@#/ /rtsa ba'i bla ma rnams la gsol ba 'debs pa thugs rje bskul
ba'i bung ba'i glu dbyangs zhes bya ba bzhugs so//

@001b @##/ /na mo badzra d+hA ra ya/ gang la brten na phan bde'i
legs tshogs/ /ma lus 'byung ba'i dgos 'dod nor bu/ /gus ldan
dad pa'i rgyal

mtshan rtser mchod/ /'bad med yid bzhin stsol mdzad bla ma/
/dge legs kun 'byung legs tshogs ma lus/ /yar zla ltar 'phel
bstan pa'i 'jug

sgor; ;'dzud mdzad drin can bla mar gsol 'debs/ /skyabs 'gro
tshul bzhin byed nus byin rlobs/ /sdom pa'i tshul khrims bslab
pa'i gzhi lngar/ /

slob pa'i so sor thar ba'i sdom par/ /sbyor mdzad drin can bla
mar gsol 'debs/ /gzhi lnga srung sdom nus par byin rlobs/ /me
yi 'obs nas bsil

@002a @##/ /pa'i khang bar/ /spo ba ltar du khyim nas dbyung
ste/ /thar pa'i lam ston bla mar gsol 'debs/ /rab byung tshangs
spyod srung nus byin rlobs/

gang dang ldan na khyim pa rnams kyi/ /phyag gi yul gyur bslab
pa'i gzhi bcu/ /'bog pa'i drin can bla mar gsol 'debs/ /gzhi
bcu tshul bzhin srung nus

byin rlobs/ /mdo sngags kun las tshangs spyod mchog bsngags/
/bsnyen par rdzogs pa dge slong dngos po/ /stsol mdzad drin
can bla mar gsol 'debs/ /

nyis brgya lnga bcu srung nus byin rlobs/ /bskal ba bye ba du
mar thos dka'i/ /gsung rab dam chos tshigs bcad yan chad/
/stsol mdzad drin can bla mar

@002b gsol 'debs/ /thos don rgyud la skye bar byin rlobs/ /zab
rgyas theg pa chen po'i lam bzang/ /ji bzhin nyams su len tshul
gdams ngag /khrid mdzad drin can bla mar gsol 'debs/ /gang

thos rgyud la sbyor nus byin rlobs/ /sangs rgyas las kyang
dkon pa'i gsang sngags/ /rdo rje theg pa'i 'jug sgo dbang
bzhi/ /bskur ba'i rdo rje 'dzin la gsol 'debs/ /dam sdom tshul
bzhin srung

nus byin rlobs/ /rgyud don gab 'khrugs 'thor bu'i dka' gnad/
/'phags bod paN grub man ngag ji bzhin/ /gsal mdzad drin can
bla mar gsol 'debs/ /rgyud don ma nor rtogs par byin rlobs/ /

shin tu gsang zhing dbye dka'i man ngag /rgyud don dgongs
'grel dam pa'i zhal shes/ /ston pa'i bla ma mchog la gsol
'debs/ /ji bzhin khong du chud par byin rlobs/ /mdor na yongs
'dzin dam pa'i

mgon rnams/ /zab chos bdud rtsi rtag tu myong yang/ /sangs
rgyas dngos su nam yang ma bltas/ /rab rmongs skal chad log
lta mkhan la/ /rtag tu bla mas thugs rjes gzigs shig /rnyed
dka'i

dal 'byor rten bzang thob kyang/ /chos brgyad rnam g.yeng bya
bas brel nas/ /don chen snying po yal bar bor ba'i/ /gnyis med
sengge bdag la rtag tu/ /kun mkhyen bla mas thugs rjes gzigs
'tshal//

@003a @#/ /dbugs kyi rgyu ba 'gags pa tsam gyis/ /'jigs rung
ngan song gnas su lhung ba'i/ /ngang tshul sems kyi gud nam
dran/ /snying med gdon chen zin pa bdag la/ /bslu med bla mas
thugs

rjes gzigs 'tshal/ /rtag tu sdug bsngal mi 'dod shes bzhin/
/duH kha'i rgyu tshogs kun nas bsags shing/ /bde 'dod dge tshogs
nyin ma'i skar ltar/ /rang 'phung khrel med 'gal spyod bdag
la/ /

skyabs mgon bla mas thugs rjes gzigs 'tshal/ /mtho dman rgan
gzhon bar ma'i go rim/ /nges med 'chi ba rtag tu mthong yang/
/rang nyid 'chi bar ma shes bred po/ /rtag 'dzin snying khams
chen po

bdag la/ /drin can bla mas thugs rjes gzigs 'tshal/ /rnam dag
sdom gsum khas len dpa' yang/ /dran shes lhod pas srung bya
sna gcig /ma bsten nyes ltung char bzhin bab pa/ /sgo

gsum ngan 'gro'i rgyu tshogs bdag la/ /skyabs mgon bla mas
thugs rjes gzigs 'tshal/ /rnam gsum ngur smrig mdzes par klubs
kyang/ /chags sdang g.yo sgyu phrag dog dus 'da'/ /gzig

phags bkab pa'i mgrin bzang ji bzhin/ /sdig can bzang rdzu zog
chos bdag la/ /drin can bla mas thugs rjes gzigs 'tshal/ /gzugs
brnyan dge sbyor brtson khul byas kyang/ /bag med le lo'i

@003b dbang du gyur bas/ /gnyid dang 'du 'dzis g.yeng ba bdag
la/ /drin can bla mas thugs rjes gzigs 'tshal/ /rang mgo ma
thon gzhan don sgrub la/ /'bad pa'i 'dod chen rang gzhan gnyis
'phung/ /

gtan gyi mdun ma rtsad 'byin bdag la/ /thugs rje'i bdag nyid
khyod kyis rjes bzung/ /deng nas byang chub bar du khyod min/
/re sa skyabs gzhan bdag la med pas/ /'di phyi bar do gnas
skabs kun tu/ /

mgon po khyod kyis 'bral med rjes bzung/ /thabs mkhas thugs
rje'i 'od zer kyo bas/ /nam yang 'bral med rjes su bzung la/
/bde chen thar ba chen po'i grong khyer/ /mgon po bdag ni
gzhug par

mdzod cig (/ces rtsa ba'i bla ma rnams la gsol ba 'debs pa
thugs rje bskul ba'i bung ba'i glu dbyangs zhes bya ba 'di ni
gser tog bstan pa'i 'dod mos ltar/ ^ gyi na ba chos med ban
rgan chos rdor gyis sug bris su bgyis pa dge legs 'phel//) //