@#/ /bla ma'i rnal 'byor gzhan ngag lad mo zhes bya ba bzhugs so/
/

@001a @##/ /na mo gu ru b+hyaH bla ma'i rnal 'byor nyams su len par
'dod pas/ skyabs 'gro sems bskyed tshad med bzhi bsgom pa sngon
du btang/ 'di ltar/ rang mdun

mkha' dbyings dbus su 'ja' 'od kyi/ /gur khyim dbus su padma zla
nyi'i gdan/ /brtsegs pa'i steng du rtsa ba'i bla ma mchog /sku
mdog dkar dmar phyag

g.yas chos 'chad dang/ /g.yon pa mnyam bzhag steng du tshe bum
bsnams/ /chos gos gsum gsol gser mdog paN zhwas mdzes/ /

rdo rje dkyil krung gnas gsum yi ge gsum/ /mtshan pa'i skyabs
gsum 'dus pa'i ngo bor gyur/ /grangs med lus sprul sgo gsum gus

@002a @##/ /phyag 'tshal/ /rab 'byams kun bzang mchod sprin rgya
mtsho 'bul/ /rab mang sdig ltung ma lus so sor bshags/

bgrang yas rgyal sras spyod la rjes yi rang/ /nyon mongs nad sel
dam chos 'dud rtsi stsol/ /'gro la phan bde stsol phyir rtag
bzhugs gsol//

'dis mtshon dge rnams byang chub thob phyir bsngo/ /bdag gzhan
lus ngag ma/ bla ma'i sku las bdud rtsi 'od zer tshogs/ /rang gi
spyi bo'i tshangs

bug nang brgyud de/ /lus kyi nang gang sdig sgrib nyes ltung
kun/ /byang zhing dag nas skyabs 'og tshud par gyur/ /mtshan
sngags ci nus su bzla/

@002b dge ba 'di yis X bla ma sangs rgyas 'grub gyur X shog /'di
phyi'i legs tshogs ma lus 'byung ba'i gnas/ /drin can bla ma
mnyes pa rnam gsum gyis/ /rtag tu mnyes shing ci gsung

sgrub pa sogs/ /bsam sbyor tshul bzhin bstan par byin gyis rlobs/
/dal 'byor rnyed dka' tshe la long med dang/ /nam 'chi nges med
ngan 'gro'i sdug bsngal bsam/ /las 'bras mi

bslu 'khor ba'i sdug bsngal la/ /zhen log nges 'byung skye bar
byin gyis rlobs/ /rnam dag bsam pa de yis gzhir bzung nas/ /dran
shes bag yod tshul bzhin legs bsten pa'i/ /bstan rtsa

so sor thar pa'i bcas khrims la/ sgrub pa snying por byed par
byin gyis rlobs/ /rang nyid gces 'dzin rgud pa kun gyi sgo/
/mthong nas ma rnams sgrol ba'i khur 'khyer ba'i/ /byang chub
sems

mchog rtag tu mi 'bral bar/ /nyams len snying por byed par byin
gyis rlobs/ /phyi rol kun rtog spros pa rgyang bsring ste/ /yang
dag don la gnyis snang nub pa yi/ /zhi lhag zung du 'brel ba'i

rnal 'byor mchog /myur du rgyud la skye bar byin gyis rlobs/
/thun mong lam gyi snod du legs gyur nas/ /rnam dag dbang bzhis
bdag rgyud legs smin cing/ /rim gnyis lam gyi bgrod

@003a @#/ /pa mthar phyin te/ /sku gsum go 'phang bde blag thob
gyur cig /deng nas skye zhing skye ba thams cad du/ /'dren mchog
bla ma khyed dang mi 'bral bar/ /gsung

gsang bdud rtsi'i ro yis rtag 'tsho zhing/ /mgon po khyod kyis
'bral med rjes 'dzin shog /dpal ldan bla ma khyed sku X khyod la
bstod cing X zhes bla ma'i rnal 'byor gzhan ngag lad mo

rjes 'dzin smon tshig bcas 'di lta bu zhig dgos zhes dka' bcu
chen mo smon lam rgya mtsho nas yang yang rna ba 'dzer ba'i do ma
bzlog par 'du gsum snyoms las pa ban rgan chos kyi rdo rjes bris
pa'o// //