@#/ /bsngo ba rgyas pa dge tshogs rgya mtshor 'jug pa'i gru gzings
zhes bya ba bzhugs so//

@001a @##/ /zhi dul bag yod kyis thugs rgyud bum bzang legs par
gtams shing ngur smrig gi rgyal mtshan rnam gsum 'chang ba

thub dbang gnyis pa'i gnas brtan 'dul ba 'dzin pa rnams snyan
dbang legs par gtad de bsngo ba'i mthun 'gyur thugs rjes 'dzin
par zhu/ phul byung mkhyen pa'i

kun gsal sgeg mo'i 'gram par dmigs pa med pa'i brtse ba snying
rje chen po'i chu 'dzin dkrigs te zab rgyas legs bshad kyi gru
char zad mi shes pas dge legs phan

bde'i pad tshal phyogs bcur bzhad nas rnam grol sbrang rtsi
'khyil par mdzad pa'i mnyam med thub dbang shAkya sengge/ de
sras rnam gnyis/ rgyal ba mi 'khrugs pa/

@002a @##/ /'phags mchog spyan ras gzigs la sogs pa'i dus gsum gyi
rgyal ba rgyal sras dpa' bo'i tshogs thams cad rab

'byams ganggA'i rdul grangs dang mtshungs pa'i ma rgan sems can
thams cad la thugs brtse ba chen pos gzigs shing dgongs su gsol/
bslu med mchog gsum

gyi zhing sar dad pa'i lo tog skrun byed zhwa ser bstan pa'i
sbyin bdag mchog dman bar ba thams cad kyi bsags dang gsog 'gyur
gyi dge tshogs go la'i rlung shugs

drag pos/ grangs med stobs bcu mngar bas gsung tshangs ba'i
dbyangs snyan gyis lhan gcig tu pad dkar 'dra bar bsngags shing
snying stobs rmad du gyur ba'i lung

@002b rtogs kyi bstan pa spyi dang/ bye brag rje btsun brtan
pa'i 'khor lo'i mkhyen rab 'dzam bu nA da'i khams las grub cing
sku thugs dbyer med zung du 'jug pa'i rin chen sna bdun gyis
thub bstan gling bzhi'i khyon kun la dbang

ba'i chos kyi 'khor bsgyur tsong kha pa chen po'i mdo sngags
zung 'brel gyi bstan pa de nyid gzhi dngos po'i gnas lugs/ lam
bgrod pa'i rim pa/ 'bras bu mngon du byed tshul sogs nas nor
'khrul dri mas dben

pa'i nyi zla phyogs kun tu gsal zhing rgyas la yun ring du gnas
par gyur cig /'chi med rdo rje sku yi zla ba'i dkyil 'khor la
'pho 'gyur ri dwags mtshan ma gtan nas bral yang mi 'jig rtag par
'dzin pa'i rang cag

gdul bya rnams chos la bskul phyir chos dbyings bde ba chen po'i
kai la sha yi khang bzang du gshegs pa'i tshul bstan pa rnam
'dren zas gtsang sras nas bzung bstan pa'i gtad rabs bdun dang
'dzam gling mdzes byed rgyan

drug mchog gnyis bstan pa'i rtsa lag mkhan chen zhi ba 'tsho dpal
dI baM kar shrI dznyA na 'jam mgon rgyal ba gnyis pa bde ldan
zhing mgon paN chen snang ba mtha' yas phyag na pad dkar 'dzin
pa rgyal dbang thams cad

mkhyen gzigs rgya bod kyi mkhas shing grub pa'i dbang phyug rim
par byon zin pa rnams dang/ nyam thag 'gro ba yongs kyi mgon
skyabs dpung gnyen gyi slad du rnam gsum ngur smrig 'chang pa'i
zlos gar mkhan

@003a @#/ /bstan pa'i gsal byed mtshungs med dpal ldan bla ma dam
pa de rnams kyi thugs zag med kyi dgongs pa rnams yongs su
rdzogs par gyur cig /mtshan dus lha

lam yangs por bsil sbyin mkhan po mngon par shar tshe chu snod du
mar gzugs brnyan so sor 'char pa ji bzhin sgrib bral lhan skyes
bde chen ye shes gcig nyid gang la gang 'dul sprul ba'i bkod pa
sna

tshogs ston te lus can rnams smin grol lam bzang 'thob pa'i skal
pa dang ldan par gyur cig /blang dor sna tshogs pa'i tshon ris
blta ba'i blo gros 'dren byed ma rig ling rtog gis g.yogs shing
nges 'byung

gzhan phan sems kyis ches cher phongs pa snyigs dus 'gro ba
rnams kyi don du bsam bzhin byis pa'i tshul gyis byon te 'dzin
skyong spel ba'i gser gyi shing rtas thub bstan rin chen drangs
pa'i skyes mchog

mdo rgyud gzhung lugs kyi tshig don 'chad pa la phra zhib kyi blo
gros/ log smra tshar gcod pa la lung rigs kyi ngar dang ldan
zhing/ legs bshad rtsom pa la slob dpon da NDi'i rjes su 'gro
ba/ bcas rang

nyes pas ma gos btsun pa'i mchog gyur mtshan ldan bshes gnyen de
rnams kyi mdzad 'phrin thams cad dbyar gyi chu gter bzhin du
gong nas gong du 'phel zhing rgyas par gyur cig /gang gi tshul
bstan skeg

@003b 'tshub ci mchis thugs bskyed dmag dpung tshogs kyis lhag med
bcom ste/ bkra shis grangs ldan 'jig med gdong lngas btegs pa'i
khri 'phang mthon por zhabs zung bskal pa rgya mtshor 'gyur med
brtan

par bzhugs nas srid zhi'i gdung sel legs bshad bdud rtsil lus
can rnams ngoms med du longs spyod pa'i skal ba dang ldan par
gyur cig /rnam 'dren 'jig rten dbang phyug gi thugs rje'i 'od
snang

dkar po mngon par shar ba'i gling mchog mtha' dbus kun tu rnam
dag tshul khrims sa gzhi gtsang mar legs smon sa bon las 'khrungs
pa'i khams drug dang dal 'byor gyi rtsa ba rab tu brtan cing
gang zhig mang du

thos pa tsam ma yin par de'i don rnam par brtag ste bsam pas
mthar rang rgyud la bsgom ba'i yal 'dab rgyas pa/ chos spyod
rnam bcu'i 'bras bzang g.yur du za bas skal bzang gnyis skyes
tshogs rnams

mgron du 'gug par byed pa'i mkhas grub 'dzambu rkang 'thung gis
brgyan pa'i gnas mchog grwa sa se 'bras dge gsum gtsang stod
bkra shis lhun po dpal ldan rgyud grwa rnam gnyis a mdo dgon
chen yon gzugs

grangs ldan dang/ khyad par du yang lumbi'i tshal gnyis pa sku
'bum byams pa gling gis mtshon pa'i phyogs bcu'i dge 'dun gyi sde
rnams su spong ba bsam gtan gyi 'khor lo dang klog pa thos bsam
gyi 'khor

@004a @#/ /lo dang bya ba las kyi 'khor lo gsum gyi bya ba thams
cad mtha' bral sdo sangs sgeg mo'i lto bar 'phyan pa'i yar zla
bzhin du 'phel zhing rgyas par gyur cig /

chos dbyings rnam par dag cing rgyu 'bras bslu ba med pa'i bden
stobs dang/ zhing dang bsam pa dngos po rnam par dag pa gsum
gyis bskrun pa'i dge tshogs dang mos pa'i nus mthu la brten nas
'jig rten

'di nas pha rol tu song zhing sems can tshe las 'das pa che ge mo
zhes bgyis pas thog drangs rang cag bla ma dge 'dun dang bcas pa
la bsngo smon gyi re ltos 'cha' ba'i sems can ji snyed cig yod
pa thams

cad tshe rabs 'khor ba thog med nas bsags pa'i las nyon rgyal po
rab tu khros te nyer len 'khrul 'khor khyim du bcug pa rnams
'jigs skrag dngangs gsum gyi sdug bsngal skad cig tsam yang mi
'byung zhing

de las myur du grol te mngon par rdzogs par 'tshang rgya bar gyur
cig /go 'phang mchog de ma thob pa'i tshe rabs thams cad du'ang
sdug bsngal gsum gyi chu srin na kras nye bar 'tshe zhing skye
rga na 'chi'i rba rlabs

'khrugs pa'i khams gsum 'khor ba'i rgya mtshor bying ba'i skye
dgu de dag sdug bsngal rnams las thar te 'gal rkyen mi khom pa'i
gnas brgyad dang bral zhing mthun rkyen rang gzhan 'byor bcu
tshang ba'i mi

@004b lus brgyud mar thob cing rten mchog tshang skyes ka la
bingka mtshan ldan bshes gnyen gyis bskyangs shing gus rtag
brtson 'grus lhod pa med pas mdo sngags kyis bsdus pa'i chos
thams cad la thos bsam

bsgom pa lhur blangs nas 'khor ba'i tshang las 'phur 'dod kyi blo
skyes te rang gcig pu'i don gnyer pa tsam gyis dman pa'i gol sar
'gyur ba shes nas lam thun mong ba'i rim pa la blo legs par
sbyangs te thun mong

ma yin pa nye lam gsang sngags rdo rje theg pa'i 'jug sgo dbang
bzhi rnam par dag pa mnos te dbang dus su khas blangs rnams mig
'bras ltar bsrung nas mdo sngags 'gal med rtse gcig tu nyams su
len

pa'i gshog rlabs kyis srid zhi'i mtha' las 'phur te sku gsum rin
chen gling du bgrod pa'i skal ba dang ldan par gyur cig /phun
tshogs mkho dgu'i dpal 'byor la mnga' brnyes shing lan cig ma yin
par

legs byas puNDa rI ka'i phreng ba gzhan phan lhag bsam gyi srad
bur rgyu byed dad gtong shin tu yangs pa'i sbyin bdag tshe dang
ldan pa che ge mo zhes bgyi bas thog drangs rang cag bla ma dge
'dun dang bcas pa la rgyu zas

kha lag gi 'brel ba thogs pa dang mgon skyabs kyi res ltos 'cha'
ba rnams kyi sngon las phral rkyen las byung ba'i lus kyi na tsha
sems kyi sdug bsngal bsam pa'i bar chad chags sgo nyam nga phyi
nang gi nyer 'tshe

@005a @#/ /thams cad lhag med du zhi zhing mthun rkyen tshe bsod
stobs 'byor snyan grags rlung rta sogs gong 'phel du rgyas te
'gro 'dug gnas gsum byed pa la gang

bsam pa'i don thams cad yid la re ba ltar 'bad med lhun gyis
'grub par gyur cig /ring mo zhig nas chos dbyings su zhugs kyang
bstan 'gro'i don du bsam bzhin sgyu ma'i gar gyis rnam rol phyi

ru mi bsrun nag phyogs kyi ngor dpa' bo'i chas kyis brgyan te
khams gsum za bar nus shing nang du zhi zhing 'dul ba'i bstan
srung myur mdzad ye shes kyi mgon po phyag drug pa dam can chos
kyi rgyal po phyi

nang gsang gsum ma gcig 'dod pa khams kyi dbang phyug re ma ti
chos skyong dregs pa lcam sring rgyal po chen po bzhi sprul ba'i
chos rgyal sku lnga dam can rdo rje legs pa sogs srung ma'i
tshogs rnams

sngon tshe rdo rje 'dzin pa'i spyan sngar ji ltar khas blangs pa
rnams dran zhing chos bzhin sgrub par byed pa'i rnal 'byor pa la
nyin gsum bya ra mtshan gsum gyi mel tshe dang bcas pa'i sgo nas
dus rtag tu grogs

mdzad par gyur cig /'dzam gling skyong pa spyi dang khyad par
bod khams skyong bar zhal gyis bzhes pa tshe ring mched lnga
bstan ma bcu gnyis yul lha gzhi bdag stod mnga' ris skor gsum
bar dbus

@005b gtsang ru bzhi smad mdo khams sgang drug sa phyogs yul
rigs dgon gnas 'di nyid la gnyug mar gnas pa'i lha klu gzhi bdag
mthu bo che dkar phyogs la mngon par dga' ba rnams kyi mthu
stobs gzi brjid

rnams mi nyams shing char ldan dus kyi chu gter bzhin du gong
nas gong du 'phel zhing rgyas par gyur cig /nag phyogs kyis yid
bskyod pa'i las ngan gdug can mi dang mi ma yin pa thams cad kyi
bsam

ngan sbyor rtsub sogs kyi bud shing gang gis nus mthu byams
snying rje'i me lces bsregs te bsam pa bzang po byang chub mchog
tu sems bskyed pa'i skal ba dang ldan par gyur cig /mu mtha' med
pa'i

tshogs gnyis stobs kyis yangs pa'i nor 'dzin gyi khyon kun la
dbang bsgyur zhing grangs med pa'i lus can rnams la phan bde
char du bsnyel ba gnam bskos 'jam dbyangs gong ma srid 'bar
rgyal po'i

chab srid mnga' thang rgyas shing sku tshe rgyal ba tshe dpag tu
med pa lta bur brtan cing mi chos gtsang ma bcu drug la sogs
pa'i khrims zung ljon pa'i grib bsil du skye dgu thams cad
'phral yun kun tu bde skyid

kyis rol ba'i skal ba dang ldan par gyur cig /mdor na bla ma
dkon mchog rin po che rnam pa gsum gyi thugs rje'i dkar mdzes
skye ba lnga ba'i sgra dbyangs kyis yul phyogs thams cad du bkra
mi shis pa'i

@006a @#/ /rgud pa'i rims nad drungs nas 'byin ste char chu dus
su babs nas lo legs shing bkra shis dang dge mtshan rgya chen po
dza hu'i rgyun bzhin chad med 'byung ba dang

chos nyid dag cing chos can rgyu 'bras bslu med bden pa'i stobs
kyis rang cag shAkya'i sras rnams ji ltar smon pa'i don rnams
bde blag tu 'grub par gyur cig /'jam dpal dpa' bo ji ltar mkhyen
pa

dang/ /zhes sogs smon lam bya'o/ /smras pa/ bka'O bstan kun la
legs sbyangs shing/ /bka'O drin gzhal med mchog sprul gang/
/bka'O lung phebs tshe ma nus par/ /bka'O bzhin byed po

dI baM mo// //