@#/ /rdo rje 'chang snyan grags rgya mtsho dpal bzang po'i gsung
'bum gyi dkar chag dang par byang smon tshig gnyis bzhugs so//

@001b @##/ /bde legs kun 'byung rtsa ba'i bla ma dang/ /dbyer med
thugs rje'i gter chen zhabs kyi rdul/ /byang chub bar du mi
'bral gtsug na mchod/ /

rnyog bral mgo la dri bzang 'dzin gyur cig /gang gi mtshan snyan
skye ba lnga ba'i sgra/ /srid rtse'i bar du snyanO par bsgrags
pa'i dbyangs/ /gragsO pa'i mu khyud 'dzam

gling phyogs kun khyab/ /mkhas grub rgyaO mtsho'iO mgon de gtsug
na rgyal/ /mgon po khyod kyi legs bshad bdud rtsi'i rgyun/
/phyogs gcig bsdus te par du 'khod

dgos zhes/ /snang mthi' mgon pos 'gyur med bka' yi thod/ /spyi
bor bcing ba'i mod la 'phrin las par/ /yang yang bskul ba'i mthu
las rab 'khrungs pa'i/ /

@002a @##/ /'dzad med mchod sbyin par du legs bskrun pa'i/ /mtshan
byang mu tig do shal 'di na spel/ /'dir dpal ldan bla ma dam pa
dmigs pa med

pa'i thugs rje chen po dang ldan pa rje grub pa'i dbang phyug
khyab bdag kun spang ba/ bde yangs snyan grags rgya mtsho dpal
bzang po'i zhal snga nas kyi bka' 'bum gang rnyed

rnams par du skrun pa'i mtshan byang bkod pa la/ ka par/ paN chen
blo bzang thub bstan chos kyi nyi mas bde yangs mchog sprul rin
po cher phul ba'i skyabs zhu la 3/

kha par/ lha dang sprul ba'i gtsug lag khang du bzhugs pa'i
'phags mchog thugs rje chen po rang byon lnga ldan zhes yongs su
grags pa'i thugs rje bskul ba'i bsgrub chog gsol

@002b 'debs yid bzhin nor bu la 26/ ga par/ rje btsun 'jam pa'i
dbyangs la brten pa'i smyung bar gnas pa'i cho ga 'don tshul gyi
rim pa zhes bya ba la 4/ nga par/ sgrol bstod bsdus don yid mun
sel ba'i sgron me la 7/

ca par/ bsnyen chen gyi 'don 'grigs bla ma dam pa'i zhal gyi
bdud rtsi nag 'gros su bkod pa la 13/ cha par/ zhi khro sbrags
sgrub kyi zin bris la 6/ ja par/ dag yig blo gsal gzhon nu'i yid
kyi mun pa sel ba'i

sgron me la 10/ nya par/ bcom ldan 'das 'phags ma gdugs dkar
mo'i rgyal mtshan 'khor lo 'dzugs nyin gyi cho ga bla ma dam pa'i
zhal rgyun 'khrul bral yid kyi me long la 11/ ta par/ maNDal
bshad pa'i

skor 'ga' zhig la 17/ tha par/ bde ldan padmo bzhad pa dge mtshan
'bar ba'i gtsug lag khang gi ma Ni'i chos thog gi bca' yig dag
byed gang+gA'i rgyun bzang la 38/ da par/ 'jam dbyangs sgrub
khang srid zhi'i gtsug

rgyan phyogs las rnam rgyal gsar bzhengs kyi dkar chag malli
ka'i 'phreng ba la 12/ na par/ sku 'bum rigs ldan blo gsal gling
gi 'du khang gsar bzhengs kyi dkar chag la 10/ pa par/ dpa' bo
g.yul 'jug

ma'i cho ga dang dmigs rim sbyongs tshul la 5/ pha par/ dra
bsdoms 'khor lo bris bsgrub bya tshul bla ma'i man ngag gis
brgyan pa 'khrul bral rab gsal me long la 10/ ba par/ 'khor lo
rab gnas kyi cho ga dngos

@003a @#/ /grub kun 'byung la 3/ ma par/ dpal rdo rje 'jigs byed
chen po'i sgo nas dus min gyi kha char gcod pa'i gdams pa zab mo
bsreg byed me'i spu gri la 4/ tsa par/ 'od zer can ma'i jag

chings la 6/ tsha par/ rgyal ba gnyis pa'i 'khrungs lha tsong
kha'i skye ri 'khor bcas la bsangs mchod 'bul tshul dgos 'dod kun
stsol la 10/ dza par/ gsung thor bu sna tshogs bcas la 25/ khyon
220

bzhugs so// //@#/ /oM swa sti/ rab byams rgyal ba'i mkhyen brtse
gcig bsdus pa/ /gsum ldan rdo rje 'dzin pa'i skur sprul te/
/bstan 'dzin rgya mtsho'i gtsug gi nor bu mchog /yongs

'dzin dam pa'i zhabs rdul gtsug na mchod/ /deng dus mi zad rgud
pa'i tsha gdung gis/ /cher gnon snyigs ma'i rang mtshan 'di gzigs
tshe/ /dus gsum rgyal ba phal cher thugs zhum kyang/ /khyod ni
thugs

bskyed snying stobs zla dang bral/ /des na chos brgyad sgyu ma'i
rol rtsed la/ /nam yang ma chags gzhung don man ngag kun/ /legs
gsan mnos pas dben pa'i nags khrod du/ /rtse gcig sgrub pas
'bras

bzang mngon du gyur/ /de tshe rgyal ba gnyis pa'i rang lugs che/
/'khrul bral dri med gdugs dkar gyen 'degs nas/ /ma rgan yongs
la phan bde'i bsil gra'i mchog /ster mdzad khyed kyi dpe zla su

@003b zhig mchis/ /mkhas rlom phal gyis bskal bar bskrun min pa/
/mgon po khyod kyi zhal gyi bum bzang las/ /legs 'ong legs bshad
'chi med bdud rtsi 'di/ /skye 'gro'i nyon mongs nad sel sman
brgya'i

mchog /chags sdang rmongs sogs gcong nad gang gi phyir/ /legs
bshad bdud rtsi'i mchog 'di sten byed na/ /nyon mongs nad sel
mngon mtho nges legs kyi/ /stobs rtsal brtan cing gcig tu bde
bar byed/ /de

phyir skal ldan thar 'dod skye bo'i tshogs/ /legs bshad bdud
rtsi'i mchog 'dir thos bsam gyis/ /zhugs nas snying po len pa'i
dga' ston la/ /ci dgar srid mtha'i bar du spyod phyir du/ /snang
mtha'i mgon

pos mthun rkyen bstsal ba ltar/ /dam pa gang gi nye gnas las
byed pa/ /dad brtson ldan pa phyag mdzod ngag dbang nas/ /mgon
po zung gi bka' drin bsam bzhin du/ /chos sbyin 'dzad med par du
bskrun

pa'i dges/ /rgyal bstan snying po 'jam mgon rgyal ba'i bstan/
/bshad sgrub gnyis kyis 'dzin skyong spel byed pas/ /bstan 'dzin
spyi dang rgyal dbang yab sras kyi/ /zhabs pad rdo rje'i khams
ltar rtag

brtan shog /rnam dag khrims ldan 'dus sde thugs mthun zhing/
/khrims gtsang chos spyod rnam bcu dbyar mtsho 'gran/ /'gro kun
dge bcu'i dpal la rtag rol bzhin/ /ring min sku bzhi'i rgyal sa
reg

@004a @#/ /gyur cig /'dir 'bad rgyu sbyor 'brel thogs yid can
kun/ /deng nas bzung ste tshe rabs 'phreng ba ru/ /rje btsun bla
ma khyod dang mi 'bral zhing/ /mnyes pa gsum gyis rtag tu mchod
gyur

cig ;bslu med bla ma mchog gsum byin rlabs dang/ /rnam dag lhag
bsam dag pa'i bden pa'i mthus/ /ji ltar smon pa'i re 'bras kun
'grub cing/ /bkra shis rgya mtshos phyogs kun khyab gyur cig / //

(ces 'jam mgon bstan pa'i srog shing bka' drin mtshungs zla ma
mchis pa khyab bdag 'khor lo'i mgon po rje grub pa'i dbang phyug
chen po/ gong sa mchog gi rigs bdag /bde yangs bstan 'dzin nor
bu dpal bzang po nyid nas 'dul bya rnams smin grol gyi lam bzang

po la 'god pa'i slad du 'chad rtsod rtsom gsum gyi mdzad pa rgya
cher spel ba rnams kyi nang nas gsung gi mdzad pa rgya cher spel
na'ang/ nyid rin po che nas sgrub pa la dben par gcig tu brtson
zhing zhabs gras nye gnas chung ngu re las med pas/ bka' rtsom
bdag tu byed mkhan

med phyir 'thor brlags su song ba mang ba'i skabs/ gong sa paN
chen rin po che lan jug phyogs su chibs bsgyur bskyangs skabs/
phran ngos mjal zhu skabs bka' las bde yangs sprul sku yod med
dang sku gong ma'i gsung 'bum ji yod kyi bka' dris gnang bar
rgyu mtshan zhib

rgyas gsol bas/ gong sa mchog nas rgya dngul srang brgya phrag
gcig gsol ras bstsal bar/ dam don gang drag gi thogs nas gsung
rtsom gang rnyed bsdus te bar du 'khod dgos zhes stsal bar/ ring
min sprul sku dang mdzod par slebs nas/ phran nas rgyu mtshan
rnams mdzod par

@004b bshad de gong sas stsal ba'i rgya dngul srang brgya bcas
rtsis 'bul byas nas par gsar bskrun gyi ngal bar zhugs nas lo
ngo mthong gnyis su mjug 'grub par byas skabs/ dkar chag dang
par byang smon tshig mdzod pa'i 'dod mos ltar yar khral tsam du
bsgrigs pa po ni chos kyi rdo rjes bris

pa'o// //tshe rabs thams cad du bshes gnyen dam pas rjes su 'dzin
pa'i rgyur gyur cig /dza yantu// //