@005 'brom ston pas mdzad pa'i jo bo chen po lha gcig gis
rgyal srid

spangs nas thar par byon pa'i rnam thar bzhugs so//

@#/ /rgya gar skad du/ /gu ru gu Na d+harmA A ka ra na ma//
bod skad du/ bla

ma'i yon tan chos kyi 'byung gnas zhes bya ba bstan pa'i rtsa
lag skyes mchog dam pa

rnams la phyag 'tshal lo/ /skye rgu nyon mongs tshad pas gdungs
pa la/ /chos kyi

dbyings nas byams pa'i sprin phyung ste/ /thugs rje'i char
gyis gdung ba sel mdzad

pa'i/ /chos kyi rgyal po'i zhabs la gus btud de/ /de yi rnam
thar dri med rgya mtsho

las/ /sgro skur tshig gis spros pa ma zhugs pa/ /rang gi blo yi
rtsal dang sbyar ba'i

phyir/ /chu thig tsam zhig gus pas blang gis nyon/ /rgya gar
shar phyogs za hor

yul phyogs na/ /b+hang ga la zhes bya ba'i grong khyer yod/ /de
yis bdag chos kyi

rgyal po ni/ /dge ba dpal zhes bya ba'i bsod nams char/ /de yi
pho brang gser

gyi rgyal mtshan can/ /mi khyim 'bum phrag gcig gis kun nas
bskor/ /khrus

kyi rdzing bu stong phrag nyi shu lnga/ /skyed mos tshal rab
bdun brgya nyi shus bskor/ /tA

la'i ljon shing stong phrag lnga bcu lhag /'bangs kyi skye bo
'bum phrag sum cu drug//

grong khyer de la ra ba rim pa bdun/ /bar gyi zam pa sum brgya
drug cu bdun/ /

gser gyi rgyal mtshan stong phrag nyi shu lnga/ /dbus kyi pho
brang rgya phebs bcu gsum pa// 

longs spyod mnga' thang stong khun rgyal po 'dra/ /mnga' ris
lha dbang brgya byin nyid

dang mtshungs/ /skye bo'i 'du tshogs grong khyer spos ngad 'dra/
/chos 'byor rgyal

po chos 'phags nyid dang mtshungs/ /chos kyi rgyal po de yi
btsun mo ni/ /dpal

@006 mo 'od zer can de lha mo 'dra/ /ngo tsha khrel yod mdzes
pa'i 'od chags ma/ /

dkon mchog gsum mchod skye bo yongs kyi ma/ /lha mo de la sras
gsum 'khrungs/

pa ni/ /dpal dang zla ba padma'i snying po ste/ /gsum gyi rnam
bzhag de ni zur

tsam lags/ /'bring po zla ba'i snying por grags pa de/ /deng
sang bdag gi bla

ma dam pa yin/ /skal ba bzang por yum la bltams pa'i tshe/
/rgyal po'i khab

tu me tog char pa phab/ /nam mkha'i rnams 'ja' 'od gur gyis
gang/ /lha

yi glu dbyangs skye bo yongs kyis thos/ /thams cad dga' zhing
dag pa'i snang ba thob/ /

zla ba bco brgyad par du khab tu gnas/ /ma ma brgyad kyis bkur
stir mchod pas

gnas der bde gshegs mchod pa byed pa la/ /yab yum blon 'bangs
shing rta lnga

brgya la/ /khye'u bu mo mdzes pa'i chas kyis spras/ /rol mo
mkhan po brgya phrag du

mas bskor/ /rin chen mchod rdzas dpag tu med pa bsnams/ /glu
gar len cing

lam du zhugs pa na/ /bla ma 'di ni lo gsum lon pa yi/ /gzugs
bzang

bzhen mdzes lta bas mi ngoms shing/ /rgyan sogs lha yi rgyan
chas legs par spras/ /

pa nyatsa li ka'i gos gsol rgyal bu rnams/ /skye bo yongs kyi
lha de mthong ba dang //

dga' ba'i dbugs byin bde ba'i mdangs dang ldan/ /chags pas
blta zhing 'bral

bar mi phod skad/ /de nas mthong ba'i skye bos 'di skad du/
/khyod nyid 'khrungs

tshe me tog char pa phab/ /nyi ma'i gur phub snyan pa'i sgra
dbyangs thos/ /nam zhig

mthong zhes yid smon shes pa 'phyo/ /da ni mthong ngo ya mtshan
ltad mo che/ /de nas

rgyul bu dam pas tshig smras pa/ /pha ma skye bo 'di dag su
zhig yin/ /de nas

yab yum gnyis kyis lan smras pa/ /rgyal bu 'di dag khyod kyi
'bangs 'khor yin//

@007 rgyal bu dam pas de la lan smras pa/ /'di dag bdag gzhan
pha ma phun sum tshogs/ /

rgyal srid mnga' bsod nams 'bar ba yi/ /mi dbang sras kyi mthu
bor rab

bskun te/ /thams cad dam pa'i chos kyis 'dzin par shog /de nas
kA ma la

yi gtsug lag tu/ /'khor dang bcas pa legs par slebs pa dang /
/rgyal

bus dkon mchog gsum la phyag 'tshal zhing/ /snyan pa'i bstod
dbyangs 'di skad

brjod gyur to/ /bdag ni dal 'byor mi dbang lus thob cing/
skyon med dbang po

dkon mchog gsum 'brang zhing/ /rtag tu gus pas dkon mchog spyi
bos blangs//

de ring nyid nas skyabs gnas mdzad du gsol/ /ces gsungs pa
dang / de

nas yab yum blon 'bangs thams cad dang / /dge slong mang pos
rgyal bu'i tshig

thos nas/ /shin tu dga' zhing ya mtshan skyes par gyur/ /thams
cad mthun

par dam par kha tshon bcad/ /de nas rgyal bu yab yum 'khor bcas
kyis/ /bsnyen

bkur mchod yon bsod nams bsags gyur te/ /bdag cag tshe rangs
dag nas

tshe rabs su/ /dkon mchog gsum la mchod pa 'bul ba dang / /dge
'dun

bkur zhing dam chos ston par shog/ /nyon mongs gdung sel rang
dbang yod par

la blta bzhin du/ /nam yang khyim pa'i chos kyis ma bcings
par/ /dge 'dun

dbus su chos 'byor thob pa dang / /nga rgyal med par dkon
mchog mchod byed

cing; /skye bo yongs la snying rjes blta bar shog /rgyal bu'i
gsung de kun gyis

thos pa dang / /yab yum la sogs ya mtshan skyes par gyur/ /de
ni bla ma'i

chos kyi thog ma yin/ /de nas rgyal bu lo gsum lon pa dang /
rtsis dang

yi ge sgra la mkhas par gyur/ /de nas rgyal bu lo drug lon pa
na/ /phyi nang@008 gnyis kyi bye brag phyed par gyur/ /de nas
bzung ste
dgung lo bcu yi bar/ /dkon

mchog gsum la skyabs su 'gro ba dang / /bsnyen pa srung zhing
sbyin pa gtong ba

dang / /gtsug lag lta zhing kha ton byed pa dang / /gsol ba
'debs shing dam

chos 'tshol ba dang / /pha ma bkur zhing zhe sas mchod pa dang
/ /glu gar thams

cad chos la rtse ba dang / /chos pa mthong na rgyang nas bsu
ba dang / /'khor la

blta zhing snying rjes skyong ba dang / /'jig rten mgon med
skyong ba la sogs pa/ /

dam pa'i spyod pa dpag tu med pa mdzad/ /rgyal bu dgung lo bcu
gcig lon pa

na; ;pha bzang bu mo nyi shu rtsa gnyis tsam/ /blon 'bangs
rnams kyis bsnyen

bkur gsol ba na/ /yab yum rnams kyis de la bya dga' ster/
/nyin gcig

rgyal pos blon po rnams bsdus nas/ /nang par shing rta bcu
gsum legs par 'chos/ /

kun la mdzes pa'i rgyan cha du ma gyis/ /dbus su lhag par
mdzes shing btsun pa

yi; ;steng na rma bya'i gdugs phub bsil yab bsten/ /dbus su
rin chen khri

steng mdzes pa la/ /dar zab gos thing zla ba'i snying po zhog
/shing rta bcu

gsum rgyan gyis spras pa la/ /blon po thams cad mdzes pa'i
chas su zhugs/ /

dga' ba'i glu chen rol mo du ma gyis/ /shing rta dkar po gsum
gyis sna drongs la/ /

shing rta ser po gsum gyis g.yas brten zhing/ /shing rta
ljang khu gsum gyis

g.yon nas brten/ /shing rta re rer khye'u lnga brgya zhugs/
/phyogs phyogs kha dog

mthun par lha rgyan brten/ /rgyal bu'i shing rta kha dog sna
lnga pa'i/ /zur bzhir rma bya

mjing bsnol mdzes par gyis/ /phyogs nas mchod pa'i lha mos kun
nas bskor/ /

'khor rnams pi wang gling bu lnga brgya dang / /sil snyan glu
dbyangs mdzes pa'i

sgra 'dzin cing/ /skye bo yid 'ong du mas kun nas bskor/ /de
nas grong khyer

@009 chen po'i mtha' 'khor du/ /skyed mos tshal rab shin tu
nyams dga' par/ /

blta ba'i rtsed mos skye bo dbang du sdud/ /de yi yun kyang
zla ba phyed kyi bar/ /

skye bo thams cad dga' zhing chags par gyis/ /de nas skye bo
yongs kyi khrom bskor

la; ;rgyal bu mnyes pa'i bu mo sta gon gyis/ /blon po dag gi
bu mo mthong pa dang/ /

phyogs su bka' bsgo dam bzhag brtan par gyis/ /rgyal po chen
pos de ltar bsgo

ba dang/ /nyi ma bdun la blon pa thams cad kyis/ /shing rta
bcu tsam byas shing

rgyan gyis spras/ /rgyal bu shing rta'i dbus su rgyan gyis
spras/ /shing rta bcu gnyis

rol mo mkhan po yis/ /gang zhing rol mo rnam pa sna tshogs
byas/ /de nas grong khyer

chen po'i mtha' logs su/ /bzhi mdo rnams dang skyed mos chal
rab ta/ /skye

bo yid 'phrog 'dzin pa'i rtsed mo byas/ /de tshe phyogs dang
grong khyer thams cad du/ /

zla ba'i snying po 'khor tshogs nyis stong dang / de tshe phyogs
dang / /lnga brgyar bcas shing shing rta'i nang du

zhugs/ /grong khyer mtha' logs padma'i tshal rab dang / /gzhi
mdo gzhi mdo

kun nas spangs pa na/ /'khor lo bsgyur rgyal lta bur skye bo
bsdus/ /thams cad

der 'gro sprul pa'i sku der blta/ /'od zer lha mo la sogs bu
mo'i tshogs/ /

rigs kyi tsha bo de yi grogs gnyen pa/ /kun kyang blta zhing
phyogs der 'gro'o

zhes/ /skye bo'i tshogs rnams ltad mor 'dus pa na/ /rgyal po
bsod nams

'dzin gyi bu mo dang / rgyal po mu khyud 'dzin gyi bu mo dang
/ rgyal po chu bdag

'dzin gyi bu mo dang / /rgyal po gtum po li yi bu mi rnams/
/rigs bzang longs

spyod dpung gis nga rgyal ba'i/ /nyi shu rtsa gnyis gnyen khar
glengs pa yang/ /shing

rta re la bu mo bdun bdun te/ /bu mo re la g.yog mo bdun bdun
te/ /shing rta

nyi shu rtsa gnyis mdzes pa yang/ /rgyan cha rnam par sna
tshogs spras pa ste/ /snyan pa'i

@010 sgra 'byin dga' ba'i sems kyis 'ongs/ /thams cad lha yi
bu mo 'khod pa ltar/ /

rgyal po mthong tshe chags pas mig mi sdud/ /kun nas chags
shing lus kyi ba spu g.yo/ /

de tshe mkha' 'gro ma yi sprul pa gcig /bu mo sngo sangs gcig
du sku sprul te/ /

glu dbyangs tshig gis bskul ma 'di skad do/ /lha cig ma chags
pa chags skal ba can/ /

'dam bu'i tshal du glang chen bying ba ltar/ /'dod pa'i 'dam du
dpa' bo khyod

bying na/ /tshul khrims gos can snubs par ma gyur tam/ /skye ba
lnga brgya lnga

bcu rtsa gnyis su/ /paN chen dge slong gtsang ma'i lus brgyud
nas/ /padma'i

mtsho la ngang pa 'jug pa ltar/ /khyod ni tshe 'dir rab tu byung
'gyur lags/ /

grong khyer gnas na bu mo byi dar can/ /tshul khrims mdangs
'phrog bdud kyi pho

nya mo/ /dga' dga' lta bar khyed la bslu brid byed/ /shes par
gyis shig

rgyal bu gzugs mdzes po/ /zla ba zhun ma mtsho la gsal ba ltar/
/gsal

zhing dngas la rnyog pa med pa'i sku/ /zur phud lnga ldan lha
yi rgyan cha can/ /rab

mdzes skye bo yongs kyi yid 'phrogs so/ /rnyed dka' dal 'byor
rin chen thob dus

su; ;thos bsam bsgom pas mi tshe 'da' dgos pas/ /bdag rkyen dge

ba'i bshes gnyen mi bzad pa/ /the tshom bcad phyir rab tu bsten
'tshal lo/ /

mkha' 'gro ma yis tshig de smras pa dang / /rgyal bus 'dzum
pa'i mdangs phyung

lan smras pa/ /legs so legs so shin tu legs pas legs/ /shes
rab

spras pa naT kyi nang na bde/ /rma bya'i bde skyid btsan du ga
nang na 'dod/ /goms pa'i

stobs kyis ngang pa mtsho nang bde/ /pho rog mi gtsang khrod du
'jug pa ltar/ /padma'i

tshal du de lta ga la yin/ /tha ma la grong gi gnas su phebs pa
ltar/ /rigs

ldan bdag ni de lta ga la yin/ /sngon gyi rgyal bu don rnams
grub pa de/ /zas

@011 gtsang rgyal po'i sras srid dpal 'byor la/ /mig gtsang
'dam bu bzhin du rab skyo

nas/ /btsun mo drug khri spangs nas thar pa bsgrub/ /thub
dbang 'jig rten lha

dang bcas pa yis/ /kun nas bsngags par gyur cing mchod byed
la/ /mtshan

dang dpe byad ldan pa'i chos rgyal de/ /mdzad pa bcu gnyis
tshul gyis byang chub brnyes/ /

kho bo ci ste rgyal srid ma spangs na/ /'dod pa'i khams 'dir
chags pa 'phel bar

'gyur/ /grogs rnams thams cad bdud kyi bsol bris yin/ /'dod
yon

thams cad lan tsha'i chu bor shes/ /da ni mkhas pa'i bla ma
mang 'tshol zhing/ /

lus 'dis byang chub mchog de bsgrub par bgyi/ /'dod yin dag la
rtse dga' bag

phebs kyang/ /chu zla lta bur snying po mi gda' lags/ /brag
cha lta bur brjod

bya mi gda' lags/ /sprul pa lta bur ngos bzung mi gda' lags/
/gzugs

brnyan lta bur rang tshugs mi gda' lags/ /nyon mongs kun gzhi'i
rgya mtsho yangs

pa ltar/ /skye rga na 'chi'i chu bo rgyun du 'bab/ /sngon chad
ngan song las kyi

dbang med na/ /deng sang phun sum tshogs tshe cis mi 'tshol/ /da
ni 'khor

ba spyi la nges bsam nas/ /bla ma bsten te dam pa'i chos la
'bad/ /rgyal

bu'i chos kyi gsung de thos pa dang / /grong khyer gnas pa'i
skye bo thams cad kyang/

brjod tshul 'di yi rgyal srid cang 'dzin nam/ /'dzin kyang chos
kyi rgyal por the tshom

med/ /gzhan du mkhas grub bla ma mang brten cing/ /shAkya'i
rgyal po'i rgyal srid

'dzin pa 'dra/ /ngo mtshar che'o zhes pa'i sgra yang sgrog/
/lha la chags shing

bskor nas yang yang blta/ /rigs bzang gnyen du bsgrigs pa'i bu
mo yang/ /

mthong bas dga' yang gsung des mya ngan gyur/ /pha ma'i drung
du nas 'di skad

da; ;rgyal bu dam pa 'khor bar skyo zhes gda'/ /rgyal srid
spangs nas rab

@012 tu 'byung zhes dga'/ /ngon grub gzhan nu btsun mo dor zhes
gda'/ /'khor

pa'i chos la chags par mi gda' skad/ /da ni yab yum 'khor dang
bcas pa yis//

myur du rgyal po'i pho brang 'khor du rjongs/ /rgyal bu chags
pa'i bya ba sna tshogs

kyi; ;nor dang longs spyod du mas sems bzung zhes/ /bu mo dag
gi pha ma

rnams la bskul/ /phan tshun pha ma blon 'bangs bcas pa yis/
/rtsol pa bskyed

de rgyal bu nyams dga' ba'i/ /glu gar byed cing bu mo dag
kyang bsdus/ /kun

nas khab tu 'byung du re ba na/ /rgyal bu rta pa brgya dang
sum cur bcas/ /dmag

gi chas zhugs ri brag bskor ba na/ /re brag gcig na bram ze
dze da re/ /bram

ze de ni snyan dngags sgra 'byin cing/ /gtsang ma'i chos kyi
drang srong spyi bos len/ /

nyon mongs dgra las rnam par rgyal ba mthong/ /rgyal pos chibs
kyi steng nas lan

gsol pa/ /drang srong de la tshig gis 'di skad gsol/ /dben pa'i
gnas

su dka' thub lung btan spyod/ /gtsang ma'i tshul gyi dag pa'i
'tsho ba bza'/ /

'dod yon spangs te srang srang gyur pa las/ /'dod yon rnam pa
bdag gi thob

par gyur/ /ces smras pa dang / /bram zes mig kyang lta bar mi
byed par/ /

rgyal bu'i lan du 'di skad bslan par dgongs/ /nam gzhug chad
kha'i me tog

ldum ra ltar/ /rgyal pos bram ze'i dpal 'byor bkag gyur kyang/
/las

kyi dbang gis ngan 'gror 'phen pa las/ /phyi thag snying po ma
mthong gnas 'dir

sdod/ /ba lang khyi phag lta bu'i brtul zhugs kyis/ /mi gtsang
'dam bu'i

srin por skyes dogs nas/ /dka' thub spyod cing gtsang sbra 'di
dag bsten/ /

sgyu ma'i nor la snying po ma mthong nas/ /pha rol bsam zhing
drang srong spyi bos

blang/ /rgyal pos bram ze'i tshig de thos pa dang / /ca co blta
phyir tshig

@013 gis lan smras pa/ /dge sbyong rnams ni nga rgyal me bas
che/ /sa yi bdag

po 'ongs tshe ces mi ldang/ /bram ze chen pos tshig de'i lan
smras pa/ /sa

bdag su zhig khyod ni gang nas 'ongs/ /dgra shes med phyir
khyod ngo ma shes

so; ;nga la nor med grongs med nang na bde/ /lus srog 'di la
dgra

bo 'chi bdag yin/ /nga rgyal med phyir bdag gis 'du 'ja
spangs/ /bram

za'i tshig de thos nas lan smras pa/ /nga ni gser gyi rgyal
mtshan can nas 'ongs/ /

nga ni dge pa dpal gyis bskyed pa'i bu/ /de ring nags khrod
'di na 'gran zla su/ /

khyod kyis sa bdag mi shes khrims las 'das/ /bram ze chen pos
tshig de'i lan

smras pa/ /nga ni mi gral las bud khrims las 'das/ /nga la
dpon med

g.yog med ngo bsrung med/ /sa bdag 'jig rten pha rol 'gro
ba'i tshe/ /rta

med grogs med rkang thang gcig pur 'gro/ /rta med gos med gcer
pu bar

dor 'gro/ /gnas med yul med rgyus med shul thag ring/ /rgyal
po'i bu la

nam phug ma mchis pas/ /don des bdag ni ngas su bsdad pa lags/
/ces

gsungs pa dang / /rgyal pos bram ze'i tshig rnams gsan gyur
nas/ /chibs

las gzhol te 'khor gsum drung du phul/ /gus pas thal mo sbyar
te gsol ba ni/ /

mkhas pa khyod kyi skyon yon brtags pa'i phyir/ /nga rgyal lta
bu'i drag po'i tshig de

smras/ /gang yang bdag gis nyin mtshan dus drug tu/ /'khor ba'i
skyon bsam

nges par yid 'byung ste/ /rgyal srid spangs te thar par 'byung
'dod pas/ /bram

ze khyed kyis bdag la bzung du gsol/ /ces dang / bram ze chen
pos de la lan

gsol pa / /tshur shog nga rgyal rlung gis ma dkrugs par/ /bstan
pa'i bdag

por byin gyis brlabs kyis shog /gsungs nas/ /dkon mchog gsum
gyi 
@014 byin rlabs sems bskyed gnang/ /rgyal bu yar bzhengs slar
yang mi rta rnams/ /

sems bskyed gdams ngag yon du rje la phul/ /rgyal bu'i tshogs
rnams yongs

su rdzogs bya'i phyir/ /re zhig blangs nas gdams ngag 'di skad
gsungs//

rgyal bu re zhig rtogs brjod ma btang ba'i/ /tshe 'di'i che thabs
'dre rkyen dag

kyang byed/ /rang sangs rgyas kyang bla med nyi tshe sgrub/ /lto
'grangs tsam zhig

bran gyi tshogs kyang bza'/ /skye ba gtan du rgyal po ga la
'brangs/ /rgyal po

rang rgyud chos la brten 'tshal lo/ /rgyal srid spangs te thar pa
sgrub 'tshal

lo; ;slar yang rgyal bu dam pas lan gsol pa/ /bla ma nga ni
rgyal

po'i pho brang na/ /bzang rtson dar gyi chun pos legs bsnabs
nas/ /dang po

nyon mongs kyis ni gnyen bsngams shing/ /thams cad dga' dga' lta
bu'i

bslu brid kyis/ /kho bo brten pa'i 'dam du bying gis dogs/ /nga
ni rgyal pos

mnar bar mi nus pa/ /bla ma khyed kyis byin gyis brlab tu gsol/
/ces pa

dang / de la bram ze chen pos 'di skad gsungs/ /rigs brgyud srid
pa'i

'ching thag chen po yin/ /blon rnams bdud kyi pha tshan chen po
yin/ /nges

par khyed kyis myur bar rem ta re/ /'di ru ma sdod na len dra ru
song/ /de

na thog med dus nas nye 'brel ba'i/ /khyod kyi bla ma byang chub
bzang po yod//

sems bskyed chos zhus las kyi 'brel ba zhog /mkhas pa de yis
khyod la phan

zhes gsungs/ /de ma thag tu bram ze chen po yis/ /slar yang phul
ba thams

cad phyir gnang nas/ /khyim nas phyung ste nges par drung 'dir
shog /man ngag du

mas khyod ni skyong zhes gsungs/ /de nas rgyal bu rgyal po'i
khab der 'ongs/ /

gser dngul la sogs 'byor pa du ma blangs/ /'khor dang bcas pa na
len dra

@015 ru song/ /na len dra yi rgyal po bred gyur nas/ /dmag dpung
'khor dang

pa rgyang nas bsu/ /mjal tshe rgyal bu'i gtam ni yar phul nas/
/sa bdag

rgyal po khyod ni gang nas lhags/ /'khor los bsgyur 'dra khyod
ni gang nas 'ongs//

dmag gi chas kyis rgol ba gang du 'joms/ /rgyang nas mthong ste
khyod kyi drung du

'ongs/ /ces pa dang / rgyal bu dam pas de la lan smras pa/ /nga
ni

shar phyogs za hor yul nas 'ongs/ /pho brang gser gyi rgyal
mtshan can nas

'ongs/ /nga ni srid pa'i dgra bo 'joms su 'gro /'ching dag bdud
kyi dgra

bo 'joms su 'gro /ces pa dang / na len dra yi rgyal pos lan
gsungs

pa; ;khyed ni shar phyogs za hor rgyal po'i sras/ /sa yi bdag po
chos rgyal

dge ba dpal/ /'khor los bsgyur rgyal nag po'i phyogs las rgyal/
/mi

dbang rgyal po zhing der byon pa legs/ /khyod kyi bi ka ma la
shi la na/ /dkon

mchog pho brang lha yi gzhal yas khang/ /rab tu byung ba bsam
gyis mi khyab bzhugs//

mkhas pa paN chen nyi zla lta bur yod/ /sa bdag khyed ni mkhas
pa su zhig 'dod//

ces pa dang / rgyal bus lan smras pa/ chos grwa chen po dpal gyi
na len dra//

rgya mtsho chen po rin po che'i gling/ /paN chen gnam gyi skar ma
'dra ba yod/ /mchog

tu bsngags pa'i byang chub bzang po de/ /bram zes lung bstan
bdag gi bla ma yin//

sa bdag khyod kyis bar chad bsal du gsol/ /de la rgyal po chen
pos lan smras pa//

dpa' bo chen po bo d+hi b+ha dra de/ /ri rgyal chen po gangs ris
g.yogs pa ltar//

mi 'gul lham me lhan ne lhang nger bzhugs/ /rnam thos sras de
nor la spyod pa bzhin//

de ni 'phags pa'i nor las skal bar rnyed/ /tshur byon bdag gi pha
brang 'khor du byon//

snyan pa'i gtam dang dpal 'byor rol bar bya/ /rgyal pos leD so
zhes ni brjod pa dang //

@016 rgyal pos bsu ba yi ni mdun bdar nas/ /rol mo 'bul zhing na
lendra ru byon/ /de yi

lho phyoD padma can ljongs nas/ /pho brang kun tu bzang po ces
pa ni/ /mi khyim 'bum phrag

gcig gis skor ba yod/ /de yi nang du rgyal bu spyan drangs nas/
/rin chen mdzes

pa'i khri steng 'khod pa la/ /rgyal bu rangs pa'i bkur bsti che
ba mdzad/ /de

nas na len dra yi gtsug lag tu/ /bla ma byang chub bzang pa'i
drung du byon/ /de

yi gtsug lag khang du byon pa dang / /bla ma mthong nas shin tu
mi bzad pa'i/ /

dga' ba khyad du 'phags pa rgyud la skyes/ /bla ma dam pa byang
chub bzang pos kyang//

rgyal bu dam pa byon pa gsan pa dang / /shin tu dge bas stan la
rab bzhengs te/ /

snyan pa'i tshig gis chos kyi gsung byon pa/ /chos rgyal sras po
gnas 'dir byon lags

sam/ /mi yi dbang po gzhi ma bde lags sam/ /za hor yul na chos
'byor

rgyas lags sam/ /shul ring lam la snyel bar ma gyur tam/ /de tshe
rgyal bu dam

pas lan gsol pa/ /'dir 'ong yab bde chos dang mthun par bdag
/lam de

ring yang khyed dang mjal bar gyur/ /mkhas pa khyed ni sangs
rgyas bstan pa la/ /

thos bsam sgom pas snyel bar ma gyur tam/ /ces pa dang / bla
ma'i zhal

nas legs kyi kho bo yang/ /dam pa'i chos kyis nyin mtshan bde bar
gyur/ /rgyal

bu stan la 'dug la gang dgongs gsol/ /de nas rgyal bus gus pas
phyag 'tshal

nas/ /rin chen mdzes pas bla ma mnyes par mdzad/ /gus pa'i tshig
gis

zhu ba 'di skad phul/ /'gro ba'i bla ma gtam 'di brtse bas
dgongs/ /nga ni

'khor ba'i 'dam rdzab mi bzad par/ /bslu brid rgyal srid chen
pos mnar dogs

nas/ /dpung dang bcas te nags su phyin pa na/ /bla ma dgra las
rgyal ba bzhuD

de gda'/ /de la sems bskyed gsol ba btab pa'i tshe/ /mkhas pa
chen pos

@017 thugs rjes rab gzigs nas/ /chos grwa chen po na len dra ru
song/ /skye ba sngon

nas thugs rjes rab bzung ba/ /bla ma dam pa byang chub bzang po
bzhugs/ /de

la sems bskyed gdams ngag zhes gsungs/ /de ma thag tu rang gi
pho brang

nas/ /mchod rdzas blangs te de ring gnas 'dir sleb/ /da ni bdag
la brtse

ba'i thugs rje yis/ /sems bskyed gdams pa du ma gnang du gsol/
/de

ma thag tu stan la 'dug pa dang / /bla mas ting nge 'dzin la
mnyam bzhag nas//

sgo gsum las su rung bar byin gyis rlabs/ /de nas sems bskyed
gdams pa du

ma gnang/ /de yang gdams ngag bstan pa 'di ltar lags/ /rgyal bu
tshe

'di don yod thob pa las/ /rgyal srid spangs nas thar pa ma
bsgrub na/ /las

kyi dbang gis ngan 'gror ltung ba'i tshe/ /shin tu 'gyod kyang
nges par 'phyis pa yin//

skye ba gtan gyi btsan sa 'dzin dus 'dir/ /dka' ba chen pos
brtson 'grus ma

brtsams na/ /thar pa'i go skabs nges par stor ba'i tshe/ /phyin
chad bzung du

med do rigs kyi bu/ /dpa' zhing brtan la go cha phun tshogs kyang
/ /pha rol

'phrang la gshed mas khrid pa'i tshe/ /mthu med nyam thag 'gyod
pa tsam zhig na/ /

phan pa'i dgos pa ci yang ma mchis so/ /rgyal bu dam pa'i chos
'di sems mdzod

dang / /na len dra yi byang phyogs pha gi na/ /khyod kyi thog
med dus nas phar gyur

pa'i/ /rgyal sras rig pa'i khu byug ces pa yod/ /tshe mthar phyin
cing dben

par gnas pa de/ /chos brgyad spros pa'i dri mas ma gos par/
/tshul khrims

gos can mngon shes thogs med ldan/ /drung der song la chos kyi
gdams pa zhus//

mgon po de yi gsung de thos gyur nas/ /byang chub bzang po de la
'phrang bzhin du//

rig pa'i khu byug bzang po'i drung du phyin/ /phyag 'tshal mchod
pa phul zhing 'di

@018 skad zhus/ /nga ni shar phyogs za hor yul na gnas/ /nga ni
b+haM ga la yi

rgyal po'i sras/ /pho brang gser gyi rgyal mtshan can nas 'ongs/
/na len dra

ye gtsug lag khang du phyin/ /byang chub bzang po de la sems
bskyed zhus/ /

gdams ngag dam pa bstan pa 'di skad gsungs/ /'di ru ma 'dug
byang gi

phyogs su song/ /de na thog med dus nas phar gyur pa'i/ /bla ma
rig pa'i

khu byug ces pa yod/ /drung der song la sems bskyed gsol ba
thob/ /des

ni khyod la phan par 'gyur zhes gsungs/ /de ma thag tu rje la
'phrang gyur kyang /

dga' ba skyes te khyod kyi drung du 'ongs/ /kho bo yab kyis mnar
bar mi 'gyur

bar/ /bla ma khyed kyis nges par bzung du gsol/ /de nas bla ma
dam pa rab

dgyes nas/ /sa bdag rgyal po byon pa shin tu legs/ /tshur shog
gnyis su

med par byin gyis rlabs/ /chos nyid 'gyur ba med pa'i bden tshig
bdar/ /brtse

ba'i sems kyis dam chos bshad ces gsungs/ /de nas rgyal bus
mchod pa gus

phul nas/ /bla ma'i drung du phyag 'tshal thal sbyar te/ /nga
rgyal bskyungs te

stan la rab 'dug nas/ /khu byug bzang pos sems bskyed gdams pa
bstan/ /

gdams pa'i gco bo mchog tu bsngags pa de/ /rgyal bu tshe 'dir
phun sum tshogs

gyur kyang/ /skye ba gtan gyi so nam ma byas na/ /dal 'byor mi
lus thob pa

dgos pa chung / /phyi rabs nor shor na yang pham lo legs/ /rgyal
bu klu

sgrub snying pos 'di skad gsungs/ /rmi lam sgyu 'dra rang bzhin
spros dang bral//

sems nyid ma bcos gnyug ma'i ngang la gnas/ /gang gis 'di gnyis
blo la

ma bsams na/ /'khor ba'i 'dam du bying bar 'gyur ro ang /
/rgyal bu

don dam mnyam bzhag nam mkha' 'dra/ /rjes thob sgyu 'dra las
'bras bsam

@019 par rig /bla mas zab mo'i chos de bstan pa dang / /sbyor
ba'i lam rnyed

dpa' ba'i ting 'dzin thob/ /de tshe rje la rtogs pa 'di phul pa/
/kho bos

ting 'dzin gcig la mnyam bzhag ste/ /nam mkha' sprin dang bral
ba ji bzhin du//

gsal la dngos po rtog pa mi mnga' zhing/ /bla ma chos kyi gnas
lugs de laD sam//

de nas ting 'dzin de las sad pa dang / /snang ba zhen pa med par
sems can dran//

brdzun yang phra zhib las la bag yod thob/ /bla ma bdag nyid
nyams de ma 'khrul lam//

lan du bla ma'i zhal nas 'di skad gsungs/ /legs so khyod ni bsod
nams

bsags pa'i bu/ /nga ni sgro skur med pa'i dge slong yin/ /mnyam
bzhag

nam mkha' lta bur dag na yang / /rjes thob snying rjes 'gro ba
'dren par phyed//

bden pa gnyis kyi gnas lugs 'di ltar lags/ /de ni bdag gi man
ngag dam

pa lags/ /da ni rgyal po'i khab nas 'byung 'dod na/ /ri bo nag
po'i zom

gyi lho phyogs na/ /bdag gi bla ma a wa d+hu ti yod/ /de ni
khyod kyi sngon gyi bla ma

yin/ /der song de la sems bskyed gdams pa zhus/ /rgyal po'i khab
nas

'byung ba'i gdams pa long / rgyal bus bla ma'i gsung de thos pa
dang / /rje

la 'phreng yang dga' ba mchog bskyed nas/ /phyi phyag 'tshal nas
'khor dang bcas

pa yis/ /dpa' bo'i gzugs su lam du zhugs pa na/ /na len dra yi
rgyal

po chen po yang / /nor rdzas mang pos bdag la btab byas nas/
'khor

dang bcas pas dpag tshad gsum du bskyal/ /de nas rgyal bu phyir
la log pa'i tshe//

rgyal bu'i 'phreng ba'i gtam 'di slar gsol ba/ /sa bdag khyod ni
bde 'byor

thob lags kyang/ /srid pa'i dgra de chom par ma gyur na/ /phyi
nas gshed mas

bcings te khrid pa'i tshe/ /'gyod par phyis pas chos 'byor sten
na ang//
@020 bsam pa bzang pos gzhan don mdzad na ang/ /mi rtag tshul
'di tshong 'dus mgron

po 'dra/ /'gro bar dga' mod brtse bas mi dor ram/ /chos dang
mthun par

myur du mjal bar bgyi/ /rgyal pos kyang ni de la lan gsol pa/
/skal ba bzang

po deng sang mjal ba'i mchog /chos rgyal sras dang bcas pa mi
dbang g.yo//

deng sang gshegs pas bu las 'phrang bar gyur/ /'on kyang myur
du mjal ba'i smon

lam 'tshal/ /de nas ri bo zom gyi lho phyogs su/ /bla ma a wa
d+hu ti'i drung du

phyin/ /de tshe bla ma skyes mchog dam pa ni/ /brag gdong nag
po dag gi bya

skyibs na/ /wa ba nag po gcig ni sku la gsol/ /kriShNa sA ra
gcig ni stan du

bting/ /sgom thag chen po gcig ni ga shal bcug /sku lus sbom
la shin tu

bsus pa che/ /spyan mig dmar la sha rtsa cung zhig sngo/ /rtog
pa med par phyed

skyil lus gnad bcas/ /snod bcud thams cad thod pa gcig tu
bsdus/ /chaD

pa med par bde bar zhugs pa mthong/ /rgyang nas chibs las
gzhol te phyag 'tshal

zhing/ /'khor dang bcas pa drung du 'dug pa na/ /cer te gzigs
nas zhal

nas 'di skad gsungs/ /nga rgyal sgang bu ral bar ma gyur tam/
/khyim gyi 'dam

du bying bar ma gyur tam/ /bdud kyi bu mos bslus par ma gyur
tam/ /phun

tshogs dpal 'byor chus zos ma byas sam/ /rgyal po'i bu 'dra
khyed rnams gang nas

'ongs/ /ces gsungs pa dang / thal mo sbyar te tshig gis lan
gsol pa/ /

kho bo shar phyogs b+haM ga la nas 'ongs/ /pho brang gser gyi
rgyal mtshan can lan gsol pa/ /

rgyal srid tshoD la zhen pa log nas 'ongs/ /'khor ba'i chos las
skyabs gnas zhu ru

'ongs/ /chos gra chen po na lendra ru phyin/ /rig pa'i khu
byug de la skyabs gnas

zhus/ /pha des kho bo khyod kyi drung du btang/ /da ni khyed
kyis bdag la skyabs su

@021 gsal/ /a wa d+hu ti'i zhal nas 'di skad gsungs/ /kho bo
rgyal po'i

rigs su skyes nas 'ongs/ /nyon mongs las kyi tshogs la ches
'jigs te/ /

rgyal srid mchil ma'i thal ba bzhin du spangs/ /a wa d+hu ti'i
spyod pa skyong nus

sam/ /rgyal srid 'byor pa dug gi mtsho dang 'dra/ /'thungs pa
tsam gyis thar

pa'i srog gcod 'ongs/ /rgyal srid 'byor pa me yi 'bos dang
'dra/ /brgal

ba tsam gyis sdug bsngal bskyed par byed/ /de ring phar song
rgyal po'i khab tu

song/ /khyim gyi nyes dmigs ltos la myur du shog /rgyal pos
bla ma'i gsung

de thos pa dang / /bsnyen bkur bgyis nas myur du khab tu
'ongs/ /skye bo rnams

kyis rgyal po mthong ba na/ /ga sha sgrog cing glu gar rol mo
'bul/ /rang

gi nang du lhags par gyur pa'i tshe/ /rgyal pa yab yum ches
cher dgyes pa yis//

zla ba'i snying po khyod ni gang du phyin/ /de tsam gcig tu
dub par ma gyur tam/ /

nyes dmigs mthong nas skyo ba ma skyes sam/ /sleb pas legs
zhes dga' ba

sgrog pa na/ /rgyal bu dam pas zhib par lan smras pa/ /sa
phyogs dag tu nyams

dga' tsam du song/ /bstan pa'i dgra bo thabs kyis 'dul du
phyin/ /thub pa'i

skyabs gnas bla ma 'tshol du phyin/ /ri brag dag tu dben pa
'tshol du phyin/ /

gang du phyin yang 'khor ba'i nyes dmigs mthong/ /su dang
'grogs kyang 'khor

ba'i nyes dmigs bshad/ /ji ltar byas kyang shes pa ma phebs
nas/ /go skabs

phye cig bdag ni chos la 'gro/ /de yi lan du pha mas 'di skad
gsungs/ /rgyal

bu 'khor ba'i gnas la skyo lags na/ /rgyal srid bzung la dkon
mchog mchod pa

gyis/ /thugs rje chen pos dbul 'phongs tshim par gyis/ /gtsug
lag

bzhengs la dge 'dun rtag tu theg /phyogs ris med par byams
dang snying rje

@022 bsgom/ /de ltar byas na kun tu bde bar 'gyur/ /de la
rgyal bu dam pas lan

smras pa/ /brtse na yab gcig bdag la gsan du gsol/ /da ni rin
chen gser

gyi pho brang du/ /dar gyis bcud mos bsdams te 'khyog med par/
/pho brang 'di

ru bdag ni mnar bar 'gyur/ /bdag gis 'khor ba 'di la cher
bltas shing/ /

skye bo yongs kyi sdug bsngal bsam pa na/ /rgyal srid 'di la
chags pa'i snang ba

'di/ /mchil ma'i thal ba tsam yang mi gda'o/ /bdag gis bskor
zhing nyin

mtshan dus drug tu/ /khyim gyi nyes dmigs ches cher bsam pa na/
/mtshar

yang bslu brid bdud kyi bu mo la/ /chags sems skad cig tsam mi
gda'o/

bdag gis rdzun snang 'di la bltas tsam na/ /mngar gsum bu ram
ka ra sbrang rtsi dang //

mi klad khyi klad mdze klad rnam khrag la/ /khyad par tsung
zad tsam yang ma mchis so/ /

dar zab gos dang g.yu byur mdzes pa dang / /lha yi rgyan cha
mdzes pas 'phyor ba

dang / /mi gtsang khrod du wa ba gyon pa la/ /khyad par cung
zad tsam yang mi

gda' na/ /nga 'gro bsam gtan bsgom du nags su 'gro/ /dur khrod
brgyad du

rtsed mo rtsa ru 'gro/ /gsang ba'i gnas su dga' ba bskyed du
'gro /chags med

gnas su ldum bu bsten du 'gro/ /nga 'gro nga 'gro ri bo'i zom
du 'gro /rje btsun a

wa d+hu ti'i drung du 'gro /nga 'gro nga 'gro mkha' spyod gnas
su 'gro/ /rdo rje theg pa'i

ro mchog myang du 'gro /nga 'gro nga 'gro o rgyan yul du 'gro
/ye shes mkha' 'gro

grogs su bsdud du 'gro /nga 'gro nga 'gro 'og min gnas su 'gro
/rnam

snang zhabs la spyi bos bsten du 'gro/ /nga 'gro nga 'gro dga'
ldan gnas su 'gro/

byams pa'i skyes mchog bla ma bsten du 'gro /nga 'gro nga 'gro
zhing khams yongs

su 'gro /dam pa'i chos kyi dga' ston bgyid du 'gro /nga 'gro
nga 'gro 'phags

@023 pa'i zhing du 'gro /bde ba can du nyams dag skyong du
'gro /kho bo ma bcings

ma 'chings dge ba dpal/ /pha gcig bu la brtsen btsan sar
bskyol/ /kho

bo ma bcings ma 'chings 'od zer can/ /ma gcig bu la brtse na
chas la sbyor/ /

nyi ma de ring nga la 'bras chang dang / /sha dang 'o ma dang ni
sbrang rtsi dang / /rdzas kyi

'byor ba cung zhig thugs la thogs/ /rje btsun a wa d+hu ti'i
drung du 'gro /bsnyen

bkur byed cing bdag rgyud 'dul du 'gro /tshig de rgyal bu dam
pas glur blangs

shing/ /yab yum gnyis kyi snyan du phul ba dang / /dri za'i
rgyal pos glu dbyangs

blangs pa na/ /skye bo'i tshogs rnams shes pa g.yo ba ltar/
/yab yum gnyis kyi

shes pa cher g.yos nas/ /lan ma thebs par grabs la gang dgos
gnang / /de

nas 'bras chang la sogs zas sna dang / /rta pa stong dang bcas
te nags su phyin/ /

a wa d+hu ti mchod pas tshim par byas/ /thal mo sbyar zhing
zhabs la gtugs pa

dang / /bla mas sems bskyed theg chen dbang bskur mdzad/ /de
tshe 'khor los

bsgyur ba'i rgyal po la/ /'khor gyis bskor zhing 'jigs pa
bsrung ba ltar/ /

thams cad rta las ma babs nags khrod na/ /hor 'dra ku sgra
sgrog cing phyi nas

bskor/ /me lce byed cing glu dbyangs mchod pa 'bul/ /byas pa'i
rjes su bla mas

'di skad gsungs/ /ri bo nag po'i gtsug lag khang du song/
/dpal

ldan dgyes pa rdo rje'i rnal 'byor pa/ /bka' sdod gshin rje
gshed kyi rnal

'byor pa/ /dpal ldan ra hul yi drung du song/ /sems bskyed
dbang

bskur gdams pa du ma zhus/ /de yang sngon gyi bla ma dam pa
yin/ /dga'

bas rgyu gcig ma sdod da lta rgyug /rgyal bus bla ma'i gsung
de thos pa dang / /

dpa' bo chen po g.yul du zhugs pa ltar/ /khrab kyi gos can
rta pa stong gis bskor//

@024 rmog gyon dpa' bo'i ngar sgra chen po yis/ /sta re dgra
sta tho ba mdung lcags

'phyar/ /thog mda' 'phen zhing kun nas 'brug sgra sgrog /dga'
ba'i glu

len gtsug lag khang du rgyug /de nas ri bo nag po'i gtsug lag
nas/ /rnal

'byor pho mo dpag tu med pa la/ /dpal ldan dgyes pa rdo rje'i
rnal 'byor pa/ /

gsang sngags rgyud sde gsung gin yod pa na/ /rgyal bu zla ba
gzhon nu byon pa gziD//

chos la 'ongs pa mngon par mkhyen na yang/ /thugs rje chen pos
bsdig ra

bya ba'i phyir/ /rgyal po'i steng du thog gcig phab pa yis/
/thog de

dbyings nas 'bab par ma 'dod par/ /mu stegs nag po'i mchod
rten ri la

song/ /de la rnal 'byor pa rnams ngo mtshar nas/ /rgyal po'i
dmag zhig gang la su

zhes gsol/ /de ma thag tu bla mas lan gsol pa/ /skyes pa lnga
brgya lnga bcu rtsa

gnyis su/ /rnam dag dge slong mkhas pa de bzhin du/ /legs par
brgyud

cing deng sang b+haM ga lar/ /chos rgyal dge ba dpal gyi sras
su bltams/ /'di

'dra'i 'khor dang rgyal srid chen po la/ /'di ni ma chags dka'
ba spyad par

'dod/ /ri bo zom nas a wa d+hu ti bas/ /nga lung bstan te de
ring gnas

'dir lhags/ /ngo mtshar che'am skal ldan pho mo kun/ /ces pa
dang / /kun

gyis a la la ho ngo mtshar can/ /de ring dpa' bo chen po byon
pa legs/ /

de nas kun nas byon te rgyang nas bsu/ /rgyal po chen po chibs
las gzhol gyur te/ /

rta pa stong gis kyang ni rta las babs/ /de nas bla ma'i pho
brang 'khor du byon/ /gus

pas phyag 'tshal gsol ba 'di ltar btab/ /skyes mchog bla ma dam
pa gsan du

gsol/ /khyim nas byung ste thar pa bsgrub 'dod kyang/ /da lta
grags pa'i

rigs brgyud mtho thob pas/ /b+haM ga la ru kho ba 'ching nyen
dga'/ dze tA

@025 ri dang byang chub bzang po dang / /rig pa'i khu byug a
wa d+hu ti dang / /dngos

grub brnyes pa'i bla ma brten gyur kyang/ /da dung rgyal srid
gnas las grol

ma gyur/ /des ni bla ma khyed kyi drung du btang / /bdag la
sems bskyed theg

chen dbang bskur gyis/ /nges par 'chi ba 'di las bsgral du
gsol/ /de

nas bla ma dpa' bo dam pa yis/ /rgyal bu gcig pur dkyil 'khor
drung du phyin/ /

dpal ldan dgyes pa rdo rje'i dbang bskur mdzad/ /gsang mtshan
ye shes gsang

ba'i rdo rjer btags/ /nyin dang mtshan du gdams pa'i char par
phab/ /nyin mtshan

bcu gsum bar du dbang bskur mdzad/ /chos kyi bya ba thams cad
tshar bar mdzad/ /

de yi bar du 'khor tshogs thams cad kyang/ /ma nyal 'gro dang
'chag dang

rtse ba dang / /glu gar rol mo sna tshogs byed pa dang / /rgyal
bu phyir la nam 'byon

snyam pa las/ /rnam par rtog pa gang yang ma byung ngo/ /nyin
zhag bcu gsum

pa yi dus tshod na/ /rgyal bu he ru ka yi chas su byon/ /'khar
bas 'jigs shing

mi rtag glu dbyangs blangs/ /'khor gsum blta zhing snying ba
med pa gzigs//

de tshe ngag du brjod pa'i glu dbyangs 'di/ /spros bral nyag
gcig dbyings kyi nam

mkha' las/ /skye med stong pa'i tshig gi nga ro sgrog /rgyal
srid rmi lam nor 'dra

snying po med/ /'khor gyi tshogs ni sgyu ma'i bslu brid yin/
/thams cad bor

nas byang chub ma bsgrub na/ /kho bo skal ldan bsod nams bsags
pa min/ /

nyin dang mtshan du gnas lugs don bsgom zhing/ /rgya chen thos
pa rtag tu btsal bar

bya; ;de na sgyes pa rdo rje'i rnal 'byor pa/ /mi rtag rang
bzhin las skyes

rnal 'byor pa/ /dpa' bo dngos grub bsnyes pa'i rnal 'byor pa/
/'jigs

pa'i grub thob pho mo gcer bu brgyad/ /lag pa g.yas pas mi
rkang gling bu bzung// 
@026 g.yon pas mi sha lag par so 'drad byed/ /ngag nas hUM
dang phaD kyi sgra chen sgrog//

kun nas rgyal bu'i phyi la bskor zhing rgyug /b+haM ga lar song
rgyal po'i bsam pa bsgyur//

rgyal bu srid dang bral bar bsam pa bsgyur/ /skyes mchog a wa
d+hu ti'i drung du bskyol//

lwa ba'i gos can dman pa'i zas kyis skyong/ /dar zab gdan khri
kr-iShNa sa ra byin//

'khor dang rta khrol gcig pur ldom bu slong/ /ma zhum ma zhum 
thar pa bsgrub pa'i

dus/ /nges par gnyen pos btsan pos btsan chod byed pa'i dus/
/da lta rgyug ces bla mas

bka' bsgo mdzad/ /de nas rgyal bus grub thob cha lugs su/
/chibs la chibs te rta

pa stong gis bskor/ /lam du zhugs tshe rdo rje'i mgur bzhes pa/
/skye ba med

pa sems kyi rdo rje la/ 'gyur ba med pa'i rdo rje'i theg pa
rnyed/ /shin tu

dga' ba'i nyams kyi rdo rje la/ /rdo rje nyams dang ldan pa'i
snang ba shar//

gsal la dag pa lha yi rdo rje la/ /nyes skyon dag pa las kyi
gzugs brnyan shar//

rdo rje rin chen lus kyi dkyil 'khor la/ /bdag med rdo rje
'jigs med snang ba

shar/ mi rtog ye shes gsang ba'i rdo rje dang / /'khor ba'i
g.yul las nges

par rgyal bar gyur/ /rgyal bus rdo rje'i mgur de bzhes pa dang
/ /nang blon

chen po dpa' bo rdo rje dang / /blon po chen po phas rgol rab
'joms dang //  

blon po chen po skar ma'i rgyal po dang / /blon po chen po
'jigs pa med pa dang //

blon po chen po bzhi yis skyo ba'i glu blangs pa/ /e ma hoH-
'jig rten las kyi

mthu btsan pa/ /kun nas mi zad za hor yul phyogs nas/ /dpal
mchog

rgyas pa grong khyer b+haM ga la/ /lta na sdug pa gser gyi
rgyal mtshan can/ /ngo

mtshar che ba'i rgyal po dge ba dpal/ /'gro ba'i ma ma lha mo
'od zer can/ /

sprul pa 'dra ba'i blon 'bangs bor gyur nas/ /rgyal bu dam pa
nags su bzhud pa

@027 'dra/ /rta dang shang rta glang po bzhag gyur nas/ /dman
pa'i tshul bzung rkang

'gros byed byed 'dra/ /lha yi rgyan dang na bza' bor gyur nas/
/dman pa'i

gnas su lwa ba gyon nyen gda'/ /rma bya bsnol ba'i khri stan
phar bzhag nas/ /

lo ma'i spyil por kr-iShNa 'ding nyen gda'/ /mdzes pa'i lha mo
khab tu mi bzhes

par/ /dur khrod 'grim zhing ro zas za nyen gda'/ /bltams ma
thag tu dkar

po'i snang ba can/ /dga' bar 'dus pa 'bral bar phod lags sam/
/de ltar

glu len skyo nas khab tu 'ongs/ /kun gyis pho brang 'khor du
slebs pa dang / /skye

bo kun gyis tshor zhing bltas pa'i tshe/ /phyogs skyong bcu po
g.yul du zhugs pa

'dra/ /'jigs shing dpa' la go cha rab tu bstan/ /mdzes shing
mtshar la ya  

mtshan ltad mo che/ /sil sil khrol khrol 'ur sgra sna tshogs
sgrog /rang gi rgyal

bu lags kyang 'jigs par tshor/ /zla ba gsum du blon po thams
cad kyang//

dmag gi chas brgyan rta sga chas rnams sgron/ /la la tshab
'gran la la glu gar rtse//

la la 'thab pa lta bur go bsham byed/ /rnal 'byor pho mo dag
ni mchong zhing rgyug/

rgyal bu grong khyer gnas su smyo spyod skyong/ /kun gyis
rgyal srid sbong bar kha tshon bcad//

thams cad 'phreng zhing rang sar mchi ma 'byin/ /she'u khyu gu
gcan gzan lhags

pa ltar/ /yab yum bu phyir mya ngan smre sngags 'don/ /lhag
par yab kyi zhal

nas 'di skad ces gsungs/ /e ma bu khyod legs par btsas pa'i
tshe/ /ngo mtshar

ltas mthong rgyal srid skyong snyam nas/ /dga' ba'i sems kyi
yid smon e ma gyur//

da ni nags khrod bsten no 'di skad do/ /gsung ngo/ /de la
rgyal bus zhu mchid 'di

skad do/ /chos rgyal yab gcig dam pa gsan du gsol/ /ci gsung
bdag gi

rgyal srid bzung gyur la/ /tshe 'dir yud tsam yab dang 'grogs
gyur kyang/ /skye ba

@028 gtan du pha bur mi shes shing/ /phan gnod med pas shin tu
tshang ba yin/ /bdag

gis rgyal srid chen po rab spangs nas/ /nges par rnam grol
byang chub lam bsgrub nas//

skye ba kun tu dga' bde grogs su 'ong/ /de phyir bdag la go
skabs stsal du gsol//

de nas yum gyi zhal nas 'di skad gsungs/ /ci phan bu 'di shin
tu 'phrang na yang//

skye dgu kun la las kyi 'phen pa gtso/ /skyes mchog gang du
bde bar chos la mthong//

phyis nas gtan du 'grogs pa'i smon lam 'tshal/ /de nas rgyal
bus nang par tho

rangs nas/ /rnal 'byor rnams dang lhan cig gnas su byon/ /a
wa d+hu ti'i drung du

dka' thub bsten/ /chags pa med par dbu ma'i chos rnams bslab/
/dgung

lo bcu gnyis lon nas bco brgyad bar/ /a wa d+hu ti'i spyod pa
bskyangs pa dang //

thos bmas sgom pa stan thog gcig tu bsgrub/ /de ltar rje btsun
thugs rje chen

po yis/ /dka' ba brgya phrag du mas 'bad pa yis/ /rgyal srid
chen po

bsam gyis mi khyab pa/ /mchil ma'i thal ba bzhin du rnam
spangs nas/ /rnam

grol ma nor thar pa rab tu bsten/ /de phyir 'gran zla su yang
ma mchis pas//

bstan pa'i mnga' bdag don grub rab brnyes lags/ /'brom rje kho
bos spyi bos

rab btud nas/ /'khor ba ma stong bar du gus phyag 'tshal/ /'di
la sgro

skur dri ma gang mchis pa/ /thugs rje chen po khyed kyis bzod
par bzhes/ /bla

ma'i rnam thar rgya mtsho lta bu las/ /rgyal srid spangs nas
thar pa bsgrub pa'i yon

tan rags rim tsam zhig gsungs so// //sarba mangga laM//