@454 zhen pa bzhi bral gyi khrid yig bzhugs so//

bla ma dang mgon po 'jam pa'i dbyangs la gus pas phyag 'tshal lo/
/sems

can thams cad kyi don du rdzogs pa'i sangs rgyas kyi go 'phang
thob par bya/ de'i

ched du dam pa'i chos nyan la de'i don du nyams su blang snyam
pas byang chub tu sems

bskyed pa dang / chos nyan pa'i kun spyod rnams gsal btab nas
gsan par zhu/

'dir dus gsum gyi de bzhin gshegs pa thams cad kyi bgrod pa gcig
pa'i lam/

sangs rgyas kyi gsung rab zab mo mdo sde thams cad kya nyams
len
gyi gnad phyogs

gcig tu bsdus pa zhen pa bzhi bral gya man ngag nyams su len pa
la/ yid ches

shing khungs btsun par byed pa la bla ma brgyud pa'i lo rgyus
dang / man ngag dngos

gnyis/ dang po ni/ rnal 'byor gyi dbang phyug rje btsun sa skya
pa chen po dgung

lo bcu gnyis bzhes pa'i dus/ snying rje chen po ba ri lo tsa ba
bla mar brten te chos

gsan pas/ bla ma'i gsung gis/ khyed pha jo sras kyi bu yin pas
slob gnyer

byed dgos shing / de la shes rab dgos pas rje btsun 'jam pa'i
dbyangs kyi bsgrub

pa bgyis shig gsungs nas 'jam dbyangs a ra pa tsa na'i rjes
gnang dang lung gnang/

bla mas kyang sgrub pa'i grogs mdzad nas bla brang snying par
bsgrub pa mdzad pas bar

chad kyi cho 'phrul cung zad byung ba la mi g.yo ba sngon po'i
bsgom bzlas dang chu bsrung

gi sgo nas bzlog par mdzad cing / zla ba drug bsgrub pas dus re
zhig na 'phags

pa 'jam rin po che'a khri'a steng na bzang po'i 'dug stangs kyis
bzhugs pa/

'khor byang chub sems dpa' gnyis dang bcas pa zhal gzigs/ de'
tshe 'phags

pa 'jam dpal gyi zhal nas/ tshe 'di la zhen na chos pa min/ khams
gsum

@455 la zhen na nges 'byung min/ bdag don la zhen na byang sems
min/ 'dzin pa

byung na lta ba min/ zhes pa'i tshig bzhi po 'di gsungs/ de'i don
la thugs

bsam mdzad pas/ sangs rgyas kyi gsung mdo sde thams cad kyi
nyams len gyi

gnad 'dir bsdus shing zab par dgongs nas thugs nyams su bzhes/
des

slob dpon rin po che la gnang/ /des rje btsun rin po che la/ des
chos kyi rje

dpal ldan sa skya paNTa ta chen po la/ des 'gro mgon chos rgyal
'phags pa la/

des zhang dkon mchog dpal la/ des chos rje brag phug pa la/ des
chos rje bsod

nams rgyal mtshan dpal bzang po la/ des bla ma dam pa dpal ldan
tshul khrims la/

des chos kyi rje ye shes rgyal mtshan dpal bzang po la/ des bdag
cag gi dpal

ldan bla ma dam pa kun dga' bzang po la gnang ngo/ /gnyis pa man
ngag dngos

la sngon 'gro/ dngos gzhi/ rjes gsum gyi dang po la gnyis las/
/skyabs

'gro ni/ theg chen gyi skyabs 'gro khyad par bzhi ldan te/ de
'ang skyabs su

'gro ba'i yul ni/ yon tan gyi chos bsam gyis mi khyab cing/
skyon gyi rnam

pa gang yang med pa'i gang zag zla med pa sangs rgyas dkon
mchog
/de dang byang

sems phyir mi ldog pa'i thugs rgyud la zhugs pa'i lung dang
rtogs pa'i chos ji snyed

pa chos dkon mchog de dag tshul bzhin du bsgrub pa'i byang chub
sems phyir mi ldog

pa dge 'dun dkon mchog ste/ de rnams la skyabs su 'gro/ dus de
ring

nas bzung nas byang chub snying po la mchis kyi bar du gang zag
bdag gcig po skyabs su

'gro ba ma yin g.yas/ /pha dang mas thog drangs nas nam mkha'
dang mnyam pa'i

sems can thams cad/ ched du bya ba sems can thams cad kyis
rdzogs pa'i sangs

rgyas kyi go 'phang thob par 'dod nas skyabs su 'gro bas de'i
don dran zheng ma yengs
 
@456 pa'i sgo nas ngag tu/ bdag gzhan mar gyur nam mkha'i mtha'
gtugs sems

can thams cad phyogs bcu'i sangs rgyas bcom ldan 'das la skyabs
su mchi'o/ /lung

rtogs bdag nyid dam pa'i chos la skyabs su mchi'o/ /rgyal sras
'phags pa'i

dge 'dun rnams la skyabs su mchi'o/ /zhes skyabs 'gro ci nus
byas pa'i mthar/

dkon mchog rin po che rnam pa gsum gyis byin gyis brlabs kyis
bdag gi blo chos

la 'gra bar byin gyis brlab tu gsol/ chos lam du 'gro bar byin
gyis brlab tu

gsol/ lam 'khrul ba sel bar/ 'khrul snang ye shes su 'char bar/
blo la

chos ma yin pa'i rnam par rtogs pa skad cig kyang mi skye bar/
myur du sangs rgyas

thob par byin gyis brlab tu gsol/ zhes gsol ba gdab bo/ /gnyis
pa

sems bskyed ni/ sangs rgyas chos dang tshogs kyi mchog rnams la/
/byang chub

bar du bdag ni skyabs su mchi/ /bdag gi sbyin sogs bgyis pa'i
bsod nams

kyis/ /'gro la phan phyir sangs rgyas myur 'grub shog /sems can
thams

cad kyi don du sangs rgyas kyi go 'phang thob par bya/ /de'i
ched du lus ngag yid

gsum dge ba'i las la brtson par bgyi'o/ /zhes bsam zhing tshig tu
'ang brjod/

gnyis pa dngos gzhi la bzhi las/ dmigs pa dang po nyams su len
pa la/ lus

rdo rje skyil krung ji ltar bde bar byas la/ skyabs 'gro sems
bskyed sngon du song nas/

tshe 'di la zhen na chos pa min/ zhes pa'i don tshe 'di la ma zhen
pa gcig dogs kyi/

zhen na smig rgyu la chur zhen kyang skom pa sel ba'i don mi
byed pa ltar/ tshul khrims

dang thos bsam sgom gsum ci byas kyang tshe 'di'i phun tshogs
bsgrub pa'i ched du

song bas chos rnal mar mi 'gro/ /des na/ tshul gnas thos dang
bsam ldan

pas/ /bsgom pa la ni rab tu sbyor/ /zhes gzhi tshul khrims rnam
par dag pa

@457 la brten nas thog mar thos pa bya/ de nas de'i don la bsam
nas sgro 'dogs

bcad/ /de nas thos bsam gyis sgro 'dogs chod don la bsgom dgos
la/ de

la yang chos byed par 'dod pa'i blo ma skyes pa bskyed pa'i
phyir/ /dal 'byor rnyed

dka' bsam pa dang / chos byed pa la brtson 'grus mchog tu 'gyur
ba'i ched du

'chi ba mi rtag pa bsam pa gnyis las/ dang po ni/ dal 'byor 'di
ni

rnyed par shin tu dka'/ /skyes bu'i don sgrub thob par gyur pa
la/ gal te

'di la phan pa ma grub na/ /phyes 'di yang dag 'byor ba ga la
'gyur/ /zhes

gsungs pa ltar dam pa'i chos bsgrub pa'i rten du gyur pa'i dal
'byor gyi lus 'di

yang yang rnyed par dka' bas rnyed pa'i lus 'dir chos 'di rnam
dag gcig bya

dgos snyam du yang yang bsgom mo/ /de nyid cung zad rgyas par
bshad na/ rgyu'i

sgo nas rnyed par dka' ba/ grangs kyi sgo nas rnyed par dka' ba/
dpe'i sgo

nas rnyed par dka' ba/ ngo bo'i sgo nas rnyed par dka' ba bsam
pa'o/ /dang

po ni/ /dal 'byor gyi rten rnam par dag pa thob pa la rgyu tshul
khrims la sogs

pa dge ba'i las bsgrub cing/ mi dge ba mtha' dag spong dgos pa
la/ khams

gsum gyi sems can rnams dge ba bsgrub pa nyung/ mi dge ba spyod
pa shin tu mang

bas rgyu'i sgo nas rnyed par dka' snyam du bsgom/ gnyis pa ni/
sems can

gyi khams la bltas pas dmyal ba ni mang nyung sa'i rdul gyi
grangs tsam/ yi dwags

ni kha ba bu yug 'tshubs pa'i grangs tsam/ dud 'gro ni chang ngar
ma'i sbang ma

tsam du mang la/ de rnams la ltos na mi'i lus rnam par dag pa
thob pa ches

nyung bas grangs kyi sgo nas kyang rnyed par dka' snyam du
bsgom/ gsum pa ni/

rgya mtsho cher g.yengs gnya' shing gi/ /bu gar rus sbal mgrin
chud ltar/ /

@458 mi nyid shin tu thob dka' gsungs/ /zhes gsungs pas rgya
mtsho chen po na gnas

pa'i rus sbal zhar ba lo brgya nas steng du lan re yong ba dang
/ gser gyi gnya'

shing bu ga gcig pa rgya mtsho'i rlabs kyis g.yengs ba'i bu gar
rus sbal gyi mgrin

pa chud pa srid tsam yin pa ltar sems can gyi rigs bsam gyis mi
khyab pa yod kyang

mir skyes pa yang srid pa tsam yin pas dpe'i sgo nas kyang rnyed
par dka' snyam du

bsgom/ bzhi pa ni/ lkug pa dang mtha' 'khob tu skyes pa sogs mi
khom

pa dang bral zhing/ 'byor ba bcu tshang bar dkon pas ngo bo'i sgo
nas rnyed par

dka' snyam du bsgom/ gnyis pa 'chi ba mi rtag pa bsam pa ni/ 'di
ltar

skyes pa thams cad kyi/ /mdun na gnas pa 'chi ba ste/ /zhes
bshad pas skyes

pa'i mtha' ma nges par 'chi bas myur du chos byed dgos snyam du
bsgom/ de nyid cung

zad bshad na/ nges par 'chi ba bsam pa/ nam 'chi nges pa med pa
bsam

pa; 'chi tshe chos las gzhan gyis mi phan pa bsam pa'o/ /dang po
ni/ spyir

'dus byas thams cad mi rtag pa chos nyid yin pas mthar 'jig dgos
te/ srid

gsum mi rtag ston ka'i sprin dang 'dra/ /'gro ba'i skye 'chi gar
la lta dang mtshungs//

skyes bu'i tshe srog nam mkha'i glog bzhin te/ /ri gzar 'bab chu
bzhin du myur

mgyogs 'gro /zhes gsungs shing/ khyad par du/ sangs rgyas rnams

kyi gzugs kyi sku/ /mtshan dang dpe byad kyis brgyan pa/ /rdo rje
sku yang mi

brtan na/ /g.yo zhing snying po med pa yi/ /chu bur lus la smos
ci dgos//

zhes gsungs la/ 'chi ba med pa'i go 'phang brnyes pa'i rdzogs
pa'i sangs rgyas

kyang mya ngan las 'da' ba'i tshul ston na/ so so skye bo rnams
nges par 'chi dgos

pa smos ci dgos snyam du bsam zhing/ drang srong chen po lnga
mngon shes/ /mkha'

@459 la thogs med rgyu bas kyang/ /gang du 'chi med spyod yul
ba'i/ /gnas

'dir phyin pa ma yin no/ /zhes bshad pas khams gsum gang du
skyes kyang 'chi bas

mi tshugs pa'i gnas med pas nges par 'chi dgos snyam du bsgom/
'chi rkyen

mang zhing 'tsho ba'i rkyen nyung ba'i sgo nas nges par 'chi ste/
'chi ba'i rkyen ni shin tu

mang/ /'tsho ba'i rkyen ni nyung zad tsam/ /de dag nyid kyang
'chi rkyen te/ /de bas

rtag tu chos mdzod cig /ces gsungs pas 'tsho ba'i rkyen du 'dod
pa'i gnas

dang / zas dang spyod lam la sogs pa 'ga' zhig kyang 'chi rkyen
du 'gyur ba yod

pas nges par 'chi snyam du bsgom/ gnyis pa nam 'chi nges med
bsam pa ni/

la la ma'i mngal du 'chi ba/ la la skye khar 'chi ba sogs rgan
gzhon bar ma nges

pa med par 'chi ba mngon sum gyis mthong bas/ nam 'chi nges pa
med pa'i tshul

bsam zhing bsgom/ gsum pa ni/ de ltar 'chi ba'i dus la bab pa
na/

kha drag cing dbang btsan pa dang / 'khor dang longs spyod che
ba dang / dpa'

ba la sogs pa gang gi'ang mi ldog par 'chi dgos la/ shi ba'i tshe
chos ma yin

pa gang gi 'ang mi phan/ de la tshe ji srid gnas kyi bar du chos
byas pas 'chi tshe

mi 'gyod/ 'gro ba bzang por skye ba'i gdeng thob pas blo bde/
des na nges

par dam pa'i chos bya dgos la/ de'ang nam 'chi nges pa med pas
myur du chos

bya dgos snyam du bsgom mo/ /gnyis pa ni/ khams gsum la zhen na
chos pa min/

zhes pa'i don ni/ khams gsum 'khor ba la zhen nas chos byas
kyang byang chub kyi lam

du mi 'gro bas 'khor ba la ma zhen pa cig dgos/ de la 'khor ba'i
nyes dmiT

bshad pas 'khor ba mtha' dag sdug bsngal gyi rang bzhin du
mthong nas de spong bar

'dod pa dang / thar pa don du gnyer ba'i blo 'byung bas de'i
rtogs ba bskyed pa'i

@460 phyir 'khor ba'i nyes dmigs bsam pa dang / 'khor bar skye
ba la rgyu 'bras kyi

blang dor shes par bya ba'i phyir rgyu 'bras bsam pa gnyis/ dang
po ni/ 'dod

pa'i khams ni skyon dang bcas pa ste/ /de bzhin gzugs kyi khams
kyang skyon dang

bcas/ /gzugs med khams kyang skyon dang bcas pa ste/ /myang
ngan
'das

pa 'ba' zhig skyon med yin/ /ces gsungs pas/ gnas khams gsum po

gang du skyes kyang skyon dang bcas pa yin/ sems can dmyal ba
dmyal mes nyams//

yi dwags bkres shing skom pas nyams/ /dud 'gro gcig la gcig zas
nyams//

mi dag 'chob thung bas nyams/ /lha dag bag med pa yis nyams/
/'khor

ba khab kyi rtse tsam yang/ /bde ba nam yang yod ma yin/ /zhes
gsungs

pas gnas khams gsum po der rten 'gro ba rigs drug po gang du
skyes kyang sdug

bsngal gyi rang bzhin can gang la longs spyod kyang sdug bsngal
gyi longs spyod 'ba'

zhig tu 'dug pas/ de las thar bar bya ba'i phyir byang chub kyi
lam du 'gyur ba'i

chos rnam par dag pa cig byed dgos snyam du bsgom/ de nyid cung
zad rgyas par

bshad na/ sdug bsngal gyi sdug bsngal bsam pa/ 'gyur ba'i sdug
bsngal

bsam pa/ khyab pa 'du byed kyi sdug bsngal bsam pa dang gsum/
dang po la

dmyal ba'i sdug bsngal bsam pa/ yi dwags kyi sdug bsngal bsam
pa/ 'dud 'gro'i

sdug bsngal bsam pa dang gsum las/ dmyal ba'i sdug bsngal bsam
pa la/

grang dmyal gyi sdug bsngal bsam pa/ tsha dmyal gyi sdug bsngal
bsam pa/ nye tshe

nye 'khor ba'i sdug bsngal bsam pa dang gsum/ dang po la brgyad
de/ chu bur

can ni/ nyi ma dang 'jzo skyob sogs med pa'i gangs ri'i brag
dang chab rom la

sogs pa'i nang du sgye/ rlung shin tu grang bas lus la btab pas
grang ba'i rkyen gyis

@461 lus thams cad chu bur gyi rang bzhin can du song ba dang /
de las kyang ches grang

ba'i rkyen gyis chu bur rnams rdol te/ chu ser dang rnag la sogs
pa 'dzag pa chu

bur rdol ba can/ de las kyang grang ba'i rkyen gyis shin tu sdug
bsngal te/ /a

chu a chu zer ba'i dud mo'i sgra lhang 'don pa a chu zer ba
dang / de las kyang

grang ba'i rkyen gyis sdug bsngal zhing skad cher 'don pa'i mthu
med pa lkog ma na kyi hud

kyi hud zer ba'i sgra shib shib 'don pa kyi hud zer ba dang / de
las ches grang ba'i

rkyen gyis skad che chung gang yang 'don pa'i mthu med par lus
thams cad shin tu

'khyags te/ 'tham pa'i rnam pa can du byas pa so tham tham pa
dang / de las

kyang ches grang zhing stobs che ba'i rlung gis btab pas lpags
pa'i mdog sngon bor

gyur cing dum bu brgyad la sogs par gas pa utpal ltar gas pa
dang /yang grang

ba'i rkyen gyis shin tu 'khyags te lus kyi phyi nang thams cad
rdo lta bu'i dngos por gyur

cing/ dum bu bcu drug pa la sogs par gas te phyi'i lus gas pa'i
dbang gis

nang gi rgyu ma dang gnye ma dang long ga la sogs pa tshal pa
tshal par gas pa padma ltar

cher gas pa rnams kyi sdug bsngal dran par byas nas yang yang
bsam/ 'di thog

tu byung na sran thabs med/ 'di lta bu mi 'byung bar bya ba'i
phyir byang chub kyi lam

du 'gyur ba'i chos bya dgos snyam du bsgom mo/ /gnyis pa la
brgyad de/ /yang

sos zhes bya ba las kyi dbang gis lcags bsregs kyi sa gzhi'i
steng du skyes/ lus

gzhon sha can/ bdag tu 'dzin che/ lag tu gang blangs pa thams
cad mtshon

char gyur pa skyes bu phan tshun mthong ba thams cad dgra zla'i
'du shes/ de rnams

@462 phan tshun gcig gis gcig la mtshon gyis bsnun zhing/ btubs
pas dum bu

dum bur gyur pa dang / nam mkha' nas yang sos par gyur cig ces
pa'i sgra

dang rlung grang ba gcig gis lus la btab pas lus snga ma bzhin
du gzhon sha can la

sogs par 'gyur ba'o/ /thig nag cis bya ba/ lus la dmyal bsrung
rnams

kyis thig brgya dang bcu drug la sogs pa btab nas sog les gshag
pa dang sta gri la

sogs pas gzhog cing sdug bsngal dpag tu med pa myong ba'o/
/bsdus 'joms

zhes bya ba/ lus shin tu gzhan sha can de ri ra dang lug la sogs
pa'i mgo can

gyi bar du til bzhin bcir te shin tu sdug bsngal ba'o/ /ngu 'bod
ces bya ba/

lcags bsreT kyis gzhir dmyal bsrungs rnams kyi sa ded cing bros
pas khang pa rim

pa gcig pa mthong ste/ 'dir 'khyud pas thub snyam nang du phyin
pa dang / khang pa

sgo rang 'grig tu gyur pa dang lcags kyi khang par bsreg te/
rkos pas phyed pa'am

phyir thar ba'i skabs med pa dang / mi rang 'bar du gyur te/
shin tu sdug bsngal

zhing dud mo'i sgra 'byin pa'o/ /ngu 'bod chen po ni/ mtshan nyid
snga ma bzhin las

khang pa gnyis rams so/ /tsha ba ni/ dmyal bsrungs rnams kyis
mdung rtse gcig

pas bshang lam nas spyi gtsug gi bar thal byung du phug ste sdug
bsngal lo/ /rab tu

tsha ba ni/ mdung rtse gsum pas bshang lam nas spyi gtsug gi bar
dang 'phong chos

g.yas g.yon nas dpung pa g.yas g.yon gyi bar thal byung du
phug pa'i sdug bsngal

ba'o/ /mnar med pa ni/ lcags bsregs kyi sa gzhir mes bsregs
shing/

me 'di yin/ lus 'di yin zhes tha dad du dbyer med par gyur cing
bsregs nas

dud mo'i sgra las dpags te 'di na sems can dmyal ba pa zhig 'dug
go snyam du

mtshon pa'o/ /gsum pa la bzhi las/ dang po mi ma mur gyi 'obs tsha
ba'i

@463 dmyal ba brgyad po'i mtha' ma na yod/ de yang 'obs kyi nang
me ma mur gyis

gang ba der chud de/ yan lag thams cad tshig cing rkang pa g.yas
bteg pa na

tshig pa sos shing g.yon pa tshig /g.yon bteg pa na sos shing
g.yas pa tshig/

nang gi rgyu ma dang gnye ma la sogs pa'ang tshig cing dbang po'i
sgo rnams nas du ba

'thul ba'o/ /gnyis pa ro myags kyi 'dam ni/ phyi sa la sogs pa
mi gtsang

ba'i dngos po mtha' dag nur nur yod pa'i nang du gan rkyal dang
kha phub la sogs

par 'gyel zhing/ dbang po'i sgo thams cad mi gtsang ba'i dngos
pos gang bar

byas nas sdug bsngal zhing/ de'i gseb na yod pa'i lcags kyi 'bu
serin la sogs

pas lus kyi yan lag dang nying lag thams cad rus pa la thug gi
bar du 'bigs

shing/ gcod par byed pas shin tu sdug bsngal lo/ /gsum pa spu
gri'i lam

po ni/ ro myags kyi 'dam las 'das pa dang / spu gri bltams pa'i
thang

shin tu rno ba'i steng na phyin pas rkang pa'i sha dang rus pa
la thug gi bar du gtub cing

sdug bsngal ba'o/ /sogs khong nas ral gri lo ma'i nags tshal zhes
bya ba/ shing

sdong gi so tham cad ral gri la sogs pa'i mtshon char yod pas las
kyi dbang gis

tsha bas nyen nas skyabs tshol ba'i phyir/ de'i 'khris su bsdad pa
dang / de rlung

gis bskyod nas mtshon cha rnams kyis yan lag thams cad dum bur
gtub cing shin

sdug bsngal lo/ /shal ma ri'i sdong po ni/ ri shin tu mtho ba'i
rtse mor phyin na

snyam pas 'dzegs pa dang / lcags kyi thur ma sor brgyad pa dang
/ bcu drug pa kha

thur du bstan pas lus thal byung du phug cing sdug bsngal la/
ri'i rtser phyin pa dang

kha dang 'ol ba la sogs pas mig 'bru/ lce 'don/ klad pa la sogs
pa 'bru

zhing sdug bsngal/ yang ri'i rtsa bar sleb na snyam nas 'thur la
phyin pa na/ lcags

@464 kyi thur ma rnams kha gyen la bsten nas lus 'bigs shing /
ri'i rtsa ba na yod pa'i

lcags kyi spyang ki dang / khyi dang / wa la sogs pas yan lag
dang nying lag rnams

za zhing phan tshun du 'then pas lus dum bur bcad cing sdug
bsngal ba'o/ /gzhan

yang lcags bsregs kyi sa gzhir lus phur pas brgyangs pa dang /
lce lcags phur

gyis brgyangs nas rmod pa la sogs pa'i sdug bsngal ba'ang nyi
tshe nyi 'khor ba'i nang

tshan yin no/ bzhi pa thal tshan gyi chu bo rab med pa ni/ spu
gri thang gi pha rol

na thal tshan gyi chus lus g.yeng zhing lus kyi phyi nang kun
tshig cing / dmyal bsrungs

rnams kyis mtha' nas bsrungs te sdug bsngal ba'o/ /de rnams
kyi sdug bsngal bsam

zhing / de las thar bar bya ba'i phyir dam pa'i chos cig bya
dgos snyam du yang

yang bsgom mo/ /gnyis pa yi dags kyi sdug bsngal bsam pa la/
phyi'i sgrib

pa can dang / nang gi sgrib pa can dang / zas skom gyi sgrib
pa can nam sgrib pa

can gyis sgrib pa can zhes pa gsum mo/ /dang po ni/ ser sna la
sogs pa mi

dge ba'i dbang gis yi dwags kyi rgyal khams su skyes/ bkres pa
dang skom

pas nyams thag kyang zas skom mig gi'ang mi mthong / rgyang
ring po na 'bras zan

la sogs pa'i ri dang / chu'i rgyal khams chen po 'dug snyam
nas phyin pa dang /

shin tu thag ring bgrod pas lus sems sdug bsngal/ der phyin pa
dang / 'bras

zan gyi rir snang pa rdo dkar pa'am/ sa dkar phung por song /
sngar chu'i

rgyal khams su mthong ba de smig rgyu 'am/ sa sngon po 'am/
g.yam pa la

sogs pa'i dngos por gyur te/ bza' btung la spyad rgyu med pas
sngar bas kyang

ches sdug bsngal ba'o/ /nang gi sgrib pa can ni/ sngar gyi
sdug bsngal de lta bu'i steng

du'ang zas skom cung zad zos pas dang por kha khab mig tsam du
dog pa la ma chud

@465 pas kha ral zhing khrag 'dzag te sdug bsngal/ de nas
mgrin pa rta rnga tsam du phra ba

la ma chud cing / kha zas kyang rtsub pa'i rang bzhin can du
gyur pas mgrin pa dbral

ba dang tsha bas sdug bsngal/ de las lta ba ri'i ltos tsam gyi
nang du kha zas cung

zad sleb kyang 'grangs pa'am/ skom pa bsal ba'i nus pa med pas
slar yang

sdug bsngal ba'o/ /zas skom gyi sgrib pa can ni/ kha zas tshol
ba'i phyir phyogs

kun tu phyin pa na yi dags kyi sde dpon gzhan gyis brdungs
shing 'jigs pa'i sdug

bsngal/ kha zas cung zas rnyed pa gzhan gyis phrogs su dogs pa
dang / cung zad

rnyed pa de zos pas sngar bzhin du khar ma chud pa la sogs pas
sdug bsngal zhing / lto

bar sleb pa na las kyi dbang gis kha zas de mer 'bar nas rgyu
ma dang gnye ma la soT

pa kun tshig cing gzhob kyi dngos por byas pas sdug bsngal/ de
ltar shin tu sdug

bsngal yang las de ma zad kyi bar du sdug bsngal drag po myong
dgos par 'dug 'di

lta bur mi skye ba'i phyir byang chub kyi lam du 'gro ba'i
chos rnam dag gcig bya dgos

snyam du bsgom mo/ /gsum pa dud 'gro'i sdug bsngal bsam pa la/
bying na

gnas pa dang / kha 'thor ba gnyis/ dang po ni/ phyi'i rgya
mtsho'i nang

na chu srin la sogs pa srog chag chang ngar ma'i sbang ma tsam
yod pas/ gcig

gis gcig gcir te dog pa'i sdug bsngal/ rgya mtsho'i rlabs kyis
phyogs mtha'

dag tu ded pas gnas ma nges pa dang / grogs su dang 'phrad/ su
dang 'groT

ma nges pas bag phebs rgyu med pa dang / cha bas chung ba za
ba dang / chu srin

la sogs pa che ba rnams kyi lus la dung la sogs pas 'bigs pas
sdug bsngal ba

dang / yang gling bar gyi mun pa na yod pa rnams snang ba'i
dngos po dang bral bas

gcig gis gcig mthong rgyu med pa dang / cig thog tu gcig bsdad
de dog cing

@466 lci ba dang / shin tu dog cang gcir bas lus rul zhing
chad pa dang / zas

skom 'chal ba'i skabs tsam yang med pas sdug bsngal ba'o/
/gnyis pa ni/

mi la brten pa'i dud 'gro rnams ni/ mi theg pa'i khal bskur ba
dang / rmo

ba dang / bzho ba dang / lcags sgrog gis bcing ba dang / lcags
dang

lcags kyus btab pa dang / las kyi mtha' sna tshogs kyi sgo nas
longs spyad de/

mthar sha'i ched du bsad pa dang / gzhan la brtsongs te spyug
pa dang / mu teg

dang / bal dang / rus pa dang / lpags pa'i ched du gsod pa'i
sdug bsngal lo//

mi la ma bsten pa'i ri dwags sogs ni/ gnas nges pa med cing /
sha'i

ched du rngon pas mda' bsnun cing / khyis ded te ngam grog
dang / g.yang la

sogs par mchongs pa dang / mtshon gyis btab bzhin du bros kyang
mthar zin te

bsad pa la sogs pas sdug bsngal snyam du dud 'gro'i spyi'i
sdug bsngal glen lkug

dang / bye brag gi sdug bsngal la bsam te chos rnam par dag pa
bya dgos snyam

du bsgom ma/ /gnyis pa 'gyur ba'i sdug bsngal ni/ lha lta bu
sngon gyi las

kyi stobs kyis khang bzang dang / gos dang kha zas la sogs pa
bsam pa tsam

gyis byung ba dang / lha mo'i bde ba la sogs pa mtha' yas
kyang / 'chi ltas

lnga dang nye ba'i 'chi ltas la sogs pa phag pa na/ dmyal ba'i
sdug bsngal las kyang

che ba'i yid kyi sdug bsngal dang / shi nas kyang brgya byin
lta bu lha'i gtso bor gyur

pa yang mi'i nang du bran la sogs par skye ba dang / /lha'i bu
nyi ma dang zla ba lta bu rang

gi khang ba'i 'od kyis gling bzhi gsal bar nus pa yang gling
bar gyi mun par skyes

te rang gi lag pa brkyang bskum tsam yang mi mthong bas sdug
bsngal ba dang / mi

lta bu kha drag po gzhan par 'gro ba dang / phyug po dbul bor
'gyur ba dang / dgra

@467 sdang ba dang 'phrad pa'am phrad kyis dwogs pa dang /
gnyen sdug pa dang bral ba'am

bral gyis dogs pa dang / 'dod pa btsal te ma rnyed pa dang /
re ba 'bras bu med

pa la sogs pa sdug bsngal bsam gyis mi khyab/ lha ma yin rnams
kyang phan tshun

'thab cing mtshon gyis 'debs pa dang / yan lag rnams gtubs pa
dang /

rang bzhin gyis zhe sdang che zhang / lha'i dpal la phrag dog
pas yid kya sdug bsngal

bsam gyis mi khyab bo/ /gsum pa khyab pa 'du byed kyi sdug
bsngal bsam pa ni/

mi rnams kyis las kyi mtha' bsam gyis mi khyab pa ji tsam byas
kyang zin rgyu med pa

dang / byas pa chud zos pa dang / yang 'di dang 'di lta bu
byed dgos snyam du

mi tshe grab la zad cing / las mthar phyin rgyu med pas 'chi
ba'i dus byas te bsam

pa mdzogs shing shin tu sdug bsngal zhing / nor yod pa rnams
rkun pos khyer pa

dang / dbang btsan pos phrogs pa la sogs pa'i sdug bsngal/
dbul bo

tshol ba'i phyir shin tu sha thang pas sdug bsngal/ mdor na
gnas khams gsum por

rten rigs drug po gang du skyes kyang sdug bsngal gyi rang
bzhin las ma 'das pas 'di

lta bu'i sdug bsngal mi myong bar bya ba' phyir chos rnam par
dag pa bya snyam du bsgom/

gnyis pa las rgyu 'bras bsam pa ni/ gong du bshad pa sdug
bsngal can gyi 'khor

bar skye ba'ang rgyu mi dge ba spyad pa las byung bas de spong
dgos shing / de'ang mdor

bsdu na/ mi dge ba mtha' dag spong zhing dge ba sna te tsam
yang ci nus kyis bsgrub snyam

du bsgom mo/ de rgyas par bshad na/ mi dge ba'i las bsam pa/
dge ba'i las

bsam pa/ lung ma bstan gyi las bsam pa dang gsum/ dang po lags
las kyi ngo bo

bsam pa/ de'i 'bras bu bsam pa/ de spong bar gdams pa dang
gsum /

dang po na bcu ste/ kun slong dug gsum gang rung gis kun nas
blangs pa'i gsod

@468 sems kyis srog chag grog sbur nas me 'am mir chags pa'i
bar gang rung bsam

bzhin du gsod pa srog gcod pa dang / gzhan gyis bdag gir bzung
ba'i rdzas 'bru'i

phub ma tsam yang ma byin par len pa dang / rang gis rin bcal
te gnyen du 'tham

pa'i bud med ma gtogs/ gzhan gyi bud med dam dge tshul ma lta
bu chos kyi rgyal

mtshan 'dzin pa dang / nyin gcig pa'i sdom pa blangs pa dang /
pha ma la

sogs pas bsrung ba dang / rang gi bud med yin yang nyin par
spyad pa la sogs

pa 'dod pas log par g.yem pa ste lus kyi las mi dge ba gsum
dang / 'dod

chaT lta bus kun nas blangs te gzhan gyi mgo bskor ba'i 'du
shes bsgyur te/ tshig

dang don gzhan gyis go bar smra ba brdzun dang / gzhan mdza'
ba dbye ba'i phyir pha rol

po la dbyen du 'gyur ba'i gtam smra ba ba phra ma dang / zhe
sdang lta bus kun nas blangs

te don dang mthun mi mthun ji ltar yin yang skad shugs drag
pos gzhan gyi sems

la gzer ba'i gtam smra ba tshig rtsub dang / don dang mi mthun
pa'i gtam chal tshol

mang du smra bas rang gzhan gyi dge sbyor sogs kyi bar du gcod
cing gtad so med par

smra bar ngag 'khyal te ngag gi mi dge ba bzhi dang / 'dod
chags kyis kun nas

blangs te gzhan gyi longs spyod dang dbang phyug la soT pa 
bdag gi longs spyod du gyur

na snyam du gzhan gyi phun tshogs bdag gis thob par 'dod pa
brnab sems dang / zhe

sdang gis kun nas blangs te gang zag 'di la gzhan gyes gnod pa
cig byas na 'di

shin tu sdug bsngal na ci ma rung snyam pa lta bu gnod sems
dang / gti mug gis

kun nas blangs te las rgyu 'bras dang / dkon mchog gsum la
sogs pa yid

med dang / rgyu dge ba las 'bras bu bde ba dang / mi dge ba
las 'bras

bu sdug bsngal 'byung zhes bla ma dag gsung yang bden nam
snyam du sems pa log

@469 lta ste yid kyi mi dge ba gsum dang bcu'o/ /gnyis pa de'i
'bras bu la gnas

skabs kyi 'bras bu dang / mthar thug gi 'bras bu gnyis/ dang
po ni/

tshe thung ba dang / longs spyod dbul ba dang / rang gi khyim
thabs la sogs

pas dgra lta bur byed pa dang / gzhan gyis skur ba 'debs pa
dang / rang

gi mdza' bo dang /mi mthun par 'gyur ba dang / gtams mi snyan
pa thos pa dang /

de'i gtam la 'byung khungs med ces bden par mi 'dzin pa dang /
re ba 'bras

bu med pa dang / 'jigs pa chen po dang 'phrad pa dang / lta ba
phyin ci log

tu 'gyur ba la sogs pa'o/ /gnyis pa mthar thug gi 'bras bu ni/
mi dge

ba chung ngur spyad pas dud 'gro dang / 'bring gis yi dwags
dang / chen por

spyad pas dmyal bar 'phen pa'o/ /gsum pa ni/ de ltar dug gsum
gyis

kun nas blangs te mi dge ba de rnams spyad pas 'bras bu ngan
song las 'das pa mi

'dug pas/ ci nas kyang srog la bab rung mi byed par yid kyis
dam bca' zhing

spong ba'o/ /gnyis pa dge ba'i las bsam pa la'ang las kyi ngo
bo bsam pa/ de'i

'bras bu bsam pa/ de bsgrub par gdams pa'o/ /dang po ni/ sngar

bshad pa'i mi dge ba bcu po spong zhing ma chags pa dang / she
sdang med pa dang /

gti mug med pas kun nas blangs te dge ba bcu po ci nus bsgrub
pa'o/ /gnyis

pa de'i 'bras bu la gnas skabs kyi 'bras bu dang / mthar thug
gi 'bras bu

gnyis/ dang po ni/ tshe ring ba/ longs spyod che ba/ khyim
thabs la

sogs pa yid dang mthun par byed pa dang / phyogs kun tu snyan
grags thos pa

dang / mdza' bo dang mthun par 'gyur ba dang / dbang po dwangs
pa dang /

tshig btsan pa dang / yid la re ba 'grub pa dang / 'jig pa med
pa dang /

470 lta ba rnam par dag par 'gyur ba la sogs pa'o/ /mthar
thug gi 'bras bu ni/

dge ba bcu po chung ngu dang / 'bring dang chen por spyad pas
nyan thos dang rang rgyal

dang bla na med pa'i byang chub thob pa'o/ / gsum pa ni/ de
ltar dge ba spyad

pa las 'bras bu byang chub gang rung thob cing nyan thos kyi
go 'phag lta bu thob

kyang 'khor ba dang ngan song gi 'jig pa las grol bar 'dug pas
ci nas kyang dge ba

bsgrub snyam du bsam mo/ /gsum pa lung ma bstan gyi las bsam
pa la gsum

las/ dang po las kyi ngo bo ni/ dge mi dge gang gi'ang kun
slong med par

btang snyoms su kha zas za ba dang / bzo byed pa la sogs pa'o/
/gnyis pa

ni; de'i 'bras bu'ang bde ba dang sdug bsngal gang yang 'byin
mi nus par btang

bsnyoms pa' bzo byed pa la sogs pa la spro ba dang lag tu len
pa'o/ /gsum

pa de dge bar bsgyur ba ni/ kun slong gi dbang gis 'gyur ba
yin pas kha zas

za ba lta bu la'ang lus kyi srin bu gso snyam pa dang / lus
brtas par byas nas thos

bsam la sogs pa byed snyam pa dang / 'gro 'dug la sogs pa byed
na'ang bla

ma mjal ba'i ched dang dam pa'i chos kyi ched du 'gro ba dang
/ g.yas phyogs na

sangs rgyas dang byang chub sems dpa'i sku gzugs yod par bsam
ste/ de la

lus kyi drag shos g.yas bstan nas bskor ba byed par bsam ste
'gro ba lta bu'o/

gsum pa/ bdag don la zhen na byang sems min/ /zhes pa'i don/
sngar

bshad pa ltar 'khor ba mtha' dag sdug bsngal du mthong nas de
lta bu las thar bar bya

ba'i phyir dge ba chung 'bring ci rigs su spyad pas nyan thos
dang rang sangs rgyas kyi go

'phang thob kyang / de la'ang rang don ma rdzogs shing gzhan
don rgya chen po mi nus la/

rdzogs pa'i sangs rgyas thob pa la gegs dang bcas pa yin pas/
de lta bu'i

@471 rang don kho na don du mi gnyer bar sems can thams cad
kyi don du rdzogs pa'i sangs

rgyas kyi go 'phang thob par bya/ de'ang rgyu rkyen ma tshang
ba dang / nor ba las

mi skye ste/ dper na dgun lta bu drod gsher ma 'dzoms pa'i dus
su 'bras kyi sa

bon btab kyang ma skye/ 'bras 'dod pa la nas btab kyang 'bras
kyi lo thog mi 'byung

gi /'bras kyi lo thog 'dod pa la rgyu 'bras kyi sa bon dang /
rkyen chu lud

dang drod 'jom na skye ba ltar/ rdzogs pa'i byang chub ni rgyu
snying rje chen po las

byung ba yin/ rtsa ba byang chub kyi sems las byung ba yin/
rkyen thabs la mkhas

pas mthar phyin pa byas pa yin/ zhes gsungs pas de'i don nyams
su len pa

la; ;byams pa bsgom pa/ snying rje bsgom pa/ byang chub kyi
sems bsgom pa/

de dag gi spyod pa la bslab pa'o/ /dang po la bzhi gnyen la
bsgom pa/ bar

ma la bsgom pa/ dgra la bsgom pa/ sems can thams cad la bsgom
pa'o//

dang po la gsum mar shes pa/ drin dran pa/ de la byams pa
bsgom pa'o//

dang po ni/ rang gi da lta'i ma lta bu la mtshon na/ 'dis da
lta ma byas pa ma

zad/ skye ba mang po'i bar du ma byas pa yin te/ ma yi mthar
thug rgya shug

tshig gu tsam/ /ril bur grangs kyang sa yis lang ma yin/ zhes
dang / sems

can gcig gis ma byas te/ /nu zho byin pa gang yin pa/ rgya
mtsho bzhi la'ang

de tsam med/ /sems can gcig gis pha byas te/ /rta dang glang
po byin pa gang //

tshang pa'i 'jig rten las kyang brgal/ /zhes gsungs so/ gnyis
pa drin dran

pa ni/ ma byas res kyis phan tshad med pa btags te/ de 'ang
mngal du chags

nas zla ba dgu 'am bcu'i bar du lus lci ba dang / ngal ba dang
/ de nas

btsas pa'i dus su rang gi lus sems 'bral ba la thug pa'i sdug
bsngal byung yang 

@472 bzod par byas/ skyes nas brda don mi shes shing / ci yang
mi nus pa ral kha'i

'bu lta bur yod pa la brtse ba'i sems kyis bskyangs / byams pa'i
mig gis

bltas/ zas zhim pa lces bsnyod/ mi gtsang ba lag pas phyis/ sor

mo bcu'i kha la blangs / zas gos la sogs pa ci nus su sbyar/
gnod pa

mtha' dag bsal/ cher skyes nas rang gi srog dang bsdos pa'i nor
gces pa byin/

'bri klog la sogs pa bslab bya'i rigs kun bslabs/ mdor na gnod
pa kun

las skyabs pa sogs drin ci yod bsam mo/ /gsum pa byams pa bsgom
pa na/

'gro la phan pa nyer bsgrub pa/ /byams pa chen po zhes bya'o/
/zhes gsungs

pas byams pa'i ngo bo/ sems can rnams bde ba dang bde ba'i rgyu
dang ldan na snyam

pa'i blo yin pas/ drin can gyi ma 'di bde ba'i rgyu dang ldan
par bya snyam pa sems

bskyed dang 'brel ba dang / bde ba dang bde ba'i rgyu dang ldan
na ci ma rung snyam pa

'dun pa dang 'brel ba dang / bde ba dang bde ba'i rgyu dang ldan
par gyur cig snyam

pa smon lam dang 'brel ba ste/ de ltar ma g.yengs par bsgom
zhing tshig tu brjod

do; ;de ltar rtsa ba'i ma la mar shes shing drin dran nas byams
pa bsgom pa ltar/

bar ma dang / dgra dang / sems can thams cad la'ang de ltar kha
spos te/

bsgom mo/ /de ltar byams pa bsgom pas legs par 'byongs pa na
de'i stobs

kyis snying rje skye ba yin te/ /snying rje'i chub byams pa ste/
zhes gsungs so/

des na snying rje bsgom pa la snying rje'i ngo bo ni/ sdug
bsngal can rnams yongs skyob

pa; ;snying rje chen po zhes bya'o/ /zhes gsungs pas yul gyi
sdug bsngal

mthong nas mi bzod cing de dang bral bar 'dod pa'i blo yin la/
de'ang gnyen la

bsgom pa/ dgra gnyen bar ma la bsgom pa/ dgra la bsgom pa/ sems

@473 can thams cad la bsgom pa'o/ /dang po la gsum las/ mar shes
pa dang /

drin dran pa dang / byams pa bsgom pa'i skabs ltar bya/ snying
rje bsgom pa ni/

rang gi rtsa ba'i ma lta bu gson nam shi yang de'i rnam pa mdun
du gsal bar dmiT

la; bdag gi drin can gyi ma 'di sdug bsngal dang ldan/ bde ba
dang bral 'dug

pa snying re rje na/ 'di sdug bsngal dang sdug bsngal gyi rgyu
dang bral dgos la/ ma

rang gi gnas lugs la bltas pas sdug bsngal dang de'i rgyu dang
ldan/ de'i longs

spyod can du 'dug pa snying rje/ 'di sdug bsngal dang bral bar
bya snyam pa sems

bskyed dang 'brel ba sogs byams pa bsgom pa'i skabs ltar bya
zhing bsgom/ de

nas yang bar ma dang dgra dang sems can thams cad kyi bar re re
nas kha spos snying rje

bcos ma ma yin par skyes skyes bsgom mo/ /de ltar snying rje
skyes pa dang / de'i

stobs kyang byang chub kyi sems skye ba yin te/ de yi rtsa ba
snying rjer 'dod/ /

zhes gsungs so/ /des na de'i mug tu kun rdzob byang sems bdag
gzhan brje ba

bsgom pa ni/ sems can kun gyi sdug bsngal bdag la smin/ /bdag gi
dge

bas de kun bde thob shog /ces pa ltar/ yul nam mkha' dang mnyam

pa'i sems can thams cad kyi sdug bsngal dang yid mi bde ba ci
yod pa thams cad

bdag la smin par gyur cig /bdag gi dge ba dang bde ba dang legs
pa ci yod

pa thams cad sems can thams cad kyis thob par gyur cig /ces tshig
tu brjod

cing yid kyi'ang zhe thag pa nas bsgom mo/ /bzhi pa de dag gi
spyod pa la bslab

pa ni/ spyir byang chub sems dpa'i spyod pa gzhan la gnod pa
spong zhing phan pa ci

nus bsgrub/ khyad par du rang smin par byed pa pha rol tu phyin
pa drug gi spyod pa dang /

bsdu ba'i dngos po bzhis gzhan smin par byed pa sogs rgyas par
nam mkha' snying

@474 po'i mdo dang / bslab pa kun las btus dang / spyod 'jug
dang / rgyal

po la gtam du bya ba rin po che'i phreng ba las byung ba ltar
nyams su blang gsung ngo/ /

bzhi pa/ 'dzin pa byung na lta ba min/ /zhes pa'i don/ kun rdzob
byang sems

legs par skyes kyang bden 'dzin dang bcas na rtag chad kyi mthar
lhung zhing grol bar

mi 'gyur bas/ des na dngos po dang mtshan mar 'dzin pa'i gnyen po
rzhi lhag

gnyis bsgom dgos te/ zhi gnas rab tu ldan pas lhag mthong gis/
/nyon

mongs skyon rnams 'joms par shes byas nas/ /zhes gsungs so/ zung
'brel du

bsgom pa'o/ dang po ni/ dben zhing nyams dga' ba/ chos ldan gyi

rgyal pos bskyangs zhing 'tsho ba med pa/ skye bo'i rgyu 'grul
dang dgra'i cor glog

sogs bsam gtan gyi tsher ma med par stan bde ba la 'dug nas/ thun
thams

cad kyi sngon du 'gro ba/ skyabs 'gro sems bskyed byas te/ rkang
pa rdo rje'i skyil

krung / lag pa mnyam gzhag /lce rkan la cung zad sbyar/ mgrin pa
cung

zad dgug sgal tshig drang por srang / mig 'byed 'dzum ran par
byas la bsgom/

de'ang / yang dag gnas pa la brten nas/ /sems la sems ni 'jog
phyir

dang / /zhes gsungs pa ltar/ phyi nang gi dmigs rten gang yin pa
gcig

gi steng du sems rtse gcig tu 'jog pa zhig zhe gnas yin la/ slob
dpon gnas

brtan byang bzang gi ting nge 'dzin tshogs kyi le'ur/ kha phyir
bltas kyi zhi gnas dang /

nang bltas kyi zhi gnas gnyis bshad cing / dang po ni/ phyi rol
gyi dmigs

rten ka ba'am/ rde'u nag po lta bu la dmigs pa gtad nas sems
rtse gcig tu

'jog /nang bltas ni/ dus gsum rtog pa'i rgyu 'grul bcad/ zhes pa
ltar/

@475 'das pa'i rjes mi gcod/ ma 'ongs pa'i sngun mi bsu/ da ltar
ba la bzo bcos

mi byed cing yul la 'phro ba spangs nas shes pa rang gi ngo bo
la lta zhing rtse gcig tu

'jog pa'o/ /ting nge 'dzin rgyal po'i mdo las/ sangs rgyas kyi
sku la dmigs

nas bshad cing / de la sngar rde'u lta bu la dmigs nas bsgom pa
gnyis sems

rtse gcig tu gnas pa'i thabs su byed kyang sangs rgyas kyi sku
la dmigs na sangs

rgyas rjes su dran par 'gro zhang / bsod nams che bas de'i dbang
du byas na/ mdun

du rin po che'i khri sna tshogs padma dang zla ba'i gdan la sangs
rgyas shAkya thub pa sku

mdog gser btso ma lta bu phyag g.yas pas gnon dang / g.yon
mnyam bzhag

mdzad pa/ na bza' chos gos ngur smrig can/ rdo rje skyil krung
gis bzhugs

par bsam la/ de'i sku dang khyad par smin mtshams kyi mdzod spu
la dmigs shing

bsgom/ yang na 'od dpag med sku mdog dmar po mnyam bzhag gi
phyag rgya can/

gdan sogs sngar dang 'dra ba la dmigs nas bsgom kyang chog
gsung/ de ltar

lhag mthong gi sngon du zhi gnas bsgom pa na/ thog mar zhi gnas
btsal bya/ zhes

pa'i don yin no/ /zhi gnas legs par goms shing dmigs rten gang
rung gi

steng du lo zla mang po'i bar sems gnas nus pa dang / de gcig
pus mi chog

gi nyon mongs pa drung nas 'byin par byed pa'i gnyen po lhag
mthong bsgom dgos shing /

de stong par rtogs pa'i shes rab kyis phyi nang gi chos kyi gnas
lugs la dpyad nas

yod med rtag chad la sogs pa'i mtha' dang bral bar rtogs pa'i
blo de lhag mthong

yin zhing / sngar bshad pa'i zhi gnas de sems rtse gcig tu gnas
pa'i thabs

yin la/ phyis lhag mthong mthong ba'i don la zhi gnas kyi sems
rtse gcig tu

bzhag dgos pas/ gnyis pa lhag mthong bsgom pa la gsum/ yul snang

@476 sems kyis byas par bsgrub/ sems snang sgyu mar bsgrub/ sgyu
ma rang bzhin

med par bsgrub pa'o/ /dang po ni/ yul gyi snang ba sna tshogs pa
rta dang /

glang po dang / skyes bu pho mo dang / rtsig pa dang / bum pa
dang snam

bu la sogs pa sna tshogs su snang ba 'di/ rgyu med dam/ phywa
dang dbang phyug

la sogs pa byas pa'am/ 'byung ba bzhi dang rdul phran las byung
ba'am/ sangs

rgyas kyi sprul pas byas pa sogs ma yin gyi/ thog ma med pa nas
rang gi sems

la de dang de'i bag chag bzhag pa'i dbang gis byung ba yin/ 'di
thams cad kyi

byed pa po sems yin/ sems las gzhan pa'i 'di'i byed po med snyam
du bsgom

pa'o/ /gnyis pa ni/ sgyu ma byed pa dag gis gzugs sprul te/ /rta
dang

glang pa shing rta sna tshogs byas/ /ji bzhin snang yang snang ba
gang yang med/ /chas

rnams thams cad de bzhin shes par gyis/ /zhes gsungs pa ltar/
sngar

bshad pa'i yul snang sna tshogs pa 'di 'ang rmi lam lta bu/ sgyu
ma lta bu yin te/

dper na rmi lam du sdug bsngal sna tshogs myong yang sad pa dang
mi bden par kun

gyis shes pa bzhin du/ des kun rdzob tsam du snang / me long gi
nang gi gzugs

brnyan lta bu yin snyam du nges shes skyes skyes bsgom mo/ /gsum
pa ni/ de ltar yul

sgyu ma lta bu sna tshogs su snang ba de yang kun rdzob tsam du
snang bas snang ba mi 'gog

cing dpyad na don dam par sgrub pa skra'i rtse mo brgyar gshag
pa'i tshad tsam yang med

snyam du bsgom mo/ gsum pa zung 'brel du bsgom pa ni/ yul snang
sems

kyes byas par bsgrub pa la sogs pas rim pa bzhin gtan la phab
nas spros pa'i

mtha' thams cad dang bral ba stong pa nyid du rtogs shing nges
par byas nas/ de ltar

rtogs mkhan gyi blo dang yul gyi gnas lugs dbyer med chu la
chu'am/ mar

@477 khul mar khu tham pa ltar ro gcig tu gyur pa/ la sems rtse
gcig tu gnas nas bsgom

pa'o/ /de lta bu'i rgyun gom par byas pas gom pa dang / de ltar
ma rtoT pa'i

sems can la stong nyid kyis drangs pa'i snying rje soT skye
zhing / dngos por 'dzin pa'i

'khrul ba log ste/ 'khrul snang ye shes su shar ba zhes bya ba/
rdzoT pa'i sangs rgyas

sku gsum gyi bdag nyid can gyi go 'phang mngon du 'gyur ba yin
no/ /gsum pa

rjes bsngo bas rgyas btab pa ni/ thun thams cad kyi mjug tu'ang
bya zhing / de'ang

'di ltar bsngo rgyu bdag gis ting nge 'dzin zab mo bsgom pa'i
dge ba dang / des

mtshon te/ /bdag dang gzhan gyi dge ba'i rtsa ba ci byas pa 'dus
byas kyi phyogs

su gtogs pa thams cad bsngo/ bsngo ba rnam pa thams cad mkhyen
pa sangs rgyas

kyis yang blo yul du byas/ ched du bya ba nam mkha' dang mnyam
pa'i sems can

thams cad kyi ched du bsngo/ rnam pa rmi lam dang sgyu ma lta
bur shes pa' sgo nas

dgongs gsol sngon du 'gro bas/ dge ba 'di yis skya bo kun/ /bsod
nams

ye shes tshogs bsags shing / /bsod nams ye shes las byung ba'i/
/dam

pa gnyis po thob par shog /zhes sogs bsngo ba mdo las byung ba
gang shes bya'o//

(zhes pa 'di lung dang mngon par rtogs pa'i yon tan rin po che
du ma'i dbang phyug

sngags 'chang rdo rje 'dzin pa chen po bla ma kun dga' legs pa'i
gsung gis bskul

nas chos rje thams cad mkhyen pa kun dga' bzang po'i zhabs kyi
zhal sngar tshar gnyis

nyan te/ /bla ma dam pa de nyid kyi zhabs rdul spyi bos len pa
dge slong kun dga'

legs pa'i rin chen gyis zin bris byas nas/ slar yang bla ma chos
kyi rje la gziD

bskyangs phul nas/ dag par byas te bkod pa'i shog bu'i rkyen
sbyor ba po ni/

chos 'di la dad cing 'dun pa can dbon po blo gsal ming gzhan
grags pa rgyal

@478 mtshan no/ /bkra shes par shog/ //

de ltar sems dpa' chen po gzhan nu rgyal mtshan mchog dang / mus

chen dkon mchog rgyal mtshan rnam gnyis kyis phyogs gcig tu
bsgrigs pa'i byang

chub sems sbyong gi gdams pa blo sbyong brgya rtsar grags pa
khe
gtsang dpe rgyun dkon

khar/ deng rabs kyi dus 'dir 'di gras mang tsam zhing dpar 'grem
thub na/

spyi sgos skye 'gro mang por 'di phyi gtan bde'i lam sgo lta bu/
sngon la skye bo rang rang

gi las nyon ngos 'dzin gsal po thub thabs la phan rlabs ha cang
chen po yong rgyur

brten/ ser smad kong po shar pa sprul sku dang / ser byes sbra
gtsang kham lung

sprul sku rnam gnyis nas ma dpe dang / dpar 'debs ma dngul thabs
'tshol

gnang don/ bod kyi dpe mdzod khang du slob gnyer ba (john.n.
mills.)

sangs rgyas sbyin pas dpar bskrun 'gro song btang ste/ lha ldan
bzhi sde par khang du

bzhuT pa'i par ma gzhir bzung d+ha shod shes rig par khang du/
bod rgyal lo 2100

phyi lo 1973 lor deb grangs 200 tham pa par 'debs zhus pa dge
legs

su gyur cig/ //

dd]