@001a @#/ /'jam mgon rgyal pa gnyis ba la bstan pa'i snying po
gsal bar mdzad pa'i tshul las brtsams te bstod pa don dang ldan
pa zhes bya ba bzhugs so//

@001b @##/ /gang zhig bshad dang sgrub pa yis/ /rgyal ba'i dgongs
pa bla na med/ /smra dang gzigs pa'i mchog gyur pa/ /rton 'byung
gsal mdzad de la 'dud/ ! /brgyad khri bzhi stong

chos kyi sgo/ /ji snyed rgyal bas gsungs pa kun/ /gang du gzhol
zhing 'bab pa'i gnas/ /rten cing 'brel 'byung 'di kho na/ /ci
phyir zhe na 'gro kun gyi/ /chud pa'i skyon mang drungs 'byin
pa'i/ /sman dang

rig sngags rgyal po yang/ /chos tshul 'di las gzhan na gang/ !
/de phyir rgyal ba ston pa yi/ /bstan la 'od byed nyi ma dang/
/'gro ba'i dbugs 'byin zla ba yang/ /mtshungs pa med pa khyod du
nges/ ! /zhi lam

de bzhin nyid ston pa'i/ /sa mkhan rang bzhin brjod pa ni/ /chos
kyi rjes 'gro dad pa'i sgo/ /mi mnyam che ba'i gter du nges/ !
/'phags yul mkhas rnams gzur gnas pas/ /rang blo'i spobs bzhin

@002a @#/ /grub mtha' 'dzin/ /'di na thams cad dbu ma'i gral/
/bsnyegs kyang blo yis ma lcigs pas/ /skyen mtha' bzhir nges
kyang de/ /khegs phyir skye ba yod min la/ /tha snyad blo

yi snang ba ni/ /'khrul phyir don du mi 'gyur zhes/ /rang bzhin
med la bden bzhi dang/ /skyabs gsum las 'bras la sogs pa/ /med
par thal pa dngos smra'i gtam/ /dang du len bzhin dbu mar

smra; ;dngos smra rigs pa'i lugs 'dzin pas/ /bden stong rigs pas
bkag nas dor/ /'di na rigs pas 'gog bzhin du/ /'thad par sgrub
pa kye ma ho/ ! /kha cig chad par dogs pa yis/ /ma

skyes mi 'gyur ltos med bdag /bkag tsam dbu mar 'khrul pa yis/
/grub mtha' rnam bzhi gcig tu 'gyur/ ! /la la dgag bya'i mtshams
kyi 'ben/ /gtad med phyogs char gcod pa yis/ /stong par

@002b 'khrul yang 'char sla la/ /rten 'brel bshig pa smad pa'i
gnas/ ! /rtag chad gnyis ka'i g.yangs la/ /'jigs phyir dbu mar
'jug dka' yi/ /dgag pa'i phyogs gcig tsam nyid na/ /de ni gang
las dbu mar brjod/ /

de phyir mkhyen pa'i gter gyis kyang/ /snang stong nye ring mi
bya zhes/ /yod dang med pa'i mtha' gnyis las/ /khyod kyi thugs
ni yongs su bzung/ ! /phyag rdzogs gsal stong 'dzin med ces/
/'gro 'ong gzugs can ltar med

dang; ;'byung 'jig rags pa'i mi rtag tshul/ /mthong bya ma mthong
brgyal 'dra'am/ /gzugs sum grub gsal rig tsam/ /myong la bden
mthong rlom 'chang zhing/ /phyogs glang grags pa sogs kyis
kyang/ /de nyid ma

mthong smra ba mtshar/ /kha cig ma btsal skyong bar rlom/ /la la
btsal yang skyong tshe stor/ /bzung yang dpyod med 'jog sgom
tsam/ /lta la mkhas pa min par gsungs/ ! /nyams myong brda yi
tshig thang de/ /phan 'ga' srid

kyang go lu ba mang/ /dgag sgrub sbyor ba kun tshang ba/ /khyod
gsung thar 'dod yongs kyi gsos/ ! /yod dang med pa'i phyogs 'jig
pa/ /bdag nyid chen po khyed dag ni/ /stong dang rten 'byung don
gcig par/ /gsung mchog

mtshungs pa med par bzhed/ /ston pa mchog der bstod pa'i sgo/
/kun gyi bla mar gyur pa yang/ /rten cing 'brel 'byung gsungs pa
ru/ /klu sgrub zhabs dang khyod kyis gzigs/ ! /shas cher stong
la mos blo yis/ /rten cing

@003a @#/ /'brel 'byung 'gog byed pa/ /snang bas bsgribs pa de
dag gi/ /blo mun stug po gang gis sel/ /lta bas rang bzhin btsal
pa'i phyir/ /ma rnyed pa yis khegs 'gyur la/ /ma rnyed gdags

gzhi 'gog min pas/ /rjes kyi ming tsam lhag mar mthong/ /ming
tsam der yang bya byed kun/ /bsnyon med myong bas grub pa yi/
/rjes 'gro skyon yon blang dor kun/ /brtson pas spyod pa rnam
par dag /snang stong rim pas

chad rtag mtha'/ /sel ba grub mtha' kun 'dod kyang/ /bzlog ste
smra ba 'di kho nas/ /brgyud ma'i klan ka mtha' dag bsal/ !
/bdag bstan rgyu 'bras rtogs pa'i phyir/ /gsung rab ma lus gdams
par shar/ /'gar yang

mi bde ma mchis pas/ /lta ba'i dpyad pa yongs su rdzogs/ !
/dpyad bzod shes pa ma grub cing/ /phyi don snang ba bsnyon med
pas/ /kun gzhi rang rig yod min la/ /don dang zhig pa dngos por
sgrubs/ /mdor na ngo bos

stong pa dang/ /phan tshun brten nas btags pa gnyis/ /'gal med
grogs su shar ba yis/ /rnam gzhag thams cad 'thad par gzigs/ !
/nyon mongs 'ching gcod klu sgrub kyi/ /lta ba'i ral gri 'dzin
byed pa/ /sgom pa'i

dpung pa brtan po'i thabs/ /mtha' yas sa sde bzhin du gsungs/
/bod sgom gzhung du mi 'tshol bar/ /med sar 'bad pas 'tshol zhing
skyong/ /drod rtags phra mos rlom rnams kyi/ /sgom pa'i man ngag
dpe zla min/ ! /mdor na lta

@003b sgom spyod pa'am/ /rnam dag lhag pa'i bslab gsum srol/
/gzhan las ches cher 'phags pa yis/ /rgyu yi theg pa nyin mor
byas/ ! /gsang chen rgyud sde rab 'byams kyi/ /dbang dang dam
tshig lam dang 'bras/ /kun la gol ba'i mtha' bkag ste//

gsang ba'i gnad kun rdzogs par bkral/ ! /bden med snang stong
lha sku sogs/ /pha rol phyin dang 'og mar yang/ /grags pa tsam
las 'dus pa'i gnad/ /bdag byin rlabs sogs rim pa yi/ /sbas don
snang med gyur pa na/ /rgyud don 'phags

pa yab sras kyi/ /dgongs pa ji bzhin gsal mdzad de/ /pha rgyud
kun gyi srog rtsa bzung/ /phyi nang phyag rgya'i spros pa las/
/gang gis rgyas gdab de nyid don/ /ma mthong rnams kyang mig
phye ste/ /ma rgyud gnad la shid zan btang/ ! /bde stong zung

'jug smra ba na/ /de nyid ya gyal gcig gyur pa'i/ /bden gnyis
dbyer med gtam 'di yang/ /khyod kyis 'jig rten gsum du bsgrags/
! /gsang sngags 'jig rten spyod pa dang/ /lta ba yid byed bkag
tsam du/ /gyur tshe dbang po'i tog gi drung//

dam bcas bzhin du khyod kyis gsos/ /sangs rgyas mdzad pa byed pa
ru/ /lung bstan pa yang mchog 'di ste/ /gang las khyod ni rjes
dran pa'i/ /yon tan zla dang bral ba'ang 'di/ /thub dbang chos
kyi nyi ma de/ /zhi ba'i dbyings su gzhol gyur

nas; ;ring zhig 'das te chos kyi sras/ /rgyal ba'i gdung 'tsho ba
khyod nyid 'khrungs/ /bag yod brtul zhugs lhag bsam spyod/ /bde
stong ting 'dzin mtha' bral lta/ /thub bstan mtha' dag gdan gcig
tu/ /rdzogs pa'i srol 'di khyod kyis

@004a @#/ /phyes; ! /deng dus yab rje'i srol bzang yang/ /snyigs
ma mun pa'i rdul gyis khebs/ /ltar snang bshes gnyen du ma yis/
/skye bo nyam nga'i g.yang du 'khrid/ /kye hud dge ldan bstan
pa 'di/ /dpal dang 'byor

bas rab rgyas kyang/ /bshad dang sgrub pas ches phra ba/ /bsam
kyin snying nas shes pa 'phyo/ /zab rgyas chos kyi de nyid don/
/ji bzhin 'doms pa ches dkon yang/ /'khrul bral khyod gsung
glegs bam rnams/ /gdung sel dbugs dbyung mchog

sbyin 'gyed/ /rgyal kun dgongs pa mthar thug dang/ /dbyer med
gyur pa khyod kyi bstan/ /gang du ji bzhin gnas pa der/ /rtag tu
skye ba 'dzin par shog /phyogs rer ram gyur thos pa'i chos/
/bsam dang sgom pas nyams blangs nas/ /rgyal ba dgyes

pa'i lam bzang po/ /tshang la ma nor rnyed gyur cig /rtag tu 'jam
dbyangs bla ma yis/ /rjes bzung lta bas rgyas btab pa/ /rdo rje
theg pa'i myur lam gyis/ /byang chub bde blag thob gyur cig /ces
'jam mgon rgyal ba gnyis pa la bstan pa'i snying po gsal bar
mdzad pa'i

tshul las bstams te bstod pa don dang ldan pa zhes bya ba 'di ni/
gzhung brgya smra ba'i dbang phyug e la gog san er te ni shri
re ge thu rdo ram pa ngag dbang yon tan gyis bskul pa'i ngor/
btsun pa dkon mchog bstan pa'i sgron mes bshad sgrub bstan pa'i
'byung gnas dpal ldan bkra shis 'khyil du

sbyar ba'i yi ge pa ni dge slong dkon mchog kun dga'o// //