@#/ /bla ma'i rnal 'byor byin rlabs dngos grub 'dren pa'i kyo ba zhes bya ba bzhugs so/ / @001a @##/ /na mo gu ru badzra d+har ya/ rigs kun khyab bdag rdo rje 'chang/ /rigs stong dbyer med rdo rje sems/ /rigs kun spro mdzad bla ma mchog /rigs kyi bdag por dus kun bsten/ /rten bzang rnyed dka' tshe mjug 'dir/ /byang chen thar pa'i khang bzang du/ /bgrod byed zab lam 'phrul 'degs 'dir/ /dpyod ldan gus pas bsten par rigs/ /de la 'dir bla ma'i rnal 'byor bsgom par 'dod pas/ skyabs 'gro sems bskyed spyi dang mthun par sngon du btang nas/ rang mdun kun gsal ngos yangs por/ /ye shes pho brang mchog gi dbus/ /sna tshogs chu skyes nyi zla'i steng/ / @002a @#/ /rtsa ba'i bla ma rdo rje chos/ /dmar po phyag gnyis rdor dril bsnams/ /gsang yum 'phags mo sku mdog dmar/ /gri thod 'dzin dang mnyam sbyor sku'i/ /thugs ka'i 'od kyis phyogs bcu nas/ /skyabs gnas ma lus spyan drangs bstim/ /kun 'dus rtsa ba'i bla ma la/ / sgo gsum gus phyag dang bcas pa'i/ /kun bzang phyi nang gsang ba yi/ /mchod tshogs 'bul zhing nyes pa'i tshogs/ /snying nas 'gyod bshags rang gzhan gyi/ /dge la yi rangs chos 'khor bskul/ /bskal bar mi g.yo rtag brtan gsol/ /dge rtsa byang chub thob phyir bsngo/ /rin chen @002b sa gzhi chu mtsho dang/ /ri gling nyi zlas brgyan pa'i tshogs/ /bdag pos bzung dang ma bzung ba'i/ /dngos 'byor yid kyis sprul nas mchod/ /skyabs gnas kun 'dus bla ma la/ /gsol 'debs dbang bzhi'i dngos grub stsol/ /lan gsum/ bla ma'i thugs ka'i hUM 'od kyis/ /dbang lha'i tshogs kun spyan drangs te/ /dbang bskur dri bral bskyed rim dang/ /bum dbang thob cing sprul sku 'grub/ /bla ma yab yum snyoms 'jug sgras/ /rgyal rnams spyan drangs byang sems zhu/ /sbyor mtshams nas 'ongs byang chub sems/ /myang bas gsang dbang longs sku 'grub/ /rang lhar gsal ba man dag bzhin/ /he ru ka yi gzugs su bsgyur/ /bla mas phyag rgya gnang ba la/ /snyoms 'jug sher dbang chos sku 'grub/ /bla mas zung 'jug brda' sprad pas/ /tshig dbang thob cing sku bzhi yi/ /sa bon bzhag cing mi slob pa'i/ /zung 'jug 'grub pa'i skal bzang gyur/ /slar yang lam yongs rdzogs dang 'brel ba'i phur tshugs gsol 'debs ni/ 'di phyi'i legs tshogs ma lus pa'i/ /'byung gnas skyabs mgon dam pa mchog /gtsug tu bkur zhing ci gsung kun/ /bka' sgrub mchod pas mnyes byed shog / @003a @#/ /yid brtan mi rung 'di snang gi /phun tshogs sgyu ma'i bslu brid la/ /zhen log skyo shas drag po yis/ /chung ba'i nyams len mthar phyin shog /sring 'byor glog 'od skad cig mar/ /mi rtag tshul bsam nges 'byung dang/ /bslab gsum yon tan mthong ba yi/ /'bring gi nyams len mthar phyin shog /'gro kun pha mar nges rnyed nas/ /sgrol ba'i khur chen lhag bsam gyis/ /rnyed dka' byang sems rin po che/ /phyin drug nyams len mthar phyin shog /snod bcung lha yi 'khor lo ru/ /shar ba'i bskyed rim phra rags kun/ / mthar phyin snying dbus nges don gyi/ /bla ma'i zhal bzang mjal bar smon/ /nam zhig tshe zad 'chi ba'i tshe/ /gnad gcod gshin rje'i 'jigs las skyob/ /bla ma rdo rje rnal 'byor ma/ / rang sems thugs dang yongs 'dres shog /nang gi mkha' spyod ma grub na/ /bla ma rje btsun ma tshogs kyis/ /yid 'ong mchod sprin mdun bsus te/ /mkha' spyod zhing du khrid par shog / der yang bla ma rnal 'byor mas/ /smin grol gdams pas tshim mdzad mthus/ /ring min zung 'jug he ru ka'i/ /go 'phang mchog de myur thob shog /(ces bla ma'i rnal 'byor byin rlabs dngos @003b grub 'dren pa'i kyo ba zhes bya ba 'di yang lung rtogs yon tan du ma'i mdzod 'dzin sman pa bla zur skal bzang chos grags nas bskul ngor ^ ban rgan 'du gsum pa blo bzad byang chub bstan pa'i sgron mes gang dran sug dris su bgyis pa'o// /