bla ma'i rnal 'byor bzhugs so// ! bla ma rnams la phyag 'tshal
lo/ /spyir yang theg pa che chung gi

chos thams cad nas bla ma gal che bas mtshan nyid dang bstan
tshul
mang du gsungs/

sdong po bkod pa las/ skya ba 'dzin pa med pa yis/ /gru 'di pha
rol phyin

mi nus/ /yon tan thams cad rab rdzogs kyang/ /bla ma med pas
srid mthar

min/ /zhes gsungs te/ 'jig rten pa'i yon tan rigs mtho ba la
sogs

pa rdzogs pa'am/ yang na sgrub pa po slob ma'i yon tan dad pa
dang / brtson

'grus la sogs pa rdzogs pa yod kyang rgyud byin gyis rlob pa'i
bla ma ma bsten par

rtogs pa mi skye te/ de ma skyes na 'khor ba las mi thar bas bla
ma dam pa bsten

dgos la/ de'i mtshan nyid kyang/ bla ma'i mtshan nyid brgyud par
ldan/ /rtogs

pa yod na tshad ldan yin/ /rdzogs pa'i sangs rgyas nas brgyud pa
bar ma chad par

byang chub kyi sems la nges pa brtan po yod pa jo bo'i bka'
brgyud lta bu la bsten

dgos/ de brten pa'i tshul yang gnyis las/ dang po don gyi sgo nas
bsten

pa bla ma'i gsung las ji ltar byung ba bzhin sgo gsum gyis
bsgrub pa yin/ gsang

ba brda'i sgo nas bsten pa ni/ rang gi snying kha'am spyi gtsug
tu bla ma bsgoms nas

mos gus byas gsol ba 'debs pa yin/ de la sbyor ba dngos gzhi
mjug gsum

las/ sbyor ba la gnyis las/ dang po sems bskyed pa/ byams snying
rje
@140 byang chub kyi sems bsgom/ gnyis pa stong ra bcas/ rang lus
snang la rang

bzhin med pa me long gi gzugs brnyan lta bur bsam/ snying 'od
kyi gong bu lta

bur bsam/ dngos gzhi ni/ spyi bor padma dang zla ba'i gdan gyi
steng du rang gang

mos kyi bla ma bsam/ de sngar mthong ma mthong gi bye brag gi
sku'i tshad ji tsam yin

pa la tsho na gang tsam du bsam/ zhal gyi dkyil 'khor dang sku'i
bzhugs tshul dang/

gsung gi nga ro dang / thugs kyi dgongs pa thams cad dran par
bya/ brgyud pa'i

bla ma sangs rgyas la thug pa man chad chos 'brel yod pa'i bla
ma thams cad dang /

yid dam dang / sangs rgyas dang byang chub sems dpa' thams cad
kyang bla ma de

dang ngo bo tha mi dad par mos pa bya/ mchod pa ci 'byor dbul/
de nas thal

mo sbyar la/ bla ma'i sku gsung thugs la skyabs 'gro ci nus bya/
de'i don

yang skyon thams cad dang bral ba/ yon tan thams cad yongs su
rdzogs pa/ don

dam par rang bzhin med pa nam mkha' lta bu yin yang bdag cag
sems can thams

cad kyi don du snang ba yin snyam du bsam/ de nas bla ma dge
ba'i bshes gnyen rin

po che/ bla ma brgyud pa rnams kyi rgyud la ji ltar 'khrungs pa/
sangs rgyas dang

byang chub sems dpa' rnams kyi rgyud la ji ltar mnga' ba/ nges
don gyi mdo sde

rnams kyi brjod bya'i don gyi mthil byang chub kyi sems rnam pa
gnyis bdag gi rgyud la

da lta nyid du skye bar byin gyis brlab tu gsol/ 'byor ba/ rgud
pa/ mtho ba

dma' ba/ bde ba/ sdug pa/ na ba/ 'chi ba/ 'pho ba/ skye ba'i dus

thams cad du byang chub kyi sems mngon du gyur par byin gyis
brlab tu gsol/ /rkyen

dang bar chad thams cad chos 'di'i grogs su 'khyer shes par byin
gyis brlab tu

gsol/ zhes lan gsum gsol ba btab/ de nas mnyam bzhag gi phyag

@141 rgya bcas la tshangs phug kha phye bar bsam/ de'i nang na
mar bla ma'i sku 'od kyi

rnam pa skar mda' 'pho ba'i tshul du byon nas snying du zhugs par
bsam/ bla ma

sangs rgyas dngos rang 'di yin snyam pa'i dad gus skyes tshad
gcig bsgom/ de

nas khong glod la bla ma'i sku gsung thugs rang gi lus ngag yid
gsum la thim pas/

rang gi lus ngag yid gsum 'od gsal nam mkha' lta bu'i ngang du
gyur par

bsams la gnas tshad du bzhag /gsum pa rjes ni/ de la mi gnas na
rang

gi lus dang snying ga'i bla ma sngar bzhin bsam/ yang na spyi
po'am/ rang bzhin

gyi gnas su gshegs par bsam/ dus gsum gyi dge ba thams cad bla
ma'i

thugs dgongs rdzogs pa dang / chos 'di skye ba'i ched du bsngo
ba dang / smon lam

btab de ltar nyams su blangs pa la brten nas phan yon bsam gyis
mi khyab kyang/

mdor bsdus na thun mong dang thun mong ma yin pa'i phan yon
gnyis 'byung/ mi dang

mi ma yin pa'i 'tsho ba thams cad kyis mi tshugs/ 'jig rten dang
'jig rten las

'das pa'i phun sum tshogs pa thob/ gdams ngag dang rjes su bstan
pa thams

cad 'byung/ dmigs pa gnyis kyi bye brag gis 'od gsal la 'pho ba
yin pas/

'chi kha ma'i gdams ngag 'di nyid yin/ 'di la 'bungs na rang
gang 'dod

kyi rtogs pa 'char nus gsungs/ ting nge 'dzin gyi rtog pa gzhan
mi dgos gsungs/

rin po che spyil bu ba'i zhal nas/ nga'i snying phyung nas bstan
kyang sha dmar lhog lhag

pa kham gcig las mi gda' nyams len gyi mthil phyung ba 'di yin
gsungs/

bla ma'i rnal 'byor bla ma'i gsung las yi ger bkod pa'o/ /chos
'di'i brgyud

pa ni/ sangs rgyas bcom ldan 'das kyis 'phags pa byams pa la/
des thoT

med la/ des dbyig gnyen la/ ku sa li che ba/ ku sa li chung ba/
gser gling pa/

@142 jo bo rje lha gcig dge bshes ston pa/ po to ba/ shar ba/
'chad ka ba/

spyil bu ba/ slob dpon lha/ lha gdeng ba/ dpon/ d+harma sid+ha/
rgya ston

byang chub rgyal mtshan/ mkhan po gzhon nu byang chub/ rin chen
'byung gnas dpal

bzang po/ des budd+ha ratna/ des kIrta sha la la/ des dza ya b+ha
dra/ des

puNye ratna la'o// // sarba he 'dzum/ //

dd]