[@##the following text is incomplete]
@001a @#/ /skabs bzhi pa'i spyi don legs bshad rnam 'byed lung
gi bang mdzod ces bya ba mkhas mchog sbyin pa dar rgyas kyi
mdzad pa bzhugs so/ /

@001b @##/ /na mo gu ru/ rgyal ba'i gsung la ring nas 'dris byas
bas/ /rgyal ba'i dgongs pa ji bzhin thugs chud te/ /rgyal

ba'i bstan pa phyogs bcur rgyas mdzad pa'i/ /rgyal ba'i dbang
po 'jam dpal snying por 'dud/ /zhes mchod par brjod pa sngon
du btang nas/

'dir rnam rdzogs sbyor ba bshad pa la/ 'brel gyi mtshams sbyar
ba dang/ rang bzhin rgyas par bshad pa gnyis/ !dang po ni/
'grel ba las/

thams cad mkhyen pa nyid gsum yongs su shes pa ni/ dbang du
bya ba'i phyir yang rnam pa thams cad dang/ lam dang/ gzhi
shes pa sdus

pa'i sgo nas thams cad mkhyen pa nyid gsum sgom par byed pas
rnam pa kun mngon par rdzogs par rtogs pa zhes pas bstan/ don
ni skabs

@002a @##/ /dang po gsum du mkhyen gsum gyi rnam pa bshad pa
dang/ skabs 'dir mkhyen gsum gyi rnam pa bshad pa la zlos
skyon med de/ skabs dang po

gsum du mkhyen gsum so so'i thun mong ma yin pa'i mtshan nyid
shes pa'i ched du de gsum rgyas par bshad/ skabs 'dir mkhyen
gsum gyi rnam pa ma lus pa zhi lhag zung

'brel gyi sbyor bas sgom par shes pa'i ched du de gsum bsdus
nas bstan cing/ de ltar sgom pa'i dgos pa yang mkhyen gsum gyi
rnam pa la dbang thob pa'i ched yin pa'i phyir/

'o na mkhyen gsum gyi rnam pa la dbang thob pa'i don gang yin
zhe na/ 'di nyid gzhung rnams su gsal bar bshad pa ma mthong
yang/ mkhyen gsum bsdus bsgom theg chen

gyi tshogs lam las rab tu gyur pa de de'i don du bzhag na 'grig
gam snyam mo/ /des na theg chen gyi sbyor lam nas de la dbang
thob cing/ tshogs lam man chad du de la

@002b dbang thob pa med de/ gzhung rnams su de ltar bshad pa'i
phyir/ !gnyis pa la mtshan nyid dang/ mtshon byed kyi chos bshad
pa gnyis/ dang po ni/ mkhyen gsum gyi rnam pa bsdus nas sgom
pa'i shes

rab kyi zin pa'i sems dpa'i rnal 'byor rnam rdzogs sbyor ba'i
mtshan nyid/ gnyis pa ni/ rnam rdzogs sbyor ba mtshon byed kyi
chos de la bcu gcig yod de/ mkhyen gsum gyi rnam pa/ theg chen

gyi sbyor ba/ theg chen gyi sbyor ba'i yon tan/ theg chen gyi
sbyor ba'i skyon/ lam sher phyin gyi sbyor ba'i mtshan nyid/
theg chen gyi thad pa cha mthun/ theg chen gyi nges 'byed cha
mthun/ slob pa phyir mi ldog pa'i

rtags thob pa'i byang sems kyi dge 'dun/ srid zhi mnyam nyid
kyi sbyor ba/ zhing dag pa'i sbyor ba/ thabs mkhas sbyor ba
rnams su yod pa'i phyir de/ rnam pa sbyor ba bcas rnams dang/
yon tan skyon ni

mtshan nyid bcas/ /thar dang nges 'byed cha mthun dang/ /slob
pa phyir mi ldog pa'i tshogs/ /srid dang zhi ba mnyam nyid dang
/zhing dag bla na med pa ni/ /rnam kun mngon rdzogs rtogs pa
ste/ /'di ni thabs

mkhas bcas pa yin/ /zhes gsungs pa'i phyir/ de rnams kyi nang
nas dang po mkhyen gsum gyi rnam pa 'chad ba la/ mdor bstan pa
dang rgyas par bshad pa gnyis las/ dang po 'chad pa la/

@003a @#/ /gzhi shes pa yi bye brag rnams/ /zhes sogs rkang ba
bzhi gsungs/ gnyis pa la/ gzhi shes kyi rnam pa rgyas par
bshad pa/ lam shes kyi rnam pa rgyas par bshad pa/

rnam mkhyen gyi rnam pa rgyas par bshad pa gsum las/ dang po
bshad pa la/ med pa'i rnam pa nas gzung ste/ /zhes sogs tshig
rkang bzhi gsungs/ gzhi shes kyi rnam pa la yang don rnam dang
shes rnam gnyis las/

don rnam la nyer bdun yod pa bzhin du shes rnam la yang nyer
bdun yod de/ bden pa dang po gsum la brten pa bzhi bzhi ste
bcu gnyis dang/ lam bden la brten pa bco lnga yod pa'i phyir/
dang po grub ste/ sdug

bden la brten pa sdug bsngal rtag pa med pa mngon sum du rtogs
pa'i gzhi shes kyi shes rnam/ sdug bsngal don dam par mi skye
ba mngon sum du rtogs pa'i shes rab kyi zin pa'i gzhi shes kyi
shes rnam/ sdug

bsngal don gzhan gyi bdag gi dben par mngon sum du rtogs pa'i
gzhi shes kyi shes rnam/ sdug bsngal rang gi ngo bor gyur pa'i
gang zag gis bdag gis mi rdzi bar mngon sum du rtogs pa'i gzhi
shes kyi shes

rnam bzhi/ kun 'byung bden pa la brten pa sdug bsngal gyi rgyu
sred pa don dam par sdug bsngal skye ba'i gnas med pa mngon
sum du rtogs pa'i gzhi shes kyi shes rnam/ kun 'byung don dam
par nam mkha' dang

@003b 'dra ba mngon sum du rtogs pa'i gzhi shes kyi shes rnam/
sdug bsngal gyi rgyu rtog dpyod don dam par brjod du med pa
mngon sum du rtogs pa'i gzhi shes kyi shes rnam/ yang srid kyi
rkyen sred pa dang tshor ba don dam par ming med pa rnams

mngon sum du rtogs pa'i shes rab kyi zin pa'i gzhi shes kyi
shes rnam bzhi/ 'gog bden la brten pa 'gog pa don dam par 'gro
ba med pa mngon sum du rtogs pa'i shes rab kyi zin pa'i gzhi
shes kyi shes rnam/ sdug bsngal

rab tu zhi ba rkyen gyi mi 'phrog pa mngon sum du rtogs pa'i
gzhi shes kyi shes rnam/ gya nom pa'i thar pa mi zad pa mngon
sum du rtogs pa'i gzhi shes kyi shes rnam/ chos nyid dri bral
gyi 'gog pa skye ba med pa mngon sum du rtogs pa'i

gzhi shes kyi shes rnam/ bzhi dang bcu gnyis yod cing/ de dag
kyang bden pa dang po gsum gyi khyad chos bcu gnyis kyi steng
du go rims bzhin du 'jog pa'i phyir te/ ! 'grel ba las/ de la
thams cad shes pa nyid kyi dbang

du byas nas med pa dang/ mi skye ba dang/ dben pa dang/ mi
rdzi pa dang/ gnas med pa dang/ nam mkha' dang/ mrjod du med
pa dang/ ming med pa dang/ 'gro ba med pa dang/ mi 'phrog pa
dang/ mi zad pa dang/ skye ba med pa'i

rnam pa ste bcu gnyis ni go rims bzhin du sdug bsngal la sogs
pa'i bden pa gsum gyi mi rtag pa la sogs pa'i mtshan nyid dag
yin no/ /zhes gsungs pa'i phyir/ don dam gyis khyad par sbyar
ba rnams la shes rab kyis zin pa'i

zhes sbyar dgos te/ sdug bsngal don dam par mi skye bar rtogs
pa'i skabs 'dir bstan pa'i bzhi shes kyi shes rnam med pa'i
phyir te/ sdug bsngal don dam par mi skye ba de stong nyid yin
pa gang zhig/ stong nyid rtogs pa'i

@004a @#/ /skabs 'dir bstan pa'i gzhi shes kyi shes rnam med
pa'i phyir te/ skabs 'di'i bstan bya'i gtso bor gyur ba'i gzhi
shes kyi shes rnam yin na/ 'phags pa 'og ma'i rgyud kyi bsdus
pa'i khyab pa'i phyir te/

!'grel pa las/ de la thams cad shes pa nyid kyi rnam pa ni
nyan thos dang byang chub sems dpa'i bye brag gi go rims bzhin
du zag pa med pa dang/ zag pa dang bcas pa dag kyang yin no/
/zhes gsungs pa'i phyir/ de yang

nyan thos 'phags pa'i rgyud kyi gzhi shes kyi shes rnam de la
zag med dang/ byang sems 'phags pa'i rgyud kyi de la zag bcas
kyi ming gis btag nas brjod pa ni nyan thos slob pa 'phags pas
nyon sgrib spang bya'i gtso bor byed

cing/ byang sems 'phags pas de spang bya'i gtso bor mi byed
pa'i rgyu mtshan gyis yin no/ /sdug bsngal don dam par mi skye
ba stong nyid yin te/ sdug bsngal don dam par skye ba med pa
stong nyid yin pa'i phyir te/ sdug bsngal don

dam par 'jig pa med pa stong nyid yin pa'i phyir/ ma grub na/
der thal 'jig rten don dam par 'jig pa med pa stong nyid yin
pa'i phyir te/ 'jig rten 'jig med bdag nyid dang zhes pa'i
thad kyi/ ! rnam bshad las/ gzhi

shes kyi sbyor ba ngos bzung ba'i skabs su 'jig rten don dam
par 'jig pa med par rtogs pa'i ye shes kyi zin pa'i sems dpa'i
ye shes dang/ skabs 'dir stong pa nyid kyi rnam pa can bshad
pa ni gang gis zin pa'i lam de nyid bstan

pa yin gyis/ gzhi shes kyi sbyor ba'i mtshon byed ni/ gzhi shes
kyi rnam pa can du shes par bya'o/ /zhes gsungs pa'i phyir/ !
gnyis pa/ lam bden la brten pa'i gzhi shes kyi shes rnam bco
lnga yod de/ ! nyon

@004b sgrib kyi gnyen po'i rigs su gnas pa'i mthong lam zag
med bzhi/ shes sgrib kyi gnyen po'i rigs su gnas pa'i sgom lam
zag bcas lnga/ shes sgrib kyi gnyen po'i rigs su gnas pa'i
mthong lam zag med drug rnams su yod pa'i

phyir/ dang po bzhi yod de/ byed pa po'i gang zag gi bdag med
par mngon sum du rtogs pa'i theg chen gyi mthong lam/ de bzhin
du yul shes pa po'i gang zag gi bdag med pa dang/ dman pa'i
gnas skabs nas 'pho ba po'i gang zag

gi bdag med pa dang/ nyon mongs 'dul ba po'i gang zag gi bdag
med par mngon sum du rtogs pa'i theg chen gyi mthong lam bzhi
yod cing/ bzhi po de yang go rims bzhin du lam bden gyi khyad
chos lam rig pa sgrub pa nges 'byin

bzhi'i steng nas 'jog pa'i phyir te/ ! 'grel ba las/ de la
dang po byed pa po med pa dang/ shes pa po med pa dang/ 'pho
ba med pa dang/ 'dul ba med pa'i rnam pa ste/ bzhi ni go rims
bzhin du lam la sogs pa'i mtshan nyid dag

yin no/ /zhes gsungs pa'i phyir/ gnyis pa la lnga yod de/ rmi
lam bzhin du gzugs sogs phyi rol don gyi ngo bo nyid med pa
don spyi'i tshul gyi rtogs pa dang sgra brnyan bzhin du gzugs
sogs phyi rol don gyi ma skyes pa don spyi'i

tshul gyi rtogs pa dang/ mig yor bzhin du gzugs sogs phyi rol
don gyi ma 'gag pa dang/ smig rgyu bzhin du gzugs sogs phyi
rol gyi don bzod ma nas zhi ba dang/ sgyu ma'i rta glang gi
rnam pa bzhin du gzugs sogs phyi rol

don gyi mya ngan las 'das pa'i mtshan nyid can du don spyi'i
tshul gyi rtogs pa'i theg chen gyi sgom lam lnga yod pa'i phyir
te/ ! 'grel pa las/ gnyis pa la rmi lam dang/ sgra brnyan
dang/ mig yor dang/ smig rgyu dang/ sgyu ma'i rnam

@005a @#/ /pa ste lnga ni go rims bzhin du ngo bo nyid med pa
dang/ ma skyes pa dang/ ma 'gag pa dang/ gzod ma nas zhi ba
dang/ rang bzhin gyi mya ngan las 'das pa'i mtshan nyid spyir
shes bya'i sgrib ba'i gnyen

bor gyur ba dag yin no/ /zhes gsungs pa'i phyir/ skabs 'di'
 sgra brnyan brag cha'i sgra la byed pa yin te/ ! gser 'phreng
las/ sgra brnyan te brag cha ltar bden pa'i rgyu las ma skyes
pa dang/ zhes gsungs pa'i phyir/

skabs 'di'i mig yor ni me long g.ya' dag pa'i ngos la shar
ba'i skyes bu'i byed bzhin gyi gzugs brnyan dang/ zla ba gnyis
snang gi dbang shes la zla gcig zla gnyis su snang ba gang la
byas kyang chog pa yin te/ ! gser 'phreng

las; mig yor de gzugs brnyan nam zla ba gnyis snang ltar rnam
pa tsam ma 'gag pa dang/ zhes gsungs pa'i phyir/ skabs 'di'i
dngos bstan gyi sgom lam zag bcas lnga po de rjes thob ye shes
yin te/ ! gser 'phreng

las/ rnam pa lnga'i tha snyad kyis mtshon pa'i sgom lam rjes
thob kyi rtog pa lnga'o/ /zhes dang/ ! rnam bshad las/ lam
gnyis pa la byang chub sems dpa'i sgom lam rjes kyi shes pas
bsdus pa'i gzung ba phyi rol don med par rtogs

pa'i ye shes de chos can/ phyi rol don du zhen pa'i shes bya'i
sgrib pa'i gnyen por gyud pa dag yin no/ /zhes gsungs pa'i
phyir/ gsum pa la drug yod de phyi rol don gyi bsdus pa'i
chags sogs kyi kun nas nyon mongs

pa med pa des bsdus pa'i dad sogs kyi rnam par byang ba med
pa/ des bsdus pa'i nyon mongs pa'i bag chags kyi gos pa med
pa/ des phyi rol don du zhen pa'i rtog pas ro myong pa'i rlom
pa med pa/ 'phags pa'i lam

@005b gyi rtogs pa thob zin nyams pa med pa mi g.yo pa'i
gzung bya don gzhan med par mngon gsum du rtogs pa'i theg chen
gyi mthong lam drug yod pa'i phyir/ zhes ston pa la/ 'grel ba
las/ gsum pa la kun nas nyon mongs pa

med pa dang/ rnam par byang ba med pa dang/ gos pa med pa
dang/ spros pa med pa dang/ rlom pa med pa dang/ nyams pa med
pa dang/ mi g.yo ba'i rnam pa ste/ zhes sogs gsungs pa'i
phyir/ skabs 'dir nyon sgrib kyi/

gnyen po la mthong lam zag med gcig dang/ shes sgrib kyi gnyen
po la sgom lam zag bcas dang/ mthong lam zag med gnyis su 'jog
pa'i rgyu mtshan yod de/ shes sgrib spang dka' zhing/ nyon
sgrib de la ltos ste spang

dka' ba ma yin pa'i rgyu mtshan gyis de ltar bzhag pa'i phyir
te/ ! gser 'phreng las/ shes sgrib spang dka' zhing nyon sgrib
de ltar ma yin pas zag bcas zag med gnyis dang zag med gcig tu
bzhag go/ zhes gsungs

pa'i phyir/ ! gnyis pa lam shes kyi rnam pa rgyas par bshad pa
la de la so drug yod de/ don rnam la so drug yod pa bzhin du/
shes rnam la yang de ltar yod pa'i phyir te/ kun 'byung bden
pa'i steng du brgyad/ lam

bden gyi steng du bdun/ sdug bsngal bden pa'i steng du lnga/
'gog bden gyi steng du bcu drug yod pa'i phyir te/ ! rgyu dang
lam dang sdug bsngal dang/ /'gog pa la ni go rims bzhin/ /de
dag brgyad dang bdun dang ni/ /lnga

dang bcu drug ces bsgrags so/ zhes gsungs pa'i phyir/ de yang
dang po brgyad yod de/ 'dod yon thob par 'dod pa'i sred pa'i
'dod chags kun btags dang bral ba dang/ 'dod yon dang mi 'bral
bar zhen pa'i tshul gyi mi gnas 

@006a @#/ /pa dang/ lus la dga' ba'i srid pa zhi ba'i lam shes
kyi shes rnam gsum dang/ 'dod chags kyi zhen yul med pa/ zhe
sdang gi zhen yul med pa/ gti mug gi zhen yul med par mngon sum
du

rtogs pa'i lam shes kyi shes rnam gsum/ gtsang bde rtag bdag du
'dzin pa'i tshul min yid byed kyi kun nas nyon mongs pa'i zhen
yul med pa dang/ rang dbang ba'i sems can med par mngon sum du
rtogs pa'i lam shes kyi shes rnam

gnyis dang brgyad yod cing/ brgyad po de yang go rims bzhin du
rgyu dang kun 'byung gnyis kyi steng du gsum gsum dang/ rab skye
dang rkyen gnyis kyi steng du re re te brgyad du 'jog pa'i phyir
te/ 'grel pa las/ de la 'dod

chags dang bral ba dang/ mi gnas pa dang/ zhi ba dang/ 'dod
chags med pa dang/ zhe sdang med pa dang/ gti mug med pa dang/
nyon mongs pa med pa dang/ sems can med pa'i rnam pa dag ni go
rims bzhin du

zhes pa dang/ gsum dang gsum dang gcig dang gcig ste/ de ltar na
rgyu'i bden pa'i rnam pa brgyad yin no/ /zhes gsungs pa'i phyir/
lam bden gyi steng gi bdun yod te/ tshad med pa'i lam shes kyi
shes rnam/ mtha'

gnyis dang ma 'brel ba'i lam shes kyi shes rnam/ tha mi dad pa'i
lam shes kyi shes rnam/ mchog tu 'dzin pa med pa'i lam shes kyi
shes rnam/ rnam par mi rtog pa'i lam shes kyi shes rnam/ gzhal
du med pa'i

lam shes kyi shes rnam/ chags pa med pa'i lam shes kyi shes rnam
dang bdun yod cing/ de yang lam bden gyi khyad chos dang po gsum
gyi steng du gnyis gnyis dang bzhi pa'i steng du gcig 'jog pa'i
phyir te/ ! 'grel

@006b pa las/ tshad med pa dang/ mtha' gnyis dang ma 'brel ba
dang/ tha mi dad pa dang/ mchog tu 'dzin pa med pa dang/ rnam
par mi rtog pa dang/ gzhal du med pa dang/ chags pa med pa'i
rnam pa dag ni go rims bzhin du zhes pa dang/

gnyis dang gnyis dang gnyis dang gcig ste/ de ltar na lam gyi
bden pa'i rnam pa bdun yin no/ /zhes gsungs pa'i phyir/ skabs
'dir kun 'byung spang gnyen gyi sgo nas dang lam bden dam bca'
dang 'thad pa'i sgo nas bstan tshul

ni tshig mang du dogs nas ma smos shing/ zhib tu rnam bshad la
blta bar bya'o/ /sdug bsngal bden pa'i steng du lnga yod de/
nyer len gyi phung po lnga mi rtag par mngon sum du rtogs pa'i
lam shes kyi shes rnam/ de lnga sdug bsngal

pa mngon sum du rtogs pa'i lam shes kyi shes rnam/ de lnga byed
pa po don gzhan gyi bdag gis stong par mngon sum du rtogs pa'i
lam shes kyi shes rnam/ de lnga rang dbang can gyi bdag tu med
par mngon sum du rtogs pa'i lam

shes kyi shes rnam/ sdug bden gyi khyad chos bzhi bden par grub
pa'i mtshan nyid med par mngon sum du rtogs pa'i lam shes kyi
shes rnam lnga yod pa'i phyir/ lnga po de sdug bden gyi khyad
chos bzhi'i steng du 'jog tshul yod de/

dang po bzhi khyad chos bzhi'i steng du go rims bzhin du re re
dang lnga pa de de bzhi ka'i thun mong gi steng nas 'jog pa'i
phyir te/ ! 'grel pa las/ mi rtag pa dang/ sdug bsngal pa dang/
stong pa dang/ bdag med pa'i rnam pa/ lnga pa

mtshan nyid med pa'i ngo bo nyid rnam ste/ de ltar na sdug bsngal
gyi bden pa'i rnam pa lnga yin no/ /zhes dang/ ! gser 'breng
las/ snga ma bzhi rang rang gi ngo bo dang tha ma ni bzhi ka'i
ngo bo yin zhing thams cad la khyab pas/ rang

@007a @#/ /dang spyi mtshon/ zhes gsungs pa'i phyir/ 'gog bden gyi
steng du bcu drug yod de/ 'gog pa'i steng du gsum zhi ba'i steng
du brgyad/ gya nom pa'i steng du gcig/ nges 'byung gi steng du
bzhi yod

pa'i phyir/ dang po gsum yod de/ nang dang phyi dang phyi nang
gnyis ka'i chos bden par 'dzin pa'i bden 'dzin kun btags dang
bral ba'i bral ba gsum mngon sum du rtogs pa'i lam shes kyi shes
rnam gsum yod pa'i phyir/ gnyis

pa brgyad yod de/ stong pa nyid stong pa nyid/ chen po stong pa
nyid/ don dam par stong pa nyid/ 'dus byas stong pa nyid/ 'dus
ma byas stong pa nyid/ mtha' las 'das pa stong pa nyid/ thog ma
dang tha ma med pa stong pa nyid/ dor ba

med pa stong pa nyid kyi stong gzhi chos can brgyad po rnams
bden par 'dzin pa'i bden 'dzin kun btags dang bral ba'i bral ba
brgyad mngon sum du rtogs pa'i lam shes kyi shes rnam brgyad yod
pa'i phyir/ gya nom pa'i steng

gi gcig yod de/ rang bzhin stong pa nyid kyi stong gzhi chos
can/ bden par 'dzin pa'i bden 'dzin kun btags dang bral ba'i
bral ba mngon sum du rtogs pa'i lam shes kyi shes rnam de de yin
pa'i phyir/ nges 'byung gi steng gi

bzhi yod de/ ji ltar nges par 'byung ba'i rnam pa gsum dang/
gang nges par 'byung ba'i rnam pa gcig yod pa'i phyir/ dang po
gsum yod de/ chos thams cad dang/ rang gi mtshan nyid dang/ mi
dmigs pa stong pa nyid

gsum gyi stong gzhi bden par 'dzin pa'i bden 'dzin kun btags
dang bral ba'i bral ba gsum mngon sum du rtogs pa'i lam shes kyi
shes rnam gsum yod pa'i phyir/ gang nges par 'byung ba'i rnam pa
gcig yod de/

@007b dngos po med pa'i ngo bo nyid stong pa nyid kyi stong gzhi
bden par 'dzin pa'i bden 'dzin kun btags dang bral ba'i bral ba
mngon sum du rtogs pa'i lam shes kyi shes rnam gcig yod pa'i
phyir/ 'di'i stong gzhi ni stong nyid de dang de'i

stong gzhi la go dgos so/ /'di dag so so'i shes byed du 'gro
ba'i 'grel pa'i lung 'dug kyang mang du dogs nas ma drangs so/
/skabs 'dir 'gog bden gyi steng gi don rnam la stong nyid bcu
drug po blo bur gyi dri ma dang bral ba'i 'gog

bden bcu drug gang bzhag kyang chog pa yin te/ ! rnam bshad las/
'gog bden gyi rnam pa bzhi bzhir bzung nas stong nyid kyi rnam
pa bcu drug du 'byed pa dang/ stong nyid bcu drug blo bur gyi
dri ma dang bral ba 'gog pa'i rnam pa

sogs su bsgrub pa gang byas kyang don 'dra bar mngon no/ /zhes
gsungs pa'i phyir/ skabs 'dir lam shes kyi rnam pa 'chad pa'i
skabs kyi bden bzhi'i go rim dang/ gzhi shes kyi rnam pa 'chad
pa'i skabs kyi bden bzhi'i go

rim mi mthun te/ gong du yul can mngon par rtogs pa'i rim pa
dang mthun par dang por sdug bden/ de rjes kun 'byung bden pa/
de rjes 'gog bden/ de rjes lam bden bstan pa yin la/ phyi ma
'dir ni 'khor bar 'jug

ldog gi rim pa'am rgyu 'bras don gyi rim pa dang mthun par dang
po kun 'byung bden pa/ de rjes lam bden/ de rjes sdug bsngal
bden pa de rjes 'gog bden bstan pa'i phyir te/ ! 'grel pa las/
kun nas nyon

mongs pa dang/ gcig shos kyi phyogs la brten nas kun 'byung ba
dang/ lam gyi bden pa dag ni rgyu yin la/ /sdug bsngal dang 'gog
pa'i bden pa dag ni 'bras bu yin par don gyi sgo nas bstan te/
zhes gsungs pa'i

@008a @#/ /phyir/ gong du yul can mngon par rtog pa'i rim pa dang
'thun par de ltar bstan pa yin te/ nyan thos kyi mthong lam skye
ba'i skabs su dang por sdug bsngal chos bzod/ de rjes su kun
'byung chos bzod/

de rjes 'gog pa chos bzod/ de rjes lam chos bzod skye ba'i rim
pa dang mthun par de ltar bstan pa'i phyir te/ ! rnam bshad las/
sdug bsngal thog mar bstan pa ni yul can mngon par rtogs pa'i
rim pa dang 'thun par bstan

pa yin la 'di ni bskyed rim dang 'thun par bstan pa yin pas/ cha
re re nas gnyis ka dgos par shes par bya'o/ /zhes gsungs pa'i
phyir/ des na las rnam dang don rnam don gcig cing/ byed rnam
dang shes rnam don

gcig pa yin te/ ! gser 'phreng las/ las dang byed pa'i rnam
pa'o/ /de gnyis la don rnam dang shes rnam gyi tha snyad kyang
mdzad do/ /zhes gsungs pa'i phyir/ 'di gnyis rtsa bar bstan tshul
la/ kha cig /mdor

bstan du shes rnam dngos su bstan nas/ don rnam shugs la bstan/
rgyas bshad du don rnam dngos su bstan nas/ shes rnam shugs la
bstan zhes smra ba ni cal sgrog kho na yin te/ mdor bstan dang
rgyas bshad

gnyis kar don rnam dang shes rnam gnyis ka dngos su bstan pa'i
phyir te/ mdor bstan du don rnam dngos su bstan pa gang zhig/
der shes rnam dngos su bstan pa'i phyir/ dang po grub te/ gzhi
shes pa yi bye brag rnams zhes

pa'i skabs su don rnam dngos su bstan pa'i phyir te/ de'i skabs
su don rnam bden bzhi dngos su bstan pa'i phyir/ de'i skabs kyi
gzhi de bden bzhi mi rtag sogs bcu drug la byed rigs pa'i phyir
te/ ! slob dpon shanti pas

@008b mdzad pa'i nyi khri dag ldan las/ gzhi ni dmigs pa ste
bden pa bzhi la sogs pa'o/ /zhes gsungs pa'i phyir/ gnyis pa
grub ste/ bye brag rnams zhes pa'i bye brag dang/ rnam pa zhes
bya mtshan nyid de zhes pa'i rnam pa dang/ 'di'i

skabs kyi mtshan nyid gsum ka shes rnam la byed rigs cing/ kun
mkhyen nyid ni rnam gsum phyir/ zhes pas kyang shes rnam dngos
su bstan pa'i phyir te/ rtags sla/ 'di'i skabs kyi bye brag dang
rnam pa dang mtshan nyid

gsum ka shes rnam la byed rigs te/ ! gser 'phreng las/ gzhi bden
bzhi'i ngo bo shes pa ste/ de la dmigs pa'i bye brag gam khyad
par rnam la rnam pa zhes bya'o/ /bye brag de yang spang bya gang
gi gnyen po'i mtshan nyid

gang yin pa ste/ dper na rtag par 'dzin pa'i gnyen por mi rtag
pa rtogs pa lta bu'o/ /zhes gsungs pa'i phyir/ bye brag de yang
zhes sogs kyi don yod de/ shes rnam de yang rang rang gi mi
mthun phyogs kyi gnyen po

mtshan nyid pa yin te/ dper na/ phung po mi rtag par rtogs pa'i
ye shes de phung po rtag 'dzin gyi gnyen po yin pa lta bu la/
zhes pa'i don yin pa'i phyir/ rgyas bshad du yang shes rnam
dngos su bstan pa yin te/ gzhi shes rgyas

bshad kyi skabs su gzhi shes kyi shes rnam nyer bdun dngos su
bstan pa'i phyir te/ med pa'i rnam pa nas bzung ste zhes sogs
kyi/ ! rnam bshad las/ byang chub sems dpa'i gzhi shes kyi ngo
bor gyur pa'i shes rnam nyi shu rtsa bdun

skabs 'dir dngos su ma bstan na rnam rdzogs sbyor ba'i gzhi shes
kyi rnam pa ma lus pa skabs gzhan du yang dngos su ma bstan par
khas len dgos pas so/ /zhes gsungs pa'i phyir/ /des na mdor
bstan du shes rnam

@009a @#/ /bstan bya'i gtso bor dang don rnam yang bstan cing/
rgyas bshad du don rnam ma zad shes rnam yang bstan bya'i gtso
bor byas nas bstan pa yin te/ ! gser 'phreng las/ 'dir bstan

pa'i tshul ni mdor bstan du shes pa'i rnam pa dang rgyas bshad du
don gyi rnam pa gtso bor bstan/ zhes gsungs pa'i phyir/ de yang
yin te/ mdor bstan du don rnam gtso bor bstan na/ shes bya gzhi
yi bye brag rnams/ /

rnam pa zhes bya mtshan nyid de/ /bden pa dag ni rnam bzhi'i
phyir/ /de ni rnam pa bzhi ru 'dod/ /zhes gsungs dgos pa'i phyir
te/ gser 'phreng las/ don rnam mdor bstan gyi tshul gyi 'don pa
ni/ shes bya gzhi yi bye

brag rnams/ /rnam pa zhes bya mtshan nyid de/ /bden pa dag ni
rnam bzhi'i phyir/ /de ni rnam pa bzhi ru 'dod ces pa'o/ /zhes
gsungs cing/ rgyas bshad du bstan tshul yang gzhi shes dang rnam
mkhyen gyi rnam pa la sa

gcod dngos su mdzad nas/ lam shes kyi rnam pa la sa gcod dngos
su ma mdzad de/ gzhi shes dang rnam mkhyen gyi rnam pa la 'di
nas 'di'i bar zhes ya mtha' ma mtha'i sa mtshams dngos su gzung
nas/ lam

shes kyi rnam pa la ya mtha' ma mtha'i sa mtshams dngos su ma
bzung ba'i phyir te/ gzhi shes kyi skabs su med pa'i rnam pa nas
bzung ste/ mi gyo ba yi rnam pa'i bar zhes pa dang/ rnam mkhyen
gyi skabs su

dran pa nyer gzhag nas bzung ste/ sangs rgyas rnam pa'i mthar
thug rnams zhes de 'dra'i sa mtshams dngos su bzung nas lam shes
kyi skabs su rgyu dang lam dang sdug bsngal dang/ zhes sogs
gsungs pa ma rtogs/

@009b de 'dra'i sa mtshams dngos su ma mdzad pa'i phyir te/ !
gser 'phreng las/ mdo de dag las/ rje btsun gyi med pa'i rnam pa
nas bzung ste zhes sogs kyi 'di nas 'di'i bar gyi gzhi shes dang
rnam mkhyen gyi rnam pa bstan te/ zhes

sa gcod mdzad do/ /de yang lam shes kyi rnam pa la sa gcod dngos
su ma mdzad kyang/ bzhi shes dang/ rnam mkhyen la thog mtha'
bzung bas bar gyi de rnam lam shes kyi rnam pa yin pa go sla par
dgongs pa yin no/ /zhes

gsungs pa'i phyir/ lam shes kyi rnam pa la sa gcod dngos su ma
mdzad kyang/ don gyi thob pa'i tshig ni 'di yin te/ 'dod chags
bral ba nas bzung ste/ dngos med ngo bo nyid kyi bar zhes don
gyi thob pa yin pa'i phyir te/ ! gser

'phreng las/ des na 'dir/ 'dod chags bral ba nas bzung ste dngos
med ngo bo nyid kyi bar zhes pa don la 'thob bo zhes gsungs pa'i
phyir/ rnam pa de dag yum bar ma'i mdo las 'chad pa la/ ! bcom
ldan 'das yum 'di

ni ma mchis ba'i pha rol tu phyin pa'o/ /zhes pa nas yum 'di ni
mi gyo ba'i pha rol tu phyin pa'o/ /zhes dang/ ! bcom ldan 'das
yum 'di ni 'dod chags dang bral ba'i pha rol tu phyin pa'o/ / !
bcom ldan 'das kyis

bka' stsal ba/ 'dod chags dmigs su med pa'i phyir/ zhes pa nas/
yum 'di ni dngos po med pa'i ngo bo nyid stong pa nyid kyi pha
rol tu phyin pa'o/ /! bcom ldan 'das kyis bka' stsal pa/ dngos
po med pa'i ngo bo nyid stong

pa nyid dmigs su med pa'i phyir zhes dang/ bcom ldan 'das yum
'di ni dran pa nye bar gzhag pa'i pha rol tu phyin pa'o/ /bcom
ldan 'das kyis bka' stsal pa/ lus dang/ tshor ba dang/ sems dang/
chos dmigs su

@010a @#/ /med pa'i phyir/ zhes pa dang/ bcom ldan 'das yum 'di
ni sangs rgyas kyi pha rol tu phyin pa'o/ /bcom ldan 'das kyi
bka' stsal pa/ chos thams cad rnam pa thams cad du mngon par
rdzogs

par 'tshang rgya ba nyid kyi phyir ro/ /zhes pa'i bar gyi mdo
rnams gsungs/ de yang yum 'di ni ma mchis pa'i pha rol tu phyin
pa'o/ /zhes sogs kyi gzhi shes kyi rnam pa bstan cing/ yum 'di
ni 'dod chags dang bral ba'i pha

rol tu phyin pa'o/ /zhes sogs kyi lam shes kyi rnam pa bstan la/
yum 'di ni dran pa nye bar gzhag pa'i pha rol tu phyin pa'o/
/zhes sogs kyi rnam mkhyen gyi rnam pa bstan pa yin no/ /de yang
gzhi shes kyi rnam pa nyer bdun

la dam bca'i mdo tshan nyer bdun dang/ 'thad pa'i mdo tshan nyer
bdun yod cing/ lam shes kyi rnam pa so drug la yang dam bca'i
mdo tshan so drug dang/ 'thad pa'i mdo tshan so drug yod de/ !
gser 'phreng las/

de yang rnam pa nyer bdun dang so drug la dam bca' dang 'thad
pa'i mdo de dag dang gyangs mnyam pa yod la/ zhes gsungs pa'i
phyir/ rnam mkhyen gyi rnam pa brgya dang bcu la mdo tshan sum cu
yod de/ nyan thos la yod

pa dang rjes su mthun pa'i rnam mkhyen gyi rnam pa so bdun la
mdo tshan bdun/ byang sems la yod pa dang rjes su mthun pa'i rnam
mkhyen gyi rnam pa so bzhi la mdo tshan bcu drug/ sangs rgyas la
yod pa dang rjes su

mthun pa'i rnam mkhyen gyi rnam pa so dgu la mdo tshan bdun yod
pa'i phyir te/ ! gser 'phreng las/ rnam mkhyen gyi rnam pa so
bdun la sde tshan bdun po re re la re re te mdo bdun dang/ so
bzhi la rnam thar brgyad la

@010b gcig/ snyoms 'jug dgu la gcig/ spong lam la gcig/ gzhan
bcu gsum la re re ste bcu drug dang/ so dgu la tha ma gsum la re
re/ gzhan sde tshan bzhi la re re ste/ mdo bdun yod pas so/ /zhes
gsungs pa'i phyir/ mdo

de dag gis kyang don rnam dang/ shes rnam gnyis ka dngos su
bstan pa yin te/ yum 'di ni ma mchis pa zhes pas don rnam dngos
su bstan nas pha rol tu phyin pa'o/ /zhes pas shes rnam dngos su
bstan pa'i phyir te/ ! gser 'phreng

las/ rab 'byor dang de bzhin gshegs pa gnyis kas don rnam dang/
shes rnam gnyis ka ci rigs par gsungs te/ dper na ma mchis pas
don rnam dang/ de'i bar gzhan gyis shes rnam gnyis sgras zin par
bstan la/ nam

mkha' med pa'i phyir zhes pas dngos su rtag pa med pa'i don rnam
dang/ shugs la de med par rtogs pa'i shes rnam bstan pa bzhin no
zhes gsungs pa'i phyir/ mdo'i grangs de dag kyang yum bar ma'i
dbang du byas pa yin gyi/

spyir ni de las kyang mang ba yod de/ bstan bcos 'di'i bshad bya
rtsa ba'i mdo las rgyas 'bring bsdus gsum yod pa'i phyir/ gsum
pa rnam mkhyen gyi rnam pa rgyas par bshad pa la/ dran pa nyer
gzhag nas bzung ste/ zhes sogs

kyi tshig rkang brgyad gsungs/ rnam mkhyen gyi rnam pa la don
rnam dang shes rnam gnyis las de gnyis ka la brgya dang bcu re
yod kyang/ shes rnam rtogs na don rnam rtogs sla bas/ shes rnam
bshad pa la/ de la brgyad dang bcu

yod de/ nyan thos la yod pa dang rjes su mthun pa'i rnam mkhyen
gyi shes rnam sum cu rtsa bdun/ byang sems la yod pa dang rjes
su mthun pa'i rnam mkhyen gyi shes rnam sum cu rtsa bzhi/ sangs
rgyas la yod pa dang rjes

@011a @#/ /su mthun pa'i rnam mkhyen gyi shes rnam sum cu rtsa
dgu rnams su yod pa'i phyir/ de rnam gyi nang nas byang phyogs
so bdun bshad pa la/ spyir bshad pa dang/ so sor bshad pa gnyis
las/

dang po la rdzas su bsdu tshul/ sgra bshad pa/ sa mtshams gsum
las/ dang po ni/ byang phyogs so bdun po de rdzas su bsdu na
bcur 'du ba yin te/ dad pa'i dbang stobs gnyis/ dad pa'i rdzas
su 'du/ brtson 'grus kyi dbang

stobs gnyis/ yang dag spong ba bzhi/ brtson 'grus yang dag byang
chub kyi yan lag/ yang dag pa'i rtsol ba 'phags lam yan lag
rnams brtson 'grus kyi rdzas su 'du/ dran pa'i dbang stobs gnyis
dran pa yang dag byang chub kyi

yan lag/ yang dag pa'i dran pa 'phags lam yan lag rnams dran
pa'i rdzas su 'du/ dran pa nyer gzhag bzhi/ shes rab kyi dbang
stobs gnyis/ chos rab tu rnam 'byed yang dag byang chub kyi yan
lag/ yang dag pa'i

lta ba 'phags lam yan lag rnams shes rab kyi rdzas su 'du/ rdzu
'phrul gyi rkang pa bzhi/ ting nge 'dzin gyi dbang stobs gnyis/
ting nge 'dzin yang dag byang chub kyi yan lag/ yang dag pa'i
ting nge 'dzin 'phags lam

yan lag rnams ting nge 'dzin gyi rdzas su 'du/ btang snyoms yang
dag byang chub kyi yan lag btang snyoms kyi rdzas su 'du/ dga'
ba yang dag byang chub kyi yan lag dga' ba'i rdzas su 'du/ yang
dag

pa'i rtog pa 'phags lam yan lag rtogs pa'i rdzas su 'du/ yang
dag pa'i ngag 'phags lam yan lag/ /yang dag pa'i las kyi mtha'
'phags lam yan lag/ yang

@011b dag pa'i 'tsho ba 'phags lam yan lag rnams tshul khrims kyi
rdzas su 'du/ shin tu sbyangs pa yang dag byang chub kyi yan
lag/ shin sbyangs kyi rdzas su 'du ba'i phyir te/ ! mdzod las/
ming gi sgo nas rdzas su bcu/ /dad dang brtson

'grus dran pa dang/ /shes rab ting 'dzin btang snyoms dga'/
/rtog dang tshul khrims shin tu sbyangs/ /zhes gsungs pa'i phyir/
des na dad pa'i rdzas su 'du ba gnyis/ brtson 'grus kyi rdzas su
'du ba brgyad/ dran pa'i rdzas su

'du ba bzhi/ shes rab kyi rdzas su 'du ba brgyad/ ting nge 'dzin
kyi rdzas su 'du ba brgyad/ btang snyoms kyi rdzas su 'du ba
gcig/ dga' ba'i rdzas su 'du ba gcig/ rtogs pa'i rdzas su 'du ba
gcig/ tshul khrims kyi rdzas

su 'du ba gsum/ shin sbyangs kyi rdzas su 'du ba gcig dang bcas
pa yod do/ /de yang dran pa nyer bzhag bzhi po de shes rab kyi
rdzas su 'du ba ni/ gtso bo'i dbang du byas pa yin gyi khyab pa
med de dran pa nyer gzhag tu gyur pa'i

dran pa yang yod pa'i phyir/ de yang yin te/ ! mdzod las/ dran
pa nyer gzhag shes rab ste/ gtso bo smos pa zhes gsungs pa'i
phyir/ 'di ni rtog pa'i rdzas su 'du na/ rtog pa yin pas ma
khyab pa yang shes par bya'o/ /

gnyis pa ni byang phyogs so bdun po de la byang chub kyi phyogs
dang mthun pa zhes brjod pa'i rgyu mtshan yod de/ zad mi skye
shes pa'i ye shes ni byang chub dngos yin la de dang rjes su
mthun pa'i rgyu mtshan gyis de ltar brjod pa'i phyir te/

! mdzod las/ zad dang mi skye shes pa ni/ /byang chub de dang
mthun nyid phyir/ /sum cu rtsa bdun de phyogs mthun/ /zhes
gsungs pa'i phyir/ gsum pa ni/ so bdun po de/ tshogs lam chung
ngu nas sangs rgyas kyi sa'i bar

@012a @#/ /du yod de/ de rnams tshogs lam chung ngu la gnas pa'i
rang rgyal gyi rgyud la yang yod/ de la gnas pa'i byang sems kyi
rgyud la yang yod pa'i phyir/ rtags grub ste/ tshogs lam chung
ngu la gnas

pa'i theg pa gsum ka'i gang zag yod pa'i phyir/ ma grub na/
byang sems tshogs lam pa yin na/ tshogs lam chen po la gnas pa'i
sems dpa' yin dgos par thal/ ma grub pa de'i phyir/ 'dod mi nus
te/ tshogs

lam chen po la gnas pa'i sems dpa' yin na/ bsam gtan gyi dngos
gzhi snyoms 'jug thob pas khyab pa'i phyir/ de yin na chos rgyun
gyi ting nge 'dzin thob pas khyab pa'i phyir te/ ! mdo sde
brgyan las/ de tshe chos

kyi rgyun las ni/ /sangs rgyas rnams la zhi gnas dang/ /ye shes
yangs pa thob bya'i phyir/ /gdams ngag rgya chen nod par 'gyur/
/zhes gsungs pa'i phyir/ rje btsun gyi mdzad pas bsam gzugs kyis
thal 'phreng las

bshad do/ /kha cig/ tshogs lam chen po la gnas pa'i theg dman gyi
gang zag med cing tshogs lam chung ngu la gnas pa'i theg chen gyi
gang zag med la/ des sbyor lam la yang rigs 'dra/ zhes smra ba
mi 'thad de/

tshogs lam chung 'bring che gsum la gnas pa'i theg pa gsum ka'i
gang zag yod pa bzhin du/ sbyor lam chung 'bring che gsum la
gnas pa'i theg pa gsum ka'i gang zag yod pa'i phyir/ ma grub na/
sbyor lam chung ngu yin

na/ theg dman gyi sbyor lam yin pas khyab pa dang/ sbyor lam
chen po yin na/ theg chen gyi sbyor lam yin pas khyab pa gnyis
ka yod par thal/ khyod kyi dam bca' 'thad pa'i phyir/ /'dod na/
sbyor lam chung ngu

@012b ma thob par sbyor lam chen po thob pa yod par thal/ 'dod
pa'i phyir/ 'dod mi nus ste/ theg pa chung ngu ma thob par theg
pa chen po thob pa yod kyang/ sbyor lam chung ngu ma thob par
sbyor lam chen po thob pa med par khas len dgos

pa'i phyir te/ rigs pa'i dbang phyug rje btsun chos kyi rgyal
mtshan gyis sbyor lam gyis thal 'phreng las/ sbyor lam chung ngu
ma thob par sbyor lam chen po thob pa yod par thal/ theg pa
chung ngu ma thob par theg pa chen po thob pa yod pa'i

phyir/ zer na ma khyab ste/ zhes gsungs pa'i phyir/ yang kha cig
gi/ theg dman dgra bcom gyi rtog pa sngon du song ba'i byang
sems tshogs lam pa rnams/ tshogs lam pa ma yin te/ tshogs lam pa
yin na/ so skye yin

dgos pa'i phyir/ zhes smra ba yang 'dug mod shin tu mi 'thad de/
rgyal sras thog med bzang pos mdzad pa'i/ ! rgyud bla ma'i 'grel
pa las/ tshogs lam pa yin na so skye ma yin par 'gal lo zhe na/
mi 'gal te/ dgra bcom

theg chen lam du zhugs ma thag pa de nyid/ theg chen gyi lam du
zhugs ma thag pa yin pas tshogs lam pa yin la/ sngar gyi spang
rtog las ma nyams pas so skye ma yin dgos pa'i phyir te/ zhes
gsungs pa'i phyir/ gnyis pa

so sor bshad pa la/ dran pa nyer gzhag bshad pa/ yang dag spong
ba bshad pa/ rdzu 'phrul gyi rkang pa bshad pa/ rnam byang gi
dbang po bshad pa/ rnam byang gi stos bshad pa/ byang chub kyi
yan lag bshad pa/ 'phags

lam yan lag bshad pa'o/ /dang po la dran pa nyer gzhag gi dmigs
yul bshad pa/ ngo bo bshad pa/ grogs bshad pa/ bsgom tshul bshad
pa/ bsgom pa'i dgos pa bshad pa/ sgra bshad pa dang drug las/
dang po la/

@013a @#/ /lus tshor sems chos bzhi yod de/ ! mngon pa kun btus
las/ dmigs pa gang zhe na lus dang/ tshor ba dang/ sems dang/
chos so zhes gsungs pa'i phyir/ de yang dran pa nyer gzhag gi

dmigs yul gyi gtso bor gyur pa'i lus de la sgras brjod rigs kyi
sgo nas dbye na/ nang gi lus/ phyi'i lus/ phyi nang gnyis ka'i
lus dang gsum yod cing/ de'i dmigs yul du gyur pa'i nang gi lus
yod de/ mig sogs

nang gi dbang po gzugs can pa rnams de yin pa'i phyir te/ ! gser
'phreng las/ de la lus ni gsum las/ nang gis lus ni nang gi
dbang po gzugs can lnga'o/ /zhes gsungs pa'i phyir/ der gyur
pa'i phyi'i lus yod de/ nang

gi dbang po gzugs can gyi rten ma yin pa'i gzugs sgra sogs de
yin pa'i phyir te/ gser 'phreng las/ phyi'i lus ni dbang po'i
rten ma yin pa'i gzugs sgra sogs yul lnga'o/ /zhes gsungs pa'i
phyir/ de ltar yin kyang/ phyi'i

lus yin na/ lus yin pas ma khyab ste/ sgra'i skye mched de
phyi'i lus yin kyang lus ma yin pa'i phyir te/ de lus kyi skye
mched ma yin pa'i phyir/ de sgra'i skye mched yin pa'i phyir/
phyi nang gnyis ka'i lus yod de/ nang gi dbang

po gzugs can gyi rten byed pa'i phyi'i skye mched gzugs can
rnams dang/ dran pa nyer gzhag bsgom pa po'i gang zag las gzhan
pa'i gang zag gyi rgyud kyi dbang po lnga po de yin pa'i phyir
te/ gser 'phreng las/ phyi nang gnyis ka'i

lus ni/ rang gi dbang po'i rten byed pa'i phyi'i skye mched
gzugs can dang/ gzhan rgyud kyi dbang po lnga'o/ /zhes gsungs
pa'i phyir/ tshor ba dran pa nyer gzhag gi dmigs yul gyi tshor ba
de la/ tshor ba bde sdug btang snyoms gsum

@013b yod de/ ! gser 'phreng las/ tshor ba ni bde sdug btang
snyoms so/ /zhes gsungs pa'i phyir/ gzhan yang/ tshor ba la/
phyi'i tshor ba/ nang gi tshor ba/ phyi nang gnyis ka'i tshor ba
gsum las/ dang po dang dbang shes su gyur pa'i tshor

ba don gcig /gnyis pa dang yid shes su gyur pa'i tshor ba don
gcig/ dbang shes su gyur pa'i tshor ba yod kyang/ dbang shes
'khor gyi tshor ba med/ /yid shes 'khor gyis tshor ba med pa'i
phyir/ shes pa'i 'khor gyis tshor ba med

pa'i phyir te/ shes pa de gtso sems ma yin pa'i phyir te/ rje
btsun gyi spyi don las/ tshor ba de sems byung kun 'gro ma yin
par thal/ dbang shes 'khor gyis tshor ba yang med/ yid shes 'khor
gyis tshor ma yang med pa'i phyir/

dang po ma grub na/ dbang shes de gtso sems su thal/ de'i 'khor
gyi tshor ba yod pa'i phyir/ 'dod na/ rnam mkhyen gtso sems su
thal/ 'dod pa'i phyir/ phyi ma rigs 'dra zer na rtsa bar ma
khyab/ zhes gsal bar gsungs pa'i

phyir/ gzhung gi don bshad pa las/ dbang shes dang yid shes
gnyis ka'i 'khor gyi tshor ba yod pa lta bur gsungs pa mang du
'dug cing/ rang re'i mtha' dpyod du yang ma grub na tshor ba med
par thal/ dbang shes 'khor gyi tshor ba yang

med/ yid shes 'khor gyi tshor ba yang med pa'i phyir/ zhes dog
gcod tsam bkod pa ma gtogs gsal bar ma gsungs kyang/ zhib cha
thon por byed na spyi don ltar khas len dgos so/ /gsum pa ni
phyi nang gnyis ka'i tshor ba

yod kyang/ de'i yin pa med/ phyi'i tshor ba yin na/ nang gi tshor
ba ma yin dgos pa'i phyir/ dran pa nyer gzhag gi dmigs yul du
gyur pa'i sems yod de/ gser 'phreng las/ sems ni rnam par shes
pa'i phung po'o/ /

@014a @#/ /zhes gsungs pa'i phyir/ de la yang rnam shes tshogs
drug yod/ chos dran pa nyer bzhag gi dmigs su gyur pa'i chos yod
de/ tshor ba ma btogs pa'i sems byung thams cad dang/ ldan min
'du

byed dang/ 'dus ma byas kyi chos rnams de yin pa'i phyir te/
gser 'phreng las/ chos ni tshor ba ma gtogs pa'i sems byung thams
cad dang/ ldan man dang 'dus ma byas pa'o/ /zhes gsungs pa'i
phyir/ de la yang

yul gyi gtso bo'i dbang du byas pa yin gyi/ spyir ni tshor ba
yang de'i dmigs yul yin te/ gzhi grub na dran pa nyer gzhag bzhi
ka'i dmigs yul yin dgos pa'i phyir/ gnyis pa so so'i ngo bo'am
mtshan nyid

ni/ mtha' spyod nas byung ba bzhin shes par bya'o/ /gsum pa
grogs yod de/ dran pa nyer gzhag du gyur pa'i shes rab dang
mtshungs par ldan pa'i sems dang sems byung rnams de yin pa'i
phyir te/ mngon pa kun btus

las/ grogs gang zhe na/ de dag dang mtshungs par ldan pa'i sems
dang sems byung gi chos so/ /zhes gsungs pa'i phyir/ chos rnams
kyi rang dang spyi'i mtshan nyid ces pa'i skabs kyi rang dang
spyi mtshan nyid ni mkhas

ba rigs byin gyis/ don byed nus pa'i chos la rang gi mtshan nyid
dang/ don byed mi nus pa'i chos la spyi'i mtshan nyid du 'dod par
rtog ge'i gzhung rnam 'grel sogs las bshad kyang/ skabs 'dir de
ltar mi 'dod de/

gser 'phreng las/ rigs byin gyi mtshan nyid de gnyis don byed nus
mi nus la 'dod pa ni/ rtog ge nas bshad kyang skabs min pas/
zhes gsungs pa'i phyir/ rang lugs ni/ chos rnams kyi rang spyi'i
mtshan

@014b nyid ces pa'i skabs kyi rang gi mtshan nyid de/ chos rnams
kyi rang gi ngo bo la byed pa dang/ de'i skabs kyi spyi'i mtshan
nyid ni 'dus byas thams cad mi rtag pa yin pa dang/ rang rgyud
las nyon gyi dbang gis byung ba'i zag bcas kyi chos

thams cad sdug bsngal yin pa dang/ chos thams cad byed pa po'i
don gzhan gyi bdag gis stong zhing/ gang zag gi bdag tu med pa
la byed pa yin te/ lus tshor sems dang chos rnams la/ /mtshan nyid
gnyis su yongs brtags

pas/ zhes pa'i thad kyi mdzod rang 'grel las/ de dag gi rang gi
mtshan nyid ni/ /rang gi ngo bo'am/ spyi'i mtshan nyid ni/ 'dus
byas rnams mi rtag pa nyid dang/ zag pa dang bcas pa rnams sdug
bsngal ba nyid dang/ chos thams

cad stong pa dang bdag med pa nyid do zhes gsungs pa'i phyir/
bzhi pa ni dran pa nyer gzhag bzhi po de phyin ci log bzhi'i
gnyen por bsgom tshul yod de/ zag bcas nyer len gyi lus gtsang
bar 'dzin pa'i phyin ci log gi gnyen por

de mi gtsang bar bltas nas lus dran pa nyer bzhag bsgom pa dang/
zag bcas kyi tshor ba bde bar 'dzin pa'i phyin ci log gi gnyen
por de sdug bsngal bar bltas nas tshor ba dran pa nyer gzhag
bsgom pa dang/ sems rtag par 'dzin

pa'i phyin ci log gi gnyen por de mi rtag par bltas nas sems
dran pa nyer gzhag bsgom pa dang/ chos gang zag gi bdag tu 'dzin
pa'i phyin ci log gi gnyen por de gang zag gi bdag gi stong par
bltas nas chos dran pa nyer gzhag

bsgom pa yin te/ mdzod las/ phyin ci log gi gnyen por bzhi/ de
ni chos dran nyer gzhag pa/ /spyi la dmigs pa la gnas te/ /de
dag la ni mi rtag dang/ /sdug bsngal stong bdag med par lta/
/zhes gsungs pa'i phyir/

@015a @#/ /thun mong ba de ni spyi'i bsgom tshul yin la/ /bye brag
tu nyan rang byang sems rnams kyi dran pa nyer gzhag bsgom tshul
la khyad par yod de/ dmigs pa gang la dmigs nas bsgom pa dang/
yid byed gang gi sgo nas bsgom pa

gnyis su yod/ dang po yod de/ nyan rang rnams gtso bor rang gi
lus tshor sems chos bzhi kho na la dmigs nas bsgom/ byang sems
rnams rang gzhan gnyis ka'i de bzhi la dmigs nas bsgom pa'i
phyir te/ gser 'phreng las/

nyan rang rnams rang gi lus sogs kho na dang/ byang sems rang
gzhan gnyis ka'i de la dmigs pa'o/ /zhes gsungs pa'i phyir/ yid
byed gang gi sgo nas bsgom pa yod de/ nyan rang rnams mi rtag
sdug bsngal stong bdag med sogs su

yid la byed pa'i sgo nas bsgom/ byang sems rnams kyi bden med du
yid la byed pa'i sgo nas bsgom pa'i phyir te/ gser 'phreng las/
nyan rang rnams mi rtag sogs su yid la byed la/ byang sems rnams
chos kyi mtshan ma der mi

dmigs par bsgom pa'o/ /zhes gsungs pa'i phyir/ lnga pa ni/ dgos
pa gang gi sgo nas bsgom pa yod de/ nyan rang rnams gtso bor zag
bcas kyi lus sogs dang bral ba kho na'i phyir du bsgom la/ byang
sems rnams gtso bor de

dang 'bral ba dang ma 'bral ba gnyis ka'i phyir ma yin par gtso
bor mi gnas pa'i myang 'das sgrub pa'i phyir du bsgom pa'i phyir
te/ gser 'phreng las/ nyan rang rnams zag bcas kyi lus sogs dang
bral ba kho na'i phyir bsgom la/ byang

sems rnams de dang 'bral mi 'bral gnyis ka'i phyir ma yin gyi mi
gnas pa'i myang 'das sgrub pa'i phyir du'o/ /zhes gsungs pa'i
phyir/ spyir de bzhi bsgom pa'i dgos pa gzhan yang yod de/ sdug
kun gnyis spang byar shes nas de gnyis

@015b spong ba la 'jug par bya ba'i ched dang/ 'gog lam gnyis
blang byar shes nas de gnyis nyams su len pa la 'jug par bya
ba'i ched yin pa'i phyir te/ dbus mtha' las/ bden pa bzhi la
'jug bya bas/ /dran pa nye bar gzhag pa bsgom/

zhes gsungs pa'i phyir/ de yang lus dran pa nyer gzhag bsgom
pas/ sdug bden spong ba la 'jug pa yin te/ de bsgom pas sdug
bden dang 'bral 'dod kyi blo skye ba'i phyir/ tshor ba dran pa
nyer gzhag bsgom pas kun 'byung bden pa

spong ba la 'jug pa yin te/ de bsgom pas zag bcas kyi tshor bas
rang 'bras sred pa skyed par byed pa shes nas/ sdug bsngal gyi
rgyu sred pa spong ba la 'jug par bya ba'i phyir/ sems dran pa
nyer gzhag bsgom pas 'gog bden

mngon du bya ba la 'jug pa yin te/ de bsgom pas sdug kun gnyis
spang ba'i 'gog bden mngon du byed pa la 'jug pa'i blo skye ba
yin pa'i phyir/ chos dran pa nyer gzhag bsgom pas/ lam bden
bsgom pa la 'jug pa yin te/

de bsgom pas kun nas nyon mongs kyi chos rnams spang bya dang/
rnam byang gi chos rnams blang byar shes nas/ de gnyis la spang
blang bya ba'i phyir du lam bden bsgom pa la 'jug par bya ba'i
phyir/ drug pa ni/ dran pa nyer gzhag

bzhi po de la dran pa nyer gzhag zhes brjod pa'i rgyu mtshan yod
de/ shes rab kyis dmigs pa'i yul rnams mi brjed par dran pa'i
yul du nye bar gzhag pas na de ltar brjod pa'i phyir/ gnyis pa
yang dag spong ba

bshad pa la/ spang gnyen la blang dor byed par spro ba'i brtson
'grus su gyur ba'i lam zhugs kyi mkhyen pa yang dag spong ba'i
mtshan nyid/ de la dbye na bzhi yod de/ dge ba ma skyes pa bskyed
pa'i yang dag spong ba/ skyes pa rnams

@016a @#/ /yang dag par spel ba'i yang dag spong ba/ mi dge ba ma
sges pa mi bskyed pa'i yang dag spong ba/ skyes pa rnams yang
dag par spong pa'i yang dag spong ba rnams su yod pa'i phyir/ sa
mtshams ni tshogs

lam nas sangs rgyas kyi sa'i bar ro/ /gsum pa rdzu 'phrul gyi
rkang pa bshad pa la/ nyes pa lnga'i gnyen por spong ba'i 'du
byed brgyad dang ldan pa'i ting nge 'dzin du gyur ba'i lam zhugs
kyi mkhyen pa rdzu 'phrul gyi rkang pa'i mtshan nyid/

de la dbye na bzhi yod de/ 'dun pa'i rdzu 'phrul gyi rkang pa/
brtsun 'grus kyi rdzu 'phrul kyi rkang ba/ sems kyi rdzu 'phrul
gyi rkang pa/ dpyod pa'i rdzu 'phrul gyi rkang pa rnams su yod
pa'i phyir/ sa mtshams snga ma dang 'dra'o/

skabs 'di'i nyes pa lnga yod de/ sbyor ba'i skabs su ting nge
'dzin sgom pa la mi spro ba'i le lo dang/ ting nge 'dzin sgom
pa'i gdam ngag brjed ngag brjes pa dang/ dngos gzhi'i skabs su/
bying rgod dang/ bying rgod byung ba'i tshe mngon par

'du mi byed pa dang/ dmigs pa la rtse gcig tu gnas pa'i tshe
mngon par 'du byed pa rnams su yod pa'i phyir/ dbus mtha' las/
le lo dang ni gdams ngag rnams/ brjed dang bying dang rgod pa
dang/ 'du mi byed dang 'du byed

de; ;'di dag nyis pa lngar 'dod do/ /zhes gsungs pa'i phyir/
spong ba'i 'du byed brgyad yod de/ ting nge 'dzin sgom 'dod kyi
'dun pa dang/ de sgom pa la spro ba'i brtson 'grus dang/ ting
nge 'dzin gyi yon tan la yid ches pa'i

dad pa dang/ lus sems las su rung ba'i shin sbyangs dang/ ting
nge 'dzin gyi dmigs rnam mi brjed pa'i dran pa dang/ bying rgod
'byung mi 'byung rtogs pa'i shes bzhin dang/ bying rgod spong
ba'i gnyen por mngon par 'du

@016b byed pa'i sems pa dang/ bying rgod zhi pa'i tshe sems rnal
du 'jog pa'i 'du byed btang snyoms rnams su yod pa'i phyir te/
dbus mtha' las/ gnas dang de la gnas pa dang/ rgyu dang 'bras bu
nyid du'o/ /dmigs pa brjod par ma gyur dang//

bying dang rgod pa rtogs pa dang/ de spong mngon par 'du byed
dang/ zhi tshe rnal du 'jog pa'o/ /zhes gsungs pa'i phyir/ de
yang dang po bzhi le lo'i gnyen po dang/ phyi ma bzhi rim ba
bzhin nyes pa phyi ma bzhi'i gnyen po yin la/

gnas ni 'dun pa dang de la gnas pa ni brtson 'grus dang/ rgyu ni
dad pa dang/ 'bras bu ni shin sbyangs so/ /bzhi ba rnam byang gi
dbang po mtshan nyid thal 'phreng ltar ro/ /dbye na lnga yod de/
dad pa'i dbang po/ brtson 'grus kyi dbang

po/ dran pa'i dbang po/ shes rab kyi dbang po/ ting nge 'dzin
gyi dbang po rnams su yod pa'i phyir/ lnga po de gang rung yin
na/ sems byung yin pas khyab ste/ dad pa'i dbang po yin na/ dad
pa yin pas khyab pa bzhin du/ phyi ma

rnam kyang rigs 'dra zhing/ dad pa dang brtson 'grus sogs lnga
po gang rung yin na/ sems byung yin dgos pa'i phyir/ rnam byang
gi dbang po yin na/ dad sogs dbang po lnga po gang rung yin pas
ma khyab ste/ lam yin na/

rnam byang gi dbang po yin dgos pa'i phyir/ sa mtshams ni/ spyir
lam ma zhugs na yod kyang/ byang phyogs so bdun gyi/ nang tshan
du gyur ba'i rnam byang gi dbang po ni tshogs lam nas 'jog go/
lnga pa rnam byang gi stobs bshad pa

la; rang gi mi mthun phyogs kyi rdzi bar mi nus pa'i lam zhugs
kyi mkhyen pa de/ de'i nang tshan du gyur pa'i rnam byang gi
stobs kyi mtshan nyid/ dbye na lnga yod de/ dad pa'i stobs sogs
lnga yod pa'i phyir/ 'di lnga la yang sems

@017a @#/ /byung gi khyab pa dang/ sa mtshams ni snga ma dang
'dra'o/ rnam byang gi stobs yin na/ rnam byang gi dbang po yin
pas khyab kyang/ rnam byang gi dbang po yin na/ de yin pas ma
khyab ste/ rang gis mi mthue

phyogs kyi rdzi bar nus pa'i dad sogs dbang po lnga yod pa'i
phyir/ drug pa byang chub yan lag bshad pa la/ rang 'bras byang
chub kyi rgyur gyur pa'i 'phags rgyud kyi mkhyen pa de byang
chub yan lag gi mtshan nyid/ de la dbye na

'dun yod de/ dran pa yang dag byang chub kyi yan lag/ chos rab
tu rnam 'byed yang dag byang kyi yan lag /brtson 'grus yang dag
byang chub kyi yan lag/ dga' ba yang dag byang chub kyi yan lag/
shin tu sbyangs

pa yang dag byang chub kyi yan lag/ ting nge 'dzin yang dag
byang chub kyi yan lag/ btang snyoms yang dag byang chub kyi yan
lag rnams su yod pa'i phyir/ bdun po de yang yan lag lngar 'du
ba yin te/ dran pa yang dag

byang chub kyi yan lag rang bzhin gyi yan lag dang/ chos rab tu
rnam 'byed yang dag byang chub kyi yan lag gnas kyi yan lag
rnams su yod pa'i phyir/ dang/ brtson 'grus yang dag byang chub
kyi yan lag nges 'byung gi yan lag dang/ dga' ba

yang dag byang chub kyi yan lag yon gyi yan lag phyi ma gsum
nyon mongs med pa'i yan lag ru 'du ba'i phyir/ de yang shin tu
sbyangs pa yang dag byang chub kyi yan lag nyon mongs med pa'i
gzhi'i

yan lag dang/ ting nge 'dzin yang dag byang chub kyi yan lag
nyon mongs med pa'i gnas kyi yan lag dang/ btang snyoms yang dag
byang chub kyi yan lag nyon mongs med pa'i ngo bo nyid kyi yan
lag tu 'du ba'i phyir te/

@017b dbus mtha' las/ rang bzhin yan lag gnas yan lag/ gsum pa
nges 'byung yan lag ste/ bzhi pa phan yon yan lag yin/ /rnam
gsum nyon mongs med yan lag/ 'di la gzhi dang gnas dang ni/ ngo
bo nyid du bstan

pa yin/ /zhes gsungs pa'i phyir/ sa mtshams ni tshogs lam nas
sangs rgyas kyi sa'i bar ro/ /bdun pa 'phags lam yan lag bshad
pa la/ rang 'bras 'phags lam gyi rgyur gyur pa'i 'phags rgyud
kyi mkhyen pa de/

'phags lam yan lag gi mtshan nyid/ dbye na brgyud yod de/ yang
dag pa'i lta ba 'phags lam yan lag/ yang dag pa'i rtog pa 'phags
lam yan lag/ yang dag pa'i ngag 'phags lam yan lag /yang dag
pa'i las

kyi mtha' 'phags lam yan lag /yang dag pa'i 'tsho ba 'phags lam
yan lag /yang dag pa'i rtsol ba 'phags lam yan lag /yang dag
pa'i dran pa 'phags lam yan lag /yang dag pa'i ting nge 'dzin
'phags lam yan

lag rnams su yod pa'i phyir/ brgyad po de yang yan lag bzhir 'du
ba yin te/ yang dag pa'i lta ba 'phags lam yan lag yongs su bcod
pa'i yan lag dang/ yang dag pa'i rtog pa 'phags lam yan lag go
bar byed

pa'i yan lag dang/ yang dag pa'i ngag 'phags lam yan lag /yang
dag pa'i las kyi mtha' 'phags lam yan lag /yang dag pa'i 'tsho ba
'phags lam yan lag gsum ni gzhan yid ches par byad pa'i yan lag
dang/

yang dag pa'i rtsol ba 'phags lam yan lag /yang dag pa'i ting
nge 'dzin 'phags lam yan lag /yang dag pa'i dran pa 'phags lam
yan lag gsum ni mi mthun phyogs kyi gnyen po'i yan lag yin pa'i
phyir te/

@018a @#/ /dbus mtha' las/ longs su gcod dang go byed dang/ rnam
gsum gzhan yid ches bar byed/ /mi mthun phyogs kyi gnyen por ni/
/lam gyi yan lag de brgyad de/ /lta dang tshul khrims yod byad
bsnyungs//

gzhan la rnam par rig byed 'dod/ /nyon mongs nye ba'i nyon mongs
dbang/ /mi mthun phyogs kyi gnyen po'o/ /zhes gsungs pa'i phyir/
bslob pa gsum du yang 'du ba yin te/ yang dag pa'i lta ba rtog
ba rtsol ba 'phags lam

yan lag gsum ni shes rab kyi bslab pa dang/ yang dag pa'i ngag
las kyi mtha' 'tsho ba 'phags lam yan lag gsum ni tshul khrims kyi
bslab pa dang/ yang dag pa'i dran pa dang ting nge 'dzin 'phags
lam yan lag gnyis

ni ting nge 'dzin gyi bslab pa yin pa'i phyir/ rang lugs 'phags
lam yan lag la shes pas khyab kyang/ bye brag smra ba ni yang
dag pa'i ngag las kyi mtha' 'tsho ba 'phags lam yan lag gsum ni
gzugs can du 'dod

pa yin te/ gser 'phreng las/ ngag las kyi mtha' 'tsho ba gsum lus
dag gi las smad pa rnams dang bral ba'i lus ngag gi las la
bzhed/ de gnyis kyang bye brag smra bas gzugs can mtshan nyid bar
'dod pa la/ sangs

rgyas gnyis pas 'dzod 'grel dang/ las sgrub pa'i rab tu byed par
bkag nas sems pa la bzhag las 'di dag shes pa la bya ba'i bem po
la ni mi bya'o/ /zhes gsungs pa'i phyir/ 'phags lam yan lag
brgyad kyi nang nas yang

dag pa'i rtogs pa 'phags lam yan lag yang dag pa'i ngag 'phags
lam yan lag /yang dag pa'i las kyi mtha' 'phags lam yan lag
/yang dag pa'i 'tsho ba 'phags lam yan lag /yang dag pa'i lta ba
'phags

@018b lam yan lag dang lnga ni chos nyid la mnyam par gzhag pa'i
slob pa'i rgyud la mngon gyur du med de/ gser 'phreng las/ des
na rtog pa dang lugs ngag gi gsum ste bzhi dang lta ba ni mnyam
gzhag gi dus na mngon gyur du med

do/ /zhes gsungs pa'i phyir/ 'di ltar na lnga po 'di yang theg
dman gyi rtog rigs su gnas pa'i mkhyen pa la bzhed dam snyam mo/
/sa mtshams snga ma dang 'dra'o/ /gnyis pa byang sems la yod pa
dang rjes mthun pa'i rnam mkhyen

gyi shes rnam la so bzhi yod de/ gnyen po'i lam gsum/ sprul pa'i
lam gsum/ mthong chos la bder gnas kyi lam lnga/ 'das lam dgu/
spong lam bzhi/ sangs rgyas nyid kyi lam bcu rnams su yod pa'i
phyir/ dang po

gnyen po'i lam bshad pa ni/ rang gi gsal byar gyur pa'i sgro
'dogs kyi zhen yul med par rtogs pa'i sgo nas rang gi gsal byar
gyur ba'i sgro 'dogs 'joms par nus pa'i rab tu phye ba'i mkhyen
pa de/ 'dir bstan gnyen po'i lam

gyi mtshan nyid/ de la thun mong ba'i yul can rnam thar sgo gsum
dang/ thun mong ma yin pa'i yul can bsdu ba nas bshad pa ltar
gyis thos bsam sgom gsum dang gnyis las/ dang po ni/ sdug bden
gyi khyad chos su gyur

pa'i stong pa dang bdag med pa rtogs pa'i mkhyen pa de/ 'dir
bstan gnyen po'i lam du gyur pa'i rnam par thar pa'i sgo stong
pa nyid rtogs pa'i mkhyen pa dang/ 'gog bden gyi khyad chos bzhi
dang/ lam bden gyi khyad chos bzhi rtogs

pa'i mkhyen pa de/ der gyur pa'i rnam par thar pa'i sgo mtshan ma
med pa rtogs pa'i mkhyen pa dang/ sdug bden gyi khyad chos su
gyur ba'i mi rtag pa dang/ sdug bsngal ba gnyis dang/ kun 'byung
bden pa'i khyad chos bzhi rtogs pa'i

@019a @#/ /mkhyen pa de/ der gyur ba'i rnam par thar ba'i sgo
smon pa med pa rtogs pa'i mkhyen pa yin pa'i phyir te/ 'grel pa
don gsal las/ stong pa dang bdag med pa'i rnam pa'i ngo bo nyid
ni rnam par thar

pa'i sgo dang po'o/ /'gog pa dang lam gyi bden pa'i rnam pa'i
ngo bo nyid ni gnyis pa'o/ /mi rtag pa dang sdug bsngal ba dang
kun 'byung ba'i bden pa'i rnam pa'i ngo bo nyid ni gsum pa ste/
de ltar na rnam par thar pa'i sgo gsum gyi rnam

pa gsum mo zhes gsungs pa'i phyir/ 'jog tshul 'di ni mngon pa kun
btus dang/ /nyi snang gnyis ltar bshad pa yin te/ gser 'phreng
las/ rnam thar gyi sgo gsum la 'jog tshul du ma zhig bshad kyang/
tshul 'di ni

kun btus las gsungs pa'i rjes su 'brang nas nyi snang du bshad
pa ltar slob dpon gyis kyang bkod pa'o/ /zhes gsungs pa'i phyir/
'dir bstan gnyen po'i lam la gsum du yod kyang/ de gsum du
grangs ma nges ste/ theg

chen gyi mthong lam bar chad med lam de/ /'dir bstan gnyen po'i
lam gang zhig de de gsum gang rung ma yin pa'i phyir/ dang po
grub ste/ de bshad ma thag pa'i mtshan nyid de yin pa'i phyir/ de
ltar yin kyang/ lam

yin na 'dir bstan gnyen po'i lam yin pas ma khyab de/ slob pa'i
rgyud kyi thar pa don gnyer gyi blo dang/ byams pa dang snying
rjes byang chub kyi sems rnams 'dir bstan gnyen po'i lam ma yin
pa'i phyir/ de rnams

bshad ma thag pa'i mtshan nyid de ma yin pa'i phyir/ de rnams
rang gi gsal byar gyur pa'i sgro 'dogs 'joms par nus pas rab tu
phye ba'i mkhyen pa ma yin pa'i phyir/ der thal/ de rnams kyi
gsal byar gyur ba'i

@019b sgro 'dogs med pa'i phyir/ spyir ni rnam thar sgo gsum
gang rung yin na/ stong nyid yin pas khyab te/ chos rnams kyi
ngo bo bden grub kyi stong pa rnam par thar pa'i sgo stong pa
nyid dang/ 'dus byas rnams kyi rgyu bden grub kyi stong pa/ rnam

par thar pa'i sgo mtshan ma med pa dang/ 'bras bu bden sgrub kyi
stong pa/ rnam par thar ba'i sgo smon pa med par 'jog pa yin
pa'i phyir/ /de la kho na re/ lam du gyur pa'i rnam thar sgo
gsum med par thal/ de gsum gang rung

yin na stong nyid yin dgos pa'i phyir zer na 'dod byas pa la/
lam du gyur pa'i de gsum yod par thal/ gnyen po'i lam du gyur
pa'i de gsum yod pa'i phyir/ ma grub na der thal/ 'dir bstan
gnyen po'i lam du gyur pa'i de

gsum yod pa'i phyir/ zer na/ phyi ma la ma khyab zer dgos pa
'dra ste/ blo ldan rnams kyi dpyad par bya'o/ /des na slob pa'i
rgyud kyi thun mong ba'i 'dir bstan gnyen po'i lam gsum po gang
rung yin na/ theg dman gyi rtogs rigs

su gnas pa'i khyab ste/ de yin na/ slob pa'i rgyud kyi mi rtag
sogs bcu drug po gang rung gi rnam pa can gyi mkhyen pa dgos
pa'i phyir/ de la shes byed kyi lung yod de/ gong du drangs pa'i
'grel ba'i lung gis grub pa'i phyir/

gnyis pa ni/ thun mong ma yin pa'i yul can stong pa nyid la
dmigs pa'i thos bsam bsgom gsum gyi shes rab spyir bstan pa
dang/ sogs pa'i sgras bsdud pa'i stong pa nyid la dmigs pa'i
ting nge 'dzin gyi sgras bstan pa

gsum dang/ yang de la dmigs pa'i rnam pa thar pa'i sgo'i sgras
bstan pa gsum dang bcas yod pa'i phyir/ dang po grub se/ bsdu ba
las/ gang du stong pa nyid dang/ smon pa med pa dang/ mtshan ma
med pa bye brag med par

@020a @#/ /gsungs pa der ni de dag thos pa dang bsam pa dang
bsgom pa las byung ba nyid yin par lta bar bya'o/ /gnyis pa grub
ste/ gang du de dag ting nge 'dzin gyi sgra kho nar gsungs pa
der ni de dag bsgom pa las

byung pa 'jig rten pa dang 'jig rten las 'das pa nyid yin par
lta bar bya'o/ /gsum pa grub ste/ gang du de dag rnam par thar
pa'i sgo'i sgrar gsungs pa de ni de dag 'jig rten las 'das pa
nyid yin par lta bar bya'o/ /yang mdo

sde rgyan las/ chos kyi sdom bzhi de'i dmigs bar bshad de/ 'dus
byas thams cad mi rtag pa/ zag bcas thams cad sdug bsngal ba
gnyis rnam par thar pa'i sgo smon pa med pa'i dmigs pa dang/
chos thams cad stong zhing

bdag med pa ni rnam par thar pa'i sgo stong pa nyid kyi dmigs pa
dang/ mya ngan las 'das pa zhi ba ni rnam par thar pa'i sgo
mtshan ma med pa'i dmigs par bshad pa'i phyir te/ de nyid las/
ting 'dzin gsum gyi spyod yul

du/ /chos kyi sdom ni rnam pa bzhi/ /byang chub sems dpa' rnams
la bshad/ /zhes gsungs pa'i phyir/ gnyis pa sprul pa'i lam bshad
pa la/ 'dir bstan sprul pa'i lam gsum ni/ gzugs can gzugs la
blta ba'i

rnam thar/ gzugs med gzugs la blta ba'i rnam thar/ gegs sel sdug
pa'i rnam thar dang gsum las/ so so'i mtshan gzhi yod de/ ji ltar
'dod 'dod kyi gzugs sprul nus pa'i rnal 'byor ba rang rgyud kyi
rab mtha'i

bsam gtan bzhi ba'i dngos gzhi snyoms 'jug la brten nas rnal
'byor ba rang nyid la/ gzugs can gyi 'du shes bzhag nas phyi rol
gyi gzugs che chung dang bzang ngan sogs ji ltar 'dod pa ltar
sprul ba'i rnam thar de dang

@020b po dang/ ji ltar 'dod 'dod kyi gzugs sprul nus pa'i rnal
'byor ba rang rgyud kyi rab mtha'i bsam gtan bzhi pa'i dngos
gzhi snyoms 'jug la brten nas rnal 'byor ba rang nyid la gzugs
can ma yin pa'i 'du shes bzhag nas/ phyi

rol gyi gzugs che chung dang bzang ngan sogs ji ltar 'dod pa
ltar sprul pa'i rnam thar de gnyis pa dang/ gzugs sdug pa ji
ltar 'dod 'dod du sprul nus pa'i rnal 'byor pa rang rgyud kyi
rab mtha'i bsam gtan bzhi ba'i dngos gzhi

snyoms 'jug la brten nas ji ltar 'dod pa ltar gzugs sdug pa sha
stag tu sprul nus pa'i rnam thar de gsum pa yin pa'i phyir/ gsum
po de yang snga phyir rim can du thob dgos te/ de gsum phyi ma
phyi ma thob pa la snga ma snga ma thob pa

sngon du 'gro dgos pa yin pa'i phyir te/ gnyis pa de thob pa la
dang po thob dgos/ gsum pa de thob pa la dang po gnyis thob dgos
pa'i phyir/ dang po grub ste/ gser 'prel las/ gnyis pa gzugs med
gzugs la blta

ba'i rnam thar la yang sngar ltar las/ gzhan thams cad sngar
dang 'dra la/ rten gyi khyed par ni rnam thar dang po thob pa'o/
/zhes gsungs pa'i phyir/ gnyis pa grub ste/ gser 'phreng las/
'di la bzhi las gang zag ni

sngar ltar la/ khyad par du rnam thar dang po gnyis thob pa'o/
/zhes gsungs pa'i phyir/ rnam thar dang po gnyis kyi lta bya'i
che chung gi gzugs yod de/ sems can gyi rnam pa can gyi gzugs
dang/ gdugs dang rgyal

mtshan dang/ me tog la sogs pa'i mchod pa'i yo byed kyi rnam pa
can gyi gzugs rnam de gnyis kyi lta bya'i gzugs chung ngu dang/
khang khyim dang gzhal yas khang gi rnam pa can gyi gzugs rnam
de gnyis kyi lta bya'i

@021a @#/ /gzugs chen po yin pa'i phyir/ gser 'phreng las/ chung
ngu ni sems can dang yo byad kyi gzugs so/ /chen po ni khang
khyim dang gnas khang so/ /zhes gsungs pa'i phyir/ de gnyis kyi

lta bya'i gzugs bzang ngan yod de/ sgra'i skye mched yid du mi
'ong ba nas/ reg bya'i skye mched yid du mi 'ong ba'i bar bzhi
po des/ de gnyis kyi lta bya'i gzugs ngan pa dang/ de las zlog
pa sgra'i skye mched yid du 'ong

ba nas/ reg bya'i skye mched yid du 'ong ba'i bar bzhi pa de/ de
gnyis kyi lta bya'i gzugs bzang bar 'jog par yin pa'i phyir/
gser 'phreng las/ ngan pa ni sgra nas reg bya'i bar yid du mi
'ong ba'o/ /bzang ba ni de las

zlog pa'o/ /zhes gsungs pa'i phyir/ rnam thar dang po gnyis po
de/ /rang gi lta bya'i gzugs la lta ba'i tshul yod de/ de gnyis
kyi rang gi lta bya'i gzugs la chen por lta ba'am/ chung ngur
lta ba sogs la mtha' gcig tu

nges pa med par rang gi lta bya'i gzugs la lta ba yin pa'i phyir
te/ gser 'phreng las/ che chung bzang ngan rnams la de las che
ba 'am chung ba sogs su mtha' gcig tu ma nges par blta ba'o/
/zhes gsungs pa'i phyir/ rnam

thar gsum pa de thob pa'i rten gyi gang zag yod de/ theg chen
gyi tshogs lam chen po yan chad kyi gang zag dang/ theg dman gyi
dbang du byas na/ phyir mi 'ong lus mngon byed dang/ gnyis ka'i
cha las grol ba'i dgra bcom pa

rnams gang rung yin na/ de gsum thob pas khyab pa'i phyir te/
gser 'phreng las/ theg chen gyi tshogs lam chen po yan chad dang/
theg dman gyi phyir mi 'ong lus mngon byed dang/ dgra bcom gnyis
ka'i cha las rnam

@021b grol gyis so/ /zhes gsungs pa'i phyir/ de na gnyis ka'i
cha las rnam par grol ba'i dgra bcom pa yin na/ rnam thar gsum
ka thob pa'i khyab ste/ de yin na/ rnam thar brgyad ka thob pa'i
dgra bcom yin dgos/ de yin na 'gog

snyoms thob pa'i dgra bcom yin dgos/ 'gog snyoms thob pa'i dgra
bcom yin na/ rnam thar brgyad thob pa'i dgra bcom pa yin dgos
pa'i phyir/ dang po grub ste/ mdzod las/ 'gog thob gnyis ka las
rnam grol zhes

gsungs pa'i phyir/ gnyis pa grub ste/ 'gog snyoms thob pa'i gang
zag yin na/ rnam thar brgyad thob pa'i gang zag yin dgos pa'i
phyir te/ 'gog snyoms thob pa'i phyir mi 'ong yin na/ rnam thar
brgyad thob pa'i phyir mi

'ong yin dgos pa'i phyir te/ mdzod las/ 'gog pa thob pa'i phyir
mi 'ong/ /lus kyi mngon du byed par 'dod/ /zhes dang/ kun btus
las/ lus kyi mngon du byed pa gang zhe na/ gang rnam par thar pa
brgyad la bsam gtan

ba'i gang zag go /zhes gsungs pa'i phyir/ rgyun zhugs dang/
phyir 'ong gang rung yin na/ rnam thar brgyad po gang yang ma
thob pa'i khyab te/ de brgyad po gang rung thob pa la bsam gtan
gyi dngos gzhi snyoms 'jug dang/ gzugs

med kyi dngos gzhi snyoms 'jug gang rung thob dgos/ de gnyis
gang rung yin na/ de gnyis gang yang ma thob pa'i khyab pa'i
phyir/ rnam thar dang po gnyis po de sgom tshul bshad pa la/
mdzod lugs dang/ rang lugs gnyis

las/ dang po ni/ mdzod las/ mi sdug bsam gtan gnyis na yod/
/zhes 'dod pa'i sa'i bsdus kyi kha dog la chags pa'i 'dod chags
kyi gnyen por rnam thar dang po sgom pa dang/ bsam gtan dang
po'i sa'i bsdus kyi kha dog

@022a @#/ /la chags pa'i 'dod chags kyi gnyen por rnam thar gnyis
pa bsgom pa yin te/ mdzod las/ mi sdug bsam gtan gnyis na yod/
/zhes dang/ gser 'phreng las/ rnam thar 'di gnyis rim pa

ltar 'dod pa'i sa'i kha dog gi 'dod chags dang/ bsam gtan dang
po'i sa'i kha dog gi 'dod chags kyi gnyen por bsgom la zhes
gsungs pa'i phyir/ mdzod pa'i lugs la/ rnam thar de gnyis sa
gang la brten pa'i tshul yod

de; rnam thar dang po de rang gi sems brten bsam gtan dang po'i
dngos gzhi snyoms 'jug la brten pa dang/ gnyis pa de rang gi
sems brten bsam gtan gnyis pa'i dngos gzhi snyoms 'jug la brten
par 'dod pa

yin pa'i phyir te/ gser 'phreng las/ sa yang bsam gtan dang po
gnyis la brten par 'dod do/ /zhes gsungs pa'i phyir/ mdzod pa'i
lugs la rnam thar brgyad kyi dang po gnyis po de mi sdug pa
bsgom pa'i lam yin

par 'dod pa yin te/ ! mdzod las/ rnam par thar brgyad dang po
gnyis/ /mi sdug bsam gtan gnyis na yod/ /zhes gsungs pa'i phyir/
mdzod pa'i lugs la de ltar 'dod kyang skabs 'dir de sgra ji
bzhin par khas

mi len te/ skabs 'dir de tshad ldan du mi bzung ba yin pa'i phyir
te/ ! gser 'phreng las/ de'i lugs kyi 'di gnyis mi sdug pa bsgom
par 'dod pas de 'dir mi gzung ngo/ /zhes gsungs pa'i phyir/
gnyis pa rang

lugs bshad pa ni/ gzugs can gyi rnam thar gsum sgom tshul yod de/
gzugs sprul pa po'i rnal 'byor pa rang nyid la gzugs can gyi 'du
shes gzhag nas/ phyi rol gyi gzugs che chung dang bzang ngan
sogs ji ltar

@022b 'dod pa ltar sprul mi nus pa'i sgrib pa'i gnyen por dang
po de bsgom pa dang/ gzugs sprul ba po'i rnal 'byor pa rang nyid
la gzugs can min pa'i 'du shes gzhag nas/ phyi rol gyi gzugs che
chung dang bzang ngan sogs ji ltar 'dod

pa ltar sprul mi nus pa'i sgrib pa'i gnyen por gnyis pa de bsgom
pa dang/ gzugs sprul ba po'i rnal 'byor pas gzugs sdug pa sprul
ba la dga' ba'i nyon mongs pa dang/ gzugs mi sdug pa sprul ba la
mi dga' ba'i nyon mongs

pa'i gnyen por gzugs sprul ba po'i rnal 'byor pa rang nyid kyis
gzugs gang sprul ba thams cad gzugs sdug pa sha stag tu sprul
ba'i ched du gsum pa de bsgom pa yin pa'i phyir/ gzugs can gyi
rnam thar gsum po de rten

gang la brten nas skye ba'i tshul bshad pa la/ mdzod pa'i lugs
dang/ rang lugs gnyis las/ dang po ni/ ! mdzod las/ gzugs med
ces bya khams gsum gyis/ /rten can lhag ma mi las skye zhes
gzugs can gyi

rnam thar gsum po de mi kho na'i brten la skye bar gsungs pa yin
te/ ! gser 'phreng las/ de yang mdzod las/ gzugs med ces bya
khams gsum gyi/ /rten can lhag ma mi las skye/ /zhes gzugs med
kyi rnam thar

bzhi khams gsum ka dang/ dang po gsum mi'i rten la skye bar
gsungs so/ /zhes gsungs pa'i phyir/ ! gnyis pa rang lugs ni/
gzugs can gyi rnam thar gsum po de mi kho na'i rten la skye ba
ma yin te/ 'dod gzugs

kyi lha'i rten la de gsum skye ba yod pa'i phyir/ der thal/
gzugs khams pa'i lha'i rten la de gsum thob pa'i byang chub sems
dpa' rnams kyi gzugs khams pa'i rten la de gsum sgom pa dang/
'dod lha'i rten la de

@023a @#/ /gsum thob pa'i byang chub sems dpa' rnams kyi 'dod
lha'i rten la de gsum sgom par byed pa yin pa'i phyir te/ ! gser
'phreng las/ byang sems kyis ni gzugs dang 'dod lha'i rten la
sgom

nus sam snyam mo/ /zhes gsungs pa'i phyir/ gzugs can gyi rnam
thar dang po gnyis po de rang gi sems brten gzugs med kyi dngos
gzhi la brten pa min te/ de gnyis bsam gtan gyi sa pa yin pas
rang gi sems brten

gzugs med kyi dngos gzhi la brten pa lung rigs dang 'gal ba yin
pa'i phyir te/ gser 'phreng las/ 'di gnyis bsam gtan gyi sa pa
yin pas/ gzugs med kyis par 'gal ba'i phyir/ zhes gsungs pa'i

phyir/ de ltar 'gal ba yang yin te/ gzugs can gyi rnam thar yin
na/ gzugs dngos yul du byed pas khyab/ sems can gyi rgyud kyi
gzugs med kyi dngos gzhi yin na/ gzugs yul du mi byed pas khyab
pa'i phyir te/

! gser 'phreng las/ gzugs med kyi dngos gzhi la gzugs yul du mi
byed par du ma zhig gsungs pa'i phyir ro/ /zhes gsungs pa'i
phyir/ rnam thar brgyad po de so skye'i lam dang/ 'phags pa'i
lam gang yang ma yin te/

rnam thar dang po bdun po de so skye la yang yod pas/ de rnams
'phags pa kho na la yod par 'dod pa la shes byed kyi lung rnam
dag med cing/ rnam thar brgyad pa 'gog pa'i rnam thar la 'phags
lam gyi khyab pa'i phyir te/

! gser 'phreng las/ so bzhi'i rnam thar bdun so skye la yang yod
pas 'phags pa kho na la 'chad pa la/ shes byed med la zhes
gsungs pa'i phyir/ rang lugs ni/ gzugs can gyi rnam thar dang po
gnyis po gang rung gi

@023b sems brten yin na/ bsam gtan gyi dngos gzhi snyoms 'jug
yin dgos te/ 'di gnyis rang gi sems brten gzugs med kyi dngos
gzhi la brten pa ma yin pa'i phyir te/ gzugs can gyi rnam thar
dang po sgom pa po'i gzugs

med kyi dngos gzhi snyoms 'jug thob pa yod/ /gnyis pa sgom pa
pos de ma thob pa yod/ gzugs can gyi rnam thar dang po gnyis
bsgom mkhan gyi gang zag la de thob pa srid pa yin gyis/ 'di
gnyis kyi sems brten gzugs

med kyi dngos gzhi ma yin pa'i phyir/ ! gser 'phreng las/ snga
ma gzugs med thob pa dang/ /phyi ma de ma thob pas kyang sgom pa
'ong bas/ sgom mkhan gyi gzugs med thob ba srid kyi/ 'di gnyis
kyi brten gzugs med ni ma yin

no/ /zhes gsungs pa'i phyir/ 'o na de gnyis kyi gzugs med kyi
dngos gzhi la mi brten na/ nyi snang las de gnyis kyi sems brten
bsam gtan dang gzugs med kyi dngos gzhi 'dam kha can du mdzad pa
rgyan snang du bkod pa'i

dgongs pa gang yin zhe na/ de'i dgongs pa yod de/ snga ma la
gzugs med kyi dngos gzhi thob pa yod pa dang/ gnyis pa sgom pa
pos de thob na/ gzugs can gyi 'du shes zhig sla ba la dgongs nas
de ltar gsungs kyi de la brten

dgos pa ma yin pa'i phyir te/ gser 'phreng las/ 'di gnyis kyi
rten la nyid snang las/ bsam gtan dang gzugs med 'dam kha can du
mdzad pa rgyan snang du yang bkod pa'i dgongs pa ni snga ma la
gzugs med thob pas kyang sgom

pa yod pa dang/ phyi ma la gzugs med thob na gzugs kyi 'du shes
zhig sla ba la dgongs nas gzugs med la brten par gsungs kyi/ de
la brten dgos pa ma yin te/ zhes gsungs pa'i phyir/ mdzod las/
rnam par thar

@024a @#/ /brgyad dang po gnyis/ /mi sdug bsam gtan gnyis na yod/
/zhes gzugs can gyi rnam thar dang po gnyis po de mi sdug pa
bsgom pa'i lam yin pa dang/ gzugs can gyi rnam thar dang po de
rang gi

sems brten bsam gtan dang po'i dngos gzhi la brten pa dang/
gnyis pa de rang gi sems brten bsam gtan gnyis pa'i dngos gzhi
la brten par bshad kyang mi 'thad de/ dang po de rang gi sems
brten bsam gtan dang po'i

dngos gzhi la brten pa yang min/ gnyis pa de de la brten pa yang
ma yin pa'i phyir te/ dang po de bsam gtan dang po'i dngos gzhi
yang ma yin/ gnyis pa de bsam gtan gnyis pa'i dngos gzhi yang ma
yin pa'i phyir/

khyab ste sa de dang de'i sems brten byas pa yin na/ sa de dang
de'i ngo bor skyes pa gcig dgos pa'i phyir te/ gser 'phreng las/
'o na ci yin zhe na brten par bshad pa de rnam pa gang dang gang
gi ngo bor skyes pa la brten pa'i tha snyad

byas pa ste/ tshul 'di ni lam gyi sems brten thams cad la rig par
bya ste/ chos mngon pa ba dag gis thun mong min pas brda'o/
/zhes gsungs pa'i phyir/ gong gi rtags grub ste/ gzugs can gyi
rnam thar gsum po gang rung

yin na/ bsam gtan bzhi pa'i dngos gzhi snyoms 'jug yin dgos pa'i
phyir te/ de yin na/ rab mtha'i bsam gtan bzhi pa'i snyoms 'jug
yin dgos pa'i phyir/ de gsum nyes pa gsum gyi gnyen po bsgom
tshul yod de/

sdug mi sdug phan tshun ltos med du 'dzin pa dang de gnyis phan
tshun ngo bo nyid kyis tha dad du 'dzin pa dang/ mi sdug pa sprul
pa la mi dga' ba'i nyes pa dang gsum gyi gnyen po rim bzhin du/
phan tshun ltos pa'i 'du shes dang/ rjes su

@024b 'brel ba'i 'du shes dang/ gzugs snang thams cad sdug par
ro gcig du mos pa'i 'du shes gsum yod pa'i phyir te/ ! gser
'phreng las/ ji ltar na phan tshun ltos pa dang/ phan tshun rjes
su 'brel ba dang/ phan tshun ro gcig pa'i 'du shes gsum

la brten nas so/ /zhes gsungs pa'i phyir/ sde tshan gsum pa
mthong chos bder gnas kyi lam bshad pa la/ de la lnga yod de/ de
la gzugs can ma yin pa'i rnam par thar pa lnga yod pa'i phyir/
de la gzugs med kyi rnam thar bzhi dang/ 'gog

pa'i rnam thar ste lnga yod pa'i phyir/ des na sprul ba'i lam
gsum dang/ mthong chos bder gnas kyi lam lnga la rnam par thar
pa brgyad ces bya'o/ /skabs 'dir gzugs med kyi rnam thar bshad
pa la/ rten bshad pa dang/ ngo bo

bshad pa gnyis las/ dang po la/ lus rten bshad pa dang/ sems
rten bshad pa gnyis/ dang po ni/ gzugs med kyi rnam thar bzhi po
de dngos su gsar du skye ba'i lus rten yod de/ de bzhi khams
gsum ka'i gang zag gi

rten la gsar du skye ba yod pa'i phyir te/ mdzod las/ gzugs med
ces bya khams gsum gyi/ /rten can zhes gsungs pa'i phyir/ de
bzhi so so'i sems rten yod de/ gzugs med kyi rnam thar dang po
de rang gi sems

rten du gyur ba'i nam mkha' mtha' yas kyi dngos gzhi snyoms 'jug
la rten nas dngos su gsar du skyes pa bzhin du gnyis pa gsum pa
bzhi pa rnams kyang rim pa bzhin du rnam shes mtha' yas/ ci yang
med/ srid rtse'i dngos

gzhi snyoms 'jug la brten nas dngos su gsar du skyes pa'i phyir/
de yang yin te/ dang po de yin na/ nam mkha' mtha' yas kyi dngos
gzhi snyoms 'jug yin dgos/ gnyis pa de yin na/ rnam shes mtha'
yas kyi dngos gzhi snyoms 'jug yin

@025a @#/ /dgos/ gsum pa dang bzhi pa la yang rim pa bzhin du/ ci
yang med dang srid rtse'i zhes pa ma rtogs rigs 'dra ba'i phyir/
gnyis pa la de bzhi so so'i ngo bo yod de/ gzugs med kyi rnam
thar gang zhig /

nam mkha' mtha' yas kyi sas bsdus kyi snyoms 'jug gi sgrib pa'i
cha phyogs re ba las grol ba yang yin pa'i nam mkha' mtha' yas
kyi dngos gzhi snyoms 'jug de/ nam mkha' mtha' yas kyi rnam thar
gyi mtshan nyid yin pa bzhin du/

phyi ma gsum yang 'dra ba'i phyir/ 'gog pa'i rnam thar dngos su
gsar du skye ba'i lus rten yod de/ 'gog pa'i rnam thar de khams
gsum ka'i rten la dngos su gsar du skye ba yod pa'i phyir/ de'i
sems brten yod de/ 'gog pa'i

rnam thar de rang gi sems brten du gyur pa'i srid rtse'i dngos
gzhi snyoms 'jug la brten nas dngos su gsar du skye ba'i phyir
te/ de yin na srid rtse'i dngos gzhi snyoms 'jug yin dgos pa'i
phyir/ ngo bo yang yod de/ 'gog snyoms

la snyoms par 'jug pa'i srid rtse'i dngos gzhi snyoms 'jug de/
'gog pa'i rnam thar gyi mtshan nyid yin pa'i phyir/ 'gog pa'i
rnam thar dang/ 'gog pa'i snyoms 'jug la khyad par yod de/ 'gog
pa'i rnam thar yin na/

'phags rgyud kyi mkhyen pa yin pas khyab/ 'gog pa'i snyoms 'jug
yin na/ 'phags rgyud kyi shes pa las gzhan pa'i ldan min 'du
byed yin dgos pa'i phyir/ gzugs can ma yin pa'i rnam thar lnga
po de la/ mthong chos

bder gnas kyi lam zhes brjod pa'i rgyu mtshan yod de/ lnga po de
rang rgyud ldan gyi gang zag mthong ba'i chos tshe 'di la lus
sems bde bar gnas byed kyi lam yin pas na de ltar brjod pa'i
phyir te/ rnam bshad las/ mthong ba'i

@025b chos tshe 'di la lus sems bde bar gnas pa'i lam la rnam pa
lnga'o/ /zhes gsungs pa'i phyir/ gzugs med kyi rnam thar la
snyoms par 'jug pa'i byang sems 'phags pa rnams kyi dgos pa gang
gis phyir du de la snyoms par 'jug

pa'i tshul yod de/ de rnams kyi gtso bor ched du bya ba gzhan gyi
don du dngos su rang gi mthong chos kyi tshe 'di la bde bar gnas
pa'i phyir du gzugs med kyi rnam thar la snyoms par 'jug pa yin
pa'i phyir te/ rnam bshad las/ 'di la

byang chub sems dpa' rnams ched du bya ba gzhan gyi don du dngos
su rang gi tshe 'di la bde bar gnas pa'i ched du snyoms par 'jug
kyang/ de dag gi rnam smin nam yang mngon du mi byed de/ zhes
gsungs pa'i phyir/ de la snyoms

par 'jug pa'i nyan rang 'phags pa rnams kyi dgos pa gang gi
phyir du de la snyoms par 'jug pa'i tshul yod de/ de rnams kyi
rang gi mthong chos kyi tshe de la bde bar gnas pa'i ched kho nar
de la snyoms par 'jug pa yin pa'i phyir te/

!rnam bshad las/ 'di la nyan rang 'phags pa dag kyang mthong
chos la bde bar gnas pa'i ched kho nar snyoms par 'jug go /zhes
gsungs pa'i phyir/ sde tshan bzhi pa 'jig rten las 'das pa'i lam
la dgu yod de/ 'das

lam du gyur ba'i bsam gtan gyi dngos gzhi snyoms 'jug bzhi/ der
gyur pa'i gzugs med kyi dngos gzhi snyoms 'jug bzhi/ der gyur
ba'i 'gog pa la snyoms par 'jug nus kyi ye shes rnams yod pa'i
phyir/ 'gog

snyoms de 'das lam min kyang/ de la 'das lam gyi sgras brtags
nas bstan pa'i rgyu mtshan yod de/ de 'das lam gyi stobs kyi thob
pas na de la 'das lam gyi ming gis brtags nas bzhag pa'i phyir/
rnam bshad las/

@026a @#/ /'gog snyoms 'das lam gyi stobs kyi thob pas 'jig rten
las 'das ba'i lam du bzhag go/ zhes gsungs pa'i phyir/ 'gog
snyoms de lam yin par thal/ de snyoms 'jug yin pa'i phyir zer

na; rtags ma grub ste/ de snyoms 'jug dngos ma yin pa'i phyir
te/ de snyoms 'jug btag pa ba yin pa'i phyir te/ 'gog snyoms la
snyoms par 'jug pa'i 'jug sems de snyoms 'jug dngos yin zhing/
de de'i 'bras bu

yin pas na rgyu'i ming gi 'bras bu la btag pa'am/ yang na 'gog
snyoms la snyoms par 'jug pa'i gang zag gi de la snyoms par 'jug
pa'i tshe/ de ltar 'jug pa'i so so'i gang zag gi lus kyi 'byung
ba cha snyoms par 'jog

pa la dgongs nas 'gog snyoms la snyoms 'jug gi ming gi btag nas
bstan pa yin pa'i phyir te/ gser 'phreng las/ snyoms 'jug du
gsungs pa'i dgongs pa ni/ 'di'i 'jug sems de snyoms 'jug yin
zhing/

de'i 'bras bu yin pas rgyu'i ming gis btags pa'am/ yang na 'di
la zhugs pa'i tshe lus kyi 'byung ba rnams cha snyoms par 'jog pa
la dgongs so/ /zhes gsungs pa'i phyir/ 'di'i skabs su 'gog
snyoms kyi rnam gzhag

bshad pa la/ 'gog snyoms la snyoms par 'jug pa'i gang zag bshad
pa/ de'i rten bshad pa/ ngo bo bshad pa/ dgag bya gang 'gog tshul
bshad pa/ yun ji tsam du de la snyoms par 'jug pa'i tshul bshad
pa dang lnga

las/ dang po ni/ de la snyoms par 'jug pa'i rten gyi gang zag
yod de/ phyir mi 'ong lus mngon byed dang/ gnyis ka'i cha las
rnam par grol ba'i nyan rang dgra bcom pa rnams kyi 'gog snyoms
la snyoms par 'jug pa

@026b yin pa'i phyir te/ bsdu ba las/ de las slob ba phyir mi
'ong lus kyi mngon sum du byed pa dang/ mi slob pa gnyis ka'i
cha las rnam par grol ba yang snyoms par 'jug go/ zhes gsungs
pa'i phyir/ so skye dang rgyun zhugs dang phyir

'ong dang/ shes rab kyi rnam par grol ba'i dgra bcom pa rnams
kyi 'gog snyoms la snyoms par 'jug mi nus te/ de la snyoms par
'jug pa la kun gzhi khas len pa'i lugs la nyon yid dgag dgos
shing/ srid rtse'i

dngos gzhi snyoms 'jug thob dgos na nyon yid dgag pa'i so skye
yang med/ srid rtse'i dngos gzhi snyoms 'jug thob pa'i rgyun
zhugs dang phyir 'ong med pa'i phyir te/ gser 'phreng las/ so
skye dang rgyun zhugs phyir 'ong shes

rab kyi rnam grol rnams kyi 'jug mi nus te/ 'di la 'jug pa la
nyon yid dgag dgos shing/ srid rtse'i sems thob dgos na dang po
la dang po med la/ lhag ma rnams la phyi ma med pa'i so/ /zhes
gsungs pa'i phyir/ theg chen gyi

dbang du byas na/ dman lam sngon du song ba'i byang chub sems
dpa'i theg pa chen po'i tshogs lam nas 'gog snyoms la snyoms par
'jug pa yod cing dman lam sngon du ma song ba'i byang chub sems
dpa' theg pa chen po'i mthong

lam nas 'gog snyoms la snyoms par 'jug pa yod de/ gser 'phreng
las/ theg pa chen po'i mthong lam nas 'jug nus so/ /zhes gsungs
pa'i phyir/ kho na re/ sa bcu pa'i mdo las/ kye rgyal ba'i sras
dag byang chub

sems dpa'i sa drug pa yan chad byang chub sems dpa' 'gog pa la
snyoms par 'jug ste/ byang chub sems dpa'i sa bdun pa 'di la
gnas pa'i byang chub sems dpa' ni sems kyi skad cig skad cig la
yang 'gog pa la

@027a @#/ /snyoms par 'jug cing/ ldang de 'gog pa mngon sum du
byas so zhes ni mi bya'o/ /zhes gsungs pa dang 'gal lo zhe na
skyon med de/ sems kyi skad cig skad cig la yang 'gog pa la
snyoms par

'jug cing ldang de zhes pa'i skabs kyi 'gog pa de bden grub kyi
spros pa thams cad dang bral ba'i chos kyi dbyings la bzhed pas/
de'i skabs kyi 'gog pa dang/ 'gog snyoms zhes pa'i skabs kyi
'gog pa gnyis ming 'dra yang/

don mi 'dra ba'i phyir te/ gser 'phreng las/ sa bcu pa'i lung de
drang nas/ de'i 'jug tu skyon med de/ de ni spros pa thams cad
dang bral ba'i chos kyi dbyings la 'gog par bzhed pas ming
mtshungs kyang don mi 'dra'o/ /zhes

gsungs pa'i phyir/ gnyis pa 'gog snyoms kyi rten bshad pa la/
kha cig gi de'i rten la lus rten dang sems rten gnyis ka yod zer
ba mi 'thad de/ 'gog snyoms kyi sems rten med pa'i phyir te/ de
shes ba ma

yin pa'i phyir te/ de shes pa las gzhan pa'i ldan min 'du byed
yin pa'i phyir/ 'gog snyoms kyi lus rten bshad pa la/ kha cig
'gog snyoms dngos su gsar du skye ba'i lus rten can gyi gang zag
yin na mi yin

pas khyab ste/ mngon pa kun btus las/ 'gog pa'i snyoms par 'jug
pa ni 'jig rten las 'das pa te/ mi rnams kyi nang du mngon par
grub bo/ /zhes dang/ mngon pa mdzod las/ 'gog pa dang por mi
nang du//

zhes gsungs pa'i phyir/ zer na mi 'thad de/ 'dod lha'i rten la
'gog pa la snyoms par 'jug pa yod pa'i phyir te/ 'dod lha'i rten
can gyi phyir mi 'ong lus mngon byed yod pa gang zhig des tshe
rab snga ma la mi'i rten la

@027b 'gog snyoms mngon du byas pa ma yin pa'i phyir/ dang po
grub ste/ 'gog snyoms la snyoms par 'jug pa'i phyir mi 'ong lus
mngon byed la/ gling gsum gyi mi dang 'dod lha rigs drug dang
tshangs chen ma gtogs pa'i gzugs

khams gnas rigs bcu drug gi lha dang nyi shu rtsa lnga yod par
'grel ba rgyal sras ma las bshad pa'i phyir/ gnyis pa ma grub
na/ mi nas shi 'phos te las nyon gyi dbang gi 'dod khams su skye
ba blangs pa'i phyir mi 'ong yod par

thal/ 'dod pa'i phyir/ 'dod mi nus te/ phyir mi 'ong yin na/ las
nyon gyi dbang gis 'dod khams su skye ba mi len pas khyab pa'i
phyir te/ phyir mi 'ong yin na phyir mi 'ong gi sgra bshad dang
ldan pa'i khyab pa'i phyir/ kha cig gi /'gog

snyoms la snyoms par 'jug pa'i gzugs med khams pa med te/ gzugs
med pa'i rten la 'gog snyoms mngon du byed pa med pa'i phyir te/
! mngon pa kun btus las/ mi rnams kyi nang du mngon par sgrub
nas gzugs kyi

khams su yang mngon du byed do/ /gzugs med pa'i khams su mngon
du byed pa med de/ zhes gsungs pa'i phyir/ zer na skyon med de/
gzugs med kyi rten la tshor 'du rags pas yid skyo ba'i sgo nas
'gog pa la snyoms par

'jug pa med pa'i don yin pa'i phyir/ gzhan yang/ gzugs med khams
pa'i rten la 'gog snyoms mngon du byed pa yod par thal/ gzugs
med khams pa'i rten can gyi phyir mi 'ong lus mngon byed dang/
gnyis ka'i cha las

rnam par grol ba'i dgra bcom gnyis ka yod pa'i phyir/ gong du
drangs pa'i mngon pa gong 'og gis lung gnyis kyi don yang/ 'gog
snyoms mi kho na'i rten la skye zhes pa'i don min te/ gzugs
khams pa'i rten can gyi phyir mi

@028a @#/ /'ong phal che ba rnams kyi sngon mi'i rten la 'gog
snyoms thob pa yin zhes pa'i don yin pa'i phyir/ de ltar yin
kyang/ gzugs khams pa'i rten can gyi phyir mi 'ong thams cad kyi
sngon mi'i rten la

'gog snyoms thob pa ma yin te/ 'dod lha'i rten can gyi phyir mi
'ong lus mngon byed kyi rtogs pa sngon du song ba'i gzugs khams
pa'i rten can gyi phyir mi 'ong lus mngon byed yod pa'i phyir/
gsum pa ngo bo yod de/ dgag

gzhi yid kyi rnam shes phra mo'i steng du dgag bya tshor 'du rags
pa bkag pa'i 'phags rgyud kyi ldan min 'du byed 'gog snyoms kyi
mtshan nyid yin pa'i phyir/ 'gog snyoms yin na/ ldan min 'du byed
yin pas khyab te/ slob dpon

'phags seng gnyis kyi 'gog snyoms la ldan min 'du byed kyi khyab
par bzhed pa yin pa'i phyir te/ rnam bshad las/ 'dir ni slob
dpon dang 'phags pa gnyis kas tshogs drug 'khor dang bcas pa rags
pa bkag pa'i ldan min

'du byed kyi khyad par la bzhed par gsal gyi/ zhes gsungs pa'i
phyir/ bzhi pa dgag bya gang 'gog pa'i tshul bshad pa la/ kun
gzhi khas len pa'i lugs bshad pa dang/ de khas mi len pa'i lugs
bshad pa gnyis las/

dang po ni/ 'gog snyoms des dgag bya gang 'gog pa'i tshul yod de/
rnam shes tshogs drug rags pa 'gog cing/ kun gzhi mi 'gog cing
nyon yid 'gog pa yin pa'i phyir/ de yang 'dod khams kyi dbang du
byas pa yin

gyi; khams gong ma gnyis su ni/ tshogs drug rags pa thams cad
'gog pa ma yin te/ gzugs khams su sna lce'i rnam shes dang/
gzugs med khams su yid kyi rnam shes ma gtogs dang po lnga med
pas/ gzugs

@028b med khams su rnam shes tshogs dang po lnga dang/ gzugs
khams su sna lce'i rnam shes gnyis 'gog pa'i phyir te/ gser
'phreng las/ 'dod khams su yin gyi khams gong ma gnyis su ni rim
pa ltar sna lce'i rnam shes dang/ tshogs

lnga med pas/ lnga dang gnyis 'gog go/ zhes gsungs pa'i phyir/
de ni gser 'phreng las bshad pa'i tshul gcig yin la/ spyi don
'ga' zhig du ni/ dgag bya gang 'gogs pa ni 'dod khams su rnam
shes tshogs drug gzugs

khams su tshogs bzhi/ gzugs med du yid kyi rnam shes rags pa 'gog
go/ zhes gsungs kyang gang bde ba'i rjes su 'brang ngo/ /kun
gzhi khas len pa'i gang zag yod de/ sems tsam rnam bden pa dang/
slob dpon tsaNDa go mi

la sogs pa'i rnal 'byor spyod pa'i rang rgyud pa kha cig gis de
ltar khas len pa'i phyir/ kun gzhi khas len na/ nyon yid khas
len pas khyab cing/ de khas mi len na/ nyon yid kyang khas mi
len pas khyab bo/ /kun gzhi

dang nyon yid kyi khyad par yod de/ kun gzhi de ma sgrib lung ma
bstan dang/ nyon yid de sgrib lung ma bstan yin pa'i phyir/
grogs kyi khyad par yod de/ kun gzhi de sems byung kun 'gro lnga
kho na dang lhan cig tu grogs/ nyon yid

de kun 'gro lnga dang 'dod chags nga rgyal nyon mongs can gyi ma
rig pa bdag lta ste sems byung dgu dang lhan cig tu grogs pa'i
phyir/ ldog pa'i khyad par yod de/ sa brgyad pa dang theg dman
dgra bcom pa'i go 'phang thob

nas de gnyis ka ldog pa yin pa'i phyir/ slob dpon dbyig gnyen
gyi mdzad pa'i sum cu pa las/ dgra bcom nyid nas de ldog go/
zhes dang/ rje bla mas mdzad pa'i yid kun rtsa ba las/ de phyir
dbang thob dgra bcom la/ /kun

@029a @#/ /gzhi yod pa ma yin te/ zhes gsungs pa'i phyir/ de ltar
khas blangs pa la/ grub mtha' rgya mtshor 'jug pa'i gru rdzing
dang/ gnyal ston bka' 'grel las/ kun gzhi de dgra bcom pa'i
rgyud la yang

yod pas sgrib lung ma bstan min/ zhes gsungs kyang 'gal ba'i
skyon med de/ dgra bcom pa'i rgyud la len pa'i rnam shes dang
rten du gyur pa'i rnam smin gyi rnam shes yod zhes pa'i don yin
zhing/ de dag kun gzhi'i rnam

shes ma yin pa'i phyir te/ de la kun gzhi'i rnam shes yin min
gnyis yod pa'i phyir/ gnyis pa ni bye brag smra ba/ sems tsam
rnam rdzun pa/ slob dpon zhi ba mtsho/ 'phags seng gnyis/ slob
dpon ka ma la shri la sogs

rnal 'byor spyod pa'i rang rgyud pa rnams dang/ slob dpon legs
ldan 'byed dang/ ye shes snying po la sogs pa'i mdo sde spyod
pa'i rang rgyud pa rnams dang/ dbu ma thal 'gyur ba rnams kyi
kun gzhi khas mi len te/ de rnams kyi

rnam shes la tshogs drug du grangs nges par 'dod pa'i phyir/ de
rnams kyi lugs la 'gog snyoms des dgag bya gang 'gog pa'i tshul
yod de/ rnam shes tshogs drug rags pa 'gog pa'i phyir te/ 'gog
snyoms la

snyoms par 'jug pa'i gang zag gi rgyud la rnam shes rags pa med
pa'i phyir te/ de'i rgyud la rnam shes rags pa med kyang/ de'i
rgyud la rnam shes yod de/ gzugs can gyi gang zag yin na/ rnam
shes rgyud la ldan

pa'i gang zag yin dgos pa'i phyir/ lnga pa yun ji tsam du snyoms
par 'jug pa'i tshul bshad pa ni/ theg dman pa bskal pa'i bar du
snyoms par 'jug pa yod kyang/ byang chub sems dpa' zhag bdun las
lhag par

@029b snyoms par 'jug pa med de/ mdo nyi ma'i snying po las/
zhag bdun las lhag pa snyoms par mi 'jug ste/ byang chub sems
dpa'i spyod pa 'dor bas so/ /zhes gsungs pa'i phyir/ kho na re/
snying rje pad dkar las/ skye ba gcig

gis thog pa'i byang chub sems dpa' 'gog pa la snyoms par 'jug
pa'i sems kyi bar gyi bskal ba bcu 'da' bar byed do/ /zhes
gsungs pa dang 'gal lo/ /zhe na/ skyon med de/ lung de ni 'gog
snyoms la snyoms par 'jug nus

pa'i skye ba gcig gi thog pa'i byang chub sems dpa' yod zhes
pa'i don yin pa'i phyir/ des na/ 'gog snyoms yin na/ snyoms 'jug
gi sgrib pa spangs pas khyab kyang/ srid rtse sa'i bsdus kyis
snyoms 'jug gi sgrib pa yod med

blo ldan rnams kyi dpyad par bya'o/ /'o na snyoms 'jug gi sgrib
pa de/ sgrib pa yin nam min zhe na/ min te/ de la sgrib pa yin
min gnyis yod pa'i phyir/ snyoms 'jug gi sgrib par gyur pa'i
bying ba de snyoms 'jug gi sgrib pa yin

kyang; sgrib pa min/ de gyur ba'i rgod pa de snyoms 'jug gi
sgrib pa dang/ sgrib pa gnyis ka yin pa'i phyir/ snyoms 'jug gi
sgrib pa la bying rgod gnyis yod te/ ! rgyud bla ma las/ gnyis
med las su rung ba'i phyir/ rtsub pa'i reg

dang bral ba yin/ /zhes pa dang/ de'i 'grel ba las/ snyoms 'jug
gi sgrib pa bying rgod gnyis med pas/ ting nge 'dzin sgom pa la
sems las su rung ba'i phyir/ rtsub pa'i reg pa dang bral ba yin
no/ /zhes gsungs

pa'i phyir/ bying ba de sgrib pa ma yin te/ de la dge ba dang
lung ma bstan gnyis yod pa'i phyir/ lam rim las/ bying ba la ni
dge ba dang lung ma bstan gnyis yod la/ zhes gsungs pa'i phyir/
rgod pa de sgrib pa yin te/

@030a @#/ /de nyon sgrib yin pa'i phyir/ ma grub na/ der thal/ de
nyon mongs yin pa'i phyir/ der thal/ de nye nyon nyi shu'i nang
tshan yin pa'i phyir/ sems byung gi sdom tshig las/ khro dang
'khon 'dzin 'chab dang

'tshig/ phrag dog ser sna gyo rgyu rgyags/ /rnam par 'tshe ba dang
po bcu/ /ngo tsha med dang khrel med dang/ /rmugs rgod ma dad le
lo dang/ /bag med brjed nges shes bzhin min/ /rnam par gyeng ba
phyi ma bcu/ /de dag nye nyon

nyi shu yin/ /zhes gsungs pa'i phyir/ /lnga pa ni/ 'dir bstan
spong lam bzhi yod de/ sdug bsngal chos bzod/ kun 'byung chos
bzod/ 'gog pa chos bzod/ lam chos bzod/ de bzhi'i rigs 'dra phyi
ma gyur ba'i rnam

mkhyen bzhi yod pa'i phyir/ drug pa ni/ 'dir bstan/ sangs rgyas
nyid kyi lam la bcu yod de/ byang sems kyi rgyud kyi sbyin sogs
bcu dang/ spyir de la phar phyin bcu yod pa'i phyir te/ sbyin
pa'i phar phyin/ tshul khrims

kyi phar phyin/ bzod pa'i phar phyin/ brtson 'grus kyi phar
phyin/ bsam gtan gyi phar phyin/ shes rab kyi phar phyin/ thabs
mkhas kyi phar phyin/ smon lam gyi phar phyin/ stobs kyi phar
phyin/ ye shes kyi phar phyin rnams

su yod pa'i phyir/ gsum pa ni sangs rgyas la yod pa dang rjes su
mthun pa'i rnam mkhyen gyi shes rnam la so dgu yod de/ stobs
bcu/ mi 'jigs pa bzhi/ rnam mkhyen du gyur pa'i so so yang dag
rig pa bzhi/ sangs rgyas

kyi chos ma 'dres pa bco brgyad/ der gyur ba'i de bzhin nyid kyi
rnam pa/ rang 'byung gi rnam pa/ sangs rgyas nyid kyi rnam pa
ste/ sde tshan bdun yod pa'i phyir/ dang po ni/ stobs bcu yod de
gnas dang gnas min pa mkhyen pa'i

@030b stobs/ las kyi rnam par smin pa mkhyen pa'i stobs/ mos pa
sna tshogs mkhyen pa'i stobs/ khams sna tshogs mkhyen pa'i stobs/
dbang po mchog dang mchog min pa mkhyen pa'i stobs/ thams cad du
'gro ba'i lam mkhyen pa'i stobs/

kun nas nyon mongs pa dang rnam par byad ba mkhyen pa'i stobs/
sngon gyi gnas rjes su dran pa mkhyen pa'i stobs/ 'chi 'pho ba
dang skye ba mkhyen pa'i stobs/ zag pa zad pa mkhyen pa'i stobs
rnams su yod pa'i phyir/ skabs 'di'i

gnas dang gnas min pa yod de/ sbyin pa btang ba las/ longs spyod
'byung ba gnas dang/ sbyin pa btang ba las dbul por 'gyur ba
gnas min pa yin pa'i phyir te/ ! rje bla mas mdzad pa'i 'jam
dbyangs bstod sprin rgya mtsho las/

sbyin las 'byor ldan gnas yin dbul po min/ /ser snas dbul po
gnas yin 'byor ldan min/ /zhes pa dang/ gser 'phreng las/ sbyin
pas longs spyod chen po ni gnas/ /dbul ba ni gnas min pa dang/
ser sna de las zlog pa

dang/ zhes gsungs pa'i phyir/ des na stobs bcu po de yin khyab
mnyam yin te/ rnam mkhyen yin na/ de bcu ka yin dgos pa'i phyir/
gnyis pa mi 'jig pa bzhi yod de/ rang don spangs pa dam bca' ba
la mi 'jigs pa/ rang

don rtogs pa dam bcas pa la mi 'jigs pa/ gzhan don spangs bya
dam bca' ba la mi 'jigs pa/ gzhan don gnyen po dam bca' ba la mi
'jigs pa dang bzhi yod cing/ de yang yin khyab mnyam yin pa'i
phyir/ gsum pa ni/

so so yang dag par rig pa bzhi yod de/ chos so so yang dag par
rig pa bzhi/ don so so yang dag par rig pa bzhi/ nges pa'i tshig
so so yang dag par rig pa bzhi/ spobs pa so so yan dag par rig
pa bzhi yod pa'i phyir/ 'di bzhi ni sa dgu pa nas yod de/ /mdo
sde rgyan las/ so so yang

@031a @#/ /dag rig blo bzang/ /sa de legs pa'i blo gros yin/
/zhes gsungs pa'i phyir/ bzhi pa ni/ sangs rgyas kyi chos ma
'dres pa bco brgyad yod de/ sku'i spyod pa 'khrul pa mi mnga'
ba'i ye shes/ gsung ca

co mi mnga' ba'i ye shes/ thugs mnyam par ma bzhag pa mi mnga'
ba'i ye shes/ dran pa nyams pa mi mnga' ba'i ye shes/ tha dad pa
nyid kyi 'du shes mi mnga' ba'i ye shes/ so sor ma brtags pa'i
btang snyoms mi mnga' ba'i ye

shes te/ /spyod pa ma 'dres pa drug /'dun pa nyams pa mi mnga'
ba'i ye shes/ brtson 'grus nyams pa mi mnga' ba'i ye shes/ dran
pa nyams pa mi mnga' ba'i ye shes/ ting nge 'dzin nyams pa mi
mnga' ba'i ye shes/ shes

rab nyams pa mi mnga' ba'i ye shes/ rnam par grol ba nyams pa mi
mnga' ba'i ye shes te/ rtogs pa ma 'dres pa drug /sku gsung
thugs gsum gyi 'phrin las rnams ye shes kyi sngon du 'gro zhing
ye shes kyi rjes su 'brang

ba'i 'phrin las ma 'dres pa gsum/ 'das ma 'ongs da lta ba'i dus
gsum la ma chags ma thogs pa'i ye shes ma 'dres pa gsum yod pa'i
phyir te/ ! rje bla mas mdzad pa'i byams bstod tshangs cod ma
las/ sku gsung

thugs la 'khrul pa'i ming yang med/ /dran pa ma nyams rtag tu
mnyam par gzhag /tha dad 'dzin pa ma brtags btang snyoms kyi/
/dben phyir khyod kyi spyod pa yongs su dag /'dun pa dang ni
brtson 'grus dran pa dang/ /ting

'dzin shes rab rnam par grol ba la/ /nyams pa'i go skabs ma lus
ring du mdzad/ /de phyir khyod ni rtogs pa bla na med/ /sku
gsung thugs kyi 'phrin las rnam par dag /dus gsum thams cad
chags thogs med par mkhyen//

@031b zhes gsungs pa'i phyir/ mdzod pa'i lugs la 'di dang 'dren
tshul mi 'dra ste/ de'i lugs la stobs bcu dang/ mi 'jigs pa bzhi
dang/ thun mong ma yin pa'i dran pa nyer gzhag gsum/ thugs rje
chen po rnams 'dren pa'i phyir

mdzod las/ sangs rgyas chos ni ma 'dres pa/ /stobs la sogs pa
bco brgyad do/ /zhes pa dang/ mdzod 'grel las/ ma 'dres pa bco
brgyad gang zhe na/ stobs bcu dang/ mi 'jigs pa bzhi dang/ thun
mong ma yin pa'i dran pa

nyer bar gzhag pa gsum dang/ thugs rje chen po'o/ /thun mong ma
yin pas na ma 'dres pa zhes bya'o/ /zhes gsungs pa'i phyir/ thun
mong ma yin pa'i dran pa nyer gzhag gsum yod de/ 'khor gus par
chos nyan pa la rjes su chags

pa spangs pa'i dran pa nyer gzhag /'khor ma gus par chos nyan pa
la khong khro ba spangs pa'i dran pa nyer gzhag /gus ma gus
gnyis ka la chags sdang gnyis kas dben pa'i dran pa nyer gzhag
rnams su yod pa'i phyir/ tha ma gsum

ni sngar bshad pas shes nus so/ /rtsod pa spong ba la/ kho na
re/ gzhi grub na mkhyen gsum gyi rnam pa yin pas khyab te/ gzhi
grub na/ mkhyen gsum gyi don rnam yin pas khyab pa'i phyir te/
gzhi grub na/ mkhyen gsum gyi

gzhal bya yin pas khyab pa'i phyir/ zhes zer ba mi 'thad de/
gzhi grub na/ rnam mkhyen dang/ lam shes kyi gzhal bya yin pas
khyab kyang/ gzhi shes kyi gzhal bya yin pas ma khyab pa'i phyir
te/ de ltar khyab par khas len

pa la; shes byed kyi lung rnam dag med par ma zad/ lung rig
gnyis ka dang 'gal ba'i phyir/ rig pa dang 'gal te/ gzhi shes
kyi stong nyid ma rtogs pa'i phyir te/ sems can gyi rgyud la
stong nyid rtogs pa'i gzhi shes

@032a @#/ /med pa gang zhig /sangs rgyas 'phags pa'i rgyud kyi
gzhi shes kyi rtogs na/ gzhi shes kyi rtogs pas ma khyab pa'i
phyir/ ma grub na/ dbang shes dang/ snying rje chen po dang/
theg chen sems bskyed rnams

kyi stong nyid rtogs par thal ba dang/ sgra mig shes kyi gzung
byar 'gyur ba sogs rig pa'i gnod byed mtha' yas so/ /de ltar
khas len pa lung dang 'gal te/ byang phyogs so bdun gyi stong
nyid ma rtogs pa'i phyir/ des chos kyi

bdag med ma rtogs pa'i phyir/ gser 'phreng las/ so bdun gyi ldog
pa nas chos kyi bdag med rtogs par mi 'jog la zhes pa dang/ so
bdun gang zag gi bdag med kyi dmigs rnam can yin pa'i phyir/
gzhi shes kyi rnam pa dang/

zhes gsungs pa'i phyir/ de yan chad kyi mkhyen gsum gyi rnam pa
mdor bsdus tsam bshad pa yin no// ! gnyis pa theg chen gyi sbyor
ba bshad pa la/ gzugs la sogs la mi gnas phyir/ zhes pa nas/ de
ni dag pa

mtshams dang bcas/ zhes pa'i bar gsungs pa'i phyir/ 'dir dngos su
bstan pa'i theg chen gyi sbyor ba la nyi shu yod de/ sbyor ba
rang gi ngo bo'i sgo nas dbye ba lnga/ rten gyi gang zag gi sgo
nas dbye na brgyad/ sbyor ba rdzogs pa'i thabs

kyi sgo nas dbye na bzhi/ 'bras bu dang dus kyi sgo nas dbye na
gsum yod pa'i phyir/ dang po grub ste/ mi gnas pa'i sbyor ba/
gnas pa bkag pa'i sbyor ba/ zab pa'i sbyor ba/ gting dpag dka'
ba'i sbyor ba/ tshad med pa'i sbyor ba

dang lnga yod pa'i phyir/ gnyis pa/ rten gyi gang zag gi sgo nas
dbye ba la brgyad yod de/ chos nyid la sgom byung gi gsal snang
ma thob pas/ skrags pa shes cher skye ba'i dbang du byas pa gcig
dang/ chos nyid la sgom byung gi gsal

@032b snang thob pas/ skrags pa shes cher mi skye ba'i dbang du
byas pa bdun dang brgyad yod pa'i phyir/ dang po grub ste/ tshegs
chen yun ring rtogs dka' ba'i sbyor ba de de yin pa'i phyir/
skabs 'di'i dngos bstan gyi tshegs chen yun ring rtogs

dka' ba'i sbyor ba 'di stong nyid la skrags pa'i sbyor ba yin
kyang/ stong nyid rtogs pa'i sbyor ba yin te/ rje btsun gyis
mdzad pa'i bka' 'grel Tika las/ chos nyid la sgom byung gi gsal
snang ma thob pas skrags pa shes cher skye

ba'i byang sems tshogs lam pa'i rgyud kyi stong nyid rtogs pa'i
ye shes de/ tshegs chen yun ring rtogs dka' ba'i sbyor ba yin no/
/zhes gsungs pa'i phyir/ gnyis pa la bdun yod de/ rang don gyi
dbang du byas pa drug dang/ gzhan don gyi

dbang du byas pa gcig yod pa'i phyir/ dang po grub ste/ lung
bstan thob pa'i sbyor ba/ phyir mi ldog pa'i sbyor ba/ nges par
'byung ba'i sbyor ba/ bar chad med pa'i sbyor ba/ byang chub la
nye ba'i sbyor ba/ myur ba'i sbyor ba rnams su

yod pa'i phyir/ gnyis pa yod de/ gzhan don gyi sbyor ba de de
yin pa'i phyir/ gnyis pa sbyor ba rdzogs pa'i thabs kyi sgo nas
dbye ba bzhi yod de/ 'phel 'grib med pa'i sbyor ba/ chos dang
chos min sogs mi mthong ba'i sbyor ba/ gzugs

sogs bsam mi khyab mi mthong ba'i sbyor ba/ rnam par mi rtogs
pa'i sbyor ba rnams su yod pa'i phyir/ bzhi pa 'bras bu dang dus
kyi sgo nas dbye na gsum yod de/ 'bras bu rin chen sbyin byed
kyi sbyor ba/ rnam par dag pa'i sbyor ba/

sa mtshams dang bcas pa'i sbyor ba rnams su yod pa'i phyir/ 'dir
dngos su bstan pa'i sbyor ba nyi shu po thams cad stong nyid
rtogs pa'i sbyor ba yin pa'i phyir/ stong nyid rtogs pa'i theg
chen gyi sbyor ba yin na/ 'dir dngos su bstan

@033a @#/ /pa'i sbyor ba yin pas ma khyab ste/ theg dman dgra
bcom pa'i rtogs pa sngon du song ba'i byang sems kyis rgyud kyi
stong nyid rtogs pa'i mkhyen pa yin na/ 'dir dngos su bstan pa'i
theg chen gyi sbyor ba ma yin

dgos pa'i phyir/ des na stong nyid la dmigs pa'i zhi lhag zung
'brel gyi shes rab kyi zin pa'i tshogs lam las rab tu gyur pa'i
skabs 'dir dngos su bstan pa'i sems dpa'i rnal 'byor/ skabs 'dir
dngos su bstan pa'i gtso bo

sbyor ba'i mtshan nyid/ dbye na bcu dgu yod/ 'dir dngos su bstan
pa'i sbyor ba la nyi shu yod/ de dag gi sa mtshams kyang yod de/
rje btsun gyi mdzad pa'i spyi don las/ spyir theg chen gyi sbyor
ba theg chen gyi tshogs lam nas

rgyun mtha'i bar dang/ gtso bo sbyor ba theg chen gyi sbyor lam
drod nas rgyun mtha'i bar du yod de/ so so'i sa mtshams ni/ dang
po lnga tshogs lam nas rgyun mtha'i bar na yod pa'i phyir/ tshogs
chen yun ring rtogs dka' ba'i sbyor

ba tshogs lam kho na dang/ lung bstan thob pa'i sbyor ba/ phyir
mi ldog pa'i sbyor ba/ nges par 'byung ba'i sbyor ba/ bar chad
med pa'i sbyor ba bzhi rim pa bzhin du sbyor lam bzhi nas 'jog
/byang chub la nye ba'i sbyor ba mthong lam

dang/ myur ba'i sbyor ba sa gnyis pa nas bdun pa'i bar dang/
gzhan don gyi sbyor ba/ 'phel 'grib med pa'i sbyor ba/ chos dang
chos min sogs mi mthong ba'i sbyor ba/ gzugs sogs bsam mi khyab
mi mthong ba'i sbyor ba/

rnam par mi rtogs pa'i sbyor ba lnga sa brgyad pa dang/ 'bras bu
rin chen sbyin byed kyi sbyor ba sa dgu pa dang/ rnam par dag
pa'i sbyor ba sa bcu pa dang/ tha ma tshogs lam nas rgyun mtha'i
bar du yod do/ /zhes gsungs pa'i phyir/

@033b de yang lung bstan thob pa'i sbyor ba sbyor lam drod nas
thob pa yod kyang/ sbyor lam gyi gnas skabs su/ de bzhin gshegs
pas ma 'ongs pa na ming 'di zhes bya bar mngon par rdzogs par
'tshang rgya bar 'gyur ro/ /zhes dngos su

lung bstan pa med de/ de rgyal dbang lnga pa'i phar phyin du
gsungs pa'i phyir/ ma grub na/ de'i mdzad pa'i phar phyin blo
bzang dgongs brgyan du ltos shig /'o na bdag cag gi ston pa la/
de bzhin gshegs pa mar me mdzad kyi

khyed 'di'i dus na de bzhin gshegs pa shAkya thub pa zhes bya
bar 'gyur ro zhes lung bstan pa de/ sa gang gi gnas skabs su
thob pa yin zhe na/ sa brgyad pa'i gnas skabs su de lta bu'i
lung bstan thob pa yin te/ ! 'dul ba lung las/

gang tshe mar me mdzad kyis nga/ /lung bstan gyur pa de yi cha/
/sa brgyad pa ni thob gyur te/ /dbang bcu dag kyang thob par
'gyur/ /zhes pa dang/ ! mdo'i lung bye brag bshad mdzod du
drangs ba las/ sangs rgyas mar me mdzad la

utpal lngas/ /gtor te ral pa gdan du gting byas pas/ /mi skye'i
chos la bzod pa thob gyur te/ /shAkya'i rgyal por 'gyur zhes
nga lung bstan/ /zhes gsungs pa'i phyir/ sa 'dir mi skye ba'i
chos la bzod pa thob pa'i bzod pa

ni; bzod pa chen po yin te/ spyir mi skye ba'i chos la bzod pa
chung 'bring che gsum du yod pa las/ chung ngu sbyor lam bzod pa
dang/ 'bring mthong lam sdug bsngal chos bzod dang/ chen po sa
brgyad pa nas thob pa'i phyir te/

gnyan ston bka' 'grel las/ mdo las sbyor lam bzod pa dang/
mthong lam sdug bsngal chos bzod dang/ sa brgyad par mi skye
ba'i chos la bzod pa chung 'bring che gsum rim bzhin thob par
bshad pa'i mi skye ba'i chos de la

@034a @#/ /brgyad yod de/ zhes gsungs pa'i phyir/ mi skye ba'i
chos brgyad ni/ /mdo sde brgyan las/ thog ma dang ni de nyid
gzhan nyid dang/ /rang gi mtshan nyid rang dang gzhan du 'gyur/
/kun nas nyon mongs

pa dang khyad par la/ /skye ba med pa'i chos la bzod par bshad/
/zhes gsungs pa ltar yin la/ 'di dag gsal bar shes 'dod na/
gnyan ston dpal 'byor lhun 'grub kyi mdzad pa'i drangs nges rnam
'byed kyi bka' 'grel las

shes par bya'o/ /theg chen gyi sbyor ba sgom pa'i rten gyi gang
zag bshad pa na/ byang sems yin na/ theg chen gyi sbyor ba sgom
pa po'i gang zag yin pas khyab kyang/ skabs 'dir dngos su bstan
pa'i sbyor ba sgom pa po'i gang

zag yin pas ma khyab ste/ sems tsam par gyur pa'i byang sems
tshogs lam pa de/ 'dir dngos su bstan pa'i sbyor ba sgom pa po'i
gang zag ma yin pa'i phyir te/ 'dir dngos su bstan pa'i sbyor ba
sgom pa po'i gang zag

yin na/ yum gyi mdo nyan pa'i snod rung gi gang zag yin pas
khyab cing/ sems tsam pa yin na yum de nyan pa'i snod rung gi
gang zag ma yin dgos pa'i phyir te/ sems tsam pa yin na stong
nyid ston pa'i snod rung gi gang

zag ma yin dgos pa'i phyir/ des na byang sems tshogs lam pa dbang
rnon chos can/ yum gyi mdo nyan pa'i snod rung gi gang zag yin
te/ sngon gyi sangs rgyas rnams la lhag par bya ba byas zhing/
de las dge ba'i rtsa ba

rgya chen po bsags pa sogs phyi nang gi rkyen gnyis dang ldan
pa'i byang sems dbang rnon yin pa'i phyir te/ sangs rgyas rnams
la lhag par byas/ zhes sogs gsungs pa'i phyir/ lus rnam bzhag gi
go rims dang mi mthun

@034b te; lus kyi skabs su/ sbyor bar bcas rnams dang/ zhes dang
por theg chen gyi sbyor ba bshad nas de rjes sbyor ba sgom pa
po'i gang zag bshad/ 'dir dang por sbyor ba sgom pa po'i gang
zag bshad nas/ de rjes theg chen gyi sbyor ba

bshad pa'i phyir/ ! bdud kyi mthu bcom la sogs pa/ /zhes sogs
kyi skabs su/ theg chen gyi sbyor ba'i yon tan bshad pa la/
mtshan nyid/ dbye ba/ sa mtshams dang gsum las/ dang po ni/ rang
thob byed kyi thabs su gyur pa'i

theg chen gyi sbyor ba bsgom stobs kyis thob pa'i phan yon de
theg chen gyi sbyor ba'i yon tan gyi mtshan nyid/ gnyis pa ni/ de
la dbye na bcu bzhi yod de/ theg chen gyi sbyor ba bsgom stobs
kyis thob pa'i bdud kyi mthu bcom pa'i yon tan

de'i stobs kyis thob pa'i sangs rgyas kyis dgongs shing mkhyen
pa'i yon tan/ de'i stobs kyis thob pa'i sangs rgyas kyis mngon
sum du mdzad pa'i yon tan/ de'i stobs kyis thob pa'i rdzogs pa'i
byang chub dang nye bar gyur pa'i yon

tan/ de'i stobs kyis thob pa'i don che ba/ phan yon che ba/
'bras bu che ba/ rnam smin che ba sogs kyi yon tan/ de'i stobs
kyis thob pa'i yul dpyod pa'i yon tan/ de'i stobs kyis thob pa'i
zag med kyi yon tan thams cad rdzogs

ba'i yon tan/ de'i stobs kyis thob pa'i smra ba'i skyes bu nyid
du gyur pa'i yon tan/ de'i stobs kyis thob pa'i mi mthun phyogs
kyis mi phyed pa'i yon tan/ de'i stobs kyis thob pa'i dge ba'i
rtsa ba thun mong ma yin pa skye ba'i yon tan/

de'i stobs kyis thob pa'i dam pa'i don ji lta ba bzhin du bsgrub
pa'i yon tan/ de'i stobs kyis thob pa'i 'bras bu rgya chen po
yongs su 'dzin pa'i yon tan/ de'i stobs kyis thob pa'i sems can
gyi don bsgrub pa'i yon tan/ de'i stobs kyis

@035a @#/ /thob pa'i yum nges par thob pa'i yon tan dang bcu bzhi
yod de/ rtsa ba las/ bdud kyi mthu bcom la sogs pa/ /yon tan
rnam pa bcu bzhi'o/ /zhes gsungs pa'i phyir/ gsum pa sa mtshams
yod de/

theg chen gyi sbyor ba bsgom pa'i skad cig gnyis pa nas sangs
rgyas kyi sa'i bar du yod pa'i phyir/ skyon ni bcu tshan bzhir
bcas pa/ /zhes sogs kyi skabs su/ theg chen gyi sbyor ba'i skyon
bshad pa la/ mtshan nyid/ dbye ba/

sa mtshams dang gsum las/ dang po ni/ theg chen gyi sbyor ba skye
ba gnas pa rdzogs pa gsum po gang rung la bar du gcod pa'i bdud
las de/ theg chen gyi sbyor ba'i skyon kyi mtshan nyid/ gnyis pa
ni/ de la dbye na/ bcu tshan

bzhi dang/ drug tshan gcig ste zhe drug yod de/ theg chen gyi
sbyor ba'i 'gal rkyen rang la brten pa nyi shu/ rang gzhan gang
rung la brten pa mthun rkyen ma tshang ba nyer gsum/ 'gal rkyen
gzhan la brten pa gsum dang bcas pa'i

zhe drug yod pa'i phyir/ dang po la/ spobs pa'i dbang du byas pa
gnyis/ lus ngag yid gsum gyi gnas ngan len gyi dbang du byas pa
gsum/ theg chen las nyams byed kyi rgyu bdun gyi dang po lnga
dang bcas bcu tshan dang

po dang/ theg chen las nyams byed kyi rgyu phyi ma gnyis dang/
theg chen las g.yeng ba'i rgyu brgyad dang bcas bcu tshan gnyis
pa ste nyi shu yod/ de gang rung la brten pa la yang slob dpon
la brten pa/ rang nyid la

brten pa/ gnyis ka la brten pa gsum gyi sgo nas nyer gsum yod/
gzhan la brten pa gsum ni/ bdud dge slong gi cha byad du sprul
nas/ nged kyis bshad pa'i mdo sde nas 'byung ba ltar yin gyi/
rgyas 'bring bsdus

@035b gsum las 'byung ba ltar ma yin no zhes chos dang gang zag
gi bar du dbyen byed pa gsum po nyid yin pa'i phyir te/ rtsa ba
las/ skyon ni bcu tshan bzhir bcas pa/ /drug tu nges par rtogs
par bya/ /zhes gsungs pa'i phyir/ gsum pa sa

mtshams yod de/ lam ma zhugs nas sa bdun pa'i bar du yod/ gang gi
mtshon de mtshan nyid du/ /zhes sosg kyi skabs su/ mtshan gzhi/
mtshon bya/ mtshan nyid/ ji ltar mtshon ba'i tshul/ sa mtshams dang
lnga/ dang

po ni/ nyon mongs rtags sogs kyi dben pa'i sems dpa'i rnal 'byor
bcu drug mtshan gzhi yin/ de ni nyon mongs rtags dang mtshan ma
dang/ zhes sogs kyis bstan/ gnyis pa la spyi dang khyad par
gnyis las/ dang po ni/

sbyor ba'i mtshan nyid ces pa'i sbyor ba ni lam sher phyin gyi
rnal 'byor yin la/ de'i mtshan nyid la sbyor ba'i mtshan nyid ces
bya'o/ /gnyis pa bye brag gi dbang du byas na/ sems pa'i gzhi
shes sbyor ba/ lam shes sbyor ba/

rnam mkhyen sbyor ba/ nyan rang gi sbyor ba las khyad par du
'phags pa'i sbyor ba/ gzhan don sgrub pa'i byed las khyad par
can dang ldan pa'i sbyor ba rnams la skabs 'dir mtshon bya zhes
bshad/ ! gsum pa mtshan nyid la/ spyi

dang bye brag gnyis las/ dang po ni/ rang gi thob byar gyur pa'i
'bras bu sher phyin thob byed kyi thabs su gyur pa'i zhi lhag
zung 'brel gyi sems dpa'i rnal 'byor lta bu/ gnyis pa la/ de
bzhin gshegs pa 'byung

ba shes pa sogs gzhi shes kyi rnam pa gang yang rung ba la dmigs
pa yang yin theg dman gyi rtogs rigs su gnas pa yang yin pa'i
gzhi mthun par gyur pa'i sems dpa'i rnal 'byor dang/ stong nyid
mtshan ma med pa sogs

@036a @#/ /lam shes kyi rnam pa gang yang rung pa la dmigs
pa'i sems dpa'i rnal 'byor dang/ de bzhen gshegs pa nyid kyi
mthong chos la bde bar gnas pa sogs rnam mkhyen gyi rnam pa
gang yang rung ba

la dmigs pa'i sems dpa'i rnal 'byor dang/ bsam mi khyab sogs
kyi khyad par du byas pa'i sems dpa'i rnal 'byor dang/ phan
bde skyob sogs kyi byed las khyad par can dang ldan pa'i sems
dpa'i rnal 'byor rnams mtshan

nyid yin no/ bzhi pa la spyi'i mtshon tshul dang/ bye brag gi
mtshon tshul gnyis/ dang po ni/ nyon mongs rtags sogs kyi dpen
pa'i sems dpa'i rnal 'byor bcu drug mtshan gzhi/ lam sher phyin
gyi rnal 'byor du mtshon/

rang gi thob byar gyur pa'i 'bras bu sher phyin thob byed kyi
thabs su gyur pa'i zhi lhag zung 'brel gyi zin pa'i sems spa'i
rnal 'byor yin pa/ gnyis pa ni/ nyon mongs rtags dang mtshan ma
dang/ /zhes sogs kyi skabs

nas dngos su bstan pa'i sems dpa'i rnal 'byor bzhi mtshan gzhi/
sems dpa'i rgyud kyi gzhi shes kyi sbyor bar mtshon/ de bzhin
gshegs pa 'byung ba shes pa sogs gzhi shes kyi rnam pa gang
yang rung ba la dmigs

pas khyad par du byas pa yang yin theg dman gyi rtogs rigs su
gnas pa yang yin pa'i gzhi mthun par gyur pa'i sems dpa'i rnal
'byor yin pa/ de ni nyon mongs rtags dang zhes sogs kyi mtshan
gzhi de bstan/ de

bzhin gshegs pa 'byung ba dang zhes sogs kyi mtshan nyid
bstan/ dka' dang nges pa dang/ zhes sogs kyi skabs nas dngos
su bstan pa'i gzhan don gyi bya dka' pa sogs sgrub pa'i sems
dpa'i rnal 'byor lnga mtshan

@036b gzhi/ lam shes kyi sbyor bar mtshon/ stong nyid mtshan ma
med pa sogs lam shes kyi rnam pa gang yang rung ba la dmigs
pa'i sems dpa'i rnal 'byor yin pa/ de yang dka' dang/ zhes
sogs kyi mtshan gzhi dang/ stong nyid mtshan

ma med bcas dang/ /zhes sogs kyi mtshan nyid de bstan/ dmigs pa
zhes bya gang yin dang/ /mi mthun thogs pa med dang de/ /zhes
sogs kyi skabs nas dngos su bstan pa'i gzhi lam gyi bsdus pa'i
khyad sogs rnam mkhyen

gyi rnam pa gang yang rung ba la dmigs pa'i sems dpa'i rnal
'byor bdun mtshan gzhi/ rnam mkhyen gyi sbyor bar mtshon/ de
bzhin gshegs pa nyid kyi mthong chos la bde bar gnas pa sogs
rnam mkhyen gyi rnam pa gang yang rung

ba la dmigs pa'i sems dpa'i rnal 'byor yin pa/ ;de ni dmigs pa
zhes sogs kyi mtshan gzhi/ de ni nyid kyi chos brten nas zhes
pa'i mtshan nyid bstan/ dka' dang nges pa dang/ zhes sogs kyi
skabs nas dngos su

bstan pa'i gzhan don gyi go cha bya dka' ba sogs sgrub pa'i
sems dpa'i rnal 'byor lnga mtshan gzhi dang/ dmigs pa zhes bya
gang yin dang/ zhes sogs kyi skabs dngos su bstan pa'i gzhi
lam gyi bsdus ba'i khyad

sogs rnam mkhyen gyi rnam pa gang yang rung ba la dmigs pa'i
sems dpa'i rnal 'byor bdun dang bcas mtshan gzhi/ nyan rang gi
sbyor ba las khyad par du 'phags pa'i sbyor bar mtshon/ bsam mi
khyab sogs kyi khyad sogs kyi khyad

par du byas pa'i sems dpa'i rnal 'byor yin pa/ dka' dang nges
pa dang/ /zhes sogs kyi mtshan gzhi dang/ bsam mi khyab sogs
khyad par gyi zhes sogs kyi mtshan nyid bstan/ nyon mongs rtags
sogs kyi

@037a @#/ /dben pa'i sems dpa'i rnal 'byor bcu drug mtshan gzhi/
gzhan don sgrub pa'i byed las khyad par can dang ldan pa'i
sbyor bar mtshon/ phan bde skyob sogs kyi byed las khyad par
can dang ldan pa'i sems

dpa'i rnal 'byor yin pa de yang nyon mongs rtags dang zhes
sogs kyi mtshan gzhi dang/ phan dang bde dang skyob ba dang
zhes kyi mtshan nyid bston/ lnga pa sa mtsham theg chen gyi
tshogs lam nas rgyun mtha'i bar na yod/ kha

cig/ go mi chen po'i bzhed par mdzad nas 'di ltar 'chad de/
sbyor pa'i mtshan nyid mtshon pa dang/ mtshan gzhi dang/ mtshon
bya dang/ mtshan nyid bzhi'i/ /dper na rtsa las byung pa'i me
mtshan gzhi dang/ ngo bo'i khyad par

tsha rag dang/ byed pa'i khyad par sreg byed mtshan nyid dang/
me'i the snyad byar rung mtshon bya dang/ mtshan mtshon gzhi gsum
yongs su gcod byed kyi tshad ma de nyid la mtshob pa zhes bya
la/ de bzhin du 'dir yang sbyor ba nyi shu po nyid

mtshan gzhi yin la/ de yang chos sku'i sgrub byed thun mong ma
yin pa yin pas gzhi shes kyi cha ma yin zhing slob pa'i skabs
yin pas rnam mkhyen gyi cha yang ma yin te/ lam shes dngos
dang/ rjes 'thun pa'i cha gang

yang rung ba yin no/ lam shes kho na'i cha yin na mkhyen pa
gsum gyi sbyor bar byed pa'i rgyun mtshan ci yin zhe na/ kun
mkhyen gsum gyi rnam pa la dmigs pa'i yul gyi sgo nas gsum du
dbye ba yin te/ gzhi shes kyi rnam

spa'i stong bdag med la dmigs la dmigsz pa gnas pa bkag pa'i
sbyor ba dang/ gzhi shes kyi 'gog pa'i rnam pa bzhi dang/ lam
gyi bco lnga ste/ bcu dgu la dmigs pa rnal 'byor bkag pa'i
sbyor ba dang/ gzhi shes kyi mi

@037b rtag pa dang sdug bsngal ba dang/ kun 'byung gi bzhi ste
drug la dmigs pa zab pa'i sbyor ba yin la/ de gsum gnas skabs
kyi dbye ba tshegs chen yun ring rtogs pa sogs brgyad dang/ de
gum sgom pa rdzogs pa 'phel 'grib med pa sogs

bzhi dang/ de gsum gyi 'bras bu rin chen sbyin pa dang dag pa
gnyis dang/ de gsum gyi dus sa mtsham kyi sbyor ba dang bco
brgyad gzhi sbyor ba yin la/ lam shes kyi rnam pa'i stong bdag
med dang ngo bo nyid med pa'i cha gsum la

dmigs pa gnas pa bkag pa dang/ lam gyi bdun dang/ 'gog pa'i
bcu drug ste/ nyer gsum la dmigs pa rnal 'byor bkag pa dang/
mi rtag pa dang sdug sngal ba dang kun 'byung gi bzhi ste drug
dang/ ngo bo nyid med pa'i cha

gcig la dmigs gnas pa gtang dpag dka' sbyor ba snga ma ltar
dbye bas bco brgyad ni lam shes kyi sbyor ba dang/ rnam mkhyon
gyi rnam bas bsdus pa'i chos can gyi rnam pa brgya dang gnyis
yod pa dang/ stong ba nyid kyi rnam pa dang/ sdug

bsngal gyi bar chad med pa'i lam dang/ de bzhin nyid rnam pa'i
cha gcig dang btsas pa la dmigs pa gnas pa bkag pa'i sbyor ba
dang/ chos can gyi rnam pa brgya dang gnyis po'i chos mtshan
nyid mtshan ma med pa dang/ 'gog pa dang lam gyi bar chad

med pa'i lam gsum dang/ de bzhin nyid kyi rnam pa'i cha gcig
la dmigs pa rnal 'byor bkag pa'i sbyor ba dang/ chos can gyi
nram pa brgya dang gnyis po'i smon pa med pa'i rnam pa dang/
sdug bden gyi par cha med ba'i med pa'i lam gyi cha gcig

dang/ kun 'byung gi bar chad med pa dang de bzhin nyid kyi
rnam pa'i cha gcig la dmigs pa tshad med pa'i sbyor pa dang/ de
gsum sngar ltar dbye ba bco brgyad ni rnam mkhyen gyi sbyor
ba'o/ /mtshon bya ni/ khyad mtshan dang/ byed mtshan

@038a @#/ /gyi rnam rdzogs sbyor bar mtshon ba ma yin gyi/ chos
sku'i rgyu thun mong ma yin pa'i sbyor bar mtshon pa yin la/ de
yang ngo bo gnyis kyi mtshan nyid bcu drug gis ston pa yin no/
sbyor ba'i mtshan nyid ni chos sku'i

rgyu thun mong ma yin pa'i snyor bar mtshon pa la rang don phun
tshogs sgrub byed kyi khyad par gyi mtshan nyid dang/ gzhan don
phun tshogs sgrub byed byed pa'i mtshan nyid tshogs pas mtshon pa
yin la/ de la dbye na/ khyad mtshan bcu drug dang

byed mtshan bcu gcig go/ mtshan mtshon gzhi gsum dang/ mtshan nyid
mtshan gzhi'i ste du nges byed kyi blo ni mtshon pa zhes bya la/
de yang sbyor ba la ma zhugs pa'i nga rol gyi thos bsam gyi
shes rab dang/ sbyor ba'i rjes kyi shes

ba ci rigs su yod la/ des sbyor ba nyid nyi shu mtshan gzhir
byas te khyad par dang byed pa'i mtshan nyid rgyu mtshan du bkod
nas/ 'di ni chos sku'i rgyu thun mong ma yin pa'i sbyor pa'o
zhes mtshon pa yin no/ mtshon pa de gzhi shes dang

rnam mkhyen gyi cha ma yin gyi/ lam shes rjes 'thun pa'i cha
yin na/ /mtshon pa de nyid shes mtshan bcu drug pa phrag gsum
gyis 'phangs nas ston pa yin gyi/ de dag mtshon pa ye shes
dngos ma yin te/ mtshon pa ye shes kyis

ni khyad mtshan dang byed mtshan la dmigs pa yin la/ shes pa bcu
drug pa phrag gsum gyis de la ma dmigs pa'i phyir ro/ /des na
yul gyi yul can 'phags nas bstan pa yin no/ mtshon pa ye shes
kyis ni sbyor ba'i mtshan nyid

gnyis dang/ shes pa'i rnam pa bcu drug pa phrag gsum po la
dmigs pa yin no zhes zer ba dang/ yang mtshon tshul la gong gi
go mi chen po'i gzhed par mdzad pa'i snga rabs pa kha cig gi
'dod pa mdor bsdud de 'gog pa dang

@038b dbye ba'i sgo nas rgyas par bshad pa gnyis/ dang po ni
kha cig gi/ byang sems kyi sbyor ba nyi shu mtshan gzhi/ de ni/
gzugs la sogs la mi gnas phyir/ zhes pas bstan/ chos sku'i
rgyu mthun gyi sbyor ba ni mtshon bya yin la/ de ni/

nyon mongs rtags dang mtshan ma dang/ zhes sogs kyis bstan/ don
gnyis phun tshogs sgrub byed kyi sems dpa'i rnal 'byor mtshan
nyid yin la de ni/ bsam mi khyab sogs khyad par gyis/ zhes
sogs dang/ phan dang bde dang skyob ba dang

zhes sogs kyis bstan/ mtshan mtshon gzhi gsum dang mtshan nyid
mtan gzhi'i steng du nges byed kyi blo ni/ de bzhin gzhegs pa
'byung pa dang/ zhes sogs dang/ stong nyid mtshan ma med bcas
dang/ zhes sogs dang/ de ni nyid kyi

chos brten nas/ /zhes sogs kyis bstan/ byed pa ni byang sems
kyi sbyor ba nyi nyi shu mtshan gzhi/ chos sku'i rgyu mthun gyi
sbyor ba yin par mtshon/ don gnyis phun tshogs sgrub byed kyi
sems dpa'i rnal 'byor yin pa/ zhes mtshon par byed

pa yin no/ /zhes zer/ de 'gog pa la/ rnam bshad las/ sngar
bshad ba'i sbyor ba sbyor ba nyi shu po yang mtshan gzhir ring
mod kyi/ slob dpon seng ge bzang pos tsa pa'i dgongs pa bkral
ba ltar na ni/ ngo bo nyid bcu drug mtshan nyid dang mtshon

bya gnyis kar ston par gsal la/ de bzhin du shes pa bcu drug
phrag gsum gyis kyang mkhyen pa gsums gyis sbyor ba'i mtshan
nyid bstan par ches shin tu gsal bas mtshan gzhin la mtshan nyid
nges byed kyi tshad ma bstan par 'chad pa sogs

'thad par mi sems so/ /zhes gsungs/ don ni/ shes bya chos can/
nyon mongs rtags dang mtshan ma dang/ zhes sogs kyis mtshon bya
kho na bstan mi 'thad de/ des mtshan nyid dang mtshon bya gnyis
ka bstan pa yin pa'i phyir te

@039a @#/ /de ltar ngo bo bcu drug ji lta ba bzhin du thams cad
mkhyen pa nyid gsum gyi sbyor ba dag kyang mtshon pas na/ zhes
sogs gsungs pa'i phyir/ gzhan yang/ de bzhin gshegs pa 'byung
ba dang/ zhes sogs kyi

mtshan nyid ma bstan pa mi 'thad de/ de bzhin gshegs pa 'byung
ba dang/ /zhes sogs kyis sems dpa'i rgyud kyi gzhi shes sbyor
ba'i mtshan nyid bstan/ stong nyid mtshan ma med bcas dang/ zhes
sogs kyis lam shes sbyor ba'i mtshan

nyid bstan/ de ni nyid kyi chos brten nas/ /zhes sogs kyis
rnam mkhyen sbyor ba'i mtshan nyid bston pa'i phyir/ dang po
grub ste/ ;'grel pa las/ shes pa'i rnam pa'i byed brag bcu
drug gis tshul bzhin du thams bcad shes pa nyid kyis sbyor ba

rnam ji ltar pa bzhin du mtshon pas na shes pa'i mtshan nyid
thams bcad shes pa nyid kyis bsdus pa yin no/ zhes gsungs pa'i
phyir/ gnyis pa grub ste/ ;'grel pa las/ shes pa'i rnam pa'i
khyad par bcu drug gis ji lta ba bzhin du

lam shes pa nyid kyi sbyor ba dag mson pas na shes pa'i mtshan
nyid lam shehs pa nyid kyis bsdus pa yin no/ zhes gsungs pa'i
phyir/ gsum geub ste/ ;'grel las/ shes pa'i rnam pa'i bye brag
bcu drug gis ji lta ba bzhi

du rnam pa thams bcad mkhyen pa nyid kyis sbyor ba dag mtshon
pas na/ shes pa'i mtshan nyid rnam pa thams bcad mkhyen pa nyid
kyis bsdus pa yin no/ zhes gsungs pa'i phyir/ kha cig/ mkhyen
gsum gyi sbyor ba mtshan gzhi/ sangs

rgyas skyed byed yin par mtshon/ sangs rgyas 'phags pa'i rgyud
kyi mkhyen gsum skyed byed yin pa zhes mtshon/ zhes zer/ de
'gog pa la/ rnam bshad las/ sangs rgyas 'phags pa'i rgyud kyi
mkhyen gsum skyed byed bu mtshon pa

@039b sogs kyang 'phags seng gnyis ka'i 'grel pa'i tshig don la
mi gsal// zhes gsungs/ don ni de mi 'thad de/ mkhyen gsum gyi
sbyor ba tshad mas nges nas/ des rnam mkhyen skyed byed du tshad
mas ma nges pa'i gang zag med pa'i phyir te/

mkhyen gsum gyi sbyor ba mtshan mas nges pa'i gang zag yin na/
der rnam mkhyen gyi rgyur tshad mas nges pa'i gang zag yin dgos
pa'i phyir/ rtags 'bud do/ de ltar yang/ rnam bshad las/ byed
pa'i mtshan nyid mtshan gzhi dang bcas pa

sogs sangs rgyas kyi gzhan don phun tshogs skyed byed yin kyang
tshul de ltar du mtshon pa ni ma yin te/ lam shes phyin gyi rnal
'byor tsam dang/ mkhyen pa gsum gyi sbyor ba tsam tshad mas
nges na/ de'i rjes su rnam mkhyen gyi rgyur thag

chod dgos pa'i phyir/ zhes gsungs/ des na/ theg chen gyi rigs
gcig gi nges par bla med rdzogs byang don du gnyer ba na de'i
yul gyi rnal 'byor la 'jug la/ de'i tshe de ma rtogs pa mthar
thug skyed pa'i nus pa yod med dpyod

dgos pas de la shes mtshan dang/ de la yang gzhan don mthar
thug skyed pa'i nus pa mi snang na rtogs pa tsam theg chen gyi
don du gnyer bya'i gzo bo ma yin pas de shes pa la byed mtshan
dang/ nus pa de gnyis nyan rang gi lam la

yang yod na dak' ba du mar sbyad dgos pa'i theg chen gyi lam
la 'jug pa ldog pas/ de med par shes pa la khyad mtshan dang/
sbyor ba der rang gi ngo bo spangs rtogs ji lta bu dang ldan
pa shes par byed pa la mtshan nyid tham/ ma bstan dgos

pa'i mtshan nyid shes pa sbyor ba sgom pa'i sngon du 'gro ba'i
tshul de yin no/ 'dis mtshan nyid gtan la phab pa'i dgos pa dang
grangs nges yang bstan to/ /gnyis pa dbye ba'i sgo nas rgyas
par bshad pa la/ shes mtshan/ khyad mtshan/

@040a @#/ /byed mtshan/ ngo bo nyid mtshan dang bzhi las/ dang po
la/ gzhi shes sbyor ba'i shes mtshan/ lam shes sbyor ba'i shes
mtshan/ rnam mkhyen sbyor pa'i shes mtshan dang gsum las/ dang
po la mtshams

sbyor/ rtsa ba/ 'grel pa gsum las/ dang po ni theg chen gyi
sbyor ba'i mtshan nyid la sgras brjod rigs kyi sgo nas bzhir
dbye ba de la shes mtshan la mkhyen gsum gyi dbye ba gsum yod
pa'i nang nas re zhig dang po sems dpa'i

rgyud kyi gzhi shes sbyor ba'i shes mtshan de 'chad par byed
do/ zhes mtshams sbyor pa l/ de shes pa'i phyir/ ;'grel pa las/
thams bcad mkhyen pa nyid gsum gyi dbye bas tha dad pa la re
zhig thams bcad shes pa nyid kyi sgo nas

zhes gsungs/ gnyis pa ni/ de bzhin gshegs pa 'byung ba dang/
/zhes sogs kyis bstan/ gsum pa ni/ de nyid tshig don gyi sgo
nas bshad pa la/ de bzhin gshegs pa 'byung ba/ zhes sogs
gsungs/ gzhi shes sbyor ba'i

shes mtshan gi ngo bo ni/ de bzhin gshegs pa 'byung ba shes pa
sogs gzhi shes kyi mtshan rnam pa gang yang rung ba la dmigs pa
yang yin/ theg dman gyi rtogs rigs su gnas pa yang yin pa'i
gzhi mthun par gyur pa'i gnas skabs

kyi mkhyen pa de/ gzhi kyi sbyor ba'i shes mtshan du 'jog/ gzhi
sbyor ba'i shes mtshan yang rung bcu drug yod de/ dang po ni/
de bzhin gshegs pa 'byung ba shes pa'i gzhi shes kyi sbyor
pa'i shes mtshan/ gnyis pa 'jig rten

don dam par 'jigs pa med par rtogs pa'i shes rab kyis zin pa'i
gzhi shes kyi sbyor ba'i shes mtshan/ gsum pa sems can gyi smes
kyi spyod pa du ma shes pa'i gzhi shes kyi sbyor ba'i shes
mtshan/ bzhi pa ni/ gang zag

@040b gi bdag med pa la sems bsdus pa dang/ de las sems rnam
par gyeng ba shes pa'i gzhi shes sbyor pa'i shes mtshan/ lnga
ba ni/ nam kha' dang 'dra bar sems mi zad pa'i rnam pa shes
pa'i gzhi shes sbyor ba'i shes mtshan/ drug pa ni

sems 'dod chags dang bcas pa dang zhes dang dang gti mug dang
bcas pa la sogs pa dang/ rtsa ba'i sogs pa zhes bya ba'i sgras
bsduas pa sems 'dod chags dang bral pa dang/ zhe sdang dang
gti mug dang bral ba shes pa'i gzhi shes sbyor ba'i  

shes mtshan gsum dang/ dgu pa ni/ sems kyi gnas lugs rgya chen
po shes pa'i gzhi shes sbyor ba'i shes mtshan/ bcu ba ni/ tha
snyad du sgyu ma lta bur snang bas sems chen por gyur pa shes
pa'i gzhi shes sbyor ba'i shes mtshan 

bcu gsum pa ni/ smes tshad med pa la sems tshad med pa zhes bya
bar shes pa'i gzhi shes sbyor ba'i shes mtshan/ bcu gnyis pa ni/
dbang shes la 'di'i zhes sems bstan du med pa la sems bstan du
med pa shes pa'i gzhi shes sbyor ba'i shes mtshan

bcu gsum pa ni/ sesm bltar med pa la smes bltar med pa shes
pa'i gzhi shes sbyor ba'i shes mtshan/ bcu bzhi pa/ smes g.yo ba
dang/ 'du ba dang/ bkram pa dang/ bcum pa la yang dag par ji
lta ba gzhin du shes pa'i

gzhi shes sbyor ba'i shes mtshan/ rtsa ba/ g.yo ba la sogs zhes
bya dang/ /zhes pa'i bstan/ bco lnga pa/ smes g.yo ba la sogs
pa de dag de bzhin nyid dang ma nor ba de bzhin nyid dang 'gyur ba
med pa dang rnam par rtog pa med pa dang

mtshan ma med pa dang/ 'bad pa med pa dang/ spros pa med pa
dang/ dmigs su med pa/ ji lta ba bzhin du shes pa'i gzhi shes
sbyor ba'i shes mtshan/ rtsa ba/ de las gzhan yang de dag ni/
de bzhin nyid kyi rnam par shes/ zhes pa'i

@041a @#/ /bstan/ ! 'grel ba /g.yo ba la sogs pa de bzhin nyid
kyi rnam pa can dang/ zhes gsungs/ bcu drug pa/ de bzhin gshegs
pas de bzhin nyid rang gis rtogs pa ltar gdul bya gzhan la

bstan cing btags pa'am 'dogs pa shes pa la/ de bzhin nyid du
'dogs pa dang/ de bzhin nyid du thugs su chud pa dang de bzhin
nyid mchog tu mkhyen pa dang de bzhin nyid yang dag par ston
pa'i shes pa rnam grangs 'dren gcig du byas

pa'i gzhi shes sbyor ba'i shes mtshan bcu drug rnams su yod pa'i
phyir/ rtsa ba/ thub pas de bzhin nyid rtogs te/ /gzhan la bstan
pa zhes bya 'di/ /zhes gsungs/ de yang rje btsun gyi spyi don
las/ de bzhin gshegs pas de bzhin

nyid rtogs pa de gzhan la bstan cing btags pa zhes bya ba 'di
rnams kyi shes pa'i rnam pa'i bye brag bcu drug gis/ zhes gsungs
yang de nyid las shes pa bzhi po de rtsa bas gnyis pa dang bzhi
pa dngos su bstan nas 'grel pas

gsum pa ma gtogs tshig zin la bstan to// ! gsum pa rtsod pa spong
ba la/ kho na re/ gzhi shes kyi sbyor ba'i mtshan nyid bcu drug
yod par thal/ de'i shes mtshan bcu drug yod pa gang zhig /de'i
shes mtshan yin na/

de'i mtshan nyid yin dgos pa'i phyir/ zer na/ 'gal khyab yin te/
gzhi shes kyi sbyor ba'i shes mtshan bcu drug po gang rung yin
na/ gzhi shes kyi sbyor ba'i mtshan nyid ma yin dgos pa'i phyir/
rang lugs ni/ gzhi shes kyi sbyor ba

bcu drug gi dang po'i shes mtshan yod de/ de bzhin gshegs pa
'byung pa shes pa yang yin/ theg dman gyi rtogs rigs su gnas pa
yang yin pa'i gzhi mthun par gyur pa'i gnas skabs kyi mkhyen pa
de dang po'i mtshan nyid

@041b yin pa bzhin du shes mtshan phyi ma rnams dang/ lam shes/
rnam mkhyen bcas kyi shes mtshan bcu drug so so'i mtshan nyid
kyang gong gi rigs 'gros kyi shes par bya'o/ /des na sems dpa'i
rgyud kyi gzhi shes sbyor ba'i yul de la bcu drug

tu yod de/ de la de bzhin gshegs pa 'byung ba shes pa nas/ de
bzhin gshegs pas de bzhin nyid kyi rnam pa rtogs pa shes pa'i
bar du yod pa'i phyir/ de dag gi don bsdus nas ston pa la/ !
rtsa ba las/ thams cad shes pa

nyid skabs kyi/ /shes pa'i mtshan nyid bsdus pa yin/ /zhes dang/
! 'grel ba las/ tshul bzhin du thams cad shes pa nyid kyi sbyor
ba rnams ji lta ba bzhin mtshon pas na/ shes pa'i mtshan nyid
thams cad shes pa nyid kyis

bsdus pa yin no/ /zhes gsungs/ de dag gi nang nas shes pa dang/
g.yo ba la sogs zhes bya dang/ /zhes pa'i don ni/ lta ngan
rnams 'khrul gzhi phung po la brten nas 'byung zhing gang zag gi
bdag med par shes pa'i sems dpa'i

rnal 'byor chos can/ sems dpa'i rgyud kyi gang zag gi bdag med
rtogs pa'i gzhi shes sbyor ba'i mtshan nyid yin te/ de'i 'jog
byed yin pa'i phyir/ 'di'i skabs su spyi don la/ lta ngan gyi
dbye ba/ bsdu ba/ gang zag gang gi yin pa/ sgra

bshad pa'o/ /dang po ni/ /sngon 'dzam bu'i gling 'dir mu stegs
kyi ston pa rtog ge ba drug /rjes sgrog pa drug /snyoms 'jug
drug ste bco brgyad kyi bstan pa dar ba'i dus su ltar na drug cu
rtsa gnyis kyi rnam gzhag byung bar tshangs pa'i dra ba'i

mdo las gsungs pa yin te/ de la sngon gyi mthar rtog pa'i lta ba
bco brgyad dang/ phyi ma'i mthar rtog pa'i lta ba zhe bzhi
gsungs pa'i phyir/ dang po grub ste/ rtag par smra ba rnams kyi
bzhi/ kha cig rtag par smra ba rnams kyi bzhi/ rgyu

@042a @#/ /med par smra ba rnams kyi gnyis/ mtha' dang ldan mi
ldan rnams kyi bzhi/ lha spong mi spong rnams kyi bzhi gsungs
pa'i phyir/ de'i yang/ dang po ni/ phyi rol pa'i bsam gtan ba
'ga' zhig gis sngon gnas

rjes dran gyi mngon shes la brten nas bar bskal nyi shu dang/
bzhi bcu dang/ brgyad cu dran pa dang/ lha'i mig gi mngon shes
la brten nas sems can kha dog bzang ba dang ngan pa rnams de
dang der skyes pa mthong nas bdag dang 'jig rten

rtag par smra ba rnams yin no/ /gnyis pa ni/ tshangs chen gyi
'khor 'ga' zhig mir skyes te mngon shes bsgrubs nas bltas pas
tshangs pa chen po ma shi bar mthong nas tshangs pa chen po ni
rtag la lha gzhan rnams ni mi rtag go snyam pa

dang; tshangs pa chen po'i 'byung ba chen po rnams ni mi rtag
cing sems ma 'gags par mthong nas 'byung ba rnams ni mi rtag la
sems rtag par lta ba dang/ 'dod lha rtse bas rab tu bslus pa
zhig shi nas mir skyes te mngon shes

bsgrubs nas bltas pas rang gi sngar gyi zla bo rnams ma shi bar
mthong nas lha rtse bas bslus pa rnams ni mi rtag la gzhan rnams
rtag par lta ba dang/ lha grogs la yid 'khrul ba kha cig shi nas
mir skyes te mngon shes bsgrubs nas

bltas pas gzhan rnams ma shi bar mthong nas/ lha grogs la yid
'khrul ba dag mi rtag la gzhan rnams rtag go snyam du lta ba
rnams so/ /gsum pa ni/ gzugs med nas shi 'phos nas 'dod lhar
skye ba'i drang srong 'ga' zhig gis

mngon shes bsgrubs nas bltas pas rang gi lus kyi rgyu snga ma
gang yin ma mthong nas rang gi lus rgyu med glo bur du byung bar
lta ba bsam gtan la brten pa dang/ char dang rlung sogs glo bur
du 'byung zhing shing rnams la res 'ga' me

@042b tog dang 'bras bu brgyud de glo bur du 'byung bar lta ba
rtog ge la brten pa gnyis so/ /bzhi pa ni/ phyi rol pa'i drang
srong mngon shes dang ldan pa 'ga' zhig gis 'jig byi mtha' 'chad
par 'gyur ro/ /'on te 'chad par 'gyur snyam du yang dag

bar 'tshol ba na 'jig pa'i bskal pa dran pa'i tshe mtha' yod pa'i
'du shes 'byung/ 'chags pa'i bskal pa dran pa'i tshe mtha' med
pa'i 'du shes 'byung/ yang de dag yul rgya mtsho'i mtha' yang dag
par 'tshol ba na 'og tu mnar med man

chad las ma mthong zhing/ steng du bsam gtan bzhi pa yan chad
las ma mthong zhing/ thad kar thams cad pha rol zad pa'i mtha'
ma mthong ba de'i tshe 'og dang steng du mtha' yod pa'i 'du shes
'byung/ thad kar mtha' med pa'i 'du shes 'byung

pa'o/ /lnga pa ni/ blo ma byang ba dang/ rtog pa mngon pa'i nga
rgyal can dang/ blo byang ba rnam par ma nges pa dang/ shes pa
can zhing kun tu rmongs pa bzhi las mngon par mtho ba'i lam dge
ba dang mi dge ba dang/ nges legs kyi lam bden pa bzhi las

rtsams te dri ba dris pa na dri ba rnams la lan gsal po mi 'debs
par gtam rlung la skur zhing bdag gis lha mi spong ba yin no
snyam du lta ba'o/ /de dag mdor bsdus pa'i sdom ni/ rtag dang
kha cig rgyu med dang/ /mtha' ldan de bzhin lha mi spong/ /

zhes pa'o/ /gnyis pa ni/ 'du shes yod par smra ba rnams kyi bcu
drug /med par smra ba rnams kyi brgyad/ gnyis min du smra ba
rnams kyi brgyad/ chad par smra ba rnams kyi bdun/ tshe 'di nyid
las grol bar smra ba rnams kyi lnga rnams su yod/ dang

po bcu drug yod de/ bdag gzugs dang ldan pa dang/ mi ldan pa
dang/ gnyis ka dang/ gnyis ka ma yin pa dang/ bdag mtha' dang
ldan pa dang/ mi ldan pa dang/ gnyis ka yin pa dang/ gnyis ka ma
yin par 'du shes pa rnams kyi lta ngan dang

@043a @#/ /bdag bde ba yin pa dang/ sdug bsngal yin pa dang/
gnyis ka yin pa dang/ gnyis ka ma yin par 'du shes pa can gyi
bzhi dang/ bdag gcig bu yin pa dang/ tha dad yin pa dang/ chung
ngu yin pa dang/

tshad med par 'du shes pa can gyi bzhi rnams yin no/ /gnyis pa
ni/ bdag gzugs can yin par 'du shes med/ ces pa nas bdag mtha'
dang ldan mi ldan gnyis ka ma yin par 'du shes med pa'i bar
brgyad do/ /gsum pa ni/ snga

ma brgyad po de nyid la 'du shes yod pa yang ma yin/ med pa yang
ma yin par zhes sogs sbyar nas lta ba brgyad po de yin no/ /bzhi
pa ni/ 'dod pa'i mi dang lha dang gzugs khams pa dang gzugs med
skye 'ched rigs bzhi ste bdun

po rnams ma shi'i bar du nad dang 'bras dang zug rngu dang bcas
pa yin la/ shi nas ye med du lta ba bdun po de yin no/ /lnga pa
ni/ 'dod pa'i yon tan la 'dzem med du spyod pas tshe 'di la grol
bar lta ba dang/ bsam gtan bzhi thob bas

tshe 'di nyid las grol bar lta ba bzhi ste lnga'o/ /de dag mdor
bsdus pa'i sdom ni/ 'du shes yod smra bcu drug dang/ med dang
gnyis min brgyad brgyad dang/ /chad par smra ba rnams kyi bdun/
/tshe 'di nyid la grol ba'i lnga/ zhes pa'o/ /lta ngan

drug cu rtsa gnyis po 'di dag don drug gi sgo nas shes par bya
ste/ rgyu/ sngon du 'gro ba/ rten/ dus/ lta ba la brten pa/
skyes pa'i gnas rnams kyis shes par bya ba yin pa'i phyir te/
dang po ni/ 'jig tshogs la lta ba dang/ gnyis pa ni/

dam pa ma yin pa'i chos la sogs pa thos pa sngon du song ba'o/
/gsum pa ni/ bstan dang rtog ge la brten pa dang/ bzhi pa ni/
'das pa dang da ltar ba'i dus la dmigs nas sngon gyi mthar rtog
pa dang ma 'ongs pa'i dus la dmigs nas

@043b phyi ma'i mthar rtog pa dang/ lnga pa ni/ rtag chad kyi
lta ba dang/ mya ngan las 'das pa la brten pa'i lta ba'o/ /drug
pa ni/ bsam gtan sogs la brten nas skye bar bshad do// ! rtsa ba
shes rab las/ lta ngan drug cu rtsa gnyis po de dag bcu drug

tu bsdus nas bshad de/ sngon gyi mtha' la brten pa'i lta ba
brgyad/ phyi ma'i mtha' la brten pa'i lta ba brgyad du gsungs
pa'i phyir/ dang po grub ste/ bdag 'das ba'i dus na byung bar
lta ba dang/ ma byung bar lta ba dang/ gnyis kar lta ba dang/
gnyis

ka ma yin par lta ba dang/ bdag rtag par lta ba dang/ mi rtag
par lta ba dang/ gnyis kar lta ba dang/ gnyis ka ma yin par lta
ba rnams su gsungs pa'i phyir/ gnyis pa grub ste/ bdag ma 'ongs
pa'i dus na 'byung bar lta ba dang/ mi 'byung bar lta ba

dang/ gnyis kar lta ba dang/ gnyis ka ma yin par lta ba dang/
bdag mtha' dang ldan par lta ba dang/ mi ldan par lta ba dang/
gnyis kar lta ba dang/ gnyis ka ma yin par lta ba rnams su yod
pa'i phyir te/ ! rtsa ba shes rab las/ 'das dus

byung ma byung zhes dang/ 'jig rten rtag pa la sogs par/ /lta ba
gang yin de dag ni/ /sngon gyi mtha' la brten pa yin/ /ma 'ongs
dus gzhan 'byung 'gyur dang/ /mi 'byung 'jig rten mtha' sogs
par/ /lta ba gang yin de dag ni/ /phyi ma'i

mtha' la brten pa yin/ /zhes gsungs pa'i phyir/ de rnams bcu
bzhir yang gsungs te/ sngon gyi mtha' la brten pa bzhi/ phyi
ma'i mtha' la brten pa bzhi/ /myang 'das la brten pa bzhi/ lus
srog la brten pa gnyis su gsungs pa'i phyir

te/ de nyid las/ gang 'das phan chad mtha' sogs dang/ /rtag la
sogs par lta ba dag /mya ngan 'das dang phyi mtha' dang/ /sngon
gyi mtha' la brten pa'o/ /zhes gsungs pa'i phyir/ de yang dang
po ni/ bdag dang 'jig rten rtag par bden

@044a @#/ /bar lta ba dang/ mi rtag par bden par lta ba dang/
gnyis kar bden par lta ba dang/ gnyis ka ma yin par bden par lta
ba rnams so/ /gnyis pa ni/ bdag dang 'jig rten mtha' dang ldan
par bden par lta ba

ba dang/ de dang mi ldan par lta ba dang/ gnyis kar lta ba dang/
gnyis ka ma yin par bden par lta ba rnams so/ /gsum pa ni/ grol
ba'i bdag grongs phan chad du 'byung bar lta ba dang/ mi 'byung
bar lta ba dang/ gnyis kar lta ba dang/

gnyis ka ma yin par bden par lta ba rnams so/ /bzhi pa ni/ lus
srog rdzas tha dad du bden par lta ba dang/ rdzas gcig tu bden
par lta ba rnams so/ /gnyis pa bsdu ba ni/ de thams cad bsdu na/
g.yo ba/ 'du ba/ bkram pa/

bcum pa'i lung ma bstan gyi lta ba bzhir 'du ste/ ! mdo las/
sems g.yo ba dang 'du ba dang bkram pa dang bcum pa yang dag pa
ji lta ba bzhin du rab tu mkhyen to/ /zhes gsungs pa'i phyir/
gsum pa ni/ bdag dang 'jig rten

rtag par bden par lta ba dang/ mtha' dang mi ldan pa ste skye ba
phyi ma phan chad du 'byung bar lta ba dang/ de bzhin gshegs pa
grongs phan chad 'byung bar bden par lta ba gsum ni grangs can
gyi lta ba yin cing/ de rnams la g.yo ba'i

lung ma bstan gyi lta ba zhes bya ste/ de rnams rang yul la
sgrub pa'i rnam pas 'jug pa'i phyir/ de mi rtag par lta ba dang/
mtha' dang ldan pa ste skye ba phyi ma phan chad mi 'byung ba
lta ba dang/ de bzhin gshegs pa grongs phan chad du mi 'byung

bar bden par lta ba gsum ni rgyangs 'phen gyi lta ba yin cing/
de rnams la 'du ba'i lung ma bstan gyi lta ba zhes bya ste/ de
rnams rang yul la dgag pa'i rnam pas 'jug pa'i phyir/ mtha' de
gnyis ka yin par bden par lta ba gsum

@044b ni gcer bu ba'i lta ba yin cing/ de rnams la bkram pa'i
lta ba zhes bya ste/ de rnams rang yul la dgag sgrub gnyis ka
cha mnyam du 'jug pa'i phyir/ mtha' gnyis gang yang brjod du med
par bden par lta ba gsum ni gnas ma bu pa'i lta ba

yin cing/ de la bcum pa'i lta ba zhes bya ste/ de rnams rang yul
la dgag sgrub gnyis ka bkag pas 'jug pa'i phyir/ lus srog rdzas
gcig tu bden par lta ba bye brag pa'i rgyud la yod cing/ rdzas
tha dad du bden par lta ba grangs can gyi rgyud

la yod de/ bye brag pas gang zag gi bdag gzugs dang bem por 'dod
cing grangs can gyis shes rig du 'dod pa'i phyir/ bdag ni gang
zag gi bdag dang/ 'jig rten ni de'i longs spyod byar gyur pa'i
snod kyi 'jig rten yin cing grol ba'i bdag ni gang

zag gi bdag gi rnam grangs su 'dod do/ /gnyis min du lta ba'i
don ni rang bzhin rtag la gnas skabs mi rtag par lta ba'o/ /bzhi
pa ni/ 'di rnams la lung ma bstan gyi lta ba zhes brjod pa'i
rgyu mtshan yod de/ 'di dag gis ji ltar bzung ba'i

don bcom ldan 'das la zhus bas lan lung ma bstan pa'i don gyis
de ltar bshad pa'i phyir/ lan lung mi ston pa'i rgyu mtshan yod
de/ gang zag gi bdag med par bstan pa'i sgo nas de'i lan ston
dgos pa gang zhig /'di rnams zhu

ba po de dag gang zag gi bdag med ston pa'i snod du mi rung ba'i
phyir/ dang po grub ste/ zhu ba po de rnams khyad gzhi gang zag
gi bdag las brtsams pa'i zhu ba yin pa'i phyir/ gnyis pa grub
ste/ ! rin chen phreng bar/ 'jig rten mtha'

dang ldan nam zhes/ zhus na rgyal ba mi gsungs bzhugs/ /gang
phyir de ltar zab pa'i chos/ /snod min 'gro la mi gsungs pa/ /de
yi phyir na mkhas rnams kyis/ /kun mkhyen thams cad mkhyen par
shes/ /zhes gsungs pa'i phyir/

@045a @#/ /de'i bdag de sems can dang/ 'jig rten de snod kyi 'jig
rten la byed rigs pa'i phyir te/ ! gser 'phreng las/ bdag dang
'jig rten ni sems can dang snod kyi 'jig rten yin la/ zhes
gsungs pa'i phyir/

gnyis pa lam shes kyi sbyor ba bcu drug yod de/ lam shes sbyor
ba'i shes mtshan bcu drug yod pa'i phyir/ de yod de/ chos rnams
kyi ngo bo bden par grub pas stong ba'i stong pa nyid dang/ rgyu
bden grub kyi stong ba'i mtshan ma

med pa dang/ 'bras bu bden grub kyis stong ba'i smon pa med pa
dang/ don dam par skye ba med pa dang/ don dam par 'gag pa med
pa dang/ rtsa ba'i sogs sgras bsdus pa chags sogs kyis kun nas
nyon mongs pa med pa dang/

dad sogs kyis rnam par byang ba med pa dang/ don dam par spang
bya'i dngos po med pa/ rang bzhin gyis don dam par ma grub pa'i
ngo bo nyid/ don dam par grub pa'i rten med pa/ de bzhin nyid
kyi rang bzhin nam mkha' dang 'dra bar

rtogs pa'i lam shes kyi sbyor ba'i shes mtshan drug dang/ chos
nyid rnam par 'khrug pa med pa dang/ blo sngon du btang nas 'du
mi byed pa dang/ mtshan nyid dang mtshan gzhi'i dbye ba bden pa ma
grub pa rnam par mi rtogs pa dang/

mtshan nyid kyi rab tu dbye ba dang/ don dam par mtshan nyid med
par rtogs pa'i lam shes kyi sbyor ba rnams su yod pa'i phyir/
lam shes kyi sbyor ba'i shes mtshan bcu drug gi dang po yod de/
chos rnams kyi ngo bo bden par grub

pas stong pa'i stong pa nyid rtogs pa'i sems dpa'i rnal 'byor
de/ dang po yin pa bzhin du phyi ma rnams kyang rigs 'dra ba'i
phyir/ de yang rtsa ba las/ stong nyid mtshan ma med bcas dang/
/zhes pa nas/ rab dbye mtshan nyid

@045b med nyid la/ /zhes pa'i bar gyis shes mtshan bcu drug
bstan/ de dag gi don bsdus te ston pa la/ ! rtsa ba las/ lam
shes nyid kyi skabs kyi ni/ /shes pa'i mtshan nyid bsdus pa yin/
/zhes bas bstan/ ! 'grel ba las/

shes pa'i rnam ba'i khyad par bcu drug gis ji lta ba bzhin du
lam shes pa nyid kyi sbyor ba dag mtshon pas na shes pa'i mtshan
nyid lam shes pa nyid kyis bsdus pa yin no/ /zhes gsungs/ lam
shes nyid kyi skabs kyi ni/ /shes pa'i

mtshan nyid yin par bzhed/ /gsum pa rnam mkhyen gyi sbyor ba'i
shes mtshan bcu drug yod de/ de bzhin gshegs pa nyid kyi chos la
brten nas mthong chos la bde bar gnas pa'i rnam mkhyen gyi sbyor
ba'i shes mtshan nas/ dge ba'i

bshes gnyen la gus par bya ba dang/ bka' las mi 'da' bar bla mar
bya ba dang/ rnyed bkur gyis mnyes par bya ba dang/ me tog sogs
kyis mchod par bya ba dang/ don dam par byed pa med par shes pa
dang/ ye shes shes bya

thams cad du 'gro ba dang/ don dam par gang du yang ma mthong
ba'i don de kho na nyid du ston pa dang/ 'jig rten stong pa nyid
kyi rnam pa shes pa dang/ gdul bya la 'jig rten stong pa nyid du
brjod par mdzad pa dang/ 'jig rten stong pa

nyid du shes par 'jig rten pa'i sgom byung gi'i shes par mdzad
pa dang/ 'dul byas 'jig rten stong pa nyid du mngon sum gyis
mthong bar mdzad pa dang/ chos rnams kyi chos nyid rtog ge'i
blos bsam gyis mi khyab pa nyid du ston

pa shes pa dang/ don dam pa spros pa nye bar zhi ba nyid du ston
pa dang/ 'jig rten de kho nar grub pa 'gog pa dang/ 'jig rten
'di dang pha rol don dam par blang dor gyi 'du shes 'gog pa'i
rnam mkhyen gyi sbyor ba'i shes mtshan

@046a @#/ /rnams su yod pa'i phyir/ rnam mkhyen gyi shes mtshan
bcu drug gi dang po yod de/ de bzhin gshegs pa nyid kyi chos la
brten nas mthong chos la bde bar gnas pa'i sems dpa'i rnal 'byor
de/ de 'dra'i rnam

mkhyen gyi sbyor ba'i shes mtshan dang po dang/ dge ba'i bshes
gnyen la gus par bya ba'i sems dpa'i rnal 'byor de/ dge ba'i
bshes gnyen la gus par bya ba'i rnam mkhyen gyi sbyor ba'i shes
mtshan yin pa bzhin du phyi ma rnams

kyang rigs 'dra ba'i phyir/ 'di rnams rtsa ba'i gzhung gis bstan
tshul yod de/ ! rtsa ba las/ de ni nyid kyis chos brten nas/
/zhes pa nas/ 'jig rten 'du shes 'gog pa la/ /zhes pa'i bar gyi
shes mtshan bcu drug bstan/ /

de dag gis don bsdus te ston pa la/ ! rtsa ba las/ rnam pa kun
mkhyen tshul la ni/ /shes pa'i mtshan nyid ces bshad do/ /zhes pas
bstan/ ! 'grel ba las/ shes pa'i rnam pa'i bye brag bcu drug gis
ji lta ba bzhin du

rnam pa thams cad mkhyen pa nyid kyis sbyor pa dag mtshon pas na/
shes pa'i mtshan nyid rnam pa thams cad mkhyen pa nyid kyis bsdus
pa yin no/ /zhes gsungs/ kho na re/ lam shes kyi sbyor ba dang/
rnam mkhyen gyi sbyor ba gang

rung yin na/ theg chen gyi rtogs rigs su gnas pa'i khyab par
thal/ gzhi shes kyi sbyor ba yin na/ theg dman gyi rtogs rigs su
gnas pa'i khyab pa'i phyir/ zer na/ ma khyab ste/ lam shes dang/
rnam mkhyen gang rung yin

na; theg chen gyi rtogs rigs su gnas pa'i khyab par thal/ gzhi
shes yin na/ theg dman gyi rtogs rigs su gnas pa'i khyab pa'i
phyir/ khyab pa 'grig /rtags grub cing/ 'dod mi nus te/ sems
dpa'i rnal 'byor

@046b yin na/ lam shes kyi sbyor ba dang/ rnam mkhyen gyi sbyor
ba gnyis ka yin pa'i khyab pa bzhin du/ theg chen 'phags pa'i
mkhyen pa yin na lam shes yin dgos pa dang/ sangs 'phags kyi
mkhyen pa yin na rnam mkhyen yin dgos

pa'i phyir/ sa mtshams theg pa chen po'i tshogs lam nas rgyun
mtha'i bar la yod pa yin gyi/ shes mtshan sangs 'phags kyi sa la
yod pa sogs ni/ mtshan nyid 'di dag gi skabs don ma rtogs pa'i
rnam 'gyur du gsal lo/ /

zhes gsungs pa ltar yin pa'i phyir/ gnyis pa khyad mtshan la yang
bcu drug yod de/ nyan rang gi sbyor ba las khyad par du 'phags
pa'i sbyor ba'i khyad mtshan bcu drug yod pa'i phyir/ rtags grub
ste/ sdug bden gyi chos nyid bsam

gyis mi khyab pa khong du chud pa'i theg chen gyi mthong lam
sdug bsngal chos bzod dang/ sdug bden gyi chos nyid mi mnyam pa
rtogs pa'i theg chen gyi mthong lam sdug bsngal rjes bzod/ sdug
bden gyi chos nyid gzhal ba las gud

na 'das par rtogs pa'i theg chen gyi mthong lam sdug bsngal chos
shes/ sdug bden gyi chos nyid bgrang ba las 'das par yang dag
par rtogs pa'i theg chen gyi mthong lam sdug bsngal rjes shes/
'phags pa'i gang zag kun gyi yon

tan thams cad sdud pa shes pa dang ldan pa'i theg chen gyi
mthong lam kun 'byung chos bzod/ ji lta ba dang ji snyed pa shes
pa'i skyes bu mkhas pas rig par bya ba shes pa dang ldan pa'i
theg chen gyi mthong lam kun 'byung rjes bzod/

nyan thos la sogs pa'i spyod yul min pa'i dngos po zab pa dang
rgya che ba shes pa dang ldan pa'i theg chen gyi mthong lam kun
'byung chos shes/ mngon par shes pa bzhin du myur ba shes pa
dang ldan pa'i theg chen gyi mthong lam kun

@047a @#/ /'byung rjes shes dang bzhi/ bden gnyis la brten pa'i
chos thams cad don dam par bri ba med pa dang/ gang ba med par
rtogs pa'i theg chen gyi mthong lam 'gog pa chos bzod/ don dam
par sbyin bya

sbyin byed sogs 'khor gsum rnam par dag pas sbyin sogs kyi phar
phyin rab tu sgrub pa'i theg chen gyi mthong lam 'gog pa rjes
bzod/ gus sbyor dang rgyun sbyor gyis bskal ba du mar tshogs
gnyis yang dag par 'grub pa'i theg chen gyi

mthong lam 'gog pa chos shes/ rnam par mi rtogs par chos thams
cad la dmigs pa'i theg chen gyi mthong lam 'gog pa rjes shes
dang bzhi/ byang chub sems dpa'i lam gyi rten rigs dang ldan
pa'i theg chen gyi mthong lam lam

chos bzod/ phar phyin mtha' dag rdzogs pa'i rgyu tshogs dang ldan
pa'i theg chen gyi mthong lam lam rjes bzod/ lam rdzogs par ston
pa'i dge ba'i bshes gnyen gyis thabs kyis yongs su bzung ba'i
theg chen gyi mthong lam lam chos

shes; 'khor 'das kyi chos gang la yang bden par mngon par zhen
pa'i ro myang ba med pa'i theg chen gyi mthong lam lam rjes shes
dang bcu drug yod pa'i phyir/ khyab ste/ de bcu drug go rims
bzhin du nyan rang gi sbyor ba las khyad

par du 'phags pa'i theg chen gyi mthong lam sdug bsngal chos
bzod kyi khyad mtshan du 'jog pa sogs rigs 'gros kyis shes dgos
pa'i phyir/ de yang/ mdor bstan rgyas bshad gnyis kyi sgo nas
bstan pa yin te/ ! rtsa ba las/

bsam mi khyab sogs khyad par gyis/ /khyad zhugs bden pa'i spyod
yul can/ /skad cig ma ni bcu drug gis/ /khyad par mtshan nyid
bshad pa yin/ /zhes pas mdor bstan/ rgyas bshad du/ ! rtsa ba
las/ bsam mi khyab dang mi

@047b mnyam dang/ /zhes pa nas/ bcu drug bdag nyid shes bya ste/
/zhes pa'i bar gyi bstan/ ! 'grel ba las/ chos kyi dbyings kyi
ngo bo nyid sems dpa'i rten dang/ smon lam la sogs pa'i pha rol
tu phyin pa yongs su rdzogs pa'i rgyu'i tshogs pa

dang/ dge ba'i bshes gnyen gyis thabs kyis yongs su bzung ba
dang/ mngon par zhen pa'i ro myang ba med pa dang/ bcu drug gi
bdag nyid ces bya ba ni go rims bzhin du sdug bsngal la sogs
pa'i bden pa'i skad cig ma rnams kyi

khyad par yin te/ zhes gsungs/ de rnams bsdus te bstan pa la/ !
rtsa ba las/ gang gis lam ni gzhan dag las/ /khyad du 'phags pas
khyad par lam/ /zhes bstan/ ! 'grel ba las/ gang gis nyan thos
la sogs pa'i lam

rnams las/ byang chub sems dpa' la sogs pa'i lam shes pa nyid la
sogs pa gnyis ni/ khyad par gyi lam yin par khyad zhugs so/
/zhes gsungs/ skabs 'dir khyad gzhi mthong lam kho na dang sbyar
nas dngos su bstan pa

yin gyi/ khyad chos bcu drug ni tshogs lam nas rgyun mtha'i bar
la yod de/ ! rnam bshad las/ 'dir khyad gzhi mthong lam dang
sbyar nas bstan par zad kyi/ khyad chos kyi ldog pa bcu drug ni
tshogs lam nas rgyun mtha'i bar la yod

par shes par bya'o/ /zhes gsungs pa'i phyir/ khyad chos bcu drug
yod de/ gong du bshad pa ltar sdug bden gyi chos nyid bsam gyi
mi khyab pa rtogs pa'i sems dpa'i rnal 'byor sogs bcu drug yod
pa'i phyir/ theg chen gyi sbyor lam

dang/ theg chen gyi sgom lam ni/ nyan rang gi lam las khyad par
du 'phags tshul 'dir dngos su mi ston pa'i rgyu mtshan yod de/
theg chen gyi mthong lam de/ theg chen sbyor lam gyi 'bras bu
dang/ theg chen sgom lam gyi rgyu yin pas/

@048a @#/ /theg chen gyi mthong lam nyan rang gi lam las khyad
par du 'phags par dngos su bstan pas lam de gnyis nyan rang gi
lam las khyad par du 'phags par yang go nus pa'i phyir te/ !
gser 'phreng

las; mthong lam sbyor lam gyi 'bras bu dang sgom lam gyi rgyu
yin pas/ de la bshad pas na gnyis na yang go ste/ zhes gsungs
pa'i phyir/ sems pa'i rgyud kyi gzhi shes kyi sbyor ba nyan rang
gi sbyor ba las khyad par du 'phags kyang/

'dir ni nyan rang gi sbyor ba las khyad par du 'phags tshul dngos
su ma bstan te/ ! rnam bshad las/ sems dpa'i rgyud kyi gzhi shes
kyi sbyor ba yang nyan rang gi sbyor ba las ches khyad zhugs par
grub mod kyi/ 'dir khyad zhugs

pa'i tshul dngos su ma bstan pa ni/ gzhi shes kyi sbyor ba nyan
rang la yang yod pas/ de gang las khyad zhugs pa'i khyad gzhir
mi rung bar shes par bya ba'i phyir/ zhes gsungs pa'i phyir/ !
'grel ba las/ de'i phyir de dag ni ji

skad bshad pa'i khyad par dang bral ba'i mngon par zhen pa la
sogs pa'i skye ba'i mtshan nyid gyis go sla ba'i phyir ma bshad
do/ /zhes gsungs/ ! gsum pa byed mtshan la bcu gcig yod de/ sems
dpa'i rgyud kyi gzhi shes

kyi sbyor ba la byed mtshan gsum/ lam shes kyi sbyor ba'i byed
mtshan bdun/ rnam mkhyen gyi sbyor ba'i byed mtshan gcig rnams su
yod pa'i phyir/ dang po gsum yod de/ sems can rnams thar ba'i
bde ba la 'god pa ma 'ongs

pa'i phan pa sgrub pa'i sems dpa'i rnal 'byor/ sdug bsngal dang
yid mi bde zhi ba sogs tshe 'di'i bde ba la 'god pa'i sems dpa'i
rnal 'byor/ 'khor ba'i sdug bsngal las skyob cing slar yang mi
smin par byed pas gzhan

@048b la phan pa bsgrub pa'i sems dpa'i rnal 'byor dang gsum yod
pa'i phyir/ lam shes kyi sbyor ba'i byed mtshan bdun yod de/ gtan
du phan pa myang 'das la 'god pa'i skyabs kyi byed pa dang/ sdug
bsngal gyi rgyu bzlog pa'i go 'phang la

'god pa gnas kyi byed pa dang/ 'khor ba dang myang 'das bden med
du mnyam pa nyid du rtogs pa la 'god pa dpung gnyen gyi byed pa
dang/ chus bskor ba'i skam dang chos mthun par sred pa'i rlan
dang bral ba'i thar pa la 'god pas rang gzhan gyi

don rtogs pa'i rten gyi ngo bo gling gi byed pa dang/ gnas skabs
dang mthar thug gi don sgrub pa yongs 'dren gyi byed pa dang/
sems can gyi don lhun gyis grub par 'jug pa'i byed pa dang/ theg
pa gsum gyis nges par 'byung ba'i 'bras bu

dus ma yin par yang dag mtha' mngon du mi byed par dus ji lta ba
bzhin du yang dag par nye bar bsgrub pa'i don gyi gzhan la phan
pa'i byed las dang ldan pa'i byed mtshan bdun yod pa'i phyir/
rnam mkhyen gyi sbyor ba'i byed mtshan gcig yod

de; chos thams cad bsam pa ji lta ba bzhin du ston pa nye bar
bsgrub pa'i rten gyi mdzad pa dang ldan pa'i byed mtshan de de
yin pa'i phyir/ de rnams so so'i bstan tshul yod de/ ! rtsa ba
las/ phan dang bde dang skyob pa dang/ /zhes pa'i

dang po gsum bstan/ ! 'grel ba las/ ma 'ongs pa'i phan pa dang/
tshe 'di'i bde ba dang/ sdug bsngal med pa'i rnam par smin pa ma
yin pa'i chos nyid nye bar bsgrub pa'i don gyis thams cad shes
pa nyid kyis phan pa la sogs pa'i

byed pa gsum mo/ /zhes gsungs/ gnyis pa grub ste/ ! rtsa ba las/
mi rnams kyi ni skyabs dag dang/ /gnas dang dpung gnyen gling
dang ni/ /yongs 'dren pa zhes bya ba ste/ /lhun gyis grub dang
theg gsum gyis/ /'bras bu mngon sum

@049a @#/ /mi byed bdag /zhes pa'i bstan/ ! 'grel pa las/ gtan du
phan pa dang/ sdug bsngal gyi rgyu bzlog pa dang/ 'khor ba dang
mya ngan las 'das pa mnyam pa nyid du rtogs pa dang/ rang dang
gzhan

gyis don rtogs pa'i rten gyi ngo bo dang/ gzhan gyi don sgrub pa
dang/ sems can gyi don lhun gyis grub par 'jug pa dang/ theg pa
gsum gyis nges par 'byung ba'i 'bras bu mngon sum du mi byed pa
zhes bya ba 'di rnams dus

ji lta ba bzhin du yang dag par nye bar sgrub pa'i don gyis lam
shes pa nyid kyi skyabs la sogs pa'i byed pa bdun no/ /zhes
gsungs/ gsum pa grub ste/ ! rtsa ba las/ tha ma rten gyi mdzad
pa ste/ /zhes dang/ ! 'grel ba

las/ rnam pa thams cad mkhyen pa nyid kyi chos thams cad ston pa
nye bar bsgrub pa'i don gyis rnam pa thams cad mkhyen pa nyid la
ni rten gyi mdzad pa gcig ste/ zhes gsungs/ de dag gi don bsdus
nas ston pa la/ 'di ni

byed pa'i mtshan nyid yin/ /zhes dang/ ! 'grel ba las/ de ltar na
byed pa'i rnam pa dag gis ji lta ba bzhin du thams cad mkhyen pa
nyid gsum gyi sbyor ba dag mtshon pas na byed pa'i mtshan nyid yin
no/ /zhes gsungs/ bzhi

pa mkhyen pa gsum gyi sbyor pa'i mtshan gzhi ngo bo nyid mtshan la
yang bcu drug yod de/ 'dod chags la sogs pa'i nyon mongs pa
spong pa dang/ de'i rtags lus kyi gnas ngan len spong ba dang/
rgyu'i de'i mtshan ma tshul

bzhin ma yin pa yid la byed pa spong ba dang/ 'dod chags sogs mi
mthun pa'i phyogs dang/ 'dod chags med pa la sogs gnyen po dag
phan tshun blang dor gyi rnam rtog gis dben pa'i gzhi shes sbyor
ba'i ngo bo nyid

@049b mtshan bzhi dang/ don dam par med pa'i sems can tha snyad
du mtha' yas pa mya ngan las 'da' bar dka' ba sgrub pa'i sbyor
ba dang/ theg pa gzhan du mi ltung ba'i mtshan nyid kyi mtha'
gcig tu sangs rgya bar nges pa sgrub pa'i sbyor ba

dang; yun ring po nas sgrub par bya ba mchog nyid kyi ched du
bya ba chen po gsum sgrub pa'i sbyor ba dang/ bsgom par bya ba
dang bsgom pa po'i chos don dam par mi dmigs par rtogs pa'i
sbyor ba dang/ bden pa'i ngo bor mngon par zhen

pa mtha' dag bkag pa'i lam shes kyi sbyor ba'i ngo bo nyid mtshan
lnga/ gzhi shes dang lam shes kyi yul du bsdus pa'i dngos po'i
khyad par gzhi lam la dmigs pa dang/ 'jig rten gyi sgrub pa'i
'dzin pa dngos po bden par zhen pa dang/

dngos med bden par zhen pa la sogs pa las log ste/ mtha' bral du
rtogs pa'i mi mthun pa dang/ gzugs la sogs pa thogs pa med par
shes pa dang/ shes bya dang shes pa don dam par mi dmigs pas
'khrul gzhi bden pa

med pa dang/ bden pas stong pa de bzhin nyid kyis don dam par
gang du yang 'gro ba med pa dang/ gzugs la sogs la don dam par
ngo bo nyid med pas skye ba med pa dang/ dngos po dang dngos po
med pa dang/ de gnyis ka la sogs pa

gsum gyi ngo bo de bzhin nyid ni don dam par mi dmigs par rtogs
pa'i rnam mkhyen gyi sbyor ba'i ngo bo nyid mtshan bdun yod pa'i
phyir te/ ! rtsa ba las/ nyon mongs rtags dang mtshan ma dang/
/mi mthun phyogs dang gnyen po dang/ /

dben dang zhes pa'i bstan/ ! 'grel pa las/ thams cad shes pa
nyid kyi dben pa'i ngo bo nyid bzhi'o/ /zhes gsungs/ gnyis pa
grub ste/ ! rtsa ba las/ bka' dang nges pa dang/ ched du bya
dang mi dmigs dang/ /mngon par zhen pa

@050a @#/ /bkag pa dang/ /zhes pa'i bstan/ ! 'grel ba las/ don
dam par med pa'i sems can mya ngan las bzla bar dka' ba dang/
theg pa gzhan du mi ltung ba'i mtshan nyid kyi mtha' gcig tu nges
pa dang/ yun ring po nas bsgrub par bya ba mchog

nyid kyi ched du bya ba dang/ bsgom par bya ba dang sgom pa po'i
chos mi dmigs pa dang/ dngos por mngon par zhen pa mtha' dag
bkag pa zhes bya ba de lta bu dag ni lam shes pa nyid kyi ngo bo
nyid lnga'o/ /gsum pa grub ste/ rtsa ba las/ dmigs pa zhes bya
gang yin

dang/ /mi mthun thogs pa med dang de/ /gzhi med 'gro med skye
med dang/ /de bzhin nyid ni mi dmigs dang/ /zhes pa'i bstan/ !
'grel ba las/ dngos po dang dngos po med pa la sogs pa gsum gyi
ngo bo de bzhin nyid mi dmigs pa zhes bya ba de lta bu dag ni
rnam

pa thams cad mkhyen pa nyid kyi ngo bo nyid bdun no/ /zhes
gsungs/ de rnams bsdus te ston pa la/ ! rtsa ba las/ ngo bo nyid
bcu drug bdag nyid/ /mtshon bya lta bur mtshon pas na/ /mtshan nyid
bzhi par bzhed pa yin/ /zhes pa'i bstan/ ! 'grel ba

las; de ltar na ngo bo nyid bcu drug gis ji lta ba bzhin du
thams cad mkhyen pa nyid gsum gyi sbyor ba dag mtshan nyid dang
ldan pa bzhin du mtshon pas/ /de ltar na bzhi pa ngo bo nyid kyi
mtshan nyid du bzhed do/ /zhes gsungs/ nyon mongs

rtags dang mtshan ma dang/ /zhes sogs kyi don yang de ltar yin
te/ ! 'grel pa las/ 'dod chags la sogs pa'i nyon mongs pa dang/
de'i rtags lus kyi gnas ngan len dang/ /de'i mtshan ma tshul bzhin
ma yin pa yid la byed pa la sogs pa

dang; ;zhes gsungs pa'i phyir/ des na rtsa ba'i nyon mongs rtags
dang zhes pas lus kyi gnas ngan len dngos su bstan nas/ ngag
dang yid kyi gnas ngan len shugs la bstan te/ 'grel ba las/ de'i
rtags lus kyi gnas

@050b ngan len dang/ zhes gsungs shing/ ! gser 'phreng las/
chags sogs de'i rtags te 'bras bu lus ngag yid gsum gyi gnas
ngan len gyis stong pa ni rtags kyis te/ zhes gsungs pa'i phyir/
'di'i skabs kyi gnas ngan len yang nyon

sgrib yin te/ zag pa'i gnas ngan len yin pa'i phyir/ khyab ste/
! gser 'phreng las/ zag pa'i gnas ngan len dang/ /zag bcas kyi
gnas ngan len gnyis las/ dang po ni nyon thos dgra bcom gyis
spangs shing/ phyi ma sangs rgyas

kho nas spangs pa yin te/ zhes gsungs pa gang zhig /gzhi shes
sbyor ba'i ngo bo nyid mtshan bzhi'i skabs su 'dod chags la sogs
pa'i nyon mongs pas dben pa'i gzhi shes kyi sbyor ba zhes sogs
bzhi ka'i skabs su dben pa zhes sbyar

nas gsungs pa'i phyir te/ nyon mongs rtags dang mtshan ma dang/
/mi mthun phyogs dang gnyen po dag /dben dang zhes gsungs shing/
! gser 'phreng las/ dben pa zhes pa bzhi ka la sbyar la snga ma
gsum nyon sgrib dang tha ma shes sgrib

kyis dben pa'o/ /zhes gsungs pa'i phyir/ 'di'i shes sgrib ni
shes sgrib rags pa yin te/ de shes sgrib phra mo yin na/ des
dben pa'i sbyor ba de theg chen gyi rtogs rigs su 'gyur pa'i
skyon yod pa'i phyir/ gsum pa grangs kyi sgo

nas don bsdu ba la mtshan nyid kyi ming can sbyor ba go gcig yod
de/ shes mtshan zhe brgyad/ khyad mtshan bcu drug /byed mtshan bcu
gcig /ngo bo nyid mtshan bcu drug dang bcas pa yod pa'i phyir/ !
'grel ba las/ de ltar na spyir

gcig tu bsdoms na ni mtshan nyid dgu bcu rtsa gcig tu 'gyur ro/
/zhes gsungs pa'i phyir/ ! mtshan med rab tu sbyin la sogs/ /zhes
sogs kyi skabs su tshogs lam gyi rten/ brten pa tshogs lam gyi
rang bzhin/ rtags/ sgra

@051a @#/ /bshad pa'o/ /dang po la lus rten dang/ sems rten gnyis
las/ dang po ni/ theg chen gyi tshogs lam de 'gro ba rigs drug gi
rten la gsar du skye ba yod la/ theg dman gyi tshogs lam ni gling
gsum gyi skye ba dang

bud med kho na'i rten la gsar du skye bar bye brag smra ba bzhed
de/ ! mdzod 'grel las/ mi rnams kyi nang kho na dang gling gsum
nas 'phen gyi gzhan nas ni ma yin te/ ci rigs par shes rab dang
skyo ba med pa'i phyir/ zhes gsungs pa'i

phyir/ gnyis pa ni/ bsam gtan gyi dngos gzhi thob pa rnams kyis
bsam gtan gyi dngos gzhi dang/ de ma thob pa rnams kyis bsam
gtan gyi nyer bsdogs dang/ 'dod sems la brten nas bskyed pa yang
yod/ gnyis pa la ngo bo

ni/ 'di la thos bsam gtso che yang sgom byung yang yod de/ kun
btus la/ de la tshogs kyi lam gang zhe na/ so so skye bo'i tshul
khrims dang/ dbang po'i sgo sdom pa dang/ zas kyi tshod rigs pa
dang/ nam gyi cha stod smad la mi nyal

bar rnal 'byor la brtson pa dang/ shes bzhin du gnas par mngon
par dga' ba dang/ yang rgyur gyur ba'i dge ba gzhan thos pa
dang/ bsam pa dang/ sgom pa las byung ba'i shes rab kyang rung
ste/ de goms pas bden pa

rnams mngon par rtogs par 'gyur ba dang/ rnam par thar pa'i gnas
kyi snod nyid du 'gyur ro/ /zhes gsungs pa'i phyir/ ! mdzod las/
thos bsam las byung las gsum mo/ /zhes sgo gsum ga'i las dang
thos bsam

nyid du bshad la/ nyi snang las/ 'di dag thams cad kyang thos pa
dang bsam pa'i rang bzhin can yin par shes par bya ste/ thog ma
kho nar bstan pa la 'jug pa'i rgyu yin pa'i phyir ro/ /zhes
gsungs pa ni/ sgom byung gtso

@051b bor ma gyur ba la dgongs so/ /des na rnam mkhyen rang
rgyud la sgrub pa la mkhas pa'i sems dpa'i chos mngon rtogs/
skabs 'dir dngos su bstan pa'i thar pa cha mthun gyi mtshan nyid/
dbye na chung 'bring chen po gsum du yod/ kha cig /de

theg chen gyi thar pa cha mthun gyi mtshan nyid zer ba mi 'thad
de/ nyan thos lam du 'jug par nges pa'i theg chen gyis tshogs lam
gyis ma nges pa'i phyir/ gsum pa ni/ spyir thar pa don gnyer gyi
blo bcos ma ma yin pa nam skyes pa na thar pa cha

mthun thob par 'jog la/ theg chen gyi thar pa cha mthun thob
pa'i rtags ni/ ! mdzod 'grel las/ gang la 'khor ba'i nyes dmigs
dang bdag med pa dang mya ngan las 'das pa'i yon tan brjod pa'i
gtam thos na spu zing zhes byed pa dang/

mchi ma 'khrugs zhes byed pa de la ni/ thar pa'i cha dang mthun
pa'i dge ba'i rtsa ba yod par shes par bya ste/ dbyar myu gu
skyes pa las g.yul gyi gseb na sa bon yod par shes pa bzhin no/
/zhes gsungs pa ltar ro/ /theg chen gyi  bzhin no/ /zhes gsungs
pa ltar ro/ /theg chen gyi

tshogs lam khyad par can ni 'og nas 'chad pa'i zag med kyi ye
shes sde tshan nyer gcig gis bsdus pa'i mngon par rtogs pa'i rigs
mtha' dag la thos bsam gyis sgro 'dogs bcad nas de'i rjes su de
nyams su blangs pas mngon par

rtogs pa kun la myong ba khyad par can skyes pa na/ theg chen
gyi tshogs lam khyad par can dang/ grangs med gsum nas 'tshang
rgya ba'i lam gyi thog mar gyur pa'i theg chen gyi thar pa cha
mthun dang/ skabs 'dir dngos su bstan pa'i

theg chen gyi thar pa cha mthun rnams thob par 'jog pa yin no/
/der ma zad zab don la mi skrag pa dang/ mi dngangs pa dang/
skrag par mi 'gyur pa sogs kyang theg chen gyi tshogs lam khyad
par can thob pa'i rtags su nyi snang las bshad

@052a @#/ /de/ de nyid las/ gang gis de mngon par byed pa thar
pa'i cha dang mthun pa 'di'i rtags ni rnam pa gsum ste/ 'di lta
ste sems mi zhum pa mi dngangs pa'i mtshan nyid dang/ mi 'gong ba
mi skrag pa'i

mtshan nyid dang/ yid la 'gyod pa med pa skrag par mi 'gyur ba'i
mtshan nyid ni/ zhes gsungs pa'i phyir/ bzhi pa ni/ rang rang gi
byang chub thob pa'i phyir du tshogs gsog pa'i lam gyi thog ma
yin pas na tshogs lam dang/ thar pa thob

pa dang rjes su mthun pa'i lam yin pas thor pa cha mthun zhes
bya ste/ nyi snang las/ 'dir thar ba ni bral ba'i khyad par yin
la de'i cha la phan pas na thar pa'i cha dang mthun pa yin no/
/zhes gsungs pa'i phyir/ gnyis pa ni/ byang sems

tshogs lam pa dbang rnon gyi rgyud kyi mkhyen pa chos can/ skabs
'dir dngos su bstan pa'i theg chen gyi thar pa cha mthun yin te/
rnam mkhyen rang rgyud la sgrub pa la mkhas pa'i sems dpa'i chos
mngon rtogs yin pa'i phyir/ kho na re/

nyan thos dgra bcom pa'i rtogs pa sngon du song ba'i theg chen
gyi tshogs lam chos can/ sbyor ba der thal/ de'i phyir na 'dod mi
nus ste/ mdo sde'i rgyan las/ de nyid yang dang yang du ni/
/rang sems kun tu 'jug ldan na/ /mya ngan 'das

la mngon dga'i phyir/ /rtogs pa bul ba yin par 'dod/ /ces gsungs
pa'i phyir/ byang sems tshogs lam pa dbang rnon chos can/ dad
sogs yul lnga nyams su len pa la mkhas pa yin te/ dam pa'i chos
la dmigs pa'i

dad pa/ dge ba'i chos mtha' dag nyams su len pa'i brtson 'grus/
bsam pa phun tshogs theg chen sems bskyed/ rnam par mi rtogs pa'i
ting nge 'dzin/ ji lta ba dang ji snyed pa la dmigs pa'i shes
rab rnams nyams su len

@052b pa la mkhas pa'i phyir/ theg chen gyi thar pa cha mthun de
la ngo bo'i sgo nas lngar yod de/ dad sogs dbang po lngas bsdus
pa lnga yod pa'i phyir/ de yang yin te/ theg chen thun mong ma
yin pa'i skyabs 'gro'i dbang du byas nas lam gyi rtsi ba dad pa

la mkhas pa dang/ spyod pa sbyi la slob pa'i dbang du byas nas
brtson 'grub la mkhas pa dang/ spyod pa'i rten sems bskyed pa'i
dbang du byas nas bsam pa phun tshogs la mkhas pa dang/ phar
phyin tha ma gnyis la slob pa'i dbang du byas nas

ting nge 'dzin dang shes rab la mkhas pa rnams su yod pa'i
phyir/ rgyan gyi ched du bya ba'i gdul bya chos can/ khyod la
gnyis su yod de/ khyod la dbang po rno rtul gnyis su yod pa'i
phyir/ kha cig /rgyan gyi ched du bya ba'i gdul bya lam

ma zhugs kyi gang zag yod zer ba mi 'thad de/ de yin na byang
chub sems dpa' yin dgos pa'i phyir te/ dgongs 'grel gyi 'grel pa
las/ byang chub sems dpa' rang dang gzhan gyi don phun sum tshogs
pa sgrub pa ci la yang ma rag par

chas shing brtsoms pa dag /ces gsungs pa'i phyir/ rdzogs pa'i
byang chub rnon po yis/ /zhes sogs dang/ sangs rgyas sogs dmigs
dad pa dang/ /zhes sogs kyi skabs nas dngos su bstan pa'i rgyan
gyi ched du bya ba'i gdul bya yin

na byang chub sems dpa' yin dgos pa'i phyir/ ji skad bshad pa'i
'og tu nges 'byed cha 'thun 'chad pa la/ mtshams sbyar/ rtsa ba/
'grel pa dang gsum las/ dang po ni/ ! 'grel pa las/ thar pa'i
cha dang mthun pa skyes pa'i

sbro ba can la nges par 'byed pa'i cha dang mthun pa 'byung bas/
zhes gsungs/ gnyis pa ni/ rtsa ba las/ dro ba rnams kyi dmigs pa
'dir/ /zhes sogs gsungs/ gsum pa ni/ de nyid tshig don gyi sgo
nas bshad pa la/ 'grel pa las/

@053a @#/ /rnam pa thams cad mngon par rdzogs par rtogs pa/ zhes
sogs gsungs/ de la yang so sor bshad pa dang/ don bsdu ba gnyis
las/ dang po la/ drod/ rtse mo/ bzod pa/ chos mchog dang bzhi
las/

dang po la yang chung 'bring chen po gsum gyi rnam pa gsum rims
bzhin ston pa la/ ! rtsa ba las/ dro ba rnams kyi dmigs pa 'dir/
/sems can thams cad yin par bsngags/ /de dag nyid la sems mnyam
sogs/ /rnam pa dag ni

bcur bshad do/ /zhes pa'i bstan/ ! 'grel pa las/ rnam pa thams
cad mngon par rdzogs par rtogs pa 'di la mnyam pa dang/ byams pa
dang/ phan pa dang/ khong khro ba med pa dang/ rnam par 'tshe ba
med pa'i sems kyi

rnam pa lnga dang/ pha dang ma'i sems dang/ spun dang sring mo'i
sems dang/ bu dang bu mo'i sems dang/ bshes dang grogs kyi sems
dang/ gnyen dang snag gi gnyen mtshams kyi sems kyi rnam pa gzhan
lngas sems can la dmigs

pa ni dro bar gyur ba yin par bzhed do/ /zhes gsungs/ de yang
sems dang po gnyis ni drod chung ngu'i rnam pa ste/ tshe 'di la
gzhan la phan pa sgrub par 'dod pa'i phyir/ de nas sems gsum ni
drod 'bring gi rnam pa ste/ tshe phyi ma la

gzhan la phan par 'dod pa'i phyir/ de nas sems zung lnga ni drod
chen po'i rnam pa ste/ tshe 'di phyi gnyis ka la gzhan la phan pa
sgrub 'dod pa'i phyir/ gnyis pa de nyid ston pa la/ ! rtsa ba
las/ bdag nyid sdig pa las ldog cing/ /

sbyin la sogs la gnas pas gzhan/ de dag la ni 'god pa dang/
/bsngags pa brjod dang mthun pa nyid/ /rtse gyur/ zhes pa'i
bstan/ ! 'grel ba las/ mdor na mi dge ba dang dge ba la grangs
bzhin du spong ba dang len pa'i sgo

@053b nas ldog pa dang zhugs pa'i bdag nyid can/ de'i sgo nas
gzhan rnams sdig pa las ldog pa dang/ dge ba la gnas pa dag la
sbyor ba'i rnam pa gnyis dang/ gzhan bdag nyid de bzhin nyid du
zhugs pa la bsngags pa brjod pa dang mthun par

byed pa rnam pa gnyis po chos kyi rab tu dbye bas ni rnam pa
mtha' las pa zhes bya ba de rnams kyis sems can la dmigs pa ni
rtse mor gyur pa yin no/ /zhes gsungs/ gsum pa de nyid ston pa
la/ ! rtsa ba las/ de bzhin bzod pa

na; rang gzhan rten can bden shes pa/ /zhes pa'i bstan/ ! 'grel
pa las/ rtse mor gyur ba la rang dang gzhan gyi rten gyi dbye
bas dmigs pa dang rnam pa dag ji lta ba bzhin du sbyor ba dang
bsngags pa brjod pa dang mthun pa nyid kyi

rnam pa rnams kyis rang dang gzhan gyi rten gyi sdug bsngal la
sogs pa'i bden pa la dmigs pa ni bzod pa yin no/ /zhes gsungs/
bzhi pa de nyid ston pa la/ ! rtsa ba las/ chos mchog de bzhin
sems can rnams/ smin byed

sogs kyis shes par bya/ /zhes pa'i bstan/ ! 'grel pa las/ snga
ma bzhin du rang dang gzhan gyi rten can kho na smin par byed pa
dang grol bar byed pa la sogs pa'i rnam pa dag gis sems can la
dmigs pa ni chos kyi mchog

yin te/ zhes gsungs/ gnyis pa don bsdu ba la/ de ltar na nges
par 'byed pa'i cha dang mthun pa yin no/ /zhes gsungs/ theg chen
gyi sbyor lam chos can/ sems can thams cad la dmigs pa yin te/
sems can thams cad

la sems mnyam par lta ba la sogs pa'i sgo nas dmigs pa'i phyir/
de yang theg chen gyi sbyor lam drod kyis sems can thams cad la
sems mnyam pa sogs bcu'i sgo nas dmigs pa yin te/ drod chung
ngus sems can

@054a @#/ /thams cad la chags sdang gi ris su ma chad par mnyam
pa'i sems dang/ da lta phan pa'i don sgrub pa'i byams pa'i sems
kyi rnam pas dmigs/ drod 'bring gis ma 'ongs pa'i phan pa sgrub
par 'dod pa

phan pa'i dang/ nga rgyal bcom pas gzhan bde la khong khro ba
med pa'i dang/ tho mi mtshams pa rnam par 'tshe ba med pa'i sems
kyis rnam pas dmigs/ drod chen pos skyes pa dang bud med rang
las rgan pa la pha ma'i dang/ mnyam

pa la spun dang sring mo'i dang/ rang bas gzhon pa la bu dang bu
mo'i dang/ phan 'dogs pa'i bshes dang/ yid brtan pa'i grogs
dang/ rus gcig pa'i gnyen dang/ rus mi gcig pa'i snag gi gnyen
mstams kyi sems kyi rnam pas

dmigs pa'i phyir/ theg chen gyi sbyor lam rtse mos sems can
thams cad la sems rnam pa gsum gyi dmigs pa yin te/ de mi dge ba
spong ba la bdag nyid gnas pa de'i sgo nas gdul bya gzhan sdig
pa las ldog pa la sbyor

ba'i rnam pa dang/ sbyin sogs dge ba la bdag nyid gnas nas de'i
sgo nas gdul bya gzhan dge ba la gnas pa la sbyor ba'i rnam pa
gcig dang/ gdul bya gzhan ma bskul bar dge sdig gi 'dor len la
bdag nyid zhugs pa la

bdag gis bsngags pa brjod pa dang/ sems kyi dga' bas mthun par
byed pa'i rnam pa gnyis te gsum gyi sgo nas dmigs pa'i phyir/ de
yang rtse mo chung ngu'i skabs su rang nyid srog gcod pa sogs
las ldog pa la gnas nas/

gdul bya gzhan de la 'god pa dang/ zhugs tsam la de las ldog
pa'i bsngags pa brjod pa dang/ ma bskul bar zhugs pa la bsngags
pa brjod cing mthun pas dga' bar byed la/ de 'bring gi tshe rang
nyid sbyin pa sogs phar

@054b phyin drug la gnas nas gdul bya gzhan de la 'god pa sogs
sngar bzhin dang/ de chen po'i tshe bdag nyid nang stong pa nyid
nas/ rten 'brel lugs mthun dang lugs mi mthun du sgom pa la gnas
nas gzhan de la 'god pa sogs sngar

bzhin yin pa'i phyir/ theg chen gyi sbyor lam bzod pas kyang
sems can thams cad la sems rnam pa gsum gyi sgo nas dmigs pa yin
te/ de chung ngu'i tshe bdag nyid bden bzhi shes pa la gnas nas
gzhan de la 'god pa

sogs rnam pa gsum dang/ de 'bring gi tshe bdag nyid kyi rgyun
zhugs sogs kyi 'bras bu shes kyang mngon du mi bya ba la gnas
nas gzhan de la 'god pa sogs rnam pa gsum dang/ de chen po'i tshe
bdag nyid byang sems kyi mthong

lam gyi rgyu la gnas nas gzhan de la 'god pa sogs kyi sgo nas
dmigs pa'i phyir/ chos mchog gis kyang sems can thams cad la
sems gsum gyi sgo nas dmigs pa yin te/ de chung ngu'i tshe bdag
nyid sems can smin

par byed pa sogs la gnas nas gzhan de la 'god pa'i rnam pa dang
gzhan ma bskul bar zhugs pa la ngag gis bsngags pa brjod pa'i
rnam pa dang/ sems kyi dga' bas mthun par byed pa'i rnam pa gsum
gyis dmigs/ de

'bring gi tshe rang nyid byang chub sems dpa'i mngon shes skyes
pa la gnas nas gzhan de la 'god pa sogs gsum gyis dmigs/ de chen
po'i tshe rang nyid rnam mkhyen skyed pa dang bag chags kyis
mtshams sbyor ba'i nyon mongs spong ba

sogs la gnas nas gzhan de la 'god pa sogs gsum gyi sgo nas dmigs
pa'i phyir/ don bsdun skabs 'dir dngos su bstan pa'i theg chen
gyi nges 'byed cha mthun chos can/ gtso bor rjes thob kyi ngo
bor gyur pa yin

@055a @#/ /te/ bsam sbyor phun sum tshogs pa bcu dgu sems can la
dmigs pa de lta na de'i phyir/ des na gtso bor thabs kyi chas
khyad par du byas pa'i skabs 'dir dngos su bstan pa'i sems dpa'i

don mngon rtogs/ skabs 'dir dngos su bstan pa'i theg chen gyi
nges 'byed cha mthun gyi mtshan nyid/ gnyis pa don bsdu ba la/ !
'grel ba las/ de ltar na nges par 'byed pa'i cha dang mthun pa
yin no/ /zhes gsungs/ ! 'dir

phyir mi ldog pa'i rtags thob pa'i dge 'dun bshad pa la/ spyir
bshad pa dang/ so sor bshad pa gnyis/ dang po ni/ nges 'byed yan
lag nas bzung ste/ /zhes sogs sho lo ka gcig gis 'chad/ gnyis pa
la/ sbyor lam

pa phyir mi ldog pa'i rtags/ mthong lam pa phyir mi ldog pa'i
rtags/ sgom lam pa phyir mi ldog pa'i rtags bshad pa dang gsum
las/ dang po la mdor bstan pa dang/ rgyas par bshad pa gnyis/
dang po ni/ gzugs la

sogs las ldog sogs rtags/ /zhes sogs sholo ka gcig gis 'chad/
gnyis pa la nyi shu yod de/ drod la gnas pa'i rtags bcu gcig/
/rtse mo la gnas pa'i rtags drug /bzod pa la gnas pa'i rtags
gnyis/ chos mchog

la gnas pa'i rtags gcig ste sbyor lam phyir mi ldog pa'i rtags
nyi shu yod pa'i phyir/ dang po bcu gcig yod de/ gzugs sogs la
bden zhen mngon gyur ci rigs ldog pa'i drod phyir mi ldog pa'i
rtags/ dkon mchog

gsum la skyabs gnas yang dag yin min gyi the tshom mngon gyur zad
pa'i drod phyir mi ldog pa'i rtags/ mi khom pa brgyad zad pa'i
drod phyir mi ldog pa'i rtags/ bdag gzhan dge ba'i chos la sbyor
ba dang ldan pa'i drod phyir

@055b mi ldog pa'i rtags/ sems can gzhan gyi yul la 'bras bu
smin par gyur cig ces yongs su bsngos pa'i sbyin sogs dang ldan
pa'i drod phyir mi ldog pa'i rtags/ zab mo'i don la som nyi med
pa'i drod phyir mi ldog pa'i rtags/ byams

pa'i bsam pas kun nas bslang pa'i lus ngag yid gsum gyi las dang
ldan pa'i drod phyir mi ldog pa'i rtags/ sgrib pa lnga dang mi
'grogs pa'i drod phyir mi ldog pa'i rtags/ lta ngan la sogs pa'i
bag la nyal thams cad 'jom

pa dang ldan pa'i drod phyir mi ldog pa'i rtags/ spyod lam kun
tu dran shes bzhin dang ldan pa'i drod phyir mi ldog pa'i rtags/
gnas mal dang gos la sogs pa yongs su spyod pa dam pas smad du
med pas gtsang ba dang ldan pa'i

drod phyir mi ldog pa'i rtags dang bcu gcig yod pa'i phyir te/ !
rtsa ba las/ gzugs la sogs las ldog pa dang/ /the tshom mi dal
zad pa dang/ /zhes pa nas/ gos la sogs pa gtsang ba dang/ /zhes
pa'i bar sholo ka gnyis

dang tshig rkang gsum gsungs pa'i phyir/ gong du bshad pa'i mi
khom pa brgyad yod de/ dmyal ba/ yi dwags/ dud 'gro/ lha tshe
ring po ste mi ma yin pa'i mi khom pa bzhi dang/ log lta can gyi
mi/ kla klo'i mi/ sangs rgyas mi

'byung ba'i yul mtha' 'khob kyi mi/ dbang po ma tshang pa'i mi
lkugs pa ste mi'i mi khom pa bzhi yod pa'i phyir/ smon lam them
skas las/ dmyal ba yi dwags dud 'gro dang/ /tshe ring lha dang
kla klo dang/ /log lta sangs rgyas

kyis stong pa/ /lkugs pa 'di dag mi khom brgyad/ /ces gsungs
pa'i phyir/ sgrib pa lnga yod de/ bshes sbrings las/ rgod dang
'gyod dang gnod sems rlug pa dang/ /gnyid dang 'dod la 'dun dang
the tshom ste/ /sgrib pa lnga po 'di 

@056a @#/ /dag dge ba'i nor/ /'grog pa'i chom rkun legs par rigs
par mdzod/ /ces gsungs pa ltar rgod 'gyod gnyis gcig dang/ gnyid
rmug gnyis gcig tu grangs zhing/ /'dod pa la 'dun pa dang//

gnod sems/ the tshom rnams re re nas bgrang ste lngar 'dren pa'i
phyir/ sbyor lam rtse mo'i phyir mi ldog pa'i rtags drug yod de/
lus la srin bu'i rigs brgyad khri mi 'byung ba'i rtse mo'i phyir
mi ldog pa'i rtags/ g.yo rgyus

kun nas bslangs pa'i rang don yid byed kyi sems gya gyu med pa
dang ldan pa'i rtse mo'i phyir mi ldog pa'i rtags/ phyag dar
khrod pa la sogs pa'i sbyangs pa'i yon tan yang dag par len pa
dang ldan pa'i rtse mo'i phyir mi ldog

pa'i rtags/ phyin drug gi mi mthun phyogs ser sna dang 'chal
ba'i tshul khrims la sogs pa med pa dang ldan pa'i rtse mo'i
phyir mi ldog pa'i rtags/ bden grub kyis stong pa'i chos nyid
dang mi 'gal bar shes rab kyi pha rol

tu phyin pa'i rnal 'byor dang ldan par 'gro ba'i rtse mo'i phyir
mi ldog ba'i rtags/ sems can thams cad bu gcig pa ltar bdag nyid
kyis byas pas gzhan gyi don du dmyal ba 'dod pa'i rtse mo'i
phyir mi ldog pa'i rtags drug rnams

su yod pa'i phyir te/! rtsa ba las/ lus la srin bu rnams mi
'byung/ /zhes sogs sho lo ka gcig dang tshig rkang gcig gsungs/
sbyor lam bzod pa'i phyir mi ldog ba'i rtags gnyis yod de/ lam
gzhan la ston pa gzhan

gyis bkrir mi bcu ba pa dang ldan pa'i bzod pa'i phyir mi ldog
pa'i rtags/ zas gcod pa dang mi lnga bsten pa sogs lam ltar bcos
pa nye bar ston pa'i bdud la bdud nyid du rtogs pa'i bzod pa'i
phyir mi ldog pa'i rtags dang gnyis

@056b yod pa'i phyir te/ ! rtsa ba las/ gzhan gyis bkri bar mi
btub dang/ /lam gzhan nye bar ston 'dud la/ /bdud ces bya bar
rtogs pa dang/ /zhes gsungs pa'i phyir/ chos mchog la gnas pa'i
phyir mi ldog pa'i rtags gcig yod

de/ sgo gsum gyi spyod pa thams cad sangs rgyas dgyes ba'i chos
mchog phyir mi ldog pa'i rtags de de yin pa'i phyir/ sangs rgyas
dgyes pa'i spyod pa ste/ /zhes gsungs pa'i phyir/ nyi shu po de
dag bsdoms te ston pa la/ ! rtsa ba

las/ rtags ni nyi shu de dag gis/ /zhes sogs sho lo ka gcig
gsungs/ gnyis pa mthong lam pa phyir mi ldog pa'i rtags la yang
na dor bstan pa dang/ rgyas par bshad pa gnyis/ dang po ni/
mthong ba'i lam la bzod pa dang/

zhes sogs sho lo ka gcig gis bshad/ gnyis pa rgyas par bshad pa
la gzugs sogs 'du shes ldog pa dang/ zhes pa nas/ phyir mi ldog
pa'i rtags dag yin/ /zhes pas bar sho lo ka lnga'i bstan/ de
yang shes bzod skad cig ma bcu

drug gis rjes kyi bsdus ba thabs shes khyad par can des drangs
pa'i mthong lam pa phyir mi ldog pa'i rtags bcu drug yod de/
gzugs sogs la bden 'dzin kun btags kyi sa bon las ldog pa dang
ldan pa'i mthong lam pa phyir mi

ldog pa'i rtags/ /don dam dang kun rdzob pa'i byang chub kyi
sems brtan pa dang ldan pa'i mthong lam pa phyir mi ldog pa'i
rtags/ nyan thos dang rang sangs rgyas kyi theg pa las sems rnam
par ldog pa dang ldan pa'i mthong lam pa phyir mi

ldog pa'i rtags/ /bsam gtan dang gzugs med kyi snyoms 'jug thob
kyang/ gzugs khams la sogs par las dbang gis skye ba'i rgyus nus
pa'i yan lag yongs su zad pa dang ldan pa'i mthong lam pa phyir
mi ldog pa'i rtags bzhi

@057a @#/ /ni sdug bsngal gyi rnam pa can yin te/ ! 'grel ba las/
bzhi ni sdug bsngal gyi rnam pa dag yin no/ /zhes gsungs ba'i
phyir/ lus sems yang ba shin tu sbyangs pa'i bde ba khyad par
can dang

ldan pa'i mthong lam pa phyir mi ldog pa'i rtags/ phyi ma na
gnas kyang 'dod yon la sred pa'i mngon zhen med par 'dod pa la
nye bar spyod pa dang ldan ba'i mthong lam pa phyir mi ldog ba'i
rtags/ rtag tu tshangs par spyod pa nyid dang ldan

pa'i mthong lam pa phyir mi ldog pa'i rtags/ 'tsho ba'i yo byad
yang dag par rnam par dag pa dang ldan pa'i mthong lam pa phyir
mi ldog pa'i rtags bzhi ni kun 'byung gi rnam pa can yin te/ !
'grel ba las/ bzhi ni kun 'byung

ba'i rnam pa yin no/ /zhes gsungs ba'i phyir/ phung sogs la dang
por zhen pa'i sbyor ba dang/ rjes su bden bar zhen pa'i sbyor
ba/ gnas pa so sor bkag pa dang ldan pa'i mthong lam pa phyir mi
ldog pa'i rtags/ 'gog pa

chos shes kyis rtogs ba'i bar chad byed ba'i chos rnams la snga
ma bzhin du de ltar bden zhen bkag pa dang ldan pa'i mthong lam
pa phyir mi ldog pa'i rtags/ byang chub kyi tshogs sbyin sogs la
snga ma bzhin du dang po dang rjes kyi bden

zhen bkag pa dang ldan pa'i mthong lam pa phyir mi ldog pa'i
rtags/ dbang po dang rten grong khyer la sogs pa'i g.yul 'gyed
pa la snga ma bzhin du sbyor ba dang/ rjes su sbyor pa'i gnas pa
so sor bkag pa dang ldan pa'i mthong lam

pa phyir mi ldog pa'i rtags/ bzhi ni 'gog pa'i rnam pa can yin
te/ ! grel ba las/ bzhi ni 'gog pa'i rnam pa yin no/ /zhes
gsungs pa'i phyir/ spang bya ser sna dang 'chal ba'i tshul khrims
la sogs pa la dang por bden

@057b par zhen pa sbyor ba dang/ phyis bden par zhen pa rjes su
sbyor ba'i gnas pa so sor bkag pa dang ldan pa'i mthong lam pa
phyir mi ldog pa'i rtags/ rtogs pa'i chos lam dang 'bras bu
byang chub don dam par grub pa rdul tsam yang mi

dmigs pa dang ldan pa'i mthong lam pa phyir mi ldog pa'i rtags/
mngon par yid ches pa thob pas thams cad mkhyen pa nyid gsum gyi
bdag nyid kyis gsum la ji lta ba bzhin du gnas pa dang ldan pa'i
mthong lam pa phyir mi ldog

pa'i rtags/ mkhyen pa gsum la sogs pa'i chos kyi don du srog
gtong ba la ser sna dang sdug bsngal cung zad tsam yang mi
'byung ba'i mthong lam pa phyir mi ldog pa'i rtags bzhi ni lam
gyi rnam pa can yin te/ ! 'grel pa las/

bzhi ni lam gyis rnam pa yin no/ /zhes gsungs pa'i phyir/ sbyor
lam pa phyir mi ldog pa'i rtags dang po'i gzugs sogs la bden
zhen dang/ mthong lam ba phyir mi ldog pa'i rtags dang po'i
gzugs sogs la bden zhen gnyis

kyi khyad par yod de/ snga ma bden zhen mngon gyar pa dang/ phyi
ma kun btags kyis bden zhen la byed pa'i phyir te/ ! gser
'phreng las/ 'di dang mthong lam gyi rtags dang po'i khyad bar
ni zhen pa mngon gyur ba dang phra ba las

ldog pa'o/ /zhes gsungs pa'i phyir/ gzhan yang phyir mi ldog
pa'i rtags thob ba'i byang sems kyi dge 'dun gyi dbye ba yod de/
byang sems dbang rnon gyis sbyor lam nas phyir mi ldog pa'i
rtags thob/ byang sems dbang 'bring gis

mthong lam nas phyir mi ldog pa'i rtags thob/ byang sems sgom pa
ji ltar dbang po rtul yang sa brgyad pa nas thob pas de'i dbang
du byas nas phyir mi ldog pa'i rtags thob pa'i sems dpa' gsum du
gsungs pa'i phyir/ dbang po

@058a @#/ /'bring bos mthong lam dang/ rtul pos sa brgyad pa nas
thob pa yod kyang/ phyir mi ldog pa'i rtags thob pa'i dbang po
'bring rtul ni med de/ nyi khri las/ byang chen mi rnams kyi
nang nas shi 'phos te mi

rnams kyi nang du skye ba len pa gang yin pa de ni phyir mi ldog
pa'i byang chen ma gtogs pa dbang po rtul ba yin no/ /zhes pa'i
thad du/ nyi snang las/ phyir mi ldog par bkol ba ni dbang po
rnon po'i lam kho nas de thob ba'i phyir/ zhes

gsungs pa'i phyir/ des na rtags de rnams snga ma snga ma thob pa
la phyi ma phyi ma thob pas ma khyab par ma zad/ phyi ma phyi ma
thob pa la snga ma snga ma thob pas kyang ma khyab ste/ sbyor
lam gyi skabs su ma thob par mthong lam gyi skabs

su thob pa dang/ mthong lam gyi skabs su ma thob par sgom lam
gyi skabs su thob pa yod cing/ sbyor lam ba phyir mi ldog pa'i
rtags yin na/ sbyor lam gyi skabs su thob pa'i rtags yin dgos
pa'i phyir/ 'dir bstan phyir

mi ldog pa'i don yod de/ bsam pa'i sgo nas nyan rang ltar rang
don yid byed kyi bsam pa mngon gyur skye pa'i go skabs bcom/
sbyor ba'i sgo nas rang rgyud la ldan pa'i gang zag las blo dman
pas kyang rdzogs byang las phyir

mi ldog pa rtogs nus pa'i lus ngag gi/ tha snyad khyad par can
'dren nus kyi thabs shes kyi rtogs pa brtan po dang ldan pa de/
'dir bstan phyir mi ldog pa'i don yin pa'i phyir/ yang/ !gser
'phreng las/ de yang gzugs

nas rnam mkhyen gyi bar ngo bo nyid med par rtogs pa de dag la
bden zhen ldog pa'i shes rab kyi mtshon pa'i snying rje chen po
ste thabs shes rgyun shin tu brtan pa gnyis ni rtags kyi gtso bo
yin la gzhan rnams cha tsam du rigs

@058b par bya'o/ /zhes gsungs pa yang blo ldan rnams kyis dpyad
par bya'o/ /mthong lam pa phyir mi ldog pa'i rtags kyi skabs su/
mthong ba'i lam la bzod pa dang/ shes pa'i skad cig bcu drug ni/
byang chub sems dpa' mi ldog pa'i//

mtshan nyid yin par shes par bya/ /zhes dang/ de 'dra'i skad cig
bcu drug ni/ /blo ldan mthong ba'i lam gnas kyi/ /phyir mi ldog
pa'i rtags dag yin/ /zhes bshad kyang/ mthong lam pa phyir mi
ldog pa'i rtags rnams/ rang gi rgyu

gyur pa'i mthong lam shes bzod skad cig ma bcu drug gi 'bras bu
yin pas/ 'bras ming rgyu la btags nas bstan pa'i phyir/ mthong
lam ba phyir mi ldog pa'i rtags yin na/ mthong lam rjes thob kyi
gnas skabs su thob pas

khyab cing/ des sbyor lam pa phyir mi ldog pa'i rtags dang/ sgom
lam pa yang rigs 'dra'o/ /so skye'i sa nas phyir mi ldog pa'i
rtags thob pa'i byang sems yin na/ byang sems dbang rnon yin
dgos te/ byang sems dbang po

'bring rtul gang rung yin na/ so skye'i sa nas phyir mi ldog
pa'i rtags ma thob pas khyab pa'i phyir/ byang sems dbang rtul
yin na/ ma dag sa bdun gang rung du phyir mi ldog pa'i rtags ma
thob pa'i khyab pa'i phyir/ de ltar yang/

! gser 'phreng las/ so skye'i sa la phyir mi ldog pa'i rtags
thob pa la dbang rnon dgos te/ gal te sa der 'bring rtul gnyis
kyis kyang thob na sa brgyad pa la sngar bshad pa de mi rigs so/
/de'i phyir ma dag sa bdun du yang dbang

rtul gyis rtags ma thob bar bzhag go/ rtags ma thob kyang sa
thob nas theg dman du lhung pa mi srid de/ theg chen 'phags pa
don dam sems bskyed las nyams pa mi srid pas so/ /'o na/ sa
brgyad pa dang mtshungs zhe na/ nyes

@059a @#/ /pa med de/ sa brgyad pa man chad du ngar 'dzin ma zad
la de yod pa de srid du rang la gces 'dzin gyi blo 'jug pas rang
don la gzhol ba'i rkyen tsam nye bar gnas pas sa brgyad pa nas
de med pas

so; ;zhes gsungs pa'i phyir/ dbang sogs bcas pa yi/ /zhes pa'i
skabs su/ dbang bo'i rnam bzhag bshad ba la/ ngo bo/ grangs
nges/ tha ma gsum gyi sa mtshams bshad pa dang gsum las/ dang po
ni/ mdzod pa ltar

na 'dir bstan dbang po de la nyer gnyis yod de/ mig sogs dbang
po drug/ pho mo'i dbang po gnyis/ srog gi dbang po/ tshor ba'i
dbang po lnga/ dad sogs dbang po lnga/ kun shes byed pa'i dbang
po/ kun shes pa'i dbang po/ kun shes

ldan pa'i dbang po rnams su yod pa'i phyir/ de dag gi yul gang
la dbang byed tshul yod de/ mig sogs dbang po lnga'i rang rang gi
'bras bur gyur pa'i don re re 'dzin pa'i shes pa skyes pa la
dbang byed/ yid dbang gis yul drug ka

'dzin pa'i shes pa skyed pa la dbang byed/ pho mo'i dbang po
gnyis kyis rim pa ltar rang gang la ldan pa'i rten de phor 'jog
pa dang/ mor 'jog pa la dbang byed/ srog dbang gi rigs mthun
gnas pa la dbang byed/ tshor ba'i dbang po

lngas nyon mongs pa skyed pa la dbang byed/ de yang bde ba dang
yid bde gnyis kyis gtso bor 'dod chags dang/ sdug bsngal dang
yid mi bde gnyis kyis zhe sdang dang/ tshor ba btang snyoms kyis
gti mug skyed pa la dbang byed/ dad

sogs dbang po lngas rnam byang thob pa la dbang byed/ phyi ma
gsum ni snga ma snga mas phyi ma phyi ma thob pa dang/ de yang
kun shes ldan pa'i dbang pos lhag med myang 'das thob pa dang/
mthong chos bder gnas kyi yon tan thob pa la

@059b dbang byed pa'i phyir te/ ! mdzod las/ rang gi don dang
thams cad la/ /dmigs par dbang byed phyir dbang drug/ pho nyid
mo nyid la dbang phyir/ /lus la pho dang mo dbang dag/ ris gnas
kun nas nyon mongs dang/ /rnam par byang la

dbang byed phyir/ /srog dang tshor ba rnams dang ni/ /dad sogs
dbang po lngar 'dod do/ /mya ngan 'das sogs gong nas gong/ /thob
pa la ni dbang byed phyir/ /kun shes byed dang kun shes dang/
/de bzhin kun shes ldan dbang po/ /zhes

gsungs ba'i phyir/ de yang tshor ba lngar phye ba'i bde ba'i
dbang po dang/ sdug bsngal gyi dbang po gnyis ni dbang shes su
gyur pa'i tshor ba dang/ yid bde dang yid mi bde gnyis ni yid
shes su gyur pa'i tshor ba yin zhing/ btang snyoms

kyi dbang po la ni dbang shes dang yid shes gnyis ka'i cha yod
de/ nyer gnyis po de bsdu na/ gnyis su 'du ba yin te/ dang po
bcu bzhi kun nas nyon mongs phyogs kyi dbang po dang/ tha ma
brgyad rnams byang phyogs kyi dbang po yin

pa'i phyir/ tha gcig tu ma nges te/ bde ba yid bde btang snyoms
gsum la kun byang gnyis ka'i cha yod pa'i phyir/ dang po bcu
bzhi po de yang gzugs can yin min gnyis su 'du ste/ mig sogs
dbang po lnga dang/ pho

mo'i dbang po gnyis ste bdun ni gzugs can dang/ srog yid kyi
dbang po gnyis dang/ tshor ba'i dbang po lnga ste bdun ni gzugs
can ma yin pa'i phyir/ rnam byang gi dbang po brgyad po de yang
gnyis su 'du ste/ dad sogs dbang

po lnga la 'jig rten las 'das ma 'das gnyis ka yod cing/ tha ma
gsum 'jig rten las 'das pa'i rnam byang gi dbang po yin pa'i
phyir/ srog yid btang snyoms kyi dbang po gsum la nges ldan gyi
dbang po zhes bya ste/ skye bo

@060a @#/ /mtha' dag la ldan pa'i phyir/ lhag ma rnams la srid
ldan gyi dbang po zhes bya ste/ skye bo 'ga' zhig la ldan la
'ga' zhig la mi ldan pa'i bye brag srid pa'i phyir/ gnyis pa/
dbang po de la

nyer gnyis su grangs nges te/ kun nas nyon mongs kyi dbang po de
la bcu bzhir grangs nges/ rnam byang gi dbang po de la brgyad du
grangs nges pa'i phyir/ rtags grub ste/ 'khor bar 'jug pa'i
dbang du byas nas dang po bcu bzhi

po de bzhag/ 'khor ba las ldog ba'i dbang du byas nas phyi ma
brgyad du bzhag pa'i phyir te/ ! mdzod las/ yang na 'jug pa'i
rten dang ni/ /skye dang gnas dang nyer spyod las/ /bcu bzhi de
ni ldog pa la/ /dbang po rnams ni gzhan

yin no/ /zhes gsungs pa'i phyir/ gsum pa ni/ mdzod pa ltar na/
mthong lam pa'i rgyud kyi dad sogs dbang po lnga dang/ zag med
du gyur pa'i bde ba yid bde btang snyoms yid dbang dgu po de/ mi
shes pa kun shes par byed

pa'i dbang po 'jog/ sgom lam ba'i rgyud kyi dgu po de kun shes
pa'i dbang por 'jog/ dgra bcom pa'i rgyud kyi dgu po de kun shes
ldan pa'i dbang por 'jog ste/ ! mdzod la/ mthong sgom mi slob
lam la dgu/ gsum yin

gsum ni dri ma med/ /zhes gsungs pa'i phyir/ mngon pa kun btus
ltar na/ dang po sbyor lam nas lam rjes bzod kyi bar dang/ gnyis
pa lam rjes shes nas bsgom lam rdo rje lta bu'i ting nge 'dzin
gyi bar dang/ gsum

pa ni slob lam du 'jog pa yin te/ kun btus las/ mi shes pa kun
shes par byed pa'i dbang po gang zhe na/ sbyor ba'i lam dang
mthong ba'i lam gyi sems kyi skad cig bco lnga la gang dbang
byed pa'o/ /zhes dang/

@060b kun shes pa'i dbang po gang zhe na/ mthong ba'i lam gyi
sems kyi skad cig ma bcu drug pa la brten nas slob ba'i lam
thams cad la gang dbang byed pa'o/ /kun shes pa dang ldan pa'i
dbang po gang zhe na/ gang mi slob pa'i

lam la gang dbang byed pa'o/ /zhes gsungs pa'i phyir/ de gnyis
mi mthun pa ni rgyun zhugs zhugs pa'i sa mtshams mi mthun pa yin
no/ /theg chen gang zag gi rgyud kyi dbang po tha ma gsum ni/
dang po sbyor lam dang/ gnyis pa

sa dang po nas bcu ba'i bar dang/ gsum pa sangs rgyas kyi sa kho
nar yod de/ bsdu ba las/ mos pa'i spyod pa'i sa la ni dang po
rnam par bzhag go/ de las gzhan pa lhag pa'i bsam pa rnam par
dag pa la sogs

pa'i sa la ni gnyis pa'o/ /de bzhin gshegs pa'i sa la ni dbang
po gsum pa rnam par bzhag par lta bar bya'o/ /zhes gsungs pa'i
phyir/ 'di rigs nges la dgongs sam snyam mo/ /khams gang du yod
tshul yod de/

'dod khams na dri med gsum ma gtogs pa bcu dgu yod/ gzugs khams
na dri med gsum/ pho mo'i dbang po gnyis/ sdug bsngal yid mi bde
gnyis ma gtogs bco lnga yod/ gzugs med khams na de'i nang

nas gzugs can bdun/ bde ba dang yid bde gnyis ma gtogs pa lhag
ma brgyad las med pa'i phyir te/ ! mdzod las/ dri med ma gtogs
'dod par gtogs/ /pho mo'i dbang po sdug bsngal dag/ ma gtogs

gzugs gtogs gzugs can dang/ bde ba'ang ma gtogs gzugs med gtogs/
/zhes gsungs pa'i phyir/ sgom pa'i lam ni zab pa ste/ /zhes sogs
kyi skabs su/ 'dir theg chen gyi sgom lam chos can

@061a @#/ /zab pa zhes brjod pa'i rgyu mtshan yod de/ stong pa
nyid la sogs pa'i zab mo bcu gcig mngon sum du rtogs pa dang
ldan pa'i phyir/ zab mo stong pa nyid la sogs/ /zhes pa'i skabs

nas bstan pa'i zab mo bcu gcig yod de/ stong pa nyid dang/ mtshan
ma med pa/ smon pa med pa/ don dam par mngon par 'du bya ba med
pa/ don dam par skye ba med pa/ don dam par 'gag pa med pa/ don
dam par

chags pa dang bral ba/ don dam par grub pa 'gog pa/ don dam par
grub pa'i spros pa zhi ba/ de bzhin nyid dang/ yang dag mtha'
rnams su yod pa'i phyir te/ ! gser 'phreng las/ zab pa de dag
gang zhe na/ /stong pa nyid dang/

sogs pas mtshan med smon mngon par 'du bya ba med skye med 'gag
med chags bral 'gog pa zhi ba de bzhin nyid dang yang dag mtha'
'o/ /zhes gsungs pa'i phyir/ sgom lam zab pa de ni chos can/
sgro 'dogs pa dang/

skur ba'i mtha' las sgrol ba nyid yin te/ med pa dang ma yin pa
la de las ldog par 'dzin pa'i blo sgro 'dogs dang/ yod pa dang
yin pa la de las ldog par 'dzin pa'i blo skur 'debs yin pa gang
zhig /de gnyis ka'i

mtha' las grol ba'i phyir/ des theg chen sgom lam gyi khyad par
gyi chos bstan nas/ khyad gzhi sgom lam gyi ngo bo ston pa la/
nges 'byed yan lag dang mthong ba'i/ /zhes sogs sho lo ka gcig
gsungs/ don ni/ theg

chen sgom lam gyi ngo bo yod de/ theg chen gyi nges 'byed yan
lag dang/ mthong lam dang/ sgom lam gsum gyi skabs su/ mkhyen
gsum gyi rnam pa la/ chos nyid kyi rigs pa/ bya ba byed pa'i
rigs pa/ ltos

@061b pa'i rigs pa/ 'thad pas sgrub pa'i rigs pa bzhis yang dang
yang du sems pa dang/ bsam pa'i don la zhi gnas dgus yang dang
yang du 'jal ba dang/ de yang 'byed pa dang/ rab tu rnam par
'byed pa dang/ yongs su rtogs

pa dang/ yongs su dpyod pa'i lhag mthong bzhis nges par rtogs
pa'i theg chen gyi rjes la mngon rtogs de/ theg chen gyi sgom
lam gyi ngo bo yin pa'i phyir/ theg chen gyi sgom lam gyi dbye
ba ston pa la/ de ni rgyun chags yin

pa'i phyir/ zhes sogs sho lo ka gcig gsungs/ don ni/ theg chen
gyi sgom lam de ni rgyun chags pa ste/ rgyun mi chad pa yin pa'i
phyir/ /chung 'bring chen po gsum du ma zad/ dgur yod de/ chung
'bring chen po re re la

gsum gsum ste dgu yod pa'i phyir/ kho na re/ theg chen gyi sgom
lam gyi dbye ba dgur ma nges te/ rgyal ba'i yum gsum po de dang
de las sgom lam re re'i dbang du mdzad de/ 'bras bu bsod nams
grangs med gzhal med

tshad med gsum skye bar gsungs pa'i phyir/ zhe na/ de ltar gsungs
kyang dgur ma nges pa'i skyon med de/ theg chen sgom lam sgom
pa'i bsod nams thams cad dgu po de'i bsod nams du 'du ba'i
phyir/ 'bras bu bsod nams

grangs med pa la sogs pa bstan pa rnams dam pa'i don du bzod pa
ma yin pas mi 'thad do zhe na/ skyon med de/ don dam par mi
'thad kyang/ kun rdzob tu ni sangs rgyas kyi thugs brtse ba'i
rgyu mthun gyi 'bras bu gsung rab las

grangs ji ltar bstan pa de dag thub pa bzhed pa'i phyir/ zhes
ston pa la/ grangs med la sogs bstan pa rnams/ /zhes sogs sho lo
ka gcig gsungs/ dngos po brjod du med pa la/ /zhes sogs kyi
brgal lan gyi sgo nas yum

@062a @#/ /gyi mdo don bshad/ bshad tshul ni/ dngos po theg chen
gyi sgom lam don dam par med na/ spang bya nyams pa dang/ gnyen
po thob pa med par thal/ de don dam par med pa'i phyir/ khyab
ste/

de lta bu'i sgom lam gyi dngos po don dam par med na/ spang bya
ci zhig nyams shing/ gnyen po ci zhig 'thob ste/ 'thob mi rung
ba'i phyir/ zhes brgal ba la/ gnyis pa lan ston pa ni/ byang
chub ji lta de bzhin du/ /zhes

sogs sho lo ka gcig gis 'chad/ don ni/ khyod kyi rtsod pa de la
khyab pa med de/ byang chub ye shes chos sku don dam par med
kyang/ spang bya ma lus pa spangs shing/ thob bya rdzogs pa'i
mtshan nyid can yin pa de bzhin

du; theg chen gyi sgom lam yang don dam par med kyang/ tha snyad
du spang bya nyams shing/ thob bya thob pa'i sgo nas 'dod pa'i
don sgrub par byed pa dang/ byang chub ye shes chos sku'i spang
bya spangs pa dang/ thob bya 'dod pa'i

don sgrub pa'i ming can yin pa bzhin du/ theg chen gyi sgom lam
de yang de lta bu'i mtshan nyid can du bzhed pa'i phyir/ zhes
pa'o/ /de yang dngos su rtsod pa po med kyang dogs pa kho na'i
bsu ba yin no/ /gsum pa sgom

lam pa phyir mi ldog pa'i rtags 'chad pa la/ sems ni snga mas
byang chub par/ /zhes sogs sho lo ka gnyis gsungs/ 'di'i don
bshad pa la/ mtshan nyid dang/ dbye ba/ mtha' dpyad pa gsum/ dang
po na/

zab mo rnam pa brgyad thugs su chud pas drangs pa'i rjes thob
lus ngag gi spyod pa khyad par can thob pa'i rjes la mngon rtogs
la gnas pa'i sems dpa'/ phyir mi ldog pa'i rtags thob pa'i byang
sems sgom lam pa'i mtshan

@062b nyid/ rang gang la ldan pa'i byang sems sgom lam pa bla
med rdzogs byang las phyir mi ldog par yid ches par byed pa'i
sgrub byed rnam dag de/ sgom lam pa phyir mi ldog pa'i rtags kyi
mtshan nyid/ gnyis pa de la dbye na/ mnyam

gzhag tu zab mo rnam pa brgyad rtogs pa dang rjes su mthun pa'i
rjes thob lus ngag gi tha snyad khyad par can brgyad yod/ de na
skabs 'dir bstan gyi zab mo rnam pa brgyad yod de/ 'dus byas
dang/ 'dus ma byas/ yul yul

can dang/ spyod pa'i zab pa rnams kyi dbang du byas nas brgyad
du yod pa'i phyir/ dang po'i dbang du byas nas skye ba'am rten
'brel la zab pa dang/ 'gag pa la zab pa dang/ gnyis pa'i dbang
du byas nas de bzhin nyid la zab pa dang/

gsum pa'i dbang du byas nas shes bya la zab pa dang/ shes pa la
zab pa dang/ bzhi pa'i dbang du byas nas spyod pa la zab pa
dang/ gnyis su med pa la zab pa dang/ thabs la mkhas pa la zab
pa rnams su yod pa'i phyir/ de yang skye ba

zab pa'i tshul ni/ sems bskyed skad cig dang po kho nas kyang
rdzogs pa'i byang chub thob par byed mi nus/ dang po la ma brten
par gnyis pa kho nas kyang de ltar byed mi nus te/ dper na/ mar
me skad cig dang po kho nas kyang sdong bu snum ldan

zad par byed mi nus/ gnyis pa kho nas kyang de ltar byed mi nus
pa'i phyir te/ 'bum nyi khri brgyad stong pa gsum ka las de ltar
gsungs shing/ mdo sdud pa las kyang/ 'bru mar snying po 'bar ba
phrad pa dang po yis/ /snying po tshig min

de med par yang de mi chag /me lce phrad pa tha mas snying po
tshig min la/ /me lce tha ma med par snying po tshig min ltar/
/dang po'i sems kyis byang chub mchog reg ma yin la/ /de med par
yang de la reg par nus ma yin/ /tha

@063a @#/ /ma'i sems kyis byang chub zhi ba thob min la/ /de med
par yang de thob nus pa ma yin no/ /chu yi thig pas bum pa dang
po tha ma'i bar/ /rim gyi nyung ngu nyung ngus de yongs 'gengs
pa ltar/ /de

bzhin dang po'i sems kyang byang chub mchog rgyu ste/ /rim gyis
dkar po'i yon tan rdzogs pa'i sangs rgyas 'gyur/ /zhes gsungs
pa'i phyir/ 'o na sems bskyed skad cig snga phyi re re tsam las
kyang rdzogs byang thob par mi nus na

rdzogs byang thob tshul med dam zhe na/ de yod de/ sems bskyed
skad cig snga phyi rim gyis bsgom pa la brten nas rdzogs byang
thob par nus pa'i phyir/ dper na/ mar me skad cig snga phyi re
re tsam gyis sdong bu snum ldan zad par

byed mi nus kyang/ mar me rim kyis 'bar ba la brten nas sdong bu
snum ldan zad par byed nus pa bzhin no/ /gsum pa la/ rtsod pa
dang/ lan gnyis las/ dang po la las med pa dang/ 'bras bu don
dam du thal ba

dang; lugs dang 'gal ba dang/ rmi lam na las lam sogs pa yod par
thal ba'i klan ka bzhi ston pa la/ las med la sogs klan ka yi/
/zhes dang/ rmi lam dang 'dra ba nyid yin na mi dge ba bcu dang
sbyin pa la sogs

pa med pas/ gnyid ma log pa'i gnas skabs na yang gnyid log pa'i
gnas skabs bzhin du 'gyur ba ma yin nam/ zhes gsungs/ gnyis pa
ni/ lan ni ji skad bshad par zad/ /ces dang/ zhes bya ba'i klan
ka rnams

kyi lan ni/ zhes sogs gsungs/ 'di la yang/ don mi 'thad pa dang/
dpe ma grub pa'i lan dang/ dpe grub pa'i don no/ /dang po la/
thal pa 'god pa dang/ nyes spong gi lan gnyis las/ dang po ni/
ji ltar phyi rol gyi

@063b don du smra ba'i lugs la skad cig ma nyid kyis rgyu med
par 'jig par nges pa yin par thal/ grub pa'i mtha' las kyang/
'jig rten sna tshogs las las skyes/ /zhes 'byung ba'i phyir/ zhes
bshad/ gnyis pa la dpe 'god pa

dang; don la sbyor ba'o/ /dang po ni/ don dam par sus kyang su
yang bsad pa yang med/ ma bsad pa yang ma yin/ sus kyang su'i
nor blangs pa yang med/ ma blangs ba yang ma yin/

zhes bya ba la sogs pa'i phyogs la rgyun 'jug pa dang 'gal ba'i
dngos po bskyed pa la/ gsod pa po la sogs par rtogs pa'i sgo nas
tshul bzhin ma yin pa'i yid la byed pa la sogs pa dang ldan pa la
mi dge ba la sogs pa

dang 'dra bar srog gcod pa la sogs pa rnam par 'jog pa de bzhin
du/ zhes bshad/ gnyis pa ni/ dngos po rmi lam dang 'dra yang
phyin ci log gi bching ba mtha' dag ma nyams pa rnams la de dang
mthun pa'i don gyi

dngos po la sogs pa la mngon par zhen pas zhes bya ba la sogs
pa'i lan de dang de phyogs gzhan nas gsungs so/ /zhes bya bar
khong du chud par bya'o/ /zhes bshad/ gnyis pa dpe ma grub pa'i
lan la yang lung gzhan gyis

dang; mdo 'di nyid kyi don bshad pas dpe ma grub par bstan pa
gnyis las/ dang po ni/ gzhan yang/ rmi lam sems ni gnyid kyis
nyams/ /des na 'bras bu 'dra ma yin/ /zhes bya bas dpe ma grub
bo/ /zhes bshad/

gnyis pa ni/ de bzhin du rmi lam na yang dge ba dang mi dge ba
spyad pa ni sad pa'i gnas skabs na kye ma byas so legs par byas
so/ /zhes rjes su yi rang na/ rjes kyi gnas skabs kyi sems kyis
mngon par zhen pa'i gsos

@064a @#/ /kyis yongs su gsos te/ zhes bshad/ gsum pa ni/ de'i
phyir yang dpe ma grub pas 'khor ba dang mya ngan las 'das pa ni
mnyam pa nyid do/ /zhes bshad/ de dag ni gser phreng las gsungs
pa

ltar ro/ /gzhung don ni/ dag pa sa gsum gyi ye shes chos can/
srid zhi mnyam nyid kyi sbyor ba yin te/ srid zhi bden stong du
mngon sum du rtogs pa'i shes rab kyis zin pa'i sgo nas rjes thob
kyi gnas skabs su bden 'dzin

mngon gyur pa skye ba'i go skabs zad par bcom pa'i dag sa'i ye
shes yin pa'i phyir/ srid zhi chos can/ bden par med de/ rten
'brel yin pa'i phyir/ dper na rmi lam bzhin no/ /dngos smra bas
dbu ma pa la nyin

par las gsogs pa mi 'thad par thal/ las 'bras don dam par ma
grub pa'i phyir/ dper na rmi lam bzhin/ zhes 'phangs pa'i thal
'gyur 'di chos can/ khyod dbu ma pa la sun 'byin yang dag ma yin
par thal/

dbu ma pas khyod la khyab pa ma grub pa'i lan don mthun thebs
pa'i phyir ro/ /skabs 'dir mtha' dpyad pa la/ dngos kyi don
dang/ klan ka spang ba gnyis las/ dang po ni/ srid zhi bden
stong du mngon sum du rtogs pa'i

shes rab kyis zin pa'i sgo nas rjes thob kyi gnas skabs su bden
'dzin mngon gyur pa skye ba'i go skabs zad par bcom pa'i dag
sa'i ye shes/ srid zhi mnyam nyid kyi sbyor ba'i mtshan nyid/ kho
na re/ sa brgyad pa'i ye shes

chos can/ mtshan nyid der thal/ mtshon bya de'i phyir/ 'dod na/ de
chos can/ rjes thob kyi gnas skabs su bden 'dzin mngon gyur ba
mi skyed par thal/ 'dod pa'i phyir/ 'dod mi nus te/ sa brgyad
pa'i rjes

@064b thob la gnas pa'i sems dpa'i rgyud la bden 'dzin mngon
gyur ba med pa'i phyir/ kho na re/ theg chen gyi sgom lam chen
po'i chung ngu la gnas pa'i sems dpa'i rgyud la bden 'dzin mngon
gyur pa med par thal/ sa brgyad pa'i ye

shes la gnas pa'i sems dpa'i rgyud la de med pa'i phyir te/
mtshan nyid 'thad pa'i phyir/ 'dod mi nus te/ nyan thos kyi sgom
lam chen po'i chung ngu la gnas pa'i nyan thos 'phags pa'i rgyud
la gang zag gi bdag 'dzin mngon

gyur pa yod pa'i phyir na ma khyab/ kha cig /srid zhi bden stong
du mngon sum du rtogs pa'i sems dpa'i rnal 'byor/ de'i mtshan
nyid zer ba mi 'thad de/ theg chen gyi mthong lam bar chad med
lam gyis ma nges pa'i phyir/

kha cig /de 'dra'i dag sa'i ye shes de de'i mtshan nyid zer na mi
'thad de/ sa brgyad pa pa'i rgyud kyi kun rdzob sems bskyed kyis
ma nges pa'i phyir/ kha cig /dag sa'i ye shes gang zhig /gtso
bor ye shes chos sku'i lag rjes

'jog byed kyi rigs su gnas pa de de'i mtshan nyid zer na/ sa
brgyad pa pa'i rgyud kyi sbyin pa'i nyams len gyi bya ba chos
can/ zur gnyis pa der thal/ mtshon bya de'i phyir/ dag sa'i ye
shes yin pa'i phyir/ 'dod na/ de chos

can; ye shes kyi tshogs yin par thal lo/ /'dod mi nus te/ chos
can de dang gcig yin pa'i phyir/ gnyis pa la/ las 'bras med pa
dang/ las 'bras don dam du thal ba dang/ lung dang 'gal ba dang/
rmi lam

na las gsog pa'i klan ka spang pa'o/ /dang po la/ rtsod pa dang
lan gnyis las/ dang po ni/ shA ri'i bus smras pa/ tshe dang ldan
pa rab 'byor byang chen gyi rmi lam du las gang gi byas pa'i las
de la sogs pa'am 'dri

@065a @#/ /bar 'gyur ba yod dam/ zhes sogs kyis bshad/ don ni/
chos thams cad bden par med pa rmi lam dang 'dra na/ stong pa
dang rten 'byung 'gal bar 'dzin pa'i log rtog gcod pa'i ched du
nyin

par yang sbyor dngos 'jug gsum gyis bsdus pa'i las lam rdzogs pa
med par thal/ las 'bras don dam par med pa'i phyir/ dper na rmi
lam bzhin/ gnyis pa ni/ rab 'byor gyis smras pa/ tshe dang ldan
pa shA ri'i bu ji

ltar bcom ldan 'das kyis chos thams cad rmi lam lta bur gsungs
ba de ltar na de la sogs pa'am 'bri bar 'gyur ba med do/ /de
ci'i phyir zhe na/ rmi lam gyi chos gang la yang sogs pa'am 'bri
ba mi dmigs pa'i phyir ro/ /

'on te sad nas rnam par rtog na de la sogs pa'am 'bri bar yang
'gyur ro/ /zhes sogs kyis bshad/ don ni/ shA ri'i bu'i sun
'byin de sun 'byin yang dag ma yin par thal/ de la don dam la
ltos nas 'dod lan dang/

kun rdzob la ltos nas khyab med kyi lan thebs pa'i phyir dang po
grub ste/ rmi lam bden par med pas de'i chos la don dam par 'bri
'phel mi byed pa'i phyir/ gnyis pa grub ste/ rmi lam na yang
spyod pa las sad nas yi rang

na 'bri 'phel yod pa'i phyir/ des na khyab pa dang dpe yang ma
grub bo/ /gnyis pa la/ rtsod lan gnyis las/ dang po ni/ rab
'byor gyis smras pa/ nyin par srog bcad pa dang rmi lam na srog
bcad pa de la 'di snyam du de bdag

gis bsad do bdag gis bsad pa legs so zhes mngon zhen drag pos
gsos btab pa la las lam rdzogs par mtshungs par 'dod pa shA ri'i
bus de la ji skad zer zhes rtsod pa'i skabs dbye ba dang/ shA
ri'i bus smras pa/

@065b 'o na rmi lam na gsang bya gsod byed sbyin bya sbyin byed
sogs las lam yongs su rdzogs pa gcig yod par thal/ sad rmi gnyis
ka mtshungs pa'i phyir/ 'dod na/ rmi lam du dge slong gis mi bsad
pa rmis pas sdom pa nyams pa

gcig yod par thal lo/ /zhes zer/ gnyis pa ni/ smras pa/ tshe dang
ldan pa rab 'byor dmigs pa med par las mi skyed de las ni dmigs
pa dang bcas pa kho nar skye'o/ /dmigs pa med par sems mi 'byung
ste/ sems

ni dmigs pa dang bcas pa kho nar skye'o/ /rab 'byor gyis smras
pa/ tshe dang ldan pa shA ri'i bu de de bzhin te/ dmigs pa med
par las mi skye'o/ /dmigs pa med par sems mi 'byung ngo/ /zhes
sogs kyis bshad/ don

ni; shA ri'i bu'i sun 'byin de sun 'byin yang dag ma yin te/
dge slong gis mi bsad pas sdom pa nyams pa ni bcom ldan 'das
kyis bcas pa'i dbang gis yin gyi/ bcom ldan 'das kyis rmi lam du
bspang pa ma bcas pa'i phyir/

dper na/ mi tshangs spyod kyi ltung bar 'dra yang 'chab sems
skyes na dge slong du mi rung la/ ma skyes na 'chab las kyi
bslab pa byin nas dge slong du 'jog pa bzhin no/ /gsum pa la/
rtsod pa dang lan gnyis las/ dang po ni/ tshe

dang ldan pa rab 'byor las thams cad dang sems pa thams cad dben
pa'o zhes bcom ldan 'das kyis gsungs na/ de ji ltar dmigs pa
dang bcas par las skyes te/ dmigs pa med par ma yin zhes sogs
kyis bshad/

don ni/ shA ri'i bus smras pa/ rab 'byor sad rmis gnyis su las
lam yongs su rdzogs pa yod pa mi 'thad de/ mdo las/ las dang
sems pa thams cad dben par gsungs pa dang 'gal ba'i phyir/ zhes
zer /

@066a @#/ /gnyis pa ni/ rab 'byor gyis smras pa/ tshe dang ldan pa
shA ri'i bus mtshan mar byas nas dmigs pa dang bcas par las skye
ste dmigs pa med par ma yin/ zhes sogs kyis bshad/ don ni/

rab 'byor gyis smras pa/ mdo dang 'gal ba de ltar ma yin par
thal/ mdo las de ltar gsungs pa de las dang sems pa don dam par
med pa la dgongs la/ las dang sems pa kun rdzob tu yod pa'i
phyir ro/ /bzhi pa la

rtsod pa dang lan gnyis las/ dang po ni/ shA ri'i bus smras pa/
rab 'byor gal te byang chen rmi lam du sbyin pa byin/ zhes sogs
kyis bshad/ don ni/ shA ri'i bu na re/ rmi lam du byang sems
sbyin pa nas shes rab

kyi bar bsgoms te/ dge ba'i rtsa ba de yang rdzogs byang du
bsngos na tshogs gnyis yongs su rdzogs pa yin par thal/ rmi lam
na las lam yongs su rdzogs pa yod pa'i phyir/ 'dod mi nus te/
rmi lam gyi las lam

de yang dag kun rdzob ma yin pa'i phyir/ zhes zer/ gnyis pa la/
rab 'byor gyis lan don gyis btab zin pa dang/ byams pa la kha
'phang ba'i tshul gnyis las/ dang po ni/ rab 'byor gyis 'dir lan
dngos su

mi 'debs pa'i rgyu mtshan yod de/ de'i lan gong du btab zin pa'i
phyir/ gnyis pa ni/ tshe dang ldan pa shA ri'i bu byang chen
byams pa skye ba gcig gis thogs pa bcom ldan 'das kyis phyir mi
ldog par lung bstan pa 'di mngon du gyur na/ 'di la dris shig
dang 'dis lan ldon par 'gyur ro/ /zhes sogs kyis bshad/ kha cig/
byams pas lan ma btab par 'dod pa mi 'thad de/ rab 'byor gyis
lan btab pa ltar byams pas kyang bdag gis ni gang

@066b la lan klon pa dang/ gang gis lan klon pa dang/ gang la
lan pa'i chos de lta bu yang dag par rjes su mi mthong ngo/
/zhes srid zhi mnyam nyid kyi sbyor ba spyir gsungs pa'i phyir/
rnam bshad ltar na/ dge mi dge'i las lam rdzogs pa

med par thal ba spang ba dang/ rmi lam du yang las lam yongs su
rdzogs pa yod par thal ba spang ba dang/ ha cang thal ba spang
ba dang bzhi rims bzhin sbyor/ bstan bcos su klan ka phyi ma
gsum gyis lan dngos su ma bstan pa'i

rgyu mtshan yod de/ klan ka'i gtso bo las lam med pa yin pas de
la lan btab pas lan gzhan rnams kyang go nus pa la dgongs nas ma
gsungs pa'i phyir ro/ /gnyis pa la yang/ mdo dang bstan bcos
gnyis las/ dang

po ni/ de nas tshe dang ldan pa rab 'byor gyis bcom ldan 'das la
'di skad ces gsol to/ /bcom ldan 'das ji ltar na byang chen
phyin drug yongs su rdzogs par bgyid cing rnam mkhyen dang yang
nye bar 'gyur ba lags/ de skad ces

gsol pa dang/ bcom ldan 'das kyis tshe dang ldan pa rab 'byor la
'di bka' stsal to/ rab 'byor 'di la byang chen sher phyin la
spyod pa'i tshe sems can bkres pa rnams mthong zhing/ sems can
skom pa dang gos ngan

pa dang/ zas dang gos dang mal chas phongs pa dag mthong na 'di
ltar yongs su brtag par bya ste/ ci nas kyang bdag bla med
rdzogs byang du mngon par sangs rgyas pa'i sangs rgyas kyi zhing
de na sems can rnams kyi nyes pa 'di

dag thams cad du thams cad mi 'byung zhing mi srid pa dang/ zhes
pa nas/ kun dga' bo'i sring mo 'di bla med rdzogs byang gi don
du yongs su sbyangs pa byas pa'o/ /zhes gsungs/ gnyis pa la gsum
las/ dang po ni/

@067a @#/ /lus rnam gzhag tu/ srid dang zhi ba mnyam nyid dang/
/zhing dag bla na med pa ni/ /zhes bshad/ srid zhi mnyam nyid
kyi sbyor ba'i 'og tu zhing dag sbyor ba 'chad pa'i rgyu mtshan
gang zhe na/ de'i rgyu mtshan yod

de; srid zhi mnyam nyid du bsgoms pas ma 'ongs pa na rang gi
sangs rgyas kyi zhing du sangs rgyas su 'gyur bas de ltar bshad
pa'i phyir/ zhes mtshams sbyor ba la/ gnyis ka mnyam pa nyid du
rnam par sgom pa ni rang gi sangs rgyas

kyi zhing du sangs rgyas su 'gyur bas/ de'i 'og tu sangs rgyas
kyi zhing yongs su dag pa/ zhes gsungs/ gnyis pa ni/ mdo de'i
dang tshet ma la sogs pa nid kyis ma dag pa gang gsungs/ gsum pa
ni/ de

nyid tshig don gyi sgo nas bshad pa la/ sems can dang snod kyi
'jig rten gyi bye brag gis/ sangs rgyas kyi zhing rnam pa gnyis
la go rims bzhin du bkres pa dang skom pa dang/ rdo ba dang tsher
ma la sogs pa nyid kyis ma dag pa gang

yin pa de'i gnyen por lha'i nye bar spyad pa dang/ gser gyi sa
phyogs la sogs pa dag pa bskyed pa'i sgo nas rnam par dag pa ni
sangs rgyas kyi zhing rnam par dag pa'o/ /zhes gsungs/ gzhung
don ni/ sa brgyad pa'i ye shes chos

can/ zhing dag pa'i sbyor ba yin te/ sangs rgyas kyi snod bcud
kyi zhing khyad par can 'grub pa'i smon lam la sogs pa'i dag
rtsa'i nus pa mthu can du gyur ba'i dag sa'i rnal 'byor yin pa'i
phyir/ rang gang du sangs rgyas

pa'i sangs rgyas kyi zhing khyad par can 'grub pa'i smon lam la
sogs pa'i rgyu'i dge rtsa'i nus pa mthu can du gyur pa'i dag
sa'i rnal 'byor de/ zhing dag sbyor ba'i mtshan nyid/ dbye na/
snod kyi zhing dag sbyor ba dang/ bcud kyi zhing

@067b dag sbyor ba gnyis su yod/ yul dang sbyor ba can 'di ni/
zhes sogs kyi skabs su/ thabs mkhas sbyor pa spyir bstan pa
dang/ bdud bzhi bcom tshul bye brag tu bshad pa gnyis las/ dang
po la/ mtshan nyid/ dbye ba/ sa mtshams

dang gsum /dang po ni/ 'bad rtsol rags pa zhi ba'i sgo nas
'phrin las phun tshogs lhun gyis grub pa'i dag sa'i rnal 'byor
de/ thabs mkhas sbyor ba'i mtshan nyid/ dbye na/ bdud bzhi mngon
gyur ba las 'das pa'i thabs mkhas

sbyor ba/ mi gnas par gnas pa'i sbyor ba/ gdul bya gzhan gyi don
sngon gyi smon lam ji ltar btab pa'i shugs kyis 'phang ba ltar
byed pa'i sbyor ba/ nyan rang dang thun mong ma yin pa'i sbyor
ba/ chos thams cad la 'dzin pa med

par ma chags pa'i sbyor ba/ mi dmigs pa'i sbyor ba/ mtshan ma med
pa'i sbyor ba/ smon lam zad pa'i sbyor ba/ sngar bshad pa'i
phyir mi ldog pa'i rtags brgyad po des mtshon par byed pa'i sbyor
ba/ tshad med pa'i thabs mkhas

sbyor ba dang bcur yod/ gsum pa sa mtshams sa brgyad pa nas bcu
pa'i bar du yod/ gnyis pa ni/ bdud bzhi so so'i ngo bo/ bdud
bzhir 'jog pa'i rgyu mtshan/ sgra don/ bdud bzhi bcom pa'i sa
mtshams dang bzhi

las/ dang po ni/ bdud bzhi'i nang tshan gang zhig/ rang rgyu las
dang nyon mongs ba la brten nas byung ba'i zag bcas kyi phung po
dang ma rig bag chags kyi sa la brten dgos pa gang rung/ phung
po'i bdud kyi mtshan nyid/

dbye na/ phra rags gnyis las/ dang po ni/ ma rig bag chags kyi
sa la brten nas byung ba'i yid lus lta bu/ gnyis pa ni/ nyer len
gyi phung po lnga lta bu/ de gang zhig/ gtso bor thar pa thob pa
la bar du gcod byed kyi sgrib

@068a @#/ /pa'i rigs su gnas pa/ nyon mongs pa'i bdud kyi mtshan
nyid/dbye na/ phra rags gnyis las/dang po ni/ nyon sgrib kyi sa
bon lta bu/ gnyis pa ni/ rtsa nyon drug dang/ nye nyon

nyi shu lta bi/ de gang zhi/ srog gi dbang po rang dbang med par
'gag par byed ba'i cha'i rigs su gnas pa/ 'chi bdag gi bdud kyi
mtshan nyid/ dbye na/ phra rags gnyis las/ dang po ni/

bsam gyis mi khyab pa'i 'chi 'pho lta bu/ gnyis pa ni/ las nyon
gyi srog gi dbang po rang dbang med par 'gag par byed ba'i cha
lta bu/ de gang zhig/ bdud gzhan gsum las 'da' ba la bar du bcod
cing/

'dod lha'i rigs su gtogs pa/ lha'i bu'i bdud kyi mtshan nyid/
dper na/ gzhan 'phrul dbang byed kyi bdag po dga' rab dbang
phyug lta bu/ gnyis pa ni/ bdud de la bzhir 'jog pa'i rgyu mtshan

yod de/ gang 'chi ba'i dbang du byas nas phung po'i bdud dang/
gang gis 'chi ba'i dbang du byas nas nyon mongs pa'i bdud dang/
'chi ba'i ngo bo'i dbang du byas nas 'chi bdag gi bdud dang/ de
gsum las

'da' ba la bar du gcod pa'i dbang du byas nas lha'i bu'i bdud
bzhag pa'i phyir/ te/ nyan sar/ de la gang 'chi ba dang/ gang
gis 'chi ba dang/ 'chi ba de gang yin pa dang/ bar chad kyi
dngos po gang gis 'chi ba las yang

dag par mi 'da' bar byed pa de dag gi dbang du byas nas bdud
bzhir rnam par bzhag pa yin te/ zhes gsungs pa'i phyir/ gsum pa
ni/ mya ngan las 'das pa la gegs byed pas na bdud ces bya'o

@068b bzhi pa la/ ; gser 'phreng las/ nyon mongs pa'i bdud sa
brgyad pa nas dang/ 'chi ba'i bdud la las nyon gyi dbang gis
'chi ba sa dang po nas med kyang yid lus kyi 'chi pho ba sangs
rgyas ma thob bar du mi ldog pas

'chi bdag gi bdud dang/ phung po'i bdud sangs rgyas mthob bar du
dang/ lha'i bu'i bdud kyang de gsum la bar chad byed pas de gsum
ji srid 'jug pa de srid du yod do/ /rgyud bla mar yang/ 'chi med
zhi ba'i gnas thob

la; ;'chi bdud rgyu ba med phyir ro/ /zhes thub pa'i sku rtag
pa'i sgrub byed du gsungs so/ /zhes gsungs kyang/ rang lugs ni
rnam pa shad ltar khas blangs te/ de yang/ theg dman gyi dbang
du byas na

mthong lam thob nas lha'i bu'i bdud bcom ste/ skyabs gnas la the
tshom za ba'i the tshom gyi dngos gnyen thob pa'i phyir/ dgra bcom
thob nas nyon mongs pa'i bdud bcom ste/ nyon sgrib zad par
spangs pa'i phyir/

gnyis ka'i cha las rnam grol gyi dgra bcom thob nas 'chi bdag gi
bdud rags pa bcom ste/ 'bad rtsol rags pa dang bcas pa'i sgo nas
skye 'chi byed pa spangs pa'i phyir/ lhag med myang 'das thob
nas phung po'i bdud

rags pa bcom ste/ las nyon gyi dbang gis byung ba'i zag bcas kyi
phung po spangs pa'i phyir te/ rnam bshad las/ theg pa dman pa
rnams mthong lam thob nas lha'i bu'i bdud las 'das shing/ dgra

bcom thob nas nyon mongns pa'i bdud las 'da'o /gnyis ka'i cha
las rnam par grol bas 'chi bdag gi bdud bcom ste/ tshe'i 'du byed
byin gyis brlabs pa la dbang ba'i phyir/ phung po'i bdud lhag
med myan

@069a @#/ /'das thob nas 'da'o/ /zhes gsungs pa'i phyir/ theg
chen gyi dbang du byas na/ phyir mi ldog pa'i rtags thob nas
lha'i bu'i bdud bcom ste/ dkon mchog gsum la yid ches

pa'i dad pa thob pa'i sgo nas phyir mi ldog pa'i lus ngag gi
spyod pa khyad par can thob pa'i phyir/ sa brgyad pa nas nyon
mongs pa'i bdud rags pa bcom ste/ der nyon sgrib rags pa spangs
pa'i phyir/ der 'chi bdag

gi bdud rags pa bcom ste/ der 'bad rtsol rags pa dang bcas pa'i
sgo nas 'chi byed kyi 'chi bdag gi bdud spangs pa'i phyir/ der
phung po'i bdud rags pa bcom ste/ 'bad rtsol rags pa dang bcas
pa'i

sgo nas/ ma rig bag chags kyi sa dang zag med kyi las la brten
nas byung ba'i yid lus spangs pa'i phyir te/ rnam bshad las/
theg pa chen po'i phyir mi ldog pa'i rtags thob nas lha'i bu'i
bdud

las 'das zhing/ sa brgyad pa thob nas bdud gzhan gsum rags pa
las 'da' la bdud bzhi ma lus par bcom pa ni sangs rgyas pa na'o/
/zhes gsungs ba'i phyir/ smras ba/ rnam kun mngon rdzogs

skabs kyi brjod bya'i don/ /mdor bsdus go bde'i tshul du bkol pa
'di/ /rang bzos ma bslad mkhas pa'i gsung bzhin du/ /phyin drug
dang po'i min can bdag gis bkod/ /bdag ni blo dman sbyang stobs
chung ba na/ /gzhung don ma rtogs nor 'khrul

ci mchis ba/ /bla ma sangs rgyas byang chub sems dpa' sogs/ /ye
shes sbyin ldan rnams kyis bzod par mdzod/ /'di ltar 'bad las legs
ba'i cha mchis na/ /dge des 'khor lo bzhi ldan dal ba'i

@069b rten; ;thob nas gnas skabs mthar thug re 'bras kun/ /ji
ltar smon pa bzhin du bgrub par shog/ // ! oM swa stiH rnam
'dren pad dkar ltar bsngags shakya'i rgyal/ rgyal tshab mi pham
mgon mchog 'jig rten rgyan/ /

rgyan drug mchog gnyis 'dzam gling shing rta'i srol/ /srol bzang
'byed mdzad paN grub spyi bor mchod/ /rgyal ba'i yum mchog shes
rab pha rol phyin/ /man ngag mngon par rtogs pa'i rgyan gyi
mdzod/ /seng bzang gzhung 'grel don gyi rab

gsal nor/ /'jam mgon bla ma'i legs bshad gser gyi 'phreng/
/sngon med gzhung lugs mdzes pa'i rgyan bzang mtshor/ /rnam dpyod
hub kyis 'thung ba'i dza ha'u/ /mkhas mchog sbyin pa'i spob pa
rmad byung las/ /rnam rdzogs sbyor ba'i

skabs don bzhi pa'i 'grel/ /rnam 'byed lung gi bang mdzod
bzhengs pa'i dges/ /rnam mang gzhung lugs spel ba'i rgyal bstan
mchog/ rnam dag dge ldan ring lugs 'chad nyan dar/ /rnam dpyod
blo gsal bung ba'i tshogs rgyas shog/

rgyu sbyor tshe rabs kun tu dge ba'i bshes/ /mi 'bral blo bzang
rgyal ba'i ring lugs tshal/ /ci dgar sbyod pa'i skal bzang bdud
bu'i theg chen pho brang du/ /rim bgrod 'phrin las rgyun mi
'di'i pha mas thog drangs lus can kun//

gnas skabs rkyen ngan mi 'dod dang bral zhing/ /gzhi lam 'bras
bu'i theg chen po brang du/ /rim bgrod 'phrin las rgyun mi chad
par shog/ rtse gcig mos pas gsung rab 'di bzhengs pa'i/ /sa bon
'bras bzang mchog gsum

drod gsher byin/ /legs smin rten 'byung bden pas skyes bsrings
te/ /dge legs 'bras bu ji bzhin 'grub par shog/ /ces smon tshig
'di 'jam mgon bla ma'i khri thog don sum pas mdzad pa'o// //zhes
pa 'di

@070a @#/ /yang rang cag rnams la bka' drin bla na ma mchis pa
gzhung lugs rab 'byams smra ba 'dul ba 'dzin pa dge ba'i bshes
bnyen chen po dga' byang pha ra rgyud smad

mkhan zur rin po che blo bzang 'phrin las dpal bzang po mchog
nas/ bstan 'gro'i mdzad rgya cher bzhes kyis mchog dman yongs la
sman pa'i slad du/ dga' ldan byang

rtse thos bsam nor gling gra tshang gi yig cha mkhas grub sbyin
pa dar rgyas kyis mdzad pa'i phar phyin skabs bzhi pa'i spyi don
'di nyid dpe rgyun shin tu dkon stabs 'phags yul gyi

rgyal sa d+hi lir glog par thog la/ bod sa sbrul sa ga zla ba'i
dus chen dang 'brel dpe grangs bzhi brgya tham pa'i par bskrun
gyi 'gro gron yon sbyar gnang ba'i smon tshig tu/ !rnam grol

zhi ba'i rgya mtshor ro cig tu/ /gzhol ba'i mtha' yas chos tshul
dal 'bab klung/ /tshig gi gzegs ma res kyang du gsum gyi/ /dri ma
yongs 'khrud legs bshad bdud rtsi 'di/ /par du bskrun pa'i rnam
dkar phung po'i

mthus; ;yang dag chos kyi sgo mo stong phrag brgya/ /gdangs te
rgyud lnga'i 'gro ba ma lus pa/ /nges legs nor bu'i mdzod la
dbang 'byor shog/ ches dge bsngo'i smon tshig 'di skyabs mgon
rgyal ba thams cad mkhyen pa bstan