theg pa chen po'i lugs kyi 'khon sbyong lags so//

! byang chub sems dpa' rnams la phyag 'tshal lo/ /mi dang

mi ma yin pa'i sems can gyi bye brag gang yang rung ba dang /
sha 'khon du gyur nas

@144 de la byang chub kyi sems sbyong snying mi 'dod na byang
chub kyi sems su mi 'gyur bas

'khon sbyangs pa'i man ngag ni/ rang stan bde ba la spyod lam
gang bder 'dug

ste; byams snying rje drag pos bskul la/ rang gi snying khong
stong du sha 'khon

can de yod par bsams la/ de'i pang na rang gi yi dam gyi lus
rang kho na 'dra

ba gcig dang / snying dang / kha dang / dpral pa/ lag pa 'khyud
par

bsams la/ rang gi spyi bor a las zla ba'i dkyil 'khor gyi steng
du rdo rje sems

dpa' sku mdog dkar po zhal gcig phyag gnyis pa/ g.yas rdo rje
thugs kar

'dzin pa/ g.yon pa dral bu dkur bsten pa/ rgyan thams cad kyis
brgyan pa/

sems dpa'i skyil krung gis bzhugs pa'i zhabs kyi mthe bong bdag
gi tshangs bug na

reg par bsam/ de'i thugs kar a las zla ba'i dkyil 'khor gyi
steng du rdo rje

dkar po hUM gis mtshan pa gcig bsams la/ yi ge brgya pa bzlas
pas sangs

rgyas dang byang chub sems dpa' thams cad kyi thugs rdo rje sems
dpa'/ de'i

thugs byang chub kyi sems byams snying rje'i ngo bo ste/ rnam pa
bdud rtsi'i rnam pa

'o ma lta bu rdo rje dang hUM las babs nas zhabs kyi mthe bong
nas 'dzag /bdag gi

tshangs bug nas zhugs nas snying kha'i gzugs la thim pas/ tshe
thog ma med pa

nas kyi sha 'khon dang / gdon dang gnod sems dang / 'gran sems
phrag dog

thams cad dag nas pha ma spun zla lta bur skyes par bsam 'jog
tsa na rdo rje

sems dpa' spyi bo na mar thim pas/ rang gzhan thams cad nam
mkha' lta

bu mnyam pa nyid du bsgom mo/ /theg pa chen po'i blo sbyong gi
man ngag dam

pa'o// //