@## {dd}/ /dge legs rgya mtsho'i jul gyi grangs snyed

bgrang yas skal par bsags pas rab bskrun gsal rdzogs

mtshan dpes kun nas mdzes shing mthong na mi mthun med pa'i sku;

dbyangs gcig gis kyang sna tshogs khams dang skad r-igs tha dad

dpag med 'gro bar so so'i blo dang 'tshams pa'i don ston re ba ji

@##/ /bzhin skong pa'i gsung/ /zab yangs mkhyen brtses shes bya ma
lus

lag mthil skyu ru ji bzhin gzigs shing ris med 'gro kun bu gcig
ma ltar byams brtses

gces par skyong ba'i thugs/ /gzhan ched kho nar thugs mchog legs
bskyed tshogs gnyis

rab bsags bdud bzhi gtan bcom mngon par sangs rgyas chos 'khor
bskor mdzad shA kya'i rgyal

bor gus phyag 'tshal/ /gang gi dad por byang chub mchog tu thugs
bskyed tsam nas byams pa

chen pos 'gro kun phan bde'i dpal la 'god/ /nyon mongs dgra
tshogs gang gis kyang ni

@02b klags lta'i skabs bral mi pham par grags tam pa tog dkar
rgyal tshab dang/ /rgyal kun theg chen lam du btsud pas yab du
gyur kyang ji srid skal bar rgyal sras gzhon nu'i tshul bzung
nas/ /grangs med

zhing du sna tshogs sprul bas bstan 'gro'i don mdzad 'jam dbyangs
zhes grags sras kyi thu po gnyis la 'dud/ /theg pa chen po'i
srol bzang btod nas thub bstan gsal bar byed do zhes/ /

rgyal ba nyid kyis lung du bstan cing mdo btus rigs tshogs la
sogs dang/ /rnam nges sa sde la sogs zab dang rgya che'i legs
bshad du ma yis/ /rgyal bstan gsal mdzad shing rta chen po

klu grub thogs med gnyis la 'dud/ /dpal mgon klu grub thogs med
zhi ba lha'i/ /gdams pa'i rgyud pa chu bo gsum 'dres kyi/ /bdud
rtsi'i nyid khrus thugs kyi bum bzang gtams/ /

'gro la 'gyed mkhas phul byung zhabs la 'dud/ /rgyal ba'i yab
gcig rje btsun mkhyen pa'i gter/ /dus mthar ngur smrig 'dzin
pa'i gar bsgyur nas/ /mdo sngags gnyis kyi lam gyi

gnang mtha' dag  /nyi ltar gsal mdzad tsong kha pa la 'dud/ /mdo
rgyud rgya mtsho'i 'jings la legs brgal te/ /'jam mgon bla ma'i
gdams pa yid bzhin nor/ /thugs kyi gru rdzing

bkangs te dngos grub tshar/ /'beb mkhas ded dpon chos rgyan zhabs
la 'dud/ /rigs gnas lha lam yangs bar thogs med bgrod/ /'phrin
las 'od stong 'dzin ma'i khyon kun khyab/ /

phan dang bde pa'i pad tshal rgyas mdzad pa/ /bstan pa'i nyi ma
gangs can mgon por 'dud/ /paN chen d+hA rmangd+hwa tsha'i gdams
pa'i bcud/ /myangs te sgrub pa snying por mdzad pa yis/ /

@03a @#/ /spang rtog yon tan rab rgyas gdul bya rnams/ /smin
mdzad grub mchog blo rgyan zhabs la 'dud/ /mdo rgyud gzhung la
thos bsam mthar son cing/ /phyag na padmo'i gdams pas rgyud

grol nas/ /thub bstan gsal zhing gdul bya theg chen sar/ /'khrid
mdzad 'phrin las mtshan can zhabs la 'dud/ /shing rta chen po'i
srol bzang legs bzung ste/ /zab cing rgya che'i lam bzang

mngon du mdzad/ /skal ldan gdul bya'i tshogs la legs gdams nas/
/lam rim rgyas mdzad bshes gnyen kun la 'dud/ /yongs 'dzin gnyis
kyi man ngag zhal shes dang/ /rje yi gsung rab

bka' gdams gong ma'i gzhung/ /rnams la brten nas byang chub lam
rim gyi/ /dmigs pa yid la byed tshul 'di na spro/ /shing rta chen
po gnyis kyi lam gyi srol/ /kun mkhyen don gnyer skye bo

mchog gi lugs/ /skyes bu gsum gyi nyams len cha tshang ba/ /byang
chub lam gyi rim pa'i khrid la bzhi/ /gang nas byung ba'i khungs
kyi che ba dang/ /de nas byung ba'i gdams pa'i phan yon dang/ /

chos la nyan bshad ji ltar byed tshul dang/ /gdams pa dngos kyi
slob ma bkri tshul lo/ /gdams pa'i khungs ni rdzogs pa'i sangs
rgyas kyi/ /sher phyin rgyas 'bring bsdus pa gsum char las/
/sbas pa'i tshul gyis

gsungs pa byams mgon gyis/ /mngon rtog rgyan las dngos su gsal
bar bshad/ /de lta na yang 'di yi rtsa ba'i gzhung/ /lam sgron
yin la de ni mdzad pa po/ /ad+hi sha yin de yi che ba ni/ /za
hor rgyal po

dge ba dpal gyi sras/ /thun mongs rigs gnas sgra tshad bzog so
bzhi/ /nang rig rgyud ste bzhi dang sde snod gsum/ /kun la
sbyangs pas mkhas pa'i phul du phyin/ /so thar byang sems sngags
kyi tshul

@03b khrims gsum/ /zhi gnas skyed rim brtan po'i ting nge 'dzin/
/lhag mthong rdzogs rim zab mo'i shes rab ste/ /thun mong ba
dang thun mong ma yin pa'i/ /bslab pa gsum gyis thugs rgyud legs
gtams pas/ /

lung dang rtog pa'i bstan pa'i bdag por gyur/ /mkhas shing grub
pa'i dam pa mang bsten nas/ /mdo sngags gdams pa'i rgyun bzang
legs par mnos/ /'phags pa'i yul du mu stegs rgol bar na/ /

lan gsum pham mdzad rang sde gong 'og gi /ma rtog log rtog the
tshom legs bsal te/ /bstan pa rgyas par mdzad pas thams cad kyis/
/phyogs ris med par gtsug gi rgyan du 'dzin/ /bod du byang chub

'od kyis spyan drangs te/ /bstan pa'i dag ter mdzad par gsol
btab pas/ /mdo sngags gnad kun bsdus te nyams len gyi/ /rim par
dril ba'i byang chub lam sgron mdzad/ /bstan pa'i srol bzang nub

rnams gsar du bcug  /nyams nas cung zad yod rnams legs par spel/
/log rtog ngan pas sbags rnams phyir bsal te/ /bstan pa dri med
kun du rgyas par mdzad/ /khrid gzhung dngos ni khams

gsum chos kyi rgyal/ /tsong kha pa yi lam rim rnams yin la/
/bdag nyid che de rgyal ba rang nyid kyis/ /'jam dpal rtsa rgyud
sogs las lung bstan cing/ /don la 'jam dpal dbyangs dang dbyer
med

kyang/ ;thun mong snang dor mkhas grub mang bsten nas/ /rigs
gnas mdo sngags gzhung dang gdams pa'i rgyun/ /kun la sgro 'dogs
chod pa'i thos pa btsal/ /gzhung lugs thams cad gdams pa'i

mchog tu shar/ /sgrub pa snying por mdzad de nyams su blangs/
/'chad rtsod rtsom pas thub bstan yid bzhin nor/ /byi dor byas
te nyi ltar gsal bar mdzad/ /gdams pa'i che bar bzhi las dang po
ni/ /

@04a @#/ /'di la brten nas gsung rab thams cad kyis/ /sangs rgyas
sgrub pa'i lam gyi gtso bo dang/ /yan lag ci rig 'chad pas dngos
su'am/ /brgyud nas 'tshang rgya'i thabs su legs gsungs par/ /gobs

bstan pa thams cad 'gal med rtogs/ /che ba gnyis pa gdams pa 'di
yis ni/ /gsung rab dgong 'grel bcas pa'i lam gyi gnad/ /bshes
gnyen bstan tshul nas bzung lhag mthong bar/ /thams cad

dpyad sgom 'jog sgom gang rung gi /nyams len rim par dril nas
'khrid pas na/ /gsung rab ma lus gdams par 'char bar 'gyur/ /che
ba gsum pa gdams pa 'di yis ni/ /gsung rab dgongs

'grel bcas pa'i gzhung che ba/ /rnams kyis nyams su blang bya
'di dang 'di/ /bstan par 'dug go snyam du tshegs med par/ /go bar
'gyur bas mdo rgyud bstan bcos kyi/ /gzhung don rgyal ba'i

dgongs pa bde blag rnyed/ /che ba bzhi pa gdams pa 'di nyid la/
/brten nas theg pa dman pa'i mdo lta bu/ /brgyud nas 'tshang
rgya'i thabs su go bas na/ /gsung rab gang la'ang 'tshang rgya'i
gegs

yin no/ /snyam du bzung nas 'dor ba'i chos spong gi /nyes spyod
chen por nga 'gag nyid du 'gro/ /chos la nyan bshad ji ltar bya
ba la/ /nyan tshul bshad tshul mjug tu bya tshul gsum/ /dang po

la gsum thos pa'i phan yon ni/ /mkhas mchog dpa' bo'i legs bshad
skyes rab las/ /gang zhig thos pas yid ni dad gyur nas/ /legs
par dga' la brtan pa nyid du 'gyur/ /shes rab

skye zhing gti mug med par 'gyur/ /rang gi shes kyang de ni nyo
ba'i rigs/ /thos pa gti mug mun sel sgron me yin/ /rkun po la
sogs mi 'khyer nor gyi mchog  /kun du rmongs pa'i dgra 'joms

@04b mtshon cha yin/ /thabs tshul man ngag ston pas grogs kyi
mchog  /'phongs par gyur kyang mi 'gyur mdza' bo yin/ /gnod pa
med pa mya ngan nad kyi sman/ /nyes pa chen po'i dpung 'dzom
dpung gi mchog  /grags dang

dpal dang gter gyi mchog kyang yin/ /ya rab rnams dang 'phrad na
skyes kyi mchog  /tshogs kyi nang na mkhas pa mgu bar 'gyur/
/zhes dang gzhan yang legs bshad de nyid las/ /thos pa'i rjes
'jug sgrub pa

snying por byed/ /skye ba'i rdzong las tsheg chung thar par
'gyur/ /zhes pa rnams kyis thos pa la brten nas/ /'phral du dad
dang dga' dang brtan pa dang/ /shes rab la sogs yon tan mang
'byung zhing/ /thos don

sgrub la 'bad dan 'khor bar ru/ /skye ba'i rdzod las thar bar
'gyur gsungs zhing/ /gzhan yang thos pa'i tshoms las kyang/ /thos
pas chos rnams shes par 'gyur/ /thos pas sdig las ldog par

byed; ;thos pas don ma yin pa spong/ /thos pas mya ngan 'das pa
'thob/ /ces pas thos pa la brten nas/ /rim bzhin blang dor chos
rnams shes/ /sdig las ldog pa'i tshul khrims srung/ /

don med spong ba'i ting 'dzin sgom/ /bdag med rtogs pa'i shes
rab kyis/ /srid las grol bar 'gyur zhes bshad/ /gzhan yang bka'
gdams dge bshes gro lung bas/ /mdzad pa'i

bstan rim chen mor ji skad du/ sngon chad ma thos rmad byung
thos pa dang/ /thos pa yongs su byang dang the tshom spong/ /lta
ba drang dang don chos zab mo rtog  /chos kun shes shing nyes
spyod 'dor ba dang/ /

don med spongs dang don mchog zhi thob sogs/ /thos pa yon tan
bsam yas 'byung khungs yin/ /zhes gsungs pa ltar sngon chad ma
thos pa'i/ /ngo mtshar rmad byung gtams mang thos pa sogs/

@05a @#/ /mtha' yas yon tan 'byung ba'i khungs yin cing/ /thos pa
'di 'dra rnyed par dka' tshul ni/ /mdo sde gsang ba bsam gyis mi
khyab par/ /'jig rten sangs rgyas 'byung ba brgya lam ste/ /mi
yi

lus ni tshogs kyis rnyed pa yin/ /kye ma dad pa dang ni chos nyan
pa/ 'di 'dra skal pa brgyar yang rnyed par dka'/ /zhes gsungs pa
ltar bsam nas dam pa'i chos/ /nyan la spro ba shugs drag skyed
par bya/ /

gnyis pa chos dang chos smra la/ /rim gro bskyed tshul skyes rabs
las/ /rab tu dma' ba'i stan la 'dug  /dul ba'i dpal ni rnam par
bskyed/ /dga' dang ldan pa'i mig gis blta/ /tshig gi bdud rtsi

'thung ba bzhin/ /gus pa bskyed de rtse gcig btud/ /rab tu dang
la dri med yid; /nad pas sman pa'i tshig nyin bzhin/ /rim 'gro
bskyed de chos nyon cig  /zhes dang sa yi snying po'i mdo las
ni/ /

gcig tu dad cing gus pas chos mnyan gyi/ /de la 'phya zhing skur
bar mi bya'o/ /chos smra ba la mchod pa bya ba ni/ /sangs rgyas
'dra bar de la 'du shes bskyed/ /zhes pa ltar gyi spyod lam bsam
pa

bsten/ /gsum pa nyan tshul dngos la rnam pa gnyis/ /'gal rkyen
snod kyi skyon gsum spong ba dang/ /mthun rkyen 'du shes drug po
bsten tshul lo/ /dang po chos nyan tshe na gnyid rmug gam/ /rnam

g.yeng sogs kyis mnyan par mi sgrim pa/ /chos kyi don ni log
par bzung ba'am/ /rnyed bkur 'dod sogs kun slong skyon chags pa/
/bzung ba'i tshig don brtan par mi byed par/ /brjed pa

sogs kyis myur du nyams 'gyur ba'i/ /kha spub mi gtsang zhabs
rdol lta bu yi/ /snod kyi skyon gsum spang ste mdo las ni/ /legs
par rab tu nyon la yid la zung/ /zhes pa ltar gyi gnyen po legs

@05b par bsten/ /gnyis pa rang la rgyun ring gso dka' zhing/
/sdug bsngal drag po skyed pa'i chags pa sogs/ /nyon mongs nad
kyis na ba'i nad pa dang/ /chos smra ba la chags sdang rmongs
gsum sogs/ /nyon mongs

nad kun gso ba'i sman pa dang/ /rjes su bstan pa'i chos la nyon
mongs pa'i/ /nad kyi rtsa ba drung nas 'byin pa'i sman/ /chos de
tshul bzhin nyams su len pa la/ /sman mchog bsten nas nyon mongs
nad gso

ba; ;chos de thog mar gsung ba'i bcom ldan 'das/ /rjes su dran
nas gus pas dam par lta/ /chos 'di mnyan pas bstan pa 'jig rten
na/ /yun ring gnas na ci ma rung snyam pa'i/ /'du shes drug po

legs par bstan pa gces/ /rang la nad pa lta bu yi/ /'du shes
'jog par spyod 'jug las/ /tha mal nad kyis btab pa yang/ /sman
pa'i dag bzhin bya dgos na/ /'dod chags la sogs nyes brgya yi/ /

nad kyis rtag btab smos ci dgos/ /zhes dang chos smrar sman pa
lta bu yi/ /'du shes 'jog par 'phags pa sdud pa las/ /de lta na
yang byang chub dam pa 'tshol ba yi/ /bsam pa drag ldan mkhas
pa'i nga

rgyal nges bcom lte/ /nad pa'i tshogs kyis gso phyir sman pa
bsten pa ltar/ /g.yel ba med par dge ba'i bshes gnyen bsten par
bya/ /zhes dang thos don nyams su len pa la/ /'tsho ba'i 'du shes
ting

'dzin rgyal po las/ /mi dag na zhing lus ni sdug bsngal te/ /lo
grangs mang po re 'ga' mthar pa/ /de ni yun ring nad kyis nyon
mongs las/ /nad rnams gso ba'i phyir yang sman pa btsal/ /yang
dang

yang du de yis btsal ba yis/ /sman pa mkhas shing rig pa de
rnyed de/ /des kyang snying rje nye bar bzhag nas ni/ /sman 'di
btang bar gyis zhes byin pa dang/ /sman mang bzang zhing 'phangs
pa de blangs nas/ /

@06a @#/ /na ba 'tsho par 'gyur ba'i sman mi 'thung/ /sman pas ma
lan sman gyis ma nyes te/ /nad pa de nyid kyis ni nyes pa yin/
/de bzhin bstan pa 'di la rab byung ste/ /stobs dang bsam gtan

dbang po kun rig nas/ /sgom pa la ni mngon par brtson mi byed/
/rigs par mi brtson ga la mya ngan 'da'/ /zhes dang gzhan yang
mdo sde de nyid las/ /ngas ni rab tu bzang po'i chos bshad
kyang/ /khrod kyis

thos nas yang dag ma spyad na/ /nad pa sman gyi rgyal ba thog pa
dag  /bdag gi nad ni gso bar mi nus bzhin/ /zhes dang gzhan yang
thos pa'i tshom las kyang/ /legs gsungs thos pa snying por shes
pa dang/

ting nge 'dzin dag snying por shes gyur kyang/ /gang zhig bag
med brlang por byed pa de'i/ /thos dang shes pa don chen mi
'gyur ro/ /gang zhig 'phags pas bstan pa'i chos dga' zhing/ /de
ni lus dang ngag gis

spyod byed pa/ /de dag bzod ldan grogs dga' dbang po bsdams/
/thos dang shes pa'i pha rol phyin pa 'thob/ /zhes dang lhag
bsam bskul ba'i mdo las kyang/ /bu ram shing shun snying po ci
yang med/ /dga'

bar bya ba'i ro ni nang na 'dug  /shun pa zos pa'i mes ni bur
ram ro/ /zhim pa rnyed par nus pa ma yin no/ /ji ltar shun pa di
bzhin smra ba ste/ /ro lta bu ni 'di la don sems yin/ /de lta
bas na smra la dga' spong ste/ /

rtag tu bag yod byos la don soms shig  /zhes pa rnams kyis bstan
cing nyams len la/ /brtson pa yun ring dgos pa bshags bstod las/
/der yang sems ni rgyun du rnam rmongs la/ /yun ring dus

su nad gzhi bsten byed cing/ /mdze can rkang pa lag pa chad pa
la/ /thang 'ga' sman bsten pa yis ci pa gyir mchi/ /zhes pa ltar
ro bshad pa'i tshul la bzhi/ /dang po dam chos bshad pa'i phan
yon ni/ /

@06b byams pa seng ge sgra yi mdo sde las/ /gang gis gang ga'i
bye snyed sangs rgyas zhing/ /rin chen bdun gyis yongs su bkang
byas nas/ /dga' rab sems kyis rgyal la phul ba dang/ /gang gis

sems can gcig la tshigs bcad byin/ rin chen sbyin pa shin tu rgya
chen nges/ /tshigs bcad sbyin pa snying rjes bsgrub de la/ /char
yang mi phod grangs su'ang ma yin na/ /gnyis dang

gsum la bsam du ga la yod/ /ces dang gzhan yang mdo sde de nyid
las/ /gang ga'i bye snyed rin chen gser dag gis/ /bkang ste gang
la sbyin pa byin pa bas/ /dus ngan tshe na tshigs

bcad gcig brjod pa/ /de yi phan 'dogs ci 'dra de la med/ /zhes
pa ltar ro gnyis pa ston pa dang/ /chos la rim 'gro bskyed tshul
bstan rim las/ /chos smra des kyang ston pa rjes dran

zhing; ;gus pa chen pos chos don legs bsam nas/ /zhes gsungs pa
ltar ston pa'i yon tan dang/ /bka' drin chos kyi brjod don phan
yon rnams/ /legs par rjes su dran pas

gus pa bskyed/ /gsum pa dam chos 'chad tshe bsam pa dang/ /sbyor
ba ji lta bu yis bshad pa ni/ /rgyal ba'i dam chos pa dam dkar
po las/ /mkhas pa dus su sems par byed pa na//

khang bur zhugs te de bzhin sgo bcad nas/ /chos 'di thams cad la
ni tshul bzhin blta/ /langs nas zhum pa med pa'i sems kyis shod/
/mkhas pa bde la rtag tu gnas par 'gyur/ /

bde la 'dug nas de bzhin chos kyang ston/ /gtsang zhing yid du
'ong ba'i sa phyogs su/ /yangs pa'i stan ni rab tu bshams bting
ste/ /bzang po'i tshon gyis legs par kha bsgyur ba'i/ /chos

@07a @#/ /gos gtsang ma des ni rab bgos nas/ /dngul gzan nag po
de bzhin bshams byas la/ /sham thabs che tshad legs par rab bgos
nas/ /bcos bu'i ras rnams sna tshogs

legs bting ba/ /rkang rten bcas pa'i khri la rab 'dug cing/
/rkang pa legs par bkrus ste steng 'dzegs nas/ /gdong dang bzhin
gyi mdangs ni rab snum zhing/ /chos kyi stan la de ni rab

'dug nas/ /sems can lhag pa rtse gcig gyur rnams la/ /gtam mang
rnam pa sna tshogs nye bar ston/ /dge slong dag dang dge slong ma
dag dang/ /dge bsnyen rnams dang dge bsnyen ma dag

dang; ;rgyal po dag dang rgyal bu rnams la yang/ /mkhas de rtag
tu phrag dog med par ni/ /sna tshogs don ldan snyan pa'i gtam
yang ston/ /le lo dag kyang rnam par rab spangs nas/ /skyo ba
snyam pa'i

'du shes skyed mi bya/ /mkhas pas mi dga' thams cad rnam par
spang/ /byams pa'i stobs ni 'khong la bsgom par bya/ /nyin mtshan
du yang chos mchog rab tu bsgom/ /mkhas pa des ni bye ba

khrag khrig dpes/ /'khor rnams mgu zhing de bzhin dga' bar byed/
/de la nam yang 'dod pa cung zad med/ /zas dang sgom dang bza'
dang bca' ba dang/ /gos dang mal cha chos kos rnams dang ni/ /

na ba'i gso sman dag kyang mi bsam ste/ /'khor rnams la ni ci
yang mi blang ngo/ /gzhan du mkhas pas rtag tu bdag nyid dang/
/sems can 'di dag sangs rgyas 'grub par shog  /phan phyir 'jig
rten chos gang

bstan pa de/ /bdag gi bde ba'i yo byad kun snyam sems/ /zhes
gsungs pa ltar bya dgos mdor bsdun/ /bsam pa blo gros rgya
mtsho'i mdor gsungs ltar/ /rang la sman pa bshad bya'i chos la
sman/ /

@07b nyan po nad pa de bzhin gshegs pa la/ /skyes bu dam pa chos
tshul yun ring du/ /gnas na snyam pa'i 'du shes lnga bskyed cing/
/nyan pa'i 'khor la byams pa legs par bsgom/ /gzhan dag mtho bar
dogs

pa'i phrag dog dang/ /chos la phyi bshol byed pa'i le lo dang/
/yang yang 'chad pas ngal ba'i skyo ba dang/ /bdag nyid bzang
por sgrogs shing gzhan skyon gleng/ /gnad don kun slong dman pas
sbed pa yi/ /dpe 'khyud

byed dang rnyed bkur grags pa sogs/ /zang zing dag la lta ba kun
spangs te/ /rang gzhan thams cad sangs rgyas thob phyir du/
/bstan pa'i bsod nams gang de bdag nyid kyi/ /bde ba'i yo byad
yin no

snyam du bsam/ /sbyor ba khrus byas gtsang sbra dang ldan pas/
/gtsang ma'i gos bgos yid 'ongs phyogs su/ /sher phyin gsung che
rgyal ba rang nyid kyis/ /gdan khri bshams par mdzad ltar dam

chos ni/ /rgyal bas kyang ni bkur ba'i zhing yin pas/ /chos la
bkur phyir 'chad tshe rang nyid kyang/ /khri stan bzar po bshams
par legs 'khod de/ /bdud dang bdud kyi rig rnams mi 'ong zhing/
/

'ong kyang bar chad bya bar mi nus par/ /blo gros rgya mtsho'i
mdo las gsungs pa yi/ /bdud tshar gcod pa'i gzungs sngags zab mo
bzla/ /ta dya thA/ sha me sha ma ba ti sha me ti sha truM/ aM
ku re maM

kur; ;ma ra dzi te ka rA te yu ka yu ro te dzo ba ti/ o le ya
ni bi sha tha ni rma le mA lA pa na ye/ khu khu re kha ge gra
se/ gra sa ni/ o mu khI/ ba raM mu khI/ A mu khI/ sha mi
tA ni sarba gra ha band+ha na ni/ gri hI

rwA sarbba ra pra nA ti na ni mu ktA mA dA bra sha /sthA
bi tA bud+ha mu tra/ a bud g+ha ti rA/ sarba mA ri pu tsa ri
ta pa ri shud+hya/ bi ga tstsha ntu/ sarba mA rA karma Ni/ gal
te sngags 'di bzla ba ma grub na/ /sher snying

@08a @#/ /bdud bzlog byed pa dam pa'i srol/ /de nas bzhin gyi
mdangs ni rab gsal bas/ /bshad don go ba'i yan lag mthun dpe
dang/ /rig pas nges pa'i yan lag gtan tshig dang/ /yid

ches yan lag lung dang ldan par bshad/ /bzhi pa gang la bshad
pa'i khyad par ni/ /mdo sde ting 'dzin rgyal po las/ /chos kyi
sbyin pa'i ched kyi phyir/ /gal te khyod la gsol 'debs na/ /rab
rgyas

bdag gis ma bslabs zhes/ /thog mar tshigs de brjod bar bya/
/khyod ni shes shing mkhas yin na/ /bdag nyid chen po'i mdun du
ni/ /bdag gis ji ltar bshad nus zhes/ /khyod kyis de skad

brjod par bya/ /'phral du brjod par mi bya yi/ /snod la brtag pa
byas nas bya/ /gal te snod ni shes gyur na/ /gsol ma btab kyang
bshad par bya/ /'khor ni mang po 'khong nang du/ /gal te ngan

tshul ngan mthong na/ /khyod kyis yo byad bsnyungs mi bshad/
/sbyin pa'i bsngags pa brjod par bya/ /gal te 'dod pa chung zhig
ste/ /tshul khrims dag par gnas yin na/ khyod kyi byams pa'i sems

bskyed la/ /yo byad bsnyungs pa'i gtam gyis shig  /gal te sdig
'dod chung gyur cing/ /tshul khrims ldan pa mang gyur la/ /gnyen
po rnyed pa de yi tshe/ /tshul khrims bsngags pa brjod par bya/ /

zhes gsungs pa ltar gsol ba 'debs pa dang/ /snod la brtags te
bshad du rung ba dang/ /snod du shes nam gsol ba la yang/ /bshad
par bya zhing de yang skabs dang sbyar/ /gsol ba ma btab

snod du mi rung la/ /bshad par mi bya 'dul ba'i mdo las ni/
/nyan po 'dug la 'grengs te mi bshad cing/ /de bzhin nyal la
'dug dang stan mthon por/ /'dug la dma' bar 'dug dang stan bzang

@08b por; ;'dug la ngan par 'dug dang mdun 'gro la/ /phyi nas
'gro dang lam nas 'gro ba la/ /'gram nas 'gro bas bshad par mi
bya la/ /mgo bo g.yogs dang brdzes dang gzar ba dang/ /lag
gnyis

gnya' dang ltag par bsnol ba dang/ /dog re can dang zhwa gyon
cod pan can/ /'phreng ba can dang thod dkris byas pa dang/
/glang chen rta zhon khyogs dang bzhon steng 'dug  /mchil lham
gyon dang lag na mkhar

ba gdugs/ /mtshon dang ral gri dgra cha thogs pa dang/ /go cha
gyon pa rnams la mi bshad par/ /gsungs shing 'dug nyal la sogs
'ga' zhig ni/ /spyir btang na ba min pa'i dbang du byas/ /

gsum pa nyan bshad mjug tu thun mong du/ /bshad dang mnyan las
byung ba'i dge ba rnams/ /gnas skabs sgrub pa'i bar chad zhi ba
dang/ /mthar thug rdzogs byang thob phyir legs par bsdo/ /de
lta'i

tshul gyis bshad nyan thun re la'ang/ /ji skad gsung ba'i phan
yon rnams 'byung la/ /chos dang chos smrar ma gus pa la sogs/
/las sgrib sngar bsags 'dag cing sog 'phro 'chad/ /gdam pa yis
ni

rgyud la phan 'gyur pas/ /spyir na dam pa snga ma thams cad
dang/ /khyad par lugs 'di'i bla ma gong ma rnams/ /'di la nan
tan shin tu che bar mdzad/ /de bas nyan bshad lam du gtong ba'i
tshul/ /'di la

blo ldan rnams kyis 'bad par rigs/ /gdams pa dngos kyi slob ma
bkri tshul la/ /lam gyi rtsa ba bshes gnyen bsten tshul dang/
/bsten nas blo sbyang ba yi rim pa gnyis/ /dang po la yang rgyas
par

bshad pa dang/ /skyong tshul bsdus te bstan pa'o dang po ni/
/'phags pa yon tan rin chen sdud pa las/ /slob ma bzang po'i bla
mar gus ldan de dag gis/ /bla ma mkhas pa rnams la rtag tu bsten
par bya/ /

@09a @#/ /ci'i phyir zhe na mkhas pa'i yon tan de las 'byung/
/sangs rgyas chos rnams dge ba'i bshes la bsten to zhes/ /yon
tan kun gyi ? mchog mnga' rgyal ba de skad gsungs/ /zhes sogs
mdo rgyud

bstan bcos du ma las/ /legs tshogs thams cad bla mar rag las par/
/gsungs phyir bla ma bsten tshul ma nor ba/ /gal che des na 'di
la drug mdzad pa'i/ /dang po bsten bya bla ma'i mtshan nyid ni/
/spyir ni bla ma'i

mtshan nyid mang gsungs kyang/ /'dir ni theg pa chen por 'khrid
pa yi/ /bla ma'i mtshan nyid theg chen mdo rgyan las/ /bshas
gnyen dul ba zhi ba nyer zhi ba/ /yon tan lhag pa brtson bcas
lung gis phyug  /

de nyid rab tu rtogs pa smra mkhas ldan/ /brtse ba'i bdag nyid
skyo ba spangs la bsten/ /zhes pas tshul khrims ting 'dzin shes
rab kyi/ /dul zhing zhi la nyer zhi slob ma las/ /yon tan lhag
pa

gzhan gyi don sgrub par/ /spro ba brtan pa'i brtson bcas sde
snod gsum/ /la sogs mang du thos pa'i lung gis phyug  /chos kyi
bdag nyid nges pa'i de nyid rtogs/ /bkri ba'i

rim par mkhas shing bshad bya'i don/ /blo la skyel bar gzo ba'i
smra mkhas pa/ /rnyed bkur sogs la mi lta byams snying rjes/
/kun nas slangs ste ston pa'i brtse bdag nyid/ /yang

yang 'chad pas mi ngal 'chad pa yi/ /dka' spyad bzod pa'i skyo
ba spangs pa ste/ /bshes gnyen yon tan bcu dang ldan pa cig
/dgos par gsungs shing de yi nang nas kyang/ /bslab

gsum de nyid rtogs dang brtse ba lnga/ /gtso bar pu to rin chen
gsal gyis gsung/ /de nyid rtogs pa mngon gyur gtso bo ste/ /med
na lun dang rigs pas rtogs pas kyang/ /'grub bar

@09b 'gyur zhes dam pa gong mes gsungs/ /de ltar bla ma'i mtshan
nyid shes byas nas/ /mtshan ldan bla ma btsal dgos bstan rim las/
/dam chos yongs 'dzin dam pa'i bshes gnyen dag  /

ring na bzhugs kyang mchog tu rnyed dka' dang/ /don chen sgrub
phyir rab tu gus pa yis/ /dka' ba'i 'du shes dor te yongs su
btsal/ /zhes gsungs pa ltar thag ring bgrod dka'

sogs/ /gang na bzhugs kyang tshegs la mi lta bar/ /mtshan nyid
ldan pa shin tu rnyed dka' dang/ /don chen sgrub pas gtan gyi
mdun ma yi/ /rtsa ba yin phyir 'bad pas btsal bar bya/ /gal te

dus kyi dbang gis ma rnyed na/ /dbung ba bzang pos zhus pa'i mdo
sde las/ /ji ltar 'khor lo gcig pa'i shing rta ni/ /rta dang
ldan yang lam du mi 'gro ltar/ /de bzhin sgrub pa yi ni grogs
med na/ lus

can dngos grub thob par mi 'gyur ro/ /de ni blo ldan gzugs bzang
gtsang sbra che/ /rigs ni btsun zhing chos la gzhol ba dang/
/spob pa che zhing dpal la dbang po thul/ /snyan par smra zhing
sbyin

phod ? snying rje can/ /bkres dang skom dang nyon mongs bzod pa
dang/ /bram ze dang ni lha gzhan mchod mi byed/ /sgrin cing gzo
la byas pa gzo ba dang/ /dkon mchog gsum la dad pa grogs po

yin/ /de lta'i yon tan ma lus ldan pa dag  /rtsod pa'i dus na
shin du dkon pas na/ /yon tan phyed dam bzhi cha brgyad cha can/
/de lta bu ni sngags pa'i grogs por bsten/ /zhes pas grogs la
blo

ldan gzugs bzang sogs/ /mtshan nyid rdzogs pa rnyed par ma gyur
na/ /yon tan brgyad cha ldan pa ma mthar gsung/ /de ni bla ma la
yang mtshungs so zhes/ /jo bo chen pos gsung bar bu

@10a @#/ /to ba'i/ /gsung sgros dol bas bsgrigs las bshad pas na/
/theg chen bla ma'i mtshan nyid 'chan skabs su/ /gsungs pa'i yon
tan brgyad cha ldan pa la/ /ma mthar byas

te de 'dra'i bla ma bsten/ /gnyis pa bsten byed slob ma'i mtshan
nyid ni/ /'phags pas gzur gnas blo ldan don gnyer ba'i/ /nyan po
snod ces bya bar bshad ces gsung/ /des ni phyogs lhung

med pa'i gzur gnas dang/ /legs nyes rnam par 'byed pa'i blo gros
dang/ /chos la don gnyer che ba'i 'dun pa gsum/ /tshang ba nyan
pa'i snod du rung bar bshad/ /'grel bar chos dang chos

smrar gus pa dang/ /nyan tshe yid gtong bsnan te lnga ru gsung/
/de ltar na ni snga ma lnga po dang/ /nyes bshad dor nas legs
bshad 'dzin dang drug  /bla mas bkri ru rung ba'i rten gyi chos/
/yin pas de rnams

tshang ngam ma tshang brtags/ /tshang na dga' ba bsgom zhing mtshang
na/ /phyi ma tshun chod tshang ba'i rgyu la 'bad/ /de lta'i mtshan
nyid rdzogs par ma tshang yang/ /don ni go bar nus pas mnyan pa
la/ /

phan yon 'byung ba 'phags pa sha ri'i bus/ /sgrub bya bsnyen par
rdzogs tshe bram ze zhig  /gab te 'dug pas tshul khrims nyams pa
la/ /sdug bsngal rnam pa bcu gnyis 'byung gsungs pa/ /thos

nas 'chal tshul byed las log zhes pa'i/ /dpe dang sbyar te rnam
bshad rigs par gsungs/ /don ma go yang dad nas mnyan pa la'ang/
/phan yon 'byung ste 'dren mchog thub dbang gis/ /dam chos

'chad tshe gnag rdzi dga' bo yis/ /phyug ma skyong zhing phyin
bsam thong ba na/ /mkhar ba'o mtshug byas te 'greng bzhin du/
/nyan pa'i mkhar bas spal ba chos nyan pa/ /mnan te snad kyang
sbal bas

@10b chos nyan pa'i/ /gegs su 'gyur dogs kha rogs bsdad pa las/
/'thos te mtho ris thob par gsungs pa bzhin/ /gsum pa slob mas
bla ma bsten tshul la/ /bsam pas bsten tshul sbyor bas bsten

tshul gnyis/ /dang po la gsum bstten pa'i bsam pa spyir/ /bshad
dang rtsa ba dad pa sbyar ba dang/ /bka' bdren bsam ste gus pa
bskyed tshul lo/ /dang po legs par brtags te mnyan rung ba'i/
/bla ma

rnyed tshe dam chos bka' 'drin nod/ /de nyid bsten tshul phyin ci
ma log pa/ /bya dgos sdong po bkod par sems dgu yis/ /dge ba'i
gshes gnyen bsnyen bkur bya bar gsung/ /de ni bstan pa'i

bsam pa thams cad kyi/ /gnad kun bsdus pa yin cing sems dgu ni/
/rang dbang dor nas rang nyid bla ma yi/ /dbang du gtong ba bu
'dzangs lta bu'i sems/ /bshes dang mdza' ba sus kyang

mi phyed par/ /brtan par byed pa rdo rje lta bu'i sems/ /rang gi
bla ma'i bya ba'i khur thams cad/ /'khur bar byed pa sa gzh lta
bu'i sems/ /sdug bsngal ci 'dra byung kyang mi g.yo ba/

'khor yug gi ni ri bo lta bu'i sems/ /ngan las ci 'dra bcol
kyang ma 'phrig par/ /sgrub pa 'jig rten bran g.yogs lta bu'i
sems/ /rlom pas khengs pa'i nga rgyal kun spangs te/ /

dman sa 'dzin pa phyag dar lta bu'i sems/ /bla ma'i bya ba shin
du lci ba'i khur/ /spro bzhin 'dzin pa theg pa lta bu'i sems/
/bla mas ji ltar brnyas shing gshes gyur kyang/ /khro ba med pa

sgo khyi lta bu'i sems/ /bla ma'i bya bar 'gro 'ong ci tsam zhig
/byas kyang mi skyo gru gzing lta bu'i sems/ /'di rnams yin cing
gzhan yang bstan rim las/ /rnyed nas rang dgar mi

@11a @#/ /btang de yi ni/ /dbang gyur 'dzem zhing 'jigs bcas rab
gus pas/ /yon tan blangs las don chen sgrub 'dod cing/ /gang gis
mnyes 'gyur sgrub phyir rgyun du bsten/ /

zhes pa ltar gyi bsam pa rnams kyang bsten/ /gnyis pa rtsa ba
dad pa sbyang ba ni/ /dkon mchog sgron me'i mdo las ji skad du/
/dad pa sngon 'gro ma ltar skyed pa ste/ /yon tan thams cad
srung

zhing 'phel bar byed/ /dogs pa sel zhing chu bo rnams las sgrol/
/dad pa bde legs grong khyer mtshon byed yin/ /dad pa rnyog pa
med cing sems dang byed/ /nga rgyal spong zhing gus pa'i

rtsa ba yin/ /dad pa nor dang gter dang rkang pa'i mchog /lag pa
bzhin du dge sdud rtsa ba yin/ /zhes pas dad pa yon tan thams
cad kyi/ /sngon du 'gro ba'i chos kyi mchog yin te/ /ma ltar

yon tan sngar med skyed par byed/ /skyes zin srung zhing gong
nas gong du ni/ /'phel bar byed sogs phan yon mang gsungs shing/
/chos bcu pa yi mdo las kyang/ /gang gis 'dren pa nges

'byung la/ /dad pa theg pa'i mchog yin te/ /de phyir blo dang
ldan pa'i mis/ /dad pas rjes su 'brang ba bsten/ /ma dad pa yi
mi dag la/ /dkar po'i chos rnams mi skye ste/ /sa bon

me yis tshig pa la/ /myu gu sngon po ji bzhin no/ /zhes pas thams
cad mkhyen pa dang/ /thar pa la sogs yon tan kun/ /dad pa la
brten 'thob 'gyur gyi/ /dad pa med par dkar po'i

chos/ /gang yang 'thob pa med pa ni/ /sa bon me yis tshig pa la/
/myu gu sngon po mi 'byung ba/ /ji bzhin yin zhes gsung ba'i
phyir/ /dad pa skyed pa gal che la/ /spyir na dad pa mang

@11b mod kyi/ /'dir ni bla mar dad pa ste/ /de yang dad pa skyed
tsam ma yin par/ /dus rnams kun du skyon rtog blo 'dor zhing/
/yon tan rtog pa'i bsam pa rab sbyangs te/ /dad pa shugs drag
'gyur

med bskyed dgos la/ /rang gis chos 'brel mnos phyin bla ma de/
/thos chung blo dman tshul 'chal yin na yang/ /ston pa'i 'du shes
bskyed de dad gus kyis/ /bsnyen bkur bya bar dkon mchog

sprin las bshad/ /skyon rtog 'dor zhing yon tan sems pa'i blo/
/brtan po skye la sangs rgyas dngos yin par/ /lta ba'i bsam pa
byung na gnad du che/ /theg chen mdo dang 'dul ba'i mdo

dag las/ /bla mar ston pa'i 'du shes skyed dgos pa/ /mang du
gsungs shing sngags kyi rgyud snge las/ /bla ma rdo rje 'chang
du lta bar bshad/ /de skad du yang kye rdor las/ /phyi ma'i dus

su gyur pa na/ /nga nyid slob dpon gzugs kyi sku/ /zhes dang
bshad rgyud gur las kyang/ /gang nyid rdo rje sems dpa' zhes/
/de nyid slob dpon gzugs su 'dzin/ /sems can

phan gdags dmigs nas ni/ /tha mal ba yi gzugs su gnas/ /zhes pas
rang cag ma dag pa'i/ /gdul bya'i snang ngor rdo rje 'chang/
/tha mal pa yi tshul 'dzin par/ /bshad la

nges shes legs drangs te/ /dpa' bos bla ma lnga bcu bar/ /slob
dpon dang ni rdo rje 'dzin/ /tha dad par ni mi brtag go /zhes
gsungs pa ltar rang nyid kyi/ /rtsa ba'i bla ma gang yin pa/ /

de dang ston pa rdo rje 'chang/ /dbyer med gcig tu blta bar bya/
/de lta na ni sangs rgyas bcom ldan 'das/ /skyon kun zad cing
yon tan kun rdzogs pa/ /yin pas bla ma 'di la skyon gyi rigs/

@012a @#/ /dngos zhen che ba 'am bslab khrims lhod pa sogs/ /'di
dang 'di 'dra 'dug pa ci snyam na/ /de ni rang nyid snang ba ma
dag pas/ /de ltar snang ba yin gyi dngos gnas min/ /

dper na legs pa'i skar mas zas gtsang sras/ /skyon gyi gong bur
mthong ba ji bzhin no/ /snyam du bsam la skyon rtog bsam pa dgag
/gal te nyon mongs mang pa'am bag med pas/ /

skyon rtog byung na sdom sems mthol bshags bya/ /rgyal ba'i
mtshan dpe la sogs gsang gsum gyi/ /yon tan 'di la med pa ci
snyam na/ /de yang rang snang las ngan sdig sgrib kyis//

bsgrib pas yin gyi don la med pa min/ /dper na dmus long ngag la
mkha' dbyings su/ /nyi zla skar ma la sogs mi snang bzhin/
/snyam du bsam la yon tan yod par blta/ /gzhan yang

tshul khrims gtsang ba'am mang thos sogs/ /bla mar yon tan gang
yod yang dang yang/ /bsam la dad pa je rgyas 'gro bar bya/ /gsum
pa bka' drin rjes su dran pa ni/ /sdong po bkod pa'i mdo las

ji skad du/ /'di ni bdag gi dge bshes chos smra ba/ /chos kun
yon tan yongs su ston byed de/ /byang chub sems dpa'i spyod lam
yongs ston pa/ /yin zhes sems gcig bsam nas 'dir

'ongs so/ /'di dag bskyed pas bdag gi ma lta bu/ /yon tan 'o ma
ltung pas ma ma 'dra/ /byang chub yan lag yongs su skyong ba
yin/ /dge bshes 'di dag gnod pa rnam par zlog /rga shi thar

byed sman pa lta bu ste/ /bdud rtsi'i char 'bebs lha dbang brgya
byin 'dra/ /zla nya lta bur dkar po'i chos kyis rgyas/ /zhi ba'i
phyogs ston nyi ma gsal ba 'dra/ /dgra dang grogs la ri bo 'dra
ba ste/

@012b rgya mtsho bzhin du mi 'khrugs sems dang ldan/ /yongs su
skyong dang mnyan pa 'dra ba zhes/ /de 'dra'i sems kyis nor
bzang 'dir 'ongs so/ /byang chub sems dpa' bdag gi blo skyed ba/
/sangs

rgyas sras po byang chub skyed byed pa/ /'di dag bdag bshes
sangs rgyas bsngags pa zhes/ /de ltar dge ba'i sems kyis 'dir
'ongs so/ /'jig rten skyob pas dpa' bo lta bu ste/ /ded dpon

mgon dang skyabs su gyur pa yin/ /de dag gdag la bde stobs mig
yin zhes/ /de 'dra'i sems kyis dge bshes bsnyen bkur byed/ /zhes
gsungs pa ltar bsam zhing chos bcu par/ /

yun ring 'khor bar 'khyams pa 'tshol byed dang/ /gti mug gnyid
kyis non las sad byed dang/ /srid pa'i rgya mtshor bying ba'i
'byin byed dang/ /lam ngan zhugs la lam bzang ston byed

dang/ /srid pa'i btson rang bcings pa 'grol byed dang/ /yun ring
nad kyis gzir ba'i sman pa dang/ /chags sogs nyon mongs mi chen
rab 'bar ba/ /kun nas zhi bar byed pa'i char sprin gyi/ /

'du shes bskyed par gsungs pa rnams bsam ste/ /gus pa chen po
shugs drag bskyed par bya/ /gnyis pa sbyor bas bsten tshul mdo
rgyan las/ /bkur sti rnyed pa dag dang rim 'gro dang/ /sgrub
pa'i

sgo nas bshes gnyen bsten par bya/ /zhes gsungs pa ltar rnyed
bkur rim 'gro dang/ /sgrub pa'i sgo ngas bsten pa'i tshul gsum
las/ /dang po rnyed bkur bya tshul bstan rim las/ /dus dang

dus su mnabs ? pa'i na bza' dang/ /gdan cha bsnyun gyi rkyen
sman bzhon pa'i tshogs/ /nor 'bru rin chen bzhugs gnas la sogs
pa/ /'byor tshogs bzang dgu rnams kyis ci nus mchod/ /

@013a @#/ /zhes gsungs pa ltar rang la 'byor ldan na/ /nor la
snying po sgrub pa'i ched du 'am/ /bslab khrims la sogs zhu ba
'am bla ma la/ /nye bar ma kho ba sogs kyi dus skabs dang/

sbyar te na bza' la sogs bzang dgu dbul/ /mdor na bla ma lnga
bcu par/ /rang gi dam tshig slob dpon ni/ /sbyin min bu dang
chung ma dang/ /rang srong gis rtag bsten bya na/ /longs spyod
g.yo

bas smos ci dgos/ /zhes gsungs pa ltar rang nyid la/ /gang yod
dngos po 'phangs med dbul/ /gnyis pa rim 'gro bya tshul bstan rim
las/ /gus par smra dang mngon du ldang ba dang/ /

phyag dang bskor ba {maNDal} ? dbul sogs dang/ /dril phyis bsku
mnye sku khrus gdan stob sogs/ /sku yi rim 'gro dus bzhin legs
par sgrub/ /gzhan yang de la sangs rgyas nyid 'dzin

pas/ /mthong pa tsam yang rnyed dkar mngon bsam ste/ /lus ngag
yid kyis ci nus gus pa'i las/ /sna tshogs rjes su sgrub pas
bsnyen bkur bya/ /zhes gsungs pa ltar lus

kyis ldang ba dang/ /phyag skor sku khrus bsku mnye dril phyis
dang/ /bskun g.yog sogs dang ngag gis bstod bsngags dang/ /yon
tan brjod pa sogs dang yid kyis ni/ /de dag

sgrub la dga' dang spro ba dang/ /bsgrims shing gus pa chen po
skyed pa'o/ /gsum pa sgrub pas bsten tshul mdo rgyan las/ /bstan
pa ji skad bstan pa sgrub pa des/ /de yi sems

ni yang dag mgu bar byed/ /ces dang gzhan yang skyes pa'i rab
las kyang/ /phan pa'i lan du mchod pa bya ba ni/ /bsgo ba'i tshig
bzhin nyams su len pa yin/ /zhes dang de bzhin bstan

@013b pa'i rim pa las/ /ji snyed gsung bzhin thob bsam sgom pa
yis/ /ci rigs legs par sgrub pa'i sgo nas ni/ /de yi gsung la
gsung du byed pa gang/ /de ni bla ma mnyes byed mchog tu gsungs/
/

zhes gsungs pa ltar ci gsung bka' bzhin du/ /sgrub pa yin cing
khyad par gdams pa'i don/ /tshul bzhin sgrub pa snying por byed
pa'o/ /ci gsung sgrub la chos dang mi mthun pa'i/ /bya bar sbyor

na de la 'jug mi bya/ /de yang bla ma lnga bcu par/ /rigs pa yis
ni mi nus na/ /mi nus de la tshig gis sbyang/ /zhes gsungs pa
ltar mi 'jug pa'i/ /rgyu mtshan dgos pa ngag 'jam pos/ /

brjod pa'i bshad sbyang legs byas te/ /bya ba de las ldog bya
yi/ /de nyid rgyu mtshan du byas te/ /mi gus pa dang brnyas smod
sogs/ /gtan nas bya bar mi rung ngo/ /mdor na bla ma lnga bcu
par/ /

'dir med smos pa ci zhig dgos/ /bla ma dgyes byed gang yin bya/
/mi mnyes byed kun spang ba ni/ /de dang de la 'bad de brtag
/dngos grub slob dpon rjes 'brang zhes/ /rdo rje 'dzin pa nyid

gsungs par/ /shes nas dngos po thams cad kyis/ /bla ma yongs su
mnyes par bya/ /zhes gsungs pa ltar 'bad pa gces/ /de ltar bsten
pa'i tshe na mdo rgyan las/ /dam chos

bgo skal ba spyod yon tan ldan/ /bshes gnyen rab tu bston byed
zang zing min/ /zhes gsungs pa ltar bla mas chos 'chad pa'i/
/bgo skal chad pa med par nyan dgos kyi/ /

bza' btung la sogs zang zing dngos po la/ /mi lta ba cig dgos te
pu to bas/ /rang cag chos la cir yang mi rtsi bar/ /ja sun re yi
mtho dman tsam la ni/ /thugs la btags dang ma

@014a @#/ /btags rtsi ba de/ /zhe 'dod blo phugs rul ba'i rtags
yin gsung/ /ci tsam bsten pa'i yun ni skyes rab las/ /dam pa
rnams ni sus kyang mi bsring ? ste/ /dul ba'i tshul

gyis dge ba bsten par bya/ /de dang nye na de yi yon tan rdul/
/ched du ma bgos par yang gos par 'gyur/ /zhes gsungs pa ltar
bla ma dam pa la/ /yun ring bsten na de yi yon tan gyi/ /cha

shas dang ngam shugs kyis gos par 'gyur/ bzhi bshes gnyen bsten
pa'i phan yon ni/ /theg chen dge ba'i bshes gnyen tshul bzhin du/
/bsten pa'i phan yon sdong po bkod pa'i mdor/ /

mang du gsungs ba'i don rnams mdor bsdus ste/ /bstan pa'i rim
par gsungs pa 'di lta ste/ /de mthong bas kyang yon tan rin chen
tshogs/ /kun 'byung rgyal sras ? spyod pa

rdzogs pa'i rgyu/ /dran dang ting 'dzin gzung sogs 'grub pa ste/
/sangs rgyas mthong zhing don chen kun rdzogs 'gyur/ /zhes bas
dge ba'i bshes gnyen mthong ba la/ /brten

nas yon tan rin chen kun 'byung zhing/ /rgyal sras spyod pa dag
cing rdzogs pa sogs/ /bshad cing phan yon gzhan yang de nyid
las/ /de yis rgyun tu bskyang zhing legs

bzung ba/ /ngan song theg dman sdig grogs bdud las 'da'/ /blo
ldan chos mthun brtsam pa kun mthar phyin/ /'jig rten chos las
'das shing yang dag 'phags/ /

bslab dang mi 'gal byis ba'i sa las 'da'/ /byang chub yan lag
kun gyis rnam par 'phel/ /zhes pas mtshan nyid ldan pa'i dge
bshes kyis/ /yun ring bskyang zhing brtse

@014b bas legs bzung ba/ /de ni ngan 'gro theg dman sdig grogs
bdud/ /kun las pha rol 'da' sogs mang du bshad/ /bshes gnyen
bsten pas sangs rgyas go 'phang

mchog /'thob la nye zhing rgyal ba thams cad dgyes/ /tshe rab kun
du dge bshes kyis mi 'phongs/ /ngan 'gror mi ltung las dang nyon
mongs pa'i/ /dbang du mi 'gro

sems dpa'i spyod pa dang/ /mi 'gal de la dran pa brtan ldan pas/
/yon tan tshogs kyis je mtho je mthong 'gyur/ /gnas skabs mthar
thug don rnams thams cad

'grub/ /bsam sbyor dge bas rang gzhan don byed cing/ /tshogs
gnyis rdzogs sogs phan yon dpag med pa/ /sdong po bkod pa'i mdo
la sogs pas bshad/ /gzhan yang

bshes gnyen bkur bas ngan 'gro ru/ /'khyams par 'gyur pa'i las
rnams tshe 'di la/ /rims sam mu ge 'thab rtsod rmi lam ngan/ /la
sogs lus dang sems la

gnod pa'i rigs/ /cung zad tsam zhig myong bar gyur bas kyang/
/'drongs te bya zhing zad par 'gyur ba dang/ /sangs rgyas bye ba
dpag tu med pa la/ /mchod pa phul te

dge rtsa bskyed pa rnams/ /zil gyis gnon cing rdzogs pa'i sangs
rgyas kyi/ /yon tan rnam 'phrul dpag tu med pa kun/ /bshes gnyen
bkur las 'byung bar blta'o zhes/ /

sa yi snying po'i mdo las bshad pas na/ /phan yon de rnams bsam
ste dge ba'i bshes/ /tshul bzhin bsten la spro ba shugs drag
bskyed/ /lnga ba ma bsten pa yi nyes dmigs

@015a @#/ /ni/ /chos kyi bka' drin mnos pa'i bla ma la/ /brnyas
shing smod dam ma gus pa la sogs/ /bsten tshul log na tshe 'dir
nad dang gdon/ /du mas gtso ?

zhing phyi mar ngan song du/ /sdug bsngal dpag tu med pa myong
'gyur te/ /lag na rdo rje dbang bskur ba'i/ /rgyud sde las ni ji
skad du/ /dpa' bo bsgrims te de nyon cig /'tshams

med la sogs mi bzad pa/ /dmyal ba gang dag ngas bshad pa/ /de
rnams kyi ni gnas su brjod/ /der ni skal pa mtha' yas so/ /de
lta bas na rnam kun tu/ /de la nam yang

brnyas mi bya/ /zhes dang lnga bcu pa las kyang/ /slob dpon la
ni smod pa de/ /yams dang mdze dang nad rnams dang/ /gdon dang
rims dang dug rnams kyis/ /rmongs chen de ni 'chi

bar 'gyur/ /rgyal po me dang sprul gdug dang/ /chu dang mkha'
'gro rkun po dang/ /gdon dang log 'dren rnams kyis kyang/ /bsad
nas sems can dmyal bar 'gro/ /nam yang

slob dpon dag gi ni/ /kun tu sems dkrugs mi bya ste/ /gal te
rmongs pas byas gyur na/ /dmyal bar nges par 'tshed par 'gyur/
/mnar med la sogs 'jigs rung ba'i/ /

dmyal ba bstan pa gang yin pa/ /slob dpon la ni smod pa rnams/
/der ni gnas par yang dag bshad/ /ces dang mkhas grub shan ti
pas/ /mdzad pa'i dgra nag dka' 'grel du/ /drangs

ba'i legs bshad gzhung las kyang/ /tshig bcad gcig tsam mnyan pa
la/ /gang gis bla mar mi 'dzin na/ /khyi yi skyes gnas brgyar
skyes nas/ /sme sha can du skye bar 'gyur/ /zhes

@015b so nyes dmigs gzhan yang da ltar gyi/ /sangs rgyas mngon
sum pa yi ting 'dzin las/ /gsungs pa bsdus te bshad pa bstan rim
las/ /gal te de la ston pa'i 'du shes dang/ /dad gus

med cing sdang bas brnyas spong na/ /bdud kyis yongs zin yon tan
'grub pa ni/ /gnas med sngar thob dag kyang yongs 'jig 'gyur/
/mi bzad sdig lci sa ? dmyal ? sogs yang bar/ /

'khor zhing nam yang dge bshes 'phrad mi 'gyur/ /zhes pas bshad
pa'i nyes dmigs rnams bsam nas/ /dam chos tshig gcig mnyan pa yan
chad la/ /brnyas smod ma gus pa sogs 'bad

pas spang/ /mi dge'i bshes dang sdig grogs bsten na yang/ /bzang
po'i yon tan khad kyis 'grib 'gyur cing/ /nyes ltung sdig grib
'phel nas ngan song du/ /ltung ste bden pa po yi

le'u las/ /gang dag sdig grogs sprul gyis sems zin cing/ /dge
ba'i bshes kyi dug sman rnams spangs pa/ /de dag dam chos dkon
mchog thos gyur na'ang/ /{kyai} ? ma pag med

g.yang sa che las ltung/ /zhes dang bshes kyi tshom las kyang/
/dad pa med cing 'jungs pa dang/ /rdzun du smra dang phra ma
can/ /mkhas pas bshes par mi bya zhing/ /sdig can mi dang

'grogs mi bya/ /gal te sdig pa byed pa dag /sdig mi byed pas
bsten na yang/ /sdig pa byed par dgos skye zhing/ /mi snyan pa
yang 'phel bar 'gyur/ /bsten bya ma yin bsten pa'i

mi/ /de yi skyon gyis skyon can 'gyur/ /dong bar dug bskus mda'
bcug pas/ /dug ma skus pa'ang gos pa bzhin/ /zhes sogs na de dag
rgyang ring du/ /spang bar bya ste bstan pa'i rim

@016a @#/ /pa las/ /de phyir dug sdong sbrul gdug brag chen gyi
/bya skyib 'bar 'dra'i sdig grogs skad cig kyang/ /'grogs dang
kun smra sogs bsten ring spang ? ste/ /grib ma tsam dang

'phrad pa'ang 'dod mi bya/ /zhes pa ltar ro drug pa don bsdu ni/
/de ltar phan yon nyes dmigs shes byas te/ /yang yang bsam la
tshe rabs ? snga ma nas/ /da bar bsten tshul ji bzhin ma byung ba/
/

thams cad bsam pa thag pas bshags shing bsngam ?/ /snod rung
chos rnams rang la 'bad pas bsgrub/ /bsten tshul ji bzhin byed
pa'i 'dun pa btang/ /dge ba'i bshes kyi mtshan nyid

yongs rdzogs pa/ /yang yang bsam la de lta'i mtshan ldan gyis/
/byang chub bar du rjes su 'dzin pa'i rgyur/ /rgya chen tshogs
bsags smon lam mang du gdab/ /de ltar byas na ring por

mi thog par/ /rtag tu du dang nor bzang lta bur 'gyur/ /gnyis pa
skyong tshul bsdus te bstan la gnyis/ /skyong tshul dngos dang log
rtog dgag pa'o/ /dang po dngos la thun dang thun 'tshams

su/ /ji ltar bya tshul gnyis las dang po la'ang/ /sbyor dngos
mjug gsum yod pa'i dang po la/ /gnas khang byi dor byas la rten
gsum dgram/ /mchod pa g.yo med bkod pa

mdzes par bsham/ /bde ba'i stan la 'khod nas skyabs sems bya/
/mdun gyi nam mkhar tshogs zhing bzhugs par bsam/ /bsags sbyang
gnad bsdus yan lag bdun pa

dbul/ /don chen gsum gyi sgo nas gsol ba gdab/ /de ltar chos
drug yod pa'i dang po ni/ /lha cig jo bo chen po yis/ /las dang
po yi gang zag gis/ /lus dben pa la ma

@016b bsten par/ /sems dben rnyed par dka' ba'i phyir/ /'dri ?
spangs nags su gnas par bya/ /'dres bas 'dris shing chags par
byed/ /de yis 'khor ba'i 'khor lo bskor/ /de lta'i

'dres pa spang ? byas la/ /rtag tu bag dang ldan par bya/ /zhes
pas blo ni ma sbyangs pa'i/ /rang cag lta bu'i gang zag gis/
/lus kyi dben pa ma bsten par/ /rnam g.yeng sogs

kyis dben pa yis/ /sems ni brtan po rnyed dka' bas/ /ma rung
skye bo mang po dang/ /lhan cig 'dri ? spang dben pa bsten/
/'dres pas chags sogs 'phel byed cing/ /

de yis mi dge mang bsags te/ /'khor bar yun ring 'khyams 'gyur
bas/ /dben bar bag yod bsten bya zhes/ /bshad ltar dben pa bsten
dgos la/ /de yang theg

chen mdo rgyan las/ /blo ldan gang du sgrub pa'i yul/ /legs par
rnyed dang gnas bzang dang/ /sa bzang ba dang grogs bzang dang/
/rnal 'byor bde ba'i yo byad ldan/ /

zhes gsungs pa ltar zas gos sogs/ /chos mthun 'tsho ba rnyed sla
zhing/ /dgra gcan med pas gnas bzang dang/ /bro nad mi skyed ?
sa bzang ba/ /lta spyod mthun pa'i grogs bzang

ldan/ /nyin par skye bo nyung ba dang/ /mtshan mo sgra ni chung
ba yi/ /rnal 'byor bde ba'i yo byad rnams/ /ldan pa mthun pa'i
yul du ni/ /jo bo'i bla ma gser gleng pas/ /bzhugs khang shin tu
gtsang ma'i nang/ /

sku gsung thugs rten mang bkram zhing/ /mchod rdzas bzang mang
legs bsham pa'i/ /phyag bzhes ji bzhin jo bo dang/ /bka' gdams
gong ma rnams kyis kyang/ /mdzad pa'i

@017a @#/ /srol bzhin sgrub khang du/ /byi dor gtsang ma logs
byas te/ /rgyal bas 'jam dpal rtsa rgyud las/ /bu khyod 'jam
dpal gzhon nu nyon/ /nga ni 'jig rten mya ngan

'das/ /sa steng stong par gyur pa dang/ /chos kyi mdzod kyang
zhig pa dang/ /nyan thos rnams kyang 'das pa na/ /rkang gnyis
dam pa ston pa yi/ /sku gzugs mchod rten dag kyang bya/ /

spos dang de dang byug pa yis/ /mchod dang bsnyen bkur bya ba
dang/ /rnam pa sna tshogs gos mchog dang/ /gzhan yang nor bu'i
gdub kor rgyan/ /rnam pa sna tshogs bza' dang bca'//

yang dag sbyar ba dbul bar bya/ /rnam pa sna tshogs phun sum
tshogs/ /ci 'dod kha zas za ba la/ /de bzhin sngags ni bzlas byas
dbul/ /sems can dge ba'i rtog gnas 'gyur/ /

dam pa'i 'gro ba'i skye gnas su/ /grong mchog dag tu skye bar
'gyur/ /mthar ni byang chub gzhol 'gyur zhing/ /phyis nas zhi
bar yang dag 'gro/ /zhes gsungs pa yi don ci bzhin//

thub dbang sku brnyan la sogs pa'i/ /sku gsung thugs rten legs
par dkram/ /gnyis pa mchod pa bsham pa ni/ /rang la 'byor ba yod
gyur na/ /chu bzhi nyer sbyong 'dod yon lnga//

rin chen bdun dang rtags rdzas brgyad/ /la sogs dngos sam bcos
ma yi/ /mchod pa rnam pa sna tshogs pa/ /bkod pa shin tu mdzes
par bsham/ /mchod pa'i sprin gyi gzung sngags

ni; ;oM na mo b+ha ga wa te badzre sA ra pra ma rd+hA ni/ ta
thA ga tA ya arha te samyaksaM bud+hA ya/ ta Dya thA/ oM
badzre badzre/ ba hA bdzra/ ma hA ti dza badzre/ ma hA biDya
badzre/ mahA bo d+hi tsi dta badzre/ mahA bo d+hi maNTo pa

@017b saM kra ma Na badzre/ sarba karma a wa ra na bi sho d+ha
na badzre swA hA/ bdun nam gsum segs ci rigs brjod/ /kun bzang
mchod par gyur bar bsam/ /gsum pa mal stan bde ba la/ /'khod

nas skyabs sems bya ba ni/ /rang nyid gang du 'dug pa'i gzhir/
/sgrub pa las ni mi 'gyur ba'i/ /mtshon byed g.yung rung dkar po
bri/ /de steng sngon tshe ston pa yis/ /byang chub mngon

du mdzad pa'i tshe/ /zor ba'i gdan la legs bzhugs pa/ /smon gnas
byas te dur ba sogs/ /rtsa 'jam rtso mo dbus bstan dgram/ /de
steng nang tshang can gyi stan/ /rgyab phyogs

cung zad mtho ba yi/ /bde zhing 'jam pa bsam gtan dang/ /mthun
pa'i mal la rang gi lus/ /drang por bsrang ste skyil krung ngam/
/phyed pas rung ba'i spyod lam gyis/ /'khod de

tshoms las ji skad du/ /chos rnams sngon du yid 'gro ste/ /yid
mgyogs yid ni gtso bo yin/ /zhes pas dge dang mi dge'i chos/
/gang la'ang sngon du 'gro ba'i yid/ /gtso bo

yin par bshad pa dang/ /lhag bsam rab dkar dris lan las/ /sgom
rnams kun gyi dang po'i mgo  /rgya gar skad mtshungs rang rgyud
la/ /legs par brtag pa yin no zhes/ /

zla med bla ma mchog te bzhed/ /ces gsungs pa ltar thog mar ni/
/rang gi rgyud la legs brtag te/ /mi dge'i bsam pa mngon gyur
ba/ /yod na sna bug gnyis nas rlung/ /

phyir la 'bud dang lhan cig tu/ /song nas 'ja' ltar yal bar
bsam/ /dge sems mngon du gyur yod na/ /nang du rdub dang lhan
cig tu/ /rgyal ba sras bcas thams cad kyi//

@018a @#/ /byin brlabs 'od zer rnam pa yis/ /zhugs te sems can
thams cad kyi/ /don du sangs rgyas thob 'dod kyi/ /dge sems
mngon du gyur bar bsam/ /de nas jo

bo chen po yis/ /sgrub par 'dod pa'i gang zag gis/ /sa ltar chos
kun gzhir gyur bas/ /dang por skyabs su legs 'gro zhing/ /de yi
bslab pa'i chos la bslab/ /zhes gsungs pa

ltar sangs rgyas pa'i/ /nyams len chos kun gzhir gyur pa/ /dkon
mchog gsum la skyabs 'gro bya/ /mdun gyi nam mkhar seng khri pad
ma dang/ /nyi ma'i steng du rtsa ba'i bla ma ni//

'dren mchog thub pa'i dbang po'i rnam pa can/ /de yi g.yas
g.yon mdun rgyab phyogs bzhi ru/ /byams pa 'jam dbyangs rtsa
ba'i bla ma dang/ /rdo rje 'chang la rgya chen spyod rgyud
dang//

zab mo lta rgyud chos 'brel yod tshad dang/ /nyams len byin
brlabs rgyud pa thams cad kyis/ /bskor zhing de dag rnams kyi
phyi rol du/ /gzhan yang bla ma mchog gsum srungs

ma'i tshogs/ /dpag tu med pa sprin dpung 'khrigs pa ltar/ /bzhugs
pa'i skyabs yul nam mkha' gang ba bsam/ /rang gi mtha' skor rigs
drug sems can gyis/ /bskor bar mos te

rang gzhan 'gro ba kun/ /thogs med dus nas 'khor bar 'khyams
shing mnar/ /da dung skyabs gnas yang dag ma bsten na/ /mi zad
sdug bsngal mu mtha' med par myong/ /de bas 'jigs

pa kun las skyob nus pa/ /khyed rnams mgon skyabs dpung gnyen
dam par gzung/ /bde sdug gang la sbyor ba khyed rnams mkhyen/
/snyam pa'i bsam pa shugs drag ngang nas ni//

@018b skyabs 'gro bzhi skor gang mang ngag ru'ang brjod/ /de dag
skabs su skyabs yul de rnams las/ /bdud rtsi 'od zer 'phros te
rang gzhan la/ /phog pas las ngan sdig sgrib thams cad dang/
/khyad par

skyabs 'gro'i bslab bya dang 'gal ba'i/ /nyes ltung sdig sgrib
dag nas skyabs 'og tu/ /tshud byung snyam pa'i dmigs pa yang yang
bya/ /de nas mar gyur sems can thams cad kyi/ /don du bla

med rdzogs pa'i sangs rgyas kyi/ /go 'phang myur du thob na ci
ma rung/ /thob par gyur cig 'thob par byin gyis brlob/ /snyam
pa'i bsam pas sangs rgyas chos tshogs ma/ /lan gsum

brjod pas skyabs yul de rnams las/ /'od zer phog pas byang chub
sems mchog skyes/ /sangs rgyas 'thob par byin gyis brlab par
bsam/ /de nas sems can thams cad zag

med kyi/ /bde ba rgyu bcas ldan na ci ma rung/ /ldan par gyur
cig 'gyur bar byin gyis brlob/ /snyam du bsam zhing phyi ma gsum
la yang/ /rigs 'dre sbyar te tshad med sgom pa'i tshig

ngag tu brjod cing de tshe skyabs yul las/ /'od zer 'phros te
sems can thams cad la/ /phog te byin gyis brlab byung snyam du
mos/ /de nas skyabs yul thams cad 'od du zhu/ /rang la thim

nas byin gyis brlab par bsam/ /bzhi pa tshogs zhing gsal 'debs
byed tshul ni/ /mdun du ser khri yangs shing rgya che ba'i/
/steng gi cung zad rgyab la phyogs pa'i sar/ /gdong lnga'i

khri dang pad ma nyi zla'i steng/ /rtsa ba'i bra ma shAka thub
rnam pa can/ /btso ma'i gser mdog zhal gcig phyag gnyis pa/
/bdud 'dul sa gnon mnyam bzhag phyag rgya can/ /gtsug tor

@019a @#/ /la sogs gsal rdzogs mtshan dpes mdzes/ /gur gum mdangs
ldan chos gos rnam gsum gsol/ /zhabs gnyis rdo rje skyil krung
tshul gyis bzhugs/ /

de'i g.yas su rgyal tshab byams pa sogs/ /rgya chen spyod pa'i
rgyud pa'i bla ma dang/ /g.yon du 'phags pa 'jam dbyangs gzhon
nu sogs/ /zab mo lta ba'i rgyud pa'i bla ma

rnams/ /padma nyi zla'i gdan la tshar du dngar/ /mdun du rtsa
ba'i bla ma mjal dus kyi/ /rnam pa can la dbang lung man ngag
sogs/ /chos 'brel mnos pa'i bla ma thams cad kyis/ /

bskor ba padma nyi zla'i gdan la bzhugs/ /steng du cung zad
rgyab phyogs mkha' dbyings su/ /rdo rje 'chang la byin brlab
brgyud pa yi/ /bla ma rnams kyis bskor ba padma dang/ /nyi zla'i

dkyil 'khor steng du mdzes par bzhugs/ /de dag rnams kyi phyi
rol mtha' skor du/ /brgyud pa'i bla ma yi dam sangs rgyas dang/
/byang sems nyan rang chos skyong srung ma'i tshogs//

zhi khro rab 'byams rang rang gdan la bzhugs/ /thams cad dangs
gsal 'od kyi rang bzhin can/ /sku las 'od zer dpag tu med pa
'phro/ /mthong thos dran pas 'jigs pa kun

las skyob/ /mchog thun dngos grub ma lus bde blag rtsol/ /gtso
'khor kun gyi gnas lngar yi ge lngas/ /mtshan pa'i hUM yig 'od
kyis rang bzhin gyi/ /gnas nas ye shes pa

rnams spyan drangs par/ /bsam la spyan 'dren tshigs bcad ci rigs
brjod/ /ye shes pa rnams dam tshig pa la thim/ /dbyer med gyur
par bsam la tshogs zhing bskyed/ /lnga pa

@019b bsags sbyang kun gyi gnad bsdus pa/ /yan lag bdun pa phul
te rgyud sbyangs pa/ /bzang po spyod pa'i yan lag bdun pa sogs/
/tshigs bcad rgyas bsdus skabs sbyar brjod bya

zhing; /mdun gyi tshogs zhing rnams kyis mtshon pa yi/ /dus gsum
phyogs bcu'i mchog gsum thams cad la/ /dpag med lus kyis phyag
'tshal ngag gis bstod/ /yid

kyis mos pas sgo gsum gus phyag 'tshal/ /lha dang mi yi me tog
dam pa sogs/ /bla na yod pa'i mchod pa thams cad dang/ /sar gnas
sems dpas bzang dgu sprul pa yi/ /

bla na med pa'i mchod pa kun gyis mchod/ /dug gsum dbang gis lus
ngag yid gsum gyis/ /sdig pa rang gis byas dang byed bcug dang/
/gzhan gyis byas par rjes su yi rang ba/ /

thams cad 'gyod sdom sems kyis snying nas bshags/ /rgyal ba sras
bcas rang rgyal slob ma dang/ /'gro ba gzhan gyi dge ba thams
cad la/ /shin du dbul pos rin chen gter

rnyed ltar/ /rab tu dga' bas rjes su yi rang bsgom/ /gtso bor
phyogs bcu'i zhing du sangs rgyas te/ /chags thogs med pa'i
mkhyen pa mchog brnyes nas/ /ring por ma lon ji

snyed mchis rnams dang/ /rgyal ba kun la chos 'khor skor bar
bskul/ /phyogs bcu'i zhing du rgyal ba mya ngan las/ /'da' tshul
ston pa rnams la 'gro ba kun/ /phan bder 'god phyir

zhing rdul grangs snyed kyi/ /skal bar mya ngan mi 'dod gsol ba
gdab/ /yan lag snga ma drug gis mtshon pa yi/ /dge rtsa thams cad
sems can thams cad dang/ /thun mong byas te rdzogs

@020a @#/ /pa'i byang chub mchog  /'thob pa'i rgyu ru 'dun pa
drag pos bsngo/ /phyag mchod bskul ba gsol gdab yi rang lnga/
/mthun rkyen tshogs sogs yin la sdig bshags ni/ /

'gal rkyen sgrib sbyong yin zhing yi rang gi  /phyogs gcig rang
gi dge ba byas pa la/ /dga' ba bsgom pa spel bar byed pa ste/
/bsngo bas dge rnams mang por spel ba dang/ /gnas skabs 'bras

bu byung bas zad 'gyur ba/ /mi zad par byed bsdu na bsags dang
sbyang/ /spel zhing mi zad byed pa gsum du 'du/ /'di la shin du
nan tan bya bar rigs/ /drug pa don chen gsum gyis

gsol 'debs pa/ /thog mar gser dngul zangs sogs las grub pa'i/
/maNDal byi dor byas par pa byung dang/ /dri bzang sbyar ba legs
par byugs pa'i khar/ /'bras dkar

sogs kyi tshom bu legs bkod de/ /de nyid dbang chen gser gyi sa
gzhi dang/ /ri rab gling bzhi gling phran nyi zla dang/ /rin
chen bdun sogs lha mi'i 'dod dgu'i rdzas/ /ma tshang med pa

tshogs par mos nas dbul/ /dpal ldan rtsa ba'i bla ma rin po che/
/bdag gi spyi bor pad zla'i gdan bzhugs nas/ /zhes sogs tshigs
bcad gcig gis gsol btab pas/ /mjal

dus rnam pa can gyi bla ma las/ /gnyis pa tshed de rang gi spyi
bor bzhugs/ /lam mchog sgo 'byed yongs su rdzogs pa yis/ /gsol
ba btab pas tshogs zhing thams cad las/ /

bdud rtsi 'od zer 'phros te rang gzhan la/ /thim pas las ngan
sdig sgrib thams cad sbyang/ /byang chub lam gyi rim pa'i rtogs
pa rnams/ /skye ba'i 'gegs byed phyin ci log gi blo/ /mtha'

@020b dag 'gag dang bshes gnyen bsten tshul nas/ /lhag mthong bar
gyi phyin ci ma log pa'i/ /rtog pa khyad par can rnams skye ba
dang/ /phyi dang nang gi bar chad ma lus pa/ /nye bar zhi bar
byin gyis

brlabs snyam du/ /bsam pa'i dmigs pa man ngag bzhin du sbyang/
/skye ba kun du yang dag bla ma dang/ /zhes sogs tshigs bcad gcig
gis gsol btab pas/ /tshe rabs kun

tu mtshan ldan bla ma dang/ /'bral ba med par zab rgyas gdams
pa'i bcud/ /nyams su blangs te sa lam mthar phyin nas/ /zung
'jug rdo rje 'chang gi go 'phang mchog myur du

'thob par byin gyis brlab par bsam/ /de nas gtso bo bla ma thub
dbang las/ /'od zer 'phros te 'khor gyi tshogs zhing la/ /phog
pas thams cad 'od kyi rnam par zhu/ /gtso bor

thim zhing steng gi rdo rje 'chang/ /thub pa'i dbang po'i spyi
bo nas zhugs te/ /thugs khar ye shes sems dpa'i tshul gyis
bzhugs/ /de nas bla ma thub dbang la dmigs te/ /dpal ldan

rtsa ba'i bla ma rin po che/ /zhes sogs sngar bzhin brjod cing
gsol ba gdab/ /bla ma thub dbang spyi bo'i bla mar thim/ /spyi
bo'i bla ma thub pa'i rnam par gyur/ /de la yan lag bdun dang

maNDal phul/ /sku bzhi'i bdag nyid bla ma lhag pa'i lha/ /thub
dbang rdo rje 'chang la gsol ba 'debs/ /sgrib bral chos sku'i
bdag nyid bla ma lha/ /thub dbang rdo rje 'chang la gsol ba

'debs/ /bde chen khongs sku'i bdag nyid bla ma lha/ /thub dbang
rdo rje 'chang la gsol ba 'debs/ /sna tshogs sprul sku'i bdag
nyid bla ma lha/ /thub dbang rdo rje 'chang la gsol ba 'debs/

@021a @#/ /bla ma kun 'dus bla ma lhag pa'i lha/ /thub dbang rdo
rje 'chang la gsol ba 'debs/ /yi dam kun 'dus bla ma lhag pa'i
lha/ /thub dbang rdo rje 'chang la gsol ba 'debs//

sangs rgyas kun 'dus bla ma lhag pa'i lha/ /thub dbang rdo rje
'chang la gsol ba 'debs/ /dam chos kun 'dus bla ma lhag pa'i
lha/ /thub dbang rdo rje 'chang la gsol ba 'debs/ /

dge 'dun kun 'dus bla ma lhag pa'i lha/ /thub dbang rdo rje
'chang la gsol ba 'debs/ /mkha' 'gro kun 'dus bla ma lhag pa'i
lha/ /thub dbang rdo rje 'chang la gsol ba 'debs//

chos skyong kun 'dus bla ma lhag pa'i lha/ /thub dbang rdo rje
'chang la gsol ba 'debs/ /skyabs gnas kun 'dus bla ma lhag pa'i
lha/ /thub dbang rdo rje 'chang la gsol ba 'debs/ /

zhes pa brjod cing shugs drag gsol ba gdab/ /gnyis pa dngos
gzhi'i dmigs pa skyong tshul la/ /thun mong spyi dang skabs 'di'i
skyong tshul gnyis/ /dang po dmigs pa gang dang

gang skyong kyang/ /dmigs pa'i grangs dang go rim nges nges bya/
/de nas nges par byas pa de nyid las/ /lhag chad gong 'og
'khrugs pa la sogs pa'i/ /nor 'khrul dang bral legs

par bskyang bar bya/ /snyam pa'i 'phen pa drag po 'ga' zhig
btang/ /de nas sems ni dmigs pa la gtad nas/ /dran dang shes
bzhin brtan po ldan pas bskyang/ /gnyis pa skabs

'di'i dmigs pa skyong tshul ni/ /thog mar bsten pa'i phan yon
legs bsam nas/ /tshul bzhin bsten la spro ba shugs drag dang/
/bsten tshul log pa'i nyes dmigs

@021b bsam byas te/ /skyon rtog pa dang ma gus pa yi blo/ /skad
cig tsam yang ma shor ba cig bya/ /snyam pa'i sdom sems nan tan
chen pos sbyang/ /de nas rang gi mthong thos mngon gyur pa'i/ /

bla ma'i yon tan khrims gtsang mang thos sogs/ /gang dang gang
zhig yod pa des mtshon te/ /bsam yas yon tan yod pa'i tshul bsam
la/ /dang pa'i dad pa skyed cing je 'phel

btang/ /de nas bla ma'i chos kyi bka' drin gyis/ /snga sor go ba
legs par bskyed pa sogs/ /phan btags pa dang slad nas nyams
myong dang/ /rtog pa gong nas gong du

'phel ba yis/ /rdzogs byang 'thob par 'gyur sogs phan 'dogs
pa'i/ /bka' drin che tshul mang du bshad pa ltar/ /bsam ste
snying nas gus pa bshugs drag sbyang/ /rnyed pa

stobs dang bsnyen bkur rim 'gro dang/ /ci gsung sgrub pa'i mchod
pas mnyes byed pa/ /lus dang srog la'ang 'phangs pa med par
bsgrub/ /snyam pa'i zhe rus snying khams chen po

bskyed/ /bla ma'i yon tan bka' drin legs ston pa'i/ /dad gus
skyed pa'i tshigs bcad ngag tu'ang brjod/ /spyi bo'i bla ma thub
pa'i dbang po la/ /bdag gi rgyud la yongs 'dzin dge ba'i

bshes/ /bsam sbyor gnyis kyis tshul bzhin bsten pa'i blo/ /shugs
drag skye bar byin gyis brlab tu gsol/ /snyam du gsol bas bla
ma'i byin brlabs kyis/ /tshul bzhin bsten pa'i bsam

pa skyes par bsam/ /gsum pa mjug tu ji ltar bya ba ni/ /spyi
bo'i bla ma thub dbang la dmigs nas/ /skyabs gnas kun 'dus bla
ma bcom ldan 'das/ /rdzogs pa'i sangs rgyas

@022a @#/ /shAkya thub pa la/ /rtse gcig gus pas phyag 'tshal
gsol ba 'debs/ /brtse bas bdag rgyud byin gyis brlab tu gsol/
/zhes pas gsol ba drag tu btab pa yis/ /dgyes

bzhin 'od du zhu nas rang la thim/ /rang nyid thub pa'i dbang
por gyur pa yi/ /thugs khar pad zlar oM yig ser pos mtshan/
/mtha' skor sngags kyi 'phreng bas bskor ba las/ /'od zer 'phros

te snod bcud kun la thob/ /snod rnams dag zhing bcud rnams thub
par gyur/ /mgrin gcig bzla bar mos la sngags 'di bzla/ /oM mu
ni mu ni mahA mu ni ye swA hA/ mthar ni snod bcud

thams cad mi dmigs pas/ /rgyas gdab dge ba bzang spyod sogs kyis
bsngo/ /de lta'i tshul gyis tho rangs snga dro dang/ /phyi dro
srod de spyir na thun bzhir bsgom/ /'on kyang dang por sgom

pa'i yun ring na/ /bying dang rgod pa'i dbang du 'gro sla zhing/
/de la goms na blo sems 'tshos dka' bas/ /tho rangs la sogs thun
ni re re la'ang/ /sgom yun thung ba'i thun chung grangs mang

bya; /dmigs pa gsal la sgom par 'dod pa'i 'phro/ /bcad kyin
bskyar na phyi res 'jug snying 'dod/ /sgom gyis skyo zhing dub
kyang yun bsring na/ /phyi res mal stan mthong tshe skyug log

log /'ong bar dam pa gong ma'i gsung las 'byung/ /cung zad brtan
du sor tshe rim gyis ni/ /thun yun bsring te de dag thams cad la/
/sbyor ba ha cang dam dang lhod drag pa'i/ /skyon dang bral bar

bskyangs na gegs nyung zhing/ /dub dang bying rmug la sogs zhi
bar 'gyur/ /lam rim blo sbyong lta khrid la sogs pa'i/ /mdo
phyogs man ngag gzhan las mang 'byung ba'i/ /thun gyi ngo bo'i

@022b sbyor ba mjug gnyis kyi/ /skyabs yul tshogs zhing rang nyid
lhar sgom sogs/ /dmigs rim 'di ni bdag nyid chen po yis/ /mkhas
grub bstan pa'i nyi mar gdams pa'i rgyun/ /paN

chen chos kyi rgyal por legs brgyud pa/ /sngags dang 'brel ba'i
gdams pa zab mo ste/ /gsang sgrogs dgag bya chung ba 'dir bkod
kyi/ /shin du zab gnad 'ga' zhig zhal las

shes; /bdag nyid chen pos rje btsun sher seng la/ /gdams pa'i
man ngag gangs can 'gro ba'i mgon/ /bstan pa'i mnga' bdag rgyal
dbang rin po cher/ /brgyud pa mdo lugs

thun mong ma yin pa'i/ /'khrid tshul ltar na bshes gnyen bsten
tshul la/ /sngon 'gro dngos gzhi gnyis las dang po ni/ /skyabs
yul mchog gsum rnams la deng nas bzung/ /

'tshang rgya'i bar du mgon skyabs dbung gnyen zhu/ /snyam pa'i
dad pa lhang ba sngon btang la/ /skyabs mgon de rnams bdag gi
mgon skyabs su/ /dgyes bzhin byon pa'i mos pa dung

dung ba/ /byas te skyabs 'gro nyer gcig yan chad bya/ /bla ma
dkon mchog rin chen rnam gsum la/ /skyabs su mchi'o bdag rgyud
byin gyis brlob/ /khyad par skyes bu gsum gyi lam rim

rnams/ /myur du skye bar byin gyis brlab tu gsol/ /zhes pa'i
gsol 'debs bdun sogs skabs bsdun brjod/ /bdag gis mar gyur sems
can thams cad kyi/ /don du rdzogs sangs

go 'phang thob par bya/ /de yi ched du skyes bu rnam gsum gyi/
/lam ? gyi rim pa nyams su blang bar bgyi/ /zhes pa gsum sogs
brjod de sems mchog bskyed/ /dngos gzhi'i dmigs skor

@023a @#/ /gzhan rnams sor rjes su/ /thams cad du ni sa gzhi dag
/gseg ma la sogs med pa dang/ /lag mthil ltar mnyam bai
Dury+I/ /rang bzhin 'jam por gnas gyur cig /

ces pas sa gzhi byin gyis brlab/ /seng ges btegs pa'i rin chen
khri/ /rtsa rgyud bla ma'i grangs mnyams pa/ /rgyab mdun mthod
ma'i rnam pa can/ /bang rim gyi ni dbyibs ltar 'khod/ /

rnam dag chos kyi dbyings las ma g.yos kyang/ /thugs rjes tshad
med 'gro la phyogs bcur gzigs/ /rgyal ba kun gyi 'phrin las
rgyas mdzad pa/ /dus gsum bla ma 'khor bcas

gshegs su gsol/ /ma lus sems can kun gyi mgon gyur cing/ /zhes
sogs tshigs bcad gsum gyis spyan drangs pas/ /chos 'di ston pa'i
rtsa ba'i bla ma dang/ /gnyis su med pa'i

shAkya'i rgyal po la/ /rgya chen spyod rgyud zab mo lta rgyud
kyi/ /bla ma rnams kyis bskor ba'i mtha' skor du/ /theg pa gsum
gyi slob dang mi slob pa'i/ /'phags pa'i dge 'dun sprin gyi
phung po ltar/ /

'khrigs pas bskor ba byon nas stan dang khri/ /bshams par rang
la phyogs te ba zhugs par mos/ /khrus kyi khang pa shin tu dri
zhim pa/ /zhes sogs brjod de khrus kyi khang pa bskyed/ /ji ltar

bltams pa tsam gyis ni/ /zhes sogs/ tshigs bcad skabs sbyar brjod
de sku khrus gsol/ /stong gsum kun tu dri dang ldang ba yi/
/zhes sogs brjod de dri bzang lde gus byug /srab

'jam yang pa lha yi gos/ /zhes sogs/ brjod de rung ba'i na bza'
so sor dbul/ /bdag dang 'gro la thugs brtse'i phyir/ /zhes sogs
tshigs bcad kyis ni brtan par bzhugs su

@023b gsol/ /'dren pa mnyam med ston pa bcom ldan 'das/ /zhes
sogs lam rim rgyud pa'i gsol 'debs kyi/ /tshigs rkang bzhi pa'i
gsol ba 'debs zhes pa/ /phyag 'tshal lo zhes 'don pa

bsgyur pa dang/ /sbrags te lcog na lus kyis phyag kyang 'tshal/
/'byor na rin chen ma mtha' g.yam pa sogs/ /maNDal gang yang
rung bar 'bru sogs kyis/ /tshom bu so bdun ma dang bdun ma gnyis/

bkod pa nyung mtha' nyer gcig la sogs 'bul/ /mchod yon phal cher
mchod yon bla re dang/ /zhes sogs kyis ni chu gnyis nyer spyod
dang/ /rol mo 'dod yon rgyal srid sna bdun sogs/ /dngos

bshams yid sprul mchod pa sna tshogs 'bul/ /rgyun gyi nyams len
'khyer bde byed pa'i tshe/ /me tog dam pa 'phreng ba dam pa dang/
/zhes sogs bzang po spyod pa las 'byung ba'i/ /tshigs bcad

brjod de yan lag bdun pa dbul/ /bla ma'i drung du yod na sku
khrus dang/ /bsku mnye dril phyis la sogs bya dgos pa'i/ /dod du
'dir ni khrus sogs bya ba dang/ /zang zing mchod pas mnyes

par byed pa'i dod/ /maNDal la sogs mchod pa 'bul par gsung/ /'on
kyang dngos su de dag byar yod na/ /tshig dang 'gro sgor rtseg te
mi byed par/ /dod thub byas kyang dge bshes pu to bas/ /

dung phor dri ma can du spang spos re/ /btab nas tsandan ga bur
spos kyi chu/ /zhes sogs brjod pa long bas mig ldan la/ /mgo
skor byed ces gsung dang mtshungs sam snyam/ /des na dngos dang
mos

pa gnyis ka yis/ /g.yo zol med par tshogs sogs thabs la 'bad/
/gnyis pa thun 'tshams ji ltar bya ba ni/ /spyir na phyag mchod
bskor ba kha ton sogs/ /dge sbyor mang kyang skabs kyi

@024a @#/ /gtso bo ni/ /thun gyi ngo bor bskyad rgyu'i dmigs rnam
la/ /dran shes bsten dang de ston gsung rab blta/ /yon tan skye
ba'i mthun rkyen tshogs sog cing/ /'gal rkyen sgrib pa sbyong

dang khas blang pa'i/ /srung sdom la ni nan tan byed pa gces/
/gzhan yang spyod bsdus sgron me las/ /zas kyi tshod kyang rig
par bya/ /dbang po rnams kyi sgo yang bsdam/ /nam gyi cha stod
cha

smad la/ /mi nyal rnal 'byor brtson par bya/ /zhes gsungs pa
ltar bslab pa la/ /bzhi las dbang po'i sgo sdom pa/ /zhi ba lha
yi spyod 'jug las/ /bre mo'i gtam ni sna tshogs dang/ /

ngo mtshar ltad mo rnam mang po/ /kun la 'jug par 'gyur pa na/
/de la chags pa spang bar bya/ /don med sa rko rtsa gcod dang/
/sa ris 'bri sogs byed 'gyur na/ /bder gshegs

bslab pa dran byas nas/ /skrag pas de yi mod la dor/ /zhes
gsungs pa ltar gzugs sgra sogs/ /yul ni nye ring gang la yang/
/chags sdang skye ba 'gog dgos shing/ /de la

yul der dbang po'i sgo/ /sdom pa dgos pas de nyid las/ /don med
g.yeng bar lta bar ni/ /nam yang bdag gis mi bya ste/ /nges par
sems pas rtag tu ni/ /mig ni phab te

blta bar bya/ /zhes gsungs pa ltar mig gis ni/ /don med g.yeng
bar lta ba yi/ /spyod lam rgod bag can min par/ /dran pa bsten
te mig phab pa'i/ /dul bar lta zhing sgra sogs

la'ang/ /de yis mtshon te shes par bya/ /shes bzhin tu ni spyod
pa ni/ /zhi ba lha yi ji skad du/ /gang tshe bskyod par 'dod gyur
tam/ /smra bar 'dod par gyur na yang/ /dang po rang gi

@024b sems brtags nas/ /brtan pas rig pa ldan par bya/ /gang tshe
rang yid chags pa 'am/ /khro bar mthong ba de yi tshe/ /las su mi
bya smra mi bya/ /shing bzhin du ni gnas par bya/ /rgod dang ga

zhar bcas pa 'am/ /gal te nga rgyal rgyags ldan pa 'am/ /mtshad
'bru ba yi bsam pa dang/ /gal te skyor 'byin bslu sems sam/
/gang tshe bdag bstod lhur len pa'am/ /gzhan la smod pa nyid dang
ni/ /

gshe bcas 'gyed dang bcas gyur pa/ /de tshe shing bzhin gnas par
bya/ /rnyed dang bkur sti grags 'dod pa 'am/ /g.yogs 'khor don
du phyir 'dod pa 'am/ /bdag sems rim 'gro 'dod gyur na/ /de tshe
shing bzhin gnas par

bya; ;gzhan don yal bar 'dor ba dang/ /rang don gnyer bar 'dod
pa dag /smra bar 'dod pa'i sems byung ba/ /des ni shing bzhin
gnas par bya/ /mi bzod le lo 'jigs pa dang/ /de bzhin spyi brdol
mu cor dang/ /rang gi phyogs bzhin sems

byung ba; ;des ni shing bzhin gnas par bya/ /de ltar kun nas
nyon mongs dang/ /don med brtson pa'i yid brtags nas/ /de tshe
dpa' bos gnyen po yis/ /de ni brtan por ? gzung bar bya/ /zhes
gsungs pa ltar sgo gsum gyi/ /bya ba gang

dang gang la yang/ /'jug tshe rigs dang mi rigs pa/ /brtag te
blang dor legs par bya/ /'di dang snga ma gnyis po yis/ /thun
gyi dngos gzhi'i dge sbyor la/ /bog 'don tshul khrims yongs su
dag /rnam par mi

rtog ting nge 'dzin/ /bde blag 'grub par gsung pas 'bad/ /zas
kyi chod rig pa la bshes spring las/ /kha zas sman dang 'dra bar
rig pa yis/ /'dod chags zhe sdang med par bsten bgyis ste/ /

rgyags phyir ma lag bsnyems pa'i phyir ma lag /mtshag phyir ma
lag lus gnas 'ba' zhig phyir/ /zhes gsungs pa ltar kun slong
dman pa yis/ /bza' bar mi bya lus 'di 'tsho pa la/ /

@025a @#/ /brten nas rang gis tshangs spyod sgrub pa dang/ /sbyin
pa po yi don du 'gyur ba dang/ /lus kyi srin bu da lta zang zing
gis/ /bsdus la ma 'ong pa na chos sbyin gyis/ /bsdu ba'i phyir
dang

sems can thams cad kyi/ /don ni sgrub bo snyam pas ran par bya/
/mi nyal rnal 'byor brtson tshul bshes spring las/ /rig pa'i bdag
nyid nyin par mtha' dag dang/ /mtshan mo'ang thun gyi stod

smad bzlas nas ni/ /brnal tshe'ang 'bras bu med par mi 'gyur bar/
/dran dang ldan par de dag bar du mnol/ /zhes gsungs pa ltar
nyin mo hril po dang/ /mtshan mo'i stod dang smad kyi chag gnyis

la; ;'chag dang 'dug pas dge la 'bad bya zhing/ /bar ba'i cha la
rkang pa gnyis bkrus nas/ /nang du zhugs te mal la glog yas
phab/ /rkang pa g.yon pa g.yas pa'i steng bzhag ste/ /

ji ltar seng ge lus rtsal che ba dang/ /sems kyi gzengs mtho
brtan cing pha rol gnon/ /de bzhin dge la brtson pa'i yang rtsal
che/ /sems gzengs mtho sogs seng ge bzhin du nyal/ /

de yis lus ni lhod par mi 'gyur zhing/ /gnyid na'ang dran pa mi
brjed gnyid mi sdug /rmi lam ngan pa rmi bar mi 'gyur ro/ /snang
ba'i 'du shes dge ba'i dran shes dang/ /myur du sad de ldang
ba'i

'du shes bsten/ /'di dang snga ma tshul mthun byung na tshe/ /don
med 'da' ba du ma khegs pas 'bad/ /dngos gzhi'i dmigs pa thun
mongs ma yin pa/ /ma gtogs sbyor dngos

mjug dang thun 'tshams su/ /ji ltar bya ba rnams ni 'di nas
bzung/ /lhag mthong bar gyi gang skyod kun la sbyar/ /gnyis ba
de la log rtog dgag pa ni/ /kha cig so sor rtog pa'i shes rab

@025b kyis/ /yang yang dpyod pa thos pa'i skabs yin gyi/ /sgom
gyi tshe na dpyad pa mi bya ste/ /de ni lam gyi gegs su 'gyur
phyir ro/ /zer ba gnad don gtan nas mgo ba'i/ /rtags te mdo sde

rgyan las ji skad du/ /'di na dang por thos la bsten nas tshul
bzhin yid la byed pa 'byung/ /tshul bzhin yid la byed pa las
kyang yang dag don yul ye shes 'byung/ /zhes pas thos

pa'i don rnams bsam byung gis/ /tshul bzhin yid la byas las yang
dag don/ /mngon sum rtogs pa'i sgom byung 'byung bar gsung/ /des
na nyams su blang bya gang yin pa/ /dang por

gzhan las mnyan nas gzhan stobs kyis/ /nges par byed cing de nas
thos don de/ /rang gis lung dang rigs pas tshul bzhin du/ /dpyad
de rang gi stobs kyis nges par byed/ /de ltar

thos dang bsam pas nges byas te/ /ji ltar nges dang de la yang
dang yang/ /'dris shing goms par byed la sgom zhes zer/ /de las
sgom byung shes rab 'byung bas na/ /rtog cing dpyod pa

sgom gyi grogs su 'gyur/ /thos dang bsam pas gtan la phab pa la/
/so sor rtog pa'i dpyod pa mi byed par/ /'jog pa'i sgom yang yod
pas sgom la ni/ /dpyad sgom 'jog sgom

gnyis ka khas blang dgos/ /'o na lam gyi rim pa lta bu la/
/dpyad 'jog sgom gnyis gang dang gang la bya/ /snyam na dge ba'i
bshes gnyen bsten tshul nas/ /rgyal sras spyod pa spyi la

bslab tshul bar/ /rnams la gtso bor dpyad sgom bya dgos te/ /de
dag la ni shugs drag rgyun ring ba'i/ /yid 'khrul nus pa med na
de dag gi /bzlog phyogs ma dad pa sogs

@026a @#/ /'gog mi nus/ /yid 'khul ba la so sor rtog pa yis/
/dpyad pa dgos te dper na chags yul la/ /sdug pa'i mtshan ma mang
du bsam na ni/ /'dod chags

drag po skye zhing dgra la ni/ /yid mi 'ong gi mtshan ma mang
bsam na/ /zhe sdang drag po skye bar 'gyur ba bzhin/ /des na dad
pa la sogs sgom pa la/ /rnam pa gsal lam mi gsal

ji ltar yang/ /blo yi 'dzin stangs shugs drag rgyun ring ba/
/dgos pas dpyad nas sgom pa gtsor bya zhing/ /de yang bla ma'i
yon tan bsam pa sogs/ /dpyad nas bsgom

pas dad pa lhang lhang ba/ /skyes tshe de la rtse gcig 'jog
pa'ang bya/ /zhi gnas lta bur 'jog sgom gtsor bya ste/ /de yang
thog mar zhi gnas sgom tshul gyi/ /gnad rnams

so sor rtog pas legs dpyad de/ /sgom tshul ji bzhin nges nas
sngon 'gro rnams/ /song nas dngos gzhi'i dmigs par gtod pa'i
tshe/ /yang yang dpyod pa gnas pa'i gegs

byed pas/ /dmigs par rtse gcig 'jog pa gtso bor bya/ /dmigs par
brtan chags gnas pa'i ting 'dzin gyi/ /gegs kyi gtso bo bying
rgod gnyis yin la/ /dkon mchog

sogs kyi yon tan mthong ba'i blo/ /shugs drag rgyun ring sems
kyi gzeng mtho ba/ /byir ba gcod pa'i gnyen po'i gtso bo dang/
/'chi ba mi rtag ngan 'gro'i sdug bsngal sogs/ /

nyes dmigs mthong ba'i skyo shas shugs drag la/ /rgyun ring yod
na rgod pa gcod par sla/ /des na bshes la dad gus sogs sgom pa/
/ting 'dzin sgrub pa'i thabs kyi mchog

@026b byang yin/ /'jog sgom tsam du ma zad dpyad sgom kyang/
/bying rgod gnyis dang bral bar bskyar dgos pas/ /bying rgod
'gog tshul gnad rnams shes par bya/ /mnan ngag 'di ba'i bla

ma gong ma rnams/ /dmigs pa gang 'bog de yi dmigs skor la/ /nges
shes drang phyir mdo dang bstan bcos kyi/ /shes byed skabs su
bab pa rnams kyi don/ /bla ma gong ma'i man ngag

dam pa yis/ /sems la bskor nas snga ma'i gsung bsgros kyis/
/brgyan te rgya cher 'chad cing bshad pa la/ /mkhas pa cig gis
nyan la mkhas pa yi/ /slob ma cig la bshad na chos grwa'i

blo'i; /'khrul stobs de 'dra lkog tu bsam pa la/ /'ong bar dka'
zhes gsung ba legs shing med/ /da res dmigs pa 'bog pa'i skabs
yin zhes/ /mgo nyug tsam gyis chog par

mi bya ste/ /de ni thos bsam dus dang nyams len dus/ /'gal bar
'dzin pa'i log rtog yin pas so/ /'on kyang bshad pa thams cad
nyams len du/ /'khyer tshul shes pa srid mthar snang

bas na/ /bskyad rgyu nye bar bsdus pa kun ? du'ang bya/ /gsung
rab thams cad gdams par 'char ba ni/ /skyong tshul 'di la nges pa
rnyed la rag /de phyir 'di la go ba legs par btsal/ /

gnyis pa bshes gnyen bsten nas blo sbyang ba'i/ /rim pa la ni
dal 'byor tshang ba'i rten/ /'di la snying po blang phyir bskul
ba dang/ /snying po ji ltar len pa'i tshul dngos gnyis/ /dang po

la yang dal 'byor ngos bzung ba/ /don che bsam pa rnyed dka'
bsam pa gsum/ /dang po la yang dal 'gyad 'byor ba bcu/ /gnyis
las dal ba brgyad ni sdud pa las/ /khrims kyis

@27a @#/ /dud 'gro'i 'gro ba du ma'i ngo bo dang/ /mi khom brgyad
spong di yis dal ba rtag tu rnyed/ /ces gsungs pa ltar mi khom
brgyad po dang/ /bral ba la ni dal ba zhes zer la/ /

mi khom brgyad ni bshes pa'i sbrang yig las/ /log par lta ba
'dzin dang dud 'gro nyid/ /yi dags nyid dang dmyal bar skye ba
dang/ /rgyal ba'i bka' med pa dang mtha' khob tu/ /kla klor skye

dang glen zhing lkug pa nyid/ /tshe ring lha nyid gang yang rung
bar ni/ /skye ba zhes bgyi mi khom skyon brgyad po/ /de dag dang
bral khom pa brnyes nas ni/ /skye ba zlog pa'i slad du 'bad par
mdzod/ /

ces pa ltar ro dkon mchog las 'bras dang/ /skye ba snga phyi med
par lta ba yi/ /log lta can ni chos la mi mos shing/ /ngan song
gsum ni sdug bsngal gyis mnar bas/ /dam chos sgrub pa'i

blo yang skye dka' la/ /skyes kyang sgrub par mi nus rgyal ba'i
bka'/ /med pa'i mun skal lta bur skyes pa dang/ /sgron skal yin
kyang rgyal ba'i 'khor rnam bzhi/ /dge slong dge bsnyen

ba ma mi rgyu ba'i/ /mtha' khob yul du skyes dang 'khor bzhi po/
/rgyu yang lce dbang la sogs mtshang ba'i/ /glen lkug gsum ni
blang dor shes mi nus/ /bsam gtan bzhi ba'i 'du

shes med pa pa/ /gzugs med so skyes rtag tu g.yeng ba yi/ /'dod
pa'i lha ste tshe ring lha rnams ni/ /thar lam sgrub pa'i skal ba
bzang dang bral/ /de phyir de rnams dge ba bya ba yi/ /

dal ba med pas mi khom pa yin la/ /de dang bral nas dge chos
byed pa la/ /khom pas dal ba zhes su brjod pa yin/ /gnyis pa
'byor ba bcu ni thogs med kyis/ /nyan par bshad pa

@27b bsdus te bstan rim las/ /mi nyid 'phags pa'i gnas skyes
dbang po tshang/ /gnas la dad cing las mtha' ma log dang/ /sangs
rgyas byung zhing chos gsungs rnam par gnas/ /rjes su 'jug

bcas gzhan gyis phyir snying brtse/ /zhes pa ltar ro po 'am mo'i
dbang po/ /ldan pa'i mi dang skal ba mnyam par skyes/ /bcom ldan
'das kyi 'khor bzhi rgyu ba yi/ /khyad par 'phags pa'i gnas

te yul dbus skyes/ /glen lkug yan lag nyam pa sogs min par/
/chos kyi skal ba yod pas dbang po tshang/ /dkar chos skye ba'i
gnas mchog 'dul ba sogs/ /sde snod gsum la

mos pas gnas la dad/ /tshe 'dir mtshams med lnga po gang yang
rung/ /byas pa med pas las kyi mtha' ma log  de lnga rang gi
rgyud kyis bsdus pa yi/ /dam chos sgrub pa'i cha rkyen yin

pas na/ /rang 'byor lnga'o byang chub snying po la/ /'dug pa'i
sangs rgyas byon nas mngon sum bzhugs/ /sangs rgyas de 'am de yi
nyan thos kyis/ /gdul bya'i blo dang 'tshams pa'i dam chos

ston/ /bstan bzhin nyams su blang bas 'bras bu'i chos/ /mngon du
byed pa'i sgrub pa'i bstan pa gnas/ /chos la bsten nas gang zag
dman pas kyang/ /'bras bu thob pa mthong nas

gzhan rjes 'jug  sbyin pa po yis bza' btung chos gos sogs/ /ster
ba'i rang la gzhan gyis phyir snying brtse/ /lnga ni gzhan gyi
rgyud kyis bsdus pa yi/ /dam chos sgrub pa'i cha rkyen yin

pas na/ /gzhan 'byor lnga'o de las dang po bzhi/ /da lta tshang
ba med na'ang chos ston pa/ /bstan pa gnas pa de la 'jug pa ni/
/rjes mthun tshang du rung bas rang nyid la/ /dal 'byor tshad

@28a @#/ /ngam ma tshad legs brtags te/ /phal cher tshang ba 'dug
na dga' ba bsgom/ /gnyis pa dal 'byor don che bas ma tshul ni/
/tsanta go mis slob mar sbring ba las/ /

bde gshegs lam rten 'gro ba 'dren par chas gyur cing/ /sems kyis
stobs chen mi yis rnyed pa gang yin pa/ /lam de lha dang klu yis
rnyed min lha min dang/ /mkha' lding rig 'dzin mi

'am ci der lto 'phyes min/ /zhes pas bde bar gshegs pa'i lam gyi
rten/ /'gro kun 'dren par chas te rgyal sras kyi/ /rlabs chen
spyod la 'jug pa'i byang chub sems/ /'jug

pa'i sdom pas zin pa skye ba'i rten/ /khyad par can gyi dbang du
byas gyur na/ /mi yi rten la skye ba gang yin pa/ /lha klu sogs
kyi rten la skye ba min/ /de phyir mi yi rten 'di mchog tu

bshad/ /gzhan yang 'dzam gling mi yi rten 'di la/ /mngon mtho
lha dang mi yi go 'phang dang/ /nges legs thar pa dang ni thams
cad mkhyen/ /sgrub byed mi dge bcu spong tshul khrims dang/ /

bsam gzugs brgyad kyi dngos gzhi snyom 'jug brgyad/ /so thar la
sogs sdom gsum thegs gsum gyi/ /lam lnga sa bcu thams cad skye
rung zhing/ /mchog gi sprul sku'i mdzad

pa'ang 'di la ston/ /lha dag 'chi cho de la lha gzhan gyis/
/khyod ni phyi ma bde 'gror skye gyur cig  bde 'gro 'di ni mi yi
'gro ba'o zhes/ /lha rnams kyis kyang smon pa'i gnas byed par/ /

dga' bo mngal du 'jug pa'i mdo las bshad/ /sngags nas snyig dus
tshe thung gcig la yang/ /theg chen lam gyi 'jug sgo sems bskyed
nas/ /zung 'jug rdo rje 'chang gi bar

@28b thams cad/ /skye bar gsung phyir 'di ni don che'o/ /'jig
rten na ni yid bzhin nor bu cig  rnyed na don chen grub snyam
dga' ba skye/ /de lta na yang bsam 'phel dbang rgyal las/ /tshe
'di'i

zang zing dgos 'dod 'byung na yang/ /phyi ma'i don chen gang
yang mi 'byung bas/ /dam pa rnams kyi lan gcig ma yin par/ /rten
'di yid bzhin nor las lhag par bsngags/ /de ltar

dal 'byor thob pa don che tshul/ /shin tu dbul pos 'dod dgu'i
gter chen po/ /rnyed pa lta bu'i dga' ba lhang lhang ba/ /ma
skyes bar du nan tan chen pos sgom/ /de ltar shin tu don che
ba'i/ /

dal ba'i rten bzang rnyed gyur nas/ /sdig spong dge ba bsgrub pa
dang/ /skyabs 'gro lhag pa'i tshul khrims sogs/ /snying po ci
yang ma blang bar/ /don med 'da' bar byas gyur na/ /

dbul pos nor bu rnyed gyur te/ /dgos don ci yang ma bsgrub par/
/gyi nar phyag dar khrod zhig tu/ /bor ba las kyang 'di nyid
smad/ /dmyal ba la sogs mi khom pa'i/ /gnas kyi

gtsong rong nyams nga ba/ /brgyud mar brgyud de lan gcig tsam/
/thar ba 'di ni don med du/ /byas te slar yang nyams pa'i gnas/
/de ru phyir la log gyur na/ /bde 'dod rang gis rang nyid

la/ /de las bslus tshab che ba dang/ /don sgrub pa la rmongs tshab
kyang/ /de las che ba ci zhig yod/ /'phags pa dpa' bos ji skad
du/ /gang zhig thob na 'khor ba yi/ /

pha rol phyin pa'i sa bon bskrun/ /byang chub dpal gyi sa bon
mchog/ /yid bzhin nor bu las lhag pa'i/ /yon tan rgyun gyi mi
rnams ni/ /su zhig 'dir de 'bras med byed/ /

@29a @#/ /ces dang gzhan yang de nyid kyis/ /gang zhig dge bas
phyug pa'i mi/ /skal ba grangs med kyis thob nas/ /'dir ni
rmongs pas bsod nams gter/ /cung

zad tsam yang mi sogs pa/ /de dag 'jig rten pha rol tu/ /mi zad
mya ngan khang par 'jug  rin chen gling phyin tshong pa ni/ /lag
pa stong par rang khyim bzhin/ /dge bcu'i las

kyi lam med par/ /phyi nas yang ni thob ma yin/ /mi ma thob par
bde ba ni/ /ji ltar de bde sdug bsngal nyid/ /de bas pha rol
bslus yod min/ /de las mchog tu rmongs pa

med; ;ces dang rgyal sras zhi ba lhas/ /'di 'dra'i dal brnyed
gyur nas/ /bdag gis dge goms ma byas pa/ /'di las bslus pa gzhan
med de/ /'di las rmongs pa'ang

gzhan med do/ /gal te bdag gis de rtogs nas/ /rmongs pas phyis
kyang sgyid lug na/ /mya ngan chen po ldang bar 'gyur/ /dmyal me
bzod dkas yun ring du/ /bdag gi lus la

bsreg gyur na/ /'gyod pa mi bzad me 'bar bas/ /sems gdung 'gyur
bar gdon mi za/ /shin tu rnyed dka' phan pa'i sa/ /ci zhig ltar
ste rnyed gyur nas/ /bdag nyid shes dang

ldan bzhin du/ /phyir yang dmyal ba der 'khrid na/ /sngags kyi
rmongs par byas pa bzhin/ /bdag le 'dir sems med du zad/ /ces
rmongs bdag kyang ma shes te/ /bdag gi khong na

ci zhig yod/ /ces so des na rten 'di la/ /bza' btung sogs kyi
'tsho ba yi/ /rngan pa byin nas mtho ris dang/ /thar pa'i rgyu
tshogs bsgrub par bya/ /snyam du bsam ste spyod 'jug

@29b las/ /'di la gla rngan byin nas ni/ /da ni rang gi don byed
chug  phan pa med par 'di la ni/ /thams cad sbyin par mi bya'o/
/zhes dang gzhan yang de nyid las/ /mi yi gru la brten

nas ni/ /sdug bsngal chu bo che las sgrol/ /gru 'di phyi nas
rnyed dka' bas/ /rmongs pa dus su gnyid ma log  zhes so gzhan
yang dpe chos las/ /srin bus phyag 'tshal

rkyang la zhon/ /rtsang ba'i nya dang sme 'u zan/ /zhes gsungs
pa sogs sgo du mas/ /snying po len 'dod shugs drag bskyed/ /gsum
pa shin du rnyed dka' tshul/ /dal 'byor

phun sum tshogs pa'i rten/ /lta zhog bde 'gro tsam zhig kyang/
/'thob byed dge ba srid tsam la/ /gegs byed sdig pa rngam che
bas/ /'thob par dka' ste bzhi brgya bar/ /phal mo

cher na mi rnams ni/ /dam pa ma yin phyogs yongs 'dzin/ /des na
so so skye bo rnams/ /phal cher nges par ngan 'gror 'gro/ /zhes
pas 'gro ba phal mo ches/ /dam pa min pa mi dge

bcu; ;la sogs las ngan cher ? sogs cing/ /sems dpar khong khro
skad cig ma/ /re res kyang ni skal pa'i bar/ /mnar med me nang
gnas dgos na/ /skye ba dpag tu med pa la/ /

sdon ? bsags sdig pa mi dge ba/ /'bras bu sngan chad ma phyung
zhing/ /gnyen pos kyang ni ma bcom pa/ /rang gi rgyud la yod
rnams kyis/ /ngan 'gror skal ba du ma ru/ /gnas dgos

'ong ba lta ci smos/ /sngar bsags sdig pa 'dag nges su/ /sbyong
zhing gsar sog sdom byed na/ /bde 'gro 'thob na'ang de lta bu/
/tshul mthun byed pa shin tu dkon/ /de bzhin byed pa ma

@30a @#/ /byung na/ /ngan 'gror 'gro las 'os med cing/ /song na
dge ba mi byed par/ /sdig pa rgyun chags byed pas na/ /skal pa
dpag tu med par ni/ /bde 'gro'i sgra yang thos pa dka'/ /

de skad du yang spyod 'jug las/ /bdag gi spyod pa 'di 'dras ni/
/mi yi lus kyang thob mi 'gyur/ /mi lus thob par ma gyur na/
/sdig pa 'ba' zhig dge ba med/ /gang tshe dge spyad ? skal ldan
yang/ /dge ba bdag gis ma byas na

ngan song sdug bsngal kun mongs pa/ /de tshe bdag gis ci byar
yod/ /dge ba dag kyang ma byas la/ /sdig pa dag kyang nye ra
bsags na/ /skal pa bye ba brgyar yang ni/ /bde 'gro'i sgra yang

thos mi 'gyur/ /de nyid phyir na bcom ldan gyis/ /rgya mtsho cher
g.yeng gnya' shing gi /bu gar rus spal mgrin chud ltar/ /mi
nyid shin tu thob dkar gsungs/ /skad cig gcig

byas sdig pas kyang/ /skal par mnar med gnas 'gyur na/ /thog med
skal bar bsags sdig gis/ /bde 'gror mi 'gro smos ci dgos/ /zhes
pa ltar ro ngan song du/ /skyes cho sdug bsngal myong bzhin du/
/

sdig pa 'phral la mang sog pas/ /ngan 'gro brgyud dgos de nyid
las/ /de tsam kho na myong nas ni/ /de ni rnam thar mi 'gyur te/
/'di ltar de ni myong bzhin du/ /sdig pa gzhan dag rab tu

skye/ /zhes gsungs pa ltar legs par bsam/ /ngo bo'i sgo nas
rnyed dka' tshul/ /dmyal ba pa las yi dgas nyung/ /de las dud
'gro ches nyung zhing/ /de las mi yi lus thob pa/ /

nyung tshul 'dom gang grub nyi'i sar/ /dbyar dus srin bu grangs
med pa/ /yod kyang mi chung gshib na yang/ /lnga bcu skor las mi
shong ba/ /mngon sum mthong ba de yis mtshon/ /ngan

@30b song gsum nas shi 'phos te/ /slar yang ngan 'gror skye ba
dang/ /ngan 'gro bde 'gro gnyis ka nas/ /'phos te ngan 'gror
skye ba gnyis/ /sa chen rdul dang 'dra ba la/ /ngan 'gro'i gnas
nas

shi 'phos te/ /bde 'gror skye dang ngan 'gro dang/ /bde 'gro
gnyis nas shi 'phos te/ /bde 'gror skye ba sen mo'i rtser/
/blangs pa'i rdul dang 'dra'o zhes/ /lung gzhir bshad pas kyang
ni

'grub/ /sgyu yi sgo nas rnyed dka' tshul/ /bde 'gro tsam zhig
'thob pa la'ang/ /tshul khrims srung ba la sogs pa'i/ /dge ba
rnam dag sna re dgos/ /dal 'byor tshang ba 'thob pa

la; /rnam dag khrim kyis gzhi bzung zhing/ /sbyin pa sogs kyis
grogs byas te/ /dri med smon pas 'tshams sbyar ba/ /la sogs dge
rtsa mang dgos na/ /rgyu tshogs de bzhin sgrub pa

ni; /srid mthar snang zhing rgyu med par/ /'bras bu dal 'byor ji
ltar 'thob/ /'bras bu'i sgo nas rnyed dka' tshul/ /'gro ba rigs
ni mi mthun pa/ /ngan song gsum gyi 'gro ba la/ /ltos te

bde 'gro srid tsam dang/ /rigs mthun bde 'gro gzhan las ni/ /dal
'byor tshang ba shin tu dkon/ /dpe yi sgo nas rnyed par dka' tshul
ni/ /'phags pa klu yis bshes pa'i spring yig las/ /

rgya mtsho cher g.yengs gnya' shing bu ga ru/ /rus sbal 'phrad
pa bas kyang dud 'gro las/ /mi nyid ches thob dka' bas mi dbang
gis/ /dam chos spyad pas de 'bras mchis par

mdzod/ /ces pa ltar ro de ltar mang bsam nas/ /tsanta go mis
slob mar sbring ? ba las/ /mi yi dngos po shin tu rnyed dka'
rnyed gyur nas/ /don du brnag pa gang yin de ni brtun te sgrub//

@31a @#/ /ces dang bka' gdams bstan pa'i rim pa las/ /nyin mtshan
phyed par lus ngag yid gsum gyis/ /g.yel med bsod nams ngoms
med bsgrub pas 'da'/ /gnod

dang don med skabs med rab bsgrim pas/ /snying po blang bas tshe
'phras ? yod par bya/ /zhes gsungs pa ltar nyin mtshan thams cad
du/ /sgo gsum g.yel ba med par bsod nams kyi/ /

las bzang chog shes med par sgrub pa dang/ /rang dang gzhan la
gnod pa'i sgor gyur pa/ /mi dge bcu sogs sdig las thams cad
dang/ /don med lung ma bstan gyi las gang yang/ /

bya ba'i go skabs med par thag bsring bar/ /ngo tsha khrel yod
dran dang shes bzhin rnams/ /rab tu bsgrims nas dam chos tshul
bzhin du/ /sgrub pa'i snying po dam pa blang pa yis/ /tshe 'di

nyin re bzhin dang skad cig ma/ /re re bzhin yang 'bras bu yod
par bya/ /gnyis pa snying po len pa'i tshul la gnyis/ /lam rim
spyi la nges pa bskyed pa dang/ /snying po len tshul dngos po
dang

po ni/ /rgyal bas sems can don du gsungs pa'i chos/ /thams cad
skyes bu gsum gyi chos skor du/ /'du ste sems can don la mngon
mtho dang/ /nges legs gnyis las mngon

mtho sgrub pa las/ /brtsams te gsungs rnams skyes bu chung ngu'i
chos/ /dngos sam thun mong pa yi chos skor du/ /'du zhing nges
legs la ni 'khor ba las/ /'gro ba tsam gyi thar pa myang

'das dang/ /thams cad mkhyen pa'i go 'phang mchog gnyis las/
/dang po sgrub byed nyan ngang theg pa las/ /brtsams te gsung
rnams skyes bu 'bring gi chos/ /dngos sam mthun mong pa

@31b yi chos su 'du/ /phyi ma sgrub byed theg pa chen po las/
/brtsams te gsung pa phar phyin theg pa dang/ /sngags kyi chos
kun skyes bu chen po yi/ /chos skor nyid du legs par 'du

bas so/ /skyes bu gsum gyis don du gnyer bya yi/ /gtso bo mngon
mtho thar pa kun mkhyen gsum/ /yin te skyes bu chung du khyad
par can/ /tshe 'di'i bde la ched ches mi byed par/ /

phyi ma'i mtho ris phun tshogs don du gnyer/ /skyes bu 'bring ni
'khor ba mtha' dag la/ /skyo ba bskyed nas srid las grol ba yi/
/thar pa tsam zhig rang gi don du gnyer/ /skyes bu chen po

rang don yal bor te/ /sems can gzhan gyi sdug bsngal zad phyir
du/ /kun mkhyen go 'phang thob byar byed pas so/ /de skad du
yang byang chub lam sgron las/ /gang zhig thabs

ni gang dag gis/ /'khor ba'i bde ba tsam dag la/ /rang nyid don
du gnyer byed pa/ /de ni skyes bu tha mar shes/ /srid pa'i bde
la rgyab phyogs shing/ /sdig pa'i las las

ldog bdag nyid/ /gang zhig rang zhi tsam don gnyer/ /skyes bu de
ni 'bring zhes bya/ /rang rgyud rtog pa'i sdug bsngal gyis/
/gang zhig gzhan gyi sdug bsngal kun/ /yang

dag zad par kun nas 'dod/ /skyes bu de ni mchog yin no/ /zhes so
skyes bu chung du la/ /tshe 'di 'ba' zhig don gnyer dang/ /phyi
ma don gnyer gnyis yod kyang/ /skabs

'dir phyi ma'i dbang du byas/ /'dir ni skyes bu chung 'bring che
gsum gyi/ /lam la rim bzhin so sor 'khrid pa ste/ /de yi don ni
skyes bu chung 'bring dang/ /thun mong pa yi lam

@032a @#/ /rnams chen po yi/ /lam gyi yan lag sngon 'gro yin
pas na/ /dang por chung du'i lam nas rim pa bzhin/ /khrid nas
theg pa chen por 'jug pa yin/ /yan

lag yin tshul slob dpon rta dbyangs kyis/ /kun rdzob byang sems
bsgom pa'i man ngag las/ /mi 'tsha ba dang bden pa dang/ /byin
nas len dang tshangs par spyod/ /'dzin pa

thams cad gtang pa ni/ /'di ni bde 'gro'i spyod pa yin/ /'khor
ba'i sdug bsngal yongs mthong nas/ /spang phyir bden pa'i lam
bsgom zhing/ /kha na ma tho gnyis spong

ba; ;'di ni zhi ba'i spyod pa yin/ /'di dag kun kyang blang
bya ste/ /nges 'byung lam gyi yan lag yin/ /chos kun stong pa
nyid rtogs pas/ /'gro la snying rje'i chu rgyun 'byung/ /

thabs mkhas spyod pa mtha' yas pa/ /nges 'byung mchog gi spyod
pa yin/ /zhes so chung 'bring gnyis kyi thun mong lam/ /skyes
bu chen po'i lam gyi yan lag dang/ /sngon 'gro

yin na chen po'i lam rim du/ /byas pas chog mod chung 'bring
che gsum gyi/ /lam rim zhes pa'i tha snyad bya ci dgos/ /zhen
'di la dgos pa chen po gnyis/ /yod de 'di ltar skyes

bu chung 'bring dang/ /thun mong pa yi blo yang ma skyes par/
/rang nyid skyes bu chen por khas 'che pa'i/ /log rtog ngan
pa'i nga rgyal gzhom pa dang/ /skyes bu che 'bring chung du
gsum char gyi/ /

rang rang blo dang ji ltar 'tshams pa yi/ /'dod don 'di la
brten nas 'grub 'gyur bas/ /gsum char la yang phan par 'gyur
bas so/ /'on kyang 'di yi dgos pa'i gtso bo ni/ /gang zag

@032b gcig la'ang sngon 'gro dngos gzhi yi/ /yan lag thams cad
tshang par legs bstan te/ /kun mkhyen sangs rgyas sa la 'gong
pa yin/ /gnyis pa snying po len tshul dngos la gsum/ /mngon
mtho don gnyer skyes

bu chung ngu dang/ /thun mong pa yi lam gyi rim pa dang/ /thar
pa don gnyer skyes bu 'bring po dang/ /thun mong pa yi lam gyi
rim pa dang/ /kun mkhyen don gnyer skyes bu chen po yi/ /lam
gyi rim pa la ni blo sbyang pa'o/ /dang po la gsum skyes bu
chung

ngu dang/ /thun mong pa yi bsam pa sbyang ba dang/ /skyes pa'i
tshad dang log rtog bsal pa'o/ /dang po la gnyis phyi ma don
gnyer gyi/ /bsam pa bskyed dang phyi mar bde ba'i thabs/ /

bsten pa'i tshul lo dang po la yang gnyis/ /'chi ba rjes su
dran pa bsam pa dang/ /ngan 'gro pa yi sdug bsngal bsam pa'o/
/dang po la bzhi 'chi ba ma bsgom pa'i/ /nyes dmigs

bsam dang bsgom pa'i phan yon dang/ /'chi ba dran pa'i bsam pa
ci 'dra zhig/ /bskyed dang 'chi ba dran pa sgom tshul lo/ /dang
po 'chi ba dran pa ma bsgom pa'i/ /nyes dmigs

bsam tshul blun rmongs phal cher gyis/ /rang la 'chi ba 'ong
dang mi 'ong gi /rtog dpyod tsam yang byed par mi 'gyur la/
/'ga' zhig la ni nam zhig 'chi ba zhig/ /'ong snyam yod kyang
lo

zla zhag grangs rnams/ /re re bzhin nas mi 'chi snyam pa dang/
/rgas shing khog dang 'chi nang drag po yis/ /theb kyang re
zhig gson du re ba yi/ /bsam pa mngon du gyur te 'chi grab
kyi/ /dam chos sgrub

la blo kha mi phyogs par/ /tshe 'di'i 'dun ma kha na'i dbang du
'gro/ /brgya la thos bsam sogs la zhugs gyur kyang/ /tshe 'di'i
bdun ma'i dbang du song ba yis/ /dge ba gang byas mthu chung
nyes ltung

@033a @#/ /sogs/ /ngan 'gro'i rgyu dang ma 'dres shin du dkon/
/gal te phyi mar dmigs nas bsgrub na yang/ /phyi bshol le lo
gnyid rmug bre mo'i gtams/ /bza' btung sogs la

'jug pa'i rnam g.yeng gis/ /nyin mtshan 'da' bas brtson pa
cher mi 'byung/ /tshe 'drir yun ring gnas su re ba yis/ /bslus
na chos par rlom kyang mkho dgu dang/ /rnyed bkur sogs

la chag pa drag po skye/ /de dag 'byung la gzhan gyis gegs
byas sam/ /byed du dogs la sdang ba shugs drag dang/ /chags
sdang sogs kyi nyes dmigs la rmongs pa'i/ /gti mug

rgyas shing de las nga rgyal sogs/ /nyon mongs drag po chu
bo'i rgyun bzhin 'jug /de las mi dge bcu dang 'tshams med lnga/
/la sogs mi dge'i las rnams mang bsags te/ /

shugs drag yun ring sdug bsngal bzod dka' ba'i/ /ngan 'gror
'khrid pas de las ma rung ci/ /de skad du yang 'phags pa lhas/
/gang la 'jig rten gsum mnga' bdag /rang

nyid 'chi bdag byed po med/ /yod des rnal bzhin gnyid log na/
/de las ma rung gzhan ci yod/ /zhes dang zhi ba lha yis kyang/
/thams cad bor de che dgos par/ /bdag gi de ltar

ma shes nas/ /mdza' dang mi mdza'i don gyi phyir/ /sdig pa
rnam pa sna tshogs byas/ /zhes dang bstan rim las kyang ji skad
du/ /de la brtan par zhen pa'i 'khrul pa yis/ /bslus

pas lus dang longs spyod la sogs kyi/ /bde la brkam sogs nyon
mongs kun rgyas nas/ /don du 'gyur pa rnam dpyod thag bsring
byed/ /de las nyes spyod brlang pa sna tshogs kyis

@033b sprul gdug gis zin legs gsungs dug sel ba'i/ /sman la
rgyal phyogs nges par bde 'gro dang/ /thar pa'i chos kyi srog
'chad ngan 'gror gzhol/ /zhes so gnyis pa sgom pa'i phan

yin ni/ /'chi ba dran pa yang yang bsam pa yis/ /de ring sar
yang mi 'chi'i nges pa med/ /snyam pa'i myur du 'chi ba'i
phyogs 'dzin pa'i/ /bsam pa du re yod par gyur pa na/ /

tshe 'di'i phun tshogs snying po med mthong nas/ /de yi ched du
'bad pa'i blo ldog cing/ /skyabs 'gro las 'bras tshul khrims la
sogs la/ /blang dor tshul bzhin bsgrub la brtson pa

yis; ;mngon mtho nges legs rgyu la 'jug pas na/ /'chi ba bsam
las don che ci zhig yod/ /de phyir rgyal bas mya ngan 'das
chen las/ /zhing sa rmo ba'i nang na ston log mchog

rjes kyi nang na ba glang khyu mchog rjes/ /'du shes nang na
mi rtag pa dang ni/ /'chi ba'i 'du shes mchog ste 'di dag gis/
/'dod pa ma rig nga rgyal la sogs sel/ /nyon mongs nyes spyod
'joms

pa'i tho ba dang/ /dge legs thams cad sgrub la 'jug pa'i sgo/
/chen por gyur sogs dpe yi sgo nas bsngags/ /'chi ba dran pa'i
phan yon tshoms las kyang/ /lus 'di sdza snod 'dra bar rtogs

bya zhing/ /de bzhin chos rnams smig rgyu 'drar shes nas/
/bdud kyi me tog mtshon ni 'dir gcod pa/ /'chi bdag rgyal pos
bltar yang med par 'gro/ /rga ba mthong zhing nad kyi sdug
bsngal

dang/ /sems dang bral ba'i shi ba mthong nas ni/ /brtan pa'i
btson ra 'dra pa'i khyim spangs kyi/ /'jig rten phal bas 'dod
spangs nus re skan/ /zhes dang gzhan yang bstan pa'i rim pa

@034a @#/ /las/ /'di la nges par yid ches blo ldan gang/ /'jig
rten chos kun med nyid rtogs pas/ /de yi spros la chags sogs
nges bzlog cing/ /nyes par spyod pa'i tshad tshid ?

kun las 'da'/ /rgud pa kun sel bde legs nyid sbyin pa/ /dam
pa'i skyabs mchog rin chen ltar bzung nas/ /cis kyang chos las
mi 'da' bsod nams kyi/ /las kyis mi ngom snying po

len par nges/ /des na 'di ni 'du shes mchog nyid dang/ /nyon
mongs nyes tshogs kun 'joms tho ba dang/ /dge legs tsi lcogs
gcig char bsgrub pa'i sgo/ /la sogs legs

tshogs mang pos rab tu bsngags/ /zhes so des na 'di la zab chos
gzhan/ /bsgom rgyu med pa rnams kyi nyams len no/ /snyam dang
bsgom yang dang por cung zad tsam/ /bsgom

par bya yi rgyun pa'i nyams len du/ /mi 'os snyam du mi gzung
thog mtha' bar/ /gsum du dgos par nges pa snying nas bskyed/
/gsum pa 'chi ba dran pa ci 'dra zhig/ /skyed na 'chi bas

'jigs blo skyed dgos la/ /de yang gnyen dang longs spyod la
sogs la/ /chags pa'i dbang gis de dang 'bral dogs nas/ /skrag
pa lam la ye nas ma sbyangs pa'i/ /skrag lugs yin

pas 'dir ni de mi skyed/ /phyi mar ngan 'gror skye ba 'gog pa
dang/ /mngon mtho nges legs rgyu ni ma sgrub par/ /'chi bde la
'jigs pa bskyed dgos te/ /skrag pas 'chi ba 'gog par

mi nus kyang/ /ngan 'gror skye ba'i rgyu las ldog pa dang/ /
mtho ris thar pa'i rgyu la legs 'bad nas/ /'chi tshe gnyen lus
sogs dang 'bral dogs dang/ /ngan 'gror lhung gi dogs pas

@034b gdud mi 'gyur/ /de skad du yang skyes rab las/ /rab tu
bsgrims kyang gnas mi nus/ /gang la bcos su mi rung ba/ /'jigs
shing sdar ? bar byas pa yis/ /de la phan pa ci zhig yod/ /

de ltar 'jig rten chos nyid la brtags na/ /mi rnams sdig pa
byas pas 'gyod par 'gyur/ /dge ba'i las kyang legs par yongs
ma byas/ /phyi ma'i tshe la sdug bsngal 'byung du dogs/ /

'chi bar 'gyur pa'i 'jigs pas rmongs par 'gyur/ /gang las bdag
gi yid ni 'gyod 'gyur pa/ /de nyid bdag gis byas par yongs mi
dran/ /dkar po'i las kyang rab tu goms par byas/

chos la gnas na 'chi bas su zhig 'jigs/ /zhes dang bzhi brgya
ba las kyang/ /bdag ni 'chi'o snyam sems pa/ /gang la nges par
yod gyur pa/ /des ni 'jigs pa yongs btang phyir/ /

'chi bdag la yang gal 'jigs/ /ces so bzhi pa 'chi bdran pa de/
/sgom tshul rtsa ba gsum dang rgyu mtshan dgu/ /thag gcod gsum
gyi sgo nas sgom pa ste/ /de la rtsa ba gsum zhes bya ba ni/

nges pa kho nar 'chi ba bsam pa dang/ /nam 'chi nges pa med pa
bsam pa dang/ /'chi tshe dam chos ma gtogs gang gis kyang/
/phan pa med tshul bsam pa'o dang bo yi/ /rgyu mtshan gsum

las dang po rang cag la/ /'chi bdag nges par 'ong zhing de
yang ni/ /rkyen gyis bzlog tu med de ci 'dra ba'i/ /skye ba
blang kyang 'chi ba 'ong pa ni/ /mi rtag pa yi tshom las ci
skad du/ /gang

yang sangs rgyas rang sangs rgyas/ /sangs rgyas rnams kyi nyan
thos kyang/ /sku lus 'di ni spong mdzad na/ /skye bo phal pa
smos ci dgos/ /zhes so yul phyogs gang du bsdad kyang rung/

@035a @#/ /'chi ba nges par 'ong pa de nyid las/ /gang du gnas
na 'chi bas mi tshug pa'i/ /sa phyogs de ni yod pa ma yin te/
/bar snang na med rgya mtsho'i nang na med/ /ri bo rnams kyi
gseb

tu zhugs na'ang min/ /zhes so sdon dang phyi dus nam du yang/
/skyes kyang 'chi bas 'joms pa de nyid las/ /byung dang byung
bar 'gyur ba ji snyed pa/ /kun gyis lus 'di btang nas 'gro bas
na/

de kun 'jig par mkhas pas rtogs kyis te/ /chos la gnas kyis
nges par spyad pa spyod/ /ces so de las bros pas mi thar
zhing/ /stobs nor rdzas sngags sman sogs gang gis kyang/
/bzlog

tu med pa rgyal por gdams pa las/ /bshad cing de ltar bstan
pa'i rim pa las/ /ri chen sra ba 'phan med 'thug po yis/ /kun
nas 'joms dang mi bzad seng ge'i khar/ /ri dwags

phra mo chud ltar stobs sogs kyis/ /bzlog tu med pas lus sems
gdung bas gzir/ /zhes so rgyu mtshan gnyis pa tshe 'di la/ /snon
pa med cing 'brid byed bar ma chad/ /

yod pas nges par 'chi ste tshe ring mtha'/ /lo brgya thub tu
chug kyang de'i bar gyi/ /tshe ni lo zla zhag dang nyin mtshan
dang/ /snga dro la sogs song bas 'bri byed cing/ /snon pa ci
yang

med par spyod 'jug las/ /nyin mtshan sdod pa yod med par/ /tshe
'di rtag tu god 'gyur zhing/ /snon pa gud nas 'ong med na/
/bdag lta 'chi bar cis mi 'gyur/ /zhes dang de

bzhin tshoms las kyang/ /dper na thag ni brkyang ba la/ /sbun
ni gang dang gang bcug pa'i/ /sbun gyis gting la gtug pa ltar/
/mi rnams srog kyang de bzhin no/ /dper na/

@035b ngeg par gsad pa dag/ /gom pa gang dang gang bor bas/
/gsad pa'i drung du bsnyen pa ltar/ /mi rnams srog kyang de
bzhin no/ /chu klung drag tu 'bab pa'i rgyun/ /ldog pa med pa
ji lta bar/ /

de bzhin mi yi tshe 'gro ba/ /slar ni ldog ba 'gyur pa med/
/dga' ba nyid dang thun ba dang/ /de yang sdug bsngal ldan pa
dag/ /myur ba kho nar 'jig 'gyur te/ /chu la dbyug gus bris pa

bzhin/ /dper na phyug rdzi dbyug thogs kyis/ /phyug rnams gnas
su phyin byed ltar/ /de bzhin na dang rga ba yis/ /mi rnams
'chi bdag drung du skyel/ /zhes dang rgya cher rol pa'i mdo
las

kyang/ /srid gsum mi rtag ston ka'i sprin dang 'dra/ /'gro
ba'i skye 'chi gar la blta dang mtshungs/ /'gro ba'i tshe 'gro
nam mkha'i klog 'dra ste/ /ri gzar 'bab chu lta bur myur mgyog
'gro/ /

zhes pa rnams kyi mthun dpe du ma yi/ /sgo nas tshe ni 'dzad pa
myur bar gsungs/ /bzhi brgya pa yi 'grel par drangs pa las/
/mi yi dpa' bo thog ma'i mtshan mor ni/ /gang la 'jig rten

mngal na gnas gyur ba/ /de nas brtsam nas de ni nyin re zhing/
/'gros bshol med par 'chi bdag drung du 'gro/ /zhes dang phyin
ci log bzhi 'gog pa las/ /ri bo mthon po'i rtse mo'i

steng nas sa la ltung bar gyur ba yi/ /zhig par gyur tshe ci
'di bar snang la ni bde ba myong 'gyur ram/ /skyes nas brtsams
te 'chi ba nyid phyir rtag tu rab tu rgyug pa na/ /sems can
rnams ni

bar skabs gang du bde ba ji ltar thob par 'gyur/ /zhes ba dag
gis mngal du zhugs pa nas/ /skad cig tsam yang sdod pa'i skabs
med par/ /'chi bdag drung du 'gro bas gson pa'i

@036a @#/ /tshe/ /sdod par bzung nas dga' bar mi bya gsungs/
/rgyu mtshan gsum pa gson pa'i tshe na yang/ /dam chos bya long
med par 'chi ba ni/ /tshe yi ring mtha' lo brgya

thub gyur kyang/ /chos la long yod bya bar mi rung ste/ /don
med kho nar sngar nas mang zhig 'dus/ /lhag ma'ang phyed ni
nyid kyis 'das 'gyur zhing/ /gzhan yang nad dang tshol kro sog

bsrung dang/ /bre mo'i gtam dang bza' btud sdug bsngal dang/
/yid mi bde dang rnam g.yeng gzhan gyis kyang/ /don med nyid
du 'da' la rgas pa'i tshe/ /lus dang dbang po

sems kyi stobs nyams pas/ /chos tshul ji bzhin byed pa'i mthu
nyams pas/ /dam chos sgrub pa'i longs skabs med par 'gyur/ /de
ltar phyin ci log bzhi 'gog

pa las/ /'di na mi rnams tshe ni mchog tu ring yang lo brgya
kho nar thad/ /de las kyang ni dang po byis pa tham rgas pas
don med byed/ /gnyid dang na sogs dag gis de dus med par kun

nas reb 'joms/ /bde bar gnas pa'i mi nang 'gro ba'i tshe na
lhag ma ci tsam yod/ /ces so de ltar tshe 'di'i phun tshogs ni/
/ji ltar 'joms yang rmi lam thun gcig la/ /bde ba

spyad pas sad nas dran pa ltar/ /'chi ba'i dus su dran pa'i
yul tsam du/ /'gyur la 'chi ba'i dgra ni gang gis kyang/ /dgag
tu med pa'i nges par 'ong 'gyur na/ /ci'i phyir tshe

'di'i bslu brid 'ba' zhig la/ /dga' bar bya zhes bsam ste dam
pa'i chos/ /nges par bya dgos pa la thag bcad cing/ /zhe dam
mang du bya ste skyes rab las/ /kye ma'o

@036b 'jig rten nyon mongs dag/ /gnas pa mi brtan dga' mi
'gyur/ /ku mu ta yi dpal 'di yang/ /dran par bya ba nyid du
'gyur/ /'gro ba 'di lta bur ni 'khod pa la/ /skye bo 'jigs pa
med

pa ngo mtshar kyi/ /lam rnams thams cad 'chi bdag nyid kyis
bkag/ /dogs pa med par rab tu dga' zhing spyod/ /na dang rga
dang 'chi ba'i gnod byed dgra/ /mthu chen dgag tu mi nus

yod bzhin la/ /'jig rten pha rol nyam ngar nges 'gro na/ /sems
shes su zhig 'di la dga' bar sems/ /zhes dang ka ni ka yi
sbring yig las/ /'chi bdag brtse ba med pa can/ /

skyes rtsal don med gsod 'gyur ba/ /gsod pa mngon du mthong
bzhin du/ /mkhas pa su zhig bag rkyong spyod/ /de slad dpa'
chen bzod med des/ /mda' ni mi bzad 'chor med

pa/ /de ni ji srid ma 'phangs pa/ /de srid rang gi don la
'bod/ /zhes so de ltar bsam ste phyi ma la/ /phan pa'i dam
chos sgrub par thag gcad do/ /rtsa ba gnyis pa nam 'chi nges

med tshul/ /bsam pa de ring phan dang lo brgya tshun/ /'chi ba
'ong bar nges shing de'i bar gyi/ /nyin zhag gad la 'ong ba ma
nges pas/ /de ring lta bur 'chi dang mi 'chi pa/ /gang du yang

ni thag gcod mi nus mod/ /'on kyang blo yis 'chi ba'i phyogs
bzung nas/ /de ring 'chi'o snyam pa'i blo bskyed dgos/ /gzhan
du tshe 'di'i sdod grab byed byed nas/ /phyi ma'i grab

shom byed pa mi 'ong bas/ /de yi bar du 'chi bdag gis bzung
ste/ /'gyod cing mya ngan bcas bzhin 'chi dgos so/ /nyin re
zhing yang 'chi grab chos byas na/ /phyi ma'i don mang 

@37a @#/ /'grub pas ma shi yang/ /de ni byas pa legs la shi na
ni/ /khyad par du yang dgos pas don che'o/ /de ring 'chi'o snyam
pa'i blo bskyed de/ /phyi ma'i don la 'bad par

tshom las kyang/ /sang dang 'jig rten phyi ma gnyis/ /sngon du
gang 'ong tol med kyi/ /sang gi tshis la mi 'bad par/ /phyi ma'i
don la 'bad par rigs/ /zhes dang de bzhin spyod

'jug las/ /de ring kho na mi 'chi zhes/ /bde bar 'dug pa rigs ma
yin/ /bdag ni med par 'gyur ba'i dus/ /de ni gdon mi za bar
'byung/ /zhes so des na 'di ni gal che'o/ /'di la rgyu mtshan

gsum las 'dzam gling pa'i/ /tshe la nges pa med par bsam pa ni/
/sgra mi snyan pa ma gtogs gzhan rnams kyis/ /rang rang tshe tshad
thub pa'i nges med kyang/ /phal cher thub pa mang la

'dzam gling pa'i/ /tshe ni shin du ma nges sngon dus su/ /tshe lo
dpag med thub pa mang 'byung la/ /dag dod ? lo bcu lon la ring
mtha' byed/ /da lta rgan gzhon bar ma gang la 'chi/ /

nges pa med pa mngon gsum snang phyir ro/ /de ltar mngon pa
mdzod las ci skad du/ /'di na ma nges tha mar ni/ /lo bcu dang
po dpag tu med/ /ces dang de bzhin tshem las kyang/ /

snga dro skye bo mang mthong ba/ /phyi dro kha cig mthong mi
'gyur/ /phyi dro skye bo mang mthong ba/ /snga dro kha cig
mthong mi 'gyur/ /skyes ba bu med mang po dang/ /dar la bab
pa'ang 'chi

'gyur na/ /de la mi 'di gzhon zhes te/ /gson pa'i gdeng drod ci
zhig yod/ /kha cig mngal du 'chi bar 'gyur/ /de bzhin kha cig
btsas pa'i sar/ /de bzhin kha cig gog tsam na/ /

@37b de bzhin kha cig yongs rgyug na/ /la la rgan dang la la
gzhon/ /la la dar la bab pa'i mi/ /rim gyis rab tu 'gro 'gyur
te/ /'bras bu smin pa ltung ba bzhin/ /zhes so rang gis dran
pa'i bla ma dang/ /

mdza' bshes gnyen dang nye du la sogs pa/ /blo bur phyi nang
rkyen gyis shi ba rnams/ /yid la byas te bdag kyang de lta bu'i/
/chos can yin no snyam du yang dang yang/ /bsam la goms pa

shugs drag bskyed par bya/ /rgyu mtshan gnyis pa 'chi rkyen mang
pa dang/ /gson rkyen nyung ba bsam tshul srog 'di la/ /gnod pa
mang ste mi dang mi ma yin/ /gdon gyi rigs dang

gcan zan dug sbrul sogs/ /sems dang ldan pa'i gnod byed mang yod
la/ /g.yang sar lhung dang mes sreg chus 'khyer sogs/ /phyi rol
'byung ba'i gnod pa'ang mang yod cing/ /

nang gi 'byung bzhi 'khrugs dang 'phel 'grib tu/ /gyur pa'i
rkyen gyis bro nad skyed pa yis/ /'chi rkyen byed pa shin du
mang bas so/ /de skad du yang bshes pa'i spring yig las/ /

tshe ni gnod mang rlung gis btab pa yi/ /chu yi chu bur bas kyang
mi rtag na/ /dbugs rdub dbugs 'byung gnyid kyis log pa las/ /sad
khom gang lag de ni ngo mtshar che/ /

zhes dang rin chen 'phreng ba las/ /'chi bdag rkyen gyi nang
gnas pa/ /rlung dmar nang 'dug mar med bzhin/ /zhes dang bzhi
brgya pa las kyang/ /nus pa med pas 'byung

kun la/ /tshogs pa zhes bya skye 'gyur te/ /'gal ba rnams la
bde'o zhes/ /rnam pa kun du'ang mi rigs so/ /zhes so gnas khang
rtib dang mdza' bos bslus/ /bza' btung

@38a @#/ /ha cang mang dang mi 'phrod pa/ /bsten pa sogs kyis
'chi rkyen byed pas na/ /gson rkyen rnams kyang 'chi pa'i rkyen
du 'gyur/ /de skad du yang rin chen 'phreng ba las/ /

'chi ba'i rkyen ni mang pa ste/ /gson pa yis ni nyung zad cig
/de dag rnams kyang 'chi ba'i yang/ /de bas rtag tu tshes mdzod
cig /ces dang gzhan yang bstan pa'i rim pa las/ /

'chi rkyen rnams kyang bzlog dka' mtha' yas te/ /nang dang phyi
dang mi dang mi min sogs/ /za na rang dang zas sogs sten pas
kyang/ /dus min dus kyi brgya dang gcig ces gsungs/ /

zhes so rgyu mtshan gsum pa lus 'di ni/ /nyams stobs chung bas
shin du 'jig sla tshul/ /lus 'di dbu pa lta bur nyams chung bas/
/tsher ma zug pa lta bu'i gnod pa la'ang/ /

bsnyad nas srog 'di 'jig par 'gyur bas na/ /'chi rkyen rnams
kyis gzhon par shin du sla/ /'phags pa glu yi bshes pa'i spring
yig las/ /sa dang lhun ? po rgya mtsho nyi ma bdun/ /

'bar bas bsregs pa'i lus can 'di dag kyang/ /thal pa yang ni lus
par mi 'gyur na/ /shin du nyams chung mi lta smos ci 'tshal/
/zhes so de ltar bsam nas 'chi bdag gis/ /

lus srog nam 'joms nges pa mi snang bas/ /long yod mi bya da lta
nyid rang nas/ /chos cig bya bar thag gcod zhe dam bya/ /dpa'
bos ka ni ka yi spring yig las/ /'chi bdag

su dang mi bshes pa/ /blo bur dag tu bab 'gyur bas/ /sang dag
bya zhes ma bzhes par/ /dam pa'i chos la bskur te mdzod/ /'di
sang deng ni 'di bya zhes/ /bya ba mi la bzang po

@38b min; ;nam zhig khyod ni med 'gyur pa'i/ /sang de gdon mi za
bar 'ong/ /zhes dang mi dra dzo ges kyang/ /sa bdag ji ltar
g.yar po'i lus/ /nad med rgud med bder gnas pa/ /de nyid

tshe na snying po blang/ /na 'chi rgud pas 'jigs med bgyi/ /gang
tshe na rgas rgud sogs na/ /dran yang de tshe ci bgyir ? mchis/
/zhes so rtsa ba gsum las gal che shos/ /nam 'chi

nges med bsam ba 'di la 'bad/ /rtsa ba gsum pa 'chi tshe dam pa'i
chos/ /ma gtogs gzhan gyis phan pa med tshul la/ /rgyu mtshan gsum
las dang po gnyen nam bshes/ /

grogs dang nye du 'khor slob la sogs pa/ /brtse gdung ji ltar
che bas mtha' bskor yang/ /de dag 'brangs dang rang la 'khrid
pa'i dbang/ /med par rang nyid gcig pur 'gro dgos te/ /

de ltar zhi ba lha yi spyod 'jug las/ /bdag ni mal na 'dug bzhin
du/ /gnyen bshes kun gyis mtha' skor yang/ /srog 'chad pa yi
tshor ba dag /bdag nyid gcig pus myong bar

'gyur/ /gshin rje'i pho nyas zin pa la/ /gnyen gyis ci phan
bshes ci phan/ /de tshe bsod nams gcig skyabs na/ /de yang bdag
gis ma bsten to/ /zhes so rgyu mtshan gnyis

pa longs spyod rdzas/ /nor gyi phung po ji snyed yod gyur kyang/
/rdul phran tsam yang 'khyer du mi btub par/ /lag pa stong par
'gro bas spyod 'jug las/ /rnyed pa mang po thob gyur te/ /

yun ring dus su bde spyad kyang/ /chom pos 'phrog pa ji bzhin
du/ /sgren mo lag pa stong par 'gro/ /zhes dang slob dpon dpa'
bos kyang/ /rnam smin 'byin pa sngon las kyis/ /

@39a @#/ /khyod ni yongs su btang gyur pa/ /bar ba'i las dang
rjes 'brel zhing/ /'chi bdag gis ni drangs pa na/ /dge dang sdig
pa ma gtogs par/ /'gro ba thams cad phyir log nas/ /

'ga' yang khyod rjes mi 'bral bar/ /mkhyen par mdzod la legs par
spyod/ /zhes dang rgyal ba bshes gnyen gyis/ /lha gcig ji ltar
khyod 'byor kyang/ /gshegs nas 'jig rten gzhan bzhung

tshe/ /mya ngam thang la dgras bcom ltar/ /gcig pu sras med btsun
mo min/ /na bza' ma mchis bshes ma mchis/ /rgyal srid ma mchis
khab ma mchis/ /dpag med mthu dpung mnga'

lag kyang/ /gzigs su ma mchis gsan ma mchis/ /gcig tsam nyid cig
phyi thag gis/ /rjes su 'brang ba'ang mi mnga' 'o/ /mdor na nyid
kyi mtshan tsam yang/ /de tshe med

na gzhan ci smos/ /zhes pa ltar ro rgyu mtshan gsum pa ni/ /gzhan
rnams lta zhog lhan cig skyes pa yi/ /rang gi lus kyang 'dor te
bshes spring las/ /lus mtha' thal ba mthar bskam

mthar 'drul zhing/ /mtha' mar mi gtsang snying po ma mchis pa/
/rnam par 'jig dengs myags par 'gyur ba ste/ /so sor 'gyes chos
can du mkhyen par mdzod/ /ces pa ltar ro ma shi

tshun chod kyi/ /bde bsgrub dang sdug bsngal sel ba la/ /mi bas
dud 'gro lhag pa'ang yod pas na/ /de las khyad par zhugs pa'i
spyod pa cig /dgos te gzhan du bde 'gro'i rten rnyed

kyang; /ma rnyed pa dang 'dra ste spyod 'jug las/ /phyugs kyis
sgrub na'ang mi dkon pa'i/ /mnog chung gang yin de don du/ /dal
'byor phun tshogs rnyed dka' 'di/ /las kyis

@39b mnar pa rnams kyis bcom/ /zhes so des na 'phral la mnog
chung la/ /'jig rten phyi mar ci yang mi phan zhing/ /'chi khar
don med kyi nang 'dor dgos pa'i/ /tshe 'di'i phun tshogs gang

la'ang ma chag par/ /phyi mar phan nges dam pa'i chos kho na/
/da lta nyid nas 'bad pas sgrub snyam pa'i/ /blo thag gcod cing
zhe dam brtan po bya/ /de yang bka' gdams bstan

rim chen mo las/ /de tshe chos ma gtogs pa'i skyabs gzhan med/
/chos nyid mgon dang rten dang gling yin te/ /grang bas nyen la
me sogs ji bzhin du/ /chos kyis skyobs pas

chos la legs brten bya/ /zhes so bshes gnyen bsten dang dal
'byor dang/ /'chi ba mi rtag pa yi rnam bzhag ni/ /gsung rab
dgongs 'grel bcas pa gang 'dug kyang/ /lam 'di'i

bshes gnyen bsten pa'i chos skor sogs/ /chos skor de dang de yi
nyams len du/ /'khyer tshul shes par byas nas legs bskyangs na/
/rgyal ba'i dgongs pa bde blag rnyed 'gyur

te/ /chos skor gzhan la'ang de ltar shes par bya/ /gnyis pa ngan
'gro'i sdug bsngal bsam pa ni/ /de ltar myur du 'chi zhing shi
nas kyang/ /med de mi 'gro skye ba blang dgos shing/ /

'gro ba gnyis po gcig tu skye dgos la/ /de yang dkar nag las kyi
dbang yin cing/ /dkar po shas chung nag po tshan che bas/ /ngan
'gror skyes na ji 'dra zhig tu 'gyur/ /snyam du

ngan 'gro'i sdug bsngal bsam dgos te/ /shing rta chen po mgon po
klu sgrub kyis/ /rab tu tsha zhing grang pa yi/ /dmyal ba nyi ma
gcig bzhin dran/ /bkres skom dag gis rid pa yi/ /

@40a @#/ /yi dags dag kyang dran par bya/ /rmongs pa'i sdug
bsngal rab mang pa'i/ /byol song blta zhing dran par bya/ /de'i
rgyu rnam spangs bde rgyu spyad/ /thob dka' 'dzam gling

mi yi lus/ /de thob dus su ngan song rgyu/ /rab tu bsgrims te
bcad par bya/ /zhes so 'khor ba spyi dang khyad par du/ /ngan
'gro'i sdug bsngal dran pa gnad che ste/ /rang nyid mnar

tshul bsam pas yid 'byung pas/ /nga rgyal dregs pa sel zhing rang
nyams la/ /dpag nas gzhan la'ang snying rje skye ba dang/ /sdug
bsngal skyed byed sdig ltung la 'dzem zhing/ /

bde ba bsgrub phyir dge la dga' ba sogs/ /phan yon che'o de ltar
spyod 'jug las/ /sdug bsngal med par nges 'byung med/ /de bas
sems khyod brten par gnos/ /

gzhan yang sdug bsngal yon tan ni/ /skyo bas dregs pa sel bar
byed/ /'khor ba pa la snying rje skye/ /sdig la 'dzem zhing dge
la dga'/ /zhes pa ltar ro des na 'di la

gsum/ /dmyal ba pa dang dud 'gro yi dags kyis/ /sdug bsngal bsam
pa'o dang po la yang bzhi/ /sems can dmyal ba chen po tsha dmyal
dang/ /de yi nye 'khor pa yi dmyal

ba dang/ /grang pa'i dmyal ba brgyad dang nyi tshe pa'i/ /dmyal
ba'i sdug bsngal bsam pa'o dang po ni/ /gang du gnas pa'i gnas
ni bstan rim las/ /yang sos 'di'o gsum khri nyis stong

na; ;gzhan rnams de 'og bzhi stong dag na ste/ /zhes gsungs pa
ltar 'dzam bu gling 'di nas/ /mar la dpag tshad sum khri nyis
stong gi /'og na yang sos yod la de nas mar/ /

@40b dpag tshad bzhi stong bzhi stong tshad dag gis/ /chod pa'i
gnas na dmyal ba gzhan bdun yod/ /dmyal ba brgyad ka'i gnas ni
rab 'bar ba'i/ /lcags kyi sa gzhi lcags kyi ra bas skor/ /

lcags kyi sas ni kun tu kheb pa dang/ /nges bzhir sko bzhi yod
pa'i nang du ni/ /dpag tshad brgya phrag du mar mched pa yi/ /me
lce drag tu 'bar bas khyab pa ste/ /de ltar bstan

pa'i rim par drangs pa las/ /mi rigs 'tsho ba'i mi rnams kyis/
/'dir ni gnod 'gyur las byas pa'i/ /'gro ba phyi ma gang yin pa/
/dmyal 'gro de dag nga las nyon/ /yang

sos thig nag bsdus 'joms dang/ /du 'bod gnyis dang tsha ba gnyis/
/gzhan yang mnar med chen po te/ /dmyal ba brgyad po de dag ni/
/thar bar dka' ba bstan pa'o/ /

brlang pa'i las byas rnams kyis gang/ /re re 'khor ni bcu drug
yod/ /cha bzhi dang ni sgo bzhir ldan/ /cha yi tshad ni rnam par
phye/ /lcags kyi ra bas kun nas bskor/ /

lcags kyi sas ni shin du khebs/ /lcags kyi gzhi ni rab tsha ba/
/dpag tshad brgya phrag du mar yang/ /me lce dag ni mched par
gnas/ /zhes so dmyal ba chen po de dag ni/ /tsha bas

gdung zhing 'khor ni bcu drug re/ /yod la so so'i khyad par yang
sos ni/ /gtso bor srog gcod las kyis der skyes pa'i/ /sems can
phan tshun 'dus nas las dbang gis/ /

byung ba'i mtshon cha sna tshogs thogs gyur te/ /phan tshun bsnun
pas brgyal te sa la 'gyel/ /mkha' las khyed rnams yang ni sos
gyur cig /ces pa'i sgra cig byung bas slar langs te/ /

@41a @#/ /sngar bzhin bsnun pas sdug bsngal dpag med myong/ /de
skad du yang bstan rim chen mo las/ /de la srog gcod che 'bring
chung ngu dag /gtsor byas mi bzad

sdig pa'i las rnams kyis/ /dmyal ba yang sos 'khor ni ma rung
pa/ /bcu drug ldan par yun ring mnar bar 'gyur/ /zhes so thig
nag na ni srog gcod dang/ /tshem rkun byed sogs

las ngan sna tshogs kyis/ /gnas der skyes pa'i sems can de dag
rnams/ /dmyal ba srung rnams kyis zur bzhi'am zur brgyad dang/
/cha char gse ba rnam pa sna tshogs su/ /

nag po'i thig gis gcal nas thig ji ltar/ /btab pa de ltar mtshon
gyis gsheg gtub sogs/ /sdug bsngal nyams su myong ste de nyid
las/ /srog gcod chom ? rkun byed bcas

las ngan gyi/ /tshegs kyis thig nag rab 'jigs mi bzad pa/ /gnas
tshogs bcu drug ldan par gsheg gtub sogs/ /sdug bsngal bye bas
kun du gdung bar 'gyur/ /

zhes so bsdus 'joms na ni srog gcod dang/ /chom rkun byed pa'i
ngan las de dag dang/ /'dod log spyod sogs las ngan sna tshogs
kyis/ /skyes rnams gcig tu 'dus shing

'tshogs pa'i tshe/ /dmyal ba srung rnams kyis lcags kyi ri nag po/
/ra gdong lta bu gnyis kyi bar du 'tshang/ /de ma thag tu ri
gnyis kyis 'tshir la/ /de tshe sgo rnams kun

nas khrag klungs 'bab/ /de bzhin lug dang rta dang glang chen
dang/ /seng ge stag gi gdong pa lta bu dang/ /lcags kyi 'khrul
'khor chen po'i nang du 'tshir/ /steng nas lcags kyi pha

@41b bong ri lta bu/ /chen po lhung nas lcags kyi sa gzhi la/
/gcod dang 'gyed dang brdung dang dmyal bar byed/ /de dag rnams
kyi tshe yang khrag gi klung/ /rab tu 'bab pas sdug bsngal de
nyid las/ /

de dag 'dod pa log par spyod bcas pa'i/ /sdig pa'i phung po
'jigs rung nyer spyad pas/ /bsdus 'jom ri bo ches 'joms 'jigs
rung ba/ /bcu drug 'khor ldan sdug bsngal lhag

pas 'joms/ /zhes so du 'bod na ni sdig pa'i las/ /snga ma rnams
dang myos 'gyur 'thung sogs kyis/ /skyes pa'i sems can de dag
rab chi ba'i/ /lcags kyi gzhi la 'bar ba'i

nags 'thib bo/ /mthong ste de las skyobs pa'i gnas 'tshol zhing/
/rgyug pa lcags kyi khang pa'i nang du 'jug /phyogs bzhi steng
'og kun nas mes bsregs pas/ /shin tu

nyams thag skad 'byin de nyid las/ /de rnams ma rung myos byed
'thung dad bcas/ /mi rigs las mang dga' bzhin nyer spyad pas/
/du 'bod ces bya nags me rab 'bar can/ /

sgra chen la sogs bcu drug tshogs chen ltung/ /zhes so dmyal ba
du 'bod chen po ni/ /las lam ngan pa snga ma de dag dang/ /rdzun
du smra sogs las ngan sna tshogs kyis/ /skyes pa'i

sems can lcags kyi sa gzhi sogs/ /snga ma'i gnas dang 'dra bar
sdug bsngal te/ /bsil gnas btsal bas lcags khang nyis rim du/
/chud de kun nas bsreg pas sdug

bsngal te/ /du 'bod lhang lhang byed do de nyid las/ /las lam de
dag rang gzhan bslu byed pa'i/ /rdzun smra bcas pas du 'bod chen
por te/ /sgra 'byin shin tu sgra 'byin la sogs

@42a @#/ /pa; /'jigs rung 'khor ni bcu drug ldan par sregs/ /zhes
so tsha ba na ni las ngan pa/ /snga ma rnams dang log par lta
sogs kyis/ /skyes pa de dag

dmyal bsrung rnams kyis ni/ /rab 'bar lcags zangs dpag tshad du
ma'i nang/ /bcug nas bskol te nya bzhin sregs pa dang/ /lcags
kyi gsal shing 'bar bas 'phong nas phug

spyi bor 'byin pas dbang po'i sgo rnams dang/ /ba spu'i khung bu
kun nas me lce 'bar/ /'bar ba'i lcags kyis gzhir gan rkyal lam/
/kha sbub bzhag ste rab tu 'bar ba yi/ /thobs

brdung ba'i sdug bsngal mi bzad pa/ /nyams su myong bar 'gyur te
de nyid las/ /log par lta sogs bcas pa'i las rnams kyis/ /tsha ba
zhes bya rab 'bar lcags kyis ni/ /lhag

sgrar byas pas chem chem rab brdung ba/ /ba spu slong pa'i 'khor
ldan dag tu sregs/ /zhes so rab tu tsha bar sdig pa'i las/ /snga
ma rnams dad lhag tu dge slong ma/ /sun 'byin byed pas

skyes pa'i sems can rnams/ /rab 'bar lcags kyi gsal shing rtse
gsum pa/ /'phong su bcug nas rtse mo g.yas g.yon gnyis/ /phrag
pa gnyis dang dbus ma spyi bor 'byin/ /

de yis sgo rnams kun nas me lce 'bar/ /rab 'bar lcags leb 'bar
bas lus dkri zhing/ /lcags zangs chen por 'gyur byed bskol ba'i
nang/ /spyi bo tshugs su bcug nas

bskol pa na/ /bar 'tshams med par steng 'og thad kar 'gro/ /pags
pa sha khrag zhig nas keng rus tsam/ /lus tshe phyung nas lcags
kyi sa gzhir 'grem/ /pags pa sha

@42b khrag skyes tshe slar yang 'jug /tsha bar sdug bsngal myong
byed rnams kyis kyang/ /shin tu gdung bar 'gyur te de nyid las/
/sdig las de rnams lhag tu dge slong ma/ /sun 'byin la

sogs mang pos rab tsha ba/ /bum chen 'tshed pa phyogs kun rab
bsregs sogs/ /bcu drug 'khor ldan mi bzad g.yang sar ltung/
/zhes som mnar med na ni mi dge ba'i/ /las lam

snga ma rnams dang 'tshams med kyi/ /las sogs shin du rnams che'i
sdig spyad pas/ /skyes pa de rnams gnas kyi phyogs bzhi nas/
/dpag tshad brgya phrag du mar khyab pa'i me/ /

'bar zhing mched pa'i shugs khyis de dag gi /bags pa sha rus
bshigs nas rkang la gtug /mar me'i snying po bzhin du 'bar ba
na/ /skad las sems ldan yin par shes pa tsam/ /

lcags kyi zhib ma'i nang du rab 'bar ba'i/ /lcags kyi 'dag ma
dag la 'khrab tu 'jug /rab 'bar lcags kyi sa gzhir lcags kyi ri/
/chen po rnams la 'bab 'jogs byed 'jug cing/ /

bsnyal nas lce phyung phur pa brgyas brgyang nas/ /gnyer ma kham
khum med par thang gcod la/ /lcags kyi 'byed spyad 'bar bas kha
phye ste/ /thul lum 'bab 'jug cing zangs bskol ba/ /

blugs nas kha dang lkog ma rgyu ma rnams/ /tshig te 'phongs nas
'thon cing rab tsha ba'i/ /gnod byed rnams kyis kyang ni sdug
bsngal ba/ /drag po skyed par 'gyur te de nyid las/ /'tshams

med la sogs ches lci'i sdig spyad rnams/ /mda' yi shugs kyis
kyang med rab myur bar/ /mnar med me chen bud shing nyid 'gyur
te/ /bya rog la sogs ches 'jigs 'khor dang

@43a @#/ /ldan/ /zhes so sdug bsngal de rnams yun ci tsam/ /nyams
su myong ba bshes pa'i spring yig las/ /de ltar sdug bsngal shin
tu mi zad lo/ /bye ba phrag brgyar

nyams su myong yang ni/ /ji srid me dge de zad ma gyur pa/ /de
srid srog dang 'bral bar mi 'gyur ro/ /zhes gsungs pa ltar sdug
bsngal de myong ba'i/ /las kyi nus pa ma zad bar du

myong/ /mi lo lnga bcu rgyal chen rigs bzhi pa'i/ /nyin zhag
gcig ste zhag te sum cul/ /zla ba gcig dang zla ba de bcu gnyis/
/lo ni gcig tu byas pa'i lo lnga brgya/ /rgyal chen rigs

bzhi pa yi tshe tshad yin/ /tshe tshad de la zhag gcig de sum cu/
/zla ba gcig dang de 'dra bcu gnyis la/ /lo ru byas pa'i gnam lo
lnga brgya ni/ /dmyal ba yang sos pa yi tshe tshad do/ /

de bzhin mi lo brgya dang nyis brgya dang/ /bzhi brgya brgyad
brgya gcig stong drug brgya ni/ /rim pa bzhin du sum cu rtsa
gsum nas/ /gzhan 'phrul dbang byed bar gyi lha rnams kyi/ /zhag
re

yin la de nas rim pa bzhin/ /brtsis pa'i lo ni stong dang nyis
stong dang/ /bzhi stong brgyad stong gcig khri drug stong ni/
/rim bzhin 'dod lha gong ma lnga po yi/ /tshe tshad yan cing de
dag

rim pa ltar/ /thig nag nas bzung tsha ba'i bar rnams kyi/ /zhag
rer byas pa'i rang lo gcig stong nas/ /gcig khri drug stong bar
ni thig nag nas/ /tsha ba'i bar gyi dmyal ba pa dag gi /

tshe tshad yin la rab tu tshab ba'i/ /tshe tshad bar bskal byed dang
mnar med pa'i/ /bar bskal gcig ste mdzod las ci skad du/ /mi
rnams kyi lo lnga bcu la/ /'dod pa dang ni lha rnams

@43b las/ /'og ma rnams kyi nyin zhag gcig /gong ma gnyis ka
gnyis 'gyur ro/ /yang sos la sogs drug rim bzhin/ /'dod lha'i
tshe dang nyin zhag rnams/ /des na de dag rnams

kyi tshe/ /'dod pa'i lha dang 'dra pa yin/ /rab tu tsha phyed mnar
med ni/ /bar gyi skal pa'o zhes gsungs dmyal pa pa'i/ /tshe tshad
'di bzhin mngon pa gong ma yi/ /gzhung las kyang

ni bshad de bstan rim las/ /mi lo lnga bcu rgyal chen lha yi
zhag /des brtsis lo ni lnga brgya tshe tshad de/ /de ni yang gsos
dmyal ba'i nyin zhag gcig /de yi lo ni lnga brgya tshe tshad do/ /

thig nag bsdus 'joms du 'bod chung dang tshe/ /tsha ba'i bar rnams
zhag dang tshe tshad dag /gnyis ka de las nyis 'gyur nyis 'gyur
te/ /rab tu tsha ba'i bar gyi skal ba phyed/ /

mnar med bskal pa gcig gi mthar thug pa'o/ /zhes so gnyis pa
dmyal ba nye 'khor ba/ /dmyal ba chen po brgyad po re re la'ang/
/rtsigs ngos bzhi bzhi sgo yang bzhi bzhi yod/ /de yi

phyi rol lcags kyi ra bas bskor/ /rab de la'ang sgo ni bzhi bzhi
yod/ /sgo de re re na yang dmyal ba gzhan/ /lhag pa bzhi bzhi
yod de me mur gyi/ /'o bas dang ro myags bdam dang spu gri'i
lam/ /

ral gri lo ma'i nags tshal lcags kyi shing/ /shal ma li dang chu
klung rab med do/ /dang po me mur bus nub cam yod par/ /bder
gnas 'tshol ba'i bsam pas 'gro ban/ /rkang pa bzhag tshe

pags pa sha khrag kun/ /'jig cing btegs tshe slar yang skye bar
'gyur/ /gnyis pa de yi 'dab na phyi sa'i 'dam/ /ro ltar mnam pa
la ni rgal pa na/ /'gyil nas mgo bo man chad bying ste 'dug /

@44a @#/ /srin bum chu rnon zhes byas pags pa dang/ /sha rus 'big
cing rkang lag tug nas 'bru/ /de yi 'dab na spu gri'i lam yod
de/ /gnas 'tshol pa dag rkang pa bzhag na ni/ /

pags pa sha khrag kun gcod btegs na skye/ /de yi 'dab na nags
tshal ral gri yi/ /lo ma can gyi grib ma la 'khod tshe/ /shing las
ral gri lhags te 'big cing gsheg /khyi ni sre bos gshul sha

'thog cing za/ /de yi 'dab na lcags kyi shal ma li'i/ /tshal der
song tshe de la 'dzeg tu 'jug /'dzegs tshe tsher mthur du kha lta
zhing/ /'bab tshe gyen du blta bas 'big cing gsheg /

lcags kyi mchu can khwa yi phrag pa 'am/ /mgo la bsdad nas mig
'bras 'thog cing za/ /'di gsum mtshon cha'i gnod pa 'bab 'dra
bas/ /sde tshan gcig tu byas so de'i 'dab na/ /

chu klung rab med 'gyur byed chu skol pas/ /gang pa de la lhung
nas steng 'og tu/ /'gro zhing 'tshed pa zangs chen chus bkang ba/
/me chen sbar ba'i nang du sran ma sogs/ /blugs pa

bzhin no de yi 'gram gnyis na/ /lag na dbyug pa mchil ba rgya
bzung pa/ /dag gis phyi ru 'byung du mi ster la/ /rgya 'am mchil
pas phyung nas rab 'bar ba'i/ /sa la gan rkyal

bzhag ste ci 'dod ces/ /'dri tshe cang yang mi shes mi mthong
ste/ /'o na kyang bkres so skom mo zer ba la/ /lcags kyi thu lum
'bar ba khang 'jug cing/ /zang zhun rab tu 'bar ba khar

sdugs so/ /de ltar lan mang myong ba bstan rim las/ /sgo bzhi'i
nye 'khor dag tu bros pa na/ /me ma mur dang ro myags sbu gri'i
lam/ /ral gri lo ma'i nags dang sha ma li/ /ba tsha

@44b khol ba'i chu glung rab med rnams/ /bgrod pas bzod brlag
sdug bsngal mang spyad nas/ /slar yang rim kyis de dag kun zhugs
te/ /nang du sngar ltar rab bsregs de nas yang/ /phyogs

gzhan kun nas mi bzad yun ring 'khor/ /zhes so gsum pa bgrang
ba'i dmyal ba brgyad/ /gang na gnas pa bstan rim chen mo las/
/chu bur can ni yang sos thad na gnas/ /gzhan

ni nyis stong nyis 'og na'o/ zhes gsungs pa ltar tsha dmyal
brgyad po yi/ /thad kar dpag tshad bcu yi pha rol na/ /gnas shing
chu bur can ni yang sos dang/ /mnyam zhing

de 'og dpag tshad nyis stong res/ /bcad pa na ni gzhan rnams rim
par gnas/ /brgyad ka'i gnas ni 'khyag pa'i sa gzhil/ /gangs ris
bskor zhing mun nag 'thib pa la/ /

shin du bzod dka'i lhags pa chen pos khyab/ /chu bur can ni
lhags pa chen po yis/ /lus kun chu bur byung ba bzhin du 'khums/
/chu bur rdol ba lhags pa snga ma pas/ /

lhags pas btab pas chu bur rdol bzhin 'khum/ /so tham tham pa
grang ngad ches che pa'i/ /lhags pas btab pas so phang ? tham
gyis 'tham/ /kyi hud zir bde bas ches

lhag pa'i/ /lhags pas gdung bas kha nas kyi hud zer/ /a chu zer
ba grang bas cher gdung pas/ /nyams thag nga ros a chu zer ba
'do na/ /utpal ltar gas lhags pa chen

po yis/ /btab pas kha dog sngo zhing lnga drug gas/ /padma ltar
gas de bas lhag pa yis/ /dmar zhid kha bcu 'am de las lhag par
gas/ /padma ltar gas chen po mdog dmar

@45a @#/ /zhing/ /kha brgya 'am de bas mang bar gas pa'o/ /de
ltar grang pas gdung ba bstan rim las/ /mi bzad lhags pas chu
bur ltar 'khum dang/ /chu bur rdol 'dra

so tham kye hud dang/ /a chu zer dang sngo zhing kha lnga 'am/
/drug gas dmar zhing kha bcu sogs gas dang/ /shin du dmar zhing
brgya tshal gas pa las/ /grang pa'i sems can dmyal ba'i

gnas brgyad do/ /zhes dang de bzhin gzhan yang skyes rab las/
/med par lta ba tshe rabs phyi ma la/ /gnas pa de na mun nag
rlung grang ldang/ /des ni rus pa'ang 'jig pa'i nad slong na/ /

bdag la phan 'dod su zhig de ru 'jug /ces dang slob spring las
kyang ji skad du/ /lhag pa dpe med rus pa la yang thim pa yis/
/lus spre bas 'dar zhing sgur nas kum kum bor

'dug pa/ /chu bur brgya byung rdol ba las skye sa srog chags
kyis/ /zos shing dpad nas zhag dang chu ser rkang bcas mdzag
/kos thag so 'tham skra dang spu rnams g.yengs

gyur pa/ /mig dang rnab lkog ma gnod pas kun gzir zhing/ /lus
dang sems kyi bar dgar rab tu glong gyur nas/ /grang pa'i dmyal
bar gnas shing shin du 'o dod 'bod/ /ces

so tshe yi tshad ni tsha dmyal ba'i/ /tshe tshad rnams las phyed
phyed zhugs pa ste/ /chu bur can ni yang sos tshe tshad las/
/phyed tsam thub ste gzhan rnams des rigs bsgre/ /'di ni

mngon bgong ma'i lugs yin la/ /ma ga ta yi til sbyang khal
brgyad bcu/ /shong ba til gyis phyur bur bkar ba las/ /lo brgya
'das tshe til re bor ba yis/ /til te yongs su

@45b zad par gyur pa ni/ /dmyal ba chu bur can gyi tshe tshad de/
/'og ma rnams ni ster ma ster ma las/ /nyi shu nyi shu'i 'gyur
du mdzod las bshad/ /bzhi ba nyi tshe ba yid myal ba ni/ /

tshad dmyal thang ? dmyal rnams kyi nye 'khor dang/ /mi yi yul
dang rgya mtsho chen po'i 'gram/ /chu dang ri bo mya ngam phyogs
na gnas/ /rtsigs pa ka ba phyags ma gtun la sogs/ /

mi sdug sna tshogs dmyibs can lus langs nas/ /me ma mung dang bum
ma 'gom ? pa sogs/ /sdug bsngal sna tshogs myong bar sa sde dang/
/'dul ba lung gzhi mjod 'grel sogs

las bshad/ /de ltar dmyal ba de dag gi /sdug bsngal yang dang
yang bsam zhing/ /rang nyid dmyal ba de dang der/ /skyes nas
sdug bsngal myong ba'ang bsam/ /dmyal ba de

dag rnams kyi rgyu/ /rang la shin du 'byung nye bas/ /nyin re
zhing yang mang sog la/ /sngar bsags pa'ang grangs med pa/ /da
dung yod pas de'i dbang gis/ /dmyal bar skyes

tshe sdug bsngal de/ /bdag gis ji ltar bzod par nus/ /snyam du
'jigs shing skrag pa'i blo/ /shugs drag bskyed de sdig ba'i las/
/sngar bsags sbyong dang phyin chad ni/ /

phra mo yis kyang ma gos par/ /bya ba la ni 'bad dgos te/ /zhi
ba lha yi skyod 'jug las/ /dmyal ba yi ni las byas nas/ /ci
phyir 'di ltar bde bar gnas/ /zhes dang bshes

pa'i spring yig las/ /sdig can dbugs 'byung 'gags pa tsam zhig
gis/ /dus kyis bar du chod rnams dmyal ba yi/ /sdug bsngal gzhal
yas thos nas rnam stong du/ /

@46a @#/ /mi 'jigs gang lags rdo rje'i rang bzhin no/ /dmyal ba
bris pa mthong dang thos pa dang/ /dran dang glags dang gzugs su
bgyis rnams kyang/ /'jigs

pa skyed bar 'gyur na mi bzad pa'i/ /rnam smin nyams su myong
rnams smos ci 'tshal/ /bde bkun gyi nang na sred zad pa/ /bde
ba'i bdag po bgyid pa ji lta ba/ /de bzhin

bsdug bsngal kun gyi nang na ni/ /mnar med dmyal ba'i sdug
bsngal rab mi bzad/ /'di na nyin gcig mdung thung sum brgya yis/
/rab tu drag btab sdug bsngal gang

lags pa/ /des ni dmyal ba'i sdug bsngal chung du la'ang/ /'ol
yang mi dbyi char yang mi phod do/ /mi dge'i las 'di rnams kyis
bon ni/ /lus ngag yid kyi nyes

spyod khyod kyis ni/ /ci nas de rdul tsam yang ma mchis pa/ /de
ltar nyid kyi rtsal gyis 'bad par mdzod/ /zhes so gnyis pa dud
'gro'i sdug bsngal ni/ /bying na gnas pa

rgya mtsho chen po dang/ /kha 'thor ba ni sa steng sa 'og dang/
/nam mkha' chu dang sems can gzhan gyi lus/ /la sogs gnas la
nges med bstan rim las/ /bying gi

gnas ni rgya mtsho chen po ste/ /gzhan dag sa steng sa 'og kun na
gnas/ /zhes so mi dge bcu yi cha shas dang/ /gti mug che bas las
'bras phra mo la/ /khyad du

bsad pas shin du rmongs ba dang/ /dud 'gro rigs mthun phan tshun
gsrod cing za/ /'ga' zhig 'gro ba gzhan gyis gsod pa dang/ /bkol
sbyod byed sogs sdug bsngal

@46b sna tshogs pa/ /myong ste de ltar bstan pa'i rim pa las/
/gzhan yang mi dge'i cha dang cha shas dang/ /gtso cher blun pas
phra ba'i las rnams ni/ /khyad du bsad sogs las dan

nyer bsags pas/ /dud 'gro phan tshun gsod cing za ba dang/ /lha
dang mi yi bkol byar gyur pa yis/ /dbang med gsod cing bkol
spyod byed par ltung/ /zhes dang gzhan yang

bshes pa'i spring yig las/ /dug 'gro'i skye gnas na yang gsod pa
dang/ /bcing dang rdeg sogs sdug bsngal sna tshogs pa/ /zhi 'gyur
dge ba spangs pa rnams la ni/ /

gcig la gcig za shin tu mi bzad pa/ /kha cig mu tig bal dang rus
pa dang/ /sha dang pags pa'i ched du 'chi bar 'gyur/ /dbang med
gzhan dag rtog pa lag pa dang/ /lcags

dang lcags kyu gdab pas btab ste bko/ /zhes so tshe yi tshad ni
ring mtha' ni/ /skal ba tsam re thub cing lus la yang/ /che
chung nges pa med de bstan rim las/ /

'di yang lus dang tshe tshad nges med de/ /tshe ni mchog ring skal
par gnas pa'o/ /zhes so dud 'gro'i sdug bsngal sna tshogs pa/
/bsam ste de rgyu bzlog pa'i thabs la

'bad/ /gsum pa yi dags sdug bsngal bsam pa la/ /yul na gnas dang
kun tu rgyu gnyis las/ /dang po sa 'og dpag tshad lnga brgya
dang/ /'dzam gling mtha' nas

dpag tshad sum stong dang/ /drug brgya'i sa na yod cing phyi ma
ni/ /mi yi yul na'ang yod de bstan rim las/ /'jig rten kun rgyu
yul na gnas pa ste/ /yul ni sa 'og

@047a @#/ /dpag tshad lnga brgya dang/ /'di nas sum stong drug
brgya'i mtha' na gnas/ /zhes so las lam bcu yi cha shas dangi/
/chags pas bskyed pa'i ser snas bslus pa

dang; ;phrag dog dbang gis sbyin par mi phod dang/ /gzhan la
bsngos nas phri'am sbyin mi byed/ /sbyin pa'i gegs byed la sogs
ngan pa'i las/ /rnam mang bsags pas phyi nang

zas skom gyi/ /yi dags 'gro bar skyes nas bkres skom sogs/ /sdug
bsngal sna tshogs myong ste de nyid las/ las lam bcu po'i cha
dang cha dag dang/ /gtso cher

chags pas ser sna phrag dog gis/ /bslus te sbyin pa rnam gsum ma
btang zhing/ /sbyin gnas sogs la bsgo bsha' ma byas dang/ /sbyin
par bsngos nas phri'am mi byin

dang/ /gzhan du ba skyur dang sbyin pa'i gegs byed sogs/ /blo
ngan 'jungs las smad pa'i las rnams ni/ /rab 'jigs mang bsags yi
dgas 'gro bar ltung/ /zhes so

de la phyi yi sgrib pa can/ /mtsho dang 'cho'u chu mig la sogs
pa'i/ /chu nas 'thung bar 'dod de phyin pa na/ /bsrung ma ma
dung dang ral gri thogs pa yis/ /'gog par byed cing

chu yang rnag khrag tu/ /mthong nas 'thung bar me 'dod skom pas
gdung/ /nang gi sgrib pa can ni kha shin du/ /chung ba khab mig
tsam la me 'bar zhing/ /wa ba can dang gsus pa

che ba ste/ /zas skom rnyed du zin kyang spyod mi nus/ /zas skom
nyid la sgrib pa yod pa ni/ /me lce'i 'phreng ba can gyis zos pa
dang/ /'thung ba thams cad 'bar nas 'tshig

@047b 'gyur la/ /ljan ljin za ba zhes byas gshang gci sogs/
/shin du mi gtsang smad pa'i zas la spyod/ /kha cig rang gi shal
bcad cing za/ /gtsang dang bzang po'i bza' btung spyod mi nus/

de skad du yang bshes pa'i spring yig las/ /yi dags na yang 'dod
pas phongs pa yis/ /bskyed pa'i sdug bsngal rgyun chags mi 'chos
pa/ /bkres skom grang dro ngal dang 'jigs pa

yis/ /bskyed ba shin du mi bzad bsten 'tshal lo/ /kha cig kha ni
khab kyi mig tsam la/ /lto ba ri yi gtos tsam bkres pas nyen/
/mi gtsang gyi nar bor pa cung zad kyang/ /'tshal ba'i mthu

dang ldan pa ma lags so/ /kha cig pags rus lus shing gcer bu
ste/ /ta la ya thog skam pa lta bu lags/ /kha cig mtshan zhing
kha nas 'bar ba ste/ /zas su 'bang ba'i khar babs byed

pa 'tshal/ /smad rim 'gas ni rnag dang phyis dang/ /khrag sogs mi
gtsang pa yang mi rnyed de/ /phan tshun gdong du 'tshog cing mgrin
pa nas/ /lba byung pa smin pa'i rnag la 'tshal/ /

yi dgas rnams la so ga'i dus su ni/ /zla ba'ang tshal dgun ni nyi
ma'ang grang/ /ljon shing 'bras bu med 'gyur 'di dag gis/ /bltas
pa tsam gyis klung yang skam par 'gyur//

zhes dang de bzhin slob mar spring ba las/ /mi bzad skom pa
rgyang nas chu klung dri med pa/ /mthong nas btung bar 'dod de
song na de nyid kyang/ /skra shad nya lcib tshogs dang rnag

bsungs 'dres pa dang/ /'dab rdzab khrag dang phyis sa gang ba'i
chung 'gyur ro/ /dus rlabs rlung langs chu 'thor ri rtse bsil
'gyur zhing/ /tsan ta na ljon pa sngo 'khrungs ma la

@048a @#/ /yar song na/ /de yang 'di la nags bsregs me lce rnos
'khrigs shing/ /'gal dum 'gyel pa mang pos rad rod can du 'gyur/
/chu gter rlabs 'jigs

'phang mtho gyes ba las byung ba'i/ /dbu ba 'tsher ba lhag ger
'dug par sod na yang/ /de yang 'di la bye tshan khug rna dmar
rtsub pa'i/ /rlung dmar 'dzebs pa 'tshub pa'i mya

ngam nyid du 'gyur/ /'di ni der gnas tshar sprin ldang bar 'dod
na yang/ /sprin las lcags mda'i chang pa dud 'thul 'dag mar
bcas/ /tsha tsha rdo rje'i pha 'ong rnam 'phro gser

mdog lta bu yi/ /glogs phreng dmar ser 'gyu ba lus la char du
'bab/ /tsha bas nyen la bu yug kyang ni tshar 'gyur la/ /lhag pas
nyam thag pa la me yang grang byed de/ /

shin tu mi bzad las yongs smin pas rnam rmongs pa/ /'di la sna
tshogs 'di kun phyin ci log tu snang/ /kha ba mig tsam gyi kha la
dpag tshad mang 'jigs pa'i/ /lto can

nyam thag rgya mtsho chen po'i chu 'thungs kyang/ /mgul phug
yangs ba nyid du phyin par ma gyur bar/ /kha yi dug gis chu yi
thigs ba'ang skam par 'gyur/ /zhes so tshe yi

tshad ni phal cher la/ /nges ba med cing ring mtha' mi rnams kyi/
/zla ba gcig la zhag tu byas pa yi/ /zhag de sum cu la ni zla ba
gcig /de 'dra'i zla ba bcu gnyis lor

byas pa'i/ /lo ni lnga brgya thub ste ba stan rim las/ /lus dang
tshe tshad phal cher ma nges te/ /mthar thug zla nyi dag gi lnga
brgya'o/ /zhes so bshes spring las ni ji skad du/ /

@048b bar chad med par sdug bsngal bsten gyur ba/ /nyes par
sbyad pa'i las kyi zhags pa ni/ /sra pas bcing pa'i lus can kha
cig lo/ /lnga stong dag dang khrir yang 'chir mi 'gyur/ /zhes

te kha cig tshe tshad lnga stong dang/ /kha cig khri tsam thub par
'grel bas bshad/ /'on kyang mngon pa gong 'og gnyis ka nas/
/lnga brgyar bshad pa rang lo'i dbang du byas/ /bshes spring

las ni cig khri lnga stong du/ /bshad pa mi lo'i dbang du byas
pa ste/ /des na de gnyis dgongs pa gcig tu 'bab/ /ngan song gsum
ltar 'phen byed stobs che na/ /lus kyab che zhing

sdug bsngal che myong la/ /'phen byed sdig stobs chung na de las
bzlog /de ltar ngan 'gro'i sdug bsngal yang dang yang/ bsam nas
da lta me ma mur gyi nang/ /lag pa bcug

nas zhag gcig sdod pa dang/ /dgun gyi lhags pa'i sgang la
'khyags sbub su/ /gcer bur de tsam sdod dang zhag kha yar/ /bza'
btung med par 'dug dang lus 'di la/ /

sbrang bus so tsam btab pa'ang bzod dka' na/ /tsha grang dmyal ba
yi dags dud 'gro yi/ /sdug bsngal gong du bshad pa de lta bu/
/myong bar chur tshe bdag gis ji ltar bzod/ /snyam

dud lta'i nyams la dpags byas nas/ /'jigs shing skrags pa bzod rlags
med pa yi/ /yid kyi 'gyur pa mthon par du bsgom/ /'dul ba lung gi
gzhi las kun dga' bo'i/ /srid

mo'i bu gnyes rab tu byung pa yis/ /klogs las g.yel ba mo'u
'gal gyi bus/ /dmyal ba sprul te bstan pas de gnyis kyis/
/brtson 'grus brtsam zhing rim gyis dgra bcom pa'i/ /

@049a @#/ /go 'phang thob par gsung ba'i gtam rgyud ltar/ /yin
pas dge la brtson pa'i brtson 'grus dang/ /thar bsgrub la bskul
zhing de 'thob pa'i/ /rgyu yi rtsa ba sdug bsngal

sgom pa bsngags/ /de yang da lta de rnams ma bsam na/ /ngan
'gror lhung tshe 'jigs pa de dag las/ /skyob pa'i skyabs ni rnyed
par mi 'gyur zhing/ /de tshe dge sdig blang dor byed pa'i

mthu/ /med bas da lta de las skyob pa'i skyabs/ /'tshol dang legs
nyes blang dor byed pa la/ /'bed par bya ste de ltar spyod 'jug
las/ /gang tshe dge spyad skal ldan yang/ /

dge ba bdag gis ma byas na/ /ngan song sdug bsngal kun rmongs
pa/ /de tshe bdag gis ci byad yod/ /su zhig 'jigs chen 'di las
bdag /legs par skyobs par byed 'gyur

zhes; ;bred sha 'thon pa'i mig bgrad nas/ /phyogs bzhir skyabs
dag 'tshol bar byed/ /phyogs bzhir skyabs med mthong nas ni/ /de
nas kun tu yi mug 'gyur/ /gnas der skyabs

yod ma yin na/ /de tshe bdag gis ji ltar bya/ /de nas rgyal ba
'gro pa'i mgon/ /'gro ba skyobs pa'i don brtson pa/ /stobs chen
'jigs pa kun sel la/ /de ring nyid nas skyabs

su mchi/ / zhes so gnyis pa 'jig rten phyi ma ru/ /bde pa'i
thabs la gnyis te bstan pa la/ /'jug sgor ma pa skyabs 'gro
sbyang ba dang/ /bde logs kun kyi rtsa ba yid

ches kyi/ /dad pa bskyed pa'o dang po la ni bzhi/ /gang la brten
nas skyabs su 'gro ba'i rgyu/ /de la brten nas skyabs su 'gro
ba'i yul/ /ci tsam gyis ni skyabs su song ba'i

@049b tshul/ /skyabs su song nas bslab bya'i rim pa'o/ /dang po
skyabs 'gro'i rgyu la sbyir mang yang/ /'dir ni gong du bshad
ltar tshe 'dir ni/ /mi sdod myur du 'chi zhing shi nas ni//

gar skye rang la dbang med las dbang gis/ /skye bar nges la las
kyang spyod 'jug las/ /ji ltar mtsha na mo mun nag sprin rum na/
/klog 'gyur skad cig rab snang ston pa ltar/ /

de bzhin sangs rgyas mthu yi brgya lam na/ /'jig rten bsod nams
blo gros thar 'ga' 'byung/ /de ltas dge ba nyams chung nyid la
rtag /sdig pa stobs chen shin du mi bzad

ba/ /zhes gsungs pa ltar dkar po nyams chung zhing/ /nag po shin
du stobs che de'i dbang gis/ /ngan 'gror ltung tshul bsam pas
shin du yang/ /'jigs shid skrag pa

skyes nas skyabs 'tshol ba'i/ /bsam pa shugs drag skye ba de yin
te/ /bdag nyid chen po phyogs kyi glang po yis/ /gting mtha' med
pa'i 'khor ba ni/ /rgya mtsho'i nang na

rnam par gnas/ /'dod chags la sogs mi bzad pa'i/ /chu spin gyis
ni lus bros pas/ /de ring gang la skyabs su mchi/ /zhes pa ltar
ro mdor na blo de dang/ /dkon mchog

gsum la 'jigs pa de dag las/ /skyobs pa'i nus pa yod par yid
ches pa/ /gnyis po skabs 'dir skyabs su 'gro ba'i rgyu/ /med mi
rung ba yin phyir 'bad pas bskyed/ /

gnyis pa skyabs su 'gro pa'i yul la gnyis/ /ngos bzung ba dang
skyabs su 'os pa yi/ /rgyu mtshan bsam pa'i dang po skyabs yul
ni/ brgya dang lnga bcu pa yi bstod pa las

@50a @#/ /gang zhig la ni nyes pa kun/ /gtan nas yong ye mi mnga'
zhing/ /gang la rnam pa thams cad du/ /yon tan thams cad gnas
gyur pa/ /gal te sems zhig yod na ni/

de nyid la ni skyabs 'gro zhing/ /de bstod de ni bkur ba dang/
/de yis bstan la gnas pa'i ring/ zhes gsung pa ltar skyabs gnas
su/ /'os dang mi 'os 'byed pa yi/ /blo cig yod

na bslu med skyabs/ /dkon mchog gsum la skyabs su 'gro/ /rigs te
skyabs 'gro bdun cu par/ /sangs rgyas chos dang dge 'dun ni/
/thar pa 'dod pa rnams kyi skyabs/ /

zhes dang 'jam dpal rnam rol las/ /pha ma khyod kyi skyabs ma
yin/ /mdza' bshes rtsa lags rnams kyang min/ /de dag gis ni
khyod bor nas/ /ji ltar 'dod pa bzhin du 'gro/ /'jigs

'gyur 'jigs pa sel mdzad cing/ /skyabs med skyob pa'i sangs
rgyas dang/ /chos dang tshogs mchog dge 'dun la/ /de ring skyabs
su 'gro bar gyis/ /lha dang dri za mi rnams las/ /

gang dag de la skyubs song ba/ /'jigs pa kun las thar par 'gyur/
/bde brnyed pa dga' ba med/ /ces so gnyis pa skyabs su 'gro ba
yi/ /yul du 'os pa'i rgyu mtshan bsam

ba ni/ /rang nyid 'jigs pamed pa'i go 'phang thob/ /gzhan dag
'jigs las sgrol ba'i thabsla mkhas/ /thugs rje nyi ring med par
kun la 'jug/ /lan la mi lta sgrub pa'i

mchod pas mnyes/ /de phyir sangs rgyas bcom ldan 'das nyid dang/
/de yi chos dang dge 'dun skyabs su 'os/ /des na rang cag skyob
pa'i rgyu gnyis las/ /phyi yi rgyu 'am

@050b yan lag mtshang ba/ /med par rdzogs sangs rgyas kyis bsgrub
zin kyang/ /nang gi yan lag rang gis blo bkal te/ /snying nas
skyabs su 'dzin pa ma byung bas/ /skyabs kyis skyob par

ma nus rang cag rnams/ /thogs ma med nas da bar sdug bsngal
myong/ /des na zla med skyabs mchog mgon nyid du/ /bzhugs 'di
rigs par byas la de nyid la/ /snying nas skyabs

su 'gro ba'i bsam pa zhig /bskyed par bya ste bsngags 'os
bsngags bstod las/ /da ni mgon med khyed rnams kyi/ /grogs su
gyur pa zhes sgrogs zhing/ /thugs rje chen pos 'gro ba

ni/ /mnga' bdag 'khyud pa bzhin du bzhugs/ /ston pa thugs rje
che mnga' ba/ /brtse bar ldan zhing thugs brtser mdzad/ /der
brtson le lo mi mnga' ba/ /khyod dad 'dra ba gzhan su mchis

khyod ni sems can kun gyi mgon/ /spyi yi rtsa lag bzang po lags/
/mgon tu khyod bzhugs ma 'tshal bas/ /de slad skye bo byir bar
gyur/ /gang zhig yang dag blangs nas ni/ /

za shal bas kyang grogs nus pa/ /grogs byed pa yi chos dag ni/
/khyod las gzhan pa 'gas mi rtogs/ /phyi yi yan lag stobs kun
ni/ /khyod kyi yan dag bsgrub lags te/ /nang gi

stobs dag ma tshang bas/ /byis pa rnams ni sdug bsngal bsten/
/zhes so gsum pa bsam pa ci tsam gyis/ /skyabs su song ba'i tshul
la rnam pa bzhi/ /yon tan shes dang khyad par

shes pa dang/ /khas blangs ba dang gzhan du mi smra bas/ /skyabs
su song sa 'o dang po la ni gsum/ /dang bo rdzogs sangs rgyas
kyi yon tan la/ /sku yi yon tan dpel bstod pa las

@051a @#/ /khyed sku mtshan gyis sbras gyur pa/ /mdzes gyur mig gi
bdud rtsi ni/ /sbrin med ston gyi nam mkha' la/ /skar ma'i tshogs
kyis spras ba 'dra/ /thub bag ser gyi mdog

ldan pa/ /chos gos kyis g.yogs mdzes gyur pa/ /gser gyi ri bo'i
rtse mo ni/ /'tshams kyi sprin gyis dkris ba 'bra/ /mgon khyod
rgyan gyis ma brgyan yang/ /zhal gyi dkyil

'khor mdangs gang yin/ /zla ba'i dkyil 'khor rgyas gyur pa/
/sbrin dang bral la'ang de ma mchis/ /khyod kyi zhal gyi pad ma
dang/ /padma nyi mas kha phye ba/ /bud bsam thong

nas pad ma ni/ /the tshom dbyang thag la 'jug 'gyur/ /khyod zhal
gser gyi mdog ldan par/ /tshe ma dkar mdzes par gyur pa ni/ /gser
gyi rig seb ston ka yi/ /zla zer

dri med zhugs pa 'dra/ /mchod 'os khyod kyi phyag g.yas ni/
/'khor lo'i mtshan gyis mdzes gyur pa/ /'khor bas skrag pa'i mi
rnams la/ /phyag gis dbugs 'byin mdzad

pa lags/ /thub khyod gshegs par gyur pa'i tshe/ /zhabs gnyis dpal
gyi pad ma 'dras/ /sa gzhi 'di ni bris gyur pa/ /pad ma can gyis
ji ltar mdzes/ /zhes gsung pa ltar

legs par dran par bya/ /gsung gi yon tan bden pa bo'i le'u las/
/'di ltar sems can kun gyis nges pa'i tshig/ /mang po dag gis dus
gcig zhu zhus na/ /sems gyis

skad cig gcig la thugs chud nas/ /gsung dbyangs gcig gis so so'i
lan kyang 'debs/ /de lta bas na 'dren pa 'jig rten ni/ /tshangs
pa'i sgra dbyangs gsung sgrog

@051b mkhyen par mdzod/ /de ni lha ma'i sdug bsngal mthar 'byin
pa'i/ /chos gyi 'khor lo rab tu bskor bar mdzad/ /ces dang bstod
pa brgya dang lnga bcu par/ /khyod zhal bltan rab

sdug pa/ /de las mnyan na snyan pa yi/ /gsung 'di dag ni zla ba
las/ /bdud rtsi 'dzag ba bzhin du 'byung/ /khyod kyi gsung ni
'dod chags kyi/ /rdul rab zhi mdzad char

sbrin 'dra/ /zhe sdang sprul gyi dbyung ba la/ /nam mkha' lding
dang 'dra ba lags/ /yang dang yang du mi shes pa'i/ /rab rib
'joms pa'i gdugs dang 'dra/ /nga rgyal ri bo

mngon 'joms pa'i/ /rdo rje dang yang 'dra ba lags/ /don gzigs
pas ni mi slu ba/ /nongs mi mnga' phyir rjes su mthun/ /legs par
sbyar bas go sla ste/ /khyod

kyi gsung ni legs gsung ldan/ /re zhig dang por khyod kyi gsung/
/nyan pa rnams kyi yid 'phrog mdzad/ /de ni yid la bsam bgyis
na/ /'dod chags gti mug rnams khyad sel/

phongs pa rnams kyis dbugs 'byin zhing/ /bag med rnams kyi
skyabs kyang mdzad/ /bde ba can dag skyo bgyid pas/ /khyod gsung
kun dang 'tshams bar 'jug /mkhas ltar legs par

bsam/ /thugs kyi yon tan bsngags bstod las/ /khyod 'ba' zhig gi
ye shes kyis/ /she bya mtha' dag khyab lags kyi/ /khyod las
gzhan pa thams cad kyi/ /shes

@052a @#/ /bya kho na lhag pa lags/ /bcom ldan dus kun gtogs pa'i
chos/ /rnam kun 'byung gnas thams cad ni/ /lag mthil skyu rur
lta bur/ /khyod kyi thugs kyi spyod

yul gyur/ /chos rnams g.yo dang mi g.yor bcas/ /gcig dang sna
tshogs so so la/ /mkha' la rlung dag rgyu ba bzhin/ /khyod kyi
thugs dag thog ma mnga'/ /zhes gsung mkhyen

ba'i yon tan dang/ /bstod pa brgya dang lnga bcu bar/ /'gro ba
'di dag thams cad ni/ /khyad med nyon mongs rnams kyis bcing/
/khyod ni 'gro ba'i nyon mongs dag /dgrol

slad yun ring thugs rjes bsdams/ /dang por khyod la phyag
bgyi'am/ /'on te gang gis 'khor bar khyod/ /skyon mkhyen yun
ring de lta bur/ /bzhugs mdzad thugs rje che la

bgyis/ /zhas dang bden pa po'i le'u las/ /gti mug mu nag mun nag
gis rtag tu/ /sems ni bsgrib par gyur ba'i skye dgu dang/ /'khor
ba'i brtson ngang chud pa rnams gzigs na/ /drang srong

dam pa de ni thugs rje skye/ /'dod pa'i zil gyis non pa'i yid
ldan dang/ /sred pa che zhing rtag tu yul brkam dang/ /srid pa'i
'dod chags rgya mtshor ltung ba rnams/ /gzigs na rgyal

ba'i thugs rje chen po skye/ /nad dang mya ngan rnam pa mang dag
gis/ /shin tu gtses pa'i skye dgu nyon mongs rnams/ /gzigs na
sdug bsngal ma lus bsal slad du/ /

stobs bcu mnga' ba'i thugs rje rab tu skye/ /thub pa'i thugs rje
chen po rtag 'byung ste/ /de mi 'byung ba nam yang srid mi
'gyur/ /'gro ba kun gyi bsam par gnas pa

@052b ste/ /de bas sangs rgyas de la skyon mi mnga'/ /zhes pa
ltar du brtse ba'i yon tan bsam/ /'phrin las yon tan bstod pa
brgya lnga bcur/ /khyod kyis nyon mongs gzhom par bshad/ /

bdud kyi g.yo dag bstan pa mdzad/ /'khor ba'i rang bzhin mi
bzad brjod/ /'jigs pa med pa'i phyogs kyang bstan/ /phan dgongs
thugs rje can gyis ni/ /sems can

rnams la bgyi 'tshal pa/ /gang zhig khyod kyis ma mdzad pa/
/gzhan ko ci zhig mchis lags kye/ /zhes dang gzhan yang bsngags
bstod las/ /khyod kyis gang las 'gro

bdag /ma drangs rgyud pa de gang mchis/ /gang dang 'jig rten ma
sprad pa'i/ /phun tshogs de yang gang zhig mchis/ /zhes gsungs pa
ltar 'phrin las yon tan bsam/ /

de dag sangs rgyas rjes su dran pa'i tshul/ /mdor bsdus pa ste
lung dang rigs pa'i tshogs/ /mang po'i sgo nas bsam na dad pa
yang/ /rig pa du ma'i sgo nas skye 'gyur

la/ /yang yang dran par byas na dad pa de/ /shugs drag rgyun
ring 'byung ste dkon mchog gzhan/ /gnyis kyi yon tan bsam pa'ang
de dang 'dra/ /sangs rgyas yon tan

bsam pa dus rgyun du/ /nyams len byas na blo ni goms pa yi/
/rjes su byed pas dang por sbyong dka' yang/ /phyis ni de la
rang gis 'jug pa dang/ /rjes su dran pa'i

sangs rgyas de 'dra zhig /bdag nyid kyis kyang thob na bsam pa
skye/ /nyid mtshan kun du sangs rgyas blo yul mthong/ /'chi tshe
sdug bsngal ci 'dra byung gyur kyang/ /sangs rgyas

@053a @#/ /rjes su dran las nyams mi 'gyur/ /de skad du yang ting
'dzin rgyal po las/ /khyed la bsgo zhing khong du chud par bya/
/ji ltar mi dag mang du rtog byed pa/ /de la

gnas pa'i rtog pa de dag gis/ /de bzhin du ni de la sems gzhol
'gyur/ /de bzhin rgyal ba yi ni sku byad dang/ /ye shes dpag tu
med par thub dbang dran/ /rtag par rjes su

dran pa bsgom byas na/ /de la sems gzhol rab tu 'bab par 'gyur/
/de ni 'chag 'dug 'greng zhing gnas pa'i tshe/ /skyes bu dam pa'i
ye shes rab tu 'dod/ /'jig rten

rgyal ba bla med bdag 'gyur par/ /'dod pas byang chub du yang
smon lam 'debs/ /lus dang ngag dang yid rab dangs ba yis/ /rtag
tu sangs rgyas dag gi bsngags pa

brjod/ /de ltar des ni sems kyi rgyun bsgom pas/ /nyid mtshan du
yang 'jig rten mgon po mthong/ /nam zhig de ni na zhing mi bde
nas/ /shi la thug pa'i sdug bsngal

tshor byung na/ /sangs rgyas la ni dran pa mi nyams te/ /sdug
bsngal tshor bas 'phrog par yong mi 'gyur/ /zhes so gnyis pa chos
kyi yon tan ni/ /gong du bshad ltar

rdzogs pa'i sangs rgyas kyi/ /yon tan mthong nas gus brgyu mtshan
du/ /byas te sangs rgyas yon tan bsam yas can/ /'di ni lung gi
chos la thos bsam dang/ /

rtog pa'i dam chos 'gog lam bden pa gnyis/ /bsgom dang mngon du
byas las byung bar bsam/ /gsum pa dge 'dun yon tan theg gsum
gyi/ /'phags pa'i gang

@053b zag dge 'dun gtso bo yin/ /de yang chos kyi yon tan legs
bsam ste/ /skyon spang yon tan sgrub pa'i bdag nyid kyang/ /chos
de tshul bzhin bsgrub par byed pa po/ /yin par

'dug go snyam du bsam par bya/ /khyad par shes bas skyabs su
song ba ni/ /dkon mchog gsum gyi khyad par legs shes nas/
/skyabs su 'gro ba yin te khyad par la/ /drug

las mtshan nyid las gyur khyad par ni/ /sangs rgyas mngon par
byang chub pa yin la/ /chos ni 'bras bu dge 'dun yang dag par/
/sgrub pa'i mtshan nyid can no 'phrin las kyi/ /

khyad par rim bzhin legs par 'bog pa dang/ /nyon mongs sdug
bsngal spongs las dmigs pa dang/ /mngon par spro bar byed pa'i
'phrin las can/ /mos pa'i khyad par rim

bzhin bsnyen bkur la/ /gus pas zhen dang mngon du bya ba la/
/gus pas zhen dang chos mthun dngos po yis/ /lhan cig 'grogs la
gus bas zhen pa'o/ /bsgrub pa'i khyad

par rim bzhin mchod bkur dang/ /rnal 'byor sbyor ba goms par bya
ba dang/ /chos dang zang zing longs spyod thun mong gis/ /bsgrub
pa'o rjes su dran pa'i khyad par ni/ /

dkon mchog rjes dran mdo las 'byung ba bzhin/ /dkon mchog so
so'i yon tan dran pa'o/ /bsod nams 'phel las gyur pa'i khyad par
ni/ /sangs 'phags dge 'dun

gnyis ni gang zag gi /dbang du byas pa'i bsod nams 'phel byed
de/ /chos ni chos kyi dbang du byas pa yi/ /bsod nams 'phel bar
byed pa'o snyam du bsam/ /khas len

@054a @#/ /pa yis skyabs su song ba ni/ /sangs rgyas skyabs ston
mya ngan 'das pa'i chos/ /skyabs dngos dge 'dun skyabs de sgrub
pa'i grogs/ /yin no snyam du 'dzin cing

khas len pa'o/ /gzhan du mi smras skyabs su song ba ni/ /phyi
nang gnyis kyi ston dang bstan pa dang/ /de la slob pa rnams kyi
dman mchog dag /shes nas dkon mchog gsum po

kho na la/ /skyabs su 'dzin gyi de dang mi mthun pa'i/ /ston pa
sogs la skyabs su mi 'dzin pa'o/ /phyi nang gnyis kyi ston dang
bstan pa yi/ /dman mchog khyad par 'phags

bstod las/ /bdag ni ston pa gzhan spangs nas/ /bcom ldan khyod
la bdag skyabs mchi/ /de ci'i slad du zhen khyod/ /skyon mi
mnga' la yon tan ldan/ /mu stegs gzhan gyi

gzhung lugs la/ /ji lta ji ltar rnams bsam pa/ /de lta de ltar
mgon khyod la/ /bdag gi sems 'di dad par gyur/ /de ltar thams
cad mkhyen min pa'i/ /grub mtha'i skyon gyis

brlags sems ldan/ /bsam brlag rnams kyis skyon med pa'i/ /ston
pa khyod kyang mi mthong ngo/ /gang slad khyod kyi bstan pa ni/
/bde bas bde ba 'thob bgyid pa/ /de slad smra

ba'i seng khyod kyi/ /gzhung lugs la ni 'gro 'di dang/ /zhes
dang bsngags 'os bsngags bstod las/ /'jug dang ldog pa gang lags
dang/ /kun nas nyon mongs rnam byang gang/ /de nyid

dpa' bo khyod bka' dang/ /gzhan gyi tshig gi khyad par lags/ /'di
ni gcig pu de bzhin nyid/ /de ni slu chos 'ba' zhig na/ /khyod
kyi bka' dang gzhan gyi tshig /de las khyad

@054b zhugs gzhan ci 'tshal/ /'di ni gcig tu dge la de/ /gcig tu
bar chad bgyid lags na/ /khyod kyi bka' dang gzhan gyi tshig /de
las mi 'dra ci zhig mchis/ /de yis bsgos

shing nyer bsgos pa/ /'di yis dge bar bgyid 'gyur pa/ /de nyid
mgon po khyod bka' dang/ /gzhan gyi tshig gi khyad par lags/
/zhes pa ltar ro de ltar legs bsam ste/ /

dkon mchog gsum la dad pa shugs drag bskyed/ /de ltar ngan
'gro'i sdug bsngal rnams/ /bsam nas 'jigs skrag shugs drag dang/
/mchog gsum yon tan bsam

pa yis/ /de las skyob par yid ches pa'i/ /bsam pa shugs drag
gnyis tshogs dang/ /mchog gsum yon tan thob 'dod cing/ /'gro ba
gzhan la'ang snying rje pa'i/

bsam pas mchog gsum dam pa la/ /snying nas blo rtse gcig dril
gyi/ /skyabs 'gro'i bsam pa bskyed pa yis/ /mchog gsum rang gi
mgon skyabs su/ /mdun gyi

nam mkhar tshogs par mos/ /rkang gnyis rnams kyi mchog gyur ba/
/rdzogs sangs rgyas la skyabs su mchi/ /srid dang ngan 'gro'i
sdug bsngal las/ /sgrol ba'i ston

pa mdzad du gsol/ /'dod chags bral ba'i mchog gyur ba/ /dam pa'i
chos la skyabs su mchi/ /srid dang ngan 'gro'i 'jigs pa las/
/sgrol ba'i skyabs dngos mdzad du

gsol/ /tshogs dang zhing gi mchog gyur pa/ /dge 'dun rnams la
skyabs su mchi/ /srid dang ngan 'gro'i sdug bsngal bas/ /sgrol
ba'i zla grogs mdzad du gsol/ /

@055a @#/ /zhes pa'i tshigs su bcad pa gsum/ /mang nyung skabs
dang sbyar la brjod/ /mthar ni skyabs yul gshegs pa'am/ /rang la
ba stim pa gang mos bya/ /bzhi

pa skyabs su song nas gang zhig la/ /bslab par bya ba'i rim pa
la ni gnyis/ /mchog gsum so so ba dang thun mong gi /bslab bya
gnyis las dang po dgag pa dang/ /bsgrub

pa'i bslab bya gnyis las dang po ni/ /myang 'das mdo las ji skad
du/ /gang zhig gsum la skyabs 'gro ba/ /de ni yang dag dge
bsnyen te/ /nam du'ang lha ni gzhan dag la/ /

skyabs su song ba ma yin no/ /dam pa'i chos la skyabs 'gro ba/
/'tshe zhing gsod pa'i sems dang bral/ /dge 'dun la yang skyabs
'gro ba/ /mu stegs can dang 'grogs pa

min/ /zhes pa ltar ro phyi ma ni/ /skyabs 'gro yan lag drug pa
las/ /sku gzugs tshigs su bcad pa dang/ /lhan pa ser po btab pa
la/ /dad mos sgo nas ston par brtag /

zhal nas gsung pa mtha' dag la/ /skur ba mi gdab spyi bor
blangs/ /gang zag dag dang mi dag la/ /dam par blta bar bya ba
yin/ /zhes pa ltar ro sangs rgyas sku brnyan ni/ /gang la'ang

dad gus bya bar bshes spring las/ /ji ltar bde gshegs sku gzugs
shing las kyang/ /bgyis ba ci 'dra yang rung mkhas pas mchod/
/zhes so chos ni tshig bcad gcig tsam la'ang/ /

brnyas smod byas na chos spongs pas su 'gyur/ /dge slong dman pa
tshul khrims 'chal pa la'ang/ /brnyas par gyi bya lhag bsam bskul
pa las/ /yon tan 'dod pa nags na

@055b gnas pa yis/ /pha rol dag gi skyon la brtag mi bya/ /bdag
ni khyad par 'phags shing bdag mchog ces/ /de snyam du ni sems
bskyed mi bya'o/ /rgyag 'di bag med kun gyi rtsa ba

ste; /dge slong dman la brnyas par yong mi bya/ /skal pa gcig
gis thar pa thob mi 'gyur/ /'di ni bstan pa 'di la go rim yin/
/zhes so de ltar rang nyid kyis/ /dkon

mchog gsum la ci tsam du/ /gus pa de bzhin gzhan gyis kyang/
/rang nyid la yang gus gyur te/ /mdo sde ting 'dzin rgyal po
las/ /ci 'dra pa yi las byas pa/ /'bras b

de 'dra thob par 'gyur/ /zhes so gnyis pa thun mongs bslab bya
la/ /drug las dang po phyi nang khyad par dang/ /dkon mchog gsum
gyi khyad par yon tan rnams/ /yang

yang rjes su dran pas skyabs su 'gro/ /gnyis pa mdo sde ting
'dzin rgyal po las/ /sangs rgyas bsod nams kyis ni zas rnyed
kyang/ /de la byis pa byas pa gzo mi 'gyur/

zhes gsung pa ltar kha zas rnyed pas mtshon/ /bde legs gang byung
dkon mchog drin yin pas/ /byas gzo'i bsam pas sna tshogs mchod pa
dang/ /ci za ci 'thung phud kyis

rgyun du mchod/ /da lta mnyan na tshig mi zin/ /bsam na thos pa'i
don mi go /bsgom na rgyud la mi skye ba'i/ /blo mthu shin du
chung ba'i dus/ /zhing gi mthul brten pa

gnad/ /des na 'di phyi'i legs tshogs kun/ /'byung ba'i zhing sa
dam pa la/ /rgyun chad med par bde legs kyi/ /sa bon btab pas
chog 'di la/ /brtson pa gces te/

@056a @#/ /bsngags bstod las/ /khyod dang 'dra ba'i zhing dag na/
/'jig rten gsum nam mchis te/ /khyod ni sbyin gnas rnams kyi
mchog /gral gtsang mdzad pa'i gtsang ma

lags/ /nam mkha' mtha' thug ma 'chis pa'i/ /mchu dang zhing dag
ji lta bar/ /khyod la sman dang gnod bgyis pa'i/ /rnam par smin
ba thug ma mchis/ /zhes dang dpal ldan ma

khol gyis/ /snyan ngags rtsom la skal chen po/ /khyod la brten
nas bdag gi blo/ /dbyar gyi dus kyi chu bo ltar/ /chung ngu'ang
shin du 'phel bar 'gyur/ /zhes so bza' btung phung

sogs kyis/ /rgyun par mchod cing dus bzang dang/ /dus chen tshe
na rang nus dang/ /bsdun pa'i mchod pa gzab nas dbul/ /gsum pa
snying rje chen pos 'gro ba gzhan/ /

skyabs 'gro'i bslab bya rnams la ci nus dgod/ /bzhi pa rang gis
bya ba gang byed dang/ /dgos pa ci 'dra byung kyang dkon mchog
la/ /mchod cing gsol ba btab nas blo

'gel ba/ /ma gtogs mu stegs sa bon sogs thabs gzhan spongs/
/lnga pa phan yon dran pa sa dus drug tu/ /dkon mchog gsum la
skyabs su 'gro bar bya/ /de la phan

yon brgyad las dang po ni/ /jo bo rje dang shan ti pa sogs kyis/
/phyi nang khyad par skyabs 'gro'i 'byed pas na/ /dkon mchog
gsum la snying nas yid ches kyis/ /ston

pa sogs su 'dzin na nang par tshud/ /gnyis pa skyabs 'gro bdun cu
par/ /dge bsnyen gsum la skyabs 'gro ba/ /de ni sdom brgyad rtsa
ba yin/ /zhes gsungs pa ltar

@056b skyabs 'gro ni/ /sdom pa thams cad skye ba'i rten/ /gsum
pa las sgrib bdag pas na/ /gang dag sangs rgyas skyabs dong ba/
/de dag ngan 'gror 'gro mi 'gyur/ /

mi yi lus ni spangs nas su/ /de dag lha yi lus 'thob pa'o/ /zhes
dang chos dang dge 'dun la'ang/ /de ltar gsung zhing bslab btus
su/ /skyabs 'gros sdig

pa 'dag pa'i tshul/ /legs par ston pa'i skyabs su 'dir/ /phag gi
rtogs brjod dper bya zhes/ /gsung pas phag tu skye 'gyur ba'i/
/lha yis skyabs 'gro byas pa

yis; ;phag tu skye ba'i sdig dag pas/ /de las bzlog pa lta bu'o/
/bzhi pa phar phyin bsdus pa las/ /skyabs song bsod nams gzugs
yod na/ /

khams gsum 'di yang snod du chung/ /rgya mtsho chen po chu yi
gter/ /phul gyis gcal bar gzhal mi nus/ /zhes dang 'chi med rnga
sgra las/ /sangs rgyas yon tan

bsam mi khyab/ /dam pa'i chos kyi kyang bsam mi khyab/ /'phags
pa'i dge 'dun bsam mi khyab/ /bsam mi khyab la dad rnams kyi/
/rnam par smin pa bsam mi

khyab; ;zhes gsung pa ltar shes par bya/ /lnga pa ngan 'gror mi
ltung ba/ /las sgrib 'dag tshul ston las shes/ /drug pa mi dang
mi min gyi/ /bar chad rnams kyis

mi tshugs pa/ /mdo sde las ni ji skad du/ /'jigs pas sgrag pa'i
mi rnams ni/ /phal cher ri dang nags tshal dang/ /kun dga' dang
ni mchod gnas gyi/ /

@57a @#/ /ljon shing rnams la skyabs 'gro ste/ /skyabs de gtso bo
ma yin zhing/ /skyabs de mchog gyur ma yin la/ /skyabs de la ni
brten nas kyang/ /

sdug bsngal kun las mi 'grol zhing/ /gang tshe gang zhig sangs
rgyas dang/ /chos dang dge 'dun skyabs song la/ /sdug bsngal
sdug bsngal kun 'byung dang/ /sdug

bsngal yang dag 'das pa dang/ /'phags lam yan lag brgyad bde ba/
/mya ngan 'das par 'gro 'gyur dang/ /'phags pa'i bden pa bzhi po
dag /shes rab kyis ni

lta byed pa/ /skyabs de gtso bo yin pa ste/ /skyabs de mchog tu
gyur pa yin/ /skyabs de la ni brten nas kyang/ /sdug bsngal kun
las grol bar gyur/ /zhes so

bdun pa chos ldan gyi/ /bya ba ci bsam 'grub pa ni/ /bsod nams
rnam smin bde ster sdug bsngal thams cad sel/ /bsod nams ldan
pa'i mi yi bsam pa rnams kyang

'grub/ /zhes gsungs pa ltar dkon mchog la/ /mchod cing gsol ba
legs btab na/ /ci bsam myur du 'grub par 'gyur/ /brgyad pa myur
du 'tshang rgya ba/ /seng ges

zhus pa'i mdo las ni/ /dad pas mi khom spong bar 'gyur/ /zhes
gsung pa ltar dkon mchog la/ /skyabs 'gro gsol ba 'debs byas pa
yis/ /dal 'byor khyad par can

'thob cing/ /skyabs dang mjal nas lam bzang la/ /bslab pas myur
du 'tshang rgya 'gyur/ /de lta'i phan yon legs bsam nas/ /skyabs
'gro'i bslab bya rnams la

@57b 'bad/ /de ltar 'chi ba legs bsam zhing/ /shi nas ngan 'gror
skye ba la/ /'jigs nas mchog gsum skyabs su bzung/ /de yi slab
byar bslab pa na/ /skyabs kyis

ji ltar skyob snyam na/ /de ni tshom las ji skad du/ /srid pa'i
zug rdu gcod byed lam/ /nges ni khyed cag rnams la bstan/ /de
bzhin gshegs pa ston pa ste/ /khyed cag

rnams kyis bya dgos so/ /zhes gsungs pa ltar sangs rgyas ni/
/skyabs kyi rnam bzhag ston pa po/ /dge 'dun skyabs de sgrub pa
yi/ /zla grogs yin la skyabs dngos ni/ /

'gog lam bden pa'i chos dkon mchog /yin te de dag thob pa na/
/'khor bar skye pa'i 'jigs pa las/ /yongs su grol bar 'gyur
phyir ro/ /dam chos dkon mchog de yang

ni/ /ma sbyang las ni dang po ba'i/ /dus kyi nyes skyon phyogs
re tsam/ /spong ba'i spangs pa'i yon tan dang/ /yon tan phyogs
re tsam sgrub pa'i/ /rtogs pa'i yon tan gnyis

po de; /gong nas gong du khyad zhugs par/ /song nas 'phags lam
thob pa na/ /'thob kyi blo bur 'byung pa min/ /des na skabs 'dir
dge sdig gnyis/ /'bras bur bcas

pa'i rnam dbye la/ /mkhas par byas nas de gnyis la/ /blang dor
tshul bzhin sgrub pa la/ /'jigs skyobs chos su bya dgos te/ /dge
sdig blang dor ma byas na/ /ngan

'gro'i sdug bsngal la 'jigs kyang/ /de la grol bar mi nus phyir/
/des na ngan 'gro'i sdug bsngal las/ /skyobs la de rgyu mi dge
bar/ /spyod pa'i bsam pa 'chos

@58a @#/ /dgos shing/ /de yang las dang 'bras bu la/ /yid ches
rnyed la rag las bas/ /gnyis pa bde legs thams cad kyi/ /rtsa ba
yid ches bskyed la

gsum/ /las 'bras spyi yin rnam bzhag dang/ /bye brag so so'i ngo
bo dang/ /'jug ldog bya tshul bsam pa'o/ /dang po spyi yi rnam
bzhag la/ /dngos dang phye ste bsam pa

gnyis/ /dang po la yang rnam bzhi las/ /las 'bras so sor nges
tshul ni/ /rin po che yi phreng ba las/ /mi dge ba las sdug
bsngal kun/ /de bzhin ngan 'gro thams

cad do/ /dge las bde 'gro thams cad dang/ /skye ba kun du bde ba
dag /zhes gsung pa ltar bde sdug rnams/ /rgyu med gtso bo dbang
phyug sogs/ /mi mthun

ba yi rgyu las ni/ /'byung ba min cing dge sdig gnyis/ /spyi las
bde sdug spyi 'byung zhing/ /dge sdig khyad par sna tshogs las/
/bde sdug khyad par sna tshogs

pa; /'chol pa med par so sor 'byung/ /de 'dra'i las 'bras mi
slu bar/ /nges pa rnyed pa 'jig rten pa'i/ /yang dag pa yi lta
ba yin/ /'di nyid rnal ma rnyed gyur na/ /

ngan 'gro'i 'jigs las dgrol 'gyur zhing/ /mtho ris thar pa thob
'gyur te/ /de skad du yang tshom las ni/ /'jig rten pa yi gang
dag lta/ /chen po su la yod gyur

ba; ;de ni tshe rab stong phrag tu/ /ngan 'gror 'gro bar mi 'gyur
ro/ /zhes dang bshes pa'i spying ? yig las/ /gal te mtho ris thar
pa mngon bzhed na/ /yang dag

@58b lta la goms pa nyid du mdzod/ /gang zag log par lta bas
legs spyad kyang/ /thams cad rnam par smin pa mi bzad ldan/
/zhes so las 'bras 'phel che ba'i/ /

tshul ni tshom las ji skad du/ /sdig pa chung du byas pas kyang/
/'jig rten pha rol 'jigs chen dang/ /phung khrol chen po byed
'gyur te/ /khong bar song ba'i dug bzhin

no/ /bsod nams chung du byas pas kyang/ /'jig rten pha rol bde
chen 'dren/ /don chen dag kyang byed 'gyur te/ /'bru rnams phun
tshogs smin pa bzhin/ /zhes dang

gzhan yang de nyid las/ /mkha' la bya dag gnas pa de'i/ /grib
ma lhan cig 'grogs pa bzhin/ /legs par byas dang nyes par byas/
/de dag 'gro ba'i rjes su 'brang/ /ji ltar

lam brgyags ? nyung ba dag /lam zhugs sdug bsngal 'gro ba ltar/
/de bzhin las bzang ma byas pa'i/ /sems can dag ni ngan 'gror
'gro/ /ji ltar lam brgyags mang

bsdogs pa/ /lam zhugs bde bar 'gro ba ltar/ /de bzhin las bzang
byas pa yi/ /sems can dag ni bde 'gror 'gro/ /zhes dang gzhan
yang de nyid las/ /sdig pa

shin du chung du la'ang/ /mi gnod snyam du brnyas mi bya/ /chu
yi thigs pa bsags pas kyang/ /snod chen khad kyis 'ging bar
'gyur/ /zhes dang gzhan yang de

nyid las/ /sdig pa chus byas bdag nyid kyi/ /phyi bzhin mi 'ong
ma sems shig /chu yi thig pa lhung ba yis/ /snod chen gang ba ji
bzhin du/ /cung zad bsags pa'i

@59a @#/ /sdig pas kyang/ /byis pa rab tu gang bar 'gyur/ /dge ba
chung byas bdag nyid kyi/ /phyi bzhin mi 'ong ma sems shig /chu
yi thigs pa lhung ba yis/

bum chen gang ba ji bzhin du/ /cung zad bsags pa'i dge ba yis/
/brtan par rab tu gang bar 'gyur/ /zhes dang de bzhin skyes pa'i
rab las kyang/ /dge dang mi dge'i

las rnams goms byas pas/ /mi rnams la ni 'dris pa nyid du 'gyur/
/de lta bu dag ched du ma bsgri mas kyang/ /tshe rabs gzhan la
rmi lam bzhin du spyod/ /rab tu sbyin

dang tshul khrims la sogs ma sbyangs na/ /rigs dang gzugs dang
lang tsho'i yon tan rnams dang ni/ /stobs ni rab tu che zhing nor
rnams phyug kyang rung/ /phyi ma'i tshe la su yang bde

ba thob mi 'gyur/ /rigs la sogs pa dma' yang sdig la ma chags
shing/ /rab tu sbyin dang tshul khrims la sogs yon tan ldan/
/dbyar gyi dus na 'bab chus rgya mtsho gang ba

bzhin/ /phyi ma'i tshe la nges par bde ba rgyas par 'gyur/ /dge
dang mi dge'i las las 'jig rten pha rol tu/ /bde dang sdug
bsngal 'byung bar rab tu nges byas nas/ /sdig

pa spangs te dge ba'i las la rab tu 'bad/ /dad pa med pa dag ni
ji ltar 'dod par spyod/ /zhes so dge sdig las gnyis po/ /ma byas
pa dang ma 'phrad de/ /rang gis las

shig ma bsags par/ /gzhan gyi bsags pa'i 'bras mi myongs/ /byas
pa chud kyang mi zad ste/ /las gnyis gang zhig byas gyur pa/
/rkyen nam gnyen pos ma

@59b bcom na/ /skal pa mang po 'das gyur kyang/ /rang gi 'bras
bu nges par 'byin/ /de ltar khyad par 'phags bstod las/ /bram ze
rnams ni dge sdig dag /byin pa len bzhin

'pho bar smra/ /khyod kyis byas chud mi za dang/ /ma byas pa
dang 'phrad med gsungs/ /zhes dang 'dul ba lung las kyang/ /las
rnams skal ba brgyar yang ni/ /chud mi za ba'ang

tshogs dang dus/ /rnyed na lus can rnams la ni/ /'bras bu dag tu
'gyur ba nyid/ /zhes dang ting 'dzin rgyal po las/ /de yang byas
nas reg par mi 'gyur min/ /gzhan

gyis byas pa tshor bar 'gyur pa'ang med/ /zhes so gnyis pa phye
ste bsam la gnyis/ /las lam bcu po gtso bor bstan pa dang/ /las
'bras gtan la dbab pa'o dang po ni/

de ltar spyi yi rnam bzhag rig pa des/ /las 'bras ci dra zhig la
thog ma rung/ /nges pa bskyed nas blang dor bya zhes na/ /sbyar
na legs spyod nyes spyod 'jug pa'i sgo/ /gsum du

nges la lus ngag yid gsum gyi/ /dge dang mi dge thams cad las
lam bcur/ /ma 'dus na yang mi dge che long ngam/ /rags pa shin
du che rnams mi dge pa'i/ /las

lam bcu dang kha na ma thob/ /spangs na shin du don che'i gnad
rnams kyang/ /dkar po las lam bcu ru ston pas gsungs/ /de ltar
mngon pa mdzod las ni/ /de las che

long bsdus nas ni/ /dge dang mi dge ci rig par/ /las kyi lam ni
bcur gsungs so/ /zhes so las lam bcu tshan de dag las/ /mi dge
bcu po kun slong tsam

@60a @#/ /nas kyang/ /bsdams ste dge bcu'i las kyi lam legs par/
/bsten pa'i mi dge bcu spong tshul khrims 'di/ /mngon mtho lha
mi'i dpal dang theg

gsum gyi/ /nges legs kun gyi rtsa ba'i rten yin pas/ /bcom ldan
'das kyi 'dul ba rnam 'byed las/ /ngag rnams srung zhing yid
kyis rab bsdams te/ /lus kyi mi

dge bdag mi byed cing/ /las lam gsum po 'di dag rab sbyangs na/
/drang srong gsungs pa'i lam ni thob par 'gyur/ /zhes dang dpal
ldan zla ba'i 'jug pa las/ /

so so skye bo rnams dang gsung skyes dang/ /rang byang chub la
bdag nyid nges rnams dang/ /rgyal sras rnams kyi nges par legs
pa dang/ /mngon mtho'i rgyu ni tshul khrims las

gzhan med/ /zhes so las 'bras gtan la dbab pa la/ /nag po las
'bras dkar po'i las 'bras dang/ /las kyi rnam dbyed gzhan bstan
pa dang gsum/ /dang po la

yang gsum ste nag po yi/ /las lam dngos dang lci yang khyad par
dang/ /'bras bu smin tshul bstan pa'o dang po ni/ /mi dge'i las
lam bcu po re re yang/ /gzhi dang

bsam pa sbyor ba mthar thug ste/ /yan lag bzhi bzhis 'jog ste
bstan rim las/ /sems can sems can min gtogs gzhi dag dang/ /'du
shes kun slong nyon mongs

bsam pa gsum/ /sbyor dang mthar thug rnams kyis mi dge ba'i/
/las lam bcu po'i mtshan nyid so sor bzhags/ /zhes so de la srog
gcod las lam ni/ /

@60b yan lag bzhi yis rdzogs tshul de nyid las/ /srog ldan gzhan
la de ltar 'du shes shing/ /bsad par 'dod pa nyon mongs can gyi
blos/ /rang dang gzhan gyi gsod sbyor gang

rung las/ /shibs srog gcod las lam rdzogs pa yin/ /ces so gzhi
ni srog ldan sems can gzhan/ /bsam par 'du shes nyon mongs kun
slong gsum/ /'du shes

sems can yin la sems can du/ /'du shes pa dang min par 'du shes
pa/ /sems can min la sems min pa ru/ /'du shes pa dang yin par
'du shes pa/ /bzhi ste dang po gsum

pa ma 'khrul zhing/ /gnyis pa dang ni bzhi pa 'khrul pa'o/ /'du
shes bzhi las 'dir ni snga ma ste/ /'di la'ang dper na lha sbyin
gsad snyam nas/ /sbyor ba brtsam pa nor nas

gzhan mchod sbyin/ /bsad na dngos gzhi rdzogs par mi 'gyur
zhing/ /thog mar lha sbyin mchod sbyin gang byung yang/ /gsod
snyam yod na sbyor ba rtsom pa'i tshe/ /mchod sbyin

la ni lha sbyin yin snyam du/ /nor nas bsad kyang dngos gzhi'i
las lam rdzogs/ /tshul 'di lhag ma dgu la'ang ci rigs sbyar/
/nyon mongs pa ni dug gsum gang rung ste/ /

kun slong gzhi de gsad par 'dod pa'o/ /sbyor ba la ni gnyis te
sbyor ba po/ /rang gis byas sam gzhan la byed bcug pa/ /gnyis ka
'dra zhing sbyor ba'i ngo bo ni/ /mtshon nam

dug gam rigs sngags sbyor ba sogs/ /gang yang rung ba'i mthar
thug sbyor ba de'i/ /rkyen gyis pha rol po de de tshe'am/ /gzhan
gyi tshe na rang las snga rol du/ /shi tshe srog gcod

@61a @#/ /las lam rdzogs par 'gyur/ /de ltar slob dpon rta
dbyangs kyis/ /de la srog gcod gang zhe na/ /srog dang ldan par
gyur pa la/ /srog

dang ldan par 'du shes dang/ /gsod sems nye bar gnas pa dang/
/rim pa bzhin du byas ldan dang/ /srog ni bcad par gyur pa ste/
/yan lag lnga po 'di dag dang/ /

ldan pa srog gcod yin par bshad/ /ces so las lam lhag ma dgu po
yang/ /las lam snga ma rdzogs tshul rigs 'dra yis/ /rdzogs tshul
shes par bya ba bstan rim

las/ /gzhan gyis bzung dngos bdag gir thob byas dang/ /bgrod min
gnas su reg pa de myong ba nang/ /mthong sogs gzhan du bsgyur
sbras ge byas dang/ /

mthun dang mi mthun 'byed tshig rig byed dang/ /mnar sems gzhir
gyur rtsub tshig gis sbyos dang/ /don med ma 'brel byung rgyal
brjod pa dang/ /gzhan gyi rdzas la bdag

byar nges bsam dang/ /mnar sems gzhi sogs gnod byar nges bsam
dang/ /yod pa'i don la skur bar nges bsam pa/ /rnams kyang de
las mtshan nyid ji

bzhin sbyar/ /zhes pa ltar te 'du shes rang rang gi /skabs kyi
gzhi la gzhi der 'du shes pa/ /nyon mongs dug gsum gang yang
rung pa ste/ /de yang rgyas par

phyen ma byin len/ /gzhi ni gzhan gyis yongs su bzung ba'i
rdzas/ /gang yang rung pa'o bsam pa 'du shes dang/ /nyon mongs
sngar bzhin kun slong bdag po yis/ /

@61b ma gnang na yang de las 'bral 'dod pa'o/ /sbyor ba'i sbyor
ba po ni sngar dang 'dra/ /sbyor ba'i ngo bo rang ngam gzhan don
dang/ /pha rol po la gnod pa sogs kyi phyir/ /

mthu yis 'phrog dang 'jab sa nas rku ba dang/ /bu len bcol bo
g.yar po la sogs pa/ /g.yo sgyu thabs 'phrul sogs kyis len
pa'ang 'dra/ /mthar thug

gnas spos zhes pa mtshon byed tsam/ /yin gyi rang ngam rang gis
mang ga pa yi/ /byed po de la thob blo skyes pa'o/ /de yang slob
dpon rta dbyangs kyis/ /ma byin

len pa gang zhe na/ /gzhan dag gi ni yin pa dang/ /gzhan gyis
bdag gir byas pa dang/ /gzhan gyi yin par 'du shes dang/ /rku
sems nye bar gnas pa dang/ /

rim pa bzhin du byas ldan dang/ /gnas nas dpag par gyur pa ste/
/yan lag drug po de dag dang/ /ldan pa gang yin ma byin len/
/zhes so log g.yem bzhi la

yul dang dus/ /yan lag dang ni bgrod bya min pa ste/ /bzhi po
rim bzhin slob dpon rta dbyangs kyis/ /de la log g.yem gang zhe
na/ /log par g.yem par rnam

bzhi ste/ /yul min pa dang dus min dang/ /yan lag min dang bgrod
min yin/ /de la yul min zhes bya ni/ /dam chos mchod rten sku
sogs dang/ /

byang chub sems dpa'i bzhugs gnas sogs/ /mkhan po dang ni slob
dpon dang/ /pha ma drung na gnas pa ni/ /yul min de ru mi bya'o/
/de la dus min

@62a @#/ /zhes bya ni/ /zla mtshan 'dzags dang sbrum ma dang/ /bu
chung dang bcas mi mos dang/ /sdug bsngal yid mi bde sogs dang/
/yan lag

brgyad gnas dus min yin/ /yan lag min pa gang zhe na/ /kha dang
gshang lam byis pa dang/ /brla bsdams lag par bskyod pa yin/
/bgrod par bya min zhes gsungs

ni/ /gzhan bzung chos kyi rgyal mtshan ldan/ /rigs kyi bsrung
dang rgyal pos bsrung/ /gzhan gyis blangs dang smad 'tshong dang/
/nye du dag dang 'brel ba ni/ /de dag

bgrod bya min pa yin/ /rnam pa de dag rnams la ni/ /rang gi
chung ma brten pa yang/ /'dod log spyod par 'gyur pa yin/ /zhes
pa ltar ro gzhan las ni/ /skye bo

mang po'i mngon gsum dang/ /bgrod byar gnod pa'i sa phyogs dang/
/'khrigs pa spyad du mi rung ba'i/ /nad bu can dang nyin mo'i
dus/ /rang gi bsrung dang nub

gcig la/ /lan drug lta bu tshod las lhag/ /skyes pa kun dang ma
ning la/ /bgrod par me rung pa ru bshad/ /bsam pa 'du shes nyon
mongs snga ma bzhin/ /kun

slong mi tshangs spyod pas bgrod 'dod pa/ /sbyor bde yi don la
rtsol ba ste/ /mthar thug phan tshun gnyis kyi gnyis sprad pa'o/
/rdzun smra'i gzhi ni mthong dang thos pa dang/ /

bye brag byed dang rnam par shes pa bzhi/ /de las bzlogs pa bzhi
ste go bya'i yul/ /don go ba'o 'du shes mthong ba la/ /ma mthong
ba la sogs par bsgyur pa'o/ /nyon

@62b mongs sngar bzhin yin te kun slong ni/ /'du shes gzhan du
bsgyur te smra 'dod pa'o/ /sbyor ba smra ba'am cang yang mi smra
bas/ /dad du len pa'am rang gi lus bsgyur ba'i

mtshan mas ston pa'o dgos pa rang don nam/ /gzhan don gang gi
phyir du smas kyang 'dra/ /mthar thug pha rol po yis go pa'o/
/slob dpon chen po rta dbyangs kyis/ /

rdzun du smra ba gang zhe na/ /dngos po gnas par gyur pa dang/
/dngos po las ni nyams gyur dang/ /'du shes gzhan du bsgyur pa
dang/ /rdzun du smra bar gyur pa dang/ /

rim pa bzhin du byas ldan dang/ /yan lag lnga po de dag dang/
/ldan pa rdzun du smra bar 'gyur/ /zhes so phra ma'i gzhi ni pha
rol po/ /mthun pa dang ni mi mthun pa

rnams so/ /bsam pa 'du shes nyon mongs sngar bzhin de/ /kun
slong sems can mthun pa dbye 'dod dang/ /mi mthun pa la mi 'dum
par 'dod pa/ /sbyor ba

bden rdzun gang yang rung ba yis/ /brjod bya snyan dang mi snyan
gang yang rung/ /dgos pa rang gzhan gang yang rung ba'i phyir/
/'byed tshig smras pa mthar thug pha rol

pos/ /don go pa ste slob dpon rtar byangs kyis/ /de la phar ma
gang zhen/ /gzhan dag dbye phyir phar ma yin/ /zhes so tshig
rtsub gang la smra ba'i gzhi/ /kun nas

mnar sems skye ba'i gzhir gyur pa'i/ /sems can gzhan don bsam pa
'du shes dang/ /nyon mongs sngar bzhin kun slong ngag rtsub pos/
/smra bar 'dod pa'o sbyor ba

@63a @# / /bden mi bden/ /gang yang rung bas rigs sam tshul khrims
sam/ /lus sam kun spyod la sogs ci rigs kyi/ /skyon las brtsam
ste mi

snyan smra ba ste/ /mthar thug smra yul gang des go ba'o/ /de
yang slob dpon rta dbyangs kyis/ /de la tshig rtsub gang zhe na/
/gzhan gyi gnad du bsnun byed pa'i/ /

yid du mi 'ong tshig smra yin/ /zhes so ngag kyal gzhi ni don med
dang/ /ldan pa'i don ni bsam pa 'du shes ni/ /brjod 'dod don la
de ru 'du shes pa/ /nyon mongs

snga ma bzhin no kun slong ni/ /'brel med byung rgyal smra par
'dod pa'o/ /sbyor ba smra bar rtsom pa'o mthar thug ni/ /smras
zin pa'o 'di la go bya'i yul/ /mi dgos

'thab mo mtshang 'bru rtsod pa dang/ /'gyid pa smra dang gyi ba'i
bstan bcos sam/ /bram ze'i gsang sngags dag la dga' ba'i blos/
/lung 'pog kha ton byed dang smre sngags dang/

brgad dang brtses dang dga' bar byas pa dang/ /dgar mgur spyad
dang rgyal blon yul 'khor dang/ /rkun po'i gtam sogs 'du 'dzi'i
gtam smra dang/ /ra ro pa dang smyos pa lta bur smra/ /

log 'tshos smra dang 'brel med smra ba dang/ /chos dang mi ldan
don dang mi ldan pa/ /snga phyi ma 'brel kun gnas nyon mongs pa/
/ston dang bzhad gang klu la sogs pa dang/ /bzlos gar sogs la
ltad mo lta ba na/ /smra ba rnams la 'dir gtogs nyes pa 'byung/
/brdzun dang phra ma tshig rtsub gsum ka yang/ /myal bar 'gyur
dang gzhan la bcol pas kyang/ /

@63b las kyi lam du 'gyur bar sa sder gsungs/ /mdzod las bzhi ka
bcol bas 'gyur bar bshad/ /'di la rta dbyangs kyis ni 'di skad
du/ /de la kyal ba gang zhe na/ /

chags pa yis ni nyer bskyed nas/ /'brel med smra ba kyal ba yin/
/zhes gsungs brnab sems gzhi ni gzhan dag gi/ /nor dang yo byad
gang yang rung ba'o/ /bsam pa

'du shes de la der shes pa/ /nyon mongs snga ma bzhin no kun
slong ni/ /bdag gir bya bar 'dod pa'o sbyor ba ni/ /bsam pa'i
don la rtsol bar byed pa ste/ /mthar thug bdag

gir gyur cig snyam pa'o/ /brnab sems mtshan nyid yongs su rdzogs
pa la/ /rang gi nor la lhag par chags sems dang/ /longs spyod
sog par 'dod pa'i rkam chags

sogs/ /gzhan gyi nor dang yo byad bzang po la/ /yongs su rtog
cing ro myang 'chum pa'i sems/ /bdag gir gyur cig snyam pa 'khu
pa'i sems/ /sems des ngo tsha med

cing nyes dmigs las/ /'byung ba mi shes zil gyis non pa'i sems/
/lnga ka dgos par rnal 'byor spyod pa'i sar/ /bshad cing slob
dpon chen po rta dbyangs kyis/ /de la

brnab sems gang zhe na/ /gzhan gyi nor dang longs spyod la/
/mchog tu mngon par chags pa yin/ /zhes so gnod sems gzhi dang
'du shes dang/ /nyon mongs rnams

ni tshig rtsub ji bzhin la/ /kun slong gzhi de brdeg gsod bcing
ba dang/ /rang gis longs spyod rgud na snyam pa sogs/ /sbyor ba
bsam pa de la rtsol ba ste/ /mthar

@64a @#/ /thug brdeg sogs bya bar thag bcad pa'o/ /'di yang gnod
byed rgyu dang mthun pa'i chos/ /mtshan mar 'dzin pa'i zhe sdang
pa yi sems/ /

gnod pa byed la shin du mi bzod sems/ /yang dang yang du khong
ba skye ba'i rgyu/ /yid la byed pa'i kho na du 'dzin pa'i sems/
/brdeg dang gsod sogs gnod pa byung gyur na/ /

ci ma rung snyam byed pa 'khu ba'i sems/ /snga ma lta bu'i zil
gyis gnon pa'i sems/ /lnga ka tshang na yongs su rdzogs par
'gyur/ /'di yis bdag la gnod pa

byas sam byed/ /snyam nas de la gnod pa bya ba'i phyir/ /ji
snyed sems pa de snyed thams cad dang/ /gzhi de'i gnyen dang
longs spyod dge ba sogs/ /tshe

'dir nyams par smon dang phyi ma la/ /ngan 'gror song na snyam
du smon pa yang/ /gnod sems tsam du 'gyur ro rta dbyangs kyis/
/gnod sems zhes pa gang

zhe na/ /sems can rnams la sdang ba yis/ /brdeg dang 'ching dang
gsod pa ste/ /de dag sems la byed pa'o/ /zhes so log lta'i gzhi
ni yod

pa'i don/ /bsam pa 'du shes skur ba'i don de la/ /bden par 'du
shes nyon mongs snga ma bzhin/ /kun slong ba 'debs par 'dod
pa'o/ /

sbyor ba rgyu 'bras byed pa yod dngos la/ /skur ba 'debs pa'o
rgyu la skur ba ni/ /legs spyad nyes spyad med do zhes pa'o/
/'bras bur skur ba dge

@64b sdig las gnyis kyi/ /rnam par smin pa med do zhes pa'o/
/byed par skur la pham med do zhes/ /sa bon 'debs 'dzin byed la
skur ba dang/ /

'jig rten snga phyi med ces 'gro 'ong gi/ /byed par skur dang
sems can rdzus skye med/ /ces pa skye 'gyur byed la skur ba
gsum/ /yod ba'i dngos la

skur ba dgra bcom sogs/ /med do zhes pa'o mthar thug yul de la/
/skur ba gdab par nges pa'o 'di la yang/ /shes bya ji bzhin mi
shes rmongs

pa'i sems/ /sdig la mngon par dga' ba'i drag shul sems/ /tshul
bzhin min pa'i chos la nges par ni/ /rtog pas log par rgyun du
zhugs pa'i

sems/ /mchod sbyin legs spyad la sogs med do zhes/ /skur ba
'debs pas rab tu nyams pa'i sems/ /snga ma lta bur zil gyis non
ba'i

sems/ /lnga po tshang na mtshan nyid rdzogs par 'gyur/ /log par
lta ba gzhan yang yod mod kyi/ /'di la log lta zhes su gsung pa
ni/ /'di yis

dge rtsa gcod cing sdig pa la/ /'dod dgur spyod dang mthun pas
log lta yi/ /che shos yin pas gsungs so rta dbyangs kyis/ /log
lta zhes pa gang zhe na/ /

sbyin med mchod sbyin yod min dang/ /'jig rten pha rol yod min
zhing/ /dge sbyong bram ze lha rnams med/ /rdzogs sangs rgyas
dang dgra bcom dang/ /

@65a @#/ /rang sangs rgyas dang legs spyod dang/ /nyes bar spyod
pa med do zhes/ /bya ba log par lta ba yin/ /zhes gsung lus dang
ngag gi las

bdun ni/ /las yin sems pa 'jug pa'i gzhi yin pas/ /las kyi lam
yang yin cing yid kyi gsum/ /las lam yin gyi las ni ma yin no/
/gnyis pa

las kyi lci yang bstan pa la/ /gnyis te las lam bcu yi lci yang
dang/ /zhar la stobs dang ldan pa'i las kyi sgo/ /bsdus te bstan
pa'o dang po srog gcod

la/ /mtshon na bsam pas lci ba dug gsum po/ /drag pos byed pa'o
sbyor bas lci ba ni/ /srog gcod byas sam byed dam byed 'gyur la/
/dga' zhing rang yang byed la

gzhan byed 'jug /de yi bsngags pa brjod cing mthong na dga'/
/yun ring bsam zhing bsag pa'i sems kyis byed/ /rtag tu byed
dang brtson pas byed pa dang/ /

lan re la yang mang du gsod pa dang/ /sdug bsngal drag po bskyed
pas gsod pa dang/ /'jigs pa bskyed nas bya ba ma yin pa/ /byed
du bcug ste gsod dang zhan

pa dang/ /sdug bsngal pa dang bkren dang nyams thag par/ /smra
ba gsod dang shin du snying rje bar/ /smras sngags 'don bzhin pa
rnams gsod pa'o/ /gnyen

po med las lci ba nyin gcig bzhin/ /bslab pa ci la'ang mi slob
zla phyed dang/ /brgyad dang bcu bzhi bco lngar bsnyen gnas la/
/mi gnas dus su sbyin dang

@65b bsod nams dang/ /mngon du smra dang phyag dang ldang ba
dang/ /thal mo sbyor dang 'dud pa'i sems mi byed/ /dus su ngo
tsha shes dang khrel yod dang/ /'gyod pa skyed

par mi byed 'jig rten pa'i/ /chags bral la ni reg par mi byed
pa'o/ /log par mngon par zhen las lci ba ni/ /mchod sbyin byed
pa dag gi lta ba la/ /brten pas

chos su 'dod nas gsod pa dang/ /phyug rnams skyed dgu'i bdag pos
yo byad rgyur/ /sprul pas bsad kyang nyes pa med snyam sogs/
/log lta gang yang rung la rten te gsod/ /

gzhi las lci ba dud 'gro lus bong che/ /mi'am mir chags pha ma
phu nu dang/ /bla ma mdza' bshes nyan rang byang sems dang/
/dgra bcom gsod dang de bzhin gsheg pa la/ /

ngan pa'i sems kyis khrag ni 'byin pa ste/ /lnga ? po lci zhing
de las log pa rnams/ /yang bar gsungs te bstan pa'i rim pa las/
/srog gcod chags sogs drag cing

mngon zhen dang/ /mi bzad gdug pas rgyun du sbyor byed dang/
/bsnyen gnas sbyin sogs 'dzom dang 'gyod med dang/ /sdig med
chos 'phel sogs lta log pas

'jug/ /pha ma bla ma la sogs gsod byed pa/ /rnam lngas lci zhing
ldog rnams yang bar gsungs/ /zhes so lhag ma dgu yang gzhi ma
gtogs/ /lci yang khyad par sda mas

shes par bya/ /ma byin len pa gzhi las lci ba ni/ /mang dang
bzang dang yid brtan la 'khu zhing/ /'phrog dang dman dang bkren
dang rab byung dang/ /chos 'di pa dang gong

@66a @#/ /du chud pa dang/ /slob dang dgra bcom rang rgyal dge
'dun dang/ /mchod rten rdzas rnams rgu ba'am 'phrog pa'o/ /log
par g.yem? pa gzhi las lci

ba ni/ /ma dang de dang 'brel ba'am mdza' bo yi/ /chud ma'am dge
slong ma dang dge slob ma/ /dge tshul ma la nyal po byed pa dang/
/dbang po kha ru 'jug dang bsnyen gnas bsrung//

sbrum ma zla ba tshang dang nad pa dang/ /mchod rten nye 'khor
kun ngar nyal po byed/ /rdzun du smra ba gzhi las lci ba ni/
/'brid cing bslu bar 'dod pas don mang pos/ /smra dang ba

dang ma nas sangs rgyas kyi/ /bar dang bzang po dang na mdza' bo
la/ /smra dang srog gcod la sogs gsum lci ba/ /skyed pa smra
dang dge 'dun dbye ba'i phyir/ /rdzun du smra

ba kun gyi nang nas lci/ /phra ma gzhi las lci ba ring po nas/
/mdza' dang bshes gnyen pha ma bu tsha 'am/ /dge 'dun 'byed dang
lus kyi gsum lci ba/ /skyed pa'o tshig rtsub

gzhi las lci ba ni/ /bla ma pha ma sogs la smra ba dang/ /rdzun
gyis rtsub po smra ba dang/ /rdzun gyis rtsub po smra dang mngon
sum du/ /gshe dang spyod dang brgyad bkag smra ba'o/ /ngag kyal
gzhi las lci ba

rdzun smra sogs/ /gsum po lci ba smra dang 'thab mo dang/
/mtshang 'bru ba dang rtsod dang 'gyed pa la/ /brten pa'i kyal
tshig chags pas phyir rol pa'i/ /bstan bcos

klogs pa sogs dang pha ma dang/ /nye du bla ma sogs la bsting
slad dang/ /co 'dri pa sogs brjod pa'o brnab pa'i sems/ /gzhi
las lci pa dge 'dun mchod rten gyi/ /

@66b dkor ba 'dod dang yon tan gyis rlom pas/ /rgyal po sogs
dang tshangs spyod mkhas nams las/ /shes kyi khe dang bkur sti
'dod pa'o/ /gnod sems gzhi las lci ba pha ma

dang/ /nyed du bla ma nyes med bkran pa dang/ /sdug bsngal pa
dang snying rje ba dag dang/ /nyes pa byed pa dag gis snying
thag pas/ /bshags pa byed la mnar sems skyed

pa'o/ /log lta gzhi las lci ba thams cad las/ /skur ba 'debs par
zhug sa dang 'jig rten na/ /dgra bcom pa dang yang dag par song
dang/ /yang dag par ni

zhugs pa med do ces/ /skur ba 'debs pa rnams te bstan ri ma las/
/dkon mchog gsum gyi dkor sogs brkub dang/ /pha ma sogs la log
spyod bslu byed cing/ /

'byed dang rtsub pos spyo dang co 'dri dang/ /'dod dang gnod
sems thams cad med lta lci/ /zhes so so'i dngos gzhir lci tshul
drug/ /gsungs pa'i mngon par 'du byed

dug gsum dang/ /de gsum med pa'i dge rtsa drag po yis/ /las
gnyis kun nas slong ba'o gom pa ni/ /las gnyis ring nas bsten
gom grang mang byas/ /ngo bo nyid

kyis lus dang ngag gi bdun/ /snga ma snga ma phyi ma phyi ma
las/ /lci zhing gsum ni snga ma snga ma las/ /phyi ma phyi ma
lci'o gzhi las ni/ /sangs rgyas dam chos dge

'dun bla ma dang/ /pha ma sogs la phan gnod byed pa'o/ /mi mthun
pa'i phyogs gcig tu nges pa ni/ /ji srid 'tsho bar gcig tu mi
dge'i las/ /blangs te

@067a @#/ /'dug la dge ba sna gcig kyang/ /mi byed pa'o mi
mthun phyogs sel ba/ /mi dge spangs te dge ba'i las sbyong ba/
/rnams su bshad cing

bshes pa'i sbring yig las/ /rtag dang mngon par zhen dang
gnyen po med/ /yon tan gtso ldan gzhi las byung ba'i las/ /dge
dang mi dge rnam lnga chen po ste/ /de las dge

ba spyod la brtson par gyis/ /zhes pas rtag par rgyun du byed
pa dang/ /mngon par zhen pas byed dang gnyen po'am/ /'joms
byed med dang yon tan gtso ldan gzhi/ /dkon

mchog sogs dang phan 'dogs pa yi gzhi/ /pha ma sogs la brten
pa'i dge ba dang/ /mi dge ba yi las rnams chen por bshad/
/gnyis pa stobs dang ldan pa'i las

kyi sge/ /bsdus te bstan la gzhi las zhing las ni/ /bla ma
dkon mchog gsum dang bla ma dang/ /'dra dang pham sogs la bsam
pa ni/ /shugs drag med cing phan

gnod chung du zhig /byas kyang bsod nams dang ni nyes dmigs
che/ /de yang mdo sde dran pa nyer bzhag las/ /sangs rgyas
chos dang dge 'dun dag las ni/ /cung

zad blangs na'ang nyes pa chen por 'gyur/ /snga ma gnyis las
blang ba rigs mthun par/ /slar la phul na nyes pa dag 'gyur
la/ /dge 'dun gyi ni tshor ba ma myong

par/ /dag par mi 'gyur zhal du 'du pa'i sgo/ /blang na sems
can dmyal ba chen por ltung/ /'du sgo min na mnar med nye
'khor gyi/ /mun nag chen por skye

@067b bar 'gyur zhes gsungs/ /mdo sde nyi ma'i snying por dge
'dun gyi/ /rdzas las 'dab ma tsam zhig tshul 'chal gyis/ /sbyad na
sems can dmyal ba chen por skye/ /

brgyal ring nas thar yang 'brog dgon par/ /dud 'gro rkang ba
lag pa med pa dang/ /yi dgas long pa rkang lag med pa ru/
/skyes te lo mang sdug bsngal myong bar gsungs/

gzhan yang dge 'dun snge dang dge slong la/ /bsngos ba'i me
tog tsam yang rang nyid kyis/ /spyod dang khyim pa la ni ster
ba dang/ /khyim pa dag gis sbyod du mi rung bar/ /

gsungs shing nyes dmigs che bar de nyid las/ /sbu gri rnon po
dag gis su/ /rang gi yan lag gtubs pa bla'i/ /dge 'dun dag la
bsdos zin pa/ /khyim pa rnams la

sbyin mi bya/ /me lce 'bar ba lta bu yi/ /lcags kyi thu lum
zos pa bla'i/ /dge 'dun dag las gang de ni/ /dge 'dun gyi las
longs mi sbyad/ /lhun po dang ni 'dra

ba'i me/ /blang ba byas te zos pa bla'i/ /khyim par gyur pas
dge 'dun gyi/ /longs spyod par ni mi bya'o/ /thams cad dbyung
ba byas pa dang/ /gsal zhing steng du

btegs pa bla'i/ /khyim par gyur pas dge 'dun gyi/ /longs spyod
par ni mi bya'o/ /me mdag dag gis gang ba yi/ /gnas khang der
ni zhugs pa bla'i/ /khyim pas

dge 'dun gnas khang du/ /mtshan mo gnas par mi bya'o/ /zhes so
dad pa'i stobs skyed la 'jug pa'i/ /phyag rgya'i mdo las 'ga'
zhig khros nas ni/ /phyogs bcu'i

@068a @#/ /sems can btson ra mun nag tu/ /bcug pa bas kyang
khros te byang sems la/ /rgyab kyis phyogs te 'dug nas ma rung
ba/ /'di la mi lta zer na sdig

pa ches/ /grangs med skyed dang 'dzam gling sems can gyi/
/bdog pa thams cad 'phrog las byang sems la/ /smad na sdig pa
sngar ltar skyed pa dang/ /mchod rten gang ga'i

klung gi bye ma snyed/ /bshigs dang bsregs pa las kyang theg
chen la/ /mos pa'i byang sems la ni gnod sems dang/ /khong
khro skyed cing mi snyan tshig smran/ /nyes pa sngar ltar

gsungs shing nges pa dang/ /ma nges pa la 'jug pa phyag rgya'i
mdor/ /phyogs bcu'i sems can rnams kyi mig byung bar/ /byams
pa'i sems kyis mig slar bskyed pa

dang/ /sems can snga ma de rnams btson ra nas/ /bton te 'khor
lo'i bsgyur ram tshangs pa yi/ /bde la bkod pa bas kyang rim pa
ltar/ /theg pa chen por

mos pa'i byang sems la/ /dangs pas blta dang dang sa pas lta
'dod cing/ /bsngags pa brjod na bsod nams ches che ba/ /grang
med skyed par gsung la rab tu ni/ /

zhi ba rnam par nges pa'i cho 'phrul mdor/ /'dzam gling sems
can kun gyi srog bcad dam/ /bdog pa 'phrogs las byang chub
sems dpa' yis/ /than dud 'gro

gcig la zan chang gcig/ /sbyin pa'i dge la bar chad byas gyur
na/ /sdig pa shin du che ba grang med pa/ /bskyed par gsungs pa
'di rnams legs bsam nas/ /

@068b gnas 'dil ni shin du gzab par bya/ /rten gyi sgo nas
lcags gong chung du yang/ /chu yi gting du 'byid la gong bu
de/ /snod du byas tshe che yang steng du 'phyo/ /

de bzhin blang dor gnas la rab rmongs pas/ /nyes pa nyes par
mi shes 'gyod sems dang/ /bshags sdom mi byed dge ba mi spyod
pa'i/ /mi mkhas pa yis

sdig pa chung du zhig /da lta rnam par smin pa myong rgyu
yang/ /bsgyur te dmyal bar smin pa'i lci 'gyur la/ /nye sa pa
nyes par shes nas snga ma la/ /'gyod cing

mi gsang phyi ma sdom pa dang/ /gnyen po dge ba byed pa'i
mkhas pa la/ /sdig pa chen po'ang rnam smin yang 'gyur zhing/
/chung du'ang nyes par shes kyang khyad gsod kyis/ /

shes bzhin 'jug pa'i mkhas rlom la ni lci/ /gzhan yang gti mug
shes che dge rtsa chung/ /sdig pa'i las lci 'gyod tshang ma
byas dang/ /thog mar dge ba mi sbyod rnam pa lngas/ /

nyes pa rnam par smin pa yang ba'ang/ /dmyal bar smin par
'gyur zhes 'das chen las/ /gsungs shing rin po che yi phung po
las/ /stong gsum sems can theg chen

la zhugs te/ /'khor bsgyur rgyal srid ldan pa re res kyang/
/mar snod rgya mtsho tsam la snying po ni/ /ri rab tsam gyi mar
mes sangs rgyas kyi/ /mchod rten

mchod pas byang sems rab byung bas/ /mar me'i snying po 'bru
mar gyis bskus pa/ /mchod rten drung du 'dzin pa'i bsod nams
kyi/ /brgya yi char yang phod par mi

@069a @#/ /'gyur gsungs/ /'di yi rig pas sdom pa med pa dang/
/yod dang yod la'ang gcig ldan gnyis ldan dang/ /gsum ldan
rnams kyi lam la

slob pa yang/ /phyi ma phyi ma snga ma snga ma las/ /sa chod
che zhing khyim pa lta bu yis/ /sbyin gtong la sogs dge ba
byed pa'i tshe/ /bsnyen gnas lta bu'i sdom pa dang

ldan pas/ /byed dang sdom pa med pas byed pa gnyis/ /dge rtsa
che chung khyad par che bar gsal/ /mi dge bcu ldan zhig gis lo
brgya'i bar/ /rgyun chad med par sdig pa

bsags pa las/ /tshul 'chal drang srong rgyal mtshan gyis g.yogs
nas/ /dad bas byin pa zhag gcig longs spyod pa/ /nyes pa che
bar tshul 'chal tshar gcod pa'i/ /

mdo las gsungs shing 'dul ba rnam 'byed las/ /lcags gong me
lce 'dra ba dag /zos bar gyur pa mchog yin gyi/ /tshul 'chal
yang dag mi sdom pas/ /

nye 'khor bsod snyoms za ba min/ /zhes pas tshul khrims 'chal
ba dang/ /bslab pa lhod pe gnyis kar gsungs/ /bshes gnyen ston
pas chos la brten pa

yi/ /sdig pa'i gam na mi dge ba cu po ni/ /sdig pa brud brud
yin gsungs med par snang/ /dngos po'i sgo nas sbyin dang mchod
pa la/ /chos sbyin dang ni sgrub

pa'i mchod pa gnyis/ /mchog ste des mtshon gzhan yang shes par
bya/ /bsam pa'i sgo nas stong gsum sems can gyis/ /sangs rgyas
mchod rten ri rab tsam

@069b byas te/ /skal pa ji snyed bsti stang byas pa las/ /sems
pas byang chub sems dang ma bral bas/ /me tog gcig tsam dor
ba'i bsod nams ni/ /che bar rin chen

phung po'i mdo las gsungs/ /de bzhin thob bya mchog dman la
dmigs dang/ /rang gzhan don la dmigs pa'i bsam pa dang/ /bsam
pa de yang shugs ni drag zhan dang;

rgyun yang ring thung sogs kyis phan yon gyi/ /khyad par shes
par bya'o nyes spyod kyang/ /nyon mongs bsam pa shugs drag
rgyun ring ba/ /stobs che de yi nang nas khong khro ni/ /dge
rtsa

'joms stobs che ste sbyod 'jug las/ /bskal pa stong du bsags
pa yi/ /sbyin dang bder gshigs mchod la sogs/ /legs spyad gang
yin de gun yang/ /khong khro gcig

gis 'joms par byed/ /ces so tshangs pa mtshungs par spyod pa
dang/ /de las rgyal ba'i sras la khros pa ni/ /shin du lci ste
ting 'dzin rgyal po las/ /gcig la gcig kyang

gnod sems byas na ni/ /de la tshul khrims thos pas skyob mi
nus/ /bsam gtan mi skyob dgon gnas skyob mi nus/ /sbyin pas mi
skyob sangs rgyas mchod pas min/ /

zhes dang zhi ba lha yi spyod 'jug las/ /gad zhig de 'dra'i
rgyal sras sbyin bdag la/ /gal te ngan sems skyed par byed pa
de/ /ngan sems skyed pa'i grangs bzhin skal par ni//

dmyal bar gnas par 'gyur zhes thub pas gsungs/ /zhes so gsum
pa las de'i 'bras bu la/ /gsum las rnam smin 'bras bu las lam
bcu/ /re re yang ni dug

@070a @#/ /gsum che 'bring dang/ /chung du gsum la brten pa'i
gsum gsum mo/ /de la chen po bcu po re re yis/ /dmyal bar skye
dang 'bring bcu re re yis/ /yi

dgas 'gro bar skye zhing chung du bcu/ /re res dud 'gror skye
bar sa'i dngos gzhir/ /gsungs la de bzhin bstan pa'i rim pa
las/ /'di rnams che 'bring chung dur bshad pa yis/ /

dmyal ba yi dgas dud 'gror skye ba ste/ /gtso cher chags sdang
rmongs pa che 'bring dang/ /chung dus phye ba'i las lam rnams
las so/ /zhes so rgyu mthun 'bras bu ngan 'gro nas/ /mi ru

skyes kyang rim bzhin tshe thung dang/ /chung ma ma bsrungs
skur ba mang ba dang/ /mdza' dang 'byed dang yid mi 'ong gi
sgra/ /thos dang gzhan gyis rang gi tsheg mi nyan/ /'dod chags
zhe sdang

gti mug shas che bar/ /'gyur bar gsungs shing de ltar de nyid
las/ /de nas thar kyang mtho ris dag tu ni/ /rgyu mthun tshe
thung dbul zhing chung ma lhod/ /skur mang mdza' bral mi snyan
tshig

mi nyan/ /'dod chags zhe sdang gti mug lhag spyad 'gyur/ /zhes
dang bden pa po yi le'u dang/ /sa bcu'i mdo las mi dge re re
la/ /'bras bu gnyis gnyis gsungs te mir skyes kyang

tshe thung nad mang pa dang 'byor ba chung/ /gzhan dang thun
mong pa dang g.yogs 'khor ni/ /mi srun pa'am yid brtan mi
rung la/ /chung ma 'gran zlar bcas dang skur ba mang/ /gzhan
gyis bslu

dang g.yogs 'khor mi 'dum zhing/ /ngan dang yid mi 'ong gi
sgra thos shing/ /'thab mo'i tshig tu 'gyur dang smras pa'i
tshig /mi btsun pa'am gzungs par mi 'os shing/ /ma nges pa yi

@070b spob par gyur ba dang/ /'dod pa cha zhing chog mi shes
pa dang/ /mi phan 'tshol ba'am phan pa mi 'tshol dang/ /gzhan la
gnod pa'am gzhan gyis gnod byed dang/ /lta bar ngan zhing
g.yo

sgyu can du 'gyur/ /gsungs shing bla ma gong ma rnams kyis ni/
/'di rnams myong ba rgyu mthun 'bras bu dang/ /mir skyes na
yang srog gcod ma byin len/ /log g.yem sogs la lhag par

dga' 'gyur ba/ /byed pa rgyu mthun gyi ni 'bras bur bzhed/
/bdag po'i dbang gi 'bras bu rim pa bzhin/ /mi ru skyes tshe
snod kyi 'jig rten gyi/ /'bras bu mthu chung ba dang mi smin

dang; /'drul dang gzhan du 'gyur dang shin te mar/ /'gyur dang
mi zhim pa dang mi brtan dang/ /chung dang gnod dang med par
'gyur ba ste/ /de skad du yang bstan pa'i rim pa las/ /

dbang gi 'bras bu phyi yi dngos po rnams/ /mthu chung mi smin
'drul zhing gzhan du 'gyur/ /shin tem dang ro ngan mi brtan
dang/ /'bras bu chung dang gnod dang med 'gyur pa'o/ /de yang

rgyas par bshad na srog gcod kyis/ /snod kyi bza' btung sman
dang 'bras bu sogs/ /mthu chung skem dang nus stobs chung ba
dang/ /'ju dka' nad gzhi skyed pa'i sems can rnams/ /

phal cher tshe ni zad par ma gyur kyang/ /'chi bar 'gyur ro ma
byin len pa yis/ /'bras bu nyung dang mi grub thong ba dang/
/char ches pa dang than ches med par 'gyur/ /log g.yem gyi
nis phyogs

gshang lci dang/ /'dam snga ba ljan na ljin mi gtsang dring
mang/ /nyam nga ba dang nyam mi dga' pa'o/ /rdzun gyis zhing
las dang ni gru spyod pa'i/ /las mtha' mi rgyas mthun par mi
'gyur zhing/ /

@71a @#/ /phal cher slu dang 'jigs dang 'jigs ba'i rgyu/ /mang
po ldan pa'i sa yi phyogs su skye/ /phra mas sa phyogs 'bar
'bur lcang lcong dang/ /mthon dman che dang bgrod

dka' 'jigs pa dang/ /'jigs su rung ba'i rgyu dang ldan pa'o/
/tshig rtsub kyis ni sa phyogs sdong dum dang/ /tsher ma rdo
dang gseg ma gyo mo mang/ /rtsub dang mi snum 'bab chu sogs

med dang/ /skam dang tshwa sgo dgon dung tha chad dang/ /sdig
pa can gyi gzhi dang 'jigs pa'i rgyu/ /mang po ldan pa'o kyal
bas ljon shing la/ /'bras bu dus su mi 'chags dus min 'chags/

ma smin smin par snang dang ljon shing gi /rtsa ba mi brtan
ring du mi gnas dang/ /kun ra nags tshal rdzing bu nyam dga'
ba/ /dkon zhing 'jigs pa'i rgyu ni mang ba'o/ /brnab sems

kyis ni phun sum tshogs pa kun/ /lo dang dus tshig zla ba zhag
rer yang/ /nyams shing 'bri la 'phel bar mi 'gyur pa'o/ /gnod
sems kyis ni yam dang gnod pa dang/ /nad 'go ba dang/

'khrugs long mang ba dang/ /sengge stag sprul sdig pa srin bu
dang/ /gnod sbyin gdug pa chom rkun mang ba'o/ /log ltas snod
kyi 'byung khungs mchog nub cing/ /mi gtsang ba dang sdug
bsngal

ba dag ni/ /mchog tu gtsang dang bde bar snang ba dang/ /gnas
dang skyob dang skyabs med 'gyur pa'o/ /gnyis pa dkar po'i las
'bras bsam la gnyis/ /las dang 'bras bu bsam pa'o

dang po ni/ /srog gcod spong ba'i las lam la mtshon na/ /gzhi
ni sems can gzhan don bsam pa ni/ /sog gcod nyes dmigs mthong
nas spong 'dod sems/ /sbyor ba gsod pa sdom

@071b pa'i 'du byed de/ /mthar thug bsdam pa rdzogs pa'i lus
kyi las/ /tshul 'dis dkar po'i las lam lhag ma dgu'i/ /rnam
bzhag shes par bya ste bstan rim las/ /sems can gzhan

gsod nyes dmigs lta ba yis/ /bsrung sems dge dang ldan pas de
sdom ba'i/ /sbyor las yang dag blang sti gnas pa dang/ /gzhan
yang de bzhin ci rigs sbyor bar bslab/ /zhes pa

ltar ro gnyis pa 'bras bu la/ /gsum las rnam par smin pa'i
'bras bu ni/ /dge las chung 'bring chen pos rim pa bzhin/ /mi
dang 'dod pa'i lha dang khams gong ma'i/ /lha ru skye'o rgyu

mthun bdag 'bras ni/ /mi dge bcu yi rgyu mthun bdag 'bras las/
/bzlog te tshe ring ba dang bza' btung ni/ /mthu dang nus pa
che ba la sogs 'byung/ /dge ba'i las lam bcu po

'di dag ni/ /'khor bas skrag nas snying rje chen po dang/
/bral bar gzhan gyi sgra yi rjes 'brang nas/ /sbyang ba las ni
nyan thos 'bras bu 'grub/ /snying rje che bral gzhan dring mi
'jog cing/ /

rang nyid 'tshang rgyar 'dod nas rten 'brel gyi/ /'jug ldog
legs par shes pas sbyangs pa la/ /brten nas rang sangs rgyas
kyi 'bras bu 'grub/ /sems can gzhan la phan sems rgya che bas/

snying rje thabs mkhas smon lam chen po dang/ /sems can thams
cad yongs su mi gtong dang/ /sangs rgyas ye shes shin du rgyas
pa la/ /dmigs pas sbyangs na byang chub sems dpa'

yi; /sa dang pha rol phyin pa thams cad 'grub/ /de dag rnam pa
kun du chos sbyangs pas/ /yang dag rdzogs sangs rgyas kyi chos
thams cad/ /'grub bar 'gyur zhes sa bcu'i mdo las 

@72a @#/ /gsungs/ /gsum pa las kyi rab tu dbye ba gzhan/ /bstan
la 'phen rdzogs gnyis kyi dbye ba ni/ /bde 'gror 'phen pa'i las
ni dge ba dang/ /ngan 'gror

'phen pa'i las ni mi dge ba/ /yin la rdzogs byed la ni nges med
de/ /bde 'gror skyes kyang yan lag nying lag dang/ /dbang po ma
tshar ba dang mi sdug dang/ /tshe thung nad mar dbul sogs mi

dges byed/ /dud 'gro klu dang yi dags 'gal zhig la'ang/ /dpal
'byor phun tshogs yod pa dge bas byed/ /de ltar na ni 'phen byed
dge ba yis/ /'phang la rdzogs byed dge bas

rdzogs pa dang/ /mi dges rdzogs pa gnyis dang mi dge bas/
/'phang la rdzogs byed mi dges rdzogs pa dang/ /dge bas rdzogs
pa gnyis te mu bzhi'o/ /mdzod las gcig gis skye ba

gcig 'phen no/ /yongs rdzogs byed pa du ma yin zhes bshad/ /kun
btus las ni 'phen byed las gcig gis/ /lus gcig 'phen dang du ma
'phen pa'ang yod/ /'phen byed du mas

lus gcig 'phen pa dang/ /du ma 'phen par byed pa'ang mod ces
gsungs/ /'grel bar las kyi skad cig gcig gis tshe/ /gcig gi rnam
smin sa bon gso pa dang/ /gcig gis tshe rabs

du ma'i rnam smin gyi/ /sa bon gso dang skad cig mang po yis/
/tshe gcig nyid kyi sa bon yang dang yang/ /gso dang mang po phan
tshun ltos nas ni/ /tshe rabs gcig nas gcig tu brgyud pa yi//

sa bon yang dang yang du gso la bshad/ /myong bar nges dang ma
nges sa gnyis ni/ /sa yi dngos gzhir bsam bzhin byas pa dang/
/bsags pa gang yin myong bar nges pa'i las/ /bsam

@72b bzhin byas lam bsags gang yin pa/ /myong bar ma nges pa yi
las su bshad/ /byas dang bsags pa'i khyad par de nyid las/ /bsam
pa'am bsam nas lus ngag gang rung gis/ /

kun gnas bslang pa gang yin byas pa'i las/ /rmi lam rmi tshe byas
dang ma shes par/ /byas dang bsam bzhin min par byas pa dang/
/shugs drag min la rgyun chags ma yin par/ /

byas dang nor bar byas dang brjed pas ni/ /byas dang mi 'dod
bzhin du byas pa dang/ /lung du ma bstan pa dang 'gyod pa yis/
/bsal dang gnyen po sgom pas bsal ba ste/ /bcu po

'di lam gtogs pa yi las/ /gzhan rnams bsags pa'i las dang rmi
lam du/ /byas pa la sogs bcu ni ma bsags pa'i/ /las su gsungs pa
ltar du shes par bya/ /gtan la

bab pa bsdu bar mu bzhi bshad/ /de yang srog gcod byas lam bsags
dang/ /mi mkhas pa yis byas dang rmi lam na/ /byas dang ched du
gnyer nas ma byas dang/ /mi 'dod bzhin du

gzhan gyis byed bcug dang/ /lan gcig byas shing 'gyod cing sdom
sems kyis/ /shin du srab mor byas dang 'jig rten pa'i/ /lam gyis
nyams smad pa dang 'jig rten las/ /'das

pa'i lam gyis sa bon bcom pa'o/ /bsags lam byas gsad phyir yun
ring nas/ /rtog cing dpyod la srog ni ma bcad pa'o/ /byas la
bsags pa snga ma gnyis las gzhan/ /srog bcad

pa'o ma byas ma bsags pa/ /gsum po de dag gang du'ang ma gtogs
pa'o/ /tshul 'di ma byin len nas ngag kyal bar/ /ci rigs sbyar
bya yid kyi gsum la ni/ /bsags lam byas ched du

@73a @#/ /ma byas pa/ /gzhan gyis byed du bcug pa rnams med do/
/myong bar nges la dus kyi sgo nas gsum/ /mthong chos myong
'gyur las ni bsags pa'i tshe/ /

de nyid la ni 'bras bu smin 'gyur ba/ /de yang brgyad de lus
dang longs spyod dang/ /srid pa la ni lta ba shas che ba'i/
/bsam pas mi dge spyad pa tshe 'dir myong/ /de dag la ni ched du
mi lta

ba; ;shas che'i bsam pas dge ba tshe 'dir myong/ /de bzhin gzhan
la gnod sems shas che dang/ /phan sems che dang yon tan zhing
mchog la/ /mnar sems che dang dad mos

bsam pa che/ /phan 'dogs zhing la byas pa mi gzo dang/ /byas pa
gzo ba'i bsam pa shas che bas/ /mi dge ba dang dge ba'i 'bras bu
ni/ /tshe 'dir myong bar sa yi dngos gzhir

gsungs/ /skyes nas myong 'gyur skye ba gnyis pa la/ /'bras bu
myong zhing lan grangs gzhan la ni/ /myong bar 'gyur ba tshe gsum
phan chad du/ /smin par 'gyur pa'o dge dang mi dge'i

las/ /mang po yod pa ji ltar smin tshul ni/ /las gang lci ba de
ni thog mar smin/ /lci yang mnyam na 'chi dus mngon gyur pa/ /de
yang 'dra na goms shas gang che ste/ /de yang 'dran

thog mar byas pa de/ /sngon la smin par 'gyur te mdzod 'grel du/
/las kyis 'khor bar lci gang dang/ /nye ba gang dang gom pa
gang/ /sngon byas gang yin de las ni/ /snga ma snga ma rnam smin

'gyur; ;zhes pa drangs pa ltar du go bar bya/ /gnyis pa bye brag
du ni bsam pa la/ /mi dge bcu spong gis ni mngon mtho yi/ /rten
zhig rnyed kyang rnam mkhyen sgrub pa'i rten/ /mtshan nyid tshang

@73b ba sgrub na lam sgom pa'i/ /sa chod che bas rten de sgrub
par bya/ /'di la rnam par smin pa'i yon tan dang/ /rnam smin
'bras bu rnam smin rgyu gsum las/ /dang po yon tan la ni

brgyad yod de/ /tshe ring gzugs mdzes rigs mtho longs spyod dang/
/gnyen 'khor mang 'dzom tshig btsun dbang che ba/ /skyes pa nyid
gyur stobs dang ldan pa'o/ /'bras bu rim

bzhin yun ring dge mang sog /mthong ba tsam gyis gdul bya dga'
nas 'du/ /gzhan gyis bkur zhing bsgo ba tshul bzhin sgrub/ /zang
zing sbyin pas sems can 'khor du bsdud/ /snyan

par smra ba sogs kyis smin par byed/ /phan btags byas pa gzo
zhing bsgo ba nyan/ /'khor du mi 'jigs dben par gegs byed med/
/gang la'ang spro ba che la brtan pa ste/ /brgyad do

rnam par smin pa'i rgyu la yang/ /brgyad las dang po gzhan la mi
'tshe dang/ /mi 'tshe'i bsam pa bsten la sogs pa ste/ /gsod sar
chud pa legs btang dang/ /de bzhin srog gis phan

btags shing/ /srog chags 'tshe ba las ldog pas/ /tshe ring ba ni
thob par 'gyur/ /nad pa'i bsnyen bkur byas sman pa/ /sman ni rab
tu byin pa dang/ /srog chags bong ba dbyig

sogs kyis/ /'tshe ba med las nad med yin/ /zhes pa ltar ro gnyis
pa mar me dang/ /gos gsar rgyan sbyin bzod pa bsten pa ste/
/khro ba med la brten pa dang/ /rgyan sbyin pa yis

gzugs bzang nyid/ /phrag dog med pa'i 'bras bu ni/ /skal ba
bzang por rab tu bshad/ /ces pa ltar ro gsum pa bla ma dang/
/dkon mchog sogs la phyag dang gus pa dang/ /nga rgyal

@74a @#/ /bcom nas gzhan la dran ltar gus/ /bzhi pa zas gos la
sogs slong pa la/ /sbyin dang sdug bsngal pa dang yon tan zhing/
/yo byad med la sbyin dang phan 'dogs pa'o/ /

lnga pa sdzun tshig la sogs ngag gi bzhi/ /spong la goms par byed
pa'o drug pa ni/ /yon tan sna tshogs sgrub par smon lam 'debs/
/mchog gsum bla ma pham la sogs mchod/ /bdun pa

skyes pa'i yon tan la dga' zhing/ /bud med dngos po la ni nyes
dmigs su/ /lta dang bud med lus 'dod 'dun pa zlog /pho dbang
gcod pa rnams las thar bar byed/ /brgyad pa gzhan

gyis mi nus rang gis byed/ /rang dang sdom pas nus la grogs byed
cing/ /bza' ba dang ni btung pa ster pa'o/ /rgyu brgyad rang la
ltos pa'i sems dag pa/ /gnyis ni snying nas shugs

drag sgrub pa dang/ /dge rtsa byang chub snying por bsngo ba'o/
/gzhan la ltos pa gnyis ni chos mthun pa/ /rab 'bring ba mar
phrag dog 'gran brnyas spang/ /dga' zhing nyin bzhin spyad byar
mang du

rtog ;sbyor ba dag pa rang la ltos nas ni/ /dus ring bar ma chad
dang shugs drag pa'o/ /gzhan la ltos pa ma blang len tu gzhug
/blang rnams dga' bskyed rgyun du byed du gzhug /zhing dag pa ni

bsam sbyor de dag nyid/ /'bras bu bzang mang ster bas zhing du
bzhag /de dag rnams ni byang sar gsungs pa la/ /'grel bar gsungs
pas bskang nas bshad pa'o/ /gsum pa bsam nas

'jug ldog bya tshul la/ /spyir bstan pa dang stobs bzhis sbyang
tshul gnyis/ /dang po spyir na las 'bras bsam pa la/ /do gal shin
du che dgos spyod 'jug las/ /mi dge ba las sdug bsngal

@74b 'byung; ;de las ji ltar nges thar zhes/ /nyin mtshan rtag tu
bdag gis ni/ /'di nyid 'ba' zhig bsam par rigs/ /zhes dang dge
ba'i phyogs ni thams cad kyi/ /rtsa ba mos par thub pas

gsungs/ /de'i yang rtsa ba rtag tu ni/ /rnam smin 'bras bu
bsgoms pas so/ /zhes gsungs pa ltar dkar nag gi /las dang 'bras
bu shes byas nas/ /shes pa tsam la mi 'jog par/ /

yang dang yang du bsgom dgos te/ /'di nyid shin du lkog gyur
pas/ /nges pa rnyed pa dka' phyir ro/ /de yang ting 'dzin rgyal
po las/ /zla ba skar mar bcas pa gnas ltung shing/ /ri dang
grong de

bcas pa'i sa zhig la/ /nam mkha'i kham ni rnam pa gzhan gyur
kyang/ /khyod ni mi bden pa yi tshig mi gsung/ /zhes gsungs pa
ltar de bzhin gshegs pa yi/ /gsung la yid ches byas nas bskyang

dgos te/ /'di la bcos min nges pa ma rnyed na/ /gang la'ang
rgyal ba dgyes pa'i nges mi rnyed/ /kha cig stong pa nyid la
nges rnyed skad/ /zer nas las 'bras khyad du gsod pa ni/ /stong
pa phyin ci log

tu go ba ste/ /stong nyid go na de nyid rten 'brel gyi/ /don du
mthong nas las 'bras rnam bzhag la/ /nges pa skye ba'i grogs
byed de nyid las/ /sgyu ma chu bur smig rgyu glo 'dra zhing/
/chos rnams thams

cad chu yi zla ba bzhin/ /shin sa 'jig rten pha rol 'gro ba yi/
/sems can shed las skyes pa mi dmigs kyang/ /las rnams byas pa
med par mi 'gyur te/ /dkar nag ji bzhin 'bras bu smin par byed/
/

rigs pa'i tshul gyi sgo 'di bzang po ste/ /phra zhing mthong dka'
rgyal ba'i spyod yul yin/ /zhes so des na las dang 'bras bu la/
/nges pa bskyed nas nyin mtshan thams cad du/ /rang gi sgo gsum
ji ltar

@75a @#/ /spyod cing 'dug /snyam du rtog cing mi dge'i spyod pa
las/ /log ste dge la 'jug na ngan song du/ /skye ba gcod par
rgya mtshos zhus las bshad/ /de ltar brtag na chos dang rang cag

gnyis; ;bar 'gyang chen po yod par skyes rabs las/ /nam mkha'
dang ni sa gzhi'i bar yang ring/ /rgya mtsho'i pha rol tshur rol
'gram yang ring/ /shar nub gnyis kyi ri bar de bas ring/ /phal
dang

dam pa'i chos kyang de bas ring/ /zhes pas bshad de rang rgyud
las 'bras dang/ /bsdun tshe chos dang yen sam mthun pa/ /rigs na
mkhas pa yin cing ma rig na/ /byis pa'i tha chad yin te tshom las
ni/ /

byis pa gang zhig byis pa'o zhes/ /shes pa de 'dir mkhas pa yin/
/byis pa gang zhig mkhas sems pa/ /de ni byis pa zhes brjod do/
/zhes so de ltar chos dang ma mthun pa/ /rig nas nyes par

spyod las ldog dgos la/ /ldog tshul bden pa po yi le'u las/
/rgyal po khyod ni srog gcod ma mdzad cig /skye bo kun la srog
ni rab tu 'phang/ /de bas yun ring tshe bsrungs su 'dod pa/ /yid
kyi dbu

la'ang srog gcod mi bsam mo/ /zhes gsung pa ltar mi dge bcu la
sogs/ /kha na ma tho ba yi las rnams la/ /kun slong bsam pa tsam
yang mi rgyu bar/ /sdom sems kun du bsten goms lan mang bya/ /

de ltar nyes par spyod las ma log na/ /sdug bsngal mi 'dod bzhin
du myong dgos pas/ /'phral du cung zad bde bar snang na yang/
/'bras bu smin tshe mchi mas gdong g.yogs te/ /mi 'dod bzhin du
bsten

dgos las la 'dzem/ /rnam smin myong tshe dga' bde la sbyod pa'i/
/las rnams bya bar rigs te tshom las kyang/ /khyod ni sdug bsngal
gyis 'jigs shing/ /khyod la sdug bsngal mi sdug na/ /mngon sum

@75b dag gam lkog tu'ang rung/ /sdig pa can gyi las mi bya/ /gal
te sdig pa'i las byas sam/ /byed kyang rung ste khyod kyis ni/
/ko gces langs te bros byas kyang/ /sdug bsngal las ni thar mi
'gyur/ /

gang du gnas na las kyis mi tshug pa'i/ /sa phyogs de ni yod pa
ma yin te/ /bar snang la med rgya mtsho'i nang na med/ /ri bo
rnams kyi gseb tu zhugs kyang min/ /zhes dang/ byis pa shes

rab chung ngu dag /bdag la dgra bzhin byed pa yis/ /gang zhig
'bras bu tshar 'gyur pa'i/ /sdig can las ni spyod par byed/ /gang
dag byas pas gdung 'gyur zhing/ /mchi mas gdong g.yogs du

bzhin du/ /rnam smin so sor sten pa yi/ /las de dag ni ma byas
legs/ /gang zhig byas na mi gdung zhing/ /dga' zhing yid ni bde
ba yis/ /rnam smin so sor ston pa yi/ /las de dag ni

byas na legs/ /bdag nyid bde ba 'dod pa'i phyir/ /rgod cing sdig
pa'i las byas pa'i/ /sdig las de yi rnam smin dag /du bzhin
nyams su myong bar 'gyur/ /zhes dang/ sdig las 'phral du

nges par ni/ /mtshon bzhin gcod par mi byed kyang/ /sdig pa'i las
kyi 'gro ba dag /pha rol tu ni mngon par 'gyur/ /gang du de dag
rnam smin ni/ /tsha ba so sor sten pa yi/ /sdig pa'i las kyis

'gro ba dag /pha rol tu ni shes par bya/ /lcags las g.ya' ni
langs byung ? pa/ /langs pa des ni de nyid za/ /de bzhin ma
brtags byas pa yi/ /rang gi las kyis ngan 'gror 'gro/ /

zhes so 'gro ba gnyis su skye ba ni/ /las kyi dbang gis yin par
ma zad kyi/ /da lta rang cag rnams la bde sdug dang/ /legs nyes
gang byung thams cad las dbang gis/ /yin te sngon

@76a @#/ /tshe ston pa sangs rgyas kyis/ /gang zag su la nyes
skyon ci byung yang/ /phyogs ngan mkhar lan sogs kyi lan no
zhes/ /le lan gzhan la ma bdas las 'di 'dra/ /

byas pas 'di ltar 'gyur ro zhes bya ba/ /sha stag gsungs zhes
dge bshes sha ra bas/ /gsungs pa shin du med pas dkar nag gi
/las gnyis rags pa lta zhog phra mo la'ang/ /blang dor tshul

bzhin bya dgos der ma zad/ /sngon bsags sdig ltung che chung sna
tshogs pa/ /rgyud la yod cing da lta'ang sog bzhin pa/ /yin pas
de dag bshags pas ma sbyar na/ /de yi dbang gis sdug bsngal

nges par myong/ /des na sdig ltung sbyang dgos ltung ba ni/
/sdom gsum so so'i gzhung nas 'byung ba bzhin/ /phyir bcos tshul
la 'bad cing sdig pa ni/ /stobs bzhi'i bshags pas sbyong ba'i
tshul la

'bad; ;gnyis pa stobs bzhis sbyang tshul stobs bzhi po/ /tshang
ba'i bshags pas myong bar nges pa'i las/ /mtshams med sogs kyang
sbyong bar bstan rim las/ /rnam par sun 'byin gnyen

po kun du spyod/ /nyes pa las ldog rten gyi stobs rnams ni/
/'tshams med la sogs sdig pa'i tshogs chen yang/ /zil gyis gnon
cing sbyong bar rgyal bas gsungs/ /zhes pa ltar ro de la stobs

bzhi las/ /dang po sun 'byin stobs ni de nyid las/ /dang po
'gyod pas bdag la rab smad nas/ /dug zos smug ltar bshags pas
sbyang pa ste/ /nye bar 'khor gyis zhus dang bsngo ba'i rgyal/
/gser

'od dam pa'i cho gas bshags pa'o/ /zhes gsung pa ltar thog ma
med pa nas/ /mi dge bsags la 'gyod pa mang ba ste/ /'di skye ba
la sngar bshad mi dge'i 'bras/ /rnam smin la sogs skyed tshul
sgom

@76b dgos so/ /bsngo bgrang byed cing 'gyod pa'i lag len ni/
/nye bar 'khor gyis zhus las byung ba yi/ /sangs rgyas so lngar
brten pa'i bshags pa dang/ /yongs su bsngo ba'i rgyal po las
gsungs

dang; ;gser 'od dam pa'i bshags pa la sogs pa'i/ /mdo tshig ngag
tu brjod cing don yid la/ /bsam nas 'gyod pa drag pos bshags par
bya/ /gnyis pa gnyen po'i stobs ni de nyid

las; ;gnyis pa theg mchog mdo zab la sbyor dang/ /chos kun stong
pa nyid la 'jug pa dang/ /gsang sngags mthu chen bzlas brjod
byed pa dang/ /bder gshegs sku gzugs byed dang mchod la

sogs; ;zhes pa ltar ro bzang po spyod pa las/ /'tshams med lnga
po dag gi sdig pa rnams/ /gang gis mi shes dbang gis byas pa
dang/ /de yis bzang po spyod pa 'di brjod na/ /myur du ma

lus yongs su byang bar 'gyur/ /zhes pa kun tu bzang po'i smon
lam dang/ /sher phyin rgyas 'bring bsdus pa la sogs pa'i/ /mdo
sde'i tshig ni blo la len pa dang/ /'dzin dang klog dang kha ton

byed pa yi/ /mdo sde zab mo la ni brten pa dang/ /rmi lam bstan
pa'i mdo las ji skad du/ /ma skyes dgra yis pha ni bsad gyur
cing/ /de bzhin gshegs pa dgrong ba'i sbyor byas kyang/ /de

sems gcig gis ngan 'gro rnam grol na/ /gang zag dam pa gang yin
smos ci dgos/ /zhes bas bdag med 'od gsal chos nyid la/ /'jug
cing gdod nas dag par yid ches pa/ /sdig pa sbyong

byed mchog tu legs bsngags pas/ /zab mo stong pa nyid la mos pa
dang/ /dpung ba bzang pos zhus pa'i mdo sde las/ /so ka nags me
mched pa'i me lte yis/ /ma bsgrims bzhin du tshang

@77a @#/ /tshing kun sregs ltar/ /bzlas brjod me la tshul khrims
rlung gis sbar/ /brtson 'grus chen po'i me lces sdig pa sreg /ji
ltar gangs la nyi ma'i 'od zer gyis/ /gdungs

na gzi brjid mi bzod 'jub bzhin/ /tshul khrims nyi ma'i 'od zer
bzlas brjod kyis/ /gdungs na sdig pa'i gangs kyang zad par
'gyur/ /mun nag smag la mar me phyung ba yis/ /mun nag ma

lus sel bar byed pa bzhin/ /tshe rabs stong nas bsags pa'i sdig
pa'i mun/ /bzlas brjod mar mes myur du sel bar byed/ /zhes
gsungs pa ltar phan yon che ba yi/ /de bzhin gshegs

pa'i yig brgya la sogs pa'i/ /gzungs sngags zab mo sdig pa byang
ba yi/ /mtshan ma mthong gi bar du bzlas brjod bya/ /mtshan ma rmi
lam na ni zas ngan skyug /zho dang 'o ma la sogs 'thung ba dang/
/

skyug dang nyi zla mthong dang mkha' la 'gro/ /me 'bar ba dang
ma he mi nag thub/ /dge slong dge slong ma yi dge 'dun mthong/
/'o ma 'byung ba'i shing dang glang po dang/ /khyu mchog ri dang
ser khri khang bzang gi /

steng du 'dzegs dang dam pa'i chos nyan pa/ /rmis pa yin par
bskul byed gzungs las gsungs/ /de ltar bzlas brjod la ni brten
pa dang/ /'jam dpal rtsa ba'i rtog par ji skad du/ /bskal ba bye

par byas pa'i sdig /shin du mi bzad gang yin pa/ /sa steng ri mo
mthong ba yis/ /de yi mod la byang bar byed/ /ces pas bde bar
gshegs pa'i sku gzugs dang/ /mchod rten sa tstsha byed la

brten pa dang/ /dkon mchog gsum dang sku gzugs mchod rten la/
/dang pas mchod pa byed la brten pa dang/ /rin chen gtsug tor
can dang bder gshegs brgyad/ /sangs rgyas so lnga la sogs

@77b sangs rgyas dang/ /'od kyi tog dang ye shes bla ma dang/
/dbang po zhi dang smon lam blo gros dang/ /'jam dpal dbyangs
sogs byang sems mthu che ba/ /rnams kyi mtshan nas brjod la brten
pa ste/ /

bslab btus las ni dngos su gsungs pa drug /gzhan yang sdig sgrib
sbyong byed shin du mang/ /gsum pa ldog pa'i stobs ni de nyid
las/ /gsum pa nyes spyod ma lus sdom pa ni/ /sngar

bshad rnams kyang zad byed stobs bsten pa'o/ /zhes so nyes spyod
phyin chad sdom pa yis/ /sgo gsum las dang nyon mongs chos rnams
kyi/ /sgrib pa byas dang byed du bcug pa dang/ /rjes su yi

rangs sngan chad ci byas pa/ /thams cad 'joms par nyi ma'i
snying por gsungs/ /sdom sems med na rnam par sun 'byin dang/
/gnyen po kun tu spyod pas bshags pa yang/ /tshig tsam zhig tu
'gro

ba la dgongs nas/ /phyin chad sdom mam zhes pa'i dri ba ni/
/lung las gsungs zhes rgya cher 'grel las bshad/ /de phyir sdom
sems shin tu gal che la/ /de yang sun 'byin stobs la rag las so/
/

bzhi pa rten gyi stobs ni de nyid las/ /bzhi pa skyabs 'gro sems
bskyed brtan pa yi/ /rten las brdzi ba med pa'i gnas thob yin/
/zhes gsungs pa ltar dkon mchog skyabs 'gro dang/ /theg chen

sems bskyed gnyis la legs brten na/ /sdig pas bsji ? bar mi
'gyur chos nyid do/ /de ltar phag gi rtogs pa brjod ba las/
/gang dag sangs rgyas skyabs dong pa/ /de dag ngan 'gror 'gro mi
'gyur/ /

mi yi lus ni spangs nas su/ /de dag lha yi lus 'thob po/ /zhes
dang dkon mchog gzhan gnyis la'ang/ /de bzhin sbyar te gsungs pa
dang/ /byang chub sems dpa'i spyod 'jug las/ /sdig pa shin

@78a @#/ /du mi bzad byas na yang/ /dpa' la brten nas 'jigs pa
chen po ltar/ /gang la brten nas yud kyis grol 'gyur ba/ /de la
bag can rnams kyis cis mi brten/ /des

ni dus mtha'i me bzhin sdig chen rnams/ /skad cig gcig gis nges
par seg par byed/ /zhes pa ltar ro stobs bzhes sbyangs pa yis/
/sdig pa 'dag lugs ngan 'gror sdug bsngal ba/ /chen po

skyed pa'i rgyu rnams chung du tsam/ /skyed pa'i rgyu ru 'gyur
pa'am ran 'gro ru/ /skyes kyang de yi sdug bsngal mi myong
pa'am/ /da lta'i rten la mgo bo na ba tsam/ /byung bas dag nas
'gro dang rgyun ring por/ /

myong dgos rnams ni thung du'am gtan mi myong/ /la sogs ci rig
par ni 'gyur ba ste/ /de yang sbyong stobs che chung gnyen po
yi/ /stobs bzhi rdzogs dang ma rdzogs shugs drag zhan/ /sbyong
yun ring thung

sogs kyis yin pas na/ /bdag pa'i tshul ni gcig tu ma nges so/
/gzhan yang las rnams bskal pa brgyar yang chud mi za/ /zhes pa
stobs bzhi'i gnyen po med la dgongs/ /nges par myong

bar gsungs pa'ang de dang 'dra/ /ma nges pa ni gnyen po ma bsgom
kyang/ /'bras bu 'byin pa'i nges pa med pa la/ /byed pa yin par
brgyad stong 'grel chen du/ /gsungs shing bshags pas rnam

smin 'byin pa yi/ /nus pa nyams par byas rnams rkyen gzhan dang/
/'phrad kyang rnam smin 'byin par mi 'gyur la/ /da bzhin log lta
skyes dang khong khro yis/ /dge rtsa bcom pa'ang 'bras bu mi

'byin pa/ /gnyis po 'dra bar rtog ge 'bar gsungs/ /gal te myong
nges las kyang 'dag 'gyur na/ /las kyi rnam par smin pa ma gtogs
so/ /zhes pa mdo las gsungs pa ji snyam na/ /

@78b dmus long mig gcig zha 'theng 'on lkug sogs/ /las kyi 'bras
bu rnam par smin ? zin pa/ /bshags pa sogs kyis bzlog tu med la
dgongs/ /gal te las kyi 'bras bu ma phyung ba/ /tshul

bzhin bshags pas yongs su zad 'gyur na/ /ma skyes dgra dang bde
byed lta bu ni/ /mnar med pa ru skyes pa ci zhes na/ /las 'bras
la ni yid ches skyed pa'i phyir/ /mnar med sogs su skye ba

bstan pa tsam/ /yin gyi las rnams ma zad pa min te/ /dar gyi pho
long brdab las 'phar ba bzhin/ /der ni skyes kyang dmyal ba'i me
sogs kyis/ /reg pa med par de las thar ba'i phyir/ /des na

sdig pa rtsad nas 'byin par yang/ /grub cing las la 'bras bu med
pa yang/ /min par grub ces rtog ge 'bar bar bshad/ /bshags pas
sdig pa lhag med dag pa dang/ /dang po nyid nas ma gos pa

gnyis ni/ /khyad par shin tu che ste byang sems kyi/ /rtsa ltung
byung bas byang sdom slar blangs pas/ /'chos par nus kyang tshe
der sa dang po/ /thob mi srid ces byang sar gsungs pa dang/
/sdig

grogs dbang gis dam chos spongs pa'i las/ /bgyis pa des ni 'gyod
pas lo bdun gyi/ /bar du nyin rer dus gsum nyes pa la/ /nyes par
shes nas bshags na byang 'gyur te/ /de nas

rtsom pa ji ltar myur na yang/ /bzod pa thob la bskal ba bcu
dgos par/ /rnam par 'thag pa bsdus pa'i mdo las gsungs/ /des na
'bras bu yid mi 'ong 'byin pa/ /ma lus 'dag kyang rtog pa

skye ba sogs/ /ches cher ring du 'gro bas dang po nas/ /nyes pas
mgos pa la 'bad par bya/ /dper na rkang lag bsnang ba bcos rung
yang/ /sngar nas ma bsnad pa dang mi 'dra bas/ /

@79a @#/ /gtan nas ma bsnad pa la brtson dgos bzhin/ /de ltar
'bad pas tshom las ji skad du/ /sdig pa byas shing bsod nams ma
byas la/ /chos dang gol zhing chos min thob

pa'i mi; ;sdig pa'i las can 'chi bas 'jigs 'gyur te/ /chu chen
nang du gru ngan zhig pa bzhin/ /bsod nams byas shing sdig pa ma
byas la/ /dam pa rnams kyi lugs kyi chos spyad pas/ /de ni

nam yang 'chi bas 'jigs med de/ /brtan pa'i grub yis pha rol
'gro ba bzhin/ /gsungs pa'i gru ngan lta bur mi bya par/ /brtan
pa'i gru dang 'dra bar ci 'gyur bya/ /de yang tshul mthun rigs
par

ldan pa'i tshig /mang du smra yang pag med la 'jug na/ /don ni
chur la rigs par ldan pa'i tshig /nyung du zhig las mi shes mi
smra yang/ /gang shes 'dor len byed na don che ste/ /de skad du
yang

tshom las legs gsungs pa/ /gal te rigs bcas mang du smras kyang
ni/ /pag med mi dag de ltar byed mi 'gyur/ /dper na phyugs rdzis
gzhan gyi phyugs bgrang ltar/ /de dag dge sbyong

bskal ba thob ma yin/ /gal te rigs bcas nyung du smra byed
kyang/ /chos kyi rjes su chos la spyod pa dang/ /'dod chags zhe
sdang gti mug spong byed pa/ /de dag dge sbyong skal pa thob pa
yin/ /

dge slong bag yod la dga' zhing/ /bag med pa la 'jigs lta bas/
/bdag nyid ngan 'gro las 'grol ste/ /'dam rdzab las ni glang
chen bzhin/ /dge slong bag yod la dga' zhing/ /bag med pa

la 'jigs lta bas/ /sdig pa thams cad sbug par byed/ /rlung gis
ljon shing lo ma bzhin/ /zhes so mang du bshad pa de lta na/
/mgon po klu yis bshes pa'i spring yig las/ /gal te mtho

@79b ris thar pa mngon bzhed na/ /yang dag lta la goms pa nyid
du mdzod/ /gang zag log par lta bas legs spyad kyang/ /thams cad
rnam par smin pa mi bzad ldan/ /zhes dang bka' gdams bstan pa'i

rim par yang/ /grong dang grong khyer lo tog rmo brko ? yi/ /las
sogs kun gyi gzhi rten sa yin ltar/ /mtho ris byang grol sangs
rgyas chos kun gyi/ /mthar thug dge legs gzhi rten 'dir 'bad
bya/ /

zhes gsungs pa ltar rten cing 'brel 'byung ba/ /las gnyis rgyu
dang 'bras bur bcas pa la/ /tshul bzhin lta pa'i yang dag lta ba
'di/ /skyes bu'i gnas skabs don po mtho ris dpal/ /mthar

thugs don chen thams cad mkhyen pa'i lam/ /kun gyi gzhi dang
rten du med mi rung/ /yin phyir/ /gong du bshad pa de rnams
kyis/ /mtshon de 'dzangs blun dran pa nyer bzhag dang/ /las dang
rtog brjod brgya pa

'dul lung gi /rgyud gleng rnams dang gsungs rab gzhan rnams
kyang/ /bltas nas nges pa shugs drag rgyun ring ba/ /bskyed par
bya ba gnad kyi don du gzung/ /gnyis pa chung ngu'i bsam pa
skyes ba'i tshad/ /

sngar nas tshe 'di'i don gnyer bcos min pa/ /yod la phyi ma'i don
gnyer tshig rjes su/ /'brang pa'i go ba tsam du gyur pa de/ /go
sa 'phos nas phyi ma don gnyer ba/ /gtso bor song zhing tshe 'di
don gnyer ba/ /

zhar byung tsam du song na skyes pa yin/ /'on kyang de ni brtan
par bya dgos pas/ /skyes pa de yang 'bad de sbyang bar bya/
/gsum pa de la log rtog bsal ba ni/ /gsung rab rnams nas 'khor
ba'i phun

tshogs la/ /blo ldog dgos par gsungs pa la 'khrul pa/ /kha cig
lus dang longs spyod la sogs pa/ /phun sum tshogs pa'i mngon par
mtho ba ni/ /'khor ba yin pas de la don gnyer skyed/ /

@80a @#/ /mi rigs snyam na don du gnyer bya la/ /gnas skabs pa
dang mthar thug gnyis yod pa'i/ /'khor ba'i lus sogs phun sum
tshogs pa ni/ /grol ba don gnyer gyis kyang

gnas skabs su/ /don gnyer dgos te rten de rgyud pa las/ /mthar
ni nges legs thob par bya bas so/ /lus dang longs spyod 'khor
sogs phun tshogs pa'i/ /mngon mtho gang yin thams

cad 'khor ba yis/ /bsdus pa min te lus dang longs spyod sogs/
/phun sum tshogs pa pha mthar phyin pa ni/ /gzugs kyi sku dang de
yi zhing bzang gi /'byor ba dang ni 'khor rnams yin phyir ro/ /

de la dgongs nas byams pa'i mdo rgyan las/ /longs spyod dang lus
phun sum tshogs pa dang/ /'khor rtsom phun sum tshogs pa mngon
mtho dang/ /zhes pas phar phyin drug las dang po bzhis/ /mngon

mtho sgrub par gsungs shing tshad ldan gzhung/ /mang po zhig nas
phar phyin dang po bzhis/ /mthar thug gzugs sku sgrub par gsungs
phyir ro/ /des na rnam mkhyen don gnyer rnams kyis ni/ /sbyin
tshul

bzod pa la sogs ches mang zhing/ /phul du byung ba shin du yun
ring por/ /sgrub par byed pas sbyin sogs de dag gis/ /'bras bu
lus la sogs pa'i mngon mtho yang/ /phul du byung ba don du gnyer
ba

yin; ;mthar thug nges legs 'grub pa spyod 'jug las/ /mi yi gru
la brten nas ni/ /sdug bsngal chu bo che las grol/ /zhes gsungs
pa yis mtshon pa yi/ /bde 'gro'i rten bzang la brten nas/ /

srid mtsho che las brgal ba dang/ /kun mkhyen sa ru bgrod dgos
la/ /de yang tshe rabs du ma ru/ /brgyud dgos phyir na lus rten
de/ /sgrub par byed pa'i rgyu dam pa/ /tshul khrims lam gyi rtsa
ba yin/ /

@80b bde 'gro'i lus kyang rnam mkhyen bsgrub pa yi/ /rten gyi
mtshan nyid yongs su ma rdzogs pa'i/ /yon tan phyogs re ba dang
ldan pa yis/ /lam mchog bsgrub kyang sa chod chung bas na/ /rten
gyi mtshan

nyid yongs su rdzogs pa dgos/ /de la dge tshul la sogs bslab pa'i
gzhi/ /yongs su ma rdzogs pa yis mi chog pas/ /dge slong la sogs
so thar bslab pa'i gzhi/ /yongs su rdzogs par

bsrungs la 'bad dgos so/ /kha cig tshul khrims bsrungs pa bde
'gro'i phyir/ /yin na de ni bsnyen gnas tsam gyis kyang/ /'thob
pas bsrung par dka' la don chung ba'i/ /dge slong sogs kyis

ci bya zer ba dang/ /gzhan dag so thar bsrung ba'i dgos pa ni/
/dgra bcom 'thob phyir yin na bsnyen rdzogs kyi/ /sdom pa lo ni
nyi shu ma lon par/ /blang du mi rung dge bsnyen rten la yang/
/dgra bcom

'thob tu yod pas dge bsnyen gyi/ /rten de bsngags kyi dka' la
don chung ba'i/ /dge slong gis ni ci zhig bya zhes sogs/ /smra
ba rnams ni bstan pa'i gnad kyi don/ /ma shes pa yi cal col chen
po ru/ /

shes par byas la so so thar ba yi/ /sdom pa 'og ma 'og ma gzhi
rten du/ /byas te gong ma gong ma blang nas ni/ /bslab gzhi
yongs rdzogs bsrungs la 'grub par bya/ /skyes bu chung du dang
ni thun mong ba'i/ /

lam gyi rim par sbyor tshul bshad zin to// / ? //de ltar 'chi ba
rjes su dran pa dang/ /shi nas ngan 'gror ltung ba'i tshul bsam
ste/ /'jig rten 'di tsam don du gnyer ba'i blo/ /log nas phyi
ma'i

bde 'gro don gnyer te/ /skyabs 'gro thun mong pa dang dkar nag
gi /las 'bras nges nas sdig spongs dge sgrub la/ /'bad pas bde
'gro'i go 'phang 'thob mod kyang/ /'dir ni de tsam zhig gis mi

@81a @#/ /chog ste; ;skyes bu chung du dang ni thun mong pa'i/
/bsam pa skyes tshe 'bring dang thun mong ba/ /'khor ba'i dpal
'byor phun tshogs mtha' dag la/ /zhen pa log pa'i bsam

pa shugs drag po/ /bskyed de de la brten nas byang chub sems/
/bskyed de skyes bu chen por 'khrid pas so/ /'di ltar lha mi'i
go 'phang mchog thob kyang/ /'du byed sdug bsngal las ni ma 'das

pas; ;de la bde bar 'dzin pa phyin ci log /yin pas yang dag par
na bde ba med/ /slar yang ngan 'gror ltung bas mtha' ngan no/
/dper na de ma thag tu g.yang sa ru/ /ltung ba 'ga' zhig
g.yang

khar ngal gso bzhin/ /de skad du yang sems dpa'i spyod 'jug las/
/bde 'gror yang dang yang 'ong ste/ /bde ba mang po spyad spyad
nas/ /yun ring mi bzad rnams su ltung/ /zhes dang bslob spring
las

kyang ji skad du/ /gang zhig 'khor ba'i 'khor lo rtag tu 'gyur
ba yi/ /nang du zhugs nas bsti ba tsam la bder sems pa/ /de ni
nges par dbang med rim gyis brgya phrag tu/ /'gro ba mnyam dang
mi

mnyam kun du 'khyams par 'gyur/ /zhes so de yi phyir na bde 'gro
la'ang/ /ngan 'gro dang ni 'dra bar shin du ni/ /skyo ba bskyad
par bya dgos bzhi brgya bar/ /mkhas pa rnams la mtho ris kyang/
/

dmyal ba dang mtshungs 'jigs skyed 'gyur/ /rnam pa kun du de
rnams la/ /srid gang 'jigs pa mi skyed dkon/ /zhes dang yon tan
rin chen bsdud pa las/ /'khor bar chags pa'i yid dang ldan rnams

rtag tu 'khor/ /zhes dang slob sbring las kyang ji skad du/ /ji
lta ji ltar 'gro ba kun la bde ba'i 'du shes skyes/ /de ltar gti
mug mun pa shin du 'thug por 'gyur/ /ji lta ji ltar 'gro ba kun
la sdug

@81b bsngal 'du shes skyes/ /de lta de ltar gti mug mun pa shin
du srab mor 'gyur/ /ji lta ji ltar sdug pa sgom pa shin du rnam
'phel ba/ /de lta de ltar 'dod chags me lce shin du 'phro bar
'gyur/ /

ji lta ji ltar mi sdug sgom pa shin du 'phel gyur ba/ /de lta de
ltar 'dod chags me lce rtse gzhil 'gyur/ /zhes pas thog ma med
nas 'khor ba yi/ /phun sum tshogs rnams bde bar 'dzin pa dang/ /

shin du sdug pa'i rnam par sgro 'dog pa/ /goms pa'i gnyen por
sdug bsngal mi sdug pa/ /sgom pa goms par byas na de dag ldog
/ma sgom na ni gti mug 'dod chags sogs/ /'phel nas

sred pa'i 'khor lo bskor gsungs pas/ /srid pa'i nyes dmigs sgom
pa gnad du che/ /de phyir skyes bu 'bring dang thun mong pa'i/
/lam gyi rim par blo sbyangs pa la bzhi/ /bsam pa sbyangs pa

dngos dang skyes pa'i tshad/ /log rtog bsal dang thar bar bgrod
pa yi/ /lam gyi rang bzhin gtan la dbab pa'o/ /dang po la ni
thar pa don gnyer blo/ /ngos bzung pa dang skyed pa'i thabs
gnyis

las; ;dang po thar pa zhes pa bcings pa las/ /grol ba zhig ste
de yang las nyon gnyis/ /'khor bar 'ching byed yin la de gnyis
kyi/ /dbang gis khams gsum rigs drug skyes gnas bzhir/ /

phung po nying 'tshams sbyar ba bcings pa yin/ /de las grol ba
thar pa'o thar pa de/ /thob par 'dod pa thar pa don gnyer yin/
/phung po nying 'tshams sbyor las grol ba'i don/ /las nyon gnyis
kyi

gnyen po ma skyes na/ /slar yang nying 'tshams sbyor bar 'gyur pa
la/ /gnyen po stobs dang ldan pa skyes stobs kyis/ /phyin chad
nyid 'tshams sbyor ba log pa'o/ /gnyis pa thar pa don gnye

@082a @#/ /skyed thabs ni/ /dper na skom pa'i sdug bsngal zhi ba
la/ /thob 'dod 'gyur ba skom bas gdungs pa la/ /mi 'dod rnam par
mthong la rag las bzhin/ nyer len

phung po'i sdug bsngal nyer zhi ba'i/ /thar pa la ni thob 'dod
'byung ba yang/ /nyer len phung po sdug bsngal rang bzhin can/
/yin pa'i nyes dmigs mthong la rag las pas/ /srid pa'i nyes
dmigs

sgom nas 'dor 'dod blo/ /ma skyes na ni srid pa'i sdug bsngal
de/ /zhi ba la ni thob 'dod mi 'byung ste/ /'phags pa lha yi
bzhi brgya bar/ /gang la 'dir skyo yod min ba/ /de la zhi gus ga
la yod//

rang khyim la bzhin srid pa ni/ /'di nas 'byung ba'ang bya ba
dka'/ /zhes so skyo ba skyed ba'i thabs la gnyis/ /sdug kun
gnyis kyi sgo nas bsam pa dang/ /rten 'brel bcu gnyis sgo nas
bsam pa'o//

dang po la ni rnam pa gnyis yod do/ /sdug bden 'khor ba'i nyes
dmigs bsam pa dang/ /kun 'byung 'khor ba'i 'jug rim bsam pa'o/
/dang po la yang gnyis te sdug bden ni/ /bden bzhi'i thog

mar gsungs pa'i dgongs pa dang/ /sdug bsngal sgom pa dngos po
dang po ni/ /kun 'byung rgyu dang sdug bden 'bras yin pas/ /kun
'byung snga la sdug bden 'phyis yin na/ /'di ni sdug bsngal

'phags pa'i bden pa'o/ /'di ni kun 'byung 'phags pa'i bden pa'o
zhes/ /sdug bden thog mar gsungs pa ci zhe na/ /de ltar gsungs
pa la ni nyams len gnad/ /chen po yod pas skyon du mi

'gyur ro/ /de yang gdul bya rang nyid 'khor ba las/ /thar par
'dod pa'i blo cig ma skyes na/ /thar par 'khrid pa'i go skabs mi
'byung zhing/ /thar 'dod skye la 'khor ba'i nyes dmigs rnams/ /

@082b mthong ba dgos kyi 'khor ba'i phun tshogs la/ /bde bar
'dzin pa'i phyin ci log gi blos/ /bslus pa la ni 'khor bar mi
'dod pa/ /med pas de la thar 'dod ga la skye/ /de phyir bzhi
brgya pa las ji skad

du; ;sdug bsngal rgya mtsho 'di la mtha'/ /rnam pa kun du yod min
na/ /byis khyod 'dir ni bying ba la/ /'jigs pa cis na skye mi
'gyur/ /zhes gsungs pa ltar 'khor ba'i phun tshogs kyang/ /yang

dag par na bde ba ma yin gyi/ /sdug bsngal 'ba' zhig yin pas
sdug bsngal gyi/ /rgya mtsho 'di la skyo ba skyed dgos zhes/
/bstan phyir sdug bsngal bden pa thog mar gsungs/ /de nas rang
nyid

sdug bsngal mtshor ltung ba/ /mthong nas de las thar 'dod skyes
pa na/ /sdug bsngal de dag bzlog dgos par mthong la/ /sdug
bsngal bskyed pa'i rgyu de ma bzlog na/ /sdug bsngal ngo bo mi
ldog par

shes nas/ /sdug bsngal bskyed pa'i rgyu de ci 'dra zhig /yin nam
snyam tshe de rgyu kun 'byung gi /bden pa yin par shes par byed
pa'i phyir/ /de yi 'og tu kun 'byung bden pa gsungs/ /de nas
'khor

ba'i sdug bsngal zag bcas kyi/ /las kyis bskyed dang las kyang
nyon mongs gis/ /bskyed dang nyon mongs rtsa ba bdag 'dzin du/
/shes pas kun 'byung 'khor ba'i 'jug rim de/ /shes shing

bdag 'dzin de yang bzlog nus su/ /mthong na sdug bsngal 'gag
pa'i 'gog pa de/ /mngon du bya bar 'dod pa'i blo skye bas/ /de
yi 'og tu 'gog pa'i bden pa gsungs/ /de ltar 'gog pa mngon du

bya snyam pa'i/ /thar pa thob par 'dod pa'i blo byung na/ /thar
pa thob pa'i thabs de ci 'dra zhig /snyam du dpyad tshe thar pa
'thob pa'i thabs/ /lam gyi bden pa yin par shes 'gyur bas/ /de
yi

@083a @#/ /'og tu lam gyi bden pa gsungs/ /de ltar rje btsun
byams pas rgyud bla las/ /nad ni shes bya nad kyi rgyu ni spangs
bya la/ /bder gnas thob bya sman ni bsten par bya ba

ltar; ;sdug bsngal rgyu dang de 'gog pa dang de bzhin lam/ /shes
bya spangs bya rig par bya zhing sten par bya/ /zhes so de lta
pas na bden bzhi ni/ /theg pa che chung kun tu lan mang gsungs/
/

'khor bar 'jug dang de las ldog pa yi/ /gnad rnams bde bar
gshegs pas bsdus pa yin/ /rnam grol bsgrub la shin du gal che
zhing/ /nyams su len pa'i gnad kyi 'gag sdom kyang/ /che bas

rim pa de ltar 'khrid dgos te/ /sdug bden bsam nas 'khor bar
zhen log blo/ /rnal ma med na thar 'dod tshig tsam du/ /'gro bas
ci byas kun 'byung bden par 'gro/ /kun 'byung bsam nas srid cu

las nyon rnams/ /skye ba'i tshul ni legs par ma shes na/ /gang la
'phen pa'i 'ben ni ma mthong bar/ /de nyid 'big par 'dod nas
mda' 'phen ltar/ /nyams su len pa'i lam gyi gnad

rnams 'chad/ /lam gyi bden pa'i ngo bo grangs nges dang/ /go rim
bskyed tshul ji bzhin ma shes na/ /grol lam min la yin par 'du
shes nas/ /brtson par byas kyang ngal ba 'bras med 'gyur/ /

spangs bya sdug kun gnyis po ma shes na/ /de dag nye bar zhi
ba'i thar pa yang/ /ngos mi zin pas thar pa don gnyer du/ /rlom
yang rlom pa tsam du zad phyir ro/ /gnyis pa sdug bsngal sgom pa

dngos la gnyis/ /'khor ba spyi yi sdug bsngal bsam pa dang/ /so
so'i sdug bsngal bsam pa'o dang po la/ /sdug bsngal brgyad dang
drug dang gsum bsam pa/ /gsum las dang po brgyad ni bshes

@083b spring las/ /nges ba 'dod pas 'phong dang 'chi ba dang/
/na dang rga sogs sdug bsngal du ma yi/ /'byung gnas 'khor ba la
ni skyo mdzad cing/ /'di yi nyes pa shas kyang gsan pa'i rigs/
/zhes

gsungs pa ltar 'khor ba sdug bsngal ba/ /du ma 'byung ba'i gnas
su sems pa yis/ /skyo ba sgom zhing sdug bsngal 'dod pa yis/
/'phongs sogs dngos bstan bzhi dang sogs kyi sgras/ /

bsdus pa bzhi ste brgyad do 'di dag ni/ /bcom ldan 'das kyis
sdug bden ngos bzung ba'i/ /skabs su mdo sde du ma zhig tu
gsungs/ /chung 'bring thun mong pa yi dmigs skor rnams/ /'dir

yang blang bar bya zhing 'di rnams ni/ /dbyad sgom yin yang
skabs su gang bab kyi/ /dmigs pa de las gzhan pa'i dge mi dge
/lung ma bstan dang bying rgod gnyid rmug dang/ /rnam g.yeng la
sogs

gang gi dbang du yang/ /mi btang shes pa gsal zhing dangs pa yi/
/ngang nas breng chags sgom ste spyod 'jug las/ /bzlas brjod
dang ni dka' thub sogs/ /yun ring dus su spyad byas kyang/ /

sems gzhan g.yengs bas byas pa ni/ /de nyid rig pas don med
gsungs/ /zhes dang theg pa chen po la/ /dad pa sgom pa'i mdo las
kyang/ /yon tan gyi ni chos thams cad/ /yid ni gzhan

du ma g.yeng bar/ /don dang tshig la yang dag par/ /dpyad cing
bsam las 'byung gsungs te/ /theg gsum yon tan sgrub pa la/ /sems
ni dge ba'i dmigs pa las/ /gzhan du mi g.yeng

gnas pa yi/ /zhig nas dngos sam rjes mthun pa/ /cig dang dge
pa'i dmigs pa la/ /so sor rtog cing dpyod pa yi/ /lhag mthong
dngos sam rjes mthun pa/ /cig ste gnyis ga dgos

@084a @#/ /par bshad/ /'phags pa dgongs pa nges 'grel las/ /nyan
thos byang sems sangs rgyas kyi/ /dge chos 'jig rten 'jig rten
las/ /'das pa thams cad zhi

lhag gi ;'bras bur bshad pa'ang de la dgongs/ /sdug bsngal
brgyad las skye ba'i sdug bsngal la/ /lang las skye ba sdug
bsngal dmyal ba pa/ /rnams dang sdug bsngal kho na myong ba yi/
/

yi dags rnams dang mngal skyes sgor skyes te/ /bzhi po de dag
skye tshe sdug bsngal gyi/ /tshor ba drag po dang bcas skye ba'o/
/gnas ngan len dang ldan pa'i sdug bsngal ba/ /nyon mongs skye

gnas 'phel ba'i sa bon dang/ /rjes su 'brel bas dge la bkol bzod
pa'i/ /las su rung ba med cing ce 'dod du/ /dbang sgyur du yang
mi rung nyon mongs pa'i/ /phyogs dang mthun pa'i

gnas ngan len dang 'brel/ /sdug bsngal gnas su gyur pa'i sdug
bsngal ba/ /las nyon dbang gis khams gsum gang rung du/ /skye ba
blang pas de la brten nas ni/ /na dang rga dang 'chib la

sogs pa'i/ /sdug bsngal sna tshogs rgyas par 'gyur pa'o/ /nyon
mongs gnas su gyur pa'i sdug bsngal pa/ /'khor bar skyes na
chags sdang rmongs gsum gyi/ /yul rnams la ni dug

gsum skye 'gyur zhing/ /des kyang lus sems bde la mi gnas te/
/sna tshogs sgo nas lus sems gdung ba'o/ /mi 'dod bzhin du 'bral
ba'i sdug bsngal ba/ /skyes mtha' da lta'i nyer

len phung po dang/ /nges par bral te 'chi las ma 'das shing/ /de
ltar 'chi ba de yang mi 'dod la/ /des kyang sdug bsngal kho na
myong bar byed/ /khyad par mngal nas skye ba'i sdug bsngal ni/ /

@084b mngal 'jug mdo las bshad bzhin bstan rim las/ /skye bo
mngal 'jug phyin ci log blo yis/ /ma dang pha la pho mo'i 'dod
sdang skye/ /las kyi rjes 'brang rdzi char drag sogs kyis/ /

grang pas khyim sogs 'jug pa'i 'du shes bcus/ /shin du rtsog
dang smad pa'i gzugs dang ming/ /bzhi 'dus sdug bsngal phung po
'ba' zhig len/ /zhes gsungs pa ltar bar

do'i sems can ni/ /mngal du 'jug tshe pho ru skye ba na/ /ma la
chags dang pha la sdang ba skye/ /mo ru skye na pha la chags pa
dang/ /ma la sdang ba skye shing sngon las kyis/ /rlung chen

langs dang char ba 'bab pa dang/ /shin du grang dang nyam ni
dams pa dang/ /skye bo mang po'i ca co'i sgra thos pas/ /khang
ba khang brtsegs gzhal med khang pa dang/ /khri dang rtsa spyil
lo

ma'i spyil bu dang/ /rtsa sdug po dang nags dang rtsig phug
dang/ /sab mo'i gseb tu 'jug go snyam pa yi/ /phyin ci log gi
'du shes bcu po las/ /gang rung sgo nas mngal du 'jug

'gyur zhing/ /gzugs phung dang ni ming gi phung po bzhi/ /'dus
pa'i sdug bsngal phung po 'ba' zhig len/ /mngal der rgyas shing
smin tshul de nyid las/ /zhag ni bdun phrag sum cu rtsa

brgyad kyi/ /mngal gyi gnas skabs rnam bcus rgyas smin byed/
/mer mer nur nur la sogs rlung gi tshogs/ /drod ldan kun tu reg
sogs drod bcas 'khrugs/ /de yis rab 'tshong

sdug bsngal mi bthad ldan/ /rtsib log g.yas g.yon zhu ma zhu'i
bar na/ /gnas lnga bcings shing gsal shing rtser bskyon ltar/
/phyi sa'i khung bzhin dri nga rab rtsog 'dam/ /srin tshogs tshang

@085a @#/ /chen khu khrag rul myags khung/ /rtag tu mi gtsang
'dzag 'gyur sdig chen sgor/ /kun tu bskum nas ma yi spyod lam
dang/ /zas sogs mtho dman gyi nas rab sdug

bsngal; ;zhes gsungs pa ltar bdun phrag so brgyad kyi/ /dang po
dgu la rim bzhin mer mer dang/ /nur nur ltar ltar 'khrang 'gyur
yan lag 'gyus/ /dpung pa bus mo bzhi dang rkang

lag bzhi/ /sor mo nyi shu bu ga dgu rnams kyi/ /mtshan ma snang
bar 'gyur zhing bcu pa la/ /de rnams sra zhing brtan 'gyur bcu
gcig pa/ /sogs la 'phel rgyas smin cing rdzogs par

'gyur; ;de tshe mi gtsang mang pos yongs su gang/ /srin bu'i rigs
ni stong phrag mang po'i gnas/ /shin tu dring ba yi sgo gnyis
dang/ /rus pa'i bu ga khung bu phug du ma/ /ldan par

gcin dang klad pa klad rgyas dang/ /rkang gi tshogs kyi ljan ljin
can nang du/ /pho ba'i 'og dang long ka'i steng na ni/ /pho yi
kha ni sgal tshig la lta zhing/ /mo ni lto ba'i bgos pa la bltas
te/ /

zla ba re zhing zla mtshan 'byung bas blta/ /ma yi kha zas bldad
pa mid pa nas/ /'og nas kha yi dri ma kha chus brlan/ /steng nas
klad rgyas kyis sbags skyug pa dang/ /'dra ba'i zas kyi ro

bcud khong ba nas/ /lte ba'i bu ga nas ni 'jug pas skyed/ /rkang
lag 'gram pa sha ma'i snod kyis dkris/ /sna ba phyis bzhin du
drong man ma mi bzad/ /mun nag 'gred pa la ni yan man

rgyu; ;zas kyi ro drug me stag lta bus reg /grol ma bzhin du mi
gtsang khu bas gso/ /mi gtsang myags pa rab 'bar 'dam du bying/
/ma yi lus kyi nang gi me yis gdung/ /ma de g.yo

@085b tshe bcing pa lnga yis bcings/ /me mur dong du bcug ltar
sdug bsngal gyi/ /tshor ba chen po drag rtsub mi bzad myong/ /ma
yis kha zas ha cang mang nyung dang/ /snum rtsub tsha grang kha
bska

zos pa dang/ /'dod spyod mchod rgyug tsog pur 'dug sogs kyis/
/gnod cing bcing ba ldas bcings sag sal shing gis/ /btsugs pa
bzhin gnas sdug bsngal che myong bar/ /mngal

'jug mde las bshad cing slob spring las/ /shin du mi bzad dring
mi gtsang bcer bas 'gags/ /rab tu dog pa mun nag 'thib por 'dug
pa yi/ /mngal gnas dmyal ba lta bu'i nang du de

zhugs nas/ /lus yongs pa skum la sdug bsngal chen po ma gnas
dgos so/ /zhes pa ltar gyi sdug bsngal dpag med myong/ /mngal
nas btsa' ba'i tshe yang sdug bsngal ba/ /mi bzad

drag po myong tshul de nyid las/ /de nas rim gyis til mar btsir
spyad sra ba yis/ /btsir ba ltar byas de nas ci zhig ltar de
btsas/ /'on kyang mod la de srog mi 'dor gang yin pa/ /sdug
bsngal

nye bar spyad pa'i rnam par mtho brtsams mod/ /mi gtsang de nang
gnas bcas bgre ba'i lus de ni/ /mngal gnas rlon pas dkris shing
dring mi bzad ldan/ /gzir bas gnod pa po de rma smin

zhig pa ltar/ /skyug la thug pa bzhin du sngon gyi dran pas
spong/ /zhes pas gcin dang phyis sa dri nga ba/ /khrag dang chu
ser 'dzag pa'i ma yi sgor/ /las kyi rlung gis rkang ba gyen du
dang/ /

mgo bo thur bstan lag pa gnyis bskum pa/ /rus pa'i 'khrul 'khor
gyis ni yongs gzir zhing/ /til mar btsir ltar phyir la 'thon pa
yi/ /sdug bsngal myong bar gsungs shing bstan

@086a @#/ /rim las/ /de nas srog la 'bab pa'i sdug bsngal gyis/
/phyir 'byung cung zad dran pa'ang dkun nyams myos/ /lag pa'am
gos steng lhung yang tsha rtsub la/ /ba lang

gson bshus srog chags mang za 'dra/ /chu 'jam bkrus kyang mdze
bo'i pags rul ba/ /lcags kyis bzhus ltar mi bzad rab tu tsha/
/zhes pas btsa' tshe ba lang gson po yi/ /pags pa

bshus dang lag pas reg pa dang/ /'jam po'i gos steng bzhag tshe
ba lang gi /phags pa bshus la srog chags kyis zos dang/ /rma yis
tshos pa'i mdze can lcag sogs kyis/ /brab pa

lta bu'i sdug bsngal myong bar gsungs/ /de nas ma shi'i bar du
sdug bsngal pa/ /rnam pa sna tshogs myong ba de nyid las/ /btsas
nas zhag bdun gyin chad srin bu'i tshogs/ /brgyad

khris za bas nyam chung bkres skom sogs/ /na rga 'chi dang sdug
bsngal mi sdug phrad/ /'dod tshol mi rnyed phung po'i khur gyis
mnar/ /khyad par du'ang nad mang 'byung gnas kyi/ /mi rtag sdug

bsngal yid brtan mi rung ste/ /yan lag gcod 'bigs go rar 'jug
dang bcing/ /sdig sprul 'tshe sogs sdug bsngal nyid la brtag /ces
gsungs pa ltar mngal nas phyi rol tu/ /

btsas nas zhag bdun phyin chad las dbang gis/ /lus la srin bu
brgyad khri'i tshogs byung nas/ /za bas gdungs shing nyam chung
bkres skom dang/ /sna tshogs nad sogs nang gi gnod pa dang/

go rang gzhug cing rkang lag gcod pa dang/ /sdig sprul gcan zan
sogs kyis 'tshe ba yi/ /phyi yi gnod pa rnam pa mang pos gdung/
/sdug bsngal brgyad kyi nang nas dang po dang/ /tha ma nan tan

@086b chen pos sgom dgos shing/ /dang po de ltar dgos pa bstan
rim las/ /skye 'di sdug bsngal kun gyi rtsa ba ste/ /dug gis
phon lta bur gnod kun bskyed/ /bkra shis ma dang sna nag mar

'brel ltar/ /skye ba dad pas gnod gzhan spang mi nus/ /des na
'gro ba'i skye ba ma lus la/ /mkhas pas gnod chen nyid brtag
phyir phyogs bya/ /da na skyugs mang nyung dri ngar mtshungs pa
ltar/ /

tshe ring tshe thung skye kun sdug bsngal nyid/ /zhes pa ltar ro
rga ba'i sdug bsngal la/ /lnga las gzugs bzang yongs su nyams pa
ni/ /rnyed pa gzhu ltar dgu zhing mgo bo ni/ /sbra ba'i me tog

ltar dkar dpral pa ni/ /dres gtan lta bur gnyer mas kheb sogs
kyis/ /lang tsho nyams nas shin du mi sdug 'gyur/ /lus kyi mthu
stobs yongs su nyams pa ni/ /'dug nas skye

thag pa chad 'dra zhing/ /lang na shing rtsa gnam du 'don 'dral/
/smran ldib cing 'gro na 'bub pa sogs/ /byed pa lus kyi rtsal
stobs nyams pa'o/ /dbang po'i sgo rnams yongs su nyams

pa ni; ;mig gis gzugs rnams gsal bar mi mthong zhing/ /rna bas
sgra dang sna yis dri dang ni/ /lce yis ro dang lus kyis reg bya
rnams/ /gsal bar mi thos mi tshor mi myong la/

dran pa nyams nas brjed nges che ba'o/ /yul la longs spyod yongs
su nyams pa ni/ /bza' btung yid kha mi 'dod 'ju dka' zhing/ /gos
ni srab na mi dros 'thug na lci/ /da ltar 'dod

pa'i yon tan gang la yang/ /spyod par 'dod kyang spyod pa'i nus
pa med/ /tshe srog yongs su nyams pa'i sdug bsngal ni/ /de ltar
rgas pa'i tshe na tshe 'di ni/ /phal cher zad pas myur d

@087a @#/ /'chi ba la/ /mngon du phyogs pa yin zhing rga ba yi/
/sdug bsngal gzhan yang mang ste de nyid las/ /rgas pas slon
sogs nad ldang stobs sogs 'joms/ /'chi

bdag khar stobs yul rnams spyod mthu 'phrog  /kun gyis brnyas
'gyur rab 'byung thos sogs nyams/ /lus rid las kyi mthu med myur
bar 'chi/ /zhes dang mdo sde rgya cher rol pa las/ /

rga bas rga byas na tshod yol gyur na/ /sdong po gnam lcags kyis
ni bcom pa bzhin/ /rga bas 'khog na 'jigs bcas khang rul 'dra/
/rga las 'byung ba thub pa myur du smos/ /bud med skyes

pa'i tshogs rnams rga bas skems/ /'khri shing sa la'i nags la
rlung dmar bzhin/ /rga bas brtson 'grus rtsal dang shugs 'phrog
ste/ /dper na skye bu 'dam du bying ba bzhin/ /rga bas gzugs

sdug gzugs ni mi sdug byed/ /rga bas gzi brjid 'phrog cing mthu
stobs 'phrog  /rga bas bde ba 'phrog cing brnyas par byed/ /rga
bas 'chi byed rga bas mdangs kyang 'phrog  /ces pa ltar ro na
pa'i sdug

bsngal la/ /lnga las lus kyi rang bzhin 'gyur pa ni/ /lang tsho
rgyas shing mdog bzang mdangs gsal la/ /nad kyis btab tshe lus
kyi sha zhu zhing/ /ba gas bskam te mdog nag mi sdug 'gyur/ /

sdug bsngal yid mi bde ba 'phel ba ni/ /lus kyi 'byung bzhi'i
khams rnams mi snyom par/ /'ga' zhig shas che 'ga' zhig shas
chung du/ /gyur nas 'khrugs pas lus la gdung ba skyed/ /de yis

yid mi bde ba bskyed pas na/ /lus sems shin du gdung bas nyin
mtshan 'da'/ /longs spyod yid 'ong spyad du med pa ni/ /yid du
'ong ba'i zas dang btung ba sogs/ /'dod pa'i yul rnams nad

@087b la gnod zer nas/ /'dod bzhin du ni spyod pa'i dbang med
cing/ /'gro 'chags la sogs spyod lam gang 'dod pa/ /rnams kyang
'dod pa ji bzhin byar med pa'o/ /yid mi 'ong la spyad dgos
'byung

ba ni; ;shin tu kha dang tsha ba'i sman sogs dang/ /snum bcud med
pa'i bza' dang btung ba sogs/ /yid mi 'ong ba nan gyis spyad
dgos shing/ /gtar sreg sogs kyang dbang med bsten dgos

pa'o; ;srog dang 'bral bar 'gyur ba'i sdug bsngal ni/ /sman gyis
ma phan rim 'gros ma zlogs par/ /nad tshab che bar gyur te mi
'tsho bar/ /mthong nas 'chi bar nges pa'i sdug bsngal bskyed/ /

de skad du yang rgya cher rol pa las/ /nad brgya mang dang nad
thibs sdug bsngal gyis/ /'gro ba gtses te mi yis ri dags bzhin/
/rga dang na bas bcom pa'i 'gro ltos la/ /sdug bsngal las ni
'byung ba

myur shod cig  /dper na dgun smad rlung dang kha ba che/ /rtsa
shing gel pa nags sman mdangs kyang 'phrog  /de ltar nad 'dis
'gro ba'i mdangs 'phrog cing/ /dbang po gzugs dang stobs ni
nyams par byed/ /

nor 'bru nor chen tha mar zad par byed/ /nad ni rtag tu 'gro ba
brnyas par byed/ /gnod pa byed cing sdug la sdang bar byed/
/yongs su gdung byed mkha' las nyi ma bzhin/ /zhes dang bstan
rim las

kyang ji skad du/ /nad kyis bde ba kun 'joms 'jigs sogs bskyed/
/dbang sogs gzugs nyams 'chi ba nyer 'dren pa/ /dre'u sbrum sogs
dang rgyal po'i 'khor tshogs bzhin/ /mdog stobs

ngo tsha sogs 'joms lus sems bsreg  /ces pa ltar ro 'chi ba'i
sdug bsngal lnga/ /longs spyod phun sum tshogs dang 'bral ba ni/
/'chi tshe rin chen dang zab dud 'gro sogs/ /longs spyod phun sum

@088a @#/ /tshogs pa ci yod kyang/ /de dang 'bral bar mthong nas
sdug bsngal pa'o/ /rtsa 'jing phun sum tshogs dang 'bral ba ni/
/pha ma bu tsha chung ma la sogs pa'i/ /gnyen dang nye du

sdug pa ci yod kyang/ /kun dang 'bral bar mthong nas sdug bsngal
ba/ /'khor g.yogs phun sum tshogs dang 'bral ba ni/ /snying nas
sha tsha blo gtad thub pa yi/ /'khor g.yogs snying du sdug

pa ci yod kyang/ /bor te gcig bur 'chi ba'i sdug bsngal ba/ /lus
gzugs phun sum tshogs dang 'bral ba ni/ /lhan gcig skyes shing
gces par bskyangs pa'i lus/ /snying du sdug cing phangs

pa 'di dang yang/ /dbang med 'bral bar mthong nas sdug bsngal
ba/ /sdug bsngal yid mi bde ba myong ba ni/ /gnad gcod sdug
bsngal drag po cher myong zhing/ /nyam nga'i gnas su 'gro bar
yid mi

bde; ;drag po myong ste rgya cher rol pa las/ /'chi dang 'pho
dang 'chi 'pho dus byed pa/ /phangs shing sdug pa'i skyes bu
rtag tu 'bral/ /phyir mi 'ong zhing phrad par 'gyur ma yin/
/shing las lo

'brul 'dra zhing klung rgyun mtshungs/ /'chi ba dbang yod pa dag
dbang med byed/ /'chi ba 'phrog byed chu bos shing ded bzhin/
/mi ni gnyis min grogs med gcig pur 'gro/ /rang las 'bras bu

ldan pas dbang yang med/ /'chi bas srog chags brgya phrag mang
'dzin te/ /'byung po'i tshogs la rgya mtsho'i chu srin bzhin/ /klu
la mkha' lding glang chen seng ge 'dra/ /rtsa shing 'byung po'i
tshogs

la me dang mtshungs/ /zhes dang bstan rim las kyang ji skad du/
/bskal me sogs ltar 'chi bas kun 'joms te/ /rgyal sras dbang
thob zab chos rtogs ma gtogs/ /rgyal po sdang sogs

@088b nor dbyig dbul sogs kyis/ /bzlog par nus kyi 'chi bdag de
lta min/ /zhes so mi sdug dang 'phrad sdug bsngal lnga/ /shin tu
sdang ba'i dgra dang 'phrad tsam gyis/ /sdug bsngal yid mi

bde ba skyed pa dang/ /de yis tshig rtsub rdeg 'tshogs la sogs
pa'i/ /chad pas gcod pa'i 'jigs gnas gyur pa dang/ /de dang de
yi nye 'brel mdza' bshes sogs/ /sgro skur

gtams ngan smra bas 'jigs pa dang/ /de dang 'khon pas mi bzad
khong khro sogs/ /nyam nga bzhin du 'chi bas 'jigs pa dang/
/'thab rtsod byed pa chos las 'gal ba yis/ /ngan

'gror song gi dogs nas 'jigs pa'o/ /de yang bstan rim las ni ji
skad du/ /mi sdug dang 'phrad dgra bos nyer bcom zhing/ /btson
rar bcug dang 'byung pos brlam sogs yin/ /zhes

pa ltar ro sdug pa dang bral ba'i/ /sdug bsngal lnga ste phangs
pa'i gnyen dang bshes/ /nye du 'khor g.yogs sogs dang bral ba
na/ /de yis sems la mya ngan skye ba dang/ /ngag tu smre sngags
ku

co 'don pa dang/ /lus la zas gcod sogs kyis gnod skyed dang/
/yul de'i yon tan dran zhing 'dod pa yis/ /yid ni rab tu gdung
dang de'i longs spyod/ /ma tshang pa yis shin tu sdug bsngal

pa'o; ;gzhan yang de yi ched du nor brlag sogs/ /sdug bsngal
mang du 'byung ste bstan rim las/ /sdug bsngal gnod pa kun gyi
rtsa ba ste/ /tshe zad mtho ltung rgyal srid nor brlag sogs/ /

zhes so 'dod pa btsal ste ma rnyed pa'i/ /sdug bsngal lnga ste
so nams la 'bad kyang/ /ston thog ma grub pa dang tshong byas
kyang/ /khe spog ma thon pa sogs gang dag la/ /re ba de dag

@089a @#/ /'bad rtsol chen po yis/ /btsal yang ma rnyed pa yis
yid chad de/ /sems la mya ngan skye dang ngag du ni/ /smre
sngags 'don dang lus la gnod skyed dang/ /yul de dran

zhing 'dod pas yid gdung dang/ /longs spyod ma tshang ba yis sdug
bsngal pa'o/ /gzhan yang dge ba 'dod kyang ma rnyed la/ /mi dge
dang ni ma bral pa la sogs/ /sdug bsngal du ma 'byung ste de
nyid

las; ;'dod pa mi rnyed dge ba ma thob dang/ /mi dges nyer bcom
ngal mang 'bras med sogs/ /zhes so nye bar len pa'i phung po yi/
/sdug bsngal lnga ste nyer len phung po 'di/ /blangs pas skye ba
phyi

ma phan chad kyi/ /sdug bsngal 'dren pas mngon par 'grub pa yi/
/sdug bsngal rnams kyi snod dang da lta yi/ /phung po la bsten
na rga 'chi sogs kyi/ /rten du gyur pas mngon par grub pa la/
/brten pa'i sdug

bsngal snod dang sdug bsngal gyi/ /sdug bsngal dang ni 'gyur
ba'i sdug bsngal gyi/ /gnas ngan len nam sa bon rjes 'brel bas/
/de gnyis bskyed pas snod du gyur pa dang/ /las nyon snga ma'i
gzhan gyi dbang

gyur pa'i/ 'du byed yin phyir khyab pa 'du byed kyi/ /sdug
bsngal nyid kyi rang bzhin yin pa'o/ /gzhan yang nyer len phung
po 'di blangs na/ /g.yang sa chen por lhung dang grogs med par/
/mtha' med snang med mun 'thom

lam ring du/ /'khyams pa ji bzhin sdug bsngal de nyid las/
/phung po'i khur non g.yang sa chen po can/ /grogs med mtha' mi
mngon pa'i lam ring du/ /mun cing snang med thar sgo'am mthongs
med cing/ /gzhig par

mi nus thos na'ang skrag par 'khyams/ /zhes pa ltar ro nyer len
phung po yi/ /'khor ba 'di la skyo ba rnal ma cig  /ma skyes na
ni thar pa don gnyer blo/ /rnal ma skye ba med cing sems can
rnams/ /'khor bar 'khyams la snying rje chen po yang/ /skye ba
med pas

@089b theg pa che chung gnyis/ /gang du 'jug kyang 'di nyid gal
che'i/ /de ltar 'khor ba'i sdug bsngal legs bsam te/ /skyo ba
bskyed nas thar pa 'thob pa'i phyir/ /shin tu 'bad par bya ste
bstan rim las/ /de ltar bde

'gre'i gnas skabs dman pa'i yang/ /sdug bsngal de 'dra dmyal
sogs smos ci dgos/ /'di 'dra rjes bsam skyo bas nan tan gyis/
/brtson 'grus brtan pos rnam grol btsal bar 'bad/ /

zhes so gnyis pa sdug bsngal drug bsam pa/ /'khor bar nyes pa
drug gis mnar ba yi/ /mi bzad sdug bsngal 'khor mar myong 'gyur
te/ /dang po nges pa med pa'i nyes pa ni/ /pha ma la

sogs byams pa'i gnyen rnams kyang/ /tshe rabs gzhan du sdang ba'i
dgrar 'gyur la/ /tshe 'di'i dgra yang phyi mar gnyen du 'gyur/
/de bzhin pha bu ma dang chung ma sogs/ /phan tshun rim bzhin

'pho zhing 'gyur bras na/ /gang la'ang yid brtan med de bshes
springs las/ /pha ni bu nyid ma ni chung ma nyid/ /skye bo dgrar
gyur pa yang bshes nyid dang/ /bzlog pa nyid du mchi bas de slad
du/ /

'khor ba dag na nges pa 'ga' ma mchis/ /zhes dang 'dul ba lung
las kyang/ /pha sha za zhing ma la 'tshogs/ /chung ma khyo yi rus
pa 'cha'/ /las ngan dgra bo pang du bzung/ /'khor ba'i tshes la

gad mo spro/ /zhes gsungs pa ltar 'gyur bas so/ /tshe 'di nyid
la'ang dgra gnyen phan tshun du/ /'gyur nas 'gro ste dpung pa
bzang po'i mdor/ /re shig cig na dgra yang mdza' bor 'gyur/ /

mdza' bo yang ni de bzhin dgrar yang 'gyur/ /de bzhin kha cig
kyang ni bar mar 'gyur/ /bar ma de nyid kyang ni dgra por 'gyur/
/de bzhin mdza' bshes 'gyur bar rig nas ni/ /blo gros ldan pas

@090a @#/ /nam yang chags mi bya/ /gnyen la dga' ba'i sems kyi
rnam rtog dag  /bzlog nas dge la ci bder gzhag par bya/ /zhes
gsungs pa ltar bsam nas dgra gnyen la/ /

chags sdang bkag ste 'khor bar gang la yang/ /blo gtad byas med
par legs bltas la/ /'khor ba'i chos la skyo ba drag po bskyed/
/gnyis pa ngoms mi shes pa'i nyes pa ni/ /'khor

ba'i bde la ci tsam longs spyod kyang/ /tshim dang ngoms pa med
par phyi phyir yang/ /srid pa 'phel bar 'gyur zhing de yis
kyang/ /'khor bar ring du 'khyams ste bde ba des/ /cha tsam
bskrun

du med pa'i sdug bsngal ba/ /bzod dka' dus kyang dpag tu med par
myong/ /de skad du yang bshes pa'i springs yig las/ /ji ltar
mdze can srin bus nyen pa ni/ /bde ba'i don du me la kun

bsten kyang/ /nye bar mi 'gyur de nyid 'dra bar ni/ /'dod pa
rnams la chags pa'ang mkhyen par mdzod/ /ces dang phar phyin
bsdus pa las/ /'dod pa de dag thob pa dang/ /nyin gcig bzhin

du bsten pa dang/ /mang du bsags pas mi ngoms na/ /de las nad
che gang zhig yod/ /ces dang slob mar springs pa las/ /'gro bar
lan brgyar ma son 'gro de gang zhig yod/ /sngon chad

lan mang ma myang bde ba de gang zhig  /rnga yab dkar mdzes lta
bu'i dpal gang ma thob pa/ /de yang gang zhig yod na 'on kyang
'dod chags 'phel/ /sngon chad lan mang ma ? myang sdug bsngal de
yod min/ /

'gro ba gang gis tshim 'gyur 'dod pa de dag med/ /gang gi ltor
mnyal ba'i sems can de med na/ /'on kyang ji ltar 'khor ba pa la
chags bral med/ /ces gsungs pa ltar 'khor ba'i phun tshogs la/ /

@090b ji tsam spyad kyang ngoms par mi 'gyur ba/ /legs par bsam
nas skyo shas cher bskyed de/ /chags zhan 'gogs pa'i thabs la
'bad par bya/ /gzhan yang sdug bsngal myang ba'i tshul/ /bsam

nas skyo ba bskyed pa ni/ /dpa' bos mya ngan bsal pa las/ /gsung
ltar bsam ste de nyid las/ /yang dang yang du dmyal ba na/
/zangs zhun bskol ba gang 'thungs pa/ /rgya mtsho'i nang gi chu

la yang; ;de yi tshad tsam yod ma yin/ /khyi dang phag tu gyur pa
na/ /mi gtsang ba ni gang zos pa/ /ri yi rgyal po lhun po yi/
/tshad las shin tu lhag par 'gyur/ /mdza' bshes rab tu thal

ba yis; ;'khor ba'i gnas su gang dus pa/ /mig gi mchi ma'i thigs
pa yi/ /snod du rgya mtsho rung ma yin/ /phan tshun dag tu rtsod
pa'i phyir/ /mgo bo bcad pa gang yin pa/ /spung na de

ltar mtho ba ni/ /tshangs pa'i 'jig rten las kyang thal/ /srin
bur gyur cing rab bkres pas/ /sa lud zos pa gang yin pa/ /'o
ma'i rgya mtsho che nang du/ /de yis bkang na shin tu 'gang/ /

zhes gsungs pa ltar 'khor ba na/ /sngon chad sdug bsngal mang
myong ba/ /bsam nas sun snang legs bskyed cing/ /phyin chad
myong la skyo ba bskyed/ /gsum pa lus rten yang yang 'dor ba yi/
/

nyes pa bsam pa'i tshul ni bshes springs las/ /re re'i bdag nyid
rus pa'i phung po ni/ /lhun po mnyam pa snyed cig 'das gyur te/
/zhes gsungs pa ltar spyir na lus dor ba/ /lta zhog

sems can rigs dang dbyibs gcig pa/ /re re'i lus re blangs nas
dor ba yi/ /rus pa god pa med par spung gyur na/ /ri rab lhun po
dang mnyam rdul snyed cig  /'das pa bsam nas skyo ba

@91a @#/ /bskyed par bya/ /bzhi pa 'khor ba 'di ru yang dang
yang/ /nying 'tshams sbyor ba'i nyes pa de nyid las/ /ma yi thug
mtha' rgya shug tshi gu tsam/ /ril bus bgrangs kyang

sa yis langs mi 'gyur/ /zhes gsungs pa ltar dper na 'ga' zhig
gis/ /sa chen 'di las rgya shug 'bru tsam gyis/ /ril bu byas te
'di ni bdag gi ma/ /'di ni bdag gi ma'i yang

ma'o zhes/ /bgrang ste 'dor bar byed na sa chen 'di/ /ril bu
byas pa ma dang ma yi ma/ /sogs kyi grangs la snyog par mi nus
pa/ /bsam nas skyo ba bskyed bya de yang ni/ /slob

dpon 'phags pa lha yi bzhi brgya bar/ /gang tshe 'bras bu gcig gi
yang/ /thos ma'i rgyu ni snang min pa/ /de tshe gcig la yang
rgyas par/ /mthong nas gang la 'jigs mi 'byung/ /

zhes gsungs pa ltar rang gi rgyu'i/ /thog ma med pa des mtshon
te/ /rang gi skye ba'i thog ma yang/ /med par bsam ste skyo ba
bskyed/ /lnga pa 'khor bar yang yang mtho dman tu/ /'gyur

ba'i nyes pa bsam tshul bshes springs las/ /brgya byin 'jig rten
mchod 'os gyur nas ni/ /las kyi dbang gis phyir yang sa steng
lhung/ /'khor los bsgyur ba nyid du gyur nas kyang/ /'khor

ba dag tu yang bran nyid du 'gyur/ /mtho ris bu mo'i nu ma rked
pa la/ /reg pa'i bde ba yun ring myong nas slar/ /dmyal bar thag
gcod dbang ba'i 'khrul 'khor gyis/ /reg pa shin tu mi

bzad bsten 'tshal lo/ /rkang pa'i reg pas nems par bde bzod pa/
/lhun po'i spo la yun ring gnas nas ni/ /slar yang me mur ro
myags rgyu ba yis/ /sdug bsngal mi bzod phog

@091b snyam bgyid 'tshal lo/ /mtho ris bu mos 'brongs shing dga'
ba dang/ /rnam par mdzes tshal son par brtses nas slar/ /'dab ma
ral gri 'dra tshal gnas rnams kyis ?/ /rkang

lag rna ba sna gcod 'thob par 'gyur/ /dal gyis 'bab par lha yi
bu mo ni/ /gdong mdzes gser gyi padma ldan zhugs nas/ /slar yang
dmyal ba'i chu bo rab med pa/ /cha rgos bzod

glags chu tshan 'jug 'tshal lo/ /lha yul 'dod bde shin tu chen po
dang/ /tshangs nyid chags bral bde ba thob nas slar/ /mnang med
me yi bud shing gyur pa yi/ /sdug bsngal rgyun mi

'chad pa bsten 'tshal lo/ /nyi ma zla ba nyid thob rang lus kyi/
/'od kyis 'jig rten mtha' dag snang byas te/ /slar yang mun gnag
smag tu phyin gyur nas/ /rang gi lag pa brkyang pa'ang mi

mthong 'gyur/ /zhes gsungs pa ltar tshangs dang brgya byin dang/
/'khor bsgyur la sogs lha mi'i go 'phang mchog  /thob kyang slar
yang mnar med la sogs pa'i / /ngan song gsum dang bran

gyi tha ma ru/ /skye ba yod phyir lha mi'i rten mthon po/ /thob
kyang yid brtan med pas skyo ba bskyed/ /drug pa yid brtan rung
ba'i grogs med pa'i/ /nyes pa bsam pa'i tshul yang bshes

springs las/ /de ltar nongs par 'gyur 'tshal bsod nams ni/ rnam
gsum mar me'i snang pa rab bzhes shig  /gcig pu nyi ma zla bas
mi rdzi ba'i/ /mun gnag mtha' yas nang du 'jug

'tshal lo/ /ces dang de bzhin spyod 'jug las/ /lus 'di gcig pu
byung pa yang/ /lhan cig skyes pa'i sha rus dag  /zhig ste so
sor 'gyes 'gyur na/ /mdza' ba gzhan lta ci

@92a @#/ /zhig smos/ /skye na gcig bu skye 'gyur zhing/ /'chi
na'ang de nyid gcig 'chi ste/ /sdug bsngal skal gzhan mi len na/
/gegs byed mdza' bas ci zhig bya/ /

zhes gsungs pa ltar mdza' ba'i grogs/ /mang yang 'chi dang skye
ba'i tshe/ /mnyam du 'grogs pa ye med par/ /rang nyid gcig bu
'chi zhing skye/ /nyi ma zla ba'i 'od kyis kyang/ /sel

min mun nag mtha' yas pa/ /ma rig mun par 'jug dgos pas/ /sgo
gsum dge 'am sbyin pa las/ /byung ba'i dge ba la sogs pa'i/
/bsod nams gsum gyi sgron me yi/ /

snang ba bsten la 'pad par 'tshal/ /de ltar sdug bsngal drug ni
bsdu ba ni/ /'khor bar yid brtan bya sa med pa dang/ /'khor ba'i
bde bar spyad pas mi ngoms dang/ /thog ma med nas

zhugs pa gsum du 'du/ /yang yang 'dor bas lus ba yid brtan med/
/dgra gnyen 'gyur bas phan gnod byed pa la/ /yid brtan mi rung
mtho dman du 'gyur bas/ /phun tshogs thob la

yid brtan mi rung zhing/ /gcig pur skye 'chi byed pas 'grogs pa
la/ /yid brtan med pa bzhi ni dang po dang/ /bde ba ji tsam
spyad kyang mi ngoms pa/ /gnyis pa yin cing yang yang ji srid
du/ /

nying 'tshams sbyar bas skye ba brgyud pa yi/ /sngon mtha' mi
mngon pa ni gsum pa'o/ /gsum pa sdug bsngal gsum ni 'khor pa
pa'i/ /tshor ba bde ba dang ni de nyid dang/ /mtshungs par

ldan pa'i sems dang sems byung dang/ /gang la dmigs nas skye yul
zag bcas rnams/ /'gyur ba'i sdug bsngal yin te 'di dag gis/ /nam
zhig slar yang sdug bsngal skyed pas so/ /

@92b dper na shin tu tsha ba'i rma 'bras la/ /chu bsil btab na re
nyig bder snang yang/ /slar yang tsha ba skyed bar 'gyur ba
bzhin/ /tshor ba sdug bsngal mtshungs ldan yul bcas rnams/ /gdung

par byed phyir sdug bsngal gyi sdug bsngal/ /yin te mkhal ma'i
brug gzer drag po bzhin/ /dper na tsha ba'i 'bras de tshwa chu
sogs/ /'gyur byed reg dang 'phrad pa lta bu'o/ /tshor ba btang
snyoms

mtshungs ldan yul bcas pa/ /'du byed sdug bsngal yin te 'di dag
ni/ /las dang nyon mongs snga ma'i gzhan dbang du/ /gyur cing
sdug bsngal dang ni nyon mongs pa/ /phyi ma skye ba'i sa bon
rjes

'brel bas/ /kun 'gro'i gnas ngan len dang ldan pa'o/ /dper na
tsha chu grang chu gnyis ka dang/ /ma 'phrad pa yi tsha ba'i 'bras
bzhin no/ /tshor ba bde ba skyes tshe chags pa rgyas/ /sdug

bsngal skyes cho khong khro 'phel ba dang/ /btang snyoms kyi ni
gnas ngan len gyi lus/ /rtag pa sogs su 'dzin pa'i gti mug
rgyas/ /'dod chags kyis ni phyi mar 'gro ba ltar/ /skye la sogs

pa'i sdug bsngal skyed 'gyur la/ /zhe sdang gis ni 'dir yang mya
ngan dang/ /phyi mar ngan 'gro'i sdug bsngal bskyed par byed/
/gti mug gis ni snga ma de gnyis kyis/ /bskyed pa'i sdug

bsngal gnyis ka mi gtong pa'o/ /des na tshor ba bde ba sdug
bsngal du/ /bltas la 'dod chags dgag cing sdug bsngal la/ /phung
po 'di ni sdug bsngal kun gyi rgyu'i/ /tshogs pa yin

pas de las zug rngu ltar/ /sdug bsngal byung bar bsam la zhe
sdang dgag  btang snyoms la ni phung po mi rtag dang/ /zad cing
'gag pa'i rang bzhin can nyid du/ /bltas la gti mug

@93a @#/ /dgag ste tshor ba gsum/ /dug gsum gyi ni rgyu ru mi
gtong pa'o/ /de dag rnal 'byor spyod pa'i sa zhes dang/ /gtan la
dbab pa bsdu pa'i dgongs pha bzhin/ /bshad

pa'o dper na khur chen khyer pa ni/ /khur de ci tsam bkur dgos
de tsam du/ /bde ba med bzhin nyer len phung po'i khur/ /ji srid
gzung dgos de srid sdug bsngal 'gyur/ /phung po 'di la sdug

bsngal che chung dang/ /nyon mongs phra rag rnams kyi gnas ngan
len/ /brtan chags yod pas 'du byed sdug bsngal de/ /yod na tshor
ba'i sdug bsngal mngon gyur du/ /da lta med pa'i

skabs re byung gyur kyang/ /slar yang sna tshogs sgo nas sdug
bsngal ba/ /du ma skyed pas 'du byed sdug bsngal ni/ /sdug
bsngal kun la khyab dang gzhan gnyis kyi/ /rtsa ba yin phas 'di
la

skyo ba bskyed/ /gzhan yang chags pa rgyas par 'gyur ba yi/ /da
lta'i tshor ba bde ba phal mo che/ /sdug bsngal 'gag la bde ba'i
blo skyes pa/ /yin gyi sdug bsngal bsal la ma ltos pa'i/

ngo bo nyid kyis bde ba yod min te/ /dper na yun ring song bas
ngal ba na/ /bsdad pas bde ba'i snang ba 'byung ba de/ /snga
ma'i sdug bsngal che rim nas 'gag pa'i/ /tshe na bde ba rim gyis
skyes

pa ru; ;snang ba yin gyi ngo bos bde ba ni/ /min te slar yang
sdod yun ring drags na/ /snga ma ltar du sdug bsngal skyed phyir
ro/ /ngo bo nyid kyis bde ba'i rgyu yin na/ /sdug bsngal rgyu ni
ji ltar

ring bsten pa/ /tsam gyis sdug bsngal je 'phel 'gro ba bzhin/
/'gro 'chags nyal 'dug bza' btung nyi grib sogs/ /ji tsam ring
du bsten bde tsam du/ /bde ba 'phel dgos pa la

@93b ring drags na/ /sdug bsngal 'ba' zhig bskyed par snang
phyir ro/ /de ltar dga' bo mngal 'jug mdo las bshad/ /gzhan yang
bzhi brgya pa las kyang/ /'phel bzhin pa yi bde ba la/ /ji

ltar bzlogs pa mthong 'gyur ba/ /de ltar sdug bsngal 'phel bzhin
la/ /bzlogs pa yod pa ma yin no/ /zhes gsungs pa ltar bsam par
bya/ /gnyis pa so so'i sdug bsngal ni//

ngan 'gro'i sdug bsngal sngar bshad ltar/ /bsam zhing tshogs kyi
gtams las kyang/ /de las kyang ni dmyal ba dag  sdug bsngal mi
zad mar po dang/ /dus ring rgyun mi 'chad pa yi/ /

bcad gsheg me yis gdungs ba dang/ /'chod cing btags pa las byung
ba'i/ /shin tu nyam thag rab tu 'phel/ /snal ma lta bur rab
'tshed pas/ /bsreg cing tsha rims 'dra nyam thag

dud 'gro phan tshun sdang dang srog  rang dbang med par bsad sogs
kyis/ /rtag tu sdug bsngal kyis gdungs pas/ /phal cher dmyal ba
dag dang mtshungs/ /yi dgas me lce'i phreng ba yis/ /

bskor zhing skad gsang mthon por sgrogs/ /la la ? kha nas me
'bar gzhan/ /mgrin pa khab mig lto ri tsam/ /rtag tu bkres skom
la sogs pas/ /sreg cing lus ni skam pa dang/ /kha cig

skyugs pa za ba ste/ /gzhan dag de yang rab rnyed dga'/ /zhes
gsungs pa ltar bsam par bya/ /mi yi sdug bsngal bsam pa ni/
/sngar bshad sdug bsngal brgyad dang drug  gsum dang

tshogs kyi gtam las ni/ /ngan 'gro'i sdug bsngal ma lus pa/ /mi
rnams la yang yod par snang/ /sdug bsngal gzir bsad myal ba
mtshungs/ /dbul bas gshin rje'i 'jig rten pa/ /

@94a @#/ /'di yi dud 'gro'i sdug bsngal yang/ /mthu lngan stobs
kyis mthu med pa/ /rnam par gnon zhing 'tshe ba dag/ /chu bo lta
bu nyid yin no/ /kha cig dbul ba las

gyur dang/ /gzhan dag chog mi shes las byung/ /yongs tshol sdug
bsngal mi bzad dang/ /thams cad 'khru zhing gsod pa yin/ /zhes
dang bzhi brgya ba las kyang/ /mchog la yid kyi

sdug bsngal ste/ /tha mal rnams la lus skyes so/ /sdug bsngal
gnyis kyis 'jig rten 'di/ /nyin re nyin re 'joms par byed/ /ces
dang bstan pa'i rims pa las/ /mi la'ang

skye rga na 'chi sdug bral sogs/ /'khrug khro phrag dog ser sna
mi dge mang/ /cha grangs phan tshun gnod dang tshe thung dang/
/'chi dang ngan 'gror ltung sogs mang drag gzir/ /zhes gsungs pa
ltar

sdug bsngal sna tshogs pas/ /gzir ba bsam ste skyo ba bskyed par
'bad/ /lha min mi las dpal 'byor lhag na yang/ /lha yi dpal la
sdang bas yid gdungs shing/ /'thab tshe bcad dral la

sogs sdug bsngal myong/ /shes rab ldan yang rnam smin sgrib pa
can/ /yin pas rten der bden mthong skal ba med/ /des na smad
pa'i gnas te bshes spings las/ /lha min dag

na'ang rang bzhin gyi lha yi/ /dpal la sdang phyir yid kyi sdug
bsngal che/ /de dag blo dang ldan ne'ang 'gro ba yi/ /sgrib bas
bden pa mthong ba ma mchis so/ /zhes so 'dod lhar 'chi 'pho
ltung

ba dang; ;spa kong pa dang bcad dral gsod spyug gi /sdug bsngal
gsum ste 'pho tshe 'chi ltas lnga/ /mthong nas de las sdug bsngal
che 'byung zhing/ /'phos nas ngan 'gror ltung ste bshes

@94b springs las/ /mtho ris na yang bde chen de dag gi /'chi
'pho'i sdug bsngal nyid ni de bas che/ /de ltar bsam nas mkhas
pa rnams kyis ni/ /zad 'gyur mtho ris slad du sred med bgyi/
/zhes dang 'chi ltas lnga ni de

nyid las/ /lus kyi kha dog mi sdug 'gyur ba dang/ /stan la mi
dga' me tog phreng rnyings dang/ /gos la dri ma chags dang lus
la ni/ /sngon chad med pa'i rngul 'byung zhes bgyi ba/ /mtho ris
'chi 'pho sbron byed

'chi ltas lnga/ /lha yul gnas pa'i lhu ? rnams la 'byung ste/
/sa steng mi rnams 'chi bar 'gyur ba dag/ /sbron par byed pa'i
'chi ltas rnams dang 'dra/ /zhes dang ltung ba'i sdug bsngal de
nyid las/ /lha yi 'jig

rten dag nas 'phos pa la/ /gal te dge ba'i lhag ma 'ga' med na/
/de nas dbang med dud 'gro yi dags dang/ /dmyal bar gnas pa gang
yang rung bar 'gyur/ /zhes so spa kong ba yi sdug bsngal ni/
/bsod

nams che lngan lha yi dpal 'byor rnams/ /bsod nams chung ba'i
lha yis mthong ba na/ /spa kong yid mi bde ba chen po myong/
/bcad dral sogs kyi sdug bsngal lha min dang/ /'thab tshe yan lag
nying lag

gcod pa dang/ /lus dral pa yis sdug bsngal cher skyed cing/ /mgo
bo bcad na 'chi ba'i sdug bsngal lo/ /spyug pa'i sdug bsngal
stobs chen lha 'khrugs na/ /mthu chung rang gi gnas nas skrod
pa'o/ /

gzhan yang tshogs kyi gtams las kyang/ /'dod spyod lha ni gang
yin pa/ /de la'ang bde ba'i sems med de/ /'dod pa'i 'dod chags
rims btab pa'i/ /nang gi me yis bsregs gyur pa/ /gang zhig sems

g.yeng gyur pa dag/ /de la bde ba ga la yod/ /g.yi med sems la
skad cig kyang/ /dbang byed pa ni ma yin pas/ /rnam g.yeng
dkrugs pa'i bdag nyid can/ /nam yang zhi bar mi 'gyur te/ /rlung
bcas 'bar

@95a @#/ /bas khyab pa yi/ /me ni shing dang bcas dang mtshungs/
/zhes gsungs pa ltar 'dod yon la/ /chags pa'i me yis rgyud sreg
cing/ /rnam par g.yeng

bas dkrugs pas na/ /zhi ba'i bde ba med par bsam/ /gzugs dang
gzugs med lha rnams kyang/ /sdug bsngal gyi ni sdug bsngal ba/
/mngon gyur med kyang las dbang gis/ /

'phur ba'i bya dang 'phang pa'i mnga'/ /ji bzhin slar yang 'og
tu ltung/ /'gyur ba dang ni 'du byed kyi/ /sdug bsngal gnyis
kyis mnar ba ste/ /tshogs kyi gtams las ji skad du/ /

gang zhig gzugs can gzugs med pa'i/ /sdug bsngal sdug bsngal las
'das shing/ /ting 'dzin bdi ba'i bdag nyid can/ /skal par g.yo
ba med par gnas/ /de yang shin tu

nges grol min/ /de las slar yang ltung bar 'gyur/ /ngan 'gro'i
sdug bsngal rba klong las/ /'das pa lta bur byung gyur la/ /'bad
kyang ji ltar ring mi gnas/ /mkha' la lding ba'i

bya dang mtshungs/ /byis pa'i stobs kyis mda' 'phangs ltar/ /de
ni ltung ba'i mtha' can yin/ /mar me ring du 'bar ba dag/ /skad
cig re re 'jig pa ltar/ /'du byed yongs

'gyur zhes pa yi/ /sdug bsngal dag gis nye bar gtses/ /zhes so
gong du bshad pa ltar/ /'khor ba spyi dang so so yi/ /sdug
bsngal de rnams rang nyid kyis/ /myangs dang

myong tshul legs bsam nas/ /skyo ba shugs drag bskyed byas la/
/de ni bzod dka'i sdug bsngal gnas/ /'khor ba'i rgya mtsho che
'di las/ /brtson pa btson las 'bros ba'i

@95b skabs; ;rnyed na 'bros la brtson pa ltar/ /rang cag chos
dang mjal ba'i dus/ /'dir ni srid las thar phyir du/ /'bad bar
rigs ste jo bo rjes/ /ji ltar btson ni brtson ra las/ /

'bros ba'i glags ni byung ba'i tshe/ /ched ka gzhan dang mi
snyoms par/ /de yi gnas nas 'bros pa ltar/ /'khor ba'i rgya mtsho
che 'di las/ /rgal ba'i klag dag byung gyur na/ /ched

ka gzhan dang mi snyoms par/ /srid pa'i khyim nas 'byung bar
bya/ /zhes dang bka' gdams bstan pa'i rim pa las/ /ltos shig
mkhas pa bdag la legs 'dod pa/ /su zhig

'di lta bu la mngon dga' bas/ /pag med 'dod sogs dbang gyur rab
sgrags nas/ /snying po dang ldan legs gsungs bdud rtsi mchog
bde legs kun gyi 'byung gnas gcig pu la/ /

'bad mang bsgribs te la ger 'bros mi byed/ /zhes so gnyis pa kun
'byung bden pa yi/ /sgo nas 'khor ba'i 'jug rim bsam pa ni/ /de
ltar sdug bden nyes dmigs bsam pa na/ /

skyo ste nyes dmigs gang gis bskyed snyam na/ /sems 'di nyon
mongs drag pos rab bskyod de/ /nyes spyod la sogs dbang med
bsags pa yis/ /ngan 'gro'i sdug bsngal la sogs

bzod dka' ba'i/ /sdug bsngal thams cad myang ste bstan rim las/
/sems ni gdul dga' nyon mongs drag po'i tshogs/ /rab 'bar dgra yi
dbang gyur nyes spyod ni/ /mi bzad

rang dbang med par gsog pas na/ /ngan song la sogs sdug bsngal
g.yang sar 'phen/ /zhes pa ltar ro las nyon kun 'byung gis/
/'khor bar 'jug pa'i rim pa 'di la gsum/ /

@96a @#/ /nyon mongs skye tshul de yis las sog tshul/ /'chi 'pho ba
dad nying 'tshams sbyor tshul lo/ /dang po 'khor ba 'grub la las
nyon gnyis/ /dgos kyang nyon mong

gtso ste de med na/ /sngar bsag bgrang las 'das pa'i las yod
kyang/ /dper na drod ngar rlan sogs med pa yi/ /sa bon las ni
'bras bu mi 'byung ltar/ /lhan cig byed rkyen med

pas 'bras mi 'byin/ /nyon mongs yod na sngar bsags las med
kyang/ /gsar du bsag nas phung po 'grub phyir ro/ /de skad du
yang rnam 'grel las/ /srid pa'i sred las rnam

rgal ba'i/ /las gzhan 'phen nus ma yin te/ /lhan cig byed pa zad
phyir ro/ /zhes dang de las sred pa ni/ /yod na slar yang 'byung
phyir ro/ /zhes pa rnams kyis gsal bar

gsungs/ /des na sdug bden 'gog pa la/ /de skyed rgyu gnyis 'gog
dgos la/ /de yang nyon mongs rtsa ba ru/ /shes ste de yi gnyen
po zhig  bsten pa gal che de las ni/ /nyon

mongs shes la rag las pas/ /'di la nyon mongs ngos 'dzin dang/
/ji ltar skye ba'i rim pa dang/ /skyed ba'i rgyu dang nyes dmigs
ste/ /bzhi las dang po nyon mongs pa/ /ngos bzung ba ni

'de lta lte/ /gang zhig skyes na sems kyi rgyud rab tu/ /ma zhi
bar byed blo de nyon mongs pa/ /'di la gtso bo bcu las 'dod
chags ni/ /phyi dang nang gi sdug cing yid 'ong ba'i/ /yul la

rjes su chags shing bral dka' ba/ /khong khro sems ldan sems med
khro yul la/ /dmigs ste kun nas mnar 'dod sems rtsub mo/ /nga
rgyal 'jig lta la brten phyi nang gi  mtho dman

@96b bzang ngan la dmigs sems khengs pa/ /ma rig bden bzhi las
'bras dkon mchog gsum/ /sogs kyi rang bzhin mi gsal mi shes pa/
/the tshom bden bzhi las 'bras dkon mchog

sogs; ;yod dam med dang yin nam min snyam sems/ /'jig lta nyer
len phrung po la dmigs nas/ /nga dang nga'i zhes bdag dang bdag
gir lta/ /mthar lta 'jig ltas bzung ba'i bdag

rtag gam/ /nying 'tshams sbyor ba med pa'i chad par lta/ /lta ba
mchog 'dzin lta ba gsum po dang/ /lta po'i phung po gang rung
mchog tu 'dzin/ /tshul khrims mchog 'dzin tshul khrims rtul

zhugs dang/ /phung por dmigs nas srid las grol bar lta/ /log lta
las 'bras la sogs med ce'am/ /dbang phyug la sogs 'gro ba'i
rgyur 'dzin pa/ /'di bcu sems byung yin cing phyi ma

lnga; ;shes rab nyon mongs can yin 'di rnams ni/ /kun las btus
pa sogs las 'byung ltar bshad/ /gnyis pa ji ltar skye ba'i rim
pa ni/ /'jig lta ma rig gnyis po so so bar/ /

'dod pa ltar na dper na thag khra la/ /mun pa cung zad bab ste
mi gsal tshe/ /de la sbrul du 'dzin pa'i blo skye ltar/ /phung
po'i gnas lugs sgrib pa'i ma rig pa'i/ /mun pa las ni bdag tu

'khrul ba skye/ /de las nyon mongs gzhan rnams skye bar 'gyur/
/gcig tu 'dod pa ltar na 'jig lta yis/ /bdag tu bzung tshe rang
bzhin so so bar/ /ris su bcad nas chags sdang la sogs

pa'i; ;nyon mongs gzhan rnams skye ste rnam 'grel las/ /bdag yod
na ni gzhan du shes/ /bdag gzhan cha las 'dzin dang sdang/ /'di
gdag dang ni yongs 'brel las/ /nyes pa thams

@97a @#/ /cad 'byung bar 'gyur/ /zhes dang zla ba'i dbu ma 'jug
par yang/ /nyon mongs skyon rnams ma lus 'jig tshogs la/ /lta las
byung ba blo yis mthong

'gyur zhing/ /zhes so gsum pa nyon mongs rgyu drug las/ /rten ni
nyon mongs pa yi bgal nyal/ /dmigs pa nyon mongs skye ba'i yul
rnams snang/ /'du 'dzi grogs po ngan pa'i

rjes su slob/ /bshad pa log par 'chad pa'i chos nyan pa/ /goms
pa nyon mongs 'dris pa'i stobs skyed pa/ /yid byed tshul min yid
la byed pa'o/ /bzhi pa nyes dmigs nyon

mongs skyes pa na/ /sems ni nyon mongs par byed dmigs pa la/
/phyin ci log tu byed dang pag la nyal/ /brtan par byed dang
rigs mthun nyon mongs pa/ /rgyun mi 'chad par byed dang

rang gzhan la/ /gnod dang 'di phyir kha na ma tho skye/ /sdug
bsngal yid mi bde ba myong ba dang/ /skye ba la sogs sdug bsngal
'grub par byed/ /myang 'das chos las ring du 'gro ba dang/ /

dge ba nyams byed longs spyod nyams pa dang/ /'khor gyi nang du
yid ni zhum pa dang/ /dga' ba med cing mi 'jigs pa'ang med/
/phyogs mtshams kun tu mi snyan 'phel ba dang/ /ston

pas smod cing bsrung ma sogs kyis smod/ /'gyod bzhin 'chi la shi
nas ngan 'gror skye/ /rang don mi thob pa'o rgyan las kyang/
/nyon mongs rnams kyis bdag 'joms sems can

'joms shing tshul khrims 'joms/ /nyams bcas rnyed pas dman zhing
bsrung dang de bzhin ston pas smad/ /rtsod pa mi snyan de ni
gzhan du mi khom gnas su skye/ /thob dang ma thob nyams

@97b pas yid la sdug bsngal chen po 'thob/ /zhes dang gzhan yang
spyod 'jug las/ /zhe sdang sred sogs dgra rnams ni/ /rkang lag
la sogs yon min la/ /dpa' 'dzangs min yang ci

zhig ltar/ /de dag gis bdag bran bzhin byas/ /bdag gi sems la
gnas bzhin du/ /dga' mgur bdag la gnod byed pa/ /de la mi khro
bzod pa ni/ /gnas min bzod pa smad pa'i

gnas; ;gal te lha dang lha min rnams/ /thams cad bdag la dgrar
langs kyang/ /de dag gis kyang mnar med pa'i/ /me nang khrid
cing 'jug mi nus/ /nyon mongs stobs chen dgra 'dis

ni; ;gang dang phrad na ri rab kyang/ /thal ba yang ni mi lus
pa/ /der bdag skad cig gcig la 'dor/ /bdag gi nyon mongs dgra bo
gang/ /dus ring thog mtha' med pa ltar/ /dgra gzhan

kun kyang de lta bur/ /yun ring thub pa ma yin no/ /mthun par
rim 'gro bsten byas na/ /thams cad phan dang bde byed na/ /nyon
mongs rnams ni bsten byas na/ /phyir zhing sdug bsngal gnod

pa byed; ;ces gsungs pa ltar shes par bya/ /gnyis pa nyon mongs
pa yis las sog tshul/ /'chad la gnyis ste bsag par bya ba'i las/
/ngos bzung ba dang ji ltar sog tshul lo/ /dang

po las la gnyis ste sems pa'i dang/ /bsam pa'i las so dang po
sems pa'i las/ /rang dang mtshung par ldan pa'i sems yul la/
/g.yo zhing bskul ba'i sems 'byung yid las so/ /

gnyis pa bsam pa'i las ni sems pa des/ /kun nas slang ba'i lus
dang ngag gi las/ /yin te mngon pa mdzod las ji skad du/ /las ni
sems pa dang des byas/ /sems pa yid kyi

@98a @#/ /las yin te/ /des skyed lus dang ngag gi las/ /zhes so
phyi ma gzugs can du/ /bye smra 'dod la dbyig gnyen gyis/ /lus
dang ngag gi rigs byed dang/ /

mnyam du 'jug pa'i sems pa la/ /bzhed pas gnyis ga sems par
bshad/ /las la bsod nams bsod nams min pa dang/ /mi g.yo pa yi
las gsum dang po ni/ /'dod pa

khams kyis bsdus pa'i dge ba'i las/ /gnyis pa 'dod pa'i sas
bsdus mi dge'i las/ /gsum pa gzugs dang gzugs med sas bsdus
pa'i/ /dge ba zag bcas las so

mdzod rtsa las/ /bsod nams bsod nams min mi g.yo/ /bsod nams
'dod khams dge ba'i las/ /mi g.yo gong ma las skyes pa/ /zhes
so ci'i phyir mi g.yo ba'i/ /las

zhes bya na 'dod khams na/ /lha yi rten la smin rgyu'i las/ /kha
cig mi dang dud 'gro dang/ /yi dags rten la smin pa ni/ /'bras
bu g.yo ba yin pa bzhin/ /khams ni gong mar sa

gzhan du/ /smin rgyu'i las ni sa de las/ /gzhan du smin par mi
nus pas/ /mi g.yo zhes bya de nyid las/ /gang phyir sa ni de
dag tu/ /las rnams smin phyir mi g.yo'i phyir/ /zhes

pas gsal bar gsung phyir ro/ /gnyis pa las de ji ltar sog tshul
ni/ /spyir na 'phags pa rnams la dge ba'i las/ /ci rig skyed
cing gsar du sog pa yod/ /mi dge'i las kyang rgyun

zhugs phyir 'ong gis/ /sog pa yod kyang 'khor bar 'phen pa'i
las/ /'phags pas gsar du sog pa mi srid de/ /dbu ma rtsa ba shes
rab las/ /'khor ba'i rtsa ba 'du byed de/ /de phyir

@98b mkhas rnams 'du mi byed/ /de phyir mi mkhas byed po yin/
/mkhas min de nyid mthong phyir ro/ /zhes dang dbyig gi gnyen
pos kyang/ /bden pa mthong la 'phen pa med/ /ces gsung pa

las gsal phyir ro/ /des na ji srid rang nyid bdag 'dzin gyi/
/dbang du 'gro ba de srid 'phen byed kyi/ /las de sog pa yod la
bdag med pa'i/ /de nyid mngon gsum rtog nas las nyon gyi/ /

dbang gis 'khor bar skye ba yod na yang/ /'phen byed las de gsar
du mi sog te/ /stobs ldan mi yis stobs chung rtung ba ltar/
/rgyun zhugs phyir 'ong gis kyang bdag 'dzin de/ /dang du len

bar mi byed spong ngo zhes/ /rnal 'byor spyod pa'i sa las gsung
phyir ro/ /des na 'khor bar 'phen par byed pa'i las/ /sog pa po
ni theg pa chen po yi/ /sbyor la mchos mchog chen po la

gnas pa/ /man gyi so so skye bo thams cad do/ /'jig lta'i gzhan
dbang gyur ba'i sgo gsum gyis/ /srog gcod la sogs mi dge 'du
byed na/ /bsod nams min pa'i las sog 'dod khams

kyi; ;dge ba sbyin gtong la sogs 'du byed na/ /bsod nams las sog
bsam gtan gzugs med kyi/ /sa yis bsdus zhig nas sogs sgoms na/
/mi g.yo ba yi las ni sog pa

yin; ;srid pa'i phun tshogs kun la nyes dmigs su/ /bltas nas thar
pa 'dod pa'i 'dun pa yis/ /kun nas slangs ste dge ba'i las du
ma/ /sgrub pa'i las dang gzhan dbang bdag med

pa'i; ;don la tshul bzhin dpyod pa'i shes rab dang/ /mtshungs par
ldan pa'i sems pa dge ba yi/ /las rnams kun 'byung yin nam min
zhe na/ /snga ma de ni srid pa phyi ma la/ /'dun

@99a @#/ /cing sred pa'i gnyen po'i phyogs yin cing/ /phyi ma
'khor ba'i rtsa ba bdag 'dzin dang/ /dmigs rnams 'gal bar 'jug
pas 'phen byed kyi/ /rgyu yi kun 'byung bden pa

rang dga' ba/ /dngos de min kyang yang srid phyi ma zhig /skyed
pa'i kun 'byung bden pa dngos gnas dang/ /rjes su mthun pas kun
'byung gis bsdus par/ /'jog par gtan la dbab pa bsdu

bar bshad/ /nges 'byung byang sems yang dag lta ba gsum/ /gang
gis kyang ni zin pa dang bral ba'i/ /dge sbyor rnams ni yon tan
khyad par ba'i/ /zhing gi mthu la brten pa 'ga' ma gtogs/ /

yun 'byung rang dgar 'gro pas 'khor ba'i rgyu/ /gtso bor ma shi
tshun gyi bde ba'i phyir/ /dmigs na bsod nams min pa'i las sog
la/ /phyi ma'i bde la dmigs na bsod nams las/ /ting nge sa la
skyes tshor ba bde ba la/ /de dmigs na bsam gtan gsum pa man chad
kyi/ /gong mar skye ba'i mi g.yo'i las sog cing/ /'dod la ma
chags tshor ba bde bas kyang/ /sun nas btang

snyoms don du 'du byed na/ /bsam gtan bzhi pa nas bzung srid
rtsi'i bar/ /skye ba'i mi g.yo ba yi las sog pa/ /slob dpon
dbyig gi gnyen po'i dgongs pa yin/ /de yi rigs pas

srid pa mtha' dag la/ /zhen pa log nas thar pa 'thob phyir ru/
/sgo gsum dge ba mngon par 'du byed na/ /'khor bar je ring thar
bar je nyer 'gro/ /gsum pa 'chi 'pho ba dang yang srid du/ /

nying 'tshams sbyor ba'i tshul la rnam lnga ste/ /'chi rkyen 'chi
ba'i sems dang lus kyi drod/ /gang nas bsdud dang shi nas bar ma
do'i/ /srid pa 'grub lugs de nas skye srid du/ /skye ba len pa'i

@99b tshul lo dang po ni/ /tshe zad pa yis 'chi ba sngon las kyis/
/ji ltar 'phang pa'i tshe kun zad nas 'chi/ /dus la bab pa'o bsod
nams zad nas ni/ /'chi ba yo byad med nas 'chi ba'o/ /

de las gzhan du yang ma spangs pas/ /tshe ma zad par 'chi ba'i
'chi rkyen dgu/ /mdo las gsung ste kha zas tshod mi zin/ /mi
'phrod za dang snga ma ma zhu bar/ /za dang ma zhu ltor bsags

'byin mi byed/ /smin pa bsgag dang sman ni mi bsten dang/ /goms
dang ma goms mi shes dus min par/ /'gro dang mi tshangs par ni
spyod pa'o/ /gnyis pa 'chi ba'i sems gsum dge

sems dang/ /ldan par 'chi ba rang gis dran pa'am/ /gzhan gyis
dran du bcug pa'i dad pa sogs/ /dge chos 'du shes rag pa 'byung
ba'i bar/ /sems la kun tu stong pa'o dge ba

dang; ;mi dge byed pa'i gang zag 'chi ba na/ /rang gis dran
pa'am gzhan gyis dran byed kyang/ /sngan bshad lan mang goms par
byas pa de/ /stobs dang ldan par 'gyur te de yi sems/ /

de la gzhol 'gyur gzhan ni brjed par 'gyur/ /mtshungs par goms na
dang por gang dran pa/ /de las ldog par mi 'gyur gzhan mi 'jug
/dge ba byed pa 'chi ba mun khrod nas/ /snang

bar 'gro dang 'dra la 'chi ba'i tshe/ /de la rmi lam lta bu'i yid
'ong gzugs/ /sna tshogs 'byung zhing bde bar 'chi 'gyur te/ /sdug
bsngal drag po mi 'byung nang gcod chung/ /mi dge'i sems

dang ldan par 'chi ba ni/ /rang gis dran nam gzhan gyis dran
bcug kyang/ /rung ste chags sogs mi dge dran pa rnams/ /'du shes
rag pa rgyu ba'i bar du 'byung/ /de yis sdug bsngal tshor

@100a @#/ /ba drag po myong/ /mi dge sngar byas las kyi 'bras bu
yi/ /snga ltas 'dir myong rmi lam bzhin du gzugs/ /mi sdug du ma
de la snang bar 'gyur/ /snang

nas mun pa'i khrod du 'gro dang 'dra/ /mi dge chen po byed rnams
mi sdug pa/ /de dag mthong bas lus la sdug bsngal 'byung/ /spu
zing zhes byed rkang lag g.yo ba pa dang/ /

bshang gci 'byung dang mkha' la rnyob pa dang/ /mig ldog pa dang
kha nas dbu ba 'byung/ /mi dge 'bring du byed la de dag las/
/kha cig 'byung la rdzogs par mi 'byung zhing/ /nyes pa

byed la gnad gcod shin tu che/ /lha dang dmyal ba gnyis po ma
gtogs pa'i/ /skye gnas kun la gnad gcod de yod do/ /thams cad
kyang ni 'chi ba'i dus kyi tshe/ /'du shes mi

gsal ba la ma slob pa'i/ /bar du yun ni ring mo nas goms pa'i/
/bdag la chags pa 'byung ngo de'i 'og tu/ /bdag la chags pa'i
dbang gis bdag med par/ /'gyur ro

snyam nas lus la chags 'gyur te/ /de ni bar do 'grub pa'i rgyu
yin no/ /de la rgyun zhugs phyir 'ong gnyis la yang/ /bdag la
chags pa 'byung mod shes rab kyis/ /brtags

nas spong gi dang du mi len te/ /stobs ldan mi yis stobs chung
rdung dang 'dra/ /phyir mi 'ong la bdag chags de mi 'byung/
/lung ma bstan gyi sems dang ldan par ni/ /'chi 'pho

pa ni dge dang mi dge ba/ /byed byed pa'am de 'dra min kyang
rung/ /rang gis dge dang mi dge ma dran la/ /gzhan gyis kyang ni
dran par ma byas pa'o/ /de ni bde sdug gang dang yang mi

@100b ldan; ;dge ba'i sems dang ldan par 'chi pa yang/ /'du shes
rag pa yod pa'i bar yin gyi/ /'du shes phra mo rgyu tshe dge ba'i
sems/ /ldog cing lung ma bstan gyi

sems su 'gyur/ /de tshe sngon nas goms par byas pa yi/ /dge ba la
yang brtsam par mi nus la/ /gzhan dag gis kyang dran par byed mi
nus/ /mi dge'i sems kyis

'chi la'ang de 'dra bas/ /'du shes phra mo rgyu tshe 'chi ba'i
sems/ /thams cad lung ma bstan gyi sems su 'gyur/ /gsum pa 'chi
ba'i tshe na lus kyi drod/ /gang nas bsdud na

mi dge byed byed pa'i/ /rnam shes kyis ni stod nas lus 'dor bas/
/dang por ro stod grang mor 'gyur ba ste/ /snying kha la ni thug
pa'i bar du'o/ /dge ba byed byed pa ni ro smad nas/ /

'dor zhing grang par 'gyur te gnyis ka yang/ /snying kha nas ni
rnam shes 'pho ba'o/ /dang po khu khrag dbus su rnam shes gang/
/zhugs pa de ni lus kyi snying khar 'gyur/ /tha mar gang

nas 'pho ba de nyid du/ /thog mar 'jug pa yin no de ltar na/
/drod ni thogs mar stod nas snying kha'i bar/ /bsdus na de nas
smad nas snying kha dang/ /thog mar smad nas bsdus na de nas

ni; ;stod nas snying khar sdud pa shes par bya/ /bzhi pa shi nas
bar do 'grub lugs ni/ /sngar bshad pa ltar rnam shes phyogs gar
nas/ /'phos pa'i phyogs nas bar du ma chad

par; ;shi ma thag tu bar do'i srid pa 'grub/ /dper na srang
mda'i mgo 'jug mtho dman bzhin/ /rgyu ni lus la chags pa skyes
pa dang/ /sngon tshe spros la dga' bas yongs

@101a @#/ /bsgos pa/ /dge 'am mi dge'i las la brten nas so/ /bar
do de yang dbang po kun tshang zhing/ /skye 'gyur 'gro ba'i lus
kyi rnam pa can/ /mig ni lha yi

mig ltar thogs med cing/ /lus kyang rdzu 'phrul ldan bzhin thogs
pa med/ /bar do rigs mthun dang ni sgoms pa las/ /byung ba'i lha
mig skyon dang bral bas mthong/ /de skad du

yang mdzod las kyang/ /sngon dus srid 'byung sha tshugs can/ /de
ni 'chi ba'i sngon rol te/ /skye ba'i skad cig phan chad do/
/ris mthun lha mig dag pas mthong/ /las kyi rdzu

'phrul shugs dang ldan/ /dbang po kun tshang thog med ldan/ /mi
zlog de ni dri za'o/ /zhes so drangs ma thag pa las/ /'gro ba
gang gi bar do de/ /grub na skye ba gzhan du ni/ /bzlog

tu med ces gsung mod kyi/ /kun las btus las ldog pa'ang bshad/
/srid pa bzhi ni shi nas skye srid du/ /skye ba ma blangs par ni
bar srid dang/ /skye ba blang ba'i skad cig dang po ni/ /

skye srid yin cing de yi skad cig ma/ /gnyis pa nas ni 'chi srid
skad cig ma/ /tha ma'i snga rol par ni sngon dus kyi/ /srid pa'o
'chi ba'i skad cig tha ma ni/ /'chi srid du ni mdzod las gsungs

pas na/ /kha cig bar do skye ba snga ma yi/ /lus dbyibs can du
'dod dang kha cig ni/ /nyin zhag phyed dang bzhi la snga ma
dang/ /phyed dang bzhi la phyi ma'i dbyibs can du/ /'dod pa dag

dang sngon gyi lus mthong nas/ /yid mi bde ba skye bar 'dod pa
yang/ /rnam dag khungs med sgro btag kho na'o/ /shas cher mi dge
byed pa'i bar srid ni/ /phyar pa nag po'i ma mtshan mo

@101b mun nag tu/ /snang ba lta bu'o dge byed bar srid ni/ /snam
bu dkar po'i zla 'od dang bcas pa'i/ /mtshan mo'i snang ba lta
bu'o rang rang dang/ /rigs mthun bar do dang ni de dag dang/ /

rang gi skye gnas mthong ngo mngal 'jug las/ /dmyal ba'i bar do
sdong dum tshig 'dra dang/ /dud 'gro'i bar do du ba lta bu dang/
/yi dags kyi ni bar do chu lta bu/ /'dod pa'i lha dang mi yi

bar do ni/ /gser lta bu dang gzugs kyi khams pa yi/ /bar do dkar
por gsung ste kha dog gi /khyad par yan no gzugs med khams nas
khams/ /'og ma gnyis su skye na bar

do yod; ;'og ma gnyis nas gzugs med du skye na/ /gang du shi ba
der ni gzugs med kyi/ /phung po 'grub kyi bar do 'grub rgyu med/
/bar do med pa'i dmigs gsal 'di las gzhan/ /

ma bshad yar dang mar gyi 'tshams med la/ /bar do med par 'dod pa
mi rigs so/ /lha yi bar do gyen dang mi yi ni/ /thad kar 'gro'o
nyes byed bar do ni/ /mig ni thur du byas ste spyi'u

tshugs su/ /'gro bar gsung ste ngan song gsum la dgongs/ /mdzod
'grel las ni mi dang yi dags dang/ /dud 'gro gsum gyi bar do
rang ci 'dra/ /de bzhin 'gro bar bshad do che tshad ni/ /

skye rkyen ma rnyed re ltar thogs na'ang/ /zhag bdun gnas shing
skye ba'i rkyen rnyed na/ /nges pa med do gal te ma rnyed kyang/
/lus re brjes nas bdun phrag bdun tshun chad/ /gnas kyi de bar
nges

par rkyen rnyed pas/ /de phan mi gnas khungs las de las ring/
/ma bshad ring bar gnas 'dod mi rigs so/ /lha yi bar do lta bu
zhag bdun gyis/ /shi nas slar yang lha'i bar do de'am/ /

@102a @#/ /yang na mi la sogs pa'i par do zhig  'grub ste de ltar
'grub pa las gzhan gyi/ /bya ba 'gyur bas bar do'i sa bon ni/
/'gyur bar byed pa'i phyir ro gzhan la'ang

'dra; ;lnga pa bar do de las skye srid du/ /nying 'tshams sbyor
tshul mngal du skye 'gyur na/ /bar srid pa des gang du skye gnas
su/ /rang dang rigs mthun mthong nas de dag la/ /lta dang

rtse ba la sogs bya 'dod nas/ /skye ba'i gnas su 'gro 'dod pha
ma yi/ /khu khrag la ni phyin ci log nyid du/ /mthong pa skye
ste de tshe pha ma gnyis/ /nyal po byed pa med kyang byed pa zhig

sgyu ma bzhin du mthong ste chags par 'gyur/ /de yang mo ru
skyen bud med dang/ /'bral bar 'dod cing pho la chags gyur te/
/nyal bar 'dod la pho ru skye 'byur na/ /pho dang 'bral 'dod mo
dang

nyal 'dod do/ /de yang pham dngos de mthong min par/ /khu khrag
la ni 'khrul nas de ltar du/ /mthong par rnal 'byor spyod pa'i
sa las bshad/ /de lta'i 'dod pa skyes nas yul de dang/ /

ji lta ji ltar nye bar phyogs pa na/ /de lta de ltar pho mo'i
yan lag gzhan/ /gang yang mi snang pho mo'i mtshan ma gnyis/
/tsam zhig mthong ngo de la khros nas ni/ /bar srad pa de 'chi
zhing skye

bar 'gyur/ /de yang pha ma gnyis po chags gyur te/ /'dod chags
drag po'i skabs su bab pa na/ /'jug tu khu ba ska ba 'byur 'gyur
la/ /de yi rjes su pha ma gnyis ka las/ /khu

khrag thig pa gnyis ni nges par 'gyur/ /de gnyis ma yi skye gnas
su 'dres ste/ /'o ma skol ba grang ba'i spris ma bzhin/ /chags
par gyur pa de dang lhan cig tu/ /bar srid 'gag

@102b 'gyur de dang dus gcig tu/ /rnam shes mthu yis de las
gzhan pa yi/ /dbang po'i 'byung ba chen po phra ba dang/ /'dres
pa de dang mthun pa'i khu khrag gnyis/ /'dus pa dbang po dang

bcas gzhan 'byung ste/ /de yi dus su rnam shes zhugs pa ni/
/srid par nying 'tshams sbyor ba zhes bya'o/ /kun gzhi 'dod na de
dang mi 'dod na/ /yid kyi rnam shes nying 'tshams sbyor

bar 'dod/ /de la bsod nams chung bzhi ga ? yin na/ /rigs ni dma'
bar skye ste 'pho 'dzug tshe/ /ku co'i sgra grags 'dam bu nag
'thib po/ /sogs kyi nang du 'gro ba'i snang ba 'byung//

legs pa byed byed pa zhig yin na ni/ /rigs ni mthon por skye ste
zhi ba dang/ /snyan pa'i sgra 'byung khang bzang gzhal med
khang/ /sogs kyis gnas su 'gro ba'i snang ba 'byung/ /mngal na

gnas pa de yang zhag bdun phrag  so brgyad kyis ni mngal du yan
lag dang/ /nying lag thams cad dang ni ldan par 'gyur/ /zla ba
dgu'am de las 'das na ni/ /shin tu rdzogs 'gyur zla ba

brgyad kyis ni/ /rdzogs kyang shin tu rdzogs pa ma yin la/ /drug
gam bdun gyis mi rdzogs yan lag rnams/ /ma tshang bar yang 'gyur
zhes mngal 'jug las/ /gsungs shing rgyas par

de las shes par bya/ /gar skye'i gnas su 'gro 'dod med gyur na/
/mi 'gro ma song na ni dang mi skye/ /dmyal bar skye ba shan pa
bya ba'am/ /phag 'tshong la sogs sdom min can

rnams kyi/ /bar srid tshe na rang gi skye gnas su/ /lug la sogs
pa rmi lam bzhin du mthong/ /sngon nas goms pa'i dga' bas der
rgyug cing/ /de nas skye ba'i gnas kyi gzugs

@103a @#/ /de la; ;khros nas bar srid 'gag cing skye srid du/
/skye ste de bzhin dmyal ba dang 'dra ba'i/ /yi dags wa ba can
la sogs pa ru/ /skye pa'ang de dang

'dra zhing dud 'gro dang/ /yi dags mi dang lta yi rigs rnams su/
/skye na skye ba'i gnas der rigs mthun pa/ /dga' ba'i sems can
mthong zhing de nas der/ /dga' dang 'dod pa skyed de

song ba dang/ /skye ba'i gnas la khros nas bar srid de/ /'gag
cing skye bar rnal 'byor spyod pa'i sar/ /gsung ste bya ba la
sogs sdom min can/ /min pa'i dmyal bar skye ba'ang

'di dang 'dra/ /sdzus ste skyen gnas 'dod dro dag sher las/
/skye na dri 'dod de yang tsha dmyal du/ /skye na dro ba 'dod
cing grang dmyal du/ /skye na bsil ba 'dod nas bar srid 'gro/ /

sgong skyes kyang ni mngal las skyes dang 'dra/ /gnyis pa rten
'brel sgo nas 'khor ba'i tshul/ /bsam la bzhi ste yan lag dbye ba
dang/ /yan lag bsdu ba tshe rabs du la rdzogs/ /don

bsdu pa'o dang po bshes springs las/ /ma rig pa las las te de
las ni/ /rnam shes de las ming dang gzugs rab 'byung/ /de la
skye mched drug ste de las ni/ /reg pa kun tu 'byung

bar thub bas gsungs/ /reg pa las ni tshor ba 'byung 'gyur zhing/
/tshor ba'i gzhi las sred pa 'byung bar 'gyur/ /sred las len pa
skye bar 'gyur pa ste/ /de las srid pa srid

las skye ba lags/ /skye ba yod na mya ngan na dang rga/ /'dod
pas 'phongs dang 'chi dang 'jigs sogs kyi/ /sdug bsngal phung po
shin tu che 'byung ste/ /skye pa 'gag pas 'di

@103b kun 'gag par 'gyur/ /zhes gsung pa ltar yan lag bcu gnyis
las/ /ma rig pa ni rig pa yang dag pa/ /bdag med rtogs pa'i rig
pa'i 'gal zla ste/ /bdag tu 'dzin

pa'i 'jigs ltar chos sgrags bzhed/ /thogs med sku mched bdag med
yang dag pa'i/ /don la phyin ci log tu 'dzin pa dang/ /rmongs
tsam ma rtogs pa yi blo gnyis las/ /

phyi mar bzhed de de yi zlogs phyogs kyi/ /gnyen po'i gtso bo
bdag med rtogs pa yi/ /shes rab nyid la bzhed par gnyis ka 'dra/
/rmongs pa de la las 'bras la rmongs dang//

bdag med don la rmongs pa gnyis yod de/ /sdams ngan 'gror 'phen
pa'i las sog cing/ /phyi mas bde 'gror 'phen pa'i las sog par/
/kun las btus su gsungs so

'du byed ni/ /las yin de la ngan 'gror 'phen pa yi/ /bsod nams
sam yin pa yi 'du byed dang/ /'dod pa'i bde 'gro 'phen pa'i dge
las dang/ /gong ma'i bde 'gro 'phen pa'i

mi g.yo ba'i/ /'du byed gsum mo rnam par shes pa ni/ /kun gzhi
'dod na gun gzhi'i rnam shes dang/ /mi 'dod na ni yid kyi rnam
shes so/ /de yang mi dge'i las 'bras la mongs

nas; ;mi dge bsags pa'i las kye bag chags de/ /bsgos pa'i cho
'di'i rnam shes rgyu dus kyi/ /rnam shes yin cing de la brten
nas ni/ /ngan 'gror nying 'tshams sbyar ba'i rnam

shes ni; ;'bras bu'i dus kyi rnam par shes pa yin/ /de bzhin
bdag med don la rmongs pa yi/ /dbang gis bde 'gro rnams kyang
yang dag par/ /sdug bsngal pa la de ltar ma

@104a @#/ /shes par/ /bde bar bzung nas bsod nams mi g.yo'i las/
/sog pa'i dus kyi rnam shes rgyu dus dang/ /de la brten nas bde
'gro gang rung du/ /

nying 'tshams sbyar ba'i rnam shes 'bras dus kyi'o/ /ming dang
gzugs la ming ni tshor ba dang/ /'du shes 'du byed rnam par shes
pa bzhi/ /gzugs can min pa'i ming bzhi'i

phung po ste/ /gzugs nas gzugs med khams su skyes pa na/ /gzugs
kyi sa bon tsam yod gzugs med la/ /de las gzhan du skyes tshe mer
mer bo/ /la sogs gzugs

phung ji ltar rig par sbyar/ /skye mched drug ni mngal las skyes
pa na/ /dang por rnam shes zhugs pa'i khu khrag gi /mer mer bo
dang ming bzhi 'phel ba yis/ /mig la sogs pa'i

skye mched bzhi 'grub ste/ /lus dang yid kyi skye mched mer mer
po'i/ /dus nas yod do brdzus ste skye na ni/ /nying 'tshams sbyar
tshe dbang po drug ka yang/ /gcig char 'grub

pas snga phyi'i rim pa med/ /sgong skyes drod gsher skyes gnyis
mngal ma gtogs/ /gzhan rnams 'dra bar sa yi dngos gzhir bshad/
/ming gzugs grub tshe lus kyi ngo bo thob/ /

skye mched drug po grub na 'byung lus kyi/ /khyad par grub pas
longs spyod pa'o grub/ /skye mched gzugs can lnga ni gzugs med
kyi/ /khams su skyes na med do reg pa ni/ /yul dang

dbang po rnam shes gsum 'dus nas/ /yid du 'ong dang mi 'ong bar
ma'i yul/ /yongs su gcod pa 'os lu ljang ba'i mdor/ /skye mched
drug gi rkyen gyis zhes gsungs pas/ /yul

@104b dang rnam shes mtshon no tshor ba ni/ /reg pas yul gsum
yongs su bcad pa dang/ /rjes su mthun par tshor ba bde sdug dang/
/btang snyoms gsum po skyes pa'o sred pa ni/ /

tshor ba bde ba la ni mi 'bral dang/ /sdug bsngal las ni 'bral
bar sred pa'o/ /tshor ba'i rkyen gyis sred pa skye gsungs pa/ /ma
rig pa yi 'du ste reg pa yi/ /rkyen gyis sred pa

skyed kyi ma rig pa/ /med na tshor ba yod kyang sred mi skye/ /de
ltar reg pa yul gyi longs spyod dang/ /tshor ba skye ba'am rnam
par smin pa yi/ /longs spyod yin pas de gnyis rdzogs pa na//

longs spyod rdzogs pa yin no sred pa la/ /'dod pa'i sas bsdus la
sogs khams gsum gyi/ /sred pa gsum char yod do len pa ni/ /yul
rnams bzhi la 'dun cing chags pa bzhi/ /

'di ltar gzugs sgra la sogs 'dod yon dang/ /'jig lta ma gtogs
lta ba ngan pa dang/ /lta ngan dang 'brel tshul khrims rtul zhugs
dang/ /'jig tshogs lta la 'dun cing chags pa yi/ /

'dod pa nyer len lta ba nyer len dang/ /tshul khrims rtul zhugs
nyer len gang zag gi /bdag smra nye bar len pa'o srid pa ni/
/sngar gyi 'du byed kyis ni rnam shes la/ /las kyi bag chags
bsgos pa

sred len gyis/ /gsol btab pa yis yang srid phyi ma zhig  'dren
la nus mthu can du gyur pa ste/ /rgyu la 'bras bu'i ming btag
skye ba ni/ /skye gnas rnam bzhir dang por rnam shes

shig ;nying 'tshams sbyar pa'o rga shi rga ba ni/ /phung po smin
cing gzhan du 'gyur pa ste/ /shi ba phung po'i rigs mthun dor
ba'o/ /gnyis pa yan lag de dag mdor bsdu na/ /ma rig

@105a @#/ /'du byed rnam shes gsum po ni/ /'phen pa'i yan lag
ming gzugs skye mched dang/ /reg tshor bzhi ni 'phangs pa'i yan
lag dang/ /sred len srid pa

gsum ni mngon 'grub pa'i/ /yan lag skye rga gnyis nas mngon grub
pa'i/ /yan lag tu ni 'jog par kun btus su/ /gsungs pa ltar ro 'o
na 'phen pa dang/ /'grub pa'i

rgyu 'bras tshan pa de gnyis kyi/ /sems can gcig gis skye ba len
pa yi/ /rgyu 'bras tshar gcig ston nam tshar gnyis ston/ /dang po
ltar na 'bras bu'i rnam shes nas/ /tshor

ba'i par rnams grub rjes sred pa sogs/ /skye bar bshad pa mi rig
par 'gyur la/ /gnyis pa ltar na rgyu 'bras skor phyi mar/ /ma
rig pa dang 'du byed rgyu dus kyi/ /rnam shes

med par 'gyur la rgyu 'bras skor/ /snga mar srid len srid pa med
par 'gyur/ /zhe na skyon med 'phen par byed pa'i rgyus/ /gang
'phang de nyid 'grub par byed pa'i rgyus/ /sgrub cing

'phang pa de dag grub pa na/ /de nyid la ni skye rga 'jog phyir
ro/ /rgyu 'bras skor gnyis ci phyir bshad snyam na/ /'phen byed
kyis 'phang 'bras bu sdug bden dang/ /'grub byed

kyis sgrub 'bras bu'i sdug bden gyi/ /mtshan nyid so sor bstan
pa'i phyir yin te/ /snga ma 'phang pa'i dus na sa bon du/ /gnas
kyi rang gi ngo bo ma grub pas/ /ma 'ong pa na sdug

bsngal bar 'gyur la/ /phyi ma sdug bsngal de nyid grub pa'i
skabs/ /yin pas tshe 'di la ni sdug bsngal ba'o/ /gzhan yang
'bras bu skye ba len pa la/ /'phen pa'i rgyu dang de yis

@105b 'phang pa ste/ /'grub pa'i rgyu gnyis yod pa ngos bzung
phyir/ /rgyu 'bras tshan pa gnyis su bshad pa ste/ /de ltar sa yi
dngos gzhir gsungs phyir ro/ /des na 'grub byed rgyu yi sred

pa dang; ;sred pa de nyid skyed pa'i tshor ba gnyis/ /rten 'brel
tshar gcig min pas sred pa de/ /skyed pa'i tshor ba de ni rten
'brel tshar/ /gzhan pa zhig gi 'bras bu'i skabs yin no/ /

'phen dang 'phang ba bzhi yis shes bya ste/ /gang zhig 'phang na
'bras bu'i rnam shes nas/ /tshor ba'i bar ro gang gis 'phang zhe
na/ /ma rig pa la brten pa'i 'du byed kyis/ /ji

ltar 'phang na rgyu yi rnam shes la/ /las kyi bag chags bsgos
pa'i tshul gyis so/ /'phang pa'i don ni sred pa sogs gsum gyi/
/'grub byed yod na 'bras bu de dag ni/ /'grub

rung nyid du byas pa'o 'grub byed dang/ /grub pa gnyis ni gsum
gyis zhes bya ste/ /gang gis 'grub pa sred pa'i rkyen can gyis/
/len pas 'grub po gang zhig 'grub byed na/ /skye rga

gnyis po ji ltar 'grub byed na/ /las kyis rnam shes la bsgos bag
chags de/ /nus pa mthu can nyid du byas pas so/ /skye ba gcig pu
grub pa'i yan lag tu/ /byas nas rga shi de

yi nyes dmigs su/ /rten 'brel mdo 'grel las gsungs de ltar na/
/las 'bras tshul la rmongs pa'i ma rig pas/ /kun nas slangs pa'i
mi dge'i 'du byed kyi/ /rnam par

shes la las ngan bag chags bsgos/ /ngan song gsum gyi 'bras bu'i
rnam shes nas/ /tshor ba'i bar rnams 'grub rung byas pa de/ /sred
len gnyis kyis yang yang gsos btab pas/ /

@106a @#/ /las kyi bag chags mthu can du gyur nas/ /phyi ma ngan
'gro'i skye rga sogs 'grub la/ /bdag med don la rmongs pa'i ma
rid pas/ /kun nas slang ba'i 'dod

khams kyis bsdus pa'i/ /tshul khrims la sogs dge ba'i 'du byed
dang/ /gong ma'i sas bsdus zhi gnas sgom pa sogs/ /mi g.yo ba
yi las kyis rnam shes la/ /bag

chags bzhag nas 'dod pa'i bde 'gro dang/ /gong ma'i lha yi 'bras
bu'i rnam shes nas/ /tshor ba'i bar rnams 'grub rung du byas pa/
/sred len gnyis kyis yang yang gsos

btab pas/ /las kyi bag chags mthu can du song nas/ /phyi mar bde
'gro mi dang lha dag tu/ /skye ba la sogs 'grub po de lta bu'i/
/yan lag bcu gnyis de yang nyon mongs

dang; ;las dang sdug bsngal gyi ni lam gsum du/ /'du ste dbu ma
rten 'brel snying po las/ /dang po brgyad pa dgu nyon mongs/
/gnyis dang bcu pa las yin te/ /lhag ma bdun

ni sdug bsngal lo/ /zhes so sa lu ljang pa'i mdo las ni/ /dang
po ma rig pa yi 'debs pa bos/ /las kyi zhing la rnam shes sa bon
btab/ /sred pa'i chu yis brlan par byas pa

yis; ;mngal du ming gzugs myu gu 'grub par bshad/ /gsum pa tshe
rabs du la rdzogs pa ni/ /'phen dang 'phang pa'i yan lag gnyis
kyi bar/ /skal pa mang po zhig gis

chod pa'ang srid/ /tshe rab gzhan gyis bar du ma chod par/ /skye
ba gnyis pa la ni 'grub pa'ang srid/ /'grub dang grub pa'i yan
lag gnyis po ni/ /bar ma chad du 'ong bas tshe gnyis la/ /

@106b rdzogs pa 'ong ste dper na tshe 'di la/ /lha ru skyes nas
myong bar 'gyur pa'i las/ /gsar du bsag na de tshe ma rig pa/
/'du byed rgyu ba'i dus kyi rnam shes ste/ /yan lag phyed dang

gsum dang 'chi kha tshun/ /sred len srid pa gsum rdzogs phyi ma
la/ /'phang pa'i yan lag phyed dang lnga dang ni/ /grub pa'i yan
lag gnyis po rdzogs pa'i phyir/ /yun ring na yang tshe

gsum las mi 'gyang/ /'grub byed grub pa 'phen byed gsum po la/
/tshe re dgos la 'phang rnams grub pa yi/ /yan lag du ni 'du
zhing 'phen byed dang/ /'grub byed bar du tshe

rabs du ma yis/ /chod kyang rten 'brel gzhan gyi tshe yin gyi/
/rten 'brel de yi tshe ni min pa'i phyir/ /bar do'i tshe ni zur du
ma brtsis so/ /de ltar 'bras bu'i yan lag de dag rnams/ /

grub tshe'ang 'du byed sog pa po dang ni/ /'bras bu myong pa po'i
gang zag gi /bdag med pa yi rgyu las 'bras bu rnams/ /'byung
zhing 'khor ba'i tshul de ma shes par/ /rmongs nas bdag du

bzung zhing bdag bde bar/ /'dod nas de yi phyir du sgo gsum gyi/
/dge dang mi dge mngon par 'du byas pas/ /slar yang 'khor bas
nyon mongs gsum po las/ /las gnyis de las

sdug bsngal bdun 'byung zhing/ /bdun po las kyang nyon mongs
gsum la sogs/ /sngar ltar 'byung bas srid pa'i 'khor lo ni/
/rgyun chad med par 'khor te klu sgrub kyis/ /gsum po

dag las gnyis 'byung ste/ /gnyis las bdun 'byung bdun las kyang/
/gsum 'byung srid pa'i 'khor lo de/ /nyid ni yang dang yang du
'khor/ /zhes so de lta'i tshul gyis 'khor ba ru/ /

@107a @#/ /'khyams tshul bsam na skyo ba'i thabs mchog tu/ /'gyur
ba bskal ba dpag med nas bsag pa'i/ /'phen byed dge dang mi dge
ba yi las/ /rnam smin

ma phyung gnyen pas ma bcom pa/ /rnam kyang da lta'i sred dang
len pa yis/ /gsos btab ba na de yi dbang gis ni/ /bde 'gro dang
ni ngan 'gror 'khyams 'gyur la/ /dgra bcom pa

la sngon bsag 'phen byed las/ /grangs 'das yod kyang nyon mongs
med pa yis/ /srid las grol la nges pa brtan rnyed na/ /nyon
mongs dgrar bzung 'gog la brtson pa skye/ /'di la

bshes gnyen chen po pu chung bas/ /lam rim spyod pa'ang rten
'byung sgo nas mdzad/ /de yang ngan 'gro'i yan lag bcu gnyis
kyi/ /ldog 'jug sems pa chung ngu'i chos skor dang/ /de nas

bde 'gro'i yan lag bcu gnyis kyi/ /ldog 'jug sems pa 'bring gi
chos skor te/ /rang nyams la dpag mar gyur sems can rnams/ /yan
lag bcu gnyis sgo nas 'khyams pa la/ /

byams dang snying rje sems bskyed la sogs pa'i/ /lam la slob pa
chen po'i skor du bzhed/ /bzhi pa de dag rnams kyi don bsdu ni/
/sngar bshad pa ltar kun 'byung las nyon gyis/ /dbang gi

sdug bsngal phung po 'grub tshul dang/ /khyad par rten 'brel yan
lag bcu gnyis kyi/ /sgo nas 'khor bar 'khor tshul legs shes nas/
/goms par byed pa rgud pa thams cad kyi/ /rtsa ba

rmongs pa'i mun pa mi bzad 'joms/ /rgyu med pa dang mi mthun
rgyu las ni/ /dngos rnams 'byung bar 'dzin pa'i log lta sel/
/rgyal ba'i gsung gi mjod kyi gces nor spel/ /'khor

@107b ba'i mtshan nyid rig nas skyo shes skyed/ /thar pa'i lam la
yid ni rab tu skul/ /sngon bshad goms pa rnams la 'phags pa'i
lam/ /'thob pa'i bag chags sad pa'i thabs kyi mchog /

de ltar dpung ba bzang pos zhus pa'i mdor/ /gti mug la ni rten
'brel lam gyis so/ /zhes dang dpal mgon 'phags pa klu sgrub
kyis/ /rten cing 'brel par 'byung 'di rgyal pa yi/ /gsung

gi mdzod kyi gces pa zab mo ste/ /gang gis 'di ni yang dag
mthong ba des/ /sangs rgyas de nyid rig pas rnam mchog mthong/
/zhes so gnyis pa 'bring dang thun mongs pa'i/ /bsam pa

skyes pa'i tshad ni sdug kun dang/ /rten 'brel sgo nas 'khor ba'i
mtshan nyid rnams/ /shes par byas pas de la 'dor 'ded dang/ /nyer
zhi la ni thob 'dod byung ba na/ /nges 'byung bsam pa

tsam ni yin mod kyang/ /de 'dra skyes pa tsam gyis mi chog pas/
/me 'bar khyim du tshud dang btson ra ru/ /chud pa'i gang zag nas
de mi 'dod cing/ /de las thar bar 'dod pa'i blo ci tsam/ /

skye ba de lta'i tshod tsam skyed bya zhing/ /de nas kyang ni je
'phel btang dgos so/ /blo 'di yam me pa las mi 'dug na/ /kun
'byung 'gog par 'dod pa'ang de 'dra zhing/ /thar pa don du gnyer

pa'ang de dang 'dra/ /thar lam sgrub 'dod pa yang tshig tsam du/
/'gro zhing gzhan gyi sdug bsngal mi bzod pa'i/ /snying rje dang
ni bla med byang chub sems/ /bcos min shugs can btang

nas mi skye pas/ /theg pa chen po'ang tshig rjes 'brang ba yi/
/go ba tsam du gyur bas chos skor 'di/ /gdams pa'i mthil du
bzung nas sbyang dgos so/ /gsum pa de la log

@108a @#/ /rtog bsal ba ni/ /gal te 'khor bas shin du yid 'byung
ba/ /sgom na nyan thos lta bur 'khor ba na/ /bzhugs la mi dga'
de phyir zhi mthar ltung/ /skyo

ba sgom pa theg dman la mdzes kyi/ /sems dpa' la ni de ltar ma
yin te/ /mdo sde gsad ba bsam gyis mi khyab par/ /byang chub
sems dpa' 'khor ba'i spyod yul la/ /skrag na

spyod yul min par ltung ba dang/ /nyan thos rnams na 'khor ba'i
spyod yul la/ /skrag par 'gyur gyi sems dpa' rnams ni slar/
/'khor ba dpag med 'dzin par bshad pas so/ /

zhen 'di ni mdo don ma go bar/ /phyin ci log tu bzung bas nor ba
ste/ /des ni sems dpas gzhan phyir srid mtha'i bar/ /rgyal sras
spyod la slob par go bgos pas/ /'gro ba'i

sdug bsngal thams cad phyogs gcig tu/ /sdom pa skad cig rer yang
lus sems la/ /bab kyang de yis skyo zhing bred pa sogs/ /med par
brlabs chen spyod la spro ba yi/ /brtson

'grus rtsom la 'khor bas mi skyo dang/ /sems can don la ji ltar
cher brtson pa/ /de ltar che cher thugs ni bder 'gyur bas/
/'khor bar sems can don la mi skyo zhing/ /dga' bar

gsungs pa yin gyi las nyon gyi/ /dbang gis srid par 'khyams pa'i
skye rga dang/ /na 'chi sogs kyi sdug bsngal rnams la ni/ /yid
'byung mi bya bar ni bshad pa min/ /las nyon

dbang gis 'khor bar 'khyams gyur na/ /sdug bsngal du mas mnar
nas rang don yang/ /nus pa min na gzhan don lta ci smos/ /de ni
rgud pa kun gyi sgo yin pas/ /theg dman

@108b las kyang skyo ba cher bskyed de/ /dgag dgos smon lam dang
ni snying rje yis/ /srid par skye la dga' bar bya dgos pas/
/'khor bar dga' tshul de gnyis mi gcig go /dbu ma snying

po las kyang ji skad du/ /skyon mthong phyir na srid par min/
/brtse phyir mya ngan 'das mi gnas/ /gzhan don sgrub phyir rtul
zhugs can/ /zhes so bzhi ba thar lam gyi/ /rang

bzhin gtan la dbab pa ni/ /slob dpon rgyal ba bshes gnyen gyis/
/sdug bsngal rgya mtsho gting mtha' med/ /srid pa'i klod du bying
gyur kyang/ /skyo med 'jigs med dga' dang

rgod; ;bdag cag snying la ci zhig mchis/ /phongs dang btsal dka'
bsrung dang brlag /'bral dang na rga rgud pa yis/ /rtag tu 'bar
ba'i mer zhugs kyang/ /bder rlom smyon pa

lags pa snyam/ /zhes dang gzhan yang de nyid las/ /kye hud 'jig
rten mig bcas long/ /mngon gsum rtag tu nges mthong yang/ /da
dung cung zad mi sems pa/ /khyod snying rdo rjer

gyur ram ci/ /zhes gsungs pa ltar rang nyid la/ /rang gis bskul
zhing 'khor ba'i skyon/ /sgom pas gzhon nu ma bdun gyi/ /rtog
brjod las kyang ji skad du/ /'jig rten gnas

pa chu nang song ba'i zla ba'i gzugs bzhin g.yo par mthong/
/'dod pa 'khros pa'i sbrul gyi lus skyil gdengs ka'i grib ma lta
bur mthong/ /'gro ba 'di dag sdug bsngal me yis kun tu 'bar

bar mthong bas na/ /rgyal po bdag cag nges par 'byung la mngon
dga' dur khrod dag tu mchi/ /zhes gsung pa ltar snod bcud 'khor
ba ni/ /rlung gis bskyod pa'i chu nang zla gzugs ltar

@109a @#/ /skad cig rer yang mi sdod g.yo zhing 'jig /'dod pa'i
yon tan mnog chung nyen che ba/ /dug can sbrul gdug lus kyi grib
ma 'dra/ /'gro ba lnga po sdug bsngal

gsum gyi me/ /rab du 'bar bas kun du ? gdungs mthong nas/ /srid
la zhen pa gting nas 'gog pa dang/ /sngon 'chad 'khyams pa bsam
pas yid skyo zhing/ /da gdod 'khyams

dgos bsam pas 'jigs skrag blo/ /bcos min shugs drag skyes tshe
bshes springs las/ /'khor ba de 'dra lags pas lha mi dang/
/dmyal ba yi dags dud 'gro'i gnas dag tu/ /

skye ba bzang po ma lags skye ba ni/ /gnod pa du ma'i snod gyur
lags mkhyen mdzod/ /ces gsud pa ltar gnod pa thams cad kyi/
/rtsa ba 'khor bar skye ba zlog dgos so/ /de la las

nyon gnyis po bzlog dgos shing/ /de yang nyon mongs 'zoms pa gal
che la/ /de yang gnyen po tshang la ma nor ba/ /sgom la rag las
sgom tshul 'di la gnyis/ /lus rten ji lta bu

yis bzlog pa dang/ /gnyen po ji 'dra sgom pas bzlogs pa'o/ /dang
po rten gyi bshes pa'i springs yig las/ /de dag dang bral khoms
pa rnyed nas ni/ /skye ba bzlog pa'i slad du

'bad par mdzod/ /ces gsung pa ltar dal 'byor thob pa'i rten/
/'di la bzlog pa'i rtsol ba bya dgos ste/ /mi khom par ni bzlog
pa'i skabs med phyir/ /dal ba thob kyang khyim la

gnas pa ni/ /dam chos sgrub pa'i bar chad ches mang zhing/ /nyes
pa shin tu mang po'i skyon chags la/ /rab tu byung ba de las
bzlog pas na/ /'khor ba bzlog pa'i rten gyi rab byung

@109b mchog ;de bas rab tu byung la mngon dgar bya/ /khyim pa'i
skyon dang rab byung yon tan ni/ /yang yang bsam pas rab tu
byung zin gyi/ /bsam pa brtan 'gyur ma byung pa rnams kyi/ /

bzang po'i bag chags 'jog cing sad par 'gyur/ /de la khyim pa
'byor na bsrung pa dang/ /dbul na 'tshol pa'i sdug bsngal dag gis
ni/ /sha thang bde ba med la bder rlom pa/ /las

ngan 'bras bur shes bya skye rabs las/ /btson ra 'dra ba'i khyim
la ni/ /nam yang bde bar ma sems shig /phyug gam yang na dbul
yang rung/ /khyims na gnas pa nad du che/ /gcig

ni bsrung bas nyon mongs la/ /gnyis pa 'tshol bas sha thang ngo/
/phyug gam yang na dbul na yang/ /gang na bde ba med gyur pa/
/de la dga' ba rmongs pa ni/ /sdig pa'i 'bras bu

smin pa nyid/ /ces dang gzhan yang de nyid las/ /khyim gyi so
nams byas na ni/ /brdzun du mi smrar mi rung zhing/ /pha rol
nyes pa byed pa la/ /nan dur mi byar mi rung ngo/ /gal te

chos bshad khyim gyi so nam 'tshor/ /khyim la phyogs na chos
kyang gal 'grub/ /chos kyi las ni rab tu zhi ba yin/ /khyim gyi
don ni drag shul can gyis 'grub/ /de bas chos dar 'gal

ba'i skyon yod phyir/ /bdag la phan 'dod su zhig khyim na gnas/
/zhes dang khyim gyi bud med bran 'khor dang/ /yo byad sogs la
zhen par mi bya bar/ /dmyal ba'i rdo rje'i me char la

sogs su/ /bltas ste skyo ba skyed bya bstan rims las/ /khyim
gnas dur khrod bde 'joms chom rkun gnas/ /bu smad sred pa rdo
rje'i me sogs 'dzin/ /de yi rim gro'i ro myang

@110a @#/ /lcags khri dang/ /tho lum lcags zangs khol ma la srid
yin/ /bran 'khor rta glang rnga mo sogs 'dzin pa/ /dmyal srung
lcags kyi lce spyad sogs 'dzin

pa'o; ;zhes dang khyim ni sdug bsngal bzod dka' gnas/ /dug sprul
tshangs dang 'dra ste skyes rabs las/ /dregs dang nga rgyal gti
mug sbrul gyi tshang/ /rab tu zhi ba dga' ba'i bde

'jig pa/ /sdug bsngal mi bzad mang po'i gnas gyur khyim/ /khung
dang 'dra bar su zhig gnas par byed/ /ces so de ltar khyim na
gnas pa'i skyon/ /yang yang bsam la yid ni skyo bya

zhing; ;rab tu byung la de las bzlogs pa yi/ /yon tan can du
bltas la smon par bya/ /rab byung de yang chos gos lhung bzed
sogs/ /ngan ngon tsam dang bsod snyoms 'tsho ba yis/ /

chog shes dben par rang gi nyon mongs pa/ /sbyang nas gzhan gyi
yon gnas byed pa la/ /smon dgos gzhon nu ma yi rtog brjod las/
/skra rnams breg par gyur nas ni/ /phyag dar khrod kyi

gos 'chang zhing/ /dgon pa yul du 'dod par ni/ /nam nyig de ltar
'gyur zhig gu/ /gnya' shing gang tsam rnam lta zhing/ /sa yi
lhung bzed lag thogs nas/ /dpyas med khyim

nas khyim du ni/ /nam zhig slongs mo spyod par 'gyur/ /rnyed
dang bkur bsti chags med cing/ /nyon mongs tsher ma'i 'dam sdzab
? dag /sbyong bar byed cing grong khyer gyi/ /sbyin pa'i

gnas su nam zhig 'gyur/ /zhes dang rtsa yi mal stan la/ /bla gab
med par nyal ba na/ /ba mos brlan pas lci ba'i gos/ /bgo dang
bza' btung ngan ngon gyis/ /chog shes

@110b gnas mal shing drung du/ /'jam po'i rtsa yi gos stan la/
/spyod cing chos la sems pa yi/ /bde ba'i dga' ston myong ba la/
/smon par bya ste de nyid las/ /rtswa yi tshogs las

langs nas ni/ /ba mos lci ba'i gos dag dang/ /zas skom ngan ngon
tsam gyis ni/ /nam zhig lus la chags med 'gyur/ /shing drung ne
tshe ltar ljang ba'i/ /ngur ba 'jam po'i

gos can tu/ /mthong chos bde ba'i dga' ston dang/ /nam zhig bdag
ni nyal bar 'gyur/ /zhes so sman ljongs chu ngogs su/ /gnas nas
chu brlab skye 'jig dang/ /rang gi lus

srog 'drar sems shing/ /srid pa'i rtsa ba 'jig lta yi/ /gnyen po
shes rab sgom pa dang/ /srid pa'i bde la zhen log dang/ /snod
bcud rmi lam sgyu ma sogs/ /'dra bar

yang yang sems pa la/ /smon par bya ste de nyid las/ /nam zhig
chu ngogs sman ljongs su/ /gnas nas chu rlabs 'byung 'jig dang/
/'tsho ba'i 'jig rten gnas 'dra bar/ /

yang dang yang du lta bar 'gyur/ /lta ba kun gyi mar gyur ba'i/
/'jig tshogs lta ba 'byin pa dang/ /srid pa'i longs spyod mi 'dod
par/ /bdag ni nam zhig 'gyur zhig gu/ /

rmi lam smig rgyu sgyu ma sprin/ /dri za'i grong khyer mtshungs
par ni/ /rgyu dang mi rgyu'i 'jig rten dag /nam zhig rtogs par
byed par 'gyur/ /zhes so khyim pa'i sems dpa' yis/ /

bsnyen par rdzogs la legs smon par/ /drag shul can gyi zhus las
bshad/ /rab tu byung ba'i sems dpa' ni/ /khyim pa'i byang chub
sems dpa' las/ /khyad par 'phag

@111a @#/ /pa mdo rgyan las/ /rab tu byung ba'i phyogs dag ni/
/yon tan tshad med rnams dang ldan/ /de ltas sdom brtson khyim pa
yi/ /byang chub sems

dpa' las khyad 'phags/ /zhes so des na rab byung gi /rten ni
'khor ba bzlogs pa dang/ /rnam grol sgrub pa'i rten mchog tu/
/bsngags par ma zad phar phyin dang/ /

sngags kyis sgo nas thams cad mkhyen/ /sgrub la'ang rten gyi
mchog tu gsung/ /rab tu byung ba'i sdom pa ni/ /so sor thar pa
nyid yin pas/ /dga' dang gus dang smon par bya/ /

gnyis pa gnyen po'i lam ni ji 'dra zhig /sgom pas bzlogs par bya
ba bshes springs las/ /mgo'am gos la glo bud ? me shor na/ /de
dag phyir bzlog bgyi ba btang nas kyang/ /

yang srid med par bgyi slad 'bad 'tshal te/ /'di las ches mchog
dgos pa gzhan ma mchis/ /tshul khrims dag dang shes rab bsam gtan
gyis/ /mya ngan 'das zhi dul ba dri med

pa'i; ;go 'phang mi rga mi 'chi zad mi 'tshal/ /sa chu me rlung
nyi zla bral thob mdzod/ /ces gsungs pa ltar slab pa rnam gsum
la/ /slob dgos bslab pa gsum gyi grangs nges

la; ;gsum las sems 'dul ba la ltos pa ni/ /rnam par g.yeng dang
mnyam par ma bzhag dang/ /ma grol ba la gsum ste bslab gsum gyi/
/g.yeng ba med dang mnyam

par 'jog pa dang/ /grol bar byed pas rnal 'byor ba rnams kyi/
/bya ba thams cad rdzogs par 'gyur ba'i phyir/ /'bras bu sgrub
la ltos pa'i grangs nges ni/ /tshul khrims

@111b kyis ni 'dod pa'i bde 'gro gnyis/ /ting nge 'dzin gyis
gong ma'i bde 'gro gnyis/ /shes rab kyis ni thar ba bsgrub pas
na/ /mngon mtho nges legs thams cad gsum gyis sgrub/ /

spangs bya nyon mongs spong la ltos pa ni/ /bslab pa gsum gyis
rim bzhin nyon mongs pa/ /sun 'byin pa dang ? mngon 'gyur mgo
gnon dang/ /sa bon rtsad nas spongs par byed

pas so; ;go rim nges pa tshangs pas zhus pa'i mdo/ /sa yi dngos
gzhir drangs las ji skad du/ /rtsa ba shin tu brtan pa dang/
/zhi ba'i sems la dga' ba dang/ /'phags

pa'i lta dang sdig pa'i lta/ /ldan par bya zhing bral bar bya/
/zhes pas tshul khrims rtsa ba ste/ /gzhan gnyis de las 'byung
ba'i phyir/ /tshul khrims la brten mnyam bzhag la/ /

mngon par dga' ba'i ting nge 'dzin/ /mnyam par bzhag pas yang
dag pa/ /mthong ba'i 'phags pa'i lta ba dang/ /ldan zhing sdig
lta dang bral ba/ /'byung bar bstan no rang bzhin ni/ /

tshangs pas zhus las ji skad du/ /yan lag drug dang ldan pa dang/
/gnas bzhi bde dang ldan pa dang/ /bzhi po yi ni rnam pa bzhi/
/rtag tu ye shes dag pa yin/ /zhes pas tshul

khrims bslab ba yi/ /tshul khrims ldan dang so thar gyi/ /sdom
pas bsdams pa gnyis kyis ni/ /thar bar nges par 'byin pa yi/
/tshul khrims dag pa cho ? ga dang/ /spyod yul

ldan pa gnyis kyis ni/ /ma smad tshul khrims dag pa dang/ /kha na
ma tho phra rab la'ang/ /'jigs par lta bas ma nyams pa'i/ /tshul
khrims dag pa bslab gzhi rnams/ /yang

@112a @#/ /dag blangs ste slob pas ni/ /phyin ci log pa ma yin
pa'i/ /tshul khrims dag pa'i yan lag drug /bstan no sems kyi
bslab pa yi/ /sems

kyi gnas bzhi bsam gtan bzhis/ /tshe 'di nyid la'ang bder gnas
pas/ /bde dang ldan pa'i khyad par bstan/ /shes rab kyi ni bslab
pa yi/ /'phags pa'i bden

pa bzhi po yi/ /re re'i rnam pa bzhi bzhi ste/ /mi rtag sdug
bsngal stong bdag med/ /rgyu dang kun 'byung rab skye rkyen/
/'gog zhi gya nom nges par 'byung/ /lam rigs

sgrub pa nges 'byin te/ /bcu drug rtogs pa'i khyad par bstan/
/skyes bu 'bring gi lam dngos la/ /slob na bslab pa gsum po la/
/'khrid lugs rgyas par dgos

na'ang; ;de 'dra min pas ting 'dzin dang/ /shes rab bslab par
slob pa'i tshul/ /rgyas par skyes bu chen po yi/ /skabs su 'chad
pas 'dir mi 'chad/ /'dir ni lhag

pa tshul khrims kyi/ /bslab pa la ni slob pa'i tshul/ /mdo tsam
brjod do de la ni/ /thog mar tshul khrims bslab pa yi/ /phan yon
yang dang yang bsam nas/ /snying

nas spro shugs 'phel bya ste/ /de yang mgon po klu sgrub kyi/
/khrims ni rgyu dang mi rgyu'i sa bzhin tu/ /yon tan kun gyi
gzhi rten lags par gsungs/ /zhes dang dpung bzang

gis zhus rgyud las kyang/ /ji ltar lo tog thams cad sa la ni/
/brten nas skyon med par ni skye ba ltar/ /de bzhin tshul khrims
brten nas chos dkar mchog /snying rje'i chus

@112b brlan pas ni rnam par skye/ /zhes gsungs pa ltar yon tan
thams cad kyi/ /rten du bsam la spro ba shugs drag bskyed/ /tshul
khrims blangs nas bsrung na phan yon dang/ /

'gal na nyes dmigs shin du che 'byung ste/ /dge slong la ni rab
tu gces pa'i mdor/ /la la'i tshul khrims bde ba ste/ /la la'i
tshul khrims sdug bsngal yin/ /tshul

khrims ldan pa bde ba ste/ /tshul khrims 'tshal pa sdug bsngal le/
/zhes so de ltar phan yon nyes dmigs kyi/ /phyogs gnyis bsam nas
khas blang bslab pa la/ /rab tu gus

bya ji ltar bslab tshul ni/ /ltung ba 'byung ba'i rgyu bzhi 'gog
dgos pas/ /ltung ba ltung min mi shes gnyen por ni/ /bslab bya
phra rag mnyan nas shes par bya/ /bag med pa yi

gnyen por blang dor gyi/ /dmigs rnams mi brjed 'dzin pa'i dran
pa dang/ /blang dor byar byed pa'i shes bzhin dang/ /bdag gam
chos kyi dbang du byas nas ni/ /nyes pa la

'dzem ngo tsha shes pa dang/ /gzhan gyis smod la 'dzem pa'i khrel
yod dang/ /nyes par spyad pa'i rnam smin la 'jigs nas/ /nyes pa
byed la bag 'khums sogs la bslab/ /ma gus

pa yi gnyen por ston pa dang/ /de yi bcas pa rnams dang tshangs
spyod kyi/ /grogs po rnams la shin du gus par bya/ /nyon mongs
mang ba'i gnyen por rang rgyud la/ /brtag ste nyon

mongs gang che'i gnyen por 'bad/ /gzhan du 'di tsam cig las 'gal
na yang/ /skyon chung snyam nas bag yangs byas pa na/ /sdug
bsngal 'ba' zhig 'thob ste rnam 'byed las/ /

@113a @#/ /gang zhig ston pa thugs rje'i bstan pa la/ /yal bar
sems zhing cung zad 'da' byed pa/ /de ni de las sdug bsngal
gzhan dbang thob/ /smig tshal bregs

pas a mra'i tshal nyams bzhin/ /'di na la las rgyal po'i tshig
chen yang/ /'da' na lan 'ga' chad pa 'thob mi 'gyur/ /thub pa'i
bka' lung tshul min 'das byas na/ /

dud 'gror 'gro 'gyur e la'i 'dab klu bzhin/ /zhes so de bas nye
ltung phra rag gis/ /gtan nas ma gos pa la 'bad bya zhing/ /gos
na'ang ji mi snyam par mi 'jog par/ /sdig

ltung phyir bcos la ni 'bad par bya/ /tshangs pas zhus pa las
kyang ji skad du/ /bslab pa la ni brten par bya/ /de la snying
nas nan tan bya/ /phyir ni spang bar mi bya zhing/ /srog

gi phyir yang bshig mi bya/ /rtag tu nan tan gnas par bya/ /'dul
ba la ni 'jug par bya/ /zhes dang tshul khrims ldan pa'i mdor/
/dge slong srog dang bral ba bla'i/ /tshul

khrims nyams shing zhig pa ni/ /de ltar min no ci'i phyir na/
/shi bas skye ba 'di yi tshe/ /zad par 'gyur gyi khrims zhig pas/
/skye ba 'bum phrag brgya'i bar du/ /rigs dang

bral zhing bde spangs ste/ /rnam par ltung ba mi bzad pa/ /myong
par 'gyur zhes bshad pa ltar/ /srog dang bsdos te bsrung bar
bya/ /de lta min na bdag ni skra breg shing/ /ngur

smrig bgo sa pa la ni don med do/ /snyam du bsam ste ting 'dzin
rgyal po las/ /sangs rgyas bstan pa 'di la rab byung nas/ /sdig
pa'i las rnams shin du spyod par byed/ /

@113b nor dang 'brul snying por 'du shes shing/ /bzhon dang ba
glang shing rta rnams la chags/ /gang la bslab pa'i nan tan med
pa rnams/ /de dag gis kyang ci phyir mgo bo bregs/ /

zhes so srid las 'bros par 'dod pa yi/ /tshul khrims rkang pa
nyams na 'bros mi nus/ /slar yang 'khor zhing na rga 'chi ba
sogs/ /sdug bsngal du mas 'joms ste de nyid

las; ;mi zhig chom rkun mang pos rab gtses nas/ /'tsho bar 'dod
pas bros shing 'gror brtsam nas/ /de yi rkang pa 'gro zhing
rgyug ma nus/ /chom rkun dag gis de bzung

bcom pa ltar/ /de bzhin tshul khrims nyams pa rmongs pa'i mi/
/'du byas dag las 'bros par 'dod mod kyi/ /tshul khrims nyams pa
de yang 'bros mi nus/ /na rga

'chi pa dag gis shin du 'joms/ /zhes so des na mdo sde de nyid
las/ /khyim pa skya bo'i gos gyon pa/ /ngas ni bslab pa gang
bshad pa/ /de tshe dge slong de dag la/ /bslab

pa de yang med par 'gyur/ /zhes gsungs pa ltar dge bsnyen la/
/gsungs pa'i bslab pa'i gzhi lnga po/ /rdzogs par srung ba dge
slong la'ang/ /med par gsungs pa'i dus

skabs 'dir/ /bslab par brtson pa lhag par yang/ /bsod nams che
ste de nyid las/ /skal pa bye ba gang ga'i bye snyed du/ /dang
pa'i sems kyis zas dang skom rnams

dang; ;gdugs dang ba dan mar me'i phreng ba yis/ /sangs rgyas
bye ba khrag khrig rim 'gro byas/ /gang gis dam chos rab tu
'jigs pa dang/ /bder gshegs bstan

@114a @#/ /pa 'gag par 'gyur pa'i tshe/ /nyin mtshan du ni bslab pa
gcig spyod pa/ /bsod nams 'di ni de bas gye brag 'phags/ /zhes
so ltung ba byung yang

bshags pas chog /snyams na sdom sems med par 'jug pa ni/ /bcos
chog zer nas dug la za ba dang/ /'dra bar gsungs pas srog la bab
kyang srung/ /de lta'i

tshul gyis bsrung ba so thar gyi/ /sdom ldan yin na gsang sngags
bsgrub pa la'ang/ /'dra ste dpung bzang gis zhus rgyud sde las/
/rgyal ba ngas gsungs so so thar ba yi/ /

tshul khrims rnam dag 'dul ba ma lus las/ /sngags pa khyim pas
rtags dang cho ga spang/ /lhag ma rnams ni nyams su blang bar
bya/ /zhes so gsang sngags 'grub ba'i

rtsa ba yang/ /tshul khrims yin te rgyud sde de nyid las/ /sngags
kyi rtsa ba dang po tshul khrims te/ /de nas brtson 'grus dang ni
bzod pa dang/ /rgyal ba la ni dad dang byang chub

sems; ;gsang sngags dang ni le lo med pa'o/ /ji ltar mi dbang
rin chen bdun ldan pa/ /skyo ba med par skye dgu 'dul bar byed/
/de bzhin sngags pa yan lag 'di bdun

dang; ;ldan par gyur na sdig pa 'dul bar byed/ /ces dang 'jam
dpal rtsa ba'i rgyud las kyang/ /zlos pa 'di las tshul khrims
nyams/ /de la grub pa mchog med cing/ /

grub pa 'bring yang yod med de/ /grub pa tha ma'ang yod ma yin/
/tshul khrims 'chal la thub dbang gis/ /sngags 'grub par ni ma
gsungs te/ /mya ngan 'das grong 'gro

@114b ba yi; ;yul dang phyogs kyang ma yin no/ /byis pa ngan pa
ngan 'di la ni/ /sngags 'grub pa ni ga la yod/ /skye bo tshul
khrims 'chal 'di la/ /de la bde 'gro ga la yod/ /

mtho ris su yang mi 'gyur zhing/ /bde ba mchog tu'ang mi 'gyur
na/ /rgyal bas gsungs pa'i sngags rnams ni/ /'grub par 'gyur ba
smos ci dgos/ /zhes so tshul

khrims dag par byed pa la/ /dran shes bsten te nyon mongs gang
yang rung/ /nyug gis byung ma thag tu dgrar bltas nas/ /'thab
ste bzlogs pa la ni 'bad par bya/ /gal te

de ltar 'bad pas ma bzlogs kyang/ /yun du mi sring chu yi ri mo
ltar/ /mod la ldog par bya ste ba shes spring las/ /sems ni chu
dang sa dang rdo ba la/ /ri mo bris pa de 'drar

rig par bgyi/ /de nang nyon mongs can la dang po ni/ /mchog ste
chos 'dod rnams la tha ma lags/ /zhes pa ltar te spyod 'jug las
kyang ni/ /'di la bdag gis zhen bya zhing/ /

khon du bzung nas g.yul sprad do/ /rnam pa de 'dra'i nyon mongs
pa/ /nyon mongs 'joms byed ma gtogs so/ /bdag ni bsregs te bsad
gyur tam/ /bdag gi mgo bo

bcad kyang bla/ /rnam pa kun tu nyon mongs pa'i/ /dgra la 'dud
par mi bya'o/ /zhes so nyon mongs pa dang 'thab pa yis/ /lan
gcig bcom na slar la ldog 'gyur ba/ /

med pas 'di la brtson bya de nyid las/ /tha mal dgra bo yul nas
byung yang ni/ /yul gzhan dag tu gnas shing yongs bzung nas/
/nus pa brtas nas de nas phyir ldog gi

@115a @#/ /nyon mongs dgra tshul de dang 'dra ma yin/ /nyon mongs
nyon mongs shes rab mig gis spang/ /bdag yid las bsal gang du
'gro bar 'gyur/ /gang du

gnas nas bdag gnod bya phyir 'ong/ /blo zhan bdag la brtson pa
med par zad/ /ces so nyon mongs ji ltar spangs pa ni/ /nyes pa
che la 'bral dka' nyon mongs gzhan/ /kun

gyi rtsa ba gti mug yin pas na/ /gti mug la ni rten 'brel lam
gyis so/ /zhes gsungs pa ltar rten 'brel 'jug ldog sgom/ /'di la
goms na lta ngan gzhan mi 'byung/ /'di

phyir sdug bsngal skyed cing sngar bsags dge /'joms la zhe sdang
mthu che spyod 'jug las/ /skal ba stong du bsags pa yi/ /sbyin
dang bder gshegs mchod la sogs/ /

legs spyad gang yin de kun kyang/ /khong khro gcig gis 'joms par
byed/ /ces dang zhe sdang lta bu'i sdig pa med/ /ces so 'di nyid
bcom na 'di phyi la/ /bde ste gang zhig

bsgrim ste khro 'joms pa/ /de ni 'di dang gzhan du bde ces so/
/sngar bsags 'du byed yang srid 'grub pa la/ /nus mthu can du
byed pa sred pa ste/ /'dod khams pa

rnams yul la longs spyod pa'i/ /reg pa'i rgyen gyis tshor ba'i ro
myong las/ /'byung bas phyi dang nang gi 'dod yon la/ /chags
pa'i nyes dmigs sgom nas bzlogs bya ste/ /

slob dpon chen po dbyig gi gnyen po yis/ /ri dags glang po phye
ma leb dang nya/ ?/sprang ma lnga po lnga yis bcom gyur te/
/gcig gis 'joms na gang zhig lnga rnams ni/ /

@115b rtag tu bsten pa ci phyir 'joms mi 'gyur/ /zhes so gzhan
yang bshes pa'i springs yig las/ /'jig rten mkhyen pa rnyed dang
ma rnyed dang/ /bde dang sdug bsngal snyan dang

mi snyan dang/ /bstod smad ces bgyi 'jig rten chos brgyad po/
/bdag gi yid yul min par mgo snyoms mdzod/ /ces gsungs pa ltar
'khor ba'i nyes dmigs dang/ /

'chi ba dran pas chos brgyad mgo snyoms bya/ /nga rgyal gyi ni
nyes dmigs spyod 'jug las/ /nyon mongs nga rgyal gyis khengs ni/
/ngan 'gror nga rgyal gyis 'khrid cing/ /mi yi

dga' ston bcom pa dang/ /gzhan gyi zan za'i bran dang ni/ /glen
pa mi sdug nyam chung dang/ /thams cad du ni brnyes par 'gyur/
/zhes pa ltar ro spong tshul bshes sbring las/ /

na rga 'chi sdug bral dang de bzhin du/ /las rnams bdag gir bya
las ma 'das zhes/ /de ltar yang dang yang du sems pa ni/ /de yi
gnyen po'i sgo nas rgyug mi 'gyur/ /zhes so

bden bzhi mchog gsum las 'bras la/ /nges pa brtan po btsal te
the tshom dgag /gzhan yang gnyid rmugs rgod 'gyod le lo dang/
/bag med ngo tsha med dang khrel med dang/ /

brjed nges shes bzhin ma yin nye nyon rnams/ /dge la bar du gcod
cing 'byung nye bas/ /nyes dmigs rig par bya ste bshes springs
las/ /rgod dang 'gyod dang gnod sems

rmugs pa dang/ /gnyid dang 'dod la 'dun dang the tshom ste/
/sgrib pa lnga po 'di dag dge pa'i nor/ /'phrog pa'i chom rkun
lags par rig par mdzod/ /ces dang lhag

@116a @#/ /bsam skul ba'i mdo las kyang/ /gang zhig gnyid dang
rmugs la dga' 'gyur ba/ /pad kan rlung dang de bzhin 'khris pa
rnams/ /de dag de yi

lus la shas cher 'byung/ /de yi khams rnams rab tu 'khrugs par
'gyur/ /gang zhig rmugs dang gnyid la dga' 'gyur ba/ /kha zas
nyes pa lto ni ma dag cing/ /lus kyang

lci la zo mdog bde ma yin/ /de yi tshig kyang gsal bar mi 'gyur
ro/ /zhes pas lus la gnod pa'i tshul bstan la/ /sems la gnod pa'i
tshul yang de nyid las/ /gang

zhig rmugs dang gnyid la dga' 'gyur pa/ /de ni rmongs shing chos
la 'dun pa nyams/ /byis pa yon tan kun las yongs su nyams/ /dkar
po nyams shing mun par 'gro bar 'gyur/ /

zhes so dran pa nyer bzhag las/ /nyon mongs rnams kyi gzhi gcig
ni/ /le lo yin te gang la yod/ /gang la le lo gcig yod pa/ /de
la chos kun med pa yin/ /zhes dang

tshom las ji skad du/ /bag med pa la sbyor byed pa/ /skye bo byis
pa bsam brlag yin/ /tshor dpon nor rnams srung ba ltar/ /mkhas
pas bag dang ldan par bya/ /zhes

dang slob dpon dpa' bo'i skyes rab las/ /lha dbang phyir yang
ngo tsha bor nas ni/ /yid la chos dang 'gal ba byed pa bas/ /gyo
mo'i snod thog gos ngan gyon nas ni/ /dgra po'i

khyim du 'byor pa mthong yang bla/ /zhes dang mgon po klu yi
bshes springs las/ /dbang phyug lus gtong dran pa bder gshegs
kyis/ /bgrong pa gcig pa'i lam du nye bar

@116b bstan; ;de ni bsgrims nas mngon par bsrung bgyi ste/ /dran
pa nyams pas chos kun 'jig par 'gyur/ /zhes dang mgon po zhi ba
lhas/ /thos ldan dad pa can dang ni/ /

brtson pa lhur len du ma yang/ /shes bzhin med pa'i skyon chags
pas/ /ltung ba'i rnyog dang bcas par 'gyur/ /zhes pas bshad ltar
nyon mongs de dag gi /nyes dmigs

yang yang bsam ste gang dang gang/ /mngon du gyur tshe 'gog la
brtson bya zhing/ /de yi kha skyor phyogs 'dzin mi byed par/
/dgra ru bltas ste gnyen po'i phyogs bzung nas/ /nyes dmigs

mongs sun 'byin pa la rab 'bad nas/ /ji ltar blang ba'i tshul
khrims dag par bya/ /rgyal pham gang zhig byung kyang 'di phyi
la/ /sdig dang sdug bsngal 'ba' zhig skyed pa yi/ /phal

pa'i dgra dang 'thab pa'i tshe na yang/ /rdeg gcod la sogs sdug
bsngal bzod byed na/ /nyon mongs dgra bo gzhoms la brtson pa'i
che/ /cung zad ngal ba'i dka' spyad bzod pa ni/ /

shin du'ang rigs ste sems dpa'i spyod 'jug las/ /don med dgra
yis rma srol btod pa yang/ /lus la rgyan dang 'dra bar bsrel
byed na/ /'don chen bsgrub phyir yang dag brtson gyur

pa; ;bdag la sdug bsngal ci phyir gnod byed yin/ /zhes so de
ltar nyon mongs pa'i/ /dgra dang 'thab nas rgyal gyur na/ /dpa'
po yin gyi dgra gzhan dang/ /'thab nas pa

rol bsad gyur gyang/ /de lta min te de nyid las/ /sdug bsngal
thams cad khyad bsad nas/ /zhe sdang la sogs dgra 'joms pa/ /de
dag rgyal byed dpa' bo ste/ /lhag mor

@017a @#/ /la gsod pa'o/ /zhes so des na de nyid las/ /nyon mongs
phyogs kyi khrod gnas na/ /rnam pa stong du sran btsugs ste/ /wa
la sogs pas seng

ge bzhin/ /nyon mongs tshogs kyis mi tshugs bya/ /zhes gsungs pa
ltar gnyen po'i stobs/ /bskyed nas nyon mongs pa yi phyogs/ /kun
gyis tshur la mi tshugs shing/ /

pha rol bcom ste rgyal bar bya/ /skyes bu 'bring dang thun mong
pa'i/ /lam la sbyong tshul bshad zin to// //de ltar 'khor ba'i
nyes dmigs legs bsam pas/ /srid

kun me 'bar rlubs ltar mthong gyur te/ /nyon mongs sdug bsngal
thams cad nyer zhi ba'i/ /thar ba 'dod pas kun du gdungs pa des/
/bslab pa gsum la bslab na 'khor ba

las/ /grol ba'i thar ba 'thob cing de yang ni/ /mtho ris dpal
ltar ldog pa'ang ma yin mod/ /'on kyang skyon zad yon tan thob
pa ni/ /phyogs re yin pas rang don ma

rdzogs la/ /de nyid kyis na gzhan gyi don de yang/ /nyi tsher zad
cing mthar ni sangs rgyas gyis/ /bskul nas theg chen lam du 'jug
dgos pas/ /blo gros ldan pa rnams

kyis thog ma nas/ /theg pa chen po'i lam du 'jug rig ste/ /slob
dpon dpa' bo'i phar phyin bsdus pa las/ /'jig rten don sgrub
tshul la mthu med pa'i/ /theg pa gnyis

bo gtan du spangs byas shing/ /thub rgyal theg pa snying rjes
bstan pa la/ /gzhan phan ro gcig rang bzhin de dag 'jug /ces
dang gzhan don bor nas rang don la/ /brtson pa mi

@017b rigs tshul yang de nyid las/ /bde dang mi bde rmi lam 'drar
grangs shing/ /gti mug skyon gyis dma' ba'i 'gro mthong na/ /las
gyi dam pa gzhan don dga' bor zhing/ /

rang gi don la de ko ci ste brtson/ /zhes dang rgyal ba'i rig
dang ldan pa rnams/ /blang dor 'byed pa'i shes rab mig zum
zhing/ /nyams nga'i gnas su gom 'gros 'khyar pa la/ /

mi brtse ba dang de yi rmongs sel phyir/ /mi brtson pa ni mi
rigs de nyid las/ /shes rab mig zum 'gros 'khyar gyur ba la/
/'jig rten don sgrubs rgyal ba'i rgyal rigs nas/ /

snying rje mi skyed skyes bu gang zhig yod/ /de dag rmongs bsal
brtson 'grus su mi rtsom/ /zhes so rang don tsam la dmigs pa ni/
/dud 'gro rnams la'ang yod cing gzhan phan la/ /

gcig tu gzhol ba skyes bu chen po yi/ /ngang tshul yin te slob
mar springs ba las/ /shin du rnyed sla'i rtsa khams 'ga' lta
phyugs kyang rang nyid za/ /shin tu skom pas gdung pa'ang/ /

chu zhig rnyed na dga' mgur 'thung/ /'di na skyes bu gzhan don
byed par brtson pa gang yin pa/ /de 'di'i brjid bag yin te de
bde skyes bu'i rtsal de 'phags/ /nyi ma rlab chen rta zhon rgyu

bsnang byed gang yin dang/ /khur la mi rtsag pa yi 'jig rten
'digs pa gang yin te/ /rang don 'ga' med chen po rnams gyi rang
bzhin de 'dra ste/ /de dag 'jig rten phan dang bde ba'i ro

la gcig tu gzhol/ /zhes dang 'gro ba sdug bsngal gyis gdungs
bar/ /mthong nas de dag don du brel ba la/ /skyes bu mkhas pa
zhes bya de nyid las/ /'jig rten ma rig dud

@018a @#/ /sprin 'khrigs pas 'gro ba 'khrugs gyur pa/ /sdug
bsngal me rab 'bar ba'i nang du dbang med lhung mthong nas/
/thod la me mched 'bar ba lta bur yid brel

brtson pa gang/ /'di na de dag skyes bu yin de mkhas pa'ang de
dag yin/ /zhes so de phyir rang gzhan thams cad kyi/ /legs tshogs
'byung gnas nyes tshogs sel ba'i sman/ /

mkhas pa'i skye bo kun gyi bgrod gcig lam/ /mthong thos dran reg
gis kyang 'gro kun gyi/ /gsos su 'gyur ba gzhan don la zhugs
pas/ /rang don thams cad zhar la 'grub 'gyur pa'i/ /

thabs mkhas che ldan theg pa chen po la/ /'jug tu yod pa 'di ni
kye ma'o/ /bdag gi rnyed pa legs par rnyed snyam du/ /bsam la
brtson pa drag pos theg pa'i mchog /'di la

'jug bya phar phyin bsdus pa las/ /shes rab rnam dag mngon sgrub
theg pa'i mchog /thub chen thams cad mkhyen pa de las 'byung/
/de ni 'jig rten rnams kyi mig bzhin te/ /

'od ldan nyi ma shar ba'i 'od dang 'dra/ /zhes gsungs pa ltar
theg pa chen po yi/ /yon tan sna tshogs mthong bas yid drangs
ba'i/ /gus pa chen po skyed nas der 'jug bya/ /skyes

bu chen po'i lam gyi rim pa la/ /bsam pa sbyong la gsum ste theg
chen gyi/ /'jug sgo sems skyed kho nar bstan pa dang/ /sems de
ji ltar skyed par bya tshul dang/ /bskyed

nas spyod pa rnams la slob tshul lo/ /dang po theg pa chen por
'jug dgos na/ /'jug sgo gang yin snyam na theg chen la/ /phar
phyin theg dang gsang sngags theg pa gnyis/ /

@018b yod cing de gnyis gang gi sgor 'jug kyang/ /'jug pa'i sgo
ni byang sems kho na ste/ /sems de skyes na yon tan gzhan med
kyang/ /theg chen par 'jog sems de ma skyes na/ /stong

nyid rtogs pa la sogs yon tan gzhan/ /yod kyang theg chen sa ru
mi tshud pas/ /theg chen pa ni sems de yod med kyi/ /rjes su 'gro
ldog byed de spyod 'jug las/ /byang chub

sems skyes gyur na skad cig gis/ /'khor ba'i btson rar bsdams
pa'i nyams thag rnams/ /bder gshegs rnams kyi sras zhes brjod
bya zhing/ /'jig rten lha mir bcas pa'i

phyag byar 'gyur/ /zhes dang de ring sangs rgyas rigs su skyes/
/sangs rgyas sras su da gyur to/ /zhes so/ /mang du gsungs shing
phyag rdor dbang bskur ba'i/ /rgyud sde

las kyang gang gis byang chub gyi/ /sems de rdzogs par bskyed
tshe byang sems de/ /rnam dag ye shes chen por dbang bskur ba'i/
/sngags kyi dkyil 'khor du na gzhug bya yi/ /gang

 dag byang sems rdzogs par ma gyur pa/ /de dag gzhug par mi bya
dkyil 'khor la/ /ltar yang mi gzhug de la phyag rgya dang/
/sngags kyang bstan par yang ni mi bya gsungs/ /de ltar

byang chub sems ni theg chen gyi/ /'jug sgo yin par ma zad sangs
rgyas kyi/ /rgyu yi nang nas sa bon lta bu dang/ /sngar bsags
sdig sgrib sbyong dang dge ba rnams/ /'phel

rang mi zad byed dang bsod nams tshogs/ /rlabs chen sdud pa'i
mchog ste spyod 'jug las/ /sdig pa stobs chen shin du mi bzad
pa/ /de ni rdzogs pa'i byang chub sems

@019a @#/ /min pa; ;dge gzhan gang gis zil gyis gnon par 'gyur/
/zhes dang sbyong tshul gzhan yang de nyid las/ /des ni dus
mtha'i me bzhin sdig chen

rnams; ;skad cig gcig gis nges par sregs par byed/ /ces dang mi
zad 'phel tshul de nyid las/ /dge ba gzhan kun chu shing bzhin du
ni/ /'bras bu bskyed nas zad par

'gyur ba nyid/ /byang chub sems kyi ljon shing rtag par yang/
/'bras bu 'byin pas mi zad 'phel bar 'gyur/ /zhes dang bsod nams
bsdud tshul de nyid las/ /sems can

rnams kyi glad nad tsam/ /bsal lo snyam du bsam na yang/ /phan
'dod bsam pa dang ldan de/ /bsod nams dpag med ldan gyur na/
/sems can re re'i mi bde ba/ /

dpag tu med pa bsal 'dod cing/ /re re'ang yon tan dpag tu med/
/bsgrub par 'dod pa smos ci dgos/ /zhes dang gzhan yang bstan
pa'i rim pa las/ /'di ni bsod

nams bsdud pa'i sdom yin te/ /klung sogs thams cad rgya mtshor
'dus sogs ltar/ /byis dang nyan thos rang rgyal rgyal sras kyi/
/bsod nams ma lus dang po'i sems kyis

bsdus; ;zhes so gnyis pa sems de skyed tshul la/ /bzhi ste rgyu
rkyen gang las skye ba dang/ /sems de ji ltar sbyang pa'i rim pa
dang/ /skyes pa'i tshad dang tshe gas bzung tshul lo/ /

dang po la yang gsum ste bstan rim las/ /bdag nyid chen po'i cho
'phrul stobs mthong pa'am/ /theg mchog thos nas de la rab mos
dang/ /dam chos 'jig pa'am snyigs

@019b ma'i dus kyi ni/ /nyes mang mthong ba'i rkyen bzhi dag las
te/ /gzhan yang rigs dang bshes gnyen snying rje dang/ /sdug
bsngal bzod pa phun tshogs rgyu bzhi dang/ /rang dang gzhan

dang rgyu dang sbyor ba yi/ /stobs bzhi rnams las brtan dang mi
brtan 'thob/ /zhes gsungs pa ltar sangs rgyas byang sems kyi/
/nus mthu bsam gyis mi khyab mthong thos dang/ /

theg chen sde snod mnyan nas mos pa dang/ /dam chos nub tu nye
ba ma bzod dang/ /nyon mongs shin du tag pa'i dus ngan par/
/sems bskyed dka' bar mthong ste rkyen bzhi dang/ /

phun sum tshogs pa'i rigs ni sad pa dang/ /dman las ldog cing
mchog la sbyor ba'i bshes/ /sems can du khas mnar la snying
brtse ba/ /gzhan phyir 'khor ba'i sdug bsngal

shugs drag pos/ /gdung la mi skyo ba ste rgyu bzhi dang/ /rang
mthus rdzogs byang 'dod pa rang gi stobs/ /gzhan mthus rdzogs
byang 'dod pa gzhan gyi stobs/ /sngon goms

bag chags gsos pa rgyu yi stobs/ /tshe 'dir dge la ring goms
sbyor ba yi/ /stobs te stobs bzhi rnams la brten nas skye/ /de
ltar rgyu rkyen brgyad bo so so'am/ /tshogs pa

la brten rang dang rgyu yi stobs/ /gnyis las skyes na brtan la
rgyu dang rkyen/ /de dag la brten gzhan dang sbyor ba'i stobs/
/gnyis las skyes na mi brtan byang par gsungs/ /de yang

gzugs kyi sku dang chos kyi sku'i/ /yon tan mthong ba tsam gyis
drangs pa yis/ /sangs rgyas thob par 'dod dang sems can rnams/
/sangs rgyas sa la 'god par dam bcas

@020a @#/ /ba'ang/ /sems bskyed ces su mdo dang bstan bcos las/
/bshad pa yod kyang mtshan nyid rdzogs pa yi/ /sems bskyed la ni
rang gzhan gnyis

ka yi; ;don la sangs rgyas med du mi nung par/ /mthong pas thob
par 'dod dang gzhan phyir du/ /don du gnyer ba dgos par rgyan
las bshad/ /de ltar bstan pa spyi dang

theg chen gyi/ /bstan pa nub tu nye zhing snyigs ma las/ /cher
snyigs ma las/ /cher snyigs dus 'dir snying nas sems bskyed pa/
/shin tu dkon par bltas la bshes la brten/ /theg chen sde

snod mnyan sems sbyor ba la/ /'bad cing gzhan gyis dbang med
bskul ba dang/ /g.yam la rgyag sogs min par rang stobs kyis/
/snying nas sems bskyed rtsab tshug bya ste/ /

rgyal sras spyod kun 'di la brten dgos phyir/ /gnyis pa sems de
sbyang ba'i rim pa la/ /lha cig jo bo rje nas brgyud pa dang/
rgyal sras zhi ba lha nas brgyud pa gnyis/ /dang po

rgyu 'bras bdun gyi man ngag ni/ /rdzogs byang sems bskyed lhag
bsam snying rje dang/ /byams pa drin gzo drin dran mar shes
brgyad/ /snga ma snga ma phyi ma phyi ma las/ /rim bzhin

'byung tshul bsam pa'o 'di la gnyis/ /rim pa la ni nges pa skyed
pa dang/ /rim gyis sbyang ba dngos po dang po la/ /snying rje
theg chen rtsa bar bstan pa dang/ /rgyu 'bras gzhan

rnams de yi rgyu 'bras su/ /'gyur ba'i tshul lo dang po dper
mtshon na/ /lo tog smin par spyod la sa bon dang/ /chu dang smin
pa gsum ka gal che ltar/ /rdzogs pa'i sangs rgyas

@020b kyi ni lo tog la/ /thog ma bar dang tha mar gal che ba/
/snying rje chen po yin par 'jug pa las/ /gang phyir brtse nyid
rgyal ba'i lo rtog phun tshogs 'di'i/ /sa bon dang ni spel la

chu 'dra yun ring du/ /longs spyod gnas la smin pa lta bur 'dod
gyur pa/ /de phyir bdag gis thog mar snying rje bstod par bgyi/
/zhes pa ltar ro gnyis pa rgyu 'bras gzhan/ /

snying rje'i rgyu dang 'bras bur 'gyur tshul la/ /mar shes drin
dran drin gzo byams pa rnams/ /snying rje chen po'i chu ru 'gyur
tshul ni/ /spyir na sems can de yi sdug bsngal ba/ /

yang yang bsam pas de dang 'bral 'dod tsam/ /skye ba yod kyang
blo de skye sla zhing/ /shugs drag brtan po skye la sems can de/
/yid du 'ong zhing gces la 'phangs pa yi/ /

 rnam pa can cig dgos te gnyen cig la/ /sdug bsngal byung na mi
bzod dgra zhig la/ /byung na dga' zhing bar ma la byung na/ /yal
bar 'dor ba'i btang snyoms skye pa bzhin/ /gnyen

la sdug bsngal byung ba mi bzod pa/ /de la yid du 'ong zhing mi
sdug pa/ /yod pas yin la de yang ji tsam du/ /gces pa de tsam du
ni sdug bsngal la/ /mi bzod pa yang de

tsam skye bas so/ /des na sems can gnyen du sgom pa ni/ /yid du
'ong ba bskyed pa'i ched yin la/ /gnyen gyi mthar thug rang gi
ma yin pas/ /ma ru sgom dang drin dran drin

gzo gsum/ /yid du'ong zhing gces pa sgrub byed yin/ /de la brten
nas 'gro la bu gcig ltar/ /snying nas sdug par 'dzin pa'i byams
pa 'byung/ /de yis snying rje chen po

@021a @#/ /bskyed par byed/ /bde dang 'phrad 'dod tsam gyi byams
pa dang/ /snying rje la ni rgyu 'bras nges pa med/ /lhag bsam
dang ni sems bskyed 'bras bu ru/ /

'gyur ba'i tshul ni rim gyis blo sbyang bas/ /snying rje skyes na
gzhan phyir sangs rgyas la/ /thob 'dod skye pas par der lhag
bsam cig /ci dgos snyam na sems can bde ba dang/ /

'phrad par 'dod dang sdug bsngal ba dang ni/ /bral na snyam pa'i
byams dang snying rje gnyis/ /nyan rang la yang yod kyang 'gro
kun la/ /bde ba sgrub dang sdug bsngal sel ba ni/ /

rang gi khur du khyer ba'i snying stobs med/ /des na bde sgrub
sdub bsngal sel ba'i khur/ /snying nas khyer ba'i lhag bsam
skyed dgos so/ /de ltar sems can sgrol ba'i blo skyes tshe/ /

rang gi gnas skabs 'di lta bu yis ni/ /gcig gi don yang rdzogs
par mi nus la/ /nyan rang dgra bcom go 'phang thob gyur kyang/
/rang don yongs su ma rdzogs gzhan don ni/ /

sems can nyung zad re tsam thar ba la/ /dgod par nus kyi thams
cad mkhyen par min/ /sems can grangs las 'das pa'i gnas skabs
dang/ /mthar thug don kun rdzogs par

su yis nus/ /snyam du bsam na sangs rgyas nyag gcig la/ /nus pa
yod par shes nas sems can gyi/ /don du sangs rgyas thob 'dod
sems bskyed do/ /gnyis pa rim

gyis sbyang ba dngos la gsum/ /gzhan don don du gnyer blo sbyang
ba dang/ /byang chub don du gnyer blo sbyang ba dang/ /sbyang
ba'i 'bras bu sems bskyed ngos bzung pa'o/ /dang po

@021b la ni blo de skye ba'i gzhi/ /sgrub dang blo de bskyed pa
dngos gnyis po/ /dang lo la yang sems can thams cad la/ /sems ni
snyoms par sgrub dang sems can kun/ /yid

'od rnam pa can du sgrub pa gnyis/ /dang po la ni skyes bu chung
'bring gi /skabs su bshad ltar sngon 'gro la sogs pa'i/ /rim pa
rnams ni 'dir yang blang la bskyang/ /de nas

sems can rnams la phyog sa ris su/ /bcad nas chags sdang bkag
ste sems snyoms pa/ /med na byams dang snying rje gang skye ba/
/phyogs ris can du skye bas btang snyoms

sgom; ;'di la 'du byed tshor ba tshad med pa'i/ /btang snyoms gsum
las 'dir ni tha ma dang/ /de la'ang sems can gzhan dag chags
sdang sogs/ /nyon mongs med par

sgrub pa'i rnam pa can/ /gcig dang rang nyid sems can gang la
yang/ /chags sdang bkag nas snyoms pa'i rnam pa can/ /gnyis las
'dir ni phyi ma'o 'di sgom pa'i/ /dmigs

pa'i go rim skye ba sla bas na/ /thog mar phan gnod gang yang ma
byas pa'i/ /bar ma cig la dmigs ste sems snyoms pa/ /sgrub par
bya'o de nas mdza' bshes la/ /dmigs

ste chags pa bkag nas sems snyoms pa/ /sgom mo de nas dgra la
zhe sdang ba/ /bkag nas snyoms pa'i sems sgom de nas ni/ /sems
can kun la snyoms pa'i sems sgom

mo; ;gnyen la chags dang dgra la sdang pa'i blo/ /ji ltar 'gog
na sems can ngos nas ni/ /bde ba 'dod cing sdug bsngal mi 'dod
par/ /mtshungs bas phan gnod dbye ba mi

@122a @#/ /rigs shing/ /rang ngos nas ni 'khor bar 'khor pa na/
/sems can dgra gnyen gnyis kar ma gyur pa/ /med pas chags sdang
dbye pa mi rigs so/ /

snyam du bsam ste mnyam med jo bo yis/ /'khor ba'i gnas 'dir
nges pa med pas na/ /pha ma la sogs pha mar ma nges pas/ /nye du
'brel ba dag la chags pa spangs/ /

dgrar yang ma nges de la sdang pa spangs/ /zhes dang bu mo zla
mchog gis zhus las/ /bdag gis sngon chad khyed rnams thams cad
bsad/ /bdag kyang khyed kyis sngon chad gsheg

zhing gtubs/ /kun kyang phan tshun dgra dang gsod pa yin/ /khyed
cag ji ltar 'dod chags sems kyang skye/ /zhes so de ltar btang
snyoms sgom pa yis/ /rang rgyud chags dang

snang bas ma snyoms pa/ /zhi ste zhing sa legs par dul ba ltar/
/gyur la yid 'ong byams pas chus brlan te/ /snying rje'i sa bon
btab na bde blag tu/ /skye bar gsungs pas

btang snyoms sgom pa la/ /'bad par rigs te slob dpon rta dbyangs
kyis/ /de yang thog mar tshad med blo/ /btang snyoms sa gzhi legs
bdal ba/ /byams pa'i chu bos

rnam bcus par/ /rab tu dga' ba'i rnal 'byor bas/ /snying rje'i
sa bon legs par gdab/ /zhes so gnyis pa thams cad yid 'ong gi
/rnam pa can tu sgrub pa la ni gsum/ /

mang shes pa ni 'khor bar 'khor ba la'ang/ /thog ma med pas skye
shi gcig nas gcig /brgyud sde 'khor tshe lus 'di ma blangs dang/
/phyogs 'dir ma skyes bya ba ye med pas/ /

@122b sems can ma ru ma gyur pa med de/ /sngon nas ma skyes ma
song ma shi ba'i/ /sa yi phyogs dang sems can gang zhig gis/
/pha ma phu nu sring mo slob dpon dang/ /mkhan po

bla ma bla ma'i gnas lta bur/ /ma gyur pa ni nga yis mthong dka'
zhes/ /sa yi dngos gzhir drangs pa'i mdo las gsungs/ /de yang
sngon chad byas par ma zad kyi/ /ma 'ong

pa na byed pa'ang mtha' yas pas/ /de ltar bsam la 'gro kun rang
gi ma/ /byas la des pa brtan po btsal bya ste/ /'di skyes na ni
drin dran drin gzo sogs/ /skye bar sla

la blo 'di ma skyes na/ /drin dran sogs kyi gzhi ni med phyir
ro/ /de nas 'gro ba'i drin dran sgom pa ni/ /thog mar skye bar
myur bas tshe 'di'i ma/ /mdun du gsal po bsam

la ma 'di yis/ /da ltar ma zad 'khor ba thog med nas/ /lan
grangs dpag tu med par bdag gi ma/ /byas shing de tshe nus pa
gang yod kyis/ /gnod pa kun las bskyabs

shing phan bde bsgrubs/ /khyad par tshe 'dir dang po mngal du
bzung/ /de nas btsas tshe ba spu ser zeng nge/ /shin tu sme ba
sha yi drod la bcar/ /sor bcu'i kha la g.yengs

shing nu zho bsnun/ /nom bu khas bsnyong snab lud kha yis phyis/
/mi gtsang lag pas phyis kyin thabs du mas/ /skyo ngal med par
gsos skyed legs byas te/ /rim gyis

bkres skoms dus su bza' btung dang/ /'khyags dus gos dang 'phong
dus nor gyi rigs/ /rang gis spyod par mi bra ba rnams byin/ /yo
byad rnams kyang rang gis bde blag tu; ;

@123a @#/ /rnyed pa min gyi sdig sdug gtams ngan dang/ /bsres
kyin sha thang btsal nas byin pa yin/ /bu la na tsha la sogs sdug
bsngal ba/ /byung na bu de 'chi dang na ba

dang; ;sdug bsngal ba las rang nyid 'chi ba dang/ /na dang sdug
la 'dam zhing bu'i sdug bsngal/ /gting nas mi bzod sel thabs
byed la 'bad/ /mdor na rang gi blo nus gang yod

kyi; ;phan bde bsgrub cing sdug bsngal sel pa la/ /brtson pa'i
tshul rnams bsam ste drin dran blo/ /bcos min skyes tsho rim gyis
pha la sogs/ /mdza' bshes gzhan dang

bar ma dgra rnams dang/ /phyogs bcu'i sems can kun la rim gyis
sgom/ /de nas drin du gzo ba sgom pa ni/ /de ltar sems can kun
gyis ma byas tshe/ /drin gyis bskyang

tshul bsam las da lta ni/ /skye shi 'phos pas phan tshun gcig gis
gcig /gnyen du ma go na'ang thams cad kyang/ /bdag gi tshe 'di'i
ma dang khyad med pas/ /'di rnams

dor nas rang nyid 'khor ba las/ /ci thar byed na de las khrel
chung ba/ /'jig rten 'di na med de slob springs las/ /nye du
'khor ba'i rgya mtsho'i khangs su chud gyur pa/ /glong gi nang

du lhung ba lta bur snang bzhin du/ /skye shi 'phos pas ngo ma
shes pa de bor nas/ /gal te gcig thar byed na de las khrel bor
med/ /ces dang de lta'i drin can 'dor ba ni/ /shin

tu ma rabs rnams la'ang mi rigs na/ /bdag gi tshul dang ga la
mthun snyam pas/ /drin lan bskor ba'i khur gzung de nyid las/
/byis pa bang na btsa' ba ci yang mi nus pas/ /

@123b gang gi nu zho byams pa'i shugs kyis gzugs 'thung pa/
/ngal pa mang sten byams la brten pa de dag 'dir/ /shin tu ma
rabs zhig na'ang spong bar su zhig spro/ /gang gi khong na 'di

skabs rnyed nas gnas bcas shing/ /gang gis brtse ba'i sems kyis
zon bcas 'di blangs pa/ /nyon mongs de dag sdug bsngal skyabs
med 'dir bor nas/ /'go ba ma rabs tha

shal zhig na'ang su zhig spro/ /zhes dang yon tan mtha' yas
bstod pa las/ /sems can gang dag ma rig ldongs pas bsam pa rgud
pa'i blo gros can/ /pha dang bur gyur rnams kyis

bdag la bsnyen bkur byams pas phan btags pa/ /de dag btang nas
gcig pu thar bar byed pa bdag gi tshul min zhes/ /de slad khyod
kyis 'gro ba mgon med nges thar bgyi slad smon lam

btab; ;ces so 'o na phan lan ci zhig bya/ /snyam na ma rgan de
rnams rang gis kyang/ /sngon chad 'khor ba'i bde 'byor ji tsam
zhig /thob kyang de dag kun gyis ma bslus med/ /bdag

gis kyang ni sngan chad nyon mongs pa'i/ /gdon gyis brlam pas
smas nas rma drag po/ /byung la ba tshwa la sogs 'gyur byed
rdzas/ /'debs dang 'dra bar ma rnams rang bzhin gyis/ /sdug

bsngal pa la slar yang sdug bsngal bskyed/ /da ni phan btag lan
du de rnams ni/ /thar pa'i bde la 'god par bya snyam du/ /drin
gzo dgos te dbu ma snying po las/ /gzhan yang sngon chad

nyon mongs pa'i/ /gdon gyis brlam pa bdag gis ni/ /smas la 'gyur
byed 'debs pa bzhin/ /sdug bsngal nad pa gang sdug byas/ /skye
ba gzhan du gang dag gis/ /byams dang

@124a @#/ /bsnyen bkur phan pa byas/ /de la lan du phan gdags pa/
/mya ngan bzla las gzhan ci yod/ /ces so byas pa gzo ba ni/
/mkhas pas bsngags pa'i gnas yin te/ /

klu rgyal rnga sgra'i tshig bcad las/ /rgya mtsho dang ni ri rab
dang/ /sa rnams bdag gi khur min gyi/ /byas pa mi gzo gang yin
pa/ /de ni bdag gi khur chen yin/ /mi gang sems ni mi rgod cing/
/

byas pa gzo dang byas pa tshor/ /byas pa chud gzon mi byed pa/
/de dag mkhas pas rab tu bsngags/ /zhes so mdor na ma rgan
rnams/ /nyon mongs gdon gyis brlams pas smyo/ /blang dor

lta ba'i mig dang bral/ /ngan song gsum gyi g.yang kha ru/
/nyes par spyod pas rdeg 'cha' ba/ /de ltar shin tu nyam thag
tshul/ /bsam nas de las gdon pa yis/ /drin gzo bya ste bslab

btus las/ /nyon mongs kyis smyo gti mug ldongs/ /g.yang sa mang
po'i lam du ni/ /goms pa re re rdeg 'cha' ba/ /bdag dang gzhan
dag mya ngan gzhi/ /'gro ba rnams ni sdug bsngal

mtshungs/ /zhes so gnyis pa gzhan don don gnyer gyi/ /blo de
skyed pa dngos la gsum yod pa'i/ /byams pa sgom par byams pa'i
dmigs pa ni/ /bde dang mi ldan pa yi sems can no/ /

rnam pa bde dang 'phrad na ci ma rung/ /'phrad par gyur cig
'phrad par bya snyam pa'o/ /phan yon mdo sde ting 'dzin rgyal po
las/ /bye ba khrag khrig dkrigs pa'i zhing dag na/ /mchod pa
rnam mang dpag

med ji snyed pa/ /skyes mchog rnams la de yis rtag mchod pa/
/byams pa'i sems kyi grangs dang char mi phod/ /ces dang 'jam
dpal zhing bkod mdo las kyang/ /sangs rgyas dbang phyug

@124b chen po'i rgyal po yi/ /zhing khams stong gis brgyan pa
zhes bya ba/ /de na sems can kun kyang 'gog pa la/ /zhugs pa'i
bde ba lta bu'i bde dang ldan/ /der ni lo grangs bye ba brgya
stong du/ /

tshangs spyod spyad pa las ni zhing 'di ru/ /tha na se gol gtogs
pa'i yun tsam du/ /sems can kun la byams pa'i sems bskyed na/
/snga ma las ni bsod nams ches che ba/ /mang du skyed na

rgyun du legs sgom pa/ /bsod nams che ba lta ci smos zhes bshad/
/rin chen 'phreng ba las kyang ni/ /rje'u chos sum brgya'i kha
zas dag /nyin re dus gsum sbyin pas kyang/ /byams

pa yud tsam thang gcig gi /bsod nams dag la char mi phod/ /lha
mi byams par 'gyur ba dang/ /de dag kyang ni srung ba dang/ /yid
bde ba dang bde mang dang/ /dug dang mtshon gyis gnod

med dang/ /'bad pa med par don 'thob dang/ /tshangs pa'i 'jig
rten skye 'gyur te/ /gal te grol bar ma gyur kyang/ /byams chos
yon tan brgyad 'thob bo/ /zhes pas byams pa yod

gyur na; ;lha mi byams shing rang gis 'du/ /rgyal pas kyang ni
bdud kyi sde/ /byams pa'i stobs kyis pham mdzad pas/ /bsrung
ba'i mchog tu 'gyur ba sogs/ /byams pa'i phan yon mang

du gsungs/ /des na skye bar dka' yang bslab btus las/ /byams
dang snying rje sgom pa ston pa yi/ /tshig bcad rnams la sems
kyis legs bsam ste/ /tshig bcad dag tu'ang bton

nas sgom par gsungs/ /tshig ni gser 'od dam pa'i mdo sde las/
/gser 'od dam pa'i rnga chen sga yis ni/ /stod gsum 'jig rten
'jig rten gsum 'di na/ /ngan song sdug bsngal gshin rje'i sdug

@125a @#/ /bsngal dang/ /dbul ba'i sdug bsngal sdug bsngal zhi
bar shog /ces sogs lta bu'o de ltar sgom la 'bad/ /sgom pa'i rim
pa thog mar mdza' bshes la/ /de nas bar

ma de nas dgra bo la/ /de nas sems can kun la rim bzhin sgom/
/sgom pa'i tshul ni ji ltar sems can zhig /sdug bsngal drag pos
mnar ba'i sdug bsngal tshul/ /yang yang bsam na

snying rje skye ba ltar/ /sems can rnams la zag bcas zag med
kyi/ /bde ba med cing de yis 'phor lug rnams/ /yang yang bsam
par bya ste de sgom na/ /bde dang 'phrad 'dod rang gis

'byung 'gyur la/ /de yang bde ba rnam pa sna tshogs pa/ /yid la
byas nas de dag sems can la/ /bstab par bya'o gnyis pa snying
rje la/ /dmigs pa sdug bsngal gsum gyis ci rig par

mnar ba'i sems can rnams so rnam pa ni/ /sdug bsngal de dang
bral na snyam pa dang/ /bral bar gyur cig 'bral bar bya snyam
pa'o/ /dmigs yul gang la sgom pa'i go rim ni/ /thog mar

mdza' bshes de nas bar ma dang/ /de nas dgra bo de nas phyogs
bcu yi/ /sems can thams cad la yang rim gyis sgom/ /de ltar
btang snyoms byams pa snying rje la/ /dmigs yul so

sor phye nas rim can du/ /sgom pa de ni mngon pa'i mdo'i rjes
su/ /'brang nas slob dpon ga ma la shi las/ /mdzad pa yin la de
ni gnad che ste/ /dang po nyid nas sems can spyi tsam la/ /

dmigs nas sbyang la skye ba ltar snang yang/ /re re bzhin nas
bsam na gang la yang/ /mi skye re re bzhin nas yid 'gyur ba'i/
/myong pa sngar bshad pa ltar legs bton nas/ /je mang btang

@125b ste mthar ni spyi tshogs la/ /dmigs nas bskyang na so so pa
dang na/ /tshogs pa gar la dmigs kyang skye phyir ro/ /sgom pa'i
tshul ni mar gyur sems can rnams/ /'khor bar lhung

nas spyi dang so so yi/ /sdug bsngal ji ltar myong rnams sems pa
ste/ /'khor ba'i sdug bsngal rnams ni sngar bshad zin/ /de yang
skyes bu 'bring dang thun mong pa'i/ /lam la sbyang bas

myong ba skyes ba zhig /yin na rang gi nyams myong la dpag lte/
/gzhan la sgom pas skye pa sla par 'gyur/ /sdug bsngal de dag
rang steng du bsam na/ /nges 'byung bsam pa skye ba'i rgyur
'gyur

la; ;gzhan steng bsam pas snying rje'i rgyur 'gyur ro/ /rang
steng sems pa sngon du ma song na/ /gzhan la gnad du 'gro ba mi
skye'o/ /de dag mtshon pa tsam ste rgyas par na/ /snying rje'i
dmigs

pa'i sdug bsngal brgya rtsa bcu/ /byang bar gsungs pa blo yi
mthu yod pa/ /rnams kyis sgom par bya'o de yang ni/ /nyan thos
skyo ba'i sems kyis sdug bsngal ba/ /sgom las byang sems snying
rje

sgom pa yis/ /sdug bsngal sems pa shin tu mang bar gsungs/ /bde
ba med dang sdug bsngal myong tshul sgo/ /mtha' yas pa nas bsam
na byams pa dang/ /snying rje yang ni shin tu mang po

skye; ;rgyun ring bsam na brtan cing shug drag pa/ /skye bas
gdam ngag cung zad res tshim nas/ /gzhud lugs che ba las ni bshad
pa rnams/ /skom pa dor na skye stobs shin tu chung/ /de yang
lung

rig gnyis kyis sngar bshad ltar/ /theg chen 'jug sgo sems bskyed
yin lugs dang/ /snying rje rtsa bar 'gro lugs la sogs kyi/ /go
dmigs legs par phyed nas sor rtog gi /shes rab phra mos

@126a @#/ /dpyad cing bskyang pa'i mthar/ /skyes pa'i myong ba
dgos kyi go ba yis/ /legs par dmigs ma phyed par phur tshug rer/
/'bad pa'i myong ba tham thom skyes pa yis/ /gar yang

phyin par mi 'gyur nyams len gyi/ /skabs gzhan du yang de ltar
shes par bya/ /snying rje skyes pa'i tshad ni sgom rim las/ /bu
chung snying du sdug pa sdug bsngal bar/ /gyur lam de snying rje
ji tsam pa/ /skye ba

de tsam ba yi blo tshod cig /sems can kun la snying rje rtsol med
du/ /rang gis skye na snying rje chen po yi/ /mtshan nyid tshang
bar gsungs shing 'di yis ni/ /byams pa chen po skyes pa'i tshad
kyang shes/ /gzhan

yang de las snying rje chen po de/ /goms pa'i stobs kyis sems
can thams cad kyi/ /don du bla med rdzogs byang thob 'dod kyi/
/smon pa'i rang bzhin can gyi byang chub sems/ /'bad brtsol med
par shugs

kyi skye'o zhes/ /smon sems skye la snying rje chen po de/ /goms
pa dgos par gsungs ste 'di yis ni/ /smon sems skyes pa'i tshad
kyang shes par bya/ /theg bsdus las kyang ji skad du/ /bzang

dang smon pa'i stobs can dang/ /'dun brtan byad par 'gro ba ni/
/byang chub sems dpa' grangs med gsum/ /kun tu rtsom par mdzad
pa yin/ /zhes pa'i grangs med gsum gyi mgo /rtsom pa'i

byang chub sems dpa' la'ang/ /sems ni de 'dra skye dgos so/ /des
na gong du bshad pa 'di dag gi /phyogs na'ang med par sems can
thams cad kyi/ /don du sangs rgyas thob bya de'i ched du/ /

bdag gi dge ba 'di dang 'di bya'o/ /snyam du bsam pa bskyed pa
tsam zhig la/ /'khrul nas ma thob par yang thob snyam pa'i/
/mngon pa'i nga rgyal rloms pa brtan byas ste/ /byang sems gdam
ngag

@126b mthil du legs bzung nas/ /mi sbyong gzhan cig 'tshol zhing
'bad pa yis/ /sa rgya mang po bcad par 'dod pa snang/ /de ni
theg pa chen po'i gnad shes bas/ /bltas na bzhad gad

'tshor ba'i gnas yin te/ /rgyal sras dam pa rnams kyi thugs dam
gyi/ /mthil du bzung nas skal pa du ma ru/ /sbyong bar gzhung
lugs chen po du ma las/ /'byung na go ba tsam las

med rnams kyi/ /gdams pa'i mthil du bzung nas sbyong dgos pa/
/lta ci de yang lam gzhan sgom mi rung/ /zer ba min gyi byang
chub sems sbyong gi /skor yang gdams pa'i mthil du legs

bzung nas/ /bskyang dgos zer ba yin no spyi btang la/ /sngar
bshad pa ltar myong ba ma skyes kyang/ /theg pa chen po'i bslab
bya rnams shes shing/ /de la mos pa chen po brtan gyur na/
/sngon

la sems bskyed pa dang byang sems kyi/ /sdom pa cho gas bzung
nas de rjes su/ /byang sems sbyong pa'ang yod med spyod 'jug tu/
/sngon la sems dpa'i sdom pa bzung ba'i tshul/

bshad nas de yi bslab bya phyin drug gi /bsam gtan skabs su
byang sems sbyong lug rnams/ /rgyas par gsungs pa lta bu'o de
lta na'ang/ /de ltar byed pa'i snod du rung pa la'ang/ /

sngon du mang po zhig la sbyang dgos ste/ /phan yon sems dang
yan lag bdun pa dang/ /skyabs 'gros rgyud sbyong ba dang bslab
bya rnams/ /shes par byas nas bsrung 'dod skyed pa'o//

des na lam bgrod pa la stong nyid kyi/ /rtogs pa sbyangs nas rim
gyis je rgyas su/ /'gro dgos pa yi ming tsam snang na yang/ /de
dang 'dra bar byang chub sems sbyangs nas/ /rim

@127a @#/ /gyis gong nas gong du khyad zhugs par/ /song nas sa
lam rim gyis bgrod par byed/ /dgos pa la ni ming yang mi snang
ngo/ /'di ni rgyal ba kun gyi bgrod gcig lam/ /phar

phyin man ngag mngon rtogs rgyan las ni/ /sems bskyed nyer gnyis
gsungs la shing rta che/ /rnams kyis sems bskyed nyer gnyis de
dag gis/ /sa lam bgrod tshul bshad las shes par bya/ /

gsum pa lhag bsam sgom tshul sngar bshad pa/ /de ltar byams dang
snying rje sgom pa'i mthar/ /kye ma bdag la sdug cing yid 'ong
ba'i/ /sems can 'di dag 'di ltar bde bas 'phongs/ /sdug

bsngal gsum gyis mnar na 'di dag ni/ /ji ltar bde dang 'phrad
dang sdug bsngal las/ /thar bar bya snyams sems shing sems can
rnams/ /srid las sgrol ba'i khur du 'khyer ba la/ /tha na tshig

tsam gyis kyang blo sbyong pa'o/ /'di ni drin lan gzo ba'i skabs
su yang/ /cung zad byung mod 'dir ni bde ba dang/ /'phrad na
snyam dang sdug bsngal dang bral na/ /snyam pa'i byams dang
snying rjes mi

chog gi ;sems can kun la bdag gi phan pa de kun/ /bsgrub po
snyam pa'i bsam pa 'dren nus pa'i/ /byams dang snying rje skyed
par bstan phyir ro/ /de dag kyang ni thun gyi ngo bo'i skabs/
/tsam la

min gyi thun rjes la sogs pa'i/ /spyod lam kun tu legs par dran
byas nas/ /rgyun du bskyangs na bogs sam skyed che ste/ /sgom
rim bar par snying rje chen po de/ /mnyam par bzhag dang mnyam
par

ma bzhag pa'i/ /spyod lam kun tu'ang rung ste dus kun tu/ /sems
can kun la sgom par bya gsungs la/ /snying rje de ltar gsungs pa
mtshon tsam ste/ /dmigs rnams gang skyong thams cad la

@127b yang 'dra/ /slob dpon chen po tsandra go mis kyang/ /sems
kyi shing ni thog ma med dus can/ /nyon mongs kha ba'i khu bas
rlan bsgos pa/ /ro zhim dngos por bgyid par mi nus la/ /yon tan

chu yi thigs pas ci ru 'gyur/ /zhes pas dper na shin tu ro kha
pa'i/ /tig ta'i sdong bu zhig la bur khu yi/ /thigs pa re tsam
blug pas mngar po ru/ /bsgyur mi nus ltar nyon mongs ro kha bas/
/

thog ma med nas bsgos pa'i sems rgyud la/ /byams dang snying rje
la sogs yon tan rigs/ /gang yang sgom yun thung thung re yis ni/
/cir yang mi 'gyur gsungs pa ltar yin pas/ /shugs

drag rgyun du skyong la 'bad dgos so/ /gnyis pa byang chub don
gnyer sbyang ba ni/ /sngar bshad rim pas bdas nas gzhan don la/
/byang chub dgos par mthong na de thob 'dod/ /skyed pa'ang yin
mod

'on kyang de tsam gyis/ /mi chog skyabs 'gro'i skabs su bshad pa
ltar/ /bder gshegs sku gsung thugs dang 'phrin las kyi/ /yon tan
bsam pa'i sgo nas thog mar ni/ /dad pa je 'phel bya la de nas

ni; ;dad pa drag pos 'dun pa'i rten byed par/ /gsungs pas sangs
rgyas yon tan de dag la/ /snying nas thob 'dod skyed de rang don
la'ang/ /rnam mkhyen med mi rung la nges pa drangs/ /theg chen

sems bskyed skye pa'i rgyu mang yang/ /snying rjes drangs te
rang gis bskyed pa ni/ /mchog tu ye shes phyag rgya'i ting 'dzin
las/ /bshad par sgom rim dang po las gsungs so/ /gsum pa sbyangs
'bras

sems bskyed ngos bzung ba/ /spyi yi mtshan nyid gong du drangs pa
yi/ /mngon rtogs rgyan gyi lung don bzhin yin la/ /dbye ba sdong
po bkod pa'i mdor gsungs ltar/ /rgyal sras byang chub sems dpa'i

@128a @#/ /spyod 'jug las/ /'gro bar 'dod dang 'gro ba yi/ /bye
brag ji ltar shes pa ltar/ /de bzhin mkhas pas 'di gnyis kyi/
/bye brag rim bzhin shes par bya/ /zhes

pas smon 'jug sems bskyed gnyis su gsungs/ /'di la bzhed tshul
mang du snang na yang/ /sems can kun gyi don tu sangs rgyas su/
/gyur cig snyams pa'am 'gyur par bya snyam du/ /byang chub

mchog tu smon pa'i sems bskyed nas/ /sbyin sogs spyod pa dag la
slob kyang rung/ /mi slob kyang rung ji srid byang sems kyi/
/'jug sdom ma bzung spyod pa nyams len gyi/ /bya bas dngos su ma

zin de srid du/ /smon sems yin la 'jug sdom legs bzung nas/
/spyod pa nyams len bya bas zin pa de/ /'jug sems yin te sgom
rim dang po las/ /'gro la phan phyir sangs rgyas gyur cig ces//

thog mar don du gnyer gang smon pa'i sems/ /gang zhig sdom pa
bzung ste tshogs rnams la/ /zhugs pa de ni 'jug pa'i sems su
bshad/ /gnyis pa rgyal sras zhi ba lha'i/ /gzhung la brten nas
sbyang la

gsum; ;bdag gzhan brje dang ma brjes pa'i/ /phan yon nyes dmigs
bsam pa ni/ /zhi ba lha yi spyod 'jug las/ /gang zhig bdag dang
gzhan rnams ni/ /myur tu bskyab par 'dod pa des/ /

bdag dang gzhan du brje bya ba/ /gsang ba'i dam pa spyad par
bya/ /zhes dang gzhan yang de nyid las/ /'jig rten bde ba ji
snyed pa/ /de kun gzhan bde 'dod las byung/ /'jig rten sdug
bsngal

ji snyed pa/ /de kun bdag bde 'dod las byung/ /mang du bshad lta
ci dgos te/ /byis pa rang gi don byed dang/ /thub pas gzhan gyi
don mdzad pa/ /'di gnyis kyi ni khyad par ltos/ /bdag

@128b bde gzhan gyi sdug bsngal dag  yang dag brje bar ma byas
na/ /sangs rgyas nyid du mi 'grub cing/ /'khor ba na yang bde ba
med/ /ces gsungs pa ltar rang nyid la/ /gces par 'dzin pa rgud
kun

sgo; ;gzhan la gces par 'dzin pa ni/ /phun tshogs kun gyi gnas su
bsam/ /bdag gzhan brje pa'i bsam pa yang/ /goms na skyed par nus
pa ni/ /sngar nas rang gi dgra byed pa/ /ming

thos na yang skrags pa zhig  phyis su mthun nas mdza' ba na/ /de
nyid med na mi dga' ltar/ /blo ni goms pa'i rjes 'gro bas/ /bdag
nyid la ni gzhan bzhin dang/ /gzhan la bdag bzhin lta

ba yang; ;goms na skye ste de nyid las/ /dka' las phyir zlog mi
bya ste/ /'di ltar goms pa'i mthu yis ni/ /gang gi ming thos
'jigs pa yang/ /de nyid med na mi dgar 'gyur/ /zhes

dang gzhan yang de nyid las/ /bdag gi lus ni gzhan dag tu/
/gzhag pa de ltar dka' ba med/ /ces so gal te gzhan gyi lus/
/rang lus min pas de la ni/ /rang blo ji ltar skyed snyam na/
/lus

'di pha ma'i khu khrag las/ /grub pa yin pas gzhan lus kyi/ /cha
shas dag las grub na yang/ /sngon goms dbang gis ngar 'dzin pa/
/skye ltar gzhan gyi lus la yang/ /rang gi bzhin du gces

'dzin pa/ /goms na skye ste de nyid las/ /de bas ji ltar gzhan
dag gi /khu ba khrag gi thigs pa la/ /khyod kyis ngar 'dzin byas
pa ltar/ /de bzhin gzhan la goms par gyis/ /zhes so de ltar

phan yon dang/ /nyes dmigs legs par bsam pa ni/ /snying nas sgom
la spro shugs skyed/ /bdag gzhan brje ba goms byas na/ /skyed
nus par yang mthong ba des/ /ji ltar sgom pa'i rim

@129a @#/ /pa ni; ;bdag gzhan brje ba sgom zhes pa/ /gzhan la
nga'o snyam pa dang/ /de yi mig sogs nga yi'o/ /snyam du sbyong
pa ma yin gyi/ /rang la gces par 'dzin pa dang/ /

gzhan la yal bar 'dor ba'i blo/ /go sa brjes te gzhan dag la/
/bdag nyid lta bur gces 'dzin cing/ /rang nyid la ni gzhan dag
ltar/ /yal bar 'dor ba'i blo skyed pa'o/ /de phyir bdag gi bde

ba dang; ;gzhan gyi sdug bsngal brje ba yang/ /rang nyid gces
'dzin dgrar bltas nas/ /rang bder red cher byed pa 'gog  gzhan
dag gces 'dzin yon tan du/ /bltas nas gzhan gyi sdug

bsngal ba/ /yal bar 'dor ba bkag nas de/ /sel la ched cher byed
pa ste/ /mdor na rang gi bde ba la/ /mi lta gzhan gyi sdug
bsngal ba/ /bsal ba'i don du 'jug pa'o/ /blo de

sbyongs la gegs gnyis te/ /rang dang gzhan gyi bde sdug gi /rten
du 'gyur ba bdag gzhan gnyis/ /sngo ser lta bur so so bar/ /ris
su bcad nas grub par 'dzin/ /de nas de la brten

pa yi; ;bde sdug rang la byung ba la/ /'di ni nga yi yin pas na/
/bsgrub pa'am bsal bar bya snyam dang/ /gzhan la byung tshe 'di
dag ni/ /gzhan gyi yin pas snyam pa yis/ /yal bar

'dor bas de'i gnyen por/ /bdag gzhan ngo bo nyid kyis ni/ /so
sor ris su chad pa med/ /phan tshun ltos nas rang nyid la/ /gzhan
gyi blo skye gzhan la yang/ /bdag gi blo ni skye ba'i

phyir; ;dper na pha rir 'di dngos nas/ /pha ri'o snyam pa'i blo
skye yang/ /pha rir phyin na tshur ri'o blo/ /skye ba bzhin te
bslab btus las/ /bdag gzhan mnyam nyid goms byas pas/ /

@129b byang chub sems ni brtan par 'gyur/ /bdag dang gzhan nyid
ltos pa ste/ /pha rol tshu rol ji bzhin sdzun/ /dogs ? de rang gi
pha rol min/ /gang la ltos na tshu rol 'gyur/ /

bdag nyid rang gis ma grub na/ /gang la ltos te gzhan du 'gyur/
/zhes so gzhan gyi sdug bsngal gyis/ /bdag la gnod par mi 'gyur
bas/ /de dag sel phyir mi 'bad do/ /

snyam pa'i gegs deb sal ba ni/ /da lta rgas tshe sdug bsngal bar/
/dgos nas gzhon tshe nor sog pa/ /dgos med 'gyur te rgas pa yi/
/sdug bsngal gyis ni gzhon pa

la; ;mi gnod phyir dang de bzhin du/ /skye ba snga phyi lo snga
phyi/ /zla ba snga phyi zhag snga phyi/ /snga dro phyi dro sogs
la'ang mtshungs/ /gal te rang gi sdug bsngal ni/ /rang nyid

kyis ni sel dgos na/ /rkang ba'i tsher ma lag pa yis/ /sel ba la
ni don med de/ /rkang lag gnyis po gzhan yin phyir/ /de skad du
yang spyod 'jug las/ /gal te de la

sdug bsngal bas/ /bdag la mi gnod phyir mi srung/ /ma 'ong pa yi
sdug bsngal yang/ /gnod mi byed na nge cis srung/ /bdag gi de ni
myong snyam pa'i/ /nam

par rtog de log pa ste/ /'di ltar shi ba gzhan nyid la/ /skye
ba'ang gzhan nyid yin phyir ro/ /gang tshe gang gi sdug bsngal
gang/ /de ni de nyid kyis srung na/ /rkang

ba'i sdug bsngal lag pas min/ /ci phyir des ni de srung bya/
/zhes so gal te rgan gzhon gnyis/ /rgyud gcig yin la rkang lag
gnyis/ /tshogs pa gcig

@130a @#/ /pa yin pas na/ /rang gzhan gnyis dang mi 'dra ba'o/
/snyam na rgyun dang tshogs pa ni/ /skad cig mang po tshogs pa
dang/ /

cha shas mang po tshogs pa la/ /btags pa yin gyi rang skya ba'i/
/ngo bo med la rang gzhan gyi/ /bdag kyang tshogs rgyun de la
'jog  dgos pas bdag

gzhan ltos bzhag tsam/ /min pa'i ngo bos grub pa med/ /de skad
du yang de nyid las/ /rgyun dang tshogs zhes bya ba ni/ /'phreng
ba dmags la sogs bzhin

sdzun; ;zhes so 'on kyang thog med nas/ /rang nyid gces 'dzin
goms pas na/ /rang gi sdug bsngal mi bzod pa/ /yin pas gzhan
la'ang gces 'dzin blo/

goms na de le sdug bsngal la'ang/ /mi bzod pa ni skye ba yin/
/de ltar bdag gzhan brje ba'i gegs/ /bsam nas sgom pa'i tshul
dngos ni/ /bdag

la chags las gces 'dzin pa/ /'dis ni 'khor ba thog med nas/ /da
bar mi 'dod sna tshogs bskyed/ /rang nyid phun sum tshogs pa cig

byed par 'dod kyang rang gi don/ /gtso bor bzung ste thabs min
la/ /zhugs pas skal ba bgrangs yas pa/ /song yang rang dang
gzhan gyi don/ /

gang yang ma grub de tsam du/ /ma zad sdug bsngal kho nas mnar/
/rang don sgrub 'dod bsam pa de/ /gzhan la sbos nas gzhan gyi
don/ /bsgrub

@130b la zhugs na ches shin tu/ /snga bar mngon par sangs rgyas
nas/ /rang dang gzhan gyi don thams cad/ /phun sum tshogs par
'gyur ba la/ /gdon mi za ste de lta

bu; ;ma byas pa yis bya dka' la/ /don med pa yis dus 'das so/
/da ni de ltar shes byas la/ /dgra yi gtso bo bdag gces 'dzin/
/dran pa shes bzhin

legs bsten nas/ /'bad pa du mas ma skyes pa/ /mi skyed skyes pa
rgyun gcad do/ /snyam pa'i nges pa brtan byas te/ /rang nyid
gces 'dzin 'gog pa la/ /

'bad par bya ste spyod 'jug las/ /'di yis brgya phrag thams cad
du/ /'khor bar bdag la gnod pa byas/ /yid khyod rang don byed
'dod pas/ /skal pa

grangs med 'das gyur kyang/ /ngal ba chen po de lta bus/ /khyod
kyis sdug bsngal 'ba' zhig bsgrubs/ /zhes dang gzhan yang de
nyid las/ /gal te khyod kyis

snga dus su/ /las 'di byas par gyur na ni/ /sangs rgyas phun sum
bde min pa/ /gnas skabs 'di 'drar 'gyur mi srid/ /ces so de ltar
rang nyid kyi/ /kha 'dzin

phyogs skyor mi bya bar/ /lus dang longs spyod dge rtsa rnams/
/ltos pa med par sems can la/ /gtod ? blo yang yang spyod pa
dang/ /gang la btang ba de yi don/ /sgrub

par bya dgos de dag la/ /log par sgrub pa mi rigs pas/ /lus la
sogs la rang don du/ /dmigs pa'i blo ni dgag bya ste/ /de skad
du yang spyod

@131a @#/ /'jug las/ /bdag ni gzhan gyi dbang gyur zhes/ /yid
khyod nges par shes gyis la/ /sems can kun don ma gtogs par/ /da
ni khyod kyis gzhan mi bsam/ /

gzhan dbang mig la sogs pa yis/ /rang don bsgrub par rigs ma
yin/ /de don mig la sogs pa yis/ /de la log par bya mi rigs/
/zhes so lus sogs gzhan don du/ /dmigs

pa shor te rang don la/ /dmigs pa'am lus ngag yid gsum gyis/
/gzhan la gnod pa'i rkyen byed na/ /'dis ni sngar yang mtha' med
pa'i/ /gnod la sbyar zhing da dung yang/ /phan pa

lta bur bcos pa la/ /'khrul nas de yi dbang song na/ /sdug
bsngal shing tu mi bzad skyed/ /snyam nas dgag ste de nyid las/
/khyod kyis kho bo gar brlag pa'i/ /sngon gyi dus de

gzhan yin te/ /ngas mthong khyod da gang du 'gro/ /khyod kyi
dregs pa kun gzhom bya/ /da dung bdag la rang gi don/ /yod snyam
sems pa de dor cig  bdag gis gzhan la khyod

btsongs kyis/ /skyo bar ma sems zho sha phul/ /gal te bag med
gyur nas khyod/ /sems can rnams la ma byin na/ /khyod kyis kho
bo dmyal ba yi/ /srungs ma rnams la byin du

nges; ;de ltar khyod kyis re lta zhig  kho bo byin pas yun ring
sdug  da ni khon rnams dran byas te/ /khyod ni rang don sems pa
gzhom/ /zhes so de bzhin gzhan dag la/ /gces

'dzin phan yon yang dang yang/ /bsam ste snying nas spro shugs
bskyed/ /gzhan dag yal bar 'dor ba'i blo/ /ma skyes pa ni mi
skyed cing/ /skyes ba rgyun gcod gzhan dag la/ /

@131b phan dang sdug dang yid 'ong blo/ /ci skyes sgo nas rang
nyid la/ /gces par 'dzin bzhin gzhan dag la/ /gces par 'dzin pa
skyed bya ste/ /gzhan rnams bdag bzhin bzung bar bya/ /

zhes so de na sems can la/ /gces par 'dzin pa skye ba'i rgyur/
/drin dran pa'am phan 'dogs par/ /mthong ba dgos la de yang ni/
/sa bon grung po btab pa las/ /ston thog

bzang mang 'byung mthong na/ /zhing sa gshin po gang de la/
/gces spras byed pa'i blo skye ltar/ /'gro ba sems can zhing las
kyang/ /sbyin sogs sa bon btab pa las/ /gnas

skabs mthar thug bde legs kun/ /'grub la nges pa rnyed gyur na/
/gces 'dzin skye bas sems can gyi/ /zhing las 'bras bzang 'byung
ba'i tshul/ /bsam par bya ste/ spyod

'jug las/ /sems can rnams dang rgyal pa las/ /sangs rgyas chos
'grub 'dra ba la/ /rgyal la gus byed de bzhin du/ /sems can la
min ci yi tshul/ /zhes so de yang

sems can gzhan/ /bsad na ngan 'gror ltung 'gyur zhing/ /srog
gcod pa las thar byas na/ /bde 'gror skye zhing tshe ring dang/
/gzhan la ma byin blang ba dang/ /longs spyod sbyin par

btang ba dang/ /zhe sdang ngan sems skyed pa dang/ /byams dang
snying rje sgom pa las/ /'bras bu ngan 'gro'i sdug bsngal dang/
/bde 'gro'i bde ba myong 'gyur ba/ /sogs dang khyad

par de dag la/ dmigs nas byang sems skyed pa dang/ /de dag don
du sbyin pa sogs/ /rgyal sras spyod pa rnams sgrub pas/ /rdzogs
sangs rgyas kyi go 'phang yang/ /'thob 'gyur de la rag las
shing//

@132a @#/ /sems can gzhan la brten nas ni/ /sbyin ba la sogs
tshogs rdzogs par/ /sems can mgu bya'i tshig bcad las/ /gsungs pa
ltar du bsam par

bya; ;sems 'grel las kyang ji skad du/ /'jig rten bde 'gro ngan
'gro yi/ /'dod dang mi 'dod 'bras bu de/ /sems can rnams la phan
pa dang/ /gnod pa las ni 'byung bar gyur/

sems can brten nas sangs rgyas kyi/ /go 'phang bla med rnyed
'gyur na/ /lha dang mi yi longs spyod gang/ /tshangs dang dbang
po drag po dang/ /'jig rten skyong bas ba sten de dag

sems can phan pa tsam zhig gis/ /ma drangs pa ni 'gro gsum 'dir/
/'ga' yang med la mtshar ci yod/ /sems dmyal dud 'gro yi dags su/
/sdug bsngal rnam pa du ma'i dngos/ /

sems can rnams kyis myong ba gang/ /de ni sems can gnod las
byung/ /bkres skom phan tshun rdeg pa dang/ /gzir ba yi ni sdug
bsngal nyid/ /bzlog par dka' zhing zad med de/ /

sems can gnod pa'i 'bras bu'o/ /zhes pas gnas skabs mthar thug
gi/ /bde ba thams cad sems can la/ /phan btags pa yi 'bras bu
dang/ /ngan song gsum gyi mi bzad

pa'i; ;sdug bsngal thams cad sems can la/ /gnod pa byas pa'i
'bras bur gsungs/ /nyan thos 'bras bu dman pa ni/ /gzhan don
ched cher ma byas pas/ /yin la

rdzogs pa'i sangs rgyas rnams/ /'bras bu mthar thug brnyes pa
ni/ /gzhan don ched cher byas pa las/ /byung tshul bsam nas rang
don la/ /skad cig gcig kyang chags

@132b par ni; ;rigs pa min te de nyid las/ /sems can rnams la
chags bral ba/ /dug bzhin 'bad pas spang bar bya/ /nyan thos
rnams ni chags bral bas/ /byang chub dman

pa thob min nam/ /sems can yongs su ma ngor bas/ /rdzogs sangs
rgyas kyi byang chub thob/ /de ltar phan dang mi phan pa'i/
/'bras bu 'byung bar bcad pa na/ /de dag skad

cig gcig kyang ni/ /rang don chags shing ji ltar gnas/ /zhes so
des na gzhan don la/ /gcig tu gzhol dang mthar thug gi/ /bla med
'bras bu byang sems kyi/ /myu gu las ni

legs 'byung bar/ /shes shing de yi rtsa ba ni/ /snying rjer
gzigs nas rgyal sras rnams/ /de dag sgom pa lhur len ba/ /che
cher goms pas brtan gyur na/ /shin tu bya dka'

rlabs chen po'i/ /rgyal sras spyod pa thams cad la/ /rang dbang
med par 'jug 'gyur te/ /de ltar byang chub sems 'grel las/
/snying rje brtan pa'i rtsa ba can/ /byang sems

myu gu las byung ba/ /gzhan don gcig 'bras byang chub ni/ /rgyal
ba'i srus rnams sgom par byed/ /gang zhig goms pas brtan pa ni/
/gzhan gyi sdug bsngal gyis bred rnams/ /

bsam gtan bde ba dor nas kyang/ /mnar med par yang 'jug par
byed/ /'di ni ngo mtshar 'di bsngags 'os/ /'di ni dam pa'i tshul
lug mchog  ces som dor na theg chen gyi/ /

rtsa ba tshug dang mi tshug dang/ /rang nyid theg pa chen po ba'i/
/gseb tu tshud dang mi tshud pa/ /thams cad byang sems rin po che/
/'di la thug bas dus kun tu/ /'di la blo skyed ci

@133a @#/ /byung lta/ /skyes na legs la ma skyes na'ang/ /ci mi
snyam par mi sdod par/ /byang chub sems mchog sbyong ba'i tshul/
/ston pa'i dge bshes rtag tu bsten/

sbyong ba'i grogs dang rtag tu 'grogs/ /sbyong tshul ston pa'i
gsungs rab dang/ /dgongs 'grel rnams la legs par blta/ /de'i
rgyur tshogs sog sgrib pa sbyong/ /rang gi tshul bzhin

blo sbyang na/ /sa bon tshang bar theb nges pas/ /don chen las la
yid dga' bas/ /'bad par rigs te jo bo yis/ /theg chen chos sgor
'jug 'dod pas/ /mun sel gdung ba zhi byed pa/

nyi zla lta bu'i byang chub sems/ /skal pa ? bad pas skye yang
rung/ /ces pa ltar ro sems mchog de skyes pa'i/ /tshad ni sngar
bshad pa las shes par bya/ /bzhi pa chogs bzung la ma

thob pa; ;thog mar byed dang thob pa mi nyams par/ /srung dang
nyams na phyir bcos bca' thabs gsum/ /dang po la yang sbyor
dngos rjes gsum las/ /sbyor ba ji ltar bya tshul

bstan rim las/ /bde gshegs sras bcas sku gzugs mchog rten dang/
/dam chos 'phags pa'i tshogs mchog bla ma la/ /tshog ji bzhin
maNDal byas nas ni/ /bsod nams ci

nus bsag phyir sta gon bya/ /byang chub sems bskyed sdom pa
mchog ldan zhing/ /theg chen bslab gzhi legs sbyangs brtse ldan
pa/ /cho ga bzang pos rjes 'dzin bla ma la/ /rab gus

gsol gdab ci nus tshogs bsags bya/ /zhes dang dngos gzhi'i cho ga
de nyid las/ /de nas 'gro ba mtha' dag drang don du/ /rnam pa
kun gyi mchog ldan sangs rgyas nyid/ /rab tu don

@133b gnyer dmigs pa kun bral ba/ /stong nyid snying rje'i
snying po can gyi sems/ /rgyal ba sras bcas kun gyi rjes slob
pas/ /byang chub snying po'i mthar thug rab brtan gzung/ /ces
dang

rjes kyi bya ba de nyid las/ /de la sogs pa'i dge tshogs mang
bsags kun/ /'gro ba'i don phyir kun mkhyen rgya mtshor bsngo/
/brtul zhugs mchog 'di yongs su bskyang don du/ /

bslab gzhi mdor bsdus legs par brda' sprad bya/ /zhes pa ltar te
rgyas par lam rim las/ /shes par bya zhing slob dpon med par
yang/ /sems bskyed chogs 'dzin pa'i tshul

yang yod/ /gnyis pa sems bskyed thob pa mi nyams par/ /srung
ba'i tshul la tshe 'dir mi nyams pa'i/ /rgyu la bslab dang skye ba
gzhan du yang/ /mi nyams pa yi rgyu la bslab pa

gnyis; ;dang po la yang bzhi ste de nyid las/ /ci la bab kyang
sems can mi sprong zhing/ /phan yon rjes bsam rgyun du dran byas
te/ /ci nus bsod nams ye shes tshogs bsags

pas; ;stobs bskyed mi nyams khyad par 'gro bar 'bad/ /ces pa
ltar ro de yang sems bskyed la/ /spro shug 'phel phyir gong du
bshad pa yi/ /phan yon rnams dang sdong po bkod

pa dang; ;byangs spyod 'jug la sogs byang sems kyi/ /phan yon
ston pa'i gzhung la legs bltas te/ /phan yon yang yang bsam nas
spro shug spel/ /sems dngos 'phel

phyir sems de skad cig gyang/ /mi 'dor ba yi zhe dam mang byas
te/ /dus rnams kun tu btang bar mi bya zhing/ /nyin mo lan gsum
mtshan mo lan gsum du/ /tshogs zhing gsal btab

@134a @#/ /mchod pa legs phul nas/ /byams dang snying rje sogs
kyis blo sbyang te/ /sangs rgyas chos dang tshogs kyi mchog rnams
la/ /zhes sogs tshigs su bcad

pa brjod pa yis/ /nyin re bzhin du lan drug bzung bar bya/ /sems
can gang yang rung bas mi 'thad pa/ /byas sogs rkyen ni 'ga'
zhig la brten nas/ /da ni nam yang 'di yi

don mi bya/ /snyam pa lta bu'i sems can blos mi spang/ /smon
sems cho gas bzung nas zhag re zhing/ /byang sems 'phel phyir
dkon mchog mchod pa sogs/ /bsod

nams tshogs chen sog la 'bad par bya/ /gnyis pa skye ba gzhan du
mi nyams pa'i/ /rgyu la nag po'i chos bzhi spang ba dang/ /dkar
po'i chos bzhi blang la bslab pa gnyis/ /

dang bo nag po'i chos bzhi de nyid las/ /bla ma mchod 'os bslu
dang sems can la/ /g.yo dang sgyus spyod rgyal sras sdang bas
smod/ /dge ba'i rtsom la 'gyod pas gdung byed

bzhi; ;byang chub sems ni ma rung byed pa yin/ /zhes pa ltar te
de yang dang po ni/ /mkhan slob bla ma sbyin gnas bslu ba ste/
/de la yul ni mkhan slob go sla la / /bla ma rang la

phan par 'dod pa dang/ /sbyin gnas yon tan can no bslu lugs ni/
/de dag gang yang rung pas snying brtse bas/ /rang la ltung ba
gleng tshe shes bzhin du/ /brdzun gyi tshig gis dbu

skor mgo rmongs par/ /byed pa'o gnyis pa 'gyod pa bskyed pa ste/
/'gyod pa skyed pa'i yul ni gang zag gzhan/ /dge ba byed pa
'gyod dang mi ldan pa'o/ /bya ba 'gyod du

@134b gzhugs pa'i bsam pa ni/ /'gyod gnas min la 'gyod pa skyed
pa'o/ /'di dang snga ma gnyis la yul de dag  bslu par ma nus
'gyod pa ma skyes kyang/ /rang gis de bzhin byas tshe nag

chos so/ /gsum pa byang sems ldan la smod pa ste/ /de yang smod
yul theg pa chen po la/ /yang dag zhugs pa'i byang chub sems
dpa' 'o/ /bsam pa zhe sdang gis ni kun bslang

pa; ;brjod pa'i yul ni pha rol don go ba'o/ /smod pa'i tshig ni
ngang tshul ngan pa can/ /zhes pa lta bu dmigs kyis ma phye dang/
/mi tshangs spyod do zhes pa lta bu yi/ /dmigs kyis phye

dang rnam pa 'di dang 'dis/ /mi tshangs spyod ces rnam par phye
nas ni/ /brjod pa yin te gsum po gang rung ngam/ /de 'dra gang
yang rung brjod pa'o/ /'di ni rang cag la ni 'byung yang nye/ /

nyes dmigs kyang ni shin tu stobs che ste/ /byang sems la ni
brnyes pa'i sems bskyed na/ /sems di'i skad cig de snyed skal pa
ru/ /dmyal bar gnas dgos pa ni spyod 'jug las/ /

gang zhig de 'dra'i rgyal sras sbyin bdag la/ /gal te ngan sems
skyed par byed pa de/ /ngan sems skyed pa'i grangs bzhin skal
bar ni/ /dmyal bar gnas par 'gyur zhes thub pas gsungs/ /

zhes dang byang chub sems dpas byang sems la/ /skur ba btab ma
gtogs las gzhan gyis/ /byang sems ngan 'gror ltung bar mi nus
par/ /rab zhi rnam nges cho 'phrul mdo las

gsungs/ /de phyir khong khro rnam pa thams cad du/ /dgag cing
gal te byung na'ang de ma thag  bshags bsdam la ni 'bad dgos
sdud pa las/ /sems 'di bzang ba min snyam dran

@135a @#/ /pa skyed byed cing/ /so sor 'chags par byed cing phyis
kyang sdom byed la/ /dga' bar mi byed de ni sangs rgyas chos
'dir slob/ /zhes pa ltar ro nag chos

bzhi pa ni/ /lhag bsam min par g.yo sgyus spyod pa ste/ /de la
yul ni sems can gang yang rung/ /bsam pa rang bzhin drang po ma
yin par/ /g.yo sgyu gang rung yin la bya ba ni/ /

gzhan la bslu thabs byed pa'o g.yo sgyu ni/ /bre srang sogs la
sgyu thabs byed pa dang/ /rang gis bsam pa'i bya ba de nyid las/
/shin tu bya dka' bzhig gyis shig ces/ /sngon la pha

rol po des mi btub pa'i/ /bya ba byed par mdag pas phyis su ni/
/rang gis bsam pa'i bya ba byed 'jug pa/ /lta bu yin par bla ma
gong ma gsung/ /kun bdus las ni gnyis ka

brnyed bkur la/ /chags pa'i dbang gis byung ba'i 'dod chags
dang/ gti mug gang yang rung ba'i char gtogs par/ /'dra la sgyu
ni yon tan med bzhin du/ /yod pa ltar du bcos nas

ston pa dang/ /g.yon ni rang gi nyes pa rkyong ba la/ /gsungs
te rkyong ba'i don ni rang nyid kyis/ /nyes pa thabs kyis mi
mngon sped pa'o/ /gnyis pa dkar chos bzhi ni bstan rim las/ /

srog la bab kyang bsdzun tshig mi smra zhing/ /'grol lhag bsam
gyis brtse rgyal sras la/ /ston par lta bas bsngags brjod sems
can rnams/ /theg mchog la 'god 'phos gyur

kyang ldan/ /zhes pa ltar ro dkar chos dang po yi/ /yul ni sems
can yin no cog yin la/ /bya ba de la srog gam bzhad gad kyi/
/phyir yang shes bzhin du ni brdzun smra ba/ /spong ba'o de

@135b ltar byas na mkhan slob sogs/ /khyad par can gyi yul la
brdzun gyis ni/ /mgo skor byed pa mi 'byung de bas 'di/ /nag
chos dang po'i gnyen po'i dkar po'i chos/ /gnyis pa'i

yul ni sems can thams cad do/ /bya ba de la g.yo dang sgyu med
par/ /lhag pa'i bsam pa drang pos gnas pa ste/ /'di ni nag chos
bzhi pa'i gnyen po'o/ /gsum pa'i

yul ni byang sems thams cad do/ /bya ba de la ston pa sangs
rgyas dang/ /'dra ba'i 'du shes skyed cing de dag gi /don gnas
bsngags pa phyogs bzhir brjod po'o/ /'o skol

dge ba chang chung byed bdug kyang/ /'phel rtags med par zang
rtags mang bde/ /rgyal ba'i sras dang grogs la zhe sdang dang/
/brnyas pa byas shing tshig mda' bsnun pas zad/ /

nges na 'di gnyis legs par spong thub na/ /bslab btus las ni
gang zag la brten pa'i/ /gnod 'gyur gsung ba thams cad mi 'ong
gsungs/ /byang sems gar yod mi shes 'od srung

gis/ zhus pa ltar du sems can thams cad la/ /ston pa'i 'du shes
skyed nas thams cad la/ /dag snang sbyar ba'i dbang du mdzad pa
yin/ /yon tan brjod pa'ang mnyan po skabs bab la/ /yin gyi gzhan
du ma

brjod nyes pa med/ /'di ni nag chos gsum pa'i gnyen po'o/ /dkar
chos bzhi ba'i yul ni rang nyid kyis/ /smin par bya ru btub pa'i
sems can rnams/ /bya ba theg pa

dman la mi sbyor bar/ /rdzogs pa'i byang chub 'dzin du gzhug
pa'o/ /de yang rang gi ngos nas gdul bya de/ /de la sbyar ba
dgos kyi yul de la/ /rdzogs byang don du gnyer blo ma skyes

@136a @#/ /na/ /nyes pa med de bsgrub par mi nus phyir/ /'di ni
nag chos gnyis pa'i gnyen po ste/ /gzhan dag mthar thug bde la
'jog 'dod blo/ /yod na gzhan la 'gyod

pa skyed ched du/ /di yi sbyor ba ched du mi sgrub phyir/ /de
ltar seng ges zhus pa'i mdo las gsungs/ /gzhan yang nga rgyal
phrag dog ser sna rnams/ /spang dang gzhan 'byor mthong na yid

dga' ba/ /bzhi dang ldan na smon sems mI don bar/ /'jam dpal
zhir bkod mdo lam gsungs pa dang/ /spyod lam kun tu byang chub
sems sbyor dang/ dge bci byed sngon du byang chub sems/ /

sgom par byas na skye ba gzhan du yang/ /byang chub sems mchog
de dang mi 'bral bar/ /ji lta ji ltar mang du mis brtags na/
/zhes sogs kyis bshad ltar nyams su blang/ /gsum pa

nyams na phyir bcos bya tshul ni/ /smon sems 'dor dang sems can
blos gtong ba/ /gnyis kyis sems bskyed gtong la de las gzhan/
/bslab bya rnams dang 'gal na 'jug sdom dang/ /

mi ldan pa yi bar du byang sems kyi/ /dbang du byas pa'i ltung
ba mi 'byung kyang/ /bar ma'i dge ba khas blang bslab bya dang/
/'gal ba'i nyes pa stobs bzhis bshags par bya/ /'jug

sngon thob nas sdom pa'i bslab bya dang/ /'gal ba'i ltung bar
gyur pa ltung ba yi/ /phyir bcos ji ltar gsung ltar byas chog
pas/ /'jug sems bslab byar 'dus kyi gzhan du med/ /

'on kyang nyin rer len drug sems bskyed pa/ /smon pa'i bslab bya
thun mong min pa'o/ /gsum pa sems mchog bskyed nas spyod pa la/
/slob pa'i tshul la byang chub sems bskyed nas

@136b bslab la slob dgos pa yi rgyu mtshan dang/ /thabs shes ya
bral gyis ni mi 'grub dang/ /bslab pa la ni slob pa'i rim pa
gsum/ /dang po de ltar smon pa'i sems bskyed nas/ /sbyin pa

sogs la slob bar mi byed pa/ /de yang phan yon che mod bslab pa
la/ /bsgrub pa nan tan snying por ma byas na/ /mngon par rdzogs
par sangs rgyas mi srid pas/ /rgyal sras bslab pa

sbyin sogs spyod pa la/ /tshul bzhin bslab par bya ste spyod 'jug
las/ /rgyal ba'i sras kyi de lta bur/ /byang chub sems rab brtan
bzung nas/ /g.yel ba med par rtag tu yang/ /

bslab las mi 'da' 'bad par bya/ /bab tsol brtsems pa gang yin
pa'am/ /gang zhig legs par ma brtags pa/ /de ni dam bca' byas
gyur kyang/ /bya'am btang zhes brtag pa'i phyir/ /

sangs rgyas rnams dang de yi sras/ /shes rab chen pos gang
brtags shing/ /bdag nyid kyis kyang brtags brtags pa/ /de la
bshol du ci zhig yod/ /gal te de ltar dam bcas

nas; ;las kyis bsgrub pa ma byas na/ /sems can 'di dag kun bslus
pas/ /bdag gi 'gro ba ci 'drar 'gyur/ /dngos po phal ba cung zad
la'ang/ /yid kyis sbyin par bsam

byas nas/ /mi gang sbyin par mi byed pa/ /de yang yi dgas 'gyur
gsungs na/ /bla na med pa'i bde ba la/ /bsam pa thag pas mgron
gnyer nas/ /'gro ba thams cad bslus

byas na; ;bde 'gro cig 'gro 'gyur ram/ /zhes dang bstan rim las
kyang ji skad du/ /bsam pa tsam gyis kun mkhyen mi 'grub pas/
/tshul khrims phung po gsum gyi bslab pa

@137a @#/ /blangs/ /zhes pa ltar ro gnyis pa thabs shes gnyis/
/re re ba la bslab pa sangs rgyas kyi/ /go 'phang mi 'grub tshul
ni de sgrub thabs/ /ma nor ba cig

dgos te nor ba la/ /ji tsam 'bad kyang 'bras bu mi 'byung ste/
/'o ma 'dod nas {rwa} la bzho pa bzhin/ /ma nor na yang cha la
gam tshad na/ /ji ltar 'bad kyang 'bras bu mi 'byung ste/ /

zhing sa sa bon chu sogs gang rung cig /ma tshang na ni myu gu mi
skye ba/ /lta bu yin zhes sgom rim bar par gsung/ /'o na sangs
rgyas sgrub pa'i rgyu dang rkyen/ /tshang la ma nor ba de gang

zhe na; ;thabs dang shes rab ya bral ma yin pa'i/ /tshogs gnyis
thung du 'brel ba de yin te/ /sangs rgyas sgrub la chos sku
gzugs sku gnyis/ /sgrub dgos gzugs sku

sgrub la bsod nams tshogs/ /dgos shing chos sku sgrub la ye shes
tshogs/ /bsags pa dgos te rin chen 'phreng ba las/ /chos kyi sku
de mdor bsdu na/ /ye shes tshogs

las 'khrungs pa ste/ /gzugs kyi sku ni mdor bsdu na/ /rgyal po
bsod nams tshogs las 'khrungs/ /zhes pa ltar ro 'o na thabs shes
gnyis/ /gang yin zhe na theg pa chen po pa'i/ /

rgyud kyi byams dang snying rje byang chub sems/ /phar phyin
dang po bzhi la sogs pa rnams/ /thabs kyi cha dang bsod nams
tshogs yin la/ /bdag med rtogs pa'i zhi gnas lhag mthong sogs/

shes rab cha dang ye shes tshogs yin no/ /'o na thabs shes gnyis
dang tshogs gnyis po/ /ya bral min par zung du 'brel pa'i don/
/gang yin zhe na dper na bu sdug pa/ /shi bas mya ngan chen pos
mnar

@137b ba'i ma; ;gzhan la smra ba sogs la 'jug pa'i tshe/ /blo ni
ji 'dra skyes kyang mya ngan gyi/ /shugs des ma btang na yang
blo de rnams/ /thams cad mya ngan gyi ni blo yin par/ /mi 'gyur
ba

bzhin stong nyid rtogs pa'i blo/ /shugs drag skyes na sbyin pa
gtong ba dang/ /phyag mchod skor ba bzlas brjod sogs byed tshe/
/de dag la ni dmigs pa'i blo de rnams/ /stong nyid rtog pa

min kyang de'i rtsi 'am/ /shugs dang ldan par 'jug pa mi 'gal
la/ /thun mgo lta bur byang sems shugs drag pa/ /sngon du btang
na stong nyid ting 'dzin la/ /bzhag tshe byang sems

dngos su med na yang/ /sems de'i rtsi yis zin pa mi 'gal lo/
/des na lta bas zin pa'i sbyin pa la/ /dmigs pa med pa'i sbyin
bzhes bya yi/ /gtong ba'i sems pa gtan nas

med pa la/ /sbyin pa'i tha snyad mi rung de bzhin du/ /dge ba
gzhan la'ang de yi rigs pa bsgre/ /thabs shes tshogs gnyis zung
du 'brel zhes pa'i/ /'brel ba'i tshul ni de ltar shes par

bya; ;bshad pa 'di la sa bon du byas te/ /legs par bsam nas lam
gyi phyogs de ba/ /min pa'i cha tshang ba la nges pa zhig /ma
rnyed na ni theg pa chen po sbyi'i/ /lam gyi rkang ni zin

par mi snang bas/ /shes ldan rnams kyis nges pa ches brtan pa/
/bskyed la sna tshogs sgo nas theg mchog gi /rigs kyi nus pa je
rgyas btang bar bya/ /gsum pa bslab pa la ni

ji ltar du/ /slob pa'i rim pa de nyid bshad la gnyis/ /theg pa
chen po spyi la bslab tshul dang/ /khyad par rdo rje theg la
bslab tshul lo/ /spyi la bslab pa'i tshul la byang sems kyi/
/bslab pa rnams

@138a @#/ /la slob 'dod sbyong ba dang/ /sbyang nas sems pa'i
sdom pa bzung ba dang/ /bzung nas ji ltar bslab par bya ba'i
tshul/ /gsum mo dang po 'dul ba sngags gnyis la/ /

sdom pa ma bzung gong du bslab bya rnams/ /mnyan du rung ba min
yang byang sems kyi/ /sngon du bslab bya legs par shes byas nas/
/sbyangs te 'dzin par spro na sdom pa nod/ /bslab bya shes

par byas nas yid yul du/ /byas te snying nas slob 'dod legs
sbyangs te/ /sdom pa blang na brtan par 'gyur bas bzang/ /byang
sems bslab bya rnams ni 'og tu 'chad/ /sdom pa bzung ba la ni

len lugs dang/ /rtsa ltung nyes byas ltung ba srung tshul dang/
/nyams na phyir bcos tshul rnams rgyas par ni/ /tshul khrims
le'u'i 'grel bar bshad las shes/ /gsum pa ji ltar bslab

pa'i tshul la gsum/ /gang la bslab ba'i gzhi dang gzhi de ru/
/byang sems bslab pa thams cad 'du tshul dang/ /de la ji ltar
bslab pa'i rim pa'o/ /dang po gzhi ni gsal ba'i dbye ba la/ /

mtha' yas yod kyang bsdu na phyin drug tu/ /sems dpa'i bslab bya
kun 'du phyin drug ni/ /lam gyi gnad kun bsdus pa'i sdom yin
zhing/ /tshogs gnyis bslab gsum sogs gyis byang

sems kyi/ /lam kun bsdus kyang pha rol phyin drug gis/ /go ba
skyed ltar gzhan gyis mi nus pas/ /phyin drug bsdu gzhi byed pa
mchog yin no/ /gnyis pa de la bslab ba 'du tshul la/ /

grangs nges sgo nas dngos don bshad pa dang/ /zhar la go rim
nges pa bstan pa gnyis/ /dang po dngos kyi don ni ston pa yis/
/phar phyin drug gi sdom tsam mdzad pa la/ /byams pas de ltar

@138b mdzad pa'i rgyu mtshan gyi/ /gnad rnams dgongs pa ji bzhin
legs bkral nas/ /nges shes skyed pa grangs nges tshul 'di rnams/
/yin pas 'di la nges pa legs rnyed na/ /phyin drug

nyams len la ni gdams pa yis/ /mchog tu 'dzin pa 'byung bas nges
pa btsal/ /phar phyin drug tu grangs nges tshul la drug /mngon
mtho sgrub la ltos pa'i grangs nges ni/ /rgyal

sras spyod pa rlabs chen rdzogs pa la/ /tshe rabs dpag med brgyud
dgos skabs der yang/ /lam gyis tshe da 'ong la longs spyod dang/
/lus dang 'khor dang las mtha' gang brtsam

pa; ;'grub pa'i mngon mtho phun sum tshogs pa bzhi/ /de yang nyon
mongs dbang du mi 'gro dang/ /blang dor gnas la 'jug ldog dmig
phyed pa/ /dgos te de dag phar phyin drug gis

sgrub; ;skye ba gzhan du phar phyin drug po de/ /'byung ba'i
rjes mthun rgyu yang phyin drug du/ /nges pas tshe 'dir bsten
goms lan mar bya/ /de dag gnas skabs kyi ni mngon mtho

yin; ;longs spyod phun sum tshogs sogs mthar phyin pa'i/ /mngon
par mtho ba sangs rgyas sa na yod/ /de skad du yang byams pa'i
mdo rgyan las/ /longs spyod dang

lus phun sum tshogs pa dang/ /'khor rtsom phun sum tshogs pa mngon
mtho dang/ /rtag tu nyon mongs dbang nyid mi 'gro dang/ /bya ba
rnams la phyin ci ma log pa'o/ /zhes so

don gnyis sgrub la ltos pa ni/ /gzhan don zang zing btang bas
phan gdags shing/ /gzhan gnod gzhi dang bcas las legs par ldog
/gzhan gyis gnod pa byed la ci mi

@139a @#/ /snyam/ /rang gzhan don la phyib shol le lo med/ /rang
don mnyam par bzhag pas sems gnas shing/ /shes rab stobs kyis
rnam grol bde ba 'thob/ /

des na don gnyis sgrub la phar phyin drug /dgos shing grangs
kyang nges te de nyid las/ /sems can don la rab brtson pa/
/gtong dang mi gnod bzod pas byed/ /gnas dang grol ba gzhir

bcas pas/ /rang don rnam pa thams cad spyod/ /ces so gzhan don
rnam pa thams cad pa/ /rdzogs par sgrub la ltos pa'i grangs nges
ni/ /thog mar zang zing btang bas 'phongs

pa sel; ;sems can gang la'ang phar la gnod mi byed/ /tshur la
gnod pa byed la mi khro bzod/ /kho la phan grogs byas pas sems
mi skyo/ /mnyam bzhag la brten rdzu 'phrul sogs

kyis 'dun/ /legs par bshad la mkhas pas the tshom gcod/ /de yis
grol bar byed pas gzhan don la/ /phyin drug dgos shing grangs
nges de nyid las/ /mi 'phongs pa dang rnam

par mi 'tshe dang/ /rnam 'tshe bzod dang bya bas mi skyo dang/
/dga' byed legs par brjod pa de yi phyir/ /gzhan gyi don ni rang
gi don yin no/ /zhes so theg chen sdud la ltos pa ni/ /

rnyed la mi chags ma rnyed don mi gnyer/ /de yis bslab pa bsrung
nus de la gus/ /sdug bsngal ci 'dra byung yang yid mi skyo/ /dge
ba'i bya ba sgrub la skyo ba med/ /zhi lhag gnyis kyi

rnal 'byor mi rtog pa/ /drug gis 'gro ba'i theg chen thams cad
bsdus/ /de dag phar phyin drug gis rim par sgrub/ /des na drug
tu nges te de nyid las/ /longs spyod mngon par

@139b mi dga' dang/ /rab gus gnyis la mi skyo dang/ /rnal 'byor
rnam par mi rtog pa/ /theg chen mtha' dag 'dir zad do/ /ces so
thabs kyi rnam pa thams cad pa'i/ /dbang du

mdzad pa'i drug tu grangs nges ni/ /thob pa'i yul gyi longs
spyod la mi chags/ /'thob pa'i don du rtsol ba'i rnam g.yeng
sdom/ /sdug bsngal bzod pas sems can blos mi gtong/ /

gang la gnas pas dge ba gong du 'phel/ /nyon mongs pa dang shes
bya'i sgrib pa sbyong/ /phar phyin drug gis rim bzhin de rnams
sgrub/ /de phyir drug tu nges te de nyid las/ /yul

rnams la ni ma chags lam/ /de thob rnam g.yeng sdom pa gzhan/
/sems can mi gtong 'phel ba dang/ /sgrib pa rnam par sbyong ba
gzhan/ /zhes so 'dod yon rnam g.yeng byung ba

yi; ;dbang du 'gro ba 'gog la ma chags sbyin/ /phyis 'byung 'gog
la don med don min ba'i/ /rnam par g.yeng ba sdom pa'i legs
spyad khrims/ /sems can byed ngan grangs

mang 'byung nye la/ /brten nas de don las ldog 'gog la bzed/
/dge ba grangs mang dus ring bsgrub pa yis/ /'phel la phan yon
bsam pas mi skyo spro/ /rtsa nyon nye nyon la sogs

nyon mongs pa/ /mngon 'gyur mgo bo gnon la bsam gtan dang/ /nyon
mongs sa bon shes bya'i sgrib pa rnams/ /'joms la shes rab dgos
par bstan pa 'dis/ /phar phyin

drug la nges pa chen po ster/ /bslab pa gsum la ltos pa'i grangs
nges ni/ /khrims kyi bslab pa'i ngo bo tshul khrims yin/ /de yang
longs spyod 'byor la mi lta ba'i/ /sbyin pa

@140a @#/ /yod na tshul khrims yang dag par/ /len pas sbyin pa
khrims kyi tshogs sam rgyu/ /blang ba de yang gshe la slar mi
gshe/ /la sogs bzod pas srung ba'i

de ni 'khor/ /bsam gtan sems kyi bslab pa dngos yin la/ /shes
rab shes rab kyi ni bslab pa ste/ /brtson 'grus bslab pa gsum
char la dgos pas/ /gsum ka la

yang gtogs pas phyin drug tu/ /nges te de star theg chen mdo
rgyan las/ /rgyal bas pha rol phyin pa drug /yang dag bshad de
dang po gsum/ /tha ma gnyis kyi rnam pa gnyis/ /

gcig ni gsum char la yang gtogs/ /zhes so gong du bshad pa de
ltar na/ /phun sum tshogs pa'i rted dang don gnyis dang/ /theg pa
che dang thabs dang bslab pa rnams/ /rdzogs

par byed dang bsdud par byed pa ni/ /phar phyin drug tu nges par
shes byas la/ /rgyal ba'i sras kyis nyams su blang bya yi/ /gnad
sdom yin la nges pa chen po btsal/ /gzhan yang

dang po nyid nas 'khor ba las/ /mi 'da' ba yi rgyu yi gtso bo
gnyis/ /longs spyod la chags khyim la chags pa ste/ /de yi gnyen
por sbyin dang tshul khrims so/ /lan gcig 'phags

kyang mthar ni mi phyin par/ /slar la ldog pa'i rgyu yi gtso bo
gnyis/ /gzhan gyis log par sgrub pa mi bzod dang/ /dge la yun
ring sbyor bas skyo ba ste/ /de yi gnyen por bzod

dang brtson 'grus so/ /byang chub sems dpa'i spyod par ma zad
kyi/ /da lta dge sbyor byed pa dag la yang/ /dka' spyad than
thun la yang bzod pa'i sran/ /chung dang spro shugs

@140b chung ba'i rgyu mtshan gyis/ /dang por zhugs pa mang yang
bar skabs su/ /ma log pa ni chen po mi 'ong bar/ /snang ste bzod
brtson gnyis kyi man ngag la/ /ma sbyangs pa yis nongs pas

de la sbyang/ /bar du dge las log par ma gyur kyang/ /chud za ba
yi rgyu yi gtso bo gnyis/ /dmigs par mi gnas shes rab 'chal ba
ste/ /de yi gnyen por bsam gtan shes rab

bo; ;de ni mi mthun pa yi phyogs spong ba'i/ /gnyen po'i dbang
du byas pa'i grangs nges so/ /phar phyin dang po bzhi ni ting
'dzin gyi/ /tshogs su 'gyur bas bzhi kas mi g.yeng ba'i/ /

bsam gtan phar phyin 'grub cing de nyid la/ /brten nas lhag
mthong sgom pas de bzhin nyid/ /rtog par 'gyur bas rgyal ba'i
chos thams cad/ /'grub pa'i gzhi yi gnas kyi

grangs nges so/ /sems can smin par bya dang rjes mthun pa'i/
/dbang du byas pa'i grangs nges sngar bshad pa'i/ /grangs nges
gsum pa de dang don 'dra'o/ /'di gnyis thog

med bzhed pa seng bzang gis/ /bkod ltar bshad pa yin te phyin
drug la/ /nges pa skye ba la ni gnad du che/ /gnyis pa zhar la
go rim nges la gsum/ /skye rim longs spyod la ni ma

chags pa'i/ /sbyin pa yod na tshul khrims len par byed/ /nyes
spyod sdom pa'i tshul khrims yod gyur na/ /sdug bsngal gnod pa la
ni bzod par gyur/ /yun ring dka' ba spyad

la mi skyo ba'i/ /bzod pa yod na ldog pa'i rkyen nyung bas/
/brtson 'grus brtsom par nus so nyin mtshan du/ /brtson 'grus
brtsam na dge ba'i dmigs pa la/ /bkol la las su

@141a @#/ /rung ba'i ting 'dzin skye/ /tshul bzhin mnyam par bzhag
na yang dag pa/ /ji lta ba bzhin rtogs pa'i shes rab 'byung/
/des na snga ma la brten phyi ma skye/ /

dman mchog rim pa snga ma snga ma dman/ /phyi ma phyi ma mchog
go rags pa dang/ /phar ba'i rim pa snga ma snga ma rnams/ /phyi
ma phyi ma rnams las 'jug pa dang/ /bya bar sla bas rags la

phyi ma rnams/ /snga ma rnams las 'jug dang bya dka' bas/ /rang
rang gi ni snga ma snga ma las/ /phyi ma phyi ma phra ste mdo
rgyan las/ /snga ma la brten phyi ma skye/ /dman dang mchog tu
gnas

phyir dang/ /rags pa dang ni phra ba'i phyir/ /de dag rim par
bstan pa yin/ /zhes so gsum pa slob pa'i rim pa la/ /gnyis te
spyod pa spyi la slob tshul dang/ /phar phyin tha ma

drug yod pa'i/ /dang po la bzhi sbyin pa'i ngo bo dang/ /de la
'jug pa'i thabs dang rab dbye dang/ /don bsdu pa'o dang po ngo
bo ni/ /gzhan la gtong ba'i sems pa dge ba dang/ /de yis

kun nas bslang ba'i lus ngag gi /las so sbyin pa'i phar phyin
rdzogs pa ni/ /sbyin bya'i dngos po gzhan la btang ba yis/ /'gro
ba rnams kyi dbul ba bor ba la/ /mi ltos de lta min

na da dung yang/ /bgren po du ma yod pas sngar byon ba'i/ /rgyal
rnams sbyin pa mthar ni ma phyin 'gyur/ /des na lus ngag mi gtso
sems gtso bas/ /lus dang longs spyod

@141b dge rtsa thams cad la/ /ser sna bcom ste bsam pa thag pa
nas/ /gtong zhing de tsam ma bdang tab 'bras kyang/ /sems can
gzhan la btang ba'i blo goms pa/ /yongs su rdzogs las

sbyin pa'i phar phyin du/ /'gyur ba yin te de ltar spyod 'jug
las/ /gal te 'gro ba dbul bor ba/ /sbyin pa'i pha rol phyin yin
na/ /da dung 'gro bkren yod na sngon/ /skyob pa ji ltar

pha rol phyin/ /bdog pa thams cad 'bras bcas te/ /skye bo kun la
btang sems kyis/ /sbyin pa'i pha rol phyin gsungs te/ /de ltas
de ni sems nyid do/ /zhes so sbyin pa'i phar

phyin nyams len ni/ /dngos su dngos po gzhan la gtong ba cig
/med kyang gtong sems bskyed cing ji 'phel gtong/ /gnyis pa de
skyed pa la 'jug pa'i thabs/ /longs spyod

sogs la ser sna ma lus par/ /bcom pa tsam gyis sbyin pa'i phar
phyin du/ /'gyur ba min te ser sna 'dod chags kyi/ /char gtogs
yin pas theg dman dgra bcom pa/ /gnyis

kyis sa bon dang bcas sbar phyir ro/ /de phyir sen sna bsal ba
tsam min par/ /bdog pa thams cad gzhan la gtong ba yi/ /bsam pa
snying thag pa nas skyed dgos so/ /de la yongs

su bzung ba'i nyes dmigs dang/ /btang ba'i phan yon sgom par bya
dgod pas/ /nyes dmigs bsam tshul zla ba sgron ma las/ /rul bar
gyur pa'i lus 'di dang/ /srog kyang g.yo

ba dbang med cing/ /rmi lam sgyu ma 'dra ba la/ /byis pa 'di dag
chags pas na/ /shin tu ma rungs las byas te/ /sdig pa'i dbang du
song ba dang/ /mi mkhas 'chi bdag bzhon pas

@142a @#/ /song/ /de dag mi bzad sems dmyal 'gro/ /zhes dang sgo
mtha' yas pa'i gzungs las gsungs/ /sems can gang dag kha cig
rtsod 'gyur na/ /de yi

gzhi rtsa yongs su 'dzin pa ste/ /de ltas gang la sred par 'gyur
ba spongs/ /sred pa spang ba byas na gzungs su 'gyur/ /zhes dang
khyad par rang gi lus gzhan la/ /gtong dgos tshul ni

bslab pa kun btus las/ /'di ltar bdag gi lus dang sems/ /skad
cig re res 'gro ba nyid/ /gal te mi rtag dri 'bab pa'i/ /lus
kyis rtag cing dri med kyi/ byang chub thob

par 'gyur na ni/ /de ni rin med rnyed min nam/ /zhes dang skyes
rabs las kyang ji skad du/ /bdag med 'jig la snying po med pa'i
lus/ /sdug bsngal drin med rtag tu mi gtsang ba'i/

lus kyis gzhan la phan thogs 'gyur ba la/ /dga' bar mi 'gyur de
ni mkhas ma yin/ /zhes so gzhan la btang ba'i phan yon yang/ /ji
ltar bsam pa'i tshul ni spyod 'jug las/ /

thams cad btang bas mya ngan 'da'/ /bdag blo myang ngan 'das pa
sgrub/ /thams cad gtong bar chabs gcig la/ /sems can rnams la
btang ba mchog/ /ces so gzhan yang 'dzin

pa'i nyes dmigs dang/ /btang ba'i phan yon phar phyin bsdus pa
las/ /longs spyod rnam pa mi rtag mthong gyur cing/ /snying rje
chen po rang gi ngang gyur na/ /byin pa bdag gi khyim

bzhag gzhan gyi bar/ /shin tu rigs pa'i tshul gyis rtogs par
'gyur/ /gang byin de las 'jigs pa skye mi 'gyur/ /khyim na gang
bzhag de las 'jigs pa 'byung/ /mi chog thun mong

@142b rtag tu bsrung dgos te/ /sbyin na nyes pa de dag gnod mi
'gyur/ /byin bas 'jig rten pha rol bde ba 'grub/ /ma byin tshe
'di nyid la'ang sdug bsngal skyed/ /mi yi nor rnams skar mda'i

rang bzhin ltar/ /yongs su ma btang de dag med par 'gyur/ /ma
byin nor rnams mi rtag med 'gyur te/ /byin pas de dag yod pa'i
gter du 'gro/ /sems can phan par gzhol bas

gang byin pa'i/ /nor rnams snying po med pa'ang yod par 'gyur/
/gang zhig yongs su gtong ba mkhas pas bsangs/ /skye bo byis pa
de dag so la dga'/ /yongs su bzung bas

mi 'bral gang yang med/ /byin pas rtag tu phun sum tshogs pa
'byung/ /btang bas nyon mongs yongs su 'dzin mi 'gyur/ /'jungs
pa 'phags pa'i lam min nyon mongs skye/ /

gang zhig byin pa de ni lam gyi mchog/ /de las gzhan gyur 'phags
pas lam ngan gsungs/ /zhes pa ltar du bsam la mos pa bskyed/
/rang gis dge rtsa gang byas thams cad kyang//

sems can kun la gnas skabs mthar thug tu/ /phan bde rgya chen
'grub pa'i don ched du/ /bsam pa dag pas bsngos shing sbyin par
btang/ /des ni sems can re re la brten

pa'i; ;bsod nams de snyed 'thob pas tshogs chen po/ /bde bla
rdzogs te rin chen 'phreng ba las/ /de skad brjod pa'i bsod nams
gang/ /gal te de ni gzugs can 'gyur/

gang ga'i bye ma snyed kyi ni/ /'jig rten khams su shong mi
'gyur/ /de ni bcom ldan 'das kyis gsungs/ /gtan tshig kyang ni
'di la snang/ /sems can khams na tshad med la/

@143a @#/ /phan 'dod de ni de 'dra'o/ /zhes so de ltar btang ba'i
phan yon ni/ /mang du bsam nas prod pa chen po dang/ /yongs su
bzung ba'i nyes dmigs mang bsam nas//

'jigs pa chen po skyed par nus pa na/ /gzhan la gtor ba'i blo ni
rang gis skye/ /de bzhin byams dang snying rje sbyang pa dang/
/rgyal ba sras bcas rnams kyi rnam par thar/ /bsam pa'i mthar
yang gtong sems skyed par bya/ /ji 'dra skyed

pa'i tshul ni spyod 'jug las/ /lus dang de bzhin longs spyod
dang/ /dus gsum dge ba thams cad kyang/ /sems can kun gyi don
gyi phyir/ /phangs pa med par btang bar bya/ /zhes

gsungs pa ltar lus dang longs spyod dang/ /dge rtsa gsum la
dmigs nas sems can la/ /bsam pas yongs su gtong blo skyed par
bya/ /da lta mos pa ma smin stobs chung bas/ /

sems can rnams la bsam pas lus byin yang/ /sha la sogs pa dngos
su mi ster mod/ /'on kyang lus srog gtong ba'i bsam pa tsam/ /ma
sbyang ne ni goms pa med pas na/

nga gdod lus srog gtong bar mi nus pas/ /da lta nyid nas bsam pa
sbyang dgos so/ /dngos su gzhan la ster bar mi byed na/ /bsam
pas btang ba sdzun du 'gyur bas na/ /de la

snying po med snyam mi bsam ste/ /gtong ba'i sems de ngo mtshar
chen po can/ /yin pas 'di la the tshom bya mi rigs/ /zhes pa
bslab pa kun las btus las bshad/ /gsum pa

sbyin pa'i rab tu dbye ba la/ /rten ni spyi yi dbang du byas pa
ni/ /dam pa drug ldan phar phyin drug ldan du/ /phye ba gnyis
las dang po rten dam pa/ /byang chub sems kyis kun las bslang

@143b ba'o; ;dngos po dam pa spyi dang khyad par ba/ /rnams la
spyod pa'i bsam pa mdor ba'o/ ched du bya ba dam pa sems can la/
/'phral du bde dang phugs su phan phyir du'o/ /thabs

mkhas dam pa chos kun rang bzhin gyis/ /med par rtogs pa'i shes
rab kyis zin pa'o/ /bsdo ba dam pa btang ba'i dge ba rnams/ /bla
med byang chub mchog tu bsngo ba'o/ /rnam par

dag pa dam pa nyon mongs dang/ /shes sgrib 'gog pa yin te theg
bsdus las/ /bshad cing phar phyin drug ldan bya ba ni/ /sbyin pa
gang yang rung ba byed pa na/ /nyan rang yid byed sdom

pa'i tshul khrims dang/ /sangs rgyas chos la mos shing gshe ba
bzod/ /de nyid gong du 'phel phyir brtson 'grus rtsom/ /theg
dman ma 'dres rtse gcig rdzogs byang bsngo/ /'khor

gsum sgyu ma ltar shes shes rab bsten/ /drug po tshang na shin tu
stobs che bar/ /seng ge bzang pos brgyad stong 'grel bar gsungs/
/rten ni so so'i dbang du byas pa ni/ /khyim

na gnas pa'i sems dpa'i sbyin pa dang/ /rab tu byung ba'i sems
dpa'i sbyin pa gnyis/ /snga mas gtso bor zang zing sbyin pa
dang/ /phyi mas gtso bor chos sbyin bya bar gsungs//

gtso cher yin gyi dgag dgos gzhan med na/ /gnyis kas sbyin pa
gsum ka bya bar rung/ /phyi nas thos dang tshul khrims la sogs
pa'i/ /gegs su 'gyur ba'i zang zing sha thang du/

btsal zhing bsag nas gtong ba mi rung ngo/ /gsum pa sbyin pa'i
ngo bo'i dbye ba la/ /chos dang mi 'jigs zang zing sbyin pa
gsum/ /dang po dam chos phyin ci ma log par/ /ston dang

@144a @#/ /bzol sogs pa rigs par ston/ /bslab gzhi 'dzin du 'jug
pa'o gnyis pa ni/ /rgyal po chom rkun la sogs mi'i 'jigs pa/
/seng ge stag sogs mi min

'jigs pa dang/ /chu dang me sogs 'byung ba'i 'jigs pa las/ /sems
can yongs su skyob pa'o gsum pa la/ /zang zing dngos su gtong
dang bsam pas sbyin/ /dang po la gsum

zang zing gtong tshul dang/ /gtong ma nus na ji ltar bya ba dang/
/sbyin pa'i gegs kyi gnyen pa bsten pa'o/ /dang po la yang bzhi
ste gtong ba'i zhing/ /gtong ba'i bsam pa gtong ba'i

sbyor ba dang/ /gang zhig gtong ba'i dngos po'i dang po ni/ /bcu
ste mdza' bshes dgra bo bar ma dang/ /yon tan can dang skyon can
rang las dman/ /mnyam dang lhag dang skyed dang

sdug pa'o/ /bsam pa la gnyis gang dang ldan dgos ni/ /'di yis
sbyin pa'i phar phyin rdzogs par bya/ /bdog ba blos btang zin
pas gzhan gyi yin/ /yul rnams sbyin pa

rdzogs byed dge bshes so/ /snyam pa'i dgos pa dngos po zhing
gsum la/ /dmigs pa'i bsam pa gsum dang ldan pa dgos/ /spangs
dgos bsam pa ltar na mchog 'dzin dang/

brnyas dang 'gran dang rlom pas khengs pa dang/ /'jungs la mi
snyan smra dang snyan grags 'dod/ /byin nas 'gyod dang zhum dang
khyad gsod byed/ /ris su gcod dang lan dang rnam smin gyi/ /

'bras bu longs spyod tsam 'dod gtong phod par/ /shes nas bkur
bsti 'byung 'dod log 'tsho yi/ /bsam pa la sogs ngan sems spangs
pa dgos/ /ji ltar gtong ba'i sbyor ba la

@144b gnyis las/ /sbyor ba ci 'dra ba yis mi gtong ba/ /myur bor
mi ster brgyad ste ster ba dang/ /sdug tu bcug nas ster dang
chos srid kyi/ /tshul dang mi mthun byed du bcug nas ster/

'di tsam steng zhes khas blang zhe dam las/ /phri nas ngan pa'am
nyung du ster ba dang/ /drin bgrang byed kyin ster dang dus gcig
tu/ /byin pas chog pa la ni rdzas bsris te/ /nyung du nyung du

ster dang gzhan dag las/ /'phrogd gam nan gyis blang ste ste ba
dang/ /gnod par 'gyur ba'i thabs kyis ster ba dang/ /gyin rab
sdad de gzhan byed 'jug dang/ /slong la 'phya smod

zur gyis smod pa'i bsteng/ /rtsub mo'i ngag gis slong mo sba
'god bar/ /byas nas ster dang ston pa'i byas pa las/ /'gal bar
byas te ster dang longs spyod rdzas/ /'phral la

ji ltar byung bzhin mi gtong bar/ /yun ring bsam gnas ster ba
spangs bya ste/ /'di dag 'byung nye khyad par rdzas bsags nas/
/gtong ba'i ring la ser sna la sogs pa'i/ /nyon

mongs du ma skyed cing de srung dang/ /spal ba'i tshogs gis dge
ba'i bar chad byed/ /phal cher bar skabs su ni brlag 'gyur bas/
/mtha' yi sbyin pa'ang mi 'grub de bas na/ /

bsam pa'i 'di dag spong ba la ni 'bad/ /sbyor ba ji lta bu yis
gtang ba ni/ /bzhin gyi mdangs gsal 'dzum pa sngar byed la/
/gsor por smra pas zhing ni ci 'dra la'ang/ /

gus dang rang gi lag gis dus su dang/ /gzhan la mi gnod pa dang
dka' sbyad kyi/ /sdug bsngal bsran nas sbyin pa'o de dag gi
/'bras bu rim 'gro bgyis te byin pas ni//

@145a @#/ /gnyen sogs gzhan gyis rim 'gro bgyid par 'gyur/ /rang
gi lag pa dar te byin pa yis/ /rim 'gro 'thob 'gyur dus su byin
pas ni/ /don rnams

dus su 'grub 'gyur mi gnod par/ /byin pas longs sbyod brtan
'gyur mi bde ba/ /bzod pas byin na bran 'khor snying nye bar/
/'gyur ba bden pa po yi le 'ur bshad/ /mdzod

las lag pa dar te byin pa yis/ /longs spyod rgya chen rnyed dang
mdzod 'grel las/ /longs sbyod brtan pas gzhan gyis bar mi chod/
/me la sogs pas chud mi za bar bshad//

gzhan yang gzhan gyi sbyin pa'i grogs byed pa'i/ /sbyor ba rang
la yo byad yod gyur na/ /shin tu 'jungs pa gtong bar mi phod
pa'i/ /gnas su song nas mgu bya bag phab ste/ /

nga la yo byad yod de sbyin pa yi/ /phar phyin rdzogs phyir
slong mo pa 'dod pas/ /khyed ni slong dang 'phrad na ma zlogs
par/ /nga yi nor las long la de la byin/ /yang nang yi thad du

khrid la shog  nga yi sbyin la dga' bar gyis shes bsgo/ /des
kyang nor god med pas de bzhin byed/ /de yis de la ser sna'i dri
bsal ba'i/ /sa bon btob pa yin te rim gyis

ni/ /goms las rang nyid kyis kyang nyung du ster/ /ma chags
chung 'bring che gsum rim gyis 'thob/ /de bzhin rang gi mkhan
slob slob ma grogs pa/ /skam chags can nam yo byad

med pa la/ /yo byad byin te dkon mchog dbul 'phong la/ /mchod
sbyin byed du bcug pa rang nyid kyi/ /bsod nams cher skyed gzhan
dag kha cig gi /nyon mongs btul dang kha

@145b cig chos 'dod pa/ /rdzogs par byas dang sems can bsdus pa
dang/ smin par byas par 'gyur bas de bzhin bya/ /gtong ba'i
dngos por mdor bstan rgyas bshad gnyis/ /dang

po gang zhig btang bas 'phral bde la/ /phugs su phan pa sdig
spong dge ba la/ /'god dang 'phral du ba bde bar mi 'gyur yang/
/phugs su phan na gtang la gang gtang bas/ /'phral

phugs gnyis kar gnod dang 'phral bde yang/ /phugs su gnod na
btang bar mi bya'o/ /gnyis pa rgyas par bshad la nang gi dang/
/phyi yi dngos po gtong dang mi gtong ba'i/ /tshul

gnyis dang po gtong du mi rung tshul/ /shes na de las bzlogs pa
btang bya ru/ /shes pas 'di la dus kyi sgo nas ni/ /btang du mi
rung ba ni byang sems kyis/ /dang po nyid nas lus

sogs sems can la/ /bsam pa thag pas btang nas sha la sogs/
/slong ba'i dka' spyad kyis ni yid 'byung bar/ /mi 'gyur ba yi
snying rje chen po yi/ /bsam pa ma rgyas bar

du slong na yang/ /gtang bar bya mi rung ste spyod 'jug las/
/snying rje'i bsam pa ma dag par/ /lus 'di gtang bar mi bya ste/
/ci nas 'di dang gzhan dag tu/ /don chen bsgrub

pa'i rgyur gtang ngo/ /zhes so dgos pa'i sgo nas ni/ /lus sogs
gtang du mi rung ba/ /dgos pa phran tshegs tsam gyi phyir/ /gtang
mi rung ste de nyid las/ /dam pa'i chos

ni spyod pa'i lus/ /phran tshegs ched du gnod mi bya/ /de ltar
byas na sems can gyi/ /bsam pa myur du rdzogs par 'gyur/ /zhes
so yul gyi sgo nas mi gtong ba/ /bdud

@146a @#/ /kyi rigs kyi lha dang des brlam pa'i/ /sems can mtho
'tshams pa yi bsam pa can/ /smyon pa dang ni sems ni 'khrugs
rnams kyi/ /slong la sha dang yan

lag sogs mi ster/ /phyi yi dngos po gtong dang mi stong ba/
/rgyas par bshad la gnyis te mi gtong tshul/ /lnga las dus kyi
sgo nas mi rung ba/ /dper na rab byung ba dang bsnyen

gnas kyi/ /sdom pa can la phyi dro'i zas ster ba/ /lta bu'o yul
gyi sgo nas mi rung ba/ /sdom brtson can la rtsog pas 'bags pa
dang/ /sgog tsong sha chang la ni ma spyod la/ /de dag

rnams dang spyad du mi rung ba'i/ /sdom ldan la ni sgog tsong la
sogs dang/ /gnod sbyin srin po sogs kyis non pa'am/ /byas mi gzo
dang brjed nges pa rnams la/ /bu dang bran la

sogs dang bza' btung gang/ /mi 'phrod pa'am 'phrod kyang tshod
'dzin par/ /mi nus nad pa la ni de dag dang/ /ha cang sred pa
che zhing 'drangs pa yi/ /kha zas bsod pa slong la de dag

dang; ;mu stegs glan ka 'tshol dang glegs bam don/ /shes par 'dod
pa min bar nor rdzas kyi/ /'du shes can la gsung rab glegs bam
sogs/ /ster du rung ba ma yin dngos po yi/ /

sgo nas sbyin mi rung ni pha ma dang/ /bza' btung srog chags can
dang ster ba la/ /mi mos pa yi bu dang chung ma dang/ /zin la
sogs dang skyid lob can gyi rigs/ /sbyin du mi rung dgos

pa'i sgo nas ni/ /sbyin du mi rung ba ni rang gzhan la/ /gnod
pa'i phyir du slong la dug dang mtshon/ /ngan 'gro'i rgyur ru
'gyur ba'i dgag bya dang/ /ldan pa'i dga' rtsed rgyu yi dngos po
dang/ /rgya dang sa

@146b mda' la sogs sems can la/ /gnod pa'i rdzas dang de 'gra'i
rig pa slob/ /skam mam gsher la gnas pa'i srog chags la/ /gnod
pa skyel phyir sa phyogs chu bo rnams/ /slong

la de dag dang ni yul mi 'am/ /gzhan la gnod pa skyel phyir
rgyal srid dang/ /mi mdza' ba yis slong la de yi dgra/ /ster ba
lta bu mi rung ba yin no/ /phyi yi dngos po gtong tshul rten de
la//

ston pas ma bkag dus dang yul de la/ /gtong bar 'os shing 'tshams
pa gang yin ster/ /gtong mi rung bar sngar bshad pa rnams las/
/ma gtogs rnams dang rgyal po byed pa'i tshe/ /

gzhan gyi bu dang chung ma la sogs pa/ /pha ma mdza' bshes sogs
dang kha phral nas/ /sbyin mi rung yang grong sogs bcas te
sbyin/ /de ni ngan 'gro'i rgyu ru mi 'gyur ba'i/ /dga' rtsed
dngos

po gzhan la mi gnod pa'i/ /rgyal sogs dang skam gsher sa phyogs
dang/ /srog chags med pa'i bza' btang rang gzhan la/ /phan pa'i
ched du slong na dug dang mtshon/ /me dang chang la

sogs pa'ang sbyin du rung/ /de ltar sbyin tshe slong ba bkren pa
dang/ /'byor ba can gnyis byung na ji ltar bya/ /snyam na gnyis
ka'i 'dod pa skod nus na/ /de bzhin bya la nus par ma gyur na/ /

bkren pa'i 'dod pa rdzogs par bya snyam sa pa/ /sngon du btang
nas 'byor ba ldan de la/ /bzhin bzang yo byad 'di ni dang po
nas/ /bgren pa 'di la bdag gis bsngos zin pas/ /khyod kyi

de bzlogs snyam du ma sems shig  ces pa'i 'jam po'i tshig gis go
byas nas/ /bkren pa de yi 'dod pa rdzogs par bya/ /gnyis bzang
zing gtong bar ma nus na/ /ji ltar bya ba'i

@147a @#/ /tshul ni slong mo bas/ /slong tshe ser snas non na 'di
snyam du/ /dngos po 'di dang bdag ni 'bral ba la/ /gdon mi zabs
dngos po 'di btang la/ /snying po blang la 'chi ba'i

dus bya'o/ /'di ni btang na 'chi ba'i dus kyi tshe/ /nor la mi
chags 'gyod pa med pa dang/ /dga' zhing rangs pa skye'o snyams
du bsam/ /de ltar bsam kyang gtong bar ma nus na/ /bdag

ni mthu chub dge rtsa ma smin te/ /las ni dang po pa dang mi
gtong ba'i/ /sems kyi dbang du gyur dang nyer len pa'i/ /lta
dang bdag dang bdag gir 'dzin pa la/ /gnas pa lags kyi skyes bu

dam pa khyod/ /bzod par mdzad cing gdung bar mi mdzad gsol/ /ji
ltar khyod dang sems can thams cad kyi/ /bsam pa rdzogs par
'gyur ba de lta bur/ /bdag gis bgyi zhes slong

ba po de la/ /go bar bya ba gsum gyis go bya bar/ /drag shul can
gyis zhus pa'i mdo las gsungs/ /'di ni phan tshun ma dad nyes pa
gzhan/ /spangs phyir yin gyi ser sna'i nyes pa ni/ /

med pa min te byang chub sems dpa' la/ /ser sna smad par bslab
btus las gsungs so/ /'on kyang 'dis ni ser snas chos dang nor/
/mi ster ba yi pham pa khegs pa 'dra/ /phar

bya'i bsdus pa las kyang ji skad du/ /ji ste slong ba mngon du
'ongs gyur kyang/ /shin tu mthu chung sbyin par ma nus na/ /ci
nas slong ba rma bab ma gyur par/ /'jam po'i tshig gis de yi yid
kyang bzho/ /phyin chad slong ba drung du 'ongs gyur na/ /ci nas
yi chad dma' bar mi 'gyur bar/ /'jungs pa'i skyon rnams rnam par
bsal bar bya/ sred pa yongs su spang phyir

@147b nan tan bya/ /zhes so sbyin pa'i gegs kyi gnyen po la/
/gegs ni bzhi ste sbyin la ma goms dang/ /rgud dang chags dang
'bras bu ma mthong ba'o/ /dang po sbyin par bya ba'i rdzas yod
kyang/ /

da lta ma byin na ni phyi mar yang/ /sbyin la mi dgar 'gyur ro
snyam bsam ste/ /byin gyi ma goms nyes pa'i dbang mi da tong/
/gnyis pa longs spyod ha cang chung ba yis/ /mi sbyin pa

ste de yi gnyen por ni/ /bdag ni sngon tshe gzhan phan ma byas
par/ /sngon gyi las sam gzhan gyi dbang gyur pas/ /bkres skom la
sogs sdug bsngal mad myong na/ /gal te

gzhan la phan btags la brten nas/ /byung ba'i tshe 'di'i gdung
bas bdag 'chi yang/ /sbyin pa kho na legs kyi slong ba po/
/phyir bzlogs pa ni de lta ma yin te/ /longs spyod

med kyang ci yang rung tsam gyis/ /'tsho'o snyam du 'phong ba'i
sdug bsngal de/ /dang du blang ste sbyin par byed pa'o/ /gsum pa
sbyin bya'i rdzas de yid 'ong zhing/ /mchog tu gyur la chags

nas slong ba la/ /mi sbyin pa ste de yi gnyen por ni/ /chags
pa'i nyes pa myur bar rig byas nas/ /sdug bsngal pa la bde'o
snyam pa yi/ /'du shes phyin ci log 'dis phyi ma la/ /

sdug bsngal skyed do snyam du bsam nas sbyin/ /bzhi pa sbyin la
brten nas rdzogs byang mchog /'byung bar 'gyur ba'i phan yon ma
mthong bar/ /longs spyod chen po'i phan yon la

bltas nas/ /gtong sems ma skyes pa ste de'i gnyen por/ /nyes pa
de ni myur bar rig byas te/ /'du byed thams cad 'jig dang khyad
par du/ /longs spyod 'jig cing 'bral

@148a @#/ /ba'i tshul bsam nas/ /gang gtong thams cad byang chub
chen por bsngo/ /longs spyod rnam smin tsam la blta ba ni/ /rin
gyi phyir du yo byad 'phang med du/ /

gzhan la gtong ba'i tshong bdag la ni/ /khe tsam 'thob kyi bsod
nams mi 'thob pa/ /bzhin du longs spyod 'thob kyi thar ba ni/
/mi 'thob snyam du bsam ste bzhi brgya bar/ /'dir byin pa

yi sbyin pa la/ /'bras bu chen po 'byung 'gyur zhes/ /len dang
yongs su gtong ba ni/ /tshogs spogs bzhin du smad par 'gyur/
/zhes so bsam pa tsam gyi sbyin pa ni/ /dben

par yid ni nang du mnyam bzhag ste/ /bsam pa dag cing snying nas
dangs pa yis/ /sbyin bya sna tshogs rgya chen dpag tu med/ /rtog
pas sprul nas sems can thams cad la/ /

byin par mos pa byed pa'o 'di yis ni/ /dka' tsheg chung dus bsod
nams dpag med 'phel/ /byang sems shes rab can gyi sbyin pa ru/
/byang sar gsungs so 'byor dang mi ldan

pas; ;'di nyid bya bar lag bzang gis zhus las/ /gsung kyang
'byor ldan gyis kyang bya bar rung/ /longs spyod med tshe ji ltar
byed pa yi/ /shes rab can gyi sbyin pas dang po/ /

ma thob bar du yin gyi de thob nas/ /longs spyod kyis ni 'phong
pa mi srid do/ /bzhi pa de dag rnams kyi don bsdu ba/ /byang
sems sdom pa bzung nas sa mthon po'i/ /sbyin la slob tshul

smon yul du byas nas/ /sbyong dang sngar bshad lta bu'i sbyin
gtong la/ /da lta nyid nas 'jug pa'i gnang bkag rnams/ /shes par
byas nas slob dang khyad par du/ /lus dang longs

@148b spyod dge rtsa thams cad la/ /ser sna'i gnyen po bsten
cing gtong ba'i blo/ /je rgyas gtong la 'bad nas de ltar du/
/nyams su len la dga' bsgom pa dang/ /de ltar ma sbyang ba la
gdung

ba skyed/ /dgos te de ltar byas na lag bzang gis/ /zhus las
gsung ltar tshe rabs gzhan dag tu/ /dka' tshegs chung dus sbyin
pa'i phar phyin de/ /rdzogs par byed nus de dag

dor na ni/ /skye ba 'dir yang nyes pa lci ba yis/ /rgyun du gos
'gyur tshe rabs gzhan du yang/ /'jug snying mi 'dod sems dpa'i
spyod pa la/ /'jug pa shin tu dka' bar

'gyur phyir ro/ /gzhan yang dpa' bos phar phyin bsdus pa las/
/sbyin pa de 'dra'i rtsa ba byang chub sems/ /de 'dra'i sbyin pa
gtong 'dod de mi btang/ /'jig rten nang na

gtong 'dod sems ldan pa/ /gtong ba'i nang nas mchog ces rgyal
bas gsungs/ /zhes gsungs pa ltar spyod pa kun gyi rten/ /byang
chub sems mchog rjes su dran cing

sgom/ /byang chub mchog tu smon cing smon lam 'debs/ /'di ni
gtong ba kun gyi rtsa ba dang/ /rab mchog yin pas de la 'bad par
bya/ /lag bzang gis ni zhus pa'i mdo

yi don/ /bsdus pa'i gnad mchog yin cing bstan rim las/ /sbyin pa
kun gyi thog mtha' bar du yang/ /'gro kun skyabs phyir kun
mkhyen rgya mtshor bsngo/ /gal te

'di ltar 'jug par ma nus na'ang/ /dus dang dus su cung zad ci
nus su/ /gun 'dzin dor zhing gtong ba'i blo sbyang ste/ /skye ba
gzhan du bde blag 'jug par bslab/ /byang chub

@149a @#/ /sems bskyed smon lam mang 'debs pa/ /'jig rten kun tu
chos sbyin char gyis ni/ /'gro ba tshim byar 'dod phyir sbyin
rnams las/ /mchog tu 'gyur par 'dren pa

rnams kyis bsngags/ /zhes pa ltar bslab gnyis pa tshul khrims
kyi/ /phar phyin la lnga khrims kyi ngo bo dang/ /sgom pa'i
thabs dang khrims kyi rab dbye dang/ /sgrub tshe ji ltar bya dang
de

dag gi ;don bsdu pa 'o dang po ngo bo ni/ /gzhan la gnod pa gzhi
dang bcas pa las/ /yid phyir log pa'i spong sems tshul khrims
yin/ /sems de goms pa yongs su rdzogs pa

yis/ /tshul khrims pha rol phyin 'gyur spyod 'jug las/ /nya la
sogs pa gang zhig tu/ /de dag gsod mi 'gyur bar bskrad/ /spong
ba'i sems ni thob pa las/ /tshul khrims

pha rol phyin par bshad/ /ces so tshul khrims la ni gsum yod
kyang/ /'dir ni sdom pa'i khrims kyi dbang byas nas/ /spong ba'i
sems gsum bshad de de yang ni/ /kun nas

slong bar byed dang bcas pa yi/ /dbang du byas na mi dge bcu
spong ba'i/ /spong ba bcu dang ngo bo'i dbang byas na/ /mi dge
bdun po spong ba'i lus ngag gi /las kyi rang bzhin spong ba bdun

yin no/ /gnyis pa de sgom pa la 'jug thabs ni/ /gong du bshad pa
de ltar sems bskyed nas/ /rgyal sras spyod la slob par khas
blang ba/ /des ni 'gro kun rdzogs pa'i sangs rgyas kyi/ /

tshul khrims rgyan dang ldan par bsgrub par yang/ /khas blang bas
na de don bsgrub dgos la/ /de yang sngon du rang gi tshul khrims
nyid/ /yongs su dag pa'i stobs ni skyed dgos te/ /

@149b rang gi tshul khrims ma dag nyams gyur na/ /ngan 'gror
ltung bas gzhan gyi don lta zhog /rang gi don yang 'grub par mi
'gyur phyir/ /de phyir gzhan don brtson pas tshul khrims la/
/gces

sbras dgos te phar phyin bsdus pa las/ /rdzogs pa'i sangs rgyas
tshul khrims rgyan ldan par/ /'gro ba thams cad bsgrub don gang
brtson pas/ /rang gi tshul khrims thog mar

yongs su sbyang/ /tshul khrims dag pa'i mthu yi stobs kyang
bskyed/ /ces bya ba dang gzhan yang de nyid las/ /tshul khrims
nyams pas rang don mi nus na/ /gzhan don tshul la

mthu yod ga las 'ong/ /de phyir gzhan don legs par brtson pa
yis/ /'di la rim 'gror glod par rigs pa min/ /zhes so de ltar
tshul khrims dag pa yang/ /'jug ldog

gnas rnams ji ltar bcas pa ltar/ /lag tu len la rag las de yang
ni/ /bsrung 'dod shug drag brtan la rag las pas/ /ma srung nyes
dmigs bsung ba'i phan yon dag /yun ring

sgom nas bsrung 'dod skyed par bya/ /ma bsrung ba yi nyes dmigs
de nyid las/ /de bas mi bzad 'jigs pa mthong bya zhing/ /spang
'os chung yang rnam par spang bar gyis/ /zhes

gsungs pa ltar nyes dmigs kyis 'jigs nas/ /nyes pa chung du'ang
'bad pas spang ba ste/ /khrims kyi nyes par gshos mi dge bcu'i/
/nyes dmigs rnams ni sngar bshad

pa ltar bsam/ /phan yon sngar yang bshad cing de nyid las/ /lha
rdzas dga' rgyu mi yi longs spyod dang/ /bde mchog ro mchog lha
yi phun sum tshogs/ /tshul khrims rgyus byung ci

@150a @#/ /zhig ngo mtshar che/ /sangs rgyas chos rnams de las
byung ba ltos/ /zhes dang 'di la brten nas rang gi rgyud/ /gong
du khyad par 'gro dang snying rje yi/ /ngang tshul can gyi

sems dpa' che rnams dang/ /bslab pa mtshungs 'gyur nyes pa'i sa
bon kun/ /spang ba'i ye shes gtsang ma 'thob pa sogs/ /yon tan
phul byung 'byung 'gyur de nyid las/ /tshul

khrims de ni khyad par thob pa'i lam/ /snying rje'i ngang can
rnams dang mnyam par sgrub/ /ye shes gtsang ma phul gyi rang
bzhin te/ /skyon bral rgyan du 'gyur ba'i mchog ces bya/ /khams

gsum kun tu yid 'ong dri bsung ste/ /rab tu byung dang mi 'gal
byug pa yin/ /chu lugs mthun yang tshul khrims lan gyur na/ /mi
yin ngan de bzhin 'phags par 'gyur/ /zhes dang

gcam gsag ma brjod 'bad rtsol gyis/ /ma sgrub na yang nyer
mkho'i longs spyod 'du/ /drag pos bsdigs pa med kyang 'gro kun
'dud/ /ris med skye bo kun kyang ngang gis byams/ /la sogs

phan yon che 'byung de nyid las/ /tshig tu ma brjod tshegs su ma
gyur kyang/ /nyams su mkho ba'i longs spyod rim 'gro 'du/
/bsdigs pa med par 'jig rten kun 'dud te/ /chags med

ma bsgrubs dbang phyug thob par 'gyur/ /brjod du mi 'os rigs su
'byung ba dang/ /phan zhing dben pa gang yang ma byas shing/
/sngan chad mi bshes skye bo thams cad kyang/ /tshul

khrims ldan pa'i skye bo de la 'dud/ /rkang pa bkra shis gyur
ba'i rdul dag kyang/ /spyi gtsug dam pas blangs shing lha dang
mi/ /phyag 'tshal mgos gtugs thob pa kun tu 'khyer/ /de

@150b phyir tshul khrims dang ldan rigs mchog yin/ /zhes so de
ltar phan yon nyes dmigs rnams/ /legs par bsam pa'i mkhas pas de
nyid las/ /rang dbang gyur bas nyams su

bde ba dang/ /mkhas pas bsngags pa'i rgyan ldan tshul khrims
bsrungs/ /bslab pa'i gnas rnams tshang bar yongs rdzogs pas/ /kun
rdzob bsnyems med tshul khrims yang

dag bsten/ /zhes gsungs pa ltar bsrungs dgos de yang ni/ /rang
nyid ngan 'gro'i gdung bas 'jigs tsam dang/ /lha mi'i phun tshogs
tsam yang yid smon pa/ /bsal nas

sems can thams cad tshul khrims la/ /dgod phyir bsrung bar bya
ste de nyid las/ /gang zhig 'jig rten dpag yas sems can dag
/mtha' dag tshul khrims dag la dgod mos

shing/ /'jig rten phan phyir tshul khrims sten byed pa/ /de ni
tshul khrims pha rol phyin par gsungs/ /de bas ngan song 'jigs
dang rgyal srid dang/ /mtho ris phun sum tshogs la smon

bsal te/ /tshul khrims dri med yang dag srung bya zhing/ /'jig
rten don la smon pa'i tshul khrims sten/ /zhes so gsum pa tshul
khrims dbye ba la/ /gsum ste nyes spyod bsdoms

pa'i tshul khrims dang/ /dge chos bsdud pa'i khrims dang sems can
gyi/ /don kun byed pa'i khrims so dang po ni/ /so thar byang
sems gnyis ka'i sdom ldan zhig /yin na so thar

sdom pa dngos gzhi dang/ /de dag thun mong pa yi spong sdom ni/
/sdom pa'i tshul khrims yin la de min par/ /sems dpa'i sdom ldan
yin na so thar dang/ /thun mong bcas rang kha na

@151a @#/ /ma tho ba/ /ci rigs spong ba'i spong sdom sdom pa'i
khrims/ /dge chos bsdud pa phyin drug la sogs pa'i/ /dge la
dmigs nas ma skyes skyed par byed/ /skyes

zin mi nyams gong du spel ba'o/ /sems can don byed pa yi tshul
khrims ni/ /byang sems tshul khrims ldan pas sems can la/ /phan
'dogs pa ste de la bcu gcig tu/ /bshad pa

'di ltar kha na ma tho ba/ /med pa'i sgo nas las mtha' slob pa
dang/ /longs spyod rkun pos mi 'khyer thabs ston pa/ /lta bu bya
ba byed pas grogs byed pa/ /nad par sman ster rkang ba

nyams pa dag /bzhon pas gnas su skyel ba lta bu yi/ /thabs la
mongs pa'i 'gro ba'i don byed pa/ /gus pas mal stan stobs sogs
bsnyen bkur ba/ /lta bu phan 'dog pa yis

don byed pa/ /seng ge stag sogs gnod pa las skyobs pa/ /lta bu
'jigs pas nyen pa'i don byed pa/ /gnyen dang bral pa'am chom pos
bcom ? sogs la/ /mi rtag pa yig tam gyis

gdung sel pa/ /lta bu gdung bas gzir ba'i don byed pa/ /bza'
btung yo byad sogs kyis 'phongs pa la/ /yid 'ong bza' btung ster
ba lta bu yi/ /yo byad kyis ni 'phong pa'i don byed pa/ /

chos dang mthun pa'i bgo ba ster ba dang/ /'dod chags can la mi
sdug ston pa sogs/ /gnas ni 'cha' bar byed pa'i don byed pa/
/dge la sbyor du mi nus pa mthong na/ /mi 'dod lus ngag

spyod lam kun spangs te/ /de yi sems dang mthun par bya ba ni/
/blo sems mthun par 'dod pa'i don byed pa/ /pha rol po yi tshul
khrims la sogs kyi/ /yon tan la ni bsngags

@151b pas gzang bstod pa/ /yang dag par ni zhugs pa'i don byed
pa/ /nyes par spyod pa'i sdig pa byed pa la/ /ldog phyir chad pa
gcod pa lta bu ni/ /log par zhugs pa'i 'gro ba'i don byed pa/ /

dmyal ba sprul nas gzhan dag sdig pa las/ /ldog par byed dang
tshe 'phrul ya ma zung/ /bstan nas gzhan dag 'dun par byed lta
bu/ /rdzu 'phrul sgo nas gdul bya'i don byed pa/ /rnams te

'di dag kun kyang dngos gzhi'i skabs/ /dpyad sgom tshul gyis bsam
pa sbyang zhing/ /rjes kyi tshe na skabs bab dang sbyar nas/
/rang gis dngos su nus rnams ci nus sgrub/ /da lta mi

nus pa rnams smon pas sbyangs/ /'di rnams mtshon pa tsam ste
rgyas par ni/ /tshul khrims le'u'i rgya cher 'grel las shes/ /des
na so so thar pa'i bcas pa rnams/ /sems dpa'i

sdom ldan rab tu byung ba yi/ /bslab bya'i phyogs gcig yin pas
byang sems kyi/ /bslab bya las ni zur ba ma yin la/ /tshul khrims
gsum gyi nang nas sdoms pa'i khrims/ /so thar

bcas pa dngos sam thun mongs par/ /'jug ldog byed pa de nyid
byang sems la'ang/ /thog mar gal che de la bslab par bya/ /so
thar sdom pa nyan thos kyi yin par/ /bzung nas de yi

'jug ldog bcas pa rnams/ /dor de sems dpa'i bslab bya gzhan zhig
la/ /slob rgyu yin skad zer ba sems dpa' yi/ /khrims kyi bslab
pa'i gnad don ma shes pa/ /yin te sdom

pa'i khrims ni tshul khrims gzhan/ /gnyis kyi gzhi dang gnas su
gsung phyir ro/ /sdom pa'i khrims kyi gtso bo'ang rang bzhin
gyi/ /kha na ma tho ba rnams spong ba yin/ /rang bzhin rnams kyi

@152a @#/ /nyes dmigs ? che ba'i gnad/ /bsdus te gsungs pa mi dge
bcu yin pas/ /de la kun slong tsam yang mi rgyu ba'i/ /sdom sems
bsten dgos par phyin bsdus

pa las/ /mtho ris thar pa'i bde lam gyur pa ste/ /las lam bcu po
'di las nyams mi bya/ /'di la gnas pa 'gro la phan bsam pa'i/
/bsam pa'i khyad par 'bras bu yod par gyur/ /

ngag lus yid rnams yang dag bsdam bya ba/ /mdor bsdus tshul
khrims yin zhes rgyal bas gsungs/ /tshul khrims ma lus 'dul ba'i
gzhi yin pas/ /de phyir 'di dag rnam par sbyang

bar gyis/ /zhes so bzhi ba ji ltar sgrub pa ni/ /dam pa drug
dang phar phyin drug ldan du/ /sgrub par bya ste phar phyin drug
ldan du/ /sgrub tshe rang nyid tshul khrims la gnas nas/ /gzhan
dag

de la 'god pa tshul khrims kyi/ /sbyin pa yin la lhag ma sngar
bzhin no/ /lnga pa don bsdu ba ni spyod pa'i rten/ /byang sems
mi nyams ji 'phel gtong ba ni/ /tshul khrims la sogs spyod pa la

'jug ba'i/ /rtsa ba yin cing sems can thams cad la/ /gnod 'tshe
byed las ldog pa'i mchog kyang yin/ /sa lam mthon po'i khrims
kyi nyams len rnams/ /da lta smon pa'i yul du byas

nas sbyong/ /las ni dang po pa yi tshul khrims las/ /brtsam pa'i
'jug ldog gnas la da lta nas/ /slob dang khyad par mi dge bcu la
sogs/ /rang bzhin dang ni bcas pa'i nyes pa la/ /

nyi ma re zhing sdom sems mang du btang/ /de yi nang nas rang
gis khas blang pa'i/ /sdom pa'i rtsa ltung rnams la sdom sems
ni/ /yang dang yang du gtong la 'bad par bya/ /de ltar byas na

@152b byed pa rgyu mthun gyi/ /'bras bu skye ba gzhan du'ang
tshegs chud dus/ /sems dpa'i bslab pa rdzogs par byed nus kyi/
/da lta de rnams yal bar dor na ni/ /shin tu lci ba'i nyes pas
dus

rgyun du; ;gos par 'gyur zhing skye ba du mar yang/ /byang chub
sems dpa'i bslab pa yongs rdzogs la/ /slob par mi nus gzhan yang
bstan rim las/ /gzhan las legs mnos

bsam pa rnam dag dang/ /nyams na phyir gso gus pas rab bsgrim
pas/ /khril dang ngo tshe shes dang 'gyod med phyir/ /tshul khrims
legs bsrung nyams na rab gso ba'o/ /zhes gsungs pa

ltar tshul khrims srung la 'bad/ /bzod pa'i phar phyin la lnga
ngo bo dang/ /de la 'jug pa'i thabs dang rab dbye dang/ /sgrub
tshe ji ltar bya dang don bsdu ba'o/ /dang po ngo bo gzhan gyi
gnod pa

la; ;ci mi snyam dang sdug bsngal gang byung yang/ /dang du len
dang chos la nges sems la/ /mos pa shin tu gnas pa'o de dag gi
/mi mthun phyogs kyang gsum ste zhe sdang dang/ /khro

dang zhum nas sro shi ba dang ni/ /ma mos me 'dod pa ste rim
bzhin no/ /de la bzod pa'i phar phyin rdzogs pa ni/ /khro sogs
'gog sems goms pa yongs rdzogs pa/ /yin gyi

sems can mi srun dang bral la/ /ltos mi dgos te sgrub par mi nus
pa'i/ /phyir dang rang sems dul ba de nyid kyis/ /dgos pa 'grub
pa'i phyir te spyod 'jug las/ /sems

can mi srun nam mkha' bzhin/ /de dag gzhom gyis yong mi lang/
/khro ba'i sems 'di gcig bcom na/ /dgra de thams cad chom dang
'dra/ /sa steng 'di dag kos g.yog tu/ /de

@153a @#/ /snyed ko pas gal lang/ /lham mthil tsam gyi ko pas ni/
/sa steng thams cad g.yogs dang 'dra/ /de bzhin phyi rol dngos
po yang/ /bdag gis phyir bzlog

mi lang gi /bdag gis sems 'di phyir bzlog bya'i/ /gzhan rnams
bzlog go ci zhig dgos/ /zhes so gnyis pa de la 'jug thabs ni/
/mang du yod kyang bzod pa'i phan yon dang/ /

khro ba'i nyes dmigs sgom pa gal che la/ /phan yon bsam tshul
phar phyin bsdus pa las/ /gzhan don 'dod pa'i yid dang ldan pa
la/ /tshul gyi dam pa bzod pa yin zhes gsungs/ /

'jig rten legs pa phun sum tshogs pa dag /khro ba'i skyon la bzod
pas yongs su skyob/ /mthu ldan rnams kyi rgyan gyi dam pa ste/
/dka' thub tshul 'chang rnams la stobs kyi phul/ /

gnod sems 'brog gi me la chu yi rgyun/ /'di dang gzhan la gnad
dgu bzod pas sel/ /skye bo mchog gi bzod pa'i go cha la/ /mi
srun skye bo'i tshig gi mde ? 'rdugs pas/ /de dag

bstod pa'i me tog bzang gyur cing/ /grags pa'i 'phred pa yid du
'ong par 'gyur/ /zhes so khro ba'i nyes dmigs dpa' bo dang/ /zhi
ba lha yis skal ba stong dag tu/ /bsag pa'i dge rtsa

khong khro skad cig ma/ /gcig gis 'joms par bshad cing 'jug pa
las/ /gang phyir rgyal sras rnams la khros ba yis/ /sbyin dang
khrims byung dge bskal pa brgyar/ /bsags pa

skad cig gis 'joms de yi phyir/ /mi bzod las gzhan sdig pa yod
ma yin/ /zhes pas byang chub sems dpas byang sems la/ /khros na
dge rtsa de ltar 'joms par gsungs/ /

@153b byang sems min pas byang sems la khros na/ /lta ci smos
par 'jug pa'i 'grel ba las/ /gsungs shing yul de sems dpar ma
nges dang/ /khro ba'i rgyu mtshan skyon mthong bden na yang/
/sngar

bshad dge ba 'joms la 'dra bar gsungs/ /tshangs pa mtshungs par
spyod la khros pa yis/ /rma byung ba dang smas par byas pas
kyang/ /dge rtsa 'dzams ? par yod smra'i gzhung las bshad/ /

dge rtsa bcom pa'i don ni sngar bsag pa'i/ /dge ba'i 'bras bu
myur du skyed pa yi/ /nus pa bcom nas 'bras bu rgyang bsring
ste/ /sngon la zhe sdang lta bu'i 'bras bu gzhan/ /'byin pa yin
gyi

rkyen dang 'phrad pa na/ /rang gi 'bras bu 'byin par mi byed pa/
/min te 'jig rten pa yi lam gang gis/ /kyang ni spangs bya'i sa
bon spong bar byed/ /nus pa min na 'joms byed nyon mongs

kyis; ;'joms bya dge rtsa'i sa bon spong nga ni/ /ji ltar nus
zhes mkhas pa 'ga' zhig gis/ /gsung kyang rgyu mtshan de ni ma
nges te/ /so skyes gnyen po stobs bzhis mi dge ba/ /sbyangs

pa'i dag pa sa bon spangs min kyang/ /da bzod rkyen dang 'phrad
kyang rnam smin 'byin/ /mi srid phyir da' ? rang gi rnam smin
'bras/ /phyung nas zad pa'i dge dang mi dge yang/ /sa bon spangs
pa

min kyang nam zhig na/ /rkyen dang 'phrad kyang rnam smin mi
'byin phyir/ /sbyor lam rtse mo thob tshe log lta dang/ /ngan
'gro'i rgyu ru gyur ba'i mi dge pa'i/ /sa bon spang ba min kyang
rkyen 'phrad na'ang/ /

log par lta dang ngan 'gror skye mi srid/ /dge ba'i rnam par
smin pa rgyang bsring tsam/ /dge rtsa bcom pa'i don du mi rung
ste/ /rung na stobs ldan mi dge'i las thams cad/ /dge rtsa 'joms
byed

@154a @#/ /yin par gsungs dgos 'gyur/ /des na slob dpon legs ldan
'byed kyis ni/ /mi dge stobs bzhis sbyangs dang log lta dang/
/gnod sems kyis ni dge rtsa

bcom pa gnyis/ /rkyen dang 'phrad kyang 'bras bu mi 'byin
gsungs/ /de yang stobs bzhis sbyangs pas sdig 'dag kyang/ /yon
tan gong ma skye la bul ba dang/ /sbyin dang tshul khrims 'bras
bu

longs spyod dang/ /lus rten phun tshogs 'byung ba bcom na yang/
/gtong ba'i sems dang spong sems la goms pa'i/ /byed pa rgyu
mthun slar yang sbyin tshul gyi/ /dge rtsa skye bar sla ba mi

'joms dang/ /la la byed pa rgyu mthun rgyun chag su/ /'byung ba
bcom nas lus dang longs spyod sogs/ /phun tshogs 'byung ba mi
'joms pa lta bu/ /mi dge 'ang ? gra ? la'ang de yi byed pa kun/
/

'dag mi dgos shing dge ba bcom pa la'ang/ /de yi byed pa thams
cad 'joms mi dgos/ /'on kyang 'di ni rtogs dka'i gnas yin pas/
/gsung rab legs par bltas la dpyad par

bya; ;'di dag ma mthong ba yi nyes dmigs te/ /mthong ba'i chos
kyi nyes dmigs spyod 'jug las/ /zhe sdang zug rngu'i ? sems
'chang na/ /yid ni zhi ba nyams mi myong/ /dga' dang bde

ba'ang mi 'thob la/ /gnyid mi 'ong zhing brtan mi 'gyur/ /gang
dag nor dang bkur sti yis/ /drin byin de la rten gyur pa/ /de
dag kyang ni sdang ldan pa'i/ /rje dpon de la gsod par rgol/ /

de yis mdza' bshes skyo bar 'gyur/ /sbyin pas bsdus kyang sten
mi byed/ /mdor na khro bder gnas pa/ /de ni 'ga' yang yod ma
yin/ /zhes so skyes rabs las kyang ji skad du/ /khro

@154b ba'i me yis bzhin mdog nyams gyur na/ /rgyan gyis brgyan
yang bzang por yong mi snang/ /mal stan bzang po dag la nyal
gyur kyang/ /khro ba'i zug rngus sems ni sdug bsngal 'gyur/
/bdag la

phan pa'i don grub brjed 'gyur te/ /khro bas gdungs nas lam ngan
'gro bar byed/ /grags dang don grub pa las nyams par 'gyur/ /zla
ba mar gyi ngo bzhin dpal yang nyams/ /mdza' bshes

dag gis rab tu gcugs gyur kyang/ /khro bas mi rigs g.yang sar
ltung bar 'gyur/ /phan dang gnod par sems la blo nyams nas/
/phal cher 'gal zhing sems ni rmongs par 'gyur/ /

khro bas sdig pa'i las ni goms byas pas/ /ngan song dag tu lo
brgyar sdug bsngal myong/ /gnod pa chen po byas pa'i shar gnyer
ba'i/ /dgras kyang de las lhag pa ci byar yod/ /khro ba 'di

ni nang gi dgra/ /bdag gis de ltar shes nas ni/ /de yi mthu ni
'phro ba dag /skyes bu su zhig bzod par byed/ /ces so des na
spyod 'jug las/ /zhes sdang lta bu'i sdig pa med/ /bzod pa

lta bu'i dka' thub med/ /de bas bzod la nan tan du/ /sna tshogs
tshul gyis sgom par bya/ /zhes gsungs pa ltar phan yon dang/
/nyes dmigs mthong ba sngon btang la/ /lung rig sna

tshogs sgo nas ni/ /bzod pa sgoms la nan tan bya/ /bzod pa'i dbye
ba la gsum gnod byed la/ /ci mi snyam dang sdug bsngal dang len
dang/ /chos la nges par sems pa'i bzod pa'o/ /

dang po sgom pa'i tshul la gnod byed kyis/ /gnod pa byas la mi
bzod dgag pa ni/ /gnod byed de ni nyon mongs dbang song bas/
/gnod pa byas pa yin pas khro mi rigs/ /dper na gdon kyis

@155a @#/ /brlam pa'i nad pa yis/ /sman par rgol kyang de la mi
khro bzhin/ /yin no snyam du bsam ste bzhi brgya bar/ /khro yang
'byung pos bzung ba la/ /sman pa 'khrugs pa

min de ltar/ /thub bas nyon mongs dag gzigs kyi/ /nyon mongs
dang 'brel gang zag min/ /zhes dang dpal ldan zla bas kyang/
/'di 'dir sems can skyon min gyi/ /'di ni nyon

mongs rnams skyon zhes/ /rnam par dpyad nas mkhas pa rnams/
/sems can dag la 'khrugs mi byed/ /ces so nyon mongs drag po
yis/ /bskyed tshe sdug cing 'phang ba yi/ /rang

la'ang gnod pa byed 'gyur na/ /gzhan lo gnod pa lta ci smos/
/snyam du bsam ste spyod 'jug las/ /gang tshe nyon mongs dbang
gyur pas/ /bdag sdug nyid kyang gsod byed pa/ /de tshe de

dag gzhan lus la/ /gnod mi byed par ji ltar 'gyur/ /zhes so
gzhan la 'tshe byed skyon/ /de yi rang bzhin yin gyur na/ /me yi
tsha bar khro ba dang/ /glo bur yin na nam mkha' la/ /du

ba snang na nam mkha' la/ /khro bar mi rigs pa bzhin no/ /snyam
du bsam ste de nyid las/ /gal te gzhan la 'tshe byed pa/ /byis pa
rnams kyi rang bzhin na/ /de la khro bar mi rigs te/ /

sreg pa'i rang bzhin me bkon 'dra/ /'on te skyon de blo bur la/
/sems can rang bzhin ni nges pa na/ /'o na'ang khro bar mi rigs
te/ /mkha' la dud 'thul bkon pa bzhin/ /zhes so gnod

byed kyis bskyed pa'i/ /sdug bsngal myong ba rang nyid kyi/
/sngon gyi mi dge'i las las byung/ /des na rang gi sa lan pa la/
/gzhan la khro bar ma rigs gis so/ /snyam du bsam ste de nyid

@155b las; ;byis pa sdug bsngal mi 'dod cing/ /sdug bsngal rgyu
la brkam pas na/ /rang gi nyes pas gnod 'gyur na/ /gzhan la bkon
du ci zhig yod/ /dper na dmyal ba'i srungs ma

dang/ /ral gri lo ma'i nags tshal ltar/ /rang gi las kyis 'di
bskyed na/ /gang zhig la ni khro bar bya/ /bdag gi las kyis
bskul byas nas/ /bdag la gnod byed rnams 'byung ste/ /

de yis sems can dmyal 'dod na/ /bdag gis de dag ma brlag gam/
/zhes so des na gnod byed kyis/ /bdag gi las ngan sbyang pas na/
/drin du lta ste skyes rabs las/ /

gang zhig rang gi chos nyams mi sems par/ /bdag gi sdig sbyang
phyir ni zhugs 'dra la/ /'di la'ang ba dag gis bzod par mi byed
na/ /de las gzhan pa drin med ci 'dra zhig /ces

dang 'jug pa las kyang ji skad du/ /sngon byas pa yi mi dge'i
las kyi 'bras bu gang/ /zad par byed par brjod par 'dod pa de
nyid ko /gzhan la gnod pa dang ni khro bas sdug bsngal phyir/ /

sa bon nyid du ji lta bur na 'khrid par byed/ /ces so gal te
gnod byed kyis/ /bdag gi bstod grags rim 'gro yi/ /gegs byed pas
na khro snyam na/ /bstod grags rim 'gros tshe ring

dang/ ;nad med pa sogs tshe 'di dang/ /phyi mar bde 'gro 'thob pa
sogs/ /'di phyi gang la'ang don med pas/ /de la mi dga' mi rigs
so/ /snyam du bsam ste de nyid las/ /

bstod dang grags pa rim 'gro ni/ /bsod nams me 'gyur cher mi
'gyur/ /bdag stobs mi 'gyur nad med min/ /lus bde bar yang mi
'gyur ro/ /bdag gi rang don shes gyur na/ /

@156a @#/ /de la rang don ci zhig yod/ /yid bde 'ba' zhig 'dod na
ni/ /rgyan sogs chang yang bsten dgos so/ /grags pa'i phyir du
nor shor zhing/ /bdag nyid kyang ni gsod

byed na/ /tshig 'bru rnams kyi sa ci zhig bya/ /shi nas de ko su
la bde/ /bye ma'i khang bu rdib ? gyur ? na/ /byis pa rnams ni
ga chad ?du/ /de bzhin bstod dang grags nyams na/ /rang gi sems
ni byis pa

bzhin; /zhes so bstod dang grags sogs kyis/ /phan pa med par don
min pa/ /g.yeng dang skyo shas 'jig pa sogs/ /gnod pa byed te
de nyid las/ /bstod sogs bdag ni g.yeng bar

byed/ /yon tan ldan la phrag dog dang/ /phun sum tshogs pa'ang
'jigs par byed/ /ces so des na bstod grags sogs/ /nyams par byed
pa ngan 'gro'i rgyu/ /'gog byed yin pas sangs

rgyas kyis/ /byin brlabs lta bur gyur ba yin/ /snyam du bsam ste
de nyid las/ /de phyir bdag gi bstod sogs ni/ /gzhig phyir gang
dag gnyer gnas pa/ /de dag bdag ni ngan song du/ /

ltung bsrung phyir zhugs min nam/ /bdag ni grol ba don gnyer la/
/rnyed dang bkur bsti'i 'ching mi dgos/ /gang dag bdag bcings
grol byed pa/ /de la bdag ni ji ltar khro/ /bdag ni

sdug bsngal 'jug 'dod la/ /sangs rgyas kyi ni byin brlabs bzhin/
/mi gtong sgo 'phang nyid gyur pa/ /de la bdag ni ji ltar khro/
/zhes so gzhan gyis brnyas pa dang/ /tshig rtsub smra dang

mi snyan tshig /brjod la'ang khro bar mi rigs te/ /des ni rang gi
lus dang sems/ /gang la'ang gnod par mi 'gyur bas/ /ci'i phyir
khro bsam de nyid las/ /yid ni lus can ma yin

@156b pas/ /sus kyang gang du'ang gzhom mi nus/ /lus ma mngon
par zhen pas na/ /lus ni sdug bsngal dag gis gnod/ /brnyas dang
tshig rtsub smra ba dang/ /mi snyan pa yi tshig de

yis; ;lus la gnod par mi 'gyur na/ /sems khyed ci'i phyir rab tu
khro/ /zhes so gal te gnod byed kyis/ brnyas smod mi snyan smras
pa na/ /gang zag gzhan dag mi dga' bas/ /

de la khro'i snyam sems na/ /gzhan dag bdag la mi dga' bas/
/rang la cir yang mi 'gyur phyir/ /mi dga' spangs te de nyid
las/ /gzhan dag bdag la mi dga' ba/ /des ni tshe 'di 'am tshe

gzhan la/ /bdag la za bar mi byed na/ /bdag ni ci'i phyir de mi
'dod/ /ces sog zhan dag mi dga' pas/ /rnyed ba'i bar chad byed
pas na/ /khro'i snyam na rnyed pa zhig /thob kyang bzhag

nas 'gro dgos la/ /khros pa'i sdig pa rjes 'brang ba'i/ /log
'tshos yun ring gson pa las/ /rnyed pa med par myur ba ru/ /shi
ba bzang zhing rnyed thob ste/ /yun ring gnas kyang 'chi

ba'i tshe/ /lo brgyar bde ba spyad pa dang/ /lo gcig bde ba spyad
pa gnyis/ /khyad par med de de nyid las/ /rnyed pa'i bar chad
byed pa'i phyir/ /gal te 'di bdag mi 'dod na/ /bdag

gi rnyed pa'ang 'dir 'dor gyi/ /sdig pa dag ni brtan par gnas/
/bdag ni deng nyid shi yang bla'i/ /log 'tshos yun ring gson mi
rung/ /bdag lta yun ring gnas gyur kyang/ /'chi

ba'i sdug bsngal de nyid yin/ /rmi lam lo brgyar bde myong nas/
/sad par gyur ba gang yin dang/ /gzhan zhig yud tsam ba de myong
nas/ /sad par gyur ba gang yin pa/ /sad pa de dag

@57a @#/ /gnyis ka la'ang/ /bde ba de ni phyir 'ong med/ /tshe
ring tshe thung gnyis ka yang/ /'chi ba'i dus su de 'drar zad/
/rnyed pa mang po thob gyur te/ /yun ring

dus su bde spyad kyang/ /chom pos 'phrog pa ji bzhin du/ /sgren
mo lag pa stong par 'gro/ /zhes so gzhan yang gnod byed de/
/rgud la dga' dang brlag gyur na/ /snyam pa'i

bsam pa ngan pa rnams/ /dgag par bya ste de nyid las/ /gal te
dgra zhig mi dga' na/ /de la khyod dgar ci zhig yod/ /khyod kyis
yid smon tsam gyis ni/ /de la gnod pa'i rgyur mi

'gyur; ;khyod kyi 'dod pa'i sdug bsngal de/ /grub na'ang khyod
dgar ci zhig yod/ /gal te 'tshengs par 'gyur zhe na/ /de las
'phung ba'ang gzhan ci yod/ /nyon mongs nya pas btab

pa yi/ /mchil ba 'di ni mi bzad gze/ /des bzung sems dmyal bum
par yang/ /dmyal ba'i srungs mas bdag 'tshed des/ /zhes so de
ltar yang dag pa'i/ /lung dang dri

med rig pa la/ /brten pa'i go ba gting tshug pa/ /rnyed las skyes
pa'i myong ba ni/ /bag chags shin tu brtan pas na/ /sgom tshul
'di la 'bad par bya/ /so sor rtog pa'i shes

rab kyis/ /dpyad sgom 'dor rnams 'di la sogs/ /rlabs chen spyod
pa kun 'dor bas/ /dal 'byor snying po len pa'i bgegs/ /bla med
yin par shes byas la/ /dug

bzhin du ni spang par bya/ /gnyis pa sdug bsngal dang len pa/
/nges par dgos ste rgyu mtshan ni/ /zhi ba lha yi spyod 'jug las/
/bde ba'i rgyu ni re 'ga' zhig  /sdug bsngal rgyu ni

@57b shin tu mang/ /zhes gsungs pa ltar rang cag la/ /sdug
bsngal gzhan gyis byas pa dang/ /las kyis skyed dang dge ba yi/
/phyogs la zhugs na 'byung ba sogs/ /sna tshogs gang

rung rgyun du 'byung/ /de la dang len med gyur na/ /sdug bsngal
gnyug ma de'i steng du/ /rtog pas skyed pa'i sems khral gyi/
/sdug bsngal bsnan nas shin tu ni/ /bzod dkar

'gyur la dang len pa/ /yod na sdug bsngal gzhi bzhag te/ /ma log
gyur kyang sems khral gyi/ /sdug bsngal mi 'byung gzhi bzhag de/
/lam du 'khyer thabs byas pa na/ /sdug

bsngal che cher chung 'gyur bas/ /dge la sbyor bar nus pa'i
phyir/ /sdug bsngal dang len gnad che'o/ /de la sdug bsngal
byung ba la/ /mi dga' byas la dgos nus ni/ /ci

yang med de de nyid las/ /gal te bcos su yod na ni/ /de la mi
dga' ci zhig yod/ /gal te bcos su med na yang/ /de la mi dga'
byas ci phan/ /zhes dang sdug bsngal gang

la yang; ;bze re mi bya de nyid las/ /tsha grangs char dang rlung
sogs dang/ /nad dang 'ching dang rdeg sogs la/ /bdag gis bze re
mi bya ste/ /de ltar byas na gnod pa 'phel/ /

zhes so dang len skyed tshul ni/ /rang la sdug bsngal byung ba
la/ /phan yon yod de de nyid las/ /sdug bsngal med par nges
'byung med/ /de bas sems khyod brtan par

gnos; ;zhes dang gzhan yang de nyid las/ /gzhan yang sdug bsngal
yon tan ni/ /skyo bas dregs pa sel bar byed/ /'khor ba pa la
snying rje skye/ /sdig la 'dzen zhing dge

@58a @#/ /la dga'/ /zhes so sdug bsngal khyad bsad nas/ /dge la
'bad na don che ba'i/ /phan yon bsam tshul de nyid las/ /'dod
pa'i don du sreg la sogs/ /

dmyal bar stong phrag myong gyur kyang/ /bdag gis rang gi don
dang ni/ /gzhan gyi don yang ma byas so/ /'di ni de tsam gnod
min la/ /don chen dag kyang 'grub 'gyur bas/ /'gro ba'i gnod

sel sdug bsngal la/ /dga' ba 'ba' zhig 'dir bya rigs/ /zhes so
sdug bsngal dpag med pa/ /ldog pa'i phan yon de nyid las/ /gsod
pa'i mi zhig lag bcad de/ /gal te thar

na cis ma legs/ /gal te mi yi sdug bsngal gyis/ /dmyal ba bral
na cis ma legs/ /zhes so chung rim nas goms na/ /mi dka' ba na
di nyid las/ /goms na sla bar mi 'gyur ba'i/ /

dngos de gang yang yod ma yin/ /de bas gnod pa chung goms pas/
/gnod pa chen po'ang bzod par bya/ /zhes so de yang rang gi
sems/ /shin tu brtan tshug snying stobs kyis/ /

sdug bsngal dang du blang snyam na/ /dang len sla ste de nyid
las/ /la la bdag gi khrag mthong na/ /dpa' brtan lhag par skye
'gyur yod/ /la la gzhan gyi khrag mthong yang/ /bog cing

brgyal par 'gyur ba yod/ /de ni sems kyi ngang brtan dang/
/sngar ma'i tshul las gyur pa yin/ /zhes pa ltar de de ltar
bslab/ /gsum pa chos la nges par sems pa la/ /mos pa'i

bzod pa skyed par byed pa la/ /mos pa'i yul ni brgyad de dang
ba'i yul/ /dkon mchog rin chen gsum gyi yon tan no/ /mngon du
bya ba'i yul ni bdag med pa/ /gnyis kyi rang bzhin de kho

@58b na nyid do/ /'dod pa'i yul ni sangs rgyas byang sems kyi/
/mngon shes phar phyin lhan cig skyes pa'i mthu/ /glang dor yul
ni legs spyad rgyu 'bras dang/ /nyes spyad rgyu 'bras 'dod dang
mi

'dod gnyis/ /sgom pa'i yul ni thob bya byang chub dang/ /'thob
thabs byang sems bslab pa'i lam gnyis so/ /thos dang bsam pa'i
rjes su sgrub pa'i yul/ /yan lag bcu gnyis

la sogs dam chos so/ /mos pa'i tshul ni gong du bshad pa'i yul/
/de dag ji ltar yin la nges rnyed nas/ /mi mthun med par 'dzin
zhing yang dang yang/ /sems pa'o sgrub tshe ji ltar bya

ba ni; ;bzod pa gang yang dam pa drug ldan dang/ /phar phyin
drug dang ldan par sgrub dgos la/ /gzhan dag bzod pa sgom la
dgod pa ni/ /bzod pa'i sbyin pa yin la lhag ma rnams/ /

gong du bshad pa ji lta ba bzhin no/ /lnga pa don bsdu ba ni
spyod pa'i rten/ /sems bskyed sems can thams cad zag zad kyi/
/bzod pa mchog la 'god par 'dod pa yi/ /rtsa ba yin pas

gong du je 'phel btang/ /sa lam mthon po'i bzod pa smon yul du/
/byas nas sbyong dang las ni dang po pa'i/ /bzod pa'i bslab bya
thams cad mig phyed par/ /byas nas tshul bzhin

de la slob pa dang/ /ji skad bshad pa'i 'tshams las 'das na yang/
/phyir 'chos pa la brtson dgos de dag rnams/ /nyams len tshe na
yal bar ngor gyur na/ /kha na mtho chen pos

rgyun du gos/ /skye ba gzhan du'ang nyams len shin tu dka'/ /lam
gyi gnad du bltas nas nus pa rnams/ /da lta nyid nas sgrub cing
mi nus rnams/ /bsam pas sbyang na dka' tsheg

@59a @#/ /chung du yis/ /bzod pa'i phar phyin rdzogs par byed pa
yin/ /bstan pa'i rim pa las kyang ji skad du/ /bzod pa zhes bya
gnod sems sogs spangs shing/ /

bdag gzhan lus ngag yid bsrung bde 'gro dang/ /thar pa'i bde ba
kun bsgrub bstod smad sogs/ /mkha' sogs ltar bltas g.yo med
sran thub pa'o/ /zhes gsungs pa ltar bsam

nas bslab la 'bad/ /brtson 'grus pha rol phyin la bslab la lnga/
/ngo bo 'jug thabs rab dbye sgrub pa'i tshe/ /ji ltar bya ba de
dag don bsdu pa'o/ /dang po ngo bo dmigs pa dge ba la/ /

dmigs nas rnam pa mngon par spro ba ste/ /zhi lhas brtson gang
dge la spro pa'o/ /zhes so byang sar dge ba bsdu ba dang/ /sems
can don bya'i phyir du sems mngon par/ /spro ba phyin

ci ma log pa dang ni/ /de yis slang ba'i lus ngag yid kyi las/
/g.yo ba la ni bshad do gnyis pa ni/ /brtson 'grus brtsam pa'i
phan yon ma brtsam pa'i/ /nyes dmigs mang du

sems pa gnyis yin te/ /de la goms na brtson 'grus bskyed phyir
ro/ /de la phan yon lhag bsam bskul ba las/ /sdug bsngal gun
dang mun pa sel byed cing/ /ngan song ?

yongs su spong ba'i gzhir gyur pa/ /sangs rgyas kun gyis bsngags
pa'i brtson 'grus 'phags/ /gang yin de ni rtag tu bsten par
gyis/ /'jig rten 'di na bzo gang ci yod dang/ /

'jig rten 'das bzo gang dag ci yod pa/ /brtson 'grus brtsams la
rnyed par mi dka' na/ /mkhas pa su dag brtson 'grus stobs kyis
skyo/ /gang dag sangs rgyas byang chub zhugs

@59b gyur pa; ;de dag rmug gnyid skyon rnams mthong nas ni/
/rtag tu brtson 'grus rtsoms la gnas par byed/ /'di ni nga yis
de dag bskul byas yin/ /zhes dang byams pas mdo sde

rgyan las kyang/ /dge ba'i tshogs kyi nang na brtson 'grus mchog
/'di ltar de la brten nas de rjes thob/ /brtson 'grus kyis ni
mod la bde gnas mchog  /dngos grub 'jig rten

'das dang 'jig rten gtogs/ /brtson 'grus kyis ni srid spyod 'dod
pa 'thob/ /brtson 'grus kyis ni dag pa rab 'gyur ldan/ /brtson
'grus kyis ni 'jig tshogs 'das nas

grol; ;brtson 'grus kyis ni byang chub mchog sangs rgyas/ /zhes
dang phar phyin bsdus pa las kyang ni/ /yongs su skyo med brtson
'grus che ldan na/ /mi 'thob mi 'grub rnam

pa gang yang med/ /zhes pa ltar ro ma brtsams nyes dmigs ni/
/brtson 'grus med par le lo'i dbang song na/ /dkar chos kun gyis
'phong par gyur bas na/ /rang gzhan kun gyi

gnas skabs mthar thug gi /'dod pa'i don kun 'grub las nyams
'gyur bar/ /dran pa nye bar bzhag pa'i mdo las gsungs/ /gsum pa
rab dbye la gnyis de dngos dang/ /brtson

'grus bskyed pa'i thabs so dang po ni/ /gsum ste go cha dang ni
dge chos bsdud/ /sems can dod byed kyi ni brtson 'grus so/ /dang
po go cha'i brtson 'grus dpa' bo yi/ /phar phyin

bsdus pa las ni ji skad du/ /snga phyir 'khor ba'i mtha' dang
mnyam tsam du/ /rgya che ring ba'i nyin dang mtshan gyur la/ /de
'dra bsags pas logs gyur du ring ba'i/ /skal pa rgya mtsho'i

@60a @#/ /grangs ni de snyed kyis/ /byang chub mchog gi sems cig
skye 'gyur la/ /de 'dra'i rnam pas tshogs gzhan re re zhing/
/sgrub dgos gyur kyang snying rjes skyo ba med/ /

byang chub dam pa sgyid lug med par sgrub/ /'khor tshe rang gi
sdug bsngal sems btar zhing/ /go cha brtan pa dpag yas de skyed
na/ /brtul zhugs dpa' bo snying rje'i ngang can la/ /

yang dag blangs pa dang po yin par brjod/ /ces pa ltar ro dge
ba'i chos bsdud pa'i/ /brtson 'grus zhes pa phyin drug yang dag
par/ /'grub par bya phyir de la sbyor ba'o/ /  sems can don kun
byed pa'i brtson 'grus ni/ /sems can gzhan don bya ba bcu gcig
la/ /ji ltar rigs par sbyor ba'i brtson 'grus so/ /brtson 'grus
bskyed

pa'i thabs la bzhi/ /'gal rkyen spang dang mthun rkyen dang/
/brtsom pa lhur len lus dang sems/ /las su rung bar bya tshul lo/
/dang po brtson pa'i mi mthun

phyogs/ /ngos bzung pa ni spyod 'jug las/ /de yi mi mthun phyogs
bshad bya/ /le lo ngan la zhen pa dang/ /sgyid lug bdag nyid
brnyas pa'o/ /zhes pa ltar ro

phyi bshol gyi/ /le lo 'gog la 'chi ba dang/ /ngan 'gror ltung
dang rten bzang po/ /rnyed par dka' ba gsum sgom nas/ /leng ?
yod 'dzin pa'i le lo dgag  /bya ba ngan

pa la chags pa/ /'gog pa'i tshul ni de nyid las/ /dga' ba'i rgyu
ni mtha' yas pa'i/ /dam chos dga' ba'i mchog spangs nas/ /sdug
bsngal rgyu yi rnam g.yed dang/

@60b rgod sogs la khyod ci phyir dga'/ /zhes pa ltar ro sgyid
lug pa'am/ /bdag nyid brnyas pa dgag pa la/ /thob bya sangs
rgyas 'thob dka' bas/ /bdag gis ji ltar

'thob snyam du/ /sgyid lug 'gog tshul de nyid las/ /bdag gis
byang chub ga la zhes/ /sgyid lug par ni mi bya ste/ /'di ltar
de bzhin gshegs pa ni/ /bden pa

gsung pa'i bden 'di gsungs/ /sbrang bu sha sbrang bud ba dang/
/de bzhin srin bur gang gyur ba/ /des kyang brtson pa'i stobs
bskyed na/ /byang chub 'thob dka' bla

med 'thob/ /bdag lta rigs kyi mir skyes la/ /phan dang gnod pa
ngo shes nas/ /byang chub spyod pa ma btang na/ /bdag gis byang
chub cis mi 'thob/ /thob byed thabs

la yan lag sogs/ /gtang dgos shin tu bya dka' ba/ /de 'dra bdag
gis mi nus zhes/ /sgyid lug 'gog tshul de nyid las/ /'on te rkang
lag la sogs pa/ /

gtang dgos bdag ni 'jigs she na/ /lci dang yang ba ma dpyad par/
/rmongs pas bdag ni 'jigs par zad/ /bskal pa bye ba grangs med
du/ /lan grangs du mar bcad

pa dang; ;dbug dang sreg dang gsheg gyur gyis/ /byang chub thob
par mi 'gyur ro/ /bdag gi byang chub sgrub pa yi/ /sdug bsngal
'di ni tshod yod de/ /zug rdu khong brlag

gnod bsal phyir/ /lus rma btong pa'i sdug bsngal bzhin/ /sman pa
kun kyang gsor byed kyis/ /mi bde ba yis nad med byed/ /de bas
sdug bsngal mang po dag  /

@61a @#/ /gzhom phyir mi bde chung bzod bya/ /zhes so mgo la sogs
gtong ba/ /dang po nyid nas mig tong gi /gtong blo rim gyis goms
pa'i mthar/ /

dka' ba med tshul de nyid las/ /gso spyad phal pa 'di 'dra
ba'ang/ /sman pa mchog gis ma mdzad de/ /cho ga shin tu 'jam po
yis/ /nad chen dpag med gso bar

mdzad; ;tshod ma la sogs sbyin pa la'ang/ /'dren pas thog mar
sbyor bar mdzad/ /de la goms nas phyi nas ni/ /rim gyis rang gi
sha yang gtong/ /gang tshe rang gi

lus la ni/ /tshod sogs lta bu'i blo skyes pa/ /de tshe shal sogs
gtong ba/ /de la dka' ba ci zhig yod/ /ces so thabs de sgrub pa
la/ /'khor bar skye ba mtha'

yas pa; ;len dgos de tshe 'khor ba yi/ /gdungs pas gnod pas de
lta bu/ /mi nus bsam du zhum pa'i blo/ /'gog pa'i tshul ni de
nyid las/ /sdig pa spangs phyir

sdug bsngal med/ /mkhas pa'i phyir na mi dga' med/ /'di ltar log
par rtog pa dang/ /sdig pas sems dang lus la gnod/ /bsod nams
kyis ni lus bde la/ /

mkhas pa yis ni sems bde na/ /gzhan don 'khor bar gnas kyang ni/
/snying rje can dag ci ste skyo/ /zhes dang gzhan yang de nyid
las/ /de bas skyo ngal kun sel ba'i/ /

byang chub sems kyi rta zhon nas/ /bde nas bde bar 'gro ba la/
/sems shes su zhig sgyid lug 'gyur/ /zhes so byang chub sgrub pa
la/ /dus ni dpag tu med pa 'khor/ /

@61b de yis zhum pa 'gog pa ni/ /dbu ma rin chen 'phreng ba las/
/sdug bsngal pa la dus thung yang/ /bzod dka' yun ring smos ci
dgos/ /sdug bsngal med cing bde ba la/ /

mtha' yas dus kyang ci zhig gnod/ /de la lus kyi sdug bsngal
med/ /yid kyi sdug bsngal ga la yod/ /de ni snying rjes 'jig
rten sdug  /de nyid kyis na yun ring gnas/ /

de bas sangs rgyas ring thog zhes/ /blo dang ldan pa sgyid mi
lug  /nyes zad yon tan don du ni/ /'di la rtag tu 'bad par bya/
/zhes so sangs rgyas 'thob pa la/ /

tshogs ni mtha' yas rdzogs dgos na/ /de ni mi nus snyam pa yi/
/zhum pa 'gog tshul de nyid las/ /phyogs rnams kun du nam mkha'
dang/ /sa dang chu dang me dang

rlung; ;ji ltar mtha' yas de bzhin du/ /sdug bsngal sems can
mtha' yas 'dod/ /sems can mtha' yas de dag ni/ /byang chub sems
dpa' snying rje bas/ /

sdug bsngal dag las drangs byas te/ /sangs rgyas nyid la dgod
par nges/ /de ltar brtan par gnas de ni/ /mi nyal pa'am nyal
yang rung/ /yang dag blangs pa nas

bzung ste/ /bag med gyur kyang sems can rnams/ /mtha' yas phyir
na sems can bzhin/ /bsod nams mtha' yas drag sog 'gyur/ /mtha'
yas des na

sangs rgyas nyid/ /mtha' yas thob mi dka' zhes bya/ /gang zhig
dpag med dus gnas te/ /lus can dpag tu med don du/ /byang chub
dpag tu med 'dod cing/ /

@162a @#/ /dge ba dpag tu med byed pa/ /des ko byang chub dpag
med kyang/ /dpag tu med pa rnam bzhi yi/ /tshogs kyis ring po mi
thog par/ /ji lta bur na

thob mi 'gyur/ /zhes so gang la'ang zhum nas bsdad pas ni/ /ci
la'ang mi phan je zhum nyid du 'gro/ /de bas byang chub sgrub
pa'i thabs lam rnams/ /legs par shes

par byas nas sgrub 'dod blo/ /gzeng bstod na ni don grub skyes
rabs las/ /zhum pas phongs las thar la mi phan gyi/ /de bas mya
ngan gdung bar ma byed par/ /dgos

pa'i don sgrub mkhas la brten byas na/ /rab tu dka' ba'ang sla
bas thar par 'gyur/ /de bas 'jigs shing mi dga' ma byed par/ /ji
ltar bya ba'i thabs kyis dgos pas

bsgrub/ /mkhas pa'i gzi brjid brtan pas gzeng bstod na/ /don
rnams thams cad 'grub pa lag na yod/ /ces so mthun rkyen bsags
pa la/ /theg pa che la 'dun

pa'am/ /mos stobs bskyed dgos spyod 'jug las/ /bdag ni sngon
dang da ltar yang/ /chos la mos dang bral ba yis/ /phongs pa 'di
'dra byung bar 'gyur/ /su

zhig chos la mos pa gtong/ /dge ba'i phyogs ni thams cad kyi/
/rtsa ba mos par thub pas gsungs/ /de yi rtsa ba rtag tu ni/
/rnam smin 'bras bu bsgoms pas so/ /

zhes so de ltar theg chen la/ /mos pa bskyed nas rang gzhan gyi/
/nyes pa mtha' dag sel ba dang/ /yon tan mtha' dag sgrub pa la/
/bskal ba du mar goms dgos na

@162b sngon chad bdag gis de dag ni/ /brtson pa cha shas gcig
tsam yang/ /sgrub pa med pas dal ba 'di/ /don med nyid du btang
'dug cing/ /da ni 'bad pa brtsams par bya/ /

snyam du rang gis rang nyid la/ /bskul ma dgos te de nyid las/
/bdag dang gzhan gyi nyes pa ni/ /dpag med bdag gis gzhom bya
ste/ /gang du nyes pa re re la'ang/ /

bskal pa rgya mtshor zad gyur pa/ /nyes zad rtsom pa de yi ni/
/cha yang bdag la ma mthong pa/ /sdug bsngal dpag tu med pa'i
gnas/ /bdag ko cis te snying ma gas/ /

bdag dang gzhan gyi yon tan ni/ /mang po bdag gis bsgrub bya
ste/ /de la yon tan re re la'ang/ /bskal pa rgya mtshor goms
'gyur na/ /bdag ni yon tan cha la yang/ /

goms pa nam yang ma skyes te/ /ci zhig ltar rnyed skye ba ni/
/bdag gis don med byas pa mtshar/ /zhes so dge ba gang la yang/
/brtsam nas mi ldog brtan pa'i

stobs/ /skyed pa dgos te de nyid las/ /dang po sbyor ba brtag
nas ni/ /brtsam mam yang na mi brtsam bya/ /ma brtsam pa ni
mchog yin gyis/ /brtsam nas ldog par

mi bya'o/ /skye ba gzhan du de goms shing/ /sdig dang sdug
bsngal 'phel 'gyur te/ /gzhan dang 'bras bu'i dus kyang ni/
/dman 'gyur de yang 'grub mi 'gyur/ /zhes

so brtsom pa mthar phyin par/ /'dod pa yis ni de nyid las/ /las
dang nyon mongs nus pa ste/ /gsum po dag la nga rgyal bya/ /zhes
gsungs pa ltar nga rgyal gsum/ /

@163a @#/ /sgom par bya dgos de dag las/ /las kyi nga rgyal rang
nyid kyis/ /lam mchog sgrub pa grogs gnas la/ /ltos pa me 'cha'
rang kho nas/ /sgrub

bo snyam pa'o de nyid las/ /bdag nyid gcig pus bya'o zhes/ /'di
ni las kyi nga rgyal nyid/ /ces dang nus pa'i nga rgyal ni/
/'gro ba nyon mongs dbang gyur bas/ /rang gi

don yang mi nus na/ /gzhan don lta ci bdag gis ni/ /rang gzhan
don kun sgrub nus so/ /snyam nas brtsom bya de nyid las/ /nyon
mongs dbang med 'jig rten 'dis/ /

rang don sgrub par mi nus pas/ /'gro bas bdag ltar mi nus te/
/de bas bdag gis 'di bya'o/ /gzhan dag dman pa'i las byed na/
/bdag nyid kyang ni ji ltar 'jug

ces so de gnyis sgrub pa na/ /gzhan dag khyad bsad rang nyid la/
/rloms pas sgrub pa ma yin gyi/ /brtse ba'i rnam pa can nyid du/
/bltas nas nga rgyal ma 'dres par/ /bya

ba yin te de gnyid las/ /nga rgyal gyis 'di mi byed te/ /bdag la
nga rgyal med pa mchog  /ces so gzhan gyis mi nus pa/ /bdag gis
nus snyam nga rgyal dang/ /chos mthun

pas na nga rgyal du/ /btags so nyon mongs nga rgyal ni/ /nyon
mongs rnam pa thams cad du/ /khyad du bsad nas bdag 'di las/
/rgyal bar bya yi 'di dag ni/ /bdag las

nam yang rgyal mi bya/ /snyam du blo yi dpa' skyed nas/ /brtan
par byed pa'o de nyid las/ /bdag gis kun las rgyal bya ste/
/bdag las su yang rgyal mi bya/ /rgyal ba

@163b seng ge'i sras dag pas/ /nga rgyal 'di la gnas par bya/
/zhes so de ltar ma byas par/ /zhum na gegs byed chung dus
kyang/ /gnod par 'gyur te de nyid las/ /shi ba'i sprul

dang phrad gyur na/ {/khwa} yang mkha' lding lta bur spyod/ /gal
te bdag nyid nyams chung na/ /ltung ba chung dus gnod par byed/
/zhum bcas rtsol ba dor ba la/ /phongs las

thar pa yod dam ci/ /zhes so snga ma lta bu yi/ /nga rgyal byas
na mi mthun phyogs/ /chen po yis kyang bar du gcod/ /mi nus pas
na nga rgyal de/ /skyed dgos pa ni de

nyid las/ /nga rgyal rtsol ba bskyed pas ni/ /chen po yis kyang
thub pa dka'/ /de bas sems ni brtan po yis/ /ltung ba rnams ni
gzhom bya ste/ /bdag ni ltung

bas pham byas na/ /khams gsum rgyal 'dod bzhad gad 'gyur/ /zhes
pa ltar ro nyon mongs la/ /khyad gsod byas nas 'joms 'dod pas/
/nyon mongs nga rgyal

zhes su btag  /dga' ba'i stobs ni mos pa dang/ /brtan pa'i stobs
kyis sgrub pa la/ /'jug pa'i tshe yang dga' bzhin du/ /'jug cing
zhugs pa'i tshe na yang/ /

las de byed pas mi ngoms pa'i/ /bsam pa yin te de nyid las/
/rtsed mo'i bde 'bras 'dod pa ltar/ /'di yis bya ba'i las gang
yin/ /las de la ni zhen bya ste/ /

las des mi ngoms dga' bar bya/ /bde ba'i don du las byas kyang/
/bde 'gyur mi 'gyur gtol med kyi/ /gang gi las nyid bder 'gyur
ba/ /de las mi byed ji ltar byed/ /

@164a @#/ /spu gri'i sor chags sbrang rtsi lta'i/ /'dod pa rnams
kyis mi ngoms na/ /rnam smin bde la zhi ba yi/ /bsod nams kyis
lta ci ste ngoms/ /zhes so

de ltar mi ngoms par/ /las de mthar ni phyin pa'i phyir/ /shin
tu dga' bas las de la/ /brtsams par bya ste de nyid las/ /de
ltas las tshar phyin bya'i phyir/ /nyi ma

phyed dus gdungs pa yi/ /glang chen mtshor phrad mtshor 'jug ltar/
/las de la yang 'jug par bya/ /zhes pa ltar ro dor ba'i stobs/
/skyed pa'i tshul ni sgrub pa la/ /

brtson 'grus brtsam pas lus dang sems/ /dub na re zhig ngal gso
bar/ /bya ste de ltar ma yin na/ /shin tu skyo zhing zhe sun
pas/ /phyis su brtsom pa'i bar ched du/ /

'gyur ba'i phyir ro ngal sos tshe/ /slar yang brtson 'grus brtsam
bya zhing/ /snga ma legs par mthar thon na/ /gong ma gzhan zhig
bya ba la/ /brtson 'grus brtsoms dgos

de nyid las/ /stobs nyams pa dang rjes 'brel na/ /slar bya'i don
du ror bar bya/ /legs par zin na phyi ma dang/ /phyi ma 'dod pas
de spang bya/ /zhes so lhur blangs pa

yi stobs/ /skyed tshul spang bya spong ba yis/ /brtson 'grus
rtsams che nyon mongs pas/ /tshur la gnod par mi 'gyur dang/
/phar la gnyen po legs bsten nas/ /'joms

pa gnyis la mkhas byas nas/ /brtson pa dgos te de nyid las/
/'thab rnying dgra dang lhan cig tu/ /g.yul ngor ngal khar lhag
pa bzhin/ /nyon mongs mtshon las gzur

@164b bya zhing/ /nyon mongs dgra nyams 'jebs par btag  /ces so
de ltar nyon mongs dang/ /'thab tshe spang blang 'jug ltog gi
/dmigs rnam dran pa shor gyur na/ /ngan

'gro'i 'jigs pas de ma thag /dran pa bsten dgos de nyid las/
/g.yul du ral gri lhung gyur na/ /'jigs pas myur du len pa
ltar/ /de bzhin dran pa'i mtshon shor na/

dmyal ba'i 'jigs dran myur du blang/ /zhes so dran shes legs
bsten nas/ /nyes spyod chung du tsam la yang/ /'jigs par bltas
nas 'gog pa dang/ /gal te byung

na'ang de ma thag /rgyun gcad dgos te de nyid las/ /ji ltar
khrag la rten bcas nas/ /dug ni lus la khyab 'gyur ba/ /de bzhin
glags ni rnyed gyur na/ /nyes pas

sems la khyab par 'gyur/ /zhes so dran dang shes bzhin gnyis/
/ji ltar bsten tshul de nyid las/ /nyungs mar bkang pa'i snod
bkur la/ /ral gri thog pas drung

bsdad de/ /bo na gsod bsdigs 'jigs pa ltar/ /brtul zhugs can
gyis de bzhin bsgrim/ /zhes so de ltar bsgrim pa'i tshe/ /nyes
spyod spyi dang khyad par du/ /

gnyid la sogs pa le lo'i rgyu/ /'ong na dang du mi len par/
/gdong bzlogs dgos te de nyid las/ /de bas pang du sbrul 'ong
na/ /ji ltar rings su ldang ba ltar/ /de

bzhin gnyid dang snyom 'ong na/ /myur du de dag bzlogs par bya/
/zhes so de yang bzlogs pa tsam/ /min gyi de la nyes pa ru/
/bltas te mi dga' skyed pa dang/ /phyin

@165a @#/ /chad nyes pa 'di lta bu/ /ma byung pa cig bya snyam
du/ /phyin chad bsdoms pa'i 'phen pa gnyis/ /mang du gtang ste
de nyid las/ /nyes pa byung

ba re re zhing/ /bdag la smad nas ci nas kyang/ /bdag la phyis
'di mi 'byung ba/ /de ltar bya zhes yun ring bsam/ /zhes so gong
du bshad pa yi/ /bsam pa de lta'i

gzhi rtsa ba/ /dran pa stobs ldan rgyun chags su/ /'byung ba'i
rgyu rkyen gang zab la/ /'bad par bya ste bshes bsten dang/
/de'i rgyur mang du thos sogs kyi/ /las la

brten bya de nyid las/ /ji ltar gnas skabs 'di dag la/ /dran pa
goms pa nyid 'gyur zhes/ /rgyu 'di yis ni phrad pa'am/ /rigs
pa'i las ni 'dod par bya/ /zhes

so mdor na byang sems kyi/ /bslab pa'i spangs blang mig phyed
pa'i/ /thos pa byas nas shes pa'i don/ /rnams la spyod lam thams
cad du/ /dran pa rgyun chags

bsten pa la/ /brtson 'grus rtsom dgos brtson pa ni/ /ma 'chug pa
zhig gal che'o/ /de las lus sems las rang du/ /bya tshul dbang du
gyur pa'i stobs/ /

skyed pa dgos te de yang ni/ /bag yod le'u nas bshad ltar/
/byang sems bslab byar bslab dgos lugs/ /ma bslab pa yi nyes
dmigs dang/ /nyon mongs

pa la dgrar lta lugs/ /dka' spyad khur du mi 'dzin par/ /rgyan
du lta pa'i sems kyi stobs/ /bskyed pa'i tshul rnams las de la/
/'jug pa'i sngon du legs

@165b sgom nas/ /lus sems dge ba'i bya ba la/ /bkol mi rung ba'i
'tsher snang kun/ /bzlogs nas rgyal sras spyod pa la/ /slob la
lus sems bkol bde ba'i/ /ldang

ba yangs par bya ba ste/ /de skad du yang spyod 'jug las/ /ci
nas las byung sngon rol nas/ /thams cad la ni mthu yod pa/ /de
ltar bag yod gtams dran te/ /

bdag nyid ldang ba yangs par bya/ /zhes so de ltar 'bad pa yis/
/brtson 'grus ci 'dra skye 'gyur na/ /shing bal 'dab ma 'gro
'ong la/ /rlung gis dbang bsgyur pa bzhin du/ /

rang gi lus sems dge ba la/ /spro ba'i shugs kyis dbang sgyur
zhing/ /de yi rjes su byed pa na/ /brtson 'grus legs par grub pa
yin/ /de yis tshogs rnams bde blag

tu/ /'grub par 'gyur to de nyid las/ /ji ltar rlung ni 'gro ba
dang/ /'ong bas shing bal dbang bsgyur ba/ /de bzhin spro bas
dbang bsgyur te/ /de ltar na ni 'grub par gyur/ /

zhes so de lta bu rnams ni/ /dka' yang dor du mi rung gi /'bad
par bya dgos ma khol gyis/ /dka' spyad las ni ma bgyis par/ /go
'phang rnyed dka' mi 'thob ces/ /

de slad nyid la'ang ma gzigs par/ /khyod kyis brtson 'grus legs
par spel/ /zhes so sgrub tshe ji ltar bya ba ni/ /gang brtsom na
yang dam pa drug ldan dang/ /phar phyin

drug ldan du ni sgrub dgos te/ /rang nyid brtson 'grus la gnas
gzhan dag kyang/ /de la 'god pa brtson 'grus sbyin pa yin/ /lhag
ma rnams ni sngar bshad pa bzhin no/ /

@166a @#/ /lnga pa don bsdu pa ni spyod pa'i rten/ /sems bskyed
rjes su dran zhing sgom pa ni/ /sems can thams cad brtson 'grus
la 'god pa'i/ /don du

slob la bskul byed yin pas na/ /de nyid ji 'phel gtong zhing sa
mthon po'i/ /brtson 'grus brtsom lugs rnams la smon yul du/
/byas te sbyong la las ni dang po pa'i/ /

brtson 'grus brtsoms lugs rnams la nus pa dang/ /bsdun nas 'bad
dang thun mongs ma yin pa'i/ /brtson pa'i spang bya zhum pa 'gog
pa dang/ /byang chub ched du

sems can thams cad kyi/ /bde sgrub sdug bsngal sel dang dus shin
tu/ /ring dang tshogs mtha' yas dang dka' spyad kyang/ /dpag tu
med la spro ba'i go cha yi/ /brtson

'grus bsam pas gyon la de 'dra ba'i/ /bsam pa shin tu brlab che
skyed tsam gyis/ /bsod nams rlab chen rdzogs par lag bzang gis/
/nus pa'i mdo las byung bas

'bad par bya/ /gzhan du rigs kyi nus pa mi rgyas shing/ /nyis
pas gos la tshe rabs gzhan du yang/ /byang sems spyod la slob par
ches dka' bar/ /'gyur zhing de lta bu

rnams shes byas te/ /ji lta ba bzhin nyams su ma lon kyang/ /blo
yis de'i phyogs bzung nas ci nus pa'i/ /brtson 'grus brtsam na
tshe rabs gzhan dag tu/ /dka' tsheg

chung dus sdug bsngal yang med par/ /myur du brtson 'grus phar
phyin rdzogs par 'gyur/ /bstan pa'i rim pa las kyang ji skad du/
/rgyal sras rnams kyis brtson 'grus

@166b mi zlog pa/ /lus dang srog la gnod chen gyis bsdig kyang/
/zhum med gnod sems cig kyang mi skyed par/ /phyir zhing brtson
'grus brtan pos dam chos 'dzin/

de nas snying stobs lhag pas sbyin sogs kyi/ /dka' spyad mchog
la rab tu dpa' chen de/ /tshangs dbang lhun po dang mtshungs brtse
chen bdag  /nyon

mongs kun spong 'gro ba'i gsos gyur ba'o/ /zhes gsungs pa ltar
bsam la brtson 'grus brtsams/ /bsam gtan phar phyin la lnga ngo
bo dang/ /'jug

pa'i thabs dang rab tu dbye ba dang/ /sgrub tshe ji ltar bya dang
don bsdu ba'o/ /dang po bsam gtan nge po ngos 'dzin ni/ /dmigs
pa las ni gzhan du ma g.yeng par/ /

gnas pa'i dge sems rtse gcig pa yin te/ /zhi ba lha yi spyod
'jug las/ /de ltar brtson 'grus bskyed nas ni/ /yid ni ting nge
'dzin la bzhag /ces so

gnyis pa bsam gtan te/ /sgom pa la ni 'jug pa'i thabs/ /ma sgom
pa yi nyes dmigs dang/ /sgom pa'i phan yon sems pa ste/ /dang po
nyes dmigs

de nyid las/ /sems ni rnam par g.yengs pa'i mi/ /nyon mongs
mche ba'i phrag na gnas/ /zhes dang gzhan yang de nyid las/
/bzlas brjod dang ni dka'

thub kun/ /yun ring dus su spyad byas kyang/ /sems gzhan g.yeng
bas byas pa ni/ /de nyid rigs pas don med gsungs/ /zhes so gnyis
pa bsam

@167a @#/ /gtan te/ /sgom pa'i phan yon de nyid las/ /kun nas
dran pa'i thag pa yis/ /sems kyi glang po dam btags na/ /'jigs
pa

thams cad med 'gyur zhing/ /dge ba thams cad lag tu 'ong/ /stag
dang seng ge glang chen dred/ /sbrul dang dgra rnams thams cad
dang/ /sems can dmyal ba'i

srung ma dang/ /byad ma de bzhin srin po rnams/ /sems 'di gcig
pu btags pa yis/ /de dag thams cad btags par 'gyur/ /sems 'di
gcig pu

btul ba yis/ /de dag thams cad thul bar 'gyur/ /zhes so gsum pa
bsam gtan rab dbye ni/ /ngo bo'i sgo nas 'jig rten 'jig rten
'das/ /gnyis dang phyogs

kyi sgo nas zhi gnas dang/ /lhag mthong dang ni de gnyis zung
'brel gyi/ /phyogs su gtogs pa gsum dang byed las kyis/ /phye na
tshe 'dir lus sems bder

gnas dang/ /yon tan mngon par sgrub dang sems can gyi/ /don kun
sgrub par byed ba'i bsam gtan gsum/ /de las dang po mnyam par
bzhag pa na/ /lus

sems shin sbyang skyed pa'i bsam gtan no/ /gnyis pa bsam gzugs
mngon shes rnam thar dang/ /zad par zil gnon la sogs nyan thos
dang/ /thun mongs

pa rnams sgrub pa'i bsam gtan no/ /gsum pa sems can don bya ba
cu gcig gis/ /don rnams thams cad sgrub pa'i bsam gtan no/ /bzhi
pa sgrub tshe ji ltar

@167b bya ba ni/ /ting 'dzin dge ba ci 'dra sgrub na yang/ /dam
pa drug dang pha rol phyin drug dang/ /'brel par sgrub ste rang
nyid bsam gtan la/ /gnas nas gzhan dag de

la 'gong pa ni/ /bsam gtan sbyin pa yin la lhag ma rnams/ /gong
du bshad pa ltar du shes par bya/ /lnga ba don bsdu pa ni spyod
pa'i rten/ /sems bskyed rjes

su dran zhing sgom pa ni/ /sems can thams cad zag med bsam gtan
la/ /'god phyir slob la skul byed yin pas na/ /brtan par spel
nas bsam gtan

gong ma rnams/ /smon yul byas nas sbyong dang dus dus su/ /rtse
gcig ting nge 'dzin la ci nus slob/ /gzhan du bslab bya dang
'gal nyes pas gos/ /tshe

rabs gzhan du'ang ting nge 'dzin gyi sgo/ /du mar 'jug la slob
par shin tu dka'/ /tshul bzhin byas na tshe 'dir sems gzhan du/
/g.yeng pa je chung 'gro bas

dge ba rnams/ /bsags stobs che zhing phyi mar lus dang sems/
/bde dang yid bde ldan pa'i bsam gtan gyi/ /phar phyin rdzogs pa
sla bar 'gyur phyir ro/ /

mdor na byang chub sems dpa'i bsam gtan ni/ /thabs shes gnyis
kyis rdzogs dgos bstan rim khas/ /brtan pa'i bsam gtan mchog gi
las rnams

gnyis/ /rdzu 'phrul la sogs mngon shes drug dang ni/ /de dag nam
mkha' ltar mthong ye shes te/ /thabs dang shes rab dag gis rab
rdzogs byed/ /ces so

@168a @#/ /shes rab phar phyin la yang lnga/ /ngo bo dang ni de
la 'jug thabs dang/ /rab tu dbye dang sgrub tshe ji lta bur/ /bya
ba dang ni de dag don bsdu ba'o/ /

dang po ngo bo spyir na shes rab ni/ /brtag pa'i dngos po la ni
chos rab tu/ /rnam par 'byed byed yin la skabs 'dir ni/ /rigs
pa'i gnas lnga sogs la mkhas pa'o/

gnyis pa shes rab bskyed la 'jug pa'i thabs/ /shes rab skyed
pa'i phan yon ma skyed pa'i/ /nyes dmigs sems pa yin la phan yon
ni/ /shes rab sbyin

sogs phar phyin dang po lnga'i/ /mig dang 'dra ste de ltar bsdud
pa las/ /gang tshe shes rab kyis ni yongs su zin gyur pa/ /de tshe
mig rnyed gyur cing 'di yi ming 'thob

po/ /dper na ri mo'i las ni yongs zin mig med pa/ /ji srid mig
ma bris bar rngan pa mi 'thob bzhin/ /zhes so sbyin sogs lnga yi
gser rgyan la/ /shes rab

inTra ni la la sogs pa'i/ /rin chen khyad par 'phags pa'i phras
spras na/ /shin tu rmad byung 'gyur te dpa' bo yis/ /sbyin la
sogs pa'i bsod nams 'de dag ni/ /

shes rab mgon bcas lhag par mthu ldan 'gyur/ /gser gyi rgyan
bzang rnam pa sna tshogs la/ /rin chen phra bkod 'od kyis gsal ba
bzhin/ /so so'i don la de dag

yon tan mthu/ /shes rab 'di ni rgya chen sgrub par byed/ /dbang
po rang rang yul gyi bye thag la/ /mthu gzhan yid kyis gsal bar
bstan pa bzhin/ /zhes so sbyin

@168b sogs phar phyin dang po lnga/ /shes rab kyis ni zin tshe
lhag par yang/ /mdzes par byed pa'i tshul ni de nyid kyis/ /shes
rab mig gsal rnam par phye gyur na/ /

byang chub sems dpa' rang gi sha sbyin yang/ /sman gyi shing
ltar rnam par mi rtog par/ /mtho 'am dma' bar 'gyur ba de la
med/ /rang gi don du tshul khrims mi

sgrub na/ /blo ldan srid pa'i btson ra'i skyon mthong zhing/ /de
nas 'jig rten ma lus gdon mos pa/ /srid pa'i don du mi sgrub
smos ci dgos/ /shes rab ldan pa

rnams la gnod pa dag  bzod pa'i yon tan yod pas gnod mi 'gyur/
/shin tu ngul ba'i glang po'i mchog rnams la/ /las kyi khyad par
rnam mang bzod pa

bzhin/ /brtson 'grus gcig pu byas pa ngal ba'i mtha'/ /shes rab
grogs kyis bstangs na don chen 'grub/ /de 'dra'i bsam gtan bde
dga' mchog ldan

pa/ /skyon bsags nyes pa chen pos regs gyur pa'i/ /lam gol rigs
pa'i tshul la brten pa yi/ /skye bo mar bas yid la ji ltar 'grub/
/ces pa'i

rkang pa bzhi dang bzhi dang ni/ /bzhi dang gnyis dang bzhi yis
rim bzhin bstan/ /gzhan yang 'gal bar snang ba'i yon tan gnyis/
/shes rab mchog dang ldan

pas 'gal med du/ /sgrub pa'i tshul yang slob dpon de nyid kyis/
/dbang po'i yul rnams lha rdzas 'dra bdog pa'i/ /rgyal srid che
ldan byang chub sems dpa'

@169a @#/ /dag  rang bzhin tshul min 'gyur ba med pa yang/ /shes
rab yon tan blo gros ldan pa'i mthu/ /gzhan la phan byed ro gcig
byams pa la/ /

'dod chags 'go ba yongs su spangs pa dang/ /gzhan gyi sdug
bsngal mi bzod snying rje la/ /mya ngan khur gyi le los mi dma'
dang/ /dga' mchog dang ldan yang dag

g.yeng med dang/ /'gro don mi g.yeng btang snyoms chen po
dang/ /yon tan de dang de dag gnyen po'i lam/ /shes rab chen pos
bkag pas rnam par mdzes/ /

zhes so mdor na gnas skabs mthar thug gi /legs pa'i yon tan
thams cad shes rab las/ /'byung ba yin te slob dpon de nyid
gyis/ /bu la byams

pa'i ma 'dra shes rab las/ /de 'dra'i phun sum tshogs 'byung ci
mtshar gyi/ /bder gshegs stobs bcu stobs kyi phul byung ba/
/mtshungs med mchog tu

bya ba thams cad dang/ /yon tan tshogs gzhan ma lus thams cad
kyang/ /de 'dra'i shes rab rgyu la brten cing 'byung/ /'jig rten
dag na rgyu rtsal gter mchog tu

dang/ /gtsug lag mig 'dra ji snyed yod pa dang/ /yongs su skyob
byed blo dang sngags la sogs/ /rnam bkod chos kyi khyad par tha
dad dang/ /rnam grangs

rnam mang rnam thar sgo dag dang/ /'jig rten phan pa'i rnam pa
de dang des/ /rgyal sras mthu chen rnam par ston byed pa/ /de
dag thams cad shes rab mthu las 'byung/ /

@169b ces dang mgon po klu sgrub kyis/ /mthong dang ma mthong
yon tan 'di/ /kun gyi rtsa ba shes rab yin/ /de ltar gnyis ka
bsgrub pa'i phyir/ /shes rab yongs

su gzung bar bya/ /tshes don 'dod dang thar pa yi/ /'byung gnas
chen po rig pa yin/ /de ltar dang po gus pa yis/ /shes rab yum
chen gzung bar bya/ /

zhes so shes rab med pa'i nyes dmigs ni/ /sbyin pa la sogs phar
phyin dang po lnga/ /shes rab med na mig dang bral ba ltar/
/'gyur ba yin te mdo ste

sdud pa las/ /dmus long dmigs pu med pa bye ba khrag khrig
rnams/ /lam yang mi shes grong khyer 'jug par gal 'gyur/ /shes
rab med na mig med

pha rol phyin lnga 'di/ /dmigs pu med pas byang chub reg par nus
ma yin/ /zhes so shes rab med na sbyin sogs lnga/ /rnam par dag
par mi 'gyur

yang dag pa'i/ /lta ba'ang rnyed mi nus te dpa' bo yis/ /shes
rab med na 'bras bu don gnyer la/ /sbyin pa bdag nyid rnam par
dag mi 'gyur/ /gzhan

don gtong ba sbyin pa'i mchog ces gsungs/ /lhag ma nor spel don
gyi sbyor ba yin/ /shes rab snang bas mun pa ma bsal na/ /tshul
khrims dag dang

ldan par de mi 'gyur/ /phal cher shes rab med pa'i tshul khrims
dag  shes pa'i skyon gyis nyon mongs rnyog bcas 'gyur/ /shes rab
log pa'i skyon

@170a @#/ /gyis sems brnyogs na/ /bzod pa'i yon tan de la gnas mi
mos/ /legs nyes rtog la mi dga'i tshul 'chang zhing/ /yon tan

med pa'i rgyal la grags pa bzhin/ /mkhas pa rnams pa phul du
bsngags gyur cing/ /de las phra zhing zab pa gzhan med pa/ /'dod
pa'i skyon gyis yongs su

ma bsgribs pa'i/ /yid lam drang por shes rab med mi 'gro/ /shes
rab tshul la brtson med blo 'chang na/ /de yi lta ba yongs su dag
mi 'gyur/ /zhes

pa'i tshig bcad gcig dang gcig dang ni/ /gcig dang gcig dang
phyed kyis rim bzhin bstan/ /gti mug rmongs pa'i mun pa chen po
de/ /shes rab 'od chen

ma shar bar du ni/ /mi ldog shes rab snang byed shar ba na/
/ldog pas shes rab skyed la stobs nus mthu/ /ci yod kyis ni 'bad
dgos slob dpon des/ /

nyi ma 'od chen shar bar gyur bzhin du/ /'gro ba'i rgyud rnams
mun nag gang 'gebs pa/ /shes rab 'od kyi mthu chen 'gyung bas
na/ /thams cad bsal 'gyur

ming tsam 'ba' zhig lus/ /de bas rang gi mthu rnams kun gtugs
te/ /de 'dra'i shes rab tshul la brtson par bya/ /zhes pa'i rkang
ba bzhi dang gnyis kyis

bstan; ;'o na gti mug rmongs pa 'gog dgos na/ /de yi rgyu dang
rkyen ni ma khegs par/ /'bras bu rmongs pa 'gog par mi nus pas/
/rgyu rkyen gang

@170b yin zhe na de nyid kyis/ /le lo snyom dang sten ngan sten
pa dang/ /gnyid kyi dbang gyur mi rtog ngang tshul dang/ /thub
pa'i ye shes mchog la mos med dang/ /

log pa'i nga rgyal non pas don 'dri dang/ /dma' sems bdag la
zhen pas byung ba'i rgyus/ /mkhas pa'i skye bo stan par ma dad
dang/ /log pa'i rnam rtog

dug che log lta dag  gti mug rgyu yin zhes pas bshad ltar ro/
/shes rab skyed pa'i rgyu yang de nyid kyis/ /bsten 'os bla ma
rim 'gro bsnyen bkur te/ /

shes rab sgrub phyir thos pa btsal bar bya/ /thos nyung dmus
long sgom pa'i tshul mi shes/ /de med des ko ci zhig bsam par
bya/ /de bas thos la brtson bya

thos rgyu las/ /bsam bzhin sgom pas shes rab yangs pa 'byung/
/zhes pa'i rkang pa gnyis dang bzhi yis bstan/ /gsum pa shes rab
kyi ni rab dbye

la; ;gsum ste don dam rtogs dang kun rdzob rtogs/ /gzhan don bya
ba rtogs pa'i shes rab bo/ /dang po don dam rtogs la bdag med
pa'i/ /de kho na

nyid don spyi'i sgo nas dang/ /mngon du gyur pa'i sko nas 'jal
pa gnyis/ /gnyis pa kun rdzob rtogs pa sgra tshad dang/ /bzo gso
nang don rig pa'i gnas lnga

la; ;mkhas pa'i shes rab rnams ste mdo rgyan las/ /rig pa'i gnas
lnga dag la brtson par ma byas par/ /'phags mchog gis kyang
thams cad mkhyen

@171a @#/ /nyid mi 'gyur te/ /de lta bas na gzhan dag tshar bcad
rjes bzung dang/ /bdag nyid kun shes bya phyir de la de brtson
bya/ /zhes so

gsum pa sems can rnams kyi don/ /bya ba rtogs pa sems can thams
cad kyi/ /'di phyi'i don kun kha na ma tho ba/ /med par sgrub
tshul shes pa'i shes

rab po; ;bzhi pa sgrub tshe ji ltar bya ba ni/ /shes rab gang
yang dam pa drug ldan dang/ /phar phyin drug dang 'brel par byed
pa ste/ /rang nyid shes rab sgrub

la legs gnas nas/ /gzhan dag de la 'god pa shes rab kyi/ /sbyin
pa yin la gzhan rnams sngar bzhin no/ /lnga pa don bsdu ba ni
stong pa nyid/ /mngon

gyur shes rab yod kyang byang chub sems/ /med na sems dpa'i
spyod par mi 'gyur bas/ /sems bskyed je 'phel btang nas sa mthon
po'i/ /shes rab

phar phyin rnams kyang smon yul du/ /byas nas sbyong dang ye
shes tshogs chen po/ /bla med rdzogs par byed thabs shes rab
gsum/ /bskyed la 'bad cing

thos pa 'tshol dgos te/ /de lta min na bslab bya'i gtso bo dang/
/'gal nas nyes ltung chen pos 'joms pa dang/ /tshe rabs gzhan
du'ang mang du thos pa la/ /

mi dga' bas na sems dpa'i bslab bya rnams/ /slob par mi nus tshe
'dir shes rab gsum/ /skyed thabs rnams la 'bad na ma bslab pa'i/
/ltung ba

@171b khegs shing tshe rabs gzhan du yang/ /bag chags sad nas
legs par bslab pa yis/ /shes rab phar phyin bde blag rdzogs par
'gyur/ /shes rab 'phel

phyir thos pa btsal ba la/ /dam pa'i bshes gnyen sten dang thos
bsam gyi/ /ched du dka' spyad sdug bsngal bzod pa dang/ /don
gnyer 'du shes skyed tshul

bstan rim las/ /thos sogs sgrub phyir don la mkhas pa yi/ /spyod
ldan dam pa'i las can legs bsten bya/ /bla ma bsnyen bkur thos
btsal don

sems la/ /gnod dang sdug bsngal sna tshogs khur bzod bya/ /chos
la rin chen chos smra rin chen gter/ /mnyan la rnyen dka' 'dzin
la srog don yod/ /

so sor rtog la tshe rabs brgya stong du/ /mig rnyed 'du shes la
sogs lhur bya skyed/ /zhes pa'i rkang ba gnyis gnyis bzhi yis
ni/ /rim bzhin bshad pa

bzhin du legs par bslab/ /phar phyin phyi ma gnyis po sgom pa'i
tshul/ /'og tu zhi lhag skabs su zhib par 'chad/ /gnyis pa gzhan
rgyud smin byed

bsdu bzhi la/ /ngo bo rgyu mtshan byed las dgos pa dang/ /cung
zad rgyas par bshad pa'o dang po ni/ /sbyin pa sngar dang 'dra
la snyan smra ni/ /gdul bya

rnams la phar phyin ston pa'o/ /don spyod pa ni ji ltar bstan
pa'i don/ /de la spyod du 'jug pa'o don mthun ni/ /gzhan dag
gang la sbyar ba de dag la/ /

@0177a @#/ /gos bza' btung yo byad la sogs pa/ /ngan don tsam la
bsten pa'i chog shes pa/ /nyo tshong gzhan dang 'grogs 'dris sman
skar rtsis/ /

la sogs bya ba mang po yongs spang ba/ /bcas rang kha na mtho'i
bslab ? pa'i gzhi/ /mi 'dral ral yang 'chos pa'i tshul khrims dag
/'khor ba'i nyes

dmigs rigs nas 'dod yon la/ /mi chags 'dod pa'i rnam rtog yongs
spangs pa/ /'di dag zhi gnas sgom pa'i rgyu tshogs drug /yin pas
legs par

bsten dgos lam sgron las/ /zhi gnas yan lag rnams nyams pas/
/rab tu 'bad de sgom byas kyang/ /lo ni stong phrag dag gis
kyang/ /ting 'dzin

'grub par mi 'gyur ro/ /zhes bas ting 'dzin yan lag gam/ /tshogs
las nyams na 'grub par mi 'gyur par/ /gsungs pas 'di dag la ni
bsten

bar 'bad/ /gnyis pa zhi gnas sgom pa'i tshul la ni/ /sbyor pa
dngos gzhi gnyis te dang po ni/ /gong du bshad pa'i sbyor ba'i
chos drug dang/ /skyes bu

chung 'bring dang ni thun mongs pa'i/ /dmigs pa rnams kyang
sbyang zhing khyad par du/ /byang chub sems ni yun ring sgom par
bya/ /dngos gzhi la gnyis

lus kyi spyod lam dang/ /sgom pa'i rim pa nyid do dang po ni/
/bde 'jam bstan la kun spyod brgyad ldan te/ /rkang pa skyil ?
krung rdzogs pa'am phyed pa'ang rung/ /

@0177b mig ni ha cang dbye dang zum min par/ /sna rtser gtad do
lus ni ha cang yang/ /mi dgye mi dgu drangs por srang ste 'dug
/phrag pa gnyis ni thad khar mnyam par bzhag /

mgo ni mi mtho mi dma' ma yo bar/ /sna nas lte bar thad kar
drangs por gzhag /so dang mchu ni rang lugs tha mal bar/ /gzhag
go lce ni ya so'i drung du gzhar/ /

dbug ni phyi nang rgyu ba sgra can dang/ /rnga ma dang rgod bag
can du mi mi gtad gi /ci nas phar rgyu tshur rgyu mi tshor bar/
/dal bu dal bus 'bad med 'jug par bya/ /de ltar

byas pas shin sbyangs myur du skye/ /yun ring 'dug nus shin du
ngal mi 'gyur/ /mu stegs pa sogs gzhan dang thun mongs min/
/gzhan gyis de mthong shin tu

dang ba skye/ /sangs rgyas kyis gnang nyan thos rnams kyis
bsten/ /gnyid dang rmug pa la sogs mi 'byung gsungs/ /lus kyi
kun spyod brgyad dang khyad par rlung/ /

cha mal dbab pa ji ltar bshad bzhin bya/ /ting 'dzin sgom pa'i
rim pa nyid la gnyis/ /ting 'dzin skyon med skyed par bya tshul
dang/ /de las sems gnas skye ba'i

rim pa'o/ /dang bo la gsum sems ni dmigs pa la/ /gtong ba'i
sngon du ji ltar bya ba dang/ /gtong ba'i dus su ji ltar bya ba
dang/ /gtong ba'i 'og tu ji ltar bya

ba'o/ /dang bo ting 'dzin sgom la mi spro ba'i/ /le lo yod na
ting 'dzin sgom pa la/ /'jug du mi ster lan cig thob gyur kyang/
/rgyun 'thud mi nus myur du nyams

@0178a @#/ /'gyur bas/ /thog mar le lo 'gog pa gnad du che/ /de
la lus sems shin sbyang thob pa na/ /nyin mtshan kun tu dge la
sbyor ba la/ /

skyo dub mi 'byung bas na le lo ldog /da skyed pa la shin
sbyangs skyed pa'i rgyu/ /ting nge 'dzin la brtson 'grus rgyun
ldan du/ /brtson dgos de skyed pa la ting nge 'dzin/ /

don du gnyer ba'i 'dun pa drag po dgos/ /de'i rgyur ting nge
'dzin gyi yon tan rnams/ /mthong bas yid 'phrog dad pa brtan po
dgos/ /de phyir thog mar ting 'dzin

yon tan rnams/ /sems pa'i dad pa yang dang yang du sgom/ /go rim
de ltar yin pa dbu mtha' las/ /gnas dang de la gnas pa dang/
/rgyu dang 'bras bu

nyid du'o/ /zhes pa'i gnas ni 'dun pa ste/ /rtsol ba'i rgyu 'o
gnas pa ni/ /brtson pa yin no 'dun pa'i rgyu/ /yon tan mthong
ba'i dad pa'o/ /brtson pa'i

'bras bu shin sbyangs so/ /des na ting nge 'dzin gyi yon tan ni/
/zhi gnas grub na mthong chos bde bar gnas/ /sems ni dge ba'i
dmigs par gang 'dod 'khol/ /

phyin ci log gi yul la g.yeng bzhi/ /nyes spyod mi 'byung dge
ba byed stobs che/ /mngon shes rdzu 'phrul la sogs sgrub par
nus/ /khyad par de nyid rtogs pa'i

lhag mthong skye/ /'khor ba'i rtsa ba myur du gcod nus sogs/
/ting 'dzin sgom pa la ni spro ba'i shugs/ /'phel bar 'gyur
rnams shes par byas la sgom/ /

@0178b 'dis ni ting 'dzin sgom la rgyud bskul bas/ /'thob par
sla zhing thob zin brtan par 'gyur/ /gtong pa'i dus su ji ltar
bya la gnyis/ /gang la gtong ba'i

dmigs pa ngos bzung dang/ /de la sems ni ji ltar gtod tshal lo/
/dang po la gnyis spyi yi rnam gzhag dang/ /skabs su bab pa'i
dmigs pa ngos

bzung pa'o/ /dang po spyir na dmigs pa bzhi gsungs te/ /khyab
pa'i dmigs pa spyad pa rnam sbyong ba'i/ /dmigs pa mkhas pa'i
dmigs pa nyon

mongs pa/ /rnam par sbyong ba'i dmigs pa'o dang po la/ /ma dpyad
'jog dang dpyad pa'i dmigs pa gnyis/ /ji lta ji snyed pa yi
dngos po'i mtha'/ /

snga ma gnyis kyis ji lta ji snyed kyi/ /don la dmigs nas sgom
pas gnas gyur pa/ /shin sbyangs thob pas dgos pa grub dang bzhi/
/gnyis pa la ni

tshe rabs snga ma la/ /'dod chags zhe sdang gti mug nga rgyal
dang/ /rnam rtog shas cher spyad pa'i gnyen por ni/ /rim bzhin
mi sdug byams pa rten 'brel

dang/ /khams kyi rab dbye 'byung rdub dmigs pa lnga/ /gsum pa la
ni gzugs sogs phung po lnga/ /mig la sogs pa'i khams ni bco
brgyad

dang/ /mig gi skye mched la sogs bcu gnyis dang/ /ma rig la sogs
rten 'brel bcu gnyis dang/ /dge las rnam smin yid 'ong 'byung ba
dang/ /

@0179a @#/ /mi dge ba las yid 'ong mi 'byung ba/ /lta bu gnas
dang gnas ma yin ba ste/ /de dag la dmigs mkhas pa'i dmigs pa
lnga/ /bzhi pa 'dod pa'i sa nas

cang med pa'i/ /bar gyi 'og ma 'og ma rag pa dang/ /gong ma gong
ma zhi bar dmigs pa dang/ /bden bzhi'i mi rtag la sogs bcu drug
la/ /dmigs

pa'i nyon mongs sbyong ba'i dmigs pa gnyis/ /de la spyad pa rnam
sbyong dmigs pa ni/ /chags sogs lhag par spyad pa rnams kyi ni/
/dmigs na

chags sogs ldog sla ting nge 'dzin/ /'thob par sla bas dmigs pa
khyad par can/ /mkhas pa'i dmigs pa phung po la sogs kyi/ /chos
las ma

gtogs bdag ni 'gog pas na/ /bdag med rtog pa'i lhag mthong skye
dang mthun/ /nyon mongs rnam par sbyong ba'i dmigs pa ni/ /nyon
mongs rag phra

spyi yi gnyen por 'gro/ /khyab pa'i dmigs pa snga ma rnams la
'du/ /gang zag gang gis gang la dmigs pa ni/ /gang zag chags
shas che ba la sogs

pas/ /mi sdug pa sogs spyad pa rnam sbyong gi /dmigs par dmigs
la cha mnyam spyad pa dang/ /nyon mongs chung bas sngar bshad
dmigs pa las/ /

gang la dga' ba de la sems bzung ngo/ /gnyis pa skabs su bab
ba'i dmigs pa ni/ /gang zag so so'i dmigs pa sngar ltar la/ /

@0179b rnam rtog shas che bas ni dbug 'byung rdub/ /dmigs yul
byas nas sgom pa gnad che'o/ /de bzhin gshegs pa'i sku la sems
'dzin pa/ /

sangs rgyas rjes su dran pa'i bsod nams skye/ /gsal zhing brtan
na tshogs bsog sgrib sbyong gi /zhing du dmigs par byed la khyad
che zhing/ /'chi tshe sangs

rgyas rjes su dran las ma nyams/ /sngags lam sgom na lta yi rnal
'byor la/ /khyad che ba sogs dgos pa mang ba sa na/ /mdo sde
ting nge 'dzin gyi rgyal po las/ /

gser gyi kha dog lta bu'i sku lus kyis/ /'jig rten mgon po kun
tu mdzes pa ste/ /dmigs pa de la gang gi sems 'jug pa/ /byang
chub sems dpa'

de mnyam bzhag ces bya/ /zhes gsungs pa ltar de la dmigs rten
bya/ /de yang blo yis gsar du skyed pa dang/ /rang bzhin bzhugs
pa gsal 'debs pa

gnyis las/ /phyi ma dang pa skye la khyad che zhing/ /theg pa
thun mong skabs dang mthun pas na/ /phyi ma ltar bya sngon du
sems gang la/ /'dzin pa'i gzhi yi

dmigs rten 'tshol ba na/ /res bris lug ma la sogs ston pa'i sku/
/legs pa btsal la yang dang yang lta zhing/ /mtshan ma bzung nas
yid yul

'char du gzhug /yang na bla mas legs par brda' sprad pa/ /thos
don bsam zhing yid dor 'char bcug la/ /dmigs rten btsal lo de
yang

@0180a @#/ /bris sku dang/ /lug ma sogs kyi rnam ba mi bya bar/
/dngos kyi rnam pa can du 'char la bslab/ /de yang sku yi cha
shas rag pa la/ /dmigs nas de la brtan na phra ba

yang/ /bsnan nas dmigs shing dmigs pa rigs mi mthun/ /mang po
spos nas byed par mi rung ste/ /'phags pa dpa' bos ji skad du/
/dmigs pa gcig la

brtan tshul du/ /yid kyi bsam pas brtan par bya/ /dmigs pa mang
po brgyad pa las/ /yid ni nyen mongs 'khrug par 'gyur/ /zhes
dang lam gyi sgron ma las/ /

dmigs pa gang rung gcig dag la/ /yid ni dge la bzhag par bya/
/zhes pa ltar ro dmigs rten rnyed pa'i tshad/ /dbu dang phyag
gnyis sku yi khog pa gzhan/ /zhabs

gnyis rim bzhin lan 'ga' gsal btab la/ /sku yi spyi tsam yid la
byas pa na/ /yid ngor yan lag rag pa cha phyed tsam/ /'char ba
byung na de la sems bzung zhing/ /

kha tog dbyibs dang grangs sogs ma nges ba/ /byung na de yi rjes
su mi 'brang bar/ /rtsa ba'i dmigs pa de la dmigs rten bya/ /gal
te lha yi rnam pa 'char dka' na/ /

sngar bstan dmigs pa gang yang rung ba'am/ /de nyid nges pa'i
lta thog bzhag te bzung/ /gnyis pa de la ji ltar gtod tshul ni/
/'dir ni sgrub par bya ba'i ting 'dzin ni/ /

dmigs pa shin tu gsal ba'i gsal ngar dang/ /rtse gcig gnas pa'i
gnas cha brtan po yi/ /khyad par gnyis ldan dgos shing de gnyis
la/ /

@0180b bying rgod gnyis kyis bar du gcod pas na/ /bying rgod
phra rag legs par ngos zin nas/ /de gnyis 'gog pa'i skyong lugs
shes pa dgos/ /de gnyis ngos 'dzin

'gog tshul 'og tu sten/ /zhi gnas 'grub pa'i mthun rkyen ting nge
'dzin/ /dmigs par rtse gcig gnas pa'i cha yin la/ /de yang rgyun
ldan du ni sdod pa dgos/ /de

la sems ni g.yeng bar mi byed thabs/ g.yeng ngam mi g.yeng
myur du shes pa'i thabs/ /gnyis las dang po dran pa gnyis pa ni/
/shes bzhin yin cing dmigs pa mi

brjed pa'i/ /dran pa rtsa ba yin la dran pa des/ /sems ni dmigs
par nye bar gtod tshul ni/ /sngar bshad pa ltar dmigs rten gsal
btab nas/ /ma mtha'

tsam zhig shar na de shes pas/ /bzung ba'i 'dzin sdangs shugs
chen cig skyed la/ /sems kyi 'phang ni mtho bar byas nas ni/
/gsar du gang la'ang mi dpyod par 'jog

go /dran pa de ni khyad par gsum ldan te/ /yul ni 'dris pa'i
dngos po dmigs rten gyi/ /rnam pa shar ba'o 'dzin sdangs yul de
nyid/ /ma brjed pa ste dmigs rten ma

brjed pa'o/ /de yang dmigs rten la ni bzhag ba dang/ /'di ltar
dmigs par btags so snyam pa cig /skyed la de nas gsar du mi
rtogs par/ /blo de'i shugs ma

chad par rgyun skyong ba/ /dran pa bsten pa'i tshul gyi gnad yin
no/ /byed las dmigs pa de las sems gzhan du/ /rnam par mi
g.yeng bar ni byed pa'o/ /de yang

@0181a @#/ /dbu ma snying po las/ /yid kyi glang po log 'gro ba/
/dmigs pa'i ka ba brtan po la/ /dran pa'i thag pas nges bcings
nas/ /shes rab lcag kyus rim dbang bya/ /

zhes gsungs pa ltar skyong la bslab/ /de yang dran pa ha cang
bsgrims drag na/ /rgod shas che bas gnas cha skye dka' la/ /ha
cang glod na gnas cha byung gyur kyang/ /

bying shas che bas gsal ngar mi thon zhing/ /bsgrims lhod rin
pa'i 'tshams yang zin dka' bas/ /slob dpon chen po tsandra go mi
yis/ /brtson pa bsten na rgod pa

'byung 'gyur zhing/ /de spangs na ni zhum pa skye bar 'gyur/
/'di yid rigs par mnyam 'jug rnyed dka' na/ /bdag gi sems dkrugs
pas ni ci zhig bgyi/ /

'bad pas 'jug na rgod pa 'byung 'gyur zhing/ /de glod na ni zhum
pa skye bar 'gyur/ /'di yi dbu mar sgrub pa'ang rnyed dka' na/
/bdag gi sems dkrugs pas ni ci

zhig bgyi/ /zhes pa'i tshig bcad gnyis gsungs kha cig gis/ /glod
pa rab la sgom rab ces smra pa/ /glod pa rab la dka' rgyu med
pas khegs/ /bsgrims

lhod ran pa'i 'tshams ni rang nyid kyis/ /brtag nas dran pa'i
rigs pa 'phang 'di tsam/ /bstod na rgod pa skye bar 'dug snyam
pa'i/ /tshad las lhod la 'di tsam la

bzhag na/ /bying ba skye ba sla bar 'dug snyam pa'i/ /tshad las
mtho ba'i 'jog tshul rigs pas dpyad/ /dran pas sems ni dmigs

@0181b par btang pa la/ /ci tsam 'jog pa'i yun ni sgom rims las/
/chu tshod gcig gam mel tshe thun phyed dam/ /thun tshod gcig gam
ji srid nus par du/ /

'jog par lhag mthong skabs su gsungs pa de/ /thog mar zhi gnas
sgrub pa'i skabs su 'ang 'dra/ /gzhan yang lus dang sems la glo
bur ba'i/ /gnod pa ma

byung na ni mnyam par 'jog /byung na u tshug byas te mi sgom
par/ /khams kyi bar chad bsal te sgom pa ni/ /mkhas pa'i dgongs
pa yin pas de ltar bya/ /

gsum pa sems ni dmigs pa la gtad pa'i/ /'og tu ji ltar bya ba la
gnyis te/ /bying rgod byung dus ji ltar bya ba dang/ /de dang
bral dus ji ltar bya ba'o/ /

dang po de la bying rgod ngos zin pa/ /dgos pas rgod pa zhes
pa'i ngo bo ni/ /yid du 'ong zhing sdug pa'i yul cig la/ /rnam
pa sems ni rnam par ma zhi zhing/ /

phyir la 'phro ba chags pa'i cha shas cig /yin pas yul la sred
pa'i rnam pas 'jug /byed las sems ni dmigs pa la gnas pa'i/ /bar
chad byed pas

sems ni dmigs pa la/ /btags tshe gzugs sgra sogs la chags pa yi/
/rgod pas sems ni dbang med yul de la/ /'dren zhing g.yeng ste
bshags

'os bshags bstod las/ /ji lta ji ltar zhi gnas la dmigs shing/
/de dang der yid yang yang gtad pa na/ /de dang de las nyon
mongs zhags pa ni/ /yul

@182a @#/ /la chags pa'i thag pas dbang med drangs/ /zhes so
bying ba sgra bsgyur mang po yis/ /zhum par yang bsgyur 'di la
kha cig gis/ /gzhan la mi 'phro gsal

dangs med pa'i sems/ /rmugs pa bying bar 'dod pa mi rigs te/
/rmugs pa las ni bying ba skye bar gsungs/ /bying ba sems kyi
'dzin sdangs lhod

gyur nas/ /dangs cha yod kyang gsal cha med gyur na/ /bying bar
'gro ste sgom rim bar ba las/ /gang tshe dmus long lta bu'am mun
pa ru/ /zhugs pa

lta bu'am mig ni zum pa ltar/ /sems kyis dmigs pa gsal bar mi
mthong tshe/ /bying bar 'gyur bar gsungs shing bying ba la/ /dge
ba dang ni lung

ma bstan gnyis yod/ /rmugs pa gti mug gi ni cha shas yin/ /mi
dge ba dang bsgrib la lung ma bstan/ /gang yang rung ba'o rgod
pa rig sla la/ /

bying ba khung thub gzhung las mi gsal bas/ /shes par dka' zhing
gal yang che ba ste/ /'di la ting 'dzin nyid du 'khrul pa che/
/de phyir zhib mos

nyams myong steng nas brtags/ /bying rgod go ba yod pas mi chog
gi /sgom tshe bying rgod byung ngam ma byung ba/ /ji bzhin shes
pa'i shes bzhin skyed pa

cig /dgos so de yang shes bzhin skyed pa yis/ /bying rgod byung
ma thag tu ngos zin bar/ /ma zad skye grab phyed nas rig pa yi/
/

@182b shes bzhin skyed dgos 'di la sngar bstan pa'i/ /dran pa'i
skyong lugs de nyid gal che ste/ /dran pa stobs ldan rgyun chag
skyed nus na/ /dmigs pa brjed

de yengs nas 'gro ba 'gog /bying rgod skyes pa ring po ma lon
par/ /tshor ro de la dgongs nas spyod 'jug las/ /gang tshe dran pa
yid sgo nas/ /bsrung ba'i

don du gnas gyur pa/ /de tshe shes bzhin 'ong gyur zhing/ /zhes
so dran pa bsten pa'i rang nyid nas/ /de las gzhan du 'gro 'am
mi 'phro la/ /bya ra thu re byas nas

sems 'dzin pa/ /'di ni shes bzhin skyong ba'i gnad du bzung/ /de
skad du yang spyod 'jug las/ /lus dang sems kyi gnas skabs la/
/yang dang yang du

brtag bya ba/ /de de kho na mdor na ni/ /shes bzhin srung ba'i
mtshan nyid ngo/ /ces so 'dis ni bying rgod gnyis/ /skye grab
byed nas rig pa yi/ /shes bzhin skyed

la dran pa nyid/ /bsten tshul gyis ni yengs 'gro ba'i/ /brjed
nges 'gog pa'i mig phyed dgos/ /de ltar dran shes skyong lugs
legs byas pas/ /bying rgod phra

mo'ang shes bzhin gyis rig na/ /bying rgod byung ma thag nas de
'gog pa'i/ /brtsol ba mi sten dang du len pa yi/ /mi brtsol pa
'am 'du mi byed pa ni/ /ting nge 'dzin

gyi skyon yin de'i gnyen por/ /'du byed ba'am brtsol ba zhes
btags pa'i/ /sems pa sgom dgos lung ma bstan pa dang/ /dge dang
mi dge gang rung zhig la sems/ /

@183a @#/ /g.yo zhing skul ba'i sems byung sems pa yin/ /'dir ni
bying rgod gang byung spong la sems/ /mngon par 'du byed pa yi
sems pa gzung/ /bying rgod 'gog tshul ji ltar

byed ce na/ /bying ba sems ni ha cang bsdus drag pas/ /dmigs
pa'i 'dzin sdangs shor ba yin pas na/ /de la sems ni phyir la
'gro ba'i rgyu/ /dga' ba'i dngos po

de ba'i sku lta bu'am/ /yang na nyi 'od la sogs snang ba yi/
/mtshan ma yid la byas nas bying ba bsang/ /yang na so sor rtog
pa'i shes rab kyis/ /dpyod pa'i yul

la dpyad nas spros na yang/ /bying ba ldog sde phar phyin bsdus
pa las/ /lhag mthong brtson pa'i stobs kyi mthus/ /zhum par gyur
na gzeng yang bstod/ /ces so

bying ba'am zhum pa ni/ /dmigs pa rgya cher ba skyed na yang/
/ldog ste dbu ma snying po las/ /zhum pa dmigs pa rgya chen dag
/sgom pas yangs pa nyid du bya/ /

zhes so 'dzin sdangs bstod pas kyang/ /ldog par 'gyur ste de
nyid las/ /zhum pa dag ni brtson 'grus kyi/ /phan yon mthong bas
gzeng bstod bya/ /zhes so

gzhan yang dkon mchog gsum po dang/ /byang chub sems gyi phan
yon sgom pa dang/ /dal ba thob pa don che ba sogs kyi/ /yon tan
bsam pas kyang ni ldog bya ste/ /

'di ni phan yon phyogs la dpyad sgom gyis/ /myong ba thon pa la
ni rag las so/ /gang la brten nas bying ba skye ba yi/ /rmugs
dang gnyid dang de gnyis

@183b 'dren pa'i chos/ /sems ni mun pa'i rnam pa can rnams la/
/snang ba sgom pa'i gnyen po bsten na yang/ /de la brten pa mi
skye skyes pa ldog /spyod lam

'chag dang snang ba goms byed dang/ /rjes dran drug dang de las
gzhan pa yi/ /sems ni dang sa bar 'gyur ba'i dmigs pa rnams/
/sgom dang gnyid rmugs nyes

dmigs ston pa'i chos/ /kha ton byed dang phyogs dang zla skar
la/ /lta dang khrus sogs bya bar nyan par bshad/ /de yang bying
ba shin tu srab ba dang/ /lan ni re re

tsam las mi 'ong na/ /sems kyi 'dzin sdangs bsgrim par byas te
sgom/ /bying ba 'thug dang yang yang 'ong gyur na/ /sgom 'phro
bshol la gnyen po ci rigs par/

bsten la bying ba sangs tshe bsgrim ste sgom/ /sems ni gang la
bzung pa mi gsal bar/ /sems la mun pa bab pa lta bu yi/ /rnam pa
srab 'thug gang rung byung

gyur na/ /de yi gnyen por me dang nyi 'od dang/ /mtshan ma sogs
gyi snang ba'i mtshan ma gzung/ /yang yang goms na sems kyi gsal
dangs skye/ /rgod pa

chags pa'i sgo nas sems yul la/ /'phro ba de ni nang du sdud
pa'i phyir/ /mi rtag sdug bsngal la sogs yid 'byung ba/ /bsgom
par bya ste dbu ma snying po las/ /

rgod pa mi rtag la sogs pa/ /yid la byed pas zhi bar bya/ /zhes
dang chags sogs g.yeng ba yi/ /nyes dmigs sgom ste de nyid las/
/g.yeng ba g.yeng ba'i

@184a @#/ /mtshan ma la/ /nyes dmigs blta bas bsdud par bya/ /zhes
so rgod pa shug drag dang/ /yun ring byung na sgom glod la/
/skyo shas sgom pas ldog bya zhing/ /yun

thung shugs ni chung ba la/ /'phros pas bgug nas dmigs pa la/
/gdags ste phar phyin bsdus pa las/ /rgod par gang tshe gyur pa'i
yid/ /zhi gnas tshul

gyis bzlogs par bya/ /zhes so bying rgod gnyis ka'i thun mongs
pa'i/ /rgyu ni dbang po'i sgo rnams ma bsrung dang/ /zas tshod ma
zin pa dang nam gyi cha/ /stod

smad la ni mi nyal sbyor ba la/ /mi brtson pa dang shes bzhin
min par gnas/ /bying ba'i rgyu ni gnyid che dmigs pa la/ /sems
'dzin glod dang zhi gnas bsten

drag dang/ /sems ni mun pa ltar 'dug dmigs pa la/ /gtong par mi
dga' ba'o rgod pa'i rgyu/ /skyo shas chung dang sems 'dzin dam
drag dang/ /goms par

ma byas pa dang nye du la/ /rtog pa sogs kyis rnam par g.yeng
ba'o/ /'phro rgod bkag ste nang du dmigs pa la/ /btag nas gnas
cha btsal zhing gnas

pa'i cha/ /byung tshe bying zon byas te gsal ngar gdon/ /re mos
byas nas ting 'dzin skyon med bsgrub/ /gnyis pa bying rgod bral
dus bya ba ni/ /bying rgod phra

mo'ang bcad de dmigs par sems/ /mnyam pa nyid du 'jug tshe 'du
byed pa'am/ /rtsol pa ting nge 'dzin gyi skyon yin pas/ /de yi
gnyen

@184b por btang snyoms sgom par bya/ /'di ni 'du byed btang
snyams dmigs pa la/ /mnyam pa nyid dang rnal bu 'bab pa dang/
/rang gi ngang gis 'jug dang las

rung ba'o/ /de ltar ting nge 'dzin skyong tshul de rnams ni/
/byams pa'i man ngag yin te dbu mtha' las/ /der gnas las su rung
pa nyid/ /don rnams thams cad

'byor bar 'gyur/ /nyis pa lnga spong 'du byed brgyad/ /bsten
pa'i rgyu las byung pa'o/ /le lo dang ni gdam ngag rnams/ /brjed
dang bying dang rgod pa dang/ /'du

mi byed dang 'du byed de/ /'di dag nyes pa lngar 'dod do/ /gnas
dang de la gnas pa dang/ /rgyu dang 'bras bu nyid du'o/ /dmigs
pa brjed par ma gyur dang/ /bying

dang rgod pa rtogs pa dang/ /de spong mngon par 'du byed dang/
/zhi tshe rnal du 'jug pa'o/ /zhes so gnyis pa ting 'dzin skyo
med pa/ /bsten nas sems gnas

skye ba'i rim pa ni/ /sems gnas dgu ni dmigs pa gzhan la sems/
/bsdus nas nang du gtod pa sems 'jog pa/ /dang por gtad pa'i
sems de yul de

las/ /gzhan du mi g.yeng ba de rgyun du 'jog /gzhan du g.yeng
na shes par byas nas slar/ /dmigs pa de la gtod pa blan de 'jog
/sems ni rgya che ba las

nang du bsdus/ /gong nas gong du gtod pa nye par 'jog /ting nge
'dzin gyi yon tan legs bsam nas/ /ting nge 'dzin la dga' ba dul
bar byed/ /rnam g.yeng

@185a @#/ /skyon du bltas nas ting 'dzin la/ /mi dga' ba de 'gog
pa zhi bar byed/ /chags sems yid mi bde dang gnyid rmug sogs/
/byung ba 'gog pa rnam par zhi bar byed/ /

ting nge 'dzin la rtsol med ngang gis ni/ /'jug phyir 'bad pa
rtse gcig tu byed pa/ /de ltar goms pas sems mnyam gyur pa na/
/btang snyoms byed pa mnyam par

'jog pa ste/ /de rnams rim bzhin skye bar mdo rgyan las/ /dmigs
pa la ni sems gtad nas/ /de rgyun rnam par g.yeng mi bya/ /rnam
g.yeng myur du rtogs

byas nas/ /de la slar ni blan par bya/ /blo ldan gong nas gong
du yang/ /sems ni nang du bsdu bar bya/ /de nas yon tan mthong
ba'i phyir/ /ting nge 'dzin la

sems 'dul lo/ /rnam g.yeng nyes pa mthong ba'i phyir/ /de la mi
dga' zhi bar bya/ /chags sems yid mi bde la sogs/ /langs pa de
bzhin zhi bar

bya/ /sems la mngon par 'du phyed bcas/ /rang gi ngang gis
'byung ba thob/ /de goms pa las 'du mi byed/ /ces pa'i rkang ba
gcig dang gcig dang ni/ /

gnyis dang gnyis dang gnyis dang gnyis dang ni/ /gnyis dang
gnyis dang gcig gis rim bzhin bstan/ /sems gnas dgu po de yang
stobs drug gis/ /'grub ste

thos pa'i stobs kyis 'jog pa'i sems/ /bsam pa'i stobs kyis rgyun
du 'jog pa'i sems/ /dran pa'i stobs kyis blan de 'jog pa dang/ /

@185b nye bar 'jog pa'i sems gnyis shes bzhin gyi/ /stobs kyis
dul bar byed dang zhi bar ni/ /byed pa'i sems gnyis brtson 'grus
stobs kyis ni/ /

rnam par zhi bar byed dang rtse gcig tu/ /byed pa'i sems gnyis
'dris pa'i stobs kyis ni/ /mnyam par 'jog pa'i sems gnas 'grub
pa'o/ /sems

gnas dgu la yid byed bzhi yod de/ /dang po gnyis la bsgrim ste
'jug pa dang/ /de nas sems lngar skabs su chad cing 'jug /brgyad
pa la ni chad pa med par 'jug /sems gnas dgu bar

rtsol med 'jug pa yi/ /yid byed 'jog go dang po gnyis la ni/
/chad cing 'jug pa yod la bar pa lngar/ /bsgrim dgos yod pa 'dra
na snga ma la/ /chad cing

'jug dang bar pa lnga la ni/ /bsgrim te 'jug pa'i yid byed mi
'jog pa/ /ci yin zhe na dang po gnyis la sems/ /ting nge 'dzin
du 'gro dang mi 'gro ba/ /gnyis

las phyi ma ches ring bar pa lngar/ /ting nge 'dzin la gnas pa
ches ring bas/ /phyi mar ting nge 'dzin gyi bar bcad pa'i/ /tha
snyad mdzad la snga mar ma mdzad do/ /

de phyir snga phyi gnyis kar tsher bsgrim ? ste/ /'jug pa yod par
'dra na'ang de gnyis la/ /chad cing 'jug ba yod med mi 'dra bas/
/bsgrim ste 'jug pa phyi mar

ma bzhag go /de dag shugs drag rgyun mi 'chad pa yi/ /brtson pas
bsgrub dgos phar phyin bsdus pa las/ /rgyun mi 'chad ba'i rnal
'byor gyis/ /bsam

@186a @#/ /gtan sgrub la brtson par bya/ /yang dang yang zhing
ngal so na/ /gtsubs pas me phyin mi 'gyur te/ /rnal 'byor tshul
la'ang de bzhin du/ /khyad par ma thob gtang mi

bya/ /zhes so sems gnas dgu pa thob pa na/ /dran pa shugs drag
rnal mar ma bsten pas/ /sems ni mi rtog ba ? ru rang shugs kyis/
/'gro zhing de yang 'gro

'chag nyal 'dug gi /spyod lam kun dang 'dre yang thub pa ltar/
/snang ba'i ting 'dzin shin sbyang ma thob na/ /'dod pa'i sas
bsdus 'dod sems rtse gcig pa/ /

zhi gnas rjes mthun yin gyi dngos min no/ /gsum pa bsgom pas zhi
gnas grub pa'i tshad/ /lus sems dge la ji ltar 'dod 'dod du/
/bkol mi rung ba

gnas ngan len yin la/ /gnyen po shin sbyang skye ba'i snga stas
su/ /ting 'dzin sgom pa'i klad pa lci bam pa/ /snyam du byed pa
skye ste mi bde min/ /de ma thag tu

sems kyi gnas ngan len/ /'gag par 'gyur zhing sems kyi shin
sbyang skye/ /de yi mthu la brten nas lus shin sbyang/ /skye
ba'i rgyu ru gyur ba'i rlung lus la/ /rgyu zhing rlung

de lus kyi cha rnams la/ /khyab par brgyus pas lus kyi gnas ngan
len/ /'gag cing gnyen po lus kyi shin sbyang skye/ /de yang lus
kun rgyas nas las rung ba'i/ /rlung

gi mthu yis gang ba bzhin du snang/ /lus kyi shin sbyang nang gi
reg bya ches/ /yid du 'ong ba cig yin sems byung min/ /de ni
thog mar skyes tshe rlung gi mthus/ /lus la

@186b bde nyams chen po skyes pa la/ /brten nas sems la'ang dga'
bde'i nyams chen po/ /phul byung 'byung ngo de rjes shin sbyang
de/ /thog mar skye ba'i shugs de rim gyis ni/ /

chung ngu 'gro ste de yang shin sbyang de/ /zad nas 'gro ba min
gyi rag pa des/ /sems ni ha cang g.yo ba de log nas/ /grib ma
ltar srab shin sbyang mi g.yo ba/ /ting nge 'dzin dang

mthun pa 'byung zhing sems/ /dga' yal yal ba de yang log gyur
nas/ /sems ni dmigs pa la ni brtan gnas shing/ /dga' ba chen pos
bskyod pa'i ma zhi dang/ /

bral ba'i zhi gnas thob par 'gyur ba yin/ /de ni bsam gtan dang
po'i nyer sdogs kyis/ /bsdus shing mnyam par bzhag pa'i sa ba
yi/ /chung du yin te mdo rgyan las/ /

de nas de yi lus dang sems/ /shin tu sbyang ba che thob nas/
/yid la byed dang bcas zhes bya/ /zhes so zhi gnas de ni phyi
rol ba'i/ /drang srong 'jig rten pa yis ci yang

med/ /man chad sa ni 'og ma thams cad la/ /chags bral byed dang
mngon shes rdzu 'phrul sogs/ /yon tan sgrub pa rnams kyang 'di
la brten/ /nang pas nges 'byung

dang ni byang sems kyis/ /zin par byas nas bdag med lta ba dang/
/sprel nas sgom pas rim gyis thar ba dang/ /thams cad mkhyen pa
thob par 'gyur pas na/ /phyi

nang gnyis ka'i thun mong ba yin la/ /rang gi ngo bo lam ni gang
yang min/ /'di la brten nas nges 'byung sogs med par/ /'jig rten
pa yi lhag mthong sogs bsgom pas/ /

@187a @#/ /ci yang med pa man gyi nyon mongs pa/ /mngon gyur dang
bral srid rtse'i sems thob kyang/ /srid las mi grol nges 'byung
bsam pa yis/ /bdag med

rtogs pa'i lhag mthong sgom pa dang/ /'brel na bsam gzugs dngos
gzhi ma thob kyang/ /'khor ba'i 'ching ba kun las grol bar
'gyur/ /de skad du yang ba sngags 'os

bsngags pa stod las/ /khyod kyi chos la mi spyod pa'i/ /skye bo
gti mug gis ldongs ba/ /srid rtse'i bar du song na yang/ /sdug
bsngal yang 'byung srid pa 'grub/ /khyod

kyi bstan pa'i rjes 'gro ba/ /bsam gtan dngos gzhi ma thob
kyang/ /bdud kyi mig ras ba tsa' bzhin du/ /srid pa dag ni zlog
par bgyid/ /ces so des na nges 'byung

byang sems kyis/ /zin par bya ste bdag med gnyis rtogs pa'i/
/lhag mthong dang ni zung du 'brel ba'i lam/ /sgom la dad cing
gus bas brtson pas bslab/ /skyes

bu chen po'i lam gyi rim pa las/ /zhi gnas sgom pa'i tshul ni
bshad zin to// //gnyis pa lhag mthong la ni bslab tshul la/ /lhag
mthong gi ni rgyu tshogs

bsten pa'i tshul/ /rab dbye sgom tshul bsgom pas 'grub tshad bzhi/
/dang po la gnyis rgyu tshogs bsten tshul dang/ /khyad par lta ba
gtan la 'bebs tshul lo/ /dang

po lhag mthong sgom pa'i rgyu tshogs la/ /lhag mthong sgom tshul
ston pa'i gsung rab la/ /thos bsam legs par byed dgos khyad par
du/ /stong nyid rtogs pa'i lhag

@187b mthong sgom pa la/ /dang por gsung rab gnad don legs rtogs
pa'i/ /skyes bu dam pa bsten te nges don gyi/ /gnad la sgro
'dogs legs par chod pa yi/ /

thos pa 'tshol dang tshul bzhin sems dgos so/ /gnyis pa lta ba
gtan la ' beb pa la/ /bdag 'dzin nyon mongs can gyi ma rig pa/
/'khor bar 'khor ba'i rtsa ba

yin tshul dang/ /de spong ba la lta ba dgos tshul gnyis/ /dang po
ma rig pa ni bdag med pa/ /rtogs pa'i yang dag rigs pa'i 'gal
zla ste/ /de la gang zag

dang ni phung sogs la/ /dmigs pa'i gang zag dag tu 'dzin pa
dang/ /chos kyi bdag tu 'dzin pa gnyis yod cing/ /dang po'i
dmigs pa 'khor bar 'khor mkhan

dang/ /srid las grol pa thar lam sgom pa po/ /sogs kyi tha snyad
'jug pa'i nga tsam dang/ /phyi ma'i dmigs par rang dang gzhan
rgyud kyis/ /bsdus pa'i gang

brag las gzhan phung sogs dang/ /mig rna sogs dang rgyud kyis ma
bsdus pa'i/ /snod la sogs pa'i chos rnams thams cad 'jog /rnam
pa gnyis kas de

dag la dmigs nas/ /rang gi mtshan nyid kyis sam ngo bos sam/
/rang bzhin gyis ni grub par 'dzin pa'o/ /dang po la ni gang zag
gzhan dag la/ /dmigs

pa'i gang zag bdag tu 'dzin pa dang/ /nga'o snyam pa tsam zhig
skye ba yi/ /dmigs par gyur pa'i nga tsam la dmigs nas/ /rang
gis ngo bos grub pa'i nga'o snyam du/ /

@188a @#/ /'dzin pa'i bdag tu 'dzin pa'i 'jig lta dang/ /nga yi
ba la dmigs nas de ngo bos/ /grub par 'dzin pa'i nga yir 'dzin
pa'o/ /nga'o snyam pa skyes pa'i

gzhir gyur pa'i/ /nga la dmigs nas ngo bos grub pa yis/ /nga'o
snyam du 'dzin pa'i 'jig lta dang/ /rgyud kyis bsdus pa'i phung
sogs la dmigs nas/ /rang gi ngo bos

grub par 'dzin pa yi/ /chos kyi bdag 'dzin lhan skyes gnyis po
de/ /'khor ba'i rtsa ba yin te 'jug pa las/ /nyon mongs skyon
rnams ma lus 'jig tshogs la/ /lta

las byung bar blo yis mthong gyur cing/ /bdag ni 'di yi yul du
rtogs byas nas/ /rnal 'byor ba yis bdag ni 'gog par byed/ /ces
dang stong nyid bdun cu bar/ /rgyu

dang rkyen la sa skye dngos rnams/ /yang dag par ni rtogs pa
gang/ /de ni ston pas ma rig gsungs/ /de las yan lag bcu gnyis
'byung/ /ces pas gsal bar bshad

phyir ro/ /bdag 'dzin de gnyis 'khor ba'i rtsa ba ru/ /'jog na
'khor ba'i rtsa ba mi mthun pa/ /gnyis shig yod 'gyur snyam na
de min te/ /bdag 'dzin de gnyis dmigs

pa mi 'dra yang/ /rnam pa'i 'dzin stangs rang gi mtshan nyid
kyis/ /grub par 'dzin par 'dra bas skyon med do/ /de dag nyon
mongs can yin skye tshul ni/ /chos kyi bdag tu

'dzin pa lhan skyes las/ /gang zag bdag 'dzin 'jig lta lhan
skyes dang/ /de las chags sdang la sogs nyon mongs pa/ /gzhan
dang dge dang mi dge'i las sogs

@188b 'byung/ /de yis 'gro ba gnyis su skye ba sogs/ /'khor bar
'khor te rin chen 'phreng ba las/ /ji srid phung por 'dzin yod
pa/ /de srid de la ngar 'dzin yod/ /

ngar 'dzin yod na yang las te/ /las las kyang ni skye ba yin/
/zhes dang chos kyi grags pas kyang/ /gang zhig bdag mthong de
la ni/ /nga zhes rtag tu zhen par 'gyur/ /

zhen pas bde la sred 'gyur te/ /sred las skyon rnams sgrib par
byed/ /yon tan mthong bas yongs sred pa/ /nga'i zhes de yi sgrub
byed len/ /des na bdag la

mdon chags pa/ /de srid du ni 'khor par 'gyur/ /zhes so gnyis pa
'khor ba'i rtsa ba de/ /spong la stong nyid lta ba dgos pa'i
tshul/ /'khor ba spongs la rtsa ba

spongs dgos la/ /rtsa ba bdag 'dzin gnyis po spong pa la/ /bdag
'dzin gnyis kyi zhen yul sun phyung ste/ /bdag med rtog pa dgos
te rnam 'grel las/ /

'di yul sun phyung med par ni/ /de spongs pa ni nus ma yin/ /yon
tan skyon dang rjes 'brel ba'i/ /'dod dang sdang sogs spong ba
ni/ /de dag yul la ma

mthong bas/ /yin gyi phyi tshul dag gis min/ /zhes dang rig pa
drug cu par/ /de ni lta pa kun gyi rgyu/ /de med nyon mongs mi
skye ste/ /de phyir de ni yongs

shes na/ /lta dang nyon mongs yongs su 'byang/ /gang gis de shes
'gyur snyam na/ /rten nas 'byung ba mthong ba ste/ /brten nas
skyes pas ma skyes par/ /

@189a @#/ /de nyid mkhyen pa'i mchog gis gsungs/ /zhes so stong
nyid bdun cu par/ /yang dag mthong phyir dngos stong par/ /legs
shes ma rig

mi 'byung ba/ /de ni ma rig 'gag pa yin/ /de ltar yan lag bcu
gnyis 'gags/ /zhes dang bzhi brgya pa las kyang/ /lus la lus
dbang ji bzhin du/ /

gti mug kun la gnas 'gyur te/ /de phyir nyon mongs thams cad
kyang/ /gti mug bcom pas bcom par 'gyur/ /rten cing 'brel par
'byung ba ni/ /mthong

na gti mug 'byung mi 'gyur/ /de phyir 'bad pa kun gyis 'dir/
/gtam de kho na bsnyad par bya/ /zhes so bdag med gtan la 'beb
tshul la/ /bdag med gnyis

la phra rag khyad med cing/ /bdag 'dzin gnyis po chos kyi bdag
'dzin gyis/ /gang zag bdag 'dzin skyed kyang bdag med gnyis/
/rtogs pa'i lta ba 'tshol tshe sngon

la ni/ /nges par sla bas gang zag bdag med kyi/ /lta ba skyed
dgos ting 'dzin rgyal po las/ /ji ltar khyod kyis bdag gi 'du
shes ni/ /shes pa de bzhin

kun la blos sbyar bya/ /chos rnams thams cad de yi ngo bo nyid/
/yongs su dag pa nam mkha' lta bu yin/ /gcig gis kyang ni thams
cad mthong/ /zhes

dang rin chen 'phreng ba las/ /skyes bu sa min chu ma yin/ /me
min rlung min nam mkha' min/ /rnam shes ma yin kun min na/ /de
las gzhan skyes bu gang/ /

@189b skyes bu khams drug 'dus pa'i phyir/ /yang dag ma yin ji
lta bar/ /de bzhin khams ni re re yang/ /'dus phyir yang dag
nyid du min/ /zhes so des na

'di la gang zag gi /bdag med tshul dang chos kyi bdag med tshul/
/gnyis las dang po gang zag ces pa ni/ /lha sogs rigs drug skye
'phags sogs

yin la; ;de dag rang gi ngo bos ma grub kyang/ /ma brtags ma
dpyad ming brdas bzhag pa yi/ /tha snyad kun rdzob du yod mdo
lung las/ /bdag ces

bya ba bdud kyi sems/ /khyod ni lta bar gyur ba yin/ /'du byed
phung po 'di stong ste/ /'di la sems can yod ma yin/ /ji ltar
yan lag tshogs

rnams la/ /brten nas shing rtar brjod pa ltar/ /de bzhin phung
po rnams brten nas/ /kun rdzob sems can zhes bya'o/ /zhes so de
rnams gang zag

bdag 'dzin gyi/ /dmigs par gyur pa'i yod pa'i bdag yin la/ /bdag
'dzin de yi 'dzin sdangs ? zhen yul gyi/ /gang zag ngo bos grub
pa bdag med pa'i/ /

de nyid rtogs pa'i rig pa yang dag gi /dgag bya yin zhing de
nyid 'gog pa la/ /thog mar rang gi ngar 'dzin lhan skyes kyi/
/zhen yul 'gog dgos 'di la gnad

bzhi ste; ;dgag bya nges pa khyab pa nges pa dang/ /gcig bral
nges pa du bral nges pa'o/ /dang po rang gi rgyud la legs brtags
te/ /ngar 'dzin lhan skyes de yis

@190a @#/ /rang rgyud kyi/ /nga zhes tha snyad btags pa'i nga de
la/ /dmigs ste ngo bos grub pa'i nga'o snam du/ /'dzin pa'i tshul
dang ji ltar bzung

ba ltar; ;grub pa'i nga de'i don spyi 'char bcug ste/ /nges par
byed pa la ni cing thog mar 'di/ /shin tu gal che de nyid ma
nges na/ /dper na rkun man gsal

song ba yi/ /rkang rjes spangs la 'tshol dang 'phongs kyi 'ben/
/shar du bzhag nas nub du mda' 'phen ltar/ /dgag bya khegs par
mi 'gyur spyod 'jug

las/ /btags pa'i dngos la ma reg par/ /de yi dngos med 'dzin ma
yin/ /zhes so gnyis pa nga de rang bzhin gyis/ /grub na rang gi
gdags gzhi'i phung

po dang; ;gcig dang tha dad gnyis po gang rung du/ /grub pa dgos
kyi de las gzhan zhig tu/ /grub pa med de spyir yang dngos po
gnyis/ /grub na gcig dang

tha dad gang rung du/ /grub dgos phyir na dbu ma rgyan las ni/
/gcig dang du ma ma gtogs pa/ /rnam pa gzhan dang ldan pa yi/
/dngos po mi rung 'di gnyis

ni/ /phan tshun spangs te gnas phyir ro/ /zhes so gsum pa de
'dra'i bdag phung gnyis/ /gcig tu grub na bdag de khas blang ba/
/don med 'gyur te de ni

khas blang ba/ /phung po 'dor len byed pa sgrub ched yin/ /de
'dra'i bdag phung gcig na phung po las/ /gzhan pa'i nye bar len
pa po zhig ni/ /med par 'gyur

@190b ba'i phyir ste rtsa shes las/ /nye bar len pa ma gtogs
pa'i/ /bdag yod ma yin byas pa'i tshe/ /nye bar len nyid bdag yin
na/ /khyod kyis bdag ni med

pa yin/ /zhes so gzhan yang de 'dra'i bdag phung gnyis/ /gcig na
phung po du ma yod pa bzhin/ /bdag kyang mang por 'gyur la bdag
gcig las/ /

med bzhin phung po rnams kyang gcig tu 'gyur/ /des na gcig pa
min te 'jug pa las/ /gal te phung po bdag na de phyir de/ /mang
bas bdag de dag kyang

mang por 'gyur/ /zhes so de las gzhan yang mi 'thad tshul/ /gang
zag skye pa snga phyi rgyud gcig pa/ /med par 'gyur ste dbu ma
'jug pa las/ /gang

dag rang mtshan nyid kyis so so ba/ /de dag rgyud gcig gtogs par
rigs ma yin/ /zhes so de ltar na ni tshe 'di la/ /byas pa'i las
gyi 'bras bu rang nyid

kyis; ;myong ba med pas las ni chud zad dang/ /da lta'i las kyi
'bras bu rang nyid dang/ /rgyud mi gcig pa gzhan gyis myong bas
na/ /ma byas pa dang

'phrad pa'i nyes pa yang/ /'byung bar 'gyur te rtsa ba shes rab
las/ /gal te 'di las gzhan 'gyur na/ /de med par yang 'byung bar
'gyur/ /de bzhin

der ni gnas 'gyur zhing/ /de ma shi bar skye bar 'gyur/ /chad
dang las rnams chud za dang/ /gzhan gyis byas pa'i las rnams ni/
/gzhan gyis so sor

@191a @#/ /myong ba dang/ /de la sogs par thal bar 'gyur/ /zhes
so bzhi pa de 'dra'i bdag phung gnyis/ /tha dad yin na gzugs
sems

tha dad du/ /dmigs pa bzhin du de 'dra'i phung po las/ /ngo bo
gzhan pa'i bdag de 'di'o zhes/ /gzung du yod dgos de ni med pa'i
phyir/ /tha dad

grub pa med de rtsa shes las/ /bdag ni nye bar len pa las/
/gzhan du 'thad pa nyid ma yin/ /gal te gzhan na len med par/
/gzung yod

rigs na gzung du med/ /ces dang dbu ma 'jug pa las kyang ni/ /de
phyir phung po las gzhan bdag med de/ /phung po ma gtogs de
'dzin ma grub phyir/ /

zhes so rig pa 'di dag rnams la ni/ /dgag bya'i bdag de ngo bos
grub pa ru/ /bzung bar rig pa'i 'phul 'tshams shes dgos so/ /de
ltar rim gyis dpyad

pas dgag bya de/ /ma rnyed pa na bdag med rnyed pa yin/ /de yi
rig pas legs par dpyad pa na/ /bdag gi ba yang rnyed par mi
'gyur te/ /de skad du yang

rtsa ba shes rab las/ /bdag nyid yod pa ma yin na/ /bdag gi yod
par ga la 'gyur/ /zhes dang de ltar dbu ma 'jug pa las/ /gang
phyir byed po med can

las med pa/ /de phyir bdag gi bdag med par yod min/ /de phyir
bdag dang bdag gi stong lta bas/ /rnal 'byor ba de rnam par grol
bar 'gyur/ /zhes so

@191b de ltar gang zag bdag med kyi/ /lta ba legs par rnyed tshe
ngar 'dzin gyis/ /ji ltar bzung ba'i bdag de med na yang/ /las
'bras rten du gyur pa'i nga'am bdag /sgyu

ma mkhan gyis sprul pa'i rta glang te/ /rta glang gis ni gdod
nas stong na yang/ /rta dang glang du snang ba bsnyon med du/
/'char ba bzhin du da lta'i nga'am bdag /ngo bos

grub pas gdod nas stong na yang/ /ngo bos grub par snang ba
bsnyon med du/ /'char bar shes bya nga yi lta ba dang/ /nyan
pa'i bya ba la sogs rten 'brel kyi/ /bya

byed thams cad 'thad pas chad stong min/ /ngo bos grub pas gdod
nas stong pa la/ /de lta shes pas blos byas stong bas min/ /nga
tsam gcig pur ma zad shes bya

kun; ;de ltar 'dod pas nyi tshe'i stong pa'ang min/ /de phyir de
ltar sgom pas bdag 'dzin gyi/ /mngon zhen mtha' dag 'gog pa'i
gnyen por 'gro/ /gnyis pa chos

kyi bdag med sgom tshul ni/ /rgyud kyis bsdus pa'i phung po la
sogs pa/ /dmigs pa gzhan la bden par 'dzin pa'i blo'i/ /'dzin
sdangs ? zhen yul nges

par byed pa sogs/ /gnad bzhi'i dpyad pa sngar gyi rig pa des/
/bsgres te dpyad pas bden par med par rtogs/ /gzhan yang 'du
byas 'du ma byas kyi

chos; ;thams cad rang gi ngo bos ma ? grub ste/ /'du byas chos
rnams rang gi rgyu rkyen la/ /brten nas skyes shing 'du ma byas
chos rnams/ /rang gi cha shas la ni

@192a @#/ /ltos nas ni/ /grub pa yin la rang rang 'dogs byed kyi/
/ming dang rtog pas bzhag tsam yin phyir ro/ /zhes pa'i rig pa'i
rgyal po rten

'brel gyi/ /gtan tshig la ni brten nas chos thams cad/ /rang gi
ngo bos grub pa dgag bya ste/ /de ltar ma dros pa yis zhus pa'i
mdor/ /gang zhig rkyen

las skyes ba de ma skyes/ /de la skye ba'i rang bzhin yod ma
yin/ /rkyen la rags las gang de stong par bshad/ /gang zhig
stong nyid shes te bag yod yin/ /

zhes so chos kun ngo bos stong na yang/ /rang gi cha shas gang
yin de la ni/ /ltos nas grub cing de yang ming dang brdas/
/bzhag pa'i tha snyad tsam du yod pas na/ /

dper na sgyu ma'i rta glang mig shes kyis/ /mthong dang snang ba
ltar gyi rta blang dngos/ /med par yid kyi shes pas nges pa na/
/sgyu ma'i rdzun pa'i snang bar nges pa

bzhin/ /bdag med legs par bsgom pa'i rjes kyi skabs/ /gang zag
la sogs chos kun tha snyad pa'i/ /shes pa la ni bsnyon med snang
ba dang/ /snang

ba ltar du ngo bos ma grub par/ /rig shes tshad mas rnyed pa
gnyis tshogs la/ /brten nas sgyu ma lta bu'i snang ba 'char/
/thog ma'i skabs su de ltar ched gnyer

nas/ /sgyu ma lta bu'i stong pa bsgom par bya/ /gnyis pa lhag
mthong gi ni rab dbye la/ /spyir na lhag mthong du zhig yod
snyam na/ /sa lam mthon po'i lhag

@192b mthong mi ston gyi/ /so skye'i dus su bsgom bya'i lhag
mthong tsam/ /skabs 'dir 'chad pas de la ngo bo nyid/ /bzhi yi
lhag mthong sgo gsum gyi lhag mthong/ /

tshol pa drug gi lhag mthong rnams su yod/ /bzhi ni ji snyed pa
yi tshes ? dag la/ /dmigs pa'i rnam par 'byed pa zhes bya dang/
/ji lta ba yi chos la dmigs

pa yi/ /rab tu rnam par 'byed pa zhes bya gnyis/ /dang po la ni
yongs su rtog pa dang/ /yongs su dpyod pa zhes bya gnyis yod la/
/phyi ma la ni rtog

pa dpyod pa gnyis/ /don ni rags dang phra ba rnams 'byed pa'o/
/gsum ni mtshan ma las ni byung ba dang/ /yongs su tshol ? las
byung dang so sor ni/ /

rtog pa las ni byung ba gsum yin la/ /dngos po bdag med nges zin
la dmigs nas/ /mtshan ma yid la byed cing rtog dpyod kyis/ /gtan
la 'beb pa

mang du mi byed pa'o/ /gnyis pa sngar ni nges par ma byas pa/
/gsar du nges phyir gtan la 'bebs pa ste/ /gsum pa nges pa'i don
la sngar bzhin du/ /dpyod

par byed pa yin no tshol ba drug /don dang dngos po mtshan nyid
phyogs dang dus/ /rigs pa drug po yongs su tshol byed cing/
/btsal nas so sor rtog par byed

pa'o/ /don 'tshol ba ni tshig 'di'i don ni 'di/ /yin no zhes su
'tshol pa'o dngos 'tshol ba/ /'di ni nang gi'o 'di ni phyi'i 'o
zhes/ /dngos po tshol ba'o

@193a @#/ /mtshan nyid 'tshol ba ni/ /'di ni rang gi mtshan nyid 'di
ni spyi'i/ /mtshan nyid do zhes tshol ba'am thun mong dang/ /thun
mong ma yin pa ni

'tshol ba'o/ /phyogs 'tshol ba ni nag phyogs nyes dmigs dang/
/skyon gyi sgo nas 'tshol dang dkar po'i phyogs/ /yon tan dang ni
phan yon gyi sgo nas/ /

'tshol ba'o dus 'tshol ba ni 'das dus na/ /'di ltar byung ngo ma
'ongs pa'i dus na/ /'di ltar byung ngo da lta'i dus nyid na/
/'di ltar yod do zhes su 'tshol

ba'o/ /rigs pa 'tshol ba rigs pa bzhi yod la/ /ltos pa'i rigs pa
'bras bu rgyu rkyen la/ /ltos pa'o 'di yang kun rdzob don dam
dang/ /de dag gzhi

rnams so so'i sgo nas 'tshol/ /bya ba byed pa'i rigs pa mes sreg
pa'i/ /bya ba byed sogs chos rnams rang rang gi /bya ba byed
pa'o 'di yang 'di ni chos/ /

'di ni byed pa 'dis ni 'di byed ces/ /'tshol ba'o 'thad pas sgrub
pa'i rigs pa ni/ /tshad ma rnams dang mi 'gal don sgrub pa'o/
/'di yang 'di la mngon gsum

rjes dpags dang/ /lung gi tshad ma gsum po yod dam med/ /snyam du
'tshol pa'o chos nyid rigs pa ni/ /me ni tsha dang chu ni brlan pa
sogs/ /de dang de yi chos

nyid yin no zhes/ /'jig rten la ni grags pa'i chos nyid dang/
/bsam gyis mi khyab pa yi chos nyid dang/ /gnas pa'i chos nyid
rnams la mos byed cing/ /de ltar

@193b yin pa'i rgyu mtshan gzhan sems par/ /mi byed pa ste de
ltar 'tshol ba'o/ /de ltar drug tu bzhag pa shes bya gsum/ /smras
pa'i don dang ji snyed ji lta ba'o/ /

dang po la ni don 'tshol gnyis pa la/ /dngos po 'tshol dang rang
gi mtshan nyid 'tshol/ /gsum par lhag ma gsum dang spyi'i mtshan
nyid/ /'tshol ba bzhag go

dang por bshad pa yin/ /lhag mthong bzhi yi sgo nas gsum yin la/
/'tshol lugs drug tu gsung bsgo gsum dang/ /'tshol ba drug ni snga
ma bzhir

'du'o; ;sngar bshad bsgrim ste 'jug pa'i yid byed sogs/ /bzhi
yang bzhi lhag gnyis ka'i thun mongs yin/ /gsum pa lhag mthong
ji ltar sgom tshul ni/ /

zhi gnas sngon du grub pa'i 'jog sgom la/ /legs par goms pas ji
lta ji snyed don/ /skabs su gang bab zhig la shes rab kyis/ /so
sor 'byed pa'i dpyad

sgom legs byas pas/ /rtse gcig pa yi ting 'dzin khyad par can/
/shin tu stobs chen 'grub pas lhag mthong la/ /dpyad sgom
bsngags so zhi lhag gnyis

ka yis/ /bdag med lta bu'i dmigs pa gcig nyid la/ /dmigs kyang
skyong tshul mi 'dra snga ma la/ /'jog sgom dgos shing phyi mar
dpyad sgom dgos/ /lhag mthong

sgom tshe dpyad sgom gcig bu tsam/ /byas na sngar bskyed zhi gnas
nyams gyur bas/ /zhi gnas rta la bskyon nas dpyad sgom dang/
/bar bar du ni 'jog sgom

@194a @#/ /spel yar bya/ /de yang dpyad sgom mang bas gnas ba'i
cha/ /chung du song na 'jog sgom mang byas la/ /gnas cha sor
gzhug 'jog sgom mang ba yi/ /dpyod

snying mi 'dod pa'am dpyad na yang/ /'gro mi nyan par gnas tshar
hril 'gro na/ /dpyad sgom mang du byas te zhi lhag gnyis/ /cha
mnyam bsgom na stobs che de ltar bya/ /lhag mthong sgom

la sbyor ba'i chos drug dang/ /thun gyi dngos gzhi thun rjes
thun 'tshams su/ /ji ltar bya dang khyad pa bying rgod dang/
/bral bar skyong tshul zhig nas skabs bzhin bya/ /gang du bshad
ltar

lhag mthong tshogs bsten nas/ /bdag med rtogs pa'i lta ba legs
rnyed na/ /bdag med de nyid rnam pa'i yul byas nas/ /bdag med
rtogs pa'i lhag mthong bsgom par bya/ /bzhi

pa bsgom pas lhag mthong grub pa'i tshad/ /de ltar so sor rtogs
pa'i shes rab kyis/ /dpyad nas sgom pas dpyad stobs kyis drangs
ba'i/ /shin sbyang skyes tshe lhag mthong grub pa

yin/ /shin sbyang ngo bo skye tshul sngar dang 'dra/ /zhi gnas la
brten dpyad sgom byas pa'i mthus/ /rtsol med rang gi ngang gis
'jug pa yi/ /yid byed thob tshe zhi lhag zung 'brel thob/ /

skyes bu chen po'i lam gyi rim pa las/ /lhag mthong la ni bslab
tshul bshad zin to/ /de ltar byang chub lam gyi rim pa yi/ /rigs
pa'i mtha' gcod pa dang shes byed kyi/ /

khungs dang sgom pa'i tshul rnams rgyas par ni/ /lam rim rgyas pa
rnams las shes par bya/ /da ni lam rim spyi yi don bsdu ba/
/thog mar lam gyi rtsa ba mtshan ldan gyi/ /bshes gnyen

@194b tshul bzhin bsten la thug pas na/ /de nyid bsten tshul phyin
ci ma log par/ /shes par byas te tshul bzhin bsten la bslab/ /de
nas dal ba'i rten la snying po zhig /len 'dod bcos

min skyes na sgrub pa la/ /nang nas bskul bas de nyid skye ba'i
ched/ /dal 'byor don che rnyed dka'i chos skor bsgom/ /de nas
tshe 'di don gnyer ma log na/ /phyi ma don gnyer shugs drag

mi 'byung bas/ /lus 'di myur du 'jig pa'i mi rtag dang/ /shi nas
ngan 'gror 'khyams tshul sgom la 'bad/ /de tshe 'jigs pa dran pa'i
blo rnal ma/ /skye bas dkon mchog gsum gyi

yon tan la/ /snying nas nges pa bskyed la skyabs su 'gro/
/skyabs 'gro thun mong pa yi sdom pa la/ /gnas shing de yi bslab
bya rnams la bslab/ /de nas dkar po'i chos rnams

thams cad kyi/ /gzhi rtsa las 'bras la ni yid ches pa'i/ /dad pa
bskyed la legs par brtan byas te/ /dge dang mi dge'i las la 'jug
ldog la/ /bslab cing stobs bzhi'i bshags

par rgyun du 'bad/ /de ltar skyes bu chung du'i chos skor rnams/
/tshags ? su tshud na 'khor ba spyi dang ni/ /bye brag so so'i
nyes dmigs mang bsam la/ /'khor ba thams cad las ni blo

ldog bya/ /de nas 'khor ba gang las byung ba'i rgyu/ /las dang
nyon mongs gnyis po ngos bzung nas/ /de dag spongs 'dod bcos ma
min pa bskyed/ /srid las grol phyir lhag pa'i

bslab pa gsum/ /spyi dang khyad par rang gis khas blangs pa'i/
/so thar tshul khrims bsrungs la legs par 'bad/ /de ltar skyes bu
'bring gi chos skor rnams/ /tshags ? su tshud na rang

@195a @#/ /nyid srid mtsho ru/ /lhung nas sdug bsngal myong pa ji
bzhin du/ /mar gyur 'gro ba kun kyang de 'dra bar/ /gyur ba yid
la byas te byams pa dang/ /snying rje'i rtsa ba can gyi

byang chub sems/ /sbyangs nas ci skyes byed la 'bad dgos te/ /de
med na ni phyin drug rim gnyis sogs/ /sgom kyang rmangs gzhi med
pa'i thog tsam la/ /'bad pas brtson par byed

dang 'dra bas so/ /byang chub sems la myod ? pa than thun cig
/skyes na tshogs bzung ste bslab bya la/ /'bad nas smon pa'i sems
de ci brtan bya/ /de nas rgyal sras spyod pa rlab chen

rnams/ /shes par byas nas de la slob 'dod skye/ /de dag skyes
tshe 'jug sdom cho gas gzung/ /rang rgyud smin byed pha rol phyin
drug dang/ /gzhan rgyud smin byed bsdu bzhi sogs la

bslab/ /khyad par rtsa ltung dag la srog bsdos bya/ /zag pa
chung 'bring nyes byas gang gis kyang/ /ma gos pa la 'bad cing
gos na yang/ /de ma thag tu phyir bcos bya la 'bad/ /de

nas phar phyin tha ma gnyis po la/ /khyad par du yang bslab dgos
bsam gtan gyi/ /skyong lugs mkhas par byas la ting 'dzin sgrub/
/bdag med gnyis kyi lta ba rnam dag gcig /rgyud la ci skyes

byas te rnyed pa dang/ /lta thog bzhag nas shes rab skyong ba'i
tshul/ /legs par shes par byas la lhag mthong sgrub/ /'di yang
'og ma sgom gyin gong ma la/ /thob 'dod je cher 'gro dang gong

ma la; ;nyan bsam byas pas 'og ma sgrub 'dod kyang/ /je cher
'gro ba cig dgos de dag rnams/ /sgom pa'i tshan rtog pa spyong pa
zhig /byas nas blo ni cha mnyam bya dgos te/ /'di ltar

@195b lam la 'khrid pa'i bshes gnyen la/ /dad gus chung na legs
tshogs thams cad kyi/ /rtsa ba 'chad bas bsten pa'i tshul la 'bad/
/sgrub la spro shugs chung na dal 'byor gyi/ /skor

dang tshe 'di'i mngon zhen cher song na/ /mi rtag pa dang ngan
'gro'i nyes dmigs rnams/ /sgom la gtsor bya rang gis khas blang
ba'i/ /bcas pa'i 'tshams ? las g.yel na las

'bras kyi/ /rnam bzhag sgom pa la ni gtso bor bya/ /'khor ba la
ni skyo shas chung gyur na/ /thar pa don du gnyer ba tshig tsam
du/ /'gro bas 'khor ba'i nyes dmigs yang yang

bsam; ;ci byed gzhan gyi don du byed pa'i blo/ /shugs drag med
na theg pa chen po yi/ /rtsa ba 'chad pas smon sems rlung bcos
la/ /legs par sbyar zhing byang chub sems

dpa' yi/ /sdom pa blang nas rgyal sras sbyong pa la/ /slob chos
tshan 'dzin 'ching ba shugs drag na/ /chos rnams bden par 'dzin
pa'i mtshan 'dzin gyi/ /dmigs gtad thams

cad rig shes kyis bshigs la/ /bden par med pa nam mkha' lta bu
dang/ /brdzun par grub pa sgyu ma lta bu yi/ /stong pa nyid
gnyis sgom tshul legs par sbyang/ /sems ni

dmigs pa la ni mi sdod par/ /chags yul sogs la rgyug pa'i rnam
g.yeng gi/ /bran du 'gyur bar snang na rtse gcig pa'i/ /gnas
cha la ni gtso bor sbyang bar bya/ /de yis

mtshon nas 'dir ni ma bshad pa/ /rnams kyang skyong tshul shes par
byas la sbyang/ /mdor na phyogs re bar ni ma song bar/ /rang gi
rgyud 'di dge phyogs thams cad la/ /bkol

@196a @#/ /du rung cig ni bya dgos so/ /gnyis pa khyad par rdo
rje theg pa la/ /bslab pa'i tshul ni gong du bshad pa ltar/ /mdo
sngags gnyis kar dgos pa'i thun mong pa'i/ /

lam rim rnams la sbyang pa'i 'og tu ni/ /gdon mi za bar sngags
la 'jug bya ste/ /sngags lam de ni dam chos gzhan rnams las/
/ches cher dkon pa nyid dang tshogs gnyis po/ /

gzhan las myur du rdzogs par byed phyir ro/ /de la 'jug na
sngags nas bshad pa yi/ /mtshan nyid ma mtha' tshang ba yan chad
kyi/ /bshes gnyen cig la sngar bshad pa las kyang/ /

lhag pa'i bsten lugs tshul bzhin byed pa dgos/ /de nas thog mar
rgyud sde khungs ma nas/ /bshad pa'i gang yang rung ba'i dbang
cig gis/ /rang gi rgyud ni legs par smin par

bya/ /de nas de tshe bzung ba'i dam tshig dang/ /sdom pa rnams ni
legs par shes byas la/ /srog dang bsdos te bsrung zhing rtsa
ltung gis/ /ma gos pa la 'bad cing sbom po dang/ /nyes

byas ltung pa phra rag gang gis kyang/ /ma gus ba la 'bad de
rgya la ni/ /gos na'ang 'chos shing bshags pa'i thabs la 'bad/
/'di dag sngags lam sgom pa'i gzhi yin pas/ /'di med

na ni 'gram rtsa zad pa yi/ /khang rul lta bur don med 'gyur
phyir ro/ /de ltar dam tshig sdom pa bsrung pa des/ /sngags lam
sgom la rgyud sde 'og ma gsum/ /ltar na mtshan bcas mtshan

med rnal 'byor gnyis/ /rim gyis sgom zhing bla med rgyud ltar
na/ /bskyed rim rdzogs rim gnyis kyi rnal 'byor la/ /rim gyis
bslab po 'dir ni ming tsam gyi/ /sgo nas sngags la 'jug

@196b pa'i phyogs tsam zhig /bstan pa yin pas bslab tshul rgyas
par ni/ /sngags kyi lam rim rnams las shes dgos so/ /de lta'i
tshul gyis bslab na mdo sngags kyi/ /gnad don thams cad bsdus
pa'i

lam gyi lus/ /yongs su rdzogs la bslab par 'gyur bas na/ /dal pa
thob pa don dang ldan par 'gyur/ /kun mkhyen rgyal ba'i bstan pa
rin po che/ /rang dang gzhan gyi rgyud la rgyas par byed/ /nus
pa yin

pas lam bzang 'di 'dra la/ /blo dang ldan pa rnams kyis 'bad par
rigs/ /de ltar gsung rab kun gyi gnad bsdus ba/ /shing rta chen
po gnyis kyi lam gyi srol/ /kun mkhyen sar bgrod skye bo mchog
gi lugs/

mdo sngags gnyis ka'i lam lag ces pa'i chos/ /dngon mtho nges
legs thams cad sgrub pa'i thabs/ /byang chub lam gyi rim pa'i
tshig bcad 'di/ /yab rje rgyal ba gnyis pa'i gdams pa mchog /

lam rim che chung gnyis las bsdus te bkod/ /bdag nyid chen po'i
legs bshad phul byung mchog /yod bzhin 'di 'dra yan lag brgyad
ldan gyi/ /rgya mtsho'i 'gram du ba tsha'i khron pa dang/ /mtshungs
pas

rang nyid dal ba tsam du zad/ /brjod bya snga mar ma bshad 'dir
brjod min/ /brjod byed bsdebs legs snyan pas mdzes min kyang/
/tshig nyung don 'dus bshar sbyang 'khyer bde bar/ /khungs dang
sprel nas tshigs

su bcad de bsdebs/ /tha chad byis blos ma rtog log rtog gi/
/dbang gis 'gal 'khrul nor dang chad lhag skyon/ /mchis rnams ye
shes spyan ldan thams cad dang/ /gzur gnas mkhas pa'i tshogs la
snying

nas bshags/ /'dir 'bad dge ba zla zer ltar dkar ba/ /gang de
rgyal bstan spyi dang khyad par du/ /yab rje rgyal ba'i ring
lugs ku mud tshal/ /bzhad cing 'gro ba'i tsha gdung sel phyir
bsdo// //ces byang chub

@197a @#/ /lam gyi rim pa'i gdams pa'i tshigs su bcad pa kun
mkhyen bde lam zhes bya ba 'di ni rang gi gam du nye bar 'khod
cing lugs gnyis la rnam dpyod mi dman pa dka' bcu ngag dbang
chos ldan ming gzhan

shes rabs yang yang bskul zhing/ gzhan yang bka' sde snod la
sbyangs pa che zhing rnam dpyod yangs pa'i mtsho bdun dgon gsar
gyi tA bla ma ka bcu bka' 'gyur pa blo bzang tshul khrims/ /rang
gi gam du nye bar 'khod de lag

g.yog tshul mthun byed mi sdom brtson chos la dkar zhing nyams
len la mos pa'i dad 'dun can lhun 'grub rgya mtsho sogs/ /don
gnyer pa 'ga' zhig gis kyang bskul ba dang/ /rang nyid bag chags
'jog cing skal mnyam

'ga' zhig la phan pa'ang srid snyam pa'i bsam pas snyom las pa
ngag dbang blo bzang chos ldan dpal bzang po zhes bgyi bas spyod
pa spyi bslab yan chad lam rim chen mo dang/ /zhi lhag gnyis lam
rim chung ba nas tshig sna

bsdus; shes byed kyi lungs 'dren 'os rnams skabs dang sbyar/
rngog lo chen po'i thugs sras dge bshes gro lung pa blo gros
'byung gnas kyi bstan rim/ rje nyid kyis kyang thugs brtses che
bar mdzad pa de las kyang lung

'ga' zhig drangs/ rang nyid kyis lam rim gyi khrid rgyun/ paN
chen chos kyi rgyal po blo bzang chos kyi rgyal mtshan dang/
rgyal dbang thams cad mkhyen pa ngag dbang blo bzang rgya mtsho
gnyis las brgyud pa gnyis ka thob pa'i

man ngag gis brgyan te bshar sbyang byed par 'khyer bde ba'i
phyir tshig bcad du bkod pa'i yi ge pa ni bskul ba po dpyod ldan
dka' bcu shes dar ba'o/ /'dis kyang rgyal bstan spyi dang khyad
par rgyal ba

blo bzang grags pa'i bstan pa'i snying po dri ma med pa phyogs
dus thams cad du dar zhing rgyas la yun ring du gnas te/ mar
gyur 'gro ba thams cad phan bde'i dpal bzang po la spyod par
gyur cig/ /