@#/ /rigs gsum spyi sgrub kyi bla ma'i rnal 'byor don gnyis lhun
grub ces bya ba bzhugs so//

@001a @##/ /na mo gu ru b+hyaH gang la bsten na mchog thun dngos
grub kun/ /bde blag stsol mdzad drin can bla ma dang/ /dbyer med

'jam mgon bla ma'i zhabs btud de/ /bla ma'i rnal 'byor byed tshul
khyer bde 'god/ /de la thog mar sems kyi dwangs snyigs legs par
phye ste skyabs 'gro

sems bskyed tshad med bzhi bsgom pa sngon du btang nas/ 'di ltar/
mdun gyi nam mkhar yid 'phrog sengge'i khrir/ /sna tshogs padma
zla nyi brtsegs pa'i steng/ /

bka' drin gsum ldan rje btsun bla ma mchog /rnam pa rgyal ba kun
mkhyen tsong kha pa/ /sku mdog dkar dmar mdangs ldan dgyes pa'i
tshul/ /phyag

@002a @##/ /gnyis chos 'chad phyag rgyas utpa la'i/ /yu ba bzung
nas 'dab ma snyan rgyas steng/ /ral gri stong phrag brgya ba'i
glegs bam

mtshan/ /chos gos gsum gsol gser mdog paN zhwas mdzes/ /zhabs
gnyis rdo rje dkyil dkrung gis bzhugs pa'i/ /spyi bo'i rtsa
'khor dbus kyi

pad gdan la/ /'jam dbyangs dmar ser phyag gnyis glegs ra la
bsnams/ /mgrin pa'i rtsa 'khor dbus su pad gdan steng/ /spyan
ras gzigs

dbang phyag bzhi'i dang po gnyis/ /thugs kar thal sbyar g.yas
'og shel 'phreng dang/ /g.yon pa 'og mas pad dkar 'dab brgyad
'dzin/ /thugs

@002b ka'i rtsa 'khor dbus su pad nyi'i gdan/ /de steng phyag na
rdo rje sku mdog sngo/ /phyag g.yas rdo rje g.yon pas sdig
mdzub mdzad/ /ma rung 'dul phyir khro bo'i chos kyis brgyan/
/zhabs gnyis brkyangs

bskums stabs kyis bzhugs gyur pa'i/ /spyi bor oM dkar mgrin par
AH dmar po/ /thugs kar hUM sngon de las 'od 'phros pas/
/skyabs gnas ma lus spyan drangs dbyer med gyur/ /

dmigs med brtse ba'i gter chen spyan ras gzigs/ /X X blo bzang
grags pa'i zhabs la mgos phyag 'tshal/ /rmad byung thugs bskyed
bloO gos bzangO po yis/ /'gro kun byangO chubO bde la

'god pa'i slad/ /bstanO ba'iO sgronO merO shar ba'i dpal yon
can/ /rje btsun bla ma'i zhabs la gsol ba 'debs/ /phyi nang
gsang ba'i mchod sprin rgya mtsho 'bul/ /sgo gsum sdig ltung ma

lus bshags shing sdom/ /rang gzhan rnam dkar dge la rjes yi
rangs/ /zab rgyas chos 'khor ma lus bskor phyir du/ /mya ngan mi
'da' rtag par legs bzhugs te/ /bdag cag lus ngag yid kyi

legs byas 'bras/ /rnam dkar dge tshogs phung po ci mchis pa/ /mar
gyur 'gro kun byang chub thob phyir bsngo/ /zhes yan lag bdun pa
bya/ gling bzhi ri rab nyi zla rin chen bdun/ /bdag gi lus dang

@003a @#/ /de bzhin longs spyod tshogs/ /bde chen ye shes rol par
legs shar pa/ /dgyes bzhin bzhes nas mchog thun dngos grub
stsol/ /zhes maNDal phul te gsol ba 'debs pa

ni/ phan dang bde ba'i legs tshogs 'dod rgu'i char/ /ci 'dod
stsol mdzad bsam 'phel dbang gi rgyal/ /skyabs gnas kun 'dus
'jam mgon bla ma la/ /gsol ba 'debs so bdag rgyud byin

gyis rlobs/ /bloO bzangO mkhyen pa'i cha yi chos rnams kun/
/byangO bar chubO pa'i lung rtogs 'od rnon can/ /bstanO 'gror
sman pa'iO bla med sgronO meO mchog /rje btsun bla mas bdag
rgyud byin gyis rlobs/ /

zhes gang mang brjod de 'dod don la gsol ba shugs drag tu btab
pas/ mdun gyi skyabs yul rnams kyi sku'i cha las bdud rtsi sna
lnga 'od zer dang bcas pa'i rgyun byung/ rang gzhan sems can
thams cad kyi lus sems la zhugs pas thogs

med nas bsags pa'i nad gdon sdig sgrib thabs cad byang zhing dag
/'chad rtsod rtsom gsum la sogs pa'i shes rab kyi snang ba khyad
par can rgyas/ lus dwangs gsal 'od kyi rang bzhin du gyur song
snyam pa'i dag snang dang ma bral ba'i ngang nas/

de ltar gsol ba btab pas bla ma lta'i/ /sku yi cha las bdud
rtsi'i rgyun babs te/ /rang gzhan sgo gsum sdig sgrib ma lus
byang/ /sku gsum ngo bor byin gyis rlabs par gyur/ /oM AH

@003b gu ru badzra d+hA ra su ma ti ki rti si dd+hi hUM hUM/
oM AH gu ru badzra d+hA ra su ma ti bo d+hi sha sa na sya dI
baM si dd+hi hUM hUM/ zhes dang/ dmigs brtse ma ci nus bzla/ de
nas/ de ltar mchod cing gsol ba btab pa'i mthus/ /tshe rabs

kun tu bral med rjes bzung zhing/ /bla ma sangs rgyas dngos su
legs mthong nas/ /gus pas rtse gcig bsten par byin gyis rlobs/
/rnyed bkur don gnyer tshe 'di'i snang shas dang/ /rang bde 'dod
pa'i

zhi ba'i blo ldog nas/ /'gro kun don du bla med byang chub sems/
/myur du rgyud la skye bar byin gyis rlobs/ /khyad par tshe 'di'i
snang ba 'gag gyur tshe/ /bla ma'i thugs rje'i 'od zer lcags kyu
yis/ /skad

cig nyid la mi pham mdun sa cher/ /bdag yid bde blag nyid du
drang du gsol/ /dpal ldan bla ma'i rnam par thar pa la/ /skad
cig tsam yang log lta mi skye zhing/ /ci mdzad legs par mthong
ba'i mos gus

kyis/ /bla ma'i byin rlabs sems la 'jug par shog /(ces brjod
cing/ mjug tu/) dpal ldan rtsa ba'i bla ma rin po che/ /X X X
stsal du gsol/ /zhes gsol ba btab pas/ 'jam mgon bla ma rigs

gsum dang bcas pa rang gi snying gar byon nas rang sems dang
dbyer med du gyur bar bsams la/ dge ba 'di yis skye bo kun/
/zhes sogs bsngo ba smon lam gyi rgyas 'debs sogs bya'o/ /zhes
rje bla ma rigs gsum spyi sgrub dang 'brel ba'i bla ma'i rnal

@004a @#/ /'byor don gnyis lhun grub ces bya ba 'di yang/ cha har
phyogs nas dad brtson rnam dpyod yangs pa dge slong blo bzang
sbyin pas bskul ba'i ror/ bla ma dam pa rnams kyi gsung la gzhi
byas te/ ^shAka btsun blo bzang byang chub

bstan pa'i sgron mes su bris su bgyis pa'o// // @#/ /dpal ldan
dang po'i sangs rgyas dus kyi 'khor lo'i bla ma'i rnal 'byor
dngos grub kun 'byung zhes bya ba bzhugs so/ /

@#/ /na ma shrI kA la tsa kra ya/ rnam kun mchog ldan bde chen
e yig klong/ /mnyam sbyor mi 'gyur bde chen waM yig mdangs/
/ngo mtshar gsang gsum sgyu 'phrul rol ba'i gar/ /

bcom ldan dus kyi 'khor lor gus phyag 'tshal/ /de nyid kyi ni ngo
bo bla ma dang/ /dbyer med gang de de yi rnam par ni/ /rab bsgom
bla med byang chub sgrub pa'i thabs/ /gsal bar spel 'di dad ldan
rgyan

du 'os/ /(de la 'dir bcom ldan 'das dpal dus kyi 'khor lo la
brten pa'i bla ma'i rnal 'byor nyams su len pa la/ yid mthun gyi
gnas su mchod pa phun sum tshogs pa bshams/ stan bde pa la lus
'dug lugs brgyad dam spyod lam gang bder

'khod nas dge sems khyad par can gyi ngang nas skyabs sems tshad
med bzhi rgyu dang 'dres nges pa sngon du btang nas/ khyad par
gyi sems bskyed ni/) ma sems can thams cad (ces pa nas/) bla ma
lha'i rnal 'byor nyams su blang bar bya'o/ /

@004b (zhes lan gsum bya/ de nas dngos gzhi'i rim pa paN chen
thams cad mkhyen pa'i bla mchod ltar nyams su blang na 'jug pa
bde zhing skad cig dkrong bskyed phyi nang gi mchod pa byin
rlabs sogs 'di'i sgrub thabs ltar chu bzhi lha mo bcu gnyis 'dod
yon sogs rgyas

bsdus skabs dang sbyar/ gnas yo byin rlabs sogs spyi 'gros ltar
la/ de nas/ bde stong dbyer med ces ra nas/ dpag bsam ljon pa'i
rtser/ /gdong lnga'i khri steng chu skyes zla nyi sgra gcan dus
me'i gdan gyi dbus/ /

bka' drin gsum ldan rtsa ba'i bla ma zhes pa nas/ pa Na zhwas
dbus la mdzes/ /zhes pa'i bar gzhung bzhin dang/ de nas/ thugs
kar khyab bdag dus kyi 'khor lo dri med 'od zer rnam lnga 'phro/
/sku mdog sngon po

dbus nag g.yas dmar g.yon dkar mgrin pa gsum dang ldan/ /zhal
bzhi nag dmar dkar ser ral ba'i cod paN sna tshogs rdo rje dang/
/rdo rje nor bu sogs kyi rgyan spras phrag drug sdo dmar dkar ba
can/ /

dpung ba bcu gnyis gnyis gnyis sngo dmar dkar mdzes phyag ni
nyer bzhi yang/ /nag dmar dkar ba bzhi bzhi'i dbye bas g.yas
g.yon phyogs su rab tu brjid/ /sor mo rnams dang sor tshigs mi
'dra dus

kyi dbye bas sna tshogs snang/ /g.yas g.yon thabs shes phyag gi
dang pos rdor dril bzung nas yum la 'khyud/ /nag po gsum gyis
ral gri rtse gsum dril bu 'dzin cing dmar po bzhis/ /me mda'
lcags

[@##data apparently incomplete here]

@006a @#/ /ldan dus kyi 'khor lo'i sku ru gyur/ /zhes brjod cing/
spyod lam thams cad du bla ma lha'i nga rgyal dang ma bral bar
bya'o/ /de nas gzhung bzhin/ 'di ltar bgyis pa'i/ zhes pa nas/
rim gnyis lam gyi

bgrod pa mthar phyin shog /deng nas bzung ste byang chub ma thob
par/ /khyab bdag bla ma dus kyi 'khor lo las/ /bdag la skyabs
gzhan re sa ma mchis pas/ /g.yel med brtse bas skyongs shig

bcom ldan 'das/ /thabs shes 'phrul 'degs zung dang legs ldan
zhing/ /nges 'byung khyu mchog ga dul bas nyer drangs ba'i/
/thun mong lam rim gser gyi shing rta ches/ /sems rgyud

thar pa'i grong du drang por bsgyur/ /thugs gsung sku dang ye
shes rdo rje yi/ /zhal gyi sgo bzhir thun mong dbang bdun dang/
/phyag rgya la brten gong ma'i dbang mchog rjes/ /btsal ba'i
mthu las

bdag rgyud smin par shog /tha mal skye shi sbyong zhing sku bzhi
yi/ /nus pa smin byed rim pa dang po'i gnad/ /bsgoms pas phyi
nang gzhan gsum dus 'khor gnad/ /bdag gi rgyud la yongs su
rdzogs

par shog /zab mo sbyor drug rdo rje'i rnal 'byor mthus/ /zla nyi
khams kyi bgrod pa yongs rdzogs pa'i/ /rnam kun mchog ldan phyag
rgya chen po'i sku/ /tshe 'dir mngon du gyur ba'i dga' ston
stsol/ /

@006b khyad par bla ma dus kyi 'khor lo nyid/ /ma 'ongs ka lA
pa yi grong khyer du/ /lta ngan kla klo'i dpung tshogs gzhom pa'i
tshe/ /bdag cag 'khor gyi thog mar rjes 'dzin mdzod/ /mdor na
mgon khyod sku gsung

thugs gsum dang/ /bdag gi lus ngag yid gsum dbyer med du/ /gcig
tu 'dres las rlung sems dbyer med pa'i/ /nges don bla ma'i zhal
bzang mngon gyur shog /ces brjod/ spro na dus 'khor

smon lam rgyas bsdus dang shamb+ha la'i smon lam gang rigs sogs
bsngo smon ci shes kyis rgyas gdab par bya'o/ /'dir smras pa/
gang la brten na tshe gcig zung 'jug sku/ /mngon du byed pa'i
thabs lam rmad byung 'dir/ /

tshul bzhin spyod pa'i skal bzang 'di lta bu/ /legs bris tshogs
la'ang ches phra'i gnas su gyur/ /de phyir mdo rgyud kun nas
yang yang du/ /bsngags pa'i bla ma dus kyi 'khor lo yi/ /mi
phyed

rnal 'byor zab lam cho ga 'di/ /thar 'dod gsos su bdag gis 'bad
pas bskrun/ /'di las 'ong ba'i rnam dkar cha gang mchis/ /kun
kyang 'gro kun phra rags 'khor ba las/ /myur grol gsum

ldan rdo rje 'dzin pa'i sar/ /bzhi ldan dag pa'i rol bar 'byams
klas shog / (//ces dpal dus kyi 'khor lo'i bla ma'i rnal 'byor
dngos grub kun 'byung zhes bya ba 'di yang/ ha la ha da ra ha na
tA pi li'i shog lung rtogs

@007a @#/ /yon tan du mas dpal gyis mngon par brjid pa bstan pa'i
gsal byed mkhan po bla ma dkon mchog bstan pa'i nyi mas rgya ser
gyi snod spyad shing thog gis bkang ba lha dar bcas nan cher
bskul ba'i ngo ma zlog par/ ngos la

legs bshad rtsom pa'i skyes sbyangs kyi yon tan ri bong rwa'i
spun zlar gyur bas rngo mi thogs mod/ bskul ba pos rna ba yang
yang 'dzer zhing dam gtsang rdo rje mched yin phyir/ rang nyid
kyang dad pas mtshas sbyar te dam pa rnams kyi gsung la gzhi byas

te bsgrigs pa bo/ ! sprang btsun chos med snyoms las pa b+hu su
gu bas sug las su bgyis pa'o/ /'dis kyang skye ba thams cad du
bshes gnyen dam pas dgyes bzhin rjes su 'dzin pa'i rgyur gyur
cig / //