! jo bo'i blo sbyong don bdun ma lags so//

na mo gu ru/ dus gsum sangs rgyas kun gyi lam gyi mchog /byams
dang

snying rje stong pa zung 'jug pa/ bdag gzhan mnyam nyid bde sdug
brje nus pa'i/ /thuD

rje byang chub sems la phyag 'tshal lo/ /stong nyid bdag gzhan
mnyam pa nyid/ /dgra

gnyen med par mnyam nyid byang chub sems/ /gang la skyes na
byang chub thob byed pa//

'bri bsnan med par bla ma'i gsung bzhin bre/ /de la 'dir yid
ches shing khungs

btsun pa bla ma brgyud pa'i lo rgyus dang / byin rlabs 'jug par
bya ba'i phyir bla

ma'i rnal 'byor bsgom pa dang / sems can la byams pa bsgom pa
dang / 'khrul

'khor gsum gyi sgo nas snying rje bsgom pa dang / smon 'jug gi
sems gnyis la

ngo sprod pa dang / 'gal rkyen lam du bya ba dang / dmigs pa can
la phur

tshugs su bsgom pa dang bdun las/ dang po ni jo bo la bla ma mang
du yod kyang

'di'i brgyud pa ni/ rdo rje 'chang/ te lo pa/ nA ro pa/ Dom b+hi
wa/ jo

@184 bo rje/ 'jo dbang phyug rgyal mtshan/ po to ba/ rgya lcags
ri pa/ lha ri rtsa brgyad pa/

dwaD po lha rje/ phag gru/ /rgya sgom ri/ sa zhig so/ rgya mkhar
ri sa/ rin chen brag

dmar ba/ zhang brag dkar ba/ bla ma dkon mchog byang chub
dpal/
gzhon nu graD/

slob dpon zhang/ des shes rab bsod naMs/ des brtson 'grus la/
des slob dpon

chos mchog la/ des slob dpon tshul khrims dpal/ des bud d+har tna
la/ das kI

rti shi la la/ des chos rje rgyal ba bzang po la/ des chos rje
bsod naMs

rin chen la/ des gzhon nu rgyal mchog la/ des bdag la'o/ /gnyis
pa byin gyis

brlabs pa'i phyir bla ma'i rnal 'byor bsgom pa ni/ sems can
thams cad kyi don

du byang chub kyi sems bsgom snyam du sems bskyed pa'i ngang nas
rang gi rtsa ba'i bla ma

pad zla'i steng du bsgoms la/ de'i thugs ka nas 'od zer 'phros
te/ chos

'brel yod tshad la 'phros tshur 'dus bla ma la thim/ de bzhin
brgyud pa'i bla ma

dang yi dam gyi lha tshogs dang / sangs rgyas dang byang chub
sems dpa' thams

cad bsdus la bla ma la bstim/ de nas lus longs spyod dus gsum
dge ba thams

cad bla ma la phul la mos gus dung ba bya/ byams snying rje
byang chub kyi sems khyad

par can rgyud la skye bar byin gyis brlab tu gsol/ /zhes gsol ba
drag tu gdab

po; ;bla ma'i rnal 'byor bsgoms pa tshar ba'i skabs cig /de rnams
la

byams pa bsgoms pa gsum pa ni/ dang po rang gi rtsa ba'i pha ma
mdun du bsams

la; ma 'dis bdag dang phung po nying mtshams sbyor ba'i tshe 'gro
ba mi'i sa la

bzhag pas shin tu drin che ste/ de yang zla ba dgu ngo bcur lto
na gnas pa'i tshe brtse

ba'i bsam pas bskyangs te/ nga'i bu 'di gzhan su dang mi mnyam
pa gcig byung

na ci ma rung snyam du bu'i ched du mo 'debs/ phywa gog tshwa
tshwa 'debs/ chu

@185 gtor btang/ klog 'don la sogs pa byed/ sbyor bas kyang bu
la gnod pa'i

spyod lam thams cad spong/ btsas nas kyang spu tshogs gcig dang
gnyer ma sbar

gang las med cing se gol gcig bzhag na 'chi ba las sbyong ste/
sha'i drod la

rlan/ mi gtsang pa lag pas phyis/ kha'i zas snyod/ snabs lces
phyis

te cung zad cher song ste/ zas rang gis za shes pa dang / pha
ma'i ming nas

'bod shes pa dang / 'gro ga li tsam shes pa la dga' ba byas
shing/ ma

rang gi lus bas kyang gces par bzung/ bu'i ched du skyid sdug
gtam gsum la ma

bltas par bskyangs/ snyan pa'i ming nas bos/ byams pa'i mig gis
bltas/

cher skyes nas gzhan la bre kha phul kha rtsam la ngo nag log
log brtsegs nas bsags

pa thams cad bu la phangs pa med par byin/ bu'i ched du skyid
sdug gtam gsum

rang gis blangs/ rang la nus pa yod na 'jig rten pa'i phun sum
tshogs pa la

'khor los bsgyur ba'i lus la bkod kyang ches snyam pa mi skye/
'jig rten las

'das pa'i dbang du byas na sangs rgyas kyi bde ba la bkod kyang
bu la ches snyam pa

med par byas/ de ltar brtse ba'i sems kyis bskyangs/ byams pa'i
mig

gis bltas/ snyan pa'i tshig gis bos/ snying gi dum bu phyir lus
pa lta

bur bskyangs/ rang gis spyad du rung ba'i zas gos nor thams cad
bu la phog

cing rang bas gces par bzung/ zhag gcig med kyang blo mi bde bar
byas/

phan sna tshogs nas btags/ gnod pa sna tshogs nas bsal ba'i drin
can 'di

bdag la 'di tsam drin chen snyam du mig nas mchi ma phyung
ba'am/ lus kyi ba

spu ldang ba tsam du bsam/ ma 'di la bdag gis ji ltar byas nas
phan btags

snyam du bsams la 'di ltar byas na bde ba dang ldan par gyur
snyam du bsam/ de

@186 de bzhin du mched grogs bza' tshang la bsam/ de nas yul mi
khyim mtshes la

bsam/ de bzhin du mig gis mthong ba'i sems can la bsam/ de nas

nam mkha' khyab tshad kyis sems can 'gro ba rigs drug thams cad
la bsgom/

byams pa'i shugs chung na rigs drug re re la ma skyes kyi bar du
bsgom du gzhug/

bdag 'khor ba thog ma med pa nas da lta'i bar du 'khyams pas
sems can gyi ma

byas pa yang grangs med la/ mdo myang 'das las/ ma yi thugs
mtha' rgya shug

tshig gu tsam/ /ril bur bgrang kyang sa yis mi lang 'gyur/ /zhes
gsungs so//

ma min pa la yin par bsgom pa min pas/ sems can thams cad la
rtsa ba'i

ma bzhin du ma skyes bar du bsgom/ bzhi pa ni/ lus ngag yid gsum
gyis

'khrul 'khor bcas te snying rje bsgom/ de yang yid kyi 'khrul
'khor ni rigs

drug re re la ma skyes bar du bsgom ste/ tsha dmyal brgyad ni/
yang sos/ /

thig nag /bsdus 'joms/ ngu 'bod/ ngu 'bod chen po/ tsha ba/

rab tu tsha ba/ mnar med do/ /de rnams ni dang po rnams la mtshon
cha'i tsha ba/

phyi ma dag la ni lcags bsregs kyi khang pa me 'bar ba sum rims
su bcug nas yun

dpag tu med par mes bsregs pa la sogs pa'i sdug bsngal dpag tu
med pa yod

cing/ grang dmyal brgyad ni/ chu bur can/ chu bur rdol ba can/
a chu

zer ba/ so tham pa/ kyi hud zer ba/ utpal ltar gas pa/ padma
ltar

gas pa/ padma chen po ltar gas pa ste/ grang ba'i dmyal ba la
sdug bsngal

dpag tu med pa yod pas/ de rnams kyi tshe tshad dang / lus tshad
rnams mngon

pa dang mdo dran pa nyer bzhag la sogs pa nas bshad pa bzhin
bsam la rang gi rtsa

ba'i ma bzhin du ma 'dis sdug bsngal bzod klags med pa myong na
snying rje snyam du

@187 bsam/ ma 'di rnams las ngan bsags pas sdug bsngal 'di lta
bu dpag med

myong ba snying re rje/ sdug bsngal las ji ltar byas na grol bar
'gyur snyam du bsam

zhing/ mchi ma nyil nyil la bsgom/ lus kyi 'khrul 'khor ni thal
mo gnyis

'gram pa la sbyar/ gru mo gnyis brla la btsugs/ lus tsog bur mgo

bo bkug ngo 'dzum bsdus la ngag tu nga'i a ma a ma zhes 'don
pa ngag gi 'khrul

'khor ro/ /de bzhin du yi dwags la yang phyi'i sgrib pa can lo
mang po'i bar du

zas skom mig gis kyang mi mthong/ mthong yang rnag khrag dang
gre phub me mdag

la sogs par song nas bzar mi btub pa'o/ /nang gi sgrib pa can ni
lto ba lung

pa'i ltos tsam/ kha khab mig tsam/ mgrin pa 'jag sbug tsam/
rkang

lag 'jag ma tsam du gyur pas zas khar mi shong/ shongs kyang
mgrin pa nas

mi thar lto khengs na rkang lag gis mi theg pa la sogs pa'i sdug
bsngal dpag tu

med pa yod/ zas skom nyid sgrib par gyur pa ni/ bza' btung zos
pas gre

phub me ma mur dang lcags kyi tho lum 'bar ba dang / thal bar
song nas sdug bsngal

ba la dmigs pa sngar bzhin snying rje bsgom/ dud 'gro byings na
gnas pa rnams

la sdug bsngal bsam gyis mi khyab pa yod par gsungs la rang gi
mthong ba rnams la

yang ma shi bar khog par lag pa 'jug pa/ bya ye dang gcan gzan
gcig gis

gcig ma shi bar za ba dang / ston ka'i phyugs lug gsod pa dang /
hor la

sogs pas dud 'gro gsod pa dang / mi theg bzhin du 'khur dgos pa
dang /

mi 'brud bzhin du rmos rmo dgos pa dang / gzhan yang glen zhing
gti mug pa la

sogs pa'i sdug bsngal dpag tu med pa yod pas/ de rnams la dmigs
la snying

rje sngar bzhin du sgom mo/ /mi la yang skye rga na 'chi'i sdug
bsngal dang / med
 
@188 pa tsal gyis mi rnyed/ yod pa bsrungs kyis mi thub/
byams pa dang bral ba'i

duH kha/ sdang ba dang phrad pa'i sdug bsngal skyid pa tshig
ngan drag 'dul la sogs

pa med thabs med pa'i bu dang / khyo dang / chung ma dang /
grogs dang /

dpon shi ba la sogs pa'i sdug bsngal dpag tu med pa dang /
gzhan yang tshe 'dir

sdig pa sha dag spyod pa bzang sems skad cig kyang mi rgyu ba
shi ma thag ngan song min pa

'gro sa med pa 'di rnams snying re rje snyam du sngar bzhin
bsgom/ lha ma yin rnams

la 'thab rtsod dang gsod shi'i sdug bsngal dpag tu med pa yod
snyam du bsam/ lha

la yang 'chi ltas kyi sdug bsngal dpag tu med pa dang / grogs
rnams kyi pha rol

bor ba'i sdug bsngal dang / lha 'ga' zhig la tam bu ra re tsam
las longs spyod

gzhan med pa la sogs pa'i sdug bsngal dpag tu med pa yod pas/
de rnams

la dmigs bsal sngar bzhin snying rje bsgom mo/ /de rnams kyi
tshe tshad lus tshad

rnams mngon pa nas bshad pa ltar shes par bya'o/ /mdor na sems
can 'di rnams

ma drin can yin pas ma 'di rnams sdug bsngal 'di 'dra ba la
spyod pa snying re rja bsam

zhing/ bdag gi ma 'di rnams kyi shes rab kyi mig long/ thabs
kyi rkang

pa chag /bla ma'i long khrid pa dang bral/ grogs bzang po chos
la sbyor ba'i

'khor dang bral ba 'di rnams sdug bsngal dang bral bar gyur
cig snyam du mchi ma nyil

nyil bsgom mo/ /lnga pa la gnyis las/ dang po smon pa ni/ rang
gi

lus la na tsha byung ngam mi bde ba ci byung yang de'i dus su
bdag gi mi bde ba 'di'i steng

du sems can thams cad kyi sdug bsngal thams cad smin par gyur
cig /sems

can thams cad kyi sdug bsngal bdag la smin nas sems can rnams
la sdug bsngal gyi

sgra tsam yang mi grag par gyur cig /snyam du bsam/ yang rang
gi lus ngag

@189 yid gsum la bde ba dang / skyid pa dang / dge sbyor 'phel
ba dang / blo

dge phyogs su bskul du btub pa dang / chos sgrub pa'i mthun
rkyen tshang ba rnams

sangs rgyas kyi bde ba dang dge ba tsam du bsam la/ bdag gi
'di sems can

thams cad la smin par gyur cig /sems can thams cad bde ba dang
dge ba rgyas

par gyur cig snyam du bsam/ gnyis pa 'jug pa ni/ ma rgan sems
can

rnams la gang gnod na sdug bsngal dang kun 'byung gi gnod pas/
de rnams kyi

lus kyi na tsha dang / sems kyi sdug bsngal dang / nyon mongs
pa dang / sdig

pa dang / sgrib pa thams cad gyis bzhar ba ltar blos 'ubs kyis
bsdus la sna bug

g.yon pa nas rlung tshur 'ong ba dang sdongs la rang gi snying
gi dkyil du zhuT/ mchog

tu na tsha dang sdug bsngal gang byung yang de bzhin du snying
gi dkyil du bzhuT so/ /thams

cad rnams la gcig kyang ma lus par bsam mo/ /sems can rnams la
gang gi

phan na gnas skabs su chos kyi mthun rkyen dang / mthar thug
sangs rgyas kyi bde

bas phan pas bdag gi lus ngag yid gsum la bde ba dang dge ba
ci yod pa thams

cad gnas skabs su mthun rkyen dang mthar thug sangs rgyas kyi
bde ba dpag tu med

par bsam/ de rnams rang la gcig kyang ma lus par sna bug
g.yas nas rlung

phar 'gro ba dang sdongs nas sems can rnams la smin par bsam
mo/ /sems

can rnams gnas skabs dang mthar thug gi bde ba rgyas par bsam/
stong pa dang

snying rje rgyud la skyes nas bsam ngan gdug sems thams cad
zhi bar bsam gsung ngo/

drug pa mdor na rang la na tsha dang sdug bsngal blo dang mi
mthun pa'i rkyen nyes pa'i kha

yogs dang / kha smras dang / bdag la 'char ka gtong ba dang /
dgras

gtibs pa dang / gnod kyi bar chad gtong ba dang / cha rkyen ma
'dzoms pa

@190 dang / sems rgyud la nyon mongs pa drag po skyes pa dang
/ bla dge phyogs

su bkol du mi btub pa dang bla ma dang dkon mchog la dad gus
g.yel du song ba

dang / sgrub pa dang dge sbyor byed snying ma 'dod pa dang /
blo sna mang pos sems

tshol khros khyer ba/ snying ma dga' ba/ nga rgyal dang / rlom
sems skyes

pa; dam tshig nyams chag la sogs pa chos dang mi mthun pa thams
cad bdud

kyi bar chad yin pas bdud du shes par byas la rigs pa la ngar
bskyed pa 'di ka'i

dus su dgos pa yin snyam du bsams la/ nam mkha' dang mnyam
pa'i sems

can thams cad la byams snying rje byang chub kyi sems dung
dung pa mchi ma 'chor bar bya

ba bsgom/ dgra bgegs gnod par byed pa la lhag par bsgom/ de
nas sa

la gnas pa'i byang chub sems dpa' nas mnar med pa'i sems can
dmyal ba yan

chad kyis bar du gcod pa mi mthun pa'i phyogs thams cad rang
la gang byung ba de'i

steng du shugs bskyed la blangs la da nas blangs pa'i yul dang
sdug bsngal dang blangs

rgyu'i dngos po thams cad kyang rang sems 'khrul pa'i rang
snang du thag bcad la

sems skye 'gag gnas gsum dang bral ba'i ngang la glod la bzhag
go /de skyar

zhing yang yang bsgom pas bdud kyi bar chad dang sdug bsngal
thams cad dge sbyor gyi

bogs 'don du 'gro bar bar chad thams cad blang dkon mchog gi
byin rlabs su

shes shing blo nges pa'i shes pa gting nas skye gsung ngo/ /de
ltar byung na ltas ngan

g.yang du len/ /bdud chos nyid du go /rkyen ngan grogs su
shar nas snang ba gang

shar thams cad lam du 'gro ba cig 'ong gsung ngo/ /de ltar
byung yang rlom

sems mi bya/ byas na bdud yin/ yang rang gi dge ba dang / lus

sems kyi dge ba thams cad snga ma ltar shes par bya'o/ /de
ltar snang ba thams

@191 cad rang sems su thag bcad la dus rtag tu dran pas zin
par bya'o/ /bdun pa

dmigs bsal can la phur tshugs su bsgom pa ni/ rang la gnod pa'i
gdon

bgegs sam/ sdang ba'i dgra la sogs pa bsgom ste/ de yang rang
la sngar nas kha

zug pa'i gdon nam/ blo bur du gnod pa'i gdon gang yang rung
ste/ gdon de rmi

lam la sogs par kho'i gzugs dang / cho 'phrul gang ston brtaT
la de ngos bzung

ngo; ;dgra 'am gdon de rang gi mdun du bkug la gsal bar bsgom
la/

gzhan yang sems can la gnod cing 'tshe ba'i 'byung po'i rigs
thams cad kyang

bsam rigs drug gi sems can thams cad kyang bsam la/ gnod byed

kyi gtso byas pa'i sems can rnams bdag gi ma drin can yin/ 'di
rnams bde ba

dang ldan par bya/ sdug bsngal dang bral bar bya/ 'di rnams
kyi don du

sangs rgyas thob par bya snyam tu sems bskyed par bya'o/ /de'i
ched du byang chub

kyi sems bsgom snyam du bsams la/ 'di bdag gi ma drin can yin/
'di

tshe sngam mang por pha ma yang yang byas pas lan chags 'ong ba
yin/ ma drin can

'dis las ngan pa bsags pas lus 'di 'dra ba blangs/ lus 'di
'dra ba la

brten nas nga med pa la ngar bzung/ bdag med pa la bdag tu
bzung/ da lta

sems can la gnod cing 'tshe ba sha stag byas pas 'khor ba dang
ngan song gi sdug

bsngal chen po las thar dus med pa snying re rje snyam du
bsam/ rang gi rtsa ba'i ma

lta bur bsam zhing nga'i a ma zhes ngag tu yang brjod cing
snying rje drag po mig nas

mchi ma nyil nyil pa'am lus kyi ba spu lngang ba tsam bsgom
la/ khos gtso byas pa'i

sems can rnams lus kyi na tsha ba sdug bsngal thams cad rang gi
sems kyi mi bde ba

gang yod pa de'i steng du 'ubs kyis bsdus la rang gi de dang
gnyis med du bsdus la

@192 kho la gcig kyang ma lus par bsam mo/ /rang gi lus ngag
yid gsum gyi bde

ba dang dge ba thams cad kho la btang bas/ kho'i bsam ngan
dang gdug sams

thams cad zhi nas byang chub kya sems rgyud la skyes par bsam/
de yang yang bya'o//

yang nad gdon thams cad bka' drin du bsgom/ dge sbyor gyi
bskul ma byas pas

drin che bas dus 'di nas sangs rgyas ma thob kyi bar du mi
'bral bar bya snyam du bsam

gzhan yang lus sems kyi steng du sdug bsngal ma 'tshams pa
byung ba'i tshe yid ma shi

bar byas/ rig pa ngar bskyed la 'di ka'i dus su dgos pa yin
snyam pa byas la/

gnod byed kyis gtso byas pa'i sems can thams cad kyi sdug
bsngal dngos rgyu dang

bcas pa rnams bsam/ rang gi rtsa ba'i ma lta bur drin che ba
'di rnams sdug

bsngal 'di 'dra la spyad pa'i snying re rjen bdag la ni da lta
sdug bsngal las grol bar

byed pa'i nus pa med na ma 'di rnams ji ltar byas na sdug
bsngal las grol bar

'gyur snyam du sems kyi 'khrul 'khor sems can thams cad kyi
sdug bsngal bsam/

lus kyi 'khrul 'khor na/ lus tsog pur 'dug la lag pa g.yas
pa'i thal

mos 'gram pa sbyor/ gru mo brla'i steng du bzhag /bzhin gyi
mdog smin

mtshams su bsdus la mchi ma 'don pa'i tshul du bya'o/ /ngag gi
'khrul 'khor

ni nga'i a ma zhes brgya dang stong la sogs pa bgrang ngo/
/de ltar byams pa bsgom

pas snying rje dbang med du skye ba 'byung ngo/ /ngu snying
'dod pa dang / snying grang ba

dang / sdug bsngal can mthong ba dang / thos pa dang dran pa
tsam gyi snying

rje rang dbang du skye ba 'byung ngo// de ltar byung ba dang
sems can gyi sdug bsngal thams

cad skra gris bzhar ba bzhin du sna bug g.yas g.yon nas
rlung nang du 'ong ba dang nga sdos

nas rang gi snying du zhugs sems can la sdug bsngal gcig kyang
ma lus par bsam/

@193 nyon mongs pa la sogs pa gang skyes kyang de ltar yang
yang bya'o/ /yang dag pa'i don

la 'di yin 'di min med pa'i lta ba'i steng du bzhag go /rang
gi bde ba dge ba

thams cad ltos pa med par sems can thams cad la phar btang bas
sems can

thams cad kyi gnod sems gdug rtsub thams cad zhi bar bsam mo/
/de ltar byas

pas nad gdon thams cad grogs su 'char ro/ /phan yon bsam gyis
mi khyab bo//

gnas skabs su nad gdon thams cad rang grol du 'gro ba'i shes
byed mang du yod de

'dir ma bris so/ /bya ba gang byed kyang 'dis zin na sangs
rgyas kyi lam du 'gro

gsungs/ 'di dang mi ldan na gsang sngags zab mo'i bzlas pa
byas kyang mu stegs

kyi drag sngags bzlas pa dang khyad med du 'gra gsung ngo/
/gzhan yang theg pa

chen po'i mdo dang bstan bcos rnams su legs par blta ba'o// //