@#/ /gsung 'thor bu'i skor bzhugs so/ / @001b @##/ /kunO bzang rkang 'thung 'khrigs pa'i dbus/ /kunO dga' dpal ster rang byung phug /kunO la rmad byung nyams rtogs mchog /kunO tu thob pa'i gnas mchog 'dir/ /ngoO mtshar ting 'dzin zas la spyod/ /ngoO mtshar gtum mo'i ras rkyang gyon/ /ngoO mtshar rim gnyis rtsal rdzogs te/ /ngoO mtshar sgyu ma'i skur gyur nas/ /rmadO byung rags pa'i lus 'di yis/ /rmadO byung 'og min zhing khams su/ /rmadO byung ye shes mtshan dpe'i sku/ /rmadO byung mdzad pa mthas yas pas/ /rgyal kun mchod cing 'gro rnams smin/ /rgyal ba'i go 'phang mngon byas nas/ /'gro rnams srid pa'i rgya mtsho las/ /sgrol ba'i byed @002a @#/ /(bum pa yul khyad par can la 'bul dgos yod tshe/ bum pa 'od zhu byas pa'i mjug tu/ 'bul yul gyi spyan sngar phyin nas bum pa stegs kyi khar bkod/ phyag gsum byas te sa la 'khod nas/) ^ 'phags mchog thugs rje'i gter chen spyan ras gzigs/ /khyod zhabs gus pas bsnyen cing gsol btab na/ /byin rlabs thugs rje'i mthud pung cher bskyed de/ /bla ma'i spyan mchog gsal bar byin gyis rlobs/ /tadya thA/ hu ya hu yaX shwatri na ye dpal ldan bla ma dam pa'i tshul bstan spyan mi gsal pa zhi nas ye shes kyi spyan dang ldan par gyur cig swA hA/ (zhes pa ci 'grub bzlas mthar/ bum pa 'bul yul gyi phyag tu phul la/) gsal byed mig sman sna tshogs legs gtams pa'i/ /rin chen mdzes pa'i bum bzang 'di 'bul bas/ /thun mong snang ngor rab rib kun sbyangs te/ /sgrib bral ye shes spyan bzang gsal bar mdzod/ /mgon khyod bu slob rnams la thugs brtse shar/ /rab gsal spyan gyis thos bsam sgom gsum dang/ /'chad rtsod rtsom pa'i dus ston 'gyed pa sogs/ /dbyar gyi chu gter dpal dang mtshungs par shog /bla ma'i zhabs pad rdo rje'i khams su brtan/ /bu slob thugs mthun rnam dkar dge la spyod/ /rtag tu bshad sgrub bya bas dus 'da' zhing/ /dge mtshan bye pas sa steng khyab gyur cig /bdag sogs rnams kyis deng nas byang chub bar/ /bgyid dang bgyid gyur dge ba ci bsags pa/ /zhing 'dir rje @002b btsun bla ma'i gzugs kyi sku/ /'gyur med rdo rje ltar brtan bkra shis shog /(ces zhabs brtan bum pa 'bul tshul 'di yang rdo rje 'chang dbang bla ma'i gsung gi rjes su bzlos te/ sprang ban bik+Shu ma tI bo d+hi'o// // [@#missing page-01 a/b@#] @002a @##/ /po bdag gyur cig /lak+Shmi/ a-ithi/ dza yantu/ sarba mang+ga laM/ ! 'chi med grub pa'i rig 'dzin tshe yi lha/ /brten nas ri brag chu shing bya ri dwags/ /thl-iMi/ lak+Shmi/ tshe ring drug skor zhes grags ri mo'i phreng/ /gang du spel der phan bde bla med 'byung/ /dza yantu/ bkra shis dpal 'bar 'dzam gling rgyan drug shog / // ! na mo gu ru badzra wa ra hi ya/ bde stong ye shes mtshan dpe'i sgyu 'phrul gar/ /'gags med tshangs dbyangs bzhi lhag drug cu'i gsung/ /shes bya kun gsal mkhyen pa'i rang bzhin thugs/ /bla ma chos kyi rdo rje la phyag 'tshal/ /mgon khyod sna tshogs sgyu 'phrul rol ba yis/ / @002b skal dman rmongs brtul bdag la nyer gdams pa'i/ /gsung gsang bkod pa mtha' yas rab 'das shing/ /rmongs pa'i dbang gis lo zla bgrang las brgal/ /rnam g.yeng rlung gi khol bor gyur pa las/ /'on kyang dus tshig ma 'das rten 'brel gnad/ /bsgrub pa'i rkyen gyis deng 'dir zab mo'i lam/ /nyams su len pa'i bgo skal 'di rmad byung/ /sngon goms ma rig bag chags nyer bslad pa/ /rmongs shing 'thibs pas gsal snang nga rgyal kun/ /zhib mor 'byed pa'i blo yi mthu gtugs pas/ /gzhung don khong du chud pa'i byin rlabs stsol/ /deng nas brtsams te skyas chen 'degs kyi bar/ /bla ma yi dam rang sems dbyer med du/ / mthong ba'i rnal 'byor mchog las g.yel med du/ /sgrub pa'i skal bzang dam pa bdag gyur cig /khyad par ngo mtshar sgyu ma'i mig 'phrul bzhin/ /sngon byon mkhas grub dam pa'i rnam thar ltar/ /blo dman bdag kyang dngos dang nyams snang la/ /nyams su myong ba'i skal bzang bdag gyur cig /skye dang skye bar lha mchog khyed nyid dang/ /rmi lam du'ang mi 'bral lam bzang la/ /rtag tu spyod cing mtha' yas yon tan mdzod/ /mngon du gyur nas 'gro la ston gyur cig / ! //rnam dkar dgeO la 'dunO pa'i thugs bskyed kyis/ /thub dbang bstanO pa dar zhing rgyasO mdzad pa'i/ /mtshungs med drin can bla ma bdag gi skyabs/ /byang chub bar du 'bral med @003a @#/ /brtse bas skyongs/ /deng nas brtsams te tshe rabs thams cad du/ /'dren mchog bla ma khyod dang mi 'bral zhing/ /khyod gsung bdud rtsi'i ro yis rtag tu 'tsho/ /gsang mdzod 'dzin pa'i sras su bdag gyur cig (/ces pa 'di yang tig kyA mgon po nas bskul ngor ^ chos kyi rdo rjes bris pa'o//) ! bsod nams bye bas nyer bskrun pa'i/ /bde ldan chos kyi khang bzang mchog /sa la 'phos 'dra'i dri gtsang khang/ /thugs rje'i lha khang rgyal gyur cig / ! //rmad byung blo gros bzang po'i thugs bskyed mthus/ /lhag bsam zla gzhon 'od kyis yongs smin pa'i/ /gtan bde'i ku mud tshal rab rgyas mdzad mgon/ /smra ba'i seng+ge'i zhabs la gsol ba 'debs// ! //dgeO legs bye bas bskrun pa'i khang bzang mchog /gtan 'dunO gzhi tshugs bslab gsum nor gyis phyug /thubO bstanO bshad sgrub rgyal mtshan 'dzin mkhas pa'i/ /lus can rgyaO mtsho'iO mgon la gsol ba 'debs// ! //blo bzangO dgongs don byangO chubO snying po'i nor/ /bshad sgrub bstan pa'i rgyal mtshan rtser bkod de/ /phan bde lam bzang gsal mdzad sgronO meO mchog / dpal ldan bla ma'i zhabs la gsol ba 'debs// ! //rgyal ba kun 'dus mtsho skyes rdo rje'i zhabs/ /khams gsum chos kyi rgyal po tsong kha pa/ /bka' drin mtshungs med chos kyi rdo rje ste/ /rnam gsum @003b dbyer med zhabs la gsol ba 'debs/ /'di phyi bar do'i 'jigs pa kun las skyobs/ /mthun rkyen bsam don lhun gyis 'grub par mdzod/ /(ces pa 'di yang dad ldan 'ga' zhig gi 'dod mos ltar bris pa'o//) ! //smras pa/ khyab bdag rdo rje sems dpa'i zhal khyim rin chen 'byung gnas las/ /legs 'ongs grub dbang mai tra dzO ki'i thugs dam lha brgya'i dbang/ /grub pa'i dbang phyug darpan zhabs dang 'jigs med 'byung gnas kyi/ /phreng kri chu bo gnyis 'dres smin byed dbang gi chu bo'i rgyun/ /rgyud rgyal dus kyi 'khor lo'i smin byed dbang bzhi'i chu bo yis/ /skal ldan gdul bya'i bsod nams zhing gi yur bar 'dren mkhan pa/ /dpal ldan sku bzhi'i sa bon dpyid du legs smin tshogs gnyis kyi/ /'bras bu khur du lci ba'i bla med bdud rtsi'i mchog 'di thob/ /de phyir bka' drin phung po'i cha/ /stong gsum rin chen sna bdun gyis/ /bkang ste phul kyang gzhal nus min/ /'on kyang dad dang dam tshig gi /'brel ba lu gu rgyud spel phyir/ /rtse gcig lhag bsam bden brjod kyi/ /manda ra yi bsil ma 'di/ /khyod skur dad pa'i sems kyis phul/ /tshe rabs padmo'i 'phreng ba ru/ /rdo rje slob dpon gtsug tu bkur/ /zab gsang gdams pa'i bcud myang ste/ /smin grol zab lam rab bgrod nas/ /rdo rje 'dzin pa'i sa thob shog / ! //(maNDal tshom bu nyer lnga ma bzhugs so//) zhing khams 'bul bar zhu/ oM badzra [@#missing page-04 a/b@#] @005a @#/ /pa'i spyan sngar rgyal sras 'jam dpal snying po'i skur bzhengs nas theg mchog chos kyi dga' ston la rol bar mdzad cing/ de tshe sras kyi thu bo rnams kyis rlabs chen zab mo'i thugs kyi dgongs pa yongs su rdzogs pa'i slad du dus mchod chen mo spel ba phyogs kun tu khyab par 'grim rgya hor bod kyi dge dgon ji snyed par dar zhing rgyas par bzhugs pa las 'dir rang re gzhi dgon rang la'ang bla ma gong ma'i srol bzang ma nyams par mchis pa da lan bslab rim ltar dge slong bshad sgrub rgya mtsho'i skabs su babs pa lags na// ! //('dir nad pa sogs kyi ched du rta phyugs sogs tshe thar gtong bar 'dod pas/ gang gtong rgyu'i rta phyugs sogs rdo rje rnam 'joms kyi bum pa sgrub te bum chu'am/ gzhan gzungs sngags byin rlabs can sogs mang du bzlas pa'i gzungs chus khrus legs par bya/ bsangs bdug btang/ rna cha dang dpung dar sogs rgyan 'dogs/ rwa dang mig bzhir mar legs par byugs/ gtsug tor rnam rgyal ma/ tshe gzungs ring thung/ rin chen gtsug tor can/ don zhags kyi gzungs thung padmo u ShNI de bzhin gshegs pa'i yig brgya/ rdo rje sems dpa'i yig brgya/ mi 'khrugs pa'i gzungs/ du rga sogs ci nus su rna bar bsgrag /gzhan yang/) bcom ldan 'das de bzhin gshegs pa dgra bcom pa yang dag par rdzogs pa'i sangs rgyas tshe dpag tu med pa la phyag 'tshal lo/ /sems can 'di'i dus ma yin pa'i 'chi ba 'joms par mdzad du gsol/ @005b tshe rnam par 'phel bar mdzad du gsol/ las kyi sgrib pa'i rgyun rnam par byang bar mdzad du gsol/ thar pa'i lam la yang dag par bzhag tu gsol/ (zhes yang yang brjod la tshe gzungs mang du bzlas/ me tog 'thor bzhin du 'di skad do/ /) dgra 'dul rlung shugs rta mchog 'di/ /bla ma yi dam tshe lha dang/ /mkha' 'gro chos skyong gzhi bdag la/ /'bul lo bsngo'o dgyes par bzhes/ /thar ro thar ro rten 'di nyid/ (/gcig yin na 'di nyid gnyis yin na 'di dag gsum yan chad la 'di rnams zhes sbyor/) dus min 'chi ba'i nad las thar/ /las ngan sdug pa'i 'phrang las thar/ /mi khom skyon gyi gnas las thar/ /rgyal lo rgyal lo lha rgyal lo/ /(glang la/) stobs 'phrog brjid chags zhol pho 'di/ (/ba la/) bdud rtsi'i khur ldan zhol mo 'di/ (/lug la/) 'jam pa'i spu ldan g.yang 'khyil 'di/ (/ra la/) cang shes tshe tshe 'phel ba'i ra/ (/srog bslu nya lta bu la/) gser mig 'khyil ba'i nya tshogs 'di/ (/zhes ming sbyor bar bya'o/) /'di ltar byas pa'i bsod nams kyis/ /nyam thag 'gro ba gang dag gi /nyer 'tshe'i gdungs pa las grol te/ /gtan du bde ba thob par shog /sems can nad paX 'jam dpal dpa' boXXX (zhes sogs bsngo smon gyis mtha' brgyan par bya'o/ /ces pa 'di yang dam pa gong ma rnams kyi gsung gi rjes su zlos nas spel ba po chos med gyi na ba bod+hi dI baM mo//) ! //ywan do lam rim grwa tshang gi dam bca'i bshad pa @006a @#/ /bzhugs so// ji skad du/ bslab pa gsum ldanX 'dus pa'i tshogs zhes gsungs pa ltar/ lhag pa'i bslab pa gsum dang ldan pa'i ngur smrig gi rgyal mtshan rnam gsum 'chang ba'i 'phags tshogs mkhas mang 'dus pa rgya mtsho dam chos kyi dga' ston du gdan 'dzom pa'i mdun sar gang zhu na/ de yang ji skad du/ rnam dkar las rnams gang byed pa/ /de yi thog mar rgyal ba mchod ces gsungs pa ltar/ rnam dkar chos ldan gyi bya ba gang dang gang la 'jug pa'i thog mar yul khyad par can la mchod par brjod pa'i las la 'jug pa ni/ sngon byon mkhas grub dam pa rnams kyi rnam thar rmad du byung ba lags pas/ rang nyid kyis kyang dam pa gong ma rnams kyi rjes su 'brang ste yul khyad par can gyi yon tan dang bka' drin rjes su dran pa'i sgo nas mchod par bya ba yin te/ de ltar mchod par brjod pas rang nyid dam pa'i rnam thar dang mthun zhing/ de'i mthu las bsod nams khyad par can bskyed de/ bdud dang bdud kyi ris kyi lha rnams kyi gnod pas mi tshugs pa dang/ gang bcol ba'i las rnams mthar phyin te/ zhi ba mi gnas pa'i myang 'das myur du thob pa sogs kyi dgos pa khyad par can yod pa de'i phyir na/ 'dir tshogs kyi zhing khyad par can la mchod par brjod pa ni/ phun tshogs dge legsX byams @006b pa thogs medX 'jam dbyangs yod medX thugs rje chen poX bshad sgrub bstan pa'iX gangs can shing rta'iX skyabs gsum kun 'dusX mthu stobs nus paX bla mgon dbyer med zhabs la gus pas 'dud/ /rdzu 'phrul stobs dangX rdo rje chos bsrung rnams kyis bdag skyongs shig /ces mchod par brjod pa dang 'phrin las bcol ba de tsam zhig sngon du btang nas las su bya ba gang la 'jug pa yin zhe na/ de yang ji skad du/ snyan pa'i ba danX nor bus gtugsX zhes gsungs pa ltar/ srid gsum lus can yongs kyi ma 'dris pa'i mdza' bshes chen po ston pa mnyam med shAkya'i rgyal po zhes snyan pa'i ba dan dkar po sa gsum na mngon par g.yo ba de nyid kyis dang por byang chub mchog tu sems bskyed/ bar du bskal chen grangs med gsum gyi bar du tshogs bsags/ mthar zhi ba bla na med pa'i bdud rtsi'i go 'phang mchog brnyes te/ gdul bya rnams kyi khams dang bsam pa dang/ bag la nyal gyi tshul dang mthun par dam pa'i chos kyi phung po brgyad khri bzhi stong bka' stsal ba'i snying po gcig tu bsdus pa ni/ de yang ji skad du/ gsung rab kun gyi snying po bsdu bsdu pa/ /X de don bsam zhes gsungs pa ltar/ dus gsum gyi rgyal ba thams cad kyi bgrod pa gcig pa'i lam po che/ shing rta chen po klu sgrub dang thogs med gnyis kyi lam srol/ rnam pa thams cad mkhyen @007a @#/ /pa'i sar bgrod pa'i skyes bu mchog gi chos lugs dpal a ti sha dang 'jam mgon chos kyi rgyal po tsong kha pa'i thugs kyi bcud phyung ba'i nying khu skal ba dang ldan pa'i gdul bya rnams snyigs dus kyi tshe gcig la sangs rgyas kyi sar khrid pa'i thabs zab mo byang chub lam gyi sgron ma 'chad par bshad pa la/ mtshan gyi don dang/ 'gyur gyi phyag go /dang po ni/ rgya gar skad du/ (nas/) byang chub lam gyi sgron ma zhes pa'i bar gyi gzhung 'di byung/ gnyis pa ni/ 'jam dpal gzhon nur gyur pa la phyag 'tshal lo/ /zhes pa'i gzhung 'di byung// ! //bla ma rgyal yum rdo rje rnal 'byor mar/ /sgo gsum gus pas phyag 'tshal skyabs su mchi/ /'di phyi bar do'i 'jigs pa kun las skyobs/ /mchog thun dngos grub rnam gnyis bdag la stsol/ /tshe 'di nyid dam bar do la sogs par/ /ngo mtshar ltas bzang mang pos mdun bsu nas/ /mkha' spyod chung ngur sa lam rab bgrod de/ /mkha' spyod chen po'i go 'phang myur thob shog (/ces pa 'di yang rtog ge ba dge legs kyi 'dod mos ltar ^ ban rgan chos rdor gyis bris pa'o//) ! // kyai dbyangs can khyod nyid bsnyen cing bsgrub pa'i mthus/ /thugs rje'i bdud rtsi'i char rgyun rtag babs pas/ /bdag yid zhing sa rab tu brlan pa las/ /ngo mtshar shes rab me tog myur 'khrungs shog /tshig @007b la sgra snyan lo 'dab 'thug pos gtibs/ /don bzang khur gyis dud pa'i 'bras bu brjid/ /sngon med dpag bsam rkang 'thung gsar ba zhig /bdag gi yid la myur du skyes par shog / ! //ji skad du/ phun tshogs bkra shis dus bzang yar gyi ngor/ /gza' skar dus sbyor legs pa 'phrod kyi dge /mthun pa'i rkyen kun tshang ba'i gnas mchog 'dir/ /zhes gsungs pa ltar/ de ring gza' skar tshes grangs phun sum tshogs pa'i nyin 'dir chos sde chen po'i zhal ta ba'i las khur legs par mthar phyin te rang gshag spro bde'i khang gsar du 'byor ba'i dga' ston du bcud kyi snying po phul ba'i dge bas dus kun dge ba'i lo tog phun sum tshogs pa'i dpal la spyod pa'i rgyur gyur cig / ! (//rwa sgreng no mon han gyi gsung gi gsang bde 'jigs gsum dang 'brel ba'i bla ma'i rnal 'byor gyi nang tshan yan lag bdun pa'i dang po phyag 'tshal ba'i yan lag tshig zin la mi gsal bas der phyag 'tshal ba'i yan lag 'jug pa la/) skyabs gnas ma lus spyan drangs dbyer med thim/ /rigs kun khyab bdag gsang chen 'dus pa mchog /bde chen rgyal po khrag 'thung he ru kaH dpal chen rdo rje 'jigs mdzad lha tshogs la/ /grangs med lus sprul gus pas phyag 'tshal lo/ /phyi nang gsang ba'iX (zhes 'jug par bya'o/ /zhes pa 'di yang don gnyer can 'ga' zhig gi 'dod mos ltar ^ che shos sprul ming pas bris pa'o//) ! //ngagO la dbangO bsgyur smra ba'i spobs pa can/ /bstan pa'i @008a @#/ /dbang phyug bslab gsum rgyan gyis mdzes/ /lungO rtogsO 'od brgya'i zer 'phreng legs spros pas/ /phan bde'i 'dab brgya bzhad la gsol ba 'debs// ! (//drug cu pa zhi drag gi spel tshig la/ dang po zhi ba la/) dam rdzas bdud rtsi ('bar ba'i) gtor ma 'di bzhes la/ khams gsum chos kyi rgyal po tsong kha pa chen po'i bstan pa bstan 'dzin dge 'dun gyi sde dang/ khyad par rnal 'byor pa bdag gi blo chos su 'gro ba la phyi nang gi rkyen ngan nyer 'tshe bar chad zhi ba'i 'phrin las mdzod cig /(yang na/) khyad par rnal 'byor pa bdag gi bslab gsum rim gnyis kyi nyams len zab mo byed pa la sgo gsum phyi nang gi bar chad nyer 'tshe thams cad zhi ba'i 'phrin las mdzod cig /(yang na/) khyad par rnal 'byor pa bdag la steng 'og bar gsum gyi gnod pa thams cadX (yang na/) khyad par rnal 'byor pa bdag la rgyal 'gong dam sri shi gshed kyi gnod pa thams cadX (yang na/) khyad par rnal 'byor pa bdag la gza' btsan klu gnyan sa bdag gi gnod pa thams cadX (yang na/) rnal 'byor pa bdag la pha rol gyi byad kha rbad 'dre rbod gtong thams cadX (yang na/) rnal 'byor pa bdag la ma mo the'u rang 'byung po'i gnod pa thams cad nye bar zhi ba'i 'phrin las mdzod cig /(yang na/) rnal 'byor pa bdag la mi kha gtam ngan kha smras gleng gzhi'i nyer 'tshe thams cadX yang na/ rnal @008b 'byor pa bdag la nad gdon chags che nyam nga skeg sri'i gnod pa thams cadX (yang na/) rnal 'byor pa bdag la glo bur gyi rkyen ngan bar chad thams cad nye bar zhi ba'i 'phrin las mdzod cig /(drag po la/) sha khrag dmar gyi gtor ma 'di bzhes la khams gsum chos kyi rgyal po tsong kha pa chen po'i bstan pa bstan 'dzin dge 'dun gyi sde dang/ khyad par rnal 'byor pa bdag gi blo chos su 'gro pa la phyi nang gi rkyen ngan bar chad nyer 'tshe gnod byed thams cad a mu ka ma ra ya phaT/ (zhes go rim ltar sbyar bas 'grub bo// zhes pa 'di yang su nyid legs pa'i 'dod mos ltar/ ^ chos rdor gyis sbyar ba'o// ! //'khor lo'i spel tshig ni/) oM ma Ni padme hUM/ bdag cag dpon slob 'khor dang bcas pa'i nad gdon sdig sgrib bar chad mi mthun pa'i phyogs thams cad shantiM ku ru swAhA/ oM ma Ni padme hUM/ bdag cag dpon slob 'khor dang bcas pa rnams kyi tshe bsod dpal 'byor lung rtogs kyi yon tan thams cad pu ShTiM ku ru oM/ oM ma Ni padme hUM/ bdag cag dpon slob 'khor dang bcas pa rnams kyi dbang du khams gsum gyi zas nor longs spyod 'dod rgu yo byad thams cad wa shaM ku ru hoH 'khor chen bzhengs pa'i dge tshogs kyis; ;tshogs gnyis rdzogs shing sgrib gnyis sbyang/ /lam lnga sa bcu rab bsgrod nas/ /sku gsum go 'phang myur thob shog /sangs rgyas sku gsum brnyes pa'i byin rlabs dang/ /XX 'grub par shog / @009a @#/ /(ces pa 'di yang dad gtong shin tu yangs pa dge slong thub bstan lha dbang nas bskul ba'i 'dod mos ltar ^ chos kyi rdo rjes 'phral mar sbyar ba'o// ! //kanydzi ra'i srog shing gi spel tshig 'dod gsol bzhugs so//) 'dis mtshon dge tshogs 'od stong rab 'bar bas/ /thub bstan snying po manydzu g+ho Sha yi/ /bstan pa'i pad tshal rab rgyas bstan 'dzin gang/ /zhabs brtan mdzad 'phrin dri bsung phyogs kun khyab/ /khyad par sde 'dir blo gsal mkhas grub tshogs/ /yongs su bkang ste chos spyod bshad sgrub 'phel/ /mchod tshogs kun 'dus dge legs nyi zla'i 'od/ /rtag tu rgyas shing sgrub par byed pa bdag /deng nas ji srid rgyal bar ma gyur bar; ;de srid bstan 'gro'i gtsug rgyan bdag gyur cig /su pra tiShTha badzra ye swAhA/ (bla brang chen mo'i kanydzir gsar 'jog byas skabs srog shing gi spel tshig 'dod gsol du bik+Shu ma tis sbyar ba'o//) ! //oM b+hu mi pA ti sa pa ri wa ra sa ma ya stwaM/ 'jam mgon bstan pa'i gnas bsrung mthu ldan gzhi bdag le'u cher grags pa'i dkar phyogs skyong ba'i stobs ldan nor skyong khyed nyid sku brnyan 'di la brtan par bzhugs su gsol/ bzhugs nas rtsa brgyud kyi dpal ldan bla ma dam pa spyi dang khyad par khyab bdag 'jam dpal dus dgra'i dbang po dang dbyer ma mchis pa'i dpal ldan bla ma paN chen blo bzang dpal ldan ye shes kyi bka' @009b dang dam las ma 'da' bar thub bstan spyi dang bye brag rgyal ba gnyis pa tsong kha pa chen po'i bstan pa bstan 'dzin dge 'dun gyi sde dang bcas pa rnams kyi chos kyi rgyal srid dus rtag tu skyong ba dang/ khyad par phyogs las rnam par rgyal ba'i chos sde chen po sku 'bum byams pa gling gi mkhan slob dge 'dun gyi sde sbyin pa'i bdag po dang bcas pa'i chos srid legs tshogs thams cad dbyar mtsho bzhin du 'phel zhig /ji ltar bcol ba'i las bzhi 'phrin las thams cad thogs pa med par sgrubs shig /'jig rten spyi dang sgos su yul phyogs 'di'i bye brag ngang tshang zhes grags pa'i grong sde 'di dag tu mi la na tsha phyugs la god kha/ 'thab rtsod 'khrug long; sad ser btsa' than/ shwa 'od sogs mi 'dod nyer 'tshe mtha' dag zhi bar mdzod cig /lha 'dre mi gsum gyi zas nor longs spyod gser dngul gos dar gnag phyugs sogs mkho dgu'i longs spyod tshe bsod mnga' thang snyan grags rigs brgyud bde skyid dpal 'byor rnams char ltar phobs shig /'jig rten khams kyi rgyal blon 'bangs 'khor skye po drag zhan thams cad dbang du bsdus shig /gnod cing 'tshe ba'i pha rol gyi byad ma rbad 'dre rbod gtong sogs byed pa'i dgra bgegs thams cad gang la gang mtshams drag po'i las kyis tshar chod cing/ /mdor na snod bcud kun la g.yang chags shing bkra shis pa dang/ bdag cag dpon slob yon mchod @010a @#/ /'khor dang bcas pa rnams kyi dgon gnas mi nor khang zhing ltos bcas thams cad khyod la gnyer du gtad pa yin pas thub par bsrung la gang bcol ba'i las kun thogs med du bsgrub cing sdong grogs dang 'phrin las g.yel ba med par mdzad du gsol sa ma ya rak+Shantu/ (mtshan sngags ni/) oM AH gu ru badzra d+hA ra su ma ti b+ha dra sarba si dd+hi hUM hUM// ! rtsa rgyud bla ma'i spyan sngar khas blangs bzhin/ / bdag sogs mi nor 'khor dang bcas pa la/ /phyi nang nyer 'tshe rkyen ngan kun zhi zhing/ /mthun rkyen bsam don 'grub pa'i 'phrin las mdzod/ /sa ma yaH ! //ye shes 'od kyi gur khang nas/ / yon tan can gyi tshe dpal ma/ /lan gsum gsal zhing lan gsum nub/ /padma 'od kyi lding khang nas/ /padma'i dra ba can gyi 'od/ /ngo mtshar gsang ba'i glu chung len/ /khyod kyi thos bsam rigs ldan kyai/ /legs bshad tshogs pa'i mdun sa nas/ /phye leb ral gri thogs pa zhig /bdud kyi mgo bo gcod 'dod nas/ /rang gi pha yi mgo bo breg /gsang tshig lan gsum 'di lags so// gu h+yaH ! (a rol rin po che'i phyag len zin bris bzhugs so//) na mo gu ru de ba DA ki ni/ 'dir gnyan khrod chu mig brgya rtsar grags pa 'di nyid la/ thog mar zhi ba nam mkha'i sgo 'byed la/ gtor ma'i bca' rim ni lcog lnga dkar rtsis byug / @010b maNDal steng du tshom bu lnga/ de'i 'og tu padma 'dab bzhi bris pa'am tshom bu 'god kyang rung/ a khu rin po che'i phyag len la maNDal gyi tshom bu bkod pa dang/ sgo dmar rin po che'i phyag len la 'bru'i tshom bu bkod par gsungs/ bgegs gtor yongs grags ltar/ dngos gzhi dbang chog gzhan phan 'od zer steng nas gsungs/ mdun bskyed bdag bskyed gab pas 'thus/ dbang rdzas la rgyan drug /rigs lnga/ DA rkang sogs dgos kyang nyin der tshogs mi dgos/ lus sbyin kyang bya mi dgos/ kho bos thob skabs nyin gcig la rdzogs par gnang/ sgo dmar rin po ches gnang skabs nyin gnyis la rdzogs par gnang zhes gsungs/ /ma gcig khros nag gi gtor ma ni/ zur gsum lnga la mdun phyogs bstan dgos/ de nyid la dmar rtsi byug /mkha' 'gro spyi gtor/ gzhi bdag gtor ma/ maNDal 'dab bzhi bri tshom gang rung/ de'i steng manydzi/ steng du thod pa mtshan ldan bdud rtsis gang ba/ de'i steng du sind+hu ra'i maNDal la padma 'dab bzhi'i lte bar baM/ phyogs bzhir ha ri ni sa bris pa bshams/ de steng mdung khyim la dar sngon po'i gur phub/ bgegs gtor dkyus ltar la/ dbang chog 'jam dbyangs mgon po'i yig cha'i steng nas gsungs/ dbang tshor ba dang chabs gcig par bla slob lhan cig nas thun drug rnal 'byor/ mngon dkyil gyi sku gsum/ DA ru khrol te gsung yongs rdzogs @011a @#/ /gsungs dgos/ de nub nas bzung gsang mtshams la 'gro tshul ni/ bla ma'i sgrub khang sgo drung nas bsdad la/ mdo tshar gcig gsungs nas rkang gling lan gsum 'bud la/ rang nyid skad cig gis zhes sogs kyis bril gnon btang/ de nas ngag bsdams/ ga te 'don bzhin gnyan sar 'gro/ sleb phral du yang mdo tshar gcig /mi rkang gsum/ zil gnon skor gsum btang nas lus mchod la 'jug /srod gung tho rangs rnams la lus sbyin zhag bdun btang ba'i mjug tu mngon dkyil sogs 'don/ tshogs 'khor rgyas pa bya/ gar 'gro phyogs kyi gnyan sa gzhan la mi smra ba gnad che'o; ; ! //lam rim chung ngu'i bshad lung gi zin bris bzhugs so// lam rim chung ngu'i bshad lung skabs/ zhi ba lhas/ dal 'byor 'di niX ltar nga tsho thog med nas da bar rang sems kyi dbang sems nyon mongs pa dug gsum gyi gzhan dbang gis las sna tshogs bsags srid rtse nas mnar med bar mtho dman skye ba sna tshogs blangs kyang da yan don med sha stag /da re dal 'byor rten thob/ sangs rgyas bstan pa dang mjal ba'i dus 'dir thar ba dang thams cad mkhyen par bag chags theb nges byed dgos/ sngon las dang skal bar ldan pa'i gdul bya sha stag tshogs dus sangs rgyas dngos su byon chos bstan/ @011b nga tsho dngos kyi gdul bya ni ma gyur 'on kyang sangs rgyas de'i bstan pa'i chos mdo sngags dang rje'i mdo sngags yongs rdzogs kyi bstan pa la ni mjal 'dug pas bag chags theb nges cis kyang byed dgos/ rje dgung lo bzhi bcu'i dus dbus nas gnam rtseng lding la phebs/ der red mda' lo tstsha pa skyabs mchog dpal bzang ste chos rje rnam gsum zhal 'dzom 'dul ba la dag ther mdzad/ mthar gsum ka rwa sgreng du byon brag sengge'i zhol gyi yang dgon du 'brom gyis bzhengs pa'i jo sku dbu g.yon ma gdan drangs gsol 'debs yon tan gzhi gyur ma bcas brtsams gsol btab ston nas bla ma grag skor dang lho brag bar brgyud pa'i bla ma rnams zhal gzigs gdams pa dang rjes su bstan pa mang du gnang ba'i mthar gcig la gcig thim % lam rim chen mo rtsom dus 'jam dbyangs kyis nged kyis bstan pa'i nges 'byung byang sems yang dag lta ba gsum du lam yongs rdzogs kyi gnad ma 'dus sam 'dus kyang jo bo'i lam sgron man ngag kha bskang skyes bu gsum lam rim bsgrigs rtsom zhus/ de tshe thang lha sogs dkar phyogsX lam rim chen mo rtsom lo dgung lo zhe drug pa rta yin nam snyam rnam thar tshor mi gsal/ lo tsA'i zhus pa brtsams tshar 'phral po ti khyer nas gtsang la byon/ stag tshang skad zer ba stag lo bzhugs sa der phebs stag los gzigs nas dgag pa brtsams stag lo lo tsA'i slob ma yin/ @012a @#/ /de rjes sa mo glang lor dga' ldan gsar 'debs mdzad/ dgung lo nga dgu pa shing mo lug lor sngar gyi lam rim lung rigs dgag bzhag gi spros pa mang po dor nas de las bsdus pa chung ngu mdzad/ rjes lam rim che chung bshad pa mang po gnang/ sras rnams kyis gsan pa'i brgyud pa sher seng nas klong rdol gyi bar klong rdol gyis sku bar ba la sku bar bas dbus phebs rjes ma'i skabs yar lam rim chen mo'i bshad lung/ mar lam gung thang yod chung ngu'i bshad lung gnang/ gung thang khri'i dus chung ngu'i bshad lung gnang snge khri gsar bzhugs dus yin pas cung zhig gsan/ slar phyi gung thang gis gnang skabs sde khris yongs rdzogs gsan/ de dus kyi gsung bshad chung la mchan mdzad/ ngas de las thob/ da re mchan sbrags 'don/ rje ni bod skad dbang du byas na dpon po 'am rgyal po'i ming lung rtogs chos kyi rgyal srid la dbang bsgyur bas na rje/ btsu na ni sgo gsum mi mthun phyogs nyon mongs sogs las btsun pa'am bsdoms pa 'grel don la sangs rgyas yang dag par bsdams pa'i sku can gsung/ dam pa ni mdzod las dam pa dam min 'jug mi 'jug ltar dam pa dge bcu'i phyogs la 'jug gi dam min mi dge ba'i phyogs ma gtogs mi 'jug dam pa de'i skad dod par/ zhes pa'i pra rab dang dang po la'ang 'jug @012b pas mchog tu gyur pa'i don yang yin/ thugs rje chen po dang ldan pa zhes pas theg pa chen po'i lam gyi gnad bstan pa'i sgo nas mchod brjod mdzad pa 'dra/ mdzad pa kun lasX ltar sangs rgyas kyi mdzad pa thams cad las gsung mchog de'i rgyu mtshan sangs rgyas kyi mdzad pa thams cad gdul bya thar pa dang thams cad mkhyen par khrid byed kho na yin/ de'i tshul dang po thugs bskyed par du tshogs bsags dang mthar sangs rgyas chos bstan pa thams cad sems can myang 'das thob ched kho na yin mod/ der khrid byed dngos su gsungs pa yin/ chos ma bstan par mdzad pa gzhan gyis 'god mi nus/ chos bstan pa'i don nyams su blang de thar ba dang thams cad mkhyen pa thob par mdzad/ de thams cad ston par 'jug mkhan thugs rje chen po yin pas 'dra thos/ zla bas snying rje chen po thog mtha' bar gsum gal che bar gsung ba ltar yang yin/ thams cad mkhyen par 'jog byed rnam 'grel las gsung ba ltar grangs mang nyung dang/ thag ring thung mkhyen pas min/ gdul bya mi gnas pa'i myang 'das bgrod thabs blang dor ma lus pa mkhyen pas 'jog de'i cha nas kyang thugs rje chen po zhes smras 'dra thos/ mi 'jed ni snying rje padma dkar po'i mdor ci phyir mi 'jed ces brjod ce na/ 'dod chags kyis mi 'jed pa/ zhe sdang gisX nyon mongs pas mi 'jed pas na mi 'jed ces bya'o gsung/ @013a @#/ /mi 'jed ni mi 'phrog pa'am bsran tshugs pas don bzod pa'i ming yin/ nyon mongs sogs kyis mi 'phrog pa ni byang chub sems dpa' yin/ byang sems su yin min byang sems phal cher zhing 'dir skye bsran tshugs dka'/ 'dir nyon mongs sogs shin tu rtsub pas/ rkyen dbang dang nyon dbang 'gyur nyen che/ sngon sangs rgyas stong thugs bskyed rang rang gi zhing bzung/ thams cad kyis zhing bzang ba sha stag bzung/ 'di yal bar dor ston pa rgya rdul gyis bdag bzung smon lam lnga brgya btab rgyal ba kun gyis pad dkar ltar bsngags rgya mtsho'i rdul lta bu'i nyon mongs pas mi 'jed pa yin/ dbang phyug ni dbang phyug gi yon tan brgyad ldan sogs/ bcom ldan 'das ni bdud bzhi bcom zhing legs pa drug dang ldan pas na b+ha ga wan la 'das pa'i skad dod med kyang/ de 'jig rten lha gzhan la'ang 'jug pas/ 'das zhes lo tstsha'i bla thabs bsnan zer yod/ gung thang gis ta ra na tha'i tshe mdo'i Tikkar/ ga ti song ba la 'jug gsungs pas tshig grogs 'das pa'i skad dod med min gsung/ ! (/'jam dbyangs rigs lnga la bstod pa kun bzang mchod sprin zhes bya ba bzhugs so//) na mo manydzu shri ye/ rab 'byams zhing gi rgyal ba ma lus pa'i/ /'jam dbyangs bstod pa mtha' yas mchis gyur kyang/ /tshur mthong blun po bla mar dad pa'i sems// @013b cher bskyed cung zad dwangs pa'i yid kyis bstod/ /mtshar sdug lhun po'i spo mtho rnam snang zhing/ /seng chen 'gying 'dra byang chub mchod rten dbyibs/ /gzugs phung rnam dag rnam snang rigs kyi gtso/ /bcom ldan rnam snang mkhyen pa'i gter la 'dud/ /rab dkar chu skyes zla ba gzhon nu'i steng/ /ston zla'i khengs 'phrog dgyes 'dzum zhal khyim can/ /phrag gong ral gri g.yon pas po sti bsnams/ /rin chen rgyan mdzes 'jam dpal gzhon nur 'dud/ /shar phyogs rgya mtsho mngon mthong mi bskyod zhing/ /glang chen bsnyems 'dra sgo mang mchod rten dbyibs/ /rnam shes gnas bdag mi bskyod rigs kyi gtso/ /ye shes dbang bsgyur mi bskyod rdo rjer 'dud/ /ngo mtshar chu skyes 'od phung 'bar pa'i dbus/ /dbang sngon mdangs 'dzin zhal gcig phyag bzhi pa/ /dang zung glegs ral bsnams shing 'og ma gnyis/ /mda' gzhu rgyan 'chang rdo rje rnon por 'dud/ /gser mdog 'dra ba'i spo mtho rin 'byung zhing/ /rta mchog nyal 'dra cho 'phrul mchod rten dbyibs/ /tshor phung gnas 'gyur rin 'byung rigs kyi gtso/ /mnyam nyid rdo rje smra ba'i mgon por 'dud/ /skyon bral padma bsil zer rgyas pa'i steng/ /'dzam bu na dar skyengs pa ster ba'i zhal/ /phyag g.yas mchog sbyin g.yon pa skyabs sbyin tshul/ /glegs ral rgyan mdzes ye shes sems dpar 'dud/ /nub phyogs zla ba'i @014a @#/ /thod can snang mtha'i zhing/ /rma bya gar bsgyur myang 'das mchod rten dbyibs/ /'du shes gnas dag padma'i rigs kyi gtso/ /'od dpag med mgon zur phud lnga par 'dud/ /mi 'jigs gdong lngar chu skyes zla pa'i steng/ /gur gum gzhon nu'i mdangs 'phrog dgyes 'dzum zhal/ /phyag gnyis don yod lcags kyus sgreng tshul bsnams/ /yid 'phrog rgyan spras smra seng zhabs la 'dud/ / skar ma'i gtsug ldan spor grags don grub zhing/ /shang shang bsnol 'dra lha babs mchod rten dbyibs/ /'du byed gnas dag don grub rigs kyi gtso/ /don yod rdo rje 'jam pa'i dbyangs la 'dud/ /sna tshogs chu skyes 'od phung 'bar ba'i dbus/ /ma rgad zhun mas byugs 'dra dgyes pa'i zhal/ /phyag gnyis chos 'khor phyag rgyas utpal steng/ /glegs ral rgyan 'chang dri med grags par 'dud/ /kun kyang zur phud lnga ldan yid 'phrog zhing/ /gzhon nu'i sku 'chang lha rdzas dar gyis klubs/ /rin chen rgyan spras mtshan dpe'i gzi brjid can/ /skyil krung tshul gyis bzhugs par mdzad la 'dud/ /'jam snyan tshangs dbyangs gsung gis mtha' dag 'gror/ /dbugs dbyung gti mug mun pa'i go 'phang mchog /'jig mkhas rje btsun ngag gi dpal ster mgon/ /khyod gsung yan lag drug cur rtag tu 'dud/ /mkhyen pas @014b shes bya'i khyon kun legs 'jal zhing/ /chos kun ma nor lag mthil rdzas bzhin gsal/ /sna tshogs gdul bya sna tshogs thabs mkhas kyis/ /brtse bas skyong mdzad 'jam dbyangs thugs la 'dud/ / zhing mchog khyod la bstod cing gsol btab mthus/ /mgon po khyod kyis 'bral med rjes bzung ste/ /zab rgyas dam chos bdud rtsi mngar ba'i bcud/ /rtag tu ngoms pa med par spyod par shog /gzhung lugs rgya mtshor thos bsam byed pa'i tshe/ /tshig don ji bzhin 'byed pa'i blo gros mchog /zab gsal myur dang rlabs chen shes rab sogs/ /spobs pa mchog de bdag la myur du stsol/ /gang zhig rtogs pa'i tshig don ji snyed kun/ /mi brjed bskal pa'i bar du 'dzin nus pa'i/ /tshig dang don gyi gzungs mchog bla med pa/ /bdag gi yid la de ring grub par mjod/ /rgyal ba'i bka' dang dgongs 'grel bstan bcos sogs/ /rang stobs kho nas 'gyed pa'i blo yi mthu/ /brtse ldan khyod kyis bdag la dpung bskyed de/ /bdag kyang bstan pa'i sgron me sbar nus shog /'di snang sgyu ma'i bslu brid rmongs min par/ /chos mthun 'tsho bas tshe lhag don ldan du/ /skyong ba'i ngos nas bla ma 'jam dpal dbyangs/ /rtse gcig bsgom pas nyin mtshan 'da' bar shog /nam zhig 'di snang 'gag par gyur ma thag /bla ma 'jam dbyangs 'khor bcas mdun byon te/ / @015a @#/ /bu bu kun gzigs zhing du 'gro'o zhes/ /gsung gi snang bas lung bstan thob par shog /zhing der skyes nas rgyal sras rgya mtsho'i tshogs/ /lhan cig bla ma zhi khro'i gdams ngag bcud/ / myong ba'i skal bzang mchog de thob phyir du/ /dus kun dge ba'i smon gnas myur grub shog /'di ltar bstod las byung ba'i dge ba gang/ /mkha' mnyam 'gro rnams rmongs pa'i mun chen las/ /myur grol sku gsum 'od brgya'i snang ba mchog /bde blag nyid du thob pa'i rgyur gyur cig / (ces rje btsun 'jam dbyangs rigs lnga la bstod pa kun bzang mchod sprin zhes bya ba 'di yang gzhung lugs rab 'byams smra ba'i dbang po bsam grub rgya mtsho'i 'dod mos ltar ^ shAkya'i btsun gzugs bik+Shu sha sa na sya dI baM gyis ri rtse nub phyogs kun 'dus gling gi skyed tshal du bris pa'o// ! //gu ru cha kwan naur zhes yongs su grags pa'i mtsho chen 'dir gnas pa'i klu rgyal chen por mchod gtor 'bul tshul dge legs char 'bebs zhes bya ba bzhugs so/) /bde chen chos dbyings kun gsal yangs pa'i ngos/ /tshad med thugs rje'i chu 'dzin 'khrigs pa las/ /byin rlabs dngos grub char chen 'bebs mkhas pa/ /khyab bdag dpal ldan bla mar gus btud nas/ /gu ru cha kwan naur zhes yongs grags pa'i/ /gnas der chags pa'i gdengs can mchod pa'i tshul/ /mkhas grub dam pa'i gsung rgyun las btus te/ /gzhan phan lhag bsam dag pas tshul @015b 'di dgod/ (/'dir a b+hag ja sag phyogs kyi gu ru cha kwan naur zhes yongs su grags pa'i mtsho chen 'di la gnas pa'i klu rgyal chen por mchod gtor 'bul bar 'dod pas/ dkar gsum mngar gsum klu sman bzang po bsres pa'i zlum gtor mtha' ril bus bskor ba stegs kyi khar bzhag /de'i mdun du ba dmar mo dang ra dkar mo'i 'o ma'i kham thor dgu'am ci 'byor dang/ gzhan yang 'o ma'i mchod yon dang/ nyer sbyong sogs kyi mchod pa rnams dang/ 'byor na klu sman khrol bu sogs snod so sor bshams pa dang/ klu la 'os pa'i bsangs dang gser skyems/ dkar gsuM mngar gsum sogs kyi bza' bca' dmar dang ma 'dres pa/ mda' dar spyan gzigs sogs gang 'byor gtsang spra thon par bkod bci mdzes su bshams/ 'di dag gi skabs su nam yang sha chad sgog tsong tha ma khi gla rtsi dbus spos sogs klu la gnod pa'i rdzas ngan 'di dag rgyang ring du spangs shing gtsang spra thon pa shin tu gal che'o/ /dngos gzhi ni/ rang nyid khrus dang gtsang sbra dang ldan pas kha byang shar du blta ba'am blta bar mos te stan bde ba la 'dug cing/ skyabs sems tshad med bzhi bsgom pa sogs sngon du btang/ yi dam yang rgyud sde bzhi ka gang la byas kyang chog mod 'on kyang lcang skya rol ba'i rdo rjes mdzad pa'i klu gtor gyi cho ga phan bde'i rgya mtsho chen por/ klu dbang rgyal po dang spyan ras gzigs lta bu'i rnal 'byor la gnas nas byed par rgwa lo'i man ngag yin tshul dang/ khyad par rgyal dbang lnga pa dang paN chen gyi yig char bka' drin du bstsal pa ni/ bdag cag las dang po pa rnams la shin tu phan che bar snang ngo/ /zhes gsungs pa ltar 'dir yang bdag bskyed spyan ras gzigs su bskyed pa la/) swa b+hA was stong par sbyangs/ stong pa'i ngang las rin chen brag ri dbyibs/ / @016a @#/ /gser gyi bya skyibs dang mtshungs dbang ldan la/ /blta ba'i nang du baM las padma dang/ /a las zla ba'i dkyil 'khor nya gang bar/ /rang sems hrI yig 'od kyi 'phro 'du las/ /rang nyid kha sar pA Ni sku mdog dkar/ /zhal gcig phyag gnyis g.yas pas mchog sbyin dang/ /g.yon pas padma'i rtsa ba thugs kar 'dzin/ /lha rdzas yid 'phrog rgyan gyis legs par spras/ /zhabs gnyis sems dpa'i skyil dkrung gis bzhugs pa'i/ /gnas gsum yi ge gsum dang hrIH yig gis/ /bskor ba'i thugs ka'i sa bon 'od 'phros pas/ /ye shes pa dang dbang lha spyan drangs te/ /dzaH hUM baM hoH gnyis su med par gyur/ / dbang lhas dbang bskur sgo gsum dri ma dag /'od dpag med kyis dbu la brgyan par gyur/ /oM Argya lo ki shwa ra arg+haM (nas) shapta'i (bar mchod/) skyon gyis ma gos sku mdog dkar/ (/zhes sogs kyis bstod/ ma Ni brgya stong sogs ci 'gro bzlas la/) dge ba 'di yis (zhes sogs brjod/ klu'i mchod gtor byin gyis rlabs pa ni/ las sngags kyis bsangs sbyangs/) stong pa'i ngang las oM las rin po che'i snod yangs shing rgya che ba'i nang du oM 'od du zhu ba las byung ba'i gtor ma bdud rtsi'i rgya mtsho chen po dang/ gzhan yang bza' bca' btung ba'i bye brag sna tshogs pa dang/ na ba'i gsos sman dang/ yid bzhin gyi nor bu dang/ gnas mal dang/ khang bzang dang/ @016b rgyan gos bzhon pa sogs nyer mkho'i yo byad bsam gyis mi khyab pa zad mi shes pa'i gter chen por gyur/ (nam mkha' mdzod kyi sngags dang phyag rgya lan gsum/ sngags drug phyag rgya drug gis byin gyis rlabs/ de nas mgron bskyed cing spyan drangs pa ni; swa b+hA wa sa sbyangs/) stong pa'i ngang las rang gi mdun du rin po che'i brag ri gser gyi bya skyibs can gyi 'og tu yan lag brgyad dang ldan pa'i chu gter chen po'i dbus su klu'i rgyal po chen po sku mdog dmar po zhal gcig phyag gnyis thugs kar thal mo sbyar ba'i bar du dgos 'dod 'byung ba'i yid bzhin gyi nor bu 'dzin pa/ stod mi la smad sbrul mjug tu 'khyil ba/ rin po che'i rgyan dpag tu med pas spras pa/ klu rigs grangs med pa'i 'khor gyis bskor ba/ thams cad kyang sgrub pa po'i 'dod pa'i don thams cad 'grub par byed pa la dga' zhing mgu ba'i bsam pa dang bcas pas rang la mngon du phyogs pa'i tshul gyis 'khod (par bsam/ lcags kyu'i phyag rgya dang bcas/) rang gi thugs ka'i sa bon las 'od zer 'phros pas klu'i rgyal po chen po 'khor dang bcas pa dang/ gzhan yang 'jig rten khams kyi klu dang sa bdag thams cad zla ba'i gdan la rlung gis bskyod de 'ur sgra dang bcas badzra sa ma dzaH oM pa ta li pa ta li mahA pa ta li hUM hUM dzaH dzaH swA hA/ (spyan drangs pa ni/) kyai dge mtshan 'od 'bar 'khyil ba'i mtsho chen 'dir/ /gnas bcas mthu ldan klu rgyal 'khor @017a @#/ /bcas dang/ /srid 'dir gnas pa'i sa bdag klu gnyan kun/ /mchod pa'i gnas 'dir gshegs shing brtan par bzhugs/ /oM a gatstsha a gatstsha mahA nA ga a d+hi pa ta ye sarbba b+hu rb+hu waH phruM phru swAhA/ padma ka ma la ye stwaM (zhes dam tshig pa la thim zhing bzhugs su gsol/ de nas mchod pa 'bul ba ni/ dri med yid 'phrog dngos gtsang mchod pa'i rdzas/) /mchod yon zhabs bsil me tog bdug spos dang/ snang gsal dri chab zhal bras rol mo sogs/ /klu rgyal 'khor bcas dgyes pa bskyed phyir 'bul/ /oM nA ga rA dza sa pa ri wA ra arg+haM (nas/) shapta'i (bar gyis mchod/ gdengs ka nor bu 'bar ba'i 'od zer gyis/ / sa 'og mun pa ma lus sel mdzad cing/ /bstan la rab dga' mthu stobs bsam mi khyab/ /klu rgyal 'khor dang bcas la phyag 'tshal bstod/ (/ces bstod/ bzlas pa ni/) bcom ldan klu yi dbang phyug rgyal po dang/ /bder gshegs mi 'khrugs pa yi sku'i cha las/ /bdud rtsi 'od zer lnga yi rgyun babs pas/ /klu rigs kun gyi sdig sgrib bcom gyur cig /tadya thAX kaM ka ni (sogs ci nus bzlas/) 'di ltar bgyis pa'i rnam dkar dge ba'i mthus/ /klu gnyan sa bdag 'jigs skrag kun zhi nas/ /bde ldan lus thob chos la mjal ba yis/ /don gnyis lhun gyis 'grub pa'i dpal thob shog (/de nas gtor ma @017b dngos 'bul ba ni/) na maH sarba (zhes sogs dang/) nA ga rA dza sa pa ri wA ra amr-i ta do ka pU dzi ti a hUM/ (zhes pa gnyis lan bdun dang/ de bzhin gshegs pa bzhi'i mtshan brjod/) rang nyid thugs rje chen por gsal ba yi/ / phyag sor rtse las bdud rtsi'i rgyun babs pas/ /mchod pa'i tshogs dang lhan cig 'dres pa yis/ /klu dang sa bdag rnams kyi longs spyod gyur/ (/zhes brjod cing don bsam bzhin rang gi lag pa g.yas pa mchog sbyin gyis gtor snod rnams su chu sbrengs/ g.yon se gol gdab la/ ngag tu/) oM pa su ki maM swAhA/ (zhes brgya rtsa bzlas/ klu dga' bar byed pa'i phyag rgya dang bcas/) oM hi li hi li dang/ oM b+hak+Sha b+hak+Sha (zhes pas bsngo/ de ltar gtor ma phul bas klu rnams tshim pas dngos grub ster zhing dga' bas rang la 'dud cing bskor bar mos la/ smon lam btab pa ni/) kyai sngon rabs dam pa'i zhal mthong dam la gnas/ /da lta rnal 'byor bdag cag grogs mdzad pa'i/ /mthu ldan klu rgyal chen po 'khor bcas la/ /dmigs med byams dang snying brtser bcas pa yis/ /zag med bdud rtsi sman gyi rgya mtsho 'di/ /ting 'dzin sngags dang phyag rgyas byin rlabs te/ /'dod rgu'i yo byad 'dzad med nam mkha'i mdzod/ /klu rgyal 'khor tshogs bcas la phul ba yis/ /don snod sha khrag rus dang skra sen dang/ /bkrag mdangs rtsa rgyus nyams dang gzhogs skam dang/ /zha 'on 'then sgur lkug sogs sdug bsngal gyi/ /'jigs pa kun las myur @018a @#/ /du thar gyur cig /bye tshan mkha' lding sogs kyi 'jigs pa dang/ /gnod 'tshe kun bral rin chen rgyan dang ldan/ /rin chen brag skyibs mtsho rdzing chu mig dang/ /ne'u gsing skyed tshal yid 'ong ldan gyur cig /de ltar klu rnams sman gyis legs gsos shing/ /bzang po'i smon lam btab pa 'di yis mthus/ /bdag cag rgyu sbyor sbyin bdag 'khor bcas kyi/ /sngon las 'phral rkyen ngan pas gtses pa yis// mthong reg kha rlangs bsam dang sbyor ba las/ /byung ba'i klu yi dug kun zhi bar mdzod/ (/ces smon lam dang/ chos sbyin ni/) skar mar ba rib mar me dang/ /(zhes pa nas/) 'dus byas chos rnams 'di ltar blta/ /chos rnams thams cadX (zhes pa nas/) 'di ni sangs rgyas bstan pa yin/ /rang gi lus la dpe long la/ /gzhan la gnod pa ma byed cig /phan pa'i 'bras bu bde ba dang/ /gnod pa'i 'bras bu sdug bsngal 'byung/ / sa bon tsha ba rnams las ni/ /'bras bu tsha ba bskyed par gyur/ /sa bon mngar ba btab pa las/ /'bras bu mngar ba skye bar gyur/ (/zhes brjod/ spron skabs 'dir klu bsangs dang/ gser skyems 'bul bar 'dod na/) kyai dngos grub kun stsol bla ma yi dam dang/ /dpa' bo mkha' 'gro chos skyong bsrung ma dang/ /yul lha gzhi bdag spyi dang khyad par du/ /mthu stobs dbang phyug klu rgyal 'khor bcas la/ /gtsang ma phud kyi @018b gser skyems 'di 'bul lo/ /bzhes nas bstan dang bstan 'dzin tshul bzhin skyongs/ /khyad par yul phyogs 'dir gnas mi nor kun/ /bsrung skyob sdong grogs ma g.yel bya ra mdzod/ (/ces brjod/ g.yang 'bod lta bu'ang byed tshe gzhan nas byung ba ltar ram/ bsdus na 'di ltar/) kyai rab dkar dge mtshan 'khyil ba'i gnas mchog tu/ /'khor 'das kun gyi phywa dang g.yang gi tshogs/ /khab len rdo yis lcags phye len pa bzhin/ /bdag cag rnams la dngos grub char ltar phobs/ /nyi zla lta bur tshe srog rab brtan cing/ /chu bo'i rgyun bzhin zas nor rgyun chad med/ /lhun po lta bur bsod nams brjid chags shing/ /grags snyan 'brug stong ldir ba'i dngos grub stsol/ /longs spyod rnam thos bu la rab 'gran zhing/ /phyugs bzhi sa yi dreg pa bzhin du rgyas/ /mnga' thang lha dbang lta bur rab rgyas pa'i/ /phun tshogs phywa g.yang dngos grub kun stsol cig /(ces brjod 'phrin las bcol pa ni/) kyai mthu chen klu rgyal 'khor bcas la/ /rab dkar mchod bstod bgyis pa'i mthus/ /bdag cag rmongs pa'i dbang gyur te/ /sa rko rdo slog shing gnyan gcod/ /chu gnyan dkrug dang mi gtsang sbags/ / phog thug byung ba zhi bar mdzod/ /phyogs 'dir dus min kha char dang/ /rlung dang sad ser btsa' than dang/ /lo nyes mu ge mi phyugs kyi/ /nad rims nyer 'tshe bzlog par mdzod/ /shu thor sha bkra gzhang 'brum dang/ /mdze @019a @#/ /dang phol mig rkang bam dang/ /dmu rdzing skya rbab chu ser nad/ /'brum pa dkar nag zha 'theng sogs/ /klu nad kun las byang bar mdzod/ /slad nas byams brtse phan tshun mdza'/ / skyabs la yid ches khrims dang ldan/ /'dus sde bshad sgrub legs tshogs 'phel/ /bstan dang bstan 'dzin zhabs brtan mdzod/ /rgyal blon dkon mchog sri zhur brtson/ /'bangs la byams shing chos khrims skyong; ;kun kyang phan tshun ngan bsam bral/ /tshe dpal stobs 'byor rgyas par mdzod/ /char chu rtsi bcud 'bras bu rgyas/ /phyugs rnams bde zhing 'phel kha rgyas/ /snod bcud bkrag mdangs bde skyid 'byor/ /phun tshogs dpal gyis bkra shis shog /(ces 'phrin bcol bya/) 'di ltar bdag gi mchod gtor klu sman bdud rtsi'i rgya mtsho chen po dngos su bshams shing yid kyis sprul te phul ba la brten nas/ bdag cag dpon slob dang sbyin pa'i bdag po 'khor dang bcas pa rnams kyis ma rig pa'i dbang gis khyed rnams kyi lus ngag yid gsum la phog thug nongs pa bgyis pa mtha' dag bzod par mdzod la/ klu dang sa bdag las byung ba'i nad gdon thams cad zhi ba dang/ yul phyogs 'dir rtag tu rtsi bcud la phan pa'i char chu dus su 'bebs pa sogs kyi 'phrin las sdong grogs rgya chen po mdzad du gsol/ oM nA ga a d+hi pa ti sa @019b pa ri wA ra gatstsha/ (zhes pas dkar phyogs kyi klu rnams gshegs/ bya khyung gi phyag rgya dang bcas pas/) oM ga ru Ta haM sa he tsa li tsa li swAhA/ (zhes mgron rnams rang gnas su gshegs par bsam/) bdag gi bsam pa'i stobs dang ni/ / zhes sogs dang/ mchod gtor rnams chur gshegs pa'am sa gtsang sar skyel/ ye d+harma (gang mang 'don mthar/ gang ser ma'i shis brjod dang gzhan yang bkra shis kyi tshig ci rigs pas me tog gi char 'bab bar bya'o/) /smras pa/ sngags dang ting 'dzin phyag rgya'i rol rtsed las/ /cir yang 'char ba'i mi zad dge legs char/ /'bum phrag 'byed pa'i rdzogs ldan gsar ba'i dpal/ /rtag tu ngoms pa'i bkra shis 'bar gyur cig (/ces pa 'di yang mchog gsum bla mar 'dzin cing bstan pa bstan 'dzin dang bcas pa la gus 'dud lhur len pa'i mi'i dbang phyug a b+ha ka ja sag dpon po nyid dang/ thu sa lag chi d+harma sidd+hi rnam gnyis nas rin chen gnyis pa dngul dkar gyi maNDal lha rdzas bcas nan tan du bskul ba'i ngo ma bzlog par/ rol pa'i rdo rjes mdzad pa'i klu gtor gyi cho ga la gzhi byas te kha bskang 'os rnams gsar spel byas te bgyid par byed pa po ni/ ^ rgyal dbang phyag na padmo'i bka'i lung gis che shos paNTi ta mkhan por 'bod cing ^ gnas skabs yab rje rgyal ba gnyis pa'i rgyal tshab sku 'bum gdan sa'i mkhan por 'bod pa'i blo bzang byang chub bstan pa'i sgron mes sag zla ba'i tshes bco lnga'i dus chen gsum 'dzom gyi nyin sug bris su bgyis pa'o// ! //nas man shog gi bka' @020a @#/ /'gyur hwa zhes grags pa'i gzhi bdag gi bsangs mchod phan bde'i re skong zhes bya ba bzhugs so//) na mo gu ru ha ya g+hri wa ya/ gang la brten na thar pa'i grong khyer du/ /bde blag 'jug mdzad bla ma rta mgrin la/ / btud nas bka' 'gyur hwa zhes rab grags pa'i/ /bsangs mchod khyer bde kun phan 'di na dgod/ (/de la 'dir nas man shog chos tshul dar rgyas gling gi gnas skyong bka' 'gyur hwa zhes grags pa'i gnas bdag la bsangs mchod 'bul bar 'dod pas/ bsangs rdzas mkhan shug sogs dug rigs ma yin pa'i bsangs rdzas dang/ gzhi bdag gtor ma rked dkris bzhi/ yul lugs dang bstun pa'i dkar spro dmar spro sogs rgyas par bshams la/ rang nyid yi dam rta 'jigs gang rung gi nga rgyal rgyas par ram/ brel dus/) rang nyid skad cig dpal chen rta mgrin du/ /gsal ba'i thugs ka'i hrIH las 'od 'phros pas/ /mchod rdzas sogs kyi ma dag dri ma kun/ /sbyangs shing bskyed de zag med bdud rtsir gyur/ /oM AH hUM/ (lan gsum/ sngags drug phyag rgya drug gis byin gyis brlabs la bden pa'i stobs brjod de/) kyai rmad byung sa 'dzin 'phreng bas yongs su bskor/ /sna tshogs rtsi bcud 'bras bu mngon par brjid/ /dge mtshan brgya phrag dar ba'i sa'i thig le/ /phul byung nyams su dga' ba'i bka' 'gyur hwa/ /zhes grags yul ljongs 'di yi brag ri dang/ /spang ri sgang gshong ri gdong brag sna dang/ /tshang tshing @020b nags shing gcig ne 'u gseng dang/ /mtsho rdzing chu klung chu mig khron pa sogs/ /rten bcas lha klu gnas gzhi'i bdag po rnams/ /thogs med rings pa'i tshul gyis gnas 'dir gshegs/ /dga' ba'i gar dang bcas te gnas 'dir gshegs/ /rdams brjid du mtshon bsgreng bzhin gnas 'dir gshegs/ /'dir gshegs dgyes pa'i gdan la brtan par bzhugs/ /kyai ting 'dzin sngags dang phyag rgyas byin rlabs pa'i/ / dngos bshams yid sprul bden pa brdar ba las/ /byung ba'i sna tshogs mchod sprin nam mkha' 'gengs/ /sna tshogs shing sna'i dud sprin lha lam khyab/ /ro brgya'i bcud ldan zas mchog ri ltar spungs/ /ja chang 'o ma'i btung ba mtsho ltar 'khyil/ /'od 'bar mdzes ldan ru mtshon skar ltar bkra/ sra brtan khrab rmog go cha ya la la/ /rnga gshang dung gling rol mo ldir ri ri/ /mkha' la 'dab chags zlos gar ling se ling/ / rta mchog stong phrag mang po tse re re/ /ba glang be'u ra kha zengs se zeng/ /sna tshogs gcan gzan ngar skad 'ur ru ru/ /ra lug stong phrag mang po 'khyug se 'khyug /mkho rgu yo byad rnam mang spungs se spung/ /glu dang gar mkhan lha yi bu mo sogs/ /gang thugs dgyes pa'i rmad byung phan bde'i dpal/ /sbyin byed ma tshang med pa'i mchod tshogs 'di/ /yul ljongs lha yi 'khor tshogs bcas la 'bul/ /bzhes nas chos @021a @#/ /tshul dar gling sde 'di skyong/ /mi la na tsha phyugs la god kha dang/ /dgra jag chom rkun mi kha gleng brjod dang/ /gcan gzan me chu thog ser kha smra sogs/ /mi mthun rkyen ngan sna tshogs dgra la bsgyur/ /mthun rkyen tshe bsod dpal 'byor rlung rta rgyas/ /ci 'dod re ba yid bzhin 'grub par mdzod/ /khyad par khyed rnams gang la dbang bskur yul/ /kun kyang yab rje'i bstan la legs dad cing/ / rnal 'byor bdag gi dbang du 'du bar mdzod/ /mdor na bdag cag yon mchod mi nor bcas/ /mthu ldan khyod la bcol lo bdag mdzod la/ /nag po'i g.yul las nam yang rgyal mdzod cig /gang la re ltos 'cha' ba'ang ma bslu zhig /khyed rnams mchod cing bskul ba don ldan du/ /sgrub pa'i rtags mtshan ston pa'i dus la bab/ /(skabs 'dir sde brgyad mchod pa dang/ gzhi bdag gtor ma gtong/ de nas/) kyai phun tshogs bkra shis dge mtshan 'khyil ba 'dir/ /srid 'dir mngon par mtho ba'i lha mi'i g.yang/ /mkho rgu yo byad ma tshang med pa'i tshogs/ /gnas 'dir bkra shis phywa dang g.yang khu gcig /(ces brjod la/ bkra shis gang ser ma brjod la bkra shis kyi char dbab par bya'o/ /zhes pa 'di yang nas man shog gi dgon pa chos tshul dar rgyas gling gi gnas skyong bka' 'gyur hwa zhes grags par gnas pa'i lha klu rnams la spyi bsangs gtong tshul phan bde'i re skong zhes bya ba 'di yang/ de ka'i skya @021b ser thun mong gi re 'dod bskang phyir/ chos med bla chol chos rdor nas kha nas gang byung byung rgyal du smras pas 'gro la phan thogs par gyur cig /) ! /kun mkhyen rgyal ba'i dbang po blo bzang grags/ /tshe dpal ster mdzad Ar+ya tA re ma/ /'chi med grub pa'i drang srong tshogs rnams kyis/ /deng 'dir mi shig tshe yi dngos grub stsol/ /bloO chen thabs shes zung 'brel lam bzangO mchog /byangO bar chubO ba'i lung rtogs 'od rnon gyis/ /rgyal bstan rin chen bang mdzod legs skyong ba'i/ /bstanO 'dzinO nam mkha'i nor bur gsol ba 'debs/ /ring nas goms pa'i thugs rje nyer bskul te/ /rnam dag bslab gsum rgyan gyis mdzes par klubs/ /thos bsam sgom pa'i bcud kyis legs gtams pa'i/ /rin chen bum bzang lta bur rtag brtan shog /rmad byung mkhas grub zhal chab 'o ma'i mtsho/ /khyod thugs mkhyen dpyod hub gcig legs drangs te/ /skal ldan gdul bya'i gsos sman bdud rtsi mchog /'chad rtsod rtsom pa'i dga' ston rtag 'gyed shog /mchog gsum thugs rje'i sprin phung 'khrigs pa las/ /byin rlabs bdud rtsi'i gru char rtag babs pas/ / skal ldan yid kyi zhing sa rab brlan te/ /re ba'i 'bras bu rtag tu smin gyur cig /(ces pa 'di ni ^ dka' chen sman zur mchog sprul blo bzang byang chub bstan 'dzin dpal bzang po'i zhabs brtan gsol 'debs dge legs mchog @022a @#/ /sbyin zhes bya ba 'di lta bu zhig dgos zhes/ ^ 'dren pa gang gi 'phrin las kyi kha la ba chen po khong chos mdzod blo bzang lags nas lha rdzas dri bral rgya dngul dbang po'i grangs ldan bcas bskul ba'i ngor ^ rnam 'dren gang gi slob bu'i tha shal du gtogs pa chos med ban rgan chos rdor nas sug bris su bgyis pa dza yantu//) ! //gang gi mtshan snyan rna bar lhung ba'i mod/ /mthar byed sde bcas ming gi lhag mar bcom/ /tshe dpal ster mdzad yid bzhin 'khor lo yis; ;gang gi zhabs pad rdo rje'i khams su skyongs/ /blo bzang legs bshad skye ba lnga pa'i dbyangs/ /gangs can mkhas mang yid 'phrog 'gugs pa'i glu/ /sgrogs pa'i 'phrinO lasO sa steng khyab mdzad pa'i/ /mkhas grubO rgya mtsho'iO mgon la gsol ba 'debs/ /blo gros stobs kyis de nyid gzigs pa'i mkhas/ /nyes ltung phra mos nam yang ma gos btsun/ /bstan don kho nar gzhol ba'i ngang tshul bzang/ /mkhas btsun bzang po'i mgon po rtag brtan shog /mgon po khyod kyi zab gsang bdud rtsi'i rgyun/ /nam yang chad med dga' ston 'gyed bzhin du/ /bdag cag bu slob 'bral med rjes bzung ste/ /bskal bar mi g.yo rtag tu brtan par shog /mchog gsum rgyal ba rgya mtsho'i byin rlabs dang/ /khyad par myur mdzad mgon po thugs rje'i gter/ /bstan bsrung dbang po rnams kyi @022b 'phrin las mthus/ /smon pa'i re 'bras lhun gyis 'grub par shog /(ces yongs kyi dge ba'i bshes gnyen rje btsun ^ 'phrin las rgya mtsho'i zhabs brtan gsol 'debs dgos 'dod kun 'byung zhes pa 'di yang/ dge slong tshul khrims rgya mtshos yang yang rna ba 'dzer ba'i ngo ma bzlog par ^ chos med rgyal khams pa chos kyi rdo rjes sug bris su bgyis pa'o//) ! //rab 'byams rgyal ba'i mkhyen brtse nus pa kun/ /gcig bsdus dmar ser mtshon dpe'i skur bzhengs pa/ /'jam mgon zur phud lnga dor mi yi gar/ /rnal rol blo bzang tshe mtha' yas pas skyongs/ /bloO gros bzangO po'i rgyal bstanO rin chen mchog /mkhas btsun bzang po'i rnam thar lhur bzhes te/ / 'dzinO skyong spel la smon pa'i mthu grub pa/ /yongs 'dzin nam mkha'i sgronO merO gsol ba 'debs/ /mgon khyod bdag cag bu slob mos ngo ru/ /zhabs bzung tshe mtha' yas pa'i mgon bzhin du/ /zab rgyas chos kyi dga' ston 'gyed bzhin par/ /bskal bar mi g.yo rtag tu brtan par shog /tshogs mchog sde mthun bshad sgrub 'chad nyan 'phel/ /kun kyang lhag bsam dkar bas dge la 'dun/ /char chu dus babs lo phyugs rtag tu legs/ /khrims ldan padmos sa steng mdzes gyur cig /bla ma yi dam chos srung 'phrin las dang/ /bdag cag bu slob dad mos rtse gcig mthus/ /bla ma'i zhabs brtan @023a @#/ /mdzad 'phrin phyogs bcur rgyas/ /smon pa'i re 'bras lhun gyis 'grub par shog /(ces zhabs brtan gsol 'debs dge legs mchog sbyin zhes bya ba 'di yang nas man tA wang shog gi skal bzang bstan pa'i nyi ma'i yang srid blo bzang bstan 'dzin sgron me'i zhabs brtan smon tshig 'di lta bu zhig dgos zhes phyag mdzod artha/ dpon po cin cin bu/ 'jam dbyangs brtson 'grus/ gnyer pa na son bu khe/ gsol dpon kirti zer ba rnams nas mgrin gcig tu bskul ngor ^ chos med ban rgan chos kyi rdo rjes 'phral mar sbyar ba'o//) ! //gang la brten na rmad byung tshe dpal ster/ /mchog thun dngos grub ci 'dod stsol mdzad pa'i/ /rje btsun yid bzhin 'khor lo'i zhabs pad la/ /gus pas btud do brtse bas rjes su skyongs/ /rmad byung bloO gros bzangO po'i nyin byed kyis/ /thub bstanO pad tshal 'dzinO pa'i gnyen gcig pu/ /'khrul bral yeO shesO 'od kyis skye 'gro'i blo'i; ;rmongs mun sel mdzad zhabs la gsol ba 'debs/ /bskal bar goms pa'i thugs bskyed bzang po yis/ /zab rgyas gdams pa'i gnad don snying po'i bcud/ /skal ldan 'gro la phan bde'i gsos sman mchog /yang yang stsol phyir rtag tu brtan par shog /dge la 'dun zhing chos spyod yar zlar 'gran/ /'gro rnams rgyud dul dge bcu'i khrims la gnas/ /'jig rten kun tu @023b nad mug 'khrug rtsod zhi/ /chos 'byor bde dgas rtag tu 'tsho bar shog /bla ma yi dam bsrung ma'i 'phrin las dang/ /bu slob thugs mthun dad mos rtse gcig mthus/ /bla ma'i zhabs brtan mdzad 'phrin phyogs kun rgyas; ;dge legs 'od brgya'i snang bas khyab gyur cig /(ces pe ring bI zi'i shog gi dgon pa dga' ldan gling gi bdag po khri sprul blo bzang bstan 'dzin ye shes kyi zhabs brtan smon tshig don gnyis lhun grub ces bya ba 'di yang/ gang gi zhabs gras pa dge slong 'jam dbyangs dkon mchog nas maN dod rgya gor dbang po'i grangs ldan lha reg bcas bskul ba'i ngor ^ chos med ban rgan chos kyi rdo rjes sug bris su bgyis pa dge legs 'phel//) ! //phul byung tshe yi mdzod 'dzin tshe mtha' yas/ /nyi bu'i dgra las rnam rgyal bi dza ya/ /tshe dpal stsol mdzad yid bzhin 'khor lo sogs/ /tshe yi lha tshogs rnams kyis shis pa stsol/ /bloO gros bzangO po'i sa srung la bzhon te/ /rgyal bstanO rin chen rtse brgya lag thogs nas/ /rgol ngan sbyin skyes byin sha 'dar byed pa'iO/ /mkhas grub nyiO ma'iO mgon la gsol ba 'debs/ /mgon khyod gong ma'i rnam thar legs bslab ste/ /mkhas btsun bzang po'i ngang tshul skyong bzhin par/ /dam pa'i rang rtags ngoms bzhin sa zla'i khrir/ /nam yang mi g.yo rtag tu brtan par shog /zhi dul bag yod spyod la legs gnas nas/ /rnam dag dam sdom ngo lkog med par bsrung/ /mkhas @024a @#/ /pa'i bya ba rnam gsum rtag tu gnas/ /sngon byon gong ma'i rgyal sa rtag zin shog /bla ma yi dam srung ma'i byin rlabs dang/ /khyad par yi dam dam can srung ma yi/ /'phrin las 'od snang 'bar bas rgud mun kun/ /myur zhi phan bde'i snang bas khyab gyur cig /(ces gro mu khron sman pa bla zur gyi yang srid blo bzang bstan pa'i nyi ma'i zhabs brtan gsol 'debs dge legs dpal ster zhes bya ba 'di lta bu zhig dgos zhes gang gi dpon po las byed rnams nas lha reg rgya gor gsum bcas bskul ngor ^ chos med ban rgan chos kyi rdo rjes sug bris su bgyis pa'o//) ! //rmad byung tshe yi mdzod 'dzin 'od mtha' yas/ /nyi bu dgra sde'i g.yul las rnam rgyal mgon/ /'dod dgu'i mchog sbyin yid bzhin 'khor lo sogs/ / tshe yi lha tshogs rnams kyis shis pa stsol/ /blo bzangO rgyal ba'i bstanO pa'iO khang bzang rtser/ /bshad sgrub chos kyi rgyalO mtshanO 'dzin pa'i mchog /legs bshad 'dod dgu'i char chen gdul bya'i ngor/ /'bebs mkhas rje btsun bla mar gsol ba 'debs/ /mgon khyod yab rje gong ma'i sa zla'i khrir/ /theg mchog chos kyi dga' ston gang 'dul 'gror/ /nam yang mi chad chu bo'i rgyun bzhin du/ /bskal bar mi g.yo rtag tu brtan par shog /rtag tu rab 'byams gzhung lugs rgya mtsho la/ /ngoms pa med pa'i thos pa byed pa dang/ /thos don rgyud la sbyar ba'i sgom byung gi /zab mo'i 'bras bus 'gro kun tshim par mdzod/ /bla ma yi dam srung ma'i byin rlabs dang/ /bu slob dam ldan re ba'i 'bras bu yis/ /bla ma'i zhabs brtan @024b mdzad 'phrin sa steng khyab/ /dge legs kun 'byung bkra shis rgyas gyur cig /(ces co ne mkhan chen gyi yang srid blo bzang bstan pa'i rgyal mtshan gyi zhabs brtan gsol 'debs 'dod dgu'i mchog sbyin zhes bya ba 'di lta bu zhig dgos zhes ^ bstan pa'i rtsa lag dam pa mi nyag mkhan zur rin po che nas gnang skyes dang bcas bskul ba'i bka' gyen ldog ma nus par ^ 'du gsum snyom las pa chos kyi rdo rjes gang dran thol byung ngu sug bris su bgyis pa'i dge bas bshes gnyen dam pa'i rang 'od 'bar ba'i rgyur gyur cig /) ! // na mo gu ru/ rmad byung thugs rje'i sprin dkar 'dzum pa las/ /dngos grub gru char 'jo ba'i skal bzang kun/ /tshim mdzad ngag gi dbang phyug 'jam mgon lhas/ /dge legs 'dab brgya bzhad pa'i dga' ston stsol; ;kun bzang thugs bskyed gser gyi gzhong ba'i nang/ /dam chos bdud rtsis legs gtam skal bzang mgron/ /dga' ston 'gyed mkhas grags pa'i 'od zer gyis/ /sa steng khyab par mdzad la gsol ba 'debs/ /bloO bzangO rgyal bstan yid bzhin dbang gi rgyal/ /gus ldan dad pa'i rgyal mtshan rtser mchod de/ /nyam thagO kun gyi re skong dga'O bde'i dpal/ /'god mdzad bla ma mchog laX dpalO ldanO yon tan bye ba'i gter chen po/ /'chad rtsod rtsom pa'i 'od zer brgya ba yis/ /thub bstan snying po 'dzin pa'i mchog gyur pa/ /dpal ldan bla ma'i zhabs laX mdo rgyud bstanO pa'i mdzod 'dzinO chos kyi rje/ /phan bde ma @025a @#/ /lus 'byungO ba'i gnasO gcig pu/ /'chi med bdud rtsi'i sman gyi bde ster ba/ /sman rgyal gnyis pa'i zhabs laX bloO chen rgyal ba kun gyi thugs kyi bcud/ /skal bzangO thar 'dod 'khrid pa'i 'jug ngogs mchog /tshulO gnas khrimsO ldan kun gyi rgyan gcig pu/ /gsal mdzad rje btsun bla mar gsol ba 'debs/ /gang gi mtshan snyan rna bar lhung ba'i mod/ /mthar byed sde bcas ri mo'i lam 'god pa'i/ /rmad byung tshe dpal ster mdzad lha tshogs kyis/ /gang sku sku tshe bskal brgyar brtan par skyongs/ /bslu med bla ma yi dam mchog gsum mthu/ /khyad par bstan srung rgya mtsho'i nus mthu dang/ / zab mo'i rten 'byung stobs kyis mgon po khyod/ /srid mtha'i bar du g.yo med rtag brtan shog /phun tshogs bkra shis chu 'dzin 'khrigs pa'i klong/ /bskal bar goms pa'i thugs bskyed sgra brgya yis/ / rnam mang gdul bya mdongs ldan can gyi tshogs/ /ngo mtshar dga' ba'i 'jo sgeg lhur len shog /(ces bzang skor bla ma'i sku 'phreng gsol 'debs mu tig 'phreng ba zhes bya ba 'di lta bu zhig dgos zhes bzang skor dgon pa'i dge 'dun mang dang; spyi'i phyag mdzod dpal ldan grags pa/ gong ma'i dngos slob sman rams pa byang chub bzang po/ rab 'byams pa bsod nams bzang po/ gnyer pa rin chen sogs kyis nan tan chen pos yang yang bskul ba'i ngor ^ chos med ban rgan bo d+hi shA san sya dI @025b baM gyis g.yar khral tsam du sug las su bgyis pa'o//) ! //ston pa mtshungs med shAkya'i rgyal po dang/ /skyob pa bla med theg mchog dam pa'i chos/ /'dren pa zla med 'phags mchog dge 'dun te/ /zla med rin chen gsum gyis shis pa stsol/ /bsodO namsO dpal gyi 'byor bas mngon phyug pa'i/ /zla bral mkhas mang bye ba'i gtsug nor mchog /bshad sgrub bstan pa 'phelO zhing rgyasO mdzad pa'i/ /mtshungs med dpal ldan bla mar gsol ba 'debs/ /mgon khyod glo bur chu khur can sgrib te/ /chu lha'i 'phang bar mnal ba'i tshul bstan pas/ /dad ldan bdag cag mya ngan khang bur tshud/ /ci bya gtol bral mgon skyabs su la re/ /ring min rigs rus cho 'brang gtsang ma'i gzhir/ /blo gsal gzhon nu me tog gsar ba zhig /ngo mtshar ldem ldem 'dzum pa'i mdangs gsal bar/ /myur du bzhad pa'i dga' ston stsol zhig gu / /bla ma yi dam srung ma'i byin rlabs dang/ /re ltos 'cha' ba'i nye 'brel dad mos mthus/ /mchog sprul myur gsal yon tan lang tshe dar/ /phun tshogs dge legs 'od brgya 'gyed par shog /(ces lcags ra sman zur bsod nams 'phel rgyas kyi myur byon bden tshig 'di yang/ nye 'brel sngags 'chang lhun grub tshe ring nas/ mar gsar rgya gang/ /dong chon gcig /kha btags bcas yang yang bskul ba'i ngor ^ gyin pa chos kyi rdo rjes bris pa'o// ! //'khrungs rabs gsol 'debs @026a @#/ /(dge legs 'od 'bar zhes bya ba bzhugs so//) rmad byung mtshan dpe'i dpal 'bar rang bzhin sku/ /kun gyi rna bar mi snyan bral ba'i gsung/ /mkhyen pa'i cha shas res kyang phyogs kun khyab; ;kun mkhyen thub pa mchog des dge legs stsol/ /srid pa'i gzeb tu chud pa'i 'gro rnams la/ /bloO chen thabs shes zung 'brel lam bzangO mchog /legs bstan kunO dga'iO dpal ster dge ba'i bshes/ /rgyud chen rdo rje 'dzin la gsol ba 'debs/ /bloO gros bzangO po'i rtsal gyis mdo sngags chosO/ /zab gsang snyan par bsgrags pa'i dbyangs kyi sgra/ /srid rtse'i bar du gragsO pa'i dpal yon can/ /gsang chen rdo rje 'dzin la gsol ba 'debs/ /'jamO dbyangsO mkhyen pa'i cha yi chos rnams kun/ /legs par sbyangs pas lung rtogs bstanO pa'i mdzod/ /'dzinO mdzad mkhas grub smra ba'i nyiO ma'iO mgon/ /sngags chen rdo rje 'dzin la gsol ba 'debs/ /bloO chen bzangO pos thugs rgyud legs gtams pas/ /rmad byung dgeO la 'dunO pa'i nyams bzhes mchog /bstanO paO rinO chenO gsal mdzad 'gro ba'i mgon/ /mtshungs med mkhan chen dam par gsol ba 'debs/ /bloO bzangO rgyal ba'i byangO chubO lam bzang mchog /mdo sngags bstanO pa'iO nyiO maO 'od po che/ /phyogs kun gsal bas @026b bstan 'gro'i phan bde'i tshal/ /rgyas mdzad mkhan chen mchog la gsol ba 'debs/ /gsol 'debs rgyu skar dbang po legs shar bas/ /skal ldan gdul bya'i rmongs mun mthar bskrad de/ /bstan dang 'gro ba'i bde skyid kunda'i gnyen/ /phan bde'i snang ba dkar pos khyab gyur cig /bslu med bla ma yi dam mchog gsum dang/ /bstan srung ye shes mgon po'i mthu stobs kyis/ /bla ma'i zhabs brtan mdzad 'phrin phyogs kun rgyas/ /dge mtshan bkras shis snang ba khyab gyur cig /(ces yongs rdzogs bstan pa'i mnga' bdag mkhan chen an 'ja' su'i 'khrungs rabs gsol 'debs dge legs 'od 'bar zhes bya ba 'di yang nyid kyi mdzod pa chos rje dge 'dun shes rab nas lha reg rin chen gnyis pa maN dod bcas yang yang bskul ba'i ngo ma bzlog par/ gyi na pa chos kyi rdo rjes gdan rabs sogs las btus te g.yar khral tsam du sbyar ba dza yantu// ! //rjes 'dzin gsol 'debs don gnyis lhun grub ces bya ba bzhugs so/) /na mo gu ru manydzu shrI ye/ khyab bdag tshul khrims byams pa rgya mtsho dang/ /'khor lo'i mgon po tshul khrims rgya mtsho'i zhabs/ /rtsa ba'i bla ma chos skyong rgya mtsho ste/ /rnam gsum dbyer med snying gi ze 'brur bsten/ /de yi bka' 'bangs bloO bzangO rgyal ba yi/ /byangO chubO bstanO pa'iO pad tshal bzhad pa'i gnyen/ /lam bzang gsal byed sa gsum sgronO meO che/ /mkhas grub @027a @#/ /yongs kyi gtsug rgyan khyod la 'dud/ /deng nas byang chub bar du mgon po khyod/ /sna tshogs du ma'i sgyu 'phrul gar mdzad cing/ /nyam chung byis pa'i blo ni ma 'khrul bar/ /khyod gsung bsnyen cing sgrub la rtag brtson shog /de ltar gsol btab bla ma'i thugs ka nas/ /hUM yig sngags 'phreng 'od dang bdud rtsi'i rgyun/ /rang gi spyi bo'i tshangs bug nas zhugs te/ /snying gar zla steng sngags 'phreng 'khod par gyur/ /(zhes brjod la/) oM AH gu ru su ma ti bo d+hi shA sa na sya dI baM sarba sidd+hi hUM hUM/ (zhes pa'i mtshan sngags ci nus su bzla mthar/) dge ba 'di yisX bla ma sangs rgyas (zhes sogs brjod/ mjug tu/) deng nas tshe rabs kun tu mgon po khyod/ /gang du bzhugs kyin gang du 'tshang rgya ba/ /de yi 'khor gyi thog mar bdag gyur te/ /gsang mdzod 'dzin pa'i sras su bdag gyur cig / skye ba kun tu (zhes sogs brjod par bya'o// ces pa 'di yang chos srid la blo mig mchog tu yangs pa rab 'byams smra ba'i dbang po khong blo bzang bstan 'dzin gyis lha dar bcas rna ba yang yang 'dzer ba'i ngo ma bzlog par ^ chos med ban rgan chos kyi rdo rjes gang dran thol byung du smras pa'o// ! //zhabs brtan gsol 'debs mu tig 'phreng ba zhes bya ba bzhugs so/) /don gnyis mthar phyin ston pa rdzogs sangs rgyas/ /dug gsum drungs nas 'byin mdzad dam pa'i @027b chos; ;rig grol yon tan gter mdzod 'phags pa'i tshogs/ /skyabs gnas rin chen gsum gyis shis pa stsol/ /phul byung thos dang bsamO pa'i zlos gar gyis/ /gtanO don sgrub la rtse gcig gzhol mdzad cing/ /yeO shesO snang bas rabO 'byams chos tshul kun/ /gsal mdzad 'gro ba'i mgon por gsol ba 'debs/ /thub bstan rin chen dbang gi rgyal po che/ /gragsO pa 'jig rten gsum na yongs khyab pa; ;legs mdzad nyiO 'od zerO brgyas phyogs kun tu/ /'bar mdzad smra pa'i nyi mar gsol ba 'debs/ /bloO grosO bzang pos thubO pa'i bstanO pa mchog /dus kyi mthar yang mi nyams phyogs kun tu/ /derO zhing rgyasO mdzad 'gro ba'i gnyen gcig pu/ /dpal ldan bla ma dam par gsol ba 'debs/ /bloO chen rgyal ba'i mdzad bzangO ma lus pa/ /gcig bsdus dpalO ldanO bstan pa'i rgyalO mtshanO mchog / 'dzin mdzad 'gro 'dren dam pa chos kyi rje/ /smra ba'i dbang phyug mchog la gsol ba 'debs/ /bskalO bzangO rnam 'dren bzhi pa'i bstan pa mchog /dgeO legsO kun gyi 'byung gnas yid bzhin nor/ /'phelO zhing rgyasO par mdzad pa'i bshes gnyen mchog /mchog sprul nyin mo'i mgon por gsol ba 'debs/ /mgon khyod yab rje gong ma'i gser gyi khrir/ /zhabs pad mi g.yo bskal brgyar rtag brtan cing/ / @028a @#/ /gsang gsum mdzad bzang yar ngo'i zla ltar 'phel/ /ci mdzad bstan 'gro'i gsos su 'gyur par shog /de ltar dang ba'i yid kyi mkha' dbyings su/ /gsol 'debs rgyu skar dbang po legs shar te/ /nyes tshogs rmongs pa'i mun pa ring bskrad nas/ /ye shes snang ba chen pos khyab gyur cig /bla ma yi dam mchog gsum byin rlabs dang/ /bu slob dad dam gtsang ma'i 'bras bu yis/ /'jig rten dge mtshan chen pos yongs khyab zhing/ /phan dang bde ba'i pad tshal rtag bzhad shog /(ces mong gol cin cun wang shog gi bstan pa dar rgyas gling gi dgon bdag /hu thog thu mchog sprul bskal bzang dge legs 'phel rgyas kyi gong ma na rim gyi 'khrungs rabs gsol 'debs mu tig 'phreng ba zhes bya ba 'di yang/ smon lam rab 'byams pa ye shes rgya mtsho/ rdo rams pa skal bzang rgyal mtshan/ gsol dpon dar rgyas rgya mtsho bcas nas/ gu gu sha'i gsol dem spu ldan gcig /snam bu spu ldan lha reg bcas yang yang bskul ba'i ngor ^ chos med 'du gsum snyom las pa chos kyi rdo rjes sug bris su bgyis pa dge legs 'phel// ! // zhabs brtan gsol 'debs dge legs mchog sbyin zhes bya ba bzhugs so/) /rgyal kun mkhyen rab gcig bsdus mkhyen pa'i gter/ /gsum ldan rdo rje 'dzin pa'i rnam rol gyis/ /snyigs dus nyam thag @028b mgon por legs byon pa'i/ /yab rje 'jam dpal snying pos shis pa stsol/ /mgon de'i legs gsung bstan pa'i yang snying mchog /mkhas rnams kunO dga'O bskyed pa'i lam bzang 'dir/ /nyer zhugs bstan pa'i rgyalO mtshanO bsgreng ba'i khur/ /'dzin mdzad mchog sprul nyi mar gsol ba 'debs/ /mgon khyod mkhas grub gong ma'i gsang gsum gyi/ /mdzad bzang dbyar gyi chu gter ji bzhin du; ;bshes gnyen gus bsten dad dam tshul bzhin bsrung/ /rmad byung rnam thar gtsang ma lhur bzhes te/ /rnam mang 'gro ba'i nyer 'tsho'i gzhi rten du/ /mi 'jigs gdong lngas btegs pa'i khri 'phang mthor/ /zhabs pad bskal brgyar brtan cing gus slob rnams/ /chos ldan re 'bras yid bzhin 'grub par shog /bslu med rin chen gsum gyi byin rlabs dang/ /yi dam bstan bsrung rgya mtsho'i 'phrin las dang/ /bdag cag dad mos lhag bsam dag pa'i mthus/ /bkra shis dge mtshan mtha' dag mngon gyur shog /(ces) gsol 'debs dge legs mchog sbyin zhes bya ba 'di yang a ru hor chen shog gi dgon pa dge rgyas gling gi 'dzin bdag zhabs drung kun dga' rgyal mtshan gyi zhabs brtan gsol 'debs 'di lta bu zhig dgos zhes/ zhabs gras tA bla ma blo bzang thabs mkhas dang/ dem chi shes rab bsam gtan/ blo bzang dkon @029a @#/ /mchog bcas nas gor mo bcu gcig dang lha reg bcas bskul ba'i ngor ^ chos med snyom las pa chos kyi rdo rjes sug bris su bgyis pa'o// ! //drug cu pa zhi drag gi 'don 'grigs dri med bla ma'i gsung rgyun ltar bkod pa bzhugs so/) /na mo badzra b+hai ra lwe/ bla ma 'jam dpal gshin rje gshed po dang/ /dbyer med rdo rje 'chang dbang la btud nas/ /dbyu gu drug cu rtsa bzhi zhi drag gi /'don 'grig gsal ba'i me long 'di na spel/ (/de la 'dir dbyu gu drug cu rtsa bzhi zhi drag gi 'don 'grigs bla ma rdo rje 'chang gi gsung rgyun ltar dgod pa la/ dang po drug cu ma zhi ba'i 'don tshul ni/ sngon du yi dam rdo rje 'jigs byed bdud las rnam rgyal gyi cho ga yongs grags ltar snga dro btang nas bzlas pa rgyun ring du byas/ phyi dro slebs pa'i tshe skyabs sems skad cig dkrong bskyed nang mchod mchod pa byin brlabs gtor ma byin brlabs gtor 'bul yongs grags ltar las gshin gyi bar btang nas/ las gshin gyi bskyed chog gzhung ltar btang/ spyan 'dren/ dbang bskur rgyas gdab/ dam bzhag /mchod bstod rnams dkyus ltar btang la/ bskang bshags tshar gsum/ bzlog pa med/ stobs chen ma lan gsum bcas btang nas/ nang mchod byin brlabs/ drug cu ma yongs grags ltar lan bzhir phul la/ slar yang nang mchod byin gyis brlabs te/) hUM dam can gshin rje chos kyi rgyal po (zhes sogs kyis gtor ma gtso bo yab yum la lan bdun re/) yab ti la sogs pa'i gshin rje @029b pho brgyad mo brgyad (ces sogs lan lnga/ de nas phyi nang gi mchod pa gtor rdzongs bsdus pa) chos rgyal yab yum (zhes sogs) a mu ka ma ra ya phaT/ (lam sel gtor ma/) hUM 'chi bdag nag po (zhes sogs 'don te) gtor ma rgya mtsho mchod par bzhes (zhes pa'i skabs su drug cu ma phyi rol tu btang/) rdul phran tsam yang med par mdzod/ /oM kA la rU pa hUM phaT/ b+hyoH tsa mu NTi hUM phaT/ (kA la rU pa ma/ ma skyes ma/ mthun grub ma bcas btang ba ni zhi ba'i 'don 'grigs so// drag po'i 'don 'grigs ni/ las gshin bskyed chog gi bar sngar ltar la/) hrIH ShTrIH bsangs/ swa b+hA wa sa sbyangs/ stong pa'i ngang las mdun du padma dang (zhes sogs gzhung ltar btang nas/) gshin rje mo brgyud kyi tshogs dpag tu med pas bskor ba/ de'i phyi rol tu shar du dbang po dmar ser glang po che la zhon pa/ (zhes pa nas/) de dag gi 'khor du srid pa gsum gyi 'byung po'i tshogs rnams dang bcas pa/ de dag gi phyi rol tu dam can rgya mtsho'i dmag tshogs sha la dga' ba/ khrag la rol ba/ (zhes pa nas/) bar snang nam mkha' sa gzhi thams cad gang ba/ gtso 'khor thams cad kyi spyi bor oM/ (nas/) spyan drangs/ hUM dza 'jam dpal gshin rje ma hUM 'di nas lho yi phyogs rol na/ /(zhes pa nas/) dam tshig dbang gis gnas 'dir gshegs/ /'jam dpal gshin rje'i bka' rnams bsgrub byed pa'i/ /dbang po la sogs phyogs skyong bco lnga dang/ /srid @030a @#/ /gsum sde brgyad 'byung bo ma lus pa/ /rnal 'byor 'phrin las bsgrub phyir gshegs su gsol/ /oM kA la rU pa ya ma rA dza sa pa ri wA ra a kArSha ya dzaH dzaH hUM baM hoH (zhes pa nas/) rdo rje nag po rtse lnga pa re res dbu brgyan par gyur/ (rdo rje bsdams pa las/ srin lag gnyis rtse sprad pa'i phyag rgya dang bcas te/) hrIH ShTrIH nas/ sa ma ya stwaM/ gshin rje rgyal po 'khor dang bcas pa la arg+haM gsol bas (zhes sogs kyis phyi nang gi mchod pa dang bstod pa'i bar bya/ bskang bshags lan gsum rgyas bsdus gang rung byed/ bzlog pa med/ stobs chen ma lan gsum/ nang mchod byin brlabs byas la gser skyems sbreng ste/ ril bu dmar po gnyis dang dkar po gcig bcas rim bzhin blug ste/) hUM bla ma yi dam dkon mchog gsum/ /(zhes pa nas/) de ring bdag gi grogs mdzod cig /ces gser skyems 'bul/) na mo rje btsun rtsa ba dang (zhes pa nas/) mdun gyi dbyu gu'i gtor ma 'di nyid la khug cig /stims shig /phob cig /(ces 'gug gzhug lan gsum gyi mthar/) dzaH hUM baM hoH bra be sha ya phaT/ a be sha ya a/ (nang mchod byin gyis brlabs nas drug cu ma yongs grags ltar lan bzhir phul la/ slar yang nang mchod byin gyis brlabs la/ hUM ring po dang bcas/) dam can gshin rje chos kyi rgyal po (zhes sogs/) oM kA la rU paX (lan bdun/) b+hyoH tsa muNTiX (lan bdun) ya ba ti la sogs paX (lan lnga/ phyi nang gi mchod pa bcas phul te/) @030b ho 'jam dpal gshin rje gshed kyi bka' sdod/ (ces pa nas/) ma ra ya phaT/ (lam sel gtor ma bsangs sbyangs nas/) bdud rtsi'i rgya mtsho chen por gyur/ ('bru gsum lan gsum brjod/ rgya chen shugs ldan gyi sngags bdun nam nyer gcig brjod la; de bzhin gshegs pa bzhi'i mtshan brjod/) dam rdzas bdud rtsi 'bar ba'i gtor ma 'di nyid yul lha gzhi bdag spyi dang/ khyad par du sgo khang dang lam srang la gnas pa'i mi ma yin mthu bo che rnams la 'bul lo// khyed rnams kyis gtor ma 'di bzhes la/ rnal 'byor pa bdag cag do nub drag po zor gyi las byed pa la rko long dang ru nga phrag dog ma byed par/ zor sna sdang dgra gnod byed kyi steng du thogs pa med par gdrongs la thal ba'i rdul phran tsam yang ma lus par brlag par mdzod cig /bdag gi bsam pa'i (sogs kyi bden stobs brjod/ de nas gtor ro rnams dang zor bsangs sbyangs/) stong pa'i ngang las ya hUM gis mtshan pa las drag po'i 'od zer phyogs bcur 'phros/ dgra bgegs gdug pa can thams cad tshar bcad/ phyogs bcu'i sangs rgyas byang sems thams cad kyi mthu stobs nus pa thams cad srin po drag tu khros pa lta bu'i rnam par spyan drangs/ ya hUM gis mtshan pa la thim; de yongs su gyur pa las gnam lcags kyi thog me rab tu 'bar bar gyur cing/ gtor chung rnams kyang rdo rje thog me rab tu 'bar bas stong gsum thams cad skad cig gis brlag par byed pa'i nus pa dang ldan @031a @#/ /par gyur/ slar yang rang yi dam du gsal ba'i thugs ka'i hUM gi 'od zer gyis bla ma yi dam sangs rgyas byang sems dpa' bo mkha' 'gro chos skyong bsrung ma thams cad dang/ 'jig rten gyi lha ma srin dregs pa sde brgyad mthu rtsal can thams cad kyi nus mthu thams cad bkug nas gtor zor la thim par gyur/ (par bsam la dmigs pa brtan pos nus pa bskyed par mos te/) hUM rnal 'byor bdag gi gtor zor gnyan po 'di/ /rig 'dzin rtsa brgyud bla mas byin gyis rlobs/ /yi dam lha dang mkha' 'gros nus pa bskyed/ /bstan srung dam can rgya mtshos drag por sgrubs/ /khyad par gsod byed las kyi gshin rje khyod/ / cho 'phrul stong gis dgra la ltas ngan thobs/ /'khor bcas zor chen rdzas kyi mthu bskyed la/ /dgra bgegs 'byung po'i srog la dbang mdzod cig /bka' sdod dam can rgya mtsho mthu ma chung/ /sgrol byed pho nya las mkhan rtsal ma zhan/ /bdag gi gtor zor gnyan po mthu bskyed la/ /do nub dgra bo'i srog la dbang mdzod cig /sdang dgra gnod byed bgegs la 'phen pa'i zor/ /dam nyams sdig can thal bar rlog pa'i zor/ /dam can sde brgyad dmag dpung bskyed pa'i zor/ /mi mthun rkyen ngan bar chad bzlog pa'i zor/ /hUM bla ma yi dam gshin rje gshed po dang/ /dpa' bo mkha' 'gro chos skyong srung @031b ma'i tshogs/ /snang srid dregs pa sde brgyad 'khor bcas kyis/ /do nub drag po'i zor gyi las mdzod cig /(ces brjod pas/ dgra bgegs brlag par byed pa la nus mthu dang ldan par bsam/ bskul ba ni/) hUM zhe sdang chen po khros pa'i dkyil 'khor nas/ (/zhes sogs kyis bskul ba'am/) hUM bcom ldan gshin rje gshed po'i bka'/ (/zhes sogs yongs grags ltar bskul la/) khyod la gnyer du gtad pa ni/ /blo bzang rgyal ba'i bstan pa dang// bstan 'dzin dge 'dun sde bcas dang/ /rnal 'byor bdag cag 'khor bcas la/ (/zhes 'og ma rnams la sbyar te drag tu bskul/ de nas/) hUM 'chi bdag nag po (zhes sogs kyis bskul te/ sdang dgra ma'i skabs/ las kyi rdo rjes zhwa gyon te srin mo za lam du bskyal/) oM kA la rU pa sarba sha druM ma ra ya phaT/ b+hyoH tsa muNTi sarba sha druM ma ra ya phaT/ hUM chos sku yangs pa'i pho brang nas/ /chos rgyal yab yum 'khor bcas kyis/ /gtor zor 'di yi sna drongs te/ /rnal 'byor bdag cag 'khor bcas la/ /gzhan gyi bsam sbyor (zhes pa nas/) thams cad gnod pa'i bgegs la b+hyoH (brkyang bskum mas bstod/ mthun grub ma/ gtang rag mchod bstod/ bzod gsol/ nyer bsdu/ shis brjod sogs kyis mtha' brgyan par bya'o/ /) smras pa/ rdo rje 'chang dbang zhal khyim las 'ongs pa'i/ /man ngag yang zab 'don 'grigs nying khu 'di/ /dam med log lta can la shin @032a @#/ /tu gsang/ /skal ldan thar 'dod rnams kyis bsten zhig kye/ (/ces pa 'di yang chos med snyom las pa ^ chos kyi rdo rjes rgyud pa dpon slob smar grub chen gyi sprul sku'i thugs bzhed ltar spel pa'o/ /gu hya sa ma ya rgyaH rgyaH rgyaH kha thwaMH ! dus gzer skabs kyi smon tshig 'dod don lhun grub zhes bya ba bi ha ra tisma/) bslu med bla ma yi dam mchog gsum dang/ /khyad par chos kyi rgyal po tsong kha pa/ /yab sras brgyud par bcas pa'i tshogs rnams kyis/ /deng 'dir smon pa'i dbang po mdzad du gsol/ /cher snyigs dus kyi dmu rgod thab dang/ /mtha' yi rgya 'dre 'byung po'i rgyud brlam pa/ /phyogs 'dir yongs su bkang ba'i tshogs 'di rnams/ /dmigs med myur du zhi ba'i 'phrin las mdzod/ /mi bsrun bdud sde'i tshogs dang khyad par du/ /'phung byed 'gong po skye bo'i rgyud dkrugs te/ /smon lam log pa'i dam sri cher 'phel ba/ /mthu stobs me yis gzhob tu bsreg par mdzod/ /bla ma yi dam bsrung ma'i byin rlabs dang/ /rdo rje chos srung rnams kyi mthu stobs dang/ /bdag cag dad mos rtse gcig smon pa'i mthus/ / mtha' yi rgya 'dre dmigs med dbyings su drongs/ /'dis mtshon yangs pa'i sa chen la 'khod pa'i/ /'gro rnams chos 'byor bde dgas rtag tu 'tsho/ /nad rims 'khrugs rtsod ming gi lhag mar bcom/ / @032b phun tshogs bde la rol ba'i bkra shis stsol/ (/zhes pa 'di yang dge slong tshul khrims 'od zer gyis lha reg tA yOng bcas bskul ba'i ngor ^ chos med ban rgan chos rdor gyis 'phral du sbyar ba'i yi ge pa ni blo bzang mchog grub bo/ ! /mgon po'i gtor chog rgyas 'bring bsdus gsum gyi 'don bsgrigs bzhugs so/ /) na mo gu ru shrI mahA kA la ye/ dngos grub kun 'byung drin can bla ma dang/ /snying rje'i rang gzugs dpal ldan ye shes mgon/ /dbyer med zhabs kyi padmor gus 'dud nas/ /gang gi rgyun khyer ngag 'don 'don bsgrigs spel/ (/'dir dpal ye shes kyi mgon po'i gtor chog rgyas 'bring bsdus gsum dam pa'i gsung bzhin khyer bde spel pa la/ mkhas grub khyung po'i phyag len bzhin/ bcad kham gtor ma spyi gtor gzhi bdag sogs 'du byas la/ byin rlabs phyogs gcig tu byas pa'i phyag srol ltar bya/) bdag nyid kyi (zhes pa nas) spyan drangs/ hUM dad pa dang ni (zhes pa nas gdan phul gyi bar dang bstod pa bya/ rgyas par na mchod 'phreng sngags dang bcas nyer spyod 'dod yon lnga rnams 'bul zhing/ bsdu na sngags tsam gyis chog /nang mchod dkyus ltar 'bul/ de nas bla mgon dbyer med kyi rnal 'byor ni/) mgon po'i spyi gtsug tu (zhes pa nas) 'dug sa 'di nyid du byin gyis rlobs shig (ces pa'i bar brjod/ de nas sgrib sel gyi rnal 'byor ni/) mgon po'i spyi gtsug tu (zhes pa nas yig brgya nyer gcig bshags pa/) hUM rdo rje 'chang dang/ (bskang ba) rtsa brgyud bla ma dang/ sa bcu ma/ khyed la zhu zhing/ @033a @#/ /dam nyams ma/ bzlog pa chos sku ma/ mthun grub ma'i bar bya/ gnad 'bab rnal 'byor ni/ mgon po'i spyi gtsug tu zhes pa nas yig brgya'i bar brjod/ gtor ma nang mchod ltar byin gyi brlabs la/ na mo myur mdzad ye shes kyi mgon po nas/ gtsang sbyar ma/ mA ra ya phaT kyi bar brjod/ de nas spyi gtor gzhi bdag rnams dkyus ltar gtong/ bstod pa ni/ myur mdzad ma/ rngams pa'i sgra sgrog ma/ bskal me ma/ bka' nyan ma/ dur khrod 'jigs rung ma/ steng tshangs ma/ dam can ma/ mnga' gsol rdo rje 'chang dngos zhes pa nas mgon dang skyabs su mnga' gsol lo/ (/zhes pa'i bar 'don/ 'di ni skyabs mchog gser khang rdo rje 'chang gi phyag len rgyas pa'i 'don bsgrig go /'bring ni/ byin rlabs sngar ltar/ bdag nyid kyi nas gnyis su med par bstim/ chos dbyings mas bstod/ sngags rkyang bas spyi mchod dang nang mchod 'bul/ bla mgon dbyer med dang sgrib sel gyi dmigs pa sngar ltar byas nas/ bshags pa tshar gcig /de nas gnad 'bebs sgo nas bzlas pa yig brgya gtor 'bul spyi gtor gzhi bdag gi bar bya/ bstod pa myur mdzad ma/ bskal me ma; bka' nyan ma/ dpal ldan mgon po/ dam can ma/ rdo rje 'chang dngos nas mnga' gsol lo/ /zhes pa'i bar brjod pa ni phyag len 'bring gi 'don bsgrig go /shin tu bsdus pa ltar 'dod na mgon @033b po'i gtor 'bul ltar byas pas chog go /smras pa/ e ma deng dus dge sbyor gyi/ /gzugs brnyan la spyod spong ba pa/ /'jam dbyangs rab rgyas bskul ba'i ngor/ /chos med chos kyi rdo rjes so/ /yi ge'i 'du byed mchog grub po/ /dge bas 'dud las rgyal gyur cig / ! //myur byon gsol 'debs mchog sprul nyin byed 'dren pa'i skya rengs gsar ba bi ha ra tisma/ /'dren pa mtshungs med shAkya'i rgyal po dang/ /skyob pa bla med theg mchog dam pa'i chos/ /rig grol gnyis ldan 'phags tshogs 'dus pa'i sde/ /skyabs mchog rin chen gsum gyis shis pa stsol/ /bsod nams ye shes tshogs gnyis rgya mtsho las/ / legs 'khrungs bstan 'dzin kun gyi gtsug gi rgyan/ /mkhas grub smra ba'i nyi ma zla bral mgon/ /sa gsum snyan par grags la gsol ba 'debs/ /dmu rgod 'dul dka'i snyigs dus 'gro rnams kyi/ / bya spyod rtsing bas khyod thugs zhen bsun te/ /glo bur chos sku'i dga' ma'i 'phang ba ru/ /mnal ba'i ngang tshul 'di la snying nas skyo/ /bu slob 'khor g.yog kun kyang mya ngan thang/ /'grim pa'i ngang tshul 'di la mi gzigs sam/ /bya chad thang du lhung ba ji bzhin du/ /gdung ba'i nyam thag rnams la thugs rjes gzigs/ /ring min phun tshogs cho rigs gtsang ma yi/ /skyed tshal nyams dgar lnga rig yon tan @034a @#/ /gyi; ;me tog sngon med myur du legs shar te/ /skye dgu'i yid kyi re ba skong bar mdzod/ /sngon goms dge ba'i thugs bskyed rab tu brtan/ /gang sku thos bsam bsgom pa'i dkyil 'khor rgyas/ /'chad rtsod rtsom pa'i bdud rtsi'i thig 'phreng gis/ /thub bstan kun da'i tshal yangs rtag bzhad shog /bla ma lha dang dam can mkha' 'gro'i tshogs/ /bstan srung rgya mtsho'i tshogs kyi mthu stobs kyis/ /bu slob rnams kyi ji ltar bsam pa'i don/ /smon pa'i re 'bras lhun gyis 'grub gyur cig (/ces yongs rdzogs bstan pa'i mnga' bdag ^ pA gru mkhan chen glo bur du dgongs pa chos dbyings su thim tshul bstan pa'i skabs/ nyid kyi sku dpon chos mdzod nas rgya dngul srang gsum dang lha dar bcas/ tshul 'di lta bu zhig dgos zhes nan gyis bskul ba'i ngor/ chos med ban rgan 'du gsum pa chos kyi rdo rjes sbyar ba'o//) ! // shes bya'i dkyil 'khor kun khyab sgrib bral thugs/ /chos tshul brjod pa 'gags med nA da'i gsung/ /mtshan dpe'i dpal 'bar mthong ba don ldan sku/ /lha gcig 'jam dpal gzhon nus dge legs stsol; ;ches mang bskal ba'i sngon nas sangs rgyas kyang/ /cher snyigs bstan 'gro'i pad tshal skyong slad du/ /skye dgu'i mkha' la thugs rje'i nyin byed 'bum/ /shar ba'i rim byon mkhas grub gtsug @034b na rgyal/ /rnam 'dren rgyal bas yang yang legs bsngags pa'i/ /nub phyogs bde ldan ngo mtshar bkod pa'i zhing/ /zhing de'i mgon po 'od dpag med pa'i sras/ /sa yi snying po zhes grags gtsug na rgyal/ / steng phyogs dga' ldan yid dga' chos 'dzin du/ /rmad byung kun tu bzang po'i mchod pa'i sprin/ /dpag med spros te rgyal kun mchod mdzad pa/ /byang sems zla snying zhabs la rtag tu 'dud/ /rab 'bar zhugs nags mngal sgo las 'khrungs tshe/ /rnam 'dren shAkya'i rgyal po'i tshangs dbyangs kyis/ /'di ni srid pa tha ma zhes lung bstan/ /gnas brtan me skyes zhabs la gsol ba 'debs/ /gang sku gzhon nu bgrang bya bdun pa'i dus/ /smra ngan ri dwags bye ba phrag mang por/ /gsung dbyangs gcig gis btul te bstan pa'i sgor/ /'jug mdzad tsandra go mir gsol ba 'debs/ /rdo rje btsun mos zhal mthong mchog sbyin kyang/ /re zhig 'grim kyang dka' spyad nyer bzhi sogs/ /snying rus bskyed de bla ma'i bka' bsgrub pa/ /grub pa mchog brnyes nA ro ta par 'dud/ /bdag pas gzhan gces goms pa'i byang chub sems/ /thugs kyi nying khu phul byung zhabs nyid la/ /bum pa gang byo'i tshul du spel ba'i mthus/ /sa steng khyab mdzad gser gling pa la 'dud/ /'chi med grub pa'i rig 'dzin dpal thob nas/ /'gro kun dus min 'chi ba'i 'jigs @035a @#/ /pa las/ /skyobs pa'i nus mthu thogs med thugs rje can/ /'chi med ti phu pa la gsol ba 'debs/ /mahA tsi na'i yul gru'i bye brag pa/ /sa yi snying pos byin gyis brlabs pa'i gnas; ;cang nan yul du drang srong bden tshig can/ /tsho hwo zhang zhes grags la gsol ba 'debs/ /lha chos bdun ldan jo bo bka' gdams pa'i/ /rnam thar gtsang ma'i legs spras rgyan gyis brgyan; ;bshes gnyen ston pa'i nang thugs sras gcig bu/ /grub mchog spyan snga pa la gsol ba 'debs/ /lho phyogs ri bo po ta la yi 'dab/ /mi ring rgyal khab nan cing zhes grags par/ / rgya ban drang srong gtsang ma'i rtul zhugs can/ /wang hwo zhang zhes grags la gsol ba 'debs/ /sa yi tshangs chen tA min yun lo yi/ /gtsug rgyan nam mkha'i mdzod la mnga' brnyes shing/ /grub pa mchog brnyes glang dkar pa zhes grags/ /tshul khrims bzang po'i zhabs la gsol ba 'debs/ /'jam mgon chos kyi rgyal po tsong kha pa'i/ /thugs sras zla med mdo sngags bstan pa'i bdag / rgyal ba'i rgyal tshab mtshungs med chos kyi rje/ /dar ma rin chen zhabs la gsol 'debs/ /mi 'jigs gnas chen lnga yi ya kyal mchog /sprul ba'i gnas chen ri bo dwangs bsil du/ /sna tshogs sgyu @035b 'phrul bye ba ston mdzad pa/ /he kyin hwo zhang grags la gsol ba 'debs/ /rgya nag gong ma zon tA'i bka' lung las/ /srid zhi'i gtsug rgyan dam par legs bsngags pa'i/ /gang gi 'phrin las bzang po'i dpal yon can/ /rin chen bzang po'i zhabs la gsol ba 'debs/ /lcags khams gser du bsgyur bar byed pa ltar/ /ma dag sgyu lus dag pa'i ye shes skur/ /bzhengs pa'i zung 'jug grub pa'i dpal yon can/ /chos ldan rab 'byor zhabs la gsol ba 'debs/ /rmad byung mkhas pa'i yon tan thugs su chud/ /grub pa'i nyams rtogs mthar son dge ba'i bshes/ /mdo rgyud bstan pa'i mnga' bdag mtshungs med rje/ /skyabs mchog dpal bzang zhabs la gsol ba 'debs/ /gsang sngags rgya mtsho'i mthar son ded dpon mchog /rdo rje 'dzin pa kun gyi gtsug gi rgyan/ /grub pa mchog gi sar gshegs chos kyi rje/ /ratna wadd+har zhabs la gsol ba 'debs/ /rmad byung 'phrin las sgo 'phar brgya phrag phye/ /khyad par rgya kyA theg chen chos gling btab/ /lhun grub 'phrin las bzang po'i mdzad pa can/ /sgom chen rnam rgyal zhabs la gsol ba 'debs/ /gnam bskos sa yi tshangs chen khang zhi'i bkas/ /dkon mchog mthu stobs yon tan zhes bsngags pa'i/ /dam pa'i rang rtags spyi bor dbang bskur ba/ /'gro ba'i @036a @#/ /mgon po mchog la gsol ba 'debs/ /sgra dbyangs lha mos rjes su legs bzung bas/ /smra ba'i khyu mchog chen por skur bzhengs te/ /'chad rtsod rtsom pa'i sgra chen rab sgrogs pa/ /'jam dbyangs bla ma'i zhabs la gsol ba 'debs/ /mi g.yo ting 'dzin ri dbang ltar brtan mthus/ /yi dam zhi khro'i lha tshogs rgyun du gzigs/ /ngo mtshar 'byung 'gyur rjen bar lung bstan pa'i/ /grub pa'i dbang phyug mchog la gsol ba 'debs/ /bloO bzangO rgyal ba'i mdo sngags zung 'brel gyi/ /bstanO pa'iO pad tshal rgyas mdzad nyiO maO che/ /skal ldan gdul byar thar pa'i lam ston pa'i/ /rje btsun bla ma mchog la gsol ba 'debs/ /skalO bzangO thar 'dod mtha' yas gdul bya'i tshogs/ /rlabs chen bsodO namsO rgyaO mtshorO legs bgrod nas/ /rnam grol nor bu'i gling du 'khrid mdzad pa'i/ /dpal ldan bla ma'i zhabs la gsol ba 'debs/ /bloO chen mdzad bzangO bsil zer rab tu 'phro/ /skalO bzangO blo gros kun nas bzhad pa'i gnyen/ /tshogs gnyis rgya mtsho'i dpal las nyer 'khrungs pa'i/ /zla med bla ma mchog la gsol ba 'debs/ /de ltar mkhas grub rim byon mu tig 'phreng/ /gang gi mgul bar brgyan pa'i mdza' na mo/ /gsang gsum gcig tu bsdus pa'i bdag nyid che/ /bskal bar mi g.yo rtag tu brtan par shog /mi @036b 'jigs gdong lngas btegs pa'i gser gyi khrir/ /mi shig rdo rje'i skyil krung legs bcings te/ /zab gsang gdams pas 'gro rnams rgyud smin par/ /bskal ba rgya mtshor mi 'gyur brtan par shog /gzhung lugs rgya mtshor mkhas la dbyig gnyen bzhin/ /gsum ldan sdom par btsun pas yon tan 'od/ /bzang po'i mnga' ba dag gser gling rgyal po bzhin/ /bskal bar mi g.yo rtag tu brtan par shog /gzhung lugs rgya mtsho 'chad la rin chen grub/ /pha rol rtsod la phyogs glang chos grags zla/ /legs bshad rtsom la daNTi gnyis pa bzhin/ /'chad rtsod rtsom pas dga' ston rtag 'gyed shog /bla ma lha dang dam can mkha' 'gro'i tshogs/ /lha chen gur gyi mgon po 'khor bcas kyis/ /nyer 'tshe kun sel mthun rkyen yid bzhin sgrub/ /dge legs kun 'byung bkra shis rgyas gyur cig /(ces pa 'di yang dad brtson mkhyen dpyod mchog tu yangs shing sgrub la gcig tu brtson pa'i spobs pa mchog tu dge ba gang gi sku gcung blo bzang dpal ldan nas snga phyir yang yang bskul ba'i ngo ? ma bzlog par ^ btsun gzugs 'chang ba chos med ban rgan chos rdor nas sug las su bgyis pa dza yantu// ! // @#/ /hal ha dar han wang shog dar rgyas chos gling dgon pa'i yi la ko sAn bla ma'i 'khrungs rab gdung sel nor bu'i 'phreng ba zhes bya ba bzhugs so//) oM swa sti/ tshe dang ye shes mchog stsol lhag @037a @#/ /pa'i lha/ /tshe dpag med mgon rnam par rgyal ba dang/ /tshe sbyin 'phags ma yid bzhin 'khor lo'i mthus/ /tshe dpal lang tshe rgyas pa'i dge legs stsol/ / ngagO dbangO mkhyen pa'i chu gter bsrubs pa las/ /dbag yas yonO tanO rin chen sa 'dzin dbang/ /gzhan phan 'phrin las nyi zla'i 'od snang gis/ /rgyaO mtsho'iO gos can khyab par gsol ba 'debs/ /ngagO gi dbangO phyug 'jam dpal snying po'i bstan/ /'dzin skyong spel ba'i bshadO sgrubO 'od dkar gyis/ /thub bstan rgyaO mtshoO 'phel ba'i gnyen gcig bu/ / skyes mchog rgyu skar dbang por gsol ba 'debs/ /blo bzang rgyal bstanO rin thang bral ba'i dbyib/ /nye bar 'dzinO pa'i mkhyen dpyod gru gzings kyis/ /'gro khams rgyaO mtsho'iO dbul ba drung 'byin pa'i/ /thar 'dod ded dpon chen por gsol ba 'debs/ /dgeO la 'dun ldan lha yi lam yangs por/ /thub bstan bshadO sgrubO rdzogs pa'i nyin byed kyis/ /yid can phan bde'i bad tshal rgyaO mtsho'iO mthar/ /spel mdzad bshes gnyen dam par gsol ba 'debs/ /mi 'jigs rnam bzhi mtshon pa'i sengge'i khrir/ /mi phyed rdo rje'i sku brnyes gang gi zhabs/ / @037b mi zad duH khas mnar ba'i bgro sgrol slad/ /mi 'gyur rdo rje'i ngo bor rtag brtan shog /bla ma mchog gsum dam pa'i byin rlabs dang/ /bdag rtse gcig gsol ba btab pa'i mthus/ /mgon khyod sku tshe brtan cing gsang gsum gyi/ /rnam dkar 'phrin las yar zla ltar 'phel shog /(ces 'khrungs rab gsol 'debs gdung sel nor bu'i phreng ba zhes bya ba 'di ni hal ha dar han tA wang shog dar rgyas chos gling dgon gyi li la ko sAn ? bla ma'i sku dpon bshad ram pa tshul khrims dpal ldan nas rang gi bla ma'i 'khrungs rab 'di lta bu zhig dgos zhes bskul ba'i ngor ^ chos med rgyal khams pa chos kyi rdo rje g.yar khral du sbyar ba'o// @#/ /gnas bsrung chen po skya ti'u tog dkar la tshe mthar dang gser skyems 'bul tshul lha chen thugs rje dgyes byed ces bya ba bzhugs so//) na mo gu ru ha ya g+hri wa ya/ ('dir gnas bsrung chen po skya ti'u tog dkar la tshe mthar gtong bar 'dod pa dgis ?/ rtags kar lug sogs legs par 'du byas la/ rnam 'joms kyi mdo gzungs ring thung/ don zhags snying po/ rten 'brel snying po/ rang gi yi dam kyi rtsa sngags snying po rnams ci 'grub bzlas te bsgrub pa'i khrus chu dkar nag bsag /tshe mthar gang la gtong yul gyi rta g.yag ra lug sogs gang 'du byas ba rwa ldan yin tshe rwa dang rna sug bzhi rnams la mar gyis brgyan/ g.yas ngos su bal tshon gyi thig gu khru gang ba la mdud pa gsum rgyab te/ de la dar tshon sna lnga'i 'phan gyis brgyan pa legs par btags/ sngags chu chu nag gi mjug nas @038a @#/ /mgo'i bar du blugs/ chu dkar pos mgo nas mjug ma'i bar du rim bzhin blugs/ mnol bsang sogs kyis bsangs bdug byas/ 'os 'ga' zhig tu bsangs chen legs par gtong/ sgrub pa po rnams gral du 'khod nas skyabs sems tshad med bzhi spyi ltar btang/ rang yi dam gyi nga rgyal rgyas bsdus ci rigs pa'i ngang nas/ bsangs rdzas rnams bsangs sbyangs dang byin gyis brlabs la/ nga'i sku gong mas mdzad pa'i bsangs yig bstod pa'i bar mthar chags su 'don/ de nas/) hUM rdzu 'phrul shugs 'chang stong gsum yud kyis bskor/ /dbyibs legs sha rgyas spu sdug rnam par bkra/ /sna tshogs dar gyi cod pan du mas brgyan/ /zla pa'i thod can rab mdzes rta mchog 'di/ /gnas bdag skya ti'u tog dkar rten du 'bul/ /rnam mang 'khor tshogs rgya mtsho'i rten du 'bul/ /rten las ma 'da' 'bem las ma g.yos par/ / sangs rgyas bstan pa bsrung zhing skyong ba dang/ /rnal 'byor bdag gi ji ltar 'dod pa'i don/ /bsam don bgegs med lhun gyis 'grub par mdzod/ /zhol g.yag kham pa dag ni ngar bco byed/ / 'o ma'i rgyun 'dzin 'dod pa 'jo ba'i ba/ /rnam bkra dar gyi cod pan brgyan pa 'di/ /gnas bdagX bal gyi khur 'dzin dbang po ma nyams shing/ /chu gnyer ji bzhin spu sdug legs par @038b 'jam/ /dar gyi rgyan ldan g.yang dkar lug mchog 'di/ /gnas bdagX ser mig ag tshom 'khyil ba'i tshe tshe ra/ /lhab lhub spu yi gos gyon rwa bzhi pa/ /rnam bkra dar snas brgyan pa'i ra mchog 'di; ;gnas bdagX mdzod/ /khyod gsol khyod rten khyod bsgrub khyod rbad na/ /mthu rtsal ma chung brtse gdung che bar mdzod/ /gzhi su bsdad na dpal 'byor longs spyod rgyas/ /byes su song na dgra jag 'tshe las skyob/ /nyin gsum bya ra rgyad nas ma g.yel zhig /mtshan gsum mel tshe drung nas ma g.yel zhig /pos pa'i tshe na rtag tu snyan ma sra/ /rbad pa'i las la dus kun mthu ma chung/ /mdor na bsam don bgegs med lhun gyis 'grub/ /phyu g.yang dpal 'byor snyan grags ma lus stsol/ /rkang bzhi phyugs kyi tshogs rnams 'phel zhing rgyas/ /'jig rten bde zhing khyab pa'i bkra shis shog /(ces brjod nas bkra shis kyis mtha' brgyan par bya'o/ /zhes pa 'di yang chos kyi rdo rjes so/ /gser skyems gtong bar 'dod na/ rgya ja'i snying khu'am/ chang kar ma gang rigs phud phor sogs snod kyi nang du bshams nas 'bru gsum gyis byin gyi rlabs la/) hUM dkar 'jam dbyibs legs rin chen yol go'i nang/ /ro brgya'i dpal 'dzin rgya ja'i btung ba 'di/ dpal ldan rtsa ba gsum gyi lha tshogs dang/ /khyad par gnas bsrung skya ti'u to dkar la/ /'bul lo @039a @#/ /mchod do bcol ba'i 'phrin las mdzod/ /dkar 'jamX btsun mo sras dang sman mo'i tshogs rnams la/ /'bul loX dkar 'jamX 'bru bcud snying po a mr-i ta mchog 'di/ /skabs 'gar rnam bzhi dgra lha'i tshogs rnams la/ /gser skyems mchod pa 'di 'bul bzhes su gsol/ /bzhes nas sdang dgra gnod byed thal bar rlogs/ /khyed rnams mchod cing (zhes sogs man sbyar ro// zhes pa 'di yang che shos sde mang gis bskul ngor ^ ban rgan chos rdor gyis bris pa'o//) @#/ /na mo badzra pA Ni ye/ ('dir 'bum 'bar sde ba'i yul skyong gtso bo rnams la bsangs mchod gtong bar 'dod pas/ yid mthun gyi gnas su bsangs rdzas/ mkhan pa/ ba lu/ lha shug /dkar gsum mngar gsum/ bzang drug rnams rtsam pa dang bsres te me du ba med pa la btab te bsangs rdzas rnams la chab kyis bran/ skyabs sems sngon du 'gro bas yi dam rgyas bsdus gang rud dam brel dus/) rang nyid dpal chen rdo rje 'jigs byed du/ /gsal ba'i thugs ka'i hUM las 'od 'phros pas/ /bsangs rdzas rnams kyi ma dag dri ma kun/ /sbyangs shing bskyed de zag med bdud rtsir gyur/ /oM AH hUM/ (phan gsum dang/ nam mkha' mdzod kyi sngags rgya dang/ sngags drug phyag rgya drug bden pa'i ltobs sogs brjod la 'di ltar/) kyai kun khyab chos @039b dbyings dag pa'i pho brang nas/ /rtsa brgyud bla ma yi dam lha tshogs dang/ /dpa' bo mkha' 'gro nor lha gter bdag dang/ /dam can chos bsrung tshogs rnams gnas 'dir gshegs/ / kyai phun tshogs 'dod rgu 'khyil ba'i gnas mchog 'dir/ /sgang gshong sbangs ljongs ri klung nags tshal sogs/ /gnas bcas mthu ldan gzhi bdag sman btsun sogs/ / dregs ldan gnas bsrung bsangs kyi mgron du gshegs/ /lha klu sde brgyad mi min mthu chen dang/ /bstan la mngon dga' mthu stobs bsam mi khyab/ /mi min 'byung po'i tshogs rnams ma lus pa/ /'dir gshegs bsangs kyi mgron du brtan par bzhugs/ /kyai ting 'dzin sngags dang phyag rgyas byin rlabs pa'i/ /'dod yon lnga ldan bsangs kyi mchod pa 'di/ /rtsa brgyud bla ma yi dam lha tshogs bsangs/ /dpa' po mkha' 'gro nor lha gter bdagX dam can chos bsrung tshogs rnams ma lusX yul 'dir gnas pa'i lha klu gzhi bdagX sman btsun dregs pa sde brgyad ma lusX mdor na mchod 'os tshogs kun ma lusX 'dir ltar bsangs mchod phul ba'i rnam dkar mthus/ /bdag sogs @040a @#/ /rnams kyis bya spyod mi mkhas pas/ /sa rko rdo slog shing gnyan bcad pa dang/ /mi gtsang dri mas sbags sogs mthol zhing bshags/ /kyai da ltar bsangs kyi mchod pa dam pa 'di/ /phul bas bdag sogs yongs kyi mgon skyabs dang/ /'gro 'dug bya byed las gsum mtha' dag la/ /nyin mtshan kun tu bya ra legs par mdzod/ /gang brtsam don rnams yid bzhin 'grub pa dang/ /gzhan gyi kha smras bthab rtsod 'khrugs long dang/ /sad ser ba tsa' than lo nyes mu ge sogs/ mi mthun rgud pa'i g.yul las rgyal bar mdzod/ /gzhis su bsdad na nad gdon 'jigs las sgrol/ /byes su 'gro tshe bsam don yid bzhin 'grub/ /tshong dang rgyal kha khe sbog legs thon te/ /bde zhing skyid pa'i dga' ston 'bar gyur cig /mkha' la sprin 'byung mkha' la thim pa ltar/ /mgron rnams rang rang so so'i gnas su gshegs/ /rtsa gsum lha yi thugs rje'i 'od stong gis/ / 'jig rten bde zhing skyid pa'i bkra shis shog /(ces pa 'di ni dad gtong yangs pa 'bum 'bar sde ba'i dpyod ldan bkra shis tshe ring gi 'dod mos ltar ^ chos kyi rdo rjes bris so// // @#/ /'khrungs rabs gsol @040b 'debs ma li ka yi 'phreng ba zhes bya ba bzhugs so//) rmad byung mtshan dpe'i 'od 'bar mdzes pa'i sku/ /kun gyi rna bar mi snyan bral ba'i gsung/ /mkhyen pa'i gting mtha' dpag par dka' pa'i thugs// rnam 'dren bzhi pa mchog des dge legs stsol/ /mtha' med srid pa'i gcong rong zab mo'i sbub/ /tshud pa'i nyams thag 'gro rnams grol ba'i slad/ /mun pa'i go 'phang 'jig mkhas sa mkhan mchog /bstan 'dzin rgyu skar rim byon gtsug na rgyal/ /bloO chen rgyal pa'i ye shes gcig bsdus mgon/ /mkhas btsun bzang po'i dri bsung phyogs kun khyab/ /mthu stobs rdoO rje'iO thog gis rgol ngan pa com/ /mkhas grub bstan 'dzin dbang por gsol ba 'debs/ /chos rnams ma nor lag mthil rdzas bzhin du/ /dri med yeO shesO spyan gyis legs gzigs te/ /ris med 'gro rnams smin cing grol mdzad pa'i/ /skalO bzangO rgya mtsho'i mgon laX bloO bzangO rgyal bstan padma dkar po'i tshal/ /mkhas grub smra ba'i nyi mas yongs phye ste; ;skal bzang mthar 'dod raH yig gnyis pa'i tshogs/ /tshim mdzad rje btsun bla marX gang gi gsang ba gsum gyi dkyil 'khor mchog /shar pa'i 'od kyis 'byung po'i bya @041a @#/ /tshogs rnams/ /gzi brjid ma bzod ming gi lhag mar lus/ /sgyu 'phrul rol gar mdzad la X bloO gros bzangO po'i lus stobs rab tu rgyas/ /rnam dag tshul khrims bzang po'i dri bzang 'thul/ /'jigsO medO thugs bskyed btsan pos bdud tshogs gzhom/ /dad ldan rgyaO mtsho'iO mgon la X blo gros bzang po'i rang mdangs yeO shesO 'od/ / bshad sgrub bstanO paO rabO tu rgyasO mdzad pa'i/ /skal bzang rgya mtsho smin mdzad chos kyi rje/ /bstan pa'i dbang phyug khyod la X mgon khyod yab rje gong ma'i sa zla'i khrir/ /mi shig skyil drung bzhi ldan legs bcing ste/ /zab rgyas chos kyi dga' ston 'gyed bzhin du/ /nam yang mi g.yo rtag tu brtan par shog /bla ma lha dang dam can mkha' 'gro'i tshogs/ /dpal ldan ma hA kA la'i mthu stobs kyis/ /bla ma'i zhabs brtan mdzad 'phrin 'od snang rgyas/ /bgegs med bsam don lhun gyis 'grub par shog /(ces mkhan chen stag 'tsher ho thog thu'i 'khrungs rabs gsol 'debs ma li ka yi 'phreng ba zhes bya ba 'di yang dam pa gang gi sku dbon phyag mdzad chos rje ngag dbang byang chub kyis/ kha btags che legs maN dod bzang gos shel gyi snod spyad cha bcas sku 'phreng gsol 'debs dang @041b zhabs brtan gsol 'debs so sor dgos tshul nan chen pos bskul ngor/ dam pa gang gi 'khrungs rabs sogs skyes chen dam pa rnams kyis mdzad pa zhig mthong thos su ma gyur bas/ phyis su ki rti'i zhabs gras co sne sku rten du grags pa zhig gis gang gi 'khrungs rabs nyer bdun tsam gnang yang dkon mchog 'jigs med dbang po'i mtshan sgra'i rjes su bdun tsam la mtshan sgra dngos su ma smos pas bshad tshod ma thig phyir rang babs su bzhag ste/ gdan rabs su khri rim bzhin bsgrigs nas de nang yang gcig gi mtshan sgra ma thon kyang sa khongs ma chad par byas te gsol 'debs shlau ka gcig bsnams pas khyon shlau ka bcu byas te mngon brjod sogs kyis dam du ma bcing bar kun gyis bklag chog tu byas pa 'di yang chos med ban rgan 'du gsum snyom las pa chos kyi rdo rjes gang shar thol byung du smras pa dge legs 'phel// //@#/ /myur byon gsol 'debs mchog sprul nyin byed gsar ba 'dren pa'i skya rengs zhes bya ba bzhugs so//) spangs rtogs mthar phyin ston pa rdzogs sangs rgyas/ /zhi ba chags bral theg mchog dam pa'i chos/ /rig grol gnyis ldan 'phags tshogs dge 'dun sde/ /skyabs mchog rin chen gsum gyis shis pa stsol/ /ngag la dbang bsgyur smra ba'i spobs pa che/ /blo gros bzang po'i dkyil 'khor rab tu mdzes/ /tshul khrims rnam par dag pa'i dri ngad ldan/ / @042a @#/ /phun tshogs 'dod rgu'i gter la gsol ba 'debs/ /kye ma mi bsrun snyigs ma'i brling spyod la/ /khyod thugs khrel bas glo bur chos dbyings su/ / gshegs ba'i ngang tshul 'di ko shin tu gdung/ /skal chad bdag sogs mya ngan thang du lus/ /de phyir ring min tshe rigs gtsang ma'i gzhir/ /phun tshogs yon tan dpal gyis rab phyug pa'i/ /ngo mtshar yid 'ong byon nas legs 'khrungs te/ /mdzes gyur mig gi bdud rtsir myur gsal shog /rmad byung rnam dag gtsang ma'i khrims dang ldan/ / rnam dag thos bsam bsgom pa'i dkyil 'khor rgyas/ /'chad rtsod rtsom pa'i gser 'phreng phyogs kun 'khrigs/ /skal bzang 'dul bya'i rmongs mun drungs 'byin shog / bla ma lha dang yi dam dbang gi lha/ /dam can bsrung ma rnams kyi mthu stobs kyis/ /dam pa'i mdzad 'phrin 'od snang phyogs kun khyab/ /smon pa'i re 'bras lhun gyis 'grub bar shog /rmad byung sras bcas rgyal ba'i byin rlabs dang/ /(nas) rnam dag smon pa'i gnas kun 'grub par shog /(ces myur byon gsol 'debs mchog sprul nyin byed gsar ba 'dren pa'i skya rengs @042b zhes bya ba 'di yang sku 'bum mkhan chen yang kyA sprul sku ngag dbang blo bzang tshul khrims phun tshogs chos dbyings su gshegs skabs gnyer ba ye shes rgya mtsho dang don grub chos 'phel zung nas lha reg che legs maN dod dbang po'i grangs ldan bcas smon 'dod kyis phul te bskul ba'i ngor ^ chos med snyom las pa ^ chos kyi rdo rjes gang dran thol byung du smras so// //@#/ /zhabs brtan gsol 'debs dge legs mchog sbyin zhes bya ba bzhugs so/) /bde ldan zhing gi mgon po tshe mtha' yas/ /'chi bdag g.yul las rnam par rgyal mdzad mgon/ /'chi med tshe sbyin ar+ya tA re sogs/ /tshe dpal gter mdzad rnams kyis dge legs stsol/ /rmad byung thubO bstanO chos kyi khang bzang rtser/ /'jigsO medO bshad sgrub chos kyi rgyal mtshan mchog /ngo mtshar gsang gsum nor bus legs spras te/ /'gro ba'i re skong mchog la gsol ba 'debs/ /gang gi thos bsam bsgom pa'i dkyil 'khor rgyas/ /mkhas btsun bzang po'i 'od dkar 'bum du 'phro/ /chad rtsod rtsom pa'i bdud rtsi'i zil mngar gyis/ /thub bstan kunda'i tshal yangs rtag bzhad shog /phyi ru thos sgrog spyod pa la gnas shing/ /nang du rim gnyis rnal 'byor gdengs dang ldan/ /blo bzang rgyal bstan dri med gdugs dkar po/ /srid @043a @#/ /rtse'i bar du spel phyir zhabs brtan shog /yangs pa'i nor 'dzin gzhi la legs 'khod pa'i/ /dge 'dun 'dus pa'i sde rnams thugs mthun zhing/ /khrims gtsang chos spyod bshad sgrub legs tshogs 'phel/ /dbyar gyi chu gter dpal dang mtshungs par shog /yangs pa'i rgyal khams kun tu legs 'khod pa'i/ /'jig rten kun kyang chos 'byor bde skyid la/ /rtag tu spyod cing nad mug 'khrugs rtsod sogs/ /mi mthun rgud pa'i g.yul las rgyal gyur cig /bla ma lha dang dam can mkha' 'gro'i tshogs/ /dpal ldan ye shes mgon po 'khor bcas kyis/ /dam pa'i zhabs brtan mdzad 'phrin 'od snang gi /phan bde'i snang ba dkar pos khyab gyur cig /(ces stag 'tsher mkhan chen ho thog thu'i yang srid ^gong sa mchog nas bstsal ba'i thub bstan 'jigs med nor bu dpal bzang po'i zhabs brtan gsol 'debs dge legs mchog sbyin zhes bya ba 'di yang/ dam pa gang nas sku dpon chos mdzod nas lha dar dngos spyad bcas gnang nas bskul ba'i ngo ma bzlog par/ chos med ban rgan 'du gsum snyom las pa ^ chos kyi rdo rjes gang dran thol byung du smras pa dza yantu//) //@#/ /bla ma yi dam skyabs gnas dkon mchog gsum/ /snang srid @043b zil gnon padma thod 'phreng rtsal/ /rgyal ba kun dngos za hor bzhad pa rtsal/ /rigs gsum kun bsdus rdo rje thogs med rtsal/ /gnas gsum tshang ba'i bshes gnyen bka' drin can/ /gnas gsum dpa' bo mkha' 'gro ma'i tshogs dang/ /'phags mchog ar+ya nor bdag dzi b+ha la/ /dam can rdo rje chos bsrung ma lus par/ /gus pas phyag 'tshal snying nas skyabs su mchis/ /mchod tshogs kun phul sdig ltung so sor bshags/ /dge la yi rangs bskul zhing gsol ba 'debs/ /dus gsum dge rnams byang chub chen por bsngo/ / gnas skabs mi 'dod gnyer 'tshe zhi ba dang/ /mthun rkyen tshe bsod dpal 'byor rigs brgyud sogs/ /dbyar ngo'i zla ltar 'phel zhing rgyas par mdzod/ /phyi ma padma 'od du skye bar shog / (ces pa 'di yang khyung kya sngags 'chang rin chen 'bum gyi 'dod mos ltar/ ban rgan ^ chos rdor gyis bris pa'o// //@#/ /chu rul lung ba'i gzhi bdag thig brtan gyi bskang bshags mdor bsdus bzhugs so/ /) @#/ /na mo badzra b+hai ra wa ya/ khyab bdag 'jam dpal bla ma dang/ /dbyer med dus dgra'i dbang po la/ /btud nas chu rul lung ba yi/ /thig brtan bskang bshags @044a @#/ /mdor bsdus spel/ /(de la 'dir chu bzang lung ba'am/ chu rul lung pa'i gzhi bdag dgra lha chen por mchod gtor 'bul bar 'dod pa dag gis/ dkar mngar sman gsum bsres pa'i mchod gtor sogs legs par 'du byas la/ rang yi dam rdo rje 'jigs byed kyi bdag bskyed rdzogs par bsgom nas gtor 'bul bcas byas rjes/ bsangs sogs cher btang nas/ bsangs rdzas byin rlabs dkyus ltar la/) gnas bdag dgra lha chen po thig brtan 'khor dang bcas pa (zhes sogs sbyor bden stobs kyi bar btang la/) lhun grub bde ba ma rgyas par mdzod (kyi bar brjod/ de nas rten bskyed pa ni/) hrIH ShTrIH (sa bsangs/) swa b+hA was sbyangs/) stong ba'i ngang las rang bzhin lhun pa'i gzhal yas khang rgyan bkod pa ngo mtshar du mas legs par spras pa'i nang du skad cig gis mthu ldan dgra lha thig brtan sku mdog dbang sngon ltar mdzes pa/ dbu la gser gyi rmog gzhu gsol ba/ sku la za 'og sngo khra'i na bza' dang zhabs la sag lham dmar po gyon pa/ phyag g.yas kyis gdug pa can rnams 'dul bar tshar gcod pa'i dar mdung ring po bsnams pa/ phyag g.yon gyis sgrub pa po la 'dod rgu stsol ba'i rin chen gser gyi 'khor lo rtsibs brgyad bsnams pa/ zhabs @044b gnyis brkyangs bskums tshul gyis g.yu 'brug steng na bzhugs pa/ zhi khro dgyes pa'i nyams can/ dpa' zhing brjid la rngams pa/ gdug pa can rnams tshar gcod pa'i tshul gyis bzhugs pa/ de'i 'khor du lha srin dregs pa'i dmag tshogs bsam gyis mi khyab pas bskor ba/ de rnams kyi spyi bor oM/ mgrin par AH thugs kar hUM/ thugs ka'i hUM las 'od zer 'phros pas gar bzhugs so so'i gnas nas ye shes pa rnams skad cig gis gnas 'dir badzra sa ma dzaH (sa spyan drangs/) hUM rang bzhin chos dbyings dag pa'i pho brang nas/ / mthu ldan dgra lha chen po 'khor dang bcas/ /thogs pa med par gnas 'dir gshegs nas kyang/ /rang rang dgyes pa'i gdan la brtan par bzhugs/ /sa ma ya ti ShThA ? rb+tu/ (mchod pa 'bul ba ni/) dngos su bshams dang yid kyis sprul ba las/ /byung ba'i phyi nang mchod gtor bsam mi khyab/ /gnam sa bar snang gang ba 'di 'bul gyi/ /bzhes nas mchog thun dngos grub stsal du gsol/ /(bshags pa ni/) hUM ma rig dbang gis nongs pa ci bgyis dang/ /khyad par gnas bdag dgra lha 'khor bcas kyi/ /sku gsung thugs dang 'gal @045a @#/ /pa'i nyes pa rnams/ /spros bral chos dbyings ngang du dag par mdzod/ /(bskang rdzas byin gyis brlabs la bskang pa ni/) hUM bde chen ye shes rol pa las byung ba'i/ / dam rdzas spyan gzigs mchod sprin du ma'i tshogs/ /sa dang bar snang nam mkha'i khyon bkang ste/ /dgyes par bzhes la thugs dam bskong gyur cig /lha rdzas mchod yon tshogs kyis bar snang gang/ /yid 'od chu skyes du mas 'dzin mar khyab/ /dri zhim bdug spos phyogs kyi 'khor lo 'gengs/ /nyi zla nor bu'i 'od kyi lha lam gsal/ /ga pur ngad ldan dri bzang phyogs kun khyab/ /ro brgya gda' ba'i zhal zas lhun por spungs/ /sna tshogs rol mo'i sgra yis stong gsum 'gengs/ /ro brgya'i bcud ldan rgya ja'i btung ba dang/ /bzang po'i sman gyis legs bgo 'o ma'i bcud/ /ri ltar spungs pa'i sha khrag gtor ma'i tshogs/ /mdzes pa'i rgyan ldan rta mchog gzhol g.yag dang/ /'jam legs gos gyon ra lug bya khyi sogs/ /rno ngar ldan pa'i go mtshon dar mdung sogs/ /mthun rdzas ma tshang med pa legs bsags 'dis/ /mthu ldan dgra lha chen po thugs dam bskang/ /bka' nyan 'khor tshogs @045b rgya mtsho X 'khor dang bcas pa'i thugs dam skong gyur nas/ /rnal 'byor dpon slob nyams chags gsos gyur cig /mi mthun bgegs rigs nyer 'tshe zhi ba dang/ /mthun rkyen bsam don lhun gyis 'grub par mdzod/ (/de nas chos sku ma'i bzlog pa bya/ rten 'bul ni/ byin rlabs gong ltar byas la/) hUM rdzu 'phrul shugs ldan rta mchog cang shes dang/ /bal gyi khur 'dzin g.yang dkar lug nag dang/ /ra bzhi mdzes pa'i tshe tshi ra dkar po/ /'o ma'i rgyun 'dzin 'dod pa 'jo pa'i ba/ /dar mtshon go khrab srin mdung rngams ring dang/ /rin chen gser gyi 'khor lo rtsibs brgyad sogs/ /gzhan yang mkho rgu ma tshang med pa 'dis/ /mthu ldan dgra lha thig brtan rten du 'bul/ /rnam mang 'khor tshogs rgya mtsho'i X rten las ma 'da' 'bem las ma g.yos par/ /sangs rgyas bstan pa bsrung zhing rgyas pa dang/ /rnal 'byor 'dod pa'i don kun 'grub par mdzod/ /(ces rten 'bul la mnga' gsol dang shis brjod bya/ de nas gtor ma 'bul ba ni/ bsangs sbyangs byas la/) stong pa'i ngang las oM las rin po'i che snod yangs shing rgya che ba'i nang du gtor ma kha dog dri ro nus pa phun sum tshogs pa spyad pas 'dzad pa med pa zag pa med pa'i ye shes kyi bdud rtsi rgya mtsho chen por gyur/ /oM AH hUM/ (lan gsum/ a kA ro lan bdun gyis gtor ma bul/) @046a @#/ /'dod yon lnga ldan bdud rtsi'i gtor ma 'di/ /yul lha gzhi bdag 'khor dang bcas la 'bul/ /bzhes nas rnal 'byor bdag cag 'khor bcas kyi/ /mthun rkyen bsam don yid bzhin 'grub par mdzod/ /(ces brjod la bstod pa ni/) hUM mtsho skyes rdo rje 'chang gi spyan snga ru/ /thub bstan bsrung bar khas blangs dam bca' ba'i/ /mthu ldan dkar phyogs skyong ba'i dgra lha che/ /sku mdog indra ni la'i mdangs mdzes shing/ /za 'og dar zab 'jol ber lhab lhub g.yo/ /zhal gcig phyag gnyis g.yas pas dar mdung 'phyar/ /g.yon pas 'dod rgu skyong ba'i gser 'khor bsnams/ /g.yu 'brug steng ni brkyang bskum tshul gyis 'gying/ /skabs gar zhi khro'i tshul bstan dbang drag gi /rnam 'gyur cha lugs ma nges dpa' bo'i gar/ /mi bzad dus mtha'i sprin ltar rab g.yos pa'i/ /mthu ldan dgra lha'i rgyal po khyod la bstod/ /rdo rje 'chang sogs rtsa brgyud bla ma yi/ /bka' dang dam las nam yang mi 'da' bar/ /thub bstan spyi dang 'jam mgon bla ma yi; ;ring lugs sring mthar rgyas pa'i 'phrin las mdzod/ /mchod bstod lhur len rnal 'byor yon mchod kyi/ /mi mthun bgegs rigs nyer 'tshe zhi ba dang/ /mthun rkyen tshe bsod rlung rta @046b rigs brgyud sogs/ /yar ngo'i zla ltar 'phel ba'i 'phrin las mdzod/ /(ces bstod/ mnga' gsol ni/) ka ma la yi lha zhal 'thor btegs te/ /kha zhan skye bo'i dbugs dbyung ngal bso'i glu/ /ga zhes bzhad sgra swa ra swa sti'i dbyangs/ /nga ro'i gdangs snyan phyogs bcur sgrogs par mdzod/ /(ces mnga' gsol dang shis brjod kyis mtha' brgyan par bya'o/ /zhes pa 'di yang 'dod mos can 'ga' zhig gi ngor/ ^ chos kyi rdo rjes bris pa'o// //gnyan chen sde bzhi la bsangs mchod 'bul tshul khyer bde bzhugs so/) /dngos grub kun 'byung bla ma dang/ /dbyer med badzra b+hai ra war/ /btud nas gnyan chen sde bzhi yi/ /mnyes byed bsang mchod khyer bde spel/ /('dir gnyan chen sde bzhi la bsangs mchod 'bul bar 'dod pa'i gang zag gis/ yid dang mthun pa'i gnas su sa gtsang sar stegs mtho bar brtsegs te dri zhim pa'i bsangs rdzas ma tshang ba med par 'du byas/ ja rgod nying khu la 'bru sna sman phye sogs btab pa'i gser skyems/ 'o skyems/ rked dkris ma bzhi la ril bu mang pos bskor ba bshams/ rang bde ba'i gdan la 'khod de skyabs sems tshad med bzhi rgyud dang 'dres nges su byas/ dge sems khyad par can gyi ngang nas/ rang yi dam rdo rje 'jigs byed rgyas bsdus sogs kyi nga rgyal gang rung la gnas nas bsangs rdzas rnams la chab bran/) hrIH ShTrIH (sa bsangs/) swA b+hA (wa sa sbyangs/) stong pa'i @047a @#/ /ngang las bsangs rdzas rnams rang rang gi ming yig dang po thig les brgyan pa zhu ba las byung ba'i bla ma yi dam gnyan chen sde bzhi 'khor dang bcas pa rnams ma nyes par byed pa'i dam rdzas spyan gzigsX 'byung zhing rgyas par gyur cig /(nam mkha' mdzod kyi sngags rgya lan gsum dang nyer spyod 'dod yon lnga sngags drug phyag rgya drug bden pa'i stobs sogs brjod la 'di skad do/) / oM kun bzang bde stong sgyu ma'i rnam rol las/ /byung ba'i bla ma yi dam rgyal sras dang/ /nyan rang dpa' bo mkha' 'gro srung ma'i tshogs/ /'dir gshegs bsangs kyis mchod pa'i mgron du byon/ /swAu ngo mtshar 'ja' 'od 'khrigs pa'i gur khang nas/ /gnyan chen sde bzhi yum sras dregs pa'i tshogs/ /mthu ldan dkar phyogs skyong ba'i lha klu rnams/ /ma lus thogs med gshegs shing brtan par bzhugs/ /swAu dri ldan shing gi snying po kun bsdus shing/ /bzang drug sman gyi nus pas bcud du spel/ /'dzad med nam mkha'i mdzod du byin rlabs 'di/ /las byed rgyal po'i ye shes mer bsreg pas/ /zag med ye shes bdud rtsi'i bsangs mchod 'dis/ /rtsa brgyud bla ma yi dam lha tshogs bsangs/ /rgyal sras rig 'dzin dpa' bo mkha' 'groX @047b dam can phyogs skyong zhing skyong ma lusX khyad par 'dzum chen ldom khrom 'khor bcasX dbyi chen rab sde dregs pa'i 'khor tshogsX 'bri chen ldong dngul mthu ldan 'khor bcasX gnyan chen thang lha las byed 'khor bcasX lha btsun sman mo bka' yi rtags 'chang ba'i/ /dregs ldan srid pa'i dmag tshogs ma lusX srid gsum 'byung bo sde brgyad ma lusX kun gyis bsangs mchod dam pa 'di bzhes la/ /rnal 'byor 'dod pa'i don rnams yid bzhin 'grub/ /(gser skyems 'bul bar spro na/ 'bru gsum lan gsum gyis byin gyis brlabs la/) hUM dngos grub char 'bebs drin can bla ma dang/ /yi dam dpa' bo mkha' 'gro nor lha dang/ /mthu ldan dam can srung ma'i tshogs rnams la/ /'bul lo 'phrin las rnam bzhi 'grub par mdzod/ /khyad par 'dzum chen ldom khrom 'khor bcas dang/ /dbyi chen rab sde 'bri chen ldong dngul dang/ /srid pa'i lha chen gnyan chen thang lha la/ /'bul loX lha klu sman pho dregs pa'i 'khor tshogs dang/ /phyi nang gsang ba'i sde brgyad ma lus dang/ /phyogs 'dir gnas pa'i lha klu gzhi bdag la/ /'bul loX (ces gser skyems 'bul/ skabs 'dir gzhi bdag gtor ma gtong/ bstod pa ni/) swAu 'dzum chen khrom ldom nam @048a @#/ /mkha'i lding la bcibs/ /phyag na gnam lcags 'bar ba'i mda' gzhu bsnams/ /dbyi chen rab sde nags kyi rdo rjer bcibs/ /phyag na stag gi pags pa'i rgyal mtshan 'dzin/ /'bri chen ldong dngul 'brong chen dkar la bcibs/ /phyag na gnam lcags 'bar ba'i ral gri 'dzin/ /gnyan chen thang lha g.yu 'brug sngon mo bcibs/ /phyag na mdung ring dar gyi ba dan 'dzin/ /phyogs bzhi skyong ba'i gnyan chen sde bzhi dang/ /yid 'phrog sman mo sras mchog mthu bo che/ /dregs pa lha srin sde brgyad tshogs rnams dang/ /bka' nyan las byed 'khor tshogs rnams la bstod/ /khyed rnams mchod cing bstod pa'i dge ba'i mthus/ /bdag sogs rnams kyi mi 'dod nyer 'tshe zhi/ /bsam pa'i don rnams yid bzhin 'grub pa dang; ;rtag tu bsrung skyobs g.yel med stongs grogs mdzod/ /kI swau che'o lha rgyal lo/ /(zhes brjod nas smon shis kyis mtha' brgyan par bya'o/ /zhes pa 'di yang don gnyer can dga'i 'dod mos ltar ^ chos kyi rdo rjes smras pa'o// /@#/ /zhabs brtan smon tshigs 'dod rgu'i mchog sbyin ces bya ba bzhugs so/) /rab 'byams rgyal ba'i ye shes gcig bsdus pa/ /gsum ldan rdo rje 'dzin pa'i skur bzhengs nas/ / @048b phun tshogs tshe dpal ye shes ster mdzad mgon/ /'jam mgon tshe mtha' yas pas shis pa stsol/ /ngo mtshar yeO shesO zla ba'i ma ma las/ /bstanO 'dzinO rgyu skar dbang po legs shar bas/ /'gro kun phan bde'i ku mud rgyas mdzad pa'i/ /mkhas grub rgyaO mtsho'iO mgon po rtag brtan shog /cher snyigs dus kyi rgud pa bdo pa'i skabs/ /ma smad lhag bsam snying stobs go bgos te/ /rgyal bstan nyin mor 'byed la zla bral ba/ /mkhas mchog dpa' bo chen po rtag brtan shog /rnam dag khrims kyi rtsa ba rab tu brtan/ /bag yod zhi dul spyod pa'i lo 'dab rgyas/ /rnam mang yon tan 'bras bu khur du brjid/ /bshes gnyen dpag bsam dbang po rtag brtan shog /bslu med bla ma yi dam mchog gsum dang/ /khyab par rang bsten srung ma'i 'phrin las kyis/ /bsam pa'i don kun yid bzhin 'grub pa dang; ;bla ma'i zhabs brtan mdzad 'phrin rtag rgyas shog /(ces saM b+ha ra brgya sengge'i zhabs brtan smon tshigs 'dod rgu'i mchog sbyin zhes bya ba 'di yang dad brtson rnam dpyod dang ldan pa dge thub bstan lha dbang dang dge 'jigs med dar rgyas zung nas nan gyis bskul ba'i ngo ma bzlog tsam du chos med ban rgan snyom las pa ^ chos kyi rdo rjes gang dran thol byung du smras pa dge /) // @#/ /na mo gu ru su ma ti sha sa d+ha ra ya/ ('dir bla mchod dang 'brel ba'i chu mchod 'bul tshul gyi @049a @#/ /'don 'grigs rags bsdus tsam dgod pa la/ thog mar gang du 'bul ba'i gnas khang byi dor sogs byas la/ sku gsung thugs kyi rten legs par bkrams pa'i mdun du mchod khri sogs legs par 'du byas la/ rang dang grogs rnams kyis gtsang sbra legs par byas nas/) na mo gu ru b+hyaH (zhes brjod pa dang mnyam du rang gi lag bstar te kha thum sogs byas la/ tid phor thug tshom gyi sgra dang bral bar nyid ? phor gyi bar snyoms par byas la ya yo cha 'khyog med par legs par bsgrigs zin 'phral chu gtsang dri bzang sogs sbyar te/ dang por phra la bar du sbom pa mtha' mar phra ba sri zhu dang bcas pa legs par phul zin nas mar me dang spos sogs phul te bsang bdug legs par byas la/ rang gnas mal du 'khod nas; sems bskyed dang khyad par gyi sems bskyed/ skad cig dkrong bskyed/ gnas yo byin rlabs/ nang mchod byin rlabs/ mchod pa chu bzhi nyer spyod 'dod yon lnga dang bcas pa'i byin rlabs/) ngo bo ye shes la zhes sogs gzhung ltar 'don bde stong dbyer med (rje gser khang pa'i phyag len ltar gdangs dbyangs snyan pa'i sgo nas dal bus gtong/) chos rnams rang bzhin dang phun tshogs bde legs (gong 'og bsnol te gtong/ gdan phul gyi bar gzhung ltar gtang/) gang gi thugs rje (nas) bye ba phrag brgya'i (bar dkyus ltar gtong zhing/) dang pa'i sems kyis (zhes pa'i tshig rkang gnyis) phyi nang 'dod yon lha mos phyogs kun khyab (ces pa'i mjug tu sbyar/ 'tshams 'dir maNDal tshom bu @049b nyer gsum ma 'bul/ de nas/) bye ba phrag brgya nas nam mkha' ji srid 'bangs su bzung du gsol (gyi bar dkyus ltar gtong/ sdom bzung rnam gnyis/ ltung bshags/ spyi bshags/ gtso rgyal ma/) thog med dus nas nas zung 'jug rdo rje 'chang dbang thob phyir bsngo'i (bar 'dal bus 'don/ mchod pa'i sprin gyi gzungs tshar gsum la rol chen bya/) dkon mchog gsum gyi (zhes pa'i bden stobs rje gser khang pa'i gsung) ltar thams cad 'byung bar gyur gyur cig (gi bar brjod/) sangs rgyas thams cad (nas) tshogs mchog dge 'dun la phyag 'tshal/ /ji snyed su dag (nas) phyir bsngo'i bar brjod/ (de nas maNDal rgyas pa tshar gcig gis thog drangs te sa gzhi ma tshar bcu gsum mam nyer lnga/ bdag gzhan ma tshar gsum/) sangs rgyas byang chub sems dpa' kun/ (/nas) rim pa bzhin du bslab par bgyi/ /(tshar gsum/) deng dus bdag tshe (nas) dga' bar bgyi/ /'jam dpal dpa' bo (nas) bsngo bar bgyi/ (yon tan gzhir gyur ma brjod pa dang mnyam du yar langs te mchod pa rim bzhin bsdus/ 'di ni thun dang po'i 'don 'grig go /thun gnyis pa la/ ting phor phyis tshar nas mchod khri sogs byi dor legs par byas la/) na mo gu ru (zhes brjod pa dang mnyam du ting rim bzhin bkram/ lan gsum brjod nas/) bla ma la skyabs su mchi'o/ (/nas) dge 'dun la skyabs su mchi'o/ /bcom ldan 'das sman gyi bla bde bar gshegs pa @050a @#/ /mched brgyad kyi lha tshogs 'khor dang bcas pa rnams la phyag 'tshal lo mchod do skyabs su mchi'o/ /(mchog bden ma rje gser khang pa'i phyag len ltar mya ngan med mchog gi bar dal bus 'don bzhin yon chab 'bul bshams bya/ de nas cung zad 'dur rta dang bcas nas/) rtag tu bsrung skyobs g.yel ba med par mdzod/ /(kyi bar rim bzhin bya/ gzungs ring thung ci 'grub bzla/ mchod pa'i sprin gyi gzungs tshar gsum rol chen bcas 'don te/) dkon mchog gsum gyi (zhes sogs kyi bden stobs brjod/ de nas yar langs te/) sangs rgyas thams cad (zhes sogs brjod de phyag mchod bya/ de yang/ (sangs rgyas thams cadX bla ma sangs rgyas blaX phun tshogs dge legsX dmigs med brtse ba'iX rgya bod mkhas grub skyes rabs 'phreng 'dzin pa/ /sgrub bstan mnga' bdag chos pa rin po che/ /de'i sras mkhas dang grub pa'i mthar son pa/ /'dren mchog skal ldan rgya mtshorX dben par bstan paX blo bzang rgyal ba gnyis paX 'jam mgon blo bzangX legs bshad 'tshol la ngoms pa mi ngal zhing/ /thos don rnam par 'byed pa'i shes rab kyis/ /man ngag rgya mtsho gter gyur dge ba'i bshes/ /dpal ldan bla ma'i zhabs laX blo bzang rgyal ba'i thugs bcud gdams pa'i phul/ /skyes bu gsum gyi lam gyi @050b rim pa mchog /tshul bzhin sgrub la brtson pa chos kyi rje/ /blo bzang lung rigs rgya mtshorX rmad byung dge la 'dun pa'i thugs bskyed mthus/ /thub bstan snying po blo bzang rgyal ba'i bstan/ /'dzin skyong spel la smon pa'i mthu grub pa/ /dad ldan rgya mtsho'i mgon laX bloO chen thabs shes zung 'brel lam bzangO gi /ring nas byangO chubO rdo rje'i mchog brnyes pa/ /zab gsang bstanO pa'iO 'od 'byin sgron me che/ /yongs 'dzin dam pa'i zhabs laX gang gis bdag laX thugs rje'i bdag nyidX gsang ba 'dus paX mtshan legs rin chenX mthun pa'i dge tshogsX mgon po thugs rje (nas) tshogs mchog dge 'dun la phyag 'tshal/ /ji snyed su dag (nas) phyir bsngo'o/ /(maNDal rgyas pa tshar gcig gis thog drangs te sa gzhi ma sems bskyed dang bcas pa sngar bzhin 'don/ yon tan gzhir gyur ma 'don bzhin mchod pa gshegs/) skyes pa kun tu/ dpal ldan bla ma'i (nas) myur du sangs rgyas thob par byin gyis rlobs/ /(kyi bar gtong ngo/ 'di ni thun gnyis pa'i 'don bsgrigs yin no/ /thun gsum pa la/ byi dor sogs legs par byas nas ting sogs legs par 'du byas la/) mdun gyi nam mkhar nas rdul gyi dregs pa bzhin du 'khod par gyur/ /na mo gu ru b+hyaH (zhes lan gsum sogs 'don bzhin yon chab 'bul bshams bya/ de nas/) bdag dang 'gro ba (nas) rje btsun @051a @#/ /'phags ma sgrol ma'i lha tshogs 'khor dang bcas pa rnams la skyabs su mchi'o/ (/zhes sogs lan brgya phrag sogs brjod de yon chab phul/) sangs rgyas chos dang/ sems can thams cad (lan gsum re dang/) ma lus sems canX rnam dag chos dbyingsX po ta la yiX lha dang lha minX (phyag 'tshal nyer gcig gsum mam bdun/) lha mo la gusX (mchod pa'i sprin gyi gzungs dang rol chen/ bden stobs/ phyag mchod/) rje btsun 'phags ma sgrol ma dang/ (/zhes sogs maNDal rgyas bsdus sogs sngar bzhin dang 'dod gsol/) skyabs gsum kun 'dus (nas) thob par byin gyis brlab tu gsol/ rje btsun bcom ldan 'das ma (nas) chos dang bkra shis 'phel bar mdzad du gsol/ sangs rgyas chos tshogs (ma'i sems bskyed lan gsum/) byang chub sems mchog rinX stong nyid lta baX khrims kyi tshul khrimsX 'jam dpal dpa' boX yon tan gzhir gyur (ma'i skabs su mchod pa bsdu ba sogs gong bzhin no/) dmigs brtse (ma ci 'grub bzlas la/) tshe rabs kun tuX yon tan 'byung gnas (nas) dgyes bzhin thim pas byin gyis rlabs par gyur/ (rdo rje 'chang dang rje bla ma dang rang gi rtsa ba'i bla ma'i mtshan sngags dang 'bru gsum brjod la/) dge ba 'di yisX bla ma sangs rgyas 'grub gyurX 'god bar shog /myur mdzad ma/ @051b brkyang bskum ma/ 'chi bdag ma/ mi 'jigs ma/ (gzhi bdag la dkar gtor yod tshe gtong/ med na mi dgos/) zhing mchog dam pa (nas) rim gnyis lam gyi bgrod pa mthar phyin shog (/bzang spyod dang/ thog mtha' ma/ bde ba can gyi smon lam sogs 'don/ spro na/ bde gsang 'jigs gsum gyi smon lam dang spyod 'jug smon lam sogs bton na phun sum tshogs pa'i yan lag tu 'gyur ro/ /zhes mchod pa'i 'don bsgrigs rdo rje 'chang yab sras kyi phyag len bzhin go bde bar bsgrigs pa 'di ni dpon mo bkra shis ma'i thugs 'dod bzhin ^ bikThu su ma ti bod+hi sha sa na s+ya li kha taM/ 'dis kyang 'gro kun bdud bzhi'i g.yul las rgyal ba'i rgyur gyur cig / // @#/ /rjes 'dzin smon tshigs bsam pa lhun grub ces bya ba bzhugs so//) na mo gu ru badzra d+ha ra ye/ skyabs kun 'dus drin can bla ma mchog /'bangs kho bo'i spyi bo'i rgyan bzhugs nas/ /sgo gsum gyi rkyen ngan bar chad sogs/ /dus kun tu zhi bar byin gyis rlobs/ /mkhos bstun gyi rnam dkar ci spyad dang/ /dus gsum gyi bsags pa'i dge tshogs rnams/ /phyogs gcig tu bsdoms pa'i mthu brten nas/ /mgon khyod kyis bral med rjes su bzung/ /dus deng nas byang chub ma thob bar/ /rje bla ma mchog dang mi 'bral zhing/ /legs gsung gi dam chos bdud rtsi'i ro/ /dus rtag tu myong bar byin gyis rlobs/ (/zhes pa 'di ni a b+ha ka tA @052a @#/ /tA wang gi shog to sho me rin tsa kho rog chi rgyal 'phang snga'i 'dod mos ltar ^ chos kyi rdo rjes lug las su bgyis pa'o// // @#/ /rjes 'dzin smon tshig 'dod don lhun grub ces bya ba bzhugs so/ /) na mo gu ru mu ne indra ya/ bslu med bla ma yi dam mchog gsum dang/ /drang srong bden tshig grub pa gang dag gis/ /ji ltar smon pa'i don rnams legs dgongs te/ /bsam don bgegs med 'grub pa'i dge legs stsol/ /rnam dag bslab pa gsum gyi bcas mtshams las/ /rmi lam du yang 'da' bar mi bya bar/ /srog dang bsdos nas tshul bzhin brtson pa yi/ /shugs drag chu bo'i rgyun bzhin brten par shog /gang la brten na thar ba'i lam bzang mchog /ma nor 'doms mdzad yang dag dge ba'i bshes/ /bsam sbyor gnyis kyis tshul bzhin legs bsten te/ /mnyes pa gsum gyis rtag tu mchod par shog /tshe rabs kun tu theg mchog dge ba'i bshes/ /nam yang mi 'bral rtag tu mnyes byed cing/ /dam tshig sdom pa tshul bzhin legs bsrung ste/ /nyes bas nam yang gos par ma gyur cig /tshangs spyod rten 'di 'dor bar gnas pa'i tshe/ /mgon po khyod kyi thugs rje'i lcags kyu yis/ /nye bar drangs te yid dga' chos 'dzin du/ /mi pham bla ma'i sras su bdag gyur cig / @052b rgyal sras rgya mtsho'i tshogs dang lhan cig tu/ /theg mchog dam chos bdud brtsi'i dga' ston la/ /rtag tu spyod cing gzungs spobs mngon shes sogs/ /mtha' yas yon tan du ma'i mdzod 'dzin shog / deng nas tshe rabs lha yi lam yangs por/ /theg mchog 'khor lo bzhi dang mi 'bral zhing/ /nges 'byung byang sems yang dag lta ba sogs/ /rim gnyis lam gyi bgrod pa mthar son shog /(ces tshe rabs rjes 'dzin gyi smon tshigs 'dod don lhun grub ces bya ba 'di yang lhag bsam rnam dpyod kyi mthu mi dman pa dad brtson dpyod ldan ong nod shog gi gwa rigs dge slong bkra shis dpal bzang nas rin gnyis srad rtse mo'i grangs ldan lha reg bcas yang yang nan gyis bskul ba'i ngo ma bzlog par chos med ban rgan snyom las pa ^ chos kyi rdo rjes shar mar spel ba dza yantu// //) @#/ /gang gi mtshan snyan sgra 'dzin la grags mod/ /mthar byed sde bcas ming gi lhag mar bcom/ / mchog gi tshe dang ye shes stsol mdzad mgon/ /bcom ldan tshe mtha' yas pas shis pa stsol/ /rmad byung blo gros bzang po'i nor 'dzin gzhir/ /dpal ldan yon tan chu skyes tshal yangs por/ /bshad sgrub bstan pa'i nyi ma skyong mdzad pa'i/ /mkhas grub rgya mtsho'i mgon la gsol ba 'debs/ /ring nas thos bsam bsgom pa'i dkyil 'khor rgyas/ /mkhas btsun bzang po'i 'od dkar 'bum du 'phros/ /'chad rtsod rtsom pa'i @053a @#/ /bdud brtsi'i thig phreng gis/ /thub bstan kunda'i tshal yangs rtag bzhad shog /'dis mtshon yangs pa'i sa chen la 'khod pa'i/ /khrims ldan 'dus pa'i sde rnams thugs mthun zhing/ /khrims gtsang chos spyod bshad sgrub legs tshogs rnams/ /dbyar gyi chu gter dpal la bgran par shog /mgon khyod yab rje gong ma'i gser gyi khrir/ /'gyur med dkyil dkrung bzhi ldan legs bcings te/ /'gro la zab rgyas chos 'khor bskor bzhin du/ /bskal bar mi g.yo rtag tu zhabs brtan shog /mchog gsum rgyal ba rgya mtsho'i byin rlabs dang/ /dpal ldan stobs 'phrog dbang po'i mthu stobs kyis/ /bla ma'i zhabs brtan mdzad 'phrin phyogs mthar rgyas/ /smon pa'i re 'bras lhun gyis 'grub par shog /(ces zhabs brtan gsol 'debs dge legs kun 'byung zhes bya ba 'di yang sum pa mkhan chen mchog gi zhabs brtan smon tshig 'di lta bu zhig dgos zhes/ gang gi sku'i las byed mdzod pa blo bzang smon lam nas lha reg bcas bskul ba'i ngor chos med kyi na ba ban rgan ^ chos kyi rdo rjes sug bris su bgyis pa dza yantu// // @#/ /ra kho ho thog thu chen po'i zhabs brtan gsol 'debs 'dod rgu'i mchog sbyin zhes bya ba bi ha ra ti sma//) gang gi mtshan snyan rna bar lhung ba'i mod/ /mthar byed sde bcas ming gi lhag mar bcom/ /mchog gi tshe @053b dang ye shes dpal yon sogs/ /bde blag stsol mdzad kun mkhyen bla mas skyongs/ /bloO bzangO rgyal bstan padma dkar po'i tshal/ /bshadO dang sgrubO pa'i drod kyis legs smin te/ /mdo sngags bstanO pa'iO 'dab stong 'byed mdzad mgon/ /mkhas grub smra ba'iO nyiO marO gsol ba 'debs/ /rmad byung rnam thar gtsang ma'i khrims dang ldan/ /rnam dag thos bsam sgom pa'i lus stobs rgyas/ /'chad rtsod rtsom pa'i legs bshad dga' ston mchog /'gro la mngon med stsol phyir rtag brtan shog /gser sbyangs btso ma'i legs byas chos kyi khrir/ /zhabs zung tshe mtha' yas pa'i mgon bzhin du/ /zab rgyas gdam pa'i sprang char legs phabs te/ /bskal bar mi g.yo rtag tu zhabs brtan shog /mchog gsum rgyal ba rgya mtsho'i byin rlabs dang/ /bstan srung dam can rgya mtsho'i mthu stobs kyis/ /dam pa'i zhabs brtan mdzad 'phrin 'od snang gis/ /dge legs phan bde'i snang bas khyab gyur cig /(ces 'jam mgon bstan pa'i snang byed chen por kho ho thug thu blo bzang bshad sgrub bstan pa'i nyi ma dpal bzang po'i zhabs brtan gsol 'debs 'dod rgu'i mchog sbyin zhes bya 'di yang sku 'bum ra kho sgar ba'i gnyer pa chos rje blo bzang dar rgyas dang/ rabs 'byams pa dkon mchog bstan 'dzin rnam gnyis nas kha btags che legs dang dngul gor rig byed kyi grangs ldan bcas bskul ngor chos med ban rgan 'du gsum snyom las pa @054a @#/ / ^ chos kyi rdo rjes sbyar ba'o// //) @#/ /na mo gu ru de ba DA ki ni ye/ ma yum chen chos kyi sku la gsol ba 'debs/ /a ma lab kyi sgron me la gsol ba 'debs/ / drin can chos kyi rdo rjes la gsol ba 'debs/ /mched lcam rdo rje spun grogs la gsol ba 'debs/ /dam can rdo rje chos srung la gsol ba 'debs/ /dad ldan slob bu rnams la byin gyis rlobs/ / 'khrul ba'i gzhi rtsa chod par byin gyis rlobs/ /'gal rkyen lam du longs par byin gyis rlobs/ /gnyan sa ri khrod zin bar byinX skye shi rtsad nas chod barX sgyu lus 'od sku 'gyur barX rang sems skye med rtogs parX (zhes gdung shugs drags pos gsol ba rgyun du btab na 'di phyi'i legs tshogs spyi dang gnas skabs thams cad kyi 'dod don bde blag tu 'grub par gdon mi za'o/ ces pa 'di yang khyud kyA sngags 'chang/ yi dam/ kun bzang/ rin chen 'bum gsum nas/ ko ri gsum gsum re lha reg bcas bskul ngor gnyan khrod pa ^ chos kyi rdo rjes phral mar sbyar ba'o// // @#/ /myur byon gsol 'debs mchog sprul nyin byed 'dren pa'i skya rengs gsar ba zhes bya ba bzhugs so//) bslu med bla ma yi dam mchog gsum dang/ /khyad par chos kyi rgyal po tsong kha pa/ /rgyal sras rgya mtsho'i tshogs dang bcas rnams kyis/ /deng 'dir smon pa'i don kun 'grub par @054b mdzod/ /dri med bloO bzangO rgyal ba gnyis pa yi/ /mdo sngags bstan pa'i dgongs don ma nor bar/ /bshad dang sgrub pa'i mkhyen dpyod shesO rabO kyis/ /lam ston bshes gnyen dam par gsol ba 'debs/ / deng dus mi bsrun snyigs ma'i brling spyod la/ /khyod thugs khrel pa'i dbang gis dag zhing du/ /glo bur gshegs pa'i ngang tshul snying nas skyo/ /ci bya gtol bral bya chad thang lhung bzhin/ /nyam thag gdung ba'i dbyangs kyis gsol btab na/ /brtse chen thugs rje chen pos legs dgongs te/ /las kyis 'brel ba'i dwa phrug 'di dag la/ /myur du zhal ston rjes su brtse bar rigs/ /sngon goms thugs bskyed dam bcas nyer dgongs te/ /ring min cho rigs gtsang ma'i 'dzin ma'i gzhir/ /nyer 'khrungs rab gsal khye'u'i sku bltams te/ /mdzes gyur mig gi bdud rtsir gsal bar shog /rnam dag khrims kyi rtsa ba rab brtan cing/ /rnam mang yon tan du ma'i lo 'dab rgyas/ /rnam grol sku gsum 'bras bu nyer sdud pa'i/ /bshes gnyen dpag bsam dbang po myur gsal shog /dam tshig gtsang ma'i legs 'brel bla ma dang/ /dam can rdo rje chos srung mthu stobs dang/ /dam ldan slob ma'i gdung shugs drag po yis/ /dam pa'i zhal bzang myur ston gyur cig gu (/ces yongs kyi dge ba'i @055a @#/ /bshes gnyen chen po cha ka khong blo bzang shes rab sku zhi bar gshegs pa'i skabs su dam gtsang slob bu a lags brag khang nas nan gyis bskul ba'i ngo ma bzlog tsam du 'brel med don gzhan gyi tshig nyog 'go mjug med pa 'di ni smras pa po ^ chos kyi rdo rjes so// //) @#/ /myur byon gsol 'debs thugs rje bskul ba'i sgra dbyangs zhes bya ba bzhugs so//) srid gsum 'gro ba'i 'dren mchog shAO kya'i tog /zhi ba chags bral theg gsum dam pa'i chos/ /rig grol brgyad ldan 'phags tshogs dge 'dun sde/ /bslu med rin chen gsum gyis shis pa stsol/ /bloO gros bzangO po'i sa srung la bzhon te/ / dbangO phyugO brgyad ldan mig stong ldan pa yi/ /'jigsO medO zho 'thung rus pa'i mtshon rnon gyis/ /rgol ngan sbyin skyes las rgyal rgyalO mtshanO mchog /glo bur snyigs dus 'gro ba'i dman las kyi/ /mthu smin chu lha'i khang bzang gshegs pa'i tshul/ /bsam gyin ngang tshul 'di la snying nas skyo/ /kye ma kye hud mgon skyabs su la zhu/ /skal dman slob bu mya ngan thang chen du/ /dmus long long khrid stor ba ji bzhin du/ /bdag cag mgon skyabs med pa'i 'gro ba kun/ /thugs rjes gzigs shig byams pas yud tsam dgongs/ /ring min cho rigs @055b gtsang ma'i nor 'dzin gzhir/ /bshes gnyen dpag bsam rkang 'thung gzhon nu mchog /ngo mtshar yon tan du mas rgyan spras te/ /skal ldan mig gi bdud rtsir myur gsal shog /rmad byung tshul khrims gtsang ma'i sa gzhi la/ /rnam dag thos bsam sgom pa'i lo 'dab bkra/ /'chad rtsod rtsom pa'i bdud rtsi'i zil mngar g.yo/ /thub bstan kun da'i tshal yangs rtag bzhad shog /bla ma yi dam srung ma'i byin rlabs dang/ /bstan srung dam can rgya mtsho'i mthu stobs kyis/ /mchog sprul nyin byed dbang po myur gsal te/ /smon pa'i re 'bras lhun gyis 'grub par shog (/ces myur byon gsol 'debs thugs rje bskul ba'i sgra dbyangs zhes bya ba 'di yang u cu mu chin smon lam bla ma dgongs pa chos dbyings su gshegs skabs/ gser tog sgar ba'i chos mdzod/ gru kyA dgon pa dga' ldan dar rgyas gling gi sman pa dpon slob ye shes bstan pa'i rgyal mtshan dbu mdzad 'dus spyi thun mong nas tshul 'di lta bu zhig dgos zhes dngul TaM dbang po'i grangs ldan lha dar bcas bskul ba'i ngor chos med ban rgan ^ bik+Shu ma tI dI baM li khe taM/ sdza yantu//) @#/ /na mo gu ru/ ('dir gser skyems mdor bsdus 'bul bar 'dod pas/ gser skyems rgya ja'i nying khu sogs dang 'bru sman sogs 'du byas la/ 'di ltar/) rang nyid dpal chen rdo rje 'jigs byed du/ /gsal ba'i thugs ka'i 'od kyis byin rlabs te/ / @056a @#/ /sbyangs shing bskyed de zag med ye shes kyi/ /bdud rtsi'i rgya mtsho chen po ro gcig gyur/ /oM AH hUM (lan gsum gyi byin gyis rlabs la 'di skad do/) hUM rdo rje 'chang sogs rtsa brgyud bla ma dang/ /dus dgra'i dbang po yi dam zhi khro la/ /'bru bcud bdud rtsi byin rlabs gser skyems 'di/ /bzhes la bcol pa'i las kun 'grub par mdzod/ /'dod khams bdag mo dpal gyi lha mo dang/ /las bzhi 'phrin las sgrub mdzad 'khor bcas la/ /'bru bcud bdud rtsiX bzhes laX bstan dgrar drag khros sprul pa'i chos skyong dang/ /gsang yum klu mo 'khor tshogs rgya mtsho la/ /'bruX bzhes laX phyogs 'dir gnas pa'i lha klu gzhi bdag dang/ /mthu ldan sde brgyad 'khor tshogs ma lus la/ /'bru bcudX bzhes laX khyed rnams mchod cing gsol ba btab pa'i mthus/ /rnam par dag pa'i chos mthun bsam pa'i don/ /'bad med yid bzhin lag ltar son pa dang/ /sdang dgra gnod byed thal bar brlag par mdzod/ / (ces gser skyems mdor bsdus 'di yang/ 'jam mgon bstan pa'i snang byed chen po stong 'khor ho thog thu manydzu shrI'i thugs bzhed ltar/ chos med ban rgan ^ chos rdor gyis sbyar ba'o// // @#/ /myur byon gsol 'debs @056b thugs rgyud bskul ba'i sgra dbyangs zhes bya ba bzhugs so/ /)srid gsum 'gro ba'i 'dren mchog shA kya'i tog /brgyad khri bzhi stong theg mchog dam pa'i chos/ /rigs grol gnyis ldan 'phags tshogs dge 'dun sde; ;skyabs mchog rin chen gsum gyis shis pa stsol/ /rmad byung dge la 'dun pa'i nyin byed 'bum/ /dus gcig shar ba'i bstan 'dzin rgya mtsho yis/ /lus can phan bde'i pad tshal bzhad pa'i gnyen/ /mkhas grub nam mkha'i nor bur gsol ba 'debs/ /mgon khyod glo bur chu lha'i 'phang ba ru/ /mnal ba'i ngang tshul de la snying nas skyo/ /mgon med skyabs 'bral mya ngan thang du lus/ / thug rje'i spyan gyis nyam thag rnams la gzigs/ /ring min cho rigs gtsang ma'i 'dzin ma'i dbus/ /rmad byung yon tan du ma'i lo 'dab bkra/ /ngo mtshar dus bzang phan bde 'dab brgya mchog /lus can re ba yid bzhin skong bar shog /rnam dag thos bsam sgom pa'i dkyil 'khor rgyas/ /mkhas btsun bzang po'i 'od dkar 'bum phrag 'phro/ /'chad rtsod rtsom pa'i bdud rtsi'i thigs 'phreng gis/ /thub bstan kunda'i tshal yangs rtag bzhad shog /mchog gsum bka' sdod dam can rgya mtsho dang/ /ring nas brten pa'i mthu ldan srung ma yi/ /bdag cag bu slob dad mos rtse gcig mthus/ /smon pa'i re 'bras @057a @#/ /lhun gyis 'grub par shog /rmad byung sras bcas rgyal ba'i byin rlabs dang/ /X (ces sne'u lung sprul sku dge 'dun bstan 'dzin nor bu glo bur chos dbyings su gshegs skabs/ myur byon gsol 'debs thugs rgyud bskul ba'i sgra dbyangs zhes bya ba 'di lta bu zhig dgos zhes/ sku dpon rge kyA nas nor khra'i dpe dril gcig dang gor mo gsum lha reg bcas bskul ba'i ngor chos med ban rgan ^ chos kyi rdo rjes sug bris su bgyi ba'o// // @#/ /zhabs brtan gsol 'debs phan bde'i dpal gter zhes bya ba bzhugs so//) rgyal ba kun gyi mkhyen brtse ye shes kun/ /gcig tu bsdus pa yid 'phrog lha mo'i skur/ /legs bzhengs tshe dpal ster mdzad tA re mas/ /gang 'dir tshe yi dngos grub stsol shig kyai/ /rmad byung mkhas dang grub pa'i nyams bzhes kyi/ /bstanO 'dzinO damO pa'iO rnam thar rjes su skyongs/ /bshad dang sgrub pa'i byi dor legs mkhas pa'i/ /mkhas sgrub rgyaO mtsho'iO mgon la gsol ba 'debs/ /mgon khyod zhabs zung rdo rje'i khams su brtan/ /mkhas btsun bzang po'i 'od dkar 'bum 'phro zhing/ /'chad rtsod rtsom pa'i bdud rtsi'i thigs 'phreng gis/ /thub bstan kunda'i tshal yangs rtag bzhad shog /dge la 'dun ba'i rtsa ba rab tu brtan/ /chos spyod rnam bcu'i 'dab brgya rab tu rgyas/ /rnam grol don @057b gnyis 'bras bu g.yur du za/ /bstan 'gro phan bde'i nyin byed rtag shar shog /bslu med bla ma yi dam mchog gsum dang/ /khyad par dam can chos kyi rgyal po yi/ /'phrin las 'od snang 'bar bas rkud mun kun/ /myur zhi phan bde'i snang ba 'bar gyur cig /(ces har chen mong gol cing shog gi sman pa bla zur bstan 'dzin dam pa rgya mtsho'i zhabs brtan gsol 'debs 'di lta bu zhig dgos zhes dge rgan smon lam rab 'byams pa ye shes rgya mtsho dang mdzod pa sman 'chang zung nas nor chab kha phyed dang sa le sbram gyi mched zlar 'os pa'i chu tshod 'khor lo chung ngu lha dar bcas yang yang bskul ba'i ngor chos med ban rgan 'du gsum snyom las pa ^ chos kyi rdo rjes gang dran 'phral byung du spras pa 'di yang yi ge pa ni chos tshul la blo mig mchog tu yangs pa dus 'khor pa ngag dbang rgya mtshos bris pa'o// // @#/ /zhabs brtan gsol 'debs tshangs pa'i dbyangs zhes bya ba bzhugs so//) rmad byung tshe dpal ster mdzad 'od mtha' yas/ /dus min nyi bu dgra las rtag tu rgyal/ /mgon med duH kha'i 'jigs las skyobs mdzad pa'i/ /bcom ldan 'chi bdag 'joms pas shis pa stsol/ /'jig rten rmongs pa'i mun pa'i go 'phang mchog /'joms la dpa' zhing bgrang yas rgyal kun gyi/ /tshad med mkhyen pa rdzogs mthus yid can @058a @#/ /kun; ;thar pa'i sar 'god smra lhas rtag tu skyongs/ /blo gros bzang po'i dkyil 'khor rab rgyas pas/ /byang chub bgrod pa'i lam bzang gsal mdzad cing/ /bstan 'dzin rgya mtsho'i gtsug na mngon mtho ba'i/ /mkhas grub nyi ma'i mgon la gsol ba 'debs/ /mgon khyod yab rje gong ma'i sa zla'i khrir/ /zhabs pad gzhom bral tshe mtha'i mgon bzhin du/ /bzhugs te legs bshad 'od snang 'phro bzhin par/ /bskal bar mi g.yo rtag tu brtan par shog /rnam dag thos bsam sgom pa'i dkyil 'khor rgyas/ /mkhas btsun bzang po'i 'od dkar 'bum du 'phro/ / 'chad rtsod rtsom pa'i bdud rtsi'i thig 'phreng gis/ /thub bstan kunda'i tshal yangs rtag bzhad shog /khrims ldan 'dus pa'i sde rnams thugs mthun zhing/ /khrims gtsang chos spyod bshad bsgrub legs tshogs rgyas/ /lha mi'i 'bangs rnams chos 'byor bde dgas 'tsho/ /mi mthun rgud pa'i g.yul las rgyal gyur cig /bla ma lha dang dam can mkha' 'gro'i tshogs/ /tha 'og chos rgyal chen po'i mthu stobs kyis/ /nyer 'tshe kun sel mthun rkyen yid bzhin 'grub/ /dge legs kun 'byung bkra shis rgyas gyur cig /(ces stong skor chan shi manydzu shri hu thog thu blo bzang byang chub bstan 'dzin rgya mtsho'i zhabs brtan gsol 'debs @058b tshangs pa'i dbyangs zhes bya ba 'di yang/ dam pa gang gi sku dpon rnams dang phyag mdzod ched mo rnams kyis lha dar rin gnyis dngul 'khor bzhi bcas bskul ba'i ngor shAkya'i btsun gzugs ban rgan ^ chos kyi rdo rjes gang dran thol byung du smras pa dge legs 'phel// //) @#/ /zhabs brtan gsol 'debs dgos 'dod re bskong zhes bya ba bzhugs so// gang gi mtshan snyan rna bar lhung ba'i mod/ /mthar byed sde bcas ri mo'i lam du bkod/ /'chi med tshe dang ye shes mchog stsol ba'i/ /bcom ldan 'chi bdag 'joms pas shis pa stsol/ /bloO bzangO dgongs don byangO chubO snying po'i nor/ /gus ldan dad pa'i rgyal mtshan rtser bkod de/ /yang yang mchod de gsol ba legs btab na/ /'bad pa donO yodO mdzad la gsol ba 'debs/ /mgon khyod yab rje gong ma'i sa zla'i khrir/ /zhabs pad tshe mtha' yas pa'i mgon bzhin du/ /brtan par bzhugs te zab gsang bla med chos/ /rtag tu rgyun 'doms g.yo med zhabs brtan shog /rmad byung tshul khrims gtsang ma'i sa gzhi la/ /rnam dag thos bsam sgom pa'i me tog bkra/ /ting 'dzin rim gnyis 'bras bu khur du lci/ /'chad rtsod rtsom pa'i dga' ston rtag 'gyed shog /bslu med bla ma yi dam mchog gsum dang/ /khyad par myur mdzad mgon po thugs rje'i gter/ /dam can chos srung rgya mtsho'i 'phrin las @059a @#/ /kyis; ;smon pa'i re 'bras lhun gyis 'grub par shog /(ces grub pa'i skyes mchog a rigs dge bshes smon lam bzang po'i sku 'phreng gsum pa'i zhabs brtan gsol 'debs dgos 'dod re skong zhes bya ba 'di ni/ sku dpon phyag rdor gyis tshul 'di lta bu zhig dgos zhes bskul ba'i ngor chos med rgyal khams pa ^ chos kyi rdo rjes gang dran thol byung du smras pa dge legs 'phel//) // @#/ /myur byon gsol 'debs 'dod don lhun grub ces bya ba bzhugs so// ston pa mtshungs med 'dren mchog shAkya'i tog /skyobs pa mtshungs med lung rtogs dam pa'i chos/ /'dren pa mtshungs med 'phags tshogs dge 'dun ste/ /skyabs mchog rin chen rnam gsum gtsug na rgyal/ /mdo sngags legs bshad snyan pa grags pa'i dbyangs/ /zab yangs chos sgra rgyun par sgrogs pa las/ /thar 'dod blo gsal dga' ba bskyed mdzad pa'i/ /mkhas grub rgya mtsho'i mgon la gsol ba 'debs/ /mgon khyod bdag 'dzin chos la bskul ba'i slad/ /glo bur chos dbyings chu lha'i phang ba ru/ /mnal ba'i ngang tshul 'di la snying nas skyo/ /kye ma kye hud bdag cag su la re/ /dung dung snying nas mi phyed dad gus dang/ /gdung ba'i dbyangs kyis cho nge 'di btab na/ /brtse ldan ma yis bu sdug bskyangs pa bzhin/ /mdzes pa'i zhal @059b bzang myur du ston le ra/ /phul byung cho rigs gtsang ma'i sa gzhi ru/ /yon tan lhun rdzogs dpag bsam 'khri shing mchog /nyer bltams 'dod rgu'i dpal gyis rab brjid pa'i/ /bshes gnyen dpag bsam dbang po myur gsal shog /gzhon dus nas bzung bslab gsum dge la spyod/ /gzhung chen bka' bot lnga la legs sbyangs nas/ /rnam dag thos bsam sgom pa'i gzi 'od kyis/ / 'chad rtsod rtsom pa'i bdud rtsi rtag 'gyed shog /bla ma lha dang dam can mkha' 'gro'i tshogs/ /skyes bu chen po la sogs srung ma yis/ /nyer 'tshe kun sel mthun rkyen yid bzhin sgrubs/ /dge legs kun 'byung bkra shis 'bar gyur cig /(ces myur byon gsol 'debs 'dod don lhun grub ces bya ba 'di yang/ dor shul nyin thub nas/ bya khyung khri ba snyan grags rgya mtsho gshegs pa'i tshul bstan skabs 'di lta bu dgos zhes bskul ba'i ngor 'du gsum snyom las pa ban rgan ^ chos kyi rdo rjes gang dran byung rgyal du smras pa'o// //) @#/ /na mo gu ru lo ki shwa ra ya/ ('dir mig 'gyid spyan ras gzigs kyi rgyun 'khyer nyams su blang ba'i tshul ni/ tho rangs khar skyabs 'gro sems bskyed tshul dang mthun par byas nas/) swab+ha was (stong par sbyangs/) stong pa'i ngang las pad zla'i gdan la rang sems hrIH yig dkar po de las 'od 'phros/ don gnyis byas/ tshur 'dus yongs su gyur pa las/ @060a @#/ /rang nyid skad gcig gis 'phags pa spyan ras gzigs sku mdog dkar po/ zhal gcig phyag bzhi pa dang po gnyis thugs kar thal mo sbyar ba/ g.yas 'og mas shel 'phreng dang/ g.yon 'og mas padma 'dzin pa/ mtshan dpa'i 'od 'bar zhing rin po'i rgyan dang dar gyis na bza' klubs pa/ zhabs rdo rje skyil krung gis bzhugs pa/ de'i spyi bor oM/ mgrin par AH thugs kar hrIH hUM gis mtshan pa/ de las 'od zer 'phros/ po ta la nas ye shes pa dang dbang lha spyan drangs/ dzaH hUM baM hoH dbang gi lhas dbang bskur 'od dpag med kyis dbu brgyan par gyur/ oM arya lo ki shwa ra arg+haM (nas) shapta'i (bar gyis mchod/) skyon gyis ma gos (zhes sogs shlau ka gcig gis bstod/) rang gi thugs kar hrIH yig gi mthar bzlas bya'i sngags kyis g.yas bskor du 'khor bar (dmigs nas gdung shugs drag pos/) oM ma Ni padme hUM gsal le gsal le maM gsal le kun hrig swAhA/ (zhes brgya stong sogs ci nus su bzlas la mthar rang gi srin mdzub g.yas g.yon la btab ste bsnol ba'i tshul gyis lan 'ga' phyis/ mjug tu yig brgya mchod bstod bsngo smon sogs bya'o/ /'di ltar nyin rer tho rangs khar nyams su blangs pas mig gi tsha zir gyis gdung ba las myur du grol bar dam pa rnams kyis gsungs so/ /zhes pa 'di yang skom mtsher ngag dbang lung rtogs rgya mtsho'i thugs 'dod ltar/ gyi na ba chos kyi rdo rjes smras po'o// // @#/ /mchod dmar @060b brag la gnas bcas ko ka li/ /drug ldan gnas bshad sos nyi phul phyir bris/) /na moH shrI kA la tsa kra ye/ dang po'i sangs rgyas dus kyi 'khor lo dang/ /dbyer med khyab bdag 'khor lo'i mgon po mchog /drin can bla ma tshul khrims phun tshogs rje/ /zhabs rdul bdag snying chu skyes dbus su bsten/ /de yi bka' 'bangs byang chub bstan sgron gyi/ /rtsa brgyud bla ma spyi dang bye brag tu/ /ngos kyi gong ma bshad sgrub bstan nyi ma/ /gang gi zhabs skyes byang chub bar du mchod/ /mgon po gang gi thugs bskyed rlung shugs kyis/ /nyer drangs spong ba bsam gtan la gnas pa'i/ /dge 'dun sde dang srid gsum bdag mo sogs/ /bka' srung rnams kyis bya ra g.yel med skyongs/ /dbyangs can 'phangs 'gro'i rgyud mangs las 'ongs pa'i/ /shis brjod bstod tshig manda ra yi 'phreng/ /yongs su gtor bas mkha' lam yangs por byas/ /skabs don gleng bar bya ba'i bab bcol ni/ /sngon tshe mkhas grub gong mas phyag btab pa'i/ /dben gnas bkra shis bsam gling sgrub gnas 'dir/ /gnam bskos sa yi tshangs chen khang zhi yis/ /lung las mngon par mtho zhing 'chan lang gis/ /bdag rkyen bstsal zhing klu 'bum nang so yis/ /mchod sbyin sgo 'phar phye zhing gnyer kha mdzad/ /dge rgyun 'phel zhing mchod thebs mang du btsugs/ /mi rabs ma stongs bar du 'dzin bdag byas/ / @061a @#/ /rta nag bla ma rgya yi mtshan can gyis/ /dgon 'di'i khri la dbang bskur zhabs sen 'khod/ /gzhi gsum phyag len tshugs shing chos spyod 'phel/ /skal bzang gnyis skyes tshogs rnams mgron du bos/ /chos dang zang zing 'brel ba'i dga' ston byas/ /bstan 'dzin dam pa rnams kyang zhabs kyis bcag /chos 'byor bde dgas 'gro rnams yid rab tshim/ /zhing 'di'i mchod sdong chen mo gcig tu grub/ /de ltar lo ni mang por rab bskyangs skabs/ /dus kyi 'gyur ba sna tshogs bsgyur bkod kyis/ /mtho dman bar mar gyur ba'i skabs zhig na/ /phran gyi skye 'phreng gong ma'i phyag tu gtad/ /de tshe lha rnams dga' ba'i ca co sgrog /slar yang rdzogs ldan gsar ba'i dpal la bkod/ /nyams pa sor tshud ma nyams gong 'phel ngos/ /mchod rgyun gsar btsugs dge tshogs brtan par byas/ /rgyal bstan nyin mo bzhin du gsal bar mdzad/ /skabs 'gar yab rje mchog nas yi dam lha/ /spyi dang khyad par rta mchog rol ba yi/ /ljags bsnyen lo 'khor bsreg blugs smin byas mdzad/ /dpa' bo dpa' mo'i tshogs 'khor rgya chen phul/ /de nas sku tsha mdzod bsrung chen mo yis/ /gtong ba'i sgo 'phar yongs su legs phye ste/ /ri khrod g.yon ngos gzims chung gzhi gting nas/ /steng 'og bar gsum bzo bkod khyad du 'phags/ /lha yi khang bzang gnyis pa zhig @061b tu bskrun/ /de tshe gnas gtsang ris kyi lha rnams kyis/ /dga' ba'i ca co sgrogs shing glu dbyangs len/ /zim char dang bcas me tog char yang babs/ /bar du phyogs bcu'i mgron rnams rab bkug nas/ /sna tshogs zas kyi dga' ston legs par 'gyed/ /kun tu dga' ba'i yo lang chen po 'khrigs/ /gtam snyan lha yi rnga gsang phyogs kun khyab/ /mgon po mchog kyang gnas der spyan drangs nas/ /zhabs sor 'khod bstun maNDal legs phul te/ /dkar spro legs btang gzims chung dpal dar phul/ /rje btsun bla ma mchog nas rab gnas kyi/ /cho ga zab mo mdzad cing chos skyong dang/ /gnas skyong sogs la gtang rag gzab rgyas bstar/ /phyogs dus kun nas legs pa'i mjal dar dang/ /ro brgya ldan pa'i shing 'bras sna tshogs phul/ /nyin gcig rje btsun bla ma thugs dgyes te/ /rgyab log brag ri'i bya skyib ngos dag tu/ /ma Ni yig drug bzo bkod khyad 'phags bris; ;phal bas lag pas reg min gnas su 'o/ /da lta'i bar du kun gyi mthong snang du/ /yig 'bru gsal bar mjal zhing kha char sogs/ /nam yang mi brdzi ring nas gsal mthong bas/ /mkhas shing grub pa'i rnam thar rmad du byung/ /rtag tu chu bo'i rgyun gyi rnal 'byor brtson/ /nang du ting 'dzin zab mo la gzhol bas/ /yon tan nam mkha'i mdzod la dbang bsgyur zhing/ /thub bstan gsal ba'i sgron me gcig tu gyur/ /de nas @062a @#/ /lo 'gar chos spyod rnam bcu yi/ /bya bas rtag tu g.yengs shing dge la brtson/ /'khor lo gsum gyi mdzad 'phrin 'od snang gis/ /thub bstan yang snying pad dkar bskyangs pa'i mthar/ / dus kyi rgud pa sna tshogs mngon du gyur/ /rim bzhin zhi ba'i dbyings su mnal ba'i phyir/ /byang nas byang du bteg ste skye 'gro yi/ /re ba ma lus yid bzhin skong bar mdzad/ /de nas re zhig chos kyi dbyings su gshegs/ /mi bzad snyigs ma'i rang 'tshang mngon por brdol/ /mtha' dbus skye rgu duH kha rab tu myong/ /de nas rim gyis mya ngan brjod pa'i tshe/ /sprin bar nyi ma lta bu'i bde skyid tshugs/ /rim bzhin nyams gsos bde skyid sprin par gyi/ /nyi ma bzhin du 'char nub re mos byas/ /bde skyid ngang thung skyid sdug re mos myong/ /de nas ring min dge ba'i bag chags kyi/ /khyung sngon skyes kyis nyer drangs sngon med kyi/ /'dzam gling nyi ma rgyan gcig 'di na shar/ /mtha' dbus skye dgu sems can ma lus pa'i/ /bde skyid rdzogs ldan gsar ba'i dpal la spyod/ /rang gi legs smon btsan po'i mthu smin te/ /de nas A rya pa lo'i sku drung du/ / zhabs rdul spyi bor len pa'i skal bzang thob/ /de skabs zhal nas khyod kyi ri khrod thobs/ /nged kyang de ru 'ong zhes gsung gnang bstsal/ /lags so zhu nas rim bzhin lo 'khor lon/ /ri khrod phyi nang bar gsum @062b legs par bsgrubs/ /rang nas gong sa'i phyag phyir rgya la 'grims/ /slar yang 'khor nas bod bskyod nyer bsngog ? skabs/ /sa zla'i bco lngar ri khrod gsar ba'i nang/ /thugs rje chen po ston 'khor dngos su byon/ /byin rten na bza' mthun rkyen rdo tshad gsum/ /spyi bor bstsal zhing bzhi rwa tshugs zhes gsungs/ /sgrub khang gong 'og rnams la byin chen phabs/ /'phral yun dge ba'i bslab bya mang du bstsal/ /deng 'dir mi lus thob pa don dang ldan/ /da ni gnas 'dir rten gsum bsgrub snyam skabs/ /kho bo'i gcung po byams shaka mdzod bsrung nas/ /nged kyi ring 'tsho'i ched du tshe mtha' yas/ /snang brnyan khyad 'phags bskrun te nged la byin/ / de nang gzungs 'jug spyi dang khyad par du/ /gong sa mchog gis bstsal ba'i na bza' dang/ /gsol gar rtags brgyad ri mo bcud kyis bkang/ /dri bzang dang bcas byur bur legs par gtams/ /spyan dbye'i cho ga zab mo yang dag byas/ /mchod khang dbus su brtan par bzhugs su gsol/ /na bza' snyan shal dar dpyangs legs par phul/ /mdun du mchod yon dkar me mdzes par bshams/ /rab byung bcu drug lcags lug sos ka yi/ /yar zla'i mkha' 'gro 'du ba'i dus chen nyin/ /lto 'phye'i brtags pa lha mchod klu mchod sogs/ /legs par byas nas sa gzhi byin gyis brlabs/ /'og tu bskos nas mi bsrun 'byung po'i @063a @#/ /rigs/ /gnon phyir 'od zer can ma'i rde'u 'bum blugs/ /de steng don yod grub pa'i mtshan ma btab/ /dgra sri mnan pa'i cho ga legs byas nas/ /sa 'dzin bang rim brtan par brtsegs pa'i nang/ /seng khri'i bar du 'od zer can ma yi/ /snang brnyan phyur bur gtams te legs par bkang/ /srog shing brtan par btsugs te rim bzhin brtsegs/ /bum pa'i nang du 'bras spungs mchod rten dang/ /dus 'khor lhan skyes rje yi phyag tshwa dang/ /ston pa bdud 'dul tshong dpon dge legs sogs/ /rnam mang phyag tshwa mang po dngos su 'byor/ /dus 'khor bsdus rgyud rigs ldan nyer lnga'i grangs/ /dus 'khor cho ga la sogs gsung rten rigs/ /byin can mang po legs par bkrams nas bzhag /bar tshang dang bcas byin rten sku brnyan dang/ /sa srib med par bkang ste 'khrigs mar gtams/ /bri dang thugs rje'i mdo gzungs nang du ni/ /bde gshegs so lnga nyis stong lhag tsam bzhugs/ /'dod lha dang bcas bar mtshams med par bkang/ /srog shing steng du cho ga bzhin du byas/ /skabs der mi gcig ral gri byin ba de/ /srog shing steng du legs par bcings nas bzhag /na bza' dang bcas chos 'khor bcu gsum dang/ /char kheb tog dang bcas te legs par bskrun/ /'phral du rab gnas byas te byin chen phabs/ /nye 'khor sde rnams @063b rab ston khyad 'phags drangs/ /gnam gshis bzang zhing zim char phran bu babs/ /de ltar legs grub rgyud las rab gsungs pa'i/ /dus 'khor mchod rten thog tshad ngo mtshar can/ /zhag grangs bco lnga'i khongs su legs par grub/ /byams khang nang du mchod khang dbus ma ru/ /mda' tshad tsam gyi dpal ldan 'bras spung gi /mchod rten mthong ba don ldan gsar du bzhengs/ /nang gzhug 'bul skabs dbus nas rgya gar gyi; ;gnas chen rnams kyi sa sna rdo sna dang/ /byang chub shing gi lo ma lnga phrag gcig /nai ranydza na'i sa dang dur ba sogs/ /shing thog pil ba rdo rje gdan gyi sa/ /rten sna khyad 'phags mang po nang gzhug phul/ / de mtshungs gling nas bsdus rgyud tshar lnga dang/ /rigs ldan gsol 'debs bris sku sum brgya ba/ /byams smon bstan pa rgyas pa'i smon lam dang/ /gzungs 'jug rgyas bsdus dri bzang sman phye sogs/ / legs par bkang ste bar mtshams med par gtams/ /sgo rgyan nang du dpal ldan dus 'khor lo/ /zhal phyag yongs rdzogs yum dang bcas pa bzhugs/ /'og tu chos dbyings gsung gi dbang phyug sku/ /de ltar rten dang brten pa'i dkyil 'khor rnams/ /legs par bskrun nas mig gi bdud rtsir gyur/ /bzhugs khang nang du lha mo bcu gnyis dang/ /mchod rdzas me tog dang bcas rab tu mchod/ /bzhugs khang ngos bzhi ngo @064a @#/ /mtshar seng ges brgyan/ /skabs der dril chung byin pa'ang steng du phul/ /'phral du spyan dbye'i cho ga legs byas nas/ /ngo mtshar snang brnyan sku mchog mdzes par bzhugs/ /rab ston mtshon tsam byas skabs rten 'brel bgrigs/ /rang gzhan mchod pa'i rten du lhun gyis grub/ /byang phyogs mi la phug tu brag ri'i dbyibs/ /rtsi shing nag tshal ri dwags sna tshogs kyis/ /kun nas brgyan pa'i dbus su mi la rje; ;sha ba mgon po rdo rje khyir ba/ /ras chung nA ro bon chung la sogs pa/ /ngo mtshar sgyu 'phrul bkod pa bsam mi khyab/ /bsod nams zhing du nyer bskrun mdun ngos su/ /lcags kyi dra mig yongs su legs brgyan te/ / nang du bsam gtan khang bu nyams dga' ba/ /phyi ru rnal 'byor bde ba'i yo byad tshang/ /de lta'i spro bde'i khang bzang lhun gyis grub/ /gnas der rnal 'byor brtson rnams skal ba bzang/ /rgyab tu mchod rten khang bu brtsegs pa'i nang/ /srog shing brtan par btsugs te gnas chen gyi/ /sa sna rdo sna phyi ma legs par bdal/ /dri bzang dang bcas steng du 'dod lha'i skor/ /'od zer can dang mi 'khrugs dus 'khor lo/ / bde gsang 'jigs gsum rje dang thub dbang sku/ /dbus su rgyal ba'i phyag tshwa snying por bzhugs/ /de nas rim gyis bkang ste phyur bur gtams/ /rigs lnga'i grangs ldan sku ni 'bum phrag bcas/ /legs bzhugs @064b tshad khang bskrun te rab gnas byas/ /ngo mtshar ltas bzang dga' ba dpag med rgyas/ /bdud dang 'byung po'i tshogs rnams kun las rgyal/ /de ltar rje btsun gong ma'i gdan sa ru/ /rnam dkar dge tshogs ji snyed bskrun pa'i mthus/ /gnas der spong pa bsam gtan la gzhol pa'i/ /dge 'dun 'dus pa'i tshogs rnams rab rgyas te/ /rtag tu bshad sgrub bya pas dus 'da' zhing/ /khrims gtsang chos spyod dge bcus rtag tu 'tsho/ /rim gnyis 'bras bzang mngon du gyur ba yis/ /don gnyis bsgrub ste rgyal bstan dar bar smon/ /yul phyogs mi rnams dge bcu'i khrims la gnas/ /bstan dang bstan 'dzin spyi bo'i thod bzhin bkur/ /phan tshun byams shing phu nu bzhin du bskyangs/ /kun kyang dkar po'i bsam sbyor ldan par shog /'jig rten kun tu 'thab rtsod 'khrugs long dang/ /nad mtshon mu ge'i 'jigs pa kun zhi zhing/ /lo nyes sad ser btsa' than 'bu srin sogs/ / dus kyi rgud pa'i ming yang med par shog /char chu dus bab lo phyugs rtag tu rgyas/ /rtsi shing nags tshal 'phreng pas kun nas 'khrigs/ /sa yi bdag pos dge bcu'i khrims kyis bskyangs/ /bde skyid rdzogs ldan dpal la spyod par shog /a ho/ mdzes mdzes gcig tu bsdus pa'i yid bzhin nor/ /lhung lhung dal gyis bab pa'i mchod yon bsgrengs/ /mtshar mtshar sngo ljang 'phreng ba kun nas 'khrigs/ /mang mang sgyu 'phrul @065a @#/ /yo lang kun nas brel/ /de lta'i gnas mchog dam pa 'di/ /mthong ba tsam gyis 'dzum yang shor/ /kun tu dge ba'i bsam pa yis/ /gnas 'dir spyad rnams a la la/ /bsten pa tsam gyis sems rgyud la/ /bsgom na ngo mtshar gzigs mo che/ /bsgrub na tshe gcig sangs rgyas 'grub/ /bsam na dad pa a la la/ /a ho rmad byung skal pa bzang/ (/zhes pa 'di yang dpyod ldan dge la brtson zhing ^ ngos la mi phyed pa'i dad stobs dang ldan pa dge slong ngag dbang brtson 'grus nas yang yang bskul ba'i ngo ma bzlog par/ chos med rgyal khams pa ^ chos kyi rdo rjes gang dran thol byung du smra ba'i yi ge pa ni chos la blo kha cung zad phyogs pa dge tshul chos rdor ro/ /'dis kyang tshe rabs kun tu dam pas rjes su 'dzin pa'i rgyur gyur cig / //) @#/ /na mo badzra b+hai ra we/ ('dir chu lha srin po'i phyogs su gnas pa'i gzhi bdag rnams la gser skyems gtong bar 'dod pa dag gis/ ja rgod kyi snying khu sogs 'du byas la/) rang nyid yi dam rdo rje 'jigs byed du/ /gsal ba'i thugs ka'i hUM las 'od 'phros pas/ /mchod rdzas rnams kyi ma dag dri ma kun/ /sbyangs shing bskyed de zag med bdud rtsir gyur/ (/'bru gsum lan gsum gyis byin gyis rlabs la/) hUM sku bzhi'i bdag nyid blo bzang rdo rje 'chang/ /rtsa rgyud bla ma yi dam chos skyong dang/ /khyad par gnas skyong sring lcam lha mo ri/ /tog dkar snying ri glang snying la gnas pa'i/ /yul lha gzhi bdag gnyan po 'khor bcas @065b la; ;'dod yon lnga ldan gser skyems 'di 'bul lo/ /bzhes nas ru nga phrag dog ma mdzad par/ /mthun rkyen bsam don lhun gyis 'grub par mdzod/ /rgyal bstan spyi dang bye brag tsong kha pa'i/ /ring lugs srid mthar phyogs bcur rgyas pa dang/ /dga' ba'i dpal ldan sku 'bum byams gling gi /chos srid legs tshogs rtag tu 'phel bar mdzod/ /rgyal khams spyi dang bye brag gnas 'di ru/ /lo nyes sad ser btsa' than 'bu sran ni dang; ;sha 'od sa g.yos thog 'khyug glog zhags sogs/ /mi mthun rgud pa'i g.yul las rgyal bar mdzod/ /phyogs 'dir nad yams 'khrugs rtsod kun zhi zhing/ /char chu dus 'bab lo phyugs rtag tu rgyas// mi mthun kha smras gling gzhi kun zhi nas/ /bde skyid rdzogs ldan dpal la spyod par mdzod/ (/zhes 'phrin las drag tu bcol lo/ ! /tshe thar 'bul bar 'dod na/ gang 'bul rgyu'i rta nor ra lug sogs legs par 'du byas/ sug bzhi rwa rtse sogs mar gyis brgyan/ tshe gzungs dang rnam rgyal gzungs ring thung/ don yod zhags pa'i snying po/ rnam 'joms yig brgya bcas gang mang bzlas nas chu dkar nag la btab/ chu nag mjug nas yar dang/ chu dkar mgo nas mar legs par bkrus/ se ba la sna lnga'i dar phan btags/ sog g.yas kyi lug bal tshil bu med pa'i bsrung thag rdor mdud dang bcas ske la btags/ bsangs bdug legs par byas nas 'di ltar/) hUM dar snas brgyan pa'i rin chen sga srab can/ /mdzes pa'i rdzu 'phrul shugs @066a @#/ /'chang rta mchog 'di/ /yul lha gzhi bdag rnams kyi rten du 'bul/ /rten las ma 'da' 'ben las ma g.yos par/ /sangs rgyas bstan pa bsrung zhing skyong ba dang/ /'khor dang longs spyod bshad sgrub 'phel ba dang/ /sdang ba'i dgra la mngon pa'i rtags ston la/ /mthun rkyen tshe bsod dpal 'byor rlung rta dang/ /rigs rgyud snyan grags mkho rgu yid bzhin 'grub/ /bsam don ma lus lhun gyis 'grub par mdzod/ /stobs kyis dgra bcom lang lang gar gyis 'gros/ /mdzes pa'i brjid chags yag rog zhol chen 'di/ /yul lha XXXXXXXX 'o ma'i rgyun 'dzin 'dod pa 'jo ba'i ba/ /sna tshogs dar gyis mdzes pa'i zhol mo 'di/ / yul lha XXXXXXXX ser mig ag tshom g.yo ba'i tshe tshe ra/ /rnam bkra dar gyi cod pan brgyan pa 'di/ /XXXXXXXX 'jam legs spu yi gos gyon g.yang dkar lugs/ /sna tshogs dar gyi cod pan brgyan pa 'di/ /yul lha XXXXXXXX 'grub par mdzod/ /(shis pa brjod pas mtha' brgyan par bya'o/ /zhes pa 'di yang rgyud gnyer skal bzang nor bu'i 'dod mos ltar/ ^ shAkya'i ban rgan b+hu su gu pas bris pa'o// //) @#/ /rgyal kun mkhyen pa'i ye shes gcig bsdus mgon/ /ngur smrig gar rol blo bzang rdo rje 'chang/ /'chi med tshe dang ye shes bstsol mdzad pa'i/ /kun mkhyen tsong kha pa yis dge legs stsol/ /'gro kun byang chub lam la 'god @066b pa'i phyir/ /rmad byung snying stobs phrag pa brtan po yis/ /bstan pa'i rgyal mtshan 'dzin la zla bral ba'i/ /rje btsun bla ma mchog la gsol ba 'debs/ /mgon khyod yab rje gong ma'i rnam thar bzhin/ /mkhas btsun bzang po'i 'od dkar 'bum du 'phro/ /'chad rtsod rtsom pa'i bdud rtsi'i thig 'phreng gis/ /thub bstan kunda'i tshal yangs rtag bzhad shog /bla ma'i zhabs pad rdo rje'i khams su brtan/ /bu slob thugs mthun chos spyod bshad sgrubs 'phel/ /rdo rje chos srung rnams kyi 'phrin las kyis/ /nyer 'tshe kun sel bsam don lhun grub shog /bslu med bla ma yi dam mchog gsum dang/ /khyad par padma dbang gi rgyal po yis/ /rnam bzhi'i 'phrin las dus kun g.yel med du/ /skyongs pa'i bkra shis dge mtshan rtag bzhad shog /(ces dus grwa'i slob zur gro mu khron blo brtan gyi sku skye byang chub bstan pa'i rgyal mtshan gyi zhabs brtan gsol 'debs 'di lta bu zhig dgos zhes gang gi zhabs gras thun mong nas lha reg bcas bskul ba'i ngor 'du gsum snyom las pa ban rgan ^ chos rdor nas bris pa dza yantu// // @#/ /tshe rta zung 'brel gyi bka' bsgo bzhugs so/) /rang nyid skad gcig gis mgon po tshe rta zung 'brel gyi skur bzhengs par gyur/ rang gi thugs ka'i hrIH yig las 'od zer 'phros/ nub phyogs bde ba can nas bsgom pa dang 'dra pa'i mgon po tshe rta zung 'brel gyi lha tshogs mdun gyi nam mkhar spyan drangs/ sgrub bya'i spyi bor dgyes bzhin du bzhugs @067a @#/ /par gyur/ bcom ldan 'das mgon po tshe dpag med dang ma cig grub pa'i rgyal mo/ ti phu gsang sngags kyi sdong po/ ras chung rdo rje grags/ dbang phyug mi la ras chen/ mnyam med dwags po lha rje nas nye bar bzung drin can rtsa rgyud dpal ldan bla ma dam pa rnams kyis byin gyis brlob shig /yi dam dkyil 'khor gyi lha tshogs rnams kyisX sangs rgyas dang byang chub sems dpa' rnams kyisX dpa' bo dang mkha' 'gro chos srung ye shes kyi spyan dang ldan pa rnams kyisX khyad par du yang mgon po tshe rta zung 'brel gyi lha tshogs rnams kyisX da lta nyid duX myur ba nyid duX 'dug sa 'di nyid duX 'gal rkyen bar chad mi mthun pa'i phyogs spyi dang/ bye brag tu sgrub bya 'di nyid kyi lus kyi na tsha/ sems kyi sdug bsngal/ bar chad dang chags sgo/ nyam nga ji snyed gcig yod pa dang/ khyad par du steng gdon gza' dang rgyu skar gyi gnod pa/ 'og gdon klu dang sa bdag gi gnod pa/ bar gdon btsan dang rgyal 'gong gi gnod pa/ khyad par du dus ma yin par 'chi ba'i 'jigs pa thams cad las bsrung bar byin gyis rlobs shig /mthun rkyen legs tshogs yon tan thams cad gong nas gong du 'phel zhing rgyas par mdzad du gsol/ zhes gsol ba btab pa'i sku las ye shes kyi bdud rtsi'i chu rgyun babs pas gnas gsum du thim par gyur/ oM a ma ra Ni (zhes sogs tshe gzungs dang/) @067b hrIH badzra krod+ha (zhes sogs rta mgrin gyi sngags dang/ sgrub bya nad kyis mnar ba sogs yin tshe/) oM padma kror d+he shwa ra (zhes sogs bde gshegs gcig dril gyi sngags dang/ drag sngags so bdun dang/ mtshams bcad kyi sngags gang mos ring thung bzlas nas mgo lus med par brab/ mthar/) mchog gsum bslu ba med pa'i byin rlabs dang/ /mgon po tshe rta zung 'brel mthu stobs kyis/ /sgrub bya 'di 'am 'di rnams (gang 'os sbyar la) bdag gis bsrung zin gyis/ /'di la sus kyang gnod pa ma byed cig /oM badzra rak+Sha rak+Sha ye swA hA/ (zhes mgo dang mdun rgyab rnams la go khrab kyi tshul du bsrung ba byed/ nad pa 'thu mo sogs yod tshe/) hrIH steng 'og phyogs mtshams (mas bsrung 'khor bsgom la shis pa brjod pa ni/) rmad byung thugs rjeX sku gsung thugs yonX bgegs rigs stong phragX gdon rigs sum brgyaX nad rigs bzhi brgyaX lo brgya 'tsho zhingX 'jigs rten 'dren pa'iX (sogs kyi bkra shis kyis mtha' brgyan par bya'o/ /zhes pa 'di yang skyabs rje gser tog ho thog thu no min han gyi mchog sprul rin po che nas bka' bstsal ba ltar/ chos med ban rgan snyom las ba b+hu su gu ba zhig gis bris pa'o// //) @#/ /rjes 'dzin gsol 'debs yid kyi gsos sman zhes bya ba bzhugs so/ /na maH shrI kA la tsakra ya/ bde chen chos kyi sku las ma g.yos kyang/ /khams gsum dbang phyug mtshan dpe'i dpal 'bar ba/ /dpal ldan dus kyi 'khor lo yab yum la/ /sgo gsum dang ba'i yid kyis gus phyag 'tshal/ /thub @068a @#/ /dbang bstan pa'i pad tshal bzhad pa'i gnyen/ /dge legs nyin byed 'od stong 'bar ba'i gzi/ /phyogs las rnam par rgyal ba'i mgon po mchog /rnyog bral mgo la dri bzang 'dzin gyur cig / brgal dka' srid pa'i thang chen nyam nga ru/ /grogs med yid kyi khye'u skyo ling nge/ /mgon po khyod kyi thugs rje'i lcags kyu yis/ /bde chen thar ba'i grong du myur 'jug gsol/ /sngon byon bstan pa'i nyi ma yab sras kyi/ / lung gis kA la ba yi grong khyer du/ /dpal ldan dgra bcom byang phyogs gsal sgron mer/ /'gyur zhes lung bstan brnyes pa phyag gi yul/ /snang mtha' mgon po dge legs rnam rgyal gyis/ /bka' yi lung gis 'jigs med rnam rgyal zhes/ /nor bu'i bang mdzod dpal ldan shamhaM lar/ /'gyur zhes lung bstan brnyes la gsol ba 'debs/ /mgon khyod cha bsags nor bu'i grong khyer du/ /la lar rab byung la lar khyim pa yi/ / brtul zhugs bzung nas 'gro don mdzad pa'i tshe/ /bdag sogs 'khor gyi thog mar rjes 'dzin mdzod/ /de'i tshe phyi nang gzhan gsum dus 'khor lo'i/ /rim gnyis khyod gsung dgyes bzhin nyams blangs pas/ /rdzogs ldan sde bzhi'i dpal la spyod bzhin du/ /stong gzugs phyag chen go 'phang myur thob shog /(ces rjes 'dzin smon tshig yid kyi gsos sman zhes bya ba 'di yang 'jam mgon bstan pa'i mnga' bdag mi nyag mkhan chen mchog sprul rin po che nas nan cher @068b bskul ba'i thugs bzhed ltar rang la 'di lta bu bgyis pa'i rdo mi thog kyang/ dam pa nyid kyi zhal ngo ma bzlog tsam du 'du gsum snyom las pa chos med ban rgan ^ chos kyi rdo rjes sug bris su bgyis pa dza yantu/ gu hya sa ma yaH gzhan la mi ston par mdzad 'tshal/) rgyaH rgyaH rgyaH ! mtshan ldan bla ma'i zhal chab bdud rtsi'i rgyun/ /mi nyams rgyun bzang spel slad gtong phod can/ /mkhan po phul byung dad pas mtshams sbyar te/ /rigs ldan blo gsal gling du par du bskrun/ /'di yi dge bas mkha' mnyam ma rgan rnams/ /sdig sgrib kun byang tshogs gnyis myur rdzogs te/ /rim gnyis lam gyi bgrod pa mthar phyin nas/ /mkha' spyod chen po'i go 'phang myur thob shog / // ! rdo rje 'chang dbang bla ma'i gsung rtsom gang/ /phyogs 'dir 'dzad med chos sbyin spel ba'i slad/ /sa skyong mi dbang khur lugs tA lwang gis/ /gang gi bskyed byed mkhan po phul byung bcas/ /rgyu yon sbyar te rigs ldan blo gling du/ / par du bsgrun pa'i dge bas lus can kun/ /sgrib gnyis kun sbyangs rim gnyis rtogs pa mchog /mngon gyur sku gsum go 'phang myur thog shog / // @#/ /gong sa rgyal ba'i dbang po'i myur byon gsol 'debs 'dod don lhun grub ces bya ba bzhugs so/ /ngagO la dbangO bsgyur smra ba'i spobs pa mchog /bloO gros bzangO po'i nyin byed 'od stong gis/ /thubO bstanO rgyaO mtsho'iO khyon la dbang bsgyur ba'i/ /dpal ldan @069a @#/ /bla ma'i zhabs la gsol ba 'debs/ /spangs rtogs rab rdzogs mngon par sangs rgyas kyang/ /snyigs ma'i dus 'di'i bstan dang 'gro ba la/ /bka' drin rgyal kun thugs rje las lhag pa/ /mtshungs med bstan 'gro'i gtsug rgyan bdag la dgongs/ /sngon tshe rgyal ba'i spyan sngar dbang gsol te/ /dus ngan snyigs ma'i gdul bya bdag cag gi /mgon skyabs dpung gnyen dam bca' mdzad do ces/ /thugs bskyed dbu snyung bzhes ba ma lags sam/ /bdag cag rtag 'dzin can rnams bskul ba'i phyir/ /gzugs sku'i bkod pa re zhig chos dbyings su/ /thim tshul bstan kyang srid pa'i mthar thug bar/ /gang gi gdul bya rdzogs pa mi srid pas/ /slar yang myur du chos sku'i kun gsal las/ /thugs rje'i rta ljang bdun gyis legs drangs pa'i/ /mchog sprul nyin byed dbang po gsar ba'i 'dzum/ /legs par bstan te bdag cag dbugs 'byin gsol/ /ngo mtshar mdzad bzang 'bras bu g.yur za ba'i/ /mchog gi sprul sku dpag bsam rkang 'thung mchog /thub bstan 'dzin ma'i rgyan du legs gyur te/ / skal bzang gdul bya'i re 'dod skong bar shog /dpal ldan 'dod khams bdag mo'i mthu stobs dang/ /sprul pa'i chos rgyal 'od ldan dkar po yis/ /mchog gi sprul sku'i 'dzum zhal myur gsal te/ /mdzad 'phrin @069b phyogs brgyar rgyas pa'i 'phrin las mdzod/ /bdag kyang deng nas tshe rabs thams cad du/ /mgon po khyod kyis dgyes bzhin rjes bzung ste/ /mnyes pa gsum gyis legs par mnyes byed pa'i/ /sras kyi thu bo mchog tu 'gyur bar shog /bslu med bla ma mchog gsum byin brlabs dang/ /rdo rje chos srung rnams kyi mthu stobs dang/ /rgyu 'bras rten 'brel bslu ba med pa'i mthus/ /smon pa'i ri 'bras lhun gyis 'grub par shog /(ces ^gong sa lha mi'i rnam 'dren chen po/ khyab bdag 'khor lo'i mgon po/ bstan 'gro'i phan bde'i srog shing gcig pu/ bka' drin 'khor mtha' ma mchis pa/ ^ rgyal dbang thams cad mkhyen pa sku 'phreng bcu gsum pa chen po/ skye rgu'i bsod nams kyi mthu dman pas/ gzugs sku'i bkod pa chos dbyings su thim tshul bstan skabs/ chos sde chen po sku 'bum byams pa gling gi tshogs chen zhal ngo rab 'byams pa sbyin pa nor bu/ spyi gnyer che ba rab 'byams pa blo bzang yon tan/ tsho drug rgan pa bla brang gnyer ba bcas thun mong nas dngul gyi maNDal brten gsum kha btags che legs bcas tshogs pa'i zhal 'don du mdzad rgyur dgos zhes bskul ma gnang ba ltar/ mgon po gang gi slob ma'i tha shal ba chos med ban rgan snyom las pa ^ chos kyi rdo rjes mchog tu dad pas mtshams sbyar te gsol ba btab pa'o// ! //bzlas dmigs mdor bsdus bzhugs so/ /)na mo manydzu shrI ye/ ('dir dpal ye shes yon tan bzang po'i bstod pa yan lag dang bcas pa nyams su blang pa'i skabs kyi bzlas dmigs mdor bsdus tsam 'god pa la/ gzhung gi) mdun gyi 'jam dbyangs dgyes bzhin rang la thim/ /rang nyid @070a @#/ /'jam pa'i dbyangs su gyur ba yi/ /thugs kar zla ba'i steng du d+hIH yig mthar/ /sngags 'phreng 'od zer 'bar bas bskor bar gyur/ /(zhes pa'i skabs kyi bzlas dmigs gsal 'debs tshul ni/ mdun du bzhugs pa'i 'jam dbyangs la dmigs pa cher btad pas sku je chung je chung la song ste 'od 'bar bzhin mthib sor gyi tshad tsam du gyur ba rang gi spyi bo'i tshangs bug nas zhugs te snying dbus su thim pa dang mnyam du rang nyid skad gcig gis rje btsun 'jam dpal dbyangs a ra pa tsa na sku mdog dmar ser zhal gcig phyag gnyis g.yas shes rab kyi ral gri sdo sang nge nam mkha' la 'phyar zhing/ g.yon pa'i mthib srin gyis utpal la'i yu ba thugs kar 'dzin cing/ snyan gyi 'thad kar 'dab ma kha phyed pa'i steng du stong phrag brgya ba'i gleg baM rang sgra sgrogs bzhin pa bsnams pa/ mtshan bzang po sum bcu rtsa gnyis dang/ dpe byad bzang po brgyad cus spras pa/ sku la lha rdzas kyi stod g.yogs dang smad g.yogs mdzes par gsol ba/ 'od kyi phung po'i dkyil na zhabs gnyis rdo rje skyil krung gis bzhugs pa'i rnam pa can du gsal legs par btab/ de'i thugs kar zla ba'i dkyil 'khor gyi steng du d+hIH yig 'od zer kha dog lnga ldan ring cha tshig drag dang bcas pa phyen 'greng gi rnam pa can/ de'i mthar ral gri so gnyis ma rtse phyir bstan pa drug 'od 'tsher pa'i rnam pa can du gsal btab nas sgo nga'i steng du mdun nas brtsams te oM a ra pa tsa na byen 'breng ? gi rnam pa can rang sgra sgrogs bzhin pa gsal legs par btab/ dbus kyi d+hIH las 'od zer 'phros/ mtha' bskor gyi sngags 'phreng la phog /de dag las lha mo dkar mo bum pa dkar po bdud rtsi dkar pos gang ba thogs nas/ rang nyid d+hIr bsam pa la @070b khrus gsol bas ma dag pa 'khrud pa'i dmigs pa sbyangs/ d+hIH yig sngags 'phreng dang bcas pa las 'od zer phyogs bcur 'phros/ phyogs bcu'i rgyal ba sras bcas thams cad kyi sku gsung thugs kyi byin rlabs thams cad rje btsun 'jam dbyangs kyi sku che chung dpag tu med pa'i rnam par spyan drangs te d+hIH yig sngags 'phreng dang bcas pa la thim pas rab 'byams shes bya'i gnas mtha' dag la mun khung du sgron me sbar ba bzhin gsal lhag ger gyur nas 'chad rtsod rtsom gsum gyi blo gros thogs med du rgyas byung snyam du bsam pa ni gnad dam pa'o/ /skabs 'gar tshig don go dka' ba sogs byung tshe sngar ltar d+hIH yig las 'od zer 'phros/ sangs rgyas byang sems thams cad kyi mkhyen rab/ mkhas pa paNTi ta lha mi'i drang srong rig 'dzin rnams kyi mi 'phrog pa'i mkhyen rab thams cad gang mi go ba'i 'thad kyi gsung rabs de'i tshig don yi ge'i rnam par spyan drangs te/ rang nyid 'jam pa'i dbyangs su gsal ba la thim pas/ tshig don de dag phyin ci ma log par rang rgyud la gsal lam lam shar ba'i mos pa yang yang byed/ 'di ni shin tu gsang ba'i gdams pa'o/ /mjug tu gang tshe blta bar sogs kyi gsol 'debs dang/ smon lam dkyus la 'jug par bya'o//) gar 'gro 'dir 'gro med pa yi/ /gser min rag min bzlas dmigs 'di/ /gang gi mgul ba rab brgyan te/ /khyod thugs dbyings su 'jug gyur cig /(zhes pa 'di yang gang gi thugs smos bzhin ^ gnyis med seng ge nas bris pa'o// ! //rjes 'dzin smon tshig 'dod rgu'i mchog sbyin zhes bya ba bzhugs so/) /na mo badzra d+hA ra ya/ /rgyal kun yab gcig rje btsun 'jam dpal dbyangs/ /kun mkhyen mnyam med rje btsun tsong kha pa/ /bka' drin @071a @#/ /mtshungs med gsum ldan mai tri'i mtshan/ /rnam gsum dbyer med byang chub bar du mchod/ /bstan pa'i dbang phyug khyab bdag 'khor lo'i mgon/ /drin can bla ma sang+ga'i mtshan can zhabs/ / bdag snying ze 'bru'i dbus su rtag bzhugs nas/ /rnyog bral mgo la dri bzang 'dzin gyur cig /deng nas tshe rabs lha yi lam yangs por/ /mi khom chu 'dzin skyon dang legs bral nas/ /dal brgyad 'byor bcu'i rta ljang rlung shugs kyis/ /drangs te nyi gzhon rtag tu gsal gyur cig /tshe rabs kun tu khyab bdag rdo rje 'chang/ /gang du bzhugs shing gang du 'tshang rgya pa/ /de yi 'khor gyi thog mar legs gyur te/ /gsang mdzod 'dzin pa'i sras su bdag gyur cig /khyad par ma 'ongs cha bsags grong khyer du/ /stobs kyi 'khor bsgyur chen po'i sras nyid du/ /mngon par bzhengs tshe bdag sogs 'khor bcas rnams/ /zab gsang chos kyi bdud rtsis rtag rol shog /(ces rjes 'dzin smon tshig 'dod rgu'i mchog sbyin zhes bya ba 'di yang mgon po gang gi slob bu'i tha shal ba rmongs brtul gnyis med seng+ge'i ming can nas sug bris su bgyis pa dza yantu/) ! /rjes 'dzin gsol 'debs gzhan gzer led 'dod mthong ba 'dzum mtshor zhes bya ba bzhugs so/ /na mo gu ru shrI kA la tsa kra ye/ khyad bdag gsum ldan tshul khrims phun tshogs rje/ /'khor lo'i mgon po bstan 'dzin dbang rgyal dang/ / @071b dus dgra'i rnam 'phrul khyab bdag swo ma'i mtshan/ /rnam gsum dbyer med byang chub bar du mchod/ /rigs kun bdag po snang mtha'i zlos gar mchog /thub dbang bstan pa'i nyi ma chos kyi rgyal/ /gsum ldan rdo rje 'chang dbang dge legs mtshan/ /bka' drin mnyam med snying gi ze 'brur bsten/ /grangs med lus sprul gus pas phyag 'tshal zhing/ /rmad byung kun tu bzang po'i mchod pa 'bul/ /thogs med nas bsags sdig ltung so sor bshags/ /rgyal sras kun gyi dge la rjes yi rangs/ /zab rgyas chos kyi 'khor lo bskor bar bskul/ /bskal brgyar mya ngan mi 'da' bdag gsol 'debs/ /dus gsum dge tshogs zung 'jug thob phyir bsngo/ / rin chen sa gzhi me tog gcal du bkram/ /ri rab gling bzhi zla nyi sgra gcan dang/ /dus me dang bcas dus gsum dge ba'i tshogs/ /maNDal chabs gcig rje btsun bla mar 'bul/ /bdag pos bzung dang ma bzung dngos po'i tshogs/ /rang gzhan kun gyi sgo gsum ci nus su/ /babs pa'i bsags dang bsags 'gyur dge ba kun/ /rmad byung kun bzang mchod sprin dam pa 'bul/ /brtse chen thugs rjes bzhes nas bdag sogs rnams/ /deng nas byang chub snying po ma thob bar/ /mgon po mchog gis rtag tu rjes bzung ste/ /zab lam rim gnyis snod du bdag gyur cig /deng nas tshe rabs kun tu mgon po khyod/ /la lar rab byung la lar @072a @#/ /khyim pa yi/ /rtul shugs bzung nas 'gro don mdzad pa'i tshe/ /bdag kyang 'khor gyi thog mar rjes 'dzin mdzod/ /de'i tshe phyi nang gzhan gsum dus 'khor lo'i/ /zab gsang bstan pas bdag rgyud legs smin te/ /rim gnyis khyod gsung ji bzhin nyams blangs nas/ /stong gzugs phyag chen go 'phang myur thob shog /(ces rjes 'dzin gsol 'debs gzhan gzer led 'dod mthong ba 'dzum mtshong zhes bya ba 'di yang/ rnam mang yon tan du ma'i mdzod 'dzin chen po zin bsam 'grub gling bar grags pa'i sku skyes rgyud pa khri zur pas stong shob tshig 'das yang yang sbyan pa'i zug gzer ma bzod tsam gyi ngang nas/ dge ming ^ chos kyi rdo rjes kha nas gang dran thol byung du smras pas nyi bu'i dgra las rnam par rgyal bar gyur cig /sarba dza ga taM// //)