@001a @#/ /bla ma'i rnal 'byor byin rlabs 'dod dgu'i gter mdzod
sogs bla ma'i rnal 'byor gyi rim pa phyogs gcig tu bsgrigs pa
bzhugs so/ /

@001b @##/ /na mo gu ru/ ('dir bde legs kun gyi rtsa ba gcig pu ni
bshes gnyen bsten tshul kho na la rag las shing/ tshe gcig la zung
'jug gi go 'phang mngon du byed pa yang bla ma'i rnal 'byor lam
gyi srog tu byed pa kho na la rag

las phyir bla ma ni mchog gsum kun 'dus kyi bdag nyid du bltas
nas de'i rnal 'byor nyams len gyi srog tu gzung bar bya'o/ /de'i
phyir 'dir bla ma'i rnal 'byor gdan don snying por dril te 'god
pa la/ skyabs sems tshad med bzhi khyad par gyi sems bskyed bcas

spyi ltar sngon du btang nas tshogs zhing gsal gdab pa ni/) mdun
gyi nam mkhar seng khri 'bol gdan steng/ /rab 'byams skyabs kun
'dus pa'i bdag nyid mchog /rtsa ba'i bla ma bde chen snying po

ni; ;sku mdog dkar dmar dgyes pa'i 'dzum dkar can/ /phyag g.yas
chos 'chad g.yon pa mnyam gzhag steng/ /'chi med bdud rtsis
gang ba'i tshe bum 'dzin/ /rung

@002a @#/ /mthun yo byad gding ba bting ba'i khar/ /zhabs gnyis
skyil mo krung gis bzhugs pa yi/ /sku la chos gos rnam gsum
mdzes par man bas/ /dbu la

byang chub sems zhwa dul bar gsol/ /gang sku'i mdun du lhung
bzed rdor dril sogs/ /g.yas phyogs byang chub lam gyi rim pa
dang/ /mdo sngags zab bcud glegs bam rang

sgra sgrog /g.yon phyogs ma rgyud kha TwAM ga dang bcas/
/thugs rgyud byams dang snying rje shugs drag gis/ /rtag tu
brlan pas zhi ba'i gzigs stangs 'dzum/ /rgyun du sgo gsum

bag yod kyis bsdams pas/ /mdzas pa'i sku ni zhi zhing dul bar
ldan/ /mdo sngags zab bcud snying por 'doms pa yi/ /snyan pa'i
gsung ni kun gyi mos ngor 'tsham/ /thugs

@002b kar ye shes sems dpa' he ru ka /zhal gcig phyag gnyis yum
mchog phag mor bcas/ /chos kyi 'khor lo'i dbus su sprin sgra ni/
/mi shes mun 'joms ting 'dzin sems dpa'

bcas/ /de las 'od 'phros mchog gsum zhi khro kun/ /spyan drangs
thims pas skyabs kun 'dus skur gyur/ (/da nas yan lag bdun pa
maNDal dang bcas 'bul ba ni/) bla ma'i gsang gsum yon

tan dran pa yi/ /dad cing mos pas bstod dbyangs rgya mtshor bcas/
/bdag lus gang gA'i rdul grangs dang mnyam pas/ /drin can bla
ma khyed la phyag 'tshal lo/ /bdag gis dngos su

bshams dang yid kyis sprul/ /bdag pos bzung dang ma bzung mchod
rdzas sogs/ /kun bzang mchod sprin nam mkha' bkang ste 'bul/
/drin can bla mas dgyes bzhin bzhes su gsol/ /

bdag gis sgo gsum chos la bkol ba dang/ /khyad par byang chub
lam gyi rim pa la/ /thos bsam sgom pa ci nus 'dab pa 'di/ /drin
can bla ma dgyes pa'i mchod par 'bul/ /thob

@003a @#/ /med dus nas da la thug gi
bar/ /bsags pa'i las ngan
'di dag ma sbyang na/ /bdag nyid sdug la sbyor bar nges bas na/
/de dag ma lus snying nas mthol zhing bshags /

bla ma rgyal ba sras bcas mdzad bzang la/ /bdag kyang rjes su
slob phyir yi rang zhing/ /rang gis sngar bsags dge tshogs ci
mchis par/ /rlom sems med pa'i dga' bas yi rang ngo/ /mgon

po khyed kyi gsung gis ma bskyangs na/ /da dung dge sdig ngo
tsam mi shes pas/ /sras bcas rgyal bas bor ba'i nyam thag bdag
/'dren phyir chos 'khor rtag tu bskor du gsol/ /bdag

cag 'di phyi gtan gyi 'dun ma kun/ /mgon po khyod nyid kho nar
rag las phyir/ /zhabs sen bskal brgyar brtan par gsol 'debs na/
/dgyes bzhin bzhugs par zhal gyis bzhes

su gsol/ /zhing mchog drin can bla ma mchod pa yi/ /bsod nams
'dis mtshon dus gsum dge tshogs kun/ /mgon po khyed kyis dgyes
bzhin rjes bzung nas/ /zung 'jug go

@003b 'phang myur du thob phyir bsngo/ (/zhes yan lag bdun pa
rgyud dang 'dres nges su bskyang /de nas maNDal phul te/) bla ma
dang dkon mchog rin po che rnam pa gsum la phyag 'tshal zhing
skyabs su mchi'o/ /khyed rnams kyis bdag gi rgyud byin gyis

brlab tu gsol/ bdag dang ma sems can thams cad bshes gnyen la ma
gus pa nas bzung ste snang mched thob gsum gyi gnyis snang phra
mo'i bar gyi phyin ci log gi blo sna mtha' dag myur du 'gag pa
dang/ bshes

gnyen la gus pa nas bzung ste mi slob pa'i zung 'jug gi bar gyi
phyin ci ma log pa'i blo sna mtha' dag bde blag tu skye ba dang/
rkyen phyi nang gi bar gcod thams cad nye bar zhi bar byin gyis
brlab tu gsol/ (zhes gsol

ba btab; de nas/) oM AHgu ru badzra d+hA ra mai tri shA sa
na d+hA ra karma sA ra sidd+hi hUM hUM/ (zhes 'dren cing gsol
ba shugs drag tu 'debs pa dang bdud rtsi 'bebs sbyang man ngag
ltar bya/ de nas/) khyod ni bla ma (sogs phur tshugs gsol 'debs
dang/ de

nas dbang bzhi len pa ni/) bla ma he ru ka dpal gyis/ /dbang
bzhi rdzogs par bskur du gsol/ /sgrib bzhi dag par mdzad du
gsol/ /sku bzhi thob par byin gyis rlobs/ /zhes gsol ba btab pas
sgo mtshams ma

brgyad kyis bgegs bskrad/ dpa' bo rnams kyis shis pa brjod/ dpa'
mo rnams kyis rdo rje'i glu len/ gtso bos dbang bskur ba'i
dgongs pa mdzad/ yum bzhi phag mo dang lngas rin po che'i bum pa
bdud rtsi

@004a @#/ /lngas gang ba bzung nas spyi bo nas dbang bskur bar
gyur/ bkra shis gang zhig chos kyi dbyings las nges byung ba/
/he ru kaHdpal 'jigs byed rgyal po 'bar ba'i sku/ /shes rab phag
mo'i padmar

rdo rjes rol mdzad pa'i/ /bden pa nges kyang bde mchog la gnas
bkra shis shog /dbang bskur rdo rje chen po ni/ /khams gsum kun
gyi phyag byas pa/ /sangs rgyas kun gyi gsang gsum gyi/ /gnas
las byung ba

spyin par bya/ /oM tsa kra bI ra stwaM a b+hi Shinytsa mi/
zhes dbang bskur lus gang dri ma dag /chu'i lhag ma spyi gtsug
tu gnas pa yongs su gyur pa las mi bskyod pas dbu brgyan par
gyur /rin 'byung zhu ba las byung ba'i

cod pan spyi bor bcings/ bde chen skyos/ gtsug tor 'grub pa'i
nus pa bzhag /'od dpag med zhu ba las byung ba'i rdo rje lag
g.yas su sbyin/ bde chen skyes/ thugs 'grub pa'i nus pa bzhag
/don grub

zhu ba las byung ba'i dril bu lag g.yon du sbyin/ bde chen
skyes /gsung 'grub pa'i nus pa bzhag /dpal rdo rje thod khrag la
rol pa zhes bya ba'i de bzhin gshegs pa nyid yin no/ /zhes ming
gi dbang bskur/

bde chen skyes/ mtshan 'grub pa'i nus pa bzhag /rang nyid rdo rje
'chang du gsal nas shes rab mar 'khyud pas slob dpon gyi dbang
gi ngo bo bde stong skyes/ sprul sku 'grub pa'i nus pa bzhag
/bla ma

@004b yab yum snyoms par zhugs pa'i gsang rdzas myangs pas bde
chen skyes/ longs sku 'grub pa'i nus pa bzhag /rang he ru kar
gsal bar phyag rgya ma gtad pa/ yum phag mor gyur pa dang snyoms
par zhugs pas bde chen skyes/

chos sku 'grub pa'i nus pa bzhag /bla mas gnyug ma'i rlung sems
ngo bo dbyer med pa 'di'i rgyun sku thugs zung 'jug gi go 'phang
thob par 'gyur ro/ /zhes brda sprad pas zung 'jug 'grub pa'i nus
pa bzhag par gyur/ (de

nas nang gi khong skran 'don pa'i skyug sman nam/ yang na kho
bos sbyar ba'i mgur ma rab 'byams skyabs kun ma 'don/ yon tan
gzhi gyur ma'i sgo nas lam yongs rdzogs la shar sgom bcas bya/
de nas/) dpal ldan rtsa ba'i bla ma rin po che/ /bdag gi snying
gar padmo'i steng

bzhugs la/ (/sogs lan gsum brjod/ bla ma dam tshig sems dpa' seng
khri dang bcas pa thugs ka'i ye shes sems dpa' la thim/ de nyid
rang gi spyi gtsug tu byon nge chung je chung du gyur nas rang
gi snying dbus padma 'dab brgyad kyi dbus su shin tu phra ba'i
rlung sems dang dbyer med du gyur pa

sogs sbyu lus nang ldang gi dmigs pa snyan brgyud las byung ba
ltar bya/ mjug bsngo ba smon lam gyi rgyas 'dab par bya'o/ /'di
lta bu'i bla ma'i rnal 'byor 'di ni sku zhabs dge legs sprul sku
nyid kyi zhal ngo ma bzlog par phul ba lags na/ gzhan du ma
'khyar ba'i bka' rgya dam du mdzad par zhu// //

! dpal 'khor lo bde mchog gi bla ma'i rnal 'byor zung 'jug dga'
ston zhes bya ba bzhugs so/) /! na mo gu ru shrI tsakra sam b+ha
rA ya/ ('dir bla ma dang dpal 'khor lo bde mchog dril bu lugs
lus dkyil dang dbyer med pa'i rnal 'byor zab mo mdor bsdus

@005a @#/ /nyams su len pa'i tshul ni/) shrI he ru ka /he ni kun
gyi 'byung gnas su gyur pa'i sems de rgyu'i bdag nyid du btags
par bya bas stong pa'i chos kyi bdag med pa dang/ ru ni gang zag
gi bdag tu

'dzin pa'i rnam rtog gi dra bas bkod pa'i bdag dang bral ba'i
gang zag gi bdag med pa/ ka ni de kho na nyid kyi yul yul can
gnyis mi mthun par so sor gnyis su mi gnas pa dang/ shrI ni yul
stong pa nyid ji 'dra ba

de bzhin du rjes su zhugs pa'i gnyis su med pa'i ye shes ni e
waM gyi don no/ (/snyam du bsam pa ni yid dag par byed pa'o/)
/stong pa'i ngang las skad cig gis rang nyid he ru ka sngon po
zhal gcig phyag gnyis rdo rje dang dril bu 'dzin pa

g.yas brkyang gis bzhugs pa la/ yum rdo rje phag mo dmar mo
zhal gcig phyag gnyis gri gug dang thod pa 'dzin pas 'khyud par
gyur/ (sems can thams cad la phan bde'i sems kyis/) shrI he ru
konyahaM/ (gsum brjod de/ sku'i nga rgyal

bzung ba ni lus dag par byed pa'o/) /oM a A/ (zhes pa nas/)
sha Sha sa ha k+Sha hUM hUM phaT/ (lan gsum/) rang gi lte ba'i
phyogs su sngags phreng 'od zer dang bcas pa g.yon skor gyis
lan gsum du bskor nas gnas pa las 'khor lo

gsum gyi lha tshogs 'phros pa sna bug g.yas pa nas 'thon te/
phyogs bcur 'phros pas bgegs thams cad bskrad de slar byon nas
rang gi sna bug g.yon pa nas zhug te lte ba'i sngags phreng la
thim par gyur/ par bsam pa ni dag dag pa byed pa ste dag pa

@005b gsum gyi rnal 'byor gyis rang lhar bskyed/) bde chen ngang
las rang nyid bla ma lha/ /gang der gsal ba'i sku las 'od zer
tshogs/ /phyogs bcur 'phros pas snod bcud byin brlabs pas/ /dag
pa rab 'byams 'ba' zhig yon tan

gyi; ;bkod pa'i khyad par phun sum tshogs par gyur/ (/zhes snod
bcud byin gyis brlab) /oM AHhUM/ (lan gsum/) ngo bo ye shes
la rnam pa nang mchod dang mchod rdzas so so'i rnam pa/ byed las
dbang po drug gi spyod yul du bde

stong gi ye shes khyad par can bskyed pas sa dang par snang nam
mkha'i khyon thams cad yongs su khyab pa'i phyi nang gsang ba'i
mchod sprin dam rdzas spyan gzigs bsam gyis mi khyab pas gang
bar gyur/ (zhes mchod pa byin gyis

brlab/ dngos gzhi tshogs zhing gsal 'debs pa ni/) dbyings bde
stong dbyer med chos sku'i ngang/ /zhing dag pa rab 'byams bkod
pa'i dbus/ /mdangs 'ja' tshon 'od lnga 'khrugs pa'i klong/ /gdan
seng khri padma nyi zla'i steng/ /

skyabs kun 'dus drin can bla ma nyid/ /mgon yab gcig bcom ldan
dpa' bo'i gar/ /nyams gar dgu'i rtsal rdzogs bde chen skur/
/dbyings shes rab phag mos dgyes dgur 'khril/ /sku snang stong
sgyu ma'i rtsa thig

sogs/ /yongs drug cu rtsa gnyis lha skur gsal/ /ma dpa' bo mkha'
'gro'i 'khor dang bcas/ /'bangs bdag la dgyes bzhin bzhugs par
gyur/ (/cas gsal btab/ de nas ye shes pa spyan 'dren pa ni/) pha
snying nas dran pa'i

@006a @#/ /gdung shugs kyis/ /ngag 'o dod drag pos gsol 'debs na/
/thugs brtse gdung drag pos rab g.yos nas/ /dpal bsam yas dkyil
'khor 'khor lo dang/ /yongs mkha' 'gro bye

ba'i 'khor dang bcas/ /dus da lta nyid du gsheD su gsol/ (/de
nas yan lag bdun pa maNDal dang bcas pa 'bul ba ni/) 'bangs
skyabs med skyabs su nyer dgongs nas/ /bu mgon med kyi mgon du
rtag bzhugs gsol/ /bdag mos gus drag

pos phyag 'tshal zhing/ /rdzas dngos 'byor dang yid sprul kun
bzang sprin/ /las rnam dkar dus gsum dge tshogs dang/ /chos sgrub
pa'i mnyes mchod rgyun du 'bul/ /rgyud sdig ltung snying nas
mthol zhing bshags/

mgon gsang gsum mdzad par rjes yi rang/ /chos zab mo'i 'khor lo
bskor bar bskul/ /yongs mya ngan mi 'da' rtag par bzhugs/ /'dis
mtshon pa'i dus gsum legs byas kun/ /skyabs thugs rjes 'dzin

pa'i rgyu ru bsngo/ /phyi ri gling snod bcud tshom bur spungs/
/nang rang lus maNDal dbang por brgyan/ /gsang bde stong lhan
cig skyes pa'i dngos/ /dpal bde ba chen po'i zhing du 'bul/
/bdag 'gro kun log

pa'i blo sna 'gag /lam phyin ci ma log rgyud la skyes/ /rkyen
phyi nang gi bar chad zhi ba ru/ /skyabs re sa gzhan med thugs
rjes zungs/ (/de nas gdung shugs drag pos gsol ba phur tshugs su
'debs shing dbang bzhi byin rlabs

@006b kyi tshul du zhu ba ni/) khyod ni bla ma (zhes pa nas/)
srungs/ /de ltar lan gsum gsol ba (zhes pa nas/) byin gyis brlab
par gyur/ (/bla ma'i mtshan sngags dang/ rin chen rnam bzhi sogs
gang lcogs 'don/) dge ba 'di yis (zhes pa nas/) 'god par shog
(/de nas

lam yongs rdzogs kyi don du bskul zhing gsol ba 'debs pa ni/)
'bangs skyabs med kyi skyabs dang mgon med kyi mgon/ /pha khyod
nyid gcig pur snying nas re/ /rdzas dngos 'byor yid sprul mchod
pa'i sprin/ /tshogs bde ba chen po'i

'khor lor bcas/ /pha bla ma mnyes phyir 'bul lags na/ /bu 'bral
med byin gyis brlab tu gsol/ /lus longs spyod dus gsum dge tshogs
dang/ /chos sgrub pa'i mchod pa ji snyed kun/ /pha bla ma mnyes
phyir 'bul

lags na/ /bu 'bral med byin gyis brlab tu gsol/ /pha bla ma'i
gsang gsum rjes dran nas/ /blo gdung shugs drag pos gsol ba
'debs/ /da sgo gsum byin gyis brlab tu gsol/ /tshe 'di snang bya
bas yid sun

nas; ;blo gdung shugs drag pos gsol 'debs na/ /da 'du 'dzi'i
'brel thag gcad du gsol/ /gzhan ngo bsrung gi khur gyis yongs
dub nas/ /blo gdung shugs drag pos gsolX da gu yangs zos bder
byin gyis

rlobs/ /gnas 'khor ba'i 'jigs pas yid skrag nas/ /blo gdung
shugs drag posX da thar par bgrod par byin gyis rlobs/ /las rnam
g.yeng 'khrul pa'i mtshang rig nas/ /blo gdung shugs drag pos
gsol

@007a @#/ /gnas dben sa zin par byin gyis rlobs/ /rang gces kyi
'ching bas yid skyo nas/ /blo gdung shugs drag pos gsolX da 'gro
kun gyi 'dren par byin gyis rlobs/ /gnyis 'dzin dang

re dogs kyis bslus bslus nas/ /blo gdung shugs drag pos gsolX da
snyems thag chod par byin gyis rlobs/ /rags phra ba'i bying
rmugs kyis bslad nas/ /blo gdung shugs drag pos gsolX da ting
'dzin brtan

par byin gyis rlobs/ /nga bdag gir 'dzin pa'i rgyur chud nas/
/blo gdung shugs drag pos gsolX da gnas lugs rtogs par byin gyis
rlobs/ /tha mal gyi snang bar 'khrul 'khrul nas/ /blo gdung
shugs

drag pos gsolX da dag snang 'char bar byin gyis rlobs/ /spros
mtshan gyi snang bas sems ngal nas/ /blo gdung shugs drag pos
gsolX da spros bral du chub par byin gyis rlobs/ /dpal sku
bzhi'i go 'phang brnyes nas

kyang; ;ma 'gro ba'i khur chen blang nus pa'i/ /blo gdung shugs
drag pos gsolX don bde blag 'grub par byin gyis rlobs/ (/zhes
gdung shugs drag pos gsol ba btab bzhin zhal gyis bzhes par
bsam/ de nas tshogs zhing bsdu zhing bla ma snying

zhugs kyi nyams len bya ba ni/) sems bde ba chen po'i dkyil
'khor nas/ /yongs ngo mtshar 'khor lo'i ri mo kun/ /dbyings thig
le gcig tu zlum pa'i phyir/ /pha bla ma'i sku la thim par gyur/
/bdag gdung ba'i mos gus rab

@007b 'bar bas/ /pha bla mas rjes chags bde bas bskul/ /sku je
chung mtheb sor tshad du zhu/ /rtsa a wa d+hU tI'i srog lam
brgyud/ /snying mi shigs thig le'i gur khang dbus/ /ches phra
ba'i rlung sems dbyer med 'dres; /dus deng nas byang

chen mthob bar/ ;dgyes bzhin du rjes 'dzin rten 'brel 'grigs/
/nges don gyi rnal 'byor dang la g.yur/ (/'dir phyag chen dang
rdzogs rim gyi nyams len sogs ji ltar 'dod pa bskyangs nas bsngo
smon bya ba ni/) dge 'dis kyang spros pa'i 'khor lo

zhig /pha bla ma'i rgyal sa mngon gyur nas/ /gnas 'khor ba ji
srid stongs pa'i bar/ /ma 'gro ba sgrol ba'i mthu thob shog
(/gzhan yang bsngo ba dang smon lam ji ltar rigs pa'i rgyas gdab
par bya'o/ /zhes dpal 'khor lo bde mchog lus dkyil gyi

bla ma'i rnal 'byor zung 'jug dga' ston zhes bya ba 'di ni gcig
tu sgrub pa snying po la brtson bzhin lam 'di bsten par mos pa
/ser rtse dge slong bskal bzang snyan grags nas rab dkar lha reg
maNDal rten gsum bcas/ snga phyir yang yang bskul ma nan gsungs
la brten 7 pha bong kha

sprul ming pas dpal 'khor lo sdom pa'i pho brang e gsang bde
chen phug tu rgyal zla'i yar ngo'i chos bcu mkha' 'gro 'du ba'i
dus bzang por bla ma lha la gsol ba btab ste shar mar bris
pa'o// //! rje btsun rdo rje rnal 'byor ma'i bla ma'i rnal 'byor
thun drug

gi rnal 'byor dang 'brel ba nyams su len tshul bzhugs so//) ! na
mo gu ru b+hyaH('dir rje btsun rdo rje rnal 'byor ma nA ro mkha'
spyod kyi bla ma'i rnal 'byor thun drug gi rnal 'byor dang
sbrags mdor bsdus nyams len 'khyer bde bar 'god pa la/ skyabs
sems nas

@008a @#/ (/'jug sdom len pa'i bar spyo ltar sngon du btang/ de
nas/) mdun gyi nam mkhar dag gsal gnyis med kyi/ /gzhal med
khang dbus bla ma rdo rje chos/ /sku mdog dmar po rdor dril
bsnol nas 'dzin/ /de

yi thugs kar rdo rje rnal 'byor ma/ /khro chags 'dzum sgeg nyams
kyis rol ba yi/ /thugs kar ting 'dzin sems dpa' baM yig dmar/
/de las 'od 'phros ye shes pa spyan drangs/ /gang gi drin gyis
bde chen nyid

skad cig gis ni thob 'gyur ba/ /bla ma rin chen lta bu'i sku/
/rdo rje can zhabs pad la 'dud/ /dpal ldan rdo rje mkha' 'gro
ma/ /mkha' 'gro ma yi 'khor los bsgyur/ /ye shes lnga dang sku
gsum nyid/ /'gro ba

skyobs la phyag 'tshal lo/ /rang gi thugs ka'i hUM las byung
ba'i mchod pa'i lha mo rnams kyis mchod par gyur/ oM arg+haM
bra tritstsha swAhA/ (zhes sogs kyis phyi mchod/) oM AH
badzra A da rshe hUM/ oM AH badzra bI ni hUM/ oM

AH badzra gand+he hUM/ oM AH badzra ra se hUM/ oM AH
badzra spa resha hUM/ oM AH badzra d+ha rme hUM/ (zhes rig
ma drug /) oM gu ru badzra yo gi ni oM AH hUM/ (gis nang
mchod/) yid 'ong lang tsho'i dpal 'dzin drug cu bzhi'i/ /

'dod pa'i sgyu rtsal la mkhas lus phra ma/ /zhing skyes sngags
skyes lhan skyes pho nya'i tshogs/ /mdzes sdug sgyu ma'i phyag
rgya rnams kyang 'bul/ (/zhes gsang mchod/) sgrib bral lhan
skyes bde ba'i ye shes che/ /chos kun

@008b rang bzhin spros dang bral ba'i dbyings/ /dbyer med lhun
grub smra bsam brjod las 'das/ /don dam byang chub sems mchog
khyod la 'bul/ (/zhes de kho na nyid kyi mchod pa bcas phul
rjes/ rkang brgyad bton/ de nas/) bdag pos bzung dang ma

bzung dang/ /dngos bshams yid kyis sprul pa las/ /byung ba'i
phyi nang gsang ba yi/ /sna tshogs mchod sprin rgya mtshos mchod/
(/ces so/ /de nas/) bla ma rin po che bdag gi lus tshogs su bzhes
su gsol/ bdag gi

sdig sgrib nyis ltung thams cad dag nas tshogs gnyis bde blag tu
rdzogs par byin gyis brlab tu gsol/ rang sems rdo rje rnal 'byor
mar gsal ba spyi gtsug nas rgyangs kyis thon/ rang lus tha mal
pa'i phung por gyur pa

de mi mgo'i sgyed pu gsum gyi steng du thod brgya stong gsum
dang mnyam pa'i nang du gtubs te spungs/ oM AH hUM/ (lan
gsum brjod pas bdud rtsir gyur par bsam/) rang sems rdo rje rnal
'byor ma'i thugs ka nas ka pA la

thogs pa'i mkha' 'gro ma dpag tu med pa spros pas bdud rtsi nas
bcus te/ oM AHhUM/ (lan bdun/) bla ma yi dam dkon mchog sri
zhu'i mgron/ /oM AH hUM/ mkha' 'gro chos skyong mgon po yon
tan mgron/ /oM AH

hUM; lha klu gzhi bdag rigs drug snying rje'i mgron/ /oM AH
hUM/ nad bdag 'dre gdon bgegs rigs lan chags mgron/ /oM AH
hUM/ kun la phul bas zag med bde bas tshim/ /sems can rnams
kyang

@009a @#/ /sgrib bral chos sku thob/ /mchod pa'i 'khor gsum smra
bsam brjod 'das kyi/ /bde stong gnyis su med pa'i ngo bor gyur/
(/de nas/) thog med dus nas mi dge sdig ba'i las/ /

bgyis dang bgyid stsal yi rang ci mchis pa/ /thugs rje che ldan
spyan sngar 'gyod sems kyis/ /bshags shing slan chad mi bgyid
sdom pa nod/ /chos rnams rang bzhin mtshan ma dang bral yang/
/rmi lam ji bzhin skye 'phags thams

cad kyi/ /bde dga' cir yang 'char ba'i rnam dkar la/ /bdag cag
bsam pa dag pas yi rang ngo/ /phul byung mkhyen brtse'i chu
'dzin 'bum dkrigs te/ /mtha' yas 'gro 'di'i phan bde kun da'i
tshal/ /skyed dang yun du

gnas dang spel ba'i phyir/ /zab rgyas chos kyi char pa dbab tu
gsol/ /rdo rje'i sku la skye 'chi mi mnga' yang/ /zung 'jug
dbang gi rgyal po'i zam tog /bdag cag mos pa ji bzhin srid
mtha'i bar/ /mya ngan mi 'da' rtag

par bzhugs su gsol/ /de ltar bskrun pa'i rnam dkar dge ba'i
tshogs/ /bka' drin gsum ldan rje btsun bla ma yis/ /tshe rabs kun
tu 'bral med rjes 'dzin cing/ /zung 'jug rdo rje 'chang dbang
thob phyir bsngo/ (/zhes pa'i

bar gyis yan lag lhag ma lnga nyams su len/ de nas maNDal rgyas
bsdus ci rigs/ don chen po gsum gyi sgo nas gsol 'debs bcas bya/
dmigs gnad bdud rtsi 'bebs sbyang dang bcas bla ma'i gsol 'debs/
mtshan sngags oM gsum ma bcas ci nus bzla/) khyod ni bla ma
khyod ni yi dam

@009b khyod ni mkha' 'gro (sogs phur chugs gsol 'debs nan tan
bya/ da nas dbang bzhi len pa thun mong ba ltar na/) de ltar lan
gsum gsol ba btab pa'i mthus/ /bla ma'i sku gsung thugs kyi gnas
rnams las/ /bdud rtsi 'od zer dkar dmar mthing ga gsum/ /

rim dang cig car byung nas bdag nyid kyi/ /gnas gsum rim dang
cig car thim pa las/ /sgrib bzhi dag cing rnam dag dbang bzhi
thob/ /sku bzhi thob cing bla ma gnyis pa zhig /dgyes bzhin thim
pas byin gyis brlab par gyur/ (/ces

bla mchod ltar bya/ thun mong ma yin pa byed na/) skyabs gnas
kun 'dus bla ma la/ /gsol ba 'debs so byin gyis rlobs/ /dbang
bzhi rdzogs par bskur ba dang/ /sku bzhi'i go 'phang stsal du
gsol/ (/zhes gsol 'debs lan gsum zhal shes ltar bya/ de nas
dbang

blang ba dngos ni/) bla ma'i thugs ka nas spros pa'i/ /drug cu
rtsa gnyis dbang gi lhas/ /byang sems rang bzhin bum pa'i chus/
/dbang bskur bde stong nyams su myong/ /oM sarba ta thA ga ta
a b+hi Sha ka ta sa ma ya shrI ye hUM/ (zhes sogs dbang chog
ltar dang/ dag pa

dran pa bcas kyi dmigs gnad bsten/ de nas/) mtha' yas rgyal ba'i
dbyings kyi yum/ /rig mar gyur pa bla mar 'khyud/ /rgyal kun
mnyam sbyor yid kyi chus/ /dbang bsgur bde stong nyams su myong/
/a ho mahA su kha/ (zhes dmigs gnad bsnyen/) thugs ka'i

yum gyi rang rig ma/ /rang nyid dpa' bor gsal la sbyin/ /snyoms
'jug dga' bzhi'i lhan skyes kyis/ /dbang bskur bde stong nyams
su myong/ /oM sarba ta shrA ga ta a nu rA gaN badzra swa
b+hA wa atma konyataM/ (zhes sher dbang gi dmigs gnad bsten/)
bu

@010a @#/ /gcig rang lus 'dod pa'i ltar/ /gsal bzhin bde stong
nyams myong bzhin/ /zung 'jug rgyal sa zin no zhes/ /dbang bskur
bde stong nyams su myong/ /badzra Atma ko nyahaM/ (zhes dbang
bzhi

pa'i dmigs gnad bsten/ yon tan gzhir gyur ma lta bu'i sgo nas
lam yongs rdzogs la shar sgom bgyis kyang rung/ de nas/) dus
gsum skyabs gnas kun 'dus kyi ngo bo bla ma rin po che la gsol
ba 'debs so/ /bdag gi rgyud byin gyis brlab tu gsol/ de ltar

rtse gcig gsol ba btab pa'i mthus/ /rtsa ba'i bla ma rang la
rjes chags kyis/ /dmar ser 'od du zhu ba snying dbus thim/ /phra
ba'i sgo gsum gsang gsum ngo bor gyur/ (/ces bla ma bstim pa'i
zhal shes sogs bsgom/) bde stong ngang las rang sems

phra ba'i baM/ /skad cig rje btsun ma'i sku ra gsal la rdzogs/
/nges don lhan skyes bde stong rol pa'i nyams/ /'bar bzhin lha
sku snang stong ngang la g.yur/ (/'dir bzlas pa gnyis dang/
rdzogs rim sogs nyams su blangs kyang 'thus/) bdag gi lus

dang (zhes sogs thun drug spyi ltar nyams su bla bar bya'o/ /'di
ni dge slob blo bzang dam chos nas rang la brten pa'i bla ma'i
rnal 'byor zhig dgos zhes nan du bskul bas brel zing sna tshogs
pa'i seng par nas stan thog gcig la shin tu myur bar bris shing/
'di la rje btsun ma rang gi bla ma'i rnal 'byor gyi zhal shes

tshang bar bkod pa'i thog dbyen sa snyan brgyun kyi man ngag du
mas brgyan par byas yod pas dpe shin tu dam por mdzod/ ces pa
'di yang pa bong kha'i sprul ming pas smras pa'o// ! //thun drug
gi rnal 'byor rgyas bsdus nyamsu len tshul 'khyer bde man ngag
gis brgyan pa bzhugs so//)

@010b ! na mo gu ru manydzu g+ho ShA ya/ rdo rje 'chang dbang
dpal ldan bla ma yi/ /zhabs kyi padmor gus pas phyag byas te/
/dam tshig sdom pa dag byed rmad byung thabs/ /rgyud dang rje
btsun bla ma'i gsung bzhin bshad/ (/de yang rgyud sde gong

ma gnyis kyi dkyil 'khor chen po'i dbang bskur ba legs par thob
pa'i gang zag rang rang gi ji srid sngags sdom rgyud la ldan ba
de srid du/ rtsa ba dang yan lag gi dam tshig dang sdom pa rnams
la nyin zhag re re'i nang du bsdo bgrang byed cing/ khyad par
rigs lnga'i dam tshig thun drug tu bskyangs dgos te/ de ltar ma

byas na kha na ma tho ba sbom por 'gyur ba'i phyir te/ rtse mo
las/ nyin dang mtshan mo lan gsum du/ /nyin re bzhin ni bzla bar
bya/ /gang tshe nyams gyur rnal 'byor ba/ /kha na ma tho sbom por
'gyur/ /zhes gsungs pa'i phyir/ des na byang chub sems dpa'
gsang sngags kyi sgo nas spyad pa spyod par

'dod pa rnams kyis ni/ bsten pa dang bza' ba dang/ bsrung ba'i
dam tshig rnams rdo rje 'chang chen pos gsungs pa ltar bsten dgos
pas/ de dag gi tshul rgyas par/ rje thams cad mkhyen pas bka'
stsal ba'i rtsa ltung rnam bshad dang/ bla ma lnga bcu pa'i rnam
bshad dang/ rnal 'byor rol pa'i dga'

ston; thun drug gi rnal 'byor sogs su blta bar bya zhing/ 'dir
ni de dag gi don las dang po pa rnams kyis thun drug tu nyams su
len tshul khyer bde ba'i phyir tshigs su bcad pa'i sgo nas brjod
par bya'o/) /sangs rgyas chos dang tshogs kyi mchog rnams la/
/byang chub bar du bdag

ni skyabs su mchi/ /bdag gis sbyin sogs bgyis pa'i bsod nams
kyis/ /'gro la phan phyir sangs rgyas 'grub par shog (/ces pa ni
skyabs 'gro' bslab byar nyin lan gsum mtshan lan gsum du skyabs
su 'gro dgos par gsungs pa dang/ rnam snang gi dam tshig sangs

@011a @#/(/rgyas dang/ chos dang/ dge 'dun la skyabs su 'gro ba
gsum 'dis tshang/) sems can thams cad nye ring chags sdang dang/
/bral bar bya'o snyam pa btang snyoms tshad med dang/ mi 'jigs
pa'i sbyin pa/ nas khyad par 'phags

pa'i bde ba thob/ /par gyur cig snyam pa byams pa tshad med dang/
byams pa'i sbyin pa ste rin 'byung gi dam tshigs gnyis 'dis
tshang/) bzod dka'i sdug bsngal rgya mtsho las bsgral te (/bar
bya'o snyam pa snying rje tshad med dang/) thar pa dam pa'i bde
dang 'bral (bar)

ma gyur/ (/cig snyam pa dga' ba tshad med do/) /'gro kun srid
zhi'i 'jigs pa las sgrol phyir/ /rdzogs pa'i byang chub thob par
'dod pa'i sems/ /deng nas bzung ste sangs rgyas ma thob par/
/srog gi phyir yang mi btang

bzung bar bgyi/ (/snyam pa ni smon sems tshogs bzung phyin nyin
mtshan thun drug tu sems bskyed dgos par gsungs pa'o/ /'jug sdom
len 'dod na mdun gyi skyabs yul rgyal ba sras bcas kyi rjes su
zlos par mos te/) bla ma rgyal ba sras bcas rnams/ /bdag la
dgongs

par mdzad du gsol/ /ji ltar sngon gyi bde gshags kyis/ /byang
chub thugs ni bskyed pa dang/ /byang chub sems dpa'i bslab pa
la/ (/zhes lan gsum gyis 'jug snga ba blang la skyabs yul
bsdu'o/) /de dag rim bzhin gnas pa ltar/ /bdag kyang 'gro la
phan don du/ /byang

chub sems ni bskyed bgyi zhing/ /byang chub sems dpa'i bslab pa
la/ /rim pa bzhin du bslab par bgyi/ /deng dus bdag tshe 'bras bu
yod/ /mi yi srid pa legs

@011b par thob/ /de ring sangs rgyas rigs su skyes/ /sangs rgyas
sras su gyur to/ /snyam pa ni sems bskyed kyi mjug gi dga' ba
bsgom pa dang/ da ni bdag gis ci nas kyang/ /rigs dang mthun
pa'i las brtsams te/ /skyon med

btsun pa'i rigs 'di la/ /rnyog par mi 'gyur de ltar bya/ /snyam
pa ni bag yod bsgom pa ste 'di gnyis ni smon sems kyi bslab byar
sems bskyed kyi phan yon thun drug tu bsam dgos par gsungs
pa'o/) ! /mdun gyi nam mkhar yid 'phrog rin chen khri/ /chu

skyes nyi zla rgyas pa'i dkyil 'khor steng/ /rtsa ba'i bla ma
khyab bdag rdo rje 'chang/ /sku mdog sngon po zhal gcig phyag
gnyis kyis/ /rdor dril bzung nas rang 'dra'i yum la 'khyud/
/mtshan dpe'i gzi 'bar rin chen rgyan mang

'dzin/ /yid 'phrog lha rdzas gos kyi na bza' can/ /dran pa tsam
gyis gdung ba kun sel cing/ /skyabs mchog ma lus 'dus pa'i bdag
nyid du/ /skyil krung tshul gyis bzhugs pa'i gnas gsum du/ /yi ge

gsum mtshan hUM gi 'od zer gyis/ /rang bzhin gnas nas bla ma rdo
rje 'chang/ /dzaH hUM baM hoH gnyis su med par gyur/ (/'di ni
mi bskyod pa'i dam tshig slob dpon bzung tshul yo/) ! / gang gi
drin gyis bde chen nyid/ /skad cig

nyid la 'char ba gang/ /bla ma rin chen lta bu yi/ /rdo rje can
zhabs pang la 'dud/ (/'di ni byang sems kyi nyes byas dang po
las sems bsrung tshul dang bla ma lnga bcu bar/ mchog tu dad pas
dus gsum du/ /zhes gsungs pa ltar phyag 'tshal tshul lo/) ! /oM
bcom

@012a @#/ /ldan dpa' po'i dbang phyug la phyag 'tshal hUM hUM
phaT/ oM bskal pa chen po'i me dang mnyam pa'i 'od hUM hUM
phaT/ oM ral pa'i cod pan mi bzad pa dang ldan hUM hUM phaT/
oM mche ba rnam par

gtsigs pa 'jigs pa'i zhal hUM hUM phaT/ oM stong phrag phyag
ni 'bar pa'i 'od zer can hUM hUM phaT/ oM dgra sta zhags
dgengs mdung dang kha twaM 'dzin hUM hUM phaT/ oM stag gi
bags pa'i na bza' 'dzin pa can hUM hUM

phaT/ oM sku chen dud ka bgegs mthar mdzad la 'dud hUM hUM
phaT/ oM bcom ldan 'das ma rdo rje phag mo la phyag 'tshal hUM
hUM phaT/ oM 'phags ma rig ma'i dbang phyug khams gsum gyis mi
thub hUM hUM phaT/ oM

'byung po'i 'jigs pa thams cad rdo rje chen pos 'joms hUM hUM
phaT/ oM rdo rje'i gdan bzhugs gzhan gyis mi thub dbang byed
spyan hUM hUM phaT/ oM gtum mo khro mo'i gzugs kyis tshangs
bskem par mdzad hUM hUM phaT/

oM bdud rnams skrag cing skem pas gzhan gyi phyogs las rgyal
hUM hUM phaT/ oM rmugs byed rengs byed rmongs byed kun las
rnam par rgyal hUM hUM phaT/ oM rdo rje phag mo sbyor chen
'dod dbang mal 'dud hUM hUM phaT/ ('di ni ma

pa rnams kyis lha dang bla ma la rkang brgyad kyi bstod pa bya
tshul lo/ ! /bdag pos bzung dang ma bzung dang/ /dngos bshams yid
kyis sprul pa las/ /byung ba phyi nang gsang ba yi/ /sna tshogs
mchod sprin rgya mtshos mchod//

@012b ('di ni don grub kyi mchod pa'i dam tshig bskyang tshul lo/)
/bdag gzhan lus ngag yid gsum longs spyod dus gsum dge tshogs
bcas/ /rin chen maNDal bzang po kun bzang mchod pa'i tshogs bcas
pa/ /blo yis blangs

nas bla ma yi dam dkon mchog gsum la 'bul/ /thugs rje'i dbang
gis bzhes nas bdag la byin gyis brlab tu gsol/ /i daM gu ru
ratna maNDal la kaM nirdya ta yA mi/ ('di ni lnga bcu bar bla
ma la maNDal dus gsum du 'bul bar gsungs pa'i

bslab bya'o/) /dus gsum phyogs bcu'i bde gshegs ma lus pa/ /gang
'dul ji bzhin dur smrig rnam rol gyis/ /grangs med zhing du
rgyal ba'i mdzad pa can/ /bla ma rin po che la gsol ba 'debs/
/rdo rje 'chang gis blo

dman bsam pa'i ngor/ /rab 'byams rgyal ba'i 'khor lo mtha' dag
las/ /lhag pa'i zhing gi dam par legs bsngags pa'i/ /bla ma rin
po che la gsol ba 'debs/ (/'di'i tshigs bcad snga ma yon tan dran
nas dad pa bskyed pa

dang/ phyi ma 'ga' dran dang nas gus pa bskyed pa ste bshes
gnyen bsam pas bsten tshul lo/) /mchog dang thun mong dngos grub
ma lus kun/ /mgon khyod tshul bzhin bsten pa'i rjes 'gro bar/
/mthong nas lus dang srog kyang yongs btang

ste; ;khyod mnyes kho na sgrub par byin gyis rlobs/ (/'di ni
sbyor bas bsten tshul te mdor na bsten pa'i phan yon dang/ ma
bsten pa'i nyes dmigs dran nas bsam sbyor gnyis kyis tshul bzhin
bsten par dam bca' ba ni ba zhes gnyen bsten tshul dang/ lnga bcu
pa'i)

@013a @#/ (/dam tshig bsrung tshul gyi snying po'o/) / ! de ltar
gsol pa btab pas bla ma mchog /rang gi spyi bo'i gtsug tu sa mA
dzaH / ! slar yang dgyes bzhin rang dang ro gcig gyur/ (/zhes
rang la stong nyid kyi nges pa ji ltar

yod pa gsal btab ste bde stong la cung zad mnyam par 'jog pa ni
nges don gyi bla ma'i rnal 'byor dang/ ye shes kyi tshogs bsags
pa dang/ /bsrung ba'i mchog dang/ rtsa ltung bcu gcig pa bsrung
tshul lo/) /bdag nyid rdo rje sems dpa'i nga rgyal gyis/ /lhan
skyes bde

chen gsang ba'i rdo rje dang/ /rang bzhin spros bral gsang ba'i
g+haNDa yi/ /mtshon byed bzung nas bcom ldan 'das mar 'khyud/
(/par sems pa ni mi bskyod pa'i rdo rje dang/ dril bu dang/
phyag rgya'i dam tshig gsum bsrung tshul bla med ltar ro/ /)

bdag gi lus dang de bzhin longs spyod dang/ /dus gsum dge tshogs
phung po ci ma chis pa/ /ma gyur sems can kun gyi don gyi phyir/
/deng nas phangs pa med par btang bar bya/ (/snyam du gtong sems
spel ba ni rgyal sras

kyi sbyin pa'i nyams len dang/ lus longs spyod gtong bzang zing
gi sbyin pa dang/ dge rtsa gtong ba chos kyi sbyin pa ste rin
'byung gi dam tshig lhag ma gnyis bsrung tshul lo/ /mtshams 'dir
long byung na so so'i ma mtha' sdom gyi sgo nas dam tshig dang
sdom pa rnams la bsngo bgrang byed

gsungs pa ltar spro na/ dang po so sor thar pa dge slong gi sdom
ldan yin na bsngo bgrang bya ba ni/) ! /so sor thar pa'i ltung
bsde lnga las/ /pham pa bzhi dang lhag ma bcu gsum dang/ /spang
ltung sum cu 'ba' zhig dgu bcu dang/ /sor

@013b bshags bzhi dang nyes byas brgya bcu gnyis/ /gzhan yang
gzhis bsdus ltung sogs spong bar bgyi/ (/byang sems kyi rtsa
ltung bco brgyad la bsdo bgrang bya ba ni/) bdag bstod gzhan
smod chos nor mi ster zhing/ /bshags kyang mi nyan theg

chen spong ba dang/ /dkon mchog dkor 'phrog chos spong ngur
smrig 'phrog /mtshams med lnga dang log lta grong sogs 'joms/ /ma
sbyangs stong nyid bstan dang rdzogs byang ldog /so thar spong
dang nyan smod zab brdzun smra/ /mchog

gsum dkor len khrims dan 'cha' sems gtong/ /nyes dmigs mi blta
spyod 'dod ma log dang/ /dga' mgu ngo tsha khrel med kun dkris
bzhi/ /tshang dgos bcu drug mi dgos log lta dang/ /sems 'dor
gnyis bcas rtsa

ltung bco brgyad bsrung/ (/sngags kyi rtsa ltung sogs la bsngo
bgrang bya ba ni/) bla mar brnyas smod bslab byar khyad gsod
byed/ /spun la skyon brjod 'gro la byams pa spong/ /smon 'jug
sems gtong mdo sngags chos la smod/ /ma smin gsang sgrog

rang gi phung por brnyes/ /stong pa nyid spong gdug can mdza'
bor bsten/ /lta ba ma dran dang ldan sems sun 'byin/ /dam tshig
mi bsnyen bud med smod pa ste/ /rtsa ltung bcu bzhi srog dang
bsdos te bsrung/ (/yan lag gi dam tshig la

bsngo bgrang bya ba ni/) yan lag rtsa bzhi chang dang bya min
spong/ /dam pa'i mgon bsten grogs la bsnyen bkur bya/ /dge bcu
skyong zhing theg chen las ldog rgyu/ /brnyas dang 'go ma spangs
dam tshig ma lus bsrung/ (/spom po'i ltung ba'i sdom

@014a @#/ (/tshig ni/) mtshan nyid mi ldan phyag rgyar bsten dang
'du shes gsum bral snyoms 'jug byed/ /snod mi rung la gsang
rdzas ston dang tshogs 'khor dus su 'thab rtsod byed/ /dad pas
'dri la lan

log 'debs dang nyan thos nang du zhag bdun gnas/ /yang dag min
kyang rnal 'byor par rlom dad pa med la dam chos ston/ /bsnyen
sogs ma dag dkyil 'khor las 'jug dgos med so byang bslab las
'das/ /bla ma

lnga bcu'i skabs dang 'gal ba'i sbom po rnams kyang tshul bzhin
bsrung/ (/rtsa rgyud nas gsungs pa'i thun mong ma yin pa'i dam
tshig gi sdom ni/) g.yon pa'i kun spyod mi brnyas mchod/ /mtshan
ldan min la snyoms 'jug spang/ /sbyor tshe lta

dang 'bral mi bya/ /chags lam la mos 'gyur med bya/ /phyag rgya
rnam gnyis 'dor mi bya/ /phyi nang la gtso bor 'bad/ /kunda mi
'byin tshang spyod bsten/ /byang sems len tshe skyugs bro spang/
(/de ltar ma

lcogs skabs ma mtha' sdom pa gsum ga la dran shes tsam bsten
tshul ni/) so thar byang sems rdo rje theg pa yi/ /rnam dag bcas
pa'i bslab pa phra mo las/ /rmi lam du yang 'da' par mi byed
par/ /rgyal ba'i bka' bzhin bdag gis

bsgrub par bya/ (/snyam pa ni sdom pa gsum ga la dran shes bsten
tshul mdor bsdus dang/ rnam snang gi dam tshig tshul khrims gsum
gyi nyes spyod sdom pa dang/ don grub kyi sdom pa thams cad dang
ldan pa rnams 'dis 'grub bo/) /theg pa gsum dang rgyud sde bzhis

@014b bsdus pa'i/ /lung dang rtogs pa'i dam chos ma lus pa/
/rgyal ba'i dgongs pa ji bzhin legs bzung ste/ (/snyam pa ni
sngags phyogs kyi phyi'i chos bya spyod gnyis dang/ gsang ba'i
chos rnal 'byor rgyud dang bla med gnyis dang/ mdo phyogs gyi
theg pa gsum 'dzin pa ste

padma'i dam tshig gsum dang/ rnam snang gi dge ba chos sdud rnams
'dis 'grub bo/) /gang 'tshams thabs kyis 'gro ba yongs su sgrol/
(/snyam pa ni rnam snang gi sems can don byed kyi tshul khrims
bsrung tshul lo/ /de ltar thun drug gi rnal 'byor nyin lan gsum
mtshan lan gsum du

bya bar gsungs pa dkyus gcig tu bya bar spro na/ man ngag lugs
kyi 'don lugs ni/ sangs rgyas chos tshogs nas/ khyod mnyes kho na
sgrub par byin gyis rlobs/ /bar lan gcig/ de nas slar yang/
sangs rgyas chos tshogs nas/ rnyog par mi 'gyur de ltar bya/ /de
nas/ gang gi

drin gyis nas/ byin gyis rlobs/ /bar/ slar yang/ sangs rgyas
chos tshogs nas/ byin gyis rlobs/ /bar de bzhin lan gcig /rjes ma
'di gnyis la sangs rgyas chos tshogs dang/ ji ltar sngon gyi
rnams lan re las mi dgos/ bla ma mdun du bskyed bskyed pa yin
pas/ mdun gyi nam

mkhar nas/ gnyis su med par gyur/ /zhes pa'i bar mang mi dgos/
rkang brgyad kyang dang po des chog /de ltar gsol ba btab pas
bla ma mchog /rang gi spyi bo'i gtsug tu sa mAdzaH /zhes pa 'di
yang lan cig gis chog /slar yang dgyes bzhin nas/ yongs su
sgrol/ /bar lan

gsum dkyus ltar la/ sdom pa so so'i bsngo bgrang lan dang po
nyid las mi dgos/ de ltar bskyar ldab lan gsum sogs ji ltar rigs
pa zin nas bsngo snon bya ba ni/) 'di las 'ongs pa'i rnam dkar
dge ba'i mthus/ /tshe rabs kun tu rdo rje 'chang dbang gis/

@015a @#/ /bcas pa'i mtshams las nam yang mi 'da' bar/ /rim gnyis
lam gyi rim pa mthar phyin shog /mdor na 'dis mtshon rnam dkar
dge ba'i tshogs/ /ji snyed bsags pa de yis myur du bdag /nor

bu'i bang mdzod shamb+ha lar skyes nas/ /bla med lam gyi rim pa
mthar phyin shog /skye ba kun tu yang dag bla ma dang/ /'bral
med chos kyi dpal la longs spyod cing/ /sa dang lam gyi yon tan
rab rdzogs nas/ /rdo rje 'chang gi go 'phang myur thob shog/
(ces bsngo smon gyi rgyas 'debs bya/

mkhas mchog dngul chu ba'i gsung du/ bla ma dkon mchog gsum la
skyabsu mchi/ /rang nyid ltar gsal rder dril bzung nas mchod/
/mdo sngags chos bzung nyes spyod mtha' dag sdom/ /dge chos kun
sdud sbyin bzhis 'gro don byed/ /ces pa 'dis mtshan mo sogs su
thun drug gi rnal 'byor mdor bsdus su go bcad chog par

gsungs kyang/ tshig rkang gcig la rigs lnga'i dam tshig bcu dgu
tshang ba sogs shin tu ngo mtshar che mod/ bla ma'i rnal 'byor gyi
go bcad du cung zad mi rung ba ltar snang bas/ des na thun drug
gi rnal 'byor rgyas pa mi lcogs pa dang/ 'don bsgom mi nus pa'i
blo dman dag

gis thun brun gi rnal 'byor gyi go bcad du rung zhing/ shin tu
bsdus pa'i tshul du nyams su len tshul dngul chu rje drung blo
bzang bstan 'dzin gyis mdzad pa ni 'di ltar/) ! dkon mchog gsum
la snying nas skyabs su mchi/ /'gro kun gdung bsgral gtan pa der

'god par bya/ /de'i slad rdzogs byang 'thob phyir byang chub
sems/ /bskyed nas rgyal sras spyod la bslab par bgyi/ /mdun gyi
nam mkhar khri pad nyi zla'i steng/ /rtsa ba'i bla ma khyab bdag
rdo rje 'chang/ /sku mdog

@015b sngon po rdor dril bzung nas ni/ /dbyings phyag mar 'khyud
lhan skyos bde bas rol/ /gnas gsum yi ge gsum mtshan hUM 'od
kyis/ /ye shes pa rnams spyan drangs ro gcig gyur/ /rdo rje can
zhabs padmor phyag 'tshal lo/ /phyi nang gsang

pa'i mchod sprin rgya mtshos mchod/ /ri gling rin chen gter bum
nyi zla sogs/ /bla med kun tu bzang po'i mchod pa 'bul/ /mchog
dang thun mong dngos grub ma lus kun/ /mgon khyod tshul bzhin
bsten pa'i rjes 'gro bar/ /mthong nas

lus dang srog kyang yongs btang ste/ /khyod mnyes kho na sgrub
par byin gyis rlobs/ /de ltar gsol btab bla ma spyi bor byon/
/rang la thim pas dbyer med ro gcig gyur/ /bdag nyid rdo rje
sems dpa' bcom ldan mar/ /rdor

dril bzung 'khyud lhan skyes bde bas rol/ /gnas lus longs spyod
dus gsum dge tshogs rnams/ /ma rnams don du phangs med btang bar
bya/ /so thar byang sems gsang sngags rnam gsum gyi/ /bcas
mtshams

srog gi phyir yang 'dor mi bya/ /theg gsum rgyud sde bzhis bsdus
lung rtogs chos/ /legs bzung thabs kyis 'gro ba yongs su sgrol/
/dge 'dis dus gsum bde gshegs sras bcas kyi/ /mdzad smon 'grub
dang dam

chos 'dzin phyir bsngo/ /mchog gsum byin rlabs rten 'brel mi
bslu'i mthus/ /legs smon 'grub nas sangs rgyas myur thob shog
(/ces pa 'di thun drug rgyas pa ltar gyi dam tshig gi gnad rnams
tshang zhing/ tshig nyung/ 'jug pa 'debs 'di nyid nyams

@016a @#/ /su blang bar bya'o/ /de yang yongs grags kyi thun drug
rnal 'byor rgyas pa 'di mang tshig nyung/ 'khyer bde 'di las
bsdus pa mi dgos pa ltar yang/ deng dus gal chung chos la byed
pa'i skabs 'dir 'di tsam 'don pa yang mi lcogs par bskyur ba
mang zhing/ 'ga' zhig

dbang po shin tu rtul ba dang/ rgas shing 'khogs pas klog pa
tsam yang mi shes la/ bzung yang mi nus pas gzungs sngags 'dren
pa tsam la skyabs byed dgos pa yang mang du snang ba rnams rdo
rje dmyal ba las bsrung phyir brtse ba'i bsam pas bkod pa yin
pas/ rgyas pa nus bzhin bsdus pa'i sla chos ni

nam yang ma mdzad cig ces thal mo sbyor nas gsol ba 'debs so/
/de ltar thun drug gi rnal 'byor rgyas bsdus nyams su len tshul
gyi man ngag cha tshang zhing gsal la nag 'gros kyi tshul du bkod
pa 'di ni ldan chos 'khor dgon gyi grwa rigs blo bzang rdo rjes
lha reg dang maNDal rten gsum bcas ji ltar bskul ba bzhin pha
bod kha'i sprul ming

pas chab mdo dge ldan byams pa gling du phyogs gcig tu bsgrigs
pa 'gro don 'phel//) // ! dad gtong rab yangs sbyin pa'i bdag po
che/ /surya d+hwa dzas yon sbyar rnam dkar mthus/ /sa lam bgrod
pa rab myur shing rta'i shugs//

zung 'jug gdod ma'i rgyal sar myur 'god shog/ // ! dad dam
mtshungs med lha klu dga' tshal bas/ /yon sbyar mthun rkyen 'brel
tshad bla ma yis/ /tshe rabs 'bral med mnyes bzhin rjes 'dzin
cing/ /zung 'jug rdo

rje 'chang dbang myur thob shog/ dge legs 'phel//