@#/ /cha lag bco brgyad kyi zin bris bzhugs so/ /

@001a @##/ /'dir rgyal kun 'dus pa'i bdag nyid skyabs mchog zhwa
dmar rdo rje 'chang rje btsun ^ dge 'dun bstan 'dzin rgya mtsho
dpal bzang

po'i zhal snga nas mkhas pa g.yu thog pa phyi mas bsgrigs pa'i
cha lag bco brgyad kyi lung gnang skabs de'i lo rgyus kyi gsung
bshad la/ sman zhes pa phyi

nang thun mong ba'i rigs gnas bzhi las gso rigs pa yin/ rgya gar
nag sogs yul gru che ba rnams su'ang dar rgyas che mong bod 'dir
gso dpyad bstan

bcos mtha' dag las rgyud bzhi gtso bo yin zhing/ 'di mdzad pa po
ni/ mkhas pa 'ga' zhig gis 'dul ba'i sman gzhi'i skabs su gsung
bas shAkya

@002a @#/ /thub pa nyid kyis bka' bstsal bar 'dod/ la las/ sman
gyi blas ri bo blta na sdug tu gsungs par 'dod/ 'gas shAkya

thub pa nyid sman bla'i skur bzhengs nas gsungs par bzhed/ stag
los g.yu thog pas brtsams par 'dod pa sogs 'dod tshul mang/
g.yu thog pa ni gso

dpyad la mkhas pa dpe med yin stabs/ byang zur gnyis zhes pa'i
mkhas pa de tshos kyang sman bla dang 'dra bar tshad mar byed/
g.yu thog zer don/

mi ma yin bud med kyi tshul can zhig gis/ nad pa zhig la blta bar
bskul ba bzhin de'i phyi bzhin phebs tshe mi min sngags nag gi
cha byad can zhig

@002b nad kyis nyam thag par yod pa gzigs/ kho na re/ bdag yul
'di'i gzhi bdag rnams ser ba gtong bar song ba'i khrod du phyin
skabs ser bsrung gcig gis thun gyis brab pas 'di ltar

song zer/ yungs kar gyi thun lus la zug pa skrangs nas gso dka'
bar myur bar thabs mkhas kyis bsal te/ slar sngar gyi bud med
des bskyal nas zam kha bar du 'ong nas/ sang nyin

'dir byon na yon 'bul lo zer ba bzhin sang zam khar phebs pa na
bud med g.yu'i brgyan cha shin tu mang ba zhig chus 'khyer ba'i
ro yod par g.yu rgyan rnams blangs nas khang thog tu skam 'dug

par kun gyis g.yu thog mchis zhes de nas bzung g.yu thog ces
gleng/ yul gru 'ga' zhig tu a ru gser mdog gi char 'bebs pa
sogs grub rtags mang du ston pa rgya gar grub

chen dang tshul mtshungs pa yin/ g.yu thog gsar rnying gnyis kyi
bar du mi rabs mang po song bar gleng mkhan yod kyang/ g.yu
thog gsar ma'i rnam thar ltar na/ bar der mi rabs mang po ma
song

ba 'dra zhig 'dug gsung/ gang ltar rnying phyogs su g.yu thog
snying thig zer ba'i dbang rjes gnang gi skor mang po zhig yod/
g.yu thog gsar ma pa rgya gar du phebs nas 'tsho byed gzhon nu

@003a @#/ /las dag snang du gsan pa rjes sor spel zhes grags/
gsar rnying zhes pa/ so rnying gis btags snyam yang/ 'ga' zhig
gsar rnying gi grub mtha' la sbyar ba'ang

'dug ;snying tig tu cha lag bco brgyad sogs slob ma'i mgor bzhag
nas dbang bskur ba sogs 'don rgyu mang/ sde dge phyogs su de
skor gyi spar yang yod/ g.yu thog pa rang gis rgyud bzhi

bkar bzhed stabs/ bu rgyud kyi don du gser mchan/ slob ma'i don
du zur mchan sogs mdzad yod/ rgyud bzhi'i mtha' dpyod du cha lag
bco brgyad 'di mdzad pa yin pas/ cha la gces pa

rgyud bzhi'i cha lag tu go dgos/ lugs 'dir rgyud bzhi chos rgyal
khri srong sde btsan gyi sku ring la/ bai ro tsa nas bod skad du
bsgyur ba bar skabs su dgos dbang gis gter du sbas pa/

bstan pa phyi dar gyi dus su byon pa'i grwa pa mngon shes su
grags pa des gter nas bton te spel bar grags/ g.yu thog gsar
rnying gnyis gdung rgyud gcig yin par bshad kyang/ 'khrungs

yul mi 'ang/ g.yu thog rnying ma dbus kyi stod lung du
'khrungs/ g.yu thog gsar ma gtsang nyang stod rigs pa'i 'byung
gnas kyi sar 'khrungs pa yin gsungs/ cha lag bco brgyad 'di
sngon dus

@003b rgyud bzhi dang dkyus gcig tu gnang stabs/ rnga rgod em
chi blo bzang dpal 'byor yan rgyud bzhi'i lung brgyud dang 'dra/
blo bzang dpal 'byor ba rang yul mdo smad nas dbus su byon te
rtsis thang du

slob gnyer mdzad/ mtshan nyid la mkhas pa'i bshes gnyen chen por
gyur/ nyi thang sman rgyal blo bzang rgya mtsho'i drung du rgyud
bzhi dang cha lag bco brgyad sogs chos bka' mang po gsan nas
slar rang yul du

phyin pa yin/ de la rnga rgod nam mkha' sengges gsan/ de las a
khyung ngag dbang mkhyen rab dang/ de las sprul sku bstan pa rab
rgyas kyis na tshod phra mo'i dus gsan/ sngon kun mkhyen 'jigs
med

dbang pos/ g.yu thog gi cha lag bco brgyad dang/ zur mkhar ba'i
man ngag bye ba ring bsrel gnyis kyi lung brgyud pa gzhan na yod
kyang/ rang re'i dgon 'dir med pas khyed chos 'tshol dgos tshul

gsung ba/ dpal mang rin po ches thugs la 'jags pas phyogs kun tu
btsal kyang re zhig gi bar la ma rnyed/ phyis sprul sku bstan pa
rab rgyas la 'di'i lung rgyun yod tshul gsan nas/ de las shar

ri'i ri khrod pa dkon mchog phun tshogs la nyan tu gzhug rjes sor
bdag la khyod kyi lang ri khrod du song nas cha lag bco brgyad
kyi lung nyan dgos pa'i lam grogs su sman lung phul byung mngags
pa yin

@004a @#/ /gsungs pa ltar/ 'dab ma'i la rgan la thur mang ba
dang/ bdag bgrod pa bul bas rtsol shar gyis 'gro mi nus rung/
zhag shas ring dal bur song bas

shar ri'i ri khrod du sleb/ dpal mang rin po che'i gsungs ltar
cha lag bco brgyad kyi lung nyin bdun dang/ chos bka' gzhan la
kha shas kyang nyan gsung/ lag len rin chen gter spungs skabs/

rtsa ba mchan dang sbrags ma'i lung dang/ rtsa ba rkyang ba'i
lung gnyis so sor bton na/ rtsa ba dang mchan sbrags gnyis ka'i
lung thob pa yin stabs/ rjes sor mchan med pa'ang zur du

bton chog /mchan sbrags tsam thob pas/ rtsa ba rkyang ba'i lung
ma thob par mngon yang/ da res mchan dang sbrags nas 'don pa ma
gtogs rtsa ba rkyang ba logs su 'don long ma byung

gsungs zhes gsung ngo//