@#/ /che shos mchog sprul rin po che nas gnang ba'i bka' rtsom
thog ma tshigs bcad gcig gi 'grel ba tshig don gsal ba'i sgron
me zhes bya ba bzhugs so/ /

@001a @##/ /na mo gu ru ye/ 'dir rigs dang dkyil 'khor kun gyi
mnga' bdag bka' drin mtshungs med bdag gi bla ma ^ che shos rdo
rje 'chang

chen po'i mchog sprul rin po che nas dgung lo bcu thog lha
babs dus chen nyin thol byung du ljags rtsom gnang ba'i tshigs
bcad gcig gi don rmongs blor

shar tshod ltar rags rim tsam bri na/ mtha' yas 'gro ba ma lus
pa'i don du dag dang ma dag pa'i zhing rab 'byams su mdzad pa
bcu gnyis la

sogs pa'i gang la gang 'tsham gyi sprul pa dpag tu med pa bstan
cing/ gdul bya rnams smin grol la 'god pa'i mdzad pa thamsO
cadO dangO/ zab

@002a @#/ /pa dangO rgyaO cheO ba'i chos kyi gnasO tshul rnamsO
kyiO don rmaO bya'iO sgro mdongsO ltar phra zhing phra ba rnam
grangs sna tshogs kyi lam gyi

gnang dgag dang/ de la slob tshul dang bcasO pa rnamsO la thogs
pa med par 'jug pa'i che zab myur gsal sogs kyi shes rab bde
blag tu stsol

zhing blo gros kyi snang ba rgyasO par byed pa'i 'phrin las
khyad par dang ldan pa'i sgo nas shesO rabO kyi lha khyad par
can du gyur cing/ rmongs pa'i dra ba gcod

byed ralO griO bsnams pa'i rje btsun 'jam pa'i dbyangs laO sgo
gsum gus pas phyagO 'tshalO zhing skyabs su mchi'o/ /zhes pa
ltar lags shing/

@002b 'di'i tshigs rkang par ba gnyis la go rgyu che snyam ste/
rma bya'i sgro mdongs kyi dbyibs mdog mig bkra lam me ba ni
spu nyag re re ba mang po 'dra bsgrigs song ba las byung mod
kyang spu nyag re re ba tsam las mi

'byung zhing/ spu nyag re re ba med par yang mi 'byung ba
ltar/ chos thams cad rgyu rkyen gzhan la ltos pa'i rang rang
gi gdags gzhi'i steng du rtog pas btags pa tsam du grub la/ de
ltar btags pa'i

don rigs pas dpyad cing btsal na rnyed rgyu med pa rang ngos
nas grub pa'i cha rdul tsam yang med pa'i stong pa dang/ don
dam par rang bzhin gyis grub pa'i chos rdul tsam mi dmigs
kyang kun rdzob tsam du

'khor 'das kyi bya byed thams cad 'thad pa mi 'gal zhing/
stong bzhin du snang ba snang bzhin du stong pa stong pa rten
'byung gi don dang rten 'byung stong pa'i don du 'char lugs la
nges shes yang yang

dangs nas snang bas yod mtha' sel zhing stong bas med mtha'
sel ba'i dbu ma'i lta ba rnyed dgos shing/ de la yang so sor
rtogs pa'i shes rab kyis yang yang dpyod cing rtogs tshul la

mkhas pa'i sgo nas stong nyid rtogs pa'i blo shugs drag po
zhig skye na/ mi rtag pa 'khor ba'i nyes dmigs sogs bden bzhi
'jug ldog la 'bad pa yang shugs drag 'byung ba dang/ lhag

@003a @#/ /par mi shes pa'i dbang gis 'khor bar 'khyams pa'i
nyam thag 'gro ba kun la rab tu brtse ba'i snying rje chen pos
zin cing sprags nas tshul bzhin bsgoms pa'i mthus stong

nyid snying rje dbyer med can gyi byang chub sems kyi mthu
cher brtas shing/ zab rgyas sam thabs shes zung 'brel gyi
spyod pa nyams len la 'bad pas rtogs pa zab mo mngon du gyur
tshe/

dug la kha zas su ci tsam byed kyang rma bya'i sgro mdongs kyi
mdangs de tsam gsal ba bzhin/ theg pa thun mong ba ltar na
nyon mongs gzhan don byed pa'i yan lag tu 'gyur ba dang/ thun

mong min pa ltar na gang snang stong pa stong pa bde ba bde ba
lha skur 'char ba'i rnal 'byor gyis nyon mongs byang chub lam
du gyur thub pa sogs 'byung ba ni stong nyid rtogs pa phul che
ba

kho na la rag las shing/ de'i gnad kyis rje btsun 'jam dbyangs
de nyid rtogs pa'i shes rab ster ba'i lha'i gtso bo dang rgyal
kun yab gcig tu gyur ba yin pas/ bla ma gong ma

rnams kyis 'jam dbyangs la ma brten par 'tshang rgya ba mi srid
zhes gsungs yod pa dang/ rang re'i bla ma rje bdag nyid chen
pos kyang 'jam dbyangs la brten nas lam gtso rnam gsum

@003b dang lhag par dbu ma'i lta ba rnyed pa sogs kyi tshul
bzung ba yin pas/ don de dag la dgongs mas tshig bcad 'dis rje
btsun 'jam dbyangs la de lta bu'i tshul gyis spyi bye brag gi
che ba brjod cing bstod

nas phyag 'tshal bar bstan pa'i shugs la/ rang cag rnams la rje
btsun 'jam dbyangs rje bla ma rang gi rtsa ba'i bla ma gsum
dbyer med du byas nas bla ma'i rnal 'byor la 'bad dgos zhes
thugs

brtse bas gdams pa yin pas mdo sngags gang la'ang 'di las lhag
pa'i gdams ngag med par yang 'khums so/ /zhes pa'ang mchog
sprul rin po che nas thugs gnyer ma gnang ba'i skabs

yin pa la tshig don zab cing brling ba 'di lta bu gnang ba ni/
sku rabs gong ma rnams su thugs gnyer sogs mthar phyin pa'i
rtags su gsal ba mngon sum gyis grub pa la dad gus 'phel

zhing gsol ba yang yang btab nas gsung la bag chags 'jog phyir
cung zhig 'grel ba 'di ni/ mgon po gang de'i skyabs 'og pa
slob ma'i tha shal dar han chos rje'i sprul ming btsun gzugs

ye shes mkhas btsun rgya mtshos sug bris su bgyis pa 'dis kyang
bdag sogs 'gro kun bla ma 'jam dbyangs kyis dgyes bzhin rjes
su 'dzin pa'i rgyur gyur cig / /