@#/ /bla ma'i rnal 'byor thar par bgrod pa'i them skas zhes bya
ba bzhugs so/ /

@001a @##/ /'dir bla ma'i rnal 'byor bsgom par 'dod pas/ rang gi
'bral spangs sogs kyis gtso ba'i sku gsung thugs kyi rten ci
'byor ba bshams/

mdun du 'byor 'khos dang bstun pa'i mchod pa g.yo med par bkod
pa ci mdzes su star/ rang stan bde bar spyod lam zhi dul gyis
'khod de/ dge sems khyad par can gyi ngang nas

skyabs sems tshad med bzhi rgyud dang 'dres nges byas nas/ 'di
ltar/ rang mdun kun gsal sgeg mo'i lto ba ru/ /bde chen sgyu
ma'i mchod sprin phyur bur 'gengs/ /

sna tshogs chu skyes nyi zla'i gdan steng du/ /ngo bo skyabs kun
'dus pa'i bdag nyid mchog /rnam pa bka' drin mnyam med po d+hi'i
mtshan/ /

@002a @##/ /gsum ldan dge slong rdo rje 'dzin pa'i tshul/ /sku mdog
dkar dmar dgyes pa'i 'dzum zhal can/ /phyag g.yas

chos 'chad g.yon pa mnyam bzhag steng/ /zag med bdud rtsis
bkang ba'i lhung bzed bsnams/ /dbu la gser mdog paN chen sgom
zhwas

mdzes/ /sku la chos gos ngur smrig mdog can gsol/ /zhabs gnyis
rdo rje'i skyil krung tshul bzhugs pa'i/ /gnas gsum rdo rje gsum

gyis legs par mtshan/ /thugs ka'i 'od kyis skyabs gnas ma lus pa/
/spyan drangs rgyal kun 'dus pa'i bdag nyid gyur/ /grangs med
lus

@002b sprul sgo gsum gus phyag 'tshal/ /phyi nang mchod tshogs nam
mkha' bkang ste 'bul/ /thogs med nas bsags sdig ltung so sor
bshags/ /rang gzhan kun gyi dge la rjes yi rang/ /rmongs

mun sel phyir chos 'khor bskor bar bskul/ /bstan pa'i dpal du
bskal brgyar bzhugs gsol 'debs/ /'dis mtshon dge tshogs byang chen
thob phyir bsngo/ /ri rab gling bzhi nyi zla rin chen

bdun/ /lha mi'i dpal 'byor kun bzang mchod sprin 'di/ /skyabs
gnas kun 'dus drin can bla mar 'bul/ /bzhes nas bdag rgyud 'dul
bar byin gyis rlobs/ (/zhes yan lag bdun pa maNDal

bcas phul ste/) bdag gi dge ba'i bshes gnyen la ma gus pa nas
bzung ste bdag gnyis su mtshan mar 'dzin pa'i bar gyi phyin ci
log gi blo sna mtha' dag 'gag pa dang/ bshes gnyen la gus

pa sogs phyin ci ma log pa'i blo sna mtha' dag bde blag tu rgyud
la skye ba dang/ rkyen phyi nang gi bar chad thams cad nye bar
zhi bar byin gyis brlab tu gsol/ (zhes don chen gsum gyis gsol
ba gdab/

de nas/) bla ma'i thugs ka'i hUM yig gi mtha' skor du mtshan
sngags kyis bskor ba las bdud rtsi sna lnga 'od zer dang bcas
pa'i rgyun byung rang gi spyi bo'i tshangs bug nas zhugs/ sgo
gsum gyi

@003a @#/ /nad gdon sdig sgrib sogs dbang po'i sgo dang ba spu'i
bu ga nas nag nyil gyis phyir thon sa rim pa bdun gyi 'og tu
song nas ngo bo sdig sgrib la rnam pa bdud rtsi'i

rang bzhin du gyur nas las kyi gshin rje'i zhal du phul bas gsol
te zag med kyi bde ba bskyed (pa'i mos pa byas na tshe sgrub kyi
mchog tu'ang gsungs so/ /)rang lus dwangs gsal 'od kyi phung
po'i rang

bzhin du gyur te dpal ldan bla ma'i skyabs 'og tu tshud (pa'i mos
pa dang bcas mtshan sngags ci nus su bzla/ mthar/ dbang bzhi sogs
byed par 'dod na gzhan nas byung ba ltar byed/ mjug tu lam yongs
rdzogs

la shar sgom byed na/ 'di ltar/) bde legs kun 'byung drin can
bla ma la/ /mchod cing gus pas gsol ba btab pa'i mthus/ /ma nor
lam ston bshes gnyen mgon khyod kyis/ /dgyes

bzhin rjes su 'dzin par byin gyis rlobs/ /rgyu tshogs bzang pos
lan cig dal ba thob/ /kun mkhyen rgyal ba'i bstan la mjal dus
'dir/ /zin med chu gnyer g.yeng bar mi gzhol bar/ /

phyi ma'i gtan bde'i go 'phang sgrub nus shog /'chi nges nam
'chi cha med rgyud bskul te/ /'jigs rung ngan 'gro'i duH kha la
'jigs nas/ /dkon mchog rin chen gtan gyi skyabs su 'dzin/ /

@003b las 'bras blang dor tshul bzhin byed par shog /lan tsha'i
chu la spyad bzhin ngoms med pa'i/ /srid pa'i bde thung nam yang
mi zhen par/ /'khor ba'i ngang tshul mthong ste zhi bde'i mchog
/bslab

gsum nyams len tshul bzhin brtson nus shog /sna tshogs mtho dman
bar ma'i 'gro ba yi/ /spyod tshul legs nyes ci dang ci mthong
yang/ /dgra gnyen bar ma'i skye bo 'di dag la/ /nye ring

med par chags sdang 'gog nus shog /yang yang drin gyis bskyangs
pa'i ma rgan 'gro/ /blang dor rmongs pa'i nyam thag 'di dag kun/
/gtan bde'i gnas la 'god phyir byams snying rjes/ /

bdag gzhan brje ba'i rnal 'byor brtson nus shog /mkha' mnyam
'gro rnams srid mtsho las bsgral phyir/ /rang nyid 'gro ba'i sde
dpon mchog gyur nas/ /'gro don bya bar gsungs phyir da lta

nas; ;bla med byang chub sems mchog bskyed nus shog /rin chen
byang chub sems mchog legs bzung nas/ /rgyal sras spyod pa spyi
dang bye brag tu/ /rang rgyud smin byed phyin drug nyams

len dang/ /gzhan rgyud smin byed bsdu bzhi'i nyams len la/
/brtson pa'i rgyal sras dpa' por bdag gyur shog /de nas gsang
mdzod 'dzin pa'i mgon po la/ /brtan nas zab gsang dbang gis

@004a @#/ /rgyud smin nas/ /zab lam rim gnyis rnal 'byor mthar
phyin te/ /zung 'jug sku bzhi'i rgyal sa thob nus shog /bdag
kyang deng nas ma rgan sems can

rnams/ /ji snyed srid mtha' reg par ma gyur bar/ /dgos 'dod kun
'byung dpag bsam shing bzhin du/ /'gro ba'i re skong mchog tu
bdag gyur cig /'dren mchog bla ma dgyes bzhin

spyi bor byon/ /dbu ma'i lam brgyud snying dbus rang sems dang/
/dbyer med byang chub bar du legs bzhugs nas/ /bdag gi sgo gsum
rtag tu byin gyis rlobs/ /(zhes bla ma'i rnal 'byor

thar par bgrod pa'i them skas zhes bya ba 'di yang/ bya khyung
grwa rigs dge slong blo bzang rab brtan nas 'di lta bu zhig dgos
zhes yang yang rna ba 'dzer bar brten/ rang blo rang la lkog tu
ma gyur gshis tshul 'di 'dra bgyid pa

gtan mi rung mod dad pa can la khyi mgo'i ring bsrel gyi dpe
ltar bskul ba po'i ngo ma bzlog tsam tu/ gzhan las btus te sug
bris su bgyis pa'o// //! bla ma'i rnal 'byor byin rlabs mchog stsol
zhes bya ba bzhugs so/ /)

@#/ /na mo shrI kA la tsa krA ya/ stong gzugs bde chen sgyu
ma'i rnam rol las/ /kun bzang mtshan dpe'i dpal 'bar rab brjid
sku/ /rnam rol bla ma dus kyi 'khor lo la/ /

@004b mi phyed dad bas lan brgyar phyag bgyi'o/ /mgon khyod
'bral med rjes su 'dzin pa'i slad/ /lag bad snying dbus spyi
bo'i gtsug sogs su/ /zab mo'i rnal 'byor bsgom pa'i man ngag
gnad/ /

mdor bsdus tshig gis spel lo rna ba blags/ (/'dir bla ma'i rnal
'byor bsgom par 'dod pas gnas dben par gnas khang byi dor byas
te/ sku gsung thugs kyi rten bkram/ mchod pa log 'tsho lnga sogs
kyis ma

spags par rang 'khos dang bstun pa'i mchod pa ci 'byor ba bkod
pa mdzes par bshams/ gdan bde ba la lus gnad legs par bcos te
dge sems khyad par can gyi ngang nas skyabs sems tshad med bzhi
bsgom pa bcas

sngon du btang nas/ 'di ltar/) rang mdun yid 'phrog nam mkha'i
ngos yangs por/ /rab mdzes 'ja' tshon 'khrigs pa'i gur khyim
dbus/ /seng khri sna tshogs padma mdzes pa'i steng/ /zla nyi

sgra gcan dus me'i gdan steng du/ /rtsa ba'i bla ma khyab bdag
dus 'khor lo/ /sku mdog sngon po zhal gcig phyag gnyis kyis/
/rdor dril 'dzin pas sna tshogs yum la 'khyud/ /mtshan dpe'i

dpal 'bar sna tshogs rgyan gyis spras/ /'od phung 'bar bzhin
bzhugs pa'i gnas bzhi ru/ /rdo rje bzhi mtshan thugs ka'i hUM
yig las/ /'od zer 'phros pas rang bzhin gnas mchog nas/ /

@005a @#/ /dus kyi 'khor lo'i lha tshogs spyan drangs te/ /dzaH
hUM baM hoH dam ye ro mnyam zhing/ /skyabs gnas ma lus 'dus
pa'i bdag nyid gyur/ /rab mang lus sprul sgo gsum

gus phyag 'tshal/ /rab 'byams mchod tshogs nam mkha' bkang ste
'bul/ /rab tu brnag dka' nyes ltung so sor bshags/ /rab dga'i
skyes 'phags dge la rjes yi rang/ /rab dang

phul phyir zab rgyas chos 'khor bskor/ /rab mdzes gzugs sku mi
'gyur rtag bzhugs gsol/ /rab dkar dge tshogs byang chen thob
phyir bsngo/ (/zhes yan lag bdun pa 'bul/ spro na/

phyi nang gsang ba de kho na nyid kyi mchod pa gzhan nas 'byung
ba ltar rgyas par 'bul/ maNDal ni/) gling bzhi ri rab nyi ma zla
ba sgra gcan dus me yis/ /brgyan pa'i maNDal bzang po kun bzang
mchod pa'i

tshogs bcas pa/ /blo yis blangs nas bla ma yi dam dus kyi 'khor
lor 'bul/ /thugs rje'i dbang gis bzhes nas bdag la byin gyis
brlab tu gsol/ /de nas/ khyod ni bla ma

khyod ni yi dam dang/ /khyod ni sangs rgyas chos dang dge 'dun
te/ /skyabs kun 'dus pa'i bdag nyid bla ma lhar/ /gdung shugs
drag pos snying nas gsol ba 'debs/ (/zhes tshar gsum/

@005b de ltar lan gsum zhes pa nas) byin gyis brlab par gyur/
(/mtshan sngags bzlas par 'dod na/) oM AH gu ru shrI kA la
tsa kra bo d+hi shAs na s+ya dI baM sarba sidd+hi hUM hUM/ oM
AH hUM ho h+k+Sh+m+l+w+r+yaM hUM phaT/ oM phreM bi sh+pa

mA ta hUM hUM phaT/ (ces pa rnams ci 'grub bzla/) dge ba 'di
yis X bla ma sangs rgyas XXX 'god par shog /(de nas/) legs tshogs
kun gyi gzhi gyur dge ba'i bshes/ /tshul bzhin bsten pa lam

gyi rmang rdo ru/ /mthong nas srog gi phyir yang mi spong bar/
/mos gus drag pos bsten par byin gyis rlobs/ /skyes bu gsum gyi
lam gyi rim pa mchog /mang thos nyams len gnad la

legs khel ba'i/ /thos don ji bzhin bsgrub pa'i rnal 'byor gyis/
/bdag rgyud smin cing grol bar byin gyis rlobs/ /bla ma lha
tshogs rnams kyi spyan snga ru/ /khas blangs dam sdom mig

'bras ltar bsrung zhing/ /zab lam rim gnyis bgrod pa mthar phyin
nas/ /stong gzugs phyag chen go 'phang myur thob shog /der ma
son pa'i tshe rabs kun tu yang/ /mgon po khyod kyis

'bral med rjes bzung nas/ /thub gsung kun gyi nying khu bdud
rtsi'i bcud/ /myong ba'i skal bzang sras su bdag gyur cig /khyad
par ma 'ongs byang phyogs kA la par/ /rigs ldan rigs kyi

@006a @#/ /rnam par rol pa'i tshe/ /bdag cag 'bral med rtag tu
rjes bzung nas/ /dus kyi 'khor lo'i go 'phang thob par mdzod/
/de nas shamb+ha la'i smon lam rgyas bsdus sogs

kyi sgo nas smon lam nan tan tu bya'o/ /bslu med bla ma lha
tshogs thugs rje'i sprin/ /gdul bya'i mkha' dbyings ngos su chags
pa las/ /byin rlabs dngos grub sprang char rab g.yos pas/ /

legs tshogs yon tan rgyas pa'i bkra shis shog /ces sogs bkra shis
kyis mtha' brgyan par bya'o/ /zhes pa 'di yang sde snod 'dzin pa
rab 'byams pa chos ldan/ ku shrI bstan 'dzin/ smyugs thogs
grags

pa; chos grags/ snang mdzes bcas nas maNDal lha reg bcas yang
yang bskul ba'i ngor/ ^chos med sprang 'khyams pa bi k+Shu dI
baM ming can gyis 'phral mar sug bris su bgyis pa'o/ /'dis kyang
dus kyi 'khor lo'i bshad

sgrub phyogs mthar rgyas pa'i rgyur gyur cig / //dza ya ntu// !
zab lam bla ma'i rnal 'byor bzhugs so// @#/ /na mo gu ru ma nydzu
g+ho ShA ya/ gang la brten

na thar pa'i grong khyer du/ /bde blag 'jug mdzad drin can bla
ma dang/ /dbyer med 'jam dpal dpa' bo'i zhabs btud nas/ /gang
dang mi phyed rnal 'byor byed tshul bri/ /de la 'dir bde legs

@006b kun gyi rtsa ba zab lam bla ma'i rnal 'byor bsgom par 'dod
pa'i gang zag gis rang gi 'byor 'khos dang bstun pa'i mchod pa
log 'tsho'i dri mas ma bgos par gtsang spra thon nges su rgya
cher bshams/ skyabs sems tshad med bzhi

bsgom pa rgyud dang 'dres nges sngon du btang nas/ dngos gzhi
ni/ rang mdun nam mkhar seng khri bad zla'i steng/ /rgyal ba kun
dngos rtsa ba'i bla ma dang/ /dbyer med 'jam mgon rje btsun blo
bzang grags/ /

'jam pa'i rdo rje gur gum gzhon nu'i mdog /mtha' yas zhing kun
'gengs pa'i 'od zer 'bar/ /rab mdzes zhal gcig phyag gnyis mtshan
dpes ba rgyan/ /phyag g.yas shes rab mtshon

rnon mkha' la 'phyar/ /g.yon pa u tpala steng na glegs bam
bsnams/ /'gyur med rdo rje skyil krung e waM bcings/ /ngo mtshar
rnam mang rin chen 'phyang 'phrul g.yo/ /zur phud lnga ldan

lhag mas sku stod khebs/ /sna tshogs dar gyi na bzas mdzes par
klubs/ /rab dgyes 'dzum zhal brjid pa'i 'gying bag can/ /phyogs
bcu'i zhing khams rab 'byams skur snang zhing/ /

sku yis zhing khams kun la yongs su khyab/ /skyabs gnas ma lus
'dus pa'i bdag nyid du/ /bzhugs pa'i gnas gsum rdo rje gsum ngo
bo/ /yi ge gsum dang d+hIH yig legs

@007a @#/ /mtshan pa'i/ /'od kyis rang bzhin gnas nas ye shes pa/
/spyan drangs dam ye dbyer med ro gcig gyur/ /slar yang dbang
lhas dbang bskur dri ma dag /chu lhag yar lud mi

bskyod rgyas btab cing/ /phyi nang gsang ba'i mchod pa'i tshogs
rnams kun/ /zag med ye shes bdud rtsir byin gyis rlabs/ /grangs
med lus sprul sgo gsum gus phyag 'tshal/ /phyi nang mchod

'bul sdig ltung so sor bshags/ /dge la yi rang bskul zhing gsol
ba 'debs/ /'dis mtshon dge ba byang chub rgyu ru bsngo/ /zhing
khams bye ba phrag brgya tshang ba'i snod/ /lha mi'i dpal

'byor ga ter chen rab bkang ste/ /bdag sogs rnam dkar kun bzang
mchod par bcas/ /bla ma 'jam pa'i dbyangs la 'bul bar bgyi/
/zhes yan lag bdun pa maNDal dang bcas phul te/

gang blo ma nyer gcig gam bdun nam ci rigs 'don/ de nas/ drin
can rtsa ba'i bla ma thub dbang rdo rje 'chang blo bzang 'jam
pa'i dbyangs chen pos bdag la byin gyis brlab tu gsol/ /zhes pa
dang/ oM a

ra pa tsa na d+hIH zhes 'jam pa'i dbyangs kyi gzungs 'gro ba
smin byed dang dmigs brtse ma bla ma'i mtshan sngags/ oM AH gu
ru su ma ti bo d+hi shA sa na s+ya dI baM sarba si dd+hi hUM
hUM/ la sogs pa ci nus bzlas pa'i rkyen

@007b gyis bla ma mgon po 'jam pa'i dbyangs kyi sku'i cha las
bdud rtsi sna lnga 'od zer dang bcas pa'i rgyun babs/ rang gi
lus la zhugs pas/ sgo gsum gyi nad gdon sdig sgrib thams cad
sangs kyis dag bla ma 'jam dpal dbyangs kyi sku gsung

thugs kyi byin rlabs spyi dang khyad par zab gsal myur ba'i shes
rab dang/ blo gros kyi 'jug pa dang ting nge 'dzin la sogs pa
khyad par can rnams rgyas par bsam zhing/ sku yi che zhing gsung
gi gsal/ /zhes sogs kyi dmigs

sgong rnams kyang nan tan tu bya'o/ de nas dad gdung shugs drag
pos 'di ltar/ brtse ldan khyod kyi mkhyen rab 'od zer gyis/
/bdag blo'i gti mug mun pa rab bsal nas/ /bka' dang bstan bcos
gzhung

lugs rtogs pa yi/ /blo gros spobs pa'i snang ba stsal du gsol/
/gsung rab kun la gtugs pa med 'jug cing/ /dka' ba'i gnad kun
'byed la zla dang bral/ /ma rtogs log rtog

the tshom myur gcod pa'i/ /zab gsal myur ba'i shes rab bdag la
stsol/ /gang zhig brtags shid dpyad pa'i chos rnams kun/ /mi
brjed bskal ba'i bar du 'dzin nus pa'i/ /tshig dang

don gyi gzungs mchog bla med pa/ /bdag gi yid la de ring 'grub
par shog /legs byas 'di bsags 'bras bus tshe rabs su/ /'jam pa'i
dbyangs kyis dge ba'i bshes mdzad nas/ /

@008a @#/ /bden pa gnyis kyi gnas lugs ma lus pa/ /ji bzhin rtogs
pa'i shes rab stsal du gsol/ /'di yi mthu las mdo sngags gsung
rab don/ /ji bzhin 'byed la

'jam dbyangs ltar gyur cig /mdun gyi 'jam dbyangs dgyes bzhin
rang la thim/ /rang nyid bla ma 'jam dbyangs skur gsal gyur/
/zhes brjod/ bla ma lha'i nga rgyal las spyod lam thams cad du
ma

'bral bar gnas pa gal che'o/ /de nas smon 'dun rtse gcig tu bya
ba 'di ltar/ skyabs gnas kun 'dus bla ma 'jam pa'i dbyangs/
/brtse chen thugs rje chen pos legs dgongs te/ /nyam thag

bdag gi gdungs pa'i dbyangs 'di la/ /yud tsam son la brtse bas
byin gyis rlobs/ /sngon bsags stobs kyis dal pa'i rten thob
kyang/ /sngon chad 'di snang bya bas g.yengs

shing 'das/ /da ni gtan gyi 'dun ma bsgrub pa'i phyir/ /tshe lhag
don ldan nus par byin gyis rlobs/ /deng nas tshe rabs kun tu bla
ma khyed/ /gang du bzhugs shing gang du 'tshang rgya ba/ /

der ni bdag ni 'bral med legs skyes nas/ /theg mchog gsung gi
bdud rtsi myong bar shog /tshad ma'i gzhung lugs spas don mngon
rtogs dang/ /klu sgrub dgongs pa ji bzhin lta

@008b ba'i lam/ /chos mngon 'dul gzhung la sogs rigs tshogs gyi/
/tshig don 'khrul med bde blag rtogs par shog /dus gsum rgyal ba
kun gyi bgrod gcig lam/ /gang dang

rim gnyis zung du 'jug pa yis/ /tshe 'di nyid la 'jam dpal rdo
rje'i dpal/ /sku bzhi mngon du gyur par bdag gyur cig /ces yid
smon rtse gcig pas gsol ba btab pas bla ma lha dbyes

bzhin zhal gyis bzhes nas snying dbus su bzhugs par mos shing
snying kha'i bla ma lha rang sems gsum ngo bo dbyer med du bsgom
pa'i rnal 'byor las ma g.yos par bya'o/ /zhes pa 'di yang khA
rta mgrin

skyabs kyi 'dod mos ltar ^shAkya'i dge sbyong gi gzugs brnyan
'chang ba che shos paNTi ta blo bzang byang chub kyis bris
pa'o// //