@#/ /dpar byang smon tshig gi skor bzhugs so/ /

@001b @##/ /snang srid chos kun lhan skyes bde chen ngor/ /sdom
mdzad dpal ldan khrag 'thung he ru ka'i/ /dkyil 'khor lha tshogs
mchod bstod bgyis

pa'i mthus/ /bshes gnyen dam pas rtag tu rjes 'dzin shog /thun
mong lam sbyangs bdag gi rgyud smin cing/ /ma dag skye shi bar
do'i dri ma gsum/ /dag byed rim pa

dang po'i rnal 'byor gyis/ /tha mal snang zhen dri ma 'khrud par
shog /kun rtog g.yo ba'i las rlung rgyun gcod de/ /d+hU tir sa
ha dza yi bde chen la/ /brten nas kha sbyor bdun ldan

rdo rje sku/ /mngon gyur mkha' mnyam sems can don byed shog
(/ces pa 'di yang ri khrod pa dge slong thub bstan nas 'di lta
bu zhig dgos shes bskul ba'i ngor ^ chos med snyom las ba
shAkya'i btsun gzugs blo bzang byang chub bstan sgron gyis sug
bris su bgyis pa'o/ /)

@002a @#/ /oM swa stwi/ bgrang yas bskal ba'i tshogs gnyis 'o
ma'i mtsho/ /rlabs chen snying rjes srubs skyis 'od kyi mdzod/
/'gro 'di'i skal bzang lha yi rdzing

ring du/ /gzhan phan 'od brgya'i dra ba 'gyed la 'dud/ /bde
gshegs nyin mor byed pa'i snang ba yi/ /skyes rabs so bzhi'i ngo
mtshar snang brnyan gang/

gzugs sku mthong ba don ldan dkyil 'khor mchog /zhing 'di'i
bstan 'gro'i dpal mgon dam par shar/ /gang zhig gdul bya'i yid
la shar ba yis/ /

dad ldan snying gi chu skyes rtag bzhad cing/ /rnam dag don
gnyis ge sar yongs smin pas/ /gtan bde'i sgo 'phar mchog tu
yangs por byas/ /de

@002b ltar bskrun pa'i lhag bsam 'du byed mkhan/ /rab 'byams
smra pa byams pa bstan 'dzin dang/ /blo bzang bstan pa dkon
mchog grags pa sogs/ /'khor gsum yongs dag chags med blos
bslangs te/ /

bzhengs pa'i legs tshogs 'od stong 'bar ba'i gzis/ /yid can
snying gi mun pa rab bcom te/ /mtha' dag chos kun gsal bar byed
pa'i mchog /kun mkhyen ye shes snang ba rgyas phyir bsngo/
(/zhes pa

'di ni blo bzang bstan pa'i 'dod mos ltar ^ btsun pa'i gzugs
brnyan 'chang ba che shos skyes ming bar rlom pas bris pa'o//)
@#/ /oM swa sti/ bde gshegs rgyal ba sras bcas ma lus pa/ /gang

gi mthu las byung ba'i gzhi rten mchog /rin chen byang chub sems
nyid cho ga yis/ /'dzin tshul yongs 'dzin zhal lung gang+gA ma/
/gang gi legs bshad tshangs pa'i ral klung las/ /lhag bsam

dza h+nu yis nyer drangs te/ /skal ldan gdul bya yongs la sman
slad du/ /'dzad med chos sbyin nyal 'gro 'di nas babs/ /'di las
'ong ba'i rnam dkar dge tshogs la/ /brten nas 'gro kun phra rags

'khor ba las/ /brgal te sku gsum ye shes snang ba mchog /mngon
du byas nas 'gro kun don byed shog (/ces pa 'di yang dpar khang
spyi gnyer che chung nas sems bskyed kyi cho ga dang 'don bgrigs
bcas dpar gsar bskrun

@003a @#/ /byed skabs 'di lta bu zhig dgos zhes bskul ngor ^ sku
'bum gdan sa pa che shos paNDi ta mkhan pos bris pa'o/ /) @#/
/rgyal ba'i dbang po blo bzang grags pa la/ /brten pa'i las

tshogs dngos grub 'byung gnas gang/ /dga' ba'i dpal ldan sku 'bum
byams gling 'dir/ /chos sbyin rgya cher spel slad dpar 'di
bskrun/ (/ces pa 'di ni chab mdo lcags ra chos rjes mdzad pa'i
dmigs brtse

ma'i 'khor lo'i las tshogs dpar gsar bskrun pa'i skabs ^ che shos
mkhan ming bas bris pa'o//) @#/ /smras pa/ blo bzang rgyal ba'i
gzhung lugs gser ldan ma/ /zab gnad mngal

khur ljid kyis dman blo'i mtshor/ /bying bar ma bzod bshad sgrub
rgyal mtshan rtser/ /'god mkhas chos grags mched zlar gyur ba
gang/ /mtha' bral gzhung gi rin chen rtsig ngos su/ /mthas yas

dka' gnad gzugs brnyan 'bum 'char yang/ /mtha' dag zhib mo'i blo
yis 'chad mkhas pa/ /mtha' dbus kun tu khyod min las gzhan ci/
/rnam dag grub mtha'O mtha'O yas zab rgyas kun/ /

ma lus gzigs donO donO gnyer bgo skal du/ /yongs su ster mkhasO
mkhasO mchog gang gi gsung/ /gsung rab rab 'byamsO 'byamsO klas
blta ba'i mig /de phyir lhag bsam dge ba'i kun

@003b slong gis/ /dbang phyogs bstan pa'i pad tshal bzhad pa'i
gnyen/ /ngagO dbangO bloO bzangO bstanO 'dzinO eO waMO gyis/
/gang mkho mthun rkyen legs sbyar dpar du bsgrubs/ /'dis mtshon
dge bas rgyal bstan

dar zhing rgyas/ /de 'dzin dge 'dun thugs mthun bshad sgrub
'phel/ /khyad par dam pa'i zhabs brtan mdzad 'phrin 'od/ /mi
nyams 'gro kun chos la sbyor gyur cig /dpalO ldanO yon tan ma
dros

chu klung cher/ /bshadO sgrubO 'dzambu pr-ik+Shas nyer mtshan pa'i/
/dge ldan glingO 'dir legs bshad chos kyi sgra/ /dus kun sgrog
pa'i dga' tshal cher rgyas shog /'brel thogs bdag sogs ma rgan

'gro ba kun/ /tshangs spyod bslab gsum ldan pa'i rten rnyed cing/
/mtshan ldan dam pas rjes bzung sa lam gyi/ /bgrod pa mthar phyin
bde gshegs sku thob shog (/ces kun gzhi'i mtha' dpyod 'di nyid
rje btsun

khas len dang mthun par gnang gshis/ phyogs 'dir mkho che bar
mthong nas dpar gsar bskrun bgyis skabs dpar byang smon tshig tu
che shos paNDi ta mkhan pos bris pa'o/ /) @#/ /rnam kun mchog
ldan phra rab rdul chos 'das/ /

phyi nang gzhan gsum sgrib bral rdo rje dbyings/ /rnam rol mtshan
dpe'i dkyil 'khor sgyu 'phrul gar/ /bcom ldan dus kyi 'khor lor
gus phyag 'tshal/ /rigs ldan grags pa'i bsdus rgyud yang

@004a @#/ /snying nor/ /grub dbang mchog gi bka' drin la brten
nas/ /bod yul phan bde gsos sman gyur ba'i tshe/ /snang mtha'i
mgon pos mchog tu legs par bsngags/ /de lta'i ngo

mtshar rgyud rgyal glegs bam 'di/ /dad brtson dka' bcu dkon mchog
shes rab dang/ /dbu mdzad ku shrI ngag dbang bzod pa dang/ /dge
tshul dkon mchog blo 'phel la sogs pa'i/ /gzhan phan lhag

bsam pad rtsa ltar dkar pas/ /'dzad med dpar gyi chos sbyin
bgyis pa'i dges/ /rgyal bstan spyi dang 'jam mgon bla ma yi/
/dri med ring lugs gsal dwangs dar rgyas shog /bstan 'dzin

zhabs brtan dge 'dun sde tshogs 'phel/ /gnam bskos sa yi tshangs
chen mi dbang gi /sku tshe khri phrag brtan cing chab srid dar/
/'jig rten khams su bde legs dpal thob shog /rgyur sbyor dka'

bcu bzo bo ngo g.yog bcas/ /gnas skabs rkyen ngan nyer 'tshe kun
zhi zhing/ /mthun rkyen legs tshogs 'dod rgu yid bzhin 'grub/
/mthar thug gtan gyi btsan sa zin gyur cig /khyad par

ka lA pa yi grong khyer du/ /rigs ldan drag po 'khor lo'i zhabs
'khod tshe/ /'dus pa'i gtsor gyur sa lam mthar phyin nas/ /stang
gzugs phyag chen go 'phang myur thob shog (/ces pa 'di ni

@004b a b+ha ga ja sag shog gi bA yan cha g+han hu ral gyi bla
zur dad brtson rnam dpyod kyi 'jug pa mchog tu yangs pa'i dka'
bcu dkon mchog shes rab kyis gzhan phan lhag bsam rtse gcig pas
^ dpal dang po'i sangs rgyas dus kyi 'khor lo'i bsdus

rgyud 'di nyid sku 'bum dpar ji bzhin pA yan cha g+han hu ral
zhes pa'i dgon par dpar gsar bskrun bgyis skabs dpar byang smon
tshig 'di lta bu zhig dgos zhes bskul ngor ^ che shos skyes ming
ba blo bzang byang chub bstan pa'i sgron mes

sbyar ba'o/ /) @#/ /oM swa sti/ bsod nams stobs kyis mngon par
phyug pa yi/ /mi dbang jun wang tshe dbang rgya mtsho gang/ /gang
zhig lhag bsam dag pas kun bslang ste/ /

stong khun rgyal mo'i sor 'phrul dar yug 'di/ /phul ba'i dge bas
mi mthun rkyen dang bral/ /mthun rkyen tshe bsod stobs 'byor
rgyas pa dang/ /'jam dbyangs gong ma'i zhabs 'degs sgrub pa la/
/

bgegs med bsam don yid bzhin 'grub par mdzod// // @#/ /oM swa
sti/ mdo sngags zab gnad stobs ldan 'gying bag kyang/ /shes rab
mi'u thung gis bcom sa gsum

por/ /zla med dam pa'i gom gcig gis brdzis pa'i/ /'dren mchog
mnyam med tsong kha pa de rgyal/ /gnas gsum mkha' 'gro'i gtso mo
rgyal ba kun/ /bskyed pa'i yum gcig sdug bsngal

@005a @#/ /dag pa'i zhing/ /mkha' la spyod gnas TA ki ma khyod
kyi/ /gdung rten rin chen bde skyongs cha shas gang/ /gang gi
mtshan tsam gyis kyang phyogs rnams su/ /nyes tshogs

sel ba'i gser 'od 'gyur ba'i rtsi/ /lcags khams rin thang med
ba'i dpal ldan pa/ /'jig rten kun gyi bsod nams ches grub der/
/gser ldan lto bar gnas pa'i al tha'i phyogs/ /

mi dbang ching wang las kyi don grub dang/ /de'i sras mi shig
don grub la sogs pas/ /lhag bsam dag pas 'gyur med su wa rNa/
/me yi grangs ldan mu tig spus legs bcas/ /gzhan yang

mkhan po ngag dbang bstan 'dzin gyis/ /bsregs bcad brdar ba'i
rin chen sa le sbram/ /gzugs kyi grangs bcas lhag bsam ma chags
blos/ /'khor gsum dmigs med ngang nas phul

ba yi/ /dge des legs byas zla ba gzhon nu'i 'od/ /gang la phog
pa'i 'gro rnams dag grol gyi/ /sa lam ku mud rab tu bzhad gyur
cig /mchogO ldan dri med zhwa ser ring lugs che/ /

mchogO tu yongs khyab 'jig rten bkra shis mtshan/ /mchogO gsum
thugs rje'i nam mkhar ro gcig pa'i/ /mchogO gi nyi 'od gsal
dwangs dar rgyas shog (/ces pa 'di ni/ ^ dpal ldan smad

@005b rgyud grwa tshang gi las sne thun mong nas bka'i me tog gi
'phreng ba gang gi spyi bor lhung ba'i tshe gsung gyen du bzlog
ma nus par 'di lta bu zhig bgyis pa 'di yang ^ rgyal dbang mchog
gi bkas mer gen er te mthu paNDi ta pE lig thu nom chi mkhan
por 'bod cing/ ming gzhan

che shos sprul ming 'dzin pa blo bzang byang chub bstan pa'i
sgron mes phral du sbyar ba dza yantu//) @#/ /rgyal mtshan gyi kha
byang bzhugs/ smad rgyud rig 'dzin 'dus sde'i gtsug lag khang/
/rgyan byed rab mdzes

rgyal mtshan legs phul bas/ /dad ldan chos mchog chos snying
bslab gsum nor/ /dbang bsgyur thar pa'i rgyal mtshan 'dzin par
shog (/zhes dang/ yang gcig na/) sngags 'chang 'dus sde'i kun

dga' ra ba mchog /legs par rgyan byed rgyal mtshan 'di phul bas/
/gus ldan chos mchog chos spyod bshad sgrub kyis/ /mi nub bstan
pa'i rgyal mtshan 'dzin par shog (/zhes dang/ ! kandzi ra'i

kha byang la/) oM swa sti/ phun tshogs 'byung gnas yongs 'dzin
rin chen gsum/ /zla med ston pa gang de'i rgyal tshab mgon/ /gang
gi snang brnyan la sogs byin rten nor/ /dad pa'i rgyal mtshan
rtser

mchod dge legs stsol/ /bsod nams zhing mchog rig 'dzin 'dus pa'i
gnas/ /ngo mtshar rmad byung yid 'phrog gtsug lag khang/ /kun nas
mdzes phyir su wa rNa yi tog /gus ldan blo bzang 'byung@006a @#/ /gnas zhes
byas bskrun/ /'di yi dge bas tshe rabs thams
cad du/ /dal 'byor tshang ba'i rten bzang legs brgyud de/ /theg
mchog bshes kyis rjes bzung sa lam gyi/ /bgrod pa

mthar phyin zung 'jug sku thob shog /(ces pa 'di yang che shos
skyes ming pas bris pa'o// @#/ /bshad sgrub gling gi tshogs slang
gi kha byang smon tshig bkra shis dbyangs snyan zhes bya ba
bzhugs so//) @#/ /oM swa sti/

'jig rten mig gcig ston pas nga nyid 'das rjes su/ /khyod ni
gzhon nu'i tshul 'chang rgyal ba gnyis pa ru/ /dregs ldan la sogs
'khor dbus dgon gnas lung bstan pa'i/ /rgyal kun yab gcig

'jam mgon bla mas rtag tu skyongs/ /mgon khyod gang du bltams
pa'i gnas su dga' ldan zhing/ /'phos ba ji bzhin ngo mtshar chos
kyi sde chen por/ /gling bzhi ltar mdzes rmad byung bshad grwa
rigs

byed kyis/ /brgyan pas rtser 'phags dpalO ldanO bshadO sgrubO
gling ba yi/ /snga na mchis pa'i tshogs slang nyams rkyen 'dus
spyi nas/ /rin chen gnyis pa thur srang dgu bcu nyer reg pa'i/
/'dod rgu

yongs 'khyil grwa slang gsar bskrun spus legs 'di/ /srid 'bar
rgyal po'i gnam lo bcu bzhi sa byi lo'i/ /hor zla bdun pa'i dkar
phyogs zla ba'i dpal shar nyin/ /bsgrub pa'i dge bas gnas

@006b 'dir bkra shis byin chags shing/ /zas nor 'dod rgu 'dzad
med chu bo'i rgyun bzhin du/ /nam yang mi nyams nyams pa med
pa'i dpal thob shog /phunO tshogsO dge legs bye bas bskrun pa'i
gnas mchog 'dir/ /

phunO tshogsO bshad sgrub chos kyi 'byor bas rab phyug pa'i/
/phunO tshogsO gzi ldan mkhas mang 'bum sdes yongs bkang ste/
/phunO tshogsO bde legs 'od snang phyogs kun khyab gyur cig /(ces
tshogs khro'i

kha byang 'di yang sa byi lor bshad sgrub gling gi tshogs slang
gsar bskrun bgyis skabs 'di lta bu zhig dgos zhes ngag lam nas
bskul rong ^ che shos paNDi ta mkhan pos sug bris su bgyis
pa'o//) @#/ /dus gsum rgyal ba

kun gyi bgrod gcig lam/ /rgyal yum sher phyin stong phrag brgya
pa yi/ /glegs bam ljon shing ngos la dbyangs gsal gzugs/ /'bur
du 'dod pa'i rgyu sbyor byed po gang/ /thor god dge slong blo
bzang

'od zer dang/ /do dam byed po dri med nor bu yis/ /'dzad med
chos sbyin rgya cher spel ba'i slad/ /rigs ldan blo gsal gling
'dir par du bskrun/ /'dir 'bad dge tshogs chos sbyin gang+gA'i
rgyun/

rtag tu babs pas mkha' mnyam skye dgu'i tshogs/ /khyad par rgyu
sbyor 'brel thogs gang mchis kun/ /sdig sgrib nyes tshogs ma lus
byang gyur cig /rtag tu mtho ris rten bzang rgyud mar thob/ /dam
pa'i

@007a @#/ /mgon gyis rjes bzung chos spyod bcus/ /nam yang mi
g.yel theg mchog lam bzang la/ /brten nas bla med byang chub
myur thob shog /(ces 'phags pa brgyad stong pa'i bar byang 'di
lta

bu zhig dgos zhes snga lor dri med nor bu nas dong tse lnga
brgya dang kha dar bcas bskul zhing nye char ye shes lhun grub
nas kha dar bcas bskul ngor ^ chos med ban rgan 'du gsum pas sug
bris su bgyis pa'o//) @#/ /rnal

'byor ma rgyud kun gyi mthar thug pa/ /dpal ldan dus kyi 'khor
lo'i thugs dkyil gyi/ /sgrub thabs ljon shing ngos la yi ge'i
gzugs/ /'bur du 'dod pa'i rgyu sbyor byed pa po/ /dad ldan lhag

bsam dge ba nor bu bzang/ /ja lang dze sang gang des dad pas
bskrun/ /'di yi dge bas mkha' mnyam lus can kun/ /tshe rabs
'phreng bar dal ba'i rten thob cing/ /theg pa mchog gi bshes

kyis rjes bzung ste/ /zab lam bla med rdo rje theg pa yi/ /rim
gnyis spyod dang bcas pas lam bzang la/ /brten nas bcu gsum rdo
rje'i sa thob shog /(ces sgrub thabs thugs dkyil gyi par byang
smon tshig 'di

yang chos med ban rgan bo d+hi sha sa na s+ya li khi taM/) @#/
/srid gsum bcud lnga skye gnas rten 'brel zas/ /snod bcud tshad
dbyibs bskal ba'i chags 'jig sogs/ /dka' gnad gsal

@007b bar ston pa'i legs bshad 'di/ /blo gsal gzhon nu'i dga'
ston 'gyed slad du/ /dpar khang spyi gnyer thub bstan bshes
gnyen dang/ /zla grogs gnyer chung blo bzang chos 'phel nas/
/chos sbyin

'dzad med dpar gyi rgyu sbyar zhing/ /mkhas bsdus bzo bo'i sor
mo'i 'phrul 'degs las/ /byung ba'i dge bas mtha' yas lus can
kun/ /skye shing skye bar dam pa'i mgon gyis zin/ /thos bsam

sgom dang zag med shes rab kyis/ /srid rtsa'i phra rgyas drung
phyungs rgyal thob shog /(ces pa 'di ni dpar khang gnyer pa'i
'dod mos ltar/ chos med snyom las pa bik+Shu dI baM ming can nas
'phral du bris pa'o// @#/ /bris thang zhal

byang smon tshig byang chen bgrod pa'i them skas zhes bya ba
bzhugs so//) ! gsum ldan rtsa ba'i bla ma rim byon gyi/ /snang
brnyan bris sku mthong ba don ldan gang/ /bzhengs pa'i dge tshogs
dung dang kunda ltar/ /dkar ba gang

zhig bsags pa'i dge tshogs mthus/ /phan bde'i 'byung gnas rgyal
bstan dar zhing rgyas/ /de 'dzin skyes bu zhabs pad gzhom gshig
bral/ /dge 'dun sde mthun chos spyod bshad sgrub 'phel/ /sa
dbang

chen po'i chab srid mnga' thang dar/ /'dis mtshon yul grur mi
phyugs nad rims zhi/ /sad ser btsa' than dmag 'khrugs mu ge
sogs/ /zhi zhing thun rkyen tshe bsod dpal 'byor rnams/ /dbyar
gyi chu gter dpal

@008a @#/ /dang mtshungs par shog /rgyu sbyor byed po 'khor dang
bcas pa yi/ /'phral rkyen kun zhi chos mthun bsam pa'i don/
/'bad med lhun grub srid zhi'i legs tshogs kun/ /khab len

rdo yis lcags phye 'dren bzhin mdzod/ /deng nas bdag cag 'brel
thogs bcas pa kun/ /brtse chen thugs rje'i zhags pas dam bcings
nas/ /mi yi rigs 'dzin cha bsags grong khyer du/ /mgon khyod

sras kyi thu bor bdag gyur cig /der ma gson pa'i tshe rabs thams
cad du/ /mgon po khyod kyis 'bral med rjes bzung nas/ /zab gsang
bdud rtsis bdag rgyud legs smin nas/ /bla med byang chub snying
por

reg gyur cig (/ces bris thang zhal byang smon tshig byang chen
bgrod pa'i them skas zhes bya ba 'di ni/ a b+ha ga lha rams pa
mkhan po bla mas bskur ba'i ngor ^ ngan rgan chos kyi rdo rjes
sug bris su bgyis pa dge legs 'phel// @#/ /thang sku'i rgyab

yig bzhugs so//) rnam 'dren stong sogs gzugs sku phul byung
mchog /bskrun pa'i rnam dkar dge tshogs kun da ltar/ /dkar ba'i
cha tsam gang zhig bsags pa'i mthus/ /dal 'byor tshang ba'i mi
lus thob

par shog /'di ltar 'tshang ba'i rten bzang legs thob nas/ /rgyal
bstan gser gyi sgo 'phar yangs pa ru/ /zhugs te lnga gsum legs
lam mthar phyin te/ /rnam mkhyen rgyal ba'i go 'phang myur 'thob
shog /

@008b (ces pa 'di yang kau shrI'i bzod pa'i 'od dmos ltar ^
btsun gzugs 'chang ba che shos sprul ming bas bris pa'o//) !
stobs bcu'i dpal mnga' yang dag rdzogs sangs rgyas/ /zhi ba
chags bral theg mchog dam pa'i chos/ /rigs grol

brgyad ldan 'phags tshogs dge 'dun ste/ /skyabs mchog rin chen
gsum gyis shis pa stsol/ /sngon tshe drang srong bden gsung de yi
ni/ /zhal khyim rin chen 'byung nas legs 'ong ba'i/ /las 'bras
ston

pa'i mdo yi man ngag kun/ /snying por btus te gdams pa'i legs
bshad gang/ /rje btsun blo bzang snyan grags mdzad pa 'di/ /ljon
shing ngos la dbyangs gsal gzugs brnyan mchog /bskrun pa'i sbyin
bdag

rgyal chen pI zi'i shog /blon chen ja he rog chi thu mun dang/
/rigs skyes dge tshul byang chub dza ya'i shog /dge tshul tshe ring
don grub mthun mong nas/ /rin chen gnyis pa thur srang dbang
thig grangs/ /kun

gsal mdangs 'phrog gos chen yug phul pas/ /'dzad med par gyi
chos sbyin 'di na spel/ /'dir 'bad las byung rnam dkar gang
mchis pa/ /rgyal bstan snying po dri med ring du gnas/ /de 'dzin
skyes bu

zhabs pad gzhom zhig bral/ /dge 'dun sde rnams thugs mthun chos
spyod 'phel/ /mkha' mnyam 'gro kun bde dga'i dpal la spyod/
/legs tshogs kun 'phel nyer 'tshe'i 'jigs las grol/

@009a @#/ /gang bsam don rnams 'bad med lhun gyis grub/ /khyad
par rgyu sbyor byed po 'brel thogs rnams/ /las ngan rgyu spangs
rnam dkar dge la brtson/ /mi 'dod kun zhi mthun

rkyen yid bzhin 'grub/ /las 'bras mi bslu bden pa'i mthu smin
shog /(ces pa 'di yang gtsug lag rgya mtshor nang byan chud pa'i
mang thos blo bzang rab rgyas nas kha dar bcas bskul ba'i ngor ^
chos med ban rgan byang bstan nas phral mar sug

las su bgyis pa dza yantu//) @#/ /ma lus rgyal ba'i mkhyen pa'i
ye shes kun/ /gcig bsdus 'jam mgon rgyal ba gnyis pa dang/
/dbyer med drin can bla ma yab sras kyis/ /deng 'dir bkra

shis dge mtshan char chen phobs/ /rnam 'dren stobs bcu mnga' ba'i
nang gi tshe/ /bla med bdud rtsi brnyes nas ga gon la/ /gsung gi
thog ma bkra shis don grub dang/ /bkra shis brtsegs pa nor lha'i

gzungs sna tshogs/ /gcig tu bsdus pa bkra shis brtsegs chen zhes/
/dga' ldan chos las par las zhal bshus kyis/ /dus grwar chos
sbyin rgya cher spel ba'i slad/ /bskrun pa'i byed po rdor slob

zur ba che/ /blo bzang rab rgyas zhes byas dpar du bsgrubs/ /'di
las 'ong ba'i dge ba'i cha gang mchis/ /yul phyogs gang du nad
mug 'khrugs rtsod dang/ /lo nyes rgud pa'i ming yang mi 'byung
bar/ /char

@009b chu dus babs 'dzin ma'i bcud kun 'phel/ /'gro rnams rgyud
mthun dge bcu'i khrims la gnas/ /rgyal bstan dar zhing de 'dzin
zhabs pad brtan/ /blo gsal mkhas mang dbyar mtshe ltar 'phel shog
/ /

@#/ /'jig rten rgud pa 'byung 'gyur lha yi lung/ /rgya yig bod
bsgyur 'gro phan 'byung ba'i slad/ /chos sbyin byed po ngag
dbang dbyig gnyen dang/ /dam bsrung rdo rje rgyal mtshan la sogs
pas/

dpar du bskrun pa'i dge tshogs gang mchis pa/ /de yi 'gro kun las
'bras 'jug ldog la/ /spang blang ma nor tshul bzhin spyod pa'i
mthus/ /gtan bde'i go 'phang mchog la reg par shog /(zhes pa

'di yang b+hu su gu pas li khe taM//) //@#/ /rnam 'dren phyag na
padmo'i zhal khyim las/ /legs 'ongs kA la tsa kra'i maNDal gyi/
/lha gnas mi 'chol tshom bu 'god pa'i tshul/ /legs bshad zla ba'i
ma

ma bsrings pa'i slad/ /mi 'dzad mchod sbyin brgya ba ye lhun
nas/ /bskrun pa'i rab dkar dge tshogs pad rtsa ltar/ /dkar pa
gang zhig bsags pa'i mthu nyid las/ /rgyal bstan spyi dang bye
brag dus 'khor

lo'i/ /bshad bsgrub bstan pa phyogs mthar rgyas pa dang/ /de
'dzin zhabs pad rdo rje'i khams ltar brtan/ /khrims ldan blo
gsal mkhas mang phyogs bcur rgyas/ /rgyu sbyor ltos bcas nyer
'tshe'i

@010a @#/ /'jigs dang bral/ /gang bas ma don rnams 'bad med lhun
gyis 'grub/ /phyi ma rigs ldan gnas mchog shamb+ha lar/ /rigs
ldan chos kyi rgyal po'i zhabs drung nas/

theg mchog dam chos bdud rtsis spyod gyur cig / //@#/ /oM swa
sti/ gang gi mtshan snyan rna bar lhung pa'i mod/ /rmongs mun kun
sel ye shes mtshan dpe'i sku/ /mkhyen pa'i gter chen

zhabs la gus 'dud kyi/ /blo gros snang ba'i 'dab brgya bzhad par
mdzod/ /rang gzhan grub mtha'i rnam dbye gsal ba'i mdzod/ /chos
rgyun mi zad mdzod du spel ba'i slad/ /ljon shing ngos la yig
gzugs

legs bskrun pa'i/ /byed po blo bzang chos 'phel lhag bsam gyis/
/rgyu sbyor gtong ba'i sgo phye 'di yi dges/ /bla ma'i zhabs pad
rdo rje'i khams su brtan/ /drin can pha mas gtso byas 'brel

thogs kun/ /sgrib sbyangs tshogs rdzogs byang chen thob phyir
bsngo/ (/zhes pa 'di yang lang gru blo bzang chos 'phel nas grub
mtha' rtsa ba'i par gsar bskrun gyi smon tshig 'di lta bu zhig
dgos zhes rin gnyis srang dang lha reg bcas bskul ngor ^ chos

med ban rgan chos kyi rdo rje nas 'phral mar bris pa dza
yantu//) ! //rnam 'dren phyag na padmo'i zlos gar mchog
/sang+gA sa ra'i spyan dbye'i cho ga 'di'i/ /lhan thabs che
shos ngag dbang bshad sgrub pas/ /mdzad

@010b pa 'di nyid 'dzad med chos sbyin mkhan/ /yon sbyar byed po
pA rang dbang gi shog /dge slong nyi ma'i 'od zer zhes byas
bskrun/ /'di yis dge bas tshe rabs thams cad du/ /theg mchog dge
ba'i

bshes kyis rjes bzung nas/ /zab rgyas bdud rtsi'i bcud kyi legs
smin cing/ /rnam dag lam dang bral bar ma gyur cig /bdag la re
ltos drin can pha ma kun/ /mi zad 'khor ba'i duH kha las grol
te/ /

sa lam spangs rtogs bgrod pa mthar phyin nas/ /kun mkhyen ye
shes snang ba thob gyur cig /(ces pa 'di yang chos med ban rgan
nas bris pa dza yantu//)