skyid sdug lam 'khyer gyi blo sbyong bzhugs/

! bla ma rnams la phyag 'tshal lo/ /skyid sdug lam khyer gyi man

ngag 'di byang chub tu sems bskyed la/ skyid par byung na skyid
mkhan de lus dang

sems gang yin ngos yer gyis bzung/ lus bem po ro dang 'dras ste/
skyid

mkhan du ma grub/ sems ston pa nam mkha' dang 'dra ste/ kho nyid
kho rang

gis stong pas skyid por ma grub/ des na skyid pa por 'dzin pa de
nyid kho rang gis

stong pas/ stong pa la stong par shes par byas la stong pa'i
ngang la sing nge yer re

lhod de shig ge sdod tshad mnyam par bzhag /de ni ma bcos dri med
chos sku thob

pa'i thabs yin no/ /de'i ngang la skyid par snang ba de nyid kyi
ngo bor yer gyis

bsgom/ sems yengs rung ma yengs rung yi dam lha dang 'bral med
du rgyas

gdab/ de ni dag pa'i gdul bya 'dul byed longs sku thob pa'i
thabs yin no/ /

de'i nga rgyal dang ma bral bas skyid par snang ba de nyed sems
can gyi don du bsngo ste/

skyid na dge ba tshogs su bsngo/ /phan bdes nam mkha' gang bar
shog /ces

lan gsum brjod/ de ni ma dag pa'i gdul bya 'dul byed sprul sku
thob pa'i thabs

yin no/ /sdug mkhan des lus dang sems gang yin ngos yer gyis
bzung/

lus bem po ro dang 'dra ste/ sdug mkhan du ma grub/ sems stong
pa nam

mkha' dang 'dra ste/ kho nyid kho rang gis ston pas sdug pa por
ma grub pas/

de nas sdug par 'dzin pa de nyid kho rang gis stong par byas la
stong pa'i ngang

@150 las sing nge yer re lhod de shig ge sdod tshad du mnyam par
bzhag /ma bcos dri med

chos sku thob pa'i thabs yin no/ /de'i ngang la sdug par 'dzin
pa de nyid rang gi

yi dam gang yin pa de'i ngo bor yer gyis bsgom/ sems yengs rung
ma yengs

rung yi dam lha dang 'bral med du rgyas gdab/ de ni dag pa'i
gdul bya 'dul

byed longs sku thob pa'i thabs yin no/ /da' nga rgyal dang ma
bral bas sdug par

snang ba de nyid sems can gyi don du bsngo ste/ sdug na kun gyi
sdug bsngal blangs/

sdug bsngal rgya mtsho skem par shog /ces lan gsum brjod/ de ni
ma dag

pa'i gdul bya 'dul byed sprul sku thob pa'i thabs yin no/ skyid
sdug lam khyer

gyi man ngag go/ /'di'i brgyud pa ni/ paN chen shAkya shri/
khro phu lo tsA ba/

mkhan chen lho brag pa/ mkhan chen bde ba byams chen pa/ rin
chen grags

pa bshes gnyen/ chos rje bsod nams rin chen/ gzhon nu rgyal
mchog go/ /