@#/ /dge 'phel gling gi bca' yig gser gyi me long zhes bya ba
bzhugs so//

@001a @#/ (/sdeb sbyor mnyam pa'i pr-itta las yi ge bcu gnyis pa
skye 'gro la rnam grangs bzhi stong dang go drug yod pa las
stong dang brgya don gcig par yig bzhi ba me tog phreng can zhes
grags pa'i pra stA ras mdzes par spras pa'o/ /)

[ls]

@#/ /kA ru Na s+yA k+Sha shU NDa rd+hu to no k+Sha re pA da ma
tre b+ha bai rsha nytsa ta s+yA si waH

@#/ /thugs rje'i spyan zur dus las yol med du/ /lhung ba'i mod la
srid zhi'i gdung sel ba/ /

@#/ /[ls]

@#/ /sU rya bi nd+ho rb+hu dzai tatsa kra rai khA tsa mU rd+he
sthi te hI ga ma N+yA ga Na shTA sa tu/ /

@#/ /nyi ma'i gnyen phyag 'khor lo'i ri mo can/ /spyi bor zhog la
'gro tshogs dbugs dbyung zhig /

@002b mkhyen pa'i gter chen rje btsun 'jam dpal dbyangs/ /byams
brtse'i mnga' bdag rgyal tshab mi pham mgon/ /mthu stobs dbang
phyug phyag na rdo rje sogs/ /rgyal dang rgyal sras tshogs la gus

pas 'dud/ /byang chub sems gnyis yid bzhin 'o mtsho las/ /legs
'khrungs smra ba'i zla ba sras mchog gnyis/ /gtad rabs bdun dang
shing rta rnam gnyis sogs/ /'phags yul paN

grub tshogs rnams phyag gi yul/ /bod yul mun pa'i gling 'dir
rgyal bstan gyi/ /nyin byed 'dren pa'i shing rta'i kha lo pa/
/chos rgyal srong btsan mes po rnam gsum dang/ /sgra bsgyur lo
paN

rnams la phyag bgyi'o/ /bka' gdams bstan pa'i mnga' bdag a ti
sha /de sras thu bo 'brom ston rgyal ba'i 'byung/ /gus pas zhabs
bsten legs pa'i shes rab ste/ /zla med bka'

drin rnam gsum gtsug tu mchod/ /rgyal kun mkhyen pa'i rang bzhin
kun da'i dpyid/ /bsil ldan lus phra'i mngal du lci ba'i khur/
/dmar ser lha mchog mi yi lang tsho'i rtsal/ /grub pa'i skyes

mchog 'jam dpal snying po rgyal/ /blo bzang rgyal bstan shel gyi
ba gam du/ /lung rtogs chos kyi dzambu nA da'i khrir/ /bshad
sgrub byang chub rin chen rgyal mtshan mchog /ster mdzad bshes

@003a @#/ /gnyer lha dbang zhabs la 'dud/ /dpal ldan sgrub brgyud
shing rta chen po gang/ /zas gtsang sras po'i bstan pa'i nor
'dzin la/ /'dren mdzad rgyal kun sgyu 'phrul

dra ba'i gar/ /'dren mchog dge 'dun chos skyong rgya mtshor 'dud/
/thabs shes zung 'jug 'chi med bdud rtsi'i dpyid/ /rgyal kun
gsang ba rab 'byams 'khor lo'i mdzod/ /rigs brgya'i khyab

bdag dbang por lhun grub pa/ /blo bzang bstan pa'i dbang phyug
zhabs zung mchod/ /dam pa rnams kyis bka' bskos bstan srung
gtso/ /lha chen mgon dang rgyal chen rnam thos sras/ /dam can

chos rgyal la sogs srung mas kyang/ /g.yel med sde 'di'i khrims
kyi gnyer kha mdzod/ /dgeO ldan ring lugs byang chub chos tshul
kun/ /'phelO zhing rgyas mdzad gling 'di'i dge 'dun gyi/ /

nang khrims spang blang ji bzhin rab gsal ba'i/ /bca' khrims
gser gyi me long 'dir ltos shig / ! //ces shis brjod phyag bya
nges bstan sgo gsum puNDa rik mngon par 'thor

bas sdun bsus te skabs don gleng bar bya ba ni/ de yang ni ji
skad du/ dpal mgon 'phags pa klu sgrub kyi zhal gyi bum bzang
las/ dang por byang chub mchog tu thugs bskyed de/ /bskal

@003b ba grangs med gsum du tshogs bsags te/ /byang chub snying
por sangs rgyas bdud bzhi btul/ /bcom ldan sengge de la phyag
'tshal lo/ /zhes gsungs pa ltar/ srid gsum lus can yongs kyi

ma 'dres pa'i mdza' bshes chen po/ rnam 'dren rgyal ba stong gi
nad na padma dkar po ltar lhang nger mtho ba'i skyabs mchog
mnyam med zas gtsang gi sras po zhes grags snyan du kU la'i ba
dan dkar po

'chi med lam bzang khyon la mdzes par bsgrengs pa 'di nyid kyis/
nam mkha'i mtha' dang mnyam pa'i skye dgu las nyon gyi gzhan
dbang du gyur pa mtha' dag la dmigs med byams brtses nye bar
dgongs

te smin grol gyi lam la bkris nas zag med kyi bde ba chen po'i
grong khyer mchog tu khrid pa'i phyir du/ dang por rgyu bsam pa
phun sum tshogs pa bla na med pa'i byang chub mchog tu thugs
bskyed/ bar du sbyor ba

phun sum tshogs pa bsod nams dang ye shes kyi tshogs gnyis rlabs
po che yongs su rdzogs par bsags/ mthar 'bras bu phun sum tshogs
pa sku bzhi ye shes lnga ldan gyi zhi ba bdud rtsi'i

go 'phang mchog brnyes pa'i tshul bstan nas gdul bya rnams kyi
khams dang bsam pa dang/ bag la nyal ji lta bzhin du gzigs nas
chos kyi phung po brgyad khri bzhi stong gsungs pa de dag tshur

@004a @#/ /bsdus na/ ji skad du rje tsun tsong kha pa chen pos/
rgyal ba'i gsung rab ma lus sde snod gsum/ /de phyir bstan pa'i
snying po bslab pa gsum/ /(zhes gsungs pa ltar/)

rgyal ba'i lung gi bstan pa thams cad rjod byed sde snod rin po
che gsum gang rung gi phyogs dang/ rtogs pa'i bstan pa thams cad
lhag pa'i bslab pa rin po che rnam pa gsum du 'du zhing/ de
thams cad

kyi rtsa ba yang mthar gtugs na lhag pa tshul khrims kyi bslab pa
rin po che 'di nyid yin te/ 'dul bar bstod pa las/ ji ltar sa ni
skye rgu rnams kyi gzhi/ /de las 'bras rnams skye par gyur ba
ltar//

de bzhin 'dul ba'ang sdom brtson rnams kyi gzhi/ /de bzhin de
las bsod nams rnams kyang skye/ /tshul khrims yon tan kun gyi
gnas su dgongs/ /de yi gnas ni 'dul ba yin par gsungs/ /

zhes dang/ dge slong la rab tu gces pa'i mdo las/ tshul khrims
'di ni bde ba'i mchog /tshul khrims 'di ni thar pa'i lam/ /tshul
khrims 'di ni yon tan gzhi/ /tshul khrims 'di ni sangs

rgyas rgyu/ /zhes gsungs pa ltar/ yon tan thams cad kyi zhing sa
bla na ma mchis pa bstan pa'i snying po 'dul ba'i bslab pa'i
gnas rnams yun ring dar rgyas su 'byung pa ni/ de 'dzin gyi
skyes bu dam

@004b pa rnams dang/ rig grol gyi yon tan brgyad dang ldan pa'i
dge 'dun gyi sde la rag las pas/ de yang/ bu ston rin po ches/
sangs rgyas kyi bstan pa dge 'dun gyi sde la rag las/ dge 'dun
gyi sde chos

tshugs la rag las pa yin pas/ chos tshugs la 'bad pa 'don pa gal
che zhing/ de la 'chad nyan dgos/ zhes dang/ mdzod las kyang/
ston pa'i dam chos rnam gnyis te/ /lung dang rtogs pa'i

bdag nyid do/ /de 'dzin byed dang smra byed pa/ /sgrub par byed
pa kho na yin/ /zhes gsungs pa ltar rgyal bstan ni dge 'dun gyi
sde rnams la rag las par gsungs/ de yang/ kun mkhyen rgyal ba'i
bstan

pa spyi dang/ bye brag khams gsum chos kyi rgyal po tsong kha pa
chen po'i ring lugs dri bral gser sbyangs btso ma lta bu 'di
nyid dar rgyas su mdzad pa'i dge 'dun gyi sde rgya bong hor gsum
gyi yul gru mtha' dag

khyab par gyur pa las/ da lan/ sum rtsen lha'i longs spyod la
mched zlar 'gran bzod pa'i chen po hor gyi yul gru'i nang tshan
shi li gol la'i chol gan la mda' tshan bcu yod pa'i nang tshan/
bstan pa

bstan 'dzin dge 'dun gyi sde dang bcas pa rnams la gus shing
mchod bkur lhur len pa'i zhwa ser bstan pa'i sbyin bdag chen po
stobs kyi 'khor los bsgyur ba mi'i dbang phyug a b+ha ka wang
tshe dbang rgya

@005a @#/ /mtsho zhes grags pa mchog gsum bla mar 'dzin cing bstan
pa bstan 'dzin dang bcas pa la gus zhabs lhur len pa'i dpo mchen
'di nyid kyi lhag bsam rnam par dag pas gzhi

bzung/ dad gsum 'gyur pa med pas mtshams sbyar ba'i sgo nas/
bstan 'gro'i phan bde'i pad tshal rgyas phyir spyi dang/ khyad
par rang gi 'di phyi'i legs tshogs su dmigs nas 'jam mgon

rgyal ba gnyis pa'i thugs bcud byang chub lam gyi rim pa la
nyams len snying por mdzad pa'i grwa tshang khyad par can zhig
'dzugs rgyu byung na ci ma rung snyam pa'i smon pas yid drangs
te// ! 'jam

dbyangs gong ma kwang shu khrir bzhugs gnam lo bcu gcig pa sa
skyong zhes pa shing mo bya yi lor/ gro bzhin zla ba'i tshes
grangs rig byed kyi nyin gsar 'dzugs mdzad pa'i dge 'phel gling
gi phyi

nang gi kun spyod sogs nyams chags mi yong rgyu'i ched du bca'
yig gsar bsgrigs dgos zhes bka' lung gser gyi me tog 'thor tshe
de nyid don ldan du bya ba'i phyir du khrims su bca' ba'i yi

ge 'god ba la gsum/ dang po bstan pa la 'jug pa'i sgo dam pa
'jug sgo'i skor/ gnyis pa zhugs nas nyams su blad bya'i 'grigs
la chos thog gi grangs dang/ chos thog dngos gzhi dang/

@005b chos 'tshams kyi skor/ gsum pa de'i yan lag zhar byung thor
bu'i skor dang 'gyed phog sogs gtong sgo'i skor// ! //dang po
la/ khyim pa gos dkar can 'jug pa dang/ rab tu

byung ba 'jug pa gnyis/ dang po ni/ skra nag po breg mtshams
dang/ gos dkar po phung mtshams/ snam bu dkar po dri mas ma gos
pa/ tshos kha gang la bsgyur kyang tshos len nges pa zhig dgos

pa yin/ /gnyis pa la/ grong yar mar nas 'ong pa dang/ dgon sde
yar mar nas 'ong ba gnyis/ dang po ni/ pha mas ma gnang ba ma
yin pa/ rgyal po dang sde dpon sogs kyi gzhan dbang du

gyur ba ma yin pa/ nag can gnas dbyung byas nas 'ongs pa ma yin
pa/ rgyal pos bkrabs pa sogs ma yin pa'i gtsang sing nge ba zhig
dgos/ /gnyis pa ni/ dgon sde gzhan gyi las snes

bsdos nas 'ongs pa ma yin pa/ nyes byas phyir ma bcos par thon
pa ma yin pa/ rtsa bzhi chang dang bcas pa'i mthong thos dogs
gsum gyi gleng gzhi'i kha smras tsam yang ma phog pa/ mdor na
las sne

tshad dang ldan pa'i tshogs gtam gyi zur tsam yang ma phog pa zhig
dgos pa yin/ yang de lta bu'i gsar ba de la/ rten gyi khyad par/
yo byad kyi khyad par/ ji ltar 'jug pa'i tshul dang gsum/

@006 [@# missing page-a-and-b]

@007a @#/ /bsten tshul yang sangs rgyas dngos kyi 'du shes bzhag
ste dad pa dang gus pa lhur blangs te phyag dang sngon du ldang
ba sogs kyi bsnyen bkur stob pa dang/ blang dor gyi gnas dang

gsung rab kyi dogs gcod sogs zhu bar byed/ dge rgan gyis kyang
so sor 'gro 'chag nyal 'dug gi spyod lam sogs kyi mtha' rten
pa'i spang blang rnams dang/ yi ge dkar nag sogs slob pa/

skyabs sems sgrol sher sogs tshogs 'don gyi rim pa rnams dang/
slob gnyer gyi rigs rnams la'ang rting bskul yang yang byas te
rnam dkar gyi lam du bkri ci thub byed dgos pa yin no// ! //

gnyis pa nyams su blang bya'i bca' khrims dngos la gsum/ chos
thog gi grangs dang chos thog dngos gzhi dang/ chos 'tshams kyi
skor ro/ /dang po ni/ lo gcig la dper brjod pa'i chos thog gi

grangs ni/ dpyid chos dang po hor zla gsum pa'i tshes drug nas
bcu drug gi bar zhag bcu'i chos thog /dpyid chos gnyis pa hor
zla bzhi pa'i tshes gsum nas bcu bdun gyi bar zhag bco lnga'i
chos

thog ;dbyar chos dang po hor zla bzhi ba'i nyer lnga nas lnga
pa'i bcu bzhi'am bco lnga'i bar nyi ma nyi shu'i chos thog
/dbyar chos gnyis pa hor zla bdun pa'i tshes gcig nas brgyad pa'i
tshes gcig gi

@007b bar zla chos/ ston chos hor zla brgyad pa'i bco lnga nas
dgu pa'i tshes gcig gi bar zla phyed kyi chos thog bcas lnga yod
do/ /de yang bshol zla byung tshe hor zla gsum pa lta bu yin na
gsum pa sngon ma'i tshes

drug dang/ bzhi pa nas dgu pa'i tshes gcig gi bar zla ba gang la
byung yang/ de'i nang du zhag bcu'i chos thog re 'dzugs dgos/
hor zla dgu pa yin tshe dgu pa dang po'i tshes gcig la grol rgyu
yin no/ /

gnyis pa la gnyis/ btsun khrims spyir bstan pa dang/ thun mong
ma yin pa bye brag tu bshad pa'o/ /dang po ni/ dgon sde 'dir
zhugs pa rnams bstan pa'i sgor zhugs shing/ rgyal ba'i gsung rab
la

thos bsam gyi bag chags bzang po 'jog pa'i phyir du 'ongs pas
thar pa don gnyer can sha stag yin gshis/ rgan gzhon che phra
mtha' dag gis thugs khur bzhes te yon tan kun gyi gzhi mtshul
khrims

rnam par dag pa dang/ phan tshun thugs mthun pa'i sgo nas 'dul ba
lam rim blo sbyong skyes tshoms sa rgyan bslab spyod sogs la
bslab sbyangs mthar phyin pa byed dgos shing/ de yang skabs su
babs

pa'i gzhung tshig blo la ma nges par glegs pa ma la blo gtad pa
ni/ sa baN gyis/ ma sgrub pa yi gsang sngags dang/ /rig pa glegs
bam nang gnas dang/ /ma bslab pa yi rig pa rnams/ /dgos pa'i tshe
na

@008a @#/ /bslu ba mang/ /zhes par 'gyur zhing/ spyan snga blo
gros rgyal mtshan pas kyang/ rna bas thos kyang blor ma bzung/
/de la thos pa'i ming mi 'byung/ /zhes gsungs pa ltar/ rang

gis rang ma bslu bar skabs su gang babs kyi dpe 'dzin skyor
sbyang nyin mtshan du byed pa ni/ thos bsam gyi rgyu'i gtso bo
yin pas/ mkhas pa slob pa'i dus na sdug /ces pa ltar gnyid dang
tsha grang

khyad du bsad de snying rus bskyed dgos pa dang/ yang shes rab
dang brtson 'grus gnyis gal che bas de 'phel phyir tshogs bsags
sgrib sbyong dang/ shes rab kyi lha'i bsgom bzlas sogs

la 'bad pa dang/ dam pa'i chos kyang dkon la rtag tu 'tshe ba
mang/ /zhes gsungs pa ltar/ snyigs ma'i dus 'dir chos byed pa
rnams la bar chad kyi rigs sgo sna tshogs nas 'ongs par 'dug

pas; de'i gegs sel du sgrol sher gdugs gsum sogs kyi kha bton la
'bad pa dang/ rgyal po zas gtsang gi zhal nas/ nga yi bu ni rigs
dag dang/ /rus la ngo mtshar 'dzin ma yin/ /

yon tan ldan pa chos rnams kyi/ /de la 'di yi yid dga'o/ /zhes
gsungs pa ltar/ grwa sa grwa tshang gi bla ma sprul pa'i sku
dang/ yon tan can rnams la gus 'dud dang/ bkur sti dang mthong

@008b gzos gang drag byed dgos so// ! //gnyis pa thun mong ma
yin pa bye brag tu bshad pa la/ chos thog dngos gzhi'i skabs kyi
sgrigs lam/ dus bzang sogs kyi skabs mi 'dra ba'i

khyad par bshad pa gnyis las/ dang po ni/ dpyid chos dang po lta
bu la mtshon na/ hor zla gsum pa'i tshes drug gi nyin gung yol
ba'i dus su dge bskos kyis tshod bzung nas/ chab ril la brda'
sbyar

zhing; chab ril gyis kyang mkhar brda' chung rim nas bskul te
che rim gyi bar khyab che la yun ring tsam lan gsum du gtong
zhing/ de dang bstun pa'i thams cad rang rang gi gzims gshag nas
zla gam zhwa ser

bsnams te spyod lam dal bus phebs pa las/ ca co'i sgra dang
mchod rgyug sogs gzhan dag mi dad pa'i spyod lam spangs te bag
yod kyis 'dus zhing 'du khang gi sgo 'gram g.yas g.yon du
'khod/

dung mkhan gyis dung kha brdab pa dang/ zhwa ser gyon/ dung dang
po btang ba dang dbu mdzad kyis dmigs brtse ma rgyad 'then lan
gsum gyis thog drangs te dmigs brtse ma gsung bzhin nang du byon
skabs/

dung gnyis pa btang/ de'i skabs dge bskos kyis sgo phye ste
tshang kha bkag /bla ma tshogs dbur bzhugs yod tshe gus pas zhwa
phud tsam re byas te gral du 'khod/ dung thengs gsum pa btang ba
dang/

@009a @#/ /dbu mdzad kyi tshe rabs kun tu ma'i dbu bskul ba/ mang
mas rtse zha phud pa/ dge bskos kyis sgo bsdam pa/ dung gi 'phro
gcod pa rnams dus mtshungs su byed/ tshogs

'phral du dge bskos kyis phyag gsum 'tshal te spos skor byed
cing/ 'phyis pa byung na phyag grangs bcad 'os 'tshams 'gel/ gral
du bzhugs lugs gdong gral du bla ma sprul pa'i sku dang/

dpon chos mdzad dmigs gsal can/ gzhan pa gsung bzang zhing 'don
cha nges pa rnams dang/ de min dge bskos kyi ngag bkod ltar babs
mtshungs kyi bzhugs pa sogs mdor na bslab gral kho nas

rgyab mdun 'bur ba sogs ma yin par mu tig dar la brgyus ba bzhin
lus drang bor bsrangs te so so'i gding ba'i steng du bzhugs/ de
dag gi tshe yang/ zla gam gyi mdun phye nas bzhugs pa/ rtsig pa

dang ka bar snye ba/ kha bsdums/ gzhogs gcus/ gnyid dang long
gtam bzhad gad byed pa/ gral phan tshun gyi gdong la gzigs pa/
sna tha kha 'then pa/ mgo g.yas g.yon du bsgyur te blta ba/
kha yengs

mig yengs/ mchil snabs gos kyis ma bkab par 'dor ba dang/ mdor
na gtsug lag khang gi nye 'khor gang du'ang mi gtsang ba gtan
nas 'dor bar mi byed dbu mdzad kyis zhal 'don gang dang gang gi
dbu

@009b bskul ba dang skad grwa pa rnams kyis gzhi bzung/ mang mas
mtha' bsten te gdangs dur thams cad kun gyi theg par khur len
gyi ma g.yengs par mgrin gcig dbyangs gcig tu gsungs pa las/
dge 'dun

gyi zhal 'don bzhag nas rang gi kha bton byed khul sogs bka' blo
mi bde'i rigs dang/ g.yas 'then g.yon 'then skad log rgyag pa
sogs gra mi 'grigs pa'i rigs gtan nas byed mi chog /dge slong

rnams kyis chos gos nges par gyon dgos/ mang ja sogs byung tshe
lag pa res mi bzed par lag gnyis kyis byin len chags nges ha
cang khengs pa ma yin par blangs te/ cag cag /hu hu/ phu phu'i
sgra

dang lces ldag pa sogs ma yin par dal bus bzhes/ gsol ba sogs
kyang kham ha cang che ba dang/ ha cang chung ba dang/ mkhur ba
g.yas g.yon du spo ba sogs min par bza' ba'i dam tshig dang
bcas

tshul mthun par bzhes/ mang ja gtong mtshams dang gro la mtshams
sogs dge bskos nas 'ol spyi tsam ma yin par nges can du byed
dgos so/ /zhal 'don la/ dga' ldan lha brgya ma'i dbu

bskul ba dang mang ja'i phyag bde bslangs/ dmigs brtse ma gsung
skabs mang ja dang po 'dren/ ja mchod/ gangs can shing rtam/ de
nas bstan pa spyi dang dgon gnas sde dang bcas pa la log

@010a @#/ /bar 'khu ba'i phyi nang gi bstan dgra rnams la dmigs
nas sher snying tshar gcig bzlog bsgyur dang bcas/ bgegs rigs ma/
de nas/ dpal ldan sa gsum ma/ lam gtso

rnam gsum/ lam mchog sgo 'byed/ sgrol ma gsung skabs mang ja
gnyis pa'i phyag bde bslangs te ja 'dren/ ja mchod/ sngon tshe
bcom ldan ma/ mang ja grub pa dang myur mdzad ma/ bstan pa rgyas

pa'i smon lam/ de'i skabs chab btang ste sangs rgyas rnam gzigs
ma'i skabs dbu zhwa phyag tu bsnams nas bzhugs/ bstan 'bar ma'i
sems can don du zhes sogs kyi skabs su dbu zhwa

bzhes/ bstan pa yun ring 'bar gyur cig /ces mjug rdzogs pa dang/
dmigs brtse ma gsung bzhin mas rim nas grol/ de'i sang nyin
tshogs tshul sogs sngar dang 'dra/ rgyun bar nyin re'i

zhal 'don gyi rim pa ni/ tshogs pa'i gong du ltung bshags tshar
gcig /spyi bshags gsum gyi bar phyag mchod byed/ de nas tshogs
'phral du/ sangs rgyas sprul ba ma/ skyabs 'gro'i skabs

su thams cad bzhengs te mchod pa bshams/ mchod pa bshams tshar ba
dang rang rang gi gral du 'khod de/ sangs rgyas chos tshogs ma'i
dbu bskul te lan gsum/ gur nas byung ba'i rgyun

@010b bshags/ tshad med bzhi/ khyad par gyi sems bskyed rnams lan
gsum gsum/ skad cig dkrong bskyed/ nang mchod dang/ mchod pa
byin rlabs/ gnas dang yo byad rnams byin gyis brlabs la/ /

bde stong dbyer med zhes pa nas mchod pa'i thun dang po'i 'don
bsgrigs ltar byed/ de'i mjug tu/ byang chub lam sgron/ lam gtso
rnam gsum/ lha mo'i gtor 'bul/ dmigs brtse ma gsungs

nas snga tshogs grol/ gsung chos kyi chos thun la/ 'jam dpal
mtshan brjod/ mdo tshar gcig /bzlog pa bgegs rigs ma bcas 'don
phral/ gsung chos kyi maNDal 'bul/ gsung chos

tshogs 'phral/ btang rag gi maNDal bcas phul nas grol te rtsigs
rwar bzhugs/ de'i skabs su 'ang phan tshun chos kyi gleng mo sogs
mdzad pa las long gtam rgod bag sogs kyis dus 'da'

bar mi byed/ tsha rting ma'i tshogs la/ yongs 'dzin rin po ches
gsung gi lam rim dngos grub kun 'byung dal bar 'o ? na zhing
dbyangs rta ma nyams par gsungs la mjug tu myur mdzad ma bcas
gsungs te

grol; phyi dro gsung chos la/ gdugs dkar rgyas pa tshar gcig
/sher snying bzlog pa dang snga phyi'i maNDal rnams gong ltar
ro/ /gung ja la/ sman chog thung ba/ 'khrungs rabs gsol 'debs
@011a @#/ /dang/ zhabs brtan gsol 'debs gnyis res mos/ de nas yon
tan 'byung gnas nas mchod pa'i thun phyi ma ltar byas la grol/
dgongs ka'i sku rim la/

dga' ldan lha ma/ dmigs brtse ma lan gsum/ tshe rabs kun tu ma
dang/ deng brtsams ma gnyis res mos/ sgrol ma tshar bdun nam nyer
gcig sogs long skabs dang bstun/ sher snying

seng gdod ma'i bzlog pa/ tshe gzungs/ byams pa dam bca' ba'i
gzungs/ lo gyon ma'i gzungs/ rig lung chos spyod/ bstan 'bar ma
bcas gsungs nas grol/ dus bzang gang yin

gyi nyin snga ma'i gung tshigs la/ sher snying tshar gcig gsungs
nas chos spyod sogs skabs su gang babs kyi dbyangs chags byed/
de nas dbu mdzad skad grwa pa tshang mas khur tu blangs te gang
legs

byed dgos/ chos thog gang yod kyi mjug tu skabs thob kyi 'don
cha rnams dang/ lam rim bde lam myur lam/ spyod 'jug sogs kyi
rgyugs ma chad par 'jog len byed/ skabs skabs su'ang

don rgyugs lta bu re dang/ tshig rgyugs rnams kyang len dgos/
rgyugs ma 'phrod pa byung tshe bab 'os kyi chad pa 'gel ba dang
rgyugs chad sogs 'jog /rgyugs 'phrod pa rnams la bdag rkyen dang

@011b gzengs bstod sogs bya dgos/ yang/ gzhi gsum gyi phyag len
gtan nas ma chag pa gal che bas/ zla re bzhin dge bskos nas do
khur gyi zhag grangs ma 'chug pa brtsis pa'i gso sbyong nam babs

kyi dus rnams su dge tshul slong thams cad phebs ste/ phyir bcos
nan tan gyi sgo nas gso sbyong gi mdo 'chad pa bos kyang tshig
phyed tsam yang ma 'khrul ba blo thog nas sgra dag gsal gsum gyi
sgo nas 'don

pa sogs phyag len rnams 'dul ba'i dgongs pa dang mthun nges su
mdzad dgos/ dbyar gnas skabs su dge 'dun tshang mas dbyar zhal
gyis bzhes te/ dbyar nang nas rang don du rgyang grags gcig

gi phyi rol tu gtan nas mi 'gro zhing/ gal te dge 'dun spyi'i
las dang/ chos ldan gyi bya ba'i ched du phyi ru zhag bdun tshun
la 'gro dgos byung tshe byin rlabs byas ste 'gro ba dang/ de las
mang ba'i

phyi rol tu 'dug dgos byung tshe dgag dbye glo bur ba byas te
'gro ba las snang bar gang dran gyis mi 'gro ba dang/ dbyar nang
du 'khrugs rtsod byed pa sogs dbyar ral ba'i rgyur 'gro ba'i
rigs byung tshe/

bla ma dge bskos nas zol 'jog tu ma song ba'i nyes chad gtong
lugs byed/ yang khri rin po ches/ rgyun pa'i tshogs la re gnyis
tsam phebs pa dang/ snga phyi'i gsung chos dang/ dus bzang sogs

@012a @#/ /dang/ dus 'brel gyi gso sbyong sogs kyi mgon du phebs
gang thub re mdzad de/ gso sbyong gi mdo dang/ lam rim blo
sbyong sogs kyi bshad lung dmar khrid sogs

dang; shi gson gyi bsngo smon sogs gsung dgos rnams dang/ dge
bskos man chad mgo 'og tu lus chud pa ltar sgrigs gnon dang/
grwa rigs sbyin bdag dang bcas pa la chos srid kyi bkod

khyab mthar phyin mdzad dgos/ chos thog gang dang gang gi mgo
mjug bar gsum gang rung du bla ma dang dge bskos gnyis char nas
tshogs gtam re gtong dgos/ gzhan ma rnams la dge

bskos rkyang bas tshogs gtam gtong dgos pa yin/ dge bskos nas
kyang nyes 'ga' phyogs re la ma song bar bca' yig nang bzhin
'grigs zhi drag thabs mkhas kyi sa gnon par byed

dgos so// ! //gnyis pa dus bzang sogs kyi skabs mi 'dra ba'i
khyad par bshad pa ni/ lam rim dus bzang dang/ bla mchod dus
bzang/ bskang gso'i dus bzang dang gsum/

dang po gnyis kyi dus bzang gi nyin zhogs ka'i chos thun la/
sgrol 'don bsdus pa byed/ phyi ma la sgrol 'don sogs med pa ma
gtogs tshogs tshul sogs spyi dang 'dra/ /dngos gzhi'i dus

@012b bzang rnams kyi zhal 'don mi 'dra ba'i khyad par rim pa
ltar 'god pa la/ dang po lam rim dus bzang gi zhal 'don ni/ snga
tshogs kyi bla mchod par rta gtong/ tsha rting ma'i skabs kyi lam
rim yongs rdzogs

dbyangs rta sbrad de dal bus dbyangs dang bcas gsungs ste gung
tshigs skabs su thug mchod la/ dkon mchog rjes dran gyi mdo dang
mthar zas bsngo ltung bshags bcas gsungs dgos/ phyi dro gung ja
dang

po spyi ltar dang/ 'phar ma la/ sangs rgyas sprul pa ma/ sgrol
ma tshar gsum/ spyan 'dren khrus gsol/ lam rim gsol 'debs/ dgon
sde rang gi mkhan rgyud gsol 'debs/ sangs rgyas

byang sems rnams kyi sku bstod gang 'gro/ yon tan gzhir gyur ma/
bla ma tshogs dbur bzhugs yod tshe bsngo ba gsungs/ med tshe mi
dgos/ bstan 'bar ma/ dmigs brtse ma rgyang 'then byas

nas grol/ /gnyis pa bla mchod dus bzang gi zhal 'don ni/ dga'
ldan lha brgya ma/ dpal ldan sa gsum ma/ skyabs 'gro/ gnas bcu'i
bstod pa/ skabs gsum pa/ sangs rgyas

sprul ba ma/ byang chub lam sgron/ lam gtso rnam gsum/ lam rim/
sngags rim smon lam/ de nas bla mchod dkyus ltar gdangs dbyangs
snyan po'i sgo nas gsungs te gang gi thugs rje'i

@013a @#/ /'gor/ bla mchod ltar gyi khrus gsol byed/ de nas man
dkyus ltar ro/ /tsha rting ma'i tshogs la/ dngos grub kun 'byung
thub dbang rdo rje 'chang zhes sogs lan nyer gcig

dmigs brtse ma brgya rtsa/ dus gsum skyabs gnas zhes pa nas
skyabs 'og tu chud par gyur zhes pa'i bar brjod/ lam rim gsol
'debs/ lam rim bsdus don/ 'dul ba rgya mtsho'i

snying po/ yon tan gzhir gyur ma/ thug mchod sogs gong ltar ro/
/gung ja la/ sman chog bsdus pa/ bla mchod kyi mjug rnams spyi
ltar la smon lam gyi skabs su/ bzang spyod/ thog mtha'

bar; 'jigs byed smon lam/ de nas dkyus kyi smon lam bkra shis
dang/ bstan pa rgyas pa'i smon lam/ dmigs brtse ma sogs gong
dang mtshungs so/ /gsum pa bskang gso'i dus

bzang gi zhal 'don la/ skyabs 'gro/ dga' ldan lha brgya ma/ bla
mchod rkyang ba zhur 'don/ 'jigs byed kyi bla brgyud dang sgrub
thabs sogs spyi ltar btang nas snga tshogs grol/ /tsha rting ma
la/

mchod rdzas byin rlabs nas bzung mgon chos rnam gsum gyi mngon
rtogs spyan 'dren bshags pa bskangs pa bzlog pa'i bar gsungs nas
gung sangs/ gung ja la/ spyi bskang tshar gsum

@013b bzlog bshags dang bcas 'don tshar 'phral/ chos rgyal gyi
bskang bshags bzlog gsum tshar bdun 'gro nges su byed/ de nas
bzlas pa gtor 'bul gtor rdzongs mkha' 'gro spyi gtor gzhi bdag

gtor ma bcas btang nas/ bstod bskul rnams spyi ltar bzlog pa'i
bar bya/ de'i mjug tu yongs grags ltar gyi drug cu pa dang/ mgon
po'i gshegs gtor/ mgon chos kyi mnga' gsol/

gtang rag /yig brgya/ bzod gsol/ brtan bzhugs/ nyer bsdu/ bkra
shis bcas gsungs nas grol/ yang bla mchod dus bzang ma gtogs
gzhan gnyis la snga phyi gsung chos med/

rgyun du gsung chos yod med gang yin kyang gsung chos skabs kyi
zhal 'don ma chag pa dgos/ yang res 'ga' tshogs nas bstan pa
spyi'i zhabs brtan dang/ rtsa ba'i sbyin bdag dpon po

sogs sbyin bdag che phra rnams kyi rim gro mang po sgrub skabs
kyi dmigs bsal ma gtogs/ rgyun par lam rim/ bla mchod/ sman
thung/ mtshan brjod sogs gtso bor byed dgos/ grol

rgyu'i nyin tshogs tshul 'dra yang zhal 'don gyi khyad par ni/
sangs rgyas sprul pa ma/ bla mchod rkyang pa dkyus ltar song
nas/ zhabs sen 'od chags brtan par bzhugs su gsol/ zhes

@014a @#/ /pa'i bar 'don/ de nas bzang spyod smon lam/ spyod 'jug
smon lam/ lam rim/ sngags rim smon lam/ bstan pa rgyas pa'i smon
lam/ chos skyong rnams kyi gtor

'bul bcas gsungs nas dkyus kyi smon shis dang/ sangs rgyas rnam
gzigs zhes pa'i skabs su dbu zhwa phyag tu bsnams/ sems can don
du zhes sogs kyi skabs dbu zhwa bzhes/

bstan pa yun ring 'bar gyur cig /ces brjod de dmigs brtse ma
gsung bzhin grol/ chos thog skabs kyi 'don cha rnams dang/ dbyar
gnas skabs kyi tshe chog /sman chog /gnas bcu sogs

kyi 'don bsgrigs ja mtshams deb zur gsal ltar dge bskos dang dbu
mdzad gnyis kyis legs par nges dgos pa yin no// ! //gnyis pa
chos mtshams kyi skor la/ skabs su gang

babs kyi yig cha rnams 'dzin shar sbyangs dang/ lam rim blo
sbyong sogs la dmar khrid dang mdzub khrid sogs byed pa rnams
dang/ dung rgya gling rnga chings sogs dang/ yi ge dkar nag sogs
pa bslab

grwa'i rim pa kun la le shor du ma song ba kun gyis theg pa khur
len byed/ zhar la/ rang sdod sa khang pa yin tshe arka thig
tshags dang/ phying gur yin tshe phyi nang g.yog dgos dang/ chu
me shing sgrub dgos

@014b na bza' chab skor chas ka bsgrub dgos sogs kyang tshags su
tshud par byed/ chos thog tshugs pa nas bzung phan tshun la 'gro
dgos sogs bya byed las gsum mtha' dag rgyang bsrings te grwa
tshang gi 'grigs

rang khur du byas te 'chad nyan la brtson pa chu bo'i rgyun
bzhin du 'bad 'tshal lo// ! //gsum pa de'i yan lag zhar byung
thor bu'i skor dang 'gyed phog sogs ji ltar bya tshul gtong sgo'i

skor ni/ 'dir zhugs dge tshul slong rnams sangs rgyas kyi bcas
khrims las ma 'da' ba'i dang tshul can yin gshis/ tshogs ring
thung dang grong chog sogs gnas skabs kun tu rab tu byung ba'i

rtags cha lugs rnams tshang zhing/ phyi dro kha zas spangs te
lham phud chab len sogs kyis mtshon pa'i bslab khrims rnams tshul
bzhin du bsrung zhing zhi dul gyi spyod pa las ma 'das pa zhig

dgos/ de yang yul dus kyi dbang gis gos spu gu can sogs gyon
dgos na'ang/ ko lpags skya bo sogs kha ma bsgyur ba'i rigs dang/
ras dkar sngon sogs kyis mgo dkris dang/ skra ring

gri ring/ me cha/ glo cha/ 'bar zhwa/ gang za/ tha khug sogs mi
'dogs/ tha ma kha'i du ba rdub pa sogs kyi nyes dmigs ni chang
dang mtshungs par dam pa rnams kyis gsung 'dug pas/ grwa tshang
'di

@015a @#/ /ka'i gra rigs sus kyang 'then par mi byed/ 'then mkhan
mthong thos byung tshe thog dgu tshan gcig gis chad pa gcod dgos
pa yin/ rtsa bzhi chang dang bcas pa la mthong thos dogs

gsum tshad mar byung tshe ngo chen do zhu med par mar dkyil nas
spu bton pa bzhin grwa tshang de gnas gnas dbyung byed/ yang bla
ma dge bskos kyi bar dang/ grwa ba nang gses kyi bar la dbyen
byed pa rnams dang bla

ma dge bskos sogs kyi dag bkod dang du mi len cing kha len lag
len byed pa grwa pa nang phan tshun 'thab mo shor te rma khrag
'don pa'i rigs tshabs chen byas byung na grwa tshang de nas phyir
phud nas phyi lam khegs

pa byed dgos/ yang dgon nang du zhwa ser chab ril phreng ba phor
ba la sogs pa'i dngos po che chung gang yang brlag por byung ba
grwa tshang gi grwa ba zhig gis rnyed tshe bdag po ngos zin na de
la sprod dgos/ bdag po

ngos ma zin tshe grwa tshang dge bskos la sprod dgos/ yang dngos
po rnyed nas bdag po la ma sprad/ dge bskos la ma sprad par rang
gis bdag gir byas pa kun gyis shes tshe/ yul der zho gang ri ba
yan gyi

dngos po yin tshe de gnas gnas dbyung byed/ de man gyi dngos po
yin tshe bab 'os kyi chad pa 'gel/ chad pa 'gel tshul yang/ nyes
pa shin tu lci ba rnams la gnas dbyung/ nyes tshabs chung ba

@015b rnams la brgya phyag dang mchod me snyan shal/ thugs dar
lcogs/ tshogs chu dang mchod chu khur pa/ 'du khang phyi nang du
gad bdar byed bcug pa/ 'du khang gi sgo yol dang/ dkar yol gsar
du bzos te 'bul

ba sogs ni bab 'os kyi chad pa 'gel tshul lo/ /yang chad pa rnams
ma brtsi ba'i rigs dpon po la sprad pas chog /yang/ gshag dang
rwa skor du tshogs nas don med kyi long gtam dang/ sho sha dar/

mig mngas/ rwa phe sogs kyi rtsed mos dus 'da' ba rnams la dge
bskos nas tshag 'dzin gang dag byed dgos/ /gnyer ba'i las 'dzin
rnams nas kyang rgyun ja mang ja drug re/ dus bzang skabs su ja
thug

brgyad ri bcas gtong sgo che phra mtha' dag chud zos su mi gtong
bar dge 'dun gyi phyogs su gtong zhing dge 'dun thugs dgyes pa'i
mchod sprin du 'gyur nges byed/ sbyin bdag sogs kyi mang ja zur
ba yod tshe dge

bskos kyi dgra bkod ltar byed dgos/ /de mtshungs mchod g.yog
/chab dril/ ja ma chu len/ me 'bud/ thab g.yog sogs rang rang
la skabs su babs pa'i las skal rnams thus shor du ma song bar
phyed dgos

pa yin/ /dgongs pa zhu 'dug gi skor/ dgos pa khyad par can gyi
tshe tshogs la yong ma thub na chos thun gcig gam nyin gcig gi
dgongs pa dge bskos la zhu dgos/ zhag gnyis phan gyi gnang ba
yin tshe

@016a @#/ /grwa tshang bla ma dang dge bskos rnam gnyis la zhu
dgos/ /yang tshogs su na ba sogs glo bur ba'i rkyen byung tshe
dge bskos la dgongs pa zhus te 'gro ba ma gtogs/ rang 'dod
kyis

'gro bar mi byed/ tshogs la yang mi yong/ dgongs pa yang mi zhu
zhing zhe med byung ba byung na rtsad gcod phyi lam khegs pa
byed/ /yang tshogs kyi zhal 'don rnams kyi dbyangs rta phal che
ba paNDi ta dgon pa'i

dbyangs rta sor bzhag dang/ 'ga' zhig ni gser khang rdo rje
'chang gi phyag len yin pas gzhan du bsgyur bkod byed mi chog
/rtsa ba'i sbyin bdag sogs kyi grong chog la 'bod mi byung
tshe/ chos thog skabs yin

na'ang bla ma dang dge bskos gros thog nas dmigs bsal gyi
dgongs pa ster dgos/ yang tshogs chen nas dgos dbang gis grwa
tshang gi grwa ba 'bod dgos byung tshe/ grwa tshang dge bskos la
dgongs pa zhus

dgos/ de min chos thog skabs dang dus bzang gi skabs su grong
chog dang/ phyogs 'gro'i dgongs pa mi ster/ chos 'tshams skabs
su'ang ring mtha' zla ba gcig phan chad kyi dgongs pa mi ster/

dmigs bsal can rnams ma gtogs gzhan ma rnams la dgongs pa ster
tshul sogs bab mtshungs byed dgos pa yin/ yang lo star bzhin bcu
ba gnam gang yod tshe de'i nyin dang/ med tshe nyer

@016b dgur chos srung rnams kyi lo gtor brjes dgos/ de yang
nas rtsam sogs rgyu gang bzang la mar khu btsag thag chod pas
sprus pa'i gtor ma bzhengs legs shing gtsang spra thon pa zhig
dgos/ /khri pa

brje 'tshams dang/ 'jog 'tshams sogs kyi skor ni/ brjes 'tshams
kyi dbang du btang na bla ma ni lo mang por grwa tshang gi
'chad nyan byed rgyu byung na rab yin mod/ 'on kyang dgung lo
bkres skyon dang/ sku don mang

ba'i stabs bcas bzhugs ma thub tshe/ sku bzhog dang/ grwa
tshang/ dpon po bcas par ba/ nang ba zhus tshe/ yang yang bzhugs
dgos zhes zhu dgos mod/ 'on kyang zhe thag pa nas nan zhu byas
tshe dgongs pa

'bul bar byed/ dgongs pa 'bul skabs su'ang dpon po'am/ de'i mi
sna zhig dang/ dge bskos/ dbu mdzad/ gnyer ba rnams nas grwa
tshang de ka'i spyi so nas mang ja/ khur ba/ shing thog 'di
ka'i yul

srol ltar 'bul/ spyi so nas kha btags che ba zhig phul te/
grwa tshang rjes 'dzin gyi skyabs 'jug zhus te dgongs pa 'bul/
bla ma gsar bskos byed tshul ni/ sku bzhog dang/ dpon po gnyis
la dgongs

bstun byas te/ gong sa rnam gnyis nas bsko bzhag byas tshe las
sne rnams nas kha btags bcas snyan gsan 'bul/ khri 'don nam
byed bla ma gsar ba la rag las/ khri 'don gyi nyin/ bla ma
gsar

@017a @#/ /pas grwa ja gcig /spyi so nas gra ja gcig bcas gtong
dgos/ tshogs su gnas bcu'i bstod pa gsung ste/ bcom ldan 'dir
ni byon pa legs/ /zhes pa'i tshig 'dir bla ma

'du khang nang du byon/ 'bras dkar gtor/ gdan dmar steng du
phyag gsum 'tshal te dbu zhwa bnabs nas khri khar 'khod pa dang/
mang ja 'dren/ ja mchod/ lhar bcas ston pa/ ja rgyab sogs 'dra/

dbu mdzad skad grwa ba gsum gyis bka' chos kyi maNDal 'bul te
gral du 'khod/ bka' chos gnang ba'i mjug tu gtang rag gi
maNDal phul rjes/ 'bul tho klogs/ tshogs chen nas kha btags

maNDal rten gsum bcas lnga tshan/ de mtshungs dpon pos lnga
tshan/ grwa tshang rang nas lnga tshan gyi steng du bzhugs gdan
rgyab yol bcas bdun tshan gcig gis 'bul lam zhu/ thams cad kyis

kha btags re 'bul te mjal kha zhu/ de nas dge bskos kyis bla
ma bla brang du phebs rgyu'i dgongs len byas nas/ dbu mdzad
kyis mtshungs med ma 'then skabs su bla ma bla brang du gdan
drangs/

babs ltos kyis mang ja gnyis pa 'dren/ gtor 'bul byas chab
gtang ste grol/ dge bskos gsar 'jog skabs/ bla dpon las byed
thun mong nas bgros te ming btags thon zin pa'i grwa rgan zhig

@017b la bla mas kha btags gnang ste bsko bzhag dang/ de mtshon
spyi gnyer 'di yang las sne drangs shing spyi bsam che ba zhig
la bsko bzhag bya dgos/ de mtshungs/ mchog g.yog /chab ril/ ja
ma/ chu len/

me 'bud thab g.yog sogs kyang gtsang spra che ba rnams la
bsko dgos/ dbu mdzad ni tshogs 'don yongs rdzogs byang zhing
'don rta dbyangs 'dur gang la yang thogs pa med pa zhig la
bsko bzhag bya dgos

so; ;yang yon chab 'bul skabs sogs la'ang/ ha cang khengs pa
dang/ phyir pho ba dang/ ting phor sked tsam dang/ phyis ba'i
tshe/ dag par ma phyis pa dang/ mtheb mdzub kyi dri mas gos ba/
'od med

pa sogs dang/ bshams pa'i tshe/ thang gos sogs kyi rdul ting
phor nang du lhung ba dang/ 'ur 'ur chom chom sogs kyi sgra
'byin pa dang/ kha snam bkag par 'bul pa sogs dang/ gshegs
tshe/

mchod chu sa gtsang bar skyel ba sogs dge bskos kyis do khur
byed dgos pa yin no// ! //'gyed phog sogs ji ltar byed tshul
ni/ zhag grangs phyogs kyi chos thog la phog bre chung gsum/

zla phyed kyi chos thog la lnga/ nyi shu'i bar gyi chos thog
la bdun/ dbyar skabs su phog bre chung lnga/ zla chos la bre
chen gang gi phog bcas phul dgos/ /chos thog gang yod kyi mjug
tu brgyad 'gyed re

@018a @#/ /gtong dgos/ sku skal gyi skor la/ kho bo dang grwa
tshang bla ma gnyis la skal ba bdun/ chos skyong la sku skal
bcu/ tshogs chen las sne zhal mngon gyur ba rnams la rang skal
re

dang skal 'phar re/ zhabs drung bla ma dang/ dge bskos/ dbu
mdzad rnams la skal gsum/ gnyer ba gnyis la skal gnyis/ grwa
rgan gnyis la skal gnyis/ de min las chung ba rnams la skal

gcig dang phyed bcas yin/ grwa tshang las sne ma gtogs grwa
gshags su ja thug blang mi chog /spungs thog gi 'gyed gtong
tshe rang skal ma gtogs skal lhag mi ster ba yin no/ /yang grwa
tshang 'dir

zhugs nas 'don chos spyod bzang rigs dang/ grwa tshang 'dir
gzhung sems che zhing spyi don theg pa khur len byed pa/ rang
la gang yod grwa tshang gi phyogs su btang ste/ spyi 'jog yang
yang byed mi rnams

la; bla ma las 'dzin nas byed pa'am/ yang na dpon po la zhus
te de dag rnams la gzengs bstod kyi cho lo/ chos rje/ sman
rams pa/ sngags rams pa/ ku shrI/ nang so sogs kyi ming btags
dang

'du khang nang du gdan dang skal 'phar re gnang dgos pa lta
bus mtshon/ grwa tshang spyi nas de ltar byas tshe 'phral yun kun
tu sman bar gyur bas las byed rnams nas dgongs 'jag 'tshal/ 'di
rnams

@018b zhar byung thor bu'i skor gyi khrims yig rnams so/ /bla
ma las 'dzin mchog dman su'i thad nas kyang nye ring phyogs
khyer lam song bar sgrigs lam zhi drag thabs mkhas kyi sgo nas
bca' khrims nang

ltar gnon dgos so/ /dge 'dun mang mas kyang bca' yig ltar
thugs nyams su bzhes te/ bla ma mjal tshe phyag dang sngon du
ldang ba sogs gus par byed/ dge bskos sogs rgan pa rnams
la'ang

gzan 'bebs dang zhwa phud sogs kyi gus pa byas tshe rang la'ang
bsod nams phun sum tshogs pa bskyed cing/ khyim pa rnams kyis
mthong tshe bsod nams bsog cing dad pa 'phel ba'i rgyu rkyen
mchog tu

gyur bas na de ni bya sla la don che pa yin no/ /de yang/ bdag
legs su 'dod pa'i dge 'dun bsgres gzhon bar gsum gyis dal
'byor gyi rten rin po che 'di nyid don med chud zos su ma song
bar gzhan phun

thugs bskyed bzang pos sdom pa gsum gyi bslab bya rnams las ji
ltar gsungs pa rnams thugs nyams su ci lon dang/ zhi zhing dul
ba bzod pa'i rang bzhin gyi sgo nas thos bsam bsgom gsum la

gcig dril tu 'bad pas bstan pa dang 'gro ba mtha' dag gi phan
bde'i gzhir gyur ba zhig mdzad du gsol zhes kun la thal mo
sbyar nas gsol ba 'debs so/ /dang tshul de las ldog pa'i bsam
ngan

@019a @#/ /ngan 'gran/ gzhan gyi skyon mtshang sgrogs pa/ phan
tshun dkrugs pa/ bzang po'i 'dun gros bshig pa/ dan pa'i 'dun
gros gshom pa/ rnyed bkur snyan grags kho na sgrub pa

dgra 'dul gnyen skyong gi bsam sbyor gyis dus 'da' bar byed pa
rnams khyim pa dang khyad par ma mchis pas sde 'dir gtan nas
med par mdzad du gsol/ rgyal ba sras dang slob mar bcas pa/
khyad par

bstan srung myur mdzad ye shes kyi mgon po phyag drug pa sogs
bstan srung rgya mtsho'i tshogs kyis rang 'dod kyi 'khri bas kun
nas ma bslangs par bstan pa dang dge 'dun gyi sde rnam par dag
pa 'ba' zhig

yid la brnags te bsgrubs pa'i bca' yig 'di'i rgyab gnyer mdzod
cig /bsam sbyor log par blta ba'i dam nyams rnams lo zla zhag
tu ma bzhag par skad cig nyid la rtags mtshan bcas snying khrag

zhal du gsol la/ rnam shes chos dbyings su drongs shig /tshul
bzhin bsgrub pa rnams la nam yang g.yel ba med par bsam don
chos bzhin du 'grub pa'i mgon skyabs dang sdong grogs mdzad du

gsol; ;'dir smras pa/ rgyal bstan nang mdzod 'dul ba'i bca'
khrims rnams/ /mig bzhin bsrung tshe rigs smras nang khrims
kyang/ /gtsang ba'i thabs mchog sa srung la bzhon tshe/ /

@019b thar ba'i grong du bgrod la som nyi ci/ /bslu med skyabs
gsum thugs rje'i 'od stong gis/ /dgeO 'phelO glingO 'di'i
bshad sgrub chos srid dpal/ /dar rgyas gzhan phan don gnyis
bdud rtsi la/ /

skal bzang legs bris tshogs rnams rol gyur cig /bla ma yi dam
rnams kyi byin rlabs dang/ /bstan srung ye shes mgon po phyag
drug pa/ /rnam thos sras dang chos kyi rgyal po yis/ /sde 'dir

bsrung skyob sdong grogs bya ra mdzod/ /gtsug lag khang rnams
klog pa dang/ /kha bton gyis rgyas legs gnas shog /rtag tu dge
'dun mthun pa dang/ /dge 'dun don yang 'grub par shog /

bslab pa gsum ldan dur smrig 'dzin pa yi/ /'dus pa'i tshogs
kyis gnas 'dir yongs bkang zhing/ /rtag tu bshad sgrub bya bas
srid mtha'i bar/ /thub bstan phyogs bcur rgyas pa'i bkra shis
shog

(ces pa 'di ni stobs kyi 'khor los bsgyur ba mi'i dbang phyug
a b+ha ka lwang tshe dbang rgya mtsho nas lhag bsam rgya chen
pos kun nas bslangs te/ ! lam rim grwa tshang dge 'phel gling
zhes yongs su grags pa 'di nyid

gsar 'dzugs bgyis skabs kyi bca' bsgrigs blo gsal yid kyi dga'
ston zhes bya ba 'di lta bu zhig dgos zhes/ mi'i dbang dpon po
lwang tshe dbang rgya mtsho nyid dang/ tshogs chen tA bla ma
chos rje zla ba ku shrI/ tshogs chen dge skos

@020a @#/ /che ba blo gsal/ chung ba blo bzang tshangs dbyangs/
dem chi chos 'phel/ grwa tshang khri ba rab 'byams pa bshad
sgrub rdo rje/ grwa tshang dge bskos rab 'byams pa chos mdzad
bcas thun mong nas

nan cher bskul ba la brten nas/ ! rgyal dbang mchog gi bkas me
rgan e rtem thu paNDi ta pE lig thu no mchi mkhan po zhes
bsngags shing/ ming gzhan che shos sprul ming 'dzin pa blo
bzang byang chub

bstan pa'i sgron mes dam pa rnams kyi gsung la gzhi byas te
rang gshag tshul khrims 'bar ba'i gling du nag zla'i rdzogs pa
gsum pa'i nyin dge bar mgyogs par bris pa dza yantu// //)