@#/ /rjes 'dzin smon tshig don gnyis lhun 'grub zhes bya ba bzhugs
so/ /

@001a @##/ /bslu med bla ma skyabs mchog rin chen gsum/ /'gyur med
lha dang drang srong bden gsung rnams/ /bslu med tshig gi nus pa
rab thon pas/ /

deng 'dir smon pa'i gnas kun 'grub par mdzod/ /'jamO pa'i
dbyangsO kyi 'gro kun brtse bas skyongs/ /mkhyen rab mtshungs pa
med pa'i dpalO dang ldanO/ /lung

rtogs bstan pa spel la zla bral ba/ /mkhas grub nyi ma'i mgon la
gsol ba 'debs/ /dngos grub kun 'byung drin can bla ma rje/ /bde
gshegs kun gyi ngo bor

yid ches nas/ /bka' drin rjes su dran pa'i mos gus kyis/ /ci
gsung bka' bzhin sgrub par byin gyis rlobs/ /dal ba'i rten bzang
rnyed dka' thob dus 'dir/ /

@002a @##/ /don med tshe 'di'i bya bas mi g.yeng bar/ /phyi mar
phan nges don chen sgrub pa'i blo/ /shugs drag brtan po skye par
X lus srog g.yo

ba chu yi chu bur ltar/ /rkyen ngan phra mo tsam yang theg dka'
bas/ /da lta nyid du mi 'chi gdengs tshad bral/ /myur du 'chi ba
dran par X 'chi tshe las nyon kho

na'i gzhan dbang gis/ /skye 'gyur ngan 'gro'i gnas su ltung la
nye/ /tsha grang bkres skom blun rtul sdug bsngal la/ /'jigs pa
gting nas skye bar X ngan

'gro'i 'jigs las grol phyir dkon mchog la/ /gtan gyi skyabs
brten dkar nag las 'bras kyi/ /blang dor phra mo'i gnas kun
mtha' dag la/ /spangs blang

@002b tshul bzhin sgrub par X skye rga na 'chi la sogs sdug
bsngal gyi/ /rba klong rtag tu 'khrugs pa'i 'khor ba'i mtshor/
/zhen log nges 'byung bcos min rgyud bskul nas/ /bslab gsum
sgrub la brtson par X

btang snyoms sa gzhi byams pa'i chu yis brlan/ /snying rje'i sa
bon lhag bsam drod kyis bskyangs/ /byang sems myu gu tshogs gnyis
yal 'dab rgyas/ /sku gsum 'bras bzang smin par X khyad par rigs

'dzin ded dpon la brten nas/ /zab gsang rgyud sde rgya mtsho'i
'jing brgal te/ /rnam grol bde chen gling du myur son nas/ /'gro
ba'i 'dren par bdag 'gyur X gal te lam dang bral ba'i tha mal
gyi/ /'chi

tshe bla ma lha yi thugs rje dang/ /stobs lnga'i nyams len zung
du 'brel ba yi/ /lam mchog sgrub pa'i rten bzang thob par shog
/khyad par 'dren mchog thugs rje'i bdag nyid can/ /gang du
bzhugs shing gang du

'tshang rgya ba/ /de yi 'khor gyi thog mar bdag gyur te/ /gsung
gi bdud rtsi mchog la longs spyod shog /skye ba kun tu nas/ myur
thob shog (/ces rjes 'dzin smon tshig don gnyis lhun 'grub ces
bya ba 'di yang/ mang thos

spong ba pa/ bya mdo dge bshes tshul khrims rgya mtsho nas 'di lta
bu zhig dgos zhes nan gyis bskul ba'i ngo ma bzlog tsam du/ chos
med snyom las pa chos kyi rdo rjes dam pa rnams kyi gsungs las
btus te g.yar bral tsam du sug bris su bgyis pa'o/ /'dis kyang
dge ba'i bshes

@003a @#/ /gnyen dam pas tshe rabs kun tu rjes su 'dzin pa'i rgyur
gyur cig /dza yantu//