@#/ /sgra'i zin bris bzhugs so/ /

@001b @##/ /de la 'dir rgyal ba mi pham mgon po'i mdo sde rgyan
las/ rig pa'i gnas lnga dag la brtson par ma byas na/ /'phags
mchog

gis kyang thams cad mkhyen nyid mi 'gyur te/ /de bas gzhan dag
tshar bcad rjes su bzung phyir ngang/ /bdag nyid kun shes bya
phyir de la de brtson bya/ /

zhes gsungs pa ltar/ thams cad mkhyen pa'i go 'phang thob par
'dod pa rnams kyis blang dor gyi gnas phyin ci ma log par tshul
bzhin du ston pa'i

thun mong ma yin pa nang rig pa'i bstan bcos chen po dag la thos
bsam bsgom gsum gyis 'jug dgos par ma zad/ phyi nang thun mong
ba'i bstan

@002a @##/ /bcos phas rgol tshar gcod pa'i yan lag tu sgra dang
gtan tshigs rigs pa/ skal ldan rjes su 'dzin pa'i phyir bzo dang

gso ba rig pa ste rig gnas chen po lnga la slob dgos shing de'i
nang nas kyang/ thog mar sgra'i gtsug lag la 'jug par rigs te/
thon mi saM b+ho Ta'i sum cu pa las/

bslab pa'i rim pa 'di yis ni/ /gang zhig 'bad pa chung dus
kyang/ /shes rab myur du grol bar 'gyur/ /de phyir dang por 'di
nyid bslab/ /ces dang/ tha snyad la

ni ma brten par/ /dam pa'i don ni rtogs mi nus/ /zhes sogs shing
rta chen po dag gi gzhung las mang du byung ba ltar/ de yang
sgra'i lo rgyus kyi dbang du byas na/

@002b thog mar sum cu rtsa gsum du sarba dznya zhes pa'i lha
chen po zhig byung nas lha'i dbang po brgya byin la sgra bslab
ste/ indra byA kar Na zhes bya ba'i bstan bcos mdzad/ brgya
byin gyis drang srong phur bu la bslab ste/ lha

rnams la sgra slob slob dpon du bskos so/ /de rlom pa'i nga
rgyal che bas lha rnams kyis brten dka' bar 'gyur ba la/ lha'i
dbang po brgya byin gyis gser gyi bum pa bskur te rgya mtsho chen
po nas chu bum pa gang

longs shig gsung bas blangs pa na de las ku sha'i rtse mos chu
thigs gcig blangs te/ phur bu la smras pa/ sgra yi bstan bcos
rgya mtsho tsam/ /kho bos shes pa bum gang tsam/ /khyod kyis shes
pa chu thigs

tsam; ;gsungs pas/ kho'i nga rgyal zhi/ yi chad de sgra mi 'chad
do zhes dam bca' ba na/ lha'i dbang pos/ rang gis ji ltar shes
pa ston cig dang/ phan thogs par 'gyur ro gsungs pas/ dam bca'
dang mi 'gal

ba'i phyir/ dus bzang bzhi bsrung bar bya ste/ tshes brgyad slob
dpon nges par 'joms/ /bcu bzhi la ni slob ma 'joms/ /gnam stong
la ni rigs pa 'joms/ /tshes gcig la ni thams cad 'joms/ /zhes

gsungs nas/ dus gzhan gyi tshe sgra'i 'chad nyan byas so/ /de'i
rjes su bcom ldan 'das kyis lang kar gshegs pa'i mdo las/ sgra
byed pa ni pA Ni'o/ /zhes dang/ 'jam dpal rtsa rgyud las/ bram
ze khye'u pA

@003a @#/ /Ni ni/ /nges par nyan thos byang chub tu/ /nga yis
lung bstan byas pa yin/ /'jig rten dbang phyug bdag nyid tshe/
/de nyid de yi sngags 'grub po/ /zhes gsungs pa ltar/

sangs rgyas mya ngan las 'das nas lo bzhi brgya tsam na zam ze
khye'u pA Ni zhes pa gcig byung ste/ sgra slob par 'dod nas lag
ris brtags pas mtshan ma mi gsal ba la mtshon rnon pos blo rno
ba'i lag ris rang

gis bris nas slob dpon btsal bas ma rnyed par 'phags pa spyan
ras gzigs dbang phyug yi dam gyi ltar bsgrub pas zhal mngon sum
du bstan nas ci 'dod gsungs pa na/ sgra shes par 'tshal zhus pas/

a i uN sogs yi ge bsdu ba bka' bstsal ma thag nas lha'i byin
rlabs kyis sgra legs par shes nas/ pA Ni pa zhes pa'i bstan
bcos mdzad/ de la klu'i rgyal po nor rgyas kyis shlau ka 'bum
yod

pa'i 'grel ba mahA b+hraSha zhes pa mdzad de shin tu ngar bar
gyur/ kAl pa ni de nas dus phyis rgyal po bde spyod bzang po
zhes bya bas/ legs sbyar gyi skad shes pa cig btsun mor blangs
te/ khrus kyi rdzing

bur zhugs te rtsed pa na/ rgyal pos btsun mo la chu cung zad
gtor bas/ btsun mos/ ma mod kA pa nytsi zhes brjod pa/ saM skr-i
ta'i skad du bdag la chu ma 'thor zhes pa yin pa la/ rgyal pos
phal

@003b skad dang sbyar nas til gyi la du bslang zhes par go nas/
pho brang du slebs pa na/ til gyi la du zhig bskur ba dang/
btsun mos 'di ci zhes smras pa la/ khyod slong ba la rgyal pos
bskur ro zhes

brjod pas/ ngas nam bslangs/ rdzing bur khrus byed pa na'o/
btsun mo'i bsam pa la/ legs sbyar gyi sgra cung zad tsam yang
brda' mi 'phrod pa'i rgyal po ba glang dang 'dra ba 'di dang
'grogs pa las

shi ba dga' snyam nas lcebs par rtsom pa na rgyas pos ci yin
'dri bas gong gi lo rgyus rnams bsnyad do/ de nas rgyal pos
kyang sgra slob par dam bcas te btsun mo spro sangs pa na rang
gi zhang

po dbang phyug go chas/ rgyal pos slob dpon mkhas pa'ang rnyed
par dka'/ rnyed kyang yun ring du ma bslab par mi shes pas rgyal
rigs kyi bya ba mang po 'chor/ des na bdag gis 'dod pa'i lha
bsgrub ste shes par

byas na rgyal po'ang tshegs chung dus bya'o snyam du gzhon nu
krI rti kI'am smin drug bsgrubs pas zhag bdun na gzhon nu smin
drug rma bya la zhon pa gdod drug pa lag na mdung thung thogs pa
zhig zhal dngos su

bstan nas ci 'dod zer ba la/ sgra shes par 'tshal lo zhes smras
pas/ sidd+ho warNa mAM nA yaH zhes pa nas/ mtshams sbyor rkang
pa lnga/ ming le rkang pa drug /kun bshad rkang pa bzhi bshad
pas/ de tsam

@004a @#/ /gyis 'tshal lo byas/ lha'i byin rlabs dang/ rang gi bag
chags sad pas yang dag par shes te/ nga yi lag g.yas padma yod/
/lag pa g.yon pa utpal/ /'jam pa'i yu ba'am

rtsub pa yis/ /padmo'i mig can gar 'dod smros/ /zhes pa'i shlau
ka legs sbyar gyi skad du btsun mo la bskur bas rab tu dga'o//
durga seng+ges 'grel ba dur seng dang/ bram ze grags 'byor gyis
slob ma la phan

pa zhes pa'i 'grel ba mdzad de dar rgyas su mdzad do/ /tsandra
pa ni/ rgya gar shar phyogs b+ha ga lar 'khrungs pa'i slob dpon
tsandra go mi zhes pa rig pa'i gnas lnga la shin tu mkhas pa de
nyid kyis tsandra byA kar zhes

pa'i mdo brtsams/ de la paNDi ta ratna mtis shlau ka stong phrag
bcu gnyis mdo'i 'grel ba mdzad de 'phags pa'i yul du dar zhing
rgyas par mdzad/ gzhan yang dpal ldan zla ba grags pas/ sgra mdo

kun tu bzang po zhes bya ba'i gzhung chen mo zhig mdzad/ phyis
su tsandra pa'i sgra mdo gzigs pa na de'i 'phrin las su gnod par
dgongs nas/ khron pa'i nang du dor ro/ /khron pa de las lkugs pa
zhig gis

chu 'thung zhing khrus byas pas/ legs sbyar gyi sgra bzang po
shes te rgod cing 'khrabs pas chu len pa'i bum pa bcag go /de
nas dge sbyong mang pos lkugs pa la 'thab cing bum pa chag pa la
mi dga'

@004b bar byas pas/ lkugs pa na re/ dge sbyong sbyin pa'i
bsngags pa brjod/ /slong la skyu ru ra tsam yin/ /'dus byas mi
rtag ces brjod cing/ /bum pa chag la mya ngan byed/ /ces pa legs
sbyar gyi skad du smras

so; ;slar yang lhas lung bstan pa ltar sgra mdo de nyid khron pa
nas byung ste bshad nyan byas pas nyi zla ltar grags so/ /de dag
ni 'phags pa'i yul du sgra'i mdo bstan bcos byung tshul mdo tsam
brjod pa yin la/

bod du ngar tshul ni/ shong ston lo tsA ba rdo rje rgyal mtshan
'phags yul du byon nas legs sbyar la mkhas par byas nas dpang lo
tsA ba blo gros brtan pa la legs par bshad cing/ des kA la pa
dang/

tsandra pa'i 'grel ba cha lag dang bcas pa bod du bsgyur zhing/
'chad nyan gyis legs par gtan la phab te/ skal ba dang ldan pa'i
gdul bya bsam gyis mi khyab pa'i blo gros kyi padmo mchog tu
rgyas par

gyur to// // @#/ /dang por sgra'i bstan bcos 'di ni sangs rgyas
bcom ldan 'das kyis dngos su gsungs pa med mod kyang/ rgyal ba
kun gyi yum gcig ngag gi dbang phyug dbyangs

can ma nyid gang gsungs pa'i chos ni bcom ldan 'das kyi bka' ma
yin pa'i sgra sor bzhag mi nus shing/ nyid kyang spangs rtogs
mthar phyin pas so/ /des na gang gsungs pa'i chos ni/

@005a @#/ /thog mar yul gang du byung ba dang/ gang zag su zhig
gi rgyud du bsdus she na/ lha'i gnas sum cu rtsa gsum na sarba
dznyA zhes pa'i lha chen sogs so/ /de yang lha'i

dbang po brgya byin la bstan/ brgya byin gyis de'i 'grel ba
indra byA kar zhes pa'i 'grel ba mdzad/ de las bram ze phur
bus bslab ste phyis su rig gnas thugs su chud pa'i nga rgyal
chen po

bzhes pa na/ brgya byin gyis rgya mtsho las chu bum pa gang
blangs nas ku sha'i rtse mo bum par bcug pa phyag tu bsnams te/
lha yi bla ma rig pa 'di shes pa ni rgya mtsho dang mnyam/ ngas
shes pa ni

bum chu dang/ bram ze phur bu khyod kyis shes pa ni ku sha'i
rtse mo'i thigs pa dang 'dra zhes pas phur bus thugs rgyal bcag
ste/ sgra mi bslab po snyam pa thugs la dgongs pa na/ de ltar

bslab kyang dus chen bzhi la mi bslab par 'tshal zhes zhu ba
'bul/ dus chen bzhi ni/ tshes 1 tshes 8 tshes 14 gnam 30 stong ste
dam bca' bzhes/ 'di dus lha yul du dar ba'i lo rgyus zur tsam
mo/ /

de nas mi yul du dar tshul mdo tsam brjod na/ bcom ldan 'das kyis
lung bstan pa ltar bram ze'i khye'u pA Nis sgra mdo brtsams/ de
la klu rgyal nor rgyas kyis 'grel ba mdzad pa'i

@005b mtshan la pA Ni byA kar na zhes pa mdzad/ rgyal po bde
skyid bzang pos rgyal rigs kyi btsun mo zhig khab tu bzhes/
btsun mo de sgra la shin tu mkhas pa zhig yin pa la/ rgyal pos
mi mkhyen pa'i skabs zhig skyed mo'i

tshal du phyin pas/ rgyal pos rtsed mo'i tshul du btsun mo la chu
'thor bas/ btsun mo na re/ saM skr-i ta'i skad kyis o sma sAl
du zhes brjod pas/ rgyal pos de ma mkhyen par phal skad kyi til
gyi la du zhig la go bar/

la du rdzas brgyad zhes pa de sbyar nas btsun mo la springs pas/
btsun mos rgyu mtshan dris/ gsol kha pas/ khyod kyis sngon la
rgyal por slong zhes pas/ btsun mos go ste ci yang ma shes pa'i
ba glang dang 'dra

la su 'grogs zhes lcebs par brtsams pa na/ zhang po dbang phyug
go chas ma lcebs par mdzod dang/ ngas rgyal por sgra bslab par
bya'o zhes khas blangs/ de nas dbang phyug go chas gzhon nu smin
drug bsgrub

ste bslab par bya'o dgongs te/ smin drug bsgrubs nas rgyal por
sgra bslab pas shes so/ /de nas brgyud de slob dpon a nu b+hu te
zhes pa shin tu mkhas pa zhig bzhugs pas/ mkhas pa mang po'i
mdun sar

chos kyi gleng mo gleng ba naX ! sarba la deb dang mi 'dra ba'i
cho ga bdun/ dang po'i mang tshig dzas dang/ gsum pa'i gcig tshig
TA la gnyis/ bzhi pa'i gcig tshig nge/ lnga pa'i gcig tshig
ngasi/ ?

@006a @#/ /drug pa'i mang tshig AM la/ bdun pa'i gcig tshig di
rnams so/ /pUrba sogs dgu la dzasra I ru bsgyur ma bsgyur
gnyis dang/ ngasi ? dang di dag smaTa dang smin du bsgyur ma
bsgyur

gnyis bcas dmigs gsal gsum/ pra tha la sogs la dzasra I ru
bsgyur ma bsgyur gnyis las gzhan 'dra// ! mAs si/ ma sa'i dbyi
bas mtha'i a dbyi/ has I pra la si dbyi 'os si dbyi/ mtha'i

sra dbyangs med rnam bcad/ mAs b+hyAM/ sa'i a phyis/ sra srog
med rnam bcad/ al ab la dbyi'o rnam bcad phyis// //