@122 blo sbyong gyer sgom rdo rje'i glu dbyangs

zhes bya ba bzhugs so//

@#/ /kwa ye pha mar gyur pa'i 'gro ba ma lus drang ba'i phyir/ /

bdag la yod pa'i nyon mongs dug lnga gang dag gis/ /sems can
rnams kyi dug

lnga ma lus drang bar bya/ /'dod chags la sogs med pa'i dge ba
gang yod rnams//

'gro drug sems can rnams la snyoms par brims par bya/ /na tsha la
sogs

'bras bur gyur pa'i sdug bsngal gyis/ /de dang rigs mthun sdug
bsngal mo lus

drang bar bya/ /na tsha la sogs med pa'i phan bde gang yin de/
/'gro drug

sems can rnams la rtag tu brims par bya/ /de ltar byas na rang
nyid 'khor ba'i

rgya mtsho 'dir/ /skad cig tsam yang 'khyams pa'i go skabs ga la
srid/ /'on

kyang ji srid byang chub ma thob bar/ /myong gyur nyon mongs
rgyu 'bras ji snyed pa/ /

thams cad skye ba 'di la yongs su rdzogs par bya/ de yang da
lo'i zla ba 'di

la drang bar bya/ /de yang de ring da lta nyid du rdzogs byas
nas/ /sdug bsngal

brang phreng rab chad tsam gcig thabs su bsten/ /blo 'di 'byongs
par gyur cig

byams pa'i rnal 'byor pa/ /zhes byams snying rje byang chub kyi
sems gyer sgom

rdo rje'i glu blang ba 'di byams pa'i rnal 'byor pa bdag gis yun
du kha bton byas

nas/ re zhig chu bo gang gA'i 'gram du thugs rje chen po dang
ldan pa'i bcom

ldan 'das byams pa lha'i rgyal po'i cha lugs su bzhugs nas byams
pa'i rnal

@123 'byor pa byon nas 'di skad gsungs so/ /thos pa tsam gyis
ngan 'gro'i sdug

bsngal sel ba'i glu/ /bsam pa tsam gyis 'khor ba'i ljan shing
bcad pa'i glu/ /

bsgom pa tsam gyis byang chub myur du 'byin pa'i glu/ /byams pa
snying rje byang chub

sems kyi glu 'di mtshar/ /nyon mongs dug lnga dgra bzhin 'joms
par rigs

na yang / /khyod kyis 'di ltar na ni rgyud la bsten pa mtshar/
/na tsha sdug bsngal

kun nas bzod par dka' na yang / /khyod kyis 'di ltar na ni ngo
mtshar rmad du byung //

rang don yal bar dor nas gzhan don lhur mdzad de/ /rang don
med
par 'khor

bar 'khyams pa su yi dka'/ /des na rang don bsam pa skad cig ma
'khris par//

gzhan gyis mi 'dod bdag gis len pa dam pa yin/ /theg pa chen
po'i gsung

rab mtha' yas yod mod kyang / /'di ru ma 'dus rdul tsam gang
yang yod ma

yin/ /de phyir rnal 'byor khyod kyi rdo rje'i glu blangs 'di/
/thos bsam bstan

nam sgom pa'am ni bshad kyang rung / /'jig rten lha dang bcas
pa'i skyabs gnas

dam pa ste/ /phyogs bcu'i rgyal ba rnams kyi thugs kyi nying khu
de/ /khyod kyi

blo la shar ba ngo mtshar shin tu che/ /shan tu dgyes pa rdo
rje'i glu tshig gi lan du

gsungs pa dang / byams pa'i rnal 'byor pa shin tu nyams dga'
zhing tha tshom gyi

mdud pa grol nas dpa' bo chen po rdo rje'i g.yul du zhugs so/
/kye ho/ yang

'di ltar nyin lan gsum mtshan lan gsum dus dang gnas skabs dran
pa dang /

brjed pa ma mchis par chos 'di blo la sbyangs shing khams so rdo
rje'i glu blangs pa

dang / lha dang klu dang gnod sbyin dang / dri za dang / lha ma
yin dang / nam

mkha' lding dang / mi'am ci dang / lto 'phye chen po dang / sha
za dang srin po

la sogs pa ma rang gi bu gcig pu la byams pa bzhin gus par dbang
du 'dus par

@124 'gyur ro/ /gzhan yang yul gyi rgyal po dang / blon po dang
/ btsun mo dang /

bram ze dang / khyim bdag dang / khye'u dang / bu mo dang /
dmangs rigs

la sogs pa thams cad dbang du 'dus te/ dga' bas rjes su 'brangs
shing

mthong ba dang / thos pa thams cad kyang byams pa'i rang bzhin
du gyur to/ /gzhan

yang rta/ glang po che/ ma he spre'u/ 'dab chags chu ru skyes/
ri'i sems

can gcan gzan gyi tshogs/ tha na grog sbur yan chad 'gro ba rigs
drug rang

la mi 'jigs shing bag phebs pa ltar rnal 'byor ba'i drung du
'khod par gyur to/ /

de ltar rnal 'byor ba'i thugs kyi dgongs pa la bdag gis byams
snying rje byang chub kyi

sems yid la byas/ tshig kha 'don du byas/ snyan pa rdo rje'i glu
blangs pa

la brten nas thugs rje chen po dang ldan pa'i bcom ldan 'das
byams pas zhal mngon

sum du bstan/ dgyes pa'i gsung byung nas the tshom gyi dra ba
thams cad bcad/ de

la brten nas kho bo'i bzod pa dang brtson 'grus la sogs pa zla
ba yar ngo bzhin du

'phel bar gyur/ de'i dbang gis 'di ltar 'gro ba rigs mi mthun pa
thams

cad kyang mas bu mthong ba bzhin du bdag la kun dga' bar gyur/
de dag gi

bzang lan du bcom ldan 'das byams pa la theg pa chen po'i mchod
pa phul bar

dgongs nas rdo rje'i glu blangs pa ni/ thog med dus nas nye bar
'brel ba yi/

pha mar gyur pa'i sems can ma lus pa/ /byang chub mchog la 'god
pa'i yi

dam bsam/ /chos 'dis byams pa mgon la mchod pa bgyi/ /de tshe
rang

don skad cig ma 'khris par/ /gzhan don 'ba' zhig snying la goms
par bya/ /

'di ni byang chub sgrub pa'i gtso bo yin/ /chos 'dis byams pa
mgon la mchod

pa bgyi/ /bde sdug btang snyoms tshor ba ci byung yang / /byang
chub sgrub pa'i

@125 grogs su dang du blangs/ /bskal pa du mar bsod nams ci sog
kyang / /nyan

thos bsdar ma'i chos su ma shor bar/ /chos 'dis byams pa mgon la
mchod

pa bgyi/ /de tsam zhig tu mi 'dod ci byung yang / /bzod pa'i go
cha cung zad

shor ma gyur/ /lhag par drin gyis bskyangs pa'i skye bo yis/
/log sgrub

byed kyang 'dzum pa'i bzhin gyis skyong/ /chos 'dis byams pa
mgon la mchod

pa bgyi/ /sdang ba'i skye bo'i phyogs nas sdig bsags kyang /
/ngan pa'i

bsam pa skad cig shor ma gyur/ /snang srid bdud dang lha 'dre
dgrar langs kyang /

rang 'dod 'khri ba'i sbsrung skyob byed ma myong / /chos 'dis
byams pa mgon la

mchod pa bgyi/ /nges par 'chi ba'i nad kyis btab gyur kyang /
/chos min dag

la yid brtan bca' ma myong / /ser sna goms pa'i 'byor ba chung
na yang / /log

pa'i chos la lto gos byed ma myong / /chos 'dis byams pa mgon la
mchod pa

bgyi/ /ngan pa'i grogs kyis kun nas bskor na yang / /gnyen po'i
rang

tshugs gang yang skyel ma myong / /mdor na 'gro 'am 'dug gam ci
byed kyang / /

ma brtags bya ba gang yang byed ma myong / /chos 'dis byams pa
mgon la mchod

pa bgyi/ /de ltar yin mod 'on kyang chos rnams la/ /bden par
rtogs pa

rdul tsam yod ma myong / /'di ni byang chub sgrub pa'i gtso bo
yin/ /chos 'dis

byams pa mgon la mchod pa bgyi/ /de ltar bsgrub pa'i mchod pa
dam pa 'dis//

rnal 'byor bdag gi bsam pa sbyang ba'i phyir/ /byams pa'i dpung
gis yon 'di

bzhes su gsol/ /bzhes nas blo 'di 'byongs par mdzad du gsol/
/zhes

pa'i mchod pa dang / bar snang la mchod pa'i lha mo lnga dang /
sgra dang 'od la

sogs pa yid du 'ong ba'i mchod pa gzhan yang dpag tu med pa'i
rnam par gyur to/ /

@126 de'i tshe theg pa chen po la blo sbyong pa'i skyes bu dam pa
rnams chos 'di ngo mtshar ba'i

gnas su rig nas/ 'di'i phyogs su dka' ba spyod pa dang / zhu
zhing nyams

su len pa yang da dung ma byung mod/ de'i nang nas gnas chen po
brgya rtsa brgyad dkyi

bdag po/ paNTi ta lnga bcu rtsa gnyis kyi gtsug gi nor bu/ chos
rgyal drug cu

rtsa gnyis kyi mnga' gsol ba'i dpa' bo/ 'dul ba 'dzin pa bsam
gyis mi khyab

pa'i mkhan po/ mdo sde 'dzin pa dpag tu med pa'i bshes gnyen/
mngon

pa 'dzin pa mtha' yas pa'i skur gnas/ rig pa 'dzin pa rgya
mtsho'i bla ma/

mdor na 'gran zla thams cad dang bral ba'i skyes bu dam pa 'gro
ba'i mgon pa a ti

sha la gnang nas thugs rje chen po des thugs nyams su bzhes te/
de yang rang

don yal bar dor nas gzhan gyi don/ /lhur mdzad de ni bdag gi bla
ma lags

zhes pa la sogs pa de ltar lags so/ /skyes bu dam pa des rgya
bod kyi sa cha la

skyes bu dam pa don du gnyer ba rnams la skog khrid du gdams
pa'/ /rgyud pa

ni byams pa/ byams pa'i rnal 'byor pa/ des jo bo rje la'o// //

! byams pa'i rnal 'byor pa la phyag 'tshal lo/ /'khor ba'i gnas

su dka' thub bzod/ /skye bo yongs de rang 'dod 'joms/ /mi 'dod
'jiT

pas mi rdzi ba/ /dpa' bo rnams la gus btud nas /bde gshegs lam

srol skyong ba'i phyer/ /rgyal po snying stobs chen po ltar/
/gzhan don 'ba'

zhig rab bsam nas/ /bdag gzhan nges par brje bar bya/ /de la
bdag rgyud

rengs pa ngas/ /bcud kyi bdag po dpa' bo la/ /bde gshegs gsung
rab

dpang bzhag nas/ /yus pa'i tshig gis gdams 'di zhu/ /e ma dpa'
bo

@127 snying rje can/ /bdag gis chags pa'i gnas rnams spangs/
/'jigs pa'i

lam la dka' ba spyad/ /phyogs las rgyal te drung 'dir sleb/ /da
ni nad kyis

mnar ba yis/ /log sgrub skye bo bzod pa'i phyir/ /mi gtsang
'khor ba'i

'dam rdzab tu/ /mi phod brdzi ba'i chos gcig zhu/ /rdo rje
snying pos lan gsungs

pa; ;dka' ba spyad nas 'ongs pa la/ /'jigs dang dub pa spangs
pa'i phyir/ /

blo sbyong sems dpa'i rim pa yod/ /kha phub snod de thos pas
bzlog /zhabs

rdol snod de bsam pas grub/ /sbags pa'i snod de bsgoms pas
khrus/ /snod

kyi skyon spangs bcud 'di longs/ /ka ye thog ma med dus nas/ /da
dung bdag

rgyud ma thul bas/ /gshis ngan bdud kyi khyang pa nas/ /nyon
mongs las kyi

pho nya 'khol/ /khyod kyis pha ma ma bsams pas/ /sems can thams
cad

sdug bsngal kyang / /da dung bag phebs bde gyur te/ /gnyen po'i
go cha mi

gon a/ /de ni gyod rdal chen po yin/ /phyin chad bzlog pa'i go
ba long / /

bdag rgyud 'gong po ma 'thul na/ /pha ma'i srog la brab bo a/
/rang gi

bde skyid 'joms nges a/ /'khor ba'i gting rdo mchi'o a/ /gshis

ngan rang mgo ma 'chings na/ /thams cad dgra bor langs gyur te/
/dug

mda' snying la zug pa'i tshe/ /nges par phung bar ma chi'o a/
/rang 'dod

khyi rkun ma phyung bar/ /gnyen po'i go cha dam gyur kyang /
/nang du phung khrol

byung ba'i tshe/ /sman chang dug tu 'char ro a/ /dug lnga'i srog
rtsa ma chod par/ /

le lo'i blo rgya bskyed gyur kyang / /tshe thung rlung gis khyer
ba'i tshe/ /snying nas

'gyod pa mchis so a/ /de ni bslab bya chen po yin/ /phyin chad
sems

la brtag zhig 'tshal/ /rnam rtog bdud kyi rgyal po yin/ /gshis
ngan las
@128 kyi gshin rje yin/ /rang 'dod dug gi sdong po yin/ /skyon
'di sems dang

le lo can/ /tshe 'di'i che thabs bslu brid yin/ /srung skyob mang
po mgo

skor yin/ /lha 'dre mang po brdzun brid yin/ /rnam rtog dgra ru
ma langs shing//

byas pa'i las la zin pa med/ /skyong ba'i 'khor la khrel gzhung
med /bsags

pa'i nor la snying po med/ /phung zhig gzhal gyis thob cig a/
/'chi bdag

rang gi snying la gnas/ /srog ni rang gis gcod par byed/ /dug
chu rang

gis 'thung bar byed/ /nges par bdud 'da soms shig a/ /'di ni
nyams

myong chen po yis/ /bdag gi nyes dmigs bshad pa yin/ /gtam 'di

'jigs par rab bsams nas/ /phyin chad go bar 'tshal lo a/ /nges
par

snying la bsam pa yi/ /bya byed mang po srog la gzan/ /gang
la'ang phan sems

ma mchis pas/ /ston chen mang po mi kha sdang/ /pho tshugs gnyen
po med

pa yis/ /grogs po ngan pa chos la gzan/ /'dod yon sdug kha ma
khengs

pa'i/ /chos pa'i gzugs brnyan rgyu la gzan/ /byas shes bka' drin
mi

bzo ba'i/ /khrel med de ni yongs la gzan/ /rang don yal bar ma
dor ba'i//

gzhan don tshig gis bslu'o a/ /