[@#blank page-1-a@#]

@001b @##/ /na mo gu ru b+hyaH dus gsum rgyal kun 'dus pa'i ngo
bo nyid/ /tha mal tshul gyis 'gro ba 'dren slad du/ /zhing 'dir
ngur smrig

rgyal mtshan 'dzin mdzad rje/ /dpal ldan bla ma'i zhabs sen
spyi bor mchod/ /ka kha slob pa nas bzung yan chad dang/
/mkhan po rdo rje slob

dpon man chad kyi/ /sangs rgyas las kyang lhag pa'i bka' drin
can/ /dngos brgyud bla ma rnams la phyag bgyi'o/ /bder gshegs
rgyal

kun ye shes gcig bsdus sku/ /theg mchog chos sgra sgrogs pa'i
tshangs dbyangs gsung/ /shes bya'i gnas lugs ji bzhin gzigs

@002a @##/ /pa'i thugs/ /dpal ldan bla ma mchog la mgos phyag
'tshal/ /kun bzang mchod sprin nam mkha' bkang ste 'bul/ /

sngon nas bsags pa'i sdig ltung ma lus bshags/ /rang gzhan kun
gyi dge la rjes yi rang/ /'gro la chos 'khor bskor phyir rtag
bzhugs

gsol/ /bdag gzhan dge tshogs byang chub thob phyir bsngo/ /rin
chen sa gzhi me tog bcal du bkram/ /gling bzhi ri rab nyi zlas
brgyan pa 'di/ /

blo yis blangs nas dpal ldan bla mar 'bul/ /dgyes bzhin bzhes
nas byin gyis brlab tu gsol/ /thugs rje'i mnga' bdag dpal ldan
bla

@002b ma la/ /nyam thag gdung ba'i tshig 'di gsol lags na/
/brtse ba'i ma yis bu sdug bskyang ba bzhin/ /thugs rjes
dgongs te byin gyis brlab tu gsol/ /dngos brgyud bla ma rdo
rje 'chang dngo

su; ;lta ba mos gus dngos grub kun gyi gzhi/ /rtsa bar ma shes
skyon rtog skur 'debs sogs/ /ma dad brnyas smod bgyis pa mthol
lo bshags/ /chags sdang dbang gis bla ma spong

len byed/ /sku gsung thugs dang 'gal ba'i las bgyis dang/ /mos
gus khyad phye phyag rdzas dkor spags sogs/ /ngan 'gro'i rgyu
tshogs bsgrub pa snying nas 'chags/ /mgon po khyed

gyi spyan sngar khas blangs pa'i/ /sdom gsum bslab khrims dam
sdom nyams pa dang/ /mi dge bcu dang mtshams med nyes pa lnga/
/log phyogs mthun ci bgyis pa mthol lo bshags/ /mdor

na bla ma'i sku dang na bza' la/ /'gom g.yug 'chor dang bka'
lan gyen ldog dang/ /rtag tu bla mar mchod pa ma brtson sogs/
/bla mar brten pa'i sdig rnams mthol lo bshags/ /mdo rgyud

bstan bcos kun las bla ma la/ /brten pa'i sdig rnams gzhan las
lcir gsungs na/ /bdag ni rmongs pa'i dbang gis bsags pa yi/
/sdig kun thugs rje'i chas kyis byang bar mdzod/ /ha

@003a @#/ /la'i dug sman khong du song ba ltar/ /slan chad mi
byed bsdoms par bgyis lags na/ /brtse ldan khyod kyi byin
rlabs bdud rtsi'i rgyun/ /bdag yid snying gi bum bzang bkang

bar mdzod/ /mgon khyod thugs rje las thob rten bzang 'dir/
/thos bsam bsgom pas rang rgyud legs sbyangs te/ /'chad rtsod
rtsom pa'i bdud rtsi theg 'phreng gis/ /skal bzang legs bris

tshogs rnams 'tshim byed shog /deng nas tshe rabs kun tu bla ma
khyed/ /gang du bzhugs shing gang du 'tshang rgya ba/ /bdag
kyang der ni 'bral ba med skyes nas/ /bka' bzhin sgrub pa'i
mchod pas

mnyes byed shog /de yi mthu las 'jig rten kun don phyir/ /yan
lag bdun ldan go 'phang mngon gyur nas/ /nam mkha'i mthas
gtugs sems can ji snyed kun/ /de yi sa la 'god par

bdag gyur cig (/ces pa 'di ni kho bo'i nye 'khor pa dpyod ldan
gnyer ba ngag dbang bsam grub nas 'di lta bu zhig dgos zhes
bskul ngor ^ chos med snyom las pa blo bzang byang chub bstan
sgron gyis ri bo rtse lngar 'jam dpal mcher

sdug snang brnyan gling du sug bris su bgyis pa 'dis kyang
'gro kun theg pa mchog gi dge ba'i bshes gnyen gyis rjes su
'dzin pa'i rgyur gyur cig /) sarba mang+ga laM/ /