@029 jo bo rje mnyam med gser gling pa chos kyi grags pa dang
mjal ba'i rnam thar bzhugs so//

@#/ /rje btsun byams pa dang spyan ras gzigs la phyag 'tshal lo/
/dge slong

dA paM kA ra shri dznyA na bdag gis zla ba bcu gsuM gyi bar
du gzings kyi nang du bzhugs nas/

bla ma gser gling pa'i drung du phyin pa na/ zla ba lnga tsam
'das pa'i dus su lha'i bu dbang

phyug chen pos/ kha bo'i byang chub kyi sems kyi bar du gcod
pa'i phyir/ mi

mthun pa'i rlung dmar chen po g.yos/ /chu srin nya mid chen
por byas te mdun bkag/

nam mkha' las kho bo'i steng du thog phab ste/ de'i dus su kho
bas byams pa

dang snying rje khyad par can gcig bsgoms pa la brten nas
rlung dmar thams cad zhi nas/

thog chen po drug nam mkha' la chags 'dug pa mthong/ 'on kyang
chu srin des

mdun bkag pa dang / rlung chen po des rgya mtsho'i kha 'khyoms
pa'i stobs kyis

gzings de yang dar po che rlung gis bskyod pa bzhin du 'dar ba
dang / 'phyar ba

dang / res 'ga' nam mkha' la 'khyer ba dang / res 'ga' rgya
mtsho'i

gting du sdibs pa dang / phyogs kyi ba dan chen po bzhi
bsnyal/ khro chu'i pha

bong bzhi rgya mtsho'i gting du bskyur kyang/ phyogs gzhi nas
rnga chen po bzhi brdung

pa ltar 'ur sgra dang / chom sgra dang / 'od dang / skam glag
chen po byung

ba la brten nas 'khor thams cad kyang shin tu skrag ste/ rab
tu 'dar zhing yod

pa la yang byams pa dang / snying rje'i ting nge 'dzin la
mnyam par bzhag pa dang /

paNDi ta sa'i snying pos/ bla ma la gsol ba 'di btab bo/
/bzhengs shig bzhengs

shig bla ma thugs rje can/ /khyed la sa steng 'di na 'gran zla
ma chis na/ /deng

sang nag po'i phyogs kyis 'jigs shing bco ba 'di/ /khyed kyi
thugs rje chen pos

@030 zhi bar mdzad du gsol/ /'gro ba thams cad srid pa'i mtsho
las sgrol byed na/

deng sang nag po'i phyogs kyis 'dir ni tho mtshams so/ /e ma
rlung dmar

g.yos shing gnam lcags rab tu 'bar/ /nya mid chen pos mdun du
'jigs

pa byas/ /rje btsun 'jigs pa 'di las bskyab tu gsol/ /rgya
mtsho rlung gis

bskyod cing rba rlabs mkha' la 'phyo/ /mi snyan shugs sgra
'don cing glog dmar

'od du g.yos/ /gzings kyang 'dar 'dar shig shig rab tu
g.yos/ /mkha'

la ling ling 'phyar zhing gting du sdibs/ /rje btsun da ni
'jigs pa 'di las

bskyab tu gsol/ /khyod kyi yon tan nam mkha' lta bu la/ /bka'
sdod chos

bsrung tshogs rnams mkha' lding ltar/ /ling ling bskor zhing
bar chad sel byed

na; ; deng sang 'di ltar bar chad lhags kyang mi skyob par/
/dben pa'i

dbyings na bzhugs pa thugs rje ji ltar chung/ /da ni gsang
sngags phyi nang mkha'

'gro chos skyong dang / /dgra bcom dpa' bo dpa' mo ye shes lha
tshogs rnams//

dkar po'i phyogs la dga' ba'i lha tshogs thams cad kyis/ /kun
nas bskor

zhing deng sangs rgya mtsho chen po'i dir/ /bla ma khyed kyi
thugs rje'i dpung gis bzlog

tu gsol/ /gzhan gyis mi thub bcom ldan gshin rje gshed dmar
la/ /gshin

rje 'jigs par byed pa'i 'khor gyis yongs su bskor/ mi g.ye
mgon po khra

bo bcu yi tshogs dang bcas/ /'jegs pa brgyad skyeb lha mo bkra
shis dpal 'bar

ma; chos rgyal bla ma kyed kyi dpung ges bzlog tu gsol/ /bstan
pa'i 

bdag po rje btsun sangs rgyas bcom ldan 'das/ /rje btsun spyan
ras gzigs

dbang dir med dkyil 'khor can/ /'gro ba'i sdug bsngal sel ba'i
chos rgyal yab

sras gnyis/ /dus la bab bo thugs rje'i pha tshan dpung du
bskyed/ /zag med

@031 byin rlabs chu rgyun yun du sring du gsol/ /zhes gsol ba
khyad par can lhang

lhang 'debs pa kho bos legs par thos pa dang / kho bo yang
bcom ldan

gzhen rje'i gshed sku mdog dmar nag bsus khyim che bar la pa
kham nag gyen du

brdzes pa/ mig dmar la sdang mig phyogs bcur bgrad pa/ de
mthong tsa na

khro bo gzhan gyi lag cha drul ba gcig tu mdzad de/ /rdo rje
be con nam mkha' la

'phyar zhing/ g.yon pa sdigs mdzub dang zhags pa klad la
bskor nas bcon gyis

rgyab pas/ ri rab la phog nas ri rab tshal par gshags nas ri
rab kyi 'og

gser gyi sa gzhi'i gting la thug par mtshams phye ste/ yar log
rgya mtsho chen po

dkruD pas khrag tu khol nas chu srin nya mid de rus pa dkar
sangs kyis song ba'i mod

las/ byes pa gzhon nu sha med pa mdog sngo ba gcig tu byas te
gzings kyi nang du

byung/ phyag 'tshal zhing thal mo sbyar te/ khro bo'i rgyal po
shin tu mthu stobs

can/ /thugs rje chen po 'gro ba'i skyabs gcig pu/ /bdag ni
'jigs pas

shin tu nongs mod kyis/ /da ni khyod kyi thugs rjes bskyab tu
gsol/ /zhes

zer ba dang / bdag gis kyang be con lag tu blangs nas/ hUM;
nga ni skye 'gro'i

srog bdag chen po yin/ /thugs rje chen po'i dbang gis ni/
/snying rjes khyod

ni ma bsgral lo/ /da ni bdag gi gdul bya la/ /mu stegs chos
log ma bstan

cig /mo bon brdzun chos ma bshad cig /khyod kyi cho srog nga
dbang ngo/ /ces

smras pa dang / khos snyan pa'i tshig phul ba/ thugs rje chen
po dgongs su

gsol/ khyod kyi gdul bya rjes 'brang la/ /log chos gang yang
mi bstan gyi/

khyod kyis bdag la brtse bar dgongs/ /khyed ni bdag gi srog
bdag lags/

zhes skad do/ /de nas me thab kyi rtsa nas mi dkar po gcig
langs byung nas/ kha 
 @032 ba can du khyod ma 'grim/ /bal po'i gzings la sa bcad
kyis/ /zangs gling la

sogs gling phran du/ /ma 'grim chu yis bar mtshams byed/
/b+hruMHhriHya k+Sha

zhes pa thos/ /de nas rlung dmar thams cad zhi/ /mtsho rlabs
dang / sgra dang /

'od rnams zhi/ gzings chen po yang mnal du phebs nas/ de nas
thams

cad dbugs rang sar phyin te/ phan tshun dga' ba'i gleng lang
khrol le byung ba dang /

yang khro bo gshin rje'i gshed kyi bskyed rim ma gshig par
gzings kyi kha khyer gyis

'ja' li bzhag nas rdo rje be con mkhar bar gtsugs nas 'dug pa
la/ de nas

gzings chen po phrag khrig tsam yang med par gnas gzhi chen po
bzhin du 'dug pa

la ci yin snyam nas bltas pa dang / bu mo gzhon nu ma kha cig
bzhad gad zer ba

thos nas de ltar bltas tsa na khro bo'i rgyal po mi g.yo ba
'di pus mi man chad rgya

mtsho'i gting du bzlas par byas te skyes pa dar mas gzhong pa
bzung ba bzhin du gzings

kyi shar nub gnyis nas bcun te/ dbu'i cod pan sprin gyi gseb
na lhag ge 'dug/

gzings kyi kha khyer na phar la bu mo nyi shu rtsa gcig kha
phyir bstan nas 'o skol ming sring

rnams min na de ring khar rje che ang gsung gin 'dug /de nas
kho bos 'jigs

pa brgyad skyob ma la phyag 'tshal lo/ /bkra shis dpal bar ma
la phyag 'tshal la/ /

mtho ris lam 'dren ma la phyag 'tshal lo/ /rtag tu khyod kyis
stong grogs byas//

da dung thugs rjes bskyab tu gsol/ /zhes gsol ba btab pa dang
/ bud med

kun na re/ bu sa'i snying po 'di min na/ mu stegs kyi grong
khyer swa ba na tha

'di thal par rlog cig snyam na gsol ba 'debs pa'i sgra de thos
pa dang / a pa

sems can kun gyi mchog kyang sems dpa' chen po 'di yin/ de
rnams kyis

kyang 'di drang ba'i phyir 'dir 'ongs/ /lar byis pa kha sngon
po 'di rtags na gzhu

@033 chag zer zhing / byis pa kho de nyi ma de ring phan chad
nas bal po'i gzings phar ma

sgrol cig /sa'i snying po la bos nas/ tshe dang ldan pa khyod
rang nam mkha'i

me tog 'di swa ba na thar rgyob las thong / skyabs 'gro sems
bskyed kyi khag kho

mo cag rnams kyis len gsungs pa dang / paNDi ta sa'i snying
pos kyang / thog

gcig sdigs mdzub la blangs te bskor nas mu stegs kyi grong
khyer swa ba nA tha'i byang

phyogs na lha mo tsa rtsi ka yod pa'i steng du rgyab pas/ mu
stegs kyi lha khang lha mo

dang bcas pa rlag par byas/ yang gcig 'phangs pas dbang phyug
chen po nyid kyi

rten la rgyab te tshal par gas nas/ de'i zer cig mu stegs kyi
rgyal po la phog ste

gzhogs g.yas pa chag /zer gcig mtha' du ru ka'i pho brang la
rgyab pas lo

bcu gsum du sog po'i 'grim 'grul chad zer/ gcig zhang zhung
rgyal po gur

nag gi pho brang la rgyab pas/ bon gyi bstan pa bsnubs/ re re
gnyis gnyis

yod pa bred nas ri bo gangs can gyi rgyud du bros zer/ gcig
lho phyogs kyi dug

mtsho nag po la rgyab pas klu bdud nag po'i pho brang gshig
/mdze la sogs pa'i

nad rgyun chad zer/ gcig yul lang kar rgyab pas/ srin po'i
rgyal po lang

ka pu ri'i pho brang thal bar brlag ste/ srin po mi zan gyi
rabs chad/ de

nas nga rgyal gyi tshig smras pa/ sa yi dkyil 'khor 'di yi bdag
po nga yin gyis/

nag po'i phyogs rnams byer cig byer cig thal bar rlog /dpa' bo
chen po nga

ni sa yi snying po yin/ /o rgyan yul na rta mgrin rgyal po
rta skad 'tsher/ /rlog

cig rlog cig dbang phyug chan po rdul du rlog /bon po'i lha
rnams ngo bo'i nus

pa brlag par bgyis/ /oM padmanta kra ta Shwa ta ha yaM g+hri
wa hu lu hu lu hUM phaD/

ces zer ba thos so/ /de nas khro bo'i rgyal po mi g.yob dang
/ bcom ldan

@034 'das nyid kyang yud tsam las mi snang ngo / /kho bo yang
rang nyid dge slong gi

rnam par stan la 'dug ste gda'o/ /rang gi rjes su 'brangs pa'i
'khor thams

cad kyang yid rangs te/ lhun gyis grub cing ma bcos pa'i/
/chos rgyal rin

chen lhun po 'dra/ /mtshan rab ye shes mnga' ba de/ /bdag cag
thams

cad tshim par byas/ /e ma ho mgon po mthu dpal can/ /de bzhin
srid

pa'i rgya mtsho las/ /bdag cag 'jigs pas nyen pa na/ /khyod kyi
thugs

rje'i skyabs 'og nas/ /'chug pa med par bskyab tu gsol/ /zhes
zer te/

zhag nyi shu rtsa gcig tu gang yang phyin par ma nus nas 'jigs
pa las bsgral ma thag

tu phyogs bzhir rlung gi ba dan bzhi 'phyar/ khro chu'i pha
bong bzhi steng du drangs/ mthun

pa'i rlung dang sbyar te zla ba phyed dang gnyis kyi bar du
nyin mtshan med par rgya mtsho chen po

la zhugs te phyin pas zla ba bdun lhag tsam na'ang mdun du
rlung dmar langs te sngar

btang ba'i nyin lam tsam rlung gis khyer yang / bla ma dkon
mchog dang mkha'

'gro chos skyong la gsol ba btab pas rlung dmar rang zhi/ yang
mthun pa'i rlung


chen po tsam yang ma byung bas sems can gyi bsod nams la brten
nas zla ba phyed kyi

bar du lus/ de bzhin du byams pa dang snying rje byang chub
kyi sems bsgom zhing

mthun pa'i rlung dang sbyar nas phyin pas zla ba gnyis dang
zhag nyi shu rtsa drug nas rgya mtsho'i

pha rol tu phyin par gyur te/ bla ma btsal ba'i phyir dka' ba
ji ltar spyad pa'i rnam

par bzhag pa las rgya mtshor lha dbang phyug chen po pham par
byas pa'i lo rgyus kyi rnam

par bzhag pa rdzogs so/ /ngo mtshar ba lags so// //

@035 ! rje btsun byams pa dang spyan ras gzigs dbang phyug la
phyag 'tshal

lo; ;de nas rgya mtsho chen po bsgral ma thag tu gser gling gi
ljon shing gi nub

phyogs/ bde ldan padma'i lho phyogs/ rngams shing dum po'i
tshal gyi byang phyogs/

chu srin ke ke ru'i shar phyogs/ bod kyi rgyal pos bzhengs
pa'i bde gshegs

gser gyi mchod rten gyi drung du bla ma gser gling pa'i slob
ma dge bshes bsam

gtan pa drug yod pa'i sar bla ma gser gling pa'i rnam par thar
pa rnams rtsad gcod

pa la zhag bcu bzhi'i bar sdad pas/ de la bla ma'i thugs dam
gyi rim pa gang

la mdzad pa dang / brgyud pa'i khungs btsun pa gang nas 'ded
pa dang / gzhung

lugs ji tsam zhig thugs la mnga' ba/ lung dang rigs pa man
ngag du tsam gyi

bdag po yin pa/ thugs rgyud 'byongs pa/ rtogs pa'i tshad dang /
yon tan

ci tsam mnga' ba/ thams cad bsam gtan pa kun la zhus shing /
bsam gtan

pa kun gyis kyang bla ma'i rnam par thar pa snon bri med par
bshad pa la brten nas sa

thob pa tsam gyi dga' ba skyes/ bsam gtan pa dag gis kyang
paNDi ta sa'i snying

po la sogs pa rnams la rnam par thar pa dris pas de rnams kyis
kyang / rgyal

srid spangs nas thar pa sgrub lugs/ bla ma dpag tu med pa
bsten lugs/ gtsug

lag khang dpag tu med pa'i bdag po byas lugs/ yon tan rgya
chen po mnga' luD

bshad pa la brten nas bsam gtan pa kun na re/ 'o na paNDi ta
chen po 'di/ rgya

gar gyi mkhan po dI paM kA ra shrI dznyA na bya ba yod zer
ba de cang min nam zer/ sa'i  

snying pos smras pa/ rgyal ba gnyis par 'jig rten yongs na
grags/ /lnga bcu

rtsa gnyis paN chen yongs kyis bskor/ /theg pa che chung yongs
kyis bsngags pa de//

rgya gar mkhan po chen por yongs su grags/ /bsam gtan pa kun
gyis smras pa/

@036 sa yi bdag po gnas 'dir lhags pa legs/ /thos pas snyan pa
mthong bas skyo na

yang / /de ring bdag cag bsod nams skal bar ldan/ /mkhas pa
chen po

gzings la byon pa legs/ /bar du bdud kyis dkruD par ma gyur
tam/ /nya mid rlung

gi bar chad ma mchis sam/ /yun ring 'tshe bas nyen par ma gyur
tam//

sa'i snying pos lan smras pa/ zla ba bcu gnyis gzings su zhugs
nas song / /

dbang phyug chen pos nya mid rlung dmar g.yo/ /de nas gzings
la slar yang

'ongs pa na/ /rje btsun nam mkha' mdzod la mnga' brnyes pas/
/brgya dang

nyer lnga 'phongs shing dub par gyur/ mi mthun phyaD rnams
bden pa'i tshig gis

zhi; ;sa yi snying pos tshig de smras pa dang / bsam gtan pa
rnams dga' zhing rab

tu dgyes te/ kho bo phyogs gcig tu 'dug pa drung du 'ongs ta
gus pas 'di

skad do/ /khyod kyi snyan pa rgyang nas thos pa na/ /dga' ba'i
sems kyis mthong

na yid smon shor /da 'dir mkhas pa chen po lhags pa na/ /mi
shes mun pa'i

sgrib pas non par gyur/ /da ni lus dang ngag dang yid dag gis/
/rab tu gus

pas khyed la phyag 'tshal lo/ /kho bo'i drung du phyag 'tshal ba
dang /kho bos

slar khengs pa spangs te/ /gus pas phyag bgyi'o/ /yang bsam
gtan pa kun

gyis smras pa/ /skyes bu dam pa gling 'dir lhags pa yi/ /ched
du bya ba gang

lags bshad du gsol/ /gus pas khyed kyi bya ba bdag gis bya/
/ci 'tshal

bdag la legs par bka' stsol cig /kho bos lan smras pa/ /bdag
ni

gser gling bla ma'i drung du 'ongs/ /dal 'byor lus la snying
po len du 'ongs//

khyed cag myur du bla ma'i drung du song / /zhus la bdag la
'dod pa'i skabs dbye

zhig /de nas bsam gtan pa dag gis bla ma gser gling pa'i drung
du phyin nas/ bla

@037 ma dam pa gsan du gsol/ deng sang gling 'dir rgya gar gyi
mkhan po dI paM ka ra

shrI dznyA na bya ba de/ slob ma brgya dang nyer lnga'i tshoD
dang bcas de lhan cig tu rgya mtsho chen

po la zla ba bcu gnyis kyis bar du bdud dang / /mu stegs kyi
lha dbang phyug chen po

byams pa dang snying rjes 'ching zhing/ sku gsung thugs mdangs
ma shor bar bdag

phyogs gang na ba der lhags so/ /de la zhag bcu bzhi'i bar du
chos kyi gtam sbrel

por mdzad pas bdag cag sems rangs shing tshim par gyur to/ /da
ni skabs kyi

don la mkhas pa chen po de khyed kyi drung du 'ongs te/ dus
gsum gyi rgyal ba thams

cad bskyed par byed pa'i yum gtso bor nyan pa dang / smon 'jug
byang chub kyi

mchog tu sems bskyed de/ theg pa chen po blo sbyong bar
bgyid// gzhan yang

bla ma'i gzhung lugs rgya mtsho lta bu nyin mtshan du spyod par
'dod par gda' bas/

thugs rje chen pos skabs dbye zhig /ces pa dang / tshig de gsan
ma thag tu bla ma'i

zhal nas/ sa yi bdag po byon pa legs/ /dbang phyug nag po
brdul ba legs//

mi mthun phyogs las rgyal ba legs/ /snyan pa'i ba dan sgrogs
pa legs/ /nyes

skyon med par sleb pa legs/ /dge slong thams cad chos gos
gsol/ /dam

pa de la bsu ba bgyis/ /dge slong chos gos gsum kha dog mthun
par gsol ba

thams cad mthun pa ril ba spyi blug 'dzin pa/ thams cad kyang
mkhar bsil

mdzes par bsnams pa/ shin tu dang ba 'dren pa dgra bcom pa lta
bu lnga brgya dang

sum cu rtsa lnga'i sna bla ma gser gling pas drangs nas/ dge
tshul drug cu rtsa gnyis

kyas brten te/ mdor na rab tu byung ba lnga brgya dang bdun cu
rtsa gnyis kyis rgyang ring po

nas bsu ba'i phyir nar gyis byung ba mthong ngo/ /de ma thag
tu bcom ldan 'das

zhal bzhugs pa'i dus dgra bcom pa rnams kyis bskor ba ltar
shin tu dang ba 'dren zhing 
@038 shes pa nyes dga' ba'i mthar thug par gyur te/ de'i tshe
kho bos kyang glang po che gnyis

la mthun pa'i rkyen rnams bkal te/ dge bsnyen bzhis yo byad mgo
'don du bcug go/

bla ma la ngoms par bya ba'i phyir rig pa'i gnas lnga la mkhas
pa'i paNDi ta dang / sde

snod gsum la mkhas pa'i dge slong gcig yan chad phyags lham
'phreng mig ma gsol ba

kha che gur gum gyis legs par kha bsgyur ba'i chos gos rnam gsum
thog ma babs

pa phal chen sde pas legs par bsngags pa mdzes par gsol ba/ de
thams

cad rten 'brel gyi che bas lcags kyi lhung bzed rab tshad rdol
bug med pa bsnams pa/

zangs kyi ril ba spyi blug ma ga d+ha'i bre gang shong ba/ bstan
pa'i bdag pos rab

tu bsngags pa'i mkhar bsil la soD pa sde tshan thams cad legs par
tshang bar yod

pa; thams cad kyang paNDi ta'i zhwa nga rgyal med par gsol ba/
rnga yab dkar

pa re phyag na bsnams pa/ de yang paNDi ta chen po 'gro ba bzang
po/ chos kyi

bshes gnyen/ dge ba'i 'byung gnas/ dpa' bo rdo rje/ lha'i ble
gros/

nyi ma sbas pa/ sa'i snying po/ ye shes snying po/ ngag gi dbang
phyug/

d+ha na shrI mi tra/ shes rab bzang po/ zla ba bzang po/ kun tu
bzang po/

gsang ba'i snying po/ blo gros mtha' yas/ rgya mtsho rba rlabs/
/ri rab

rgyal po/ dpa' bo rol pa la sogs pa'i paNDi ta chen po rnams
dang / sde snod

gsum la mkhas pa'i dge slong brgya dang brgyad/ dge tshul bcu
gsum/ dge

slang chen po bzhi ste brgya nyi shu rtsa lngas kho ba'i rjes su
lam bar du mi re shong ba tsam

du ma 'byar ba/ rgyangs ches ma drags pa/ bar ma chad par 'ja'
tshon sna

lnga'i gur bzhin du/ mgon po gser gling pa ga la ba bzhugs pa/
der phyin

pa dang / thams cad phun sum tshogs pa sha stag tu gyur pas lha
rnams kyis me

@039 tog ga char phab bo/ sngar 'khor ba thog ma med pa nas bla
ma dang nye bar 'brel

yang/ 'dir sngar gdams pa ma thob pa dang / kho bo'i rjes su
paNTi ta ches

mang ba dang / bdag cag gis phyag gis mchod pa'i rjes su bla
ma'i sku 'khor dang

bcas pa thams cad kyis kyang kho bo dang / kho bo'i slob ma chen
po rnams kyi gzi

brjid ma thub par thams cad thang sdom pa nas yon tan thams cad
kho bos tshang bar

byas pas snying gcig tu yod pa dang / thams cad kyang lta spyod
mthun pa dang / thams

cad kyang kho bo'i rjes su slob pa sha stag yod pas/ lan du
phyag lan kyang 'gyel

ba bzhin du mdzad do/ /des rab tu gnas pa mdzad nas phyis kyang
kho bo rgya bod

thams cad kyi bkur bar gyur to/ /de'i tshe bdag gis rin po che'i
bum pa lto

ba che la lhun gyis grub pa/ rtsa ba gtan la mgrin pa ring ba/
kha g.yel la mchu

drang ba/ nang na dngos po ci yod phyi na gsal ba gcig /rin po
che dang / gser

dang / dngul dang / mu tig dang / byi ru dang / pai DUryas
bkang ste bla ma'i

phyag tu phul lo/ /gzhan thams cad kyis kyang gser gyi sbram bu
zho re yod pa phul

lo; ;bla ma dam pa gser gling pas tshigs su bcad pa'i sgo nas lam
gyi bar chad dris

pa 'di lta ste/ 'dul ba 'dzin 'byon pa legs/ tshul khrims gos can
byon lags

sam/ /snying rje chen po byon lags sam/ /chos kyi rgyal po 'dir
lhags sam/ /khyed kyi

snyan pa rgyang na che /mthong bas dga' khyod byon lags saM/
/rgya gar chos kyi pho brang du/ /

rgya chen spyod pas 'gro ba la/ /phyogs ris med pa'i snying rje
yis/ /mgon skyabs

dpung gnyen mdzad lags sam /mkhas pa khungs nas btsun lags
sam/
/bla

ma mang pos bskyangs lags sam/ /mkhas pa mang pos bkur lags
sam//

deng sang gnas 'dir byon pa legs/ /skye dgu'i bdag po rgya mtsho
las/ /zla

@040 ba bcu gsum byas zhes thos/ /dka' ba spyad pa ngo mtshar
che/ /dbang phyug

nag po brtul zhes thos/ /snyan pa'i grags pa ngo mtshar che/
mkhas pa shul

thag ring po la/ /lus sems dub par ma gyur tam/ /nag po'i phyogs
kyi

phrag dog la/ /snying rjes skyo bar ma gyur tam/ /skyes bu chen
po byon pa legs/ /

gnas na kha 'thor tsam gcig mchis/ /de dag thos bsam las la
zhugs/ /

gzhan rnams khyed kyi mdun du 'ongs/ /da 'dir mjal ba skal bzang
/ /da

ni gtsug lag khang du gshegs/ /'dus pa'i kun dga' ra bar gshegs/
/

phebs pa'i gsung gling rim gyis bsnyad/ /chos dang mthun par
'gros pa bya/ /

ces pa dang / /bdag gis 'di skad zhus pa/ 'ongs lags rgya gar
dbus

nas 'ongs/ /bar chad chos dang bral te 'ongs/ /dkon mchog thugs
rje'i

dpal gyis bltams/ /dbang phyug nag po las kyis pham/ /sgo gsum
nag

po'i phyogs las rgyal/ /nyams par ma gyur bde bar slebs/ /skye
dgu'i don

las ma nyams par/ /rgyal ba lham mer bzhugs lags sam/ /gzhung
lugs rgya

mtshor rab 'byed cing/ /mdangs dang ldan par bzhugs lags sam/
bdud

sde thams cad 'joms mdzad cing/ /shes rab rgya mtshor bzhugs lags
sam/ /

gser gling 'di na mkhas pa khyed/ /'gro ba'i don la nyin mtshan
du/ /byams dang

snying rjes rab gzigs shing/ /bstan pa'i bdag por bzhugs zhas
thos/ /de

phyir thams cad mkhyen pa khyed/ /bdag gi bla mar gsol 'debs
kyi/ /shes

bya'i dkyil 'khor yangs pa la/ /bdag gi shes rab spel du gsol/
zhes zhus

pa dang / /dge slong thams cad kyang ngag mthun par/ /skyes bu
dam pa byon pa

shin tu legs/ /bdag cag rnams kyang khyed dang lhan cig tu/ /dam
pa'i chos

@041 kyi bde bas tshim par bya/ /zhes gsungs nas gzhi byes lhan du
dge 'dun gyi kun

dga' ra bar byon pa dang / de na gnas brtan yar bsgres pa gcig
dge 'dun

'ga' zhig la chos gsung gin 'dug pa la/ /kho bos phyag 'tshal te/
gnas

brtan des de'i lan du phyag lan ma mdzad/ de nas bla ma'i gzims
khang pho brang

dngul gdugs can gyi nang du byon te/ stan la 'khod pa na/ gnas
brtan de yang

chos thun btang nas byung ste/ kho bo la chos dang mthun pa'i
phyag byas shing /

bdag la 'di skad gsungs/ skyes bu dam pa gnas 'dir byon pa la
bsu ba ma

byas/ 'on kyang nga rgyal med/ gang yang skyes bu dam pa mnyes
pa ni/ /chos

la bya ba byas pa yin bsam mo/ /gsung de thos pa dang / kho bo
yang yid

rangs te/ chos dang gang zag la che ba 'don pa ngo mtshar che
snyam mo/ /de nas

gzhi legs par phebs pa dang / bla mas rten cing 'brel bar 'byung
ba'i che bar

chos mngon par rtogs pa'i rgyan/ chos thun bco lnga tsam gyis
legs par dkrol

nas kho bo la legs par gnang ngo/ /de nas pho brang dngul gdugs
can bzung

ste; thos bsam sgom gsum gyis dus 'da' bar byas so/ /de thams

cad jo bo gser gling du phyag phebs shing/ 'gro ba'i mgon po
mnyam med

gser gling pa chen po chos kyi grags pa dang / legs par dgyes
bzhin du

mjal ba'i lo rgyus legs par gda'o/ /shin tu legs so ngo mtshar
rgya mtsho'i

dpal/ /kun la byang sems 'byongs par byin gyis rlobs/ /mtha'

yas srid las sgrol bar byin gyis rlobs/ /nges 'byung zhen log
skye bar byin gyis

rlobs/ /rgyal rigs rig pa'i gnas lnga kun la mkhas/ sgrol mas
lung

bstan gangs can dpal du byon/ /bdag pas gzhan gces 'byongs nas
gzhan

@042 don mdzad/ /mtshungs med a ti shal gsol ba 'debs/ /da lta
nyid du byin

gyis brlab tu gsol/ /skye dgu'i sdug bsngal 'phral du bsal du
gsol/ /srid

pa'i sdug bsngal thams cad gzhom du gsol/ /chos kyi bar chad
thams cad

bzlog tu gsol/ /bya rgyu chos las med par byin gyis rlobs/ /zhes
gsol ba

drag po rgyun chad med par btab pa la brten nas bdag gzhan ma
na
mkha' mnyam pa'i

sems can thams cad kyi rgyud la bdag pas gzhan gces par 'dzin
pa'i lhag pa'i

bsam pa rnam par dag pa/ bdag gzhan brje ba'i byang chub kyi
sems rin po

che bcos ma ma yin pa skyes nas 'gro ba thams cad sgrol ba'i ded
dpon chen por myur

du skye bar gyur cig/ //sarba dza yan tu//