@001a @#/ (/byang chub sems dpa'i spyod pa la 'jug pa zhes bya ba bka' mchan thor bu dang bcas pa bzhugs so/ /) @001b @##/ /rgya gar skad du/ bod+hi satwa tsarya a pa ta ra/ bod skad du/ byang (spangs pa phun tshogs/) chub (rtogs phun tshogs/ de sems pa la dpa' bas) sems dpa'i spyod pa la 'jug pa/ (ste/ mtshan gyis gzhung gsal/ mtshan 'dogs lugs bdun las 'dir brjod bya'i sgo nas so/ /khong chud nyan rang la dbye phyir sangs rgyas/ (sangs spangs pa) sangs rgyas dang byang chub sems dpa' thams cad la phyag 'tshal lo/ (/tshad ma kun btus kyi mchod brjod ltar) bde gshegs (sangs rgyas/) chos (chos dkon mchog) /kyi sku mnga' sras (dge 'dun rgyas rtogs pa sogs 'jug 'grel ltar/) bcas dang; ;phyag 'os (rang gi bla ma rnams dang phyad bya dgos tshad) kun la'ang gus par phyag 'chal te/ /bde gshegs sras (sras su 'dir kun rdzob sems bskyed/ 'jug par don dam sems bskyed/ rgyud blar @002a @##/ /'jog tshul bcas gsum/) kyi sdom (ste lam gyi rim pa 'dus pa'i sdom las sdom pa min pas rgyal sras kyi spyod pa'i sdom chen po) la 'jug pa ni/ /lung bzhin (las rang bzo med cing/ zlos skyon yang med de/) mdor bsdus nas ni brjod (dgos sogs chos bzhi bstan/) par bya/ /sngon chad ma byung ba yang 'dir brjod med/ /sdeb sbyor mkhas pa'ang bdag la yod min te/ /de phyir (dngos su) gzhan don bsam pa'ang bdag la med/ (/ces khangs skyungs shing; sngar shes zin mi nyams pa'i ched du) rang gi yid la bsgom phyir ngas 'di brtsams/ /dge ba bsgom phyir bdag gi dad pa'i shugs/ /'di dag gis kyang re zhig 'phel 'gyur la; (;zhes gsungs kyang/) bdag dang skal ba mnyam pa gzhan gyis kyang/ /ci ste 'di dag mthong na don yod 'gyur/ (/zhes gzhan don du brtsams ba shugs la bstan/ dal 'byor 'di ni rnyed par shin tu dka'/ / @002b (skyes bu'i skad dod pu ru Sha zhes pa nus ldan te phyi ma'i don bsgrub pa la nus pa dang ldan pa'i) skyes bu'i don sgrub (pa'i rten) thob par gyur pa la/ /gal te 'di la (zhes pa 'dis mi rtag pa dang ngan 'gro sogs 'dren/ des na snying po thad ka thad kar blangs te phyi ma phan chad kyi) phan pa ma bsgrubs na/ /phyis 'di yang dag 'byor pa (ste rnyed pa/) ra ga la 'gyur/ (/spyi'i rnam gzhag la/ le'u dang pos byang chub sems kyi phan yon dang de'i yan lag chung 'bring/ gnyis pa dang gsum pas bsags sbyang/ bzhi pas spyod pa mi nyams ched bag yod/ lnga pas tshul khrims/ drug pa nas dgu pa'i bar gyis bzod sogs bzhi/ bcu pas sbyin pa bstan/ sdig spong dge sgrub la bskul ba/) ji ltar mtshan mo mun nag sprin rum na/ /glog 'gyu skad cig rab snang ston pa ltar/ /de bzhin sangs rgyas mthu yis brgya lam (ste srid mi srid kyi mtshams) na/ /'jig rten (pa rnams) bsod nams (te dge ba bya snyam pa'i) blo gros thang 'ga' 'byung/ /de ltas dge ba nyam chung nyid la rtag /sdig pa stobs chen shin tu mi bzad pa/ ! /de ni rdzogs pa'i byang chub sems min ba; ;dge gzhan gang gis zil gyis gnon par 'gyur/ (/te sdig pa sems can la brten nas bsags pas sems can nyid kyi don du sems bskyed na sdig pa de 'dag pa la stobs che ba/ dper na tshe 'di'i pha ma la gnod pa byas pa pha ma nyid la phan pa sgrub na 'dag pa las gzhan gang la brten kyang mi phan pa ltar ro/) /bskal pa du mar (sems can gyi don ji ltar bya zhes) rab dgongs mdzad pa yi/ /thub dbang rnams kyis (byang sems) 'di nyid phan par gzigs/ /'dis ni tshad med skye bo'i tshogs rnams kyis/ /bde mchog bde @003a @#/ /blag nyid du thob par byed/ /srid pa'i sdug bsngal brgya phrag gzhom 'dod cing/ (/zhes pa skyes bu 'bring ste/ byams smon las/ ngan 'gro'i lam ni ldog bgyid cing/ /sogs ltar dang/) sems can mi bde bsal bar 'dod pa (skyes bu chen bo) dang/ /bde mang brgya phrag spyod par 'dod pa (chung du) sa kyang/ /byang chub sems nyid rtag tu gtang mi bya/ (/'di re 'dod skong ba las byung ngo/ /ming don 'gyur ba'i phan yon ni/) byang chub sems skyes gyur na skad cig gis/ /'khor ba'i btson rar bsdams pa'i nyam (sa chen po la gnas pa tsam min par/) thag rnams/ /bde gshegs rnams kyi sras zhes brjod bya zhing/ /'jig rten lha mir bcas pas phyag byar 'gyur/ /gser 'gyur rtsi yi rnam pa mchog lta bu/ /mi gtsang lus 'di blangs nas rgyal ba'i sku/ (/'di'i khog na/ sems bskyed gzugs sku'i rgyu yin tshul/ gzhi bden gnyis sogs mang/) rin chen rin thang med par bsgyur bas na/ /byang chub sems zhes bya ba rab brtan zungs/ (/so skye min par) 'gro ba'i ded dpon gcig pu (sangs rgyas kyi) tshad med (pa'i blo gros te) blos/ /legs par yongs su brtag na rin che bas/ (/te dkon pas) 'gro ba'i gnas dang bral bar 'dod pa rnams/ /rin chen byang chub sems legs brtan par zungs/ /dge ba gzhan kun chu shing bzhin du ni/ /'bras bu bskyed nas zad par 'gyur ba nyid/ /byang chub sems kyi ljon shing rtag par yang/ /'bras bu 'byin pas mi zad 'phel @003b bar 'gyur/ /sdig pa shin tu mi bzad byas na yang/ (/phrogs) dpa' (bo) la brten nas 'jigs pa chen po ltar/ (/byang sems) gang la brten nas yud (cam) kyis sgrol 'gyur ba/ /de la pag (yod) can rnams kyis cis mi brten/ (/sangs rgyas byang sems gyi mtshan gzungs bzlas pa'i phan yon mang du gsungs pa yang kun slong byang sems kyis zin pa'i bzla lugs shes na phan yon gang gsungs bden bas) des ni dus mtha'i mes bzhin sdig chen rnams/ /skad cig gcig gis nges par sreg par byed/ (/bas myong nges kyi las kyi nus pa'ang 'joms nam nges ba smos ci/ des na/) de yi phan yon dpag tu med pa dag /byams mgon blo dang ldan pas nor bzang (sdong bkod sogs nas) bshad/ ! /byang chub sems de mdor bsdus na/ (kun rdzob sems bskyed) rnam pa gnyis su shes bya ste/ /byang chub smon pa'i sems dang ni/ /byang chub 'jug pa nyid yin no/ ('jug sems dang 'jug sdom 'gal yang chog gcig gis len/ kun rdzob sems bskyed ni sangs rgyas kyi kun rdzob pa'i skul dmigs bas bzhag /don dam sems bskyed ni sangs rgyas kyi don dam pa'i gnas lugs mngon sum rtogs pas bzhag /smon 'jug gi dbe rgya bod gnyi ga na drag shos/) 'gro bar 'dod dang 'gro ba yi/ /bye brag ji ltar shes pa ltar/ /de bzhin mkhas pas 'di gnyis kyi/ /bye brag rim bzhin shes par bya/ (/smon sems kyi phan yon/) byang chub smon pa'i sems las ni/ (/'khor ba na) 'khor tshe 'bras bu che 'byung yang/ /ji ltar 'jug pa'i sems bzhin du/ /bsod nams rgyun chags 'byung ba min/ (/'jug sems kyi phan yon/) gang nas bzung ste sems can khams/ /mtha' yas rab tu dgrol ba'i phyir/ /mi ldog pa yi sems kyis su/ /sems ('jug sdom) @004a @#/ /de yang dag blangs gyur pa/ /de nas bzung ste gnyid log gam/ /bag med gyur kyang bsod nams shugs/ /rgyun mi 'chad pa du ma zhig /nam mkha' mnyam par rab tu 'byung/ (/de bden nam zhe na/ lung gis bsgrub yin) 'di ni 'thad pa (ste gtan tshigs) dang bcas par/ ;lag bzangs kyis ni zhus pa las/ (/nyan thos rigs ma nges kyang der mos pa ldog phyir) dman mos sems can don gyi phyir/ /de bzhin gshegs pa nyid kyis gsungs/ (/rigs pas bsgrub ba smon sems kyi phan yon 'thad pa/) sems can rnams kyi (mdza' bo'i bu mo'i rabs dang/ byang sems zla rgyal mdzes snyun par spyan chab 'byin bzhin gtong len mdzad pas snyun las grol ba sogs ltar) klad nad tsam/ /bsal lo snyam du bsam na yang/ /phan 'dogs bsam pa dang ldan te/ /bsod nams dpag med ldan 'gyur na/ /sems can re re'i mi bde ba/ /dpag tu med pa bsal 'dod cing/ /re re'ang yon tan dpag med du/ /bsgrub par 'dod pa smos ci dgos/ (/de las lhag pa'i phan sems med pa/) pha'am yang na ma yang rung/ /su la 'di 'dra'i phan sems yod/ /lha dang drang srong rnams kyang rung/ /tshangs pa la yang 'di yod dam/ (/de lta rang don du yang mi skye ba/) sems can de dag nyid la sngon/ /rang gi don du 'di 'dra'i sems/ /rmi lam du yang ma rmis na/ /gzhan gyi don du ga la skye; (;mjug bsdus te bsngags pa/) gzhan dag rang gi don du yang/ /mi 'byung sems can don sems gang/ /sems kyi rin chen khyad par 'di/ /snga na med pa'i rmad cig 'khrungs/ (/'jug sems kyi phan yon dngos/) 'gro ba kun gyi dga' ba'i rgyu/ /sems @004b can sdug bsngal rtsir gyur pa/ /rin chen sems kyi bsod nams gang/ /de la ji ltar gzhal gyis lang/ (/de'i 'thad ga sems can gcig la) phan par bsams pa (sna gcig skyes pa) tsam gyis kyang/ /sangs rgyas mcho las khyad 'phags (par ting nge 'dzin rgyal po'i mdo las gsungs) na/ /sems can ma lus thams cad kyi/ /bde don brtson pa smos ci dgos/ (/de'i dogs bsal/) sdug bsngal 'dor 'dod sems yod kyang/ /sdug bsngal nyid la mngon par rgyug /bde ba 'dod kyang gti mug pas/ /rang gi bde ba dgra ltar 'joms/ /gang zhig bde bas phongs pa dang/ /sdug bsngal mang ldan de dag la/ (byams pa (bde ba kun gyis tshim ba dang/) (/snying rje (sdug bsngal thams cad gcod byed cing/) /sems bskyed gti mug gi dngos gnyen min kyang sems skye ba'i rgyu la rmongs pa ldog pas/) gti mug kyang ni sel byed pa/ /de dang dge mtshungs ga la yod/ /de 'dra'i bshes kyang ga la yod/ /bsod nams de 'dra'ang ga la yod/ (/byang chub kyi sems bsgom pa'i gang zag la bstod pa lam bcol bar grogs mdzad pas bsngags pa/) phan btags lan ldon gang yin pa/ /de yang re zhig bsngags 'os na/ (/phan bde mtha' dag) ma bcol legs par byed pa yi/ /byang chub sems dpa' smos ci dgos/ (/phan bcung zad bsgrub ba la bstod na mtha' dag bsgrub pa la ches bsngags dgos ba/) 'gro ba nyung zad na ra ma (ste rgyun chad med pa) 'i zas sbyor ba/ /skad cig zas tsam sbyin par byed pa dag/ brnyas bcas (te tshig ngan lta bu smra bzhin) nyin phyed (tsam zas ster bas) 'grangs par byed pa yang/ /dge ba byed pa yin zhes skye bos bkur/ (/yul sems can nyung zad la de ltar na/) sems can grangs mtha' yas la dus ring du/ /bde bar @005a @#/ /gshegs kyi bde ba bla na med/ /yid la bsam pa mtha' dag rdzogs byed pa/ /rtag tu sbyin pa lta zhig smos ci dgos/ (/cung zad kyang smad mi rigs pa/) gang zhig de 'dra'i rgyal sras sbyin bdag la/ /gal te ngan sems skyed bar byed pa de/ /ngan sems bskyed pa'i grangs bzhin bskal par ni/ /dmyal bar gnas par 'gyur zhes thub pas (rab tu zhi ba rnam nges cho 'phrul gyi mdo dang/ dad pa'i stobs bskyed pa phyag rgya'i mdo las) gsungs/ (/dad ba bsgom rigs pa/) 'on te (byang sems gang na yod mi shes pas) gang zhig (sems can thams cad la) yid rab dang byed na/ /de yi 'bras bu de bas lhag par 'phel/ (/bar nges pa dang sa nges ba'i phyag rgya'i mdo las gsungs/ spyod 'jug gi gzhung 'di re re la yang mdo'i khungs re yod/ bslab btus na gsal/) rgyal sras rnams la do gal chen pos kyang/ (/ltas ngan g.yang du khug pas) sdig pa mi 'byung dge ba ngang gis 'phel/ /gang la sems kyi dam pa rin chen de/ /skyes pa de yi sku la phyag 'tshal zhing/ /gang la gnod pa byas kyang 'de 'brel ba/ /bde ba'i 'byung gnas de la skyabs su mchi/ (/le'u'i mtshan/) byang chub sems dpa'i spyod pa la 'jug pas las/ byang chub sems kyi phan yon bshad pa zhes bya ba ste le'u dang po'o// (//rgyal ba gdan 'dren pa la 'byor ba chen po dang/ bye dor sogs dgos pa ltar byang chub kyi sems rin po che skyes yang bsod nams chen po dang ldan dgos bas 'dir mchod pa sogs byed/ gang gi ched du na/) rin chen sems de gzung bar bya ba'i phyir/ (/yul gang lan/) de bzhin gshegs ba rnams dang dam pa'i chos/ (/sogs 'di mchod yul bstan pa tshogs zhing gsal 'debs te/ gzhung 'dir skyong chos dang po gsum shu bsal bsnyan/ @005b gzhan rnams dngos su bstan/) dkon mchog dri ma med dang sangs rgyas sras/ /yon tan rgya mtsho rnams la (dngos po gya nom pas) legs par mchod/ (/bdag pos ma bzung ba'i mchod pa'i rdzas shang shang sogs) me tog (a ru ra sogs) 'bras bu ji snyed yod pa dang/ (/bzang drug sogs/) sman gyi rnam pa gang dag yod pa dang/ /'jig rten rin chen (ri rab sogs) ji snyed yod pa dang/ /chu gtsang yid du 'ong ba ci yod dang/ (/gser gyi ri bdun sogs) rin chen ri bo dang ni de bzhin du/ /nags tshal sa phyogs dben zhing nyams dga' dang; ;ljon shing me tog rgyan spras spud pa dang/ /shing gang 'bras bzang yal ga dud pa dang/ /lha sogs 'jig rten na yang dri dang ni/ (/tsan dan gyi nags tshal dang sbyar spos sogs) spos dang dpag bsam shing dang rin chen shing/ /ma rmos 'khrungs pa'i ('bras sa lu sogs) lo tog rnam pa dang/ /gzhan yang mchod par 'os pa'i rgyan rnams ni/ /mtsho dang rdzing bu padmas brgyan pa dag /ngang pa shin tu skad snyan yid 'ong ldan/ (/ji ltar 'bul pa'i tshul/) nam mkha' rab 'byams khams kyi (shar phyogs lta bur bskal ba 'bum sogs kyang mi zad pa sogs) mthas gtugs pa/ /yongs su bzung ba med pa de dag kun/ /blo yis blangs nas thub pa skyes kyi mchog /sras dang bcas pa rnams la legs 'bul na/ /yon gnas dam pa thugs rje che rnams kyis/ /bdag la brtser dgongs bdag gi 'di dag bzhes/ (/yid mchod tsam 'bul ba'i 9rgyu mchan/) bdag ni bsod nams mi ldan bkren chen te/ /mchod pa'i nor gzhan bdag la cang ma mchis/ /des na gzhan don dgongs pa'i mgon gyis 'di/ /bdag gi don slad @006a @#/ /nyid kyi (rdzu 'phrul dang thugs smon gyi stobs kyi) mthus (bdag la phan phyir) bzhes shig /rgyal dang de sras rnams la bdag gis ni/ /bdag gi ('bul bya'i tsho rabs snga phyi thams cad kyi) lus kun (dus) gtan du dngul bar bgyi// sems dpa' mchog rnams bdag ni yongs bzhes shig /gus pa khyed kyi 'bangs su mchi bar bgyi/ /(rang gi lus phul ba'i dgos pa ni/ phul zin nas) bdag ni khyed kyis yongs su bzung bas (te rang la rang dbang med pas rgyal ba sras bcas la phul zin pa'i lus 'dis sdig pa dang/ rang don mi byed par rgyal ba sras bcas kyi dgongs pa gzhan don kho na sgrub dgos pas) na/ /srid na mi 'jigs sems can phan par bgyi/ /sngon gyi sdig las yang dag 'da' bgyid cing/ /sdig pa gzhan yang slan chad mi bgyid do/ ! /blos sprul pa'i bla na yod pa la bcu gnyis las/ dang po/) khrus kyi khang pa shin tu dri zhim pa/ /shel gyis gzhi gsal zhing 'cher ba bstar/ /rin chen 'bar ba'i ka ba yid 'ong ldan/ /mu tig 'od chags bla re bres pa der/ /de bzhin gshegs dang de yi sres rnams la/ / rin chen bum pa mang po spos kyi chu/ /yid 'jo legs par bkang ba glu dang ni/ /rol mor bcas pa du mas sku khrus gsol/ (/sogs kyi lag len ngo ma lam rim ltar ro/) /de dag sku la mtshungs pa med pa'i gos/ /gtsang la dri rab bsgos pas sku phyi'o/ / (gnyis pa na bza'/ )de nas de la kha dog legs bsgyur ba'i/ /na bza' shin tu dri zhim dam pa 'bul/ /gos bzang srab la 'jam pa sna tshogs dang/ (/gsum pa rgyan/) rgyan mchog brgya phrag de dang de dag gis/ /'phags pa kun tu bzang dang @006b 'jam dbyangs dang/ /'jig rten dbang phyug sogs la'ang brgyan par bgyi/ (/bzhi ba byugs pa/) stong gsum kun tu dri ngad ldang ba yi/ /dri mchog rnams kyis thub dbang kun gyi sku/ /gser sbyangs btso ma byi dor byas pa ltar/ /'od chags 'bar ba de dag byugs par bgyi/ (/lnga pa me tog/) thub dbang mchod gnas mchog la yid 'ong ba'i/ /me tog manda ra dang padma dang/ /utpal la sogs dri zhim thams cad dang/ /phreng ba spel legs yid 'ong rnams kyis mchod/ /drug pa spos/ spes mchog yid 'phrog dri ngad khyab pa yi/ /bdug pa'i sprin tshogs rnams kyang de la dbul/ (/bdun pa zhal zas/) zhal zas bza' btung sna tshogs bcas pa yi/ /lha bshos (te lha'i zhal zas) rnams kyang de la dbul bar bgyi/ /dpyad pa snang gsal/) gser gyi padma (zhes mar me'i snad) tshar du dang ra ba (ste du ma bsgrigs pa) yi/ /rin chen sgron me rnams kyang dbul bar bgyi/ /dgu pa gzhal med khang/ sa gzhi bstar ba spos kyis byugs pa der/ /me tog yid 'ong sil ma dgram par bgyi/ /gzhal med pho brang bstod dbyangs yid 'ong ldan/ /mu tig rin chen rgyan 'phyang mdzes 'bar ba/ /dpag yas nam mkha'i rgyan gyur de dag kyang/ /thugs rje'i rang bzhin can la dbul bar bgyi/ (/bdag gzhan lus ngag sogs snying thag pa nas phul na lhag po'i ltung ba sogs mang po khegs/ 'o na zas gos sogs ji ltar zhe na bran bzhin bya ba'o/ /bcu la gdugs/) rin chen gdugs mdzes gser gyi yu ba can/ /khor yug rgyan gyi rnam pa yid 'ong brgyan/ /dbyibs legs blta na sdug pa bsgreng ba yang/ /rtag tu thub dbang rnams la dbul bar bgyi/ / @007a @#/ /bcu gcig pa rol mo/ /de las gzhan yang mchod pa'i tshogs/ /rol mo dbyangs snyan yid 'ong ldan/ /sems can sdug bsngal sems byed pa'i/ (/rgya gar tsha ba che bas sprin byung na dga' ba la dper mdzad de) sprin rnams so sor gnas gyur cig (/bcu gnyis pa mchod pa'i rnam brgyun min 'chad par byin gyis brlab pa/) dam chos dkon mchog thams cad dang/ /mchod rten rnams dang sku gzugs/ (ri brag lung stogs sogs su bzhugs te mchod pa 'bul mkhan med par 'o rgyal ba rnams) la/ /rin chen me tog la sogs char/ /rgyu na mi 'chad par 'bab par shog (/bla na med pa'i mchod pa/ me tog phal cher sogs ltar) ji ltar 'jam dbyangs la sogs pas/ /rgyal ba rnams la mchod mdzad pa/ /de bzhin bdag gis de bzhin gshegs/ /mgon po sras dang bcas rnams mchod/ (/phyag 'tshal ba la ngag gi bstod pa/) yon tan rgya mtsho rnams la bdag /bstod dbyangs yan lag rgya mtshos bstod/ /bstod dbyangs snyan sprin de dag la/ /nges par kun tu 'byung gyur cig /(dkon mchog gsum la phyag 'tshal ba/) dus gsum gshegs pa'i sangs rgyas kun/ /chos dang tshogs kyis mchog bcas la/ /zhing rdul kun gyi grangs snyed kyi/ /lus btud pas ni bdag phyag 'tshal/ (/byang chub kyi sems skye ba'i gzhi sogs la phyag 'tshal ba/) byang chub sems kyi gzhi (gdan na/) gzhi rnams dang/ /mchod rten rnams la bdag phyag 'tshal/ (mkhan slob sogs la phyag 'tshal ba/) mkhan po de bzhin slob dpon dang/ /brtul zhugs mcho ga la phyag 'tshal lo/ /skyabs 'gro/ byang chub snying por mchis kyi bar/ /sangs rgyas rnams @007b la skyabs su mchin/ /chos dang byang chub sems dpa' yi/ /tshogs la'ang de bzhin skyabs su mchi/ (/rten gyi stobs skyabs 'gro 'dir byed pa yang yod/ 'og gi gtso bo rgyal ba sogs la byed pa yang yod/ skyabs 'gro la sbyar ba'i rten gyi stobs ni phung po gsum pa'i mdo'i dbu ltar khungs btsun no/ /sdig pa bshags pa'i bshags yul la mkhyen gsol lam dgongs gsol/) phyogs rnams kun na bzhugs pa yi/ /rdzogs sangs rgyas dang byang chub sems/ /thugs rje chen po mnga' rnams la/ /thal mo sbyar te gsal ba ni/ (/sdig pa'i dus/ rgyu/ rnam pa sogs kyis spyir bshags pa;) thog ma med ldan 'khor ba nas/ /tshe rabs 'di 'am gzhag dag tu/ /bdag gis ma 'tshal/ (bstem shes shing rmongs pas) sdig bgyis pa'am/ /bgyid du stsal (sdig pa bgyid stsal yi rangs sogs la sdig yod pa ltar dge ba yang sbyar/) ba nyid dang ni/ /gti mug 'khrul pas bdag non te/ /rjes su yi rang gang bgyis pa/ /nongs pa de ni mthong bgyis nas/ /bsam pa thag pas mgon la bshags/ (/yul khyad par can la brten pa'i sdig pa) bdag gis dkon mchog gsum dang ni/ /pha ma'am bla ma gzhan dag la// nyon mongs sgo nas lus ngag dang/ /yid kyis gnod bgyis gang lags pa/ (/mi 'dod pa'i 'bras bu la bsam ste bshags pa/) nyes pa du mas skyon chags pa'i/ /sdig can bdag gis sdig pa gang/ /shin tu mi bzad bgyis pa de/ /thams cad 'dren pa rnams la bshags/ (/sdig dang bcas bzhin 'chi bar 'jigs bzhin skyabs su 'gro ba/) bdag ni sdig pa ma byang bar/ /sngon du 'gum par 'gyur du mchi/ /ji ltar 'di las nges thar bar/ /myur ba'i tshul gyis bskyabs tu gsol/ (/rgyu mtshan/) yid brtan mi rung @008a @#/ /'chi bdag 'di/ /byas dang ma byas mi sded pas/ /na dang mi na kun gyis kyang/ /glo bur tshe la yid mi brtan/ (/gnyen lus longs spyod sogs kyi don du byas par 'gyod pa/ thams cad bor te cha dgos par/ /bdag gis de ltar ma shes pas/ /mdza' dang mi mdza'i don gyi phyir/ /sdig pa rnams pa sna tshogs byas/ /mi mdza' rnams kyang med 'gyur zhing/ /mdza' ba rnams kyang med par 'gyur/ /bdag kyang med par 'gyur ba ste/ /de bzhin thams cad med par 'gyur/ /dran yul tsam gyi dpe/) rmi lam nyams su myong ba (go sa/ rgyu sogs yod pa rmis kyang sad dus med pa) bzhin/ /dngos po gang dang gang spyad pa/ /de de dran pa'i yul du 'gyur/ /'das pa thams cad mthong mi 'gyur/ (/yid gtan mi rung ba da ltar (mngon sum du grub pa) re zhig gson tshe 'di nyid la'ang/ /mdza' dang mi mdza' du ma 'das/ (/pa ste 'chibs 'das pa'am dgra gnyen 'gyur ba la'ang sbyar/ de dag don du byas pa'i sdig /mi bzad gang yin mdun na (ste sdig pa des rang bsgug nas bsdad yod pas drung na) gnas/ (/nam 'chi nges med ma rtogs pas sdig pa byed pa/) de ltar bdag ni glo bur zhes/ /bdag gis rtogs par ma gyur bas/ /gti mug chags dang zhe sdang gis/ /sdig pa rnam pa du ma byas/ (/sdig pa 'jigs pa'i tshul gyis bcad dang po/) nyin mtshan sdod pa yong med par/ /tshe 'di rtag tu god (ces god kha byung zer ba ltar de'i steng nas phyir blangs pas zad par) 'gyur zhing/ /snon pa gud nas 'ong med na/ /bdag lta 'chi bar cis mi 'gyur/ (/gnyis pa/) bdag ni mal na 'dug bzhin du/ /gnyen bshes kun gyis mtha' bskor (bzang gos kyi gdan dang/ gser khri/ dngul @008b khri sogs 'byor pa rgya chen po'i dbus su rang nyid gnas) kyang/ (/'chi ba'i tshe) srog 'chad pa yi tshor ba (lus sems so sor phral bar byed pa'i gnad gcad) dag /bdag nyid gcig pus myong bar 'gyur/ (/zhas 'chi ba'i ngang tshul bsams nas bgyod pa'o/ ~/bsod nams ma byas par 'jigs pa/) gshin rje'i pho nyas zin pa la/ /gnyen gyis ci phan bshes ci phan/ /de tshe (las dge ba byas pa'i) bsod nams gcig skyabs na/ (/ste bdag gis bsags yod na des phan kyang) de yang bdag gis (ma bsags shing) ma bsten to/ (/zhes 'gyod pa'o/ /'gyod pas gdung ba/) mgon po bag med bdag gis ni/ /'jigs pa 'di 'dra (yad pa) ma 'tshal (ba ste ma shes) nas/ /mi rtag tshe 'di'i ched dag tu/ (/'am phyi ma'i don du 'ang phyi rol pas phyi mar phan phyir dka' spyad byas pas sdig bsags pa lta bu'i) sdig pa mang po nye bar bsgrubs/ (/'jigs pa chen po 'byung ba'i rgyu mtshan/ skye bo yan lag gcod pa'i sar/ /de ring khrid pa'ang byed 'gyur te/ /kha skam mig rtsa ngan la sogs/ /snga las gzhan tu 'gyur snang na/ /gshin rje'i pho nya 'jigs 'jigs lta'i/ /sha tshugs can gyis bzung gyur cing/ /'jigs chen nad kyis thebs gyur pa/ /rab tu nyam thag smos ci dgos/ (/phyi mar sdug bsngal gyis gdung ba/) su zhig 'jigs chen 'di las bdag /legs par skyob par byed 'gyur zhes/ /byed sha thon pa'i mig (ste 'jigs pa bskyed pa'i mig la shas bkab pa) bgrad nas/ / phyogs bzhur skyabs dag tshol bar byed/ /phyogs bzhir skyabs med mthong nas ni/ /de nas kun tu yi mug 'gyur/ /gnas der skyabs yod ma yin na/ /de tshe bdag gis ji ltar bya/ ! (/rten gyi stobs sa bcad dang po/) de bas rgyal ba 'gro ba'i mgon/ /'gro ba @009a @#/ /skyob pa'i don brtson pa/ (/'phrin las nyer bdun gyis skyob/ de yang stobs med na mi nus pas) stobs chen 'jigs pa kun sel la/ /de ring nyid nas skyabs su mchi/ (/rten gyi stobs ngo ma 'di yin/ gong gi de mkhyen gsol las dbang gsol dang dgongs gsol yin/) de yis thugs su chud pa'i chos/ /'khor ba'i 'jigs pa sel ba dang/ /byang chub sems dpa'i tshogs la yang/ /de bzhin yang dag skyabs su mchi/ (/gnyis pa/) bdag ni 'jigs pas rnam skrag nas/ /kun tu bzang la bdag nyid 'bul/ /'jam pa'i dbyangs la'ang bdag nyid kyis/ /bdag gi lus 'di dbul bar bgyi/ /thus rje'i spyod pa ma 'khrul ba/ /spyan ras gzigs mgon de la yang/ /nyam thag nga ros 'o dod 'bod/ /sdig ldan bdag la bskyab tu gsol/ /'phags pa nam mkha'i snying po dang/ /sa yi snying po dag dang ni/ /thugs rje che mgon thams cad la/ /skyabs 'tshol snying nas 'o dod 'bod/ /gang zhig mthong nas gshin rje yi/ /pho nya la sogs sdang ba rnams/ skrag nas phyogs bzhur 'byer byed pa/ /rdo rje can la skyabs su mchi/ (/gsum pa/) sngon chad khyed kyi bka' las 'das/ /da ni 'jigs pa cher mthong nas/ /khyed la skyabs su mchi lags kyis/ /'jigs pa myur du bsal du gsol/ /gnyen po kun tu spyod pa'i rgyu mtshan nad kyi dpe don/) tha mal nad kyis 'jigs na yang/ /sman pa'i ngag bzhin bya dgos na/ /'dod chag zla sogs nyes brgya yi/ /nad kyis btab smos ci dgos/ (/gnyis pa/ byang sems la khong khro lta bu) de gcig gis kyang 'dzam gling na @009b gnas pa'i mi kun (dmyal ba'i sdug bsngal sogs kyis) brlag (par) byed na/ /de dag gso ba'i sman gzhan ni/ /phyogs rnams kun nas mi rnyed na/ (/gsum pa/) de la sman pa thams cad mkhyen/ /zug rngu thams cad 'byin pa yi/ /bka' ltar mi byed sems pa ni/ /shin tu gti mug smad pa'i gnas/ (/gnyis pa g.yang sa'i dpe/) g.yang sa tha mal chung ngu la'ang/ /bag yod gnas par bya dgos na/ /dpag tshad stong du lhung ba yi/ /yun ting g.yang sar smos ci dgos/ /de'i pa nyid nas 'bad rigs pa/ de ring khon mi 'chi zhes/ /bde bar 'dug pa rigs ma yin/ /bdag ni med par 'gyur ba'i dus/ /de ni gdon mi za bar 'byung/ (/ mi 'jigs ba'i rgyu mtshan ci yang med pa/) bdag la mi 'jigs su yis byin/ /'di las ji ltar nges thar 'gyur/ /gdon mi za bar med 'gyur na/ /ci ltar bdag yid bde bar 'dug ! /nyes pa las slar ldog pa'i longs spyod la chogs mi rigs pa/) sngon chad ('khor bsgyur/ brgya byin sogs byas) myong ste (snying po med par) zhig pa las/ /bdag la (snying po can) lhag pa ci yod na/ /bdag ni de la mngon zhen nas/ /bla ma'i bka' dang 'gal bar byas/ (/gnyen sogs la chags mi rigs pa/) gson che 'di dang de bzhin du/ /gnyen dang bshes pa rnams spangs nas/ /gcig pu (nges pa med pa'i phyogs) bshed 'gro dgos na/ /mdza' dang mi mdza' kun ci rung/ /nyin mtshan du 'bad dgos pa/ /me dmigs pa las sdug bsngal 'byung/ /de las ji ltar nges thar zhes/ /nyin mtshan rtag tu bdag gis ni/ /'di nyid 'ba' zhig bsam pa'i rigs/ (/sngar byas la bshags @010a @#/ (pa;) bdag ni mi shes gti mug pas/ /rang bzhin kha na mtho ba'am/ /bcas pa'i sdig pa gang yin las/ /gang yang rung ba bgyis pa rnams/ /mgon po'i spyan sngar mngon sum du/ /thal sbyar sdug bsngal 'jigs sems kyis/ /yang dang yang du phyag 'tshal te/ /de dag thams cad bshags par bgyi/ (/mkhyen par gsol nas ldog par dam bca' la/) 'dren pa rnams kyis bdag gi sdig /nongs pa lags bar bzung du gsol/ /'di ni bzang po ma lags pas/ /slan chad bdag ni yong mi bgyid/ /byang chub sems dpa'i spyod pa la 'jug pa las/ sdig pa bshags pa'i le'u ste gnyis pa'o// (//mngon mtho rgyu 'bras la yi rang pa/) sems can kun gyi ngan song gi /sdug bsngal ngal bso'i dge ba dang/ /sdug bsngal can dag bder gnas la/ /dga' bas rjes su yi rang ngo/ (/yi rang zhes pa mngon pra dga' ba la zer/ yi rang gi phyan yon sogs yan lag rnams lam rin ltar ro/ /thar pa tsam gyi rgyu 'bras la yi rang ba/) byang chub gyur gyur dge bsags pa/ /de la rjes su yi rang ngo/ /lus can 'khor ba'i sdug bsngal las/ /nges par thar la yi rang ngo/ (/bla na med pa'i byang chub kyi rgyu 'bras la yi rang pa/) skyob pa rnams kyi byang chub dang/ /rgyal sras sa la'ang yi rang ngo; ;sems can thams cad bde mdzad pa'i/ (/bsam pa) thugs bskyed dge brgya mtsho (lta bu) dang/ (/spyod pa) sems can phan par mdzad pa (ste 'gro la phan par byed rnams sogs lta 'byin drug tshang ma phyan byed yin phyir de dag) la/ /dga' bas rjes su yi @010b rang ngo/ (/chos 'khor bskur bar bskyul ba/) phyogs rnams kun gyi sangs rgyas la/ /tha ma sbyar te gsol ba ni/ /sems can sdug bsngal mun 'thoms la/ /chos kyi sgron me sbar du gsol/ (/mya ngan las mi 'da' bar gsol ba/) rgyal ba mya ngan 'da' bzhed la thal mo sbyar te gsol ba ni/ /'gro 'di ldongs par mi 'god cing/ /bskal pa grangs med bzhugs par gsol/ (/spyir bsngo ba/) de ltar 'di dag kun byas te/ /dge ba bdag gis bsags pa gang/ /des (sems can kho na las rang la cung zad kyang mi bsngo ba/) ni sems can thams cad kyi/ /sdug bsngal thams cad bsal bar shog (/nad pa'i don du bsngo ba/) 'gro ba nad pa ji srid du/ /nad sogs gyur gyi bar du ni/ /sman dang sman pa nyid dag dang/ /de yi nad g.yog byed par shog (/nad pa'i nyam thag pas sron lam zar du mdzad pa'o/ /bkres skom sel ba'i don du bsngo ba/) zas dang skom gyi char phab ste/ /bkres dang skom pa'i gnod pa bsal/ /mu ge'i bskal ba bar ma'i tshe/ /bdag ni zas dang skom du gyur/ (/'dod dgu 'byung ba'i don du bsngo ba/) sems can phongs shing 'bul ba la/ /bdag ni mi zad gter gyur te/ /yo byad mkho dgu sna tshogs su/ /mdun na nye bar gnas gyur ci (/'di sems bskyed smon /lam gyi rnam pa can yin no/ /sbyin pa'i yan lag lus longs sogs gtod sems byang ba/) lus dang de bzhin longs spyod dang/ /dus sum dge ba thams cad kyang/ /sems can kun gyi don bsgrub phyir/ /phangs pa med par btang bar bya/ (/nges par gtong rigs pa'i rgyu mtshan btag bas myang 'das thob pa/) thams cad btang bas mya ngan 'da'/ /bdag blo mya ngan 'das pa bsgrub/ (/thams cad btang yang brnya @011a @#/ (/bas shA ri'i bus thugs bskyed dor/ dman par ltung bshes rab che yang mos pa dman pas so/ /sbyin pa'i zhing mchog la btang na legs pa/) thams cad gtong bar chab gcig la/ /sems can rnams la btang ba mchog (btang zin pas rang dbang gi blo dor ba) bdag gis lus can thams cad la/ /lus 'di ci bder byin zin gyis/ /rtag tu gsod dang smod pa'am/ /brdeg sogs ci dgar byed la rag (/de'i don rgyas bshad/ bdag gi lus la rtse byed dam/ /co 'dri gzhi'i rgyu byed kyang/ /bdag gi lus 'di byin zin gyis/ /'di yi kha tas (te bsrung skyabs sogs kyis) ci zhig bya/ (/rigs pa'i las byed du gzhug pa/) de la gnod par mi 'gyur pa'i/ /las gang yin pa'ang byed du chug (/gzhan phan 'ba' zhig gi rgyur smon pa/) bdag la dmigs nas nam du yang/ /'ga' yang don med ma gyur cig (/bsam pa chud mi za ba'i rgyur smon pa/) bdag la dmigs nas gang dag gis/ /khro'am (zhes pa nang 'brel te/ zhing rin po ches rgan mo'i zhing steng du rta rgyud kyang ma khro ba ngan 'brel kyang 'dzas ma thub pa las/ khong gis ngan 'brel 'jog phyir mdzad pa lta bu dang) dad pa'i sems byung na/ /de nyid rtag tu de dag gi /don kun 'grub pa'i rgyur gyur cig (/sbyor ba chud mi za ba'i rgyur smon pa/) gang dag bdag la kha zer ram/ /gzhan dag gnod pa byed pa'am/ /de bzhin phyir ka gtong yang rung/ /thams cad byang chub skal ldan gyur/ (/rang nyid gzhan gyi nyer mkho'i rgyur smon pa/) bdag ni mgon med rnams kyi mgon/ /lam zhugs rnams kyi ded dpon dang/ /brgal 'dod rnams @011b kyi gru dang ni/ /gzings dang zam pa nyid du gyur/ /gling (zhes mtha' chus bskor ba'i sa la zer/ 'dzam gling 'di ri 'bur tsam zhig gi steng na yod)/ don gnyer la gling dang ni/ /mar me 'dod la mar me dang/ /gnas mal 'dod la gnas mal dang; ;bdag ni lus can bran 'dod pa/ /kun gyi bran du 'gyur bar shog /yid bzhin nor dang bum pa bzang/ /rig sngags grub dang sman chen dang/ /dpag bsam gyi ni shing dag dang/ /lus can rnams kyi 'dod 'jor gyur// (dus dang byed las rgya che bar smon pa/) sa sogs 'byung ba chen po dang/ /nam mkha' bzhin du rtag par yang/ /sems can dpag tu med pa yi/ /rnam mang nyer 'tsho'i gzhir yang shog (/yul dus chad pa med par smon pa/) de bzhin nam mkha'i mthas gtugs pa'i; ;sems can khams la rnam kun tu/ /thams cad mya ngan 'das bar du/ /bdag ni nyer 'tsho'i rgyur yang shog /dngos gzhi byang chub kyi sems bzung ba/) ji ltar sngon (rje btsun 'jam dbyangs rgyal po nam mkhar 'khrungs dus thugs ji ltar bskyed pa ltar) gyi bde gshegs kyis/ /byang chub thugs ni bskyed pa dang/ /byang chub sems dpa'i bslab pa la/ /de dag rim bzhin gnas pa ltar/ /de bzhin 'grol phan don du/ /byang chub sems ni bskyed bgyi zhing/ /de bzhin du ni bslab pa la'ang/ (/rim pa bzhin zhes pa dper na/ lus 'ong ba ma goms par dngos su mi gtong ba lta bu) rim pa bzhin du bslab par bgyi/ (/mjug rang don grub pas dga' ba'i gzengs bstod pa/) de ltar blo dang ldan pa yis/ /rab dang byang chub sems bzung (sems yang yang skye ba mi 'gal bstod pa'i rnam thar lta bu/ sangs rgyas nas kyang sems bskyed @012a @#/ /bston pa/ ston pas ba spu'i khung bur skyes rabs bstan pa lta bu'o//) nas/ /mjug kyang rgyas bar bya ba'i phyir/ /sems ni 'di ltar gzengs bstod do/ /deng dus bdag tshe 'bras bu yod/ /mi yi srid pa legs par thob/ /de ring sangs rgyas rigs su skyes/ /sangs rgyas sras sud gyur to/ (/sems de rnyed nas bag yod bsgom pa/) de ni bdag gis ci nas kyang/ /rigs dang mthun pa'i las brtsams te/ /skyon med btsun pa'i rigs 'di la/ /rnyog par mi 'gyur de ltar bya/ (/rnyed dka'i sems rnyed pas dga' ba bsgom pa/) long bas phyag dar phung po las/ /ji ltar rin chen rnyed pa ltar/ /de bzhin ji zhig ltar stes nas/ /byang chub sems 'di bdag la skyes/ (/spro ba 'di'i nang na yang lam yongs rdzogs yod/ gzhan don sdug bsngal sel ba'i dpa' bo/) 'gro ba'i 'chi bdag 'joms byed pa'i/ /bdud rtsi mchog 'di yin no/ (/gnyis pa/) 'gro ba'i dbul bsel pa yi/ /mi zad gter yang 'di yin no/ (/gsum pa/) 'gro ba'i nad rab zhi byed pa'i/ /sman gyi mchog kyang 'di yin no/ (/bzhi pa; spyir srid pa'i sdug bsngal 'joms pa/) srid lam 'khyams shing dub pa yi/ /'gro ba'i ngal bse'i ljon shing yin/ (/khyad par ngan 'gro'i sdug bsngal 'joms pa/) 'gro ba thams cad ngan 'gro las/ /sgrol bar byed pa'i spyi stegs yin/ (/sgrib bsel nus pa'i dang po nyon sgrib sel ba/ 'gro ba'i nyon mongs gdung sel ba'i/ /sems kyi zla ba shar ba yin/ (shes sgrib kyi dngos gnyen min kyang/ 'di med na spong mi thub/ des na shes sgrib sel ba/) 'gro ba'i mi shes rab rib dag /dpyis 'byin nyi ma tshan po yin/ (phan pa @012b mtha' dag bsgrub pa/) dam chos 'o ma bsrubs pa las/ /bstan pa'i snying po) mar gyi nying khu phyung ba yin/ /bde ba mtha' dag bsgrub pa/) 'gro ba'i 'gron po srid pa'i lam rgyu zhing/ /bde ba'i longs spyod spyod bar 'dod pa la/ /'di ni bde ba'i mchog tu nyer gnas te/ /sems can 'gron chen tshim par byed pa yin/ (/gzhan dga' ba bskyed du gzhug pa/) bdag gis de ring skyob pa thams cad kyi/ /spyan sngar 'gro ba bde gshegs nyid dang ni/ /bar du bde la mgron du bos zin gyis/ /lha dang lha min la sogs dga' bar gyis/ /byang chub sems dpa'i spyod pa la 'jug pa las/ byang chub kyi sems yongs su bzung ba zhes bya ba ste le'u gsum pa'o// (//bag yod bsgom tshul mdor bsdus pa/) rgyal ba'i sras kyis de lta bur/ /byang chub sems rab brtan bzung nas/ /g.yel ba med par rtag tu yang/ /bslab las mi dga' 'bad par bya/ ! (/byang chub kyi sems 'dor mi rung ba'i rgyu mtshan/) bab col brtsams ba gang yin pa'am/ /gang zhig legs par ma brtags pa/ /de ni dam bcas byas gyur kyang/ /bya (rigs na) 'am (mi rigs na) btang zhes brtags pa'i rigs/ (/mod/) sangs rgyas rnams dang de yi sras/ /shes rab chen pos (sdong po bkod pa'i mdo la sogs par sems) gang brtags shing/ (/ste phan yon bsngags shing 'dir mi rung bar gsungs/ bdag nyid kyis kyang brtags brtags pa/ /de la bshol du ci zhig yod/ (/dor ba'i nyes dmigs gsum gyi dang po'i dang po ngan 'gror 'gro ba'i rgyu mtshan/) gal te de ltar dam bcas nas/ /las kyis bsgrub par ma byas na/ /sems can de dag kun bslus pas/ /bdag @013a @#/ /gi 'gro ba ci 'drar 'gyur/ (te ngan 'gro las ma 'das so/ ! /shes byed/) dngos po phal pa cung zad la'ang/ /yid kyis sbyin par bsam byas nas/ /mi gang sbyin par mi byed pa/ /de yang yi dwags 'gyur (bar dran nye las cung zad bsams nas ma sbyin na yi dwags/ dam bces nas ma sbyin na dmyal bar 'gro ba dang/ /de bzhin du 'gro bar rnam 'byed las kyang) gsungs na/ /bla na med pa'i bde ba la/ /bsam pa thag pas (skad gsang mthon pos) mgron gnyer nas/ /'gro ba thams cad bslus byas na/ /bde 'gror ji ga 'gro 'gyur ram/ ! /'gal spong/) mi gang (shA ri'i bu sogs kyis) byang chub sems btang yang/ /de dag thar bar mdzad pa ni/ /las tshul bsam gyis mi khyab ste/ /thams cad mkhyen pa kho nas mkhyen/ ! (/ltung blci bas gzhan don las nyams ba/) de ni byang chub sems dpa' la/ /ltung ba'i nang du lci ba ste/ (/sdud bar/ sems bskyed de ni phas pham bas kyang shin tu lci/ /sogs ltar ro/) /'di ltar de ni byung gyur na/ /sems can kun gyi don la dman// ! (gnyis pa/) gang gzhan skad cig tsam yang 'di'i/ /bsod nams bar chad gegs byed pa/ (/des de) sems can don la (nus pa) dman gyur (byas) pas/ /de yi ngan 'gro mu mtha' med/ ! (/de dag gi rgyu mtshan/) sems can gcig gi (srog gnas pa'i) bde ba yang/ /bshig na bdag nyid nyams 'gyur na/ /nam mkha' ma lus mtha' klas pa'i/ /lus can bde bshig smos ci dgos/ (sa thar ba la thag bsring ba/) de ltar ltung ba stobs ldan dang/ /byang chub sems stobs @013b ldan pa dag /'khor bar res kyis 'dre byed na/ (/ste las bzang ngan spel mas bde 'gro ngan 'gro res mos kyis) sa thob pa la yun ring thogs/ (bslab pa la bag yod bya ba'i dang po'i dang po sdig ltung ma spangs na ngan 'gro brgyud dgos pa/) de ltas ji ltar dam bcas bzhin/ / bdag gis gus pas bsgrub bar bya/ /deng nas brtson par ma byas na/ /'og nas 'og tu 'gro bar 'gyur/ ! (/skyob pas skyon med snyam na/ sangs rgyas sras bcas kyis btang snyoms mdzad pa/) sems can thams cad phan mdzad pa'i/ /sangs rgyas grangs med 'das gyur kyang/ /bdag ni rang gi nyes pas de'i/ /gso ba'i spyod yul ma gyur to/ (/phyis skyob snyam na/) da dung de bzhin bdag byed na/ /yang dang yang du'ang de bzhin te/ /ngan 'gror (gnas dgos pa dang/ bde 'gror skyes kyang/) nang dang 'ching ba dang/ / (yang na ngan 'gror nad sogs dang/ rkang lag sogs) bcad dang gshegs (pa) sogs myong bar 'gyur/ ! (/sems nyams na phyis 'khor lo bzhi ldan gyi dal 'byor dka' ba/) de bzhin gshegs pa 'byung ba dang/ (/sde snod gsum la) dad dang mi lus thob pa dang/ (dbang po tshang ba sogs) dge goms rung ba de lta bu/ /dkon na (sems gnyis la slob pa'i dal 'byor) nam zhig thob par 'gyur/ (/thob pa myur du 'jig pas 'bad dgos pa/) nad med nyi ma (ste gzas ma zin pa'i nyi ma ltar nad med pa'i lus 'di lta bur zhes sam nas med pa'i dus kyi nyi ma ste nyin zhag) 'di lta bu/ (/mthun rkyen) zas gos sogs dang) bcas ('gal rkyen) 'tshe ba med kyang ni/ /tshe ni skad cig bslu ba ste/ /lus ni thang cig brnyan po (ste g.yar po) bzhin/ ! (/ngan 'gror skyes na dge ba sgrub pa'i skabs med pa/) bdag gi spyod pa 'di 'dras ni/ / @014a @#/ /mi yi lus kyang 'thob mi 'gyur/ /mi lus thob par mgyur na/ /sdig pa 'ba' zhig dge ba med/ ! /gnyis pa/ gang tshe dge spyad skal ldan yang/ /dge ba bdag gis ma byas na/ /ngan song sdug bsngal kun rmongs pa/ /de tshe bdag gis/ (zhes zhi snyas long rang la gsungs kyang/ rar res rang la sbyar te bdag gis) ci byar yod/ ! /gsum pa/) dge ba dag kyang ma byas la/ /sdig padag kyang nyer bsags na/ /bskal pa bye ba brgyar yang ni/ /bde 'gro'i sgra yang thos mi 'gyur/ ! /lnga pa/ de nyid phyir na bcom ldan gyis/ /rgya mtsho cher g.yengs gnya' shing gi /bu gar rus sbal mgrin chud ltar/ /mi nyid shin tu thog dkar ('dul ba lung las) gsungs/ ! (/dge ba bsgom pa la bag bya ba'i dang po/) skad cig gcig byas sdig pas kyang/ /bskal par mnar med gnas 'gyur na/ /thog med 'khor bar bsags sdig gis/ /bde 'gror mi 'gro smos ci dgos/ (/de'i phyir stobs bzhi la 'bad par bya'o/ ! /gnyis pa/ de tsam kho na myong gyur nas/ /'di ni rnam thar mi 'gyur te/ /'di ltar de ni myong bzhin du/ (/sdig gsog pa la ngan 'gro stobs che ba dud 'gro'i khong khro songs kyis zhes/ des na/) sdig pa gzhan dag rab tu skye/! (/gsum pa la bzhi'i dang po rang gis rang bslus pa/) 'di 'dra'i dal ba rnyed gyur nas/ /bdag gis dge goms ma byas na/ /'di las bslus pa gzhan med de/ /'di las rmongs pa'ang gzhan med do/ ! (/gnyis pa/) gal te bdag gis sdig spong dge sgrubdgos pa/) de rtogs nas/ /rmongs bas phyis kyang sgyid lug na/ /'chi bar 'gyur @014b ba'i dus kyi tshe/ /mya ngan chen po ldang bar ''gyur/ ! (/gsum pa/) dmyal me bzod dkas (tsha dmyalna rgyud du clags sregs gzhir me khru gang 'bar ba/ zas po lum/ skom khro chu/ 'di rnams tsha dmyal zhu thun mong gi ste de ltas yun ring du/ /bdag gi lus la bsregs gyur na// 'gyod pa mi bzad me 'bar bas/ /sems gdung 'gyur ba gdon mi za/ ! (/bzhi pa sdig spong dge la 'bad rigs pa'i dang po/) shin tu rnyed dka' phan pa'i sa/ (/sa zhes pa gnas skabs/) ji zhig ltar stes rnyed gyur nas/ /bdag nyid shes dang ldan bzhin du/ / phyir yang dmyal ba der khrid na/ /sngags kyis rmongs par byas pa bzhin/ /bdag la 'dir sems med du zad/ ! (/gnyis pa rmongs pa'i rgyu bsam rigs pa/) cis rmongs bdag kyang ma shes te/ /bdag gi khong na ci zhig yod/ ! (/nyon mong spong pa la bag bya ba'i dang po'i dang po'i dang po rang dbang med par byed pa/) zhes sdang sred sogs dgra rnams ni/ /rkang lg la sogs yod min la/ /dpa' mdzangs min yang ji zhig ltar/ /de dag gis bdag bran bzhin byas/ ! (/gnyis pa/) bdag gi sems la gnas bzhin du/ /dga' mgur bdag la gnod byed pa/ /de la'ang mi khro bzod pa ni/ /gnas min bzod (nyon mongs pas dran bzhin byas kyang mi khro/ /sems can gyis phran bu byas pa la khor ba) smad pa'i gnas/ /gal te lha dang lha min rnams/ /thams cad bdag la dgrar langs kyang/ /de dag gis kyang mnar med pa'i/ /me nang 'khrid cing 'jug mi nus/ /nyon mongs stobs chen dgra 'dis ni/ /gang dang phrad na ri rab kyang/ / thal ba(dmyal mes dmyal ba pa kho rang thal bar mi byed pa bdag @015a @#/ ('bras sgrub lugs shig gis yin/) yang ni mi lus pa/ der dag skad cig gcig la 'dor/ ! (/gsum pa/) bdag gi nyon mongs dgra bo gang/ /dkus ring thog mtha' med pa ltar/ /dgra gzhan kun kyang de lta bur; ;yun ring thub pa ma yin no/ ! (/bzhi pa/) mthun par rim 'gro bsten byas na/ /thams cad phan dang bde byed na/ /nyon mongs rnams ni bsten byas na/ /phyir zhing sdug bsngal gnod pa byed/ ! (/gnyis pa bzod pa bsgom mi rigs pa la gnyis kyi dang po sems la gnod pa byed pa/) de ltar yun ring rgyun chags dgrar gyur pa/ /gnod pa'i tshogs rab 'phel ba'i rgyu gcig pu/ /bdag gi snying la nges par gnas 'cha' na/ /'khor bar 'jigs med dga' bar ga la 'gyur/ ! /gnyis pa lus la gnod pa byed pa/ 'khor ba'i btson ra'i srung ma dmyal sogs su/ /gsod byed gshed mar gyur pa 'di dag ni/ /gal te blo gnas chags pa'i dra ba ni/ /gnas na bdag la bde pa ga la yod/ ! (/gsum pa de gzhom phyir blo stobs bskyed pa/) de ltar ji srid bdag gis dgra 'di mngon sum du/ /nges par ma bcom de srid bdag 'dir brtson mi 'dor/ (bar 'bad bar rigs te/) re zhig gnod byed chung ngu (tshig rtsub tsam) la yang khros gyur pa/ /nga rgyal bdo rnams (dgra) de ma bcom par gnyid mi 'ong/ / (bar brtson par byed na bdag nyon mongs gzhom pa la brtson rigs so/ ! /dka' spyad la skyo mi rigs pa'i gsum gyi dang po/) rang bzhin 'chi bas(zhes lhag ma ro la gsod ba'o sogs lhar ro/) /sdug bsngal gyur ba'i nyon mongs (ba ste snying rje ba) dag /g.yul ngor dngar tshe (zhes par @015b Da TIka tu 'dar/ thogs 'grel na sngar zhes gsungs kyang/ mu tig greng ba las drangs tshe zhes pa btsan thabs su chags pa'i gsungs/) nan gyis gzhom par 'dod pa yang/ /mda' mdung mtshon gyis phog ba'i sdug bsngal khyad bsad nas/ /don ma grub par phyir phyogs 'byer bur mi byed na; ;rtag tu sdug bsngal kun gyi rgyur gyur pa/ /rang bzhin dgrar nges gzhom brtson bdag la deng/ (bkres skom sogs) sdug bsngal brgya phrag rgyur gyur gang gis kyang/ /yi chad sgyid lug mi 'gyur (brtson pa) smos ci dgos/ ! (/gnyis pa'i rang don phun tshogs kyi rgyu yin pas bzod rigs pa/) don med dgra yis rma srol btod pa (ste ched mdags rma bzos pa) yang/ /lus la rgyan dang 'dra bar bsrel (ba ste 'chang zhing ngom par) byed na/ /don chen (sangs rgyas/) sgrub phyir yang dag brtson gyur ba/ /bdag la sdug bsngal ci gyir gnod byed yin/ ! (/gzhan don phun tshogs kyi rgyu yin pas bzod rigs pa/) nya pa gdol pa (ste shan pa dang) zhing pa la sogs ba/ /rang gi 'tsho ba tsam zhig sems pa yang/ /grang dang tsha la sogs pa'i gnod bzod na/ /'gro ba bde phyir bdag lta cis mi bzod/ ! / (sngar dam pa ngas pa mthar phyin par byed dgos pa/) phyogs bcu nam mkha'i mthas gtums pa'i/ /'gro ba nyon mongs las bsgral bar/ /dam bcas gang tshe bdag nyid kyang/ /nyon mongs rnams las ma 'grol bar/ (gzhan don lta zhog rang don yang mi nus pas nyon mongs pa'i dbang du gyur te) bdag gi tshod kyang mi shes par/ /da dung 'gro ba mtha' dag sgrol bar) smra ba ji ltar smyon pa min/ ! (/nyon mongs gzhom pa la 'bad rigs pa'i dang po/) de ltas nyon mongs gzhom pa la/ /rtag tu phyir mi ldog par bya/ /'o/ (/nyon mongs kyi gnyen po @016a @#/ /'di la bdag gis zhen (pa ste ched du bstan par) bya zhing/ (/spang bya la) kho na du bzung nas g.yul sprad de/ (/gzhom par bya'o/) /rnam pa de 'dra'i (khon du 'dzin pa) nyon mongs pa/ (/ltar snang yang) nyon mongs 'joms byed (yin pas spang byar) ma gtogs so/ (/ste/ gnyen po'i phyogs las phar nyon mongs 'joms par byed pas so; ;!nam yang nyon mongs dbang du mi 'gyur ba la 'bad pa/) bdag ni bsregs te bsad gyur tam/ /bdag gi mgo bo bcad kyang bla'i/ /rnam pa kun tu nyon mongs pa'i/ /dgra la 'dud par mi bya'o/ ! (/spong nus pa'i sa bcad dang po/) tha mal dgra bo yul nas phyung yang ni/ /yul gzhan dag tu gnas shing yongs bzung nas/ /nus pa brtas nas de nas phyir ldog gi /nyon mongs dgra tshul de dang 'dra ma yin/ ! (/gnyis pa/) nyon mongs (rnams) nyon mongs (ba'i rang bzhin shes pa'i) shes rab mig gis spang/ (/spyan sngas/ nyon mongs lan gnyis brnyas tshig tu gsungs/) bdag yid las bsal gang du 'gro bar 'gyur/ /gang du gnas nas bdag gnod bya phyir 'ong/ ('on te) blo zhan (pa ste blo dman pa dag) bdag la (lan cig rtsa ba nas 'don pa'i) brtson pa med par zad/ ! (/gsum pa) nyon mongs rnams ni yul na (rang bzhin gyis) mi gnas (te dgra bcom pas gzugs mthong ba'i tshe nyon mongs mi skye ba bzhin) dbang (po'i) tshogs la min par na 'ang min/ /de las gzhan na'ang min na (lan cig byung nus na) de dag gar gnas 'gro ba kun gnod byed/ /'di ni sgyu 'dra de phyir snying la 'jigs spangs shes (rab bskyed nas nyon mongs spong @016b phyir brtson pa bsten/ ! (/de ltar nus bzhin) don med nyid du bdag la dmyal sogs rnams su ci ste gnod pa byed/ (/gong gi de rnams bsam pa dang/ don bsdu 'di lag len yin/) de ltar rnam (pa du mar) bsams (la sngar) ji skad bshad pa yi/ /bslab pa bsgrub pa'i ched du 'bad par bya/ /sman pa'i ngag ma mnyan na sman dag gis/ /bcos dgos nad pa sos pa ga la yod/ /byang chub sems dpa'i spyod pa la 'jug pa las/ /bag yod bsten pa zhes bya ba ste le'u bzhi pa'o// // (spyi'i rnam gzhag gis bcad dang po gnyis dang/ gsum pa la phyin drug gi grangs dang go rim rgyu ngo bo ming don 'bras bu sogs lam rim ltar shes dgos/ dang po sems bsrungs pas thams cad bsrung bar 'gyur ba/) bslab pa bsrung bar 'dod pa yis/ /rab tu bsgrims nas sems (phyin ci log gi yul du g.yo ba las) bsrung ste/ /sems 'di bsrung bar ma byas na/ /bslab pa bsrung bar yong mi nus/ /sems kyi glang po yan btang bas/ /mnar med gnod pa byed pa ltar/ /glang chen ma thul myos pa yis/ /'di na de 'dra'i gnod mi byed/ /kun nas dran pa'i thag pa yis/ /sems kyi glang po dam btags na/ (/tshe 'di phyi'i) 'jigs pa thams cad med 'gyur zhing/ /dge ba thams cad lag tu 'ong/ /stag dang seng ge glang chen dred/ /sprul dang dgra rnams thams cad dang/ /sems can dmyal ba'i srung ma dang/ /byad ma de bzhin srin po rnams/ /sems 'di gcig pu (dge ba'i dmigs pa la dran pa'i thag pas) btags pa yis/ /de dag thams cad btags par 'gyur/ (/stag seng sogs kyis byang chub kyi sems yod pa la gnod pa mi byed @017a @#/ /pa slob dpon seng ge bzang po'i lo rgyus bzhin no/) /sems 'di gcig pu btul ba na/ /de dag thams cad thul bar 'gyur/ ! (/rgyu mtshan la gnyis kyi dang po/) 'di ltar 'jigs pa thams cad dang/ /sdug bsngal dpag tu med pa yang/ (/sems nyid kyis ni sems can 'jig rten dang/ /zhes sogs ltar) sems las byung ba yin no zhes/ /yang dag gsung ba nyid kyis (dkon mchog sprin dang/ chos yang dag par sdud pa'i mdo las) bstan/ /sems can dmyal ba'i mtshon cha rnams/ /su zhig gis ni ched du byas/ /lcags sreg sa gzhi su yis byas/ (/shal ma ri'i steng 'og tu sngar 'dod log spyad pa'i) mo (bud med kyi) tshogs de dag (rgyu gzhan) ci las byung/ /de 'dra de dag thams cad kyang/ /sdig sems (las byung ba) yin par thub pas (dran nye las) gsungs/ (/bod snga rabs bas chos thams cad sems yin zer yang rje rin po ches sems kyi bdag nyid las/ sems yin mi gsung ngo/) /de ltar 'jig rten gsum po na/ /sems las 'jigs pa gzhan 'ga' med/ ! / (yon tan sems la rag lus pa la drug gi dang po/) gal te 'gro ba dbul bor bas/ /sbyin pa'i pha rol phyin yin na/ /da dung 'gro bkren yod na sngon/ /skyob pa ji ltar pha rol phyin/ /bdog pa thams cad 'bras bcas te/ /skye bo kun la gtang sems kyis/ /sbyin pa'i pha rol phyin gsungs te/ /de ltas de ni sems (la rag lus pa) nyid do/ ! (/tshul khrims la gnyis kyi dang po/ nya la sogs pa gang zhig tu/ /de dag gsod mi 'gyur bar bskrad/ (/pa ste skrod mi nus so/ /gnyis pa/ 'tshe ba dang ma byin len sogs) spong @017b ba'i sems ni (goms pa rdzogs pa) thob pa las/ /tshul khrims pha rol phyin par bshad/ ! (/bzod pa/) sems can mi srun nam mkha' bzhin/ /de dag gzhom gyis yong (yo gtan) mi lang/ /khro ba'i sems 'di gcig bcom na/ /dgra de thams cad choms dang 'dra/ (/bar bzod pa rdzogs kyi/ gzhan du dper na) sa steng 'di dag gos g.yog tu/ /de snyed ko bas ga la lang/ /lham mthil tsam gyi go bas ni/ /sa steng thams cad g.yogs dang 'dra/ /de bzhin phyi rol (gnod byed kyi) dngos po yang/ /bdag gis phyir bzlog mi lang gi /bdag gi sems 'di phyir (khong khro) bzlog bya'i/ /gzhan rnams bzlog go ci zhig dgos/ ! (/brtson 'grus/ lus ngag dang ma 'brel ba'i) sems gsal (bo snyoms 'jug gis bsdus pa) gcig bskyed 'bras bu gang/ /tshangs la sogs pa yin pa ltar/ (/sems stobs ldan dang ma 'brel na) lus ngag bcas pa'i 'bras bu yang/ (/spro ba chung zhing) spyod pa zhan pas de lta min/ ! (/bsam gtan/) bzlas brjod dang ni dka' thub kun; ;yun ring dus su spyad byas kyang/ /sems gzhan g.yengs pas byas pa ni/ /de nyid rig pas don med gsungs/ ! /shes rab/ gang gis chos kyi gtso bo ('am don po) mchog /ste chos kyi 'gag mdo) sems kyi gsang (ste sems kyi chos nyid dam stong nyid) 'di ma shes na/ (/thar pa'i) bde (ba) thob (pa dang 'khor ba'i) sdug bsngal gzhom 'dod kyang/ /de dag don med gyi nar (rang dgar) 'khyams/ ! (/gsum pa sems bsrung ba la 'bad pa/) de ltas bdag gi sems 'di ni/ / @018a @#/ /(dran shes kyis) legs bzung/ (mi nyams par) legs par bsrung bar bya/ /sems bsrung brtul zhugs ma gtogs pa/ (kha ton sogs) brtul zhugs mang pos ci zhig bya/ /ma drangs dral ba'i (ste skye bo ched bar can gyi) khrod (lus la rma yod pa zhig) gnas na/ /bsgrims te rma yi bag byed bzhin/ /skye bo ngan khrod gnas pas kyang/ /sems kyi rma 'di rtag tu bsrung/ (/ma drangs drol ba la bshad tshul mang yang/ dar DI ka ltar na ma drangs pa ma dul ba/ drol ba ni byung rgyal bag med/ yang ma drangs pa shed ma bye ba la sbyar ba yod/ sde dge bu rtsa rtsed mo rtse ba'i nag zhes so/ /lus kyi rma la sdug bsngal yod pas bsrung gi /sems kyi rma la sdug bsngal med snyam na/) rma yi sdug bsngal chung ngu yis/ /skrag pa'ang rma yi bag byed na; ;bsdus 'joms ris 'joms skrag pa dag /sems kyi rma lta cis mi srung/ /spyod pa 'di 'dras gnas byed na/ /skye bo ngan pa'i khrod gnas sam/ /bud med (sdug pa'i gnas brgyad dang g.yo sgyu so gnyis dang ldan pa'i) khrod na gnas kyang rung; /sdom brtson brtan pa nyams mi 'gyur/ /bdag gi rnyed dang bkur sti dang/ /lus dang 'tsho ba med bla zhing/ /dge ba gzhan yang nyams bla yi/ (/dge) sems (khyad par can) ni nam yang nyams mi bya/ ! (/sems srung tshul mdor bstan/) sems bsrung 'dod pa rnams la ni/ /dran pa dang ni shes bzhin dag /thams cad 'bad pas srungs shig ces/ /bdag ni de ltar thal mo sbyor/ ! /nad kyis dkrugs pa'i mi dag ni/ /las rnams kun la mthu med pa/ / @018b de bzhin rmongs pas sems dkrugs pa/ (/dge ba'i) las rnams kun la mthu med do/ /shes bzhin med pa'i sems ldan pa'i/ /thos dang bsam dang sgom (pa'i shes rab sngar yod) pa yang/ /glo rdol bum pa'i chu bzhin du/ /dran pa la na de mi gnas/ (/rkyen dam pa) thos ldan (rgyu dam pa) dad pa can dang ni/ (/sbyor ba dam pa) brtson pa lhur len du ma yang/ /shes bzhin med pa'i skyon chags pas/ /ltung ba'i rnyog dang bcas par 'gyur/ /shes bzhin med pa'i chom rkun (nyon mongs) dag /dran pa nyams pa'i rjes 'brang bas/ /bsod nams dag ni nyer bsags kyang/ (/nar yad kyang) rkun pos phrogs bzhin ngan 'gror 'gro /nyon mongs chom rkun tshogs 'di ni/ /glags (te 'jug pa'i skabs (sam dus) tshol bar byed pa ste/ /glags rnyed gyur nas dge 'phrog cing/ /bde 'gro'i srog kyang 'joms par byed/ ! (/gnyis pa shes bzhin b srung ba'i thabs su dran pa bsrung ba/) de bas dran pa yid (kyi khyim du bcug nas de'i sgo nas; ;gud du nam yang mi gtong ngo/ /song na'ang ngan 'gro'i gnod pa dag /dran par byas te nye bar bzhag (/dran pa bsrung ba'i thabs phyi'i rkyen) bla ma dang ni 'grogs pa las/ (/dran pa skye ste) mkhan pos ('jug ldog) rjes su bstan pa dang; (;ngo tsha shes pa dang/ gzhan gyis smad dogs pa'i) 'jigs pas skal ldan (bslab pa la) gus byed la/ /dran pa bde blag nyid du skye/ (/'dul ba'i gnas bla ma la brten dgos pa yang des yin no/ /nang gi rkyen) sangs rgyas byang chub sems dpa' dag /kun tu @019a @#/ /thogs med gzigs par ldan/ /de dag thams cad spyan snga na/ /rtag par bdag ni gnas so zhes/ /de ltar bsams nas ngo tsha dang/ /gus dang (rnam smin la 'jigs ldan de bzhin ma nos/ (/te gnas pa'i don no/) /des ni sangs rgyas rjes dran pa'ang/ /de la yang dang yang du 'byung/ (/'chi dus mchog gsum rjes dran yod na ngan 'gror ltung mi srid/)gang tshe dran pa yid sgo nas/ /bsrung ba'i don du gnas gyur a/ /de tshe shes bzhin 'ong 'gyur zhing/ / song bdag kyang phyir 'ong 'gyur/ ! (/sgo gsum gyi kun spyod dag par bya ba/) re shig dang por (kun slong brtaD nas) 'dra'i sems/ /'di ni skyon bcas shes byas nas/ /de tshe bdag gis shing bzhin du/ (/zhes shing mig sogs dbang po dang bral bas gzugs sogs yul mi 'dzin pa ltar dbang po bsdoms nas rnam rtog nang du bsdus pa'i don du mkhas pa bus gsungs pa ltar) zungs thub par ni gnas par bya/ (/don dang bcas pa'i lta ba 'gog pa min par) don med g.yeng par lta ba ni/ /nam yang bdag gis mi bya ste/ /nges par sems pas rtag tu ni/ /mig ni phab ste blta bar bya/ (/de las dmigs bsal ngal bso phyir) lta ba ngal bso'i ched du ni/ /res 'ga' phyogs su blta bar bya/ /'ga' zhig mig lam du snang gyur na/ /'phya ba dang ma dad pa 'gog ched du 'dzum pas) bltas nas 'ongs pa legs zhes brjod/ /lam sogs 'jigs pa brtag pa'i phyir/ /yang dang yang du phyogs bzhir blta/ /ngal bsos kha ni phyir bltas nas/ /rgyab kyi phyogs su (rdzas la sogs par) blta bar bya/ /mdun dang rgyab tu (g.yangs yod med) brtag byas nas/ / @019b 'gro'am yang na 'ong bya ste/ (/rkang pa 'di gnyis kyi don 'gro yin bltas na rgod pa'i nyes par 'gyur bas ngal bso ste blta ba'o/ /de dag gis mig gis blta ba sogs dang 'brel ba'i bslab bya bstan nas de bzhin du lus dag la sbyar ba/) de ltar gnas skabs thams cad du/ /dgos pa shes nas spyad par bya/ (/gnas pa'i kun spyod la brtag a/) lus kyis 'di ltar gnas bya zhes/ /bya ba bsgogs nas de nas ni/ /skabs su lus 'di ji lta bur/ /sngar bsams pa bzhin) gnas pa yin zhes blta bar bya/ (/tshig bcad 'dis lus dngos su btan ma yid ngag shugs la bstan/ lus kyi gnas 'dug bstan nas za nyal 'gro shugs la bstan/ ngag gis 'di ltar smra bya zhes/ /zhes dang/ yid kyis 'di ltar bsam bya zhes/ /sogs don pa bsgyur/) sems kyi glang chen myos pa ni/ /chos la sems pa'i ka chen la/ /ji ltar btags pa mi 'chor bar/ /de ltar 'bad pa kun gyis brtag /ci nas ting 'dzin brtson pa ni/ /skad cig gcig kyang mi 'chor bar/ /bdag gi yid 'di (bya ba ma yin pa'i cha) gar spyod ces/ /de ltar yin la so sor brtag (/'di gnyis ni tshul khrims dang ting 'dzin sgrub byed do/ /dgra sogs) 'jigs dang (mchod sogs) dga' ston (gzhan don) sogs 'brel bar/ (/byang chub sems dpa'i bag yangs gnang ba/) gal te (sems rtse gcig gnas) mi nus kyang ci bder bya/ (/bar gnang ste blo gros mi zad pa'i mdo las/) 'di ltar sbyin pa'i dus dag tu/ / tshul khrims (phra mo bsgrub mi nus pa rnams) btang snyoms bzhag par gsungs/ (/mi 'jigs pa'i sbyin pa'i don du rdzun spong pa'i tshul khrims btang snyoms bya ba lta bu/ 'o na sbyin pa las tshul khrims mi gtso 'am zhe na/ bden mod/) gang zhig (dang por) bsams te byar brtsams pa/ / @020a @#/ /de las gzhan du (sgrub par) mi bsam ste/ (/dang por) der (yid) gtod pa yi bsam pa yis/ (/las) de nyid re zhig (dang por) bsgrub par bya/ (/go rim nges can du brtsams pa/) de lta na ni kun legs byas/ /gzhan du (sngar khas blangs pa dang phyis dam bcas pa) gnyis kar (mthar phyin par) mi 'gyur ro/ (/slob tshul go rim de ltar shes na) shes bzhin ma yin nye nyon mongs/ /de lta na ni 'phel mi 'gyur/ ! (/gnyis pa nyams pa bsrung ba ni/ bre mo'i gtam ni sna tshogs dang/ /ngo mtshar ltad mo rnam mang po/ (/dgos pa'i don du) kun la 'jug par gyur (dgos) pa na/ /de la chags pa spang bar bya/ /dge slong min kyang don med sa rko rtsa gcod dang/ /sa ris 'dri sogs byed gyur na/ / bde gshegs bslab pa dran byas nas/ /skrag pas de yi mod la dor/ /gang tshe bskyod par 'dod gyur tam/ /smra bar 'dod par gyur na yang/ /dang por rang gi sems brtags nas/ (/sems ) brtan pas (ji ltar) rigs pa ldan par bya/ /gang tshe rang yid chags pa dang/ /khro bar 'dod pa de yi tshe/ /las su mi bya smra mi bya/ /shing (gi mi) bzhin du ni gnas par bya/ (/de ltar byas na de dag rang yal la 'gro/) rgod (de yul la 'phye ba/) dang gzhar bzhad gad bcas pa'am/ /gal te nga rgyal rgyags pa ste rang gi ngor rgyags pa/ dper na yon tan yod chog bsam pa lta bu dang) ldan pa'am/ /mtshang 'bru ba yi bsam pa dang/ /gal te skyor 'byin (te chog mi shes par khe tshol ba'am/ /gzhan gyi rjes brjod skyor te sun 'byin pa la bshad/ skyor 'byin bslu sems gcig tu bshad @020b ba'ang yod gsungs/) bslu sems sam/ /gang tshe bdag bstod lhur len pa'am/ /gzhan la smong pa nyid dang ni/ /gshe bcas (rtsod) 'gyed dang bcas gyur pa/ /de tshe shing bzhin gnas par bya/ /rnyed dang bkur sti grags 'dod pa'am/ g.yog 'khor don du gnyer 'dod pa'am/ /bdag sems (la zhabs tog) rim gro 'dod gyur na/ /de tshe shing bzhin gnas par bya/ /gzhan don yal bar 'dor ba dang/ /rang don gnyer bar 'dod pa dang/ /smra bar 'dod pa'i sems byung na/ /de tshe shing bzhin gnas par bya/ (/khro ba dang sdug bsngal sogs) mi bzod le lo('i dbang gis dge la) 'jigs pa dang/ /de bzhin ham phod che ba'i) spyi brtol kha nas gang thon smra ba mu cor dang/ /rang gi phyogs zhen sems byung na/ /de tshe shing bzhin gnas par bya/ /de ltar kun nas nyon mongs dang/ /don med brtson pa'i yid brtags nas/ /de tshe dpa' bos gnyen po yis/ /de ni bya ba ngan pa la 'jug par mi 'gyur bar) brtan par gzung bar bya/ /shin tu nges dang rab dad dang/ (/bsam sbyor je) brtan dang gus dang zhe sar bcas/ /ngo tsha shes dang 'jigs bcas dang/ /zhi zhing gzhan dga' byed la brtson/ /gcig mgu/ cig shos khro ba'i phan tshun mi mthun byis pa yi/ /'dod pa 'gal ba rnams kyis mi skyo zhing/ /nyon mongs skyes pas 'di dag gi /sems 'di byung snyam brtser ldan dang/ /kha na ma tho med dngos la/ /bdag (rang mi nyams pa) dang sems can/ (la phan pa'i) dbang byas shing/ (/sgyu ma) sprul pa bzhin du nga @021a @#/ /rgyal mad par/ /yid 'di rtag tu gzung bar bya/ /ring zhig lon nas dal ba'i mchog /thob pa yang dang yang bsams nas/ /sems de lta bu ri rab ltar/ /rab tu mi g.yo gzung bar bya/ ! /dge ba chos sdud la gnyis kyi/ lus la chags pa spang ba/ bya rgad sha la chags pa yis/ /phan tshun kun tu bshal drud byed cing khrid kyang/ /yid khyod mi dgar mi byed na/ /da lta ci phyir kha ta ste bsrung zhing phyir 'chos par byed/ /lus 'di bdag gir bzung byas nas/ /yid khyod ci phyir srung bar byed/ /rang nyid la mkho bas bzung ngo snyam na/ khyod dang lus 'di gnyis 'dor res kyis so so na/ /des ko khyod la ci zhig bya/ /ste 'di god pas khyod la ci zhig god/ rmongs pa'i yid kyis bdag med la bdag tu bzung bas khyod ci yi phyir/ /shing gi gzugs gtsang ma zhig la bdag gir gzung par mi byed/ /mi gtsang tshogs kyi 'khrul 'khor 'di/ /rul ba bsrungs te ci zhig rung/ /snying pa cung zad yod pas bsrung ngo snyam na/ thog mar pags pa'i rim pa 'di/ /rang gi blo yid tha dad phye/ / sha yang rus pa'i drwa pa las/ /shes rab mtshon gyis gud du phye/ /rus pa rnams kyang dbye byas nas/ /rkang gi bar du blta bya zhing/ /'di la snying po ci yod ces/ /bdag nyid kyis ni brtag par gyis/ /de ltar 'bad de btsal kyang der/ / khyod kyis snying po ma mthong na/ /da dung ci phyir chags tshul gyis/ /khyod ni lus 'di srung bar byed/ /nyer mkho cung zad yod pas bsrung do snyam na/ khyod gyis mi gtsang bzar mi rung/ /khrag kyang btung du mi rung la; /rgyu lto'ang gzhib tu mi rung @021b na; ;lus kyis khyod la ci zhig bya/ /nyis na wa dang bya rgod kyi/ /zas kyi don du 'di bsrung rigs/ /lus 'di ngo bo'i sgo nas snying po med mdo/ mi'o cog gi lus 'di ni/ /gson pa'i rang la bkol bar bya ba nyid du zad/ /kyi chags par mi rigs so/ /'di ltar khyod kyis bsrungs kyang ni; ;'chi bdag brtse ba med pa yis/ /phrogs te bya dang khyir byin na/ /de tshe khyod kyis ci byar yod/ /de bas de yi sngan la rang gis dge ba la bkol rigs so/ /zas gos tsam gyis bskyang ngo snyam na/ bran g.yog bkol du mi btub la'ang/ /gos la sogs pa mi sbyin na/ /lus 'di zas kyis bsnyod de gsos kyang sems bzhag nas gzhan du 'gro na/ /khyod ko ci ste sha thang thang du gso/ /'di la gla rngan pyin nas ni/ /da ni rang gi don byed chub /phan pa med par 'di la ni/ /thams cad sbyin par mi bya'o/ /'gro dang 'ong ba'i rten tsam du/ /lus la gru yi blo bzhag ste/ /sems can rnams don bsgrub pa'i phyir/ /yid bzhin gyi ni lus su bsgyur/ ! /gnyis pa dge ba sgrub pa la mkhas par bya ba ni/ de ltar rang dbang yod pa'i da lta mi lus thob skabs mi sgrub na dud 'gror skyes na ma Ni 'don pa'i kha/ phyag 'tshal ba'i lus/ chos nyan pa'i rna ba/ gsung rab pa lta ba'i mig sogs gang yang med/ yod dus 'bad gyis te/ /rtag tu gzhan la 'dzum pa'i bzhin du gyis/ /khro gnyer ngo zum yongs dor thong ste; ;'gro ba'i mdza' bshes dang gsong por gyis/ /khri la sogs pa bab col du/ /sgra dang bcas par mi dor ro/ /sgo yang drag tu mi dbye ste/ /'gro 'dug sogs byed tshe rtag tu gcom ste smra pa'am sgra skyung ste chung du'am med par dga' @022a @#/ /bar gyur ba'i spyod lam zhi dul bya/ /chu skyar byi la chom rkun dag /sgra med 'jab cing 'gro ba yis/ /mngon par 'dod pa'i don sgrub pa/ /thub pas rtag tu de bzhin spyad/ /gzhan la gzhen bskul 'debs mkhas shing/ /rang gis ma bcol phan par byed pa'i ngag /gus pas spyi bor blang gyis te/ /rtag tu rang la legs par 'doms pa kun gyi slob mar gyur/ /par bya'o/ /legs par smras pa thams cad la/ /dge bar gsungs zhes brjod par bya/ /bsod nams byed pa mthong gyur na/ /bstod pas legs par dga' ba bskyed/ /lkog na yon tan brjod bya zhing/ /gzhan gyis grogs sogs gzhan gyi yon tan brjod na rang gis kyang rjes su brjod/ /rang gi yon tan brjod na rang la yod med brtag nas yod na yon tan la yon tan du shes pa yod snyam nas de/ /yon tan shes bzhig red ces shes par rig par bya/ /zhing med na sgrub thabs la 'bad/ rtsom pa thams cad dga' phyir te/ /de ni rin gyis nyo na'ang dkon/ /de ltas gzhan dga' bar byas pa'i yon tan gyis/ /tshe 'di la'ang dga' ba'i bde ba spyad par bya/ /bdag la tshe 'dir god pa'am zad pa yang yod ste gtan med la/ /pha rol tu yang 'bras bu bde ba che; ;gzhan yon la phrag dog gi nyes pas mi dga' sdug bsngal zhing/ /pha rol tu yang sdug bsngal che/ /smran yid phebs 'brel ba dang/ /don gsal yid du 'ong ba dang/ /chags dang zhe sdang spangs pa dang/ /'jam zhing ran @022b par smra bar bya/ /mig gis sems can lta na yang/ /'di dag nyid la brten nas bdag /sangs rgyas nyid du 'gyur ro zhes/ /drang zhing byams pa'i tshul gyis blta/ /ba las mig log mi blta/ than dud 'gros kyang shes te/ khyi ltar ro/ /dus kyi khyad par/ rtag par bsam pa'i khyad par 'dun pa drag po'i mngon zhen gyis kun nas bslang pa'am/ /gnyen po yis ni bslang pa nyid/ /gyis/ zhing gi khyad par yon tan dang ni phan 'dogs zhing/ /sdug bsngal ba la dge chen 'gyur/ /blang dor mkhas shing dad dang ldan byas nas/ /dag pa'i las rnams bdag gis rtag tu bya/ /las rnams kun la rang gi g.yog rang gis ma thub nas a tsa ra ma nu ltar dgos/ su la yang/ /ltos par bya ba ma yin no/ sbyin pa'i pha rol phyir la sogs/ /gong nas gong du khyad zhugs spyad/ /chung ngu'i phyir ni che mi gtong/ /gtso cher gzhan gyi don bsam mo/ ! /sems can don byed kyi tshul khrims kyi dang po gzhan don lhur blangs pa/ de ltar rig byas gzhan don la/ /rtag tu brtson par gnas par bya// 'o// des na rang la lhung bas gos so snyam na/ thugs rje mnga' ba ring gzigs pas/ /bkag pa rnams kyang de la gnang/ /bkag pa gcang zhes pa de'i gzhi gnang yang mi dge ba de ma gnang/ mi nag mdung thung can bsad pas tshogs rdzogs zer ba min no/ ! /gnyis pa rang nyes pas mgos par gzhan bsdu ba la bslab tshul ni/ log par ltung ba yi dwags dud 'gro dang mgon med dang/ /brtul zhugs gnas la bgo bsha' bya zhing/ /rang btsam du bza' bya ste/ /chos gos gsum ma gtogs pa sbyin/ /dam pa'i chos ni spyod pa'i lus/ / @023a @#/ /phran tshogs ched du gnod mi bya/ /de ltar byas na sems can gyi/ /bsam pa myur du rdzogs par 'gyur/ /snying rje'i bsam pa ma dag par/ /lus 'di gtang bar mi bya ste/ /ci nas 'di dang gzhan du yang; ;don chen sgrub pa'i rgyur gtang ngo/ /snying rje'i bsam pa dang pa'i tshad mdo las lhag bsam dag pa'i sems bskyed nas gsungs/ chos dang chos smra ba la bsam pa ma gus pa la chos mi bshad/ /spyod lam/ mi na bzhin du mgo dkris pa dang/ /gdugs dang 'khar ba mtshon thogs dang/ /mgo bo g.yogs pa dag la min/ /dman la zab dang rgya che dang/ /skyes pa med par bud med min/ /dman nyan thos dang mchog theg chen gi chos rnams la/ /bzang ngan mtshungs par gus pas kun tu spyad/ /rgya chen chos kyi snod gyur pa/ /dman pa'i chos la sbyar mi bya/ /sdom pa'i tshul khrims ni/ spyod pa yongs su 'dor mi bya/ /spyod pa'i snod du rung ba'i tshe mdo klog /sngags bzla ba'i mdo dang sngags kyis 'dri de bslu mi bya/ ! /gsum pa gzhan gyi sems bsrung zhing nyes pas ma gos pa'i spyod pa la bslab pa/ so shing dang ni mchil ma dag /dor pa na ni dgab par bya/ /gci la sogs pa'ang longs spyod pa'i/ /chu dang thang la dor ba smad/ /kha ra shong tshad du bkang ba dang cag cag sogs sgra bcas dang// kha gdangs nas ni bza' mi bya/ /za stangs nyes na kha gang la ltung ba nyi shu tsam re 'byung/ bsrung dka' na u hu lags zer dus dran dgos gsungs/ rkang pa brkyang ste mi 'dug cing/ /lag pa gnyis dus gcig tu mnyam par mi mnye'o/ /bzhon pa mal stan gnas @023b dag tu/ /khyim pa byang chub sems dpas kyang nye du min pa'i bud med gzhan dang lhan gcig tu gnas mi bya/ /'jig rten ma dad gyur pa kun/ /mthong dang dris te spang bar bya/ /lam ston pa sogs kyi tshe mdzub mo gcig bsgreng ba'i sor mos brda ni mi bya ste// gus dang bcas pas g.yas pa yi/ /lag pa dag ni kun gyis kyang/ /lam yang de ltar bstan par bya/ /dgos med du lag pa shas cher drag pos bskyod par bya ba min te/ /cung zad bskyod pa la sgra bsgregs pa/ /dang/ se gol la sogs brda bya ste/ /gzhan du ma bsdams par 'gyur ro/ /mgon po mya ngan 'das gzims ltar/ /'dod pa'i phyogs su nyal bar bya/ /nyal tshe dran dang shes bzhin bsten nas myur du ldang sems la/ /thog ma nyid du nges par sbyar/ /byang chub sems dpa'i spyod pa dag /tshad med par ni gsungs pa las/ /sems sbyong ba yi spyod pa ni/ /nges par spyod pa mtha' dag nyams su len nus pa de srid spyad par bya/ ! /bzhi pa bslab pa phun sum tshogs par byad pa'i thabs ni/ nyin dang mtshan mo lan gsum du/ /phung po gsum pa rje rin po ches bya bral la phebs nas sgom thag gyin nas sgom ma mdzad par bsag sbyang mdzad pa 'di nyams su bzhes pa yin/ de skabs dag pa rnam brgyad la phal chen gsungs/ gdon bya zhing/ /rgyal dang byang chub sems brten nas/ /ltung ba'i lhag ma des bzhi bya/ /ltung ba'i lhag ma zhes pa 'grel pa na med kyang rtsa ltung min pa'i ltung ba la byed dgos/ rang ngam gzhan gyi dbang yang rung/ /gnas skabs gang du ci spyod kyang/ /bslab par gsungs pa gang yin pa'i/ / @024a @#/ /gnas skabs de la 'bad de bslab/ /gdul bya rigs can gsum ka rjes su 'dzin dgos pas theg pa gsum gyi lam shes la bslab dgos/ rgyal sras rnams kyis mi bslab pa/ /shes bya de ni gang yang yod min te/ /de ltar gnas pa'i mkhas pa la/ /bsod nams mi 'gyur gang yang med/ /dngos sam ste skyes bu dam pas dngos su bslab/ las dang po bas ri khrod du brgyud nas bslab dgos/ yang na brgyud kyang rung/ /sems can don las g+hzan mi spyad/ /sems can kho na'i don gyi phyir/ /thams cad byang chub phyir bsngo'o/ /rtag par dge ba'i bshes gnyen ni/ /theg chen don la mkhas pa dang/ /byang chub sems dpa'i brtul zhugs sdom mchog de/ /srog gi phyir yang mi gtong ngo/ / khye'u dpal 'byung ba yi sa gzhon nu nor bzang la gdams pa'i rnam thar las/ /bla ma bsten pa'i tshul ltar bslab/ /bslab bya/ 'di dang sangs rgyas bka' stsal gzhan/ /mdo sde bklags nas shes par bya/ /mdo sde rnams las bslab pa snang/ /de bas mdo sde bklag par bya/ /nam mkha'i snying po'i mdo sde ni/ /thog ma nyid du blta bar bya/ /gang phyir rtag tu spyad pa ni/ /de las rgya cher rab ston pas/ /bslab pa kun las btus pa yang/ /nges par yang dang yang du blta/ /yang na re zhig mdor bsdus pa'i/ /mdo rnams kun las btus pa blta/ /'phags pa klu sgrub kyis mdzad pa'i/ /gnyis po'ang 'bad pas blta bar bya/ /klu sgrub kyi de gnyis su mi gsal ba rnams 'dir gsal/ jo bo bod du mdo sde bltas @024b med pas nga yi dad pa nyams song gsung/ dpe blta ba dad pa 'phel ba gnad du 'gro ba dgos/ mi mthun pa btsal na the tshom dang log lta'i sa bon mang po 'jog gsungs/ gang las gang ni ma bkag pa/ /'dul ba mdor bsdus sbyar/ de nyid sbyad par bya ba ste/ /'jig rten sems ni bsrung ba'i khyir/ bslab pa mthong nas yang dag spyad/ ! /gnyis pa mjug bsdu ba/ lus dang sems kyi gnas skabs la/ /yang dang yang du brtag bya ba/ /'di nyid khon mdor na ni/ /zhe bzhin bsrung ba'i mtshan nyid do/ /lus kyis 'di dag spyad bar bya/ /tshog tsam brjod pas ci zhig 'grub/ /sman dpyad bklags pa tsam gyis ni/ /nad pa dag la phan 'gyur ram/ /byang chub sems dpa'i spyod pa la 'jug pa las/ shes bzhin bsrung bar bya bste le'i lnga pa'o// /byang chub sems dpa' tang na la mi khro ba'i sems bzang po dgos pas 'dir dmigs su bkar nas bzod pa rgyas par gsungs/ byang sems tsam ma zang dge slong la yang khrims nyis brgya lnga 'dru rtsa gsung ma gsungs bar dag sbyong gi chos bzhi gsungs/ khong khro'i nyes dmigs bsal sa mthong pa'i nyes dmigs ni/ bskal ba stong du bsags pa yi/ /sbyin dang bde gshegs mchod la sogs/ ;legs spyad gang yin de kun kyang/ /khong khro gcig gis 'joms par byed/ /bskal ba brgya stong gi dge rtsa gcod ba'i khong khro'i yul la byang sems dgos par gsungs/ zhe sdang lta bu'i sdig pa med/ /bzod pa lta bu'i dka' thub med/ /de bas bzod lan na tan du/ /sna tshogs tshul gyis bsgom par bya/ /mthong chos kyi nyes dmigs/ zhe sdang zug rdu'i sems 'chang na/ /yid ni zhi ba ste sdug bsngal zhi ba'i dga' ba nyams mi skyong/ /sems dga' dang lus bde ngang dang @025a @#/ /mi 'thob la/ /gnyid mi'ong zhing brtan pa'ang med 'gyur/ /gang dag nor dang bkur ste yis/ /drin byin te bskyabs pa de la brten gyur ba/ /phran de dag kyang ni zhe sdang ldan pa'i/ /rje dpon de/ la lta bzhan sogs kyi lo rgyus ltar gsod par rgol/ /de yis mdza' ba shes skyo/ zhing bras bar 'gyur/ /ba dper na/ da lta khos 'di star byed kyang/ nyin gcig ka khas yags po mi byed zer ba ltar sbyin pas bsdus kyang bsten mi byed/ /mdor na khor bas bdor gnas pa/ /de ni 'ga' yang yod ma yin/ /lkhro ba'i dgra yis sngar bshad pa'i nyes dmigs de la gsog/ sdug bsngal dag ni byed par 'gyur/ ! /bzod pa'i phan yon/ gang zhig bsgrims te khro 'joms pa/ /de ni 'di dang gzhan du bde/ / !bzod pa sgrub pa'i thabs rgyu'i ngo bo nyes dmigs bsams nas de ldog pa'i thabs dngos/ mi 'dod byas dang 'dod pa yi/ /gegs byas pa las byung gyur ba/ /yid mi bde ba'i yid mi bde zas kyi gzugs su bkod/ zas rnyed nas/ /zha sdang gi lus brtags sgyas te rgyas pa/ te bdag 'joms so/ /de ltas bdag gis dgra bo de'i/ /zas yid mi bde bde ni rnam par gzhom par bya/ /'di ltar bdag gi dge ba'i srog la gnod pa las/ /zhe sdang ba'i dgra 'di la ni las gzhan med/ /ci la bab kyang bdag gis ni// dga' ba'i yid mi dkrugs mi bya/ /mi dga' byas kyang 'dod mi 'grub/ /dge bdag ni nyams par 'gyur/ /gal te bcos su yod na ni/ /de la mi dgar ci zhig yod/ /gal te bcos su med na ni/ /de la mi dga' byas ci phan/ ! /khong @025b /mi snyen zhes bya mi 'dod de/ /dgra la de las bdag gi bshes rnams la/ /'jig rten chos brgyad kyi mi 'dod pa'i phyogs bzhi dang/ dgra la 'dod phyogs bzhi ste sdug bsngal brnyas pa ste rnyed pa ma thob pa dang tshig rtsub dang/ /mi snyen zhes bya mi 'dod de/ /dgra la de las bzlog pas so/ ! /sdug bsngal dang len gyi bzod pa bde ba'i rgyu ni res 'ga' 'byung/ /sdug bsngal rgyu ni shin tu mang/ /me yod na tsha ba bzhin rgyu sngon song dang du blangs rigs so/ /sdug bsngal med par nges 'byung med/ /sdug bsngal de don gyi thar pa thob thabs yin pas de bas sems khyod brtan par mnos/ /dang bsdug gi dka' thubs bzlog cing nyams par byed pa lha mo u ma la dad pa rnams dang lho phyogs yul karNa pa/ rnams zla ba gzas zin tshe bsod nams 'dod pas lus bsreg pa dang/ dbang phug mchod phyir zhag gcig gnas gsum zas bcad nas lus bsreg pa sdogs byed pas/ bsregs dang bcad sogs tshor ba sdug bsngal ba/ ni/ /don med bzod byed thar pa yi/ /don du bdag go ci phyir sdar/ /te skrag/ goms na sla bar mi 'gyur ba'i/ /dngos de gang yang yod ma yin/ /de bas gnod pa chung goms pas/ /gnod pa chen po bzod par byos/ /sbrul dang sha sbrang dag dang ni/ /bkres skom la sogs tshor ba dang/ /g.yan pa la sogs bcas pa yi/ /don med pa'i sdug bsngal de dag kyang goms na bzod sla ba dang ma goms na dka' ba'i mngon sum du cis ma mthong/ /tsha grang char dang rlung sogs dang/ /nad dang e'chi dang brdeg sogs la/ /bdag gis bze re ste bzod bsran chung ba mi bya ste/ /de ltar bya na gnod pa 'phel/ /sems brtan pa la bsran mi nus pa med ba/ la la bdag gi khrag mthon @026a @#/ /na/ /dpa' brtan lhag par skye 'gyur yod/ /la la gzhan gyi khrag mthong na/ /dran med bog cing brgyal bar 'gyur ba yod/ /de ni sems kyi ngang tshul brtan dang/ /sngar ma'i tshul las gyur pa yin/ /de bas gnod pa khyad bsad cing/ /sdug bsngal rnams kyis tshur mi tshugs par zil gyis gnon par bgyis byos/ /sdug bsngal bden med du shes pa'i mkhas pas sdug bsngal byung yang ni/ /sems kyi rab dang rnyog mi bya/ /nyon mongs rnams dang dge bshes 'ban ltar g.yul 'gyed la/ /g.yul 'gyed tshe na gnod pa ste sdug bsngal mang/ /sdug bsngal thams cad khyad bsad nas/ /zhe sdang la sogs dgra 'dzoms pa/ /de dag rgyal byed dpa' bo ste/ /lhag ma ro la gsod pa'o/ /gzhan yang sdug bsngal yon tan ni/ /skyo bas dregs pa sel bar byed/ /'khor ba pa la snying rje skye/ /sdig la 'dzoms zhing dge la dga'/ !/khro ba dang khro ba can sogs rgyu la rag las pas rang dbang can min pa/ mkhris pa la sogs sdug bsngal gyi; ;'byung gnas che la mi khro bar/ /sems yod rnams la ci ste khro/ /zhes dris par/ de dag rkyen gyis bskul/ de rang dbang med pas mi khra zhan/ 'o na gang zag la'ang khro mi rigs te/ nyon mongs can gyi gang zag de dag kun kyang rkyen gyis bskul/ /dper na mi 'dod bzhin du yang/ /nad 'di 'byung bar 'gyur ba ltar/ /de bzhin mi 'dod bzhin du yang/ /nan gyis nyon mongs 'byung bar 'gyur/ /khro bar bya zhes ma bsams kyang/ /skye bo rnams ni gyi na ste rang dgar khro/ /khong khro bskyed par bya @026b zhes ma bsams kyang/ /khro ba de bzhin skye bar 'gyur/ /nyes pa ji snyed thams cad dang/ /sdig pa rnam pa sna tshogs pa/ /de kun rkyen gyi stobs las byung/ /rang dbang yod pa ma yin no/ /rkyen rnams tshogs pa de dag kyang/ /bdag gis bskyed par bya zhes sems pa med/ /des bskyed de yang bdag bskyed ces/ /sems pa yong pa ma yin ne/ ! /rang dbang can gyi rgyu yod pa dgag pa las grangs can dgag pa/ grangs can pas bdag shes pa rtag par 'dod/ rig pa can bdag bem por 'dod/ spyi gtso bo rgyu kho na 'bras bu ma yin par 'dod de yang grangs can pas rdul mun snying stobs gsum cha mnyam pa'i mtshan nyid lnga ldan spyi gtso bo zhes pa/ bem po/ rtag pa yin pa des/ rnam 'gyur gyis bsdus pa'i mi rtag pa gnod pa rang dbang du bskyed par 'dod/ shes rig gi skyes bu la bdag ces btags nas rtag pa gcig pu des yul la rang dbang du longs spyod par 'dod/ ! dper na bdag gi dgra lhas byin gyi rgyud kyi shes rig gi skyes bu rang dbang can des/ gtso bo'i gnas skabs mi rtag ba bdag la dbyug pa gtod pa la sogs pa'i rnam 'gyur bskul te bdag la gnod pa skyel ba yin par 'dod/ de'i phyir lhas byin gyi rgyud kyi skyes bu dang gtso bo gnyis kyi rang dbang du gnod pas de gnyis khro ba'i yul yin no zhe na/ ! de dgag pa la/ de gnyis chos can/ rnam 'gyur rang dbang du bskyed pa dang/ yul la rang dbang du longs spyod pa ma yin par thal/ de gnyis rnam 'gyur skyes pa dang/ yul myong ba ched du bsam pa med la/ bya ba byed mi nus ba ri bong rwa dang mtshungs pa'i phyir/ ! so sor dgag na/ gtso bo chos can/ bdag nyid gzhan la gnod ba skyel phyir 'byung bar bya snyam pa'i blo sngon du btad nas 'byung ba med da/ bem po yin pa'i phyir/ zhes gtso bo bem po yin pas gnod byed du mi rung bar bstan no/ /! gtso bo bem po sems med yin yang/ gnas skabs rnam 'gyur sna tshogs dang bcas pas de la khro'o snyam na/ gtso bo gnas skabs mi rtag pa'i rnam 'gyur de chos @027a @#/ /can; gzhan la gnod pa bya'o snyam du bsam bzhin 'byung ba med de/ gtso bo'i gnas skabs mi rtag pa de ma skyes gong rnam 'gyur gtan nas med la/ de med na gnod pa skyel lo snyam du skye bar 'dod pa po med pa ri rwa dang mtshungs pa'i phyir/ dbyug pa brdeg pa bsam pas bskul dgos pa la de ltar min par gtso bo skyes par 'dod pas gtso bo la de 'dra'i bsam pa med la/ bsam pa dang brdeg pa rim can kho na yin pas brdeg pa'i tshe bsam pa 'gag zin pas/ de'i sngon du gtso bo skyes zhes pa mi 'thad do/ /de'i phyir gtso bor khro ba med do/ /gtso bo chos can/ khyod kyi 'bras bu skyes pa mi rigs par thal/ khyod nyid ma skyes pa'i phyir te/ khyod rgyu kho na yin pa'i phyir/ gzhung las rtsa ba'i rang bzhin sogs/ rang nyid ma skyes na 'bras bu skyes pa med pas khyab pa'i phyir/ ! shes rig gi skyes bus yul la rang dbang du longs spyod ba dgag pa la/ bdag shes rig gi skyes bu chos can/ khyod rtag pa'i rang bzhin la kho mi rigs par thal/ gnod pa skyel lo snyam du ched du bsams pa med pa'i phyir/ der thal/ rtag pa rgyu rkyen las ma skyes pas de 'dra'i 'dod pa skye mi srid pa'i phyir ro/ /shes rig gi skyes bu chos can/ gtso bo gtad pa'i yul la longs spyod pa por mi 'thad par thal/ ma gtad gong yul la longs spyod pa po ma yin pa gang zhig /sngar ma yin pa zhig byis yin na bdag mi rtag par thal bar 'gyur ba'i phyir ro/ /sngar ma skyes pa zhig de tshe gsar du skye ba mi 'thad bar thal/ de yul la longs spyod mi spyod kyi dus kyi khyad par mi 'thad pa'i phyir/ der thal/ de yul mi 'dzin pa'i dus mi srid pa'i phyir/ der thal/ de yul la longs spyod pa'i rtag dngos su khas blangs pa'i phyir/ khyab ste/ yul la gzhan du g.yengs pa ste spyod pa'i phyir/ 'dod na/ sgra med kyang sgra 'dzin 'gag mi srid par thal lo/ /! rig pa can/ bdag rtag pa dus snga phyi'i rang bzhin gcig min pa/ gzugs can bem po yin yang/ sems pa can gzhan dang 'brel bas sems par byed pa yin gdes gnod pa sogs skyel bar 'dod kyi/ grangs can pa ltar shes par mi 'dod do/ /de dgag ba/ @027b de chos can/ nam mkha' bzhin du 'bras bu skyes pa'i byed pa med par thal/ rtag dngos yin pa'i phyir/ ! rang gi ngo bo rtag pa yin yang/ lhan cig byed rkyen shes pa dang rtsol bas 'bras bu bskyed do zhe na/ de chos can/ khyod rkyen dang kyang rkyen des khyod la bsgyur du med de/ khyod 'gyur med rtag pa yin pa'i phyir/ khyab ste/ rkyen gyis yan pa byed kyang/ sngon gyi rang bzhin las bsgyur du med pas phan pas cung zad kyang bsgyur du med pa'i phyir/ ngo bor gyur pa'i phan pa mi byed kyang/ don gzhan du gyur ba'i phan pa byed do zhe na/ bdag de yi byed pa'ang phan pa 'di yin no zhes 'brel sgra sgrub pa don med par thal/ nam mkha' dang rtsig pa bzhin don gzhan yin pas bdag gcig 'drel gyi 'brel ba'ang med/ rgyu 'bras ma yin pas de byung gi 'brel bar yang mi 'grub pa'i phyir 'brel ba nyid do/ /de dag gis rtag pas 'bras bu skyes pa dang/ rtag pa rkyen la ltos pa dang/ rtag pa rkyen dang 'brel pa med pa gsum bstan no/ /! de ltar 'bras bu skyes pa'i bya ba thams cad gzhan dbang can yin pa/ sgyu ma dang sprul pa rten 'brel tsam mo/ /de ltar shes na sprul pa dang/ sgyu ma 'dra ba'i gnod byed la khro mi srid do/ /spyi gtso bo zhes byar gang 'dod dang/ /bdag shes rig ces btags pa gang yin pa/ /rang dbang can yin pas de la khro rigs so zhen/ de nyid gnod pa bya snyam pa lta bu bdag ni 'byung bya zhes/ /ched du bsams shing 'byung ba med/ /la / gtso bo nyid ma skyes pa ste rgyu kho na yin pa dang/ skyes bu sngar ma skyes pa skye mi srid brtag pa yin pas ma skyes par ni de med na/ /de tshe skyes bar 'dod pa gang/ /yul la rtag tu g.yeng ba ste spyod par 'gyur bas/ /'gag par 'gyur ba'ang ma yin no/ /rig pa can dgag pa/ ci ste bdag de rtag na ni/ /rtag pas 'bras bu bskyed mi srid pas nam mkha' bzhin du 'bras bu bskyed pa'i byed pa med par mngon/ /ba ste gsal lo/ /rkyen rnams gzhan dang phrad na yang/ /khyod @028a @#/ /'gyur ba med pa la phan pa ci byar yod/ /phan pa byed pa'i tshe yang khyod 'bras bu mi bskyed pa'i dus kyi sngon phyi rang bzhin nyid yin na/ /phan pa byed pas de la ci zhig byas/ /de yi byed pa 'ang phan ba 'di yin zhes/ /'brel sgras sgrub pa don med par thal ba gcig dang de byung gi 'brel par 'gyur ba gang zhig yod/ /te med/ de ltar 'bras bu bskyed pa'i bya ba thams cad gzhan gyi dbang/ /yin pas rkyen sngam de yi dbang gis de 'bras bu de 'byung mi 'byung rang dbang med/ /do// de ltar shes nas sprul pa lta bu'i/ /dngos po kun la khro mi 'gyur/ ! /gsum pa khro ba ldog pa'i dgos pa/ rang bzhin gyis med pas khro bar mi rigs na ldog par yang mi rigs par mtshungs zo zhe na/ de ni bden gnyis 'gal bar 'dzin pa'i log rtog ste/ spang gnyen gyi rang bzhin stong bar rtogs pas nyon mongs zad par 'gyur ro/ /gang gis gang zhig bzlog bya ste/ /bzlog pa'ang rigs pa min zhe na/ /de la brten nas sdug bsngal rnams/ /rgyun chad 'gyur 'dod mi rigs med/ ! /don bsdu ba ni/ de bas dgra'am mdza' yang rung/ /mi rigs byed pa mthong gyur na/ /khro ba po gang zag de la rang dbang med kyi gnod byed 'di 'dra'i rkyen las gyur to zhes/ /de ltar soms te bde bar mnos/ /gal te rkyen gzhan dbang can min par rang dbang ste rang dgas 'grub 'gyur na/ /'ga' yang sdug bsngal mi 'dod pas/ /lus can dag ni thams cad kyang/ /su la'ang sdug bsngal 'byung mi 'gyur/ ! /snying rje'i thabs yid la byed pa/ bag med pas ni bdag la'ang bdag /kha cig thar pa'i don @028b du tsher ma ma btings pa la nyal ba la sogs gnod pa byed/ /bud med la sogs thob bya'i phyir/ /rngam zhing zas gcod la sogs byed/ /kha cig 'gag cing g.yang sar mchod/ /dug dang mi 'phrod ba za ba dang/ /bsod nams ma yin pa ngan 'gro'i rgyu sdig pa spyod pa yis/ /rang la gnod pa byed pa yod/ /gang tshe nyon mongs dbang gyur pas/ /bdag sdug nyid kyang gsod byed pa/ /de tshe de dag gzhan lus la/ /gnod mi byed par ji ltar 'gyur/ /nyon mongs skyes pas de lta bur/ /bdag gsod la sogs zhugs pa la/ /snying rje brgya lam skyes na/ /18/ khro bar 'gyur ba ci'i tha tshig ! /gal te gzhan la 'tshe byed pa/ /blang dor mi shes pa'am/ shes kyang mi byed ba'i byis pa rnams kyi rang bzhin na/ /de la khro bar mi rigs te/ /sreg pa'i rang bzhin me bkon pa ste khro ba 'dra/ /'on te skyon 'di glo bur la/ /sems can rang bzhin des pa ste mdzangs pa'am rgyud 'jam pa yin na'ang/ /'o na'ang gnod byed la khro bar mi rigs te/ /mkha' la dud pa 'thul na nam mkha' la bkon pa ste khro bar mi rigs pa bzhin/ /dbyug pa la sogs dngos bkol te/ /gal te 'phen pa la khro na/ /de yang zhe sdang gis rbad pas/ /nyis na zhe sdang la khro rigs/ /! mi 'dod pa byung na rang gi nyes par bsam pa dngos/ bdag gis sngon chad sems can la/ /tshe rabs snga mar 'di 'dra ba yi gnod pa byas/ /de bas na rgyu mthun du sems can 'tshe byed pa/ /bdag la tshur gnod pa 'di 'byung rigs/ /su la'ng khros med do/ /de yi mtshon dang bdag gi lus/ /gnyis ka @029a @#/ /sdug bsngal rgyu yin te/ /des mtshon bdag gis lus byung na/ /gang zhig la ni khro bar bya/ /shu ba mi yi gzugs 'dra ba/ /reg tu mi bzod sdug bsngal can/ /sred pas blang dor gyi mig ldongs bdag gis bzung gyur na/ /de la gnod pa su la khro/ /ste khros med do/ /byis pa sdug bsngal mi 'dod cing/ /sdug bsngal rgyu la brkam pa ste chags pa drag po pas na/ /rang gi nyes pas gnod gyur pa/ /gzhan la bkon tu ci zhig yod/ /de rang gi nyes pa 'ba' zhig gis byas pa dper na dmyal ba'i srung ma dang/ /ral gri lo ma'i nags tshal ltar/ /rang gi las kyis tshe 'di'i gnod pa 'di bskyed na/ /gang zhig la ni khro bar bya/ /bdag gi las kyis bskul byas nas/ /bdag la gnod byed rnams 'byung ste// des ni sems can dmyal bar 'dong ste 'gro bar 'gyur na/ /bdag gis gang zag de dag ma brlag gam/ /'di dag la ni rten bcas nas/ /bzod pas bdag sdig mang du byang/ /bdag la brten nas de dag ni/ /yun ring sdug bsngal dmyal bar 'dong/ /bste 'gro/ bdag ni dgra de la gnod byed yin la/ /de dag bdag la phan 'dogs byed yin na/ /phyin ci log tu ci yi phyir/ /ma rungs sems khyod khro bar byed/ ! /de'i rtsod spong ni/ 'di'i rtsod pa dngos su mthon kyang; des khyod la dge ba 'phel bsal rol po la yang dge ba 'phel dgos/ khyod kyi las kyis bskul na khyod la yang sdig pa 'byung dgos zhes pa shugs na yod/ ! bdag gis de dag ngan 'gror gtong na bdag de rnams kyi sdig grogs yin la/ sdig rkyen byas bzhin du bdag gi sdig pa byang ba 'gal zhing/ sdig rkyen byas pas bdag kyang ngan 'gror @029b 'gro zhing/ bdag gi sdig pa ma byad na sdig pa sbyong ba'i grogs ji ltar byed ce na/ bdag gis gzhan gyi sdig rkyen byas kyang skabs 'dir byad ba/ gal te bdag la 'dis phan btags so/ /bsam pa yi/ /bzod pa'i yon tan yod na dmyal mi 'gro/ /zhing sdig pa 'dag pas de dag bdag phan 'dogs su mi 'gal lo/ /gang zag de dag bdag gi sdig pa sbyang ba'i grogs byed pas dmyal bar mi 'gro la/ bdag kyang de dag dmyal par mi gtong bas bdag de dag la gnod byed min no snyam na/ gal te bdag gis gnod byed la bzod pa bsgom pas des bdag bsrungs nas/ /gnod byed de dag la 'dir bsod nams ci zhig byung/ /ste chur phan sems med par gnod pa de'o/ /'on te lan du gnod byas na/ /de dag zhe sdang sogs las/ bsrungs par ma gyur la/ /bdag gi byams snying rje dang/ khas blangs pa'i spyod pa'ang nyams par 'gyur// des na dka' thub kyi mchog bzod ba'ang zhig par 'gyur/ ! /brnyas smod sogs kyis rang gi lus la mi gnod pa/ yid gzugs can min bas zhes skad bod bsags pa zhig gi steng nas 'byung ste/ yid ni lus can ma yin pas/ /tshig rtsub dang mtshon cha la sogs pa sus kyang gang du'ang gzhom mi nus/ /'on kyang/ lus la bdag tu mngon par zhen pas na/ /sems dang 'brel pa'i lus la ni sdug bsngal dag gis gnod/ /pas khro'i zhe na/ brnyas dang tshig rtsub smra ba dang/ /mi snyan pa yi tshig de yis/ /lus la gnod par mi 'gyur na/ /sems khyod ci'i phyir rab tu khro/ ! /khro ba dang 'brel ba'i gang zag la khro mi rigs pa/ gzhan dag bdag la mi dga' ba/ /des ni tshe 'di'am tshe gzhan la/ /bdag la za bar mi byed na/ /bdag ni ci phyir de mi 'dod/ !/ @030a @#/ /rnyed pa'i bar chad byed pas khro mi rigs pa/ rnyed pa'i bar chad byed pa'i phyir/ /gal te 'di bdag mi 'dod na/ /bdag gis rnyed pa 'dir 'dor gyi/ /sdig pa dag ni brten par gnas/ /bdag ni deng nyid shi yad bla'i// gzhan la gnod pa byas pa'i sgo nas rnyed pa'i log 'tshos yun ring gson mi rung/ /bdag lta yun ring gnas gyur kyang/ /mthar rnyed ba thams cad dor nas 'chi ba'i sdug bsngal de skyong bde chos/ nyid yin/ /no/ /rmi lam lo brgyar bde myong nas/ /sad par gyur pa gang yin dang/ /gzhan zhig yud tsam bde myong nas/ /sad par gyur pa gang yin pa/ /sad pa de dag gnyis ka la'ang/ /bde ba de ni phyir 'ong med/ /tshe ring tshe thung gnyis ka yang/ /'chi ba'i dus na de 'drar zad/ /rnyed pa mang po thob gyur te; ;yun ring dus su bde spyad kyang/ /chom pos phrogs pa ji bzhin du/ /sgren mo lag pa stong par 'gro/ /gal te rnyed pas gson gyur na/ /sdig zad bsod nams bya zhe na/ /rnyed pa'i don du khros gyur na/ /bsod nams 'dod na khong khro bya mi rigs zhes bsod nams zad sdig mi 'gyur ram/ /dgos pa gang gi don du bdag gson pa/ /yi ched du gnyer bya dge ba de nyid gal te nyams gyur na/ /sdig pa 'ba' zhig byed pa yi/ /gson pa des ko ci zhig bya/ ! /gzhan rang lam dad pa bye dpas khro mi rigs pa/ gal te rang la dad pa'i/ sems can nyams par byed pas/ /mi snyan smra la khro zhe na/ /gzhan la mi snyan brjod la'ang khyod/ /de bzhin ci ste khro mi byed/ /ma dad gzhan la rag las pas/ /dad pa med la khyod bzod na/ /nyon mongs skyes la rag @030b las pas/ /mi snyan smra la cis mi bzod/ ! /bdag gi bshes la nyes pa byed pa la khro ba chos la nges sems kyi bzod pas dgag ba/ sku gzugs mchod rten dam chos la/ /dag gi skyon brjod pa'i 'khyal zhing 'jig par byed pa la'ang/ /bdag gis zhe sdang mi rigs te// sangs rgyas sogs la gnod mi mnga'/ /bla ma gnyen la sogs pa dang/ /bshes la gnod pa byed rnams la'ang/ /snga ma'i las kyi tshul gyi rkyen dag las/ /'gyur bar mthong nas khro ba bzlog ! /de gnod byed la ji mi snyam pa'i bzod pas dgag pa/ lus can rnams la sems yod dang/ /sems med gnyis kas gnod byas na/ /sems yod ci ste bkar te bkon/ /de bas gnod ba bzod par gyis/ /la la rmongs pas tshur nyes pa byed/ /la/ la la rmongs te par khros gyur na/ /de la gnod byed khro byed gnyis ka skyon can du mtshungs pas skyon med gang gis bya/ /skyon dang bcas de gang zhig yin/ /las kyi nus pa gang gis gzhan dag gnod byed pa'i/ /las de sngon chad ci phyir byas/ /thams cad las la rag las na/ /bdag gis 'di la ci ste bkon/ /de ltar mthong nas ci nas kyang/ /thams cad phan tshun byams sems su/ /'gyur ba de ltar bdag gis ni/ /bsod nams dag la bsgrims te bya/ ! /bzod pa'i phan yon/ dper na khyim tshig gyur ba'i tshe/ /khyim gzhan zhig tu song nas ni/ /rtswa sogs gang la mched byed pa/ /de ni phyung ste 'dor bar rigs/ /de bzhin gang la sems chags nas/ /zhe sdang mi ni mched gyur pa/ /bsod nams 'tshig bar dogs pa yis/ /chags pa'i dngos po de ni de yi mod la dor/ / @031a @#/ /gsang bya'i mi zhig lag bcad de/ /gal te thar na cis ma legs/ /gal te mi yi sdug bsngal gyis/ /dmyal ba bral na cis ma legs/ /da lta'i sdug bsngal 'di tsam la'ang/ /bdag gis bzod par mi nus na/ /des na dmyal ba'i sdug bsngal rgyu/ /khro ba ci ste bzlog mi byed/ /'dod pa'i don du bsreg la sogs/ /dmyal bar stong phrag myong gyur kyang/ /bdag gis rang gi don dang ni/ /gzhan gyi don yang ma byas so/ /'di ni de tsam gnod min la/ /don chen dag kyang 'grub 'gyur bas/ /'gro ba'i gnod sel sdug bsngal la/ /dga' ba 'ba' zhig 'dir bya rigs/ (/dgral bstod grags sgrub pa la mi bzod pa spangs pa/) /gzhan gyis (bdag gi dgra la) yon tan ldan bstod nas/ (/bstod pa po de nyid kyang) gal te dga' ba'i bde thob na/ /yid khyod kyang ni (dgra/) de bstod nas/ /ci'i phyir (gang zag gzhan) de ltar dga' mi byed/ (/dga' bde chags pa'i gzhi yin pas dgag pa ma yin nam zhe na/) khyod kyi dga' ba'i bde ba 'di/ (/tshe 'di phyir) bde 'byung (thar pa'i rgyur 'gyur bas) kha na ma tho med/ (/rgyal ba sras bcas) yon tan ldan pa rnams kyis gnang/ (/snyan smra) gzhan sdud pa yi mchog kyang yin/ (/gzhan la bstod pa des rang dga' ba'i bde ba thob mod/ bstod yul) gzhan yang de ltar bde 'gyur zhes/ (/mi bzod ba'i phrag dog skyes nas) gal te khyod (gzhan la bstod pas rang) bde 'di mi 'dod/ (/ce na/) gla rngan sbyin (ba) sogs (kyang) spangs (dgos) pa'i phyir/ /mthong ('di) dang ma mthong (phyi ma'i bde ba) nyams par 'gyur/ /rang gi yon tan brjod pa'i tshe/ /gzhan @031b la bde ba'ang 'dod par byed/ /gzhan gyi yon tan brjod pa'i tshe/ /rang la'ng bde ba mi 'dod byed/ ! (/bde ba sgrub pa la mi bzod pa spangs pa/) sems can thams cad bde 'dod pas/ /byang chub tu ni sems bskyed nas/ /sems can rang gis bde rnyed na des ko ci ste khro bar byed/ ! (/rnyed pa sgrub pa la mi bzod pa spangs pa/) 'jig rten gsum mchod 'tshang rgya bar/ (/dgra sogs) sems can rnams ni 'dod ce na/ /bsnyen bkur ngan ngon tsam mthong nas/ /ci phyir de la gdung bar byed/ /gso bya bu (la sogs pa) gang zhig khyod gso ba/ /khyod nyid kyis ni sbyin bya de/ (/rang gis sbyin mi dgos bar) gnyen (rang nyid) gyis 'tsho ba rnyed gyur na/ /dgar mi 'gyur bar slar khro'am/ /de ci 'gro la (rnyed pa cung zad tsam thob pa de) mi 'dod na/ /de la byang chub 'dod gang yin/ /gang zhig gzhan 'byor khro de la/ /byang chub sems ni ga la yod/ (/yod kyang nyams par 'gyur ro/) /gal te (dgra) des (sbyin bdag) de las (zas gos sogs) rnyed dam/ (/ma rnyed par) sbyin bdag (gi) khyim na gnas (par) gyur ba/ (/'ang rung/ skabs) kun tu'ang de (gnyis ka) khyod la med na/ (zhes te dper na/ gser lta bu dgra de la sbyin bdag des byin nas dgra der yod dam ma byin par sbyin bdag rang gi mdzod na yod pa gnyis ka khyod la med par mnyam na/ sbyin bdag gis dgra la) byin (nam) ma byin (yang) rung (phrag dog/) des ci bya/ (/rnyed pa'i rgyu) bsod nams dang ni dad (pa'i spyod) pa'am/ (/tshul khrims sogs) rang gi yon tan ci'i phyir 'dor/ /rnyed (pa thob) par gyur pa/ ('i rgyu) mi 'dzin pa (ra rang la/) /gang gis khro bar mi byed smros/ / @032a @#/ /khyod ni rang gis sdig byas la/ /mya ngan med par ma zad kyi/ /bsod nams byas pa gzhan dag dang/ /lhan cig 'gran par byed 'dod dam/ ! /bam po gnyis pa/ / ! (//'dod ba'i gegs byed pa dgra la gnod pa 'byung ba'i gegs byed la khro ba dgag pa/) gal te dgra zhig mi dga' na'ang/ /de la khyod dgar ci zhig yod/ (/de/ rang la mi phan pa'i bar gnod/) khyod kyi yid smon tsam gyis ni/ /de la gnod pa'i rgyur mi 'gyur/ /khyod kyi 'dod pas sdug bsngal de/ /grub na'ng khyod dgar ci zhig yod/ (/de/ khyod la phan pa cung zad kyang med pa'i phyir/) gal te 'tshengs (pa ste don 'grub) par 'gyur zhe na/ (/gnod sems drag po skyes pa nges ngan 'gror 'gro bas) de las (rang) phung ba'ng gzhan ci yod/ / nyon mongs nya pas btab pa yi/ /mchil pa (ste lcags kyu) 'di ni mi bzad gze/ (/zhes pa rna ba/) des bzung sems dmyal bum par yang/ (/ste zangs po cher bcug nas) dmyal ba'i srung mas bdag 'tshed nges/ ! (/rang la bstod pa'i gegs byas pa la khro mi rigs pa/) bstod dang grags pa'i rim gros ni/ (/phyi mar/) bsod nams mi 'gyur (tshe 'dir) tshe ('phel bar) mi 'gyur/ /bdag (lus) stobs ('phel) mi 'gyur nad med min/ /lus bde bar yang mi 'gyur ro/ /bdag ni rang don (dpyod) shes gyur na/ /de la rang don ci zhig yod/ (/gnas skabs) yid bde 'ba' zhig 'dod na ni/ /rgyan (po cho lo rtse ba/ glu/ bud med) sogs chang yang bsten dgos (pa ha cang thal bas) so/ /grags @032b pa'i don du nor gtong zhing/ /bdag nyid kyang ni gsod byed na/ /tshig 'bru rnams kyis ci zhig bya/ (/grags pa'i don du) shi na des ko su la bde/ (/grags pa la zhen pa ni gyis pa rtsed mor zhen pa dang 'dra ste) bye ma'i khang bu rdi pa gyur na/ /byis pa rnams ni gang chad du/ /de bzhin bstod dang grags nyams na/ /rang gi sems ni byis pa bzhin/ (/du snang ste/ dpyad na ci yang ma nyams pas mya ngan byar med/ rang la bstod pas dga' ba yin na/) re zhig sgra (tsam) laH (dga' bar mi rigs te/) sems med phyir/ /bdag la bstod sems yod (ye) mi srid/ (/pas sgra de la dga' bar mi rigs/) bdag la gzhan dga' zhes grags pa/ /de ni dga' ba'i rgyu yin grang/ /gzhan nam yang na bdag la'ang rung/ /gzhan dga' bdag la ci zhig phan/ /dga' bde de ni de nyid kyi; ;bdag gis de las shas mi 'thob/ (/byang sems gzhan bde bas bdag bad ba'i phyir bstod mkhan) de bde ba yis bdag bde (zhe) na/ /kun la'ng de bzhin bya dgos na/ /ci ltar gzhan (dgra) la dga' ba yis/ /bde bar gyur na bdag (ci'i phyir yid) mi bde/ /de bas bdag ni bstod do zhes/ (/rtog pas btags te dga' ba tsam) rang gi dga' bskye 'gyur ba/ /de yang (dpyad na snying po cung zad kyang med pas) de ltar (bstod pa tsam dga' ba'i rgyur) mi 'thad pas/ /byis pa'i spyod pa kho nar zad/ ! (/bstod sogs kyi gegs byas pa des phan 'degs par bsam pa/) bstod sogs (te bstod pa/ grags pa/ rnyad pa sogs bzhis) bdag ni g.yeng bar byed cing/ /des ni skyo ba'ng 'jig par byed/ /yon tan ldan la phrag dog dang/ /phun sum tshogs @033a @#/ /pa'ang 'jig par byed/ /de phyir bdag gi bstod sogs ni/ /gzhig phyir (dgra) gang dag (thag) nyer gnas pa/ /de dag bdag ni ngan song du/ /ltung ba bsrung phyir zhugs min nas/ /bdag ni grol ba don gnyer la/ /rnyed dang bkur stis 'ching mi dgos/ /gang dag bdag bcings grol byed pa/ /di la bdag ni ji ltar khro/ /'dag ni sdug bsngal 'jug 'dod la/ /sangs rgyas kyis ni byin brlabs bzhin/ /mi gtong sgo 'phar nyid gyur pa/ /de la bdag ni ji ltar khro/ ! (/bsod nams kyi gegs byas pa la khro mi rigs pa/ bstod grags kyi gegs byas pa la mi khro na'ang/) dgra 'di ni (sbyin pa tshul khrims sogs) bsod nams gegs byed ces/ (/yid la bzhag nas khro bar byed ce na/ de la'ng khro bar rigs min te/ /bzod mtshungs dka' thub yod min na/ /de la bdag ni mi gnas sam/ /gal te bdag ni (khro ba che ba'i rang skyon gyis/ /dgra) 'di la bzod par mi byed na/ (/bzod pa'i) bsod nams rgyu ni nyer gnas pa/ /'di la bdag gegs byed par zad/ (/spyin dus su slong mo ba byung ba bzhin bzod dus su gnod pa byung ba legs pa ste/ bzod pa'i bsod nams) gang zhig (gnod byed) gang (yang) med (na) mi 'byung la/ (/gnod byed) gang zhig yod na yod 'gyur ba/ /de nyid de yi rgyu yin na/ /ji ltar de la gegs zhes bya/ /dus su phyin pa'i slong mo pas/ /sbyin pa'i gegs byas yod ma yin/ (/sdom pa len 'dod pa la) rab tu 'byin par byed gyur pa/ (/'i mkhan slob de) rab byung gegs zhes byar mi rung/ ! (/yon tan skyed byed yin pas gus par bya ba/ sbyin pa'i zhing las @033b bzod pa'i zhing dgon pas de la dga' bar rigs te/) 'jig rten na ni slong ba mod/ /gnod par byed ba dkon pa ste/ /'di ltar phar gnod ma byas na/ /'ga' yang gnod pa mi byed do/ /de bas ngal bas ma sgrubs pa'i/ /khyim du gter ni phyung ba ltar/ /byang chub spyod pa'i grogs gyur pas/ /bdag gis dgra la dga' bar bya/ (/dgra) 'di dang ('dis bzod pa'i dmigs rten byed cing 'di la brten nas) bdag gis (bzod pa) bsgrubs pas na/ /de phyir bzod pa'i 'bras bu ni/ /'di la thog mar bdar (bsto bsngo zhing sbyin par) 'os te/ (/ston thog gi phung zhing bdag la bzhin no/ /rgyu mtshan/) 'di ltar (dgra) de ni bzod pa'i rgyu/ /gal te bzod bsgrub bsam med pas/ /dgra 'di mchod bya min zhe na/ /sgrub pa yi ni rgyur rung ba/ /dam pa'i chos kyang ci ste mchod/ /gal te dgra 'di gnod bya ba'i/ /bsam yod mchod bya min zhe na/ /sman pa bzhin du phan brtson na/ /bdag gis bzod pa ji ltar 'grub/ /de bas rab tu sdang sems la/ /brten nas bzod pa skye bas na/ /de nyid bzod pa'i rgyu yin pas/ /dam pa'i chos bzhin mchod par 'os/ /de phyir sems can zhing dang ni/ /rgyal ba'i zhing zhes thub pas gsungs/ /'di dag mgu byas (sngar gyi gang zag) mang po zhig /'di ltar (don gnyis) phun tshogs pha rol phyin/ /sems can rnams dang rgyal ba las/ /sangs rgyas chos 'grub 'dra ba la/ /rgyal la gus byed de bzhin du/ /sems can la min ci yi tshul/ (/skyon kun ldan sems can dang/ yon tan kun ldan sangs rgyas gnyis 'dra bar gus mi rigs so snyam na/) bsam pa'i yon tan rang gis @034a @#/ /min; ;'bras bu (sangs rgyas kyi rgyu byed par 'dra ba) las yin des mtshungs par/ /sems can rnams la 'ang yon tan yod/ /de'i phyir de dag mnyam pa yin/ /dge slong mi sdug bsgom pa la mchod pa bas sems can la dmigs pa'i byang sems ldan la mchod pa phan yon che ba/) byams sems ldan la mchod pa gang/ /de ni sems can che ba nyid/ /sangs rgyas dad pa'i bsod nams dang/ /de yang sangs rgyas che ba nyid/ /sangs rgyas chos 'grub (pa'i rgyu'i) cha (mtshungs par) yod pa; ;des na de dag mnyam par 'dod/ /yon tan rgya mtsho mtha' yas pa'i/ /sangs rgyas rnams dang 'ga' mi mnyam/ /yon tan mchog tshogs gcig pu yi/ /yon tan shas tsam 'ga' zhig la/ /snang na'ang de la mchod don du/ /khams gsum phul yang chung bar 'gyur/ /sangs rgyas chos mchog skye ba'i (rgyu'i cha) shas/ (/gcig/) sems can rnams la yod pas na/ /'di tsam dag gis che bstun nas/ /sems can mchod byar rigs par 'gyur/ ! (/ston pa la dad pas gus par bya ba ni/) gzhan yang (bces ma'i) g.yo med gnyen gyur cing/ /phan pa dpag med mdzad rnams la/ /sems can mgu bya ma gtogs pa/ /gzhan gang zhig gis lan lon 'gyur/ (/sems can la phan bde sgrub pa/) gang phyir sku gtong mnar med 'jug pa('i sangs rgyas byang sems) la/ (/sems can/) de (dag) la phan btags (na drin) lan lon (par) 'gyur bas na/ /de bas 'di dag (gis) gnod chen byed na yang/ (/khro bar mi bya ste/ der ma zad sgo) thams cad bzang dgu (ste bka' drin che zhes bsam @034b pa bas; phan bde mtha' dag sgrub pa) zhig tu spyad par bya/ /re zhig bdag gi rjer gyur nyid kyang ni/ /gang phyir rang gi sku la'ng mi gzigs pa/ /de la rmongs pa bdag gis ji ltar na/ /nga rgyal bya zhing bran gyi dngos mi bya/ /gang dag bde bas thub rnams dgyes 'gyur zhing/ /gang la gnod na mi dgyes 'byung 'gyur pa/ (/dper na/ bu bsad pa'i shas ma la mgron byas kyang mi dga' ba bzhin mdo nas gsungs/) de dag dga' bas thub pa kun dgyes shing/ /de la gnod byas thub pa gnod pa byas/ /ji ltar lus la kun nas me 'bar ba/ (/de la) 'dod pa kun gyis yid bder mi 'gyur ba/ /de bzhin sems can gnod pa byas na yang/ /thugs rje che rnams dgyes pa'i thabs med do/ /de bas bdag gis 'gro la gnod byas pas/ /thugs rje che kun mi dgyes gyur pa gang/ /sdig de de ring so sor bshags bgyi yis/ /mi dgyes gang lags de thub bzod par gsol/ /de bzhin gshegs rnams dgyes par bgyi slad du/ /deng nas nges brtul (te brtson pa drag pos) 'jig rten bran du mchi/ /'gro mang rdog pas bdag gi spyir 'tshog gam/ /'gums kyang (lan du) mi bsngo (zhing dang du blang bar bgyis pas) 'jig rten mgon dgyes mdzod/ /'gro ba 'di kun thugs rje'i bdag can des/ /bdag tu mdzad pa 'di la the tshom med/ / (snang ngor) sems can ngo bor mthong ba 'di dag nyid/ (/don du) mgon (po sangs rgyas) de('i) bdag nyid (kho na yin te/ gus par byas na sangs rgyas ster bas so/ /de la rmongs nas bdag gis) ci phyir gus mi byed/ (/de/ dad cing gus par rigs so/ ! /gnyis pa bzod pa bsgom pa'i phan yon mdor bstan dpes bshad @035a @#/ (/pa;) 'di nyid de bzhin gshegs pa mnyes byed yin/ /rang don yang dag sgrub pa'ng 'di nyid do/ /'jig rten sdug bsngal sel ba'ng 'di nyid de/ /de ltas bdag gis rtag tu 'di nyid bya/ /dper na rgyal po'i mi 'ga' zhig /skye bo mang la gnod byed kyang/ /skye bo mig rgyang ring po dag /nus kyang phyir gnod mi byed de/ /'di ltar de gcig ma yin gyi/ /rgyal bo'i mthu stobs de yod pung/ (/dpe) de bzhin/ (du) gdon byed nyam chung ba/ /kho la grogs med snyam du) 'ga' yang khyad du bsad mi bya/ (/ste/ da lta ji ltar byas kyang khos lan ma nus pa zhig yin yang/ phyi rjes blta shes na dpung med pa'i gcig pu ma yin gyi/) 'di ltar dmyal ba'i srung ma dang/ /thugs rje ldan rnams de yi dpung/ /de ltas dmangs kyis rgyal gtum bzhin/ /sems can rnams ni mgu par bya/ /rgyal po lta zhig (ste ci ltar) khros na yang/ /sems can mi mgu byas pa yis/ /myong bar 'gyur ba gang yin pa/ /dmyal ba'i gnod pa des byed dam/ /rgyal po lta zhig mgun yang/ /sems can mgu bar byas pa yis/ /'thob par gyur pa gang yin pa/ /sangs rgyas nyid sbyin mi srid do/ ! (/pan yon gyi rnam grangs bsdus te bstan pa/) sems can mgu las byung ba yi/ /ma 'ongs sangs rgyas 'grub lta zhog / tshe 'di nyid la (mang bkur rgyal pa ltar) dpal chen dang/ /grags dang skyid 'gyur cis ma mthong/ /'khor (bar 'khor pa'i) tshe (na'ng) bzod pas mdzes sogs dang/ /nad med pa dang grags pa yis/ /shin tu yun ring 'tsho ba dang/ /'khor @035b los sgyur ba'i bde rgyas thob/ /byang chub sems dpa'i spyod pa la 'jug pa las/ bzod pa bstan pa zhes bya ba ste le'u drug pa'o// ! (//brtson 'grus la bskul ba/) de ltar bzod pas brtson 'grus pa rtsam/ /'di ltar brtson la byang chub gnas/ /rlung med/ (na mar me shing lo sogs) g.yo ba med pa bzhin/ /bsod nams (kyi tshogs dang ye shes kyi tshogs kyang) brtson 'grus med (na) mi 'byung/ (/brtson 'grus kyi ngo bo ni/) brtson gang dge la spro ba'o/ ' (/mi mthun phyogs ngos bzung ba/) de yi mi mthun phyogs bshad bya/ /le lo ngan la zhen pa dang/ /sgyid lug bdag nyid brnyas pa'o/ ! (/snyom las kyi le lo spang ba/) snyom las bde ba'i ro myang dang/ /gnyid la brten pa'i sred pa yis/ /'khor ba'i sdug bsngal mi skyo la; ;le lo nye bar skye bar 'gyur/ /nyon mongs rgya bas bshor nas ni/ /skye ba'i rgyar ni chud gyur nas/ (/zhes pa'i rgya ni nya rgya ste gsung tshul gnyis/ gcig ni rgya bas bshor ba ste dbang du byas nas ni skye ba'i rgyar chud ces dang/ yang nyon mongs ni 'chi ba'i 'jig pa dang de las bshor yang phyi ma'i rgyar chud pas skye ba du mar 'chi bdag srin mo'i khar 'gro ba'o/) /'chi bdag khar ni song gyur pa/ (/'di yang skye bo du ma dang skye ba du ma song ba gnyis la sbyar/) ci ste da dung mi shes sam/ /rang sde rim gyis gsod pa yang/ /khyod kyis mthong bar ma gyur tam/ / 'on gyang gnyid la brten pa gang/ /gdol pa dang ni ma he bzhin/ (/te gdol pa ste shen pas ma he snga ma rnams gsod pa mthong phar phyi ma rnams mi skrag par rtswa za pa ltar/ 'chi ba med pa'i grong khyer du bros pa'i) lam ni kun nas bkag nas su/ /'chi bdag gis ni bltas bzhin du/ / @036a @#/ /ji ltar khyod ni za dga' zhing/ / 'di ltar gnyid log ji ltar dga'/ /myur ba nyid du 'chi 'gyur bas/ /ji srid ma shi'i bar du ni tshogs bsag bya/ /da lta sos dal bsdad nas 'chi khar dge ba byas pas chog go snyam na/ de tshe le lo spangs kyang ni/ /dus ma yin par ci zhig bya/ /bya ba 'di ni ma byas pa ste bya rgyu dang/ 'di ni brtsams pa ste mgo tshugs tsam dang/ /'di ni phyed tsam byas/ phyed tsam ma byas par gnas pa la/ /glo bur 'chi bdag 'ongs nas ni/ /kyi hud bcom zhes sems par 'gyur/ /mya ngan shugs kyis skrangs pa ste spos pa yi/ /mig dmar gdong las mchi ma 'dzag/ /nya du re thag chad pa dang/ /rang yang 'jigs bzhin du gshin rje'i pho nya'i bzhin te gdong la lta/ /ba'am/ yang sdig can 'ga' la mthong rgyu yang yod pa la sbyar/ rang sdig dran pas gdung ba dang/ /las las skyes pa'i rna bas dmyal ba pa rnams bsregs gtub sogs kyi tsheg sgra dang du skad bton pa'i dmyal ba'i sgra ni thos pa yis/ /skrag pas mi gtsang pa dbang med du shor pas lus gos shing// myos par 'gyur tshe ci zhig bya/ /da lta nas dge la brtson dgos so/ /rgya gar shar phyogs na nya gson po bza' ba'i don du gsos nas dgos dus su gsod pa ltar ram khyod ni 'chi ba na nya gson po bye tshan pa 'gre ba lta'i/ /tshe 'dir 'jigs dang ldan gyur na/ /sdig byas dmyal ba mi bzad pa'i/ /sdug bsngal rnams ni smos ci dgos/ /dmyal bar zangs zhun khol ma'i chu tshan gyis ni reg pa na/ /gzhon sha can la rab tsha ba'i/ /dmyal ba yi ni las byas nas/ /ci phyir 'di ltar bde bar gnas/ / @036b bde ba'i rgyu dge ba la) brtson (pa) med (par) 'bras bu bde ba 'dod pa dang/ /sdug bsngal cung zad tsam yang bsran mi bzod pa'i bze re can la gnod mang zhing/ /'chi bas bzung bzhin dud dung lha dbang 'dra bar yun ring du gson du re ba/ /kyi hud sdug bsngal dag gis bcom/ /des mi yi gru la brten nas su/ /sdug bsngal chu bo che las sgrol/ /gru 'di phyi nas rnyed dka' bas/ /rmongs pa zhes bos nas gru rnyed pa'i dus su bag med du gnyid ma log ! /bya ba ngan zhen kyi le lo spangs pa/ dga' ba'i rgyu ni mtha' yas pa'i/ /thabs dam chos dga' ba'i mchog spangs nas/ /sdug bsngal rgyu yi g.yeng ba rtsed mo sho spag ltad mo sogs dang/ /don med pa'i ngag 'khyal dang rgod pa sogs la khyod ci phyir dga'/ /tshe 'di'i ched skor ba/ bshad pa sogs kyang ngan zhen no/ /yang na dga' ba mtha' yas pa'i rgyu ste 'bras bu dga' ba mtha' yas pa/ gnas skabs bde 'gro/ /mthar thug byang chub bo/ / !sgyid lug pa'i le lo spangs pa/ sgyid lug med dang dpung tshogs go sgrub/ 'jug sgrub/ tshogs sgrub kyi dbung bsags pa/ nges 'byin 'thab pa sogs dang/ /lhur blang bdag nyid dbang bya dang/ /bdag dang gzhan du mnyam pa dang/ /bdag dang gzhan du brje bar gyis/ /don du rgyal po chos bzhis dgra las rgyal ba ltar/ sems gzengs bstod de sgyid lug med pa go cha/ tshogs gnyis dpung tshogs sbyor ba/ dngos gzhi ngan shes lhur blang/ lus sems las su rung bas bdag nyid dbang byed/ phyed phyi ma bsam le'i brjod bya yang 'bras bur bstan no/ /bdag lta bu'i byis bas sangs rgyas ji ltar thob snyam na/ bdag gis byang chub ga la zhes/ /sgyid lug par ni mi bya ste/ /'di ltar de bzhin gshegs pa ni/ /grol ba don gnyer la tshad ma'i skyes bu yin pas/ bden pa gsung bas bden 'di lag bzang gis zhus pa'i mdor gsungs/ /sbrang bu sha sbrang bung ba dang/ @037a @#/ /de bzhin srin bur gang gyur ba/ /des kyang brtson pa'i stobs bskyed na/ /byang chub thob dka' bla med 'thob/ /bdag lta rigs kyis khyad 'phags mir skyes la/ /phan dang gnod pa ngo shes pas/ / byang chub spyod pa ma btang na/ /bdag gis byang chub cis mi 'thob/ /'on te rkang lag la sogs pa/ /btang dgos bdag ni 'jigs she na/ /lci dang yang ba med byad par/ /sdug bsngal yang ba la lci bar rmongs pas bdag ni 'jigs par zad; ;bskal ba bye ba grangs med du / /lan grangs du mar bcad pa dang/ /dbug dang sreg dang gshags 'gyur gyi/ /byang chub thob par mi 'gyur ro/ /'di dar ta'i ka las sngon chad myong ba la sbyar la/ bu ston/ rgyal sras/ sa bzang rnams phyin chad myong rgyur sbyar ro/ /bdag gis byang chub sgrub pa yi/ /sdug bsngal 'di ni tshod yod de/ /zug rdu khong brlag gnod bsal phyir/ /lus (la gtar kha dang/ me gtsa' lta bu) rma btod pa'i sdug bsngal bzhin/ /sman pa kun kyang gso dpyad kyis/ /mi bde ba yi nad med byed/ /de bas sdug bsngal mang po dag /gzhom phyir mi bde chung bzod bya/ /gso dpyad phal ba 'di 'dra ba'ang/ /sman pa mchog gis (las dang pho ba la) ma mdzad de/ /cho ga shin tu 'jam po yis/ /nad chen dpag med gso bar mdzad/ /sbyin pa la ma goms pa'i tshe thog mar tshod ma la sogs sbyin pa la'ang/ /'dren pas thog mar sbyor bar mdzad/ /de la goms nas phyi nas ni/ /rim gyis rang gi @037b sha yang gtong/ /gang tshe rang gi lus la ni/ /tshod sogs lta bu'i blo skyes pa/ /de tshe sha la sogs gtong ba/ /de la dka' ba ci zhig yod/ (/sdug bsngal ni lus sems gnyis kyis bskyed pas) sdig pa spangs phyir sdug bsngal med/ /mkhas pa'i phyir na mi dga' med/ /'di ltar bdag dang bdag gir zhen pa'i) log par rtog pa dang/ /sdig pas sems dang lus la gnod/ /bsod nams kyis ni lus bde la/ /mkhas pa yi ye she sa kyis ni byang sems rtag tu ltar sems bde na/ /gzhan don 'khro bar gnas kyang ni/ /snying rje can dag ci ste skyo/ /'di ni byang chub sems stobs kyis/ /sngon gyi sdig pa zad byed cing/ /bsod nams dang ye shes kyi tshogs rgya mtsho sdud byed phyir/ /nyan thos rnams pas mchog tu lam bgrod myur bar bshad/ /de; bu mo zla ba mchog gis maung+gal gyi bu dang/ shA ri'i bu zil gyis mnan pa sogs ltar ro/ /de bas skyo ngal kun sel pa'i/ /byang chub sems kyi shing rta zhon nas/ /bde nas bde bar 'gro ba la/ /sems shes su zhig sgyid lug 'gyur/ ! /brtson 'grus kyi stobs bzhi ngos bzung mdor bstan/ sems can don 'grub bya phyir dpung/ /mos brtan dga' dang dor ba yin/ /zhes te/ brtson 'grus kyi mi mthun phyogs bzhi'am gsum spangs nas/ dpung rgyal po'i dpung tshogs yan lag bzhi bzhin/ las 'bras 'dor len la 'dun pa mos pa'i stobs dang/ brtags nas mthar 'byin pa brtan pa'i/ rtsed mo ltar ngoms med dga' ba'i/ ngal bsos te sos mthag rtsom pa dor ba'i ste bzhi'o/ /mos pa sdug bsngal 'jigs pa dang/ /de yi phan yon bsam pas bskyed/ /de ltar mi mthun phyogs spangs te/ /mthun rgyen mos @038a @#/ /pa dang nga rgyal te brtan pa dang dga' ba dang dor/ /pa'i stobs bzhi bskyed la/ dngos bzhi dran shes kyis brtson 'grus lhur len pa dang/ rjes lus sems la dbang sgyur stobs kyis ni/ / brtson 'grus spel phyir 'bad par bya/ ' /rgyas bshad mos pa'i stobs/ bdag dang gzhan gyi nyes pa ni/ /dpag med bdag gis gzhom bya ste/ /nyes pa mang po lta zhog / /gang du nyes pa re re la'ang/ /bskal ba rgya mtsho zad 'gyur ba/ /de lta bu rtsom dgos na bdag gi nyes zad rtsom pa de yi ni/ /cha yang bdag la ma mthong na/ /sdug bsngal dpag tu med ba'i gnas/ /bdag ko ci phyir snying mags/ /te sra ba'i don/ bdag dang gzhan gyi yon tan ni/ /mang po bdag gis bsgrub bya ste/ /de la yon tan mang po lta zhog /rin chen phreng ba las gsungs pa ltar/ yon tan re re yang/ /bskal pa rgya mtshos goms 'gyur na/ /bdag ni yon tan cha la yang/ /goms pa nam yang ma skyes te/ /ji zhig ltar rnyed skye ba ni/ /bdag gis don med byas pa mtshar// zhes yi chad pa'i bsting tshig go /bdag gis bcom ldan ma mchod cing/ /dga' ston chen po'i bde ma byin/ (/'chad nyan dang spang gnyen la 'dor len tshul bzhin ma byas pas) bstan la bya ba ma byas dang/ /dbul po'i bsam pa rdzogs ma byas/ /'jigs la ma 'jigs ma byin dang/ /nyam thag bde ma byin na bdag (/bdag mir skyes kyang) ma yi mngal gyi zug rngu 'grub pa'i bya ba) dang/ /'tsho thabs tsam gyi) sdug bsngal 'ba' zhig skyed par zad/ /gyi/ gzhan don ci yang ma byas so zhes 'gyod pa ste des byas dang ma byas kyi rnam @038b grangs la brtags te dam pa'i chos la 'dun pa med pa la smad pa'o/ /bdag ni sngon dang da ltar yang/ /chos la mos dang bral ba yis/ /phongs pa 'di 'dra byung bar gyur/ /su zhig chos la mos pa gtong/ /dge ba'i phyogs ni thams cad kyi/ /rtsa ba mos par thub pas zla ba sgron me'i mdo las gsungs/ /de yi tsa ba rtag tu ni/ /rnam smin 'bras bu bsgoms pas so/ /sdug bsngal yid mi bde ba dang/ /'jigs pa rnams pa sna tshogs dang/ /'dod pa rnams dang bral ba ni/ /sdig pa spyod las 'byung bar 'gyur/ /yid la bsams (pa ste spong sems kyis kun na bslangs) pa'i dge byas pas/ (/skye gnas gang dang gang du 'gro 'gyur ba/ /de dang der ni bsod nams des/ (/rnam smin gyi) 'bras bu'i yon tan gyis mngon mchod 'gyur/ / sdig pa byed pa bde 'dod kyang/ /gang dang gang du 'gro 'gyur ba/ /de dang der ni sdig pa des/ /sdug bsngal mtshon gyis rnam par 'joms/ (/dge ba'i chos la goms pa'i rgyal sras rnams dag pa'i zhing du mngal nas skye ba min gyi/ skye gnas kyi khyad par rgya che dri bzang bsil ba'i padma'i snying por gnas/ (/zas kyi khyad par 'jig rten pa'i kham zas min gyi/) rgyal ba'i gsung snyan zas kyis gzi brjid bskyed byas pa/ /skye ba'i khyad par thub pa rgyal ba'i 'od kyis rgyas padma las byung lus kyi khyad par mtshan dpe'i lus mchog can/ / thong 'dzin gyi khyad par rgyal ba'i mdun gnas bde gshegs sras su khyad par de rnams gang las byung zhen/ dge bas 'gyur/ /'di bu ston gyi ma'i mngal du skye ba rnams la 'di las bzlog pa'i mngal dog pa dang/ /dri dab/ drod kyis tsha ba/ pha ma'i mi gtsang ba las byung ba/ ma'i zas skyi bskyed pa/ @039a @#/ /mngal gyi dri bas gos pa/ skye dus 'chi zhing/ ma shi yang bcar la mnan pa rnams kyis sdug bsngal te/ mir skye ba 'dres mA las kyi rnam smin zhar la bstan par gsungs/ sreg gcod sogs sdig las kyis mi 'dod bzhin du skyen/ lus kyi khyad par gshin rje'i skyes bus pags pa ma lus bshus pas nyam thag cing/ /longs spyod kyi khyad par rab tu tsha ba'i me yis bzhus pa'i zangs zhun kha'i nang dang lus la blugs gyur la/ /'bar ba'i ral gri mdung thung gis bsnun sha yi dum bu brgyar lhags shing// gnas kyi khyad par shin tu 'bar ba'i lcags kyis gzhir lhung ba de rnams rgyu gang gis na/ mtshams med dang chos spong sogs kyi las mi dge mang pos 'gyur/ /de bas dge la mos bya zhing/ /gus pa nyid du bsgom par bya/ ' /brtan pa'i stobs sam snga rgyal kyi stobs ni/) rdo rje rgyal mtshan gyi bsngo ba'i le'u drug pa las gsungs pa'i cho ga 'am rnams pa'am rim pa yis/ /brtsams nas ci nas kyang sgrub nus so snyam pa'i nga rgyal bsgom par bya/ /dang por 'byor ba ste nus pa yod med brtags nas ni/ /brtsam mam yang na mi brtsam bya/ /ma brtsams pa nyid mchog yin gyi/ /brtsams nas ldog par mi bya'o/ /brtsams nas dor na nyes pa ci yod ce na/ skye ba gzhan du de goms shing/ /sdig dang sdug bsngal 'phel bar 'gyur/ /ma brtsams pa'i dge ba gzhan mi 'grub pa dang brtsams nas bzhag pa'i 'bras bu'i dus kyang ni/ /yun nur te dman par 'gyur dge ba'i bya ba phyi ma de yang 'grub mi 'gyur/ /las dang nyon mongs nus pa ste/ /zhes dge ba'i bya ba de la zhugs nas bya ba'i las @039b dang; spang nyon gzhom pa dang/ 'jug ldog byed pa'i nus pa ste gsum po dag la ma zhum pa'i snying stobs bskyed pa'i nga rgyal bya/ /bdag nyid gcig pus bya'o zhes/ /'di ni las kyi nga rgyal nyid/ /nyon mongs dbang med du gyur ba'i phal pa 'jig rten 'dis/ / rang don cam yang sgrub par mi nus pas/ /'gro ba phal bas byang sems bdag ltar gzhan don mi nus te/ /de bas bdag gis (gzhan don 'di bya'o/ (/skye bo) gzhan dag (ldan ljin 'phyag ba sogs) dman pa'i las byed na/ / bdag nyid kyang ni (sems can thams cad kyi bran du khas blangs nas dal bar) ji ltar 'dug (/nyon mongs pa'i) nga rgyal gyis ni mi byed de/ /bdag la nga rgyal de med pa (ni spyod pa'i) mchog (/yin no/ /nus pa'i nga rgyal las nus pa la ngar rgyal med pa'i nyes pa ni/ bdag gnyen po stobs chung na/ sprul shi ba ltar lhung ba chung dus kyang gnod pa/) shi ba'i sprul dang phrad gyur na/ /khra yang mkha' lding lta bur spyod/ /gal te bdag nyid nyam chung na/ /ltung ba chung du'ang gnod par byed/ (/des na nyon mongs 'joms pa la gnyen po'i stobs bskyed dgos pa/ gnyen po nyams stobs chung na bsam pa zhum par byas pa dang/ don gnyis sgrub pa'i lus ngag gi) rtsol ba dor ba la/ /phongs las thar pa yod dam ci/ (/nga rgyal byas pa'i phan yon/ (yid kyis gnyen po'i stobs bskyed pa'i) nga rgyal dang lus ngag gis) rtsol ba bskyed byas na/ /spang bya chen po yis kyang thub par dka'/ /de bas sems ni brtan pa yis/ /lhung ba rnams ni gzhom bya ste/ /bdag ni ltung bas pham byas na/ /khams gsum rgyal (ba'i sangs rgyas thob) 'dod bzhad gad 'gyur/ (/gnyen po'i nga rgyal la @040a @#/ /gnas pa/) bdag gis (nyes pa) kun las rgyal bya ste/ /bdag las (khams gsum pa'i spang bya su yang rgyal mi bya/ /'o snyam pa'i) rgyal bseng ge'i sras bdag gis/ /nga rgyal 'di la gnas par bya/ (/nyon mongs pa'i nga rgyal la smad pa/ 'gro gang nga rgyal gyis bcom de/ /nyon mongs (pa'i gzhan dbang du gyur pas) nga rgyal can ma yin/ (te;) nga rgyal can dgra'i dbang mi 'gro/ /ba la/ de dag (nyon mongs pa'i) nga rgyal dgra dbang gyur/ (de'i nyes dmigs/) nyon mongs nga rgyal gyis khengs nas/ (/ni/) ngan 'gror nga rgyal gyis khrid cing/ (/mir skyes na'ang) mi yi dga' ston bcom pa dang/ /gzhan gyi zan za'i bran dang ni/ /glen pa mi sdug nyam chung dang/ /thams cad du ni brnyas par 'gyur/ /de spang rigs pa/ nga rgyal gyis khengs dka' thub can/ /de yang (nyon mongs pa'i nga rgyal can gtogs na/ /dman pa ci 'dra yin pa smros/ (/shig ste dgra'i dbang du gtong ba'i nga rgyal de spang rigs so/ /gnyen po'i nga rgyal gyi phan yon ni/) gang zhig nga rgyal (nyon mongs pa'i) dgra las rgyal phyir (gnyen po'i) nga rgyal 'chang/ /ba de ni (gnyen po'i stobs chi bas) nga rgyal can dang (dgra las) rnam rgyal dpa' (bo yang) de nyid/ (/yin te/) gang zhig (sems khengs pa'i nga rgyal gyi) dgra bdo ba yang nges bcom ste/ /'gro (ba mtha' dag la ji ltar 'dod bzhin rgyal ba'i 'bras bu rdzogs par byed/ (/nyon mongs la nga rgyal bya ba/ khro sogs) nyon mongs phyogs kyi khrod gnas na/ /rnam pa stong du (gnyen po'i stobs kyis) sran gzugS @040b par bya) te/ /wa la sogs pas seng ge (la mi tshugs pa) bzhin/ /du nyon mongs tshogs kyis mi tshugs bya/ /nyam da che thang (ste nyon mongs pa'i 'jigs pa chen po'i byung gyur kyang/ /mi yis mig ni gces par bsrung ba ltar/ /de bzhin (nyon mongs kyi dbang du 'gro la khyad pa'i) nyam nga byung gyur kyang/ /nyon mongs dbang du mi 'gyur bya/ /bdag ni bsregs te bsad gyur tam/ /bdag gi mgo bo bcad kyang bya'i/ /rnam pa kun tu nyon mongs pa'i/ /dgra la 'dud par mi bya'o; ;de bzhin gnas skabs thams cad du/ /rigs pa las ni gzhan mi spyad/ ! (/dga' ba'i stobs/ byis pa 'ga' zhig) rtsed mo'i bde 'bras 'dod pa ltar/ (/sems dpa') 'di yi (gzhan don bya ba'i las gang yin/ /las de la ni zhen bya ste/ /las de mi ngoms dga' bar bya/ (/'jig rten pa rnams lus sems) bde ba'i don du (zhing las byas kyang/ /'bras bu bde 'gyur mi 'gyur gtol med kyi/ (/byang chub sems dpa') gang gi las nyid (gnas skabs mthar thug nges par) bde 'gyur ba/ /de las mi byed ji ltar bde/ /sbu gra'i sor chags sbrang rtsi lta'i/ /'dod pa rnams kyis mi ngoms na/ /rnam smin bde la mthar zhi pa yi/ /bsod rnams kyis lta ci ste ngoms/ /de ltas las tshar phyin bya'i phyir; ;nyi ma phyed dus gdungs pa yi/ /glang chen mtsho phrad mtshor 'jug ltar/ /las de la yang 'jug par bya/ ! (/dor pa'i stobs/ 'bad ches pas) stobs nyams pa dang rjes 'brel na/ (/ngal bsos la) slar bya'i don du (re zhig) 'dor bar bya/ / @041a @#/ (/brtsams pa de) legs par zin na ('ang de la zhen nas mi bsad par de bas bzang ba'i) phyi ma dang/ (/de zin nas de bas bzang ba'i) phyi ma (byed par) 'dod pas (snga ma snga ma) de spang bya/ ! (/dran dang shes bzhin gyi spyod pa lhur len pa/) 'thab rnying dgra dang lhan cig tu/ /g.yul dor ral kha lhags pa (ste ral gris brdeg pa'i tshe tshur mtshon cha mi phog pa dang/ phar phog par brdeg pa) bzhin/ /nyon mongs mtshon las gzur bya zhing/ /nyon mongs dgra rnams 'jebs par (te shin tu'am brtan par/) btab/ (/brtog ces ba'ang yod gsung ngo/) /g.yul du ral gri lhung gyur na/ /'jigs pas myur du len pa ltar/ /de bzhin dran pa'i mtshon shor na/ /dmyal ba'i 'jigs dran myur du blang/ /ji ltar (te dper na/ dgu can gyi mda' lus la phog na dug cung zad cig las med kyang rtsa spubs kyi) khrag la rten bcas nas/ /dug ni lus la khyab gyur pa/ /de bzhin (nyon mongs pa) glags (te skabs) ni rnyed gyur na/ /nyes pas sems la khyab par 'gyur/ /yungs mar bkang ba'i snod bskur la/ / ral gri thogs pas drung bsdang de/ /bo na gsod bsdigs 'jigs pa ltar/ (/byang sems kyi) brtul zhugs can gyis de bzhin bsgrim/ /de bas pang du sprul 'ongs na/ /ji ltar ring pas ldang ba ltar/ /de bzhin gnyis dang snyom/ 'ongs na/ /myur du de dag bzlog par bya/ (/ji ltar bzlog snyam na) nyes pa byung ba re re zhing/ /bdag la smad nas ci nas kyang/ /bdag la phyis 'di mi 'byung ba/ /de ltar bya zhes yun ring bsam/ /ji ltar (nyes pa mi 'byung ba dang/ byung @041b yang sel ba'i) gnas skabs 'di dag la/ (/thabs gang gis brjed med kyi) dran pa goms pa nyid 'gyur zhes/ (/yang yang sems pa'i) rgyu 'di yis ni (theg pa chen po'i dge ba'i bshes gnyen dang) phrad pa'am/ (/de ma thag ma phrad kyang de'i bka' bzhin blang dor ji ltar) rigs (shing 'thad) pa'i las ni 'dod (pas don du gnyer bar gnas) par bya/ ! (/spyod pa sgrub pa las bdag nyid dbang du bya ba/) ci nas las byed sngon rol nas/ /thams cad la ni mthu yod pa/ /de ltar bag yod gtam dran te/ /bdag nyid (dge ba'i las la mtshor snang dang bral ba'i) ldang ba yang bar bya/ /ji ltar rlung ni 'gro ba dang/ /'ong bas shing bal dbang sgyur ba/ /de bzhin spro bas dbang bsgyur te/ /de lta na ni (dge ba'i las thams cad myur du) 'grub pa 'gyur/ /byang chub sems dpe'i spyod pa la 'jug pa las/ /brtson 'grus bstan pa zhes bya ba ste le'u bdun pa'o// ! (//bsam gtan bsgom dgos pa gdams pa/) de ltar brtson 'grus bskyed na ni/ /yid ni ting nge 'dzin la bzhag /sems ni rnam par g.yengs pa'i mi/ /nyon mongs mche ba'i phrag na gnas/ /lus ('di 'dzi) dang sems ni (rnam g.yeng gis dben pa dang/ /byang chub sems dpa' chen po rnams rang don yid byed la) dben pa yis/ /rnam par g.yeng ba i 'byung ngo/ /de bas 'jig rten (ba'i gnyen bshes sogs 'du 'dzi) spang bya zhing/ /rnam par rtog pa yongs su dor/ ! (/lus dben pa'i thabs 'du 'ji spangs pa la gnyen po bskyed thabs/ nang sems can la) chags pa'i phyir nang (phyi) rnyed sogs la/ /sred pas 'jig rten (gyi zhen pa) mi spong ste/ /de bas 'di dag @042a @#/ /yongs spong la/ /mkhas pas 'di ltar spyad par bya/ /zhi gnas rab tu ldan pa'i lhag mthong gis/ /nyon mongs rnam par 'joms par shes byas nas/ /thog mar zhig nas btsal bya de yang ni/ (/phyi nang gi) 'jig rten (la) chags pa med la mngon (par) dag ('a ba) sa 'grub/ (/rang myur du 'chi ba'i) mi rtag (pa) su zhig mi rtag (pa'i chung ma sogs) la/ /yang dag chags par byed pa yod/ /des ni tshe rabs stong phrag tu/ / (rnam smin) sdug pa mthong (ba dang 'phrad) bar yong mi 'gyur/ /ma mthong na ni dgar mi 'gyur/ (/la/ des yid mi bde 'phel nas) yid kyang (ting 'dzin la) mnyam 'jog mi 'gyur la/ /mthong yang goms par mi 'gyur bas/ /sngar bzhin sred pas gdung bar 'gyur/ /sems can rnams la chags byas na/ /yang dag nyid (stong nyid mthong ba) la kun na sgrib/ /skyo ba'i sems kyang 'jig pa byed/ (/pas thar pa mi thob/) tha mar mya ngan gdung bar 'gyur/ /de la sems pa 'ba' zhig gis/ /tshe 'di don med 'da' bar 'gyur/ (/te/ dper na rgyal pos btsun mo la sems pa bzhin no/) /rtag pa med pa'i mdza' bshes kyis/ (/mi 'gyur ba'i thar ba) g.yung drung (drang thabs) chos kyang 'jig par 'gyur/ /byis dang skal ba mnyam spyod na/ /nges par ngan 'gror 'gro 'gyur te/ /skal mi mnyam par khrid byed na/ /byis pa bsten pas ci zhig bya/ /skad cig gcig gis mdza' 'gyur la/ yud tsam gyis ni dgrar yang @042b 'gyur/ /dga' ba'i gnas (dge ba'i la sbyar na de) la khro byed pas/ /so so'i skye bo mgu bar dka'/ /phan par smras na khro bar byed/ (/kyi/ blang dor la mi slob/) bdag kyang phan las zlog par byed/ /de dag ngag ni ma mnyan na/ (/brnyas so snyad/ nas da dag) khro las ngan 'gror 'gro bar 'gyur/ /mtho la phrag dog mnyam dang 'gran/ /dma' la nga rgyal bstod na dregs/ /mi snyan brjod na khrong khro skye/ /nam zhig byis las phan pa 'thob/ /byis dang 'grogs na byis pa las bdag bstod gzhan la smod pa dang/ /'khor bar dga' ba'i gtam la sogs/ /mi dge cis kyang nges par 'byung/ /de ltar bdag (sten byed kyi byis pa) dang gzhan bsten (bya'i byis pa mnyam du 'grogs) pa/ /des ni (rang bzhin gnyis ka phung bar 'gyur bar zad/ /des kyang bdag don ma byas la/ /bdag kyang de don mi 'gyur bas/ /byis las thag ring byol bar bya/ /phrad na dga' bas mgu byas te/ /'dris chen nyid du mi 'gyur ba/ /tha mal pa tsam legs par bya/ /bung pas me tog sbrang rtsi bzhin/ /mchos kyi don tsam blangs nas ni/ /kun la sngon chad ma mthong bzhin/ /'dris pa med par gnas par bya/ /bdag ni rnyed mang bkur sti bcas/ /bdag la (skye bo) mang po dga' 'o zhes/ /de 'dra'i snyems pa 'chang (zhing rgyas par) gyur na/ /shi ba'i 'og tu 'jigs pa skye/ /de bas rnam pa rmong pa'i yid/ /gang dang gang la chags gyur pa/ /de dang de bsdongs (ni be ros rnyed pa sogs sdug bsngal gyi rgyur @043a @#/ /gyur nas gnas pa/ dar TIka dang rgyal sras pas/ bsdongs ste bsdoms pa/ /gtsang nag pas bsdoms na/ bka' gdems pas na sdongs pa ni phan par de/ phar phan pa de las tshur gnod che ba la gsungs/) stong 'gyur du/ /sdug bsngal nyid du 'gyur zhing ldang/ /de bas mkhas pas chags mi bya/ /chags pa las ni 'jigs pa skye/ /'di dag (mi rtag pa'i) rang bzhin 'dor 'gyur bas/ (/tshul de la yid) brtan par gyis te rab tu rtogs/ /rnyed pa dag ni mang byung zhing/ / grags dang snyan pa byung gyur kyang/ /rnyed dang grags pa'i tshogs bcas te/ /gang du 'dong pa'i gtol med do/ /bdag la smod pa gzhan yod na/ /bstod pas bdag dgar ci zhig yod/ /bdag la bstod pa gzhan yod na/ / smad pas mi dgar ci zhig yod/ ! (/gnyis pa 'du 'ji'i nyes dmigs bsams nas dben pa bsten pa'i phan yon bsgom pa/) sems can mos pa sna tshogs pa/ /rgyal bas kyang ni mi mgu na/ /bdag 'bral ngan bas smos ci dogs/ de bas 'jig rten bsam pa btang/ /sems can rnyed pa med la smed/ /rnyed pa can la mi snyan brjod/ /rang bzhin 'grogs dka' de dag gis/ /dga' ba ji ltar skye bar 'gyur/ /gang phyir byis pa (rnams kho rang la mkho ba'i) rang don ni/ (/gzhan las lhag pa zhig) med par dga' ba (ra 'gyur thabs) mi 'byung bas/ /byis pa (so so'i skye bo) 'ga' yang bshes (par bya ba) min zhes/ /de bzhin gshegs pa rnams kyis (zla bsgron se'i mdo la) gsungs/ (/sngar sems can mgu bya ma gtogs zhes @043b pa dang 'gal lo zhe na/ /de la gnod spong phan bde sgrub dgos pa la/ /'di ni rang don chags zhen gyis 'dris bas mi 'dra'o/ /gtsug lag phreng bas kyang don nam yin pa la mgu bar mi bya/ don yin pa la mgu bya/ dper na gdol pa srog gcod las ldog pa bzhin no zhes bshad/ nags na ri dwags bya rnams dang/ /shing rnams mi snyan rjod mi byed/ /'grogs na bde ba de dag dang/ /nam zhig lhan cig bdag gnas gyur/ /phug gam lha khang stong pa'am/ /ljon shing drug du gnas bcas te/ /nam zhig rgyab tu mi lta zhing/ (/spangs zin pa'i rnyed sogs la mi blta ba ste/ mdo las/ byang chub sems dpa' chos bzhi la mi blta ba ste/ khyim gyis la mi blta ba dang/ nyed pa na bkur sti la mi blta ba dang/ khyim dang 'dres pa'i bya ba la mi blta ba dang/ lus dang srog la mi blta ba'o/) /chags pa med par 'gyur zhig gu/ / sa phyogs bdag gir bzung med pa/ /rang bzhin gyis ni yangs rnams su/ /rang dbang spyod cing chags med par/ /nam zhig bdag ni gnas par 'gyur/ /lhung bzed la sogs nyi tshe dang/ (/chom rkun sogs) kun la mi mkho'i (phyag dar khrod kyi) gos 'chang zhing/ /lus 'di (btsan sar) spa bar ma byas kyang/ (/bsad 'phrog sogs) 'jigs med gnas par nam zhig 'gyur/ /dur khrod song nas gzhan dag gi /rus gong dag dang bdag gi lus/ /'jig pa'i chos can dag tu ni/ / nam zhig mgo snyoms byed par 'gyur/ /bdag gi lus ni 'di nyid kyang/ /gang gi dri yis wa dag kyang/ /drung du nyer 'gro mi 'gyur ba/ /de lta bur ni 'gyur ba 'ong/ /lus 'di gcig pu (ste mnyam gcig tu) byung ba yang/ /lhan cig skyes @044a @#/ /pa'i sha rus dag /zhig ste so sor 'gyes 'gyur na/ /dang po nas so sor 'ongs pa'i) mdza' ba gzhan lha ci zhig sems/ /skye na gcig pu skye 'gyur zhing/ /'chi na'ang de nyid gcig 'chi ste/ /sdug bsngal skal gzhan mi len na/ /gegs byed mdza' bas ci zhig bya/ /lam dag tu ni zhugs pa rnams (/sogs ni/ lhan cig tu 'gro ba'i mgron po zhag gcig gnas khang gcig tu tshogs pa lar las kyi srid pa'i lam ring por zhug pa rnams rigs gcig pa'i gnyen sogs skye gnas gcig tu tshogs pa tsam mo/ ! /yang na mnyam zhugs sa mgron po nub mo nyal sa so sor byed pa ltar skye gnas so sor 'dzin pa las/ lhan cig tu 'gro la med do zhes pa ste/) ji ltar gnas ni 'dzin byed ltar/ /de bzhin srid pa'i lam zhugs pa'ang/ / skye ba'i gnas ni yongs su 'dzin/ (/gang ltar gnyen pa shes rnams mgron po dang 'dra par 'grogs su med pa dran pa'o/) /'jig rten kun nas gdung bzhin du/ /ji srid skyes bu bzhi yis ni/ /de las de ni ma bteg pa/ /de srid du ni nags su song/ /bshes med 'khon pa'ang med byas nas/ /lus 'di gcig pu dben gnas te/ /snga nas shi dang 'drar brtsis nas/ /shi na'ang mya ngan byed pa med/ /drung na 'khrod pa (bya'i bdag dwags sogs) su dag kyang/ /mya ngan gnod pa byed med pa/ /'di yis sangs rgyas dzes dran (la) sogs/ (/pa'i ting nge 'dzin las) sus kyang g.yengs par 'gyur ba med/ /de bas shin tu mdangs dga' ba'i/ /nags tshal tshogs chung bde skyed cing/ /g.yeng ba thams cad zhi byed par/ /bdag nyid gcig pu @044b gnas par bya/ ! /bsam pa gzhan ni kun btang ste/ /bdag (gi byang chub kyi sems 'phel ba'i thabs) la sems pa gcig pu yis/ /sems ni mnyam par gzhag phyir dang /dul bar bya phyi brtson par bya/ /'jig rten 'di dan phal rol tu'ang/ / 'dod pa rnams ni phung khrol skyed/ /'dir ni gsad dang bcing dang gcod/ (/pa sogs mngon sum du mthong la/) pha rol tu ni dmyal sogs sgrub/ /pho nya pho nya mo la sngon/ (/gnyen du bsdebs pa'am gzhan gyi bud med dgug pa) gang phyir du mar gsol ba thab (ste zhu ba byed) cing/ (/ngan 'gro'i rgyu) sdig pa rnams sam grags (pa) min (pa gtam ngan) la'ang/ (/bud med) gang gi don du ma 'dzems par/ (/rgyal po'i btsun mo'i phro brang sogs) 'jigs pa ('byung ba'i sa) la yang bdag zhugs shing/ (/skyes ston sogs) rdzas kyang zad par byas gyur te/ /gang la yongs su 'khyud pas na/ /mchog tu dga' 'gyur de dag nyid/ /geng rus nyid yin gzhan min na/ (/dang po nas) rna dbang (du gyur pa) dang ni (min/) bdag (tu yongs su bzung ba yang) min (pa) la/ /rab tu 'dod cing yongs zhen nas/ /ci phyir mya ngan 'das mi 'gro/ (/chags yul bud med) gang zhig dang po (bzhin blta bar 'dod pas) 'bad de (gdong pa) bteg/ (/cing steng du) drangs kyang (chung ma) ngo tsha ba sa 'og tu lta; ;(shi nas dur khrod du bskyel ba'o) sngon du ni (gzhan gyis) mthong ngam ma mthong yang/ /gos (te ras) kyis gdong ni g.yogs par 'gyur/ /khyod (da lta gang la) nyon mongs (shing chags) pa'i gdong de ni/ /da lta (khyod la) mngon @045a @#/ /sum (du mthong bar) gyur pa bzhin/ (/du shi nas) bya rgod kyis (gdong g.yogs) bsal (bar) byas (pa) mthong nas/ (/de g.yogs bsal nas mthong ba yang 'di rang yin pas) da lta (legs par mi blta bar) ci phyir ro la 'jigs shing) 'byer bar (te bros par) byed/ (/yang na sngar bzhin chags rigs/ yang na sngar nas bros rigs/ sngar gson po'i tshe bltas kyang mi mthong ba de dur khrod du gsal bar mthong ba de yin na cis kyang dur khrod yang yang blta bar 'gro rigs/ sngar g.yogs pa'i tshe bkag kyang blta 'dod la/ da lta g.yogs med pa'i tshe 'gugs kyang bros pa 'gal lo/) /gzhan rnams mig gis lta na yang/ /gang zhig yongs su bsrungs gyur pa/ (/lus) ji srid de ni (de lta phyag rgod) des za na/ /ser sna can khyod cis mi bsrung/ (/ste bsrung rigs so/) /sha yi phung po 'di mthong nas/ /bya rgod dan gzhan (khyi sbyang sogs kyis) za byed na/ /gzhan gyi zas la me tog gi /phreng ba tsandan rgyan gyis mchod/ /rus gong nyid du mthong na ni/ /mi 'gul yang de khyod skrag na/ /ro langs bzhin du (yid) 'ga' yis kyang/ /bskyod par gyur na cis mi 'jigs/ /gang la (gos kyis) g.yogs kyang 'di (la) chags pa/ /de (dur khrod du gos kyis) ma g.yogs (par yod) na cis mi 'dod/ (/de/ 'dod dgos so/) de (mi gtsang ba yin pas de) la dgos pa med (do zhe) na ni/ /g.yogs pa la ni ci phyir 'khyud/ (/de/ mi gcang bar mtshungs pa'i phyir ro/ /bu ston gyis/ /sha lpags kyis ma g.yogs pa'i keng rus mi 'dod na g.yogs kyang mi gtsang ba dan keng rus de so na gnas par ci'i phyir 'khyud/ ces gsungs/ zas ni gcig pu nyid las @045b ni; ;bshad dang kha chu byung gyur na/ /de las bshang la mi dga' zhing/ /kha chu la khyod ci phyir dga'/ /shing bal reg na 'jam pa yi/ /sngags la dga' bar mi byed par/ /dre nga 'dag pa (mngon sum du mthong bzhin du da dung) ma yin zhes/ / 'dod ldan mi gtsang ba la rmongs/ /'dod ldan ngan pa rmongs pa rnams/ /shing bal reg na 'jam pa la'ang/ /nyal po bya bar mi nus zhes/ /de la khro bag tu byed/ /gal te ma gtsang chags med (zer) na/ /rus gzeb rgyus la sgrel ba la/ /sha yi dam gyis zhal zhal byas/ /gzhan (bud med kyi mi gtsang ba'i lus de) khyod ci phyir pang du 'khyud/ / khyod nyid (rang gi las mi gtsang mang yod pa/ /de nyid la khyod gtan (du) spyod cing/ /mi gtsang (ba'o) rgyal ba gzhan dag (bud med kyi lus) la'ang/ /mi gtsang brkam (pa ste sred) pas (rang gi mi gtsang pas ma tshim par gzhan gyi mi gtsang ba bsnan cing) 'dod par (ci'i phyir) byed/ (/khyod bud med kyi lus sems gang la chags/) bdag ni (bud med kyi) sha 'di la dga' zhes/ /reg pa dang blta bar 'dod do zhes na lo /sems med pa yi rang bzhin gyi/ /shi ba'i sha 'jam gong lta bu ni khyod go cis mi 'dod/ (/bud med kyi sems la chags so zhe na/) 'dod pa'i sems gang yin pa de/ /la reg dag blta bar mi nus la/ /gang zhig nus (pa'i lus) de shes pa min/ /don med (de 'dod don 'grub rgyu med pa'i lus de la) 'khyud des ci zhig bya/ (/sgyur mas bslus pa'i blon po bzhin te) mi gtsang rang bzhin gzhan gyi lus/ (/re zhig lkog gyur mi gtsang bar) mi rtogs ngo mtshar me che yi/ / @046a @#/ /rang nyid mi gtsang nyid yin par/ (/rang la mngon sum du snang ba 'di yang) rtogs par mi 'gyur ngo mtshar che/ (/bud med kyi lus mi gtsang ba yod kyang mdog dbyibs dri reg bya 'jam pas chags so zhe na/) sprin bral nyi zer gyis bye ba'i/ padma gzhon nu (ste gsar pa la'ang de dag tshang na/ de la chags rigs pa la de) spangs nas de/ /mi gtsang (ba la chags shing) zhen pa'i sems kyis ni/ /mi gtsang (ba'i rus) gzeb la ci'i phyir dga'/ /sa phyogs mi gtsang gis gos pa/ /gal te reg par mi 'dod na/ /gang las (bshang gci) de ni byung ba yi/ /lus la ji ltar khyod reg 'dod/ /gal te (bdag ni) mi gtsang (ba la) chags (pa) med (do zhe) na/ /mi gtsang (ba du ma'i gnas su gyur pa'i) zhing (mngal gyi sbubs) las byung gyur cing/ (/mngal) de yi sa bon (pha ma'i khu khrag mi gtsang ba) des bskyed pa/ (/yi) gzhan (bud med kyi lus la) khyod ci phyir bang du 'khyud/ /mi gtsang (ba'i bshang ba/) las byung mi gtsang (ba'i) srin/ (/'bu chung ngu'ang khyod 'dod (par) mi byed (pa) la/ (/ngo bo) mi gtsang mang po'i rang bzhin lus/ (/rgyu) mi gtsang (ba'i rdzas so drug gi rang bzhin las) skyes pa'ang (ji ltar) 'dod (cing chags) par byed/ /khyod ni rang nyid mi gtsang la; ;smod mi byed par ma zad kyi/ /mi gtsang rgyal pa mi gtsang la/ /brkam pas (chags par ma zad mi gtsang ba mang po) gzhan yang 'dod par byed/ (/shin tu gtsang ba'i) ga pur la sogs (sman bzang po) yid 'ong dang/ /'bras chen @046b dag gam (sdo rdad zhim po'i) tshod ma'ang rung/ /khar bcug phyir phyung por ba yis/ (/kho rang ngo bo lta zhog /sangs yang mi gtsang ba tsog par 'gyur/ (/na/ de ltar byed pa'i lus de la chags mi rigs/) gal te mi gtsang 'di 'dra ba/ /mngon sum (du mthong bar) gyur kyang (da dung) the tshom (za zhing yid mches) na/ /dur khrod dag tu bor ba'i lus/ (/rnam par sngos pa dang rnam par bam pa dang rnam par brangs pa dang rnam par 'bus gzhigs pa dang rnam par rul ba sogs kyi) mi gtsang (ba) gzhan yang blta bar gyis/ (/lus) gang las pags pa'i kha phye (bste ba shus pa'i dmar por mthong) na/ /'jigs pa chen po skye 'gyur bar/ /shes kyang (da dung) ji ltar de nyid la/ /phyir zhing dga' ba skye bar 'gyur/ (/te/ dga' bar mi rigs pas shin tu 'khrul ba'o/ /lus ni nang mi gtsang ba yin yang/ /phyi tsandan sogs kyi dri bzang po byugs pas 'dod do zhe na/) /lus la bskus pa'i dri de yang/ /tsandan (dang ga pur) sogs (kho na'i dri) yin (gyi;) gzhan (lus kyi dri) ma yin/ (/pas) gzhan gyi dri des (mi gtsang ba'i lus) gzhan dag la/ /ci yi phyir na chags par byed /gal te dri bskus kyang lus) rang bzhin (gyis) dri nga bas/ /na/ (lus) 'di la ma chags (na) legs min nam/ (/chags na sdug bsngal du ma 'dren pas so/ /'jig rten don med la sred pa dag (/lus la chags pa'i ched du) ji ste (lus) de la dri zhim skud/ (/par byed de/ bshang snod la dri bzang byugs pa bzhin no/) /'on te dri zhim/ (de ni) tsandan (sogs kyi yon tan las byung ba yin) na/ /lus las 'dir ni (dri zhim/) ci zhig 'byung/ /gzhan gyi dri yis gzhan (dri nga ba'i lus) dag la/ /ci yi phyir na chags par byed/ /skra dang @047a @#/ /(sen mo sogs byi dor byas pas mdzes shing 'dod do zhe na/) gal te (byi dor ma byas pa'i lhan cig skyes pa'o) skra sen ring ba dang/ (/chu sogs kyis ma bkrus pa'i) so skya drir bcas 'dam gyi dris/ /bsgos pas lus kyi rang bzhin ni/ / (dri mi zhim pa dang/ gos med na lus) gcer bu (yi dwags dang ro langs ltar 'jigs su rung ba'i) 'jigs pa nyid yin na/ /rang la gnod pa'i mtshon (cha) bzhin du/ /de 'bad ci phyir byi dor byed/ /bdag la rmongs (pa bskyed par byed) pa'i (las la) 'bad pa yis/ /smyos pas sa 'di kun tu 'khrugs/ (/pa ste skyo ba'i gnas so zhes sams 'di kun tu khengs so zhes legs/) rus gong 'ba' zhig mthong nas ni/ /dur khrod du ni yid 'byung na/ /g.yo ba'i rus gong gis khyab pa'i/ /grong gi dur khrod la dga' 'am// de ltar mi gtsang gyur pa (bud med) de 'ang/ /rin med par ni mi rnyed do/ /de don bsgrubs pas sha thang/ (ste ngal ba) dang/ /dmyal la sogs pa'i gnod par 'gyur/ /byis pa nor spel mi nus pas/ /dar la bab na (nor spel ba) 'dis ci zhig bde/ /nor sogs pa yis ('bad rtsol gyis) tshe gtugs na/ /rgas nas 'dod (pa bsten mi nus) pas ci zhig bya/ /mdor na tshe 'dir 'dod pa bsten pa'i go skabs ma rnyed pa'o/) /'dod (pa la chags pa dang) ldan (pa bran la sogs pa) ngan pa kha cig ni/ /nyin rangs (te nyin gang zhing las sogs) las kyis yongs dub ste/ /khyim du 'ongs nas (thang) chad pa'i lus/ /mtshan gang) ro dang 'dra bar (gnyid) nyal bar byed/ /cing/ (tho rengs langs nas yang dman pa'i las de nyid du 'gro bas/ @047b 'dod pa bsten mi nus so/ /kha cig byes bgrod nyon mongs (pa ste ngal ba) dang/ /thag ring du song ba'i sdug bsngal can/ /rnams rang gi) bu smad (dang 'phrad par) 'dod bzhin bu smad rnams/ /khyud 'khor los kyang (ste lo ril por yang) mthong (bar) mi 'gyur/ (/na/ 'dod pa mi rnyed pa smos ci/) bdag la phan 'dod kyang thabs la rnam rmongs pas/ /gang (rnyed ba'i) don nyid du (lus) btsongs pa yang/ /gla rngan de ma thob par don med pa'i/ /gzhan gyi las kyi rlung gis bdas/ /nas 'chi bas 'di phyi phung ngo/ /la la rang gi lus (chu ngam dang bcas bran g.yog tu) btsongs shing/ /dbang med gzhan gyis bkol gyur te/ (/lam du) chung ma dag kyang bu byung na/ /'ang/ shing drug dgon pa (sogs gang byung byung gang) bab bab tu 'byung/ (/zhing btsa' bar byed dgos pa dang) 'dod pas bslus pa'i glen pa dag (/yun ring du) 'tsho 'dod 'tsho bar bya'o zhes/ /zer bzhin du srog stor dogs bzhin g.yul du 'jug /khe phyir bran du 'go bar byed/ /'dod ldan la la (gzhan gyi chung ma dang nor phyugs 'phrog pa sogs kyi rgyus) lus kyang bcad/ /kha cig (rgyal po'i chad pas) gsal shing rtse la btsugs/ /kha cig mdung thung dag gis bsnun/ /kha cig bsregs bdag kyang snang/ (/nor med ba la dka' ba chen pos) bsag dang bsrung dang brlag pa'i gdung ba yis/ /nor ni phung khrol mtha' yas shes par bya/ /nor la chags pas g.yengs par gyur pa rnams/ /srid pa'i sdug bsngal las grol skabs med do/ /'dod ldan rnams la de la sogs/ / @048a @#/ /nyes dmigs mang la mnog chung ste/ /shing rta 'dren pa'i phyugs dag gis/ (/lam gyi g.yas g.yon du) rtswa ni kham 'ga' zos pa (la shing rta'i 'khor lo byung ste sgyid pa gcod pa) bzhin/ /phyugs kyis bsgrubs na'ang mi dkon pa'i/ /mnog chung gang yin de don du/ /dal 'byor phun sum rnyed dka' 'di/ /las kyis mnar ba rnams kyis bcom/ (/pa ste chung zos/ rgyal srid lta bu'i) 'dad pa ('ang) nges par 'jig 'gyur zhing/ (/de la chags pas) dmyal la sogs par ltung byed pas/ /don chen po min phyir (thog ma med ba nas) dus kun tu/ (/'dod pa la sogs pa'i don du bkol bas) dub pa'i tshogs byung gang yin pa/ /de yi bye ba'i cha tsam gyis/ /dka' chogs kyis sangs rgyas nyid 'grub na/ (lang ngan pa la sred pa rnams de ltar mi byed do/ / 'khor ba thog med la ltos bskal ba grangs med gsum yang bye ba'i cha tsam mo/ /'dod ldan 'khor bar spyad pa'i sdug bsngal de ni) byang chub (sgrub pa'i) spyod pa pas/ (/ches cher) sdug bsngal che la byang chub med/ /dmyal sogs sdug bsngal bsam byas na/ /'dod pa rnams la mtshon dang ni/ /dug dang me dang g.yangs dang/ /dgra rnams kyis kyang dper mi phod/ ! (/sngon du dben par 'gro mi thub pa'i skyon rnams la zhen pa log par byas/ /de nas dben par song na brtan pas na) de ltar 'dod la skyo byas te/ /dben pa la ni dga' ba bskyed/ (/pa ste gnas par bya'o/ /der ni) rtsod dang nyon mongs kyis stong pa/) /yin te/ rtsod pa'i dgra zla med la nyon mongs kyi yul med pa'i phyir ro/ /zhi ba thar pa thob pa'i gnas yin pas) zhi ba'i nags kyi nang dag tu/ /skal ldan (dag) zla 'od tsandan gyis bsil @048b ba'i; ;gnas yangs pa'i rdo leb khang bzang nyams dga' 'dra bar/ /yid dang mi mthun pa'i sgra med zhi ba'i nags rlung g.yob pa yis/ (/gnas su byang chub kyi sems sogs gzhan la phan don sems shing 'chag par byed/ /khang stong shing drung phug dag tu/ /gang du ji srid 'dod gnas shing/ /yongs 'dzin bsrung ba'i sdug bsngal spangs/ (/re dgos kyi) ltos pa med par bag yangs spyod/ (/gnas dang longs spyod sogs gzhan gyi dring mi 'jog pas) rang dbang spyod cing chags med la/ / (dgra gnyen rje 'bangs sogs) gang dang yang ni 'brel med la/ /chog shes bde spyod gang yin pa/ (/de ni lha dang mi'i) dbang pos kyang ni de rnyed dka'/ (/'di yang zhi gnas kyi tshogs yin/ !'di nas zhi gnas dngos bdag gzhan mnyam pa mdor bstan/) de la sogs pa'i rnam pa yis/ /dben pa'i yon tan bsam byas nas/ /rnam rtog nye bar zhi ba dang/ /byang chub sems ni bsgom par bya/ /bdag dang gzhan du mnyam pa ni/ /dang po nyid du 'bad de bsgom/ /bar bya'o/ (/ji ltar zhe na/ /bdag gi bde ba ched du bsgrub cing sdug bsngal ched du 'gog pa bzhin du gzhan gyi bde sdug la'ang 'dor len de ltar byed pas/ gzhan gyi) bde (ba bsgrub pa) dang sdug bsngal (sel bar) mnyam pas na/ (/sems can) thams cad bdag bzhi (gces par bzung nas) bsrung bar bya/ (/'o/ /'di la bu ston dangs bzang bas/ /bdag gzhan gnyis kar bde bas phan 'dogs pa dang/ /sdug bsngal gyis gnod par mnyam pas na/ bdag bsrung ba bzhin du gzhan bsrung bar bya'o/ /zhes gsung ngo/ /!bdag gzhan mnyam rgyas bshad/ rang gi lus la) lag pa la sogs dbye ba rnam mang @049a @#/ /yang; ;yongsu bsrung bya'i lus su gcig pa ltar/ /de bzhin 'gro ba tha dd bde sdug dag /thams cad bdag bzhin bde bar 'dod mnyam gcig (/dper na/) gal te bdag gi sdug bsngal gyis/ / gzhan gyi lus la mi gnod pa/ /de lta na 'ang de bdag gi sdug bsngal yin de/ /rang la bdag tu zhen pas rang gi sdug bsngal la mi bzod nyid/ /de bzhin gzhan gyi sdug bsngal dag /bdag la 'bab (pa ste myong) par mi 'gyur yang/ /de lta'ang (sems can gyi sdug bsngal) de bdag (gis bsal bya'i) sdug bsngal (yin te/ bdag gis bsal bar bya'o zhes bdag gir bzung bas) de /bdag tu zhen ps (de la sdug bsngal byung na) bzod par dka'/ (/ba'i phyir ro/ / bdag gis sems can gzhan gyi (phan med kyi) sdug bsngal (chos can/) bsal ('gro ba du ma la gcig med kyang goms pa bsrung byar gcig tu zhen pa 'gyur/) bar bya rigs te/ phan med kyi) sdug bsngal yin (pa'i) phyir (dper na) bdag (go don med du bkres pa'i) sdug (bsngal) bzhin/ /('di rang bzhin gyi gtan tshigs yin/ /rtags grub ste/ sdug bsngal gyi rang bzhin du khyad par med pa'i phyir/) bdag gis gzhan (rkang lag sogs gzhan mang yang bdag 'dzin gcig gi zhen pa bsrung ba ltar/) lha mi sogs tha dad (kyang; bde sdug la tha dad med pas 'di rnams bdag gis sgrub par bya snyam du bdag tu bzung ba'i no/) /la cho can/ /phar par bya/ (/rigs te/) sems can yin pa'i phyir (dper na) bdag (gi) lus (la bde ba sgrub ba) bzhin (no/ /bde ba thams cad bsgrub bya mtshungs pa/) @049b gang tshe bdag dang gzhan gnyis ka/ /bde ba 'dod du mtshungs pa la/ /bdag dang khyad par ci yod na/ (/ste ci yang med pa) gang i bdag gcig (bu) bde bar brtson/ /gang tshe bdag dang gzhan gnyis ka/ /sdug bsngal mi 'dod mtshungs pa la; ;bdag dang gzhan khyad par ci yod na/ /(ste ci yang med pas) gang phyir gzhan (gyi bde ba bsrung ba) min (par) bdag (gcig pu'i bde ba) srung (bar) byed/ (/de gnyis la bsrung mi bsrung gi khyad par mi 'thad de/ /de'i gegs sel/) gal te (sems can) de la sdug bsngal bas/ /bdag la mi gnod phyir mi bsrung/ (/ngo zhe na/ mi gnod pa la bsrung bya ma yin pas khyab na/ sang dang rgas pa'i dus kyi sdug bsngal chos can/ da lta bdag gis sel thabs mi rigs par thal/ da ltar gyi lus la mi gnod pa'i phyir/ gzhan gyi sdug bsngal bzhin/ /ma khyab na/ mi gnod pa la bsrung bya min pas khyab pa bud/ ma 'ongs pa (dmyal ba) yi sdug bsngal yang/ (/da ltar) gnod mi byed na de cis bsrung/ (/tshe 'di'i) bdag gis (tshe phyi ma'i sdug bsngal) de ni myong snyam pa'i/ /rnam par rtog de (phyin ci) log pa ste/ (/bdag de gcig tu mi rung ba'i phyir zhes so/ /bdag snga phyi gcig 'dzin gyi log shes de'o/ /'dis snga phyi tha dad kyi rigs pas 'gog gi /don dam la ltos nas 'gog pa gzhung don min no/) /'di ltar shi ba ('i gang zag da) 'ang gzhan nyid la/ /skye ba phyi ma'i gang zag de) yang ni gzhan nyid yin/ /gang tshe (lus kyi cha) gang gi sdug bsngal gang/ (/yin pa) de ni (lus kyi cha) de nyid kyis bsrung (dgos) na/ /rkang pa'i sdug bsngal lag pas (sel rigs pa) min/ /(par thal/ des lag pa la mi gnod pa'i @050a @#/ /(phyir; des na/) ci phyir (lag pa) des ni (rkang pa'i sdug bsngal) de bsrung (bar) bya/ (/mi rigs par thal lo/ /mi myong ba la bsrung bya min bas khyab pa bud/) gal te rigs pa min yang 'dir/ /bdag tu 'dzin pas 'jug ce na/ (/zhes pa gang zag 'brel med so so ba'i sdug bsngal sel ba rigs pa min kyang/ /bdag gcig 'dzin goms pas skye ba snga phyi sogs bdag gi bar 'dzin pas gcig gcig gi sdug bsngal sel bar 'jug ce na/ rang dbang ba'i) bdag gzhan (du 'dzin pa )ma rigs (pa) gang yin de ni/ /ci nus par ni spang bya nyid/ (/yin te/ /gang zag gi bdag 'dzin ni zhen yul la 'khrul zhing/ phung khrol thams cad bskyed pa'i phyir ro/ /de gnyis mi mtshungs te/ skad cig tha dad kyang rgyud gcig pa'i phyir/ gzhan rgyud tha dad pa'i phyir/ gzhan yang rang gi yan lag gi sdug bsngal sel rigs te/ tshogs pa gcig yin pa'i phyir/ gzhan mi rigs te/ tshogs pa tha dad yin pa'i phyir zhe na/ /rang dbang ba'i rgyud dang tshogs pa med par thal/ rgyud dang tshogs zhes bya ba ni/ /sogs dang/ gang zag gcig gis bsdus pa'i rkang lag sogs de'i dbang bsgyur bya yin pas; yul dus tha dad kyang myong byed kyi bdag po gcig yin pas sel lo zhe na/ sdug bsngal can gang zhes sogs gsungs pa'i phyir te/) rgyud dang tshogs zhes bya ba ni/ /phreng ba dmag la sogs bzhin brdzun/ /sdug bsngal can/ (gyi gang zag rang dbang ba'i bdag) gang de med pa/ (/rang dbang ba) des (bde sdug) 'di su zhig dbang bar 'gyur/ (/te su'i yang dbang bsgyur bya min par mtshungs so/) bsdug bsngal/ myong ba po'i) bdag po med par ni/ (/bdag dang gzhan gyi sdug bsngal) thams cad bye brag med pa nyid/ (/yin pas/ bdag po gcig mi @050b gcig gis bsrung mi bsrung dbye ba mi rigs shing/ tha snyad ltos grub tsam du khyad par med pa/ bdag gi sdug bsngal bzhin du zan yi sdug bsngal yang sel rigs so/ /don bsdu/) sdug bsngal yin phyir de (rang gis) bsal (bar) bya/ (/rigs te ris su gcod pa'i) nges ps 'dir ni ci zhig bya/ (/des gzhan gyi sdug bsngal spang byar grub pas) ci phyir kun gyi sdug bsngal ni/ /bzlog par bya zhes brtsad du med/ /gal te (sdug bsngal) bzlog na'ang (rang gzhan) thams cad bzlog (/rigs la/) de min (mi bzlog na'ang thams cad min mnyam yin pas) bdag kyang sems can bzhin/ /snying rje (can ni gzhan gyi sdug bsngal bdag gir byed na) sdug bsngal mang gyur pas/ /ci phyir nan gyis bskyed ce na/ /'gro ba'i sdug bsngal bsam byas na/ /ji ltar snying rje (de'i dbang gis) sdug bsngal mang/ / po 'byung ba ma yin te/ snying rje de'i dbang gis rang gi sdug bsngal mtha' dag sel lo/) /gal te sdug bsngal gcig gis ni/ (/'gro ba mtha' dag gi) sdug bsngal mang po med 'gyur na/ /brtse dang ldan bas sdug bsngal de/ /rang dang gzhan la bskyed bya nyid/ / des na (ting nge 'dzin rgyal po las gsungs pa ltar/ /byang chub sems dpa') me tog zla mdzes kyis/ /rgyal po'i gnod pa shes kyang ni/ /bdag gi sdug bsngal ma bsal te/ (/dang du blangs nas sems can) mang po'i sdug bsngal zad 'gyur phyir/ (/'khor gyis ldog kyang ma gsan par grong du byon pa bzhin no/) /de ltar (rang gi) rgyud ni (bdag gzhan mnyam pa) goms gyur pa/ /gzhan yi sdug bsngal zhe dga' bas/ /padma'i mtsho ru ngang pa ltar /mnar med par yang 'jug par 'gyur/ (/thar ba bde ba chen po yin @051a @#/ /(pas rang nyid thar pa 'dod bya yin gyi/ gzhan don de sdug bsngal yin pas de la ci'i phyir 'jug ce na/) sems can rnams ni grol ba na/ /dga' ba'i rgya mtsho gang yin pa/ /de nyid kyis ni (thugs ngoms shing) chog (pa) min nam/ /thar pa 'dod pas ci zhig bya/ /de ltas gzhan gyi don byas kyang/ /rlom sems dang ni ngo mtshar med/ /gcig tu gzhan don la dga' pas/ /rnam smin 'bras bu'i re ba med/ /de bas ji ltar chung ngu na/ /mi snyan las kyang bdag bsrung ba/ /de bzhin gzhan la (dngos su da lta bsrung ba'i nus pa med kyang/) bsrung sems dang/ /snying rje'i sems ni de ltar bya/ /goms pa yis ni gzhan dag gi /khu ba khrag gi thigs pa la/ /bdag gi dngos po med par gyur kyang ni/ /bdag go zhes ni shes pa ltar/ /de bzhin gzhan gyi lus la yang/ /bdag ces ci yi phyir mi bzung/ /bdag gi lus ni gzhan dag tu'ang/ /bzhag pa de ltar dka' ba med/ ! (/bdag gzhan pa rje ba mdor bstan/) bdag nyid (gces 'dzin ni) skyon bcas gzhan la yang/ (/gces 'dzin) yon tan rgya mtshor shes byas nas/ /bdag (gces) 'dzin yongs su dor ba dang/ /gzhan (gces 'dzin) blang ba ni bsgom par bya/ (/sems can mtha' yas bas bdag tu bzung mi nus snyam na/) ji ltar lag pa la sogs pa/ /lus kyi yan lag (/mtha' yas kyang lus gcig tu) yin (pas bsrung bya'i lus su gcig par) 'dod ltar/ /de bzhin 'gro ba'i yan lag tu/ /ci phyir lus can rnams mi 'dod/ / @051b (!bdag gzhan brje ba rgyas bshad kyi brje tshul dngos/) ji ltar bdag med lus 'di la/ /goms pas bdag gi blo 'byung ba/ /de bzhin sems can gzhan la yang/ /goms pas bdag (gi ba'i) blo cis mi skye/ /de lta na ni gzhan gyi don/ /byas kyang ngo mtshar (nas yus byed pa dang) rlom mi 'byung/ /bdag nyid kyis ni zas zos nas/ /lan la re ba mi 'byung bzhin/ (/rigs shing nus la phan yon mtha' yas pa/ de bas) ji ltar chung ngu na/ (/ste tha na tshig) mi snyan las kyang bdag bsrung pa/ /de bzhin 'gro la (ste 'gro ba rnams kyang sdug bsngal las) bsrung sems dang/ /snying rje'i sems ni goms par bya/ /di bas mgon po spyan ras gzigs/ /thugs rje chen pos 'gro ba yi/ /'khor gyi 'jigs pa'ang bsal ba'i phyir/ /rang gi (mtshan 'dzin pa tsam yang 'khor ba'i bag tsha ba med pa/ sdug bsngal rnam pa thams cad du mi 'byung ba/ tha na 'jigs shing skrag pa yang mi 'byung pa/ rigs gsum mgon po'i mtshan brjod pa'i phan yon rgyas pa/ de thams cad dmigs brtse ma la yod pa rje rang gi mtshan brjod pa'i phan yon bdag gi ming tsam sogs sbyar gsungs/) mtshan yang byin gyis brlabs/ (/phan yon che yang brje bar) dka' ('o snyam du de ) las phyir ldog mi bya ste/ /'di ltar goms pa'i mthu yis ni/ /gang gi mi 'thos 'jigs pa yang/ /de nyid med na mi dgar 'gyur/ /gang zhig bdag dang gzhan rnams ni; (;srid pa'i 'jigs pa las) myur du bskyab par 'dod pa des/ /bdag dang gzhan du brje bya bar/ (/theg chen gyi rigs can ma yin brnams skrag pas de la) gsang (ba dang/ rlung la bskyon pa la'ang sbyar/) ba'i dam pa spyad par bya/ (/mdor bstan gyi/ bdag nyid skyon @052a @#/ (/bcas zhes sogs rgyas bshad/ bdag gces kyi skyon/ bdag gi lus la gces par mi 'dzin na gang la'ang mi 'jigs la/) bdag lus gang la chags pa yis/ (/'jigs gnas chen po lta zhog /tha na 'khor gyis bag tsha ba'am/ nag yor tsam gyi) 'jigs gnas chung la'ang 'jigs skye ba/ /'jigs pa (sna tshogs) skye ba'i lus de la/ /su zhig dgra bzhin sdang mi byed/ /lus gang bkres dang skom sogs nad/ /gso ba'i cho ga byed 'dod pas/ /bya dang nya dang ri dwabs dag /gsod par byed cing lam sgug (nas brku 'phrog) byed/ /gang zhig khe dang rim gro'i phyir/ (/rang gi rnyed bkur la gnod par bsams nas) pha dang ma yang gsod byed cing/ /dkon mchog gsum gyi dkon brkus nas/ / des ni mnar med sreg 'gyur na/ /mkhas pa su zhig lus de la/ /'dod cing bsrung dang mchod byed kyi/ /'di la su zhig dgra bzhin du/ /lta bar mi byed brnyas mi byed/ (/rang gces skyon kho na bstan nas spel bar bstan pa/) gal te byin na ci spyod ces/ /bdag don sems pa 'dre (sha za dang yi dwags) yi tshul/ /gal te (rang gis longs) spyad na gzhan la ci sbyin zhes/ /gzhan don sems pa lha yi chos/ (/te lha'i rgyal po dang/ 'khor sgyur/ mang bkur rgyal po sogs thob pa'i phyir ro/ /'di ni sbyin pa'i dbang du gyur mgyur gyi skyon yon no/) /bdag (bde ba'i) phyir gzhan la gnod byas na/ /dmyal la sogs par gdung bar 'gyur/ /gzhan (bde ba'i) phyir bdag la gi lus dang longs spyod) la gnod byas na/ /phun sum tshogs pa thams cad 'thob/ / @052b ('di ni tshul khrims kyi dbang du byas sam snyam/) bdag nyid mtho bar 'dod pa des/ /ngan 'gro (dang mir skye na'ang rigs gzugs) ngan dang glen par 'gyur/ (/bsam pa) de nyid gzhan la spo byas na/ /bde 'gror rim gro thob par 'gyur/ (/bzod pa la sbyar ram snyam/) bdag gi don du gzhan bkol na/ /bran la sogs ba myong bar 'gyur/ /gzhan gyi don du bdag spyod (cing bkol) na/ /rje dpon nyid (dang rigs dang gzugs bzang) sogs myong bar 'gyur/ (/'di brtson 'grus la sbyar/ mdor bsdu ba/) 'jig rten bde ba ji snyed pa/ /de kun gzhan bde 'dod las byung/ /'jig rten sdug bsngal ji snyed pa/ /de kun rang bde 'dod las byung/ /mang du bshad lta ci zhig dgos/ /byis pa rang gi don byed dang/ /thub pa gzhan gyi don mdzad pa/ /'di gnyis kyi ni khyad par ltos/ /bdag bde gzhan gyi sdug bsngal dag /yang dag brje bar ma byas na/ /sangs rgyas nyid du mi 'grub cing/ /'khor ba na yang (lha mi'i) bde ba med/ /'jig rten pha rol phar zhog gi / bran g.yog las mi byed ba dang/ /rje dpon rngan pa mi ster bas/ /tshe 'di'i don yang 'grub mi 'gyur/ (/bdag gzhan ma brjes pas) mthong (ba tshe 'di) dang ma mthong (phyi ma) bde 'grub pa'i/ /phun sum bde skyid yongs bor zhing/ / gzhan la sdug bsngal byas pa'i rgyus/ /rmongs pas sdug bsngal mi bzad len/ (/par byed do/) /'jig rten dag na 'tshe ba gang yod dang/ /'jigs dang sdug bsngal ji snyed yod gyur pa/ /de kun bdag tu 'dzin pa las byung na/ / @053a @#/ /'dre chen des ko bdag la ci zhig bya/ (/zhes rjes 'gros pa sgrubs nas rgyu ma ldog na 'bras bu mi ldog pa dpes bstan pa ste/) bdag nyid (gces 'dzin) yongs su ma btang na/ /bdag gzhan gyi sdug bsngal spong bar mi nus te/ /ji ltar (lcags sreg lag tu bzung ba'i) me ni ma btang na/ /sreg pa spong bar mi nus bzhin/ /de ltas bdag gnod zhi ba dang/ /gzhan gyi sdug bsngal zhi bya'i phyir/ (/gang la bdag tu bzung ba'i rten) bdag nyid gzhan la gtang bya dang/ / gzhan rnams bdag (go snyam du bzung) bzhin gces par gzung bar bya/ /de mi rigs te/ bdag med pa la bdag tu bzung ba log shes yin pa bzhin du gzhan la bdag tu bzung yang log shes yin pas 'bras bu la khyad med do snyam na/ mi 'dra ste/ bsams pa bzang ngan gyis bde sdug 'byung ba dper na tho yor la dgrar shes pas 'jigs pa dang gnyen du shes pas de sel ba bzhin no/ /rnam 'grel gyi nor bu sgron me'i sogs/) bdag ni (gzhan la sbyin zin bsad ni/) gzhan gyi dbang gyur ces/ /yid khyod nges par shes gyis la/ /sems can kun don ma gtogs par/ /da ni khyod kyis gzhan mi bsam/ /gzhan dbang mig la sogs pa yis/ /rang don sgrub par rigs ma yin/ /de'i don mig la sogs pa yis/ /de la log par (mig log blta ba sogs de bzhin lus ngag gis kyang rang don du) bya mi rigs/ /des na sems can gtsor bya ste/ /bdag gi lus la (zas gos sogs) ci mthong ba/ /de dang de ni phrogs (te phral) nas kyang/ /gzhan dag la ni phan par spyod/ ! (/de ltar bdag gzhan brjes nas bsam pa'i rjes nas bsam pa'i rjes su bsrung pa'i tshul/ dman sogs @053b bdag tu byas pa dang/ /gzhan nyid du ni bdag byas nas/ (/the tshom gyi) rnam rtog med pa'i sems kyis su/ /phrag dog 'gran dang nga rgyal bsgom/ (/rgyas bshad/ /phrag dog bsgom tshul/ bdag rnying pa) 'di ni (tshul khrims sogs yon tan gyis mtho bas gzhan gyis) bkur byas bdag (gsar pa) ni (yon tan dman par mthong nas bkur ste byas pa) min/ (/bdag rnying pa 'dis ni nor mang po rnyed la) 'di bzhin bdag gis ma rnyed cing/ /'di ni bstod byas bdag la smod/ /'di bde (zhing skyid/) bdag ni sdug bsngal la/ /bdag ni (khur 'khur ba sogs dman) las rnams byed pa dang/ /'di ni (sems khral med cing) bde ba nyid du gnas/ (/so zhes grag na 'di ni shin tu mi rigs snyam/ nas phrag dog bsgom mo/) /'di ni 'jig rten la che (bar grags pa) dang/ /bdag dman yon tan med par grags/ /yon tan med pas ci zhig bya/ (/ste yod do/) /bdag kun (rang bzhin gnas rigs yin pas) yon tan ldan pa nyid/ (/yon tan ches lhag pa'i gang zag) gang bas 'di dman (ba'i skabs) de yod cing/ (/sems can dman pa) gang bas bdag mchog (tu gyur) de yang yod/ (/pas bdag cag sems zhum mi dgos kyi/ 'bad pas byang chub bsgrub par bya'o zhes gzhan bdag tu bzung nas bsgom/) tshul khrims (nyams pa) lta ba rgud sogs ni/ (/glo bur) nyon mongs stobs kyis (yin gyi) bdag (nyid rang) dbang (gis) min/ (/khyod snying rje ldan na/) ci nus bdag ni (rgud pa) gso dgos te/ (/bdag la phan 'dod yod pas/ khyod kyis bdag yon tan du sgrub na de'i) gnod pa'ang bdag gis dang du blang/ /'o na te bdag 'di'i gso bya min/ (no zhe na/ khyod rang la mtho'o// @054a @#/ /(bdag cag ya dman no zhes rang kho na bzang por bzung nas) ci phyir bdag (cag sems can rnams) la brnyas pa byed/ (/khyod gso mi nus kyang yon tan gzhan gyis lhag ce na/) bdag la de yi yon tan gyis/ /ci zhig bya 'di bdag yon tan can/ /yin yang bdag la mi phan par 'dug pas so/ /kho snying rje can yin pas gzhan la phan no zhe na/ snying rje can yin na tshul khrims dang lta ba nyams pa la sogs pas) ngan 'gro (gcan gzan) gdug pa'i khar gnas pa/ (/lta bu'i) 'gro la snying rje med pas 'di/ / (ni;) phyir la yon tan rlom pa yis/ (/sems can) mkhas pa dag la (do) bsngo bar 'dod/ (/cing brnyas par byed pa 'di ni snying rje can du 'gal lo/ /de'i phyir khyod la yon tan med pa'i steng du skyon mang po yod do zhes brag dog byed cing bdag la yon tan med par bsgrub bo/ /mnyam la 'gran sems bsgom pa ni/) bdag (cag sems can) dang mnyam (pa'i rigs) la ltos nas ni/ (/rnyed pa dang yon tan sogs) gang gis (kho las) rang nyid lhag bya'i phyir/ (/tha na 'di las) bdag gi rnyed dang bkur sti ni/ (/'phrog par yang bya zhing/) rtsod pa yis kyang nges par bsgrub/ (/bar bya'o zhes rnyed bkur la 'gran ba'o/) /ci nas bdag gi yon tan ni/ /'jig rten kun la (bsgrags shing) gsal ba dang/ /gzhan yang 'di yi yon tan gang/ (/yod kyang) sus kyang thos par mi 'gyur (ba de ltar) bya'o/ / (yon tan la 'gran pa'o/) /bdag gi skyon yang sba bya zhing/ (/'di'i skyon rnams gsal bar bsgrags te) bdag (la) ni mchod (par) 'gyur (gyi) 'di la min/ (/ba de ltar bya'o/ /bdag deng rnyed pa legs rnyed cing/ /bdag ni bkur 'gyur 'di la (de @054b dag 'byung ba) min/ (/par bya'o/ /legs pa'i rnam grangs la 'gran pa'o/) /'di ni (rnyed bkur 'dod bzhin du nyams shing brlag pas) ma rungs byas pa la/ /yun ring (po'i bar du) bdag ni dga' bas blta/ (/bar bya la/) 'gro ba kun gyi (sa de'i nyes pa brjod pas/) bzhad gad dang/ (/kun gyis tshogs nas/) phan tshun ('di'i skyon gleng zhing) smod pa (nyid) dag tu bya'o/ (/zhes sems can la gzengs bstod/ rang gi yon tan dang nga rgyal bcag pa'o/ /'di gnod pa la sbyar ba la dga' ba'o/ /dman pa la nga rgyal bsgom pa ni/) nyon mongs (te dman pa) 'di yang bdag dang ni/ /lhan cig tu ni 'gran zhes grag (sa na/) /'di bdag (dang) thos dang shes rab bam/ /gzugs rigs nor gyis mnyam mam ci/ (/ste/ gang gi sgo nas kyang mi mnyam mo/) /de ltar (kho dang bdag mi mnyam par) kun la grags pa yi/ /bdag gi yon tan thos nas ni/ (/kho) spu ldang (yid la) dga' ba skye 'gyur pa'i/ /bde skyid la ni (khyod) yongs su spyod/ (/cig ces nga rgyal bsgom par bya'o/ /ci ste 'di la rnyed yod kyang/ gal te ba yi las byed na/ /'di la 'tsho ba tsam byin nas/ (/lhag ma de) bdag gi stobs kyis (nus pas) de blang (bar) bya'o/ /'di ni (snyom las kyi) bde (ba de) las nyams (pa ste bral bar) bya zhing/ /bdag gis (sdug bsngal 'di'i spyi bor bskur te/ de bdag gi sdug bsngal sel ba'i) gnod (ba) dang rtag (tu) sbyar (bar) bya/ ! (/'di yan ldog ste smras pas de tsam du zhe sdang na snyam sdug bsngal de ma bzod nas brgya la sems log gis dogs nas 'jam phugs kyis de la sbyar ba'i slad du 'di man sgra rnal @055a @#/ /mar bzung ngo/) /'di yis brgya phrag thams cad du/ /'khor bar bdag la gnod pa byas/ /yid khyod rang don byed 'dod pa/ /bskal ba grangs med 'das gyur kyang/ /ngal ba chen po de lta bus/ / khyod kyis sdug bsngal 'ba' zhig bsgrubs/ /de ltar nges par gzhan dag gi/ /don la rab tu 'jug gyis dang/ /thub pa'i bka' ni mi slu bas/ /de yi yon tan phyis mthong 'gyur/ /gal te khyod kyis snga dus su/ /las 'di byas par gyur na ni; ;sangs rgyas phun sum bde min pa/ /gnas skabs 'di 'drar 'gyur mi srid/ /de bas 'di ltar gzhan dag gi /khu ba khrag gi thigs pa la/ /khyod kyis ngar 'dzin byas pa ltar/ /de bzhin gzhan la'ang goms par gyis/ ! (/sbyor ba'i rjes su sgrub pa'i tshul ni/) gzhan gyi (don la) rtog chen (te bya ra'am man rna lta bur byas nas/ rang gis kyang sems can gzhan la ci byed pa rtags shing tshar gcod mkhan) byas nas ni/ /bdag gi lus la 'dod pa'i dngos po ci snang ba/ /de dang de nyid phrogs byas/ (/te bdag gir 'dzin pa btang) nas/ /khyod kyis (sems can) gzhan la phan par spyod/ (/cig ces rang la gros 'debs pa'o/) /bdag skyid gzhan ni mi skyid la/ /bdag mtho gzhan ni dma' ba dang/ /bdag ni phan byed gzhan min zhes/ /bdag la phrag dog cis mi byed/ (/de/ byed par rigs so/) /bdag ni bde (ba'i yo byad gzhan la sbyin la/ zas gos sogs ci yod) dang bral gyis te/ /gzhan gyi sdug bsngal (ci yod blang ste) bdag la sbyor/ /gang tshe 'di ni ci byed ces/ /bdag gi skyon la brtag par gyis/ / @055b gzhan gyis (rang la) nyes pa byas pa yang/ /rang gi (las ngan gyi) skyon du bsgyur byos la/ /bdag gis nyes pa chung byas kyang/ /skye bo mang la rab tu shogs/ (/te bdag la nyes pa 'di yod ces khas longs shig /ces pa'o/ /'ga' zhig tu/ skye bo mang thub pa che dang/ shogs zhes pa bshags par byas pa zhes snang yang 'di rang legs/) gzhan gyi grags pa lhag brjod pas/ /rang gi grags pa zil gyis non/ /bdag ni bran gyi tha ma ltar/ /don rnams kun la bkol bar gyis/ /'di ni skyon (dang) bcas pa (ni) rang bzhin te/ /glo bur yon tan (ni glo bur pa tsam yin pas 'di'i cha nas te/) chas mi bstod/ (/do/) /'di yi yon tan ci nas kyang/ /'ags kyang mi shes (la) de ltar (gsang bar) gyis/ /mdor na bdag gi don gyi phyir/ (/yid) khyod kyis gzhan la gnod byas gang/ (/yin pa'i) gnod pa de (phyin chad) sems can don gyi phyir/ /bdag nyid la ni 'bab par gyis/ /shig/ 'di ni gnya' drag (ste thod rgyal du phod kham che bar) 'gyur tshul du/ /shed bskyed par ni mi bya ste/ /bag ma gsar pa'i tshul bzhin du/ (/rang gces 'dzin gyi spyod pa la) ngo tsha (gzhan gyis smad dogs nas) 'jigs pa dang/ (spyod lam) bsdams te bzhag (/bo/ /gzhan don gyi bsam pa) de bya (la sbyor bas kyang) de ltar gnas bya zhing/ /de ltar khyod kyis (bsam sbyor gzhan don) mi bya ba/ /de ltar (na sems) 'di ni dbang (du) bya ste/ (/dran shes) de las 'das na tshar gcad bya/ /'on te de ltar gdams kyang ni/ /sems khyod de ltar mi @056a @#/ /byed na/ (/lus bem po la nyes pa med pas yid) khyod la nyes pa kun bsten pas/ (/na bdag gces 'dzin gyi sems) khyod nyid tshar gcad bya bar zad; /do/ (/bdag gces 'dzin) khyod kyis kho bo (bsdus nas) gar brlag pa'i/ /sngon gyi dus de (nyes par ma shes pa'i dus) gzhan yin te/ (/'das zin/ da) ngas (nyes par) mthong (bas) da khyod gang du 'gro/ /khyod kyi dregs pa kun gzhom (par) bya('o/ /khyod kyis sngar bslus pa bzhin du) da dung bdag la rang gi don/ (/sgrub pa'i dbang) yod (pas bslu nus sam) snyam sems pa de dor cig /bdag gis gzhan la khyod btsong (zin) gis/ /skyo bar ma sems zho sha phul/ (/sbyin dgos pa'i rgyu mtshan/) gal te bag med gyur nas khyod/ / sems can rnams la ma byin na/ /khyod kyis kho bo dmyal ba yi/ /srung ma rnams la sbyin du nges/ (/de ltar nam byas byung zhe na/) de ltar khyod kyis re lta zhig (/ste lan du mar sngon dmyal srung rnams la) kho bo byin pas yun ring sdug / (bsngal lo/) /da ni (sngon gyi) khon (rnyid) rnams dran (par) byas te/ /khyod kyis rang don sems pa('i bsam pa de da lta rang) gzhom/ (/pa ste brlag par bya'o zhes so/) /de ste bdag ni dga' 'dod na/ /rang la bdag gis (gces par) dgar mi bya/ /de ste bdag ni bsrung 'dod na/ /gzhan dag rtag tu bsrung bar bya/ /ji lta ji ltar lus 'di ni/ /yongs su skyong bar byed gyur pa/ /de lta de ltar shin tu ni/ (/sdug bsngal chung du yang mi bzod pa'i) bze re can gyur @056b (pa) nyid du lhung/ (/lhung na'ang lhung mod skyon ci yod snyam na/) de ltar ltung ba de yi yang/ (/sred pa je cher 'phel nas) 'dod pa(s) sa 'di (yi steng gi longs spyod) thams cad kyis/ (/kyang de'i 'dod pa) rdzogs par nus pa yod min na/ /de yi 'dod pa (bkang ba) sus byed nus/ /nus pa med (bzhin) 'dod la (chags sdang) nyon mongs dang/ (/dge ba'i) bsam pa nyams pa'ang skye bar 'gyur/ (/'dod pa'i don du dub cing thang chad pa dang re ba brdugs pas yi chad pa sogs yid mi bde 'ba' zhig go) /gang zhig kun la ltos med pa/ (/'dod chung chog shes la gnas na/) de yi phun tshogs zang mi shes/ /de bas lus kyi 'dod pa ni/ /'phel phyir skabs dbye mi bya ste/ /gang zhig (chags par gyur pa'i dngos po) yid 'ong (du) mi 'dzin pa; ;de ni (nor) dngos po bzang po yin/ (/no/ /shi'i) tha mar thal ba'i mthar gtugs shing/ (/da lta gson pa'i tshe'ang shing dang bong ba ltar lus rang nyid) mi g.yo (ba la sems dang rlung) gzhan gyis bskyod (de za nyal 'gro 'chag sogs kyi) bya ba/ / (dang ldan pas gzhan gyis dbang bsgyur ba dang/ sha khrag sogs) mi gtsang gzugs (brnyan 'di ni 'jigs pa) ni mi bzad pa/ (/du ma'i 'byung gnas) 'di la ci phyir bdag tu 'dzin/ (/shi dus mi mkho yang gson dus mkho zhe na/) gson nam yang na shi yang bla'i; ;bdag la 'khrul 'khor 'dis ci bya/ (/ste/ kun slong gi stobs kyis bem po g.yo zhing 'gul bar byed pa'i 'khrul 'khor 'dis ci/ bem po rdo dang khyad med do zhes so/ /bdag 'dzin gyi gzhi yin pas khyad yod ce na/) bong sogs 'di khyad ci yod na/ (/ste/ ci yang med) @057a @#/ (/pa'i lus kyis sems khengs shing nga rgyal byed na/) kyi hud (de) nga rgyal (tsam de ci'i phyir) sel mi byed/ (/de; sel rigs so/) /lus kyi kha ta byas pa yis/ /don med sdug bsngal nyer bsags nas/ /rjes su chags dang khong khro ba/ (/du ma bskyed pa'i lus 'di drin gyis bskyangs kyang dga' bar mi 'dzin cing drin gzo med pa) shing (sdong dang) mtshungs (pa) 'di la (chags pas) ci zhig bya/ /bdag gis 'di ltar bskyangs pa'am/ /bya rgod sogs kyis zos kyang rung/ (/kho rang la) chags med zhe sdang yod min na/ /ci ste de la chags par byed/ /gang zhig smod pas khro ba dang/ /gang zhig bstod pas mgu 'gyur ba/ /gal te de nyid shes med na/ /bdag gis gang gi (don du) ngal ba byas/ /gang zhig lus 'di 'dod (cing yid du 'ong bar) gyur pa/ /de dang bdag bshes (su 'grogs pa yin pas bdag dga' ba) yin zhe na/ (/sems can) thams cad rang gi lus 'dod (cing dga' ba rgyu mtshan mtshungs pas; (;gzhan lus) de la bdag ko cis mi dga'/ /de bas bdag gis chags med par/ /'gro la phan phyir lus gtang bya/ /des na (lus) 'di la nyes (pa) mang yang/ /las kyi spyad (pa ste las byed pa'i lag cha) bzhin (gzhan don gyi las kyi ched du dal 'byor gyi lus 'di re zhig) gzung (nas bsrung) bar bya/ (/zhes dgos pa la sbyar ba'o/) /de bas byis pa'i spyod pa (sngar gyi de)s chog (/gi/ da ni) bdag gis (blang dor la) mkhas pa'i (sangs rgyas byang sems kyi) rjes @057b bsnyags te/ /bag yod gtam ni dran byas nas/ /gnyid dang rmugs pa bzlog par bya/ /rgyal sras thugs rje che rnams ltar/ (/gnyen po'i stobs bskyed pa la) rigs pa'i sran ni gzugs bya ste/ /nyin mtshan phyad par (te rangs par ram rtag par) ma 'bad na/ bdag gi sdug bsngal nam mthar phyin/ /de bas sgrib pa bsal ba'i phyir/ /log pa'i lam las sems blan te/ /yang dag (ba'i) dmigs (ba) la rtag par yang/ /bdag gis mnyam par gzhag par bya/ ! (/stong nyid thos bsam gyis rtogs pa tsam dang/) sgom byung/ (nyams myong/ lhag mthong/ chos sku'i nyer len rnams la mi dgos kyang/ sgrib gnyis kyi sa bon zad par spong pa la tshogs mtha' yas pa dgos so/) /byang chub sems dpa'i spyod pa la 'jug pa las; bsam gtan bstan pa zhes bya ba ste le'u brgyad pa'o// ! (//thar pa thob pa la stong nyid rtogs dgos par bstan pa/) yan lag 'di dag thams cad ni/ /thub pas shes rab don du gsungs/ (/zhes yan lag 'di dag bsam gtan tsam la 'chad pa le'u snga phyi'i 'brel tsam las sbyin sogs lnga la byed dgos/) de yi phyir na (rang gzhan gyi 'khor ba'i) sdug bsngal (mtha') dag (/nye bar) zhi bar 'dod pas shes rab bskyed/ ! (/bden gnyis kyi rnam gzhag dngos/ bden gnyis gtan la 'bebs pa/) kun rdzob dang ni don dam ste/ /'di (dbye gzhi) ni bden pa gnyis su (yod pas bden rdzun gnyis kho nar grangs nges par) 'dod/ (/mtshan nyid) don dam (bden pa ni gnyis snang can gyi blo yi spyod yul min la/ (/gnyis snang can gyi blo'i spyod yul du gyur pa) ni kun rdzob bden pa yin @058a @#/ /par brjod/ /do/ (/bslab btus su yab sras mjal ba drangs te bden pa gnyis ka shes bya yin pa dang/ de gnyis ka thugs su chud pa nyid thams cad mkhyen pa'i byed chos su bshad pa nyid khungs su mdzad de bslab spyod gnyis dgongs pa gcig tu bkral bas na; don dam bden pa shes bya min pa dang/ glo gang gis kyang ma rtogs pa 'di'i dgongs pa min par bsgrubs so/ /stong nyid rtogs pa'i shes rab ni don dam dang kun rdzob kyi don ldog rtogs pa'i shes rab yin pas bden gnyis 'byed dgos/ dbye gzhi dngos su mi gsal yang shes bya'o/) /de la 'jig rten (te 'jig ces pa phung po dang/ rten zhes pa de la btags pa'i gang zag ste de la dbyen/) rnam gnyis mthong/ (/zhi lhag zung 'brel gyi) rnal 'byor pa dang/ (de min) phal pa'o/ /de la 'jig rten phal pa (dngos smra) ni/ rnal 'byor 'jig rten (rang bzhin med par rtogs pa'i gang zag nyid) gyis gnod cing/ /rnal 'byor pa yang blo khyad kyis/ (/sa) gong ma gong ma rnams gyis (lta bas gnod pa tsam du ma zad thabs kyi cha nas kyang) gnod/ (/bste zil gyis gnon/ 'og ma'i grub mtha' la gong ma'i rigs pas gnod/ rigs pas mi gnod par yang blo'i yon tan khyad zhugs pa'i sgo nas zil gyis gnon pa yin no/ ! /mdo sde pa sogs dngos smra spyir dgag pa/ rtsod spangs/) gnyis ka yang ni 'dod pa'i dpes/ (/dpe 'dra yang sbyar lugs mi 'dra/ sems tsam phyi don/ rang rgyud bden grub/ thal 'gyur rang ngos rnams der snang yang der ma grub par spyar/) 'bras bu'i (sangs rgyas) don du ma dpyad phyir/ /'jig rten pa yis (me sogs) dngos (po bsnyon med du) mthong zhing/ /yang dag (par grub ba) nyid du'ang @058b rtog byed kyi/ /sgyu ma lta bur min pas (des) 'dir/ /rnal 'byor (dbu ma) pa dang 'jig rten (dngos smra) rtsod/ /gzugs sogs mngon sum nyid kyang ni/ (/ste gzugs sogs yul dbang mngon sum gyis mthong ba dang 'gal lo zhan/) grags pas (sgrub pa'i kun rdzob tsam la tshad mar song ba) yin gyi (de kho na nyid) tshad mas min/ (/gzugs sogs grags na'ang ji ltar brdzun zhe na bud med lus) de ni mi gtsang la sogs la/ /gtsang sogs grags pa bzhin du (de ma yin bzhin der bzung bas) brdzun/ (/gzugs sogs rang bzhin gyis med na mdo las/ mi rtag sogs bcu drug bden grub tu gsungs pa dang 'gal lo/ /zhe na/ de ni) 'jig rten (rim gyis) gzhug pa'i don du ni/ /mgon pos dngos (po rnams mi rtag par tha snyad tsam du) bstan (to/) /de (kho na) nyid du/ (/ni) de dag skad cig ma nyid (du grub pa) min/ (/te/ de kho na nyid du gcig dang du ma gang rung du med pa'i phyir/) kun rdzob tu yang (mi rtag par grub pa 'gal te/ kun rdzob ni 'jig rten la ji snang ltar 'jog pa gang zhig /'jig rten na snga dro yod pa de nyid phyi dro yod pa sogs su rtag par 'jog pa'i phyir) 'gal zhe na/ /rnal 'byor (pa la) kun rdzob (tu mi rtag pa tshad mas ma grub pa'i) nyes ba med da/ (/spyir kun rdzob la gnyis yod pas kun rdzob thams cad 'jig rten rang ga ba la 'jog mi dgos/ rnal 'byor pa'i kun rdzob tha snyad pa'i tshad mas mi rtag sogs su grub pa'i phyir ro/ /'o na mi rtag sogs bcu drug mthong ba la bden pa mthong bar grags pa 'gal lo zhe na/ de ni) 'jig rten (gtsong bde sogs) la ltos de nyid mthong/ (/bar bshad/) gzhan du bud med mi gtsang bar/ /nges (par) rtogs (shing bsgom) @059a @#/ (/pa'i rnal 'byor pa la sgyu ma zhig pa ltar) 'jig rten gyis gnod 'gyur/ (/rang bzhin med na rgyal ba mchod las bsod nams mi 'byung ste/ sgyu ma 'dra ba'i phyir zhe na/) sgyu 'dra'i rgyal las (sgyu 'dra'i) bsod nams ni/ /ji ltar (bden pa'i) dngos (por) yod (pa'i rgyal) la(s bsod nams bden grub 'byung bar khyod 'dod pa) ji bzhin no/ /gal te sems can sgyu 'dra na/ /shi nas ji ltar skye zhe na/ (/rnam pa thams cad du sgyu ma dang 'dra bar khas ma blangs kyi/ bden par grub ma grub tsam la yin pas/) ji srid rkyen rnams tshogs gyur pa/ (/rtar snang ba bong bur mi snang bzhin) de srid sgyu ma'ang 'byung bar 'gyur/ /rgyun ring tsam gyis (bden grub mi 'thad de/ rmi lam du bskal pa dran pa sogs bzhin) ji ltar na/ /sems can bden par yod pa yin/ (/'o na sems can bsad pa la sdig pa mi 'byung bar thal/ sgyu ma dang 'dra ba'i phyir zhe na/) sgyu ma'i skyes bu (la mir 'du shes te) bsad (pa) sogs la/ (/sbyor ba'i sdig pa 'byung yang) sems med phyir na (dngos gzhi'i) sdig med de/ /sgyu ma (lta bu)'i sems dang ldan pa('i sems can la ni/ /bsod nams dang ni sdig pa 'byung/ (/ste sems dang ldan pas so/ /bu ston gyis tshig rkang 'di gsod byed la sbyar ro/) /sngags sogs rnams la (sgyu ma sems ldan du skye ba'i) nus med phyir/ /sgyu ma'i brta (glang sogs la) sems ni 'byung ba med/ (du'o/ zhes pa'i shugs lam rig 'du byed sogs la nus pa yod par go /rgyu rkyen tha dad de me 'dra ba las 'bras bu mi 'dra ba 'byung mi srid ce na/ 'o na dngos por grub pa la yang mtshungs so/ /gal te mi 'gal bar kun gyis mthong ngo zhe na/ sems can tsam du ma @059b zad;) sna tshogs rkyen las byung ba yi/ /sgyu ma de yang (rta glang sogs) sna tshogs nyid/ (/du snang ngo/ /rgyu) rkyen ('dra ba) gcig gis ni ('bras bu) kun nus pa/ /gang na yang ni yod ma yin/ (/dbu ma pas skye 'gag sogs rang bzhin gyis stong pa don dam ba'am/ rang bzhin gyi myang 'das dang/ kun rdzob tu las nyon gyi skye 'gag 'khor bar khas blangs la/ mdo sde pa na re/) gal te don dam (bar) mya ngan (las) 'das/ (/dang/) 'khor ba kun rdzob (tu 'khor ba mi 'gal ba de ltar yin na 'khor 'das gzhi mthun yod par 'gyur bas/) de lta na/ /sangs rgyas kyang ni 'khor (par 'khor) 'gyur bas/ /byang chub spyod pas ci zhig bya/ (/zhe na/ 'di la don dam pa'i myang 'das dang myang 'das kyi khyad bar phye nas lan 'debs dgos/ rang bzhin med kyang) rkyen rnams rgyun ni ma chad na/ (/'khor ba lta zhog//) sgyu ma'ang ldog par mi 'gyur gyi/ (/las nyon gyi) rgyen rnams rgyun ni chad pa na/ (/don dam par ma zad) kun rdzob tu yang ('khor ba) mi 'byung ngo/ ! (/sems tsam pa'i 'dod pa bye brag tu dgag pa/ sems tsam pa na re/) gal te (rang bzhin gyis med na phyi don bden par med pa bzhin du kun rdzob 'dzin pa'i blo med pas/ sgyu ma 'dzin pa'i shes pa) 'khrul pa'ang yod min na/ sgyu ma (blo) gang gis dmigs par 'gyur/ (/zhes 'di yang yod na rang bzhin gyis yod dgos zhes rtsod pa'o/) gang tshe (sems tsam pa) khyod la (gzung pa phyi rol don du snang ba ltar ba ltar grub na phyi don yod pas sgyu ma dang de dmigs byed gnyis ka med par 'gyur/ ma grub na rang bzhin med pas khyod las gtan med du 'gyur dgos pas gzung bya) sgyu ma nyid/ /med na'ang de tshe (de) ci zhig (gis) dmigs/ (/te/ dmigs byed kyang med do/ /kho na re/) gal te de nyid du @060a @#/ (/med kyang) gzhan yod/ (/de;) rnam pa (mig gi rnam shes) de ni sems nyid (kyi rdzas sam rang bzhin) yin/ (/no zhe na/ de dgag pa/) gang tshe (yul can) sems nyid sgyu ma (lta bu'i don du snang ba yin gyi/ phyi rol gyi don med) na/ /de tshe gang zhig gang gis mthong/ (/ste mthong bya mthong byed med pa'i phyir ro/ /zhes byas pa la kho na re/ dmigs byed med pa ma grub ste/ shes pa 'di la kha phyir dang nang du phyogs pa'i gzung rnam 'dzin rnam gnyis yod pa'i phyi ma rang rig mngon sum yin pas nges shes ba thams cad myong zhing dmigs pa yin no zhe na/ kho rang gis kho rang rig pa mi 'thad par thal/) 'jig rten gyi ni mgon pos kyang/ (/gtsug na rin po che'i mdor/ ral gri rang gis rang mi gcod pa ltar/) sems kyis sems mi mthong zhes gsungs/ /ral gri so ni rang la rang/ /ji ltar mi gcod de bzhin yid/ (/kyang rang gis rang mi mthong ngo/ /de la kho na re/ sgrub byed de ma nges te/ bya byed so sor med kyang bya byed lta bur snang ba mang ste/) ji ltar mar me rang gis dngos/ /yang dag gsal bar byed bzhin (du shes pas kyang bya byed so so med kyang rig pa'i bdag nyid yin pas gzhan ma zad/ rang gi bdag nyid kyis kyang rig par byed pa ci 'gal zhe) na/ /mar me (rang gis rang) gsal (bar) bya (ba) min te/ (/gsal mi dgos pa'i phyir/ khyod ltar na/ mun pa rang gis rang bsgribs dgos pas) gang phyir (mun pa) mun gyis bsgribs pa med/ /do/ /shel (dkar po sngo byed gzhan la ltos pa) bzhin (baiDUr+ya'i) sngon po sngo (ba) nyid (du bya ba) la/ /gzhan la ltos pa yod ma yin/ /de bzhin (rig bya rig byed) 'ga' zhig gzhan la ni/ /ltos dang @060b (shes pa gzhan la) ltos (pa) med pa yang mthong/ (/zhe na/ baiDUr+ya'i) sngo nyid (rgyu gzhan las skyes pa) min (pa) la (phyis rang gis rang nyid sngo bar byas na) sngon por ('gyur yang de ma byas te/ sngon po) de/ (/rang gi) bdag gis bdag nyid/ (sngon por byas na de ltar yang/ de lta) byas pa med/ (/do/ kho na re/) mar me (rang gis rang gsal bar mi byed kyang mar mes rang) gsal bar byed (pa nyid) do zhes/ (/de 'dzin pa'i) shes pas shes te rjod (par) byed na/ (/de bzhin du shes pa rang gis rang gsal bam yin la/ 'on kyang) blo ni gsal ba nyid yin zhes/ (/shes pa rdzas gzhan) gang gis shes nas de skad brjod/ (/par byad de/ shes pa snga mas ni ma skyes pa ma rtogs/ phyi mas ni 'das pa mi rtogs/ da lta ba ni yul yul can du mi rung zhes dri ba lta bu la/ rdzas gzhan gyis rig na thug med kyi skyon yod pas rang gis kyang mi rig /gzhan gyis kyang mi rig na khyad gzhi de/) gang tshe (khyad gzhi) 'gas kyang mthong min na/ /khyad chos la ba'am ni mi gsal ba/ /mo gsham (ste bu mi skye ba'i chos can gyi bud med la de'i) bu mo'i 'gying bag (mdzes mi mdzes brjod pa) bzhin/ /de ni brjod kyang don med do/ (/rang rig med kyang dran pa skye ba'i dpe/) gal te rang rig yod min na/ (/yul can) rnam shes dran par ji ltar 'gyur/ (/yul can dran pa'i rtags kyis rang myong dpog nus te/ sngon po dran pa'i tshe yul dran pa'i rtags las yul myong ba yod/ /yul can dran pa'i rtaD las yul can myong ba yod par grub pas rang rig yin no zhes bsams pa'o/ ! /dran pas yul yul can gnyis ka dran kyang yul can myong nas dran par mi 'dod/ yul can dran pas rang rig mi grub ste/ sngo 'dzin gyis rang nyid ma myong yang yul) gzhan (sngon po) myong ba dang 'brel @061a @#/ (/na sngar sngon po 'di mthong zhes yul yul can 'brel) ba(r dran ba) las/ (/yul can) dran 'gyur byi ba'i dug (rmugs pa'i dus sum myong yang phyis dran bskye) bzhin no/ /rkyen gzhan dag dang ldan pa ni/ (/gzhan sems shes pa'i mngon shes kyis shin tu ring ba'i gzhan sems) mthong phyir rang nyid (kyi sems) rang (gi yul du) gsal (ba yin te/ ring ba'i khab mthong na nye ba'i ri bzhin no zhe) na/ /grub pa'i mig sman sbyor ba las/ (/sa 'og gi gter) bum mthong (na'ang) mig sman nyid (mthong bar) 'gyur (ba) min/ (/no/) /ji ltar (mig shes kyis gzugs) mthong (rna shes kyis sgra) thos (yid shes kyis yul) shes pa dag /'dir (kun rdzob tu) ni dgag par bya (ba) min te/ (/dgag mi dgos/ dgag par mi nus/ bkag na skyon 'byung ba'i phyir/ 'o na/) 'dir ni (ci 'gog ce na/) sdug bsngal (kun gyi) rgyur gyur pa/ (/yi) bden par rtog pa('i bden 'dzin de) bzlog bya yin/ (/te; de nyid 'khor ba'i rtsa ba yin pa'i phyir ro/ /'dis bden 'dzin 'khor ba'i rtsa bar bstan pas nyan rang la chos kyi bdag med rtogs pa yod par bzhed par gsal lo/ /sems tsam pa na re/) sems las sgyu ma (gzugs sogs rdzas) gzhan min zhing/ (/rdzas) gzhan min par yang mi rtog (na ded la skyon mi 'jug go zhe na; ;phyi rol don du grub pa'i) dngos po (yin) na ji ltar de (sems las rdzas) gzhan min/ (/te; rdzas gzhan du thal lo/ /rdzas) gzhan min zhe na/ (bden pa'i) dngos por med/ (/par 'gyur te/ rnam pa du ma shes pa gcig gi rang bzhin du bden na snang ba @061b rnams rdzun par khas blangs pa de las gzhan min pa'i phyir ro/) /ji ltar sgyu ma (ste don du snang ba'i gzugs sogs) bden (grub) min yang/ (/sems kyi) blta bya (yin zhe na/) de bzhin lta byed yid/ (/dam rnam shes drug kyang bden par ma grub par mtshungs so/ /'khrul gzhi bden par med na 'khor 'das mi 'byung ba'i thal ba spong ba/) gal te 'khor ba (sogs rdzun pa btags yod rnams kyang) dngos (po bden grub re'i) rten can/ (/yin te/ 'khrul gzhi re dgos pa tho yor bden grub bzhin no/) /de ni gzhan du (mi brten na) mkha' 'drar 'gyur/ (/de dgag pa/) dngos med ('khrul pa'i) dngos la brten pas na/ (/'ching grol sogs) byed (ba) dang ldan par ji ltar 'gyur/ (/te/ mi 'gyur bar thal/ brten pa'i gzhi dngos po bden grub med pa'i phyir/ sems tsam pa) khyod kyi (lugs kyi) sems ni (gzung 'dzin gnyis su 'khrul ba sogs kyi) grogs med par/ (/rang rig rang gsal) gcig pu nyid du 'gyur ba yin/ (/par thal/ rgyangs chad med pa khyod kyis khas blangs/ gzugs sogs kyi snang ba shes pa yin pa nged kyis bkag zin pas shes pa min/ 'brel med don gzhan gyis bslad kyang rdzas la bslad pa med do/) /gang tshe sems ni gzung ('dzin gnyis snang) bral ba/ (/des na) de tshe thams cad (dang po nas) de bzhin gshegs/ (/pa nyid du 'bad med du grol bar thal/ sems can thams cad gzung 'dzin gyi dri ma dang bral ba'i phyir;) de lta na yang (thams cad mkhyen pa thob ched gzung 'dzin tha dad kyis stong pa'i) sems tsam du/ /brtags (te lta ba gtan la phab pa) la yon tan ci zhig yod/ (/de/ med pa'i phyir zhes so/ /! stong nyid rtogs pa'i lam dbu ma pa la dgos nus med par thal ba spangs pa/ @062a @#/ (/rtsod pa/ khyod kyis chos thams cad) sgyu ma lta bur shes na yang/ /ji ltar nyon mongs ldog 'gyur te/ (/mi 'gyur bar thal/) gang tshe sgyu ma'i bud med la/ /de byed (pa po sgyu ma mkhan rang) nyid kyang chags skye 'gyur/ (/bas khyod kyis stong nyid gtan la phab pa tsam las dgos pa med do zhe na/ sgyu ma) de byed pa ni (dmigs yul) shes bya (ste sgyu ma'i bud med) la/ /nyon mongs bag chags (te bden 'dzin) ma spangs pa/ /des na de mthong ba na do/ / (bud med kyis stong par shes kyang/ de bden pas stong par shes pa'i) stong nyid (kyi) bag chags nyam chung nyid/ (/yin pas bden 'dzin la gnod pa'i nus pa med de/ de dang 'dzin stangs 'gal ba med pas nyon mongs skye ba yin no/ /'o na bden 'dzin de gang gis spong zhe na/) stong nyid bag chags goms (ba ste rtogs) pas ni/ /dngos po'i (bden 'dzin) bag chags spong 'gyur zhing/ (/'o na stong nyid dang de la zhen pa gnyis ka spang byar khyad med do zhe na/ stong nyid kyang bden bar grub pa) ci yang med ces goms pas ni/ (/bden med bden grub tu 'dzin pa) de yang phyi nas spong par 'gyur/ (/'o na des bden med bden 'dzin spong yang med pa'i rtog pa 'jug pas nyes las mi grol lo zhe na/) gang tshe (dngos po) gang zhig (bden par) med do zhes/ (/rab rib can la skra shad bzhin) brtag bya'i dngos po mi dmigs pa/ /de tshe dngos med (du 'jog pa'i) rten (nam ltos sa chos can bden grub dang) bral bas/ /de blo yi mdun na (yul du) ji ltar gnas/ (/mo gsham gyi bu med pas de shi ba med pa bzhin no/) /gang tshe dngos dang dngos med dag / @062b (gi bden grub gang yang) blo yi mdun (te yul) na mi gnas pa/ /de tshe (yod med de gnyis las bden par grub pa'i) rnam pa gzhan med pas/ (/bden 'dzin gyi) dmigs pa'i (gtad so mtha' dag) med par rab tu zhi/ (/'o/ /spros pa zhi yang gzhan don mdzad pa 'thad pa/) yid bzhin nor bu dpag bsam shing/ /ji ltar re ba yongs skong ba/ /de bzhin gdul byar (sngon gyi) smon lam gyi/ /dbang gis rgyal ba'i skur snang ngo/ (/smon lam 'debs pa po byang sems 'das nas yun ring song bas mi 'thad snyam na/) dper na (bram ze shang ku zhes bya bas dug zhi byed) nam mkha' lding gi ni/ /mchod sdong bsgrubs nas (bram ze) 'das gyur pa/ /de 'das yun ring lon yang de/ /dug la sogs pa (da lta yang) zhi byed bzhin/ /byang chub spyod pa'i rjes mthun pas/ (/tshogs gnyis gsog pa dang smon lam btab pa la sogs pas) rgyal ba'i mchod sdong bsgrubs pa yang/ /byang chub sems dpa' mya ngan las/ /'das kyang (gdul bya'i gnas skabs mthar thug gi) don rnams thams cad mdzad/ (/sangs rgyas la rnam rtog med pas) sems med pa la mchod (ba) byas pas/ /ji ltar 'bras bu ldan par 'gyur/ (/mchod pa bzhes pa'i rnam rtog med pa'i phyir zhe na/ rnam rtog mi dgos te/) gang phyir bzhugs pa'am mya ngan 'das/ (/pa'i sku gdung la mchod pa bsod nams) mtshungs pa nyid du bshad (pa'i) phyir ro/ (/nged ltar) kun rdzob bam ni (khyod ltar) de nyid du'ang/ /rung ste de (dag mchod pa byas pas dngos po dang mthun pa'i) 'bras (bu ston pa'i bka') lung las @063a @#/ (/grub pa) yin/ (/pas des chog ste/ rdzun pa las 'bras bu 'byung ba ni/) dper na (khyod kyi) bden pa'i sangs rgyas la/ (/mchod pas) ji ltar 'bras bur bcas pa (lung las byung ba) bzhin/ ! (/thar pa tsam thob pa la'ang stong nyid rtogs dgos par bsgrub pa la rtsod lan gnyis kyi rtsod pa ni/) bden pa (bzhi'i rnam pa mi rtag sogs bcu drug mngon sum du) mthong bas (bden pa mthong bar 'jog la/ de goms pas nyon mongs las) grol 'gyur gyi/ (/chos thams cad bden pas) stong (pa) nyid mthong bas ci zhig bya/ (/zhe na/ lan la gsum las dang po/) gang phyir (sher mdo'i) lung las (stong nyid rtogs pa'i) lam 'di ni/ /med par byang chub (gsum ka thob pa) med par gsungs/ /gal te theg chen (gyi mdo sde nyid bkar) ma grub na/ (/de sgrub byed du bkod pa mtshungs so zhe na/) khyod kyi (theg dman) lung ni (bka' yin par) ji ltar grub/ (/ces bris pas/ de bka' yin te/) gang phyir ('o cag) gnyis ka la (theg dman gyi mdo sde) 'di bkar grub/ (kho zhe na; 'o cag gnyis ka la grub pas sam/ gzhan gang rung gis khas len pas bkar grub/ dang po ltar na/ khyod dang po nas sam/ 'thad pas bsgrubs nas yin/ dang po ltar ro zhe na/ khyod skyes ma thag nas gzhung lam sbyangs pa'i/) dang po khyod la (dman pa'i sde snod) 'di (tshad mar) ma grub/ (/pa'i phyir/ gnyis pa ltar na/ dam pa bar ma chad pa las thos pa'i) rkyen (te thabs 'dul ba la snang/ mdo sde la 'jug /mngon pa'i chos nyid dang mi 'gal ba sogs thabs) gang gis ni der yid ches/ (/so zhe na/) de ni theg chen la yang mtshungs/ (brtag @063b pa gnyis pa ltar kho bo cag las) gzhan (pa) gnyis 'dod pas bden (no zhe) na ni/ /rig byed (bzhi) sogs kyang (khyod kyi blang byar) bden par 'gyur/ (/ro/ /theg dman gyi sde snod nged gnyis kas bkar 'dod la/) theg chen rtsod (ba dang) bcas (pa'i) phyir (dor bya'o) zhe na/ (/theg dman gyi) lung la mu stegs (spyod pa) pa rnams dang/ (/rtsod pa dang bcas so/ /de phyi rol bas so zhe na/) lus gzhan la yang rang gzhan (sde pa bco brgyad) dag /rtsod (pa dang) bcas (pa) yin phyir dor byar 'gyur/ /ro/ /bstan rtsa dge slong (dgra bcom) nyid yin na/ (/sangs rgyas su ma zad/ dge slong dgra bcom) nyid kyang dka' bar gnas/ (/te/ nyon mongs spong ba la stong nyid rtags dgos pa la khyod kyis de bkag pa'i phyir ro/) /sems ni (bden 'dzin gyi) dmigs (pa) dang bcas (pa'i phyir dgra bcom) rnams kyi/ /mya ngan 'das pa'ang (thob) dka' bar gnas/ (/te/ stong nyid rtogs pa med pa'i phyir/ stong nyid ma rtogs kyang mi rtag sogs bcu drug bsgoms pas) nyon mongs spangs pas grol (lo zhe) na (mngon 'gyur re zhig spangs pa'i gang zag) de'i/ (/mngon 'gyur spangs pa) de ma thag tu (dgra bcom pa) der 'gyur ro/ (/ste 'gyur bar thal/) nyon mongs (mngon 'gyur re zhig) med kyang de dag la/ (/yang srid phyi ma 'phen pa'i) las kyi nus pa mthong pa yin/ (/pa'i phyir ro/) /re zhig (srid pa) nyer len (rkyen) sred pa ni/ (/med pas yang srid du 'phen pa) med ces nges pa nyid ce na/ (/khyod 'dod pa'i dgra bcom pa'i rgyud kyi) sred (ba) 'di (mngon pa nas bshad pa'i) nyon mongs can min yang/ / @064a @#/ /mngon pa nas) kun rmongs (ma rig par nyon mongs can yin min gnyis yod pa) bzhin du (sred pa la yang gnyis) ci ste med/ (/de/ yod do/ /'di dngos zin yin la/ don ni mngon pa nas bshad pa'i rags pa'i 'jig ltas drangs pa'i sred pa gcig dang/ phra ba'i des drangs pa gnyis yod pa las/ phyi ma 'di ni nyan thos pas 'dod pa'i dgra bcom pa la mngon 'gyur du yod do/ /stong nyid ma rtogs pa'i gang zag de dag tshor ba bden 'dzin gyi ma rig pa cung zad kyang ma spangs pas/) tshor ba'i rkyen gyis sred pa (gnyis skye ba) yin/ / (pas) tshor ba (bden grub tu zhen pa khyod kyi dgra bcom pa) de dag la yang yod/ (/pa'i phyir/ bden 'dzin gyi) dmigs pa dang ni bcas pa'i sems/ (/gang zag) 'ga' zhig la ni gnas par 'gyur/ (/bde srid du sred pa mngon 'gyur ba ldog pa mi srid/ sems gang rang bzhin gyis grub pas) stong (pa) nyid (du rtogs pa) dang ni bral ba'i sems/ (/pa nyon mongs mngon 'gyur) 'gags pa slar yang skye 'gyur te/ /'du shes med pa'i snyoms 'jug (rnam shes tshogs drug rags pa lan gcig 'gags kyang slar skye ba) bzhin/ /des na (thams cad mkhyen par ma zad thar pa tsam la'ang) stong nyid (nges par) bsgom par bya/ (ngang gang zhes sogs theg chen bka' sgrub 'di gsum slob dpon gyi gsung yin min bshad pa mang/) ngag gang mdo sde la 'jug ('dul ba la snang/ mngon pa dang mi 'gal ba) de/ /gal te sangs rgyas gsungs 'dod na/ /theg chen (gyi mdo sde thams cad rnam pa thams cad du mi mtshungs kyang) phal cher khyed cag gi /mdo dang mtshungs (par bslab gsum ston pas de bkar) 'dod (pa) @064b min nam ci/ /gal te (khyod kyis bkar 'jog byed cha tshang yod par) ma rtogs (pa'i mdo) gcig (mthong ba de dag) gis ni/ (/theg chen gyi mdo) thams cad skyon dang bcas (par) 'gyur (ro zhe) na/ (/khyod kyis bka'i mtshan nyid thams cad tshang ba'i theg chen gyi mdo sde gcig mthong bas khyod) mdo (sder 'dod pa dang mtshan nyid) mtshungs (ba) gcig gis thams cad ni/ /rgyal bas gsungs pa cis ma yin/ (/rgyu mtshan mtshungs pa'i phyir ro/ /theg chen) ngag gang 'od srungs chen po (dang ka tyA'i du) la; ;sogs pas gting dpogs ma gyur pa/ (/zab pa) de ni khyod kyis ma rtogs (pa rgyu mtshan du byas) pas/ (/bkar) gzung bya min par su zhig byed/ (/de; mi rigs so/ /'di yan phyis thar pa tsam thob pa la stong nyid phra mo rtogs dgos par bsgrub/ 'di min gyis thams cad mkhyen pa thob pa la de rtogs dgos par bsgrub/ ! stong nyid rtogs pa mi gnas myang 'das kyi lam du bsgrub pa/ rgyu) rmongs pas ('bras bu sems can) sdug bsngal can (rnams kyi) don du/ (/byang 'phags rnams so skye ltar bden par) chags (pas 'khor bar 'khor ba'i rtag mtha') dang (nyan rang ltar 'khor bas) 'jigs (nas chad) mtha' las grol ba/ (/yin te/ snying rjes 'khor bar gnas kyang shes rab kyis 'khor ba'i sdug bsngal gyis mi brji bar dga' bzhin) 'khor bar gnas pa 'grub 'gyur ba/ /'di ni stong nyid 'bras bu yin/ / (stong nyid rtogs pa dang bral na snying rjes gnas kyang 'khor ba rang mtshan pa myong bas/ sun na chad mthar ltung/ de'i phyir snying rje yang stong nyid kyi 'bram bu yin no/ ! /des na grol ba don gnyer gyis stong nyid bsgom rigs par gdams pa/) de ltar stong pa nyid phyogs la/ /sun 'byin pa ni 'thad @065a @#/ /ma yin/ (/te/ 'og gi sun 'byin rnams kyis gnod pa'i phyir/) des na (nyan rang thar 'dod rnams) the tshom mi za bar/ /stong pa nyid ni bsgom par bya/ (/ste/ 'khor rtsa bden 'dzin yin pa'i phyir ro/) /nyon mongs shes bya'i sgrib pa yi/ /mun pa'i gnyen po stong pa nyid/ (/rtogs pa'i shes rab kyi snang ba nyid do/) /myur du thams cad mkhyen 'dod pas/ /de ni ji ltar sgom mi byed/ (/bden 'dzin) dngos gang ('khor ba'i) sdug bsngal skyed (bar) byed (pa/) /de la skrag pa skye 'gyur (rigs) na/ /stong nyid (rtogs pa'i shes rab) sdug bsngal zhi byed pa/ /de la 'jigs pa ji ltar skye/ (/skye ba 'gal lo/) /gal te (rang bzhin gyis grub pa'i) bdag 'ga' yod na ni/ /ci yang rung (ba) las 'jigs 'gyur (rigs) na/ (/'jigs mkhan gyi) bdag nyid 'ga' yang (rang bzhin gyis) yod min pas/ /'jigs par 'gyur ba (po de) su zhig yin/ ! (/gang zag gi bdag 'dzin lhan skyes kyi zhen yul dgag pa/ 'jug par chos kyi bdag med sngon du bstan pa bshad rim/ 'dir gang zag gi bdag med sngon du gsungs pa sgom rim du mdzad/ bdag tu zhen pa'i gzhi phung po ni khams drug 'dus pa tsam las bdag min te/ bdag lus 'di'i steng du yod na lus gyis khams kyis bsdus pa) so dang skra sen bdag ma yin/ /bdag ni rus pa khrag ma yin/ /snabs min bad kan ma yin te/ (/chu khams kyis bsdus pa) chu ser dang ni rnag kyang min/ /bdag ni zhag dang rdul min te/ /glo mchin dag kyang bdag ma yin/ /nang khrol @065b gzhan yang bdag min te/ /bdag ni phyis gcin ma yin/ /sha dang pags pa bdag min te/ (/me khams) drod dang (dbugs 'byung rdub kyi) rlung yang bdag ma yin/ (/nam mkha'i khams) bu ga (yang) bdag min rnams kun tu/ /rnam shes drug kyang bdag ma yin/ (/rang sde dngos smras gang zag gi mtshan gzhir phung po 'dzin la/ phyi rol pa rnams rje khol bzhin phung po las don gzhan pa'i bdag khas len no/ /don dam par ma zad tha snyad du yang/ phung po'i tshogs/ rgyun/ cha gang yang gang zag gi mtshan gzhir ma grub/ grub na 'dres nas skye 'jig can du 'gyur ro/ /yang tha snyad du gnas pas bdag la phung po med pa dang/ phung po las logs su bdag rong de ba dgos pas/ de ltar med pas/ phung po la brten pa 'di gang zag go zhes btags pa tsam mo/ /'on kyang tha snyad tsam du ma dpyad par lhas byin no/ /zhes grags pa tsam gyis 'jog la/ de las phar rnam rtog spro na rtag chad du lhung ngo/ /bdag 'dzin lhan skyes ni rigs pa'i dpyad pa ma zhugs par rang bzhin gyis grub par 'dzin pa dam ngam shugs kyis skye ba dang/ rigs pa'i dpyad pa zhugs nas 'thad snyam du 'dzin pa ni bden 'dzin kun brtags so/ / rang rgyud man gyis nga gdags gzhi'i steng du rang ngos nas grub par 'dzin pa de dgag ched sa min sogs drug gi sgo nas tshol/ bdag gi mtshan gzhi tshol dgos/ bdag dang gdags gzhi so so yang ma yin/ gcig kyang min/ tshogs pa'ang min/ tshogs pa las logs su yang med pa/ brtags don ma rnyed pa yin/ yod med kyi bdag gnyis kyi mtshams 'dzin dka'/ ! kun brtags dgag pa'i grangs can gyi bdag shes par 'dod pa dgag pa/ phyi rol pa'i bdag 'dod tshul mang yang bem rig gnyis su bkag na thams cad khegs/ grangs can pas/ gtso bos rnam 'gyur rnams byed shes) @066a @#/ (/kyang longs spyod mi nus/ shes rig gi skyes bu de las zlog pa'i rtag dngos su 'dod/ gtso bos de tsam lnga bdag la stobs/ blo'am chen po la phyi nas yul 'char/ nang nas skyes bu rang 'char/ de gnyis me dang lcags ltar 'dres pa'i tshe; skyes bus sgra thos pa sogs yin/ blos longs spyod bya spyod byed gcig tu zhen pas 'khor bar 'dod/ 'di la ming gzhan bsgyur nas bla med kyi rgyud kyi dgongs par 'dod pa'ang yod do/ /grangs can gyis yul can shes rig gi skyes bu dang yul sgra gnyis ka rtag par 'dod pa la/ 'dir yul can gyi nges nas skyon bstan te/) gal te sgra (la sogs pa longs spyod pa) yi shes (rig gi skyes bu dang sgra gnyis ka) rtag na/ /sgra yod med thams cad kyi tshe na sgra thos shing 'dzin par 'gyur/ /bar thal/ (de 'dzin pa'i rtag pa yin pa'i phyir/ 'dod mi rigs te/ yul lam) shes bya sgra med na ci zhig rig nas/ /yul gang gis yul can shes pa zhes brjod par byed/ /gal te shes bya med pa'i shes pa yin na/ /shing yang shes par thal bar 'gyur/ /shes bya med pa'i shes pa khas blangs chog pa'i phyir/ des na shes bya sgra sogs nyer gnas pa/ /med par de 'dzin pa'i shes pa med ces bya bar nges/ (/skyon med de/ sgra med pa'i tshe skyes bu rtag pa) de nyid kyis ni gzugs bzung don du byas nas shes shing 'dzin zhe na/ /'o na sgra shes 'gags nas gzugs shes sam/ ma 'gag par yin/ dang po ltar na/ shes pa tsam du ldog pa mtshungs kyang/ ngo bo snga ma 'gags/ phyi ma skyes pas skyes bu rtag pa nyams so/ /gnyis pa ltar na/ @066b skyes bu rtag pa chos can/ gzugs shes pa) de tshe sgra thos pa'ang ci ste min/ /te/ (thos par thal/ de tsam lnga la nye ring med par longs spyod pa'i rtag pa yin pa'i phyir/) gal te (gzugs shes pa de'i tshe) sgra ni yul du mi nye ba'i phyir sgra mi shes so zhe na// des na de yi (tshe sgra'i yul can gyi) shes pa'ang med/ (/par thal lo/ /'dod na skyes bu rtag khyab tu 'dod pa nyams so/) /sgra 'dzin shes pa'i rang bzhin gang yin pa/ (/de nyid) de gzugs 'dzin shes par ji ltar 'gyur/ (/te/ rnam pa 'gal ba'i phyir; gal te skyes bu gcig nyid ltos sa la ltos nas pha bur 'jog pa bzhin/ shes rig gi skyes bu gcig nyid gzugs 'dzin pa'i tshe sgra'i rnam 'gyur med kyang de'i rang bzhin yod pas gzugs 'dzin pa'i tshe yang sgra'i yul can du 'jog pa bzhin no zhe na/ skyes bu) gcig nyid ni pha dang bu nyid du/ /blos brtags pa'i tha snyad yin gyi yang dag nyid du grub pa min te/ (/khyod kyis pha dang pha'i rang bzhin don dam par grub par khas blangs pa'i phyir/) 'di ltar snying stobs rdul dang ni/ /mun pa (cha mnyam pa gtso bo dang rang bzhin dang don dam bden par khyod kyis khas blangs pas pha'i gnas skabs kyi rang bzhin de) bu min (de bzhin du) pha yang min/ (/te/ rang bzhin ni mthong ba'i lam du mi 'gyur ba'i phyir/ gzugs 'dzin de ni chos can/) sgra 'dzin dang ldan pa'i/ /rang bzhin du ni (med de/ yod na tshad mas mthong dgos pa las) mthong ba ma yin/ /pa'i phyir/ gar mkhan (gcig nyid chas gos kyis rnam 'gyur tha dad kyang ngo bo gcig yin pa mi 'gal ba lta bur skyes bu gcig nyid gzugs 'dzin gyi tshul lam rnam 'gyur gzhan gyis/ /sgra 'dzin) de nyid @067a @#/ /mthong ngo zhe na skyes bu de chos can/ rtag dngos min/ (/par thal/ tshul gzhan btang nas gzhan len pa'i phyir/) gal te tshul gzhan (btang ba ma grub ste/) de nyid (rnam pa mi 'dra yang rang bzhin gcig go zhes na/) /gcig nyid la tha dad pa de ni sngon med gcig /byung ngo/ /gal te tshul gzhan du snang ba ltar bden min (pas rang bzhin gcig tu bden no zhe na/ /shes pa de yi rang gi rang bzhin (gcig tu bden pa de) smros/ /shig /snga phyi thams cad shes rig nyid du bden par grub ce na de lta na/ /rgyud tha dad pa'i) skyes bu kun gcig tu thal bar 'gyur/ (/par thal/ skyes bu cha med kyi rtags khyab tu khas blangs pa'i phyir/) sems pa (can skyes bu dang) sems med (gtso bo de dag kyang/ /gcig tu 'gyur par thal/ gang phyir (cha med rtag khyab tu) yod nyid mtshungs/ (/pa'i phyir/) gang tshe (sgra shes dang gzugs shes sogs rnam 'gyur gyi) bye brag (rnams) phyin ci log (rdzun pa yin na/ de tshe 'dra ba'am mtshungs ba'i rten spyi gtso bo gang yin/ (/de yang rdzun par 'gyur ro/ ! /bye brag pas bdag bem por 'dod pa dgag pa/) sems med ba yang (longs spyod pa po'i) bdag min te/ /sems med nyid (yin pa'i) phyir dper na bum pa dang ro sogs bzhin/ /'on te/ (bdag rang nyid bem po yin yang/ sems pa dang 'du ba'i 'brel pa yod pas) sems ngang ldan pa'i phyir/ /yul shes (par 'jog go zhe na 'o na sems pa des bdag bem po'i rang bzhin de bsgyur ram ma bsgyur/ bsgyur na bdag de sngar yul) mi shes @067b pa'i rang bzhin de 'jig cing mi rtag par thal/ (/phyis rkyen gzhan stobs kyis yul shes pa'i phyir/) ji ste bdag la 'gyur (ba cung zad kyang) med ce na/ /sems pas (bdag de la khyad par gsar pa) ci zhig byas/ (/nas yul shes par 'gyur te/ bdag 'gyur med yin pa'i phyir/) de ltar bdag de bem po yin pas) shes pa med rtag pa yin pas bya ba dang bral ba/ /yin na/ nam mkha' yang bdag tu byas par 'gyur/ (/'dod par ha cang thal lo/ /!de la rtsod pa spong ba/) gal te bdag gi rang bzhin ni yod min na/ /las 'bras 'brel ba rigs min te/ /las byas nas ni byed mkhan zhig pas na/ /su yi las su 'gyur zhe na/ /rgyu las bya ba'i dus dang 'bras bu myong dus kyi gzhi 'am gang zag rdzas tha dad (pas gnas skabs kyi rnam 'gyur tsam dang/ /'bras bu myong ba'i dus) der bdag ste las byed pa (po'i rang bzhin rtag tu) med par yang/ /yu bu 'am nged gnyis ka la grub pas/ /'dir brtsod don med ma yin nam/ / (ste rgyu las byed dus na 'bras bu myong ba po'i bdag med/ 'bras bu myong dus rgyu las byed pa po'i bdag med par khyod kyis khas blangs so/ /rgyu las gsog pa dang) ldan dus 'bras bu myong ba dang bcas pa 'di yin zhes/ /de gnyis dus gcig tu/ mthong ba 'di ni srid pa ma yin/ /no/ (/dper na pha bu bzhin/ kun rdzob tu skad cig snga phyi bar ma chad du brgyud mar rgyu 'bras su 'jug pa'i phung po'i) rgyun gcig la ni brten nas su/ /las byed po dang 'bras bu la longs spyod po zhes byar rgyal bas btags nas bstan// @068a @#/ (/'o na sems kyi rgyud de nyid bdag ma yin nam zhe na/ 'das pa'i sems ni bdag min te/ 'das nas dngos por med pa'i phyir/) dang ma 'ongs pa yi sems/ /bdag min te/ de ni (da dung ma skyes shing) med pa'i phyir/ / 'on te skyes pa'i sems da lta ba bdag yin no zhe na/ /de zhig pa na yang (de 'dra bar khyod kyis 'dod pa'i) bdag (kyang zhig nas) med do/ /dper na chu shing sdong po dag /cha shas phye (nas shun pa bsal na rang bzhin) 'ga' yang med pa/ /de bzhin rnam par dpyad pa yis/ /btsal na bdag kyang yang dag par grub pa min no/ (/'di gang zig bdag med gtan la phab pa'i don bsdur gsungs/) gal te sems can (rang bzhin gyis) yod pa min na/ /su la snying rje bya zhe na/ /lam bsgom pa dang 'bras bu sangs rgyas thob pa'i don du khas blangs pa'i/ /rmongs pas brtags pa gang yin (pa'i sems can tha snyad du yod pa de dmigs yul du 'thad) pa'o/ /sems can rang bzhin med (na de la snying rje bsgom pa'i) 'bras bu sangs rgyas de su yi thob bya yin/ (/rgyu 'bras de dag bden par med pa) bden te 'on kyang rmongs (pa tha snyad 'khrul shes) las 'dod/ /sdug bsngal nye bar zhi don du/ /'bras bu (sangs rgyas sgrub (dus kyi rjes thob kyi nyon mongs can ma yin pa)'i rmongs pa bzlog mi bya/ (/ste/ re zhig bzlog mi nus/ ma bzlog kyang kun mkhyen thob thabs kyi yan lag yin no/ /'khor ba'i) sdug bsngal rgyu yi nga rgyal (te nyon mongs can gyi ma rig pa ni/ /bdag tu rmongs @068b pas (sdug bsngal) 'phel bar 'gyur/ (/pas bzlog dgos shing nus so/ /kho na re/ de 'dra'i rmongs pa ldog pa) de las kyang (bden 'dzin) bzlog (mi nus la/ lan cig bzlog kyang slar skye bas phung po gtan zad du 'gyur ba) med ce na/ (/gtad zad nus te/) bdag med sgom pa mchog yin (cig shos drungs 'byin no/ ! /dran pa nyer gzhag bzhi'i sgo nas chos kyi bdag med bshad pa la/ lus dran nye/ sngar mthong ba po tshor ba po bdag yin pa bkag nas/ mthong bya/ tshor bya sogs bdag yin nam snyam pa dgag phyir/ dran pa nyer gzhag bzhi'i sgo nas bdag dgag pa gsungs te/ theg dman nas gsungs pa'i dran nye bzhis gang zag gi bdag med kyang rdzogs par rtogs mi nus/ theg chen nas gsungs pa'i dran nyer gang zag dang chos kyi bdag med gnyis gsungs pas 'dir phyi ma'i dbang du byas/ gtsang bde rtag bdag tu 'dzin pa'i phyin ci log bzhi bsgom pa chung 'bring skabs dang zhi gnas skabs/) 'dir rang bzhin med par bsgom/ ('on kyang mi sdug sogs kyang don gyis tshang ngo/ /de yang cha can lus 'di blos btags tsam min par rang ngos nas grub na/ yan lag so so pa dang tshogs pa dang/ de rnams las ngo bo tha dad gang rung zhig lus kyi mtshan gzhir dgos na/ de mi rnyed pa'i phyir/ tshogs pa lus yin mod snyam na/ tshogs pa la brten nas lus su btags pa yin pas/ tshogs pa'ang lus su mi rigs te/ de lta ma yin na rdul phran cha med kyi mthar thug par khas len dgos par 'gyur ro/ /des na lus zhes pa'i tha snyad 'jug gzhi de ji ltar yod snyam du btsal na/) lus ni rkang pa byin pa min/ /brla dang rked pa'ang lus ma yin/ /lto dang rgyab kyang lus min te/ /brang dang dpung pa'ang lus ma yin/ /rtsib log lag pa'ang lus min te/ /mchan khung phrag pa'ang lus ma @069a @#/ /yin; ;nang khrol rnams kyang de min la/ /mgo dang mgrin pa'ang lus min na/ (/rkang lag sogs yan lag tshogs ba 'di rnams la yan lag can gyi) lus ni gang zhig yin/ /te/ (lus ni gcig pu yin la/ de dag ni du ma yin pa'i phyir ro/ /de dag las gcig ldog kyang lus mi ldog /gcig nyams kyang lus gnas/ de dag mthong bas lus mi mthong ngo/ /'on kyang de dag tshogs pa la btags pa tsam mo/ /tshogs pa mthong bsam mthong/ btags pa mthong bas mthong zhes bya/ 'di yan gyis bden pas gcig tu ma grub par bstan/ yan lag spyi la khyab pa'i rags pa zhig don gzhan du yod do zhe na/) gal te (don gzhan pa'i rags pa'i) lus 'di (yan lag) thams cad la/ (/gnas na/ lag bar cha/ rkang par cha sogs) phyogs re yis ni gnas gyur (tam/ cha shas rer cha can ril po gnas/ dang po ltar) na/ /cha rnams cha la gnas gyur mod/ /de rang nyid ni gang la gnas/ (/zhes lus kyi cha lag pa/ lag pa'i cha sor mo/ sor mo'i cha de'i cha sogs rdul phran du bsil na cha gnas sa thug pa med par 'gyur ro/) /gal te bdag nyid kun gyi lus/ /lag sogs cha shas rnams la gnas na ni/ /lag sogs de dag ji snyed pa/ /de snyed kyi ni lus su 'gyur/ /don bsdu/ phyi dang nang du lus med na/ /ji ltar lag sogs la lus yod/ /lag sogs rnams las gzhan med na/ /de ni ji ltar yod (nas dmigs) pa yin/ (/ces 'dri ba'o/ /des na lus rang bzhin med kyang) lag sogs la/ /bden par rmongs pa yis ni lus rang bzhin @069b gyis grub be snyam pa'i) blo skye bar 'gyur/ /te/ dper na/ mi'i dbyibs su bkod pa'i khyad par gyis/ /tho yor la ni mi blo bzhin/ (/de gnyis mi 'dra ste/ tho yor thag ring na de ltar 'byung yang drung na mi 'byung/ lus kyi blo thag nye yang 'byung bas so zhe na/ tho yor 'khrul ba'i rkyen tshogs bzhin) ji srid rkyen tshogs de srid du/ /lus ni skyes bu mi ltar snang ba/ /de bzhin du ji srid lag sogs la/ /rkyen de tshogs yod pa de srid du dar lus su snang/ /ngo/ /de bzhin sor mo'i tshogs yin phyir/ /lag pa'ang (rang bzhin grub pa) gang zhig yin par 'gyur/ /de yang tshigs kyi tshigs yin phyir/ /tshigs kyang rang gi cha phyi bas/ /cha yang rdul du phye bas te/ /rdul de'i phyogs ca'i dbye ba yis/ / phyogs dbye 'ang cha shas dang phral phyir/ /dper na/ mkha' bzhin des na rdul yang med/ /de ltar (bden par med bzhin du tshugs thub tu snang ba'i) rmi lam lta bu yi/ /gzugs la dpyod ldan su zhig chags/ (/te dmigs gtad mi pher ba'i phyir ro/) gang tshe de ltar (thun mong ba'i lus rang bzhin gyis grub pa) med pa/ /de tshe (chags pa po'i) skyes ba 'den pa'ang gang chags yul bud med bden pa'ang gang/ ! (/tshor ba dran nye ni/ lus bzhin du tshor ba yang rang bzhin gyis med de/ myong bya sdug bsngal dang myong byed tshor ba de nyid du 'am bden par yod na/ /yid shes gcig gi steng gi tshor ba sdug bsngal de chos can/) ci ste (rnam pa 'gal ba'i tshor ba) rab tu dga' pa dang bde ba la mi gnod/ (de/ gnod pas bde ba gzhan skye ba'i go skabs @070a @#/ (/med par thal/ de kho nar grub pa'i phyir/ rigs pa zur ba/ bde rang bzhin gyis grub) na mya ngan gdung sogs la/ /kha zas zhim sogs (zos pas de'i yid) ci ste dga' bar mi byed/ (/de/ bde bar byed par thal; bde ba rang bzhin gyis grub pa bskyed nus pa'i phyir/ mya ngan gyis gdungs pa'i tshe bde ba skyes yod kyang/ sdug bsngal de) stobs dang ldan pas zil mnan pa'i phyir/ /gal te tshor ba bde ba de myong ma yin te/ nyin skar bzhin no zhe na/ /gang zhig nyams su myong ba'i bdag nyid min/ /na/ de tshe de tshor ba bde ba ji ltar yin/ (/te/ ma yin par thal/ tshor ba'i mtshan nyid myong ba yin pa'i phyir/ sdug bsngal phra mo nyid du yod/ (/bas phra mo myong zhe na/ phra mo de sdug bsngal du myong ngam/ bde bar myong/ dang po ltar na/ de mi snang ba'i phyir/ phyi ma ltar na/) 'di yi rags pa cam bsal min nam/ (/ste/ yin pas/ sdug bsngal phra mo de ni bde ba chen po) de las gzhan dga' 'phra mo tsam/ /yin no/ zhe na phra nyid de yang bde ba de'i/ (/mtshan nyid yin dgos so/ /gal te bde ba skyes pa'i tshe sdug bsngal gyi) 'gal rkyen skyes pas na/ /sdug bsngal skyes pa min zhe na ni/ /bde sdug gi tshor bar rtog pas mngon par zhe na (cing btags pa tsam) nyid/ /yin ces bya bar grub min nam/ (/tshor ba bden par ma grub pa) de nyid phyir na/ (tshor ba bden 'dzin) 'di yi ni/ /gnyen por (tsho ra rang bzhin med par) rnam dpyad 'di bsgom ste/ /rnam par brtags @070b shing dpyad pa'i) zhing las byung ba yi/ /zhi lhag bsam gtan rnal 'byor ba yi (rtogs pa'i lus rgyas pa'i phyir) zas/ /zhes bya ste/ (thal? pa'i zas kyis lus brtas par byed pa bzhin no/ /gal te dbang po'i rdul dang don gyi rdul phra rab gnyis phrad tshe) bar dang bcas pa yin zhe na/ /de dag don la/ gang du phrad par 'gyur/ (/te phrad pa mi srid/) bar med na yang (rdul de gnyis gos gcig tu 'dres te bul) gcig nyid (du 'gyur la/) de/ (ltar na phrad pa po) gang zhig phrad pa gang dang 'phrad par 'gyur/ /rdul phran rdul phran gzhan la 'jug (ba ste thim pa) med/ /de/ rdul phran de dag ni bar skabs stong ba med bong tshod mnyam pa yin/ (/pa'i phyir/ rdul phran phan tshun) ma zhugs pa la 'dres pa med cing/ /ma 'dres pa'i cha med la phrad pa med/ /pa'i phyir cha med pa la'ang phrad pa zhes/ /bya ba ji ltar 'thad par 'gyur/ /te/ mi srid pas phrad pa dang ni cha med par/ /yod pa gal te mthong na bstan bar gyis/ /rnam shes lus med pa la ni/ /rang bzhin gyis phrad pa 'thad pa ma yin nyid/ (/de/ gzugs med pa'i phyir/ rdul du ma) tshogs pa'ang bden pa'i dngos po med phyir te/ /sngar ni ji ltar (tshigs kyi tshogs) rnam dpyad (nas rang bzhin gyis grub pa bkag pa) bzhin/ /no/ /de ltar na reg pa (rang bzhin gyis) yod min na/ /tshor ba (bden grub) gang las 'byung bar 'gyur/ )/te/ rgyu rdzun pa la 'bras bu bden grung bskyed pa'i nus pa med pa'i phyir @071a @#/ (/tshor ba rang bzhin gyis med na de'i don du) ngal 'di ci yi don du yin/ (/te/ don med do/ /tshor ba sdug bsngal bden grub spang ba'i don du ngal lo zhe na/ tshor ba sdug bsngal) gang gis gang la gnod par 'gyur/ /gang tshe tshor po (bden grub) 'ga' med cing/ /tshor ba'ang yod pa ma yin pa/ /de tshe (tshor bya tshor byed rang bzhin med pa'i) gnas skabs 'di mthong nas/ (/'bras bu) sred pa ci phyir ldog mi 'gyur/ (/te/ tshor ba'i rang bzhin shes na sred pa ldog pa chu zla snang yang der ma grub snyam nas zhen pa mi 'byung ba bzhin no/) /mthong ba'am ni reg pa yang/ /rmi lam sgyu 'dra'i bdag nyid kyis/ /sems dang (tshong ba) lhan cig skyes pa'i phyir/ /tshor ba (sems) de yis (rang bzhin gyis) mthong ma yin/ /sngar (skyes pa'i sems kyis phyis skyes pa'i tshor ba mi myong ste/ /tshor ba de'i dus sum skyes pa'i phyir) dang (sems) phyi mar skyes pas kyang/ (/sngar skyes pa'i tshor pa) dran par 'gyur gyi myong (ba) ma yin/ (/te/ de'i dus su tshor ba 'gags zin pa'i phyir ro/ /tshor ba) rang gi (rang gi) bdag nyid myong min la/ (/rang bzhin gyis grub pa'i myong byed) gzhan dag gis kyang myong ma yid/ /tshor po 'ga' yang yod min te/ /des na tshor ba de (kho na) nyid (du grub pa) min/ /de ltar bdag med (pa'i phung) tshogs 'di la/ (/bden grub kyi tshor bdes phan pa dang/ tshor sdug) 'di yis ci ste gnod par bya/ (/ba rang bzhin gyis med pas/ tshor ba rang bzhin med par dran par bya'o/ ! /yid dran nye/) yid ni dbang (po drug /) @071b rnams la (rang bzhin gyis) mi gnas/ (/gzugs sogs la min par na'ang min/ /nang na'ang sems (rang bzhin gyis gnas) min phyi min zhing/ /gzhan du yang ni rnyed ma yin/ (/sems) gang zhig lus (kyi ngo bor gnas pa) min (lus) las) gzhan du('ang yod) min/ (/lus dang) 'dres min logs su'ang 'gar med pa/ /de ni cung zad (kyang rang bzhin gyis yod) min de'i phyir/ (/sems ni rang bzhin las) sems can (zhes pa mi bde bas sems) rang bzhin (gyis stong ba de nyid ni rang bzhin gyis) mya ngan 'das/ (/pa'o/) /shes bya las sngar (dbang) shes yod na/ /de ni ci la dmigs nas skye/ /shes dang shes bya lhan cig na/ /de ni ci la dmigs nas skye/ (/sngon po dmigs rkyen sngon po de rgyu/ sngo 'dzin 'bras bu/ des na/ sngon dang dus mnyam mi 'thad/) 'on te shes bya'i phyis (phyis 'di rang bzhin la sbyar/) yod na/ de tshe shes pa gang las skye/ (/dmigs rkyen snga ma zhig nas sam/ /ma zhig par skye/ zhig na sa bon tshig pa bzhin/ ma zhig na/ bar du chod na skye mi srid par thal ba/ cha thams cad nas mchod na skad cig kyang bskal par 'gyur/ cha gnyis yod na bden grub nyams so/ ! /chos dran nye/) de ltar chos rnams thams cad kyi/ /skye ba (bden grub tu) rtogs par 'gyur ma yin/ ! (/bden gnyis mi 'thad pa'i rtsod spong/) gal te de ltar kun rdzob med/ /de la bden gnyis ga la yod/ /de yang kun rdzob (tu yod par blo) gzhan gyis (yod par rlom nas bzhag tsam yin la/ de lta) na/ /sems can mya ngan ga la 'da'/ /'di ni ('khrul pa'i blo) gzhan (bden 'dzin gyi @072a @#/ /sems (kyi) rnam rtog ste/ /de ni (nged dbu ma pa) rang gi (lugs kyi) kun rdzob (tu yod pa'i don) min/ (/rang lugs rang bzhin med pa'i lta ba rtogs pa'i) phyis (bya byed kun rdzob ba thams/ cad yod pa) de (tshad mas grub pa'i) nges (pa yod par 'jog thub) na de (kun rdzob tu) yod (pa'i don yin gyi/) de/ /min na kun rdzob med pa nyid/ (/yul can) rtog (pa) dang (yul) rtog par bya ba dag /gnyis po phan tshun brten pa('am ltos nas 'jog pa) yin/ (/gyi/) rang ngos nas grub pa med do/ /ji ltar ('jig rten) grags pa la brten nas/ /rnam par dpyad pa thams cad brjod/ /gang tshe (bden par yod med) rnam par dpyad pa yi/ /rnam dpyod kyis ni (rang bzhin med par) dpyod byed na/ /de tshe rnam (par) dpyod (byed) de yang ni/ (rnam dpyod gzhan gyis bden med du) rnam dpyod phyir na (dpyod byed) thug pa med/ /dpyad bya rnam par dpyad byas (nas stong nyid grub pa) na/ /rnam (par) dpyod (pa'i tshad ma) la ni rten (chos can bden grub tshad ma de'i ngor ba yod min/ /rten med phyir na (dgag bya dang bkag pa gnyis ka rang bzhin gyis) mi skye ste/ /de yang (rang bzhin gyis) mya ngan 'das par brjod/ (/dngos smra) gang gi ltar na (yul don dang yul can shes pa) 'di gnyis bden/ (/par grub pa) de nyid (do zhes tha snyad byed pa) shin tu dka' par gnas/ /gal te shes (pa bden par grub pa'i dbang @072b (dam dpe) las don (bden par) grub/ (/ce na/) shes (pa bden par) yod nyid la (rgyab) rten ci yod/ /'on te shes bya (bden grub mngon sum gyis grub pa 'di) las shes (pa bden par) grub/ (/bo zhe na/) shes bya yod pa la rgyab rten ci yod/ /de ste('am 'on te don dang shes pa gnyis) phan tshun (ltos pa'i) dbang gis yod/ (pas na don shes) gnyis ka yang ni (rang bzhin gyis) med par 'gyur/ /gal te bu med pha min na/ /pha med na'ang/ bu nyid gang las byung ba yin/ /bu med par ni pha med pa/ (/de gnyis phan tshun ltos pas bden par med pa) de bzhin (don shes) de gnyis (kyang bden par) med pa nyid/ (/dper na/) myu gu sa bon las skye zhing/ /sa bon (myu gu) de nyid kyis rtogs (pa'am dpog par byed pa) bzhin/ (/du) shes bya las skyes shes pa (bden par grub pa) yis/ (/shes bya bden grub) de yod pa ni cis mi rtogs/ (/te/ rtogs dgos so zhe na/ dpe don mi mtshungs te/) myu gu las (rdzas) gzhan (pa'i tshad ma'i shes pa yis/ (/myu gu mthong nas) sa bon yod ces rtogs 'gyur na/ (/'ang) gang phyir shes bya de rtogs pa'i/ /shes pa yod nyid gang las rtogs/ ! (rgyu la dpyod pa rdo rje gzegs ma'i gtan tshigs/ nas kyi sa bon gyi steng na myu gu /ljang ba/ 'bras bu sogs skye pa'i rgyu so so yod pa dpog dka' yang/ 'dir de 'dra min par rags pa zhig ste/) re shig 'jig rten (pa'i) mngon sum gyis/ (/ston thog la sogs pa'i dngos po phal cho ba rnams la rang rang gi skyed byed kyis/) rgyu rnams thams cad mthong ba yin/ @073a @#/ (/'o na/) padma'i sdong bu sogs ('bras bu'i) dbye (ba) ni/ (rgya gang gis byas she na/ rang rang gi) rgyu yi dbye (ba mi 'dra) bas bskyed pa yin/ (/rgyu yi dbye bas 'bras bu mi 'dra ba 'byung ba de la nges pa rnyed na nyams len gyi gnad che bar gsungs/ 'o na/) rgyu dbye (ba de dag) gang gis byas she na/ /sngar gyi rgyu'i dbye (ba sna tshogs pa) nyid las so/ (/de lta yin na'ang) ci phyir rgyu (so so) yis 'bras (bu de dang de) skyed nus/ (/la/ gzhan mi bskyed pa ce zhe na/ rang rang gi) sngar gyi rgyu yi mthu nyid las/ (/de dag dang mthun pa'i 'bras bu mi 'dra ba so sor bskyed nus pa'i phyir/) rig pa can dang bye brag pa/ (grangs can gyi phyogs gcig dbang phyug ltar khas len pa dag na re/) dbang phyug (rtag pa rang byung gi thams cad mkhyen pa des gnas lus longs spyod thams cad byas pas) 'gro ba'i rgyu yin (no zhe) na/ /re zhig dbang phyug (gi don) gang yin smros/ (sa sogs 'byung ba rnams 'phel 'gro ba las 'bras bu 'phel 'grib byed pas) 'byung (ba) rnams (la dbang phyug zer re/) /zhe na de lta mod/ / (don la khyad par med pa'i) ming (mi 'dra) tsam la yang (dbang phyug sgrub pa'i tshogs chen pos) ci zhig ngal/ /'on kyang sa sogs ('byung ba rnams rdzas) du ma('i rang bzhin) dang/ /mi rtag (ba dang/ blo'i) g.yo (ba) med (pa dang) lha min zhing/ /bgom bya nyid dang mi gtsang bas/ /de ni dbang phyug nyid ma yin/ (/sa sogs dbang phyug min kyang nam mkha' dbang phyug yin no zhe na/) dbang phyug mkha' min g.yo med phyir/ (/bdag rtag pa dbang phyug yin zhe na/) bdag @073b min sngar nas bkag zin phyir/ (/dbang phyug de phal bas) bsam (bya) min pa yi byed po yang/ (/yin bas skyon med ce na) bsam min brjod pas ci zhig bya/ (/ste/ khyod kyis kyang dbang phyug su yin mi shes pa'i bsam du med pa'i bdag nyid yin pa'i phyir/ khyod kyis 'dod ba'i dbang phyug) des bskyed (bar) 'dod pa'ang gang zhig yin/ (/bdag la sogs pa'o zhe na/) bdag ni de dang sa sogs dang/ /dbang phyug ngo bo'ang rtag min nam/ (/ste rtag par khyod kyis khas blangs so/) /shes pa (ni don gyi rnam pa can du) shes bya las skye (la par mngon sum gyis grub pa) dang/ (/rig pa tsam du) thog (ma) med (pa'i rig pa snga ma snga mas skyes par rtags gyis grub/ bye brag tu tshor ba) bde sdug las las (skyes par lung gis grub pa) yin/ (/na/ dbang phyug) de yis gang zhig bskyed pa smros/ (/rgyu dbang phyug rtag dngos yin pas) rgyu (byed pa po) la thog ma yod min na/ (/des bskyed pa'i da ltar gyi tshor ba sogs) 'bras bu'i thog ma ga la yod/ /rgyu dbang phyug chos can/ 'bras bu thams cad dus) rtag tu ci phyir byed (pa) min (te; ;byed par thal/) de ni ('bras bu thams cad byed pa po gang zhig rkyen) gzhan la ltos pa min/ (/pa'i phyir/ dbang phyug) des byas (ba) min (pa'i 'bras bu) gzhan yod min na/ /des ('bras bu bskyed pa) 'di (rkyen) gang la ltos par 'gyur/ /gal te (dbang phyug gis 'bras bu bskyed pa lhan cig byed rkyen la) ltos na (rgyu rgyen) tshogs pa nyid/ /rgyu yin 'gyur gyi dbang phyug (rang dbang ba'i rgyu yod pa) min/ /tshogs na (dbang phyug la 'bras bu) mi skye dbang med cing/ / @074a @#/ (/tshogs pa) de med par ni skye dbang med/ /gal te (rkyen tshogs pas 'bras bu bskyed pa de) dbang phyug (gis) mi 'dod bzhin/ (/du skye bar) byed (ce) na (dbang phyug de) gzhan gyi dbang (can) du/ thal; (;bas rang dbang pa'i byed pa po yin pa nyams so/ /dbang phyug de 'bras bu byed) 'dod (nas 'bras bu byed) na'ang 'dod (pa) la rag las (par) 'gyur/ (/la/ 'dod pas 'bras bu) byed na'ang dbang phyug (gis byas pa) ga la yin (te; 'dod pa ni mi rtag pa yin pas so/ /bye brag pa) gang dag rdul phran rtag (par) smra ba/ /de dag kyang ni sngar bzlog zin/ (/grangs can nam ser skya bas) gtso bo rtag pa 'gro ba yi/ /rgyu yin par ni grangs can (sogs) 'dod/ / (la; de yang) snying stobs rdul dang mun pa zhes/ /bya ba'i yon tan (gsum cha) mnyam (pa'i) gnas (skabs) ni/ /gtso bo zhes byar rab brjod de/ (/de gsum cha) mi mnyam (ba ni) 'gro ba (ste rnam 'gyur) yin par brjod/ (/shes bya chos can/ /gzugs la sogs pa dang gtso bo cha med) gcig la (bde sogs) rang bzhin gsum nyid (yod na) ni/ (/de) rigs (pa) min (par thal/ gcig yin pa mi srid par 'gyur ba'i phyir/ de mi srid na du ma'ang mi srid bas gtan med du 'gyur ro/) /des na (yon tan gsum gyi rang bzhin gyi gtso bo cha med) de yod (pa) min/ (/par grub bo/) /de bzhin yon tan (nyid kyang gcig tu bden par) yod (pa) min te/ /de yang so sor (re re la rdul gyi rdul la sogs pa @074b rnam (pa gsum) gsum (du yod pa'i) phyir/ (/de ltar dpyad pas) yon tan (gsum cha mnyam pa'i gtso bo rgyur 'dod pa de nyid) med na ('bras bur 'dod pa'i) sgra sogs (rnam 'gyur rnams) kyang/ /yod (pa) nyid shin tu rgyang ring 'gyur/ /sems med gos la sogs pa (de tsam lnga) la/ bde sogs (grub bde rdzas gcig gi rang bzhin du) yod pa srid pa'ang min/ (/par thal lo/ /gos sogs rnam 'gyur gyi) dngos rnams (bde sogs kyi rang bzhin min gyi/) de (dag gi) rgyu'i rang bzhin (du bden par yod de/ de las bde ba sogs skyes pa'i phyir zhe) na/ /dngos po (bden grub sngar) rnam dpyad zin min nam/ (/ste/ bkag zin pa'i phyir/) khyod kyi (ltar na snam bu sogs 'bras bu thams cad kyi) rgyu yang bde sogs (cha mnyam pa'i gtso bo) nyid/ (/yin no zhe na/ gtso bo) de las snam sogs 'byung ba'ang med/ (/de/ gtso bo mi srid pa'i phyir/) snam sogs las ni bde sogs (skye ba) yin/ (/na; phyis snam sogs) de med phyir na bde sogs (cha mnyam pa'i gtso bo yang) med/ (/par 'gyur te/ rgyu med pa'i 'bras bu mi srid pa'i phyir/ 'dod mi rigs te/ gtso bo rtag dngos su khas blangs pa'i phyir/) bde sogs (kyi rang bzhin) rtag pa nyid du yang/ (/med par thal/ de ltar) nam yang (tshad mas) dmigs pa yod (pa) ma yin/ (/pa'i phyir/ gal te) bde sogs kyi) gsal ba (rtag dngos su) yod (pa) nyid (do zhe) na/ (/sdug bsngal myong ba'i tshe na'ang bde ba) myong ba ci phyir 'dzin ma yin/ (/te/ 'dzin par thal lo/ /sdug bsngal myong ba'i tshe bde pa) de nyid phra mor gyur na de/ /rags (pa) dang (de dor nas) phra ba'ang ji ltar yin/ / @075a @#/ (/te; ma yin par thal/ rtag pa yin pa'i phyir/ bde sogs sngar gyi phra ba dor nas ngags pa dang) rags pa dor nas phra (bar) 'gyur bas/ /phra rags de dag mi rtag (pa) nyid/ (/du 'gyur ro/) /de bzhin dngos po thams cad ni/ /mi rtag nyid du cis mi 'dod/ (/bde ba) rags pa (de) bde (ba) las (grub bde rdzas) gzhan min na/ /bde ba (yang) gsal ba(r) mi rtag nyid/ (/du 'gyur te/ rags pa 'gags na bde ba yang 'gags pa'i phyir/ 'dod na/ bde sogs kyi rang bzhin rtag pa yin pa nyams so/) /gal te (skye na rgyu'i dus na yod dgos pas/ rgyu dus na) med pa 'ga' yang ni/ /skye (ba) min (te/) rgyu'i (rang bzhin du) med (pa'i) phyir zhes 'dod na/ (/mngon par) gsal ba (rgyu dus na) med par skye bar ni/ (/khas blangs pas sngar med gsar skye'i 'bras bu zhes pa'i tha snyad) khyod mi 'dod kyang (don la) gnas pa nyid/ (/yin te/ gsal ba sngar med pa las phyis skye bar khas blangs pas dang/ snang tsam du yang rgyu las 'bras bu sngar med gsar skye dmigs pa'i phyir ro/ /yang na/) gsal ba ste rnam 'gyur sngar med gsar skye khyod mi 'dod kyang gnas pa khas blangs dgos so zhes pa'o/) /gal te rgyu la 'bras (bu'i rang bzhin tha mi dad pa'i tshul du) gnas (so zhe) na/ /zan za (ba) mi gtsang za bar 'gyur/ (/ba dang) ras kyi rin gyis ras bal gyi/ /sa bon nyos la bgo bar gyis/ (/te/ de dag chog par thal/ de dag gi rang bzhin cha med gcig yin pa'i phyir/ gal te rang bzhin gcig yin yang) 'jig rten (pa rnams) rmongs pas (rgyu dus na 'bras bu yod pa) ma mthong (bas/) ra(sa bal gyi @075b sa bon mi gon zhe) na/ (/'on grangs can khyod kyi ston pa drang srong gling skyes sogs thams cad mkhyen par 'dod pa des rgyu dus na 'bras bu yod pa'i) de nyid shes (pa nyid) kyis gzhag (pa) de nyid/ (/khyod kyis kyang) shes (pas khyod zan za ba mi gtsang bzab sogs su 'gyur ro/ /khyod kyi lugs kyis rgyu) de 'jig rten la yang ni/ (/de nyid shes pa yod pas rgyu'i dus na 'bras bu) yod ba ci ste mthong ma yin/ (/te/ mthong bar thal/ rgyu'i dus na 'bras bu yod pa grangs can gyis bzhag pa de shes pa'i phyir/ gal te) 'jig rten (pa'i mthong ba) tshad ma nyid min (pas mi rtogs zhe na/ / 'o na/) gsal ba mthong ba'ang bden (pa) ma yin/ (/par thal/) 'jig rten pa'i mthong ba tshad ma ma yin pa'i phyir/ grangs can pa na re/) gal te tshad ma (thams cad don dam par) chad (ma) min na/ (/rdzun pa'i tshad ma) des (gzhal bya) gzhal (ba'ang de ltar ma grub pa'i brdzun par mi 'gyur ram/ (/ste/ 'gyur bar thal/ 'jal byed tshad ma rdzun pa yin pa'i phyir/ rgyu mtshan) de nyid du na (bye brag khyod kyis) stong pa nyid/ /sgom pa (de 'jal byed kyi tshad ma rdzun pa) de phyir (phyin ci ma log pa) mi 'thad (par) 'gyur/ (/zhe na; nyon mongs can gyi ma rig pas bden par rtog pas) brtags pa'i dngos (bden grub) la ma reg pa (ste don spyi'am rnam pa ma shar nba)r/ /de yi dngos med (bden stong) 'dzin (nus pa) ma yin/ /de phyir (dgag bya) brdzun pa'i dngos (po) gang yin; (;pa de mi srid pas) de (bkag pa) yi dngos med (kyang) gsal bar brdzun/ /des na rmi lam bu shi la/ (/bu) de med snyam pa'i rnam rtog ni/ /de yod rnam par rtog pa yi/ /gegs yin (yang rmi lam gyi spang gnyen gnyis po) de yang @076a @#/ /brdzun pa yin/ /de bas (na) de ltar rnam dpyad pas/ (/dbang phyug dang gtso bo sogs mi mthun pa'i rgyu las skye ba mi srid pa ma zad/ 'bras bu) 'ga' yang rgyu med yod ma yin/ (/myu gu la sogs pa'i 'bras bu rnams chu lud drod gsher sogs) so so ba'am 'dus pa yi/ /rkyen rnams la yang (rang bzhin gyis) gnas ma yin/ (/rkyen de rnams las) gzhan nas 'ong pa'ang ma yin la/ (/rang bzhin grub zin gyis) gnas pa ma yin ('gags nas gzhan du) 'gro ma yin// (;ngo bo la dpyod brten 'brel gyi gtan tshigs/ de yang rmongs bden rtsod gzhi/ sgyu ma gcig khyab pa/ sgyu mas sprul gzhi khyab sgrub/ gang zhig gang nas bcos bu yan rten 'brel gyi rtags/ gzugs brnyan dpe/ de la bden dam bca' ste/) rmongs pas bden par gang byas (shing btags pa'i dngos po) 'di/ (/rnams) sgyu ma (sogs) las ni khyad ci yod/ /sgyu mas sprul pa ('i rta glang sogs) gang yin dang/ (/rgyu rkyen) rnams kyis ni gang sbrul ba/ ('i dngos po) de ni gang nas 'ongs gyur cing/ /gang du 'gro ba'ang brtag par gyis/ (/'du byed dang myu gu la sogs pa'i 'bras bu) gang zhig (ma rig pa dang sa bon la sogs pa'i rgyu) gang (dang) ni nye ba yis/ (/skye ba) mthong 'gyur (rgyu) de med na (skye ba mthong bar 'gyur ba) min pa('i/) /bcos bu (yin pas) gzugs brnyan dang mtshungs pa/ /de la bden nyid ji ltar yod/ ! (/'bras bu la dpyod pa yod med skye 'gog gi gtan tshigs/) dngos po (bden par grub zin) yod par gyur pa la/ /rgyu yis (phan pa'i) dgos pa ci zhig yod/ (/de/) rang @076b dpyis med pa?? dgos pa'i phyir/) 'on te ('bras bu) de ni med na yang/ /rgyu yis (phan gdags byar) dgos pa ci zhig yod/ (/de; bskyed mi nus pa'i phyir/ /yod pa grub zin pas bskyed mi dgos kyang/ med pa ci'i phyir mi 'byung zhe na/) bye ba brgya g.yos kyang?/ /dngos po med pa (dngos por) bsgyur du med/ (/dngos med kyi) gnas skabs de dngos (po) ji ltar yin/ (/te/ don byed nus ba dang mi nus pa'i gnas skabs gnyis 'gal ba'i phyir/ dngos po dang dngos med las/) dngos (por) 'gyur gzhan par gang zhig yin/ (/mi srid do/ /dngos por) med tshe dngos yod srid min na/ /dngos po yod par nam zhig 'gyur/ /dngos po skyes par ma gyur par/ /dngos med dang ni 'bral mi 'gyur/ (/la/) dngos med dang ni ma la na/ /dngos po yod pa'i skabs mi srid/ (/dngos med dngos por mi 'gyur bde bzhin du) dngos po'ang (dngos po) med par 'gyur min te/ (/gcig nyid) rang bzhin gnyis su (grub bar) thal 'gyur phyir/ /de ltar (skye ba rang bzhin gyis med na) 'gag pa (rang bzhin gyis grub pa) yod min zhing/ /dngos po'ang (rang bzhin gyis) yod min de yi phyir/ /'gro ba 'di dag thams cad ni/ /rtag tu ma skyes ma 'gag nyid/ 'gro ba rmi lam lta bu ste/ /rnam par dpyad na chu shing 'dra/ (/srid pa'i 'ching ba las grol ba'i) mya ngan 'das dang (des bcings pa'i) ma 'das pa'ang/ /de (kho na) nyid du ni khyad par med/ (/de; srid zhi gnyis ka rang bzhin gyis stong pa nyid du mtshungs pa'i phyir/ ! stong nyid rtogs pa la 'bad rigs par @077a @#/ (/gdams pa/) de ltar stong pa'i dngos rnams la/ (/stong nyid kyi sgo nas chos brgyad mgo snyoms tshul/) thob pa ci yod shor ci yod/ /gang gis rim 'gro byas ba'am/ /yongs su brnyas pa'ang ci zhig yod// bde ba'am sdug bsngal gang las yin/ /mi dgar ci yod dgar ci yod/ /de nyid du ni btsal byas na/ /gang zhig sred cing gang la sred/ /dpyad na gson pa'i 'jig rten 'di/ /gang zhig 'dir ni 'chi 'gyur te/ / 'byung 'gyur gang yin byung gyur gang/ /gnyen dang bshes kyang gang zhig yin/ /thams cad (snying rje'i dmigs rnam lta ba'i khongs nas snying rje 'dren pa 'di stong nyid snying rje'i snying po can 'jog lugs mdo'i lugs/ sngags lugs 'di min/) nam mkha' 'dra bar ni/ /bdag 'dras yongs su bzung bar gyis/ /bdag nyid bde bar 'dod rnams ni/ /'thab dang spro ba'i rgyu dag gis/ /rab tu 'khrug dang dga' bar byed/ /mya ngan 'bad rtsol rtsod pa dang/ /phan tshun gcod dang 'bigs pa dang/ /sdig dag gis ni tshegs chen 'tsho/ /bde 'gror yang dang yang 'ongs te/ /bde ba mang po spyad spyad nas/ shi nas ngan song sdug bsngal ni/ /yun ring mi bzad rnams su ltung/ /srid pa na ni g.yang sa mang der ni de nyid min 'di 'dra/ /der yang phan tshun 'gal bas na/ /srid na de nyid 'di 'dra med/ /der yang dpe med mi bzad pa'i/ /sdug bsngal rgya mtsho mtha' las 'das/ /der ni de ltar stobs chung zhing/ /der ni tshe yang @077b thung ba nyid/ /der yang gson dang nad med (ces nad med pa dkon/ khang pa gcig gi nang na mi mthun pa mang po bsdad pa 'dra sogs/) kyi/ /byed dang bkres dang ngal ba dang/ /gnyid dang 'tshe dang de bzhin du/ /byis dang 'grogs ba don med kyis// tshe ni don med myur 'da' yi/ /rnam dpyod shin tu rnyed par dka'/ /der yang rnam g.yeng goms pa ni/ /bzlog pa'i thabs ni ga la yod/ /der yang ngan song chen por ni/ /ltung phyir bdud ni brtson par byed/ /der ni log pa'i lam mang zhing/ /the tshom las kyang brgal dka' ste/ /slar yang dal ba rnyed dka' zhing/ /sangs rgyas 'byung rnyed shin tu dka'/ /nyon mongs chu bo spang dka' ste/ /e ma sdug bsngal brgyud bar 'gyur/ /de ltar shin tu sdug bsngal yang/ /rang sdug mi mthong gang yin pa/ /sdug bsngal chu bor gnas 'di dag /kyi hud mya ngan bya bar 'os/ /dper na 'ga' zhig yang yang khrus/ /byas te yang yang mer 'jug pa/ /de ltar shin tu sdug bsngal bar/ /gnas kyang bdag nyid bder rlom bzhin/ /de ltar rga dang 'chi med pa/ /bzhin du spyod pas gnas rnams la/ /dang po nyid du bsad byas nas/ /ngan song ltung ba mi bzad 'ong/ /de ltar sdug bsngal mes gdungs la// bsod nams sprin las legs byung ba'i/ /rang gi bde ba'i ('tshog chas sam yo byad kyi) tshogs (bsil ba'i) char gyis/ /zhi byed par bdag nam zhig 'gyur/ /nam zhig dmigs pa med tshul du/ /gus pas bsod nams tshogs bsags @078a @#/ /te; ;dmigs pas phung bar gyur rnams la/ /stong pa nyid ni ston par 'gyur/ /byang chub sems dpa'i spyod pa la 'jug pa las/ shes rab kyi pha rol tu phyin pa'i le'u ste dgu pa'o// // (! bsngo ba'i yan lag gi mdor bstan/) bdag gis byang chub spyod pa la/ /'jug pa rnam par brtsams pa yi/ (/sogs sbyin pa dang bsngo ba sbrags pa/ de yang brtsams pa'i dge ba bton pa yi'am/ bsgom pa yi sogs ba bsgyur kyang chog /) dge ba gang des 'gro ba kun/ /byang chub spyod la 'jug par shog ! (/rgyas bshad gsan don/ nad pa sogs dang/ ngan 'gro'i don du bsngo ba/ phyogs rnams kun na lus dang sems/ /sdug bsngal nad pa ji snyed pa/ /de dag bdag gi bsod nams kyis/ /bde dga' rgya mtsho thob par shog /de dag 'khor ba ji srid du/ /nam yang bde las nyams ma gyur/ /'gro bas byang chub sems dpa' yi/ (/spyod pa la zhugs pas gzhan don grub pa'i bla na med pa'i) bde brgyun mi 'chad thob shog (/dmyal ba spyi bye brag /'di rnams bsngo smon yin yang/ zhing sbyong ba'i nyams len kyang yin/) 'jig rten khams na dmyal ba dag /gang dag ji snyed yod pa rnams/ /de dag tu ni lus can rnams/ /bde can bde bas dga' bar shog /grang bas nyam thag dro thob shog /byang chub sems dpa'i sprin chen las/ /byung ba'i chu bo mtha' yas kyis/ /tsha bas nyam thag bsil bar shog /ral gri lo ma'i nags tshal yang/ /de la dga' tshal sdug gur shog /shal ma ri yi sdong po @078b yang; ;dpag bsam shing du 'khrungs par shog /mthing ril dur ba dag dang ngang pa dang/ /bzhad sogs skad snyan 'byin pas mdzes gyur cig /padma dri bsung che ldan mtsho dag gis/ /dmyal ba'i sa phyogs dag ni nyams dgar shog /sol phung de yang rin chen phung por gyur/ /sa bsregs shel gyi sa gzhi bstar bar shog /bsdus 'joms ri bo rnams kyang mchod pa yi/ /gzhal med khang gyur bde gshegs gang bar shog /mdag ma rdo bsregs mtshon gyi char pa dag /deng nas bzung ste me tog char bar gyur/ /phan tshun mtshon gyis 'debs pa de yang ni/ /deng nas rtse phyir me tog 'phen par shog /chu bo rab med me dang 'dra nang bying bdag /sha kun zhig gyur rus gong me tog kun da'i mdog /bdag gi dge ba'i stobs kyis lha yi lus thob nas/ /lha mo rnams dang lhan cig dal gyis 'bab gnas shog /ci phyir 'dir ni gshin rje'i mi dang khwa dang bya rgod mi bzad rnams skrag byed/ / kun nas mun bsal bde dga' bskyed pa'i mthu bzang 'di ko su yi mthu snyam ste/ /gyen du bltas na nam mkha'i dkyil na phyag na rdo rje 'bar ba bzhugs mthong nas/ /rab tu dga' ba'i shugs kyis sdig dang bral nas de dang lhan cig 'grogs par shog /me tog char pa spos chu dang 'dres 'babs pa yis/ /dmyal ba'i me dag chil chil gsod pa mthong gyur nas/ /glo bur bde bas tshim pa 'di ci bsams pa dang/ /sems dmyal rnams kyis phyag na padma mthong @079a @#/ /bar shog /grogs dag 'jigs pa bor la rings par tshur shog 'u bu'i thad du ni/ /gang gi mthu yis sdug bsngal thams cad dang bral dga' ba'i shugs phyin la/ /'gro ba kun skyob byang chub sems dpa' 'od dang brtse ba skyes gyur ba/ /gzhon nu zur phud can 'bar 'jigs pa med par byed pa su zhig phyin/ (/'jam dbyangs nyid kyi yi dam yin pas mi 'dra ba mdzad/) khyod kyis lha brgya'i cod pan dag gis zhabs kyi padmo la mchod cing/ / thugs rjes brlan spyan dbu la me tog du ma'i tshogs kyi char 'bab pa/ /khang brtsegs yid 'ong lha mo stong phrag bstong dbyangs sgrogs ldan 'di ltos zhes/ /'jam dbyangs de 'dra mthong nas da ni sems dmyal ku co 'don par shog /de ltar bdag gi dge rtsas kun tu bzang la sogs/ /byang chub sems dpa' sgrib ba med sprin bde ba dang/ /bsil zhing dri zhim dang ldan char ba 'bebs mthong nas/ /sems can dmyal ba de dag mngon par dga' gyur cig / dud 'gro rnams ni gcig la gcig /za ba'i 'jigs dang bral bar shog /sgra mi snyan pa'i mi bzhin du/ /yi dwags rnams ni bde bar gyur/ /'phags pa spyan ras gzigs dbang gi /phyag nas 'bab pa'i rgyun gyis// yi dwags rnams ni tshim byas shing/ /khrus byas rtag tu bsil bar shog ! (/bde 'gro dang/ sems can kun gyi don du bsngo ba/) long ba rnams kyis gzugs mthong zhing/ /'on pas rtag tu sgra thos shog /lha mo sgyu 'phrul ji bzhin @079b du; ;sbrum ma'ang gnod med btsa' bar shog /gcer bu rnams kyis gos dag dang/ /bkres pa rnams kyis zas dang ni/ /skom pa rnams kyis chu dag dang/ /btung ba zhim po thob par shog /bkren pa rnams kyis nor thob shog mya ngan nyam thag dga' thob shog /yi chad rnams kyang yid sos shing/ /brtan pa phun sum tshogs par shog /sems can nad pa ji snyed pa/ /myur du nad las thar gyur cig /'gro ba'i nad ni ma lus pa/ /rtag tu 'byung ba med par shog skrag pa rnams ni 'jigs med shog /bcings pa rnams ni grol bar gyur/ /mthu med rnams ni mthu ldan zhing/ /sems ni phan tshun mnyen gyur cig /'gron po dag ni thams cad la/ /phyogs rnams thams cad bde bar shog / gang gi don du 'gro byed pa/ /de 'bad mi dgos 'grub gyur cig /gru dang gru chen zhugs pa rnams/ /yid la bsams pa grub gyur te/ /chu yi ngogs su bder phyin nas/ /gnyen dang lhan cig dga' bar shog /mya ngam lam gol 'khyams pa rnams/ /'gron po dag dang phrad gyur nas/ /chom rkun stag sogs 'jigs med par/ /mi ngal bde blag 'dong bar shog /dgon sogs lam med nyam nga bar/ /byis pa rgan po mgon med pa/ /gnyid log myos shing rab myos rnams/ /lha dag bsrung bar byed par shog /mi dal kun las thar ba dang/ /dad dang shes rab brtsir ldan zhing/ /zas dang spyod pa phun tshogs nas/ /rtag tu tshe rabs dran gyur cig /thams cad nam mkha'i mdzod @080a @#/ /bzhin du/ /longs spyod chad pa med par shog /rtsod pa med cing 'tshe med bar/ /rang dbang du ni spyod par shog /sems can gzi brjid chung ngu gang/ /de dag gzi brjid chen por shog /dka' thub can gang gzugs ngan pa/ /gzugs bzang phun sum tshogs gyur cig /'jig rten bud med ji snyed pa/ /de dag skyes pa nyid gyur cig /ma rabs rnams ni mtho thob cing/ /nga rgyal dag kyang bcom par shog /bdag gi bsod nams 'di yis ni/ /sems can thams cad ma lus pa/ /sdig pa thams cad spangs nas ni/ /rtag tu dge ba byed par shog /byang chub sems dang mi 'bral zhing/ /byang chub spyod la gzhol ba dang/ /sangs rgyas rnams kyis yongs bzung zhing zhing; ;bdud kyi las rnams spangs bar shog /sems can de dag thams cad ni/ /tshe yang dpag med ring bar shog /rtag tu bde bar 'tsho 'gyur zhing/ /'chi ba'i sgra yang grag ma gyur/ /dpag bsam shing gi skyed mos tshal/ /sangs rgyas dang ni sangs rgyas sras/ /chos nyan sgrogs pas gang ba yis/ /phyogs rnams thams cad gang bar shog /thams cad du yang sa gzhi dag /gseg ma la sogs med pa dang/ /lag mthil ltar mnyam baiDUr+ya'i/ /rang bzhin 'jam por gnas gyur cig /'khor gyi dkyil 'khor yod dgur yang/ /byang chub sems dpa' mang po dag /rang gi legs bas sa steng dag /brgyan par mdzad pas bzhugs gyur cig /lus can kun gyis bya dang ni/ /shing dang 'od zer @080b thams cad dang/ /nam mkha' las kyang chos kyi sgra/ /rgyun mi 'chad par thos par shog /de dag rtag tu sangs rgyas dang/ /sangs rgyas sras dang phrad gyur cig /mchod pa'i sprin ni mtha' yas pas/ /'gro ba'i bla ma mchod par shog /lha yang dus su char 'bebs shing/ /lo tog phun sum tshogs par shog /rgyal po chos bzhin byed gyur cig /'jig rten dag kyang dar bar shog /sman rnams mthu dang ldan pa dang/ /gsang sngags bzlas brjod grub par shog /mkha' 'gro srin po la sogs pa/ /snying rje'i sems dang ldan gyur cig /sems can 'ga' yang sdug ma gyur/ ! /sdig par ma gyur nam gyur/ ('dis bzang ba'i 'grel pa las byung/) 'jig dang brnyas par mi 'gyur zhing/ /'ga' yang yid mi bde ma gyur// gtsug lag khang rnams klog pa dang/ /kha ton gyis rgyas legs gnas shog /rtag tu dge 'dun mthun pa dang/ /dge 'dun don yang 'grub par shog /bslab pa 'dod pa'i dge slong dag /dben pa dag kyang thob par shog /g.yeng pa thams cad spangs nas ni/ /sems ni las rung bsgom gyur cig /dge slong ma rnams rnyed ldan zhing/ /'thab dang gnod pa spangs bar shog /de bzhin rab tu byung ba kun/ /tshul khrims nyams pa med gyur cig /tshul khrims 'tshal bas yid byung nas/ /rtag tu sdig pa zad byed shog /bde 'gro dag kyang thob gyur nas/ /der yang brtul zhugs mi nyams shog /mkhas pa rnams ni bkur ba dang/ /bsod snyoms dag kyang rnyed par shog /rgyud ni yongs su dag @081a @#/ /pa dang/ /phyogs rnams kun tu grags par shog /ngan song sdug bsngal mi myong zhing/ /dka' ba spyad pa med par yang/ /lha bas lhag pa'i lus kyis ni/ /de dag sangs rgyas myur 'grub shog / sems can kun gyis lan mang du/ /sangs rgyas thams cad mchod byed cing/ /sangs rgyas bde ba bsam yas kyis/ /rtag tu bde dang ldan gyur cig ! (/'jig rten las 'das pa'i don du bsngo ba/) byang chub sems dpa' rnams kyis ni/ /'gro don thugs la dgongs 'grub shog /mgon po yis ni gang dgongs pa/ /sems can rnams la de 'byor shog /de bzhin rang sangs rgyas rnams dang/ /nyan thos rnams kyang bde gyur cig ! (/rang don du bsngo ba/) bdag kyang 'jam dbyangs bka' drin gyis/ /sa rab dga' ba thob par du/ /rtag tu tshe rabs dran pa dang/ /rab tu byung ba thob par shog /bdag ni kha zas gyi nas kyang/ /nyams dang ldan zhing 'tsho bar shog /tshe rabs kun tu dben gnas pa; ;phun sum ldan pa thob par shog /gang tshe blta bar 'dod pa'am/ /cung zad dri bar 'dod na yang/ /mgon po 'jam dbyangs de nyid ni/ /gegs med par yang mthong bar shog /phyogs bcu nam mkha'i mthas gtugs pa'i; ;sems can don kun sgrub pa'i phyir/ /ji ltar 'jam dbyangs spyod mdzad pa/ /bdag gi spyod pa'ang de 'drar shog /ji srid nam mkha' gnas pa dang/ /'gro ba ji srid gnas gyur pa/ /de srid bdag ni gnas gyur nas/ / @081b 'gro ba'i sdug bsngal sel bar shog /'gro ba'i sdug bsngal gang ci'ang rung/ /de kun bdag la smin gyur cig /byang chub sems dpa'i dge 'dun gyis/ /'gro ba bde la spyod par shog ! (/bstan pa rgyas pa'i don du bsngo ba/) 'gro ba'i sdug bsngal sman gcig pu; /bde ba thams cad 'byung ba'i gnas/ /bstan brnyed dang bkur sti dang/ /bcas te yun ring gnas gyur cig (/bka' drin rjes dran gyi sgo nas phyag 'tshal pa/) gang gi drin gyis dge blo 'byung/ /'jam pa'i dbyangs la phyag 'tshal lo/ /gang gi drin gyis bdag dar ba/ (/ste/ legs tshogs thams cad de las 'byung pa'i) dge ba'i bshes la'ang bdag phyag 'tshal/ /byang chub sems dpa'i spyod pa la 'jug pa las/ bsngo ba zhes bya ba'i le'u ste bcu pa'o// (//mjug gi don gang gis mdzad ba/) byang chub sems dpa'i spyod pa la 'jug pa slob dpon shAnta de bas mdzad pa rdzogs so// (//gang gis bsgyur tshul/) rgya gar gyi mkhan pos sarbadznyA de ba dang/ zhu chen gyi lo tsA ba bande dpal brtsegs kyis kha che'i dpe las bsgyur cing zhus te gtan la phab pa las slad kyis rgya gar gyi mkhan po d+harma shrI b+ha dra dang/ zhu chen gyi lotsA ba bande rin chen bzang po dang/ shAkya blo gros kyis yul dbus kyi dpe dang 'grel pa dang mthun par bcos shing bsgyur te gtan la phab pa'o// //yang dus phyis rgya gar gyi mkhan po sum ti gi rti dang/ zhu chen gyi lo tsA ba dge slong blo ldan shes rab kyis dag par bcos shing bsgyur te legs par gtan la phab pa'o// (/khye de ltar rgyal sras bdag nyid chen po zhib lha'i gzhung byang chub sems dpa'i spyod pa la 'jug pa'i mchan bu 'di bzhin/ deng dus sa chen po'i khyon 'dir byang chub sems @082a @#/ (/gnyis gyi bstan pa'i bdag po/ rngo bo a ti sha dang zhal mi gnyis pa'i nges pa don gyi bshes gnyen mtshungs zla ma mchis pa/ khyab bdag 'khor lo'i mgon po rje pha bong kha pa bde chen snying po dpal bzang po mchog nas/ me byi lor mdo khams chab mdo dge ldan byams pa gling du 'di'i bshad khrid smin rgyas zab la 'dril bar bka' drin bskyangs skabs/ mdzad brel shin tu 'dzings che'i seng bar du gong gsal bka' mchan thor bu 'di dag phyag bstar mar dgyes stsal thog /da dung 'di la zhu dag zhib tsha mdzad dgos mang du yod tshul yang yang phebs kyang/ phyis chos 'khor rgya che gzhan mang pos go skabs 'phrogs te ljags zhu spyan bstar zhu ma thub cing/ slad rmongs skyon dang mkhas thal du shor dgos nas snga ma'i mchan ma nyid las bcas bcos med par gsung 'bum du bzhugs lags pa/ gang zhig nga rgyal gyi dpal bcog cing/ sems gnyis 'phel pa'i yan lag tu 'khyer 'dod pa'i dpyod ldan rnams kyis/ byang chub sems dpa'i rigs lam gyi 'phrul rmad du byung ba 'di la gzu bo'i blos zhib tu 'jug par 'tshal lo//) //! dad dam mtshungs med lha klu dga' tshal bas/ /yon sbyar mthun rkyen 'brel tshad bla ma yis/ /tshe rabs 'bral med mnyes bzhin rjes 'dzin cing/ /zung 'jug rdo rje 'chang dbang myur thob shog / dge legs 'phel// //