@111 blo sbyong rma bya dug 'joms zhes bya ba bzhugs so/ /

@#/ /btsan dug nags su rma bya rgyu ba zhes bya ba/ rje btsun gshin

rje'i gshed la phyag 'tshal lo/ /rgyal bu thams cad sgrol du gyur pa na/ /bu

dang bu mo rgyal srid sbyin pa ltar/ /shin tu 'phreng ba'i nor dang 'khor la 

sogs//

'phangs pa med par yongs su btang bar bya/ /rgyal bu snying stobs chen por

gyur pa na/ /stag mo rang gi sha yis gsos pa ltar/ /shin tu gces pa'i

sgyu lus phung po 'di/ /sha za'i tshogs la dga' bar sbyin par bya/ /rgyal po

byams pa'i stobs su gyur pa na/ /gnod sbyin rang gi khrag gis gsos pa ltar//

bcad par dka' ba'i snying khrag dron mo 'di/ /khrag 'thung dag la brtse bas 

sbyin par bya/ /tshong dpon khye'u chu 'bebs gyur pa na/ /bde gshegs mtshan

brjod nya rnams drangs pa ltar/ /chos kyis phongs pa'i skye bo thams cad la/ 

dam pa'i chos kyi sbyin pa btang bar bya/ /rgyal bu dge ston chen por gyur pa 

na/ /sdig ston log sgrub thugs rjes bzod pa ltar/ /'khor gyi log sgrub gshis ngan

'khrugs pa la/ /snying rje chen pos lhag par brtse bar bya/ /byang chub sems 

dpa' spre 'ur gyur pa na/ /sdig can khron pa'i gnas nas drangs pa ltar/ /ngan pa 

dag la phan btags mi shod kyang / /bzang lan mi 'dod thugs rjes drangs par 

bya//

kye hud pha mar ma gyur su yang med/ 'khor ba'i gnas na bde ba skad cig med/ /

@112 ngan pa'i tshogs la ngan lan bong rwa 'dra/ /da ni thub chen

dpa' bo'i rnam thar 'di/ /gus pas blangs nas gnyen po mi bskyed na/ 

/dpa' bo 'jug pa'i

lag len yong mi srid/ /de phyir srog la bsdos la dka' spyad

ston/ /bde bar gshegs pa 'das tshul bstan rjes su/ /de yi rjes su slob 

par 'dod pa rnams//

'di 'dra'i lag len rgyud la ma brten na/ /skye bo rnams kyi bde skyid zad dgos

yod/ /de phyir dpa' bo rnams kyi skyid chos 'di/ /ci la thug kyang dka'

spyad srog la gtong/ /'di ni dpa' bo 'jug pa'i lag len te/ /le'u dang

po dug gi bcud len yin// //

! btsan dug nags su rma bya rgyu ba zhes bya ba/ /rje

btsun gshin rje'i gshed la phyag 'tshal lo/ /chos 'di gsan dang dpa' bo

don gnyer kun/ /'khor ba'i nags na rma bya mdzes pa dang / /nyon mongs

dug lnga ljon pa'i shing drung du/ /dug gis smin pa'i sman la dgar mi tshor/ /'dod

chags las kyi dug chu 'khol ma la/ /'dod chags lta bur gzhan dang ma bstun

na; ;'dod chags can gyis log sgrub byas dogs yod/ /'dod chags

lta bu'i dug 'di gzhom par bya/ /zhe sdang dug gi me tog 'bar ba la/ /gshin

rje'i gshed ltar khro tshul ma bstan na/ /zhe sdang can gyis bar chad byas dogs
yod/ /

zhe sdang lta bu'i dgra bgegs bsgral bar bya/ /gti mug dug gi 'dam rdzab sbyar

ba la/ /mi ro lta bur bzod sran ma bskyed na/ /gshis ngan rnams gyis sdig

pa bsags dogs yod/ /gti mug lta bur mnyam nyid bsgom par bya/ /phrag

dog dug gi ljon shing rgyas pa la/ /nga khyod lta bur phyi nang ma phye na/ /mu
stegs

@113 sogs kyis bstan pa bshig nyen yod/ /de phyir phrag dog lta bur dam chos
skyongs//

nga rgyal dug gi ljon shing 'bar ba la/ /nga rgyal lta bur khro tshul ma bzung
na/ /

bdud kyi tshogs kyis mgo skor byed nyen yod/ /de phyir thub bstan bzung la phas

rgol gzhom/ /de ltar dug gi dpung tshogs ma lus pa/ /bden med snang stong

sgu ma lta bu'i nyams/ /nga bdag 'ching ba gcig tu tshur sdom la/ /rma bya lta

bur zas su za bar bya/ /gzhan gyi blo la sna tshogs kun ston kyang / /phugs

su gnyen po'i btsan tshugs ma shor bar/ /dge sdig dag gi blang dor srog la

bsdos/ /sdug bsngal gyur kyang byang chub dang du blangs/ /'di ltar shes

bya kun la mkhas na yang/ /rang gi bde skyid khyad du ma bsad na/ /rnyed pa'i

dbang gis chags sdang zhugs nyen yod/ /de phyir rang 'dod khyi rkun bzhin du
brdung//

mkhas pa rnams kyi drung du bsten gyur zhing / /gzhung lugs rnams la blo gros

ma sbyangs na/ /mkhas pa rnams la sgro skur byas dogs yod/ /de phyir shes

bya kun la goms par bya/ /nyin dang mtshan du sdug bsngal gyur na yang / /'khor

ba spyi yi nyes dmigs ma bsams na/ /da dung sdug bsngal rgyu la 'jug dogs

yod/ /de phyir las kyi nyes dmigs snying la gzer/ /de ltar yin mod mi

'dod sdug bsngal rnams/ /bdag 'dzin 'joms pa'i gnyen por bsten par bya//

bdud dmag bye ba dung phyur dgrar langs kyang / /nga'o snyam pa'i 'jigs skrag

spang bar bya/ /gzhan don byas pas ngan 'gror shor srid kyang / /'gyod pa

med pas nyams dga' bsten par bya/ /dbugs len gshed mas lus la brab

gyur kyang / /bdag la phan pa'i rim gro bsten mi bya/ /sems can yongs kyi

las ngan 'khur dgos kyang / /khur 'os 'khur bas sdug yus chung bar bya/

@114 'go ba'i nad kyis lus la btab gyur kyang / /rang gi nongs pas log pa'i thabs

mi bya/ /'di ltar mi 'dad thog tu ma babs na/ /'dod pa'i thog tu nam

yang 'jug mi srid/ /mkhas pas spyad na mi 'dod ma lus pa/ /'dod dgu'i

'byung gnas yin pas dang du blangs/ /'di ltar log sgrub dang du len pa yis//

sems dpa' rnams kyi go cha ma gyon na/ /'khor ba pa la bde ba yong mi srid//

de phyir mi 'dod dang du blangs par bya/ /'di ni thub pa chen po'i rnam thar las//

dam pa rnams kyis bslab par bya ba'i chos/ /dpa' bo rnams kyi 'jig par bya ba

ste; ;le'u gnyis pa dug gi bcud len yin// //

! btsan dug nags su rma bya rgyu ba zhes bya ba/ /rje btsun gshin

rje'i gshed la phyag 'tshal lo/ /blo ldan gang gis nyin mtshan dus drug tu/ /'khor

ba spyi dang dgos kyi skyon rnams la/ /brtags shing dpyad pas shin tu skrag
gyur

nas/ /so sor thar pa'i sdom pa blangs te bsrung / /rang nyid thar pa'i sdom

pa ston pa na/ /'gro ba 'di dag pha dang mar bcad de/ /de dag dan du smon

'jug sdom pa blangs/ /byams brtse'i sems kyis smon 'jug bsten pa na/ /

rang nyid 'khor ba'i nags su sdug bsngal kyang / /cir yang mi sems sdug bsngal

gzhan don du/ /srog dang bsngos nas dka' spyad bsten par bya/ /de tshe ma

rungs skye bo mtha' yas dang / /log sgrub mtha' las 'das pa myong ba na/ /

rmi lam sgyu ma lta bur srog dang bral/ /rang bzhin brtags la chos kyi dbyings
su

bsam/ /de ltar bden med snang med mngon gyur tshe/ /lhag par spobs pa

bskyed de 'jigs skrag la/ /ci yang mi sems gang du'ang mi rtogs par/ /

@115 gzhan don 'ba' zhig lhun gyis grub par byed/ /'di 'dra'i
nyams len khur du

'khur ba na/ /nag po'i phyogs kyis ches cher ma bzod nas/ /bar
du

gcod pa'i sprin phung 'khrigs pa na/ /rnam dag mkha' la sngags
kyi rlung gis

gtor/ /drag po'i sngags kyi hUM sgra sgrogs pa na/ /khro bo
drag po'i nga rgyal

skyed srid pas/ /phung po sgyu ma'i grong khyer lta bu la/ /sgra
ni sprul pa'i glu dbyangs

lta bur shes/ /gang yang rang sems sna tshogs sprul pa las/ /ngos
bzung

med de sprul pa'i yid shes bzhin/ /ye nas yod ma myong bas rang
sar slod/ /

chos kyi dbyings gzigs bden par grol bar bya/ /gang yang ci ltar
dgra dang 'drer

langs kyang/ /gang du'ang mi sems spyir yang mi ldog par/ /rang
gzhan

chags sdang rtogs pa'i thog tu rdzi/ /dran snang khro bo gshin
rje gshed du blta/ /

de tshe pha ma 'gro ba ma lus pa/ /yin nges snyam du the tshom med
par bsdu/ /nye

ring med par thugs rje'i dkyil du sba/ /phyogs ris med par bden
pa gnyis

kyis bskyangs/ /'di ltar goms na thub pa'i rnam thar yin/ /'di
ltar

bgyis na dkon mchog 'dzum pa 'chor/ /'di 'dra'i mi la chos
skyong ngang gis

'khor/ /mkhyen par mdzod cig thub pa'i sras po rnams/ /bdag gis
khrel

med chos la tho les gdab/ /bag med chos la bsams te skyug bro
blta/ /'di

yang dpa' bo 'jug pa'i lag len te/ /le'u gsum pa dug gi bcud len

yin// //

! btsan dug nags su rma bya rgyu ba zhes bya ba/ /rje btsun gshin

je'i gshed la phyag 'tshal lo/ /nye bar 'khor ltar btsun pa'i mthar thug cing // 

@116 rta thul bzhin du bag yod mdzes gyur kyang / /byang chub lam la pha ma 

mi 'dren na/ /

rang bde'i thar pa rtogs pas rdzi rgyu yin/ /rig pa'i gnas la mkhas pa'i mthu

thob cing / /snyan pa'i grags pas blun po kun dga' yang / /bstan pa'i khur

chen spyi bos mi len na/ /smyon pa'i bro rdung bzhin du dor bya zhing / /bla ma 

lta bur kun gyis 'khur na yang / /bstan pa spyi yi khur chen mi 'khur zhing / 

/rang gi 'dod pa dang du len byed na/ /'phags pa rnams kyi tho les btab bya yin/ /

bzang po lta bur kun gyis rlom na yang / /log lta'i nags su bdag lta 'khrugs

pa yis/ /stag mo bu zan bzhin du 'jigs pa ste/ /bka' sdod bsrung ma

rnams kyis bsgral bya yin/ /ngur smrig gos can zhi dul mdzes gyur kyang / /byi

la bzhin du bsam pa ma rungs pa'i/ /dam pa'i gzugs can gso ru med pa 'di/ /

ma mo rnams kyi kha ru gdab bya yin/ /khri khrag dgu'i gtso bor 'dug gyur

kyang / /khub 'jug bzhin du rang rgyud ma thul ba'i/ /chags sdang 'od zer

phyogs bcur 'phro ba 'di/ /gshin rje gshed kyi zhal du gdab bya yin/ /'dzum

zhing des pas thams cad skyong na yang / /bdag gi rjes slob zag pa 'phel byed
pa//

mi dad can gyi gtso bor grags pa de/ /gnas lugs sdom pa'i tshang du spang bya

yin /khyim nas byung zhing bstan pa'i sgor zhugs kyang / /khyim pa bzhin du

bya ba mtha' yas shing / /blang dor thams cad khyad du gsod pa de/ /drang
srong

rnams kyis dmod pa'i bsgrub bya yin/ /ngur smrig gyon nas tshul khrims mi bsrung
zhing //

'dod pa'i las la snang ba 'byams gyur nas/ dam pa rnams la sgro skur 'debs

pa de/ /mkha' 'gro rnams kyis pha rol bsgral bya yin/ /rnyed pa'i ched du dam

pa'i gzugs bzung nas/ /khyi phag bzhin du 'dod yon spyod byed cing/ /sngags

@117 su khas blangs thams cad bslu ba de/ /rdo rje 'dzin pas thab tu gzhug bya
yin/ /

theg chen skad du las 'bras khyad gsod cing / /stong pa'i rbad kyis 'khor tshogs

bslu ba yis/ /'gong po bzhin du sku ru rdzu ba de/ /dam tshig can gyi sngags

kyis bsgral bya yin/ /bstan pa spyi la yong ye mi phan pas/ /sngags dang man

ngag zab mor rlom pa dang / /rtog pas sbyar ba'i tshigs bcad ngan pa rnams/ /

dam pa rnams kyis dmangs su dbab bya yin/ /nges par bstan pa spyi la gnod

byed na/ /re zhig gang gis gang la phan gyur kyang / /tshad nad can la 'bras

chang blud pa ltar/ /phan bya ngan pa chu la skur bya yin/ /thos pa chung ngu'i
grub

thob ngan pa dag /thun mong mthong bas mchog tu nga rgyal te/ /lam rim med

pas blun po 'khrid pa rnams/ /mkhas pa rnams kyis khyi dma' dbab bya yin//

sangs rgyas bstan la dgra bo langs pa na/ /so so'i thar la bzang por rlom

gyur nas/ /legs par bshad pa'i 'bul chog mi byed par/ /bstan pa 'jig

la dam pa mtshar re che/ /'di ltar so sor thar pa phar zhog gis/ /rang nyid

ngan 'gro chen por 'gro dgos pas/ /bstan pa bshig pa'i dgra bgegs mi

sgrol re/ dam nyams dgra bgegs pha rol bsgral bya yin/ /nyon mongs las

kyis bdas pa'i gti mug can/ /bstan dang sems can sbyi la mi sems par/ /

rang la gnod pa byas pa'i dgra bo la/ /khros nas sngags kyis pha rol sgrol ba
de/ /

tshul khrims 'chal lam ma 'chal mtshar re che/ /gang yang rgyal ba rnams kyis

khrel ba yi/ /rang don las ni rnam pa kun mi bsten/ /phyogs bcu'i rgyal ba

rnams kyis bsngags gyur na/ /ji ltar gyur la de ltar sgrub par rigs/ /mkhyen

par mdzod cig blo dang ldan pa rnams/ /lag len thams cad thog mtha' dag nas

@118 bya; ;chos dang 'gal ba srog dang bsdos la spang/ /spyi la mi gnod rang la

ci phan bya/ /blun pos rim gyis mthong bar ma gyur kyang / /khas pa rnams

la lhang nge so sor gsal/ /'di yang dpa' po 'jug par bya ba ste/ /le'u

bzhi pa dug gi bcud len yin/ /

! btsan dug nags su rma bya rgyu ba zhes bya ba/ rje btsun gshin

rje'i gshed la phyag 'tshal lo/ /gang la bsam pa ngan zhing sdang zhugs pa'i/ /nag

po'i phyogs rnams ma lus drung 'dir shog /sha za khrag 'thung bye ba dung
phyur

rnams/ /lus can bdag gi drung du de ring shag /lha dang klu dang gnod sbyin

tshogs rnams dang / dri za lha ma yin dang lto phye'i tshogs/ /mkha' la rgyu ba'i

yi dwags mtha' yas dang / lan chags 'byung po'i tshogs rnams drung 'dir

shog /lhan cig skyes pa'i lha dang drang srong dang / /bgegs dang log 'dren

gdon chen bca brgyad dang / /ma mo rnams dang las mgon thams cad dang /

skyabs gsum 'phags pa'i tshogs rnams gnas 'dir 'khod/ /de ltar ma tshang

med par 'khor 'das rnams/ /dpang po nyid du drung 'dir 'khod pa la/

the tshom med par bdag gis dam bcas pa'i/ /rlabs po che yi gtam 'di

bshad kyis nyon/ /sngon chad rgyu rkyen skal ba bzang po yis/ /deng sang 'byor

pa bcu ldan lus 'di thob/ /ya mtshan skyes pas nyin mtshan rangs gyur nas/ /

da ni phan bde'i dpal la cis mi spyod/ /smon lam dag pas khyim nas rab tu byon/ /

rang 'dod spangs nas smon 'jug gos su gyon/ /sems mchog rnyed nas gzhan

don khur du 'khur/ /lam la zhugs nas bde mchog zas su bzas/ /yang

@119 'di gsan dang thams cad 'dus pa'i tshogs/ /nag po'i phyogs kyi gdug

rtsub 'di 'dra zhig /skal med rnams kyi bsod nams 'di 'dra bas/ /kho bo

bde ba can du smon ma gyur/ /tshogs ma bsags pa'i 'byung po mtha' yas shing / /

ngan song rnams gyi sdug bsngal do drag pas/ /sdig spyod rnams kyi spyod pa 'di
'dra

na; ;zhi bde'i gnas su kho bo dgar ma tshor/ /byis pa rnams kyi gnyen po

bsgyur sla zhing / /bdud sde rnams kyi bsam sbyor 'di 'dra na/ /mi rtag tshe la

sdod pa'i skabs med pas/ /dben pa'i gnas su 'dug la dgar ma tshor/ /bstan

pa 'di la sdang ba'i dgra mang zhing / /btsan sar phyin pa'i grub thob 'di 'dra la/

snyigs ma'i dus 'dir snang tshul lugs ngan pas/ /kho bo mkha' spyod gnas

su dgar ma tshor/ /da ni 'jig rten khams rnams thams cad kyi/ /mthu

chen thams cad bdag gi dgrar langs kyang / /kho bo ba spu tsam yang mi g.yo
bar/ /

'khor ba'i gnas 'dir go cha bgo bar bya/ /gang na 'ga ba'i nad kyis thebs

gyur te/ /rims nad chen pos 'jig rten g.yos pa na/ /sman pa nyid dam

nad pa'i g.yog dag tu/ /drag po'i go cha chen po bgo bar bya/ /ma nus

sems can dren gyis skyabs pa'i tshe/ /log sgrub chen pos sdug sun phyung ba na/

lhag par de la phan zhing brtse ba yi/ /dpa' bo rnams kyis go cha bgo bar bya/
/gang

na stag mo mi zan 'jigs pa rnams/ /mi yi srog la 'jab cing rgyug pa na/ /

sems can don du the tshom mi za bar/ /phyogs der bgrod pa'i go cha bgo bar bya/ /

'jig rten dag na shin tu mi 'dod pa'i/ /ltas ngan sna tshogs dmag tu 'thibs

pa rnams/ /dgra dag gshis ngan rang nyid gzhom pa'i phyir/ /gyang du

len pa'i gcha bgo bar bya/ /'jig rten dag na shin tu mi mkho ba'i/ /las

@120 dang nyon mongs sgyu ma 'khrugs pa rnams/ /bdag tu 'dzin pa'i srog dang
bral ba'i

phyir/ /dang du len pa'i go cha bgo bar bya/ /phaT ya ho yi 'chi bdag mA ra

ya; ;skyid 'dod 'gong po'i srog la dza la raM/ /snyom las lo lo'i mgo la

chems se chems/ /'khor ba'i 'brel thag rbad rbad chod lar mdzod/ /bdag

cag 'khor ba 'di ru sdug bsngal bas/ /'da yi lan rtsa rdo ru gtugs pa na/ /

rnam rtog snying gi gzhal yas ya gi na/ /nga'o zhes pa'i rgyal po zhugs pa
mthong / /

de la le lan bdas shing 'thab pa na/ /ci zer nga ni thog med dus nas zhugs/ /

phyi nang bar gsum yongs su bdag gis khyab/ /bden brdzun tshogs drug gtso bo

yongs la dris/ /bdag nyid bdag gi dgra yis su la 'thab/ /bdag nyid mgon

yin thams cad su la skyobs/ /bya dang mi bya yongs la dpang po rang / /rang

gis rang nyid thul na grol bar 'gyur/ /gzhan gyis gzhan zhig 'dul na 'thab

rtsod 'gyur/ /'thab cing rtsod pa'i drung na sdig can mtshang/ /nges te chags

sdang can la grol skabs med/ /des na rtogs pa med pa'i rnal 'byor de/ /a la

la de skad bya ba ci la zer/ /yod par 'dzin pa'i srog la mA ra ya/ /med par

'dzin pa'i srog la dza la ra/ /bdag 'dzin rgyal pos lan na gtso bo choms/

gtso bo yid kyi rnam shes ma thul na/ /bdag 'dzin rgyal pos 'gab la 'khrid nyen

yod/ /gtso bo yid kyi rnam shes thul ba na/ /mig sogs gtso bo gzhan

yang brlag par 'gyur/ /des na yid kyi rnam shes 'di thul dang / /gzugs

sgra dri ro la sogs yod ma mchis/ /bdag dang bdag gir 'dzin pa yod mi

'gyur/ /rnam rtog rgyal po rkyen dang bral bar mchis/ /de ltar rgyal po

de la smras pa na/ /rnam rtog rang grol chos kyi dbyings su go /tshogs drug mi

@121 bden sgyu ma'i glang po 'dra/ /gzung 'dzin mi bden sprul pa'i 'phrin las
'dra//

de la sogs pa'i rnam rtog drung nas phyung / /gzung 'dzin med pa bdag lta'i

dbyings su bsgyur/ /nga khyod med pas chags sdang gnyug mar zhog /ri bong

rwa ltar rno rtul mi mnga' ba'i/ /dbang po rab 'bring 'chi ba'i srog dang phrol/ /

mo gsham bu ltar spyang gleng mi mnga' ba'i/ /'khor 'das thams cad mnyam

nyid gcig tu dril/ /rus sbal spu ltar ring thung mi mnga' ba'i/ /skye 'jig

thams cad dbu ma chen por slong / /brag cha lta bur ye nas stong pa yi/ /tha

snyad chos rnams dam pa gcig tu dril/ /a a skye med nam mkha' lta bu'i

ngang / /i i 'jigs med spros pa bral ba'i sku/ /oM oM sna tshogs rnam

dag chos skur ngo 'phrod nas/ /ka ru N-i ka'i thugs rjes 'dzin par shog /'di

ltar btsan dug nags su rma bya rgyu ba zhes bya ba/ shes bya rab 'byams la blo

gros kyi mig byang nas las rgyu 'bras la bslu ba med pa'i mthu stobs cing /

lta ba gnyis su med pa'i don la the tshom med par gyur pa/ ri nag po'i khong

na gnas pa'i rnal 'byor ba d+harma rak+Shi ta zhes bya ba bdag gis sems can la

dmigs pa med pa'i snying rje chen pos kun nas blangs nas sbyar ba dge legs su

gyur cig / //

sarba shu b+haM//  //