyid/ rtog
pa la ming du snang ba gang zhig dngos po ma yin pa/ zhes dang/
rnam nges dar TIka las/ bum pa 

@191a @#/ /zhes brjod pa na sgra rang mtshan pa de'i rjes su 'gags
kyang grag pa'i rnam pa can shar pa de nyid sgra spyi dang/ sgra
spyi gzung yul du byed pa'i rtog pa de nyid la lto ldir zhabs
zhum pa'i don spyi shar ba dang/ zhes gsungs

pa gnyis bshad tshul bar ba'i shes byed du che zhing/ rwa bsdus
grwa las/ bum pa mthong ma myong ba'i gnas skabs su bum pa zhes
pa'i sgra tsam la brten nas bum pa 'dzin pa'i rtog pa la bum par
snang ba de sgra spyi rgyang ba yin pa'i phyir/

zhes dang/ lto ldir ba'i ming mi shes kyang lto ldir ba mthong
ba la brten nas rtog pa la lto ldir ba snang ba de don spyi
rkyang ba yin pa'i phyir/ zhes gsungs pa mchan dang mthun par
mngon no/ /'di gnyis ni chos 'dul ba 'di las rab

tu nyams/ zhes pa'i gnyis po ni dgongs rgyan du/ skur ba 'debs
pa dang chud gzen pa gnyis la bshad kyang/ sgro skur du byed pa
po gnyis la bya dgos pa byang sa rang dang rgya mtsho'i sprin
gsal lo/ /mchan du sgro skur 'gal

bar gsungs kyang/ mun sel las/ spyir sgro skur mi 'gal ba dang/
skur 'debs yin na sgro 'dogs yin pas khyab/ sgro 'dogs la skur
'debs kyis ma khyab byas na bde/ zhes gsungs so/ /sde bdun rgyan
las/ log rtog

dang the tshom gnyis las/ dang po dang rtog pa log shes don gcig
nas/ 'di dang sgro 'dogs kyang don gcig ces pa la brten nas
sbyin pa dar rgyas sogs kyis skur 'debs yin na sgro 'dogs yin
pas khyab par bshad pa

@191b la; zab gsal sgron mer/ de ltar smras na skur 'debs kyi
mthar 'dzin yin na sgro 'dogs kyi de yin pas khyab pa dang/ chad
pa'i mthar 'dzin yin na rtag pa'i de yin pas khyab par 'gyur
zhing/ de 'dod na/ med mtha' la

yod mtha' dang/ chad mtha' la rtag mthas khyab ces khas blang
dgos par 'gyur zhes bkag nas/ sde bdun rgyan gyi don log shes
yin na rang dang 'dzin stangs 'gal ba'i shes pas bsal bya'i sgro
'dogs yin pas khyab pa yin gyi

spyir sgro 'dogs yin pas ma khyab ces pa'am/ sgro 'dogs kyi shes
pa yin na sgro 'dogs kyi mthar 'dzin yin pas ma khyab ces pa
gang bde bya ba las/ log shes yin na sgro 'dogs kyi mthar 'dzin
yin pas khyab ces mi bya bar bshad

la/ mchan du/ gzhan dbang rang mtshan gyis ma grub par 'dzin pa'i
blo sgro 'dogs yin par thal/ gzhan dbang rang mtshan gyis grub
par rtogs pa'i yid dpyod kyis gcod rgyu'i mtha' gcig 'dzin gyi
sgro 'dogs yod pa'i phyir na

ma khyab par gsungs so/ /kha cig na re/ sgro skur la blo dang
tshig gnyis ka yod de/ grub mtha' chen mo las/ rang dbang gis
grub par rjod pa dang gzung ba ni sgro 'dogs dang/ zhes dang/
rang ngos nas ma grub par sgra rtog gis rjod

pa dang bzung ba rnams skur 'debs dang/ zhes gsungs pa'i phyir
na ma khyab ste/ kun btags bden grub tu rjod pa'i sgra ni sgro
'dogs kyi tshig dang/ de ltar bzung ba'i rtog pa ni sgro 'dogs
dngos la byed pa bzhin skur 'debs la'ang

@192a @#/ /gsungs pa las/ sgro skur la tshig cig 'jog pa gzhung
khungs ma gzhan nas mi 'byung ba'i phyir/ gnyis pa de gnyis 'gog
pa'i tshul la gnyis/ mtha' gnyis 'gog pa'i tshul dngos dang/ sgro
skur dang bral

ba'i dbu ma'i lam ngos gzung ba'o/ /dang po la gnyis/ sgro 'dogs
'gog tshul dang/ skur 'debs 'gog tshul lo/ /dang po ni/ gal te
sgro skur/ zhes sogs byung/ de yang byang sa las/ gal te chos
gang dag dang

dngos po gang la ji ltar brjod pa 'jug pa bzhin du/ nas/ tha na
mya ngan las 'das pa'i bar du ji skad bstan pa'i chos rnams la
yang de bzhin du rig par bya'o/ /zhes yod mthar lta ba la skyon
gsum bstan nas sgro 'dogs kyi mtha'

'gog ste zhib par sgro 'dogs kyi mtha' bye brag tu 'gog pa'i
skabs su 'chad par 'gyur ro/ ! /spro na/ kha cig na re/ mtha'
gnyis spong tshul spyir bstan skabs dang/ sgro 'dogs kyi mtha'
bye brag tu 'gog skabs kyi sgro

'dogs kyi mtha' gnyis 'dra'am mi 'dra/ 'dra na snga ma la chos
bdag dgos par thal/ phyi ma la de dgos pa'i phyir/ 'dod na/ kun
btags rang mtshan gyis grub pa chos bdag yin par thal/ snga ma'i
skabs kun

btags rang mtshan gyis grub par 'dzin pa sgro 'dogs su dngos su
bstan pa'i phyir/ mi 'dra na/ gzhung las/ de la sgro 'dogs kyi
mtha' ni/ nas/ zhib tu 'chad par 'gyur ro/ /zhes gsungs pa mi
'thad par thal/

@192b 'dod pa'i phyir zer na/ mchan du/ snga ma la kun btags
rang mtshan gyis grub pa 'ong zhing/ de phyi ma la yang yong chog
kyang chos bdag dngos yin mi dgos te/ ngo bo dang khyad par du
kun btags pa'i kun btags don dam

par grub na gzhan dbang gi sdod lugs su mi bslu bar grub dgos
pas chos bdag tu kun btags pa don la gnas dgos kyang kun btags
don dam par ma grub pa chos kyi bdag med phra mo yin mi dgos
pa'i phyir/ des na 'dir

thun mong du bkag pa kun btags rang mtshan gyis grub pa dang
chos
bdag yod na yod mnyam dang med na med mnyam yin dgos pa'i rigs
pa'i 'phul yin pas rigs pa'i 'phul dang dngos kyi khas blangs
gnyis phyed pa

gal che bar gsungs kyang/ de sgra ji bzhin du khas blang mi rung
tshul dogs dpyod du gsal rgyas su yod pa ltar ro/ /rang lugs
phyogs snga ma ltar yin te/ gzhung las/ gzhan dbang la ngo bo
dang khyad par du btags

pa rang gi mtshan nyid kyis grub par 'dzin pa chos kyi bdag 'dzin
tu bstan la/ byang sa dang bsdu ba dang theg bsdus las kyang des
ji ltar bzung bas stong ba'i stong nyid dbu ma'i don mthar thug
pa dang chos kyi bdag med kyi

yongs grub tu 'bad pa du mas bsgrubs/ zhes gsungs pa'i phyir/
khyab ste/ de'i bdag 'dzin ni mtha' gnyis 'gog tshul spyir bstan
skabs kyi sgro 'dogs de nyid yin pas skabs snga phyi'i sgro
'dogs nges par don

@193a @#/ /gcig pa'i gnad kyis/ yig cha bsdus pa las/ kha cig gis
kun btags rang gi mtshan nyid kyis grub pa skabs 'dir dngos su
bstan pa'i sgro 'dogs kyi mtha' yin par thal/ kun btags rang gi
mtshan nyid

kyis grub par 'dzin pa'i blo de skabs 'dir dngos su bstan pa'i
sgro 'dogs yin pa'i phyir/ der thal/ dka' 'grel las/ skabs 'di'i
sgro 'dogs kyi mthar 'dzin ngos gzung du yod de/ kun btags rang
gi mtshan nyid kyis grub par

'dzin pa de sgro 'dogs kyi mthar 'dzin pa yin pa'i phyir/ zhes
gsungs pa'i phyir na ma khyab ste/ de'i don ni gzugs sogs 'dus
byas kyi chos rnams ngo bo dang khyad par du kun btags pa'i tshig
gi 'jug gzhir gzugs sogs ngo bo nyid kyis

rang gi mtshan nyid kyis yod pa ma yin pa la yod par sgro btags
nas de ltar zhen pa'i blo zhig la 'dod pa'i phyir zhes bshad/
ces gsungs pa ni gzhung las/ kun btags rang gi mtshan nyid kyis
grub par 'dzin pa chos kyi bdag 'dzin tu

'dod pa'i kun btags ni phung po la sogs pa la 'di gzugs so zhes
ngo bo dang 'di gzugs kyi skye ba'o zhes sogs khyad par du ming
dang brdar btags pa'i ngo bo'o/ /de tsam zhig tu ni phung po la
sogs pa yod pas der yod par

'dzin pa sgro 'dogs min gyi phung sogs ngo bo der rang gi mtshan
nyid kyis yod par 'dzin pa sgro 'dogs so/ /zhes gsungs pa'i
sgras zin ma bcos par gsal bar mdzad pa'i legs bshad du snang
ba'i phyir ro/ /de bas na

@193b kun btags yin tshad dang/ kun btags spyi ldog rang mtshan
gyis grub pa chos bdag min yang/ ngo bo dang khyad par la kun
btags pa'i kun btags rang mtshan gyis grub pa chos bdag tu 'gyur
tshul shes dgos te da dung

'chad par 'gyur ro/ /gnyis pa la gsum/ skur 'debs kyi mtha' ji
ltar 'gog pa dang/ bkag pa de la phyogs sngas lan mi thebs pa'i
tshul dang/ phyogs snga smra ba chad lta ba'i gtso bor bstan
pa'o/ /dang po ni/ skur

'debs ni/ zhes sogs byung/ de la/ bkag go /yan gyis byang sa'i
lung bkod/ smra ba rnams so/ /yan gyis phyogs snga ngos bzung/
smra'o/ /yan gyis de'i 'dod pa brjod/ de man gyis de 'gog par
mdzad do/ /de la

byang sa'i 'di'i phyogs snga la gzhan sde med de/ gzugs nas rnam
mkhyen gyi bar gyi chos rnams don dam par med la tha snyad du
yod ces pa de skabs 'di'i phyogs sngas smra tshul yin pa gang
zhig gzhan sde la de ltar 'dod pa med pa'i

phyir; dang po grub ste/ byang sa las/ gang zag kha cig shes par
dka' ba'i mdo sde theg pa chen po dang ldan pa zab mo stong ba
nyid dang ldan pa dgongs pa'i don bstan pa dag thos nas/ nas/
'di thams cad ni btags pa tsam du zad de/

'di ni de kho na yin no/ /su 'di ltar lta ba de ni yang dag par
lta ba yin/ /zhes de ltar lta zhing de skad smra'o/ /zhes gsungs
pa'i phyir/ gnyis pa grub ste/ de la mkhyen gsum sogs 'dod pa
med pa'i phyir/ zhes pa yig cha rnying pa'i

@194a @#/ /bshad tshul te gsar ba yang de dang dgongs pa gcig par
mngon/ yang na/ de la gzhan sde med de/ rtag smra la dogs pa
med/ rgyang pan pas kyang gzugs rang gi gnas tshod kyi dbang gis
grub par 'dod

pa'i phyir byas na/ gzhung las/ ming dang brdas tha snyad 'dogs
pa'i gzhi'i gzugs sogs kyi dngos por rang gi mtshan nyid kyis med
ces khas len pa yang med do/ /zhes pa'i dgongs par 'gro min
dpyad do/ /de 'dra'i

phyogs snga la nyan thos sde ba med par thal/ de la gdags gzhi'i
dngos po rang mtshan nam gnas tshod kyis med par khas len pa zhig
dgos pa gang/ nyan thos sde ba la de ltar khas len pa med pa'i
phyir/ dang po byang sas phyogs

snga 'god tshul gyis shes la/ gnyis pa nyan thos sde ba'i khas
len gyis grub po/ /de nas phyogs snga smra ba la/ bsdu ba las/
theg pa chen po la la/ zhes pa ltar theg chen grub mtha' smra ba
dang/ de las kyang chos kun rang mtshan

gyis med par smra ba'i ngo bo nyid med par smra ba rnams yin no/
/ngo bo nyid med par smra ba de dag gis chos rnams rang mtshan
gyis ma grub ces pa ni spyir mi srid pa dang tha snyad du med
ces pa gtan mi pas de dag don dam par ma grub par bzhed 

pa'o/ /de lta bu'i phyogs snga sa phung po lnga po tha snyad du
yod kyi rang mtshan gyis ma grub cas smra ba 'gog pa la/ gzhung
du drangs pa'i byang sa'i/ 'di lta ste/ nas/ gdags su med do/
/zhes pa'i bar gyi lung don ni/ 'jig rten dang bstan

@194b bcos kyi grags pa dang 'gal ba'i skyon 'di lta ste/ mtshan
gzhi dper bgyis na/ gdags gzhi phung po lnga bden par yod na de
la gang zag ces gdags su rung mod/ phung po rnams rang bzhin
gyis med du zin na ste gyur na ni gang zag

gi gdags gzhi med par 'gyur la/ de ltar gyur pa la gang zag
gdags su rung ba med do zhes pa ste/ 'di ni/ de bzhin phung po
nyer brten nas/ /sems can zhes bya'i tha snyad brjod/ /ces rjes
su 'brangs par rgya mtsho'i sprin gyis bshad

do; /de bzhin du/ zhes sogs kyi don ni/ 'dus byas rnams kyi
dngos po tsam rang mtshan gyis yod na gzugs sogs la 'dus byas su
'dogs pa'i tshig ste ming gdags su rung mod/ dngos po tsam zhig
kyang rang mtshan gyis med par

gyur na 'dus byas kyi gdags gzhi gzugs sogs gtan med du 'gyur
la/ de ltar gyur pa la 'dus byas zhes btags pa'i ngo bo de yang
med do/ /gdags gzhi'i dngos po de rang mtshan gyis med par gyur
na gtan med du 'gyur bas ngo bo

dang khyad par du 'dogs pa yang gtan med par 'gyur ba'i phyir/
zhes pa'o/ /gzhung las/ des na dngos po tsam med na zhes 'gog pa
ni/ sogs kyi don yang/ byang sar dngos po tsam med na zhes pa'i
tshig ji bzhin med kyang med du zin

na zhes pa'i nus pa bton te/ de ltar don dam par yod pa'i dngos
po mi srid na zhes 'gog pa'i don du mun sel las gsungs pa ltar
ro/ /gzhan dbang sems sems byung rnams chos can/ don dam pa'i
skye ba yin par thal/ rang

@195a @#/ /mtshan gyis skye ba yin pa'i phyir te/ rang gi rgyu
rkyen la brten nas skye ba yin pa'i phyir/ ma khyab na/ de rang
rgyu las skye ba de 'khrul ba'i blos rlom pa tsam du zad par
thal/ ma khyab pa de'i phyir/ 'dod na/ de chos can/

rang gi rgyu rkyen las skye ba med par thal/ 'dod pa'i phyir/
zhes ston pa la/ gzhan dbang sems sems byung rnams/ zhes sogs
gsungs so/ /rigs pa gsum po 'di'i dang po gnyis byang sas med
lta ba la bstan pa'i rigs pa

lnga'i gnyis pa 'jig rten dang bstan bcos kyi grags pa dang 'gal
ba'i skyon bstan pa'i rigs pa dang/ phyi ma rje rang gis bkod
pa'i rigs pa'o/ /gnyis pa ni/ des na gzhan dbang gi zhes sogs
byung/ ngo bo nyid med par smra

bas; gzhan dbang gi skye 'gag ni blo 'khrul bas skye 'gag tu
zhen pa tsam gyi ngor yin pas gzhan dbang rang mtshan gyis ma
grub kyang de kun rdzob tu skye 'gag tha snyad tsam du yod la/
des de yod go yang chod cing/ de bas na skur 'debs

kyi mthar ltung ba'i skyon med par gsungs so/ /'di bas de tsam
gyis skyon spong mi nus te/ des skur 'debs spong mi nus pa'i
phyir te/ rgyu 'bras kyi rnam gzhag kyang rgyu 'bras bden 'dzin
gyi 'khrul ngor rgyu 'bras su bzhag pa tsam las

gzhan dbang kho rang rgyu 'bras su ma grub par 'dod na dge sdig
las bde sdug 'byung ba'i rnam gzhag byas me dpar 'gyur ba'i
phyir/ thag pa sdul yin pa thag pa la sbrul du zhen pa' 'khrul
ngor grub kyang thag pa sbrul du grub ma myong ba

@195b bzhin zhes 'chad do/ /gzhan dbang kho rang zhes pa'i tshig
nus 'don tshul ni mtshan du/ gzhan dbang rang ngos nas sam rang
bzhin gyis med ces pa rnam rig pas gzhan dbang kho rang med zer
ba zhig tu go ba'i don du bshad do/ /gsum pa

ni; de 'dra min pa'i/ zhes sogs byung/ 'khrul ngor bzhag tsam
gyi rgyu 'bras de 'dra min pa'i rgyu 'bras shig 'dod na/ rang
mtshan gyis grub pa'i rgyu 'bras su 'gyur bas gzhan dbang don dam
par yod pa'i don grub pa yin zhes 'di bas

bsams nas/ thal 'byung ba chos can/ khyod chad lta ba'i gtso bo
yin par thal/ khyod kyis chos rnams rang ngos nas ma grub par
blos btags pa tsam dang/ de ltar min par yul rang ngos nas grub
pas stong pa de nyid gnas lugs

mthar thug tu byed la/ de ltar bltas na chos rnams med par lta
ba yin pa'i phyir te/ gang gas gzhi med na 'dogs pa po dang
'dogs byed dang btags pa sogs med par 'gyur ba'i phyir/ zhes
bshad par ston pa la/

byang sa las/ de bas na gang zag /sogs byung ste/ de'i don ni/
sngar ltar gyi ngo bo nyid med par smra ba'i 'dod pa mi 'thad pa
de bas na/ thal 'gyur pa lta bus/ sgras zin bzhin khas blang mi
drung bas na shes par dka' ba'i mdo sde/

byang sems kyi sde snod kyis bsdus pas theg pa chen po brjod
byar ldan pa/ chos bdag med pa ston pas zab mo stong pa nyid
brjod byar ldan pa/ sgras zin las dgongs pa gzhan du drang dgos
pas dgongs pa'i don bstan pa ste khyad 

@196a @#/ /par bzhi ldan drang don gyi sher mdo thos nas mdo de'i
don rnal ma de ji bzhin ma shes pa'i dbang gis skras zin bzhin
bzung nas phyin ci log tu bsams te rigs pa ltar snang gis bskyed
pa'i rnam rtog tsam gyis chos

rnams blos btags pa kho nar zad de/ de ltar rang ngos nas med pa
'di ni de kho na ste gnas lugs mthar thug yin no zhes rang gis
'dzin cing/ gzhan gyis 'di ltar lta na'ang de ni yang dag par
lta ba yin no zhes lta zhing smra bar

byed do/ /de dag gi ltar na gdags gzhi dngos po tsam yang gtan
med du song bas 'dogs byed kyi gang zag kyang med/ de med pas
rtog pa yang med/ de med pas des kun nas bslangs pa'i sgra yang
med/ de dag yul dus

thams cad kyi thams cad du med pas btags pa yang med par 'gyur
na/ btags pa tsam gyis de kho na nyid lta yod par ga la 'gyur te
btags tsam zhig gis de kho na nyid ni yod par mi 'gyur ro/ /de
bas na rnam grangs des na/ zhes

pa la byang sa'i 'grel ba gnyis na bshad pa mi snang ngo/ /ngo
bo nyid med par smra ba de dag gis yongs grub dang/ chos thams
cad btags pa yin par 'dod pa'i btags pa de gnyis ka la skur bar
'gyur bas na de dag chad lta ba'i gtso

bo yin no/ /zhes pa ste/ dngos po tsam zhes pa'i tsam sgras
btags chos dang/ gdags pa tsam zhes pa'i tsam sgras don gyi ngos
nas grub pa gcod cing/ de ni byang sas bstan pa'i skyon gsum pa
mdo don log par bkral ba'i skyon

@196b no/ /chos rnams bden med du bltas na chad lta bar 'gyur ba
de la dgongs nas dkon brtsegs las/ gang zag tu lta ba ni/ sogs
kyis gang zag rang rgya ba'i rdzas yod kyi bdag tu lta ba rung
gi /stong nyid la phyin ci log tu lta ba

mi rung bar gsungs te/ de'i rgyu mtshan yang snga mas ni byang sa
las/ gang zag tu lta ba can gyi skye bo ni/ nas/ shes bya thams
cad la skur ba 'debs pa ma yin no/ zhes ba ltar shes bya la
rmongs pa tsam las de la skur ba mi 'debs pa

dang/ gzhi des sems can dmyal ba rnams su skye bar mi 'gyur la/
zhes ba ltar dmyal bar mi 'phen pa dang/ gzhan chos 'dod pa
dang/ sdug bsngal las rnam par thar bar 'dod pa dag kyang
'phung
bar mi byed cing slu bar mi byed la/ chos

dang bden pa la yang 'god par byed do/ /zhes pa ltar chos 'dod
pa 'phung bar mi byed pa dang/ bslab pa'i gzhi dag la yang
g.yel bar mi 'gyur ro/ /zhes pa ltar tshul khrims kyi bslab pa
las mi g.yel la/ phyi mas ni/ stong pa nyid la

log par zin pa ni shes bya'i dngos po la yang rmongs la/ shes
bya thams cad la skur pa 'debs te/ zhes pa ltar shes bya la
rmongs par ma zad de la skur ba 'debs pa dang/ gzhi des sems can
dmyal ba rnams su skye bar 'gyur la//

zhes pa ltar dmyal bar 'phen pa dang/ gzhan chos 'dod pa dang/
sdug bsngal las rnam par thar par 'dod pa rnams kyang 'phung
bar
byed ngo/ /zhes ba ltar chos 'dod pa 'phung bar byed pa dang/
bslab pa'i gzhi de dag la'ang

@197a @#/ /g.yel bar 'gyur te/ zhes pa ltar tshul khrims kyi
bslab pa las g.yel bar 'gyur zhing/ mdor na/ de ltar yang dag
pa ji lta ba bzhin gyi dngos po la skur ba 'debs pa ni chos 'dul
ba 'di las rab tu

nyams pa yin no/ /zhes stong nyid la phyin ci log tu lta bas de
las nyams par 'gyur bar gsungs te/ de ni byang sas bstan pa'i
skyon bzhi pa lung dang 'gal ba'i skyon no/ /byang sa las/ 'di
gnyis ni chos 'dul ba 'di las rab tu

nyams pa yin par rig par bya'o/ /zhes pa'i skabs nas bstan pa'i
skyon dang po 'dul ba las nyams pa'i skyon ni gzhung gi sgro
skur du lta ba'i tshul bshad pa'i zhar byung du song ngo/ /tha ma
stong nyid la log par zhugs pa'i skyon ni/ ji ltar

na stong pa nyid la log par 'dzin pa yin zhe na/ nas/ de bas na
de lta bu'i stong pa nyid la log par zin pa yin no/ /zhes pas/
gang gis stong pa dang gang stong pa'i chos rnams don dam par
med mnyam du lta ba po chos can/ khyod stong pa

nyid la log par zhugs pa yin te/ khyod kyis chos rnams don dam
par med par bzung ba gang/ de ltar grub na gang du ci zhig gang
gis stong pa thams cad med par 'gyur ba'i phyir/ zhes bstan te/
'di la ngo bo nyid med par smra

bas lan 'debs tshul mchan las shes par bya'o/ /gnyis pa sgro skur
dang bral ba'i dbu ma'i lam ngos gzung ba ni/ de ltar byas na/
zhes sogs gyur/ byangs las/ ji ltar na stong pa nyid la legs par
zin pa yin zhe na/ gang gi

@197b phyir gang la gang med pa de ni des stong par yang dag par
mthong la/ 'di la lhag ma gang yin pa de ni 'di ni yang dag par
yod do zhes yang dag pa ji lta ba bzhin du rab tu shes pa de ni
stong pa nyid la yang dag pa ji lta ba bzhin du phyin ci ma log
par zhugs pa zhes

bya/ zhes pa'i gang la gang med pa de ni des stong zhes pa'i don
rgyas par 'chad pa na/ gzugs zhes bya ba la sogs pa ji skad
bstan pa'i dngos po rnams la gzugs zhes bya ba la sogs par 'dogs
pa'i tshig gi bdag nyid kyi chos med de/ de lta bas na

gzugs zhes bya ba la sogs pa'i dngos po de gzugs zhes bya ba la
sogs pa'i 'dogs pa'i tshig gi bdag nyid des stong ngo/ /zhes
gzugs sogs gzhan dbang gang la der 'dogs pa'i tshig gis gzugs
sogs kyi ngo bo dang khyad par du kun

btags pa'i ngo bo gang don dam par med pa de ni gzhan dbang tshig
gis btags pa des stong par gsungs so/ /'di la lhag ma gang yin
pa de ni 'di ni yang dag par yod ces pa'i don rgyas par 'chad pa
na/ gzugs zhes bya ba la sogs pa'i

dngos po de'i lhag ma gang zhe na/ 'di lta ste/ gzugs zhes bya
ba la sogs par 'dogs pa'i tshig tsam po 'di yin te/ de gnyi ga
yang 'di lta ste/ dngos po tsam yod pa dang/ dngos po tsam du
'dogs par yang dag pa ji lta ba bzhin

du rab tu shes te/ zhes gdags gzhi gzhan dbang dang 'dogs pa po
sgra rtog tsam yod par gsungs te/ de dag gi yod med kyi don ni
gzhan dbang yongs grub bden par yod pa dang kun btags bden par
med pa'o/ /yang dag pa

@198a @#/ /ji lta ba bzhin du rab tu shes zhes pa'i don rgyas par
'chad pa na/ dngos po tsam yod pa dang/ dngos po tsam du 'dogs
par yang dag pa ji lta ba bzhin du rab tu shes te/ yod pa ma yin
pa la yang sgro mi 'dogs la/

yang dag pa la yang skur pa mi 'debs so/ /nas/ yang dag pa ji
lta ba bzhin du rab tu shes pa de ni stong pa nyid legs par zin
pa zhes bya ste/ yang dag pa'i shes rab kyis shin tu rtogs pa
zhes bya'o/ /zhes gdags gzhi gzhan

dbang dang 'dogs byed kyi sgra rtog don dam par yod par shes te
kun btags la sgro mi 'dogs shing mtshan nyid gzhan gnyis la skur
ba mi 'debs par don dam par grub par shes pa zhes gsungs so/
/stong pa nyid la yang dag pa

ji lta ba bzhin du phyin ci ma log par zhugs zhes pa'i don rgyas
par 'chad pa na/ dngos po snga ma gang yin pa dang/ nas/ bla na
med pa zhes bya ste/ zhes gsungs shing/ 'di'i dngos po dang
dngos med ni de nyid las/ de la dngos po ni

'dogs pa'i tshig gi ngo bo nyid du rnam par bzhag pa gang yin pa
ste/ nas/ de lta bu dang mthun pa 'dogs pa'i tshig gi grags pa'i
ngo bo nyid kyi chos rnams ni 'jig rten gyi dngos po zhes bya'o/
/zhes dngos po ni skabs 'di'i

sgro 'dogs kyi mtha' dang/ de la dngos po med pa ni gzugs zhes
bya bar 'dogs pa'i tshig nas tha na mya ngan las 'das pa zhes bya
ba'i bar du 'dogs pa'i tshig de nyid dngos po med pa nyid dang/
nas/ de ni dngos po med pa

@198b zhes bya'o/ /zhes dngos med ni skabs 'di'i skur 'debs kyi
mtha' ste/ snga ma dngos po ste yod mtha' dang/ phyi ma dngos
med de med mtha' spangs pas/ mtha' de gnyis dang bral bar rab tu
phye ba'i stong nyid ni/ don dam

pa'i mthar thug pa gzugs med pa bstan du med pa sogs kyi khyad
par dang ldan pa'i bla na med pa'o/ /mdor na stong gzhi gzhan
dbang ngo bo dang khyad par du kun btags pa'i kun btags kyis
stong pa yongs grub yin zhing/ de

ltar stong pa'i shul du gang yang med na chad mthar lhung nas
dbu mar gnas mi nus pas gdags gzhi gzhan dbang dang 'dogs pa bo
sgra rtog tsam zhig don dam par yod pa dang/ kun btags don dam
par med par mthong ba ni stong

pa nyid la phyin ci ma log par zhugs par gsungs so/ ! /spro na/
gzhung las/ gzugs sogs kyi dngos po rang gi mtshan nyid kyis med
ces khas len pa yang med do/ /zhes dang/ de yang chos rnams rang
gi mtshan nyid kyis

ma grub ces smra ba'i ngo bo nyid med par smra ba rnams so/
/zhes pa la dpags na 'di'i skur 'debs kyi phyogs sngar thal
'gyur ba las mi 'ong 'dra yang/ yig cha rnying pa las/ thal rang
gnyis po de skabs 'di'i skur 'debs kyi

mtha' 'gog pa'i phyogs snga smra ba po yin pa'i phyir/ zhes pa
ltar gsar bas kyang bzhed la/ sbyin pa dar rgyas kyis/ rang
rgyud pa chos can/ byang sa'i dngos bstan gyi skur 'debs 'gog
yul gyi gang zag yin par thal/

@199a @#/ /gzhan dbang don dam par ma grub par khas len pa'i gang
zag yin pa'i phyir/ khyab ste/ gzhan dbang don dam par ma grub
par 'dzin pa'i blo de byang sa'i dngos bstan gyi skur 'debs yin
pa'i phyir/ zer ba rno

pas dpyad par bya ste/ gzhung du rang gi mtshan nyid kyis ma grub
ces pa don dam par ma grub pa la dgongs byas nas dkyogs bshad
du
'gyur ba'i phyir ro/ /zab gsal sgron mer/ rang rgyud pa'i grub
mtha'i srol byangs sogs kyi rjes

su phye bas byang sa dang bsdu bar skur 'debs dngos su 'gog yul
la rang rgyud pa ma byung zhing/ de'i dus thal 'gyur ba'i srol
phye ma zin kyang thal 'gyur ba du ma byon zin pa de dag dngos
su bkag pa yin zer ba la dgos pa yod med

dpyad dgos te/ dbu ma ba gnyis ka'i shing rta'i srol byang sa
sogs kyi sngar ma phye ba 'dra bar khas blangs la/ rang rgyud
pa'i srol 'dzin tsam re de'i sngar ma byon par smra mi nus pa'i
phyir ro/ /des na spyir 'di'i skur 'debs smra ba po la

thal rang gnyis ka yong yang/ byang sas thal 'gyur ba kho na
phyogs sngar blangs pa ni de skur 'debs smra ba'i gtso bo yin pa
dang/ de bkag pas rang rgyud pa ngang gis khegs pas yin no/ /rin
chen sgron mer/ byang sa'i 'di lta ste/

nas/ med par 'gyur ro'i bar gyi phyogs sngar thal rang gnyis
dang/ de bas na/ nas/ rig par bya'o'i bar gyi phyogs snga thal
'gyur ba kho nar byas te/ phyi ma'i rgyu mtshan du/ gzhung gi des
na/ nas/ mi 'gyur ro/ /zhes

@199b thal 'gyur bas lan byas pa bkod pa ni ma nges te/ rgyu
mtshan de la rten na lung snga phyi gnyis ka'i phyogs snga thal
'gyur ba kho nar 'gyur ba khyad med pa'i phyir ro/ /thal 'gyur
ba sgro skur gyi mtha' gnyis ka la gnas kyang mtha' gnyis dang
bral

ba yin pa dang/ de mtha' gnyis bral ba'i dbus yin yang de la mi
gnas pa mi 'gal byas pa la/ kho na re/ skur 'debs kyi mtha' chos
can/ khyod la gnas pa'i gang zag med par thal/ khyod med pa'i
phyir na ma khyab/ khyab par

thal/ g.yang med na g.yang sar lhung ba'i gang zag med dgos
pa'i phyir na yang ma khyab ste/ blo mthar lhung ma lhung mtha'
der bzung ma bzung la byed pa'i phyir ro/ /kha cig lhag ma yod
ces pa'i yod rgyu la yongs grub kyang 'jog ste/

dbus mtha' las/ yang dag ma yin kun rtog yod/ /ces pa'i yod rgyu
la de yod par gsungs pa gang zhig 'di dang de'i yod rgyu gnyis
'dra ba'i phyir/ dang po grub ste/ gzhung las/ de'i shul du ltag
ma lus pa'i yod pa de gang yin snyam

na/ nas/ gzhan dbang dang yongs grub gnyis yin no zhes bstan la/
zhes gsungs pa'i phyir/ gnyis pa grub ste/ gzhung las/ gang na
gang med pa de ni des stong pa dang/ nas/ 'dis kyang de ston/
ces gsungs pa'i phyir zer/ de

la gang la gang med pa sogs sa sde'i skabs du mar byung ba las/
byang sa'i thad 'di'i dngos bstan la gzhan dbang las ma byung
la/ spyir sa sde'i lung des yongs grub kyang bstan par bya dgos
so/ /kha cig byang sa'i dbu ma'i lam mtha'

@200a @#/ /gnyis spangs pa zhes pa'i dbu ma'i lam de stong nyid
rtogs pa'i lam dngos gnas pa yin te/ dka' 'grel las/ gzhan dbang
kun btags kyis stong par rtogs pa'i lam dbu ma'i la ma gong na
med pa yin/ zhes gsungs pa

ltar mang po las gsungs pa'i phyir zer/ 'ga' zhig /de la gzhan
dbang yongs grub bden grub dang kun btags bden med 'jog ste/
grub mtha' chen mo las/ sgra rtog gi zhen gzhir don dam pa sogs
su med pa dang/ gzhan dbang

dang yongs grub don dam par dang bden pa sogs su yod pa ni dbu
ma'i lam yin te/ zhes gsungs nas shes byed du byang sa drangs
pa'i phyir zer/ gzhan dag de ni stong nyid la bya ste/ 'di'i
snga 'grel du gzhung las/ 'di 'dra

ba'i stong nyid ni don dam pa'i mthar thug tu bshad/ ces gsungs
pa'i phyir zer/ la las/ de dag gang byas kyang 'dra ste/ rtsod
zlog tu stong nyid dang dbu ma'i lam don gcig par gsungs pa rtsa
she'i TIka chen dang gzhung du sgra ji bzhin par

bkral ba skabs 'dir yang 'dra ba'i phyir zer na/ de'i don rten
'brel chen mor bden grub kyis stong pa kho na'i chos dang/ dbu
ma'i lam ste mtha' gnyis dang bral ba'i bden stong don 'dra ba
dang/ dgongs thab snang ba'i sgron mer

mtha' gnyis sel bar don 'dra ba la gsungs so/ /de ltar na 'di'i
dbu ma'i lam ni stong nyid la bya dgos te/ byang sa las/ gnyis
su med pa gang yin pa de ni dbu ma'i lam/ zhes pa 'di/ der de
kho na nyid mtshan nyid kyi ldog

@200b cha nas ngos bzung ba'i skabs su byung ba dang/ 'dir
drangs pa'i lung gi 'phros su/ de kho na de la sangs rgyas bcom
ldan 'das rnams kyi ye shes ni shin tu rnam par dag par rig par
bya'o/ /de la byang chub sems dpa' rnams

kyi shes pa ni slob pa'i lam gyis rab tu phye ba yin par rig par
byas te/ zhes de kho na nyid rtogs pa'i ye shes gnyis kyi yul du
gsungs pa dang/ gang la gang med pa de ni des stong par yang dag
par mthong la/ sogs kyang gnyis

su med pa gang yin pa de ni dbu ma'i lam zhes pa'i dbu ma'i lam
ston byed yin pa ni/ gzhung gis de gnyis phyogs gcig tu sbyar te
gsungs pas shes shing/ gang la gang med pa sogs kyis stong nyid
bstan pa ni/ gzhung las/

de la gang na gang med pa de ni des stong pa/ nas/ stong nyid
yang dag pa bstan to/ /zhes dang/ tshigs bcad dang pos stong nyid
kyi mtshan nyid dang/ gnyis pas de nyid dbu ma'i lam du bstan to/
/zhes dbus mtha'i/ de ni dbu ma'i

lam yin no/ /zhes pas kyang stong nyid bstan par gsungs pa dang/
'di 'dra'i stong nyid ni don dam pa'i mthar thug tu bshad/ ces
dang/ stong tshul 'di byangs las shes sgrib dag par byed pa'i ye
shes kyi dmigs pa dang dbu

ma'i lam mtha' gnyis spangs pa gong na med par bshad/ ces gsungs
pa'i phyir/ de kho na nyid la dbu ma'i lam zhes rjod pa'i rgyu
mtshan yang/ rje skal ldan rgya mtshos/ rten 'brel gyi de kho na
nyid chos can/ dbu ma ba rnams kyis 

@201a @#/ /bgrod pa'i lam mam shul yin te/ skyon mtha' dag zad
cing yon tan mtha' dag skyed pa'i dmigs pa'i gtso bo yin pa'i
phyir/ zhes gsungs pa ltar te/ rtsa she'i TIka chen las kyang/
rang bzhin gyis ma skyes

pa'i stong pa nyid de ni yod med kyi mtha' gnyis spangs pas dbu
ma dang de'i lam ste dbu ma bas bgrod pa'i shul yin no/ /zhes
gsungs so/ /spyir dbu ma zhes pa'i tha snyad dbu ma'i gzhung
dang/ dbu ma'i grub mtha' dang/ dbu ma

sgrogs pa'i gang zag gsum ga la 'jug par legs ldan gyis gsungs
pa 'dir yang 'dra'o/ /kho na re/ gzhi lam 'bras bu'i dbu ma gsum
re re nas chos can/ dbu ma yin par thal/ mtha' gnyis dang bral
ba'i dbus yin

pa'i phyir na ma khyab/ khyab par thal/ grub mtha' chen mo las/
gzhi lam 'bras gsum chos can/ dbu ma zhes bya ste/ don mtha'
gnyis dang bral bar rigs pas grub pa'i phyogs sam cha yin pa'i
phyir/ zhes dang/ de

gnyis dang bral ba'i dbus zab mo rten 'byung gi don ni/ mad+hyA
ma ka ste dbu ma'am dbus zhes bya ste/ mtha' spangs pa'i dkyil
lta bu yin pa'i phyir/ zhes dang/ rtsa she'i TIka chen las
kyang/ dbu ma ni 'jig rten na mtha' dor

ba'i dkyil la dbus zhes pa dang 'dra bar yod med la sogs pa'i
mtha' gnyis spangs pa'i dbus nyid dbu ma'o/ /zhes gsungs pa'i
phyir na ma khyab ste/ de yang dbus dang dbu ma zhes pa'i sgra
bshad rung gi don tsam la dgongs pa'i

@201b phyir/ des na dbu ma'i mtha' dpyod las/ gzhi lam 'bras
bu'i dbu ma gsum gang rung yin na dbu ma yin dgos par thal/ gzhi
grub na mtha' gnyis dang bral ba'i dbus yin dgos pa'i phyir na
ma khyab/ ces pa skabs

'dir yang khas blang ngo/ /gnyis pa bsdu ba nas bshad pa'i tshul
la gnyis/ phyogs snga ma dgod cing de'i don la dris lan bya ba
dang/ lan btab pa'i phyogs dgag pa'o/ /dang po ni/ bsdu ba las/
zhes sogs byung/ de la/

theg pa chen po ba la la/ sogs kyis phyogs snga ngos bzung/ 'di
skad/ sogs kyis de'i 'dod pa bkod/ de nas de la/ sogs kyis
phyogs sngar dri ba byas/ gal te 'di skad/ sogs kyis de la lan
btab pa yin zhing/

dang po byang sa'i skabs ltar la/ theg pa chen po ba la la/ zhes
byung bas 'di bas kyang thal 'gyur ba theg chen grub mtha' sgra
bar 'dod snang ba dang byang sar chad lta ba'i gtso bor gsungs
pa mi 'gal te/ thal 'gyur bas rang

rgyud pa mthar lhung ba dang dbu ma pa gnyi gar 'dod pa bzhin
yin pa'i phyir/ chos kun bden med du smra ba rnams kyis sher
mdo'i sgras zin bzhin 'di skad ces dam bca' ste/ chos rnams kun
rdzob tu yod la don dam par med ces

yod med kyi khyad phye ste rjod do/ /de ltar smras pa la 'di bas
dri ba bya ba ni/ tshe dang ldan pa zhes bos nas/ don dam pa la
don dam du yod med dpyod pa'i don dam dang/ don dam bden pa
zhes
pa'i don dam gnyis yod pa las phyi ma'i don dam

@202a @#/ /bden pa'i mtshan gzhi ni gang yin/ kun rdzob la'ang tha
snyad du yod med rtsod pa'i kun rdzob dang/ gang gi ngor bden
pas kun rdzob bden par 'jog pa'i kun rdzob gnyis yod pa las phyi
ma'i kun rdzob ni gang yin zhes

'dri'o/ /'dir don dam bden pa'i mtshan gzhi las don dam du med
pa'i med sa'i don dam dris pa min te/ yin na chos rnams kyi ngo
bo nyid med pa don dam mo zhes lan 'debs mi rigs pa'i phyir te/
ngo bo nyid med par smra bas

chos kyi bdag med du yod na don dam du yod pas khyab par mi
bzhed pa'i phyir ro/ /de bzhin du kun rdzob bden pa zhes pa gang
gi ngor bden par 'jog pa'i kun rdzob las/ tha snyad du yod ces
pa'i yod sa'i tha snyad la kun rdzob

tu grags pa de dris pa min te/ yin na ngo bo nyid med pa la ngo
bo nyid du 'dzin pa ni kun rdzob po zhes lan 'debs mi rigs pa'i
phyir te/ de'i ngor yod na kun rdzob tu yod pas khyab pa des mi
bzhed pa'i phyir/ der thal/ des de'i

zhen yul tha snyad du yang med par bzhed pa'i phyir te/ ngo bo
nyid med pa la ngo bo nyid du 'dzin pa bden 'dzin tu bzhed pa'i
phyir/ der thal/ des ngo bo nyid med ces pa'i med rgyu'i ngo bo
nyid ni bden grub la bya dgos pa'i phyir ro/ /de'i 

lan du ngo bo nyid med par smra bas/ chos rnams yul steng nas
grub pas stong ba'i stong nyid ni don dam bden pa'i mtshan gzhi
dang/ chos rnams la rang ngos nas grub par zhen pa'i bden 'dzin
ni gang gi ngor bden pas kun rdzob bden

@202b par 'jog pa'i blo kun rdzob pa yin no zhes pa ste/ mdor na
stong nyid don dam bden pa dang/ bden 'dzin kun rdzob bden pa
zhes pa'i tshig zur gyi kun rdzob yin zhes pa'o/ /phyi ma ci'i
phyir de ltar yin zhe na/ blo kun rdzob pa bden 'dzin chos

can/ kun rdzob pa'i chos rnams blo gang gi ngor bden par 'jog
pa'i kun rdzob yin te/ bden par yod pa ma yin pa dag bden par
med par mthong ba la kun nas rdzob pa ste sgrib par byed pa
dang/ bden par med pa la bden par grub po

zhes dang por brda 'dogs pa dang/ de la de ltar yid kyis mngon
par rjod pa dang/ rjod pa de goms pa las phyis tha snyad 'dogs
par byed pa'i phyir/ bden gnyis gang yin dris zhes pa kun rdzob
dang don dam gang yin zhes dris pa'o/ /

gnyis pa la gnyis/ gzhan gyi grub mtha' la 'gal ba bstan pa
dang/ rang gi grub mtha' la 'gal ba spang ba'o/ /dang po la
gnyis/ gzhan gyi kun rdzob dang don dam pa'i ngos 'dzin dgag pa
dang/ bsdu ba las mtha' gnyis dang

de spong tshul bshad pa byangs dang gnad gcig par bstan pa'o/
/dang po la gsum/ kun rdzob kyi ngos 'dzin dgag pa/ don dam gyi
ngos 'dzin dgag pa/ kun btags yongs grub gnyis don dam par med
pa la skyon ma bstan par gzhan

dbang de ltar med pa la skyon bstan pa'i rgyu mtshan no/ /dang po
ni/ de la thog mar/ zhes sogs byung/ de la ngo bo nyid med par
smra bas bden 'dzin ni kun rdzob bden pa gang gi ngor bden pa'i
blo kun rdzob par bzhed pa la/ 'di bas

@203a @#/ /chos rnams bden grub tu 'dzin pa'i blo kun rdzob pa de
ni de kho na nyid la sgrib byed yin par ma zad mngon par rjod pa
ste rnam rtog kyang yin la/ des na de de gnyis kyi rigs 'dra
snga ma'i rgyus bskyed dam/ 'on te/

de de gnyis kyis btags pa tsam zhig yin/ dang po ltar na/ bden
'dzin chos can/ khyod don dam par med ces byar mi rung bar thal/
khyod kun rdzob dang mngon rjod kyi rgyu las byung ba'i phyir/
rtags khas/ gnyis pa ltar na/

de chos can/ khyod rtog pas btags pa tsam du mi rung bar thal/
khyod la 'dogs byed kyi rgyu med pa'i phyir te/ kun rdzob dang
mngon rjod rtog pas btags tsam yin la/ de lta na gzhan dbang
gzhan rnams kyang de tsam du 'gyur

pa'i phyir/ gnyis pa ni/ don dam pa'i ngos 'dzin/ ces sogs
byung/ de la ngo bo nyid med par smra bas don dam par grub pas
stong pa ni don dam bden par bzhed pa la/ 'di bas/ rgyu mtshan
ci'i phyir na/ chos rnams la rang gi

mtshan nyid kyis grub pa'i rang mtshan te yul steng nas grub pa
blos dmigs shing blor snang bzhin du don de med ces ji ltar smra
rigs te smra mi rigs par thal/ yul steng nas med pa la der yod
par dmigs pa'i tshad mas gnod pa'i

phyir/ zhes pa ste/ kyang ni snga mar ma zad pa'o/ /de'i lan du
ngo bo nyid med par smra bas/ khyod rang gis tshad mar 'dod pa'i
blo des mi gnod de/ blo de nyid phyin ci log gi dngos po ste
'khrul ba'i dngos po'am 'khrul shes yin pa'i

@203b phyir ro/ /zhes smra na/ de la 'di bas/ blo 'khrul ba de
rang mtshan gyis yod dam med/ yod na/ chos thams cad bden par
med
pa de don dam pa'i mtshan gzhir mi rung bar thal/ blo 'khrul ba
de rang mtshan gyis yod pa'i phyir/ rtags

khas/ med na/ blo 'khrul ba de chos can/ khyod kyis gang dmigs
pa de ngo bo nyid kyis med par thal/ khyod blo phyin ci log yin
pa'i phyir zhes khyed rang gis bshad pa mi 'thad par thal/ blo
'khrul ba de rang mtshan gyis med pa'i phyir/

rtags khas/ khyab ste/ de rang mtshan gyis med na de med dgos
pa'i phyir/ byang sa'i gzugs la sogs pa'i chos rnams kyi dngos
po tsam yod na/ sogs kyi skabs don dam du yod med brtags par ma
zad/ bsdu ba'i skabs 'dir

yang rtsa ba'i brtag pa la don dam du yod med kyi brtag pa bya
dgos kyang/ don dam bden pa'i mtshan gzhi dang/ kun rdzob bden pa
zhes pa'i kun rdzob gang yin brtag phyir don dam dang kun rdzob
gang yin zhes brtags pa dang/ don dam

du yod med gang yin zhes brtags pa gnyis don 'dra zhing brtag pa
snga ma ste bsdu ba'i rtsa ba'i brtag pa nyid go sla bas de ltar
brtags so/ /gsum pa ni/ de ltar na 'dir/ zhes sogs byung/ sngar
bshad pa de ltar na ngo bo nyid gsum

ga don dam par med cing tha snyad du yod par ngo bo nyid med
par
smra bas bzhed kyang/ bsdu ba 'dir kun btags yongs grub gnyis
kyi steng du skyon ma bstan par/ gnas lugs la sgrib pa'i shes pa
dang 'khrul ba'i shes par gyur

@204a @#/ /pa'i bden 'dzin don dam par yod med brtags nas de'i
steng du skyon bstan pa'i dgos pa yod de/ gzhan dbang don dam
par med la kun rdzob tu yod pa 'gog bzhed nas kun rdzob pa'i
shes pa dang 'khrul ba'i shes pa

don dam par med la kun rdzob tu yod pa bkag pa yin pa'i phyir
te/ mkhas pa rnams gtso bor gzhan dbang don dam par yod med la
rtsod pa'i phyir/ der thal/ yongs grub kyi chos can gyi gtso bo
dang kun btags kyi 'dogs pa po dang

gdags gzhi'i gtso bo rnams gzhan dbang nyid yin pa'i phyir ro/
/gnyis pa bsdu ba las mtha' gnyis dang de slong tshul bshad pa
byang sa dang gnad gcig par bstan pa la gsum/ dngos dang/ kun
btags tha snyad du

med pa 'di ba'i lugs ma yin par bstan pa zhar byung dang bcas pa
dang/ kun btags tha snyad du med cing gzhan dbang don dam du
med
pa lugs 'di las phyi rol tu gyur tshul lo/ /dang po ni/ gzhan
yang bsdu ba

las/ zhes sogs byung/ gzhan dbang dang yongs grub la ngo bo
dang
khyad par du kun btags pa'i ngo bor zhen pa ni sgro 'dogs dang/
de'i zhen yul ni sgro 'dogs kyi mtha' yin la/ gzhan dbang dang
yongs grub rang

mtshan gyis yod pa la der ma grub po zhes rang mtshan la skur ba
'debs pa ni skur 'debs dang/ de'i zhen yul ni skur 'debs kyi
mtha' yin no/ /bsdu ba'i sgro skur gyi mtha' re re nas chos can/
byang sa'i de dang gnad gcig ste/

@204b byang sa las kyang kun btags bden grub tu lta ba sgro
'dogs dang/ mtshan nyid gzhan gnyis bden med du lta ba skur 'debs
su gsungs shing/ 'dir yang de ltar gsungs pa'i phyir/ bsdu ba'i
mtha' gnyis spong tshul re re nas

chos can/ byang sa'i de dang gnad gcig ste/ de gnyis kyi mtha'
gnyis gnad gcig la/ de lta na spong tshul yang gnad gcig dgos
pa'i phyir/ gnyis pa ni/ kun btags med pa yang/ zhes sogs byung/
bsdu ba'i lung snga

ma'i don ni/ gzhan dbang ni ming brda'i gzhir sgra rtog gis
bzhag pa'i ngo bo nyid yin nam zhe na/ tha snyad du yin gyi don
dam par min/ zhes pa ste/ 'di'i mngon par rtogs pa ni/ bsam pa
dang/ dad pa dang/ tshul

khrims dang/ mngon par rtogs pa'i shes pa bden pa dang/ mngon
par rtogs pa'i mtha' las byung ba'i shes pa bden pa dang/ mthar
thug pa'i mngon par rtogs pa drug la byed dgos pas lam ste gzhan
dbang gi mtshan gzhi

dang/ ming ni rjod pa sgra'i tha snyad dang/ mngon par rjod pa
ni rtog pa shes pa'i tha snyad dang/ rnam par 'jog pa ni gzhan
dbang ming brda'i gzhir sgra rtog gis bzhag pa'o/ /lung phyi ma
ni snga ma'i gsal byed du drangs pa ste/

don ni/ 'di'i rnam par shes pa'i dmigs pa zhes pa 'jig rten rang
dga' ba la snang ba'i sngon po de yin la/ de brjod med kyi sngon
po dngos min par kun btags pa'i sngon po ste/ de dmigs pa dngos
min bzhin du sngon po ji lta bar

@205a @#/ /snang ba ni mngon rjod goms pa'i bag chags te mngon
rjod kyi bag chags kyi dbang gis snang ba ste/ de'i stobs kyis
sngon po'o zhes ming brda byas shing de la brten nas 'jig rten
rang dga' ba la snang ba'i sngon po kun

btags pa de sngon po dngos min bzhin du de ji lta bar snang ba'i
shes pa skyes pa yin no/ /zhes kun btags pa'i sngon po ngos
bzung nas de btags yod yin gyi don dam par yod pa min/ zhes
pa'o/ /des na bdag gnyis kyi dbang du

byas pa'i kun btags lta bu med pa yin pas shes bya la mi srid
kyang/ rgyu mtshan de tsam gyis kun btags thams cad shes bya la
mi srid pa min pas/ kun btags rnams rdzas yod dang don dam par
yod pa bkag nas de

btags yod dang tha snyad du yod par bzhag go /kun btags btags
yod dang tha snyad du yod pa de'i phyir/ dgongs 'grel rnam bshad
las/ de la kun btags pa'i mtshan nyid ces bya ba ni/ nas/ kun
rdzob dang don dam

pa'i bden pa gnyis kar gtan med pa yin par rig par bya'o/ /zhes
dang/ gzhan gyi dbang gi mtshan nyid ces bya ba ni phyi nang gi
dngos po'i ngo bo nyid rkyen gzhan gyi dbang gis rten cing 'brel
bar 'byung ba gang yin pa'o/ /de ni

gzung ba dang 'dzin pa'i dngos po'i ngo bo nyid rgyu dang rkyen
gzhan gyi dbang gis byung ba yin pas na gzhan gyi dbang gi mtshan
nyid ces bya ste/ sgyu ma byas pa dang 'dra bar skye ba ngo bo
nyid med pa nyid dang/ don dam pa'i ngo bo nyid

@205b med pa nyid kyis ngo bo nyid med pa kun rdzob kyi bden pa
nyid du yod pa yin par rig par bya'o/ /zhes dang/ yongs su grub
pa'i mtshan nyid ces bya ba ni/ nas/ don dam pa ngo bo nyid med
pa nyid kyis ngo bo nyid med la don dam pa'i bden

pa nyid du yod pa yin par rig par bya'o/ /zhes pa tsam las gzhan
dbang kun rdzob tu yod pa dang/ yongs grub don dam par yod par
bshad pa med do/ /thogs med kyis mdzad par grags pa'i dgongs
'grel 'grel chen du kun btags

bden pa gnyi gar med pa sogs su 'chad pa ni mdo de'i dgongs pa
min te/ theg bsdus las/ gang ting nge 'dzin gyi spyod yul gyi
gzugs brnyan de ci sems de las tha dad pa zhes bgyi'am tha dad
pa la lags zhes pa gyi/ bcom ldan

'das kyis bka' stsal pa/ byams pa thad dad pa ma yin zhes bya'o/
/zhes sogs dgongs 'grel byams zhus drangs te phyi don med par
bsgrubs nas/ de la kun btags pa'i mtshan nyid gang zhe na/ gang
don med kyang rnam par

rig pa tsam de don nyid du snang ba'o/ /zhes gzung 'dzin rdzas
gzhan du snang ba kun btags su bshad pa dang 'gal zhing/ byang
sa las/ gzugs la sogs pa'i chos rnams kyi dngos po tsam la skur
ba 'debs pa la ni de kho na

yang med la 'dogs pa yang med de de gnyis ka yang mi rigs so/
/zhes dang/ bsdu ba las/ gal te mngon par rjod pa dang kun rdzob
tsam zhig yin na ni des na gzhi med par mngon par rjod pa dang
kun rdzob ces byar mi rung ngo/ / 

@206a @#/ /zhes gzhan dbang don dam du med cing kun rdzob tu yod
pa la gnod byed bstan pa dang 'gal ba'i phyir/ theg bsdus su
gzung 'dzin rdzas gzhan du snang ba kun btags su bshad pa de
bsan dgongs 'grel 'grel chen gyi gzung

'dzin gnyis kyi gzhan dbang zhes pa yang de la byed dgos pa
gzhung gis shes 'dra bas/ dgongs 'grel 'grel chen gyis de gzhan
dbang dang theg bsdus kyis de kun btags su byas pa gnyis mi
mthun par gsungs pa gzhung gi don yin nam

snyam yang/ mun sel las/ 'grel pa chen mo der gzung dang 'dzin
pa zhes pa tsam las sems tsam dgag bya chos bdag tu 'dod pa'i
gzung 'dzin gyi gsal kha med kyang gzhung du theg bsdus su
gzung
'dzin kun btags su bshad pa

dang 'gal ba'i sgos bkag pas brtag ces gsungs so/ /dgongs 'grel
gyi 'grel pa la/ thogs med kyis mdzad par grags pa'i 'grel chung
shlau ka nyis brgya nyi shu ba zhang ye shes sde'i 'gyur dang/
'grel chen bam po bzhi bcu

ba zhig dang/ bsdus 'grel bam po gcig pa ste gsum dang/ yang TI
ka chen bam po drug cu pa dang/ dgongs 'grel byams zhus kyi
bshad pa ye shes snying pos mdzad pa bam po gnyis shlau ka bdun
cu pa dang/ rgya las bsgyur ba'i dgongs

'grel TI kka bam po dgu ba dang/ wen tsheg gis mdzad pa'i 'grel
chen bam po don bzhi ba dang/ rgya'i slob dpon rdzogs gsal gyis
byas pa'i 'grel chen bam po don lnga ba ste brgyad dkar chag
sngon ma rnams su byung zhing/ phyi ma

@206b gnyis don gcig yin min bus dpyad gzhir mdzad do/ /thogs
med kyis mdzad par grags pa'i 'grel chen des mdzad par 'dod pa
mi rigs te/ de theg bsdus byang sa bsdu ba gsum dang 'gal tshul
bshad zin ltar yin pa'i phyir

dang; der thogs med kyi rjes su byon pa chos grags kyi gzhung
tshad ma rnam nges kyi lung drangs pa'i phyir dang/ de dag gi
mtshan nyid rab tu dbye ba ni dbang phyug dam pa'i mnga' bdag
dpal lha btsan po byang chub rdzu 'phrul gyis mdzad pa'i

bka' yang dag pa'i tshad ma las byung ba bzhin du blta bar bya'o/
/zhes bod kyi bstan bcos la kha 'phangs mdzad pa'i phyir/ dkar
chag lhan dkar las/ yang dgongs pa nges par 'grel ba'i rgya cher
'grel ba slob dpon klu'i rgyal

mtshan gyis mdzad pa shlau ka khri nyis stong ste bam po bzhi
bcu/ zhes dang/ bus/ bod kyi mkhas pa chen po zhig gis byas par
shes par bya'o/ /klus rgyal mtshan gyis mdzad par yang sems so/
/zhes gsungs so/ /'grel chung dang

bsdus 'grel gnyis kyang thogs med kyis mdzad pa min te/ thogs
med kyis mdo de la 'grel pa zur du mdzad mi dgos pa'i phyir te/
bsdu bar de'i don gtan la phab zin pa'i phyir/ der thal/ der mdo
de'i gleng gzhi'i le'u ma

gtogs le'u lhag ma rnams phal cher drangs shing dka' gnas rnams
legs par gtan la phab pa mngon sum gyis grub pa'i phyir ro/
/gsum pa ni/ phyis kyi kha cig ces sogs byung/ de la/ kun btags
don dam du

@207a @#/ /ma zad tha snyad du yang med/ gzhan dbang tha snyad
du
yod kyang don dam par med/ yongs grub tha snyad du med kyang
don
dam par yod pa thogs med sku mched kyi dgongs par 'chad mkhan
dol bo ba yin pa la rtsod pa

med kyang/ mchan du/ bshad tshul de bu ston gyis kyang mdzad par
gsungs so/ /de 'dra'i bshad tshul thogs med sku mched kyi dgongs
par 'chad pa mi 'thad de/ de rnam rig pa'i lugs las phyi rol tu
gyur pa yin pa'i phyir dang/ khyad

par du jo nang bas gzhan dbang tha snyad du yod pa'i don 'khrul
ba'i blos gzhan dbang la skye 'gag sogs yod par zhen pa tsam las
don dngos gnas la skye 'gag sogs med do zhes 'dod pa ni sngar
drangs pa ltar byang sa las chad lta'i gtso bor

bshad pa de yin pa'i phyir te/ des mtshan nyid gsum ga la skur ba
btab pa'i phyir/ der thal/ gzhan dbang la skur ba btab pas mtshan
nyid gzhan gnyis la'ang skur ba btab par song ba'i phyir dang/
dgongs 'grel las/

don dam yang dag 'phags/ 'di ltar gzhan gyi dbang gi mtshan nyid
dang/ yongs su grub pa'i mtshan nyid yod na ni/ kun btags pa'i
mtshan nyid kyang rab tu shes par 'gyur na/ de la gang dag gzhan
gyi dbang gi mtshan nyid

dang; yongs su grub pa'i mtshan nyid la mtshan nyid med par mthong
ba de dag gis ni/ kun btags pa'i mtshan nyid la yang skur ba btab
pa yin pa'i phyir te/ de lta bas na de dag ni mtshan nyid rnam pa
sum char la yang skur ba

@207b 'debs pa zhes bya'o/ /zhes pa sgra ji bzhin par khas len
pa dang/ gzhan dbang 'khrul ba'i blos zhen pa tsam las don dngos
gnas la med par smra ba gnyis dgongs 'grel nges don du 'dod pa'i
phyogs la spang du med pa'i 'gal

ba yin pa'i phyir te/ gzhan dbang don dam du yod med gnyis kar
khas len mi rung ba'i phyir ro/ ! /spro na/ gzhung du byang sa'i
rjes su bsdu ba'i bshad tshul bkod pa'i dgos pa ni/ mchan du/
byang sar bshad pa de nyid gzhan du

drang mi rung bar sgrub pa'i rgyab rten dang/ ngo bo nyid med
par smra ba'i 'dod pa 'gog phyir yin par gsungs pa ltar na/
bshad pa de gnyis byams pa'i gsung dang mthun par ston phyir mdo
sde rgyan dang dbus mtha'i bshad pa bkod cing/

de yang byang sa dang de'i bsdu ba gnyis kyi bshad bya mdo sde
rgyan yin pas sngon dang/ dbus mtha' de dang phyogs mthun yin
pas rjes su bkod ces 'grel bsgrig dgos pa la de 'dra'i dka'
tshegs byed dgos min dpyad do/ /kun

rdzob tu ni thams cad yod la don dam par ni thams cad med do/
/zhes pa'i don/ stong thun las/ kun rdzob tu ni thams cad yod la
don dam par ni med do/ /zhes zer ro/ /nas/ zhes lan 'debs par
'gyur na zhes pa'i bar gyis

dbu ma ba bden med don dam dang/ bden par snang ba'i chos ji
snyed pa kun rdzob tu smra ba phyogs sngar bkod nas dgag pa
rgyas par bstan pa yin la/ zhes pas bsdu bar don dam dang kun
rdzob gang yin dris pa'i don bkral ba min te/ gzhung

@208a @#/ /las; kun rdzob gang yin dris pa yang kun rdzob bden pa
zhes pa gang gi ngor bden par 'jog pa'i kun rdzob dris pa yin
gyi/ tha snyad du yod pa'i yod sa'i tha snyad de gang yin zhes
dris pa min/ zhes gsungs pa'i

phyir; des na bden med don dam bden pa dang/ bden par snang ba'i
ji snyed pa'i chos kun rdzob bden par smra ba'i dbu ma ba'i lugs
de nyid phyogs sngar bkod nas de la bsdu bas dgag pa rgyas par
bstan ces pa ste/ don du ngo bo nyid med

par smra ba la sems tsam pas dgag pa rgyas par bstan ces dkyogs
med par bshad chog go /dka' 'grel las/ bden par ma grub bzhin du
bden par grub po zhes mngon par rjod pa dang tha snyad byed pa'i
phyir ro/ /zhes ming de ltar

'dogs pa ni mngon par rjod pa dang tha snyad byed pa gnyis ka'i
don du mdzad pas de gnyis don gcig par bzhed 'dra ba dang/ mchan
du/ kun rdzob tu byed pa'i don yod pa min pa dag la de las bzlog
ste bden par yod yod ltar 'dzin tu

'jug pa dang/ tha snyad du byed pa'i don tha snyad 'jog pa na
phar brda byas pa'i nyams med par yul steng nas grub pa 'dra ba
zhig 'char ba la gsungs pa dang/ mun sel las/ kun rdzob tu byed
pa dang/ 'dogs pa dang/ mngon

par rjod pa dang/ tha snyad du byed pa'i phyir ro/ /zhes pa'i
don ni/ bdag 'dzin de ni rang gi mtshan nyid kyis yod pa ma yin
pa la sgrib pas kun rdzob tu byed pa dang/ zhen gzhir rang mtshan
gyis grub bo zhes brda 'dogs pa dang/ de

@208b ltar yid kyis mngon par rjod pas goms par byed pa dang/
zhen gzhir yul steng nas grub pa 'dra bar tha snyad byed pa/
zhes gsungs pa dang/ zab gsal sgron mer/ bden par yod pa min pa
la yod par bzung nas gnas lugs

la kun rdzob tu ste sgrib par byed pa dang/ bden par sgro 'dogs
pa dang/ bden par yang yang rtog pas mngon par rjod pa dang/
ngag gis tha snyad byed ces bkral to/ /thad 'di'i gzhung tshig
kun rdzob tu mngon par rjod pa dang tha snyad du

'dogs par byed pa dang zhes dkrugs nas bklag dgos zhes zer ba ni
blo bzang rgyal bas mthon pa'i legs bshad do/ /kun rdzob kyi
ngos 'dzin 'gog pa'i brtag pa gnyis kyi don la/ dka' 'grel las/
rang gi rigs 'dra snga

ma'i rgyu las byung bar 'dod dam/ mngon par rjod pa'i rtog pas
btags pa tsam dang ming gis bzhag tsam gyi kun rdzob tsam zhig
yin/ zhes gsungs shing/ yig char yang de dang mthun par mdzad pa
dang/ kha cig gis/ bden 'dzin

de rtog pas btags tsam dang kun rdzob kyi rgyu las byung ba
gnyis ka yin pa zhig gam/ rtog pas btags tsam dang ming gis
btags tsam gnyis ka yin pa zhig tu 'dod ces dris pa yin te/ bsdu
bar mngon par rjod pa dang kun

rdzob kyi rgyu las byung ba yin par 'dod dam/ zhes dang/ gzhung
las/ kun rdzob pa dang mngon par rjod pa'i rnam rtog gis btags
pa tsam zhig yin/ zhes gsungs pa'i phyir zer ba dang/ gzhan dag
bden 'dzin de rgyu las

@209a @#/ /byung ba'i mngon par rjod pa zhig yin nam/ rtog pas
btags pa tsam gyi mngon par rjod pa zhig yin zhes mngon par rjod
pa de'i btags don btsal ba yin te/ gzhung las/ mngon par rjod pa
rtog pas btags

pa tsam yin na gzhan rnams kyang de tsam du 'gyur ba'i phyir ro/
/zhes gsungs pas shes pa'i phyir/ zhes smra'o/ /mchan du/ mngon
par rjod pa zhes rnam rtog rtsod gzhir dngos su bzung ba 'brel
che bas mngon par rjod pa'i rtog pas

btags tsam zhes 'brel sgra smras pa ma dag ces dka' 'grel dngos
su dang yig cha zhar la bkag pa dang/ mngon par rjod pa dang kun
rdzob gnyis rtsod gzhi bden 'dzin gyi steng du sbyar nas de rgyu
las byung ma byung rtsod pa'i dbang du mdzad

cing; tsam sgra kun rdzob las mngon par rjod pa'i steng du mi
sbyor rgyu byas so/ /de la zab gsal sgron me las/ 'dir rtsod
gzhi'am khyad gzhi gong du de'i don ni 'di yin te/ don dam par/
nas/ ngo bo nyid yod do snyam du 'dzin pa'i kun rdzob 

de; zhes pas bstan pas na kun rdzob pa dang mngon par rjod pa
zhes pa de rtsod gzhir gzung ga la dgos/ zhes bshad do/ /kha cig
mchan du/ de'i 'brel sgra ma dag pa'i rgyu mtshan la/ kun rdzob
dang mngon par rjod pa rtog pas btags

tsam yin na zhes pa 'god pa mi 'thad de/ kun rdzob pa dang mngon
par rjod pa'i rnam rtog gis btags pa tsam zhig yin/ zhes pa ni
bden 'dzin blo kun rdzob pa dang rnam rtog gis btags pa tsam yin
min rtsod pa dang/ kun rdzob dang mngon

@209b par rjod pa rtog pas btags tsam yin na/ zhes pa ni blo kun
rdzob pa dang rnam rtog gnyis rtog pas btags tsam yin na bden
'dzin 'dogs pa'i gzhi med par rtsod pa yin pa'i phyir dang/
gzhan du na snga ma rgyu mtshan du bkod nas phyi

mar 'brel sgra thob par bsgrubs kyang rung bar 'gyur ba'i phyir
zer na brtag go /'dir yang don dam du yod med kyi brtag pa bya
dgos mod/ ces sogs kyi don la yang kha cig /mchan du/ yongs grub
byang sa'i skabs don dam du yod

med brtag pa byas par ma zad 'dir yang don dam du yod med brtag
pa bya dgos mod ces bkral ba mi 'thad de/ de ltar na yongs grub
don dam du yod med brtags pa dang gzhan dbang de ltar brtags
pa
don 'dra zhing gzhan dbang don dam du

yod med brtags pa go sla bas de ltar brtags pa byas so zhes
'chad dgos pa la/ de gnyis 'dra ba'ang ma yin zhing gzhan dbang
la brtag pa go slab 'ang ? min pa dang/ skabs 'dir yongs grub la
dogs pa skye don yang chung pa'i phyir zer

ba la'ang dpyad dgos so/ /kha cig gis/ skabs 'dir gzhung las don
dam du yod med kyi brtag pa bya dgos kyang de dang rang mtshan
gyis yod med brtags pa 'dra zhing/ de gnyis las phyi ma ltar
brtags pa go sla bas de ltar brtags

zer ba yang mi 'grig ste/ skabs 'dir brtag pa byed pa'i gzhung
la bsdu pa las gzhung 'di mi 'jog pa gang zhig brtag tshul yang
de ltar mi rung ba'i phyir/ dang po grub ste/ 'dir yang zhes pa
bsdu ba la mi byed na de'i 'og tu/ de ltar

@210a @#/ /na 'dir/ zhes pa'ang bsdu ba la mi snyogs par thal
ba'i phyir/ gnyis pa grub ste/ de gnyis las phyi ma go sla don
med pa'i phyir/ zab gsal sgron mer/ don dam ngos 'dzin skabs
'dir yang don dam du yod med

kyi brtag pa bya dgos mod kyang don dam par grub pa dang rang
mtshan don 'dra zhing/ brtag pa snga ma kun rdzob kyi brtag pa la
don dam dang sbyar ba go sla bas don dam ngos 'dzin skabs 'dir
rang mtshan gyi brtag pa dang sbyar nas bshad

zer ba dang/ bde thang rin po ches/ de ltar gzhan dbang don dam
du yod med kyi brtag pa byas nas phyin ci log tu 'dzin pa khegs
na/ khyad chos kun btags dang yongs grub kyi steng du khegs sla
bas don 'dra ba yin gsungs pa'ang

yod do/ /dran dbang yid yangs su/ bsdu ba dang byang sar bshad
pa'i rigs pa gnyis byas nas/ snga ma'i rigs pa la byang sa'i
rigs pa bkod de/ bsdu ba las zhes smras nas byang sa'i lung
drangs pa dang/ phyi ma'i rigs pa la

bsdu ba'i rigs pa bkod de/ byang sa las zhes smras nas bsdu ba'i
lung drangs pa ni paNTi tas mnyam par ma bzhag pa chen po'o/
/bsdu ba'i mngon par rtogs pa zhes pa ni mchan du rnam rtog la
gsungs kyang/ bsdu ba rang na lung de'i gong

du mngon rtogs drug gsungs ma thag pa yin pas de la byed dgos
par zab gsal sgron mer bshad pa ltar te/ rje 'jigs med dbang
pos/ mngon par rtogs pa de dag ces pa gong du byang phyogs so
bdun bshad pa'i mur 'dug pas

@210b byang phyogs so bdun la byed dgos par gsungs pa yang mngon
rtogs drug la rang rang gi skabs na gang yod kyi byang phyogs
rnams bzhag pa la dgongs par snang ngo/ /zab gsal sgron mer/
'dis gzung 'dzin gnyis kyi gzhan dbang

zhes gsungs pa/ theg bsdus su phyi nang gi gzung 'dzin kun btags
su gsungs pa dang chos skad mi mthun pas de dang 'gal ba'i don
du byas so/ /bu ston gyis dgongs 'grel 'grel ba bam po bzhi bcu
ba thogs med kyi min par

gsungs kyang/ 'grel pa gzhan gnyis de'i yin min gsal kha ma
mdzad mod/ gzhung du thogs med kyis bsdu pa las zur du dgongs
'grel 'grel ba mdzad mi dgos par gsungs pas/ phur lcog pa'i
bstan 'gyur dkar chag tu

grags par 'grel chung des mdzad par byas pa gzhung 'di dang/ yum
gsum gnod 'joms dbyig gnyen gyis mdzad par byas pa gzhung 'di
dang gser phreng gnyis ka dang/ rigs pa drug cu ba'i rang 'grel
yod par bshad pa rtsa

she'i TIka chen dang ma bstun par mchan du gsungs pa dang
phyogs mthun par/ rje 'jigs med dbang pos nyi khri de nyid rnam
nges dbyig gnyen gyis mdzad par gsungs pa'ang gser phreng du
rgyan snang sor bzhag mdzad pa dang ma bstun cing/

zegs mar/ zin bris su dbyig gnyen gyi yin rgyu 'dra ba byas
snang yang thogs med kyis mdzad pa'i nyi khri de nyid rnam ngos
yin zhes bkag pa ltar la/ 'dis kyang/ gser phreng las/ 'di la
nyi khri de nyid rnam nges zer ba ni brtag dgos so/ / 

@211a @#/ /zhes gsungs pa dang ma bstun to/ /skabs 'di'i rnam
nges bya ba bshad ma thag pa ltar rje 'jigs med dbang pos dbyig
gnyen dang/ zegs mar thogs med dang/ rin chen sgron mer chos
grags kyis mdzad zer

yang; de nyid rnam nges zhes ma gsungs pas sngar ltar bris so/
/sde dge'i bstan 'gyur sogs kyi khrod du yod pa'i 'grel chen 'di
dkar chag tu mtha' mchod par thogs med kyis mdzad par grags
pa'i
'grel chen yin rgyur byas pa ma

gtogs ngo bo de min par snang ste/ gzhan dbang kun rdzob dang
yongs grub don dam du yod par 'dod pa'i phyogs snga bkod pa ji
bzhin pa dang/ rnam nges kyi lung drangs pa dang/ 'thad sgrub
kyi rigs pa'i skabs lha btsan po'i gsung la kha

'phangs mdzad par bus gsungs pa dang/ bam tshad bcad pa rnams 'di
la mi 'dug pa'i phyir ro/ /gnyis pa rang gi grub mtha' la 'gal
ba spang ba la gsum/ rtsod pa'i sgo nas rang gi grub mtha' dang
'gal ba brjod pa dang/

lan gyi sgo nas 'gal ba de ji ltar spang ba dang/ grub mtha'
gong 'og gi rdzas btags sogs kyi 'jog tshul mi 'dra ba'i khyad
par phyed dgos par gdams pa'o/ /dang po ni/ gal te byangs/ zhes
sogs byung/ byangs dang

bsdu bar gzhan dbang don dam par yod par gsungs pa la/ don dam
par yod pa dang don dam so sor ma phyed pa'i rgol ba kha cig na
re/ gzhan dbang chos can/ don dam pa yin par thal/ don dam par
yod pa'i phyir/

@211b rtags khas/ 'dod mi nus te/ gzhan dbang don dam par khas
blangs na mdo dang 'gal/ bstan bcos dang 'gal ba'i phyir/ dang
po grub ste/ dgongs 'grel du 'dus byas la don dam min pas khyab
par gsungs pa'i phyir te/ de'i

rab 'byor le'u las/ ji ltar 'phags pa'i lam yan lag brgyad pa/
zhes sogs gsungs pa'i phyir/ de'i don ni/ 'phags lam yan lag
brgyad nang phan tshun ngo bo dang byed las sogs mi 'dra ba yin
pa de bzhin du/ de dag gi de

bzhin nyid dam don dam pa'am chos kyi bdag med kyang dgag bya
bcad tsam du ro gcig pa min par phan tshun ngo bo sogs mi 'dra ba
yin na/ chos kyi bdag med de yang rgyu dang bcas par thal/ de
la'ang gzhan dbang bzhin ngo bo sogs phan

tshun mi 'dra ba'i khyad par yod pa'i phyir/ yang ni gzhan dbang
du ma zad pa'o/ /'dod na/ chos kyi bdag med chos can/ 'dus byas
yin par thal/ rgyu las byung ba'i phyir/ 'dod na/ de chos can/
don dam pa ma yin par thal/ rgyu las

byung ba'i phyir/ zhes pa'o/ /gnyis pa grub ste/ byams chos dang
'gal/ thogs med kyi gzhung dang 'gal ba'i phyir/ dang po der
thal/ dbus mtha' rtsa 'grel las/ yongs grub kho na don dam bden
par bshad pa'i phyir dang/ mdo sde rgyan

las; yod min med min zhes sogs dang/ dbyig 'grel las/ gnyis med
pa'i don ni don dam pa ste/ gnyis med pa'i don de yang rnam pa
lngas yang dag par ston to/ /zhes sogs gsungs pa'i phyir/ phyi
ma la khyab ste/ lung de dag gis

@212a @#/ /don dam pa la skye 'jig med par bshad cing/ gzhan
dbang la de yod pa'i phyir/ mdo sde rgyan gyi don dam mtshan nyid
lnga ldan ni/ don dam bden pa kun btags dang gzhan dbang gi
mtshan nyid kyis yod pa min zhing yongs

grub kyi mtshan nyid kyis med pa min pa dang/ ngo bo nyid gzhan
gnyis dang mtshan nyid gcig ma yin zhing gzhan dbang gi rang
bzhin gzung 'dzin gnyis kyi kun btags dang bral ba la yongs grub
ces bya bas mtshan nyid gzhan gnyis las tha

dad pa min pa dang/ rgyu rkyen las skye ba med cing skad cig
gnyis par mi sdod pa'i 'jig pa med pa dang/ kun nyon zad pas bri
ba med cing rnam byang skyes pas 'phel ba med pa dang/ rang
bzhin gyis dri mas dag pas dri ma slar 'dag tu med

cing glo bur gyi dri ma dag par mi 'gyur ba yang min pa ste
grangs dang ngo bo gnyis ka 'grel ba 'grel bshad bsdur ba las
byung ba'o/ /mtshan nyid lnga po 'dis don dam bden pa blo yul du
mtshon par byed pas na de'i mtshan nyid du bshad do/ /

gong gi rtags gnyis pa der thal/ bsdu ba las/ rgyu mtshan kun
rdzob tu yod par brjod par bya'am/ zhes sogs gsungs pa'i phyir/
lung snga mas ming sogs lnga'i nang gi rgyu mtshan te gdags gzhi
dngos po dang/ phyi mas rnam

rtog ste gzhan dbang kun rdzob tu yod par gsungs te/ gzhan
dbang
kun rdzob tu gsungs pa ni/ dka' 'grel las/ bsdu ba las gzhan
dbang kun rdzob tu yod par bshad/ ces rgyu mtshan dang rnam
rtog
gnyis ka gzhan dbang

@212b la byed rgyu'i dbang du mdzad pa ltar ro/ /des na lung
bzhi drangs pa kun sems tsam rang gzhung yin pas byang sa dang
bsdu ba'i bshad tshul bkod pa dang ji ltar mi 'gal zhes rtsod pa
ste dogs pa khong slong las rgol ba dngos su byung ba man par

snang ngo/ /gnyis pa la gnyis/ lung dang po gsum la 'gal ba
spang ba dang/ lung tha ma la 'gal ba spang ba'o/ /dang po la
gnyis/ kun rdzob dang don dam gyi 'jog tshul dang po'i dbang du
byas nas 'gal ba spang ba dang/ de'i

'jog tshul gnyis pa'i dbang du byas nas 'gal ba spang ba'o/ /dang
po la gsum/ dngos dang/ kun btags dang gzhan dbang rdzas dang
don dam par yod med kyi khyad par dang/ rdzas btags kyi ngo bo
ngos gzung ba'o/ /dang po ni/

ji ltar mi 'gal ba/ zhes sogs byung/ ji ltar mi 'gal ba bshad
par bya ste/ zhes spyi'i mtshams sbyar nas/ kun rdzob dang don
dam par yod pa la 'jog tshul gnyis las dang po ni/ ngo bo nyid
med par smra ba dang dngos smra ba dag

gis kun rdzob dang don dam par yod med rtsod sa sgra rtog gis
btags pa la ma ltos par yul rang ngos nas yod med dang/ gnyis pa
ni/ kun rdzob bden pa dang don dam bden pa gnyis kyi dbang du
byas pa ste rnam dag lam gyi dmigs pa

mthar thug yin min gyis bzhag pa'i bden gnyis la bya'o/ /de la
'dir sgra rtog gi dbang gis yod pa la tha snyad du yod pa dang/
de'i dbang gis min par rang mtshan gyis yod pa la don dam par yod
par bzhag pa ni/ 'jig rten gyi

@213a @#/ /tha snyad de sgra rtog gi dbang gis yod pa yin gyi de
la ma ltos par yul gyi ngos nas don dam par grub pa min par mdo
las mang du gsungs pa lta bu'o/ /'di'i dbang du byas na kun
btags sgra rtog gis btags pa tsam du

yod la des btags pa la ma ltos par med pa dang/ ngo bo nyid tha
ma gnyis sgra rtog gis btags pa la ma ltos par yod la des btags
pa tsam du med pas/ byang sa dang bsdu bar kun btags don dam
par
med la mtshan nyid gzhan

gnyis don dam par yod par gsungs shing/ dgongs 'grel dang/ dbus
mtha' dang mdo sde rgyan gnyis rtsa 'grel las gsungs pa'i don
dam ni 'jog tshul gnyis pa'i dbang du byas pa rnam dag lam gyi
dmigs pa mthar thug go /

des na 'jog tshul gnyis pa'i don dam du yod pa dang don dam bden
pa don gcig pas/ der med na don dam du med mi dgos so/ ! /'dir/
rtog pas btags tsam ma yin pa'i chos de/ 'jog tshul dang po'i
dbang du byas pa'i don

dam gyi mtshan nyid/ dbye na gzhan dbang dang yongs grub gnyis
yod/ 'dus byas rnams 'di'i don dam dang spyir kun rdzob gnyis ka
yin la/ yongs grub 'di'i don dam yin yang spyir kun rdzob min
no/ /sgra bshad ni/ don gyi gnas

tshod kyis grub pas na don dam du grub ces bya'o/ /rtog pas btags
tsam gyi chos de/ 'jog tshul dang po'i dbang du byas pa'i kun
rdzob kyi mtshan nyid/ 'di dang tha snyad du yod pa don 'dra/ kun
btags kyi chos rnams de dang kun rdzob

@213b bden pa gnyis ka yin/ sgra bshad ni/ rdzun par grub pas na
kun rdzob tu grub ces bya'o/ /kun rdzob yin na kun rdzob tu grub
pas ma khyab pa dang/ don dam du yod na don dam bden pa yin pas
ma khyab pa dang/ 'jog tshul dang po'i don dam

du yod na don dam bden pa yin pas ma khyab pa dang/ don dam
bden
pa yin na 'jog tshul dang po'i don dam du yod pas khyab pa sogs
kyang shes dgos so/ /gnyis pa ni/ yang bsdu ba las/ zhes sogs
byung/ thog med

nas 'di 'di'o zhes pa'i sgra rtog gi mngon rjod la yongs su goms
pa'i ming ste mngon rjod kyi bag chags la gnas pa ste brten pa'i
gzugs 'dzin mig shes dang des drangs pa'i dran shes sogs kyi
dmigs pa ste yul du gyur pa'i

gzugs la sogs pa'i ming can te kun btags pa'i gzugs sogs kyi
chos de gzugs la sogs pa rang gi bdag nyid du gzugs la sogs pa
gang gi ngos nas yod pa ste grub par snang ba'i cha chos can/
gzugs la sogs pa'i

bdag nyid du grub pa'i sgo nas rdzas su yod pa dang/ sgra rtog
gis btags pa lam ltos par yul rang ngos nas grub pa gnyis ka ma
yin te/ mngon rjod kyi bag chags kyi dbang gis shar ba'i snang
ba tsam yin pa'i phyir/ zhes de ni yan

gyis chos can dang/ med do yan gyis dam bca' dang/ rtags shugs
la bstan te/ go sla bar byas na/ kun btags pa'i sngon po chos
can/ rdzas dang don dam pa gnyis kar med de/ rtags de'i phyir/
zhes pa'o/ /

@214a @#/ /gzugs la sogs pa'i ming can gyi chos ni tha snyad lam
ltos par gzugs sogs de dag gi ngo bo nyid kyis yod pa ma yin pa
las te ma yin pa la de 'dra'i rang gi ngo bo'i sgo nas kun btags
pa'i cha chos can/

kun btags pa las yod pa ste sgra rtog gis btags pa'i dbang gis
yod pa yin par shes par bya ste/ rdzas dang don dam pa gnyis kar
med par sngar bshad pa de ltabs na ste de'i phyir/ zhes gzugs la
sogs pa nas de ni zhes pa'i bar gyis

chos can dang/ bya'o yan gyis dam bca' dang/ de lta bas na zhes
pas rtags bstan te/ go sla bar byas na/ kun btags pa'i sngon po
chos can/ btags yod yin te/ rdzas dang don dam pa gang du yang
med pa'i chos yin pa'i

phyir; zhes pa'o/ /mngon rjod kyi bag chags rnam par bsal ba ste
des ma bslang pa'i ming can gyi shes pa zhes bya ba rigs mthun
gyi bag chags las byung ba'i shes pa'i dmigs pa/ gzugs sogs su
pa rda sbyar ba na gzugs la

sogs pa'i ming 'dogs pa'i gzhir gyur pa'i rtsa ba'i rten/ rang
gi ngo bo brjod du med pa'i bdag nyid du gzugs sogs gang gi ngos
nas yod pa ste/ byad par gsum ldan gyi gzugs sogs dngos gnas pa
chos can/ kun btags

pa'i gzugs sogs btags par yod pa de bzhin du khyod kyang rdzas
dang don dam pa gnyis kar yod de/ gzhan bzung ba la ma ltos par
rang gi ngo bo gzung du yod pa gang/ sgra rtog la ma ltos par
grub pa yin pa'i phyir/ zhes de ni

@214b yan gyis chos can dang/ bya'o yan gyis dam bca' dang/
rtags shugs la bstan te/ go sla bar byas na/ brjod med kyi sngon
po dngos gnas pa chos can/ rdzas dang don dam pa gnyis kar yod
de/ rtags de'i phyir/ zhes

pa'o; ! /spro na/ mdo sde rgyan gyi don dam pa'i mtshan nyid
lnga'i grangs bgrang tshul la/ tshul khang gis/ chos bdag gi ngo
bor yod pa min pa/ don dam par med pa min pa/ chos bdag gi ngo
bor yod pa dang don dam par med pa

gnyis ka'i bdag nyid can min pa/ skye 'jig med cing bri bar mi
'gyur ba/ ngo bo 'phel ba med cing gzhan du 'gyur ba med pa
lngar bshad pa mdo sde rgyan gyi rgya bod kyi gzhung khungs ma
rnams dang mi mthun no/ /mchan gyi dgongs

par byas te rin chen sgron mer/ skye 'gag med pa phyi ma'i sgrub
byed du sbyar nas bri 'phel med pa gsum pa dang/ rnam par dag pa
med pa dang/ rnam par dag 'gyur gnyis so sor bgrangs pa blo
brtan 'grel bshad dang 'gal zhing/

dbyig 'grel dang ngo bo nyid med pa'i 'grel bshad dang yang mi
mthun zhes kha cig zer ro/ /yig cha gsar rnying gnyis kar gcod
mtshams nor ba dang/ chad lhag byung ba mchan du gsal ba ltar
la/
kha cig /yod min med min

zhes pa yig char mtha' gnyis la sbyar ba dang/ zin bris dang/
dpal mang mdo rgyan 'grel bar/ kun btags kyi ngo bor yod pa min
zhing gtan nas med pa min pa la gsungs pa rnams 'grel ba 'grel
bshad gang gi yang

@215a @#/ /sgras zin dang mi mthun zhing/ mchan du/ gnyis chos
kyi rnam par med cing dgag bya bcad tsam du yod pa la blo brtan
gyis gsal bar gsungs par bshad kyang 'grel bshad gnyis su 'grel
ba'i tshig las de ltar je

gsal du btang ba med do zer ba dang/ rin chen sgron mer/ gzung
'dzin rdzas gzhan gyi ngo bor yod pa ma yin zhes pa/ mchan du
gnyis chos kyi rnam par med cing/ zhes pa'i don du bsams snang
yang/ de ltar na blo brtan gyis/ kun

btags pa dang gzhan gyi dbang gi mtshan nyid lta bur yod pa min
pas zhes pa dang 'grig tshul dpyad dgos so/ /de bzhin min gzhan
min/ /zhes pa rje 'jigs med dbang po yab sras rjes 'brang dang
bcas pas ldog pa gcig dang ngo bo

tha dad min pa la gsungs kyang/ sngar bshad pa 'grel bshad gnyis
kyi sgras zin dang mthun zhing/ chos mdzad drang nges su/ bri
bar mi 'gyur te/ /'phel ba med cing zhes pa lam sgom pa'i dus la
sbyar ba/ blo brtan gyis/ 'khor

ba'i dus dang mya ngan las 'das pa'i dus na'ang/ zhes gsungs
pa'i sgras zin dang mi 'grig go /rnam par dag pa'ang med/ /ces
sogs gnyal ston gyis sems can gyi dus na sgrib pa ma dag pa
dang/ rang la dmigs nas shes sgrib

dag par 'gyur ba dang/ yig cha gsar rnying du slob pa'i dus na
dri mas ma dag pa dang/ sangs rgyas pa'i tshe dri mas dag pa la
bshad kyang/ mchan dang bstun te sngar bshad pa nyid 'grel ba
'grel bshad rnams dang mthun no/ /mchan

@215b du; bsdu ba'i mtshan nyid lnga chos kun la rung yang mdo
sde rgyan gyi 'di phyi'i chos kyi steng du 'jog dka' bas/ 'dis
don dam bden pa mtshan nyid lnga ldan du ma bshad par thal ba
sogs la zhib cha cung zad dgos par gsungs pa

la; zab gsal sgron me las/ de ltar gsungs pa lnga ba la dgongs
sam snyam yang/ 'bras bu dag pa gzugs la sogs/ /ltar bzhag kyang
mi rung ngam/ zhes bshad de/ de'i don ni gser phreng las/ yul
can 'bras bu dang

yul gzugs sogs rnam par dag par 'jog pa ni yul can gyis yul
gzugs sogs la bdag tu mngon par zhen pa dang/ sogs pas bdag gi
bar zhen pa sogs dang bral bas rab tu phye ba ste de tsam gyis
bzhag pas so/ /zhes pa

ltar ro/ /mun sel du/ mdo sde rgyan gyi don dam bden pa phyi'i
chos kyi steng du 'jog dka' tshul ni bzhi ba gzhan la sbyar dka'
bas yin zhing/ de'i don dam bden pa mtshan nyid lnga ldan sems
steng gi don dam bden pa las spyir don

dam bden pa mtshan nyid lnga ldan du bshad pa min byas na bde bar
gsungs so/ /bsdu bar rgyu mtshan la 'dus ma byas kyang yod par
ston pa la/ mchan du/ rgyu mtshan gang zhe na/ mdor bsdu na
mngon
par rjod pa'i tshig gi gzhi'i gnas

su gyur pa'i dngos po gang yin pa'o/ /zhes pa la mdzad mod/ du
zhig 'dus byas dag yin/ du zhig 'dus ma byas dag yin zhe na/
smras pa/ rgyu mtshan ni gnyi ga yin no/ /zhes pa 'di yin no/
/bsdu pa'i mngon par rjod pa la 

@216a @#/ /yongs su goms pa'i sogs dka' 'grel gnyis kyis 'gal
spong la sbyar kyang/ de'i sgo nas sngar gyi lung gsum la 'gal
ba spong tshul lhag po med par ma zad/ 'di'i 'gal spong ni kun
rdzob dang don dam

par yod pa la 'jog tshul gnyis yod pa'i sgo nas mdzad pa las
gzhan med pa/ gzhung las/ ji ltar mi 'gal ba bshad par bya ste/
'di ltar/ kun rdzob dang don dam par yod pa la 'jog tshul gnyis
yod de/ zhes

gsungs pas kyang shes nus pas/ lung gsum la 'gal ba spong tshul
gsum byas nas 'di gcig la sbyor dgos pa min nam snyam mo/ /des
na dgongs rgyan las/ 'dis ni rnam par shes pa mi 'dra ba gnyis
dang/ de so so'i

dmigs pa gnyis rdzas dang don dam pa gnyis kar med cing btags pa
tsam du yod pa dang/ rdzas dang don dam pa gnyis ltar yod pa'i
tshul so sor dbye ba yin no/ /zhes pa ltar kun btags rdzas dang
don dam pa gnyis kar med pa dang/

gzhan dbang de gnyis kar yod pa'i khyad par zhar la gsal bar
mdzad pa yin zer dgos sam dpyad do/ /gnyal ston gyis/ bsdu ba'i
lung/ yin par rig par bya'o zhes pas bcad de lung tshan pa gnyis
byas nas/ lung snga ma'i

skabs de lta bas na sogs kyis rtags bstan pa dang/ kun btags
pa'i sngon po rdzas dang don dam pa gnyi gar med pa'i rgyu mtshan
du kun btags bkod pa las gzhan dka' 'grel dang mthun la/ spyir
lung tshan gsum yod kyang

@216b kun btags dang gzhan dbang ston pa'i lung tshan gnyis su
'gyur bas mi 'gal zhing/ kun btags rgyu mtshan du bkod pa ni bsdu
ba'i sgras zin la de las ldog ste bkod pa dang mi mthun no/
/dka' 'grel du lung tshan gsum phye ste dang po

'grel skabs/ mngon par rjod pa la yongs su goms pa'i ming la
gnas/ zhes pa mngon rjod kyi bag chags goms pa'i dbang gis tha
snyad 'jug pa'i gzhir gnas pa dang/ lung gnyis pa 'grel skabs/
gzugs/ nas/ yod

pa ma yin pa las/ zhes pa sngon po 'di gzugs so zhes pa la sogs
pa'i ngo bo dang khyad par gyi ming can te tha snyad kyi gzhir
sngon po de dag gi ngo bo nyid kyis yod pa ma yin pa/ zhes dang/
des kun btags pa/ zhes pa mngon rjod kyi rtog

pas rang mtshan gyis yod par kun btags pa la gsungs shing/ kun
btags pa'i sngon po btags yod las rdzas dang don dam pa gnyis
kar ma grub pa'i rgyu mtshan du brdas bzhag pa tsam du gyur pa'i
snang ba yin pa'i phyir/ zhes pa shugs

bstan mdzad rgyu 'dra ba dang/ rgyu mtshan sngar bshad pa de lta
bas na zhes kyang gsungs pa dang/ lung gsum pa 'grel skabs/
mngon rjod la goms pa bsal ba'i ming can brjod med kyi gzugs la
ngos bzung ba dang/ lung dang po

gnyis kyi don go slar bsdus skabs/ rang mtshan gyis ma grub ste/
zhes dang/ brdas bzhag pa tsam gyis yod pa yin pa'i phyir/ zhes
gsungs so/ /dgongs rgyan du/ rnam shes gnyis ston pa'i gzhung
tshan gnyis phye nas snga

@217a @#/ /ma'i skabs ming la gnas zhes pa mngon rjod kyi bag
chags la gnas pa dang/ ming can/ zer ba kun btags pa'i gzugs de
gzugs zhes pa'i ming 'dogs pa'i dngos kyi rten yin pa dang/ bdag
nyid des/ zhes

pa rgyu mtshan ston byed dang/ ming can gyi chos de dag gi ngo bo
nyid yod pa ma yin pa las/ zhes pa gzugs kyi ming 'dogs pa'i
gzhir yongs su chad pa'i chos kyi ngo bor gyur pa de la tha
snyad lam ltos pa'i rang gi ngo bo med bzhin du/

zhes pa dang/ des kun btags pa/ zhes pa de 'dra'i rang gi ngo
bo'i sgo nas kun btags pa la bshad cing/ gzhung phyi ma'i skabs
mngon rjod la goms pa bsal ba'i ming can rnam shes la ngos bzung
ngo/ /de ltar na mngon

par rjod pa la yongs su goms pa'i/ nas/ shes pa'i bar shes pa
snga ma'i khyad par dang/ gzugs la sogs pa'i/ nas/ bdag nyid des
kyi bar shes pa de'i dmigs pa'i khyad par dang/ gzugs la sogs
pa'i ming

can gyi chos de dag gi man ji ltar yod tshul la sbyar cing/ mngon
par rjod pa la yongs su goms pa bsal ba'i ming can/ nas/ shes
pa'i bar shes pa phyi ma'i khyad par dang/ gzugs la sogs pa'i/
nas/ yod pa de ni/

zhes pa'i bar shes pa de'i dmigs pa'i khyad par la 'chad do/
/mchan rjes 'brang dang bcas pa dag rnam shes gnyis ston pa'i
lung tshan gnyis byas nas snga ma ni tshur mthong gi dbang shes
rang dga' ba bag chags kho na'i dbang

@217b gis 'khrul snang sna tshogs su 'char ba 'di yin la/ de'i
dmigs pa gzugs sogs kyi ming can gyi dngos po ni snang tshod ltar
gyi gzugs rang las rgyang chad du yod yod 'dra ba de yin zhing
de nyid gzugs 'dzin rtog pa'i snang cha

tsam gyi kun btags shig yin pas gzugs la sogs pa'i bdag nyid
gang gi yod pa zhes kho rang gi ngos nas rang mtshan gyis ma grub
par gzugs gzugs 'dzin rtog pa'i yul du song ba'i cha tsam la
btags nas bzhag cing/ so

skyes gzugs la bltas tshe snang tshod tsam po dang/ dngos su brda
sbyor ba snang cha de kho na yin pas gzugs kyi ming can zhes
bshad do/ /de'i phyir de ni rdzas dang don dam pa gnyis kar med
de/ de phyi don gyi snang ba tsam yin pa'i phyir/ zhes

pa dang/ phyi ma ni don snang gi bag chags kyis ma bslad pa'i
shes pa'i dmigs pa brjod med kyi gzugs dngos ni rdzas dang don
dam pa gnyis kar yod pa ste de lta bu'i 'khrul snang dang ma
'dres pa'i shes pa rang rig lta bu la mdzad de dpal

ldan chos rje'i bden gnyis su'ang 'di bskyar bar byas so/ /shing
bza' paNTitas/ mngon rjod la goms pa'i ming la gnas pa'i shes pa
ni rtog pa dang/ ming can gyi bdag nyid gang gis yod pa ni rtog
pa'i snang ngo'i don

spyi dang/ mngon rjod bsal ba'i shes pa ni dbang mngon dang/
ming can brjod med kyi bdag nyid gang gis yod pa ni dbang mngon
la rang tshugs mngon sum du snang zhing snang ba de ltar sgra
rtog gis brjod mi nus pa'i dngos

@218a @#/ /po zhig ste sngon po rang nyid lta bu la byed par
gsungs so/ /mun sel du lung tshan gnyis byas nas rnam shes snga
ma gzugs rang 'dzin rtog pa'i zhen gzhir rang mtshan gyis grub
par snang ba dang/ rnam

shes phyi ma gzugs rang mtshan brjod med snang ba gnyis rnam shes
so so ba min par so skye'i mig shes gcig gi snang tshul la sbyar
na stong thun sogs las/ rang dga' ba'i mig shes gcig la'ang
mngon rjod bag chags kyi dbang

gis sngon po sgra rtog gi 'jug gzhir snang ba dang/ rigs mthun
bag chags kyi dbang gis sngon po sngon por snang ba dang/ bdag
lta'i bag chags kyi dbang gis sngon po zhen gzhir rang mtshan
gyis grub pa dang phyi rol don du snang ba sogs

snang tshul du ma yod pa dang/ sngon po sngon por snang ba'i cha
la 'khrul ba'i bslad pa ma zhugs par bshad pa dang mthun pa
dang/ rnam shes phyi ma 'khrul pa'i bslad pa ma zhugs pa mi shes
pa min yang/ sngon po sngon por snang ba'i cha la ma

rig pa'i bslad pa ma zhugs pa'i cha nas 'khrul bas bslad pa med
par btags pa la gsungs so/ /zab gsal sgron mer/ lung tshan gnyis
su byas nas dang po'i skabs ming la gnas pa zhes pa gnas skabs
gzugs zhes pa lta

bu'i ming la gnas pa ste brten nas zhes bkral te/ 'di'i don
bsdu'i bsdu bar/ de la mngon par rjod pa la yongs su goms pa'i
ming la brten pa'i rnam par shes pa'i dmigs pa/ zhes pa sngar
gzhung du drangs pa'i 'gyur ltar

@218b bya dgos pa dang/ gnas pa dang brten pa ni 'gyur khyad
tsam ma gtogs don 'dra zhing/ de yang ming don sbyar nas 'dzin
pa'i tog pas ming la brten nas don la 'di dang 'di'o/ /zhes
'dzin pa'i don yin pa'i rgyu mtshan mang du

bshad pa dang/ gzugs la sogs pa'i ming can ni kun btags la mkhas
pa 'gas gsungs kyang/ rje dge 'dun rgya mtshos gzugs rang la
bshad snang zhing/ lung 'di'i gong de ma thag tu gzugs la sogs
pa'i ming can

la gzugs la sogs par 'dogs pa btags pa las yod par ji ltar rig
par bya zhes dris pa'i lan du/ mngon par rjod pa la yongs su
goms pa'i ming la gnas pa'i sogs gsungs shing/ gzugs la sogs

par 'dogs pa ni gzugs la sogs par btags pa ste kun btags yin la/
gzugs la sogs pa'i ming can ni kun btags 'dogs pa'i gzhir bstan
pas gzugs rung lta bu'i gzhan dbang la byed pa legs shing/ des

na dri ba'i skabs gzugs sogs kyi ming can gyi dngos po la gzugs
sogs su kun btags pa ste btags yod yin tshul dris pas lan gyi
skabs rnam par shes pa'i dmigs pa zhes pa ma gtogs kun btags
zhes ma gsungs

kyang 'di'i rnam par shes pa'i dmigs pa kun btags la go dgos la/
mjug sdud du mngon par rjod pa la yongs su goms pa'i ming la
brten pa'i rnam par shes pa'i dmigs pa kun btags pa de ni zhes
gsungs pas kyang shes

@219a @#/ /pa dang/ gzugs la sogs pa'i bdag nyid gang gis yod pa
de ni/ zhes pa gzugs la sogs pa'i bdag nyid de sdod lugs gang
gis yod par byis pa rnams la snang ba de ni/ zhes dang/ bdag
nyid des/ zhes

pa de ltar gzugs sogs kyi bdag nyid de yi sgo nas med de/ zhes
dang/ lung phyi ma'i skabs rnam par bsal ba'i don mngon rjod kyi
bag chags kyis ma byung ba/ zhes bkral tau/ /bshad tshul de dag
las gtso bo sngar ltar rnam shes snga

ma mngon rjod kyi bag chags kyis bslad pa'i shes par rtsod pa
med kyang/ rnam shes phyi ma dka' 'grel gnyis las snga ma dang
don gcig pa dang/ dgongs rgyan dang mchan du rnam shes snga ma
las gzhan du byas te mchan gyis rang rig

dang; shing bza' paNTita dang zab gsal sgron mes rnam shes snga
phyi par rtog pa dang dbang shes la ngos bzung ba dang/ tshe
brtan lhar mas pa dang mun sel gyis shes pa gcig la mngon rjod
goms pa bsal ba'i ming btags par

gsungs shing/ rin chen sgron mer de la rnal 'byor mngon sum yang
bzhag go /de la/ mchan sogs ltar na rnam shes snga ma sems can
dang phyi ma sangs rgyas kyi sar sbyor dgos par thal/ sems can
gyi sar rang rig dang mnyam

gzhag ye shes ma gtogs mngon rjod kyi bag chags kyis ma bslad
pa'i shes pa med pa gang zhig /de gnyis la sngon po rang mtshan
pa mi snang ba'i phyir/ phyi ma der thal/ rang rig 'dzin rnam
dang mnyam gzhag ye shes de kho na

@219b nyid la gnyis snang nub pa'i blo yin pa'i phyir/ rtsa bar
'dod na/ sngon po dngos gnas pa dngos su rtogs pa'i sems can gyi
shes pa med par thal lo/ /gzhan yang/ sngo 'dzin mig shes la bag
chags so so'i dbang gis 'khrul ma

'khrul gyi snang tshul mi 'dra ba gsum 'byung bar gsungs pa mi
'thad par thal ba dang/ mchan las/ kho rang la dung ser por
snang ba de'i sgo nas dung dkar po de la reg pa sogs kyi bya ba
snyon med du byed nus/ zhes gsungs pa ltar

na mig shes la gzugs la sogs pa dngos gnas pa mi 'char yang/ lus
shes la reg bya dngos gnas pa 'char bar thal ba dang/ pra sti'i
drang res rgyas pa dang mchan du rang rig gis rang mtshan brjod
med yul du byed par bshad

pa ltar na rang rig rnams nang kho nar phyogs pa'i shes pa ma
yin par thal ba dang/ rang rig la rnam shes ma yin pas khyab
pas/ rnam par shes pa/ zhes gsungs pa yang mi rigs par 'gyur
zhes mkhas pas brtags shing/

zab gsal sgron mer/ gzugs la sogs pa'i ming can zhes pa gzugs
mtshan nyid pa la bshad pa bsdu bar/ de la gzugs la sogs pa'i
phung po'i ming can gyi dngos po ni rdzas su yod pa yin no/
/zhes sogs kyi sgras

zin dang mthun no/ /de las gzhan rnams la gnod byed dang sgrub
byed gang che blo gros zhib mos brtag pa'i yul te dka' gnas su
snang ngo/ /gsum pa ni/ rdzas btags kyang/ zhes sogs byung/ de
la/ chos gang yin

@220a @#/ /yang rung ste/ de nam 'char ban chos de las gzhan
'char ba la ltos mi dgos par rang gi ngo bo gzung du yod cing/
chos de tshad mas rtogs pa yang rang nyid las gzhan pa'i chos dag
la mi rten par rang gi mtshan

nyid 'dogs pa ni rdzas yod de/ des btags yod kyi don yang shes
nus so/ /bsdu ba las/ 'di lta ste/ gzugs la sogs pa'i phung po'i
ming can gyi dngos po la brten cing ltos te gnas nas bdag ces
bya'am sems can

zhes bya bar rgya cher nye bar 'dogs par byed pa'o/ /zhes phung
po la brten nas bdag gam sems can du btags pa ni btags yod kyi
dper mdzad do/ /gang zag dang kun gzhi'i steng gi bag chags kyi
nus pa dngos po yin pas don

dam par yod kyang phung po dang kun gzhi la ma brten par gzung
du med pas skabs 'di'i btags yod do/ /des na skabs 'di'i btags
yod dang 'jog tshul dang po'i don dam par yod pa mi 'gal yang/
ming brdas bzhag tsam gyi

btags yod dang de gnyis 'gal lo/ ! /'dir/ spyir yod pa tsam la
rdzas yod dang/ bdag gnyis lta bu kun rtog gis yod par bzung
yang yod pa'i min pa la btags yod dang/ dngos po rnams la rdzas
yod dang/ spyi

mtshan rnams la btags yod dang/ ma byas pa'i chos rnams la brtan
pa mi 'gyur ba'i rdzas yod dang/ 'dus byas rnams la btags yod
dang/ gzugs sgra sogs la rdzas yod dang/ ldan min 'du byed yongs
grub

@220b kun btags kyi chos rnams la btags yod du bshad pa sogs mi
'dra ba mang yang snga ma rnams ni rnam grangs pa dang/ phyi ma
ni rdzas btags mtshan nyid pa yin no/ /de la go thob kyi dbang du
byas na/ rang nyid blo yul du 'char ba

rang las gzhan pa'i chos kyi rnam pa blo yul du 'char ba la ltos
mi dgos par rang dbang du 'char ba'i tshugs thub kyi chos sam/
rang gi ngo bo nges pa chos gzhan gyi rnam pa 'char ba la mi
ltos pa de/ rdzas yod kyi mtshan nyid yin te/

bsdu ba gzhung du drangs pa dang/ kun btus las/ dbang po'i spyod
yul brjod pa dang de las gzhan pa la mi ltos pa ni rdzas su yod
pa'o/ /zhes gsungs pa'i phyir/ sgras brjod kyis dbye na/ rigs
pas grub pa'i dang/ brtan pa mi

'gyur ba'i dang/ don byed nus pa'i dang/ rang rgya thub pa'i
rdzas yod dang bzhi yod/ shes bya yin na dang po dang/ ma byas
pa'i chos yin na gnyis pa dang/ 'dus byas yin na gsum pa dang/
gzhan 'char ba la mi ltos par 'char ba'i chos

yin na bzhi pa yin pas khyab po/ /rigs rgyan du/ sems byung
btags yod pa rnams cha la btags pa dang/ dngos po snga phyi'i
gnas skabs la dus gsum du btags pa lta bu gnas skabs la btags pa
dang/ bdag gnyis lta bu med

bzhin du btags pa dang/ phung po la brten nas sems can du btags
pa lta bu de las gzhan pa'i btags yod bzhi dang/ gzhung gzhan
du/ kun gzhi'i bag chags lta bu brten nas btags pa dang/ 'jig
lta lta bu cha la btags 

@221a @#/ /pa dang/ nam mkha' lta bu rtog pas btags pa sogs bshad
pa yod kyang/ 'dir/ rang nyid blo yul du 'char ba rang las gzhan
pa'i chos kyi rnam pa blo yul du 'char ba la nges par ltos dgos
pa'i chos sam/

rang gi ngo bo nges pa chos gzhan gyi rnam pa 'char ba la ltos
pa de/ btags yod kyi mtshan nyid yin te/ bsdu ba gzhung du drangs
pa dang/ kun btus las/ dbang po'i spyod yul brjod pa dang de las
gzhan pa la ltos pa dang bcas

pa ni btags pa'i yod pa'o/ /zhes gsungs pa'i phyir/ dbye na/
ldan min 'du byed dang kun btags kyi chos dang yongs grub gsum
yod do/ /rdzas yod bzhi bo'i gang rung dang/ don dam par grub pa
la rdzas yod kyis ma khyab

pa dang/ yid kyi rnam shes dang kun gzhi'i rnam shes sogs gang
zag gi mtshan gzhi yin yang btags yod min pa dang/ skyes bu dang
gang zag gnyis ka'i spyi ldog btags yod dang/ gzhi ldog la rdzas
yod yod pa sogs

kyang shes par bya'o/ ! /spro na/ sde bdun rgyan las/ bod kyi
mkhas pa snga ma dag gis mtshon bya yin na btags yod chos gsum
tshang ba dang/ mtshan nyid yin na rdzas yod chos gsum tshang ba
sogs kyi rdzas ldog gi rnam

gzhag byas pa yin te/ tshul 'di ni gzhung lugs chen po dag gi
srol yin la/ zhes gsungs pa la brten nas kha cig mtshan nyid la
rdzas yod dang/ mtshon bya la btags yod kyis khyab zer/ yig char
de bkag nas/ mtshan

@221b nyid yin na rdzas yod chos gsum tshang ba'i rdzas yod kyis
khyab kyang rdzas yod kyis ma khyab pa dang/ mtshon bya yin na
btags yod chos gsum tshang ba'i btags yod yin pas khyab kyang
btags yod yin pas ma khyab pa'i zhib cha mdzad do/

yig cha las/ rang rgya 'dzin thub pa'i rdzas yod dang ngang rkya
thub pa'i rdzas yod don mi gcig pa'i phyir te/ rang gi ngo bo
nges pa la yul dang yul can gzhan zhig nges pa sngon du 'gro mi
dgos par gzung du yod pa de skabs 'di'i rang rkya 'dzin

thub tshul dang rdzas su yod pa'i don yin/ gang zag gi bdag med
kyi skabs kyi dgag bya'i rang rgya thub tshul ni/ btags chos sam
cha can gyi chos gang yin pa de dang de rang gi gdags gzhi'am
cha shas de la phar ma ltos par dpon po

'am rje bo lta bu'i rang rkya thub pa dang/ gdags gzhi dang cha
shas de dang de la ltos pa dbang bsgyur bya lta bur grub pa gcig
'dod pa'i phyir/ zhes bsdu ba'i skabs 'di'i rdzas yod dang/ gang
zag gi bdag med kyi dgag bya'i rdzas

yod gnyis mi 'dra ba dang/ rang rkya thub pa'i rdzas yod dang
rang rkya 'dzin thub pa'i rdzas yod gnyis la khyad phye nas/ yid
kyi rnam shes rang rkya 'dzin thub pa dang rdzas yod gnyis ka
yin yang rang rkya thub pa'i rdzas yod min zhes  

gsungs pa'i rjes su sgo mang phyir bas ba phal cher 'brangs
shing/ chos rje dpal ldan pa'i bden gnyis las kyang phyogs 'di
mnan cing 'og tu 'dren 'gyur ltar 'jug pa'i rnam bshad kyi/ gang
zag gi dang ldog nas 'dod

@222a @#/ /pa; sogs kyi don rang rgyud pa man gyis rang rkya thub
pa'i rdzas yod kyi ming ma btags kyang thal 'gyur bas gzhal na
de'i don tshang pas de dag gis gzugs shes rang rkya thub pa'i
rdzas yod du 'dod par gsungs pa

la byas so/ /yig cha gzhan du de lta bu'i khyad mi 'byed par
rdzas yod dang rang rkya thub pa'i rdzas yod don gcig cing/ bsdu
ba las gsungs pa 'di yang de 'chad byed du mdzad pa ltar lcang
skya'i grub mthar/ rang rkya thub pa'i

rdzas yod rang rkya 'dzin thub pa'i rdzas yod skabs 'di'i rdzas
yod rnams khyad med du byas nas/ gang zag rang rkya thub pa'i
rdzas yod du 'dzin tshul ni/ nga zhes 'dzin pa'i gzhi'i bdag 'di
phung sogs la ma brten pa'i tshul gyis de dag

la dbang sgyur byed lta bu'i rang rkya bar 'dzin pa yin pas/
spyir phung po bzung ba lam brten par gang zag 'dzin mi nus
kyang/ bdag 'dzin gyis rgyud bslad pa rnams kyis de ltar mi shes
par bdag bzung ba la brten nas phung po

'dzin dgos pa lta bu zhig 'char ro/ /bdag rdzas yod du 'dzin
tshul ni/ rang las gzhan bdag la mi ltos shing de la mi rten par
rang gi mtshan nyid 'dogs par byed pa'i rdzas yod du 'dzin pa yin
pas 'dzin tshul de gnyis

don gcig go /de lta bu'i gang zag rang rkya ba 'gog pa'i rigs
pas dgag bya bkag shul du phung po la ltos shing brten nas btags
pa'i gang zag btags yod du 'grub dgos te/ rigs pa des de phung
po las don gzhan

@222b dang rang rkya ba'i rdzas su grub pa bkag zin pa'i phyir/
des na phung sogs la rdzas yod kyi bdag bkag pas de des longs
spyad bya yin pas stong la/ de lta na phung sogs gdags gzhir
byas nas rdzas grub kyi bdag yod pa dang de dag des

bdag gi bar 'dzin pa khegs pas phung sogs chos tsam du lus par
'gyur ro/ /de yang spyir gzugs shes sogs rang rkya thub pa'i
chos mang du yod kyang gang zag ni rang rkya thub pa'i chos su
ma grub pas/ ma dag pa'i snod bcud kyi rgyu las

nyon 'du byed pa po'i bdag dang/ dag pa'i snod bcud kyi rgyu
thugs rje dang snon lam rdzogs pa'i sangs 'phags dang/ 'gog pa
dang de bzhin nyid sogs thob shes byed pa po la sogs pa'i gang
zag rnams rang rkya thub pa'i rdzas su med

pas de dag kyang des stong zhing chos tsam du lus so/ /des na
spyir gang zag ni rang rkya thub pa min pas rang rkya thub pa'i
rdzas sam rdzas yod kyis stong pas na/ chos kun gang zag rang
rkya thub pa'i rdzas yod dam gang zag rdzas yod du grub pas

stong pa yin no/ /de gang zag rang rkya thub pa'i rdzas su grub
par 'dzin pa'i log rtog che ba'i dbang gis yin la/ bum pa lta bu
rang shes pa po'i gang zag rang rkya thub pas stong pa bum pa'i
gnas lugs su bzhag chog pas gang zag gi

bdag med dang gang zag rang rkya thub pa'i rdzas yod kyis stong
pa'i don de ltar shes dgos par gsungs nas/ kha cig ngang rkya
'dzin thub pa'i rdzas yod dang rang rkya thub pa'i rdzas yod
gnyis kyi zhib cha 'byed pa yang rgya gzhung tshad thub

@223a @#/ /rnams dang/ rje yab sras kyi gsung gang las kyang me
'byung bas 'thad rgyu zhig mi 'dug snyam pa lags shing/ sngar
bshad pa nyid chen po rnams kyi dgongs pa dang mthun par snang
ngo/ /zhes gsungs pa'i rjes

su tshe brtan lha rams pa sogs mang po zhig 'brangs shing/ chos
rje dpal ldan pa'i grub mchan 'jug 'grel 'dod 'gal gsum du'ang
phyogs 'di mnan to/ /mchan las/ lcang skya rin po che'i grub
mthar/ kha cig rang rkya 'dzin

thub pa'i rdzas yod dang/ nas/ 'thad rgyu zhig mi 'dug /ces mang
du gsungs pa yang mkhas pa snga ma'i khas len gyi rgyun bskyangs
pa tsam las dgongs pa dngos min 'gro/ zhes dang/ kun gzhi'i
mtha' dpyod las/ kun mkhyen bla

ma'i drang nges rnam 'byed chen mor de gnyis kyi khyad par phye
ba la/ lcang skya rin po che'i grub mthar/ nas/ mang du gsungs
pa'ang mkhas pa snga ma kha cig gi bshad rgyun bskyar ba tsam
las rje de nyid kyi rang lugs min te/ bsdu ba dang

rnam bshad gnyis kar dgag bya bcad pa sogs la ma ltos par ngo bo
blo yul du 'char du yod pa'i rdzas yod dang/ gdags gzhi'am cha
shas so so lam ltos par tshugs thub tu grub pas rang rkya thub
par gsungs pa las lhag pa'i

tshad thub kyi gzhung dang khyad par 'byed tshul med pa'i phyir/
zhes gsungs so/ /dpal ldan chos rje'i bden gnyis su/ dag yig
mkhas pa'i 'byung gnas su de gnyis la khyad phye nas gsungs pa
ltar yin pas/ grub mtha'

@223b las gsungs pa dam pa de'i bzhed pa min par bshad pa bzhin/
dag yig de'i dbu ma'i thad las/ rang rgya thub pa dang rang rkya
'dzin thub pa gnyis mi gcig go /zhes byung yang/ phyi rtsom yin
pas rje de'i bzhed pa la grub mtha' gtso bar

snang ngo/ /gzhan yang kun gzhi'i mtha' dpyod du/ de gnyis la
khyad med na/ rje bla mar stag lo'i/ rdzas yod bdag smra gnas ma
bur nges dang/ /zhes sogs kyi dgag pa 'jug par thal ba dang/
lugs 'dir yang gang zag gi

bdag med stong gzhi'i sgo nas 'jog par thal ba dang/ de 'dod na/
chos thams cad kyi steng du gang zag gi bdag med kyi dbang du
byas pa'i mtshan nyid gsum gyi rnam gzhag mi 'thad par thal ba
dang/ gang zag gi bdag med  

phra mo'i dgag bya gzugs shes gnyis kyi steng du tshad mas grub
na de gnyis gang zag gi bdag med ma yin par thal ba'i skyon
bstan la/ lcang skya'i grub mtha' rjes 'brang dang bcas pas/ de
gnyis la khyad 'byed pa mi 'thad par

thal; sems tsam sogs kyi lugs la rdzas yod yin na rang rkya thub
pa'i rdzas yod yin pas khyab pa'i phyir te/ rnam shes rang rkya
thub pa'i rdzas yod min pa'i phyir te/ 'jug pa'i rnam bshad las/
de yang lugs de dag gis nyan dang

gis gang zag rdzas yod du med par rtogs par 'dod kyang rnam shes
gnyis po rdzas yod du med par rtogs par mi 'dod pas gang zag
rang rkya thub pa'i rdzas su med par smra ba ni gang zag gi rang
gi ldog pa nas 'dod pa yin gyi/

@224a @#/ /gang zag gi mtshan gzhi rnam shes la de ltar 'dod pa
min no/ /zhes dang/ 'dir pha rol pos btags yod kyi dngos po
rnams rang rkya thub pa'i rdzas yod re gdags gzhir yod pa la
brten nas 'dogs par khas len zhing/

zhes gsungs pa'i phyir/ gzhan yang/ de gnyis la khyad med par
thal/ de dag gi ldog phyogs btags yod gnyis la khyad med pa
gang/ bsdu bar phung po la brten nas bdag gam sems can du btags
pa skabs 'di'i btags yod

kyi dper gsungs/ rjes gang zag gi bdag 'gog skabs rang rkya thub
pa'i rdzas yod ngos 'dzin lugs bsdu ba ji lta ba bzhin gsungs/
bye smras kyang rags pa rnams rang rkya thub pa'i rdzas yod kyis
stong par 'dod kyang rdul cha med dang shes pa cha med

lta bu rang rkya thub pa'i rdzas yod du 'dod pa'i phyir/ phyi ma
der thal/ bye smras rdul cha med rang rkya thub pa'i rdzas su
med par sgrub na gcig du bral gyi rigs pa lta bus sgrub dgos pa
la rigs pa des de sgrub tshul med pa'i phyir te/ de sa/ rdul cha
med chos

can; rang rkya thub pa'i rdzas su med de/ bden grub kyi gcig
dang du ma gang rung dang bral ba'i phyir zer ba dang/ rang gi
cha shas dang de ltar bral ba'i phyir zer ba dang/ rdul cha med
gzhan dang de ltar bral ba'i phyir zer ba dang/ rang gi

btags chos su gyur pa'i rags pa dang de ltar bral ba'i phyir zer
pa yang ma yin pa'i phyir/ dang po grub ste/ des rdul cha med
bden grub kyi gcig tu 'dod pa'i phyir/ gnyis pa grub ste/ de'i
lugs la rang gi cha shas

@224b dang gcig dang du ma gang rung dang bral ba'i chos de
rdzas yod las btags yod kyi sgrub byed ma yin pa'i phyir/ gsum
pa grub ste/ de rdul cha med gzhan dang ngo bo tha dad du des
'dod pa'i phyir/ bzhi ba grub ste/ de rang gi btags

chos su gyur pa'i rags pa dang de nyid dang gzhan du brjod du
med pa ma yin pa'i phyir te/ de de las logs su gzung du yod pa'i
phyir/ der thal/ btags chos rags pa bcom gzhig gi tshe rdul cha
med lhag mar lus pa yod pa'i

phyir; gzhan yang/ ka bum sogs rang rkya thub pa'i rdzas yod
kyis stong pa la gang zag gi bdag med kyi tha snyad byed pa'i
rgyu mtshan ni med par mtshungs pa la chos thams cad gang zag gi
bdag med du gsungs pa las ri bor rwa med

du ma gsungs pa log rtog zlog pa'i dgos pa yod med kyis yin dgos
la/ de la bum pa gang zag gi bdag tu 'dzin pa'i log rtog kyang
de rang rkya thub pa'i rdzas yod du bzung ba las med cing de
yang ji ltar du bzung ba bshad dka'

'o; /des na rang rkya 'dzin thub pa'i rdzas yod ces pa'i tha
snyad tsam yang gzhung khungs man med pas khas mi blang la/
tha
snyad de lta bu 'dogs na de yang snga ma dang don gcig tu bya
dgos te/ gang zag gi bdag 'gog pa'i rigs pas

gang zag rdzas yod khegs na de btags yod du nges par 'gyur ba'i
phyir dang/ de'i tshe gang zag btags yod du nges tshul yang de
rang rkya bar med par bsgrubs pa'i shugs kyis de tshogs rgyun la
btags pa tsam du rtogs pa la byed pa'i phyir

@225a @#/ /dang; de btags par yod tshul yang phung po shar ba la
brten nas gang zag gi rang ldog blo yul du 'char dgos pa la byed
pa'i phyir/ khyab ste/ 'gog rgyu'i gang zag rdzas yod kyang
btags yod kyi ldog phyogs su gyur pa'i

rdzas yod la byad gos pa ni mtha' gzhan 'gog pa'i rigs pas grub
pa'i phyir ro/ /zhes phyogs gzhan la skyon ston to/ /'di dag gis
rang lugs 'jog pa na/ chos thams cad gang zag gi bdag med yin
pa'i don ni bum pa lta bu bum pa

shes pa po'i gang zag rang rkya thub pa'i rdzas yod kyis stong
pa la byed dgos te/ mngon rtogs rgyan du/ gzhi shes kyi rnam
pa'i skabs shes pa po dang/ byed pa po dang/ 'pho ba po dang/
'dul ba po'i gang zag gi bdag med rtogs pa bzhi

lam bden gyi rnam pa bzhi'i mtshan nyid du bshad pa'i phyir dang/
de rnam 'grel las/ bden pa bzhi la brten pa yang/ /zhes sogs
dang/ stong nyid lta bas grol 'gyur gyi/ /zhes sogs kyi don yang
yin pa'i phyir dang/ chos kun gyi

steng du rang rang gi rang rkya thub pa'i rdzas yod kyis stong
par gtan la 'bebs tshul gcig du bral gyi rigs pas byed pa bye mdo
sems tsam gyi gzhung gang na'ang med pa'i phyir dang/ sems tsam
pas phyi don dang/ gzung 'dzin rig gsum

rdzas tha dad kyi cha 'gog pa las shes par rang gi ngo bo bdag
med du gtan la 'bebs tshul gcig du bral gyi rigs pas byed pa gang
du yang ma gsungs pa'i phyir zhes 'chad do/ /kho na re/ stag
los/ rdzas yod bdag smra gnas ma bur

@225b nges dang/ /rnam shes bdag smra'i dbu sems yod pa 'gal/
/zhes rje bkag pa gnad du song bar thal/ gang zag gi gzhi ldog
mtshan gzhi'i rnam shes rdzas yod du 'dod par 'jug pa'i rnam
bshad las gsungs pa'i phyir nam khyab ste/

gang zag rang ldog nas rdzas yod du smra ba'i rang sde la gnas
ma'i bu sogs kyis khyab pa dang/ de'i gzhi ldog la rdzas yod yod
par 'dod pa'i dbu sems yod pa mi 'gal ba'i phyir te/ 'jug pa'i
rnam bshad las/ gang zag rang rkya

thub pa'i rdzas su med par smra ba ni/ zhes sogs drangs zin ltar
yin pa'i phyir/ don 'di la/ rtsod lan seng ge'i nga ror/ brjod
med kyi bdag rdzas yod khas len mkhan rang sde la gnas ma'i bur
nges kyang/ rnam shes rdzas yod kyi bdag

tu 'dod pa'i dbu sems yod pa 'gal ba med par gsungs pa dang/ yig
char/ dbu sems kyis rang rkya 'dzin thub pa yod par 'dod kyang
rang rkya thub pa yod par mi 'dod pas skyon med par gsungs pa
dang/ legs bshad

rjes 'brang las/ gang zag gi bdag ces pa ni gang zag rang rkya
thub pa'i rdzas su yod pa tsam la mi byed par/ phung po dang
mtshan nyid mi mthun pa'i gang zag rang rkya thub pa'i rdzas su
yod pa la byed par rje bdag nyid chen pos shin tu

gsal bar gsungs pa'i phyir ro/ /zhes rtsod spong byed cing/ 'jug
pa'i rnam bshad las/ phyogs 'di ni gnas ma bu'i sde ba la sogs
pa 'phags pa mang pos bkur ba'i sde ba'i 'o/ /zhes rdzas yod kyi
bdag 'dod 

@226a @#/ /pa gnas ma bu ba sogs su gsungs kyang/ stag los/ gnas
ma bur nges zhes bshad pa la brten nas rang phyogs kyi mkhas
grub 'ga'i gsung zin la zhib cha ma thon pa lta bu byung ba'ang
shes dgos so/ /yig chad

rdzas yod kyi shes pa dang shes pa don gcig pa dang/ shes pa
rnams rdzas yod kyi mtshan gzhir byas pa ni rang rig 'dod pa ltar
na sems sems byung rnams skabs 'di'i bsdu ba'i sgras zin gyi
rdzas yod du khas blangs chog pas rung

yang; de mi 'dod pa ltar na sems byung la bsdu ba'i sgras zin
gyi rdzas btags gnyis ka yod par 'dod dgos shing/ de yang kun
btus mchims mdzod rigs rgyan sogs las sems byung nyer gnyis
rdzas yod nyer dgu

btags yod dang/ bsdu bar nyer bdun rdzas yod nyer bzhi btags yod
du gsungs la/ de ltar 'jog pa'i rgyu mtshan yang rjod pa sgra
dang rgyu mtshan gzhan la ma ltos par blos yul du byed nus mi
nus
la gsungs pa dang/ rigs

rgyan du 'di'i rdzas btags rdzas yod bzhi las rang rkya thub
pa'i rdzas yod dang/ btags yod bzhi las cha la btags pa'i btags
yod la sbyar ro/ /rang rig 'dod pa ltar na/ dgongs zab snang
ba'i sgron me las/

'on kyang sems byung btags yod rnams sgra dang rgyu mtshan
gzhan
la ma ltos par blo yul du byed mi nus par bshad pa ni/ sems
byung btags yod rnams kyi mtshan nyid ji lta bu yin snyam du
dpyod pa'i tshe sems byung

@226b gzhan gyi cha la sgra rtog gis btags pa'i btags yod du
shes pa'i phyir de ltar gsungs pa/ dper na/ gti mug med pa shes
rab kyi cha la btags pa sogs dang/ gang zag phung po la btags
pa'i btags yod du bshad pa

bzhin no/ /zhes gsungs pa ltar 'dod dgos shing/ de ltar na shes
pa rnams spyir rdzas yod du khas blang rung ba 'dra yang/ skabs
don bsdu ba sor bzhag yin pas brtag la/ rta nag rnam 'grel las/
sems byung yin na

btags yod yin dgos pa'i phyir/ zhes gsungs pa bsdu ba sogs dang
mi mthun no/ /yang/ gzugs shes sogs des khyad par du byas nas
rtogs pa la gnyis stong rtogs dgos kyang/ des khyad par du byas
pa'i de rtogs pa

la mi dgos pas de dag btags yod min zhes bshad na drang nges
bsdus par rdzas btags kyi mtshan nyid la cha bzhag sbyar ba dang/
blo rig mtha' dpyod du so skye'i rgyud la gang zag gi bdag med
kyis khyad par du byas pa'i shes pa

fnyams myong gi rang rig tshad ma med par bshad pas brtag go /yig
char khyod sems can gyi shes pa yin na khyod chos gzhan dang
yul
can skra rtog la ma ltos par rang gi ngo bo 'dzin pa'i slob pa'i
rang rig yod pas khyab par bshad

kyang; lam ma zhugs gang zag gi sngo 'dzin mig shes de ltar
'dzin pa'i sdob pa'i rang rig dka' ba dang/ yig cha ltar na sems
can gyi yid kyi rnam shes dang kun gzhi gang rung yin na rang
nyams su myong ba'i rang rig mngon

@227a @#/ /sum gyis grub pas khyab par bzhed pa dang/ kun gzhi'i
mtha' dpyod du rigs nges rgyun zhugs kyis kun gzhi ma rtogs par
gsungs pa rnams la dpyad par bya'o/ /dgongs rgyan du ka bum sogs
gdags gzhi gzhan

la ltos nas rang gi ngo bo 'dogs dgos rnams btags yod du bshad
la/ bsdu bar bza' btung gos rgyan khang khyim sogs btags yod du
bshad pa'ang yod do/ /zab gsal sgron mer shes pa rnams rdzas yod
du bzhag pa rang

rig yod pa sems tsam spyis 'dod par grags pas de ltar mdzad pa
dang/ shes pa la btags yod yod par gsungs pa cha la btags pa'i
btags yod la dgongs pa ste/ btags yod dngos brten nas btags pa'i
btags yod

la byed dgos par bshad do/ /gnyis pa de'i 'jog tshul gnyis pa'i
dbang du byas nas 'gal ba spang ba la gnyis/ dngos dang/ rtsod
pa spang ba'o/ /dang po ni/ 'jog tshul gnyis pa/ zhes sogs byung/
dbus mthar/ rnam dag

lam gyi dmigs pa mthar thug don don dam dang/ myang 'das thob
pa
don dam dang/ mnyam gzhag ye shes sgrub pa don dam ste don
dam
gsum gsungs pa ni de'i 'grel pa las/ don don dam pa ni de bzhin
nyid de ye shes dam pa'i don yin

pa'i phyir ro/ /thob par bya ba'i don dam pa ni mya ngan las
'das pa ste don gyi dam pa yin pa'i phyir ro/ /sgrub pa don dam
pa ni lam ste de'i don ni dam pa yin pa'i phyir ro/ /zhes pas
shes shing/ don ni yul la byas te don dam yul de bzhin

@227b nyid de gnas lugs mchog yin pas sgrub pa don dam dang/ don
dgos pa la byas nas lam bden de dgos pa mchog myang 'das 'thob
byed yin pas sgrub pa don dam zhes bshad tshul gnyis blo brtan
'grel bshad du byung ngo/ /mnyam

gzhag ye shes kyi yul du yongs grub gcig pu yod pa yin pas/ gong
du 'gal ba bsgrig sa'i lung bzhi'i dgongs 'grel gyi 'dus byas
yin na don dam min pa dang/ dbus mtha'i don dam bden pa yongs
grub gcig pu yin pa dang/ mdo

sde rgyan gyi don dam yin na skye 'jig mi byed pa de ltar gsungs
te/ dbus mtha' rtsa 'grel du yongs grub gcig pu chos dang gang
zag gi bdag med rtogs pa'i mnyam gzhag ye shes gnyis kyi yul yin
par gsal bar gsungs so/ /mdor na

dgongs 'grel sogs gsum po des rnam dag lam gyi dmigs pa'i don
dam pa ste 'jog tshul gnyis pa'i don dam ma mdon dam bden pa las
'jog tshul dang po'i don dam du yod med bshad pa min pas lung de
dag dang 'gal ba'i skyon

med do/ / /'dir/ rnam dag lam gyi dmigs pa mthar thug tu ma grub
pa'i chos de/ 'jog tshul gnyis pa'i kun rdzob tu yod pa'i mtshan
nyid/ dbye na gzhan dbang dang/ kun btags gnyis yod/ sgras brjod
kyis/ btags pa dang/

shes pa dang/ brjod pa'i kun rdzob gsum yod/ 'di'i kun rdzob tu
yod pa dang kun rdzob bden pa don gcig /tha snyad bden pa/
gzhi'i chos/ rdzun pa/ slu ba'i chos/ snang tshul gnas tshul mi
mthun pa'i chos rnams rnam grangs

@228a @#/ /so; /btags pa dang shes pa dang brjod pa'i kun rdzob
gsum gyi ngor ram dbang gis bden pa'am yod pas na kun rdzob
bden
pa ste/ 'di'i tshig zur gyi bden pa'i skad dod sa bya zhes pa yod
pa sogs la'ang

'jug pa'i phyir ro/ /rnam dag lam gyi dmigs pa mthar thug tu
grub pa de/ 'jog tshul gnyis pa'i don dam du yod pa'i mtshan nyid/
dbye na/ gang zag gi bdag med dang/ chos kyi bdag med kyi dbang
du byas pa gnyis yod/

sgras brjod kyis/ don dang/ thob pa dang/ sgrub pa don dam gsum
yod/ 'di'i don dam du yod pa dang don dam bden pa gnyis don gcig
/de bzhin nyid/ yang dag mtha'/ mtshan ma med pa/ don dam/ chos
dbyings/

yongs grub rnams rnam grangs so/ /'phags pa'i mnyam gzhag ye
shes kyi spyod yul dang snang tshul gnas tshul mthun pas na don
dam bden pa zhes bya'o/ /'jog tshul dang po'i kun rdzob tu grub
pa dang kun rdzob tu grub pa don gcig

de'i don dam du grub pa dang don dam du grub pa don gcig /'jog
tshul gnyis pa'i kun rdzob tu grub na kun rdzob tu grub pas ma
khyab ste/ gzhan dbang de'i kun rdzob tu grub kyang kun rdzob
tu
ma grub pa'i phyir/ de'i don dam du grub na

don dam du grub pas khyab ste/ 'di'i don dam du grub na don dam
bden pa yin pas khyab pa'i phyir/ kun rdzob tu grub na 'jog tshul
gnyis pa'i kun rdzab tu grub pas khyab kyang/ don dam du grub na
'jog tshul de'i don dam du grub

@228b pas ma khyab ste/ gzhan dbang don dam du grub kyang de'i
don dam du ma grub pa'i phyir/ gzhan dbang yongs grub gnyis don
dam par grub kyang don dam par sgra rtog gi yul du ma grub ste/
de gnyis don dam par sgra rtog gis yul

du byed mi nus pa'i phyir ro/ /gnyis pa ni/ lugs 'dis/ zhes sogs
byung/ don dam bden pa kho na mnyam gzhag zag med kyi yul
mthar
thug tu bshad pa la/ kha cig na re/ don dam bden par ma zad
mnyam gzhag ye shes

kyang mnyam gzhag ye shes kyi yul du 'gyur bar tha la/ rnam rig
pa'i lugs 'dis mnyam gzhag ye shes de so so rang rig tu bzhed
pa'i phyir/ zhes rtsod pa ste/ so so rang rig la rang rig ces
bshad pa'i skabs mang du byung ba ni/

dgongs 'grel rnam bshad las/ 'phags pa rnams kyi so so rang gis
rig pa zhes bya ba ni de bzhin nyid kyi rnam pa yang dag pa'i ye
shes kyi ngo bo nyid las tha mi dad pa de nyid ye shes kyi rang
rig pa zhes bya ba'i tha tshig go /zhes dang/

gser phreng las/ mnyam gzhag rang rig gi tshul gyis nyams su
myong ba/ zhes dang/ 'jug pa'i rnam bshad las/ rnal 'byor ba so
so rang rang gis de kho na nyid rig pa'i rang rig /ces dang/ rim
lnga gsal sgron las/ rnal

'byor ba so so rang gis rig pa'i bde ba chen po rang rig pa/
zhes dang/ zhang zhung ye le'i 'grel bshad las/ rang rig la grub
mtha' gong 'og mdo sngags rnams su 'jog tshul mi 'dra ba mang
ste/ shes pa rang las tha dad pa'i yul gyi

@229a @#/ /rnam pa ma shar ba'i shes pa de nyid kyis rang nyid
gnyis snang nub pa'i sgo nas rig pa'i rang rig mdo sems gnyis
dang dbu ma ba kha cig gis 'dod pa dang/ so so rang gis rig pa'i
ye shes zhes gsungs pa chos

can so so'i rang bzhin mngon sum du rig pa la rang rig gi tha
snyad byas pa mdo sngags thun mong ba dang/ yab yum gyi gsang
gnas kyi dbang po phrad par bsgoms pa dang de dngos las byung
ba'i bde bas stong nyid rig pa la dbang po'i

sgo nas rang rig pa zhes gsungs pa bla med spyi'i dbang du byas
pa dang/ dngos gnas la grub pa'i stong gzugs dang rang nyid grub
bde dbyer med kyi ngo bo gcig tu skyes pa'i 'gyur med bde chen
gyis stong nyid rig pa lugs 'di'i thun

mong ma yin pa'i rang rig /ces gsungs pa ltar ro/ /lugs 'dis
zhes gsungs pas ngo bo nyid med par smra ba sogs kyis mi bzhed
pa zhig dgos pa min te/ yin na gong du/ lugs 'dis bsams so/
/zhes dang/ 'og tu/

lugs 'di'i rigs pa'i dgag bya la gnyis yod pa'i/ zhes pa yang de
ltar 'gyur zhing/ 'dir lugs 'dis zhes tshig lhag po bcug pa'i
dgos pa yang/ rtsa she'i TIka chen las/ 'jig rten gyi min pa'i
kun rdzob yod pa gcad pa'i

phyir du 'jig rten zhes smos pa min gyi/ dngos po ji ltar gnas
pa brjod pa'o/ /zhes gsungs pa'i 'gros ltar shes dgos la/ gal te
mi bzhed pa zhig dgos pa'i dbang du byas na yang gzhung gi sgras
zin la ma gsal ba ma gtogs/

@229b dbus mtha' rtsa 'grel gyis bstan tshod ni stong gzhi gzhan
dbang bden grub kyi steng du dgag bya ngo bo dang khyad par du
kun btags pa'i kun btags kyis stong pa'i yongs grub bden par
grub pa zhig yul du byed pa'i mnyam gzhag ye shes

don dam pa zhes pa'i dam pa la ngos bzung bas de nyid lugs 'di
las ngo bo nyid med par smra ba sogs kyis mi bzhed pas de'i
dbang du byas par yang bshad nus so/ /rtsod pa de'i lan la/ ma
khyab ste/ mnyam gzhag ye shes

kyis rang gis rang rig pa'i cha nas de so so rang rig tu 'jog pa
min gyi/ yul gang la ltos nas de kho na nyid kyi don rtogs pa'i
yul lam/ rigs shes de gang la don dam dpyod byed kyi rigs shes
su song pa'i yul de la dgongs nas de

rnal 'byor pa so so rang gis rig pa'i ye shes su gsungs pa'i
phyir/ de la gzhung du/ skyon med do/ /zhes pas ma khyab kyi lan
mdzad nas/ yul gang la/ sogs kyis de'i rgyu mtshan bstan to/
/'dis 'og nas 'byung ba'i lcang

skya'i grub mtha'i rtsod pa spong tshul yang song zin to/ /des na
rnam dag lam gyi dmigs pa mthar thug tu gyur pa'i don dam ni
'dus ma byas yin zhing/ de 'dra'i don dam du ma grub pa dang
'jog tshul dang po'i don dam du grub pa 'di pa'i

lugs la mi 'gal ba ni gzhan dbang lta bu'o/ /kha cig na re/
gzung 'dzin rdzas gzhan gyis stong ba'i rnam shes de don dam
bden par yod par thal/ 'phags pa lha'i ye shes snying po kun
btus las/ gzung dang 'dzin pa lam

@230a @#/ /grol ba'i/ /zhes sogs gsungs pa'i phyir na ma khyab
ste/ de'i don ni/ gzung 'dzin las grol ba ste gzung 'dzin rdzas
gzhan gyis stong pa'i rnam shes 'jog tshul dang po'i don dam du
yod pa ni blo shes bya'i rgya mtsho'i

pha rol tu phyin pa'i rnal 'byor spyod pa'i gzhung du grags zhes
pa ste/ mcho ni 'grel ba'i bshad tshul dang po ltar na shes bya
mtha' yas pa dang/ gnyis pa ltar na phyi rol pa nas mdo sde ba'i
bar gyi blo 'khrul ba'i 'jigs pa dang bcas

pa dang/ dze ta ri'i bshad tshul ltar na sems tsam pa'i gzhung
zab cing gting dpag dka' ba dang de kho na nyid kyi rin po che'i
'byung khungs su gyur pa'i dpe dang/ phyi don med kyang nang gi
sems la der snang rnal 'byor stobs kyis 'byung bar

smra ba dang/ sa drug pa'i rnal 'byor bshad pa dang mthun par
tshul bzhin yid la byed pas spyod pa'am/ lung gi don dngos po
dang mthun pa ltar tshul bzhin yid la byed pas spyod pas na rnal
'byor spyod pa zhes bya'o/ /tshigs bcad

'di 'gyur khyad cung zad ma gtogs rigs ldan 'jam dpal grags pa'i
lta ba'i 'dod pa mdor bstan pa dang/ dze ta ri'i bde gshegs
gzhung gi rab byed gnyis sung dbyung ngo/ ! /spro na/ ye shes
rnam dag lam gyi dmigs pa

mthar thug tu 'gyur ba'i rtsod lan la/ gnyal ston gyis/ mnyam
gzhag ye shes de rnam dag gi yul yin par thal/ de rang myong
byed kyi rang rig yin pa'i phyir/ 'dod na/ de yongs grub yin par
thal/ de rnam dag

@230b gi dmigs pa'i don dam yin pa'i phyir/ zhes pa la rtsa
rtags dang yan lag gi khyab pa'ang ma grub ste/ rnam rig pas
mnyam gzhag ye shes rang nyid myong byed kyi rang rig tu mi 'dod
pa gang/ ye shes de ye shes kyi yul yin pa

tsam gyis yongs grub tu'ang mi 'gyur ba'i phyir/ phyi ma grub
ste/ chos de yongs grub tu 'gyur ba yul gang la ltos nas de kho
na nyid rtogs par 'jog pa'i yul zhig yin dgos pa'i phyir/ rtags
dang po gzhung las dngos sum byung zhing phyi

ma dngos su bstan to/ /zhes dang/ blo gling bas/ 'phags pa'i
mnyam gzhag ye shes chos can/ khyod kyis 'phags pa'i mnyam gzhag
ye shes grub par thal/ rang myong byed kyi rang rig gis khyod
grub pa'i phyir/ zhes pa la ma khyab

ste; ye shes de nyid ye shes rang nyid kyi yul yin na de de la
ltos te de kho na nyid rtogs pa'i ye shes su 'gyur dgos/ der
gyur na ye shes de nyid don dam bden par thal ba'i skyon yod
pa'i phyir/ 'on kyang ye shes myong byed kyi rang rig la

mi mtshungs te/ rang rig de nyid ye shes gcig pu de nyid la gnyis
snang nub pa'i myong ba gsal rig tsam yin pa'i phyir/ zhes dang/
rje btsun pa'i skabs gnyis pa'i mtha' dpyod la dpags na/ 'phags
pa'i mnyam gzhag ye shes

chos can/ khyod rnam dag lam gyi dmigs pa mthar thug yin par
thal/ 'phags pa'i mnyam gzhag ye shes kyis khyod rtogs pa'i
phyir/ zhes pa la ma khyab ste/ ye shes de gang la rigs shes
tshad mar song ba'i yul las de'i rnyed 

@231a @#/ /don tsam la yongs grub mi dgos pa'i phyir/ zhes dang/
yig char/ 'phags pa rnams kyi so so rang gi rig pa'i ye shes
kyis rig par bya ba'i yul yod par mdo bstan bcos nas byung ba
'dir yang 'dod

dgos shing/ de ltar na 'phags pa'i mnyam gzhag ye shes chos can/
rang gis rang 'jal bar thal/ khyod la so so rang rig pa'i ye
shes zhes pa'i don yod pa gang zhig /gzhan 'jal ba la rang rig
ces pa 'brel med

pa'i phyir/ 'dod na/ de chos can/ don dam yin par thal/ 'phags
pa'i mnyam gzhag ye shes kyi 'dzin stangs kyi yul yin pa'i
phyir/ zhes pa la rtsa bar ma khyab ste/ ye shes de so so rang
rig pa'i ye shes yin yang rang

nyid 'jal mi dgos pa'i phyir te/ rang nyid kyis yul chos nyid
'jal ba la ltos nas so so rang rig pa'i ye shes su 'jog pa'i
phyir/ der thal/ ye shes des yul chos nyid mngon sum du gzigs
kyi/ sgra rtog gis de mngon

sum du yul du byed mi nus pas de ltar bshad pa'i phyir/ zhes
gsungs shing/ yig cha rnying par/ gzhan dag na re/ zhes bshad ma
thag pa'i gsungs tshul 'di bkod kyang de las zur du rang lugs ma
bzhag pas yig cha gsar

rnying bzhed pa mthun par mngon no/ /grub mtha' chen mor/ mdo
sde ba'i rigs par brten pa'i sems tsam pa kha cig gis rnal 'byor
mngon sum gyi dngos yul dngos por 'dod pa dbu ma snang ba'i lung
gsum gyis bsgrubs te/

@231b 'di la dgongs nas/ lugs 'dis ye shes de rang rig tu bzhed
pas/ sogs dang/ 'phags pa'i mnyam gzhag ye shes kyi tshe sems
snang med par bshad pa dang/ ye shes de dmigs byed du bshad kyi
dmigs yul ma

yin par bshad pas rje btsun dang thogs med sku mched sogs kyis
de don dam bden pa dang rnam dag ye shes kyi dngos yul min pa
dang/ gdul bya skrag pa spong ched 'phags pa'i ye shes kyi spyod
yul dngos por bstan

par bzhed pas/ yul gang la ltos nas sogs gsungs par bshad de/
rtsod tshul dang lan gdab tshul gnyi ga yig cha dang mi mthun 'dra
yang/ grub mchan sogs las de gnyis phyogs gcig tu sbrel nas
bshad tshul

snga ma'i steng du bsgril cing/ yig cha dang grub mtha' chen mor
lugs 'dis zhes byed tshig 'thad phyogs mdzad mod/ zegs mar phyi
ma ltar na 'brel sgra byed dgos par bshad do/ /lcang skya'i grub
mthar/ yig cha'i gsungs

tshul de bkod nas de rje'i dgongs bar ma son te/ so so rang rig
pa'i ye shes zhes pa'i don rang gi sa rang 'jal ba la 'dod pa'i
grub mtha' smra ba dang/ rnam rig pas de'i don de ltar 'dod zer
ba'i mkhas pa su yang ma

byung pa'i phyir dang/ so so rang rig pa'i ye shes zhes pa'i
tshig tsam gyis rang rig tu 'dod dgos pa'i dogs pa khong slong
byed par 'dod na yang mi 'thad pa'i phyir dang/ so so rang rig
ces pa'i tshig gzhung na med pa la snon dgos

@232a @#/ /pa'i sgrub byed med pa'i phyir dang/ grub mtha' la
sbyangs pa zhan pa'i blo dman la'ang mi skye ba'i dogs pa de
'dra rjes sel don med pa'i phyir/ gnyis pa grub ste/ de 'dra'i
dogs pa blo ldan la mi skye ba'i phyir

dang; skyes na yang lugs 'dis zhes sems tsam pa dmigs kyis bkar
don med pa'i phyir dang/ phyogs snga de ltar yin na rjes de
mthun gyi lan mdzad pa las spyi bye brag gi khyad phye nas lan
mdzad don med pa'i phyir/ des na dogs

pa skye gzhi ni lung 'gar brten nas 'di ba'i lugs la/ 'phags
pa'i mnyam gzhag ye shes 'jal ba'i rang rig tshad ma de'i yul ye
shes nyid yin zhing/ rang rig de yang zag med kyi shes pa yin
pas 'jog tshul phyi ma'i don dam

la yongs grub kyis ma khyab pa dang/ zag med ye shes kyang rnam
dag lam gyi dmigs pa mthar thug tu 'gyur dogs nas/ mnyam gzhag
ye shes chos can/ khyod don dam bden pa yin par thal/ khyod
nyams su myong ba'i

rang rig zag med ma 'khrul ba yin la/ khyod de'i rnyed don yin
pa'i phyir/ zhes pa la/ zag med kyi shes pa zhig gi yul yin pa
tsam gyis don dam bden par 'jog na bden yang/ don dam bden par
'jog pa la yul gyi gnas

lugs dpyad pa'i dpyad mthar rnyed cing/ yul can shes pa de yang
yul de la don dam dpyod byed du song ba zhig dgos zhes lan
mdzad
par gsungs so/ /mchan du/ yig cha rje btsun kar lan dang mthun
par gsungs shing/

@232b a pha'i kha phor gtso che bar mdzad de lcang skya rin po
cher/ rnam rig pas shes pa kun la rang myong rang rig yod cing
so skye'i rang rig la'ang gnyis snang 'khrul ba'i zag pa med par
'dod pas/ rang rig gi dngos yul yin tsam gyis don

dam bden par 'gyur na/ gangs ri sngon por snang ba'i dbang shes
kyang der 'gyur bar thal ba dang/ de gnas lugs mthar thug gi don
dam du dogs pa skye mi srid cing/ rigs pa'i 'phul tsam yin na
shes pa thams cad don dam bden par 'rgyur

zhes rtsod rigs kyi mnyam gzhag ye shes dmigs kyis bkar ba don
med du 'gyur ba'i dgag pa mdzad nas/ de dag rigs pa'i rnam 'gyur
yin zhes dag pa phul te/ rang rig gzhan so so rang rig gi don du
mi 'gro yang/ mnyam gzhag ye shes kyi

steng du de gnyis don gcig dgos te/ so skye'i gzhan rig gi shes
pa'i snang cha kun btags ni phyi rol don snang yin pas gnas lugs
dpyad stobs kyi rim pas phra ru song ste gzung rnam yang 'dzin
rnam ji lta bur phyi don gyi snang ba log nas ye shes

rang gi ngo bo rig par 'gyur ba'i gyir ? so so rang rig par
bshad pa'i phyir/ des na mnyam gzhag ye shes don dam bden pa yin
par thal/ mnyam gzhag ye shes nyams myong gi rang rig gis mnyam
gzhag ye shes rang gi ngo bo rnyed pa yang don

dam dpyad ba'i dpyad mthar rnyed par 'gro ba'i phyir te/ spyir
'dzin rnam gyis sems kyi ngo bo dpyis phyin mthong ba dpyad pa
la ma ltos kyang 'di ni dpyad stobs kyis de ltar mthong ba'i
sems kyi gsal cha yin pa'i phyir zhes pa la/ /

@233a @#/ /so so rang rig ces pa chos nyid gzigs tshul gyi sgo nas
yin gyi ye shes rang nyid rig pa'i cha nas bshad pa min la/
gzung rnam mnyam gzhag ye shes des ye shes rang gi ngo bo ma
mthong na 'dzin rnam rkyang ba la de

shar yang dpyad stobs kyis shar bar 'gro don med la/ de'i phyir
rang rig de nyid kyis ye shes de rnyed cing de zag med ma 'khrul
ba'i shes pa yang yin mod/ yul de gnas lugs dpyod pa'i dpyad
mthar rnyed pa ma yin pas de'i sgo

nas don dam bden par 'jog mi nus zhes lan mdzad par gsungs te
kun mkhyen bla ma dang lcang skya rin po che'i dgongs pa gcig tu
nan gyis bsgril to/ /mun sel du/ mnyam gzhag ye shes chos can/
don dam bden pa

yin par thal/ zag med shes pa'i yul yin pa'i phyir te/ lugs 'dis
ye shes de rang rig tu bzhed pa'i phyir zhes pa la/ rtsa bar ma
khyab ste/ ye shes de'i yul yin tsam gyis don dam bden par 'jog
pa min gyi yul

gang la ltos nas de kho na nyid kyi don rtogs pa'am/ don dam
dpyod byed du 'jog pa'i yul de la dgongs nas zag med shes pa'i
yul don dam bden par gsungs pa yin pa'i phyir/ des na ye shes de
rang rig tu mi rung yang

rang rig tu bzhed ces pa sems tsam lugs la gnyis med kyi shes pa
rang rig dang rang rig yongs grub tu bzhed pa'i gzhan lugs shig
yin par gsungs so/ /de la rang rig yongs grub tu bzhed pa ni/
rnam 'grel TIka

@233b chen las/ sems kyi rang bzhin 'od gsal ba zhes brjod pa
gang yin pa shes pa rnams kyi myong ba gsal rig gi cha gnyis
snang gi bag chags kyis ma bslad pas rtag tu gnyis med kyi ngo
bo las gzhan du rkyen gyis bya bar mi nus pa gang

yin pa de nyid la yongs grub ces bya/ zhes dang/ 'di dang shes
pa'i 'dzin rnam la khyad med do/ /zhes dang/ chos kyi bdag med
nges pa la 'dzin rnam gyi don ldog ji lta ba bzhin du nges dgos
shing/ de nges pa la gnyis snang

thams cad dang bral ba'i gsal rig rang gi myong bya shes pa'i
gnas lugs su gyur pa zhes bya ba 'di nges dgos pa yin no/ /zhes
dang/ yongs grub kyi mtshan nyid/ rang gi myong byar gyur pa'i
shes pa'i gnas lugs gang zhig

gnyis snang dang bral ba'i gsal rig ces shes par bya'o/ /zhes
gsungs pa sogs te/ nang le'i 'grel bshad las/ de yang sems tsam
pa gzung 'dzin rdzas gzhan gyis stong pa'i stong pa nyid 'gyur
med yongs grub don

dam bden par 'dod pa yin gyi/ shes pa rang rig rang gsal don dam
bden par mi 'dod la/ zhes pa snga ma dang mi mthun no/ /zab gsal
sgron mer/ ye shes de rang rig dngos min yang 'di bas shes pa
gang yin yang rang myong

byed rang rig de rang gi myong ba gsal rig gi cha tsam las ngo
bo gzhan du med pas shes pa rang gis rang myong ba dang rig pa'i
tha snyad byed pas 'dir yang tha snyad rags pa de ltar du byas
pa ste/ de ltar na ye shes rang nyid rang gi yul du

@234a @#/ /'gyur yang yul gang la ltos te de kho na nyid rtogs
pa'i ye shes su bzhag pa'i yul stong nyid de yongs grub tu 'jog
gi ye shes de'i yul yin pa tsam gyis mi 'jog pas skyon med par
bshad de rje btsun gsung gsal

bar byas pa'o/ /kar lan du/ so so rang rig pa'i ye shes kyi
dngos yul la shes pa zhig las 'os med snyam nas/ 'grel ba don
gsal gyi/ rnam par mi rtog pa so so rang gis rig par bya ba ci
zhig ltar yang dag par skyes pa/ zhes pas

gnyis med kyi ye shes gnas lugs mthar thug tu bstan pa yin te/
lung 'dis gnas lugs mthar thug de mnyam gzhag so so rang gis rig
pa'i myong byar bshad pa'i phyir/ zhes karma ba sogs 'dod par
gsungs pa ltar gyi jo nang

pa la sogs pa'i 'dod tshul 'di'i dbang du byas te rjes rtsod pa
bsus nas lan gnang ba yin la/ so so rang rig dang rang rig don
mi gcig pa dang/ so so rang rig gi don rang nyid rang gis rig pa
la mi byed pa dang/ mnyam gzhag ye

shes don dam ma yin pa sogs rtogs sla ba dang/ jo nang ba'i 'dod
pa snga phyir mang du bkag pas 'dir yig tshogs rgya ma bskyed par
'phags pa'i mnyam gzhag ye shes yul gang la ltos te de kho na
nyid kyi don rtogs pa'i rigs shes

su song ba'i yul de rnam dag lam gyi dmigs pa mthar thug yin
zhes pa tsam gyi lan mdzad pa yin zhes bdag gi bla ma 'jam pa'i
dbyangs bzhed do/ /so so rang rig ces pa'i sgra bshad la/ zhang
zhung ye le'i 'grel bshad du chos can so

@234b so'i rang bzhin mngon sum du rig pa dang/ kar lan du rnal
'byor ba so so rang rig par bya ba dang/ yig char 'phags pa'i
mnyam gzhag ye shes las sgra rtog gis mngon sum du yul du byed
mi nus pa dang/ mchan du sgra spyi sogs

dang ma 'dres pas so so dang/ 'phags pa nang phan tshun kho nas
mngon sum gyi spyod yul yin pa'am/ rang stobs kyis rig pas na
rang rig par bshad pa rnams las kar lan gyi gsung tshul/ rgyud
bla thogs 'grel las/

'phags pa rnams kyi gzhan dang thun mong ma yin pa so so dang
gis 'jig rten las 'das pa'i ye shes kyi gzigs par 'dod do/ /zhes
dang/ gser phreng las/ rnal 'byor pa rang rang gis rtogs par bya
bas so so rang gis rig pa'i

ye shes/ zhes dang/ rnal 'byor ba so so rang gis brjod med du
rig par bya ba/ zhes dang/ sgron gsal mchan las/ 'phags pa so so
rang gis rig pa'i ye shes/ zhes gsungs pa'i sgras zin dang mthun
no/ /gzhung las/

lugs 'dis ye shes rang rig tu bzhed pas/ zhes sogs dang/ dbu ma
snang ba las/ gang 'phags pa rnams kyis so so rang gis rig par
bya ba don dam pa'i dngos po gdon mi za bar yod do/ /zhes pa
gnyis grub mtha' chen mor

mdo sde ba'i rigs pa la brten nas rnal 'byor mngon sum gyi snang
yul dngos po kho nar 'dod pa'i sems tsam pa zhig gi lugs yin par
gsungs kyang/ lcang skyas zag med shes pa'i dngos yul tsam la
sbyar snang ngo/ /mchan du/

@235a @#/ /ye shes snying po'i kun btus zhes yig nor cung zad las
ye shes snying po de mdzad pa por byas pa min par nges kyang/ de
ltar yin pa'i lugs kyis zegs mar rgyas par bkag go /pra sti'i
drang nges rgyas par/ /

blo mtsho'i pha rol phyin pa yi/ /zhes pa'i mtsho 'khor bar bshad
pa mi 'thad de/ de'i 'grel ba las/ blo ni shes rab ste/ des shes
bya'i rgya mtsho'i pha rol tu phyin pa'am/ yang na sgo nyid
'khrul ba'i 'jigs pa chu srin 'dzin

khris dkrugs pa la sogs pa ltar nyam nga ba yin pa'i phyir mtsho
lta bu yin la/ 'di dag gis mdo sde ba'i bar gyi 'khrul ba'i
'jigs pa dang bcas pa mtsho'i pha rol tu phyin pas na pha rol tu
phyin pa/ zhes bshad tshul gnyis byung ba dang/

bde gshegs gzhung gi rab byed kyi 'grel ba las/ rnal 'byor spyod
pa rnam par shes par smra ba'i gzhung/ nas/ rgya mtsho ste chu
gter yin pa de'i pha rol pha mthar son pa rnams de skad du sgrog
go /zhes dang/ nang le'i 'grel

bshad las/ rnal 'byor spyod pa'i gzhung lugs rgya mtsho lta bu'i
pha rol tu phyin pa rnams sgrog par byed do/ /zhes pa gang dang
yang mi mthun pa'i phyir ro/ /gnyis pa lung mtha' ma la 'gal pa
spong ba la gnyis/ rgyu mtshan dang rnam

rtog kun rdzob tu yod pa'i rgyu mtshan zhar byung dang bcas so/
'jog tshul gnyis pa'i kun rdzob tu yod kyang 'jog tshul dang po'i
don dam du yod pa mi 'gal ba'i lan zhar byung dang bcas pa'o/
/dang po ni/ ngo bo nyid dang po gnyis/

@235b zhes sogs byung/ de la/ zhes gsungs so/ /yan gyis kun
rdzob tu yod pa'i rgyu mtshan dngos dang/ de man gyis zhar byung
bshad pa'i rnam grangs gzhan ston te/ bsdu ba las/ rgyu mtshan
kun rdzob tu yod par brjod par bya'am/

don dam par yod par brjod par bya zhe na/ smras pa/ kun rdzob tu
yod par brjod par bya'o/ /rgyu gnyis kyis te/ kun nas nyon mongs
pa kun nas slong ba'i phyir dang/ gdags pa'i gzhi yin pa'i phyir
ro/ /zhes rgyu mtshan kun

rdzob tu yod pa'i rgyu mtshan gnyis dang/ rnam par rtog pa kun
rdzob tu yod par brjod par bya'am/ don dam du yod par brjod par
bya zhe na/ smras pa/ kun rdzob tu yod par brjod par bya'o/
/smras pa/ rgyu bzhi ste/ kun nas nyon mongs

pa kun nas slong ba'i phyir dang/ gdags pa'i gzhi yin pa'i phyir
dang/ tha snyad bag la nyal ba'i phyir dang/ tha snyad rjes su
sad pa'i phyir/ zhes rnam rtog kun rdzob tu yod pa'i rgyu mtshan
bzhi gsungs kyang/ 'dir zor yang ba'i

phyir rgyu mtshan dang rnam rtog gnyi ga'i thun mong gi rgyu
mtshan gnyis bkod pa'i dang po de gnyis kun nyon slong rung gi
dmigs pa yin pas kun rdzob tu yod par gsungs pa ni/ dgongs 'grel
las/ rnam par dag pa'i dmigs

pa gang lags pa de ni yongs su grub pa'i mtshan nyid lags te/
zhes rnam dag lam gyi dmigs pa mthar thug la don dam du bshad
pa'i zlas drangs pa'i kun rdzob tu yod par gsungs pa las 'jog
tshul dang po'i kun rdzob tu gsungs 

@236a @#/ /pa min zhing/ de'i zlas drangs pa na gang la dmigs na
kun nyon slong rung gi dmigs pa yin pas kun rdzob tu yod par
bzhag pa ste/ kun btus las/ ji ltar na kun rdzob tu yod pa yin/
kun rdzob tu yod pa

rnams ni du zhig /ci'i phyir kun rdzob tu yod par brtag ce na/
kun nas nyon mongs par 'gyur ba'i dmigs pa ni kun rdzob tu yod
pa'o/ /zhes gsungs pa dang mthun no/ /rgyu mtshan gnyis pa de
gnyis tha snyad gdags pa'i gzhi yin

pas kun rdzob tu yod par gsungs pa ni/ rgyu mtshan kun btags kyi
gdags gzhi dang rnam rtog gzhan dbang gi bye brag yin pas rgyu
mtshan ming brda'i ba snyad kyis btags pa'i ngo bo nyid du gyur
pa'i sgo nas kun btags gdags pa'i

gzhir gyur pa dang/ rnam rtog ming brda'i tha snyad 'dogs pa'i
mtshan ma'i rgyur gyur pas tha snyad du yod pa ste kun rdzob tu
yod pa zhes bya'o/ /rgyu mtshan dang rnam rtog gi don ming sogs
chos lnga'i skabs su 'chad par

'gyur zhing/ bsdu ba dbus mtha'i 'grel ba 'grel bshad rnams su
rgyu mtshan la 'dus ma byas kyang bshad pa dang/ bsdu bar rgyu
mtshan 'dus byas dang 'dus ma byas la sbyar ba'i rnam grangs sum
cu lhag tsam gsungs

pa la dpags na/ gzhi grub na rgyu mtshan yin pas khyab kyang/
skabs 'dir bsdu ba las/ rgyu mtshan gang zhe na/ mdor bsdu na
mngon par rjod pa'i tshig gi gzhi'i gnas su gyur pa'i dngos po
gang yin pa'o/ /zhes

@236b rgyu mtshan ni mngon rjod kyi tshig ste tha snyad gdags pa'i
gnas su gyur pa'i gzhan dbang gi dngos po la bshad de/ zab gsal
sgron mer/ dngos po dang yod pa'i skad dod la b+ha ba zhes pa
thun mong du yod pas 'dir dngos

por bsgyur kyang 'dus byas la go bar mi bya bar bshad do/ /'jog
tshul gnyis pa'i kun rdzob dang don dam par yod pa ni dgongs
'grel dang bsdu bar ma zad/ rnam bshad rigs pa las kyang gsungs
pa ni 'jig rten pa'i shes

pa ma 'khrul ba ste kun rdzob dpyod pa'i rigs shes kyi rnyed don
ni kun rdzob bden pa dang/ 'jig rten las 'das pa'i shes pa ste
don dam dpyod pa'i rigs shes kyi rnyed don ni don dam bden pa
yin la/ skabs 'di'i kun rdzob ste sgra

rtog gis khong du chud par bya ba yin pas na kun rdzob bden pa
zhes bya ste/ mdor na gang la rjod pa sgra rtog 'jug pa'i yul la
bya zhing de yang sgra bshad tsam yin la/ khong du chud pa'i
tshig mi mngon par byas pa'i dpe ni rkang bas brgal

ba'i lam la rkang pa'i lam dang/ grus brgal ba'i lam la gru'i
lam zhes brgal bar bya ba'i tshig mi mngon par byas pa lta bu'o/
/bsdu ba las/ yang dag pa'i shes pa kun rdzob tu yod par brjod
par bya'am/ don dam par

yod par brjod par bya zhe na/ smras pa/ dang po ni don dam par
yod par brjod par bya'o/ /gnyis pa ni gnyis kar brjod par bya'o/
/zhes kun rdzob tu 'jog pa'i rgyu mtshan snga ma gnyis med pa la
dgongs nas mnyam

@237a @#/ /gzhag ye shes don dam par yod pa dang/ tha snyad pa'i
mtshan ma ste kun rdzob bden pa yul du byed pa dang kun rdzob tu
'jog pa'i rgyu mtshan snga ma gnyis med pa la dgongs nas rjes
thob ye shes bden pa gnyis kar

yod par gsungs te/ rgyu mtshan snga ma gnyis ni 'jog tshul dang
po'i kun rdzob tu yod pa'i rgyu mtshan ming brda'am tha snyad kyi
dbang gis bzhag pa'i yod pa dang/ gnyis pa'i kun rdzob tu yod
pa'i rgyu mtshan kun nyon slong rung gi

dmigs pa dang gdags pa'i gzhi yin pa gnyis te gsum las snga ma
gnyis so/ /des na 'jog tshul gnyis pa'i dbang du byas pa'i kun
rdzob bden pa dang/ rgyu mtshan dang rnam rtog gnyis la kun
rdzob
bden par gsungs pa'i skabs

kyi kun rdzob tu 'jog byed gnyis ni 'dra ste/ snga ma ni bden
gnyis kyi ya gyal kun rdzob bden pa yin pas rnam dag lam gyi
dmigs pa mthar thug min pa'i cha nas bshad dgos shing/ rgyu
mtshan dang rnam rtog gnyis la kun rdzob bden

par gsungs pa'i skabs kyi kun rdzob la gnyis las/ snga ma ni kun
nyon slong rung gi dmigs pa dang/ phyi ma ni kun btags pa'i ngo
bo dang tha snyad 'dogs pa'i gzhi'i cha nas 'jog pa'i phyir/ !
/'dir/ kun nyon slong

rung gi dmigs par gyur pa'i chos de/ rnam dag lam gyi dmigs pa
la don dam du byas pa'i zlas drangs pa'i kun rdzob du yod pa'i
mtshan nyid/ kun rdzob bden pa la 'dis ma khyab cing ldog ste
khyab pa dang/ 'di'i zlas drangs

@237b pa'i don dam dang don dam bden pa don gcig /btags pa'i ngo
bo nyid dang 'dogs pa'i mtshan ma'i gzhir 'gyur pa gang rung gis
bsdus pa'i chos de/ 'jog tshul gnyis pa'i kun rdzob tu yod pa'i
mtshan nyid/ 'di dang kun

rdzob bden pa don gcig go ! /spro na/ kha cig na re/ kun nyon
skye rung gi dmigs pa'i chos tha snyad pa kun rdzob bden pa'i
mtshan nyid du rung bar thal/ stong thun las/ sems tsam pas gzhan
dbang dang kun rdzob bden pa

yin na/ gang la dmigs nas nyon mongs pa 'phel bar gyur pa'i
dmigs pa yin pas khyab pa dang/ zhes dang/ gang la dmigs nas kun
nas nyon mongs pa skye ba'i dmigs pa la kun rdzob kyi bden pa
zhes bya/ zhes dang/ grub mtha'

rtsa ba las/ gnyis pa kun nyon slong rung tha snyad gzhi/ /zhes
dang/ kun nyon skye rung dmigs pa kun rdzob bden/ zhes dang/
de'i 'grel ba las/ kun nas nyon mongs pa slong rung gi tha snyad
kyi gzhir grub pa kun rdzob tu song

ces bshad pa de kun rdzob bden par yod ces pa yin/ zhes dang/
kun nyon skye rung gi dmigs pa'i chos tha snyad pa de/ kun rdzob
bden pa'i mtshan nyid/ ces gsungs pa'i phyir zer na ma khyab ste/
don gang la dmigs nas

sgrib pa dag par 'gyur ba'i dmigs pa la don dam du bshad pa'i
zlas drangs pa'i kun rdzob la dgongs pa'i phyir/ rtsa bar 'dod
mi nus te/ mnyam gzhag ye shes de nyon mongs skye rung gi dmigs
pa ma yin pa'i phyir te/ gzhung

@238a @#/ /las; de bzhin nyid rtogs pa'i mnyam gzhag gi 'phags
pa'i ye shes ni don dam par yod par gsungs te kun rdzob tu yod
par 'jog pa'i rgyu mtshan snga ma gnyis med pa la dgongs so/
/zhes gsungs

pa'i phyir/ zag med lam bden la dmigs pa'i nyon mongs med pa la/
mdzod las/ drug ni zag med spyod yul can/ /zhes pa grub mtha'
'og ma'i lugs yin pas mi gnod cing/ zag med lam bden med par
'dzin

pa'i log lta dang/ zag med lam bden de gang zag gi bdag tu 'dzin
pa sogs lam bden la log par zhugs kyang lam bden la ma dmigs
par
kun btus rtsa 'grel las gsal bar gsungs shing/ bsdu bar 'gog lam

la log par zhugs pa'i mthong spang rnams rang gis rnam par
brtags pa'i ming la dmigs par bshad do/ /dpal ldan chos rje'i
bden gnyis su/ kun nyon slong rung gi dmigs pa dang/ ming brdas
bzhag tsam du yod pa dang/

tha snyad 'dogs pa'i mtshan ma'i gzhir gyur pa la kun rdzob tu
'jog pa gsum yod par bshad pa go rim la ltos na/ gzhung du
dgongs 'grel las/ nas/ kun btus dang mthun no/ /zhes pa'i bar
gyis dang po dang/ ming dang

brdas tha snyad kyis btags pa'i ngo bo nyid dang/ zhes pas gnyis
pa dang/ tha snyad 'dogs pa'i mtshan ma'i gzhir gyur/ ces pas
gsum pa bstan par byed 'dra yang/ grub mtha'i mchan las/ ming
brdas bzhag tsam

@238b du yod pa dang/ kun nyon slong du rung ba'i dmigs pa dang/
ming dang brda'i tha snyad kyis btags pa'i ngo bo nyid dang tha
snyad 'dogs pa'i mtshan ma'i gzhir gyur pa dang gsum mo/ /zhes
bshad pa ni sngar dkyus su bkod pa dang mthun zhing/

a lags sha sangs rgyas chos grags sogs kyis bshad tshul snga ma
'thad par byed do/ /shing bza' paNTi tas/ rgyu mtshan snga ma
gnyis ni/ kun nyon slong rung dang tha snyad gdags pa'i gzhir
gyur pa gnyis la byed/ de yang mnyam gzhag ye

shes de sgra rtog sogs kyis ji lta ba bzhin dngos yul du byed mi
nus pas kun nyon slong rung gi dmigs pa dang tha stad gdags pa'i
gzhir ma gyur gsungs kyang/ de lta na ha cang thal te/ kun nyon
sgong ba'i dmigs pa kun kyang sgra rtog

gis ji lta ba bzhin yul du byed nus pa'i phyir ro/ /mchan du tha
snyad btags pa'i ngo bo nyid dang gdags pa'i gzhi yin pa kun
rdzob dpyod pa'i rigs shes kyi rnyed don du yod pa la gsungs pa
zab gsal sgron mer legs bshad du bsngags kyang/

de gnyis kyi don sngar bshad pa shing bza' paNTi tas gsungs tshul
dang bstun pa ste/ mun sel du/ ming brdas btags pa'i ngo bo nyid
dam kun btags gdags pa'i gzhi dang/ ming ngam tha snyad 'dogs
pa'i mtshan ma'i gzhi yin pa

zhes sbyar ba ltar byas kyang rung ngo/ /rnam bshad rigs pa'i
dpe rnams dang/ gzhung gi dpe 'gar/ 'jig rten pa'i shes pa ma
'khrul ba'i yul/ zhes dang/ rnam bshad rigs pa'i 'grel bar yang/
ma nor ba ni ma

@239a @#/ /'khrul ba yin no/ /zhes byung bas 'jig rten pa'i shes
pa ma 'khrul ba'i yul zhes pa dag par mngon no/ /kha cig /rjod
pa ni kun rdzob yin pas/ sogs kyis kun rdzob bden pa'i ngo bo
bstan zer ba 'thad

dka' ste/ rjod pas khong du chud par bya ba la byed na don dam
bden pa yang der 'gyur ba dang/ ji lta ba bzhin rjod pas khong
du chud par bya ba la byed na kun rdzob bden pa rnams kyang de
min par 'gyur ba'i phyir ro/ /yig

char; rkang pas brgal bar bya ba'i 'bab stegs/ rjes thob ye shes
kyis tha snyad kyi mtshan ma yul du byed pa'i sgo nas de tha
snyad du yod pa'i dper sbyar ba mi 'grig par mun sel du gsungs
la/ kha cig /dpe gnyis ni

'jig rten dang 'jig rten las 'das pa'i ye shes kyi spyod yul gyi
dper rim bzhin sbyor bar bshad pa yod kyang/ rnam bshad rigs
pa'i 'grel ba las/ dper na rkang pa gnyis kyis rgal bar byed
pa'i 'bab stegs la zhes

bya ba ni 'di nas rgal bar byed pas na 'bab stegs so/ /brgal bar
bya ba'i sgra mi mngon par byas pa'i phyir ro/ /de bzhin du ko
grus brgal bar bya ba'i 'bab stegs la ko gru'i 'a bab stegs zhes
bya ba 'o/ /de bzhin du

kun rdzob des khong du chud par bya ba ni kun rdzob kyi bden pa
ste/ khong du chud par bya ba'i sgra mi mngon par byas pa'i
phyir ro/ /zhes pa'i don ltar bya'o/ /kho na re/ rjod pas khong
du chud par bya bas na kun rdzob bden pa

@239b zhes sgra bshad pa mi 'thad par thal/ tha snyad sna tshogs
pas rjod du rung bas rjod pa'i kun rdzob ces stong nyid sogs la
bya dgos pa dbus mtha'i/ btags pa dang ni shes pa yi/ /sogs kyi
blo brtan 'grel bshad las bshad pa'i phyir

na ma khyab ste/ de ni de la de bzhin nyid dang chos dbyings
sogs tha snyad sna tshogs pas rjod rung bas de kun rdzob tu yod
par btags pa tsam yin pa'i phyir/ rjes thob ye shes kun rdzob
dang don dam gnyis kar yod par gsungs tshul la/

gnyal ston gyis/ de la kun rdzob tu yod ces brjod pa'i rgyu
mtshan yod de/ de tha snyad gdags pa'i gzhi yin pa'i phyir/ de
don dam du yod de/ de rang gi mtshan nyid kyis grub pa'i phyir/
zhes dang/ grub mtha' chen mor/ rang gi

mtshan nyid kyis yod pas don dam par yod pa dang/ tha snyad kyi
mtshan ma la dmigs pa'i sgo nas kun rdzob tu yod par gsungs zhes
pa'i don dam du yod tshul la/ mchan du/ rang mtshan gyis grub pa
don dam du byas pa'i bshad tshul

'chad pa'i skabs min pas mi 'thad ces gnyal ston dngos su bkag
nas grub mtha' chen mo zhar la khegs par mdzad cing/ gnyal ston
gyis kun rdzob tu yod tshul bshad pa'ang gzhung dang mi mthun
no/
/pra sti'i drang nges rgyas

par; rjes thob ye shes kyis stong nyid 'dzin stangs kyi yul du
byed pas don dam du 'jog par bshad pa mi 'thang de/ stong nyid
ni des rnyed don ma yin pa'i phyir/ mchan du/ bden pa gnyis ka
rtogs pas gnyis kar bshad

@240a @#/ /pa tsam yin no/ /zhes gsungs pa'ang gzhung gi sgras
zin dang mi mthun ta/ gzhung du tha snyad kyi mtshan ma la dmigs
pa'i sgo nas tha snyad du yod par gsungs pas don dam par yod
pa'i rgyu mtshan ma gsungs

pa ni sngar de ma thag mnyam gzhag ye shes don dam par gsungs
pa'i rgyu mtshan song mkhad yi pas de dang don gcig pa la dgongs
pa yin pa'i phyir te/ gzhan du na gzhung du rjes thob ye shes de
gnyis kar yod par gsungs nas

yod tshul gcig ma thon par 'gyur ba'i phyir ro/ /des na sngar
bkod pa nyid dgongs pa yin nam snyam zhing/ mnyam gzhag ye shes
don dam par yod par gsungs pa'i rgyu mtshan la'ang kun rdzob tu
'jog pa'i rgyu mtshan snga ma

gnyis med pa las gzhan pa'i bshad bshad mangs na gzhung gis
gsungs tshul dang mi mthun par 'gyur ro/ /gnyis pa ni/ tha snyad
'dogs pa'i gzhi'i/ zhes sogs byung/ de la/ gsal lo/ /yan gyis
lan dngos dang/

de ma na gyis zhar la kun rdzob kyi dbye ba bshad tshul te/ tha
snyad 'dogs pa'i gzhi'i mtshan mar gyur pa dang kun nyon slong
ba'i dmigs pa byed pa'i rgyu mtshan gyis 'jog tshul gnyis pa'i kun
rdzob tu yod par gsungs pa ni/

rang mtshan gyis grub pa'i don dam par yod pa ste 'jog tshul dang
po'i don dam dang mi 'gal bar rnam bshad rigs par gsungs te/ der
nyan thos sde bas rtsod tshul bkod pa ni/ bcom ldan 'das kyis don
dam

@240b pa stong pa nyid las/ las kyang yod rnam par smin pa yang
yod la byed pa po ni mi dmigs so/ /zhes gsungs pa gang yi pa de
ci/ don dam pa nyid du'am/ 'on te kun rdzob nyid du yin zhe na/
de las cir 'gyur/ gal te

don dam pa nyid du yin na/ ji ltar na chos thams cad ngo bo nyid
med pa yin/ gal te kun rdzob tu yin na/ byed pa po yang kun
rdzob tu yod pas byed pa po ni mi dmigs so zhes brjod par mi
bya'o zhe na/ zhes pa ste gang gi don la rtsod

pa'i gzhi ni don dam pa stong pa nyid dam stong pa nyid chen
po'i mdo la/ gang gis na nyan thos sde pas/ ji ltar na de las
yod ces pa dang mi dmigs zhes pa'i tshig gnyis byung ba don dam
du 'am kun rdzob tu yin/ dang po ltar na/ der

chos kun ngo bo nyid med par bshad pa mi 'thad par thal/ las
dang rnam smin don dam du yod pa'i phyir/ 'khor gsum/ gnyis pa
ltar na/ der byed pa po mi dmigs par bshad pa mi 'thad par thal/
kun rdzob tu byed pa po

yod pa'i phyir/ rtags song/ zhes brtsad pa la dbyig gnyen gyis
lan mdzad pa ni/ re zhig kun rdzob ces bya ba 'di ni ci yin/ don
dam pa na gang zhig yin/ de las ci kun rdzob tu yod dam/ ci don
dam par yod par shes par

bya'o; /zhes kun rdzob dang don dam gang yin shes na de las kun
rdzob tu yod pa dang don dam du yod pa shes pas kun rdzob dang
don dam gang yin zhes dris pa la nyan thos sde bas lan btab pa
ni/ ming dang rjod pa dang/ zhes sogs 

@241a @#/ /ltar ming dang/ rjod pa'am shes pa dang/ gdags pa ste
btags pa dang/ tha snyad de sgra'i kun rdzob bzhi ni kun rdzob
yin la/ chos de rang mtshan gyis grub pa chos de don dam du yod
pa'i don yin zhes pa la/

slob dpon gyis lan mdzad pa ni/ 'o na de lta na/ zhes sogs ltar
te/ 'o na/ las dang rnam smin gnyis de 'dra'i kun rdzob dang don
dam pa gnyis kar khas blang rung bar thal/ de gnyis ming ste tha
snyad gdags pa'i

gzhir yod pa gang/ sgra rtog gis bzhag pa min par rang gi mtshan
nyid du yang yod pa'i phyir/ zhes so/ /'di'i don dam du yod tshul
ni yod tshul snga ma tha snyad kyis bzhag pa min pa dang/ kun
rdzob tu yod pa ni yod tshul

phyi ma tha snyad gdags pa'i gzhir yod pa'o/ /rnam rig pa'i lugs
la las dang rnam smin don dam du yod pa ni mdor chos rnams don
dam du med par gsungs pa dang mi 'gal te/ mdo de sgra ji bzhin
pa ma yin par 'dod

pa'i phyir ro/ /rang lugs kyi mdo de'i don ni/ de nyid las/ nged
ni gang zag kun rdzob tu yod kyi rdzas su ni ma yin te/ phung po
rnams la de'i ming gdags pa'i phyir ro/ /las dang rnam par smin
pa dag ni kun rdzob tu

rdzas su yod don dam par ni med de/ 'jig rten pa'i shes pa'i yul
yin pa'i phyir ro/ /dam pa ni ye shes 'jig rten las 'das pa yin
te/ de'i don yin pas don dam pa'o/ /de gnyis kyi rang gi mtshan
nyid ni de'i yul ma yin

@241b te; de'i yul ni brjod du med pa'i spyi'i mtshan nyid yin
pa'i phyir ro/ /zhes pa ltar gang zag tha snyad gdags pa'i
gzhi'i kun rdzob tu yod kyang rdzas su med pa dang/ las kyi gtso
bo sems pa dang rnam smin gyi gtso bo lus tshor sogs de

gnyis kar yod la 'jog tshul gnyis pa'i don dam du med de/ 'jig
rten pa'i shes pa'i rnyed don yin pa'i phyir/ las dang rnam smin
gnyis po slob pa'i stong nyid mngon sum du rtogs pa'i 'das lam
gyi rnyed don ma yin te/ de'i rnyed don

du gyur pa'i bdag med ni sgra rtog gis ji lta ba bzhin brjod du
med pa dang/ chos spyi'i mtshan nyid de de chos thams cad kyi
rang bzhin yin pa'am chos thams cad la des khyab pa'i don yin
pa'i phyir/ rang lugs la nyan thos sde ba'i rtsod

pa mi 'jug tshul de ltar yin yang thal 'gyur ba gtsos dbu ma bar
'jug tshul ni/ de nyid las/ yang theg pa chen po ba kha cig thams
cad rang gi mtshan nyid du mi med pa kho na yin la/ kun rdzob tu
ni bcom ldan 'das kyis chos rnams

yod pa nyid du bstan to zhes sgra ji bzhin pa nyid kyi don yin
par brjod pa gang yin pa de dag la ji skad bstan pa'i brtsad pa
'di yang 'byung bar 'gyur ro/ /zhes so/ /de la de 'jug ste/ mdo
'dir/ yod ces pa dang mi dmigs

zhes pa don dam du na las dang rnam smin don dam du yod pas
chos
thams cad rang mtshan gyis med par smra ba dang 'gal/ kun rdzob
tu na byed pa po der med pa mi 'thad de/ de kun rdzob tu yod
pa'i phyir/ rtags khas/ zhes lugs

@242a @#/ /'dis 'chad do/ /ngo bo nyid med par smra bas lan gnang
tshul la dbu ma snang ba dang/ 'jug 'grel las tshul gnyis byung ba
mchan ltar shes par bya'o/ /dbus mtha'i le'u gsum pa las/ rtsa
ba mtshan

nyid de kho na/ /zhes sogs ltar de kho na nyid bcu'i nang nas
lnga pa rags phra'i de kho na nyid kyi khyad par ni ngo bo nyid
gsum kun rdzob gsum gyi yul du grub pas rags pa dang/ yongs
grub
gcig pu gnas lugs mthar thug yin pas phra

bar gsungs pa'i rags pa kun rdzob bden pa dang/ phra ba don dam
bden pa la byed pa'i snga ma la blo brtan 'grel bshad dang
gzhung ltar kun btags bden par med bzhin du rtog pas btags pas
btags pa'i kun rdzob dang/ gzhan

dbang gi gtso bo yang dag ma yin pa'i kun rtog shes pa yin pas
de sa mtshon pa'i gzhan dbang rnams shes pa'i kun rdzob dang/
yongs grub don dam par sgra rtog gis yul du byar med kyang de
bzhin nyid la sogs pa'i rnam grangs du mas brjod

du rung bas brjod pa'i rkun rdzob gsum gyi phyi ma ni mdo gzhan
las de bzhin nyid la sogs pa kun rdzob tu yod par gsungs pa
brjod pa'i kun rdzob la dgongs so zhes de 'dra'i mdo'i dgongs
gzhir 'chad pa'i don du shes dgos so/ /  

gsum pa grub mtha' gong 'og gi rdzas btags sogs kyi 'jog tshul mi
'dra ba'i khyad par byed dgos par gdams pa ni/ de ltar grub
mtha'/ zhes sogs byung ste tshig don go sla'o/ ! /'dir/ bye smras
bcom gzhig gang rung gis rang

@242b 'dzin gyi blo 'dor rung mi rung dang/ mdo sde bas rtog pas
btags pa tsam du grub ma grub kyis rdzas btags dang bden gnyis
'jog pa dang/ rnam rig pa dang rang rgyud pas rang gi ngo bo
nges pa chos gzhan gyi rnam pa 'char ba la

ltos mi ltos kyis rdzas btags dang/ rnam rig pas rnam dag lam
gyi dmigs pa mthar thug yin min gyis bden gnyis 'jog la/ rnam
grangs pa'i dbang du byas na/ rdzas btags la'ang/ gdags gzhi la
brten ma

brten dang/ rtog pas btags tsam yin min dang/ kun rdzob la'ang
bsdu bar/ kun nyon gyi dmigs pa dang/ tha snyad kyi gdags gzhi
dang/ tha snyad pa'i mtshan ma la dmigs pas bzhag pa dang/ dbus
mthar btags pa dang/ shes

pa dang/ brjod pa'i kun rdzob gsum dang/ rnam bshad rigs par
'jig rten pa'i ma 'khrul ba'i shes pa'i yul dang/ rjod pas khong
du chud par bya ba dang/ ming dang rjod pa dang gdags pa dang
tha snyad la kun rdzob tu bshad pa gsum

dang; don dam la yang bsdu bar/ tha snyad kyis bzhag tsam min
par rang mtshan gyis grub pa dang/ tha snyad pa'i tshad ma'i rnyed
don yin pas bzhag pa dang/ dbus mthar don dang/ thob pa dang/
sgrub pa don dam gsum dang/ rnam bshad

rigs par 'jig rten las 'das pa'i shes pa'i yul dang/ rjod pas
khong du chud par bya ba min pa dang/ rang mtshan gyis grub pa la
bshad pa sogs mang la/ thal rang gnyis kyis tha snyad dpyod pa'i
rigs shes dang/ mthar thug

@243a @#/ /dpyod pa'i rigs shes kyi rnyed don yin pas bden gnyis
'jog pa 'dra yang/ rang rgyud pas blo gnod med la snang ba'i
dbang gis bzhag pa'i yod pa la kun rdzob tu yod pa dang/ de'i
dbang gis bzhag pa min

par yul rang gi thun mong min pa'i sdod lugs kyis grub pa la don
dam du yod pa dang/ thal 'gyur bas sgra rtog gis btags pa tsam
min par yul rang ngos nas grub pa la rdzas yod dang/ yul gyi
ngos dbang gis grub pa med

par sgra rtog gis btags pa tsam du grub pa la btags yod du bzhed
pa dang/ thal rang thun mong nas don dam dpyod pa'i rigs shes
kyis dpyad tshul ltar du med pa la don dam du med pa dang/ tha
snyad pa'i tshad mas yod par

rtogs par bya ba la kun rdzob tu yod pa dang/ bden 'dzin la kun
rdzob dang de'i ngor bden pa la kun rdzob bden pa dang/ mnyam
gzhag ye shes la don dam dang de'i ngor mi slub la don dam bden
pa zhes 'chad do/ !/spro na/

rnam bshad rigs pa las byung pa'i rtsod pa rnams su la bkod pa
ni/ yig cha rnying bar grub mtha' gong ma yin par gsungs pa'i
rjes su 'brangs te mchan las kyang/ ngo bo nyid med par smra bas
gtso byas pa'i theg chen pa la skyon brjod/

ces gsungs la/ shing bza' paNDita sogs kyis rnam rig pa la
brtsad par gsungs so/ /snga ma ltar na rtsod tshul ngo bo nyid
med par smra ba las theg chen grub mtha' smra ba spyi la 'grig
tshul dka' zhing/ dbyig gnyen gyis ngo bo nyid

@243b med par smra ba'i phyogs bzung nas nyan thos sde bar lan
byed don yang med 'dra ba dang/ phyi ma ltar na brtag pa phyi
ma'i skabs kun rdzob tu byed pa po yod pa'i phyir zhes pa'i
rtags don nyan thos sde ba'i dbang du byed na des gang zag

rang mtshan du 'dod pas kun rdzob tu yod par mi 'dod pa dang/
rnam rig pa'i dbang du byed na kun btags kyi chos las gzhan kun
rdzob tu khas mi len pa rnam rig pa dang ngo bo nyid med par
smra ba'i rtsod lan dbu ma snang bar 'byung

bas shes nus so/ /rnam bshad rigs par/ byed pa po yang kun rdzob
tu yod pas/ zhes par gzhung du/ der byed pa po yod pas/ zhes
gsungs pas rnam rig pas byed pa po kun rdzob tu med kyang kun
rdzob tu byed pa po yod zer

min dang/ yig cha rnying bar brtag pa phyi ma'i skabs/ sheng
mdor chos rnams kun rdzob tu yod par bshad pa mi 'thad par thal/
byed pa po kun rdzob tu med pa'i phyir zhes bkod pa gzhung las/
der byed pa po yod pas de mi  

dmigs so zhes ji ltar brjod/ ces pa'i sgras zin dang mthun min
yang brtag go /des na rtsod pa su la bkod ngos 'dzin dka' bar
snang ngo/ /kun rdzob dang don dam gang yin dris pa'i lan yang
'dri ba po dang lan 'debs pa po gang

gi dbang du byas dpyad dgos te/ lan 'debs po nyan thos sde ba'i
dbang du byed na des ming gi kun rdzob sogs bzhi rang mtshan yin
pas kun rdzob tu mi smra ba dang/ 'dri ba po ngo bo nyid med par
smra ba'i dbang du byed na lan 'grig kyang

@244a @#/ /de 'dri pa por 'brel chung ba dang/ rnam rig pa'i
dbang du byed na des kyang ming sogs kun rdzob tu mi 'dod pa'i
rgyu mtshan sngar ltar yin pa'i phyir ro/ /zab gsal sgron mer/
nyan thos sde ba rang gi 'dod pa

min par ngo bo nyid med par smra ba'i 'dod pa ltar bkod par
bshad pa ni rtsod pa 'god yul la skabs 'dir ngo bo nyid med par
smra ba mi yong bar 'dod pa ltar na mi rung ngo/ /rnam bshad
rigs pa rang las/ ji ltar 'dod par yod

pa nyid du rtog la rag go /zhes byung ste don yig cha rnying ba
ltar na bden gnyis gang du 'dod kyang nyes ba med ces ba'i don
dang/ zab gsal sgron mer/ las dang rnam smin ming gi gzhi dang
rang mtshan gnyi gar yod pas de'i dbang

du byas na bden pa gnyis kar yod/ ces rang ji ltar 'dod 'dod du
khas len du chug go /zhes pa'i don du bshad kyang/ mun sel du/
kun rdzob dang don dam pas yod tshul gnyis ji ltar 'dod par yod
pa la dpyod pa la rag

las pa'i don du gsungs pa gnad che zhing/ gzhung du rnam bshad
rigs pa'i bshad tshul bkod pa'i sngar dam bcas bzhag pa dang/ de
gnyis kar yod ces pa'i don no/ /zhes pa la dpags na sems tsam
rang lugs la

las dang rnam smin kun rdzob dang don dam gnyis kar khas blang
rung ba'i don du byed dgos so/ /kha cig /rnam bshad rigs pa'i/
tha snyad ni kun rdzob yin la/ zhes pa ming brdas bzhag tsam gyi
don du bshad pa ni/ der

@244b las dang rnam par smin pa gnyis ming du yang yod/ ces
dang/ gzhung las/ kun rdzob tu yod tshul ni phyi ma ltar te/ zhes
pa dang dngos su 'gal zhing/ pra sti'i drang nges rgyas par ming
gsogs gzhi kun rdzob yin yang rang

mtshan gyis grub zer pa skabs don bor ba yin par mun sel du
gsungs so/ /rnam bshad rigs pa'i kun rdzob tu yod tshul la/ gnyal
ston dka' 'grel las/ ming 'jug pa'i gzhi'i kun rdzob tu yang
yod/ ces dang/

yig cha rnying par/ /ming dang rjod pa la sogs pa'i bdag rkyen
las rang nyid gzung yul du byed pa'i blo skye pa'i gzhi byed pa
la bshad cing/ rnam byed rigs pas kun rdzob dang don dam gnyi
gar yod tshul bsdu ba dang mi 'dra ba

zhig bshad par grub mtha' chen mor gsungs kyang gzhung gi
dgongs
pa yin min dpyad par bya'o/ /gzhung las/ gang zag kun rdzob tu
yod kyang rdzas su med/ ces pa sor bzhag nas sngar ltar bkral
kyang/ kha cig drangs

zin ltar rnam bshad rigs par/ kun rdzob tu yod kyi/ zhes dang/
de'i 'grel pa las/ gang zag kun rdzob tu yod kyi rdzas su ni ma
yin no/ /zhes gsungs pa la brten nas de'i kun rdzob ces pa btags
yod la byed pa

bshad pa'i rnam grangs su rung ngam brtag go /bshad pa 'di yang
shin tu gsal lo/ /zhes ba gnyal ston gyis/ dbu ma bar klan ka de
'jug par gsal ba'i don du bkral kyang/ mchan du/ kun rdzob dang
don dam la

@245a @#/ /'jog tshul gnyis su yod pa bsdu bar ma zad rnam bshad
rigs pa las bshad pa 'di yang gsal zhes pa'i don du bkral ba
ltar ro/ /lung gi rjes 'brang mdo sde bas kun rdzob dang don dam
du grub tshad bye smra

dang mthun par smra yang/ 'dus ma byas gsum dang phung po dang
dbyibs rnams btags yod du 'dod pas bye smras de rnams rdzas yod
du 'dod pa dang mi 'dra bas de'i lugs la rdzas btags kyi khyad
par gang gis 'byed

brtag go /gsum pa de dag las gzhan pa'i gzhung nas bshad tshul la
gnyis/ mdo sde rgyan las bshad pa'i tshul dang/ dbus mtha' las
bshad pa'i tshul lo/ /dang po la gnyis/ ngo bo nyid med pa sogs
su gsungs pa'i

dgongs pa bshad pa dang/ 'dus byas thams cad sgyu ma bzhin du
gsungs pa la 'gal ba spang ba'o/ /dang po ni/ rgyan las/ zhes
sogs byung/ 'dir mdo sde rgyan gyi lung gsum gyi dang pos sher
mdor chos rnams ngo bo nyid med par

gsungs pa'i dgongs gzhi dang/ gnyis pas ma skyes pa sogs su
gsungs pa'i dgongs gzhi dang/ gsum pa don bshad pa dang bcas pas
skye med kyi chos la bzod pa thob pa'i mdo don bshad pa dang/
ngo bo nyid med

lugs dang/ man gyis de dag ci rigs las 'phros pa bshad do/
/rgyan gyi bcu gnyis pa chos 'tshol le'ur/ 'dus byas kyi mtshan
nyid gsum dang byis pas zhen pa ltar gyi ngo bo nyid med pa
gnyis la dgongs nas sher

@245b mdor chos rnams ngo bo nyid med par gsungs te/ rang dang
zhes pa'i 'grel bar/ chos rnams rkyen la rag las pas rang dbang
med pa'i phyir ngo bo nyid med par gsungs pa dbu ma snang ba
las/ gal te bdag nyid kyis med pa'i phyir

ngo bo nyid med do zhe na/ zhes rang gi bdag nyid kyis skye ba
med pa la bshad pa ltar te/ myu gu ma 'ongs pa ste skye 'gyur
gyi myu gu rgyu la mi ltos par rang dbang gis skye ba'i ngo bo
nyid med pa dang/ rang gi mtshan nyid du/ /med phyir zhes pa

'grel bar/ chos gang 'gags pa ni slar yang chos de'i bdag nyid
du mi skye bas rang gi bdag nyid du med pa'i phyir ngo bo nyid
med par gsungs pa myu gu 'das pa ste myu gu skad cig dang po
gnas 'gyur ba'i skad cig gnyis pa lta bu de slar

myu gu skad cig dang po'i bdag nyid du bskyar nas mi skye ba
dang/ rang gi ngo bo la/ mi gnas phyir dang zhes pa 'grel bar/
skyes lam 'gags pa ni skad cig ma yin pas rang gi ngo bo la dus
gnyis par mi gnas pa'i phyir ngo bo nyid med par

gsungs pa myu gu da lta ba ste myu gu skad cig dang po lta bu
rang grub tsam nas 'jig nges yin pas rang dus skad cig gnyis par
rang dus skad cig dang po'i ngo bor gnas pa'i ngo bo nyid med pa
dang/ 'dzin bzhin de/ /med phyir zhes pa 'grel 

bar/ byis pas gtsang bde rtag bdag tu zhen pa ltar ngo bo nyid
med pas ngo bo nyid med par gsungs ba byis pa so skyes phyin log
bzhir zhen pa ltar du grub pa'i ngo bo nyid med pa ste 'di bzhi
so sor byas na dgongs gzhi bdun dang/ gcig tu 

@246a @#/ /byas na bzhir 'gyur ro/ /de'i steng du dbyig 'grel
las/ kun btags pa'i mtshan nyid gzhan du 'dzin pa de ltar ngo bo
nyid 'di med pas/ zhes pa ltar byis pas kun btags kyi mtshan nyid
gzhan du ste gzung

'dzin rdzas tha dad ru zhen pa ltar gyi ngo bo nyid med pa ni/
rgyan las/ 'dzin bzhin de/ /med phyir zhes pas bstan par bshad
do/ /de ltar na dgongs gzhi brgyad dam lnga ru 'gyur zhing/ rgyu
mtshan de dag la brten nas sher

mdor ngo bo nyid med par gsungs pa yin par bshad do/ /kun btus
rnam nges gsum pa las/ shin tu rgyas pa las chos thams cad ngo
bo nyid med do zhes gang gsungs pa de la dgongs pa gang yin zhe
na/ bdag nyid kyis mi

'byung ba dang/ rang gi bdag nyid du med pa dang/ rang gi ngo bo
la mi gnas pa dang/ byis pas bzung ba bzhin du mtshan nyid med
pa'i phyir ro/ /zhes 'dus byas kyi mtshan nyid gsum ngo bo nyid
med pa dang/ byis

bas zhen pa ltar gyi ngo bo nyid med pa gnyis dang/ yang kun tu
brtags pa'i ngo bo nyid la mtshan nyid ngo bo nyid med pa dang/
gzhan gyi dbang la skye ba ngo bo nyid med pa dang/ yongs su
grub pa la don dam pa ngo bo nyid med pa'i

phyir ro/ /zhes ngo bo nyid med pa gsum la dgongs nas sher mdor
chos rnams ngo bo nyid med par gsungs bar bshad do/ /de ltar na
kun btus su ngo bo nyid med pa gsum dgongs gzhir gsungs pas
dgongs gzhi

@246b bcu gcig gam brgyad du 'gyur ro/ /rgyan du/ sngar bshad pa
ltar chos rnams ngo bo nyid med pas ma skyes pa dang/ de ltar ma
skyes pas de ltar ma 'gags pa dang/ de ltar ma 'gags pas de ltar
gzod ma nas zhi ba dang/

de ltar gzod ma nas zhi bas de ltar rang bzhin gyis mya ngan las
'das pa ste snga ma snga ma rten dang phyi ma phyi ma brten par
byas pa ste snga ma snga ma rgyu mtshan du byas nas phyi ma phyi
ma 'grub par gsungs te/ sngar 'gal ba de spong ba'i

lan du bshad pa dang don gcig go /skye ba med pa'i chos la bzod
pa thob pa'i mdo don bshad pa'i rgyan gyi don ni de'i 'grel ba
las/ de thog ma ni 'khor ba la ste de la thog ma skye ba med do/
/nas/ de ltar na chos de dag la

skye ba med pa'i chos la bzod par bshad do/ /zhes dang/ 'grel
bshad las/ brgyad po gang zhe na/ thog ma skye ba med pa dang/
de nyid skye ba med pa dang/ gzhan skye ba med pa dang/ rang gi
mtshan nyid skye ba med pa dang/ rang

skye ba med pa dang/ gzhan du 'gyur ba skye ba med pa dang/ kun
nas nyon mongs pa skye ba med pa dang/ bye brag tu skye ba med
pa'o/ /zhes pa ltar 'khor ba la thog ma'i skye ba med pa dang/
chos gang skyes zin slar chos de'i ngo bor

skye ba med pa dang/ sngon med pa'i sems can 'khor bar gsar du
skye ba med pa dang/ kun btags rang mtshan gyis skye ba med pa
dang/ gzhan dbang rang dbang gis skye ba med pa dang/ yongs
grub
la gzhan 'gyur gyi

@247a @#/ /skye ba med pa dang/ dgra bcom pa'i rgyud la nyon
mongs skye ba med pa dang/ sangs rgyas kyi chos sku la khyad par
du skye ba med pa ste skye med brgyad la dgongs nas mi skye ba'i
chos la bzod pa thob par bshad do/ /

mchan du/ 'dir skye med brgyad tsam smras pa ni/ don smras sher
mdo bka' min par sgrub tshe 'jug ldog bya yul gyi gtso bo 'di dag
la skur ba btab par bshad pa'i 'gal spong dang/ dbu ma bas de
sgra ji bzhin par 'dod pa

'gog byed dang/ nges sems tsam la bzod pa thob pa'i yul skye med
la skur ba btab par rtsod pa'i lan gsum ga yin par gsungs so/
/bzod pa thob yul bdag med kyi don yin yang de gtan la 'bebs tshe
skye med

brgyad rgyu mtshan du bkod nas gtan la 'bebs pa'am/ bdag med de'i
gtan la dbab gzhi'i chos rnams la skye ba med ces pa'i med tshul
skye med brgyad po dI dag yin pa'i don du bya dgos shing/ de
ltar byas na skye med brgyad

bshad pa'i mtshams sbyor du dbu ma snang ba las/ chos thams cad
ma skyes pa'o zhes bya ba 'di la yang ma skyes pa'i don 'di gang
yin par 'dod/ ces gsungs pa dang mthun zhing/ gzhung du 'grel
bshad ma bkod par dbu ma

snang ba bkod pa dang/ chos rnams kyi skye ba med tshul bshad do/
/zhes gsungs pa gung bsgrigs na gzhung gi dgongs par gnas sam
snyam mo/ /dbu ma snang bar bshad pa ni/ de nyid las/ 'on te
sngon med bci yang mi skye

@247b pa'i phyir ma skyes pa'o/ /zhe na/ de lta na yang mi 'dod
pa bsgrubs pa ma yin te/ 'khor ba na sngon med pa'i sems can
'byung bar ni mi 'dod do/ /chos sngon med par skye bar yang mi
'dod do/ dus thams cad du sngar 'gags

pa dang rigs mthun pa'i chos skye ba'i phyir ro/ /zhes so/
/sngar bshad pa 'di bzhin 'chad pa ni rnam rig pa'i lugs dang/
dus gsum gyi chos la ngo bo nyid med tshul gsum gyi nang nas da
lta ba ngo bo nyid med pa ma gtogs gzhan

gnyis dang/ byis pas zhen pa ltar gyi ngo bo nyid med tshul la
phyin ci log bzhi dang/ gzung 'dzin rdzas tha dad du zhen pa
ltar gyi ngo bo nyid med pa gnyis kyi snga ma dang bcas gsum ni
nyan thos sde gnyis ka dang thun mong ba yin la/ da lta ba ngo

bo nyid med pa dang/ gzung 'dzin rdzas tha dad du zhen pa ltar
gyi ngo bo nyid med pa gnyis de gnyis dang thun mong ba ma yin
te/ bye smras myu gu lta bu skad cig gsum la gnas par 'dod cing/
sde gnyis kas gzung 'dzin rdzas tha dad du

'dod pa'i phyir ro/ /gnyis pa ni/ gal te dgongs 'grel las/ zhes
sogs byung/ kha cig gzhan dbang bden par grub pa dgongs 'grel
dang rgyan gyi don ma yin par thal/ dgongs 'grel las/ don dam
yang dag

'phags/ de la 'di lta ste dper na sgyu ma byas pa ji lta ba de
lta bur ni skye ba ngo bo nyid med pa nyid blta bar bya'o/ /zhes
dang/ rgyan las/ ji ltar sgyu ma de bzhin du/ /sogs kyis gzhan
dbang dang 'dus byas sgyu ma bzhin du gsungs pa'i

@248a @#/ /phyir zer na/ ma khyab ste/ sgyu ma dper byas pas bden
grub tu mi ston pa'i nges pa med pa'i phyir te/ de ltar ston mi
ston sgyu ma la sogs pa dper byed lugs la rag las pa'i phyir/
der thal/ ngo bo nyid med

par smra ba ltar gzhan dbang bden par med bzhin du bden par
snang ba'i cha nas dper byed na bden grub tu ston mi rung yang/
rgyan dang theg bsdus sogs ltar byed na bden grub tu ston rung
ba'i phyir/ de yang rgyan du/ yang dag ma

yin kun rtog ste gzhan dbang gnyis snang 'khrul ba'i bag chags
kyis bslad pa ni 'khrul gzhi bong ba sogs sgyu ma'i sngags kyis
btab pa dang 'dra bar ma zad dpe dpe can dang yang 'dra bar 'dod
de/ gzhan dbang dang bong ba

sogs 'dra la sgyu ma'i sngags kyis btab pa dang gnyis snang
'khrul ba'i bag chags kyis bslad pa 'dra ba'i phyir/ zhes pa
rkang pa dang po gnyis kyi don dang/ gzhan dbang de gzung 'dzin
rgyang chad du snang ba dang bong ba sogs

rta glang sogs su snang ba dang 'dra bar ma zad dpe dpe can dang
yang 'dra bar brjod de rkang pa phyi ma gnyis kyi don no/ /de
dag ni dbyig 'grel las/ 'khrul ba'i rgyu mtshan shing dang bong
ba la sogs pa/ nas/ kun btags pa'i

ngo bo nyid kyis rnam par rig par bya'o/ /zhes gsungs so/ /yang
rgyan du/ sgyu ma de la glang bo sogs de med pa bzhin du gzhan
dbang la gzung 'dzin rdzas tha dad kyis stong ba don dam bden pa
dang/ sgyu ma de ni rta glang gi ngo bor dmigs

@248b par gyur pa de bzhin du yang dag ma yin pa'i kun rtog ste
gzhan dbang la kun btags kyi chos de kun rdzob bden par dmigs
par 'grel bar bshad de/ de nyid las/ ji ltar di la dmad pa ste/
sgyu ma byas pa de la glang po che la

sogs pa med pa de bzhin du/ nas/ kun rdzob kyi bden par dmigs
so/ /zhes so/ /de ltar lugs 'dis phyi don med kyang sems kyi
snang cha tsam yod pa sgyu ma'i dpes mtshon par ma zad/ rang
rkya
thub pa'i rdzas su snang yang der

ma grub pa dang/ bong ba sogs rta glang sogs su snang yang der
ma grub pa gnyis dpe don sbyar nas 'chad tshul ston pa la/ rgyan
las/ sangs rgyas rnams sangs rgyas mchog rnams kyis de dang de
las 'dus byas dag /gsungs

pa sgyu ma rmi lam smig rgyu gzugs brnyan dang 'dra mig yor
dang/ /brag ca lta bu dang ni chu zla'i gzugs 'dra sprul dang
'drar shes bya/ /drug dang drug dang gnyis dang drug tshan gnyis
dang gsum po re rer 'dod/ /ces dpe don brgyad

sbyar te gsungs pa'i dang po gnyis kyi skabs su gsal ba ltar ro/
/de la sgyu ma rmi lam smig rgyu gzugs brnyan mi g.yor te grib
ma grag ca chu zla sprul ba ste dpe brgyad dang/ nang gi skye
mched drug phyi'i skye mched drug sems sems byung

gnyis nang gi skye mched drug phyi'i skye mched drug bshad pa'i
chos ting nge 'dzin la brten pa'i chos bsam bzhin srid par skye
ba 'dzin pa ste don brgyad sbyor dgos te/ nang gi skye mched
drug gdags gzhir byas te gang zag dang bdag dang

@249a @#/ /srog sogs gang zag gi rnam grangs kyis bstan pa'i bdag
rang rkya ba med bzhin du der snang ba'i cha nas de sgyu ma lta
bu dang/ phyi'i skye mched drug rang rkya ba'i bdag gis longs
spyad bya'i bdag gi bar med bzhin du

der snang ba'i cha nas de rmi lam lta bu dang/ sems sems byung
gnyis kyis smig rgyus chur 'khrul ba skyed pa ltar rang gi rdzas
la phyi don du 'khrul ba skyed pas de smig rgyu lta bu dang/
nang gi skye mched drug sngon las kyi gzugs brnyan nam

'bras bu yin pas de gzugs brnyan lta bu dang/ phyi'i skye mched
drug nang gi skye mched kyi grib ma bzhin du byung bas de mig
yor lta bu dang/ bshad pa'i chos phyi don du med kyang rna ba'i
yul du 'gyur zhing mnyan du rung bas de brag ca

lta bu dang/ ting 'dzin la brten pa'i yon tan rnams ting nge
'dzin dwangs pa chu lta bu la ngang gis 'char bas de chu zla lta
bu dang/ bsam bzhin srid par skye ba 'dzin pa bya ba rnams la
kun nyon med par sbyor bas de sprul pa lta bur

gsungs pa'i phyir/ de ltar mdo las gsungs tshul rgyan gyis bshad
kyi 'dus byas rang bzhin gyis stong bzhin der snang ba'i dper ma
gsungs so/ /theg bsdus las kyang/ gzhan gyi dbang gi ngo bo nyid
ji ltar rig par

bya zhe na/ sgyu ma dang/ smig rgyu dang/ rmi lam dang/ mig yor
dang/ gzugs brnyan dang/ brag ca dang/ chu zla dang/ sprul ba
lta bur rig par bya'o/ /zhes gsungs te phyi don med na yul du ji
ltar dmigs snyam pa

@249b bzlog phyir sgyu ma lta bu ste/ nang gi skye mched drug
phyi don du med na yang dmigs pa sgyu ma dang 'dra ba dang/ de
med na sems sems byung ji ltar skye snyam pa bzlog phyir smig
rgyu lta bu ste/ 'grel ba gnyis su/ snod kyi 'jig rten

smig rgyu chur med kyang chur dmigs pa dang 'dra bar bshad do/
/de med na yid du 'ong mi 'ong la ji ltar spyod snyam pa bzlog
phyir rmi lam lta bu ste yid du 'ong mi 'ong rmi lam lta bu
dang/ de med na dge sdig gi 'bras bu bde

sdug ji ltar 'grub snyam pa bzlog phyir gzugs brnyan lta bu ste/
'grel bar/ lus kyi las de las gzhan pa'i gzugs kyi gzugs brnyan
byung ba gzugs brnyan lta bu dang/ bshad sbyar du mnyam par ma
bzhag pa'i dge

sdig gi 'bras bu de dang 'dra bar bshad do/ /de med na ji ltar
rnam par shes pa sna tshogs 'byung snyam pa bzlog phyir mig yor
lta bu ste/ 'grel ba las/ mig yor lta bur zhes bya ba yid kyi
las kyi 'bras bu bstan to/ /zhes so/ /de

med na ji ltar tha snyad sna tshogs 'byung snyam pa bzlog phyir
brag ca lta bu ste/ 'grel bar/ ngag gi las kyi rgyu las 'bras bu
brag ca lta bur 'byung ba dang/ bshad sbyar du/ ngag gi las phyi
don du med bzhin du tha snyad sna tshogs su gnas

pa brag ca dang 'dra bar bshad do/ /de med na ji ltar ting nge
'dzin gyi spyod yul 'byung snyam pa bzlog phyir chu zla lta bu
ste/ 'grel bar/ mnyam par bzhag pa'i sa ba'i yid kyi las chu zla
dang 'dra ba dang/ bshad sbyar du/ ting nge 'dzin gyi don

@250a @#/ /med bzhin du yul la 'jug pa de dang 'dra bar gsungs
so/ /de med na byang sems gzhan don du bsam bzhin ji ltar skye
snyam pa bzlog phyir sprul ba lta bu ste/ 'grel bar/ thos bsam
gyis bsgos pa'i yid kyi

las sprul ba dang 'dra bar bshad la/ bshad sbyar las/ nad dang
phyi'i 'o/ /de'i dbye ba ni nyes par spyod pa lus kyi las dang/
ngag gi las dang/ yid kyi las rnam pa gsum dang/ mnyam par ma
bzhag pa'i sa dang/ mnyam par

bzhag pa'i sa dang/ nor ba med pa'o/ /zhes gsungs te go rim
bzhin sbyor dgos sam snyam mo/ /sgyu ma sogs 'di bas gzhan dbang
gi dper byed pa bshad ma thag pa ltar yin yang de rdzun pa'i
dper gtan nas mi byed pa min

pas de mi bden pa'i dper byed lugs dbu sems ma 'dres par phyed
par bya'o/ ! /spro na/ gnyal ston sogs kyis/ sher mdor ngo bo
nyid med par gsungs pa'i dgongs gzhi la ngo bo nyid med pa gsum
dang/ mdo sde rgyan gyi

dngos bstan brgyad de bcu gcig tu phye nas dang po gsum dgongs
'grel dngos bstan dang/ phyi ma brgyad shugs bstan du bshad pa
la/ skye ba ngo bo nyid med pa dang/ myu gu ma 'ongs pa rang
dbang gis skye ba'i ngo bo nyid med pa gnyis

chos can/ dgongs 'grel dngos bstan yin min gyi khyad med par
thal/ de las bdag nyid kyis skye ba med par dngos su bstan pa
dang mtshungs pa'i phyir/ phyi don med pa der dngos su ma bstan
pa yang mi 'thad par thal/ de'i

@250b byams zhus su phyi don dgag pa gsal bar gsungs pa gzhung
las 'og tu 'byung ba ltar yin pa'i phyir ro/ /blo gling yig
char/ rang dang rang gi mtshan nyid du/ /zhes sogs kyi don 'chad
pa na dang po gsum las ma byung ba'i rgyu mtshan

brtag la/ dogs dpyod du/ gnyal ston ltar gyi ngo bo nyid med pa
bcu gcig gzhung las/ dus gsum gyi chos rnams la/ nas/ rdzas tha
dad du zhen pa'o/ /zhes pas bstan par byas kyang/ der mtshan nyid
ngo bo nyid med pa

sogs gsum mi 'byung ngo/ /gzhung las/ myu gu ma 'ongs pa rang gi
dbang gis mi skye zhing/ zhes dang/ yig char/ 'dus byas ma 'ongs
pa rgyu rkyen la ltos med du rang dbang du 'byung ba'i ngo bo
nyid med pa dang/ zhes gsungs pa

ltar na rang dang zhes pa rgyu med las skye ba med pa'i don du
bya dgos kyang/ mchan sogs su ma 'ongs pa rang las skye ba med
pa zhes pa ltar bdag skye med pa'i don du byas kyang rung ste/
blo brtan 'grel bshad las/ yang na chos

rnams ni ma 'ongs pa'i dus na med pa las byung ba la skye ba
zhes bya ba las mu stegs pa grangs can rnams kyi gtso bo zhes
bya ba yod pa las chos rnams skye zhe'am/ sa bon la myu gu yod
bzhin du rgyu rkyen gyis skyed do zhes rang nyid kyi dngos

po yod pas skye ba med pa'i phyir ngo bo nyid med pa zhes bya'o/
/zhes dang/ btsun pa ngo bo nyid med pa'i 'grel bshad las/ dang
med pa'i phyir ngo bo nyid med pa zhes bya ba ni ma 'ongs pa'i
dus nas chos rnams ma byung ba las 'byung ba 

@251a @#/ /gang yin pa de ni skye ba yin gyi/ grangs can pa rnams
kyi ltar gtso bo las yod pa kho na skye ba ni ma yin no/ /zhes
gsungs pa'i phyir ro/ /dpal mang 'grel bar/ rang dang rang gi
mtshan nyid du/ /med phyir

zhes pa ngo bo nyid gsum la sbyar ba'i bshad pa mdzad pa ni rgya
gzhung gang la brten dpyad dgos te/ dbyig 'grel dang ngo bo nyid
med pa'i 'grel bshad du/ ngo bo nyid med pa gsum po 'dus byas
kyi mtshan nyid gsum dang sbyor bar

gsungs pa'i gsum po ni rang med pa'i phyir ngo bo nyid med pa
dang/ rang gi bdag nyid du med pa'i phyir ngo bo nyid med pa
dang/ rang gi ngo bo la mi gnas pa'i phyir ngo bo nyid med pa
gsum las yongs grags kyi ngo bo nyid med pa gsum

dang sbyar ba ma yin pa'i phyir/ zegs ma las/ mi gnas phyir dang
'dzin bzhin de/ /ma dag /'dzin gzhan de/ /zer dgos/ zhes pa
gzhung du/ kun btags kyi mtshan nyid gzhan du zhe na pa ltar/
zhes dang/ gzhan ni

gzung 'dzin rdzas tha dad du zhen pa'o/ /zhes par dgongs 'dra
yang/ de'i/ zhen pa ltar/ zhes pa dang/ byis pas zhen pa bzhin/
zhes pa las/ gzhan zhes pa de'i 'grel min zhing/ dpal mang 'grel
ba las/ byis pas

bzung ba bzhin/ zhes pa ltar dbyig 'grel dang 'grel bshad rnam
gnyis mthun par 'byung bar ma zad/ btsun pa ngo bo nyid med pa'i
'grel bshad du/ chos kun gal te byis pa yis/ /ji ltar rnam
brtags mthong ba bzhin/ /de

@251b dag yod par gyur na ni/ /thams cad de nyid mthong bar
'gyur/ /zhes mdo drangs pas de kun yig nor 'ba' zhig gi rjes su
'brangs pa ga la yin/ rgyan rtsa 'grel gyi dpe mang po dang theg
bsdus su/ ngo bo nyid ni med pa yis/ /zhes

byung zhing/ de dang mthun par ngo bo nyid med pa'i rgyu mtshan
gyis skye med sogs 'grub ces bkral bas/ gzhung du/ yin zhes pa
ma dag gam dpyad do/ /kho na re/ gzhan nyid ces pa'i don stong
thun las/ gzhan nyid ces pa rgyu las

mi mthun pa'i 'bras bu mi skye ba dang/ zhes gsungs pa mi 'thad
par thal/ sngar bshad pa ltar blo brtan 'grel bshad dang dka'
'grel gnyis sogs mang po las 'byung ba'i phyir zer na ma khyab
ste/ de gnyis ka la bshad chog pa'i phyir te/

stong thun las spyir btang dang/ dka' 'grel sogs las mtshan gzhi
bkar ba yin pa'i phyir/ der thal/ rgyar pa na ltar skye ba snga
ma med par 'byung ba las sems 'grub par khas blangs na de 'khor
ba'i thog ma'i skye ba dang mi mthun pa'i

rgyu las byung bar 'gro ba'i phyir dang/ dbu ma snang bar/ phyi
ma med pa'i don 'khor ba'i sngon med kyi sems can gsa' skye med
pa dang/ sngar 'gags pa dang rigs mthun par skye ba ste de dang
rigs mi mthun par mi skye ba gnyis bshad ba ni rgyu

las mi mthun pa'i 'bras bu mi skye bar gsungs pa dang gnad gcig
pa'i phyir te/ rang nyid sngar 'gags pa'i rgyu dang rigs mi
mthun par 'bras bu skye na rgyu las mi mthun pa'i 'bras bu skye
ba las 'os med pa'i phyir ro/ /kha cig /'khor bar

@252a @#/ /sngon med pa'i sems can mi skye ba ni 'khor ba la thog
ma'i skye ba med pa dang zlos par thal/ 'khor bar sngon med pa'i
sems can skye ba yod na sems can min pa zhig sems can du 'gyur
dgos shing/ des thog ma yod par

song ba'i phyir na ma khyab ste/ 'khor ba la thog ma med pa ni
gzhi ldog rang ldog gang la yang sdug kun gcig nas gcig tu
brgyud pa'i thog ma med pa'i don dang/ 'khor bar sngon med pa'i
sems can mi skye ba ni rgyu las mi mthun pa'i 'bras bu mi

skye ba la byed pa'i phyir/ kha cig /khyad par du skye ba med
pa'i don stong thun las/ khyad par la zhes pa sangs rgyas kyi
dag pa gnyis ldan gyi chos kyi sku la skye ba med pa/ zhes
gsungs pa mi 'thad par thal/ de ni rang gi ngo bo khyad

par du 'gro bar med pa la byed dgos pa'i phyir na ma khyab ste/
de yang/ dag pa gnyis ldan gyi chos sku la khyad par du skye ba
med pa'i don yin pa'i phyir/ kha cig /lugs 'dir mi skye ba'i
chos la bzod pa thob tshe skye med brgyad la bzod pa

thob pa yin par thal/ de ltar gnyal ston gung ri chos 'byung
shing bza' paNTi ta pra sti chung ba sogs kyis bshad pa ni/ blo
brtan gyis/ 'khor pa'i thog ma sbye ba med do zhes bzod na mi
skye ba'i chos la bzod pa thob pa zhes bya'o/ /zhes sogs

dang; btsun pa ngo bo nyid med pas/ 'khor ba'i thog ma kun btags
pa de la mi skye ba'i chos la bzod pa thob/ ces gsungs pa'i
sgras zin dang mthun pa'i phyir zer na/ ma khyab ste/ de gnyis
kyis skye med de dag rgyu mtshan du byas te

@252b chos rnams skye ba med par gsungs pa'i don nges nas mi
skye ba'i chos bdag med la bzod pa thob par gsungs pa las bzod
pa thob pa'i yul la skye med de dag bzhag pa ma yin pa'i phyir/
gnyal ston gyis/ sbyor lam dang mthong lam dang sa

brgyad par mi skye ba'i chos la bzod pa che 'bring chung gsum
rim thob kyis mi skye ba'i chos la brgyad yod par bshad pa'ang
brtag dgos te/ bdag nyid kyis skye ba med pa lta bur bzod pa che
'bring chung gsum thob pa la lam de dag thob dgos na

ha cang thal ba'i phyir/ gnas ma'i bu ba sogs kyi dam tshig rjod
pa'i rtog 'bar las/ 'dus byas ni skad cig ma dang skad cig ma ma
yin pa yang yod do/ /zhes pa ltar de dag gis 'dus byas la skad
cig mas mkhyab par 'dod kyang/

mang ston pa dang kha che bye smra dang bye smra sbyis 'dus byas
la skad cig mas khyab par 'dod de/ mang ston pa'i dam tshig ston
pa'i rtog 'bar las/ 'dus byas thams cad ni skad cig ma'o/ /zhes
dang/ bde gshegs gzhung gi rab byed las/

'dus byas thams cad skad cig ma/ /nas/ kha che bye brag smra ba
yi/ /gzhung 'di yin par mkhas rnams bzhed/ /ces dang/ de'i 'grel
ba ye shes snying po kun btus rtsa 'grel rang gi lta ba'i 'dod
pa mdor bstan pa nang le'i 'grel bshad

rnams las kyang de dang mthun par byung ba dang/ rtsa she'i TI
ka chen las/ bye brag tu smra ba rnams/ nas/ kho bo cag gis skad
cig ma ni bya ba de bzhi rdzogs pa la byed do/ /zhes gsungs pa'i
phyir/ yang de nyid las/ bye brag tu smra ba rnams

@253a @#/ /gzugs la sogs pa'i mtshan gzhi'i dngos po rnams la
mtshan nyid bzhi dus gcig tu yod kyang dang por skye ba'i bya ba
dang de nas gnas pa dang de nas rga ba dang de nas 'jig pa'i bya
ba rim can du 'jug par 'dod

pa la; zhes pa dang/ gzhung las/ bye brag tu smra ba ni skyes
zin pa'i 'og tu gnas pa'i bya ba dang de'i 'og tu 'jig pa'i bya
ba 'jug par 'dod do/ /zhes pa gnyis mi 'gal te/ rga ba gnas pa
la bsdus ma bsdus tsam yin pa'i phyir/

kho na re/ grub mtha' gong ma ltar na skye 'jig gnas pa'i bya ba
gsum cig car du grub par thal/ 'dus byas thams cad skad cig ma
yin pa'i phyir/ 'dod na/ skye gnas 'jig gsum ga'i grub pa gsum
dus mnyam par thal/

'dod pa'i phyir/ 'dod na/ skye 'jig gnas gsum dus mnyam par
thal/ 'dod pa'i phyir na/ mchan du ma khyab gsungs so/ /mchan
du/ rgyan gyi bod TIka dag gis rmi lam gyi dpe phyi don med pa
la sbyar ba blo brtan 'grel bshad dang

mthun yang rjes de dang mi mthun par gsungs pa legs bshad du
bsngags pa brtag dgos te/ 'grel ba las/ rmi lam lta bu ni phyi'i
skye mched drug ste/ de nye bar spyad pa'i dngos por med pa'i
phyir ro/ /zhes pa dang/ 'grel

bshad las/ da ltar dngos su gzugs dang sgra la sogs pa rnam par
shes pa'i yul du snang yang yod pa ma yin pa'i phyir rmi lam lta
bu'o/ /zhes pa tsam las mi gsal bas phyi don med pa dang gang
zag gi bdag gi ba med pa'i dpe gang la'ang

@253b bkral rung lta bur snang yang rjes 'grel ba 'grel bshad
gang dang yang mi mthun pa'i bshad pa mdzad dogs med pas de dag
tu sgyu ma'i skabs gang zag gi bdag med dang dpe don sbyar ba
shin tu gsal ba la brten nas/ rmi lam skabs kyi

nye bar spyad pa dang/ yod pa ma yin pa yang gang zag gi bdag
med la byed pa skabs kyis shes par dgongs pa'i phyir ro/ /de'i
don goms pa'i ting nge 'dzin gyi rnam pa gsal bar 'char ba ni
chu zla lta bu dang/ zhes gsungs pa yang brtag

dgos te/ chu dang ting nge 'dzin dpe dpe can/ chu zla dang ting
nge 'dzin la brten pa'i chos dped be can du byed dgos pa/ 'grel
ba las/ chu zla'i gzugs lta bu ni ting nge 'dzin la brten pa'i
chos rnams te/ ting nge 'dzin ni dang ba nyid

kyis chu lta bu yin pa'i phyir ro/ /zhes dang/ 'grel bshad kyang
shin tu gsal ba'i phyir/ ji ltar sgyu ma de bzhin du/ /zhes pa'i
don 'chad pan gzhung du dpe dpe can go bzlog lta bur gsungs pa'i
don yang sngar bshad pa ltar yin nam/ de

las 'grel tshul bde ba gzhan yod brtag par bya'o/ /gnyis pa dbus
mtha' las bshad pa'i tshul la gnyis/ dngos dang/ thogs med rjes
'brang gi mkhas pa rnams kyis gsungs tshul lo/ /dang po la gnyis/
dbus mtha' las

mtha' gnyis spong tshul ji ltar gsungs pa dang/ des grub pa'i dbu
ma'i lam bstan pa'o/ /dang po ni/ dbus mtha' las/ zhes sogs
byung/ de la/ zhes gsungs te/ yan gyis gzhung bkod/ gzhan zhig
gcod do/ /yan gyis

@254a @#/ /de dang/ gang na gang med pa sogs kyi bshad tshul gnyis
'dra bar bstan/ de man gyis tshig don bshad de/ de yang tshigs
bcad dang pos stong nyid kyi mtshan nyid dang/ gnyis pas de nyid
dbu ma'i lam du bstan to/ /

tshigs bcad dang po ni gang na gang med pa sogs dang don 'dra
ste/ gang na gang med pa sogs kyis chos 'di lta bu don dam par
yod pa dang/ chos 'di lta bu don dam par med pa'i mtshams yang
dag par shes pa ni stong nyid la 'jug pa gol

sar ma shor bar gsungs la/ dbus mthas kyang de nyid ston pas
stong nyid kyi don yang dag par bstan pa'i phyir te/ dbus mtha'i
rkang ba dang po dang/ lung phyi ma'i gang na zhes pas stong
gzhi gzhan dbang/ de la gnyis po zhes pa dang/

gang zhes pas stong rgyu kun btags/ yod ma yin/ /zhes pa dang/
med pa de ni des stong ba dang zhes pas snga ma de phyi ma 'dis
stong pa yongs grub/ rkang ba dang po dang gsum pa bsdoms pa
dang/ 'di la lhag ma yong pa ni 'dir yod pa'o/ /

zhes pas gzhan dbang yongs grub gnyis don dam par yod par bstan
pa'i phyir/ rkang ba bzhi pas dogs pa gzhan zhig gcod pa 'og tu
rkang ba bzhi pa'i don bshad pa'i skabs su gsal lo/ /mdor na
stong gzhi gzhan dbang ni gzung 'dzin

rdzas tha dad pa'i kun btags kyi ngo bor yod pa min no/ /zhes pa
rkang pa dang po gnyis kyi don dang/ de med na de'i lhag mar lus
pa'i yod pa de gang yin snyam na/ gzhan dbang dang yongs grub
po/ /zhes pa rkang ba dang po dang gsum pa'i

@254b don te dgag bya bkag shul du ma yin dgag dang sgrub pa
gang rung zhig bsgrub rgyu yod kyang/ chos nyid rjod pa'i sgra
des dgag bya bkag shul du de ltar bsgrubs na de ma yin dgag
dang
sgrub pa gang rung du 'gro'o/ /rkang ba dang po'i don ni/ gang

stong pa dang gang gis stong pa'i don du dbus mtha'i 'grel ba
las/ de la yang dag pa ma yin pa'i kun tu rtog pa ni gzung ba
dang 'dzin par rnam par rtog pa'o/ /gnyis po ni gzung ba dang
'dzin pa'i dngos po dang bral ba'o/ /stong ba nyid ni

yang dag pa ma yin pa'i kun tu rtog pa de gzung ba dang 'dzin
pa'i dngos po dang bral ba nyid do/ /de la yang ni de yod do/
/zhes bya ba ni yang dag pa ma yin pa kun tu rtog pa'o/ /zhes
sngar bshad pa de ltar dbyig gnyen gyis bshad pa de nyid blo

brtan gyis gsal bar bstan pa gzhung du drang sa pa ltar te/ dbus
mtha'i kun rtog yod ces pa'i tshig gi ltag ma rang bzhin gyis
zhes pa ba di phyung nas kun rtog rang bzhin gyis yod ces bya
dgos so/ /la la dag ste ngo bo nyid med par smra bas

chos kun rang bzhin gyis med ces skur ba 'debs pa 'gog phyir
gzhan dbang rang bzhin gyis sam rang mtshan gyis yod par gsungs
te/ rkang ba dang pos 'khor lo bar ba'i sgras zin bkag nas 'khor
lo dang po'i dgongs gzhi bstan to/ /

frkang ba gnyis pa'i don ni/ rkang ba dang po'i skabs chos kun
rang bzhin gyis med par smrar mi rung bar bshad pa la/ ngo bo
nyid med par smra bas de mi 'thad par thal/ sher mdor chos kun
stong bar bshad pa'i phyir zer na ma khyab ste/ de

@255a @#/ /ni gzhan dbang gzung 'dzin rdzas tha dad kyis stong
par gsungs pa tsam yin pa'i phyir/ zhes pa ste/ rkang ba gnyis
pas 'khor lo bar ba'i dgongs gzhi'i ngo bo nyid med pa dngos su
bstan nas 'khor lo dang po'i

sgras zin dngos su bkag go /de ltar rkang ba dang pos gzhan
dbang rang bzhin gyis yod ces gsungs pas/ bu dol sogs kyis gzhan
dbang don dam par med la tha snyad tsam du yod par gsungs pa
khegs shing/ gnyis pas

gzhi gzhan dbang gi steng du dgag bya'i chos bdag 'gog par
gsungs pas/ jo nang ba sogs kyis gzhi yongs grub kyi steng du
dgag bya gzhan dbang 'gog pa'i gzhan dbang rang stong du 'chad
pa lugs 'di'i don min zhing/ sku

mched kyi gzhung don ni sngar bshad pa kho na ltar ro/ /rkang pa
gsum pa'i don ni/ kha cig gis/ stong pa nyid bden par med par
thal/ dbus mthar mtshan nyid gsum la bden par yod med kyi cha
phye skabs/ yang dag ma yin kun

rtog yod/ /ces bden par yod pa ni snga ma ste gzhan dbang dang/
de la gnyis po yod ma yin/ /zhes bden par med pa ni phyi ma ste
gzung 'dzin rdzas tha dad pa'i kun btags yin par bstan pa gang/
stong nyid kyang bden par yod na

gzhan dbang gi zlar bshad dgos pa lam bshad pa'i phyir/ de nag
zung 'dzin gnyis po rdzas tha dad du grub pa ni ri bong gi rwa
ltar rang mtshan gyis gtan nas med la/ gzhan dbang don dam par
rang bzhin gyis yod par 'grub pa de

@255b ltar na stong pa nyid don dam par med par 'gyur ro zhe na/
zhes rang mtshan gyis grub na don dam par yod par 'dod pa'i rnam
rig pa'i bsam pa blangs te/ kun rtog don dam par rang bzhin gyis
yod na zhes rtsod pa la/ lan gyis kyang

de ltar khas ma blangs mi zer bar de ltar khas blangs pa'i steng
nas lan mdzad pa ni/ stong pa nyid ni don dam par med par mi
'gyur te/ stong pa nyid ni 'di la yod/ /ces gzhan dbang la gzung
'dzin rdzas tha dad du grub pa don dam dpyod

pa'i rigs pas khegs na/ de la de ltar grub pas stong pa de nyid
don dam dpyod pa'i rigs shes kyi rnyed do na mthar thug tu go
zhing/ de ni lugs 'di'i stong nyid don dam du grub pa'i rgyu
mtshan mthar thug yin pa'i phyir/ blo brtan gyis dbus

mtha'i 'grel bshad las gsungs pa de bzhin de'i sum cu pa'i 'grel
bar yang phyi don med pa dang/ rnam shes don dam du yod pa gsal
bar bshad de/ don smra kha cig gis shes pa bden par grub pa ltar
shes bya phyi don yang rdzas te bden

grub tu 'dod pa dang/ gzhan dag ste ngo bo nyid med par smra ba
kha cig gis shes bya phyi don kun rdzob tu yod la don dam par
med pa bzhin du shes pa yang kun rdzob tu yod la don dam par
med
par 'dod pa gnyis dgag phyir sum cu pa brtsams par

gsungs pa'i phyir ro/ /de'i phyir gzhan dbang gtan med min par
gsungs pa ni sngar byang sa'i don bshad skabs byang sa drangs pa
ltar/ don dam par grub pa'i dngos po gtan med dam thams cad kyi
thams cad du med pa yin/ zhes pa 'gog 

@256a @#/ /pa yin gyi shes bya la mi srid par 'dod pa 'gog pa min
no/ /rkang ba bzhi pa'i don ni/ /rkang ba gsum pas gzung 'dzin
gnyis stong gzhan dbang gi gnas lugs su gtan du gnas par bshad
pa la/ de ltan khyad gzhi

gzugs sogs mthong tshe khyad chos gnas lugs kyang mthong bar
ci'i
phyir mi 'gyur snyam du rtsod pa'i lan du/ yongs grub de med nas
ma mthong ba ma yin par/ sgrib byed gnyis snang 'khrul ba'i kun
rtog gi dbang gis ma mthong ba yin

zhes ston par/ de la yang ni de yod do/ /zhes gsungs te de la
zhes pa yongs grub pa la dang/ de yod ces pa'i yod rgyu ni gnyis
snang 'khrul pa'i kun rtog go /blo brtan dbus mtha'i 'grel bshad
du/ yang dag ma yin kun rtog yod/ /

ces sogs kyi bshad pa'i rnam grangs gzhan bkod pa dang/ de la
brten nas gung thang rin po ches go don blangs pa'i bshad pa
rnams 'grel bshad dang mchan las shes par bya'o/ /gnyis pa ni/
chos thams cad mtha' gcig tu/

zhes sogs byung/ de la/ chos kun stong bste bden par ma grub
mnyam dang/ mi stong bste bden par grub mnyam gnyis dang/ bden
par yod mnyam dang/ bden par med mnyam gnyis ni sgro skur gyi
mthar 'gyur gyi dbu ma'i

lam min pas mtha' de dag bkag nas dbu ma'i lam ston pa'i phyir
dbus mtha' las/ stong ba ma yin mi stong min/ /sogs gsungs te/
gzhan dbang yongs grub gnyis kyis bden grub de stong ba min pa
dang/ gzung 'dzin rdzas

@256b tha dad kyis chos kun mi stong pa min pa ste/ des stong pa
de lta bas na sher mdo sogs las/ 'di thams cad ni gcig tu stong
ba yang ma yin la mi stong ba yang ma yin/ zhes bshad pa dang
mthun par 'dus byas su gyur pa'i gzhan

dbang dang 'dus ma byas su gyur pa'i stong nyid thams cad bden
par grub par byas zhes pa ste/ dbyig 'grel las/ de ltar 'di ni
shes rab kyi pha rol tu phyin pa la sogs pa'i nang nas 'di thams
cad stong pa yang ma yin mi stong pa yang

ma yin zhes 'byung ba dang mthun par byas pa yin no/ /zhes
gsungs pa ltar bya'o/ /rkang ba dang po gnyis kyis yongs grub
bden grub dang mtshan nyid gzhan gnyis bden med du bstan par
'chad pa don min te/ sngar bshad pa de ltar

'grel ba 'grel bshad las gsungs pa'i phyir/ de yang gzhan dbang
yongs grub gnyis bden grub dang chos kun gzung 'dzin rdzas tha
dad kyis stong pa yin te/ gzhan dbang bden par yod pa dang/
gzung 'dzin rdzas tha dad du med pa dang/

gzhan dbang yongs grub gnyis chos chos can gyi tshul du phan
tshun
yod pa'i phyir zhes pa'i rtags rkang pa gsum pas bstan to/
/'grel ba las/ yod pas zhes bya ba ni yang dag pa ma yin pa kun
tu rtog pa'o/ /med pas zhes bya ba ni gnyis po'o/

yod pas na zhes bya ba ni yang dag pa ma yin pa kun tu rtog pa
la stong pa nyid yod pa dang/ de la yang yang dag pa ma yin pa
kun tu rtog pa yod pa'o/ /zhes dang/ 'grel bshad las/ yod pas
zhes bya ba ni yang dag pa ma yin pa kun rtog pa ste/

@257a @#/ /nas; stong pa nyid la yang yang dag pa ma yin pa kun
rtog pa chos can gyi ngo bor yod do/ /zhes gsungs so/ /des na jo
nang bas gzhan dbang yongs grub gnyis gcig don gzhan du grub
pas
cig shos stong pa'o

zhes 'chad pa dbyig gnyen dang blo brtan gyi bzhed pa min no/
/rkang ba tha ma'i don ni/ gzung 'dzin rdzas tha dad kyis stong
pa'i stong nyid chos can/ gzhi dbu ma'i lam yin te/ gzhan dbang
bden grub gzung 'dzin rdzas tha dad kyis

stong pa'i yongs grub yin pa'i phyir/ zhes pa ste/ de ni zhes
pas rtsod gzhi/ dbu ma'i lam yin no/ /zhes pas dam bca'/ de'i
rkang pa snga ma rnams kyis rtags bstan to/ /'od srungs le'u
las/ 'od srungs yod ces bya ba ni mtha'i

gcig go /med ces bya ba ni mtha' gnyis so/ /mtha' de gnyis dang
bral ba'i dbu ma'i lam mo/ /zhes yod med gnyis mtha' re rer byas
nas de gnyis dang bral ba'i dbus te gzhi dbu ma de nyid chos
rnams la so sor rtog par byed pa'i dbu

ma'i lam du bstan pa dbus mtha' dang don 'dra bar blo brtan gyis
bshad de/ 'grel bshad las/ de ni dbu ma'i lam yin no zhes bya ba
ni dkon mchog brtsegs pa la sogs pa'i nang nas/ nas/ so sor rtog
pa'o zhes byung ba gang yin pa ste/

de ltar dbu ma'i lam de dang mthun par byas pa yin no/ /zhes
gsungs pa'i phyir ro/ /dbus mthar gzung 'dzin gnyis stong dbu
ma'i lam du bshad pas na rnam par rig pa tsam zhes sems tsam
pa'i gzhung las mang du byung ba phal cher

@257b gzung 'dzin gnyis stong la bya zhing de nyid rnam rig pa
dag gis dbu ma'i don du 'grel bas/ dbu ma ba gzhan rnal 'byor
spyod pa'i dbu ma rang rgyud pa lta bu kha cig /tshigs bcad dang
po'i skabs su bstan pa'i gzung 'dzin gnyis stong dang/

tshigs bcad gnyis pa'i skabs su bstan pa'i dbu ma gnyis las phyi
ma mchog tu bzhed kyang/ lugs 'dis de gnyis don gcig tu mdzad
do/ ! /'dir/ dbu ma'i lam bcu gsum dang/ ldog bya mtha' sum cu
rnams kyi don thob mdo tsam

bshad na/ dbu ma'i lam bcu gsum ni 'od srungs le'u de'i 'grel ba
bsdu ba sogs las byung ba don 'dra bar/ phung khams skye mched
sogs rang rkya ba'i bdag gis stong par rtogs pa de gang zag
stong par ston pa dang/ phung sogs byis pas

btags pa'i bdag dang mtshan nyid mi 'dra bas mi rtag par rtogs pa
de gang zag la bdag med par ston pa dang/ phung sogs byis pas mi
rtag par sgro btags pa ltar phyi nang sogs na med par rtogs pa
de chos stong pa nyid du ston pa dang/ 'phags

pa'i mnyam gzhag ye shes kyi spyod yul so so rang gis rig par
bya ba/ gzhan la ji lta ba bzhin brjod du med pa/ phyis pa rnam
pa drug gis ji lta ba bzhin gzung du med pa'i chos kyi bdag med
rtogs pa de chos la bdag med par ston pa dang/

sgro 'dogs dgu bo'i gang rung gi zhen yul med par rtogs pa de
sgro 'dogs pa'i mtha' ston pa dang/ yod pa la skur ba 'debs pa
sogs kyis log par mos pa dang zhen pa ltar med par rtogs pa de
skur 'debs kyi mtha' ston pa dang/ kun

@258a @#/ /byang gi rten 'brel byis pas ngo bo dang khyad par du
sgro btags pa ltar med par rtogs pa de chos mngon par rtogs pa
ston pa dang/ rnam thar sgo bzhi rtogs pas nyon mongs pa ched du
mi spong par sems can la snyid brtse bas byang chub chen por

yongs su bsngo ba'i dbu ma'i lam de de byang chub chen por yongs
su bsngo ba ston pa dang/ mi mthun phyogs ma spangs kyang chos
rnams stong mtshan smon med sogs bdun po ci rigs su rtogs pas
nyon mongs dang sdug bsngal gyi sems ma zin pa'i dbu ma'i

lam de de ltar zhugs pa nyon mongs dang sdug bsngal gnyis kyis
sems ma zin par ston pa dang/ gang zag gi bdag med rtogs pa las
khyad par bzhis khyad par du 'phags pa'i chos kyi bdag med rtogs
pa de bdag med gnyis la mos

pa'i khyad par ston pa dang/ gang zag gi bdag med rtogs pa ni
chos kyi bdag med rtogs pa'i rgyu dang/ chos kyi bdag med rtogs
pa'i don gang zag gi bdag med kyi snang ba log pa sgyu mas sprul
pas sgyu ma mkhan zos pa lta bu dang/ bdag

med don spyi'i tshul du rtogs pa las yang dag pa'i mi rtog ye
shes byung nas rtog pa med par byed pa gtsub shing gtsubs pa las
gtsub shing bsregs pa lta bu'i rnam par mi rtog pa'i ye shes de
bdag med snga ma bdag med phyi ma'i rgyur gyur par

ston pa dang/ rang dus su rang gi mi mthun phyogs thams cad log
pa'i chos kyi bdag med mngon sum du rtogs pa'i lam de stong nyid
kyi mthar thug pa ston pa dang/ thog ma med pa nas bsags pa'i
las nyon skad cig ma gcig gis

@258b 'joms pa'i ye shes de snyong nyid kyi mthu ston pa'i sgo
nas bzhag pa'i dbu ma'i lam rnams so/ /ldog bya mtha' sum cu ni/
dbus mtha' las/ tha dad pa dang gcig mtha' dang/ /nas/ de ni
rnam rtog gnyis kyi mtha'/ /zhes

le'u lnga bar tshigs bcad bzhis bstan pa bzhin mu stegs pas sgro
btags pa ltar phung sogs dang ngo bo tha dad pa'i dbang sgyur ba
po yod pa bdag phung tha dad pa'i dang/ phung sogs de nyid rtag
gcig rang dbang can gyi bdag tu grub

pas dag phung gcig pa'i dang/ gzugs sogs rtag par lta ba mu
stegs can gyi dang/ kun btags pa'i gzugs sogs mi rtag par lta ba
nyan thos kyi dang/ bdag rdzas su yod pa gang zag la sgro 'dogs
pa'i dang/ btags pa'i

bdag med pa gang zag la skur ba 'debs pa'i dang/ sems sgra rtog
gi zhen gzhir rang bzhin gyis grub pa chos la sgro 'dogs pa'i
dang/ gzung 'dzin gnyis dang bral ba'i brjod med kyi sems med pa
chos la skur ba 'debs pa'i dang/

mi dge ba sogs kyi chos snang ba dang brjod pa ltar nyon mongs
par grub pa mi mthun phyogs kyi dang/ dge sogs kyi chos snang ba
dang brjod pa ltar rnam byang du yod pa gnyen po'i dang/ gang
zag dang chos gnyis shes bya dang brjod bya'i ngo bor

don dam par yod pa rtag pa'i dang/ de gnyis de'i ngo bor gtan
nas med pa chad pa'i dang/ kun byang gi rten 'brel bcu gnyis re
re la gzung ba yul du zhen pa gzung ba'i dang/ 'dzin pa yul can
du zhen pa 'dzin pa'i dang/ chos dbyings

@259a @#/ /sogs rang bzhin la nyon mongs kyi dri ma zhugs pa kun
nyon gyi dang/ gdod ma nas glo bur gyi dri mas kyang ma bslad pa
rnam byang gi mtha' rnams ni nyis tshan dang po brgyad de mtha'
gnyis rnam pa brgyad dang/ bdag gnyis gang rung

gi ngo bor grub par lta ba dngos por dang/ bdag med gnyis kyi
ngo bor med par lta ba dngos po med pa dang/ kun nyon gsum
snang
ba dang brjod pa ltar spang bar lta bzhi bar dang/ stong nyid
snang ba dang brjod pa ltar spong bar lta bzhi bar

byed par dang/ rang gi rnam rtog las byung ba'i gzugs sogs ji
ltar tha snyad 'dogs pa ltar grub par lta ba skrag byed du dang/
de dag ji ltar tha snyad 'dogs pa ltar mi 'dod pa sna tshogs
'byung ba'i spang byar lta ba 'jigs par dang/

gzugs sogs phyi don gyi gzung bar lta ba gzung bar dang/ mig
shes sogs phyi don gyi 'dzin pa'i lta ba 'dzin pa dang/ de bzhin
nyid la so sor rtog pa'i sbyor lam mtha' gcig tu gnyis snang med
pa'i zag med du lta ba yang dag pa nyid du dang/ de

mtha' gcig tu 'jig rten pa'i dge ba rang dga' ba bzhin du zag
bcas su lta ba log pa nyid du dang/ rnam par mi rtog pa'i ye
shes ni mi shes pa spong ngo snyam pa'i blo sngon du btang nas
'jug par lta ba byed par dang/ ye shes de skad cig pa yin pas mi
shes pa spong

ba'i mthu med par lta ba mi byed par dang/ mi shes pa yun ring
gnas pas gnyen po'i ye shes skye ba'i mthu med par lta ba skye
ba med par dang/ yun ring tu gnas pa'i mi shes pa ye shes skad
cig pa nges bsal mi nus pas de gnyis dus mnyam

@259b du gnas par lta ba dus mnyam pa nyid du rnam par rtog pa'i
mtha' rnams ni nyis tshan phyi ma bdun te rnam par rtog pa'i
mtha' gnyis rnam pa bdun zhes bya'o/ /mtha' sum cu po de dag
spangs pa'i dbu ma'i lam bco lnga ni/ phung po mu stegs

pas sgro btags pa'i rang rkya ba'i bdag gis stong par rtogs pa
gcig tha dad kyi mtha' dang bral ba'i dang/ gzugs sogs rtag pa
dang kun btags pa'i gzugs sogs mi rtag par mi lta ba mu stegs
can dang nyan thos kyi mtha' dang

bral ba'i dang/ rdzas yod kyi bdag tu ma grub par rtogs pa gang
zag la sgro skur gyi mtha' dang bral ba'i dang/ sems sgra rtog
gi zhen gzhir rang bzhin gyis med par rtogs pa chos la sgro skur
gyi mtha' dang bral ba'i dang/ kun byang

gnyis de ltar yang dag pa ma yin par rtogs pa mi mthun phyogs
dang gnyen po'i mtha' dang bral pa'i dang/ gang zag dang chos
shes bya dang brjod bya'i ngo bor don dam par med par rtogs pa
yod med kyi mtha' dang bral ba'i dang/ kun

byang gi rten 'brel gzung 'dzin rdzas gzhan du med par rtogs pa
gzung 'dzin gyi mtha' dang bral ba'i dang/ chos dbyings sogs glo
bur gyi dri mas bsgribs kyang rang bzhin gyi dri mas dben par
rtogs pa kun byang gi mtha' dang bral ba'i

dang; gang zag dang chos sgra rtog gi 'jug gzhir rang bzhin gyis
ma grub par rtogs pa dngos po yod med kyi mtha' dang bral ba'i
dang/ kun nyon dang stong nyid snang ba dang brjod pa ltar zhi
bya dang zhi byed gnyis su med par rtogs

@260a @#/ /bzhi bya zhi byed kyi mtha' dang bral ba'i dang/ gzugs
sogs ji ltar tha snyad 'dogs pa ltar rang bzhin gyis ma grub par
rtogs pa skrag byed 'jigs pa'i mtha' dang bral ba'i dang/ gzung
'dzin rdzas tha dad

du med par rtogs pa gzung 'dzin gyi mtha' dang bral ba'i dang/
de bzhin nyid la so sor rtog pa'i sbyor lam mtha' gcig tu yang
dag pa dang log pa ma yin par rtog pa yang dag pa dang log pa'i
mtha' dang bral ba'i dang/ ye shes

ni blo sngon du ma btang yang rgyun 'brel ba'i stobs kyis ye
shes pa spong ba'i mthu yod par rtogs pa byed mi byed kyi mtha'
dang bral ba'i dang/ mi shes pa yun ring bor gnas kyang rgya
brten tshad ma med pas gnyen po'i ye shes sgye rung dang ye shes

des de sel nus par rtogs pa skye ba med pa dang dus mnyam pa'i
mtha' dang bral ba'i dbu ma'i lam rnams so/ /kun mkhyen bla ma'i
bzhed pa ltar ldog bya ma thal sum cu dbu ma'i lam bcu gsum gyi
ldog byar sbyor tshul la rgya nag pas mtha'

dang po bzhi dbu ma'i lam dang po bzhi'i dang/ de nas bdun lnga
ba'i dang/ de nas gcig drug pa'i dang/ de nas gnyis bdun pa'i
dang/ de nas gnyis brgyad pa dang dgu ba'i dang/ de nas drug bcu
ba'i dang/ de nas bzhi bcu gcig

pa'i dang/ de nas gnyis bcu gnyis pa'i dang/ de nas gnyis bcu
gsum pa'i ldog bya dang/ grub mchan du dang po gnyis dang po
dang/ de nas dgu lnga ba dang/ de nas gcig drug pa dang/ de nas
gnyis dang/ gnyis dang/ gnyis

@260b rnams rim par bdun pa dgu ba bcu ba gsum dang/ nyer gsum
nas bzung bzhi dang gnyis dang gnyis bcu gcig pa sogs gsum du
sbyar nas/ bcu dgu nas nyer gnyis par bzhi gar sbyor mi gsal ba
dang/ bstan dar gyis dbu ma'i

lam bcu gsum dang bco lnga'i dang po gnyis dang/ snga ma'i bcu
gnyis pa dang phyi ma'i bcu bzhi ba gnyis dang/ snga ma'i bcu
gsum pa dang phyi ma'i bco lnga ba don 'dra zhing/ phyi ma'i
gnyis pa sogs bzhi snga ma'i lnga ba dang/ phyi ma'i brgyad pa

snga ma'i brgyad pa dgu ba gnyis dang/ phyi ma'i dgu ba sogs
gsum snga ma'i bcu ba dang/ phyi ma'i bcu gnyis bcu gsum pa
gnyis snga ma'i bcu gcig par 'du bar bshad la/ bdun pa brgyad pa
gnyis mi gsal yang thad sor don 'dra

bar byed dam snyam mo/ ! /spro na/ 'jug pa phyin ci ma log par
gsungs/ zhes pa/ stong thun las/ 'grel bar gsungs/ zhes byung ba
la/ mchan du/ stong thun gyi don 'grel bar drangs pa'i mdo las
gsungs pa'am/ mdo

'di'i don du 'grel bar gsungs pa la bya ba las 'grel bas gsungs
pa tsam la byas na mi 'brel/ zhes stong thun gyi sgras zin bkag
go /de ltar bkag pa yang/ gzhung las/ 'dis kyang de ston pa'i
phyir/ zhes pa'i 'di spra'i stegs

sa ni dbus mtha' la rtsod pa med pas 'grel bas gsungs pa bzhin
rtsa bas kyang gsungs zhes bshad na go log par dgongs pa 'di las
gzhan pa'i rgyu mtshan ci yang med do/ /de ni ma nges te/ gzhung
gi don 'grel ba dper bkod 

@261a @#/ /nas rtsa bas kyang de ltar ston ces mtha' gcig tu
bshad dgos pa'i shes byed kyang med pa gang/ de ltar bshad dgos
na yang bshad chog pa'i phyir/ dang po grub ste/ 'dis kyang de
ston pa'i phyir gsungs pa ma

gtogs 'dis kyang de bzhin ston pa'i phyir zhes mi 'byung bas/
stong nyid la 'jug pa phyin ci ma log par dbyig 'grel du gsungs
la/ dbus mtha' las kyang brjod bya de nyid ston pa'i phyir stong
nyid yang dag par bstan to/ /

zhes bshad chog pa mun sel ltar yin pa'i phyir/ gnyis pa grub
ste/ 'grel bas bshad pa bzhin rtsa bas kyang bshad byas na go
log tu 'gyur phyin mngon rtogs rgyan gyis theg chen gyi lam
'bras bstan pa bzhin du de'i bshad

bya'i mdor yang de ltar bshad yod do zhes kyang smra mi rigs pa
dang/ blo brtan gyis dbus mtha'i 'grel bshad du 'od srungs le'u
las dbu ma'i lam bshad pa/ dbus mtha' las/ de ni dbu ma'i lam
yin no/ /zhes pa'i

don yin par gsungs pa dang/ dbu ma'i mtha' dpyod las/ byangs
ltar mdo 'dir bshad/ ces pa'ang go log tu 'gyur ba'i phyir ro/
/des na spyir gang na gang med pa zhes sogs kyi tshig 'di/ gang
la gang med pa dang/

gang na gang med pa sogs 'gyur phra mo re ma gtogs byang sar
'byung ba sngar byang sa'i don 'chad skabs bkod zin pa ltar
dang/ kun btus las 'byung ba stong thun du bkod pa ltar dang/ de
bzhin dus sde gzhan dang byams

@261b chos dang de dag gi phyogs gtogs 'grel ba 'grel bshad
rnams las kyang mang du 'byung bas/ dper na/ rang 'dzin rtog
pa'i zhen gzhir rang mtshan gyis med pa zhes pa sems tsam spyi
skad las gzhung gcig gi tshig la res

bzung du sbyar mi dgos par gzhung gang dang gang du byung ba
de
dang der de'i tshig byas chog pa bzhin yin pa'i phyir/ de ltar
gzhung las/ dbyig gnyen gyis gang stong ba dang gang gis stong
pa'i don du de ltar bshad pa/ zhes dang/

'jug pa'i rnam bshad las/ byang sa dang dbus mtha'i 'grel ba
las/ gang la gang med pa zhes sogs kyi don sngar ltar bshad pa
de yin la/ zhes pa'ang shin tu gsal lo/ /des na mchan du/ stong
thun gyi lung don de ltar

'grel dgos par stong thun rang las kyang shes te/ skabs gzhan du
kun btus las gang na gang med pa zhes sogs drangs shing/ de yang
khyad chos bcu drug gis stong pa bshad pa'i skabs su mdo tshig
'di nyid sor bzhag tu bkod

pa rnams drangs pa'i phyir/ zhes pa'ang gnod byed dang sgrub
byed gar 'gyur sngar bshad pas shes so/ /'dis kyang de ston pa'i
phyir/ zhes pa'i kyang sgra'i don la'ang/ mchan du mdo sde rgyan
las/ de bzhin gnyis snang de la

yod; /de yi dngos po yod ma yin/ /zhes pa'i skabs su mdo'i don
bzhin de ltar gsungs par ma zad dbus mtha' las kyang gsungs zhes
pa zhig kyang thob par gsungs mod/ 'grel bar stong nyid la 'jug
pa phyin ci ma

@262a @#/ /log par gsungs par ma zad dbus mtha' las kyang stong
nyid la 'jug pa phyin ci ma log par gsungs zhes pa'i don yin par
bshad zin ltar te/ mun sel las kyang/ mchan las 'dis kyang zhes
pa'i kyang

sgras mdo sde rgyan las gsungs par ma zad pa bstan gsungs mod
de
ltar 'chad shin tu dka'/ zhes gsungs so/ /gzhung las/ de med na
de'i shul du lhag ma lus zhes pa la mchan du/ de'i shul du sgrub
ces pa rkang pa phyi mas

bsgrubs par gsungs pa ni/ gzhung las/ de med na de'i shul du
lhag ma lus pa'i yod pa de gang yin snyam na/ kun rtog yod ces
pa dang/ rkang pa gsum pas gzhan dbang dang yongs grub gnyis
yin
no zhes bstan la/ zhes

gsungs pa'i sgras zin dang mi mthun no/ /rkang pa gsum pa'i dogs
pa skye tshul la/ blo gros rgya mtsho'i dbus mtha'i 'grel bar rtsa
she'i lung 'dra ba zhig drangs nas gzhan dbang bden par grub na
stong nyid med par 'gyur ba'i

dogs pa skye bar bshad kyang gzhan dbang bden grub tu bshad pa
la brten nas de 'dra'i dogs pa skye don yang med la/ drangs pa'i
lung yang de'i don dang 'brel dka' 'o/ /yod pa snga ma dang med
pa phyi ma/ zhes pa'i don

mtshan las/ bden par yod pa gang yin pa de sngar bstan zin nas/
de rjes bden par med pa de nyid 'chad dgos pas/ zhes pa gzhung
gi yin par bstan/ zhes pa'i sgras zin dang cung 'byor dka' bas/
zab gsal

@262b sgron me sogs kyis bshad pa'i rjes su 'brangs nas sngar
ltar byas so/ /kha cig yang dag ces pas stong nyid/ ma yin kun
rtog ces pas gzhan dbang/ yod/ /ces pas de gnyis bden par grub
par bstan zer ba yig don

la cher ma zhugs shing 'grel ba dang mi mthun zhing/ rong TIk
pas/ stong pa nyid de la yang ni kun tu rtog pa de chos can gyi
tshul du yod do/ /zhes pa/ 'grel bshad las/ de la yang ni de yod
do/ /stong pa nyid kyang rnam par ma

sbyangs kyi bar du thar pa med pa'i phyir te/ kun nas nyon mongs
par gyur pa ni 'bad pa chen pos rnam par sbyang dgos pas 'bad pa
ma byas par thar ba med do/ /zhes gsungs pa dang mi mthun no/
/de la yang ni zhes pa'i de sgra snyigs

sa la dka' 'grel las/ yang dag min pa'i kun rtog de la/ zhes
gzhan dbang la byas pa dang/ kha cig /de sgra snyegs sa so skye
la ngos bzung pa gnyis ka gzhung las/ stong nyid de la gnyis
snang 'khrul ba'i kun rtog yod/ ces

pa'i sgras zin dang 'gal lam snyam mo/ /de gnyis snga ma las
phyi ma mchog tu bzhed/ ces pa'i gnyis ni rin chen byang chub
kyis/ chos rnams rang 'dzin rtog pa'i zhen gzhir rang mtshan gyis
grub pas stong pa dang/ gzung 'dzin rdzas

gzhan gyis stong pa gnyis la byas nas/ mchog tu bzhed mkhan ngo
bo nyid med par smra bar byas pa mi 'thad de/ phyi ma de thal
'gyur ba dang mdo sde spyod pa bas gtan du mi bzhed cing/ rnal
'byor spyod pa'i dbu ma bas ni gnyis ka chos

@263a @#/ /kyi bdag med rags par byed pa'i phyir/ yang/ de gnyis
zhes pa'i gnyis la/ pra sti chung bas yul stong pa dang yul can
ye shes gnyis dang bzhed mkhan dbu ma bar ngos bzung zhing/
mchan du/ dbus

mtha' dang 'od srungs le'u las bshad pa'i dbu ma'i lam gnyis
dang/ gzhan dag sher mdo dang 'od srungs le 'ur bstan pa'i dbu
ma'i lam gnyis dang/ mun sel du/ rnam rig tsam dang/ dbu ma
gnyis ngos bzung ba

rnams las phyi ma'i rjes su 'brangs so/ /grub mtha' chen mo las/
gzhi lam sogs dang bya byed ci rigs kyi mtha' gnyis las bzlog
pa'i dbu ma'i lam bcu gsum bcom ldan 'das kyis gsungs/ zhes
dang/ dbus mtha'

rtsa 'grel gyis 'od srungs le'u'i don ltar dbu ma'i lam bcu gsum
re re'i ldog bya mthar 'dzin gnyis gnyis te nyer drug bshad par
gsungs pa la/ grub mchan du/ dbu ma'i lam bco lnga dang bcu
gsum
phan tshun dbye bsdu dang/

mthar 'dzin sum cu nyer drug tu 'du bar dbus mtha' rtsa 'grel
sogs gang las kyang mi 'byung ba dang/ dbu ma'i lam bcu gsum la
mtha' gnyis re rim par spyod tshul med pas dpyad dgos par bshad
do/ /dbus mtha'

rtsa 'grel 'od srungs le'ur bsrten pa de'i 'grel ba 'grel bshad
gnyi gar gsal zhing/ dbu ma'i lam gnyis kyi dbye bsdu dang de la
mtha' sum cu spyod tshul yang bstan dar sngags rams pa'i dbu ma'i
lam bshad sogs su bshad

@263b pa bzhin byas na lung rigs 'gangs can gyis mi gnod dam
snyam pa las/ phyi rabs pa dag dbu ma'i lam bcu gsum dang mtha'
sum cu rim bzhin sbyar chog pa'i rgyu mtshan 'ga' zhig gleng ba
brtag par bya zhing/ dbu ma'i lam bcu

gsum du byed tshe mthar 'dzin nyer drug tu 'os med kyi rigs pas
'grub zer ba ltar na de tshe mtha' sum cu sbyar du med par 'gyur
ro/ /yang grub mchan du/ sgro skur gyi mtha' ston pa gnyis gcig
dang/ sgyu ma mkhan zos pa'i dpes bstan

pa dang/ gtsub shing tshig pa'i dpes bstan pa gnyis su phye nas
dbu ma'i lam bcu gsum bgrang dgos te/ 'od srungs le'u'i 'grel
bar sbro 'dogs kyi mtha' la rtag mi rtag dang/ bdag yod med
dang/ sems yang dag pa yin

min dang/ kun nyon rnam byang dang/ yod mtha' ste dgu sbyar ba'i
nang na skur 'debs kyi mtha' mang ba'i phyir zhes pa mi 'thad
de/ 'od srungs le'u'i 'grel ba las/ sgro 'dogs pa'i mtha' dang/
skur ba 'debs pa'i mtha' dang/

zhes so so dang/ bdag med pa snga ma bdag med pa phyi ma'i rgyur
gyur pa dang/ zhes gcig tu bgrangs shing/ de'i rgyas bshad du
'ang ji ltar sgro 'dogs pa'i mtha' ston ce na/ bye brag tu sgro
'dogs par yongs su ston pa dang/ ngo bo nyid

du sgro 'dogs par yongs su ston pa rnam pa gnyis so/ /zhes dang/
ji ltar skur ba 'debs pa'i mtha' ston ce na/ rnam pa gcig gis
dngos po yod pa la skur ba 'debs par yongs su ston to/ /zhes
dang/ ji ltar rgyu ston ce na/ sgyu/ /

@264a @#/ /ma mkhan gyi dpe dang shing gnyis kyi dpe dang dpe
gnyis kyis so/ /zhes gsal bar gsungs shing/ bsdu bar yang de
bzhin du 'byung ba dang/ bstan dar gyis kyang bkag pa ltar yin
pa'i phyir/ rgyu mtshan yang mi

'thad de/ sgro 'dogs kyi mtha' shas che ba'i rgyu mtshan gyis
sgro 'dogs kyi mtha' ston pa gsungs pa las sgro 'dogs rkyang
ba'i cha nas gsungs pa ma yin pa'i phyir dang/ dpe gnyis kyis
don gnyis bstan pas dbu ma'i lam so sor bgrang

dgos na bdag med gnyis ka la mos pa'i khyad par gyi dbu ma'i lam
gyi skabs su yang dpe gsum gyis don gsum bstan pa yang dbu ma'i
lam gsum du bgrang dgos par 'gyur ba'i phyir ro/ /sngar bshad pa
'od srungs le'u las dbu ma'i lam

bcu gsum bstan pa'i dbang du byas la/ dbu ma'i lam gyi khyad par
bcu gsum bstan pa'i dbang du byas kyang rung ngo/ /'od srungs
le'u las bshad pa'i dbu ma'i lam gnyis pa grub mchan du/ rang
rkya ba'i bdag gis stong pa'i de bzhin nyid

yod par rtogs pa dang/ bstan dar gyis/ phung sogs steng gi rang
rgya ba'i bdag gis stong pa'i de bzhin nyid rtogs pa'i blor
bshad kyang/ rgya nag pas bshad pa bsdu ba dang blo brtan 'od
srungs le'u'i 'grel ba'i sgreas zin dang mthun

pas sngar de dang bstun la/ dang po gnyis dgag sgrub kyi rnam
pas bstan pas khyad par yang des shes so/ /bzhi par rgya nag
pas/ 'grel ba'i lung gcig drangs nas rnam par mi rtog pa'i ye
shes la ngos bzung ba grub mtha' chen mo

@264b dang mthun yang lung de thad 'dir med cing/ grub mchan du/
chos kyi bdag med mi rtog ye shes kyis gzigs tshul ltar grub par
rtogs pa zhes pa gang la brten brtag go /drug par rgya nag pas/
btags par yod pa la skur ba

'debs pa dang/ bstan dar gyis/ kun btags rang mtshan gyis yod pa
dang/ gzhan dbang de ltar med pa'i mtha' gnyis bral ba zhes
bkral te/ lnga pa drug pa gnyis ka mtha' gnyis bral ba'i bdag
med rtogs pa'i blo la ldog

chas phye ba'o/ /brgyad par grub mchan las/ byang chub sems
dpa'i srid zhi'i mtha' gnyis dang ma 'brel ba'i dbu ma'i lam/
zhes pa ltar na byang sems kyi lam thams cad de la 'jog pa 'dra
yang/ bstan dar gyis/ de kho na nyid rtogs

pa'i blor bshad la/ rgya nag pas bshad pa bsdu ba dang blo brtan
la mthun par snang bas dkyus su bris so/ /dgu pa la gzhung gzhan
rnams gnad 'dra yang grub mchan las/ shes bya stong pa nyid la
sogs pa'i chos rnams glo bur ba'i dri mas

bsgribs kyang rang bzhin gyi dri mas dben par rtogs pa'i lam/
zhes bshad do/ /bcu par grub mchan du/ chos rnams bdag gnyis kyi
ngo bor med kyang bdag med gnyis kyi ngo bor yod par rtogs pa'i
lam dang/ bstan dar gyis/

gang zag gi bdag med las phra ba'i chos kyi bdag med rtogs pa'i
blor bshad la/ khyad par bzhi'i ngo bo la'ang dpyad bya mang
ngo/ /bcu gsum pa'i gzhom byar grub mtha' chen mo ltar na
mthong
spang sgom spang gnyi ga dang/ rgya nag pas

@265a @#/ /mthong spang tsam dang/ bstan dar gyis sgrib pa gnyig
yod par bshad kyang/ mdo dang bsdu ba dang blo brtan gyis las
nyon las gzhan gsal kha med pas de dag gi sgras zin ltar byas
so/ /dbus mtha' las bshad

pa'i mtha' dang po gnyis la rgya nag pas/ lus srog rdzas tha dad
dang gcig tu grub pa dang/ grub mchan du/ bdag phung ngo bo tha
dad pa dang/ ldog pa gcig tu grub pa la bshad kyang/ dbus mtha'i
'grel ba 'grel bshad dang

bsdur na sngar bshad pa ltar byas kyang 'gal ba med dam snyam
nas bstan dar gyis bshad pa bzhin byas so/ /mtha' gnyis pa dang
gsum par grub mchan du/ gang zag gi bdag rtag mi rtag dang/
bstan dar gyis/ phung po las ngo

bo tha dad pa'i bdag rtag pa dang/ phung po 'du byed tsam gyi
bdag nyid rdzas yod kyi bdag mi rtag pa la byas kyang/ rgya nag
pas bshad pa 'grel ba 'grel bshad kyi sgras zin dang mthun pas
de'i rjes su 'brangs so/ /bcu gsum pa dang

bcu bzhi bar bstan dar gyis/ sgra rtog gi 'jug gzhir longs spyad
bya dang longs spyod pa por 'dzin pa la bshad cing/ bco lnga pa
dang bcu drug par sngar bshad pa dang bstan dar gyis ngos bzung
ba gnyis mi 'gal tshul dbu ma'i lam

bshad ltar ro/ /bcu bdun pa dang bco brgyad pa gnyis rgya nag
pas/ gzung 'dzin gnyis kyi bdag nyid du lta ba dang/ gnyis stong
gi dngos po med par lta ba la byas shing/ nyer gcig pa dang nyer
gnyis par grub mchan du/ stong

@265b nyid skrag pa'i gnas dang de la 'jigs par 'os par lta bar
bshad pa bstan dar gyis bkag pa ltar byas so/ /nyer lnga ba dang
nyer dug pa la rgya nag pas/ zag med dang zag bcas kyi dge ba
yang dag pa dang log par zhen pa la bshad

kyang dpal ldan chos rje dpon slob 'grel ba 'grel bshad dang
mthun pas de dang bstun cing/ nyer bdun pa dang nyer brgyad par
rgya nag pas/ gnyen po'i ye shes spang bya'i dri ma spong ngam
snyam nas spong bar byed par rtog pa dang/ de

la spang bya'i dri ma spong byed kyi mthu med par rtog pa gnyis
dang/ phyi mar grub mchan du/ ye shes ni blo sngon du ma btang
bar 'jug pas mi shes pa spong ba'i mthu med par lta ba la byas
so/ /dbus mtha'i 'grel bshad las/ mu stegs can

dang nyan thos kyi mtha'i gnyen por dbu ma'i lam bstan nas/
byang chub sems dpa'i mtha'i gnyen por dbu ma'i lam bstan pa'i
phyir/ zhes gsungs pa'i don la dbus mtha' nas bshad pa'i dbu
ma'i lam lnga pa yan gyi yul bdag

med rnams la gang zag gi bdag med phra rags gang dung dgos pa
dang/ dbu ma'i lam de dag rten so sor bshad pa min par mthar
'dzin nyid rten so sor bshad pa'i don du bstan dar gyis bshad pa
dang/ sgro skur gyi mtha' rnams la brtag

pa mtha' ba thung gis mtshan gzhi dang ngo bo ngos 'dzin kyang
brtag go /dbu ma'i lam bco lnga'i dang por grub mchan du/ bdag
phung ngo bo gcig dang ldog pa tha dad du rtogs pa dang/ gnyis
par de dang bstan dar gyis gang zag gi

@266a @#/ /bdag rtag mi rtag gang yang min par rtogs pa dang/
gsum par der gang zag rdzas su med pa'i btags yod du rtogs pa
dang/ bstan dar gyis phung po lam ltos pa'i rang rkya ba'i bdag
med par rtogs pa

dang; bdun pa grub mchan dang bstun kyang bstan dar gyis kun
byang gi rten 'brel sgra rtog gi 'jug gzhing gzung 'dzin gnyis
med du rtogs pa dang/ brgyad par des kun nyon gdod nas rang
bzhin gyis ji ltar snang ba dang

brjod pa ltar med par rtogs pa'i blor bshad pa dang sngar bshad
pa gnyis gnad gcig pa dang/ dgu bar grub mchan du/ chos rnams
bdag gnyis kyi ngo bor med kyang bdag med gnyis kyi ngo bor yod
par rtogs pa dang/

bcu gcig par stong nyid skrag pa'i gnas ma yin zhing de la 'jigs
par mi 'os par rtogs pa la bshad do/ /bstan dar gyis/ mtha' sum
cu'i dang po dbu ma'i lam bcu gsum gyi dang po dang/ de nas re
re gnyis pa dang

gsum pa'i dang/ phal cher bzhi ba'i dang/ gang zag la sgro 'dogs
sogs bdun dang mu stegs nyan thos kyi mtha' gnyis te dgu lnga
pa'i dang/ gcig drug pa'i dang/ gnyis bdun pa'i dang/ de nas re
re brgyad pa dang dgu

ba'i dang/ drug bcu ba'i dang/ bzhi bcu gcig pa'i dang/ tha ma'i
gnyis re tha ma gnyis kyi ldog byar sbyar ba la grangs lhag pa
dang dbu ma'i lam gsum par mtha' gang sgyor mi rnyed pa'i skyon
'byung bas brtag go /dkyus su bkod

@266b pa rnams 'grel ba 'grel bshad kyi sgras zin dang bstun
khul te/ dbu ma'i lam bcu gsum dang bco lnga po'i gang rung yin
na lam yin pas khyab ma khyab dang/ dngos bstan gtso bo'i de yin
na byang sems kyi lam yin pas khyab ma khyab

dang; dbu ma'i lam bco lnga po'i gang rung yin na rang gang dang
sbyar ba'i mthar 'dzin dang 'dzin stangs dngos 'gal du zhugs pas
khyab ma khyab kyang brtag la/ dpyad pa lhag ma ni dbu ma'i lam
bshad du blta'o/ /kha cig na re/

de ni dbu ma'i lam yin no/ /zhes pa'i dbu ma'i lam stong nyid
rtogs pa'i ye shes yin te/ 'od srungs le'u'i 'grel ba las/ mtha'
de gnyis kyi dbus gang yin pa de ni zhes bya ba de ni rnam par
mi rtog pa'i ye shes te/ zhes dang/

de la ji ltar gang zag stong pa nyid du ston ce na/ rnam grangs
gcig gis mi dmigs par yongs su ston te/ gang zag la bdag med par
so sor rtog ces 'byung ba'i phyir ro/ /zhes stong nyid rtogs
pa'i yul can la bshad pa gang/ 'od

srungs le'u las bshad pa'i dbu ma'i lam dang 'di gnyis gnad gcig
pa'i phyir dang/ theg pa chen po dang rab tu ldan pa'i chos zab
mo stong pa nyid dang/ nas/ tshul bzhin du sbyor bas dbu ma'i lam
du zhugs pa yin no/ /zhes dang/  

bsdu ba las/ yang dag pa'i sgrub pa la rnam par gnas pa'i byang
chub sems dpa'i bslab pa gang zhe na/ nas/ tshul bzhin la brtson
pa zhes bya'o/ /tshul bzhin la brtson pa dang dbu ma'i lam la
zhugs pa yin te/ 'di ltar chos de ni dbu

@267a @#/ /ma'i lam rnam pa bcu gsum smos par byed pa yin pa'i
phyir/ zhes dbu ma'i lam la zhugs tshul bshad pa dang/ dka' 'grel
las/ gzhan dbang gi shes pa gzung 'dzin rdzas gzhan gyis stong
par rtogs pa'i lam

de nyid 'od srungs kyi le'u sogs nas gsungs pa'i mtha' gnyis
dang bral ba'i dbu ma'i lam gong na med pa de nyid yin par bzhed
do/ /zhes pa ltar rjes 'jug 'grel byed phal che bas bshad pa'i
phyir zer ba dang/ la las/ de'i

dbu ma'i lam la stong nyid 'jog dgos te/ stong nyid lam dbu ma
min yang dbu ma'i lam du khas len dgos pa'i phyir te/ byang sa
sogs las gsungs pa sngar byang sa'i dbu ma'i lam bshad skabs
drangs pa dang/ gzhung las/

tshigs bcad dang pos stong nyid kyi mtshan nyid dang/ gnyis pas de
nyid dbu ma'i lam du bstan to/ /zhes dang/ chos thams cad mtha'
gcig tu stong pa dang mi stong pa dang yod pa dang med pa ni
mtha' nyid du 'gyur gyi dbu ma'i

lam ma yin/ zhes pa'i gsung shugs kyi mtha' gnyis bral ba'i
stong nyid dbu ma'i lam yin pa gsal ba'i phyir dang/ stong nyid
la dbu ma'i lam zer don sngar bshad zin pa'i phyir dang/ zhugs
tshul gyis kyang mi gnod

de; yul dbu ma la thos bsam sogs kyis zhugs pa yod pa'i phyir
zer ba dang/ gzhan dag 'di'i dbu ma la yang yul yul can gnyis ka
yod par 'dod pa dag las bar bltar byas na sgrub byed che'am
snyam ste dpyad

@267b do; /gnyis pa thogs med rjes 'brang gi mkhas pa rnams kyis
gsungs tshul la gnyis/ dbyig gnyen dang blo brtan gyis bkral tshul
brjod zin par bstan pa dang/ phyogs glang dang chos grags kyis
bkral tshul mdor

bsdus te bstan pa'o/ /dang po ni/ de ltar na dbyig gnyen/ zhes
sogs byung/ de la/ dbyig gnyen gyis sum cu ba las gsungs tshul
sngar dgongs 'grel gyi mdo don bshad pa'i skabs dang dbyig gnyen
blo brtan gnyis

kas bshad tshul mdo sde rgyan dang dbus mtha'i don bshad pa'i
skabs bkod zin pa ltar ro/ /gnyis pa ni/ phyogs kyi glang pos/
zhes sogs byung/ de yang phyogs glang dang/ chos grags kyis
bshad pa gnyis las/ dang

pos brgyad stong don bsdus su bkral tshul ni/ de nyid las/ shes
rab pha rol phyin par ni/ /bstan pa gsum la yang dag brten/
/btags pa dang ni gzhan dbang dang/ /yongs su grub pa kho na'o/
/med ces bya la sogs

tshig gis/ /btags pa thams cad 'gog pa ste/ /sgyu ma la sogs dpe
rnams kyis/ /gzhan gyi dbang ni yang dag bstan/ /rnam par byang
ba bzhi yis ni/ /yongs su grub pa rab tu bsgrags/ /zhes sher
mdor chos rnams rang

mtshan gyis med par gsungs pa mtshan nyid gsum kho na la brten pa
ste/ ngo bo nyid med pa dang ma skyes pa sogs ston pa'i tshig gis
kun btags la mtshan nyid ngo bo nyid 'gog pa dang/ sgyu ma dang
rmi lam sogs kyi dpes

@268a @#/ /gzhan dbang la skye ba'i ngo bo nyid 'gog pa dang/
rang bzhin gyi rnam byang stong nyid/ dri med kyi rnam byang
'gog bden/ lam rnam byang lam bden/ dmigs pa rnam byang theg
chen gyi sde snod de rnam byang bzhi ston

pa'i mdos yongs grub la don dam pa ngo bo nyid 'gog pa ste/ rnam
byang zhes pa don bsdus 'grel ba las/ rnam par byang bzhes bya
ba ni rnam par dag pa'o/ /rnam par byang bar byed pas na rnam
par byang bste rnam pa'o/ /zhes pa

ltar gang la dmigs na sgrib pa rnam par byang ba ste dag par
byed pa'i dmigs pa yin pa'i cha nas bshad do/ /de nyid theg
bsdus dang mthun tshul ni/ theg bsdus las/ 'byung rten sgyu ma la
sogs bstan/ /btags la brten

nas med pa bstan/ /rnam par byang ba bzhi brten nas/ /yongs su
grub pa bstan pa yin/ /zhes pa'i rkang ba dang po dang don bsdus
kyi/ sgyu ma la sogs dpe rnams kyis/ /sogs rkang ba gnyis dang/
'di'i rkang ba gnyis

pa dang don bsdus kyi/ med ces bya la sogs tshig gis/ /sogs rkang
pa gnyis dang/ 'di'i rkang ba tha ma gnyis dang don bsdus kyi/
rnam par byang ba bzhi yis ni/ /sogs rkang ba gnyis don mthun pa
shes sla zhing/ theg

bsdus las/ dag pa de ni rang bzhin dang/ /dri ma med dang lam
dang dmigs/ /rnam par dag pa'i chos kyi rnams/ /rnam pa bzhi po
bsdus pa yin/ /zhes pas rnam byang bzhi ngos bzung ngo/ /gnyis
pas rnam 'grel du bkral

@268b tshul ni/ phyi don la ltos pa'i gzung 'dzen gnyis po de la
gang rung gcig bden par med pas kyang gnyis ka bden par yod pa
nyams par 'gyur ba de'i phyir gzung ba gzung 'dzin gnyis kyis
stong tshul gang yin pa de ni 'dzin pa de yi'ang

stong tshul de nyid yin no/ /zhes stong gzhi gzhan dpang steng du
dgag bya gzung 'dzin rdzas gzhan gyis stong ba'i stong nyid
gzhan dbang gi de kho na nyid du gsungs shing/ de la dgongs te
sher mdor chos rnams rang bzhin gyis med par bstan

pa yin pas der rang bzhin gyis med par gsungs pa'i don yang
gzung 'dzin rdzas gzhan du med pa'i don du 'grel dgos te/ dngos
rnams tha dad gnas pa ni/ /zhes sogs gsungs pa'i phyir/ de'i don
ni/ dngos po rnams rgyu 'bras

mtshan mtshon sogs kyis skye ba la sogs par tha dad du 'byed pa ni
rang rig tsam gyis min par gnyis snang gi shes pa rtog pa la
brten nas 'byed pa ste bdad du bzhag go /rtog pa des bzhag pa'i
chos de dag gi tha dad pa'i rnam gzhag rnams kyang

bslad pa ste rdzun pa sgro btags su 'gyur te/ gnyis snang can
gyi rtog pa de yang don de la gnyis snang 'khrul ba'i bag chags
kyis bslad pa yin pa'i phyir/ sher mdor chos kun rang bzhin gyis
med par gsungs pa'i rgyu mtshan yod de/ chos kun

gzung 'dzin rdzas tha dad du snang ba'i mtshan nyid dam rnam
gzhag byas pa de ltar bden pas stong pa'i phyir te/ gzung 'dzin
gyi rnam pa las don gzhan pa'i mtshan nyid yod pa ma yin pa'i
phyir/ zhes pa ste nyan thos sde ba dang thun mong min pa'i

@269a @#/ /rnam rig pa'i lugs so/ /gzhan yang/ rnam 'grel du/
sher mdor chos de dag rang mtshan gyis grub pa dang bral ba ste
des stong bar bshad pa'i dgongs gzhi yod de/ gzugs phung sogs
mtshon bya'i bye brag gi mtshan

nyid dam rang bzhin rnams bya bas khyad par du byas pa dang/
gzugs rung sogs mtshan nyid kyi rang bzhin thams cad byed pas
khyad par du byas la mtshan mtshon gyi gzhi bden grub cig yin
na'ang mtshan mtshon gyi cha rnams bden par

ma grub pa la byed pa'i phyir/ de ltar grub pa ma yin te/ de
ltar grub na de dag gi gzhi rdzas tha dad du 'gyur ba'i phyir
te/ mtshan mtshon kun bden pa'i tha dad du 'gyur ba'i phyir/ zhes
pa ni nyan thos sde ba dang thun mong ba'i rnam rig

pa'i lugs so/ /gzhan yang rnam 'grel du/ gal te dngos po rnams
la don dam par 'bras bu skyed pa'i nus pa med do zhe na/ ma yin
te/ rgyu sa bon sogs ni 'bras bu rgyu gu sogs la phan 'dogs nus
yin pa mngon sum gyis mthong

ba'i phyir/ gal te rgyus 'bras bu la phan 'dogs nus pa kun rdzob
tu 'dod do zhe na/ de ltar na mngon sum gyis dngos su dmigs pa
de ltar ji ltar 'gyur te mi 'gyur bar thal/ yul rdzun pa snang
ba'i ma 'khrul ba'i shes pa 'ga' yang

med pa'i phyir/ zhes ngo bo nyid med par smra ba dang rtsod lan
byed pa ni/ sngar gyi bsdu ba'i rtsod lan dang gnad gcig go !
/spron na/ yig cha las/ chos thams cad ma skyes ma 'gags gzod ma
nas zhi ba rang bzhin gyis mya ngan las 'das

@269b par bshad pa rnams yongs grub la dgongs pa'i phyir/ zhes
yig cha rnying ba ltar ma skyes pa sogs bzhi rnam byang bzhi la
bzhag pa bzhin kun mkhyen par bas kyang bzhed pa gung thang rin
po che sogs rjes 'jug phal che bas mgrin gcig

tu bkag go /dogs dbyod du/ yig char ma skyes pa sogs bzhi rnam
byang bzhir gsungs pa'i tshig zur tsam yang med par bshad kyang/
yig cha drangs ma thag pa de/ rnam par byang ba bzhi yis ni/
/sogs kyi snga 'grel yin pa yig char

don bsdus kyi lur drangs pas shes so/ /de la rang bzhin rnam
byang sogs bzhi 'jog pa theg bsdus dang gnyis mthun tshul sngar
ltar dang/ ma skyes pa sogs ni/ med ces bya la sogs tshig gis/
/zhes pa'i sogs sgras

bsdus pa'o/ /'byung rten sgyu ma la sogs bstan/ /sogs kyi tshigs
bcad gnyis dbus mtha'i 'grel bshad du/ chos mngon pa'i mdo'i
nang nas tshigs su bcad pa gnyis las/ zhes drangs pa la/ mchan
du/ lung de chos mngon

pa'i don bsdus pa'am yi ge ma dag pa gang rigs su bshad kyang/
de ni chos mngon pa'i tshig /gang dag zag bcas nyer len pa'i/
/sogs mdzod rtsar bkod pa bzhin yin nam brtag rnam 'grel TIka
chen las/ chos thams cad

la mtshan mtshon gnyis kyis khyab pa'i rgyu mtshan des kyang/ zhes
pa gzhi grub na mtshan mtshon gnyis yin pas khyab par gsungs pa
min par chos thams cad kyi steng gi mtshan mtshon 'jog rung ba'i
don yin te/ ka bum gnyis

@270a @#/ /tshad mas dmigs pa ka bum gnyis kyi steng gi mtshan nyid
dang/ gzugs rung tshad mas dmigs pa gzugs rung gi steng gi mtshan
nyid yin pa'i phyir/ des na mtshan nyid stong pa'i phyir/ /zhes
pa'i des na'i

don bshad pa na gnyis chos kyis chos thams cad la khyab ces pa'i
don yang gzhi grub na rang 'dzin rtog pa gnyis snang can yin pas
khyab pa'i don du go dgos so/ /'di ni nyan thos sde ba dang yang
thun mong pa'o/ /zhes pa'i don la/

kha cig na re/ dka' 'grel du/ 'di ni sems tsam pa rang gi thun
mong ma yin pa'i/ phung po la sogs bye brag gis/ /zhes sogs kyis
sher mdor chos rnams bden med du gsungs pa'i dgongs pa 'chad pa
mdo sde ba dang

thun mong ba'i dbang du byas par bshad pa mi 'thad par thal/
nyan thos sdebs sher mdo'i dgongs pa len pa mi 'thad pa'i phyir
te/ des theg chen gyi mdo bkar mi 'dod pa'i phyir te/ zhes
gsungs pa'i

gnyis kyi lugs la/ nas/ theg pa chen po bkar mi 'dod do/ /zhes
dang/ stong thun las/ 'di la nyan thos sde ba/ nas/ theg pa chen
po'i sde snod ni sangs rgyas kyi bka' ma yin par 'dod la/ zhes
gsungs pa'i

phyir zer/ la las/ de la theg chen gyi sde snod bkar khas len mi
len gnyis yod de/ spyod 'jug dar TIka las/ nyan thos sdeb kha
cig /nas/ theg pa chen po'i mdo sde bkar khas mi len pa de dag
phyogs

@270b snga'i gtso bo yin la/ zhes dang/ rgyud bla dar TIka las/
gnas ma bu ba'i sde ba la yang/ theg pa chen po'i mdo sde la
skur ba 'debs pa dang mi 'debs pa gnyis su yod la/ kha che bye
brag tu smra ba sogs la yang gnyis su yod

par shes par bya'o/ /zhes dang/ tshad ma'i brjed byang las/ nyan
thos sde ba phal cher theg pa chen po'i mdo sde bkar mi 'dod/
ces dang/ sde bdun rgyan las/ mdo sde ba sogs nyan thos sde ba
phal cher theg chen bkar mi

'dod/ ces gsungs pa'i phyir zer/ gzhan dag /de la rje yab sras
gsum dgongs pa mi mthun te/ rjes rnam rig thun mong min pa dang/
mdo sde ba dang thun mong ba'i dbang du byas nas sher mdo'i
dgongs pa 'chad tshul gnyis

phye nas nyan thos sde bas sher mdo bkar 'dod pa dang/ rgyal
tshab rjes de bkar khas len mi len gnyis dang/ mkhas grub rjes
nyan thos sde ba thams cad kyis de bkar mi 'dod par bzhed pa'i
phyir te/ dka' 'grel las/ rgyal  

tshab thams cad mkhyen pa rigs pa'i rjes 'brang gi mdo sde ba
rnams theg chen bkar khas yin par bzhed cing/ mkhas grub smra
ba'i nyi ma nyan thos sde ba thams cad kyis bkar khas mi len par
bzhed kyang/ rje nyid kyi dgongs pa

snga ma ltar yin par sems so/ /zhes gsungs pa'i phyir zer/ kha
cig /nyan thos sde bas sher mdo bkar mi 'dod kyang de'i dgongs
pa len tshul bshad nas brtag pa mtha' bzung byas pa yin te/ yig
cha las/ 'di la'ang 

@271a @#/ /'on kyang bkar mi 'dod kyang de'i 'ang dgongs pa len
na 'di 'dra yin zhes pa'am/ thogs med sku mched sogs kyis theg
chen gyi sde snod la rtsod tshul dang dgongs pa len tshul nyan
thos sde pa dag 'di 'dra byas

byung na zhes dogs pa khong slong gi tshul gyis bkod pa yin nam/
zhes gsungs pa'i phyir zer/ mchan dang bstun nas kha cig /nyan
thos sde pa spyi lugs la byas na lung gi rjes 'brang gtso che
zhing des sher mdo bkar mi 'dod pas

dgongs pa 'grel don med mod/ nyan thos sde pa kha cig gi lugs la
de drang don gyi mdor byed pas de dang thun mong ba yin no/
/rgyu mtshan de bas na spyir nyan thos sde pa dang yang thun
mong
bar song ba yin la/ spyi rnam du nyan thos sde

gnyis kyi lugs zhes pa las thams cad ces mi 'byung bas nyan thos
sde pa kha cig gis theg chen bkar mi 'dod pa'i don du bkral nus
shing/ stong thun gyi gsung zin du nyan thos sde pa'i nang tshan
la theg chen bkar 'dod mkhan med pa

'dra ba zhig snang yang/ TIka chen du mdo sde bas theg chen
bkar mi 'dod par gsungs pa dang/ drangs ma thag pa'i sde bdun
rgyan dang gnad gcig pa dang/ phung po la sogs bye brag gis/
/zhes pa nyan thos sde pa kha cig dang sbyor

dgos pa lha dbang blo dang ja ma ris bshad pas shes la/ des
kyang de dag mtshan nyid bral/ /zhes pa'i kyang sgra'ang sems
tsam du ma zad nyan thos sde pa kha cig gis kyang 'dod pa'i don
no/ /des na rje yab sras dgongs pa gcig tu

@271b bsgril nas nyan thos sde pa phal che bas sher mdo bkar mi
'dod kyang/ bkar 'dod pa'i nyan thos sde pa kha cig yod par byed
dgos so zhes zer/ lcang skya'i grub mthar/ bya byed bden par med
pa mdo sems kyi 'dod pa thun mong ba

'dir bstan pa las sher mdo'i dgongs gzhi 'chad tshul thun mong
bar bstan pa min par gsungs so/ /de la yig char brtag pa mtha'
bzung byas pa/ mun sel du khas len mi nus gsungs pa ltar las
mdzad pa po'i bzhed pa min te/

lung de'i gsham du/ yang na bkar khas blangs nas sngar ltar
rtsod pa gang yin brtags te rje yab sras dgongs pa gcig mi gcig
sogs dpyad dgos mang po 'dug kyang ma bris so/ /zhes gsungs pa'i
phyir ro/ /sde bdun rgyan du/ phung po

la sogs bye brag gis/ /zhes sogs mdo sde pa'i lugs la sbyor ba
mi 'thad par gsungs shing/ dzam ris theg pa tha shal ba'i 'dod
tshul du bshad pa bkag pas mchan du gsungs pa'ang ji bzhin 'thad
dka' zhing/ lcang skya'i grub

mtha'i gsungs tshul yang gzhung gi sgras zin ji bzhin du 'byor
dka' 'o/ /des na nyan thos sde pa dang thun mong ba'o/ /zhes pa
nyan thos sde pas kyang khas len pa'i grub mtha'i steng nas sher
mdo'i dgongs pa len tshul gsungs pa las/ nyan

thos sde bas sher mdo bkar mi 'dod pas de'i lugs kyi de'i dgongs
pa bkral tshul min no/ /de'i rgyu mtshan gyis TIka chen las
kyang/ des na snga phyi gnyis ka rnam rig pa'i bshad pa'i rnam
grangs yin no/ /zhes dang/ tshad ma'i brjed

@272a @#/ /byang las/ tshigs bcad gsum pas rang bzhin med pa'i
dgongs pa 'di bzhin du'ang bshad du rung ngo zhes pa'i 'grel
tshul gzhan 'chad pa yin gyi de nyid mdo sde pa la sbyor ba mi
'thad de/ nas/ rnam rig pa rang gi

lugs yin no/ /zhes gsungs so/ /sngar rnam 'grel gyi tshig bkral
ba la gzhung 'di'i sgras zin gtso bor bton pas 'grel ba gzhan
gyi sgras zin dang mthun min phran tshegs yod la/ de las gzhan
rnams TIka chen dang bstun te bkod

yod do/ /gnyis pa sgro 'dogs kyi mtha' bye brag tu dgag pa la
gnyis/ dgag bya sgro 'dogs ngos gzung ba dang/ de ji ltar 'gog
pa'i tshul lo/ /dang po la gsum/ dgag bya'i rnam gzhag spyir
bshad pa/ lugs 'di'i chos kyi

bdag 'dzin dang chos bdag bye brag tu ngos gzung ba/ de la rtsod
pa spang ba'o/ /dang po ni/ lugs 'di'i/ zhes sogs byung/ spyir
dgag bya la lam dang rigs pa yang dag gi dgag bya gnyis las/
snga ma la/ dbus mtha' las/

nyon mongs pa yi sgrib pa dang/ /shes bya'i sgrib pa nyid du
bstan/ /zhes gsungs pa ltar sgrib pa gnyis 'jog dgos shing de
lam gyis 'gog pa'i tshul yang slar skye mi rung du byed pa'i tshul
gyis 'gog pa yin gyi/ shes bya la yod

pa 'gog pa min no/ /des na lam gyi dgag bya ni shes bya la yod
pa'i dgag bya yin te/ de med na sems can thams cad 'bad med du
grol ba dang/ lam sgom pa'i ngal ba don med du thal ba'i phyir
ro/ /phyi ma la/ lugs

@272b 'di'i don dam dpyod pa'i rigs pa yang dag gi dgag bya'i
dbang du byas pa la sgro skur gnyis las skur 'debs ni kun btags
kho na dang/ de yang ngo bo nyid med par smra ba'i lugs su sngar
bshad pa ltar dang/ sgro 'dogs

la kun lhan gnyis las snga ma ni gzhan sde dang bye mdo'i lugs
dang/ phyi ma la gang zag dang chos kyi bdag tu sgro 'dogs pa
gnyis las dang po 'og tu rang rgyud pa'i skabs su ston pas phyi
ma bshad par bya ste/ de la yang chos kyi bdag

'dzin 'jog dgos shing/ chos bdag rigs pas 'gog tshul sgrib pa
rgyud la 'gog pa ltar min par shes bya la yod pa 'gog pa dang/
chos kyi bdag 'dzin 'gog tshul de'i zhen yul sun phyung ba'i sgo
nas 'gog pa ste/ rigs pa'i

dgag bya la yod med gnyis so/ /lam rim las/ phyin ci log gi
'dzin pa la dgag byar gsungs pa dang des bzung ba'i rang bzhin
yod pa la dgag byar mdzad pa gnyis yod do/ /'on kyang dgag bya'i
gtso bo ni phyi ma yin te/ zhes

gsungs pa dang 'dra bar 'dir yang rigs pa'i dgag bya la yul can
dang de'i yul gnyis dang/ de las kyang phyi ma gtso bo yin te/
grub mtha'i chos bdag btags pa yang lhan skyes gyis bzung ba'i
chos bdag sgrub pa'i don yin pa'i phyir

dang; rigs pa'i dgag bya'i gtso bo yang chos bdag de yin pa'i
phyir ro/ ! /spro na/ gzhung las/ lhan skyes kyi bdag 'dzin yul
dang bcas pa rigs pa'i dgag bya'i gtso bo yin pa dang/ zhes
gsungs pa dang/ gzhung gi

@273a @#/ /thad 'di dang drangs zin lam rim dang/ de mthun stong
thun sogs su bdag 'dzin lhan skyes kyi yul dgag bya'i gtso bor
gsungs pa gnyis mi 'gal te/ spyir bdag 'dzin lhan skyes yul dang
bcas pa

dgag bya'i gtso bo yin yang/ lhan skyes de dang de'i yul gnyis
las de'i yul gtso ba'i don yin pa'i phyir/ gzhan yang rje btsun
pas rtags dang rigs pa'i dgag bya gnyis la khyad ma phye bar
rtags yang dag gi dgag bya la yod

med gnyis khas len pa dang/ sgo mang gis skabs 'di'i sgro 'dogs
kyang rigs pa yang dag gi dgag byar byed pas rigs pa yang dag gi
dgag bya yod kyang rtags yang dag gi dgag bya la med pas khyab
par bzhed pa gnyis las phyi ma

rang lugs su 'dod dgos pa sogs kyang shes par bya'o/ kha cig
gzhung du sgro 'dogs kun btags ni gzhan sde dang bye mdo'i lugs
su bshad pa mi 'thad par thal/ de la gzhan sde med pa'i phyir
te/ byang sar srid pa 'phob/

don gyi sde tshan/ sdum byed ka tya'i bu'i mdo gsam gyis sgro
'dogs bkag cing/ gzhan sde la nang ba'i lung 'dren pa mi rigs
pa'i phyir na/ ma khyab ste/ byang sar sgro 'dogs lung rigs
gnyis kyis bkag pa las rigs pa'i

'gog yul la gzhan sde yang yod pa'i phyir/ gnyis pa ni/ 'di'i
gzhung mang por/ zhes sogs byung/ sems tsam pa'i gzhung mang
por
gzung 'dzin rdzas gzhan du 'dzin pa las chos kyi bdag 'dzin
gzhan te rang 'dzin

@273b rtog pa'i zhen gzhir rang mtshan gyis grub par 'dzin par
ngos su ma bshad kyang/ dgongs 'grel las/ rnam par rtog pa'i
spyod yul kun btags pa'i mtshan nyid kyi gnas 'du byed kyi mtshan
ma de nyid kun btags pa'i mtshan nyid der

yongs su ma grub cing/ ngo bo nyid de kho nas ngo bo nyid ma
mchis pa nyid/ chos la bdag ma mchis pa/ de bzhin nyid/ rnam par
dag pa'i dmigs pa gang lags pa de ni yongs su grub pa'i mtshan
nyid lags te/ zhes gzhan dbang ngo bo

dang khyad par du kun btags pa'i ngo bor rang mtshan gyis grub pa
med pas mtshan nyid ngo bo nyid de 'dir bstan dgag bya'i kun
btags rang mtshan gyis med pa chos kyi bdag med phra mor bshad
pa'i shugs kyis gzhan dbang la ngo bo dang khyad

par du kun btags pa rang mtshan gyis grub par 'dzin pa chos kyi
bdag 'dzin tu bstan la/ byang sa sogs las kyang/ bdag 'dzin des
ji ltar bzung ba ltar grub pas stong pa'i stong nyid ni gnas
lugs mthar thug gam dbu ma'i don

mthar thug pa dang chos kyi bdag med kyi yongs grub tu 'bad pa
du mas slub ba 'og tu sgro 'dogs 'gog skabs 'byung ba ltar yin
pas/ gzhan dbang la chos bdag ste ngo bo dang khyad par du kun
btags pa ltar rang mtshan gyis grub par

sgro btags pa'i kun btags 'di ji ltar yin dpyis phyin ma shes na
lugs 'di'i chos kyi bdag 'dzin dang chos kyi bdag med mtha' chod
par mi shes so/ /kun btags rang mtshan gyis grub par 'dzin pa
chos kyi bdag 'dzin tu 'dod

@274a @#/ /pa'i kun btags ni kun btags gang yin la mi bya bar
phung sogs la 'di gzugs so zhes ngo bo la ming brdas kun btags
pa dang/ 'di gzugs kyi skye ba'o zhes khyad par du ming brdas
kun btags pa'i kun

btags so/ /kun btags pa de tsam zhig tu phung sogs yod pas der
yod par 'dzin pa sgro 'dogs min gyi/ phung sogs ngo bo dang
khyad par du kun btags pa de lta bu'i ngo bor rang mtshan gyis
grub par 'dzin pa ni sgro 'dogs te/

mdor na phung sogs la 'di ni gzugs so zhes ngo bo dang/ 'di ni
gzugs kyi skye ba'o zhes khyad par du kun btags pa'i ngo bor
phung sogs rang mtshan gyis grub par 'dzin pa ni sgro 'dogs dang
de ltar 'dzin pa'i zhen yul ni chos bdag

tu shes par bya'o/ ! /'dir/ chos bdag tu grub tshad shes pa gal
che bas de zhib tu bshad na/ de yang gzhan dbang la ngo bo dang
khyad par du ming brdas btags tshul/ btags pa'i ngo bor gzhan
dbang rang mtshan gyis grub par snang

zhing zhen tshul/ mdo sems gnyis kyis de ltar snang ba dang zhen
pa ltar grub ma grub kyi khyad par 'byed tshul/ sems tsam pas de
ltar thub pa 'gog tshul/ 'gog tshul de dang gzung 'dzin rdzas
gzhan 'gog pa'i rigs pa dang shes

'tshol bzhi so so'i sgo nas rnam rig tsam gyi de kho na nyid la
'jug tshul rnams shes dgos shing/ de las gzhan dbang la ngo bo
dang khyad par du ming brdas btags tshul ni/ sngon po lta bu
khyad gzhir bzung nas brda byang gang zag gis de

@274b la; 'di sngon po'o/ /'di sngon po'i skye ba'o zhes sogs
sgra rtog gis tha snyad 'dogs par byed pa yin la/ de 'dra'i tha
snyad kyi gzhir sngon po de rang gi gnas tshod kyis ma song yang
sgra rtog la ltos nas song ba dang grub pa dang yod par 'dod do/
/btags

pa'i ngo bor gzhan dbang rang mtshan gyis grub par snang zhing
zhen tshul la/ gzhi grub na rnam rig bco lnga po'i gang rung yin
pas khyab tshul/ de dag bag chags gsum gyi dbang gis grub tshul/
dbang shes gcig la'ang bag chags so so'i dbang gis rnam

rig mi 'dra ba du ma snang tshul/ sngo 'dzin dbang shes lta bu la
sngon po sngon por snang ba dang sngon po phyi don du snang ba
dang sngon po tha snyad kyi gzhir snang ba dang khyad par du
sngon po tha snyad kyi gzhir rang mtshan gyis grub par snang ba'i
snang tshul/ sngo sogs ming brda'i

gzhir yod tsam dang der rang mtshan gyis yod pa'i khyad par/
gzugs sogs rtog pa'i zhen yul yin pa dang dgag bya'i skabs rtog
pa'i zhen gzhi yin bzhes yang yang 'byung ba gnyis mi 'dra tshul/
gzugs sogs rtog pa'i zhen yul yin pa rang mtshan

gyis ma grub pa dang gzugs sogs rtog pa'i zhen gzhir rang mtshan
gyis ma grub pa'i tshul gnyis gtan mi 'dra tshul/ dbang shes dang
rtog pa'i yul du gzugs sogs sdod lugs kyi ngos nas snang ba dang
zhen pa ltar grub pa 'gog pa gnyis gnad gcig tshul/

dbang shes kyi snang tshul gyi dgag bya ngos zin na de ltar grub
par zhen pa'i rtog pa'i zhen tshul ltar grub pa 'gog lugs shes pa
la khyad che tshul/ gzugs sogs dbang shes la ming brda'i gzhir
dngos dbang gis grub par snang ba dang snang ba

@275a @#/ /de ltar du grub pa gnyis ka kun btags tsam du mtshungs
kyang yod med mi mtshungs tshul/ gzugs sogs don lnga snang ba
dang
de dag phyi don du snang ba mi 'dra tshul/ tshur mthong gi shes pa
rang dga' ba la snang tshod

ltar gyi gzugs sogs kun btags yin tshul/ tshul de dag la brten nas
skabs 'di'i sgro 'dogs dang de'i mtha' ngos 'dzin tshul dpyis
phyin par shes dgos pas de dag rim par bshad na/ dang po yod de/
'dus byas la des

khyab pa gang zhig /ma byas pa'i chos la des khyab pa'i phyir/
dang po grub ste/ rnam rig bco lnga pos 'dus byas rnams bsdus
par theg bsdus las gsungs pa'i phyir/ gnyis pa grub ste/ ma byas
pa'i chos la chos khams kyis khyab

cing; yul khams drug po nye bar spyad pa'i rnam rig la 'jog pa'i
phyir/ de skad du grub mtha' chen mo las/ 'dus byas thams cad
rnam rig dgu'i rdzas dang/ shes bya thams cad rnam rig dgu'i
bdag nyid du 'dod/ ces

gsungs so/ /gnyis pa la/ rnam rig bco lnga po gang rung yin na
bag chags gsum po gang rung gi dbang gis grub pas khyab ste/ lus
las can za ba po nye bar spyad pa nye bar spyod pa dus grangs
yul tha snyad kyi rnam rig dgu mngon rjod

kyi bag chags dang/ bdag gzhan gyi rnam rig gnyis bdag lta'i bag
chags dang/ bde 'gro ngan 'gro 'chi 'pho ba skye ba'i rnam rig
bzhi srid pa'i yan lag gi bag chags las byung bar theg bsdus las
gsungs pa'i phyir/ rnam

@275b rig de dag gi khyad par yod de/ mig sogs khams lnga lus
kyi dang/ nyon yid lus can gyi dang/ yid khams za ba po'i dang/
phyi rol gyi gzugs sogs khams drug des nye bar spyad bya'i dang/
rnam shes kyi khams drug nye bar spyod

pa'i dang/ 'khor ba'i rgyun 'jug pa chad pa med pa dus kyi
dang// gcig bcu sogs grangs kyi dang/ snod kyi 'jig rten yul gyi
dang/ mthong thos bye brag phyed pa rnam par shes pa ste tha
snyad bzhi tha snyad kyi dang/ bdag dang bdag gir

snang ba bdag tu snang ba'i dang/ gzhan dang gzhan gyis snang ba
gzhan du snang ba'i dang/ lha mi bde 'gro'i dang/ ngan song gsum
ngan 'gro'i dang/ 'chi ba'i rten 'brel 'chi 'pho ba'i dad/ skye
ba'i rten 'brel skye ba'i rnam rig la 'jog

pa'i phyir/ 'di dag theg bsdus rtsa 'grel gyi bshad tshul te/
bshad sbyar gyis nye bar spyod pa'i rnam rig la rnam shes lnga
dang/ dus kyi rnam rig la dus gsum du snang ba bzhag go /de dag
'grub byed bag chags gsum gyi khyad yod de/

tha snyad sna tshogs 'dogs pa'i rtog pa skyed byed kyi bag chabs
la mngon rjod kyi bag chags sam rjos pa'i bag chags/ nyon yid
kyis kun gzhi lang 'o snyam pa'i blo skyed byed kyi bag chags la
bdag lta'i bag chags sam 'jig tshogs la lta

ba'i bag chags/ bde 'gro dang ngan 'gro'i skye mched sogs rnam
smin gyi 'bras bu skyed pa'i bag chags la srid pa'i yan lag gi
bag chags sam rnam smin gyi bag chags zer zhing/ bag chags la de
gsum gang rung gis ma khyab ste//

@276a @#/ /sngon po dang sngo
'dzin mig shes lta bu skyed byed
rigs mthun gyi bag chags dang/ mtshan dpe sogs skyed byed zag med
kyi bag chags sogs du ma yod pa'i phyir/ gsum pa yod de/ bag
chags brtan byung gi

dbang shes gcig gi snang ba la'ang rang mtshan gyis grub pa'i
gzhan dbang yin pa dang/ ming brdas bzhag tsam gyi kun btags su
yod pa dang/ ming brdas yod par bzhag mi nus pa'i rtog btags
'ba' zhig yin pa'i cha du ma dbyer yod

pa'i phyir te/ sngo 'dzin mig shes lta bu la sngon po rigs mthun
bag chags dang/ sngon po sngon po zhes pa'i ming brda 'jug pa'i
gzhir mngon rjod kyi bag chags dang/ sngon po ming brda'i gzhir
rang gi sdod lugs kyi ngos nas grub par yang bag

chags de'i dbang gis snang zhing/ sngon po tha snyad kyi gzhir
ming brda la ma ltos par yul rang gi sdod lugs kyi ngos nas grub
par ni bdag lta ma rig pa'i bag chags kyis snang ba yin no/
/bzhi pa la/ sngo 'dzin mig shes la rigs mzun

bag chags kyis sngon po sngon por snang ste/ sngon po de'i snang
yul yin pa'i phyir/ mig shes de la sngon po phyi don du snang
ste/ sngon po snang tshe phyi rol rgyang chad kyi tshul du snang
ba'i phyir/ de la sngon po tha snyad kyi gzhir snang ste/ snang
tshul de

dran pa'i yul du byas nas 'di sngon po'o zhes tha snyad byed
pa'i rtog pa mig shes des rang stobs kyis 'dren pa'i phyir/
khyab ste/ tha snyad kyi gzhir mi snang na sngon po de dmar por
'dzin pa'i rtog pa dbang shes des mi 'dren pa bzhin yin

@276b pa'i phyir/ khyad par du sngo 'dzin mig shes la sngon po
tha snyad kyi gzhir sgra rtog la ma ltos par yul rang gi sdod
lugs kyi ngos nas grub par snang ba'i snang tshul yod de/ sngon
po'o zhes brjod pa'i don de'i ngo bo gang yin zhes dris pa na
mig

shes de la sngon po ming brda'i gzher rang ngos nas grub par
snang ba ltar yid kyis zhen pa'i sgo nas/ de'i ngo bo gzugs yin
no zhes lan 'debs shing/ de 'dra'i lan 'debs pa'i kun slong gi
rtog pa 'ang mig shes des rang stobs

kyis 'dren pa'i phyir te/ blo lhan skyes la gzugs de gzugs kyi
steng du gzugs zhes sgra rtog gis btags tsam gyi rnam par mi
'char bar ming brdas bzhag pa la ma ltos par de rang gi sdod
lugs kyis de 'dra'i gzhir song bar 'char

ba'i phyir/ lnga ba yod de/ sngon po de sngon po la gzugs so
zhes pa'i sgra rtog gi yul du ming brda sbyar ba la brten nas
grub pa ni de ming brda'i gzhir yod tsam gyi don dang/ sngon po
de sngon po la gzugs so zhes rjod pa'i sgra'i brjod bya

dang sngon po 'o snyam du rtog pas zhen pa'i zhen gzhir ming
brda sbyar ba la ma ltos par sngon po rang gi ngo bo'i gnas tshod
kyi dbang gis grub pa ni ming brda 'jug pa'i gnas su rang mtshan
gyis yod pa'i don yin pa'i phyir/ drug pa yod

de; snga ma ni gzugs gzugs 'dzin rtog pas zhen pa'i sgo nas
'dzin stangs kyi yul du byas pa dang/ phyi ma ni dbang shes la
gzugs sogs ming brda 'jug pa'i gzhir sgra rtog gis tha snyad
sbyar ba la ma ltos par rang gi sdod

@277a @#/ /lugs kyi ngos nas song bar snang zhing rjes kyi rtog
pas kyang snang ba de ltar du zhen nas gzugs la 'di gzugs so
zhes zhen pa'i gzhir byed pas na de ltar bshad pa'i phyir/

bdun pa yod de/ gzugs rtog pa'i zhen yul yin pas de de'i zhen
yul yin pa yod cing/ de de'i zhen yul yin pa'i cha de rtog pas
bzhag tsam yin pas rang mtshan gyis ma grub par 'jog la/ gzugs
sogs

sgra rtog gis tha snyad sbyar ba la brten nas rtog pa'i zhen
gzhir song ba las dngos dbang gis der ma song ba ni gzugs sogs
rtog pa'i zhen gzhir rang mtshan gyis ma grub pa'i don yin pa'i
phyir ro/ /brgyad pa yod de/

bkag pa'i bdag med rtog pa yid shes la ltos pa'i chos bdag phra
mo bkag tsam du ro gcig pa'i phyir/ dgu pa yod de/ rtog pa'i
zhen tshul las dbang shes kyi snang tshul gyi dgag bya blo yul du
'char dka' zhing/ gang

'char dka' ba de'i snang tshul ngos zin na 'char sla ba de 'gog
pa la phan che ba'i phyir/ bcu ba yod de/ dang po tshad mas grub
cing/ phyi ma rtags kyi dgag bya yin pa'i phyir/ bcu gcig pa yod
de/ phyi rol don snang gi bag chags

kyis ma bslad pa'i shes pa la rang yul de 'dzin pa'i bdag nyid
kyis khyad par du byas nas snang/ bag chags des bslad pa'i shes
pa la rang yul de phyi don gyis khyad par du byas nas snang ba'i
phyir/ bcu gnyis pa yod de/ tshur

@277b mthong gi sngo 'dzin mig shes kyis sngon po la bltas tshe
pha rol nas tshur sngon po'i snang ba shar ba de sngon po dngos
min par thog med nas goms pa'i ma rig bag chags kyi dbang gis
shar ba'i snang cha kun btags tsam zhig yin pa'i phyir

te; de nyid 'khrul ba'i snang cha tsam min par ma 'khrul pa'i
snang ba yin na snang ba de don mthun du song nas gzugs sogs
sems las don gzhan rgyang chad du grub par 'gro ba la/ de rigs
pas khegs pa'i phyir dang/ sngon po la brda sbyor

tshe yang rang cag la shar tshod tsam po de la sngon po zhes brda
sbyor zhing brda de sbyor ba'i gzhir bzung bas sngon po'i ming
can zhes bshad pa'i phyir/ sngon po dngos ni sngo 'dzin shes pa
las don gzhan lta bur tshur shar ba de ga yang min zhing sngo
'dzin

shes pa yang de ma yin la/ de med pa yang ma yin pa ni/ rmi lam
gyi glang po la gang du snang ba'i gzhi der don gyis grub pa'i
glang po zhig kyang mi 'jog /rmi lam gyi shes pa de nyid kyang
mi 'jog mod/ shes pa de dang bag chags gcig las skyes

pa'i shes pa de'i snang cha zhig 'jog pa bzhin te sngo 'dzin
shes pa de dang rigs mthun pa'i bag chags las skyes pa'i snang
ba tsam yin no/ /de nyid la brjod med kyi sngon po zer ba'i rgyu
mtshan ni sngon po'i ming can de ma brjod par rang nyid

brjod du med pas brjod med ces bshad pa yin zhing/ brjod med ces
'jog pa'i rnam grangs gzhan gong du song zin pa ltar ro/ /tshur
mthong gis rang gi snang tshod tsam po de la brda sbyor zhing de
mthong ba na sngo sogs mthong zhes 'jog

@278a @#/ /dgos kyang tha snyad de dag don mi mthun du mi 'gyur
te/ de la brda sbyar bas brjod med kyi sngon po dngos la brda
sbyar bar 'gro zhing/ de mthong bas brjod med kyi sngon po
mthong bar 'jog thub pa/ dper na/ mdo

sde ba'i lugs la bum pa zhes pa'i brda dngos su sbyor gzhi dang
snang ba'i yul ni bum pa ma yin pa las log par snang ba yin yang
de la dngos su brda sbyar pa dang de dngos su snang bas bum pa
dngos su brjod pa dang bum pa dngos su snang bar

'jog ba bzhin no/ /tshur mthong la kun btags pa'i sngon po snang
ba la ma ltos par brjod med kyi sngon po dngos su snang ba med
de/ de la sngon po nam snang ba'i tshe pha rol nas tshur 'char
ba'i rnam pa kho na 'byung ba'i phyir te/ dbang shes

des drangs pa'i rjes kyi rtog pas tha snyad byed pa na pha rol
na yod pa'i sngon po zhes zhen nas brda sbyor pa'i phyir ro/
/bcu gsum pa yod de/ chos de dang de ngo bo dang khyad par du
brda sbyor pa'i sgra rtog 'jug pa'i gnas su ming brda sbyar pa
la ma

ltos par yul rang gi dngos po'i gnas tshod kyis grub pa ni rtog
pa yid shes la ltos pa'i chos bdag tu grub pa'i tshad ngo/ /chos
bdag de la sgras brjod kyis dbye na/ ngo bo dang khyad par du
tha snyad sbyor ba'i sgra rtog gi 'jug gzhir rang gi

sdod lugs kyis grub pa gnyis dang/ de re re la rjod pa sgra'i
tha snyad kyi brjod byang de ltar grub pa dang/ rtog pa shes
pa'i tha snyad kyi zhen gzhir de ltar grub pa gnyis re 'jog pa
dang/ tshul de ltar grub par 'dzin pa'i rtog pa rnams

@278b ni 'di'i sgro 'dogs so/ /nang shes pa dang rdzas tha dad
pa'i tshul du don gzhan rgyang chad du grub pa de rtog med dbang
shes la ltos pa'i chos bdag gam phyi don du grub pa'i tshad dang/
de ltar grub par 'dzin pa ni 'di'i sgro 'dogs so/ /

de ltar na rang 'dzin rtog pa'i zhen gzhir rang mtshan gyis grub
pa'i don yang/ sngon po lta bu la mtshon na 'di sngon po 'o zhes
sogs su 'dzin pa'i rtog pa de dang des zhen pa'i gnas su ming
brda sbyar ba la ma ltos par sngon po rang gi

gnas tshod kyis grub pa dang/ gzung 'dzin rdzas tha dad du grub
pa'i don yang/ sngon po lta bu la mtshon na/ sngo 'dzin mig shes
dang de'i gzung bya'i sngon po gnyis bdag nyid gcig ma yin par
sngon po phyi rol nas rdul du ma 'dus pa'i

stobs kyis grub pa la bya'o/ /sngo sogs ming brda 'jug pa'i
gzhir sgra rtog la brten nas song pa ni/ thag khra sbrul du
snang ba de 'phral gyi 'khrul rgyu'i dbang gis snang ba yin pa
dang mtshungs/ sngo sogs ming brda 'jug pa'i gzhir sgra rtog

lam ltos par yul rang gi sdod lugs kyi ngos nas song bar snang
ba ni thag khra sbrul snang gi gang zag la snang ba de 'phral
gyi 'khrul rgyu la ma ltos par snang gzhi'i sdod lugs kyi ngo
nas sngang bar 'char ba dang mtshungs/ sngo sogs ming

brda 'jug pa'i gnas su sgra rtog la ma ltos par rang gi sdod
lugs kyi ngos nas song bar zhen pa ni thag khra sprul snang gi
gang zag gis snang gzhi'i thag khra de nyid don gyi sdod lugs
nas sgrul du grub par zhen pa dang mtshungs so/ /

@279a @#/ /ma rig bag chags kyi dbang gis gzugs sogs phyi don du
snang ba ni 'phral gyi 'khrul rgyu'i dbang gis skra shad 'dzag
par snang ba dang mtshungs/ rang la de ltar snang ba bag chags
kyi dbang gis yin par mi 'char

bar phyi rol nas de ltar grub pa zhig gis rnam pa gtad par 'char
ba ni rab rib can la rang la 'khrul rgyu'i dbang gis de ltar
snang bar mi 'char bar snang ba'i gzhi der don gyis grub pa'i
skra shad kyis rnam pa gtad par 'char ba

dang mtshungs/ de ltar snang ba ltar zhen pa ni rab rib can gyis
rang la snang ba ltar gyi skra shad yod par zhen pa dang
mtshungs
so/ ! /spro na/ kha cig na re/ mtshan nyid ngo bo nyi med pa chos
kyi bdag med phra mor bshad pa'i

dgongs 'grel gyi gzhung yod par thal/ gzhung las/ mtshan nyid ngo
bo nyid med pa chos kyi bdag med du bshad/ ces gsungs pa'i phyir
na ma khyab ste/ de'i mtshan nyid ngo bo nyid ni 'dir bstan dgag
bya'i kun btags yin

la; de med pa dgongs 'grel las chos kyi bdag med phra mor bshad
ces pa'i don yin zhing/ de yang don dam pa ngo bo nyid med pa
rgyas bshad kyi gzhung des bstan pa yin la/ des bstan tshul yang
gzhung las/ chos kyi bdag

med de gang zhe na/ ngo bo nyid ma mchis pa nyid de/ nas/ de
nyid kun btags kyis stong pa la yongs grub tu shin tu gsal/ zhes
gsungs pa ltar yin pa'i phyir/ rtsa bar 'dod mi nus te/ mtshan
nyid ngo bo nyid med pa chos kyi bdag

@279b med phra mo ma yin par ma zad/ mtshan nyid ngo bo nyid med
pa'i mdor bstan rgyas bshad kyis kyang de chos kyi bdag med phra
mor ma bstan pa sngar bshad pa ltar yin pa'i phyir/ kha cig na
re/ nam mkha' sogs kun btags gzhan rang mtshan

gyis grub pa chos bdag yin par thal/ ngo bo dang khyad par du
kun btags pa rang mtshan gyis grub pa chos bdag yin pa'i phyir na
ma khyab ste/ gzhung las/ spyir kun btags la spyi mtshan thams
cad dang nam mkha' la sogs pa

du ma zhig yod kyang dgongs 'grel las ma gsungs pa ni/ kun btags
gang gis stong pa yongs grub tu 'jog pa'i skabs su de dag mi
mkho bas so/ /zhes dang/ gzhan dbang la ngo bo dang khyad par
du
btags pa rang gi mtshan nyid

kyis grub par 'dizn pa chos kyi bdag 'dzin tu bstan/ ces gsungs
pa'i phyir/ ngo bo dang khyad par du kun btags pa rang mtshan
gyis grub pa dang nam mkha' rang mtshan gyis grub pa gnyis mi
'dra ste/ dang po ltar na chos bdag tu grub

dgos pa gang zhig /phyi ma ltar na de ltar du grub mi dgos pa'i
phyir/ dang po grub ste/ gzhan dbang ngo bo dang khyad par du
kun btags pa'i ngo bor snang ba rang mtshan gyis grub na chos
bdag yin dgos pa'i phyir te/ snang ba de de ltar grub

na bden par grub dgos/ de lta na de don dang mthun dgos/ de lta
na de gzhan dbang ngo bo dang khyad par du btags pa'i ngo bor
rang mtshan gyis grub dgos pa'i phyir te/ dper na/ thag khra
sprul du snang ba rang mtshan gyis grub na snang

@280a @#/ /ba de bden par grub dgos/ de lta na de don dang mthun
dgos/ de lta na thag khra sbrul du grub dgos pa bzhin yin pa'i
phyir/ rtsa rtags gnyis pa grub ste/ nam mkha' rang mtshan gyis
grub kyang chos kyi bdag tu grub

mi dgos pa'i phyir/ kho na re/ brtag pa mtha' bzung byas na nam
mkha' rang mtshan gyis grub ba chos bdag yin par thal/ gzhan
dbang ngo bo dang khyad par du kun btags pa rang mtshan gyis
grub
pa chos bdag yin pa'i phyir na ma

khyab ste/ thal 'gyur ba'i lugs la sgyu ma'i snang ba bden du
chug kyang chos bdag tu mi 'gyur yang/ tshur mthong gi snang ba
'di bden par grub na chos bdag tu 'gyur ba bzhin/ 'di ba'i lugs
la yang kun btags gzhan rang

mtshan gyis grub na chos bdag tu mi 'gyur yang/ gzhan dbang la
ngo bo dang khyad par du kun btags pa'i kun btags rang mtshan gyi
grub na chos bdag tu 'gyur ba'i gnad kyis/ gzhung las/ ngo bo
dang khyad par du btags pa

rang mtshan gyis sam don dam par yod par 'dzin pa ni shes sgrib
kyi gtso bo yin pas des bzung ba ltar med pa gtan la phab pa'i
don ni shes sgrib dag byed kyi dmigs par yang 'thad do/ /zhes
gsungs pa'i phyir/ des na gzhan

dbang la ngo bo dang khyad par du btags pa rang mtshan gyis med
pa'i don ni de de ltar btags pa'i ngo bor rang mtshan gyis med
pa'i don no/ /stong thun las/ gangs ri'i khrod 'dir bdag cag gi
rje thams cad mkhyen pa gcig

@280b pus gsal bar mdzad du zad kyi/ mkhas par khas 'che ba
gzhan mtha' dag gis ni dbang shes rang gi snang yul sngon po la
sogs pa dang rdzas tha dad pa bkag pa tsam gyi phyogs gcig pu
las gzhan pa ngo bo dang khyad par du kun btags

pa'i kun btags dang/ de rang gi mtshan nyid kyis grub pa bkag
pa'i chos kyi bdag med 'jog pa'i tshul gyi tha snyad tsam yang
smra ma nus/ zhes pa dang/ de tsam zhig mthong ba rgyu mtshan du
byas te/ ngo bo dang khyad par du kun btags

pa rang gi mtshan nyid kyis grub pa bkag pa'i chos kyi bdag med
thogs med kyi lugs dang/ dbang shes la ltos pa'i gzung 'dzin
rdzas gzhan bkag pa'i chos kyi bdag med phyogs glang chos grags
kyi lugs zhes 'dzin pa ni mthong rgya

chung ba'i gtam ste/ zhes pa gnyis mi 'gal te/ snga ma ni gzhan
dbang ngo bo dang khyad par du kun btags pa ltar grub pas
snyong
pa chos kyi bdag med du 'jog tshul gyi ming tsam yang bod du sus
kyang ma thon pa dang/ phyi ma ni chos kyi

bdag med gnyis slob dpon so so'i lugs su 'dzin cing smra na ma
thong rgya chung ba'i gtam du 'gyur zhes pa'i don yin pa'i
phyir/ yang de nyid las/ mig shes la de ltar snang ba de ni/
nas/ mig shes de la snang ba'i sngon po

ltar rang gi rigs mthun pa'i bag chags kyi sa bon rgyur byas pa
las skyes pa 'ang ma yin gyi/ thog ma med pa nas 'di sngon po'o/
/'di gzugs so/ /'di gzugs kyi skye ba'o zhes sogs ngo bo dang
khyad par gyi tha snyad rtog

@281a @#/ /pas lan mang du byas pa
goms pas bzhag pa'i bag chags
kyi dbang gis shar ba'i snang ba tsam yin la/ bag chags de la ni
mngon par rjod pa'i bag chags zhes bya'o/ /zhes dang/ dbang shes
la gzugs

sogs ngo bo dang khyad par gyi tha snyad 'jug pa'i gzhir dngos
po'i gnas tshul la grub par snang ba de ma rig pa'i bag chags kyi
dbang gis shar ba'i snang tshul phyin ci log yin/ zhes gsungs pa
gnyis kyang mi 'gal te/

gzugs sogs ming brda'i gzhir gnas tshod kyis grub par snang ba de
ming brda'i gzhir snang bas mngon rjod kyi bag chags dang/ snang
ba de dngos po'i gnas tshod kyis grub par snang bas ma rig bag
chags kyi dbang gis snang

bar bshad pa gnyis mi 'gal ba'i phyir/ yang na de 'dra'i kun
btags snang ba ni mngon rjod dang snang tshul de ltar grub par
snang ba ni ma rig bag chags kyi dbang gis yin pa'i don du bshad
kyang chog ste/ chos bdag bag chags

kyi dbang gis dbang shes la snang ba'i phyir/ dper na thal 'gyur
ba'i lugs la bden grub dbang shes la snang ba bzhin no/ /kha cig
/gzugs sogs dbang shes la ming brda 'jug pa'i gzhir rang mtshan
gyis grub par

snang ba'i kun btags dang/ gzugs sogs phyi don du snang ba'i kun
btags gnyis mi 'dra ste/ snga ma mngon rjod kyi bag chags kyis
shar ba'i snang cha dang/ phyi ma phyi rol don snang gi bag
chags kyis shar ba'i snang cha yin pa'i

@281b phyir zer ba dang/ la las de gnyis ldog chas phye ba ma
gtogs kun btags gcig las ngo bo tha dad pa gnyis med zer ba gang
'thad brtag go /kha cig /shes pa gang dang gang la rnam rig bco
lnga po'i gang shar yang bag chags kyis

'char dgos par thal/ spyir rnam rig bco lnga po'i gang rung yin
na bag chags kyis shar bas khyab pa'i phyir na ma khyab ste/
spyir shes pa la yul bag chags ting nge 'dzin tshogs gnyis stobs
kyis shar ba bzhi yod pa'i phyir

ro; /kha cig /rnam rig bco lnga po'i gang rung yin na bag chags
kyi dbang gis skyes pas khyab par thal/ de gang rung yin na bag
chags kyis grub pas khyab pa'i phyir na ma khyab ste/ rnam rig
bco lnga bag chags kyis snang

dgos par 'dra yang/ de'i nang tshan gyi ma byas pa'i chos rnams
bag chags kyis skyes pa ma yin pa'i phyir te/ de skyes pa ma yin
pa'i phyir ro/ /gsum pa la gnyis/ rtsod pa dang/ lan no/ /dang
po ni/ gal te gzugs/ zhes

sogs byung/ de yang gang la rtsod pa'i gzhi ni/ gzugs sogs ming
brda 'jug pa'i gzhir rang mtshan gyis grub pa dgag bya'i chos
bdag dang/ de bkag pa chos kyi bdag med phra mor gzhung 'dis
bstan pa la rtsod pa ste/ gzhung las/

gal te gzugs sogs ming dang brda'i yul yin pa rang gi mtshan nyid
kyis grub pa 'gog pa de/ zhes pas ston to/ /gang gis na rgol ba
khong nas ba sus pas te/ de ltar rtsod pa'i rgyu mtshan yang
gzugs sogs ming brda 'jug pa'i gzhir

@282a @#/ /ngo bo'i gnas tshod kyis grub pas stong tshul 'di dgongs
'grel gyis bstan cing sems tsam pa'i gzhung du'ang 'di rtsal du
bton pa'i tshul rje thams cad mkhyen pas sa 'og gi gter bton pa
bzhin du gsal bar

mdzad pa la/ lugs 'dir gzung 'dzin rdzas tha dad kyis stong ba
las gzhan pa'i stong tshul 'di de dus kyi bod kyi mkhas pa du
ma'i blor ma bde ba'i rgyu mtshan gyis yin no/ /tshul ji ltar
rtsod pa ni/ de la rtsod pa lnga dang lan lnga zhes

grags che ba ltar na/ dang po lnga ni/ 'gal lo dang/ 'gyur la
dang/ mi 'thad do dang/ mi snang ngo dang/ gyis shig gi bar gyis
rim par ston ste/ gal te gzugs sogs ming brda'i yul yin pa rang
mtshan gyis grub pa bkag nas

de chos kyi bdag med phra mor 'jog na gzugs sogs rjod byed kyi
dngos yul yin pa rang mtshan gyis grub pa 'gog gam/ gzugs sogs
rjod byed kyi zhen yul yin pa rang mtshan gyis grub pa 'gog /dang
po ltar na/ de mi 'thad de/

gzhan dbang rjod byed kyi dngos yul yin pas stong bar don smra
la sgrub mi dgos pa'i phyir dang/ dgongs 'grel las/ rnam par
rtog pa'i spyod yul kun btags pa'i mtshan nyid kyi gnas/ nas/
yongs su grub pa'i mtshan

nyid lags te/ zhes dgag bya'i kun btags rang mtshan gyis stong ba
chos kyi bdag med kyi yongs grub tu bshad pa dang/ byang sa las/
shes bya'i sgrib pa rnam par dag pa'i spyod yul gyi de kho na
gang zhe na/ shes bya la shes pa'i

@282b gegs byed pa ni sgrib pa zhes bya ste/ shes bya'i sgrib pa
de las rnam par grol ba'i shes pa'i spyod yul gyi yul gang yin
pa de ni shes bya'i sgrib pa rnam par dag pa'i shes pa'i spyod
yul gyi de kho na yin par rig par bya'o/ /zhes gzhan dbang ming

brda'i gzhir rang mtshan gyis stong pa de shes sgrib dag byed
rnam dag lam gyi dmigs par bshad pa dang 'gal ba'i phyir/ dang
po grub ste/ sgra don gyi spyi rang mtshan min pa'i dngos med du
don smra rnams la grub zin pa'i phyir/ gnyis

pa grub ste/ gzhan dbang rjod byed kyi dngos yul yin pas stong
par grub pa'i tshad mas chos kyi bdag med mi 'grub cing/ de 'dras
stong pa de la dmigs nas bsgoms pas shes sgrib dag par mi 'gyur
ba'i phyir te/ de chos kyi

bdag med phra mo ma yin pa'i phyir/ zhes pa ni rtsod pa dang
po'o/ /gnyis pa ltar na/ zhen yul gyi gzhi ldog rang mtshan gyis
yod pa 'gog gam/ de'i rang ldog rang mtshan gyis grub pa 'gog
snga ma ltar na/ de mi 'thad de/

de ltar na gzhan dbang rang mtshan gyis grub pa bkag par 'gyur
ba'i phyir/ zhes pa ni rtsod pa gnyis pa'o/ /phyi ma ltar na/ de
mi 'thad de/ spri mtshan dngos med du mdo sde bas kyang grub pa'i
phyir/ zhes pa ni rtsod pa gsum pa'o/ /

gzhan yang/ gzugs sogs ming brda'i gzhir rang mtshan gyis grub
pas stong pa chos kyi bdag med phra mor 'jog pa mi 'thad de/
srid 'pho'i mdo las bshad pa'i stong ba de las lhag pa dgongs
'grel gyi dgag bya kun

@283a @#/ /btags kyis stong pa'i chos nyid de la'ang med pa'i
phyir/ khyab ste/ srid 'pho'i mdo'i chos nyid bstan pa'i lung de
nyid nyan thos sde pa la yang 'thad ldan du grub pa'i phyir/
zhes pa ni rtsod pa bzhi pa'o/ /

gzhan yang/ de mi 'thad de/ de ltar na chos kyi bdag med shes
sgrib dag byed kyi dmigs par byang sa sogs las bshad pa mi 'thad
par 'gyur ba'i phyir te/ stong tshul 'di la gzung 'dzin rdzas tha
dad bkag pa'i rnam rig tsam

gyi don med pa'i phyir/ zhes pa ni rtsod pa lnga ba'o/ ! /spro
na/ dran dbang yid yangs sogs su/ gang la rtsod pa'i gzhi dgongs
'grel gyi kun btags rgyas bshad dang/ rtsod pa po legs ldan
dang/ rtsod yul sems tsam du

bshad pa dpyad bya ste/ gal te gzugs sogs ming dang brda'i yul
yin pa rang gi mtshan nyid kyis grub pa 'gog pa de/ zhes ngos
'dzin yul gong der/ gzhung las/ phung po la sogs pa la/ nas/
sgro 'dogs so/ /zhes

sogs las dgongs 'grel la 'brel mi che ba'i phyir dang/ legs ldan
gyis srid 'pho'i mdor gang zag gi bdag med dang/ dgongs 'grel du
chos kyi bdag med phra mo bstan par bzhed pa dang/ srid 'pho'i
mdor bshad pa

las lhag dgongs 'grel las gsungs pa'i chos nyid la med par mi
bzhed pa dang/ rtsod pa po legs ldan yin na/ lan gyi skabs stong
tshul 'di nyan thos sde bas grub zin pa min pa'i rgyu mtshan du
rang gzhung theg bsdus

@283b dang; dgag yul la nyan thos sde ba yod pa'i rgyu mtshan du
rang gzhung byang sa 'god mi rung ba'i phyir/ des na sems tsam
gzhir bzhag ste/ gzhung 'dis gsungs tshul la rjes dogs pa khong
slong gis lan mdzad pa sngar bshad pa bzhin

khas len dgos so/ /rtsod tshul la kha cig na re/ 'dir rtsod pa
gnyis byung ba yin te/ gzugs sogs ming brda'i yul yin pa rang
mtshan gyis grub pa 'gog pa dang/ srid 'pho'i mdo dang dgongs
'grel las gsungs pa'i stong tshul

gnyis la khyad med pa'i rtsod pa gnyis byung ba'i phyir te/
gzhung gis/ gzhan yang/ zhes pas mtshams phye tshul 'thad pa'i
phyir zer/ gzhan dag /de gnyis dang/ chos kyi bdag med rnam dag
lam gyi dmigs pa ma yin pa'i rtsod pa

gsum byung ste/ gal te/ sogs dang/ gzhan yang/ sogs dang/ stong
tshul/ sogs gsungs pa la dpags na shes pa'i phyir zer/ dka' 'grel
las/ ngo bo dang khyad par du kun btags pa'i kun btags rang

mtshan gyis grub pas stong ba lugs 'di'i chos kyi bdag med dang
rnam dag lam gyi dmigs par 'dod mi rigs pa dang/ de 'dra'i stong
tshul de la rnam par rig pa'i don med pas de rnam rig pa'i thun
mong min pa'i chos kyi

bdag med du 'dod pa mi rigs pa'i rtsod pa gnyis las/ dang po
ston par/ gal te/ nas/ mi dgos pa dang/ zhes pa'i bar dang/
gzugs sogs/ nas/ mi 'thad do/ /zhes pa'i bar dang/ gnyis pa ston
par/ stong

@284a @#/ /tshul 'di la/ sogs byung zhing/ srid 'pho'i mdo dngas
pa dang po'i rtags sgrub dang/ des stong par grub pa'i/ sogs
dang po'i rtsa bar 'dod lan btab pa la skyon ston byed du sbyar
ro/ /gnyal ston

dka' 'grel gyi rtsod lan don la kha cig /ngo bo dang khyad par
du kun btags pa'i kun btags rang mtshan gyis med pa lugs 'di'i
chos kyi bdag med kyi yongs grub dang rnam dag lam gyi dmigs pa
mthar thug ma yin par

thal; gzugs sogs rjod byed kyi dngos yul yin pa rang mtshan gyis
grub pas stong ba chos kyi bdag med kyi yongs grub ma yin zhing
de la dmigs pas shes sgrib kyang spong mi nus pa'i phyir dang/
gzugs rjod byed kyi

zhen yul lin pa'i gzhi ldog gzugs nyid rang mtshan gyis grub pa
de 'gog mi rigs pa'i phyir dang/ rang ldog gzugs rjod byed kyi
zhen yul yin pa de ngo bo dang khyad par du kun btags pa'i mtshan
nyid kyis med par mdo sde bas

grub zin pa'i phyir dang/ srid 'pho'i mdo las stong tshul bshad
pa nyan thos sde ba la grub cing de las lhag pa dgongs 'grel las
bshad pa'i chos nyid la yang med pa'i phyir dang/ gzhan dbang
ngo bo dang khyad par du kun btags

pa'i kun btags kyis stong tshul 'di la gzung 'dzin rdzas gzhan
bkag pa'i rnam rig tsam gyi don med pa'i phyir/ zhes pa'i rtags
ston par rim bzhin/ dag par mi 'gyur bas dang/ bkag par 'gyur la
dang/ ma 'thad

@284b do dang/ mi snang ngo dang/ gyis shig gi bar rnams byung
zhing/ dgongs 'grel las kun btags rang mtshan du/ zhes sogs ni
rtsa ba'i dam bca' la 'dod lan btab par skyon ston byed du sbyor
zer/ gzhan dag dka'

'grel 'di'i bzhed pa la rtsod pa'i rigs pa drug tu byed dgos te/
de ltar stong ba de chos kyi bdag med kyi yongs grub ma yin pa'i
phyir/ zhes pa dang/ de la dmigs pas shes sgrib spong mi nus
pa'i phyir/ zhes pa gnyis so sor

byed dgos pa'i phyir te/ dka' 'grel de nyid las/ yongs grub ma
yin zhing/ zhes dang/ de 'gog mi rigs shing/ zhes dang/ mi snang
zhing/ zhes pa rnams kyis rigs pa re re bstan pa'i phyir zer/ la
las/ de ltar na/

nyan thos sde ba la grub cing sogs kyis kyang rigs pa gcig bstan
par khas len dgos pas rigs pa bdun du 'gyur ro zhe na/ kha cig
/de 'og ma dang ma sbrel na skabs don mi 'grub pas skyon med ces
zer ba rnams las

gang 'thad dpyad do/ /yig char/ ngo bo dang khyad par du kun
btags pa rang mtshan gyis ma grub pa yongs grub min pa dang/
gzugs sogs ming brda'i gzhir rang mtshan gyis grub pa chos bdag
phra mo byas nas 'gog mi

rigs pa dang/ mdo sde bas chos kyi bdag med phra mo rtogs par
thal ba dang/ chos kyi bdag med phra mo shes sgrib dag byed kyi
dmigs par mi 'thad pa'i rtsod pa ste bzhi rim par/ 'gal lo dang/
mi 'thad do dang/ mi snang

@285a @#/ /ngo dang/ ji ltar 'thad/ ces pa'i bar rnams kyis bstan
par bshad do/ /rtsod pa lngar byed pa la/ yig cha rnying par/
dgongs 'grel dang byang sa gnyis dang 'gal ba'i nyes pa dang/
gzhan dbang rang

mtshan gyis grub pa dgag pa'i nyes pa dang/ mdo sde pas tshad mas
grub pas chos bdag phra mo ma yin par thal ba'i nyes pa dang/
dgongs 'grel gyi chos kyi bdag med de theg dman gyi mdo las
bshad pa'i bdag med

las lhag ma yin par thal ba dang/ chos kyi bdag med shes sgrib
dag byed kyi dmigs par bshad pa mi 'thad par thal ba'i nyes pa
lnga rim par/ gal te/ sogs dang/ gzugs sogs/ sogs/ zhen yul gyi
rang

ldog /sogs dang/ gzhan yang/ sogs dang/ stong tshul/ sogs kyis
bstan par bshad do/ /hal ha bstan sgron gyis rtsod pa lnga rim
par/ sgrub mi dgos pa dang/ 'gal lo dang/ mi 'thad do dang/ mi
snang ngo dang/

ji ltar 'thad/ bar rnams kyis bstan cing/ dang po gsum rtsod pa
snga ma dang phyi ma gnyis rtsod pa phyi mar yang byas so/ /dran
dbang yid yangs sogs kyis kun btags rang mtshan gyis grub pa chos
bdag tu byas nas 'gog na

dgongs 'grel dang byang sa gnyis dang 'gal ba dang/ gzhan dbang
rang mtshan gyis ma grub par 'dod pa rang gi grub mtha' dang 'gal
ba dang/ sems tsam pas mdo sde pa la rang 'dzin rtog pa'i zhen
yul rang ldog rang

@285b mtshan gyis grub pa 'gog na grub zin sgrub pa'i skyon du
'gyur ba dang/ dgongs 'grel gyi chos kyi bdag med theg dman gyi
mdo las bshad pa'i bdag med las lhag ma yin par 'gyur ba dang/
chos kyi bdag med phra mo

shes sgrib dag byed kyi dmigs par bshad pa mi 'thad pa'i rtsod
pa lnga byas nas gzhung gi mtshams 'byed tshul yig cha rnying pa
ltar byas te de'i rjes su 'brangs pa'o/ /rje yab sras kyi gzhung
du 'dir rtsod pa du bbyung gi grangs mi

gsal yang/ rtsod pa du ma byung ba/ gzhung las/ lugs 'di la 'gal
ba de dag ji ltar med/ ces pa dang/ rtsod pa lhag ma'i lan ni
'chad par 'gyur ro/ /zhes sogs kyis shes shing/ don la rtsod pa
bzhi'am lnga 'thob

la drug mi 'thob ste/ drug par kha cig gis sbyor bar 'dod pa'i
gzhung ni/ rtsa ba'i 'dod lan la skyon ston byed yin pa'i phyir
ro/ /des na sngar bkod pa'i rtsod grangs dang rtsod tshul mi 'dra
ba rnams dbye bsdu tsam yin no/ /

gzhung du/ gzugs sogs rjod byed kyi zhen yul du gsungs pa dang
mi mthun par sde bdun rgyan dang/ sgra la zhen pa'i brjod bya
yod par 'dod pa mi 'thad de/ sgra bem po yin pas rang gis zhen
par byed pa mi rung ba'i phyir

dang/ sgra kun nas slong ba'i rtog pa'i zhen yul de'i brjod byar
gyur pa yod pas yin na/ sgra'i snang yul yang yod par thal ba'i
skyon 'byung ba'i phyir gsungs pa la/ rigs rgyan las/ 'o na rjod
byed kyi sgra la don dang

@286a @#/ /mthun mi mthun gyi khyad par med par thal/ rjod byed
kyi sgra yin na zhen pa'i brjod bya med pas khyab cing/ kho'i
brjod bya yod pas khyab pa'i phyir/ zhes bkag kyang rjod byed
kyi sgra la zhen yul yod par mi

bzhed par mngon te/ rang lugs skabs zhen yul la skyes bu dang
rtog pa'i zhen yul gnyis las ma phye ba'i phyir/ sde bdun rgyan
las/ zhen yul ni rang 'dzin rtog pa'i zhen stangs kyi yul du
grub pa ste/ zhes gsungs pa la

dpags na des skyes bu'i zhen yul yang mi bzhed dam brtag cing/
slob dpon chos mchog gis mngon sum gyi zhen yul bzhed mi bzhed
kyang spror yod do/ /gnyis pa ni/ bshad par bya ste/ zhes sogs
byung/ lan de

dpyis phyin par shes pa la thog mar/ gzhung las/ gzugs sogs ming
dang brda'i yul yin pa rang gi mtshan nyid kyis grub pa 'gog /ces
pa'i don shes pa gal che bas de la/ nyan thos sdebs gzugs sogs
ming

brda'i yul yin pa dngos med kyi chos su 'dod pas de rang mtshan
gyis ma grub par khas len kyang/ de rang mtshan gyis ma grub par
ma rtogs te/ de rang mtshan gyis grub na de sgra rtog la ma ltos
par dngos dbang gis grub

dgos/ de lta na gzugs sogs ming brda'i yul du rang mtshan gyis
grub par song bas des stong pa nyan thos sde bas ma rtogs pa'i
phyir ro/ /des na rtsod pa dang po gnyis ltar na phyogs sngas
skyon brjod pa ltar 'jug

@286b pas khas mi len cing/ bzhi ba'i lan ni 'og gi sgro 'dogs
dgag pa dngos kyi skabs/ de'i phyir/ ming ni gang dang gang gis
su/ /zhes sogs dang/ lnga ba'i lan yang skabs der/ sngar bshad
pa'i ngo bo dang khyad par du

btags pa rang mtshan gyis sam don dam par yod par 'dzin pa ni/
zhes sogs su 'chad 'gyur du gsungs so/ /de yang rtsod pa gsum pa
la ma khyab ste/ gzugs sogs ming brda'i gzhir rang mtshan gyis
grub pas stong

ba'i ldog phyogs kyi sgro 'dogs ngo bo dang khyad par du ming
gis btags pa der gzugs sogs rang mtshan gyis grub par 'dzin pa'i
khas len kyang nyan thos sde ba la yod pa'i phyir te/ de 'dras
stong ba nyan thos sdebs grub ma

zin pa'i phyir/ der thal/ gzugs sogs ming brda'i gzhir rang
mtshan gyis grub pas stong tshul 'di byang sar shes sgrib dag byed
ye shes kyi dmigs pa dang dbu ma'i lam gong na med par gsungs pa
gang/ theg

bsdus su 'di'i sgo nas 'jug pa de rnam rig tsam du 'jug par
gsungs pa'i phyir/ dang po grub ste/ byang sa las/ shes bya'i
sgrib pa rnam par dag pa'i spyod yul gyi de kho na gang zhe na/
sogs drangs zin pa dang/ ji ltar

stong ba nyid la legs par zin pa yin zhe na/ nas/ stong ba nyid
la legs par zin pa zhes bya ste/ yang dag pa'i shes rab kyis
shin tu rtogs pa zhes bya'o/ /zhes sogs gsungs pa'i phyir/ gnyis
pa grub ste/ theg bsdus

@287a @#/ /las; 'di ltar byang chub sems dpa' rnam par rig pa
tsam la 'jug par brtson pa de lta bu de/ nas/ rnam par rig pa
tsam nyid du 'jug go /zhes pa 'og tu gzhung las 'dren par mdzad
pa ltar yin pa'i phyir/

gzugs sogs ngo bo dang khyad par du kun btags pa'i ngo bor rang
mtshan gyis grub par khas len pa rang sde la nyan thos sde ba las
'os med de/ de la gzhan sder ma zad rang sde yod pa gang/ ngo bo
nyid med par smra ba dang rnal 'byor

spyod pa de ma yin pa'i phyir/ dang po grub ste/ gzugs sogs ngo
bo dang khyad par du kun btags pa'i rang mtshan gyis grub pa 'gog
pa na byang sar srid 'pho'i mdo sogs gsum gyis bkag pa gang zhig
/gzhan sde la rang gi

ston pa'i lung gis 'gog mi rung ba'i phyir/ dang po der thal/
srid 'pho'i mdo las/ ming ni gang dang gang gis su/ /sogs sngar
drangs pa dang/ don gyi sde tshan gyi mdo las/ 'jig rten dag na
kun rdzob gang ci yod/ /

de kun thub pas zhal gyis mi bzhes te/ /gzigs dang gsan la bzhed
par mi mdzad pas/ /de ni zhal gyis mi bzhes gang gis 'dzin/ /ces
dang/ sdum byed ka tya'i bu'i mdo las/ 'di na dge slong sdum
byed ni sa la brten

cing bsam gtan mi byed do/ /chu dang me dang rlung dang nam
mkha' dang rnam shes dang ci yang med pa'i skye mched dang 'du
shes med 'du shes med min skye mched dang/ 'jig rten 'di dang
'jig rten pha rol dang/ nyi ma dang zla

@287b ba 'di gnyes dang/ mthong ba dang thos pa dang/ bye brag
phyed pa dang/ rnam par shes pa dang/ rnyed pa dang btsal ba
dang/ yid kyis rjes su brtags pa dang rjes su dpyad pa de dag
thams cad la brten cing bsam gtan mi byed do/ /

zhes sogs gsungs pa'i phyir/ gong gi rtags gnyis pa grub ste/ de
gnyigs gzugs sogs ngo bo dang khyad par du kun btags pa'i ngo
bor rang mtshan gyis grub par mi 'dod pa'i phyir/ lung gsum po re
re la rnam rig pa dang nyan

thos sde bas 'grel tshul gnyis re las/ lung dang po'i don la snga
mas/ ming gang dang gang gis chos gang dang gang brjod pa'i chos
de rnams la ming brda'i yul du rang mtshan gyis grub pa de yod pa
min pa 'di ni chos rnams kyi chos nyid

yin zhes pa dang/ phyi mas/ lto ldir ba bum pa zhes pa'i sgra'i
dngos kyi brjod bya yin pa'i cha lta bu rang mtshan gyis ma grub
pa dang/ chos la rang rkya ba'i bdag de ni yod pa min pa ni gang
zag gi bdag med kyi dbang du byas pa'i chos nyid

yin zhes pa dang/ lung gnyis pa'i don la sdams/ gzugs sogs su
ming btags pa'i dngos po la der btags pa ni kun rdzob ces bya
bas/ 'jig rten dag na de lta bu'i kun rdzob gang ci yod pa de
kun ni dngos po de dang de'i

bdag nyid yin zhes thub pas mi bzhed do/ /des na gzugs sogs la
der btags pa'i kun rdzob rang mtshan gyis grub pa de ni/ thub pas
mi bzhed cing yang dag par su zhig gis 'dzin ces pa dang/ phyi
mas/ gzugs

@288a @#/ /gzugs zhes pa'i sgra'i 'jug gzhi yin pa gzugs kyi ngo
bor rang mtshan gyis grub par 'dzin pa kun rdzob tu byas nas/ de
kun des bzung zhing zhen pa ltar ston pas mi bzhed ces pa dang/
lung gsum pa'i don

la snga mas/ dge slong sdum byed ming brda'i 'jug gzhir rang
mtshan gyis grub pa'i sa la brten nas bsam gtan mi byed/ ces sogs
dang/ phyi mas/ des sa ni sa zhes pa'i sgra 'jug pa'i 'jug gzhi
yin pa'i ngo bor rang mtshan

gyis grub pa la bsam gtan mi byed ces 'grel lo/ /lan gdab pa la
thog mar sgro 'dogs lhan skyes ngos gzung na/ sngon po la gzugs
zhes tha snyad btags tshe sngon po ni gzugs kyi tha snyad 'dogs
pa'i gzhi yin pa de ji ltar

snang ba ltas pa na ming brdas bzhag pa min par rang gi gnas
lugs kyi dbang gis grub pa bzhin du snang ste/ bsdu bar de la so
skye rnams ni sgra rtog gis brjod pa'am tha snyad gdags par bya
ba'i dngos po ste chos rnams la rjod byed ming gis

btags pa ji lta ba dang/ rtog pa shes pas brjod pa ji lta ba
bzhin du sgra rtog gi yul du don gyi sdod lugs su grub pa'i ngo
bo nyid du mngon par zhen pa ni rgyu lngas shes par bya bar
gsungs shing/ de yang gzugs zhes brjod pa'i don de'i

ngo bo nyid gang yin zhes phal pa la dris pa na gzugs zhes brjod
pa'i don de'i ngo bo nyid gzugs yin zhes smra ba las gzugs zhes
pa'i ming du btags pa tsam zhig gzugs zhes brjod pa'i don de'i
ngo bo nyid yin no zhes smra rgyu med

@288b pa'i phyir/ khyab ste/ de ltar dris tshe gzugs zhes brjod
pa'i ngo bo nyid gzugs yin zhes smra pas ni gzugs de gzugs zhes
brjod pa'i yul du rang mtshan gyis grub par bzung ba gsal bar
grub pa'i phyir te/ dper na sgyu ma'i rdzas sngags kyis

rde'u shing rta glang du snang che khyod kyis rta glang zhes
brjod pa'i don gyi ngo bo nyid gang yin dris pa na/ gzhi 'dir
yod pa'i rta glang 'di'o zhes lan btab pas/ des rde'u shing gi
ngos na rta glang zhig grub par bzung ba gsal bar byas pa'i
phyir

te/ gzhan du na/ de ltar dris pa na sgyu ma'i rdzas sngags kyis
rta glang du snang ba tsam zhig la rta glang zhes brjod pa 'di'o
zhes smra bar 'gyur ba'i phyir ro/ /sngar bshad pa de ltar gzugs
sogs rjod byed kyi zhen yul gyi rang ldog rang mtshan

gyis grub pa 'gog pa ni sgra'i brjod bya'i rang ldog rtog btags
yin yang de'i gzhi ldog tu dgag bya'i rang mtshan 'ong ba mdo sde
ba'i lugs dang mi mtshungs te/ sngon po de ji ltar snang ba ltar
du grub par 'dzin pa ni sngon po la

gzugs so zhes btags pa la rang mtshan gyis grub par 'dzin pa'am
sngon po gzugs su btags pa'i kun btags kyi ngo bor rang mtshan
gyis grub par 'dzin pa'i sgro 'dogs yin la/ de so skye la yod
par bshad ma thag pa'i

dris lan des 'grub cing rang 'dzin rtog pa'i zhen gzhir rang
mtshan gyis grub par 'dzin pa'i 'dzin stangs de 'thad ldan du don
smra gnyis kyis kyang 'dod pa'i phyir/ ngo bo la sgro 'dogs tshul
bstan pa des khyad par du kun btags

@289a @#/ /pa la sgro 'dogs tshul dang/ gzugs las chos gzhan la
ngo bo dang khyad par du sgro 'dogs tshul yang shes par bya'o/
/de bzhin du yul yul can gnyis su shar ba na de gnyis rdzas tha
dad du snang ba bzhin yod

par 'dzin pa yang chos kyi bdag 'dzin gyi sgro 'dogs so/ !
/'dir/ byis pa'i mngon zhen rig par byed pa'i rgyu'am rgyu mtshan
lnga'i rnam gzhag ni/ bsdu ba las/ de la byis pa rnams ni brjod
par bya ba'i dngos po la rgyu lngas

ming ji lta ba dang rjod pa ji lta ba bzhin du ngo bo nyid du
mngon par zhen par rig par bya ste/ zhes brjod par bya ba'i
dngos po ni kun btags 'dogs pa'i gzhi gzugs lta bu dang/ ming
dang rjod pa ni gzugs la gzugs zhes

rjod byed kyi sgra dang 'dogs byed kyi rtog pa lta bu dang/ ngo
bo nyid du mngon par zhen pa ni gzugs gzugs zhes rjod pa'i sgra
rtog gi yul du rang bzhin gyis grub par zhen pa lta bu ste/ de
ltar so skyes chos kun rang 'dzin rtog pa'i zhen gzhir rang

mtshan gyis grub par zhen pa shes par byed pa'i rgyu mtshan lnga
yod par mdor bstan nas/ de'i don rgyas par bshad pa la/ de nyid
las/ 'di ltar 'di'i dngos po de'i ngo bo nyid gang yin zhes dris
na/ ngo bo nyid gzugs

yin no/ /zhes lan 'debs par byed kyi/ ming gzugs yin no zhes lan
'debs par mi byed pa dang/ ngo bo nyid tshor ba dang 'du shes
dang 'du byed rnams dang rnam par shes pa yin no zhes lan 'debs
par byed kyi/

@289b ming rnam par shes pa yin no zhes lan 'debs par mi byed pa
dang/ zhes sgyu ma'i rta glang la rta glang gi snang zhen nyis
char yod pa'i ltad mo pa la khyod kyis rta glang zhes brda sbyor
ba'i don de gang yin zhes dris pa na/ sgyu ma'i sngags

rdzas kyis snang ba'i cha de la brda sbyar mi shes par/ brda
sbyor ba'i don gyi rta glang ni mdun na yod pa 'di'o zhes rang
gis zhen pa ltar rta glang de sgra rtog gi yul du rde'u shing gi
ngos nas grub pa gzhir gzhag nas lan 'debs pa bzhin/

de kho na nyid la blo kha ma phyogs pa'i so skye la/ khyod kyis
gzugs zhes brda sbyor ba'i don de gang yin zhes dris na/ bag
chags kyi dbang gis shar ba'i snang cha de la brda sbyar mi shes
par/ brda sbyor ba'i don gyi gzugs ni 'di'o zhes

rang gis zhen pa ltar gzugs de sgra rtog gi yul du don gyi sdod
lugs kyis grub pa gzhir bzhag nas lan 'debs pa ni rgyu mtshan
dang po dris lan gyis mngon zhen rig pa'i rgyu mtshan te/ skye bo
rang dga' ba chos can/

gzugs sogs sgra rtog gi yul du rang mtshan gyis grub par zhen pa
yin te/ gzugs zhes brda sbyor ba'i don dris pa na gzugs 'di'o
zhes rang gis zhen pa ltar gyi lan 'debs kyi/ gzugs zhes ming
btags pa tsam gyi

don 'di'o zhes lan mi 'debs pa'i phyir/ sgyu ma'i rta glang la
rta glang gi snang zhen yod pa'i skye bor dris lan byas pa
bzhin/ zhes pa'o/ de nyid las/ gzhan yang gcig pu dben par song
ste/ chos rnams kyi rang gi

@290a @#/ /mtshan nyid dang/ spyi'i mtshan nyid yongs su brtag pa
la zhugs pa na/ dngos po 'di'i mtshan nyid ni gzugs yin gyi/ ming
ni gzugs ma yin no zhes yongs su 'tshol bar byed pa dang/ dngos
po 'di'i

mtshan nyid ni tshor ba dang 'du shes dang 'du byed rnams dang
rnam par shes pa yin gyi/ ming ni rnam par shes pa ma yin no
zhes yongs su 'tshol bar byed pa dang/ zhes pa ltar gzugs sogs
kyi rang spyi'i mtshan nyid

'tshol ba na yang rang gis zhen pa ltar gzugs sogs sgra rtog gi
yul du don gyi sdod lugs kyis grub pa gzhir byas nas de'i rang
spyi'i mtshan nyid 'tshol ba las/ ming gis btags tsam gyi snang ba
gzhir byas nas 'tshol bar

mi byed pa ni rgyu mtshan gnyis pa mtshan nyid 'tshol bas mngon
zhen rig pa'i rgyu mtshan te/ de chos can/ de ltar zhen pa yin
te/ rang spyi'i mtshan nyid 'tshol ba na sgra rtog gi yul du rang
mtshan gyis grub pa gzhir byas nas 'tshol gyi/

ming gis btags tshod kyi snang ba gzhir byas nas mi 'tshol ba'i
phyir/ sgyu ma'i rta glang la rta glang gi snang zhen can gyi
skye bos sgyu ma'i rta glang la rta glang 'tshol ba bzhin/ zhes
pa'o/ /de nyid las/ gzhan yang gzugs kyi

dngos po de'i mtshan nyid gzugs yin par yongs su 'tshol bar byed
pa'i tshe ma rnyed pa na mi dga' la ming gzugs yin par yongs su
'tshol bar byed pa'i tshe ma rnyed pa na mi dga' ba med pa dang/
tshor ba dang 'du shes dang

@290b 'du byed rnams dang rnam par shes pa'i dngos po de'i mtshan
nyid rnam par shes pa yin par yongs su 'tshol bar byed pa'i tshe
ma rnyed pa la mi dga' la/ ming rnam par shes pa yin par yongs
su 'tshol bar byed pa'i tshe ma rnyed na ni

mi dga' ba med pa dang/ zhes gzugs sogs kyi mtshan nyid 'tshol tshe
rang gis zhen pa ltar gzugs sogs sgra rtog gi yul du don gyi
sdod lugs kyis grub pa gzhir byas nas btsal ba las ming gis
btags tsam gyi snang ba

gzhir byas nas btsal ba min pas gzugs zhes btags pa'i ngo bo de
gzugs yin par ma rnyed na mi dga' la/ gzugs zhes ming btags pa
tsam gzugs yin par ma rnyed na mi dga' ba med pa ni rgyu mtshan
gsum pa dga' sdug

'dren pas mngon zhen rig pa'i rgyu mtshan te/ de chos can/ de
ltar zhen pa yin te/ gzugs zhes btags pa'i ngo bo de gzugs yin
par ma rnyed na mi dga' la/ gzugs zhes ming btags pa tsam gzugs
yin par ma rnyed na mi

dga' ba med pa'i phyir/ sgyu ma'i rta glang la rta glang gi
snang zhen yod pa'i skye bos sgyu ma'i rta glang las rta glang
ma rnyed na mi dga' la mig 'phrul tsam rta glang du ma rnyed na
mi dga' ba med pa bzhin/ zhes pa'o/ /de nyid las/ gzhan

yang tshig ni ming la 'jug la ming ni don la 'jug ste/ de la ming
gang rang gi mtshan nyid kyi don gsal bar byed pa de ni bye brag
gi mtshan nyid kyi don gsal bar byed pa yang ma yin/ gzung ba'i
mtshan nyid kyi don gsal bar byed 

@291a @#/ /pa yang ma yin/ 'dzin pa'i mtshan nyid kyi don gsal bar
byed pa yang ma yin la/ ming gang 'dzin pa'i mtshan nyid kyi bar
gyi don gsal bar byed pa de ni rang gi mtshan nyid kyi don gyi
bar gsal bar byed pa yang

ma yin no/ /gal te ming gang rang gi mtshan nyid kyi don la 'jug
par 'gyur na de 'dzin pa'i mtshan nyid kyi bar gyi don la yang
'jug par 'gyur na ni/ nas/ gang sgro 'dogs shing 'dzin par byed
pa de ni mngon par zhen pa yin pas de'i

phyir ming ji lta ba dang rjod pa ji lta ba bzhin du dngos po la
ngo bo nyid du mngon par zhen par rab tu grub pa yin pa dang/
zhes don gsal bar byed pa'i rjod byed kyi ming gis rang gi mtshan
nyid dang/ bye brag dang/ gzung ba dang/ 'dzin pa'i

mtshan nyid sogs la gcig gsal bar byed pa des gzhan gsal bar byed
mi nus pas so so'i don tha dad pa la 'jug pa yin zhing/ ming de
dag gis brda gang la sbyor ba ni byis pa rnams kyis rang la
snang tshod kyi don de la sbyor

bas/ tha snyad 'jug pa'i gzhi de ji ltar snang ba ltar don dam
par yod med dpyod pa na/ snang tshul de ltar yod pa min pa la yod
par sgro 'dogs shing zhen pa ni ming rjod ji bzhin du ngo bo
nyid du zhen pa'i zhen tshul du grub pa ste/

thal 'gyur ba'i skabs su rtog pas btags tsam gyi 'jog lugs shes
na de las ldog ste 'dzin pa bden 'dzin du shes nus pa dang
mtshungs par mkhas grub chen po blo bzang 'phrin las pas gsungs
so/ /lung snga ma rnams kyi

@291b skabs su gsungs pa'i ming ni ming gis btags tsam gyi don
dang/ 'di'i ming ni don gsal bar byed pa'i rjod byed kyi ming la
bya ba dang/ ming gis gsal bar byed rgyu'i rang mtshan ni/ 'di ni
gzugs kyi ngo bo nyid do zhes bya ba

sogs dang/ bye brag gi mtshan nyid ni yid du 'ong mi 'ong dang/
gzung ba'i mtshan nyid ni gzugs sogs kyi steng gi gzung bya'i
mtshan nyid rnams dang/ 'dzin pa'i mtshan nyid ni rang rang gi yan
lag dang yon tan rnams rang gi

mtshan nyid du 'dzin cing rang 'dzin pa'i yul can rnams kyang
sdud pa dang/ de las gzhan pa'i ming rnams kyi don so sor tha
dad pa'i rjes su 'jug par 'gyur ba mi rung ngo zhes shar nub kyi
nyer sbas lta bu don so so tha dad pa la ming gcig

'jug pa med du mi rung bas skra ni rang yul la dngos dbang gis
'jug pa mi rung ba'i don dang/ yod pa'i don la 'jug par 'gyur
ram med pa'i don la 'jug par 'gyur zhes pa rang mtshan gyis yod
pa'i don la 'jug gam med pa'i

don la 'jug ces pa dang/ dngos po brtags pa'i skabs su bstan zin
ces pa chos lnga bstan pa'i skabs su bstan ces pa dang/ mtshan
nyid med pa'i don la 'jug par 'gyur ba de'i don ni de ltar yod
pa yin la zhes pa rang mtshan gyis  

med pa'i don de rang mtshan gyis grub pa de ltar yod pa min zhes
pa'i don no/ /de ni rgyu mtshan bzhi ba byis pas zhen pas mngon
zhen rig pa'i rgyu mtshan te/ de chos can/ de ltar zhen pa yin
te/ byis pa rnams kyis rang la snang tshod kyi

@292a @#/ /don de ji ltar snang ba ltar ngo bo nyid kyis yod pa
ma yin pa la yod par sgro 'dogs pa'i phyir/ sgyu ma'i rta glang
la rta glang gi snang zhen yod pa'i skye bos don de la snang
tshod ltar gyi rta glang med pa la yod par sgro 'dogs pa

bzhin/ zhes pa'o/ /de nyid las/ gzhan yang byis pa thams cad ni
mtshan ma la brjod pas bcings pa yin pa'i phyir ming ji lta ba
dang/ rjod pa ji lta ba bzhin du dngos po la ngo bo nyid du
mngon par zhen pa yin par blta

bar bya ste/ nas/ 'di lta ste/ dper na so so skye bo phung po
rnams la bdag med pa la mkhas pa ni phung po tsam la bdag tu nye
bar 'dogs pa tsam nyid du lta yang/ de'i bag la nyal ma spangs
pa'i phyir/ de la bdag tu mngon

par zhen pa mi 'byung ba yang ma yin pa bzhin du 'dir yang tshul
de bzhin du blta bar bya'o/ /zhes thog med nas mtshan 'dzin gyi
bag chags kyis bcings pas chos rnams tha snyad kyi gzhir rang
mtshan gyis grub par 'dzin pa

ste/ 'di'i mtshan ma ni chos kyi bdag 'dzin gyis sgro btags pa'i
yul de gzhir bzhag la yid du 'ong mi 'ong sogs kyi mtshan mar
'dzin pa'i rnam rtog gi spros pa la bya'o/ /de ni rgyu mtshan
lnga pa bag chags kyis bcings

pas mngon zhen rig pa'i rgyu mtshan te/ de chos can/ de ltar zhen
pa yin te/ thog med nas mtshan 'dzin gyi bag chags kyis bcings
pas chos rnams tha snyad kyi gzhir rang mtshan gyis grub par
'dzin pa'i phyir/ sgyu

@292b ma'i rta glang la rta glang gi snang zhen yod pa'i skye bo
sgyu ma'i rdzas sngags kyis bslad pas rde'u shing rta glang du
snang ba bzhin/ zhes pa'o/ /rgyu mtshan phyi ma rnams mngon zhen
rig pa'i rgyu mtshan du 'gro tshul rgyu mtshan dang po dris lan

byas pa lta bus rgyu mtshan de dag nges par byas rjes de dag rgyu
mtshan du byas te so skye la mngon zhen yod pa rig par byad gos
sam brtag go ! /spro na/ dka' 'grel las/ byang sar kun btags
rang gi mtshan nyid kyis grub

pa 'gog pa na rang re'i ston pa'i lung gis bkag pas skabs 'di'i
phyogs snga smra ba por phyi rol ba med par grub la/ zhes pa'i
sgras zin ltar na gzhung las/ rang sde yang yod la/ zhes pa'i
yang sgra'i nus pa mi thon pas sngar ltar

bya ste yig cha'i dgongs pa'o/ /sems tsam pa'i lugs la sgra'i
brjod bya'i rang ldog rtog btags ma yin par thal/ gzhung las/
sgra'i brjod bya'i rang ldog rtog btags yin yang de'i gzhi ldog
tu rang mtshan 'ong ba'i lugs

dang ga la mtshungs/ zhes gsungs pa'i phyir na ma khyab ste/ des
ni sgra'i brjod bya'i rang ldog rtog btags su 'dod mi 'dod kyi
khyad phye ba min gyi/ de'i gzhi ldog tu dgag bya'i rang mtshan
'ong mi 'ong gi khyad phye ba yin pa'i

phyir/ rin chen sgron mer/ nyan thos sde bas sgra'i brjod bya'i
rang ldog rtag pa yin zer yang de'i brjod byar rang gi gnas tshod
kyi dbang gis grub par 'dod pas sgra rtog gi tha snyad 'jug pa'i
gzhi'i rang ldog rtag pa yin

@293a @#/ /yang gzhi ldog sngo sogs rang mtshan 'ong bar 'dod pa'i
sems tsam pa dang mi mtshungs pa'i phyir/ zhes bshad pa yig cha
sogs dang mi mthun no/ /gnyal ston dka' 'grel mchan du/ sems
tsam pas sngon

po tha snyad 'jug pa'i gzhi rang mtshan gyis ma grub par 'dod pa
dang/ mdo sde pas sngon po gzugs zhes pa'i sgra'i brjod bya yin
pa don dam par rang mtshan gyis ma grub par 'dod pa gnyis mi
mtshungs pa de'i don bshad de brtag

go ;kho na re/ gzugs chos can/ khyod khyod 'dzin rtog pa'i zhen
gzhir rang mtshan gyis grub par thal/ khyod khyod 'dzin rtog pa'i
zhen gzhi yin pa gang zhig /khyod rang mtshan gyis grub pa'i
phyir na 'gal ba bo/ /gzhan

yang/ sngo 'dzin mig shes la sngon po sngon por snang ba ltar
grub pas sngon po sngon por rang mtshan gyis grub pa dang/ sngo
'dzin dbang shes la sngon po sngon po'i tha snyad kyi gzhi'i
snang tshul ltar rang mtshan gyis ma grub pas sngon po

sngon po'i tha snyad kyi gzhir rang mtshan gyis ma grub pa'i
khyad par dang/ sngon po sngo 'dzin mig shes la snang tshul ltar
ma grub pa'i khyad par sogs kyang zhib mor shes dgos so/ /rgyu
lnga la/ zin bris/ pra sti'i drang nges rgyas

pa/ dran dbang yid yangs sogs su ming rgyu mtshan rnam rtog de
bzhin nyid yang dag pa'i ye shes te dngos po lngar byas pa mi
'thad de/ de sngar ltar ngos 'dzin dgos pa bsdu ba ha cang gsal
ba'i phyir dang/ dngos

@293b po lnga byis pa'i mngon zhen rig pa'i rgyu mtshan la sbyor
na/ gzhi grub na byis pa'i mngon zhen rig pa'i rgyu mtshan du
sbyar chog par thal ba'i phyir ro/ /rin chen sgron med/ dris lan
gyis mngon zhen rig pa sogs rgyu snga dang ming

sogs dngos po lnga don 'dra bar byas te ming sogs dngos po lngas
byis pa'i mngon zhen rig tshul mang du bshad pa dang/ zegs mar/
rgyu lnga la lnga tshan de gnyis ka yod par bshad pa ni kun
mkhyen par ba'i ljags bshad kyi rting gnon

pa'i rtsal bshad tsam du zad do/ /rgyu lnga'i dang po'i skabs
kyi dris lan byed tshul/ gzugs zhes pa'i ming 'jug gzhir dngos
dbang gis grub pa'i rang bzhin de gang yin/ zhes dang/ gzugs
zhes pa'i tha snyad kyi gzhir rang mtshan gyis

grub pa de gang yin/ zhes dang/ gzugs zhes pa'i tha snyad kyi
gzhir gnas tshod kyis grub pa'i ngo bo nyid gang yin/ zhes dang/
gzugs zhes pa'i ming gang la dngos dbang gis 'jug pa'i don de'i
ngo bo nyid gang yin/ zhes dri ba

dang/ de mthun gyi lan byed pa rnams grub mthas yid bsgyur pa
dag la dris lan byed tshul du song bas byis pa'i mngon zhen rig
pa'i rgyu mtshan du sbyor ba la grub mtha' la zhugs ma zhugs gang
la dris na'ang lan gyis sgro 'dogs lhan skyes

kyi zhen tshul mngon par byed nus pa zhig dgos pas dris lan byed
tshul sngar bshad pa ltar ro/ /yig cha rnying bar 'chad 'gyur gyi
lan gsum yod par bshad kyang gnyis las mi 'byung ba 'dra'o/
/gnyis pa de ji ltar 'gog pa'i

@294a @#/ /tshul la gnyis/ dgag pa dngos dang/ de la rtsod pa
spang ba'o/ /dang po la gsum/ rang 'dzin rtog pa'i zhen gzhir
rang mtshan gyis grub pa 'gog pa'i rigs pa dang/ gzung 'dzin
rdzas tha dad 'gog

pa'i rigs pa dang/ dgongs 'grel las bshad pa'i stong tshul shes
pa gal che bar bstan pa'o/ /dang po la gnyis/ rang 'dzin rtog
pa'i zhen gzhir rang mtshan gyis grub pa 'gog pa'i rigs pa dgong
pa dang/ rigs pa de dag gis

rnam rig tsam la 'jug tshul bshad pa'o/ /dang po la gsum/ rigs pa
dngos skyon spong dang bcas pa dang/ de las 'phros pa'i don
gzhan bshad pa dang/ sngar bshad pa'i rtsod pa lhag ma'i lan
bshad pa'o/ /dang po ni/

dgongs 'grel las/ zhes sogs byung/ de la/ zhes gsungs so/ yan
gyis mtshams sbyar te rigs pa rnams gang las gsungs pa'i khungs
bkod/ bkag go /yan gyis rigs pa rnams bkod/ de man gyis rigs

pa de'i skyon spong ston te/ dgongs 'grel du/ stong gzhi gzhan
dbang ngo bo dang khyad par du kun btags pa'i kun btags kyis
stong bar sgrub pa'i rigs pa gsal bar ma gsungs pa gdul byas
rtogs par bya ba'i phyir du byangs

las/ gal te chos gang dag dang dngos po gang la ji ltar rjod pa
'jug pa bzhin du chos de dag dang dngos po de de'i bdag nyid du
'gyur na ni/ zhes sogs kyis rigs pa gsum dang/ bsdu ba las/ gal
te ngo bo nyid gang

@294b gis rgyu mtshan rnam par bzhag pa de la de dang mthun pa
nyid kyi ming nye bar 'dogs par byed pa'i phyir/ zhes sogs kyis
rigs pa gsum gsungs shing/ theg bsdus su/ stong gzhi gzhan dbang
gi ngo bo ngo bo dang khyad par du

kun btags pa'i bdag nyid de ngo bor so skye phal ba la snang ba
ltar grub pa de'i bdag nyid ma yin par cis mngon pa ste cis shes
zhes dri ba bkod nas/ lan du don de la ming de btags pa'i snga
rol na don de la chos de'o snyam pa'i

blo skye ba med pas chos de'i brda byas pa don de'i bdag nyid du
song ba 'gal ba dang/ don gcig la ming mang bas don gyi bdag
nyid mang por 'gal ba dang/ don ma 'dres pa'i ngo bo la ming
nges pa med pas bdag 'dres par 'gal

ba ste rigs pa gsum gyis gzhan dbang kun btags kyis stong pa
'grub par gsungs so/ /rigs pa 'god pa la/ de la chos de'i/ sogs
kyis rigs pa gsum dang/ gzugs sogs rtog pa'i zhen gzhi/ sogs
kyis brda mi

shes pa'i dgag bya sgro 'dogs de la kha spos te 'gog tshul dang/
byang sar don sngar yod la/ sogs kyis byangs las bshad pa'i rigs
pa mi 'dra ba'i khyad par bstan pa las/ rigs pa dang po chos
de'i bdag nyid du 'gal bas

gzhan dbang ngo bo dang khyad par du kun btags pa'i kun btags
kyi ngo bos stong pa 'grub tshul ni/ lto ldir ba chos can/ bum
pa'i ming btags pa'i snga rol nas khyod la bum pa'o snyam pa'i
blo skye ba yod par thal/ khyod yul du skyed

@295a @#/ /pa'i bum brda'i yul can gyi blo yang brda la mi ltos
pa'i phyir/ de chos can/ der thal/ khyod bum pa'o zhes pa'i tha
snyad kyi gzhir brda'i dbang gis ma bzhag par song ba'i phyir/
de chos can/ der thal/

khyod bum pa'i tha snyad kyi gzhi yin par rang mtshan gyis grub
pa'i phyir/ des na/ de chos can/ khyod ngo bo dang khyad par du
kun btags pa'i kun btags kyi ngo bos stong pa yin te/ khyod la
bum pa zhes brda sbyar ba de khyod kyi bdag

nyid dam sdod lugs su song bar 'gal ba yin pa'i phyir te/ khyod
la bum pa'i ming btags pa'i snga rol nas bum pa'o snyam pa'i blo
skye ba med pa'i phyir/ de skad du theg bsdus las/ ming gi snga
rol na blo med pas de'i bdag nyid du

'gal ba dang/ zhes dang/ ming gi snga rol blo med phyir/ /de yi
bdag nyid/ 'gal bas 'grub par 'gyur/ /zhes gsungs te/ byang sa
las/ gal te 'dogs pa'i tshig nye bar 'dogs pa'i snga rol nas/
gzugs de

gzugs kyi bdag nyid yin te/ phyis kyang gzugs kyi bdag nyid la
gdags pa'i tshig gis bsdus pa'i gzugs su nye bar 'dogs par byed
na yang/ de lta na ni gzugs zhes 'dogs pa'i tshig nye bar 'dogs
pa de med bzhin du

yang gzugs zhes bya bar 'gyur ba'i chos dang/ gzugs zhes bya bar
'gyur ba'i dngos po des gzugs kyi blo 'jug par 'gyur bar rigs na
mi 'jug ste/ de bas na gtan tshigs 'di dang rigs pa 'dis chos
thams cad

@295b brjod du med pa'i ngo bo nyid du khong du chud par bya'o/
/gzugs la ji lta ba bzhin du tshor ba la sogs pa nas/ than mya
ngan las 'das pa'i bar du ji skad bstan pa'i chos rnams la'ang
de bzhin du rig par bya'o/ /zhes gsungs

pa yang 'di dang gnad 'dra ste/ de'i dngos zin gyi thal 'gyur
la/ gzugs chos can/ skye bo su la'ang tha snyad ma sbyar bar
khyod la gzugs so snyam pa'i blo skye bar thal/ khyod gzugs zhes
pa'i sgra 'jug pa'i gzhir dngos dbang

gis grub pa'i phyir/ zhes dang/ de'i sbyor ba la/ de chos can/
khyod gzugs zhes pa'i sgra 'jug pa'i gzhir dngos dbang gis ma
grub ste/ skye bo su la'ang tha snyad ma sbyar bar khyod la
gzugs so snyam pa'i blo mi skye ba'i phyir/

zhes pa 'di 'god dgos la/ de theg bsdus kyi rigs pa 'di dang
gnad gcig pa'i phyir/ bsdu ba las/ des na nye bar 'dogs pa'i
sngon ngol na/ ji ltar ming rnam par bzhag pa bzhin du rgyu
mtshan la de'i blo 'byung bar 'gyur ba

dang/ zhes gsungs pa yang 'di dang gnad gcig ste/ de'i dngos zin
gyi thal 'gyur la/ rgyu mtshan te gdags gzhi lto ldir ba chos
can/ khyod mthong tsam nas 'di bum pa'o snyam pa'i blo 'byung
bar thal/ khyod bum pa zhes

pa'i ming brda'i 'jug gzhir dngos dbang gis grub pa'i phyir/
zhes dang/ de'i sbyor ba la/ de chos can/ khyod bum pa zhes pa'i
ming brda'i 'jug gzhir dngos dbang gis ma grub ste/ khyod mthong
tsam nas 'di bum pa'o snyam 

@296a @#/ /pa'i blo mi 'byung ba'i phyir/ zhes pa 'di 'god dgos
la/ de theg bsdus kyi rigs pa 'di dang gnad gcig pa'i phyir/ 'di
ni theg bsdus dang bsdu ba'i rigs pa dang po dang byang sa'i
gsum pa yin no/ /

rigs pa gnyis pa don gcig nyid don gyi bdag nyid mang por 'gal
bas gzhan dbang ngo bo dang khyad par du kun btags pa'i kun
btags kyi ngo bos stong pa 'grub tshul ni/ sum cu rtsa gsum pa'i
bdag po chos can/ gang

zag rgyud tha dad pa du mar 'gyur bar thal/ khyod la brgya byin
dang dbang po dang grong 'joms sogs ming du ma 'jug pa de dngos
dbang gis 'jug dgos shing/ rtog pa la ji ltar snang ba de ltar
du dngos po la gnas pa'i phyir/

des na/ de chos can/ khyod ngo bo dang khyad par du kun btags
pa'i kun btags kyi ngo bos stong pa yin te/ khyod don gcig yin
pa dang/ gang zag rgyud tha dad pa mang por 'gyur ba 'gal ba yin
pa'i phyir/ de skad du theg

bsdus las/ ming mang pos bdag mang por 'gal ba dang/ zhes dang/
mang ba'i phyir dang/ bdag mang dang/ /'gal bas 'grub par 'gyur/
/zhes gsungs te/ byang sa las/ gal te chos gang dag dang/ dngos
po gang

la ji ltar rjod pa 'jug pa bzhin du chos de dag dang dngos po de
de'i bdag nyid du 'gyur na ni/ de ltar na chos gcig pu dang/
dngos po gcig pu'i ngo bo nyid rnam pa sna tshogs mang por 'gyur
bar rigs so/ /de ci'i phyir zhe na/

@296b 'di ltar chos gcig pu dang dngos po gcig pu la mang po dag
gis rnam pa sna tshogs mang por rjod cing 'dogs te nye bar 'dogs
par byed la/ 'dogs pa'i tshig rnam pa sna tshogs mang po dag las
'dogs pa'i tshig gang yang

rung ba gcig cig chos de dang dngos po de la de'i bdag nyid dang
de'i rang bzhin gyi ngo bo nyid du 'gyur la/ 'dogs pa'i tshig
lhag ma gzhan dag ni ma yin zhes bya ba'i nges pa ci yang mi
dmigs te/ de bas na 'dogs pa'i tshig

thams cad ni mtha' dag gam/ kha cig kyang rung ste/ chos thams
cad dang dngos po thams cad kyi de'i bdag nyid du 'gyur ba yang
med la/ de'i rang bzhin gyi ngo bo nyid du 'gyur ba yang med do/
/zhes gsungs pa yang 'di

dang gnad 'dra ste/ de'i dngos zin gyi thal 'gyur la/ sum cu
rtsa gsum gyi bdag po lta bu'i chos gcig chos can/ khyod ngo bo
tha dad pa du ma yin par thal/ khyod ming brda du ma 'jug pa'i
gzhir rang mtshan gyis grub pa'i phyir/

zhes pa dang/ de'i sbyor ba la/ de chos can/ khyod ming brda du
ma 'jug pa'i gzhir rang mtshan gyis ma grub ste/ khyod ngo bo tha
dad pa du ma ma yin pa'i phyir/ zhes pa 'di 'god dgos la/ de
theg bsdus kyi rigs pa 'di dang

gnad gcig pa'i phyir/ bsdu ba las/ rgyu mtshan gcig la yang nye
bar 'dogs pa mang pa'i phyir dang/ sna tshogs pa'i phyir bdag
nyid mang po 'thob par 'gyur/ zhes gsungs pa yang 'di dang gnad
gcig ste/ de'i dngos

@297a @#/ /zin gyi thal 'gyur la/ gdags gzhi sum cu rtsa gsum
pa'i bdag po chos can/ khyod gang zag du ma yin par thal/ khyod
ming mi 'dra ba du ma'i 'jug gzhir rang mtshan gyis grub pa'i
phyir/ zhes pa dang/ de'i

sbyor ba la/ de chos can/ khyod ming mi 'dra ba du ma'i 'jug
gzhir rang mtshan gyis ma grub ste/ khyod gang zag du ma ma yin
pa'i phyir/ zhes pa 'di 'god dgos la/ de theg bsdus kyi rigs pa
'di dang gnad gcig pa'i phyir/

'di ni theg bsdus dang bsdu ba'i rigs pa gnyis pa dang byang
sa'i dang po yin no/ /rigs pa gsum pa don ma 'dres pa'i ngo bo
'dres par 'gal bas gzhan dbang ngo bo dang khyad par du kun
btags pa'i kun btags kyi ngo

bos stong pa 'grub tshul ni/ nyer sbas zhes ming 'dra ba'i shar
nub kyi skyes bu gnyis chos can/ khyod don gcig pa'i gang zag
yin par thal/ khyod la nyer sbas zhes pa'i ming gcig po de 'jug
pa'i tshe 'di nyer sbas so snyam

pa'i blo skye ba la khyad med cing/ nyer sbas zhes pa'i ming
dang nyer sbas so snyam pa'i rtog pa yang khyod la dngos dbang
gis 'jug pa'i phyir/ des na/ de chos can/ khyod ngo bo dang
khyad par du kun btags pa'i kun btags kyi  

ngo bos stong pa yin te/ khyod don ma 'dres pa yin pa dang/ phan
tshun 'dras pa 'gal ba yin pa'i phyir te/ nyer sbas zhes pa'i
ming khyed la dngos dbang gis 'jug na rtog pa la snang ba ltar
don la gnas dgos pa la/ don

@297b so so la ming brda yang so sor yod pa'i nges pa med pa'i
phyir/ de skad du theg bsdus las/ ming nges pa med pas bdag
'dres par 'gal ba nyid kyi phyir ro/ /zhes dang/ mnges phyir/
/bdag 'dres 'gal bas 'grub par

'gyur/ /zhes gsungs te/ ming de'i 'jug gzhir rang mtshan gyis
grub par 'dzin pa chos kyi bdag 'dzin yin na/ lto ldir ba la
'di'i ming la bum pa zhes bya'o zhes brda sbyor mi shes pa la
chos kyi bdag 'dzin med par

'gyur ro snyam na skyon med de/ de 'dra la yang lto ldir ba rang
'dzin rtog pa'i zhen gzhir rang mtshan gyis grub par 'dzin pa'i
dgag bya sgro 'dogs yod pa'i phyir te/ gzugs sogs rtog pa'i zhen
gzhi yin pa de rang mtshan

gyis grub par 'dzin na yang gzugs sogs ming du btags pa'i gnas
su rang mtshan gyis grub par 'dzin pa dang 'dra ba'i phyir te/
stong thun las/ brda la ma byang ba'i rgyud kyi dbang shes
la'ang snang tshul brda la byang ba dang

khyad par med mod kyi/ de lta na'ang rjes kyi rtog pa la snang
tshul ltar gyi don spyi shar yang de'i tha snyad kyi sgra spyi ma
shar bas snang tshul ltar gyi brda sbyor ma shes pa tsam zhig
khyad par ro/ /zhes gsungs pa'i phyir/ de'i phyir ming brda

mi shes pa la dgag bya sgro 'dogs yod la de 'gog pa'i tshe ming
rtog kha sbos pas chog cing/ de kha spo tshul yang/ rtog pa'i
snga rol blo med phyir/ /zhes sogs sbyor tshul shes par bya la/
rigs pa gsum po de'i thal 'gyur

@298a @#/ /skabs gzhung dang/ sbyor 'god skabs zeg bsdus kyi don
bkral yod do/ /byang sa'i rigs pa gnyis pa ming ma btags pa'i
ming don med par thal ba theg bsdus kyi gsum pa dang mi 'dra
tshul ni/ byang

sa las/ gzhan yang gal te gzugs la sogs pa'i chos sngar ji skad
bstan pa rnams 'dogs pa'i tshig gi ngo bo nyid yin du zin na/ de
lta na ci dngos po sngar byung la/ phyis de la dga' mgur 'dogs
pa'i tshig nye bar 'dogs

na ni; 'dogs pa'i tshig gis nye bar 'dogs pa'i snga rol 'dogs
pa'i tshig gis nye bar ma btags pa'i tshe/ chos de dang dngos po
de ngo bo nyid med pa kho nar 'gyur ro/ /ngo bo nyid med par
gyur na yang dngos po med pa la ni

'dogs pa'i tshig gis nye bar gdags su mi rung ngo/ /'dogs pa'i
tshig gis nye bar 'dogs pa med na yang/ chos dang dngos por 'dogs
pa'i tshig gis ngo bo nyid du yod par mi rung ngo/ /zhes gsungs
pa'i don ni/ don de'i

ngo bo ste lto ldir ba lta bu chos can/ sngar yod la phyis ming
'dogs na bum pa'o zhes ma btags pa'i tshe khyod med par thal/
khyod bum pa'o zhes pa'i tha snyad kyi gzhir rang mtshan gyis
grub la/ ming ni de'i skabs su med pa'i phyir/

des na/ de chos can/ khyod ming brda'i yul du rang mtshan gyis ma
grub ste/ ming ma btags pa'i snga rol tu khyod yod pa'i phyir/
zhes pa ste theg bsdus dang mi 'dra'o/ /gzhung gi ma btags pa'i
tshe yang ngo bo yod pa la/

@298b sogs kyis byang sa'i rigs pa gsum pa theg bsdus kyi dang
po dang gnad gcig pa de nyid bstan te/ thal sbyor gnyis sngar
song zin pa ltar ro/ /'di la theg bsdus dang mi 'dra ba'i khyad
par yod nas 'dir gsungs pa ma yin

par; rgya mtsho'i sprin las/ de ltar sngar dngos po med pa nyid
du 'gyur ba'i nyes par thal bar 'gyur ro/ /de lta bu'i skyon
spangs pa'i phyir sngon nas de lta bu'i ngo bo nyid yin no zhes
smras na/ de'i phyogs la skyon gzhan yod par

bstan pa'i phyir smras pa/ gal te 'dogs pa'i tshig ces bya ba la
sogs pa la/ zhes gsungs pa ltar rigs pa gsum pa gnyis pa'i lan
'gog byed yin pa'i rgyu mtshan gyis yin la/ byang sa rang du'ang
rigs pa gnyis pa'i

mgor gzhan yang zhes pa'i tshig byung zhing gsum par ma byung ba
yang de'i gnad kyis yin nam snyam mo/ /bsdu ba'i rigs pa gsum pa
ming sgra rtog la rag las mi rung bar thal ba'i rigs pa ni/ de
nyid las/ de'i phyir nye bar  

'dogs pa rgyu mtshan la rag las par mi rung ngo/ /zhes gsungs
pa'i don ni/ lto ldir ba chos can/ khyod la bum pa zhes pa'i
ming 'dogs pa sgra rtog la rag las mi rung bar thal/ khyod bum
pa zhes pa'i ming gi 'jug

gzhir rang mtshan gyis grub pa'i phyir/ des na/ de chos can/
khyod bum pa zhes pa'i ming gi 'jug gzhir rang mtshan gyis ma
grub ste/ khyod la bum pa zhes pa'i ming 'dogs pa sgra rtog la
rag las pa'i phyir ro/ /zhes pa ste theg

@299a @#/ /bsdus dang byang sa gang dang yang mi 'dra'o/ /rigs pa
de dag gi skyon spong la/ nyan thos sde ba dag na re/ skyon de
dag mi 'jug ste/ bum pa lta bur mtshon na gang la bum brda 'dogs
pa'i dngos yul

bum pa'i don spyi de don bum pa de'i ngo bor rang mtshan gyis
grub na brda 'brel byas pa la mi ltos par bum pa'o snyam pa'i
ming gi blo skye bar thal ba sogs skyon gsum yong na'ang/ lto
ldir ba bum brda 'dogs pa'i gnas

dang rtog pa'i zhen gzhi yin pa de rang mtshan gyis grub par 'dod
pa la skyon de gsum 'jug par mi 'gyur ba'i phyir ro zer na/ des
ni skyon spong mi nus te/ lto ldir ba chos can/ bum brda sbyar
ba'i snga rol tu yang khyod la

bum pa'o snyam pa'i blo skye bar thal/ khyod bum 'dzin rtog pa'i
zhen gzhi yin pa rang mtshan gyis grub pa'i phyir/ zhes sogs rigs
pa gsum rigs bsgres nas bkag chog pa'i phyir zhes pa ni/ nyan
thos sde ba dag smra mod kyang

'dra'o/ /zhes pa'i don no/ /gnyis pa ni/ de ltar na gzugs sogs/
zhes sogs byung/ ming brdas bzhag tsam la yod med gnyis gzhung
du gsal ba ltar la/ 'on kyang nyan thos sde bas ma 'khrul bar
'dod pa'i dbang

shes kyi snang yul rang mtshan gyis ma grub na yod par 'jog mi
shes la/ rnam rig pas bag chags brtan byung gi dbang shes la
snang ba'i don yang yin/ ming brda'i yul du rang mtshan gyis ma
grub pa yang yin pa'i gzhi

@299b mthun 'jog shes mod/ thal 'gyur ba ltar ming rkyang btags
yod tsam la rgyu 'bras 'jog mi shes par/ ming brdas bzhag tsam
yin phyin chad de la rgyu 'bras mi rung ste/ rgyus 'bras bu
skyed na bden grub kyi rgyus bden grub kyi

'bras bu skyed dgos pa'i phyir/ zhes 'di ba 'dod do/ /don smra
gnyis kyis gzugs sogs rang 'dzin rtog pa'i zhen gzhi dang/ brda
'dogs pa'i gnas su rang mtshan gyis grub pa khegs na de yod pa
tsam du'ang 'jog mi nus

te; gzugs sogs 'dzin pa'i dbang shes la gzugs sogs ngo bo dang
khyad par gyi tha snyad 'jug pa'i gzhir rang gi gnas tshod kyis
snang ba de snang ba ltar du grub par 'dod pa'i phyir/ de bzhin
du nam mkha' lta bu la'ang de

'dzin pa'i rtog pa'i zhen gzhir de gnas tshod kyis grub pa khegs
na yod par 'jog mi shes pas chos gang la'ang rang 'dzin rtog
pa'i zhen gzhir rang mtshan gyis grub pa khegs na chos de yod par
'jog mi shes so/ /tshad ma ba la  

grags pa'i rang mtshan ni min no/ /zhes pa don smras dbang shes
ma 'khrul ba la tha snyad kyi gzhir snang ba'i gzugs sogs/ rnam
'grel las/ gzhal bya gnyis phyir tshad ma gnyis/ /sogs kyi skabs
su grags pa'i rang mtshan du

mi 'dod par ston pa dang/ rnam rig pas dbang shes la de ltar
snang bar 'dod pa'i kun btags pa'i gzugs sogs de 'dra'i rang
mtshan du ston pa gang yang min te/ rnam 'grel gyi de don byed
nus pa la rang mtshan du ston pa'i

@300a @#/ /gzhung yin zhing/ dbang shes ma 'khrul ba'i snang yul
dang don byed nus stong gi gzhi mthun 'dod pa'i mdo sde ba med
la/ rnam rig pas don de nyid ming brdas bzhag tsam dang don byed
nus pa gnyis kar

mi 'dod pa'i phyir te/ des ming brdas bzhag tsam la rgyu 'bras
'jog mi shes pa'i phyir/ mdo sde bas chos de tshad ma bar grags
pa'i rang mtshan yin pa khegs kyang de yod par 'jog mi shes pa
min te/ nam mkha' de 'dra'i rang

mtshan min yang yod par 'jog shes pa'i phyir/ rnam shes rtog pa'i
zhen gzhi yin pa don dam par ma grub pa dang/ rnam shes don dam
par grub pa gnyis mi 'gal ba bum med sogs kyi dpes bstan to/
/gsum pa ni/

de'i phyir/ ming ni/ zhes sogs byung/ de la/ bzhin no/ /yan gyis
rtsod pa bzhi pa dang/ de man gyis lnga ba'i lan ston pa las/
rtsod pa bzhi ba la ma khyab ste/ ming ni gang dang gang gis su/
/sogs nyan thos sde bas 'dod

pa'i mdo yin yang de'i don rnam rig pas bshad pa dang khyad med
pa ma yin pa'i phyir te/ rnam rig pas chos kyi bdag med kyi chos
nyid dang/ mdo sde bas gang zag gi bdag med kyi chos nyid kyi
don du 'grel ba sngar bshad zin pa

ltar yin pa'i phyir dang/ gzhan dbang ngo bo dang khyad par du
kun btags pa'i kun btags kyis stong pa chos kyi bdag med du
bsgrubs zin pa de'i phyir/ dpe gzhung ltar ro/ /rtsod pa lnga ba
la rtags ma grub ste/ stong tshul 'di la

@300b rnam rig tsam gyi don yod pas bcad phyi ma 'dir 'chad par
'gyur ba ltar yin pa gang zhig /gzhan dbang ngo bo dang khyad
par du kun btags pa'i kun btags kyi ngo bor rang mtshan gyis grub
par 'dzin pa des bzung ba ltar med pa

gtan la phab pa'i ngon shes sgrib dag byed rnam dag lam gyi
dmigs par 'thad pa'i phyir/ phyi ma grub ste/ sngar bshad pa'i
ngo bo dang khyad par du btags pa ltar rang mtshan gyis grub par
'dzin pa shes sgrib kyi gtso bo yin pa'i phyir/ /

rtsod pa tha ma gnyis kyi lan 'dir bzhag pa'i dgos pa ni/ ming
ni gang dang gang gis su/ /sogs kyi don nyan thos sde bas bshad
pa dang mi 'dra bar shes pa dang/ stong tshul 'di la rnam rig
tsam gyi don med pa min pa dang/

chos kyi bdag med shes sgrib dag byed kyi dmigs par bshad pa mi
'thad par mi 'gyur tshul dpyis phyin shes pa la rigs pa gsum gyis
gzhan dbang ngo bo dang khyad par du kun btags pa'i kun btags
kyi ngo bor rang mtshan gyis

med par sgrub pa gal che bas de ltar bsgrubs zin pa'i rjes su
gsungs pa yin no/ ! /spro na/ kha cig na re/ bsdu ba thad 'dir
rigs pa gnyis las ma gsungs par thal/ de'i phyir nye bar 'dogs
pa rgyu mtshan la rag las pa

mi rung ngo/ /zhes pas dam bca' tsam bstan pa'i phyir zer na/ de
mi 'thad de/ bsdu ba las/ rigs pa gsum zhes gzhung las 'byung
bas rigs pa gsum yod dgos shing/ de yang dka' 'grel dang yig
char bshad pa 

@301a @#/ /dgongs par son pa'i phyir/ kha cig bsdu ba las bshad
pa'i rigs pa gsum ni theg bsdus las bshad pa gsum dang rim par
don gcig yin te/ gnyal ston dka' 'grel las/ sgyu ma'i rde'u
shing rta

glang du snang lang der med pa bzhin du/ lto ldir ba bum pa zhes
pa'i sgra'i 'jug gzhir rang gi mtshan nyid kyis grub par snang
yang der med pa dang/ brgya byin dbang po dang grong 'joms kyi
sgra 'jug pa'i gzhir rang gi mtshan nyid kyis

grub par snang yang der med pa dang/ shar nub kyi nyer sbas
gnyis nyer sbas zhes pa'i sgra 'jug gzhir rang gi mtshan nyid
kyis grub par snang yang der med pa'i dpe don sbyor bar byed do/
/zhes bsdu ba'i rigs pa gsum ngos

bzung nas/ don sbyor ni theg bsdus kyi rigs pa gsum po ji lta ba
bzhin no/ /zhes gsungs pa'i phyir na dpyad par bya ste/ de ltar
ros bzung ba'i rigs pa tha ma ston byed bsdu bar mi snang ba'i
phyir/ rin chen sgron

mer/ bsdu ba'i gnyis pa theg bsdus kyi dang po dang 'dra bar
bshad pa sogs kyi bsdu ba'i rigs pa'i go rim yig cha dang bstun
pa las theg bsdus kyi go rim ltar min la/ byang sa'i gnyis pa
dang bsdu ba'i dang po gnyis gsum

pa dang cha 'dra bar bshad pa brtag dgos te/ de gnyis kar bdag
'bras 'gal ba'i rigs pa ma gsungs pa'i phyir/ kho na re/ bsdu
ba'i rigs pa gsum pa la'ang theg bsdus dang mi 'dra ba'i gsal
cha mdzad dgos par

@301b thal; byang sa'i rigs pa gnyis pa la de ltar mdzad pa'i
phyir na dpyad bya'o/ /mdo sde bas kyang sgra rtog yul la dngos
dbang gis mi 'jug par 'dod dbang gis 'jug par 'dod mod/ 'di bas
sgra rtog yul la dngos

dbang gis 'jug na skyon du ma 'byung bas chos thams cad sgra
rtog gi gzhir rang mtshan gyis grub na sgra rtog yul la dngos
dbang gis 'jug dgos pa rigs pa'i 'phul byas par mun sel du
gsungs pa ltar ro/ /kha cig  lto

ldir ba la bum pa'o snyam pa'i rtog pa mi skye ba'i skabs med
par thal/ lto ldir ba la bum brda ma btags pa'i skabs med pa'i
phyir te/ lto ldir ba dang bum pa don gcig yin pa'i phyir zer
na/ kha cig ma khyab zer ba dang/ kha

cig /spyir lto ldir ba la bum pa'o snyam pa mi 'byung ba'i skabs
med kyang/ bum brda ma sbyar ba'i gang zag gi ngor lto ldir ba
la bum pa'o snyam pa'i rtog pa mi skye ba'i skabs yod pa'i zhib
cha dgos zer ba dang/ la las/ rgyu

mtshan de'i phyir lto ldir ba la bum brda ma byas pa'i skabs yod
par khas len dgos te/ gang zag bye brag pa la lto ldir ba nges
nas bum pa ma nges pa yod pas spyir lto ldir ba nges nas bum pa
ma nges pa yod par khas len pa bzhin

yin pa'i phyir zer ba dang/ kha cig  ba lang gi rgyud na bu'i
don 'dzin rtog pa yod kyang bu 'dzin rtog pa med de/ de la bu'i
don der bu'o snyam pa skye mi nus pa'i phyir te/ de bu'i brda mi
shes pa'i gang zag yin pa'i phyir zer ba

@302a @#/ /dang; gzhan dag  de ltar na de la bu'i don 'dzin rtog
pa yang med de/ des bu'i don gyi brda mi shes pa'i phyir zer ba
dang/ la las/ de ltar na bum brda ma sbyar ba'i gang zag gis
kyang bum pa'i ming

ngag nas 'dogs mi shes kyang yid kyis lto ldir ba la bum brda
sbyor ba'i phyir te/ bu'i brda ngag nas 'dogs ma shes kyang yid
kyis rjod pas bu'o snyam pa skye nus pa bzhin yin pa'i phyir zer
ba rnams la dpyad do/ /rgol

ngan tshar gcod ltar na/ mdo sde bas spyi mtshan dngos med yin pas
rang mtshan min par 'dod kyang/ spyi mtshan spyi mtshan zhes pa'i
sgra'i 'jug gzhir rang gi mtshan nyid kyis ma grub na yod par
'jog mi shes pas de ltar

grub par 'dod do/ /de'i phyir rang mtshan dang rang gi mtshan nyid
kyis grub pa la khyad phye nas/ mdo sde ba gzugs sogs rang 'dzin
rtog pa'i zhen gzhir rang gi mtshan nyid kyis grub pa 'gog pa'i
phyogs snga smra ba po yin pa

dang; des chos thams cad rang gi mtshan nyid kyis grub par khas
len kyang shes bya la rang mtshan yin min gnyis 'byed de paN chen
bsod grags sogs kyang 'di dang mthun no/ /yig cha las/ 'di ba'i
lugs la de

ltar grub pa na der rang mtshan gyis grub par 'gyur/ nyan thos
sde bas gzhi der de ltar grub pa la rab mtshan gyi ming mi 'dogs
kyang don 'dra ba'i phyir/ zhes dang/ bsdus chen las/ rang mtshan
dang/ rang gi mtshan

@302b nyid kyis grub pa dang/ don dam par grub pa dang/ bden par
grub pa dang/ gzhan dbang dang/ dngos po rnams don gcig pa'i
phyir/ zhes gsungs pa stong thun las/ mdo sde ba rang gis rang
mtshan gyi ming ma btags

kyang sems tsam pa ltar na mdo sde bas de la rang mtshan gyi don
khas blangs par song ba'i don te/ zhes dang/ gzugs sogs ngo bo
dang khyad par gyi tha snyad kyi gzhir rang gi mtshan nyid kyis
grub par rtog pa la snang ba'i snang ba

tsam ni rang gi mtshan nyid kyis ma grub pa'i sgro btags sru mdo
sde bas kyang grub zin/ ces dang/ mdo sde bas gzugs sogs sgra'i
brjod bya yin pa dang/ gzugs sogs rtog pa'i zhen yul yin pa rang
gi mtshan nyid kyis

grub pa bkag nas spyi mtshan du 'dod pa dang/ zhes dang/ de yang
mdo sde ba dag gi lugs la sngon po gzugs yin par rang gi mtshan
nyid kyis grub cing/ sngon po gzugs yin pa de nyid sngon po
gzugs so snyam du zhen

pa'i rtog pa'i zhen yul yin yang/ de de 'dra ba'i rtog pa'i zhen
yul yin pa rang gi mtshan nyid kyis ma grub cing sgro btags yin
la/ zhes dang/ mdo sde ba'i lugs la rang ngos nas grub pa tsam
gyis rang gi mtshan nyid kyis

grub par mi 'gro yi/ rtog pas bzhag pa la gtan ma ltos par rang
ngos nas grub na rang gi mtshan nyid kyis grub par 'gro bas spyi
mtshan dang sgra byas mi rtag gi tha dad sogs rang gi mtshan nyid
kyis ma grub po zhes smra/ zhes

@303a @#/ /sogs kyi sgras zin dang mthun no/ /blo gling bas/ don
smra gnyis kyis zhes dmigs kyis bkar ba la dgos pa med par thal/
sems tsam pas kyang ming brda 'jug pa'i gzhing rang gi gnas tshod
kyis

sam rang ngos nas grub pa khegs na yod par 'jog mi shes pa'i
phyir te/ des yod na de ltar grub pas khyab par 'dod pa'i phyir
zer na ma khyab ste/ lugs 'dir gnas tshod kyis ma grub na yod par
'jog mi nus la/ ming brda

'jug pa'i gzhir gnas tshod kyis grub na chos bdag tu 'gyur ba'i
phyir/ kha cig  mdo sde bas kun btags rang mtshan gyis ma grub
par ma rtogs par thal/ kun btags rang mtshan gyis ma grub par
rtogs na de rang 'dzin rtog

pa'i zhen gzhir rang mtshan gyis ma grub par rtogs dgos pa gang/
de ltar rtogs pa'i mdo sde ba med pa'i phyir/ dang po grub ste/
thar lam gsal byed las/ spyis stong par nges na bye brag gis
stong bar nges pas khyab pa grub po/ /

zhes gsungs pa'i phyir na gzhan dag ma khyab ste/ de gnyis de'i
lugs la don gcig yin pa'i phyir zer/ yang kha cig  mdo sde bas
de ma rtogs par thal/ des de rtogs na des gang zag rang rkya
thub pa'i rdzas yod kyis grub pas

stong ba'ang rang mtshan gyis ma grub par rtogs par 'gyur ba'i
phyir zer/ gzhan dag  mdo sde bas kun btags rang mtshan gyis ma
grub par rtogs par thal/ des kun btags dngos med du rtogs pas
spyi mtshan du

@303b rtogs dgos/ der rtogs na rang mtshan gyis ma grub par rtogs
dgos pa'i phyir dang/ yang/ des de rtogs par thal/ des kun btags
rtogs pa'i phyir/ khyab ste/ rtog pas btags tsam kun btags kyi
'jog byed

du byed dgos shing/ de rtogs na tsam sgra'i don rang mtshan gyis
grub pa bkag nas rtogs dgos pa'i phyir zer na brtag go /yig
char/ 'di bas theg dman gyi mdo'i gzhung tshig tu gyur ba'i theg
chen gyi mdo yod par bzhed pas/

srid 'pho'i mdo chos kyi bdag med dngos su ston pa'i mdo min
yang/ ming ni gang dang gang gis su/ /sogs de yin pa mi 'gal
zhing/ mdo tshig de nyan thos sdeb la bstan kyang de'i dgongs pa
mthar thug de la ston mi dgos

par bzhed mod/ rje btsun pas/ mdo tshig de theg dman gyi mdo yin
yang chos kyi bdag med bstan pas de'i thun mong min pa'i mdo ma
yin par gsungs shing/ mun sel du/ rje'i kun gzhi las/ theg dman
gtsug lag

rnams su ni/ /kun gzhi rtsa ba'i rnam shes dang/ /zhes sogs ltar
theg dman gyi sde snod du kun gzhi bstan par gsungs pa dang/
sa'i stod 'grel du kun gzhi sgrub byed kyi lung bcu bdun drangs
pa las bzhi tsam theg dman gyi lung yin

pas rje btsun pa'i de 'thad par gsungs so/ /gnyis pa rigs pa de
dag gis rnam rig tsam la 'jug tshul bshad pa la gnyis/ theg bsdus
kyi don bzhin rnam rig tsam la 'jug tshul dngos dang/ de la rtsod
pa spang ba'o/ /dang

@304a @#/ /po ni; rigs pa 'di dag gis; zhes sogs byung/ sngar
bshad pa'i rigs pa gsum sogs kyis rnam rig tsam gyi de kho na
nyid la ji ltar 'jug snyam na/ chos thams cad rang rang gi ming
'dogs pa'i

gnas yin pa dang/ rang rang 'dzin pa'i rtog pa'i zhen gzhi yin
pa gnyis don dam par grub pa khegs pa na/ don de ming dang don
dang ming don gyi 'brel ba gsum la brten nas ngo bo dang khyad
par du don rang gi gnas tshul

gyi ngos nas sgra rtog gi yul du grub pa lta bur snang ba'i rtog
pa chos can/ khyod kyi yul chos bdag med par ma zad de ltar grub
par 'dzin pa'i 'dzin stangs ma 'khrul ba yang med de/ khyod la
ji ltar snang ba ltar gyi zhen

sa'i don te yul rang 'dzin rtog pa dang ngo bo tha dad du grub
pa med pa'i phyir/ snyam nas gzung 'dzin gnyis med kyi rnam rig
tsam la 'jug ste/ theg bsdus las/ 'di ltar byang chub sems dpa'/
zhes sogs gsungs

pa'i phyir ro/ /de'i don ni/ byang sems sbyor lam pa 'tshol
bzhi'i sgo nas rnam rig tsam gyi de kho na nyid mngon sum du
rtogs pa'i mthong lam la 'jug par brtson pa lta bu la mtshon na/
yi ge ste ming dang/ ming de 'jug pa'i  

don gnyis snang ba'i yid kyi rjod pa ste rtog pa la snang ba'i
don ma zad/ ming de yang rtog pa'i bdag nyid tsam du zad pa ste
de tsam las don gyi sdod lugs kyis 'jug pa yod med yang dag par
dpyod pa ni 'tshol ba dang po ming

@304b 'tshol tshul dang/ ming ma zad/ rtog pa de la snang ba'i
ming 'jug gzhir gyur ba'i don de yang rtog pa'i bdag nyid tsam
las don gyi sdod lugs kyis grub pa yod med yang dag par dpyod pa
ni gnyis pa don 'tshol tshul

dang; don de la de'i ming btags pa'i ngo bo de yang chos de 'o
zhes ngo bo nyid du btags pa tsam las don gyi sdod lugs kyis
grub pa yod med yang dag par dpyod pa ni gsum pa ngo bo nyid du
'dogs pa 'tshol tshul dang/ gzugs

skyes so zhes sogs khyad par du ming btags pa'i ngo bo de yang
khyad par du btags pa tsam las don gyi sdod lugs kyis grub pa
yod med yang dag par dpyod pa ni bzhi ba khyad par du 'dogs pa
'tshol tshul dang/ de ltar btsal ba

la brten nas shes pa bzhi skye tshul ni/ 'tshol ba bzhis btsal ba
ltar ming don sogs don gyi sdod lugs kyis ma grub pa de'i phyir
ming de rtog pa'i bdag nyid tsam du dmigs pa'i ming yongs su
shes pa dang/ ming dang ldan pa'i don

de ngo bo dang khyad par du btags pa tsam du dmigs pa'i don
yongs su shes pa dang/ ngo bo nyid dang khyad par du 'dogs pa ji
ltar snang ba ltar gyi don gyi mtshan nyid dam sdod lugs su mi
dmigs par rtogs pa'i ngo bo nyid du gdags pa

yongs su shes pa dang/ khyad par du gdags pa yongs su shes pa
bzhi skye zhing/ de lta bu'i shes 'tshol bzhi la brten nas ming
don snang ba'i rtog pa de dag la ji ltar snang ba ltar med par
rtogs te rnam par rig pa tsam du 'jug go

@305a @#/ /zhes pa'o/ ! /'dir/ shes 'tshol bzhi'i rnam gzhag la/
mdo sde rgyan kun btus theg bsdus byang sa sogs las byung ba
ltar ming yongs su 'tshol ba dang/ don rnam dngos po yongs su
'tshol ba dang/

ngo bo nyid du gdags pa yongs su 'tshol ba dang/ bye brag gam
khyad par du gdags pa yongs su 'tshol ba ste 'tshol ba bzhi dang/
ming 'tshol bar gyur ba yang dag pa ji lta ba bzhin shes pa dang/
de bzhin du sbyar te don rnam dngos po

'tshol bar gyur pa dang/ ngo bo nyid du gdags pa 'tshol bar gyur
pa dang/ khyad par du gdags pa 'tshol bar gyur pa yang dag pa ji
lta ba bzhin du shes pa ste shes pa bzhi las/ ming de don de la
gnas tshod kyi dbang gis zhugs pa

yin min dpyod pa'i 'tshol ba de 'tshol ba dang po yin te/ mdo sde
rgyan gyi dbyig 'grel las/ de la dngos po la ming glo bur ba
nyid du yongs su 'tshol ba ni ming yongs su 'tshol ba yin par rig
par bya'o/ /zhes gsungs pa'i phyir/

de la dbye na/ ming gi tshogs dang/ tshig gi tshogs dang/ yi ge'i
tshogs gsum po re re la de ltar 'tshol ba gsum dang/ 'tshol ba bzhi
bo re re la tshad ma dang/ yid dpyod dang/ bcad shes gsum re
dang/ kun rdzob dang don dam

rnam can gnyis re yod/ 'tshol ba so so'i sgo nas rnam rig tsam la
'jug tshul sngar theg bsdus kyi tshig don bshad pas shes nus so/
/don de ming de'i gzhir gnas tshod kyi dbang gis grub ma grub
dpyod pa'i 'tshol ba de 'tshol

@305b ba gnyis pa yin te/ de nyid las/ ming la dngos po glo bur
ba nyid du yongs su 'tshol ba ni dngos po yongs su 'tshol ba yin
par rig par bya'o/ /zhes gsungs pa'i phyir/ don de la ming de
btags pa de gnas tshod kyi dbang gis grub ma

grub dpyod pa'i 'tshol ba de 'tshol ba gsum pa dang/ don de sngar
med gsar byung la don de'i skye ba'o zhes sogs khyad par du
btags pa gnas tshod kyi dbang gis grub ma grub dpyod pa'i 'tshol
ba de 'tshol ba bzhi ba yin te/ de nyid

las; de gnyis 'brel ba la ngo bo nyid dang khyad par 'dogs pa
dag gdags pa tsam du yongs su 'tshol ba ni ngo bo nyid dang khyad
par 'dogs pa yongs su 'tshol ba yin par rig par bya'o/ /zhes
gsungs pa'i phyir/ ming yongs

su 'tshol bas ji ltar btsal ba ltar ma grug par rtogs pa'i blo de
shes pa dang po ste/ des lhag ma rnams la'ang rigs 'dra/ sa
mtshams lam ma zhugs chos kyi bdag med la dpyod blo rnyed pa nas
sa bdun pa'i bar du 'tshol ba dang/

chos kyi bdag med rtogs pa'i lta ba rnyed pa nas mi slob lam gyi
bar shes pa yod de/ sa bdun pa mtshan ma med pa'i sar 'jog pas de
yan chad na stong nyid don spyi'i sgo nas rtogs pa med pa'i
phyir/ ! spro na/ kha cig na re/ rtog pa  

dang rtog med la ltos pa'i chos kyi bdag med gnyis la rags phra
yod par thal/ de gnyis la rtogs dka' sla yod pa'i phyir na ma
khyab/ rtags grub ste/ snga ma rtogs pa la brten nas phyi ma
rtogs par gzhung 'di dang stong thun las

@306a @#/ /gsungs pa'i
phyir/ de la kho na re/ rtogs dka' ba'i
khyad par de ltar mi 'thad par thal/ de gnyis las snga ma rtogs
dka' ba'i phyir te/ gzugs rang 'dzin rtog pa'i zhen gzhir rang
gi mtshan nyid kyis grub

pas stong pa rtogs pa la/ gzugs dang gzugs 'dzin rdzas gzhan
gyis stong pa'i spyi sngon du 'char dgos pa'i phyir te/ stong
thun las/ rtog pa'i zhen tshul las dbang shes kyi snang tshul dgag
bya blo yul du 'char dka' bas/

thog mar snang tshul de ngos zin na de ltar du grub par zhen pa'i
rtog pa'i zhen tshul ltar grub pa 'gog pa'i tshul shes pa la khyad
che/ zhes gsungs pa'i phyir na ma khyab ste/ rang 'dzin rtog
pa'i zhen gzhir rang mtshan gyis ma grub par rtogs

pa la dbang shes la gzung 'dzin rdzas gzhan gyi snang tshul ngos
zin pa gal che ba'i don yin pa'i phyir/ dbyig 'grel las ming slo
bur du 'tshol ba zhes pa'i glo bur gyi don la kha cig /gnas lugs
kyi don la byed dgos te/ yig

cha las/ ming de don de la slo bur te gnas lugs kyi dbang gis
zhugs pa/ zhes gsungs pa'i phyir na ma khyab ste/ de ni ming de
don de la gnas lugs kyi dbang gis zhugs pa min par tha snyad
tsam du 'jug pa ming de don de la glo bur

du 'jug pa'i don du gsungs pa yin pa'i phyir/ kun btus dar TIka
tu/ ming gis don rjod pa na ming don gyi rang bzhin du ma grub
pa rtog btags tsam gyis don rjod par rtog pa ming 'tshol ba dang/
phung khams skye mched gsum

@306b ming gi sgo nas de gsum gyi gnas lugs mthar thug tu ma
grub par yid kyi rjod pa tsam du rtog pa dngos po 'tshol ba la
bshad pa dang/ gnyal ston gyis/ 'tshol ba rnams phyi don med par
yid la byed pa la byas so/ /kha cig 'tshol ba

gsum pa la ngo bo dang khyad par du 'dogs pa gnyis yod par thal/
dka' 'grel las 'tshol ba de gsungs pa na/ lto ldir pa la bum pa
zhes pa'i ming du btags pa'i ngo bo de yang 'di bum pa'o zhes
ngo bo nyid dang/ 'di bum pa'i skye ba'o

zhes khyad par du btags par zad pa tsam du yang dag par rtog la/
zhes gsungs pa'i phyir na/ rdo rje 'chang sam g+ha'i zhabs nas de
yig skyon dang/ theg bsdus su 'tshol ba phyi ma gnyis lhan cig
gsungs pa'i don 'grel phyir dkyus gcig

la 'bru bsnan nas/ khyad par du 'dogs pa 'tshol ba de'i 'og tu
khyad phye ba yin zhes 'jam pa'i dbyangs su d+hIHI zhabs gsung
ngo/ /grub mchan du/ rnam rtog tha ma bzhi'i zhen yul med pa don
spyi'i tshul du rtogs pa'i blo ni 'tshol ba

bzhi dang/ mngon sum du rtogs pa'i ye shes ni shes pa bzhir 'jog
go /zhes pa shes 'tshol gnyis kyi khyad par 'byed byed yin na mi
'thad de/ shes pa la stong nyid mngon sum du rtogs pa'i ye shes
kyis ma khyab pa'i phyir te/ de stong nyid

rtogs ma thag pa nas yod pa'i phyir byas pa la/ kho na re/ grub
mchan las bshad pa 'thad par thal/ dka' 'grel las/ byang chub
sems dpa' sbyor lam pa 'tshol ba bzhi'i sgo nas rnam par rig pa
tsam gyi de kho na nyid mngon sum du

@307a @#/ /rtogs pa'i mthong lam yongs su shes pa bzhi'i bdag
nyid can la 'jug par byed pa yin la/ zhes dang/ gnyal ston dka'
'grel las/ byang sems sbyor lam pa des 'tshol ba bzhi bsgoms
stobs kyis

mthong lam thob pa'i tshe ming dang don dang ngo bo nyid du 'dogs
pa dang khyad par du 'dogs pa bzhi shes pa las don gzhan du med
par mngon sum du rtogs pa'i ye shes bzhi la rim pa bzhin du ming
yongs su shes pa/ de ni yongs

su shes pa/ ngo bo nyid du 'dogs pa yongs su shes pa/ khyad par
du 'dogs pa yongs su shes pa zhes bya/ zhes gsungs pa'i phyir na
ma khyab ste/ de ni/ mdo sde rgyan las/ sa rnams kun la brten pa
yi/ /don rnams sgrub

par byed pa yin/ /zhes pa'i dngos bstan dang bstun nas mtshan
gzhe tsam bzung ba yin pa'i phyir/ yig char/ don dam dpyod pa'i
rigs shes dang gnas lugs rtogs pa'i sa mtshams dang bstan nas/
shes 'tshol bzhi'i

sa mtshams sgra yangs pa'i dbang du byas te/ gnas lugs la dpyod
blo rnyed pa nas mi slob pa'i bar du 'tshol ba dang/ gnas lugs
rtogs pa'i lta ba rnyed pa nas de'i bar du shes pa bzhi dang/
gnas lugs 'tshol bzhis btsal

te sgom pa'i sa mtshams lam ma zhugs nas rgyun mtha'i bar dang/
sangs rgyas sar gnas lugs btsal nas sgom pa med pa dang/ 'tshol
bzhis btsal ba ltar ma grub par mngon sum du rtogs pa 'phags lam
man chad na

@307b med la sangs rgyas kyi sar yod pas sgra dog pa'i dbang du
byas na 'tshol bzhi lam ma zhugs kyi gnas lugs sems pa nas rgyun
mtha'i bar dang/ shes bzhi chos kyi bdag med phra mo mngon sum
du rtogs pa nas mi slob pa'i bar

bzhag kyang/ sngar bshad pa ltar 'tshol bzhi sa bdun pa'i bar
'jog pa 'thad dam brtag go /stong nyid don spyi'i sgo nas rtogs
pa thams cad shes 'tshol gnyis las 'tshol ba kho na yin byas na
'tshol ba bzhi'i sa mtshams rgyun

mtha'i bar bzhag pa dang 'gal te/ rgyun mtha' ba'i rgyud na
stong nyid don spyi'i sgo nas rtogs pa med pas so/ /zhes mun sel
du gsungs shing/ yig char 'tshol ba 'bad rtsol dang bcas pa la
sbyar ro/ /shes bzhi ston pa'i theg

bsdus kyi gzhung lcang skya'i grub mthar sngar tshig 'grel skabs
bshad pa bzhin sbyar cing/ zab gsal sgron mer/ de'i phyir/ sogs
kyis dang po/ ming dang bcas pa'i don/ zhes pas gnyis pa/ ngo bo
nyid dang/ nas/ ngo bo nyid dang/  

zhes pa'i bar gyis gsum pa/ de man gyis bzhi ba bstan pa bshad
sbyar dang mthun zhes bshad kyang bshad sbyar mi gsal lo/ /gnyis
pa ni/ gal te 'di/ zhes sogs byung/ de la/ med pa grub po/ /yan
gyis shes 'tshol

bzhis rtog med shes pa la ltos pa'i rnam rig tsam la 'dug par mi
'thad pa'i rtsod spong dang/ 'gyur ba'i phyir ro/ /yan gyis rnam
shes rang 'dzin rtog pa'i zhen gzhir rang mtshan gyis grub pa
khegs na de snang ba'i rang rig snang

@308a @#/ /yul la 'khrul bar thal ba'i rtsod spong dang/ gsal bar
gsungs so/ /yan gyis sngon po rtog pa'i zhen gzhi yin pa de rtog
bral la mi snang ba'i rtsod spong dang/ de man gyis kun btags
gzhan la dogs pa gcod pa

las; dang po'i rtsod pa ni/ kha cig na re/ shes 'tshol bzhi'i sgo
nas rnam par rig pa tsam la 'jug tshul 'dis phyi don med pa'i
rnam rig tsam la 'jug pa mi 'thad par thal/ 'di yid shes rtog pa
la ltos pa'i gzung 'dzin

don gzhan khegs pa yin yang/ bag chags brtan byang gi rtog med
shes pa la ltos pa'i gzung 'dzin don gzhan khegs pa ma yin pa'i
phyir zhe na/ lan ni/ rtags ma grub ste/ sngon po rang 'dzin
rtog pa'i zhen gzhir rang

mtshan gyis grub pa khegs na sngon po phyi don du grub pa gzhir
byas kyis sngon po rang gi sdod lugs kyi ngos nas rang 'dzin
shes pa'i yul du grub pa dang sngon pos phar ngos nas rang gi
rnam pa tshur gtad de sngo 'dzin shes pa skyed pa

rigs pas khegs/ de khegs na sngon po phyi don du snang ba'i sngo
'dzin de snang yul la 'khrul bar 'grub ste/ sngon po de sngo
'dzin la snang ba na rang 'dzin rtog pa'i zhen gzhir rang mtshan
gyis grub pa'i phyi don du snang ba'i phyir/

de grub na/ sngon po chos can/ khyod rang snang ba'i shes pa las
rdzas gzhan du med de/ khyod kyis phar ngos nas rang snang ba'i
shes pa la tshur rnam pa gtad de rang 'dzin shes pa skyed pa ma
yin pa'i phyir zhes 'grub bo/ /gnyis/

@308b pa'i rtsod pa ni/ kha cig na re/ 'o na sngon po sngo 'dzin
rtog pa'i zhen gzhi yin pa de don dam par grub pa rigs pas khegs
na rnam shes rtog pa'i zhen gzhi yin pa de don dam par grub pa
rigs pas khegs par 'gyur/ de khegs na

rnam shes rtog pa'i zhen gzhi yin pa snang ba'i rang rig snang
yul la 'khrul bar 'grub ste/ de rang rig la snang ba na rang
mtshan gyis grub par snang ba'i phyir te/ sngon po sngo 'dzin
rtog pa'i zhen gzhi yin pa de de gsal bar snang ba'i dbang

shes la rang mtshan gyis grub par snang ba'i phyir/ gong du 'dod
na/ rnam shes myong ba gsal rig gi ngo bor rang mtshan gyis med
par thal/ rang rig de snang yul la 'khrul bar grub tshul 'thad
pa'i phyir/ 'dod na/ rnal

'byor spyod pa'i grub mthar dor bar 'gyur ro zhe na/ lan ni/ tsa
rtags bsgrubs mtshams la ma khyab ste/ rnam shes nyams myong gi
rang rig la rnam shes rtog pa'i zhen gzhi yin pa snang mi rung
la/ sngo 'dzin dbang shes la

sngon po phyi don du zhen pa'i zhen gzhi yin pa snang ba'i phyir
te/ rtog pa'i zhen gzhi yin pa de yul yul can rgyang chad kyi
gnyis snang nub pa'i rang rig dang gnyis snang thams cad nub
pa'i bar chad med lam sogs la 'char du mi

rung zhing/ gnyis snang can kyi sngo 'dzin dbang shes la do
snang ba mi 'gal ba'i phyir/ der thal/ rtog pa'i zhen gzhi de'i
spyi rtogs la 'char ba na rgyang chad kyi gnyis snang gi rnam pa
can du 'char ba'i phyir/ de la kho na re/

@309a @#/ /sngo 'dzin rtog pa nyams myong gi rang rig la'ang
rgyang chad kyi gnyis snang yod par thal/ sngon po'i don spyi
rtog pa la 'char ba na nges par rgyang chad kyi gnyis snang gi
rnam pa can du 'char ba'i phyir zer na/ rgyu

mtshan 'di rang rig gi shes pa la mtshungs pa ma yin te/ rang rig
myong tsam min par ma zad rtog pa la rang rig gi spyi 'char pa
na'ang myong tsam gyi rnam pa can du 'char ba'i phyir ro/ /kho
na re/ rnam shes rang rig la ji ltar snang

rtog pa la 'char tshul dang/ gzugs rtog pa'i zhen gzhi yin pa
rtog pa la 'char tshul gnyis mtshungs par thal/ rtog pa la gnyi
snang nges par yod pa'i phyir zer na/ ma khyab ste/ rtog pa la
gnyis snang yod pa dang yul de

gnyis snang gi rnam par 'char pa gnyis don mi gcig pa'i phyir
te/ de la yul yul can rgyang chad du snang ba ni de gnyis snang
dang bcas pa'i don dang/ de la yul de gnyis snang can du 'char
pa ni de la yul de gnyis snang gi rnam

par 'char ba'i don yin pa'i phyir/ de lta min na gnyis snang nub
pa rtog pa la 'char mi srid par khas len dgos na/ de yang mi
rigs te/ de ltar na gnyis snang nub pa mi srid par 'gyur ba'i
phyir/ gsum pa'i rtsod pa ni/ kha cig

sngon po rtog pa'i zhen gzhi yin pa chos can/ rtog bral gyi shes
pa la mi snang bar thal/ rtog pas bzhag tsam yin pa'i phyir
snyam na/ lan ni/ 'o na khyod rang la/ sgyu ma'i rta rta yin pa
chos can/ der thal/ de'i phyir/ khyab pa

@309b 'grigs/ des na gzhan dbang ngo bo dang khyad par du kun
btags pa'i kun btags kyis stong pa yongs grub tu dgongs 'grel
las gsungs pa de la gzung 'dzin rdzas gzhan bkag pa med pa'ang
min no/ /dgongs 'grel du

zhi gnas ston skabs phyi don dgag pa gsal bar gsungs pa ni/ bcom
ldan 'das rnam par blta bar bgyid pa'i ting nge 'dzin gyi spyod
yul gzugs brnyan gang lags pa de ci lags/ sems de dang tha dad
pa zhes bgyi'am

tha dad pa ma lags pa zhes bgyi/ byams pa/ tha dad pa ma yin
zhes bya'o/ /ci'i phyir tha dad pa ma yin zhe na/ gzugs brnyan
de rnam par rig pa tsam du zad pa'i phyir te/ byams pa/ rnam par
shes pa ni dmigs pa rnam par rig pa tsam

gyis rab tu phye ba yin no zhes ngas bshad do/ /zhes sogs so/
/kun btags gzhan la dogs pa gcad pa ni/ gong du ro bo nyid gsum
gyi ngo bo ngos bzung ba'i skabs/ mdo 'di'i kun btags ngos bzung
ba'i skabs gnyis kar ngo

bo dang khyad par du btags pa tsam min pa'i kun btags gzhan ma
gsungs pa'i rgyu mtshan ni 'chad par 'gyur ro/ /zhes zhal 'phangs
mdzad pa'i don 'dir ston par/ spyir kun btags la spyi mtshan
rnams dang nam mkha'

sogs yod par ma zad/ dgongs 'grel dang de'i ngo bo nyid ngos
bzung ba'i skabs su tha' gsungs pa yod de/ der mtshan nyid ngo bo
nyid dang kun btags bstan/ yongs grub kyi dper nam mkha' yang
gsungs pa'i phyir/ de

@310a @#/ /lta mod kun btags ngos 'dzin mdo rgyas kyi skabs ngo
bo dang khyad par du kun btags pa'i kun btags tsam las gzhan
pa'i kun btags mtshan gzhir bzung nas kun btags yin par dngos su
ma

gsungs pa la dgos pa yod de/ kun btags gang gis stong pa yongs
grub tu 'jog pa la ngo bo dang khyad par du kun btags pa'i kun
btags las nam mkha' sogs mi mkho ba'i phyir/ kun btags thams cad
sgra rtog gis

btags pa tsam yin mod/ de las nam mkha' dang sgra rtag stong
sogs mang po zhig ming brda tsam gyis 'jog mi nus pa'i chos yin
no/ /'on kyang de dag rang mtshan gyis grub pa min te/ de dag
rtog pas btags pa tsam yin

pa'i phyir ro/ ! /spro na/ kha cig sngon po rang 'dzin rtog pa'i
zhen gzhir rang mtshan gyis ma grub pa rtogs na/ sngon po dang
sngo 'dzin shes pa gnyis rdzas tha dad kyis stong pa rtogs dgos
par thal/ sngon po rang 'dzin rtog

pa'i zhen gzhir rang mtshan gyis ma grub pa rtogs pas rnam rig
tsam la 'jug pa'i phyir na ma khyab ste/ de rtogs na phyi don du
grub pa'i sngon po de ltar ma grub par rtogs pa sogs kyis rnam
rig tsam la 'jug pa yin yang/

sngon po sngo 'dzin rtog pa'i zhen gzhir rang mtshan gyis ma grub
pa sngon du rtogs nas/ sngon po dang sngo 'dzin rdzas tha dad
kyis stong pa rjes su rtogs dgos pa'i phyir/ rtog pa la spyi
'char ba na/ zhes pa dka' 'grel dang yig

@310b char rtog pa la rang rig gi spyi 'char ba dang/ gnyal ston
gyis shes pa'i spyi rtog pa la 'char ba la sbyar pa las snga
ma'i rjes su 'brangs shing/ rtsod pa 'god tshul gyi zur mi 'dra
ba dag las sngar bkod pa yig cha ltar ro/ /rnam pa

gcig tu na shes pa de rtog med shes pa la snang ba na rgyang
chad kyi gnyis snang yod par thal/ de'i spyi rtog pa la 'char ba
na gnyis snang gi rnam can du 'char ba'i phyir na ma khyab ste/
rtog pa'i zhen gzhi'i snang tshul 'di shes pa'i snang tshul

la mi mtshungs pa'i phyir te/ shes pa rtog med rang rig la snang
tshe rgyang chad kyi gnyis snang med pa'i phyir/ der thal/ rtog
pa la shes pa snang ba'i rang rig gi spyi 'char ba na myong tsam
gyi rnam can du 'char ba'i phyir/ zhes bshad

kyang rung ngam brtag go /kho na re/ rang rig chos can/ gnyis
snang can gyi blo ma yin par thal/ rgyang chad kyi gnyis snang
nub pa'i phyir na ma khyab ste/ de 'dra'i gnyis snang nub kyang
kun rdzob kyi gnyis snang 'byung bas snga ma nub

pas gnyis snang nub par mi 'gro la/ phyi ma nub na gnyis snang
gzhan gang yang mi 'byung bas de nub pas gnyis snang nub par
'jog pa'i phyir/ kha cig gnyis snang nub pa med par thal/ gnyis
snang dang bral ba med pa'i phyir

na ma khyab ste/ de dang bral na spros pa dang bral dgos pa
gang/ spros bral mi srid par lam rim chung du sogs las gsungs
pa'i phyir/ dang po grub ste/ spros bcas dang spros med kyi don
ni gnyis snang gi spros pa yod med la byed pa'i 

@311a @#/ /phyir; rtsa bar 'dod mi nus te/ gzhung las/ gnyis
snang nub pa mi srid par 'gyur ba'i phyir ro/ /zhes gsungs pa'i
phyir/ kha cig /ji lta ba rtogs pa'i rnam mkhyen chos can/ gnyis
snang nub pa'i blo

yin par thal/ ji lta ba la ltos te gnyis snang nub pa'i blo yin
pa'i phyir na ma khyab/ 'dod mi nus te/ khyod la kun rdzob kyi
gnyis snang yod pa'i phyir/ des na gnyis snang dang bral ba'i
shes pa yin na slob pa'i mnyam gzhag rnam par

mi rtog pa'i ye shes yin pas khyab byas pa la/ kho na re/ de
chos can/ gnyis snang dang bral ba'i chos yin par thal/ de dang
bral ba'i shes pa yin pa'i phyir na ma khyab ste/ thal 'gyur
ba'i lugs la tshad ma mi slu ba'i shes pa

yin yang mi slu ba'i chos ma yin pa bzhin yin pa'i phyir/ yig
char/ stong thun las/ dbang shes la skra shad du snang ba'i
snang pa dang/ nas/ gzugs kyi skye mched yin te/ zhes pa drangs
nas/ sgyu ma'i rta glang kun btags

pa'i gzugs kyi skye mched yin par gsungs kyang/ kun btags pa'i
gzugs zhes pa las kun btags pa'i gzugs kyi skye mched ces pa'i
tha snyad gzhung khungs ma gzhan las mi 'byung zhing/ stong
thun
las

gsungs pa ni/ 'jug pa'i rnam bshad las/ gzugs brnyan yang gzugs
kyi skye mched du bzhed pa yin te/ nas/ tshul de dag ni mig la
rta glang du snang ba'i sgyu ma dang brag ca sogs la yang shes
par bya ste/ lugs dam

@311b pa 'di yi rnam gzhag thun mong ma yin pa'o/ /zhes gsungs
pa ltar yin pas skabs 'dir khas blang mi rung ngo/ /bstan dar
lhar mas pa'i gcig du bral du/ sgyu ma'i rta dang rmi lam gyi
rta gnyis 'phral gyi 'khrul rgyus bslad

pa'i shes pa'i snang ba tsam du mtshungs shing/ rnam 'grel las/
shes kun don ldan phyir zhe na/ /zhes sogs kyis rmi lam gyi rta
ldan min min pa dang/ stong thun las/ sgyu ma'i rta glang rtog
pas btags pa yin pa'i phyir/

zhes pas de kun btags yin par bsgrubs nas sgyu ma'i rta glang
dngos po min par bshad pa la/ phar phyin zhib char/ rnam 'grel
gyi lung don rmi lam gyi sngo sogs snang ba'i shes pa bye smras
ming spyi ldan min gzung don du byas nas

skyes par 'dod pa 'gog byed yin gyi/ rmi lam ldan min min par
ston pa min pa dang/ sgyu ma'i rta rtag pa min te/ mdo sde rgyan
las/ de med na ni de yi rgyu/ /gsal bar dmigs pa ji lta ba/
/zhes dang/ dbyig 'grel las/ ji

ltar sgyu ma byas pa de med na de'i rgyu shing la sogs pa'i don
yang dag pa gsal bar dmigs pa de bzhin du/ zhes dang/ gzhung
las/ des na rgyu rkyen las skye bas gzhan dbang yang dag par yod
mi dgos te/ gzhan du na sgyu

ma la sogs pa'i rdzun pa rnams kyang bden pa'i dngos por 'gyur
ro/ /zhes gsungs pa'i phyir/ des na bsdus grwa rtsom 'phro ltar
sgyu ma'i rta glang dngos po dang/ de yang mdo sems gnyis dang
rang rig 'dod pa'i rang rgyud pas

@312a @#/ /ldan min dang/ bye smra legs ldan thal 'gyur bas gzugs
kyi skye mched du 'dod par bshad cing/ stong thun gyi don sgyu
ma'i rta rta yin pa rtog pas btags tsam yin pa'i don dang/ 'jug
pa'i rnam bshad kyi/

lugs dam pa 'di yi rnam gzhag thun mong ma yin pa'o/ /zhes pa
gzugs sgra rang mtshan gyis grub par snang ba'i dbang shes dang
gzugs brnyan byad bzhin du snang ba'i dbang shes gnyis snang yul
la 'khrul ma 'khrul 'dra ba dang/

sgyu ma'i rta rtar med kyang rtar snang ba'i sgyu ma'i rta yod
pa bzhin du sngo sogs rang mtshan gyis grub pa med kyang der
snang ba'i sngo sogs tha snyad du yod pa dpe don sbyor ba thal
'gyur ba'i thun mong min par gsungs pa'i don yin par bshad

do; /kha cig na re/ dgongs 'grel las nam mkha' sogs kun btags su
bstan par thal/ der nam mkha' sogs bstan pa gang zhig /de kun
btags yin pa'i phyir na ma khyab/ yang kho na re/ dgongs 'grel
du kun btags

ngos 'dzin skabs kun btags kun btags su gsungs par thal/ chos
rnams kyi mtshan nyid ngo bo nyid med pa nyid gang zhe na/ kun
btags pa'i mtshan nyid gang yin pa'o/ /zhes sogs gsungs pa'i
phyir na ma khyab ste/ des

kun btags mtshan nyid ngo bo nyid med pa yin pa dang de'i rgyu
mtshan sogs las kun btags kun btags su gsungs pa ma yin pa'i
phyir/ kha cig na re/ gzhung las/ de dag gi mang po zhig ming
dang brdas 'jog mi nus pa'i

@312b yod pa yin/ zhes sogs gsungs pa mi 'thad par thal/ kun
btags yin na ming brdas bzhag pas khyab pa'i phyir te/ dgongs
'grel las/ ming dang brdas rnam par bzhag pa gang lags pa de ni
kun btags pa'i mtshan

nyid lags te/ zhes gsungs pa gzhung las kyang sor bzhag mdzad
pa'i phyir zer na/ 'di la dka' 'grel las/ kun btags rang gi
mtshan nyid kyis ma grub pa'i don ming dang brdas bzhag pa tsam
du gsungs pas rang gi mtshan nyid

kyis yod med ni ming dang brda tsam la ltos nas bzhag ma bzhag
la byed pa spyir btang la yin/ zhes dang/ sgra rtag stong dang
phung po bdag med sogs sgra rtag pas stong ngo zhes dang/ phung
po bdag med do zhes pa'i tshig tsam gyis

'jog mi nus/ zhes dang/ kun btags de'i nang nas sgra rtag stong
dang phung po bdag med sogs mang po zhig ming dang brdas 'jog mi
nus pa'i yod pa yin/ zhes gsungs pas kun btags la ming brda tsam
gyis bzhag pa yin

dgos pa spyir btang dang/ sgra rtag stong dang phung po bdag
med
sogs ming brda tsam gyis 'jog mi nus pa dmigs bsal du bzhed dam
snyam la/ blo gling bas/ kun btags yin na ming brdas bzhag tsam
yin pas ma khyab ste/ sgra rtag stong

dang phung po bdag med lta bu ming brda tsam gyis 'jog mi nus
pa'i phyir/ 'o na de gnyis chos can/ rang mtshan gyis grub par
thal/ ming brdas bzhag pa ma yin pa'i chos yin pa'i phyir na ma
khyab ste/ de dag rtog pas btags tsam yin

@313a @#/ /pa'i phyir/ zhes pa dang/ rje btsun pas/ nam mkha' blo
yul du 'char ba rang gi ming brda blo yul du 'char ba la ltos mi
dgos pas ming brdas bzhag pa min pa dang/ sgra rtag stong dngos
stobs kyi rigs pas

sgrub dgos kyi/ brda dang grags pa tsam gyis 'jog mi nus pa ming
brdas bzhag pa min par gsungs shing/ chos bdag sogs ming brdas
bzhag tsam du 'dod do/ /bde legs nyi mas/ spyi mtshan ming brdas
'jog nus kyang

rang 'dogs byed kyi ming brdas rang nyid kun btags su 'jog mi
nus pa dang/ sbyin pa dar rgyas kyis/ nam mkha' ming brdas bzhag
pa yin yang bzhag tsam min pa dang/ gzhung gi mang po zhig ming
brdas 'jog mi nus zhes pa

ming brda tsam gyis 'jog mi nus pa'i don du bshad do/ /yig cha
las/ sgra rtag stong chos can/ ming brda tsam gyis bzhag pa yin
par thal/ ming brdas bzhag tsam yin pa'i phyir na ma khyab/
rtags grub ste/ rang zhes brjod

pa'i sgra dang rang 'dzin rtog pa gnyis kyis bzhag tsam gang
zhig /ming brda zhes pa'i tshig zur gyi ming de rjod byed kyi
sgra dang/ de'i tshig zur gyi brda rtog pa la byed pa'i phyir/
zhes dang/ 'dod mi rigs te/ sgra rtag stong du sgrub

pa'i rtags yang dag dang rjes dpag 'jug pa la don yod pa'i
phyir/ zhes gsungs so/ /yang snying las/ rang 'dzin rtog pa'i
zhen gzhir rang mtshan gyis grub pa chos can/ ming brdas bzhag
tsam ma yin par thal/ brda

@313b mi shes pa'i gang zag la'ang khyod kyi rnam pa 'char ba'i
phyir te/ dgag bya'i bden snang 'byung ba brda la mi ltos pa'i
phyir/ zhes dang/ sgra rtag stong ming brdas bzhag tsam yin
yang/ de ming brda tsam gyis 'jog mi nus pa

'gal ba med pa'i phyir/ der thal/ de ming brdas bzhag tsam yin
zhes pa'i tsam sgras rang mtshan gyis grub pa gcod la/ rang mtshan
gyis ma grub par khas len kyang dgos/ ming brda tsam gyis bzhag
pa yin zhes pa'i tsam sgras de

'jog byed sgra rtag stong ngo zhes pa'i sgra tsam dang/ de ltar
zhen pa'i 'dod dbang tsam gyis bzhag pa las dngos po'i stobs
shugs kyi rigs pas 'jog byed yod pa gcod la/ de ltar khas len mi
rung ba'i phyir/ zhes dang/

gzhan yang/ de dag gis sgra rtag stong ming brdas bzhag tsam ma
yin par 'dod pa dang/ rtog pas phar btags tsam du 'dod pa nang
'gal yin te/ ming brda zhes pa'i brda ni rtog pa la byed pa'i
phyir dang/ khyod ltar na/ de

chos can/ rtog pa tsam gyis bzhag pa yin par thal/ rtog pas
bzhag tsam yin pa'i phyir/ rtags khyab khas/ 'dod na/ dngos
stobs kyi rigs pas sgrub mi dgos par thal/ rtag pas stong ngo
snyam du zhen pa'i rtog pa tsam

gyis 'jog thub pa'i phyir/ 'dod mi nus te/ byas pa khyod sgrub
pa'i dngos stobs kyi rtags yang dag yin pa'i phyir/ zhes rje
btsun phyogs bkag pa la/ tshe brtan lha rams pas/ ming brda tsam
gyis bzhag pa dang ming brdas

@314a @#/ /bzhag pa tsam la khyad yod na/ chos bdag dang nam
mkha' la ming brda tsam gyis 'jog nus mi nus kyi khyad med par
thal ba dang/ brda mi shes pa'i gang zag gi rgyud kyi chos kyi
bdag 'dzin la chos bdag shar

kyang des de'i don 'jog mi shes la/ brda mi shes pa'i gang zag
gis nam mkha'i don 'jog shes pas de gnyis la ming brdas bzhag
tsam yin min gyi khyad yod pa dang/ rtog pas bzhag tsam zhes
pa'i rtog pa rang 'dzin rtog pa

dang; ming brdas bzhag tsam zhes pa'i brda sgra spyi 'dzin pa'i
rtog pa la byed pas nam mkha' rtog pas btags tsam yin yang ming
brdas bzhag tsam min byas na nang 'gal med pa dang/ brda mi shes
pa'i rgyud la brda yod

par thal/ de la rtog pa yod pa'i phyir/ zhes dang/ bum med brdas
bzhag tsam yin na bum pa tshad mas ma dmigs pa de bum pas dag
pa'i sa phyogs bum med du sgrub pa'i grags rtags yang dag tu
'gyur ba'i skyon 'byung

bar bshad de sgo mang la skyon bstan nas/ rang lugs la gzhung
las/ 'dir rang gi mtshan nyid kyis yod med bstan tshod ni ming
dang brda la ltos nas bzhag ma bzhag yin/ zhes chos de 'jog pa
ming brda la ltos dgos pa rang

mtshan gyis ma grub pa dang mi dgos pa rang mtshan gyis grub par
'jog pa'i mdo'i dngos bstan bstan tshod ltar gyi don bshad pa
las/ spying kun btags rang mtshan gyis ma grub pa'i don ni rtog
pas btags tsam yin pa la byed

@314b pas; chos gang yin yang de'i don blo la 'char ba ming la
nges par ltos dgos pa ming brdas bzhag tsam dang/ de 'jog pa
rtog pa la ltos pa ni rtog pas btags tsam gyi don yin no/ /des
na brda mi shes pa la'ang

thogs reg gis stong pa shar te lhung dogs pa'i 'jigs pa 'byung
bas nam mkha' 'jog pa ming brda la mi ltos pa dang/ sgra rtag
stong ming brda la ma ltos par sgra mi rtag rtogs pa'i shugs la
rtogs nus pas ming brda la mi ltos

par 'jog nus kyang/ ngo bo dang khyad par la kun btags pa'i kun
btags ming brda la ma ltos par 'jog mi nus par smra'o/ /de la
gzhan dag skyon dang po mi 'jug ste/ de gnyis la yul steng nas
grub ma grub kyi khyad yod pa'i phyir/

skyon gnyis pa la'o na/ chos bdag gi don chos can/ rtog pas
bzhag tsam ma yin par thal/ rang 'dzin rtog pas 'jog mi nus pa'i
phyir te/ brda mi shes pa'i gang zag gi rgyud kyi chos kyi bdag
'dzin gyis 'jog mi shes pa'i blo rtse 'thad

pa'i phyir/ rtsa bar 'dod mi nus te/ gzhung las/ sgyu ma rta
glang yin pa/ nas/ rtog pas bzhag pa tsam yin pa'i phyir ro/
/zhes gsungs pa'i phyir/ skyon gsum pa ni dpyad bya ste/ nam
mkha'i ming thos pa'i tshad ma rgyud ldan gyi

ba lang gis nam mkha'i ming rtogs pas de'i rgyud na tshad ma des
drangs pa'i nam mkha'i ming spyi'am sgra spyi 'dzin pa'i rtog pa
yod dgos la/ de ltar na des nam mkha' ming brdas 'jog nus par
'gyur ba'i phyir/ skyon bzhi pa yang mi

@315a @#/ /'jug ste/ de la 'dod lan thebs shing de'i rgyud na yod
na des shes mi dgos pa'i phyir/ skyon lnga ba'ang mi 'jug ste/
ming brda tsam gyis bzhag pa zhes pa'i tsam sgras yul gyi ngos
nas grub pa dang/ brda'i dbang

tsam gyis bzhag pa zhes pa'i tsam sgras dngos stobs kyis grub pa
gcod pa'i phyir/ des rang lugs bzhag pa la/ 'o na/ rang 'dzin
rtog pa'i zhen gzhir rang mtshan gyis grub pa chos can/ khyod
gang zag gang dang gang la 'char ba na

ming brda la nges par ltos nas 'char dgos par thal/ khyod mdo'i
dngos bstan gyi rang mtshan gyis ma grub pa yin pa'i phyir/ 'dod
na/ de chos can/ ming brda mi shes pa'i gang zag la mi 'char bar
thal/ 'dod pa'i phyir/ 'dod

na; de de'i rgyud kyi chos kyi bdag 'dzin la mi 'char bar thal
lo/ /zhes zer ro/ /de la gzhung las/ de nyid ming dang brdas
bzhag par gsungs pa ni sgra rtog gis btags pa tsam du zad pa'i
don no/ /zhes rtog pas btags

tsam dang ming brdas bzhag tsam khyad med par gsungs pas de
gnyis la khyad 'byed mi rung ngam snyam mo/ /dogs dpyod du/ de
dag gi mang po zhig ces pa'i de sgra spyi mtshan thams cad dang
nam mkha' sogs la snyegs pa'i

dbang du byas nas gnod byed bstan kyang/ spyir kun btags la
snyegs dgos pa gzhung bklags pa tsam gyis shes mod/ gzhung du
spyi mtshan thams cad dang nam mkha' zhes nam mkha' spyi mtshan
gyi nang nas zur du bkar

@315b ba'i rgyu mtshan dpyad dgos so/ /gnyis pa gzung 'dzin rdzas
tha dad 'gog pa'i rigs pa ni/ phyi rol la ltos pa'i/ zhes sogs
byung/ gzung 'dzin rdzas gzhan 'gog pa'i rigs pa la theg bsdus
las/ yi dwags dud 'gro  

mi rnams dang/ /lha rnams ji ltar rigs rigs su/ /dngos gcig yid
ni tha dad phyir/ /don ma grub par 'dod pa yin/ /zhes dngos po
gcig la rnam shes mi mthun pa skye ba'i rigs pa dang/ 'das sogs
de bzhin rmi lam

dang; gzugs brnyan rnam pa gnyis la yang/ /dmigs pa yod pa ma
yin pas/ /de la dmigs par rung phyir ro/ /zhes phyi don med
kyang shes pa yod pa'i dpe rmi lam dang gzugs brnyan la sogs
pa'i rigs pa dang/ don

ni don du grub gyur na/ /shes pa rtog pa med mi 'gyur/ /de med
pas na sangs rgyas nyid/ /'thob par 'thad pa ma yin no/ /zhes
phyi don med na 'bad pa med par grol ba'am 'bad kyang grol ba mi
thob par thal ba'i rigs pa dang

byang chub sems dpa' dbang thob dang/ /rnal 'byor ba la 'di ltar
yang/ /mos pa'i dbang gis sa la sogs/ /dngos po de ltar dmigs
par 'gyur/ /'di la su zhig blo ldan zhing/ /zhi ba grub pa thob
pa yis/ /chos kun yid

la byed pa la/ /de ltar don rnams snang phyir dang/ /mi rtog ye
shes rgyu ba la/ /don kun snang ba med phyir yang/ /don med
khong du chud par bya/ /de med pas na rnam rig med/ /ces shes pa
gsum dang rjes su mthun pa'i rigs pa 

@316a @#/ /ste bzhi bstan cing/ mi rtog ye shes yod mi 'gyur/
/zhes pa'i 'gyur legs la/ de las gzugs brnyan gnyis ni me long
nang gi byad bzhin gyi dang mi sdug pa'i ting nge 'dzin gyi
spyod yul gyi gzugs brnyan

gnyis dang/ blo ldan ni byang sems dang/ zhi ba ni zhi gnas
dang/ grub pa ni lhag mthong dang/ chos kun ni gsung rang yan
lag bcu gnyis dang/ de med pas na rnam rig med/ /ces pa phyi don
med pas na rnam rig tsam la don du

byas pa yang med ces pa ste/ lhag ma 'og tu rigs pa rnams 'god
pas shes so/ /nyi shu pa las/ 'di ltar rdul phran mi 'grub
phyir/ /drug gis cig car sbyar ba na/ /phra rab rdul cha drug tu
'gyur/ /drug po dag ni go gcig na/ /

gong bu'ang rdul phran tsam du 'gyur/ /zhes rdul phran cha med
'gog pa'i rigs pa dang/ chos kyi grags pas rnam 'grel nges las
phyi don 'gog pa'i rigs pa mang du gsungs mod kyang/ rnam 'grel
las/ don rig gang yin so

sor rig /mngon sum gang yin 'di nyid do/ /de ni gang gis don rig
yin/ /de 'dra las yin 'khrul bar 'gyur/ /zhes dang/ rnam nges
las/ tshad ma'i 'bras bu don rig pa 'di gang zhig mngon sum du
gyur pa'i

rig pa gang yin pa 'di nyid do/ /myong ba yod pa 'dis don de rig
pa yin par gang gis skyes pa dang 'dra ba dag gis so/ /'o na ni
yul mtshungs pa'i shes pa de ma thag yul du 'gyur ro/ /zhes sogs
dang/ rnam par

@316b shes pa yul dang 'dra ba yang ma yin te/ de la snang ba
rags pa'i rnam pa ni rdul phra rab so so ba rnams la med pa'i
phyir ro/ /nas/ de'i phyir gang zhig shes pa la 'dra bar byed
pa'i don gcig pu ni 'ga' yang yod pa ma yin no/ /

zhes gzung 'dzin gyi mtshan nyid skyes la 'dra ba 'gog pa'i rigs
pa dang/ phyogs glang gis dmigs brtag las/ dbang po rnam par rig
pa'i rgyu/ /phra rab rdul dag yin mod kyi/ /de mi snang phyir de
yul ni/ /rdul phran ma yin

dbang po bzhin/ /gang ltar snang de de las min/ /rdzas su med
phyir zla gnyis bzhin/ /de lta phyi rol gnyis ka yang/ /blo yi
yul du mi rung ngo/ /zhes rdul 'dus pa dang rdul phra rab gzung
don yin pa 'gog pa'i rigs pa rnams gsungs

sor; ! /'dir/ phyogs snga ni nyan thos sde pa yin la/ des phyi
don 'dod tshul ni/ bye smras bem po rnams kyi dang po'i rtsom
gzhi ni/ cha gsil rgyu med pa'i rdul phra rab cha med gcig yin
la/ de yang 'byung ba re re'i ngo bo can gyi rdzas grub

gcig dang/ rdzas rdul de 'dra brgyad tshogs pa las bsags rdul
phra rab gcig grub pa gnyis ka rdul phra rab yin pa dang gzugs
can gzhan gyis gzhig mi nus pa dang pongs tshod che chung med
cing/ de rnams 'dabs chags pa las phyi

don gyi rags pa 'grub par 'gyur ro/ /de yang kha che bye smras
rdul mang pos rdul gcig bskor pa na phan tshun ma reg par bar
dang bcas par gnas pas ma reg par bcas dang/ bye smra kha cig
gis de'i tshe bar med cing phan tshun ma

@317a @#/ /'byar bar gnas nus pas ma reg par med dang/ de las kha
cig gis de'i tshe phan tshun reg nas 'byar zhing bar med pas reg
cing bar med du 'dod mod/ gsum gas de ltar rdul phra rab 'dus pa
las rags

pa'i chos sna tshogs 'grub pas na phyi rol gyi don bden par yod
par 'dod pa la khyad med do/ /mdo sde bas de las chung ngur gsil
du med pa'i rdul phra rab ni 'byung ba bzhi dang 'byung 'gyur
bzhi'i bdag nyid can yin yang bye smra

ltar rdzas rdul yan gar ba brgyad 'dus su mi 'dod la/ rdul phra
rab bdun 'dus pa rdul phran du 'jog pas rdul phra rab dang rdul
phran mi 'dra zhing/ phra rab bsags pas phyi don 'grub pa ni bye
smras bshad pa dang mthun no/ /de lta'i

phyi don 'gog pa la theg bsdus kyi rigs pa bzhi'i dang po ni/
brlan gsher por gang chos can/ khyod phyi don du ma grub ste/
khyod phyi don du snang ba'i shes pa rang gi snang yul la 'khrul
ba'i phyir/ dper na rmi lam gyi snang ba bzhin/

khyab ste/ khyod phyi don du grub na khyod kyis rang snang ba'i
dbang shes la rnam pa gtod dgos pa gang/ de ltar na dbang shes
de khyod kyis rnam pa gtad pa ltar du de'i rnam can du skye dgos
pa'i phyir/ rtsa rtags ma grub na/ de chos can

der thal/ khyod rang snang ba'i dbang shes la snang ba ltar ma
grub pa'i phyir/ de chos can/ der thal/ khyod rang snang ba'i
las can gyi lha mi yi dwags dud 'gro rnams kyi dbang shes la
snang ba ltar ma grub pa'i phyir/ de chos can/

@317b der thal/ khyod de 'dra'i gang zag gsum la bdud rtsi chu
rnag gsum du rim par snang ba gang/ khyod de gsum du ma grub
pa'i phyir/ gnyis pa ni/ sngon po chos can/ phyi don du med
kyang rang la dmigs pa'i shes pa skye rigs pa

yin te/ rmi lam gyi khang mig chung ngur glang po'i khyu 'khrigs
pa la dmigs pa'i shes pa skye rung ba'i phyir/ gsum pa ni/ sems
can thams cad 'bad med du grol ba'am 'bar kyang mi grol bar
thal/ phyi don yod pa'i phyir/ khyab

ste/ phyi don yod na de gnas lugs su grub dgos/ de lta na so
skyes gnas lugs mngon sum du mthong bar thal ba dang/ gzung
'dzin gnyis med rtogs pa'i 'phags pa'i ye shes med par 'gyur
ba'i phyir/ bzhi pa ni/ sa

sogs chos can/ phyi don du ma grub ste/ shes pa rnam pa gsum
dang rjes su mthun pa'i phyir/ de chos can/ der thal/ sems la
dbang thob pa rnams kyi shes pa ji ltar mos pa de ltar du 'gyur
ba dang/ zhi lhag gi rnal 'byor

bas chos kun sems kyi bdag nyid tsam du yid la byed pa'i shes pa
la de ltar snang ba las phyi don du grub par mi snang ba dang/
phyi don yod na rnam par mi rtog pa'i ye shes la snang dgos na
de la mi snang ba'i phyir/ de dang 'dra bar

rnam 'grel las/ phyi rol don ni yod na yang/ /ji ltar nyams su
myong nyid de/ /nges pa'i bdag nyid rang ngo bos/ /ma yin du
ma'i bdag skyon phyir/ /zhes gsungs pa'i rigs pa ni/ sngon po
chos can/ phyi don ma yin te/ dbang

@318a @#/ /mngon gyi gzung don ma yin pa'i phyir/ de chos can/
der thal/ dbang mngon la rang gi rnam pa gtod byed ma yin pa'i
phyir/ ma grub na/ sngon po chos can/ mdzes mi mdzes gnyi ga'i
bdag nyid can

yin par thal/ 'ga' zhig gi dbang mngon la mdzes pa dang/ 'ga'
zhig gi dbang mngon la mi mdzes pa'i rnam pa gtod byed yin pa'i
phyir/ rtags khas/ nyi shu ba las bshad pa'i rigs pa ni/ sngon
po chos can/ khyod

phyi don du med de/ khyod rtsom byed kyi rdul phran phyogs kyi
cha med med pa'i phyir te/ phra rab gcig rdul drug gis bskor tshe
dbus rdul de cha drug pa can yin pa'i phyir/ der thal/ dbus rdul
gyis shar la bstan pa'i ngos de phyogs

gzhan la ma bstan pa'i phyir/ ma grub na/ rdul ci tsam bsags
kyang rags par mi 'gyur bar thal lo/ /de dang 'dra bar rnam
'grel las/ rdul phran de dag gang gis na/ /rags par snang pa de
'drar byed/ /ces sogs

dang/ dbu ma rgyan las/ 'byar ba dang ni bskor ba'am/ /bar med
rnam par gnas kyang rung/ /dbus gnas rdul phran rdul gcig la/
/bltas pa'i rang bzhin gang yin pa/ /rdul phran gzhan la lta ba
yang/ /de nyid

gal te yin brjod na/ /de lta yin na de lta bu/ /sa chu la sogs
rgyas 'gyur ram/ /rdul phran gzhan la lta ba'i ngos/ /gal te
gzhan du 'dod na ni/ /rab tu phra rdul ji lta bur/ /gcig pur cha
shas med par 'gyur/ /zhes

@318b dang/ dbu ma snang ba las/ de ni rdul phra rab bsags pa'i
bdag nyid du yang ma grub ste/ rdul rnams cha shas med pa nyid
kyis bsags pa mi rung ba'i phyir ro/ /cha shas dang bcas pa nyid
yin na ni dngos po med pa nyid du

thal bar 'gyur ro/ /zhes sogs gzhung che ba rnams su rdul cha
med 'gog pa'i rigs pa mang du byung yang phyi don 'gog byed du
dngos su gsungs pa yin min ci rigs snang ngo/ /rnam 'grel des
las bshad pa'i skyes la

'dra pa 'gog pa'i rigs pa ni/ phyi don med par thal/ phyi don
rig byed kyi shes pa med pa'i phyir/ de la sngo ser sogs rtogs
pa'i mngon sum 'jog na/ de dag chos can/ de ma yin te/ der 'jog
byed med pa'i phyir/

de la sngo ser sogs dang 'dra bar skyes pa'i shes pa 'dzag na/
de dang 'dra bar skyes pa'i shes pa yin na de rtogs pa'i shes pa
yin pas khyab par thal/ 'dod pa'i phyir/ 'dod na/ zla ba gnyis
snang gi dbang shes chos can/

zla gnyis rtogs pa'i shes pa yin par thal/ zla ba gnyis dang
'dra bar skyes pa'i shes pa yin pa'i phyir/ 'khor gsum/ gzhan
yang rnam 'grel des las phyi don 'gog pa'i rigs pa mang du
gsungs pa rnams mang bar 'gyur

pas tshang bar ma spros so/ /dmigs brtag las bshad pa'i rigs pa
ni/ sngon po chos can/ khyod phyi don du med de/ khyod phyi don
du yod na rang 'dzin mig shes kyi dmigs rkyen yin dgos pa la
khyod de ma yin pa'i phyir/ ma

@319a @#/ /grub na/ sngon po chos can/ khyod kyi tshogs pa na yod
pa'i rdul phra ba re re ba dang 'dus pa gang rung rang 'dzin
dbang mngon gyi dmigs rkyen yin par thal/ 'dod pa'i phyir/ 'dod
mi nus te/ sngo rdul phra ba de ma

yin; sdo rdul du ma 'dus pa'ang de ma yin pa'i phyir/ dang po ma
grub na/ sdo rdul phra ba chos can/ khyod de ma yin par thal/
khyod de la mi snang pa'i phyir/ dper na dbang po bzhin/ gnyis
pa ma grub na/ sdo rdul du ma 'dus pa

chos can/ khyod de ma yin par thal/ khyod rdzas su med pa'i
phyir/ dper na zla gnyis bzhin/ de dang 'dra bar tshad ma mdor/
don de zhes pas kun brjod na/ /gang de de 'ba' zhig las min/
/zhes sogs kyis phra rab gzung

don yin pa 'gog pa'i rigs pa gsungs so/ /rnam rig pa dag gi
gzung 'dzin rdzas gzhan 'gog pa'i rigs pa'i gtso bo lhan cig
dmigs des ni/ rnam 'brel las/ nges par blo dang lhan cig tu/
/cig car du ni myong 'gyur

bas/ /yul ni de las gzhan nyid du/ /rnam gang gis na 'grub par
'gyur/ /zhes sogs dang/ rnam nges las/ lhan cig dmigs pa nges
pa'i phyir/ /sdo dang de blo gzhan ma yin/ /zhes pa'i skabs su
bstan cing/ de la

rtags dgod pa ni/ sngo 'dzin tshad ma dang de la snang ba'i sngon
po gnyis chos can/ rdzas tha dad du med de/ lhan cig dmigs nges
yin pa'i phyir/ dper na sgra dang nyan bya bzhin/ zhes pa ste/
'di'i phyogs snga bye mdo yin la/

@319b sngon po dang sngo 'dzin tshad ma gnyis rdzas tha dad du
snang bas de gnyis rdzas tha dad du grub par zhen pa sogs la
rnam rig pas bkod pa yin no/ /phyogs chos sgrub pa ni/ de chos
can/ lhan cig dmigs nges yin te/ gang zag gang dang gang

gis yul dus gang dang gang du cig shos tshad mas dmigs na gang
zag de dang des yul dus de dang der cig shos kyang tshad mas
dmigs pas khyab pa'i phyir/ ma grub na/ 'o na/ gang zag gang
dang gang gis yul dus gang dang gang du sngo

'dzin tshad ma la snang pa'i sngon po tshad mas dmigs pa'i tshe
gang zag de dang des yul dus de dang der sngo 'dzin tshad ma tshad
mas dmigs pa 'grub mi dgos par thal/ 'dod pa'i phyir/ 'dod na/
de dgos par zal/ gang zag des yul

dus der sngo 'dzin tshad ma la snang ba'i sngon po tshad mas dmigs
pa'i tshe sngo 'dzin tshad ma dmigs byed kyi tshad ma yod pa gang
zhig de 'dra'i tshad ma gang zag des yul dus der sngon po tshad
mas dmigs pa'i rjes su skye mi rigs pa'i phyir/

dang po ma grub na/ gang zag des yul dus deng sngo 'dzin tshad ma
la snang ba'i sngon po tshad mas dmigs pa'i tshe na sngo 'dzin
tshad ma chos can/ khyod dmigs byed kyi tshad ma yod par thal/
khyod tshad mas dmigs pa yin pa'i phyir/

gnyis pa grub ste/ de ltar skyes na de dmigs pa'i gzhan rig gi
shes pa zhig kyang de'i rjes su skye dgos pas shes pa thug med
du 'gyur ba'i phyir/ rjes khyab sgrub pa ni/ de chos can/ phan
tshun dus gcig tu yod na yod dgos

@320a @#/ /pa dang/ med na med dgos pa'i 'brel ba grub par thal/
phan tshun dus gcig tu tshad mas dmigs na dmigs dgos pa'i khyab
'brel grub pa'i phyir te/ lhan cig dmigs nges yin pa'i phyir/
rtags khas/

'dod na/ de chos can/ bdag gcig 'brel yin par thal/ 'brel ba
gang/ lhan cig tu yod pa'i phyir/ gnyis pa ma grub na/ sngon po
grub nas sngon po yod pa ma grub pa'i dus yod par thal lo/ !
/spro na/ gzhung du gzung

'dzin rdzas gzhan 'gog pa'i rigs pa'i grangs gsungs pa na theg
bsdus kyi rigs pa bzhi las gnyis pa dngos su smos pa dang phyogs
glang gi gzhung rjes su 'jog don brtag la/ de'i rigs pa dang
po'i skabs theg bsdus

las; dper na yi dwags dang dud 'gro dang mi dang lha rnams kyis
dngos po gcig la rnam par rig pa tha dad pa mthong ba lta bu
dang/ zhes gsungs pa ltar na/ yi dwags dud 'gro mi rnams dang/
/zhes sogs mthun dper sbyor

dgos pa lta bur snang yang/ btsun pa ngo bo nyid med pa'i bshad
sbyar gyi gsung phyogs la dpags na rtsod gzhir byed dgos pa lta
bur yod pa bzhin red mda' ba'i kun btus TIkka sogs su'ang byas
pas phyi ma sor bzhag go /

lcang skya'i grub mtha' las/ phyi rol gyi don grub na de nyid
kyi gnas lugs su grub dgos pas gnas lugs rtogs pa'i 'phags pa'i
zag med ye shes kyang rtog bcas su thal ba dang/ zhes gsungs
kyang sngon po phyi don du grub

@320b na de sngon po'i gnas lugs su 'gyur dgos mod/ de'i rgyu
mtshan gyis mnyam gzhag ye shes rtog bcas su 'gyur tshul dpyad/
mdo sems gnyis kyis brtsad tshe cha dang bcas pa'i rdul phra rab
tshogs pa na re re bas kyang rang 'dra'i

rnam pa gtod par mdo sde bas khas blangs par dmigs brtag rtsa
'grel las gsungs pa ni rnam rig pas brtags pa'i mtha' bkag tsam
las mdo sde ba rang gi grub mtha' la rdul phra rab cha bcas su
khas blangs par bshad pa min

par lcang skya'i grub mthar bshad pa ltar la/ yul gyis rnam pa
gtad pa'i stobs kyis yul can de skyes pa min yang nang gi bag
chags kyi dbang gis dbang gis thun mong gi snang gzhi gcig thun
mong min pa'i snang gzhi gsum du grub chog pa dang/

brlan gsher phor gang gang zag gsum la thun mong min pa'i dngos
po gsum du snang zhing grub mod chu rnag bdud rtsi gsum gyi
gzhi
mthun yod par mi 'gyur ba dang/ snang tshul mi 'dra ba'i gang zag
gsum gyi der snang gi shes pa gsum

thun mong min pa'i snang gzhi la tshad ma yin pa dang/ thun mong
gi snang gzhi la tshad ma yin min sogs kyang shes par bya'o/ /kha
cig na re/ rdul du grub pa med par thal/ bem po med pa'i phyir
te/ phyi don med pa'i phyir/ rtsa bar 'dod

na/ rdul med par thal/ rdul du grub pa med pa'i phyir na/ yig
cha rjes 'brang dang bcas pas/ ma khyab cing 'dod mi nus te/
rdul rags pa rtsom byed kyi rdul phra rab yod pa'i phyir te/
rdul phra rab de rdzas yod dang dbyibs zlum po can 

@321a @#/ /yin pa'i phyir/ dmigs brtag las/ de ni rdul phran
rdzas yod la/ /zhes dang/ phra rab rdul dag yin mod kyi/ /zhes
dang/ de'i rang 'grel las/ rdul phra rab rnams ni rdzas gzhan
yin du zin kyang zlum po la ni dbye ba

med do/ /zhes dang/ de'i 'grel bshad las/ rdul phra ba rnams kyi
zlum po yang ngo bo nyid gcig pa kho na yin no/ /zhes gsungs
pa'i phyir/ gzhan yang/ rdul phra rab yod par thal/ de gcig
bsgres yun la dus mtha'i skad cig mar

'jog par rnam 'grel du gsungs pa'i phyir dang/ rdul phra rab med
na dpag tshad dang rgyang grags ri rab dang sa gzhi bar snang la
rdul 'khrigs pa sogs med par 'gyur ba'i phyir/ zhes gsungs pa
la/ kha cig /lung dang

po ni bum pa dang kham phor gyi dbyibs kyi khyad par de lta bu
ni rdul phran rdzas yod la med ces pha rol po 'gog byed yin
zhing/ 'grel ba 'grel bshad kyi lung yang de'i thad yin no/
/lung gnyis pa ni thar lam gsal byed

las; rdul phran tshad grub mdzad bzhed pa ma yin gyi/ de yod na
rgyu yin du chug kyang dmigs rkyen du mi rigs so/ /zhes re zhig
brtag pa mtha' bzung du khas blangs nas dmigs rkyen la dgag pa
mdzad do/ /zhes dang/

TI ka chen du'ang dmigs brtag gi de don smra'i khas len la
gtong rgyu ma gtogs rang rgyud du khas mi len pa'i phyogs mdzad
cing/ sems tsam pas rdul khas len pa la gnod byed mang du yod
de/ thar lam gsal byed

@321b drangs ma thag pa dang/ rnam 'grel TI ka chen du/ phyogs
glang gis rtsod sgrub 'gog skabs rdul yod par bshad pa rnams mdo
sde ba'i tshul la brten te phyi don khas blangs pa'i dbang du
byas pa dang/ rgyan mkhan po rjes 'brang dang bcas

pa'i rgya bod kyi TI ka byed dag ltar na/ dbang po'i rdul phra
rab dbang shes kyi rgyu yin pa'i phyir dmigs yul du 'gyur ro/
/zhes pa 'di/ rang gis khas len pa yin na rang lugs la rnam rig
pa'i skabs mig dbang gi rdul phran mig

shes kyi rgyur khas len dgos bar 'gyur bar gsungs nas/ rdul
phran khas len pa'i sems tsam pa ches ngo mtshar che'o/ /des na
kun las btus kyi rtsod sgrub brtag pa'i skabs kyang/ rtsod sgrub
mkhan po rnam rig pa'i lugs la

brten nas 'gog pa yin zhes smra ba dag la/ rdul phran khas len
pa'i sems tsam pa'i grub pa'i mtha' rang lugs su 'dod dgos pa'i
skyon 'di 'byung bar shes par gyis shig /ces dang/ rdul phran de
dag gang gis na rags par gyur

pa'i sngon po sngo snang dbang shes la snang ba de 'dra rtsom
par byed pa 'thad pa ma yin te/ rdul phran gzhi ma grub pa'i
phyir ro/ /zhes dang/ rdul phra rags khas len pa'i rnam rig pa
ngo mtshar ro/ /zhes gsungs pa'i phyir zer ro/ /de la lung de

dag gi sgras zin ltar na rdul khas mi len pas/ dpag tshad sogs
kyi brtsam gzhi'i rdul yod kyang rdul med ces zer ba dang/ kun
btus rgyal sras ma las/ bsdus pa las gyur pa ni rdul phra rab
kyi gzugs so/ /zhes pa ltar de

@322a @#/ /'dra'i brtsam gzhi'i rdul yod kyang rdul phra rab med
zer ba las snga ma bde 'am brtag go /rdul du grub pa med na rdul
med pas ma khyab gsungs pa'i phyogs la/ rdul du grub pa med na
rdul med pas khyab par thal/

rdul yin par grub pa med na rdul med pas khyab pa'i phyir te/
yin pa srid pa'i shes bya yin na khyod du grub pa med na khyod
med pas khyab pa'i phyir/ yang/ rdul du tshad mas grub pa med par
thal/ rdul du grub pa med pa'i phyir/ 'dod na/

rdul med par thal/ 'dod pa'i phyir/ zhes sogs spro bya mang ngo/
/nyi snang las/ rdul phra rab kyi mthar thug pa la brten pa'i
dbyibs/ zhes dang/ rgyan snang las/ rdul phra rab kyi dbyibs/
zhes 'byung zhing/ dmigs brtag

'grel ba 'grel bshad las rdul phra rab kyi dbyibs zlum por
gsungs kyang/ mdzod las/ rdul la med/ /ces dang/ gser phreng
las/ mngon pa nas rdul phra rab la dbyibs med par bshad/ ces
gsungs so/ /de la bsdus grwa rtsom

'phror rdul phra rab la ring thung gru bzhi sogs kyi dbyibs med
ces pa'i don yin par bshad do/ /rdul phra rab kyi don ni/ dus
'khor TI ka bshad las/ de 'dra bde nyid blos ci tsam dbye bar
nus kyi bar du mthar rnam par phye ba'i chung

mthar yid ngor snang ba la rdul phra rab ces pa'i tha snyad
btags pa tsam mo/ /zhes gsungs pa ltar blos de las chung du
'byed mi nus pa'i rdul phra ba'i mthar thug pa zhig la rdul phra
rab tu 'jog pa gong 'og mthun yang/ 'og mas rang la

@322b cha gsil rgyu med pa la cha med dang/ gong mas de tsam
gyis cha med du khas mi len te/ rdul drug gis rdul gcig bskor ba
na cha yod par khas len pa'i phyir/ 'og mas rdul phra rab la
blos cha gsil rgyu med pa dang gong mas de yod

par 'dod pa'ang ma yin te/ gong mas kyang de yod par mi 'dod
pa'i phyir te/ gzhan du na rdul gcig la rdul drug gis bskor ba
na shar cha de rdul phra rab de las chung bar thal ba'i phyir
ro/ /kho na re/ rdul phra rab la blos cha gsil

rgyu yod par thal/ de la blos phye na shar rdul la rig pa'i cha
dang nub rdul la reg pa'i cha gnyis 'byed du yod pa'i phyir na
ma khyab/ yang/ sems tsam pa'i lugs la rdul cha med yod par
thal/ rang gi ngo bo la blos cha gsil rgyu med

pa'i rdul yod pa'i phyir na ma khyab/ yang/ bye mdo gnyis kyis
rdul phra rab cha bcas su 'dod par thal/ de gnyis kyis rdul phra
rab la ldog cha du ma 'dod pa'i phyir na ma khyab ste/ de gnyis
kyis kyang ldog cha mang po 'byed du med pa'i

rdul mi 'dod kyang phyogs cha 'byed du med pa'i rdul phra mo
'dod pa'i phyir/ gzhan yang/ 'dus ma byas gsum dang dngos po
chos can/ cha med yin par thal/ rang gi bdag nyid yin zhing rang
min pa'i shar cha dang nub cha rjes tha dad

du ma med pa'i phyir/ khyab ste/ sde bdun rgyan las/ rang gi
bdag nyid yin zhing rang min pa'i shar cha dang nub cha rdzas
tha dad du ma med pa cha med pa'i don yin gyi/ zhes gsungs pa'i
phyir na/ de ni rdul phra rab nyid cha dang bcas ma

@323a @#/ /bcas dpyod tshul tsam yin nam brtag go /dbu ma rgyan
gyi/ 'byar ba dang ni bskor ba'am/ /zhes sogs gnyal ston gyis
phyi don 'gog pa la sbyar kyang/ rgyal tshab brjed byang du rdul
cha med 'gog pa

tsam las der dngos su ma sbyar ro/ /lhan cig dmigs nges kyi don
la/ mdo sde ba dge 'dun srungs kyis/ khyab pa 'gal ba yin te/
gzung 'dzin gnyis mngon sum tshad mas rdzas so sor snang ba ltar
dmigs dgos pa'i

phyir zer ba dang/ khyab pa med de/ rnam mkhyen dang gzhan
sems/
sems dang sems byung rdzas tha dad kyang lhan cig dmigs nges
yin
pa bzhin yin pa'i phyir zer ba dang/ rtags ma grub ste/ sngo
'dzin tshad ma dmigs na

sngon po dmigs pas khyab pa sngo 'dzin tshad ma nyams myong gi
rang rig gis ma nges pa'i phyir zer ba'i dang po sngar bshad
pa'i khyab sgrub kyi rigs pas khegs shing/ gnyis pa mi 'thad de/
sems can gyi sems rtogs kyang

rnam mkhyen ma rtogs pa'i gang zag mang du yod pa'i phyir/ gsum
pa la ma khyab ste/ sngar bshad pa las 'di tsam lhan cig dmigs
nges kyi don ma yin pa'i phyir/ mdo sde bas sngo 'dzin mig shes
la shar ba'i sngon po'i rnam

pa sngo 'dzin mig shes las rdzas gzhan min par grub zin cing/
bye smras de 'dra'i rnam pa gzhi ma grub par 'dod pas lhan cig
dmigs nges kyi sbyor ba'i chos can la de 'dra'i rnam pa 'dzin pa
mi 'thad par rnam nges dar TI ka

@323b dang; sngo bdun rgyan gnyis kar gsungs shing/ snga mar
sngon po snang ba rtsod gzhir 'dzin mi rung yang/ sngon por
snang ba dang sngon po gang yin yang rung ba dang/ phyi mar
sngon por snang ba rtsod gzhir 'dzin mi rigs pa

dang/ bye smras mig dbang las mig shes la gzugs mi snang bar
'dod pas sngo 'dzin mig shes la sngon por snang ba gzhi ma grub
par 'dod pa dang/ rnam nges dar TI ka gis dbang shes ma 'khrul
ba la sngon po snang ba sngon por nyan

thos sde gnyigs 'dod par gsungs so/ /kho na re/ sngo 'dzin tshad
ma dang de la snang ba'i sngon po gnyis chos can du 'dzin pa mi
'thad par thal/ de la sngon po nyid 'dzin dgos pa'i phyir te/
sde bdun rgyan las/ lhan cig dmigs

nges kyi rtags kyi chos can du yang sngon po nyid gzung bar bya
ba yin no/ /zhes gsungs pa'i phyir na ma khyab ste/ de ni/ sngon
po chos can/ sngo 'dzin mig shes dang rdzas gzhan ma yin te/
lhan cig dmigs nges yin pa'i phyir/ zhes pa'i sbyor ba

'di'i chos can la sngon po nyid 'dzin dgos pa'i don yin pa sde
bdun rgyan rang nyid kyis shes pa'i phyir/ lugs 'dir sngo sogs
gzhi ma grub pas chos can du 'dzin mi rung ba dang/ lhan cig
dmigs nges rtags kyi mi mthun dper mi

rung bar bshad pa dag mi 'thad de/ de gzhi ma grub par lugs 'dir
khas len mi rung ba'i phyir dang/ sngo ser tha dad dag la ni/
/myong ba'i nges pa yod ma yin/ /zhes gsungs pa'i phyir/ 'jug
pa'i rnam bshad du/ rnam rig pa'i

@324a @#/ /lugs la gzugs sogs bzhag na phyi don bzhag dgos par
mthong 'dug gsungs pa la brten nas bstan dar ltar mas pas dmigs
brta ga 'grel bar/ sems tsam pas gzugs khas len mi len

dogs gzhir bkod kyang/ de'i lugs la sngo sogs gzhi ma grub zer
ba la sde bdun rgyan du gnod byed mang du bstan la/ rnam nges
dar TI ka tu'ang gzugs sogs khas blangs na phyi don khas len
dgos zer ba sems tsam pa'i

lugs la mi mkhas pa'i mu cor du gsungs shing/ rnam bshad kyis
mthong 'dug gsungs pa yang snga rabs pa 'ga' zhig tu snang ngo/
/bod sngar bas pa dag lugs 'dir sngon po shes pa yin par 'dod pa
la/ sngon po yin na kun

mkhyen ye shes yin pas khyab par thal ba dang/ gzhi grub na rang
rig yin pas khyab par thal ba dang/ gzugs can gyi skyes bu yin
na mig shes yod pas khyab par thal ba sogs 'byung ngo/ /kha cig
/lugs 'dir sngon po tha snyad du phyi

don dang yang dag par shes pa yin zer ba la/ tha snyad du yod
pas yod go chod na/ sngon po phyi don yin pa'am mi chod na kun
rdzob thams cad med par 'gyur ro/ /de la kho na re/ tha snyad du
phyi don yin pas tha snyad du phyi don yin pa'i

go chod kyang don dam du phyi don yin pa'i go mi chod la/ tha
snyad dang don dam gang yang min pa'i phyi don phung gsum pa
med
pas de gnyis gang gi yang khyad par ma sbyar bar phyi don yin
pa'i go chod mi chod brtag par mi rigs zer na/ de

@324b mi 'thad par thal/ bden gnyis la phung gsum pa med kyang
brtag pa gang byas de gnyis kyi khyad par sbyar ba'i tshig gis
zin par byed mi dgos pa sde bdun rgyan las rgyas par gsungs pa
ltar yin pa'i phyir/ kha cig /sngo 'dzin mig

shes kyi gzung rnam de tha snyad du phyi don yin zer ba ltar na
sngo 'dzin mig shes kyi 'dzin rnam de tha snyad du phyi don
dngos su rtogs pa'i gzhan rig gi shes par 'gyur ro/ /gser
'phreng du don snang dang der snang gi blo gnyis chos can du

'dzin par gsungs pas rnam pa chos can du mdzad kyang/ sras
mchog
gnyis kyis rnam pa chos can du 'dzin pa bkag pa rje'i dgongs pa
yin par grub mchan du bshad do/ /rnam bden pa ltar na lhan cig
dmigs nges rtags kyis rdzas

gcig dang/ rnam rdzun pa ltar na rdzas gzhan ma yin pa tsam du
sgrub pa yin zer ba ni rnam pa chos can du 'dzin pa min pas mi
'thad par sde bdun rgyan du gsungs so/ /lcang skya'i grub mthar
lhan cig dmigs nges rtags kyi bsgrub chos

la med dgag mi dgos pa'i sgrub byed du/ lugs 'di'i gzhung gang
du yang de dgos par bshad pa med cing rje yab sras kyis kyang
gsungs pa med pa'i phyir dang/ theg bsdus sogs su rnam rig tsam
du sgrub pa'i rigs pa phal mo che'i

bsgrub chos la rnam rig tsam nyid bzung ba'i phyir dang/ tshad ma
mdo dang rnam 'grel nges gnyis 'grel ba dang bcas pa las gzugs
sogs rang 'dzin shes pa'i rdzas su sgrub pa dang blo tshul gnyis
pa 'thad par sgrub pa dang lugs

@325a @#/ /'di'i dbang shes kyi dmigs rkyen sgrub pa'i rigs pa
sogs su ma yin dgag dang sgrub pa bsgrub chos su bzung ba'i
phyir dang/ 'di ba gzugs sogs shes pa'i rdzas su smra bas rab tu
phye ba yin pas don dam

dpyod pa'i rigs shes kyis rdzas gcig yin min 'tshol ba yin pa'i
phyir dang/ rang 'dzin rtog pa'i zhen gzhir rang mtshan gyis grub
pas stong pa dang phyi don gyis stong pa sgrub pa'i rigs pa gnyi
ga rnam rig tsam gyi de kho na nyid la 'jug

pa'i thabs su gsungs pa'i phyir dang/ rnam rig tsam gyi de kho
na nyid ni byang sems kyi bsgom bya'i de kho na nyid mthar thug
yin pa'i phyir dang/ de yang gzugs sogs shes pa dang bdag nyid
gcig pa kho na la bshad pa'i phyir dang/

gzugs shes rdzas tha dad yod med 'tshol ba'i rigs pa des gzugs
sogs shes pa'i bdag nyid du mi rtogs na rigs pa des rnam rig
tsam la 'jug pa mi 'thad par 'gyur ba'i phyir dang/ de ltar
'tshol ba'i rigs pa des

rtogs na rnam rig tsam gyi de nyid don dam dpyod pa'i tshad mas
ma rnyed pa 'gal ba'i phyir dang/ rigs pa gzhan gyis rnyed na
rnam rig tsam gyi de nyid don dam dpyod pa'i rigs shes kyis ma
rnyed par 'gyur ba'i phyir dang/ gzugs

shes pa dang rdzas tha dad du yod med brtag cing rdzas gcig yin
min mi rtog pa'i rigs pa de gzugs kyi gnas lugs la mtha' chod
par dpyod pa'i rigs pa ma yin pa'i phyir dang/ sngon po chos
can/ khyod sngo 'dzin shes pa

@325b dang rdzas gcig yin par thal/ khyod sngo 'dzin shes pa
dang rdzas tha dad rigs pas khegs shing rdzas su grub pa'i
phyir/ zhes pa'i rigs pa 'dis sngon po dang de 'dzin shes pa
rdzas gcig tu sgrub nus shing/ de mi nus na lhan cig

dmigs nges kyi rtags kyi dgos pa'i gtso bo med par 'gyur ba'i
phyir dang/ rgyal tshab rjes lhan cig dmigs nges kyi rtags kyi
bsgrub bya la med dgag dgos par gsungs pa las spyir sems tsam
pa'i lugs la de ltar dgos par

gang du yang ma gsungs pa'i phyir/ zhes rgyu mtshan bcu gsum bkod
do/ /kha cig /de la dang po mi 'thad de/ 'di ba'i lugs la'ang
bdag med dngos su sgrub pa'i bsgrub bya yongs grub kyi ngo bo la
med dgag 'jog pa dgongs

'grel thogs med sku mched kyi rang gzhung gzhung 'di stong thun
chen mo sogs su lan gcig min par gsungs pa las lhag gsal bar
gsung mi dgos pa'i phyir dang/ gzhung las/ dgag bya la mi 'dra
ba'i khyad par yod pa

ma gtogs pa dgag gzhi rten 'brel la rang gi dgag bya'i bdag rnam
par bcad pa tsam la don dam bden par 'jog pa ni shing rta'i srol
sgnyis mthun pas de las gzhan pa'i don dam 'jog pa mi rigs la/
zhes lugs gnyis

kar don dam bden pa'i ngo bo med dgag 'ba' zhig tu gsungs pa
dang/ mkhas grub lta khrid chen mo las/ sems tsam pa'i lugs kyi
chos kyi bdag med ni/ nas/ nges par kun btags de lta bu rnam par
bcad pa'i med dgag

@326a @#/ /'ba' zhig ma gtogs gzhan dbang gi
snang ba log pa
dang/ zhes 'di ba'i lugs la don dam dpyod pa'i rigs shes kyi
ngor med dgag 'ba' zhig las med par gsungs pa'i phyir/ gnyis pa
mi 'thad de/ theg

bsdus sogs su bdag med dngos su sgrub pa'i rigs pa'i rtags sgrub
sogs la bsgrub bya med dgag yin min ci rigs yod kyang rtsa ba'i
dngos kyi bsgrub chos la med dgag kho na bzung ba'i phyir ro/
/gsum pa mi 'thad de/

rigs pa de gsum ni bdag med brgyud nas sgrub pa las dngos su
sgrub byed ma yin pa'i phyir ro/ /bzhi pa la ma khyab ste/ 'o
na/ thal 'gyur ba'i lugs la'ang don dam dpyod pa'i rigs shes de
rtog pas btags tsam 'tshol

ba'i rigs pa yin par thal/ thal 'gyur ba'i grub mtha' rtog pas
btags tsam smra bas rab tu phye ba yin pa'i phyir/ khyab pa
'grig /lnga pa la'ang ma khyab ste/ rnam rig tsam gyi de kho na
nyid la gzung 'dzin rdzas tha dad kyis stong pa'i

med dgag 'jog pa'i phyir/ drug pa dang bdun pa gnyis la'ang ma
khyab ste/ rnam rig tsam gyi de kho na nyid ni gzung 'dzin rdzas
gzhan gyis stong pa'i med dgag la byed pa'i phyir dang/ med dgag
de yang gzugs sogs shes pa

dang bdag nyid gcig pa kho na yin pa'i phyir/ brgyad pa mi 'thad
de/ gzhan du na/ thal 'gyur ba'i lugs la bdag med dngos su sgrub
pa'i rigs pa des ming rkyang btags yod la 'jug mi nus par thal/
des dngos

@326b su bden grub bkag tsam las mi rnyed pa'i phyir/ dgu ba'i
skyon med de/ des de rnyed par khas mi len pa'i phyir/ bcu pa mi
'thad de/ gzugs shes rdzas gcig yin te/ de rdzas kyi sgo nas so
so ba ma yin par skyes pa'i chos

yin pa'i phyir zhes pa lta bu'i rigs pas rnyed chog cing/ de
'dra'i rtags can rjes dpag kun rdzob las don dam dpyod byed min
la/ gzugs shes rdzas gcig yin pa rnam rig tsam gyi de kho na
nyid ma yin pa'i phyir/ bcu

gcig pa mi 'thad de/ rdzas tha dad du yod med dpyad pa la rdzas
gcig yin min ma dpyad na mtha' mchod par mi 'gyur ba'i phyir te/
rdzas su yod med dpyad pa la rdzas gcig dang tha dad gang du
yod
dpyad dgos kyi rdzas tha dad du

yod med dpyod pa la de gnyis tshang mi dgos pa'i phyir te/ bden
par yod med dpyad pa la bden pa'i gcig dang du ma gang du yod
dpyad dgos kyi/ bden pa'i gcig tu med par dpyad pa la bden pa'i
du mar yod med dpyad mi dgos

pa bzhin yin pa'i phyir/ bcu gnyis pa mi 'thad de/ sngon po dang
de 'dzin shes pa rdzas tha dad khegs pa rtags su byas nas de
gnyis rdzas gcig yin par sgrub pa ltar na rtags de nges nas
bsgrub bya de ma nges pa yod dgos pas rang

la gnod byed las sgrub byed du mi rung ba'i phyir/ bcu gsum pa
mi 'thad de/ rgyal tshab rjes rnam nges dang TIka tu de ltar
gsungs pa spyir sems tsam pa'i lugs min na su zhig gi lugs yin
pa smra dgos pa'i phyir dang/ khyed ltar na

@327a @#/ /legs ldan dang rje yab sras kyis mtha' bzhi'i skye ba
'gog pa'i bsgrub bya la med dgag dgos par gsungs kyang spyir dbu
ma'i lugs la de ltar dgos par ma gsungs zhes bshad rung bar
'gyur ba'i phyir ro zhes

zer na dpyad dgos so/ /kha cig  sngon po dang sngo 'dzin mig
shes lhan cig dmigs nges yin zer na/ sngon po dmigs byed kyi ngo
bor skyes na sngo 'dzin mig shes dmigs byed kyi ngo bor skyes
pas khyab par thal/ 'dod pa'i

phyir/ 'dod na/ sngo 'dzin yid shes chos can/ der thal/ de'i
phyir/ kha cig  sngon po dang sngo snang dbang shes de yin zer
na/ sngo snang dbang shes yod na sngon po yod pas khyab par
thal/ 'dod pa'i phyir/ 'dod na/ sngon po'i

dgag gzhir chos can/ der thal/ de'i phyir/ rtags grub ste/ gangs
ri sngon por stang ba'i dbang shes yod pa'i phyir/ kha cig  sngo
'dzin rtog pa dang sngon po de yin zer na/ sngon po dmigs byed
kyi ngo bor skyes na sngo 'dzin rtog

pa dmigs byed kyi ngo bor skyes pas khyab par thal/ 'dod pa'i
phyir/ 'dod na/ sngo 'dzin mig shes nyams myong gi rang rig chos
can/ der thal/ de'i phyir/ kha cig  sngon po dang sngo 'dzin
tshad ma de yin zer ba yang des

 khegs shing gzhan la'ang bsbre/ kha cig  lhan cig dmigs nges
kyi don/ de gnyis phan tshun tha dad cing gcig dmigs byed kyi
tshad ma yin na gcig dmigs byed kyi tshad ma yin pas khyab pa la
byed zer na/ sngo 'dzin tshad ma

@327b chos can/ khyod dmigs byed kyi tshad ma yin na sngon po
dmigs byed kyi tshad ma yin pas khyab par thal/ 'dod pa'i phyir/
'dod na/ sngo 'dzin tshad ma nyams myong gi rang rig chos can/
der thal/ de'i phyir/ ldog ste 'phen

tshul yang sla/ kha cig  de'i don/ rang rig mngon sum gyis cig
car dmigs pa la byed zer na/ sngo 'dzin mig shes myong pa'i rang
rig gis sngon po la dngos su dmigs par thal lo/ /kha cig  de'i
don/ sngon po dang sngo 'dzin mig shes

gnyis blo nges gcig dngos su dmigs na cig shos kyang dngos su
dmigs pas khyab pa la byed zer na/ sngo 'dzin mig shes chos can/
khyod kyis sngo 'dzin mig shes dngos su dmigs par thal/ khyod
kyis sngon po dngos su

dmigs pa'i phyir/ 'dod na/ de rang rig yin par thal lo/ /kha cig
/de'i don/ gcig yod pa'i yul dus der cig shos kyang yod pas
khyab pa la byed zer na/ bu ram gyi ro gzugs da lta ba chos can/
der thal/ de'i phyir/

'dod na/ khyod kyis bu ram gyi gzugs mthong na de'i ro mthong
bas khyab par thal lo/ /kha cig  de'i don/ phan tshun gcig tshad
mas dmigs pa dang dus mnyam du gcig tshad mas dmigs pas khyab pa
la byed zer ba yang des

khegs so/ /de yang rnam 'grel las/ myong ba med par don 'ga'
'am/ /don med pa yi myong ba yang/ /myong bar 'gyur ba ma mthong
ba/ /zhes de 'dzin shes pa 'dzin rnam gyis myong pa med na de
'dzin shes pas don myong ba med la/

@328a @#/ /ldog ste yang na dpe lhan cig dmigs nges kyi don du
gsungs pa dang/ chos mchog ltar lhan cig pa ni dus gcig pa dang/
dmigs pa ni tshad mas dmigs pa dang/ nges pa ni khyab pa la bshad
pa tsam rje yab

sras mthun yang/ gser 'phreng du/ dus gcig la gcig rtogs na gcig
rtogs pas khyab pa dang/ rnam 'grel nges kyi dar TIka tu dus
gcig tu phan tshun gcig rtogs na cig shos rtogs pa dang grub bde
rdzas gcig tu skyes

pas khyab pa dang/ sde bdun rgyan du/ phan tshun gcig tshad mas
dmigs dus su cig shos kyang tshad mas dmigs pas khyab pa dang/
rigs rgyan du/ tha dad gang zhig phan tshun gcig dmigs na cig
shos dmigs byed kyi ngo

bor skyes pas khyab pa la byed pa rnams sgras zin mi 'dra ba
tsam las/ mtshan gzhi dang sbyar na gang zag gang dang gang gis
yul dus de dang der sngo 'dzin tshad ma la snang ba'i sngon po
tshad mas dmigs na gang zag des yul dus de dang der

sngo 'dzin tshad ma tshad mas dmigs pas khyab pa'am/ shes pa de
sngon po dmigs byed kyi ngo bor skyes na sngo 'dzin dmigs byed
kyi ngo bor skyes pas khyab pa lta bu la byed pa mthun no/ /lhan
cig dmigs zhes pa'i dmigs pa tshad

 mas dmigs pa la byas nas rtags de'i mthun dper zla gnyis dang
der snang gi dbang shes 'god pa dang/ zla gnyis kyi rnam pa dang
der snang gi dbang shes 'god pa gnyig mi 'thad de/ zla gnyis
tshad mas dmigs par thal ba dang/

@328b bye smra sogs rgol ba 'gar dpe ma grub pa'i skyon du 'gyur
ba'i phyir te/ de dag shes pa rnam med du smra ba'i rgol ba yin
pa'i phyir ro/ /sde bdun rgyan gyi sgras zin ltar na dus mnyam
pa'i rta ba lang gnyis lhan cig dmigs nges su 'gro yang

dgongs pa sngar ltar la/ skabs lnga ba'i mtha' dpyod dang grub
mtha' chen mo gnyis su tshig zin 'dra min byung ba yang dgongs pa
mi 'gal lo/ /blo gling phar phyin mtha' dpyod las/ sngon po dang
sngo 'dzin dbang shes lhan cig dmigs

nges yin yang/ sngon po dang sngo 'dzin yid mngon lhan cig dmigs
nges ma yin te/ de gnyis rgyu 'bras yin pa'i phyir te/ sngo
'dzin dbang mngon dang sngo 'dzin yid mngon gnyis rgyu 'bras yin
pa'i phyir/ zhes bshad de de'i rnam

'grel mtha' dpyod kyang de dang mthun la/ rta nag rnam 'grel
du/
de gnyis lhan cig dmigs nges su gsungs kyang sngo 'dzin dbang
mngon dang yid mngon rgyu 'bras su mi byed par mngon zhing/ sgo
mang bas/ dbang mngon dang yid mngon

gnyis rgyu 'bras ma yin te/ yid mngon la du ma yod pa las 'dir
bstan yid mngon yang rang la snang ba'i yul gzugs dang lhan cig
dmigs nges yin pa'i phyir/ zhes gsungs so/ /skabs lnga ba'i
mtha' dpyod du sngon po med

pa'i sa phyogs su sngo 'dzin shes pa yod par gsungs pa la chos
mdzad mchan du dkar po sngon por 'dzin pa'i rtog pa sngo 'dzin
shes pa dang/ ka ba bum par 'dzin pa'i rtog pa bum 'dzin rtog
par 'gyur zhing/ de ltar na bum 'dzin

@329a @#/ /rtog pa dang bum pa'i don spyi gnyis lhan cig dmigs
nges su gsungs pa dang 'gal bar 'gyur bar bshad kyang/ khong ba
ltar na sgra rtag par 'dzin pa rtag 'dzin dang bum pa gang zag
gi bdag tu 'dzin pa gang

zag gi bdag 'dzin ma yin par 'gyur ro/ /de la kho na re/ bum
'dzin rtog pa rang rig gis dmigs dus su bum pa'i don spyi bum
'dzin rtog pas dmigs dgos par thal/ de gnyis lhan cig dmigs nges
yin pa'i phyir na ma

khyab ste/ bum 'dzin rtog pa rang rig gis rtogs tshe bum pa'i don
spyi yang rang rig des shugs la rtogs pa'i phyir te/ rnam 'grel
TIk chen las/ bum pa 'dzin pa'i rtog pa la bum par snang ba lta
bu blo'i sel ba de nyid bum 'dzin

rtog pa'i snang yul dang dngos yul gnyi ga yin la/ bum 'dzin
rtog pa nyams su myong ba'i rang rig mngon sum gyi shugs yul yin
no/ /zhes gsungs pa'i phyir/ rigs rgyan dang grub mtha' chen mo
sogs kyis sngon po dang sngo snang

dbang shes gnyis phan tshun gcig dmigs byed kyi ngo bor skyes na
cig shos dmigs byed kyi ngo bor skyes pas ma khyab pas lhan cig
dmigs nges ma yin par gsungs pa la/ chos mdzad mchan du/ sngon
po dang sngo 'dzin tshad ma

gnyis lhan cig dmigs nges ma yin par thal/ 'dod pa'i phyir/ ma
grub na/ sngo 'dzin tshad ma skad cig gnyis pa chos can/ sngo
'dzin tshad ma dmigs byed kyi ngo bor skyes par thal/ sngon po
dmigs byed kyi ngo bor skyes

@329b pa'i phyir/ gzhan yang/ sngo 'dzin shes pa'i 'bras bur
gyur pa'i sngo 'dzin tshad ma 'dzin pa'i shes pa chos can/ cig
shos der thal/ de'i phyir/ des na sngon po de sngo 'dzin dbang
shes sogs shes pa bye brag pa gang dang

yang lhan cig dmigs nges min par 'gyur la/ skabs lnga pa'i yig
cha ltar na sngo 'dzin shes pa spyi tsam dang yang ldan cig
dmigs nges min pas lhan cig dmigs nges kyi mtshan gzhi med par
'gyur bar bshad do/ /mchan

der/ mar me'i 'od kyi gzugs dang de'i snang ba gnyis lhan cig
dmigs nges yin min la rnam nges dar TIk sogs dang/ sde bdun
rgyan mi mthun par bshad pa mi 'thad de/ rnam nges dar TIk
dang/ rigs rgyan sogs su

gzugs dmigs pa snang ba la nges par ltos pa'i dbang shes gcig gi
gzung yul du gyur ba'i gzugs snang bar ma chad pa'i snang gzugs
gnyis lhan cig dmigs nges yin yang/ snang gzugs tsam de min par
gsungs pa dang/

sde bdun rgyan du/ snang gzugs gnyis sems can 'ga' zhig gi blo
la ltos te lhan cig dmigs nges yin yang spyir lhan cig dmigs
nges min par gsungs pa gnyis gnad gcig pa'i phyir te/ snang
gzugs gnyis sems can

'ga' zhig gi blo la ltos te lhan cig dmigs nges yin par gsungs
pa ni bshad ma thag pa ltar snang gzugs khyad par can gnyis
dmigs pa'i sems can gyi blo la dgongs pa'i phyir/ kha cig  lhan
cig dmigs nges kyi

@330a @#/ /rtags 'god pa na sems can thams cad kyi blo la ltos
pa'i lhan cig dmigs nges yin pa'i phyir zhes 'god cing/ de'i don
sems can gcig gi blos sngon po nam dmigs pa na de 'dzin gyi mig
shes kyang

dmigs dgos pa bzhin du sems can gang gi blos sngon po dmigs pa
des de 'dzin gyi mig shes kyang dmigs pas khyab ces pa yin zer
na/ 'o na bdag med mngon sum du rtogs pa'i shes rab dang de'i
spang bya bdag 'dzin

gnyis sems can thams cad kyi rgyud la ltos pa'i spang gnyen yin
par thal/ sems can gcig gi rgyud la bdag med mngon sum du rtogs
pa'i ye shes skyes na de'i spang bya bdag 'dzin spong ba bzhin
du/ sems can gang

gi rgyud la'ang shes rab de skyes na spang bya bdag 'dzin de
spong bas khyab pa'i phyir/ kha cig na re/ lhan cig dmigs nges
kyi rigs pas sngon po dang sngo 'dzin shes pa gnyis rdzas gcig
tu sgrub par thal/ des de gnyis rdzas tha

dad bkag pa'i phyir na ma khyab ste/ rigs pa des de ma bsgrubs
kyang de la brten nas rjes dpag gzhan zhig skye chog pa'i phyir
te/ dper na du bas du ldan gyi la la mes bud shing gi 'gyur ba
skyed pa'i nus pa dpags stobs kyis bud

shing gi 'gyur ba dpog par rigs rgyan sogs las gsungs pa bzhin
yin pa'i phyir/ kha cig rnam 'grel nges su tshad ma'i gzhal bya
shes pa'i bdag nyid du bsgrub phyir lhan cig dmigs nges kyi rigs
pa gsungs pa 'brel med

@330b par thal/ rigs pa de sngo sogs nang shes pa'i bdag nyid du
sgrub pa'i rigs pa ma yin pa'i phyir na ma khyab ste/ des de ma
bsgrubs kyang de la brten nas de rtogs chog pa'i phyir/ gzugs
rang 'dzin shes pa dang rdzas gcig

pa'i don gang zag gnyis kyis bum pa gcig la bltas tshe blta bya
thun mong ba'i bum pa de lta ba po gnyis ka'i mig shes dang
rdzas gcig pa 'am/ re re ba'i mig shes dang rdzas gcig pa la
byed/ dang po ltar na mig shes gnyis kyang

phan tshun rdzas gcig dang/ gnyis pa ltar na lhas sbyin gyi mig
shes dang rdzas gcig pa'i bum pa mchod sbyin gyi mig shes dang
rdzas tha dad du 'gyur zhing/ de ltar na de 'dra'i bum pa de
lhas byin gyis mi mthong bar 'gyur bas blta bya

thun mong ba yin pa 'bud do snyam na/ rigs rgyan rjes 'brang
dang bcas pa mig shes de gnyis rang rang la snang ba'i don de
dag dang rdzas gcig yin yang gcig la snang ba cig shos la mi
snang zhing/ gyad gzugs blta bya thun mong ba yin

pa'i dper gang zag gnyis la zla gnyis snang tshe gcig la snang ba
cig shos la mi snang yang gnyis kar zla gnyis snang ba dang/
skyes bu gcig la dgra gnyen gnyis kyis bltas tshe yid 'ong mi
'ong gi snang tshul mi mthun yang/ skyes bu

gcig la bltas pa mtshungs pa gnyis 'god par mdzad pa la lcang
skya'i grub mthas dpe snga ma phyin ci log yin pas mi mtshungs pa
dang/ phyi ma bsgrub bya dang mtshungs pa'i skyon brjod pa ma
gtogs gzhan rigs rgyan gyi rjes

@331a @#/ /su 'brangs so/ /sde bdun
rgyan du/ gang zag gcig la
snang ba cig shos la'ang snang bar gsungs pa dang bstun te/
skabs lnga pa'i yig char/ de gnyis rigs mthun gyi bag chags sad
pa'i dbang gis

snang bar gsungs shing/ chos mdzad mchan du/ rigs rgyan ltar na
spyir sngon po de de gnyis ka la snang yang de gnyis ka la snang
ba'i sngon po min zer dgos 'dra bas gzung bya thun mong ba'i
sngon po 'jog mi 'jog dpyad dgos par

bshad do/ /kha cig lhas byin gyi rgyud kyi mchod sbyin gyi shes
pa rtogs pa'i tshad ma'i gzung byar gyur ba'i mchod sbyin gyi
shes pa de tshad ma de dang rdzas gcig yin na/ de gnyis rgyud
gcig tu thal zhing/ rdzas tha dad yin na tshad ma

des de 'jal tshul de la rnam rig pa thun mong min pa'i gzhan rig
gi tshad 'bras kyi rnam gzhag mi 'thad par 'gyur te/ de la rang
gi bdag nyid du gyur ba'i yul rig pa 'bras bur 'jog dgos pa'i
phyir zer na/ de la kha cig gis

blta byar gyur pa'i gang zag gzhan rgyud kyi shes pa de rang
rtogs pa po'i gang zag gi shes pa dang rgyud tha dad yin pas
skyon med zer ba dang/ gzhan dag de gnyis rdzas gcig kyang
rgyud
gcig tu 'gyur ba'i skyon med de/ rdzas

gcig pa ni gzhan rgyud kyi shes pa snang ba dang de 'dzin pa'i
shes pa gnyis yin la/ rgyud tha dad pa ni gtan nas 'brel med kyi
bdag nyid tha dad pa'i shes rgyud kyi dbang du byas pa yin pa'i
phyir zer/ de la lcang skya'i grub

@331b mthar/ 'dod pa dang po ltar na sgra rtag mi rtag the tshom
za ba'i rgol ba la sgra mi rtag ces brjod pa'i phyogs tshig kyang
de sgrub kyi sgrub byed yang dag tu thal ba'i skyon dang/ gnyis
pas dogs pa mi chod de/ 'brel med kyi rgyud tha dad

pa nyid kyis ma nges pa'i phyir ro/ /zhes skyon brjod nas/ rang
lugs la/ rjes dpag gis gzhan sems 'dzin pa ni rtags la brten nas
yin zhing de yang don spyi 'dzin pa yin gyi yul rang mtshan dngos
su snang ba'i sgo nas 'dzin

pa min yang de la tshad mar song ba mi 'gal bas/ 'di ni lkog gyur
gyi yul brgyud nas 'dzin pas rang gi ngo bo dngos su mi 'dzin
kyang tshad mar gyur pa shes sla zhing/ des pha rol bo'i shes pa
dang rang sems rdzas gcig mi dgos

pa'ang shes nus la/ gzhan sems shes pa'i mngon shes la ni rnal
'byor gyi stobs kyis gzhan sems kyi rnam pa shar bas skyon med
par gsungs so/ /kha cig sangs rgyas kyi ye shes dang rdzas gcig
pa'i sdug bden yod

par thal/ rig bya rig byed rdzas gcig yin pa'i phyir zer na/
de'i lan du grub mtha' chen mor/ sngon po dang kun mkhyen ye
shes gnyis chos can/ rdzas gcig ma yin te/ lhan cig dmigs nges
ma yin pa'i phyir/ zhes

gsungs nas/ rtags de'i don yang kun mkhyen ma dmigs kyang sngon
po dmigs pa du ma yod pa la dgongs so/ /de la lcang skya'i grub
mthar lhas byin gyis rtags 'di la brten nas sngon po dang sngo
'dzin shes pa rdzas

@332a @#/ /gzhan du med par rtogs tshe/ sngon po de lhas byin rang
rgyud kyi sngo 'dzin shes pa dang rdzas tha dad 'gog pa dang/
gzhan rgyud kyi sngo 'dzin shes pa dang rdzas tha dad 'gog pa
gang la yang sngon po dmigs

kyang de'i rgyud kyi sngo 'dzin shes pa ma dmigs pa du ma yod
pas de gnyis lhan cig dmigs nges min par 'gyur la/ gang gi'ang
rgyud dang ma 'brel ba'i shes pa zhig dang rdzas tha dad 'gog
na/ de 'dra'i shes pa med pas

mi 'thad cing/ rang lugs rnam mkhyen gyis chos kun gzigs pa
tshogs gnyis rdzogs stobs las byung bas sdug bden dang rnam
mkhyen rdzas gcig pa'i skyon med par gsungs so/ /des na gang zag
gnyis kyis

sngon po gcig la bltas pa'i tshe gcig la snang ba'i cha cig shos
la mi snang yang blta bya thun mong ba'i sngon po gcig yod pa mi
'gal ba dang/ blta bya thun mong ba'i sngon po de gang zag de
gnyis gang gi shes pa dang yang

rdzas gcig min yang rang 'dzin shes pa dang rdzas gcig min pa'i
skyon med do/ /sngon po lta bu la gang zag gnyis kyi thun mong
min pa'i snang gzhi'i sngon po re re dang thun mong gi snang
gzhi'i sngon po rnams sngon po dngos gnas

pa yin yang/ nyer sbas kyi gzugs la gang zag gnyis kyis bltas
tshe thun mong gi de nyer sbas kyi gzugs yin yang gzhan gnyis
de'i rnam can las de dngos gnas par 'dod mi rung ste/ rung na
gang zag rgyud tha dad pa

@332b gsum gyi rgyud kyis bsdus pa'i nyer sbas kyi gzugs gsum
yod par thal ba'i phyir ro/ /des na rnam smin gyi 'bras bu rnams
la thun mong min pa'i snang bya rnams de dang de dngos gnas min
zhing/ gzhan rgyud kyi shes pa 'dzin

pa'i rjes dpag la don spyi snang ba yin pas shes pa de rjes dpag
de dang rdzas gcig pa'i dogs pa med la/ gzhan sems shes pa'i
mngon shes la zhi lhag zung 'brel gyi ting nge 'dzin gyi stobs
kyis pha rol po'i sems kyi rnam pa

shar bas mngon shes de pha rol bo'i sems dang rdzas gcig yin mi
dgos pa dang/ kun mkhyen ye shes la chos gang snang tshogs gnyis
mthar phyin pa'i stobs las byung bas de dang sdug bden sogs
rdzas gcig yin mi dgos par

shes par bya'o/ /lugs 'dir lhan cig dmigs nges kyi rigs pa gzung
'dzin rdzas gzhan gyis stong pa gtan la 'bebs pa'i rigs pa'i
gtso bo yin pa la/ gzhung 'dir de dngos su ma gsungs par rdul
cha med 'gog pa dang/

skyes la 'dra ba 'gog pa sogs kyi rigs pa dngos su gsungs pa'i
rgyu mtshan brtag go /gsum pa dgongs 'grel las bshad pa'i stong
tshul shes pa gal che bar bstan pa ni/ yum gyi mdo nas/ zhes sogs
byung/ spar

ltar dgongs 'grel las bshad pa'i spro 'dogs kyi mtha' 'gog tshul
ma shes na/ theg bsdus las/ sangs rgyas bcom ldan 'das rnams
kyis theg pa chen po shin tu rgyas pa bstan pa gang yin pa'i
bstan pa der kun tu

@333a @#/ /btags pa'i ngo bo nyid ji ltar rig par bya zhe na/ med
pa'i rnam grangs bstan pas rig par bya'o/ /zhes sher mdor med
ces gang gsungs pas kun btags 'gog par bshad pa'i don mi shes
te/ dgongs

'grel du gzhi gzhan dbang la ngo bo dang khyad par du btags pa'i
kun btags 'gog tshul gsungs pa 'di mi shes na/ lugs 'dir yang
ches mi rigs pa du ma smra dgos par 'gyur ba'i phyir te/ sher
mdor chos thams cad

med ces gsungs pa kun gzung 'dzin rdzas gzhan gyi kun btags kyis
stong pa kho na la bshad dgos par 'gyur ba'i phyir/ khyab ste/
de ltar na nam mkha' med ces gsungs pa'ang nam mkha' phyi don
du
med pa la dgongs

zhes rtog ldan la skye mi srid pa'i log rtog 'gog pa kho nar
sbyar te 'chad dgos par 'gyur ba'i phyir ro/ /de ni rtog ldan la
skye mi srid pa'i dogs pa yin te/ nam mkha' phyi don du grub na
bem por grub dgos la/ nam mkha' bem

por 'dzin pa'i log rtog rtog ldan la skye ba'i gnas med pa'i
phyir/ 'di shes na nam mkha' rang 'dzin rtog pa'i zhen gzhir
rang mtshan gyis med pa la dgongs nas nam mkha' med ces gsungs
so
zhes sher mdor nam mkha'

med ces gsungs pa'i don 'chad tshul la mkhas par 'gyur ro/
/dgongs 'grel gyi kun btags 'jog tshul mi shes par gzung 'dzin
rdzas gzhan gyis stong pa kho na la bshad na rtag mi rtag sogs
gang du yang gzungs med

@333b par sher mdor gsungs pa'ang 'di bas bshad dka' 'o/ /de'i
phyir bod kha cig gang du yang gzungs med par gsungs pa rnams
mnyam gzhag gi dus la dgongs zer ba sogs ni zer rgyus phongs
pa'o/ /byang sa sogs su

shes 'tshol bzhi gsungs pa ni lugs 'di'i lta ba gtan la 'bebs
byed sogs su gsungs la/ de dag gi don shes pa la dgongs 'grel du
gsungs pa'i ngo bo dang khyad par la kun btags pa'i kun btags
rang mtshan gyis

grub pa 'gog pa'i rigs pa/ ming gi snga rol blo med phyir/ /sogs
kyis bstan pa dang/ dgag bya phra mo nas shes dgos pa dang/
khyad par rigs pa de dag gis gzung 'dzin rdzas gzhan khegs nas
rnam rig tsam la 'jug tshul

shes dgos te/ gzhan du na/ chos kyi bdag 'dzin phyogs gcig las
mi khegs shing/ chos kyi bdag med spom pa yongs su mi rdzogs
pa'i phyir dang/ dgongs 'grel du gsungs pa'i ngo bo dang khyad
par du btags pa'i kun

btags rang mtshan gyis grub pa rigs pas bkag na de'i sgo nas rnam
rig tsam la 'jug par 'gyur ba'i phyir ro/ ! /spro na/ blo gling
bas/ nam mkha' dang de 'dzin tshad ma rdzas gzhan gyis stong pa
ni mdo sde bas rtogs pas stong

nyid phra mor mi rung bar bshad cing/ yig cha rnying bar/ nam
mkha' phyi don du 'dzin pa'i blo lhan skyes med par gsungs pa
yig chas bkag nas/ nam mkha' rang 'dzin shes pa dang bdag nyid
gcig yin zhing de rang 'dzin shes pa

@334a @#/ /dang ngo bo tha dad du 'dzin pa'i blo lhan skyes chos
kyi bdag 'dzin dang/ des zhen pa ltar grub pas stong pa chos kyi
bdag med yin pa la dgongs nas/ nam mkha' bem por grub pa de phyi
don du grub pa'i tshad du ma byas

par; nam mkha' rang 'dzin shes pa dang ngo bo tha dad du grub pa
de'i tshad du byas nas/ nam mkha' phyi don du grub pas stong pa
chos kyi bdag med phra mor gsungs pa dpyad par bya ste/ gzhung
las/ rnal 'byor spyod pa bdag gi

lugs la yang ches mi rigs pa du ma zhig smra dgos la/ rtag mi
rtag la sogs pa gang du yang gzungs med par gsungs pa rnams
kyang lugs 'dis bshad par shin tu dka' 'o/ /zhes dang/ stong
thun las/ 'dus ma byas kyi

nam mkha' med par gsungs pa'ang nam mkha' phyi rol tu med pa la
dgongs so/ /zhes rtog ldan la skye mi srid pa'i log rtog 'gog pa
'ba' zhig la sbyar te 'chad dgos pa mang po 'byung ba'i phyir
ro/ /zhes gsungs pa'i phyir/

des na phyi don zhes pa rang 'dzin shes pa'i gzung don nam bem
po'am rdul du grub pa la byas nas/ gzugs sogs rang 'dzin shes
pa'i gzung don dang de dag 'dzin pa'i shes pa de dag gi 'bras
bur byas pa'i gzung 'dzin rdzas tha dad

kyis stong ba phyi rol don stong gi don yin no/ /kha cig na re/
thogs med sku mched kyis rtog pa yid shes dang/ phyogs glang
chos grags kyi rtog med dbang shes la ltos pa'i chos kyi bdag
med tsam las mi 'dod de/ sa sde las snga

@334b ma dang tshad ma mdo dang rnam 'grel nges las phyi ma ma
gtogs gsal bar ma bshad pa'i phyir na ma khyab ste/ thogs med
kyis theg bsdus dang/ dbyig gnyen gyis nyi shu bar rtog med
dbang shes la ltos pa'i de dang/ phyogs glang

gis brgyad stong don bsdus su rtog pa yid shes la ltos pa'i de
'gog pa'i rigs pa gsal bar gsungs pa'i phyir/ gnyis pa de la
rtsod pa spang ba la gnyis/ dgongs 'grel dang 'gal pa'i rtsod
spong dang/ gnod 'joms dang

'gal ba'i rtsod spong ngo/ /dang po la gnyis/ rtsod pa dang/ lan
no/ /dang po ni/ dgongs 'grel las/ zhes sogs byung/ de la kha
cig na re/ theg chen par ma zad nyan rang gis kyang chos kyi
bdag med rtogs pa dgongs 'grel

gyi don du byed dam mi byed/ mi byed na/ nyan rang la chos kyi
bdag med rtogs pa med par thal/ 'dod pa'i phyir/ 'dod mi nus te/
dgongs 'grel du/ gzhan dbang la kun btags kyi ngo bo nyid du
zhen pas 'khor bar 'khor la/

gzhan dbang la de med par mthong na 'khor ba ldog par gsungs pa
gang zhig theg pa gsum ga'i rnam dag gi lam dang rnam dag gcig
par gsungs shing/ gzhan dbang kun btags kyis stong tshul sngar
bshad pa las gzhan ma

gsungs pa'i phyir/ dang po grub ste/ dgongs 'grel 'phags zhus
las/ gzhan gyi dbang dang yongs su grub pa'i ngo bo nyid la kun
btags pa'i mtshan nyid kyi ngo bo nyid du mngon par zhen to/
/nam/ gzhi des na nyon

@335a @#/ /mongs pa'i kun nas nyon mongs pas kyang kun nas nyon
mongs par 'gyur/ las kyi kun nas nyon mongs pa dang/ skye ba'i
kun nas nyon mongs pas kyang kun nas nyon mongs par 'gyur zhing/
nas/ 'khor

bar 'gyur te 'khor ba las mi 'da' ba'i phyir ro/ /zhes dang/
gzhan gyi dbang gi ngo bo nyid la kun btags pa'i ngo bo nyid kyi
mtshan nyid du mngon par zhen pa med pas/ nas/ yang dag par 'dod
chags dang bral ba dang/ yang

dag par rnam par grol bar 'gyur zhing/ nyon mongs pa'i kun nas
nyon mongs pa dang/ las kyi kun nas nyon mongs pa dang/ skye
ba'i kun nas nyon mongs pa las kyang yongs su grol bar 'gyur ro/
/zhes gsungs pa'i phyir/

gnyis pa grub ste/ de gsum gsal ma 'di nyid dang sgrub pa 'di
nyid kyis myang 'das thob par gsungs pa'i phyir te/ de nyid las/
don dam yang dag 'phags/ de la sems can nyan thos kyi theg pa'i
rigs can rnams kyis kyang

lam 'di nyid dang/ sgrub pa 'di nyid kyis grub pa dang bde ba
bla na med pa'i mya ngan las 'das pa 'thob par 'gyur la/ sems
can rang sangs rgyas kyi theg pa'i rigs can rnams dang/ de bzhin
gshegs pa'i rigs can rnams

kyis kyang lam 'di nyid dang/ sgrub pa 'di nyid kyis grub pa
dang bde ba bla na med pa'i mya ngan las 'das pa 'thob par 'gyur
bas/ 'di ni nyan thos dang rang sangs rgyas dang byang chub sems
dpa' rnams kyi rnam par dag pa'i lam

@335b gcig pa yin la/ rnam par dag pa gcig ste gnyis pa gang
yang med/ ces gsungs pa'i phyir/ des na de dgongs 'grel gyi don
du byed na/ theg pa chen po la yang dag par zhugs pa rnams la
stong pa nyid smos pa'i rnam pas/ zhes

chos kyi bdag med rtogs pa theg chen thun mong ma yin par sngar
bshad pa dang 'gal la/ mi byed na dgongs 'grel gyi don ji ltar
'chad/ ces rtsod do/ /gnyis pa ni/ 'di la byang sar yang/ zhes
sogs byung/ rtog pa yid shes la

ltos pa'i chos kyi bdag 'dzin gyis 'jig lta'i rtsa ba byed par
lugs 'dis bzhed tshul ni/ byang sa las/ ngo bo nyid du rnam par
rtog pa gang yin pa dang/ bye brag tu rnam par rtog pa gang yin
pa dang/ ril bor 'dzin pa'i rnam par

rtog pa gang yin pa'i rnam par rtog pa gsum po 'di dag ni rnam
par rtog pa spros pa'i gnas dang/ rnam par rtog pa spros pa'i
dmigs pa'i dngos po gzugs la sogs pa'i ming btags pa skyed do/
/zhes rnam rtog gsum gyis 'di

gzugs so zhes pa sogs kyi rnam rtog gi dmigs pa'i dngos po dang
spros pa'i gnas skyed par gsungs shing/ rnam rtog gi dmigs pa'i
dngos po zhes pa de'i dmigs yul dang/ spros pa'i gnas zhes pa
rnam rtog gang las 'byung

ba'i gnas te de gnyis don gcig kyang go tshul so sor yod pas
gnyis ka smos so/ /rnam rtog gi dmigs pa de la brten nas 'jig
rten skye ba ni/ de nyid las/ dngos po de la brten nas spros par
byed na/ ming gi 'du shes kyi brjod pa 

@336a @#/ /yongs su bzung ba/ ming gi 'du shes kyi brjod pas
yongs su bsgos pa'i rnam par rtog pa sna tshogs mang po rnam pa
du ma dngos po de nyid las 'byung bar 'gyur ro/ /zhes dang/ 'jig
ltas nyon mongs gzhan

skyed pa ni/ de nyid las/ de la bdag go snyam pa'i rnam pa gang
yin pa dang/ bdag gi snyam pa'i rnam par rtog pa 'di gnyis ni
'jig tshogs la lta ba de las gzhan pa'i lta ba thams cad kyi rtsa
bar gyur pa dang/ nga rgyal gyi rtsa

ba nga'o snyam pa'i nga rgyal de las gzhan pa'i nga rgyal thams
cad kyi rtsa bar gyur pa skyed do/ /de la sdug par rnam par rtog
pa dang/ mi sdug par rnam par rtog pa dang/ de gnyi ga las ldog
pa'i rnam par rtog pa ni ci rigs par

'dod chags dang/ zhe sdang dang/ gti mug rnams skyed do/ /zhes
dang/ nyon mongs kyis 'khor bar 'khor ba ni/ de nyid las/ kun
nas nyon mongs pa las ni 'khor ba na 'khor bar 'gyur ro/ /'khor
ba na 'khor ba las ni

'khor ba'i rjes su song ba skye ba dang/ rga ba dang/ na ba
dang/ 'chi ba la sogs pa'i sdug bsngal 'byung bar 'gyur ro/
/zhes gsungs la/ shes 'tshol bzhis chos bdag med par shes na 'jig
lta sogs ldog par 'gyur ba ni/

de nyid las/ yongs su 'tshol ba rnam pa bzhi dang/ yang dag pa ji
lta ba bzhin du yongs su shes pa rnam pa bzhis 'gyur te/ nas/
gang gi tshe byang chub sems dpas yang dag pa ji lta ba bzhin du
yongs su shes pa rnam pa

@336b bzhi po la brten nas/ rnam par rtog pa rnam pa brgyad po
de yongs su shes par gyur pa na/ tshe 'di nyid la de yongs su
shes par gyur pas phyi ma la de'i rten dang de'i dmigs pa spros
par gtogs pa'i dngos po 'byung bar mi 'gyur ro/ /

de ma skyes shing ma byung bas de la dmigs pa'i rnam par rtog pa
yang phyi ma la 'byung bar mi 'gyur ro/ /de ltar na dngos po
dang bcas pa'i rnam par rtog pa de'i 'gog pa gang yin pa de ni
spros pa thams cad 'gog pa yin par rig par

bya'o; /spros pa 'gog pa de lta bu ni byang chub sems dpa' theg
pa chen po yongs su mya ngan las 'das pa yin par rig par bya'o/
/zhes gsungs so/ /de ltar chos kyi bdag 'dzin gyis gang zag gi
bdag 'dzin gyi gzhi byed pa

ni 'di bar ma zad nyan rang la chos kyi bdag med rtogs pa med
par 'dod pa'i rang rgyud pa rnams kyis kyang bzhed do/ /de ltar
chos kyi bdag 'dzin gang zag gi bdag 'dzin gyi gzhi yin par
gsungs nas dngos lan la/ rtags

zur gnyis bkod mtshams la ma khyab ste/ lam 'di nyid ces gsungs
pa ni gzhan dbang dgag bya'i kun btags kyis stong bar rtogs pa'i
lam la byed kyang chos kyi bdag med rtogs pa'i lam la bya mi
dgos pa'i phyir/ der thal/

'khor ba'i gzhi rtsa mthar thug ma log kyang 'khor ba las grol
ba mi 'gal ba'i phyir dang/ gzhan dbang kun btags kyis stong pa
la gang zag gi bdag med kyi dbang du byas pa yang kun btus dang
dgongs 'grel du gsungs

@337a @#/ /pa'i phyir dang/ gang zag gi bdag med rtogs pas nyon
mongs dag par byed pa dang/ nyon mongs spangs pa tsam gyi rnam
grol la theg pa che chung khyad med pa'i rgyu mtshan gyis rnam
dag gi lam dang rnam

dag gcig par gsungs pa yin pa'i phyir/ dang po grub ste/ chos
kyi bdag 'dzin zad na gang zag gi bdag 'dzin ldog kyang chos kyi
bdag 'dzin ma zad na gang zag gi bdag 'dzin mi ldog pa ma yin
pa'i phyir/ gnyis pa grub

ste; kun btus las/ chos nyid kyi mtshan nyid kyi rab tu dbye ba
gang zhe na/ phung po dang khams dang skye mched de dag nyid
la
bdag med cing/ sems can dang/ srog dang/ skye ba po dang/ gso ba
dang/ gang zag dang/

shed las skyes dang/ shed bu med la/ bdag med pa ni yod pa nyid
do/ /zhes gsungs shing/ de'i thad kyi rgyal sras mar/ gzhan
dbang phung sogs la kun btags pa'i gang zag gi bdag gis stong ba
yongs grub tu gsungs

pa'i phyir dang/ dgongs 'grel du gzhan dbang la chos bdag tu
sgro btags pa'i kun btags kyis snong pa chos kyi bdag med kyi
yongs grub tu 'jog pa theg chen gyi mdo'i don du bkral ba'i
shugs kyis/ gzhan dbang gang

zag gi bdag tu sgro btags pa'i kun btags kyis stong pa gang zag
gi bdag med kyi yongs grub tu 'jog pa'i mtshan nyid gsum gyi rnam
gzhag de tsam zhig theg dman gyi mdo'i don du go nus la/ rgyu
mtshan de'i phyir

@337b 'khor lo dang po'i ched du bya ba'i gdul bya 'khor lo dang
po rang gi bstan tshod kyi gang zag gi bdag med rtogs pa'i snod
du rung zhing/ chos kyi bdag med rtogs pa'i snod du mi rung ba
la 'khor lo dang po gsungs par dgongs 'grel du

chos kyi bdag med theg chen gyi mdo'i don du bkral ba'i shugs
kyis 'grel ba'i phyir/ des na 'khor lo dang po'i ched du bya
ba'i gdul byas gang zag gi bdag med las chos kyi bdag med rtogs
mi nus pa dang/ bar ba'i des

chos kyi bdag med rtogs nus par ma zad gzhan la ma brten par
mdo
de'i dgongs don ji bzhin rtogs nus pa dang/ tha ma'i des chos
kyi bdag med rtogs nus kyang 'khor lo tha ma la ma brten par bar
ba'i dgongs pa ji

bzhin rtogs mi nus la/ de la brten nas bar ba'i dgongs pa dngos
su go pa'i shugs la dang po'i dgongs pa yang go nus pas/ legs
par phye pa'i chos 'khor theg pa thams cad la yang dag par zhugs
pa'i ched du gsungs zhes

pa'i theg pa thams cad la yang dag par zhugs pa'i gdul bya'i don
ni 'khor lo za ma la brten nas 'khor lo gsum gyi don 'byed pa la
thos bsam gyis zhugs pa'i don du byed dgos so/ /rtags gsum pa
sla/ ! /'dir/ byang sar

bshad pa'i rnam rtog brgyad ni/ de nyid las/ ngo bo nyid du rnam
par rtog pa dang/ bye brag tu rnam par rtog pa dang/ ril por
'dzin pa'i rnam par rtog pa dang/ bdag go snyam pa'i rnam par
rtog pa dang/ bdag gi snyam pa'i rnam par rtog

@338a @#/ /pa dang/ sdug par rnam par rtog pa dang/ mi sdug par
rnam par rtog pa dang/ de gnyi ga las ldog pa'i rnam par rtog
pa'o/ /zhes pa ltar te rim par/ gzugs sogs la 'di ni gzugs so
zhes ngo bo nyid du dang/

gzugs sogs la 'di ni gzugs can no zhes sogs khyad par du dang/
gzugs sogs la bdag la sogs pa'i ming gi brda dang ldan la chos
mang po bsdus pa dag la gcig tu dang/ nyer len gyi phung po la
bdag tu dang/ nyer

len gyi phung po la bdag gi bar dang/ mdzes pa'i dngos po la yid
du 'ong bar dang/ mi mdzes pa'i dngos po la yid du mi 'ong bar
dang/ bar ma'i dngos po la de gnyis ka dang bral bar rnam par
rtog pa ste/ de dag kyang dngos po

gsum skyed par 'jug la dngos po gsum ni rgya mtsho'i sprin las/
gzhi gsum po dbye bar bya ste/ dang po ni rnam par rtog pa la
gnas pa'o/ /de nyid la lta ba las nga'o snyam pa'i nga rgyal kun
tu 'jug pa ni gnyis pa'o/ /de la brten

pa'i 'dod chags dang zhe sdang dang gti mug ni gsum pa'o/ /zhes
pa ltar ro/ /rnam rtog dang dngos po gsum yang rten dang brten
pa'i tshul du thog ma med pa dang/ gcig gi rgyu las gcig 'byung
ba yin te/ thog med nas rnam

rtog la brten nas rnam rtog gi rten par ma chad par byung ba'i
phyir ro/ /de la rnam rtog dang po gsum gyis rnam rtog gi dmigs
pa'i dngos po spros pa'i gnas skyed/ bar ba gnyis kyis lta ba
dang nga'o snyam pa'i nga rgyal gyi dngos

@338b po skyed/ tha ma gsum gyis dug gsum gyi dngos po skyed do/
! /spro na/ dka' 'grel du/ rtsod lan gnyis dang/ phung po la
sogs pa gzhan dbang dang/ sogs 'phros don lta bu dang/ gnyal
ston gyis rtsod pa gnyis bkod

nas don tshan bdun gyis lan dang/ dran dbang yid yangs sogs su
rtsod lan gsum re byas kyang sngar bshad pa dgongs par gnas sam
snyam mo/ /sngar thun mong ma yin par bshad pa rnams dang 'gal
lo/ /zhes pa'i mang tshig

gi don/ theg pa chen po la yang dag par zhugs pa rnams la/ sogs
dang/ theg pa thams cad la yang dag par zhugs pa rnams la/ sogs
dgongs 'grel gyi gzhung gnyis dang/ de'i steng du byang sar chos
kyi bdag med shes sgrib

dag byed kyi dmigs par gsungs pa rnams dang/ gzhung rang du
thun
mong ma yin par bshad pa rnams la byed pa rnams las gang 'thad
dad/ byang sa'i ril bor 'dzin pa zhes pa ming sna tshogs 'jug pa
rnams gcig tu 'dzin pa

dang; rtag gcig rang dbang ba'i rtag par 'dzin pa dang/ cha med
du 'dzin pa dang/ shing gi rigs du ma tshogs pa la nags tshal zhes
btags pa'i don rang mtshan du zhen pa lta bur 'dod pa rnams las
gang khungs dang ldan pa rtag

go /rnam rtog gi dmigs pa'i dngos po spros pa'i gnas/ zhes pa
pra sti'i drang nges rgyas par spros pa'i gnas tshul min yid byed
gtsang bde rtag bdag tu 'dzin pa skyed pa la bshad kyang/ mun
sel las/ rnam rtog chos

@339a @#/ /kyi bdag 'dzin gyi 'dzin stangs yod yod 'dra ba spros
pa'i gnas skyed/ ces gsungs so/ /kho na re/ nyan rang dgra bcom
chos can/ 'khor ba'i rtsa ba spangs bar thal/ 'khor ba rtsa ba
nas spangs pa'i phyir na

ma khyab ste/ 'khor ba'i gzhi rtsa mthar thug pa'i chos kyi bdag
'dzin ma log kyang 'khor ba spangs pa mi 'ga' pa'i phyir/ kho na
re/ chos kyi bdag 'dzin chos can/ khyod 'khor rtsa mthar thug ma
yin par thal/ nyan rang gis khyod

spong pa gtso bor mi byed pa'i phyir na ma khyab/ rtags grub
ste/ de 'khor rtsa mthar thug yin yang de tsam gyis 'khor bar
'khor mi nus la/ de ma spangs kyang gang zag gi bdag 'dzin
spangs pas thar ba thob nus pa'i phyir/ yig

cha'i tshig zin la brten pa kha cig gang zag gi bdag med rtogs
pa'i shes rab chos can/ khyod kyis bdag 'dzin zad par spong nus
par thal/ khyod bdag 'dzin dang 'dzin stangs dngos 'gal gang/
rgyab rten tshad ma dang

bcas pa'i sgo nas rang gi 'dzin stangs kyi yul gyi gnas lugs su
song ba'i phyir zer ba la/ gzhan dag na re/ phung po mi rtag par
rtogs pa'i shes rab chos can/ khyod kyis phung po rtag 'dzin
spong nus bar thal/ khyod phung

po rtag 'dzin dang 'dzin stangs dngos su 'gal ba gang/ rtags
gnyis pa de'i phyir te/ phung po mi rtag pa de phung po'i gnas
lugs yin pa'i phyir/ der thal/ de de'i kun rdzob kyi gnas lugs
yin pa'i phyir na kha cig ma

@339b khyab zer ba las gang khas blang dgos dpyad do/ /dgongs
'grel gyi lam 'di nyid dang sgrub pa 'di nyid ces pa/ gnyal ston
sogs kyis gang zag gi bdag med rtogs pa'i lam la sbyar ba dang/
gzhan dag spyir gzhan dbang

kun btags kyis stong pa'i yongs grub rtogs pa'i lam la byed pa
gnyi ga rung ste/ gzhung las/ lam 'di nyid ces gsungs pa ni
gzhan dbang kun btags kyi mtshan nyid kyis stong bar rtogs pa'i
lam la byed/ ces dang/

gang zag gi bdag med rtogs pas nyon mongs dag par byed pa dang/
nyon mongs spangs ba tsam gyi rnam grol la theg pa che chung
khyad med pas rnam dag gi lam dang rnam dag gcig par yang
gsungs
so/ /zhes gsungs pa'i phyir/

de lta na yang theg chen gyis gang zag gi bdag med rtogs pas
nyon mongs dag par byed tshul brtag dgos so/ /'di'i lam dang
sgrub pa'i khyad la/ dgongs 'grel rnam bshad las/ lam 'di nyid
dang sgrub pa 'di nyid kyis zhes

bya ba ni rnam grangs te/ zhes pa las gzhan thad 'di'i dgongs
'grel gyi 'grel ba rnams su mi gsal zhing/ bse ngag dbang bkra
shis kyis rim par bar chad med lam dang/ lam bden gyi khyad chos
bzhi'i nang gi sgrub pa la

byas so/ /gnyis pa gnod 'joms dang 'gal ba'i rtsod spong la
gnyis/ lung dang 'gal ba'i rtsod pa dgod pa dang/ de la lan gdab
pa'o/ /dang po ni/ gal te ngo bo dang/ zhes sogs byung/ de la jo
nang pa dag na re/ dbyig

@340a @#/ /gnyen gyis yum gsum gnod 'joms su/ chos nyid kyi mig
ste mig gi yongs grub ni kun btags kyi mig dang rnam btags te
gzhan dbang gi mig gis stong ba ste yongs grub stong gzhir byas
nas ngo bo nyid

gzhan gnyis kyis stong par gsungs pa mi 'thad par thal/ skabs
thams cad du gzhan dbang stong gzhir byas nas ngo bo dang
khyad
par du btags pa'i kun btags dang gzung 'dzin rdzas gzhan gyi kun
btags gnyis kyis yin

pa'i tshul gyis stong pa yongs grub tu bya dgos pa'i phyir/ rtags
khas/ zhes zer ro/ /gnyis pa la gsum/ gzhan dbang kun btags kyis
stong pa de kho na nyid du 'thad par bstan te lan gdab pa/ gnod
'joms kyi lung don

gzhan du bstan te mi 'gal bar bsgrub pa/ de yum gyi mdo don ma
yin par bstan te gnod 'joms dbyig gnyen gyi min par bshad pa'o/
/dang po la gnyis/ dngos dang/ stong tshul des bdag 'dzin la mi
gnod par bstan

pa'o; /dang po ni/ de la rnal 'byor spyod pa/ zhes sogs byung/
bzhin no/ /yan gyis chos kyi bdag med kyi stong gzhi dang/ dgos
so/ /yan gyis chos kyi bdag med gtan la 'phebs pa la bdag 'dzin
lhan skyes kyi zhen

yul 'gog dgos pa dang/ ga la yin/ yan gyis chos de'i steng gi
chos kyi bdag med gtan la 'bebs pa la chos de'i steng gi gzhan
dbang nyid stong gzhir 'dzin dgos pa dang/ de man gyis chos kyi
bdag yod par 'dzin pa yang

@340b don gzhan zhig yod par 'dzin pa min par bstan to/ /de la
dbu sems su'i lugs la yang chos kyi bdag med kyi yongs grub gtan
la 'bebs pa na stong gzhi ngos gzung du yod de/ chos kyi bdag
'dzin gyis gzhi gang la chos bdag tu

bzung ba de la nges par byed pa'i phyir/ dpe gzhung ltar ro/
/gzhan yang/ de gnyis su'i lugs la yang de 'dra'i yongs grub
gtan la 'bebs pa na lhan skyes kyi bdag 'dzin gyis bdag tu bzung
ba'i gzhi de des ji ltar bzung ba ltar bdag

gis stong par bstan dgos te/ rdul cha med pa bsags pa'i phyi don
lta bu lhan skyes kyis bzung tshul dang mi mthun pa'i grub mtha'
kho nas btags pa tsam zhig med pa'i stong pa bstan kyang bdag
'dzin lhan skyes la mi gnod pa'i phyir te/ de

grub mtha' smra ba kho na las/ sems can gzhan la med pa'i phyir/
des na grub mthas btags pa 'gog pa yang bdag 'dzin lhan skyes
'gog pa'i yan lag tu shes dgos so/ /gzhan yang/ yongs grub ngo
bo nyid gzhan gnyis don

gzhan du yod pas stong ngo zhes bdag med gtan la 'bebs pa ma yin
par/ gzhan dbang stong gzhir bzung nas/ ngo bo dang khyad par
du
kun btags pa'i kun btags rang mtshan gyis grub pas stong pa gtan
la 'bebs dgos te/ sems

can rang dga' ba rnams kyis yongs grub la mtshan nyid gzhan gnyis
don gzhan du yod par bzung nas 'khrul ba min par phyi nang gi
dngos bo gzhan dbang tsam la bdag tu 'khrul nas 'dzin pa'i
phyir/ gzhan yang/ chos bdag yod par

@341a @#/ /'dzin pa yang don
gzhan zhig yod par 'dzin pa ma yin
te/ gzung 'dzin gnyis yul yul can du so sor rgyang chad du snang
ba na de ltar grub par 'dzin pa'i gnyen por gzung 'dzin rdzas
gzhan du ma grub ces ston dgos

kyi gzung 'dzin rdzas gzhan du grub pa ni stong gzhi gzung 'dzin
de la med do zhes ston pa ma yin pa'i phyir te/ chos kyi bdag
'dzin gyis ji ltar snang ba de ltar yod par 'dzin pa'i phyir/
gnyis pa ni/ des na dbus mtha'i/ zhes sogs

byung/ des na gang la bdag tu bzung ba'i gzhi gzhan dbang de ji
ltar bzung ba ltar gyi kun btags kyi bdag gis stong pa yongs
grub yin pa'i stong tshul de 'dra'i stong nyid bsgoms na bdag
'dzin gyi gnyen por 'gro ba las de dang mi

mthun pa'i stong tshul gyi stong pa bsgoms pas bdag 'dzin la ci
yang mi gnod do/ /dbus mtha'i 'grel bshad las/ gal te gnyis po
ni ri bong gi rwa dang 'dran yang ji ltar des yang dag pa ma yin
pa kun rtog pa stong ste/ dper na

dge slong rnams kyis gtsug lag khang bzhin du gzhan gyis gzhan
stong par mthong zhe na/ dper na thag pa la'am sgyu ma la bdag
nyid kyis med par sprul gyi rnam pa dang skyes bu la sogs pa lta
bur snang ba de la kha cig 'dzin pa bzlog pa'i

phyir sprul dang skyes bu la sogs pas stong ngo zhes brjod pa de
bzhin du/ yang dag pa ma yin pa kun tu rtog pa la yang bdag nyid
kyis med par gzung ba dang 'dzin pa'i rnam par snang ba de la
byis pa rnams 'dzin cing mngon par zhen pa dor

@341b bar bya ba'i phyir gnyis kyis stong zhes bshad do/ /zhes
gtsug lag khang dge slong gis stong pa ltar min par thag pa
sprul gyis stong pa lta bu'i stong tshul dgos par gsungs shing/
chos bdag gis stong tshul gzhan yang de ltar yin pa'i

phyir/ des na 'jig rten na 'dre shar sgor gnas pa la glud nub
sgor gtong zhes pa ltar ma song ba dgos so/ /gnyis pa gnod 'joms
kyi lung don gzhan du bstan te mi 'gal bar bsgrub pa ni/ gnod
'joms kyis/ zhes sogs byung/

gnod 'joms kyi mdor bstan skabs kyi lung sngar gzhung du drangs
pa'i tshig zin ltar na yongs grub mtshan nyid gzhan gnyis kyis
stong pa gnas lugs su gsungs pa ltar snang mod de'i don de ltar
ma yin te/ rgyas bshad du mig gi chos nyid de

'phags pa'i mnyam gzhag rnam par mi rtog pa'i ye shes kyi ngo na
brjod bya rjod byed de sgra don gyi spyi snang ba kun btags kyi
gnyis snang dang/ gzung 'dzin sogs su snang ba rnam btags kyi
gnyis snang dang bral ba de ni mtshan nyid gzhan gnyis

kyis mnyam gzhag gi yul de stong zhes pa'i don du bshad pa'i
phyir te/ de la brjod par bya ba dang rjod pa'i rnam par bzung
ba'i/ sogs gsungs pa'i phyir/ lung dang po'i don snga 'grel dang
bsdur na/ de la rtog pa la rjod byed sgra spyi dang

brjod bya don spyi rnam par bzung ba ste snang ba'i mig ni kun
btags kyi mig dang/ kun btags kyi mig de nyid gzung ba gzugs kyi
skye mched la de 'dzin pa'i bdag nyid kyi mig gi rnam par so sor
snang ba ni rnam btags sam gzhan dbang gi

@342a @#/ /mig dang/ gzhan dbang gi mig de nyid sgra don gyi
spyir gyur pa'i brjod bya rjod byed dang rnam par bral bas brjod
du med cing mig gi gzung 'dzin tu so sor snang ba dang bcas par
gyur ba dang bral te mnyam bzhag so

so rang rig gis rig pa ste rtogs pa'i yongs grub ni chos nyid
kyi mig ste/ mdor na rtog pa la shar ba'i mig gi sgra don gyi
spyi ni kun btags kyi mig dang/ mig rang mtshan pa ni rnam btags
kyi mig dang/ mnyam gzhag gi ngor mtshan

nyid gzhan gnyis kyis stong pa ni yongs grub kyi mig tu bshad
do/ /lung gnyis pa'i don phyi 'grel dang bstun na/ khyod kyis
don dam yid byed sgom pa'i tshe 'phags pa'i mnyam gzhag gi ngo
na/ 'du byed kyi mtshan ma'i dngos po ste

gnyis chos mi snang bas/ gnyis chos rnams don dam bden par med
kyi kun rdzob bden par yod par shes par gyis/ zhes pa'i don no/
/des na gnod 'dzoms su 'phags pa'i mnyam gzhag gi ngor yongs
grub mtshan nyid gzhan

gnyis kyis stong par bshad pa de ni mnyam gzhag gi snang tshul
las gzhi'i lta ba chos kyi bdag med kyi yongs grub gtan la 'bebs
tshul mthar thug min no/ /mnyam gzhag gis stong nyid rtogs par
'dod pa'i dbu sems kun

kyang rang gi yul can gyi ngo na yul yod par 'dod pa kho na yin
pas/ gnod 'joms su de'i don yod pa tsam la don dam par yod pa
zhes bshad kyang de tsam gyis de'i lugs la don dam par yod med
rtsod pa'i don dam de yod

@342b par khas blangs pa ga la yin/ don dam dpyod pa'i rigs pas
dpyad bzod kyi don dam par yod pa gnod 'joms kyis gtan nas mi
'dod pa ni/ de nyid las/ ci stong pa nyid ces bya ba chos kyi
rnam par yod dam 'on te med/

gal te stong pa nyid ces bya ba zhig yod na ni stong pa nyid yod
pas stong pa ma yin pa nyid kyang yod par 'gyur te/ mi mthun
pa'i phyogs med par gnyen po yod par mi 'thad pa'i phyir ro/
/gal te stong pa ma yin pa yod na yang chos thams

cad stong pa ma yin par 'gyur ro zhes de snyam du bsams nas yang
'di ltar gtan la 'bebs te stong pa zhes bya ba ni ci yang med
pa'o/ /gal te stong pa zhes bya ba'i chos gzhan zhig yod par
gyur na ni de lta na mi stong pa'i chos kyang yod par

'gyur na/ stong pa zhes bya ba'i chos gzhan du gyur pa ni gang
yang med de/ zhes dang/ stong pa nyid med pas mi stong pa nyid
kyang med do/ /mi stong pa med pas stong pa nyid kyang med do/
/zhes 'dir de skad byar ni rung ngo/ /stong pa

nyid med do zhes kyang brjod par mi bya ste/ 'di ltar chos thams
cad stong pa'i phyir ro/ /stong pa nyid yod do zhes kyang brjod
par mi bya ste 'di ltar rnam par brtags na stong pa nyid ces bya
ba'i chos gzhan du gyur pa gang yang med pa'i

phyir ro/ /zhes dang/ gal te stong pa nyid kyang stong pa nyid
kyi mtshan nyid kyis stong pa ma yin na/ de lta na ni mi stong
pa'i chos shig yod par gyur pas chos thams cad stong ngo zhes
bya ba dang/ stong pa nyid kyi mtshan nyid 'di 'gal

@343a @#/ /ba'i phyir stong pa nyid dang 'gal bar 'gyur ba zhig
na/ 'di ltar stong pa nyid kyang stong pa nyid ces bya ba'i chos
gzhan du gyur pa gang yang med pas stong pa nyid kyi mtshan nyid
kyis stong par khas len te/ zhes dang/

mya ngan las 'das pa de yang mya ngan las 'das pas stong ngo
zhes bya ba ni don dam pa'i mya ngan las 'das pa ni kun btags
pa'i mya ngan las 'das pa'i ngo bo nyid kyis stong ngo/ /mya
ngan las 'das pa ther zug tu gnas pa zhes mi bya'am

zhen/ nyan thos kyi theg pa rtog pa dang bcas pa kha cig gis
tshul ni de ltar yin gyi don dam par ni mya ngan las 'das pa zhes
bya ba'i chos gang yang med do/ /zhes dang/ nyan thos kyi tshul
gyis kyang 'di dag don dam par yod pa ma yin

na stong pa nyid kyi tshul la lta smos kyang ci dgos/ zhes stong
pa nyid stong pa nyid sogs kyi skabs su gzhan stong la dmigs
kyis mang du bkag nas rang gi ngo bo stong pa la rtsal 'don
mdzad pas shes te/ 'dir mngas pas 'jigs nas ma

bris gsungs pa gser 'phreng gis ye shes kyi tshogs bshad pa'i
skabs rgyas par gsungs pa ltar ro/ /gsum pa de yum gyi mdo don
ma yin par bstan te gnod 'joms dbyig gnyen gyi min par bshad pa
ni/ yum gyi mdo nyid las/

zhes sogs byung/ de la/ mi snang ngo/ /yan gyis gnod 'joms kyis
bshad pa yum gyi mdo don min pa dang/ de man gyis gnod 'joms
dbyig gnyen gyis mdzad pa min par gsungs so/ /de yang/ gnod
'joms kyis mnyam

@343b gzhag gi ngor yongs grub gzhan dbang dang kun btags gnyis
kyis stong pa sher mdo'i mig ni mig gis stong ngo zhes sogs kyi
don du 'chad pa mi legs te/ de'i don spyir rnam btags kyi mig
kun btags kyi mig gis stong pa chos

nyid du bshad dgos pa'i phyir te/ mdo der chos kun la mtshan nyid
gsum gsum gyi rnam gzhag byas nas stong gzhi gzhan dbang dgag
bya'i kun btags kyis stong pa chos nyid yongs grub tu bshad pa'i
phyir/ gnod 'joms chos

can/ dbyig gnyen gyis mdzad pa ma yin te/ btsun pa'i nyi khri
rnam 'grel la kha 'phangs mdzad pa dang/ gzhan dbang yongs
grub
bden med du bshad pa dang/ dbyig gnyen gyi mdo rgyan 'grel ba
dang rnam bshad rigs pa'i bshad

tshul dang mi ma zun pa dang/ zhi 'tsho'i bshad yam mdzad pa dad/
yod pa bzhag nas med pa btsal ba'i skyon rnams yod pa'i phyir
ro/ /khyab pa yod de/ btsun pa grol sde dbyig gnyen gyi rjes su
byon pa'i phyir dang/ kun btags bden med

dang ngo bo nyid gzhan gnyis bden grub tu dam 'cha' ba dbyig
gnyen gyi rang lugs yin pa'i phyir dang/ dbyig gnyen gyi gzhung
yin na de'i gzhung che bdag dang mthun dgos pa'i phyir dang/ zhi
'tshod byig gnyen gyi rjes 'gyangs tsam nas byon

pa'i phyir dang/ kun mkhyen gnyis pa zhig la yod pa bzhag nas
med pa 'tshol ba'i 'khrul ba rags pa mi 'byung ba'i phyir/ rtsa
rtags dang po grub ste/ gnod 'joms su nyan thos kyi skyes bu
chen po'i rnam rtog brgyad rnam 'grel du kha

@344a @#/ /'phangs pa gang/ don de btsun pa'i rnam 'grel na yod
pa'i phyir/ dang po grub ste/ skyes bu chen po'i rnam par rtog
pa brgyad ces bya ba la nyan thos kyi rnam par rtog pa rnams ni
ji skad du rnam 'grel las bshad pa bzhin

no/ /zhes gsungs pa'i phyir/ gnyis pa grub ste/ skyes bu chen
po'i rnam par rtog pa brgyad ces bya ba ni mdo ji lta ba bzhin
no/ /mdo las ji ltar 'byung zhen/ zhes sogs gsungs pa'i phyir/
rtsa rtags gnyis pa grub ste/ gnod

'joms su gzhan dbang yongs grub gnyis ka yin lugs dpyod pa'i
rigs pas dpyad bzod yin pa bkag pa drangs zin ltar yin pa'i
phyir/ rtsa rtags gsum pa grub ste/ sgrub pa la gdams pa'i mdo
rtog pa bcu'i gnyen por mi 'chad

la/ dbyig gnyen gyis mdo rgyan 'grel bar de ltar bshad pa gang/
rnam bshad rigs par sher mdo'i don dgongs 'grel gyis bshad pa
bzhin du byed dgos par gsungs pa 'dren 'gyur ltar yin pa'i
phyir/ dang po grub ste/ de nyid

las/ byang chub sems dpas rnam par rtog pa rnam pa bcu spang bar
bya ste/ med par rtog pa ni gang gi gnyen por shes rab kyi pha
rol tu phyin pa las/ 'di la byang chub sems dpas byang chub sems
dpa' nyid du yod par zhes

gsungs pa yin no/ /zhes sogs gsungs pa'i phyir/ rtsa rtags bzhi
ba grub ste/ lnga brgya tha ma'i 'grel bar bstan pa'i gnas tshad
la zhi 'tsho'i 'dod pa bkod pa'i phyir te/ shAnti rak+Shi ta'i
bsam pa ni/ zhes gsungs pa'i phyir/

@344b rtsa rtags lnga ba grub ste/ rgyal sras zhe brgyad kyi zhe
gnyis pa'i thad du mdo na yod pa'i dge 'dun dge bcu'i las lam mi
gtong ba'i sems dpa' ma bgrangs par/ mdo na med pa phyogs bcu
bsdoms pa'i sems dpa' gcig bgrangs pa'i

phyir te/ sum cu bdun pa dag ni phyogs bcu'i sems can yongs su
smin par byas nas/ phyogs bcu'i sangs rgyas rnams la bsnyen bkur
byas te/ zhes sogs gsungs pa'i phyir/ des na sngon gyi yig
rnying sogs su gnod 'joms

kha che daMShTa sen ste mche pa'i sdes mdzad par grags pa ltar
yin no/ ! /spro na/ skabs dang po'i mtha' dpyod las/ stong nyid
kyi stong tshul grangs can gyi gzhan stong ltar bshad pas/ dbu
sems gang dang yang mi mthun pas legs

bshad snying por rgyas par bkag pa'i phyir/ zhes dang/ grub
mtha' chen mo las/ yum gsum gyi gnod 'joms mkhan po'ang/ nas/
'di'i gzhan stong gi tshul de grangs can ltar yin/ zhes dang/ 'on
dbyig gnyen gyis mdzad

par grags pa yum gsum gnod 'joms las/ nas/ mig gi yongs grub
stong gzhi byas nas gzhan dbang kun btags gnyis kyis stong bar
bshad pa yang mi 'thad dam zhe na/ de shin tu mi 'thad de/ de'i
stong gzhi dang stong tshul

thams cad dbu sems kyi shing rta chen po dag dang mi mthun la/
grangs can gyi stong tshul yin pas stong tshul tha shal lam sdug
shos yin par ston pas gsungs la/ mkhas ba du mas kyang smad pa'i
phyir/ zhes dang/ yig cha las/

@345a @#/ /kun mkhyen dol bo rjes 'brangs dang bcas pa na re/
nas/ de ltar yum gsum gnod 'joms las bshad pa'i phyir na ma
khyab/ ces dang/ des na gnod 'joms dang khyed cag gi stong tshul/
zhes dang/ gnod

'joms las 'phags pa'i mnyam gzhag gi ngo na yod pa de don dam
par yod pa'i don du bshad pa dang/ gzhan dbang yongs grub gnyis
ka rigs pas dpyad bzod 'gog pa'ang mi 'thad/ ces gsungs pa rnams
gung bsgrigs na

kun mkhyen bla mas gnod 'joms kyis stong tshul bshad pa dang
grangs can dang jo nang bas gzhan stong 'dod tshul gsum 'dra ba
dang/ gnod 'joms kyi bshad tshul de gzhung 'di las rgyas par bkag
pa dang/ de stong tshul sdug

shos yin par ston pas gsungs pa dang/ der mnyam gzhag gi ngor
yod pa don dam par yod pa'i don du bshad pa mi 'thad par bzhed
do/ /de la gzhan dag na re/ 'dod tshul dang po mi 'thad de/ der
stong tshul gsungs pa jo nang

bas 'dod tshul dang mi 'dra ba dang/ grangs can gyis gzhan stong
mi 'dod pa'i phyir/ dang po der thal/ der mnyam gzhag gi don
yongs grub mtshan nyid gzhan gnyis kyis stong pa dgag bya'i stong
tshul du bshad pa gang/ jo nang

bas yongs grub kun rdzob pa'i chos gzhan gyis stong pa gzhan
stong gi don du bshad pa'i phyir/ khyab ste/ gser 'phreng las/
de ltar phyogs 'di dang gnod 'joms gnyis yongs grub stong gzhi
dang mtshan nyid gzhan gnyis gang

@345b gis stong ba'i chos su byed pa ming tsam mthun yang don
gtan nas mi mthun te/ de yang gsum gyi gnod 'joms su/ nas/ skabs
du mar don dam dang stong nyid rang gi ngo bos stong bar du ma
zhig gsungs pa dang/ don dam dang stong

nyid ngo bos mi stong bar gshis la ther zug gi rtag par 'dod pa
gnyis ka la mtshungs/ zhes gsungs pa'i phyir/ dang po grub ste/
gzhung las/ gnod 'joms kyis bshad pa ni/ nas/ mig gi chos nyid
de 'phags pa'i mnyam

gzhag gis rig pa'i ngo na brjod bya rjod byed dang gzung 'dzin
tu snang ba'i gnyis snang dang bral ba la ngo bo nyid gzhan
gnyis kyis mnyam gzhag gi yul de stong zhes bya ste gnyis snang
snga ma ni kun btags dang phyi ma ni rnam btags yin pa'i

phyir ro/ /zhes dang/ 'phags pa'i mnyam gzhag gi don gnyis snang
med pa la bshad pa'i phyir ro/ /zhes gsungs pa'i phyir/ rtags
gnyis pa sla/ gong gi rtags gnyis pa grub ste/ grangs can gyis
gzhan stong 'dod pa'i don

bum pa ka bas stong pa sogs la byed na phyi nang gi grub mtha'
smra ba thams cad gzhan stong smra ba por 'gyur zhing/ spyi bdag
gnyis rnam 'gyur nyer gsum gyis stong pa grangs can pas stong
nyid du 'dod pa la byed na/ des de

'dra'i stong nyid 'dod par rgya bod kyi mkhas pa sus kyang ma
bshad la/ 'dod kyang de gzhan stong du 'dod sar mi 'grub pa'i
phyir/ skabs dang po'i zhib cha dang/ grub zin nyin byed snang
bar/ dbu ma snying por/ bdag kyang gzhan 

@346a @#/ /la rang bzhin gzhan/ /zhes sogs grangs can gyis gzhan
stong 'dod pa'i khungs su byas kyang der gzhan stong gi tha
snyad gsal bar mi 'byung bas da dung 'dren dgos so/ /'dod tshul
gnyis pa mi 'thad do/

gzhung gis gnod 'joms kyis mdo'i don bshad pa mi legs par gsungs
pa las des stong tshul bshad pa ma bkag pa'i phyir/ 'dod tshul
gsum pa mi 'thad de/ der bshad pa'i stong tshul de rnam dag yin
pa'i phyir dang/ lang

gshegs las kyang rang spyi'i mtshan nyid gcig gis gcig stong pa
sogs las/ mnyam gzhag gi ngor yongs grub mtshan nyid gzhan gnyis
kyis stong pa'i stong tshul tha shal du gsungs pa ma yin pa'i
phyir/ 'dod tshul bzhi ba mi

'thad de/ der 'phags pa'i mnyam gzhag gi ngo na yod pa don dam
bden par bshad pa las der yod pa don dam du yod med rtsod pa'i
don dam du yod par gsungs pa ma yin pa'i phyir te/ gzhung las/
gnod 'joms las

'phags pa'i mnyam gzhag gi ngo na yod pa tsam la don dam par yod
pa zhes bshad kyang/ nas/ don dam par yod med rtsod pa'i don dam
par yod pa de ga la yin/ zhes gsungs pa'i phyir zer na brtag go
/da lta bstan 'gyur

khrod du chud pa'i yum gsum gnod 'joms 'di bcom ral dang dol bob
sogs dbyig gnyen gyis mdzad par bshad cing/ bu'i lung snye dang
chos 'byung gnyi gar/ 'bum TIka shing rta'i srol 'byed bzhi'i
ya gyal la bzhag

@346b nas gzhung de gnyigs daMShTa se nas mdzad par byas te
gzhung phyi mas dbyig gnyen gyi gzhung 'grel du'ang byas so/ /de
yang chos 'byung las/ 'di ni dbyig gnyen gyi gzhung 'grel yin
te/ thub pa dgongs rgyan la sogs par nyi khri

gzhung 'grel las drangs pa'i tshig rnams der ji lta ba bzhin
snang ba'i phyir dang/ dbur yang/ 'di yi gzhung 'grel gnod 'joms
bya bar 'dod/ /ces 'byung ba'i phyir ro/ /zhes gsungs so/ /'grel
ba don gsal

sher sgron grags cha gsum du gzhung tshig 'dra ba mang bas mtshon
gzhung gzhan du yang de 'dra ci rigs 'byung bas rgyu mtshan dang
po ma nges la/ brtsam par dam bca' de gnod 'joms che chung gnyi
gar yang khyad med pas mi 'grub

po; /nya TIka tu/ bus 'bum 'grel dang yum gsum gnod 'joms khyad
ma phyed par bshad kyang chos 'byung la dpags na mi bden 'dra'o/
/rong par dang grub mtha' kun shes su yang shing rta'i srol
'byed bzhi'i ya gyal

'bum TIka tu byas nas de dpa' pos mdzad par bshad kyang/ grub
mtha' chen mos gnod 'joms mkhan po yang shing rta'i srol 'byed
yin pa mi 'thad ces 'gog pa la bltas na/ phyogs snga bsu skabs
dpa' bos mdzad

par 'dod pa zhes pa yum gyi gnod 'joms la sbyor rgyu'i dogs pa
yod pas brtag go /sa skya gnas drug pas/ srog gsum rnam grangs
bcu gcig gis/ /bshad pa daMShTa se na'i lugs/ /zhes dang/ de
nyid 'bum gyi bshad

@347a @#/ /par byas/ /la lar phri zhing la lar bsnan/ /de yang
daMShTa se na'i min/ /khri srong rgyal bos mdzad par grags/
/zhes dang/ yar 'brog pas kyang/ daMShTa se na'i gnod 'joms 'di/
/btsun pa grol sde'i

rting du brtsams/ /de yang mkhas pa gnas drug pa/ /kho nas rtogs
kyi gzhan du min/ /zhes pa ltar gnas drug pa'i rjes su gser
'phreng yang 'brangs so/ /ye shes thog tog tu daMShTa se na
singga la'i slob dpon du bshad na yang gser

'phreng du kha che bar mdzad do/ /dpal ldan chos rje'i phar
mchan las/ gnod 'joms 'di man ngag rjes 'brang dang bod kyi
mkhas pa kha cig gis dbyig gnyen gyi gzhung 'grel du bshad
kyang/ zhes dang/ grub mchan las/ man

ngag rjes 'brang mkhan po zhi ba 'byung gnas kyis kyang dbyig
gnyen gyi dgongs ba dbu mar bkral ba dang/ yum gsum gzhung
'grel
de dbyig gnyen gyi gzhung 'grel du bshad do/ don de ltar gser
'phreng las bshad pa'i phyir/

zhes bshad pa dang phyogs mthun par yar 'brog pas kyang/ deng
sang gzhung 'grel gnod 'joms 'di nyid yin pas de slob dpon dbyig
gnyen gyis mdzad ces rgya gar ba 'ga' zhig dang bod 'ga' zhig la
grags/ zhes 'chad

do; /dbyig gnyen gyi gzhung 'grel du klu sgrub kyi lung shes
byed du drangs par man ngag rjes 'brang gis bshad na'ang de yum
gsum gnod 'joms la bsams par mi 'grub cing/ der klu sgrub kyi
lung shes byed du ma drangs par

@347b smra mi nus te/ dbu sems thun mong du khas len pa'i don
'ga' zhig la klu sgrub kyi lung shes byed du drangs pa la 'gal
ba med pa'i phyir/ gzhung 'grel du klu sgrub kyi lung shes byed
du drangs nas 'chad pas klu sgrub dang dbyig gnyen lta

ba'i 'gangs mthun par man ngag rjes 'brang du gsungs pa gser
'phreng du bkag pa las/ yum gsum gnod 'joms su klu sgrub kyi
lung drangs pa'i rgyu mtshan gyis de gnyis lta ba'i 'gangs mthun
par man ngag rjes 'brang gis

gsungs par mi 'grub snyam pas dpyad do/ /gser 'phreng las/ man
ngag rjes 'brang du yang nyi khri'i gzhung 'grel zhes grags kyi
yum gsum gzhung 'grel zhes pa mi snang ba dang/ zhes pa'i don
yang/ rgyan snang las/ slob dpon

dbyig gnyen gyis ni gzhung gi 'grel bar don bshad pa la gnas
thob gyur/ /ces dang/ thub dgongs las/ slob dpon dbyig gnyen
gyis kyang gzhung 'grel du/ zhes dbyig gnyen gyi de la gzhung
'grel du bshad par ma zad/

man ngag rjes 'brang las kyang/ gang zhig gzhung 'grel dang ni
pha rol phyin tshul dang/ /zhes dang/ nyi khri'i gzhung 'grel las
so/ /zhes dang/ de ltar re zhig nyi khri'i gzhung 'grel gyi rjes
su 'brangs nas/ zhes dang/ gzhung

'grel las log pa'i gzhan rnams kyi bshad pa gzung bya ma yin pa
nyid do/ /zhes sogs nyi khri'i gsung 'grel zhes gsungs kyi yum
gsum gzhung 'grel zhes pa mi snang bas yum gsum gnod 'joms dbyig
gnyen gyi min

@348a @#/ /par gser 'phreng gis gsungs pa bsnyon du med pas/ de'i
don grub mchan las/ dbyig gnyen gyi gzhung 'grel ni nyi khri'i
gzhung 'grel zhes grags kyi yum gsum gzhung 'grel zhes 'phags
yul ba su

la yang ma grags pa'i shes byed yin/ zhes pa'ang 'thad dka' 'am
snyam ste/ de yum gsum gzhung 'grel yin na 'phags yul du de ltar
grags dgos pa'i phyir ro/ /des na gser 'phreng gi don par phyin
zhib char/

thub dgongs ma zad man ngag rjes 'brang du yang nyi khri'i
gzhung 'grel yum gsum gzhung 'grel yin pa ma shes shing der
'khrul ba la byas pa yang brtag go /yum gsum gnod 'joms la/ dkar
chag 'phang thang mar bam po

nyer bdun zhes byung yang/ nyer dgu kho rang las 'byung ngo/
/zhes gser 'breng du gsungs pas/ da lta bstan 'gyur gras su chud
pa'i bsgyur 'phro 'di la bam po nyer bdun las med na'ang 'gyur
rdzogs pa zhig yod pa'am gang

ltar yang bam po nyer dgu can zhig yod par nges so/ /da lta
btsun pa'i rnam 'grel du grags pa 'di btsun pa'i de dngos gnas
pa yin min dpyad pa kho bos gzhan du byas pa ltar dang/ gnod
'joms su zhi 'tsho'i bshad yam

bkod pa sde par du chad pas 'khrul gzhi byas te chos mdzad bstan
sgron sogs kyis gnod 'joms rang du de ltar yod med dogs pa byed
mod/ snar thang dang rgya par na gser 'phreng du 'byung ba ji
bzhin yod pas tshom pa

@348b mi 'tshal lo/ /gsum pa des gsung rab kyi drang nges 'byed
pa'i tshul la gnyis/ rang lugs gzhag pa dang/ gzhan lugs dgag
pa'o/ /dang po la gsum/ 'khor lo gsum gyi drang nges spyir bstan
pa/ 'khor lo bar ba drang

don du sgrub tshul bye brag tu bshad pa/ 'khor lo gsum ngos gzung
ba'o/ /dang po la gsum/ 'khor lo dang po drang don du bstan pa/
'khor lo bar ba drang don du bstan pa/ 'khor lo tha ma nges don
du bstan pa'o/ /dang po ni/

dngos po'i de kho na nyid/ ces sogs byung/ de la/ dngos po'i de
kho na nyid thogs med sku mched kyis bkral tshul de ltar byas na
zhes mtshams sbyar nas/ rnams so/ /yan gyis 'khor lo dang po las
phyi don gsungs pa drang don

du bstan/ de man gyis chos kun rang mtshan gyis yod par gsungs pa
drang don du bstan pa las/ phyi don gyi gzugs sogs sgye mched
yod par ston pa'i 'dir bstan 'khor lo dang pos gzung 'dzin rdzas
tha dad du gsungs pa'i

dgongs gzhi yod de/ rnam shes drug gang yin yang rang rang gi sa
bon gang dang gang yin pa de las su ste de las ni mig sogs rnam
rig dang gzugs sogs don gyi snang ba gang dag 'byung ba'i sa bon
de dang/ snang ba de dag ni rim

bzhin mig sogs nang dang gzugs sogs phyi de dang de yi skye
mched ni rnam pa gnyis su thub pas gsungs shing de lta bu'i sa
bon dang snang ba gnyis po de de yin pa'i phyir/ de ltar du nyi
shu ba las/ rang gi sa bon gang las su/

@349a @#/ /sogs gsungs te/ rnam rig snang ba gang 'byung ba/
/zhes pa'i 'gyur legs so/ /des gzugs sogs phyi rol gyi skye
mched yod par gsungs pa'i dgos pa yod de/ de ltar bstan pa des
'dul ba'i skye bo

bye mdo gnyis la phyi nang gi skye mched la brten nas gzugs lta
ba sogs kyi rnam shes 'byung bar bstan pa na/ de dag las don
gzhan pa'i lta ba po sogs kyi gang zag gi bdag med par rtogs pa
de de yin pa'i phyir/ dper na

skye ba snga phyi med par lta ba'i rgyang pan pa rnams kyi don
du bar srid la dgongs nas rdzus te 'byung ba'i sems can yod ces
bstan pa bzhin no/ /de ltar du/ nyi shu bar/ gzugs sogs skye
mched yod par ni/ /sogs so/ /skabs

'di'i rdzus te 'byung ba'i sems can ni gang zag gi bdag la byed
dgos pa/ nyi shu ba'i 'grel bshad las/ bcom ldan 'das kyis
dgongs pa 'dis rdzus te byung ba'i sems can yod do zhes gsungs
kyi yang dag pa'i don du na

bdag ni med do/ /nas/ bdag ni rtag pa'i phyir rdzus te byung ba
ma yin te/ zhes sogs gsungs pa ltar te rdzus te 'byung ba'i sems
can zhes pa rdzus skyes dang mi 'dra bar gang zag gi bdag gi
rnam grangs yin min brtag go /

chos khams la khyad ma phye bar thams cad rang mtshan gyis grub
sems can zhes pa rdzus skyes dang mi 'dra bar gang zag gi bdag
pa'i dgongs gzhi gzhan dbang yongs grub rang mtshan gyis grub pa
dang/ dgos pa kun

@349b btags gtan med du 'dzin pa'i chad lta dgag pa dang/ dngos
zin la gnod byed kun btags rang mtshan gyis ma grub par sgrub
pa'i rigs pa rnams so/ /gnyis pa ni/ kun las btus las/ zhes sogs
byung/ de la/

gnyis par bzhed do/ /yan gyis 'khor lo bar ba ngos bzung/ mi
'chad pa'i phyir ro/ /yan gyis de drang don du 'chad tshul 'khor
lo dang po dang mi 'dra bar bstan/ de man gyis 'khor lo bar ba
drang don du 'grel tshul bstan

to; /de la kun btus dang theg bsdus su dgongs gzhi gsungs pa'i
mdo ni 'bum par snang bas 'khor lo bar pa drang don du bshad pa
yang 'bum dang/ de dang brjod bya phyogs mthun pa rnams la
bzhed
do/ /rnam bshad rigs par

yang sher mdor ngo bo nyid med pa sogs su bshad pa sgra ji bzhin
pa bkag nas/ de nyid las/ dgongs pa nges par 'grel ba'i mdo las/
sogs gsungs pas sher mdo 'khor lo gnyis par bzhed do/ /kun btus
sngar mdo sde

rgyan gyi mtha' gnyis spong tshul gyi don 'chad skabs dang/ theg
bsdus brgyad stong don bsdus kyis bshad pa theg bsdus dang
mthun
tshul bshad skabs drangs nas bkral pa ltar la/ rnam bshad rigs
pa'i lung gzhung du drangs pa

ltar ro/ /'khor lo bar ba drang don du 'chad tshul ni 'khor lo
dang bor rang 'dzin shes pa dang rdzas tha dad pa'i gzung 'dzin
gsungs pa drang don du 'gro lugs dang ches mi 'dra ste/ dgongs
gzhi brjod byar byed tshul mi mtshungs pa

@350a @#/ /gang zhig sgras zin brjod byar byed tshul mi mtshungs
pa'i phyir/ dang po grub ste/ phyi don yod par ston pa'i 'khor
lo dang po'i dgongs gzhi yin na 'khor lo dang po'i brjod bya ma
yin pas khyab pa gang/ bar ba'i

dgongs gzhi yin na bar ba'i brjod bya yin pas khyab pa'i phyir/
dang po der thal/ rang 'dzin shes pa dang rdzas tha dad pa'i mig
dang gzugs kyi skye mched yod par gsungs pa'i dgongs gzhi ni mig
gi rnam shes kyi rten du gyur pa'i

kun gzhi'i steng gi nus pa la rnam smin gyi bag chags zhes bya
bas/ mig gi rnam shes kyi sa bon smin pa ste mig gi rnam shes de
nyid gang las byung ba'i sa bon dang/ mig shes la gzugs sogs
phyi don du snang ba gnyis po ni de'i

dgongs gzhi yin la/ de theg dman gyi mdo de dag gi brjod byar mi
rung ba'i phyir te/ mdo de'i ched du bya ba'i gdul bya la de
ston mi rung ba'i phyir/ gnyis pa der thal/ 'dir bstan 'khor lo
bar bas chos kun ngo bo nyid med pa

sogs su gsungs pa'i dgongs gzhi ni ngo bo nyid med tshul gsum la
byed cing/ de sher mdo'i don du 'chad pa'i phyir te/ mdo de'i
ched du bya ba'i gdul bya la de ston rung ba'i phyir/ rtsa rtags
gnyis pa grub ste/ 'dir bstan

'khor lo dang po'i sgras zin gyi brjod bya de'i ched du bya ba'i
gdul bya la ston dgos pa gang/ 'dir bstan 'khor lo bar ba'i
sgras zin gyi brjod bya de'i ched du bya ba'i gdul bya la ston
mi rung ba'i phyir/ dang po der thal/ phyi

@350b don gyi skye mched yod pa 'dir bstan 'khor lo dang po'i
sgras zin gyi brjod don yin zhing/ de de'i ched du bya ba'i gdul
bya bye mdo la ston dgos pa'i phyir/ gnyis pa der thal/ ngo bo
nyid med tshul ma phye bar don dam par ngo bo nyid

gtan med yum gyi mdo'i sgras zin gyi brjod don yin zhing/ de yum
gyi ched du bya ba'i gdul bya sems tsam pa la ston mi rung ba'i
phyir/ des na lugs 'dis khyad ma phye bar chos kun don dam par
ngo bo nyid med par 'chad pa

sher mdo'i don yin yang/ de drang don yin zhes mi 'grel bar/ de
ltar gsungs pa de sgra ji bzhin par gzung du mi rung bas don de
tsam du ma nges par da dung de'i don bshad dgos pa'i sgo nas
drang don du 'chad do/ /'dir

bstan 'khor lo bar ba drang don du 'grel tshul dngos ni/ don dam
par ngo bo nyid med pa gsum dgongs gzhi dang/ thal 'gyur pa sogs
'di'i lta ba la kha drang ba dgos pa dang/ gzhan dbang yongs
grub rang mtshan gyis

ma grub pa la gnod byed kyi rigs pa rnams dngos la gnod byed do/
/de'i phyir yum gyi sgras zin bzhin 'dzin pa ngo bo nyid med par
smra ba rnams ni sher mdo'i ched du bya ba'i gdul byar mi 'dod
cing de'i ched du bya ba'i gdul bya ni sems

tsam par bzhed pas 'khor lo phyi ma gnyis kyi dgongs pa gcig go
/'dir bstan 'khor lo bar bas chos kun rang mtshan gyis ma grub
par gsungs pa'i dgos pa ni/ bsdu ba las/ bcom ldan 'das kyis ci
la dgongs

@351a @#/ /nas chos thams cad ngo bo nyid med pa zhes gsungs she
na/ smras pa/ 'dul ba'i dbang gis de dang der ngo bo nyid med pa
nyid rnam pa gsum la dgongs nas gsungs te/ zhes pa la brten nas
yig char snar

ltar gsungs so/ /gsum pa ni/ shin tu rgyas pa/ zhes sogs byung/
'khor lo tha ma dgongs 'grel chos can/ nges don gyi mdo yin te/
thal 'gyur ba sogs sher mdor mos kyang de sgra ji bzhin du bzung
nas sgras zin

gyi don mdo de'i dgongs don yin no zhes smra ba bkag nas sher
mdo'i don dngos gnas pa gsal bar ston pa'i mdo yin pa'i phyir/
gnyis pa 'khor lo bar ba drang don du sgrub tshul bye brag tu
bshad pa la gnyis/ dngos dang/

zhar byung ngo/ /dang po ni/ yum gyi mdos/ zhes sogs byung/ yum
gyi mdos mtshan nyid gsum la bden par yod med kyi khyad ma phye
bar chos kun rang mtshan gyis med mnyam du bstan cing/ de sgra ji
bzhin par gzung du mi

rung bas drang don zhes bya zhing/ sher mdo sgra ji bzhin par
bzung na mtshan nyid gsum ga rang mtshan gyis ma grub par 'dzin
pa'i skur 'debs su 'gyur ba ni 'khor lo bar ba sgra ji bzhin pa
la gnod byed de/ de yang rnam bshad

rigs par/ sher mdor chos kun ngo bo nyid med pa sogs su lan du
mar gsungs pa dang/ rgyal sras kyi spyod par srob 'dod pa rnams
kyis sdig pa bshags pa sogs la bslab par yang gsungs pa'i snga
ma sgra ji bzhin pa yin

@351b na phyi ma dang 'gal te/ dge ba las bde ba 'di 'byung ngo
zhes blang du mi rung ba dang/ blang bya gang yin blang bya ci
zhig blang bar sems pa ste blang bya dang thob 'dod med pa'i
phyir/ des na snga ma sgra ji bzhin pa min gyi dgongs pa

can no/ /des ni ngo bo nyid med pa la sogs pa sgra ji bzhin pa
yin pa la nang 'gal ston to/ /'gal tshul yang bsdu na chos kun
ngo bo nyid med pa yin na blang bya dang 'dod pa dang rgyu 'bras
mi rung zhes smra ste gtso cher gzhan

dbang mi rung zhes pa'o/ /sher mdo nges don gyi mdor bzhed pa
thal 'gyur ba sogs kyis kyang/ der blang dor dang rgyu 'bras
sogs la tha snyad du yod pa las don dam par yod pa min zhes yang
yang gsungs pa ltar 'dod kyi/

blang dor rgyu 'bras sogs gtan med dam tha snyad du med par mi
'dod la/ mdo'i sgras zin la rnam bshad rigs pas skyon brjod
pa'ang mdo nas chos re re la ma sbyar kyang spyi la don dam par
med pa sbyar zin pas don dam par

med pa sgra ji bzhin par 'dod na rgyu 'bras sogs mi rung zhes
pa'i don yin te/ byang sa dang bsdu bar yang chos kun don dam
par med par lta ba skur 'debs su bshad cing bkag pa sngar sgro
skur spyir bstan du bshad zin pa ltar

yin pa'i phyir ro/ /gnyis pa ni/ don dam pa la/ zhes sogs byung/
spyir don dam pa la brtsams nas gsungs pa'i gsung rab kyi drang
nges 'byed pa ni/ sgra ji bzhin pa la rigs pa'i gnod pa yod med
la thug cing/

@352a @#/ /skabs 'dir don dam pa la brtsams nas gsungs pa'i 'khor
lo bar bar gnod pa bstan pa la don dam par yod pa legs par 'gog
shes pa dang/ de ltar khegs pa'i dngos po la rgyu 'bras 'ching
grol bya

byed sogs tshad mas grub par 'jog legs par shes pa ste khyad par
gnyis ldan gyi thal 'gyur pa'i lugs la mkhas na lan thebs so/
/de lta min par myu gu'i skye ba tshad mas grub na de don dam
pa'i skye bar song nas myu gu

'khrul shes kyis skye bar rlom pa'i ngor skye bas de kun rdzob
tu 'thad kyi spyir yod pa min zhes bod snga ma dag gis smras pas
gnod pa spong mi nus la/ de bas rnam rig pa'i lugs la brten na
skur 'debs mang po byed mi dgos pas

mdzes so/ /drang don du 'grel lugs la sgra ji bzhin pa yin min
dang/ don dam bden pa dngos bstan bstan bya'i gtso bor byed mi
byed sogs sgo mang po yod kyang/ rnam rig pas 'khor lo gnyis pa
drang don du 'grel lugs sgra

ji bzhin pa yin min gyis phye ba bshad ma thag pa ltar yin par
shes par bya'o/ /gsum pa 'khor lo gsum ngos bzung ba ni/ dgongs
'grel las/ zhes sogs byung/ dgongs 'grel du 'khor lo gsum gsungs
ba jo nang ba

ltar 'khor gyi 'du thebs dang/ mchims khro chag gsum ltar sku
tshe'i tshigs sogs kyis min par brjod byas 'jog go /de yang bdag
med gtan la 'bebs tshul gyi dbang du byas pa ste/ de'i tshul yang
bdag med gtan la

@352b 'bebs tshul skor gsum byung ba'i gnad kyis so/ /ston tshul
de dag las gzhan du ston pa'i lnga sde la sham thabs zlum por
bgo bar gsungs pa lta bu'i mdo gzhan rnams skabs 'di'i drang
nges dpyod pa'i gzhir mi 'ong la/ dang

bor wa ra NA sir sogs kyi don sla'o/ ! /spro na/ 'khor lo bar
ba'i dgos pa ni blo rje gnyigs sems tsam pa dbang rnon rjes su
gzung ba dang/ yig char thal 'gyur ba sogs kha drang ba dang/
lcang skya'i grub mthar rnam g.yeng gi rtog

pa bcu 'gog pa dang/ gzhan dag bka' dang po sgra ji bzhin par
'dzin pa'i rtag lta dgag ched yin par bshad do/ /kho na re/ sher
mdo'i don gzhan du drang mi dgos par thal/ chos rnams don dam
par med pa sher mdo'i sgras zin

las de'i don ma yin pa'i phyir na kha cig ma khyab zer/ 'dod na/
sher mdo chos can/ drang don gyi mdo ma yin par thal/ don gzhan
du drang dgos kyi mdo ma yin pa'i phyir na ma khyab/ khyab par
thal/ sgras zin gzhan du drang dgos kyi mdo

min na drang don gyi mdo ma yin pas khyab pa'i phyir na yang ma
khyab/ kho na re/ sher mdo las chos kun don dam par med par ma
bstan par thal/ chos kun don dam par med pa mdo'i don ma yin
pa'i phyir/ 'dod mi nus te/ sher mdor

ma skyes pa sogs su bstan par yang yang gsungs pa'i phyir zer na
kha rig ma khyab ste/ de ni sgras zin la bstan pa'i don tsam yin
pa'i phyir te/ gzhan du na/ pha dang ma ni bsad byas shing/
/zhes pa'i mdos pha ma gsad byas bstan

@353a @#/ /bar thal ba'i phyir zer yang/ mun sel las/ thams cad
don dam par med par bshad pa yum gyi mdo'i sgras zin gyi don yin
yang dgongs don mthar thug min pa la don min gsungs pa yin zer
lugs yod

med brtag ces gsungs so/ /rnam bshad rigs pa gzhung du drangs
par/ blang bar bya ba ni ci zhig blang bar bya ba ni ci zhig
blang bar bya bar sems/ zhes pa dang/ sde dge par mar/ blang bar
bya ba ni ci zhig blang bar bya bar

sems/ zhes byung ba gang dag dang/ drang don du 'grel lugs la
sgo mang po yod kyang/ zhes pa'i don la dka' 'grel dang yig char
sems tsam pa'i lugs la drang don du 'grel pa'i sgo gsum yod pa
dang/ dogs dpyod

sogs su dbu sems kyi drang don du 'grel ba'i sgo mi 'dra ba la
mdzad pa gang legs brtag go /sems tsam pa'i lugs la drang don du
'grel ba'i sgo yang dka' 'grel du 'khor lo dang po dang/ bar ba
dang/ ngan pa'i tshig gis

don zab mo ston pa drang don du 'grel tshul gsum dang/ yig char/
dgongs ldem dgongs sgra ji bzhin pa yin min gsum gyis drang don
du 'grel tshul gsum gsungs shing/ gzhan dag de gnyis gnad gcig
ste/ 'khor

lo dang po gnyis la drang nges phye ba sgra ji bzhin pa yin min
dang/ ngan pa'i tshig gis don zab mo ston pa drang don du 'grel
ba dgongs ldem gyi sgo nas yin pa'i phyir zer bas dpyad do/
/phung po la sogs pa'i chos la nyung shas

@353b shig ma gtogs pa bden par grub pa ma bkag ces pa'i don la/
blo gling bas/ 'khor lo dang por phung sogs chos nyung shas gcig
bden med dang/ phal che ba bden grub tu bstan pa'i don du 'chad
dgos shing/ bstan

tshul de lugs 'dir khas blang mi rung ste/ lugs 'di la 'khor lo
dang por chos gang yang bden med du gtan la phab pa med pa'i
phyir/ des na thal 'gyur ba'i grub mtha'i shan shor ba yin zhes
'chad pa legs zhes bshad

do; /de la rgol ngan tshar gcod du/ thal 'gyur bas 'khor lo dang
por chos kun bden med du bstan par mi bzhed par thal ba dang/
des 'khor lo dang pos nyi tshe ba'i stong nyid tsam zhig bstan
par bzhed par thal ba dang/

des 'khor lo dang po bskor ba'i tshe lnga sde sogs kyis chos kun
gyi stong nyid ma rtogs par nyung shas shig gi stong nyid rtogs
par bzhed par thal ba dang/ des theg pa che chung gi sde snod
las chos kyi bdag med rgyas par bstan ma bstan

gsungs pa'i don dman mdor shes bya phyogs re ba bdag med du
bstan pa'i don yin par thal ba dang/ des theg pa che chung gi
gang zag gis chos kyi bdag med rdzogs par sgom mi sgom gsungs
pa'i don theg dman pas shes bya phyogs

re ba bden med du rtogs pa'i don yin par thal ba sogs kyis legs
par bkag nas/ gzugs sogs nas 'phags lam yan lag gi bar gyi chos
kyi nang nas chos khams dang chos kyi skye mched 'dus ma byas
kyi nam mkha' la

@354a @#/ /sogs pa nyung shas gcig bden med du bstan pa ma gtogs
sung? sogs 'dus byas la bden grub ma bkag cing bden par yod pa
mang du gsungs ba lung de'i don du mdzad do/ /yig char de mi
'thad par

gsungs nas rang lugs la/ lung des 'dir bstan 'khor lo dang por
gzugs nas 'phags lam yan lag gi bar gyi chos nyung shas deg?
tsam zhig so sor phye nas bstan pa ma gtogs 'dir bstan 'khor lo
bar mtha' gnyis

bzhin du chos mang po so sor phye nas ma bstan la/ bstan tshul
yang de gang la yang bden grub dngos su ma bkag cing/ 'di ba'i
thun mong min pa'i bden grub mang du gsungs zhes pa yin par
gsungs so/ /de la grub mchan du/

phung sogs kyi chos nyung shas gcig bden par grub pa ma bkag
pa'i don du bshad na/ ma gtogs zhes pa'i tshig nus med par 'gyur
ba dang/ de'i don phung sogs kyi chos nyung shas gcig la bden
grub bkag pa ma gtogs

gzhan phal cher bden par yod par gsungs zhes pa'i don yin zhing/
phung sogs kyi chos nyung shas gcig gi steng du 'gog rgyu'i bden
grub ni gang zag gi bdag la byed pa'i shes byed du/ rje'i lta
khrid bsdus pa las/ mdo sde

mang por gang zag bden pa ba 'gog ces pa dang/ gzhi bsdu bar/
don dam pa dang/ rnam par gtan la dbab pa bsdu ba dang mdo
rgyan
dang mdzod 'grel rnams su/ rdzas yod 'gog ces pa kun don gcig
ces dang/

@354b gzhung las/ ji srid du gang bden pa med par bstan pa de
la/ nas/ gzung 'dzin rdzas gzhan bkag nas gnyis stong la rang
bzhin mi 'gog pa'i tshul gsungs so/ /zhes pa'i bar drangs so/
/des ni gzhan la gnod pa

bstan pa nus pa chung zhing/ rang gi 'dod pa la'ang/ gzhung las/
phung po sogs kyi chos la nyung shas gcig ma gtogs pa la/ zhes
yod na de ltar yin du chug kyang de med pa'i phyir dang/ de ltar
'bru gnyer ba'i dbang du

byas na/ phung sogs kyi chos nyung shas gcig la gang zag gi bdag
bkag par thal/ 'dod pa'i phyir/ 'dod na/ gzugs sogs kyi chos
nyung shas gcig ma gtogs pa la gang zag gi bdag ma bkag par
thal/ 'dod pa'i phyir/

'dod na/ des chos kun la gang zag gi bdag ma bkag par thal lo/
/gnyis pa gzhan lugs dgag pa la gnyis/ gzhan gyi 'dod pa dgod pa
dang/ de mi 'thad par bstan pa'o/ /dang po ni/ sher phyin man
ngag ces sogs

byung/ shAnti ba'i sher phyin man ngag tu/ mdo rang nyid nges
don du rang nyid kyis 'grub pa dang/ mdo rang nyid nges don min
par mdo gzhan gyis 'grub pa dang/ de min par rang nyid dang mdo
gzhan gnyis kas 'grub pa gsum

bshad pa las/ lang gshegs dang dgongs 'grel sogs chos can/ dang
po'i mdo yin te/ mtshan nyid gsum la ngo bo nyid yod med kyi
khyad gsal bar phye nas ston pa'i mdo yin pa'i phyir snyam pa
dang/ brgyad stong sogs

@355a @#/ /chos can/ gnyis pa'i mdo yin te/ mtshan nyid gsum la
ngo bo nyid yod med kyi khyad dgongs 'grel bzhin du phye ba med
pa'i drang don gyi mdo yin pa'i phyir snyam pa dang/ nyi khri
chos can/ khyod gsum pa'i

mdo yin te/ khyod kyi byams zhus kyi le'ur rang nyid sgra ji
bzhin par 'dzin pa spong phyir drang don gyi bshad pa yod pa
dang/ mdo gzhan dgongs 'grel gyis mtshan nyid gsum la rang
mtshan
gyis grub ma grub khyad phye ste sgras zin sgra

ji bzhin pa min pa'i drang don du 'grel ba'i mdo yin pa'i phyir
snyam du shAnti bas bsams te/ sher phyin man ngag las/ mdo gar
dag gi don sgra ji bzhin pa de ni/ nas/ gnyis kas kyang ngo/
/gang dag de nyid kyis yin zhe na/

'phags pa dgongs pa nges par 'grel ba dang/ 'phags pa lang kar
gshegs pa la sogs pa'o/ /gang dag de las gzhan pas yin zhe na/
'phags pa brgyad stong pa la sogs pa'o/ /gang dag gnyis

kas yin zhe na/ 'phags pa nyi khri lnga stong pa la sogs pa ste/
de'i chos kyi sku'i le'u las/ gang gi phyir phyin ci ma log pa
la 'god pa'i 'phrin las/ sgra ji bzhin pa'i don la mngon par
zhen pa'i mtshan nyid kyi

phyin ci log yongs su spangs pa'i mtshan nyid kyi drang ba'i don
gyi bshad pa yod pa'i phyir ro/ /zhes gsungs pas so/ /mdo'i
mtshan gzhi gsum gyi bar ba brgyad stor ba la byams zhus kyi le'u
med pas rang nyid kyis nges

@355b don min par mi 'grub par 'dod la/ gnyal ston gyis/ mdo
rang nyid las nges don du 'grub pa dang/ mdo gzhan las don nges
par 'grub pa dang/ rang gzhan gnyis ka'i mdo las don nges par
'grub pa dang

gsum/ zhes gsungs pa dgongs pa min nam snyam mo/ /gnyis pa ni/
da gnyis don gcig ces sogs byung/ nyi khri byams zhus kyi le'u
dang/ dgongs 'grel du mtshan nyid gsum gyi rnam gzhag

gsungs pa gnyis don 'dra na shAnti pas bshad pa de ltar 'thad
kyang/ des bshad pa de thogs med sku mched kyi dgongs pa ma yin
te/ dbyig gnyen gyis sher mdor ngo bo nyid med pa sogs su gsungs
pa ni dgongs 'grel sogs

mdo gzhan la brten nas drang don du bsgrubs shing/ sher mdor
sgra ji bzhin pa la sA phyi'i 'gal ba bstan pa las nyi khu'i
byams zhus kyi le'u la brten nas de drang don du ma bsgrubs pa'i
phyir/ khyab ste/ mdo rang nyid kyis rang

nyid drang don du bkral du yod na mdo gzhan la brten nas drang
don du sgrub pa'i ngal ba mdzad mi dgos pa'i phyir/ nyi khri
byams zhus dang dgongs 'grel gnyis kyis mtshan nyid gsum gyi
rnam
gzhag bshad pa 'dra ba lta bur

snang bas blo dman gyis khyad par dbye dka' ba dang/ de gnyis
kyi bshad pa don 'dra na tshogs kun don dam par med pa mdo'i
dgongs don du bshad mi rung ba sems tsam pa'i lugs ltar song nas
thal 'gyur ba'i bzhed pa

@356a @#/ /rnams 'dor dgos par 'gyur zhing dpyad gzhi yang shin
tu che ste ngo bo nyid med par smra ba'i skabs kyi mjug tu gsal
bar 'gyur ro/ /de la 'ga' zhig nyi khri byams zhus kyi le'u dang
dgongs

'grel gnyis brjod bya mi 'dra na/ gzhung las/ 'di gnyis 'dra mo
yod pas khyad par dbye dka'/ zhes gsungs pa dang 'gal la/ 'dra
na/ de gnyis don gcig na de ltar 'thad kyang/ nas/

dgongs pa min no/ /zhes gsungs pa dang 'gal zer ba'ang bshad ma
thag pa des sel nus so//