@#/ /drin can
bla ma khyab bdag 'khor lo'i mgon bo rje pha bong kha ba'i gsung
las mdo sngags skor gyi dris lan gsung sgros sna tshogs phyogs
gcig tu bsgrigs bzhugs so/ /)

@001a @##/ /na mo gu ru manydzu g+ho ShA ya/ gang thugs bde stong
byams pa chen po'i 'phrul/ /thub bstanO snying po 'dzinO pa'i
'phrinO lasO kyis/ /lus can rgya mtshoO smin grol mchog

gi sar/ /'god mkhas 'khor lo'i mgon pos rtag tu skyongs/ /bzang
po'i rgyu mang dag gis nyer bsgrubs pa'i/ /legs tshogs 'dod 'jo'i
dal 'byor don chen rten/ /snying por 'gyid pa'i

thabs su 'gyur ro cog /dam pa'i drin las byung phyir 'dir yang
ni/ /gang thugs snying rjes gzhan gyi skal ba ltar/ /'doms pa'i
'khrul bral gsung gi zin tho 'ga'/ /dgod 'dir yig 'khrul

mchis na bdag gis nongs/ /legs kun bla ma'i yin phyir don por
longs/ /'dir drin can bla ma bka' drin 'khor mtha' bral ba khya'
bdag 'khor lo'i mgon po rje zhal snga nas 7pha bong kha pa dpal
bzang po'i gsung gi cha shas

@002a @##/ (/rang gi bgo skal du thob pa 'ga' zhig /shin tu blun
rmongs bdag dang bdag 'dra gzhan la'ang phan du re ba'i bsam pas
kun nas bslangs te phyogs gcig tu 'dri ba la/ don dpal chos
mdzad blo bzang rgyal

mtshan la gnang bar/) ! yid bzhin gyi nor las lhag par gsungs
pa'i dal 'byor gyi lus rten 'di ring por 'tsho phyir tshe sgrub
sogs rten 'brel gyi gnad ma 'phyugs pa dgos/ rang gcig pu dben
par rgyu ba na

mi bsrun pa'i rkun po gcan gzan sogs srog gi bar chad du 'gyur
ba thams cad spong/ byang chub kyi sems dang zhi lhag zung 'brel
gyi rnal 'byor/ rlung sems dbu mar bsdu ba'i zab mo rdo rje'i
rnal 'byor

rnams la rtse gcig tu brtson pa gnad dam pa yin/ ! lam gyi rim
pa bsgom na nam zhig nges par rgyud la skye/ nam 'chi nges med
skye dka' yang mi glo bur du 'chi ba tshun chad rab rgyud la yang
yang bkar nas

@002b bsam blo btang na shin tu phan che/ lam rim chen mor yang
'di rang gsung/ 'chi ba dran thabs rang 'chi ba'i nyams lta bu
bton nas 'chi ba'i rnam pa bsgom pa de mchog yin/ 'di'i khungs
kyang rgyal po la gdams pa'i

mdo las byung/ ngan song gi sdug bsngal bsams skabs de'i dpe'u
ris bltas na'ang phan che/ de yang mdo dran pa nyer gzhag dang
sbyar dgos/ spyir mdo 'di zhib tu mjal na 'khor ba la snying po
med tshul ngo ma de  shes 'ong/ bshes gnyen bsten tshul 'di la mi
tshe hril por skyel dgos/ de ltar 'bad na bla mchod kyi tshig don
kun la'ang nyams myong nang nas skyes pa zhig 'ong/ dal 'byor
bsams pa'i tshe/ dal ba'i rten 'di

fsogs kyi don gcig pu'i steng nas bsam ste/ dper na nor bu rin
po che 'bum phrag lta bu logs shig na bzhag /rang gis rnyed pa'i
dal 'byor gyi rten 'di logs shig na bzhag ste de gnyis gang don
che tshul zhib tu bsams nas

'dam ga lta bur byas te bsgom/ rgyu bsgrub dka' ba/ ngo bo 'dzom
dka' ba/ dpe srid dka' ba sogs kyis rnyed dka' ba bsgoms pas/
rnyed dka' rig na gyi nar sngod thabs med/ /don chen mthong na
don med 'da'

ba phangs/ /zhes sogs ltar byung na rtogs pa skyes pa yin/ lam
rim du gsungs tshad bsgom ma thub kyang sems la phan pa'i gsung
tshig gang rno ba rnams la rtsa ba bzung nas de nyid ma shor ba
byas te rtse gcig tu bsgom/ lam

@003a @#/ /rim gyi myong ba bshes gnyen bsten chul nas rim gyis
'don dgos kyang/ lar shar sgom re byed shes na'ang mi tshe stong
zad du mi 'gro ba'i thabs shig byar yod/ gzhan lha sngags

bsgom bzlas tsam las don chen zhig byed mi shes/ gzhi nas blo
rim gyis goms na lam yongs rdzogs kyi rtogs pa mtha' dag rgyud
la skyob la dka' tshegs med par/ rnam 'grel las/ goms pa yongs su
rdzogs pa na/ /

de gsal mi rtog blo 'bras can/ /zhes gsungs pa yin// ! (//sog
dar 'brug lding dgon/ rga nad mangs dar bcas par gnang ba/) bung
med/ (khyed cag rnyed dka' don che'i rten bzang po ni thob/)
mngon mtho dang nges legs

kyi lam bzang po sangs rgyas kyi bstan pa rin po che dang ni
mjal/ stobs dang 'byor pas dregs kyang blang dor tsam la rmongs
pa'i mtha' 'khob pa dag las khyad zhugs pa'i chos ldan gyi yul
dbus su ni skyes/ srid pa'i 'brog

dgon las dbugs dbyung ba'i theg ba chen po'i dge ba'i bshes
gnyen dang phrad ba'i skabs 'di lta bu lan cig tsam rnyed nas/
'di snang gi sred pa drag pos bslus te g.yo khram brdzun ham la
snying por zhen pas las 'bras khyad

du gsod pa'i las ngan gyi gzhi tshabs po cher zhugs na slar yang
ngan song mi bzad pa'i gting rdo lta bu byed pas 'di las bslus
ba dang gyong che ba med la/ des na 'jig rten gna' bo'i srol
bzang po lugs kyi bstan bcos las byung

@003b ba ltar nyams ba med par dkon mchog bla mar 'dzin cing/
dge bcu'i blang dor la brtson pa dang/ thub bstan spyi dang blo
bzang rgyal pa gnyis pa'i mdo sngags zung 'brel gyi bstan pa 'di
ni sangs rgyas kyi zhing brgya phrag du mar rnyed par dka' ba'i

mchog 'dir sri zhu dang bkur sti/ thos bsam sgom pa sogs kyi bag
chags brtan por 'jog pas gtan gyi 'dun ma yangs por sgrub par
mdzod mdzod// ! (//zam gdong drung yig ngag dbang sbyin pa la
gnang ba/) phyi ma'i skyes rtags lha sku

gang bzhengs dgos gsungs pa/ de dag 'jig rten pa'i lugs las/
rang re chos pa rnams kyis skyes rtags kyi gtso bo tshogs gsog
sgrib sbyong/ nyin re bzhin du ting nge 'dzin gyi lha sku
bzhengs pa la brtson cing/ mdo sngags lam gyi

rim par blo sbyong ba rnams phal pa rnams kyis gser sku dang
dngul sku 'bum phrag bzhengs pa las kyang lhag pa'i skyes rtags
de yin/ lam sel de yin pas sngar mus bzhin lam gyi rtsa ba bla
ma'i sri zhu dang 'brel ba'i sgo nas ri khrod du mdo

sngags lam gyi rim pa la sgrub pa gnad du bsmun par mdzad
'tshal// ! (//chos mdzad byang chub chos 'phel la gnang ba/)
'phral yun bde legs kun gyi rtsa ba gcig pu rnyed dka' don che'i
sku 'tsho ring por 'tsho ba'i thabs zab lhod

med ngos; thun mong ba nges 'byung byang sems yang dag pa'i lta
ba dang/ thun mong ma yin pa lam rim pa gnyis kyi rnal 'byor zab
mor dpyad 'jog zung du 'brel ba'i sgrub pa yun du bsring zhing/
de lta'i nyams len gnad du 'gro phyir bla

@004a @#/ /ma yi dam la gsol ba 'debs pa dang/ tshogs gsog sgrib
sbyong/ tshad ldan gyi gzhung lugs man ngag la thos bsam brtson
pa sogs sgo kun nas brtson pa chu bo'i rgyun du skyong bas nyams
myong bzang

po zla skyed zhag skyed du 'don cing/ rang gi nyams myong bzang
po gzhan la gdams pas gzhan dag kyang tshul der 'god pa sogs
mtha' 'khob de na bstan 'gro'i mig rgyan du 'gyur ba zhig ci nas
kyang mdzad 'tshal// ! //

(! gong sa rgyal mchog bcu gsum pa chen po'i sku bcar gzim dpon
mkhan po la gnang ba/) zhal 'don dam bca' can rnams tshig tsam ma
chags tsam las/ rnam 'dren rgya mtsho'i snying po bstan 'gro'i
spyi nor gcig pu 'dren mchog bla ma'i sri zhu skal

bzang mchog gi dga' ston 'di dag ji ltar rtag tu du dang/ nA
ro/ mid la/ 'brom ston/ gzhon nu 'od sogs kyi rnam thar bzang po
ji bzhin lus srog longs spyod gang gis kyang g.yo ba med par
bsam dang sbyor bas bsten tshul

gtan 'dun gcig chog lam gyi rtsa ba 'di nyid kho nar chig sgril
sgo gsum gyi ngal ba khyad du bsad pa'i thugs bskyed thugs
brtson nam yang lhod med mdzad na/ de lhag zhal 'don gang yang
mi dgos pa bcas zab klong du rol

ga; ! (//ngom 'du dgon dge lhun grub dbang phyug la gnang ba/)
skye ba rjes mar shes rab gsal ba'i ril bu dgos gsungs pa/ ril
bus de tsam phan dka' bas/ yi dam 'jigs byed kyi sgo nas zhi
khro sbrags sgrub kyi dmigs rnam

@004b nan tan dang/ gzhan yang dga' lha'i sgo nas shes rab
bsgrub pa'i dmigs skor nyams su blangs na/ ril bu 'bum phrag zos
pa las kyang lhag par 'di phyi thams cad kyi shes rab la phan
nges/ mi rtag pa 'char skabs bla ma yi dam gcig 'dus

gang byed kyi man ngag dgos gsungs pa/ bla ma dang 'khor lo sdom
pa dbyer med du mos nas gsol ba 'debs shing/ mkha' spyod kyi
zhing du skye ba'i smon lam shugs drag dang 'brel/ bde mchog gi
rin chen rnam bzhi'i sngags kha

ton du bgyis na shin tu bzang nges lags// ! (//gro mo drung yig
ngag dbang ye shes la gnang ba/) ji gsungs ltar der bla ma rin
po cher dgongs 'gal byung rigs 'gyod gnod bshags sdom mdzad pa
ni bshes spring las/

gang zhig sngon chad bag med gyur pa la/ /zhes sogs gsungs pa
ltar mkhas pas bsngags pa'i gnas shin tu legs shing/ da dung
yang bla ma lnga bcu pa dang byang chub lam gyi rim pa'i bshes
gnyen bsten tshul gyi sa bcad la zhib gzigs kyis bsam

sbyor phyag len la thebs par mdzad na/ 'di phyi'i 'phral yun bde
legs kun gyi rtsa ba tshugs par 'gyur bas/ khe nyen gyi mthar
thug 'dam ga ma la log pa'i nyams len snying por skyong bar zhu
zhing/ bya ba lam du 'gro mi 'gro yang 'di nyid kho na'i

rjes su 'gro ldog byed pas/ gegs sel bogs 'don gang la yang sman
dkar po chig thub lta bu lags pa thugs kyi mthil du bcang
'tshal// ! (//'jol zam gdong sprul sku rin po che 'phags pa tshul
khrims rgya mtsho la gnang ba/) kun slong bcos

@005a @#/ /tshul rgyas pa mdzad na kho bos lam rim 'chad skabs kyi
kun slong bcos tshul zin bris ltar legs shing/ bsdus pa sked
tshang dge bshes rin po ches mdzad pa'i kun bcos kyi dpe zur phul
ltar mdzad chog la/ gzhi

rtsa chig blo nas skyor ba nis chod shin tu chung la yid 'gyur
thon pa dka' bas chig dag nas mi skyor bar/ rang gi nyams dang
bstun pa'i dmigs rnam gang rno gang legs rgyas bspus skabs dang
sbyar la mtha' gcig tu cham bzhag par bsgyur ka sna

tshogs mdzad gal che bas mtha' gcig tu nges gzung ma mdzad pa
legs// ! (//tre bo dge legs dang rgyal lu gnyis la gnang ba/)
khul der spyi mthun las kyi myong bya theg tu babs pas 'gro mang
sdug bsngal gyi khung bur chud cing/

dgon dang ri khrod sogs nyams chag ci cher gyur pa shin tu kye
ma hud/ 'on kyang srid pa'i dar gud sgyu ma'i rtsed 'jo lta bu
la a 'thas kyi bden zhen blo pham gyi yul du ma dgos shing/
gtso cher nyid zung dang dge 'dun rnams kyi sku char nyams

nyes ma gyur pa ni ha cang legs la/ rkyen ngan gyi yo lang 'di
lta bu byung skabs bka' gdams blo sbyong las/ rkyen ngan byang
chub kyi lam du khyer zhes dang/ 'gro mgon gling ras pas kyang/
'khor ba rnam rtog gi grong khyer na/ /'jig rten chos


brgyad kyi ro langs rgyu/ /dur khrod 'jigs su rung ba zhig de na
gda'/ /bla ma ro snyoms shig mdzad na de ru mdzod/ /ces gsungs
pa ltar rkyen ngan lam du 'khyer/ chos brgyad ro snyoms/ 'gal
rkyen mthun rkyen du bsgyur ba'i nyams

@#@005b len shes pa zhig gal che bas de lugs 'di snang skyid sdug
gis yid mi 'phrig par dge sbyor gyi gegs sel bogs 'don du 'khyer
bzhin rnyed dka' don che'i sku 'tsho ring por 'tsho zhing/ lam
gtso gsum dang rim gnyis kyi nyams myong yar zlar

spel bar 'tshal// ! (//yer pa slob zur 'jam dbyangs ches 'phyor
la gnang ba/) ngos kyang khams bde zhing snyigs lnga'i rang
rtags rkyen ngan dge sbyor gyi grogs su 'char/ 'gal rkyen mthun
rkyen du gyur/ sdug bsngal bde bar shar bzhin bla

ma'i zhal lung blo bzang snyan brgyud kyi snying por dpyad 'jog
bsam sgom gyi dga' ston gnad du khel zhing/ nyams myong bdud
rtsi'i dga' ston snying la rgyas bzhin nas bar bar du slob ma
nyung bsdus nyi shu skor las mi mang bar/ dbang khrid mdor

bsdus tsam re spel mus su gnas lags// ! (//'dan ma 'bum sgang
grwa thos bsam la gnang ba/) bdag phyi nang dbugs kyi rgyu ba
chad dus bla ma khyod kyis 'dren pa'i zhal bzhes e yod gsungs
pa/ mar ngan song dang yar mthe ris thar pa sogs

gang du 'gro ba rang rang las dang 'bras bu'i snang tshul phra
zhing phra ba'i rjes su 'gro ldog byed pa las/ bla ma dang sangs
rgyas byang chub sems sogs kyis lag pa nas 'then pa ltar drang
du ga la yod/ de yod na ston pa'i 'khor gyi lhas byin dang

legs skar sogs ngan song du ci la 'gro /lung gis kyang grub ste/
tshems las/ thub rnams sdig pa chu yis mi 'khru zhing/ /'gro ba'i
sdug bsngal phyag gis mi sel la/ /nyid kyi rtogs pa gzhan la spo
min te/ /chos nyid bden pa

@006a @#/ /bstan pas grol bar mdzad/ /ces gsungs pa ltar ro/
/de'i phyir bla ma dang sangs rgyas kyis rang nyid gang nas
gshegs pa'i lam bzang po ston par mdzad pa nyams su blangs pas
mngon mtho dang nges

flegs kyi grol ba thob pa yin/ de lta bu'i gdams ngag gi mchog
tu gyur ba ni 7 rje btsun tsong kha pa chen po'i snyan brgyud
mdo sngags yongs rdzogs kyi lam gyi rim pa nyid yin pas 'di la
'bad pa ci thon gyis nyams su blangs na/ de las lhag

fpa'i gdams ngag nyams su len bya sangs rgyas kyi zhing rab
'byams su btsal yang mi rnyed cing/ 'chi ka'i gdams ngag kyang
'di las lhag pa med/ gzhan du chos skad 'brug ltar sgrog pa'i
gdams ngag 'du che ba mang yang/

don lag tu 'gel dus lha log pa ches shin tu mang bas/ des na
byang chub lam gyi rim pa nyid la dpyad 'jog zung du 'brel ba'i
nyams len gang nus mdzod/ lam rim gyi yig cha myur lam dmar
khrid/ 'jam dpal zhal lung/ drang srong

zhal lung/ kwe'u sang lam rim/ tshe gling yongs 'dzin rin po
che'i gsung blo sbyong sogs go bdebs der dbe cha yod shag /'di
nas skyes bu chung ngu'i zin bris zhig bskur yod// ! (/brag
g.yab grong re sgrol dkar dang sbro g.yang zung

la gnang ba/) gang yang rgyal ba'i bstan pa lung rtogs gnyis
las/ rtogs pa'i bstan pa tshul sgrub pas 'dzin pa'ang lung gi
bstan pa sde snod gsum la thes bsam gyis 'jug pa sngon du 'gro
ba la rags las shing/ de yang shing rta chen

@006b bo'i gzhung lugs rgya mtsho lta bul lung rigs brgal rtag gi
lam las drangs pa'i nges pa sgrub pa ni/ rgyal ba'i bstan pa rin
po cheng ma rtogs pa dang log par rtogs pa'i the tshom gyi dri ma
mtha' dag lhag med du sbyangs nas 'phags yul rgyan drug mchog

gnyis dang/ bod yul rtsong la pa chen po yab sras kyi phyag
bzhes 'khrul med gser sbyangs btsom lta bu 'jig rten 'dir yun
ring du gnas pa'i cha rkyen gyi gtso bo nyid yin pas/ khyed cag
spun nas khrul der rigs lam gyi rtsod grwa gsar 'dzugs

kyi mthun rkyen sbyar te bskul lam dang bcas legs par tshugs pa
ni ji ltar 'phags yul du thogs med dang dbyig gnyen gyi yum gsal
ba'i tshul khrims kyi thugs bskyed dang sgo mthun par dman pa'i
rten gyis rgyal ba'i bstan la bya ba rlabs po che sgrub thub

pa ni shin tu em ho/ ngos kyang yid rangs/ da dung yang de rigs
lhag bsam gyi khur brtson yar zlar sbel bar mdzod// ! (//brag
g.yab lam rim bla ma rtogs ldan rin po che'i nye gnas blo bzang
bstan 'dzin ya gnang ba/) gtso bor gzhi

lam 'bras bu'i bde legs kun gyi gzhi ma rten bzang ring 'tsho'i
thabs zab nam yang mi lhod cing dus kyi mthar yang theg pa chen
po'i dge ba'i bshes gnyen mtshan ldan 'di lta bu la sgo gsum gyi
zhabs tog sgrub tu yod pa ni khyod nyid bsod nams

kyi skal ba gzhan las mchog tu nges pa ma zad/ dge ba'i bshes
gnyen sku dngos kyi rim gro ba bya ba ni bla ma'i rnal 'byor gyi
dmigs pa gzhan nas tshol mi dogs par zhogs pa ldang ba nas dgong
mo mnyal gyi bar bya ba byas tshad mtha' dag ku

@007a @#/ /slong ngan pas ma bslad na bla ma'i rnal 'byor sha
stag tu 'gyur nges/ de las logs su bla ma'i rnal 'byor yang mi
dgos/ tshogs bsags sgrib sbyang yang de lhag med/ thos bsam sgom
pa'i yon tan

zhar du 'phel zhing/ gzhan gyis yun ring bsgoms pa bas kyang sa
lam nyams rtogs kyi lag rjes skad cig skad cig la thon che ba
myong bas grub pa nyid na/ de'i phyir mno bsam rtse gnyis mang
po mi bya bar ji ltar 'brom rgyal ba'i 'byung

gnas dang/ bya yul ba gzhon nu 'od sogs kyi rnam thar bzang po
snying la bcangs te sgo gsum gyi ngal ba khyad du bsad nas bla
ma'i zhabs tog mnyes pa rab dang phul du sgrub pa la ci nas
kyang brtson par 'tshal// ! (//dge

blo bzang tshul khrims la gnang ba/) gtso bor rnyed dka' don
che'i rten bzang ring por 'tsho ba'i thabs mi lhod cing/ theg pa
chen po'i mtshan ldan dge ba'i bshes gnyen lan cig rnyed pa'i
skabs 'dir theg pa chen po'i lam 'bras bu dang

bcas par thos bsam sgom gsum la 'grus pa las lhag pa'i gtan gyi
'dun ma bsgrub tu med na ji ltar jo bos gser gling pa lo bcu
gnyis/ nag tshos jo bo lo bcu dgu /'brom gyis lo bcu bdun bsten
pa sogs kyi rnam thar ltar bla ma'i

drung du thos bsam sgom gsum gyi pha mthar son pa la gcig tu
'grus par 'tshal// ! (//sog bka' 'gyur bla ma 'jam dbyangs tshul
khrims kyi dris lan/) bstan pa thams cad gru bzhi lam gyis
'khyer zhes pa'i go don ni/ spyir lam rim

@007b rnams su skyes pu gsum dang sngags bcas gru bzhi po gcig
tu bsgril nas khyer tshul dang/ yang sho rde'u ji ltar 'phangs
kyang gru bzhi lam lam 'byung ba bzhin gnas khang byi dor nas
bzung dmigs skor re re'i nang du'ang lam gyi lus cha tshang ba re

? pa'i don du gsungs pa sogs gsungs tshul mang zhing/ bdag gi
skyabs mgon bla ma rin po che'i gsung rgyun du/ gdan kha gang ma
gru bzhi lta bu yongs rdzogs lings kyis khyer ba bzhin sangs
rgyas kyi bstan pa thams cad lam gyi rim pa

? bsdus nas gang zag gcig 'tshang rgya ba'i nyams len du lings
kyis khyer ba'i don yin par gsungs gsungs// ! (//chab mdo rgyar
mchog sprul la gnang ba/) gtso bor sku tshe zhabs pad yun ring du
brtan pa'i thugs bskyed mi lhod

cing/? mtshan ldan dge ba'i bshes gnyen rigs kyi cod pan du bzhes
te blo bzang rgyal ba gnyis pa'i bzhed srol ji bzhin mdo sngags
gzhung brgya spyi dang/ lhag par byang chub lam gyi rim pa sogs
gsan bsam tshig 'khri lhur len

tsam du? ma song bar/ gzhung don gdams ngag tu shar zhing nang
byan tshud pa'i gsan spyong dang/ grub mtha' gzhan gyi dman pa'i
lta spyod kyi dri ma phra mo tsam yang ngan skyugs kyi phung po
bzhin du dor zhing/ ji skad du/ tshul khrims gtsang zhing mang du

thos pa dang/ /byang sems 'byongs dang lta spyod gtsang ba sogs/
/blo bzang rgyal ba gnyis pa'i bstan pa la/ /bsre lhad med pa'i
rnam thar 'khyongs par shog /ces gsungs pa ltar mkhas btsun
bzang gsum/ thos bsam sgom

@008a @#/ /gsum; 'chad rtsod rtsom gsum sogs rang lugs kyi rnam
thar gtsang ma bdag gir bzhes te/ phyogs der blo bzang rgyal
ba'i ring lugs shin tu nyams dams pa de dag bshad sgrub zung
'brel gyi sgo

nas nyin mo bzhin du gsal bar nus pa'i bstan 'dzin gyi skyes
chen nam mkha'i nor bu mchog tu bzhengs pa'i thugs bskyed thugs
brtson sgo kun nas lhod med mdzod// ! (//dwags po dga' rab rje
drung blo bzang mkhyen rab la gnang ba/) nyid

kyi thugs dam spyi dang/ lhag par bshes gnyen bsten tshul gyi dad
gus bcos min je rgyas je brtan du 'gro ba'i skyabs 'jug ces
phebs ba de don gsol ba btab chog ba nas/ lam gyi rim pa'i nyams
myong 'di rigs dpyad sgom dang

'jog sgom zung du 'brel bas da dung yang nas yang du bsams na je
gsal je brtan du 'gro ba rnam 'grel las/ goms pa yongs su rdzogs
pa na/ /de gsal mi rtog blo 'bras can/ /zhes gsungs pa ltar ro/
/'on kyang sgom byung ma thob bar yang yang gsal

'debs ma bgyis na nyams sla bas/ myong ba shugs can skyes kyang
skabs dang skabs su gsal 'debs gal che ba ni bshes gnyen bsten
tshul tsam min par lam yongs rdzogs 'dra ba lags// ! (//7gong sa
7rgyal mchgo bcu gsum

pa chen po'i sku bcar thub bstan kun 'phel mchog nas smre sngags
kyi skyabs gsol zhu 'phrin phul ba'i bka' lan kong po 'bru la
dgon nas chab nag tu gnang ba/ par der snyigs lnga'i rtsub 'gyur
brlang por brdol bas mi rje mchog nyid sku ngal 'di ltar gyur ba
kho bo cag kyang shin

@008b tu yid 'byung brnag dka'i rang bzhin de ltar yang/ rang
gzhan mchog dman mtha' dag thar pa'i btsan sa ma zin bar/ skye
ba'i phreng ba kun tu sdug bsngal gyi rang bzhin 'khor ba'i
gshis lugs de rang las ma 'das pa ni/ bshes spring las

brgya byin 'jig rten mchod 'os gyur nas ni/ /las kyi dbang gis
phyir yangs steng lhung/ /'khor los bsgyur ba nyid du gyur nas
kyang/ /'khor bdag tu yang bran nyid du 'gyur/ /zhes dang/
tshangs nyid chags bral bde ba thob nas

slar; ;mnar med me yi bud shing gyur pa yis/ /sdug bsngal rgyun
mi 'chad pa bsten 'tshal lo/ /zhes sogs dang/ 'dul ba lung las/
bsags pa kun gyi mtha' 'dzad cing/ /mthon po rnams kyi mtha'
ltung 'gyur/ /phrad pa'i

mtha' ni 'bral ba ste/ /gson pa'i mtha' ni 'chi ba yin/ /zhes
gsungs pa ltar 'khor ba'i phun tshogs ji 'dra zhig thob kyang
mtha' rgyud pas ma bsdus pa med pas mi yul gyi bde skyid lta
zhog /tshangs pa/ brgya byin/ 'khor los

sgyur rgyal gyi dpal 'byor thob kyang mi brtan pa'i rang bzhin/
ltung ba'i chos can/ bslu ba'i chos can/ thar pa'i bar gcod/
ngan song gi sdug bsngal mi bzad pa 'dren par byed pa las/ gtan
gyi 'dun mar phan pa'i snying po cung

zad tsam yang med nges kyi ngang tshul thugs kyi mthil du bzungs
te thugs pham cung zad kyang mi bzhes pa nas/ sku che dang sku
lus la bsngo ba ma byung ba 'dis slad da dung gtan 'dun snying
po'i spros ba ji 'dra zhig bzhed kyang bsgrub tu yod pa ni/ sa

@009a @#/ /skya legs bshad las/ chen po re zhig rgud gyur kyang/
/de la gdung ba bskyed mi dgos/ /zla ba re zhig gzas zin kyang/
/de ma thag tu grol bar 'gyur/ /zhes gsungs pa ltar thugs bde'i
dpyid du rol ba/ nyams bzhes zhal

'don shog lhe zur stsal ltar shin tu 'thus nges dang/ de thog
bla ma mchod pa re nyams bzhes grub na mdo sngags yongs rdzogs
kyi gnad bsdus cha tshang ba dang/ dga' ldan snyan brgyud sprul
pa'i glegs bam gyi man ngag gi

mthil phyung ba lta bu yin cing/ grub chen chos rdo rje dang/
rgyal ba dben sa ba sogs kyang 'di nyid thugs dam gyi mthil du
mdzad nas tshe gcig la zung 'jug gi go 'phang brnyes pa sogs rang
lugs dam pa gong ma thams cad

kyi thugs dam gyi mthil/ tshig nyung/ 'dus che/ byin che/ zab
gnad che ba bcas re zhig de tsam dang/ slar de thog 'jigs byed
dpa' gcig dang/ rdo rje rnal 'byor ma re nyams bzhes bskyang
grub na zab myur khyad par

du mas lhag pa bcas brtse rol/ gang ltar chos lugs grub mtha'
chal chol rtag chad kyi g.yang sar gzhol ba rnams la dbu 'khor
na sku tshe gtan gyi 'dun ma rtsa nor gyi steng du/ sku tshe 'dir
yang mdzad 'phrin lam du mi lhong ba yong

nges mthong chos ltar lags na rang lugs 'dzam gling bstan pa'i
snying po/ tshang lam nor ba/ lta sgom spyod gsum gang gi cha nas
kyang grub mtha' gzhan phyogs pa rnams kyis cha tsam yang 'gran
pa'i zla thams cad dang bral ba dge ldan

@009b ring lugs gceng ma'i rnam thar bsre lhad med par rjes su
bskyang na 'phral yun kun gyi bzhed don 'bad med du 'grub pa la
gnad che ba kho pos zol med kyis gsol ba thugs kyi mthil du
bcang zhing/ thugs dam nyams bzhes kyang gsung rab sgo brgya

'byed? ba'i lde mig gcig chog rgyal po byang chub lam rim rang
la chig dril mdzad na de las gnad che med pa bcas zhib par theg
chen rin po cher mngags zhus ltar dbyings klong zab mor rol pa//
! (//nags shod shug

dgon nas stag pu rdo rje 'chang chen por 'bul gnang mdzad pa/)
mdo smad bka' chos rgya che'i skabs grub mtha' sna tshogs 'dzoms
sar rang gzhan grub mtha'i dgag bzhag phog thug che rigs mi byed
pa gal che tshul phebs pa ni thugs brtse sha tsha gting nas

ma lhod pa'i bka' slob lhug pa zol med du pha yis bur bzhin rjes
gdams snying gi thig ler rang don rang gces kyis rgyun bcang
nyag gcig zhus chog pa/ 'on kyang spyod 'jug las/ de la 'jig
rten phal ba ni/ /rnal 'byor 'jig rten gyis gnod cing/ /

rnal 'byor pa yang blo khyod kyis/ /gong ma gong ma rnams kyis
gnod/ /ces gsungs pa ltar rang gzhung bsrangs te drang por bkral
skabs shugs kyis gzhan la dgag par 'gro rigs ji snyed cig mi
'ong thabs med 'jug pa las/ bstan bcos

las dpyad rtsod la chags pa'i phyir/ /ma mdzad rnam grol phyir
ni de nyid bstan/ /gal te de nyid rnam par bshad pa na/ /gzhan
gzhung 'jig par 'gyur na nyes pa med/ /ces sogs gsungs pa'i rigs
dang/ rje'i lam rim che chung rang du'ang bod

@010a @#/ /snga rabs pa sogs kyi lta sgom la phyogs snga'i dgag
bzhag ji snyed cig mdzad pa rnams rang gzhung 'brel ba'i tshen de
de bzhin dum bkral thabs med rigs la bla ma'i bka' bcag pa'i
nyes par mi 'gyur ba'i

dgongs phrol brtse gzigs/ gzhi rtsa gus rang yang gzhan gyi sgro
skur phog thug sogs 'di snang gi grags skam la gnod dogs til
'bru tsam snying thag pa nas ma mchis kyang/ kha zhor gtam zhor
du chos spong gi las ngan du

'gyur dogs kyis sems khur stabs gzab smra mkhas rgyun du byed
bzhin pa'i khar brtse chen bka' slob snying gi nor bur bcang
chog pa bcas brtse chen dgyes klong du rol zhing// ! (//bde chen
lhun grub steng dgon par gnang ba/) dgon

'di snga dus bka' brgyud dang dge ldan zung du 'brel ba'i lta
grub gtsang ma bstan pa'i mig rgyan du che ba zhig yin nges
kyang/ bar lam zhig nas phra zhing mdzangs pa'i rnam dpyod kyi
mig ldong zhing/ bsod nams kyi mthu dman pa sna tshogs kyis/ yang

dag ;ltar snang/ dman dang lam gol gyi khyad par ji bzhin ma
dpogs pas grub pa'i mtha' 'dra min gyi bsre lhad sna tshogs kyi
rkyen la brten bla ma gong ma rnams kyis gang la gnyer du gtad
pa'i srung ma'i dbang po rnams 'khu zhing ldogs

pas; tshe thung/ nad mang/ bya ba lam du 'gro min sogs mi 'dod
rgud pa'i rnam 'gyur ji snyed cig byung dang 'byung 'gyur gyi
rtsa ba de rang la thug 'dra bas/ phyin chad blo bzang rgyal
ba'i bzhed srol gtsang ma bsre lhad med pa'i rnam thar rjes su

@010b bskyangs na legs lam 'byung khyad che nges/ kho bos rang
zon do dga'i zol sbyor cung zad tsam gyis kyang ma bslad par
lhag bsam zla ba'i spun zla dkar pos snying thag pa nas ched du
gsol ba lags kyang/ tshad mas thugs su 'thad pa dang/

phyag len du khel ba ji bzhin dka' snyam yang/ rang khongs ser
smad gung ru'i thob khungs la brten sha zhen bzod med kyi gsong
bo'i dag la thugs yid rton te ji ltar gsol bzhin phyag len du
thebs tshe chos srid sgo kun nas yar rgyas 'byung nges

snyam zhing/ gnad dmigs rim gro de lhag ma mchis pa tshang mas
rjes su dgongs 'tshal/ 'on kyang rkyen sel rim gro nges par bzhed
na bla mchod dang 'brel pa'i tshogs khri tshar/ dam tshig rdo rje'i
bzlas pa bye ba/ sngon gyi srung ma'i dbang

po rnams kyi bskang bshags spyi dang/ lhag par chos rgyal gyi
bskang bshags dang 'brel ba'i drug cum stong tshar sogs 'gro che/
nor lug sogs kyi srog gcod spong ba bcas sgrub gnang mdzod/ ngos
nas kyang mchog gsum thugs rje bskul ba'i

gsol 'debs zhu// ! (//rgyal thang rong thang steng sde pa rta
mgrin tshe ring la gnang ba/) nyid lhas nas rang yul du phebs
rjes dgra 'thab kyi sdig las ma dgos pa zhig e 'ong snyam shin
tu re che yang/ der dmag spyi ma bzhugs pas dgra 'thab lan

'gar mdzad dgos byung ba a kha kha snyam rung/ yul gyi bde
skyid la phan re'i lhag bsam gyis yin tshe cung e drag snyam/
gang ltar sngon mdzad la 'gyod bshags nan tan dang/ phyin chad
de ltar mi dgos par rnam dkar dge ba'i bya bas

@011a @#/ /dus 'da' ba zhig 'ong thabs thugs bsam gyi phugs su
nan tan bzung bar mdzod cig ces ngos nas bzod med sha tshas
snying gtam yin/ mi 'khrugs pa'i sku bzhengs rgyu sdig bshags la
mchog tu

bsngags pas nges par bzhengs gnang mdzod// (! drag g.yab grong
re'i lde'u 'chang la stsal pa/) deng skabs rang 'og dmag mis
dkar min bya ba sna tshogs byung shor thugs pham che ba shin tu
mad rung/ sems can rang rang

las bskos thog tu babs par thugs ngal mi gnang ba nas/ cung zad
zhar drung byung rigs la bshags sdom mdzad pas 'thus shing/ bla
brang zhabs zhu sogs spyi bye'i mdzad sgo gang la'ang bstan dang
gzhan phan lhag bsam snying bcang

gis kun nas bslangs te mdzad na rnam dkar legs tshogs su 'gyur ba
yang ches mang bas/ gseng bar gang rnyed zhar dang zhor la nyams
bzhes spyi dang/ lhag par byang chub lam gyi rim pa'i dmigs rnam
che 'grus chung 'grus su skyong

zhing; de yang ngos nas spom mda'i las tshan par phul ba'i skyong
tshul gyi man ngag zur chung zhig kyang phul yod// ! (//rgyal
thang mkhan zur blo bzang rgyal mtshan la gnang ba/) phyi ma'i
skye gnas bzang ngan ni/ gtso bor rang rang

dkar nag las kyi 'bras bu ji ltar bsags pa'i rjes su dpog pa
las/ mo rtsis dang brtag pa sogs la yid brtan bya ba mi rung/
gtso bor tshul khrims kyi bslab pa mthar son cing rnam dag dge
sbyor sogs gang nus su mdzad pa 'di

@011b dag la bsngo smon gyi rgyas 'debs nan tan sogs da dung sku
tshe'i lhag mar gtan gyi 'dun ma sgrub pa la nan tan 'bad na
sku'i skye gnas bzang po zhig tu yong nges// ! (//rtse shar bre
kha ba nas rnying lugs kyi kha 'don nyams len rnams bskyur gcig
bya rtsis

la chos spong gi nyes pa 'byung mi 'byung zhes par/) rnying lugs
yi dam bzhag ste dge lugs yi dam du bsgyur kyang chos spong gi
las su ci la 'gro ste/ sngon mkhas grub khyung po rnal 'byor
kyang dang po bon/ de nas bon bzhag ste rnying ma/ de nas rnying

ma bzhag ste sngags gsar ma mdzad pa rnam thar na gsal/ sa chen
kun snying yang dang po rnying ma/ de nas rnying ma bzhag ste
sngags gsar ma mdzad/ gzhan yang de 'dra ba sa skya/ bka' gdams/
dge lugs sogs kyi phyogs su shin

tu mang ba yod pa 'dir 'drir mi lang ba so so'i rnam thar du
gsal/ chos lugs so so la yid kyis ma dad log rtog byas na chos
spong du 'gro ba las/ chos lugs bsgyur ba dang yi dam bsgyur ba
sogs kyis chos spong du 'gro ba bka'

dgongs 'grel gang nas kyang ma gsungs pas de 'dra chos spong du
'gyur snyam pa ni thos rgya chung ba'i rtags su gsal lo// !
(//khyung sprul rin po ches gsar 'dzugs g.yang sgam rang 'jags
sam gnas spos gshegs gsol zhus na 'thus min gsungs

pa) re zhig thugs 'dod ltar mdzad pas chog /kho bo'i shag tu
yang o rgyan chen po'i snang brnyan dang/ rnying lugs kyi dpe
cha mang du yod mus lags/ khyim lha rdo rje rab brtan ma dang
rgyal chen thugs mi mthun pas ngan dogs yod

@012a @#/ /skad brjod 'dug pas 'khu ldog 'byung min zhes pa/ bon
dang mu stegs pa'i lha dang/ ngo bo 'jig rten dregs pa lta bu
yin na las/ /'jig rten las 'das pa'i ye shes kyi lha srung zhig
yin phyin

stong nyid mngon sum du rtogs pa'i 'phags pa rnams la nang mi
mthun pa'i zhe sdang dang/ phrag dog nga rgyal sogs ci la srid/
de ltar yod par smra na mdo rgyud bstan bcos tshad ma dag dang
'gal/ yi dam dang srung ma rnams

khro ba'i tshul mdzad pa yang nang phan tshun la min par/ bstan
dgra sogs 'gro ba ma rungs pa rnams la khros shing/ de yang sems
can de dang de dag rang rang la min par de dag la shin tu snying
brtse bas de dag gi rgyud kyi bdag

'dzin dang gces 'dzin sogs nyon mongs rnams gzhom pa'i slad du
khros pa yin no/ /des na 'jig rten phal pa rnams kyi rang rgyud
kyi chags sdang phyogs ris sogs kyi skyon yi dam chos srung la
sogs pa'i skyabs yul rnams la sbyar nas

rnam rtog dgrar lang gis the tshom dang/ dogs pa mang du byas pas
chos thams cad rtog pas phar btags kyi rten 'byung yin phyir
rtog pas sgro btags pas de'i rjes 'brel gyi rten 'byung bslu ba
med pas mi shis pa sogs 'byung ba yin la/ so

so skye bo rnams 'di dang 'di lta bur 'khrul pa las kyang 'khrul
pa a 'thas kyi rjes su zhugs pas mgo bo 'khor te srid pa'i
'khrul 'khor du 'phyan pa yin no/ /des na rgyal ba'i bstan pa
dang lan cig mjal ba'i skabs 'dir rang zhen gyi

@012b phyogs lhung spangs te gzu bo'i blos bstan pa'i snying po
btsal te gtan gyi 'dun ma rab tu sgrub par mdzad 'tshal// !
(//bul tog gnyer phan bde ye shes la gnang ba/) der bya bas mgon
gyi snang brtan bzhengs rgyur tshang ma blo mos gros mthun byung

?ni; spyi sger tshang mar dge legs kyi sgo brgya yangs por 'byed
pa'i skal bar smin nges shin tu legs shing/ ha chang phar
'gyangs su gyur na rnam dkar rlabs po che la bar chad 'byung nye
bas lo nag lam brtsis par 'phral du sgrub ba legs

la; gnas gong yang gser rin ji tsam 'phar ba tsam gyis bsod nams
kyi tshogs je 'phel gyis/ bsod nams rin thang che chung gi khyad
par gyis thob pa las/ mig sngar mdzes chos la bltos pa ma mchis
pas/ de lugs rin gnas

lam brtsegs par gtan bde'i tshogs gnyis bsgrub pa la shin tu
rings par bya dgos// ! (//dge bshes smon lam rgya mtsho la gnang
ba/) ji skad gsal bzhin dal 'byor gyi rten la snying po mchog
lon pa ni cha chang zhing ma nor lam

? byang chub lam gyi rim pa nas ji ltar gsungs pa bzhin lam snga
phyi'i go rim ma nor bar them skas bzhin rim pa ltar nyams len
rdo rus thug par mdzad rgyu dang/ bla ma'i rnal 'byor gyi nyams
len chig sgril thog /smon lam rnam

dag gi mtshams sbyor shugs drag bcas mdzad na legs// ! (//gro mo
dge bstan 'dzin bya mtsho la gnang ba/) yid bzhin nor bu 'bum las
lhag pa'i dal brgyad 'byor bcu'i rten bzang 'di nyid ring por
'tsho ba'i thabs zab

@013a @#/ /gtsor bzung/ mnog chung tshe 'di'i don du gtan 'dun
rlung la bskur ba'i snyigs dus kyi skye bo'i rjes su mi 'brang
bar/ tshe 'di'i bde skyid thed la bor nas 'dod chung chog shes/
don nyung bya nyung 'phags

pa'i rigs bzhi la gnas bzhin par/ byang chub lam gyi rim pa'i
'go bshes gnyen bsten tshul nas bzung/ dal 'byor dang/ mi rtag
nas brtsams te zhi lhag gi bar gyi lam yongs rdzogs la thos bsam
gyi nges pa 'dren cing/

thos don dmigs skor re la yang zla grangs zla grangs su dpyad
sgom dang 'jog sgom gnad du bsnun te/ rtsol bcas rtsol med kyi
myong ba zhig e thon 'bad na/ rtogs pa'i nyams myong gi rkang
tshugs/ da gzod lam gyi sne zin

bar 'gyur/ gzhan du mi tshe hril por ji tsam 'bad kyang rnam
grangs gsog pa tsam las/ shes rgyud tha mal 'di bzhin gzhan du
bsgyur bar mi nus pas de lugs nan tan du brtson par 'tshal// !
(//dom 'du dgon gyi 'dus

tshogs la gnang ba/) mtha' 'khob kyi yul gru de lta bur blo bzang
rgyal ba'i ring lugs lha ci/ rgyal bstan yang dag pa'i snang ba
tsam yang shin tu phra bar lam log lam gol ltar snang log bshad
kyis 'gengs pa'i rjes su skye bo phal cher

zhugs te kun kyang lam log lam gol kho nar lceb pa'i yul dus de
lta bur khyed cag bstan pa'i snying po blo bzang rgyal ba'i
snyan brgyud dri ma med par thos bsam sgom gsum gyis 'jug tu yod
pa ni shin tu e ma ho/ des na

@013b thams cad thugs mthun khrims gtsang ba'i ngos nas mdo
sngags lam gyi rim par mang du thos pa dang tshul bzhin sgrub
pa'i nyams myong rgyud thog tu 'gel zhing/ kun kyang gnas skabs
kun tu bsre lhad med pa'i lta spyod gtsang ma dang/ 'di snang

gi phun tshogs la yid mi 'phrig par 'dod chung chog shes 'phags
pa'i rigs bzhi la gnas pa sogs ji skad du/ phyi ru nyan thos
spyod pas zhi zhing dul/ /nang du rim gnyis rnal 'byor gdeng
dang ldan/ /zhes sogs ltar rang gzhan

don gnyis spyi sgos bstan pa'i mig rgyan du 'gyur ba zhig kun
gyis nan tan du slob pa 'tshal// ! (//bod sog bka' 'gyur bla ma
'jam dbyangs tshul khrims kyi dris lan/) bslab btus kyi btang
bsrung dag spel bzhi ni/ lus lta bu la

mtshon na/ snying rje'i bsam pa dag cing mgo sogs gtong ba la
yang tshod ma spyin par gtong ba tsam las/ dka' ngal med pa'i dus
su babs pa na lugs gtong ba dang/ de 'dra'i dus lam babs par lus
ring du 'tsho phyir bsrung ba dang/

lus kyi kha nam tho bsam gos par byed pas lus dag pa dang/ tshe
phyi ma yang rnam smin yon tan brgyad ldan dang theg mchog 'khor
lo bzhi ldan gyi lus thob pa'i rgyu sgrub pa lus spel ba'o/
/longs spyod lta bur mtshon na/ mchog dman gyi

zhing la gtong ba dang/ gzhan du chud mi zos pa'i bsrung ba
dang/ log 'tsho ma 'dres pas longs spyod dag pa dang/ sbyin pas
slar yang longs spyod 'phel bar byed pas longs spyod spel ba'o/
/de bzhin du dge rtsa la yang sbyar zhing/ de

@014a @#/ /rnams la phyin drug tshang tshul/ btang ba sbyin ba
dang/ bsrung ba tshul khrims dang/ de dag nyams su len pa'i tshe
yid mi 'khrug pa'i cha rnams bzod pa dang/ de ltar bsgrub pa la
yid sro mi shi bar spro

zhing 'dun pa'i cha rnams brtson 'grus dang/ de dag gi skabs yid
rtse gcig pa'i cha rnams bsam gtan dang/ khyad par la so sor
rtog pa'i cha rnams shes rab kyi nyams len la sbyar du rung/
spyir bslab btus rang du gsal bar

yod mod/ 'di rnams kyis kyang rags tsam shes par nus so// !
(//spom 'bor dge blo bzang nyi ma la gnang ba/) ji gsal bzhin/
dam sdom ma bsrung ba'i nyes dmigs sogs dran pa shin tu legs
shing/ de yang

sngon sor mo'i phreng ba can gyis mi dgu brgya dang dgu bcu go
dgu bsang kyang sngar byas rnams nyes dmigs su rig nas 'gyod
sdom tshul bzhin byas pas dgra bcom ba'i go 'phang thob tshul
rnams bsams nas 'gyod sdom gyis bshags pa yun

ring la shugs drag tu 'bad na las ngan rnams nges par byang ste
zla ba sprin las grol ba ltar 'gyur bar bshes spring las gsungs
pas/ tshe mjug 'dir bsags sbyang gtsor gyur gyis dal ba'i rten la
snying po lon pa'i thabs mchog /byang

chub lam gyi rim par blo sbyangs nas bsrung sdom dang bsags
sbyang gi gnad kyi nyams len rdo rus thug pa cis kyang mdzad na
gtan gyi 'dun ma mchog 'grub par gdon mi za bas de don thugs su
bsti bar 'tshal// ! (//sho

@014b mdo grwa sgom rin po cher gnang ba/) bla ma'i bka' la
brtsi ba dang chos dwed du mi 'khyer ba'i bslab bya dgos gsungs
pa/ bslab bya rgyas pa bri ma khom kyang mdor bsdus skyabs 'gro
yang skabs brgyad bris te phul yod/ lar chos dred du mi 'gro

ba'i rgyu'i gtso bo ni dal 'byor/ mi rtag pa/ sdug bsngal rnams
bsgom pa nyid yin pas de dag la yang nas yang du dpyad sgom
myong ba mthon bar byed pa nyid gtso bo yin cing/ bla ma'i bka'
bzhin bsgrub pa'ang bshes gnyen

bsten tshul gyi skor la dpyad sgom gyis myong ba 'don pa nyid
gtso bo yin pas de lugs rgyud la bkri thabs la gang mkhas mdzad
par zhu// ! (//brag g.yab 'jo khe bla ma ye shes dbang drag la
gnang ba/) 'jo khe bla ma rin po che nas dri ba

mdzad pa'i dang po/ rnam par 'thag pa sdud pa'i mdo las/ sangs
rgyas 'byung ba med par gzungs 'thob ces zer na chos spong ba
yin no/ /gzungs thob pa'i thob pa ni yongs su dag pa ma yin no
zhes zer na chos spong ba yin no/ /chos

smra ba sgrub pa phun sum tshogs pa yin no/ /zhes zer na chos
spong ba yin no/ /zhes gsungs pa'i don gang lags zhes phebs pa/
shing rta chen po'i gzhung la ma brten par mdo don rang dbang du
'grel ba bag tsha ba'i gnas kyang/ tshig

don go tshod zhu na/ 'jig rten na nyan thos dang/ rang sangs
rgyas dang/ byang chub sems dpa' sogs ji snyed cig 'byung ba
dang/ de dag gis gzungs thob pa sogs spangs rtogs kyi khyad par
ji snyed mtha' dag sangs rgyas kho na la

@015a @#/ /brten nas thob dgos pas na sangs rgyas 'byung ba med
par de dag yod ces smra na chos spong ba ste/ lung rtogs kyi
chos la skur pa btabs par song ba'i don no/ /mdor na 'jig rten
du sangs rgyas dkon mchog

ma byung bar lung gi chos 'khor mi srid la/ de med pas rtags
pa'i chos dkon mchog kyang 'jig rten du 'byung ba mi srid pas/
sangs rgyas ma byung bzhin du rtogs pa'i dam chos yod par smran
nges par chos la skur pa btabs par 'gyur ro zhes

pa'i don no/ /yang gzungs thob pa'i thob pa zhes pa ni gzungs
thob pa'i thob bya la byed pa yin pas/ de lta bu'i thob bya yang
yongs su dag pa ma yin zhes smra na nges par chos la skur pa
btabs pa yin no/ /yang tshes smra ba sogs kyang de

las ldog ste sbyar na go sla/ drib gnyis pa/ sngags lugs sems
gsal rig tsam zhes pa/ gsal ba gang lags/ rig pa gang/ tsam
sgras gang bcad so sor gsal ba zhu zhes phebs pa/ sems gsal rig
tsam zhes ba 'di bzhin mdo

lugs las/ sngags lugs la zur du mi 'dra ba'i khyad par gsungs pa
med la/ mdo lags/ sems kyi kun rdzob pa'i ngo bo gsal ba/ stong
pa/ rigs pa ste khyad chos gsum ldan/ phyag chen rtsa ba las/
mnyam gzhag ngo bo

gang gis kyang/ /nas/ ci yang 'char ba'i hrig ge ba/ /zhes pa'i
bar gsungs pa ltar sems kyi ngo bo kun rdzob pa de ni gang gis
kyang ma sgrib pa'i dwangs shing gsal bas gsal ba/ de gzugs can
gang du'ang ma grub pa'i stongs pa//

@015b yul ci yang 'char du rung ba'i hrig ge ba'i rig pa ste
khyad chos gsum/ tsam sgras gsal rig gi ngo bo la 'jog pa'i tshe
na gong gi khyad chos gsum po de las/ gzhan gzugs can sogs 'char
ba gcod pa'i don no/ /zhib par phyag chen zin bris su gsal ba

ltar lags/ sngags lugs sems kyi ngo bo mthong pa zhes pa sems
kyi ngo bo gsal rig gong gi de tsam min bar rlung thams cad 'chi
rim ji lta ba bzhin du snying ga'i mi shigs pa'i thig le la
thims pa las/ sems dben dpe'i 'od gsal

mthar thug mngon du 'gyur ba'i tshe na shin tu phra ba'i gnyug
ma'i sems kyi rang zhal rjen par mngon du 'gyur ba ste/ 'di thob
na tshe de la 'tshang rgya bar nges shing/ gong gi gsal rig de
mngon du gyur pa ni phyi rol ba la'ang yod pas 'di gnyis

kyi khyad par ni nam mkha' dang sa gzhi/ ri rab dang rdul phran
tsam du yod kyang/ deng sang gi sems khrid skyong ba rnams kyis
don gyi khyad par 'byed rgyu lta ci/ ming gi khyad par tsam yang
ma phyed pas gnyug sems mngon du 'gyur ba'i phan yon rnams gsal

rig gi ngo bo mthong ba tsam la sbyar te 'khrul zhing/ rang yang
de ltar du sems la/ gzhan la'ang skad gsang mthon bos sgrog bar
byed ba 'di ni rang nyid lam gol lam log tu shor bam shes par/
rang gi rjes su 'brangs ba mtha' dag kyang

der 'khrid pas gtan gyi 'dun ma rlag par byed pa'i rgyu che shos
shig tu snang mod/ deng sang gi phyag rdzogs ba rnams la phan
sems kyis drang por smras kyang yid rton pa shin tu dka' bar
snang ngo/ /de ltar rje nyid nas bka' 'dri thabs shes kyi grangs

@016a @#/ /ldan phebs pa 'di la dgongs gzhi dgos pa khyad par can
zhig yod nges snyam dris lan rgyas pa 'bul mkhom kyang/ mdo tsam
zhig rnam g.yeng zin med kyi bar nas do gal gyis phul ba bstan
'gro'i don rlabs chen

mdzad pa'i phyag char 'chang bar mdzod// ! (//mdo smad dar rgyas
dgon rgya dmag gi skyon shor skabs de ga'i 'dus pa nas/ slar
rang mal du chags rgyas thub min zhus pa'i bka' lan/) gtso bo
tshang ma thugs mthun khrims gtsang zhing/ /bshad sgrub chos
spyod

rnam bcur gzhol byas na/ /chos dang srid kyi dge mtshan sgo kun
nas/ /rgyas pa slu med rten cing 'brel 'byung nyid// ! (//mdo
spyi dza sag zur khang zur pa dbang chen tshe brtan mchog gis
brtag ba zhus pa'i lung/ gtsug lag rtsis kyi 'chos rim mang du
stsal

ba'i mjug tu/) bcas mdzad na chos kun rgyu rkyen bltes nas grub
pas/ bzang ngan rkyen gyi khyad par gyis rten 'byung rtog btags
'gog pa med pa'i dge mtshan mngon par 'byung ba gdon mi za/ (zhes
gsungs/ 'di gnyis tshig nyung yang/ don gyi gnad ka

chebs 'dir bkod// ! //brag g.yab bla ma 'jam dbyangs la gnang
ba/) so thar byang sems gsang sngags gsum gyi sdom pa khas len
rgyu gang yod blangs kyang bsrung mtshams sne gcig kyang dka'
tshul gsungs pa/ sdom pa gsum gyi

bcas mtshams rgya che grangs mang bas ji bzhin bsrung nus pa shin
tu dka' mod/ so thar la phyir bcos dang 'brel ba'i bshags pa
gang nus dang/ byang sems la ltung bshags dang 'brel ba'i bshags
pa gang nus nyin ltar chag med/

@016b lhag par sdom pa gong ma sngags sdom nyams pa legs par sor
chud na sdom pa 'og ma gnyis zil gyis gnon par gsungs shing/
bdag gi skyabs mgon bla ma rin po che zhal snga nas kyis kyang
gso sbyong gi tshab tu zla re'i nang bdag 'jug re chag med mdzad

srol yod pa ltar/ lha rab zla stod zla smad dang/ ma mtha' zla
re'i nang bdag 'jug gnad du 'gro nges re mdzad na sdom pa gsum
gyi nyams chag bskang ba la gnad che ba dben sa snyan brgyud kyi
man ngag yin 'dug /'on kyang dgon pa'am ri khrod

lta bur dge 'dun grang tshang bas ni yar mar gyi gso sbyong yang
chag med nges par dgos te/ so sor thar pa bstan pa'i rtsa bar
gsungs pa don la gnas shing/ de'i rtsa ba gzhi gsum la ltos dgos
pas so/ /theg pa chen po'i lam gyi srog shing

gcig pu/ dus gsum gyi rgyal ba kun gyis bsngags pa'i yul ni
byang chub kyi sems rin po che kho na yin zhing/ de la nyams
myong bzang po sngar nas yod mus stabs da dung de nyid rang la
thugs dam gyi gtso bor bzung ste rtsol med kyi myong ba bzang po

gong nas gong du spel ba shin tu gnad che/ zab mo'i lta ba 'di
yang thig pa chen po'i mdo sngags gang gi skabs su'ang lam gyi
srog rtsa lta bur shin tu gnad che zhing/ sems bskyed dang lta
ba 'di gnyis bya nam mkha' la 'phur pa'i gshog pa zung 'brel

lta bur gsungs pas lta ba'i nyams len 'di yang lam gyi srog ltar
bsten dgos/ lta ba'i nges pa rnyed kyang dran shes ma brtan pa'i
rgyun ldan rang sems nyon mongs pa'i dbang du shor nas nyon
mongs kha bri ba shin tu dka' bar 'dug gsungs pa/

@017a @#/ /sgom byung ma skyes bar du bsam byung gi myong ba tsam
gyis nyon mongs ldog mi srid pas sgom byung skye ba'i thabs la
'bad pa gal che mod/ dus tshod snyigs ma las kyang ches snyigs
ma'i dbang gis zhi gnas

tshad ldan 'grub pa mi srid pa lta bur snang yang/ dmigs rten
gang 'phrod cig gi steng nas zhi gnas kyi ting nge 'dzin zhig e
'grub babs tshod cig gzigs/ de 'grub na sems bskyed/ lta ba/ rim
gnyis kyi lam rnams sa chod shin

tu che ba 'byung bas de thog nas lta ba dang sems bskyed lam gyi
srog tu gzung/ rim gnyis kyi rnal 'byor la rim bzhin sbyong bar
mdzad na grub pa'i 'go 'phang du bsnyeg pa la tshegs med/ gal te
zhi gnas de ltar ma 'grub na sems

bskyed dang lta ba bsam byung gi myong ba sngar yod de nyid gong
nas gong du spel thabs dang/ de srog tu bzung ba'i dang nas bde
mchog yab yum gyi bskyed rdzogs la bag chags khyad par can 'jog
pa dang/ bklag pas 'grub pa'i rig sngags

rnams bzlas pa ci thon dang/ mchod 'bul/ rten bzhengs sogs rang
'khos dge rtsa gang 'grub dang/ bsngo smon gyis rgyas 'debs nan
tan mdzad na de lhag dal 'byor don ldan bya thabs ma dmigs pas
de don thugs la btags 'tshal// ! //

(yang gcig la/) grangs med bskal chen 'bad kyang bsgrub dka'
ba'i/ /zung 'jug tshe gcig bde blag nyid ster ba/ /bla med theg
pa nyid las gzhan du ci/ /de yi rtsa ba'ang dam tshig srog ltar
gces/ (/zhes so// ! //dus)

@017b ('brel ba gso sbyong gi dus tshes bstan pa bar khams lcags
ra dgon du gnang ba/) thams cad mkhyen pa la phyag 'tshal lo/
/mdo rtsa ba las/ gso sbyong bya'o/ /zla ba phyed phyed kyi tshes
bco lnga la'o/ /zhes gsungs pa ltar zla ba phyed phyed na dus
'brel gyi gso sbyong bya dgos

shing; de yang hor zla thams cad kyi yar ngo la gso sbyong bco
lnga pa dang/ hor zla bcu gcig pa/ dang po/ gsum pa/ lnga pa/
bdun pa/ dgu ba rnams kyi mar ngo la gso sbyong bcu bzhi pa kho
na dang/ de min zla ba gzhan rnams kyi

mar ngo la gso sbyong bco lnga pa kho na yin/ de yang dkar rtsis
kyi tshes grangs dang bstun du mi rung bar 'dul ba rang gzhung
ltar gyi zhag grangs mi 'phyug ba'i phyir smyug tshigs bgrang bar
bya bar gsungs pa ltar 'dir shing byang bgrang bar bya ba

la; bkra shis kyi gtsug lag khang 'di'i sngags khang nas mtshams
pa rnams kyis thugs khur gnang ste 'then pa'i dus zhogs ja bzhes
gdong 'then/ 'then lugs tshes gcig nas bco lnga bar nyin rer
shing byang re 'then/ shing

byang bcu gsum po song ba'i nyin mtshams g.yog nas mdo 'chad mi
dang/ chab ril/ lha gnyer bcas la gnangs brda 'bul dgos/ tshes
bcu drug nas gnam gang bar yang gong ltar nyin rer shing byang
re 'then nas shing byang bcu gsum

song mtshams gnangs brda 'bul lugs gong ltar byed/ gong gsal hor
zla bcu gcig pa/ dang po/ gsum pa/ lnga ba/ bdun pa/ dgu pa bcas
kyi mar ngo gso sbyong bcu bzhi pa khel ba rnams la shing byang
bcu gnyis song mtshams gnangs

@018a @#/ /brda 'bul/ bcu bzhi'i nyin shing byang gnyis sdebs
'then byed/ bshol zla'i mar ngo'i gso sbyong yang gong gsal zla
ba bcu gcig pa/ dang po/ gsum pa/ lnga ba/ bdun pa/ dgu pa rnams
la bshol zla byung

tshe mar ngo gso sbyong bcu bzhi pa dang/ gzhan rnams la bshol
zla byung tshe mar ngo gso sbyong bco lnga pa byed/ gso sbyong gi
tshes grangs 'di kho na ltar nges gzung byed dgos/ 'di dag gi
skabs yon tan rin po che sdud pa las/ byang chub

sems dpa'i sbyin pas yi dwags 'gro ba gcod/ /dbul ba dang ni de
bzhin nyon mongs thams cad gcod/ /spyod tshe longs spyod mtha'
yas rgyas par 'thob par 'gyur/ /sbyin pas sdug bsngal gyur ba'i
sems can yongs smin byed/ /ces sogs

sbyin pa'i tshigs bcad gang shes 'don/ brtson ldan rnams kyis so
sor thar/ /rtag tu gus pas 'bad de bsrung/ /dge des skye bar lus
can rnams/ /rtag tu tshangs spyod la gnas shog (/dge legs 'phel//
! //sog shod dge slong 'jam

dbyangs rgya mtsho la gnang ba/) dus 'brel gyi gso sbyong gnas
gcig tu nyin gcig la lan gnyis bya mi chog cing/ dus 'brel gyi
gso sbyong gcig byas nas de'i steng bkra shis dang gnod zlog gi
gso sbyong bya chog /gnas gcig yin kyang mtshams

nang gcig min na dus 'brel gso sbyong gnyis byas kyang chog
/grong dang phyogs gang du'ang gaNDi yod na sgra tsam gyis yul
khams la'ang phan pas gaNDi nges par brdung dgos/ gaNDi ma rnyed
na med kyang chog / ! (//sog 'phel rgyas gling)

@018b (dgon la gnang ba/) dbyar gyi mtha' zhag drug ces par
dbyar zla ba gsum yongs rdzogs khas len na las/ glo bur dgag
dbye'i rigs la mi dgos pas/ rang res dbyar zla ba phyed gnyis
thog dgag dbye byed pa 'di glo bur dgag dbye yin pas 'di la
mtha'

zhag bsrung bar mdzad mi dgos pas byin rlabs byed chog pa bcas
dgongs gzhugs 'tshal// ! (//rgyud smad rgyal ros mkhan zur ngag
dbang nyi ma la gnang ba/) nyid nas ji gsungs bzhin/ re zhig
bsnyen chen 'then nas lam rim rang la bsam sgom

sgrub pa snying por mdzad bzhin pa ni shin tu rjes su yi rang gi
gnas/ 'jam mgon tsong kha pa chen pos/ deng dus rnal 'byor
brtson rnams thos pa nyung/ /mang thos nyams len gnad la mi
mkhas shing/ /phal cher gsung rab blta la phyogs 

 re'i mig /lung don rigs pas 'byed pa'i mthu med pas/ /bstan
pa'i gnad rnams rdzogs pa'i gdams pa mchog /mkhas pa dgyes pa'i
lam dang bral mthong nas/ /shing rta chen po'i lam 'di bshad pa
la/ /bdag gi yid ni kun

nas spro bar gyur/ /zhes gsungs pa ltar/ deng sang gi dus mang
du thos pa rgya mtsho lta bu'i pha rol tu son pa'i dge ba'i bshes
gnyen chen po dag gis ni thos don rgyud thog tu sbyar ba'i sgrub
pa snying po'i nyams len dang bral bas ji tsam thos kyang

kha phyir bltas su shor te shes rgyud tha mal par lus/ sgrub pa
snying por byed khul mang du snang bdag gis ni thos pa med pas
zab cing phra la dka' ba'i gnas rnams lta cing/ tha na skyabs
'gro'i rnam gzhag tsam la'ang rmongs pas rtogs pa tshad

@019a @#/ /ldan skye ba nyin mo'i skar ma ltar gyur/ phal cher
thub bstan yongs rdzogs la go ba chags te nyams su len ba mi
shes pas thos bsam sgom pa gang byas phyogs rer shor bas rgyal
ba dgyes ba'i lam dang bral bar

gyur pa'i skabs 'dir nyid dang nyid lta bu ni mdo sngags kyi
gzhung lugs rgya mtsho lta bur mang du thos pa'i pha rol du son/
de don lam gyi rim pa gcig tu bsgril nas lung rigs yang dag gi
lam las dpyad sgom dang 'jog sgom zung du 'brel bas rtse

gcig sgrub pa snying po lhur len du zhugs pa ni 'jam pa'i
dbyangs dang rje tsong kha pa chen po sogs rgyal dang de sras
rnams kyis bsngags pa'i gnas kho na nyid na/ da dung yang sngar
mus bzhin bzlas brjod grangs gsog tsam la mi re bar lam yongs

rdzogs la shar sgom dang 'brel ba'i gting phyin pa'i go ba 'tshol
zhing bag chags khyad par can 'jog pa dang/ gtso bor bshes gnyen
bsten tshul dang dal 'byor nas brtsams te sa bcad re re tsam zhag
dang zla bar brtsegs te lung rigs

yang dag gi lam las dpyad 'jog zung du 'brel bas nyams 'og tu
tshud pa dang/ rtsol bcas rtsol med kyi myong ba 'don pa la gnad
du bsnun cing/ dmigs skor 'og ma 'og ma la myong ba thon pa na
gong ma gong mar spo ba sogs skyes bu gsum

gyi nyams myong gi sa mtshams gong nas gong du 'gro ba'i rtogs
pa'i lag rjes khyad par can bskrun pa ni/ ji skad du/ dang por
rgya chen thos pa mang du btsal/ /bar du gzhung lugs thams cad
gdams par shar/ /tha mar nyin

@019b mtshan kun tu nyams su blangs/ /zhes gsungs pa ltar yab
rje'i rnam thar dri ma med pa nyid kyi rjes su skyong bar 'tshal
zhing/ byang rtse brgyud dga' ldan khri pa sogs kyi go gnas la
gting nas re ba med par/ dben par 'dod chung chog

shes kyis sku tshe 'da' bar bzhed pa ni/ skyes bu chung 'bring gi
nyams myong thugs la 'khrungs pa'i lag rjes nyid du nges shing/
dgongs pa'i gtad so de 'dra nyid du mdzad dgos kyang/ gzhi rtsa
mang thos tshul bzhin sgrub pa gnyis 'dzoms

nyid lta bu khri thog tu nges par phebs na dge ldan bstan par
bshad sgrub zung 'brel gyis phan rlabs shin tu tshe nges lags na/
byang rtse sogs skabs su babs mtshams thugs bskyed rlabs po che'i
sgo nas 'jam dbyangs gtsang pa bdun

brgyud sogs kyi rnam thar bzang po bdag gir bzhes na gzugs
brnyan lta bu ma yin pa'i don gyi bstan pa'i sman yon rlabs po
cher 'gyur nges lags na de don thugs la gcags 'tshal// ! (//lcang
sgor las tshan pa'i phyag mdzod ye shes

la gnang ba/) deng dus ser skya phal cher zhig gis rgyun gyi kha
ton 'di snang snying por zhen pa'i kun slong kho nas bsangs gser
chos tshan sna tshogs pod du longs pa zhig nyin ltar dal med
sgrogs kyang 'bras bu 'di snang chos brgyad tsam las 'jig rten
phyi

mar phan pa ri bong rwa'i spun zla nyid las ma mchis na/ sku
mchog nas rgyun gyi nyams len zhal 'don phran bur brtson gnang
de dag gnad du khel ba zhig shin tu gal che bas/ 'dir gsal zhal
'don rnams nas rkyen sel sgrol bstod dang smon

@020a @#/ /lam rnam brgyad tsam las/ phyi mar mi phan pa'i ltar
snang chos tshan nyag nyog mang po'i spros pa skyung ste/ da lta
zhal 'don mdzad mus bla mchod bde stong dbyer med ma 'di bzhin
tshig tsam har rgyug tu ma song ba'i

gang rgyas/ gang lhod/ gnad du gang khel dang 'brel/ khrid yig
dang sbyar te dmigs rnam gang nus thog /skyabs 'gro /maNDal/
ltung bshags/ dmigs brtse ma sogs grangs gsog rgyas bsdus/ bsags
sgyang ci rigs long skabs

dang bstun ba dang/ lhag par bla mchod kyi zhing mchog dam pa'i
nang du lam rim/ blo sbyong/ bskyed rdzogs/ 'pho ba bcas mdo
sngags kyi lam yongs rdzogs kyi gnad zab mo rgyas par 'dus yod
lags na tshig tsam bshar rgyug min

pa'i don zab yid la bskor gang nus ma mtha' tshig ris dang mthun
pa'i smon lam tsam las ma 'grub kyang yongs rdzogs lam bzang la
bag chags khyad par can thebs nges kyis gtan gyi 'dun ma'i
snying po 'grub nges lags na/ zhal

'don nyams bzhes kyi gtso bo de rang la gnang khel 'bad 'bungs
chig dril mdzad na chu brgya zam 'dus ltar 'dus che zhing/ dga'
ldan snyan brgyud sprul pa'i glegs bam gyi snying po yin pas
byin rlabs kyi tshan kha gzhan dang mi mnyam

pa shin tu gnad che 'byung nges bcas/ zol med brtse sems kyis
lhag par bskul bas bya sla don che'i man ngag snying po'i gnad
don gsal 'debs gsong por sbrengs pa'i don thugs mtshor sim pas
gtan 'dun gyi lam bzang yangs por bsgrub pa

@020b bcas zab dgongs su bsti ba 'tshal// ! (//7rgyal tshab rwa
sgreng ho thog thu rin po che thub bstan) 'jam dpal ye shes
(rgyal mtshan dpal bzang po ma chag la 'bul gnang mdzad pa/) bka'
mngags rin po che spyi nong bzhin/ rgyun gyi nyams bzhes gzigs
dpe thugs

zhib bskyang rgyu'i bsnyel byang bkod par/ spyir 'jam mgon tsong
kha pa chen po'i bstan pa la thos bsam sgom gsum gyis 'jug lugs
gsang 'dus man ngag yig chung nyer gcig gi dang por dkar chag
tho'i yig chung zhes pa yod pa ltar 'jug dgos bar

gsungs shing/ thog mar rnam thar skor gzigs rtog mdzad na go ba
skye sla ba dang/ klog pa thos bsam la brtan pa drag po rnyed
sla ba dang/ dam pa gong ma rnams kyi mdzad pa'i khyad par thugs
su chud pa bcas gnad che bas/ des na rnam thar gyi skor

la; rje'i rnam thar chen mo/ che gling yongs 'dzin paNDi ta'i
gsung 'bum gras lam rim bla ma brgyud pa'i rnam thar bod gnyis/
rje mid la'i rnam mgur/ khri chen ngag dbang mchog ldan gyi rnam
thar/ rgyal mchog bskal bzang rgya mtsho'i rnam

thar dang gsung mgur/ yongs 'dzin ye shes rgyal mtshan gyi rnam
thar/ lcang skya rol ba'i rdo rje'i rnam thar/ klong rdol bla
ma'i rnam thar che chung/ phur lcog ngag dbang byams pa'i rnam
thar/ khri chen bstan ba rab rgyas kyi rnam thar sogs

dang; mdo phyogs kyi skor la/ rje'i gsung lam rim chen mo mchan
bzhi sbrags bod gnyis/ rje'i lam rim 'bring po/ drang nges legs
bshad snying po/ mkhas grub rin po che'i gsung stong thun skal
bzang mig 'byed/ lnga

@021a @#/ /pa'i gsung lam rim 'jam dpal zhal lung/ paN chen gsung
bde myur gnyis/ sked tshang gsung sbyor chos khrid dang/ phyag
chen khrid/ lam rim chung ngu'i zin bris/ zhwa dmar gsung lam
rim/ dri

pa lhag bsam rab dkar gyi dris lan chos rgyan gsung dang/ dwags
po sgom chen gsung/ bsod grwags gsung sogs/ gzhan yang dbu phar
gyi gzhung zur pa gzigs gang 'grub dang/ blo sbyong gi skor la/
blo sbyong nyi ma'i 'od

zer; tshe gling yongs 'dzin gsung blo sbyong blo bzang dgongs
rgyan dang/ bdud rtsi'i snying po/ snga rabs pa'i blo sbyong
snyan brgyud chen mo dang/ legs bshad kun 'dus/ thogs med bzang
po'i blo sbyong gsum lta ba la skyon yod pa ma

gtogs spyod phyogs shin tu legs pa yod/ lta ba'i skor la/ gtso
bo lhag mthong chen mo 'jam bzhad dang bra sti'i mchan bcas
dang/ lhag mthong chung ba/ legs bshad snying po thal 'gyur ba'i
skor/ stong thun chen mo thal

'gyur ba'i skor rnams lan mang zhib gzigs thugs gal che zhing/
lta khrid nyung 'dus gras ba so ba dang smon lam dpal ba'i lta
khrid/ chos rgyan gyi gsung bdag 'dzin shag 'debs/ mkhar rdo blo
bzang sgom chung gsung lta khrid sogs dang/ lta ba'i

gol sa'i skor la/ gung thang bstan pa'i sgron me'i gsung rje'i
bstod pa don ldan rtsa 'grel sogs/ sngags kyi skor la/ thog mar
gsang 'dus kyi bskyed rdzogs la thos bsam gyis go ba chags pa
dgos pas/ gsang 'dus bskyed

@021b rim yongs kyi gtsug rgyan lta bu bskyed rim dngos grub
rgya mtsho/ rdzogs rim yongs kyi gtsug nor rim lnga gsal ba'i
sgron me/ de gnyis kyi snying po lta bu chos rgyan gyi gsung
gsang 'dus bskyed rdzogs/ rje thams cad mkhyen pa dang mkhas
grub rin po

che'i gsung gsang 'dus man ngag yig chung nyer gcig /spyir
rdzogs rim skor gsang 'dus rim lnga la go ba chags nas bde mchog
lU dril dang/ 'jigs byed kyi rnal 'byor rnam bzhi rnams la sam
bgrod tshul de la phar sbyar te go ba

'dren dgos/ bde mchog bskyed rim rje'i gsung 'dod 'jo gtso bo
yin yang gzhung brling tsam/ gzhan yang rje rin po che dang
mkhas grub kyi gsung na bde mchog lU dril gyi rim gnyis skor
mang du bzhugs/ 'jigs byed bskyed rim

dngul chu d+harma b+ha dra'i gsung dang/ lhun grub paNDi ta'i
gsung/ 'jigs byed rdzogs rim zhog don yod mkhas grub kyi gsung
dang/ tre bo khang gsar skyabs mgon gyi gsung/ gzhan yang gsang
bde 'jigs gsum ka'i

rim gnyis khrid 'jam dbyangs bde rdor dang/ a khu rin po che
shes rab rgya mtsho sogs kyi gsung 'bum du bzhugs pa rnams shin
tu rgyas shing gsal bar yod/ bde mchog lus dkyil gyi dmar khrid
skor la lcang skya rol rdor

gsung bskyed rim/ chos rgyan gsung bka' rgya ma'i rdzogs rim/
dwags po skal bzang mkhas grub kyi gsung bskyed rdzogs/ bla
mchod kyi khrid rgyas brgyud kyi khungs dang sbyar te gsungs pa
tshe gling yongs 'dzin gsung khrid yig chen mo dang

@022a @#/ /man ngag snying po tshig 'grel mdor bsdus dngul chu'i
gsung zhal gsal/ nA ro chos drug skor la rje'i gsung yid ches
gsum ldan dang/ dga' ldan nag tshang bstan pa dar rgyas kyi gsung
dmar khrid

bcas ngang gi blo yul nas lam tsam snyan du sgron pa las/ dge
ldan gyi mkhas grub gong ma ches mtha' yas bas gsung rab kyang
gcig las gcig shin tu gsal zhing zab la rgya che 'khyer bde ba
sogs mtha' yas par bzhugs

pa tshig nyung dus zhu bar mi lang bas re zhig gnad bsdus 'char
lam tsam du phul ba dgyes mnyes nyams bzhes kyi mchod sprin du
rol ba mkhyen// ! (//'dan ma 'bum sgang dgon gyi grwa don grub
sbyin pa dang/ ngag dbang rnam rgyal/ 'jigs

med blo gros/ sbyin pa bstan 'dzin/ 'jam dpal dga' ba bcas la
stsal ba/) dgon du gsang 'dus sgrub mchod dang/ dbyar gnas/ lam
rim gsum gang rung zhig 'dzug rgyur las skal gang bzang gsungs
pa'i don/ khyed lnga nas mi chung bsam

che bstan pa'i khur chen 'degs pa'i lhag bsam bzang po de lhag
ma mchis shing/ gsang 'dus kyi sgrub mchod cha tshang tshugs kyang
zab mo rdo rje'i tshig tsam zlos pa'i phan yon dpag med mchis pa
tsam las/ don gyi nyams len rgyud thog khel

dka' bas deng skabs dge ldan dgon sde phal mo cher gsang bde
'jigs gsum gyi cho g.yod pa ches mang yang phal cher tshig tsam
lhur len gzugs brnyan tsam las bstan par dgos nus che ba shin tu
dkon zhing/ dbyar gnas 'dus

@022b mangs nas tshugs rgyu yang spyir gyi rgyal ba'i bstan pa'i
rtsa bso thar gyi gzhi gsum yar rgyas su spel ba'i bstan pa'i
mig rgyan du che nges kyang/ phyi'i kun spyod rnam par dag pa
tsam las/ rgyud thog tu 'gel ba'i nyams len la phan dka' zhing/

lhag par bstan pa spyi khyab kyi srol tsam las/ rang lugs thun
mong ma yin pa'i bstan pa'i srog rtsar sman rlabs che bam mchis/
des na byang chub lam gyi rim pa'i bshad nyan bsam sgom gyi
rgyun zhig tshugs thub na tshig tsam gzugs brnyan

lhur len ma yin pa'i 'go bshes gnyen bsten tshul nas mjug mi slob
pa'i zung 'jug gi bar mdo sngags bstan pa yongs rdzogs kyi rtogs
pa'i nyams myong khyad par can rgyud thog khel ba'i don brgyud
rtogs pa'i bstan pa'i snying po 'phel

zhing rgyas par 'byar pas/ spyi sgos bstan 'gro /gang zag rang
rang gi don gnyis dang bcas par dgos nus phan slebs rlabs che de
lhag ma mchis pa ma zad/ don tshan gong ma gnyis po yang cha lag
tsam du zhor la 'byung bar

'gyur ba dang/ de lta'i rtogs pa'i nyams myong rgyud la skyes pa
lta ci/ tshig gi go myong khyad par can tsam yod pa'i gang zag re
re tsam gyis kyang rang rang yul gyur sgron me spar ba lta bur
chos kyi snang ba skyed pa mngon sum tshad mas

grub cing/ gzhan du lung tsam skyabs su bzung ba las/ dkon mchog
gsum gyi mtshan gzhi tsam yang shes par dka' ba'i gzugs brnyan
kho nar spyod pa bcas/ de ltar skyon yon dgos nus rnams legs par
bsams te

@023a @#/ /tshang mas 'bad pa ci nus kyis byang chub lam gyi rim
pa'i bshad sgrub kyi rgyun zhig tshugs ci thub la 'bad na de lhag
bstan pa'i bya ba ma mchis pas de lugs lhag bsam hur 'bungs
mdzod/ 'on kyang

chos zab zab bdud kyang zab pa'i dpe ltar bar chad kyi mtshan
ma'ang ci rigs 'byung nges la/ de dag rmeg med zhi phyir brgyad
steng dag sgrog gang mang/ mgon chos kyi bskang bshags dang
'brel ba'i drug cu ma grangs

mang; mthu ldan bstan srung chen po'i bskang tshogs stong tshar/
mchod sprin rgyas spro dang 'brel ba'i gnas brtan phyag mchod
gang rgyas/ bla mchod dang 'brel ba'i tshogs mchod/ dga' lha dang
'brel ba'i dmigs brtsem

gang mang bcas bsgrub na lhag par bzang// ! (//rgyal thang sum
gling btsan bzang khams bshes gnyen ngag dbang bstan 'phel la
gnang ba/) nyid kyi 'phrin yig las/ ri chos mtshams kyi zhal
gdams zhes pa pod gcig rang gi lag tu

son byung ba nyams su len rung ngam mi rung/ 'di'i lung rgyun
med kyang/ (taM) ri chos mtshams kyi zhal gdams su/ bla ma la
lung de gnang ba'i gsol 'debs dang dkon mchog gsum gyi bden mthu
brjod pa'i sgo nas lung de zhu tshul rim pa

gsum tsam snang ba 'di byang sems kyi lag len yin nam/ so skyes
kyang de ltar rung min/ (ca) ri chos zhal gdams las 'jam mgon
bla ma'i bzhed pa bkod pa'i skabs/ so thar gyi sdom pa btang na
byang sems gsang sngags gnyis

@023b kyi sdom pa yang gtong bar gsungs pa 'di sgra ji bzhin du
khas len rung ngam mi rung zhes gsungs pa/ ri chos mtshams kyi
zhal gdams zhes pa pod chung de bka' brgyud karma chags med kyis
mdzad pa yin/ rang lugs rje'i gsung dang mi mthun zhing/

rje bla ma'i lugs dang dam sel che bas dor bya kho na yin/ gsol
'debs dang bden mthu'i lung sogs kyang mi srid pa'i ma dag pa
kho na red/ sdom gsum rje rin po che rten brten par bzhed pa
las/ so thar nyams na gzhan gnyis gtong bar

'gyur ba gal sring/ de gtong na rang lugs khyim pa'i rgyud la
byang sdom dang sngags sdom med par thal bas shin tu mi rigs/
dpa' bo dang mkha' 'gro'i rgyud la sngags sdom med par smra dgos
par shin tu thal/ gzhi nas rje'i dgongs pa

thun mong dang thun mong ma yin pa mtha' yas pas de ltar ga la
shes nus/ de'i phyir lta sgom spyod pa'i khas len tshang ma rjes
yab sras sam/ rjes 'brangs tshad ma rnams kyi gsung gtso bor byed
dgos lags// ! (//tre po 'ba' sprul zhes par

bkra shis chos gling nas ri rgya ri khrod du gnang ba/) mchog
sprul rin po che'i sku drung du/ ched 'bul/ sku nyid nas kha
sngon gnang rten dang/ sbyor chos las brtsams pa'i dri ba bcas
gnang ba zhu lan 'phral mar 'bul 'dun che yang/ ngos sdang gong
dge sbyor phran

bu skyong rgyu dang/ nyin bar mjal mi mchog dman ci rigs phrad
dgos kyis rnam g.yeng zin pa med pas dbar 'bul ma thub pa
dgongs 'gal med pa/ dri ba dang por/ nyid rin po che'i sbyor
chos skor las/ rten bkram pa'i skor grub mtha' mi

@024a @#/ /gcig pa'i dpe sogs mi gzhug gsung ba gang la ngos
'dzin zhes gsungs pa/ deng skabs gsar rnying ban bon tshang ma
grub mtha' 'chal 'dres kyis spyod cing/ lhag par rang re dge
ldan pa rnams mtshal rang la yod pa

phar bzhag nas btsag dmar mi la re ba'i dpe ltar 'jam mgon tsong
kha pa chen pos dka' ba brgya phrag du ma'i sgo nas bsreg bcad
brdar gsum gyis/ lta sgom spyod gsum gyi khyad par dang/ gsung
rab yongs su rdzogs pa la drang nges kyi

shing rta'i srol legs par phye bar mdzad pa sogs tshang la ma nor
ba'i bstan pa'i snying po gser sbyangs btsom lta bu'i grub mtha'
gsar du 'dzugs par mdzad pa la thos bsam sgom gsum gyis 'jug par
mi byed par/ phyag rdzogs

rnying ma sogs zab tu re bas grub mtha' sna tshogs nyams su len
khul gyis dri ma med pa'i bstan pa'i snying por bsre lhad ci
rigs kyis sang ge'i khog pa 'bus g.yengs pa ltar rang bstan la
shin tu gnod tshabs che bas/ des na

tshang mas/ tshul khrims gtsang zhing mang du thos pa dang/ /byang
sems 'byongs dang lta spyod gtsang ba sogs/ /blo bzang rgyal ba
gnyis pa'i bstan pa la/ /bsre lhad med pa'i rnam thar 'khyongs
par shog /ces dam pa gong ma rnams

kyis smon yul du mdzad pa ltar rang res kha mig yar blta byed pa
gal che bas rgyun du lta grub gtsang mar 'dzin pa dang/ dpe
khrod du'ang rang lugs min pa'i grub mtha' gang byung gi dpe
'jog tu mi rung ('di yang rang gar gsungs pa gtan ma yin te/)

@024b (gung thang 'jam dpal dbyangs kyis kyang/ spyor chos lam
bzang sgrub pa'i 'jug ngogs las/ sku gsung thugs rten dgram chu
la ni/ rgyu'i bzang ngan dang gsar rnying sogs gtso bor mi byed
par bstan pa'i bdag po dang rang gi drin can rtsa ba'i bla ma
rje bdag nyid chen po sogs kyi sku rnams dbus dang gong du 'bab
par

byas yi dam sangs rgyas byang sems chos srung sogs kyang go rim
bzhin du bsgrig /sdud pa yan chad sher mdo re med mi rung yin
zhing/ rgyud sde dang theg pa'i go rim bzhin bzhugs stabs bden
de bzhin byed la/ lta grub mi mthun pa'i dpe sogs de'i gangs su
mi gzhug /thugs kyi rten yang sAtstsha yan chad ci

'byor re nges par dgos so/ zhes gsungs pa sogs ma dong/ /ba dam
sel gyi chen gyi las lam nyams rtogs gsar du skye ba lta zhog /)
/sngar yod pa rnams kyang nyams par 'gyur ba bka' gdams pa'i dge
pa'i bshes gnyen gtsang ba rin chen bla ma'i rnam thar las byung
pa

ltar ro/ /dri ba gnyis par/ sbyor dngos rjes gsum gyis ma zin
pa'i tha mal pa'i dge rtsa zhing gi mthu la brten pa thar pa
dang thams cad mkhyen pa'i rgyur 'gyur tshul mdo sde lung po ti/
kha byang ka tho gang bzhugs gsung gsal dang/ zhes gsungs

pa'i nyid kyi dri bar/ sbyor dngos rjes gsum gyis ma zin pa'i
dge rtsa zhes snang ba/ sbyor ba kun slang bzang bo sam zin pa
dang/ rjes bsdo smon rnam dag gis ma zin pa la bya rigs kyang/
dngos gzhis ma zin pa zhes pa gang la bya dgos gom bdebs/ slad

sbyor dngos rjes gsum gyis ma zin pa'i zhes pa'i tha snyad dkyus
gcig tu ma sbyar ba legs shing/ sbyor chos gzhung du ji ltar
gsal ba ltar/ dngos gzhi sangs rgyas kyi zhing la bskrun pa'i
dge rtsa/ sbyor ba kun slong bzang pos ma zin pa tshe 'di

@025a @#/ /kho na'i ched dang/ rjes bsngo ba rnam dag gis ma zin
pa tshe 'di kho na'i ched du bsdes pa de 'dra'i dge rtsa de ni
kun slong dang bsngo smon shin tu dman par shor yang/ dngos gzhi
zhing khyad par can la bskrun

pa'i dge rtsa yin pas na rdzogs byang gi rgyur nges par 'gyur ba
dpe dang bcas te mdo sde snying rje pad dkar gyi le'u bcu par
gsungs pa/ 'dir snar thang spar ma'i bka' 'gyur med kyang/ li
thang mtshal spar mdo cha pa'i rangs

105b2 pa nas/ kun dga' bo 'di lta ste dper na/ zhes sogs shog
lhe zur bris kyis phul ba de'i thad kyi mdo rang la zhib gzigs
mdzad na thugs nges lhag par 'byung ba lags/ dri ba gsum par/
sbyor dngos rjes kyis

ma zin pa'i zhing gi mthu kho nas dge rtsa de nam zhig thar pa
ma thob par/ bar du dge rtsa 'joms byed gyis chud mi zab yod
med/ khyim bdag dpal skyes kyi dge rtsa lta bu yin min gsung
gsal spyi bor stsol ba/ zhes gsungs

pa; gong gi de 'dra'i dge rtsa de byang chen ma thob bar 'joms
byed khong khro sogs kyis bcom yang zad par byed mi nus te/ mdo
las/ dge ba'i rtsa ba de dag mi 'dod kyang 'bras bu mya ngan las
'das pa yin te/ tham mya ngan

las 'das pa'i bar du 'gyur bar nga smra'o/ /zhes gsungs ba ltar/
dge rtsa de sems bskyed dang bsngo ba sogs kyis ma zin kyang/
zhing gi mthu kho na la brten nas de ma thag nas rdzogs byang gi
rgyur gyur zin pas na dge rtsa de shin tu

@025b stobs chen por song bas/ gang zag de khong khro rgyud ldan
yin pas khong khro sogs kyis dge rtsa de bcom yang rtsa ba nas
zad par byed mi nus pa/ dper na ri chen po zhig las sa rdo khur
khal stong phrag mang po blangs kyang zad par bya mi nus pa

dang 'dra'o/ /de'i phyir mdo las/ ji ltar rgya mtsho che nang chu
thigs lhung/ /rgya mtsho ma zad bar du de mi 'dzad/ /de bzhin
byang chub yongs bsngo'i dge ba yang/ /byang chub ma thob par du
mi 'dzad/ /ces gsungs so/ /de ltar dri ba

rnams kyi dris lan gang rgyas su 'bul lam zhus pa legs bshad kyi
skyes su rol ba mkhyen// ! (//gong gi mdo'i lung thos chung don
gnyer can gyi rigs la phan gdams phyir 'dir ma dpe ltar bri ba/
bka' 'gyur li thang ma tshal spar ma'i mdo sde (cha)

pa'i grangs 105b2 nas/ snying rje chen po'i padma dkar po'i
mdo'i le'u bcu pa yon tan gyi bsod nams kyi le'ur/) kun dga' bo
'di lta ste dper na/ khyim bdag zhing pa'i zhing do med pa/
sdong du ma dang tsher ma med pa gyo mo dang gseg ma med pa/ sa

snag che ba zhig yod par gyur te/ legs par rmos shing lag byed
kyis phyin par byas la/ de'i sa bon yang sar pa grung po tshes
legs par byas pa/ rlung dang nyi mas ma snang ba/ ma chag ma
grugs shing ma rul te chud ma zos par gyur

la; sa bon de dag dus dang tshigs su zhing la btab ste dus dus su
chus bcus/ dus su bskams/ thams cad las legs par bsrungs nas/
kun dga' po de nas khyim pa zhing pa de dus gzhan zhig na zhing
gi drung du song ste zhing gi mur

@026a @#/ /'dug nas/ kye sa bon khyed sa bon du ma gyur cig /kye
sa bon khyed ma skye zhig /ma 'phel cig /nga la 'bras bu mi
dgos/ rnyed pa mi dgos so zhes de skad zer na/ kun dga' bo da ji
snyam du sems

khyim bdag zhing pa de'i tshig gis sa bon de dag sa bon ma yin
par 'gyur ram/ gsol ba/ bcom ldan 'das ma lags so/ /bde bar
gshegs pa ma lags so/ /bka' stsal ba/ 'bras bu de 'bras bu ma
yin par

'gyur ram/ rnyed pa mngon par mi 'grub bam/ gsol pa/ bcom ldan
'das ma lags so/ /bde bar gshegs pa ma lags so/ /bka' stsal ba/
kun dga' bo de bzhin du srid pa la bstod cing srid pa la dga'
bas sangs

rgyas la yon phul nas dge ba'i rtsa ba 'dis bdag cag nam yang
yongs su mya ngan las 'da' bar ma gyur cig ces de skad zer yang
des yongs su mya ngan las 'da' bar mi 'gyur ba'i gnas med go
skabs med kyi/ kun dga' bo

sangs rgyas la bskyed pa'i dge ba'i rtsa ba de dag mi 'dod kyang
'bras bu mya ngan las 'das pa yin te/ tham mya ngan las 'das
pa'i bar du 'gyur bar nga smra'o/ /de ltar ji tsam du sangs
rgyas bcom ldan 'das la sems gcig bskyed

pa'i dge ba'i rtsa ba bskyed pa de dag thams cad kyi 'bras
bu'ang mya ngan las 'das pa yin te/ tham mya ngan las 'das pa'i
bar du 'gyur bar nga smra'o/ /106n3 (bar ro/ /yang dbus pa gyur
lhas zhol slar khang chen mo'i bka' 'gyur mdo cha pa'i grangs
153b3 pa nas)

@026b (kyang sngar bzhin du byung snang ngo// ! //'jol don gling
ka rig dge slong blo bzang bstan pa la gnang ba/) smyung gnas
kyi thor thug gtong mtshams dang/ skya rengs shar dus sogs las
brtsams te dri ba mdzad par/ lan zhib tu spro na/ smyung gnas
kyi sbyor

ba gnyis pa'i thor thug skya rengs ma shar gong du btang na nyin
snga ma'i mtshan mo'i cha yin pas phyi dro'i kha zas kyi nyes par
'gyur pas/ rgyal mchog bskal bzang rgya mtsho'i gsung las byung
ba ltar skya rengs ma shar gong du thor thug gtong ba ni

dgag bya dang nyes dmigs shin tu che zhing/ thor thug gtong
mtshams gso sbyong gi sngon rjes gang du gtong yang bcas 'gal gyi
nyes pa mi 'byung mod/ rang rang gi bla ma'i phyag bzhes kyi
rjes su 'brangs na zhe gtsang bar gsungs pa ltar

rang rang gi bla ma'i phyag bzhes kyi rjes su 'brangs na legs/
phal cher gyi phyag bzhes su nyin mo'i cha thog ma ni grub zin/
gso sbyong len ma ran pa'i bar der thor thug gtong mtshams khel
bar mdzad pa min zhing/ de'i snga phyi'i mtshams ran pa

zhig shin tu gal che bas/ de nyid zhib tu ngos 'dzin na/ skya
rengs ni shar zin cing lag ris mi mthong ba'i dus tshun chod kyi
bar der yin te/ skya rengs shar ba na nyin mo'i thog ma grub pas
phyi dro'i kha zas kyi nyes pa mi 'byung zhing/ de 'phral

lag ris mi mthong bas gso sbyong yang re zhig len mi ran pa'i
phyir ro/ /des na skya rengs dang po 'char kha'i mdun rol phan
ni snga nyin gyi mtshan mo dang/ dang po shar ma thag nas phyi
nyin gyi nyin mo'i dus kyi thog ma grub pa yin te/ mtsho TIka
las/

@027a @#/ /nyin zhag gi 'pho mtshams gtan la dbab pa la gnyis las/
spyir btang ni/ skye rengs dang po shar ba na nyin zhag 'phos
shing zhag phyi ma'i nyin mor gtogs pa yin te/ de'i dang po ni
skya rengs dang

po de'o/ /zhes gsungs/ de bzhin du 'ong ldan sogs gzhung du ma
nas gsungs pas nyin gyi thog ma ni skya rengs dang po 'char ba'i
dus nas tshugs par nges pa yin no/ /'o na skya rengs dang po shar
ba'i dus de ji ltar yin zhe na/ 'dul

gzhung rnams las/ mtshan mo'i thun tha ma'i phyed pa na skya
rengs shar ba dang/ nam gyi lnga cha lus pan shar ba sogs nam
ring thung gi khyad bar yin tshul lta bu mang du gsungs pa mtshams
'dzin dka' na'ang/ lung rnam 'byed dang 'od

ldan las mtshan ma'i sgo nas ngos 'dzin tshul gsungs pa shin tu
dpogs sla bas/ de ni rnam 'byed las/ skya rengs dang po ni sngon
por snang ba'o/ /skya rengs bar pa ni ser por snang ba'o/ /skya
rengs tha ma ni dmar por snang ba'o/ /

zhes dang/ 'od ldan las/ skya rengs dang po shar na ni/ /shar
phyogs su ni sngor snang zhing/ /skar ma'i gdong gi 'od nyams
la/ /nam mkha' sngo skyar 'gyur ba yin/ /skya rengs bar pa shar
na ni/ /de ni shar phyogs skya

zhing dmar/ /rgyu skar 'od ni chung ba dang/ /nam mkha' ser
skyar 'gyur ba yin/ /skya rengs tha ma shar na ni/ /rgyu skar
'od ni med pa dang/ /skya rengs tha ma 'o zir bshad/ /'o zi'ang
nyi ma shar bar du'o/ /zhes gsungs pa ltar/ shar

@027b phyogs kyi nam mkhar skya cung zad rgyugs te/ de ngos kyi
skar ma'i gdong gi 'od cung zad nyams shing sngo skya lta bur
gyur pan skya rengs dang po shar ba yin no/ /des na nyid kyis
gsungs pa ltar shar phyogs la dkar po'i 'od kyi mdangs cung zad
rgyugs

tsam nas skya rengs dang po 'char bar ngos 'dzin chog go /'grel
chung las/ sngo rengs ni nyi ma shar nas shing 'dzam bu'i lo
ma'i 'od kyis sngon por 'byung ngo/ /zhes gsungs pa zhig yod
kyang dpyad gzhir mdzad cing/ bya skad sgrog pa dang/

skya rengs 'char ba gnyis rtag par dus mnyam par mi 'byung bas/
bya skad la tshod bzung ba ni rtog ba shin tu rtsing bar gsal lo/
/des na skya rengs dang po shar nas lag ris mthong gi bar yun
ring rab tsam yod pas skya rengs

dang po shar ma thag thor thug 'thung nas/ lag ris mthong ma
mthong tsam la gso sbyong gi sdom pa len bar byed pa phyag len
shin tu gtsang bas phyin chad tshang mas de bzhin du mdzad 'tshal/
yang nyid kyi dri tshig tu/ tho rengs/ bya zar;

zhogs pa/ skya rengs shar pa/ nam langs zer ba sogs so so'i ming
gi sgra bshad dang dus tshod ji ltar yin gsungs pa/ skya rengs ni
gong du rgya cher bshad pa ltar dang/ tho rengs zhes pa ni/ skya
rengs dang po shar nas nam ma langs kyi

bar dang/ nam langs zhes pa ni nam gung gi dus kyi mun nag rnams
sangs te snang ba dkar po'i dus yar langs ba la zer bas gso
sbyong len ba'i dus tsam nas rang gi gnas su nyi ma ma phyogs
kyi bar du bya/ bya zar zhes pa khyed cag

@028a @#/ /khams kyi yul skad las/ bod du zer srol med kyang/
phal cher bya yis skad zer ba la bya zar zhes zur chag pa min
nam snyam zhing/ de lta na bya skad dang po sgrog pa la ngos
'dzin dgos so/ /zhogs

pa zhes pa ni/ skya rengs dang po nas nyin mo la cha gsum du
phye ba'i cha dang bo rdzogs kyi bar yin no/ /de ltar dris pa'i
lan gzhung lugs man ngag dang mthun par gsal por smras pa lags
pas thams cad kyis phyag len la thebs

par mdzod// ! (//lha ldan du yig 'dri'i slob grwa ba zhig la
gnang ba/) nyid nas/ slob grwar lto phyogs zhan pas 'phral du
dgongs zhu zhus na bzang min ji legs zhes gsungs pa/ ri zhig
dmus rang dka' thub ngal ba lhur len gyis yon tan

slob sbyong mdzad pa bzang zhing/ legs bshad las kyang/ mkhas pa
slob pa'i dus na sdug /bde bar sdod la mkhas mi srid/ /bde ba
chung la chags pa des/ /chen po'i bde ba thob mi srid/ /ces
gsungs pa ltar dgongs 'chol

(zhes stsal ba/ rang gzhan gyi thos bsam sgom pa sogs yon tan
thams cad la 'dra'o// ! //kong po o rong du bshad sgra'i tshab
'dzin gnyis la gnang ba/) de g.yul spyi'i snod bcud dge mtshan
rgyas thabs ji 'dra legs gsungs pa/ gtso bor bsod nams

kyi zhing la dge ba'i sa bon bskrun pa sogs bsod nams spel ba'i
thabs dang/ gtor ma brgya rtsa dang 'brel ba'i lan chags gtor ma
'gro che/ klu gtor grangs mang/ bse rag bskrad chog /dge slong
rnam dag tshogs pa nas rab tu

@028b gnas pa dge legs rgya mtsho'i char 'bebs yang yang bcas
bsgrub na bzang zhing/ gzhi rtsa srid rtse nas mnar med yan gyi
'gro ba mtha' dag rang rang dkar nag las kyi myong bya kho na'i
rjes su 'gro ba las gang gis kyang bcos su med pa/

sngon mnga' bdag nal pa can gyis bod 'bangs yongs kyi phyug dbul
lan gsum cha snyoms par mdzad kyang/ da dung sngar mus nyid las
mdzad thabs ma byung ba ltar ma zad/ padma bkod nas yar kong
smad khul dang bcas par phal cher kla

klo'i lugs su zhen cing/ chos lugs byed khul byas pa'ang lta log
rdzun chos kho nas khengs pa'i ngan 'bras mthong chos su smin te
padma bkod du'ang 'bras bu mi srid pa'i smyug mar 'bras bu smin
cing/ de dag tshang ma srog chags

byi bar gyur nas lo tog bcom pa sogs de ltar mi shis pa'i mtshan
ma sna tshogs mngon sum du byung 'dug pa/ des na gtso bor rang
rang dge bcu'i khrims dang/ blo bzang rgyal ba gnyis pa'i bstan
par sri zhu bsgrub pa sogs tshul bzhin

nus na bde skyid 'phel ba'i gnad che ba bcas zol med gsal 'debs
su phul ba dgongs zab tu bsti bar 'tshal// ! (//phyogs mtha'i
sprul sku zhig la stsal ba/) de ga bla brang sku sger du dgon
gzhung spyi rdzas nas bzhes rgyu'i skor kya nom thugs

blo khengs nges ma byung yang/ bla dgon dam gtsang la bsams nas
mthun sgrig zhu mus yin tshul phebs pa de don shin tu legs shing/
da skabs dgon pa'i phugs kyi spyi don bstan 'gro'i bde rtsa'i
gnas gzhi rlabs pa che 'dzugs pa'i

@029a @#/ /skabs 'dir drag zhan su 'dra nas kyang rang 'dod than
'khyer dgon spyir gnod rkyen cung zad tsam yang mi 'gro ba'i
lhag bsam brtan gal che ba ma zad/ lam rim du ji gsungs ltar dge
'dun gyi spyi rdzas

'di rigs spyi mos dwang ba'i kun slong gis phul ba byung na las/
g.yo thabs kyis len pa khab skud tsam yang dmyal ba'i nye rgyur
bsams te kho bos kyang shin tu 'dzem bya byed kyin yod lags na
de gnas kyang ran tshod 'dod chung chog shes

nan tar mdzad pa cis kyang gal che ba lags// ! (//dge rtse dpon
bgres la gnang ba/) da lam ji ltar gsungs bzhin/ nyid nas 'di
snang srid pa'i 'ching sgrog dpon gnas dgongs zhu gzhan 'gel zin
pa dge sbyor gyi grogs su shin

tu legs shing/ da cha 'di snang gi rnam g.yeng che bzhag chung
ba shol gyis 'gro 'dug spyod lam gang spyi gang zhig bskyang
bya'i dmigs rnam gyi thog tu bsgril gang thub nas/ sku na mtho
ba sogs kyis thugs pham 'byung tshul gsal ba thugs

med kyang/ ji skad du/ skra dkar gnyer ma lhags dus su'ang/
/thos pa bsag par bya ba ste/ /gang du thos mang 'gro 'gyur ba/
/der ni phung po 'gro mi 'gyur/ /ces sogs gsungs ba dang/ ma ti
paN chen

sogs sngon gyi dam pa mang pos kyang dgung grangs mthon por
phebs zin pan gzhi nas chos la zhugs pas/ mthar mkhas grub gnyis
ldan du gyur pa ji snyed cig byung ba bcas da phyin thugs brtson
mdzad na gtan 'dun gyi snying po lon par

@029b nges; snying po len lugs kyang lam rim kho na la chig
sgril dgos/ lam khrid skyong tshul gyi man ngag spom mda'i sbyin
bdag las tshan par phul ba'i bslab bya zur bris kyis phul ba ltar
nyams bzhes su bstar na mchog tu legs// ! //

(chab mdo gnyer chen tshe dga' la stsal ba/) ji gsungs ltar nyid
'di snang la yid log ste gtan 'dun rtse gcig bsgrub sems bsten
mus yod lugs de ltar du legs/ phyin chad kyang rje mid las/ zin
pa med pa'i bya las de/ /bshol na zin pa

'khor ba'i gshis/ /zhes gsungs pa'i don ltar/ srid pa'i nyes
phung chos brgyad dkar nag khra gsum gyi 'du long btsan chod du
mdzad de/ rang gzhan lan ma phugs gtan du phan pa'i lha chos/
bstan pa'i snying po tshang lam nor

ba'i lam gyi rim pa kho nar sang bya gnangs byas ma bslus par
myur du gzhol na 'phral dang yun du mi slu ba'i lam 'bras rang
rgyud la ring por mi thogs par 'byor bar nges pas de don thugs
la thogs// ! (//dmag spyi'i drung

zur skal bzang la stsal ba/) gang ltar 'jig rten 'di pa'i mkhyen
gter 'jam pa'i dbyangs lta bu nyid la 'jig rten lugs kyi zhu bya
ma dmigs shing/ 'on kyang lugs zung bslab bya las/ dgra la ha
cang sdang na rang la mtshungs/ /

zhes pa ltar ha cang gyong thal du ma song ba zhig dang/ gzhi
nas ji skad du/ gdong thug drag pos dgra bo 'dul dka' bas/ /sna
tshogs thabs kyis 'dun ma rlabs kyis chod/ /ces pa ltar/ bdag
gzhan mnyam pa rje ma nus kyang/ gnas

@030a @#/ /skabs ran tshod kyis thabs mkhas bsten pa 'jig rten
mdzangs pa'i srol lugs su gdams pa 'dra snyam/ de lta na'ang/
tshe 'di yud tsam mdang gi rmi lam bzhin/ /tshong dus mgron po
'dzoms

dang gyes pa bzhin/ /chos brgyad 'di yang byis pa'i rol rtsed
bzhin/ /don chung las la snying por zhen pa nyid/ /ces pa ltar
lags na/ gnas dus 'gro bsnyad/ 'byor rgud/ rgyal pham gang
la'ang thugs pham mi mdzad par gtso

bor sku tshe gtan gyi 'dun mar ha cang pham nyes su ma shor ba
zhig rten 'dir gal che bas de don mkhyen rab kyi klong du rol
ba// ! (//rgya nag phyogs su rgya'i dge bsnyen nyu'u tshal mo kra
ngal gnang ba/) de khul du dge ba shes rin po che

ngag dbang rnam rgyal nas 'jam mgon ring lugs dri ma med pa'i
srol bzang btsugs pa/ dge bsnyen gsar bu ba 'ga' nas bla ma'i
gzugs brnyan gang byung la chos zhus te rang yul gyi bstan pa
dri mas rnyog par byas yod tshod

kyang; nyid sogs dge bsnyen rgan pa rnams nas col chung gang
byung ma byas par rang lugs kyi grub mtha' dri ma med pa 'dzin
bzhin bzhugs pa ngo mtshar che/ deng skabs 'jam dbyangs tsong kha
pa'i bstan pa kho na ma gtogs/

sa skya; bka' brgyud/ rnying ma sogs thams cad kyi lta pa nor/
dbu ma thal 'gyur ba'i lta ba lta ci/ rang rgyud pa dang sems
tsam pa'i lta ba tsam yang med par mu stegs pa dang/ hwa shang
mahA ya na dang 'dra ba'i

@030b chad lta kho na bsgom/ chad lta bzung na 'bras bu dmyal ba
mnar med du 'gro ba las 'os med/ bying ba phra mo ngo mi shes
pas sgom pa yang skyon chags/ gsang sngags zab mdog gi kha pho
'brug ltar sgrogs pa las/ bde stong/ 'od gsal

sgyu lus/ zung 'jug sogs kyi zab gnad kha phyogs tsam yang mi
shes/ de dag la thar pa dang thams cad mkhyen pa'i lam ma nor ba
med pas de 'dra la lo stong phrag tu sgrub pa nyams len byas
kyang rtogs ba mi skye ba chu dkrogs nas mar 'dod pa

dang 'dra bas snying po med/ de ltar na lta sgom spyod gsum/ mdo
sngags gang gi thad la'ang 'khrul pa cung zad tsam yang med pa
ni 'jam mgon tsong kha pa'i lugs bzang kho na yin/ des na khyed
rang rnams dge ldan rang lugs

gyi lta sgom dri ma med pa grub mtha' gzhan gyi bsre lhad med
par 'dzin gal che bas de thugs su bzhag nas dge bshes rin po che
las slar yang rang lugs kyi lta sgom spyod gsum nan tan du zhu
zhing nyams su blangs na rang rang gi gtan

gyi 'dun ma rab dang rtse mor son/ sangs rgyas kyi bstan pa ngo
ma dar zhing rgyas par 'gyur bas de lugs thugs dgongs su bsti ba
dang/ yi ge 'di don rnams rgya yig tu bsgyur nas dge bsnyen
gzhan rnams la'ang sgrog par 'tshal// //

(rgya'i dpon chen lu'u cun krang gi btsun mo lu'u jo zhin la
gnang ba/) deng dus 'dzam bu'i gling 'dir rgya gar/ rgya nag
/mtha' bzhi'i rgyal khab dang bcas par rgyal po/ rgyal mo/ dpon
chen sogs rgyu stobs chen po/ dbang chen po/

@031a @#/ /rigs mtho ba/ gzugs bzang ba sogs tshe 'di'i bde skyid
phun sum tshogs pa shin tu mang po yod kyang/ sangs rgyas kyi
bstan pa lam zhugs pas tshe 'di la bde skyid che ba tsam las/
phyi mar skye

ba 'bum phrag mang bor ngan song gsum las thar dus med par sdug
bsngal dpag med myong dgos pa red/ rang re'i dpon po chen po
li'u cun krang 'di nyid chos lugs nang pa sangs rgyas pa la
zhugs/ de'i nang nas kyang

bstan pa'i snying po 'jam dpal dbyangs tsong kha pa'i bstan pa
la zhugs par mdzad pas/ dpon mo chen mo nyid kyang 'jam mgon
tsong kha pa'i bstan pa dang mjal/ de'i chos lugs mdzad pa 'di
bsod nams shin tu

che; las dang skal ba shin tu bzang/ sgrub pa rtse gcig tu ma
nus pas tshe 'di la thar pa thob ba zhig ma thub kyang/ skye ba
phyi mar ha cang thag ring min bar thar pa dang sangs rgyas thob
pa'i sa bon khyad par can rgyud la bzhag

nges red/ des na phyin chad kyang tshe phyi ma la rang gcig pu
'jig rten pha rol tu 'gro ba'i skabs su phan pa ni chos kho na
yin/ chos lugs thams cad kyi mchog /rgyal po lta bu ni tsong kha
pa'i lugs gcig pu yin pas 'di

rang gis nyams su gang lon dang/ rang gis nyams len chen po ma
thub kyang rang gi yul du dar gang thub mdzod dang rang dang
gzhan gyi skye ba 'bum phrag mang po'i don 'grub/ ngan song gi
sgo bcad/ mtho ris dang thar pa'i sgo phye/

@031b sangs rgyas kyi go 'phang gi rtsa ba bcugs pa yin pas rang
gzhan gnyis ka la phan pa'i don 'di las lhag pa med pas nan tan
thugs kyi dkyil du chongs// ! (//sa stag lor rgya'i dpon chen
lu'u cun krang la gnang ba/) deng gi dus sa

chen po'i khyon du 'khod pa'i rgyal po/ rgyal phran phal cher
kla klo'i chos lugs la mchog tu 'khrul te sangs rgyas kyi bstan
pa'i bdud rtsi las rgyab kyis phyogs nas rang nyid sde 'bangs
dang bcas par ngan song gi sgo yangs por phye

ba'i dus 'dir/ dpon po chen po khyod nyid ni sngon gyi smon lam
dang bsod nams kyi mthu dpung btsan pos sangs rgyas kyi bstan
pa'i snying po 'jam mgon tsong kha pa chen po'i ring lugs kho na
spyi bo'i gtsug tu bkur/ thugs kyi mthil du bzung ste

rang gi yul sogs zhing chen du mar khyab gdal du dar par mdzad
pas rang gzhan skye 'gro khri phrag nas khri phrag mang po'i
rgyud la bstan pa dri ma med pas thar pa'i sa bon bskrun te rnam
grol gyi lam yangs por mdzad pa'i mdzad pa bzang po 'di la

kho bos bsam bzhin bsam bzhin dang 'bro dang yi rang dpag tu med
pa rgya mtsho'i rba rlabs mkha' la 'phyur ba ltar thob pa bka'
drin shin tu che/ da dung yang sa steng 'di na mu stegs/ ye shu/
mu sul man/ kong tse/ bon sogs

lugs mang po dar ba rang rang gi lugs de mchog tu ba rloms
kyang/ sangs rgyas kyi bstan pa kho na ma gtogs gzhan tshang mar
thar pa'i lam med/ nyon mongs sna gcig kyang spong ba'i nus pa
med/ dus yun ring por dka' thub drag pos

@032a @#/ /nyams su blangs kyang ngan song gi sgo 'byed pa las
'bras bu bzang po ci yang thob mi nus/ lam ma yin pa lam du ston
pa'i bslu ba'i tshig kho na yin/ sangs rgyas kyi bstan pa ni de
las ldog ste/ thar

pa dang thams cad mkhyen pa'i go 'phang bde blag tu ster/ 'khor
ba dang ngan song gi skye sgo gcod/ nyon mongs pa brgyad khri
bzhi stong bag chags dang bcas pa rtsa ba nas spong bar nus/
dka' spyad snying rus ha cang chen po mi dgos

par lam bde ba nas 'bras bu bde ba thob/ bden pa'i bka' nam yang
bslu ba med pa kho na yin pas/ des na rang re rnams skye ba gtan
gyi don bzang po zhig sgrub na sangs rgyas kyi bstan pa kho na
la 'jug dgos/ bstan

pa de la grub mtha' smra ba bzhi yod kyang rtag chad kyi
g.yangs dang bral ba'i stong pa nyid ma nor ba rgyal ba'i
dgongs pa mthar thug ji bzhin du rtogs pa ni dbu ma thal 'gyur
ba kho na yin/ bod kyi ljongs 'dir rnying ma/ bka' brgyud/

sa skya; dge lugs sogs grub mtha' mi 'dra ba mang yang/ stong
nyid kyi lta ba ma nor ba dbu ma thal 'gyur ba'i lugs dpal mgon
klu sgrub kyi dgongs pa ltar gtan la 'bebs pa ni dpal mnyam med
ri bo dge lugs pa

kho na yin/ lta ba tsam du ma zad/ sgom pa rnam dag bying rmugs
dang bral ba dang/ spyod pa rnam dag 'dul ba ltar sgrub pa ste
lta sgom spyod gsum dang/ sangs rgyas kyi gsung rab yongs su
rdzogs pa lam gyi rim pa gcig

@032b tu bsgril nas 'khyer shes pa sogs ri bo dge lugs pa kho na
las med pas/ des na 'jam mgon tsong kha pa'i lugs dpal mnyam med
ri bo dge ldan pa'i bstan pa 'di ni sangs rgyas kyi bstan pa
thams cad kyi snying po rgyal mtshan gyi tog ltar

gyur pa yin pas 'di nyid rang gis 'dzin cing gzhan la spel ba ni
byang chub sems dpa'i spyod pa rlabs po che mchog tu gyur pa yin
pas na/ dpon po chen po khyod kyis sngon chad ji ltar mdzad pa
ltar rgya nag gi zhing chen por dar zhing rgyas

pa'i thabs gang la ci drag dang/ khams kyi yul gru rnams su yang
nyams pa sor chung/ mi nyams gong 'phel gyi thabs tshul bskyang
'os sogs gang ci nas ri bo dge ldan pa'i bstan pa'i thugs khur
'khyer ba'i rgyal sras kyi

spyod pa bzang po sngar bzhin lhod med bka' drin stsol ba// !
(//yangs yos lor lu'u cun krang la 'bul gnang mdzad pa/ ! 'jam
gling phyi nang gi grub mtha' spyi'i gnas tshul drang por brjod
pa bzhugs/) spyir 'dzam bu'i gling 'dir rang rang

chos lugs mi 'dra ba mang zhing/ rang rang gi lugs de mchog yin
snyam pa thams cad la yod kyang/ blo drang pos legs par brtag
na/ ye shu dang mu sul man gyi lugs ni kla klo zhes lugs shin tu
tha chad red/ chos lugs 'di

las rngugs pa med/ phyi rol pa mu stegs ser skya sogs kyi lugs
ni de las cung bzang yang thar pa'i lam med/ lus me la bsreg pa
dang/ mdung rtse gsum gyi steng du mchong ba sogs dka' las chen
po byed kyang thar ba'i lam med/ ngan song gi sgo

@033a @#/ /'byed pa red/ bon po zhes pa 'di yang phyi rol mu
stegs pa'i lugs dang khyad med/ thar pa ga la yod de ngan song
gi sgo 'byed pa yin/ kod tse'i lugs kyang sangs rgyas kyi bstan
pa ma yin pas

gnas skabs kyi bde thabs cam las thar pa med/ lugs 'di rnams
tshang ma sangs rgyas kyi bstan pa las phyi rol tu gyur pa yin
pas 'tshang rgyab phar bzhag /thar pa tsam thob pa'i lam gtan nas
med/ 'di rnams kyi chos byas

nas thar pa thob pa gcig kyang ston rgyu med/ phal cher ngan
song mu mtha' med par 'gro ba sha stag red/ thar pa'i lam ni
sangs rgyas kyi chos lugs kho na yin/ sangs rgyas kyi chos lugs
la'ang/ bcom ldan 'das shAkya thub pa

thugs rje can gyis/ dang po nyid nas zab mo stong nyid kyi mthar
thug bstan na gdul bya'i blo la mi chud pas/ dper na byis pa
rnams la yi ge ka kha nas rim gyis slob pa ltar thog mar sla
ba'i chos bstan te gang zag gi bdag med

rags pa tsam ston pa'i bye brag smra ba'i grub mtha' bstan/ de
nas de las cung bzang tsam gyi mdo sde pa'i grub mtha' bstan/ de
nas de las cung bzang ba chos kyi bdag med rags pa tsam ston
pa'i sems tsam pa bstan/ 'di thang

san bla mas rgya nag gi yul du dar rgyas mdzad/ de nas lta ba'i
mthar thug bdag med phra mo ston pa'i dbu ma'i grub mtha' bstan
cing/ de la'ang rgya gar gyi slob dpon legs ldan 'byed dang zhi
'tsho sogs kyis dbu ma'i grub mtha'

@033b la zhugs kyang/ stong nyid shin tu phra bas sangs rgyas
kyi dgongs pa mthar thug lon ma thub pas dbu ma 'bring tsam yin/
de dag la dbu ma rang rgyud pa zer/ yang rgya gar gyi slob dpon
sangs rgyas bskyangs dang zla ba grags pas sangs rgyas

kyi dgongs pa mthar thug mgon po klu sgrub kyis srol phyes pa ma
nor bar gting phyin par rtogs/ de la dbu ma thal 'gyur ba zer/
thar pa dang sangs rgyas thob byed kyi lam la thabs kyi cha dang
shes rab kyi cha gnyis yod pas/ rang rgyud pa man chad kyi

nang pa'i grub mtha' smra ba rnams kyis thabs kyi lam rnams ma
nor ba rnyed kyang/ shes rab kyi cha'i lta ba mthar thug rtogs
ma thub pas stong pa nyid cha 'dra tsam las ngo ma de rtogs ma
thub/ des na stong nyid phra mo ma nor ba sangs rgyas kyi

dgongs pa mthar thug rtogs pa dbu ma thal 'gyur ba kho na yin/
thal 'gyur ba'i lugs la ma zhugs na stong nyid ngo ma rtogs pa
gcig kyang med/ de med pas thar pa thob pa med/ sangs rgya mi
nus/ des na nang ba sangs rgyas pa'i chos lugs

grub mtha' smra ba bzhi'i nang gi rab dang mchog dang rtse mo
dbu ma thal 'gyur ba zhes pa 'di ni mgon po klu sgrub dang/ zla
ba grags pa'i lugs yin/ bod kyi yul du nang ba'i bstan pa sngags
rnying ma/ sa skya; bka' brgyud/ jo nang/

bo dong sogs lugs mang du yod pa tshang ma nang pa sangs rgyas pa
yin zhing/ tshogs gsog /sgrib sbyong/ lha bsgom/ sngags bzla ba
sogs thabs kyi cha bzang po brgyud nas thar lam du 'gro ba mang
po yod pas ye shu dang mu stegs sogs las bye

@034a @#/ /ba brgya 'gyur gyis lhag /'on kyang tsong kha pa'i
lugs lta bu'i lam cha tshang ba/ ma nor ba/ zab cing myur ba med/
lhag par bod kyi chos lugs gzhan thams cad kyis rang rang gi
lugs de lta ba dbu ma

thal 'gyur klu sgrub dang zla grags kyi lugs yin bar bsam zhing
smra yang/ ha cang zab cing phrabs rjes 'jug tshos mkhas grub
gong ma rnams kyi dgongs pa'i phugs rtogs ma thub par lta ba
nor/ phal cher hwa shang mahA ya na'i lugs

ltar gyur/ der gyur na chad ltar lhung ste dmyal ba'i rgyur 'gro
ba yin pas bod na'ang tsong kha pa'i lugs ma gtogs tshang ma lta
ba nor/ des na deng sang gnam 'ogs steng 'di na lta ba/ sgom pa/
spyod pa gang gi cha nas kyang

skyon gyi dri ma tsam yang med cing/ cha tshang la zab cing rgya
che/ tshul bzhin nyams su len shes shing nus na mi lo bcu gnyis
dang/ lo gsum phyogs gsum tsam la'ang sangs rgyas thob par nus
pa'i bstan pa 'gran zla med

ba gser sbyangs btso ma lta bu ni 'jam dbyangs tsong kha pa'i
lugs kho na yin bar kho bos dam bca' zhing/ lung dang rigs pa
brgya phrag gis bsgrub tu yod do/ /bstan pa de'i snying po yang
byang chub lam rim kho na yin/ 'di

lta bu'i lugs bzang yod bzhin du lugs ngan pa la zhen che ba ni
bod du yang mang po yod pa rang rang bsod nams kyi skal ba dman
pa'i rtags yin zhing/ khyed cag gi yul der sangs rgyas kyi bstan
pa'i snying po 'jam mgon tsong kha pa'i bstan

@034b pa gsar du tshugs pa 'di lta bu ni lha'i dbang po tshangs pa
brgya byin gyi bsod nams bye ba dung phyur gyis kyang cha tsam
yang bsgrun du med pa'i skal ba bzang po lags so// ! (// bar
khams sog sho dag ga 'da' dang mkhar dmar grong tsho gnyis kyi

zhi khro ba'i sngags 'chang rnams nas nan gyis zhus ngor stsal
ba/) dad ldan dag la ched du gdams pa/ rgyal ba sras bcas sogs
ye shes spyan ldan rnams dbang por bzhag /bka' bstan tshad ma
rgyal ba rang nyid dang rgya gar paN grub rnams kyi gsung rab

rnams gzhir gzung/ kho bos g.yo sgyus cung zad kyang ma bslad
par lhag bsam bzang pos drang gtam dmar rjen du smra na/ o
rgyan gyi slob dpon chen po padma 'byung gnas ni rgya gar gyi
paN grub tshad ldan/ ngo bo jo bo rje dang 'jam mgon

tsong kha pa rnam gsum dbyer med/ kho bo yang dad gus drag po
kha zhe med pa snying gi mthil du yod/ o rgyan sangs rgyas
gnyis pa rang nyid rgya gar du phyir gshegs pa'i rjes su mi ma
yin gyis rgyud brlams pa'i bal po ka ru 'dzin zhes bya

bas o rgyan chen por brdzus nas yongs te zog chos ci rigs bstan
pa la bod rnams bsod nams dman pas 'khrul nas yid ches/ des
rkyen mkhan slob rnam gnyis kyis bsgyur ba'i gsang sngags rnying
ma'i bstan pa gser sbyangs btsom lta bu

la bsre ldan ci rigs gyur/ lhag par de rjes su bod kyi sngags
rgan rnams kyis pha jos rgyud brtsom gis/ ma jos chang drongs
shig ces zer zhing/ nang ba'i gsang sngags dang bon dang mu
stegs kyi gsang sngags sogs ci rigs bsre lhad kyis

@035a @#/ /rang rang gi 'dod pa dang mthun pa'i rgyud brdzun ma
mang du bzos te lta sgom spyod gsum gang gi thad la'ang bsre
lhad mang du shor/ de dag gzhir bzhag nas zab gter dang/ dgongs
gter/ dag snang

sogs kyang mang du byas pas da ni gangs can gyi ljongs phal cher
lta sgom spyod gsum 'chal bar shor/ skabs don zhi kho zhes pa
'di yang 'gos lo'i sngags log sun 'byin du/ nang pa'i spyan ras
gzigs kyi rgyud dang mu stegs pa'i

rgyud gnyis bsres nas bram ze'i chos skad kyang ci rigs bcug ste
zhi khro 'dus pa'i rgyud ces bya ba brtsams/ 'di dag gi rjes su
'brangs te zhi khro'i skor mang du byung zhes snang/ bod kyi
mkhas pa mang po'i thugs su 'di ltar chud

nges kyang/ phal cher gyis rang rang nang nye dag la bstan cing/
yongs su grags par phog thug la 'dzems te ma gsung ba las don du
mkhas pa phal cher gyis dgongs kyin yod/ kho bos bstan pa khon
bsams shing snying rjes ma bzod pas

tshogs su smras ba las/ gsang sngags rnying ma'i bstan pa ngo ma
la ni ma dad pa dang ma gus pa snying thag pa nas min/ 'di dag
gi rnam dbye rgyas par chos dang chos min rnam 'byed/ 'gos lo'i
sngags log sun 'byin/ chag

lo'i sngags log sun 'byin/ pho brang zhi ba 'od kyi 'byams yig
chen mo/ rngog lo'i spring yig sogs bod snga rabs pa'i mkhas pa
mang pos bslab bya ched gnyer mdzad pa'i yi ge mang du yod pa
rnams la legs par gzigs

@035b nas tshe thung yud tsam 'di'i ring la gtan 'dun snying po
len lugs mnor/ ma 'chol ba dam don mdzod cig /ces kho bos lhag
bsam bzang pos springs so// ! (//yang lcags 'brug lor shis khang
spyi khyab dpon chen lu'u cun krang la

'bul gnang mdzad pa/) gang nyid kyi thugs brtse dang dad gus kyi
bka' drin dran pas bstan pa dgon pa gsar 'dzugs kyi skor la lhag
bsam zol med kyi zhu lan mdo tsam 'bul snying/ der rig pa'i slob
gra gsar 'dzugs mdzad rgyu bstan

pa'i gzhi mar shin tu bka' drin che mod/ spyir rig gnas che ba
lnga zhes sgra rig pa/ gso ba rig pa/ bzo rig pa/ gtan tshigs rig
pa/ nang don gyi rig pa bcas lnga yin/ rig gnas chung ba lnga
snyan ngag /sdeb sbyor/ zlos

gar; mngon brjod/ dkar rtsis bcas lnga yin/ rig gnas bcu po 'di
las nang don gyi rig pa ma gtogs gzhan rnams phyi nang thun mong
ba'i rig gnas yin pas/ sgra dang snyan ngag sogs ji tsam dar
yang tshig gi spros pa tsam las 'grong

rnams ngan song las drangs te thar pa dang thams cad mkhyen pa'i
sgor bkri bar mi nus shing/ sangs rgyas kyi bstan pa la'ang phan
pa cung zad kyang mi 'byung/ nang don gyi rig pa ni rgyal ba'i
bka' dang de'i dgongs 'grel 'phags yul paN grub kyi

gzhung chen tshad ldan dag las byung ba rnams yin zhing/ de dag
gi dgongs pa len lugs 'phags bod gnyis kar go ba gnad du song ma
song ci rigs yod pa las/ rgya gar 'phags yul du grub mtha' bye
brag smra ba/ mdo sde pa/ sems

@036a @#/ /tsam pa/ dbum pa dang bzhi la grub mtha' smra ba bzhir
grags/ sems tsam pa la'ang lung gi rjes 'brang gi sems tsam pa
dang/ rigs pa'i rjes 'brang gi sems tsam pa gnyis/ dbu ma pa
la'ang rang rgyud pa

dang thal 'gyur ba gnyis bcas yod pa las/ mdo sngags/ lta sgom
gang gi thad la'ang 'khrul pa cung zad kyang med ba'i rgyal ba'i
dgongs pa dri ma med pa ni dpal mgon klu sgrub kyi lugs bzang
dpal ldan zla ba grags pas legs

par srol phyes pa'i dbu ma thal 'gyur ba'i lugs bzang kho na yin
la/ bod gangs can gyi ljongs 'dir yang de 'dra'i grub mtha' smra
ba bzhi'i so so'i tha snyad ma dar kyang grub mtha' tha dad pa
gsang sngags snying ma/ gsar mas skya/

bka' brgyud/ shangs pa bka' brgyud/ bo dong/ jo nang/ zhwa lu/
dge ldan pa sogs lta sgom spyod gsum gyi rang lugs 'dzin tshul mi
'dra ba sna tshogs shig dar zhing/ de dag kun kyang 'phags yul
dbu ma thal 'gyur

ba'i lugs bzang yin khul du rlom zhing khas 'che yang/ snga
'gyur slob dpon chen po padma 'byung gnas dngos slob dang bcas
pa dang/ sa chen kun dga' snying po/ bka' brgyud kyi mar mi yab
sras/ bka' gdams kyi jo bo rje yab sras

sogs bstan pa'i rgyu 'go rnams thal 'gyur ba'i lta ba 'khrul ba
med ba rnyed pa sha stag yin kyang/ rjes su slob brgyud mtha'
dag lta ba nor te gtan la 'bebs lugs mi 'dra ba sna tshogs smra
yang/ snying po bsgom pa na ci yang yid la mi

@036b byed par 'jog pa hwa shang mahA ya na'i lta ngan nyid
rtse gcig tu sems par byed la/ de ltar lta ba'i go ba gnad du ma
song bas rang lugs la las 'bras dang/ 'khor 'das bcings grol
sogs gang yang med par smra ba'i chad lta mi bzad pa la

stong pa nyid du 'khrul te/ ji skad du dbu ma rin chen phreng ba
las/ gzhan yang 'di ni log bzung na/ /blun po mkhas pa'i nga
rgyal can/ /spong pas ma rungs bdag nyid can/ /mnar med par ni
spyi'u tshugs 'gro /zhes gsungs pa

ltar dmyal ba mnar med kyi sgo 'byed pa'i lta ngan lam du 'khrul
nas mi tshe hril por sgom par byed cing/ 'ga' zhig don dam stong
nyid kyi phyogs tsam yang ma go bar kun rdzob kyi dmigs rnam la
don dam du 'khrul nas mi tshe hril por

rtag lta sgom par byed pa sogs rtag chad kyi g.yang sa kho na
zab lam du 'khrul ba 'di lta'i skabs 'dir/ lta sgom spyod gsum
gang gi thad la'ang 'khrul ba'i dri ma cung zad tsam yang med pa
ni 'jam mgon tsong kha pa'i ring lugs 'di kho na

yin la/ sde dge'i gzhung chen bcu gsum zhes pa'i bshad pa 'di
yang bshad rgyu byams chos dang/ dbu ma rigs tshogs/ spyod 'jug
sogs rgya gzhung rtsod med rnams yin kyang/ bshad lugs gzhung
chen de dag gi dgongs pa

phyin ci log tu bkral nas bod snga rabs pa'i lta ba/ 'jam mgon
tsong kha pa chen pos lam rim chen mor dgag bya khyab ches pa
zhes lung rigs du mas dgag par mdzad pa'i hwa shang gi lta ngan
chad lta mi bzad pa gong du smus ma thag pa de

@037a @#/ /bzhin rang lugs su 'dzin/ phyogs mtshungs sngar go bo
rab 'byams pa zhes 'jam mgon tsong kha pa chen po'i mdzad pa
rnam thar la phrag don gi dug chus myos te 'jam mgon tsong kha
pa chen por dgag

pa dang ngan smras mang du byas pa/ de rjes se ra rje btsun chos
kyi rgyal mtshan dang/ 'bras spungs 'jam dbyangs dga' ba'i blo
gros zhes pa'i mkhas mchog rnam gnyis kyis dgag lan po tir longs
pa mdzad de dmigs med du

tshar bcad/ dgag lan rnams spar du brkos te se 'bras dga' gsum
sogs su dar zhing rgyas par yod mus dang/ go rams pa'i ngag
rtsom nyes bshad kyi phung po po ti bcu gsum tsam longs pa rnams
rgyal mchog lnga pa chen pos gang yod

bsdus te dmigs med du rgyas btabs mdzad cing/ phyin chad dar mi
chog pa mdzad kyang/ phyis su sde dge'i bla ma 'jam dbyangs
rgyal mtshan zhes pas ma dpe rtsol bas bsdus te spar du brkos/
lung rgyun med bzhin du lung byas/ khrid rgyun

med bzhin du khrid byas/ go rams pa'i nyes bshad rgyab tu khyer
te 'jam mgon tsong kha pa la ma dang/ log rtog /skur 'debs spel
gang thub byed pa de 'dra'i lugs ngan gtso bor 'dzin pa bcas 'di
dag btsugs na lta ngan gyi rgyun 'phel te

ngan song gi sgo 'byed pa kho nar 'gyur bas de dag gi srol ka
btsugs pa las ma btsugs pa brgya 'gyur gyis legs/ des na rgya
gzhung chen mo rnams kyi dgongs pa phyin ci ma log par bkral
zhing/ lhag par zab mo dbu ma'i lta ba sangs rgyas

@037b bcom ldan 'das kyi dgongs pa mthar thug /mgon po klu sgrub
kyi lugs bzang dpal ldan zla bas legs par srol phye bar mdzad
pa'i dbu ma thal 'gyur ba'i lugs dri ma med pa rje btsun tsong
kha pa chen por mgon po 'jam dpal dbyangs kyis dngos

su zhal bstan/ bla ma mdzad nas mdo sngags kyi dka' gnad mtha'
dag pha yis bur bzhin 'doms par mdzad/ snyan brgyud sprul ba'i
glegs bam dang bcas pa stsal ba'i lugs bzang 'di kho na mdo
sngags gang gi thad nas kyang

'khrul ba'i dri ma cung zad kyang med par chos phung brgyad khri
bzhi stong lam gyi rim pa gcig tu bsdus te nyams len du 'khyer
shes pa'i bstan pa yongs rdzogs kyi snying po gcig pu yin pas/
des na de ga rig gnas slob grwar yang grwas

chen po se 'bras dga' gsum gyi slob rgyun ltar gyi tshad ma rnam
'grel/ phar phyin/ dbu ma sogs mtshan nyid kyi rtsod grwa zhig
'dzugs gnang mdzad thub na bstan pa'i bya ba rlabs po che ji
srid rgyal bstan nam gnas bar skye 'gro mang

po'i mngon mtho dang/ nges legs thar pa dang thams cad mkhyen
pa'i rgyur 'gro nges kyis 'dzugs pa po la'ang gtan gyi 'dun ma
rlabs po che 'grub par gdon mi za/ 'di dgongs kyis dge ldan pa'i
phyogs lhung phyogs zhen byas te smras pa min par

'gro ba mang po lam log lam gol du shor ba la snying brtsel zod
med kyis rang bzhin drang po kho nar smras pa phyogs bcu'i sangs
rgyas rnams dbang por bzhugs chog pa ma zad/ lung rigs kyi rgyab
rten gyi khungs bu tir longs pa zhu rgyu yod kyang

@038a @#/ /'dir 'brir ma langs pas/ zhib par dge bshes rin po
cher bka' 'dri mdzad gnang gnad che ba bcas de lugs lha dgongs
zab mor bstib mkhyen// ! (//sog shod glang mdo rgan dmangs
spyi'i zhu lan du gnang

ba;) mtshams don/ snga lo sngags pa padma zhes pas thar pa don
gnyer gyi chos lugs las brtsams pa'i dri ba sna tshogs shig byung
bar/ ngos nas kyang phyogs 'dzin dang sgro skur gyis ma bslad
par lan gyi shog lhe bsrings pa de dag

snying thag pa nas lhag bsam bzod pa med pas yang dag pa'i lam
dang ltar snang gi lam 'di dang 'di'o zhes drang srong bden pa'i
dbyangs kyis smras pa las/ kho bos grub mtha'i phyogs zhen dang/
chags sdang phyogs lhung sogs kyis

smras pa cung zad kyang gtan nas med nges dang/ phyin chad ji
ltar bgyis pa legs khyed cag rang gi 'dod mos nyid las/ kho bo
la khyad par til 'bru tsam yang med pas khyed cag gis gang dga'
ci 'dod du bgyis na legs shing/ 'di skor

snga lor stag phu'i phyag dpe'i khrod na yig rnying mang du
snang ba dag sngags 'chang padma lags su mig ston bya rgyu bgyis
kyang skabs mtshams der dpe ma 'byor bas bskur bya ma rnyed la/
rjes su ngos 'gro khar rnyed kyang bskur long ma byung zhing/ da

lam sngon gyi dpe rnying gras 'gos khug pa lhas btsas dang chag
lo tsA ba'i gsung sngags log sun 'byin gyi dpe zung 'di gdong
bskur yod pa/ de nas 'bri klog sogs zin mtshams 'grul mi nges
'dong gdong yar nges 'phrod bskur lugs dang

@038b da dung 'di gnyis min pa lo tsA ba dpal 'dzin gyi chos
dang chos min rnam par 'byed pa/ lha bla ma byang chub 'od kyi
spring yig /pho brang zhi ba 'od kyi spring yig /sa paNDa'i ta'i
spring yig /rgyal po bla ma'i spring yig /rje btsun red mda'
ba'i 'phrin yig

sogs mkhas grub gong ma mang po'i gsung po tir longs pa snang ba
mtha' dag 'dir bskur du mi btub pa bcas yid 'jags nas/ don du
rnyed dka' don che'i rten bzang lan cig rnyed pa don med stong
log tu ma song bar/ nam gzhag

gtan gyi 'dun ma'i snying po phyin ci ma log pa'i thabs la bsod
nams dang blo nus ci yod kyis nan tan nyid du 'bad 'tshal lo/ / !
'di dag la dam pa 'ga' res dgongs gzhi dgos pa'i dbang dang/ kha
cig phrag dog 'dod sdang rmongs zhen

gyis dag min sna tshogs 'chad mkhan mang na'ang/ yang dag ltar
snang bzang ngan blang dor bstan te 'gro la phan par mdzad pa'i
don 'di la sun 'byin 'di dag mdzad pa po rnams dang/ snga phyi'i
mkhas grub tshad ldan mang po'i dgongs pa'i phugs gcig tu

'dug pa mtha' yas pa'i gsung rab kyi gnad las legs nyes 'byid
pa'i gzu bo'i blos dpyad na/ cha thams cad nas shin tu gsal por
rtogs par sla zhing/ der ma zad grub mtha' ris su ma mchis pa la
dag snang gi mkhyen spyan mkha' ltar

yangs ba rje thu'u bakwan chos kyi nyi ma'i gsung grub mtha'
thams cad kyi khungs dang 'dod tshul ston pa legs bshad shel gyi
me long sde dge spar ma las kyang/ gangs can gyi ljongs su bstan
pa 'phel 'grib mang du snang ste/ mkhan slob chos

@039a @#/ /gsum gyis bstan pa'i srol btsugs pa hwa shang gis
bslad par byas/ de ka ma la shI las tshar bcad nas lta spyod
rnam par dag pa dar rgyas su yod pa rgyal ngan glang dar mas
bsnubs nas lo bdun cu tsam gyi ring

la bod mun gling du gyur/ de nas bla chen dgongs pa rab gsal
gyis mdo khams smad nas bstan pa'i me ro bslangs/ lo chen rin
bzang gis mnga' ris stong nas gsos pas dbus gtsang gi ljongs su
dge 'dun gyi sde 'phel bar gyur mod kyang/ 'ga'

zhig 'dul ba la mos blos sngags khyad du gsod/ 'ga' zhig sngags
la mos blos 'dul ba khyad du gsod pas bstan pa phyogs re bar
song/ phal mo che grub mtha'i kha 'dzin gyi bshad pa tsam las
thub bstan yongs su rdzogs pa nyams len du

khyer shes pa lta zhog /phyogs mthong gi go ba chags pa'ang dkon
par gyur/ lhag par glang dar gyis bstan pa bsnubs pa'i bar der/
sngags pa 'ga' zhig gis rgyud tshig blo la yod pa rnams yi ger
bris par/ bar skabs kyi tshig

brjed nas ma thon pa rnams la blo bzo'i bslad bcug /brda chad
gang byung sbyar/ yang la las rgyud kyi ming btags pa'i rtog
bzo'i yi ge grong tshig 'ba' zhig gis gang 'dod du bris/ sngags
pa 'ga' zhig gis rang gi chung ma la de ring chang zhim

pa bzos dang/ ngas rgyud pu sti longs pa zhig rtsom pa yin zer
pa'ang byung/ rgya gar nas a tsa r+ya dmar po zhes bya ba dang/
paNDi ta sham thabs sngon po can bya ba la sogs pa 'ga' zhig
byung nas bud med spyod pa la sbyor ba dang/ dgra la sogs pa'i

@039b sems can gsod pa la sgrol ba zhes sbyor sgrol du grags
pa'i chos log dang/ gzhan yang sngags la snyang btags pa'i
rtsing spyod mang po zhig dar bar byas/ de dag gi dbang gis lta
spyod rnam dag 'dzin pa nyung zhing chos log spyod pa mang du
gyur pa la/ lha

bla ma ye shes 'od dang/ pho brang zhi ba 'od dang/ lo chen rin
bzang sogs kyis chos log sun 'byin gyi yi ge bris nas bkram pas
kyang phan pa ma byung/ zhes dang/ yang de nyid las/ gzhan yang
rnying ma'i rgyud rnams dang/ lta sgom spyod gsum

dang; gzhi lam 'bras gsum gyi rnam gzhag gang dang gang la yang
slad zhugs pa mang du snang med kyang/ rgyu mtshan des 'di ni log
pa'i chos so zhes skur pa 'debs mi rung ste/ g.ya' zhugs pa'i
gser la rag na zhes zer mi rung ba dang mtshungs

so; ;slad zhugs pa ni rnying ma gcig pur ma zad kyi/ rnam dpyod
can gyis zhib tu brtags na bod kyi grub mtha' thams cad la yod
bar snang bas/ tshul 'di legs par shes na rgyal ba tsong kha pa'i
ring lugs 'ba' zhig thar 'dod rnams kyi 'jug ngogs skyon/

med du rigs pas drangs pa'i nges shes skye bar 'gyur te/ zhes
dang/ rnying ma'i chos lugs 'di mtha' gcig tu rnam par dag pa
dang/ ma dag pa dang/ 'dres mar gyur pa gang yin snyam na/ lo
chen rin chen bzang po'i chos dang chos min rnam 'byed

dang/ lha bla ma ye shes 'od dang zhi ba 'od dang/ tsa mi lo
tsA/ chag lo rnams kyi springs yig dang/ rdog gi gze ma ram go
/sa paN gyi sdom gsum rab dbye rnams su rnying ma la dmig phug
pa'i skyon brjod mi gsal yang/ bod du dar ba'i chos

@040a @#/ /lugs ma dag pa ris med la dgag pa mdzad ba'i gseb tu
rnying ma pa la dbu phog zhabs phog gi gsung re gnyis yod par
snang/ 'gos khug pa lhas btsas dang/ 'bri gung dpal 'dzin gnyis
kyis sgrub

byed mang du bkod nas rnying ma chos rnam dag ma yin par sgrub
cing/ shAkya mchog ldan dang/ karma pa mi bskyod rdo rjes kyang
de'i rjes zlos byas 'dug /bu ston gyis mdzad pa yin khul zhig
'dug pa gsung 'bum gyi dkar chag

rnams su mi snang zhing/ tshig sbyor la dpags kyang mkhas pa'i
gsung gi nyams mi 'dug pas/ blun po zhig gis bris nas bu ston
rin po che la kha g.yar bar zad do/ /lo tsA ba rong zom chos
bzang/ kun spangs thugs rje brtson

'grus/ karma pa rang byung rdo rje/ grub thob o rgyan pa/ bcom
ldan ral gri /thar lo nyi ma rgyal mtshan/ phyis kyi 'brug pa
padma dkar po/ dpa' bo gtsug lag phreng ba sogs grub mtha' gzhan
gyi mkhas par grags pa dang/

'khon ston dpal 'byor lhun grub pa dang/ gong sa lnga pa chen po
sogs rang phyogs pa 'ga' zhig gis kyang chos rnam dag tu 'chad/
bu ston rin po che/ rgyal ba tsong kha pa yab sras sogs tshad
ma'i skyes bu mang po zhig gis ni btang

snyoms su 'jog par mdzad do/ /dge legs dpal bzang pos sbyar zhes
pa yod pa'i rnying ma rnam dag tu sgrub pa'i tshigs bcad mang
tsam pa zhig 'dug pa ni/ dge legs dpal bzang gzhan zhig yin na
ni der zad la/ mkhas grub

@040b thams cad mkhyen pa'i gsung min pa ni sus bltas kyang shes
par snang ngo/ /zhes gsungs/ 'khon ston dpal 'byor lhun grub
sogs kyis phyi tshul gsar rnying ris med la dag snang che bar
mdzad kyang/ dgongs ba'i mthil chos lugs tsheng mkhyad par

med par bsre lhad kyis 'dzin pa ni gtan nas ma yin te/ rgyal
mchog lnga pa chen po'i gsung 'khon ston gyi rnam thar gsol
'debs las/ gnas lnga rig pa'i rol mtsho legs 'khyil zhing/ /ris
bral bstan pa'i bar rin rnam bzhi'i steng/ /blo

bzang ring lugs rin chen khang bzang dbus/ /'gying mkhas 'jam
mgon bla mar gsol ba 'debs/ /zhes dang/ bslab gsum rjod par byed
pa'i sde snod kun/ /sngon med legs bshad gsar pas rab brgyan
tshe/ /blo bzang rgyal ba slar yong

rang nyid kyi/ /ring lugs 'dzin par byon snyam 'phyang mo nyug
/ces sogs gsungs/ yang kun mkhyen rgyal ba'i dbang po lnga pa
chen po nyid kyis/ rang rigs gna' bor zhen pa'i rtul po'i blos/
/bstod min gtan gyi skyabs gnas btsong kha par/ /

nges kyang ris med grub mthar smod pa'i mtshon/ /mi 'phen shes
rab mig dkyus ring po'i drin/ /zhes dang/ chos nyid gnyug ma
mthong rlom rbad rkam gyis/ /kun rdzob rdzun phugs brdib smra'i
zog tshul la/ /yid rton de dag rgyal bas bden pa

gnyis/ /thabs dang thabs byung gsungs pa rgyang du bsrings/
/zhig tshul tho cor spyod la dpa' skad can/ /phra mo'i gtam tsam
la yang bzhin 'gyur mkhan/ /phye leb mar me'i rtse nas ldog srid
par/ /gzur gnas blo ldan mtshar du ci

@041a @#/ /la 'dzin/ /chos kun gdod nas stong pa tsam gyis kyang/
/tha snyad rten 'brel mi bslur nges rnyed pa/ /klu sgrub dgongs
don 'jam dpal snying po yis/ /legs bkral 'di la shes ldan su yis
bsnyon/ /zhes dang

snying bo yang dag par 'jug pa'i tshul de'ang mdo rgyud bstan
bcos dang mthun pa'i gsung rab sgra tshad dngos stobs ngang
mtshungs pa'i rigs pas mdo rgyud dang mi 'gal bar rjes su gdams
pa'i man ngag sangs rgyas kyis gsungs pa mkhas pa

las brgyud grub thob kyis bsgoms/ paNDi tas bshad/ lo tsA bas
bsgyur/ rgya gar dang bo kyi sde snod 'dzin pa thams cad la
grags pa zhig dgos/ zhes dang/ yang lnga pa chen pos dpal ldan
'bras spungs kyi bca' yig sogs

su'ang/ lta grub mi gcig par gnyis byung ba sngar nas 'bud bzhin
pa yin pas/ zhes dang/ grub mtha' 'gyur la re ba'i dgos dbang
gis gzhan phyogs ba'i rigs ched gnyer bcu gan min ba lta grub mi
gcig pa'i mi sogs yongs pa rnams grwa

tshang dang khams tshan so sos thob pa rgyu mtshan du byas te ngan
ma tshang phyir skyel gyis phugs zhabs 'dren las sbros ba'i dgos
pa chung nges su 'dug pas mi bsten/ zhes dang/ bstan pa spyi
dang dge lugs kyi chos spyod ma gtogs grub mtha' gzhan gyi

gsol 'debs sogs chos spyod kyi rigs gling gseb tu 'don sa med
cing/ zhes sogs skabs sna tshogs nas yang yang nan tan du gsungs
'dug /bu ston gyis mdzad pa'i chos log sun 'byin zhes pa la gong
du bu ston gyis mdzad pa yin khul zhes

@041b gsungs snang yang/ de bu ston gyis ma mdzad pa'i don gyi
shes byed ma byung bar/ gsung 'bum dkar chag tsam gyis dpog dgos
pa gtan tshigs ha cang col chung bar sems/ tshig sbyor yang thu'u
bakwan rin po che nyid kyi gsung ke ta ka'i byi dor las/

mdo rgyud dang mthun mi mthun ni tshig tsam ma yin par brjod bya
la byed dgos pa'i phyir ro/ /zhes dang/ bod kyi yul skad la sogs
pa 'des bas kyang rnam par ma dag par kha tshon gcod mi rung zhes
sogs nas legs sbyar nas kal klo'i skad tshun gyi

chos rnam dag yod par gsungs pa don la gnas phyir/ mkhas pa'i
tshig gi nyams med pa tsam gyis bu ston gyi min par sgrub dka'
kar 'dug /bu ston rin po che yang chos log la legs so 'bul mkhan
zhig ni min pa 'dra ste/ bu ston gyis mdzad pa'i

chos 'byung las/ gnyis med gsung ba'i nyin byed nub gyur cing/
/bstan 'dzin skye bo'i thun mtshams 'od dang bral/ /nag po'i
phyogs gyur sdig spyod 'byung po'i bya/ /lta ngan sna tshogs
bzung ste rang dgar spyod/ /ces dang/ kye ma kho bo

sngon gyi bsod nams dman/ /chos nub log spyod dar ba bod kyi
yul/ /blun po bkur zhing mkhas rnams rtswa ltar 'dor/ /chos ldan
brnyas pa'i gangs ri'i khrod 'dir skyes/ /zhes dang/ bdag gis
chos min smra ru chos dang 'gal/ /

chos bzhin smras na bod rnams dgra ru ldang/ /zhes sogs gsungs
pas so/ /yang thu'u bakwan gsung grub mtha' las/ dus phyis rje
drung sprul sku blo bzang phrin las kyis gter bdag gling ba'i
gter ma gsang ba ye shes kyi chos skor rtsal

@042a @#/ /'don gyis gsar rnying bsres pa'i yig cha mang po
brtsams/ de'i sgo nas bdud rtsi mchod pa dang rig ma mchod pa
phyogs thams cad du dar bar byas pas/ (phur log) chang nag la
dga' ba'i ser skya thams cad rjes su

'brangs/ dge lugs pa'i sprul sku dang dge bshes 'ga' zhig kyang
de la zhugs/ chu lho byang gi gtsang dgon mang po ser khyim du
gtong la kha dbyung ba/ bdag cag gi 'dren mchog dam pa mai tri'i
mtshan can gyis chos dang mthun par nyams

smad cing tshar bcad pas rtsing chos de bag la zha bar gyur to/
/rje drung sprul sku nyid rtogs pa mthon por byon ba zhig ni yin
nges pas dgongs gzhi dang dgos pa khyad par can yod srid kyang/
snang tshed la gsar rnying thams cad gcig tu

bsres pas gnyis ka'i gral du mi chud pa dang/ mdzad pa de bstan
pa'i rtsa ba tshangs spyod la gnod pa chen po dang/ sems can mang
po dmyal bar 'gro ba'i rgyur song ba lta bu byung snang ngo/
/dbus gtsang du rnying ma'i sde dgon che ba rdor smin

gnyis dang/ chung ba mi nyung tsam yod 'dug /khams su rdzogs
chen dgon dang/ kaHthog dang/ ze chen dgon sogs yod 'dug /de dag
tu mdo sgyu sems gsum sogs chos kyi snying po rnams ni ka dag
gdod ma'i klong du thim

nas ring zhig lon pas/ da lta'i rnying ma ba rnams las byang
gyer ba dang/ tshogs 'khor gyi yo lang dang/ mnan sreg 'phang
gsum sogs las sbyor gyi gzugs brnyan la snying por byed pa tsam
mo/ /zhes dang/ si tu'i skye brgyud chos

@042b kyi nyin byed bya bas khams sde dger dpal spungs chos sde
btab/ dus phyis tha snyad rig gnas la 'di las mkhas pa ma byung
ba lta bu snang/ gsar 'gyur dang 'gyur bcos mdzad pa dang/ rig
gnas kyi rtsom pa'ang shin tu mang/ 'on kyang

de'i rnam thar na si tu dang po dbu ma'i lta ba 'dzin pa la/
rnying ma ba zhig gis jo nang pa'i lta ba la zhugs na sku tshe
ring bar lung bstan pas/ mchod rten bya rung kha shor gyi drung
du phyin chad dbu ma'i lta ba dor nas gzhan stong gi lta ba
'dzin

par dam bcas so/ /zhes 'dug pa ni dbu rul ba shangs kyis ma tshor
ba'i rnam thar du 'dug go /zhes dang/ yang de nyid las/ bod kyi
grub mtha' ba phal mo che zhig gis/ sde snod mang du thos pa la
rtog ge ba dang/ ston pa zhes ma

rangs pa'i gnas su byed cing thos pa dor nas rtsa rlung thig le
sgom pa tsam dang/ sems kyi ngo bo gcer mthong du ngo sprad pa
tsam gyis grol bar re ba'i nyams len ni nyi tshe ba dang/ thos pa
byed par rlom pa dag kyang gzhung lugs phyogs re ba dang nyi tshe
ba

tsam gyis chog shes par byed pas/ de dag ni/ mdo sde rgyan las/
'di na dang por thos la brten nas tshul bzhin yid la byed pa
'byung/ /zhes sogs lung sde snod gsum la thos bsam sgom gsum gyi
sgo nas rgyud rim gyis sbyangs te lam

bslab pa gsum gyis thar pa dang thams cad mkhyen pa sgrub pa'i
rnam gzhag dang mi mthun la/ des na de dag la gzhung lugs las
bshad pa'i bstan par 'jog byed kyi chos ma tshang ngo/ /dge ldan
pa'i ring lugs 'di la/ mdo sde'i sde

@043a @#/ /snod la thos bsam bgyis te theg pa gong 'og gi bslab
pa gsum ka gtan la pab/ 'dul ba'i sde snod la thos bsam bgyis te
tshul khrims dan ting nge 'dzin gnyis sgrub bar byed/ mngon pa'i
sde snod la thos

bsam bgyis te chos rnams kyi mtshan nyid ma nor bar rig pa'i shes
rab bskyed nas shes rab kyi bslab pa sgrub par byed cing mngon
sum du thob par byed/ khyad par du theg chen gyi sde snod las
byang chub kyi sems dang/ sa dang pha rol tu

phyin pa'i spyod pa rgya chen po dang/ bdag med phra mo rigs
pa'i rnam grangs mtha' yas pa'i sgo nas bstan pa rnams thos bsam
sgom ba'i gtso bor byed pa yin pas/ lugs mchog tu gyur pa 'di
nyid la bstan pa spyi dang khyad par du

theg chen gyi bstan par 'jog byed kyi mtshan nyid yongs su rdzogs
pa dang ldan pa yin no/ /'jog byed kyi chos de la gsang sngags
ma tshang ngo snyam na/ gsang sngags spyi ni mdo sde'i sde snod
du 'du ba dbung bzang gi rgyud dang rgya gar paN

chen gyis gsungs la/ nang gses kyis dper na dam pa rigs brgya'i
skabs su gzugs lta bu la kha dog gi gzugs dang/ dbyibs kyi
gzugs/ snang ba'i gzugs sogs dang/ 'du shes la rkang med rkang
mang rkang bzhi'i 'du shes sogs

bshad pa lta bu dang/ thun mong ma yin pa'i bde stong gi ye shes
kyi stong pa'i cha gtso bor ston pa rnams mngon ba dang/ bskyed
rdzogs kyi skabs su nga rgyal dang gsal snang gi sgo nas thun
mong ma yin pa'i ting nge 'dzin sgrub tshul ston pa rnams mdo

@043b sde dang/ sngags kyi sdom pa dang dam tshig gi spyi bye
brag ston pa rnams 'dul ba'i sde snod du 'du bas logs su dbye mi
dgos so/ /lta sgom spyod gsum la nor ba'i skyon cung zad kyang
med pa dge ldan pa dang mtshungs pa gangs can gyi grub mtha'
gzhan gang

la yang ma mchis pas/ de gsum gyi sgo nas grub mtha' gzhan thams
cad las dge lugs pa khyad par du 'phags ba yin te/ de yang lta
ba'i sgo nas khyad par du 'phags tshul ni/ bod snga rabs pa kha
cig stong pa nyid kyi don ci yang med pa zhig tu

bzung nas dge mi dge las 'bras sogs gtan med du 'dod pa'i chad
lta ngan pa la lta ba mchog tu 'dzin par byed/ 'di ni 'thad pa
ma yin te/ mu stegs kyi tha chad rgyang 'phen pa la rtog ge ba
dang snyoms 'jug pa gnyis yod pa'i nang tshan snyoms 'jug

ba 'ga' zhig gis skye ba brgya tshun chad sogs kyi las rgyu 'bras
khas len kyang thar pa khas mi len la/ rtog ge bas las 'bras
dang thar pa med mnyam du 'dod pa yin gyi las 'bras gtan med du
bzung nas thar lam sgrub pa'i grub mtha' phyi nang gi rigs

smra sus kyang khas mi len pas so/ /yang 'ga' zhig stong pa nyid
bden grub yin cing/ de kun rdzob pa'i chos gzhan gyis stong pa'i
gzhan stong ni gnas lugs mthar thug yin no zhes zer/ de yang mi
'thad de/ rtsa she las/ gang dag stong

ba nyid lta ba/ /de dag sgrub tu med par gsungs/ /zhes rtag
lta'i mthar thug gsor mi rung du klu sgrub kyis kyang gsungs la/
klu sgrub ni nges don 'chad pa la tshad ma'i skyes bur rgyal ba
rang nyid kyis lang gshegs sogs las gsungs pas so/ /la

@044a @#/ /lan re/ yod tsam du bzung na mtshan 'dzin du 'gyur bas
chos thams cad yod pa yang ma yin med pa yang ma yin/ de'i phyir
sgom na'ang bdag yod med dang stong mi stong sogs gang du yang
yid la mi byed par 'jog

cing; ci yang yid la mi byed pa de kho na nyid bsgom pa yin pa
dang/ mthong ba de ka mthong ba yin zer nas lta sgom gnyis ka
hwa shang gi lugs sor bzhag tu smra bar byed/ de yang 'thad pa
ma yin te/ yod med dang/ rtag mi rtag

dang; gcig tha dad sogs ni rnam bcad yongs gcod kyi sgo nas phan
tshun spangs te 'gal bar rgya gar paN chen gyi lung rigs kyis
grub cing/ yid la mi byed snyam pa de ka yid la byed par song
zhing/ ma mthong ba de ka mthong ba dang ma

mthong ba gnyis kar song bas 'gal 'du 'ba' zhig tu snang bas so/
/yang bsam gtan par khas 'che ba dag spros bcas kyi dge sbyor ni
g.yeng ba las ma 'das pas gnas lugs kyi don 'ba' zhig bsgom
dgos la/ de yang rigs pa'i

rjes su 'brang ba'i dpyad pa byed mi dgos/ rtog dpyod gang yang
mi byed par sems 'das pa'i rjes mi gcod/ ma 'ongs ba'i sdun me
bsu/ da ltar gyi shes pa so ma la bzo bcos mi byed par gsal
stong 'dzin med kyi ngang la rnam rtog

gi bzo thams cad dor nas ci yang yid la mi byed par 'bol le shig
ge glod nas bzhag pas sems chos sku'i rang ngo rjen cher gyis
mthong nas yong ba yin zhes zer/ de yang 'thad pa ma yin te/
gang yang yid la ma byas par bsdad pas gang yang mi mkhyen pa

@044b med pa'i sangs rgyas kyi ye shes rgyud la skye na mi mthun
pa'i rgyu las mi mthun pa'i 'bras bu 'byung bas thams cad las
thams cad skye bar 'gyur ro/ /rgyas par ni rje thams cad mkhyen
pa'i legs bshad lam rim dang/ rtsa 'jug gi rnam bshad/ sras kyi
thu

bos mdzad pa'i stong thun skal bzang mig 'byed dang/ lta khrid
lta ngan mun sel sogs las 'byung ba ltar ro/ /des na snga rabs
pa de dag gis don dam dpyod byed kyi rigs pas dpyad pa na dgag
bya ma lus pa khegs pa dang/ bkag

pa'i shul du las 'bras bya byed sogs bsnyon med du 'jog shes
pa'i gnyis tshogs de 'jog ma shes pas dman la/ nges don 'grel par
rgyal ba rang nyid kyis lung bstan pa'i dpal mgon 'phags pa klu
sgrub yab sras kyi gzhung gi rjes su

'brangs te/ 'khor 'das kyi chos thams cad rang rang gi gdags
gzhi'i ngos nas don dam par grub pa rdul tsam yang mi dmigs
kyang gdags gzhi'i steng du ming dang rtog pas phar bzhag tsam
de tha snyad du tshad mas grub la/ chos rnams rang rang gi

ngo bos stong pa'i rgyu mtshan gyis tha snyad du chos de dang der
grub cing bya byed sogs 'thad ldan du 'jog shes pas/ rang bzhin
gyis grub pa tha snyad du yang khegs kyang las 'bras la sogs
pa'i bya byed thams cad gzhan ngo tsam la skyel mi dgos par rang

lugs la yang tshad grub tu khas blangs pas chog par ma zad/ rten
'brel gyi chos la nges pa drangs pa nyid kyis rang bzhin med ba
la nges pa cher 'gro bas stong pa dang rten 'byung gcig grogs su
gcig 'khyer shes pa'i zab mo'i gtam 'di ni/ rje

@045a @#/ /bdag nyid chen po kho nas rje btsun 'jam dpal dbyangs
kyi bka' drin la brten nas rnyed cing gsal bar 'doms par mdzad
pa las/ gzhan sngon byon pa'i bod kyi mkhas pa sus kyang ji lta
ba bzhin gtan la

phab nas gsungs pa ma mchis so/ /des na rgyal tshab thams cad
mkhyen pas/ ji srid rje btsun dam pa ma rnyed pa/ /de srid srid
pa'i rtsa ba gcod byed lam/ /rten 'byung mtha' dang bral ba'i
dbu ma ni/ /phyogs tsam zhig kyang rtogs

par ma gyur to/ /zhes gsungs pas so/ /'dzam gling rgyan drug lta
bu la co 'dri ba'i rigs pa'i dbang phyug chen po de nyid kyis
kyang/ rje bdag nyid chen po dang zhal ma mjal gong du mtha'
bral dbu ma'i lta ba 'di nyid kyi phyogs tsam yang ma rtogs

par gsungs na/ rje bdag nyid chen po'i legs bshad kyi bdud
rtsi'i ro ma myangs pa'i mkhas par khas 'che ba gzhan dag gi
spyod yul du ma gyur pa lta smos kyang ci dgos/ bod snga ma dag
gis dbu ma'i lugs bzang lta ci smos/ rnam rigs

lugs kyi gzugs sogs ngo bo dang/ khyad par kun btags pa'i kun
btags dang/ de rang gi mtshan nyid kyis grub pa bkag pa'i chos
kyi bdag med du 'jog pa'i tshul yang sus kyang ji lta ba bzhin
'chad ma nus te/ mkhas grub

rjes; su zhig gis kyang gang du yang/ /lung bstan ma nus zab
pa'i gnas/ /dgongs don rin chen gter phye nas/ /'di ltas dgyes
ba bskyed par byas/ /zhes sems tsam pa'i grub mtha' 'chad pa'i
skabs su gsungs pa'i phyir ro//

@045b 'o na mar mi yab sras/ sa chen yab sras sogs dang/ 'brom
ston yab sras/ bu rdog red mda' ba sogs sngon gyi dam pa de dag
gis kyang zab don ma rtogs par smra'am zhe na/ de dag gi rjes
'brang la nges pa mi 'dug kyang gong ma de dag gis

dbu ma'i lta ba ma rtogs zhes smra mi nus so/ /de lta mod kyi
rje thams cad mkhyen pa bzhin du dbu ma'i lugs zab mo 'di nyid
lung rigs dri ma med pas rgyas par gtan la phab ste klu sgrub
yab sras kyi dgongs pa 'khrul med du bkral ba'i gzhung

chen po mdzad pa ni mi snang ste/ de dag gi gsung rab rnams
mthong bas shes par 'dug pas so/ /rje rang gi gsung las/ lung
rigs mang thos rigs pa'i lam du yang/ /dal ba mang bsten mngon
par rtogs pa yi/ /yon tan tshogs

kyis mi dman du mas kyang/ /'bad kyang rtogs par ma gyur gnas de
ni/ /'jam mgon bla ma'i drin gyis legs mthong nas/ /zhes 'byung
ba'i don 'chad pa na 'ga' zhig gis/ gzhung lugs mang thos bu
ston/ rigs pa'i lam du ngal ba mang bsten sa paN

dang; phya gtsang/ mngon par rtogs pa'i yon tan gyis mi dman pa
mar mi sgam po sogs zhes bshad pa yang snang ngo/ /des na dge
ldan pa ni/ gnas lugs zab mo'i don la skrag gyur nas/ /blos byas
nyi tshe'i stong pa mchog 'dzin pa'i/ /log

pa'i lta ngan mtha' dag rab spangs nas/ /chos kun gdod nas stong
par rtogs par shog /ces rje rang gis smon ba mdzad pa bzhin du/
blos byas dang nyi tshe'i stong pa tsam ma yin par gzugs nas rnam
mkhyen gyi bar gyi chos thams cad kyi

@046a @#/ /steng du dgag bya rang bzhin gyis grub pa bkag pa'i
stong pa nyid rgyal ba'i dgongs pa mthar thug pa zab mo dbu ma'i
lta ba phun sum tshogs pa bshad pa dang sgrub ba ni kun la thun
mong gi spyi nor lta bur ldan

la; grub mtha' gzhan la srid tsam gyi mtha' sus khegs kyang thun
mong dang mi ldan pas na lta ba'i sgo nas gzhan las khyad par du
'phags so/ /sgom pa'i sgo nas kyang ri bo dge ldan pa'i ring
lugs gzhan las khyad par du 'phags

te; bod kyi bsam gtan par grags pa rnams 'di skad ces/ rnam rtog
thams cad spang bya yin pas dgag dgos zer ba dang/ yang 'ga'
zhig gis rnam rtog chos sku'i yo lang yin pas j tsam rgyas pa
tsam gyis nyams rtogs

rgyas pa yin zer/ la las/ rnam rtog ma rig chen po ste/ /'khor
ba'i rgya mtshor ltung bar byed/ /ces gsungs pas rnam rtog ma rig
pa yin zer/ la las rnam rtog chos sku yin zer/ 'ga' zhig gis yid
ma 'phros par sa le

hrig ge gnas ba'i tshe sangs rgyas sam myang 'das yin/ cung zad
gcig 'phros pa nas sems can nam 'khor ba yin ces zer/ kha cig
mun khung du lus kyi byed bcing dang mig gi lta stangs gcun nas
sems ci yang yid la mi byed par bzhag

pa'i tshe du sogs kyi nyams snang za zi gang shar thams cad chos
sku dang ngo bo nyid sku yin pas so so skye bos kyang chos sku
mngon sum du mthong zhes zer/ kha cig de dag chos sku yongs
rdzogs mthong ba min gyi chos sku'i cha shas tsam zhig mthong ba
yin

@046b ces zer/ kha cig de dag chos sku ma yin kyang myur du chos
sku mthong bar 'gyur ba'i snga ltas su gyur pa'i lam rtags yin
ces zer/ kha cig sems 'khrul ba'i 'khrul snang ban bun yin pas
snying po ci yang med ces zer/ kha cig de dag 'dus byas yin ces

zer; kha cig de dag 'dus ma byas yin ces zer ba sogs sgom gyi
ngo bo la 'khrul ba mang du smra bar byed do/ /de dag kyang
'thad pa ma yin te/ rnam rtog thams cad spang bya yin na stong
nyid rtogs pa'i rigs shes rjes dpag kyang spong dgos la/ des na
de

mngon sum du 'gyur mi sri dcing rnal 'byor mngon sum thob mi
rung bas dang po mi 'thad/ rdzogs pa'i sangs rgyas las kyang
rang re rtogs pa mtho bar thal bas gnyis pa mi thad/ rnam rtog
spyi dang ma rig pa bye brag yin pas gsum pa mi

'thad/ dag bya dang dag cha gnyis gcig tu mi rung zhing/ sems
can thams cad 'bad med du grol bar thal ba sogs kyis bzhi pa mi
'thad/ sangs rgyas la spangs rtogs nyams pa mi srid pas lnga ba
mi 'thad/ sku gsum dang sku bzhi

grangs med gsum gyi tshogs kyis bsgrub bya dang mthar thug gi
thob byar mdo rgyud bstan bcos thams cad las bshad pas drug pa
mi 'thad/ rdul phra rab cha med bye smras 'dod kyang cha can med
pa'i cha shas yan gar ba rang sde sus kyang mi 'dod pas

'dun pa mi 'thad/ khams 'dus kyi nyams tsam sa lam mthon po'i
yon tan du 'khrul pas brgyad pa mi 'thad/ lhag ma rnams kyang
ngal ba 'bras med kyi gtam 'ba' zhig tu 'dug pas so/ /der ma zad
sgom pa'i skabs su yang/ sgom thams

@047a @#/ /cad la 'jog sgom kho na dgos par bsams nas/ lta bsgom
pa sogs kyi che yang dpyad pa bgyid pa skyon du bzung nas gnas
lugs la nges pa 'dren pa'i sgo 'gag par byed pa dang/ zhi gnas
gsar du sgrub

ba'i tshe gnas cha gtso bor byas te shes pa 'phang legs par bstod
de bsgrims nas mi rtog par 'jog pa dor nas/ 'jur bus bcings pa'i
sems nyid ni/ /glod na grol bar the tshom med/ /ces sogs kyi tshig
ris tsam la 'khrul nas glod

rab la sgom rab ces smra zhing/ rig pa'i gzengs kyang smad/ legs
bar bsgrims pa yang glod pas bying ba phra mo bsags pa sgom
bzang por 'khrul nas de'i ngang du mi tshe skyel bar byed la/ zhi
gnas mtshan nyid pa dang/ lhag mthong mtshan

nyid pa'i ngo bo dang/ so so'i grub tshad/ zhi lhag zung 'brel du
'jog pa'i mtshams sogs kyi ming tsam yang ma grags par ma zad/
phal che bas bying ba phra mo ngos ma zin/ bying rmugs gnyis
gcig tu 'khrul/ 'phro rgad gnyis kyang gcig

tu 'khrul/ mdor na bying ba dang sgom gyi khyad par tsam yang ma
phyed pas rgyal bas gsungs pa'i ting nge 'dzin rnam dag sgrub
tshul gyi phyogs cam du'ang ma son pa mang ngo/ /bla ma dbu ma pa
dpa' bo rdo rjes kyang dang po sgom gyi man ngag zhig

gsan par dgongs nas/ de dus bod na 'bar 'jag gnyis grags che
bas/ 'ba' rab rgyal mtshan dpal bzang la gsan/ phyis su rje btsun
'jam pa'i dbyangs la/ 'ba' rabs bzhed pa'i lhag mthong de lhag
mthong mtshan nyid pa e yin zhus

@047b bar; cis kyang min zhes gsungs/ zhes rnam thar las 'byung
bas/ rtogs ldan gangs kyi seng ge de lta bu de'i lhag mthong
yang mtshan nyid par ma gyur na gzhan dag la lta smos kyang ci
dgos so/ /rje bdag nyid chen pos ni/ spyir sgom la 'jog sgom kho
na

dgos pa bkag nas/ mkhas pa'i dbang po kama la shI la'i sgom rim
sogs las gsungs ba bzhin/ dpyad sgom dgos pa la dpyad sgom/ 'jog
sgom dgos ba la 'jog sgom/ dpyad 'jog spel ma dgos ba la de
bzhin byed tshul dang/

ting nge 'dzin skyon med sgrub tshul gyi man ngag mdo'i don byams
chos dang/ sa sde dang dbum sgom rim sogs kyis rgyas par bkral
ba ltar/ zhi lhag so so'i tshogs bsten pa dang/ dmigs rten gyi
khyad par dang/ dpyad sgom dang 'jog

sgom gyi rnam dbye dang/ sems gnas pa'i thabs dgu dang spong
ba'i 'du byed brgyad dang ldan par byas nas bsgoms pas zhi gnas
dang lhag mthong rjes mthun pa grub pa'i tshad/ de nas zhi lhag
mtshan nyid tshang ba thog mar so sor grub pa'i

tshad; de dag gi go rim/ de nas zhi lhag zung 'brel gyi ting nge
'dzin mtshan nyid tshang bar gyur ba'i tshad/ de dag gi thog mtha'
bar gsum du myong ba ji ltar skye ba'i tshul/ lus sems la 'byung
ba'i rtags kyi khyad par/ bying rmugs

gnyis kyi ngos 'dzin dang khyad par/ 'phro rgod gnyis kyi ngos
'dzin dang khyad par/ de dag gnyen po gang gis ji ltar sel tshul/
dran shes bzhin gnyis kyi ngos 'dzin dang khyad par/ de gnyis
skabs gang du bsten tshul dang/ las dang

@048a @#/ /po pas ting nge 'dzin gsar du sgrub pa'i tshe gnas cha
tsam gyis mi chog par gsal ba'i ngar dang ldan pa dgos tshul sogs
shing rta chen po'i gzhung gi dgongs pa ji lta ba bzhin du phyin
ci ma log par gtan la phab

pa yin pas rnam pa thams cad du 'khrul pa dang bral ba yin no/
/de nyid kyi phyir lam rim gyi zhi gnas gsungs pa'i mjug tu/ mdo
dang dgongs 'grel bstan bcos chen mo las/ /legs gsungs ting
'dzin bsgrub pa'i rim pa ni/ /rjod

byed brling bas blo gros chung rnams kyis/ /ji bzhin ma rtogs
rang gi blo yi skyon/ /gzhan la bsgos pas gzhung bzang de dag
la/ /mi rtog skyong ba'i gdams pa med snyam nas/ /yod pa'i
gzhung dum btsal med pa'i sar/ /'bad pa

du mas tshol zhing rnyed par sems/ /de 'dras phyi rol pa dang nad
pa yi/ /ting 'dzin rnams kyang phyed par mi 'gyur na/ /theg pa
mchog dang theg pa dman pa dang/ /rdo rje theg dang pha rol
phyin pa yi/ /ting nge 'dzin gyi khyad par gang yin pa/

ji bzhin phyed par 'gyur ba smos ci dgos/ /tshul de mthong nas
gzhung lugs chen mo yi/ /ting 'dzin skyong tshul go sla'i ngag
gis bshad/ /gzhung lugs che la lo mang sbyangs pa yi/ /grogs dag
rang gi nor bu rin po che/ /dor nas gzhan

gyi mching bu ma len par/ /rang la rin chen yod pa mkhyen par
mdzod/ /khyod kyis sbyangs pa'i gzhung las gdams pa'i don/ /logs
su med par gzigs nas thub dbang gis/ /mang du thos pa nags na
bde'o zhes/ /gsungs pa

@048b de yi don la'ang dpyod par rigs/ /zhes gzhung lugs mang du
thos pa rnams dang/ ci yang mi rtog 'jog pa'i zhi gnas lam/
/dang por sgrub pa'i tshul dang grub pa'i tshad/ /legs par dmigs
phyed go ba ma rnyed kyang/ /snying rus tsam la re

ba'i bsam gtan pa/ /de dag gis kyang da dung mkhas pa la/ /brten
nas skyong tshul ji bzhin shes par mdzod/ /de lta min na rgyal
ba'i bstan pa la/ /re zhig ngal 'tsho byas na gnod pa chung/
/zhes blun sgom tsam gyis chog shes

bgyid pa rnams la thugs brtse bas bslab bya'ang 'doms par mdzad
pa yin no/ /de lta na ri bo dge ldan pa'i ring lugs 'di nyid
lhag pa ting nge 'dzin gyi yon tan gyi sgo nas kyang gzhan las
khyad par 'phags pa 'grub bo/ /spyod pa'i sgo nas

kyang khyad par du 'phags te/ bod snga ma phal cher 'di skad du/
myos 'gyur gyi btung ba dang/ phyi dro'i kha zas spong ba sogs
'dul ba las gsungs pa ni theg pa 'og ma dman pa la mos pa dag gi
dbang du byas pa yin gyi/ theg pa gong ma

dang sems kyi rang ngo shes pa la de 'dra ba 'ching byed yin pas
dgos pa med do zhes zer zhing/ rab tu byung ba'i kun tu spyod pa
dag yal bar 'dor ba la ji mi snyam par ma zad kyi/ kha cig ni
bla gos dang mthang gos la sogs pa'i rtags kyang ched

du 'dor ba sogs dam pa'i chos 'dul ba'i bslab khrims rnam par
dag pa sun 'byin pa'i sgo nas rgyal ba'i bstan pa gzugs brnyad
tsam zhig tu song nas bla gos dang mthang gos dras drub kyi tshul
tsam yang phal cher gyis ma shes pa rnam thar dad pa'i 'jug
ngogs

@049a @#/ /ltar la/ rje bdag nyid chen pos de lta bu'i snang tshul
thugs kyis ma bzod par sangs rgyas kyi bstan pa'i gzhi ma ni
lhag pa tshul khrims kyi bslab pa'o zhes dgongs nas chang dang
phyi dro'i kha zas spang ba dang byin len dang rung chu dang

nub lhag nyal bsrung ba sogs 'dul ba'i bcas khrims phra mo rnams
kyang phyag len du 'debs par mdzad la/ gsang sngags la 'jug pa'i
tshe yang/ rgyud las/ phyi ru nyan thos spyod bskyangs shing/
/nang du 'dus pa la rab dga'/ /zhes gsungs

pa ltar/ 'dul ba'i kun spyod la gnas bzhin pa'i ngang nas rim pa
gnyis kyi rnal 'byor nyams su len pa sogs kun spyod dag pa dang/
de'i steng du byang sems dang sngags kyi 'dul ba nas gsungs pa'i
bcas mtshams rnams kyang mig gi 'bras bu

ltar bsrung ba'i rnam thar gtsang ma dang ldan pas so/ /mkhas pa
stag tshang pas kyang/ kha cig 'dul ba gtsor byas gsang sngags
spong/ /gzhan dag sngags la mos blos 'dul ba 'gog /rgyal ba'i
bstan pa mtha' dag 'gal med du/ /legs par

nyams su len mkhas khyod la bdud/ /ces dang/ mtshan nyid gtsor
bzung gsang sngags za chos dang/ /sngags kyis khengs nas mtshan
nyid kha bshad tsam/ /mdo sngags mtha' dag ma tshang rdzogs byang
du/ /bgrod thabs med par gzigs pa khyod

la 'dud/ /ces sogs dang por 'gal ba'i khur chen po bco brgyad
kyi dgag pa btang/ phyis su yon tan 'di lta bu mthong nas
bsngags pa mdzad 'dug pas so/ /des na thams cad mkhyen pa ngag
gi dbang phyug blo bzang rgya mtshos/ rmad

@049b byung rnam thar gtsang ma'i khrims dang ldan/ /rlabs chen
rgyal sras spyod pa'i snying stobs che/ /bde stong mchog gi rim
gnyis rnal 'byor spyod/ /blo bzang rgyal ba'i bstan dang mjal
bar shog /tses smon pa mdzad do/ /gsang sngags kyi dbang du

byas kyang dge ldan pa khyad du 'phags te/ mtshan nyid theg pa'i
theg chen pa gzhan dang/ rgyud sde gzhan gyis 'phags pa rnams
kyi stong nyid mngon sum du rtogs pa'i ye shes des bsod nams kyi
tshogs mtha' yas pa'i grogs byas pa la brten nas/

shes sgrib rags pa rnams spong bar nus kyang phra mo spong mi
nus pas/ 'tshang rgya ba la dus ring por 'gor ba la bla med kyi
theg pa snyigs dus kyi tshe thung gcig la shes sgrib ma lus par
spong nus pa'i myur khyad ni/

yul can lhan skyes kyi bde bas yul stong pa nyid rtogs pa 'di
yin la/ sngags bla med kyi ched du bya ba'i gdul bya la phar
phyin theg pa'i gdul bya dbang po rno shos las kyang ches rno ba
zhig dgos pas/ de 'dra ba'i gdul bya des bde stong sbyor ba'i
stong pa ni dbu ma thal

'gyur bas ji ltar gtan la phab pa ltar gyi stong nyid phra mo
kho nar nges so/ /gdul bya de lta bu ma yin pa'i sngags lam la
mos pa tsam gyi phal ba'i gdul bya la ni/ rang rgyud pas gtan la
phab pa ltar gyi stong nyid dang/ gzung 'dzin rdzas gzhan gyis
stong

pa'i stong nyid dang sbyar ba'i bde stong phal pa tsam ni yod
kyang/ gang zag rang rkya thub pa'i rdzas yod kyis stong pa'i
stong pa dang sbyor ba'i bde stong gi ye shes ni yod pa ma yin
no/ /gnad de'i phyir rje bla mas legs bshad snying po las/ de
kho na nyid gtan

@050a @#/ /la 'bebs pa'i shing rta'i srol gnyis po 'di ni pha rol
tu phyin pa'i theg pa'i skabs su rgyas mod kyang/ gsang sngags
kyi gzhung 'grel pa'i paNDi ta dang/ grub thob rnams kyis kyang
de gnyis gang rung cig dang mthun par

de kho na nyid kyi don gtan la 'bebs pa las gzhan pa'i bung gsum
med pas/ tshul 'di ni gsung rab mdo sngags mtha' dag gi de kho na
nyid gtan la 'bebs pa'i gnad du shes par bya'o/ /de'i phyir tshul
gnyis kyi shing rta chen po'i srol la

mi brten par de kho na nyid 'tshol ba ni long khrid med pa'i long
ba nyam nga ba'i phyogs su rgyug pa dang 'dra la/ zhes gsungs
so/ /de lta na dbum pa lta zhog bye mdo rnam rig pa'i lta ba'i
phyogs su'ang ma song ba'i ci med cang med dang/ yod min med

min dang/ stong lta har sang dang/ gzhan stong bden dngos sogs
bod kyi blos byas kyi stong pa nyid rnams rgyud sde 'og ma'i zab
gsal gnyis med kyi zab mor yang mi rung na rnal 'byor bla med
kyi bde stong sbyor ba'i stong pa nyid du ji ltar rung bar

'gyur/ de mi rung bas bskyed rdzogs kyi lam bsgom pa'i lugs su
byas kyang srog med pa'i gzugs brnyan du song zhing/ chos sku'i
lag rjes 'jog byed lam bsgom pa med pa dang/ thabs shes ya bral
du gyur pas zung 'jug gi go

'phang sgrub mi nus par ma zad/ 'khor ba'i rtsa ba la'ang gnod
pa cung zad kyang nus par mi 'gyur ro/ /des na dge ldan pa'i
gsang sngags kyi lam ni lta ba'i sgo nas kyang gzhan las khyad
par du 'phags so/ /yang gzhan dag gis

@050b dbang bzhi pa bden gnyis dbyer med kyi zang 'jug la ngo
sprod dgos pa mi shes par phal che bas stong nyid kyi ngo sprod
tsam dang/ stong nyid kyang gang yang yid la mi byed pa'i ha
shang gi sgom tsam la byed pa dang/ de las cung drag pa la las
bde stong du ngo

sprod zer yang stong nyid kyi 'dod tshul bshad ma thag pa ltar
song bas bde stong gi ming tsam du zad la/ rdzogs rim gyi rgyud
smin byed du bskyed rim sngon du 'gro dgos pa la/ bskyed rim ni
thun mong gi dngos grub bsgrub pa tsam zhig gi phyir du rgyal

bas gdul bya blo dman la gsungs pa yin gyi/ mchog gi dngos grub
'dod pas ni dang po nyid nas rdzogs rim bsgom par bya ba yin no/
/zhes bskyed rim sangs rgyas kyi rgyu ma yin par smra zhing/
rdzogs rim yang la las nges don rkyang pa bsgom

zer ba dang/ la las lha'i rnal 'byor dang nges don zung 'brel du
bsgom zer zhing/ des don bsgom pa'ang ci yang mi sems par 'jog
pa la byad pas/ mdor na hwa shang gi sgom min pa gzhan gang yang
sangs rgyas kyi rgyur mi 'dod pa dang/

yang kha cig rdzogs rim ni dbang bzhi pa'i don bsgom pa yin la/
de'i tshul ni lte ba'i rtsa 'khor du gtum mo spor byed a thung
la dmigs pa gtad nas bsgoms pa'i stobs kyis spyi bo'i byang sems
zhu ba la brten nas bde ba skyes pa na bde ba de'i ngo bor

cher bltas pas stong sang byung ba na/ de'i ngang du mi rteg par
'jog bde bde stong dbyer med kyi rdzogs rim bsgom pa yin cing/
dbang bzhi pa'i dus su yang brtag gnyis las/ ye shes 'di ni ches
phra zhing/ /rdo rje nam mkha'i dkyil lta bu/ /rdul

@051a @#/ /bral mthar phyin zhi ba nyid/ /khyod rang yang ni de
yi pha/ /zhes pa'i don du bsams nas/ tshig de brjod pa'i rjes su
mig gis bar snang gi nam mkha' la blta zhing/ nam mkha' de rgya
je che je che la song nas

mthar nam mkhas gar khyab sems kyis khyab par bsam pa dbang bzhi
pa'i ngo bo zhes lung des nam mkha' de thogs reg bkag pa ltar
bde stong yang bden grub kyi spros pa bkag pa'i stong nyid yin
pa'i dpe don du sbyar ba ma go bar nam mkha'

stong sang la gnas lugs kyi don du 'dzin par byed de/ nam mkha'
stong sangs kyi steng du mnyam bar 'jog pa ni gzugs med nam
mkha' mtha' yas skye mched kyi ting nge 'dzin du 'gyur srid pa
las/ rgyud sde nas gsungs pa'i rdzogs

rim zab mo'i phyogs su'ang ma son no/ /yang la las/ sems bde
gsal mi rtog pa la gnas pa 'di ka goms par byas pa kho nas lhan
cig skyes pa'i ye shes mngon du gyur nas tshe 'dir 'tshang rgya'o
zhes zer/ tshe 'dir 'tshang rgya ba la ni

kha sbyor yan lag bdun ldan mtshan dphes brgyan pa'i longs spyod
rdzogs pa'i sku tshe 'dir ma 'grub pa'i 'tshang rgya lugs med la/
de tshe 'dir sgrub ba la rgyu med par mi rung bas rigs 'dra'i
rgyu zhig dgos/ de lam dag pa'i lus 'di

longs skur gnas 'gyur ba mi srid pas 'di 'dor dgos la/ de la
gnyen po gang gis 'dor ba dang/ dor nas tshul ji lta bu zhig gis
longs sku de sgrub tshul shes nas lam de dag nyams su len pa'i
'brel zhig yod dgos kyi/ rgyal

@051b ba'i sku mchod dpes brgyan pa 'grub ba'i gzhi gang yang
med par sems bde gsal mi rtog par bzhag pa kho nas 'tshang rgya
na/ mtshan dpe dang longs sku la sogs gang yang med pa'i chos sku
rkyang ba'i sangs rgyas so skye'i lus can zhig tu 'tshang rgya
dgos

par 'gyur ro/ / yang tshe 'di nyid la nges par sangs rgyas thob
mi thob ni/ sgyu ma'i sku sgrub tshul shes nas thob ma thob la
rag las par gsungs la/ 'gos lugs kyi gdams pa rnams su sgyu lus
kyi ngos 'dzin gsal bar ma byung/ mar

lugs pa dag sgyu ma snang la rang bzhin med pa dang/ lus lha sku
la byas nas lha sku snang la rang bzhin med pa sgyu lus su ngo
sprod par byed pa las/ sgyu lus kyi bsgrub gzhi gtan la phab nas
sems dben la gnas pa'i rnal 'byor ba des nang gi rkyen

rdor bzlas dang/ phyi'i rkyen phyag rgya dang snyoms par zhugs
pas sa chu la thim pa sogs kyi rim pas rlung sems gnyis 'chi rim
ji lta ba bzhin du zhugs pa'i sems dben stong pa gsum du bsgyur
te/ sems dben mthar thug gi 'od gsal las lugs

ldog tu ldang ba na de'i bzhon pa gnyug ma'i rlung de'i rigs
'dra phyi ma de ma dag pa'i sgyu lus su ldang ba'i tshul rje bla
mas rgya cher gsal bar mdzad pa 'di lta bu 'dus pa la mkhas pa'i
yang rtser son pa mar 'gos gnyis kyis kyang ma dgongs na bod

kyi sngags par khas 'che ba gzhan dag gis lta smos kyang ci
dgos/ bla med kyi rgyud kyi brjod bya'i snying po ni lhan skyes
kyi ye shes dang sgyu lus gnyis yin la/ de gnyis rgyud dang grub
chen gyi man ngag bzhin shin tu gsal bar mdzad brje

@052a @#/ /bla ma gcig pu las ma byung bas na/ tshul 'dis gsang
sngags kyi sgo nas kyang dge ldan bka' brgyud 'di nyid gzhan las
khyad par du 'phags pa 'grub bo/ /gzhan yang rgyud sde'i grangs
dang dbang dang dam tshig dang

bsnyen pa dang dkyil 'khor gyi las rim sogs gang gi skabs su
yang khyad par du 'phags pa re yod med kyang mtha' dag pa ni
brjod kyis ma lang bas/ rje yab sras kyi gsung rab la ring du
'dris par byas pa las shes dgos so/ /bod dag

'khrul pa 'ba' zhig smra ba'i rgyu ni/ rtsa rgyud rnams su rim
gnyis kyi gnad rgyas btab pa de bshad rgyud kyi sgo nas rtsa
rgyud kyi don gsal bar grub chen gyi dgongs pa bzhin 'byed dgos
pa yin pa la de ltar ma go bar rgyud dang grub chen gyi

gzhung rnams phyi'i go rgya gcod pa tsam du byas nas/ de rnams
su bri bar phangs pa'i snying po 'ga' zhig rna ba nas brgyud
pa'am/ shog dril ltar chung chung zhig tu bkod nas/ zur du spas
pa la man ngag tu go zhing man ngag de rgyud dang rgya

gzhung rnam dag dang bstun pa na rgyab 'gal du song yang/ 'di
nyid man ngag yin pas de rnams las mchog go snyam du bzung ba
'dis lan par snang ngo/ /de yang bstan pa yongs rdzogs la thos
bsam dang/ lam gyi lus yongs rdzogs la

nyams len med par man ngag sna re la bshad pa dang sgrub pa bag
tsam re byas nas yan lag ma rdzogs pa'i drod rtags phra mo res
tshim nas nges shes rnyed par rlom pa'i mngon pa'i nga rgyal las
rnyed de/ dper na/ gsang 'dus rtsa rgyud las/

@052b khyod kyis srog chags bsad par bya/ /ma byin par ni khyod
kyis blang/ /rdzun gyi tshig kyang smra bar bya/ /gzhan gyi chung
ma bsten par bya/ /zhes pa spros med kyi spyod pa rnams der ma
sleb pa dag gis/ srog gam rlung ro rkyang du chags pa dbu mar
thim pa'i tshul gyis

gsod pa dang/ sangs rgyas gzhan gyis ma byin yang rang gi gnyug
ma'i rlung sems las sgrub pa dang/ rdzun pa sgyu ma lta bur ston
pa'i tshig 'chad cing smra ba dang/ stong nyid sgom pa'i don du
bshad rgyud las gsungs pa'i tshul ma mthong par log spyod la

zhugs pa mang du byung snang ste/ 'bras bu mi bzad pa 'byin par
rgyud du ma las gsungs so/ /des na sngags rim chen mo las/ rgyud
sde dang de dag gi dgongs 'grel gyi gzhung che ba rnams phyi'i
spros pa gcod pa'i chos rgya ba tsam du mthong nas/ de dag

tu sbas nas ma bshad pa'i gdams ngag zur du zab mo cig yod do
snyam du 'dzin pas ni chos kyi mthar thug pa rnams la zhe rtsis
med cing sngags kyi gzhung che ba rnams la gus pa chen po mi
skye ba dang/ de dag gdams ngag tu 'char ba'i gegs byas nas de
rnams myur

du nub pa'i rkyen chen po yin pas dug bzhin du spang bar bya la/
bla ma dam pa'i man ngag la brten nas gzhung che ba rnams gdams
ngag tu 'char ba'i thabs la 'bad par bya ste/ rim lnga las/ dpal
ldan 'dus pa'i rgyud du ni/ /de nyid 'di dag

rkyas btab gnas/ /bshad pa'i rgyud kyi rjes 'brangs nas/ /bla
ma'i kha las rtogs par bya/ /zhes gsungs pa'i phyir/ zhes bka'
stsal ba yin no/ /des na bskyed rdzogs sogs gang gi skabs su
yang brgyud pa bar ma chad du byon pa'i gdams

@053a @#/ /ngag gi gzhung srong bar byed na'ang/ gzhung che ba
rnams ris su mi 'dor bar/ rtsa rgyud dang/ bshad rgyud dang/
phyogs mthun gyi rgyud rnams gung bsgrigs/ de dag gi dgongs pa
'grel ba'i grub chen tshad ldan

gyi gzhung rnams dang mi 'gal bar sbyar te/ lam gyi ngo bo/
grangs nges/ go rim/ nyams su blangs pa la brten nas rtogs pa
skye lugs/ gol sa gcod pa dang gegs sel tshul/ bogs 'byin thabs/
'bras bu 'grub lugs rnams

so sor ma 'khrul bar gtan la phab ste gzhung lugs thams cad
gdams ngag tu 'khyer bar byed pa ni grub mtha' 'di'i thun mong
ma yin pa'i khyad chos su shes par bya'o/ /gzhan yang grub mtha'
gzhan dag gi chos kyi snying por byed ba ji snyed

cig mchis pa rnams kyang lugs 'di la ma tshang ba med par mchis
te/ sngon gyi dus su stod 'dul dang smad 'dul du grags pa de
rnams kyi 'dul ba'i sdom rgyun dang bshad pa dang lag len thams
cad dang/ jo bo rje nas bka' gdams par brgyud

pa'i lam rim dang/ blo sbyong gi gdams par grags pa rnams dang/
rngog lo yab sras sogs nas brgyud pa'i mngon pa/ phar phyin/ dbu
tshad kyi gzhung chen po rnams kyi bshad srol dang/ mar 'gos sogs
las brgyud pa'i gsang 'dus

ra 'bro shong sogs las brgyud pa'i dus 'khor/ sa chen yab sras
sogs las brgyud pa'i bde mchog dang dgyes rdor/ dmar gyi bla ma
rnams las brgyud pa'i gsang bdag 'khor lo chen po/ rwa skyo
zhang gsum las brgyud pa'i dmar

@053b gsum gyes mtshon mdor na rgyud sde bzhi'i dkyil 'khor chen
po rnams kyi dbang dang rgyud kyi bshad pa/ bskyed rdzogs kyi
khrid sogs kyi gdams pa zab mo mtha' las pa rnams dang/ bka'
brgyud pa'i chos kyi snying po bde stong phyag rgya chen po

dang/ nA ro dang ni gu'i chos drug dang/ gzhan yang gcod dang/
lam khyer dang/ ro snyoms su grags pa sogs man ngag zab mor byed
pa ji snyed mchis pa mtha' dag ma tshang ba med pa dge ldan pa la
mnga'o/ /de dag kyang bar

nams su ma rtogs pa dang log par rtog pa'i skyon gyis gos pa
rnams rje yab sras kyis bsregs bcad brdar ba'i gser bzhin du dag
par mdzad pas gzhan dag la yod pa las kyang khyad par du 'phags
pa 'ba' zhig go /zhi rgyas dbang drag gi

las sgrub pa'i gdams ngag rgyud sde dri ma med pa las 'byung ba/
grub thob kyi skyes bu dam pa las brgyud pa/ bon dang mu stegs
sogs kyis bslad pa med pa'i gtsang sing de ba gang la gang 'dod
du yod pas/ las tshogs kyis dbul nas

gzhan la re dgos pa'i skabs kyang ma mchis so/ /gzhan yang sgra
tshad bzo gso snyan ngag rtsis sogs tha snyad pa'i rig gnas rnams
kyang dge ldan pa la dar rgyas che ba yod do/ /des na mnyam med
ri bo dge ldan pa'i bstan pa rin po che 'di

nyid thub dbang gangs kyi ri bo las 'ongs pa'i mdo sngags zab
rgyas kyi chu bo ma lus pa gcig tu 'khyil pa'i chos kyi rgya
mtsho chen po yin par shes par bya'o/ /de ltar bdag gis dge lugs
pa'i grub mtha' gzhan las khyad par du

@054a @#/ /'phags tshul brjod pa na/ kha cig la log par rtog pa
'di lta bu skye ba srid de/ khyod kyi 'di ltar na/ bod kyi grub
mtha' gzhan rnams la thar pa dang thams cad mkhyen pa'i lam
sgrub pa'i thabs med

par 'gyur ro snyam na/ 'o na thal 'gyur ba'i lta ba mchog tu
bshad pas rang rgyud pa man chad de ltar 'gyur ba'am/ bla med
theg pa thams cad kyi yang rtser bshad pas 'og ma thams cad la
byang chub sgrub pa'i thabs med par 'gyur

ba sogs kyi skyon mang po 'bab po/ /zhes gsungs/ yang thu'u
bkwan rin po ches/ bon gyi grub mtha' gsungs pa'i skabs su/ de
nyid las/ gzhung de dag tu/ mi rtag pa dang/ las 'bras/ byams
snying rje byang chub kyi sems/

phyin drug sogs kyi gtam thar thor dang/ lam lnga sa bcu/ sku
gsum sogs kyi rnam gzhag kyang byas/ dbang bskyed rdzogs/ dam
sdom rab gnas/ sbyin sreg /dkyil 'khor sgrub mchod/ gshin chog
sogs kyi dod dang

las kha tshar ba yang mang/ bshad tshul sangs rgyas chos dang
dbyibs mtshungs dang mi mthun pa ci rigs dang/ sangs rgyas ye
gshen te gshen rab/ chos sku la bon sku/ yum chen mo la sa tri
e sang/ longs sku la kun tu

bzang po/ sprul sku la srid pa sang po/ dgra bcom la gshen sras/
byang sems la g.yung drung sems dpa'/ bla ma la dpon gsas/
stong nyid la 'a me nyid/ sa bcu la dri med shel gyis/ 'od zer
'phro ba rig 'dzin sprin phung gis/

@054b phyag rgya bsgyur ba'i sa sogs kyi ming btags pas mtshon
brda chad dang ming 'dogs sgra 'dod rgyal ba mang du snang/ lta
sgom sogs kyi 'dod tshul la/ spyir bon la phyi bon dang nang bon
gnyis yod par grags shing/ bon gzhung 'ga' zhig tu/

dang po ye med stong pa la/ /de nas ye yod cung zad srid/ /de
nas ba mo skya tsam srid/ /de nas zil pa phrul tsam srid/ /ces
sogs zer nas/ mthar snod bcud thams cad sgo nga las skyes pa'i
lugs dang/ phya dang dbang phyug sogs

kyis byas pa'i lugs su snang ba rnams/ mu stegs kyi lta ba
'khyar pa yin ces 'bri gung 'jig rten mgon pos gsungs shing/
deng sang kun la dar che ba'i gto chog rnams su yang gong gi
tshig de 'dra ba mang po snang ngo/ /yang bon gzhung

'dus pa rin po che'i rgyud bya ba na/ kun rdzob tu ni dngos
rnams zhen pas yod/ /dam pa'i don du chags pa spangs pas med/
/gnyis ka sems kyi chas zin ma chags ma yengs pas/ /stong pa
nyid kyi ye shes zhes/ /mi rtog yongs khyab

gsal dwangs na/ /sgom pa'i dngos po de nyid yin/ /de ltar lta
sgom gnyis ka 'brel par spyad na/ skye ba 'di la thar pa'i 'bras
bu thob par nges/ /zhes sogs kyi bshad tshul ni/ bka' dang bstan
bcos nas bshad pa dang don 'dra

bar snang zhes spyan snga blo gros rgyal mtshan gyis gsungs/ yang
kun mkhyen sher 'od dang/ stag tshang lo tsA ba sa bon gyi theg
pa dgu rnying ma'i rdzogs chen dang mthun par yang gsungs snang
ngo/ /kho bos mthong ba'i bon gzhung zhig

@055a @#/ /na 'di ltar snang ste/ gzhi rang bzhin rnam dag gi
gnas lugs ni/ sangs rgyas sems can gnyis ka'i sngon rol na/ 'od
gsal stong pa bon gyi sku ngo bo rang bzhin rnam dag /bag chags
sgrib

pas ma gos shing/ ci yang ma yin la ci yang gsal ba/ gdod nas
sangs rgyas kyi ngo bor gnas pa/ bya ba'i rgyu las ma grub/ byed
pa'i rkyen la ma ltos par rtsol med lhun grub rang chas su yod
de/ de rtogs pas bzang du ma

song; ma rtogs pas ngan du ma song bas/ sangs rgyas dang sems
can la yod ba de gnyis la bzang ngan med/ kun la khyab brdal
chen por yod pa ni gzhi'i gnas lugs te/ de las 'khor 'das thams
cad lhun gyis grub cing/

chos thams cad de'i ngang la gnas so/ /de nyid kyi rtsal 'gag
med du 'char te/ rtogs na ye shes su 'char/ ma rtogs na las dang
nyon mongs su 'char/ de'i don tshar chod nas mngon du gyur na
gzhi yig nas kyi gnas lugs rtogs pa

yin la/ de rtogs na rang rgyud la rang chas su 'char ba ste/ de
shar nas 'bras bu sku gsum mngon gyur du thob bo/ /gnas lugs
de'i ngo bo ma bsgribs rjen par sal le gsal ba/ rig ba rtog
dpyod g.yo rtsol gyis ma gos pa'i gcer

bu la ye shes su shar te/ de'i tshe dran med du had de/ gtad med
du phyod de/ rtog med du rjen ne/ 'dzin med du hrig ge bde la
rang byung rig pa'i ye shes zhes bya/ de la cer gyis lta ba ni
lta ba zhes bya'o/ /sgom pa ni/ tsitta

@055b rin chen gzhal yas khang rtsa 'dab brgyad du gnas pa'i
dkyil na dwangs ma lnga/ de'i dkyil na ye shes lnga tshon gyi
drug gu bsdogs pa 'dra ba/ de'i dkyil na bon sku 'od kyi gong bu
gnas te/ de ni ngo bo stong pas rtag par ma song/ rig cing gsal
bas

chad par ma song/ ci lta bur yang dmigs su med pa/ de'i rtsal
sgra 'od zer gsum la/ sgo gsum tshogs drug yul drug 'gag med du
'char/ de'i ngo bo la lta ba lta mkhan gnyis med du cer gyis
bltas pas lhang gis shar ba la yengs med

'bral med du 'jog pa ni sgom pa yin zer/ dbye na/ thun sgom/
ngang sgom/ klong sgom gsum gyi dang po ni ngo 'phrod nas grangs
dang thun du bcad nas sgom pa ste/ dang po gnas pa nyung/ bar du
cha mnyam/ mthar ting nge 'dzin gyi ngang du hril

gyis 'gro /de yang bzhag na sdod/ btang na 'gro /bzung na zin/
dgos dus slebs na thun sgrom tshad du 'khyol pa yin/ gnyis pa ni/
skabs shig snang ba rang grol gyi nyams 'char/ ting nge 'dzin la
'du 'bral med pas/ sgom

med dang yengs med du gnas pa byung na ngang sgom tshad du 'khyol
pa yin/ gsum pa ni/ de lta bu'i rig pa de nyams su blangs pas
don mngon du gyur te bsgom bya sgom byed las 'das pa nam mkha'i
ngo bo lta bu 'dzin rtog blo las 'das pa cig

'byung/ de tsan nyon mongs pa thams cad ye shes su 'char/ snang
ba thams cad bon dbyings rnam dag tu rtogs te/ 'khor 'das bzang
ngan spang blang dbyer med ro gcig par gyur nas bon sku rang sa
zin pas klong sgom zad sar skyel

@056a @#/ /ba'o/ /zhes byung ngo/ /'di dag ni phyis kyi rdzogs
chen pas zer lugs dang dbyibs mtshungs par 'dug pas bon rdzogs
gnyis thugs nang gshim pe yod 'dra'o/ /zhes sogs mtha' yas pa
ltar

gsungs snang ba zhib par ni de'i gsung grub mtha'i rnam gzhag
sogs las shes par bya'o/ /yang gzhan phyogs pa'i lha dang chos
tshan nyag nyog mang po dge lugs kyi bla dgon 'ga' res sten sgrub
mdzad mus yin 'dug kyang/

mkhas grub thams cad mkhyen pas mgon chog gnyis ka na/ rnying ma
dang bon po'i chos lugs kyi rnam par ma bslad pa zhes nan tan
chen pos gsungs pa sogs la dpags na rang rang la phugs su shis
pa 'byung min the tshom

gyi gzhi shin tu che bar snang/ go shAka sogs kyis 'jam mgon
tsong kha pa chen po'i 'phrin las la phrag dog gis ma bzod par
dgag pa'i gzugs bsnyan gyi yig ris ltar snang mang po byas pa
la/ se 'bras chos rje 'jam pa'i

dbyangs rnam gnyis la sogs pas go lan/ shAka lan/ 'brug lan/
kar lan sogs kyi dgag lan rdo rje'i thog lta bur mdzad par/ deng
sangs kha cig gis/ zab mo lta ba'i phyogs nas dgag lan re byung
ba las/ sngags kyi

cha nas dgag lan bya ma thub pa red ces lkog zlos byed pa rkun
po'i zas kyi ngang tshul can 'ga' re mchis kyang/ de ni dper na/
gshin po'i lus 'jig par grub pa na de'i mgo gson po yin min gyi
so ma nyi za ba'i gnas med ba bzhin

@056b du; rgyu phar phyin gyi theg pa'i cha nas go shAka sogs
kyi mgo bo gdugs ltar 'khor ba la/ theg pa kun gyi yang rtse
'bras bu gsang sngags kyi zab mo'i zab mo/ rdo rje 'chang du
bgrod pa'i gsang ba'i gnad mthar thug pa dag la col chung blun
po'i

sngags rgan ra ro pa'i brtul zhugs lhur byed pa snying rje'i
gnas las/ dgag lan mdzad kyang dgos pa med par dgongs pa yin te/
rgyal mchog lnga pa chen pos/ rgyal kun shes rab ral gri rnon
po'i mtshon/ /rnam dpyod dpung pas bteg nas thub

bstan gyi/ /log rtog dra ba gcod mdzad btsong kha pa/ /'jam dpal
rdo rje dur smrig zlos gar mkhan/ /phra zhib mdzangs pa'i nor bu
ke ta kas/ /lan brgyar grungs pa'i khyod gsung dwangs pa'i chur/
/'khrul pa'i rnyog ma kun mkhyen ye shes

kyis; /phra rab rdul tsam gzigs pa'i gnas ma gyur/ /'on te bya
brag smra bas sher phyogs rnams/ /thub gsung min zhes rgol ba ji
bzhin du/ /gzhung lugs mang thos mkhas pa'i go shAka gis/
/rgyal ba gnyis pa'i gsung la rnam par

bshung/ /zhes dang/ rnam 'dran kun gyi mkhyen pa'i phung po
gang/ /gcig gyur 'jam mgon mi yi srid pa'i gar/ /bsam bzhin rnam
par rol pa'i mdzad pa la/ /bskal bzang rgyal ba stong gis bsgrun
du med/ /! lugs

srol de dang zung 'brel zab mo'i chos/ /nges gsang theg pa'i
yang rtse 'dus pa'i lam/ /dben gsum sgyu lus 'od gsal zung 'jug
par/ /mos blo'i bag chags kyis 'tsho don ldan tsam/ /! rang nyid
bskal chen grangs med

@057a @#/ /gsum gyi bar/ /dpal ldan stobs bcu'i go 'phang sgrub
pa'i ring/ /mar gyur lus can mnar ba ma bzod nas/ /nye lam 'jug
'dod dbang po yang rab dag /thun mong rgyu yi theg pas blo
sbyangs nas/ /'bras bu

rdo rje'i theg par bgrang yas kyang/ /'phags yul shing rta chen
po klu sgrub dang/ /gangs can mkhas dbang blo bzang grags pa yi/
/bzhed srol rgyud kyi rgyal po 'dus pa'i lam/ /'di nyid gsang
sngags yongs kyi phyi mo ste/ /

! thub gsung mdo rgyud dka' ba'i gnad kyi mdud/ /rnam dpyod sor
mos 'grol la bskal bzang 'di'i/ /'dren pa stong gi lung rtogs
gcig bsdus pa/ /btsong kha pa zhes snyan grags srid gsum par/ /
! bskal

brgyar bsgrub bya snyigs dus tshe gcig la/ /zung 'jug sku bzhi'i
lam du 'gro ba kun/ /'khrid la khyod dang khyab bdag rdo rje
'chang/ /sprul longs rtags kyis ma 'dres nges brnyed/ /!
d+hIHyig bzhu blugs mi yi gzugs

can du/ /nyer shar mkhyen pa'i srang la shes bya'i khyon/ /gzhal
kyang dog min rje btsun btsong kha pa/ /'jam dpal rdo rje dngos
las gzhan na ci/ /gang gi gsung rab cha la nyes pa'i dri/
/gang+gA'i klung rdul tsam yang rnam mkhyen

gyis; ;ma rnyed de tshe tshangs brgan po sogs/ /'jig rten byed po
phal cher gnyid du g.yur/ /'khrul pa'i lhad bral legs bshad sa
le sbram/ /kho nar nges kyang dzam bu chu bo'i gser/ /ji bzhin
rim pa lnga yi gnad gsang kun/ /

@057b gsal byed sgron mes 'jig rten gsum mun sel/ /zhes sogs
dang/ gzhan yang kun mkhyen lnga pa chen pos/ rnam 'dren zas
gtsang sras po'i bstan pa'i dpyid/ /mnyam med chos kyi rgyal po
btsong kha pa'i/ /ring lugs dri med de 'dzin 'dus

pa'i sder/ /mi lhod gus pa'i bsam ba brtan par mdzod/ /ces dang/
'phags yul grub mtha' rnam bzhi'i bzhed pa'i srol dang mdo rgyud
chos tshul yin no cog /mtha' yas 'gal med rtogs te gdams par shar
bas dgongs

don ma lus bde blag tu/ /'jam dpal rdo rjes yongs 'dzin mdzad de
legs rnyed shing rta chen po btsong kha pa/ /rjes 'brangs rnyog
ma'i lhad bral bstan 'dzin tshogs lag pad 'dab stong spyi bor
zum/ /zhes dang/ dzambu'i gser zhun

'khyil ba'i 'od 'bar ba/ /zhwa ser cod pan 'chang ba'i ring lugs
che/ /rab 'dzin dge 'dun dkon mchog yin no cog /byang chub bar
du rigs kyi bdag por bzhugs/ /zhes sogs go rgyu khyad par can
gyi gsung mtha' yas pa zhig

dang; gzur gnas kyi mkhas grub tshad ldan gzhan du mas kyang
dgongs pa'i mthil gyi gtad so 'di bzhin du mdzad pa mtha' dag
dgongs dbyangs gcig tu 'bab 'dug ba rnams dang/ lhag par 'jam
mgon tsong kha pa chen po'i

ring lugs gser sbyangs btsom lta bu 'di nyid mdo sngags lta sgom
spyod pa'i cha thams cad nas gzhan las khyad zhuD tshul thu'u
bakwan gsung dge luD kyi grub mthar zhib tu gsal ba 'dri ma lang
bas der nges par blta bar bya zhing/ bstan pa'i snying po rang
gzhan gyi

@058a @#/ /rgyud la rgyas pa'i sgor 'bad pa chen pos nan gyis
'jug ste gtan gyi 'dun ma ma nor ba'i thabs la brtson par byed
ba shin tu rigs so// ! ! (//phyogs mtha'i dge dgon zhig la stsal
ba/) dor

sngon chad yid srubs par gcod kyis rgyud brlams pas bla dgon dam
sal spyi dang/ khyad par rdo rje slob dpon la dam tshig ras su
bor shor 'di dag sngags kyi rtsa ltung dang bo mnar med kyi rgyu
nyag gcig dang/ phan tshun chang mar mtshan

shas; chos srid 'phel rgyas kyi 'gal rkyen tha chad du snang
yang/ da cha tshang ma'i thugs rgyud chos kyis brlan pas sngar
'khon de dag lhag med rang sar zhi ste phan tshun thugs yid gcig
'dres su gyur pa 'di ni dgon spyi/

dge 'dun so so dang bcas par nyes pa'i rtsa ba 'gog cing/ 'phral
yun legs tshogs kyi rten 'brel legs par 'grigs pa ma zad/ bla
grwa sku phreng rim par dam gtsang thugs mthun byung na dgon gyi
chos srid gang la'ang phan khyad che ba

bcas shin tu legs// ! (//smar khams 'od zer dgon la gnang ba/)
lhag par srog gcod 'di mi dge ba'i nang nas kyang ngo bo nyid
kyis lci ba dang/ rang gis lag bstar te ma bsad par gzhan la
gsod du bcug kyang

gsod pa po dang gsod du bcug mkhan gnyis char la srog gcod kyi
las lam cha tshang (lung med/) ba re 'byung bas/ des na dge 'dun
gyi sde spyi nas srog gcod byed pa 'di ni sems can gcig las ma
bsad kyang dge 'dun re re

@058b la'ang srog gcod re byas pa'i sdig pa cha chang re 'byung
bas sems can gcig gsod pa la srog gcod kyi sdig pa brgya phrag
stong phrag sogs dge 'dun gyi grangs dang mnyam pa re 'byung
bas/ de ltar na sha 'gyed pa'i bde ba phran bu re'i don la

dmyal ba'i sgo yangs bor phye ba sogs khe las chen cha zhing/
bon lugs dang khyad par ma mchis pa dang/ dge 'dun rnams kyi sku
tshe dang 'dod dgu rgyas pa la yang shin tu gnod tshabs che ngas
bcas la kho bos sems kyis ma bzod par lcags

ba dgon nas 'di yan chad mar dge ba'i bskul 'debs nan tan zhus
pas/ tshang mas khyen nyen gyi nyes dmigs rtogs te dgon spyi'i
srog gcod rigs phal cher gyis legs par spangs bas lcags ra nas
'di yan la lo re bzhin du bshad dgos

spangs rigs bsdom na stong phrag la nye ba byung song bas/ de ga
dgon du yang dge 'dun spyi la spyi la sha 'gyed dgos rigs gzhan
gyis bsad zin pa'i sha nyo bsgrub bgyis na rin 'bab 'phar du
bsnon dgos byung yang dge 'dun yongs la srog gcod

kyi sdig pas mi gos pa'i dge phan shin tu che bas na dge 'dun
yongs la srog gcod kyi sdig pas kyang ma gos shing/ zhal gyi
rnyed pa yang ma nyams pa gnyis slebs kyi thabs tshul blang dor
tshul bzhin skyong ba bcas/ ('di ni phyag bris ngom

las bshus pa'o//) ! //brag g.yab sor dgong dgon la stsal ba/
lha dang bcas pa'i skye rgu'i bde skyid kyi rtsa ba ni sangs
rgyas kyi bstan pa kho na dang/ de'i yang snying dam pa gangs
can grub mtha' yongs kyi gtsug gi nor bu lta bu ni blo

@059a @#/ /bzang rgyal ba'i ring lugs 'di nyid kho na yin pas/ de
ga dgon du yang gtso bor grub mtha' gzhan gyi bsre lhad med pa'i
dge ldan lta grub gtsang mar skyong zhing/ lhag par chang 'di

bstan pa 'jig pa'i rgyu'i gtso bor 'dul ba/ lam rim/ mdo sde/
gsang sngags rgyud sde dang bcas pa nas shin tu smad cing bkag
par/ lkog tu ku she'i rtse mo'i zil thigs tsam btungs kyang de
nga yi nyan thos ma

yin la/ nga yang da yi ston pa ma yin no zhes gsungs na/ tshogs
su 'grem pa ni bon dang sngags 'chang 'chol bo'i dgon pa ltar
rgyal ba sras bcas thugs khrel zhing/ lha dang srung ma lta ci
ste/ 'jig rten phal bas

kyang 'phya ba'i gnas lags na/ 'di dag phyin chad rtsa ba nas
bcad de gtan du spong thub tshe dpal ldan gdan sa chen po rnam pa
gsum gyis mtshon pa'i dge ldan dgon khag byings dang mthun pa'i
bstan pa'i mig rgyan du

'gro zhing/ rang gzhan mang po'i dmyal ba'i skye sgo du ma zhig
khegs par 'gyur ba bcas des na bstan pa dang rang gzhan tshang
ma'i 'di phyi'i bde 'bras rlabs po cher dgongs te de don nges
par phyag len du thebs pa

zhig ci nas kyang thugs rje che ba/ de mtshungs srog gcod 'di
yang tshe 'dir za ma kham gang gi don du phyi mar tsha dmyal du
'gro nges nyes dmigs shin tu che zhing/ de yang rgyal ba'i gsung
rab mthong thos med pa phal cher gyis

@059b gsod pa po'i bshan pa kho na ma gtogs par srog gcod kyi
sdig pa mi 'ong snyam pa byed kyang/ de lta min par/ gsod pa po
dang bsod ces bsgo ba po gnyis kar srog gcod kyi sdig pa cha
tshang re yod pa/ dper na/ dgon

ba lta bu'i tshogs 'du mi brgyad tshogs nas bshan pa gcig bos te
lug gcig gsod du bcug na bshan pa de la'ang lug gcig bsad ba'i
sdig pa cha tshang gcig /tshogs 'du ba mi brgyad po de re re
la'ang lug re

re bsad pa'i sdig pa cha tshang re re bcas 'byung ba mdo dang
dgongs 'grel tshad thub mang po'i dgongs pa lags na/ dgon sde
rnams nas lo ltar ched dmigs kyis srog gcod byed pa 'di de'i
khongs su gtogs so cog gi dge

'dun mtha' dag la tsha dmyal gyi sgo ched du phye ba lta bu zhig
snang ba sems kyis ma bzod nas ji ltar bskul ba ltar lam khel
dgon sde rnams nas srog gcod sngon spangs ma zin pa lcags ra nas
bzhi bkram yang du dgon khag bco

lnga skor gyi dgon gzhung/ ser skya mang pos srog gcod mi byed
pa'i dam bca' phul/ lhag par chab mdo gzhung bla grwa bcas nas
sngar bcad zin pa'i 'phrod dung srog gcod nyis brgya skor bya
gin yod 'dug pa phyin chad

gtan nas spong rgyu'i dam bca' phul zhing/ khyim tshang 'ga' res
kyang bcad/ de bzhin du smar khams 'od zer bla dgon dang/ rong
thang steng dpon sde bcas nas kyang rang yul du srog gcod spong
rgyu'i dam bcas/ khyon

@060a @#/ /lo ltar sems can stong phrag gnyis re lhag tsam re
srog gi 'jigs pa las thar zhing/ rang rang gsod pa bo rnams
la'ang ngan song gi sgo chen po khegs pa bcas gzhan phan rlabs
po cher gyur

pa; de ga nas kyang de 'dra'i thugs rje stsal thabs byung tshe
gang zab skyabs 'jug thugs rje che ba mkhyen// ! (//yang gzhan
zhig la gnang ba/) yongs rdzogs dge bsnyen gyi bsrung bya yan
lag lnga ni/ srog gcod pa/

ma byin par len pa/ 'dod pa log par g.yem pa/ rdzun smra ba/
chang btung ba ste lnga'o/ /de lnga las mi gsod pa dang/ zho
gang yan gyi rin thang tshang ba'i dngos po brku ba/ log g.yem
du spyod pa/ mi chos bla ma'i rdzun

smra ba bzhi las 'das na sdom pa rtsa ba nas gtong bas bskyar
nas len/ de min gzhan mi ma yin dang dud 'gro gsod pa/ rin thang
mtshang ba'i dngos bo brku ba/ gnas dang dus dang yan lag min par
log g.yem du spyod pa/

rdzun phal pa smra ba/ chang btung ba rnams las 'das na sdom pa
rtsa ba nas 'jig mi nus kyang/ nyes ltung byung ba 'dag ba'i
thabs bshags sdom nan tan byed dgos/ de dag las srog gcod/ ma
byin len/ chang rnams ni/

go sla la/ log g.yem ni rang gi chung ma ma yin pa'i gzhan gyi
chung ma la spyod pa dang/ rang gi chung ma yin kyang kha dang
bshad lam du spyod na dge bsnyen gyi sdom pa 'jig rgyu dang/ de
min rten gyi drung du spyod pa dang/ sbrum ma dang/

@060b bsnyen gnas kyi tshe spyod pa dang/ kha dang bshad lam las
gzhan pa'i lam gzhan du spyod pa rnams bshags bya'i log g.yem
du 'gyur/ mi chos bla ma'i rdzun ni sa lam gyi rtogs bam thob
bzhin du thob mdog smra ba yin no/ /phyogs mthun gyi mi

dge ba phra ma/ tshig rtsub/ ngag 'khyal/ brnab sems/ gnod sems/
log lta ste mi dge ba lhag ma drug po yang yid kyis bsdams te
legs par bsrung dgos/ de ltar bsrung ba'i phan yon ni/ ngan song
du mi ltung zhing/ gnas

skabs lha dang mi'i lus rten brgyud mar thob pa dang/ mthar thug
thar ba'i go 'phang bde blag tu thob par 'gyur ro/ /yang; bsrung
bya lnga po 'di bsrung ba'i dge bar ro ba dang/ gnyid log pa'i
gnas skabs tshun chad rgyun mi

'chad par 'phel bar 'gyur/ gzhan yang ston pas rjes su dgongs pa
dang/ lha rnams kyis bsngags shing bsrung ba dang/ mi ma yin
gyis glags mi rnyed pa dang/ yon tan gong nas gong 'phel du 'gro
ba dang/

'chi ba'i tshe 'gyod pa med par 'chi ba rnams 'byung ngo/ /yang
srog gcod spangs pas 'jig rten phyi ma rnams su tshe ring ba
dang/ ma byin len spangs bas longs spyod che ba dang/ log g.yem
spangs pas chung ma dang mdza' bshes phun sum tshogs

pa 'phrad pa dang/ rdzun spangs pas gzhan gyis rang gi ngag nyan
pa'i tshig btsun pa dang/ chang spangs pas tshe rabs thams cad du
dran shes bag yod dang ldan par 'gyur ba'o/ /'di dag kyang phan
yon mdor bsdus smras ba'o// ! //

@061a @#/ (/phyogs mtha'i grwa rgan zhig la gnang ba/) nyid nas
chung dus mi tshangs spyod kyi pham pas gos pas bslab sbyin sogs
gang la 'bad dgos gsungs pa/ rtsa bas gos kyang sdom pa pham ba
ma gtogs sdom pa

gtong ba min pa/ kha che bye smra'i lugs/ sdom ldan rtsa ltung
byung ba la/ /bu lon nor ldan bzhin du 'dod/ /ces gsungs pa ltar
re re nyams kyang gzhan rnams bsdad yod pas de dag tshul bzhin du
bsrung dgos/ spyir dge tshul gyi dus su pham

'dra byung yang/ rjes su dge slong gi sdom pa tshul bzhin bsrung
yod tshe snga ma'i nyes pa byung ba la dug khong du song ba lta
bu'i 'gyod sems shugs drag bcas bshags sdom nan tur yun ring du
'bad na cung e drag snyam/ mkhas

grub sangs rgyas ye shes sogs dam pa mang po'i gsung rgyun la
thabs sna tshogs shig gsungs kyang/ de dag mngon tshan ches na
bstan pa'i mig ltos la gnod bas bskyar du zhi mi dogs pa byas
nas/ bshags pa ni da lta byed bzhin pa

gzhir bcas pas/ bla med dbang chen dang bdag 'jug skabs sngags
sdom gyi/ bdag gis sdom pa ma lus bzung/ /zhes pa'i skabs sdom
pa gsum so so nas thob blo 'dzin pa nan tan byas te phyis tshul
bzhin bsrung ba gal che/

yang ngan song sbyong ba'i gzungs sde lnga dang/ lhag par pham
pa'i nyes ltung 'dag pa la mchog tu bsngags pa mi 'khrul pa'i
gzungs gang mang bcas bshags sbyang nan tan mdzad kyang legs pa
bcas dgongs 'jags

@061b 'tshal/ ! spyir cung zad las nyon dbang cher gyur rigs
mtha' dag la zhar dang zhor du nyes ltung bya ba'i mtshan ma yang
yang ma byung gi bar 'gyod sdom rnam dkar gang nus bsnyen na
bshes spring las/ gang zhig sngon chad pag med gyur pa la/
/phyis

nas bag dang ldan par gyur de yang/ /zla ba sprin bral lta bur
rnam mdzes te/ /dga' bo sor phreng mthong ldan bde byed bzhin/
/zhes gsungs pa ltar nyes ltung lhag med du 'dag par nges pas de
don lag len mdzod// ! (//chab

mdo brag mgo dpon lha don grub tshe dbang la/ 'phags pa lha 7 blo
bzang thub bstan mi pham tshul khrims rgyal mtshan dpal bzang po'i
gdung rten bzhengs rgyu'i skor du stsal ba/) da lam sku gdung
mchod rten gyi thig dpe bskur dgos dang dri med rnam gnyis sogs
ji legs gsungs

pa; de ga'i gser gdung gsar bzhengs de dag sku gdung cha brgyad
las gang yin nyid kyi phyag bris su gsal kha mi snang yang/
byang chub mchod rten yin shag snyam byang chub mchod rten gyi
thig dpe gsar bris dang/ thig rtsa bcas zur

phul yod pa spro bzhes/ dri med rnam gnyis sdig sbyong la mchog
tu bsngags tshul sogs deng skabs mchod rten gsar bzhengs phal
cher la dar cha che yang/ dge ldan rang lugs gtsang mar ha cang
grags mi che bas nang gzhugs su med

kyang 'thus nges snyam zhing/ 'phags chen dam pa de nyid bdag
nyid chen po bsam gyis mi khyab pa da lta na'ang/ grub mtha'
chal chol sna tshogs mdzad rkyen sku tshe mdzad 'phrin mthar ma
phyin pa de ltar byung song bas/ slad

@062a @#/ (/yang srid kyi sku tshe mdzad 'phrin la phan ched gdung
rten nang gzhug grub mtha' gzhan sel ma 'dres pa dngos gtsang
zhig bya ba nges par gal che ba bcas dgongs par mnga' ba// !
(//kun

gzigs paN chen rin po che blo bzang thub bstan chos kyi nyi ma
dpal bzang po zhi dbyings su gshegs skabs/ rje thu'u bkwan pa'i
gsung spur chog phyag dpe dang chabs cig zhags 'bring nang sgang
lhan rgyas la mdo smad du 'bul gnang mdzad pa/) da lta ji phebs
skor/ sku gdung rin

po che ril por bzhugs rgyu'i rigs la nang du rul sungs mi 'jug
ched rtsa bshal chu bshal lta bu 'bul rgyur/ rin po che'i snod
kyi sbu gus zhal du dngul chu khyon che 'bul/ de thog tshwa chu
gang nus phul te gdung tshwa'i nang bzhugs su gsol bas

dngul chu rnams sku'i gsang sgo nas dri ma dang chabs cig babs
pa slar yang dngul chu gsar pa 'bul zhing gdung tshwa brje ba
sogs yang yang skam thag mchod bar du bya/ sku'i mchan khung
dang bla'i khug sogs su'ang tshwa zhib cung

zad 'bul ba yang yang brje dgos/ zhugs 'bul gyi rigs la me bzhes
khyang sku'i nang du si la khyon che 'bul yang/ ril por bzhugs
rgyu'i rigs la si la phul na des 'gags nas dngul chu dang tshwa
chu sogs 'bul lam

mi rnyed pas sku gdung chud zos su 'gro ba'ang shin tu mang pas
si la sogs gtan nas 'bul mi nyan/ de min gdung khrus 'bul lugs
sogs rin chen sgron ma ltar mdzad na 'thus pa bcas dbyings rol
zhu// ! (//mtha'

@062b 'khob spo bo'i yul du stsal ba'i dur khrod bzo lugs kyi
zin bris/) dur khrod bzo lugs rang phyogs kyi yig cha khungs dag
gang yang ma mthong zhing/ khams phyogs dpal 'bar sprul sku rin
po che sogs nas dgon sde sogs su dur khrod gsar pa mang du bzo

gnang mdzad 'dug cing/ de yang 'ga' zhig bde mchog dang/ 'ga'
zhig rnal 'byor ma sogs kyi dkyil 'khor yin tshul gsungs snang ba
ji ltar mdzad zhib tu rtsad gcod bgyis par/ dur 'jog sa'i 'og mi
tshad las lhag

tsam sa brus pa'i sding du lha gang gi dkyil 'khor du byed pa
de'i ras bris dang sku gsung thugs kyi dkyil 'khor mchod gtor
dang bcas pa legs par bsgrigs nas/ bla ma dang dge 'dun sogs
kyis bdag mdun gyi bskyed chog legs par byas/

nyer bsdu ma byas par bzhag nas mtha' skor dang steng 'og sogs
nas nyams skyon zhig ral du mi 'gyur ba'i sgrom sogs legs par
bzos pa'i steng du thog phubs/ de'i steng du sa rdo rim bkabs
kyis/ khar phung po 'jog sa'i

rdo gcal sogs btings nas de la dkyil 'khor de dang de'i tha
snyad byed cing/ ming yang dur khrod mi zer bar gtan chags zer
ba sogs mdzad 'dug pa/ phung po de dkyil 'khor nyer bsdu ma byas
pa de'i steng du gtor ba/ dkyil 'khor de

yi lha tshogs kyi spyan sngar 'grem bzhin tshogs su phul ba lta bu
yin nyams che ba yod skad dang/ bla ma chen pos mdzad pa la
khungs rnam dag cig yod pa shin tu los dgos kyang/ rang phyogs
kyi mkhas pa rnams kyis de la dgag pa

@063a @#/ /mdzad pa yang 'ga' shas snang zhing/ dkyil 'khor lta
ci smos te lha'i mtshan ma dang dman ma sogs la'ang 'go ma yug
phra mo tsam yang mi nus na/ dkyil 'khor yongs rdzogs dngos su
bshams pa nyer

bsdu tsam yang ma byas pa'i steng du ro tha mal pa 'jog pa phan
yon las nyes dmigs lci bar mi 'gyur ram zhes gsungs mkhan mang
du snang ba thugs shin tu bden par 'dra ba ma zad/ rang re bod
kyi pha bong kha dang/ se 'bras kyi

dur khrod rnams la'ang 'og tu de 'dra yod ba mi snang bas/ de
'dra re zhig rung mi rung kha tshon gcod dka' bas btang snyoms su
bzhag nas/ spyir dur khrod kyi skad dod sham sha na zhes pa ro'i
spyod lam rnam bzhi byed pa dang/ mgo rus

dang byin pa'i rus pa sogs mang du 'thor ba mi'i phung po mang
du bskyal ba'i gnas shig la dur khrod ces ming btags pa tsam du
mngon la/ 'on kyang phung po gang du gtor ba'i gnas der gshin
gyi bla de chags shing/ bla de dar gud la brten

nas rjes 'jug gson po rnams la'ang phan gnod kyi khyad par
'byung bas/ de 'dra'i sa des bkra bzang ba zhig nges par gal che
zhing/ sa sde skyes bu dam pas byin gyis brlabs shing dpa' bo
mkha' 'gro dngos su 'du ba'i gnas dkyil

'khor yongs rdzogs kyi bkod pa rang bzhin gyis chags pa'am/ rnal
'byor pa chen pos sngags dang ting nge 'dzin gyi khyad par gyis
gsar du bkod pa'i dkyil 'khor gyi gnas gzhi lta bu byin rlabs
can zhig yin na gshin bo la'ang nges bar phan

@063b zhing; sngon gyi dur khrod rnying pa rnams la'ang lha'i
dkyil 'khor gyi sgras btags pa 'ga' re snang ba yang de 'dra yin
tshod bcas/ des na dur khrod bzo tshul gyi yig cha khungs btsun
sngar mig lam du ma son zhing/ da lam dpe mang blta

rtog byed pa ma 'grub pas khungs dang bcas 'di zhes zhu rgyu ma
mchis kyang/ bka' do ma ldog tsam rang gi bsam tshod ltar zhu na/
dang pos dpyad legs pa gal che bas/ rgyas par na jo bo rjes
mdzad pa'i sa dpyad dang/ bai

dkar gyis dpyad sogs las gsungs pa'i dur gyis bkra legs pa spyi
dang/ mdor nas gzhi bag dro zhing byin chags pa/ sa der slebs pa
tsam gyis bag phebs sdod nyams spro ba/ der nyal nas bltas pas
mthong sar bkra ngan pa

med pa de 'dra zhig legs par btsal/ de 'dra'i sa der sngags rim
chen mo dang dkyil chog sogs las byung ba ltar gyis brtag pa/
bslang ba/ sbyang ba/ bzung ba/ byin gyis brlab pa bcas bya
zhing/ gzhan yang gzhi der

mi shis pa bsal ba'i phyir zhi ba'i sbyin sreg tshar kha shas
dang/ 'dul lugs kyi rab gnas dang sa gzhi byin rlabs gso sbyong
yin pas/ dge slong tshul khrims rnam dag tshogs pa nas gso sbyong
yang bya/ dngos gzhi lha gang gi

dkyil 'khor bya ba rang rang gi 'dod mos chog kyang/ rgyud sde
'og ma gsum dang/ bla med gsang 'dus sogs la dur khrod med pas
de dag ma yin pa'i bde kyai/ 'jigs byed sogs gshed skor/ rnal
'byor ma sogs phag mo'i

@064a @#/ /rigs lta bu dur khrod yod pa'i bla med kyi dkyil 'khor
gyi rigs gang rung zhig byas na legs shing/ de yang sa de lha de
dag gi gnas ri yin pa sogs sngon nas gsal kha yod rigs la dur
khrod kyang

de dang de'i dkyil 'khor byas na legs shing/ de rigs med pa dang
sbyir btang dur khrod skyong ba'i dkyil 'khor gyi gtso bo bcom
ldan 'das dpal 'khor lo sdom pa nyid yin pas dur khrod kyang bde
mchog gi dkyil 'khor du byas na

byin che 'brel chags la/ ji ltar bya ba'i tshul ni/ gong du brjod
pa'i gzhan lugs de ltar 'og tu dkyil 'khor bsgrig ba sogs mi bya
bar/ rnal 'byor pa tshad ldan ting nge 'dzin brtan po dang ldan
pa ji ltar 'dus pa dag

gzhi der 'tshogs nas bdag bskyed btang/ mdun bskyed sgrub gzhi
ras bris dang rdul tshon gyi dkyil 'khor sogs med par/ bsam gtan
gyi dkyil 'khor ltar gzhi de nyid du rten dang brten pa'i dkyil
'khor gtso bo nas dur khrod kyi bar

legs par gsal gang bcing; ye shes ba bstim pa sogs nas gtang rag
gi mchod bstod bar gyi dkyil 'khor sgrub mchod rgyas par btang/
mdun bskyed kyi rten dang brten pa ma bsdus par gnas gzhi de
nyid du bkra lam mer bzhugs

pa la der gung po 'dor ba sogs 'brel tshad don ldan gyi 'phrin
las bcol zhing gsol 'debs byed/ de nas smon lam shis brjod sogs
legs par bya/ de lta bu'i sgrub mchod bdun gcig /gnyis/ gsum
sogs gang nus bya ba

@064b ni dngos gzhi'i rim pa'o/ /rjes su yang rnal 'byor pa
rtogs pa dang ldan pa dang/ bdag pas gzhan gces kyi byang sems
'byongs pa dang/ 'dul 'dzin 'tshul khrims rnam par dag pa sogs
gang zag khyad par can lta spyod rnam dag byon tshad la

gzhi der rang rang gi thugs dam skyong ba dang bden tshig sogs
zhu zhing/ lta sgom dang ldan pa'i gcod pa nus ldan dag nas
kyang gzhi der lus spyin yang yang bya/ grub na g.yas g.yon du
byang chub mtshod rten lta bur gzungs 'bul gyi yi

ge khungs ldan dag las gsungs pa'i gzungs spyi dang/ lhag par
ngan song sbyong pa'i gzungs sde rnams gang mang phul ba legs
par bzhengs/ de 'dra'i dur khrod du thog mar 'gri ma rgyu'i
phung po yang bai dkar gshin rtsis kyi le'u nas

gsungs pa'i dur du 'jog mi nyan ba'i rigs ma yin pa smos ci/
rgyun du yang mdze dang grir shi ba sogs kyi ro ma yin par rigs
bzang ba dang/ rgyud 'jam pa/ tshul khrims gtsang ba sogs kyi
phung po 'jog cing/ de yang dpal ldan

'khor lo sdom ba'i tshogs kyi 'khor kho dang bcas te 'bul ba lta
bu yi dam gyi dkyil 'khor gang yin pa de'i tshogs su bsngo zhing
'bul/ yang na gcod pa bzang pos gcod tshogs su bsngo ba sogs sha
chen bam gyi tshogs 'khor bya/ yul der bya

rgod gtan nas med na yul gzhan nas rim gyis 'khrid pa'i thangs
la brtson/ gzhan yang gzhi der mtshan brjod dang/ gzungs 'dus
sogs gzungs mdo khyad par can mang du sgrog pa sogs bya/ 'di dag
ni rang gi bsam tshod dang bstun nas legs

@065a @#/ /par sbyar ba yin la/ slar dpe khungs dag 'dra rnyed na
go bsdur zhing/ gal te ma rnyed kyang 'di la legs par yid rton
chog pa yod do/ (/'di ni bshad sgra'i rtsis dpon sku ngo dpal
'byor bsod nams rab brtan la gnang ba'o//

! gtsang bkras lhun grwa rigs dkon mchog ye shes la stsal ba/)
ji gsal/ nyid sku khams bde min de dag gzhi rtsa dge sbyor gyi
lhong yin nges kyang/ de gcig pu tsam min par 'byung ba 'khrungs
pa'i nad kyi skyon yang cung zad yod 'dra bas sman bcos sogs

kyang nan tan mdzad na legs/ dge sbyor gyi lhong la legs sel
bogs 'don gyi rgyal po ni bla ma'i rnal 'byor nyid yin pas/
mchod tshogs bzang po dang bcas te rkyen ngan zhi zhing dge sbyor
la bogs thon pa'i gsol 'debs

shugs drag yang yang mdzad gal che zhing/ lte ba'i rlung snying
gar zhugs pa de dag 'og rlung shugs che 'then drags pa'i rlung
gegs yin phyir re zhig 'og rlung gtan nas mi 'then bar steng
rlung mnan pa'i dmigs pa kho na gtso

'don dang/ phar tsam bar ma ning ha 'don kyang ma mdzad pa legs/
da lta'i nad 'di dang 'dres te snying rlung khrag rlung sogs kyi
nad gzhi yod med rtog dpyod kyis yod na de'i gnyen po'i sman zab
tu bsten dgos/ yang ji gsungs/

sems kyi 'gyu ba snang ba sna tshogs shar ba de rnams nyams kyi
'char sgo rang yin par/ rje mid las kyang/ sems kyi 'char sgo
'di nyi zer gyi rdul bas kyang mang ba zhig gda' ste/ zhes sogs
gsungs pa ltar rnal 'byor pa la nyams mang ba dge

@065b sbyor byas pa'i rtags yin zhing/ 'on kyang de la dgag
sgrub spang blang re dogs gang yang mi bya bar chos nyid zab mo
stong pa nyid kyi dad du bskyur te 'jog pa gnad che/ 'di dag la
lhong tshad tshar tshad sogs kyis sems mi bde ba dang/ lus kyi na

tsha; gzhan gyi rkyen ngan gyis gtses pa/ 'jigs skrag gi snang ba
che ba sogs 'byung ba 'di dag lam du ma lhongs na srog gi bar
chad du yang 'gyur ba srid cing/ lam du lhongs na de dag chod
pa'i rjes su nyams rtogs bzang po skye bas

na 'di dag gi skabs lhong dang rkyen gyi dbang du ma song ba'i
tshar lhong chod gsum sgrig thabs rang lugs gcod kyi gzhung chen
mo rnams su gsungs yod pa de dag la'ang zhib tu rtog zhib mdzod/
gzhan yang zhu mi shes pa'i zhu rgyu mang po 'dug gsungs

pa de dag kyang bla ma'i rnal 'byor gyi khongs nas dogs pa gcod
thabs dang/ de khul dka' chen rin po che sogs nyams myong can
gyi rigs la'ang 'dri gtug mdzad thog /dge sbyor la ha cang
brtson ches pa dang sems nang du ha cang bsdus drags pa sogs

kyi skyon du mi 'gyur pa'i phyer skabs su khams gseng ba dang/
ngal bso bag yangs bya ba sogs kyang brtson 'grus kyi nyams len
dor ba'i stobs su ji ltar gsungs pa ltar dang/ bga' gdams gong
mtshos dge sbyor thang lhod ran

par yun bsrings pa'i rnam thar ji ltar gsungs pa bzhin phyag len
du bstar mdzod// ! (//spyan seng blo bzang mkhas grub la gnang
ba/ nyid kyi 'phrin yig tu gsal bzhin/) mi tshangs spyod kyi nyes
bas gos par nyes ba la nyes par

@066a @#/ /mthong bas gnong 'gyod drag pos bshags shing 'dag
thabs lhur len pa ni/ mkhas pa'i sdig pa lci yang yang/ /zhes pa
ltar ring por mi thogs par sdig ltung las ldang bar nus nges
shin

tu legs/ 'on kyang sdig sgrib sbyong thabs sems khrid las lhag
pa med tshul dang/ rnam rtog sems su ngo sprad nas sdig pa med
tshul/ tshogs drug rang grol/ gnas 'gyu rig gsum/ shar grol dus
mnyam/ sku lnga sku bzhi sku

gsum sems su ngo sprod tshul sogs brtse ba chen pos stsal du
gsol/ zhes gsungs pa 'di dag rnying ma dang rdzogs chen sogs kyi
chos skad thun mong ma yin pa las/ rang re dge ldan pa'i lugs la
'di dag lam gol ltar snang kho na las/

yang dag pa'i lam du 'jog pa rang lugs kyi mkhas grub tshad ldan
su yang mi snang ba ma zad/ sems ngo 'phrod na las 'bras kyi
spong len sogs mi dgos pa dang/ gang shar rnam rtog tsam yin
tshul gyis bzang ngan sems tsam du smra

ba dang/ sku gsum sku lnga sogs gzhi dus su rang chas su yod
tshul smra ('di tsam ma zad deng dus grub mtha' gzhan phyogs pa'i
mkhas blun phal mo che zhig gis/) ba 'di dag ni las 'bras khyad
du bsad/ tshogs bsags sgrib sbyong sogs spyod phyogs kyi lam gyi
rim pa mtha' dag 'dor zhing/ skur 'debs kyi mthar ltung

ba dang/ ma dag pa'i phung khams la sku lnga sku bzhi sogs kyi
sangs (gzhi grub na don dam bden pa yin pas khyab 'dod pas/ kun
rdzob mad par 'dzin pa'i chad lta mi bzad

@066b pa 'di ni/ gsung rab tshad ldan rnams nas dmyal ba mnar med
kyi rgyur yang dang yang du gsungs pas luD ngan 'di dag la dug
bzhin du 'dzem par bya dgos te/ rje phur lcog ngag dbang byams
pa'i gsung las/ bod kyi blos byas theg pa mthon po rnams/ /mu
stegs dang mtshungs rtag dngos yon tan kun/ /ye nas

rdzogs pa sems can kun la yod/ /de nyid bla mas rang ngo sprad
byas pas/ /ngo 'phrod tsam gyis sangs rgyas zhes brjod kyi/ /'di
las mtshams rim pa med ces smra/ /deng sangs steng thams cad lugs
'dis khyab/ /rmongs dang le lo can la shin tu mkho/ /lta brtogs
la las 'bras spang blang med/ /sngags pa rnams la spyod pa

bkag pa med/ /ma dag 'khor ba med cing snod bcud kun/ /ye nas
lha dang gzhal yas khang yin zer/ /ma dag las 'bras tshad mas ma
grub pa'i/ /grub mtha' 'di ni chad lta'i mthar thug yin/ /tshogs
gnyis gang gis ma bsgrubs rtag dngos kyis/ /sangs rgyas 'dod
brtag lta'i mthar thug yin/ /rtag chad smra ba

'di kun skad gsang mtho/ /e ma chos ltar bcos pas sangs rgyas
bstan/ /ming gi lhag mar byas 'di su yis 'chos/ /zhes dang/ dpal
mgon klu sgrub kyis rtsa ba shes rab las/ stong pa nyid la lta
nyes na/ /shes rab chung rnams phung bar 'gyur/ /zhes dang/ dbu
ma rin chen phreng ba las/ gzhan yang chos 'di log bzung na/ /

blun po mkhas pa'i nga rgyal can/ /sbong bas ma rungs bdag nyid
can/ /mnar med par ni spyi'i tshugs 'gro /zhes dang/ chos 'di log
par bzung gyur na/ /mi mkhas rnams ni chud kyang 'dza'/ /'di
ltar med par lta ba yi/ /mi gtsang der ni bying bar 'gyur/ /zhes
rang bzhin gyis med pa'i don ci yang med par

bzung na mi gcang ngan song gi 'dam du byings te ngan 'gror 'gro
bar 'gyur bar gsungs pa dang/ yang/ yod pa pa ni bde 'gror 'gro
/med pa pa ni ngan 'gror 'gro /zhes sogs dang/ sher phyin mdo
sdud pa las kyang/ sngon spyod tshe na sangs rgyas khrag khrig
bkur byas kyang/ /rgyal ba'i shes rab

@067a @#/ (/pha rol phyin la ma dad na/ /thos nas blo chung de
yis 'di ni spong byed de/ /spangs nas skyabs med gyur pa de ni
mnar med 'gro /zhes chad lta sogs la zhen nas stong nyid kyi don
phyin ci log tu bzung bas ni sher phyin zab mo'i don spangs te
dmyal ba mnar med

du 'gro bar gsungs shing/ 'bri gung dpal 'dzin sogs kyis kyang
'di dag gi gnad go ba'i thabs su dgag sgrub kyi bslab bya yig
'jog mang du mjad pa don la gnas te/ thu'u bkwan chos kyi nyi
ma'i gsung ke ta ka'i byi dor las sum ba mkhan chen dgag pa'i
skabs su/ rgyal bo dar mas

bstan pa bsnubs/ /de rjes chos log du ma 'phel/ /zhes pa 'bri
gung dpal 'dzin gyi gsung du mdzad de/ dpal 'dzin la tshad mar
mdzad pas kyang gsung rab de dag la nges bar blta zhing yid rton
dgos par gdams pa yin no/ /gzhan yang/ kong po padma legs grub
kyis/

rgyal bam lus pa thams cad kyi thugs ye shes khyab gdal gdod ma
nas 'khrul ma myong ba'i gdod ma'i gnas lugs zhes sogs dris pa'i
lan du/ brag sgro rab 'byams pas/ sangs rgyas kyi ye shes la
'khrul myong ba zhig ni nam gyi dus su'ang med/ de lta na'ang
sems can byed ma myong

bar sangs rgyas ba'i sangs rgyas 'phags pa ni shes bya la mi
srid do/ /zhes dang/ shAkya thub pa sogs kyi thugs rgyud kyi ye
shes chos sku yang thun mong ba'i rgyu dang/ thun mong min pa'i
rgyu rnam par mi rtog pa dang/ mtshan dpe rnams kyang thun mong
ba dang thun mong min pa'i rgyu bla ma

bsu skyel sogs kyis sgrub dgos/ rang gi ngo bo 'di la ye gdod ma
nas sangs rgyas su skyes pa sogs ni phyi rol pa'i 'dod par byed
pas khas mi len lags/ zhes gsungs pa gzhan ngor mdzes chos ma
mdzad pa'i bden par smra ba'i grub thob kyi gsung du 'dug pa
shin tu yid ches pa'i gnas dang/

@067b spyir mtha' yas pa'i gsung rab khungs ma rnams la gzu bo'i
blos rtog dpyod 'jug ba ni rang gzhan la 'phral yun kun tu dge
ba'i gnad che shos su snang ngo/) rgyas su zhen cing brloms pas
rtag chad lam ngan gyi g.yangs chen por lam mchog tu zhen nas
mi tshe hril po 'da' bar byed pa ni/ nyid

kyi nyes pa sngar yod bshags sdom la mi phan par mi tshe stong
zad kyi snon ma lta bur 'gyur nges pas/ de rigs la yid rton gang
yang ma byas pa legs nges kho bos drang por lhag bsam bzang pos
smras pa lags shing/ des na sdig pa sbyang thabs

rang lugs mkhas grub tshad ldan gyi gsung du ma las byung ba ltar
ltung bshags dang 'brel ba'i brkyang phyag /rdor sems bsgom
bzlas dang 'brel ba'i yig brgya/ mi 'khrugs pa'i gzungs sngags
bzla ba sogs snying rus chen pos yun bsrings te shugs

drag 'bad na sdig ltung tshan po che yang nges par 'dag par gdon
mi za zhing/ sdig ltung 'dag pa'i rmi lam gyi mtshan ma yang
'byung bar 'gyur pas de lugs dang/ lhag par snyan brgyud kyi
gsung rgyun du/ de snga sngags bla med kyi dbang chen thob cing

sngags kyi sgor zhugs pa dag la so thar gyi pham pa sogs byung
ba 'dag thabs thun mong ma yin pa bla med kyi dkyil 'khor gang
yin pa de'i bdag 'jug len pa'am/ da'ang bskyar nas zhu ba sogs
sngags sdom gso thabs la nan tan 'bad nas sngags sdom

nyams ba sor chud na so thar gyi sdig ltung 'dag pa la shin tu
stobs che bar gsungs pas de lugs nan tan dang/ dge sbyor yang
byang chub lam gyi rim pa dang/ bde mchog yab bka' yum bka' gang
rung zhig gi bzlas bsgom la brtson na gtan 'dun

@068a @#/ /snying po rab tu lon nges bcas de don thugs la bcang
bar 'tshal// ! (//'jol zam gdong sprul sku mchog la stsal ba/)
rje nyid nas gsung bris phebs pa'i dri ba dang por/ lam rim
bshes

gnyen bsten tshul la blo sbyangs skabs bshes gnyen bsten pa'i
phan yon nas/ sbyor bas bsten tshul gyi bar yongs rdzogs la dpyad
sgom thun gcig la tshang bar byed dgos sam/ thun dang por bsten
pa'i phan yon tsam la dpyad

sgom byed/ thun gnyis par ma bsten pa'i nyes dmigs la dpyad sgom
byed/ thun gsum par rtsa ba dad pa sbyang ba sogs la dpyad sgom
byed pa lta bu de 'dra byed chog gam/ yang dper na bsten pa'i
phan yon lta bu la blo sbyangs

skabs bde myur dang/ zhal lung/ bdud rtsi snying po sogs thams
cad nas kha bskangs te thad kar sbyar nas bsgom e chog gsungs
pa/ lam rim dmigs skor skyong skabs thun gcig la dmigs skor gyis
bcad mang na shar sgom

lta bu las gnad du mi 'gro bas/ des na dmigs skor sa bcad re re
la'ang myong ba ma skyes kyi bar du zhag dang/ zla ba/ lo ji
tsam gyi yun 'gor yang snyugs bsring ste skyong dgos pas/ bshes
gnyen bsten pa'i phan yon dang bsten tshul

log pa'i nyes dmigs gnyis rkyang pa la'ang lam rim che chung/
bde myur/ zhal lung sogs dang/ ma mtha' gtam rgyud tshun chad nas
kha bskang/ rang gi rigs pas dpyad lugs rno khyad gang thon byas
te myong ba ma thon gyi bar nyin zhag mang por

@068b gnad du bsnun te bskyang/ dmigs skor byings rtsa ba dang
pa sbyang tshul nas 'jug sdom len pa'i bar shar sgom mdor bsdus
tsam re/ phyin drug man la smon lam gyi yul tsam du byas nas
skyong/ phan yon nyes dmigs bsam pa la myong ba thon na/ rtsa ba

dad pa spyang ba'i sa bcad dang po bla ma sangs rgyas yin par
rdo rje 'chang gis bzhed pa gcig pu la gnad du bkar nas skyong/
de la myong ba cung zad thon na/ gnyis pa 'phrin las kyi byed pa
po yin pa la gnad du bkar nas skyong/ de sogs rim bzhin dmigs

skor re re bzhin du gnad du bsnun nas skyong dgos/ 'on kyang
bshes gnyen bsten tshul gyi rtsa ba dad pa sbyang ba 'di myong ba
thon pa shin tu dka' bas 'di la myong ba ma thon bar du 'di kho
na la 'bad na phal pa rnams mi tshe hril por 'gor ba tsam gyis sa
chod

dka' bas bshes gnyen bsten tshul nas dmigs skor gcig dang/ dal
'byor gyi dbu nas dmigs skor gcig bcas zung 'brel du bskyang nas
chod che ba lta bur snang bas sgom don gyi skyong lugs de ltar
byed kyin yod lags/ 'di skor las brtsams

ba'i bslab bya tshigs sa bcad pa spom mda'i las tshan surya d+hA
dzar phul ba khag gnyis dang/ mdo smad thang steng dge bsnyen
rdo rje rab brtan la thun dang thun mtshams kyi nyams len bya
tshul gyi bslab bya bsrings pa'i nang du'ang cung zad

gsal bas de dag ngo bshus kyis phul yod pa rnams go bsdur te
dgongs dpyad mdzod/ /dri ba gnyis par/ gtor ma brgya rtsa'i
skyabs yul gyi gtso bo bla ma spyan ras gzigs gsal gdab e dgos
lags/ dgos tshe phyag bzhi pa dang

@069a @#/ /phyag stong spyan stong sogs gang gsal gdab dgos zhes
gsungs pa/ skyabs 'gro'i tshig zin la spyan ras gzigs zur du gsal
bas/ skyabs yul gyi gtso bo spyan ras gzigs byas na mchog tu
'gyur/ ma

byas kyang chog /spyan ras gzigs byed na phyag bzhi pa dang/
phyag stong spyan stong gang byas khyad par med snyam yang khrid
yig rnams su phyag bzhi pa bya bar gsungs/ dri ba gsum par/
dngos gzhi tshogs zhing byings bla mchod ltar la/ gtso

bo yang bla ma blo bzang thub dbang rdo rje 'chang gsal 'debs
dgos sam gsungs pa/ tshogs zhing bla mchod ltar yin pas/ gtso bo
yang bla ma blo bzang thub dbang rdo rje 'chang byas na 'thus/
dri ba bzhi par/ yon tan gyi mgron mkha'

'gro chos spung rnams seng khri'i steng du bzhugs pa de gas
'thus sam/ de ma yin pa'i drang srong dang/ dzi lha sogs seng
khri'i drung nas mtha' skor du 'khod par mos dgos sam/ zhes gsal
ba/ yon tan gyi mgron de gas 'thus pa byed

kyin yod/ drang srong nor lha sogs kyang de rang yin/ dri ba
lnga par/ de bzhin gshegs pa bzhi gsal 'debs tshul sogs ji dgos
gsungs pa/ (bde gshegs bzhi'i ngos 'dzin dang/ gsal 'debs lugs
la gsung tshul yang yang/ ngo bo yab sras

kyis shAka thub dang rigs gsum mgon po bcas bzhir bzhed cing/
de bzhi'i mngon rtogs gsal ma btab kyang mtshan brjod na de'i
byin rlabs kyis mgron rnams la ji ltar bsngos pa bzhin thob par
gsungs pas mtshan brjod ba tsam gyis chog pa phyag len du mdzad
par gsungs// ! //mdo smad

@069b grwa rigs mkhyen rab skal bzang la gnang ba'o dri ba dris
lan dang bcas pa/) nyid kyi dri ba dang por/ bla mchod bde stong
dbyer med ma'i tshogs zhing bskyed skabs/ ngo bo rang gi drin can
rtsa ba'i bla ma yin ba la/ rnam brje bdag nyid chen por mos pa
dgos pa ci lags

gsungs pa/ tshogs zhing gi gtso bo'i mtshan du bla ma blo bzang
thub dbang rdo rje 'chang zhes rang gi rtsa ba'i bla ma/ rje
tsong kha pa/ rgyal ba shAkya thub pa/ rdo rje 'chang bzhi ngo
bo dbyer med/ sku'i rnam pa tha dad du bstan pa tsam ma gtogs/

don bla ma bde chen chos sku gcig nyid kyi rnam 'gyur du bsam
dgos pa'i don yin/ dri ba gnyis par/ blo bzang thub dbang rdo
rje 'chang gi thugs kar thub pa'i dbang po/ de'i thugs kar rdo
rje 'chang dang/ yang rje bla ma'i thugs kar rdo rje

'chang bskyed tshul gnyis snang ba'i khyad par ji 'dra lags zhes
gsungs pa/ gong dang rgyas bsdus kyi khyad par tsam yin/ dri ba
gsum par/ yang tshogs zhing nyer bsdu skabs/ dpag bsam shing/
rgyal chen bzhi dang bcas pa seja khri pad gdan

dang bcas pa la thim/ de nas chos skyong rim gyis bla med kyi yi
dam la thim/ bla med kyi yi dam rnams rje bla mar thim pa yin
nam/ dngos brgyud kyi bla ma rnams la thim pa yin nam ji ltar
lags gsungs pa/ pad rim bcu gcig gi lha tshogs

chos skyong nas bla med yi dam gyi bar yar rim bzhin thim nas
bla med yi dam bla ma blo bzang thub dbang rdo rje 'chang la
thim pa yin no/ /dri ba bzhi par/ bla ma sde lnga 'od zhu'i
skabs/ byams pa/ 'jam dbyangs/ rdo rje 'chang/ rtsa ba'i bla ma

@070a @#/ /rnams de ga gtso bo la thim par mos dgos pa yin nam/
'od du zhu dgos pa sogs ji ltar yin zhes gsungs pa/ byams 'jam
dbyangs gnyis 'od du zhu nas gtso bo la thim/ rdo rje 'chang 'od
du mi zhu

bar je chung du song ba spyi bo nas zhugs/ thugs ka'i rdo rje
'chang la thim/ rtsa ba'i bla ma 'od zhu ma byas par mar la mar
bcug pa bzhin du gtso bo la thim pa yin no/ /dri ba lnga par/
bla ma snying gar bstim skabs rje bla mar bsam dgos sam/

thim lugs ji ltar lags/ thim tshar ba na snying padma 'dab brgyad
kha zum pa'i phyi nas sngags kyis dkris pa dang/ sna tshogs rdo
rjes steng mnan pa sogs khrid yig ltar bya chog gam ji ltar
lags/ zhes gsal ba/ rje bla ma gcig pu

min; gong ltar bla ma blo bzang thub dbang rdo rje 'chang bzhi
dbyer med par bsam pa gnad che/ thim lugs rtsa dbu ma'i nang gi
snying pad 'dab mi shigs pa'i thig le dkar dmar gyi dbus su rang
sems dang dbyer med du 'dres pa yongs

su gyur pa las rje bla ma'am yi dam gsang bde 'jigs gsum gang
rung lta bu sku mdog dkar por bzhengs pa'i sgyu lus nang ldang
gi dmigs pa bya ba dga' ldan snyan brgyud kyi man ngag yin/
snying 'dab brgyad kha zum pa sogs khyed rang

gis bris pa ltar lags/ dri ba drug pa/ rtsa dbu ma sogs lus la
rgyun du ji ltar yod pa de bzhin du bsgom pa yin nam ji ltar
lags/ zhes pa/ ro rkyang dbu gsum gzhi dngos po'i gnas tshod dang
bsgom lugs gnyis mi 'dra/ bsgom

@070b lugs la'ang rdzogs rim gyi skabs so sor mi 'dra ba mang du
yod pa rang rang gi gzhung ltar las/ gcig gi rgyas 'geb tshang
mar sbyar du mi rung ngo/ /dri ba bdun par/ lta ba'i nges shes
bskyed lugs gsal rjen dgos tshul gsungs pa/ bdag med

pa'i lta ba'i nges shes bskyed lugs 'di thad dge ba'i bshes
gnyen yun ring du 'dris par byas pa'i zhal gyi sgo las rtogs par
bya ba kho na las/ 'phrin yig nyung du'i lam nas gsal rjen zhig
ston par ci la nus te/ 'jam mgon bla ma'i

gsung gi bdud rtsi lhag mthong che chung/ rtsa 'jug Ti kkA sogs
dang/ rjes 'brangs dam pa mang po'i yig cha mang du stsal bar
klog pa tsam gyis go bar mi nus pa bzhin no/ /yang lha sku stong
sang bsgom pa lta bu stong nyid bsgom par 'gro min sogs

kyi skor/ lha sku stong sang song ba tsam la dgag bya bden grub
bkag pa'i stong sang med dgag gi 'char lugs phyogs tsam yang
med/ dgag bya rang bzhin gyis grub pa bkag pa'i stong pa'i 'char
lugs med par/ rang gar stong rkyang tsam

bsgom pa ni chad ltar nye zhing/ 'dus pa'i bskyed rim dngos grub
rgya mtshor zhib tu bkag yod pa ltar dang/ gtso bo mtha' gnyis
sel dgos shing/ de ni dgag bya phra mo dbu ma rang rgyud pa man
chad kyi lugs las 'das pa'i thal 'gyur

ba rang lugs kyi bden 'dzin gyi blo ngor zhen pa'i rang bzhin
gyis grub tshad legs par myong thog nas nges pa de nyid rigs pa
yang dag gis bkag pa'i stong sang la stong nyid dang/ de 'gog ma
thub par lus na rtag mtha' dang/ rang rgyud pa man chad

@071a @#/ /dang thun mong min pa'i thal 'gyur rang lugs kyi tha
snyad phra mo'i 'jog mtshams legs par ma shes par bkag na chad
mthar lhung zhing/ de'i 'jog mtshams legs par shes nas de la bya
byed kyi rnam gzhag thams

cad 'thad pa'i stong dang rten 'byung gcig grogs su gcig 'char
ba nyid dpal ldan thal 'gyur ba'i khyad chos thun mong min pa'o/
/yang bskyed rim pa'i gsal snang dang gnas cha 'grub lugs kyang/
lha dang gzhal yas khang gi gsal snang 'don pa

sogs bsgom bya'i don la thos bsam gyis sgro 'dogs chod pa dang/
bcad don bying rgod bral bar yun ring du bskyangs bas gsal snang
dang gnas cha 'grub par 'gyur gyi/ sla chos btsan thabs su 'grub
thabs mi snang ngo/ /bzlas

dmigs yi dam kun la sbyar chog pa dam tshig gi bzlas pa dang gong
bu'i bzlas pa yin zhing/ de bskyed rim du gsal bar yod pa gzhan
la kha spos chog /chos skyong rnams gzhal yas khang gi pad rwar
bskyed pa yin lags/ / ! yang;

dge sbyor byed lugs mdor bsdus paN chen chos rgyan gyi gsung
nyin zhag phrugs gcig gzhir bzung na legs/ 'jigs byed dpa' gcig
dang lha bcu gsum ma bsnyen pa'i skabs phan tshun gcig gis gcig
la go mi chod kyang/ kha

ton la tshogs 'don dang grong chog sogs kyi skabs go bcad chog
/drag las byed skabs rang gzhan gyi bdag 'dzin sogs nyon mongs
ling+ga'i rnam par shar te de la bsgral chog byed pa man ngag
gsung rgyun yin/ bsnyen chen bzhugs rgyu

@071b 'jigs mdzad dpa' gcig mdzad na leg // ! (//rong thang
steng ka rig dge zur la gnang ba/) ji gsungs/ thun mtshams kyi
rnal 'byor tshang ma rgyun gyi yi dam lha gcig pu de'i thog nas
byed dgos shing/ dper na/ rgyun gyi yi dam

'jigs byed dpa' gcig la byed pas ni tshe sgrub lta bu tshe lha'i
thun gsum bzhi sogs byed na thun mtshams kyi lha stong pa'i ngang
las tshe lha der bzhengs te bsngo smon shis brjod sogs zin nas
slar rgyun gyi yi dam 'jigs byed zhal gcig phyag gnyis pa der

mos shing/ de'i rgyun la gnas dgos/ nyal ldang gi rnal 'byor
yang de rang la byed pa yin/ de yang rgyun gyi yi dam de thun re
ma chags pa byed pas thun mtshams thams cad de rang la sbyar
dgos/ der ma zad tshe sgrub kyi thun dngos gzhi'i tshe lha

gang yin dang/ gzhan yang sgrol ma/ spyan ras gzigs sogs gang gi
thun byas kyang rgyun gyi yi dam de dang ngo bo tha mi dad par
blta dgos shing/ sangs rgyas thams cad chos kyi dbyings su ro
gcig pa'i phyir ngo bo gcig yin no/ /bya rgyud thun

bzhi'i skabs thun mtshams sa drug cum bsngo tshul yang gong bzhin
rang gi yi dam rdo rje 'jigs byed yin na de'i thun la sbyar
zhing/ thun mtshams gzhan dang 'jigs byed kyi rnal 'byor mi byed
pas thun mtshams drug cu ma 'bul tshe skad cig krong bskyed

kyis kyang rung ba chu bzang rje ye shes rgya mtsho'i gsung 'bum
du gsal ba ltar ro/ /yang gsang bde 'jigs gsum gang rung gcig gi
bskyed rdzogs la bag chags 'jog byed gang legs gsungs pa/ rang
re rje tsong kha pa chen po'i bka' srog

@072a @#/ /'dir gsang bde 'jigs gsum ya ma bral bar nyams su len
dgos par gsungs kyang/ de ltar nus pa dka' bas/ ma nus na 'jigs
byed lta bu gcig gi steng du gzhan gnyis kyi zab gnad bsdus nas

chig sgril du nyams su len par gsungs pas/ des na 'jigs byed
dpa' gcig rang gi bskyed rdzoD la bshar sgom mdzad na legs/ de
thog bde gsang gang rung gcig nges par nyams len mdzad dgongs
tshe byin rlabs kyi tshan ka'i

khyad dpal 'khor lo sdom pa dril bu lus dkyil lta bu nyams len
mdzad na legs snyam/ de min yi dam rnam grangs mang bo bod lha
brgya bsgrub nas lha gcig mi 'grub ces pa ltar 'gyur nges/ 'on
kyang rkyen sel 'ga'

zhig 'don dgos la 'gal ba med/ gtso bor byang chub lam gyi rim
pa'i dmigs rnam la dpyad sgom dang 'jog sgom zung du 'brel bas
myong ba gang thon mdzad pa zab gnad che bas de lugs mdzod// !
//rgyal mo

(rong pa blo bzang mkhas mchog la gnang ba/) bsnyen chen gtong
rgyu 'jigs byed dpa' gcig rang la gtong zhing/ rgyun gyi nyams
len gyi gtso bo mchog sgrub pa'i yi dam dpal ldan lus dkyil nyid
gtsor bzung/ zhar du yum bka'

frnal 'byor ma bcas bgyis na legs/ bsnyen chen sngon 'gro'i sbar
'debs rgyu mi 'khrugs pa lta bu sangs rgyas kyi sku brnyan zhig
btab na 'gyur khyad che snyam/ spar rnyed min byung na blos
dpyad byas pas chog /bar chad zhi

@072b ba dang/ las sgrub pa sogs kyi ched sngon du 'jigs byed
kyi bsnyen chen tsam las/ gzhi rtsa dge sbyor grangs gsog lam
zhen par/ lam gtso gsum dang rim gnyis kyi nyams myong bzang po
rgyud la skye thabs la 'bad pa gal che/ de yang

dang po nyid nas klong rdol du mi 'byung bas bshes gnyen bsten
tshul nas bzung sta dpyad 'jog yun du bsrings nas nyams myong zla
skyed zhag skyed du 'don pa la 'bad dgos/ de yang bag chags 'jog
pa dang/ dmigs rnam gong ma

goms 'dris kyi ched du lam yongs rdzogs la bshar sgom nyin re
bzhin du 'bad dgos kyang/ gang la gnad du bsnun sa dmigs skor
gcig nyid la byed cing/ de yang shar sgom rnams mdor bsdus tsam
dang/ gnad du bsnun sa'i

dmigs rnam la lung dang rigs pa/ bla ma'i man ngag /tha na de la
phan pa'i gtam rgyud tshun sbyar te/ rigs pa'i 'phrul 'degs gang
rno rno btang nas blo'i 'gyur ba ci thon byed dgos/ 'o na kyang
bshes gnyen bsten tshul gyi rtsa

fba dad pa sbyang ba'i sa bcad 'di shin tu skye dka' bas 'di
rgyud la skyes skyes bar sgug na shin tu yun 'gor bas/ des na
gnad du bsnun rgyu bshes gnyen bsten tshul gyi dmigs skor gcig
dang/ dal 'byor nas brtsams te dmigs skor

gcig rer zung 'brel du myong ba 'don/ myong ba 'don tshul sang
bshes gnyen bsten tshul gyi rtsa ba dad pa sbyang ba'i sa bcad
dang po bla ma sangs rgyas yin pa rdo rje 'chang gis bzhed pa de
kho na nyams myong ma thon bar bsgom pa las/ de'i 'og gis

@073a @#/ /bcad rnams mi skyong/ de la myong ba thon nas sa bcad
gnyis ba la gnad du bsnun/ de bzhin du dmigs skor gcig dal 'byor
nas 'go bzung ba dang/ dal 'byor ngos bzung ba gcig pu myong ba
mthon bar

du skyong/ de la myong ba thon na don che ba'i dmigs skor la
myong ba 'don/ de la myong ba thon na rnyed dka' ba dang/ de nas
mi rtag pa'i rgyu mtshan dgu'i dang po la myong ba 'don pa sogs
dmigs skor 'og ma 'og ma la myong ba thon gyin

fdmigs rnam gong ma gong mar spo/ myong ba thon zin pa rnams la
dmigs rnam mdor bsdus kyis myong ba dran tsam re byed/ de lta
bu'i tshul gyis sems bskyed kyi bar sbyangs shing/ de yang dang
po nyid nas rtsol med kyi myong ba mi 'don

par dal 'byor nas sems bskyed kyi bar nyams 'og tu tshud tsam
tshud tsam byed/ yang 'go nas blang ste dal 'byor nas sems bskyed
kyi bar rtsol bcas kyi myong ba 'don/ yang 'go nas blang ste dal
'byor nas sems bskyed kyi bar rtsol med

kyi myong ba/ de nas bskyed rim dang rdzogs rim sogs la myong ba
'don/ dmigs skor skye sla ba 'ga' zhig bdun re gnyis la'ang
nyams yong skye 'ong zhing/ skye dka' ba 'ga' re lo zla mang por
yun bsring dgos pa yang 'ong bas de

dag la yun ring 'gor song bsam pa mi byed par/ ji ltar 'gor yang
yun bsring ste mthar skyel byed/ de ltar bgyis na rtogs pa mtshan
ldan rim bzhin skyes nas zung 'jug gi sa yang thag mi ring la/
gzhan du mos mno g.yam

@073b rgyug tsam gyis mgyogs khyad byas kyang bag chags thebs
tsam las gar yang mi phyin pas de lugs thugs su mnga' ba 'tshal/
kho bos sbom mda' las tshan par phul ba'i bslab bya gtso bo khyim
pa rnam g.yeng can gyi nyams len la sbyar ba yin kyang/ legs

cha len rgyu yod na snyam dpe bshus kyis zur du phul yod// !
//rba kha sprul sku rin po che la stsal ba/ rje nyid 'jigs mdzad
rdo rje'i bsnyen mtshams bzhugs rgyu'i bsnyen mtshams kyi bar chad
sel phyir sher phyin gyi mdo sde dag sgrog /

gtor ma brgya rtsa dang cha gsum gang mang/ mgon po dang chos
rgyal sogs srung ma'i bskang 'phrin zab rgyas bcas bsgrub gnang
mdzad cing/ dngos gzhi'i skabs su yang bla ma'i rnal 'byor dang/
lam rim la thugs sbyong bar mdzad na

bgegs dang bar chad zhi ba la khyad par che nges 'byung ba
legs// ! //(yang zam gdong sprul sku rin po cher stsal ba/)
'jigs byed bsnyen mtshams dbu tshugs nas ma grol bar du khro bcu'i
srung bzlog dang/ drug cu ma/ mgon chos

gyi bskang bshags/ mdo sde zab mo sgrog ba sogs nan tan mdzad na
bar chad 'byung rigs kyang rang zhir 'gyur zhing/ bsnyen chen
sngon 'gro'i phyag sku lus lci bas brkyang phyag ma thub kyang
bskum phyag kho na grangs gsog mdzad du yod pa ni/ rgyal

btsong kha pa chen pos kyang 'ol kha chos lung du sku phyag
grangs gsog gnang ba bskum phyag yin chul dam pa'i gsung rgyun
du yod pas de gas 'thus nges lags ba dgongs mtshor bsti ba zhu//
! //(nags shod 'bri dgon dbu zur lung

@074a @#/ /rtogs la gnang ba/) nyid nas da lam mnyan 'os yid du
'thad pa'i 'phrin gyi lam nas ji ltar gsungs pa bzhin/ skyes bu
gsum gyi lam rim spyi dang/ khyad par lhag mthong gi skor/ dpal
ldan 'jigs

mdzad khro bo'i bskyed rim lam 'khyer gsum dang/ rdzogs rim rnal
'byor rnam bzhi sogs mdo sngags kyi lam yongs rdzogs la dpyad
sgom dang 'jog sgom gyis nyams len sgrub tshugs chu bo'i rgyun du
skyong bzhin bzhugs pa ni dga' ldan

sgrub brgyud bstan pa'i mdzes rgyan du che ba kho bo yang shin
tu yid rangs/ da dung de mus ltar sku tshe 'khyong bar byas na
don gnyis myur du 'grub pa'i lam mchog de lhag bsgrub byar ma
dmigs shing/ nyams len mdzad lugs

kyang da mus de lhag zhum dgos pa lags/ da dung nyams len mdzad
lugs bka' slob gnang dgos gsungs pa/ ngos kyis sngar nas dad
ldan slob bu dag la lam rim gyi myong ba 'don lugs bslab bya
bgyis pa le tshan 'ga' shes phyis spar du

brkos pa 'di mdun phul yod pa ltar phyag len du bstar na de gas
chog /zhi gnas kyi myong ba skyes na lus sems shin sbyangs kyi
bde ba zur du bsgom mi dgos par skye zhing/ zab mo'i lta ba phu
thag chod pa rnyed nas mnyam gzhag nam mkha' lta

bu'i gnas cha skyong thub na rjes thob sgyu ma lta bu rang shugs
kyis 'char pa 'ong/ gang ltar zhi lhag gi skor 'dir da dung lam
rim la yang yang zhib gzigs dang/ lhag par lta ba'i skor dmar
khrid tsam gyis sa chod de tsam mi 'ong bas lam rim lhag

f@074b mthong chen mo rang la ngal ba zhib tu byas nas gzigs pa
gal che/ de yang lam rim chen mo rang gi steng nas shin tu go
dka' yang mchan bzhi sbrags kyi mchan 'grel dang sbrags nas
gzigs na cung zad go bde zhing/ lta ba'i skor 'dir u

tshugs mos sgom tsam min par 'jam mgon tsong kha pa yab sras rjes
'brangs dang bcas pa'i lta ba ston pa'i gsung rab khungs ma
rnams la yang yang blta rtog dang dpyad pa bcas thos bsam sgom
gsum zung du 'brel bas 'jug pa

gal che/ rdzogs rim rnams bskyed rim rags pa la myong ba ma thon
par chig sgril du byas nas bsgoms kyang rtogs pa rnal ma mi skye
bas/ bshar sgom tsam gyis bag chags 'jog cing/ bskyed rim rags
pa la myong ba thon

mtshams rdzogs rim la chig dril du byed dgos/ de yang thog mar
lte ba'i rjes gzhig gi sdud rim rang la tshig dril byas nas
sngags kyi rnal 'byor dngos yan shar sgom bya/ sngam snga ma la
myong ba thon mtshams phyi ma phyi ma la chig sgril gyis dmigs

pa spo lugs rang gi nyams myong dang sbrags tshul shes dgos pa
yod/ gang ltar ba slab bya le tshan rnams su zhib gzigs kyis
myong khrid sbyang na rtogs pa'i nyams myong gong nas gong du
zla skyed dang lo skyed thon pa gdon mi za bas de lugs

thugs su bsti zhing/ 'gro 'chag nyal 'dug gang gi skabs su yang
nyams len gyi dmigs rnam ma shor ba mdzad na dbyar dus ma rgan
ngo thug dang sbrags 'brog par phebs kyang nges par 'thus lags//
//! gsang rdzong theg pa

f@075a @#/ /dgon gyi sprul sku rin po che dpal ldan rgya mtsho
mchog nas/ 'jigs byed dpa' gcig bsnyen chen skabs me lha'i sbyin
sreg mtshan thog thag tu grangs khri phrag 'bul dgos kyi/ bsnyen
sngags la mantra sidd+hi

btags dgos gsal ba grangs thams cad la btags dgos sam/ thog
mtha' gnyis la btags pas chog /bdag 'jug grangs gsog byed cho ji
dgos bka' gsal thugs rje che ba/ zhes phebs pa/ mantra sidd+hi
grangs thams cad

la btags dgos/ bsnyen sgrub sbrags ma zla ba drug yod pas de'i
ring zhag brgya la nyin rer bdag 'jug lan re mdzad pa'i phyag
srol yod cing/ de'i bsdu lugs ni rgyun gyi bdag 'jug bsdu lugs
spyi 'gro ltar las/ zur du

mi dgos/ gal te nyin rer bdag 'jug lan gnyis gsum re byed na
bdag 'jug snga ma'i gtang rag maNDal zin nas bsdu chog mi byed
par sgo bzhi mchod pa'i nyer mchod byin gyis brlab/ de nas ji
ltar bltams pas khrus blangs/ bdag

'jug snyan gsan maNDal nas gtang rag maNDal bar spyi ltar byas
pas 'thus/ rjes su bsdu chog spyi ltar bya/ gang ltar bsnyen
sgrub sbrags ma'i skabs 'dir bsnyen sgrub sbrags ma'i mdun
bskyed bskyed gzhi dkyil 'khor gyi dbus su rdo

rje 'jigs byed kyi 'bur sku bzhag pa/ mdun du mchod gtor gang
rgyas bshams pa zhig dang/ de las logs su bdag 'jug gi dkyil
'khor sgo bzhi'i mchod pa dang bcas pa zhig bcas gnyis bshams
nas/ bdag 'jug gi

@075b dkyil 'khor de spyi ltar bdag mdun tha mi dad du bsgrub
cing/ bsdu chog kyang nyin re bzhin byed/ bsnyen sgrub sbrags
ma'i dkyil 'khor de rang las ngo bo tha dad kyi tshul du mdun
bskyed du bskyed nas nyer bsdu yang bsnyen sgrub sbrags ma

ma grol bar du mi byed pa yin no/ (! 'di man gyi thig rtaD chan
rnams lung med yang zam gdong spul sku rin po ches phul ba'i dri
ba/) (O) 'jigs byed bsnyen chen skor snga lo drug cu ma drag
bsngos rgyas pa dang 'brel ba'i bsnyen yig bka' rgya ma zhig
kyang stsal 'dug pa

bka' drin shin tu che/ der gsal chog dngos gzhi 'don sgrigs
dang/ rje 'jigs med bsam gtan gyi bsnyen yig gnyis cung 'dra min
'dug par de gnyis gang la cha bzhag bya dgos bka' (don gnyer
mthun rigs rnams bris ma rang la rtsa ba 'dzin par mdzod/)
bsnyen yig 'di rje nyid kyi bka' rtsom min yang/ don gnyer

ngan rnams la dpe lag tu 'byor sla ba'i phyir gsung 'bum gras su
bzhugs/ gsal/ bka' lan/ !bsnyen yig bris spar gnyis las bris ma
'di rang gtso bor mdzad pas/ /!dri ba/ bsnyen

pa dngos gzhi'i skabs su/ mgon chos gnyis las gzhan ba'i chos
srung la gtor ma 'bul dgos sam mi dgos/ brgya rtsa'i skabs dmigs
pa byed gsungs pa de rang byed chog gam/ yang na thun mtshams lta
bur logs su bton

fna chog min/ (bka' lan/) !mgon chos gnyis las gzhan pa'i chos
srung la gtor ma nges par 'bul dgos pa ni med/ yang rang gi
srung ma gal che'i rigs rgyun gtor 'bul dgos rnams ma chag pa
gal che bas gtor sgom logs

@076a @#/ /su byas nas zur du phul na legs/ de min lha chang
chung la gtor ma 'bul dgos rnams brgya rtsa'i dmigs khongs su
gsal btab pas chog par byed lags/ !dri ba/ (O) spyir skyabs yul
du 'jig

frten las 'das pa'i lha srung ma gtogs/ 'jig rten las 'das kyang
'jig rten pa'i tshul bzung ba g.yu sgron ma/ bse khrab/ sku
lnga/ rgyal chen shugs ldan sogs skyabs yul du gtan nas 'jug mi
rung bar gsungs pa

dang; yang de dag gi rang rang gi bskang chog dag las/ g.yu
sgron ma lta bu la/ phyi ltar ma rig mun sel sman btsun che/
/nang du bde chen ster ba'i DA ki ma/ /gsang ba dbyings phyug
badzra wa ra hi/ /yid ches dad gus

fbla med rten mchog 'dis/ /zhes pa lta bu don la 'gal ba ga la
yod kyang/ bdag lta bu tha mal pa'i blo la the tshom shar bas som
nyi'i dra ba gcod pa'i bka' gsal spyi stsol mkhyen/ mkhyen/ !
bka' lan/ 'di

rnams ngo bo 'jig rten las 'das kyang rnam pa 'jig rten pa'i
tshul bzung de rang la skyabs su 'gro bar mi byed kyang/ nges
pa'i don du g.yu sgron ma rgyal yum rdo rje rnal 'byor ma'am/
dpa' mo nyer bzhi dang rnal 'byor ma

bcu gnyis kyi gras su byed cing/ bse khrab 'od dpag med dang/
sku lnga rgyal ba rigs lnga/ shugs ldan 'jam dpal zhi khro yin
pa sogs la bcos ma ma yin pa'i nges shes shugs drag rnyed na ngo
bo 'jig rten las 'das pa de

@076b dang de yin pa'i cha la dmigs nas skyabs su 'gro 'os pa
nyid de/ dper na la mo chos skyong 'jig rten dregs pa'i cha nas
tshogs zhing gi srung ma'i gral du'ang gsal 'debs mi chog kyang/
khri chen bstan pa rab



rgyas kyis la mo chos skyong

las bka' chos gsan pas tshogs zhing gi bla ma'i gral du 'jog par
mdzad pa bzhin no/ /(!yang/) gtan gyi skyabs mchog bka' drin
gsum ldan rdo rje 'chang chen po'i zhabs drung du/ yang bskyar
'jigs byed bsnyen pa'i

skor sogs kyi dogs pa'i gnas rnams dri ba zhu gsol/ bsnyen yig
dngos grub kun 'byung las/ ye shes 'bebs sngags dkyil chog nas
'byung ba'i rgyas pa'am/ 'on kyang bsdus pa bton kyang legs pas/
yi ge bcu pa las hUM

haHa'aHdz+hiHhUM phaT ces rgyas pa'i mjug sbyar ba dang/
Xdz+haiHswAhA zhes pa 'di rgya gzhung nas bshad/ rje rin po che
nas snying po la yi ge bzhi kho na btags pas chog par gsungs
kyang/ gang bton kyang phyag len tshad ldan yin

mod; rang gi bla mas gsungs pa bzhin byas na zhe gtsang bar 'ong
gsungs pa de/ gang la cha bzhag chog lags/ dris lan/ !snying po
la yi ge bzhi btags pa rang mdzad na 'thus/ ! (dri ba/) (O) gzhi
bsnyen grub nas me lha'i gong der zla ba

gcig gam phyer tsam zhig mar grol chog min/ (dris lan/) ! gzhi
bsnyen grub nas kha skong sbyin sreg mdzad de grol nas me bsnyen
dang/ bcu cha chen mo/ bsnyen sgrub sbrags ma sogs slar yang
tshugs nas mdzad chog cing/ bar der mtshams

@077a @#/ /bar zla ba gcig /gnyis/ gsum sogs mdzad kyang chog /!
dri ba/ (0) yang bsnyen sgrub bsgril nas sdod mkhan rnams chos
rgyal gyi mtshams tho sgrub pa ma grol bar du bzhag dgos sam/ bar

der bsdu chog pa lags/ (dris lan/) ! bzhag na legs/ ! dri ba/
(O) me lha'i bsnyen pa'i bskabs/ me lha'i gtor ma thun thams cad
la 'bul zhing/ thun tha ma'i mjug tu mgon po'i gtor 'bul/ bdag
mdun gyi gtang

ngag gi mchod bstod bzod gsol sogs gsungs pa ltar na/ yi dam
dang chos rgyal gyi gtor 'bul zur du mi dgos pa lags sam ji ltar
lags/ (dris lan/) ! yi dam dang chos rgyal gyi gtor 'bul nges
par dgos la/ 'dir gsal

kham gsungs pa/ de gnyis gzhir bzhag gi steng du me lha dang
mgon po'i gtor ma 'bul dgos par zur du bstan pa'i lugs yin/ !
(dri ba/) (O) me lha'i sbyin sreg skabs/ 'di'i khyad par pa'i
rdzas ni/ me tog lug ru dmar po/ mar khu

dmar po/ khyad par ba'i rdzas 'bras yos zho dang mar dang sbrang
rtsi sbyar ba grangs gsog bya gsungs pa la/ dbyar dus lta bu la
lug ru me tog rnyed kyang/ ston dus sogs la gsar pa rnyed dka'
bas/ grib skam lta bu byas nas nges par du dgos

lags sam/ yang 'bras yos sogs rang la cha bzhag e chog lags/
(dris lan/) ! dbyar dus nas mang du btus te grib skam gyis nyar
tshags byas nas nges par bsre dgos shing/ de yang lo ma dang
sdong bu ma 'dres pa'i me tog rang dgos par

@077b gsungs/ ! (dri ba/) (O) bsnyen sgrub sbrags ma'i skabs/
bsnyen yig las/ dkyil 'khor bkram pa'i stegs mtho bar ba byung
dang/ dri bzang gis legs par byugs te/ dri ngad ldang bar byas
pa'i dbus su tshad ldan gyi bris 'bur gyi sku bzhugs

su gsol/ mdun du zan gtsang la mar khu mngar gsum bsres pa'i
gtor ma dmar rtsi can rgyan ci mdzes bya gsungs pa'i/ gtor ma'i
dbyibs dang grangs sogs ji 'dra zhig dgos/ (dris lan/) ! gtor ma
'jigs byed kyi 'bul

fgtor de kho na bsnyen dus ltar las/ dbyibs dang grangs sogs zur
du mi 'dra ba mi dgos/ 'on kyang de nyid gang rgyas gang che
yang yang gsar du bshams te phul na mchog tu 'gyur lags/ ! (dri
ba/) (O) dkyil 'khor bkram zhes

fpa'i dkyil 'khor de bdag 'jug skabs kyi sgrub gzhi'i dkyil
'khor de rang la dmigs chog gam/ (dris lan) ! sgrub pa'i dkyil
'khor zur du bsham dgos shing/ de ltar dgos pa'i rgyu mtshan
yang/ bdag 'jug gi dkyil 'khor

bdag mdun tha mi dad du bsgrubs pas rang dang ngo bo gcig tu
byed/ sgrub pa'i dkyil 'khor rang las ngo bo tha dad mdun du
logs su bsgoms pa'i lho sgor rang nyid gnas nas spyan 'dren byed
pa sogs bsnyen yig ltar yin pas dkyil 'khor so so

fdgos/ des na bdag 'jug gi dkyil 'khor gyi mdun du sgo bzhi'i
mchod pa sogs bdag 'jug spyi ltar bsham/ sgrub pa'i dkyil 'khor
de las logs su bshams nas/ de'i dbus mtshan ma'i steng du 'jigs
byed kyi 'bur

@078a @#/ /sku bzhugs su gsol/ de'i mdun du sngar bzhin sgrub
pa'i 'bul gtor zab rgyas dang/ mdun du drag mchod sogs nyer
spyod rgyas par bsham dgos lags/ (! dri ba/) (O) drag po'i mchod
rdzas bsham gsungs

fpa yang/ khrag chen gyi mchod yon dang/ dbang po'i me tog sogs
spyir gyi drag mchod ltar lags sam/ yang mi 'dra ba'i khyad par
gzhan yod pa lags/ (dris lan/) ! spyir gyi drag mchod ltar lags/
! (dri ba/) (O) 'di'i skabs bdag

'jug len dus nyin gcig la bdag 'jug gnyis gsum sogs len tshe/ bum
bskyed re re bzhin 'gro dgos sam/ snga ma la cha bzhag chog
/gtang rag kyang bdag 'jug lan re bzhin 'bul dgos sam/ thun
mthar phul

fbas 'thus min/ sbras ma'i skabs gtor ma yang phyogs skyong
dang/ chos rgyal la 'bul gsungs pa las/ mgon po la 'bul bar ma
gsungs pas ji ltar byed dgos lags/ (dris lan/) ! bum bskyed gcig
gis chog cing

fgtang rag kyang thun mthar phul bas 'thus/ mgon po'i gtor ma
'bul mus gzhir bzhag gi dbang du byas pa yin/ ! (dri zhus/) (O)
ma zad bsnyen pa tshar 'phral bsnyen pa'i skabs kyi gtor ma bsdus
nas/ me lha'i bsnyen pa'i skabs

fgtor ma gsar du bzhengs tshe/ chos rgyal dang/ phyogs skyong/
mgon po'i gtor la rnams kyang gsar du bzhengs e dgos lags/ drug
cu ma'i skabs su nang mgron gyi gtso bo gshin rje phyi sgrub
rang la byed pa yin nam ji ltar lags/

f@078b bsnyen sgrub sbrags ma'i bcu cha'i khyad par rdzas lug ru
dmar po dang/ 'jib rtsi dmar po gnyis/ 'di gnyis las ma 'dang
tshe gro dmar po sogs gtong chog gam mi chog lags/ (dris lan/) !
me bsnyen skabs kyang/ chos rgyal phyogs skyong mgon

po'i gtor ma rnams sngar gyi bsnyen pa'i skabs ltar dgos/ nab
mgron gyi gtso bo chos rgyal nang sgrub yin zhing/ de'i mdun du
phyi sgrub sger du bskyed pa'am/ gshin rje rigs bzhi'i nang gi
las gshin drag bo la dmigs nas 'bul ba gang rung

fgi sgo nas phyi sgrub kyang gtso bor byed/ bsnyen sgrub sbrags
ma'i bcu cha'i khyad rdzas gong gsal gnyis las ma 'dang tshe gro
dmar po gtong chog / (/!dri ba/) (O) 'jigs med bsam gtan rin po
che'i bsnyen yig tu/ bsnyen pa gang song gi bcu

cha 'bum bcu nges par 'gro dgos gsungs pa dang/ bsnyen yig bris
ma rin po che nyid kyis gnang ba der bcu cha 'bum lhag 'gro bar
bya/ gsungs pa gnyis gang la cha bzhag dgos bka' bzang spyi bor
smin stsol brtse bas gzigs pa

fmkhyen/ mkhyen/ bka' lan/ ! bcu cha chen mo'i sbyin sreg bsnyen
pa gang song gi bcu char byas te 'bum bcu byed pa dang/ ye shes
'bebs sngags kyis bcu char byas te 'bum gcig byed pa bsnyen yig
spar ma dang bris ma gnyis su so sor

gsungs pa phyag len yang dog gi khyad par yin zhing/ ngo ma
phyag len dog mtha' bzung ste 'bum bcu rang byed pa lags/ (!dri
ba/) (O) yang bsnyen sgrub sbrags ma'i skabs thun phyi ma gsum
la bdag bskyed bsdus ba byed gsungs pa bsdu tshul ji ltar byed

f@079a @#/ /dgos lags/ phal pa'i sgrub ba'am thun mong ba'i sgrub
pa'i skabs kyi sngags khri tsho bzhi la mantra sidd+hi btags pa
bzla gsungs pa las/ mthar 'khyol ba bsnyen yig phal cher na mi
gsal bas/ cha tshang zhig ji ltar yin

fbrtse gzigs/ (! bka' lan/) bdag bskyed bsdus pa bsnyen pa'i
skabs kyi bsdu lugs ltar/ skyabs sems/ tshogs zhing nas srung
'khor thun mong ba'i bar btang/ srung 'khor thun mong ma yin pa
bzhag ste mchod bstod sogs kyang

bsdus par byed pa sogs bsnyen pa'i skabs ltar las/ shin tu bsdus
pa byed lugs med/ sgrub pa'i skabs kyi bzla bya'i sngags ni/ oM
hrIHShTrIHwi kri tA na na mantra sidd+hi ma me de hi hUM
phaT/ ces bzla/ (! yang dri zhus/) (O) bzlas dmigs skabs lam

rim gyi dmigs pa skyong dus/ dper na bshes gnyen bsten tshul lta
bu la bsten pa'i phan yon dang/ ma bsten pa'i nyes dmigs sogs la
lung rigs gnyis kyi sgo nas myong ba 'di/ bsam sgom gnyis las
bsam pa yin nam/ sgom pa

yin/ bsam pa yin na/ rtsol bcas rtsol med kyi myong ba thon nas
slar bsgom dgos pa lags sam/ de ltar na bsgom pa'i dus nam tsam
la 'jog pa lags/ yang na gong gi myong ba 'don dus sgom pa yin
na/ thos sgom gnyis kyi bang du

fbsam pa de gdus byed pa lags/ (dris lan/) ! de la thos bsam
sgom gsum gyi khyad par dang nyams myong skye tshul ji ltar yin
gsungs pa gsal bar zhu na/ thos pa ni dge ba'i bshes gnyen las
gdams ngag gi don thos nas yid la legs

f@079b par nges pa la byed cing/ de las dper na bshes gnyen
bsten chul lta bu thos nas bshes gnyen la dad pa dang/ mi rtag
pa lta bu thos nas 'chi ba la 'jigs pa 'byung ba ni thos byung
gi nyams yin/ thos byung gi shes rab ni yid dpyod yin pas

fmi brtan par 'ga' zhig gis khyod kyi de ma yin zhes sogs sgrub
byed 'phang na blo 'gyur ba yin/ 'di ni dad pa dang mi rtag pa
lta bu rang stobs kyis nges pa ma yin par/ gzhan gyi tshig gi
rjes su 'phrangs nas nges pas bsgyur sla zhing mi brtan pa

yin; bsam byung ni/ dge ba'i bshes gnyen gyis bstan pa'i gdams
ngag gi don de nyid lung rigs yang dag du ma'i sgo nas yang dang
yang du yid la bskor zhing/ myong ba thon thabs kyi dpyad pa
byed pa yin/ dper na bla ma sangs rgyas

su mthong ba lta bu bsgrub byar byas nas/ de sgrub pa'i thabs su
lung rigs gang rno mtha' bskor ri bskor gyis myong ba thon thabs
la 'bad pa yin/ de ltar mthong bas bla ma sangs rgyas su mthong
ba'i dad pa dang/ 'chi ba la 'jigs pa sogs

sngar gyi thos byung gi de dang mi 'dra bar de las shugs che bar
byung ba ni bsam byung gi nyams yin/ bsam byung gi sgom tshul 'di
la dpyad sgom zhes sgom gyi ming btags kyang/ thos bsam sgom
gsum gyi nang gi bsam pa nyid yin/ bsam byung

fgi myong ba 'di sngar gyi thos byung dang mi 'dra bar rang
stobs kyis nges shing rjes dpag tshad ma yin pas/ gzhan gyis
khyod kyi de ma yin zhes byas kyang bsgyur du mi btub/ bsam
byung gi myong ba skyes pa ni chos dred du'ang 'khyer mi srid/
thos

f@080a @#/ /grangs mang la sgom grangs nyung ba chos dred kyi
rgyu yin gsungs pa lta bu bsam pa la sgom du gsungs pa mang/ lam
rim zhi gnas ma gtogs pa'i dpyad sgom tshang ma bsam pa yin kyang
sgom gyi tha snyad gsungs/ des

fna sgom gyi tha snyad gsungs pa tsam las de dag bsam pa nyid
yin no/ /thos bsam sgom gsum du gsungs pa'i bsam sgom gnyis 'gal
ba yin dgos kyang/ spyir gyi bsam sgom gnyis 'gal ba yin mi dgos
'dra/ bshes gnyen bsten

tshul la dpyad sgom byed pa lta bu ni bsam pa yang yin zhing/
sgom pa yang yin zer dgos/ 'on kyang sgom byung ni ma yin no/
/sgom byung ni/ dmigs pa gang yang rung pa la bying rgod dang
bral bar rtse gcig tu bzhag pas gnas cha brtan

po shin sbyangs kyi bde bas zin pa'i zhi gnas thob pa yan chad
la byed/ des na thos bsam sgom gsum gyi nang gi sgom byung ni
zhi gnas ma thob bar du med do/ (/! dri ba/) (O) rtsol bcas
rtsol med kyi myong ba'i khyad par yang ji ltar 'byung ba/

lags/ (bka' lan/) ! rtsol bcas rtsol med kyi myong ba 'di gnyis
ka bsam byung gi khongs su gtogs shing/ de yang dad pa dang mi
rtag pa lta bu dpyad pa ma byas tsho mi skye la/ med

fpa lta bu dpyad pa ma byas tshe mi skye la/ dpyad pa byas cho
skye ba dper na/ mi rtag pa lta bu dran pa'i skabs

shig la lung dang rigs pas mno bsam legs par btang tshe 'jigs
zhum mer 'chi ba dran pa lta bu nam bsgom res kyis byung ba ni
rtsol bcas kyi myong ba zer/ dad pa dang dal 'byor sogs la'ang
des rigs 'gre /rtsol med

@080b kyi myong ba ni a ma ches snying du sdug pa gsar du shi
ba dran pa lta bu dang/ ltog dus zas dran pa lta bu lung rigs
kyi dpyad pa mi dgos par dad pa dang mi rtag pa lta bu lhang
lhang dran pa zhig la byed/ (! dri ba/) (O) yang dper na/ bshes
gnyen

bsten pa'i phan yon sangs rgyas kyi go 'phang la nye ba yin te/
gsang sngags rdo rje theg pa'i myur lam la brten nas tshe gcig
lus gcig la 'tshang rgya ba yang/ bshes gnyen tshul bzhin du bsten
pa'i phan yon yin lta bu grangs mang tsam

fbtang nas dpyad sgom byed dgos sam/ yang na dmigs pa brtan po
tsher gcig dal bus byas na 'grigs pa lags/ de bzhin lung don
rnams kyang grangs mang tsam byas pa dang/ lhod lhod byas nas
tshar gcig byas pa gnyis khyad gang che lags/

(bka' lan/) ! 'di tshig ris grangs gsog pa dang/ lan cig dal bus
'don pa gnyis ka min/ dpyad sgom zhes pa kha nas gang yang mi
'don par/ yid kyis mno bsam kho na gtong dgos/ de yang bsgrub
bya gcig blo phugs su bzhag

nas; de la phan thabs kyi lung rigs rno rno gtam rgyud tshad rgyu
mtshan du drangs te yid 'gyur 'don dgos/ dper na/ bshes gnyen
tshul bzhin bsten pas sangs rgyas kyi go 'phang la nye ba yin te
snyam du bya de blo phugs su bzhag

nas; de yin pa'i sgrub byed du/ gang drin ma dang gang gi thugs
rjes sogs kyi lung don/ sngags la brten nas tshe gcig la mchog
'grub pa'ang de'i phan yon yin tshul/ sngags min yang lam shin tu
myur ba rtag tu ngu'i rnam thar/ dge ba

@081a @#/ /sna re bstan kyang de'i tshod kyis nye tshul/ bla slob
gnyis ka mtshan ldan snod ldan zhig 'phrad na sangs rgyas lag pas
bzos pa lta bu 'byung tshul/ ri dbang rtse nas sogs kyi lung don
sogs lam rim rnams

nas gsungs tshul gang rnyed 'dir sbyar/ de dag bla mas gdams pa
bstan pa nyams su blangs pas nye tshul lo/ /mchod cing bsnyen
bkur bas kyang nye ba/ gang phyir phyogs bcu'i sogs dang/ dus
gsum phyogs bcu'i rgyal ba sogs lung rigs

shin tu mang ba ltar bsam/ de dag thams cad bsam ma nus kyang de
rnams las sems la gang phan dang lung rigs gang rno yid la byas
te don snying lag rjes bsgrub bya de la yid 'gyur gang thon du
bya ba nyid yin no/ (/! dri ba/) (O) skabs rer dad

pa sogs skye mdog kha po dang/ skabs rer ched gnyer bsgom khul
byas kyang blo la 'char mi thub pa 'ong gin 'dug pa de la gegs
sel bogs 'don lta bu ji 'dra byed dgos lags/ (dris lan/) ! ma
bsgoms kyang skabs re la dad pa dang mi  rtag pa dran pa/ nges
'byung dang snying rje sogs shugs drag lhang lhang skye ba lta
bu 'byung ba ni bsgoms stobs kyi nyams myong min par/ glo bur
pa'i nyams yin zhing/ de ni skabs skabs las nam bsam la mi
'byung bas/ de ltar byung ba la rtogs

pa skyes so snyam pa'i yid gtan phyogs na'ang mi rung/ nyams glo
bur ba tsam yin pas rjes su med par gyur na'ang rtogs pa nyams
pa'i dogs pa bya mi dgos/ 'on kyang bla ma dang lhag pa'i lha
sogs kyis byin gyis brlabs pa'i mtshan ma

@081b bzang po tsam yin no/ /de glo bur ba las yal ba kho rang
gi chos nyid yin pas/ de ma yal ba'i thabs kyi gegs sel bogs
'don sogs bya rgyu med/ nyams myong ngo ma ni/ chos rab tu rnam
'byed kyi shes rab kyis yang nas yang du bskyed cing

bsgoms stobs kyis dad pa dang mi rtag pa sogs yid 'gyur je bzang
je bzang du 'gro ba rim gyis rim gyis skye ba zhig 'byung/ de ni
nam bsams kyang yid 'gyur je 'phel du 'gro ba las/ sngar gyi glo
bur ba de bzhin du skabs rer shugs drag skye ba'i nyams

lta bu 'byung la/ skabs rer gtan nas med pa de 'dra min par
nyams myong brtan par 'ong ngo/ /de'ang rtsol bcas kyi myong
ba'i sne zin nas skye ba las/ bsgom ma thag tu mi 'byung ngo/
(/! yang dri zhus/) (O) yi dam gyi bdag bskyed lta bu bsgom dus
su rang dang yi dam

dbyer med bsgom dgos gsungs kyang/ de blo la shin tu 'char dka'
zhing/ zhal phyag zhabs dang/ thugs kar ye shes sems dpa' sogs
kyang mig gis mthong dgos pa'i bzo 'dra ba zhig shar/ de byas
dus yi dam sogs dang/ rang logs su

'char nas gtan nas stabs mi bde ba zhig 'dug lags pas/ bsnyen
yig las/ pha ri nas tshu rir blta ba lta bu ma yin par/ rang
dngos su de ltar gyur yod bsam pa dgos gsungs pa ltar gyur yod
bsam kyang yang mig gis blta rgyu yod pa

lta bu zhig dgos pa rang 'char bas gtan nas bsgom mi bde ba khag
po zhig 'dug pas/ rang dang dbyer med du sgom tshul dpe dang bcas
pa gsal ba zhig thugs rje che ba/ yang lam rim shar sgom skabs
sems bskyed kyi mjug tu byang sdom len

@082a @#/ /pa'i dmigs rnam yang bsten gsungs ba de thun drug nang
gi des 'grigs par byas e chog lags/ (bka' lan/) ! rang lus tha
mal pa 'di nyid stong sbyangs byas te smu gsum lam 'khyer gyi
sgo nas rang yi dam der dngos

su gyur par mos pas/ yi dam de'i sku dang phyag zhabs sogs rar
gis mthong yang rang gi min par mi 'gyur ba/ dper na/ rgyun du
rang gi lus tha mal pa 'di'i lus dang rkang lag sogs mig gis
mthong yang rang gi min par mi 'gyur bar/ rang

gi yin pa'i 'du shes bskyed pa ltar/ rang yi dam du bsgom pa'i
tshe yang yi dam gyi sku de rang gi lus dang/ phyag zhabs sogs
rang gi rkang lag nyid yin par bsam/ de lta bu'i sku de la btags
pa'i yi dam de dang nga gnyis ngo bo gcig tu bsam dgos

pa yin/ ji gsungs byang sdom len pa'i dmigs rnam thun drug nang
gi de thog nas mdzad pas chog lags/ sbyin sreg skabs me lha la
sngon du mar khu dang yam shing grangs bdun re/ gtang rag skabs
lan re phul bas chog cing/ 'das lha la

grangs bco lnga/ nyi shu/ nyer lnga tsam gang rigs phul na
'thus// ! (//mtha' 'khor spo pa'i yul du bshes gnyen ngag dbang
bzod pa mchog la stsal pa/) dri ba phebs lan/ slob spring gi
mkha' lding rig 'dzin sogs kyi rig 'dzin ni/ lha'i sngags 'chang

lta bu mi ma yin gyi bye brag zhig go/ /! tshoms kyi lung/ dka'
ba nyid dang thung ba nyid/ /ces pa ni/ tshe 'di'i tshe thabs
sgrub ba ni snga ma'i las kyi 'phangs tshod las lhag ba cig ni
bsgrubs kyang 'grub par dka'O baO nyidO dangO/ gal te 'bad pas

@082b cung zad grub kyang myur du 'chi bas spyod long med pas
yun thungO baO nyidO yin zhes pa'i don no/ /! ka ni ka'i spring
yig las/ bag skyong spyod/ /ces pa ni/ gsod par byed pa'i 'chi
bdag sngon du 'ong ba bshes bzhin mkhas pa su zhig bagO yangs su
skyongO ba spyodO mi

rigs zhes pa'i don no/ /! bzhi brgya pa las/ nus pa med pas
'byung kun la/ /zhes pa ni/ lus kyi 'byung ba bzhi dgra mi sha
bo bzhi khang pa gcig tu tshogs pa dang 'dra la/ de rnams cha
mnyam ste gcig gcig la gnod pa'i nus paO medO pasO te med

par gnas pa'i tshe/ 'byung ba bzhi po kun laO tshogs pa zhes bya
ba ste/ cha mnyam pas 'tsho ba bde ba bzang po skye bar 'gyur/
gal te cung zad ma snyoms na bde ba'i skabs med par gsungs pa'o/
/! sa'i dngos gzhi'i/ phyi ma phyi ma phyed phyed zhugs

par rigs par bya'o/ /zhes gsungs pa ni/ tsha dmyal brgyad so so
las grang dmyal brgyad so so tshe tshad phyed phyed 'phar ba'i don
yin nam snyam/ ! bshes spring las/ sa chu me rlung nyi zla bral
thob mdzod/ /ces ba ni/ phyi rol pa 'ga' zhig

gis 'byung ba bzhi dang nyi zla sogs la thob bya mthar thug tu
'dzin pa dang/ thar pa gzugs can du 'dod pa sogs las khyad zhugs
shing bral ba'i go 'phang bslab pa gsum dang thar pa thob par
mdzod/ ces pa'i don no/ /! yang bshes spring

las; dbang phyug lus gtogs sogs ni/ dbangO phyugO ces rgyal po
la bos nas/ lusO kyis mtshon pa'i rang gi sgo gsum du gtogsO pa'i
dranO paO mi brjed pa ni bdeO gshegsO bcom ldan 'das kyiO ste
dus gsum gyi rgyal ba thams cad kyi bgrodO paO gcigO

@083a @#/ /pa'iO lamO du nye barO brtanO pa ste yin no zhes sogs
kyi don no/ /! sbyor chos kyi steng nas bzang spyod gsog pa shin
tu rung zhing/ gsog mtshams ni/ thams cad bdag gis byang chub
phyir bsngo'o/ /zhes pa'i mtshams

su bsags na yan lag bdun pa bsngo ba dang/ bcas pa dang/ byang
chub sems dpa'i smon lam 'bum phrag grangs med bcu dang bcas par
chabs cig grangs gsog par 'gro bas shin tu legs so// ! (//'bras
lho pa dge bshes blo bzang bsam

gtan la/ mar pa'i rnam thar du gsungs pa'i paN chen nA ro pa'i
gsung mgur gyi dris lan du gnang ba/) nA ro'i gsung las/ nam
mkha'i me tog skyes bu yis/ /mo gsham bu yi rta zhon nas/ /rus
sbal spu yis thun brags te/ /ri bong rwa yis phul ba yis/ /dgra
bo

chos nyid klong du bsad/ /lkugs pa smra zhing dmus long blta/
/'on pa nyan zhing zha bo rgyug /nyi zla gar mkhan dung 'bud
cing/ /'khor lo bu chung skor bar byed/ /ces pa'i don ni/ rang
bzhin gyis med bzhin snang ba'i mkha' 'gro ma rnams kyis/ rang

bzhin gyis med pa'i snyan brgyud kyi man ngag gi rta byin pa
zhon nas/ brjod med rus sbal gyi spu dang 'dra ba'i yul stong pa
nyid de/ rang bzhin med bzhin skye ba ri bong rwa dang 'dra ba'i
yul can bde ba chen po'i 'od gsal gyis phul bas/ dgra bo bdag

'dzin chos nyid kyi klong du bsad/ smra bsam brjod du med pa
lkugs pa lta bu'i don tai los smras/ nA ro de nyid ma mthong ba
long ba lta bus de nyid mthong/ sems kyi chos nyid thos su med
pa 'on pa lta bu'i don nA ros thos shing nyan/ gnyug sems 'od

@083b gsal rgyug tu med pa zha bo lta bu rgyug /nyi zla khams
dkar dmar gyi dbus su sgyu lus su bzhengs pa/ gar mkhan du ma ro
gcig tu gzigs pa'i 'od gsal te zung 'jug thob pa'i yon tan
phyogs bcur sgrogs pa snyan pa'i dung 'bud ba/ bde mchog snyan
brgyud

kyi man ngag bu chung bsam med ltar brjod med kyi ngang nas chos
kyi 'khor lo bskor ba'o/ /yang/ mkha' 'gro nam mkha'i me tog
dang/ /snyan rgyud mo gsham rta zhon nas/ /brjod med rus sbal
spu dral te/ /skye med ri bong phul ba yis/ /tai lo chos nyid

klong du bsad/ /tai lo klugs pa'i smra bsam brjod med kyis/ /nA
ro dmus long mthong med bden mthong sgrol/ /nA ro 'on pa chos
nyid chos sku'i ri bo la/ /blo gros zhon pa 'od gsal 'gro 'ong
med par rgyug /nyi zla dgyes pa rdo rje ste/ /gar mkhan du ma ro

gcig yin/ /'di yi snyan pa phyogs bcur grags/ /'bus pa rmongs
ldan dag la 'bud/ /'khor lo bde mchog 'khor lo ste/ /bskor ba
snyan brgyud 'khor lo nyid/ /bu chung zhen pa med par bskor/
/ces pa'i mgur rjes ma 'di mgur snga ma'i 'grel pa

lta bu yin pas gong dang sbyar na legs par go nus// ! (//mdo
smad rgyal thang dgon la/) de ga dgon du rgyud kyi rgyal po dpal
gsang ba 'dus pa 'phags lugs dang/ dpal ldan dus dgra'i dbang po
'jigs mdzad rdo rje lha bcu gsum ma

gnyis kyi cho ga khungs dag phyag bzhes su bstar mus lags kyang/
ma rgyud kyi mthar thug dpal ldan 'khor lo sdom pa'i cho ga cung
zad tsam yang tshugs ma thub pa/ des na rang re ri bo dga' ldan
pa'i sngags kyi zab khyad thun mong ma yin pa ni gsang

@084a @#/ /bde 'jigs gsum ya ma bral bar nyams su len pa nyid yin
par rje btsun 'jam pa'i dbyangs kyi gsung rjen pas 'jam mgon
tsong kha pa chen por dngos su gdams pa'i gsung rgyun rje'i
gsung 'bum du gsal ba ltar

la; de yang mi slob pa'i zung 'jug gi go 'phang shin tu myur ba
myur bar bsgrub pa'i dga' ldan snyan brgyud kyi bka' srol 'dri/
pha rgyud thams cad kyi rgyal po dpal gsang ba 'dus pa la brten
nas 'thob bya sangs rgyas kyi sku dag pa sgyu ma'i sku mtshan

dpes sbras pa'i kha sbyor yan lag bdun ldan dang/ ma rgyud thams
cad kyi rgyal po dpal 'khor lo bde mchog la brten nas 'thob bya
sangs rgyas kyi thugs dag pa don gyi 'od gsal ye shes chos sku
gnyis dus shin tu myur ba mi lo bcu gnyis tsam la 'grub par byed

cing/ de dag gi 'gal rkyen sel phyir khyad chos lnga ldan rdo
rje 'jigs byed dang bcas de gsum ya ma bral bar nyams su len
dgos par gsungs/ rje btsun tsong kha pa chen po rang nyid kyis
kyang nyin re bzhin du gsang bde 'jigs gsum ya ma bral bar rim

gnyis dang bcas pa'i rnal 'byor nyams bzhes phyag len du btabs
ba rje'i rnam thar chen mor gsal ba ltar lags na/ rang res de
ltar gsang bde 'jigs gsum gyi lam rim gnyis zab mo ya ma bral
bar nyams su len ma nus kyang/ cho ga tshig

skam tsam ya ma bral bar bton thub na'ang bag chags khyad par
can 'jog cing/ gtan 'dun skal bzang gi dga' ston bla na med par
'gyur nges dang/ dbus phyogs 'dir yang rgyud grwa rnam gnyis/
rnam rgyal grwa tshang/ se 'bras kyi

@084b sngags pa/ gzhis dgon phan tshun sogs dge ldan pa'i sngags
grwa phal cher na gsungs dang gsung mus la/ de gar yang gsang
bde 'jigs gsum ya ma bral ba'i cho ga zhig tshugs thub na bstad
'gro'i mig rgyan rlabs po cher 'gyur nges la/

'jigs gsang sngon yod thog /bde mchog zhig gsar 'dzugs thub na
ci ma rung snyam snga lo rong sde rta mgrin tshe ring dngos
'phrad skabs dgon du bde mchog cho ga gsar 'dzugs kyi mchod
thebs mthun rkyen phangs med gang nus phul te zhu brtsams dgos
lugs

nan mngags bgyis zin pas/ de ga dge 'dun rnams nas kyang bstan
'gro spyi bye'i mig rgyan/ rang rang 'di phyi'i legs tshogs rlabs
po cher dgongs pa dang/ de tsam ma zad dpal 'khor lo bde mchog
gi lam 'di nyams su len pa po gang dang gang

na gnas pa'i sa phyogs de dang der dpal he ru kaH rod rje rnal
'byor ma'i tshogs dang bcas rtag par bzhugs pa dang/ dus ji tsam
snyigs pa tsam gyis byin rlabs je myur du 'gro ba dang/ sgrub pa
po rnams 'di nas 'phos ma thag tu mkha' spyod kyi

zhing du skye ba sogs phan yon stong phrag brgya'i khas kyang
brjod par mi nus par rtsa rgyud nas dngos su gsungs pa bcas
thugs la brang ste/ 'jam mgon snyan brgyud gsang ba'i mthar thug
'di lta bu la spyod du yod pa'i skabs 'dir phyi bshol

dang le lor ma gyur pa'i thugs khur gang che zhig ci nas kyang
brtson pa lhur bzhes mdzod// ! (//dwags po dga' rab rje drung
blo bzang mkhyen rab la/) khyed nyid byi lo nas da bar dpal ldan
'khor lo sdom pa'i bsnyen sgrub kyi rnal 'byor la tshig 'grus
mdzad pa gtan

@085a @#/ /bde'i bgo skal rmad po cher son nges mchog tu legs
shing/ bsnyen pa'i grangs gtso bo la 'bum brgya dang/ yum gyi
snying po 'bru 'bum/ 'khor rnams la khri phrag re/ ye shes 'bebs
sngags 'bum gcig /

gzhan rtsa sngags dang go char grangs gsog mi dgos kyang/ byin
rlabs dang phan yon che bas ka ra ka ra khri phrag gcig gsog
thub na mchog tu legs/ 'on kyang bsnyen pa'i grangs su nges pa
mi dgos lags// ! (//bla ma'i rnal

'byor byin rlabs 'dod dgu'i gteng mdzod kyi zhal shes skor 'jol
zam gdong mchog sprul rin po cher dris lan du stsal ba/ ! skyabs
rje rdo rje 'chang chen po nyid kyi bla ma'i rnal 'byor du bdud
rtsi 'beb sbyang man ngag ltar bya gsungs pa'i man ngag ji ltar
lags (bdud rtsi 'beb sbyang skabs tshe nor shes rab

sogs zhi rgyas dbang gi bdud rtsi'i kha dog dang khyad par/)
sngags kyi sbel tshig sgyur tshul sogs mang du mchis pa lcang skya
rol pa'i rdo rje'i gsung bka' rgya ma'i nang gi bla ma'i rnal
'byor snyan brgyud las tshogs dang bcas pa zhes pa'i man ngag
rnams

'dir sbyar rgyu lags/ (! sgyu lus nang ldang gi dmigs pa snyan
brgyud las byung ba ltar bya tshul ji ltar lags/) sgyu lus nang
ldang gi dmigs pa skyong tshul bla mchod khrid yig dang/ bla ma'i
rnal 'byor zab gnad bka' rgya can gyi nang phal cher na gsal
zhing/ mdor bsdus tsam zhu na/

rang gi rtsa dbu ma'i nang mi shigs pa'i thig le kha sbyor/ de'i
nang du shin tu phra ba'i rlung sems yi ge'i rnam pa'am/ bla ma
yi dam gyi sku'i rnam par gsal gdab/ spyi gtsug gi bla ma dam
tshig sems dpa' ye shes sems dpa' la thim/ de nyid

@085b dbu ma'i nang nas zhugs/ rlung sems la thim/ mi shigs pa'i
thig le steng ma gos dang/ 'og ma gdan gyi tshul du byas nas
rlung sems bla ma yi dam dpyer med du 'dres pa he ru kaH zhal
phyag yongs rdzogs sku mdog dkar po gzhal las khang dang

bcas par bzhengs nas de nyid la 'bras dus kyi bla ma he ru kaHde
pa'o snyam du nga rgyal byed cing mnyam par 'jog pa lags so// !
(//yang chab mdo brag mgo dpon lha don 'grub tshe dbang la gnang
ba/) na mo gu ru/ gong du bdud rtsi 'beb sbyang man

ngag ltar bya zhes pa ni/ sdig sgrib sbyong bar 'dod na bla ma'i
sku las bdud rtsi dkar po 'o ma'i rgyun ltar babs pas nang gdon
sdig sgrib sbyong ba'i dmigs pa yas 'ded mas 'ded phung 'ded
sogs rdor sems bsgom bzlas ltar bya/ tshe

'phel bar 'dod na 'khor 'das kyi tshe bcud bsdu ba dang/ tshe bum
las bdud rtsi dmar ser gyi rgyun babs te tshe nyams pa gso pa'i
dmigs pa grub rgyal tshe khrid ltar bya/ shes rab 'phel bar 'dod
na thugs ka nas bdud rtsi dmar ser babs

te; shes rab bdun skor gyi dmigs pa dga' lha ltar bya ba sogs
las tshogs sgrub pa'i dmigs pa'i bsgyur ka mtha' dag 'drir ma
lang/ lcang skya rin po che'i gsung bka' rgya'i bla ma'i rnal
'byor snyan brgyud las tshogs ma'i man

ngag thams cad kyang 'dir sbyar chog /sgyu lus nang ljang gi
dmigs pa ha cang gsal ba 'brir mi rung yang phyogs tsam ni/ bla
ma he ru kaHje chung du gyur pa d+hU tIr brgyud mi shigs pa'i
dbus shin tu phra ba'i rlung sems la bstim pas de gnyis dbyer

@086a @#/ /med du gyur te he ru kaHsku mdog dkar po yum bcas thig
le steng ma gos dang 'og ma gdan gyi tshul du byas te bzhengs pa
la sgyu lus dang zung 'jug gi nga rgyal 'dzin pa'o// ! (//yang
tsha ba sbom mda' dgon

gyi bla ma blo bzang rab rgyas la gnang ba/) nyid nas da lam ji
gsungs don/ bla ma'i rnal 'byor skabs kyi bdud rtsi 'beb sbyang
la las bzhi gang yin gyi mdog gi bdud rtsi 'bebs pa dang/ mtshan
sngags gsham du zhi ba la/ shAntiM ku ru sAhA sbyar

ba dang/ rgyas pa la dper na/ tshe rgyas pa la A yu puShTiM ku
ru swAhA/ sogs rigs 'gre sbyar chog /sgyu lus nang ldang skor
la/ bla ma spyi bo nas dbu ma'i nang brgyud snying dbus mi shigs
pa'i thig le steng dkar 'og dmar ba'i nang du rang sems

hUM yig dkar por gsal ba la thim pa/ de las thig le steng ma
gos dang/ 'og ma gdan gyi tshul du byas nas rang gi bla ma yi dam
dbyer med gsang bde 'jigs gsum gang rung sku mdog dkar po yum
bcas su bzhengs pa la sems 'dzin pa

sogs rdzogs rim gyi khrid yig las 'byung ba ltar 'dir sbyar
zhing/ mdor na bla ma'i rnal 'byor la yi dam gyi las bzhi sogs
las tshogs kyi dmigs pa dang/ rdzogs rim rnams sbyar chog pa bcas
dgongs par mnga' ba 'tshal//

! (//thom ra dge bshes phun tshogs sbyin pa la gnang ba/ deng
'dir sku nyid kyi phyag bris su ji gsal/ nyid nas byang chub lam
rim la sgrub pa snying po gnad du bsnun pa'i sgo nas lta ba dang
sems bskyed kyang lo shas bsgom na rgyud la skye nus snyam

@086b pa lta bu byung ba ni nyams 'og tu tshud pa yin pas/ de lta
bu'i sgrub pa'i mchod pa phul ba 'di la ni ngos kyang shin tu
yid rangs shing spro/ ji gsungs/ sngags kyi nyams len gyi skor
dang/ zhi lhag gi skor sogs da lam 'grul pa 'gro ran dang/ 'dir

bka' chos chen po tshugs pa dus 'dzings pas zhib rgyas 'brir ma
khoms kyang/ snying po bsdus te brjod na/ gsang bde 'jigs gsum
ya ma bral par nyams su len tshul la/ bla ma'i rnal 'byor gyi sgo
nas ya ma bral ba dang/ bskyed rim gyi sgo

nas ya ma bral ba/ rdzogs rim gyi sgo na ya ma bral ba rnams
las/ dang po bla ma'i rnal 'byor gyi sgo nas ya ma bral ba ni/
bla mchod khrid yig sogs dang/ kho bos bris pa'i bla mchod 'don
sgrigs sogs su gsal bar yod/ gnyis pa bskyed rim

gyi sgo nas ya ma bral ba ni/ gsang bde 'jigs gsum so so'i bdag
bskyed gsum ka btang ste de dang mthun par bskyed rim so sor
bsgom pa las/ gzhan du cho ga gcig gi nang du bsgril nas bsgom
thabs ma gsungs pas bdag bskyed so so'i

tshig ris dang mthun par bsgom pa de rang yin/ gsum pa rdzogs rim
gyi sgo nas ya ma bral ba ni/ gong gi bskyed rim ltar so so'i
rdzogs rim so so nas rgyas par bsgom nus na rab dang/ de lta min
yang yi dam de gsum gang rung gcig la rdzogs rim

rnams tshur sbyar te bsgoms kyang chog /gang ltar yang 'jug pa
bde bar byed na/ yi dam bde mchog lta bu gcig la rdzogs rim
tshang ma sbyar te nyams su blang chog cing/ de yang thog mar
rlung sems dbu mar 'jug pa la nA ro chos drug gi gtum mo

@087a @#/ /nyid mchog yin ngas/ gsang 'dus kyi lus dben 'og sgo'i
phra thig dang/ bde mchog gi lte ba'i sprin sgra/ 'jigs byed kyi
lte ba'i rjes gzhig gi sdud rim sogs bsgom mi dgos par nA ro
chos drug gi

gtum mo nyid kyis 'thus par byas na bsgom bde/ gnad zab/ rtogs
pa skye myur ba sogs grub chen du ma'i 'byung khungs yin/ 'di la
brten nas lte bar rlung zhugs gnas thim gsum byas te bde stong
dngos su 'char ba'i rtogs pa skyes

pa na snying ga'i rtsa mdud 'grol ba'i thabs la 'bad dgos shing/
de ni gsang 'dus las gsungs pa'i srog rtsol gsum las lhag pa med
pas rten gyi yi dam gsang bde 'jigs gsum gang la byas kyang
gsang 'dus kyi man ngag

de gsum sbyar te nyams su len/ de ltar 'bad pas snying ga'i rtsa
mdud grol te ngag dben dang sems dben gyi rtogs pa thob pa na/
sgyu lus dang/ 'od gsal/ zung 'jug rnams sgrub tshul yang gsang
'dus nyid la brten

dgos/ rdzogs rim 'di dag bsgom pa'i rten gyi yi dam gsang bde
'jigs gsum gang byas kyang khyad med/ bsre ba skor dgu la go ba
tsam chags na'ang ngan song gi skye sgo 'gog par gsungs pas bsre
skor la go ba chags par byas te

shar sgom gyis bag chags 'jog pa tshun kyang gnad du che/ de yang
sad dus kyi bsre ba skor gsum la shar sgom byed cing/ gnyid dus
dang 'chi dus kyi bsre skor la go ba chags thabs byed pa las/
bshar sgom byar med/ rlung dbu mar thim

@087b ste sad dus kyi bsre skor dngos su lag tu lon pa nas gnyid
dus kyi bsre skor kyang lag tu len nus pas de nas gnyid dus kyi
bsre ba gsum la sbyang dgos/ lhag par rmi lam sbyang bsgyur gyi
skor rnams nA ro chos drug tu gsal bas der blta dgos/

gtum mo sgom tshul 'khyer bde ba ni dga' ldan nag tshang bstan dar
bas mdzad pa bde mchog chos skor gyi dpe thung gsar brkos nang
du yod pa de legs/ gsang 'dus kyi bskyed rim dngos grub rgya
mtsho dang/ rdzogs rim rim lnga gsal

sgron dang rim lnga gdan rdzogs/ paN chen chos rgyan gyi gsung
rim lnga snying po/ bskyed rdzogs rdo lag brgyud ma zhes dwags
po nam mkha' grags kyis mdzad pa'i bskyed rdzogs rnams la slob
gnyer byed pa gal che/ srog rtsol gsum

dang; bsre skor/ sgyu lus/ 'od gsal; zung 'jug bcas sgom tshul
gyi man ngag mdor bsdus pa i thi ba ni dpal ldan smad rgyud
pa'i khrid khang brtsi bzhag khrid rdo lag brgyud ma zhes ba de
yin cing/ rang lugs kyang de dag

yin/ zhi gnas kyi skor sogs ni lam rim che chung dang/ dmar
khrid rnams gung bsgrig ste gzigs na de las lhag pa mi dgos/ lta
ba'i skor la lhag mthong che chung gnyis dang/ drang nges legs
bshad snying po/ 'jug TI ka dgongs

pa rab gsal rnams gung bsgrigs nas gtan la phab ste skyong ba
gnad che zhing/ bsgom pa'i tshe sngon du dgag bya ngos bzungs nas
bsgom pa gcig dang/ sngon du btags yod ngo sprad nas bsgom pa
gnyis yod/ dngos gzhi'i skabs 'jig lta'i

@088a @#/ /snang yul la mi dpyad par zhen yul la dpyad pa gnad
zab cing/ mjug tu stong pa rten 'brel dang/ rten 'byung stong
pa'i don du 'char ba'i rgyal ba'i dgongs zab mthar thug la nges
pa drangs te bsgom

pa'ang gnad dam pa yin/ 'di dag gi skor las brtsams te zab gnad
ji snyed cig bstan du yod kyang yi ger 'drir ma lang bas slar
dogs gcod sogs byung na skabs mtshams so sor zhib gsal zhus chog
pa dang/ bskyed

rdzogs kyi man ngag gi gnad mang tsam zhig kho bos gsar bsgrigs
sgrol ma'i bskyed rdzogs kyi nang du bris yod pas/ de'i dpe cha
cha tshang zhig 'di nang bskur yod pa sgrol ma tsam min pa'i yi
dam gang la'ang sbyar du rung ba rnams

zhib tu gzigs te dal 'byor la snying po rab tu lon par mdzod// !
(//lA ba chu mgo sprul sku'i na po cher gnang ba/) bstan pa'i
gsal byed sprul sku rin po che mchog nas/ lcang skya rol rdor
gyis mdzad pa'i lus dkyil

bskyed rim 'dir zhal shes khyad chos gsum gsungs pa 'di yin bka'
gsal tsitta'i ga'ur stsol ba zhes nan cher phebs pa'i gsung ngo
ma ldog tsam brjod na/ lus dkyil 'di lus dkyil gzhan las ches
mchog tu gyur pa'i

khyad chos gsum zhes pa'i dang po ni/ smon lam las/ sgo mtshams
ma rnams dbang po'i sgor bsgoms pas/ /las rlung dbang po'i sgo
nas ldog bar shog /ces pa nas/ nang gi rje btsun yab yum bsgoms
pa las/ /zhes sogs kyi

@088b bar gsungs pa ltar lus dkyil gyi lha tshogs rnams rtsa sne
so sor bsgoms pa'i phan yon te/ sgo mtshams ma rnams dbang po'i
sgo brgyad du bsgoms pas las rlung gi rgyu ba dang bor dbang
po'i sgo brgyad nas nang du ldog pa dang/ de nas yul

nyi shu rtsa bzhir dpa' bo dang dpa' mo rnams bsgoms pa'i stobs
kyis rlung rnams yul nyer bzhi'i rtsa rnams su 'du ba dang/ de
nas snying gar bde chen gyi 'khor lo'i lha rnams bsgoms pas
rlung rnams snying ga'i rtsa 'dab brgyad du 'du ba

dang; de nas dpyid thig rje btsun yab yum du bsgoms stobs kyis
las rlung gi rgyu ba mtha' dag snying ga'i dpyid thig la thims
pa sogs kyis rdzogs rim zab mo'i rtogs pa myur du 'dren pa'i
smin byed khyad par can du 'gyur ba ste de

ni zhal shes kyi khyad chos dang po dang/ gnyis pa ni/ rtsa gnas
so sor bkod pa'i lus dkyil gyi lha rnams dpa' bo dang dpa' mo de
dang de dngos yin snyam du bsgoms pas phyi'i yul nyer bzhi dang/
mkha' spyod sogs na bzhugs

ba'i dpa' bo dang dpa' mo rnams rtsa gnas de dang der bzhugs nas
byin gyis rlob pa ste de ni zhal shes kyi khyad chos gnyis pa
dang/ gsum pa ni/ 'di lta bu'i lus dkyil nyams su blangs bas
mkha' 'gro ma rnams kyis rang rigs kyi sgrub pa por gzigs te yid
ltar myur ba'i shugs kyis byon nas lam gyi grogs mdzad de rtogs
pa skye myur ba ni zhal shes kyi khyad chos gsum pa ste/ khyad
chos gsum po de dag lus dkyil 'di gzhan las zab pa'i khyad chos
su gsungs pa yin/ spyir bde mchog zab

@089a @#/ /pa'i khyad chos rnams kho bos kyang dpal 'khor lo sdom
pa lus dkyil gyi chos skor dkar chag gi dbu'i tshigs bcad du bkod
yod cing/ sle lung bzhad pa rdo rjes mdzad pa'i bde mchog bsnyen
yig mkha' 'gro yi

gsang mdzod du'ang zhib tu gsal ba lags// ! (//brag g.yab sgrol
ma ri khrod pa dge sbyong grags pa la gnang ba/) sku nyid nas da
lam ji gsungs ngan song du mi ltung ba'i skyabs 'jug dgos lugs
sogs gsal ba/ nyid nas dge sbyor

nyams bzhes hur bskyed mdzad mus la ngan song du 'gro ba'i dogs
pa ga la mchis/ rgyu tshogs smon lam gyi rkyen gyis bsgyur du
btub gshis rab dag zhing gi lus dang/ ma mtha' chos ldan gyi lus
su thugs smon nan tan mdzod/ bla slob

dam tshig la sel ma gos par thugs nang gcig gyur yin pas na/ las
kyi 'brel pa btsan pos tshe rangs nas tshe rabs su mnyam du 'phrad
par 'ong ba chos nyid lags/ bsam mi khyab thun mong ma yin pa'i
skabs dbu ma shin tu phra ba stong skud lta bu/ ro

rkyang gnyis gro sog tsam sbom pa bsgoms nas rtsa lam sbyang ba
lte ba'i rnal 'byor ma las rang 'dra nas 'bru tsam rlung phyir
btang ba dang sbrags g.yas ro ma nas thon/ sna rtser spro bsdu
byas/ rlung nang du rdub pa dang sbrags g.yon rkyang

ma nas zhugs/ lte ba'i rnal 'byor ma la bstim ste bum can bzung
bar gsungs pas dbu ma gsal 'deb tshul yang de bzhin yin no/ /bum
can bzung tshul rnal 'byor ma'i sku'i phyi nang gang du bzung
gsungs pa/ nang dang phyi'i

@089b tha snyad mi dgos par steng 'og gi rlung de la bstim ste
bzung ba lags/ mkha' spyod du sleb pa'i mos ba bya tshul mkha'
spyod kyi zhing yin bar bsams ba tsam las bkod pa gsal mi dgos/
rtsa brgyud kyi bla ma thams cad dpa' bo rdo rje chos su

byed pa thun mong ba'am phyi/ gtso bo sangs rgyas rdo rje chos
su byed pa thun mong ma yin pa dang nang/ de la yum gyis 'khyud
pa gsang ba'i lugs yin par thu'u bkwan rin po che'i gsung du
yod/ sgrub thabs rgyas par dbang bzhi thun mong ma

yin pa zhal las shes zhes pa thun mong ma yin pa'i dbang bzhi
rgyas pa len tshul dga' ldan snyan brgyud ltar bya ba yin/ dga'
ldan snyan brgyud lugs kyi dbang bzhi rgyas pa bla mchod bde
stong dbyer med ma dang sbyar te nyams su len tshul

gyi chog sgrigs de ga brag g.yab tu bzhugs pa las tshan thub
bstan kun 'phel mchog nas bskul ma mdzad de kho bos sbyar ba
spar du 'khod pa'ang yod pa bcas thugs la gcags 'tshal// !
(//yang dad ldan 'ga' la dris

lan du stsal ba/) dpa' bo rdo rje chos kyi sku'i cha byad dang
bzhugs stangs ni/ zhabs rdo rje'i skyil krung/ sku stod la dar
dbyangs dang sku smad la dar gyi sham thabs/ sku la rus ba'i
rgyan drug gsol ba/ phyag g.yas kyis DA

ma ru phrag gong du 'dzin cing/ g.yon pas thod pa dkur brten
nas 'dzin pa/ gru mo g.yon na kha TwAM ga bsnams pa; sku
g.yas phyogs su cung zad 'gyings pa'i nyams can zhig dgos pas
de ltar bzhengs bskrun mdzad rgyu lags pa

@090a @#/ /dgongs rol// ! //rong thang steng pa rdo rje rnam
rgyal nas dri ba byung gsal/ mkha' spyod ma'i sngags kyi dam
bca' chag pa'i skyon byung tshe rang nyid las rung song ba yin na
bla ma las dbang bskyar

nas zhu mi dgos par/ bdag 'jug blangs te sor chud par byed du
rung zhing/ rang nyid las rung ma song tshe bla ma'i drung nas
dbang bskyar du nges par zhu dgos/ 'on kyang de'i bar sngags
bton mi chog pa min par sngags chag

kyang de'i phyi nyin nas sngar rgyun ltar chag med 'don dgos/
des na nyid nas sngags chag shor yod tshe sngon chad las rung gi
bsnyen pa ma song na bla ma zhig gi drung nas dbang bskyar du
zhus na legs shing/ phar tsam dbang zhu yul ma rnyed

kyang kha ton nyams len rgyun ltar chag med byed dgos pas de
lugs mdzod// ! (//yang/) snying po'i rnal 'byor ma bzhi'i ngo
sprod dgos tshul gsal ba/ snying po'i rnal 'byor ma bzhi ni/
spyan ma/ mA ma kI /gos dkar mo/ sgrol ma ste

bzhi yin la/ sgo mtshams ma brgyad ni/ khwa gdong ma sogs bzhi
rim bzhin ke'u ri/ tsi'u ri/ pukkasi/ be ta li bzhi'o/ /de
bzhi'i yab bzhi gdong brnyan gyi tshul du sbas pa bzhi ni rim pa
bzhin du khams gsum rnam rgyal/ bdud

rtsi 'khyil ba/ rta mgrin/ gshin rje gshed bzhi'o/ /gshin rje
brtan ma sogs bzhi ni rim pa bzhin du g+hasma ri/ sha ba ri/
tsandra li/ DoM b+hi ni bzhi'o/ /de bzhi'i yab bzhi phyed gzugs
kyi tshul du sbas pa bzhi ni dbyug sngon

@090b can; 'dod rgyal/ mi g.yo ba/ stobs po che rnams so/ /go
cha drug ni/ rdor sems mi bskyod pa/ padma gar dbang 'od dpag
med/ rnam snang ni khong rang/ dpal he ru ka ni drug pa rdo rje
'chang/ rdo rje nyi ma rin 'byung/ rta mchog

don grub bo/ /go cha'i dpa' mo drug ni/ sbyan sogs yum bzhi'i
steng rdo rje dbyings kyi dbang phyug ma dang/ phag mo bsnan bas
drug go/ ! (//bya bral btsun ma blo bzang chos 'dzoms la/) nyid
tshe 'di'i 'khri ba btsan thabs su

bcad de bya bral 'khos med 'dod chung chog shes kyis 'tsho zhing/
lhag pa'i lha mchog gsang mtha'i rgyud kyi snying bcud snyigs
dus byin rlabs kyi tshan ga ches cher myur ba rje btsun rdo rje
rnal 'byor ma'i gzhi bsnyen 'bum phrag brgya lhag tsam dang

'brel bzlas bsgom gyi rnal 'byor la tsho dang sgrub pa snyoms par
brtson bzhin yod pa ni shin tu e ma ho/ rjes su yi rangs/ bla
ma rdo rje btsun mos tshe rabs kun tu rjes su bzung ste gtan 'dun
mchog 'grub bar nges pas yid dga' bar

byos; sbyin sreg 'byor pas ma 'grub kyang rdzas sogs dmigs pa
kho na bsam gtan tsam gyi sbyin sreg byed du rung ba 'jam mgon
tsong kha pa bzhed cing/ gzhung chen mo'i dgongs pa yin pas
dngos 'byor phran bu'i thog /byings de ltar

byed du rung/ tshogs mchod kyang 'byor 'khos dang bstun pas chung
du tsam las 'bul rgyu ma rnyed kyang/ yid kyis dmigs pa rgya
chen por sprul te phul na 'thus nges pas de dag 'byor pas ma
'grub snyam pa'i blo'i gu dog bya mi

@091a @#/ /dgos// ! thun gyi skabs dri chu dang khams kyi snyigs
ma zag pa la rnal 'byor ma'i bsnyen yig tu 'og rlung shor ba
dang rjes su mthun pas sngags grangs phyir 'then/ sgregs pa
byung skabs zas kyi sgyug pa slar mid pa

bsnyen yig las glal ba dang rjes su mthun pas sngags grangs
phyir 'then/ zhal nang du bad kan chags pa mchil ma dang mnyam
du mid pa bza' btung byas bar mi 'gro bas sngags grangs phyir
'then mi dgos/ grangs 'then dgos rnams rnal

'byor ma'i bsnyen chen gyi bsnyen sgrub las gsum gyi yig char
gzigs rtog mdzod/ (gi'u sprul sku rin po che ngag dbang bstan
'dzin 'phrin las kyi dris lan du stsal ba'o// ! //kong po bkras
rab sprul sku ngag dbang blo bzang bstan 'dzin mkhas grub

mchog la gnang pa/) yar mar gyi tshes bcu dkar 'dul gnyis las
dkar rtsis ltar dgos/ tshes bcu nyer lnga sogs dus chen rnams la
zla lhag nyi lhag sogs chad lhag yod tshe dang la byed dgos
gsungs pa/ de yang tshes bcu chad tshe

tshes bcu'i mchod pa tshes dgu la mdzad dgos shing/ tshes nyer lnga
chad na'ang tshes bcu'i mchod pa tshes nyer bzhi la mdzad pa yin/
yang tshes bcu lhag tshe tshes bcu'i mchod pa bcu sngon ma la mdzad
dgos/ nyer lnga la'ang des rigs

'gre ;de bzhin du lha babs dang/ drug pa'i tshes bzhi/ sa zla'i
dus chen sogs la'ang tshes chad lhag byung tshe gong gi des rigs
'gre /zla lhag 'byung skabs zla ba bzhi pa lhag tshe bzhi pa
sngon ma las zla'i dus chen dang/ zla ba dang po lhag tshe

@091b dang po sngon ma la cho 'phrul dus chen du mdzad dgos pa
bcas dgongs bstim 'tshal// (! yang/) spyir zla ba gang yang rung
ba'i tshes brgyad/ bco lnga/ gnam stong gsum ni dus bzang dang/
dus chen la 'dren tshul mang yang/

rang lugs hor zla dang po'i tshes gcig nas bco lnga'i bar cho
'phrul dus chen/ bzhi pa'i tshes bdun la sku bltams pa'i dus
chen/ bzhi pa'i tshes brgyad la rab tu byung ba'i dus chen/ bzhi
pa'i tshes bco lnga la sangs rgyas pa dang mya ngan las 'da'

tshul bstan pa'i dus chen/ yang bzhi pa sa ga zla ba'i tshes bco
lnga la dge slong ma dpal mos 'phags pa thugs rje chen po la
brten nas mchog gi dngos grub brnyes pa'i dus chen/ drug pa'i
tshes bzhi la ston pas chos 'khor

bskor ba'i dus chen/ drug pa'i tshes bco lnga la lhums su zhugs
pa'i dus chen/ dgu ba'i nyer gnyis la lha las babs pa'i dus
chen/ bcu pa'i nyer lnga la 'jam mgon bla ma tsong kha pa chen
po dga' ldan du gshegs pa'i

dus chen/ spyir yar ngo'i tshes bcu thams cad la bde mchog yab
bka' dang/ mar ngo'i tshes bcu thams cad la yum bka'i dus chen/
lhag par mar ngo sngon 'gro'i dbang gis zla ba bcu gcig pa'i
tshes bcu drug nas zla ba bcu gnyis

pa'i tshes bco lnga bar rgyal zla ba zhes bde mchog yab yum sgos
kyi dus chen/ de yang bcu gcig pa'i nyer lnga la yum dang/ bcu
gnyis pa'i tshes bcu la yab kyi dus chen yin/ de la sogs pa gzhan
yang mang/ sangs rgyas kyis byi

@092a @#/ /gyis brlabs pa'i dus chen de dag dang/ dus bzang rnams
la dge sdig gang byas 'phel 'gyur shin tu stobs che bar gsungs
shing/ lhag par cho 'phrul/ sangs rgyas pa/ chos 'khor/ lha babs
bzhir dge ba

gang byas bye ba phrag brgyar 'gyur bar mdo las gsungs pas/ dus
rgyun du dang lhag bar dus chen de dang de dag tu rang la nus
bci yod kyis sdig sbong dge sgrub la tshul bzhin du 'bad 'tshal/ !
(/yang/) bsnyen pa grub mtshams grub pa'i gong du

bskong zhi ba'i sbyin sreg nges par mdzad na legs/ bcu cha'i
skabs nyin rer thun gnyis kyi thun dang por rdor dril byin rlabs
nas gshegs gsol bar cha tshang dang/ thun gnyis pa la sreg rdzas
byin rlabs/ me sbar ba yan gshegs gsol bar

'tshang dgos/ grangs gsog yun ring mdzad dgos kyang/ bshang gci
'dor ba dang langs 'dug sogs bya mi chog lags// ! ('di skabs
shig tu/) deng sang phal cher gyis lha sngags bsgom bzlas grangs
gsog tsam dang/ gto bcos

rim gro sogs kyi lag len skor dang cho ga'i rim pa lta bu sha
stag ma gtogs/ gzhung bka' pod lnga dang rdo rje theg pa'i rim
gnyis kyi gnad gsang zab cing rgya che ba'i don nyams su bkar
lugs la dri ba byed mkhan nyin mo'i skar ma ltar dkon par

snang ba/ dus kyi dbang gis sangs rgyas kyi bstan pa lung rtogs
gnyi gnas shin tu nyams pa'i rtags yin pa 'dra/ (zhes gsungs pa/
don du rje gung thang pas/ kye hud dge ldan bstan pa 'di/ /dpal
dang 'byor pas rab rgyas kyang/ /bshad dang sgrubs pas ches bra
ba/ /bsam gyin snying nas shes pa

@092b 'kyo?/ /zhes gsungs pa lta bu'i ngang tshul la thugs gting
nas skyo ba'i gsung du snang ngo//) ! //bod sog pa dge 'jam
dbyangs rgya mtsho gang nas/ las bzhi'i sbyin sreg so sor slob
dpon las phyogs gar bzhugs gsungs pa/ zhi ba la shar/ rgyas pa
la byang/

dbang la nub/ drag bo la lho bcas su zhal ston/ chog grwa byings
slob dpon dang zhal sprod/ 'jam po gsum la chu bzhi 'bul mi slob
dpon gyi g.yon dang/ sreg rdzas slob dpon gyi g.yas/ drag por
de las ldog /sbyin sreg las bzhi kar yongs grags

shar lho'i phyogs su bud shing la me sgo bzos nas thog ma'i me
sbor ba'i dpal 'bar slob dpon gyi phyag nas mchod g.yog pas
zhus te shar lho'i me sgo nas 'jug pa las bzhi ka la 'dra'o/ !
/mgon po'i bcad kham grangs brgyad yin/ brtsegs

pa'i tshe phyogs gsum la nyis brtsegs re/ de'i dkyil steng du
gcig leb nyal du bzhag /de'i steng du gcig gyen du bslang nas
'jog dgos/ ! /lo sar skabs lha mo'i rten gtor la/ yi dam dang
lha mo'i bskang gtong/ nyer spyod sogs

bskang gso spyi 'gro ltar dang/ gshegs gtor la 'dir gshegs rgyan
gtor zhes dmar gtor gru gsum dkar rgyan gyis brgyan pa gcig /sha
khrag dmar gtor zhes dmar gtor zur gsum sha rgyan gyis brgyan pa
gcig /rdzi bu ti ba zhes zlum po

je chung je chung sum brtsegs steng dzam bu'i 'bras bu lta bu'i
dbyibs can bzhag pa gcig bcas gtor ma gsum dang/ chang la rtsa
brgyad stong sbyar btabs pa'i sman phud/ ja khu la sha dmar
phran bu btabs pa'i rakta'i mchod pa/ chang rkyang pa'i

@093a @#/ /gser skyems gcig ste btung ba gsum bcas mthong brgyud
phyag len ltar bshams te 'bul dgos// ! (//e ka ljongs bla ma
rin po che blo bzang dge legs dbang phyug mchog la gnang ba/)
bka' 'dri

phebs gsal/ bde mchog lus dkyil gyi bdag 'jug chag med nyams
bzhes mdzad rgyu mchog tu legs shing/ bdag 'jug rgyas pa sku
ngal che rgyur/ gsar rtsom bdag 'jug 'bring po de bzhin chag med
mdzad na legs/ phebs

lam sogs su mchod gtor rgyun gyi bzhugs gnas su yod pa la sgrub
gzhi byas te/ bskyed chog rang gang du yod pa'i mdun du bskyed
pas chog pa/ dper na lte ba'i thig le sgrub gzhi byas nas yum
bskyed pa snying gar bzhugs pa bzhin

no; ;bum pa/ rdor dril/ nang mchod/ cod pan rnams mdun du byung
na legs shing/ bum pa gnyis ma bden gcig 'thus rnam bum gyi
lha'i mdun du las bum gyi lha bskyed/ mchod bstod bzlas pa sogs
mnyam du

mdzad pas 'thus/ lo gtor sngar nas bzhengs zin pa de gas 'thus
shing/ gsar brje mdzad rgyu zla ba bcu gnyis pa'i tshes bcu la
mdzad na legs/ phyogs su bsnam rgyu'i bum pa shin tu chung ngu
zhig gsar bzo mdzad kyang

chog ste/ a lag 'jigs med bsam gtan rin bo ches bdag 'jug chag
med nyams bzhes mdzad pas snam bum las bum gcig 'thus chab blugs
kyi bum pas mdzad par grags/ cod pan tsakli zhig gis chog /yang
nges

@093b med de rnams gtan nas stabs ma 'grigs tshe tshang ma bsam
gtan kho nas mdzad na'ang 'thus lags// ! (//sho mdo grwa sgom/)
sprul sku rin po che mchog nas/ rnal 'byor ma'i sku tshom bu'i
dkyil 'khor gyi dbus sus lugs la

'bras dmar tshom bu la/ dge lugs la dngul ting lta bu chung ngu'i
nang sind+hu ra blugs pa e yin/ gtso bo slob mar dbang bskur
chog pa gnang bzhu ba'i gsol 'debs ji 'dra dgos/ zhes gsungs pa/
sa lugs la 'bras dmar tshom

bu de 'dra byed pa'ang yod/ sku dngos su bzhag ste de'i thugs ka
sogs gnas gang bder sind+hu ra bzhag pa'ang yod/ dge ldan lugs la
gong gsal de ltar yin/ gsol 'debs ni/ bla ma rdo rje rnal 'byor
ma'i lha tshogs 'khor

dang bcas pas bdag gis slob ma la dbang bskur ba'i gnang ba
stsal te/ bdag dang slob ma la mchog dang thun mong gi dngos
grub ma lus pa stsal du gsol/ zhes brjod pa yin/ ! gzhan yang
dri pa phran tshegs 'ga' phebs

gsal/ rnal 'byor ma'i tshogs mdun bskyed dang ma 'brel skabs
spyan 'dren gtor mgron spyan 'dren gyis 'thus par mdzad pa yin/
de la mchod phreng sogs rgyas pa sbyar ma sbyar rang gi 'dod mos
ltar bgyid chog /tshogs gtor la

mar thag gis 'khor lo'i ri mo byed pa rnal 'byor ma sger gyi
lugs min/ ngos kyi ri khrod bkra shis chos gling nas bla mar
'bul rgyu'i tshogs phud kyi dkar rgyan mdun ngos rtse rgyan la
dung dang/ brang rgyan la 'khor los mtshan pa zhig sangs

@094a @#/ /rgyas la chos 'khor bskor bar bskul ba'i rten du
tshangs byin gyis phul ba'i lugs ltar rten 'brel gyi phyag len
tsam du dge slong rnams nas mdzad/ ! tshogs pa mang pos bla mchod
bde mchog dang

'brel ba'i tshes bcu'i mchod pa byed skabs sbyang chog bya dgos
pa byung na/ slob dpon la lus dkyil gyi ljags bsnyen yod tshe
byings rnams la lus dkyil gyi dbang ma thob kyang/ bde mchog gi
dbang gang yang rung ba thob tsam gyis

chog cing/ ma mtha' 'jigs byed kyi dbang tsam thob kyang chog
/sbyang chog bton mtshams/ lam sna ma zin 'chi ba'i dus byed na/
/X X X bgrod par byin gyis rlobs/ /zhes pa'i mjug tu 'don/ thog
med dus nas kyi

dbur rdor sems bsgom bzlas yod na legs/ lam rim gsol 'debs 'don
na bton mtshams don chen po gsum gyi gsol 'debs kyi mjug rang
yin/ sbyang chog mjug 'pho ba dang 'brel na las/ sbyang chog
rkyang par 'od

dpag med du bsgyur ba mi dgos/ rnal 'byor ma'i byin rlabs thob
pas lus dkyil gyi sbyang chog 'don rung yang/ sbyang chog gi
slob dpon byed mi rung/ lus dkyil dang rnal 'byor ma thob ma
thob ci rigs kyi tshogs pa mang po'i

khrod min par/ rnal 'byor ma nyams su len pa kher rkyang yin na
sbyang chog kyang rnal 'byor ma la bsgyur ka mdzad pa legs/ lam
sna ma zin lan gsum sbyang chog rkyang par yang 'pho ba'i skabs
ltar bya/ maNDal mi dgos lags// //

@094b (! tre bo dkar mdzes mkhan po la gnang ba/) rang re yab
rje rgyal ba gnyis pa'i rjes slob rnams bla ma yi dam chos srung
thams cad 'jam dbyangs la byed dgos pa dam pa gong ma'i man ngag
gam/ lugs 'di'i srol yin pas/ chos skyong yang

chos rgyal sogs srung ma spyi dang/ lhag par deng dus mthu rtsal
ches myur ba/ sngon gyi smon lam gyi mthus 'jam mgon snyan
brgyud mdo sngags lam gyi rim pa'i bshad sgrub kyi bstan pa gang
na yod kyang tsan dan dri dang mi 'bral

bzhin bsrung skyob sdongs grogs g.yel med mdzad pa'i srung ma'i
dbang po rdo rje shugs ldan 'di rang shis pas de lugs dang/ 'on
kyang lta grub gtsang zhing byang chub lam rim la nyams bzhes
chu bo'i rgyun bzhin mdzad pa'i dam

pas yongs su gang ba'i thabs tshul la cis kyang brtson par
'tshal// ! (//yang mdo smad khul du dad ldan 'rgan la stsal ba/)
bstan srung shugs ldan gsar du bsten ma thag 'tshu pa cha 'byung
pa de dag sngon chad grub

mtha' gzhan sel sogs kyis chos skyong thugs 'khrugs yod pa'i
lhong du nges shing/ sngon chad de rigs gtan nas med pas ni gsar
bsten bgyis kyang 'tshub pa mi 'byung ba bcas dgongs 'jags/ !
dgra rkun

gyi nyer 'tshe srung phyir rgyal chen rdo rje shugs ldan gyi
bskang tshogs nan tan bsgrub na de gas 'thus shing/ bskang gso'i
chog lung ma thob kyang bton chog ! /dwags po skal bzang mkhas
grub gsung rgyal chen bstod pa'i karma gu ru'i sogs ni/ rnying
ma'i sngags

@095a @#/ /'chang chen po zhig gis karma gu ru zhes pa'i yi dam
gyi las mthas 'dul bar brtsams pa na/ mdzes ma zhig dngos yul du
snang bas yid g.yos nas ting nge 'dzin 'chor ba yin 'dug /spyan
'dren

mjug gi gtor ma 'phral gtor yin/ sgrub gtor dang brtan gtor gcig
par gsungs/ ! grub mtha' gzhan gyi byad phur gyi gnod pa zlog
pa'i man ngag 'jigs byed khro bcu'i phyir zlog las zab pa med
pas de rang gnad smin bsgrub

na legs/ gzhan yang drug cu pa zhi drag kyang nus pa che/ rgyal
chen la drag bskul mi btang bar tshogs stong tshar gnad smin re
phul nas 'phrin las bcol na/ zhi rgyas dbang drag gi las gang
yang thogs med du 'grub ba myong grub lags/ !

chos skyong shugs ldan gyi tshogs gtor mang bo'i skabs chos
skyong gtso bo la 'bul rgyu'i tshogs phud kho nar mar thag dang
rgyan bkod kyis dbang po rnam lnga byed pa las/ gzhan rnams la
mi dgos/ skabs 'dir tshogs gtor dbang lnga byed pa drag

mchod kyi lugs su mdzad pa las/ rgyu mtshan gzhan med lags/ !
(lung med/) chos skyong chen po'i spos sbyor la/ spos dkar/ gu
gul/ tsan dan dkar dmar/ sha chen/ cong zhi/ a ga ru nag po
dang bzang drug gnyis spyi ltar ram/ rnyed na dga'

ldan gser kong rdo rje 'chang gi ar nag dang gro mo dge bshes
rin po che'i bzang drug bcas legs/ da dung khungs ldan gzhan
rnyed tshe 'di'i steng du snon pa mdzad dgos/ bstan srung gnyan
po 'di nyid kyi bskang 'phrin skor

@095b ? bos bris pa 'di tsam min par dam pa snga ma'i gsung/ tre
po khang gsar skyabs mgon blo bzang tshul khrims bstan pa'i rgyal
mtshan gyis mdzad pa'i rgyal mtshan rdo rje shugs ldan rtsal gyi
'phrin bcol bstan srung dgres? bskyed dang/ 'o na rgyal sras

bskal bzang thub bstan 'jigs med bstan pa'i rgyal mtshan gyi
gsung rgyal ba'i bstan srung chen po rgyal chen rdo rje shugs
ldan rtsal la mchod gtor 'bul tshul dam can dgyes pa'i mchod
sprin rgyas bsdus khag gnyis/ 'bras mjug chos ? sprul sku la
gsung

'jam mgon rgyal ba gnyis pa'i bstan srung rdo rje shugs ldan gyi
bskang gso bya tshul bstan srung dgyes pa'i rol mo/ lha ldan bzhi
sde smyung gnas bla ma ye shes bzang po'i gsung 'jam mgon rgyal
ba'i bstan srung/ sprul ba'i chos skyong rgyal chen rdo rje
shugs

ldan rab 'jigs drag po rtsal sku lnga'i sger? bskang rgyas pa
sdang dgra tshar gcod/ dwags bo grub dbang bskal bzang bstan
'dzin rin po che chos kyi rdo rjes mdzad pa'i sprul ba'i chos
skyong rgyal chen rdo rje shugs ldan rtsal chen po'i bskang
'phrin dga' ldan bstan

pa'i dbu 'phang stod byed khams gsum zil gyis gnon pa'i dbyar
rda sogs dang/ gzhan yang 7gong sa rgyal dbang lnga pa chen pos
mdzad pa'i bshags bstod 'phrin bcol mdor bsdus dang/ dga' ldan
gser kong rdo rje 'chang gis mdzad pa'i bskang gso/ drag ri rgya

mtsho mtha' yas kyi gsung bskang chog /ser sngags nam mkha' bstan
skyong gis mdzad pa'i bskang gso sogs rang lugs kyi mkhas grub
du mas mdzod ba ches mang po dang/ dpal ldan sa skya pa'i dam pa
mang po'i gsung chos skyong chen po 'di nyid kyi bskang 'phrin
skor

@096a @#/ /yang shin tu mang ba sogs mtha' yas pa lta bur snang
ba mtha' dag 'di nang du 'brir ma lang ba bcas de lugs dgongs
par mnga' ba 'tshal// ! (//bkras lhun bla brang la gnang ba/)
mgon dkar yid bzhin nor bu dang/ rgyal chen rnam mang thos sras
rnam gnyis kyi nor sgrub mdzad rgyu'i

bca' sgrigs kyi zin tho lam tsam 'god pa la/ mgon dkar gyi gter
bum rgyu dngul zangs gang rigs las bskrun par lto ba ldir ba
sogs bzo bkod phun sum tshogs pa gang che ma mtha' khru gang las
ma chung ba/ mdog dkar po'i logs su bkra shis rtags brgyad dang/
nor bu'i dra bdra (phyad sogs/) mdun

rtags su mgon dkar gyi phyag mtshan drug /nang du 'jug rgyu'i
mgon dkar gyi tsa kli dpa' bo g.yul du bsad pa'i ro la bkabs
pa'i ras la bris pa che chung bum nang du shong tshod/ dbyibs
sgor khyim 'di lta bu shing byang gi logs su legs par sbyar
brgyab tu 'bru gsum dang rtsa sngags 'dod

gsol bcas bris pa /de'i na bza' dar gos gang rigs sum brtsegs/
de'i phyogs bzhir spel tshig dang/ bkra shis rtags rdzas/ rin
chen bdun dang nye rin bdun/ 'dod yon sna lnga sogs shis pa'i ri
mo sna tshogs spel ba gzungs sgril ltar bsgril ba bzhi 'di lha
ldan gyi sbar ma yod

na des chog /bum rdzas lcags /ra gan/ 'khar ba/ zhwa nye/ ti tsha
sogs ma yin pa'i rin po che'i rigs gang 'dzoms/ tsha ba gsum dang
dug rigs sogs min pa'i sman hrob gang 'dzoms/ khre/ sran ma/ bra
bo/ pad ka sogs ma yin pa'i 'bru sna gang

'dzoms/ mdzo/ mdzo mo/ tol/ drel/ bong bu sogs ma yin pa'i 'bri
g.yag rta lug bcas kyi sbu sna gang 'dzoms/ dar gos sna tshogs
/kha sur/ shing thog/ ja mar sogs zas sna'i rigs bcas dang/ bum
pa'i nang du kha 'geb lug

@096b thug gi sog pa g.yas pa'i bal tshi med phyi'i kha 'geb dar
tshon sna lnga/ kha chings tshon skud sna lnga/ dbang sdud 'khor
lo sgrub na de'i 'bri gzhi dar dmar po bcas mgon dkar gyi skor
dang/ ! rnam sras la gtso bo khang bzang che

legs/ thog brtsegs rim pa gsum/ rgya phyibs sum brtsegs/ phyi
rol tu bang rim gsum sum brtse gsal 'khor sa rim pa gsum/ 'khor
san ngam la rta bdag brgyad kyi lcog brgyad bcas gzhi shing la
rgya phibs/

rgyal mtshan sogs 'jim pas mdzes rgyan sna tshogs spud pa/ steng
ma'i sgo khyim du gsang bdag phyag na rdo rje'i sku/ bar ma'i
sgo khyim du rgyal chen rnam thos sras kyi sku/ rta bdag brgyad
kyi lcog brgyad la rang rang gi sku

tsag gang rung/ de byings kyi khang bzang rwa ba sogs kyi sbug
tu g.yang rdzas gong bzhin sne 'dzoms kyis byur bur bkang ba/
khang bzang gi bzo bkod bzo pa so sor skabs mtshams mgrin lam nas
zhib mngags mdzad rgyu/ rgyal

chen rnam thos sras kyi bum pa mgon dkar gyi gter bum las cung
chung ba/ gzhi ser por ri mo gong ltar la mdun rtags mgon dkar
gyi phyag mtshan gyi tshab tu rnam sras kyi phyag mtshan rgyal
mtshan dang ne'u le bris pa/ bum pa'i nang du sku'i tsakli

mi dgos shing/ 'di rnam sras kyi be'u bum du lcags mkhyid gang
pa la brten nas nor sgrub pa zhes pa de yin pas lcags sna gsum
las grub pa'i lcags leb dbyibs gsham gsal ltar bzos pa la/
dpangs mkhyid gang/ zheng du so

@097a @#/ /bzhi; de'i logs su dbus su ba dan 'khyog sum brtsegs
can/ de'i 'og tu byi ba kha sbrod nor bu skyugs pa/ byi ba so
so'i steng nas phar/ oM badzra ya du sa du stwaM/ zhes pa'i
sngags bris pa 'di lta

bu; de dag gser dngul spel mas dag cing gsal bar bri dgos/ lcags
sna gsum ni/ pho lcags/ mo lcags/ ma ning gi lcags gsum ste don
du ngar lcags/ mnyen lcags/ ngar mnyen bar ma gsum

bsres pa'o/ /de min bum rdzas dang spel tshig 'dod gsol kha 'geb
sogs mgon dkar ltar la/ kha 'geb lug bal tshi med mi dgos/ bum pa
gnyis ka la bum gdan ras gzhir padma 'dab brgyad bris pa re dang
kha 'geb

la rdo rje rgya gram bris pa re/ phywa bum zhes dkar yol lam/
shel gyi bum pa nang chang gar ma'am/ a rag gis bkang ba/ steng
du sna tshogs rdo rje nyi zlas bkab pa dar dmar gyi mgul chings
can/ de'i mdun du g.yang

dkar mar gyi lu gu bzhag snod rin po che'am dkar sder lta bu/
g.yas su rin chen zur brgyad bzhag snod kyang de bzhin/ g.yon
du 'bri brgya'i mar las byas ba'i lha bshos 'jog yul rin po
che'i snod/ rgyab tu g.yang rten mda'

dar zhes gas chag med pa'i smyug rgod tshigs gsum can rgod sgro
ma stong kha lnga pa lcags mdel can/ de la 'dogs rgyu'i dar tshon
sna lnga dang dngul dkar gyi me long/ g.yu/ byi ru/ mchong/
gzi/ mu men/ dung sogs kyis spras

037b pa; mgon dkar la'ang mda' dar 'di mtshungs gcig /pon bdag so
so'i khams dang bstun pa'i tshe mda' re dgos pas yon bdag mang po
yod na so so'i khams bstun tshe mda' re/ smyug rgod rgod sgro
ma'i mda' lcags mdel can stong kha gcig pas chog par me

long re btags pa/ g.yab dar zhes pa mda' dar dkar po stong kha
gcig pa gcig /'di dag gi g.yang gzhi ras dkar la glang lpags
bris pa g.yang sgam gyi nang rgya dang mnyam pa gcig /g.yang
phad ces pa ras dkar gyi khug ma mthil gru bzhi sbyar ba /khug
ma

de'i lto ba'i logs su nor bu me 'bar tshon khra dang bcas pas
'dri zhing/ khug ma'i shar du dung/ lhor dong tse/ nub tu byu
ru/ byang du g.yus spras pa/ g.yang sgam nang du gtan chags
'jog rgyu'i mgon dkar dang rnam sras so so'i nyer spyod snod/
mar

me'i snod/ zhal zas kyi snod/ gtor ma so so'i snod an tar/ mgon
dkar gyi gtor ma'i rtser 'dzugs rgyu'i mda' dar chung ngu la me
long/ tsakli/ dar dkar bcas kyis brgyan pa/ gzhan yang 'o phud/
chang phud/ rgya ja/

'o ma bcas so so'i blug snod shel bum lta bu/ mgon dkar la nang
mchod kyi snod de bzhin dang/ g.yang rdzas 'di dag kyang 7rgyal
khab chen po dang/ phyug po sgang gshong ma byung ba dang/ skyes
bu dam pa/ mi bsod nams can sogs

nas byung ba dgos pa bcas kyi bsnyel byang du phul/ ! gter bum
nang gzhugs shing byang gi sku rgyab tu 'dri rgyu'i rtsa sngags
dang 'dod gsol/ oM gu ru ma hA kA la ha ri ni sa sidd+hi
dzaHmgon po yid bzhin gyi nor bu rten 'dir brtan par bzhugs nas

@098a @#/ /dgon gnas dang yul phyogs 'di nyid kyi chos 'byor 'dod
rgu'i longs spyod/ dpal 'byor legs tshogs thams cad sgo kun nas
dar zhing rgyas par mdzad du gsol/ oM su pra tiShTha badzra ye
swAhA/ /oM AHhUM/ 'gru

gsum 'di shing byang gi rgyab kyi sku'i spyi bo/ mgrin pa/ thugs
ka so so'i thad du khel bar 'dri// ! (//yang dpal mgon gdong
bzhi ba ser po rgyas byed kyi gter bum bca' sgrigs zin thor
stsal ba/) dpal mgon stobs 'phrog dbang po gdong

bzhi pa'i rnam 'gyur thun mong ma yin pa ser po rgyas byed lha
dgu la brten pa'i dgos 'dod dbang du bya ba'i gter bum gyi bca'
gshom zin tho/ gter bum gyi rgyu/ dbyibs/ che chung sogs mgon
dkar gyi gter bum ltar la/ kha dog

gzhi ser por nor bu'i dra ba dra phyed dang/ bkra shis rtags
rdzas/ mdun phyogs su dpal mgon rgyas byed kyi phyag mtshan bzhi
'dri/ nang du 'geng rgyu'i rin chen sna tshogs/ sman sna/ dar
sna/ gos sma/ 'bru sna sogs sngon ma ltar la/ khyad par a ru
rnam

rgyal; gser sa byung/ gangs te se'i sa/ sind+hu ra/ zhal gyi gnas
chen khag gis sna rdo sna/ sa skya'i dam rdzas brgya rdo stong
rdo gang rung/ dpal mgon bran du bkol ba'i dam pa gong ma'i na
bza'/ ring ba srel/ skyes pa pho mo lo

fbrgya'am brgyad cu lon pa'i skra sen/ mi bsod nams can gyi gos
kyi gong ba'i dum bu/ bum nang du 'jug rgyu'i tsakli gtso 'khor
dgu mngon rtogs ltar bris pa/ rgyal srid sna bdun/ nye ba'i rin
chen bdun/ bkra shis rtags

@098b rdzas sogs mgon dkar ltar/ mthing shog gam rgya shog bzang
po la gser gyis bris pa'i sngags byang/ gzhi de ltar la gser
gyis bris pa'i dngos grub 'khor lo/ bum pa'i kha 'geb dang kha
chings/ bum gdan sogs kyang mgon dkar ltar dang/

dbang sdud gri lag dar thogs kyi gdams pa nyams su len par spro
na/ rkun chen grir shi ba'i lag pa g.yas pa yu ba sprad de 'dam
gyis gso/ tshon gyis kha bsgyur/ lag mthil du gser gyi padma 'dab
brgyad bri/ der 'dogs rgyu'i dar

nag lam tshal gyis sngags byang bris pa/ mda' dar tshon sna lnga
dang/ nyer spyod kyi snod dang gtor ma'i snod bcas kyang mgon
dkar ltar// ! klu'i bum gter la/ bum pa yul gyi bre gang chud
pa'i tshod tsam las chen po mi dgos/

mtsho nang du bskyur dgos rigs la kha gcod shin tu dam pa/ kha
'geb ras dkar rkyang pas chog /mdog dkar po/ steng du nor bu'i
'dra ba dra phyed dang/ smad du mtsho dang/ spal sbrul/ ngang pa
sogs klu nor sna tshogs bris pa/

mdun du dkyil du nor bu me 'bar/ 'di dag la dam rtsi dbang lag
las/ spyin sogs gtan nas ma 'dres pa/ lcags/ ra gan/ zhwa nye/
'khar ba/ ti tsha/ rdo rje pha lam sogs ma 'dres pa'i rin po
che'i rigs/ bra bo/ sran ma/

ske tsha/ shang tshe/ yungs kar sogs ma 'dres pa'i 'bru rigs sna
tshogs/ khyung sder/ tsha ba gsum/ gla rtsi/ dug rigs/ bshal sman/
skyug sman/ dan rog /sir pan rnams ma 'dres pa'i sman sna/ khyad
par klu sman

@099a @#/ /sna tshogs/ sha chang/ sgog btsong/ la phug sogs ma
'dres pa'i zas sna/ dkar gsum mngar gsum/ kha dog nag po ma yin
pa'i gos dar sna tshogs/ nang du klu'i gzugs

dod bzo bar gsungs kyang de ltar bzo mi dgos par rgya shog la
gser ram/ mtshal lam/ rgya snag gang rung gis bris pa'i klu chen
brgyad dang wa ru Na bcas kyi sngags byang spel tshig can dgu klu
rang mdog gi skud pas dkris pa bcas/ ! sgrol

ma tsitta maNi'i chu zlog la sAtstsha'i nang du 'khor lo 'jug
rgyur/ 'khor lo'i 'brig gzhi dar ras ser po dang/ sAtstsha'i
spar bcas da lta dgos shing/ gzhan rnams skabs mtshams las da lta
rang zhu mi dgos lags/ klu sman ni/ dngul chu

dbyangs can gyis klu gtor bdud rtsi'i rgya mtsho las/ dzA ti gur
kum cu gang dang/ /li shi sug smel ka ko la/ /ga pur tsandan
dkar dmar dang/ /zi ra dkar nag pu shel lce/ /rdo rgyus utpal
sngon po dang/ /snying mkha' gla gor zho sha

gsum/ /dbang lag chu srin sde mo dang/ /spang spos sle tres byi
thang ga /rgya mtsho lbu ba 'bras bu gsum/ /nA ga puShpe ge sar
gnyis/ /kaNDa ka ri shu dag dkar/ /thang lo smyug lo sbrul lpags
dang/ /gu gul dkar po rma bya'i mdongs/ /li khri rgya

mtshal lcog la dang/ /tha dkar rdo rje pri yang ku/ /'gi'u wang
'om bu g.yu sgong btsod/ /bal ngo se'u a ka ru/ /rgya shug ze
ma 'phangs chen dang/ /lcang ma stag shug smyag shad dang/ /dkar
gsum mngar gsum rin chen lnga/ /mgron bu dung dang

@099b dar tshon lnga/ /nas 'bras gro sran til dkar nag /so ma ra
dza rgun 'brum dang/ /shing mngar chag tshang ku ba gzi/ /ba dmar
ra dkar 'o ma dang/ /lan tshwa rnams ni klu sman yin/ /zhes
gsungs pa ltar ro// ! chab mdor gzhungs chen

po'i mdo smad bka' shag nas/ sa bcud bum gter bsgrub spas mdzad
skabs kyi rdzas tho bkod par/ sa gnas gang du'ang lha bum klu
bum zung 'brel re byung na legs pas/ de 'dra ji tsam dgos pa'i
grangs dang mnyam pa'i rdza bum so ma/ che chung yul

gyi bre gang shong ba las ma chung ba/ kha 'khor rgya che ba la
rdza yi kha gcod rang 'grigs/ sbyin gyis mi 'dres pa'i tshon gyis
kha bsgyur ba gzhi dkar po la nor bu'i dra ba dra phyed/ bkra
shis rtags rdzas/ khyad par klu bum gang yin la 'og tu chu ris/
nya/ lcong

mo; sbal pa sogs klu nor sna tshogs bris pa/ bum pa'i grangs
mnyam gyi bum khebs dang/ bum gdan/ lha bum rnams kyi nang du
klu dbang rgyal po gtso 'khor lnga'i tsakAM rgya shog la spar
btab pa/ klu bum gyi nang du nor rgyas la klu chen brgyad kyis
bskor

ba'i tsakli gong bzhin rgya shog spar ma/ tsakli rnams sbyar
gzhi shug pa'i shing leb/ nang du gzhug rgyu'i bum rdzas la/ klu
la gnod pa'i rdzas ke tshe/ shang tshe/ bra bo/ dan rog sogs bshal
sman dang/ skyug sman/ sha chang/ khyung sder/ btsan

fdug sogs dug rigs/ gla rtsi rnams kyi dri tsam yang ma 'dres
ba'i sman bzang drug spyi dang/ khyad bar thang lo/ smyug lo/
rma bya'i mdongs/ zir dkar nag /sngo sbrul lpags/ dbang lag /chu
srin sder mo/ dzA ti/ spos dkar/ utpal

@100a @#/ (/sngon po/ rgya mtsho lbu pa/ rgya mtshal lcog la/) dung
dkar/ snying zho sha/ mkhal ma zho sha/ /gla gor zho sha/ pu
shel rtse/ shu dag dkar po/ rdo rgyus/ puShbe ge sar/ nA ga ge
sar/ smyag shad lcug ma/ ga pur/

gur kum/ tsandan dkar dmar/ sman bye ril bu gang mang/ lcags
dang zhwa nye pha lam ma gtogs pa'i rin chen sna tshogs/ gzhan
yang 'bu mi 'jug pa'i shing 'bras sna tshogs/ dar sna/ gos sna/
ka ra/ bu ram/ sbrang rtsi ste mngar

gsum/ rgyun 'babs kyi chu sna gang 'dzoms/ ba dmar mo dang/ ra
dkar mo'i 'o ma/ mchod rdzas su dgos pa gla rtsi med pa'i rgya
spos/ spang spos/ dzA ti/ gong gi 'o ma khag gnyis/ spel tshig
skabs mtshams gsar bris chog pa/ yang chabs

cig sa snying gter bum bsgrub dgos na/ bum pa ya re'i nang du
dpus sus snying/ mtha' skor du sa'i lha mo/ yul de'i gzhi bdag
/sa bdag /klu mo bcas kyi tsakli mi 'dra ba las/ bum rdzas sogs
gong ltar/ tsakli rnams chab mdo

khul du spar med tshe bris bzo legs pa zhig spar gsar brko mdzad
dgos bcas kyi dgos tho snyan zhur lha reg bcas gus phul// !
(//yang grwa sgom sprul sku rin po cher dris lan du gnang ba/)
char 'bebs pa'i rim gro sho mdo dgon gzhung du

char rim ji ltar bya lugs snga lor shog dril zur bsrings ltar
sngon tshud nas nan tan bsgrub na 'di lor char chu bzang po
'byung re che zhing/ tsitta ma Ni'i las tshogs kyang rje btsun ma
nyid gyi gsung yin pas/ char 'bebs skor sogs tsitta ma Nir zab
tu mdzad

@100b na phan che 'byung nges myong bas grub/ lar bstan 'dzin
dam pa rnams kyis gtsos pa'i 'gro ba mang pos byang chub lam gyi
rim pa sogs shes rgyud chos dang 'dres pa'i nyams len la brtson
mi mang na dkar phyogs lha klu dgyes pas char chu dus 'bebs
'byung ba

chos nyid lags/ sngar chu 'go yod sa nas chu nyams te/ la phan
tshun gyi phar nang chu che zhing/ tshur nang chu chung bar song
ba la chu phan tshun bsgyur thabs mdze thod skam rlon gyi las
sbyor zhig dam can be'u bum du yod skad thos kyang man ngag ma
thob

fcing; bdag gi bla ma'i gsung rgyun du la phar rgyab kyi chur
chu gtad brgyab nas/ rang ngos kyi chu mig tu chu 'bod byed dgos
zhes gsubs byung ba/ des na chu gtad ni sgrol ma tsitta ma Ni'i
nang gi shwa zlog 'khor lo sAtstsha'i nang du sba rgyu de bzhin
la

phar rgyab kyi chu mig lta bur wa kha tshur ldog pa'i tshul gyis
sba zhing/ rang phyogs nas chu 'bod ni 'jigs byed kyi 'khrul
'khor la sbyar ba zhig yod pa de ma thub kyang/ gser sogs gang
mang gis klu'i bum gter tshad ldan klu wa ru Na'i bum pa

sgrub tshul thu'u bkwan rta pod kyi bum gter gras su yod pa de
ltar bsgrub 'bul thog /klu gtor dang/ 'byung ba chen po chu'i
g.yang 'bod yang yang nan tan bsgrub na chu 'go nges par rgyas
par 'gyur ba myong grub lags// (//

('di dang gong 'og nas 'byung ba'i gsung rnams kyang 'gro la bde
skyid 'byung ba kho na'i ched du stsal bas dan chung bar mi sems
te/ mkhas grub chen po thu'u bkwan chos kyi nyi ma'i zhal nas/
'dzam gling bde skyid ma dros gnas pa'i klu'i/ /mthu zhes rgyal
bas gsungs phyir gnad shes na/ /lha klu mchod pa'ang don chung
ma yi

@101a @#/ /pas; ;rang mthong yus kyis khengs rnams smra ba
skyungs/ /zhes dang/ /'gro ba'i bde sdug las kyis skyed mod
kyang/ /las kyis 'bras bu 'byin pa rkyen la ltos/ /rkyen sel rim
gro 'jig rten chos so zhes/ /smod par byed rnams rang nyid blun
par zad/ /ces gsungs ba'i

phyir ro// ! //'dir klu'i bum gter bsgrub 'bul bya tshul yi dam
'jigs byed la sbyar ba las/ gzhan tshang ma thu'u bkwan rta pod
kyi klu'i bum gter chog nyid bcos med du bri ba la/ ! klu'i bum
gter gyi cho ga la sbyor dngos rjes gsum las/ dang po ni/ rab
gser dngul/ 'bring

zangs/ tham rdza'i bum pa yul gang yin gyi bre gang shong ba'am
ma rnyed na ji ltar 'chams pa skyon bral longs ma spyad pa'i
gced ma kha dog rang bzhin gyis dkar ba'am tshon rtsi dkar bos
legs par byugs ba'i nang du/ lcags/ ra gan/ zha nye ma gtogs
pa'i gser dngul sogs rin po che/ bra bo/

sran ma/ ske tshe/ shang tshe; yungs kar sogs ma 'dres pa'i 'bru
sna tshogs/ khyung sder/ tsha ba gsum/ gla rtsi/ dug rigs ma 'dres
pa'i sman sna dang/ khyad par du klu sman tshang ma/ sha chang/
sgog btsong/ la phug ma 'dres pa'i zas sna dang/ khyad par du
dkar gsum mngar gsum

dang; ba dmar mo dang ra dkar mo'i 'o ma/ kha dog nag bo ma
gtogs pa'i gos dar sna tshogs/ dur khrod ma gtogs gnas byin rlabs
can dang sa dpyad phun sum tshogs pa'i sa rdo chu shing gang
'dzoms rnams gyis bum pa kheng bar blug /sbro na klu rnams kyi
gzugs 'bur dod bzos pa'i snying gar

shog dril bcug pa'am/ gzugs ma 'grub kyang/) oM ba su ka ya
phuHswAhA/ klu'i rgyal po nor rgyas 'khor dang bcas ba khyed
rnams kyis yul phyogs 'di dag dang/ bdag gam sbyin bdag (che ge
mo) zhes bar tshe dang dbang thang dpal 'byor

@101b longs spyod kyi dngos grub rgya chen po stsol cig /mi
byugs kyi nad yams/ 'khrugs rtsod/ btsa' than/ 'bu srin/ sad
ser/ mu ge la sogs pa nyer 'tshe thams cad dang/ khyad par du klu
dang sa bdag gi nad dang gnod pa thams cad nye bar zhi zhing mi
'byung

ba dang/ char chu dus su 'bebs/ lo phyugs rtag tu legs/ nor 'bru
longs spyod chos srid kyi legs tshogs thams cad 'phel zhing rgyas
pa'i 'phrin las mdzod cig (/ces rgya shog la rab gser dngul/
'bring mtshal/ tha ma rgya snag gis dag bar bris la dri bzang
dang klu

sman gyis byugs/ mgo nas nang du dril/ da ra skud dkar pos dkris
la bum pa'i dbus su gzhug /de bzhin du klu gzhan so so'i sngags
mthar/) klu rang rang gi ming dang spel tshig gong ltar sbyar
ba'i shog dril klu rang mdog gi skud bas dkris ba rnams phyogs
mtshams su ma nor bar bcug /'di ni longs spyod

rgyas pa'i phyir du nor rgyas gtso bor byas pa yin la/ chu mig
dang mtsho sogs rgyas pa dang char 'bebs lta bu la wa ru Na gtso
bor bya ba dang/ des mtshon dgos pa gang gi ched du klu gang gtso
bor bya ba dang/ sbel tshig dmigs bsal kha bsgyur byed tshul sogs
kyang shes par bya'o/ /bum pa'i kha shing

sogs kyi kha gcod 'grigs par bcos pas bcad la dar ras ser po
gang rung gis gtums pa tshon skud kyis bcings te mdud mtshams su
rgya gdab/ mdun phyogs su rin po chen bar ba 'bri/ stegs kyi
khar padma 'dab ma brgyad bris pa'i steng du bum pa bzhag /chu
gnyis nyer spyod dang/ klu sman bsres pa'i gtor ma gtso

'khor dgu pa'am/ zan ril blugs pa'i kham phor 'o mas bkang ba
dgu'am/ bsdu nag gcig dang 'byor na klu sman khrol bu gang tshogs
kyang bshams/ gnyis pa ni/ klu bum sgrub pa dang sba ba rnams
thebs dang mthun na legs pas/ klu thebs dang ldan pa'i nyin sha
chang sgog btsong tha ma kha sogs mi

@102a @#/ (/gtsang ba'i rigs spangs te khrus dang gtsang sbral
gnas pas/ bdag bskyed klu dbang rgyal po dang seng ge'i sgra
sogs mdzad pa shas che yang/ rgya gar gyi grub chen mang bos
rang gi yi dam gang yin gyi rnal 'byor gyi sgo nas klu gtor
gtong ba'i cho ga sogs

mdzad pas/ lha khro bo'i rnal 'byor gyis klu bum sgrub mi rung
ba ma yin pas/ 'dir 'jigs byed kyi rnal 'byor pa'i dbang du byas
te; bdag bskyed dpal rdo rje 'jigs byed chen po'i rnal 'byor
rgyas bsdus ci rigs bsgom pa sngon du btang/ bum ba bsangs
sbyangs/) stong pa'i ngang las paM

las padma dang a las zla ba'i dkyil 'khor gyi steng du b+hUM
las rin po che'i bum pa yangs shing rgya che ba'i nang du rin po
che las grub pa'i klu'i pho brang gi khor yug tu/ brag ri/ sbang
ljongs/ mtsho/ rdzing bu/ nags tshal/ me tog dang bcas pas

bskor zhing/ rin po che dang/ sman dang/ 'bru bcud/ zas nor
bzang pos yongs su gang bar (gyur par bsam/ de nas mchod pa/
gtor ma/ 'bru sman sogs rdzas dang yo byad rnams phyogs gcig tu
sngags drug dang/ phyag rgya drug gis byin gyis brlab par bya
ste/ dang po

chos nyid rnam par dag pa'i sngags rgyas sbyang ba ni/ thal mo
khong stong du sbyar ba snying gar bzhag la/) oM swa b+hA wa bi
shudd+hAHsarba d+harmAHswab+hA wa bi shudd+honyahaM/ (lan gsum
brjod/) yo byad ma dag pa rnams sbyangs te skyon thams cad dang
bral bar gyur (bar bsam/

nam mkha' mdzod kyi sngags rgyas sbel ba ni/ thal mo khong stong
sbyar ba'i tshigs par pa rnams bcag pa dpral bar bzhag la/)
namHsarba ta thA ga te b+hyo bi shwa mu khe b+hyaHsarba thaHkhaM
ung+ga te spha ra Na i maM ga ga na khaM swAhA/ (lan gsum
brjod/) mgron so so'i mos pa dang

ff@102b mthun pa'i yo byad kyis nam mkha' thams cad khyab par
gyur (par bsam/ bdud rtsi 'khyil ba'i sngags rgyas bsgyur ba ni/
thal mo sbyar ba'i kha gyen du phye ste mthe bong bsnol la/) oM
badzra a mr-i ta kuNDa liha na ha na hUM phaT/ (lan gsum
brjod/) rdzas rnams mgron so so'i sdug

ffbsngal mtha' dag zhi bar byed pa'i bdud rtsi'i rgya mtsho chen
por gyur (par bsam/ rgya chen shugs ldan 'od kyi sngags rgyas yo
byad dbang ba ni/ g.yas khu tshur bcings pa'i mdzub mo bsgreng/
g.yon rdo rje khu tshur snying gar bzhag la/) na maHsarba ta
thA ga ta a wa lo ki te oM samb+ha

fra samb+ha ra hUM/ (lan gsum brjod/) 'phags pa rnams kyi spyan
sngar mchod pa'i sprin mtha' yas pa dang/ sems can rnams kyi
dbang po lnga'i spyod yul du 'dod pa'i longs spyod zad mi shes
pa 'byung bar gyur (bar bsam/ ye shes skar mda'i sngags rgyas
thob

bar bya ba ni/ g.yas khu tshur bcing ba snying gar bzhag /g.yon
mthe bong lag mthil du bzhag pa'i mchog sbyin gyi phyag rgya
byas la/) oM dznya na a wa lo ki te na maH sa manta sphar Na
rasmi b+ha wa sa ma ya mahA ma ni du ru du ru hri da ya dza la
ni swAhA/ (lan gsum brjod/) lus

frdul gyi grangs dang mnyam pas 'phags ba rnams la phul bas
mnyes shing/ sems can rnams la yo byad rgyal pham dang rtsod pa
med par so so'i mos pa bzhin thob par gyur (bar bsam/ dbang
bsgyur 'khor lo'i lha mgron spyi'i sngags rgyas dbang du bya ba
ni/ sor

mo nang du bsnol ba'i rdo rje bsdams pa las mthe bong gnyis
gshib ste bsgreng la/) na maHsa manta budd+ha naM gra he shwa ra
pra b+hanydza te mahA sa ma ya swAhA/ (lan gsum brjod/) mgron
thams cad kyang dam tshig gi dbang gis bdag la 'go zhing/ phan ba
dang bde ba'i

f@103a @#/ /'phrin las sgrub par gyur (par bsam ste; phyag rgya
rnams phyogs bcur bstan/ de nas/) bdag gi bsam pa'i stobs dang
ni/ (/zhes sogs bden stobs brjod/) bum pa'i dpus su padma dkar
po 'dab ma brgyad pa'i lte ba 3 dang 'dab ma rnams kyi steng du
rang rang gi mdog can gyi phuHbrgyad yongs su gyur pa las/ dbus
su nor rgyas dngul mdog spyi bor utbal la sngon pos mtshan pa/
'dab ma brgyad la shar du mtha' yas gser mdog spyi bor padmas
mtshan pa/

lhor padma ser po spyi bor dpal be'us mtshan pa/ nub tu 'jog po
dmar po spyi bor nor bu dga' 'khyil gyis mtshan ba/ byang du chu
lha dngul mdog spyi bor utpa la sngon pos mtshan pa/ dbang ldan
du padma chen po dkar po spyi bor rtse

gsum la gdengs ka bdun ldan/ shar lhor dung skyong sngo skya
sbyi bor bkra shis kyi ri mos mtshan pa/ lho nub tu stobs rgyu
dkar dmar mgrin par ri mo gsum pas mtshan pa/ nub byang du rigs
ldan sngo skya mgrin par zla tshes kyis mtshan pa/ thams

cad kyang zhal gcig phyag gnyis pa/ stod lha'i lus ltar mdzes
shing/ lte ba man chad sbrul mjug tu bkhyil ba/ phyag gnyis kyis
rin po che'i gter gyi bum pa thugs kar bsnams pa/ rin po che'i
rgyan sna tshogs kyis brgyan pa/ g.yon phyogs na rang

'dra'i rig mas brten pa/ de'i spyi bor oM/ mgrin par AHthugs
kar hUM/ thugs ka'i hUM las 'od 'phros/ rgya mtsho chen po sogs
nas klu'i rgyal po 'khor dang bcas pa spyan drangs/ oM/ klu
rgyal mtha' yas nor rgyas bu/ /'jog po

@103b dang ni stobs kyi rgyu/ /padma padma chen po dang/ /dung
skyong dang ni rigs ldan no/ /lha mo lha mo chen po dang/ /zla
ba'i spyi gtsug spyi gtsug che/ /dbyug 'dzin dbyug 'dzin chen po
dang/ /sog ma med dang hu lunta/ /dga' bo dang ni nye dga' bo/
/rgya

mtsho rgya mtsho chen po dang/ /tsha ba tsha ba chen po dang/ /dpal
gyi 'od dang 'od po che/ /rin chen 'od dang gzugs mdzes dang/
/gzugs mdzes chen po sbrul bzang dang/ /lto 'phye chen po tshi li
dang/ /tshi li chen po rnams dag ni/ /mchod pa'i

fgnas 'dir gshegs su gsol/ /oM a gatstsha a gatstsha mahA nA
ga a d+hi pa ta ye sarba b+hur b+hu ba phruiphu swAhA/ dzaHhUM
baM hoHgnyis su med par gyur (par bsams la/) padma ka ma la ye
stwaM (gyis gdan phul/) oM mahA nA ga a d+hi pa ta ye grihne
daM arg+haM

swAhA; (de bzhin du/ arg+haM gyi gnas su/) puShpe/ d+hU pe/
dI pe/ gand+he/ nai wi tyai/ shapta (bcug pas mchod/) gdengs ka
nor bu 'bar ba'i 'od zer gyis/ /sa 'og mun pa'i tshogs rnams
'joms mdzad cing/ /bstan la rab dga' mthu stobs bsam mi khyab/

klu rgyal 'khor dang bcas la bstod par bgyi/ (/zhes pas bstod/
gtor ma 'bul ba ni/) oM AHba su ki ye hUM swAhA/ oM
AHa nantA ya hUM swAhA/ oM AHpadma ya hUM swAhA/
oM AHtak+Sha kA ya hUM swAhA/ oM AHwa ru NA ya hUM
swAhA/ oM AHmahA padma ya

swAhA/ oM AHshangkha pA la ya hUM swAhA/ oM AHkar ko
Ta kA ya hUM swAhA/ oM AHku li kA ya hUM swAhA/
(rnams la a kA ro btags pas phul/ bsdu na/ klu dga' ba'i phyag
rgya dag/ oM hi li hi li mahA hi li phruM phu swAhA/ (lan
gsum dang/) oM b+hak+Sha ya b+hak+Sha

@104a @#/ /ya sam ya tiShSha phruM phu swAhA/ (gsum gyis
bsngo/) ye d+harmA dang/ sdig ba ci yang mi bya sogs dang/ skar
ma rab rib mar me (sogs kyis chos sbyin byas nas/) klu chen
brgyad po 'khor bcas kyis/ ;mchod sbyin gtor ma 'di snoms

la/ /nad med tshe dang dbang phyug dang/ (/sogs kyis 'phrin las
bcol/ de nas bzlas pa bya ba ni/) rang gi thugs ka'i sa bon las
'od zer 'phros/ bum pa'i nang gi klu rnams kyi thugs kar phog
pas bskul te/ de rnams las rang 'dra'i sbrul pa

dang 'od zer gyi tshogs bsam gyis mi khyab pa spros/ 'jig rten
khams kyi tshe bsod dpal 'byor mkho rgu'i longs spyod thams cad
bdud rtsi 'od zer/ bkra shis rtags rdzas/ yid bzhin gyi nor bu
la sogs pa'i rnam par kha char

bu yug 'tshub pa bzhin du bsdus/ bum nang gi klu chen rnams la
sib sib thim/ de dag gi sku'i cha thams cad las dgos 'dod thams
cad 'byung ba'i yid bzhin gyi nor bu'i char chen po byung ste
bdag dang dmigs yul sbyin pa'i bdag

po'i gnas yul khang khyim bang mdzod thams cad gang ste nam
mkha' mdzod kyi gter chen po'i dngos grub stsol bar gyur/ (ces
bsams la/) oM ba su ki ye phuHswAhA/ (nor rgyas kyi'o/) /oM
a nantA ya phuHswAhA/ (mtha' yas kyi'o/) /oM padma ya phuH

swAhA; (padma ri 'o/) /oM tak+Sha kA ya phuHswAhA/ ('jog
po'i 'o/) /oM wa ru NA ya phuHswAhA/ (chu lha'i 'o/) /oM
mahA padma ya phuHswAhA/ (bde chen gyi'o/) /oM shangkha pA
la ya phuHswAhA/ (dung skyong gi'o/) /oM ka rkoT kA ya
phuHswAhA/ (stobs rgyu'i'o/) /oM ku li kA

ff@104b ya phuHswAhA/ (rigs ldan gyi'o/ /sngags rnams brgya
rtsa re la sogs pa gang 'tshams bzlas te/ thun 'jog khar/) oM
nA ga rA dza sa pa ri wA ra arg+haM (sogs kyis mchod/) gdengs
ka nor bu (sogs kyis bstod/) klu'i rgyal po 'khor dang bcas pa
rnams kyis bdag gam/ dmigs

fyul sbyin ba'i bdag po 'khor dang bcas pa'i nyer 'tshe thams cad
zhi zhing 'dod rgu'i longs spyod phun sum tshogs pa 'bad med lhun
'grub tu 'byung bar mdzad du gsol/ (zhes 'dod don gsol/ dge ba
bsngo/ thun phyi ma rnams la/) rang gi mdun du padma dang zla
ba'i

dkyil 'khor gyi steng du rin po che'i bum pa (zhes sogs dang/)
bum pa'i dbus su padma dkar po 'dab ma brgyad pa'i lte ba dang
'dab ma rnams kyi steng du dbus su nor rgyas dngul mdog (/ces
sogs sngar yod gsal 'debs tshul gyis bskyed/ de ltar zhag bdun la
sogs

bar bsgrub na legs shing/ ma 'grub na nyin chog tsam gyis legs
par bsgrub/ gsum pa ni/ de nas gang du 'jug pa'i gzhi der klu
tho lta bu brtsigs pa'i stod kyi cha la klu khang byas pa'i nang
du klu sman ra dkar dang ba dmar gyi 'o ma dang bsres pas chag
chag gdab/ spos dkar gyi dud pas 'dug /'bru dkar bkram pa'i
steng

ffdu bum ba'i mdun rang gnas su bstan te bzhag /khung bu'i kh
bcad pa zhal zhal byas/ klu tho brtsig pa ma 'grub na/ 'dom gang
tsam gyis 'og tu sbas te mi khyi sogs kyis mi 'gom pa bya/ de
nas sngar yod gsal 'debs tshul gyis bskyed cing mchod gtor phul/
bzlas pa cung zad byas la/) klu'i rgyal po 'khor

dang bcas pa rten 'di la brtan par bzhugs nas/ yul phyogs 'di
dag gi skye 'gro thams cad dang/ khyad par du rgyu sbyor sbyin
pa'i bdag po 'khor dang bcas pa la tshe dang dbang thang (zhes
sogs gong gi spel tshig ltar brjod pa'i mthar/) oM su pra
tiShTha badzra

f@105a @#/ /ye swAhA/ (zhes me tog 'thor/) ye d+harmA (dang
bkra shis kyi tshigs su bcad pa rnams brjod par bya'o/ /klu bum
sba ba'i gnas ni/ gtso bor mtsho rdzing ru mig gba' sbang nags
tshal skyed tshal sogs gtsang zhing dben la yid du 'ong ba rnams
su sba ba yin la/

fgtsug lag khang dang/ khang bzang la sogs bar sban rgyab mdun
gyi rtsig pa'i sked tsam du sba zhing/ tha mal pa'i khang khyim
gyi shar phyogs su ha cang mi ring ba'i gnas gtsang mar 'jog pa
las/ mi khyis 'gom pa'i gnas dang/ mi gtsang ba dang dri ngan pa
dang/ sha chang gi khang ba dang/ thab tshang dang thag nye ba'i

gnas rnams su mi rung bar gsung/ deng sang mchog dman thams cad
la de 'dra'i rtog dpyod med pa khyi phag gi rab yan chod du lha
bum klu bum sogs sba bar snang ste phan pa las gnod pa cheb gor
mchags so/ /'di'i phan yon ni/ mgon po klu sgrub kyis/ gnas
khang gi shar gyi phyogs su gter du sbas na phongs pa'i sdug

bsngal dang bral bar 'gyur ro/ /glu'i gnod pa thams cad dang
bral bar 'gyur ro/ /khyim de'i skyes pa dang bud med thams cad
'phel zhing rgyas par 'gyur ro/ /zhes gsungs so// ! //grub pa'i
dbang phyug rje gser khang ba chen pos mdzad ba'i 'byung ba chen
po chu'i g.yang 'bod gdengs can dga'

byed chu bo bzhi'i rgyun bzang zhes bya ba/) oM swasti/ ('byung
ba chen po chu'i g.yang 'bod bya ba ni/) hUM; mi 'jigs stobs
sogs yon tan rtsal rdzogs pa'i/ /rgyal dang de sras nyan thos
rang rgyal dang/ /bden gsung dam can rgya mtsho'i byin mthu yis/
/ji ltar smon 'bras

myur du 'grub gyur cig /stong gsum mi mjed bdag po tshangs pa
dang/ /lha dbang brgya byin nye dbang so gnyis dang/ /phyogs
skyong bco lnga mthu chen 'khor bcas kyis/ /nam yang mi 'grib
chu yi dpal g.yang stsol/ /yon tan brgyad ldan ma dros

@105b mtshor gnas pa'i/ /klu dbang byang chub sems dpa' sras dang
bcas/ /grangs med gdengs can 'khor tshogs 'dir bzhugs nas/
/phyogs bcu'i chu g.yang rgya mtsho'i dpal stsol cig /sa 'og
gnas kyang bstan la rab dga' ba'i/ /dga' bo nye

dga' 'jog po stobs kyi rgyu/ /padma dung skyong la sogs klu chen
rnams/ /mthu stobs dbung bskyed phyogs bcu'i chu g.yang stsol/
/khyad par chu yi bdag po wa ru Na/ /chu yi dngos grub deng 'dir
mi stsol na/ /chu bdag ming de don med ngo re gnong/ /

des na chu 'dod bdag cag re ba bzhin/ /chu rgyun 'dzad med gang
gang bsam bzhin rdol/ /chu yis bskyed pa'i lo tog rtsi shing
rnams/ /chud mi za zhing sngo ljang myu gu'i tshal/ /chu bo'i
klong bzhin rgyas pa'i phya g.yang stsol/ /sa chen bdag po

lha mo bstan ma dang/ /sa phyogs 'di yi yul lha gzhi bdag rnams/
/sa 'di'i mi rnams bde zhing skyid pa'i gzhi/ /sa bcud lo tog
rtsi bcud rgyas par mdzod/ /mdor na snod kyi bkod pa bzang ngan
gang/ /bcud kyi sems can las kyi ri mo'i 'phrul//

fde phyir bdag cag sdig pa'i las la rngams/ /rgyu mthun bdag
po'i 'bras bu cher bdo ba'i/ /chu bo'i rgyun 'bri btabs pa'i lo
tog dang/ /rtswa ldum skyed tshal thams cad than gyis gdungs/
/rdo gseg tshwa rgod zhig dral ngam grog gi /skyon brgya'i dri ma

'khrud phyir slu med skyabs/ /mchog gsum dpu gsol dkar phyogs
lha klu la/ /bdag cag skyid phyir chu yi dngos grub slong/
/dgyes byed sman dang mthun rdzas mchod gtor bshams/ /sngags
rgyas byin brlabs gus pas 'bul lags

@106a @#/ /na/ ;bnes la chu yi dpal g.yang kun 'dzoms pa'i/
/lhung lhung sgra 'byin yan lag brgyad ldan chab/ /dal gyis babs
pas 'dod ldan zhing pa yi/ /re ba'i 'bras bu myur du smin par
mdzod/ /de'i

mthus mi rnams dge bcu'i khrims kyis 'tsho/ /dkar phyogs lha
klu'i stobs rgyas gze brjed dang/ /bde skyid rdzogs ldan dpal la
'gran bzod pas/ /sa yi steng kun khyab pa'i bkra shis stsol/
/rgyal sras dam pa rnams kyi byang sems

dang; ;nam yang 'gyur med chos nyid bden mthu las/ /bdag gis
gsol zhing smon lam btabs pa'i 'bras/ /myur du 'grub mdzod bla
ma dkon mchog mkhyen// (//klu'i bum chog dang/ 'byung ba chu'i
g.yang 'bod 'di gnyis rje dam pa nyid kyi

fbka' rtsom sras min yang/ gong gnal chu 'bor dres lan gyi don
phyag bzhes su bstar dgos rigs la nya bar mkho byir 'dir ma dpe
ltar bris pa'o//) ! //sger gsar byung ba nas dal ma ji gsungs
skor/ gzim khang ar brgyag mdzad rgyu ar pe'i bshig dbral

gyi sngon du ar chog dang lha klu spo chog ces pa cho ga so so
nas bsgrub rgyu yod pa de dag snyan gsan nyin gcig sngon du 'gro
dgos sogs phyag bzhes ma nyams pa nan bsgrub dang/ dngos gzhi'i
skabs klu gtor gyi cho ga sogs legs

par shes shing/ de'i ring sha dang sgog btsong sogs 'dzem pa'i
dge slong rnam dag nas gru sman mchod gtor sogs legs 'dzoms kyis
klu thebs nam yod la klu gtor ma chag pa bcas nan tan mdzad na
legs// (! mdo smad kha rong shog yul spyi

@106b kha gnang ba/) chu rgyun la phan thabs dgos lugs kyi
'phrin 'byor ba/ spyir dus kyi dbang gis 'dod rgu rim gyis nyams
pa dang/ char chu zhan pa dang/ lhag par mi dge ba'i bdag 'bras
mngon du gyur pas yul phyogs phal cher du sngar chu rgyun yod

sar phyis chu rgyun 'byung dka' bas/ der yang 'dod khengs chu
rgyun 'phel ba zhig rang 'ong dka' yang thabs zab gang drag
bgyis na cung zad phan thogs 'byung nges dang/ spyir chu rgyun
'phel 'grib ni/ der klu gnas mi gnas dang/ glu de'i 'byor pa

'phel mi 'phel la rag las pas klu gnas nyams pa gso zhing/ klu
gnas de dang der chu bdag wa ru Na'i gter bum gser sogs rin po
che dang/ klu sman gyis phyug pa nus ldan skyes bu dam pa tshad
ldan nam/ dge slong tshul khrims rnam dag nus

ldan gyis cho ga phyag len rnam par dag pas klu gtor bcas yang
yang bsgrub cing sba na chu rgyun 'byung ba la khyad che/ khyim
gyi mi nor spyi la rab gnas dge legs char 'bebs yang yang dang/
rang yul gyi gtsug lag khang dang/ sku gsung thugs

rten; dge 'dun gyi sde rnams la sri zhu bkur ste dang mchod
sbrin gang nus bgyid cing/ las 'bras kyi blang dor la tshul bzhin
du 'bad na bde skyid rim bzhin 'phel bar 'gyur ro// ! char 'bebs
par 'gro ba'i tshe/ chu mig so sor klu

gnas min brtag pa ni/ chu mig khar mgo gtums la/ yi dam gyi
sngags gsham du sngags 'di stong tsho gsum bzla'o/ /sngags ni/
nA ga ye swa ya swAhA/ zhes bzlas bas lus dang gdong cung
'phrig pa dang/ gyon pa dang lus la shig btsan thabs su

@107a @#/ /brgyag ba/ kha dang rna ba nas shig tshur 'ong ba sogs
byung na klu gnas pa'i rtags dang/ cho 'phrul ma byung na klu mi
gnas pa'i sa yin pas gzhan du spo bar bya'o/ /nus ldan gyi rtogs
pas rtags byung ba'i tshe sngags

rnams yun ring du bzlas na klu rnams skad ngan 'ong/ de byung ba
dang ltab brtan bar byas la bcu re/ sngags 'di sbel nas 'don/ a
ma tsa du a tri sa na sha mi g+hi rbad sod/ ces yid kyis mna'
bsgag bas rang gis gang bcol nyan bar 'gyur ro/

sngags 'di phyis mi bzla'o/ /! sbrul sku rin po che nyid nas da
lam ji ltar phebs pa'i don/ char 'bebs mdzad rgyu sgrol ma
tsitta ma Ni 'di rang thugs rje 'phrin las ches myur/ kho bos
char 'bebs snga phyi 'di'i sgo nas byas tshad la ma mtha' nyin
lnga

'gyangs med char gyi rgyun chen po zhag mang babs pa sha stag
byung ba myong grub la/ sku nyid nas kyang 'di'i sgo nas mdzad
pa legs shing/ de yang gnas skabs ljags bsnyen rgyas pa ma grub
kyang/ yi ge bcu pa 'bum phrag gcig kha skong zhi ba'i sbyin

sreg bcas 'phral gnang gi thog nas/ snga lor zab khrid phul ba
ltar de khul zin bris yod nges la yig cha dang phan tshun gung
sgrig ste mdzad na 'thus/ skabs skabs su bdag mdun las 'od zer
sbros te rgya mtsho las klu chen brgyad gdan drangs te

nam mkha'i dbyings su khyab ste bzhugs pa'i sku las char sprin
spro ba dang/ mdun bskyed las char sbrin stug po spros te nam
mkha' khyab pa dang/ gzhan yang klu phran sdom dang/ sdig pa/
sbrul sogs kyis kyang sprin gyi bar rnams khyab par mos

@107b shing; yang klu rnams kyis lus sprugs pas char chen bo
babs par mos kyang legs/ char 'bebs kyi cho ga ma bgyis pa'i
skabs kyang rgyun gyi nyams len bla ma mchod pa'i tshogs zhing
las thugs rje'i sprin phung spro ba dang/ klu 'gug pa sogs dmigs
pa

gong ltar byas pas kyang char 'bab pa la khyad che bar 'dug
/ngos nas kyang rgyun du skyabs 'jug stabs bde zhu mi rnams la
'di nyid rang gtso bor byed/ spyir char 'bebs sogs gtso bor spyi
mthun gyi bsod nams dang/ dam tshig dang/ grub mtha'

ris mi gcig pa dam sel yod rigs sogs kyis shin tu gnod che bar
'dug /yang char bgegs zhi phyir char 'gong bsreg pa dang/ khro
bcu'i srung 'khor bsgom pa dang/ chos skyong chen por bskang
'phrin sogs bsgrub na'ang gnad che bar

snang; lar lo 'dir 'di ga rong por char rgyun mi chad du babs
byung ba tsam las/ khyung po khul/ rgya ston khul/ sog khul
tshang mar char shin tu dkon par byung 'dug pa spyi mthun gyi las
rang yin 'dra yang/ bla ma lha dang/ chos skyong bcas kyi

thugs rje bskul te thugs bskyed nan tan mdzad na mchog gsum slu
ba med cing/ rgyu 'bras rten 'byung 'gog pa med pa'i 'bras bu
gdon mi za bar 'byung nges lags pa dbyings rol/ ('di'ang sho mdo
grwa sgom sprul sku rin po che'i zhul na du gnang ba'o// ! //

zar 'bebs kyi gnad rim gal po che zhig la stsal ba/) phan bde'i
sbrang char 'bebs dka' 'di dag gtso bo spyi mthun las dang/ lhag
par char 'gong gis gnod rkyen yin nges la/ gnad dmigs rim gro
/byang sems nus ldan skyes bus char 'bebs kyi cho ga dang/

@108a @#/ /char 'gong mnan bsreg yang yang/ klu chen gnas nges
kyi mtsho gnyan po dag la rin chen sna lngas gtams pa'i gter bum
zab 'bul dang 'brel/ klu chog /klu gtor/ klu'i rgyal po ma dros
pa'i mdo chog

gang rgyas/ bod ljongs klu chen grags che gang yod sar klu chog
gnad smin/ yul gru so so nas gtor ma brgya rtsa dang 'brel ba'i
lan chags gtor ma 'gro che/ dam tshig rdo rje'i bzlas pa bye ba/
bkra shis gso sbyong/ dkar phyogs

lha klu yongs la bsangs khrus rgya che/ mi min 'byung po yongs
la brngan dang gtor ma gang rgyas/ sde brgyad cha snyoms/ rang
rang yul gru so sor rab tu gnas pa dge legs rgya mtsho'i char
'bebs bcas gnad bsnun 'bad tshe bzang ngo gsal

ba de don chos klong du rol ba mkhyen;; ! (//bar khams sho mdo
dgon rdzong spyi la lo 'bras than bas gdungs ba gso ba'i skyabs
lan du gnang ba/) 'di lor yul phyogs phal cher du char rgyun
shin tu dkon pa spyi mthun las bskos kyi myong bya ste/ skye
'gro phal

cher gyis ser sna 'dod chen ngoms med du spyod pa las/ mchod
sbyin bsod nams kyi skal ba dbul bo'i phye ltar phra ba dang/
lhag par lta grub chal chol sna tshogs 'dres ba'i dam sel dang/
dkar phyogs skyong ba'i lha klur nyams grib/

bcog grib sogs kyis gos shing nyams pa/ nag phyogs 'byung po
rnams kyi mthu rtsal bdo ba sogs rgyu rkyen rten 'byung gi mthu
sna tshogs shig 'dzoms pa las byung ba gdon mi za na/ gtso bor
spyi mthun bsod nams gso phyir dkon

@108b mchog gi zhing la bsod nams kyi sa bon ci nus bskrun cing/
dge 'dun 'dus tshegs gang rgyas nas rab tu gnas pa dge legs rgya
mtsho'i char 'bebs/ rgyal ba'i bka' 'gyur dag sgrog /yul gru so
so'i rten gsum ri klung dang bcas par

rten khrus yul khrus gang mang/ srung ma'i dbang po rnams kyi
bskang 'phrin spyi dang/ khyad par rgyal chen rdo rje'i mtshan
can gyi bskang tshogs 'gro che/ gnyug mar gnas pa'i gzhi'i bdag
po yongs la bsangs dang gtor mas brngan pa/ sa bcud bum

gter/ rang yul gyi mtsho klu chen gnas nges la gser sogs rin po
che dang/ klu sman sogs kyis bkang ba'i gter bum 'dod gsol smon
tshig dang bcas pa 'bul zhing/ klu gtor yang yang/ yul gru so sor
brgya rtsa dang 'brel ba'i lan gter

'bum phrag bsngo ba/ skyes bu dam pa rnams nas klu chen brgyad
kyi sbyin sreg dang/ klu chen gnas nges kyi mtsho khar char 'bebs
kyi chog /char 'gong bsreg mnan/ khro bcu'i srung zlog /dge 'dun
dag nas bkra shis gso sbyong dang/ khyim pa

rnams nas kyang theg chen gso sbyong len zhing/ skyabs 'gro dang
sgrol ma 'ur 'don bcas bsgrub na cung zad phan do dang/ gzhi
rtsa rgyun du lo re bzhin sngon tshud nas 'di ltar gang nus
bsgrub pa gal che ba bcas dgongs 'jags 'tshal// ! (//me byi

lor chab mdo bla brang la gnang ba/) sbyir char chu dus babs/ lo
chu rtag legs sogs skye 'gro spyi mthun gyi bsod nams kyi skal
ba nyag gcig dang/ skabs su gza' lnga'i 'gros bzhi/ nyi zla'i
rang 'gros spyi 'gros/ sgra gcan gdong 'jug sogs rgyu skar dang
'dzoms gyes

@109a @#/ /kyi khyad par dang yul tsho so so'i ming skar 'phrad
lugs sogs khyad par sna tshogs kyis/ yul dang dus so sor char
rgyun dkon mod sogs 'byung ba'i 'phel 'grib sna tshogs 'byung ba
chos nyid bcas la brten/ zla ba 'di nang yul phyogs

'dir char babs dka' ba 'di dag kyang de lta'i khyad par sna
tshogs kyis rkyen pa yin shag khar/ lhag par khul 'dir 'di lor
zab rgyas chos kyi gru char sngar mi grags lta bu byung rkyen
chos zab bdud sdang gis nag phyogs mi dang mi min 'byung po ci
rigs

kyis sgo kun nas glags tshol ci thub gang thub brtsams pa'ang gor
ma chag pa bcas/ gang ltar gtso bor sbyi mthun bsod nams gso ba
gal che bas/ lo tog spyi'i rim gror rgyal ba'i bka' 'gyur dag
sgrog /sgrol chog dang 'brel ba'i sgrol ma

'bum ther/ klu'i rgyal po ma dros pa'i mdo chog /gdugs dkar
bzlog chen/ khro bcu'i phyir bzlog /rdo rje 'jigs byed klu
brgyad dang bcas pa'i sbyin sreg /zhi rgyas kyi sbyin sreg /dam
tshig rdo rje'i bzlas pa bye ba/ yul tsho so sor brgya rtsa dang

'brel ba'i lan gtor 'bum ther/ rten khrus yul khrus/ gzhi bdag
la bsangs dang rgyag brngan/ sde brgyad cha snyoms/ cha gsum/
maNi yi ge drug ma dang dmigs brtsem 'ur 'don bcas nan tan dang/
gzhi rtsa klu chog sbyor dngos rjes gtsang gnang

bsnun 'bad mchog gsum bden mthu slu ba med pas char rgyun bzang
bo rim bzhin 'beb par gdon mi za bas de lugs thugs la 'dog par
mdzod// (gzhan yang zhal gdams kyi rim pa sogs bka' rtsom ci
rigs ba mang du yod pa las phal cher zhig bslab bya'i gras dang/
gsung

@109b tshan pa'i skor sogs su bzhugs shing/ sku tshe'i stod kyi
lngags rtsom mang po zhig rim dpe yang ma rnyed do/ /'di dag nisku drin zla
med 'khor lo'i mgon po rje 7pha bong kha pa dpal
bzang po mchog gi gsung zin bris 'khrul med sna tshogs/ cung zad
'dra min rgyas bsdus bsub 'jug yod rigs rnams kyang/ gsal ba'i
cha nyid blun rmongs bdag 'dra'i 'gro la cung zad

tsam re phan kyang srid snyam du ma phi ltar bris pa'o/ /'dir
smon pa/ bdeO chenO chos dbyings rigs brgya'i 'khorX loX yang/
/gcig tu sdomX pa thub bstan snying poO mchog /'dzin mdzad bka'
drin gsum ldan pha bong kha/ /mnyam med bla ma'i zhabs sen gtsug
na rgyal/ /rgyal kun gsang gsum rdo rje'i sgyu ma'i sprin/ /rab
'byams zhing du spro dang sdud pa'i bdab/ /mgon

khyod las gzhan sa 'dir gang na zhes/ /grags nga mkha' khyab
rgyal ba'i zhing du snyan/ /gang thugs chos dbyings gzugs kyi
bkod par ni/ /rab 'phrul zhing 'dir tha mal mi yi srid/ /'dzin
pas thub bstan bye ba'i snying po'i bcud/ /legs byin bka' drin
phal gyis do zla min/ /khyad par bdag kyang dgung grangs nga
bzhi pa/ /lcags lug nas

bzung lcags mo sgrul gyi bar/ /bcu gcig yun du chos dang zang
zing gis/ /dgyes bzhin bskyangs pa'i skal bzang skal bas mtho/
/de lta na yang sngon goms las nyon gyis/ /chad med mnar la
gnyen po'i mthu dman phyir/ /sgrub pa'i mchod pas 'dun ma'i rtse
mo ru/ /ma son tshe sngon bag chags dman pas nongs/ /lhag bar dam
pa'i dgongs

sgrub zhal chab rgyun/ /bsten la mi bzod tsher ma gzengs rno
zhing/ /'dod sdang tshang tshing dkrigs pa'i nags klung khrod/
/ches cher ngal ba las kyis de bas nongs/ /'on te chos spyod
dang po'i gzhan gsos kyis/ /dgyes pa bsgrubs la snying por brlom
bzhin du/ /gsung tshogs phrin las blo yis lcigs dka'i cha'i/
/zegs ma

'ga' zhig 'ga' la phan phyir bkod/ /skyes sbyangs rgya khab bug
pa bas phra zhing/ /blo gros brtson pa'i stebs kun ches dman
phyir/ /'dir ni col chung nongs pa mchis so cog /tshul bzhin
mkhas pa'i tshogs la snying nas 'chags/ /'di ltar 'bad la lhag ba
dkar bo'i cha/ /mchis tshad mchog dman bar ma'i dad brtson

@010a @#/ /can; ;yongs la chos mthun phyag cha nyid gyur te/
/bstan pa'i snying po rgyas pa'i rgyur gyur cig /ces pa 'di ni
rang gi mos pas yang yang bskul ba'i nyer len la brten nas/
khyab bdag 'khor lo'i mgon po mtshan brjod par dka' ba rdo rje
'chang 7pha bong kha ba bde chen snying po dpal bzang po'i bka'

'bangs yongs kyi tha shal ban gzugs chos med nad ba rlung khams
pa 'dan grwa sud+hI badzra/ rang gis yig 'bri'i phyag phyir 'bad
ring bgo skal du thob pa'i rje de nyid kyi gsung dris lan phran
tshegs thor bu 'ga' shas zur du mchis pa rnams/ sna tshogs zhes pa
chu pho rta'i lor yun ring bro 'tshal ba'i skabs su ngal ba cung
zad bsten khul

gyis; skyabs mgon bla ma rdo rje 'chang gi gad nas khyad par can
dben pa'i gnas mchog bkra shis chos gling du bsgrigs pa 'gro don
'phel//) //! dad dam mtshungs med lha klu dga' tshal bas/ /yon
sbyar mthun rkyen 'brel tshad bla ma yis/ /tshe rabs 'bral med

mnyes bzhin rjes 'dzin cing/ /zung 'jug rdo rje 'chang dbang
myur thob shog /dge legs 'phel/ /