@#/ /khyab bdag 'khor lo'i mgon po rdo rje 'chang pha bong khab
dpal bzang po'i gsung thor bu ba 'ga' zhig phyogs gcig tu bkod
pa bzhugs so//

@001b @##/ (/'di lung med/) mi phyed don gyi rdo rje sgyu ma'i
gar/ /zung 'jug rten dang brten pa'i bkod pa'i sprin/ /kun gyi
mthar thug dpal ldan 'dus pa zhes/ /yongs su bsngags pa'i ye
shes

'khor lo'i 'phrul/ /gang la brten nas bskyed cing sgrub pa'i
gzhi/ /dpal ldan rig sngags 'chang ba'i dbang po'i sdes/ /ji
snyed rdul gyi phung po'i bsod nams tshogs/ /yongs su gzung ba'i

ngo mtshar dkyil 'khor che/ /gang la sri zhu'i khyad par pho
brang gi /bkod pa tshon brgya'i lang tshos phyug pa 'di/ /rgyu
sbyor dge slong byams pa dam chos kyis/ /dge bskos 'jog tu phul
ba'i rnam dkar

dges/ /'dus sde 'di dang bdag sogs 'gro ba kun/ /dpal ldan 'dus
pa'i dkyil 'khor du zhugs te/ /tshom bu gcig tu dbang gi rgyud
smin cing/ /bskyed rim lha yi 'khor lo mthar phyin shog /rlung

@002a @#/ /sems d+hU tIr thim pa'i bde chenHla/ /ye shes 'khor
lo rten dang brten par 'char/ /gang snang lha skur 'byams pa'i
ting 'dzin gyis/ /dben gsum rdo rje'i rnal 'byor

mchog thob shog /gnyug ma'i rang bzhin sgyu 'phrul dra ba'i
sprin/ /kun rdzob brten dang brten par dngos bzhengs pa/ /don
dam mnyam nyid dbyings su ngal bso ba'i/ /dpal ldan slob ba'i
zung 'jug mthar son

shog /slob mtha' rdo rje lta bu'i ting 'dzin gyis/ /'khrul ba'i
bag chags dbyings su sbyangs pa'i 'bras/ /yongs su dag pa rang
snang gzhal med du/ /sku bzhi'i dga' ston cig car myur thob shog
(/ces pa'ang pha bong

kha sprul ming bas lcags lug rgyal zla'i yar tshes bzang por
bris// ! //bla ma'i rnal 'byor gyi lhan thabs zab don bcud mngar
bzhugs/ na mo gu ru/ 'dir yi dam lhag lha 'ga'i rnal 'byor chag
med kyi thugs dam/ zab lam bla ma'i rnal 'byor gyi steng

@002b du ? te 'khyer 'der 'god pa la/ byin rlabs spungs zhu yan
spyi ltar sngon du btang nas/ thog mar 'jigs byed kyi rnal 'byor
shin tu bsdus ba ni 'di ltar/) tshogs zhing spyi dang khyad par
'jigs mdzad lha'i/ /sku las 'od 'phros bdag nyid la phog pas/
/rang sems bde stong

chos sku'i rnam 'gyur las/ /bar de longs sku 'od kyi gong bur
gyur/ /de nyid skad cig sbrul sku 'jigs mdzad lha/ /yan lag bzhi
rdzogs snang stong lha skur gyur/ (/sngags bzla/ ril 'dzin gyi ?
rim bsgom/) rnam dag bsam pas X X X X 'dzin

gyur cig (/ces brjod/ rje btsun rdo rje rnal 'byor ma ni/) tshogs
zhing spyi dang khyad par rje btsun ma'i/ /sku las X rang sems X
bar do longs sku 'ong dmar gong bur gyur/ /de nyid skad cig
mkha' spyod dga' ma'i sku/ /rang snang 'ja' gzugs zung

'jug rol par gyur/ (/ngag yid kyi bzlas pa bya/ ril 'dzin gyi
sdud rim bsgom/) rtsa brgyud bla ma mchog gi thugs rje dang/
(/zhes pa nas/) myur mthong shog (/sogs brjod/ sgrol dkar ni/)
tshogs zhing spyi dang khyad par rje btsun ma'i/ /sku las 'od X
rang

sems tAM dkar 'od kyi 'phro 'du las/ /yan lag bzhi rdzogs yid
bzhin 'khor lo'i sku/ /'khor 'das tshe dpal snying dbus la thim
bzhin/ /drug sbrags 'od gur dbus na rol par gyur/ (/lngags
bzla/) mdo dang rgyud sde rgya

mtsho'i dam chos kun/ (/sogs brjod/ sgrol ljang ni/) tshogs zhing
spyi dang khyad par rje btsun ma'i/ /sku las 'od 'phros bdag
nyid la phog pas/ /rang sems tAM ljang 'od kyi 'phro 'du las/
/seng ldeng nags sgrol zhal gcig phyag gnyis sku/ /yan

@003a @#/ /lag bzhi rdzogs snang stong lha skur gyur/ (/sngags
bzla/) khyod la bstod cing sogs brjod/ (gzhan yang thugs dam
gang bzhed kyi rnal 'byor rnams 'di bzhin bdag dang bla ma lha'i
gsang gsum gcig dril gyi rnal 'byor du bya'o/ /de nas byin rlabs

spungs zhu sogs dkyus ltar bya/ yang 'di nyid kyi rnal 'byor la
gnas pas spyi sger gyi bstan srung dam can rgya mtshor bskang
gtor nyung du bya ba ni/ tshogs zhing ma bsdus gong/) oM
AHhUM ha ho hrIH(sa gtor ma byin gyis brlab/ nam mkha' mdzod
kyi sngags rgya lan gsum gyis bskang rdzas byin gyis

brlab/ bstan grung rnams tshogs zhing gi khrod du sngar bskyed
zin pas/ 'dir logs su spyan 'dren sogs mi dgos/ bskang gtor ni
'di ltar/) hUM bdag gis ring nas bsten cing mchod pa yi/ /mthu
ldan bstan srung dam can rgya mtsho la/ /dur khrod rdzas las

grub pa'i nyer spyod dang/ /sman rak gtor tshogs phyi nang gsang
rten sogs/ /dam rdzas spyan gzigs bye brag sna tshogs pa/ /gus
pas 'bul gyis dgyes pa skong gyur cig /oM sarba d+hha bA la sa
pa ri wA ra i daM ba li taM sogs

(kyis gtor ma sogs phul nas/) hUM; bdag gis ring nas bsten cing
sogs (gser zhun ma las byung ba ltar dang/ mthun grub ma bcas
bya/ de nas tshogs zhing bsdu ba sogs dkyus la 'jug go /bla ma'i
gsung gi nyin byed dod/ /snying gi padmor lhung ba'i tshe/ /zab
don sbrang rtsi mngar ba'i bcud/ /

dam pa dgyes ba'i mchod par spros/ /! bla mchod tshogs zhing bsdu
tshul ni/) lung (de ltar) med yongs rdzogs lam gyi gnad kun la/
/shugs drag dwang bas sems dang smon pa'i mthus/ /tshogs zhing
las babs bdud rtsi 'od zer gyis/ /rang gzhan

@003b spangs rtogs yon tan rgyas par mdzad/ (/de nas maNDal mdor
bsdus shig phul te/) bla ma blo bzang thub dbang rdo rje 'chang/
/shin tu dgyes ba'i nyams kyis thugs gnas/ /grangs med 'od zer
spros pa mtha' skor gyi/ /tshogs zhing yongs dang seng

khri dpag bsam ljon/ /mchod sprin dang bcas kun la phog pa yis/
/me long has btabs dbus su bsdu ba bzhin/ /je dwangs je dwangs
'od kyi rnam par zhu/ /mchod rdzas bod zhu dbag bsam shing la
thim/ /de yang 'od zhu seng ge'i

khri la thim/ /seng khri rgyal chen bzhi bcas chos srung la/ /de
yang bad bcas dpa' bo mkha' 'gro la/ /de yang bad bcas nyan thos
sogs rim bzhin/ /pad rim bcu gcig rang rang lha tshogs bcas/ /'og
ma 'og ma rim

bzhin gong mar thim/ /gsang bde 'jigs mdzad kyai rdor rnam bzhi
yang/ /bla ma blo bzang rdo rje 'chang la thim/ /bka' gdams gsar
rnying zab rgyas brgyud bar bcas/ /rang rang gtso bo sras mchog
gnyis la thim/ /mdun gyi

chos 'brel dngos thob bla ma kun/ /rtsa ba'i bla ma mjal dus
rnam par thim/ /nyams len byin brgyud rdo rje 'chang la thim/
/bla ma sangs rgyas byang sems mngon sum du/ /mjal ba'i skal
bzang can de nga'o snyam/ /re zhig gtso blnga la

gsal snang 'don/ /slar yang byams dang 'jam dbyangs 'od du zhu/
/gtso bo'i sku dbung thang nas gnyis med thim/ /rdo rje 'chang
dbang ye ges sems dbar thim/ /rtsa ba'i bla ma mjal dus rnam pa
can/ /'od du mi zhu gtso bor gnyis

@004a @#/ /med thim/ /de ltar bla ma blo bzang rdo rje 'chang/
/tshogs zhing gtso bo sems dpa' sum brtsegs nyid/ /rab 'byams
skyabs gnas kun 'dus ngo bor gyur/ (/ces tshogs zhing mtha' dag
gtso bor bsdus? te gtso bo sems

dpa' sum brtsegs nyid skyabs gnas kun 'dus kyi ngo bor bsgoms
nas/ sku bzhi'i bdag nyid dang de ltar gsol ba btabs bas sogs la
'jug go /'di ni shangs rgod tshang sgrub sde 'di dge slong bzod
pa chos 'byor nas ji ltar bskul ba bzhin la bong khabs sbyar
ba'o// ! //na mo gu

ru; ('dir bla mchod bde stong dbyer med ma'i sgo nas tshogs mchod
grangs gsog bya bar 'dod pas/ grangs ji tsam gsog pa'i tshogs
gtor dang tshogs rdzas sogs legs par bsham/ bla mchod bde stong
dbyer med mas gzhung bsrangs te tshogs mchod rgyas pa lan cig yan
spyi ltar sngon du btang/

de nas grangs gsog pa la 'jug ba ni/ re re bzhin du 'bru gsum
lan gsum brjod pas byin gyis brlabs pa/) hoHting 'dzin sngags
rgyas byin brlabs tshogs mtshod 'di/ /rtsa brgyud bla ma yi dam
mchog gsum dang/ /mkha' 'gro chos skyong mar gyur rigs

drug sogs/ /mchog dman tshogs kyi mgron rnams mnyes phyir 'bul/
/bzhes nas byin rlabs dngos grub dam chos char/ /'dzab med dbab
cing 'phrin las kun sgrub mdzod/ /snying rje'i mgron rnams
'khrul snang sdug bsngal

zhi; ;byang sems yang dag lta bas rgyud phyug shog (/ces grangs
ji tsam dgos pa gsog /de nas las kyi rdo rjes rdo rje slob dpon
la tshogs phud btegs te/) e ma ho tshogs kyi 'khor lo che/ (/zhes
sogs kyis 'bul ba dang/ slob dpon gyis/) oM rdo rje gsum (sogs

@004b brjod cing len pa dang/ tshogs mngal 'grems pa sogs gzhung
ltar byas nas lhag ma rnams bsdus te byin gyis brlabs la gzhung
ltar rgyas ba lan cig bton nas grangs gsog ba ni/) oM AHhUM/
zag med bdud rtsi'i tshogs lhag rgya mtsho 'di/ /lhag mar dbang
rnams ngoms shing

tshims gyur cig (/ces gong du tshogs gud ji ltar bsags ba'i grangs
dang mthun bar bsngos te/ slar yang/) hoHting 'dzin sngags dang
(sogs tshogs lhag rnams mtshan mo yin na grib gnon gyi gong na
srung ba'i phyir spos me 'dzugs ba sogs byag len ltar byas ti
phyi rol du gtong/ de nas cho ga'i dkyus kyi gzhung

la 'jug par bya ba spyi 'gro ltar ro/ /de ltar bla mchod bde
stong dbyer med ma'i sgo nas tshogs mchod grangs gsog bya tshul
'di yang rab rgyal shing khyi lor gzhungs mchog gi zhabs brtan
tshigs mchod bye bgrangs gsog mdzad du nye ba na zhabs 'phar do
dam ba nas lha reg rten gsum bcas bskul ma mdzad pa bzhin pha
bong kha'i sprul mid byas

ser sngags mkhan zur shI la'i mtshan can gyi gsung la gzhi byas
te 'khyer bder spel zhing sbar du bskrun gnang mdzad pa dge legs
'phel bar gyur cig/ ! //bla mchod 'pho bzhag gcig ma'i skabs kyi
'don sgrigs brjed tho bzhugs so//) ! na mo gu ra we/ ('dir bla
mchod 'pho ba zhab gcig

ma'i skabs kyi 'don sgrigs brjed tho bkod pa la/ bla mchod
skyabs sems nas bshags pa'i bar rgyun ltar/ bshags pa'i gong der
ltung bshags/ spyi bshags tshar gsum/ rdor sems bsgom bzlas/ de
nas/ thog med dus nas zhes pa nas/ yon tan 'byung gnas kyi 'gor
dmigs brtse ma bdun

nam nyer gcig sogs/ de nas tshe 'dir mngon du 'gyur bar byin gyis
rlobs/ /zhes pa'i bar spyi ltar/ maNDal 'bul/ 'pho ba'i bla
brgyud 'don tshe skabs 'dir 'don/ lam snam zin sogs lan gsum/) de
nas/ phul byung mdzad bas 'gro la mi zad dpal ster zhing; (/nas/
rdzu 'phrul

@005a @#/ /stobs kyis brtse bas 'dir gshegs shig (/bar ram/ bsdu
na/) bde ba can nas rtsa ba'i bla ma dang/ /dbyer med 'od dpag
med mgon 'khor dang bcas/ /tshad med thugs rje'i dbang gis 'dir
gshegs

te; ;bdag gi spyi por dgyes bzhin bzhugs par gyur/ (/ces rgyas
bsdus ci rigs 'don/ ji snyed su dag sogs rgyab pa'am/ bsdu na/)
lus ngag yid gsum ma gus pas phyag 'tshal lo/ /dngos bshams yid
sprul mchod pa ma lus 'bul/ /thog

med nas bsags sdig ltung thams cad bshags/ /skye 'phags dge ba
rnams la rjes yi rangs/ /'khor pa ma stongs bar du legs bzhugs
nas/ /'gro la chos kyi 'khor lo bskor ba dang/ /bdag gzhan dge
rnams byang chub

chen por bsngo/ (/zhes yan lag bdun pa bya/ de nas rtsa dang
thigs sogs gsal gdab/) bla ma ston pa bcom ldan 'das de bzhin
gshegs pa dgra bcom pa yang dag par rdzogs pa'i sangs rgyas mgon
po 'od dpag tu med pa la phyag 'tshal lo/ /mchod

do skyabs su mchi'o/ (/lan bdun/) slu med dkon mchog gsum gyi
ngo bo nyid/ /ngan song 'jigs las sgrol ba'i dpa' bo ste/ /dag
pa'i zhing du 'khrid ba'i ded dpon mchog /mgon po 'od dpag med
la gsol ba 'debs/ /gnad

gcod gshin rje'i 'jigs las bskyab tu gsol/ /'jigs rung bar do'i
'phrang las bsgral du gsol/ /bzod dka' ngan 'gro'i g.yang las
drang du gsol/ /zhing mchog bde ba can der 'khrid du gsol/ /zab
lam 'pho ba

@005b 'byi bas bar byin gyis rlobs/ /res gzhan na med do thugs
rjes drongs/ (/lan gsum/ de nas/) hiku/ ka/ (zhes rnam shes
'phang dbeb bya/ mthar rjes su 'dzin par zhal gyis zhes par mos
te/) rgyal ba'i dkyil 'khor bzang zhing dga' ba der/ (/sogs dge

der ni bdag gis lung bstan rab thob nas/ (/zhes pa nas/) sems
can rnams la phan pa mang bgyid shog (/ces sogs bsngo smon gyi
rgyas 'debs bya/ tshe sgrub kyi dmigs pa dang bcas tshe gzungs
bzla/ de nas bla ma la rtogs pa 'bul/ bla mchod kyi mjug/) mdor
na skye zhing skye ba

thams cad du/ (/nas bkra shis rdzogs par rgyun ltar bya/) nam
zhig tshe 'di'i 'du byed btang ba na/ /'khor tshogs rgya mtshos
bskor ba'i 'od dpag med/ /mig gi lam du gsal bar mthong gyur
nas/ /dad dang snying rjes bdag rgyud gang bar shog /

bar do'i snang ba shar bar gyur ma thag /rgyal sras brgyad kyis
ma nor lam bstan te/ /bde ba can du skyes nas sprul pa yis/ /ma
dag zhing gi 'gro ba 'dren gyur cig (/ces shlauka 'di gnyis lan
gsum/) ji srid thub mchog go 'phang dam pa de/ /

(sogs bsngo smon bya/ yang rang gi shag tu bla mchod 'don badzra
mi spron tshogs su bla ma dang mnyam du bton ba des 'thus bar
byas te gong gi spyan 'dren nas bgyis kyang chog /de ltar
sbyangs bas rtags nges par thon cing/ gal te rtags mthon kyang
nges par rjes su 'dzin par the tshom med do/ /zhes pa 'di ni pha
bong kha'i sprul ming bas chab mdo

dge ldan byams ba gling du zab lam bla ma mchod ba'i khrid spel
skabs 'pho ba zhag gcig ma'i skabs kyi 'don chog rnams brjod
thor bris pa'o// ! //bde ba can gyi zhing du thogs ba med par
'grod pa'i gdams ngag bzang spyod nyal sgom mam/ bsam gtan nyal
sgom du grags pa shin tu bsdus

@006a @#/ /ba'i tshul du nyams su len tshul bzhugs so//) ! bla ma
'od dpag med la phyag 'tshal lo/ (/'dir bzang spyod smon lam las/
bdag ni 'chi ba'i dus byed gyur pa na/ /sgrib ba thams cad dag
ni phyir bsal te/ /mngon sum snang ba mtha' yas

de mthong nas/ /bde ba can gyi zhing der rab tu 'gro/ /der song
nas ni smon lam 'di dag kyang/ /thams cad ma lus mngon du 'gyur
bar shog /ces sogs kyi man ngag bsam gtan nyal sgom mdor bsdus
su bya bar 'dod bas/ bde ba can gyi zhing gi bkod pa mdo chog
las byung ba ltar gsal btab nas/

mgon po 'od dpag med la gdung shugs drag pos gsol ba btab ste
spyan 'dren ba'i mos pa dang bcas/ phul byung mdzad pas 'gro la
mi zad dpal ster zhing/ /lan cig dran pas 'chi bdag 'jigs pa
ring du dor/ /rtag tu brtse bas 'gro la bu bzhin dgongs

gyur pa/ /lha mi'i ston pa tshe dpag med la phyag 'tshal lo/ /thub
ba'i dbang pos lan grangs du ma ru/ /legs par yongs su bsngags
ba'i zhing gi mchog /bde ba can du skye ba'i smon lam 'ga'/
/brtse ba'i dbang gis ji ltar nus

bzhin brjod/ /blang dor gnas rnams ma rig 'thug pos bsgribs/
/khong khro'i mtshon gyis mtho ris srog 'phrog cing/ /'dod sred
zhags bas 'khor ba'i btson rar bcings/ /las kyi chu bos srid
ba'i rgya mtshor khyer/ /na rgas sdug

bsngal rbarlabs mang pos g.yengs/ /mi bzad 'chi bdag chu srin
khar chud pas/ /mi 'dod sdug bsngal khur gyis non gyur pa/ /mgo
zha med bdag gi nyam thag nga ro yis/ /yid la smon pa 'grub pa'i
dbang po ru/ /phongs pa'i gnyen

@006b gcig 'dren ba 'od dpag med/ /spyan ras gzigs dbang rgyal
sras mthu chen thob/ /'khor dang bcas la gus pas gsol 'debs na/
/dbag med bskal par bdag cag rnams kyi phyir/ /thugs mchog
bskyeng ba'i dam bca' ma bsnyel

bar; ;'dab bzang gtso bo lha yi lam la bzhin/ /rdzu 'phrul stobs
kyis brtse bas 'dir gshegs shig (/ces spyan drangs bas mgon po
'od dpag med kyi sku las rang 'dra gnyis pa zhig chang nas rang
gi sngas? mgor bzhugs par mos la/ yan lag bdun pa maNDal dang
bcas

brgyas ba'am/ bsdu na/) lus ngag yid gsum gus bas phyag 'tshal
lo/ /dngos bshams yid sbrul mchod pa ma lus 'bul/ /thog med nas
bsags sdig ltung thams cad bshags/ /skye 'phags dge ba rnams la
rjes yi rangs/ /

'khor ba ma stongs bar du legs bzhugs nas/ /'gro la chos kyi
'khor lo bskor ba dang/ /bdag gzhan dge rnams byang chub chen
por bsngo/ /sa gzhi spos kyis byugs shing me tog bkram/ /ri rab
gling bzhi nyi zlas brgyan pa 'di/ /

bde can zhing la dmigs te phul ba yis/ /'gro kun bde can zhing
du spyod par shog /i daM gu ru ratna maNDal la kaM niryA ta
yA mi/ (de nas/) bla ma ston pa bcom ldan 'das de bzhin gshegs
pa dgra bcom pa yang dag par rdzogs pa'i sangs rgyas mgon

po 'od dpag tu med pa la phyag 'tshal lo/ /mchod do skyabs su
mchi'o/ (/lan nyer gcig brjod/ bla ma 'od dpag med kyi sku pang
du mgo bzhag bang mos nas nyal te dbugs phyir 'gro ba'i skabs
rang gi rnam shes 'od kyi thig le dkar la dmar ba'i 'dangs can
rgya sran tsam gyi rnam par gsal ba snyin

@007a @#/ (/gnas sna bug tu thon pa 'od dpag med kyi thugs kar
thim/ dbugs tshur rdub pa'i skabs 'od dpag med kyi thugs ka nas
rnam shes 'od kyi thig le phyir byung/ sna bug nas zhugs te
snying gar sleb/ de 'dra ba lan nyer gcig byas te snying gar
gnas pa'i mus

la; tshe gzungs rgyas pa'am/ tshe gzungs bsdus pa/) oM a mA
raNi dzI wantI ye swAhA/ (zhes dang/) oM a mi tA b+ha
hrIH (zhes pa rnams 'dren cing/ mgon po 'od dpag med la bde ba
can gyi zhing du skye ba'i gsol ba shugs drag 'debs bzhin du
gnyid log /sang nangs bar

labs ma thag 'od dpag med la phyag lan gsum 'tshal te rang la
bstim/) nam zhig tshe yi 'du byed btang ba na/ /'khor tshogs rgya
mtshos bskor ba'i 'od dpag med/ /mig gi lam du gsal bar mthong
gyur nas/ /dad dang snying rjes bdag rgyud

gang bar shog /bar do'i snang ba shar bar gyur ma thag /rgyal
sras brgyad kyis ma nor lam bstan te/ /bde ba can du skyes nas
sprul pa yis/ /ma dag zhing gi 'gro ba 'dren gyur cig /rgyal
pa'i dkyil 'khor bzang zhing dga' ba der/ /

padmo dam pa shin tu ma rdos las skyes/ /snang ba mtha' yas
rgyal bas mngon sum du/ /lung bstan pa yang bdag gis der thob
shog (/ces sogs bde ba can du skye ba'i smon lam gdag dus tha
mang 'chi ba'i tshe na/ phan tshun nor rdzas 'gro 'ong sogs la
mtshams

gcod brtan po byed pa dang/ bshags sdom la 'bad pa/ dam tshig
nyams chag gso zhing sbyang ba/ chags zhen dang phral ba sogs
gnad yin/ skabs 'dir rnam shes re re bzhin gsar du gsal 'debs
byed pa yin zhing/ nyams su len lugs sngar ltar la rnam shes
tshur 'ong ba'i mos rim byed par

@007b yar thim pa'i mos pa sha stag dbugs ma chad kyi bar du bya
ba yin no/ /grogs dam tshig gtsang brnyed na gsal 'debs dang/ ngo
sprod sogs gnad zas shos mtshams 'dir nges bar dgos la/ spyir dus
rtag tu sdig spong dge sgrub la brtson pa shin tu gal che/ de
ltar 'bad na bde ba can du thogs pa

med par skye bar gsungs so/ /'di ni/ rgya cu'i zhin kre'i nyams
len du dgos tshul bzhin pha bong kha sprul ming bas sbyar ba'o//
! //rje btsun ma seng ldeng nags kyi sgrol ma'i sgo nas dus min
kha char gcod pa'i man ngag /zab mo lag tu len tshul bzhugs so//)
! na mo A rya tA re

ya; dus ma yin pa'i kha char gcod par 'dod na/ tshwa la/) hUM na
garA dzA phu si char chod/ (ces stong phrag re tsam gdab/ tshwa
de sum gnyis tshod kyi rtsam pa dang bsres nas lag len ltar gyi
lci ba zhib mo sa khad yangs pa zhig tu 'dom gang do sogs nar
stabs su 'than pa'i khar gong gi rdzas nar

mor 'then nas/ g.yas g.yon gang rung zhig tu me btsugs te du
brgyun ma 'chad btang na du brgyun ma chad pa'i ring nges par
kha char chod cing gnam dwangs pa myong bas grub pa yin no/ /des
kyang mi chod pa'i kha char gyi nyen che ba 'byung na sbyin sreg
bya dgos pas/ de'i tshul ni sreg rdzas tshwa/ rtsam pa/

me tog lug ru/ su ru nag po/ rna ba'i rwa co rnams phye mar byas
pa mnyam du sbyar te gang dgos bsags/ nub byang gi phyogs su ba
dan sngon po 'phyar/ de nyid rlung lhar bskyed cing rlung chen
pos char sprin gtor bar bsam/ zhi ba'i thab spyi 'gre ltar ram/
pad dkar 'dab brgyad tsam 'dri/

thab rtsar rang nyid kha shar du phyogs te 'dug /skyabs sems
mdor bsdus sngon du btang/) rang nyid skad cig gis rje btsun ma
'phags ma sgrol ma sku mdog mrgad zhun ma'i mdangs can zhal
'dzum pa dang bcas pa dar bzang po'i na bza' dang rin po che'i
rgyan gyis spras

@008a @#/ /shing; phyag g.yas mchog sbyin gyi phyag rgya dang/
g.yon dkon mchog gsum mtshon gyi phyag rgyas utpal la sngon
po'i yu ba thugs dkar 'dzin pa/ zhabs g.yas brkyangs shing
g.yon bskums pa'i

stabs kyis bzhugs par gyur/ (ces rje btsun ma seng ldeng nags
kyi sbrol mar bskyed/ thab kyi steng du tshor ma can gyi shing la
me spar/ ces gsungs kyang mtshon byed tsam las/ bud shing gi gtso
bo lcibs rung bar gsung/ de'i dbus su me lha bskyed ba ni/)
amr-i (tas bsangs/) swab+hA

(was sbyangs/) stong pa'i ngang las rang gi mdun du ye shes kyi
me rab tu 'bar ba'i dbus su me lha sku mdog dkar ser rwa skyes
la gnas pa/ zhal gcig phyag gnyis gyi g.yas bgrang phreng dang/
g.yon sbyi blugs bsnams pa/ gsus

khyim che zhing ral pa'i thor cog can/ gos dkar po gsol zhing/
srad bu dkar po'i se ral kha thogs pa/ sbom zhing thung la zhi
ba'i nyam dang ldan par gyur/ oM adna ye arg+haM nas/ shapta'i
(bar gyis mchod/) 'jig rten dbang phyug

tshangs dbang mgon gyi sras/ /me lha'i rgyal boT kkis dbang bskur
ba/ /shes rab mchog gis nyon mongs thams cad bsreg /'dzin byed
me lha nyid la rnam par 'dud/ (/ces shlauka gcig gis bstod/ de
nas sdar gyi rdzas rnams/ oM agna ye AdI bya

A dI bya A bi sha A bi sha mahA shrdi ye ha bya ka bya
bA hA nA ye/ dus ma yin pa'i kha char gyi gnod pa thams cad
shAntiM ku ru ye swAhA/ (zhes spel tshig bcas tshar bdun tsam
gyis phul te/ de nas sngags rkyang bas grangs gsog /skabs skabs
su spel tshig can re brjod/ de ltar grangs

@008b stong phrag gcig gsog/ de'i skabs su sgrub grogs shig gis
nub byang nas me la sbud pas 'bud cing/ ba dan sngon po rlung
lhar bskyed pa'i sku las rlung chen po byung ste char sprin gtor
bar de sam/ rang dang sgrub grogs gnyis kas ngag bcad dgos/ de
ltar stong tsho gcig tsam

phul zin ba na/ mjug tu/ yaM yaM/ raM raM/ ya ya/ pa sha chod/
sha sha pa ya chod/ (ces bal 'dab dkar nag gnyis sprin dkar nag
tu sams la me nang du bsreg /de nas me shar bchod bstod mdor
bsdus dang/ yig brgya bzla/) badzra muHme lha rang

gnas su gshegs par gyur/ (ces me lha gshegs gsol bya/ des kha
char gang yin chod par the tshom med do zhes 'phags ma nyid kyis
gsungs shing/ bla ma rdo rje 'chang gi zhal nas kyang de lta'i
sngags rdzas stong tsho brgyad song na kha char gyi nyen ji ltar
che yang gtan nas

'bab pa mi srid pa myong bas grub ces gsung/ 'di dag gi skabs
yul lha gzhi bdag sogs la bsangs 'phrin dang/ lhag bar drang
srong rlung lhar rlung bskul yang yang gtong ba gal che/ de
thams cad du'ang 'phags ma'i bka' bslub med pa'i yid ches dang/
rgyu las dbras

bu mi 'chol bar 'byung ba'i rten 'byung 'gog pa med pa'i tshul la
yid ches kyi gdeng dang ldan pas bsgrub na gong gi tshwa snags
tsam gyis kyang kha char nges par chod pa kho pos kyang myong
bas ngan mang grub pa yin no/ /'di ni dgun gyi dus su mi phyugs/
yul 'brog gang la'ang khabs

gnod 'tshe shin tu tshe bar phan sems kyis kun nas blangs te/ pha
bong kha bas gzhan gyis bskul ba med par bris so/ /! stag phu
rdo rje 'chang chen po'i zhal nas/ sgrol ma'i 'char 'bebs skabs
thu'u bkwan gyi gsung char 'bebs dang bsgrig dgos/ gtor ma brgya
rtsa yang de ltar

@009a @#/ /dgos/ char 'bebs bdud rtsi'i bum bzang pur lcog spar
ma grangs 12na5 sngags sa rI sa ka zhes pa yi ge ma dag/ baDI
pa ka zhes brjod dgos/ 'di spud pa 'bud mkhan gyis 'dor rgyu
yin/ spud pa 'bud mkhan rab bsnyen song/ tham dbang thob

pa dgos/ kha nub byang nas spu da pa 'bud/ na6 tsher ma can gyi
shing la me sbar/ bsangs sbyangs/) stong pa'i ngang las mdun du
ye shes kyi me 'bar ba'i dbus su me lta sku mdog dkar ser/ (ces
sogs 'di'i sngags ni/ oM barI bakti swAhA/ zhes pa'o//)
dang/ ba1 nyams

dang ldan par gyur/ (ces bsgyur; oM agna sogs sngags rgyang
bgrangs gsog/ skabs su spel tshig re brjod ba2 sprin dkar nag tu
bsam/) badzramuHme lha rang gnas su gshegs par gyur/ (sngags
bzlas to sogs/ rang gis sbyin sreg 'bul sngags/ nA

ga rA dza phu si (sogs yin/ rdzas gzhung ltar/ su ru nag po
zhes pa yongs grags su lu zer ba de yin gsungs/ 'di'ang rdo rje
'chang 7 pha bong kha pa dpal bzang po mchog gi bsnyel tho'i me
dpe ltar char 'bebs bdud rtsi'i bum bzang gi nyer ma kho'i lhan
thabs su bris pa'o// //)

! na mo gu ru/ (dus min kha char gcod pa'i yan lag tu rlung lha
mchod cing bskul ba'i man ngag zab mo nyams su len par 'dod pas/
rgyas pa na rlung lha'i gtor ma sha chang sogs yem 'dres pa ba
dkar gsum mang gsum gyis spus pa mtha' mtheb kyus bskor ba la
g.yas g.yon du dar ston po'i ba

dan rlung gis g.yo bzhin pa re 'dzug/ phye mar/ dkar skyems/ ja
phud/ bsangs sogs ci 'byor bshams te/ rgyud sde 'og ma ltar gyi
bsangs sbyangs bskyed gsum/ sngags drug phyag drug dang bcas pas
byin gyis brlabs pa/ drang srong chen po rlung lha 'khor bcas
gsal bar dmigs

@009b nas mchog sang gdung shugs drag bos bskul zhing 'phrin las
bcol ba 'di ltar bya'o/) /kyai/ nyi ma nub byang pha ki na/
/rlung lha rig pa 'dzin pa bzhugs/ /'byung ba chen po rlung gi
bdag /rlung bdag chen po dgongs su gsol/ /bdud rtsi 'o ma'i phud

skyems mchod/ /dkar mngar bshos gtsang bsangs phyer rol/ /bdag
cag dus min kha bas nyen/ /khyod kyis 'phrin las dus la bab/
/kyid ser rlung gi dngos grub stsol/ /sprin lung dbyings su
dmigs med gtor/ /sprin dkar

nam mkha'i mthongs su gsos/ /sbrin nag rgya mtsho'i pha mthar
skrod/ /khri gdugs nyi ma'i gur khang phyes/ /mi phyugs bde la
'god du gsol/ /kyai; drang sorng chen po sku mdog sngo/ /rabs
mdzes lang tsho'i dpal yon 'bar/ /sku la nor bu'i

rgyan gyis mdzes/ /dar tshon na bza' lhubs se lhub/ /phyag na
rlung gi ba dan sgreng/ /chibs su shab sngo skya chibs/ /'khor
du rlung lha 'bum sde dang/ /lha srin bye ba'i 'khor gyis bskor/
/rlung dkyil chen po g.yo ba'i steng/ /kun

kyang rlung bskul las la brtson/ /'byung ba chen po rlung gi
bdag /rlung bdag chen po X bdud rtsi X dkar mngar X bdag cag X
khyod kyis X kyid ser X sprin phung X sprin dkar X sprin nag X
khri gdugs X mi phyugs X

kyai; nyams la chad pa rlung gis gcod/ /mthun la dngos grub
rlung gis skyed/ /dgun gyi kha sprin rlung gis sdud/ /dbyid kyi
drod chen rlung gis 'beb/ /dbyar gyi char sna rlung gis 'dren/
/'byung brlung las de kun 'byung/ /bar snang

@010a @#/ /nam mkha' sa gzhin/ /'byung ba rlung las dbang che
med/ /'byung ba chen po X rlung bdag X bdud rtsi X dkar mngar X
bdag cag X khyod kyis X kying ser X sprin phung X sprin dkar X
sprin nag X

khri gdugs X mi phyugs X kyai; snod bcud skyed pa rlung gis
skyed/ /bskyed zin sdud pa rlung gis sdud/ /srid gsum 'khor lo
rlung gis brten/ /tshe srog 'dzin pa rlung gis 'dzin/ /srog dbugs
sdud pa rlung gis sdud/ /skye shi bar do

rlung gis byed/ /rnal 'byor bde drod rlung gis 'beb/ /d+hU tI'i
mdud rgya rlung gis 'grol/ /'byung ba chen po rlung gi bdag
/rlung bdag chen po dgongs su gsol/ /de ring kha sprin dmigs med
gtor/ /de ring nam mkha' sngo sangs mdzod/ /

de ring thugs dam dus la bab/ /de ring bcol ba'i 'phrin las
stsol/ /mi phyugs sa 'og bra byi tshun/ /kha 'ching kha ba'i gnod
pa sol/ /dus min kha char bde skyid kyui/ /gshed ma dmigs med
dbyings su skrod/ /kyai; de ring kha sprin

dmigs med gtor/ /de ring nam mkha' spos sangs mdzod/ /bde skyid
nyi ma'i gur khang phyes/ /mi phyugs bde la 'god du gsol/ (/de
ltar bstod cing 'phrin las bcol bas/ rlung lha 'khor bcas kyis
rlung gi ba dan g.yob/ 'phrin las sgrub par zhal

gyis bzhes par bsams la/ gtor ma gtsang sar dbul bar bya'o//)
//! sku gcig nyid la nyin byed bye ba'i nyams/ /gsung gcig yan
lag drug cu'i dbyangs su zlos/ /mkhyen rab gcig gis shes bya kun
khyab can/ /

@010b lha gcig khyed kyis spobs pa'i mchog kun stsol/ (/zhes pa
ljangs dgun chos kyi sar smras pa'o//) //! 'phags mchog rigs
gsum mgon la skyabs su mchi/ /'phags mchog rigs gsum mgon la
gsol ba

'debs/ /nad mug 'khrug rtsod zhi bar byin gyis rlobs/ /'gro kun
bde zhing skyid par byin gyis rlobs/ /oM wA gI shwar maM/ oM
ma Ni padme hUM/ oM badzra pANi hUM phaT/ dge ba 'di yis
myur du bdag rigs gsum mgon po 'grub

gyur nas/ /'gro ba gcig kyang ma lus pa/ /de yis la 'god par
shog /dus bab gsol 'debs su pha bong kha pas smras pa'o// // !
rje btsun bcom ldan 'das 'phags ma sgrol ma'i gdung 'bod byis
pa'i 'o dod ces bya ba bzhugs so//

! bla ma mkhyen/ Arya tA re ya/ rgyal kun 'phrin las rang
snang/ /rgyal yum myur sgrol dpa' mo/ /dung dung snying nas 'bod
do/ /'bral med brtsebs skyongs shig /gang du 'jigs pas nyen
rnams/ /myur du skyob pa'i thugs rje/ /dud

dung snying nas bskul lo/ /'bral med X phyi nang phongs pa kun
las/ /myur du sgrol ba'i zhal bzhes/ /dung dung X 'bral med X
gang la 'dod pa'i don kun/ /yid bzhin stsol ba'i 'phrin las/
/dung dung X 'bral med X 'di phyi

bar do'i gnas skabs/ /gang dang gang gi skyabs su/ /dung dung X
'bral med X blo sna tshogs la phyogs par/ /brtsebs byin gyis
rlobs shig /phyin nang 'gal rkyen zhi bar/ /rtse bas X mthun
rkyen yid bzhin 'grub par/ /brtse bas X

@011a @#/ /sgrub pa'i rgyal mtshan tshugs par/ /brtse bas X nges
'byung byang sems 'byongs par/ /brtse bas X 'khrul med gnas lugs
rtogs par/ /brtse bas X dgyes zhal dngos su mjal bar/ /brtse bas
X

gsung dbyangs bdud rtsis skyong bar/ /brtse bas X rim gnyis
nyams myong 'phel bar/ /brtse bas X mdor na gang gi'ang re gnas/
/khyod las gzhan du med pas/ /bu gcig brtse ba'i ma bzhin/
/'bral med brtse bas skyong mdzod/ /

bla ma mkhyen/ bla ma mkhyen/ bla ma mkhyen/ (zhes pa 'di yang
ston mchog thub dbang rdo rje 'chang dang tha mi dad pa khams
gsum 'gro ba'i bla ma rje pha bong khab dpal bzang pos mdzad
pa'o (gdung 'bod kyi phyin rlabs can 'di ni yid bzhin nor bu
gang+gA'i glung gi bye ma snyed kyis kyang 'bi'i cha tsam
du'ang bsgrun

phar mi nus pa'i snying nor khyad par du 'phags ba'o/ /zhes stag
phur do rje 'chang padma badzra dpal bzang po gsung mchan phyag
bris ma las bshus pa'o// ! //kong po theg chen gling sprul sku
rin po cher gnang ba'i gtsug phud breg tshul bzhugs/) ! bla ma
thub pa'i dbang po

la phyag 'tshal lo/ /'dir gtsug phud bzhes tshul cung zad spros pa
rgyas par byed na/ thub dbang gi snang brnyan bshams pa'i mdun
du mchod pa sna lnga sogs bsgrig/ bsgrub bya mdun du 'khod nas/
rgyud chags gsum pa/ ston pa

bcom ldan 'das de bzhin gshegs pa dgra bcom pa yang dag par
rdzogs pa'i sangs rgyas rig pa dang zhabs su ldan pa/ bde bar
gshegs pa/ 'jig rten mkhyen pa/ skyes bu 'dul ba'i kha lo bsgyur
ba/ bla na med pa/ lha dang

@011b mi rnams kyi ston pa sangs rgyas bcom ldan 'das dpal rgyal
ba shAkya thub pa la phyag 'tshal lo/ /mchod do skyabs su
mchi'o/ (/lan gsum mam bdun/) lus kyi sdom pa legs pa ste/ /ngag
gi sdom pa'ang legs pa yin/ /yid kyi sdom pa'ang

legs pa ste/ /thams cad du ni sdom pa legs/ /kun tu bsdams pa'i
dge slong ni/ /sdug bsngal kun las rab tu grol/ /ngag rnams
bsrung zhing yid kyis rab bsngams te/ (/lus kyis mi dge bdag mi
byed cing/ /las lam gsum po

'di dag rab sbyangs na/ /drang srong gsungs pa'i lam ni thob par
'gyur/ /bsod nams 'di yis thams cad gzigs pa yi/ /go 'phang thob
nas skyon gyi dgra btul te/ /rga dang nang 'chi pa'i rlungs
'khrugs pa'i/ /srid pa'i mtsho las 'gro ba

sgrol bar shog / (ces pa lan gsungs te/ phyag g.yas mchog spyin
gyi phyag rgya bsgrub bya la gtad de/) tshe dang ldan pa che ge
mo) zhes bya ba khyod gtsug phud breg par spro'am/ (zhes ming
rnying pa nas pos te spro ba dri/ des kyang/) spro lags/ (zhes
brjod/ de nas gtsug phud

breg/ ril ba spyi blugs lta bu nas chu blugs te yan lag lnga
brus kyi tshul bya/ gtsug phud 'bru dkar dang lhan cig mchod
g.yog pa'i lag tu gtad nas thub dbang gi sku mdun 'bul du bcug
pa dang dus mnyam du/) dkar phyogs la mngon par dga' ba'i lha
rnams dgyes ba chen po

mdzad du gsol/ (zhes phyag gi me tog rten la 'thor/ de nas
bsgrub bya la me tog 'thor te/) khrims kyi tshul khrims skyon med
cing/ /tshul khrims rnam par dag dang ldan/ /rlom sems med pa'i
tshul khrims kyis/ /tshul khrims pha rol phyin rdzogs

@012a @#/ /shog /phal pa dbyus ma'i riT la/ nam zhig rdo rje gdan
gyi ri bo'i spor/ /byams mgon nyin byed dbang po shar ba'i tshe/
/bdag gi blo gros padmo kha phye nas/ /skal bzang bung ba'i tshoT
rdzags

tshim byed shog /de tshe rgyal ba byams pa rab tu dgyes/ /phyag
g.yas bdag gi mgol bzhag bzhin du/ /bla med byang chub mchog tu
lung bstan nas/ /'gro kun don du sangs rgyas myur thob shog
(/ces shlaug gnyis kyis me tog 'thor kyang/ 'dir

dam pa'i rigs la/) lus la chos gos gsum gyi bkra shis shog
(/sogs dang/) tshul khrims gtsang zhing mang du thos pa dang/
/byang sems 'byongs dang lta spyod gtsang ba sogs/ /blo bzang
rgyal ba gnyis pa'i bstan pa la/ /bsre bslad med pa'i

rnam thar 'khyongs par shog /legs bshad ri mo bkra pa'i lung gi
gos/ /rnam dpyod gser gyi yub la brten cing/ /bslab gsum nor
bu'i tog gis rab mtshan pa'i/ /bstan pa'i rgyal mtshan phyogs bcur
tshugs par shog /gzhan yang

bkra shis ci rigs gsung/ mtshan gsar pa phul/ da dung spros pa
che bar byed na sprul sku sogs bzhugs gdan bshams pa'i steng du
bzhugs su gsol nas gsol gro sogs phul/ dge ldan bstan pa rgyas
pa'i smon lam bcas zhugs smon shis brjod kyis mtshams sbyar

ro; ! //lha ldan du mi rje mkhan drung ram pa bar bstsalI glud
'gong rdzongs 'debs kyi zhal byang/ ! glud 'gong rgyal po
rdzongs chas kyi rgya mar/ rgyas par mi kha dgra bsgyur zab gnad
can gyi lugs ltar bya zhing/ spyir btang tsam la/ ho; mchog

@012b gsum dam can rgya mtsho'i bka'/ chos dbyings rnam par dag
cing/ rten 'byung bslu ba med pa'i bden pa'i stobs kyis phung
'gong dam sri ltogs 'gong bse rag sgab 'dre mi kha'i bdag mo za
'dre mug 'dre sogs gnod byed 'byung po'i rigs su gyur

pa thams cad la rdzongs kyi chas su bstabs pa nam mkha' mdzod du
spel ba 'dis tshim par gyis la/ lo gcig zla ba bcu gnyis zhag ma
sum brgya drug cu'i bgegs dang bar chad/ nad gdon nyer 'tshe/ par
gcod rkyen ngan/ mi kha dgra kha/ lo zla zhag

dang za ma'i keg rigs/ gyod dang kha mchu/ sri ngan rbod gtong/
byur dang ltas ngan pa sogs mdor na bkra mi shis pa'i rigs thams
cad khyer la mtha' yi rgya mtsho'i pha rol/ dpag tshad brgyad
khri'i pha rol tu song zhig /dengs shig /

phyir ma ldog cig /utsa ta ya phaT/ (ces 'bri'o//) ! dpal stug
mkhyen brtse'i phung po ji snyed dbyings/ /sgyu 'phrul gcig tu
sgeg pa'i ngo mtshar gar/ /srid zhi'i dge legs kun gyi byed po
khyod/ /chos kyi 'khor lor

grub gnyis dpyid du rol/ /brtse chen don yod 'phrul gyi zhags pa
yis/ /dam du 'khyud pa'i skal bzang tshe rabs kyi/ /phreng ba
byang chub snying po'i mthar bcings pa'i/ /dga' ston nam yang
lhod pa med par stsol/ (/zhes tshe rabs rjes

'dzin smon pa chab mdo rgyar sprul sku rin po che'i bka' bzhin
par khams lha rtse'i sgar thog tu bris pa'o//) // ! bdag gis
zhogs pa ldang pa nas bzung ste/ /dgong mo nyal ba'i bar du sgo
gsum kun/ /bla ma'i zhabs 'degs kho

@013a @#/ /nar bkol pa yi/ /bsod nams 'dis mtshon dus gsum dge
ba'i mthus/ /tshe rabs 'dren mchog khyod kyis mnyes bzhin du/
/'bral med rjes su bzung nas mdo sngags kyi/ /sa lam bgro

pa ma lus mthar phyin nas/ /'gro kun don du sangs rgyas myur
thob shog (/ces pa 'di yad gam g.yog rnam dag gi 'dod mos ltar
sbyar ba'o// ! //yon bsdo mthun 'gyur legs smon lhun grub ces
bya ba bzhugs so//) phun

sum tshogs pa'i dge 'dun pa rnams kyis bsngo ba'i mthun 'gyur
dang dbang po thugs rjes 'dzin par zhu/ phyogs bcu'i zhing rab
'byams mtha' yas mu mtha' med pa na bzhugs pa'i rgyal ba sras
bcas nyan rang slob mar bcas pa

rnams deng gi sbyin pa'i bdag pos thog drangs/ mar gyur nam
mkha'i mtha' dang mnyam pa'i sems can thams cad la/ dgongs su
gsol/ sbyin pa'i bdag po rnams kyis bsam sbyor rnam par dag pa'i
sgo nas bsgrun

pa'i dge ba'i rtsa ba rnams kyis mtshon/ rang cag rnams kyis dus
gsum du bsags pa'i dge ba'i rtsa ba rnams phyogs gcig tu bsdoms
pa'i mthu la brten nas rgyal ba'i bstan pa rin po che spyi dang/
de'i yang snying khams

gsum chos kyi rgyal po tsong kha pa chen po'i bstan pa'i snying
po dre ma med pa gser gyi yang zhun lta bu 'di nyid phyogs dus
gnas skabs thams cad du dar zhing rgyas la yun ring du/ gnas par
gyur cig /bstan pa'i rtsa lag dam

@013b par gyur pa mnyam med thub pa'i dbang po/ rgyal tshab chen
po 'od srungs sogs thub bstan chos kyi srid la dbang sgyur ba
bdun dang/ shing rta chen po klu sgrub dang thogs med la sogs pa
'dzam gling mdzes par byed pa'i rgyan drug mchog gnyis/

lnga brgya'i gtsug rgyan jo bo a ti sha/ 'brom rgyal ba'i
'byung gnas/ dge ba'i bshes gnyen po to ba la sogs pa bka' gdams
gong ma rim par byon zin pa rnams dang/ rang cag rnams kyi 'dren
pa bla nam mchis pa 'jam dbyangs mi yi

zlos gar khams gsum chos kyi rgyal po tsong kha pa chen po/
rgyal ba'i rgyal tshab dar ma rin chen/ mkhas grub smra ba'i nyi
ma dge legs dpal bzang po la sogs pa dge ldan bstan 'dzin gong
ma rim par byon zin pa rnams dang/ rje dge 'dun

grub pa nas nye bar bzung/ 7gongs 7rgyal ba'i dbang po sku
phreng bcu gsum pa chen po'i bar gyi rgyal dbang sku phreng gong
ma rim par byon zin pa rnams dang/ rgyal ba dben sa ba chen po
blo bzang don grub nas nye bar bzung gong ma chos kyi nyi ma'i
bar gyi

kun gzigs paN chen gong ma rim par byon zin pa rnams dang/ lhag
par bdag la chos 'brel dngos thob kyi rtsa ba'i bla ma gzugs
sku'i bkod pa chos dbyings su thims tshul bstan pa la sogs pa
rnams kyi zag med thugs kyi dgongs pa zab mo yongs

su; rdzogs par gyur cig /lhag par rang cag kha pa can pa rnams
kyis me tog gang la phog pa'i lha skal mgon po spyan ras gzigs
mi yi gar gyi rnam par rol ba 7gongs 7rgyal dbang thams cad
mkhyen cing gzigs pa chen po'i yang srid

@014a @#/ /mchog gi sprul sku rin po che'i sku'i gsang ba gsum la
'gal rkyen gyis brdzi ba med par gru 'dzin gnyis pa'i gzhal med
khang gi gser gyi khri 'phang mthon por 7zhabs sen bkra shis kyi
re khA myur du 'khod

cing; gsung gi bdud rtsi la dngos su spyad pa'i skal bzang gi
dga' ston rmad po cher myur du longs spyod pa'i skal ba dang/
ldan par gyur cig /bde ldan zhing gi mgon po snang ba mtha' yas
mi yi rol gar kun gzigs paN chen thams

cad mkhyen gzigs mchog kyang zag med thugs kyi dgongs pa zab mo
yongs su rdzogs shing/ slar yang bstan 'gro'i mgon du yang srid
mchog gi sprul sku rin po che 'khrul bral myur du byon pa'i skal
ba dang/ ldan par gyur cig /

da lta na'ang bstan pa dang 'gro ba'i don du sngon gyi snying
stobs dang dam bca' ma 'dor bar bsam bzhin du zhal bzhugs pa'i
bstan 'dzin gyi skyes bu dam pa gang na su bzhugs spyi dang/
lhag par snyigs lnga'i mtha' 'dir rgyal bstan chab

srid kyi srog rtsa 'dzin pa la thugs bskyed kyi mthu grub pa
gangs ljongs bstan 'gro'i srog shing 7skyabs mgon srid skyong
rwa sgreng ho thog thu rin po che rje btsun 7thub bstan 'jam
dpal ye shes rgyal mtshan dpal bzang po dang/ bdag

la chos 'brel dngos thob kyi rtsa ba'i bla ma xxx dpal bzang po
la sogs pa rnams 7zhabs sen mi shigs rdo rje'i chos bdun gyi ngo
bor brtan cing/ bstan 'gro'i bzhed don rlabs chen gyi mdzad pa
'phrin las rnams yar ngo'i

@014b zla ba bzhin du gong nas phong du 'phel zhing/ rgyas par
gyur cig /gnam bskos dga' ba brgya ldan pa'i chab srid la log
par 'khu ba'i pha rol mi dang mi min gyi bsam sbyor ngan pa ji
snyed cig mtshis pa rnams rmeg med du zhi zhing/ chab srid 'jam

dar chags pa dang/ sde bzhi'i dbu rmog btsan po'i gdugs dkar
srid zhi'i bla na 'khon pa'i grib bsil du cha ba 'bangs mtha'
dag bde bar spyod pa'i skal ba dang/ ldan par gyur cig /gdan sa
chen po gsum dang/ gsang chen rgyud grwa rnam gnyis

la sogs pa phyogs dang ris su mchad pa'i dge 'dun gyi sde rnams
thugs mthun khrims gtsang/ las bslab pa gsum gyi nyams bzhes/
lung sde snod gsum gyi 'chad nyan kha sogs pa bshad sgrub bstan
pa'i bya ba thams cad yar ngo'i zla ba bzhin

du gong nas gong du 'phel zhing/ rgyas par gyur cig /skyabs
bzang po de dag gi byin mthu dang/ rten 'brel bslu ba med pa'i
bden pa'i mthu la brten nas 'jig rten 'di nas pha rol tu song
zhing tshe las 'das pa xxx zhes bya ba la sogs pa rnams

gnas skabs ngan song ngan 'gro'i skye gnas dman par skad cig
kyang mi gzhol bar dal brgyad 'byor bcu tshang ba'i rten bzang
bar ma chad par mtshan ldan dge ba'i bshes gnyen gyis rjes su
bzung nas sa bcu lam lnga rim gyis bgrod de myur du

mngon par rdzogs par 'tshang/ rgya bar gyur cig /bstan pa rin po
che la gus pas mchod cing spyi bo'i gtsug tu bkur ba'i bstan
pa'i sbyin bdag zhal bzhugs pa spyi dang/ khyad par deng gi
sbyin pa'i bdag po tshe dang ldan pa xxx zhes bya ba

@015a @#/ /la sogs pa rnams gnas skabs nad gdon phyi nang gi 'gal
rkyen nyer 'tshe thams cad dmigs med zhi zhing/ mthun rkyen tshe
bsod dpal 'byor dbang klung snyan grags sogs yar ngo'i zla ba
ltar 'phel

zhing rgyas pa dang/ tshe rabs thams cad du 'jam mgon bla ma'i
bstan pa dang mi 'bral bar bla na med pa yang dag par rdzogs
pa'i byang chub myur du thob pa'i skal ba dang/ ldan par gyur
cig /de lta bu'i smon pa'i gnas ji bzhin du bsgrub pa la

bla ma gong ma rnams kyis bka' bsgos gnyer du gtad pa'i srung
ma'i dbang po mthu rtsal can spyi dang/ khyad par du mang myur
mdzad ye shes kyi mgon po phyag drug pa/ dam can chos kyi rgyal
po phyi nang gsang gsum/ ma gcig 'dod pa khams

kyi dbang phyug re ma tI/ rgyal po chen po rnam thos sras/ gnod
sbyin dregs pa lcam sring/ lha chen tha 'og chos kyi rgyal po la
sogs pa srung ma'i dbang po mthu rtsal can rnams kyis kyang nyin
mtshan dus drug tu g.yel ba med par rtag tu grogs/

mdzad par gyur cig /klu'i rgyal po dga' bo dang nye dga' bo la
sogs pa'i dkar phyogs skyong ba'i lha klu rnams kyi mthu stobs
gzi brjid rnams mi nyams par yar ngo'i zla ba bzhin du gong nas
gong du 'phel zhing/ rgyas par gyur cig /nag

po'i phyogs kyis yid bskyod pa'i 'byung po mi dang mi ma yin pa
rnams kyi bsam pa ngan pa dang sbyor brtsub pa thams cad nye bar
zhi ste bsam pa bzang po byang chub mchog tu sems bskyed pa'i
skal ba dang/ ldan par gyur cig /de dag gi

@015b mthu las yangs pa'i rgyal khams spyi dang/ bsil ldan rwa
ba dkar po'i ljongs 'dir mi phyugs nad yams/ sad ser btsa' than/
mu ge 'khrug rtsod la sogs pa dus kyi rgud pa thams cad nye bar
zhi nas/ char chu dus su 'beb cing/ lo

phyugs rtag tu legs pa sogs 'gro rnams bde skyid rdzogs ldan gyi
dpal la longs spyod pa'i skal ba dang/ ldan par gyur cig /mdor
na rang cag rnams kyis dus gsum du bsags pa'i dge ba'i rtsa ba
rnams gcig tu bsdoms pa'i mthu la

brten nas thub bstan kun gyi yang snying/ blo bzang rgyal ba'i
ring lugs dri ma med pa 'di nyid phyogs dus gnas skabs thams cad
du dar zhing rgyas pa la sogs pa ji ltar smon pa'i gnas thams
cad de de bzhin du/ 'grub par gyur

cig /shAkya'i dbang po xxx yang na/ 'jam dpal dpa' bo'i xxx
yang na/ rmad byung sras bcas x x x 'grub par shog (/'di ni tshe
smon gling ho thog thu rin po che'i bkas bskul ngor ba bong kha
sprul ming bas rang gi 'don rgyun lag len ltar bris te phul

pa'o// // ! khams gsum chos kyi rgyal po tsong kha pa chen po'i
bstan pa dang 'jal ba'i smon lam rjes 'dzin thugs rje'i skyabs
sbyin zhes bya ba bzhugs so//) rgyal kun yab gcig 'jam dpal zhi
khro dang/ /blo bzang rgyal ba yab sras brgyud

par bcas/ /kun gyis thugs rje'i mthu dpung cher bskyed nas/
/bdag gi smon lam bde blag 'grub par mdzod/ /bdag ni tshe rabs
phreng ba thams cad du/ /mi khom gnas su nam yang mi ltung bar/
/theg mchog 'khor lo bzhi ldan

@016a @#/ /rten brgyud mar/ /blo bzang rgyal ba'i bstan dang mjal
bar shog /mdo rgyud dgongs 'grel dang bcas 'gal med du/ /gang
zag gcig gi nyams len gdams ngag tu/ /legs par 'doms pa

tshad la ma nor lam/ /blo bzang rgyal ba'i bstan dang mjal bar
shog /dri med rigs pa'i lam las rab 'byams gzhung/ /ji bzhin
gtan la 'bebs pa'i gzhi lam 'bras/ /'dzam gling rgyan drug mchog
gnyis shing rta'i srol/ /blo

bzang rgyal ba'i bstan dang mjal bar shog /lta spyod gcig grogs
gcig tu song ba yis/ /mkhas pa ma 'chal btsun pa ma rongs par/
/kun kyang bstan 'gro'i don nyid lhur zhugs pa'i/ /blo bzang
rgyal ba'i bstan dang mjal bar shog /

mdo sngags zab bcud tshang la ma nor bar/ /'jam dbyangs zhal lung
mngar pos bran pa yis/ /zung 'jug go 'phang myur las ches myur
ba'i/ /blo bzang rgyal ba'i bstan dang mjal bar shog /thos bsam
sgom pa phyogs rer ma shor ba'i/ /

mang thos gdams par shar ba'i snying po'i bcud/ /sgrub pa'i
nyams myong tshad mar rab son pa/ /blo bzang rgyal ba'i bstan
dang mjal bar shog /dri med rigs pas dpyad nas bsgom pa dang/
/rtse gcig mnyam par 'jog pa zung 'brel

ba'i; ;bsgom tshul gzhan la med pa'i khyad chos mchog /blo bzang
rgyal ba'i bstan dang mjal bar shog /rin chen sems mchog 'dren
pa'i thabs mkhas su/ /'di dang phyi ma'i snang shas btsan thabs
su/ /ldog nas nges 'byung

@016b 'dren tshul khyad zhugs pa'i/ /blo bzang rgyal ba'i bstan
dang mjal bar shog /rgyu 'bras bdun dang bdag gzhan mnyam pa rje
yi/ /man ngag gcig tu bsgril nas skyong ba yis/ /sems mchog
bskyed tshul gzhan las khyad zhugs pa'i/ /

blo bzang rgyal ba'i bstan dang mjal bar shog /bying rmugs gol
sa spangs pa'i ting nge 'dzin/ /tshad ldan gzhung lugs chen mo
las 'ongs bzhin/ /mi rtog bsgrub tshul gzhan las khyad zhugs
pa'i/ /blo bzang rgyal ba'i bstan dang mjal bar

shog ;mkhas grub phye bas 'bad kyang dpog min pa'i/ /zab mo ji
bzhin gzigs shing gsung ba yis/ /mtha' bral lta pa gong na med
pa'i mchog /blo bzang rgyal ba'i bstan dang mjal bar shog /stong
dang rten 'byung gcig las gcig 'char

zhing; ;rtog btags phra mor bya byed kun 'thad pa'i/ /klu sgrub
lugs bzang bden gnyis ches phra'i gnad/ /blo bzang rgyal ba'i
bstan dang mjal bar shog /zab mo'i theg la snod rung bsgrub tshul
dang/ /dpal ldan rgyud sde bzhi yi lam

gyi 'gros/ /gsang ba'i gnad kun 'byed la zla bral ba'i/ /blo
bzang rgyal ba'i bstan dang mjal bar shog /gzhi yi skye shi bar
dor 'khor ba'i rgyun/ /lam dang 'bras bu'i sku gsum nyid bsgyur
ba'i/ /srid pa'i 'khor lo gcod la myur ba'i

'grul//blo bzang rgyal ba'i bstan dang mjal bar shog /myur lam
bla med theg pa'i lam gyi srog /rlung sems d+hA tIr sdud pa'i
lhan skyes dbying/ /dngos su 'dren tshul gzhan las khyad zhugs
pa'i/ /blo bzang rgyal ba'i bstan dang

@017a @#/ /mjal par shog /gnyug ma'i sems kyi rang zhal rjen cher
du/ /mngon du byas nas de nyid bde stong gi /dbyings su 'jug
pa'i thabs mkhas ches lhag pa'i/ /blo bzang rgyal ba'i bstan
dang mjal

bar shog /rlung sems tsam las mtshan dpe'i bzhin lag gar/ /sgyu
'phrul dra bar dngos su ldang ba'i tshul/ /gzhan gyis cha tsam
dpog min ngo mtshar gnad/ /blo bzang rgyal ba'i bstan dang mjal
bar shog /don gyi

lhan skyes dbyings dang sgyu 'phrul gar/ /mnyam sbyor dpa' bar
'gro ba'i ting 'dzin gyis/ /sku bzhi'i sa la skad cig nyid 'jug
pa/ /blo bzang rgyal ba'i bstan dang mjal bar shog /myur las
ches myur mi lo bcu gnyis dang/

lo gsum phyogs gsum tsam la'ang zung 'jug gi /go 'phang bde blag
sgrub pa'i nye lam mchog /blo bzang rgyal ba'i stan dang mjal
bar shog /mdor na skye zhing skye ba thams cad du/ /ston pa 'jam
dbyangs bla mas rjes

bzung zhing/ /bstan pa grub mtha' kun gyi yang rtse mchog /blo
bzang rgyal ba'i bstan dang mjal bar shog (/ces khams gsum chos
kyi rgyal po tsong kha pa chen po'i bstan pa da' mjal ba'i smon
lam rjes 'dzin thugs rje'i skyabs sbyin zhes bya ba 'di yang/

dga' ldan bstan pa'i sbyin bdag gzim bshad sgra 'og pa'i sku ngo
mi rje dpal 'byor bsod nams dbang phyug mchog dang/ mang thos
sgrub pa'i rgyal mtshan 'dzin pa'i bshes gnyen dam pa ngag dbang
bzod pa mchog zung nas/ bdog pa'i gnang skyes gya nom pa dang
bcas snga mo nas bskul ma

@017b (mdzad cing/ rang nyid kyang 'jam mgon rtsong kha pa chen
po'i bstan pa'i khyad chos cha shas tsam mjal bas phyir mi ldog
pa'i chos kyi rjes su 'brangs pa'i dad pa drag pos smon pa'i
mtshams sbyor 'di lta bu zhig 'bri ba la spro ba shin tu btegs
kyang/ mdo smad du bskyod ring 'chad rtsom gzhan

gyis go skabs 'phrog ste ma 'grub mod/ slar rab rgyal me glang
mgo zla'i yar gyi dga' ba gnyis pa'i tshes bzang por pha bong
kha'i sprul ming pas rang shag dben gnas bkra shis chos gling du
rdzogs par sbyar ba'i yi ge pa ni 'dan chos 'khor dgon gyi grwa
rigs dge slong blo bzang

rdo rjes bgyis pa rang gzhan 'brel thogs dang bcas pa tshe rabs
'jam mgon sla ma'i bstan pa dan mi 'bral bar de de bzhin du
'grub par gyur cig/ // ! yongs rdzogs lam gyi 'khrul pa 'gog
pa'i smon lam zab don snying gi nor bu zhes bya ba bzhugs so//)
rab 'byams

skyabs kyi phung po ji snyed pa/ /rdo rje'i dkyil 'khor gcig tu
rdzogs pa'i gar/ /drin can bla ma'i gsang gsum byin brgya yi/
/dge legs bdag gi lus ngag yid la phobs/ /khyod kyis ji bzhin
'doms pa'i brtse ba'i dbyangs/ /

mdo sngags lam gyi rim pa'i zab don bcud/ /nyin bzhin myang bas
nyams dang rtogs pa'i rtsal/ /sa lam 'bras bu'i pha mthar spyod
gyur cig /tshe rabs sras kyi thu bor dgyes bzhin du/ /rjes bzung
zhal bzhes mi 'gyur brtse

ba'i dam/ /ji bzhin byang chen snying po'i mthar bskyangs pas/
/pha rjes bu yis zin pa yid gyur cig /bla ma blo bzang rdo rje
'chang dbang gis/ /ma nyes bzhin sgrub po rjes su bzung ba'i
mthus/ /thos bsam sgem pa'i ngal bar ma

@018a @#/ /bltos pa'i/ /sa lam nyams rtogs pha mthar myur phyin
shog /blo bzang snyan brgyud las 'ongs zab don gyi/ /bdud rtsi'i
chu rgyun snying la sim pa yis/ /mdo sngags lam gyi rim pa'i myu
gu'i rtser/ /

sku bzhi'i snye ma g.yur du dud par shog /sems mchog rin chen
'dren pa'i thabs mkhas su/ /'di snang chos brgyad smyon pa'i
zlos gar dang/ /srid 'byor srin po'i bu mo'i bslu brid du/
/mthong ba'i nges 'byung shing rta'i shugs

rgyas shog /cho ga tshig bshar tsam dang yid smon tsam/ /rin chen
sems su 'khrul pa spangs pa yi/ /bcos min rgyu 'bras bdun gyis
drangs pa yi/ /rin chen sems mchog myur du 'byongs par shog
/bying ba phra mo sgom du

'dzin pa'i/ /lam ngan g.yangs spangs pa'i dbu ma'i lam/ /stong
dang rten 'byung zung 'jug myur rtogs shog /sku gsum lam 'khyer
gnad dang bral ba yi/ /lha yi gsal snang tsam la bskyed rim du/
/'khrul ba spangs pa'i rdzogs rim yongs

rdzogs kyi/ /smin byed rim pa dang po mthar phyin shog d+hU tIr
zhugs gnas thim pa'i gnad med pa'i/ /bde drod tsam gyi rlung
sbyor rdzogs rim du/ /'khrul ba phyi rol lam las khyad zhugs
pa'i/ /las rlung d+hU tIr myur du bsdu nus shog /mi

@018b rtog bde gsal tsam dang gsal stong tsam/ /lhan skyes bde
stong mchog tu 'khrul min par/ /gnyug ma'i ngo bo mngon sum lhan
skyes bde'i/ /rang bzhin 'od gsal dbyings su myur 'jug shog
/stong pa'i rnam 'gyur bzhin lag mtshan

dpe'i gar/ /mtshan dpe'i lha sku rang bzhin 'od gsal nyid/ /mthar
thug mchog gi bden gnyis dbyer med 'bras/ /zung du 'jug pa'i
dga' ston myur thob shog /de ltar ljongs 'di'i mkhas grub du mas
kyang/ /phyogs tsam rnyed min blo

bzang snyan brgyud kyi/ /zab gnad 'khrul pa tsha tsam spangs pa
yi/ /yongs rdzogs lam bzang myur du mthar phyin shog /de ltar
bsgrub la 'gal rkyen kun zhi zhing/ /mthun rkyen 'bad med yid
bzhin 'grub pa yi/ /sdongs grogs

gnas gsum dpa' bo mkha' 'gro dang/ /dam can rgya mtshos na ma
yang mi g.yel mdzod/ (/ces pa 'di yang pha bong kha'i sprul
ming pas dad ldan 'ga'i ngor sbyar ba'o// ! //dpe nas dgon gyi
gnas yig mdor bsdus bzhugs//) ! blo bzang

mdun sa dben sa chos kyi pho brang zhes/ 'og min/ mkha' spyod/
dga' ldan gyi zhing sogs dang gnyis su ma mchis pas/ phyi ltar
na dben sa yab sras kyis byin gyis brlabs shing/ gnas yi las
gsungs pa ltar gyi rten khyad par

can dang/ rang byon dang/ phyag rjes zhabs rjes sogs rdzu 'phrul
gyis khyad par du mas mngon par brgyan pa'i sa rdo ri brag sogs
kyi bkod pa'i khyad par ngo mtshar ba'i dben pa'i gnas mchog
/nang ltar na dba' po dang mkha' 'gro dpag tu

@019a @#/ /med pa sprin ltar 'dus nas sgrub pa po'i rgyud byin
gyis rlob pas gnas gzhan du tshe gang bsgrub pa las 'dir lo gcig
sgrub pa dang/ gnas gzhan du lo gcig bsgrub pa las/ gnas 'dir
zla gcig sgrub pa

dang; gnas gzhan du zla gcig bsgrub pa las gnas 'dir zhag gcig
sgrub pa byin rlabs kyi tshan kha myur la/ las kyi sgrib pa byang
zhing spangs rtogs kyi yon tan skye myur ba'i grub pa'i gnas
mchog/ gsang ba ltar na dpal ldan mi bskyod

rdo rje'i lha tshogs/ bcom ldan 'das he ru kaHI lha tshogs/ dpal
'jigs mdzad rdo rje'i lha tshogs rnams rtag tu rol ba'i ye shes
rang snang gi gzhal med khang chen po/ dga' ldan sgrub brgyud
bstan pa'i chu 'go/ da lta'ang dam nyams

dang dam sel sogs kyi bslad pa ma zhugs pas gnas kyi byin ma
nyams par bzhugs pa 'di nyid la gnyug mar gnas pa dang/ phyogs
dang phyogs nas 'dus pa'i skye 'gro du mas las nyon sdig sgrib
sbyong zhing/ tshogs gnyis bde blag tu

rdzogs pa'i phyir bskor ba bya ba ni/ spyir las sgrib sbyong
phyir dang/ bsod nams kyi tshogs rdzogs phyir ji tsam bskor nus
pa skor ba las/ mtha' gcig tu grangs su bcad pa'i nges pa mi
dgos kyang/ sdig sgrib sbyong ba'i phyir du yig brgya 'bum

phrag bsal ba dang/ phyag 'bum phrag gsog pa dang/ yi dam gyi
lha nye bar bsnyen par bya ba'i phyir bsnyen pa 'bum gyi grangs
su gsog pa sogs dang mthun par/ rten gyi gtso bor bskor ba 'bum
phrag gcig thob tshad gtan la phab ste phyi bskor gyi bskor tshad
res bzung du mdzod

@019b pa dam pa snga ma rnams kyi phyag bzhes su snang zhing/
saM skr-i ta'i skrad du pradk+Shi ta zhes pa g.yas phyogs gshegs
pa'am rab tu bskor ba zhes pa ste/ de ni mdo sde rgyan gyi rgya
'grel las/ skor ba byed pa la sogs pa ni bkur stis mchod pa'o/
/zhes gsungs pa

ltar dang/ jo bo rje'i lam yig las kyang/ rgya gar du grong
khyer chen po dang/ gtsug lag khang dang/ khas rbA Ni'i lha
khang so sor bskor ba byas pas dngos grub thob pa dang/ rkang
'bam gyi nad gsos pa sogs kyi lo rgyus gsungs pa dang mthun
zhing/ yul khyad

par can la gtso bor lus kyi sgo nas bskur sti byed pa ste/ dkyil
'khor du 'jug pa'i skabs kyang sgo dbye ste nang du zhugs ma
thag lha tshogs rnams la skor ba lan gsum bskor ba'i rjes su
phyag bya bar gsungs pa rnams bskor ba bya ba'i khungs mthar
thug

pa yin no/ /'dir gang la bskor ba bya yul rten gyi gtso bo ni/
kun gzigs paN chen dpal ldan ye shes kyi gsung las/ de na rgyal
ba kun 'dus dben sa ba/ /blo bzang don yod grub pa'i mtshan dpe'i
sku/ /sems dpa' sum brtsegs rang bzhin du bzhugs

pa; ;'og min gnas mchog longs spyod rdzogs sku bzhin/ /zhes
gsungs pa ltar/ zung 'jug grub pa'i dpa' bo dben sa pa chen pos
sku tshe de nyid la mi slob pa'i zung 'jug gi go 'phang mngon du
mdzad pas 'bras dus kyi sku thugs dbyer med mi slob pa'i zung
'jug

gi pongs spyod rdzogs sku gang na bsti ba'i rags pa'i za ma tog
gi sku'i snang brnyan/ mya ngan las 'da' skabs lhag med du gyur
la khad kyi skabs mkhas grub chen po sangs rgyas ye shes kyis
gdung shugs drag pos gsol ba btabs pa'i ngor khru gang tsam

@020a @#/ /du gangs can bsod nams kyi spyi nor du bzhugs pa'i sku
gdung rin po che ye shes sems dpa'i tshul du bzhugs pa'i 'dra sku
rin po che mthong ba don ldan/ 'di ni gdul bya thun mong ba'i
snang dor sku gdung gi tshul du bzhugs kyang/ thun

mong ma yin pa ltar na skyes mchog dam pa rnams kyi gzigs ngor
mi slob zung 'jug rdo rje 'chang sems dpa' sum brtsegs kyi rang
bzhin dngos gnas pa ste/ kun gzigs dpal ldan ye shes kyis/ sems
dpa' sum brtsegs rang bzhin du bzhugs pa/ /'og min

gnas mchog longs spyod rdzogs sku bzhin/ /zhes gsungs pa dang/
rgyal dbang thams cad mkhyen pa bsod nams rgya mtshos 'dra sku
rin po che 'di nyid rdo rje 'jigs byed kyi skur dngos su gzigs
pa la sogs pa skyes mchog dam pa rnams la gzigs tshul mi 'dra ba

mang du byung ba bcas rang cag tha mal ba'i snang dor snang
brnyen gyi zol tsam las/ don du longs sku rdo rje 'chang mngon
sum nyid du bzhugs/ gzhan yang zung 'jug grub pa'i dbang po rje
skyabs mchog dpal bzang gi sku gdung gi zhun tig las shAkya'i
rgyal po/ gsang

bde 'jigs gsum/ kyai rdor/ rdo rje mi 'khrugs pa'i sku rnams lha
bzo mkhas pas mngon par bskrun pa lta bur rang byon du phabs pa
sogs nang gzhugs su bzhugs pa'i rje skyabs mchog dpal bzang gi
snang brnan byin can/ zung 'jug grub pa'i dbang po

sangs rgyas ye shes kyi sku gdung zhugs la spyangs pa las ring
bsrel sran ma tsam zhig gi snying por byas shing/ phyi rnams
ring bsrel gyis byur bur gtams pa'i thugs gnyis/ ljags/ spyan/
rtsa dbum byang sems dkar dmar gyis gang ba/ dbu

@020b klad ring bsrel gyis byur bur gtams pa sogs nang bzhugs su
bzhugs pa'i mkhas grub sangs rgyas ye shes kyi 'dra sku/ rje
btsun blo bzang chos kyi rgyal mtshan gyis rten bzhengs kyi thog
mar mdzad pa bur khang gi sa phag rnams la gzhi byas nas bzhengs
pa'i sku tshe byin rlabs

kyi mchod rten rje btsun blo bzang chos kyi rgyal mtshan gyis
bzhengs bskrun rab gnas mdzad pa/ rje bsod nams phyogs kyi glang
po'i thugs dam gyi rten sku rgyu lim las grub pa'i thub dbang
rdzu 'phrul gyis nam mkha' la byon nas zhabs kyis bcags pa'i sar
na bza'

lus; de'i shul nas sgrub chu'i rgyun byung ba ri'i steng du
bzhugs nas gsung byon cing/ lung bstan mdzad pa sogs shin tu jo
mtshar che zhing/ grong dang yul ljongs su mi phyugs nad yams
than pa la sogs pa byung pa'i skabs skor bar spyan drangs na
nyer 'tshe rnams

zhi zhing/ char chu myur du 'bebs pa sogs byin rlabs shin tu che
ba'i thub pa grong kyer ma/ ye shes mgon po'i snang brnyan byin
can paN chen thams cad mkhyen pa blo bzang dpal ldan ye shes sku
rkyang gis mgon khang gi zhal phyes te zhib gzigs gnang skabs lo
snga

mar phul ba'i gtor ma/ phye mar/ shing tog/ gtor gdugs dang bcas
byi bas zos pa sogs kyi skyon gang yang min par lhag med du
bzhes nas snod rnams gdab dar bgyis pa lta bur snang bas chos
skyong mnyes pa'i rtags mtshan legs 'dug ces

dugs shin tu dgyes nyams kyis gtor ma spyan gzigs dang bcas pa
gsar du 'bul gnang mdzad pa'i ye shes mgon po yin tu byin can/
mkhas grub thams cad mkhyen pa'i zhun tshig las grub pa'i rgyal
ba byams pa 'khor los sgyur ba'i cha byad can gtso

@021a @#/ /'khor gsum/ mkhas grub thams cad mkhyen pa'i thugs dam
rten ye shes mgon po phyag drug pa'i sku brnyan slo'u chung ma
gsung byon/ rje btsun dpal ldan ye shes kyi gsung las/ chos
sku'i rten mchog ngos la shAkya'i

rgyal; ;gang gi tshems bzang bzhugs pa'i rdzi phyogs kyi/ /rlung
gi reg pas mtshams med 'bras bu yang/ /zhi bar byed na nyes gzhan
lta ci smos/ /zhes gsungs pa ltar gyi de bzhin gshegs pa shAkya
thub pa'i tshems mche ba bzhi'i ya gyal 'khrul med gcig/

gzhan yang sangs rgyas byang sems dam pa du ma'i rib bsrel/ zhun
tshig las grub pa'i rang byon/ dbu skra/ na bza' sogs nang gzhugs
su bzhugs pa'i snang brnyan byin can gsung byon ma dang ye shes
dngos zhugs sogs dpag tu med pa bzhugs pa

rnams 'dir zhib tu brjod par mi nus la/ gnas kyi khyad par ngo
mtshar ba ji snyed cig bzhugs pa rnams kyang 'dir phyogs tsam
yang brjod par mi nus pas gnas bstod dang/ gnas yi ge dkar chag
rnams las shes par bya'o/ (/'di yang/ khyab

bdag 'khor lo'i mgon po rje pha bong kha pa bde chen snying po
dpal bzang pos mdzad pa'o//) // ! rgyal kun snying rje'i rang
gzugs mig mi 'dzum/ /mi yi sgyu 'phrul thub bstan rgya mtsho
dang/ /snang mtha'i rol gar chos kyi nyi ma'i

zhabs; ;rgyal ba yab sras gnyis la gsol ba 'debs/ /zung 'jug
rigs brgya'i 'khor bsgyur mi yi tshul/ /ngag dbang blo bzang
bstan pa'i rgyal mtshan mchog /pha bong kha ba byams pa bstan
'dzin zhabs/ /bka' drin mtshungs med gnyis

@021b la gsol ba 'debs/ (/'di yang/ ser smad thos bsam nor bu'i
gling gi chos grwa'i zhal 'on du stsal ba'o// ! lung med/ //sku
brnyan khag gi 'dod gsol la/ bla mar/) bla ma blo bzang thub
dbang rdo rje 'chang gis dbus rgya chen sbyod brgyud/ zab

mo lta brgyud/ nyams len byin brgyud/ rlabs chen spyod brgyud la
sogs pa'i rtsa brgyud kyi bla ma rnams rten 'di la brtan par
bzhugs nas/ rten 'di mthong thos dran reg gi 'gro ba thams cad
smin ci bgrol bar mdzad du gsol/ bka' drin gsum

ldan rtsa ba'i bla ma rje btsun x dpal bzang po sogs bdag la
chos 'brel dngos thob kyi rtsa ba'i bla ma dam pa rnams/ zhabs
pad bskal brgya'i bar du brtan par bzhugs nas/ mdzad 'phrin
bzang po thugs bzhed ltar 'grub pa dang/ bdag

mtshan dngos su 'jug /sogs gdul bya'i tshogs rnams kyi gnas skabs
sun dag don par gcod mi mthun pa'i hpyogs rnams nye bar zhi
zhing/ tshe bsod dpal 'byor snyan gags mthu stobs sogs bde legs
thams cad 'phel ba dang/ tshe rabs thams

cad du'ang tshad ldan dge ba'i bshes kyis mnyes bzhin rjes su
bzung nas/ bshes gnyen bsten tshul nas mi slob zung 'jug gi bar
gyi lam 'bras bu dan bcas pa'i rtogs pa myur du mthar phyin par
mdzad du gsol/ yi dam la/ bcom

ldan 'das dpal gsang ba 'dus pa dang/ 'jam dpal gzhin rje'i
gshed/ dpal 'khor lo sdom pa la sogs pa rab 'byams rgyud sde
bzhi'i lha tshogs rnams rten 'di la brtan par bzhugs nas/ rten
'di mthong thos dran reg x mdzad

@022a @#/ /du gsol/ bdag x sogs pa rnams kyi gnas skabs mi 'dod
pa'i nyer 'che mtha' dag nye bar zhi zhing/ tshe bsod dpal 'byor
snyan grags sogs legs tshogs thams cad yid bzhin du 'grub pa

dang/ las nyon sdig sgrib tha mal gyi snang zhe na/ kun rtog las
rlung gi rgyu ba dang bcas pa mi shigs gnyug ma'i dbyings su dag
ste/ gzhi'i skye 'chi bar do'i 'phrul 'khor lam 'bras kyi sku
gsum du smin cing/ 'od gsal bde stong gi

rang gzugs lhan skyes sgyu 'phrul drwa ba'i skur bzhengs te/ sku
thugs zung 'jug rdo rje 'chang gi go 'phang rin po che tshe 'di
nyid la thob pa dang/ mdor na mchog thun gyi dngos grub thams
cad bde blag tu thob par mdzad du gsol/ srung mar/ rgyal

ba'i bstan srung dpal myur mdzad ye shes kyi mgon po phyag drug
pa/ dam can chos kyi rgyal po/ rgyal po chen po rnam thos sras
la sogs pa'i bstan srung dam can rgya mtsho rten 'di la brtan par
bzhugs nas/ bdag cag gi dpal ldan bla

ma dam pa rnams kyi sku tshe mdzad 'phren rgyas pa la bar du gcod
pa rnams nye bar zhi nas/ sku tshe mdzad 'phrin bzhed don ji
bzhin rgyas pa dang/ bdag x sogs 'khor dang bcas pa'i mi 'dod
nyes brgya'i 'tshe ba drungs nas phyung ste 'phral

phun phan bde'i dge mtshan 'bum du bzhad pa'i 'phrin las dang las
bzhi'i stong grogs zab mo tsandan dang de'i dri bzhin nyin mtshan
dus drug tu nam yang g.yel ba med pa mdzad du gsol/ mdzad du
gsol// //

@022b ! rje nyid kyi gsung bla ma rgyang 'bod chos gling spar
ma'i smon tshig /bla ma rjes su dran pa'i gdung ba'i dbyangs/
/bla ma'i rnal 'byor snying por gyur pa 'di/ /bla ma'i bran gyur
blo bzang rdo rje zhes/ /bla mas rjes su 'dzin des spar du

bsgrubs/ /rnam dkar de yis rgyu sbyor nyid dang pha/ /rnam par
drin gyis skyong mdzad dpal ldan sogs/ /rnam par 'tshe ba'i ngal
ba ring btang nas/ /rnam 'dren bla ma'i go 'phang myur thob shog
/ma rgan tshe ring sgrel mas gtso byas

pa'i; ;ma gyur 'gro ba kun kyang ngan song sogs/ /ma rig dman
pa'i gnas su mi gzhol bar/ /ma nor lam 'bras bde blag myur bgrod
shog (/ces pa'ang rtsom pa pos smras so// ! //mahA paNDi ta co
ne bla ma rin po che'i

gsung las nyer mkho btus pa bzhugs/) ! thos bsam sgom gsum gyis
shes rab bye smra ltar na/ rim bzhin ming dang ming don gnyis ka
don kho na'i yul can du 'dod/ dbyig gnyen gyis/ thos byung ming
la dmigs pa dang/ don

la dmigs pa sgom byung du bzhed/ lung dang/ rigs pas dpyad pa
dang/ sgom pa las don rtogs pa gsum rim bzhin shes rab gsum du
bzhed/ tshul gnas thos dang sogs mi g.yeng ba'i rgyu tshul
khrims/ mi rmongs pa'i rgyu zos pa/

don rtogs pa'i rgyu bsam pa/ nyon mongs mngon gyur ba dang sa
bon spong pa'i rgyu 'jig rten dang 'jig rten las 'das pa'i sgom
pa la rab tu sbyor/ ! thos pas chos rnams shes par 'gyur/ /xxx
phyi ma gsum las kyi

@023a @#/ /kun 'byung sdig las ldog pa dang/ nyon mongs pa'i kun
'byung rnam g.yeng sogs spong ba dang/ skye ba'i kun 'byung
'khor ba spong ba'i myang 'das thob tshul gsum la sbyar/ ! gang
zhig thos pas sogs

dang pos dang ba'i dad pa/ gnyis pas de dag la nges shes skyes
nas yid ches kyi dad pa/ gsum pas de dag mngon du bya 'dod kyi
dad pas sgom byung skye zhing nyon mongs spong tshul gsungs/ yang
de gsum rim bzhin thos bsam sgom

gsum gyi shes rab dang/ thog /bar/ mthar dge ba la sbyar tshul
gsungs/ ! thos pa gti mug mun sel sogs rgyas bshad/ gti mug mun
sel bshes gnyen bsten tshul la rmongs pa'i gti mug sogs lhag
mthong la rmongs pa'i

gti mug bar lam yongs rdzogs la sbyar/ de bzhin du dpung gi
mchog bar rigs 'gro/ tha ma 'di mi mthun phyogs kyi dpung de
dang de dag gi gnyen po phyogs kyi dpung la sbyar/ bar pa rnams
rigs 'gre/ grags dang dpal dang sogs

gnas skabs kyi phan yon dang/ mthar thug gi phan yon gnyis ka
dang/ kyang zhes pa 'di man gnas skabs mthong chos kyi phan yon
bstan pa'i 'byed tshig /gtan tshigs don rnams sogs chos ston tshul
te/ de yang rkang pa dang po gnyis

kyis lung tsam min par rigs pa'i lam nas drangs te nges shes
skye thub pa zhig dang/ phyi ma gnyis kyis tshig nus che zhing/
tshig sbyor phun sum tshogs pas gdul bya mtha' dag gi rgyud la
'jug pa zhig dgos par bstan/ dul zhing rab

@023b tu gsal sogs bzhi phan pa ji ltar 'byung tshul/ thos dang
ldan na sogs bzhi sngar gyi phan yon rnams don bsdus te/ dang po
gnyis kyis gnas skabs dang/ phyi ma gnyis kyis mthar thug gi
phan yon bshad/ ! skye ba'i rdzong las tshegs chung

sogs chung ngus ngan song du skye ba'i rdzong las thar/ 'bring
gis 'khor bar skye ba'i rdzong las thar/ chen pos ma rig bag
chags kyis dang zag med las kyis skye ba'i rdzong las thar/ !
thos pa'i phan yon ji snyed gsungs pa rnams kyang thos pa'i

rjes su bsam sgom 'byung ba'i dbang du byas/ thos rkyang byas na
phal cher tshe 'di'i snang zhen gyis 'ching bar 'gyur zhing/ chos
brgyad gang rung zhig gis zin par 'gyur bas nyes dmigs chen po
skyed/ mdo las/ smra la dga' ba'i nyes pa 'di dag

go; zhes mang du gsungs/ lhag bsam bskul mdo'i lung gzhan dang/
rnam bshad rigs pa las/ khye'u'i mgul du gter gyi kha byang
btags pa dang/ mel tshe ba dang rol mo mkhan/ long ba mar me
'dzin pa sogs kyi dpe dang sbyar nas gsungs pa

dang/ bzhi brgya pa las/ shAkya gos med bram ze sogs kyi dpe
dang sbyar ba dang/ drag shul can gyis zhus pa sogs mdo lung
dang sbyar nas mang du gsungs/ ! smra la dga' ba'i nyes pa ni/
long gtam smra la dga' ba tsam min par sde snod kyi tshig

thos nas bsam byung gi nges pa mi tshol bar gzhan la 'chad pa la
dga' ba'i nyes dmigs su gsungs/ thos chung dam bca' mi brtan
cing/ bag chags brtan po 'jig mi nus pa rin po che gsum gyi gtam
gyi sbyor ba dang/ lhag bsam bskul

@024a @#/ /mdo/ zla ba sgron me'i mdo/ po to'i lam rim sogs kyi
lung gsungs/ tshig tsam ji tsam bsags kyang dga' ba khyad 'phags
mi thob la/ tshig gcig gi steng nas bsam ste nges pa rnyed na
dga' ba khyad

'phags thob ste/ lhag bsam bskul ba las/ yun ring dus nas sogs
gsungs/ rje rgyal pa gnyis pas thos bsam sgom gsum nyams su
bstar tshul myong khrid kyi tshul du smon lam gnang ba/ rnam dag
rigs pa'i stobs kyis gsung rab

don; ;xxx ces gang zhig thos pa dang/ gang las thos pa dang/ ji
ltar thos tshul sogs gsum ste thos bya mtha' yas ba'i gsung rab
dgongs 'grel dang bcas pa/ thos yul lung don rigs pas 'byed nus
pa'i bshes gnyen/ thos

tshul lan re gnyis tsam min par ngoms pa med par thos dgos/ thos
don bsam byung gis skyong tshul/ ji ltar thos pa'i don la xxx ces
ngas ma byung rang gi ngo bo thos don la rigs pa bzhi sogs kyis
dpyod pa/ dpyod pa'i dus rgyun chad

med pa/ bsam byung du gyur tshad/ byed las sogs bstan/ bsam byung
gi nges pa rnyed nas bsgom tshul/ gang tshe shin tu xxx ces gang
bsgom bya'i chos/ bsgom ba'i kun slong gi ma mtha' tshe 'di'i
'khri ba chod pa/ bsgom tshul

gus sbyor dang rtag sbyor gyi brtson 'grus/ bsgom pa'i gnas
mtshan nyid lnga ldan/ nyes pa lnga spong/ 'du byed brgyad bsten
pas gzhung bsrang/ sems gnas dgu yid byed bzhi ldan du gzhung
lugs nas tshul ji ltar bshad pa bzhin sgrub

@024b dgos lugs bstan/ rje nyid kyis kyang de ltar mdzad pa 'dun
legs ma dang bsdus don gnyis su gsungs/ de ltar thos bsam sgom
pas sogs skyes bu gsum la sbyar nas thos bsam sgom gsum gang la
zhugs kyang tshang bar bsdus tshul

yin nam snyam/ ! nyams su blang bya'i chos sgrub pa lhur len yin
kyang/ kun slong gis thos rtsod lhur len du gyur na don med don
log sogs gsungs pa ltar 'gyur/ ! nyan pa'i kun slong gi skyon
bcu gsum/ gnyen po bcu drug sogs

rnam bshad rigs pa las gsungs pa ltar gsung/ rgyan las/ skyon ni
bcu tshan bzhir x x zhes pa'i thad kyi mdo las 'gal rkyen rang la
brten pa nyi shu/ rang gzhan gang rung la brten pa nyi shu/
mthun rkyen mtshang nyer gsum/ gzhan la

brten pa gsum/ de rnams kyang snod kyi skyon gsum du 'du tshul/
mdo las/ legs par rab tu sogs gsum/ dgag phyogs nas bshad na
char babs kyang chu'i bya ba mi byed ba'i skyon gsum dpe don
sbyar/ yang nad pa sman pa'i lung ma shes

pa dang/ log par shes pa dang/ legs par shes kyang sman chud
gzan pa gsum/ yang nad pa zas mi za ba dang/ mi 'phrod bza ba
dang/ 'phrod pa zos kyang skyugs pa gsum rim bzhin no/ /sgrub
phyogs nas bshad na/ bzhi brgya ba'i gzur

gnas sogs dang/ rgyud bla ma las/ de ltar yid ches sogs dang/
rnam 'grel las/ skye bo phal cher phal la chags shing sogs mdo
'di'i don dang gnad gcig tu babs/ 'di'i legs pa zhes pa dang/
rgyud bla'i mos pa phun tshogs/

@025a @#/ /bzhi brgya ba'i don gnyer phun tshogs gsum 'dra/ 'di'i
rab tu nyon zhes pa dang/ bzhi brgya pa'i blo ldan/ rgyud bla'i
blo phun tshogs gsum 'dra ste/ chos rab rnam 'byed shes rab kyis
dri ma can spong tshul bstan/

yid la zungs zhes pa dang/ gzur gnas dang/ dge ba phun sum tshogs
pa gsum gnad 'dra ste/ bla ma'i gsung ras su bor ba'i zhabs rdol
gyi skyon spong ba bstan/ rnam 'grel gyi shes rab mtshan 'dzin
gyi blo dang/ tha mal snang zhen sogs kyang 'gog gsum skyon la
sbyar/ gzhan yang/ thog par mthar dge ba dang/ nyes pa chung
'bring che gsum gyi gnyen bo dang/ tshig 'bru dang/ don dang/ de
gnyis ka 'dzin pa la sbyar tshul sogs brgyad stong 'grel chen las
bshad/ gsum rim

bzhin thos bsam sgom gsum gyi shas rab skye ba la bar du gcod/
mtshan 'dzin gyi blo dang/ tha mal snang zhen sogs kyang 'gog
/dri ma can shin tu mang ba brgyad khri bzhi stong sogs dang
sbyar/ ! sems kyi na dngos ma zin na/ thos

sam sgom sogs gang byas kyang chos su 'gro dka'/ chos la sman
gyi 'du shes skabs/ de skyabs dngos yin tshul dran/ mdo las/ thub
rnams sdig pa xxx bden bzhi la rim bzhin sbyar/ 'du shes lnga pa
drug pa'i skabs ston ba nyag

gcig thar 'dod la mi slu ba'i tshad ma'i skyes bur 'du shes ba
dang/ bstan pa khon thar 'dod kyi 'jug ngogs su 'du shes tshul
yin pas/ rgyas ba rnam 'grel las shes par bya zhing/ bsdu na/
rgyal ba gnyis pas/ phan

@025b mdzad de yi bstan pa'ang xxx zhes ba ltar ro/ /'du shes
drug gang dang gang nyan pa la sbyar tshul/ dper na bshes gnyen
bsten tshul lta bur/ rang skyon rtog gi dbang du song ba'i nad
pa/ de ston pa'i bla ma la sman pa/ de'i chos skor la

sman; sangs rgyas dngos su mthong ba'i dang gus kyis nad 'tsho
ba/ gdams ngag de thog mar gsungs ba'i sangs rgyas tshad ma'i
skyes bu/ gdams ngag de 'jig rten na yun ring du gnas par smon
pa ste drug /de bzhin du dal 'byor stong log tu

byed pa'i nad ba/ rtag 'dzin gyi dbang du song ba'i nad ba/ ngan
song gi sdug bsngal gyis mnar ba'i nad ba/ sdug kun gyis mnar
ba'i nad pa/ rang gces 'dzin dang srid zhi'i rgud pas mnar ba'i
nad pa/ bying rgod kyi dbang du song ba'i nad pa/

mtshan 'dzin gyis bcings ba'i nad pa/ tha mal gyi snang zhen sogs
kyi nad ba sogs rim bzhin sbyar/ ! nyan tshul gnad du song na
bsam sgom gnad du 'gro zhing/ de min lha bdud du babs pa ltar
'gro/ ! chos kyi sgra don skabs/

skyes bu chung dus ngan 'gror ltung ba las 'dzin pa dang/ 'bring
gis 'khor bar ltung ba las 'dzin pa dang/ chen pos srid zhi
gnyis ka'i mthar ltung ba las 'dzin pa sogs rang rang gi 'dzin
tshul re yod par shes dgos so// //

@#/ /blo bzang ring lugs thub bstan snying po nyid/ /bshad sgrub
chos kyi nyi ma 'bar ba'i gzis/ /gsal mdzad dge legs rnam par
rgyal ba'i mgon/ /zhabs sen bskal brgyar brtan pa'i 'phrin las
mdzod/ /rlangs chen bzhed

@026a @#/ /don 'bad med lhun gyis 'grub/ /'phrin las snang bas
gsum khyon du srel/ /bar gcod yid srubs sde bcas thal bar rlog
/chab srid gdugs dkar srid gsum blar sgreng mdzod/ /blo bzang
thub dbang

gnyis pa'i bstan pa'i bdag /chos srid dbyangs kyi 'khor lo
bskyod pa'i rlabs/ /nyi ma bye ba 'bar bzhin sa gsum khyon/ /dge
legs snang bas rnam par rgyal gyur cig (/ces pa 'di yang/ kun
gzigs 7skyabs mgon chen po'i zhabs rim sle la

tshigs tu dgos tshul ltar/ 'khong kha'i sprul ming pas lugs zam
dgon thub bstan dar rgyas gling du sbyar ba'o// // ! 'phan po
nA lendrar bskyabs rbe gzim po rin po che'i mdun du phul ba/
khyad med/) dpal mgon zhal rnam 'gyur bcu

bdun gyi rjes gnang gras/ sgrub dus thun mong ma yin pa'i rjes
gnang gi skabs rtsa sngags ring thung/ grong bskyod 'khor lo'i
sngags rnams la las bzhi'i spel tshig ldog par gsungs pa'i ldog
lugs ji 'dra zhu dgos/ dkar po tshe

'phel thun mong ma yin pa'i rjes gnang skabs slob ma lhar bskyed
bdag bskyed ltar spyan ras gzigs kyi thugs kar dpal mgon dkar po
yod pa bskyed dgos sam/ spyan ras gzigs med (sngags cha tshang la
zhi ba/ rgyas pa/ dbang/ drag po'i srel

tshig mthug tu sbyar dgos/) ba'i dkar po tshe 'phel rkyang ba
bskyed dgos/ dpal mgon khyung zhal can gyi mngon rtogs skabs yig
rnying du 'di yin/ zhal bzhi'i steng du khyung zhal yod pa mdzad
'dug pa de lta na zhal lngar 'gyur la/ yig cha

@026b 'ga' zhig tu steng zhal gyi tshab khyung zhal byas te
khyung zhal zhal bzhi'i grangs su brtsis ba dang ma brtsis ba
gnyisu 'dug pa rang lugs ji ltar bya dgos/ gnad dbab kyi rjes
gnang skabs rig sngags go ldog pa 'bru re re nas ldog pa dang/
mdzad bas de la dgongs pa e yin snyam lags/) bcas kyi bka'

su dper na/ phaT hUM b+hyo wI re/ b+hyo hUM ('di yin 'dra/)
phaT de wI/ zhes pa gnyis snang ba gnyis ka bgyid rung ngam/
gsang 'khrid sde dge shar bla mas mdzad pa nag 'gros su bkod
ba'i nang slob ma'i grangs skabs ('di yin lags/) khrid kyi dbur
chos skyong 'di nyid

la shin tu gus shing dbu ma'i lta ba la mos pa snying nas byed
pa gcig gam gsum lnga las mi mang ba la zhes gsungs shing/ mjug
tu bka' rgyas btab ba'i skabs lus ngag gi dka' spyad theg pa'i
slob ma dam pa re re tsam zhes gsungs pa'i slob

ma'i grangs snga phyi gnyis 'gal bar snang ba ji lta zhu dgos/
('di snga phyi gnyis 'gal ba 'dra zhig 'dug kyang/ sgrub dus
thun min gyi rjes gnang dang/ snying dbus 'bral med bzhugs pa'i
khrid spu gri so 'debs 'di slob ma re re las mang bar mi mdzad
bas de la dgongs pa e yin snyam lags/) bcas

kyi bka' lan spyi bor stsol ba mkhyen mkhyen// / ! (lung med/)
mgon po bka' bcu bdun nang nas bka' rgya can gcig brgyud ni/
gnad dbab mgon po/ gsang khrid sngon 'gro'i mgon po/ mgon po
bkas gdong ma gsum dang/

yang thun mong ma yin pa mi lnga bdun las mi gnang ba ni/ bsnyen
dus thun mong ma yin pa/ sgrub dus thun mong ma yin pa/ dkar po
tshe 'phel thun mong ma yin pa/ ser po rgyas byed thun mong ma
yin pa bcas// // ! (lung med/) dpal

@027a @#/ /gsang ba 'dus pa'i bshad rgyud ye shes rdo rje kun las
btus pa'i rgyud rgyas pa zhig yod par rje btsun tsong kha pa
chen pos kyang bzhed par 'dug ste/ rim lngags la sgron las/ ye
shes rdo rje'i kun

las btus pa'i rgyud rgyas ba zhig yod par rdo rje 'phreng ba'i
'grel par gsungs zhes dang/ rje'i gsung ye shes rdo rje kun las
btus kyi 'grel ba dpe shog bzhi zur du phul ba ltar/ zhol spar
grangs/ 355 nas/ rgyud 'di laX ma 'gyur snang

ngo; ;zhes gsungs pa/ da lta'i 'di rgyas pa'i dum bu phyi ma
gcig tu bzhed/ rgyas pa'i bdun 'di skad bdag thos sogs gleng
gzhi yang yod pa shugs la bstan/ 'on kyang kun las btus pa 'bum
phrag gcig gsungs pa ltar na

shlauka 'bum yod pa'i lugs su snang bas da lta'i snga dge'i 'dir
yang dum bu tsam las yongs rdzogs ma 'gyur bar mngon/ grangs/
5ba1 nas kyang rgyas pa yod pa'i khungs gsal/ grangs/ 59na1 gsal
ba bcas rgyas pa

zhig yod par rjes kyang nges par bzhed kyang/ de dus phyag dben
son ba lta bus rjes gzigs med tshod/ gang ltar sde dge'i 'dri la
bsre bslad ma 'dres bar rgyud ba'i dum bu yin nges la sbar brko
bka' drin bskyang chog ba bcas

kyi bsnyel byang du gus phyag gis phul// // !(klu'i bum gter gyi
nang gzhug 'dod gsol ni/ lung) klu'i rgyal po chu bdag wa ram
Nas gtso byas klu chen brgyad po 'khor dang bcas pa dang/(med/)
khyad bar du yang gnas

@027b gzhi 'di nyid la gnas pa'i klu dbang 'khor dang bcas pa la
rin chen gter gyi bum pa bzang po 'di yul phyogs 'dir char gyi
rgyun rgya cher bab pa'i bka' drin gtang rag tu 'bul lo/ /dgyes
shing bzhes nas yul phyogs 'dir sad ser btsa'

than; nad yams mu ge/ klu dang sa bdag gi gnod pa thams cad zhi
zhing/ char chu dus su 'bebs/ lo phyugs rtag tu legs par dang/
bdag cag dpon slob yon mchod 'khor dang bcas pa'i bsam don yid
bzhin du 'grub cing/ 'bru nor longs

spyod; mnga' thang dpal 'byor/ chos srid kyi legs tshogs thams
cad 'phel zhing nas pa 'phrin las dang/ sdongs grogs zab mo
sngar bzhin mi g.yel bar mdzad du gsol// //! ngag dbang zhes pa
la skad dod/

wa ginpra zhes ba sdeb sbyor mi 'grigs bas/ sdeb sbyor gyi don
du dbang gi skad dong/ I shwarH ngag gi skad dod/ wA kra/ blo
bzang gi skad dod/ sud+hIH dbyangs kyi dman ba pha rol tu yang
dag par sbyor ro zhes pas su srog ka 'og tu drangs pas
wAklud+hiH

thub dbang gi skad dod/ mu nI ndraH gnyis kyi skad dod la rnam
dbye rnams kyi gnyis tshig kho na las mi 'jug kyang/ gnyis ba'i
skad dod la gcig tshig sogs 'jug pas/ 'dir gnyis pa'i dbang du
byas nas dwi la 'brel sgra rnam dbye drug pa'i gcig

tshig ngas byin/ da yig khyad par gyi don yin pas phyis/ srog gi
a bzhag /dwi a sra zhes gnas pa la/ dbyangs la i ya'o zhes
pas dwi yig gi i ya ru bsgyur pas/ dw'yas sra/ zhes gnas ba la
a srog ya 'og tu drangs pas/ dwyas sa ra dag gis

@028a @#/ /rnam bcad do zhes pas sa rnam bcad du bsgyur pas/
dwyaH zhes 'grug bstan pa'i skad dod shAs na zhes pa sdeb sbyor
mi 'grigs pas/ AdznyA/ zhes ba'ang bstan la 'jug bas 'dir
AdznyA sbyar te/ I shar wAksud+hA munInb+ha dwya
AdznyAH

rkang pa gnyis par/ rgya che'i skad dod/ A ya taH dbyar gyi
skad dod/ br-IbrShA/ mtsho'i skad dod samudrA la rnam dbye drug
pa 'brel sgra'i gcig tshig /ngas/ byin/ da yig khyad don yin pas
phyis/ srog gi a bzhag /dra a?s zhes gnas ba la/ 'dra ba'i yi
ge

'dus pa las ring po'o/ /zhes pas a gnyis ring gis gcig tu rong
bas/ /drAs zhes gnas ba/ sa ra dag gis rnam bcad do zhes sa
rnam bcad du bsgyur bas/ drA la rjes su 'gro ba'i skad dod/ a
nu bzhag ste drAH anu zhes gnas pa la/

A las a ba la dbyi'o zhes pas rnam bcad phyis/ dral anu zhes
gnas pa a dang drA'i srog gi A/ 'dra ba'i yi ge 'dus ba las
ring po'os A ring po gcig tu song bas/ samudrA nu yongs spro
ba'i skad dod/ utshAhaH zhes gnas pa 'dra ba'i yi ge

'dus pa las ring 'o'os u gnyis ring gis gcig tu song pas/
samdrAnUdsAhaH zhes grub bas/ A ye ta prA
pr-iShAsmudrAnUtshAhaH rkang ba gsum bar/ 'jigs bral gyi skad
dod/ nirb+ha yaH dbang phyug gi skad dod/ I shwarHdpal gyi

skad dod shrI la rnam dbye gsum ba byed pa po'i gcig tshig TA
bya ni/ TA yig khyad don yin pas phyis/ srog gi A bzhag /
shrI A zhes gnas ba la/ skyes pa'i rtags yin pas/ byings kyi
I U dag gi i ya u ba dag dbyangs la'o//

@028b zhes shrI'i I i ya ru gyur pas/ shrI ya A zhes gnas
pa dbyangs kyi dman pa mtshams sbyar bas/ shrI yA zhes grub/
phyogs kyi skad dod/ dik/ kun gyi skad dod/ sarba/ dbyangs kyi
dman pa mtshams sbyar bas/ dkis rbal/ las zhes

pa rnam dbye lnga pa 'byung khungs kyi mang tshig/ b+hyas byin/ ba
sa mang po gnyis la e'o zhes pas ba yi srog gi a ye ru song/
sarbeb+hyas sar dag gis rnam bcad do zhes pas sa rnam bcad byas
pas/ diksrbeb+hyaH zhes grub pas/ narb+ha ya

I shwar shriyAdiksrbab+hyaH rkang pa bzhi par/ sdeb sbyor gyi
dbang gis sgra log bsgyur du byas nas grags pa'i skad dod sngon
la blangs te/ kIrti/ rnam pa gyi skad dod/ kawaM/ rgyal ba'i
skad dod/ dzinH 'di zhes ba'i skad dod idaM

la sdeb sbyor mi 'grigs pas/ 'di'i skad dod ad sa bzhag/ na
zhes brten gnas kyi sgra yin pas rnam dbye bdun pa'i gcig tshig
de byin/ sa yig khyad don yin pas phyis/ da'i ma'o zhes pas da
ma ru bsgyur/ ma las u

dag go zhes pas a das kyi da 'gyur bas ma'i srog gi dbyangs u
thung du bsgyur pas/ amudi zhes gnas ba la/ des smin no zhes
pas/ di smin du bsgyur/ ku i la la Shu ru byas te sa'o zhes pas
sa Sha ru bsgyur bas/ a

muShmis zhes grub ba la snyen par grags ba'i skad dod sA
madznyA mtshams sbyar bas/ kIrthikwadzin a mu ShmansamadzA
sdeb sbyor mnyam ba'i br-i dtA yi ge bcug nyis pa skye 'gro la/
rnam grnngs/ 9087 yod ba las/ 'dir prastA

@029a @#/ /ra; 83 pas mdzes par bcings pa'o// //! lho brgyud lam
rim dang/ (lung med/) bde mchog gi dbang bdag bskyed rgyun 'don
mchog bar byed dgos ba/ lhag bar bla mchod kyi bris thang

shin tu rgyas pa bcas kyi khungs ni/ kun mkhyen rgyal mchog lnga
pa chen po'i gsung byang chub lam gyi rim pa 'jam dpal zhal lung
gi khri rgyun rgyas pa dbus brgyud lugs dang/ khrid rgyun bsdus
ba lho brgyud lugs su grags pa gnyis las khrid rgyun

bsdu sa pa lho brgyud lugs su grags pa ni/ !gong sa lnga pa chen
pos e bla ma byams pa din chen la 'jam dpal zhal bud rgyas par
mtshams rtags kyis khrid rgyun bsdus pa/ sbyor chos tshogs zhing
sogs dbus brgyud dang mi 'dra bzhig

bur bkol gyis gnang ste/ des e pa se ba dga' rnam mkhan chen
blo bzang mkhas btsun la stsal zhing/ mkhan chen des tshig gis
mtshams gcod la thugs dgos mchod par slar yang !gong sa lnga pa
chen po mchog gi

sku mdun rang du bka' 'dri dogs gcod zhus par brtse ba chen pos
bka' slob zhib skyangs gyis thugs dogs chod ba ltar des grub
chen phun tshogs rgya mtshor/ des e bla ma mkha' spyod dag dbang
bstan dar/ des dgas ga mkhan po ri chos

dge 'dun 'jam dbyangs la stsal zhing/ des zhal lung gzhung la
rtags 'go dam dgos bar zur 'don zis ma mdzad de de thog nas rje
dag dbang mthu stobs la stsal/ des dwags grwa mkhan po dka' chen
bstan pa rgya mtsho/ des so tho bla ma

@029b skal ldan/ des rje blo bzang chos 'phel/ des dge ba'i
bshes gnyen thub bstan rab rgyas/ des ba mchos dge slong byang
chub 'thogs med/ des dwags gra mkhan zur blo bzang sbyin pa/ des
dwags po lha sdings rgyal sras bskal bzang bstan

'dzin/ des dwags po skal bzang bstan 'dzin mkhas grub/ des bdag
gi rtsa ba'i bla ma zhal snga nas dwags bo bam chos blo bzang
'jam dpal lhun grub rgya mtsho dpal bzang bo la gnang/ de'i zhal
snga nas !skyabs rje sgrub khang mchog sprul rin

po che sku gong ma dang/ gus pa gnyis nas bskul ma zhus te chu
bzang ri khrod du tshogs pa nyis brgya skor la khrid rgyun legs
par stsal ba thob/ bde mchog dril bu lus dkyil 'di bzhin dben sa
snyan brgyud kyi zab gnad thun mong ma yin

par brten dben sa snyan brgyud kyi brgyud pa ltar gyi dbang
dang/ lcang skya rol rdor gyi gsung bka' rgya ma bde chen gsal
sgron gyi steng nas bskyed rim gyi khrid/ paN chen blo bzang
chos rgyan gyi gsung bka' rgya ma dril bu'i ma lnga tshig lhug gi
steng nas

rdzogs rim gyi khrid bcas nod tshe bdag bskyed chag med 'don dgos
pa phyag bzhes sus nang pa ltar bdag gi rtsa ba'i bla ma dwags
po blo bzang sangs rgyas dpal bzang po'i zhal snga nas dbang
khrid nos pa nas bzung rje btsun tsong kha pa

chen po'i gsung sgrub thabs dgongs pa rab gsal gyi 'don sgrigs
lcangs skya ngag dbang chos ldan gyi gsung mngon rtogs bde chen
rab 'phel chag med 'don spel zhus shing/ bla mchod tshogs zhing
nyams len byin rlabs brgyud 'god lugs

@030a @#/ /dga' ldan phyag chen gyi bla brgyud rnams 'jam dbyangs
kyi rnam par mtho brtsegs su 'god pa sogs yongs grags ltar dang/
yang gsang bde 'jigs gsum gang rung gi rnal 'byor gtso bor byed
pas

rang rang gi bla brgyud nyams len byin rlabs brgyud du 'god pa
dang/ yang bka' gdams thig le bcu drug gi bla brgyud nyams len
byin rlabs brgyud du 'god pa bcas yod pa las/ de lnga ka'i
brgyud ba mtho brtsegs su sdabs gcig 'god pa snyan

brgyud zhal shes thun mong ma yin pa zhes dang/ rgya chen spyod
brgyud dang/ zab mo lta brgyud so so'i mdun du zab rgyas chu bo
gcig 'dres kyi brgyud pa jo 'brom yab sras kyi 'og dbus su dpal
ldan dgon pa ba sogs bka' gdams lam

rim pa dang/ de'i g.yas g.yon du dge ba'i bshes gnyen po to pa
sogs bka' gdams gzhung pa ba dang/ spyan snga tshul khrims 'bar
sogs bka' gdams man ngag ba ste bka' gdams brgyud gsum cha tshang
re dang/ de'i 'og tu bka'

gdams gsar ma dge lugs kyi brgyud pa cha tshang re 'god pa man
ngag lugs kyi tshogs zhing 'god lugs yin zhes bdag gi bla ma ba
ma chos rin po ches yang yang bka' chos su gsung rgyun ltar
dmigs rnam 'char bde phyir tshogs zhing dpe

ris gsar du bskrun pa lags// // ! mang thos bslab gsum nor bus
phyug cing/ (lung med/) rnam dpyod rnam par yangs ba dge bsam
gtan gang de'i drung du/ 'bul 'bras/ deng legs smon nor 'dzin

@030b mngal du smin skyes dal dbang 'byor ba'i dpag bsam snying
por spyod ba'i 'bras bzang g.yur du dud bzhin bzhugs ring nas/
'dir yab dge zhing snying la 'phrod pa'i yig rten ldan 'byor
shin tu yid spro/ 'di na kho bo yang 'tsho khams kyi 'du

ba brtas shing/ dbus 'gyur gyi zhing du bstan ba'i bya ba skal
bzang bgo skal du thob/ mkhas grub kyi skyes bu rgya mtsho lta
bu'i dbus su mdo sngags kyi zab don smra ba'i mgrin pa gzengs su
bstod/ blo bzang rgyal bstan kho na snying gi khur du lci zhing

gzhan phan gyi lhag bsam bzang po 'phel/ ri khrod bkra shis chos
gling gi gtsug lag khang rten dang brten par bcas pa nyams gsog
sar bzhengs sogs bya ba las kyi 'khor lo'i bgyi brgya cher grub/
gam bcar ba rnams kyang bde zhing bag

phebs par spyod/ de lta na'ang nang du yang dag par 'jog pa'i
long skabs shin tu phra ba yid kyi zug rdur lci zhing gnas lags/
der dge rgan dbang ldan sku khams 'tsho min gang ltar yang/ khong
pa 'di snang 'khri ba btsan chod du bcad nas

dben pa'i ri su la du ngur smrig gi rgyal mtshan 'dzin/ drang
srong gi brtul zhugs bsten/ gsang sngags kyi lam zab mor brtson
pa chu bo'i rgyun du bsrings bas mi tshe 'da' bar mdzad pa rjes
su yi rang gi gnas la phal ba ltar gyi blo g.yeng mdzad

gal dgos/ 'di nas kyang bzhed don 'grub pa'i smon pa zab tu zhu/
slad du'ang/ de res mi khom pa'i gnas las thar te dal ba dang
'byor pa'i skabs rnyed/ mtha' 'khob tu skyes kyang mdo sngags
snyan brgyud kyi snying bos yid kyi bum bzang

@031a @#/ /legs par gtams/ blo gros kyi mig dang ldan/ lang tsho'i
dpal ni ma snyigs/ dad pa dang brtson 'grus kyis phyug pa sogs
gtan gyi 'dun ma bsgrub tu rung ba'i dus 'dir/ 'di snang gi
spros pa btsan

chos du bcad/ ji ltar nos ba'i gdams don la sgrub ba gnad du
bsnun/ da dung mdo sngags kyi gsung rab tshad ldan dag la klog pa
thos pas ma yang zhar dang zhar du bgyis te thos bsam sgom gsum
ya ma bral ba'i brtson pa chu bo'i rgyun du

bsten/ gnas skabs kun tu ring 'tsho'i 'phrod bsten lhod med bcas
kun nas nan tan du 'tshal/ ngos nas kyang skyabs dmigs rgyun du
zhu/ rten lha reg dang/ sngags mdud/ dam rdzas le tshan bcas pha
bong kha'i sprul ming pas zla tshes dge

bar; snga dgong ne tso'i maNi'i bzlas brjod dang/ /nub mo 'phyi
ba rgan po'i 'od gsal dang/ /nyin par smug chung byi ba'i brel
'tshub thob /skabs su glang rgan nyal ba'i le lor bcas/ /skyabs
zhu'i bka' lan gnang long mi gda' yang/ /skyabs rten  

dkor zan kha la thab 'gam zin/ /zhes nyams mtshar du phul// //! (me byi/
chab mdo nas lho khul dad ldan zhig gnang ba/) srid pas rin mo'i
brdzu bag 'dzum sgeg khro gnyer cir yang glang ba'i rnam 'gyur
mi bzad (lung med/)

pa'i ngang tshul sna tshogs dang/ srid pa'i dar gud gang la'ang
snying po med pa 'di snang sgyu ma'i 'khrul 'khor byis pa'i rol
rtsed lta bu las/ gtan gyi bde skyid la phan dang gnod pa'i dgos
nus ci yang med par ma zad/ rnam dkar rlabs

@031b che sgrub sgrub pa rnams la 'khor ba'i dang gud sna tshogs
byung na gtan bde rlabs po che 'grub pa'i lhas dang/ sdig po che
tshe bas bsod dang dbang thang dar ba ngan song 'grub ba'i ltas
su byang chub lam rim las gsungs pa ltar thugs su bsti

zhing; rkyen ngan lam du 'khyer/ 'gal rkyen mthun rkyen du
bsgyur pa'i theg pa chen po'i blo sbyong gi nyams bzhes thugs
thog tu 'khyer ba'i sgo nas rnyed dka' don che'i sku 'tsho don
chen du byed ba'i thabs mchog gtan 'dun snying po'i nyams

bzhes la lhur gzhol ba mkhyen mkhyen// ! (//chab mdo byams ba
gling gi spar ma mi rtag dran bskrun snying gi thur ma'i smon
tshig /) gang dag rang gzhan ser skya phal cher yang/(lung med/)
/'di snang byis pa'i ril rtsed la g.yengs bzhin/ /glo bur

'chi bas non tshe 'gyod bzhin du/ /sgron mo lag stong nyid du
chas dgos pa'i/ /ngang tshul bsams bzhin skyo bas rang gzhan la/
/dran bskul snying gi thur ma 'di sbyin no/ /de phyir chos sbyin
rgya cher spel ba'i slad/ /pha phyag bkra shis don

grub gang nyid nas/ /rgyu sbyar spar du bskrun pa'i rnam dkar
dges/ /'gro kun mi rtag dran bas rgyud bskul nas/ /gtan 'dun
snying po sgrub la myur gzhol pas/ /nyam nga'i 'khor ba myur du
stobs gyur cig /rgyu sbyor ltos bcas tshe

rabs thams cad du/ /blo bzang rgyal ba'i bstan dang mi 'bral
zhing/ /sa lam bgrod ba'i them skam myur rdzogs nas/ /sku bzhi'i
go 'phang bde blag myur thob shog (/ces pa 'di yang/ pha zhabs
phyogs khang phyag mdzod bkra shis don grub nas rgyu sbyar srar

@032a @#/ (/du bskrun pa'i dge bsngo'i tshigs su bcad par pha bong
kha'i sprul ming pas smon cing bris pa 'gro don 'phel par gyur
cig/ ! //sgrub pa'i rgyal mtshan 'dzin pa gro mo dge slong
g.yang 'byor la gnang ba'i chab shog gi slad don/)

rnyed dka' don che'i gzhi lam 'bras bu'i bde legs kun gyi gzhi
snod gcig pu dal ba'i rten bzang ring por 'tsho ba'i thabs zab
gtsor gzung/ sngar mus bzhin mi med dben pa'i ri sul du 'di
snang ngo bsrung mthun 'jug gi 'du 'dzi'i 'khri ba rgyang ring
du

bcad/ 'dod chung chog shes 'phags pa'i rigs bzhi la gnas/ don
nyung bya nyung/ bsam rgyu bya rgyu chos las med pa zhig byas
nas/ mgo bshes gnyen bsten tshul nas mjug mi slob pa'i zung 'jug
gi bar gyi lam yongs rdzogs la nyin

rer shar sgom mdor bsdus re'i thog /gtso bor rang gi rgyud chod
dang bstun pa'i dmigs rnam gang yang rung ba gcig la lung rigs
rgyu mtshan du ma'i sgo nas dpyad 'jog dmigs rnam gnad du bsnun
zhing skyong/ 'og ma 'og ma'i dmigs rnam la

myong ba thon ban gong ma gong mar dmigs pa spo/ de ltar dmigs
skor re re bzhin myong ba 'don ba la rim gyis brtson par byas
na/ rin por mi thogs par rtogs pa'i nyams myong khyad par can
gyis rgyud phyug par 'gyur/ de ltar min bar tshig

gi grangs gsog tsam dang/ lam 'og ma la nyams myong mthon par
gong ma'i dmigs rnam la thod rgal du brtson pa sogs ji tsam 'bad
kyang nyams myong tshad ma rgyud la mi skye bas gong du gdams pa
ltar brtson pa gnad che/ de dag gi

@032b gegs sel bogs 'don du bla mchod lta bu'i bla ma'i rnal
'byor gyi sgo nas bsag sbyang dang gsol 'debs nan tan du 'bad/
de ltar 'bad na nyams myong gi rkang tshugs bar 'gyur ro/ /thun
mtshams su yab lam rim/ blo sbyong/ bskyed rdzogs/ sgrub

pa'i rgyal mtshan 'dzin pa'i dam pa gong ma'i rnam thar blta ba
sogs bya/ mdor na gzhi tshul khrims rnam par dag pa la gnas
shing/ thos bsam sgom pa ya ma bral ba'i ngang nas rtogs pa'i
nyams myong zla skyed zhag skyed du thon pa'i dga' ldan

sgrub brgyud bstan pa'i rgyal mtshan 'dzin pa la brtson par
'tshal// ! (//khams 'bam bu dgon gyi grwa dge 'dun tshe ring la
gnang bar/) sku gshegs 'dan ma rgya bo blo bzang rgya mtsho de
nyid rkyen ngan gyi dbang du shor te sdug bsngal gyi tshor ba
drag po dang

bcas gshegs dgos byung ba shin tu snying brtse yang/ tshe rabs
sngon mar bsags pa'i las ngan tshabs po che'i 'bras bu 'di thog
tu smin par gdon mi za zhing/ da lam rkyen ngan drag por shor
yang/ rgyun du chos pa bzang por brten skye gnas ngan bar 'gro

dgos gtan nas ma dgos par rten bzang thob nges dang/ lam sel
skyes rtags sogs rgyun gyi nyams len dang mthun par bya ba gal
che bas/ des na bla mchod tshogs zhing/ bde mchog/ rnal 'byor ma/
'jigs byed bcas kyi sku brnyan bzhengs

shing; de dag gi cho ga gang mang dang/ dge ldan bstan pa mjal
ba'i smon lam gang mang bcas sgrub na bzang bas de lugs mdzod//
! (//lA pa chu mgo sprul skur dris lan du stsal pa/) bdag 'jug
skabs sbyin bdag

@033a @#/ /sogs lha de dang de'i dbang thob myong yin na gral
mthar dbang rdzas pa skon nas dbang de dang de dag len pa'i mos
pa byar rung zhing/ 'on kyang des dbang chen dngos su thob pa'i
go bcad mi chog/ sbyin bdag sogs

sngar dbang chen thob ma myong ba yin na snod du mi rung bas
gsang bzab ma mthong ba dang thos pa sogs byas na rtsa ltung
bdun par 'gyur bas de ltar mi rung lags/ gshin po la yang tshe
'das de sngar dbang de dang de thob myong yin na phung po dang
ming

byang sogs la dbang bskur du rung bas phung por dbang rdzas
bskon pa sogs kyang byar rung zhing/ sngar dbang thob ma myong
ba yin tshe de 'dra gtan nas mi rung ba bcas dgongs par mnga' ba
zhu// (@#//me byi/ rdo rje 'chang pha bong

kha ba chab mdo dge ldan byams pa gling du bzhugs skabs/ 'jig
rten chos brgyad kyi spang gnyer skor 'ga' zhig gzigs bde'i slad
lam rim chen mo sogs nas zur bkor du mdzad pa bzhugs//) ! na mo
gu ru/ lha'i bu rab rtsal sems kyis zhus pa las/ rnyed dang
grags dang

bstod dang bde ba kun thob kyang/ /de dag la ni nam yang khengs
par gyur pa med/ /mi rnyed mi snyan smad dang sdug bsngal thob
gyur kyang/ /de dag par ma bzhin du chags med 'jigs rten sbyong/
/zhes dang/ dpung bzang gis zhus pa'i rgyud

las; grags dang mi grags rnyed dang ma rnyed dang/ /bde dang
sdug bsngal de bzhin bstod smad dag /sems kyis 'jig rten chos
rnams rab bcom ste/ /sdig pa'i gnas su gyur pa spang bar bya/
/zhes dang/ bshes spring las/ 'jig

@033b rten mkhyen pa rnyed dang ma rnyad dang/ /bde dang mi bde
snyan dang mi snyan dang/ /bstod smad ces bgyi 'jig rten chos
brgyad po/ /bdag gi yid yul min par mgo snyoms mdzod/ /ces 'jig
rten mkhyen pa ste rgyal po la bos nas chos brgyad mgo snyoms

dgos par gsungs pa yin te/ de yang longs spyod phun sum tshogs pa
rnyed pa dang/ ma rnyed par phongs pa/ lus la nad med cing sems
nyams bag bde ba dang/ mi bde ba/ gzhan gyis gcig nas gcig tu
brgyud cing thos pa'i gtam snyan pa dang/

mi snyan pa/ rang la dngos su bstod pa dang/ smad pa ste chos
brgyad po de la 'jig rten pa rnams ched cher 'dzin pas chags
sdang la spyod pa ni/ blo 'khrul pas bcos nas log pas yid la
byed pa tsam du zad kyi/ dngos gnas la zhugs

pa'i chags sdang spang blang gi yul du 'os pa ni ma yin pas/
rnyed pa la sogs pa bzhi la dga' ba dang chags par mi byed/ ma
rnyed pa la sogs pa bzhi la sdug pa dang zhe sdang bar mi byed
par/ chos brgyad po de dag mnyam snyoms par mdzod cig/

ces pa ste phal cher 'grel pa ltar ro/ /lam rim chen mo las/
'byung nye la dpral bar dka' ba rnyed pa dang grags pa dang
bstod pa dang bde ba bzhi la sred cing de dag gi bzlog phyogs
bzhi la yid mi dga' ba'i gnyen po la 'bad de/ de yang spyir

'khor ba'i nyes dmigs bsgom pa dang khyad par du 'chi ba dran pa
gnad du song na ldog par 'gyur ro/ /zhes dang/ bstod pa sogs la
yon tan med pa'i tshul bsam pa dang/ skyon yod tshul bsam pa dang/
des na de dag 'gog pa la

@034a @#/ /dga' bar bya ba'o/ /dang po ni/ gzhan gyis rang la
bstod pa dang rang gi grags pa rgyas pa la tshe ring pa dang nad
med pa sogs tshe 'di dang bsod nams 'thob pa sogs skye ba gzhan
gyi don gnyis po gang yang med

bas de dag nyams pa la mi dga' ba ni/ gnas khang gi dgos pa gang
yang mi 'grub pa'i bye ma'i khang bu rdib pa na byis pa chung
ngu rnams du ba dang bdag cag gnyis khyad med do snyam du rang
la smad nas chags par mi bya ste/ bstod dang grags

pa rim gro ni/ /bsod nams mi 'gyur tsher mi 'gyur/ /bdag stobs mi
'gyur nad med min/ /lus bde bar yang mi 'gyur ro/ /bdag ni rang
don shes gyur na/ /de la rang don ci zhig yod/ /ces dang/ bya
ma'i khang bu rdib gyur na/ /byis pa

rnams ni ga chad du/ /de bzhin bstod dang grags nyams na/ /rang
gi sems ni byis pa bzhin/ /zhes so/ /gnyis pa ni/ bstod pa la
sogs pa ni sems don ma yin pa la g.yeng ba dang skyo shas 'jig
pa dang yon tan can la phrag dog skyed

ba dang dge ba'i bya ba rnams nyams par byed do snyam du bsams
nas de dag la yid 'byung ba bskyed par bya ste/ bstod sogs bdag
ni g.yeng bar byed/ /des ni skyo ba'ang 'jig par byed/ /yon tan
ldan la phrag dog dang/ /phun sum tshogs

pa'ang 'jig par byed/ /ces so/ /gsum pa ni/ de ltar na bdag gi
bstod pa dang grags snyan dang rnyed pa kur nyams par byed pa ni
bdag ngan 'gror 'gro ba srung byed dang chags pa'i 'ching pa
gnod byed dang sdug bsngal la 'jug par 'dod pa'i sgo 'gog

@034b byed sangs rgyas kyi byin rlabs lta bur gyur pa yin no
snyam du bsams nas snying thag pa nas khro ba dgag cing dga' bar
bskyed pa bya ste/ de phyir bdag gi bstod sogs ni/ /gzhig phyir
gang dag nyer gnas pa/ /de dag bdag ni ngan song du/ /ltung

bsrung phyir zhugs min nam/ /bdag ni grol ba don gnyer la/
/rnyed dang bkur sti'i 'ching mi dgos/ /gang dag bdag bcings
grol byed pa/ /de la bdag ni ji ltar khro/ /bdag ni sdug bsngal
'jug 'dod la/ /sangs rgyas kyis ni byin brlabs bzhin/ /

mi gtong sgo 'phar nyid gyur pa/ /de la bdag ni ji ltar khro/
/zhes so/ /gzhan yang spyod 'jug las gsungs pa'i man ngag brnyas
ba sogs gsum byed pa la mi bzod pa dgag ba ni/ sems ni lus can
min pas dngos su gzhan gyis gnod

ba bya bar mi nus la lus la dngos su gnod pa las brgyud nas sems
la gnod pa yin na/ brnyas pa la sogs pas ni lus la yang gnod par
mi nus pas lus sems gnyis ka la mi gnod pas dga' bar bya'o snyam
du bsams nas yid mi bde dgag ste de

khegs na zhe sdang mi skye ba'i phyir ro/ /de ltar yang/ /yid ni
lus can ma yin pas/ /sus kyang gang du'ang gzhom mi nus/ /lus la
mngon bar zhen bas na/ /lus ni sdug bsngal dag gis gnod/ /brnyas
dang tshig rtsub smra ba dang/ /mi snyan pa yi tshig

de yis/ /lus la gnod par mi 'gyur na/ /sems khyod ci phyir rab
tu khro/ /zhes so/ /sha ra ba'i zhal nas/ kham lung pa/ sne'u
zur ba/ grab pa gsum la snyan du ji tsam gsol yongs rdo la smra
ba dang khyad med pas bde bar byung/ phyi ma

@035a @#/ /kun snyan khung srab pas ma bde bar byung gsung ba
dang/ gshen ston la 'di 'dri skad zer byas na/ lkog kha btsad po
la'ang gtong bya ba yin khyod rang bra ma byed ba'i bshags pa
gyis gsung pa dang/ rnal 'byor

pa shes rab rdo rje la 'o skol la 'gab ma yang grags zer nas mis
smra yin 'dug byas pas/ lags/ mi'i smra gzhi mi la byed pa las
'o na ci la byed gsungs pas de nas phra ma skyel 'phrol pad kyis
chod gsung/ gal te brnyas pa sogs byas pa na

gang zag gzhan rang la mi dga' bas de'i phyir mi dga'o snyam na/
gzhan bdag la mi dga' bas bdag la gnod na bden du chug kyang des
ni rang la cir yang mi 'gyur bas mi dga' ba spang ste/ gzhan dag
bdag la mi dga' ba/ /des ni tshe

'di'am tshe gzhan la/ /bdag la za bar mi byed na/ /bdag ni ci
phyir de mi 'dod/ /ces so/ /mi dga' bas bdag la mi gnod mod/ 'on
kyang de la brten nas de dag las rnyed pa 'thob pa'i bar chad
byed pas brnyas pa dang smad pa dang mi snyan

pa smra ba la khro'o snyam na/ rnyed pa thob kyang 'dir bzhag
dgos la de la khros pa'i sdig pa rjes su 'brang bas rnyed pa med
par myur du shi ba dang log 'tshos ring du gson pa gnyis snga ma
bzang po/ /rnyed pa thob ste ring du gnas kyang/ 'chi ba las mi
thar

bas 'chi dgos la/ 'chi ba'i tshe na sngar lo brgyar bde ba spyad
pa dang lo gcig tsam bde ba spyad pa gnyis 'dra ste gnyis ka
dran pa'i yul tsam du zad kyi de'i tshe bde sdug gi khyad pa ci
yang med pa'i phyir ro/ /dper na rmi lam du lo brgyar bde

@035b ba myong ba dang yud tsam zhig bde ba myong ba gnyis sad
pa'i tshe bde mi bde la khyad par ci yang med pa bzhin no/ /de
ltar bsams la rnyed bkur la chags pa bzlog na brnyas pa dang mi
snyan pa sgrogs pa sogs la yid mi bde bar mi 'gyur te/ gzhan gyi
ngor rang

nyid khyad par can du grub pa la don gnyer med bsam grub kyang
yid bde ba mi ldog pa'i phyir ro/ /zhes lam rim chen mor gsungs/
rje'i gsung thor bu las/ des na snang shas 'di la dkar nag khra
gsum yod pa'i nag por gi sla yang gzhan gnyis po 'di la 'khrul
sa chen po 'dug pas bag yod par mdzod cig /ces so/ /rje btsun
mid las/ tshe 'di bslu brid yin pa cha med dam/ /longs spyod sgyu
ma yin pa cha med dam/ /bde ba rmi lam yin pa cha med dam/
/bstod smad brag ca yin pa cha med dam/ /gnyen dang

yon bdag slob ma gsum/ /nga rnal 'byor pa la dgos rgyu chung/
/khyod 'jig rten pa la dgos pa yin/ /phyag dang zhes tshul 'chos
gsum/ /nga rnal 'byor pa la dgos rgyu chung/ /chos brgyad mkhan
la dgos pa yin/ /rdzas dang yo byad 'du 'dzi gsum/ /nga

rnal 'byor pa la dgos rgyu chung/ /grags 'dod can la dgos pa
yin/ /zhes dang/ spyir rgyal ba mi yi dbang po dis/ /chos rnams
chos brgyad 'joms phyir gsungs/ /da lta'i mkhas par rlom pa
rnams/ /chos rgyad che ru ma song ngam/ /rgyal bas

tshul khrims bsrung ba de/ /'jig rten bya ba spong phyir gsungs/
/da lta'i khrims bsrung btsun pa rnams/ /bya bzhag mang du ma
song ngam/ /zhes so/ /thog ma'i blo sbyong las/ 'gro ba'i mgon
po'i zhal nas kyang/ tshe 'di'i mkhas btsun sgom chen

@036a @#/ /yang; ;tshe 'di'i mkhas lo btsun lo 'dod/ /mtshams bcad
ya them yi ge bris/ /mi dang mi phrad sgom chen yang/ /tshe 'di'i
sgom chen bzang lo 'dod/ /sbyin gtong byas kyang tshe 'di yi/
/byas lo btang lo kho na 'dod/ /dper na tshul

phye btab 'dra/ /tha na dkon mchog mchod pa re/ /byas kyang mi
yis mthong du re/ /rnam rtog mi dran dgu dran 'dis/ /ci byed
rnams la 'dis slebs pas/ /dge sbyor ci byas lo lor 'chor/ /thams
cad lo pa'i rta pas khyer/ /des na tshe 'di'i rnam rtog la//

mdung re 'debs dgos skyes bu kun/ /'di la mdung rem thebs na/
/mkhas btsun ston sgom thams cad kyis/ /ngan song gsum gyi sgo
mi khegs/ /ngan song sdug bsngal ma bzlog pa'i/ /mkhas pa btsun
po sgom chen gyis/ /dgos pa ci yod

mdo don shor/ /zhes so/ /dge bshes 'ban gyis yon bdag gi ngor
mdzes chos 'dod pa'i mchod pa'i lo rgyus kyang yod/ rgyal sras
rin po ches/ rang gi nye du'i bkur sti rab spangs nas/ /gzhan
gyi bkur ste 'dod na blos btang nyams/ /yul dang gnyen bshes

longs spyod kun spangs nas/ /snyan grags 'dod pa'i blo yis
bcings gyur na/ /lcags sgrog chod nas sras bus 'khyigs pa yin/
/gsungs/ po to ba'i gsung las/ 'jig rten chos kyi mi 'dod (ma
rnyed ba/) bzhi ldan/ (sdug bsngal ba/ smad ba/) rnam grol sgrub
pas de

ni 'dam gya/ (de'i rgyu mtshan/) ma tshor gter la gnod pa med
cing/ /tshor na gzhan gyis 'khyer ba de nyid/ /rnyed sogs (rnyed
pa dang snyan pa dang bstod pa dang bde ba ste/) bzhi po gzhan
(chos byed/) la snang yang/ /de nyid shi (brlag) zin 'dra bar
shes (par) bya/ /mdo khams (pas rin po che'i)jo

@036b bos sbrang mang (lag pas khyer 'ongs bas sbrang ma gcig
'dus gnyis 'dus mang du 'dus nas de zos pas zad par gsungs so/
/de bzhin du rnyed bkur sogs la dgra 'dre 'du ba'o//) blangs
bzhin/ /de bas rnyed sogs bzhi la dgrar gzung/ /mnga' thang
mtha' rgyas sdug bsngal mtsho rdol/ /mngags

(sam kha dpe/) las kyang 'byung de ltar shes bya/ /zhes so/ /rig
pa'i dbang phyug gi zhal nas/ 'jig rten chos brgyad don du
gnyer/ /bsnyod dang smad dang grags ma grags/ /rnyed dang mi
rnyed bde dang sdug /de rnams la ni dga' mi dga'i/ /rnam par
rtog

pa yod ring la/ /chos pa yin snyam ma sems shig /sngar byas
phyis byed da lta'i lam/ /chos brgyad kun slong yod dam med/
/rang gi sems la dri bar gyis/ /gsung/ /dge bshes bzang mo ba'i
zhal nas/ 'jig rten chos brgyad bya ba 'dis 'od

cag sems can thams cad la khyab pa yin/ de'i nang nas kyang bden
dga' bya ba 'di khyab che ste/ sa chen po 'di'i steng na yod
pa'i sems can kye ma kye ma byed pa 'di thams cad bde bde mo re
'dod nas 'khyams pa yin/ bde ba'i

rtsan sdug bsngal re yod pas bde ba la dga' bar mi bya/ sdug
bsngal la yi shi bar mi bya/ tshe 'di'i bde ba ched cher byed na/
tshe phyi ma zhor la shi 'gro/ /'di 'dra zhig byas na bde'am
skyid pa yong snyam nas chos sam

'jig rten gang rung cig byas na bdag tshe 'di bar song/ 'jig rten
chos brgyad par song ang snyam du bsam/ 'og ma rnams la'ang de
bzhin du bsam gsung/ bde ba gang 'dod pa de ma byung na/ de
byung na dga' ba la snyam

@037a @#/ /nas 'phrad par 'dod pa'i sred pa skye/ de yong nges pa
yod na ni re dga' snyam nas mngon par dga' ba'i sred pa skye/ de
byung ba na 'di dang ma bral na ang snyam nas mi 'bral bar 'dod
pa'i sred pa skye/ de

lta med kyang sngar bde skyid yong myong ba la de'i dus su dga'
ba dang skyid pa ang snyam pa byed pa 'das pa'i 'dod pa'i ro
myang ba 'das pa'i sred pa zhes pa 'byung/ sdug bsngal dang mi
'dod pa byung na 'di med na dga' ba snyam nas 'bral bar

'dod pa'i sred pa skye/ ma byung na de ma byung na bzang snyam
nas mi 'phrad par 'dod pa'i sred pa skye/ bde sdug gang yang min
pa byung na de mi nyams par 'dod pa'i sred pa 'byung/ de rnams
gang byung na yang sred ba dang chags pa'i dbang du

song ba/ 'jig rten chos brgyad pa tshe 'di ba yin no/ /zhes so/
/dgyor sgom chen pos/ sngar dge bshes ston pas mdzad pa bzhin du
'o cag kyang tshigs bcad de 'don gyi nam mkha' tshig tsam gyi sgo
nas kyang gnyen po bsten la 'jig rten

chos brgyad spong gsung/ ston pa rin po che de 'jig rten gyi bya
ba thams cad thugs gyis spangs nas yod pa la/ rong du gser mdun
la spyan drangs pas/ dpal gyi dbang phyug bya ba la 'bod par
mdzad nas/ da lan 'di la khyod song dang/

ngas 'jig rten blos gtong blo byas pas mi yong bar 'dug gsungs
nas/ na bza' re ral rnying pa zhig gsol/ res be ma zhig gsol/
phrag pa gnyis phud/ phu thung gnyis dpung pa g.yas g.yon la
bkal nas/ res 'ga' shug

@037b gseb na phar gshegs/ res 'ga' sba 'khar cig yod pa la om
tshugs mdzad nas/ 'jig rten mkhyen pa rnyed dang ma rnyed dang/
/bdi dang mi bde snyan dang mi snyan dang/ /bstod smad ces bgyi
'jig rten chos brgyad po/ /bdag gi yid

yul min par mgo snyoms mdzod/ /ces dang/ res/ bdag ni grol ba
don gnyer la/ /rnyed dang bkur sti'i 'ching mi dgos/ /zhes bde
tshang ba re/ res mgo 'bus tsam re/ res phyed tsam re gsung gin
ldog ldog bzhugs/ khong pa la de

dgos shad mi dga' ste/ rjes 'jug la slob pa yin gsung/ spyan
snga pa yang tshigs bcad de gsung gin chos brgyad mgo snyoms
gsung/ spyod 'jug las/ gang phyir byis par rang don ni/ /med par
dga' ba mi 'byung bas/ /byis pa

'ga' yang bshes min zhes/ /de bzhin gshegs pa rnams kyis gsungs/
/zhes pa ltar tshe 'di'i sna thag ma phrol bas ci byas kyang/
rang don phugs la bcug nas byed pa las med de/ dge rgan gyis dge
phrug /dge phrug

gis dge rgan/ dpon gyis g.yog; g.yog gis dpon sogs gcig gis
gcig mgo skor btang pa ches shin tu mang/ rje ye shes rgya
mtho'i zhal nas/ rang 'dod phugs su bcug ba'i/ /gzhan phan smin
ma zeng zeng/ /soD gsungs pa ltar

gzhan gyis rang la rtogs pa mtho mo/ bzang po shes rgyud dul bo
red zer ba'i snyan grags sogs 'byung de re bas/ gzhan la zhe sa
dang lus ngag gis kun spyod 'jam bo ltar byed pa las drang po
byed mkhan dkon 'dug /de bzhin du rang

@038a @#/ /gis ma nges bzhin du gzhan gyis smad dogs kyis shes
brdzu 'debs pa dang gzhan gyis phyag thal mo sbyar na dga'/ rin
po che dang/ dge bshes lags dang/ sku zhabs sogs kyi zhe sas bos
na dga'/ de

min khu tshur 'phyar na sdug /grwa pa de zer ba dang/ kwa ye zer
ba dang/ rang ming rkyang pas bos na sdug pa sogs mtha' yas pa
yod/ 'di dag dal 'byor dang 'chi ba bsgom pa sogs gnad du song
na bzlog sla bar ma zad/ byang chub kyi sems gnyi la blo

sbyangs pas tshes brgyad kyi mgo gnon pa la stobs nus shin tu che
ste/ chos yang dag par sdud pa'i mdo las/ stong pa nyid smra ba
ni mi gnas pa'i phyir/ 'jig rten gyi chos rnams kyis mi 'phrog
ste/ rnyed bas dga' ba yang med/ ma

rnyed pas mi dga' ba yang med/ grags pas yid sos pa yang med/ ma
grags pas spro shi ba yang med/ smad pas zhum pa yang med/ bstod
pas dga' bar sems pa yang med/ bde bas chags par 'gyur ba yang
med/ sdug bsngal bas

yid 'gyur bar 'gyur ba yang med de/ gang de ltar 'jig rten gyi
chos rnams kyis mi 'phrog pa de ni stong pa nyid shes pa ste/ de
ltar mi 'phrog pas stong pa nyid smra ba khong du chud par
bya'o/ /zhes dang/ byang chub sems dpa'i cho ga gang

lags/ zhes pa nas/ rnyed pa dang ma rnyed pa dang/ grags pa dang
ma grags pa dang/ bstod pa dang smad pa dang/ bde ba dang sdug
bsngal gyis mi sgrul ba dang/ thams cad du tshod shes pa dang/
zhes sangs rgyas par gsungs pa

@038b ltar dang/ gzhan yang thog ma'i blo sbyong las gsungs pa/
snying nas chos don du gnyer ba yod na/ dang por tshe 'di'i bya
ba dkar nag khra gsum 'di blos gtong ba rang gal che/ /de yang
mi thabs sdug shos rang yin nam gtogs bya ba nag po

srog gcod pa dang rku ba la sogs pa rnams bya ba mi rigs pa yin
pa go yang sla/ spong thub pa yang re mang yong par snang ste/
bya ba dkar po'am khra bo'i rigs dbang bskur chos bshad/ lha
bzhengs dang sbyin gtong/ grong chog dang tshwa tshwa/

bsrung ba 'bri ba'am 'dre 'dul spags 'debs sa ma nyin klog la
sogs pa tshe 'di'i zhen pa re ma spongs pa'i tsa ba tsu ba 'di
rnams spong nus pa rang nyung bar snang/ sems tshe 'di'i zhen pa
dang ma bral ba'i bya ba ci legs kyang dgos pa rang med mi

gsung ngam/ lar ni dge mi dge thams cad sems kyi byed las yin
pas sems 'di lha 'dre mi gsum gyis zhe ma khrel ba zhig dgos pa
lags mod/ rgyal po indra bod+his ye shes grub pa las kyang/ las
gang bya ba ci yang rung/ /lus 

dang ngag dang yid kyis byed/ /bzhi pa gzhan na yod min pas/ /de
rnams 'di ltar dpyad par bya/ /sems med par ni lus ngag gis/ /ci
yang byed par nus ma yin/ /de med par ni tshig gis kyang/ /nam
yang nus 'gyur ma

yin no/ /de bas lus ngag las rnams ni/ /yid nyid las ni 'gyur ba
yin/ /'gro ba thams cad sems kyis ni/ /dge dang mi dge gang byed
pa/ /phan don 'gyur pa'i las rnams ni/ /thams cad legs pa dpyad
par 'gyur/ /log pas bsod

@039a @#/ /nams ma yin zhes/ /rgyal ba'i mchog rnams rab tu
gsungs/ /des na dge dang mi dge kun/ /sems nyid kyis ni byed pa
dang/ /sems nyid kyis ni 'jig 'gyur zhes/ /'gro ba'i bla mas
gsungs pa yin/

zhes gsungs/ 'od srungs kyi le'ur yang/ dper na mi zhig rgya
mtsho'i chus khyer la/ /de ni skom pas 'chi ba'i dus byed 'gyur/
/de bzhin chos mang sred pas bag med pa/ /chos kyi rgya mtshor
gnas kyang ngan 'gror 'gro/ /dper

na sman pas sman sgror bcug pa'i sman/ /'jig rten kun tu yongs
su rgyu byed kyang/ /nad kyis btab pa blog par mi nus na/ /de yi
sman de don med gyur ba yin/ /de bzhin dge slong tshul khrims yon
tan ldan/ /thos dang ldan yang tshul

bzhin ma yin pa'i/ /nyon mongs 'byung ba'i nang ni mi sel na/
/de yis thos la brtson pa don med yin/ /gsung/ mdo 'di kun la
bsam blo re thong dang ji skad gsung/ mi tshe hril gyis chos kyi
lag len byas/ mi rnams snyam pa

chos pa zhig yin no snyam/ khong rang snyam pa'ang chos pa zhig
yin no snyam/ chos kyi rgya mtshor gnas nas skom rir shi nas ngan
'gror 'gro dgos pa yong gsung ba de su la gsung ba yin par 'dug
/tshe 'di'i sdug bsngal re ma theg /bde ba re ma spongs

bde bde mo/ skyid skyid mo/ snyan snyan mo re sgrub sgrub nas/
dbang bskur chos bshad nas nyin klog 'don pa yan chad byas kyang
thams cad tshe 'di'i so nam du song bas lan pa lags mod/ 'khor ba
'dir sdug bsngal myong tshad 'di 'jig

@039b rten chos brgyad 'dis lan 'dug pa la/ da dung yang bya ba
dkar nag khra gsum gyi 'jig rten chos brgyad je rgyas dang je
cher gtong ba 'di byas pa thams cad don med yin/ nang la mi phan
pa'i sman rkyal khur gyin rgyug pa dang 'dra gsung bar

gda' ba des na tshe 'di'i bde skyid thams cad la bsam blo ye mi
gtong bar blos lings kyis gtong dgos pa'i rgyu mtshan de mi go
bar 'dug gam/ 'o na 'jig rten chos brgyad dam nyon mongs kyis
kun nas bslangs tshad ngan song gi rgyu sdig

par 'gro ba yin nam snyam na/ spyir 'jig rten chos brgyad kyis
kun nas bslangs nas byas ba'i bya ba dkar nag khra gsum thams
cad phyis nges 'byung khyad par can gyis zin nam gtogs 'khor
ba'i sdug bsngal myong ba'i rgyu kho na

yin pas/ nyon mongs pas kun nas bslangs pa'i chos byas pa thams
cad don med yin gsung ba de yin/ ngan song gi rgyu'am sdig pa
yin min ni gnyis su 'ong ste/ skyes bu chung 'bring che gsum gyi
chung ngu'i dge ba bsags pa

thams cad 'khor ba'i bde ba kho na thob 'dod kyis byas pa yin
pas/ 'jig rten chos brgyad dang nyon mongs kyis byas shing
bsags/ de'i nang nas kyang 'dod chags kyis dge ba bsags pa yin
pas/ de rnams dge ba yin kyang sdig pa ni min/ de

yang skyes bu chung ngu 'dod khams kyi lha mo'i phun tshogs thob
par 'dod pa rnams ni sbyin pa dang tshul khrims la sogs pa'i bsod
nams gsog /gzugs khams dang gzugs med khams kyi phun tshogs thob
par 'dod pa rnams ni/ zhi gnas dang

@040a @#/ /lhag mthong dang/ zhi lhag zung 'brel gyi ting nge
'dzin sgom par byed pa la sogs te/ de rnams nyon mongs pa dang
'jig rten chos brgyad kyi byas pa yin yang sdig pa ma yin dge ba
yin/ dge ba de rnams la

bsod nams cha mthun gyi dge ba zhes gzhung chen mo rnams nas
gsungs/ de bzhin du khams gong mar gtogs pa'i nyon mongs thams
cad dang des bsags pa'i las thams cad mi dge ba ma yin/ de bzhin
du 'jig skyo ba dang legs smon

gyi tshul khrims dang legs smon gyi sbyin pa la sogs pa yang mi
dge ba min pas/ 'jig rten chos brgyad dang 'dod chags la sogs
pa'i nyon mongs pas byas shing bsags pa yin kyang/ sdig pa dang
mi dge ba min pa ni mang du yong pa

lags/ khams gong ma'i nyon mongs g.yo sgyu la sogs pa thams cad
zhi gnas kyis nye bar brten pa dang dge ba'i chos mang pos yongs
su zin pas mi dge bar mi 'gro ba yin zhes 'phags pa thogs med
kyis gsungs so/ /'o na

dge ba gang yin/ mi dge ba gang yin snyam na/ sangs rgyas byang
sems rnams kyis rab tu smad cing nam yang mi bstod pa'i las
rnams dang de kun nas slong ba'i nyon mongs pa rnams la mi dge
ba/ de'i 'gal zlar tshad kyi las dang de kun

nas slong ba rnams dge ba/ de gnyis gang yang min pa'i lus ngag
yid gsum gyi las la lung ma bstan zer ba lags/ de ltar na nyon
mongs kyis kun nas bslangs pa la'ang sdig pa min pa mang du yong
yang/ tshe 'di'i rnyed bkur ram

@040b snyan grags sam/ bde skyid kyi phyir dbang bskur chos
bshad mdo 'don sngags zlos sogs byed pa ni sdig pa dang sgrib
pa'i phung por yongs te/ zab mo'i chos btsongs pa dang/ brnab
sems dang/ gnod sems dang/ g.yo sgyu dang/ tshul 'chos dang/ kha
gsag dang/

gzhogs slong dang/ thob 'jal dang/ rnyed pas rnyed pa 'tshol ba
dang/ ngag 'khyal la sogs pa'i sdig pa dang sgrib pa thams cad
char chen po bzhin rgyun mi chad par 'ong pas de la dgongs nas
bla ma gong ma rnams kyis kyang/ tshe 'di'i zhen pa dang ma bral
na ci

byas pa thams cad sdig pa yin ces mang du gsungs/ yang tshe 'di
la zhen pas byas pa thams cad don dam pa'i sdig pa yin pas de la
dgongs nas kyang thams cad sdig pa yin par gsungs pa yin ang
stam/ zhes sogs dang/ grub chen gling rje ras pas/ 'khor ba

rnam rtog gi dur khrod na/ /'jig rten chos brgyad kyi ro langs
rgyu/ /dur khrod 'jigs su rung ba zhig de na gda'/ /bla ma spyod
pa zhig mdzad na de ru mdzod/ /ces dang/ rje'i gsung thor bu
las/ 'jig rten chos brgyad dag la ni/ /yid ni mnyam pa nyid thob

cing; /rtag tu zang zing med pa yi/ /chos kyi dga' ba des 'tsho
bar shog /ces gsungs so// ! (//rnal 'byor dbang phyug rtogs ldan
'jam dbyangs blo gros pa'i zhabs brtan gsol 'debs chab mdo spar
ma'i smon tshig ) /bstan pa'i snying po gang zhig srid ba'i

mig ;mkha' khab rgud mun 'phrog pa'i cho ga mkhan/ /'dren pa'i
'phrin las mgyogs 'gro thub ba'i rlabs/ /gang gis 'dzin pa'i
dbang phyugs 'dir snang/ /'di ni rdo rje'i dwangs mar smin pa'i
phyir/ /drang srong grub pa'i bden pa dbyangs su bsgags//

@041a @#/ /ji bzhin kun gyis rgya cher bzlo ba'i slad/ /spar du
sgrub pa'i sbyin pa'i bdag po yang/ /tshe rabs 'dren mchog bla
mas rjes su gzung/ /mdo sngags lam gyi rim pa'i nyams myong gi
/bdud rtsis snying

gi bum bzang legs gtams nas/ /zung 'jug rgyal sa myur du 'dzin
gyur cig (/ces pa 'di yang/ yab tshang sku ngo blo bzang dkon
mchog nas rgyu sbyar spar bskrun mdzad pa'i dge bspo'i tshigs su
bcad par ba bong kha pas smras pa de legs 'phel// //

! g.yang sgrub 'don sgrigs dgos 'dod char 'debs zhes bya ba
bzhugs so/) ! oM swasti/ dgos 'dod stsol mdzad yid bzhin nor bu
dang/ /rgyas byed dza ma dkar rnam mang thos ba'i sras/ /nor
bdag tshe ring mched lnga la sogs ba'i/ /nor

lha'i tshogs rnams kun gyis shis ba stsol/ /'dir g.yang sgrub
kyi zhal 'don go rim khrigs chags su bsdeb pa la/ thog mar sbyor
chos dang/ thun drug dge ba 'di yis bar phyag bzhes ltar btang/
dga' ldan lha nga rgyal/ yi dam

bdag bskyed bzlas pa gtor 'bul bar dang/ bskang rdzas byin rlabs
nas/ chos rgyal dang/ gser zhun ma gnyis kyi spyan 'dren nas
bskang ba grub kyi bar btang/ de nas g.yang 'gugs skyabs kyi
mchog gyur nas/ bskyab tu gsol//

bar brjod/ nyin dang por/ sngags drug phyag drug gis byin gyis
brlabs nas/ rang gi thugs kar/ nas/ gnod byed thams cad mdun du
bkug par gyur/ gzugs rnams yod tshe cho ga dpe ltar mdzad/ oM
sarba big+hnA na

@041b zhes lan gsum gyis gtor ma nang du bskor/ oM su ma b+ha
zhes ba nas ting lo phyir bskor/ gnod byed bse rag spun dgu /
nas/ de pas rang rang gnas su song/ /bar brjod/ na moX sumb+ha
nis bgegs bskrad/ bgegs rigs stong phrag nas/

bsrung 'khor bsgom/ mchod pa byin rlabs/ mgon dkar bum rdzas
byin rlabs/ mngon rtogs/ spyan 'dren nas/ 'dun pa dbang gi dngos
grub stsol/ /bar btang/ yang mchod pa byin rlabs/ mgon zhal gyi
bum rdzas byin rlabs/ mgon

po zhal gyi spyan 'dren nas/ da lta nyid nas sgrub par mdzod/
/bar btang/ yang mchod pa byin rlabs/ rdza ma dkar spyan 'dren
nas/ nor bdag 'khor dang bcas la phyag 'tshal lo/ /yang mchod pa
byin rlabs/ tshe ring ma'i spyan 'dren

nas/ gsang ba'i yum chen lnga la phyag 'tshal lo/ /rnam sras bum
rdzas byin rlabs/ spyan 'dren nas/ shes rab thugs rjes mi bsnyel
mi gtong shog /rang gi thugs ka'i zhes sogs grib sel yig brgya
nyer gcig /mgon dkar/

mgon zhal/ dzam dkar/ tshe ring ma/ rnam sras bcas kyi bshags pa
tshar gsum re/ de nas bskang rdzas rnams dkyus gcig byin gyis
brlabs nas/ bskang gtor nang mchod ltar byin gyis brlabs/ mgon
dkar/ mgon zhal/ dza ma

dkar/ tshe ring ma/ rnam sras bcas kyi bskang ba tshar gsum re/
tshe ring ma'i/ nyi ma nub phyogs lan gcig gis 'thus/ chos sku
yangs pa'i/ nas/ srung ma'i tshogs/ /bar dang/ de nas g.yang
'gugs/ kyai; nyi ma thamS

@042a @#/ /cad X kun tu bde legs mdzod/ /bar brjod/ mgon dkar
g.yang 'gugs tsandan ljon shing btang nas/ bzlas dmigs/ bzlas
pa/ yig brgya/ mchod bstod/ mgon zhal gyi bzlas pa/ yig brgya/
mchod bstod/

gri lag g.yab ste/ bdag mdun thugs ka nas spros pa'i/ /nas/
bdag gi bsam pa'i don kun sgrub par mdzod/ /dzam dkar gyi bzlas
dmigs/ bzlas pa/ mchod bstod/ tshe ring ma'i bzlas dmigs/ bzlas
pa/ yig brgya/ mchod

bstod/ rnam sras kyi/ ri rab lhun po/ bzlas dmigs/ bzlas pa/ yig
brgya/ de nas gtor ma rnams dkyus gcig tu nang mchod ltar byin
gyis brlab/ mgon dkar gtor ma phul nas/ rgyal dang rgyal ba'i
gdung 'tshobX thob pa'i

'phrin las mdzod/ /bar btang/ mgon zhal gyi gtor ma phul nas
gtor rdzongs/ dzam dkar gyi gtor ma phul nas/ gtor rdzongs/ tshe
ring ma'i gtor ma phul nas gtor rdzongs/ rnam sras kyi gtor ma
phul nas gtor rdzongs/

chos skyong spyi'i gtor ma/ gtor rdzongs/ mkha' 'gro sbyi gtor/
gzhi bdag gtor mA/ chos skyong spyi'i 'phrin bcol/ drug cu ma
sogs btang/ de nas gser zhun ma'i bstod pa/ de nas mgon dkar
bstod pa dgos 'dod kun 'byung/ g.yang

'gugs kyi gang la brten nas/ mgon po yid bzhin nor buX mdzad du
gsol/ su bra ti ShTha/ bla ma mgon po dbyer medX sel bar shog/
mgon po bla maX bar chad ma lus sel bar mdzod/ /yang lan gnyis
pa gong ltar la tshig rkang tha

@042b mar/ nad gdon ma lus sel bar mdzod/ /ces dang/ yang lan
gsum bar gzhan rnams gong ltar la/ dbul phongs ma lus sel bar
mdzod/ /ces bsgyur te gsung/ mgon zhal gyi bstod pa/ g.yang
'gugs/ dzam dkar bstod pa

gnyis dang/ tshe ring ma'i bstod pa dgos 'dod yid bzhin nas/
dngos grub stsol bar mdzad du gsol/ /bar dpe ltar mdzad du gsol/
/bar dpe ltar mdzad/ rnam sras bstod pa/ de nas/ dpal ldan phyag
na rdo rje zhes sogs gser skyems dang/ g.yang sngags

nyer gcig /shar gyi phyogs nasX phya g.yang mi 'gyur bar btang/
de nas gtang rag /mgon po'i bkra shis dang/ tshe ring ma'i bkra
shis sogs spyi 'gro ltar legs par bya'o/ /7 nyin gnyis par sa
bon rnams dor te sngar yod

gsal 'debs ma gtogs cho ga'i go rim gong dang 'dra/ sa bon 'dor
lugs zur gsal ltar dang/ 7 nyin gsum par sbyor chos nas mgon
dkar bstod pa dgos 'dod kun 'byung bar gong dang 'dra/ gang la
brten nas bzhag ste mgon zhal gyi bstod

ba gsung/ g.yang 'gugs bzhag ste dzam dkar gyi bstod pa gnyis
gsung/ tshe ring ma'i bstod pa dgos 'dod yid bzhin ma/ rdo rje mi
'gyur 'gor bzhag /rnam sras bstod pa nas/ de ring bywa ye phywa
ldan no/ /bar gong dang 'dra/ /de nas

g.yang gral tshugs te mgon dkar g.yang 'gugs gang la brten na
gsung skabs mda' dar bskor/ de nas mgon zhal gyi gril ga g.yab
ste/ bdag mdun thugs ka nas/ don kun sgrubs/ /bar slar yang
gsung/ grub mtshams

@043a @#/ /su gri lag bskor/ de nas mgon zhal gyi g.yang 'gugs/
rnam sras 'bod do de ring nas/ mi 'gyur brtan par shog /tshe ring
ma'i g.yang 'gugs/ g.yang gral rnams gsung/ rnam sras sngon
dang sngon

gyi; de ring khu ye khu ldan no/ /bar btang/ nor lha rnams kyi
gtang rag 'dir mdzad/ g.yang gtor rnams gtor khang du bcug
/mchod gtor bskang rdzas rnams byin gyis brlab/ mgon dkar gyi
mgon po yid bzhin nor bu

dang; mgon zhal gyi dpal mgon rgyas byed nor lha'i tshogs/ /zhes
sogs dang/ dzam dkar gyi bdir ni rten dang zhes pa dang/ tshe
ring ma'i lha mo khyed rnams kyi zhes pa dang/ rnam sras kyi
rgyal chen byi ba'i rnam pa can/ /zhes sogs kyi

'dod gsol rnams gsung/ g.yang sgo bsngam/ mtshams su slob dpon
nas/ dang po chos kyi dbyings kyi rgya/ /zhes sogs dag 'don
mdzad de rgya bsngam/ de nas sgo srung mchod pa bsgrig /gtor
ma'i grangs drug ji ltar zhen gzhi

bdag la gcig/ rgyal chen bzhi la bzhi/ sgo srung gnyis la gcig
gam gnyis gang rigs gsungs kyang phyag len la gcig ste drug
mdzad/ de nas/ de ring gza' tshos nas/ kun tu bde legs 'gyur/ /de
ni gyang ba nas/ /gro med

shog /bar btang/ tshe ring ma'i nor bdag mched lnga nas/ brtan
bar mdzod/ rnams sras sgo srung byin rlabs/ bar chad zhi bar
mdzod/ /bar btang/ yon bdag lhar bskyed de rdzas brgyad sogs
bkram/ phun sum tshogs pa sogs shes

@043b brjod/ tshe ring ma gsung tshe/ tshe ring mched lnga'i shis
brjod rnams mdzad ring sku yon sogs phul nas g.yang gral grol/
bla mgon dbyer med 'dir gsung/ de nas yi dam/ chos rgyal/ gser
zhun ma bcas kyi gtang rag mchod bstod dang/

smon lam/ bzod gsol/ shis brjod yon tan rab rdzogs ma bcas/ 7
gong gsal sa bon dor lugs ni mgon dkar gter bum bskyed chog
skabs/ grangs dang mnyam pa'i padma dang zla ba'i dkyil 'khor
gyi steng du rin po che zhes pa dang/ lha

bskyed skabs/ stod kyi cha la padma dang nyi ma'i dkyil 'khor
gyi steng du bcom ldan 'das mgon po zhes pa man 'dra/ 7 mgon po
zhal la gter bum bskyed chog skabs/ yangs shing rgya che ba'i
dbus su padma dang zla ba'i gdan gyi steng du rin po

che'i gter bu ma zhes pa dang/ lha bskyed skabs/ dbus dang
phyogs bzhir ro'i gdan re re/ gdan de rnams kyi steng du gtso
'khor bcas dus gcig tu grub pa ni zhes bsgyur btsam las gzhan
dkyus ltar bya'o/ /7dzam dkar lha bskyed

skabs/ rang gi mdun du rin po che sna lngas yongs su gang ba'i
nang du padma 'dab ma bzhi pa ste ba dang bcas pa'i dbus su zla
ba'i dkyil 'khor gyi steng du 'phags pa dzam b+ha la zhes pa
bsgyur te gsung/ 'khor bskyed skabs shar gyi 'dab ma la rdo rje

DA ki ma/ lhor rin chen DA kim/ nub tu padma DA ki ma/ byang
du las kyi DA ki ma zhes sa bon dor te gsung rgyu yin la/ rnam
sras dang/ tshe ring ma gnyis la sa bon dor rgyu zur du ma gsungs
pas/ sa bon 'dor ba mi dgos so/ /de ltar khyab

@044a @#/ (/bdag rdo rje 'chang pha bong kha pa dpal bza' bos/
sde dpon dgon khag mang ba'i 'dod bstun g.yang sgrub mdzad
skabs kyi phyag bzhes ji ltar gnang ba'i cho ga'i 'gros bkod 'di
ni/ skyabs rje brag ri mchog sprul rin po che nas lam tsam zin
bris mdzad

de; rdo rje 'chang nyid kyi drung du spyan zhur bab par/ dbu'i
mchod brjod mdor bsdus nas bzungs 'byin 'jug zhus bcos dang bcas
te ljags sgrigs su legs par stsal pa slar gsung 'bum gras su
bzhugs pa'o// //! rnam sras g.yang chog dgos 'dod char 'bebs
yab gzhis

glang mdun sbang ma grangs/ 1ba14 rgyal po'i bzhed don lhun gyis
grub/ ces pa'i mtshams su/ de 'og 'ol dga' rdzing phyi ru/ /kun
mkhyen rgyal btsong kha pas/ /rgyal chen rnam mang thos sras la/
/mchod cing bka' bsgos gnyer gtad pas/ /nyid bstan skyong zhes
g.yar dam

phul; ;bran du khol zhir las kun bsgrubs/ /de yi mthu las sa
chen khyon/ /khrims ldan ngur smrig 'dzin pas khyab/ /thub bstan
snying po'i nyi ma shar/ /phywa g.yang dbyar gyi mtsho bzhin
rdol/ /snod bcud rdzogs ldan dpal yon rgyas/ /da lta rnal 'byor
bdag

cag gis/ /dkon mchog mchod ba rgya cher bshams/ (/zhes pa man
g.yang chog dkyus ltar ro//) // ! rje thams cad mkhyen btsong
kha pa chen pos rgyal ba'i gsung rab mdo rgyud dang/ de'i dgongs
'grel gyi bstan bcos 'phags yul paNDi ta'i gzhung lugs ji snyed
cig

yod pa thams cad rigs pa dri ma med pa'i lam nas drangs pa'i
dpyad pa yongs su rdzogs pas thugs su chud/ grub pa'i dbang
phyug chen po rnams kyi sngags kyi bshad srol ji snyed cig mchis
pa dang/ bod kyi mkhas grub gong ma rnams kyi gsung srol mtha'
dag thugS

@044b su chud/ mkhas ba rang rang gi bzhed srol phra mo rnams
kyang ma 'dres par mkhyen/ mdor na mdo rgyud dgongs 'grel man
ngag lag len dang bcas pa nyid kyi mkhyen rab kyi yul du ma gyur
ba cung zad tsam yang med pas 'phags yul shing rta chen

po la co 'dri ba lta bus mkhas pa kun gyi gtsug gi nor bur gyur/
de dag thams cad kyang gang zag gcig 'tshang rgya ba'i nyams len
gyi gdams par shar/ 'dul ba'i bcas mtshams phra mo yang 'da' ba
med par gnas pha rtan 'dul ba 'dzin

pa 'phags pa nye bar 'khor ltar gyur cing/ ljongs 'dir 'dul pa'i
bstan pa ming gi lhag ma tsam du gyur pa rmang nas gso bar
mdzad/ nges pa'i don du rje btsun 'jam dpal dbyangs nyid mi'i
rnam par rol ba min kyang/ drang

don gdul bya'i snang ngor yang ji ltar thos pa'i don la tshul
bzhin bsan pa dang/ sgrub pa rtse gcig tu mdzad pas thun mong
dang/ thun mong ma yin pa'i ting nge 'dzin gyi sgo dang/ zhi
lhag rim gnyis dang bcas pa'i rtogs pa khyad par can

'khrungs te grub pa'i go 'phang mthon por gshegs/ mdo sngags lam
rim gnyis dang/ drang nges legs bshad snying po/ rtsa 'jug gi
TIka chen rnams gnyis/ rim lnga gsal sgron la sogs pa 'phags
bod kyi paN

grub sus kyang rtsom par mi nus pa'i legs bshad kyi gter chen po
mkhyen rab kyi mdzod las phyungs/ de dus bod kyi sgom chen pa
rnams la sgom gyi gnad las brtsams pa'i dri ba lhag bsam rab
dkar mdzad kyang de skabs sus kyang lan zhu

@045a @#/ /ma nus/ gzhung chen mo dang mthun pa'i zhi gnas sgrub
tshul gyi man ngag /zab mo dbu ma'i lta ba klu sgrub kyi dgongs
pa ji lta ba tshol tshul/ bde stong 'od gsal/ sgyu lus/ lam rim pa
lnga'i zab gnad

khyad par can rnams rje btsun 'jam dpal dbyangs kyi zhal chab
dron mo lta bu'i man ngag gi srol phye bar mdzad/ stobs kyi
'khor los sgyur ba rgya nag rgyal pos gdan 'drangs pa la'ang
thugs mi gzhol/ mkhas pa'i dbang po stag tshang lo tsA

ba dang/ 'brug pa padma dkar po/ karma pa mi bskyod rdo rje sogs
kyis sku tshe'i stod la phyogs lhung gis dgag pa ci rigs mdzad
kyang/ rjes su gsung rab rnams gzigs pas 'gyod dang dad pa drag
po 'khrungs nas tshigs su bcad pa'i bstod

bsngags kyi me tog 'thor bar mdzad pa da lta rang rang gi gsung
du gsal/ po dong khyogs las rnam rgyal gyis kyang dpal mdon glu
sgrub dang/ dpal ldan bla pa dang mi gnyis pa lta bur gzigs nas
mchod par mdzad/ de

dus kyi mkhas pa thams cad kyi sgro 'dogs gcod sa dang sgom chen
pa thams cad kyi nyams rtogs 'bul sa/ skye bo mchog dman mtha'
dag gi mchod pa'i zhing/ mi'i dbang po thams cad kyi gtsug nor/
'phrin las

kyi gdugs dkar po gcig gis sa chen po 'di yongs su bzung bar
mdzad do/ /deng sang gi dus su'ang khrims lngan dge 'dun gyi sde
gnam gyis sa bkab pa lta bus lung rtogs kyi bstan pa bshad sgrub
dri ma

@045b med pa'i 'dzin cing spel ba 'di dag kyang rje rgyal ba
gnyis pa'i 'phrin las kho na la brten las byung ngo/ /'di ni
rags pa tsam ste zhib pa ni rnam thar chen mo rnams su gsal ba
ltar ro/ /gsung las skyes pa'i slob bu'ang lung bstan

thob pa'i thugs sras bdun/ sras kyi thu bo gnyis/ 'khor dag pa
rnams brgyad/ 'phrin las nam mkha' dang mnyam pa'i bu chen bzhi/
dbus gtsang gi bstan pa'i sgron me bcu/ gzhan don lhun gyis grub

pa'i sems dpa' drug /mi dbang gtsug na bkur pa'i ti shri'i
gnyis/ sa skyong chos rje drug /skye dgu'i gtsug rgyan spyan
snga brgyad sogs mkhas grub/ bla chen/ bya bral/ gnas brtan/
rtogs ldan sogs mtha' yas

nam mkha'i skar tshogs lta bu byon pa phyogs tsam yang brjod kyis
mi lang ngo// //! drug cu ma drag bsngo ni/ skad cig krong
bskyed/ nang mchod/ mchod gtor byin rlabs/ gtor

ma lhar bskyed/ gshin rje pho rgyud kyi tshogs dpag tu med pas
bskor ba/ de'i phyi rol du shar du dbang po dmar ser nas/ 'byung
po'i tshogs rnams dang bcas par gyur/ de dag gi phyi rol du dam
can rgya mtsho'i dmag tshogs sha la

dga' ba/ (nas/) bar snang nam mkha' sa gzhi thams cad gang ba/
gtso 'khor thams cad kyi spyi bor oM dkar po nas/ spyan drangs/
dzaH 'jam dpal gshin rje/ 'di nas lho yi phyogs rol/ dbang bskur
rgyas btab/ mchod

@046a @#/ /bstod/ bshags pa bla ma mchog dang/ bde chen lhun grub
ma/ gser skyems/ dgug gzhug lan gsum/ mchod gtor byin rlabs/
rang gi thugs ka'i gnas/ mA ra ya phaD lan bzhi/ de nas lha
bteg/ gtor ma byin rlabs/ chos kyi

rgyal po yab yum/ gtor ma phul/ mchod gnang mchod phul/ hoH
rgyal ma/ chos rgyal yab yum/ gzhi bdag gtor ma/ bcom ldan gshin
rje gshed go 'chi bdag ma/ stobs chen gshin rje ma lan gsum
gsungs// // ! lung ched/ ji snyed rgyal ba'i brtse

chen ga pur rdul/ /mtshan dpe'i thig le gcig gi 'jo sgeg gis/
/'gro drug gdung pa bcil ba'i mgon gcig pu/ /phyag na padmo sgyu
'phrul rim pas skyongs/ /! 'dren mchog bla ma mkhas shing grub
pa'i dbang/ /gang gi gsung

gsang bdud rtsi'i thig le ltar/ /skal bzang snying gi bcud du
bsten 'os 'di/ /rgyu sbyer dge tshul rnam dag bstan rgyas nas/
/lhag bsam dag pas par du bskrun pa'i dges/ /'di dang skye ba'i
phreng ba thams cad du/ /drin can bla ma'i

sras kyi thu bo ru/ /dgyes bzhin rjes gzung sa lam myur bgrod
shog /(smon tshig 'di bzhin pha bong kha pas sbyar ba'o/ /'di co
ni dge ba shes rin po che'i gsung dris lan bslab bya'i smon
byang du stsal ba'o//) //! (lung med/) gtsug lag khang dang
mchod

rten gsar bzhengs kyi gzhi der 'khor yug gi rgya dang bstun pa'i
mtha' skor du/ rdo rje slob dpon gyis sna drangs/ tshang mas sku
la chos gos rnam gsum dang dbu zhwa gsol/ phyag tu rdor dril
thogs nas ji ltar yod pa'i khor yug tu/ phun

@046b sum tshogs pa sogs dang/ bkra shis gang zhig sogs dang/ che
ba'i che mchog sogs bkra shis kyi tshigs bcad gang rgyas gsung
bzhin g.yas skor lan gsum/ phyag dril dang sril snyan sogs
'khrol/ me tog 'thor/ de nas gzhi

der rgya tshad ji ltar dgos pa'i thig skung ring pos phyogs bzhir
mdun nas g.yas skor gyis las thig btab/ yang thig skud tshon sna
snga pa zhig gis de'i thad kyi bar snang la phyogs bzhir sngar
bzhin ye thig btab/ de nas bstan pa rgyas

pa'i smon lam sogs gsung ba mdzad rgyud yin lags// //(lung med/)
rgyal kun snying rje'i gzugs spyan ras gzigs/ /nyam thag snyigs
lnga'i mgon du mngon bzhengs pa/ /thub bstan rgya mtsho snying
nas gsol

'debs na/ /zhabs sen bskal ba rgya mtshor rtag brtan mdzod/
/rgyal ba 'od mtshan mtha' yas mi yi gar/ /mtha' yas bstan dang
'gro ba'i dpal gyur pa/ /chos kyi nyi mar snying nas gsol 'debs
na/ /zhabs sen bskal pa rgya mtshor rtag brten

gsol/ /blo bzang 'jam dpalO dbyangs snying po'i lung rtogs kyi/
/bstan pa'i rgyal mtshan 'dzin la zla bral zhing/ /'phrin las
rgya chen dbyar gyi mtshoO ltar 'phel/ /rje btsun bla ma'i zhabs
sen rtag brtan gsol/ /ngag gi dbang phyug blo bzang rgyal ba yi/
/

lung rtogs bstan pa 'dzin pa'i 'phrin las che/ /zla bral mgon
der snying nas gsol 'debs na/ /zhabs sen bskal ba rgya mtshor
rtag brtan gsol/ (/'di yang rje nyid kyi gsung ngo// // ! spom
mda' sbyin bdag chen mo nyi ma rgyal mtshan la mdo khams nas)

@047a @#/ (/lha ldan du gnang ba'i mtshams don/ lung med/) sbyin
bdag chen mo mchog ri khrod du bzhugs mus kyang/ snyun khams
babs lci shin tu dwangs dka' drag sdug sna tshogs 'byung mus yin
tshul sogs phebs

pa shin tu thugs ngal che rung/ snyun yun ring zhing/ zhabs zhu/
thugs mkho sogs ji bzhin dgongs bzhed 'grub min gang la'ang
thugs pham mi mnga' bar/ gtso bor dal 'byor rnyed dka' don che
yid bzhin nor bu 'bum las lhag pa 'di

nyid ring por 'tsho thabs kyi zab bzhes kho na lhur bzhes gtsor
'don thog /snyun khams 'di yang sku tshe'i 'gal rkyen mi byed par
yang yang drag sdug ci rigs kyi yun ring sku ngal mnar dgos 'di
ni/ nges par lam khrid skabs

ji zhus ltar sngon bsags las ngan tshabs po tshe'i myong bya 'di
thog smin te/ sku tshe phyi ma'i ngan 'gro'i skya sgo khegs nges
kyi lam sel gtan 'dun gyi dngos grub zhig rang yin nges la/ des
na bla mchod las/ snod bcud sdig pa'i

'bras bus yongs gang ste/ /mi 'dod sdug bsngal char ltar babs
gyur kyang/ /las ngan 'bras bu zad ba'i rgyur mthong nas/ /rkyen
ngang lam du longs par byin gyis rlobs/ /zhes dang/ rgyal mchog
bskal bzang rgya mtsho'i gsung

las kyang/ lus la nad byung ba na/ sems khral gyis sdug bsngal
byas tshe/ lus kyi sdug bsngal yod pa'i khar/ sems kyi sdug
bsngal bsnon pa'i nyis brtsegs su 'gyur bas/ mi'i lus 'di lta bu
blangs phyin chad/ lus

@047b la 'byung ba dang rung ma khris bad kan sogs gnod byed mi
mthun pa du ma'i gnas bcas/ phyi'i bgegs rigs ki 'tshe ba du mas
glags blta bas na nad sna tshogs shugs drag ba dang/ yun ring ba
yong ba gzhir bcas pas/ de la mi 'dod

ba bya rgyu ci yang med snyam du blos btang/ rang gi na tsha 'di
bas lhag pa mi dang/ dmyal ba yi dwags/ dud 'gro la sogs pa'i
sdug bsngal bsam gyis mi khyab pa yod pa nas/ de dag gi tshed
byas na nga'i nad 'di chung ngu rdul tsam gyi tshod yin pas/

los bzod snyam nas na tsha dwang du blangs/ lhag par de lta bu'i
sdug bsngal gyis mnar ba thams cad nga dang 'dra ba nyam thag pa
sha stag yin pas/ de dag gi sdug bsngal gyi go nga'i nad 'dis
chod par shog snyam pa byas nas/ yang gi mtha' skor du sdug

bsngal can gyi sems can thams cad yod par bsam/ dbugs tshur rngub
pa'i tshe de thams cad kyi sdig sgrib dang na tsha sdug bsngal
thams cad dbugs kyis tshur 'then nas rang la smin bas/ de thams
cad sdug bsngal dang bral song snyam pa yang yang

byas na dge ba gzhan gang byas las kyang bsam pa de 'dra skad
cig tsam byas pa phan yon che bas/ nga'i nad 'di byung ba la
gtong len gyi dge rtsa byed rgyu byung ba go bcad/ da dung nad
'di mi drag na dge rtsa chen po gzhan sus kyang byed mi nus pa
de lta bu byed rgyu

yong ba 'dug bas nad 'di yod pa rang dga' ba 'dug snyam du zhe
thag pa nas thag bcad/ blos btang nas bzhag nas 'phral phugs 'di
phyi thams cad du phan nges pa yin pas yid 'jags gyis/ zhes
gsungs pa ltar mi 'dod rkyen ngan ji byung

@048a @#/ /yam 'khyer gtong len gyi nyams bzhes blo sbyong las
byung ba ltar mdzad gal che bas de lugs dgongs zab tu rol ba// !
//oM swa sti/ dbyings kyi lhan skyes sgyu ma'i rol sgeg gar/

glog zhun lang tsho mtshan dper bskyod pa'i nyams/ /mkha' khyab
sgyu 'phrul yo lang kun gyi bdag /brten ldan ma khyod mi shigs
dpal du rol/ /ye shes 'od sku dngos dang mi gnyis par/ /sku dang
gsung gi ngo mtshar mtha' klas pa'i/ /dga' ston mngon

sum nyid kyi snang brnyan 'don/ /ljongs 'di'i bsod nams phul gyi
skal bar thob/ /gang gi lo rgyus ngo mtshar dbyangs kyi ris/
/skal bzang dad dang mchog thun 'dod rgyu'i dpyid/ /kun la rgya
cher srel slad bya tshang pa/ /tshe dbang nor bu mthog

nas spar du bskrun/ /ji snyed rab dkar dge ba'i phung po des/
/rgyu sbyor gyis mtshon bdag sogs mkha' khyab 'gro/ /rgyal yum
khyod kyi brtse chen 'od zhags kyis/ /dam du 'chings pa'i brtse
dags rtag sbyong mdzon/ /phyi nang mkha' spyod dbyings

su grub gnyis kyi/ /dpal yon bsam dang re pa'i chod 'jo bzhin/
/thobs mkhas nye lam mchog gi shing rta yis/ /zung 'ug god dma'i
rgyal sar myur bgrod shog (/ces rwa chog rje btswan rdo rje rnal
'byor ma'i dkar chag 'di bzhin dad ldan mchog dman yongs

la dad gus bsod nams kyi nyer len mchog tu chos sbyin rgya cher
spel slad sger ldan bya tshang ba'i sku ngo tshe dbang nor bu byin
tshang nas rgyu sbyar spar du bskrun ba'i dge bspo'i tshigs su
bcad bar ji ltar ba tshul ma mdzad pa bzhin du pha 'ong kha pas
chu byas zla'i yar gyi bzang po gnyis pa'i chos la 'khral

@048b ma sbyar ba 'gro don 'phel// ! //rje nyid kyi gsung sgrol
dkar sgrub thabs bsdus pa'i smon byang/) rgyal kun 'phrin las
zla zhun bung po'i khams/ /'chi med sgog mor 'phrul ba'i mtshan
snyan gyi/ /zil dngar cha shas snying 'du 'phos pas kyang/ /

tshe dang ye shes byin brgya 'dod rgur 'beb/ /de phyir bdag gzhan
'chi med dga' ston la/ /spyod phyir mdzod pa 'phrin las dar
rgyas nas/ /rgyu sbyar spar du bskrun pa'i rnam dkar dges/
/'phrags ma'i byin brgya snying la 'bebs gyur cig /rgyu

sbyor nyid dang mtha' yas 'gro ba kun/ /dus min nyi bu'i 'tshe ba
ring btang nas/ /'chi ba med pa'i tshe yi rigs 'dzin gyis/ /gtan
bde'i go 'phang myur du sgrub nus shog (/ces pa 'di yang rang gi
'dzod pa 'phrin las dar rgyas nas so par du bskrun pa na dge
bsngo'i dbyangs su smras

pa'o;; ! ;;drug cu ba'i 'don sgrigs 'khyer bde nag 'gros su bkod
pa las bzhi'i 'phrin las myur 'grub ces bya ba bzhugs se// !
//drug cu ma 'bul tshul nag 'gros su 'god pa la/ thog mar dga'
lha dang dmigs brtse 'don/ yi dam gyi sgrub thabs rgyas bsam/
bsdun skad

go krong bskyed bya/ nang mchod dang/ mchod pa byin gyis brlab/
de nas las gshin bskyed pa ni/) hrIH ShwIH sa bsangs/ swa b+ha
was stong par sbyangs/ stong pa'i ngang las mdun du padma dang
nyi ma dang dgra bgegs rnams kyi snying gnas brdzis pa'i ma he
rab tu khros pa'i

gdan gyi steng du ya las thod dbyug las mtshan pa/ de las 'od
'phros/ dgra bgogs gdug pa can thams cad tshar bcad/ tshur 'dus
dbyug to la thim/ de yongs su gyur pa las/ las kyis gshin rje
nag po zhal gcig phyag gnyis pa ma ha'i

@049a @#/ /gdong pa can/ dmar zhing zlum pa'i spyan gsum dang
ldan pa/ g.yas pas thod dbyug dang g.yon pas zhags pa 'dzin
pa/ dbu skra dmar ser gyen du brjes pa/ ling+ga dmar po gyen du
langs pa/ de'i g.yon

du tsaM dang rtse gsum las skyes pa'i tsA muNDI nag mo zhal
gcig phyag gnyis kyi g.yas rtse gsum dang g.yon thod pa 'dzin
pa/ ya ba ti la sogs pa gshin rje pho mo'i 'khor gyis bskor ba'i
gtso 'khor thams cad kyi spyi bor oM dkar

po; mgrin par AH dmar po/ thugs kar hUM sngon pos mtshan par
gyur/ rang gi thugs ka'i hUM las 'od zer 'phros pas lho phyogs
rim pa bdun gyi sa 'og nas las kyi gshin rje yab yum 'khor dang
bcas pa skad cig gis spyan

drangs/ dzaH 'jam dpal gshin rje'i gshed kyi bka' sdod mchog
/chos kyi rgyal po yab yum ya ba ti/ /pho nya mo la sogs pa'i
'khor dang bcas/ /'phrin las rnams bzhi'i las la spyan 'dren na/
/gling gi mchog gyur 'dzam gling lho

yi phyogs/ /mthar byed lcags kyi thod mkhar 'bar ba nas/ /lho
sprin nag po rlung gis bskyod pa bzhin/ /brtse ba'i thugs kyis
gnas 'dir gshegs su gsol/ /oM kA la rU pas pa ri wA ra a
karSha ya dzaH dzaHhUM baM hoH gnyis su

med par gyur/ slar yang thugs ka'i hUM las 'od zer 'phros/
gshin rje gshed rigs lnga spyan dang/ khyed nams kyis 'di la
mngon par dbang bskur du gsol/ zhes gsol ba btab pas de rnams
kyis ye shes kyi bdud rtsis gang ba'i

@049b bum pa thogs te/ oM badzrI b+ha wa a b+hi Shinytsa hUM/
zhes spyi bo nas dbang bskur bas dri ma dag /chu'i lhag ma yar
lud pa las rdo rje nag po rtse lnga pas dbu brgyan par gyur/ om
kA la rU pas pa ri wA ras ma ya stwaM/ oM kA la rU pa sa
pa ri wA

ra arg+haM/ puShpe/ nas; shapta pra tI tstsha hUNM swAhA/ oM
kA la rU pa hUM phaT oM AHhUM/ yab ti la sogs pa gshin
rje pho mo'i tshogs khro dang bcas pa rnams kyi zhal du oM AH
hUM/ dzaH 'jam dpal bka' nyan

bstan srung ni/ /dam can gshin rje'i rgyal po ste/ /zhal gcig
phyag gnyis 'jigs gzugs can/ /mgon po khyod la bdag bstod do/
/spro na bskang bshags bya ba la/ bshags pa ni/ hUM; bla ma
mchog dang dkyil 'khor lha tshogs

dang; /bka' sdod srung mar bcas pa dgongs su gsol/ /rtsa brgyud
bla ma chos skur ma rtogs par/ /nyon mongs dbang gis log lta
bgyis pa dang/ /rtsa ba yan lag dam tshig ma bsrung dang/ /sku
gsung thugs dang phyi nang gsang ba yi;

dam tshig las 'das bsnyen sgrub g.yel ba dang/ /mchod gtor dman
dang dam rdzas sbags la sogs/ /mdor na sgo gsum sgo nas nyes
pa'i tshogs/ /thugs dang 'gal bar gyur ba ci mchis pa/ /bla ma yi
dam srung mar bcas pa la/ /

sprol bral chos dbyings dang du bshags par bgyi/ (/bskang ba
ni/) hUM; bde chen lhun grub gdod ma'i rang bzhin las/ /sna
tshogs mchod pa'i bye brag mtha' yas pa/ /chos kyi rgyal po yab
yum spyan lam du/ /legs par 'byung bas

@050a @#/ /dgyes pa skyed gyur cig /dmar chen khrag gi mchod yon
dgra bgegs kyi/ /dbang po'i me tog sha sna'i dud sprin dang/
/tshul chen mar me zhag chen dri chab dang/ /sha rus zhal zas sna
tshogs rol mo

'dis/ /chos kyi rgyal po yab yum thags dam bskang/ /dregs pa pho
brgyad mo brgyad la sogs pa'i/ /bka' sdong las byed thugs dam
skongs gyur nas/ /rnal 'byor bcol 'di 'phrin las bsgrub par
mdzod/ /rlu ba ltar myur mgyogs

rta nag tshogs rnams dang/ /mig sman mdangs chags stobs ldan ra
dang lug /rngams brjid g.yag rgod dgra 'joms gcan gzan dang/
/'phur ldong rol pa'i bya nag tshogs rnams kyas/ /chos kyi rgyal
poX dregs paX bka'

sdongX rnal 'byorX char sprin ltar nag drag po'i nga ro can/
/rngams pa'i kha rlangs dus kyi sprin ltar g.yo/ /rdo rje'i rwa
ldan dgra bgegs srog la rol/ /rab brjod mdzes pa'i ma he'i tshogs
rnams kyis/ /chos kyiX dregs

paX bka' sdodX rnam 'byorX dam nyams klad rngams pa'i thod dbyug
dang/ /dgra ba bgegs 'ching byed dus kyi zhags pa dang/ /srog
'phrogs mtshon cha khram pa mthong khrag sogs/ /bstan ngag 'joms
pa'i cha rkyen dam pa

'dis/ /chos kyiX dreg paX bka' sdodX rnal 'byorX zhing chen
g.yang gzhi mgo phreng do shal dang/ /rdo rje'i go mtshon dmar
chen gtor ma'i tshogs/ /'dod yon sna lnga lhun po gling bzhir
bcas/ /phyi nang gsang rten ma

@050b tshang med pa 'dis/ /chos gyiX dregs paX bka' sdodX rnal
'byorX stobs chen gshin rje'i rgyal po 'khor bcas kyis/ /a ti
sha dang blo bzang grags pa yi/ /bstan la gnod pa'i dag bgegs
tshang chod la/ /bstan dang

bstan 'dzin bu bzhin skyong bar mdzod/ (/gtor ma nang mchod ltar
byin gyis brlabs la/) rang gi thugs ka'i hUM sngon po'i 'od zer
lcags kyu'i rnam pa can gyis phyogs skyong bco lnga 'khor dang
bcas pa bkur/ ste phyogs mtshams rnams su 'khod

pa ni; sgad cig gis 'od gsal du bcug pa las/ /dpal rdo rje 'jigs
byed zhal gcig phyags gnyis kyis gri gug dang thod pa 'dzin pa'i
skur pa bzhengs pa'i mgron rnams kyi ljags hUM las skyes pa'i
rdo rje rtse gcig pa dmar po 'od kyi spu gu can rnams su

gyur; oM ya ma rA dzA sa do ma ya/ X swahA/ (lan gcig) /oM
b+hU tsa ra naM/ ya pA tA la tsha ra ya/ mA na khe tsa ra ya/
ta pUr ba ni gA naM/ ka dak+ShaNi dI gA ya/ hUM puShpe ma
nAM/ phaT ud tar ti gA ya/ om i/ hrIH ya/ ShTrIH wa/ wi
kiSha/ kri ko

tA e/ na a/ na de/ hUM b+hyoH phaT sarba b+hu te b+hyaH/ lan
bzhi/ oM da sha dila lo a pA la sa pa ri wA ra arg+haM/ pA
byaM/ gand+he/ nas; shapta pra tI tstsha hUM swahA/ oM da sha
dikaX wA ra oM AH hUM/ bcom ldan chos rje 'jam dbyangs
spyan lam du//

nas; bdag ni re ba'i sems kyis 'dud cing mchis/ /phyogs skyong
'khor dang bcas pa rnams kyis dam rdzas bdud rtsi 'bar ba'i gtor
ma 'di bzhes la/ bdag cag dpon slob yon mchod 'khor dang bcas pa
rnams kyi nad gnod pa/

@051a @#/ /rkyen phyi nang gi 'gal rkyen bar gcod thams cad nye
ba zhi ba dang/ tshe dang bsod nams lung rtogs kyi yon tan thams
cad 'phel zhing rgyas pa dang/ srid pa gsum gyi mi nor zas gsum
dbang du 'du zhing/ thos bsam sgom

gsum 'phel ba dang/ de dag la gnod cing 'tshe bar byed pa'i dgra
bgegs gdug pa can thams cad nye bar zhi ba'i 'phrin las mdzod
cing/ (/ces thal mo sbyar/) yang oM hrIH ShTIH wi kri tA nan
hUM phaT oM AH hUM/ oM ya ma rA dzA/ nas; nye bar zhi

ba'i 'phrin las mdzod cig (/bar slar yang tshar gsum sngar ltar
phul ba'i mjug tu/) chos kyi rgyal po yab yum 'khor dang bcas pa
rnams kyi ljags hUM las skyes ba'i rdo rje rtse gcig pa dmar po
'od kyi sbu gu can gyis gtor ma'i bcud thams cad drangs te

gsol bar gyur/ oM lA la rU pa sarba big+hna sha trUM mA ra
ya i daM ba linta kha kha lA hi khA hi hUM phaT/ lan gsum/
oM tsA muNDI ya ba ti la sogs pa gshin rje pho bo'i tshogs
'khor dang bcas pa rnams kyi zhal du i daMX phaT/ lan gsum oM

kA la rU pa sa pa ri wA ra arg+haM/ puShpe/ la nas; shapta
tI tstsha swahA/ oM kA la rU pa hUM phaT oM AH hUM/ oM
tsA muNDI hUM phaT oM AH hUM/ ya ba ti la sogs pa gshin
rje pho mo'i tshogs 'khor dang bcas pa rnams kyi zhal du oM AH
hUM/

chos rgyal yab yum 'khor bcas la/ /bdag gis mchod gtor phul ba
yis/ /dkon mchog dbu 'phang smod pa dang/ /theg pa chen po sun
'byin dang/ /bstan pa 'jig dang dbyen byed dang/ /bla ma'i sku
la bsdo ba dang/ /rnal 'byor

@051b bdag la sdang ba rnams/ /de dag chos kyi rgyal pos sgrol/
/dgra bgegs a mu ka mA ra ya phaT/ (thal mo brdab/ gzhi bdag
gtor ma/) oM badzra a mr-i ta kuNDa li ha na ha na hUM phaT
kyis bsangs/ swa b+hA was sbyangs/ stong ba'i ngang las b+hrUM
la rin po che'i snod yangs

shing rgya che ba rnams kyi nang du oM 'od du zhu ba las byung
ba'i gtor ma dkar gsum mngar gsum zag pa med pa'i ye shes kyi
bdud rtsi'i rgya mtsho chen por gyur/ oM AH hUM/ gsum/ na maH
sarba ta thA ga ta a wa lo ke te oM samb+ha ra samb+ha ra hUM/
gsum mam bdun/

bcom ldan 'das de bzhin gshegs pa rgyal ba rin chen mang la
phyag 'tshal lo/ /de bzhin gshegs pa gzugs mdzes dam pa laX de
bzhin gshegs pa sku 'byams klas laX de bzhin gshegs pa 'jigs pa
thams cad dang bral ba la phyag

'tshal lo/ /phun tshogs 'dod yon lnga ldan pa'i/ /bdud rtsi'i rgya
mtsho'i gtor ma 'di/ /sa yi lha mo bstan ma sogs/ /stong gsum
gzhi bdag tshogs rnams dang/ /tshe ring mched lnga bstan skyong
bcas/ /gangs can gnas pa thams cad dang/

khyad par yul phyogs 'di nyid kyi/ /yul ha gzhi bdag rnams la
'bul/ bzhes nas rnal 'byor yon mchod kun/ /las dang bya ba ci
byed kyang/ /ko long phrag dog ma mdzad pa/ /thun rkyen yid
bzhin 'grub par shog /bdag gi bsam pa'i stobs

nang ni/ /de bzhin gshegs pa'i sbyin stobs dang/ /chos kyi
dbyings kyi stobs rnams kyis/ /don rnams gang dag bsam pa kun/
/de dag thams cad ci rigs par/ /thogs pa med par 'byung gyur cig
/hUM; 'chi bdag nag po lho phyogs

@052a @#/ /kyi; ;rim pa bdun gyis 'og na/ /srog la rngams pa'i
gshin rje ni/ /nag po ma he'i gdan steng du/ /ya las byung ba'i
dbyug pa ni/ /thod pas mtshan pa las byung ba/ /gting nas khros
pa ma he'i gdong/ /za

byed zhal gdangs mche ba gtsigs/ /khros pa'i spyan rtsa dmar po
'khrug /skra ser sma ra gyen du brdzes/ /lag g.yon zhags pas
dgra bgegs 'ching/ /g.yas pas dbyug pas rdul du rlog /chos kyi
rgyal po gshin rje'i tshogs/ /ma mo chen mo

tsA muNDI/ /rtse gsum thod khrag bdzin mdzad pa/ /bran dang
bcas pa'i dus la babs/ /sha chen khrag zhag chen po yi/ /gtor ma
rgya mtsho mchod par bzhes/ /rgya bas bsgos pa'i dam tshig dang/
/snying rjes dgra bgegs myur du sgrol/ /sdang

ba'i dgra dang gnod pa'i bgegs/ /bdud dang bar du gcod pa rnams/
/zungs shig chings shig rnam par sdoms/ /khug cig drongs shig
dbang du bsdus/ /sod cig skrod cig rengs par gyis/ /phye zhig
gnon cig rmugs par gyis/ /

zhal zhig choms shig rnam par shig /rdul phran tsam yang med par
mdzod/ /oM kA la rU pa hUM phaT/ b+hyoH tsA muNDi hUM phaT/
ces brjod/ stobs chen gshin rje'i rgyal po 'khor bcas kyis/ /a
ti sha dang blo bzang grags pa yi/ /bstan la gnod pa'i

dgra bgegs chod chod la/ /bstan dang bstan 'dzin bu bzhin skyong
bar mdzod/ /oM ya mAnta ka sa ma ya/ nas; satwa AH hu'M
phaT/ ma rnyed yongs su ma shes dang/ /gang yang nus pa ma mchis
pas/ /'dir ni bya ba gang bgyis pa/ /de kun

@052b khyod kyis bzod mdzad rigs/ badzra muH phyogs skyong 'khor
bcas rang gnas su gshegs par gyur/ rnam dag bsam/ pas tshul 'dir
'bad pa las/ /sogs nas/ 'dzin gyur cig /nam mkha' ji srid sku
lnga'i bdag nyid can/ /zhes pa nas/ 'god

par shog /(ces brjod par bya'o/ ! 'di la mdzad byang ma gnang
yang rdo rje 'chang pha bong kha pa bde chen snying po'i zhal
snga nas kyis/ nags shod dge slong ngag dbang blo bzang gi zhal
'don du chog sgrigs mdzad pa yin zhing/ phyogs skyong gi ljags
byin rlabs skabs/ sbu gu can rnams su gyur/ ces pa dang/

rgyas pa'i srel tshig skabs/ lung rtogs kyi yon tan thams cad
'phel zhing rgyas pa zhes pa rnams kyang 'di nyid ljags zhus
gnang ba'i phyag rtags ngo ma ltar la bcol kha bgyugs kyi bsgyur
bcos med par gsung 'bum du bzhugs pa'o//) // !rab 'byams zhing
gi rgyal dang de sras

sogs/ /bden pa'i tshig la dbang ba'i drang srong kun/ /re smon ji
bzhin myur du 'grub pa yi/ /bden pa'i dbyangs kyi mthun 'gyur
deng 'dir stsol/ /blo bzang ring lugs thub bstan yang snyed
mchog/ /'dzin cing spel la 'jigs med spobs pa'i

dbang/ /gragsO paO don ldan phyogs las rnamO rgyalO ba'i/ /rje
btsun bla ma'i zhabs la gsol ba 'debs/ /gzhon nu nyid nas dam
pa'i rang bzhin gyi/ /yon tan gang brdzogs pa'i zla gzhon khyod/
/glo bur dgung nas nub pa'i ngang tshul 'dis/ rjes

su slob rnams mi bzad zug rngus gdungs/ /slar yang shugs drag
gsol 'debs kyis bskul bas/ /yang srid nyin byed gzhon nu nyid
nas kyang/ /mkhas btsun grub pa'i glog zhun 'od rnon 'bum/
/'khyud pa'i rtse dga' 'dzin bzhin myur

@053a @#/ /'byon shog /dbyings kyi lhan skyes brjod bral sgyu
ma'i 'phrul/ /mthun snang mtshan dpe'i lang tshor zlos pa'i gar/
/ches gsal skyes thob yon tan lhun rdzogs pa'i/ /ngo mtshar dga'
ston 'gro 'dir

myur du stsol/ /tshul khrims dag pa bdud rtsi'i thig ler 'dzum/
/lhag bsam ga pur rgyun gyis bsil ba'i zer/ /gzhung lugs 'bum
phrag 'od kyi gdengs ka can/ /rgyal sras zla ba gsar par chur
'byon shog /mkhas tshul gsum gyi 'od stong grol

ba'i rlabs/ /phyogs kyi tha grur bcings pas sa gsum gyi/ /rgyud
pa'i mun stu gcig car 'byin byed pa'i/ /smra ba'i nyi ma chen
por myur 'byon shog /snying rje'i ba dan dkar po bskyod pa'i
shugs/ /blo bzang snyan pa rgyud gzings dang sbyar ba yis/ /srid

mtsho nyam ngar mnar ba'i 'gro ba kun/ /'dren pa'i ded dpon chen
por myur 'byon shog /mchog gsum byin rlabs bdag gi lhag bsam
mthu/ /don dam spros bral kun rdzob rten 'byung 'bras/ /'gog med
'char pa'i bdan pa'i nus stobs kyis/ /smon

pa'i re 'bras ji bzhin myur 'grub shog /ces lA ba mgar thar
sbrul sku rin po che thub bstan 'jigs med grags ba rnam rgyal
gyi myur byong gsol 'debs bsam don myur 'grub ces bya ba 'di ni/
gang gi phyag mdzod ngag dbang skal ldan nas lha re brten gsum
bcas nan tan bskul ma mdzad pa bzhin/

g.yar khral tsam du pa mo'i kha'i sprul ming bas smon cing
sbyar ba'o// //! rab 'byams skyabs kyi phung po ji snyed pa/
/tha mal bshes gnyen zol du rol ba'i gar/ /drin can bla ma rdo
rje 'chang dbang gis/ /gsang gsum mchog thun byin

@053b brgya deng 'dir stsol/ /gang gi ye shes gcig nyid du ma'i
gar/ /rtsa brgyud bla ma yi dam zhi khro'i nyams/ /rdo rje chos
srung bcas pa'i rnam 'gyur gyis/ /sgrub por dge legs bye ba'i
char chen phobs/ /gang gi snang brnyan 'bri bzhengs ye shes
skur/ /

chos nas mchod cing rtse gcig gsol btab mthus/ /rgyu sbyor sgrub
po 'di nas byang chen bar/ /'bral med sras kyi thu bor byin gyis
rlobs/ /mdo sngags lam gyi rim pa'i zab don bcud/ /nges 'byung
byang sems yang dag lta ba dang/ /rim gnyis

zab mo'i nyams rtogs khyad par can/ /myur du skye zhing 'phel
bar byin gyis rlobs/ /gnas skabs su yang 'gal rkyen kun zhi
zhing/ /mthun rkyen 'dod smon yid bzhin 'grub pa dang/ /rdo
rje'i rten bzeng mchog kyang 'chi med kyi/ /a mr-i ta

yi lang tshor smin gyur cig /tshe 'phos mod la mkha' spyod zhing
bzang du/ /bla ma to ru kaH dpal yab yum gyi/ /drung du skyes te
zhal mja' gsung thos nas/ /zung 'jug go 'phang myur du mngon
byed shog/ ! //yang; rdo rje 'chang

la 'khor kha pa dpal bzang po'i phyag byis ngo ma'i bsnyel tho
dang/ ljags rtsom gras 'ga' zhig me khyi lor dgos dbang lta bur
rang gi lag tu son ba'i ma dpe zin rnying byin can bsnyon med
nyid la tshig gcig kyang rab bzo'i bsrwe lhad med par 'dir ma
phyi ltar 'god par/ so sor 'brang ma'i 'khor lo sgrub tshul/

()?() g.yung rnyags 'di gnyis kyi waM bar rnams lung rgyun med/
! skyabs sems nas bzung bdag bskyed bzlas pa dang bcas pa sngon
du 'gro bas bgegs bskrad/ 'khor lo bsangs sbyangs/) stong pa'i
ngang las bsrung ba'i 'khor lo ye shes kyi me dpung rab tu 'bar
ba'i dbus

@054a @#/ /su baM las sna tshogs padma dang/ a las zla ba'i steng
du praM yig dkar po las/ bcom ldan 'das ma so sor 'brang ma sku
mdog dkar mo zhal gcig phyag gnyis/ g.yas ral gri 'phyar zhing/
g.yon 'khor lo dkar po thugs

kar 'dzin pa/ zhabs gnyis zlum po'i stabs kyis bzhugs pa/ sgeg
cing 'dzum pa dar dang rin po che'i rgyan thams cad kyis brgyan
pa'i dpral bar oM/ mgrin par AH thugs kar hUM/ rang gi
snying gnas 'od zer 'phros/ ye shes sems dpa'

dbang lha dang bcas pa badzra sa mA dzaH dzaH hUM baM hoH
dbang gi lha rnams kyis oM badzri b+hA wa a b+hi Shinytsa hUM/
zhes gsung zhing dbang bskur/ rnam par snang mdzad kyis dbu
brgyan par gyur/ (mchod pa byin gyis brlab/ chu gnyis nyor spyod
rol mo dang bcas pas mchod/) rdo

rje sems dpa'i rang bzhin can/ /chos dbyings ye shes ngo bo
nyid/ /dung dang kanda zla ba'i 'od/ /so sor 'brang ma la phyag
'tshal/( /zhes bstod/ bzlas dmigs ni/ mdun bskyed kyi thugs kar
zla ba la praM dkar po sngags kyi phreng bas bskor ba las

'od zer 'phros/ 'phags pa mchod/ sems can gyi don byas tshur 'dus
sngags phreng la thim par gyur bar bsams la/ oM ma Ni d+ha ri
badzri Ni mahA pra ti sA re hUM hUM phaT phaT swAhA/ (zhes
ci nus su bzlas shing/ las mthun gyi spel tshig btags kyang legs/
mthar mkha'

nang rnam 'jam dpal dbyangs kyi sku dpag tu med pa spros/ bsgrub
bya'i don byed par bsams la sngags lan nyer gcig bzla/ bcom ldan
'das ma 'phags ma so sor 'brang ma la sogs pa'i bla ma rgyal ba
sras dang cas pa rnams bdag la dgongs su gsol/ khyed

@054b rnams la thugs mkhyen pa'i ye shes/ brtse ba'i thugs rje/
mdzad pa'i 'phrin las/ skyob pa'i nus mthu bsam gyis mi khyab pa
mnga' ba lags pas sgrub gzhi bsrung ba'i 'khor lo 'di la brtan
par bzhugs nas sems can gyi don dpag tu med pa mdzad cing

khyad par du yang 'chang ba po bsrung bya gang gi nad gdon par
chad nye bar 'tshe ba thams cad las bsrung zhing bskyab ste tshe
dpal stobs 'byor la sogs pa'i legs tshogs thams cad 'phel zhing
rgyas par mdzad du gsol/ (zhes 'dod don gsol ba gdag ?/gtor ma
byin gyis

brlab/ rtsa sngags la i daM pa li ta btags pa lan bdun gyis
gtor ma 'bul/ spar bzhin mchod bstod/) mchod sbyin gtor ma 'di
bzhes la/ /(sogs kyis 'phrin las bcol/) bcom ldan 'das ma 'od du
zhu ba las 'chang ba po ni mthun pa'i phyogs thams cad las srung
bar byed pa'i

bris pa'i 'khor lo'i rnam par gyur/ (rtsa srags ci rigs dang/
rten 'brel snying po nyer gcig tsam gyis brtan bzhugs dang/ shis
brjod sogs bya'o//) //! dben sa bka' 'bum ka pa las lam rim zin
bris shog bu brgyad par/ gnas bla ma rgyal ba

shAkya thub pa gsungs 'dug bas dpyad gsungs/ yang ka pa lta
khrid shog bu nyer lngar yig phreng drug par/ sems gnas dgu
stobs drug gis 'grub tshul skabs nas cung zad chad 'dug pas/ slar
bris ma dang gung bsgrigs te 'di spar mar chad yong

na kha bsgang na logs/ yang; tshe sgrub nang/ spyi bo'i tshe dpag
med/ spyi bo'i tshe dpag med la thim zhes pa'ang brtag dgos// //!
rab 'byams rgyal ba'i 'chi med ye shes gar/ /zla zhun lang tshor
sgeg pa'i bcom ldan ma/ /

@055a @#/ /gang gis sgrub po su rya d+hwa dza la/ /dge legs bye
ba'i char chen deng 'dir phobs/ /khyod kyi gsang gsum byin brgya
bdud rtsi'i dpyid/ /sgrub po'i sgo gsum bcud du rab 'khyil bas/
/srog gi dwangs ma mi

shigs mi 'gyur khams/ /rdo rje'i gshis su sgrub pa'i dga' ston
stsol/ /'phags ma'i thugs rje'i zer phreng rnon po yis/ /'chi
bdag ba mo ming gi lhag mar bcom/ /'chi med tshe dpal 'dab brgya
bzhad pa yis/ /'di dang gtan gyi don gnyis

yangs bor mdzod// //! lus dkyil bsnyen chen sngon 'gro skyabs
sems/ phyag/ maNDal/ dmigs brtse ma/ chu mchod bcas bla mchod
kyi sgo nas gsog cing/ yig brgya/ za byed sbyin sreg /dam tshig
rdo rje'i bzlas pa/ sAtstsha'am sku

spar gang mos so so nas 'bum re/ dngos gzhi yab kyi snying po
'bum brgya/ yum gyi snying po yig 'bum/ nye snying gnyis 'bum
re/ 'khor rnams khri 'bum gnag thub/ rtsa sngags gnyis stong
khri gang 'grub/ go cha'i sngags gang 'grub/ ye shes 'gegs

sngags 'bum bzhi bcas gsog /de rjes me lha thab tu 'gugs pa'i
bsnyen pa 'bum phrag /bsnyen sgrub sbrags ma'i bzlas pa'i 'bum
bzhi/ de'i bcu cha'i sbyin sreg mtshan theg thag /de rjes yi dam
rang gi bsnyen pa'i bcu cha'i sbyin sreg khyad rdzas la

grangs bsags pa 'bum bcu/ dngos grub len chog mtshan thog thag
/mjug tu rgyas pa'i sbyin sreg /tshogs ston bcas bya ba lags
shing/ 'di dag gi mig cha zur du med pas gser gong rin po ches
mdzad pa'i mU i pa'i bsnyen chen gyi

@055b bsnyen yig la kha bsgyur byas na bsnyen sgrub sbrags ma
tsam las mi bde ba med cing/ bsnyen sgrub sbrags ma kha sgyur
byed lugs cung mi bde bas 'di nas gsar bris shig yod kyang/ yig
lan 'phral 'bul dgos stabs 'bri long ma byung bas/ rjes

su rim par 'bul 'thus/ las rung rgyas bsdus gtong lugs bdag
bskyed du yod pa ltar lags// ! //mid la'i zhal nas/ byin rlabs
'byung bar 'dod na rje la gsol ba thob/ /dngos grub 'byung bar
'dod na rang lus lha skur sgoms/ /gzhan don

'byung bar 'dod na byams dang snying rje sbyongs/ /'od gsal
'char bar 'dod na gnas lugs ngang la zhog /don gnyis/ ('di yang
bsnyel byang gnad che'i phyag khris ngo ma ltar lags/ 'grub par
'dod na ri khrod dben pa zungs/ /zhes gsung/ gzhan yang/ ri
khrod du tshe dang sgrub

pa snyoms/ lus ngag yid gsum sems can gyi don du ci phan bgyis/
chags sdang sogs pa'i gnas dang 'khor dang longs spyod ma 'dzin/
bka' dang mi 'gal ba'i slob ma skyobs/ gtso bor rang gi nyams
rtogs spel/ bdag bzung gi dgon pa ma 'dzin/

rgyal can dang mthun 'jug ma byed/ mi nag gi khrod du yun ring
ma sdod/ mi shes dgu shes kyi grong chog ma byed/ rang 'dod dang
'dres pa'i 'gro don dang 'phrin las ma byed/ nor phyir chos ma
'tshong/ mdor na tshe 'di blos thongs/ gyong lto gos gtam gsum la
bskur/

skyid sdug ro snyoms/ pham rang gis longs/ tshe dang sgrub pa
snyoms/ zhes gsung// ! //rA 'byams rgyal ba rgya mtsho'i thugs
rje'i gzugs/ /ngag gi dbang phyug byams mgon bla ma rje/ /bka'
'drin mtshungs med ye ses rgyal mtshan zhabs/ /bka' gdams

@056a @#/ /gsal byed gnyis la gsol ba 'debs/ /phan bde'i lam ston
bsod nams grags pa dang/ rgyal bstan gsal mdzad grags pa chos
'phel zhabs/ /sems dpa' chen po ngag dbang blo gros bzang/ /'gro
ba'i 'dren

pa gsum la gsol ba 'debs/ /mang thos mkhas dbang 'jam dpal rnam
rgyal dang/ /bka' gdams/ bstan pa'i snang byed bshes gnyen 'ban/
/slar yang byon brtsa ba'i bla ma la/ snying gi khong nas gus
pas gsol ba 'debs/ /skyabs gsum kun 'dusX

skye ba kun tuX brgyud pa gsum ldanX// //! 'jam dbyangs gzhon
nu'i rjes 'gro blo gros dang/ gang gi brtse chen mig mi 'dzum hi
bzhin/ /bde stong mchog gi rnal 'byor dbang phyug che/ /dpal
ldan bla ma'i zhabs la gsol ba 'debs// //

! blo gros phun tshogs chos tshul kun la mkhas/ /nyams rtogs 'phel
bas ngag dpal grub pa'i dbang/ /dam chos rgyun spel blo bzang
bstan pa'i gnyer/ /zla med bla mchog la gsol ba 'debs/ (/zhes li
thang zha 'phel sprul sku sku phrang dang po blo gros chos 'phel
gnyis

pa phun tshagS mkhas grub/ gsum pa da lta'i bka' 'gyur pa sha
dbang chos blo bzang bcas kyi mtshan sgra tshang ba'i gsol 'debs
bli thang wa shul dgong gyi mkhan rabs su 'jug rgyu zhig dgos
tshul byung bltar pha bong kha pas bris// ! //'jam dbyangs/ phun
tshogs nyin mor byed pa'i dkyil 'khor bzhin/ /dmar ser 'od phung

g.yo ba'i mdzes sdug sku/ /'ja' tshon gur khang dbus na 'gyings
pa'i gar/ /mngon sum blta ba'i dga' ston bdag la stsol// !
//spyan ras gzigs/ zla ba brgya phrag kun nas brtsegs pa bzhin/
/yid 'ong zhi zhing 'dzum pa'i snang rnyan gang/ /gang

@056b gi snying gi zig yor bsnyen pa'i mod/ /srid zhi'i rmongs
pa kun 'phrog de la 'dud// ! //phyag rdor/ dmar nag 'od phung
'khrugs pa'i gur khang na/ /mthing nag rnam par khros pa'i
rngams brjid sku/ /bde chen zhi ba'i dbyings las bzhengs pa'i
gar/ /

bdag la mngon sum blta ba'i dga' ston stsol// //! yid 'ong 'dab
brgya bzhad pa'i gser rtser/ /mdzes sdug dbyangs can dga' pa'i
mchog sbyin ma/ /snying gi do rar brtsen pa'i gar gyis ni/ /blo
gros mchog gi dga' ston rgyas pa na mdzod

! /gzugs can gyi rgyan/ 7bsdus pa'i gzugs can/ khyod gdong 'dzum
pa bsil zer can/ /'dren byed mtshan nam rnam par bkra/ /so phreng
sbrin dkar rgod pa'i klong/ /ro 'dzin glog gi rnam 'gyur ngom/
/ma bsdus pa'i gzugs can/ 'jam mnyen skyed pa'i 'kri shing ni/
dga'

pa'i rlung gis ldem ldem g.yo/ /rab mdzes lag pa'i yal 'dab
kyang/ sor mo dmar ba'i me tog 'dzin/ /7bsdus shing ma bsdus
pa'i gzugs can/ sngo sangs mgo skyes 'chi med lam/ /nor bu'i
rgyu skar phreng bas spud/ /khyod lus gangs kyis 'dzin spor/
/lang tshos

zla gzhon 'od brgyas 'khyud/ /7mtha' dag gzugs can/ gzhan don
lus rtsal yongs rdzogs shing/ /lhag bsam sngo ljang ral khru
lci/ /lung rigs smra ba'i gad rgyangs can/ /'jam mgon bla ma
gdong lnga'i dbang/ /7cha shas gzugs can/ utpal 'od 'chang
is'dren

byed kyi/ /ri dags mtshan ma'i rnam 'gyur can/ /na tshod gsar pa'i
'od dkar gyi/ /rtsa dga' dgod pa'i bzhin 'di mdzes/ /7cha shas
can gzugs can/ mnyen ltug khyod sku'i 'khri shing 'dab/ /sked
skabs phra ldem yid 'ongs par/ /smra ba 'jam smad g.yos/ /

@057a @#/ /klubs pas kyang/ /'dod ldan snying ni sreg par byed/
(/7yan lag gcig ba'i gtsugs can/) dbyangs can dgyes pa'i bzhin
ras dkar/ /'dzum 'od lhug par grol ba can/ /'di na shes ldan
snying nyid la/ /sngon med mngon dga'i mchog kyang sbyin

(7ldan pa'i gzugs can/) mtshar sdug yid 'ong lang tsho'i dpal/
/shin tu gzhon ba'i nyin mo la/ /gzi mdangs 'bar ba'i nor bu yi/
/rgyan gyi nyin byed rnam par bkra/ (/7mi ldan pa'i gzugs can/)
mdzes sku man shel lhun po la/ /do shal rgyu skar phreng bas
spud/ /mchu sgros

u dum wa ra'i dbus/ /ro 'dzin dmar ba'i 'od zhags g.yo/ (/7mi
mnyam pa'i gzugs can/) gzi 'bar gdu bu'i sgra 'khrol zhing/ /sor
mo'i 'gre sar zlos gar g.yo/ /khyod zhabs chu skyes cod pan
gyis/ /bdag gi snying ni bskal bzang mdzod// (7khyad par dang

bcas pa'i gzugs can/) brtan pa'i 'khor lo'i bzhin ras kyi/ /nyin
byed mkha' dbyings pas 'char bas/ /sa mos 'jig pa'i dogs bral
zhing/ /bdag snying 'dab brgya bzhad par mdzad/ (/7'gal ba'i
gzugs can/) chu gter dogs su mi rgyu zhing/ /nam mkha' la yang
mi

lding bar/ /dbyangs can ngang mos bdag yid la/ /legs bshad mchog
gi snang ba phyin/ (/7rgyu yi gzugs can/) khyod sku brjid pas
nyin byed dang/ /skyon dang bral bas padma ste/ /mtshan dpe'i
mdzes sdug yongs gang phyir/ /ston mtshan zla ba nyid kyang yin/
(/7sbyar

ba'i gzugs can/) mgon po khyod zhabs padmo ni/ /sgrang rtsi'i bu
yis bsnyen cing bsten/ /dri med rab gsal dpal ldan pa/ /kun gyis
gtsugs na bsten par 'os/ (/7dpe yi gzugs can/) dmar ser ngur
smrig gsar pa yis/ /mdzes byas khyod sku'i yongs 'du'i

@057b dbang/ /mtshams sprin bla gos gsar pa yis/ /'khyung pa'i
dpag bsam la ni 'gran/ (/7zlog pa can gyi gzugs can/) /bung bas
mtshar sdug padmo dang/ /bdag gis khyod zhabs padmor bsnyen/ /de
ni rnying cing mi brtan yang/ /'di ni rtag tu yon tan rdzogs/
/'gog pa'i gzugs

can; rab brjid khyod sku'i sa 'dzin dbang/ /kun tu bgrod pa'i
bya ba yis/ /ngal ba btang phyir brtan ldan pa'i/ /lhun po nyid
du ci zhig brjod/ (/7mnyam 'khor gi gzugs can/ thub pa'i yon tan
tsandan dris/ /yid srabs brang dgar gdung bas nyen/ /dug lnga'i

byin sras rgyud brlags pa'i/ /rang gi skal ba 'dis kyang skyon/
/gzugs can gyi gzugs can/ chos kun gshis lugs ma bcos pa'i/
/rang bzhin padmo'i bzhin ras la/ /rtse dga' 'dzin ba'i ye shes
kyi/ /bung nga'i 'dren byed rnam par g.yo/ /bsnyon dor

gzugs can/ shin tu yid 'ong dkar ba'i 'dzum/ /dgod 'di bzhin min
me tog nyid/ /mnyen ldem mdzes sdug rgyas pa 'di/ /lus min 'khri
shing lcug ma nyid/ /gzugs can no// // ! namsswar s'wasti ya/
srid ni'i blo

mchog dbyangs kyi dpal/ /mdzes sdug lha mo'i gar ros ba/
/dbyangs can ngag gi 'dod 'dzoms/ /mtshungs med smra ba'i dga'
ston stsol/ /rab mtshungs ba'i yi ge mtshangs sbyar nA mi'i yi ge

rgyas brda sprod rgya mtsho'i 'jing/ /rab brling yi ge'i klong
zab mor/ /blo gsar ngal ba 'gog pa'i slad/ /re'u mig gsar pa'i
gzings 'di sbyin/ /a i u r-i l-i/ e ai o au/ i I u U
r-i r-I l-i l-I e ai o au aM aH

@058a @#/ /(full box)

@058b mtshams sbyor gnyis pa'i re'u mig mdor bsdus pa'o// // @#/
/3 mid 'ong man ngar yi do shal dang/ /ne'u gsing mnad zhun ma'i
gos gsar gyis/ /'di na nor 'dzin sgeg mo'i bzhin ras kyang/
/mdzes sdug lang tsho'i dpal yon gsar du

ngom; ;4 mnyen lhug 'khri shing gsar pa'i skyed tshul dang/ /sngo
ljang myu gu gsar pa'i phreng ba yis/ /skye dgu'i snying la gsar
pa'i dga' ba de ni/ /dus tshod 'di na gsar du rgyas par gyur/ /5
dmar ser 'od phung g.yo ba'i nyin mor byed/ /byang bgrod lhod

por rgyu ba'i zer rnon gyis/ /gdungs pa'i 'gro rnams skyob pa'i
'grib bsil du/ /mkha' dbyings chu 'dzin bla bre yang yang bkod/
/6lha lam ngos su chu 'dzin lang long g.yo/ /dpyar skyes rnga
gsang dal bur phyogs su sbrogs/ /sim pa'i sbrang d+har skye dgu'i
gdung

ba sel/ /'dzin ma'i gzhi 'di lha gnas gnyis par byas/ /7 ma
phyis rab dwangs kun gsal bzhin ras ngos/ /ma bcos r-i Shi'i
'dren byed brgyad ba'i tshe/ /ma btab nyal 'gro'i rgyun la sman
bcud kyis/ /ma bskul 'grol phan pa sgrub pa'i dus/ /8 sbrin

lam mthid zhun mdangs su gsal zhing dwangs/ /byung sngon skyes
kyi tsha zer rab tu rgyas/ /nor 'dzin mdzes ba'i rgyan gyur rnam
lnga'i 'bru/ /smin pas skye rgu srog 'tsho'i dga' ba rgyas/ /9
mdzes sdug dbyar gyi dpal mo'i lang tsho yang/ /mi brtan rnam par

'gyur bas yid 'byung nas/ /dbyig 'dzin gser mdog bla gos gsar pa
yis/ /rab tu byung ba'i cho ga la brtson bzhin/ /10 mi bzad
grang ngar dpa' bo'i dpung gi tshogs/ /'byung ba'i stangs ka
bgyis ba tsam nyid nas/ /'bab ldan bu mo'i

@059a @#/ /lus kyi stobs shor zhing/ /'dzin ma'ang bzhin gyi snum
bag bral bar gyur/ /12 mi bzad dgun gyi grang reg rgyas pa'i
tshe/ /nyal 'gro ma rnams cha ba rom mgul du mnal/ /'khor yug
mdzes byed ri bo'i phreng ba yang/ /

kha ba'i gur khang spug tu gnyid la g.yur// // @#/ /srid pa'i
tsha bas nyam thag pa'i/ /'gro la zhi bsil bdud rtsi'i sman/
/brtse bas ston ba'i drang srong che/ /de yi zhabs sen snying
dbus sten/ /sgrib bral chos

dbyings klong nas rnam 'phrul 'bum/ /gang 'dul 'gro blo'i rjes
su bsten pa las/ /lha chen zol gyis smra ngan tshogs rnams la/
/dge ba'i sa bon skrun mdzad de la 'dud/ /gang dag blo yi yol
gor ni/ /yang dag zab mo'i bcud mngar po//

'dzin par mi nus de dag la/ /tha snyad rig pa rjes su bstan/
/khyad par du yang blang dor gyi/ /'jug ldog shin tu phra ba'i
gnad/ /dpal ldan dbyangs 'char zhes bya ba/ /zab cing 'khrul
pa'i dri ma med/ /blo ldan rnams kyis rgyud 'di

ni; ;bdud rtsi lta bur brten par 'os/ /de slad de yi snying po'i
don/ /tshig nyung don zab ma Ni ka'i/ /phreng ba lag tu blang bde
ni/ /le'u dang po'i lam lnga rlung rtsis sogs/ /rtogs dka' go
sla'i ngag gis 'dir bkrol bar/ /snying gi bum

par legs bshad bdud rtsi'i bcud/ /'gengs 'dod blo gsal gang dag
'dir 'jug rigs/ /nyin zhag 'pho ba bcu gnyis te/ /thun ni brgyad
du rab tu bstan/ /de yang nyin zhag gcig la na/ /las rlung ye
shes rlung bsdoms pa/ /nyi khri chig stong drug

@059b brgya rgyu/ /'pho ba re la dkyil 'khor lnga/ /so sor sum
brgya drug cu ste/ /bsdoms pas brgya phrag bco brgyad la/ /dbu
ma nas rgyu ye shes rlung/ /nga drug bzhi cha dman pa'o/ /bcu
gnyis

bsdoms pas drug brgya dang/ /don lnga nyin zhag gcig la ste/
/tha mal pa la dman par bshad/ /lam lnga dum drug la sogs pa/
/'khor lo nyid las gsal bar rtogs /bzang ngan brtag pa 'byung

bzhi las/ /sa rlung rgyal srid nor 'bru dang/ /rnyed pa phun sum
tshogs pa thob/ /chu yis don kun rab 'grub byed/ /me yis dkres
skom ngal du bnad/ /bya ba nyams shing sdug bsngal 'byung/
/rlung gis

'thab rtsod smyo dang rmongs/ /nor zad byer 'khyams gdung bar
byed/ /dug sogs gzhom dang rgyas la sogs/ /zla ba'i rgyu ba rab
tu bsngags/ /g.yul gshom rol rtsed 'thab mo dang/ /gcad dbyug

sreg btso la sogs dang/ /dbang dang dgug pa'i las la ni/ /nyi
ma'i stobs ni bsngags pa yin/ /sgra gcan the tshom can zhes bya/
/zla ba'i lam nas rgyu ba la/ /skye bo nyi ma'i phyogs nas 'bri/
/'dod pa'i don ni

nyams par 'gyur/ /nyi ma la rgyu zla bar gnas/ /sdam bzhin du
don med 'gyur/ /gang nas rgyu ba de phyogs nas/ /'bri ba don kun
'grub par byed/ /gal te gnyis kar gnas pa las/ /'brin the tshom
can zhes

@060a @#/ /bya; ;'ongs pa thams cad dge ba ste/ /'gro bas ngal ba
don med 'gyur/ /gnas pa la ni the tshom 'gyur/ /chu dang sa dang
med dang ni/ /rlung gi dkyil 'khor rgyu pa la/ /zhi rgyas dbang
dang dgug pa dang/ /gsad dang bskrad sogs shes

par bya/ /dkar po'i phyogs te mar gyi ngo/ /yar ngol ni nag
phyogs zhes/ /btags pa'i dbyangs gsal 'char lugs dang/ /'char
ba'i bdag po chos mthun dang/ /sbyor ba gsum 'dzoms la sogs pa/
/re'u mig nyid las bde bla ga

rtogs/ /'bras bu sbyor ba gsum 'dzoms ni/ /rang rang ming can
brlag par byed/ /rangs nas ni lnga pa la/ /nub par 'gyur te gsal
byed kyang/ /rang ming 'char nub la brten nas/ /bzang ngan bya
ba rjes su ston/ /dbyangs ni srog ste 'chi byed cing//

gsal byed lus nub nad sogs ston/ /gzhan yang phyogs kyi bye brag
ni/ /dpe'u chung bzhin du rtogs bya ste/ /tshes gcig A yi ming
can ni/ /shar du 'gro ba spang sogs 'gri/ /de ltar le'u dang po
yi/ /don bsdu mdo tsam bshad zin to/ /

de nas le'u gnyis pa yi/ /bsdus don dus sbyor gnad 'gag spro/
/nyi ma la sogs gza' rnams ni/ /khyim gang la spyod blta 'dod
na/ /rang rang skar gnas mkha' ros bsgyur/ /chu tshod gcig la
mda' yon zlas/ /bgo sogs byas pas

rtogs par 'gyur/ /ta rkal dum drug la sogs pa/ /spyi 'gre bzhin
no dag byed ni// tarkal 'phri lhag gsum bcus bsgyur/ /cha shas
gang yod gcug byas la/ /mkha' ros bsgyur la chu tshod gcug /mkha'
thig nor gzugs kyis

@060b bgos pa'i/ /thob pa ta rkal srang mthun blta/ /tarkal nyid
dang mthong ba'i sar/ /zhing bdag dang ni de yi grogs/ /shar na
bzang zhing dgra shar ngan/ /gyen thur gru gsum gru bzhi sogs/
/mtha' dag re'u mig nyid du gsal/ /gsum pa dang ni bcu pa yi/ /

rkang pa gcig ni mthong bar dran/ /'di la spen pa shar gyur na/
/de yi 'bras bu rdzogs par ston/ /de bzhin lnga pa dgu pa la/
/rkang ba gnyis mthong phur shar na/ /de yi 'bras bu ston zhes
bya/ /bzhi brgyad rkang pa gsum mthong ga/ de la mig dmar shar

sogs 'gro/ /bdun pa'i sar ni dus me shar/ /'chi ba'i 'jigs pa
ston zhes grags/ /nyi mas nad 'byung mig dmar dgra/ /spen pas
nor ni nyams par 'gyur/ /mtshams 'dir le'u gsum pa'i don bsdu
'bri dgos/ /le'u bzhi pa las gsungs pa'i/ /bsdus don

ming skar la sogs 'god/ /rdo rje lta bu'i ra dang ni/ /bsod nams
lta bu'i ba yig ste/ /ming gi thog ma'i yi ge ni/ /ma nor legs
pa shes byas nas/ /rkang pa rgya'i 'khor lo la brten nas/ /ming
skar ma nor rtogs par bya/ /sol dud 'khyud dang gdong btsugs

dang; ;mthong ba'i sa ste gnod lngar grags/ /dper na smin drug
rkang dang por/ /sdig gza' mnyam par gnas pa las/ /a la 'byung
dang de'i mdun ma/ /i yi gdu ba rgya ba kyi lo/ /sol bar byas
zin tha dag yi/ /byi bzhin la ni gdong tshugs so/ /de sogs

rigs 'bre zhib par byos/ /sol bas 'chi dang 'khyud pas nad/ /du
bas yid la 'dod pa me/ /gdong tshugs 'jigs pas phog par 'gyur/
/bye brag mthongs bshad pa ni/ /nyi ma'i mthongs bcu gnyis dang/
/mig dmar gyi ni mthong sa

@061a @#/ /gsum/ /de bzhin lha yi blon po'i drug/ /nyi ma'i bu yi
brgyad rnams ni/ /g.yas skor du ste dpar bgyis na/ /smin drug
rkang ba dang po la/ /nyi ma gnas na rgyu skar gsum/ yi ge bcu
gnyis pa nas ni/ /mgo yi

rkang pa tha ma'i bar/ /de bzhin du ni gzhan gsum shes/ /zla ba
la sogs g.yon skor du/ /zla ba'i mthong sa nyi shu gnyis/ /rA
hu'i dgu dang zla bu'i bdun/ /dkar pos rkang pa lnga u mthong/
/'bras bu nyi mas nor rnams zad/ /dmar spen rA hus 'chi bar

byed; ;phur bus gnyen rnam ga brlag cing 'chi/ /pa sangs don las
rnams mi 'grub/ /gza' lhag dgra 'byung zong mi lon/ /zla bas
'jigs pa chen po mthong/ /bcos ni dus sbyor mthong sar mtshungs/
/nyi skar gang na yod phyogs der/ /nyi ma'i dkyil

'khor gnas pa ste/ /de phyogs a Ta mi Ta zhes/ /stegs nub rgud
phyir bya las 'dze ma/ /zla lhag phur sangs bsod rnams gza'/
/gang du yod der dge bar grags/ /de nyin zla skar gar yod pa'i/
/thad kar gza' gzhan gdong tshugs so/ /

bag ma zug rngur rab grags te/ /nyi mas khyo 'chi mig dmar
phyis/ /bu bral lhag pas bza' btung dkon/ /bla mas nor nyams
sdug bsngal 'byung/ /pa sangs khyod spong mgo reg byed/ /spen
pas smad 'tshong mar 'gyur ro/ /gzhan yang bag

ma bde skyid rtsis/ /la sogs mang zhing sla ba'i phyir/ /'dir ni
re zhig ma bkod do/ /de nas le'u lnga pa yi/ /bsdus don cung zad
spro bar bya/ /rkang brgya brgyad cu gcig pa las/ /ming skar la
sogs shes byas nas/ /skyes skar ming skar

@061b dbyangs gsal dang/ /khyim tshes sogs la sdig gza' yi/
/g.yas g.yon ma che bzugs min brtag /gnyis dang gsum gyis
brlag 'gyur te/ /gcig gis don nyams nor zad byed/ /ming la drag
po'i gza' gsum 'dzoms/ /nges par 'chi ba mthong

zhes dran/ /'dres mas rims 'byung nor zad byed/ /rang gi gnas
nas nyer gsum par/ /bin sha gzhes bya der/ /drag gza' gsum
'dzongs skyes bu de'i/ /tshe ni 'jig bar byed ces gsung/ /rang gi
sar ni skyes pa dang/ /bcu par las kyis zhes grag/

'bras bu gong dang kun nas mtshungs/ /antan ste bcu dgu par/
/drag shar rgyal rig gsal nad 'byung/ /nyi ma gang du gnas
phyogs der/ /ma nub btsam sten ngan pa nyid/ /ring skar la ni
nyi skar song/ /sol bas 'chi dang 'khyud pas nad/ /du ras 'dod
ba rmong sogs

'byung/ /rkang ba brgyad cu rtsa gcig pa'i/ /zur thig gis bcad
gru gsum bzhi'i/ /phyogs gang nyi ma gnas phyogs der/ /rgyu skar
dbyangs gsal dus sbyor tshes/ /yi ge la sogs kun sreg phyir/
/phyug nyams 'thab rtsod mya ngan 'byung/ /bran g.yog longs

spyod rnam par nyams/ /nyi bral phyogs gsum dgra las rgyal/
/grogs phrad don 'grub rnyed grags 'byung/ /phyogs rar zla pa
gsum gsum gnas/ /'gro 'dug byed par de las ldog /rtsa ba yan lag
tshes kyi gza'/ /nye ba'i gza' sogs

thams cad kyang/ /nyi ma'i longs spyod la brten nas/ /tshol phyir
nyi ma'i rjes 'brang gsung/ /de yang nyi skar smin drug gi
/rkang pa dang po la gnas na/ /lnga par zlog dang brgyad pa wur/
/shul gnas shing bcu bzhi par/ /'brug dang de bzhin bco brgyad

@062a @#/ /par; ;du 'jug nyi shu pa la gtso/ /nyer gnyis he la
thog gnas te/ /sa g.yos nyer gsum ho la gnas/ /nyer bzhiD la
gtan shing ste/ /nye gza' brgyad po 'di dag dang/ /'dzoms pa'i
skar ma drag por 'dod/ /sgra

gcan gyis dgu mig dmar gsum/ /spen par mthong ba'i sa zhes te/
/myur 'gros g.yon dang 'khyog 'gros g.yas/ /drag po'i tshes
dang gza' skar ma/ /gang la gsum 'dzoms rab ngan cing/ /ming gi
skar ma'i 'khor gsum ste/ /che ba g.yas

g.yon mdun du ni/ /drag po gnas kyang de la rtsub/ /dkar nag
phyogs kyi nyin zhag la/ /gsal byed dbyangs mi stobs byed de/
/de yang rang gang la spyod pa'i/ /phyogs ming skar/ /de la ni
stobs cher 'gyur/ /skar brgya nyab bzhi po rnams/ /'dir ni gang
du 'du

zhen/ ;yig gsum gsum rim bzhin du/ /shar lho nub byang du 'du
ste/ /g+ha 'tsha dwadShNa tha/ /d+ha ba Dha dang ShDa dz+ha nya'o/
/dan nges la mche ba drug 'dzin zhes/ /skyes skar ram ni ming
skar gyi/ /dang po rang gnas zhes bya dang/ /de nas bgrangs

pa'i rkang pa ni/ /bcu pa las dang bcu drug pa/ /rnam dgos dang
ni bco brgyad pa/ /rgya can zhes dang nyer gsum pa/ /bin sha ka
zhes bya dang/ /nyi shu lnga pa yid can te/ /de drug mche bas
gnod pa'i sa/ /de yang skyes par drag shar na/ /nad 'byung

rkun pho kha smas dang/ /dgra dang rtsod pas nor zad byed/ /las
la grogs dang 'thab mo dang/ /bzo byas gla med las mi 'grub/
/rnam 'ges la ni gnyen bshes dbye/ /rgya can gzhan gyis brnyas
pa sogs/ /bsam pa'i don rnams 'grub mi

@062b 'gyur/ /bi na sha kar rims kyis 'chi/ /yid can gnyen dang
'bral pa dang/ /nor gyis spang sogs sdug bsngal 'byung/ /bcos
thabs rim gro gzhung na gsal/ /skar ma'i rigs kyi rtsis bstan
pa/ /smin drug bram ze'i rigs yin te/ /rgyal po'i rigs

'dzin rgyal zhes pa/ /nam gru rje'u'i rigs la gnas/ /lhag ma
nyer bzhi dmangs rigs so/ /yul de'i ming gi thog ma la/ /brten
nas rnyed pas ming skar ram/ /khang khyim rmang 'gram 'ding dus
kyi/ /skar mar yul gyi skar ma zer/ /rgyal sar dbang bskur

dus kyi der/ /dbang bskur pa yi skar ma zer/ /de gsum la ni drag
po yi/ /mche bas btab na mi dger byed/ /rgyal po rang gi skyes
skar nas/ /bgrangs pa'i rkang pa bcu dgu pa/ /anta yang de
bzhin 'dod/ /de nas rus spal 'khor lo ni/ /smin drug nas

brtsams snying khar gsum/ /mgo bo shar du byas pa yi/ /kha nas
brtsams te lag g.yas dang/ /sbo g.yas rkang g.yas mjug ma
dang/ /rkang g.yon sbo g.yon lag g.yon pa/ /rnams la rim
bzhin gsum gsum 'god/ /gang la drag po'i gza' gnas

pa; ;phyogs de'i rgyal 'bangs la rtsub cing/ /bsod nams gza' yis
dge 'bras ster/ /bla dpon rgyal sogs bsten pa la/ /brtag pa se
ba'i tsakra bshad/ /skyes bu'i gzugs gcig bris byas la/ /rang
nyid gang la brten pa de'i/ /skyes ming skar ma nas

brtsams te/ /mgo bor bdun dang de bzhin rgyab/ /snying kha rkang
pa bcas par ni/ /rim bzhin skar ma bdun bdun te/ /ma nor bkod
nas rang gi ni/ /skyes ming skar ma gar 'dug brtag /mgo po'i
dbus song mchog tu dge /mgo bor gnas pa

@063a @#/ /dga' skyes shing/ /mchod 'gyur legs te rjes 'dzin
'gyur/ /rgyab song mgo bor skar ma la/ /gnas pa'i 'bras bu'i bcu
cha rnyed/ /snying khar song na bsten pa de'i/ /dbang song de
yis ci bgyi byed/ /rkang song

zhus pa don med cing/ /re thag chad de nyon mongs 'gyur/ /de
ltar le'u lnga pa yi/ /gnad don mdor bsdus bshad zin nas/ /slar
yang le'u drug pa yi/ /bsdus don tshe rtsis la sogs spro/ /de
yang dus kyi 'khor lo la/ /brten nas 'chi sogs

brtag pa la/ /rlung gi rgyu tshul nges dgos pas/ /de ni 'di ltar
shes bya ste/ /nyi ma chu srin du 'pho zhing/ /mchu yis nya ba'i
zla ba yi/ /nag phyogs yar ngo'i tshes gcig nas/ /bzungs te nyin
zhag gsum gyi bar/ /nam langs nas bzungs chu tshod

lngar; ;g.yon nas zla ba'i bgrod pa yi/ /dbugs stong brgyad
brgya rgyu byed de/ /de nas zhag gsum snga dro ni/ /g.yas pa
nyi ma'i lam nas rgyu/ /de bzhin bco lnga bar dag tu/ /zhag ni
so gsum gong bzhin blta/ /dkar po'i gcig ste bcu drug nas//

brtsams te nyin zhag gsum du yang/ /snga dro nyi ma'i bgrod pas
te/ /de bzhin gnam stong gi bar du/ /res mos su ni shes bya ste/
/'di ni rang bzhin rgyu tshul lo/ /de ltar legs par nges byas
nas/ /'phob brtag par bya ba la/ /phyin ci log tu

rgyu ba'i skyon/ /'di ltar shes par bya ba ste/ /g.yas g.yon
go ldog tshes gcig la/ /zla pa'i tshab tu nyi mas rgyu/ /rtsod pa
la sogs nges par 'byung/ /nyin zhag lngar ni log par rgyu/ /nor
god kha smras la sogs 'byung/ /go ldog g.yas g.yon zla

@063b phyed rgyu/ /nad 'byung zla ba gcig gis ni/ /gnyen brlag
zla ba phyed gnyis ldog /skyes bu de ni 'chi bar 'gyur/ /gzhan
yang nges pa'i 'chi ltas ni/ /sna gnyis kha ste gsum ka nas/
/dus mnyam drag rgyu de nyi na 'chi/ /zhag bcur sna bug gnyis ka
nas/ /rgyun de

'phos mod la 'chi/ /nyin mtshan mnyam pa'i dus su ni/ /lam gnyis
nas ni mnyam song zhing/ /de che mig gnyis 'gul ba na/ /de yi
nyin par 'chi ba yin/ /de nas dus kyi 'khor lor ni/ /zur na gsal
bzhin rtogs bya zhing/ /'dir yang go bder brjod byed na/ /

'di ltar mnor rtogs bya ste/ /sna bug gang rung gcig gnas ni/
/mi 'pho nyi ma'i bzhi cha rgyu/ /lo ni bcu bzhi song nas 'chi/
/de bzhin nyi phyed mi 'pho bar/ /rgyun bcu gnyis lon 'chi/ /de
bzhin zhag gcig gnyis gsum bzhir/ /'chi ltas nyis bldab tu 'phel
tshul/ /re'u

mig blta bde (box) byas 'dir rdzogs/ /zhag lnga nas ni nyer
lnga'i bar/ /'chi ltas zhag lnga lngar 'phel (box) te/ /nyer
lnga nas ni so gsum

bar; ;'chi ltas (box) zhag re bzhin 'phel bas/ /de la 'tsho ba'i
zla zhag kyang// (box) phyed phyed 'grib

par shes par bya/ /dper na sna bug gcig nas ni/ /mi 'pho bar ni
zhag lnga rgyu/ /lo gsum nas 'chi zhag bcu rgyu/ /lo gnyis bco
lngar lo gcig sogs/ /re'u mig (box) nyid las bde

@064a @#/ /blag rtogs/ /de nas skyes ming skar ma'i gnad/ /'di
ltar ma nor rtogs bya ste/ /skyes ming skar mar zla ba gnas/
/bcu bzhi pa la nyi ma song/ /sngar gyi 'chi ltas gang rung
dang/ /'dzoms pas nges par srog spong 'gyur/ /rgyas pa'i dus te
rang

skyes pa'i/ /zla tshes gza' skar byed sbyor khyim/ /bdun po 'dzom
dang rlung ltas shar/ /de yang nges par srog spong 'gyur/ /rlung
log gnyis ka nas rgyu ba/ /nyi ma phyed na 'chi ba ste/ /g.yon
nas rgyu na nub mo 'chi/ /g.yas pas nyin mo 'chi

ba thob/ /de ltar nyi ma chu srin du/ /zhugs nas ma nor brtag
bya ste/ /de tshe tho rangs mal nas langs/ /nyi ma shar khar blta
bar bya/ /'di ni rtse gcig yid gnas pas/ /mnyam par bzhag pas
shes par 'gyur/ /de nas tshe rtsis bshad pa

la; ;thog mar skyes bu'i skyes skar ni/ /gang yin ma nor shes
byas nas/ /de yi rkang pa dang po ste/ /chu tshod gcig nas bco
lnga bar/ /skyes pa cha shas dang po ste/ /mchog gi tshe tshad
brgya nyi shu/ /bcu drug nas ni sum cu bar/ /rkang pa

gnyis pa brgya ru grag / so gcig nas ni zhe lnga bar/ /cha shas
gsum pa brgyad cur gsung/ /de bzhin gsum par drug cu'o/ /de yang
ring ba'i tshad du ste/ /da lta tshe lo drug cu pa'i/ /lugs su
byas te drug cu dang/ /lnga cu bzhi bcu

sum cu rnams/ /mchog sogs tshad du 'dod tshul 'ang yod/ /zhib par
rang skyes chu tshod rnams/ /mchog sogs rang rang tshe yis bsgyur/
/dgu bcu bgos pa'i thob nor lo/ /de lha gnyis bsgyur dgu bcu pa
gos/ /thob pa zla ba lhag byung na/ /mkha'

@064b mos bsgyur thob zhag po ste/ /yang lag drug cus bsgyur
thob dbyug /slar lhag dus thob dbugs su bshad/ /de yi mchog sogs
rang rang gi /tshe tshad la 'phri phra ba ste/ /cha shas dang por
chu tshod rer/ /lo re bla ba bzhi res dman/ /gnyis

bar lo gcig zla gcig dang/ /zhag bcus dman pa nyid du 'gyur/
/gsum par zla bcu zhag nyi shu/ /bzhi par zla ba brgyad brgyad
bri/ /'chi ba blu sogs rim gro yis/ /tshe la snon pa 'byung 'gyur
te/ /cha shas dang por snon pa med/ /gnyis par

lo lnga gsum par bcu/ /bzhi bar bco lnga snon par 'gyur/ /phra
rags mtha' yi lo grangs ba/ /mchog sogs rang rang tshe yi tshad/
/lo zla zhag dbyug gnas tshang ma/ /rang rang gza' yi lo grangs
kyis/ /bsgyur bar bya'o lo grangs ni/ /nyi ma'i lo

drug zla ba'i bcu/ /bkra shis rin chen sgra gcan skyon/ /mi bdag
bla ma bug gzugs spen/ /zla skyes ri zla du ba bdun/ /dkar por
thig mig gis bsgyur la/ /mkha' nyis thob pa gza' so so'i/ /skyes
bu'i tshe la dbang byed lo/ /de yang rang

skyes skar ma yi/ /bdag po'i gza' 'bras nas brtsams te/ /rim
bzhin gza' dgus dbang byed de/ /smin dgung po phur la skyes na/
/nyi ma'i 'bras bu thog mar 'byung/ /de bzhin snar ma me bzhi po
na/ /bdag po zla 'bras dang por

'byung/ /mgo nag mon gre mig dmar bdag /mon gru sa ri lag sgra
gcan/ /nabs so sa ga khrums stod kyi/ /bdag po lha yi bla ma'o/
/rgyal dang lha mtshams khrums smad spen/ /skag dang nam gru snon
lhag pa/ /mchu snubs

@065a @#/ /tha skar ke tu bdag /chu stod bra nye gre ba sangs/
/de ltar smin drug nas brtsams te/ /rim bzhin bra nye'i mthar
thug par/ /phreng gsum rgyu skar nyer bdun po/ /gsum gsum gza'
res dbang byed 'gyur/ /shin tu pra

ba'i lo'i dag pa/ /nges pa'i zhib btsal skye dgu'i tshe/ /cha dgu
gza' yis dbang byed pa/ /rang rang lo yi thob skal rnams/ /zhag
tu bsil ba rang los bsgyur/ /mkha' nyis thob pa rim shar ba/
/nyi ma'i nyi ma la sogs pa/ /nang gshes zhi drag

'bras bu dbye/ /de yi bye brag ji ltar na/ /zla lhag phur sangs
nang 'dzom mam/ /phan tshun phrad pa dge ba ste/ /gzhan lnga
rtsub pa'i 'bras bu ston/ /rang rang thob skal la brtags te/
/'bras bu bzang ngan smra bar byos/ /gzhan yang skyes

skar nas bgrangs pa'i/ /bcu bzhi pa la ji bzhin song/ /tha mar
ming skar song ba na/ /dbus su song bzhes bya ste/ /de gza'i dus
tshigs dgu pa gde/ /yin pa de'i gza'i 'pho mtshams su/ /'chi ba
'byung sogs zhib par brtag /

'chi ba blu thabs gzhung na gsal/ /zhi drag gza' yi gtod len
mtshams/ /nad kyis thebs sogs 'byung 'gyur te/ /gdug pas zhi la
gtad pa na/ /len dbang che zhing gtod dbang chung/ /'bras bu nad
dang nor nyams 'gyur/ /zhi

bas gdug pa la gtad na/ /len byed dbang che gtod mkhan chung/
/des ni 'chi sogs shin tu rtsub/ /mnyam la nad kyis thebs sogs
'byung/ /lhag par gza' yi gtod len mtshams/ /skyes pa'i skar ma
'byung ba na/ /de dang ming skar

@065b gnyis po yi/ /dkyil na yod pa de la 'chi/ /gzhan ma'i phra
rags 'bras bshad sogs/ /rtogs sla gzhung las shes par bya/ /de
nas skyes rtags 'khor lo ni/ /nyi mas 'khyud pa'i skar ma nas/
/brtsams te byis pa'i spyi bor gcig /kha la gsum

dang dpung mgor gnyis/ /mkhrig mar gnyis dang lag dar gnyis/
/snying khar lnga dang lte bar gcig /gsang bar gcig dang pus mor
gnyis/ /rkang pa gnyis la bzhi bzhi ste/ /rim bzhin ma nor bkod
byas nas/ /zla skar gang na 'dug brtags te/ /

'bras bu gzhung bzhin brjod par bya/ /de ltar le'u drug pa'i
don/ /rtogs sla don bsdus bshad zin to/ /de nas le'u bdun pa yi/
/bsdus don nyer mkho bshad pa la/ /skyes bu lam du 'jug pa dang/
/zhes ba nas/ sbrum ma btsa' ba bre 'khor

gyi; ;'khor lo dang bcas nyer gnyis las/ /dang po lam 'jug sprul
'khor ni/ /sprul gzugs 'khyog gam rtsa gsum par/ /rgyu skar dgu
dgu nyer bdun bri/ /de yang rim bzhin tha skar lag /nabs so dbo
dang me bzhi snron/ /sgrubs dang mon

gru khrums stod rnams/ /dang po'i rtsal rim par bri/ /bra nye
mgo rgyal gre nag pa/ /lha mtshams chu stod mon gre dang/ /khrums
smad rtsa brgyud gnyis par bri/ /smin drug snar skag mchus ri/
/sa ga chu smad gro bzhin dang/ /nam gru gsum par bris

byas nas/ /gang la skyes bu lam 'jug pa/ /de yi zla skar gang
yod ba'i/ /rtsa brgyud gcig po de la brtsi/ /gzhan gnyis la ni
brtsi mi dgos/ /rtsa brgyud gcig po de la yang/ /thog ma rang gi
sgo drung ste/ /mjug ni gang du 'gros de/ /de par

@066a @#/ /dpag tshad rkang pa bzhi/ /mda' 'phen drug cu la sogs
pa/ (/'di man chad rnams phyag zin gyi ma dper ma tshang pas re
zhig bzhag go/) ! gang phyir rlung gi bye brag gis/ /brtan
g.yo'i bkod pa sna tshogs su/ /byed

phyir rlung las 'byung 'gyur gyi/ /'bras bu brtag pa thog mar
gsungs// //! rgyal yum tA re'i gdung 'bod 'dod gsol dang/ /bla
ma snying nas dran pa'i gdung dbyangs zung/ /bstan pa'i nyer
'tsho 'bru la mchog sbrul

nas; ;bla mar shugs drag dad gus kyis bskul ba'i/ /mi 'dzad sbar
gyi dngos po bskrun pa'i dges/ /mchog sprul nyid gtsos mtha' yas
'gro ba kun/ /tshe rab bla mas mnyes bzhin rjes bzung nas/ /bla
m/a lha yi go 'phar thob shog /

(ces pa 'di yang 'bru la mchog sprul rin po che nas ji ltar
bskul ma mdzad bzhin/ pha bong kha pas thol byung du bris te
phul ba'o//) //! zhabs sen rnam par dge ba'i drung du/ gus zhu/
zur du ji ltar bka' bris spyi phebs dgongs don/

mchog gsum che brjod thun mong ma yin pa 'jig rten du byon tshul
sogs 'di dang 'di zhes gsal 'debs zhu dgos phebs pa/ gus rang la
de ltar dgongs bzhed 'geng ba'i legs bshad kyi mchod sprin spro
bya rnyed na shin tu skal bzang gi

gnas kyang/ rgyun du zin med rnam g.yeng gis gsung rab mang po
mjal ba'i go skabs shin tu phra khar/ dal khom gyi gseng bar
cung zad rnyed kyang bzlas bsgom la cung zad brtson khul gyi
khar/ nye lam mig nad na ba nas dpe

@066b shog re gnyis blta ba'i skal bas phongs pa bcas dgyes
mnyes kyi mchod sprin spro ba'i skal bas shin tu phongs shing
'on kyang rang gi bas mtshod gang dran 'char gzhi tsam byis ba'i
bla rdol lta bur mdor bsdus su 'bul na/ nyes bshad la

thugs mi sun par legs cha phran bu srid rigs la bla ma rdo rje
'chang gi brtse ba chen pos rjes su dgongs/ mchog gsum 'jig rten
du byung tshul dang rang rang gi che brjod rnams zung du 'brel
bar 'god gnang mdzad na 'brel chags shing/

de yang/ spel mar bstod pa las/ gting mtha' med pa'i 'khor ba
ni/ /rgya mtsho'i nang na rnam par gnas/ /'dod chags la sogs mi
bzad pa'i/ /chu srin gyis ni lus zos pas/ /de ring gang la
skyabs su mchi/ /zhes dang/ bstod pa brgya

lnga bcu pa las kyang/ gang zhig la ni nyes pa kun/ /gtan nas
yong ye mi mnga' zhing/ /gang la rnam pa thams cad du/ /yon tan
thams cad gnas gyur pa/ /gal te sems shig yod na ni/ /de nyid la
ni skyabs 'gro zhing/ /de bstod de ni bkur ba dang/ /de yi

bstan la gnas pa'i rigs/ /zhes gsungs pa ltar sems can gyi khams
nam mkha'i mthas gtugs pa'i tshad med grangs med pa rnams srid
pa'i rgya mtsho chen po'i klong du chud de/ 'dod chags la sogs
pa'i sdug kun gyi nyes pa mi bzang pa 'jigs su rung

ba brgya phrag mang pos sngon dang phyi ma'i mthar mu mtha' med
par shin tu mnar zhing nyam thag pa dag skyabs dang/ gling dang/
dpung gnyen dang/ 'dren pa'i ded dpon gcig pu ni thub pa sangs
rgyas bcom ldan 'das dang/ grol ba'i thabs ni rgyal ba'i bstan

@067a @#/ /pa rin po che nyag gcig ste/ de yang 'jig rten gyi
khams 'dir ji ltar byon pa'i tshul ni/ zhes sogs gleng bslang
ste/ rnams snang gangs chen mtsho'i phyag gi lhung bzed kyi nang
du 'jig rten gyi khams nyi shu rtsa lnga chagS

tshul; de'i bcu gsum pa mi mjed 'jig rten gyi khams 'di yin tshul/
mi mjed ces pa'i sgra bshad/ de yang rlung dkyil gcig gi steng
dus chu'i dkyil 'khor tha dad pa gling bzhi ri rab bye ba phrag
brgya chags tshul/ de yang bskal pa 'di thog

mar chags skabs gser gyi padmo stong byung bar lha rnams kyis
bskal bzang 'di la sangs rgyas stong 'byon pa'i snga ltas su
mthong nas/ e ma bskal pa 'di ni bzang po'o/ /zhes bsngags tshul
sogs/ de yang snying rje padma dkar po'i mdo

las bskal pa bzang po 'di la sangs rgyas stong dang lnga 'byon
tshul dang/ gsang ba bsam gyis mi khyab pa'i mdo las sangs rgyas
stong 'byon tshul sogs mdo sde/ chos 'byung/ mdzod sogs nas
gsungs pa rnams gung bsgrigs te

tshig sbyor phun sum tshogs pa'i lam nas drangs pa dang/ de ltar
bskal pa bzang po 'di chags pa'i thog mar snod kyi 'jig rten mas
rim dang/ bcud kyi sems can byas rim nas chags tshul/ rdzogs ldan
gyi dus kyi mi rnams kyi 'byor pa'i

khyad par rkang pa bzhi dang/ de nas rim bzhin snod bcud kyi
'byor pa 'grib cing rgud pa 'phel tshul sogs/ de nas gsum ldan
dang/ gnyis ldan dang/ rtsod ldan sogs kyi rkang pa bzhi dang/
gsum dang/ gnyis dang ldan tshul sogS

@067b 'dul ba lung dang/ mdo sde dang/ chos 'byung sogs las
'byung ba ltar rgyas par spro zhing/ de lta bu'i 'jig rten gyi
khams 'dir sangs rgyas kyi bstan pa byung tshul la/ spyir grub
mthas blo ma bsgyur ba dag la mtho ris dang thar pa'i lam

dang 'bras bu'i rnam gzhag dang/ lta sgom spyod pa'i tha snyad
gang yang med pas blo gros dang ldan pa dag gis dpyad par bya ba
gang yang med la/ des na blo gros dang ldan pa dag gis gang ni
mtho ris dang thar pa'i lam yang dag pa dang/ gang ni mtho ris

dang thar pa'i lam du sgro btags pa nyid kyi ltar snang ngo
snyam du dpyad par bya ba'i grub pa'i mtha' ni gnyis te/ phyi
rol mu stegs byed dang nang pa sangs rgyas pa'o/ /de gnyis kyi
khyad par yang ston pa dang/ bstan pa dang lta ba gsum gyi sgo
nas 'byed

dgos pas de'i tshul ni/ ston pa skyon kun zad cing yon tan lhag
ma med par thob pa'i zhes sogs/ grub mtha' chen mo las gsungs pa
ltar gyi rang sde'i ston pa bstan pa lta ba gsum khyad par du
'phags tshul dang/ cig shos de las dman pa'i

tshul rgya cher spro bar mdzad cing/ des na thog mar gzhan sde mu
stegs pa'i grub mtha' byung tshul/ lta ngan gyi khyad par sogs
yongs su bshad nas de las ches khyad par du 'phags pa rang lugs
kyi bstan bston pa sogs mchog gsum 'jig

rten du byon tshul yongs su bsgrags na dad gus kyi nges pa rgya
cher 'phel bar 'gyur bas/ des na 'jig rten 'dir spyir mu stegs
kyi grub pa'i mtha' byung tshul dang/ nang pa sangs rgyas pa'i
bstan pa byung tshul gnyis las/ dang po ni/ de yang sangs rgyas

@068a @#/ /'jig rten du ma byon pa'i sngon mu stegs kyi grub
mtha' byung ste/ mang bkur rgyal po'i dus 'ga' zhig khyim gyi
nyes ba mthong nas zhes sogs thu'u bkran grub mtha' ltar spros
pa'i mjug /grangs can ba ste/ tshe lo dpag

med kyi dus su/ drang srong ser skya zhes pa mngon shes lnga
dang ldan pa zhig byung ste/ des rang gi skyes thob kyi shes rab
la brten nas gzhung mang po brtsams te de'i rjes su 'brangs pa
rnams la grangs can pa'am ser skya pa zhes grag /tshe lo nyi

khri'i dus su drang srong rgyas pa zhes bya ba byung ste de'i
rjes su 'brangs pa rnams la rgyas pa'am gcer bu pa zhes bya/
yang drang srong 'jig rten mig ces bya ba byung ste/ de'i rjes
su 'brangs pa la rgyang 'phen pa zhes bya/ gzhan yang drang
srong mdzes

pa'am rkang mig pa zhes bya ba dang/ drang srong 'ug pa ba dang/
bye brag pa sogs mang du byung ste/ mdo sde las ya mtshan can gyi
lta ba dgu bcu rtsa drug dang/ lung ma bstan gyi lta ba bcu
bzhi/ lta ngan drug cu rtsa gnyis/ dam pa min pa'i

lta ba brgya nyer brgyad/ lta ngan nyi shu sogs byung bar gsungs
pa/ dbu ma rin chen sgron ma las/ lta ba'i phreng ba sum brgya
drug cu rtsa gsum dang/ lta ba drug cu rtsa gnyis sogs mang du
gsungs shing/ rtog ge 'bar ba las/ lta ba'i

dbye ba brgya rtsa bcu dang/ slob dpon sman zhabs kyi zhal lung
'grel par lta ba lnga brgya dang bdun cu sogs byung tshul dang/
ngos 'dzin sogs grub mtha' chen mo dang/ lcang skya/ thu'i bkwan
sogs kyi gsung las byung ba ltar

@068b rgyas par spro zhing/ mdor na rig pa'i dbang phyug gis/
log pa'i lam la mu med phyir/ /zhes gsungs pa ltar/ blo gros
dang skal ba dman pa rnams kyi lta ngan la 'di 'byung dang 'di
mi 'byung gi nges gzung ma mchis/ 'on kyang de dag las

grags che ba ni chad par smra ba gcig dang/ rtag par smra ba bcu
gcig ste bcu gnyis gsungs pas de dag so so'i dbye ba/ ston pa/
ming; lung/ grub pa'i mtha' 'dzin tshul/ de 'gog tshul sogs grub
mtha' rnams las gsungs pa

ltar mdor bsdus su 'god par mdzad nas de dag kun kyang lam log
par zhugs pa la nges pa bskyed cing/ ji skad du/ ting nge 'dzin
gyi rgyal po'i mdo las/ 'jig rten dag ni ting 'dzin sgom byed
kyang/ /de ni bdag tu 'du shes 'jig mi byed/ /de ni

nyon mongs phyir zhing rab 'khrug ste/ /lhag spyod kyis ni ting
'dzin 'dir bsgomS bzhin/ /gal te chos la bdag med so sor rtog
/so sor de brtagS gal te bsgom pa ni/ /de ni mya ngan 'das thob
'bras bu'i rgyu/ /zhes dang/ bsngags 'os bsngags

bstod las/ khyod kyi bstan las phyir phyogs pa'i/ /zhes sogs
nas/ srid pa dag ni zlog par byed/ /ces gsungs pa ltar/ shin tu
bzod dka' ba'i dka' thub du mas 'bad cing shin tu brtson pas
bsgoms pas srid rtse'i snyoms 'jug

par bgrod kyang/ bdag med las rgyab kyis phyogs pas tha na ngan
'gro tsam yang rtsad nas bzlog pa'i gnyen po bsgom du med/ srid
rtsi'i snyoms 'jug par bgrod kyang rtag chad kyi lam ngan snying
du zhen pas phyir zhing nyon mongs 'phel te ngan song

@069a @#/ /gi sgor 'jug pa lhag spyod kyis bsam gzugs brgyad ka
thob kyang nyon mongs pa'i sa bon spang bar ma nus pas phyis
'dod nyon mngon du gyur te 'og tu lhung ba bzhin no/ /ston pa
bde bar gshegs pa thugs rje can gyi

bstan pa 'di las ni bsam gtan dang po'i dngos gzhi tsam yang ma
thob kyang/ nyer bsdogs mi ldogS med la brten nas bdag med kyi
don bsgoms pas nyon mongs pa sa bon dang bcas pa drungs phyung
ste bdud kyi mig ras btsa' bzhin du srid pa'i

rgyun bcad de thar pa thob tshul sogs lam rim chen mo'i zhi lhag
gi skabs nas 'byung ba ltar spro bar mdzad de/ gong gi lugs ngan
de dag las rang lugs thub pa sangs rgyas bcom ldan 'das kyi
bstan pa ches khyad par du 'phags pa

lung dang rigs pas nges pa mchog tu 'dren par tshig sbyor brling
zhing rgya cher spro bar mdzod/ gnyis pa nang pa sangs rgyas
pa'i ston pa dang/ bstan pa dang/ de la slob pa ste mchog gsum
ji ltar byung ba'i tshul la gsum/ sangs rgyas

dkon mchog 'jig rten 'dir ji ltar byung tshul ngo mtshar ba'i yon
tan gyi che ba'i khyad par dang bcas pa dang/ chos dkon mchog
'jig rten 'dir ji ltar byung tshul ngo mtshar ba'i yon tan gyi che
ba'i khyad par dang bcas pa dang/ dge 'dun dkon

mchog 'jig rten 'dir ji ltar byung tshul ngo mtshar ba'i yon tan
gyi che ba'i khyad par dang bcas pa'o/ /dang po la gnyis/ sangs
rgyas dkon mchog 'jig rten 'dir byon pa'i tshul dang/ yon tan gyi
khyad par ngo mtshar gzhal du mi spyod pa'i che ba bstan pa'o/ /

@069b dang po la/ spyir bskal pa bzang po 'dir dus gsum gyi
sangs rgyas byon dang 'byon 'gyur gyi tshul mdor bsdus bshad pa
dang/ bye brag tu rnam 'dren bzhi pa shAkya'i rgyal po nyid ji
ltar byon pa'i tshul rgyas par bshad pa'o/ /dang po ni/ spyir
bskal

pa bzang po 'di la snying rje padma dkar po las sangs rgyas
stong dang lnga 'byung bar gsungs pa dang/ gsang ba bsam gyis mi
khyab pa'i mdo las sangs rgyas stong 'byung bar gsungs shing/
dang po ni sngon bskal pa chen po 'dzin pa zhes bya ba na 'khor
los

bsgyur ba'i rgyal po rtsibs kyi mu khyud de la sras stong/ de'i
mdun na 'don gyi gtso bo bram ze rgya mtsho'i rdul la sras brgyad
cu/ slob ma bram ze stong/ de'i sras bram ze rgya mtsho'i snying
po de bzhin gshegs pa rin chen snying po zhes bya bar byon

ba'i spyan sngar rgyal po'i sras stong sogs thugs bskyed tshul/
khyad par bram ze rgya mtsho'i rdul gyis smon lam chen po lnga
brgya btab ste thugs bskyed tshul sogs snying rje pad dkar gyi
mdo nyid las gsungs pa ltar spro bar mdzod/ gnyis

pa gsang ba bsam gyis mi khyab pa'i mdo las gsungs tshul ni/
sngon bskal pa mdzes par snang ba na sangs rgyas yon tan mtha'
yas rin chen sna tshogs pa'i rgyal po'i spyan sngar rgyal po yul
'khor srung gi sras stong gis thugs bskyed

pa'i tshul gsang ba bsam gyis mi khyab pa'i mdo nyid las gsungs
pa ltar spro bar mdzod/ de ltar thugs bskyed cing lung bstan pa
ltar mi mdzed 'jig rten 'dir ji ltar byon pa'i tshul ni/ de yang
bskal chen gcig la bar bskal brgyad cu gsungs pa'i stong 'jig
chags pa'i bskal pa nyi

@070a @#/ /shu pa tshan pa gsum la sangs rgyas mi 'byung zhing/
gnas bskal nyi shu la'ang ma thog ring mo/ bar gyi khug ba bco
brgyad dang/ ya thog ring mo rnams las bar gyi khug pa rnams kyi
tshe lo yar 'phel gyi dus dang/ ya thog ring mo rnams la sangs
rgyas 'jig rten du mi 'byung

zhing; ma thog ring mo dang/ bar gyi khug pa bco brgyad kyi tshe
lo mar 'grib dus de bzhin gshegs pa 'jig rten du 'byon la/ de
yang ma thog ring mo 'di nyid kyi tshe lo dpag med nas brgyad
khri'i bar du mar 'grib kyi tshe lo brgyad khri'i dus su sangs

rgyas 'khor ba 'jig rten du byon te zhes sogs sangs rgyas 'khor
ba 'jig rigs gang du bltams pa dang/ sku tshe dang/ 'dus pa dang/
rim gro pa sogs byung tshul dang/ de nas bzhi khri'i dus su gser
thub/ nyi khri'i dus su 'od srung sogs

byung tshul dang/ rang rang gi rigs dang/ sku tshe/ 'dus pa/ 'khor
sogs rnam thar mdor bsdus re dang/ de nas rtsod dus kyi tshe lo
brgya pa'i dus 'dir de bzhin gshegs pa shAkya thub pa 'jig rten
du byon ta de'i rigs dang/ sku tshe dang/

'dus ba sogs kyir nam par thar pa gsang ba bsam gyis mi khyab
pa'i khyad par dag ni zhib par 'og de ma thag tu ston par 'gyur
zhing/ slar bar gyi khug pa dang po'i tshe lo brgyad khri'i dus
mar 'grib kyi 'go rzom pa na rnam 'dren lnga pa

byams pa 'jig rten na 'byon zhing/ de nas tham mos pa snang
mdzad kyi bar de bzhin gshegs pa stong dang gcig 'jig rten gyi
khams 'dir 'byung ste/ de dag rang rang gi rigs dang/ sku tshe
dang/ 'od dang/ 'dus ba dang/ 'khor sogs ni

@070b 'dir re re bzhin rgyas par spro bar mi nus pas mdo sde
bskal pa bzang po las ji ltar 'byung ba ltar shes par bya'o/
/gnyis pa bye brag tu rnam 'dren shAkya'i rgyal po nyid ji ltar
bkyon pa'i tshul ni/ bdag cag gi ston pa thub pa'i dbang po 'di

nyid sngon bskal ba dpag tu med pa'i snga rol tu 'khor los
bsgyur ba'i rgyal po rtsibs kyi mu khyud kyi sras stong gi rig
byed slob par bram ze rgya mtsho'i rdul du gyur pa na/ zhes sogs
sras stong gis bskal pa bzang po 'dir gdul byar bzung

ste thugs bskyed tshul/ rnam 'dren gzhan gyis yal bar bor ba'i
rtsod dus kyi tshe lo brgya pa snyigs ma lnga 'dod ba'i dus 'dir
de dag gis yal bar bor ba na/ bram ze rgya mtsho'i rdul gyis
snying stobs lhag par du bskyed de rnam

'dren gzhen gyis bor ba'i tshe lo brgya pa'i sems can rnams rjes
su 'dzin par thugs bskyed tshul snying rje pad dkar sogs mdo dang
chos 'byung sogs las 'byung ba ltar rgyas par spro bar mdzod/ de
ltar bram ze rgya mtsho'i rdul gyis

ji ltar thugs bskyed pa ltar rnam 'dren gzhan gyis spangs pa'i
tshe lo brgya ba'i dus kyi 'gro ba nyam thag pa rnams kyi mgon
dang/ skyabs dang/ gling dang/ dbung gnyen gcig bur rnam 'dren
stong las pad dkar ltar bsngags pa

bdag cag gi ston pa shAkya'i rgyal po 'jig rten 'dir byung ste/
de'i rnam bar thar pa mtha' dag pa ni ji skad du rje btsun tsong
kha ba chen pos/ khyod kyi sku gsung thugs kyi gsang ba yi/
/tshul 'di rgyal sras rang rgyal nyan thos kyis/ /ji tsam

@071a @#/ /brtags kyang blo yi yul min na/ /tshangs dang dbang po
sogs kyis smos ci 'tshal/ /mkha' lding dbang pos mkha' la bgrod
bgrod nas/ /nam zhig rang stobs bri bas ldog 'gyur gyi/ /nam
mkha' zad pas ldog par mi

'gyur bzhin/ /khyod kyi yon tan brjod pa'ang de ltar lags/ /zhes
gsungs pa ltar de bzhin gshegs pa nang phan tshun kho na'i spyod
yul las/ sa chen po la gnas pa'i byang chub sems dpa' sems dpa'
chen po rnams kyis kyang cha tsam yang dpog pa

dang brjod par mi nus na/ bdag dang bdag 'dra ba'i tshur mthong
rang ga pa'i blo gros kyis gzhal ba dang brjod par ga la nus/
'on kyang rgya mtsho chen po las blangs pa'i chu'i thigs pa chung
ngus kyang skom pa'i gdung ba zhi zhing sman gyi sdong po chen

bo'i cha shas tsam blangs pas nad zhi bar 'gyur ba ltar de bzhin
gshegs pa'i gsang ba bsam gyis mi khyab pa'i yon tan gyi phung
po las cha shas tsam zhig brjod na yang/ bsod nams kyi phung po
gzhal du mi spyod pa thob cing/ yid kyi shing

rta ngad gus kyi nor bus phyur bur 'gengs par 'gyur bas/ de'i
phyir thub pa'i rnam thar rgya mtsho lta bu las blo gros ku sha'i
zegs ma phra mor chags pa'i zil thigs tsam zhig rang gzhan skal
bzang mchog gi bgo skal gyi mchod yon du spreng

bar bya'o/ /des na 'di la gsum/ dang po byang chub mchog tu
thugs bskyed pa'i tshul/ bar du bskal chen grangs med gsum du
tshogs bsags pa'i tshul/ mthar 'bras bu chos kyi sku brnyes nas
gdul bya rigs can gsum la

@071b chos 'khor bskor ba'i tshul lo/ /dang po ni/ de yang mdo
sde bskal bzang las/ nga ni sngon tshe sman par gyur pa na/ /de
bzhin gshegs pa shAkya thub de la/ /'jams gang zhig ni dbul bar
byas nas kyang/ /dang por byang chub tu ni sems

bskyed do/ /zhes sogs gsungs pa ltar/ 'gro ba yongs kyi ma 'dris
pa'i mdza' bshes chen po bdag cag gi ston pa thub pa'i dbang po
nyid rdza mkhan gyi khye'u snang byed du sku 'khrungs pa'i tshe
de bzhin gshegs pa shAkya thub chen gyi drung du dang por

thugs bskyed tshul mdo bskal bzang dang/ mdzod 'grel/ bu ston
chos 'byung sogs las gsungs pa ltar dang/ gzhan yang ston pa
thugs rje can 'di nyid kyis rang cag khams gsum gyi 'gro ba nyon
mongs shing sdug bsngal brgya phrag

du mas mnar ba thugs kyis ma bzod nas de bzhin gshegs pa grangs
las 'das pa'i spyan sngar thugs bskyed par mdzad pa rnams las
mdo sde las 'byung ba 'ga' zhig smos na/ drin lan bsab pa'i mdo
las gsungs tshul ni/ de nyid

las; nga de'i tshe na me'i shing rta'i dmyal bar lhung nas/ gud
na gcig dang gnyis kyis me'i shing rta 'dren te/ dmyal ba'i
â’srung ma a bang ni shing rta'i steng na 'dug cing mig bgrad/
so gtsigs te me 'bud na kha dang mig dang/

rna ba dang sna nas me 'bar dud pa 'thul te/ srung ma de yang
lus shin tu che zhing gnag la/ shing rta'i steng na skyil mo
krung bcas te 'du gnas/ lag pa na lcags kyi dbyug pa thogs te
nga la rdeg go /de'i tshe ngan ba'i sdug bsngal ma bzod nas stobs
ci nus

@072a @#/ /kyis shing rta drangs so/ /nga'i grogs shig nyam chung
ste 'dren ma nus pas/ dmyal ba'i srung ma a bang gis lcags kyi
mdud rtse gsum pa thogs nas brang du btsugs te/ lcags thos
brdabs nas/ khrag chal par phab

bo; ;de'i tshe mi de na ba'i sdug bsngal mi bzod pas/ na tsha ba'i
skad chen po byung nas bar 'ga' ni pha ma zhes 'bod/ bar 'ga' ni
chung ma bu zhes bos kyang phan pa med do/ /bde'i tshe na de lta
bu'i sdug bsngal myong bar mthong nas snying rje'i semS

skyes so/ /de ltar snying rje'i sems chen po skyes pa'i rkyen
gyis/ byang chub tu sems bskyed par gyur to/ /de nas sdug bsngal
ba de'i phyir/ dmyal ba'i srung ma a bang la sdug bsngal myong
ba'i mi 'di la snying rje'i sems cung zad skyed

cig ces gsol ba btab pa dang/ dmyal ba'i srung ma khros nas zhe
sdang gi sems skyes pas/ lcags kyi mdud rtse gsum pa thogs nas/
nga'i gnya' bar btsugs nas/ der tshe'i dus byas pas me'i shing
rta'i sems can dmyal ba las

thar te/ bskal pa brgya snyed kyi mi dge ba'i sdig pa byang bar
rgyur to/ /de ltar ngas bla na med pa yang dag par rdzogs pa'i
byang chub tu sems bskyed pas/ me'i shing rta'i sems can dmyal
ba las thar bar gyur to/ /zhes dang/ 'dul ba lung

sman gyi gzhi las/ sngon rgyal po 'od ldan du gyur tshe byang
chub kyi thugs bskyed tshul dang/ ma skyes dgra'i 'gyod pa bsal
ba'i mdo las/ tshong dbon gyi bu dri ma med pa'i dpung bar gyur
tshe thugs bskyed tshul/ byang chub sems dpa'i sde snod

@072b las; chos kyi rgyal po rnam par rgyal ba'i bu gzhon nu
brtson 'grus spyod pa zhes bya bar 'khrungs tshe thugs bskyed
tshul/ yang tshong dpon shes rab bzang po zhes bya bar 'khrungs
tshe thugs bskyed tshul/ yang bram ze'i khye'u gzhon nu sprin du
'khrungs pa'i

tshe thugs bskyed tshul/ lhag par bram ze rgya mtsho'i rdul du
'khrungs pa'i tshe thugs bskyed tshul sogs sbyor zhing/ de ltar
byang chub mchog tu thugs bskyed tshul gsungs pa 'di dag kyang
rnam grangs nyung ngu tsam zhig ston pa rang nyid kyis mdo sde
las

gsungs pa'i rjes su 'brangs nas phyogs tsam smras par zad kyi/
da dung thugs bskyed tshul gyi rnam grangS las 'dus ba mtha' dag
pa ni de bzhin gshegs pa nang phan tshun kho na'i spyod yul nyid
do/ /de ltar thugs bskyed tshul gyi sgo mi 'dra ba

'di dag dang po thugs bskyed tshul gcig gdul bya rang rang gi
ngor mi 'dra ba'i tshul du gsungs pa yin nam/ sems bskyed kyi rus
stobs gong nas gong du spel phyir yang nas yang du thugs ba
bskyed pa ji ltar yin sogs brgal lan mtha' dpyod dang

bcas pa spro bar mdzod/ de ltar thub pa'i rnam par thar pa thams
cad kyi thog mar byang chub tu thugs bskyed pa la nan tan mdzad
pa 'di ni byang chub tu sems bskyed pa nyid theg pa chen po'i
lam gyi 'jug sgo dang/ gzhung shing lta bur shin tu

gal che bar rig par bya zhing/ snying rje chen po ni de dag gi
rtsa ba lta bur rig par bya ste/ ji skad du slob dpon klu sgrub
kyis/ bdag nyid dang ni 'jig rten 'dis/ /bla med byang chub thob
'dod na/ /de yi rtsa ba byang chub sems/ /ri dbang

@073a @#/ /rgyal po ltar brtan dang/ /zhes dang/ dpal ldan mkhol
gyis/ khyod kyi thugs ni rin po che/ /byang chub dpal gyi sa bon
mchog /dpa' khyod kho nas snying por mkhyen/ /de gzhan skye bos
'ol mi dbyi/ /zhes sogS

dang; gzhan yang spyod 'jug dang/ byams pa'i rnam par thar pa'i
mdo dang/ lag na rdo rje dbang bskur ba'i rgyud dang/ rgyud bla
ma sogs kyi lung ji ltar rigs pa spro bar mdzod/ theg chen sems
bskyed de'i rtsa ba yang snying rje chen po la rag

las te/ dpal ldan zla bas/ gang phyir brtse nyid rgyal ba'i lo
tog phun tshogs 'di'i/ /sa bon dang ni spel la chu 'dra yun ring
du/ /longs spyod gnas la smin pa lta bur 'dod gyur pa/ /de phyir
bdag gis thog mar snying rje bstod par

bgyi; ;zhes sogs/ des na bdag legs su 'dod pa rnams kyis nges
'byung gi bsam pa shugs drag pos yongs su drangs pa'i byams pa
dang snying rje'i rtsa ba can gyi 'dun pa gnyis ldan gyi sems
bskyed bcos ma ma yin pa bskyed pa la 'bad par

bya'o; ;de yang byang chub tu yid smon pa tsam la 'khrul bar mi
bya bar/ rgyal tshab byams pas/ /sems bskyed pa ni gzhan don
phyir/ /yang dag rdzogs pa'i byang chub 'dod/ /ces dang/ de
bzhin du rnam bshad sogs las gsungs pa ltar gzhan don du

yang dag par rdzogs pa'i byang chub la dmigs shing/ rang gi
grogs rdzogs byang don gnyer gyi 'dun pa dang mtshungs ldan du
gyur pa'i theg chen gtso bo'i yid kyi rnam rig khyad par can
zhig la byed dgos shing/ de yang byams pa dang snying rje chen

@073b po/ /rtse la yongs su rdzogs pa zhig gis 'dren pa la ltos
dgos pas/ snying rje chen po skyes pa'i tshad ni/ sgom rim dang
po las/ gang gi tshe yid du 'ong ba'i bu mi bde ba bzhin du sems
can thams cad la yang sdug bsngal gtan nas dbyung bar 'dod

pa'i snying rje rang gis 'jug pa bdag nyid kyis mtshungs par 'jug
par gyur pa de'i tshe de rdzogs pa yin pas snying rje chen po'i
ming thob ste/ zhes snying rje chen po skyes pa'i tshad dang/ des
byams pa chen po skyes pa'i tshad kyang rig par byed

dgos tshul lam rim che chung dang/ phar phyin gyi gzhung dag las
gsungs pa ltar spro bar mdzod/ des na deng sang gi dus su 'di
lta bu'i nges pa phyogs tsam yang med par yid smon tsam la byang
chub kyi sems su 'khrul ba dang/ la la dag theg

chen sems bskyed kyi ming tsam yang mi dgos par sems gnas phra
mo sogs lta sgom gyi ming du btags pa phyogs re ba dang/ lha'i
bzlas sgom tsam gyis rdzogs pa'i byang chub 'grub par re ba ni
theg pa chen po'i lam gyi gzhi stong bar gong du rgya cher

spros pa ltar ro/ /de lta bu'i theg chen sems bskyed la'ang
sgras brjod rigs kyi sgo nas dbye na sa lta bu nas sprin lta
bu'i bar gyi sems bskyed nyer gnyis/ ngo bo'i sgo nas dbye na
smon 'jug gnyis/ gzhan yangs mtshams kyi sgo nas dang/ bskyed

tshul gyi sgo nas dang/ dpe grogs chos mthun gyi sgo nas dbye ba
sogs dbye ba dang sa mtshams/ ngo bo'i khyad par sogs sems bskyed
kyi skor rnams rgyas par na gzhung chen mo dang lam rim che
chung sogs las gsungs pa ltar 'dir spro bar

@074a @#/ /mdzod/ de dag gis dang por byang chub mchog tu thugs
bskyed pa'i tshul 'phros dang bcas pa mdor bsdus su brjod pa'o/
/gnyis pa bar du bskal chen grangs med gsum du tshogs bsagS par
mdzad pa'i tshul ni/ de

ltar byang chub mchog tu thugs bskyed nas gzhan gyis yi rang
tsam yang bya dka' pa'i snying stobs chen pos grangs med gsum
gyi bar rgyal sras kyi spyod pa rlabs po che mtha' yas pa la
bslab nas tshogs gnyis yongs su rdzogs par mdzad de/ de yang

mdzod las/ rnam gzigs mar me rin chen gtsug/ /grangs med gsum
gyi tha mar byung/ /dang po shAkya thub pa yin/ /ces gsungs pa
ltar de bzhin gshegs pa shAkya thub chen nas bzungs/ de bzhin
gshegs pa gtsug tor can bar grangs

med dang por brtsi ba sogs mdzod las gsungs tshul dang/ 'dul ba
lung las/ sangs rgyas shAkya thub pa nas/ /'dren pa yul 'khor
skyong gi bar/ /de'i bar bdun khri bdu stong gi /sangs rgyas
rnams ni ngas mchod do/ /grangs med

gcig ni 'das pa yi/ /rgyal ba ngas ni mchod byas te/ /sangs
rgyas nyid ni 'dod pa'i phyir/ /nga la skyo ba'i sems med do/
/grangs med gnyis pa la/ sangs rgyas mar me mdzad nas ni/ /dbang
po'i rgyal mtshan thub pa'i bar/ /bdun khri

drug stong dag gi ni/ /sangs rgyas rnams la nga yis mchod/
/grangs med gnyis po tshang bar ni/ /rgyal ba nga yis mchod byas
te/ /skyes pa de dang de dag tu/ /nga la skyo de'i sems med do/
/grangs med gsum pa la/ sangs rgyas

@074b legs mdzad nas bzung ste/ /sangs rgyas 'od srung bar dag
tu/ /bdun khri bdun stong nga yis mchod/ /grangs med gsum po de
la ni/ /rgyal ba ngas ni mchod byas te/ /byang chub phyir na
spyod pa na/ /de'i tsho nga la

skyo sems med/ /nga ni byang chub sems dpa' na/ /sangs rgyas
mchog ni de dag mchod/ /'jig rten 'dren pa de kun gyis/ /nga ni
sangs rgyas nyid dub stan/ /ngas ni ston bsams gang yin pa/ /nga
yi smon lam thams cad rdzogs/ /nga ni sangs

rgyas khe bor te/ /sems can rnams ni rjes su bzung/ /zhes 'byung
ba ltar/ grangs med dang po la de bzhin gshegs pa shAkya thub
chen nas bzung yul 'khor skyong gi bar sangs rgyas bdun khri
bdun stong la bsnyen bkur zhing mchod pas mnyes par

mdzad pa nas bzung ste 'dul ba lung las gsungs tshul rnams spro
bar mdzod/ de ltar grangs med gsum du brtson pa chen pos de
bzhin gshegs pa bsnyen bkur zhing bsod nams dang ye shes kyi
tshogs gnyis par ma chad du bskrun par mdzad

do; ;de dag kyang theg pa thun mong ba'i dbang du byas nas
gsungs pa yin gyi/ theg pa chen po'i mdo las ji ltar gsungs pa'i
tshul ni mdo sde dkon mchog sprin dang/ zla ba sgron me'i mdo
sogs las ji ltar gsungs pa ltar lung 'dren dang

bcas te rgya cher spro bar mdzod/ de yang shin tu rgyas par
spron/ bsag bya'i tshogs ngos gzung ba/ ji tsam bsags pa'i dus/
ji ltar bsags pa'i tshul gsum gyi/ dang po la tshogs kyi rang
bzhin sogs brgyad bu ston chos 'byung las

@075a @#/ /gsungs pa ltar mdor sde rgyan dang/ byang sa sogs
sbyar te spro zhing/ dus ji tsam du bsags pa'i grangs med gsum
dang/ bdun dang/ bcu dang/ sum cu rtsa gsum sogs gsungs pa'i
grangs

med kyi don yang bgrang du med pa'i grangs med ma yin gyis/ gcig
bcu brgya stong nas stobs mig stobs mig chen po grangs che jab
bcas grangs kyi gnas gcig nas bsgyur te drug cur phyin pa'i
grangs med du bzhed la/ de lta bu'i bskal

chen grangs med dang po tshogs sbyor gyi ring dang/ sa dang po
nas bdun pa'i bar grangs med gnyis pa dang/ dag pa sa gsum gyi
ring la grangs med gsum pa rdzos par gsungs/ de ltar ston pas
sngon slob pa lam gyi gnas skabs su

sangs rgyas grangs med dpag tu med gang+ga'i klung gi bye ma
snyed dag la mchod par mdzad cing/ gzhan gyis yi rang tsam yang
bya dka' ba'i rgyal sras kyi spyod pa pha rol tu phyin pa drug
la slob par mdzad/ de yang mtshon pa tsam ni/ rgyal bu snying

stobs chen por gyur pa na stag mo la sku lus sbyin pa sogs zang
zing gi sbyin pa'i skyes rabs lnga/ ri bong dang bram ze a
gastya'i rtogs brjod sogs chos kyis byin pa/ rgyal po byams pa'i
stobs kyi sbyin pa sogs mi 'jigs pa skyabs

kyi sbyin pa'i skyes rabs gsum bcas sbyin pa'i le'u bcu/ lha'i
dbang po'i rtogs brjod sogs tshul khrims kyi le'u bcu/ de bzhin
du bzod pa sogs rgyal sras kyi spyod pa bya dka' ba la bslab
pa'i tshul skyes rabs so bzhi dang/ brgya

@075b pa sogs dang sbyar te rgyas bsdus ji ltar rigs pa spro bar
mdzod/ de ltar bskal chen grangs med gsum la sogs ba dus ring
dpag tu med par tshogs gnyis rlabs po che bsags te/ smon lam
yongs su rdzogs pa dang/ gdul bya'i

rgyud yongs su smin pa dang/ sangs rgyas kyi zhing yongs su dag
pa sogs rdzogs smin sbyangs gsum gyi pha mthar phyin par mdzad/
de ltar rdzogs smin sbyangs gsum las smon lam yongs su rdzogs
pa'i tshad ni/ chos nyid la rtse

gcig tu mnyam par bzhag bzhin pa'i ngang nas gzhan don 'bad med
lhun grub tu byed pa'i rgyu yi dge ba'i rtsa ba'i nus pa rdzogs
pa dang/ zhes sogs/ gdul bya sems can yongs su smin pa'i tshad/
sprul sku'i zhing khyad par can sbyangs

pa'i tshad/ longs sku'i zhing khyad par can yongs su sbyangs pa'i
tshad sogs skabs dang po'i yang dag mtha' las byung pa ltar sbyar
te rgya cher spro par mdzod/ gsum pa 'bras bu chos kyi sku
brnyes nas gdul bya rigs can gsum la chos

'khor bskor ba'i tshul la/ 'og min du nges pa lnga ldan gyi sku
sogs sku bzhi cig car du mngon du mdzad tshul dang/ 'dzam bu'i
gling 'dir mchog gi sprul sku'i tshul bzung ste gdul bya rigs can
gsum la chos kyi 'khor lo

bskor ba'i tshul bshad pa gnyis las/ dang po ni/ theg chen po'i
lugs la sangs rgyas rnams 'og min du mngon par rdzogs par sangs
rgyas nas 'dod khams su mdzad pa bcu gnyis kyi tshul ston par
gsungs te la dkar gshegs

@076a @#/ /mdo las/ 'dod pa'i khams dang gzugs med du/ /sangs
rgyas rnam par 'tshang mi rgya/ /gzugs kyi khams kyi 'og min du/
/'dod chags bral khyod 'tshang rgya'o/ /zhes dang/ sdug po bkod
pa'i mdo las/

gtsang ma'i gnas dag spangs nas ni/ /zhes sogs gsungs pa ltar
bdag cag gis ton pa thugs rje can yang slob pa lam gyi gnas
skabs su rdzogs smin sbyangs gsum gyi mdzad pa mthar phyin par
mdzad de zhi dang snying po me tog

gis brgyan pa zhes bya ba'i 'og min gyi zhing du longs spyod
rdzogs pa'i sku sogs sku bzhi cig car du mngon du mdzad de/ de
yang srid pa tha ma pa'i tshe 'og min stug po bkod par phyogs
bcu'i sangs rgyas thams cad kyis 'od zer chen po'i dbang

bskur nas sa bcu pa rdzogs mtshams kyi ye shes de la rgyun mtha'i
ye shes zhes kyang bya/ rdo rje lta bu'i ting nge 'dzin zhes
kyang bya ste de ltar sa bcu rgyun gyi tha ma'i bar chad med lam
de nyid bden gnyis ngo bo tha dad du 'dzin pa'i dri ma zad par

ma spangs pa'i phyir mnyam gzhag de yis gzigs ngor shes bya ji
snyed pa'i rnam pa mi 'tshar yang/ de'i skad cig gnyis pa la rnam
grol lam bskyed pa'i tshe ji lta ba la gnyis snang nub nas mnyam
par bzhag pa de'i gzigs ngor/ ji snyed pa'i

chos thams cad lag mthil la sgyu rur bzhag pa bzhin mngon sum du
gzigs/ shes sgrib zad par spangs/ yang dag pa'i mtha' mngon du
byas/ mtshan dpes spras pa'i sku lus kyi rigs 'dra phyi ma mtshan
nyid lnga ldan dang/

@076b yon tan lnga ldan dang/ nges pa lnga ldan gyi longs spyod
rdzogs pa'i skur gnas 'gyur ba dang/ longs sku dang dngos rgyu
tshogs pa gcig la rag las pa'i tshul gyi 'brel ba sgrub pa'i sprul
sku phye ba ther 'bum sogs grangs med pa thob/ chos sku

mngon du byas/ chos thams cad la rnam pa thams cad du mngon par
rdzogs pa byang chub pa thob par gser 'phreng dang rnam bshad
sogs las sungs pa so so'i lung dag dang/ mtshams 'dir spro na sku
bzhi so so'i ngo bo dang dbye ba sos skabs brgyad

ba las 'byung ba ltar gser 'phreng dang rnam bshad kyi lung dang
sbyar te spro bar mdzod/ de dag kyang theg chen thun mong pa'i
lugs kyi chos sku mngon du mdzad tshul gyi rnam gzhag bstan pa
yin no/ /grub mtha' 'og ma nyan thos sde pa'i lugs la ston

ba mngon par rdzogs par sangs rgyas pa'i tshul ni/ de yang rnam
gzigs yan chad kyis grangs med gsum pa rdzogs/ de nas bskal pa
chen po brgyar mtshan bzang gi rgyu sgrub par byed pa la byang
sems nges gnas zhes zer zhing/ de nas bskal

pa brgyar lus pa na sangs rgyas skar rgyal la zhag bdun du tshigs
bcad gcig gis bstod nas bzhag bdun bskor ba bar ma chad par
bgyis pa'i brtson 'grus kyis bskal pa dgu'i tshogs 'dum ste/ de
nas bskal pa dgu bcu rtsa gcig 'das

pa na sangs rgyas 'od srung byon pa na bram ze'i khye'u bla mar
gyur pa yan chad kyis mtshan dpe'i rgyu rdzogs/ de nas dga' ldan
du lha'i bu dam pa tog dkar du 'khrungs nas 'dzam bu'i gling
'dir rgyal po zas gtsang ma'i sras su bltams pa

@077a @#/ /la sogs pa mdzad pa bcu gnyis bstan tshul 'dul ba lung
dang mngon par 'byung ba'i mdo las 'byung ba ltar shes par bya
zhing/ de ltar grangs med gsum gyis tshogs lam chen po bar bgrod
nas byang

chub kyi shing drung du srod la bdud btul/ gung la bsam gtan
bzhi pa'i dngos gzhi la brten nas sbyor lam yan chad stan thog
gcig la bskyed nas/ tho rengs skya rengs 'char kha'i skad cig ma
gcig yan chad la phyin drug rdzogs te mi

slob lam mngon du byas te mngon par sangs rgyas/ chos gzugs kyi
sku'i bdag nyid du gyur nas/ kun shes nas rab bzang gi bar la
chos kyi 'khor lo bskor te lhag med kyi dbyengs su mya ngan las
'das par 'dod pa zhes sogs lta bu

bye mdo gnyis kyi lugs la ston pa sangs rgyas tshul ji ltar 'dod
pa 'dul ba dang mdzod dang sbyar te rgya cher spro bar mdzod/
theg chen thun mong ma yin pa rdo rje theg pa'i lugs la ston pa
mngon par rdzogs par sangs rgyas tshul la rgyud sde bzhi

las; bya spyod gnyis la pha rol tu phyin pa'i lugs las logs su
med la/ rnal 'byor gyi rgyud dang bla med gnyis la 'tshang rgya
tshul gyi rnam gzhag phar phyin theg pa'i lugs las thun mong ma
yin pa gsungs so/ /de yang rnal 'byor gyi rgyud

dam yo ga'i lugs la 'tshang rgya tshul la yo gal mkhas pa'i mi
gsum zhes slob dpon shAkya bshes gnyen dang/ sangs rgyas gsang
ba dang/ kun dga' snying po gsum las/ dang po gnyis kyi lugs la
ston pa zas gtsang gi sras su 'khrungs

@077b nas chu bo nai ranydza na'i drung du dka' ba spyad pa'i
bar sa bcu ba'i byang chub sems dpa' mtshan nyid par 'dod la/ der
lo drug dka' ba spyad pa na mkha' khyab kyi ting nge 'dzin la
stoms par zhugs pa las sangs rgyas thams cad 'dus te se?  gol
gyi sgras bslangs

te yid kyi lus 'og min du byon pa la dbang bskur te mngon par
rdzogs par sangs rgyas tshul sogs rgyud sde spyi rnam las gsungs
pa dang/ de bzhin du kun dga' snying po'i lugs la ston pa mngon
par rdzogs par sangs rgyas pa'i tshul yang rgyud sde spyi

rnam las gsungs pa ltar spro bar mdzod/ gnyis pa bla med kyi
lugs la ston pa mngon par rdzogs par sangs rgyas pa'i tshul ni
pha rol tu phyin pa'i theg pa la brten nas grangs med gsum du
tshogs bsags pa'i mthar sa bcu srid pa tha ma

bar gyur pa'i che 'og min du mkha' khyab kyi ting nge 'dzin la
bzhugs pa sangs rgyas thams cad kyis de las bslangs te dbang
gsum pa dngos dbang du bskur/ don gyi 'od gsal nas zhugs te slob
mi slob kyi zung 'jug mngon du mdzad tshul

sogs sngags rim dang/ rgyud sde spyi rnam dang/ sa lam sogs nas
gsungs pa ltar dogs gcod dang bcas spro bar mdzod/ gnyis pa
'dzam bu'i gling 'dir gdul bya rigs can gsum la chos 'khor bskor
ba'i tshul ni/ de ltar 'og

min du nges pa lnga ldan gyi longs spyod rdzogs sku mngon du
mdzad de/ sku de las nam yang g.yo ba med par sprul pa'i rol
gar mtha' klas pa'i sems can gyi don mdzad pa las/ mi mjed kyi
zhing 'dir mchog gi sprul sku'i mdzad pa ston pa'i

@078a @#/ /sngon gyi thugs bskyed dang smon lam dus su smin pa
na/ rgyal ba 'od srung 'jig rten 'dir byon tshe/ ston pa thugs
rje can 'di nyid bram ze'i khye'u bla ma zhes dbang? gyur pa na
'od srung gis lung bstan tshul sogs

rgyas par sbro bar mdzod/ de ltar bram ze'i khye'u bla ma de nas
'phos te dga' ldan du lha'i bu dam pa tog dkar zhes bya ba skye
ba gcig thogs kyi byang chub sems dpa'i tshul bzung ste dga' ldan
du lha rnams la chos ston cing/ zhing 'dir byon pa'i

bar du bzhugs so/ /de'i tshe nyid kyi bsod nams kyi mthu dang/
sangs rgyas rnams kyi byin rlabs kyis lha'i rol mo'i sgra dag
las/ bsod nams rgya chen tshogs mang dran thob cing/ /blo gros
mtha' yas shes rab 'od mdzad pa/ /mtshungs med

stobs mnga' sgyu rtsal rgya che ba/ /mar me mdzad kyi lung bstan
dgongs par mdzod/ /ces bskul zhing/ gnas gtsang ma'i lha rnams
kyis bskul te zhing 'di'i rang sangs rgyas rnams 'das tshul/
lumbi'i gnas kyi tshal du snga ltas

bcu byung tshul/ gzigs pa lngas gzigs te dga' ldan nas 'pho ba'i
mdzad pa dang/ lhums su zhugs pa'i mdzad pa sogs mdzad pa bcu
gnyis kyi rnam par rol tshul rnams thub pa'i rnam thar thun mong
ba mdo sde rgya cher rol pa

dang; thun mong ma yin pa'i mdzad pa gsang ba bsam gyis mi khyab
pa'i mdo/ snying rje pad dkar gyi mdo sogs gung bsgrigs mdzad
pa'i thog /chos 'byung sogs nas kha bskang ste rgya cher spro
bar mdzod/ de dag ni sangs rgyas dkon mchog 'jig

@078b rten 'dir byon pa'i tshul te/ de lta bu'i sangs rgyas bcom
ldan 'das de yi che ba'i yon tan gyi khyad par ngo mtshar chen po
grangs med pa bsam gyis mi khyab pa las cha shas tsam zhig rang
gzhan gyi dad pa'i ga sos su 'god par byed na/

dkon mchog rjes dran gyi mdo las/ 'di ltar sangs rgyas bcom ldan
'das de ni de bzhin gshegs pa dgra bcom pa sogs re re bzhin mdo
tsa 'grel sbyar te spro bar mdzod/ gzhan yang de bzhin gshegs
pa'i sku'i yon tan gsang ba

bsam gyis mi khyab pa'i khyad bar dag ni/ rgyan las/ phyag zhabs
'khor lo'i mtshan dang rus sbal zhabs/ /zhes sogs mtshan bzang gi
khyad par dang/ thub pa'i sen mo zangs mdog dang/ /sogs dpe byad
kyi khyad par rgyan dang/

rnam bshad sogs dang sbyar/ mtshan dpe'i rgyu'i khyad par rin
chen phreng ba las gsungs pa ltar spro bar bya zhing/ sku'i
gsang pa byang chub sems dpa' shugs 'chang gis gtsug tor gyi
tshad blta bar ma nus pa dang/ sku'i cha shas thams

cad nas gsung dbyangs 'byung ba dang/ mtshan dpe re res kyang
shes bya thams cad gzigs pa dang/ spyan ras gzigs kyi rgyud las
gsungs pa ltar ba sbu'i khung bu re re ra yang sangs rgyas kyi
zhing/ la lar bdud btul ba dang/ la lar

chos 'khor bskor ba sogs zhing khams thams cad sku la snang
zhing/ skus zhing khams thams cad khyab pa sogs spro par mdzod/
gsung gi gsang pa bsam gyis mi khyab pa'i che pa'i yon tan ni/
bstod sprin rgya mtsho las/ gsung snyan 'jam zhing

@079a @#/ /yid 'ong yid du 'thad/ /ces sogs dbyangs kyi yan lag
drug cu tsa bzhi so so'i ngos 'dzin khyad chos dang bcas pa/
bden pa po'i le'u dang/ bstod pa byin rlabs nyer 'jug gi lung
sogs ltar/ gsung dbyangs

gcig gis rang rang gi skad du don mi 'dra pa'i lan so sor mdzad
tshul/ maung+gal gyi bus gsung gi tshad brtag par ma nus pa dang/
gsung gis kyang shes bya thams cad gzigs pa dang/ rgyu'i khyad
par dpum rin chen phreng ba dang/ mdo sde

bskal bzang sogs gzhung dang lam rim sogs dang sbyar te rgya
cher spro bar mdzod/ thugs kyi gsang ba bsam gyis mi khyab pa'i
yon tan ni mkhyen brtse gnyis las/ mkhyen pa'i yon tan ni rgyan
las/ byang chub phyogs mthun tshad med

dang; ;zhes sogs gsungs pa ltar gyi zag med ye shes kyi sde tshan
nyer gcig so so'i ngo bo dang byed las/ khyad par stobs bcu/ mi
'jigs pa bzhi dang/ dran pa nye bar bzhag pa bzhi dang/ srung ba
med pa gsum dang /bsnyel

ba mi mnga' ba'i chos nyid dang/ bag chags yang dag par bcom pa
dang/ thugs rje chen po dang/ ma 'dres pa bco brgyad sogs shin
tu ngo mtshar ba'i yon tan rnams mngon par rtogs pa'i rgyan sogs
dang sbyar zhing/ gzhan yang

shAkya dga' byed lung bstan pa'i lo rgyus dang/ 'dzam bu'i
gling gi nags tshal mes bsregs pa'i thal ba rgya mtshor dkrugs
ba'i thal rdul rnams 'di dang 'di'i'o zhes mdo sum gzigs pa mdo
las gsungs pa'i dpe sogs sbyar te spro

@079b gar mdzod/ btsa ba'i yon tan dang 'phrin las kyi yon tan
mdo mdzangs blun las gsungs pa'i bu mo rdo rje ma'i lo rgyus
sogs lam rim las byung pa dang/ rgyud bla ma las kyang/ brgya
byin rnga sprin tshangs la dang/ /zhes sogs dpe dgu'i

sgo nas gsungs pa ltar/ gzhung chen mo dag las byung ba'i so
so'i ngos 'dzung dang/ byed pa po la yod pa'i 'phrin las dang/
bya pa yul la yod pa'i 'phrin las kyi ngos 'dzin sogs rgyas par
sbyor/ gzhan yang de bzhin gshegs pa de la

skyabs su 'os pa'i yon tan bzhi mnga' tshul/ so so'i ngos 'dzin
sogs sngon gyi rnam thar dang sbyar te lam rim las byung ba ltar
spro zhing/ da dung sangs rgyas kyi yon tan rgyas bar phye na/
mdo sde dkon mchog sprin/ gzungs rgyal gyis zhus pa/

gsang ba bsam gyis mi khyab pa/ sa rgyan/ gtan la dbab pa bsdu
ba/ rnam bshad rigs pa/ bstod tshogs sogs las spro bar mdzod/ de
dag ni sangs rgyas dkon mchog 'jig rten 'di'i bsod nams kyi skal
bar ji ltar byon pa'i

tshul che ba'i yon tan gyi khyad par dang bcas pa mdor bsdus su
brjod pa'o// ! (//7dben gnas bkra shis chos gling gi gnas bstod
phal tshig ar gnas kyi zol? du stsal ba bzhugs//) oM swa sti/
khyed rnams rna ba gzhan la ma yengs

bdag la gson/ /o los glu gar tshig gsum e shes blta/ /shes pa
'dug na gzhas la ram 'gyogs gnang/ ma shes rnams tshos gzhas la
gzigs mo gzigs/ /ngal bkra shis chos gling gi bshad pa yod yAl/
/bkra shis

@080a @#/ /chos kyi gling gi bshad pa ni/ /'dzam gling nyi shu
tsa bzhi'i gnas chen yin/ /gnas chen yin la de wa'i ko Ti yin/
/dpa' po mkha' 'gro 'du pa'i zhing khams yin/ /rgya pa'i yod la
rin chen gdugs 'dra yod//

bcom ldan 'khor lo sngom ba'i pho brang yin/ /gdugs kyi sham bu
rim pa gsum du yod/ /sku gsung thugs kyi 'khor lo'i dkyil 'khor
red/ /g.yas ri yod la chos rgyal zhal 'pag yod/ /bod yul gnas
chen rnams kyi 'go ma yin/ /

g.yon ri yod la bkra shis rgyal mtshan yod/ /rje btsun rdo rje
btsun mo'i pho brang yin/ /mdun ri yod la rin chen spungs 'dra
yod/ /'dod dgu longs spyod rgyas pa'i rten 'brel yod/ /dur khrod
yod la g.yas na pong 'og gnyis/ /dpa' bo

mkha' 'gro tshogs pa'i tshogs gzhong yin/ /mi rtag bdag med ston
pa'i slob dpon yin/ /chu mig yod la g.yon na gong 'og gnyis/
/dkar phyogs klu rgyal bzhugs pa'i pho brang yin/ /byams dang
snying rje byang sems chu rgyun yin/ /'og

gzhi yod la rdo chen ar mo li ka /'khor ba ma stongs bar du ga
la zhig /rtsig pa yod la rdo rje pha lam yin/ /'khor ba ma
stongs bar du ga la zhig /ka ba yod la rin chen gser gyis/
/'khor pa ma stongs bar du gal 'gyel/ /gdung ma yod

la g.yu ya gdung ma yod/ /'khor ba ma stongs bar du gal chag
/mda' yab pu shu rgyal mtshan ba dan sogs/ /phyogs las rnam par
rgyal ba'i mtshan ma yod/ /phyi ltar theg chen chos kyi khang
bzang che/ /grub mchog bla ma bzhugs pa'i gdan sa yin/ /

@080b phyogs bcu'i dge 'dun 'du ba'i gtsug lag khang/ /chos
'khor rgyun mi 'chad ba'i chos ra yin/ /mkhas pa brgya yis sgro
'dogs gcod sa yin/ /sgom chen brgya yis nyams rtogs 'bul sa yin/
/nang ltar dkon mchog gsum gyi pho

brang yin/ /sgrub pa'i rgyal mtshan 'dzin ba'i gnas mchog yin/
/mdo sngags lam gyi rim pa bsgoms yin/ /sdig can brgya yis sgrib
pa sbyong sa yin/ /dal 'byor mi lcas snying po len sa yin/ /ngan
song gsum gyi skye sgo gcod sa

yin; ;mtho ris thar ba'i lam la 'gros yin/ /tshe gcig sangs rgyas
go 'phang sgrubs yin/ /gsang ba 'khor lo sdom pa'i gzhal yas
khang/ /dpa' po mkha' 'gro tshogs pa'i tshogs khang yin/ /bkra
shis dpal du legs par byon gyur

cig; (;'di lang rje nyid kyis mdzad pa'o//) // ! zab mo ji bzhin
gzigs pa yi/ /stong nyid nam mkha'i rnal 'byor pa/ /pha las lhag
pa'i bu rgod po/ /'jam dbyangs blo gos mchog gi drung/ /khyod
kyi zhabs dkyil zla ba'i

'pyid/ /yid kyi rdzing bur brten bzhin du/ /shul ring mdo smad
lam gyi brgyud/ /yun ring ngal ba bsten bzhin na/ /glo bur bdud
rtsi'i zla ba la/ /'gal rgyen stang zil chu khur gyi/ /reg pas
nyen no zhes pa'i gtam/ /snying du khwo

chus bran bzhin thos/ /mdo smad dge ldan bstan pa yi/ /srog
shing gcig de g.yo'am snyam/ /pha yi gdung 'tshob bu rgod gcig
/gzhan du gyur na ce bya snyam/ /snying la dug chu khol ba yis/
/lha dang bla mar 'o dod sbran/ /snying

@081a @#/ /du nye ba'i smre sngags 'phrin/ /khyod drung la'ur
nyid du mngags/ /de ltar nyag phran dug gi lce/ /snying gi tshe
dmar brten bzhin dang/ /'tsho byed bdud rtsi'i sbyor ba yis/ /rab
bcil 'tsho ba'i dpyid ster bzhin/ /

e ma gtam snyan snyid gi dpyid/ /gsung 'phrin bdud rtsi'i dga'
ston bcas/ /ches myur pho nyas phyin pa yi/ /dga' bde 'di la
gang gis 'gran/ /bstan pa'i srog shing brtan no snyam/ /gdung
sel zla ba rgyas so snyam/ /mun sel

nyin byed dwangs so snyam/ /spro dga'i rtse dgod khong nas
'dzings/ /zab mo ji bzhin gzigs pa yis/ /rten 'byung sgyu ma'i
rol rtsed kun/ /bden tshig tsam gyis bsgyur nus pa/ /drang srong
chen po khyod las gang/ /khri phrag mkhas

pa'i tshogs gyis kyang/ /'bad kyang rtogs par dka' ba'i gnad/
/zab mo stong pa nyid kyi don/ /ma nor gzigs pa ngo mtshar che/
/mi tshe ri la bskyal ba yi/ /sgom chen kun la'ang lkog gyur ba/
/zab mo yang dag pa yi don/ /ji bzhin

gzigs pa ngo mtshar che/ /nyams dang rtogs pa mthon po yi/ /kha
pho 'brug ltar sgrogs pas kyang/ /phyogs tsam dpog min zab mo'i
don/ /ji bzhin gzigs pa ngo mtshar che/ /blo dang brtul pa brtan
bo yi/ /ngal brgyas 'bad kyang

rtogs dka'i gnad/ /zab mo de bzhin nyid kyi don/ /ji bzhin gzigs
pa ngo mtshar che/ /mkhas dang sgom chen ji snyed pa/ /'di dag
rtag chad byang sar gzhol/ /khyod ni zab mo dpu ma'i lam/ /ji
bzhin gzigs pa ngo mtshar che/ /stod

@081b dang rten 'byung gcig grogs gcig /snang dang stong pa gcig
las gcig /'char pa'i ngo mtshar zla med ba/ /khyod kyis gzigs pa
ngo mtshar che/ /zab mo mnyam gzhag nam mkha'i dkyil/ /ji bzhin
stong yang tha snyad kyi/ /nges pa bsnyon med

'thad pa'i tshul/ /'gog med gzigs pa ngo mtshar che/ /rang gis ji
bzhin nges pa yi/ /stong nyid seng ge'i nga ro'i dbyangs/ /'jigs
pa med pa'i spobs pa yis/ /'khor dbus sgrogs pa ngo mtshar che/
/rtag dang chad par smra ba yi/ /than skad

sgrogs pa'i wa skyes khyu/ /klad bum cig car phral ba yis/
/phyogs las rnam rgyal ngo mtshar che/ /lta ngan mun par skyabs
'cha' bas/ /blo gros mig ldongs de dag kun/ /lung dzigs? gser
zhun 'od zer gyis/ /snang bar bkod pa ngo

mtshar che/ /de ltar khyod kyi 'phrin las kyi/ /'od rnon khrag
khrig rtse dga' yis/ /'khyud pa'i thugs bskyed nyin byed kyis/
/mdo smad dbyig 'dzin dkar por bsgrubs/ /blo bzang bzhed srol
gtsang ma yi/ /rnam thar 'dzin pa'i khrims ldan

sdes; ;sa chen dog por 'gengs pa sogs/ /ngo mtshar bas kyang ches
ngo mtshar/ /bsngags 'os ngo mtshar phung po las/ /re zhig phyogs
dang zla ba yi/ /che ba'i khyid par gyis bsngags nas/ /slar yang
gsol bar bya ba ni/ /mdo smad

dang? yi dkyil 'khor ba dir/ /blo bzang bstan pa'i srog gcig pu/
/rab btags gcam bu tsam min par/ /khyod nyid kho nar tshad mas
grub/ /de phyir zhabs sen dge legs kyi/ /bkra shis mdud rgya dam
po ni/ /mdo khams sa yi thi

@082a @#/ /le 'dir/ /yun ring 'god pa shin tu gnad/ /de slad
khyod kyi gsang gsum dngos po drang srong tshe mtha' yas nyid
dang/ /rdo rje'i thig le gcig tu sbyor ba'i thabs mkhas rol pa
stong dag gis/ /mi shigs rdo rje mi

'gyur g.yung drung mi nub mchog gi rgyal mtshan gyi/ /nges pa'i
rang bzhin lhur len mdzod ces re ba'i shing rta byur bor mdzod/
/legs bshad tsha zer khrag khrig gzis/ /blo bzang ring lugs
padmo'i tshil/ /sa steng dog por 'grem pa la/ /

bal ba med pa sngar bzhin skyongs/ /bsam sbyor stang zil tsher
ma'i khur/ /'chang ba'i glags tshol bde skyed lus/ /bden tshig bi
shwa na ra'i bus/ /mthar byed dmod pa yang yang stsol/ /blo
bzang snyan brgyud bgad sgrub kyi/ /bstan pa'i

rgyal mtshan sgreng ba la/ /phyogs las rnam par rgyal ba yi/
/chos kyi rgyal srid rgyal gyur cig /mi ring 'dzum zhal zla ba'i
thig le 'dren byed rdzing bur mngon sum du/ /spyod pas mngon
dga' gsar pa'i ku mud rnam par dgod pa'i do

shal gyis/ /mtha' dag yid kyi 'dzin ma'i bzhin ras rnam par dkar
ba'i lang tsho yis/ /sgeg pa'i dga' ston gsar pa'i dus ston myur
por spyod 'di e ma ho/ /de ltar mdza' ba'i rang bzhin gzugs/
/dbyangs kyi phreng ba'i bsung

mngar po/ /phrin yig dri bzhon phrag pa ru/ /khyer nas khyod
drung myur por mngags/ /zhes zhu yig gzigs rten lha reg dang/
/ring min dngos mjal gyi 'tshams dar zung bcas pha bong kha'i
sprul ming pas/ sho mdo dgon dge ldan bshad

@082b sgrub gling nas/ zla tshes 36 bzang por phul// //! lho
brgyud lam rim gyi bla ma brgyud ba'i snang brnyan bri tshul/
'jam mgon tsong kha pa chen po yan gyi bla ma rnams sku byad
phyag mtshan yongs grags ltar la/ de nas rgya chen

spyod brgyud gral du/ rje shes rab seng+ge rab byung chas/ dbu
paN/ skyil krung/ g.yas thugs kar chos 'chad/ g.yon sa gnon/
dge 'dun grub pa rab byung chas/ dbu paN/ g.yas sa gnon/ g.yon
mnyam gzhag /mkhas krung

nor bzang ba dbu zhwa med pa phyag gnyis mnyam gzhag /dge 'dun
rgya mtsho rab byung chas/ dbu paN/ gos ber sku sked man/ g.yas
thugs kar chos 'chad/ g.yon thugs kar glegs bam/ dge legs dpal
bzang rab byung/ dbu

paN; g.yas ches 'chad/ g.yon pus steng mchog sbyin/ lha btsun
bsod nams dpal bzang rab byung/ dbu paN/ g.yas sa gnon/ g.yon
mnyam gzhag steng nor bu 'dzin pa/ kun gzigs bsod nams rgya
mtsho/ dbu paN/

g.yas thugs kar chos 'chad kyis pad dkar/ g.yen mnyam gzhag
/sku yid tsam g.yas su 'gying ba/ chos dpal bzang po rab byung
chas/ dbu paN/ phyag gnyis thugs kar chos 'khor/ snang mdzad rdo
rje rab byung/ dbu zhwa med/ g.yas

sa gnon/ g.yon mnyam gzhag /shrI b+hu ti rab byung/ sgom zhwa/
gos ber sku sked man/ g.yas thugs kar chos 'chad/ g.yon mnyam
gzhag steng glegs bam/ kun gzigs lnga pa rab byung/ dbu paN/ gos
ber sku sked man/

@083a @#/ /g.yas thugs kar chos 'chad/ g.yon mnyam gzhag steng
glegs bam/ sku g.yon du cung 'gying ba/ byams pa rin chen rab
byung/ dbu paN/ g.yas chos 'chad/ g.yon mnyam gzhag /blo bzang
mkhas btsun rab

byung; dbu paN/ gos ber sku sked man/ g.yas chos 'chad g.yon
mnyam gzhag /phun tshogs rgya mtsho rab byung dbu paN/ gos ber/
g.yas chos 'chad g.yon mnyam gzhag /mkha' spyod ngag dbang
bstan dar rab byung paN zhwa/ gos

ber; g.yas chos 'chad g.yon mnyam gzhag /dge 'dun 'jam dbyangs
rab byung paN zhwa/ g.yas chos 'chad g.yon mnyam gzhag /gos
ber/ ngag dbang mthu stobs rab byung paN zhwa/ g.yas phyag sper
sar btsugs pa snyan gyi thad

du 'dzin cing/ g.yon thugs kar bgrang phreng 'dren pa'i tshul du
'dzin pa/ sku cung zad g.yas su 'gying ba/ dka' chen bstan pa
rgya mtsho rab byung sgom zhwa/ phyag gnyis mnyam gzhag /sku
g.yon 'gying/ blo bzang skal ldan rab byung

paN zhwa/ phyag gnyis thugs kar chos 'khor/ g.yon 'gying/ blo
bzang chos 'phel rab byung paN zhwa/ phyag gnyis thugs kar chos
'khor/ sku g.yon 'gying/ 7 zab mo lta brgyud gyi gral du/ shes
rab seng+ge rab byung paN zhwa/ sku g.yon 'gying/

g.yas thugs kar chos 'chad/ g.yon thugs kar glegs bam bteg
pa'i tshul gyis 'dzin pa/ dge 'dun grub pa rab byung paN zhu/
shos nger/ g.yon mnyam gzhag gi steng na glegs bam 'dzin ba'i
steng du g.yas pas 'geb pa'i tshul/ nor

@083b bzang rgya mtsho rab byung/ dbu paN sne ring leb gyon/
phyag mtshan gong 'dra/ dge 'dun rgya mtsho rab byung gos ber/ paN
zhwa/ g.yas thugs kar chos 'chad/ g.yon mnyam gzhag gi steng
glegs bam/ sku g.yon 'gying/ dge

legs dpal bzang rab byung/ paN zhwa/ g.yas sa gnon g.yon mnyam
gzhag /bsod nams dpal bzang rab byung paN zhwa/ phyag gnyis
mnyam gzhag /bsod nams rgya mtsho rab byung baN zhwa/ g.yas pus
steng mchog spyin/ g.yon thugs

kar utpal/ sku g.yas 'gying/ chos dpal bzang po rab byung paN
zhwa/ g.yas thugs kar chos 'chad/ g.yon thugs kar glegs bam
bteg ba'i tshul du 'dzin pa/ snang mdzad rdo rje rab byung paN
zhwa/ g.yas chos 'chad g.yon mnyam

gzhag sted glegs bam/ sku g.yas 'gying/ shrI b+hu ti rab byung
sgom zhwa/ g.yas sa gnon/ g.yon mnyam gzhag steng nor bu/ blo
bzang rgya mtsho rab byung paN zhwa/ g.yas tshos 'chad phyag
rgyas pad dkar/ g.yon mnyam gzhag steng glegs

bam; byams pa rin chen rab byung paN zhwa/ g.yas sa gnon g.yon
mnyam gzhag /sku g.yas 'gying/ blo bzang mkhas btsun rab byung/
g.yas thugs kar chos ston/ g.yon mnyam gzhag /phun tshogs rgya
mtsho rab byung paN zhwa/ phyag gnyis

mnyam gzhag /ngag dbang bstan dar rab byung gos ber/ paN zhwa/
g.yas thugs kar chos 'chad g.yon mnyam gzhag /dge 'dun 'jam
dbyangs rab byung gos bar/ paN zhwa/ g.yas chos 'chad g.yon
mnyam gzhag /ngag dbang

@084a @#/ /mthu stobs rab byung baN zhwa/ g.yas 'khar ba/ g.yon
thugs kar bgrang phreng/ bstan pa rgya mtsho rab byung phyag
gnyis mnyam gzhag /sgom zhwa/ blo bzang skal ldan rab byung paN
zhwa/ phyag gnyis chos

'khor/ blo bzang chos 'phel rab byung paN zhwa/ phyag gnyis chos
'khor/ blo bzang sbyin pa rab byung paN zhwa/ gos ber sku sked
man/ g.yas thugs kar chos ston phyag rgyas rdo rje dang bcas
pa'i pad dkar pu ba 'dzin pa'i pad

dkar gyi steng du dril bu/ g.yon mnyam gzhag /byang chub thogs
med rab byung gos ber/ paN zhwa/ g.yas chos 'chad g.yon mnyam
gzhag /bshes gnyen thub bstan rab rgyas rab byung paN zhwa/ gos
per/ g.yas chos 'chad/ g.yon

zhabs pus g.yon ma'i phyir gdan la brten pa'i tshul/ rgyal sras
bskal bzang bstan 'dzin rab byung gos ber/ g.yas chos 'chad/
g.yon mnyam gzhag steng glegs bam/ byang chub sems zhwa dang
dom ra bzhes shing/ sku

bgres nyams can/ rgyal sras skal bzang bstan 'dzin mkhas grub
rab byung/ g.yas chos 'chad/ g.yon mnyam gzhag steng glegs
bam/ sku dar yol tsam sgom zhwa gsol ba/ skyabs mgon bla ma rin
po che blo bzang 'jam

dpal lhun grub rgya mtsho dpal bzang po rab byung sku ber/ byang
chub sems zhwa/ phyag g.yas chos 'chad kyis pad dkar yu ba
'dzin pa'i 'dab ma snyan thad du rgyas par glegs ral/ phyag
g.yon mnyam gzhag steng lhung bzed bdud

@084b rtsis gang pa bsnams pa// (rdo rje 'chang 'khor kha pa
dpal bzang pos/ lho brgyud lam rim gyi bla ma brgyud pa'i snang
brnyan 'dri tshul dwags bo nas gsung rgyun man ngag 'phyug med
brtsad dpyod mdzad skabs kyi bsnyel tho'i zin rnying ngo ma ltar
'dir bkod ba'o// ! //lcags sbrul lor

lcags zam tshe chu sgrub sde nas bkra shis chos gling du rdo rje
'chang nyid kyi sku tsha phyag mdzod 'phrin las dar rgyas 'drang
don dgongs pa can gyi skyo mgur zhal chems su gnang ba ni 'di
ltar/) snying nor snying gi thig le gcig pu/ /yid gcugs yid kyi
'khri shing mchog la/ /

brtse zhing dung ba'i dbyangs kyi ri mo/ /mdza' zhing byams pa'i
rang gzugs nyid do/ /rin bral nor bu'i phung bo lta bu'i/ /sku
'tsho bde zhing phebs par mchis sam/ /legs mdzad zla pa'i bdud
rtsi'i 'od chags/ /yar ngo'i 'phel bar brtsegs

bzhin lags sam/ /lus srog longs spyod sgo brgya kun nas/ /tshe
rabs srog dang bsdos te bkol ba'i/ /lhag bsam dpe zla med pa'i
mchod sprin/ /bsam gyin spro zhing dung sems 'phel lo/ /da dung
snying stobs rlabs che'i ston

pa; ;rgyal dang srung ma grogs su sbron dang/ /de dang de de
bzhin gyi bsam sbyor/ /ji bzhin yid bzhin 'grub par nges so/
/skye ba'i phreng ba phyi ma'i mthar yang/ /las kyi mdud rgya
grol bar dka' 'o/ /khyod dang khyod 'drar nang mir bsam

tshe; ;lo brgya 'tsho mang ngoms pa mi 'dug /de phyir mchog gsum
ra mdar sbran nas/ /smon dang lag len snying la bcang mus/ /kye
ma gangs can dbus 'gyur ljongs zhes/ /yul mchog sa yi thig ler
bsngags kyang/ /nad mug

@085a @#/ /'khrug rtsong dug mtsho rdol ltar/ /chags sdang ngan
smras rlung dmar ltar 'tshub/ /mtho gnon brnyas smod 'brug stong
ldir bzhin/ /bsam ngan sgyor rtsub thog ser rgod bzhin/ /da dung
lo re lo rer je thu/ /'di

'dra rang yul yin kyang ci byed/ /bdud kyi brtson khang bshan
pa'i bshas ra/ /yi dwags grong khyer dmyal ba'i gnas ngan/ /gtan
gyi 'dun ma'i dam pa'i chos dang/ /tshe 'di'i bde skyid kun gyi
gshed ma/ /'di dag mthong thos yul na'ang

med pa'i/ /pag phebs gnas su skyid nyal dran no/ /mtho la ngo
bsrung ngo dga' mi dgos/ /rang dbang rang lag yod pa de skyid
do/ /dgra 'dul gnyen skyong 'khur che med bar/ /btang snyoms
chen po'i bag yangs de skyid do/ /yi dwags mu

ge'i skal ba dang bral ba'i/ /skya rgyal 'dod dgu'i yul ljongs
de skyid do/ /che che mtho mtho gus gus dang zhum zhum/ /re dogs
bsam rgya'i 'khur med de skyid do/ /tshe 'di'i bde skyid 'byor pa
kun 'dzom bzhin/ /gtan 'dun snying por

skyong skal de bzang ngam/ /rang re zung dang ltos bcas kun
kyang/ /bde skyid phun sum tshogs pa'i yul ljongs/ /bag yangs sos
dal skyil nyal dang nas/ /gtan 'dun snying po lon par smon no/
/! bu gcig bu rgod snying gi thig le/ /rgan po'i lag

gi 'khar rten gcig pu/ /blo yi 'dun phugs bco las gcig pu/
/snying gtam snying gros gtad sa gcig pu/ /rang re'i 'dun ma rab
dang rtse yi/ /dga' skyid phun sum kun nas 'joms pa'i/ /blo dang
smon pa'i chos 'byor mtha' dag /rgyas shing

@085b shis pa'i bde legs gyur cig (/ces lag bris ma'i rten
'byung tsam du phul// ! //zhabs brtan gsol 'debs 'chi med byin
brgya g.yo ba'i bden tshig ces bya ba bzhugs so//) 'chi med byin
brgya g.yo ba'i gsang gsum gyi/ /ngo mtshar lang tsho'i?

sgeg pa'i bcom ldan mas/ /deng 'dir rje btsun bA ma'i gsang
gsum gar/ /rdo rje'i gshis su grub pa'i dge legs stsol/ /ngagO
rig 'chad rtsod rtsom la dbangO 'byor zhing/ /'phrin lasO phyogs
kyi tha grur yongs khyab pas/ /blo bzang chosO kyiO

rgyalO mtshanO sgreng ba la/ /zla bral rje btsun bla mar gsol ba
'debs/ /gzhon nu nyid nas rnam dag tshul khrims kyis/ /sgo gsum
thub pa'i brtul zhugs kyis bsdams pa'i/ /bstan pa'i rtsa ba 'gro
pa'i dpal yon du/ /'dzin la thub dbang nyid bzhin

zhabs brtan shog /mdo rgyud gsung rab rgya mtsho'i 'jing zab mor/
/lung rigs dbyad gsum gru bos mthar brgal te/ /'chad rtsod rtsom
pa'i rgyal bstan rin chen dbyig /'dren mkhas shing ? 1 che bzhin
zhabs brtan shog /gsung rab gdams par

shar ba'i zab mo'i gnad/ /dpyad 'jog 'phrul gyis goms pa'i mthar
son pas/ /bshad sgrub zung du 'brel bas rgyal ba'i bstan/ /'dzin
la blo bzang rgyal ba nyid bzhin shog /mdo rgyud 'phags bod
gsung rab snying gi bcud/ /'jam dbyangs

zhal lung blo bzang snyan brgyud kyi/ /sgrub brgyud bstan pa
phyogs mthar spel pa la/ /dben sa yab sras ji bzhin zhabs brtan
shog /slu med mchog gsum bden pa'i byin rlabs dang/ /bsten cing
bsgrubs pa'i srung ma'i 'phrin las kyis/ /bdag sogs

@086a @#/ /ji ltar smon pa'i don 'bras kun/ /gegs med bde blag
nyid du 'grub par shog (/ces spang 'go mchog sprul gyi zhabs
brtan gsol 'debs 'di yang/ phyag mdzod ngag dbang chos ldan nas
ji ltar bskul ma mdzad bzhin/ pha bong kha'i sprul ming

pas spyar ba'o//) // ! oM swasti bde legs su gyur cig /shin tu
zhi ba'i bde chen dbyings nyid rab tu gtum zhing khro ba'i
nyams/ /gsung dbyangs 'jam zhing snyan 'jebs nyid kyang hUM
phaT gad rgyangs nga ror glal/ /gur kum

gzhon nu'i lang tsho nyid kyang mig sman srin po khros ba'i gar/
/'jam dpal gzhon nu 'jigs mdzad rdo rjes phyogs dus kun tu brtse
bas skyongs/ /zhing bcu'i dam nyams cham la 'beb pa dang/ /'jam
dpal rang gi bstan pa bsrung ba'i slad/ /bka'

sdod tshul bzung gshin rje'i rgyal po yis/ /brtse bas dgongs la
yon mchod bu bzhin srungs/ /khyod nyid dgyes pa skyed byed
bskang pa'i rdzas/ /dngos bshams bde stong rol par bsgyur ba
las/ /dgyes dgu'i mchod sprin gnam sa'i khyon bkang ste/ /'bul
gyi brtse bas dgyes dgur rol mdzod la/ /thub bstan spyi dang blo
bzang rgyal ba yi/ /bstan pa rin chen 'gro ba'i dpal yon du/
/ljongs 'dir dar rgyas yun ring gnas pa yi/ /las bzhi'i 'phrin
las nam yang mi g.yel mdzod/ /bstan dang

'gro ba'i phan bde'i srog gcig pu/ /gangs can mgon pa'i sku tshe
mdzad 'phrin dang/ /gnam bskos gzhung sa'i chab srid zung 'brel
ba'i/ /dpal yon phyogs las rnam par rgyal bar mdzod/ /dge 'dun
sde rnams thugs mthun khrims

@086b gtsang zhing/ /bshad sgrub bya ba rgyas pa'i mel tshe dang/
/gangs can 'gro ba'i bde skyid 'phrog byed pa'i/ /rgud tshogs
gang dang gang gi gshed por mdzod/ /blo bzang rgyal bas khyod la
mngon sum du/ /dga' ldan bshad sgra gong 'og yon

mchod rnams/ /bsrung zhing skyob par gnyer du gtad pa yi/ /sdin
gyi g.yar dam skyong ba'i dus la bab/ /mchod yon dad dang mdza'
ba mthun pa'i dam/ /mi shigs mdud rgya nam yang mi lhod pa'i/
/dam tshig gcig pa'i dge mtshan srid mtha'i

bar; ;brtan par mdzod cig gshin rje'i rgyal po kyai/ /ngo 'khor
su zhig rmongs dang bag med pas/ /bla ma yi dam srung mar bcas
pa la/ /nongs pa ci dgyis snying nas ma thos/ bshags nas/ byams
brtse'i dbyings su dmigs med byang bar mdzod/

blo bzang rgyal bstan ji srid de srid bar/ /dga' ldan bshad sgra
'ag pa'i mnga' thang yang/ /sde bzhi'i dpal 'byor dbu rmog btsan
po yis/ /phyogs las rnam par rgyal ba'i dpal yon stsol/ /tshangs
pa'i tshe dang phur pu'i blo gros dang/ /rnam thos

pu yi 'byor pa'i mdzod 'chang zhing/ /bnyo Ta'i ljengs dang
mtha' bzhi'i che dgu yi/ /gtsug na 'khor los bsgyur ba'i dpal
bzhin mdzod/ /blo bzang bstan la rlabs chen sri zhu dang/ /nyam
thag 'bangs rnams byams pas skyong pa dang/ /gnam bskyos gzhung

sa'i chab spid spel pa la/ /kun las khyad par 'phags pa nyid du
mdzod/ /tshad ldan bshes gnyen gtsug na bsten pa las/ /zab dgu'i
snyan brgyud nor bu'i mdzod thob ste/ /rtse gcig nyams myong
gnad du 'don pa yis/ /dka' ba mad pa

@087a @#/ /gtan bde 'thob gyur cig /mdzangs ma'i tshogs kyang
khengs dang g.yo sgyu bral/ /lang tsho'i dpal yon bag yod spyod
pas bsdam/ /mdza' zhing yid gcugs mdud rgya mi lhod par/ /rigs
kyi myu gus pang na

mdzes gyur cig /'khor g.yog kun kyang tshe bsod 'byor pa rgyas/
/rang dpon sgeng srid lar rgya 'degs pa la/ /blo dang dpung pa
stobs dang sgyu rtsal rnams/ /phan tshun 'gran pa bzhin du 'phel
bar mdzod/ /ngo 'khor kun kyang phan tshun khro

ba dang/ /khon du 'dzin pa'i bsam sbyor kun zhi ste/ /kun kyang
phan tshun mdza' zhing gcugs pa yi/ /mthun pa'i mdud rgyan ma
yang brtan par mdzod/ /log par 'khu ba'i mi dang mi min gyi/
/bsam sbyor dbang du 'gugs dang mngon

spyod kyis/ /tshar gcod legs nyis stang 'dzin bsgrub pa la/ /mthu
rtsal ma zhan myur du rtags thon mdzod/ /mdor na las dang bya ba
gang la yang/ /'dod don 'phrin las gang dang gang bcol ba/ /de
dang de bzhin 'grub pa'i sdongs grogs

ni; ;lus dang grib ma ji bzhin ma g.yel mdzod/ /slu med bla ma
mchog gsum bden pa'i bka'/ /las 'bras rten 'byung mi slu nges
pa'i gtam/ /drang srong bden pa'i dbyangs kyi tha tshig gis/
/bdag gis gnyer du gtad las ma

g.yel zhig (/ces pa 'di yang pha bong kha sprul ming pas bris
te phul ba'o//) // ! ji gsungs bzhin lta ba tshul tshul la gsal
'debs gnad gzer gyi 'gag sdom tsam zhu na/ dpyad pa byed skabs
su dgag bya phra mo myong thog nas

@087b 'os bzung ste zhe phugs su bzhag nas/ de'i steng gnad bzhi
sogs kyi dpyad pa gtong pa gal che zhing/ de ltar btang bas
nga'am gang zag sogs med par stong cham gyis song pa nas de
kha'i thog tu 'jog sgom byed pa las chad ltar lhung dogs

kyis tha snyid kyid sogs gsal 'debs mi dgos/ de 'dra'i mnyam
gzhag skabs rang bzhin bkag pa'i zhor la tha snyad tsam gyi re
zhig da ril po med pa lta bur stong cham gyis song yang/ mnyam
gzhag de'i ngo yang mi snang ba las da gtan med du so bag

ma yin bas chad mthar lhung ba'i dogs pa mi dgos pa bla ma'i man
ngag gi gsung rgyun yin la/ mnyam gzhag de las ldang ba na/ rjes
thob tu tha snyad ming tsam/ btags yod tsam gyi nga 'jog tshul la
nges pa 'dren pa dang/ tha snyad snang tsam sgyu ma

lta bur rgyu 'bres bya byed thams cad 'thad pa'i rjes thob sgyu
ma'i nyams len skyong ba ni rje bdag nyid chen pos snang ba la
gtsigs su byed dgos par gsungs pa'i gnad yin cing/ de ltar stong
dang rten 'byung gnyis gcig grogs su gcig 'gro ba'i tshul

la nges pa yang dge par rnyed na lta ba'i dpyad pa legs phar
gnad du song ba yin lags/ zab mo'i lta ba de lta bu skyong ba ni
srid pa'i 'khrul 'khor gyi rtsa brtsad nas bcad de nyon mongs pa
brgyad khri bzhi stong gi g.yul las rgyal nas thar pa'i dga'
ston bla na med

par myur du spyod pa'i sgo gcig pu yin no/ /de lta na'ang dus
gsum sangs rgyas thams cad kyi bgrod pa gcig pa'i lam/ theg pa
chen po'i lam gyi srog shing byang chub kyi sems rin po che dang
bral na ni/ stong nyid mngon sum du rtogs pa'i mnyam

@088a @#/ /gzhag bskal pa'i bar skyong nus kyang theg pa de man
pa kho na las bla med rdzogs byang lta ci/ theg pa chen po'i
tshogs lam tsam du yang zhugs par mi nus shing/ theg pa chen po'i
lam 'bras bu dang bcas

pa ni byang chub kyi sems kho na'i rjes su 'gro ldog byed pas/
des na lam rim blo sbyong sogs las ji ltar 'byung ba ltar rgyu
'bras man ngag bdun dang bdag gzhan mnyam brje'i man ngag la
sgrub pa gnad du bsnun pas theg pa chen

po'i lam gyi rtsa ba tshugs par mdzad gal che/ mdor na thabs
byang chub kyi sems dang/ shes rab stong nyid kyi lta ba zung du
'brel ba'i rnal 'byor zab mo la gcig tu brtson pas rnyed dka'i
rten bzang don ldan rlabs po cher spyod cing/ ring 'tsho'i

mthun rkyen kyang zab tu bsten par 'tshal// //! 'jigs byed kyi
bdag 'jug len tshul gyi phyag len zin bris ni/ khyab bdag 'jam
dpal nas/ bdag bskyed mchod pa brlabs nas/ bum pa bsgrub/ lha
'od zhu tshar nas kha

rgyan 'dzug /rang nyid 'jigs byed ces pa nas/ btang snyoms la
gnas par bya'o/ /de rjes/ rang nyid bris pa'i dkyil 'khor gyi
nang du zhugs/ dbus kyi mtshan ma dang gnyis med du gyur/ dkyil
'khor bsang/ oM swa b+hA wa nas/ 'od

zer lda 'phro bar gyur/ dzaH 'jam dpal rang bzhin nas/ thim par
gyur/ rang nyid lha las mar me X gnas par gyur/ dag cing dri med
sogs chu bzhi nyer spyod/ 'dod yon/ sna bdun 'bul/ rang nyid
dkyil 'khor gyi nang du

@088b zhugs/ lha dang tha mi dad par gyur/ 'jam dpal mkha' las
nas/ bzlas pa'i mjug par/ gtor ma 'bul ba la lugs gnyis las paN
chen dang 'jam bzhad lugs la/ bdag bskyed rten brten pa bsgoms
nas/ spyan

'dren skabs phyogs skyong spyan drangs nas phyi'i phyogs mtshams
su bkod de dbang bskur rgyas gdab bya tshul gtor mgron rgyas pa
ltar byas la mchod bstod bzlas pa grub nas/ rang nyid lha las
mar med gnas par gyur/ mchod

gtor brlab/ sgrub pa'i dkyil 'khor gyi ljags hUM las nas/ gyur/
oM hrIHShTIH nas/ 'phrin las mdzod cig /bar bya/ gshegs gsol
bdag 'jug ma grub par bgegs bsrung pa'i phyir 'jog pa dang/ yang
na

gshegs gsol byas na'ang chog go/ yang na/ gtor mgron logs su
bskyed nas dbul ba sgrub thabs ltar bya/ de nas nye reg byas/
rang nyid hUM mdzad sngon po nas/ zhugs par gyur/ hUM; zhes
rtsig pa bteg nas 'og nas nang

du song bar mos/ oM su mb+ha/ oM mchog tu X bka' drin stsol cig
/bar dang/ dbang lha dang dbang rdzas kyi lha la 'bul rgyu'i
mchod pa byin brlab/ rang nyid gtso bo las phye ste shar sgo nas
thon par gyur/ bla ma dang gtso bo tha mi dad phar

gyur; maNDal phul/ dga' chen nas/ skal ba can du byas so/ /bar
bdag 'jug bya/ maNDal/ rang nyid dkyil 'khor gyi nang du zhugs
te lha dang tha mi dad par gyur/ rnam dag bsam pas nas; 'god par
shog /yig brgya

@089a @#/ /lan gsum/ me tog dang bcas thal mo sbyar la/ gang yang
bdag blo X ma rnyed yongs su X bya/ 'di la lugs mang bas paN
chen ltar na/ rang nyid gtso bo las mar me X tu gnas par gyur/
sngar

gyi gtor mgron gshegs gsol byed/ sgrub pa'i dkyil 'khor gyi dam
ye/ 'dir ni gzugs dang X sogs dang/ 'dul 'dzin ltar na/ bdag
bskyed kyi dam tshig pa'i dkyil 'khor rang nyid la thim/ rang
gtso bo las X du dpal

rdo rje 'jigs byed zhal gcig phyag gnyis pa'i rnam par phye nas
dkyil 'khor gyi phyi rol tu gnas par gyur/ nye snying brjod cing
rdo rje dang bcas lha'i thugs kar reg par mos la/ mdun bskyed
kyi dam tshig pa'i dkyil 'khor 'od

du zhu nas ras bris kyi rnam par gyur/ sgrub pa'i dkyil 'khor
gyi dam tshig pa dang ye shes pa/ 'dir ni gzugs X swAhA/ de
gnyis gang byas kyang 'dra/ rang nyid dpal nas/ mtshan par gyur/
shis brjod bya/ sum pa mkhan chen

ltar ro// ! (//mtha' dbus kyi sde dgon sogs mcheg dman du ma la
gzim chung khag gi mtshan byang le tshan nyung shas mtha' yas pa
lta bu zhig bstsal ba las/ 7rje nyid kyi gdan sa gong 'og gi
gzim sgo'i mtshan byang tsam zhig 'dir 'god bar/ ! gdan sa gong
rtag brtan chos

'byung phug gi gzim spyi la mdo ma'i mtshan byang/) sku tsheO
ringO por chos 'byor bdeO skyidO kun/ /grub pa 'chi med drang
srong bsti ba'i gnas/ /! (de'i g.yas rdo wa rje btsun mid la'i
ldebs ris la/) dge mtshan lhun chags gangs kyis 'dzin spor/ /zung

@089b 'jug grub pa'i dpa' bo dgyes pa'i nyams/ /steng na bkra
shis tshe ring rgyal mo yang/ /phan bde'i dngos grub stsol la
rings pa bzhin/ /! (de'i gyi tshoms chung la/) bshad sgrub chos
kyi 'khor lo bsgyur ba yis/ /sa gsum

zil gnon sengO geO gnamO yangsO khang/ /! (rab gsal mdo'i phyi
sgo la/) srid dang zhi ba'i mngon 'dod yidO bzhin du/ /'grub
pa'i dga'O ston 'phel rgyas chos kyi glingO/ /! (de'i g.yon
ngos spong khang du/) shag chung 'dodO chungO bslab

gsum nyams rtogs 'phelO/ /! (de'i mdun ngos kyi shag chung la/)
rang shong shag chung chogO shesO lung rtogs 'phelO/ (/! gdan sa
'og bkra shis chos gling gi gzim sgo'i mtshan byang rdo rje
'chang nyid kyi bka' rtsom grang rtse gzim chung sbug mar/) mdo

sngags lam dang 'bras bu'i go 'phang mchog /bde blag grub pa
zungO 'jugO phoO brangO che/ /! (gzim chung mdo mar/) bde chen
rgyal po DA ki'i tshogs bcas pas/ /grung gnyis 'dod dgur bsnyil
ba mkha'O spyodO rtseO/ /! (rtse gzim chung dkyil

mal; srid zhi'i dge mtshan khrag khrig rtse dga' yis/ /phyogs las
rnam par rgyal ba zilO gnonO steng/ /! (shod gzim chung dkyil ma
la/) phyogs las rnamO par rgyalO ba'i ba gam che/ /sa gsum zilO
gnonO gzim chung dga' ldan

dkyil/ /! (gzim chung shar la/) 'chiO medO grub pa'i dpa' bo
bsti ba'i gnas/ /srid zhi'i dge mtshan kun 'du bdeO ldanO shar/
/! (shod phyag mdzod khang dkyil ma la/) phun tshogs 'dodO dguO
dpal 'byor 'dzad med du/ /'du zhing 'khyilO

@090a @#/ /ba mchod sbyin brgya ldan khang/ /! (de'i shar ngos
kyi mdzod khang la/) srid gsum gces nor yod dgu'i 'dzad med
gterO/ /spungs pa'i bang mdzodO yid bzhin 'dod 'jo sharO/ /!
(dge ldan bstan srung gnyan po'i rgyal khang

la;) stobs ldan rdo rje'i shugs kyis sa gsum la/ /dbangO dragO
'khor los bsgyur pa'i dga'O tshalO che/ /! (shing khyi lor dgon
lung sprul skus ras 'phrul snang gi gtsug lag khang sgo 'phyor
steng du gser zangs kyi gdugs dka' rgyal mtshan zung phul ba'i
'dod

gsos/ X rten 'di la brtan par bzhugs nas bsil ldan rwa ba dkar
po'i ljongs de dir rgyal bstan spyi dang/ lhag par blo bzang
rgyal pa gnyis pa'i lung rtogs kyi bstan pa bshad sgrub dpal
'byor thams cad dar zhing rgyas la/ de 'dzin gyi skyes

chen gang na su bzhugs sku tshe brtan cing mdzad 'phrin rgyas pa
dang/ gdan sa chen po gsum sogs 'dus pa'i sde rnams kyang thugs
mthun khrims gtsang zhing/ thos bsam sgom gsum/ 'chad rtsod
rtsom gsum/ bshad pa dang sgrub pa sgo kun nas

dar zhing rgyas pa dang/ gangs can gyi ljongs 'dir yang nad mug
/'khrug rtsod sogs snyigs ma'i rgud tshogs thams cad rmeg med du
zhi nas 'gro kun bde skyid rdzogs ldan gyi dpal la rtag tu spyod
pa dang/ gnam bskos dga' ba brgya

ldan par chab srid kyi dbu rmog btsan po mtha' bzhi'i dregs ldan
gyi phyogs kun las rnam par rgyal ba dang/ khyad par du'ang
'dzam gling sa'i rgyan gcig ra sa 'phrul snang gi gtsug lag
khang chen po 'di nyid kyis gtsos pa'i yul phyogs

@090b 'dir me'i 'jigs pa dang/ chu'i 'jigs pa dang/ pha rol gyi
dmag tshogs kyi 'jigs pa dang/ mu ge'i 'jigs pa dang/ mtshon gyi
'jigs pa la sogs pa 'jigs pa chen po lnga brgya dang/ mdangs
'phrog pa la sogs pa'i gdon lnga brgya dang/

kun tu rgyus byas pa la sogs pa'i rig sngags rnams dang/ nyin
gcig pa la sogs pa'i rims dang/ yams kyi nad sogs bar chad mi
mthun pa'i phyogs thams cad las srung bar mdzod/ bskyab par
mdzod/ sba bar mdzed/ phyi nang

gi nyer 'tshe thams cad las rak+Sha rak+Sha swAhA/ drag shul che
sogs// (7yang/) 'dzam gling sa'i rgyan gcig ra sa 'phrul snang
gi gtsug lag khang chen po 'di nyid kyis gtsos pa'i bsil ldan
rab dkar po'i ljongs 'dir me chu dmag 'khrug

mu ge; dug mtshon gyi 'jigs pa sogs 'jigs pa chen po lnga brgya
thams cad phyir zlog cig zlog cig /lha klu gnod sbyin zas su
mdangs 'phrog pa sogs gdon lnga brgya thams cad phyir zlog cig
zlog cig /kun tu rgyus byas pa'i rig sngags

la sogs pa byang phur rbod gtong/ rig sngags kyi sbyor ba ngan
pa thams cad phyir zlog cig zlog cig /nyin gcig pa la sogs pa'i
rims dang yams kyi nad thams cad phyir zlog cig zlog cig /mdor
na steng 'og bar gsum gyi phyi nang gi

nyer 'tshe bar chad mi mthun pa'i phyogs thams cad phyir zlog cig
zlog cig/ //! bla mchod kyi zhi gnas bsgom pa'i mtshams ni/ spyir
zhing mchog dam pa'i tshig ris ltar gyi thad ka thad kar lam rim
yongs rdzogs

@091a @#/ /bsgom pa yin yang/ phyag chen rtsa bar/ zab lam bla
ma'i rnal 'byor bsgom/ /shugs drag gsol 'debs brgya rtsa sogs/
/byas nas bla ma rang la bstim/ /snang ba ban bun dang de la/
/sogs ltar bla mchod

du'ang/ zhi lhag gang bsgom pa de/ zhabs sen 'od chags brtan par
bzhugs su gsol/ /zhes bla ma rang la bstims pa'i mtshams su bsgom
dgos/ zhi gnas bsgoms pa'i thun mthar/ dmigs rten yi dam dang
sangs rgyas lta bu'i

sku la dmigs pa yin na lha sku rang la bstim zhing/ gzhan dmigs
rten rde'u sogs dang thun mtshams kyi lha sku'ang btang snyoms su
bzhag pa yin/ dmigs rten bsgom pa'i gnas lte bar mdzad pa snying
gar srog rlung gi nyen ka che zhing/

lte bar de 'dra'i nyen med par ma zad/ bying rgod gnyis ka chod
pa'i dgos pa yod pas na dmigs rten mtho dman ran pa'i gnad kyis
lte ba rang du 'dod dgos lags/ yul gyi dmigs rten gzugs can pa
yin tshe che chung gi tshad spyir ri rab

kyang zhi gnas kyi dmigs rten du gsungs pas/ dmigs rten che ba
ri rab tsam la brten nas kyang zhi gnas mtshan nyid pa bsgrub pa
yod par 'dod dgos la/ de'ang ri rab chen po la brten nas zhi
gnas rjes mthun pa bsgrub cing/

zhi gnas mtshan nyid pa bsgrub ran pa na dmigs rten ri rab de
nyid phra mor byas te bsgom pa yin nam snyam/ dmigs rten chung
tshad rdul phran tsam yang yod mod kyang/ zhi gnas bsgom pa na
dmigs rten gyi che chung gi tshad yungs 'bru tsam mam/

@091b rgya gar gyi sran chung tsam la dmigs rten byas te bsgom
pa kho na yin/ dmigs rten bzhag yul lte ba nas rgyang ring thung
yig cha sogs las gsal par ma mthong yang/ mig sna rtser phabs
pa'i thad tsam du bgyis na de gas cho ga/ /!

dmigs rten bsgom pa'i gnas lte ba rang du gsungs pa'ang dmigs
rten lha sku lta bu bsgom pa'i dbang du mdzad kyi/ ri rab sogs
che tshad rnams ni mtho dma' lte ba'i thad kyi tshod tsam du bsgom
pa yin yang/ lte ba dang thag nye ring

dmigs rten la sems gzung bde ba'i tshod tsam du bsgom na rang
shugs kyis dmigs pa 'char bde ba long /dmigs rten ri rab lta bu
bsgom pa na/ de'i gzugs dbyibs byings nyid lte ba'i thad du
dmigs pa las/ ri rab kyi rtse mo lte ba'i

thad kar khel par dmigs na ri rab kyi rtsel dmigs pa'i zhi gnas
bsgom par 'gro zhing/ des rtsa ba sogs la'ang mtshon pa yin/ yang
zhi gnas bsgom pa'i skabs thun bzhir bcad pa na/ thun bzhi ka'i
sngon du bla ma'i rnal 'byor rgyas

bsdus gang rigs bsgoms pa'i mthar spyi bo'i bla ma la yan lag
bdun pa maNDal dang bcas pa phul te bdud rtsi 'beb sbyang dang/
don chen po gsum gyi gsol 'debs lta bu lam de rgyud la skye ba'i
gsol 'debs dang/ ma mtha'ang spyi

bo'i bla ma la yan lag bdun pa 'bul ba sogs nges par dgos pas
bla ma'i rnal 'byor kyang rab thun bzhi kar bla mchod cho ga
yongs grags paN chen gyi gsung ltar bton na legs/ de ltar ma
lcogs na thun dang por bla mchod dang/ thu

@092a @#/ /rjes ma rnams la bla mchod ma 'grub tshe thun drug bla
ma'i rnal 'byor lta bu'am/ dma' mthar dpal ldan rtsa ba'i sogs
dang/ phyag 'tshal dang/ dngos bshams yid sprul sogs yan lag bdun
pa mdor

bsdus/ sa gzhi spos byugs/ dmigs brtse ma dang mtshan sngags sogs
kyi sgo nas rtogs pa skye ba'i gsol 'debs shugs drag /yon tan
gzhi gyur ma'i byin rlabs spungs zhu/ bla ma rang la bstim pa'am
spyi bor bzhugs

pa'i mu nas zhi gnas kyi thun dngos gzhir 'jug /lhag mthong
bsgom pas kyang thun gcad lugs 'di dang 'dra ba yin// (//! yang
7skyabs mchog rdo rje 'chang nyid kyi gsung rtsom thor bu 'ga'
zhig 'dir 'god par/) skye

rgu rnams kyi sdug kun gyi nad kyi rtsi sman/ mngon mtho nges
legs bde dge mtha' dag 'byung ba'i rtsa brgyal ba'i bstan pa/ de
la lung rtogs gnyis/ so so 'dzin tshul gyi tshad/ des na chos
spyod bcu nyams su bstar ba gnas skabs

kyi dgos pa/ rnam mkhyen nying dgos/ chos spyod bcu'i bshad tshul
mang yang 'dir dbus mtha' las/ yi ge 'bri mchod sbyin pa dang/
/sogs ltar/ dang po yi ge 'bri ba/ de las rgya cher spel ba gsum
pa yin zhing/ mchod

bkur byed pas gnyis pa'i gzhi sgrub/ mdor na chos spyod bcu thos
bsam sgom pa dang/ de'i rgyu sgrub pa gnyis su 'du/ de yang yi
ge 'bri mchod sbyin rgyu dang/ nyan dang sogs thos pas shes rab
skye tshul/ de sems dpa dang bsgom

@092b pa bsam sgom gyi shes rab skye tshul/ de re re la'ang bsod
nams kyi phung po dpag tu med par rkang pa tha ma gnyis kyis
bstan tshul/ mdo pad dkar dang/ 'dus pa rin po che'i tog dang/
mdo sdud pa las gsungs tshul/ skabs don glegs

ba pa sbyin pas bsod nams che tshul sdud pa dang brgyad stong par
gsungs tshul/ de sgra ni byang chub sems dpa' sogs theg chen gyi
rigs can rnams kyis sems bskyed kyi rtsis zin pa'i shes rab gsum
gyis chos yid la byed dgos

tshul; shes rab gsum gyi byed las bsten/ shes rab gsum gyi ngo bo
ni/ tshul gnas thos dang sogs bye smra ltar na ming don gnyis ka
dang/ don kho na'i yul can du 'dod kyang/ dbyig gnyen gyis ming
la dmigs pa thos byung/

don la dmigs pa sgom byung/ yid ches pa'i lung dang/ rigs pas
dpyad pa dang/ mnyam par bzhag pa las don rtogs pa gsum rim
bzhin no/ /shes rab gsum gyi yid byed rim bzhin bgrod de lam
thob tshul 'di ni mu stegs pa

la med pa'i nang pa'i khyad chos yin/ mdo rgyan las/ sde snod
dag ni sogs gsum gyis yul dang byed las bstan te/ thos pas don
mngon du 'gyur ba'i bag chags 'jog /bsam pas don rtogs bar byed/
'jog sgom zhi gnas kyis

nyon mongs gnas skabs su zhi bar byed/ dpyad 'jog 'dres ma'i
lhag mthong gis rtsa ba nas spong/ mdzod lung yang/ mi g.yeng
ba'i rgyu/ mi rmongs pa'i rgyu/ don rtogs pa'i rgyu/ sa bon
spong ba'i rgyu bzhi la rim bzhin sbyar/ thos sogs

@093a @#/ /gsum dang/ bslab pa gsum gyi bgrod tshul 'di ni bstan
pa spyi'i chings mchims mdzod du gsungs pa ltar ro/ /sdud pa las
kyang/ rgyal ba'i nyan thos pa dag sogs tshig gi sgo nas ston pa
dang/ don 'di dang

'di'o zhes 'chad pa dang/ sgom byung skye ba'i phyir gegs sel
sogs gsal bar brjod pa/ yang smra ba ston pa nye par ston pa
sogs gsum thos sogs gsum la sbyar tshul/ dgos pa byang chub kyi
sa pon skye ba dang/ yongs su

smin pa dang/ yongs su grol pa gsum la sbyar te/ mdo dang byams
chos dgongs 'grel sogs las shes rab gsum bstan tshul/ spyir theg
pa gsum dang rgyud sde bzhi/ khyad par rgyal ba'i bka' re re
la'ang thos sogs kyis

zhugs shing nyams su len tshul/ de dag gi steng nas bya dgos/ de
yan gyis thos sogs kyi gzhi bsgrub pa'i phan yon bstan/ thos
pa'i phan yon dngos ni/ thos pas chos rnams shes par 'gyur/
/sogs bzhi/ rnam bshad

rigs par/ blang dor gyi gnas shes pa dang/ tshul khrims kyis sdig
las ldog pa sogs bslab pa gsum dang bzhi la rim bzhin sbyar tshul
gcig /yang dag pa'i lta ba rnyed pa dang/ las dang/ nyon mongs
pa dang/ skye ba'i kun nas

nyon mongs pa las brgal ba bzhi la sbyar ba gcig /yang 'dul ba
la dad pa dang/ rab tu byung ba dang/ dbang po'i sgo bsrung ba'i
'dod pa spong ba dang/ bden pa rtogs nas myang 'das thob ba bzhi
la sbyar ba gcig /pu ston chos

@093b 'byung las gsungs pa'i de'i dang po'i tshig rkang dang por/
chos rnams shes zhes spyir bstan nas lhag ma gsum sgrub phyogs
nas sde snod gsum thos pas bslab pa gsum rgyud la skye ba'i phan
yon ston/ bshad tshul gnyis pa

dgag phyogs nas tshig rkang phyi ma gsum las kyi kun nyon dang/
nyon mongs pa'i kun nyon dang/ skye ba'i kun nyon gsum spong bar
sbyar te bshad/ bshad tshul gsum pa/ 'dul ba la dad pa dang rab
chu byung ba tshul khrims/ 'dod

chags dang bral ba'i gnod pa spong ba ting 'dzin/ bden pa rtogs
pa'i myang 'das thob pa shes rab gsum la sbyar/ bshad tshul rnams
'bab sa gcig yin te/ bslab pa gsum gyis las kyi kun 'byung sdig
pa las ldog pa dang/ nyon mongs

pa'i kun 'byung rnam g.yeng sogs spong ba dang/ skye ba'i kun
'byung 'khor ba spangs pa'i myang 'das thob tshul gsungs pa yin
no/ /skyes rabs las thos pa'i phan yon mdor bstan pa/ gang zhig
thos pas sogs rkang pa dang pos dang ba'i

dad pa/ gnyis pas yid ches kyi dad pa/ gsum pas sgom byung gi
shes rab skye/ gti mug zad/ bag chags gnyis snang 'khrul pa yang
zad par bstan/ bzhi pas shas kyang nyo rigs pa rtag du dang ston
pa'i rnam thar bzhin/ rang gis shes

kyang zhes 'grel na/ shes zin pa yang gong du 'phel phyir thos
dgos pa 'tshang rgya kha bar gzhung sher phyin la thos bsam dgos/
bshad srol gzhan tshig rkang dang po gsum thos bsam sgom gsum
dang/ thog bar tha mar dge ba

@094a @#/ /sogs la sbyar tshul/ thos pa'i phan yon rgyas pa/ thos
pa gti mug mun sel sogs/ lam gyi lus yongs rdzogs las brtsams te
ston pa'i phan yon/ de yang bshes gnyen bsten tshul la rmongs

pa'i gti mug nas rgyal sras kyi spyod pa la rmongs pa'i mun pa
bar/ gnyen po yang thos pa'i sgron me de snyed cig yod pa/ bar
pa rnams kyang nges rigs 'gre zhing/ tha ma la mtshon na; lam gyi
lus de dag so so'i mi mthun phyogs

ji snyed yod pa de snyed kyi gnyen po phyogs kyi dpung yang yod
par bstan/ 'di yan gnas skabs mthar thug gnyis ga'i phan yon
dang/ grags dang zhes pa man gnas skabs mthong chos kyi phan
yon/ kyang zhes pa de'i 'byed tshig/

gtan tshigs don rnams sogs chos ston tshul bstan/ de yang dang po
gnyis kyis lung tsam min par rigs pa'i lam las drangs te nges
shes skye thub pa dang/ phyi ma gnyis kyis tshig nus pa che zhing
tshig sbyor phun sum tshogs ba dgos par

bstan/ dul zhing rab tu gsal ba sogs ni gzhan la phan pa 'byung
tshul bstan/ khyad par/ thos pas dpal gong don gsal rtogs par
'gyur/ /zhes thos pa'i don bsgoms pas bsam byung gi nges pa
rnyed tshul/ de nyid yang yang 'dris

par byas te bsgoms pas sgom byung gi gsal snang dang bcas te
mngon sum du rtogs par bstan/ thos dang ldan na zhes sogs dang
po gnyis kyis gnas skabs kyi phan yon don bsdu dang/ phyi ma
gnyis kyis mthar thug gi phan yon don bsdu/

@094b mang thos ldan na thos chung la 'gal bar snang ba'ang 'gal
ba med par 'gro ste/ thos chung rnams la rgyal srid nyes spyod
kyi gzhir che yang/ mang thos sems dpa' 'khor bsgyur du gyur
na'ang 'dod yon gyi dbang du mi 'gro bar sems

can gyi don rlabs chen 'grub pa dang/ byams pa shugs drag kyang
'dod chags dang mi 'dre ba dang/ snying rje shugs drag kyang mya
ngan gyis mi non pa dang/ chos kyi bdud rtsis ngom sa bas? dga'
ba tshad med kyang sems g.yeng ba med pa

dang/ btang snyoms chen po la rgyun du gnas kyang 'gro don mi
g.yol ba dang/ chos thams cad spros bral du rtogs kyang las
'bras ches zhib ba dang/ theg pa gong 'og dang mdo sngags sogs
gnang bkag mi 'dra ba gang zag gcig gi

nyams len du 'khyer shes pa sogs thos pa'i shes rab kyi phan yon
no/ /thos pa'i rjes 'jug sogs bslab gsum la sgrub pa gnad du
song na sdug bsngal gyi rtsa ba bcu gcig skye ba'i rdzong las
thar/ de yang chung ngu'i lam

la sgrub ba byas pas ngan song du skye ba'i rdzong las thar/
'bring gi lam la sgrub pa byas pas 'khor bar skye ba'i rdzong
las thar/ chen po'i lam la sgrub pa byas pas ma rig bag chags
kyi sa dang zag med kyi las kyi skye ba'i rdzong

las thar ro/ /gzhan yang thos pa'i phan yon lnga tshan gnyis rnam
bshad rigs par gsungs pa dang rgyud bla mar gsungs pa sogs thos
pa'i phan yon ji snyed cig gsungs pa'ang thos pa'i rjes su bsam
sgom 'byung ba'i dbang du

@095a @#/ /byas kyis/ thos rkyang gis min la/ thos rkyang ni tshe
'di'i snang zhen gyis 'ching ba dang/ chos brgyad gang rung gis
zin pa/ lhag bsam bskul mdo las/ smra la dga' ba'i nyes pa 'di
dag go /zhes mang du 'byung

ba ltar ro/ /gzhan yang ting nge 'dzin rgyal po las nad pa sman
mi 'thung ba dang/ sman gyi rgyal pa thogs pa dang/ sman dpyad
bklag pa dang 'dra ba dang/ sman pa'i ngag mi nyan par nad gso
bar 'dod pa dang 'dra bar gsungs//

! mdzod las/ ston pa'i dam chos rnam gnyis te/ /lung dang rtogs
pa'i bdag nyid do/ /zhes gsungs pa ltar lung gi chos dang rtogs
pa'i chos gnyis/ dang po ni/ rtogs pa'i chos la 'jug pa'i rjod
byed de/ de yang rtogs

pa'i yon tan khyad par can thob pa'i thabs ji ltar bsgrub par
bya ba'i rim pa ma nor bar ston pa'i gsung rab dgongs 'grel dang
bcas ba ste/ de ni thos bsam gyis nges par byas pa las rtogs
pa'i chos sgrub pa lag tu len pa'i tshul

gtan la 'bebs par byed pa yin la/ gnyis pa rtogs pa'i chos ni/
de ltar gtan la phab pa'i don yang dang yang du yid la byed
cing/ rtse gcig nang du yang dag bar 'jog pas 'jig rten las 'das
pa'i spangs pa dang rtogs pa'i yon tan

phun sum tshogs pa mngon du 'gyur ro// // ! spyir lung rtogs kyi
chos la chos kyi 'khor lo zhes pa'i tha snyad gsungs te/ de'ang
'dzam bu'i gling 'dir ston pa thugs rje can gyis bden bzhi'i
chos 'khor bskor te lnga sde 2

@095b rgyud la mthong lam skyes nas bstan pa 'di'i dbang du byas
pa'i lung rtogs kyi chos thog mar byung ba na/ lha rnams kyis a
la la 'dzam bu'i gling du chos kyi 'khor lo bskor bar mthong ngo
zhes bsgrags pa'i phyir ro/ /dam pa'i chos

la ci'i phyir chos kyi 'khor lo zhes bya zhe na/ 'khor los
bsgyur ba'i 'khor lo rin po che dang chos mtshungs pa'i rgyu
mtshan gyis te/ 'khor lo rin po che de yul gzhan dang gzhan du
rim gyis 'pho ba dang/ de'i dbang gis mi mthun

pa'i phyogs las rgyal bar byed pa bzhin du/ lung rtogs kyi chos
de yang gdul bya'i rgyud la rim gyis 'pho ba dang/ 'dod chags
sogs mi mthun pa'i phyogs las rgyal bar byed pas na de ltar
bshad de/ bsdu ba las/ bcom ldan

'das kyis dang por kun shes kauNDi n+ya'i rgyud la kun shes pa'i
chos nyid dang mthun par rab tu bskor la des kyang gzhan dag la
rab tu bskor ba dang/ de dag gis kyang gzhan dag la rab tu bskor
bar 'gyur te/ des na gcig nas gcig

tu brgyud de bskor bas na 'khor lo/ yang dag pa'i lta ba la sogs
pa'i chos kyi rang bzhin can yin pas na chos kyi 'khor lo zhes
bya'o/ /zhes gsungs pa'i phyir// //! lhag pa ting nge 'dzin gyi
bslab pa brjod bya'i gtso

bor byas nas ston pa'i gsung rab de/ mdo sde'i sde snod kyi
mtshan nyid dang/ lhag pa tshul khrims kyi bslab pa brjod bya'i
gtso bor byas nas ston pa'i gsung rab de 'dul ba'i sde snod kyi
mtshan nyid/ lhag pa shes rab kyi bslab pa brjod

@096a @#/ /bya'i gtso bor byas nas ston pa'i gsung rab de/ mngon
pa'i sde snod kyi mtshan nyid do// //! ston pas chos 'khor rim pa
gsum du bskor ba'i 'khor lo dang po ni/ gnas yul wA ra

NA si drang srong lhung ba ri dwags kyi nags su/ dus dang por
'khor lnga sde bzang po la/ chos 'phags pa'i bden bzhi lan gsum
rnam pa bcu gnyis su bzlas te chos kyi 'khor lo bskor ro/ /des
na ston bas dus dang por gsungs pa

gang zhig /ched du bya ba'i gdul bya theg dman gyi rigs can la
gtso bor dgongs nas gzugs nas byang phyogs kyi bar gyi chos
rnams rang gi mtshan nyid kyis grub par ston pa'i mdod 'os sam/
de'i sder gtogs pa gang rung yin pa de

'khor lo dang po'i 'jog byed do; ;'khor lo gnyis pa ni/ gnas
rgyal po'i khab bya rgod phung po'i ri la/ dus bden bzhi'i chos
'khor bskor ba de'i 'og tu/ 'khor byang chub sems dpa' bye ba
khrag khrig brgya stong dang/ dge slong gi dge

'dun lnga stong/ dge slong ma dang dge bsnyen pha ma sogs la/
chos rgyas pa'i rgyas pa sher phyin bam po lnga brgya pa/ rgyas
pa'i 'pring sher phyin bam po bzhi brgya pa/ rgyas pa'i bsdus pa
sher phyin 'bum pa/ 'bring gi rgyas pa stong phrag nyi

shu lnga ba/ 'bring gi 'bring khri brgyad stong pa/ 'bring gi
bsdus pa shes rab khri pa/ bsdus pa'i rgyas pa sher phyin bam po
bco brgyad pa/ bsdus pa'i 'bring brgyad stong pa/ bsdus pa'i
bsdus pa mdo sdud pa sogs gsungs/ des na ston

@096b pas dus bar par gsungs pa gang zhig /ched du bya ba'i gdul
bya theg chen gyi rigs can 'khor lo bar pa'i mdo'i dgongs pa
'khor lo tha mas bkral ba la ltos mi dgos pa'i rigs can la gtso
bor dgongs nas chos thams cad rang gi

mtshan nyid kyis ma grub par sgras zin la ston pa'i mdo dngos
sam/ de'i sder gtogs pa gang rung 'khor lo bar pa'i 'jog byed
do/ /'khor lo gsum pa ni/ gnas ri mA la ya dang yangs pa can la
sogs par/ bus 'khor lo bar pa

bskor ba de'i 'og tu/ 'khor theg pa thams cad la yang dag bar
zhugs pa'i byang chub sems dpa' grangs med par/ chos mdo sde
dgongs pa nges 'grel la sogs pa gsungs/ des na ston pas dus tha
mar gsungs pa gang zhig /ched

du bya ba'i gdul bya theg chen gyi rigs can 'khor lo bar pa'i
dgongs pa 'khor lo thams bkral ba la ltos dgos pa rnams la gtso
bor dgongs nas mtshan nyid gsum la bden par yod med so sor phye
nas ston pa'i mdo dngos sam

de'i sder gtogs pa gang rung 'khor lo tha ma'i 'jog byed do//
//! chos phung gi tshad kyang brgyad stong 'grel chen las/ mdor
bsdu na/ 'dod chags la sogs pa'i spyod pa brgyad khri bzhi stong
la spyod pa re re'i

gnyen po gzhung ji tsam gyis yongs su rdzogs par gyur pa de tsam
gyi gzhung gi tshogs la chos kyi phung po zhes bya/ zhes dang/
mkhas grub thams cad mkhyen pa'i rgyud sde spyi rnam las/ tshad
ni nyan thos pa kha cig gis/ mngon pa sde

@097a @#/ /bdun gyi ya gyal gyi chos kyi phung po zhes pa'i bstan
bcos shig yod pa de chos phung gcig gi tshad/ de la shlauka stong
yod/ ces 'dod do/ /yang nyan thos pa kha cig gis phung po dang
skye mched la sogs pa'i

don tshan re rdzogs par ston pa'i gsung rab tshan pa rer chos
phung re 'dod do/ /theg chen pa kha cig /glang po che rab brtan
gyi rgyab khal non pa'i snag tshas chos phung gcig 'dri bar nus
so/ /zhes zer ro/ /rang gi lugs ni/ slob dang no dbyig

gnyen gyis/ nyon mongs pa brgyad khri bzhi stong las/ nyon mongs
pa re re'i gnyen po rdzogs par ston pa'i gsung rab tshan pa re la
chos phung rer gsungs pa ltar 'dod do/ /zhes gsungs pa ltar nyon
mongs re re'i gnyen po rdzogs par ston

pa'i gzhung gi tshogs re re la'am/ glang po che sa la rab brtan
gyis ji tsam theg pa'i snag tshas 'dri nus pa'i gsung rab re la
chos phung gi tshad du 'jog/ //! myang 'das kyi ngo bo ni/ bye
brag smra ba rnams ni nyon sgrib

spangs par gyur pa'i ma yin dgag gi dngos po zhig la 'dod cing/
mdo sde pa yan chad rnams ni myang 'das kyi ngo bo med dgag tu
bzhed pa yin te/ de la glo bur rnam dag gi phyogs dang rang
bzhin rnam dag gi phyogs gnyis yod pa

las/ dang po ni/ bden med rtogs pa'i shes rab kyis nyon sgrib sa
bon dang bcas pa slar skye mi rung gi chos can du byas pa la
'jog /gnyis pa ni/ gang zag gi bdag dang chos bdag ci rigs bkag
pa'i nyon sgrib spangs pas

@097b khyad par du byas pa'i med dgag cig la 'jog go /dbu ma
thal 'gyur ba rnams 'gog bden la don dam bden pas khyab par
bzhed pas myang 'das la don dam bden pas khyab par bzhed/ dbu
mar brgyud pa rnams ni/ myang 'das la bden

pa gnyis ka'i cha yod par bzhed do/ /myang 'das de la dbye na/
theg chen gyi myang 'das dang/ theg dman gyi myang 'das gnyis/
de'i dang po ni srid zhi gnyis kyi mtha' la mi gnas ba'i myang
'das dang don gcig go/ ! (lcags

sprul; khyab bdag 'khor lo'i mgon bo rje 7 pha bong kha pa lho
kha phyogs su chibs bskyod khar bla sprul sbyin bdag khag nas
brtan bzhugs rgyas par phul bar/ de sngon nas dgongs pa gzhan du
gtad zin pa'i drang nges kyi gsung lta bur brtan bzhugs chogs
'don mdzod rgyur bka' rtsom du

bstsal ba; ! brtan bzhugs bsun zlog gi lhan thabs bzhugs/) 7
hUM; chos dbyings dag pa'i zhing khams dang/ /'dzam gling nyer
bzhi'i gnas yul nas/ /'jig rten 'das dang ma 'das pa'i/ /mkha'
'gro dam can rgya mtsho dang/ /srid pa

'khor ba'i gnas yul nas/ /snge brgyad gdon bgegs lan chags sogs/
/mchod sbyin mgron du gyur tshad kun/ /gnas 'dir spyan 'dren
gshegs su gsol/ /khyad par rdo rje slob dpon cher/ /gdung sems
'phreng ba'i mkha' 'gro

ma; ;mkha' spyod zhing gi bya ma rta/ /bsun ma'i tshogs rnams
mgron du spyon/ (/zhes mgron spyan drangs nas/ mkha' 'gro'i dod
dngos su yod na nang du gtong zhing dar thag bzung nas phyogs so
sor 'khod/) hUM; snyigs dus mi rnams g.yo sgyu dang/ /dam tshig

@098a @#/ /sel bas dbyen spyos pas/ /rig 'dzin bla ma thugs sun
te/ /mkha' spyod zhing du dgongs pa gtad/ /mgo nag mi yis mtshor
bar/ /mkha' 'gro'i tshogs rnams bsun mas brel/ /dam can rgya mtsho

las la gzhol/ /gdon bgegs rkyen tshogs bskul la rings/ /da ni
nyams chags ma lus bskang/ /sku yi dam sel lus kyis bshags/
/gsung gi dam sel ngag gis X thugs kyi dam sel yid kyis X snyigs
dus skye bo'i ngan spyod

kyis; ;rig 'dzin bla ma mkha' 'gro'i tshogs/ /thugs 'gal nongs
gyur ji snyed kun/ /dam tshig gtsang ma'i tshogs kyi gral/ /'dir
'dus bdag cag rtse gcig pas/ /bshags pas lhag med byang gyur cig
/nyams grib ma lus

dag gyur cig /mkha' 'gro dam can rgya mtsho kun/ /nyams chags
bskang bas dgyes par mdzod/ /mchod gtor rgya mtshos dgyes par
mdzod/ /tshogs kyi 'khor los dgyes par mdzod/ /gdung ba'i dbyangs
kyis dgyes par mdzod/ /

mkha' 'gro shugs 'gro 'jig rten rigs/ /sde brgyad gdon bgegs
mgron kun kyang/ /mdos glud gser skyems rgya mtsho dang/ /mchod
sbyin gtor mas tshim bar mdzod/ /snang srid mdos su bshams nas
'bul/ /nam mkha' mdzod du

bsgyur nas 'bul/ /sku glud mi las dga' ba 'bul/ /'dod yon nam
mkha' bkang ste 'bul/ /gtor tshogs lhun por spungs nas 'bul/
/skyems phud rgya mtshor bskyil nas 'bul/ /brngan dang rdzongs la
dgyes rgur rol/ /

@098b kun kyang mnyes shing tshim par mdzod/ /shar nas rdo rje
mkha' 'gro ma/ /sngon mo 'bum gyis dar thag sdus/ /lho nas rin
chen mkha' 'gro ma/ /ser mo 'bum gyis dar thag X nub nas padma
mkha' 'gro ma/ /dmar mo 'bum gyis X

byang nas las kyi mkha' 'gro ma/ /ljang mo 'bum gyis X dbus nas
budd+ha mkha' 'gro ma/ /dkar mo 'bum gyis X sna tshogs mkha' 'gro
shugs 'gro yis/ /gdung sems 'breng ba'i dar thag sdus/ /dam can
rgya mtsho sde brgyad

sogs/ /bsun ma'i dpung tshogs thams cad gshegs/ /rdo rje slob
dpon zhing 'dir ni/ /sangs rgyas bstan pa'i srog shing du/
/bskal brgyar bzhugs par gsol 'debs na/ /bsun ma'i tshogs rnams
zlog tu gsol/ /sde brgyad

gdon bgegs thams cad kyi/ /bar chad rigs rnams ma lus zlog /byur
dang gleng gzhi ltas ngan zlog /skeg dang sri ngan langs pa zlog
/chags che nyam nga mtha' dag zlog (/gal chen gyer tshig lan gsum
sogs grangs gsog /gyer tshig lan

gsum byed na gnyis pa'i/ shar nas rdo rje sogs kyi skabs tshig
mtshams dang bstun nas dar thag las kyi rdo rjes bsdus te so dgos
sbyin/ bsun ma'i tshogs rnams zlog tu gsol/ /skabs mkha' 'gro ma
rnams mdos glud phyogs su kha bsgyur te gsum pa bsngo/ de nas
mdos kha bsgyur) la/ da ni

bsun ma'i mgron tshogs kun/ /nyams chags bskang zhing mchod tshogs
kyis/ /dgyes shing tshims nas rang rang gi/ /gnas su skad cig
badzra muH /sde brgyad gdon bgegs lan chags kyang/ /khro gtum
rngam sems kun

@099a @#/ /sangs nas/ /byams dang zhi ba'i bsam pa yis/ /rang
rang gnas su tshims shing dengs/ /gal te da dung mi 'gro bar/
/'khon pa'i sems kyis gnas byed na/ /'bum phrag khro bo khros pa
yis/ /mgo bo

tshal pa brgyar 'gas shing/ /lus ni dum bu stong du byed/ /de
phyir khe nyen legs bsams nas/ /la 'ur rang rang gnas su dengs/
/oM badzra rak+Sha rak+Sha hUM/ (zhes bsun ma'i tshogs rnams yi
mig mi blta bar bskrad/ de nas bla ma lhar bskyed nas

mchod bstod mjug /ye shes tshe 'dzin mkha' 'gro ma rnams kyis tshe
bcud 'gugs pa'i mos pa dang bcas mda' dar g.yob cing/) hUM
hrIH sku gsum zhing dang (zhes pa nas/) rje btsun bla ma sku
tshe rab brtan cing/ (/sogs brjod rjes dngos grub bskul ba'i gsol
'debs dang

bzlas pa/ de nas/) bla ma rnams la gsol ba 'debs/ (/zhes pa man
spyi ltar bya'o//) // ! bka' thams cad thar pa dang thams cad
mkhyen pa thob pa'i thabs su gzhol tshul ni/ dmigs pa med pa'i
thugs rje

chen po dang ldan pa/ 'gro ba rnams kyi ma 'dris pa'i mdzab
bshes/ mgon dang skyabs dang dpung gnyen mtshungs zla ma mchims
pa mnyam med shAkya'i rgyal po de nyid kyis/ srid pa'i 'brog
dgon par 'khyams shing/ sdug bsngal brgya

phrag gis mnar ba'i skye rgu mtha' dag srid zhi'i 'jigs pa 'a sa
grol ba'i slad du dam ba'i chos kyi bdud rtsi ji snyed cig stsal
ba rnams yi ge na gcig 'dor du med bar skal ldan thar par bgrod
pa'i thabs kho na yin

@099b te; legs bshad gser 'phreng las/ srid pa'i chu klung gi
'obs chen pos yongs su 'khyud pa'i 'khor ba'i 'brog dgon pa chen
po las lus can mtha' dag bsgral nye/ nyid kyis sku nyams su
bstar ba'i 'bras bu mchog la 'god

par bzhed pa'i thugs rje chen po dang ldan pa/ 'gro ba rnams kyi
skyabs dang mgon dang dpung gnyen gyi mchog tu gyur pa'i bdag
cag gi ston pa des srid pa'i sdug bsngal brgya phrag gzhom pa'i
thabs su skal ba dang ldan pa'i gdul

bya rnams la dam pa'i chos kyi bdud rtsi ji snyed cig stsal ba
rnams zhes gsungs/ de yang rang dang gzhan gyi ston pa dang/ des
bstan pa'i bstan pa la phyogs lhung dang sdang zhugs kyis 'khyog
por dpyod pa min par gzu bo'i blos

brtags shing dpyad nas gang zhig rigs par ldan pa de'i rjes su
blo dang ldan pa rnams kyis zhugs par bya dgos te/ lha las phul
byung gi bstod pa las/ bdag ni sangs rgyas phyogs mi 'dzin/ /ser
skya sogs la mi sdang yang/ /

gang zhig rigs par ldan pa'i tshig /de nyid ston bar yongs su
'dzin/ /zhes dang/ khyad par 'phags bstod las/ mu stegs gzhan
gyi gzhung lugs la/ /ji lta ji ltar rnam bsams pa/ /de lta de
ltar mgon khyod la/ /bdag gi sems

'di dad par gyur/ /zhes dang/ dpal ldan zla bas/ rang gi lta la
chags dang de bzhin du/ /gzhan gyi lta la 'khrug gang rtog ba
nyid/ /de phyir 'dod chags khong khro rnam bsal te/ /rnam dpyod
pa ni myur du grol bar 'gyur/ /zhes dang/ dbu ma snying

@100a @#/ /po las/ phyogs su lhung bas sems gdungs pas/ /zhi ba
nam yang rtogs mi 'gyur/ /zhes dang/ sngags rim chen mo las/
rang dang gzhan gyi ston pa'i lugs la phyogs lhung dang sdang
zhugs dor nas 'di

gnyis las gang ni legs par bshad pa yin la/ gang ni nyes par
bshad pa yin snyam du dpyad ba na/ gdul bya'i don gnyis 'grub
pa'i thabs ston pa gang la sgrub byed yang dag yod pa de nyid ni
blang bar bya ba yin no/ /zhes gsungs/

'o na gang zhig ni thar pa dang thams cad mkhyen pa'i lam yang
dag par ston pa yin la/ gang zhig ni thar pa dang thams cad
mkhyen pa'i lam ma yin par phyin ci log tu ston pa yin snyam na/
de yang rnam par grol ba'i lam mi shes bzhin du shes

par rlom zhing/ nga rgyal gyi dug chus myos pa phyi rol pa'i
ston ba ser skya la sogs pas bde bar gshegs pa'i bka' las tshul
gzhan du yang dag par lam ma yin pa lam ltar bcos te bstan pas
bdag med pa'i lta ba la rgyab kyis

phyogs pas thar pa dang thams cad mkhyen pa lta ci/ tha na ngan
'gro tsam yang rtsad nas ldog ba'i gnyen po bsgom du med la/
shin tu bzod dka' ba'i dka' thub du ma la 'bad cing brtson pas
bsgoms pas srid rtse'i snyoms 'jug bar bgrod

kyang; rtag chad kyi lam ngan snying du zhen pas phyi bzhin nyon
mongs pa 'phel te ngan song gi sgor 'jug pa/ lhag spyod kyis
bsam gzugs brgyad ka thob kyang nyon mongs pa'i sa bon spangs
bar ma nus pas/ phyis 'dod nyon mngon du gyur te ngan song

@100b du lhung ba bzhin no/ /de ltar yang ting nge 'dzin gyi
rgyal po'i mdo las/ 'jig rten dag ni ting 'dzin sgom byed kyang/
/de ni bdag tu 'du shes 'jig mi byed/ /de ni nyon mongs phyir
zhing rab 'khrug ste/ /lhag spyod kyis ni ting 'dzin 'dir bsgoms
bzhin/ /

zhes gsungs/ de'i phyir chos 'di las phyi rol du gyur pa 'di dag
ni blo dang ldan pa rnams kyis spang bar bya ba kho na'o/ /ston
pa yang dag par rdzogs pa'i sangs rgyas ni dang por byang chub
mchog tu thugs bskyed pa'ang bdag pas gzhan gces kyi byams

ba dang snying rje shugs drag pos sems can kho na'i don du
bskyed cing/ bar du des kun nas drangs pa'i tshogs gnyis rlabs po
che bsags pa'ang sems can kho na'i don du yin la/ mthar rmad du
byung ba'i go 'phang mchog brnyes pa'ang sems

can kho na'i don du mdzad pas/ spyod lam rnam bzhi dang/ tha na
zhal dbugs kyi rgyu ba tshun chad sems can dpag tu med pa la sman
pa'i thabs kho nar gzhol na/ bskal chen grangs med gsum du tshogs
gnyis rgya mtsho lta bus nye bar

bsgrubs pa'i rnam pa thams cad mkhyen pa'i ye shes kyi bdag
rkyen la brten nas nye bar bstan pa'i gsung gi bdud rtsi ji
snyed cig stsal ba ni 'gro ba rnams thar pa dang thams cad
mkhyen pa thob pa'i thabs su mi gzhol ba cung zad tsam

yang ga la srid/ de skad du yang khyad par 'phags bstod las/
gang slad khyod kyi bstan pa ni/ /bde bas bde ba thob bgyid pa/
/de slad smra ba'i seng khyod kyi/ /gzhung lugs la ni 'gro 'di
dad/ /ces dang/ bsngags 'os bsngags bstod

@101a @#/ /las; 'jug dang ldog pa gang lags dang/ /kun nas nyon
mongs rnams byang gang/ /de nyid dpa' bo khyod bka' dang/ /gzhan
gyi tshig gi khyad par lags/ /zhes gsungs/ thub pa'i gsung gi cha
shas

phra mo res kyang bla na med pa'i go 'phang mchog gi bde ba ster
ba/ 'jam mgon tsong kha pa chen po'i gsung las/ khyod gsung du
ma ci zhig smos/ /cha shas re yi don tsam la'ang/ /'ol spyi tsam
gyi nges rnyed pa/ /de la'ang mchog gi bde

ba ster/ /zhes gsungs/ gzhan yang de bzhin gshegs pa'i bka' ni/
dper na chus phan pa lnga byed pa bzhin du/ gdul bya'i rgyud
brtas par byed pa dang/ tshul 'chal sel ba dang/ 'dod pa'i gdung
pa sel ba dang/ sred pa zhi bar byed pa

dang; byang chub kyi phyogs kyi yon tan 'phel bar byed pa ste/
rnam bshad rigs pa las/ sangs rgyas kyi gsung 'di ni chu dang
'dra'o/ /chu ni phan pa rnam pa lnga byed de/ 'bras thug po che
sogs ma brtas par bya ba rnams brtas par byed pa

dang; lus dang gos dang snod dag gi dri ma sel ba dang/ sos ka'i
dus lus kyi yongs su gdung ba sel ba dang/ skom dad che ba zhi
bar byed pa dang/ rtsa dang 'bru dang nags tshal bskyed cing
'phel bar byed pa yin no/ /zhes gsungs/ de

bzhin du dper na mes bya ba bzhi byed pa bzhin du /sangs rgyas
kyi bka' ni gdul bya'i rgyud smin pa rnams kyi nyon mongs rnams
bsreg par byed pa dang/ rgyud ma smin pa rnams smin par byed pa
dang/ 'khor ba la yongs su chags shing zhen

@101b pa rnams yid 'byung bas gdung bar byed pa dang/ 'gro ba
lam gol ba rnams la yang dag pa'i lam rab tu ston par byed pa
ste/ rnam bshad rigs pa las/ me ni bya ba bzhi byed de/ sreg par
byed pa dang/ tshos par byed pa dang/ dro bar byed

pa dang/ gsal bar byed pa'o/ /zhes dang/ yang de bzhin du dper
na/ gang+ga'i 'jug ngogs bde ba bzhin sangs rgyas kyi bka' yang
'chal ba'i tshul khrims kyi dri ma med par byed pa dang/ 'dod
pa'i tsha gdung zhi bar byed pa dang/ sred pa'i

skom pa zhi bar byed pa dang/ bsam gtan bzhi dang/ mngon par
shes pa drug dang/ tshad med pa bzhi dang/ rnam thar brgyad la
sogs pa'i yon tan khyad par can gyi dga' ba'i rtse mo nyams su
myong bar byed pa dang/ tshu rol 'khor ba nas pha

rol mya ngan las 'das pa'i go 'phang du phyin par byed pa ste/
rnam bshad rigs pa las/ gzhi gang+ga'i 'jug ngogs bde ba la
brten par bya ste/ dri ma med par bya ba'i phyir dang/ tsha ba
rab tu zhi bar bya ba'i phyir dang/ skom pa rab tu zhi bar bya
ba'i

phyir dang/ dga' ba'i rtsed mo nyams su myong bar bya ba'i phyir
dang/ tshu rol gyi 'gram nas pha rol gyi 'gram du phyin par bya
ba'i phyir ro/ /zhes gsungs/ de bzhin du dper na nyi ma gnam la
'char bas bya ba lnga byed pa bzhin du/ sangs rgyas kyi bka'

yang yang dag pa'i lta ba 'byed pa dang/ log par lta ba rnams
zum zhing long bar byed pa dang/ dge ba'i rtsa ba sogs smin par
byed pa dang/ sred pa'i 'dam skem par byed pa dang/ 'dod pas
gzir ba dang bag med pa rnams skyo bas gdung bar bye

@102a @#/ /pa ste/ rnam bshad rigs pa las/ nyi ma gnam la 'char
ba ni bya ba lnga byed de/ mi sogs dag gi lta ba 'byed pa dang/
'ug pa sogs dag gi lta ba zlog pa dang/ 'bru sogs smin par bya
ba rnams smin par

byed pa dang/ 'dam sogs skam par bya ba rnams skem par byed pa
dang/ lud dang chu sogs dro bar bya ba rnams dro bar byed pa'o/
/zhes gsungs/ yang de bzhin du dper na/ lam legs par ston pa la
phan yon lnga dang ldan pa

bzhin du/ sangs rgyas kyi bka' yang log lta la sogs pa'i lam
ngan par gzhol ba rnams de las yongs su ldog pa dang/ yang dag
pa'i lta ba la sogs pa'i lam bzang po ston par byed pa dang/
'khor ba'i 'brog dgon par 'khyams

pa rnams de las brgal ba'i thabs bstan te dbugs 'byin pa dang/
ngan song gi g.yang sa las mchongs te bde bar 'gro ba'i gnas
ston pa dang/ 'dod pa'i yul thar pa dang thams cad mkhyen pa'i
go 'phang la yang dag par phyin par byed

pa ste/ rnam bshad rigs pa las/ legs par ston pa la brten nas
phan yon lnga yod de/ lam ngan pa yongs su spong ba dang/ lam
bzang po la yang dag par gnas par byed pa dang/ 'brog dgon pa
las brgal ba'i dbugs 'byin

pa dang/ bde bar 'gro ba dang/ 'dod pa'i yul du yang dag par
phyin par byed pa yin no/ /zhes gsungs so/ /de bzhin gshegs pa'i
bka' thams cad thar pa dang thams cad mkhyen pa thob pa'i thabs
kho nar gzhol tshul gzhan

@102b yang yod de/ zhib tu bshad na/ thar pa thob pa'i thabs zhi
ba'i sgo gcig pu ni/ zab mo rten 'byung gi de kho na nyid rtogs
pa'i lam nyid kho na yin la/ thams cad mkhyen pa'i go 'phang
thob pa'i thabs ni theg pa chen po la slob pa nyid yin

cing; ston pa thugs rje can gyis ji snyed cig gsungs pa de thams
cad kyang 'gro ba rnams de gnyis su bkri ba'i thabs su gzhol
zhing babs pa kho na ste/ de la dang por thar pa thob pa'i thabs
kho nar gzhol tshul ni/ dpal mgon klu

sgrub kyis/ sangs rgyas rang sangs rgyas rnams dang/ /nyan thos
rnams kyis nges bstan pa'i/ /thar pa'i lam ni gcig nyid khyod/
/gzhan dag med ces bya bar nges/ /zhes dang/ bzhi brgya pa las/
zhi sgo gnyis pa med pa dang/ /zhes

dang; byang chub sems 'grel las/ gang dag stong nyid mi shes pa/
/de dag thar pa yod ma yin/ /'gro drug srid pa'i btson ra ru/
/rmongs pa de dag 'khor bar 'gyur/ /zhes gsungs pa ltar zhi ba
myang 'das thob byed kyi sgo gcig pu ni

stong dang rten 'byung gcig grogs su gcig 'char ba'i zab mo de
kho na nyid kyi tshul rgyal ba'i dgongs pa mthar thug ji bzhin du
nges pa'i lam nyid kho na yin la/ thub pas gdul bya'i khams dang
bsam pa sna tshogs pa'i dbang gis drang nges

kyi gsung rab ji snyed cig gsungs pa thams cad kyang dngos dang
brgyud pa ci rigs pa'i sgo nas zab mo rten 'byung rtogs pa'i
thabs kho nar gzhol zhing 'ba' pa ste/ mdo ting nge 'dzin gyi
rgyal po las/ 'jig rten khams ni stong phrag tu/ /nga

@103a @#/ /yis chos rnams gang bstan pa/ /yi ge tha dad don gcig
ste/ /yongs su bsgrags par nus ma yin/ /dngos po gcig gis bsams
byas na/ /de dag thams cad bsgom 'gyur te/ /sangs rgyas kun gyis

chos mang po/ /ji snyed rab tu bstan pa rnams/ /chos rnams kun
gyi bdag med yin/ /zhes dang/ spyod 'jug las/ yan lag 'di dag
thams cad kyang/ /thub pas shes rab don du gsungs/ /de nyid
phyir na sdug bsngal dag /zhi bar

'dod pas shes rab bskyed/ /ces dang/ jo bo'i bden gnyis las
kyang/ chos kyi phung po brgyad khri dang/ /bzhi stong gsungs pa
thams cad ni/ /chos nyid 'di la gzhol zhing 'bab/ /stong nyid
lta bas grol 'gyur gyis/ /sgom pa lhag

ma de don yin/ /zhes dang/ 'jam mgon tsong kha pa chen pos
kyang/ khyod kyis ji snyed bka' stsal pa/ /rten 'brel nyid las
brtsams te 'jug /de yang mya ngan 'da' phyir te/ /zhi 'gyur min
mdzad khyod la med/ /ces gsungs so/ /'o na bye

brag sbra ba dang mdo sde par phyi rol gyi don bden grub yod par
gsungs pa dang/ sems tsam par phyi don med kyang bden grub yod
par gsungs pa dang/ rang rgyud par gzugs sogs chos rnams bden
par ma grub kyang/ rang gi mtshan

nyid kyis grub par gsungs pa rnams zab mo rten 'byung rang bzhin
gyis med par rtogs pa'i thabs su ji ltar gzhol zhing 'bab cen/
grub mtha' smra ba bzhi'i rang rang gi 'dod tshul thams cad kyang
bcom ldan 'das kyi bka'i dgongs pa

@103b dri ma med pa yin la/ bcom ldan 'das kyi dgongs pa mthar
thug dpal ldan thal 'gyur bas bkral ba ltar legs par gnas shing/
gdul bya rnams kyang mthar thug de nyid la bkri bar bzhed nas/
re zhig gnas lugs mthar

thug ston du mi rung ba'i gdul bya rnams kha drang ba'i phyir du
grub mtha'i tshul bzhi legs par gsungs pa yin te/ rin po che
phreng ba las/ brda sprod pa dag ji lta bur/ /yi ge phyi mo klog
'jug ltar/ /de bzhin sangs rgyas gdul bya

la; ;ji tsam bzod pa'i chos ston to/ /kha cig la ni sdig pa las/
/rnam par bzlog phyir chos ston te/ /kha cig bsod nams 'phrub
bya'i phyir/ /kha cig la ni gnyis brten pa/ /kha cig la ni gnyis
mi brten/ /zab mo khu 'phrig can 'jigs

pa; ;stong nyid snying rje'i snying po can/ /byang chub bsgrub
pa kha cig la'o/ /zhes gsungs pa ltar brda sprod pa dag yi ge'i
phyi mo gsal byed sogs nas rim gyis slob pa ltar ston pas kyang
gdul bya de bzhin du rim gyis bkri bar mdzad

de; gzhan sdes bdag mi rtag par khas blangs na skye ba snga phyi
'jog mi shes pa la/ ston pas drang nges kyi tshul mang du gsungs
pa la brten nas/ rang sde bye smras phyi rol pas 'dod pa'i gang
zag gi bdag bkags nas gang zag gi

bdag med khas blangs shing/ de'i lta ba legs par go ba de mdo
sde pa'i lta ba legs par go ba'i lam stegs dang/ mdo sde pas
spyi mtshan rang gi mtshan nyid kyis ma grub par 'dod pa dang/
dngos med du 'dod pa'i tshul legs

@104a @#/ /par go ba de/ sems tsam pa'i 'dod pa ltar gyi kun
brtags rang gi mtshan nyid kyis ma grub par rtogs pa'i lta ba de
nyid go ba'i lam stegs dang/ sems tsam pas de ltar shes shing
mtshan nyid

gsum gyi 'jog tshul phra mo shes pa de dbu ma rang rgyud pa rnams
kyis chos thams cad bden par grub pas stong pa dang/ de la 'khor
'das kyi bya byed 'thad cing/ dbu ma pa'i lugs kyi mtshan nyid
gsum 'jog shes pa'i lam

stegs dang/ rang rgyud pa'i lta ba'i 'dod tshul legs par go ba
de/ thal 'gyur ba'i 'dod pa ltar gyi chos thams cad rang gi
mtshan nyid kyis grub pas stong pa'i ming rkyang btags yod tsam
la rgyu 'bras rten 'byung slu med du 'char

ba'i lta ba bcom ldan 'das kyi dgongs pa mthar thug de nyid go
ba'i lam stegs su gyur pa yin la/ des na theg dman gyi grub
mtha' sogs bcom ldan 'das kyis ji snyed cig gsungs pa thams cad
zab mo rten 'byung gi de kho na nyid

rtogs pa'i thabs kho nar gzhol ba yin bas/ de'i phyir zhi ba
myang 'das thob pa'i thabs kho nar gzhol zhing 'bab pa yin no/
/gzhan yang gnas lugs mthar thug re zhig ston du mi rung ba'i
nyan thos sde gnyis sogs la rags

pa'i mi rtag pa sogs bcu drug bstan nas rten 'byung rtogs nus su
rgyud smin par mdzad pa yin te/ rigs pa drug cu pa las/ skye ba
dang ni 'jig pa'i lam/ /dgos pa'i don du bstan pa'o/ /skye ba
shes pas 'jig pa shes/ /

@104b 'jig pa shes pas mi rtag shes/ /mi rtag nyid las 'jug shes
pa/ /dam pa'i chos kyang rtogs par 'gyur/ /gang dag rten cing
'brel 'byung ba/ /skye dang 'jig pa rnam par spangs/ /shes par
gyur pa de dag ni/ /ltar gyur srid

pa'i rgya mtsho brgal/ /zhes gsungs la/ gdul bya dbang 'bring
sems tsam pa'i rigs can rnams gzugs dang gzugs 'dzin pa'i tshad
ma rdzas gzhan gyis stong pa'i gnyis stong gi bdag med la 'khrid
par mdzad pa rnams kyang/

mthar stong nying phra mo rtogs pa'i thabs mkhas la 'dzud pa'i
ched du yin te/ dbu ma rgyan las/ sems tsam la ni brten nas su/
/phyi rol dngos med shes par bya/ /tshul 'di bstan nas du ma
yang/ /shin tu bdag med shes

par bya/ /zhes gsungs pa'i phyir/ rgyu mtshan de dag gi phyir
chos thams cad rang bzhin gyis med par rtogs pa'i mtha' bral
rten 'byung gi lta ba de nyid grub mtha' bzhi ka'i lam gyi
snying por bsgrub par shes dgos so/ /de ltar bka' thams

cad thar pa thob pa'i thabs su gzhol bar ma zad/ thams cad
mkhyen pa thob pa'i thabs su'ang gzhol ba yin te/ thams cad
mkhyen pa sgrub pa'i lam ni theg pa chen po nyid yin la/ de ni
byang chub kyi sems rin po che bskyed de/ des brangs

pa'i thabs shes zung 'brel gyi spyod pa thun mong dang thun mong
sin pa la slob pa nyid yin pas/ bka' thams cad kyang de lta bu'i
theg pa chen por bkri ba'i thabs kho nar gzhol ba yin no/ /'o na
thub pa'i gsung rab 'ga' zhig mngon

@105a @#/ /mtho dang/ 'ga' zhig thar pa/ 'ga' zhig thams cad
mkhyen par bgrod pa'i thabs sogs mi 'dra ba dang/ nyan rang gi
theg pa sogs theg pa sna tshogs par bstan na/ de thams cad thams
cad mkhyen

pa thob pa'i thabs su ji ltar gzhol snyam na/ gzungs kyi dbang
phyug rgyal pos zhus pa'i mdo las/ rigs kyi bu 'di lta ste/ dper
na nor bu mkhan mkhas pa nor bu sbyang pa'i cho gshin tu shes pa
des nor pu'i rigs las sbyang

ba ma byas pa'i nor bu rin po che blangs nas bul thog gi chu
rnon pos bkrus te/ skra nag po'i lwa bas byi dor bya pas byi dor
byed kyang de tsam gyis brtson 'grus rgyun mi gcod kyi/ de'i 'og
tu dngul chu rnon po dang bcas pas bkrus te/ shing dang snam

bus byi dor bya bas byi dor byed do/ /de tsam gyis kyang brtson
'grus rgyun mi gcod de/ de'i 'og tu'ang sman chen po'i khu bas
bkrus te/ ras phra mos byi dor bya bas byi dor byed do/ khyi dor
byas te nor bu mching bu'i rigs dang bral nas baiDUrya zhes
bya'o/ /

rigs kyi bu de bzhin du de bzhin gshegs pas yongs su ma dag pa'i
sems can gyi khams rig nas mi rtag pa dang/ sdug bsngal ba dang/
bdag med pa dang/ mi sdug pa yid 'byung bar 'gyur ba'i gtam gyis
'khor ba la mngon phar

dga' ba'i sems can rnams yid 'byung bar byed/ 'phags pa'i chos
'dul ba la 'jug par byed do/ /de tsam gyis de bzhin gshegs pa
brtson 'grus rgyun mi gcod cing/ de'i 'og tu stong pa nyid dang/
mtshan ma med pa

@105b dang; smon pa med pa'i gtam gyis de bzhin gshegs pa'i tshul
khong du chud par phyed do/ /de tsam gyis kyang de bzhin gshegs
pa brtson 'grus rgyun mi gcod kyi/ de'i 'og tu phyir mi ldog
pa'i 'khor lo'i gtam dang/ 'khor

gsum yongs su dag pa'i gtam gyis sems can de dag de bzhin gshegs
pa'i yul la 'dzud do/ /zhes nor bu mkhan mkhas pas nor bu sbyong
ba'i cho/ bkrub dang byi dor sogs rnam ba mang por rim gyis byas
pas nor

bu mching bu'i rigs dang bral nas baiDUrya byed pa bzhin du/ de
bzhin gshegs pas kyang sems can gyi khams rig nas/ thog mar mi
rtag pa'i gtam nas rim gyis de bzhin gshegs pa'i yul la 'dzud
pa'i dbe don dang sbyar

nas gsungs pa dang/ mgon po klu sgrub kyis/ dang por mngon par
mtho ba'i chos/ /phyis ni nges par legs 'byung ba/ /gang phyir
mngon bar mtho thob nas/ /rim gyis nges par legs pa 'ong/ /zhes
dang/ 'phags pa thogs

med kyis kyang/ yang byang chub sems dba' ni rim gyis dge ba'i
phyogs yang dag par 'grub par bya ba'i phyir sems can byis pa'i
shes rab can rnams la/ thog mar sla ba'i chos ston par byed cing
sla ba'i gdams dag dang rjes su bstan

pa rjes su 'jug par byed do/ /de dag shes rab 'bring dang ldan
par gyur par rtogs nas chos bstan ba 'bring dang/ gdams ngag
dang rjes su bstan pa 'bring rjes su 'jug par byed do/ /de dag
shes rab rgya chen bo dang ldan par gyur par

@106a @#/ /rtogs nas chos zab mo ston cing gdams ngag dang rjes
su bstan pa phra brjes su 'jug par byed de/ 'di ni de'i sems can
rnams la don spyod pa go rim du 'bab pa yin no/ /zhes dang/
'phags pa

lha'i spyod bsdus sgron me las/ sems can dang po'i las can
rnams/ /dam pa'i don la 'jug pa la/ /thabs 'di rdzogs pa'i sangs
rgyas kyis/ /skas kyi rim pa lta bur gsungs/ /zhes dang/ mkhas
pa chen po ma khol gyis

kyang; dri bral gos la tshon bzhin du/ /dang por sbyin sogs gtam
rnams kyis/ /sems la legs par nyid bskyed de/ /de nas chos ni
sgom par mdzad/ /ces gsungs pa ltar dang po nyid nas theg pa
chen po'i sems bskyed par mi

nus pa rnams la blo rim gyis bkri ba'i don du/ thog mar mi rtag
pa'i gtam dang ngan song gi sdug bsngal las yid 'byung ba'i
thabs bstan te tshe 'di'i snang shas ldog nas phyi ma don gnyer
gyi blo bskyed par mdzad/ de nas shes

rab 'bring dang ldan par gyur ba na/ bden bzhi'i 'jug ldog dang/
rten 'brel bcu gnyis lugs 'byung ldog sogs kyi gdams pa bstan
nas 'khor ba mtha' dag las yid 'byung zhing/ thar pa don gnyer
gyi blo bskyed par mdzad/ de

nas shes rab rgya chen po dang ldan par gyur ba na theg pa chen
po bstan te/ rang don du zhi ba rkyang ba la yid gzhol ba'ang
ldog nas/ mkha' khyab kyi sems can thams cad kyi don du sangs
rgyas kyi go 'phang thob 'dod kyi blo bskyed nas rim

@106b gyis spyod pa thun mong dang thun mong ma yin pa la khrid
nas sangs rgyas kyi sa la 'jog par mdzad do/ /gdul bya bE rim
gyis bkri ba'i thabs mkhas de dag la slob dpon thogs med kyi
gtan la dang bab bsdu ba dang/ jo bo'i lam sgron sogs

su skyes bu gsum gyi tha snyad gsungs shing/ de'ang sngar bshad
pa ltar tshe 'di la yid log nas phyi ma don du gnyer ba ni skyes
bu chung du dang/ 'khor ba mtha' dag la yid log nas thar ba
bsgrub pa la brtson pa ni skyes bu 'bring dang/ rang

nyid zhi ba rkyang pa thob par 'dod pa las yid log nas sems can
thams cad kyi don du rdzogs byang bsgrub par byed pa la ni skyes
bu chen por gsungs te/ gtan la dbab pa bsdu ba las/ skyes bu
gsum po skyes bu tha ma dang/ skyes

bu 'bring dang/ skyes bu mchog 'di dag ni sgrub pa las brtsam pa
ste/ zhes pa nas/ gsum pa ni mchog yin no zhes pa'i bar shin tu
rgya che bar gsungs pa 'dir 'dri bar mi lang zhing/ de bzhin du
dbyig gnyen gyi mdzod 'grel las kyang skyes

bu gsum gyi mtshan nyid gsungs/ lam sgron las kyang/ gang zhig
thabs ni gang dag gis/ /'khor ba'i bde ba tsam dag la/ /rang
nyid don du gnyer byed pa/ /de ni skyes bu tha mar shes/ /srid
pa'i bde la rgyab phyogs shing/ /sdig pa'i las las

ldog bdag nyid/ /gang zhig rang zhi tsam don gnyir/ /skyes bu de
ni 'bring zhes bya/ /rang rgyud gtogs pa'i sdug bsngal gyis/
/gang zhig gzhan gyi sdug bsngal kun/ /yang dag zad par kun nas
'dod/ /skyes bu de ni mchog yin no/ /zhes

@107a @#/ /gsungs so/ /de ltar skyes bu gsum du gsungs pa'ang
gdul bya bkri ba'i thabs mkhas su lam gyi rim pa so sor phye nas
gsungs pa tsam las/ chung 'bring gnyis skyes bu chen po'i byang
chub kyi sems

sbyang ba'i lam gyi sngon 'gro nyid las gzhan du gzung bar mi
bya ste/ lam rim chen mo las/ de ltar skyes bu gsum du bshad
kyang skyes bu chen po'i lam gyi rim par skyes bu gzhan gnyis
kyi lam yang ma tshang ba med par 'du bas de

gnyis theg chen gyi lam gyi cha shas sam yan lag yin te/ zhes
gsungs/ des na rgyal bas ji snyed cig gsungs pa thams cad yang
na mngon mthob sgrub pa las brtsams te gsungs pa dang/ yang na
nges legs bsgrub

pa las brtsams te gsungs pa las gzhan du med la/ mngon mtho
bsgrub pa las brtsams te ji snyed cig gsungs pa thams cad ni
skyes bu chung ngu dngos sam thun mong ba'i chos skor du 'du'o/
/nges legs la'ang thar pa dang

thams cad mkhyen pa gnyis las/ nyan rang gi theg pa las brtsams
te thar pa bsgrubs pa'i tshul ji snyed cig gsungs pa thams cad ni
skyes bu 'bring dngos mthun mong ba'i chos skor du 'du'o/ /thams
cad mkhyen pa bsgrub pa

las brtsams te ji snyed cig gsungs pa thams cad ni skyes bu chen
po'i chos skor du 'du zhing/ skyes bu gsum po thams cad kyang
sangs rgyas bsgrub pa'i thabs kho nar gzhol ba de'i phyir rgyal
ba'i bka' las yi ge na gcig kyang 'dor

@107b du med par thams cad sangs rgyas bsgrub pa'i thabs kho nar
gzhol zhing 'bab la/ de'ang gang zag gcig 'tshang rgya ba'i lam
gyi rim pa gcig tu gzhol zhing 'bab pa yin no/ (/7gong gi mdzad
byang mi gsal ba rnams kyang 7rdo rje 'chang

fnyid kyi gsung rtsom chab shog sogs kyi zin rnying ngo ma las
zhal bshus su bgyis te bkod pa'o// // ! //smon lam bdun cu ba'i
spar byang smon tshig/) 'di ltar spar du

bskrun pa'i dge ba'i mthus/ /mkhas mchog dpa' bos ji ltar smon
mdzad bzhin/ /de kun bdag sogs mkha' mnyam 'gro kun gyi/ /rgyud
la myur du smin cing 'grub par shog /ces pa 'di yang pha bor
kha'i sprul ming pas smon cing smras pa'o// //

! (mkha' spyod ma'i bla ma'i rnal 'byor gyi spang byang/) rab
'byams rgyal kun bde stong ye shes gar/ /bla ma mchog dang rdo
rje btsun mo gang/ /dbyer med sgrub pa'i rnal 'byor zab mo 'di/
/'dzad med spar du bskrun pa'i rgyu sbyor mchog /bstan

'gro'i snang byed zhwa 'phel mchog sprul gyi/ /zhabs sen brtan
cing rlabs chen mjad 'phrin rgyas/ /blo bzang rgyal ba'i bstan
dang 'gro kun la/ /phan bde'i dpal yon chen por rtag 'gyur shog
(/ces pa 'di yang li thang bka' 'gyur ba zhwa 'phel mchog

spyal rin po che ngag dbang dam chos blo bzang nas rgyu sbyar
spar du bskrun par mdzad pa'i dge bsngor rtsom pa pos smras so//
//! rje nyid kyi gsung sgra mi snyan gyi tshe sgrub 'don chog
sngar (tshig gi gcod mtshams dag phyir dang/) rje'i lam rim chung
du dga'ldan sbar rnying la sogs pa khungs

ff@108a @#/ /su byas pa'o// skabs su zhus stsal/) don gnyis dpyid
du 'chi med rdo rje'i srog /sgrub pa'i cho ga 'khyer bde nyung
gsal 'di/ /lha btsun mchog sprul dge legs rab rgyas nas/ /rgyu
sbyar spar skrun mdzad pa'i

rnam dgar mthus/ /gangs can mgon gcig zhabs sen srid mtha'i bar/
/tshe mtha' yas pa'i mgon por rtag brtan cing/ /rgyu sbyor mchog
dang bdag sogs 'gro kun kyang/ /tshe mtha' yas pa'i gsang gsum
myur 'grub shog /

(ces pa 'di yang lha btsun mchog sprul rin po che nas rgyu sbyar
sngar skrun mdzad pa'i dge bsngo tshigs su bcad par 7pha bong
kha'i sprul ming pas bris pa 'gro ba kun gyi srog gi nyer 'tshor
gyur cig/ // ! 'jigs byed dpa' bo gcig pa'i sgrub thabs rgyas pa
chos gling spar

ma'i smon tshig/) tshul 'di don gnyer mtha' yas 'gro ba la/ /'bad
med rgya cher spel ba'i thabs mkhas su/ /mi zad spar gyi dngos
por bskrun pa'i slad/ /sbyin pa'i bdag po gang nas rgyu sbyar
dges/ /lam bzang 'di yi

nyams myong utpal 'dzum/ /yid kyi zla ba gsar pa'i ngos chags
pas/ /zhi bsil bdud rtsi'i dga' ston mthar thug dbyings/ /zung
du 'jug pa'i dpal yon myur thob shog (/ces pa'i spar byang smon
tshig 'di yang rtsom pa pos smras pa'o// //

! rje gung thang pa dkon mchog bstan pa'i sgron me'i gsung slob
gnyer bslab bya'i smon byang/) legs par 'doms pa yid kyi bdud
rtsi'i dpyid/ /'gro ba'i gdung sel dpal du spel ba'i slad/
/rgyud smad sngags rams blo bzang mkhas grub

f@108b nas; /rgyu sbyar spar du bskrun pa'i rnam dkar mthus/
/srid zhi'i legs pa'i dpal kun 'phel ba dang/ /rgyu sbyor nyid
dang ma rgan rdo rje sgrol/ /tshe rabs dam pa'i bshes dang mi
'bral bar/ /mdo sngags lam gyi bgrod pa mthar

phyin shog (/ces pa'i spar byang smon tshig 'di yang 7pha bong
kha'i sprul ching pas smon cing bris pa'o// // ! mdo smad du
gnang ba'i chab shog cig pas btus pa/) mi bzad snyigs lnga'i mun
smag stug por 'khrigs/ /brlang bor spyod

pa'i ro langs khyu tshogs rgyu/ /tshul bzhin spyod rnams tsU ta'i
rkang gnyis ltar/ /blo bzang ring lugs zungs zad nad pa bzhin/
/dus kyi rgud pa mtsho ltar rdol pa yis/ /mtha' dag dmyal ba'i me
nang rings stabs su/ /lcebs pa'i

ngang tshul kye ma 'on kyang ni/ /sems dpa' che rnams snying
stobs 'bar ba'i grogs/ /de phyir khyod kyang snyigs lnga'i yo
lang gi/ /rnam 'gyur gang la'ang thugs yid mi 'byung bar/ /sku
tshe mi shigs tshe mtha' yas pa'i ngor/ /rtag brtan

'di ni do gal gtso bor mdzod/ /dkar min dpung pa brtsegs pa'i
chu khur gyis/ /thub bstan nyin byed 'grib la mngon phyogs pa/
/khyod kyi bden tshig rdo rje'i 'thor rlung gis/ /ming gi lhag
mar byed pa'i thugs bskyed mdzod/ /bshad sgrub

zung du 'brel ba'i ba gam gyi/ /gang ba nya bar brtsegs pa'i
bdud rtsi'i rlabs/ /zab dang rgya cher grol bas mtha' yas
'gro'i/ /snying la zhi bsil dga' ston mchog sbyin mdzod/ /khyod
thugs padma dkar po'i gur khang las/ /skyugs pa'i

@109a @#/ /snyan brgyud sbrang rtsis myos pa yi/ /nyams rtogs lus
rtsal rdzogs pa'i b+hramaraHI/ /'phur lding dben pa'i ri sul kun
'geng mdzod/ (/'di'ang rdo rje 'chang nyid kyi gsung ngo// //

! dpal rdo rje 'jigs byed chen po'i bsnyen sgrub las rim spar
gsar bskrun gyi smon tshig/) 'jigs mdzad rdo rje'i bsnyen sgrub
las rim 'di/ /dad ldan rgyu sbyor ngag dbang rgyal mtshan zhes/
/lhag bsam ston ka'i bsil zer

la 'khu bas/ /sku gshegs bstan 'dzin dpal ldan de nyid ched/
/sbar du bskrun pa'i dge bas dmigs yul dang/ /rgyu sbyor nyid
bcas tshe rabs thams cad du/ /'jam dpal zhi khros dgyes bzhin
rjes bzung nas/ /'gro

kun don du byung chen myur thob shog (/ces pa'ang 7pha bong kha
sprul ming pas lhag pa'i bsam pas 'du byas pa dge legs 'phel//
//! dge 'dun gyi zhal du 'du ba'i dkor dang spyi rdzas sogs la/
rang gzhan ser skya su yang rung ste dge 'dun

gyis ma gnang bzhin du bag med du longs spyad na/ rna ba bye ba
ri dang 'phags pa dge 'dun 'tshos dngos su gzigs pa'i byung ba
ltar dmyal ba nyi tshe bar skye ba'i rgyu thu shos su mdo sde
dang 'dul ba las gsungs pa/ gdan sa chen po gsum sogs su zhogs
tshogs skabs mang ja'i gnang ba zhu ba'i phyag

srol yod pa ltar gyi thog /yo byad gzhan yang gnang ba nges par
zhu thub na legs pas/ zhogs par mang ja 'tshogs skabs su/ dge
slong lta bu 'os pa zhig nas dge 'dun la phyag gsum 'tshal/
'greng snye bdud pa dang bcas/) de ring nyin zhag gcig gi gnas
skabs su gnas khang

@109b yo byad bza' btung sogs gnang bar 'os pa rnams la gnang ba
thugs rjes 'dzin par zhu/ (zhes gnang par gsol/ dge 'dun rnams
kyis/) ci bde bar longs spyod cig (/ces gnang bsted/ yang zhogs
tshogs ma rnga rgyun star med rigs la yang ngom dngos

gso sbyong skabs ja gnang nges par zhus na legs pas/ gnang bzhu
lugs thog mtha' rnams 'dra ba la/ de ring nyin zhag gcig gi gnas
skabs su zhes pa brjod mi dgos par/) gso sbyong 'di nas gso
sbyong phyi ma'i bar du gnas khang yo phyad (ces sogs kha sgyur
chos

ni rje bla ma rdo rje 'chang nas me byi lor bar khams kyi dgon
sde mang por lam rim bka' chos kyi skabs sogs su bstsal ba'i
dgongs barma med pa yin pas gces par zungs shig/ //! // !

gongs sa rgyal dbang bcu

gsum pa chen po'i gsung bla ma'i gsol 'debs smon tshig 'chi med
dga' ston zhes pa lhas spar ma'i smon byang/ lung med/) de ltar
lha mi'i rnam 'dren chen po yi/ /gsung gi bdud rtsi zab don
snying po 'di/ /gangs can 'gro pa yongs kyi spyi nor te/ /

grub gnyis 'dod dgur 'jo ba'i yid bzhin dbang/ /de slad mtha'
yas 'gro bas lam bzang 'dir/ /ci dgar sbyod pa'i dga' ston spol
ba'i slad/ /ser lho dge slong thub bstan phul byung nas/ /rgyu
sbyar spar

@110a @#/ /du bskrun pa'i dge ba'i mthus/ /'gro kun tshe rabs kun
tu mgon mchog des/ /dgyes bzhin rjes su 'dzin pa'i rgyur gyur
cig (/ces pa'ang 7pha bong kha'i sprul ming pas dad gus drag pos

smon cing gsol ba btab pa'o// // ! de ltar rje btsun bla ma rdo
rje 'chang bka' drin mtshungs pa med pa mchog gi gsung phyi ma
thor bu'i skor 'di rnams kyang/ rje de nyid kyi zhabs rdul spyi
bor len pa'i skal bzang thob ba/ 'dan chos 'khor dgon gyi grwa
rigs rmongs rtul

snyom las mkhan/ nad pa su d+hI'i ming can zhig gis gzim lha klu
da 'tshal ba'i pho brang du dwang ba chen pos phyogs gcig tu btus
pa 'gro don rgya cher 'phel// //sarba mang+ga laM//