theg pa chen po'i blo sbyong bzhugs so// ! byams pa thogs med la sogs dang/ /gser gling pa dang jo bo rje/ /ston pa pu to shar ra ba/ /mal gro brag dmar ba la 'dud// spyir blo sbyangs pa'i sgo nas sangs rgya pa la/ thog ma nas rdo rje theg pa bsgom pa man chad blo sbyong du ma 'dus pa med/ spyi ming bye brag la btags te 'di la jo bo rje'i blo sbyong zhes 'dgos so/ /jo bo la blo sbyong gdams pa'i srol gsum mnga' ste/ bla ma d+harma ra k+Shita/ bla ma byams pa'i rnal 'byor pa/ /gser gling pa'i lugs so/ /de la 'di bla ma gser gling pa'i lugs te/ 'di'i lugs kye bdag tu 'dzin pa ma spangs par mngon zhen ma zhe bar byas nas byang chub tu sems bskyed par bzhed pas/ grub mtha' phyi rol pa dang mthun byas kyang 'gal ba med pa yin gsungs/ gdams pa 'di la dang po sngon 'gro dag la bslab @225 par bya zhes gsungs te/ de la rtsis la gdab na bzhi ste/ dal 'byor rnyed par dka' ba/ mi rtag pa/ las rgyu 'bras/ srid pa'i nyes dmigs bsgom pa'o// dang po ni/ mi khoms pa'i gnas brgyad las log pa/ rang gzhan gyi 'byor pa lnga lnga dang ldan pas 'di bskal pa bye ba brgya stong du rnyed pa dka' ba lung rigs kyi sgo nas bsams la/ rnyed par dka' ba ma go na don yod par bya ba ni tshe 'di'i bya ba gang byas kyang de don yod par mi 'gyur bas chos bya chos kyi mchog bdag dang gzhan du brje ba'i byang chub kyi sems bsgoms snyam du sam/ de go le bya snyam na thob pa'i dal ba/ yun ring du mi gnas pa'i rtag pa 'chi ba rjes su dran pa bsgom ste/ sngar skyes pa la ma shi ba med pas kyang 'chi/ tshe 'dzad pas kyang 'chi/ tshe'i mtha' skad cig ma las ma 'das pas 'chi/ nges par chos bya/ /'dzam bu gling pa'i tshe la nges pa med pa dang / rang gi 'phen pa ci yod cha med pa dang /phyin nang gi rkyen mang bas nam 'chi cha med pas de ring nas chos bya/ de yang 'chi ba la shAkya thub pa byin rung/ khro bo bzhis bsrung rung/ nye du mang pos bskor rung/ rdzas dang yo byad mang po yod kyang cis kyang mi phan pas su'i yang ngo bsrung mi bya bar chos bya/ chos kyi mchog kyang bdag gzhan brje ba'i byang chub kyi sems bsgom/ shi nas med de cha mnyam na med de mi cha skye dgos de yang las kyi skye ba la/ las dge ba yang mtho ris dang thar pa la sogs par skye/ / mi dge bas ngan song gsum la sogs pa'i duHkha 'byung bas sdig pa sngar byas pa rnams zad par bya/ phyin chad mi bya bar bsdams/ dge bsngar gyi rnams la gsos gdab par/ phyin chad nus pa yod tshad du bya/ de dag gi mchog kyang bdag dang gzhan du brje ba'i byang chub @226 kyi sems yin pas da bsgom dge bas mtho ris su skyes kyang bde ba med de 'khor ba mtha dag duH kha yin pas 'khor ba mtho dman gyi mdo ru ma gyur yang/ klu sgrub kyi rje su 'brang ba la nyes dmigs bdun la sogs pa bsam la srid pa mtha' dag las yid 'byung bar byas la de las 'da' bar bya/ thar pa thob par bya; de theg mar mi byed na 'khor ba las me 'da'/ /thar pa thob pa'i bgegs bdag tu 'dzin pa yin pas de yang/ de mi yong ba'i thabs mchog kyang bdag gzhan brje ba'i byang chub sems bsgom pa yin pas de bsgom/ dngos gzhi gtong len spel mar bsgom/ sems can gyi duHkha kun 'byung bdag la blangs/ len pa'i go rim ma nas brtsams gsungs pas/ rtsa ba'i ma pha nye du yul mi yul khams bod yul gyi/ 'dzam bu gling gi gling bzhi bstong spyi phud/ stong gnyis bar ma'i stong gsum/ phyogs bcu yungs 'bru bri ru bcug pa tsam du gang yang nges ma khyab pa'i phyogs bcu nam mkha'i khams khyab tshad kyi sems cad mdun du bsam la/ rtsa ba'i ma 'dis dal 'byor byin nas de yang rkang blon gnas pa'i dus/ btsas dus/ gsos dus/ skyes nas zas gos/ nor gnag phangs dgu byin/ bdeb ni lo ka pa'i dbang du byas nas/ 'khor los sgyur ba'am/ 'das pa'i dbang du byas nas sangs rgyas kyi bde ba dang ldan yang nga'i bu la 'di mi 'os snyam pa med pa byas/ byams pa'i mig gis bltas/ brtse ba'i sems gyis bsam/ gces pa'i ming gi btags/ duHkha las skyabs/ bde ba la nus pa yod tshad du sbyar bas drin che bas/ dngags kyang drin lan du 'di rnams duHkha las skyabs bde ba la dgod/ de yang duHkhas @227 'phral lam phugs su gnad/ kun 'byung gi mi ster bar 'dug pas de gnyis las dbral snyam du bsam la/ sems can gyi duHkha kun 'byung gnyis po ma lus par skye gris bzhar ba ltar sangs blangs la/ rang gi snying gi dkyil du gzhug/ bdag gi lus 'di yid bzhin gyi nor bu rin po cher bsgyur la sems can thams cad la gtang bas de las dgos 'dod thams cad 'byung bas/ sems cad thams cad la gnas skabs su chos kyi go cha rkyen ma tshan ba med pa 'byung zhing mthar thug sangs rgyas kyi sa la yer gtong bar bsgom pa de gtong len thun gcig bsgom pa'o// de la nges pa skyes shing brtan par gyur na de gnyis dbugs la skyon par byas te/ dbugs phyir rgyu ba na gtong la/ nang du rgyu ba na len par sbyangs te/ rlung la brten pa'i ting nge 'dzin mi 'byung mi srid pas/ blo sbyangs pa dang 'jam rlung 'dzin pa dus cig 'grub par 'ong/ de ltar bsgom pas gtong ba ni byams pa/ len pa ni snying rje gnas skabs dang mthar thug gi duHkha dang bral zhing bde ba la 'god par 'dod pas dga' ba/ nye ring med pas btang snyoms/ sangs rgyas kyi sa la yer de 'jog pa byang chub kyi sems yin pas/ gser gling pa'i kun rdzob kyi sems la blo sbyong ba'i gdams pa'o/ /de rnams bsgom pa na skye ba bsgom pa na mi skye ba rnam pa yin/ bsgoms ma bsgom med par skyan chen po yin// dmigs pa ni yul rnams ni bsams pa bsod nams de'i rnam par smin pa de gsuM go bzlog pa nas tshad med par 'jog go /de ltar blo sbyong ba'i dngos gzhi mnyam gzhag de nor ma nor dang skyes ma skyes gtan la 'bebs pa ni rjes kyi shes par byed pas rjes bston pa ni yul gsum dug gsum dge rtsa gsum rjes kyi man ngag mdor bsdus pa'o/ /rang gi rgyud la yul gsum la brten nas dug gsum skyes pa na/ @228 de'i rgyu mtshan brtags dpyad byas nas sems can gyi 'dod chags la sogs pa sangs kyi bdag la blang/ bdag gi lus rin po cher bsgyur la sems can la btang bas des sems can 'dod chags med pa'i dge ba'i rtsa ba dang ldan par byas mthar thug sangs rgyas su yer btang/ dug gsum ji srid blta bar nga rgyal dang phrag dog la sogs pa nyon mongs pa thams cad la sbyar ro/ /'phral la gang thub bsgom la sbyar/ sems can la 'phral gyi duHkha dang kun 'byung gi rnam gcig tu 'dug pa bdag la blang bdag gi lus rin po cher bsgyur la de dag la btang bas 'phral du chos kyi cha rkyen/ phugs su rdzogs pa'i sangs rgyas su yer btang/ bdag bde pa'i rnam pa la gang snang ba de sems can la btang/ 'phral phugs kyi don 'grub par bsam spyod lam kun tu tshig gi sbyang/ spyod yul yongs su dag pa'i mdo ltar tshig tsam du yang sems can gyi sdig sdug thams cad bdag la smin par gyur cig par bsam/ bdag gi bde legs thams cad sems can la smin par gyur cig par bya; thog mtha' gnyis la sbyang ba gnyis bya/ dang por gang rtsam pa'i ldang ba'i sngon du mi lus dan yod par bya ba'i phyir gtong len byang chub kyi sems sgom snyam du go cha bsgo/ nyal dus sam rjes nang bar bltas la de grub na dga' ba dang rjes su yi rang bas dga' ba bsgom/ ma grub na gnong bskur bshags gdab bya/ le lan thams cad cig la dga'/ thog ma med pa nas de lta'i bar gyi mi bde ba'am/ duHkha thams cad bdag 'dzin las byung bas na ;'di la gnod na cis gnod kyang gnod par bya snyam du bsgom/ kun la bka' drin che bar bsgom/ gnas skabs dang mthar thug gi phan bde thams cad yul sems can la brten nas 'byung ste/ 'phral gyi zas gos la sogs pa'am/ phugs kyi rdzogs pa'i byang chub kyi lam/ @229 bsam pa byang chub kyi sems sbyor ba pha rol du phyin pa drug po thams cad sems can la brten nas rdzogs su rung gi sems can med na mi rdzogs pas bka' drin bsgom la gtong len bsgom/ bkol ba gsum la rtag tu sbyang/ pha ma/ mkhan slob dge ba'i bshes gnyen la sogs pa drin lan du sdig pa rlabs can rgyud la yod pa rnams la snying rje bas phan btags btags pa tshur gnod pa byed du 'ong ba rnams la brten nas rang gi 'tshor sla bas gsum po de la khyad par du bkal gyin gtong len bsgom/ dbang po gnyis kyi gtso bo bzung rang gi chos la skyes bu dam pa mi rnams kyis ma khrel ba gang zag gi dbang po dang / rang khrel mi khrel lam 'gyod mi 'gyod bstun nas bltas pa rang rig pa'i dpang pa'o/ /gnyis po tshang na thams cad blang rang la duHkha kun 'byung mi mkho bar rtogs na drin gyi sems can thams cad la yang mi mkho bar rtogs par byas la sems can gyi gnyis po bdag la blang bdag lu rin po cher bsgyur la sems can la btang 'phral la chos kyi cha rkyen ma tshang ba med pa mthar sangs rgyas su btang/ dka' ba rnam pa gsum la bslab rang gi nyon mongs pas rta byas nas gtong len bsgom la dang po rgyud la nyon mongs pa skyes pa na ngos zin pa'am dran pas zin dka'/ bar du nyon mongs pa gnyan pos bral bar dka'/ tha ma nyon mongs pa tsher chod dka' bas gsum te/ rta tu dong pa dran pa/ bar du brel ba/ tha ma tshar ci chod bya ba la bslab/ rgyu'i gtso bo rnam gsum blang/ chos byed pa'i sems can la bla ma dam pa dang mjal ba/ rang gi rgyud bkol du rung ba/ zas gos gnas khang nye g.yog la sogs pa mthun rkyen 'dzoms pa gsum rgyu'i gtso bo yin pa la/ de rnams ma 'dzoms pa thams cad la blang/ bdag ga lus rim po cher bsgyur te/ dgos 'dod @230 mtha' dag 'byung bar sems can la btang bas sems can thams cad gnas skabs su rkyen gsum po ma tshang ba med par byas/ mthar sangs rgyas su yer btang/ gnyis po gang byung bzod par bya 'dzoms shing phun sum tshogs par byung yang gtang len la g.yel bar mi bya/ ma 'dzoms shing rgud kyang des zhum nas gtong len bsgom pa bar mi bcad par chos bya/ chos rnams dgongs pa gcig tu 'dus/ dal 'byor rnyed dka'/ 'chi ba rjes dran/ las 'bras srid pa'i nyes dmigs byams snying rje byang chub kyi sems pha rol tu phyin pa drug /bdag med gnyis bsgom pa thams cad kyi dgos pa bdag 'dzin 'di nyes pa thams cad kyi rtsa ba yin pas spang ba dang / gzhan gces 'dzin gyi byang chub kyi sems 'di yon tan thams cad kyi 'byung gnas yin pas bsgrub/ chos thams cad kyi rtsa ba'am dgongs pa de las/ mi 'da' shags ngan ma dgod/ byang chub sems dpa' sems can gyi don byed pas ngag tu rtsub mo mi gdon/ yus mi bsgom byang chub sems dpa' sems can gyi don byed pa de las mi bya rgyu byas pa yin pas lan gzhan la yus che rgyu med pas yus mi bsgom/ /ko long ma sdom/ byang chub sems dpa' la gzhan gyis nyes pa byas pa ni byang chub lag mthil tu gtong rgyu byung ba yin pas dga' ba bsgom gyes ko long mi sdom/ 'or che yang byang chub sems dpa' sems can gyi don byas pa de rang gi las mi bya ba byas pa yin pas lan la ma re tha ma'or che'o/ /byas pa tsam la yang mi lta 'phrang 'gugs ma bya/ sems can 'dis bdag la nyes pa 'di dang 'di byas snyam pa'i mi ngan lam gyi 'phrang ma sgugs/ gzhung bzang mi bsten/ 'khon 'dzin gyi bsam pa thog ma med pa nas 'bral ma myong ba de dang gtong len byang chub kyi sems bsgom pa de 'gal bas de yang spang/ mgyoD @231 kyi rtse mi gtod/ rang byang chub pa'i bsgrub bya sngon la bsgrub pa dang byang chub sems 'gal ba de yang mdzo khal glang la mi bya'o/ /nyes pa thams cad bdag tu 'dzin pa las byung ba yin te/ nyes 'gyod gzhan la mi rgal/ skyid kyi yan lag tu sdug mi btsal skyid pa'am bde ba 'dod na de'i rgyu'am yan lag tu tshong dang / bzo dang so nam la sogs pa byed pa de'ang bdag 'dzin kho na'i phyir byed de des bde skyid mi rnyed/ rkyen la ltos pa med par sbyangs/ gtong len byang chub kyi sems bsgom pa ni rkyen legs shos sam nyes shos la ltos nas sgom pa'i nyes pa med de/ legs par mthong rung/ nyes par mthong rung/ gang snang snang rgyu mtshan du byas la bsgom/ rnal 'byor thams cad gcig gis bya chos gang bsgom yang gtong len byang chub kyi sems bsgom pa'i cha rkyen du bya/ log na gnyen por de nyid bsam/ sgom skyon la sogs pa byung na gnyen po la sogs pa gzhan nas mi tshol bar gtong len kho na bsgom/ 'bral med gsum dang ldan par bya/ lus kyi 'grub tshad phyag dang bskor ba la sogs pa/ ngag gi smra tshad mdo dang snying po la sogs pa/ yid kyi sems tshad lha bsgoms pa la sogs pa/ gang byed kyang dmigs pa gtong len las mi 'da' bar bya/ lha bsgom lta bu la sa bon la sogs pa'i spro bsdu thams cad gtong len bsgom na rnal 'byor gyi mchog go/ gnyis po srog dang bsOd ba las gtong len gyi byang chub kyi sems bsgom pa srog dang bsdos la'ang bya ste/ de gal che ba'i tshad do/ /bla ma dam pa'i gdams ngag spya dang mthun gtong len byang chub kyi sems kyi gdams pa ston pa'i bla ma shin tu mnyan pas dam tshig bsrung ba shin tu dka' ste/ sngags sam phar phyin gyi gzhung bla ma lnga bcu pa la sogs pa gzhan dang mthun no/ /spyi don gsum la @232 bslab par bya/ gtong len bsgom pa de'ang / spyir sangs rgyas kyi bstan pa spyi dang mi 'gal ba khyad par du dge ba'i bshes gnyen gyi bka' srol dang mi 'gal pa/ bye brag tu yang rang gi khas blangs kyi bslab sdom thams cad mi 'gal bar blo sbyong/ nyams pa med pa rnam pa gsum bsten/ byin rlabs la re dgos pas bla ma la dad gus nyams pa med/ gom pa las dbang du gyur pa'i gtong len byang chub kyi sems bsgom pa la 'dun pa nyams pa med pa yon tan thams cad kyi gzhi ma tshul khrims dag pa las byung ba yin pas rang gis khas blangs pa'i bslab sdom la gus pa nyams pa med par blo sbyongs/ yan lag nyams pa brjod mi bya/ rang gis dag par bsrungs kyang mi stongs kyang cha bas rang gis dag par bsrungs pa'i yan lag yan pas gzhan ji ltar yang nyes skyon brjod par mi bya; gzhan phyogs gang yang mi bsam mo/ /legs nyes yin min bde sdug thog tu byung ba la brten nas de ka rgyu mtshan du byas shing blo sbyong dgos pas/ spang bya 'di gnyen po 'di phyogs su chad pa med par thams cad bsten la gtong len bya; res 'jog mi bya nyams sad pa lta bus blo mi 'byongs pas dus rtag tu gtong len byang chub kyi sems sbyong ba la snyang phur btab pa 'drar blo sbyangs/ yud tsam pa mi bya/ rdzogs pa'i sangs rgyas ni grangs med gsum gyis bsgrub dgos pas byang chub kyi sems bsgom pa ni yud tsam mam/ tshig gcig gam bskal pa gcig tsam gyis mthar mi phyin pas yun bsrings la bsgom/ del ched du sbyangs/ bdag gi lus la sogs pa gtang pa dang gzhan gyi duH-kha thams cad bdag la len pa de ngas nus sam mi nus sam snyam du nyams sad pa tsam gyis mi yong pas/ rtsa phran chad pa ltar/ khal do bcad pa ltar ram/ la bcad du sbyar/ rtog dpyod gnyis kyi mthar bya yang / gtong len rgyud la skyes snyam pa'i brtan pa yod snyam byed na nyon mongs pa skye ba'i yul dang phrad pa'am/ sems can duH- kha can dang phrad pa'am/ bdag la bde ba 'am duH- kha skyes pa na/ gtong nus sam mi nus/ len nus sam mi nus nyon mongs pa'i gnyen por song ma song steng nas zhun bya/ gsal bar dbyung/ yid bde 'ba' zhig rgyun du bsten/ legs nyes ci byung rung bde sdug ci la thugs kyang/ gtong len byang chub kyi sems bsgom pa'i cha rkyen nam rta'am grogs su mi 'gyur ba med pas ci byung yang dga' ba kho nar bya'i sdug bsngal du gyur ba'i rgyu ma grub po/ /'bras bu re ba thams cad spang/ gtong len byang chub kyi sems skyangs la gnas skabs kyi phan yan nam mthar thug gi sangs rgyas thob par 'dod pa'am/ dga' ba byung na rang gi don du bde ba'am/ 'bras bu 'grub pa la re ba thams cad spang/ gnas skabs dang mthar thug thams cad du/ gzhan bde dang gzhan ched kho nar blo sbyang go log mi bya/ 'dun pa go log mi bya ste/ rang don gyi 'dun pa spangs la gzhan don 'ba' zhig tu blo sbyang / snying rje go log brnyas chos sam/ khyad bsod kyi snying rje spangs la brtse sems kyi mi bzod pa bsgom/ bzod pa go log rang 'dod kyi phyir duH-kha bzod pa spangs la/ gzhan ched du byang chub bsgrub pa'i duH-kha bzod par bya/ brtson 'grus go log 'dod yon gyi phyir spyod pa'i brtson pa'am/ rang don gyi brtson pa sbangs la/ gzhan don sangs rgyas bsgrub pa'i brtson 'grus brtsams/ ro myong ba go log rang 'dod grub pas dga' ba spangs la gzhan don grub pa la dga' ba bsgom/ rjes su yi rang ba go log sems can nyes pa byung ba la yi rang ba spangs la/ bde legs su gyur ba la yi rang ba bsgom/ gnad @234 la mi dbab/ stobs la sogs pa yod pa'i gang zag yin na/ mi'am mi ma yin pa la gzir ba'am gnad la dbab pa mi bya/ lha bdud du mi dbab/ gtong len byang chub kyi sems bsgom pa yon tan gyi rang bzhin yin pa las/ de la nga rgyal byas na skyon gyi gzhi mar cha bas de mi bya/ rgyu'i gtso bo ngos bzung/ rdzogs pa'i sangs rgyas thob pa'i sa bon nam rgyu'i gtso bo gtong len nam byang chub kyi sems bsgom pa yin gyi lus ngag gi mngon mngon pos mi phan/ de ni lus ngag tu mi gdon yengs thub par bya'o/ /dus rtag tu bsam pa gtong len byang chub kyi sems la ma yengs par blo sbyangs gtong log mi bya/ lus gzhan la gtong ba de kha tsam tshig tsam min pas zhe thag pas gtang/ gzhan gyi sdig sdug bdag la len pa de kha tsam tshig tsam min pas zhe thag pas dngos su blangs la de bdag 'gas pa'am/ 'phir ba'am/ glag pa tsam du gyur bar bsgom/ de rnams bsdus nas bsgom pa ni stobs lnga dag la sbyar ba bya/ gtong len bsgom pa'i 'dun pa rgyun ma chad du yid la byed pa ni 'phen pa'i stobs so/ /gtong len byang chub kyi sems rgyud la skye ba'i phyir mchod pa bsnyen bkur gtor ma sogs pa byed pa ni/ dge ba'i rtsa ba dkar po'i sa bon bsags pa'i stobs so// gtong len byang chub kyi sems rgyud la skye bar bya ba'i phyir/ bla ma dang dkon mchog la sogs pa la gsol ba 'debs/ rang gi smon lam rgyun du 'debs pa ni smon lam gyis stobs so/ /dus rtag tu gtong len byang chub kyi sems bsgom pa la blo goms pas nyams su myong zhing rang dbang du gyur ba ni goms pa'i stobs so // gtong len de lta bu bsgom par mi nus snyam du bdag gces 'dzin gyi blo byung na de tshar gcod pa ni sun 'byin pa'i stobs so/ /'chi khar bsgom pa dang 'chi bar @235 'dug pas bar do thams cad du gtong len byang chub kyi sems mtshan nyid pa ci skye snyam du bsgom pa ni 'phen pa'i stobs so/ ka cha spong thag 'os pa la gtang/ mchod pa gtor ma bsnyen bkur 'os pa byed pa la sogs pa dkar po dge bsags sa bon gyi stobs so/ /bla ma dkon mchog mchod pa dang / chos skyong la bar do man chad du gtong len byang chub kyi sems skye bar mdzad du gsol/ /zhes gsol ba 'debs/ rang yang de ltar smon lam rgyun du 'debs pa smon lam gyis stobs so/ /'chi ka'i gdams pa'i gsol 'debs bya'o/ /'dun pa bsgyur la rang sor bzhag/ gtong len bsgom pa la 'dun pa la bsgyur par byed pa de lta bus lam mi chod zer ba la sogs pa byung na rang gi shes pa bsgyur bar bya ste/ sangs rgyas kyi rgyu'i rtsa ba'i ngo bo yin pa'i phyir/ snyigs ma lnga po rab rgyas pa/ /snyigs ma lnga'i dus phyin ci logs rgyas pa nyon mongs pa shas che ba'i nyon mongs ci skyes thams cad byang chub lam du bsgyur byed pa/ /gtong len gyi grogs sam gta' ma'am/ cha rkyen du bsgyur ba byed pa'o/ /man ngag bdud rtsi'i nying khu 'di/ /sde snod thams cad kyi bcud gtigs pa'i nyeng khu'o // dam pa dag las rgyud pa yin/ byams pa nas gser gling pa/ a ti sha/ dge bshes ston pa/ pu to ba/ sha ra ba/ mal gro ba/ brag dmar ba'o// de rnams la lta ba spyad pa/ dam tshig tshul khrims la soD pa gang la yang skyon nam lhad dam zol med pas dam pa'o/ /de dag las snyan nas snyan du brgyud pa'i gdams pa/ bdag gzhan brjes nas gtong len gyi byang chub sems bsgom pa la snang grags yin min/ mthar thug thams cad byang chub kyi sems sbyong ba'i cha rkyen du khyer nas blo sbyong bar byed pa'i gdams pa'o/ /blo sbyong gdams ngag rdzogs so// bkra shis// //