@001a @#/ /zab lam dga' ldan lha brgya ma'i rnal 'byor nyams su
len tshul snyan brgyud zhal shes lhug par bkod pa'i man ngag rin
chen gter gyi bang mdzod ces bya ba bzhugs so/ /

'di lta grub mi gtsang ba sogs gang byung gis 'chal bar spyad na
de la dam can bka' sdod rnam gsum gyis rdo rje'i chad pa drag po
pho ba cig /

@001b @##/ /yab gcig nyi ma bye ba'i lang tsho'i 'dzum/ /mtshams
sprin bla gos gseb tu rab sbas kyang/ /gsung gi dbang phyug nyid
gyur gsung dbyangs kyis/ /

'jam dpal dbyangs te tsong kha pa la 'dud/ /'phags yul thub
bstan ming gi lhag mar gyur/ /byang phyogs 'di na ltar snang log
bshad khengs/ /smra ba'i dbang po kun kyang zab mo'i

don; ;'byed tshe chad pa'i mtha' nyid dbu mar 'khrul/ /kye ma
gangs can chen po dag /lung dang mngon par rtogs pa sogs/ /yon
tan nor bus rab brgyan kyang/ /ci bya lta ngan dug chus

sbrus; ;zab mo'i don la dpyad dpyad tshe/ /lhag par blo mig rab
ldongs te/ /mthar 'dzin mun khrod phyogs bslad pas/ /snga rabs
mkhas rnams ngal bar gyur/ /de tshe 'jam dbyangs

@002a @##/ /tsong kha pas/ /zab mo rten 'byung ji bzhin du/ /'byed
pa'i legs bshad nyin byed kyi/ /snang bas 'gro 'di yongs su
bzungs/ /thub bstan yongs rdzogs

yid bzhin nor/ /dpyad gsum dag pa'i byi dor gyis/ /bshad sbrub
rgyal mtshan rtser bkod pas/ /sa 'di rin chen gter brgyas bskrun/
/sngon rabs lo paN mkhas grub kyis/ /

'byed min bde gshegs shing rta'i srol/ /phye 'di gsung rab gzu
bo'i blos/ /dpog na klu sgrub gnyis par dad/ /de phyir rgyal kun
bdag po mir zlos pa'i/ /gsang gsum gting mtha'

mi spyod yon tan dang/ /rab 'byams rgyal las lhag pa'i bka' drin
zung/ /snying nas dran pas rnal 'byor 'dir brtson bya/ (/da yang
lung rigs dri ma med pa brgya phrag gi lam las chos kyi

@002b rjes su 'brangs pa'i yid ches kyi nges pa drag pos yab
gcig rgyal kun bdag po nyid du gdon mi za bar tshad ma'i lam las
grub pa/ /phyogs bcu'i sangs rgyas kyi zhing rab 'byams su rgyal
sras snying stobs chen po zhes snyan pa'i bdan ches cher g.yob/

gangs can shing rta'i srol 'byed gcig pu/ khams gsum chos kyi
rgyal po tsong kha pa blo bzang grags pa'i dpal zhes mtshan snyan
gyi bdud rtsi'i zil thigs tsam dad pa'i snying gar bsten kyang
thar ba'i sa bon 'jog cing/ gtan gyi bde legs yangs po la

spyod pa'i skal bzang thob par 'gyur ba'i bdag nyid chen po
'di'i rnal 'byor la brtson pa ni skal ba mchog gi dga' ston
bzang po las kyang ches cher bzang ba 'di las gzhan du ma dmigs
pas/ des na rang gi rtsa ba'i bla ma dang 'jam mgon tsong kha pa

chen po dbyer med kyi rnal 'byor la brtson pa lhur bya ba ni 'di
phyi'i legs tshogs kyi rtsa ba tshugs pa dang/ thos bsam sgom gsum
gnad du 'gro zhing/ bar chad kyis mi mtshungs pa dang/ grib dang
rgyal btsan klu gdon gyi gnod pa las bsrung zhing/

'dod don rnams yid bzhin du 'grub pa dang/ lhag par 'phrin las
kyi bka' bab shes rab che ba/ gsal ba/ myur ba/ zab pa sogs rang
gis gang bsgrub pa de zla ngo re tsam nas 'phel ba myong bas
grub pa dang/ tshe rabs nas tshe rabs

su 'jam mgon bla ma'i bstan pa dang mjal bar gdon mi za zhing/
dga' ldan gyi zhing du skye ba sogs phan yon mtha' yas so/ /de'i
phyir 'dir rang gi bla ma dang 'jam mgon tsong kha pa dbyer med
kyi bla ma'i rnal 'byor dga' ldan lha brgya

@003a @#/ (/ma dang 'brel bar nyams su len tshul/ snyan brgyud kyi
zab gnad khong na gnas pa rnams gsal bar gyur/) /gzhan nas kha
'geng 'os rnams leD par bskang/ /bsam byang 'cher ngag 'don du
khyer/ (lam yongs rdzogs kyi shar sgom tshigs bcad dang

bcas snyan brgyud dmar bcad du 'khyer bder 'god pa la 'jug par
bya'o/ /des na 'di la gsum/ sbyor ba/ dngos gzhi/ mjug tu ji
ltar bya ba'o/ /dang po ni/ /gnas khang gtsang zhing yid du 'ong
bar byi dor byas la sku gsung thugs kyi rten ci yod dgram/ ci
'byor ba'i mchod la g.yo med

par bkod pa mdzes par bsham/ stan bde pa la 'dug lugs brgyad dam
spyod lam gang bder 'khod nas/ dge sems khyad par can gyi ngang
nas thog mar skyabs 'gro bya ba ni/ tshig ris dang mthun pa'i
dmigs ba gsal btab ste 'di ltar/) rang gi mdun gyi thad drang gi

nam mkha'i gnas su seng ge chen po brgyad kyis bteg pa'i rin po
che'i khri mtho zhing yangs pa'i steng khar sna tshogs pad zla
nyi ma'i dkyil 'khor gyi gdan la ngo bo rang gi drin can rtsa
ba'i bla ma yin pa la rnam pa rgyal ba

shAkya thub pa sku mdog gser btsom lta bu dbu gtsug tor dang
ldan pa zhal gcig phyag gnyis g.yas sa gnon/ g.yon mnyam gzhag
gi steng na bdud rtsis gang ba'i lhung bzed pa rnams pa/ sku la
chos gos

ngur smrig gi mdog can gsol ba/ mtshan dbes brgyan pa'i dwangs
gsal 'od kyi rang bzhin can sku las skyes pa'i 'od kyi phung
po'i dbus na zhabs gnyis rdo rje skyil krung gis bzhugs ba/ de
nyid kyi mtha'

@003b skor du dngos dang brgyud pa'i bla ma yi dam sangs rgyas
byang sems dpa' bo mkha' 'gro chos skyong srung ma'i tshogs rnams
kyis bskor nas bzhugs pa/ de dag rang rang gi mdun na gdan khri
phun sum tshogs pa la rang rang rang gis gsungs

ba'i lung gi chos rnams 'od kyi rang bzhin can gyi bu ti'i rnam
par yod pa/ tshogs zhing rnams kyang rang nyid la dgyes pa'i tshul
dang/ rang nyid kyang tshogs zhing rnams kyi yon tan dang thugs
rje dran pa'i dad pa chen po'i ngang nas/

des na bdag dang ma sems can thams cad thog ma med pa nas da
lta'i bar du spyir 'khor ba dang khyad par ngan song gsum gyi
sdug bsngal sna tshogs pa zhig myong 'dug tu zin kyang/ da dung
sdug bsngal gyi gting dang mtha' rtogs

dka' bar 'dug /des na da res rnyed par dka' zhing rnyed na don
che ba'i dal 'byor gyi mi lus khyad par can thob/ mjal dka' ba'i
sangs rgyas kyi bstan pa rin po che dang mjal dus 'dir 'khor
ba'i sdug bsngal mtha' dag

spangs pa'i thar pa mchog yang dag par rdzogs pa'i sangs rgyas
kyi go 'phang zhig da lta nyid nas thob par ma byas na/ slar
yang spyir 'khor pa dang khyad par ngan song gsum gyi sdug
bsngal ci rigs pa zhig myong dgos par 'dug /des na

sdud bsal de dag las skyob pa'i nus pa mdun na bzhugs pa bla ma
dkon mchog gsum la yod pas/ bdag gis ma sems can thams cad kyi
don du rdzogs pa'i sangs rgyas kyi go 'phang thob par bya/ de'i
phyir du bla ma dkon mchog

@004a @#/ /gsum la skyabs su 'gro bar bya'o/ (/zhes
skyabs yul
dang rgyu gsal btab/ skyabs su 'gro ba dngos ni/) bdag dang 'gro
ba nam mkha' dang mnyam pa'i sems can thams cad dus 'di nas
bzung ste ji srid byang

chub snying po la mchis kyi bar du dpal ldan bla ma dam pa rnams
la skyabs su mchi'o/ /rdzogs pa'i sangs rgyas bcom ldan 'das
rnams la skyabs su mchi'o/ /dam pa'i chos rnams la skyabs su
mchi'o/ /'phags pa'i dge 'dun rnams

la skyabs su mchi'o/ (/lan gsum mam bdun bya/) skyabs yul rnams
las bdud rtsi 'od lnga'i rgyun/ /babs pa rang gzhan lus sems la
zhugs pas/ /de dag la brten nyes pa'i tshogs byang zhing/ /byin
rlabs ma lus rgyud la zhugs

par gyur/ (/ces lan gcig /'bras skyabs su gyur pa'i dkon mchog
gsum la gtso bor dmigs nas sems can thams cad kyi don du de
'thob byar byed ba theg chen thun mong ma yin pa'i skyabs 'gro
dang sems bskyed kyi dmigs rnam gsal btab la/) sangs rgyas chos
dang tshogs kyi

mchog rnams la/ /byang chub bar du bdag ni skyabs su mchi/ /bdag
gis sbyin sogs bgyis pa 'di dag gis/ /'gro la phan phyir sangs
rgyas 'grub par shog (/ces lan gang mang brjod de byang chub tu
sems bskyed cing spyod pa phyin drug sogs rgyal

sras kyi spyod pa mtha' dag la bslab par bya'o snyam pa'i 'dun
pa shugs drag po gsal gdab/) mdun gyi bla ma thub pa'i dbang po
las/ /rang 'dra chad de thim pas bdag nyid ni/ /thub dbang skur
gyur de yi 'od zer gyis/ /'gro kun byang chub mchog la

@004b bkod par gyur/ (/ces sems bskyed 'bras bu lam byed kyi
tshul du bsgom pa lan gcig bya/ byang chub kyi sems kyi nus pa
gong nas gong du spel zhing/ de'i gegs sel bogs 'don tshad med
bzhi bya ba ni/) sems can thams cad nye ring chags sdang dang
bral ba'i btang snyoms la

gnas na ci ma rung/ gnas par gyur cig /gnas par bdag gis bya'o/
/de ltar byed nus par bla ma lhas byin gyis brlab tu gsol/ sems
can thams cad bde ba dang bde ba'i rgyu dang ldan na ci ma rung/
ldan par gyur cig /ldan par bdag

gis bya'o/ /de ltar byed nus par bla ma lhas byin gyis brlab tu
gsol/ sems can thams cad sdug bsngal dang sdug bsngal gyi rgyu
dang bral na ci ma rung/ bral bar gyur cig /bral bar bdag gis
bya'o/ /de ltar byed nus par bla ma lhas byin

gyis brlab tu gsol/ sems can thams cad mtho ris dang thar pa'i
bde ba dam pa dang ma bral na ci ma rung/ mi 'bral bar gyur cig
/mi 'bral bar bdag gis bya'o/ /de ltar byed nus par bla ma lhas
byin gyis brlab tu gsol/ (lan

gsum re/ sngags bla med kyi thun mong ma yin pa'i sems bskyed
kyi dmigs rnam spyi dang/ lhag par dga' ldan snyan brgyud kyi
zab pa'i myur khyad mi lo bcu gnyis dang lo gsum phyogs gsum
tsam la rdzogs byang bsgrub nus pa'i khyad chos dmigs rnam du
chud par byas te/) nam mkha'i

mthas gtugs sems can kun don du/ /bde chen dang po'i mgon po bla
ma lha'i/ /go 'phang myur ba myur bar 'thob bya'i phyir/ /zab mo
bla ma'i rnal 'byor bsgom par bya/ (/zhes lan gsum/ de nas tshogs
zhing bsdu ba ni/)

@005a @#/ /nam mkha'i dbyings su sprin phung zhi ba bzhin/ /tshogs
zhing mtha' dag thub pa'i dbang po la/ /bsdus te de yang rang gi
smin mtshams nas/ /thim pas byin rlabs ma lus thob par gyur/
(/ces pa

ltar bsam/ gnyis pa dngos gzhi la tshogs zhing gsal btab nas ye
shes pa bstim pa/ yan lag bdun pa maNDal dang bcas pa 'bul ba/
gsol ba btab nas dngos grub zhu ba'o/ /dang po ni/ snyan brgyud
kyi zab gnad phal cher sngags dang 'brel bar snang bas 'dir yang
rang ltar bskyed/ snod bcud spyad

bsgyur/ mchod pa byin rlabs rnams sngags dang 'brel bar tshul rje
gung thang pa'i gsung ltar 'god pa la/) rang bzhin rnam dag
spros bral chos dbyings las/ /rang nyid rdo rje 'jigs byed skur
bzhengs pa'i/ /gnas gsum yi ge gsum mtshan hUM yig gi/ /

'od kyis snod bcud mchod rdzas dang bcas pa'i/ /ma dag 'khrul
snang nyes pa kun sbyangs nas/ /dag pa'i rten dang brten par
legs 'char zhing/ /mchod rdzas mtha' dag khyad par gsum ldan
gyi/ /kun bzang mchod pa'i sprin gyi phung por

gyur; (/ces byin gyis brlab/ de nas tshogs zhing gsal 'debs pa
ni/) mdun du kun bzang mchod sprin rgya mtsho'i dbus/ /seng ges
bteg pa'i 'od 'bar nor bu'i khri/ /sna tshogs padma nyi zla'i
gdan dang bcas/ /gsum gyi dbus ma cung zad mtho

ba'i steng/ /rgyal kun chos kyi dbyings su ro gcig pa'i/ /ye
shes sgyu 'phrul rang gi bla ma dang/ /'jam mgon chos kyi rgyal
po tsong kha par/ /shar ba gcig dang du mar dbyer med pa'i/
/rnam pa sku mdog dkar la dmar ba'i mdangs/ /

@005b thabs shas zung 'jug sgyu 'phrul lang tsho'i sku/ /rgyu
'bras theg dang stong dang rten 'byung tshul/ /'gal med ston pa'i
chos 'khor phyag rgya yis/ /mi shes 'ching rgya gcod pa'i ral
gri dang/ /glegs bam yongs rdzogs lam bzang rang sgra'i tshul/

sgrog pa g.yas g.yon snyan thad byams snying rje'i/ /utpal la
brten sdong bu thugs kar 'dzin/ /tshul khrims phung po yongs
rdzogs chos gos gsum/ /gsung rab dpyad gsum dag pas gtan 'bebs
pa'i/ /gser sbyangs paN zhwa gong na med

pa yi; ;lta ba'i dbyings su bsnyegs pas rtse mo mtho/ /skyil
krung rnam bzhis zung 'jug mngon mdzad ces/ /ston phyir rdo
rje'i skyil mo krung gis bzhugs/ /de yi thugs kar yab gcig 'jam
dpal gtso/ /dmar ser 'od kyi phung por 'bar bzhin 

bzhugs/ /thugs kar ye shes sems dpa' rdo rje 'chang/ /indra nI
la 'tsher ba'i thugs kan/ /ting 'dzin sems dpa' hUM yig sngon po
ni/ /rtag tu 'char ba mar me chen po ltar/ /g.yas kyi khri
steng 'phags mchog 'jig rten mgon/ /

dar ma rin chen yar 'gres zhi dul nyams/ /thugs kar spyan ras
gzigs dbang phyag bzhi pa/ /sems dpa' sum brtsegs bcas pa sngar
bzhin gsal/ /g.yon gyi khri steng gsang bdag mi yi zol/ /smra
ba'i nyi ma dar babs 'gying bag tshul//

thugs kar gsang ba'i bdag po gos sngon can/ /sems dpa' sum
brtsegs dang bcas sngar bzhin gyur/ /sras kyi thu bo gnyis ka
g.yas chos 'chad/ /g.yon pa mnyam gzhag phyag rgyas glegs bam
'dzin/ /chos gos gsum gsol gser

@006a @#/ /sbyangs paN zhwas mdzes/ /zhabs gnyis rdo rje'i skyil
mo krung gis bzhugs/ /yab sras gsum char mtshan dpe'i dpal rdzogs
pas/ /mdzes pa'i sku ni blta bas chog mi shes/ /yan lag drug

cu'i dbyangs dang ldan pa yi/ /snyan pa'i gsung ni thos pas
ngoms pa med/ /zag med ye shes sde tshan nyer gcig sogs/ /zab
yangs thugs ni gting mtha' gzhal las 'das/ /nyes pa'i dri bral
legs pa'i yon tan rdzogs/ /dran pa'i

tsam gyis srid zhi'i gdung ba sel/ /rab 'byams zhing du bcu
gnyis mdzad pa sogs/ /gang 'dul ngo mtshar sprul ba sna tshogs
ston/ /ba spu'i khung bur rgyal ba'i zhing ston cing/ /skus
kyang zhing kun khyab cing spro bsdu sogs/ /gsang ba

bsam gyis mi khyab rnam thar bcas/ /rang la dgyes pa'i nyams
kyis bzhugs par gyur/ (/de nas ye shes pa spyan 'dren pa dang/
phyi mar zhing der skye ba'i bag chags 'jog phyir dga' ldan gyi
zhing gi bkod pa legs par gsal 'debs dgos pas/ de yang lhug pa'i
tshig gis

dmigs rnam 'char bde bas de bzhin du 'god pa la/) rang nyid gnas
pa'i byang gi phyogs su ri rab bang rim bzhi ba'i rtse mor sum
cu rtsa gsum dang/ de las rim gyis gong du 'phags pa'i nam mkhar
'thab bral/ de'i steng

lha'i bu rab dga' ldan gyi gnas byings grong khyer lta bu la/ de
las logs su dgon pa'i tshul du steng gi nam mkhar 'phags pa'i
char/ bskal bzang 'di'i sangs rgyas steng gang nas 'byon pa'i
gnas/ skye ba gcig thogs

@006b kyi byang chub sems dpa' kun gyis bsten pa'i zhing khams
rin po che'i rang bzhin lag mthil ltar snyoms shing bde ba/ rdo
dang gseg ma sogs med cing mnan na ne ma zhing bteg na sbar byed
pa/ gser gyi sa gzhi la baiDUrya'i

mig mang ris su bris pa/ skyed mos tshal dang/ mtsho dang rdzing
bu/ dgos 'dod 'byung ba'i ljon shing dang/ rin po che'i bye ma
brdal ba'i chu mtsho las bya sna tshogs kyis dam pa'i chos kyi
sgra dbyangs snyan po brgyud mar sgrog cing/ dri

bzang po'i ngad kyis yongs su 'gengs pa/ yid la dran pa tsam
gyis dga' ba skyed pa sogs dag pa'i zhing gi 'byor pa yongs su
rdzogs pa'i dbus su rnam par rgyal ba'i pho brang gis cha shas
tsam yang 'gran du med pa chos kyis mtho

ba'i khang bzang rgyal mtshan mthon po'i gzim khang dang/ de'i
mdun na rje btsun gyis chos gsungs pa'i kun dga' rwa ba yid dga'
chos 'dzin gyi dbus su/ seng+ge chen po brgyad kyis bteg pa'i
rin po che'i khri'i steng du rgyal

tshab mi pham mgon po sku mdog gser btsom lta bu nyi ma 'bum gyi
gzi brjid dang ldan pa/ zhal gcig phyag gnyis thugs kar chos
'khor gyi phyag rgyas klu shing gi me tog sdong bu dang bcas pa
'khor lo dang spyi blugs kyis mtshan pa

'dzin pa/ rin po che'i rgyan dang dar gyi na bza' gsol ba/ dbu
gtsug tu ston pa shAkya thub pa'i ngo bo byang chub mchod rten
gyis spras pa/ da lta nyid du 'dzam bu'i gling du 'byon par
bzhed pas bzang po'i bzhugs stangs

@007a @#/ /kyis dgyes pa'i 'dzum zhal lha ma mer rang la gzigs
nas bzhugs pa/ de'i g.yas su jo bo rje dpal ldan a ti sha
lha'i bu'i rnam par rol pa nam mkha' dri ma med pa dang/ g.yon
du rje bla

ma lha'i bu'i rnam par rol pa rgyal sras 'jam dpal snying po
dang/ lho brag grub chen lha'i bu'i rnam par rol pa dri med 'od
zer sogs phyogs bcu'i zhing khams rab 'byams nas 'dus pa'i 'khor
tshogs dpag tu med pa la sher

phyin gyi mdo sde'i sgra dbyangs lhang lhang sgrogs pa dang/ tha
na ljon shing rlung gis bskul ba dang/ bya sna tshogs kyis dam
pa'i chos sgra snyan par sgrogs pa rang gi rna bas gsal bar thos
shing de'i don yid la 'char bzhin pa/ dri

bzang po'i ngad phun sum tshogs pa yang sna shes kyis myong ba/
snod bcud kyi bkod pa'i khyad par dang yon tan mtha' dag mig gis
mngon sum du mthong ba sogs gnas der dngos su phyin pa lta bur
gsal bar gyur (par bsams la/

bdag kyang rjes su 'dzin par mdzad du gsol snyam du gsol ba
shugs drag kyang gdab/ de ni dag pa'i zhing sbyong dang 'pho
pa'i smin byed sogs su 'gyur ro/ /de nas/) byams mgon gyi thugs
kar gyi gser gyi gtan pa phyis pa lta bu'i ngos su dpal be'u'i
gzugs brnyan 'char ba

ltar khra lam gyis yod pa'i nang du rang cag 'dzam bu gling pa
rnams la rjes su brtse ba'i ye shes sprin dkar gyi rnam pa lang
long 'khrigs pa'i dbus na rang gi drin can rtsa ba'i bla ma dang
ngo bo dbyer ma mchis pa rgyal ba thams cad kyi mkhyen brtse

@007b nus gsum gcig tu 'dus pa'i bdag nyid khams gsum chos kyi
rgyal po tsong kha pa chen po yab sras gsum sems dpa' sum
brtsegs dang bcas te bzhugs pa dngos su mjal ba lta bur gyur/
(de nas ye shes pa spyan 'dren tshigs su bcad pa'i dbyangs

kyis brjod pa ni/) rang mdun tshogs zhing gnas lngar yi ge lngas/
/legs mtshan thugs ka'i hUM las 'od zer 'phros/ /rab 'byams
phyogs bcu'i zhing khams thams cad nas/ /bla ma yi dam rgyal ba
sras bcas rnams/ /kun kyang drin can bla

ma'i rnam 'gyur dang/ /khyad par sa bcu'i rgyal sras rgya mtsho'i
gnas/ /yid dga' chos 'dzin byams mgon thugs ka nas/ /drin can
bla ma yab sras spyan 'dren no/ /dga' ldan lha brgya'i mgon gyi
thugs ka nas/ /rab dkar zho gsar spungs

'dra'i chu 'dzin rtser/ /chos kyi rgyal po kun mkhyen blo bzang
grags/ /sras dang bcas pa gnas 'dir gshegs su gsol/ /rnam dag
chos kyi dbyings las ma g.yos kyang/ /thugs rjes tshad med 'gro
la phyogs bcur gzigs/ /rgyal ba kun gyi

'phrin las rgyas mdzad pa/ /dus gsum bla ma 'khor bcas gnas 'dir
gshegs/ /dzaHhUM baM hoH ye shes pha rnams rang rang gi dam
tshig pa so so la thim par gyur/ (khrus gsol 'bul na mtshams 'dir
bya/ gnyis pa bsags sbyang gi gnad sdug pa yan lag bdun pa

maNDal dang bcas pa 'bul ba la/ bzhugs su gsol ba ni/) mdun gyi
nam mkhar seng khri pad zla'i steng/ /rje btsun bla ma dgyes
pa'i 'dzum dkar can/ /bdag blo dad ba'i bsod nams zhing mchog
tu/ /bstan pa rgyas phyir bskal brgyar bzhugs

@008a @#/ /su gsol/ (/phyag 'tshal ba'i yan lag ni/) shes bya'i
khyon kun 'jal ba'i blo gros thugs/ /skal bzang rna ba'i rgyan
gyur legs bshad gsung/ /grags pa'i dpal gyis lha ma mer mdzes
pa'i sku/ /

mthong thos dran pas don ldan la phyag 'tshal/ /sangs rgyas kho
na'i khyad chos ma 'dres sogs/ /chos skus rab tu phye ba'i gsang
ba gsum/ /dran cing rdo rje gsum du bdag bsgrub phyir/ /lus ngag
yid gsum 'dud pas phyag 'tshal

lo; (;phyag grangs gsog byed na mtshams 'dir/) oM na mo manydzu
shrI ye/ na maH su shrI ye/ na mo utta ma shrI ye swA hA/
(zhes phyag gi 'gyur sngags dang 'brel ba'i brkyang phyag lan
gsum gyis sna drangs/ de nas/ shes bya'i khyon kun sogs kyi
tshigs bcad kho na ngag tu 'don

bzhin phyag grangs gsog /mchod pa'i yan lag ni/ rang gi snying
gnas rdo rje mchod lha grangs med spros la mchod sprin mtha'
klas pa dbul bar mos nas/) yid 'ong mchod yon sna tshogs me tog
dang/ /dri zhim bdug sbos snang gsal dri chab sogs/ /dngos
bshams

yid sprul mchod sprin rgya mtsho 'di/ /bsod nams zhing mchog
khyed la mchod par 'bul/ /rnam dkar bshad sgrub bslab gsum rig
gnyis sogs/ /rang gzhan kun gyi rnam dkar dge tshogs kyang/ /yid
'ong mchod pa'i sprin du legs

bstar na/ /bzhes shing zad mi shes par byin gyis rlobs/ /rigs
lnga yum bzhi'i rang bzhin dam rdzas rnams/ /rdo rje gsum gyi
'od zer spro bsdu yis/ /sbyangs rtogs sbar byas bdud rtsi'i rgya
mtsho ches/ /mchog tu sim zhing dgyes

@008b pa skyed gyur cig /zhing sngags lhan skyes phyag rgya'i
tshogs spros te/ /rdo rje 'chang dbang yum la thim pa na/ /de
dang snyoms 'jug dga' ba'i rol pa yis/ /'khor bcas zag med dga'
bas tshim gyur cig /chos kun spros bral nam

mkha' lta bu'i dang/ /gzugs sku'i 'ja' tshon cir yang 'char bzod
pa/ /sku thugs zung 'jug lhan skyes bde ba che/ /byang chub rdo
rje'i mchod pas dgyes par mdzod/ /mdor na phyi nang nyer spyod
'dod yon dang/ /dbang bzhi dang 'brel mchod

pa'i maNDa la/ /blo yis blangs te gus pas 'bul lags na/ /thugs
rje che ldan nyid kyi mthus bzhes shig (/bshags pa'i yan lag la/
'gyod gdung drag po bskyed cing thugs rje bskul ba ni/) kye ma
bdag ni 'khor ba thog med nas/ /bsags pa'i sdig

tshogs rgyal po'i bang mdzod bzhin/ /sdig pa sna re'ang bskal ba
bye ba brgyar/ /de nyid kho nar 'bad pa lta bur snang/ /tshe 'dir
dge sdig blang dor byed khul yang/ /nyin mtshan bar med sdig
ltung char ltar babs/ /de dag lhag med sbyong ba'i nus pa

bral; ;'chi bdag dgra ni glo bur cha med 'ong/ /kye ma da lta
dmyal bar mi ltung ngam/ /zla grogs dmyal mer da lta 'tshod kyin
yod/ /sang phod da tshod bdag kyang mi 'tshod dam/ /sdig ldan bdag
la mgon pos thugs rjes zungs/ (/de ltar 'gyod gdung

drag pos thugs rje bskul nas/ rgyas par spro na ltung bshags
spyi bshags dang/ phyag grangs gsog ltung bshags dang 'brel te
bya bar 'dod na 'dir byas kyang rung ngo/ /mjug tu/) gang zhig
thog med dus nas bsags pa yi/ /lus ngag yid kyis mi dge ci bgyis
dang/

@009a @#/ /khyad bor sdom pa gsum gyi mi mthun phyogs/ /snying
nas 'gyod pa drag pos so sor bshags/ (/zhes ma mtha' lan gsum/
/'dir snyan brgyud man ngag tu/ /thugs ka'i rdo rje 'chang zhi
bde rdo rje sems dbang bsgyur te sngags kyi dam tshig

nyams chag sbyong bar gsungs pa nyams su len tshun ni/) bla ma
yab sras thugs ka'i rdo rje 'chang/ /zhi ba yongs gyur rdo rje
sems dpar gyur/ /rang 'dra bdag gzhan spyi bor byon pa las/
/bdud rtsi'i rgyun babs sdig ltung kun sbyang gyur/ (/yig

brgya bzla zhing grangs gsog na mtshams 'dir byed du rung/) spyi
bo'i bla ma rdor sems rang gzhan gyi/ /spyi gtsug nas thim gsang
gsum dbyer med gyur/ (/rjes su yi rang ba'i yan lag ni/ 'jam
mgon bla ma'i gsang ba bsam gyis mi khyab ba'i rnam par thar pa
rgya mtsho

lta bu las ci nus dran par byas te rjes su dga' ba bsgom la/)
snyigs ma'i dus 'dir mang thos sgrub la brtson/ /chos brgyad
spangs bas dal 'byor don yod byed/ /mgon po khyod kyi rlabs chen
mdzad pa la/ /bdag cag bsam pa thag pas yi rang

ngo; ;thun min 'jam dpal gsang gsum su yis dpog /thun mong nyid
du'ang gsung rab dgongs 'grel bcas/ /mtha' dag thugs su chud
cing gdams par shar/ /sgrub bas go 'phang mthor gshegs la yi
rang/ /chos brgyad nag khra

lta cing dngos zhen gyi/ /chos brgyad dkar po tsam gyi'ang ma
gos par/ /thub bstan yongs rdzogs lung rigs brgya phrag gis/
/gser sbyangs btso mar mdzad la yi rang ngo/ /snga rabs mkhas
kun zab don la 'khrul bas/ /bod kun lta ngan

@009b mun pa'i khung bur 'thums/ /blo bzang nyin byed gcig dus
rten 'byung gi /snang bas dbugs 'byin mdzad la mi rang ngo/
/'jam dbyangs khyod 'dra bod du ma byon na/ /bod yul lta sgom
spyod dang mdo sngags kun/ /thub bstan gzugs brnyan

tsam la skyabs su 'cha'/ /bka' drin lhag par dran pas yi rang
ngo/ (/chos 'khor bskor bor bskul ba'i yan lag ni/ /gser gyi
'khor lo rtsibs stong dang ldan pa phul te/ /rjes btsun bla ma
dam pa khyed rnams kyi/ /chos sku'i mkha' la mkhyen brtse'i chu
'dzin 'khrigs/ /

ji ltar 'tshams pa'i gdul bya'i 'dzin ma la/ /zab rgyas chos kyi
char ba dbab tu gsol/ /dag ba chos sku'i mkha' lam mkhyen rab
ste/ /stong pa'i ye shes brtse ba bde chen zung/ /dbyer med sgyu
'brul chu 'dzin 'khrigs pa lta'i/ /dkyil 'khor 'khor

lo'i klong du smin byed stsol/ /zab pa mtshan med rgya che lha'i
'khor lo/ /zab pa rdzogs rim rgya che bskyed pa'i rim/ /zab pa
'od gsal rgya che sgyu ma'i sku/ /chos kyi char pas sgrib gnyis
drungs 'byin mdzod/ (/ces gsol bas zhal gyis bzhes par bsam/

bzhugs su gsol ba'i yan lag gong gi de tsam min par yan lag bdun
ba spyi'i lugs ltar mtshams 'dir 'bul na sna tshogs rdo rjes spras
pa'i seng+ge'i khri re phul ba bla ma'i seng khrir thim par
bsams nas/) rnam dag 'od gsal dbyings nas bzhengs pa yi/ /zung
'jug sku la 'char nub

mi mnga' yang/ /tha mal snang ngor gzugs sku rags pa nyid/ /srid
mtha'i bar du mi nub brtan par bzhugs/ (/zhes brjod la zhal gyis
bzhes par bsam/ rgyas par byed na/ bla ma rnams la gsol ba
'debs/ /yab sras brgyud pa rnams kyis byin gyis rlobs/ /sogs
dben

@010a @#/ /sa snyan brgyud ltar 'dir sbyar du rung zhing/ 'di
thog nas chos 'brel dngos thob kyi bla mar brtan bzhugs 'bul na
mtshams 'dir 'bul/ bla ma la brtan bzhugs 'bul ba rang gi tshe
sgrub kyi mchog tu'ang gsung ngo/ /bsngo ba'i yan lag ni/ rang

gzhan gyi dge tshogs bstan 'gro spyi dang khyad par 'jam bla ma'i
bstan pa'i snyang pa rgyas pa'i rgyur bsngo pa'i 'dun pa drag
pas/) bdag gis rje snyed bsags pa'i dge pa 'dis/ /bstan dang
'gor ba kun la gang phan dang/ /khyad par rje btsun blo bzang

grags pa yi/ /bstan pa'i snying po ring du gsal byed shog /dpag
med bskal par thugs bskyed kyis bskrun pa'i/ /rgyu 'bras thag pa
zung 'jug chos kyi tshul/ /tshang la ma nor snying po'i snying por
bcas/ /sgyu 'phrul rab 'byams rgyas

pa'i rgyu ru bsngo/ /bdag kyang 'dren mchog khyod kyi bstan pa
dang/ /tshe rabs phreng ba kun tu mi 'bral bar/ /gsang ba zab
mo'i gnad kun legs rtogs nas/ /spangs rtogs pha mthar myur du
phyin gyur cig /ces 'dun pa drag pos bsngo/ de

nas maNDal 'bul ba ni/ /rgyu dbyibs 'bul tshul sogs spyi ltar
byas la/ /de yang tshoms bu so bdun ma grags tshe yang/ 'dir rje'i
phyag bzhes thun mong min pa tshom bu nyer gsum ma 'bul ba ni/)
oM badzra b+hU mi AH hUM/ dbang chen gser gyi sa gzhi/ oM
badzra te khe AH hUM/ phyi

lcags ri khor yug gis bskor ba'i dbus su ri'i rgyal po ri rab/
/shar lus 'phags bo/ /lho 'dzam bu gling/ /nub ba glang spyod/
byang sgra mi snyan/ /shar du lus dang lus 'phags/ lhor rnga yab
dang rnga yab gzhan/ nub tu

@010b g.yo ldan dang lam mchog 'gro /byang du sgra mi snyan
dang sgra mi snyan gyi zla/ /shar du glang po rin po che/ lhor
khyim bdag rin po che/ nub ru rta rin po che/ /byang du btsun mo
rin po che/ /shar lhor dmar dbon rin po che/ lho nub tu 'khor lo

rin po che/ nub byang du nor bu rin po tshe/ byang shar du gter
chen po'i bum pa/ nang gi shar du nyi ma nub tu zla ba/ /bdag
gzhan lus ngag yid gsum longs spyod dus gsum dge tshogs bcas/
/rin chen maNDal bzang po kun bzang

mchod sprin tshogs bcas pa/ /blo yis blangs nas bla ma yi dam
dkon mchog gsum la 'bul/ /thugs rje'i dbang gis bzhes nas bdag
la byin gyis brlab tu gsol/ (/don chen po gsum gyi gsol 'debs
ni/) bla ma dang dkon mchog rin po

che rnam pa gsum la phyag 'tshal zhing skyabs su mchi'o/ /khyed
rnams kyis bdag gi rgyud byin gyis brlab tu gsol/ bdag dang ma
sems can thams cad bshes gnyen la ma gus pa nas bzung ste snang
mchod thob gsum gyi gnyis snang phra

mo'i bar gyi phyin ci log gi blo sna mtha' dag myur du 'gag par
byin gyis brlab tu gsol/ /bshes gnyen la gus pa nas mi slob pa'i
zung 'jug gi bar gyi phyin ci ma log pa'i blo sna mtha' dag bde
blag tu skye bar byin gyis brlab tu

gsol/ rkyen phyi nang gi bar gcod thams cad nye bar zhi bar byin
gyis brlab tu gsol/ idaM gu ru ratna maNDa la kaM ni r+yA ta
A mi/ (maNDal grangs gsog byed na mtshams 'dir sangs rgyas chos
tshogs re dang sa gzhi spos byugs re sbrags te grangs gsog pa
phyag

@11a @#/ /bzhes ltar bya/ /gsum pa gsol ba gdab cing byin rlabs
zhu ba la/ dbang bzhi byin rlabs kyi tshul du zhu ba/ bka' babs
kyi 'phrin las shes rab khyad par can gyi byin rlabs zhu ba/ lam
yongs rdzogs la byin rlabs spungs zhu'i tshul du zhu ba'o/ /dang

po ni/ de nas bla ma tsong kha pa chen po'i spyi bor 'jam
dbyangs phyi nang gsang gsum/ mgrin par spyan ras gzigs phyi
nang gsang gsum/ thugs kar phyag rdor phyi nang gsang gsum rnams
phum brtsegs su gsal btab la/ /thog mar phyi mtshungs pa gsal
byed kyi sgo nas gsol ba

'debs pa ni/) phyogs bcu'i rgyal sras rnams kyi khrid na brtse
ba spyan ras gzigs/ /mkhyen rab 'jam dpal dbyangs/ mthu stobs
nus pa gsang bdag dang mtshungs pa su yang med la/ /dpe de bzhin
du bod gangs can gyi mkhas

pa rnams kyi khrod na'ang shes bya rig pa'i gnas mtha' dag la
mkhas pa rje bdag nyid chen po dang mtshungs pa su yang med pas/
bdag kyang khyed rang lta bur shes bya rig pa'i gnas mtha' dag
la mkhas par byin gyis brlab tu gsol/

snyam du/ dmigs med brtse ba'i gter chen spyan ras gzigs/ /dri
med mkhyen pa'i dbang po 'jam dpal dbyangs/ /bdud dpung ma lus
'joms mdzad gsang ba'i bdag /gangs can mkhas pa'i gtsug rgyan
tsong kha pa/ /blo bzang grags

ba'i zhabs la gsol ba 'debs/ /mkhas pa lung gi yon tan kun ldan
pa/ /khyed rang lta bur bdag kyang byin gyis rlobs/ /zhes gsol
ba btab pas/ /spyi bo'i 'jam dpal dbyangs kyi sku las 'od dang
bdud rtsi dkar po'i rgyun dpag

@11b tu med pa byung/ bdag dang ma sems can thams cad kyi spyi
bo nas zhugs/ thog med nas lus kyi sgo nas bsags pa'i sdig sgrib
bag chags dang bcas pa byang zhing dag /bum pa'i dbang thob/ lam
bskyed rim bsgom pa la dbang

bar byas/ 'bras bu sprul sku 'grub ba'i nus pa khyad par can
bzhag go (/slar yang/) dmigs med nas byin gyis rlobs/ /'jam dpal
dbyangs gsang sgrub rang la thim pas byin gyis brlab par gyur/
(slar yang/) dmigs med

nas byin gyis rlobs/ /'jam dpal dbyangs nang sgrub rang la thim
pas byin gyis brlab par gyur/ (yang sngar bzhin gsol ba btab
pas/) 'jam dpal dbyangs phyi sgrub rang la thim pas byin gyis
brlab par gyur/ (gnyis pa nang yon tan de ltar gyi sgo

nas gsol ba 'debs pa la/) spyan ras gzigs la brtse ba dang/ 'jam
dpal dbyangs la mkhyen rab dang/ gsang bdag la mthu nus ji tsam
yod pa de tsam zhig rje bdag nyid chen po la'ang ldan pas/ /bdag
kyang khyed rang lta bur mkhyen

brtse nus gsum dang ldan par byin gyis brlab tu gsol/ (snyan
du/) dmigs med brtse ba'i x dri med x bdud dpung x gangs can x
blo bzang grags pa'i zhabs la gsol ba 'debs/ /grub pa rtogs pa'i
yon tan kun ldan

pa/ /khyed rang lta bur bdag kyang byin gyis rlobs/ /zhes gsol
ba btab pas bla ma'i mgrin pa spyan ras gzigs kyi sku las 'od
dang bdud rtsi dmar po'i rgyun dpag tu med pa byung/ bdag dang
ma sems can thams cad kyi mgrin pa

@12a @#/ /nas zhugs/ thog med nas dag gi sgo nas bsags pa'i sdig
sgrib bag chags dang bcas ba byang zhing dag /gsang ba'i dbang
thob/ lam sgyu lus bsgom pa la dbang bar byas/ 'bras bu longs
sku 'grub

pa'i nus pa khyad par can bzhag go /slar yang/ dmigs med brtse
ba'i x dri med x bdud dpung x gangs can x blo bzang grags pa'i
zhabs la gsol ba 'debs/ /grub ba rtogs pa'i yon tan kun ldan pa/
/khyer rang lta

bur bdag kyang byin gyis rlobs/ /spyan ras gzigs gsang sgrub
rgyal ba rgya mtsho rang la thim pas byin gyis brlab par gyur/
slar yang/ dmigs med brtse ba'i x dri med x bdud dpung x gangs
can x blo bzang grags

pa'i zhabs la gsol ba 'debs/ /grub pa rtogs pa'i yon tan kun
ldan pa/ /khyed rang lta bur bdag kyang byin gyis rlobs/ /spyan
ras gzigs nang sgrub rdo rje chos rang la thim pas byin gyis
brlab par gyur/ slar yang dmigs

med pa rtse ba'i x dri med x bdud dpung x gangs can x blo bzang
grags pa'i zhabs la gsol ba 'debs/ /grub pa rtogs pa'i yon tan
kun ldan pa/ /khyer rang lta bur bdag kyang byin gyis rlobs/
/spyan ras gzigs phyi sgrub

phyag bzhi ba yang rang la thim pas byin gyis brlab par gyur/
gsum pa gsang ba lhag pa'i lha dang ngo bo dbyer med du gsol ba
'debs pa ni/ phyogs bcu'i rgyal ba kun gyi mkhyen brtse nus gsum
gyi rang gzugs lhar shar ba ni 'phags mchog

@12b rigs gsum mgon po nyid yin la/ de gsum gcig tu bsdus pa'i
rang gzugs ni rje bla ma nyid yin pas/ bdag kyang khyed rang lta
bur rigs gsum gcig bsdus kyi ngo bor byin gyis brlab tu gsol/
/snyan du/ dmigs med brtse

ba'i x dri med x bdud dpung x gangs can x blo bzang grags pa'i
zhabs la gsol ba 'debs/ /rigs gsum ngo bo gangs gsum rdo rje'i
sku/ /bdag kyang khyed rang lta bur byin gyis rlobs/ /zhes gsol
ba btab pas/ thugs ka'i

phyag rdor gyi sku las 'od dang bdud rtsi sngon po'i rgyun dpag
tu med pa babs pas bdag dang sems can thams cad kyi snying gnas
zhugs/ yid kyi sgo nas bsags pa'i sdig sgrib bag chags dang bcas
pa byang zhing dag /shes rab ye

shes kyi dbang thob/ lam 'od gsal phyag rgyan chen po bsgom pa
la dbang bar byas/ 'bras bu chos sku 'grub pa'i nus pa khyad par
can bzhag go/ slar yang/ dmigs med nas byin gyis rlobs/ /phyag
rdor gsang sgrub 'khor lo chen po rang

la thim pas byin gyis brlab par gyur/ slar yang/ dmigs med nas/
byin gyis rlobs/ /phyag rdor nang sgrub gtum po khyung lnga rang
la thim pas byin gyis brlab par gyur/ slar yang/ dmigs med nas/
byin gyis rlobs/ /phyag rdor phyi sgrub

gos sngon can rang la thim pas byin gyis brlab par gyur/ de nas/
rtsa brgyud kyi bla ma spyi dang/ khyad par 'jam mgon bla ma ba
sras gsum gyi spangs rtogs kyi yon tan phun sum tshogs pa thams
cad bdag dang ma sems can thams cad kyi rgyud

@13a @#/ /la 'bad med bde blag tu skye bar byin gyis brlab tu
gsol/ (slar yang/) dngos grub kun 'byung thub dbang rdo rje
'chang/ /dmigs med brtse ba'i gter chen spyan ras gzigs/ /dri
med mkhyen pa'i dbang po 'jam

dpal dbyangs/ /bdud dpung ma lus 'joms mdzad gsang ba'i bdag
/gangs can mkhas pa'i gtsug rgyan blo bzang grags/ /skyabs gsum
kun 'dus bla ma sangs rgyas la/ /sgo gsum gus pa'i sgo nas gsol
ba 'debs/ /rang

gzhan smin cing grol bar byin gyis rlobs/ /mchog dang thun mong
dngos grub stsal du gsol/ (/zhes dben sa lugs kyi dgu skor ram/
/yang na/) bstan pa'i bdag po thub pa bcom ldan 'das/ /rigs
brgya'i khyab bdag drug pa rdo rje 'chang/ /dmigs

med brtse ba'i x dri med x bdud dpung x gangs can x blo bzang
grags pa'i zhabs la gsol ba 'debs/ /lus ngag yid la sku gsung
thugs zhugs nas/ /bla ma khyed rang lta bur byin gyis rlobs/
(/zhes srad brgyud lugs kyi dgu skor ci rigs

bzlas te gsol ba btab pas/) bla ma yab sras gsum gyi gnas lnga
las bdud rtsi sna lnga 'od zer dang cas pa'i rgyun cig car du
byung/ bdag dang ma sems can thams cad kyi gnas lngar cig car du
thim pas bdag dang ma sems can thams cad

kyi lus kyi nang gang/ de lus ngag yid gsum gyi sgo nas bsags
pa'i sdig sgrib bdag chags dang bcas pa yig car du dag /dbang
bzhi pa thob/ /lam zung 'jug bsgom pa la dbang par byas/ 'bras
bu zung 'jug rgyal ba rdo rje 'chang gi sku

@13b mngon du 'gyur ba'i skal ba can du byas so/ (/de nas/) bla
ma yab sras gsum gyi sku las rang 'dra gnyis pa re chad nas rang
la thim pas rang gi lus ngag yid gsum dang rje bla ma tsong kha
pa chen po yab sras gsum gyi sku gsung thugs ngo

bo dbyer mi phyed pa gcig tu byin gyis brlab par gyur/ ('di dag
ni sku nor bu mdzod 'dzin/ gsung nyi ma snang byed/ thugs gsang
ba mdzod 'dzin bcas kyi sgrub skor phyi nang gsang gsum gyi man
ngag gsang ba mthar thug pa rnams gcig tu bsgril nas lhug par
bkod pa yin no/ /

gnyis pa bka' babs kyi 'phrin las chos rab tu rnam 'byed kyi
shes rab khyad par can gyi byin rlabs zhu pa ni/) yab rje'i
thugs kar dmar ser gzhon nu'i sku/ /thugs kar hUM sngon maM
gyis mtshan par gyur/ (/ces thugs kar rje btsun gyi sku'i rnam
'gyur gang 'dod

ba dgos pa'i khyad par dang mthun pa/ de'i thugs kar 'jam dpal
rtsa rgyud las lung bstan pa'i thun mong ma yin pa'i man ngag gi
sa bon hUM maM gyis mtshan pa gsal bdab/) thos bsam sgom pa'i
shes rab 'phel du gsol/ /'chad rtsod rtsom pa'i blo gros rgyas
su gsol/ /

mchog dang thun mong dngos grub stsal du gsol/ /myur du khyed
rang lta bur byin gyis rlobs/ /bde chen lhan skyes ye shes 'char
du gsol/ /dngos 'dzin 'khrul pa'i dri ma bsal du gsol/ /sems
nyid the tshom dra ba gcad du gsol/ /myur du

khyed rang lta bur byin gyis rlobs/ (/zhes pas gsol ba gdab/ de
yang yab gcig rje btsun nyid kyi gsung las/ ma dag 'khrud dang
mi shes bsal/ /sku yis che zhing gsung gis gsal/ /sa bon myur ba
phyag mtshan zab/ /glegs bam ral gri glegs ral gyis/ /'chad dang
rtsod dang

@014a @#/ (/rtsom pa'o/ /zhes gsungs pa ltar thog mar ma dag pa
'khrud pa ni/) de ltar phyi nang gsang ba'i gsol btab pas/ /rje
btsun yang sras gsum gyi thugs ka nas/ /'od zer dkar po sbubs
can 'phros pa'i sne/ /gcig

tu 'dres nas rang gi spyi bor zug /'od dkar sbu gu'i 'jug ngogs
las byung ba'i/ /bdud rtsi dkar po 'o ma'i mdog can gyis/ /nad
gdon sdig sgrib ma dag dri ma kun/ /bkrus nas rang lus dwangs
gsal shel ltar gyur/ (/par bsam

la;) dmigs med brtse ba'i (sogs lnga skor nyid ci nus bzla/ de
nas sku'i sgo nas che ba'i shes rab bsgrub pa ni/) slar yang che
ba'i mkhyen rab dmar ser gyi/ /bdud rtsi'i rnam par byung bas
rang lus gang/ /bdud rtsi'i rdul rnams rje btsun 'jam dbyangs

gyi; ;rnam par gsal las 'od 'phros phyogs bcu yi/ /rgyal dang de
sras che ba'i mkhyen rab rnams/ /lha sku'i rnam par bstim pas
lus gang ste/ /rab 'byams gzhung don 'byed la thogs med pa'i/
/rlabs chen shes rab thob par

byin gyis rlobs/ (/zhes bsams la dmigs brtse ma bzla/ gnyis pa
gsung gi sgo nas shes rab gsal ba bsgrub ba ni/) slar yang gsal
ba'i mkhyen rab dmar ser gyi/ /bdud rtsi'i rnam par byung bas
rang lus gang/ /bdud rtsi'i rdul rnams a ra pa tsa na'i/ /

rnam par gsal las 'od 'phros phyogs bcu yi/ /rgyal dang de sras
gsal ba'i mkhyen rab rnams/ /gzungs sngags rnam par bstim pas
lus gang ste/ /dka' gnad phra zhib ma 'dres 'byed pa yi/ /shes
rab gsal ba thob

@014b bar byin gyis rlobs/ (/zhes bsams la dmigs brtse ma bzla/
gsum pas bon gyi sgo nas myur ba'i shes rab bsgrub pa ni/) slar
yang myur ba'i mkhyen rab dmar ser gyi/ /bdud rtsi'i rnam bar
byung bas rang lus gang/ /bdud rtsi'i rdul rnams d+hUiH yig dmar

ser gyi/ /rnam par gsal las 'od 'phros phyogs bcu yi/ /rgyal
dang de sras myur ba'i mkhyen rab rnams/ /sa bon rnam par bstim
pas lus gang ste/ /ma rtogs log rtog the tshom myur gcod pa'i/
/shes rab myur ba thob par byin

gyis rlobs/ (/snyam du bsams la dmigs brtse ma bzla/ bzhi pa
phyag mtshan gyi sgo nas zab pa'i shes rab bsgrub pa ni/) slar
yang zab pa'i mkhyen rab dmar ser gyi/ /bdud rtsi'i rnam par
byung bas rang lus gang/ /bdud rtsi'i rdul rnams glegs bam ral

gri yi; ;rnam par gsal las 'od 'phros phyogs bcu yi/ /rgyal dang
de sras zab pa'i mkhyen rab rnams/ /phyag mtshan rnam par bstim
pas lus gang ste/ /gzhung don 'byed la gtugs pa med pa yi/ /zab
pa'i shes rab thob par byin

gyis rlobs/ (/snyam du bsams la dmigs brtse ma bzla/ lnga pa
glegs bam gyi sgo nas 'chad pa'i shes rab bsgrub pa ni/) slar
yang 'chad pa'i mkhyen rab dmar ser gyi/ /bdud rtsi'i rnam par
byung bas rang lus gang/ /bdud rtsi'i rdul rnams 'chad bya'i

glegs bam gyi/ /rnam par gsal las 'od 'phros phyogs bcu yi/
/rgyal dang de sras 'chad pa'i mkhyen rab rnams/ /glegs bam rnam
par bstim pas lus gang ste/ /tshig don kun la nges pa mchog ster
ba'i/ /'chad pa'i shes rab

@015a @#/ /thob par byin gyis rlobs/ (/snyam du bsams la dmigs
brtse ma bzla/ drug pa ral gri'i 'khor lo'i sgo nas rtsod pa'i
shes rab bsgrub pa ni/) slar yang rtsod pa'i mkhyen rab dmar ser
gyi/ /bdud rtsi'i rnam par byung bas rang lus

gang; ;bdud rtsi'i rdul rnams ral gri'i 'khor lo yi/ /rnam par
gsal las 'od 'phros phyogs bcu yi/ /rgyal dang de sras rtsod
pa'i mkhyen rab rnams/ /'khor lo'i rnam par bstim pas lus gang
ste/ /smra ngan spobs pa

rmeg med 'phrog pa yi/ /rtsod pa'i shes rab thob par byin gyis
rlobs/ (/snyam du bsams la dmigs brtse ma bzla/ bdun pa gnyis
ka'i sgo nas rtsom pa'i shes rab bsgrub pa ni/) slar yang rtsom
pa'i mkhyen rab dmar ser gyi/ /bdud rtsi'i rnam

bar byung bas rang lus gang/ /bdud rtsi'i rdul rnams glegs bam
'khor lo yi/ /rnam par gsal las 'od 'phros phyogs bcu yi/ /rgyal
dang de sras rtsom pa'i mkhyen rab rnams/ /glegs 'khor rnam par
bstim pas lus gang

ste; ;sgra don phun tshogs blo gsal dga' bskyed pa'i/ /rtsom pa'i
shes rab thob par byin gyis rlobs/ (/snyam du bsams la dmigs
brtse ma bzla/ de ltar dmigs skor bdun ka spel te 'di bzhin
nyams su blangs kyang chog la/ yang gang la mos pa de kho na

gtso bor bgyis kyang rung zhing/ dad gus dmigs pa gsal pos zla
'khor tsam nyams su blangs na gang bsgrub pa'i shes rab de nyid
nges par 'phel ba kho bos myong bas grub pa yin no/ /'di dag gi
dmigs brtse ma bzla mtshams so sor lan re tsam min par rang gi
long skabs)

@015b (dang bstun te ci nus bzla bar bya dgos so/ /de ltar shes
rab bsgrub pa'i dmigs skor rnams legs par bshad zin to/ /da dung
'di la lha 'god tshul gyi man ngag mi 'dra ba dang/ dmigs brtse
ma'i tshig rkang 'don par mi 'dra ba mtha' yas pa zhig snang
zhing/ gzhan yang/ zhi ba dkar

po pad dkar 'dzin/ /mchog sbyin skyabs sbyin phyag rgya can/
/zhes sogs las rab 'byams bsgrub tshul kyi man ngag mtha' yas pa
zhig snang yang/ /'dir brjod kyis mi lang bas snyan brgyud kyi
zab khrid dang/ bla ma mnyes pa'i zhal las blang bar bya zhing/
'dir gong du man ngag cung zad mi

gsal ba dag kyang bla ma'i zhal las shes par bya'o/ /da ni shin
tu gsang ba'i zhal shes dmigs rim thun mong ma yin pa 'god par
bya ste/ de yang dmigs brtse ma lan lnga la dmigs rim mi 'dra ba
lngar gsungs pas/ de la dang po'i dmigs rim ni/) dmigs med brtse
ba'i (zhes pa'i

skabs rgyal ba thams cad kyi brtse ba'i ngo bo ltar shar ba
spyan ras gzigs yin la/ rje bdag nyid chen po yang de dang ngo
bo gcig pas rgyal ba thams cad kyi snying rje'i rang gzugs nyid
do snyam du bstod/) dri med mkhyen pa'i (skabs rgyal ba thams
cad kyi mkhyen rab gcig bsdus kyi ngo

bo ni rje btsun 'jam pa'i dbyangs yin la/ rje nyid rje btsun
'jam pa'i dbyangs mi'i rnam par bstan pa yin pas rgyal ba thams
cad kyi mkhyen pa'i ngo bo nyid do snyam du bstod/) gangs can
mkhas pa'i gtsug rgyan (zhes sogs kyi skabs phyag rdor gyi mtshan
zur du mi smos pa/ rje nyid

gsang ba kun gyi bdag po yin pas phyag rdor gyi mtshan gyi rnam
grangs 'di gas go chod par thun mong min pa'i khyad chos yin/
des na rgyal ba thams cad kyi mthu stobs nus pa lhar shar ba ni
phyag na rdo rje yin la/ rje nyid kyang de'i ngo bo yin pas
rgyal ba thams cad kyi mthu stobs nus)

@016a @#/ (/pa'i bdag nyid do snyam pa'i sgo nas bstod/) blo
bzang grags pa'i zhabs la (zhes pa'i skabs/ de ltar rigs gsum
gcig bsdus kyi ngo bo mdun gyi rje bla ma tsong kha pa yab sras
gsum gyi rnam par shar ba 'di ga yin snyam du de'i ngang la yid
ma

gengs par 'jog /nam sems g.yos tshe rje bla ma'i rnam pa can de
nyid 'jam dbyangs dmar ser gyi rnam par bsgyur nas de la sems
'jog /de las sems g.yos tshe 'jam dbyangs kyi rnam ba de nyid
rang gi rtsa ba'i bla ma'i rnam par bsgyur te de la sems gzung/
de las sems g.yos

na; slar yang rje'i rnam par bsgyur nas zhabs kyi padmor mgo bos
gtugs te/) gsol ba (zhes 'dod don zhu ba'i tshig yin pas bdag
nyid kyi thog med nas bsags pa'i sdig sgrib thams cad byang
zhing dag par mdzad du gsol zhes zhu bar bsam/) 'debs (zhes pa'i
skabs rje'i

gnas gsum du 'bru gsum gyis mtshan pa dang/ thugs kar 'jam pa'i
dbyangs bzhugs pa la/ thugs brtse zhing dgyes pa'i nyams kyis
phyag g.yas kyi ral gri'i yu ba thugs ka dang/ rtse mo rang gi
tshangs pa'i bu gar gtad pa'i nang brgyud byang chub kyi sems kyi
ngo bor gyur pa'i

bdud rtsi dmar ser 'od zer dang bcas pa'i rgyun babs/ spyi bo'i
tshangs bu gnas zhugs/ rkang mthil gyi bar mer gyis gang bas thog
med nas bsags pa'i sdig sgrib thams cad dbang po'i sgo dang ba
spu'i bu ga thams cad nas dud khu dang sol khu/ rnag khrag dang
chu ser/ sdom dang

sdig pa sogs mi gtsang mi sdug pa'i rnam par phyir thon/ sa 'og
rim pa bdun gyi 'og tu song ste 'chi bdag gshin rje bgegs rigs
lan chags dang bcas pa tshim par byas/ lus shel sgong g.ya' dag
pa bzhin dwangs gsal 'od kyi rang bzhin can dang rgyud snod rung
du gyur par)

@016b (bsam/ de dag ni dmigs brtse ma dang po'i dmigs skor ro/
/gnyis pa ni/) zhabs la (zhes pa'i bar sngar ltar la/ mi 'dra
ba'i khyad par/) gsol (zhes pa'i skabs bdag gi thog med nas
bsags pa'i sdig sgrib spyi dang/ khyad par lus kyi sgo nas bsags
pa'i sdig sgrib thams

cad byang zhing dag /sku rdo rje'i byin rlabs bdag la gnang bar
mdzad du gsol/ zhes 'dod don zhu/) 'debs (zhes pa'i tshe/ rje
bdag nyid chen pos thugs brtse zhing dgyes pa'i rnam pa bstan ma
thag spyi bo'i oM dkar po las bdud rtsi 'od zer dkar po spros/
rang gi dpral bar

pog ;lus kyi nang thams cad 'od zer dkar po bdud rtsi dang bcas
pas mer gyis gang/ thog med nas bsags pa'i sdig sgrib spyi dang/
khyad par lus kyi sdig sgrib bag chags dang bcas pa byang zhing
dag /sku rdo rje'i byin rlabs lus la zhugs/ sku rdo rje 'grub
pa'i nus pa bzhag byung

snyam du bsam/ dmigs brtse ma lan gnyis pa'i dmigs pa'o/ /yang
dmigs brtse ma gsum pa 'dren pa'i tshe/) zhabs la (zhes pa yan
gong ltar la/) gsol (zhes pa'i tshe/ bdag gi sdig sgrib spyi
dang/ khyad par ngag gi sgo nas bsags pa'i sdig sgrib thams cad
byang zhing dag nas

gsung rdo rje'i byin rlabs bdag la gnang bar mdzad du gsol/ zhes
zhu/) 'debs (zhes pa'i tshe rje bla mas thugs brtse zhing dgyes
pa'i rnam pa bstan ma thag mgrin pa'i AHdmar po las bdud rtsi
'od zer dmar po spros/ rang gi mgrin par phog pas lus kyi nang
thams cad 'od zer dmar po

bdud rtsi dang bcas pas mer gyis gang/ sdig sgrib spyi dang/
khyad par ngag gi sgo nas bsags pa'i sdig sgrib bag chags dang
bcas pa byang zhing dag /gsung rdo rje'i byin rlabs ngag la
zhugs/ gsung rdo rje 'grub pa'i nus pa bzhag byung snyam du
bsam/ gsum pa'i dmigs pa'o/ /dmigs

@017a @#/ /brtse ma bzhi pa'i tshe/ zhabs la (zhes pa yan sngar
ltar la/) gsol (zhes pa'i tshe/ thog med nas bsags pa'i sdig
sgrib spyi dang/ khyad par yid kyi sgo nas bsags pa'i sdig sgrib
thams cad byang zhing dag nas thugs rdo rje'i byin rlabs bdag la

gnang bar mdzad du gsol/ zhes zhu/) 'debs (zhes pa'i tshe/ rje
bla mas thugs brtse zhing dgyes pa'i rnam pa bstan ma thag thugs
ka'i hUM sngon po las bdud rtsi 'od zer sngon po spros/ rang gi
snying ga nas zhugs pas lus kyi nang thams cad 'od zer sngon po
bdud rtsi dang

bcas pas mer gyis gang/ thog med nas bsags pa'i sdig sgrib spyi
dang/ khyad par yid kyi sgo nas bsags pa'i sdig sgrib bag chags
dang bcas pa thams cad byang zhing dag /thugs rdo rje'i byin
rlabs yid la zhugs/ thugs rdo rje 'grub ba'i nus pa thob byung
snyam du bsam

mo; ;bzhi pa'i dmigs pa'o/ /dmigs brtse ma lan lnga pa'i dmigs
pa ni/ byings sngar ltar la/ mi 'dra ba'i khyad par 'di ltar/)
dmigs med brtse ba'i gter chen spyan ras gzigs/ (/zhes pa'i tshe/
ngo bo sangs rgyas thams cad kyi sku rdo rje 'phags pa spyan ras

gzigs yin pa la/ rnam pa mdun gyi rje bla ma yab sras gsum gyi
spyi bo'i oM dkar po'i rnam par shar ba/ de las rang 'dra gnyis
pa zhig mar me gcig las gnyis tshad kyi tshul du byung nas 'od
dkar po'i lam brgyud de rang gi dbral ba'i thad du slebs ma thag
zhal phyir bsgyur

nas dpral bar 'byar ba'i rnam pa can du bzhugs par bsam/) dri
med mkhyen pa'i dbang po 'jam dpa'i dbyangs/ (/zhes pa'i ste/
ngo bo sangs rgyas thams cad kyi mkhyen rab bla ma gsung rdo
rje'am/ rje btsun 'jam ba'i dbyangs yin pa la/ rnam pa mdun gyi
rje bla ma

@017b yab sras gsum gyi mgrin pa'i AHdmar po'i rnam par shar
ba/ de las rang 'dra gnyis pa zhig chad de sngar gyi 'od dmar po
nas brgyud de mgrin pa'i thad du slebs pa na zhal phyir bsgyur
nas mgrin par 'byar ba'i tshul du bzhugs bar bsam/) gangs can
mkhas pa'i gtsug

rgyan tsong kha pa/ (/zhes pa'i tshe/ ngo bo sangs rgyas thams
cad kyi mthu stobs sam/ thugs rdo rje gsang bdag phyag na rdo
rje yin pa la/ rnam pa mdun gyi rje yab sras gsum gyi thugs ka'i
hUM sngon po'i rnam par shar ba/ de las rang 'dra gnyis pa zhig
chad nas sngar gyi pod sngon po nas

brgyud de rang gi snying ga'i thad du slebs pa na zhal phyir
bsgyur te snying gar 'byar ba'i tshul du gnas par bsam/) blo
bzang grags pa'i zhabs la (zhes pa'i tshe dmigs brtse ma dang
po'i skabs ltar las gsar du mi 'dra ba med/) gsol ba (zhes pa'i
tshe/ bdag gis thog med nas bsags

pa'i sdig sgrib spyi dang/ khyad par lus ngag yid gsum lhan cig
tu bsags pa'i sdig sgrib thams cad byang zhing dag nas sku gsung
thugs rdo rje gsum dbyer mi phyed pa'i byin rlabs bdag la gnang
bar mdzad du gsol/ zhes 'dod don zhu/) 'debs (zhes pa'i tshe rje
bla mas thugs brtse zhing

dgyes pa'i rnam pa bstan ma thag rang gi dpral mgrin snying ga
gsum gyi phyi'i yi ge gsum gnas gsum so sor cig car du thim/
spyi bo nas rkang mthil gyi bar 'od zer dkar dmar mthing gsum
mam/ yi ge gsum bdud rtsi dang bcas pas mer gyis gang/ thog med
nas bsags pa'i sdig

sgrib spyi dang/ khyad par lus ngag yid gsum lhan cig tu bsags
pa'i sdig sgrib bag chags dang bcas pa thams cad dud khu dang
sol khu/ rnag khrag dang chu ser/ sdom dang sdig pa sogs mi
gtsang mi sdug pa'i gzugs kyi rnam par 'og sgo dang rkang mthil
sogs nas phyir thon te byang

@018a @#/ /(zhing dag /sku gsung thugs dbyer med pa'i rdo rje'i
byin rlabs zhug/ lus ngag yid gsum dbyer med du gyur pa'i dngos
grub 'grub pa'i nus pa khyad par can bzhag byung snyam du dga'
zhing grus pa'i sgo nas bsam par bya/ de ni dmigs skor lnga
pa'o/ /

thun gyi nang du ji tsam bzla yang dmigs brtse ma dang po bzhir
dmigs skor snga ma bzhi byas nas/ lnga pa nas bzung dmigs skor
lnga pa 'di nyid kho na byas te grangs gsog /de ltar lnga pa'i
dmigs pa 'di bzhin byas nas/ dmigs brtse ma 'bum bzlas na rje
bdag nyid chen po'i zhal mngon

sum du bstan nas byin gyis rlob ba la the tshom med pa'i khag
ngas theg pa yin/ khyed rnams nas lhag po ji tsam 'don pa rang
gi long skabs las shes/ ma mtha' nyi ma re la dmigs pa 'di nyid
byas nas lan bdun ri 'don pa rangs khyed rnams la slong rgyu
yin/ zhes kun mkhyen bla ma

'jam dbyangs bzhad pa'i rdo rje'i gsung rgyun las byung ba'i
gsang sgrub kyi man ngag bla na med pa yin pas nyams len gyi
mthil du mdzod/ ces gsungs so/ /gsum pa lam yongs rdzogs la byin
rlabs spungs zhus kyi tshul du zhu ba ni/) rgyal kun chos kyi
dbyings su ro gcig

pa'i; ;ye shes bla mar shar ba nyid yin par/ /nges pa snying nas
'drongs pa'i dad gus kyis/ /legs tshogs rtsa ba tshugs par byin
gyis rlobs/ /dal 'byor 'di 'dra rnyed pa dngos tsam/ /stong log
shor na phyis nas rnyed dka' bas/ /

nyin mtshan kun tu chos kyis 'da' ba yis/ /don chen snying po lon
par byin gyis rlobs/ /rgan gzhon nges med glo bur glo bur 'chi/
/bdag kyang de ring 'chi na ci tsug byed/ /do nub sdod pa'i
gdeng tsam mi 'dug pas/ /long med snying

@018b nas dran par byin gyis rlobs/ /ngan song gzhan ci mnar med
kho na'i rgyu'i/ /las ngan ri rab 'bum ltar bdag rgyud lci/ /tshe
rabs khrag khrig ngan song kho nar nges/ /kye ma bla mas skyob
mdzod byin gyis rlobs/ /dkar nag las 'bras

phra zhi ba 'phel che ba/ /rdul phran tsam gyis 'bras bu ri rab
ltar/ /'phen pa rang nyid kho nas myong byed na/ /blang dor tshul
bzhin nus par byin gyis rlobs/ /tshangs dbang 'khor bsgyur dpal
yang mi brtan cing/ /las nyon sdug

bsngal rba rlabs ri ltar 'khrugs/ /'khor ba 'di na bde ba'i go
skabs ci/ /thar 'dod shugs drag skye bar byin gyis rlobs/ /srid
pa'i 'khrul 'khor yan lag bcu gnyis kyi/ /rtsa ba shes rab mchog
gis spong nus su/ /mthong

nas thob bya'i thar pa thob pa'i slad/ /bslab gsum sgrub la
gzhol bar byin gyis rlobs/ /bdag gi skye ba grangs med grangs
med pas/ /'gro kun bdag gi ma rgan lan mang byas/ /'khor bar
bdag sdug myong skabs byams skyong

drin; ;bsams bzhin mar shes 'byongs par byin gyis rlobs/ /nyam
thag ma rgan sdug bsngal las bton nas/ /bde la 'god pa'i khur
chen bdag gis 'khyer/ /de slad bla med rdzogs byang don gnyer
ba'i/ /byang sems bcos min

'byongs par byin gyis rlobs/ /rgyal sras kun gyi gzhung lam
bslab pa'i gzhi/ /'jug pa'i sdom pa nyid la legs zhugs nas/
/spyod pa rgya mtsho'i pha mthar son pa la/ /brtson pa lhur len
byed par byin gyis rlobs/ (/'jug sdom len par

@019a @#/ (/'dod na mtshams 'dir;) ji ltar
sngon gyi sogs spyi
ltar sbyar te len du rung/) ba yi nu ma 'then pa'i yun tsam
yang/ /mi gnas sems kyi glang po smyo rgod 'dis/ /mdo sngags sa
lam gang yang mi bgrod pas/ /rtse

gcig bsam gtan 'grub par byin gyis rlobs/ /bdag med lta ba bral
ba'i bsam gtan la/ /mnyam gzhag thun gcig bskal pa'i bar khyongs
kyang/ /srid las cung zad tsam yang mi 'da' bas/ /bdag med gnas
lugs rtogs

par byin gyis rlobs/ /blo bzang nyin byed dbang po ma shar bar/
/sngar rabs mkhas grags kun kyang zab mor 'khrul/ /gangs can 'di
na lta ngan mun pas khengs/ /rten 'byung 'khrul bral rtogs par
byin gyis rlobs/ /dgag bya ma

rnyed gcig dang du bral gyis/ /rten 'brel bshigs pa'i chad lta
nyid du lhung/ /dgag bya'ang lhan skyes 'jig lta'i snang tshul
min/ /zhen tshul myong thog nges par byin gyis rlobs/ /dgag bya
nges na gtan tshig re rer yang/ /bdag 'dzin

gtan brlag gtong ba'i nus mnga' zhing/ /khyad par rigs pa'i
rgyal po rten 'brel gyis/ /mtha' gnyis cig car sel bar byin gyis
rlobs/ /rgyu 'bras phrad tsam cha shas ltos grub tsam/ /min pa'i
rten 'byung rtog pas phar btags

kyi; ;tha snyad phra mor 'khor 'das kun 'thad pa'i/ /nges shes
'khrul med rnyed par byin gyis rlobs/ /mnor thos bsam gyis
drangs gnas lugs la/ /rtse gcig sgom byung brtan pos mnyam gzhag
bzhin/ /dpyad pa phra mos

@019b gsal snang lhag 'don pa'i/ /zhi lhag zung 'brel skye bar
byin gyis rlobs/ /rdo rje'i dkyil 'khor chen por rgyud smin nas/
/dam tshig sdom ba srog ltar bsrung nus shing/ /skye shi bar do
lam 'bras sku gsum du/ /'khyer ba'i bskyed rim

thob par byin gyis rlogs/ /dben pa rdo rje gsum gyi ting 'dzin
gyis/ /sems nyid gnyug ma'i rang zhal mngon 'gyur zhing/ /de las
sgyu 'phrul dra ba'i skur ldang ste/ /sgyu ma'i ting 'dzin
rdzogs par byin gyis rlobs/ /de nyid don gyi dbyings

sa zhugs pa las/ /slar yang dag pa rdo rje'i skur bzhengs nas/
/don dam 'od gsal thugs dang mnyam sbyor ba'i/ /slob pa'i zung
'jug thob par byin gyis rlobs/ /zung 'jug dpa' bar 'gro ba'i
ting 'dzin des/ /sa bcur rlabs chen

tshogs kyi mthar dbyung nas/ /slob mtha' rdo rje lta bu'i ting
'dzin gyis/ /gnyis snang rtsad nas 'don par byin gyis rlobs/
/des pa lnga ldan yan lag bdun ldan sku/ /thob nas sprul sku bye
ba ther 'bum gyis/ /'gro kun sangs rgyas sa la

myur bzhag nas/ /'khor ba skad cig stongs par byin gyis rlobs/
/yongs rdzogs la ma bzang mi lo bcu gnyis dang/ /lo gsum phyogs
gsum tsam la nges 'grub pa'i/ /khyod kyi bstan pa'i khyod chos
bsgrub pa la/ /bar gcod ming tsam med

par byin gyis rlobs/ (/zhes 'di'i tshig don dang mthun pa'i shar
sgom rgyud thog 'dres nus na yongs rdzogs lam gyi bag chags
khyad par can thebs par nges so/ /dbang bzhi byin rlabs thun
mong dang thun mong min pa sogs len par spro na mtshams 'dir len/
rigs so so'i lha tshogs ci

@020a @#/ /rigs bsgom par 'dod pas kyang gnas gsum du bsams la/
rang rang gi sa bon sngags phreng dang bcas pa'i dmigs pa skyong
zhing/ zhi khro sna tshogs su bsgyur bas las spyor ji snyed
pa'ang sbyar rung ngo/ /'pho ba sbyong bar 'dod na'ang ngos kyis
zur du bris

pa ltar nyams su blang ngo/ /gsum pa rjes kyi rim pa la/ tshogs
zhing bsdu ba ni/ mos gus gdung shugs drag po byas pas/ sras kyi
thu po rnam gnyis rje'i sku dpung gi thad nas thim pas/ sku
dpung g.yas g.yon gyi pad sdong spyan ras gzigs dang phyag
rdor du gsal/ sras mchog

gnyis kyi bzhugs khri pad bla dang bcas pa yang rje'i khri pad
la thim/ de nas/) dpal ldan rtsa ba'i bla ma rin po che/ /bdag
gi snying gar padmo'i steng bzhugs la/ /bka' drin chen po'i sgo
nas rjes bzung ste/ /sku gsung thugs kyi dngos grub stsal du

gsol/ (/zhes gsol ba btab pas rje bla ma seng khri dang bcas pa
rang gi spyi bor byon/ rang dang kha blta phyogs mthun par
bzhugs/ rang lus kyi dbus drang por rtsa dbu ma spyi ltar gsal
btab pa'i tshangs bug kha gdang nger yod pa gsal btab pa'am/ ma
btab par mos pas kyang rung/ slar

yang;) dpal ldan rtsa ba'i bla ma rin po che/ /bdag gi snying
gar padmo'i steng bzhugs la/ /bka' drin chen po'i sgo nas rjes
bzung ste/ /mchog dang thun mong dngos grub stsal du gsol/
(/zhes gsol ba btab pas seng khri padma dang bcas pa tshangs bug

nas zhugs/ snying ga'i rtsa 'dab brgyad dang dbyer med du 'dres
pa 'od du zhu ba las padma 'dab brgyad du gyur/ de nas nyi gdan
kyang rtsa dbu ma'i nang du mer gyis zhugs te snying ga'i ma las
thob pa'i mi shigs pa'i thig le dmar po dang 'dres pas 'od du
mer gyis zhu ba las nyi gdan du

@020b gyur; yang zla gdan kyang rang gi rtsa dbu ma'i nang du
zhugs te snying ga'i pha las thob pa'i thig le dkar po dang
'dres pa 'od du mer gyis zhu nas zla gdan du gyur/ bla ma yang
spyi bo nas rtsa dbu ma'i nang du zhugs te rang gi snying ga'i
shin tu phra ba'i rlung sems dang 'dres pa 'od du mer gyis zhu
ba

las rang gi shin tu phra ba'i rlung des nyer len dang/ bla ma'i
sku des lhan cig byad rkyen byas pa la brten nas bla ma'i sku
dang rang lus dbyer med pa'i sgyu 'phrul dra ba'i sku'i rang
bzhin gyi bla ma'i sku dkar la dmar ba'i mdangs chags pa'i skur
bzhengs/ de dang dus mnyam du shin tu phra ba'i

sems des nyer len dang/ bla ma'i thugs des lhan cig byed rkyen
byas pa la brten nas bla ma'i thugs dang rang sems dbyer med bde
chen 'od gsal chos skur gyur par bsam/ shin tu phra ba'i rlung
gi gdangs de nyid ngag gi sa bon phra mo yin pas des nyer len
dang/ bla ma'i gsung

gis lhan cig byed rkyen byas pa la brten nas bla ma'i gsung dang
rang gi ngag dbyer med pa'i gsung gi rdo rjer gyur par bsam/ de
ltar bla ma'i gsang gsum dang rang gi sgo gsum dbyer med cing/
sku thugs zung 'jug gi rang bzhin de la gdags gzhir byas nas
'bras bus kyi nga rgyal 'dzin

pa ni sgyu lus nang ldang gi zab gnad khyad par can nyid yin/
'di la brten nas rdo rje'i bzlas pa dang/ 'od gsal/ sgyu lus kyi
nyams len/ bsre skor sogs ci rigs kyang sbyar du rung mod/ 'dir
'brir ma lang zhing/ ha cang gsal bar bkod drags na tsu ta'i
rkang gnyis pha ltar

'gyur du dogs pas re zhig kha tham/ sbrin dkar gyi thag pa phra
mo ma chad par snying ga'i rang sems rje bla ma dang dga' ldan
gyi byams mgon rje bla ma bar sbrel bar bsams pa man ngag gi
gnad zab mo'o/ /de nas slar yang/) dpal ldan rtsa ba'i bla ma
rin po che/ /bdag gi

@021a @#/ /snying gar padmo'i steng bzhugs la/ /bka' drin chen
po'i sgo nas rjes bzung ste/ /byang chub snying po'i bar du
brtan par bzhugs/ (/zhes brjed/ phyag chen gyi dmigs pa bskyang
na 'dir skyong/ de nas snying ga'i padma 'dab brgyad

de je che je cher gyur ba kha zum pa'i nang du rang sems rje bla
ma padma bum sku ltar bzhugs par/ nang ye shes lnga'i rang bzhin
'od zer sna lngas zhal zhal byas/ bla ma'i thugs ka'i 'od zer
gyis snying gi rtse mor rdo rje sngon po rtse lnga ba phyed pa
shin tu lci ba ri rab kyi ljid lta bus mnan/ de'i

dbus rwa'i nang du mi bskyod pa'i ngo bo hUM yig sngon pos
mtshan pa/ phyir 'od zer phreng thag dang sngags phreng rdog gi
tshul du byas nas/ oM a ra pa tsa na d+hIHgu ru su ma ti kI
rtsi shrI b+ha dri sidd+hi a d+hiShThA na a d+hiShThi ta ku
rbantu/ zhes ba g.yas skor/ dmigs brtse ma g.yon skor du bum
sku'i phyi nas

bar mtshams med bar dru gu ltar bcings par bsam pa dang/ rtsa dbu
ma'i phyi la'ang spyi bo'i bar du dru gu ltar mi 'gul bar sngags
phreng gis dkris te bcings nas brtan par gyur par bsam/ de dag
ni/ shin tu gces pa 'dab brgyad snying gi rgyuO/ /dug lnga zhi
byed ye shes lnga yi rgyuO/ /

gang gi'ang mi shigs rdo rje rtse lnga'i rgaO/ /byin rlabs rtan
byed hUM yig bla ma'i rgyaO/ /sgo gsum mi phyed sngags mtshan
gsum gyi rgyaO/ /thabs shes zung 'brel A li kA li'i rgyaO/
/zhes dang/ bla mar gsol 'debs lan gsum zhu/ /zhes pa rnams kyi
man ngag nyid do/) /de ltar dngos grub ma

lus 'byung ba'i gnas/ /rje btsun bla ma mchod cing gsol btab
mthus/ /skye ba kun tu 'jam dbyangs bla ma yis/ /mnyes bzhin
rjes su 'dzin pa nyid gyur cig /rin chen du ma las grub dga'
ldan zhing/ /ngo mtshar bye ba'i dbus na mi

@021b pham mgon/ /legs par bsgoms pas rnam dag zhing 'grub cing/
/tshe 'phos mod la gnas der skye bar shog /rje btsun thugs ka nas
'phros sprin dkar yug /brkyang ba'i sne mor bla ma sras dang
bcas/ /spyan drangs yan lag bdun gyis tshogs

bsags pas/ /bdag rgyud bde blag nyid du smin par shog /dus gsum
rgyal ba'i mkhyen brtse nus pa rnams/ /zung 'jug sprul skur shar
ba'i rnam 'dren gang/ /rigs gsum ngo bor thag bcad gsol btab
mthus/ /mchog thun dngos grub ma

lus myur thob sheg /khyad par dag pa ye shes bdud rtsi'i chus/
/sgo gsum sdig sgrib mi shes kun 'khrud cing/ /'chad rtsod rtsom
sogs mtha' yas shes bya la/ /blo gros mgon po 'jam dbyangs
mtshungs par shog /byang shar ngo mtshar rmad byung

bkod pa'i zhing/ /rnam 'dren seng ge'i nga ro'i zhabs drung du/
/'khor gyi thog mar skyes nas mdo sngags la/ /thos bsam bsgom
pas rtag tu 'da' bar shog /mdor na skye zhing skye ba thams cad
du/ /rje btsun blo bzang grags pa yab sras dang/ /mi

'bral rgyal ba'i chos tshul kun bzung nas/ /bstan dang 'gro ba'i
don chen lhur len shog (/ces sogs bsngo smon gyi rgyas 'debs par
bya'o/ /snying ga'i rang sems rje bla ma'i sku'i bkod pa 'chi
kha bar mi bsdu zhing/ gsang bde 'jigs sogs ji ltar rigs pa'i
sku'i rnam bar bzhengs

nas de dang de'i nyams len skyong ba dang/ yang skabs su dge
ba'i bar chad zhi ba la/ snying ga'i bla ma'i sku las 'od zer
gyi re khA phra mo byams snying rje byang chub kyi sems kyi
rang bzhin can 'phros pa khus kyi phyi rol nas je cher song ste
dkar phyogs pa la 'ja' 'od/ nag phyogs pa rnams kyis blta bar mi
bzod

@022a @#/ /pa'i me'i gur khang/ do'i 'od zer gyis gdon bgegs
thams cad bya sgro mer bsregs pa ltar gzhob thul gyis tshig
/bgegs rnams mi dmigs par stong pa nyid du gyur/ de'i phyir rdo
rje'i rwa gur dang/ 'byung bzhi'i gur khang sogs kyis bskod bas

'gro ba rnams rnam pa thams cad du bgegs dang bral bar gyur par
bsams na gdon bgegs kyis glags mi rnyed par gsungs so/ /spyod
lam thams cad du snying ga'i bla ma lha dbang por bzhag nas pag
yod bsten pa dang/ khrus dang bza' btung gos sogs longs spyod
thams cad snying ga'i

bla ma lha la 'bul bar mos pa dang/ gzhan gyis tshur phyag dang
bkur sti ci byas snying ga'i bla ma lha la 'bul ba dang/ phar
phyag dbang/ mdud pa/ rkyen sel ci byas snying ga'i bla ma lha
nyid kyis mdzad par mos pa dang/ gang shar snang grag rig gsum
bla ma'i gsang gsum gyi rol par 'khyer

pa sogs bla ma'i rnal 'byor nyams len gyi srog tu bzung nas myur
ba myur bar bla ma rdo rje 'chang gi go 'phang bde blag tu
bsgrub pa la 'bad par bya'o/ /zhes gdams so/ /rgyun 'phyer rtag
bar 'di kho na ltar yongs rdzogs nag 'gros nyams su len par ma
nus kyang/ bzhi 'di thog nas long skabs

dang bstun pa'i rgyas bsdus brkyang bskum gyis nyams len du
'khyer lugs kyang shes par bya'o/) /'dir smras pa/ bdag gzhan
gtan gyi mthar rtog pa/ /de dag mkhas shing mdzangs pa ste/ /'di
snang 'pha' zhig sems sems pa/ /de dag phyugs dang

bye brag ci/ /yangs pa'i rnam dpyod 'dren byed kyis/ /yang dag
lam bzang tshol tshol kyang/ /bsod nams mi ldan phal mo che/ /ltar
snang lam gol phyogs bslad gyur/ /blo bzang 'jam dpal dbyangs
nyid kyi/ /legs bshad bdud rtsi

@022b stong gi bcud/ /ngoms med spyod pa'i bsod nams 'di/ /khrag
khrig tshangs pa'i skal bas min/ /de lta'i skal bzang nor bu'i
lan tshar gyi/ /gtsug rgyan skye ba'i phreng par mi gtong slad/
/dad dang bka' drin dran pa'i gus pa yis/ /shugs

drag gsol 'debs nyid la lhag par 'bungs/ /de phyir bdag gi lhag
bsam gyis/ /'bad pas bskrun pa'i rnam dkar yang/ /sgyu 'phrul
rab 'byams zhing khams su/ /bstan 'di kho na rgyas phyir bsngo/
/bdag gzhan tshe rabs kun tu

yang; ;blo bzang rgyal bas rjes bzung nas/ /lam bzang 'di nyid
kho na las/ /myur bar kun mkhyen sar 'jug shog) /ces zab lam
dga' ldan lha brgya ma'i rnal 'byor nyams su len tshul snyan
brgyud zhal shes lhug par bkod pa'i man ngag rin chen gter gyi
bang mdzod ces bya

ba 'di yang snga sor lha ldan du rigs lam smra ba'i dbang phyug
tsha ba byams pa mtha' yas lags nas/ ngos dang rje rin po che
dbyer med kyi bla ma'i rnal 'byor/ lam yongs rdzogs kyi shar
sgom dang bcas pa zhig rtsom dgos zhes lha reg rten gsum dang
bcas bskul ma yang yang gnang ba dang/ nye lam chab mdo dge ldan

byams pa gling du mi rje mkhan chung mgon po bsod nams nas dga'
ldan lha brgya ma'i rnal 'byor snyan brgyud man ngag dmar bcang
du 'khod pa zhig gsar rtsom dgos zhes lha reg dang maNDal rten
gsum bcas nan du bskul ma mdzad pa gnyis gcig 'thus su tshig
tshogs la ma 'dzem par snyan brgyud man ngag gsal la rgyas

par dmar rjen nyid du/ ! pha bong kha pas rab rgyal me byi lor
chab mdo dge ldan byams pa gling dkon rdor bla brang gi gzim
chung mkha' spyod dga' tshal du sbyar ba 'gro don 'phel bar gyur
cig / //! nyin byed bye ba'i mtshan dpe'i gzi byin thun mtshams
bla gos 'og tu sbas//

@023a @#/ /mkhyen rab sngo sangs ral gri'i 'phrul 'khor mi shigs
gur khang nang du spas/ /rgyal kun yab gcig 'jam dpal dbyangs
nyid tha mal dge sbyong zol du spas/ /chos phung brgyad khri
dbyangs kyi yan lag gcig tu ston 'di su yis shes/ /

rgyal kun mkhyen brtse gcig tu bsdus 'di khyod/ /thub bstan
snying por dril 'di khyod kyi gsung/ /tshang la ma nor gcig pu
khyod kyi lugs/ /de phyir khyod bstan kho nar snying nas gus/
/tshe rabs mgon po khyod kyis rjes gzung zhing/ /khyod kyi bstan
la rtag tu

'jug pa'i slad/ /khyod kyi rnal 'byor mchog la rtag gus kyis/
/gsol 'debs rgyal po 'dren la brtson bde'i phyir/ /sgo mang chos
mdzad 'phrin las skal ldan nas/ /rgyu sbyar 'dzad med par gyi
'phrul gzhi spel/ /'di ltar 'bad pa'i rnam dkar dge

ba'i rlabs/ /nyid byed bye ba'i byin gzir 'bar ba yis/ /srid
zhi'i rgud mun mtha' dag ring bskrad nas/ /thub bstan gser
sbyangs 'od chags gdal gyur cig /rdzogs ldan mandA ra yi do
shal gyis/ /mtha' dag dbyig 'dzin lto bar dog por byas/ /

phan bde'i snang ba dkar po'i dga' ston la/ /mtha' dag 'gro kun
rtsed 'jor rol gyur cig /rgyu sbyor nyid kyang tshe rabs 'phreng
ba kun/ /blo bzang rgyal ba'i bstan dang mi 'bral zhing/ /rab
myur lam gyi bgrod pa'i khyad chos tshogs/ /gzhan na med pa'i
grol ba myur

thob shog (/ces pa 'di yang 'bras sgo mang chos mdzad dge slong
'phrin las skal ldan lags nas lha reg rten bcas ji ltar bskul ma
mdzad pa bzhin pha bong kha'i sprul ming pas sbyar ba dge legs
'phel/ 7sa byi lor 'dzugs zhus song