@#/ /bca' mtshams blo gsal sgeg mo'i mgul rgyan zhes bya ba bzhugs
so/ /

@001a @##/ /rnam 'dren kun gyi mkhyen pa'i phung po gang/ /gcig
bsdus 'jam mgon chos kyi rgyal po zhes/ /snyan pa'i ba dan srid
gsum khyon las

brgal/ /grags pa don ldan gang gi zhabs la 'dud/ /blo bzang ring
lugs tshul bzhin 'dzin mdzad pa'i/ /bstan 'dzin kun gyi gtsug na
lhang nge ba/ /

yongs 'dzin chos kyi rgyal bo mai tri'i mtshan/ /bka' drin
mtshungs med zhabs rdul gtsug na bsten/ /bstan pa rin chen bang
mdzod legs skyong ba'i/ /bstan srung

rgya mtsho'i tshogs dang khyad par du/ /beg tse lcam dral dgra lha
'od ldan gyis/ /tshul 'dir 'bad la brtse bas gnang ba stsol/ /ngo
mtshar dgeO tshogs 'du zhing

@002a @#/ /'phelO ba'i gnas/ /thub bstanO snying po yun ring
rgyasO slang du/ /bshad sgrub 'chad nyan rtag tu 'bar ba'i
glingO/ /mtshan mchog don dang ldan

pa 'di ko rmad/ /gling 'dir chos spyod bshad sgrub bgyis pa'i
tshul/ /chos sde chen po sku 'bum byams gling gi /dpal ldan bshad
sgrub gling gi phyag bzhes

bzhin/ /ji bzhin dka' mod phyogs mthun brjod la nyon/ /de la
'dir or tu su hang kin phyogs bka' 'gyur su me dge 'phel bstan
rgyas gling zhes

grags pa'i mtshan nyid gsar 'dzugs bgyid skabs bca' yig byings
zur gsal ltar la/ zhal 'don chos spyod/ chos thog gi grangs/
nyin zhag

@002b 'phrugs gcig gi phyag len nyams ba zhes rnams ^rje rgyal
ba gnyis pa'i gdan sa chen po'i mtshan nyid grwa tshang gi phyag
bzhes ltar ci nas kyang dgos tshul zer mod phyogs mthun tsam 'god
pa la gsum/

chos thog so so'i grangs 'god pa/ dngos gzhi'i chos thog skabs
kyi kun spyod phyag len rgyas par bshad pa/ zhar byung 'thor
bu'i skor rnams so/ /dang po ni/ bshad sgrub gling gi lo gcig la
chos

thog bdun yod de/ dbyid chos zla chos gnyis/ dbyar chos zla chos
gcig /dbyar gnas zhag zhe lnga'i chos thog /ston chos zla chos
gcig /bar chos zhag bco lnga'i chos thog /dgun chos zla chos

te bdun no/ /der yul dus dang bstun nas chos thog gi grangs mang
nyung zhag grangs sogs rigs pas dpag nas bya'o/ /gnyis pa la
gsum/ yar tshogs skabs ji ltar bya ba dang/ dngos gzhi'i chos
thog

skabs ji ltar bya ba dang/ chos 'tshams skabs ji ltar bya ba
rnams so/ /dang po ni/ gung yol dus su kha dog gi skyor dpon
zhwa zlag gyon bzhin chos grwa'i mthil du phyin nas thal rdeb
lan gsum mthar

skyel bar brdab ste thal skad dang d+hIH skad ces grags pa shin
tu ring po snyan pa sngar ltar lan gsum btang/ /de dang bstun
nas chos grwa pa rnams zla gam gyon/ zhwa ser phrag la bkal
spyod lam zhi dul

@003a @#/ /gyis tshogs te 'dzin grwa so so'i go sar bskor tshogs
byas te rigs lam tshugs/ dge bskos nas zhwa zlag gyon bzhin 'dzin
grwa mas rim nas rim bzhin blta rtog byed/ nyi tshod slebs

ba stun/ dge bskos gral gsham nas zhwa phung de phrag la bkal/
thal brdab lan gsum byas pa dang mnyam du mang mas 'ur tshogs
byed/ gral du bzhugs tshul yang zla gam sa la bting ba lta bu
mdun

nas bltas na a long bskor ba lta bu/ dbu lo yag gi snye ma lta
bu/ mu tig dar la brgyus pa lta bu g.yas g.yon 'bar 'bur med
pa kun gyis dang ba 'dren nges su bzhugs dgos/ /dbu mdzad rdo

bcal lta bu'i steng na bzhugs sam khri'u chung gru bzhi'i steng
nas zhal mar bsgyur te dper na bla mchod tshogs zhing gi tshul du
bzhugs/ de nas dbu mdzad kyis rtse zhwa phud de sa la bzhag pa
dang bstun mang mas

kyang dbu zhwa phud de rang rang gi mdun sa la bzhag /dbu mdzad
kyis zhal 'don gang dang gang gi dbu bskul tshe skad grwa ba
rnams kyis gzhi bzung mang mas mtha' brten pa'i thog nas zhal
'don gdangs gcig

dbyangs gcig tu gsungs pa las g.yas 'then g.yan 'then sogs mi
mdzes pa'i rigs gtan nas mi byed par 'ur chem chem bcas gsung
dgos/ /zhal 'don skor la/ blo gros khang bzang ma gdangs

@003b bcas lan gsum/ dmigs brtse ma tshar gsum/ deng brtsams ma
dang/ gdugs bstong rgyal ba bye ba ma re mos gdangs bcas/ po tA
la yi/ sgrol ma tshar bdun/ lha mo la gus/ nas/ 'joms gyur cig

zhog kha grwa ja yod tshe/ 'di skad bdag gis/ zhes dang/ med dus/
'phags pa dkon mchog gsum la/ zhes khyad par shes dgos/ bstod
do/ /sangs rgyas chos tshogs ma lan gcig /seng gdong ma/

dus gsum rgyal ba lan gcig /seng gzungs bzlog pa tshar gcig
/bgegs rigs ma/ 'jig rten 'dren pa'i sogs gzungs sna tshogs sku
'bum par thung bzhin 'don/ byams pa'i thos bsam ma/

rigs lung chos spyod mkha' mnyam ma/ chos rgyal ma/ bdag gzhan
ma/ 'bar gyur cig ces thal skad btang ste grol/ zla bo gnyis pa
sgrigs byas/ dge bskos kyis bskor g.yeng byed brda' byas

te grol lo/ /sang zhog mang ja grol 'phral zhog chos tshogs dgos
pas nyin gsum ring chos 'don zhes yum gsung gi tshe gral byas nas
bzhugs te gsung/ dge bskos nas lag brda' btang ba dang

chos bstus te/ yar tshogs bzhin gral gor mor byas nas dbu zhwa
bzhes te bzhugs/ dbu mdzad nas dmigs brtse ma gsung tshe dbu zhwa
bas la te sa la bzhag /dbu mdzad nas 'phags pa

@004a @#/ /dkon mchog gsum la zhes bskul te mdo bzlog tshar gcig
/bgegs rigs ma gsungs nas thal skad gtong/ zla bo gnyis cha/ zla
bo ma byung tshe dge bskos la dgongs

bzhu; rtsod zla med bar gnas mi rung/ de nas zla bo gnyis
bsgrigs la dge bskos nas brda' byung bstun/ 'dzin grwa so so'i
skor tshogs byed/ de la dge bskos nas zhib 'jug byas te grol ran
pa'i tshe/

'dul ba/ mdzod/ dbu ma gsum la lag pas phebs brda' 'bul/ skabs
bzhi ba/ skabs dang po gnyis/ gzhung gsar ba rnams la zla gam
gyis brda' byas te dge bskos gshag la 'gro/

bsdus chung rnams rim gyis dal bur grol ba ma gtogs khad mnyam
grol mi rung/ gung tshigs yol nas thal skad gtong tshul yar tshogs
skabs bzhin tshogs nas rtsod pa rgyun ring tsam byed/

nyi tshod dang bstun nas/ dge bskos kyis lag brda' byed bstun yar
tshogs nas/ mkhan brgyud gsol 'debs par rta bcas gsung/ 'di skad
bdag gi zhes bskul te mdo tshar lnga gdangs ma

bcas 'don/ mjug bzlog pa/ dpon slob rnams kyi/ rje btsun bla
ma'i/ thal skad btang nas zla bo gnyis bsgrigs/ brda dang bstun
nas 'dzin grwa skor tshogs byed/ 'khar brda' btang ba na rim gyis

@004b grol te thugs bros la phebs/ de nas grwa ja yar tshogs la
dmigs brtse gsung bzhin nang du tshogs/ dbu mdzad kyis rtse zhwa
bsal ba/ mchod bshams pas sgo yol rgyag pa/ mang mas dbu zhwa
phud pa

rnams dus mtshungs/ khyod la bstod cing/ sangs rgyas sprul pa ma
gdangs bcas/ byams chen me yis sho lo ka gcig /mngon rtogs rgyan
sems bskyed kyi mgo tsam la grwa ja 'dren/ ja mchod bla ma

yi dam sangs rgyas byang sems ci rigs pa gtong/ ja rgyab sher
snying bzlog bsgyur bcas/ seng gdong bzlog pa/ bgegs rigs ma/
dga' ldan lha brgya ma/ tshe rabs kun tu/ bstan pa rgyas pa'i
smon

lam; gdugs dkar bsdus pa/ 'dod gsol bcas/ tshe lha rigs gsum gyi
gzungs sogs sbyin bdag gi rim gro yod tshe skabs bstun byed/ mgon
po/ lha mo/ begtse gsum gyi gtor 'bul/ sgrol ma

tshar gcig /sems bskyed man skabs rdzogs pa'i bar 'don/ de nas
chos rgyal ma/ bdag gzhan ma bton nas grol lo/ /khams seng nas
'dzin grwa so so bskor tshogs byed/ dge bskos kyis snga phyi

bab ltos nas lag brda byed/ sgrol 'don la phal cher yar tshogs
dang 'dra mod cung mi 'dra ba'i khyad par/ deng brtsams ma dang/
gdugs bstod re mos kyis gdangs bcas/ brel skabs dang/ yar tshogs

@005a @#/ /la gdangs med bcas gsungs/ sgrol ma grangs nyer gcig
re/ brel dus bdun re/ lha mo la gus nas/ dgos 'dod 'byung ba'i
bkra shis shog /sher snying la/ 'di skad bdag

gis zhes bskul te tshar gsum dang por bzlog pa gcig /gzhan gnyis
la bzlog pa med/ sangs rgyas chos tshogs ma lan gsum/ seng gdong
ma'i spyan 'dren/ dus gsum rgyal ba ma lan gsum/

bzlog pa tshar gsum/ 'dod gsol/ bgegs rigs man dkyus ltar la/
mkha' mnyam ma dang/ dpal ldan yongs rdzogs ma gnyis re mos/
bstan 'bar ma/ chos rgyal ma/ bdag gzhan

ma gsung nas thal skad btang ste/ zla bo gnyis cha/ skor tshogs
rnams gong ltar ro/ /chos 'go nyin gsum song nas/ nyin bzhi pa
nas brtsams te zhog chos la/ gdugs dkar gdangs ma

bzlog bcas dang/ shar snying gdangs ma bzlog pa tshar gcig /dpon
slob rnams kyi/ rje btsun bla ma'i/ thal skad gtong grol sogs
gong ba bzhin no/ /gung zhog gi chos grwa ra dam bca' yar

gtong mar phebs sogs rgyun ldan chag med byed/ dge bskos nas
mtshan nyid bla mar rtsi bzhag gi dgongs len zhu/ slob dpon nas
chos thog gi tshogs gtam dang 'brel ba'i rtsi bzhag gnang

@005b tshe rtsi bzhag gi gos brda 'phang tshe chos thog gi thog
ma'i rtsi bzhag la tshogs chen zhal ngo dang/ spyi gnyer gnyis
nas spos sna bcas slob dpon gdan 'dren zhu/ de yang zhog chos
yin na zhal 'don la mang nyung

gi khyad par med/ gung tshig gra chos grwa la bla brgyud rdzogs
nas mdo gdangs ma tshar lnga mi dgos/ gzhan gong ltar zhal 'don
grub 'phral mtshan nyid bla mas tshogs gtam gnang/ tshogs gtam med
tshe

zhal 'don rdzogs 'phral slob dpon gyis phyag brda mdzad de 'dzin
grwa go rim ltar rtsi bzhag sogs gnang/ phyir byon skabs sngar
ltar spos sna dang bcas phebs te lam bar nas phyir log byed/
slong dpon

byon skabs bsdus chung ba'i 'dzin grwa rnams rtsi bzhag sbyor
bzhin ser sbreng bsgrigs/ 'dzin grwa gzhan rnams so so'i go sar
'greng ste gus zhabs dang bcas gnas dgos so/ /chos thog gi mgo

mjug bar gsum la bla ma dge bskos gang rung gis tshogs gtam rgyas
ba zhes snyan ngag dang 'brel ba'i sgo nas cis kyang ma chad par
'bul dgos/ de nas tshes brgyad/ bco lnga/ nyer lnga/ nyer dgu
rnams

la dus bzang nges can du tshogs dgos/ de yang dper na tshes brgyad
la dus bzang yin na sngon du tshes bdun gyi zhog chos grol khar/
dge bskos nas/ de ring phyi dro grwa tshang gi dbyangs chags yin
pas dbu mdzad

@006a @#/ /rnam gnyis dang skad grwa ba rnams snga sa sa nas
dbyangs chags la phebs par zhu zhes snyan gsan phul la zhog chos
grol ba man gong bzhin no/ /phyi dror dbu mdzad skad grwa ba
rnams dang dge

bskos bcas 'du khang chen mo'i sgo 'byor la tshogs nas/ nyung ja
'dren zhing zas tog phul/ dge bskos nas dbu mdzad rnam gnyis
dang skad grwa ba rnams la chos spyod 'di dang 'di'i dbyangs
chags

byed dgos kyi bkod khyab byed/ dbu mdzad chen mos dbyangs 'then
pa bzhin grwa tshang dbu mdzad nas dang/ skad grwa ba so so na
'then du chug /'grigs min dge bskos la dgongs bstun byed

'grigs tshe des 'thus/ ma 'grigs tshe skyar 'don yang yang byed/
de ltar dbyangs chags tshags su tshud pa dang/ chos grwa tshogs/
mdo 'don la/ sher snying tshar gcig bzlog pa dang bcas/ bgegs
rigs

ma gsung tshar 'phral/ dge bskos nas/ de ring gi dbyangs chags de
yang dpal ldan sa gsum ma'i dbyangs chags yin pas skor gcig gam
gnyis sam gsum gang byed du smos nas dbyangs chags

mdzad par zhu/ zhes zhu ba dang bstun nas 'khar brda' gtong/ de
nas skor gcig byed na dbu mdzad rnam gnyis khri'u chung steng
nas byams bzhugs kyis zhal mar log ste bzhugs/ dge

@006b 'dun rnams zhal yar bsgyur te tshogs zhing lta bur bzhugs/
dbu mdzad chen mos dbyangs tshags gang zhu skor mgo gcig legs par
'then/ de nas dbu mdzad chen mos/ dge bskos la yar nang na

mar nang byed dam/ skor gcig byed ces dri/ skor phyogs gcig gis
'thus zer na/ de lugs kyi dbyangs chags byed/ de ltar byed skabs
yang dbu mdzad chen mos dge bskos la 'grigs sam lags

zhes dri/ yang da mtshams byed dam lags zhes kyang dri/ yongs zer
na/ dbu zhwa bzhes te thal skad btad nas grol/ de mtshungs 'khar
brda' btang ba dang khams sang nas grwa ja tshogs pa sngar ltar
ro/ /

dngos gzhi dus bzang gi nyin zhog chos la/ yar tshogs skabs ltar/
sgrol ma tshar bdun/ legs bris ma/ bcom ldan 'das ma gdangs
dbyangs bcas gsung ba ma gtogs yar tshogs dang 'dra/ phyi

dror grwa ja dang po la skyabs 'gro gdangs ma/ yum de la phyal
'chil/ /thams cad du ni sa gzhi dag /lha dang mi yi/ nam mkha'i
khams kun khyab gyur cig /ces gsung nas grwa ja gtong/ ja mchod

'dren pa mnyam med ma/ ja rgyab sher snying bdud bzlog sogs
rgyun gyi zhal 'don ji bzhin la rgyan 'jug gi tshab tu sgrol ma
tshar gcig bcas gsungs nas/ spyan 'dren khrus gsol/ maNDal/

@007a @#/ /'dod gsol bcas dang/ lam rim gsol 'debs par rta dang
bcas/ 'jam dbyangs chos rje'i zhabs la gsol ba 'debs/ /bar btang
nas mkhan brgyud bsdus pa

dbyangs can bzhad pa dge bdun rgya mtsho zhes pa nas/ tsong kha
ba dang mtshungs par shog /ces pa'i bar gtong/ smra ba zla med
nas/ bshes gnyen dam pa'i zhabs la gsol ba 'debs/ /zhes pa'i

'phror/ slar yang/ bla brgyud bsdus pa/ dbyangs can bzhad pa
nas/ mtshungs par shog gi bar btang la/ chos rgyal ma/ bdag gzhan
ma bton nas grol lo/ /'di ni zhal 'don rgyas pa'i lugs/

yin; bsdus pa'i tshe/ maNDal gyi mjug tu/ thos pa rgya mtsho/ 'gro
ba'i bla ma tshig rkang 'dir dbyangs bcas/ deng nas byang chub
dbyangs bcas byin gyi brlab tu gsol/ /zhes brjod nas/ bla brgyud

bsdus ba rgyal ba'i spyi gzugs ma btong nas grwa ja dang po
grol/ gra ja rjes mar/ dmigs brtse ma/ khyed la bstod cing/ gser
bzang ma bar rta bcas btang nas/ chos spyod gang 'don dbu mdzad
rnam

gnyis kyi thugs 'dod ltar gdangs ri ba dang bar rta sbrags ma'i
sgo nas spos bskor ma yongs kyi bar gcig rjes gcig 'thud kyis
gsung dgos/ grol mtshams dge bsgos kyis tshod bzung nas

@007b bkra shis spos bskor byas pa dang chos spyod kyi mtshams
byas te/ mgon po'i gtor 'bul 'dur rta/ lha mo/ begtse'i gtor
'bul tshogs chen mang ja'i skabs ltar gtong/ gzhi bdag gtor ma/

yon tan gzhi gyur ma bar rta bcas gsung/ 'tshams 'dir bla ma
tshogs dbur bzhugs tshe bla ma dang/ med na/ sprul sku chos mdzad/
dge bshes bgres rigs zhig gis ljags bsngo gnang/ de nas

bstan 'bar ma/ chos rgyal ma dang/ bdag gzhan ma dbyangs bcas
gsung nas/ dmigs brtse ma lan gsum/ khyed la bstod cing/ yar
bzhengs nas phyag gsum 'tshal te dmigs brtse ma rgyang 'then

byas nas grol lo/ /chos mtshams smon lam la/ zhog chos sgrol 'don
yar tshogs dang phal cher 'dra zhing cung mi 'dra ba'i khyad par
ni/ mkha' mnyam ma tshar 'phral slob dpon tshogs dbur bzhugs

tshe; slob dpon gyis chos mjug gi tshogs gtam chos dang 'brel bar
yid 'khul nges su gnang/ med na dge bskos nas/ mtshan nyid bla
ma/ dbu mdzad rnam gnyis/ skad grwa ba rnams dang/ dge 'dun

mang bcas la chos thog 'di yi ngos la chos spyod phyag len phra
zhib gnang ba'i legs gsol bka' drin che brjod dang/ chos mtshams
skor gyi tshogs gtam rgyas pa dang mjug tu chos thog 'di'i ring
la

@008a @#/ /dpon slob kun gyis bsags pa'i dge tshogs rnams bla med
byang chub kyi rgyur bsngo ba'i snyan gsan dang 'brel bar dbu
mdzad chen mos byams smon bcas gsung bar zhu/

zhes brjod/ de nas dbu mdzad kyis sangs rgyas kun la zhes bskul/
bla ma yod tshe ljags bsngo rgyas par gnang/ de nas bstan 'bar
ma/ chos rgyal ma dang/ bdag gzhan ma rnams dus bzang

ltar 'then/ dmigs brtse ma gsum bar rta/ khyed la bstod cing/ de
nas dmigs brtse ma rgyang 'then byas nas phyag 'tshal zhing mchod
khang so sor mchod mjal zhu/ chos thog lo gcig

la du yod kyang mgo mjug bar gsum gyi phyag len tshul 'di ltar du
gnas dgos so/ /gsum pa zhar byung thor bu'i skor mdo tsam brjod
pa la/ rtsi bzhag gi skor las chos thog gi thog ma'i

rtsi bzhag gong du brjod zin pa ltar dang/ de'i rjes su rtsi
bzhag nam gnang yang chab ril pas gdan zhu'i snyan gsan zhu ba
las gong ltar spos sna sogs med/ 'dir dbyar chos dbyar gnas

la gsung chos dang 'brel ba'i rtsi bzhag mdzad mod/ der babs
ltos byas na legs/ slob dpon gsar bzhugs kyi rtsi bzhag la skyor
dpon gyis sngon du skyor rgyu med/ 'dir sil tog de ma

@008b ja sogs yod pas/ skyor dpon so sor sil tog re gnang srol
yod/ dgongs pa zhu gnang gi skor la/ nyin re gnyis kyi dgongs pa
dang/ 'dzin grwa bshams nas yar sbor ba sogs kyi dgongs pa dge
bskos

rkyang bar zhu bas chog /de min lo gnang/ zla gnang dgongs pa
rtsad zhu/ dbu ma yan chad kyi 'dzin grwa sbor gnang rnams bla
ma dge bskos gnyis char la zhu dgos/ bla ma dge bskos lhan rgyas
su gnas par

dgongs pa gcig kyang zhu srol med/ dam bca'i skor la/ 'dir lo
gcig gi nang/ dpyid chos/ dbyar gnas gnyis la gzhung bsdus kyi
dam bca'/ dbyar chos/ dgun chos gnyis la ming btags pa'i dam

bca' gtong srol mchis na/ der gsar 'dzugs la re zhig phyi ma
gnyis btang snyoms su bzhag /dam bca' sngon ma gnyis gtong bar
'dod na/ gzhung bsdus so sor dam bca' nyin gsum re

khyon nyin drug gi dam bca' yin la/ de tshogs tshul ni/ gung tshigs
chos grwa dus rgyun las snga bar tshogs/ zhal 'don dkyus ma'i
sgrol 'don yar tshogs ltar la/ byams pa'i thos bsam ma'i/ legs

bshad ri mo'i mgor dge bskos nas dam bca' ba la lag brda' 'bul
ba dang/ bstan pa'i rgyal mtshan phyogs bcur tshugs par shog /ces
pa'i tshig steng dam bca'i go sar 'khod pa dus mnyam byed

@009a @#/ /ba gzhung bsdus gnyis la 'dra/ bsdus grwa'i dam bca'
pa la dge bskos nas zla gam gyis brda' rgyag /rigs lung chos
spyod 'grub 'phral/ dam bca' pas bshad pa gtong/

bshad pa tshar 'phral/ gzhung las pas gzhung bkod de rtsod pa
tshugs/ babs ltos kyis gzhung las par dge bskos kyis brda' sbyor/
de nas skyor dpon sogs mang ma rim par bzhengs/ 'tshams gzhung

las pas byed/ gol rgyu'i 'tshams bla ma la dgongs len zhu nas
yongs gsung na/ 'khar brda' gtong ba dang grol te khams seng nas
grwa ja tshogs tshul gong smos ltar la/ zhal 'don sangs rgyas
sprul

ba ma gsung tshar 'phrel/ sgo yol bsal la/ dam bca' tshugs/ dge
bskos nas babs ltos kyis grwa ja gtong/ rtsod mtshams byas nas ja
gnang zhu/ ja rgyab sher snying nas rgyan 'jug gi bar dus

rgyun dang 'dra/ rgyan 'jug gi tshab tu sgrol ma tshar gcig gsung
nas sgo dbye ste/ rtsod pa tshugs/ chab ril gyis chab btang tshar
'phral thal skad btang ste grol lo/ /dam bca'i 'jug gi nyin/
gzhung las pas

tshig bkra bkod/ dge bskos nas dam bca' bar dga' dar byin/ bstan
'bar ma/ chos rgyal ma/ bdag gzhan ma/ thal skad btang nas grol
ba gzhung bsdus gnyis kar 'dra'o/ /'dir dpal ldan bshad

@009b sgrub gling gi phyag bzhes mtha' chod pa zhig rang nas
kyang ma rtogs na ji bzhin brjod bar ga la sbobs/ 'on kyang
phyogs mthun tsam brjod par zad de 'di la 'gal 'khrul nongs pa
ci mchis bla ma yi dam bstan srung

mkhas pa'i tshogs la bzod par gsol lo/ /bdag la sgrib par mi
'gyur bar mdzad du gsol/ zhes bca' 'tshams blo gsal sgeg mo'i
mgul rgyan ces bya ba 'di lta bu zhig dgos zhes or tu su hang
kin

phyogs bka' 'gyur su mi dge 'phel bstan rgyas gling gi gnyer pa
bstan 'phel/ skad grwa ba phun tshogs/ blo bzang rdo rje/ hor
chen du rbed pe zi phyogs kyi chos rje blo bzang dbang phyug
rnams nas lha rdzas dri bral/

sog ja brgyad bcas nan tan chen pos bskul ngor 7 khri zur che
shos paNDi ta mkhan pos rang gi yid yul du gang nges bab col tu
smras pa dza yantu// //