@001a @#/ /shiShTa sya tatwA lo ka na ma manydzunA thadzam dwi tI yaM shA san syam NDa di bakcha ya to na tra gb+ha ya sto trA rtha shtsa ba te ShTi kka te bi ha ra ti sma/ @#/ /'jam mgon rgyal ba gnyis pa la bstan pa'i snying po gsal bar mdzad pa'i tshul las brtsams te bstod pa don dang ldan pa 'i rgya cher 'grel pa bstan pa'i de nyid snang ba zhes bya ba bzhugs so// @001b @#/ /sgrib gnyis gnyis snang dri ma kun spangs shing/ /mkhyen rab rab gsal chos kun de nyid gzigs/ /gzhan phan phan bde'i lam bzang gsal mdzad pa/ /thub dbang dbang po'i tog gyur de la 'dud/ /mkha' la snang byed nam mkha'i nor bu dang/ /ri bo'i 'phreng ba'i dbus na ri dbang bzhin/ /rgyal ba'i mdun na zla bral rgyal ba'i sras/ /snying stobs chen po'i zhabs la snying nas 'dud/ /gang tshe gang gis ji ltar dam bcas bzhin/ /mdo sngags bstan pa'i snying po ma lus pa/ /nyi ltar gsal mdzad 'jam mgon bla ma la/ /bka' drin dran pas dad pas phyag bgyi'o/ /rab 'byams thub ba kun gyi mdzad pa'i khur/ /gcig tu bsnams nas 'gro ba'i mgon mdzad pa/ / @002a @##/ /de yi yon tan rang bzhin brjod pa'i gtam/ /don ldan snying po mdo tsam dbye bar bya/ /de'ang rgyal ba'i sras kyi spyod pa kun las rab dang rtse mor gyur pa zab mo'i lta ba dang gsang chen rdo rje theg bzung du 'jug pa'i lam bzang 'khor ba ji srid bar 'jig rten kun tu gsal bar byed pa'i thugs bskyed kyi go cha 'gos pa na phyogs bcu'i rgyal ba sras dang bcas pas mgrin dbyangs gcig gi sgo nas snying stobs chen po zhes ched du brjod pas ched du brjod pa rang cag rnams kyi 'dren pa gcig pu 'jam mgon bla ma tsong kha pa chen po ni nges pa'i don du mgon po 'jam pa'i dbyangs dang dbyer ma mchis pas/ gshin rje'i gshed dmar po sogs kyi rgyud dang zla ba'i 'jug 'grel las 'byung ba ltar rgyal ba ma lus bskyed pa'i yab gcig tu gyur cing/ rgyal ba @002b kun gyi mdan na gsung gi gsang ba 'dzin pa'i sras kyi thu bo'i tshul du'ang bzhugs pa sogs slob pa dang mi slob pa'i rnam pa cir yang ston te/ la lar bltam zhing zhing gzhan du yang byang chub tshul ston ston pa khyod kyi sku yi ni/ /bkod pa mchog 'di 'di dang gzhan du ma lus 'gro kun kun mkhyen gyur kyang brjod mi nus/ /gsungs pa ltar bsam brjod kyi yul las 'das na'ang phyogs gcig tsam zhig brjod par bya ba la mdo sde rgyan las/ gang phyir dang por nges par bya ba 'di dka' ste/ /de ni bskal pa stong phrag du mar bsgrub par dka'/ /gang zhig grub na sems can phan byed don chen de/ /zhes gsungs pa bzhin thog mtha' bar gsum gyi rnam par thar 'che long bsdus na/ dang po'i thugs bskyed tshul/ bar du spyod pa la bslab tshul/ mthar sangs rgyas tshul gsum du 'dus shing/ thugs bskyed tshul bdag cag gi ston pa lta bu la mdo sde bskal bzang/ drin lan bsab pa/ mdo myang 'das/ gsang ba bsam gyis mi khyab ba sogs las thugs bskyed tshul du ma zhig gsungs pa dang/ sangs rgyas tshul yang phyogs mtshams kyi zhing tha dad pa dang/ 'das dus bskal pa dpag med nas sangs rgyas tshul dpa' bar 'gro ba'i ting nge 'dzin gyi mdo dang yab sras mjal ba sogs nas 'byung ba mi 'dra ba sna tshogs yod pa ltar/ rje bla ma la'ang rgyal bo nam mkhar gyur pa'i tshe thugs bskyed tshul sogs dang/ mthar rgyal ba kun gzigs/ sangs rgyas spyan legs/ sangs rgyas ye shes dbang @003a @#/ /bo/ de bzhin gshegs pa ye shes 'byung gnas 'od sogs su 'tshang rgya ba'i bshad tshul mang ngo/ /'on kyang 'dir rgyal ba kun gyi thugs kyi bcud/ rgyal sras kyi spyod pa mtha' dag gi rab dang rtse mor gyur ba bstan pa'i snying po zab mo dbu ma'i lta ba dang/ gsang chen rdo rje theg pa zung du 'jug pa'i lam bzang 'di nyid 'dzin skyong spel ba khur du bzhes pa'i khyad par gyi sems bskyed 'di'i dbang du byas nas 'chad la/ tshul des dang por thugs ji ltar bskyed pa dang/ mthar ngo mtshar rmad byung bkod pa'i zhing du rgyal ba seng ge'i nga ror sangs rgyas te phyi ma'i bskal ba mu mtha' yas par mdo sngags zung du 'brel ba'i chos kyi dga' ston 'gyed par 'gyur ba'i tshul gnyis kyang rnam dag gangs rim zhes rje bla ma gang du mngon par 'tshang rgya tshul las brtsams pa'i bstod pa mkhas grub smra ba'i nyi mas mdzad pa dang/ de'i rnam bshad kho bos bris ba sogs las shes par bya la/ 'dir ni bar du spyod pa la bslab tshul gtso bor byas te bshad par bya'o/ /de'ang lha mo dpal 'phreng gis zhus pa'i mdo las/ byang chub sems dpa'i smon lam gang+ga'i klung gi bye ma snyed gang lags pa de dag thams cad kyang 'di ltar dam pa'i chos yongs su gzung ba'i smon lam chen po gcig gi yongs su 'dus shing khongs su chud de/ bcom ldan 'das dam pa'i chos yongs su gzung ba ni de ltar yul che ba lags so/ /zhes dang/ bzang spyod las/ rgyal ba rnams kyi dam pa'i chos @003b 'dzin cing/ /byang chub spyod pa kun tu snang bar byed/ /ces gsungs pa ltar/ bar du gang la bslab pa'i yul gyi spyod pa'i gtso bo ni dam pa'i chos 'dzin pa dang/ de'i nang nas kyang chos kyi nyid khu zab mo'i lta ba dang gsang sngags zung 'brel du byas nas 'dzin par de nyid yin no/ /de'ang rgyal ba dbang po'i tog 'jig rten du byon phyin ched du bskal ba bgrang las 'das shing brjod du med ba zhig song tshul la bsras mjal ba'i mdo klu sgrub kyis mdo kun btus su drangs ba ltar yin pas de thams cad kyi skabs su lam bzang 'di nyid spel ba yin la/ bstan pa 'di tsam gyi dbang du byas na'ang 'khrungs rabs du mar bstan ba'i srog shing mdzad tshul rnam thar gyi yi ge rnams dang/ klong rdol grub dbang rin po ches rje'i sku 'phreng gi grangs 'dren gsungs pa rnams su 'byung ba ltar dang/ mdor na bka' gdams glegs bam las/ 'di yi sprul pa dam pa zhig /bstan gnas bar du yang yang 'ongs/ /zhes pa ltar yin pas bsam gyis mi khyab bo/ / des na 'dir sku tshe 'di nyid gcig pu'i dbang du byas te bstan pa'i snying po gsal bar mdzad pa'i tshul las brtsams te 'chad pa la gnyis/ dngos kyi don dang/ de'i rjes su slob pa'i phyir smon pas mtshams sbyor ba'o/ /dang po la'ang mdor bstan/ rgyas bshad gnyis las/ dang po ni/ gang zhig bshad dang sgrub pa yis/ /rgyal ba'i dgongs ba bla na med/ /smra dang gzigs pa'i mchog gyur pa/ /rten 'byung gsal mdzad de la 'dud/ /ces gang zhig thos bsam gyis @004a @#/ /legs par gtan la phab ste bshad pa dang/ sgom pas nyams su blangs te tshul bzhin sgrub pa'i sgo nas rgyal ba'i dgongs ba dang bstan pa'i snying bo bla na med pa phyin ci ma log par sgrub dang/ ji lta ba bzhin gzigs pa'i mchog tu gyur pa 'jam mgon bla ma tsong kha pa chen po la zab mo rten 'byung gi de kho na nyid gsal par mdzad pa'i yon tan rjes su dran pa'i sgo nas gus pa skyed pa'o/ /'dir rten 'byung zhes pa rgyu 'bras kyi rten 'brel tsam la mi bya bar mtha' bral stong pa nyid kyi don du bya dgos te/ rtsa shes rab byed nyer bzhi par/ rten cing 'brel par 'byung ba gang/ /de ni stong pa nyid du bshad/ /de ni brten nas gdags pa ste/ /de ni dbu ma'i lam yin no/ /zhes dang/ rtsod zlog las kyang; gang zhig stong dang rten 'byung dag /dbu ma'i lam du don gcig par/ /zhes de gsum rnam grangs su gsungs so/ /des na 'dir mdo sde kun gyi bla mar gyur pa shes rab kyi pha rol tu phyin pa'i don zab mo stong pa nyid kyi rnam gzhag gsal bar mdzad tshul dngos su mdor bstan pa'i shugs kyis sngon rgyal ba dbang po'i tog gi spyan sngar dam bcas ba bzhin zab mo'i lta ba dang nye bar 'brel ba'i gsang sngags kyi bstan pa'i snying po gsal bar mdzad tshul yang mdor bstan pa yin te/ rdo rje theg ba'i don gsang sngags spyi'i dbang du byas na snyim tog las/ rdo rje theg pa zhes bya ba ni theg pa chen po ma lus ba bsdus pa pha rol tu phyin pa drug yin la/ de rnams bsdus pa ni thabs dang shes rab yin zhing/ @004b de dag kyang bsdus pa ro gcig pa de ni byang chub kyi sems yin te/ de'ang rdo rje sems dpa'i ting nge 'dzin yin la/ de nyid ni rdo rje yin no/ /zhes thun mong lam sbyang gi yang dag pa'i lta ba de nyid gzhir byas te de'i gzung rnam lha'i skur shar pa'i thabs shes dbyer med dam zab gsal gnyis su mi phyed pa rdo rje'i don yin zhing/ bla med kyi thun mong ma yin pa'i dbang du byas na dbang mdor bstan las/ stong nyid gzugs 'dzin rgyu yin te/ /'bras bu snying rje mi 'gyur 'dzin/ /stong nyid snying rje dbyer med pa/ /byang chub sems zhes bya bar bshad/ /ces rgyu'i theg pa'i skabs kyi lu la stong pa nyid de 'bras bu sngags kyi theg pa nas bshad pa'i yul can khyad par ba lhan skyes kyi bde bas mngon du byas te bde stong dbyer med du sbyor ba rdo rje theg pa'i don du gsungs pas/ 'dir yang yul dngos su bstan pa'i shugs kyis de dang ro gcig tu zhugs pa lhan cig skyes pa'i ye shes kyang ston pa yul gyis yul can mtshon tshul yin pa'i phyir dang/ mdo sde las bka' thams cad stong pa nyid la gzhol bar gsungs pa dang/ rgyud las de thams cad 'od gsal gyi ye shes la gzhol bar gsungs pa gnad gcig tshul yang 'di yin pas so/ /gal te rje bla ma'i legs bshad snying por/ gang zhig gzigs shing gsungs pa zhes gsungs la/ 'dir smra dang gzigs pa zhes go rim de las bzlog pa ci yin snyam na/ snga ma ni rigs pa drug cu pa dang/ mdzod tshad ma mdo sogs las 'byung ba ltar skye shi'i sdug bsngal gyi rtsa ba kun tu rmongs pa'i mun ba zad par spangs pas blang dor @005a @#/ /gyi gnas kun mngon sum du gzigs te tshad ma'i skyes bur gyur ba rang don phun sum tshogs pa'i tshul dang/ de nas 'khor ba'i 'dam du bying ba'i 'gro ba rnams la yan bar bzhed pa thugs rje'i gzhan dbang du gyur te bden bzhi'i 'jug ldog gi rten 'brel zab mo ji lta ba bzhin bstan nas de las skyob ba'i gzhan don phun sum tshogs ba sgrub tshul bstan pa'i bdag po dang ston pa'i dbang du byas pa yin la/ 'dir ni/ ston pa'i dam chos rnam gnyis te; ;lung dang rtogs pa'i bdag nyid do/ /de 'dzin byed pa smra byed pa/ /sgrub par byed pa kho na yin/ /zhes pa ltar lung gi bstan pa thos bsam gyis gtan la phab ste bshad pa'i sgo nas 'dzin pa dang/ /rtogs pa'i bstan pa sgom pas nyams su blangs te sgrub pa'i sgo nas 'dzin pa bstan 'dzin gyi skyes bu'i dbang du byas pa'i bstod tshul yin no/ /'di ni/ dang po rgya chen thos pa mang du btsal/ /zhes sogs ltar rje bla ma'i snang tshod kyi sku tshe 'di'i rtogs pa brjod pa'i don bsdus pa yin zhing/ rjes 'jug thar 'dod kun kyang rgyal ba'i bstan pa la slob tshul gyi gnad tshang la ma nor ba'i las kyi spyi sdom lta bur yang go dgos te/ mdzod las/ tshul gnas thos dang bsam ldan pas/ /sgom pa la ni rab tu sbyor; ;zhes gsungs pa ltar ro/ /'di ni rgyal ba'i bstan pa spyi la slob tshul yin pas bye brag mdo sngags gang la slob kyang tshul de ltar sbyor dgos te/ thar 'dod kyis nyams su blang bya'i spyod pa mtha' dag bsdus na 'phags ba lhas @005b spyod bsdus su gsungs pa bzhin gsum du des pas/ dang po dman pa 'khod pa chags bral gyi spyod par slob pa la so sor thar pa'i sdom pa gzhir byas te theg pa 'og ma dang thun mong ba'i sde snod la thos bsam sgom gsum gyis slob dgos/ rgya chen po la mos pas dang pha rol tu phyin pa'i spyod par slob pa la byang chub sems dpa'i sdom pa gzhir byas te theg chen thun mong ba'i sde snod la thos bsam sgom gsum gyis slob dgos/ zab mo la mos pa chags bcas kyi spyod par slob pa la rig 'dzin gyi sdom pa gzhir byas te rdo rje theg pa'i gzhung la thos bsam sgom gsum gyis slob dgos pa'i phyir ro/ /de ltar thos bsam sgom gsum yam bral bar byas na gcig gi gegs gcig gis bsal/ gcig gi grogs su gcig 'gro bas yon tan mtha' dag mtsho nang gi padma bzhin du rgyas bar 'gyur te/ mdo sde rgyan las/ 'di na dang por thos la brtan nas tshul bzhin yid la byed pa 'byung/ /tshul bzhin yid la byed las yang dag don yul yi shes 'byung/ /zhes gsungs ba bzhin phan tshun rten dang brten pa med du mi rung ba'i 'brel pa can yin gyi/ 'ga' zhig rnam grol sgrub byed kyi thabs dngos gzhi sgom sgrub yin gyi/ thos bsam la mi ltos so snyam pa ni thar ba'i rtsa ba gcod pa'i log rtog chen po yin te/ dpal ldan dpa' bos/ thos nyung dmus long sgom pa'i tshul mi shes/ /de med des ko ci zhig bsam par bya/ /zhes pa ltar thos pa med na sgom byed tshul mi shes pas bsgom 'dod kyang 'dod pa tsam @006a @#/ /du zad pa'i phyir ro/ /'di lta bu thos bsam sgom pa phan tshun gcig gis gcig go 'gog pa lta bur 'byung ba ni byed tshul ma mkhas pa'i skyon yin te/ bka' gdams glegs bam las/ /nga thos dus tsan bsam sgom ba sdo/ /bsam dus tsan thos sgom bsngo/ /sgom dus tsan thos bsam bsngo/ /gsungs pa ltar byed tshul gyi gnad la mkhas na gdan thog gcig tu 'grub pa zhig yin no/ /la la mdo phyogs la de ltar yin kyang gsang sngags rdo rje theg pa ni rtog ge'i spyod yul ma yin zhing gsang sngags mos pa lam byed ces 'byung bas thos bsam rgya mi skyed par mos gus dang yid ches kyis nyams su blangs na des cho ga snyam ba'ang shin tu mi rigs pa brtag gnyis dka' 'grel mu tig phreng ba las/ blo gros med la thos med ma thos pa la bsam ba med/ /gnyis bral rnal 'byor med cing rnal 'byor bral la dngos grub med/ /gsungs pa bzhin yin pas rdo rje theg par slob 'dod na'ang/ dang po nyan pa'i shes rab kyis/ /tshig gi rgyud la thos bskyed/ /de nas bsam pa'i shes rab kyis/ /tshig dang don du 'brel ba bslab/ /ces rgyan bdun dgrol ba las gsungs pa bzhin du byed dgos so/ /'jam mgon bla ma tsong kha pa chen pos ni ka rI ka lnga bcu ba nas rgad rgyal gsang ba 'dus pa'i bar mdo sngags kyi gsung rab mtha' dag yi ge na gcig kyang 'dor rgyu med par thos bsam gyis gtan la phab/ rung chu 'deb ba tshun chad kyi 'dul ba'i bcas rkyang phra mo nas bden gnyis dbyer med zung 'jug gi bra rtags pa'i bstan pa mtha' dag sgrub las nyams su zhes nas thos @006b bsam sgom gsum mnyam du mthar phyin par mdzad pa yin te/ ma las pa'i dbang po stag tshang pas kyang/ byang phyogs 'di na tshig la byang ba dkon/ /don la sgro 'dogs chod pa de bas dkon/ /bstan don nyams su len pa srid mtha' tsam; ;de gsum mthar phyin khyod la snying nas 'dud/ /ces thugs gzu bor gnas pa'i sgo nas bsngags ba brjod ba bzhin no/ /gnyis brgyas par bshad pa la gnyis/ bstod pa'i sgo mchog tu gyur pa ngos bzung ba dang/ sgo de nyid nas bstod pa'o/ /dang po la yul rten 'byung gi de kho na nyid yul can 'od gsal gyi ye shes dang bcas pa bstan pa'i snying por bsgrub pa/ de'i sgo nas rje bla ma bstan 'dzin kun gyi gtsug rgyan du bstan pa/ des na bsngags pa brjod pa'i sgo'ang 'di nyid mchog tu bstan pa dang gsum/ dang po ni/ brgyad khri bzhi stong chos kyi sgo/ /ji snyed rgyal bas gsungs pa kun/ /gang du gzhol zhing 'bab pa'i gnas/ /rten cing 'brel 'byung 'di kho na/ /ci phyir zhen 'gro kun gyi/ /rgud pa'i skyon mang drungs 'byin pa'i/ /sman dang rig sngags rgyal po yang/ /chos tshul 'di las gzhan na gang/ /zhes byung/ de'ang ston pa thub pa'i dbang pos 'gro ba rnams nyon mongs la spyod pa'i sgo ji snyed bde dang mthun par chos kyi phung po'am sgo brgyad khri bzhi stong gsungs na'ang/ de thams cad gang du gzhol zhing 'bab pa'i gnas ni zab mo rten cing 'brel par 'byung ba bdag med pa'i de kho na nyid gcig pu yin te/ ting nge 'dzin rgyal po las/ 'jig rten khams ni snyong phrag tu/@007a @#/ /da yis chos rnams gang gsungs pa/ /yi ge tha dad don gcig ste/ /yongs su bskrag par nus ma yin/ /dngos po gcig ni bsam byas na/ /de dag thams cad sgom gyur te/ /sangs rgyas kun gyis chos mang po/ /ji snyed rab tu bstan pa rnams/ /chos rnams kun gyi bdag med yin/ /zhes gsungs shing/ rtsa shes las/ sangs rgyas rnams kyis chos bstan pa/ /bden pa gnyis la yang dag brten/ /zhes snang brten 'brel dang stong brten 'brel gnyis ci rigs ston pa las ma 'das par gsungs pa dang/ ka ma la shI las/ bcom ldan 'das kyi bka' thams cad ni legs par gsungs pa ste/ mngon sum dub mang rgyud pas de kho na mngon du gsal bar byed pa dang/ de kho na la gzhol ba nyid do; ;zhes gsungs shing/ de dang mthun par jo bo chen pos/ chos kyi phung po brgyad khri dang/ /bzhi stong gsungs ba thams cad ni/ /chos nyid 'di la gzhol zhing 'bab/ /ces gsungs te/ rje bla mas kyang/ khyod kyis ji snyed bka' stsal ba/ /rten 'brel nyid las brtsams te 'jug /ces gsungs so/ /de nyid gtan la 'bebs pa'i yul can mthar thug ba ni don dam 'od gsal gyi ye shes yin pas/ bshad rgyud rdo rje 'phreng ba las/ chos phung brgyad khri bzhi stong khyab/ /mdor bsdus chos kyi phyag rgya'o/ /zhes dang/ rim lnga las/ sna tshogs mdo dang rgyud rnams su/ /de nyid gang zhig nyer bstan pa/ /thams cad stong ba 'di nyid las/ /der ni gzhan dag ma gsungs so/ /zhes chos kyi phung po thams cad 'di la gzhol bar gsungs @007b te snga ma dang gnad gcig tu 'bab bo/ /de gnyi ga mdo sngags kyi bstan pa'i snying por 'gro ba'i rgyu mtshan yang sangs rgyas kyis chos bstan pa mtha' dag srid pa'i 'gro ba rnams kyi rgud pa sel ba'i ched kho na yin zhing/ rgud ba ma lus ba'i rtsa ba bden 'dzin gyi ma rig pa bag chags dang bcas pa yin la/ de drungs 'byin byed ni de dang 'dzin stangs dngos su 'gal ba bdag med rtogs pa'i ye shes 'ba' zhig yin pa'i phyir/ rtsa shes las/ rga shi dang ni mya ngan dang/ /smre sngags 'don bcas sdug bsngal dang// yid mi bde dang 'khrug pa rnams/ /de dag skye las rab tu byung/ /zhes sdug bsngal gzhan rnams kyi 'byung khungs las nyon gyi skye ba dang/ mngon par 'du byed gang yin pa'i/ /las de dag gis nye bar 'gro/ /zhes de'i rgyu 'phen byed las la rag las shing/ ma rig 'gag par gyur na ni/ /'du byed rnam kun 'byung mi 'gyur/ /ma rig 'gag par 'gyur pa ni/ /shes pas de nyid bsgoms pas so/ /zhes las kyi rtsa ba'ang ma rig ba la thug pas bdag med rtogs pa'i shes rab kyis ma rig ba rtsad nas phyung na rgud pa gzhan thams cad 'byung ba'i gnas med par gsungs la/ de bzhin du bzhi brgyu bar/ yul la bdag med mthong na ni/ /srid ba'i sa bon bgag par 'gyur/ /zhes gsungs shing/ 'di la dgongs nas rje bla mas kyang/ rgud pa thams cad ring du gyur/ /nyes kun rtsa ba ldog phyir ro/ /zhes gsungs so/ /des na spyod 'jug las/ /'gro ba'i sdug bsngal sman gcig bu/ /gsungs pa ltar bstan ba'i cha shas re re bzhin 'gro ba'i sdug bsngal gyi @008a @#/ /nad sel ba'i sman du gyur ba sha stag yin kyang/ srid ba'i nad brgya drungs 'byin pa'i sman mchog tu gyur pa rten 'byung gi de nyid rtogs pa'i shes rab kho na yin pas/ rje bla mas/ mthar 'dzin nad kun sel ba'i sman gcig pu/ /zab mo rten 'brel mtha' dang bral ba'i don/ /zhes gsungs shing/ mtha' bral gyi shes rab de la rig ba chen po'i sngags zhes kyang gsungs te/ sngags kyi skad dod mantra zhes pa'i man yid dang tra so sor phral na ta ra zhes pa skyob pa la 'jug pas/ srid pa phra rags kyi 'jigs pa mtha' dag las yid skyob byed kyi mchog tu gyur pa shes rab de nyid yin pas so/ /de ltar mdo lugs kyi 'khor ba'i gzhi rtsa me thar thug bden 'dzin du gsungs pas de drungs 'byin phyed bden stong mngon sum du rtogs pa'i shes rab yin la/ sngags las bden 'dzin du ma zad de'i bzhin ba'i rlung yang srid pa'i rtsa bar gsungs pas/ de drungs 'byin pa la bden med mngon sum du rtogs pa'i sems rags pa tsam gyis mi chog par rlung dbu mar zhugs gnas thim gsum byas pa las byung ba'i lhan skyes kyi bde ba'i sgo nas stong nyid mngon sum du rtogs ba dgos te/ rim lngags la sgron las/ bdag med rtogs pa'i shes rab btsal nas de bsgom bas sgrib gnyis rtsad nas 'joms pa la mkhas ba'i mchog rnams mthun mod kyang/ de ltar thos bsam gyis legs bar gtan la phab zin nas zab mo stong pa nyid bsgom pa la theg pa 'di nas bshad pa'i yul can khyad par can @008b bde ba chen po dgos pa ni theg pa gzhan dang rgyud sde 'og ma nas mi ston pas theg pa bla na med pa'i khyad chos so/ /zhes dang/ sngar bshad pa ltar theg pa gnyis thun mong ba'i 'khor pa'i 'jug rim shes na de'i rtsa pa bdag 'dzin ldog dgos par shes nas bdag med pa'i lta ba lu thag chod pa tshol ba gcig 'ong la/ thun mong ma yin pa'i rlung gi dbang gis 'khor bar 'jug rim shes na kun rtog g.yo ba'i las rlung ldog dgos par mthong nas de 'gog pa'i thabs lus la gnad du bsnun pa'i gdams pa phu thag chod pa zhig 'ong zhing/ thabs des drangs pa'i bde ba chen pos bdag med pa'i don nges par byas pa'i bde stong sbyor ba'i lam ba snying por byas nas skyong ba 'ong bas gdams ngag gi gnad mi 'phyug go /zhes gsungs so/ /de ltar stod nyid kyi lta ba dang/ de mngon du phyed pa'i gsang sngags kyi thabs khyad par can gnyis ka 'khor ba'i rtsa ba gcod byed kyi gtso bor grub na/ de gnyis bstan pa'i snying por yang bde blag tu 'grub par 'gyur zhing/ sngon rgyal ba dbang po'i tog gi spyan sngar lam gyi dbye ba ji snyed cig yod pa'i nang nas de gnyis dmigs kyis bkar te spel ba'i dam bcas mdzad pa'i rgyu mtshan yang shes par 'gyur ro/ /gnyis pa de'i sgo nas rje bla ma bstan 'dzin kun gyi gtsug rgyan du bstan pa ni/ de phyir rgyal ba ston pa mi/ /bstan la 'od byed nyi ma dang/ /'gro ba'i dbugs 'byin zla ba yang/ /mtshungs pa med ba khyod du nges/ /zhes byung/ de'ang mar mas rang khyim tsam zhig gsal bar byed la nyi ma'i 'od kyis 'dzam gling snang bar byed ba @009a @#/ /bzhin/ gzhung khol 'don re dang nyams len than thun re'i gnad phye ba tsam gyis bstan la spyi la mi lan yang/ sdang smos ba'i mdo sngags kyi bstan pa'i snying po de gnyis gsal bar byas pas bstan pa mtha' dag gi gnad la rmongs pa'i mun pa bsal nas nges pa bde blag tu ster bar byed do/ /de ltar byed tshul yang lung rtogs kyi chos thams cad bsdus na skyes bu gsum gyi lam rim dang/ rin chen 'phreng ba ltar mngon mtho nges legs kyi chos skor gnyis su 'dul/ chung 'bring gi skor rnams chen po'i sngon 'gro sbyor ba yin zhing/ chen po'i lam la pha rol tu phyin pa drug yod na'ang gzhan was rang stobs kyis 'khor ba'i pha rol tu phyin mi nus pas/ de dag pha rol tu phyin par 'jog byed/ zab mo rtan 'brel rtogs pa'i shes rab la rag las pa'i phyir/ sdud pa las/ shes rab med na min med pha rol phyin lnga 'di/ /dmigs bu med pas byang chub reg par nus ma yin/ /zhes so/ /dpal ldan dpa' pos kyang/ sbyin la sogs pa'i bsod nams 'di dag ni/ /shes rab mgon bcas lhag par mthu ldan 'gyur/ /zhes sogs dang/ shes rab mig gsal rnam par phye gyur na/ /byang chub sems dpa' rang gi sha byin yang/ /sman gyi shing ltar rnam par mi rtog par/ mtho 'am dma' bar 'gyur ba de la med/ /ces sogs kyis sbyin sogs lnga yongs su dag par byed pa shes rab la ltos pa dang/ dad la sogs ba'i dbang po'i rnam pa yang/ /dbang po gzhan la glo bzhin shes rab gtso/ /zhes dang @009b sogs dbang po lnga'i nang nas gtso bor gyur ba shes rab yin par bshad la/ gzhan la phan byed ro gcig byams pa la/ /'dod chags 'go ba yongs su spangs pa dang/ /sogs kyis tshad med bzhi dag ba'ang shes rab kyi mthu yin par gsungs so/ /'di dag gis bstan pa'i shes rab kyang 'khor gsum mi dmigs pa rten 'byung sgyu ma lta bur shes pa'i shes rab yin te/ des ma zin ba'i sbyin sogs la dmigs pa dang bcas pa dug dang 'dres pa'i kha zas lta bur sdud pa las gsungs shing/ 'jug pa rtsa 'grel las sbyin sogs la ras? zin ma zin gyi sgo nas 'jig rten las 'das ma 'das su bshad do/ /rin chen 'phreng ba'i don yang 'di dang 'dra ste/ skyes bu'i 'dod bya mngon mtho nges legs gnyis su nges pas lung thams cad de gnyis kyi chos skor dang/ rtogs pa'i bstan pa dang shes gnyis su 'dul/ de gnyis las kyang/ 'di gnyis gtso bo shes rab ste/ /de yi sngon 'gro dad pa yin/ /zhes gtso bo shes rab tu gsungs pa'i shes rab kyang 'di yin no/ /mdor na spyod 'jug las/ man lag 'di dag thams cad ni/ /thub pas shes rab don du gsungs/ /zhes pa ltar/ rags pa'i mi rtag sdug bsngal sogs rtogs pa'i blo dang/ byams snying rje sogs thabs kyi cha thams cad kyang rten 'brel zab mo'i shes rab 'di'i yan lag tu 'du dgos te/ sangs rgyas kyis chos bstan pa thams cad gdul bya thar bar 'khrid pa'i ched yin la/ thar ba ni rgyal dpog ba'i 'jig rten 'dus ba lta bu logs shig na yod pa ma yin par sems kyi dri ma sbyangs ba'i cha la 'jog dgos shing/ de'ang @010a @#/ /gzungs rgyal gyi mdo las nor bu sbyong ba'i dpes gsungs pa ltar dri ma rags pa sngon du ma sbyangs par phra ba sbyong tshul med pa'i gnad kyis yin te/ dpal mgon klu sgrub kyis/ mi rtag stong pa sdug bsngal zhes/ /bya ba gsum po sems sbyong byed/ /mchog tu sems ni spyod byed pa'i/ /chos ni rang bzhin med pa yin/ /zhes gsungs te/ bzhi brgya par rab byed dang po brgyad kyis gtsang bde rtag bdag tu 'dzin pa'i dri ma bsal nas/ phyi ma brgyad kyis de kho na nyid la 'khrid par mdzad pa'ang rim pa 'di'i dbar du byas pa yin no/ /des na nges legs thar pa sgrub pa la med du mi rung ba'i lam gyi gtso bo rten 'byung gi de nyid rtogs pa yin par tshig gsal dang 'jug 'grel las lung bdun dang rigs pa gsum sogs kyis bsgrubs pa ltar yin mod/ thams cad mkhyen pa sgrub pa'i lam gyi gtso bo de ji ltar yin snyam na/ theg chen gyi lam la thabs shes yam bral ba dgos kyang thams cad mkhyen pa thob pa'i gegs kyi gtso bo shes sgrib kyi gnyen po dngos ni shes rab 'di nyid yin gyi thabs kyi cha rnams min no/ /'on kyang 'dis shes sgrib kyi dngos gnyen byed pa la thabs khyad par can rnams yan lag tu dgos te/ dper na shing gnod byed dngos mtshon cha yin kyang de la thabs gzhan gyis ngar blud dgos pa ltar/ shes rab de nyid snying rje dang sems bskyed sogs kyis shes sgrib spong ba la nus pa mthu can du skyed dgos so/ /de'i rgyu mtshan gyis sdud pa las/ shes rab pha rol phyin la bslab par byas rnams kyis/ /pha rol phyin pa thams cad 'dir ni 'dus par @010b 'gyur/ /zhes gsungs te/ theg pa chen po'i mthong sgom gyi lam dang sa bcu sogs don dam sems bskyed kyi sgo nas 'jog cing/ de dag gi skabs kyi thabs kyi cha rnams la so so'i yongs sbyong du bshad ba'i gnad kyang 'di'i sgo nas shes dgos par yod do/ /de ltar na stong pa nyid kyi lta ba gzhir byas te mi rtag sdug bsngal sogs rtogs pa'i shes rab kyi cha gzhan rnams de'i sbyor ba'i tshul gyis bsdus pa dang/ thabs kyi cha rnams grogs kyi tshul du bsdus bas mdo phyogs skyes bu gsum gyi lam rim thams cad 'di'i yan lag tu 'du'o/ /sngags bla med kyi bde stong dbyer med du sbyor ba'i bde chen der thabs kyi cha rnams 'du tshul sambu Tar/ de phyir de rgyas ci zhig bya/ /mdor bsdus pas ni sangs rgyas nyid/ /bskal pa bye ba grangs med pas/ /ji srid sangs rgyas gang thob pa/ /gang gi dam pa'i bde bas khyod/ /skye ba 'dir ni thob par 'gyur/ /zhes pa'i dgongs ba rje bla mas/ phar phyin thog pa'i bsod nams kyi tshogs rgya chen po'i dod thub ba'i lam gcig gnyug sems bde ba chen po'i ngo bor skyes bas stong nyid la rtse gcig tu bzhag pa'i mnyam gzhag gi gnas skabs na yod par go nus so/ /zhes gsal bar mdzad pa bzhin byed las tshang ba'i sgo nas bsdus pa yin la/ sgyu 'od gnyis las sgyu lus kyis bsod nams kyi tshogs mtha' yas pa'i dong thub tshul yang 'di la thug go; ;de'i ya gyal gyi 'od gsal dang/ snga ma'i stong pa'i cha la shes rab kyi rtog rigs rnams 'du tshul phar phyin theg pa dang 'dra'o/ /nges na gnad kyi snying po de gnyis gsal bar byas pas mdo sngags kyi bstan pa yongs su rdzogs pa nyin mo bzhin du gsal bar byas @011a @#/ /par 'gro la/ de'i stobs kyis srid pa'i rgya mtshor bying ba'i 'gro ba rnams dbugs 'byin pa'i skyob ba bla na med pa la 'gyur tshul gong du bshad pa rnams kyis 'grub bo/ /de lta bu'i bstan 'gro'i don gyi mdzad pa rlabs che ba rje bla ma dang mtshungs pa zhig gangs can gyi ljongs 'dir mthun snang du su'ang ma byung bas blo gzu bos brtags na rje bla ma nyag gcig bstan 'dzin mkhas pa kun gyi gtsug gi rgyan du nges ba rnyed par 'gyur ro/ /gsum pa des na bsngags pa brjod pa'i sgo'ang 'di nyid mchog tu bstan pa ni/ zhi lam de bzhin nyid ston pa'i/ /sa mkhan rang bzhin brjod pa ni/ /chos kyi rjes 'gro dang po'i sgo/ /mi mnyam che ba'i gter du nges/ /zhes byung/ zhi ba mya mngan las 'das pa'i go 'phang don du gnyer ba rnams kyi bgrod pa gcig pa'i lam zab mo rten cing 'brel bar 'byung ba'i de kho na nyid rgyal ba'i dgongs pa bzhin du bstan te/ 'gro ba yong ba mgon med ba rnams rtag chad gnyi ga'i g.yang du mi ltung bar lam bde ba nas bde bar 'khrid ba'i sa mkhan rje bla ma la snyan ngag mkhan bos zol bstod lta bu ma yin par rje rang nyid kyi mdzad pa rmad du byung ba de'i rang bzhin drang por brjod pa'i sgo nas bstod pa 'di mkhas pa rnam dpyod can chos kyi rjes su 'brang ba rnams mi ldog pa'i dad pa shugs drag po skyes pa'i sgo gcig pur 'gyur te/ mchog tu zab pa'i gnas 'di sa 'og gi gter bzhin sngon tshad gangs ri'i ljongs 'dir sus kyang gsal bar ma nus pa rje bla ma 'ba' zhig gis mgon po 'jam pa'i dbyangs kyi bka' drin la brten nas lung dang rigs pa brgya @011b phrag gis ches shin tu gsal bar bkrol te skal ldan thar 'dod yongs kyi spyi nor du stsal ba'i snga ma rnams las ches khyad par du 'phags pa'i sgos chos bla na med pa yin zhing/ lta sgom spyod pa'i gnas dang gzhi lam 'bras bu'i rnam gzhag phra mo tshun chad la'ang 'khrul ba med pa'i yon tan mtha' dag gang las 'byung ba'i gter lta bu'ang stong pa dang rten 'byung don gcig tu gzigs pa 'di nyid yin no/ /de skad du'ang legs bshad snying po las/ rang bzhin gyis stong pa'i don rten 'byung gi don du gsungs pa 'di nyid rang gi ston pa smra ba gzhan las khyad par du 'phags pa'i 'phags chos bla na med par gzigs nas slob dpon gyis gzhung mang por bcom ldan 'das la rten 'byung gsungs pa'i sgo nas bstod de/ zhes gsungs pa bzhin/ rje bla ma bstan 'dzin kun gyi khrod na rgyal mtshan gyi tog ltar khyad du 'phags pa'ang zab mo'i gnas 'di nyid gzigs shing 'doms pa'i sgo nas yin pa ni rtogs ldan pas 'jam dbyangs la rje'i rnam thar zhus pa'i lan du/ rje'i rnam thar bsam gyis mi khyab/ rnam thar gyi gtso bo chos rab tu rnam 'byed kyis chos zab mo thams cad thugs su chud cing dngos stobs rigs pas gzhi lam 'bras gsum thams cad thugs su chud pa 'di yin/ zhes gsungs pa ltar te/ 'dis ni rgyal ba kun gyi ye shes bzhin lag gi rnam par shar ba'ang don gyis bstan nam snyam mo/ /gnad 'di la dgongs te rje nyid kyis kyang/ 'di las ngo mtshar gyur pa dang/ /'di las rmad du byung ba gang/ /tshul 'dis khyod la bstod na ni/ /bstod par 'gyur gyi gzhan du min/ /zhes mngon shes rdzu @012a @#/ /'phrul byang phyogs mtshan dpe sogs kyi sgo nas bstod kyang bstod tshul mchog tu mi 'gyur la/ rten 'byung rang dbang du 'doms pa kho na sangs rgyas bcom ldan 'das dang rjes su 'gro ldog mi 'khrul bar gsungs pa bzhin/ tshul 'dis bstod na thun mong ma yin pa'i bsngags brjod du 'gro bar gsungs te/ 'di ni mgon po klu sgrub kyi byang chub sems 'grel las/ chos rnams stong pa 'di shes nas/ /las dang 'bras bu brten pa gang/ /ngo mtshar bas kyang 'di ngo mtshar/ /rmad byung bas kyang 'di rmad byung/ /zhes pa'i dgongs pa bla na med pa'o/ /de ltar bstod pa'i sgo mchog tu gyur pa ngos bzung ste/ gnyis pa sgo de nyid nas bstod pa la gsum/ mdo lugs kyi bstan pa'i snying po gsal bar mdzad tshul; gsang sngags kyi bstan pa'i snying po gsal bar mdzad tshul/ de ltar mdzad ba'i don bsdu ba'o/ /dang po la'ang lta bsgom pa spyod ba gsum gyi gnad gsal bar mdzad tshul gsum las/ dang po lta ba'i gnad la ltar snang gi lugs dgag pa dang/ rang lugs 'thad ldan bzhag pa gnyis/ dang po la'ang klu sgrub kyi lugs 'dzin par 'dod kyang dgag bya'i mtshams ma zin pas rtag chad kyi mthar lhung ba dgag pa dang/ gzhan gyi man ngag ci rigs la brten nas bzhag pa'i ltar snang gi lta ba rnams dgag pa gnyis/ dang po la dgag bya khyab che bas chad mthar lhung ba dgag pa/ khyab chung bas rtag mthar lhung ba dgag pa/ blos byas kyi lta ba gzhan dgag pa dang gsum/ yang po'i ni/ 'phags yul mkhas rnams gzug nas @012b pas; ;rang blo'i spongs bzhin grub mtha' 'dzin/ /'di na thams cad dbu ma'i gral/ /bsnyegs kyang blo yis ma lcigs pas/ /skye na mtha' bzhir nges kyang de/ /khegs phyir skye ba yod min la/ /tha snyad blo yi snang ba ni/ /'khrul phyir don du mi 'gyur zhes/ /rang bzhin med la bden bzhi dang/ /skyabs gsum las 'bras la sogs pa/ /med par thal ba dngos smra'i gtam/ /dang du len bzhin dbu mar smra/ /dngos smra rigs pa'i lugs 'dzin bas/ /bden stong rigs pas bkag nas dor/ /'di na rigs pas 'gog bzhin du/ /'thad par sgrub pa kye ma ho/ /zhes byung/ de'ang brtag dpyad sngon du btang ste rang lugs kyi grub mtha' 'jog tshul ni/ de'i sgra don saM dang a la zhes pa mtshams sbyar bas sam ya zhes pa yang dag par rtogs pa ste gnas tshul de kho na las gzhan du mi 'da' ba'i don dang/ sidd+hi dang anta zhes pa mtshams sbyar bas sidd+hyanta zhes rang gi blo ngor grub pa'i gnas tshul mthar thug pa la bshad pa dang/ kr-ita dang anta zhes ba mtshams sbyar bas kr-ita na zhes ba mdzad pa'i mtha' 'am bya ba'i mtha' ste/ rnam ba gzhan du sgro btags pa bzlog nas zad pa'i mthas gtugs pa la bshad pa ste/ mdor na lang gshegs las/ grub pa'i mtha' tshul gang zhe na 'di lta ste/ gang gi rnal 'byor can rnams rang gi sems snang ba'[i rnam par rtog pa zlog par byed pa'o/ /zhes dang/ grub mtha' chen mo las/ rnam rtog gis sgro btags pa'i cha gzhan 3bzlog nas rang gi blo ngor yang dag par grub pa de grub mtha'i don yin/ zhes gsungs pa ltar/ sngon 'phags pa'i yul du@013a @#/ /byung ba'i rang gi sde pa gong 'og gang yin kyang gzhan zer tsam gyi rjes su 'brangs nas gya tshom du grub mtha' mi 'jog par chos kyi gnas lugs rnams rang blo'i rtsal gyis zhib mor dpyad de dgag sgrub kyi mtshams 'di lta bu zhig tu byas na rtag chad kyi mtha' gang du'ang mgol ba'i gnas lugs dpyis phyin pa'i steng du 'bab par 'dug snyam du rang gi blo ngor nges pa brtan po rnyed pa na de ltar dam bcas shing grub mtha' 'dzin par byed do/ /bod 'dir grub mtha' dang theg pa gang la'ang mtho snyegs 'ba' zhig byed pa shas che bas/ spyir gsung rab kyi don la kha tshon gcod gang snga byed cing/ khyad par du rang bzhin med pa'i don la gzhi lam 'bras bu'i rnam gzhag thams cad bsnyon med du 'grub pa'i tshul blo ngor bde cham gyis 'gro ba'i nges pa brtan po ma rnyed bzhin du dbu ma ba'i grar bsnyegs te/ klu sgrub yab sras kyi gsung gi rjes zlos byas nas chos thams cad bden par med do zhes zer zhing/ chos thams cad bden par med pa la rgyu 'bras rten 'byung gi rnam gzhag mi rung tshul dngos smra bas 'gal ba brjod pa thams cad kyang de kho na bzhin du 'dod pas khas blangs thams cad 'gal ba ltag sprod 'ba' zhig tu gyur te/ lhag mthong chen mo las/ da lta dbu ma'i don smra bar 'dod pa rnams rang bzhin med pa la bskyed bya skyed byed rgyu 'bras mi rung bas khyab par smra ba ni dngos por smra ba'i lugs yin pas/ zhes sogs kyis de dag gi 'dod tshul de klu sgrub yab sras kyi bzhed pa'i phyogs tsam du'ang ma song bas dbu ma'i grub mtha' gzod btsal dgos par @013b gsungs so/ /de rnams kyi lugs la'ang don dam par med phyin bskyed bya skyed byed sogs mi rung ba'i rgyu mtshan ni 'di skad ces smra ste/ don dam par skyen mu ba zhi gang rung las skye dgos pa dang/ skyes pa'i dngos po de nyid don dam par yod na mtha' bzhi gang rung du yod dgos par dbu ma'i gzhung rnams su gsungs pas/ khyab pa sgrub tshul de nyid kyis tha snyad du skye na'ang tha snyad du mu bzhi gang rung las skye dgos par 'grub la/ mu gzhan gsum ni rang sde su'ang mi 'dod pas gzhan las skye dgos na'ang/ dbu ma 'jug par/ gzhan las skye ba 'jig rten las kyang med/ /ces gzhan skyes tha snyad du'ang med par gsungs pa'i phyir ro/ /de bzhin du don dam par yod na don dam par mtha' bzhi gang rung du yod pas khyab pa sgrub pa la/ yod na mtha' bzhi gang rung du yod pa'i spyi khyab grub dgos te/ spyi'i khyab pa ma grub na bye brag don dam la sbyar ba'i tshe'ang mi 'grub pa'i phyir/ tha snyad du'ang yod pa dang med pa dang gnyis ka dang gnyis min gyi mtha' bzhi po gang du bzhag mi rung ste/ dkon brtsegs las/ yod dang med pa 'di yang mtha' yin te/ /zhes sogs dang/ de'i dgongs pa dpal mgon klu sgrub kyis/ yod ces bya ba rtag par 'dzin/ /med ces bya ba chad par lta/ /zhes dang/ yod min med min gnyi ga min/ /gnyi ga'i bdag nyid min pa min/ /zhes gsungs pa'i phyir dang/ tha snyad du yod na rigs shes kyis rnyed dgos pa la des btsal yang ma rnyed pa'i don gyis legs par 'gyur ba'i phyir dang/ tha snyad pa'i blo lhan skyes kyi ngor grub kyang de ni ting nge 'dzin rgyal @014a @#/ /bor; mig dang rna ba sna yang tshad ma min/ /zhes pa'i don bzhin zla bas kyang/ rnam kun 'jig rten tshad min/ zhes dang/ ma brtags grags par gti mug las yin no/ /zhes gti mug tu bshad pas de'i ngor yod pas yong go mi chod pa'i phyir dang/ de'i ngor yod pas yod go chod la/ 'phags pa'i mnyam gzhag gi ngor med pas med go mi chod na ye shes la mi rton rnam shes la rton par 'gyur zhing/ don dam du med pas med go mi chod la/ tha snyad du yod pas yod go chod na nges don la mi rton drang don la rton par 'gyur ba sogs rton pa bzhi go zlog par thal ba'i skyon du 'gyur ba'i phyir/ des na 'ching grol sogs kyi rnam gzhag thams cad ni gnas lugs kyi don ma rtogs pa'i skabs su 'khrul ba'i gzhan ngo tsam du yod pa yin gyi/ gnas lugs mthong ba'i skabs dang dbu ma pa rang lugs la yod med gang du'ang bzhag tu mi rung bas khas blangs thams cad dang bral pa yin no zhes zer ro/ /'di dag kyang sngon gyi mkhas pa rig pa'i gnas dang gzhung lugs rab 'byams la sbyangs shing zab mo'i lta ba tshol bar 'dod pas ngal ba brgya phrag bsten pa rnams kyi bshad tshul yin pas bdag cag lta bus rang stobs kyis 'gog par dka' mod/ rje bla mas mun khung du mar me sngar ba bzhin lam dang lam ma yin pa thams cad gsal bar bstan pa'i bka' drin la brten nas mdor bsdus tsam brjod na/ don dam par grub na rigs pas dpyad bzod dgos la/ mu bzhi gang las skye zhes pa'am/ @014b mtha' bzhi gang du yod ces btsal ba na rnyed rgyu mi 'byung ba dpyad mi bzod pa'i don yin pas/ don dam par skye ba la de bzhi gang rung du nges par rnyed dgos kyang/ rdzun pa tha snyad pa'i rnam gzhag la phyogs de bzhi gang rung du rnyed mi dgos pa'i phyir te/ tshig gsal las/ rkyen nyid 'di pa tsam gyi kun rdzogs pas len gyi/ phyogs bzhi khas blangs pa'i sgo nas ma yin no/ /zhes gsungs pa'i phyir/ dper na me yod na tsha sreg gi ngo bor yod dgos kyang chu yod na tsha sreg gi ngo bor yod mi dgos pa bzhin te 'di tsam zhig spyi'i khyab pas bye brag bsgrub lugs ma yin pa'i phyir/ 'phags pa'i mnyam gzhag ye shes kyis tha snyad pa ma gzigs kyang de bkag pa min te/ des ma gzigs pa'i rgyu mtshan tha snyad pa'i don de med nas ma gzigs pa min gyi/ kho rang gis gzhal rgyu'i yul min nas ma gzigs pa yin pa'i phyir/ dper na mig shes kyis sgra ma thos pa de sgra med nas ma thos pa min yig/ kho rang gi yul min pas mthos pa bzhin no/ /ting nge 'dzin rgyal po'i lung gis kyang tha snyad pa'i blo la tshad ma med par mi 'grub ste/ lung de'i 'phror/ gal te dbang po 'di dag tshad yin na/ /de ste 'phags pa'i lam gyis ci zhig bya/ /zhes 'phags pa'i mnyam gzhag ye shes mi dgos par thal ba 'phen lugs kyis tha snyad pa'i shes pa tshad mar mi 'gro tshul gnas lugs kyi don la tshad mar ma song ba la byed dgos te/ de dag tha snyad pa'i don la tshad mar song tshe/ gnas lugs kyi don rtogs pa la 'gags pa'i mnyam gzhag ye shes @015a @#/ /mi dgos par 'gyur ro byas na 'brel med du 'gyur ba'i phyir/ dper na mig shes kyis gzugs mthong na sgra nyan pa la rna shes mi dgos par 'gyur ro byas tshe 'brel med pa bzhin no/ /rton pa bzhi mi 'thad pa'i skyon 'phen pa'ang khas snga phyi tsam las rgol ba rang nyid la nyes pa de 'bab ste/ khyod kyis chos nyid kyang yod pa ma yin pa dang/ 'phags pa'i mnyam gzhag kyang tshad ma ma yin par 'dod na/ nges don dang ye shes la rton pa'i gzhi mi snang ba'i phyir ro/ /dbu ma 'jug par/ de nyid skabs su rigs pa gang zhig gis/ /bdag dang gzhan las skye bar rigs min pa'i/ /rigs des tha snyad du yang rigs min na/ /khyod kyi skye ba gang gis yin par 'gyur/ / zhes pas kyang don dam par skye na don dam par mu bzhi gang rung las skye dgos pa bzhin tha snyad du skye na'ang tha snyad du mu bzhi gang rung las skye dgos zhes bshad pa min gyi/ 'di'i don legs par go ba la thog mar phyogs snga ma'i 'dod tshul ngos zin dgos so/ /de'ang 'di'i phyogs snga smra ba bo rang rgyud pa yin la/ rang rgyud pa rnams chos thams cad don dam par med kyang tha snyad du yod zer ba'i zer lugs tsam zhig thal 'gyur ba dang khyad med kyang/ des chos thams cad rang gi mtshan nyid dam rang gi ngo 'os grub par 'dod pas/ thol 'gyur bas gzhal na khas blangs dang zhe 'dod nang 'gal du song yod de/ phar btags tsam min par gdags gzhi'i ngos nas yod na btags don 'tshol lugs @015b gdags gzhi'i ngos nas ji ltar 'dug btsal ba yin pas de'i tshe rnyed rgyu zhig nges par yod dgos/ de yod na snang dus kyang gdags gzhi'i ngos nas grub par snang/ don dngos gnas la'ang gdags gzhi'i ngos nas rnyed rgyu yod song tshe rdzun bar 'jog byed med pas dpyad bzod dang bden grub tu 'gyur ro/ /de ltar na rang rgyud pa khyod kyis tha snyad pa'i skye bar btags pa'i myug sogs kyi skye ba de mtha' bzhi gang las yin zhes dpyad dgos shing/ de ltar dpyad na rnyed kyang dgos zhes pa'i don yin no/ /rang rgyud pas bden par med kyang rang mtshan gyis grub ces pa la/ dpal ldan zla bas thun mong ma yin pa'i skyon brjod tshul/ gal te rang gi mtshan nyid brten gyur na/ /zhes sogs kyis chos rnams snang tshul dang gnas tshul mthun pas bden par gnas pa la mnyam gzhag ye shes kyis bden med du bzung ste 'phags pa'i mnyam gzhag dngos po 'jig pa'i rgyur thal ba dang/ gang phyir dngos po 'di dag rnam dpyad na/ /zhes sogs kyis chos rnams sgra rtog gis phar btags pa tsam min par kho rang gi ngos nas tshur grub rgyu yod pas tha snyad tsam gyi don mi tshang zhing bden pa'i don can du song ste tha snyad bden pa rigs pas dpyad bzod du thal ba dang/ gong du drangs pa'i de nyid skabs su zhes sogs kyis don dam par skye ba med par bshad pa'i shul na'ang dpyad bzod kyi skye ba zhig khas blang mdor bar yod pas/ don dam pa'i skye ba mi khegs par thal ba gsum rtsa ba las gsungs shing/ de'i steng du 'jug 'grel las rang ngos nas ngo bo nyid kyis yod pa ma bkag par dgag bya gzhan @016a @#/ /zhig gis stong ba'i sgo nas stong pa nyid du bzhag pa la rang gi ngo bos stong pa'i rang stong gi don mi tshang pas/ chos rnams rang bzhin gyis stong bar gsungs pa mi 'thad par thal ba bsnan te rigs pa bzhi'i sgo nas 'gog par mdzad de/ /dka' ba'i gnad 'di ma shes na thal rang gnyis mchog dman yod pa skad du smras kyang khyad par 'byed byed kyi rtsa ba ngos mi zin te/ snga ma mang po zhig 'phags pa'i mnyam gzhag gis snang stong gnyis tshogs yul du byed par 'dod pa'i sgyu ma rigs sgrub ba'am rang rgyud ba dang/ dgag bya bcad tsam gyi stong pa yul du byed par 'dod pa'i thal 'gyur ba zer yang/ 'phags pa'i mnyam gzhag gi yul la med dgag dgos pa rang gi grub mtha' yin par legs ldan yab sras kyis gsungs pas/ de'i sgo nas thal 'gyur ba las khyad 'byed mi nus la/ dgag bya'i phra rags kyi sgo nas khyad 'byed tshul 'di shes mkhan ma byung ba'i dbang gis zla bas rang rgyud pa la dmigs phug pa'i dgag pa 'di snyed cig mdzad pa'ang mgon po 'jam pa'i dbyangs kyi bka' drin la brten nas rje bla mas gsal bar ma bkrol gyi bar du gzhan sus kyang ngos ma zin snang ste/ legs bshad snying po las/ 'di ni dbu ma ba don dam par mi skye'ang tha snyad du rang gi mtshan nyid kyis skye ba yod par 'dod pa la sgrub kyi/ dngos por smra ba la min pas dbu ma ba gnyis la dgag bya'i khyad par de tsam yod na zla ba grags pas de la dmigs pa phal can gyi dgag ba ci'i phyir mi mdzad ces smra bar mi rigs so/ /zhes gsungs pa ltar ro/ /de'ang @016b dgag bya khyab che ba ni de'i 'gog mtshams ma zin par thal ches ba yin la/ de ltar 'gro ba'i rgyu mtshan yul de rnam bcad la khengs pa dang/ yongs dpyod la grub pa thams cad yul can la ltos par mthong ste de'i tshul la dpyad pa ni/ rigs shes kyis rnyed pa dang des dpyad bzod du grub ba don gcig tu go/ rigs shes kyis ma rnyed pa dang nges bkag pa gnyis kyang don gcig tu go bas lan pa yin no/ /de'i stobs kyis rigs pa'i dbang phyug phya bas don dam bden pa rigs pas dpyad bzod kyi bden grub tu 'dod/ 'jig rten gyi mig gcig pu rdog lo chen pos don dam bden pa shes bya ma yin par gsungs pa dang/ gro lung ba'i bstan rim sogs su blo gcig po der ldog cha nas phye ste rigs shes mu song ba'i yul med la rjes dpag tu glong ba'i yul yod par bshad pa sogs byung ba'i phyir/ legs bshad snying po las/ rigs shes la gzhal bya yod na bden grub tu song nas sngon gyi mkhas bdag kyang kha cig de nyid 'dod la/ la la rigs shes yul med dang/ gzhan dag rigs pa dang rjes dpag gi ldog pa phye nas yul yod med du 'jog go/ zhes gsungs pa'i phyir/ bod snga rabs kyi grub mtha' so so'i mkhas pa phal mo ches lta ba bshad dus ming 'dogs sna tshogs bzhig byas kyang blo rtse'i gtad so mthar thug pa yul don dam par yod med sogs gang du'ang ma grub pas blos de gang du'ang 'dzin mi rung ba dang/ des na 'phags pa'i mnyam gzhag kyang yul med du 'dod pa 'di la 'bab par snang ste/ stong thun las/ 'chad pa'i tshe grub mtha' mi mthun pa ches cher che ba/ rang stong dang @017a @#/ /gzhan stong dang/ chos nyid bden par grub ma grub la sogs pa ji 'dra ba'i rtsod pa chen po byed pa thams cad kyang zab don nyams su len pa'i tshe mi 'dra ba cung zad kyang med par/ ma gi ci 'ang ma bslab pa'i blun sgom nyams su len pa dang/ mkhas pa sde snod 'dzin pa chen po'i nyams len dang/ sngags bla med kyi rdzogs rim zab mo nyams su len par 'dod pa phyin chad thams cad yul cir yang ma grub pa la blos cir yang mi 'dzin par 'jog zer ba 'dir kha 'cham nas 'ong ba 'di dbang po rnon pos bltas na shin tu mtshang che ba yin/ zhes gsungs pa'i phyir/ rje bla mas kyang thun mong gi snang ngor lta pa'i dpyad pa ma rdzogs pa'i skabs tshul de nyid zhal gyis bzhes snang ste/ gser 'phreng las/ chos nyid la mtha' bzhi la sogs pa'i spros pa gang du'ang mi 'dzin zhing de mtha' dag nye bar zhi ba tsam la spros bral lam gshis lugs mthong zhes btags ba tsam ste/ yon tan rin po che sdud pa las/ gzugs rnams mi mthong tsher ba dag kyang mi mthong zhing; ;zhes sogs drangs pa dang/ yang de nyid las/ mnyam gzhag gis chos nyid mtha' gang du'ang mi gnas pa dang rjes su mthun par mtha' gang du'ang mi 'dzin pa na de dang de rtogs par tha snyad du byas pa ste/ zhes gsungs nas/ gang tshe skye med ces sogs 'jug pa'i lung gis bsgrubs pa dang/ rtag du'i rtogs pa rjod du'ang/ chos rnams rdul tsam dmigs pa med na yang/ /mngon par zhen rnams skrag pa spangs pa'i phyir/ /gzhan dor rten 'brel tsam zhig khas len la/ /zhes @017b rang lugs khas blang dang bral ba'i phyogs zhal gyis bzhes shing/ lta ba de nyid la myong ba khyad par can yang 'khrungs te dge 'dun gyi tshogs su shes rab snying po gsung ba'i tshe thugs snga ma'i lta ba de ga'i ngang la ting nge 'dzin du 'byams nas tshogs grol pa'ang mi gsan par gzhan gyis slong dgos pa byung tshul dad pa'i 'jug ngogs las/ sher phyin zhal 'don du mdzad cing chos thams cad snang la dos gzung med pa'i don la mnyam par bzhags/ dge 'dun gyi chos spyod dang bdud zlog sogs kyi tshig 'phru tsam yang thugs kyis mi nges par/ rnam rtog gi rgyu ba rags pa thams cad yod nas gsdal stong 'dzin med kyi ngang la thugs rtse gcig tu gnas pa mang ja'i mgo mjug 'khyongs pa 'bad rtsol med par 'jug pa byung/ bod kyis grub thob tu byed pa'i rtogs pa bzang shos mthar thug pa de thugs la 'khrungs 'dug/ ces gsungs pa bzhin no/ /dper na bdag cag gi ston pas dang por ring 'phung dang lhag spyod sogs la brten te/ de dag gis lam mthar thug tu sgrogs pa ci yang med dang srid rtse'i snyoms 'jug sogs bsgrubs shing/ phyis de dag lam ma yin par gzigs nas yang dag pa'i de kho na nyid bsgoms pa ltar/ rje bla mas kyang dang por snga rabs kyi lta ba de nyid mthil phyin par thugs la 'khrungs tshul dang/ byis mkhyen rab kyi rtsa la lhag par rgyas pa na rang nyid kyang tshul des cung zad thugs mtshim zhing lhag par mgon po 'jam pa'i dbyangs la 'di thal rang gi lta ba yin zhus par gang yang min gsungs nas nan tur che bar mdzad pa'i rkyen gyis gzod thun @018a @#/ /mong dang thun mong ma yin pa'i rgyu tshogs mang po dang bcas dbu ma'i lta ba btsal te gsar du rnyed nas thugs phrogs pa'i dngag gis thub pa'i dbang po la bstod pa sogs mdzad pa'i tshul 'di legs par bsam zhing go na lta ba gzhan la 'gram chu mi ldang zhing/ rang lugs kyi lta ba 'di la yid ches kyi nges pa brtan po rnyed par 'gyur ro/ /gser 'phreng du blangs pa'i lung de rnams kyi don phyis lta ba'i dpyad pa rdzogs nas rtsa shes TIka chen sogs su bkral tshul snga ma dang chos mi 'dra ba 'og tu 'chad do/ /de ltar snga rabs pa rnams don de yod par 'thog phyin rigs shes kyis rnyed dgos shing/ rnyed na des dpyad bzod du 'gyur dgos la/ dpyad bzod pa dbu ma'i gzhung du bkag par mthong nas rang lugs la chos gang lang yod par mi 'jog ces zer ba ni rtsa shes las/ gal te 'di dag kun stong na/ /'byung ba med cing 'jig pa med/ /'phags pa'i bden pa bzhi po rnams/ /khyod la med par thal bar 'gyur/ /zhes pa nus; kun la'ang gnod pa byed pa yin/ /zhes sogs dngos smras rtsod tshul bkod pa ltar gyi dngos smras 'phangs pa'i skyon rnams la lan du gnod pa med tshul gyi skyon spong tshul/ de la bshad pa khyod kyi ni/ /stong nyid dgos dang stong nyid dang/ /stong nyid don ni ma rtogs pas/ /de phyir de ltar gnod pa yin/ /zhes sogs rab byed nyer bzhi pa'i gzhung lhag ma ril gyis 'gal ba thams cad dngos smra kho rang la phyir bzlog nas 'phangs pa'i rjes zlos tsam yang byed @018b rgyu med par ma zad pha rol po la bden kha byin nas rang bzhin gyis ma grub pa'i stong pa la rnam gzhag gang yang mi 'thad par khas len pa dbu ma'i grar 'tshang bzhin du dbu ma'i grub mtha'i khungs brtol ba'i mi 'tsham pa chen po yin no/ /de skad du'ang rtsa shes TIka chen las/ dngos pos smra ba rnams kyis 'jig rten dang 'jig rten las 'das pa'i rnam gzhag gang yang khyod kyi lugs 'di la byar mi rung ngo zhes nan gyis 'phul ba la/ kho bo cag gi ltar gang la'ang 'di yin dang 'di ma yin gyi ngos gzung gi rnam gzhag byar mi rung ngo zhes gzhan gyis 'phul mi dgos par dang po nas rang nyid de'i gseb tu 'jug par mi bya'o/ /zhes gsungs te/ 'phags pa'i yul na grub mtha' gzhan gyis bzhag pa'i bden gnyis kyi rnam gzhag la grub mtha' gzhan gyis 'gal ba brjod pa yod kyang/ rang gis bzhag pa'i bden gnyis la rang gis 'gal ba brjod de don dam gyis kun rdzob 'gog go zhes smra ba 'di 'dra bod gangs can ma gtogs ma byung zhes mkhas grub smra ba'i nyi mas gsungs so/ /de ltar na dngos smra bas rang bzhin gyis ma grub na bden bzhi sogs mi 'thad par khas blangs pa las kyang/ dbu ma par khas 'che ba'i bod snga ma de dag gis rang bzhin gyis ma grub na bden bzhi sogs mi 'thad par khas blangs pa skyon che ste/ snga mas rgyu mtshan de la brten nas rang bzhin med pa 'gog pa ma gtogs bden bzhi las 'bras sogs med mi zer zhing tshul de 'khor lo dang po'i dgos pa yin pa'i khungs kyang yod/ phyi mas de rgyu mtshan du byas nas bden bzhi las@019a @#/ /'bras sogs la skur ba btab pas chad pa'i mthar ltung zhing dbu ma'i khungs gtugs sa thams cad dang rgyab 'gal du song ba'i phyir/ stong thun las/ dngos smra bas dngos po rang gi ngo bos med na gtan med du 'gro dgos bar gzung bas rnam par 'khyams par gsungs la/ deng sang gi dbu ma pa mang po zhig kyang dngos smra ba ltar dngos po rang bzhin med na med dgos par 'dod par snang la/ 'on kyang dngos smra ba ni mkhas pas las 'bras la skur pa mi 'debs par dngos po rang bzhin gyis yod par khas len cing/ deng sang gi dbum pa de dag ni las 'bras yod ba ma yin bar smra la/ blun po dag de nyid lta ba mtho bar byed de/ rten 'brel dang stong nyid 'gal med du 'jog ma shes par mtshungs ba la las 'bras la skur ba 'debs mi 'debs kyi khyad par de tsam zhig yod do/ /zhes gsungs so/ /de'i phyir 'di nyid du'ang/ dngos smra rigs ba'i tshul 'dzin bas/ /bden stong rigs pas bkag nas dor/ /'di na rigs pas 'gog bzhin du/ /'thad bar sgrub pa kye ma ho/ /zhes bya ba smos te/ dper na rigs ba drug cu pa las/ gal te yod par smra ba rnams/ /dngos mchog bzung nas gnas ba ni/ /lam de nyid la gnas pa ste/ /de la ya mtshan chung du'ang med/ /sangs rgyas lam la brten nas ni/ /kun la mi rtag smra ba rnams/ /rtsod ba'i dngos rnams mchog bzung nas/ /gnas ba gang yin de rmad do/ /zhes dang/ de'i don rje bla mas/ rmongs pas bran du zhes sogs gsungs ba ltar/ gzhan sdes stong nyid mi bzod @019b pa las rang sde dngos smra rnams sangs rgyas kyi rjes su 'brangs bzhin du stong nyid mi bzod pa mi 'os bar gsungs la/ de las kyang bod snga ma de rnams klu sgrub kyi rjes su 'brangs bzhin du stong nyid kyis rten 'byung bgag par go nas mi bzod pa 'di ches mi 'tsham ba yin no/ /rgyu 'bras rten 'byung gi rnam gzhag dang rang bzhin med pa'i stong ba rgyab sprod du 'dzin ba 'di dbu ma'i khungs gtugs sa thams cad dang 'gal ba gong du stong pa dang rten 'byung gnyis dbu ma'i lam du don gcig pa sogs kyi rgyu mtshan 'phags pa yab sras kyi gzhung drangs pa de rnams la brten nas blo gros yod na rtogs par nus mod/ ches shin tu gsal bar mdzad pa po ni dpal ldan zla ba yin bas des gsungs tshul mdo tsam brjod na/ tshig gsal las/ kho bo cag med bar 'min te/ zhes pa nas/ kho bo cag ni las dang byed pa po dang 'bras bu la sogs med do zhes smra ba min te/ 'o na ci zhe na 'di dag rang bzhin med do zhes rnam par 'jog pa yin no/ /zhes dang/ de'i don zhib tu bkrol te yang de nyid las/ dbum pa dag ni rten cing 'brel bar 'byung ba smra ba yin la/ rten cing 'brel bar 'byung ba yin pa'i phyir 'jig rten 'di dang 'jig rten pha rol la sogs pa thams cad rang bzhin med par smra bar byed do/ /med pa pa dag gis ni de ltar rten cing 'brel bar 'byung ba yin pa'i phyir rang bzhin gyis stong pa nyid kyi sgo nas 'jig rten pha rol la sogs ba'i dngos 'o med par rtogs pa min te/ 'o na ci zhe na/ 'jig rten 'di'i dngos po'i rnam par rang bzhin gyis dmigs nas/ de 'jig rten pha rol nas 'dir 'ongs pa dang/ 'di nas pha rol tu @020a @#/ /'gro ba ma mthong nas/ 'jig rten dmigs pa'i dngos po dang 'dra ba'i dngos po gzhan dag la skur ba 'debs par byed pa yin no/ /zhes sogs dang/ bzhi brgya ba'i 'grel ba las/ kho bo cag gi rnam par dpyad ba ni rang bzhin tshol ba lhur byed pa nyid kyi phyir ro/ /kho bo cag ni 'dir dngos po rnams rang gi ngo bos grub ba 'gog gi/ mig la sogs ba byas shing rten cing 'brel bar 'byung ba'i las kyi rnam bar smin pa nyid ni mi 'gog go /de'i phyir de yod pas gang zhig gis rnam par smin pa nyid du bsnyad pa'i mig la sogs pa yod pa nyid do/ /zhes rang bzhin gyis grub ba 'gog pa ma gtogs yod pa tsam mi 'gog ba gsal bar gsungs so/ /spyar yod ba dang skye ba tsam bkag na dpe don thams cad dang mi 'grig pa'i tshul yang de nyid las/ rnam bar dpyad pa 'dis skye ba rnam pa thams cad du bkag pa las 'dus byas skye ba med par bstan bar 'dod na ni de'i tshe sgyu ma lta bu nyid du mi 'gyur gyi mo gsham gyi bu la sogs pa dag gis gzhal bar 'gyur ba zhig na/ rten cing 'brel bar 'byung ba med par thal bar 'gyur ba'i 'jigs bas de dag dang bstan par mi byed kyi/ de dang mi 'gal ba sgyu ma la sogs pa dag dang ni byed do/ /zhes gsungs te/ 'di dag las lhag gsal bor gsung tshul med do/ /'o na zla ngas de tsam gsal bar gsungs yod na rje bla mas ci zhig gsal bar mdzad pa yin snyam na/ 'di'ang go dgos ba zhig ste/ mdo las/ gang zhig rgyen las skyes pa zhes sogs kyis rgyu rkyen la brten nas skyes pa @020b de rang bzhin gyis ma bskyed pa'i don dang/ rang bzhin gyis ma skyes pa de rten 'byung gi don du gsal bar gsungs la/ lang gshegs las/ blo gros chen po rang bzhin gyis ma skyes ba la dgongs nas ngas chos thams cad ma skyes par gsungs so; ;zhes dang/ brgya lnga bcu par/ chos rnams thams cad stong pa ste/ /rang bzhin med ba'i tshul gyis so/ /zhes gsungs pa lta bu mang po yod kyang dbal mgon klu sgrub ma byon bar du drang nges 'byed ma nus ba bzhin/ rje bla ma'i sngon du dpal ldan zla bas dka' gnad de rnams gsal bar mdzad yod kyang/ rab rib can la rab rib ma bsal gyi bar du mar me ji tsam gsal yang gzugs legs par mthong du 'jug mi nus pa ltar/ rje bla mas sgro 'dogs kyi spros pa thams cad re re bzhin mdzub tshugs su byas te bkag/ klu sgrub yab sras kyi gzhung rnams de dang de'i thad kar gnad thog tu me btsa' bzhin ngo 'phrod bar byas ba'i bka' drin ma gtogs sngon chad pod 'dir de dag gi bzhed pa phra ba'i gnas rnams ji bzhin ngos zin pa ma byung ba ni sngon gyi yig 'jog rnams la bltas na shes pas/ tshul 'dis lhag par rje bla ma la ngang bskyed cing bka' drin dran par bya dgos so/ /snga ma de rnams rang bzhin med pa la bya byed sogs 'jog ma thub ba'i 'gal spong du gzhan dor rgyu 'bras sogs yod bas kho bo cag chad mthar mi ltung zer ba dang/ khas blang thams cad dang bral ba yin pas gzhan gyi kran ka mi 'jug zer ba dang/ yod pa ma yin bar khas len gyi/ med par khas mi len ba sogs mtha' ba zhig la 'dra bas skyon med zer ba sogs kyang 'brel med kho na @021a @#/ /yin te/ gzhan ngor rgyu 'bras 'thad pas kho rang chad mthar mi lhung na/ nang ba sangs rgyas ba'i ngor las 'bras yod pas rgyang 'phen ba chad mthar mi ltung bar 'gyur ro/ /khas blang thams cad dang bral ba'ang mi 'thad de/ rgyang 'phen pa'i lugs bzhin thal 'gyur ba'i lugs kyang khas lan mi rung na/ dbu ma'i gzhung la thos bsam byas pa thams cad don med du 'gyur ro/ /yod pa ma yin par 'dod kyi med par ma 'dod ces sogs kyang dngos 'gal gyi 'khor lo yin te; yod med ces pa tshad mas dmigs ma dmigs yin bas/ yod ba ma yin par khas blangs pa de ga med par khas blangs pa yin la/ med ba ma yin bar khas blangs ba de ga yod bar khas blangs pa yin ba'i phyir/ rtsod zlog las/ rang bzhin med pa nyid log na/ /rang bzhin nyid du rab grub 'gyur/ /zhes so/ /'di ni bzlog tu med pa mgon po klu sgrub kyi rigs pa yin no/ /dgag bya khyab che ba'i 'dod tshul 'di dag ni rtsa shes las/ stong pa nyid la lta nyes na/ /shes rab chung rnams phung bar 'gyur/ /zhes pa ltar gyi nyes dmigs che shos dang 'khrul gzhi mangs yin bas cung zad spros te bshad ba yin la/ mtha' chod par shes 'dod na rje bla ma nyid kyi gsung 'ba' zhig la brten nas rtogs bar bya dgos te/ de'i gsung re re'i dngos shugs kyi don yang gzhan gyis ji tsam 'bad pas thon par mi nus so/ /gnyis pa dgag bya khyab chung bas rtag mthar lhung ba dgag pa ni/ kha cig chad par dogs pa yis/ /ma skyes mi 'gyur ltos med bdag /bkag cam dbu mar 'khrul @021b pa yis/ /grub mtha' rnam bzhi gcig tu 'gyur/ /zhes byung/ de'ang khyab chung ba rnams ni rang bzhin gyis grub pa bkag na ye med du 'gro bas chad mthar lhung gis dogs te phra ba'i bdag med kyi dgag bya la'ang rgyu rkyen gzhan las ma skyes ba/ ngo bo gzhan du mi 'gyur ba/ rnam 'jog gzhan la mi ltos pa ste khyad bar gsum ldan zhig dgos bar 'dod cing/ de ni rtsa shes las/ rang bzhin rgyu dang rkyen las ni/ /'byung bar rigs pa ma yin no/ /rgyu dang rkyen las byung na ni/ /rang bzhin byas ba can du 'gyur/ /zhes dang/ rang bzhin gzhan du 'gyur ba ni/ /nam yang 'thad pa ma yin no/ /zhes dang/ rang bzhin dag ni bcos min dang/ /gzhan la ltos pa med pa yin/ /zhes ba rnams kyi dgongs par smra'o/ /de 'dra ba'i khyad par gsum ldan gyi dgag bya ni lta ba tshol ba la sngon du 'gog dgos pa zhig yin mod kyang/ de bkag pas 'khor ba'i rtsa ba bdag 'dzin lhan skyes kyi zhen yul khegs pa dang dbu ma'i lta brnyed par 'gro rgyu'i dgag bya phra mo ni ma yin te/ lhag mthong chen mo las/ 'dus byas rnams rgyu rkyen gyis bskyed pa dang gzhan du 'gyur ba ni rang gi sde pa rnams kyis grub zin pas de dag la rang bzhin med pa bsgrub mi dgos bar 'gyur ba dang/ de dag gis kyang dngos po rnams rang bzhin med bar rtogs par 'gyur ba sogs kyi skyon yod pas de thun mong ma yin pa'i dgag bya ga la yin/ zhes gsungs ba bzhin/ gzhi gang zag lta bu dgag bya khyad bar gsum ldan der ma grub pha bye mdo tshun chad kyis kyang grub zin bas de dag gis kyang dbu ma'i lta brnyed @022a @#/ /par thal ba dang/ grub mtha' bzhi lta ba'i sgo nas dbye ba 'byed tshul med pa'i skyon du 'gyur ro/ /der ma zad khyad par gsum ldan gyi 'dzin tshul de grub mthas? sgro btags kyi blo kun btags kho nas 'dzin tshul yin pas/ grub mtha' lam zhugs pa'i gang zag rang dga' ba'i rgyud kyi blo lhan skyes la 'dzin tshul de med pa'i phyir/ de ltar na de nyid 'khor ba'i rtsa bar mi rigs shing de'i zhen yul med par bsgom pa tsam gyis 'khor ba rtsad nas spangs ba'i thar pa 'thob mi nus te/ 'jug pa las/ rang khyim rtsig phugs sbrul gnas mthong bzhin du/ /'di na glang chen med ces dogs bsal te/ /sbrul gyi 'jigs ba'ang spong bar byed ba ni/ /kye ma gzhan gyi gnam por 'gyur nyid do/ /zhes dang/ gang dag dud 'gror bskal mang bskyal gyur ba/ /des kyang ma skyes rtag 'di ma mthong la/ /ngar 'dzin de dag la yang 'jug mthong ste/ /zhes sogs gsungs shing/ snga ma'i mtshams sbyor du rang 'grel las/ phan tshun 'brel pa med ba'i don 'di nyid dpe'i sgo nas gsal bar bya ba'i phyir bshad pa/ zhes skrag ba'i yul sbrul mthong nas 'jigs ba skye ba la/ skrag pa sel ba'i tshe 'di na glang po che med ces don med kyi lan gzhan btab pas sbrul gyi 'jigs ba spong 'dod pa 'brel med pa ltar/ 'khor ba'i 'jigs pa thams cad kyi rtsa ba phra ba'i bden 'dzin lhan skyes kyi zhen yul mi 'gog par dgag bya rags pa zhig bkag bas 'khor brtsa ba nas spong bar 'dod ba bzhad gad kyi gnas su gsungs so/ /tshul 'di ni dpal mgon klu sgrub @022b dang 'phags pa lhas zhi sgo gnyis su med par gsungs pa'i dgongs pa mthar thug gi 'grel tshul yin la/ rang rgyud ba rnams theg ba che chung rtogs rigs tha dad du 'dod bas/ dbu ma snying po las/ ji ltar 'ga' zhig skrag ba yis/ /thag pa la ni sbrul zhes 'khrul/ /'khri shing bsdogs bar shes pa ni/ /gnyen bo'i phyogs kyis shes bar 'gyur/ /zhes thag pa 'khyil ba la sbrul du mthong nas skrag ba skyes ba'i tshe 'di shing gi lcug ma phra mo 'khyil bar 'dug ces bshad na gnas tshul dngos min yang gnas skabs kyi skrag pa sel thub ba bzhin/ rang rkya thub pa'i rdzas yod kyi bdag bkag tsam de phra ba'i gnas lugs mthar thub tu ma song yang 'khor ba spong thub bar 'dod de/ 'di'ang 'phags yul gyi mkhas pas rtsod tshul dpyad gzhi che na'ang skabs ma yin pas ma spros so/ /khyab chung ba rnams kyi khungs su drangs ba'i rtsa shes kyi lung don yang de ltar min te/ rgyu rkyen las ma skyes pa dang ltos med du bshad ba'i lung gnyis kyis 'chad rgyu'i rang bzhin ni dgag bya'i rang bzhin ma yin par chos nyid la rang bzhin du bshad bde yin zhing/ bcos min dang ltos med kyi don yang da ser na mo'i tsha ba de chu'i tshang la ltos te me'i rang bzhin dang/ me bden med la ltos te me'i rang bzhin ma yin par 'gro ba lta bu ltos sa ltos 'jog tsam ma yin bar/ me'i gnas lugs mthar thug ba de las 'dar med pa'i don du tshig gsal las gsungs so/ /rang bzhin gzhan du 'gyur ba zhes sogs kyi rang bzhin de dgag bya la byed kyang rang bzhin gyis grub na gzhan du 'gyur mi srid ba dang/ @023a @#/ /skye ba snga phyi mi 'thad ba/ les ma byas pa dang phrad ba/ byas pa chud za ba sogs su thal ba ni rigs ba'i phul mtshams yin gyi/ de re re nas dgag bya phra mor 'jog pa gnas med do/ /gsum ba blos byas kyi lta ba gzhan dgag ba la/ dngos dang/ bkag pa rnams gyi don bsdu ba gnyis/ dang po ni/ la la dgag bya'i mtshams kyi 'ben/ /gtad med phyogs char gcod pa yis/ /stong par 'khrul yang 'char sla la/ /rten 'brel bshig pa smad pa'i gnas/ /zhes byung/ de'ang kha cig bzhi brgya bar/ kun kyang yan lag tu gyur nas/ /slar yang yan lag can du 'gyur/ /zhes dang/ de'i 'grel par dpal ldan zla bas/ bum pa de gyo mo sogs rang gi cha shas la brten nas yan lag can dang bum pa zhes blos btags la tsam yin la/ de bzhin du gyo mo nas rdul phra rab kyi bar du sbyar te gsungs pa sogs kyi lung tsam mthong yang dgongs pa ma lon pa dang/ mi mkhas ba'i skyo bo rnams kyi bshad tshul la brten nas bum pa'i gnas lugs la dpyod tshul/ bum ba'i lto ba bum pa min/ de'i kha'ang bum pa min/ mchu'ang bum pa min bas bum pa mi 'dug snyam du bsgoms ba ni rten 'brel bshig pa'i stong pa zhes blun pos sgom tshul tha shal yin te/ lhag mthong chen mo las/ bum pa la sogs pa rnams mchu dang mgrin ba la sogs ba rang gi yan lag gang yin dpyad pa na/ de dag gang du'ang ma rnyed pa na bum pa mi 'dug go snyam du nges pa 'dren la/ zhes pa nas/ @023b nges pa phyin ci log tu drangs pa la lta ba rnyed par 'jog na 'di sla shos shig tu snang ngo/ /zhes dang/ rje bdag nyid chen pos bshes gnyen dkon mchog tshul khrims par gnang ba'i bslab bya las/ yul dang dus chas bsil na gang du'ang gzung sa mi 'dug snyam ba'i go ba skyes pa tsam la stong pa nyid kyi lta ba rnyed par 'jog na/ sbyad pa tsam ma byas pa'i dbang po shin tu brtul bas kyang rtogs par nus pas dka' ba'i don med kyang de tsam gyis mi chog gi/ zhes gsungs pa ltar/ 'di ni 'char sla ba'i dbang gis da lta'i skye bo blo'i mthu zhan pa rnams kyi sems ngor 'char bde zhing/ de yun ring du goms pa'i stobs kyis phyi rol ri ra ba khang khyim sogs la bltas pa na snang ba ban bun ngos gzung med par song ba la rjes thob sgyu ma lta bu'i rnal 'byor du rlom ba 'byung yang de'i phyogs tsam du'ang mi 'gro ba'i phyir/ lhag mthong chen mo las/ yul dpyad de rigs pas bsil ba na mi 'dug snyam ba dang por 'byung zhing/ zhes ba nas/ rten 'brel bshig pa'i stong pa yin la/ des na de rtogs pas drangs ba'i snang ba ban bu na du shar ba'ang sgyu ma lta bu'i don gtan min no/ /zhes gsungs shing/ rje btsun red mda' ba'i 'phrin yig tu'ang/ bcom gzhig lta bu'i chad pa'i stong pa dang/ zhes bum pa tho bas bsil ba lta bu'i stong tshul 'di stong tshul bzhi'i tha shal du gsungs so/ /gnyis pa bkag ba rnams kyi don bsdu ba ni/ rtag chad gnyis ka'i g.yangs la/ /'jigs phyir dbu mar 'jug dka' yi/ /dgag pa'i phyogs gcig tsam nyid na/ /de ni gang las dbu @024a @#/ /mar brjod/ /de phyir mkhyen pa'i gter gyis kyang/ /snang stong nye ring mi bya zhes/ /yod dang med pa'i mtha' gnyis las/ /khyod kyi thugs ni yongs su bzung/ /zhes byung/ de'ang dbu ma zhes ba'i don ni dkon mchog brtsegs pa las/ 'od srungs yod ces bya ba ni mtha' gcig go /med ces bya ba ni mtha' gnyis so/ /de gnyis kyi dbus gang yin pa de ni dbu ma'i lam mo/ /zhes dang/ shes rab sgron mer yang/ mtha' gnyis rnam par spangs pa'i dbus dang 'dra bas na dbu ma ste dbus nyid dbu ma'o zhes rang gi don de la phan pa brjod pa'o/ /zhes pa ltar dbu mar 'gro ba la rtag chad gnyi ga'i mtha' khegs pa zhig dgos kyi/ snga ma'i dgag bya khyab che chung lta bu mtha' re re 'gog pa'i phyir mtha' gcig shos la zhen na mtha' der lhung ste dbu mar mi tshung pa'i phyir/ dber na g.yas g.yon gnyi gar g.yang sa yod pa'i lam du 'gro ba la phyogs gnyi gar zon byed dgos kyi/ gcig kho na la 'dzem na gcig shos su lhung ste skyon 'byung ba'i phyir/ phyogs gnyi ga la mtha'i ming gis bstan ba'i rgyu mtshan yang de yin la/ dpal ldan zla bas kyang/ de dag kun rdzob de nyid bden las nyams/ /de las nyams bas thar pa 'grub yod min/ /zhes mtha' de dag gang du lhung na'ang thar pa 'thob mi nus pa dang/ don dam par med kyang tha snyad du yod pa'i tshul la nges ba rnyed nas bden gnyis zung 'jug tu song na thar pa'i grong khyer du bgrod nus tshul yang tshig gsal las/ yod dang med pa gnyis su smra ba bkag nas gnyis su med ba'i lam mya ngan las 'das ba'i grong khyer du 'gro ba gsal bar byed pa yin no/ /zhes gsungs so/ /mtha' gnyis gang du bzung @024b yang grol ba 'thob mi nus bar mzad/ de'i nang nas bden grub tu bzung yang las 'bras la rtsis su byas na bde 'gro'i rgyur 'gro btsam yod la/ da lta lta ba snyigs mar song ba'i dbang gis chad lta la dga' ba mang du 'ong bas de'i mthar lhung ste las 'bras la skur pa btab na ngan song du 'gro ba'i tshul rin chen 'phreng ba las/ 'jig rten yod ce'am med pa zhes/ /'dzin pa de ni rmongs pa ste/ /rmongs pa yod na mi grol lo/ /yod pa pa ni bde 'gror 'gro/ /med pa pa ni ngan 'gror 'gro/ /zhes gsungs so/ /rtag mthar zhen pa la'ang stong nyid blor ma shong bas sher phyin spangs te ngan 'gror 'gro ba'i nyes dmigs can du ma yod ba ni rin chen 'phreng ba las/ gzhan yang 'di ni log bzung na/ /blun po mkhas pa'i nga rgyal can/ /spong ba'i ma rung bdag nyid can/ /mnar med ba ni skye'u tshugs 'gro/ /zhes dang/ tshig gsal las/ stong pa nyid spong bar 'gyur te/ de ltar spangs nas chos kyis 'phongs par 'gyur ba'i las kyis nges par ngan 'gror 'gro bar 'gyur ro/ /zhes gsungs pa'i phyir/ des na kun mkhyen 'jam dbyangs bzhad ba'i grub mtha' rtsa bar/ bden gnyis gang las nyams phung mthar lhung phyir/ /'di gnyis nye ring mi rigs zung 'brel gces/ /zhes gsungs te/ phra ba'i dgag bya ma khegs na rtag mthar lhung ste don dam las nyams shing ye shes kyi tshogs mi 'grub pa dang/ 'gog ches pas cad med du bzung 'chad mthar lhung shing kun rdzob kyi bden ba dang bsod nams kyi tshogs las nyams par 'gyur ba'i phyir/ rgyu mtshan de la dgongs te rje btsun mkhyen pa'i gter gyis rje bla ma la gdams ba'i tshe 3na'ang/ snang stong gnyis la nye ring byed mi nyan cing/ khyad par du snang ba la@025a @#/ /rtsis su byed dgos gsungs pa'ang/ rtag mthar zhen na 'jig rten las 'das pa'i yang dag pa'i lta ba nyams kyang/ des 'jig rten pa'i yang dag pa'i lta ba mi nyams pas mngon mtho la sgrib par ma nges pa dang/ chad mthar zhen na 'jig rten ba'i yang dag pa'i lta ba'ang nyams nas mngon mtho la'ang sgrib pa ste nyes dmigs shin tu che bas mdo las/ tshul khrims nyams ba ni sla yi/ lta ba nyams pa ni de ltar ma yin no/ /zhes gsungs la/ mngon pa mdzod du/ med bar lta bas rtsa ba gcod/ /ces pa ltar las 'bras med bar lta ba'i dbang gis dge rtsa gcod bar 'dod pa grub mtha' bzhig mthun no/ /las 'bras yod par yid ches pa'i lta ba 'di la 'jig rten pa'i yang dag pa'i lta ba zer ba'i rgyu mtshan yang/ gnas lugs mthong ba'i lta ba mthar thug gi sngon du skyed dgos pa smin byed sbyor ba lta bu yin pa'i cha nas kyang bshad mod/ gtso bo ni 'jig rten kun rdzob kyi bden pa'i dbang du byas pa'i lta ba yin pas na 'jig rten pa'i yang dag pa'i lta ba zhes stong thun las gsungs pa ltar ro/ /de'ang theg pa mchog gi gdul bya rnams mi gnas ba'i myang 'das su 'khrid pa la tshogs gnyis yam bral pa'i lam gyis srid zhi gnyi ga'i mtha' 'gog dgos shing/ de la dang por bden gnyis kyi gnas tshul phyin ci ma log par bstan nas nges pa skyed pa ni theg pa chen po'i dge ba'i bshes gnyen gyis yongs 'dzin mdzad tshul yin te/ mngon rtogs rgyan las/ sems mi 'gong ba nyid la sogs/ /ngo bo nyid med sogs ston byed/ /de yi mi mthun phyogs bor ba/ /rnam pa kun @025b tu yongs 'dzin yin/ /zhes dang/ de'i thad kyi brgyad stong 'grel chen las/ kun rdzob dang don dam pa'i bden pa las mi 'da' ba'i tshul du phan pa thob bar bya ba'i phyir rjes su ston cing 'doms pa zhes bdan pa gnyis sam snang stong gnyis la ma bral ba'i lam la 'khrid tshul mkhas dgos par gsungs so/ /gdul bya rgyud ma smin pa la dang po nas stong nyid bstan te skrag pa skyed pa dang/ kun rdzob ris su bor nas don dam kho na la 'khrid pa mi rung ba'i tshul yang de nyid las/ kun rdzob dang don dam pa'i dbye ba ma byas bar thog ma med pa'i dus nas goms par byas ba'i dmigs pa bkag ste mong kho nar las dang po pa la skye ba med pa la sogs pa ston par byed pa ni dmyal ba la sogs ba'i 'bras bu dang dam pa'i chos spong bar byed pa'i sdig pa'i rgyur 'gyur ba nyid yin pa'i phyir/ zhes gsungs te/ 'di'i rtsa ba'i mdo las kyang/ sdig pa'i grogs po'i lag tu song bar gyur na ni/ zhes sogs kyis theg pa la gsar du zhugs pa'i byang sems der stong nyid kyi don phyin ci log tu bstan nas sems 'gong ba dang dngangs shing skrag pa skyed na mi dge ba'i bshes gnyen du 'gyur bar gsungs so/ /tha snyad tshad grub sngon du ma song bar rang bzhin med bar bzung bar rlom yang rang bzhin med do zhes pa'i chig tsam la yid bzlas byas pa'am/ ye med du gzung bar 'gro yi/ rang bzhin med rtogs kyi blor mi 'gyur te/ byang chub sems 'grel las/ chos can yod na chos rnams la/ /'jig rten na ni dpyod pa 'jug /ces dang/ dbum lung rigs gter mdzod las/ tha snyad tshad grub 'jog mi shes par rang bzhin med pa rtogs mi srid par thal/ tshad @026a @#/ /grub 'jog mi shes par rang bzhin med par bzung bas stong nyid rtogs mi thub ba'i phyir/ zhes gsungs pa'i phyir/ de'i rgyu mtshan yang budd+ha pA li ta las/ ma skyes pa dang ma 'gag pa de yin du zin kyang gang la mngon sum gyi shes pa yod pa de nyid legs pa dang ldan zhing bsngags pa yin gyi/ gcig shos ni stong nyid mngon sum du ma gyur ba'i phyir lta ba'i skyon gyis gos la mkhas pa rnams kyis smad bar yang 'gyur bas/ zhes dbum pa dang rgyang phen pa gnyis kas skye ba snga phyi rang bzhin med bar bzung ba 'dra' bzhi 'dod mi 'dra bas gcig lta ba rnam dag dang/ gcig chad ltar 'gro bar gsungs ba'i phyir/ des na rje bla ma la rang gi yongs 'dzin mgon po 'jam pa'i dbyangs kyis snang stong gnyis la nye ring byed mi rung zhes gdams pa 'di ni theg pa chen po'i lam gyi gnad shes pa zhig gis bltas na don shin tu zab cing rgya che ba yin no/ /gnyis ba gzhan gyi man ngag ci rigs la brten nas bzhag ba'i ltar snang gi lta ba rnams dgag pa la/ rgyas bar bshad ba dang/ don bsdu ba gnyis/ dang po ni/ phyag rdzogs gsal stong 'dzin med ces/ /'gro 'ong gzugs can ltar med dang/ /'byung 'jig rags ba'i mi rtag tshul/ /mthong bya ma mthong brgyal 'dra'am/ /gzugs sum grub gsal rig tsam/ /myong la bden mthong rlom 'chang zhing/ /phyogs glang grags pa sogs gyis kyang/ /de nyid ma mthong smra ba mtshar/ /kha cig ma btsal skyong bar rlom/ /la la btsal lang skyong tshe stor/ /bzung yang dpyod med 'jog sgom tsam/ /lta la mkhas ba min par @026b gsungs/ /zhes byung/ de'ang bka' rgyud pa rnams sar ha sogs kyi man ngag la khungs bcos te/ rgyu rkyen gyis gsar du bsgrubs pa ma yin par gnyug ma lhan cig skyes ba'i gshin su grub pa som ma bcos ba'i sems nyid 'od gsal phyag rgya chen po gnas lugs mthar thug tu 'dod pa dang/ rnying ma pa rnams slob dpon padma'i man ngag la khungs bcos te snang stong dbyer mi phyed pa mkhyen cha nang du gsal ba'i gzhon nu bum sku ka dag ste skyon rnams ye nas dag cing yon tan gyi chos ye nas rdzogs ba'i lhun grub rang gi rig ba chos sku kun tu bzang bo'i rang zhal gnas lugs mthar thug tu 'dod pa dang/ sa skya ba rnams birwa pa'i man ngag la khungs bcos te sems rang gi 'o bor grub tsam nas gsal ba mi 'dor bas gsal ba sems kyi mtshan nyid/ gsal ba de dbyibs kha dog sogs gang du btsal kyang mi rnyed pas stong pa sems kyi rang bzhin de lta bu'i gsal ba'i dus nyid na stong zhing/ stong ba'i dus nyid na gsal bas gsal stong dbyer med zung 'jug brjod bral bcos ma ma yin pa'i sems kyi ngo bo gnas lugs mthar thug tu 'dod ba rnams khungs gtugs sa'i rtsa ba'i slob dpon dang/ gang la brten pa'i gzhung/ bshad tshul gyi tshig zin/ gtan la 'bebs byed kyi lung rigs/ dpe sogs mi mtshungs pa'i grub mtha'i khyad par chen po yod yod 'dra ba zhig byas kyang/ gtan la phab nas bsgom rgyu'i gnad 'gag mthar thug tu sleb pa'i tshe/ chos thams cad kyi rtsa ba sems yin/ sems ngos gzung thams cad dang bral ba'i don cir yang ma grub pa yin pas/ gnas tshul de dang mthun par blos kyang cir yang mi 'dzin bar ha ded cham me @027a @#/ /'jog dngos zer ba la thams cad mgrin gcig tu 'bab pa ni stong thun skal bzang mig 'phyed las/ grub mtha' mi mthun pa ches cher che ba rang stong dang/ gzhan stor dang/ chos nyid bden bar grub ma grub la sogs pa ji 'dra ba'i rtsod ba chen po byed pa thams cad kyang zab don nyams su len pa'i tshe mi 'dra ba cung zad kyang med par/ zhes pa nas/ yul cir yang ma grub pa la blos cir yang mi 'dzin par 'jog zer ba 'dir kha 'cham nas 'ongs/ zhes dang/ grub mtha' mi mthun pa'i khyad ji tsam phye'ang lta ba gtan la 'bebs pa'i dus khyad phye ba ltar mi sgom bar bsgom dus ci'ang yid la mi byed par sgom pa la khyad par med pas/ zhes sogs gsungs pa bzhin gnang kyi 'babs gcig tu 'go bas 'dir yang dkyus fgcig tu byas pa yin no/ /sems kyi ngo bo 'tshol tshul yang/ spyir 'gro'ong brtag pa'i rab byed nas 'byung ba ltar gnas lugs gtan la 'bebs tshul zhig yod mod kyang/ de ma yin bar gzugs can gyi dngos po phyogs gzhan nas gzhan du 'gro zhing 'ongs pa lta bu'i tshul gyis sems 'di dang po gang nas bongs/ bar du gang du gnas/ tha mar gang du 'gro zhes tshol bar byed kyang de lta ba gtan la 'bebs dus kyi btags don 'tshol lugs min pas/ de gang du'ang ma rnyed ba tsam gyis dgag bya khegs par mi 'gyur te/ mkhas grub thams cad mkhyen pa'i lta khrid chen mo las/ sems skad cig phyi ma sngar ma skyes shing skye ba la mngon par phyogs ba rnams gnas 'di 'dra zhig nas tshul 'di ltar 'byung ba khyi tshang nas 'byung ba lta bu dang/ @027b skyes nas ma 'gags ba rnams gang du gnas pa'i gnas tshul rgyal po gdan thog tu gnas pa lta bu dang/ sems skad cig snga ma rnams 'gags nas gang du 'gro ba'i gnas dang 'gro tshul byi ba khung du 'jug pa lta bu'i 'gro tshul ni sems lus can ma yin pas tha snyad du'ang su zhig gis rnyed par 'gyur/ de lta bu ma rnyed pa tsam gyis sems brtag na skye 'gag gnas gsum dang bral bar nges mi nus te/ de tsam zhig grub kyang sems rang grub dus las/ dus gnyis par mi sdod bar zhig nas 'gro ba dang/ rang dus su gnas pa dang/ rgyu rkyen tshogs pa las sngar med gsar du 'byung ba'i skye 'gag gnas gsum rang bzhin gyis grub pa'i dogs pa mi chod pa'i phyir/ zhes gsungs ba ltar ro/ /yang do ha las/ ji ltar gzings nas 'phur ba'i bya rog ni/ /phyogs rnams bskor nas slar yang der 'bab bzhin/ /zhes dang/ sgam po pa yab sras kyis/ sems nyid lhan cig skyes ba chos kyi sku/ /rnam rtog lhan cig skyes pa chos sku'i rlabs/ /zhes sogs kyis rlabs rgya mtsho'i ngang du thim pa ltar sems las rnam rtog 'phros pa na de'i ngo bo la bltas pas rang so mi zin par yal nas 'gro bar mthong ba la sems kyi gnas lugs mthong ba dang chos sku mthong ba sogs su byed kyang 'di gnas lugs kyi lta ba ma yin te/ dri ba lhag bsam rab dkar las/ ci ste skad cig dang po la rnam rtog ram shar byung dus de gal cer bltas pas skad gcig gnyis pa'i tshe rang yal la 'gro ba 'dug pa de gal chos skur shar ba zer snyam na/ skad cig dang po la thol skyes bskad cig gnyis par mi sdod bar mthong ba de ni mi rtag bar lta ba'i @028a @#/ /tshul yin gyi/ klu sgrub lugs kyi stong pa'i lta tshul dang phyogs mi gcig/ ces dang/ mkhas grub rje'i lta khrid chen mo las/ rtog pa rang grub dus las dus gnyis par ma bsdud ba'i mi rtag par rtogs pa la rtog pa'i stong nyid rtogs par 'dod pa'i nor ba rnam par mi 'tsham pa ste/ zhes so/ /yang rnam rtog gi 'phro 'dul bltas pas ngos gzung med bar stong cham gyis song ba na bcas bcos gang yang mi byed par sems kyi gnyug ma'i ngo bo ngos gzung ci'ang med pa so ma ma bcos lhug pa de'i ngang du lhod kyis glod nas cir yang mi 'dzin par dmigs med du cham gyis 'jog pa de chos nyid kyi rang zhal lta tshul zab shos su 'dod de/ rje sgam po bas/ bcas bcos ma byed lhug bar zhog /lta nyul ma byed rang dgar zhog / yid lam byed mi dmigs zhog /ces dang/ de nyid kyi tshogs chos las/ rang gi sems la blta na/ sems de glod la bzhag/ so mar bzhag/ rang dgar bzhag/ lhug bar bzhag/ ces dang/ glod pa rab la sgom pa rab/ /glod pa 'bring la sgom pa 'bring/ /zhes sogs gsungs shing/ zhang rin po ches/ shes pa lhod kyis glod pa'i dus/ /gsal la rtog pa med pa'i nyams/ /bar snang dag ba'i dkyil ltar 'char/ /zhes dang/ rje rgod tshang bas/ rang gi sems la cer gyis ltos/ /bltas bas mi mthong dngos po med/ /med ba'i ngang? la lhod de bzhag /yal le chad de 'dzin med zhog /ces gsungs shing/ de dag gi dgongs ba rjes 'jug rnams kyis 'do lugs/ dwags po bkra shis rnam rgyal gyi phyag chen rnam bshad @028b las; mdor na sems kyi gnas lugs ci'ang bsgom du med pas cir yang mi sgom ste/ gal te bsgom na ji 'dra zhig bsgoms kyang yid kyi 'du byed dang/ dmigs pa dang/ mtshan ma dang/ 'dzin pa dang/ zhen pa skyed pa tsam yin la/ de dag ni gnas lugs kyi lta sgom yang dag tu mi rung ba'i phyir/ zhes bshad pa ltar tshang mas mgrin gcig tu smra'o/ /gnas lugs mtshan ma med pa'i de kho na nyid du 'jug pa la/ yongs su dpyod pa'i sgo nas de nyid btsal ba dgos kyi/ brgyal ba'am gnyid log pa ltar yid byed thams cad bgag nas ci'ang ma mthong bar stong cham me ba'i ngang la had kyis 'jog pa tsam byas pas gnas lugs rtogs pa mi srid de/ dkon mchog sprin las/ ngo bo nyid kun tu btsal na stong bar rtogs te/ de ltar rtogs bas mtshan ma med pa'i rnal 'byor la 'jug go /zhes dang/ de'i don sgom rim bar pa las/ 'dis ni yongs su rtogs pa sngon du gtong ba nyid mtshan ma med pa nyid la 'jug par bstan te/ yid la byed pa yongs su spangs pa tsam dang/ shes rab kyis dngos po'i ngo bo nyid mi dpyod par rnam par mi rtog pa nyid du 'jug pa mi srid par shin tu gsal bar bstan pa yin no/ /zhes dang/ lhag mthong chen mo las/ sems 'phro ba bsdus pa'i yid la byed pa spangs pa tsam gyis mtshan med dam mi rtog par 'jug pa mi srid par gsal bar bstan to/ /zhes gsungs pa'i phyir/ 'di la dgongs te dri ba lhag bsam rab dkar du'ang/ gang la'ang mi lta ba de ga lta ba'i mchog yin/ gang la'ang mi spyod pa de ga spyod pa'i mchog yin snyam na ni/ de 'dra smra ba de nyams rtogs @029a @#/ /bzang bzang 'dra pa zhig 'dug ste/ de lta na dge sbyor ma byas ba de ga byas pa dang/ sgrib pa ma dag ba de gdag bar yang song zhing/ zhes sogs dgag gzhag mang du mdzad do/ /yang kha cig slob ma la sems 'tshol gyi gdams ngag 'bog pa na/ khyod kyi sems de kha dog dkar ser sogs dang dbyibs ring thung sogs ji 'dra zhig tu 'dug ces ba ltar bcug ste/ de gang du'ang ma grub pa gnas lugs su ngo sprod pa dang/ dbyibs dang kha dog sogs 'di lta bu zhes ngos 'dzin rgyu med pa'i myong ba gsal rig tsam du mthong ba de sems kyi gnas lugs mthong bar byed do/ /de'ang mi 'thad de/ sems gzugs can ma yin pa la dbyibs dang kha dog ci 'dra zhig tu 'dug ces dpyod ba ni 'brel med kyi dpyod lugs yin pas/ de ltar du ma grub pa gnas lugs dang/ de ltar ma grub par mthong ba gnas lugs mthong bar 'gro don gtan mad pa'i phyir/ dri ba lhag bsam rab dkar las/ 'ga' zhig sems 'di kha dog dang dbyibs gang du grub 'dug legs par bltas pa'i tshe/ de gnyis gang du'ang ma grub par mthong ba de ga sems mthong ba yin snyam pa de ltar na rwa rnol ring ba de bong bu'i mgo la grub ba ma rta'i mgo la grub 'dug legs par bltas pa'i tshe/ de gnyis gang du'ang ma grub par mthong ba de ga rwa mthong ba yin nam/ zhes sogs dang/ khyed? seng ge dang wa gang du 'jug bltas ba'i tshe de gnyis gang du'ang ma mthong ba de khyi'i gnas lugs sam ngo bo mthong ba yin nam/ zhes sogs gsungs so/ /der ma zad zhang rin po ches kyang/ kun gyi sa bon @029b rang sems gnas lugs ni/ /rgyal bsras bcas kun gyi thugs dang ni/ /ye nas khyad med ye shes chos skur snang/ /bem po ma yin rang gi dang gis gsal/ /dngos por ma grub kha dog tshad kyis stong/ /zhes gsungs mod kyang/ sems de mdog dbyibs sogs cir yang ngos gzung du med pas myong tsam gyis ngo bos la le hrig ge bar mthong ba na sems kyi don dam pa'i gnas lugs mthar thug mthong ba ma yin par thal/ myong ba gsal rig tsam ni sems kyi kun rdzob pa'i ngo bo yin par kun la grags shing grub ba'i phyir/ lta khrid tshin mo las/ kha dog dang dbyibs la sogs pa 'di ltar 'dug gi ngos gzung med kyang/ sal le hrig ge ba'i gsal cha ma 'gags pa la bltas pas de nyid rjen cher gyis myong ba'i tshe sems ma bcos so ma'i rang ngo mthong ba dang sems kyi gnas lugs mthong bar byed pa yod de/ de dag gis lto ldir zhabs zhum pa mthong ba bum pa'i gnas lugs mthong bar 'dod pa dang khyad med de/ gsal zhing rig pa sems kyi mtshan nyid yin pa'i phyir ro/ /rang gis kyang gsal ba sems kyi mtshan nyid ces smras pa dran par byos shig/ ces gsungs pa'i phyir 'di dag tu sems kyi gnas lugs tshol ba na kha dog dang dbyibs gang du 'dug ces tshol ba dpyad tshul mi legs par gsungs pa ni gdul bya spyi khyab kyi dbang du byas pa yin/ dmigs bsal re gnyis la khams dang bsam pa'i dbang gis de ltar byas kyang don du 'gyur ba srid pas/ dkon brtsegs dang rnam snang mngon byang las de ltar gsungs kyang skyon med de/ spyir ting nge 'dzin bsgom pa la byi dor byas pa'i gnas @030a @#/ /yid mthun dang sbyod lam tshul ldan dgos kyang/ ba lang bdag gi lta bur da las bzlog ste gsungs pa dmigs bsal yin pa bzhin no/ /gong du bshad pa ltar sems kyi ngo bo la bltas pa na/ gang nas 'ong ba dang gang du 'gro ba'i gtang so med cing/ dbyibs dang kha dog ci'ang bstan du med pa myong tsam gyi ngo bo sal le hrig ge ba de'i ngang nas rnam rtog gla bur ba thol gyis skyes ba na de'i ngo bo la cer gyis bltas pas rang so mi zin par yal te stong cham gyis yod pa de'i ngo bor 'dzin med du had kyis 'jog pa la gnas 'gyu 'dres ba zhes lta ba'i mthar thug rnyed par rtsi'ang/ de tsam ni gzhung lugs la cher ma sbyangs pa'i rtul bo la'ang 'char slabs bod 'dir de la blo kha phyogs mkhan dang nyams myong skyes mkhan mang du byung bya yin snang ste/ stong thun las/ shes pa kha dog dang dbyibs gang du grub dpyod pa blta bu'i rigs pa ltar snang 'ga' zhig gis btsal ban chos gang la'ang 'di yin ma rnyed pa na/ dpyod mkhan gyi blo de la bltas pas de la'ang ngos gzung ci'ang ma rnyed pas/ chos gang la'ang 'di yin 'di min gyi ngos gzung ci'ang med pa'i ngang la blo gang du'ang mi 'dzin par 'jog pa 'dra ba ni ches shin tu sla bas de 'dra ba la sangs rgyas kyis mchog tu rtogs dka' bar ga la gsungs/ tshul de ches rtogs sla ba'i rgyu mtshan gyis gangs ri'i khrod 'dir yang don 'di rtogs ba shin tu mang bar byung/ zhas gsungs/ sgom tshul de tsam re ston pa'i man ngag rnams la gnas lugs ston ba'i man ngag 'khrul med du brtsi @030b zhing; de 'dra'i myong ba than thun phyi rol pa dang thun mong ba'i ting nge 'dzin gyi sne zin tsam re skyes pa la bden ba mngon sum du mthong ba'i rlom sems byed pa dang/ 'phags yul gyi baN grub chen po phal cher gnas lugs kyi lta ba mrnyed bar 'dod pa ni phyogs lhung gi gtam ches shin tu mi'os pa'i ngo mtshar gyi gnas su gyur ba yin te/ mkhas grub thams cad mkhyen pa'i zhal nas/ rgyal bas lung bstan shing rta che/ /dbyig gnyen dpal ldan chos skyong dang/ /phyogs glang chos grags de bzhin du/ / klu sgrub sras po legs ldan 'byed/ /ye shes snying po zhi ba 'tsho/ /'phags seng padma'i ngang tshul sogs/ /nyams snang ma yin rang mtshan par/ /lhag pa'i lha yis bshes gnyen mdzad/ /bod kyi grub thob phal cher gyis/ /char mi phod pa'i rtogs pa brnyes/ /de 'dra'i shing rta che rnams kyis/ /stong nyid zab mo'i gnas 'di ni/ /thugs sum chud spangs so zhes/ /gzhung lugs 'chad par rlom pa'i tshe/ /tsham tshom med par smra ba gla/ /mgrin pa brkyangs te cing gar 'jug /gtam de bzung nas slar yang 'dir/ /yang dag lta ba'i nyams len la/ /cung zad smra bar zhugs ba na/ /bod 'dir mkhas rmongs so so yis/ /rnam bar sbyar pa'i man ngag ni/ zhes pa nas/ sems nyid gnas lugs tshol ba yis/ /yang dag lta ba zab mo'i gnad/ /'khrul pa med ces smra ba ni/ /'di las ya mtshan che ba dang/ /'di las ngo mtshar gyur ba ci/ /zhes gsungs ba ltar ro/ /rang re dge ldan ba'i khrod na'ang rje yab sras kyi dgongs pa legs par rnyed de pha rjes bus zin ? shas rem gtog@031a @#/ /phal mo ches rang bzhin med pa dang/ bden par med zer shes pa tsam rgyu mtshan du byas te/ zla ba'i 'jug 'grel las/ gal te gnas brtan dbyig gnyen dang/ phyogs kyi glang po dang/ chos skyong la sogs pa bstan bcos mdzad pa po byon zin par gyur pa de dag gis kyang yi ge tsam thos pas 'jigs te/ rten cing 'brel bar 'byung ba'i don phyin ci ma log par ston pa 'di yongs su spangs sam zhe na/ de skad du smra'o/ /zhes gsungs pa'i rjes zlos byas te mkhas pa de dag gis ma dgongs pa'i gnad rang gis go ba'i khul byed ba ham ba ches pa yin no/ /sngar bshad pa de dag la kha cig 'di snyam du/ 'o na 'di'i phyogs snga smra ba po bka' brgyud ba kho nar snang bas/ gong du/ phyag rdzogs gsal stong 'dzin med sogs/ /zhes sa skya dang rnying ma'i lta ba gnyis kyi ming tsam smos pa don med do zhe na/ stong thun sngar drangs pa bzhin de rnams grub mtha'i gzhung bshad byed pa'i tshe mi 'dra ba che che lta bur yod de/ sa paN gyi sdom gsum rab dbye dang; thub pa'i dgongs pa rab tu gsal ba/ phyogs bcu'i sangs rgyas la 'phrin du gsol ba sogs las bka' brgyud pa'i lugs kyi phyag chen la hwa shang gi sgom dang dbye ba med tshul gyi dgag pa mang du mdzad/ 'brug pa padma dkar pos phyag chen bshad sbyar rgyal ba'i gan mdzod sogs su de dang dri ba lhag bsam rab dkar la dngos shugs kyi tshul du lan dang zur gyi dgag pa'ang mang tsam byas/ der klu sgrub rgya mtsho sogs kyis brgal ba la/ 'phrug pa sangs rdor pas yang lan byas pa sogs mi mthun pa @031b mang du byung/ 'on kyang lta ba mthar thug gi che dgag bya rang bzhin gyis grub pa bcad tsam gyi med dgag 'dzin stangs su byas na chad stong lta bur song gis dogs pas thugs la ma bde bar sems kyi ngo bo ngos gzung ci'ang med pa'i stong cham me ba de'i ming la spros bral dang 'od gsal dang 'dzin med dang ka dag rang gi rig pa sogs mi 'dra ba re btags nas lta ba zur pa re yin rgyu'i tshul byas pa tsam du zad de/ lam 'bras pas lta ba 'khor 'das dbyer med kyi skabs/ snang ba sems su sgrub/ sems sgyu mar sgrub/ sgyu ma rang bzhin med par sgrub pa gsum du byas kyang/ sgyu ma rang bzhin med par sgrub lugs klu sgrub yab sras dang rje'i legs bshad ltar min te/ sa bcad de gsum ni/ bsod nams min pa dang por bzlog /bar du bdag ni bzlog pa dang/ /tha mar lta zhig kun bzlog pa/ /zhes pa'i lta rim gsum dang sbyor zhing/ gsal ba/ stong pa/ 'dzin med gsum gyi don rim pa bzhin gtan la 'bebs byed yin pas/ dgag bya'i bdag dgag pa lta rim gnyis par byas te/ gsum pa mthar thug gi skabs bdag med do snyam du 'dzin pa'ang mi rung par 'dod do/ /de'i rgyu mtshan yangs chen gyis/ 'dzin pa byung na lta ba min/ /zhes de'i tshe stong 'dzin byung na'ang lta ba dug med du mi 'gyur bar gsungs pas/ tha mar lta zhig kun bzlog pa/ /zhes pa'i dgongs pa/ gzhon nu rgod dang lkug pa'i rmi lam dang/ /zhes sogs thun mong dang thun mong ma yin pa'i dpes brjod bral te dgag sgrub gang yang mi byed par 'dzin med kyi ngang du cham me 'jog par bzhed pas 'gag 'dir @032a @#/ /sleb dus phyag rgya ba dang bka' bgros mthun par snang ngo/ /der ma zad skye 'gag med pa sogs gtan la 'bebs dus kyang/ kha ton mar me me long rgya/ /zhes sogs dpe don du mas gang nas gang du 'gro 'ong gnas gsum byed rgyu med par sgrub lugs phyag rgya ba dang 'dra'o/ /rnying ma'i lta ba'ang rdzogs chen a ro'i man ngag las/ snang ba sems su thag bcad/ sems stong bar thag bcad/ stong pa gnyis med zung 'jug tu thag bcad/ gnyis med rang grol bde ba chen por thag bcad pa bzhir byas shing/ rig 'dzin zhal yung sogs las ngo sprad pa'i rig pa gcer mthong la nges shes drangs nas gdeng tshad btsal ba dang lngar yang byas la/ 'dis kyang gnyis med zung 'jug ni/ stong bzhin du gsal/ gsal bzhin du stong bas brjod bral 'dzin med du thal le bde la byed pas/ phyag rgya ba'i gnas 'gyu 'dres pa dang don 'dra'o/ /yang 'dis/ 'das pa'i sems ni par snang bya rjes 'dra/ /da lta'i sems ni bar snang stong pa 'dra/ / ma 'ongs sems ni rtsis med mun pa 'dra/ /dus gsum skye 'gag med par shes par bya/ /zhes sogs skye 'gag gnas gsum gyi sgo nas sems tshol tshul yang phyag rgya ba dang 'dra la/ rig pa rtsal sbyang ba'i skabs/ rang gnas bsam gtan gyi ngang du sbyang ba/ rang gdangs ye shes kyi rol bar sbyang ba gnyis dang/ phyi ma la/ gnas pa sems kyi rgyan du gyur pa/ 'phro ba sems kyi rol bar shar ba/ gnyis med mnyam pa'i ngang du gnas pa sogs kyang bka' brgyud pa'i @032b rig pa rkyang ded dang rtog pa thol skyes rbad gcod du gtong ba/ gnas 'gyu 'dre ba sogs kyi ming brjes ba tsam du snang ngo/ /'on kyang khong rang rnams kyi bzhed pa de phyag rgya ba dang mi 'dra ba'i rgyu mtshan so so nas nan cher gsung snang ste/ 'jam mgon sa paN gyi zhal nas/ sems rkyang pa ngo sprod pa mu stegs pa'i lugs yin gsungs shing/ 'jam dbyangs mkhyen brtses kyang/ snang ba sems su ngo sprod pa 'di kham che ba yin/ sems rkyang ba'i ngo sprad na kho rang rkyang ded byas dus yod yod 'dra mo la yul dang phrad pa'i tshe rkyen mi thub pa mang/ deng sang lo mang por ril bsdad/ dpe med kyi thugs dam par byed pa tsho/ zhes sogs kyis zur za dang bcas pa mang po gsungs so/ /rdzogs chen pa rnams/ phyag rgya pas yul la phar rgyas 'debs pas mi zab cing/ khong rang rnams rig stong ka dag tu gtan la 'bebs pas zab pa dang/ spros pa 'gog tshul yang mi 'dra bar 'dod de/ rgyal dbang gis mdzad pa'i mkha' 'gro snying thig gi mchan 'grel snang bzhi'i 'od zer las/ phyag rgya pa tsho rnam rtog la byar byed cing 'gog pas 'di dang mi mthun/ rang lugs rnam rtog dgag sgrub med pa bya 'phur yang nam mkha' las ma 'das pa lta bu/ zhes gsungs kyang rje mi las/ lho sprin nam mkha'i cho 'phrul yin/ /nam mkha' rang gi ngang du zhog / gsungs pa las zab tu song ba med 'dra'o/ /mdor na rje bla ma'i rang lugs 'di lta bu gzhan dang ma 'dres pa'i khyad chos zengs kyis thon pa byung na blo gros can rnams kyis bltas tsam nas khyad par mthong 'ong bas/ nged gnyis mi 'dra zhes smra @033a @#/ /gyin sdod mi dgos kyang khong rnams phan tshun gzhog 'dres ches pas/ lta ba bshad pa las zur du mi 'dra tshul bshad dgos byung ba yin no/ /bod kyi grub mtha' phal mo che gcig gis gcig la bsre lhad byas pa sna tshogs 'ongs par snang ste/ kun gzigs lnga pa chen pos 'khrul bral mkhas pa'i yang rtser bsngags pa stag tshang lo tsA ba'i grub mtha' kun shes su/ gshen rabs mi bo zhes grags pa'i rjes 'brang pon thog pa rim pa dgu ste/ rgyu'i bon bzhi/ 'bras bu'i bon bzhi/ theg pa bla na med pa'i bon no/ /zhes pa nas/ tha ma ni rdzogs rim pa rdzogs chen pa dang mthun pa ste/ dang po bzhi bod kyi lha 'dres bstan/ bar pa bzhi 'dul mdzod phar phyin rnams 'dra min du bsgyur/ tha ma ni rgya nag hwa shang gi lugs kyi lhag ma lus pa ste/ 'di'i lhad 'dres pa ni lta ba mtho mtho mor byas nas spyod pa khyad du gsod pa gzhan yang mang ngo/ /zhes gsungs snang bas/ 'di'ang 'khrul med yin tshe bon rdzogs gnyi ga thugs nang nye po yod 'dra la/ zur 'gogs gzhan yang mang tshod du 'dug go/ /de dag phal cher med dgag byas na cang med du go ste spros bral zhes pa'i ming snyan po la dga' zhing/ spros bral gyi don yang dgag bya'i bdag gi spros pa bkag tsam la byas na med dgag dang khyad med du 'gror dogs nas rnam rtog gi spros pa yid ngor bcad tsam gyi had de bde la bzhag pa'i dbang gis 'dam gyi phur ba bzhin rang lugs so mi zin pa kho na byung ba yin te/ rtsa shes TIka chen las/ spros bral rtogs so @033b byas na shin tu rangs shing dga' la/ spros pa med ba dgag pa 'jal lo byas na mi bzod pa ni/ dgag bya rnam par bcad tsam zhig med dgag gi don yin pa ma rtogs par med dgag thams cad ri bong gi rwa dang 'dra ba'i cang med du 'dod pa'i blo skyon yin te/ zhes gsungs so/ /'di ni gnad shin tu che ste/ mkhas grub rje'i lta khrid chen mo las/ rje nyid kyi drangs nges rnam 'byed dang/ rtsa 'jug gi rnam bshad gnyis dang/ lhag mthong chen mo rnams su dgag pa'i rnam gzhag yang yang mdzad pa ni/ zhes pa nas/ stong nyid med dgag yin na chad stong du 'gyur bas stong nyid sgom pa'i tshe ci'ang yid la mi byed par smra ba dgag pa'i ched dang/ lta ba skyong pa'i tshe'ang ma yin dgag bsgom pa'i go las gcod pa'i don dang/ blo yul du 'char tshul la mi lta bar tshig tsam la 'chel nas don dam bden pa don dam bden pa min/ chos nyid chos nyid min zhes smra ba sogs kyi log rtog dgag pa'i don du'o/ /zhes gsungs pa ltar ro/ /des na bzhi brgya bar/ bdag med ces ni bya bar brjod/ /chos 'di yi ni ming las kyang/ /dam pa min la 'jigs pa skye/ /zhes gsungs pa bzhi na/ thog ma med pa nas dngos por mngon par zhen pa'i bag chags kyi dbang gis bden dngos bkag tsam gyi sgra'ang mi bzod pa rnams la rje bla mas don dir go ba bde blag tu skyed pa'i tshul thabs mkhas kyis 'doms par mdzad pa 'dis theg gsum bgrod pa gcig ba'i zhi ba'i sgo lam yangs bor byas pa shes par gyis la/ rjes 'jug blo gsal rnams bsdus @034a @#/ /nad la sbyong dus nas dgos pa 'di ngos zin par gyis shig/ des na 'phags pa'i mnyam gzhag gi 'dzin stangs la dgag bya bcad tsam gyi med dgag 'ong bar blo tshub mi dgos par ma zad/ rje bla mas de ltar gsungs pa 'di mdo dang klu sgrub yab sras kyi dgongs pa yin pa'i phyir te/ sdud pa las/ chos rnams rang bzhin med par yongs su shes gyur pa/ /'di ni shes rab pha rol phyin mchog spyod pa yin/ /zhes sher phyin bsgom pa'i tshe rang bzhin med pa 'dzin stangs kyi yul du byed dgos par gsungs la/ yul chos nyid de dngos po gzhan sgrub pa'i cha nas mi 'jog par dgag bya bkag tsam gyi ldog pa kho nas 'jog dgos pas med dgag las ma 'das tshul yang dgongs 'grel las/ ngo bo nyid de ko? nas ngo bo nyid ma mchis pa nyid chos la bdag ma mchis ba zhes gsungs pa'i phyir dang/ rtsa shes su/ 'gag pa med pa skye med pa/ /zhes sogs kyis don dam par skye 'gag sogs brgyad med pa mnyam gzhag gi yul du gsungs la/ bzhi brgya ba'i 'grel bar yang/ gang zhig zhi ba'i sgo gnyis su med ba de ni bdag med pa'o/ /gang zhig lta ba ngan ba rnams 'jig par byed pa de ni bdag med pa'o/ /gang zhig sangs rgyas thams cad kyi yul du gyur ba de ni bdag med pa'o/ /zhes bdag med pa kho na gsal bar gsung gi/ ming nas smos thub mi thub byas te gang du'ang mi 'dzin pa'i cha ma me had de thal le zhes ma gsungs so/ /de ltar gtan la phab pa'i lta ba'i ngo bo la nor ba byung bar ma zad/ thog mar @034b de sgom tshul la'ang 'khrul ba sna tshogs byung bas/ 'dir/ kha cig ma btsal skyong bar rlom/ /zhes sogs smras te/ kha cig zab mo'i lta ba rtog ge'i spyod yul min pas dpyad pa mang po byed pa khyi rdo phyir 'brangs pa ltar don med la/ sdug bsngal gyi rtsam rnam rtog yin pas de tsher ma bzhin du bton nas mi rtog pa kho nar 'jog dgos/ de ltar bzhag na gnas lugs bsgom par yang 'gro ste/ chos gang la'ang 'di yin 'di min sogs gang gi'ang ngos gzung byas med ba de gnas lugs kyi gshis yin pas/ de la sems kyis kyang 'di yin 'di min sogs gang du'ang mi 'dzin par 'jog pa de gnas lugs dang mthun par 'jog pa yin pa'i phyir zhes zer/ la la dang por stong nyid kyi lta ba ma btsal bar mi rtog par bsgom pa tsam gyis go mi chod kyang/ lta ba rnyed pa'i rjes su mi rtog par bzhag tshad stong nyid bsgom par 'gro zer/ la la stong nyid rtogs rjes su'ang mi rtog par bzhag tshad stong nyid kyi sgom rnam dag tu mi 'gro la/ lta ba'i dpyad pa tshar re sngon du btang nas mi rtog par bzhag na stong nyid bsgom par 'gro zer/ gzhan dag snga ma gsum ltar mi 'dod kyi/ bsgom pa'i tshe'ang stong nyid la nges pa drangs ba'i 'dzin stangs ma shor ba'i ngang du mi dpyod par rtse gcig tu 'jog pa de lta ba'i skyong tshul rnam dag yin zhes zer ro/ / lugs dang po mi 'thad de/ yin min dang yod med sogs gang gi phyogs su'ang 'di'o snyam du 'dzin pa med par gsal rig tsam du gnas pas lta ba bsgom par 'gron dbang shes rnams kyang der 'gyur la/ hwa shang gi lta ba'i 'dod tshul yang ci'ang yid @035a @#/ /la mi byed par tsom 'jog byed pa 'di kho na yin pas khyad par cung zad kyang med par 'gyur ro/ /kho bo cag sbyin sogs thabs kyi cha la skur ba mi 'debs pas spyod pa'i cha nas khyad par yod ces gan 'debs pa ni/ lta bar skyon btags pa la lta ba'i cha nas skyon med tshul shod rgyu ma rnyed pa'i rtags su 'dug pas/ don gyis rang skyon ngos blangs pa yin te/ lhag mthong chen mo las/ spyod pa tsam gyi sgo nas khyad 'byed dgos par byung na kho bo cag? dang hwa shang gnyis nges don gyi lta sgom 'dra ba yin no zhes bstan pa yin te/ zhes gsungs ba'i phyir/ bdag tu 'dzin pa'i dgra bo gzhom pa la blo gros kyi mig phye ste tshul bzhin dpyod pa'i shes rab kyi mtshon chas phar bsnun pa zhig dgos kyi; ci rang yid la mi byed pa mig btsum nas dgra ma mthong bar byas pa tsam gyis pha rol la ci'ang mi gnod cing rang nyid nyams par 'gyur ba'i phyir/ sgom rim tham las/ rnal 'byor pas ye shes kyi mig phye la shes rab kyi mtshon gyis nyon mongs pa'i dgra rnams pham par byas te 'jigs pa med par gnas par bya yi/ mi sngar ma bzhin du mig btsum par mi bya'o/ /zhes dang/ sgom rim par pa las kyang/ gang zhig shes rab kyis dngos po'i ngo bo nyid so sor brtags nas mi sgom gyi/ yid ga byed pa khongs su spangs pa tsam 'ba' zhig sgom par byed pa de'i rnam par rtog pa nam yang mi ldog cing ngo bo nyid med pa nyid nam yang rtogs par mi 'gyur te shes rab kyi snang ba med dpa'i phyir ro/ /zhes gsungs pa'i @035b phyir; des na lta ba tshol mi dgos par 'dod pa ni dam ba'i gsung dang rnam thar las rgyab kyis phyogs pa yin te/ tshig gsal las/ shes rab can rnams kyis srog dag kyang yongs su btang ste de kho na nyid yongs su tshol bar ngos pa yin te/ byang chub sems dpa' rtag tu dus bcom ldan 'das ma ji ltar btsal ba bzhin no/ /zhes gsungs pa ltar ro/ /lugs gnyis pa lta ba rtogs rjes mi rtog par gang bzhag lta bsgom par 'dod pa'ang mi 'thad de/ de ltar na gang zag des byams snying rje bsgom pa sogs kyang lta ba bsgom par 'gyur ro/ /gang zag des lta ba rtogs kyang blo de la lta ba'i 'dzin stangs med pas nges don gyi sgom du mi 'gro zhes kyang smra mi nus te/ mi rtog pa'i sgom de la lta ba'i 'dzin stangs med kyang nges don gyi sgom du khas blangs pa dang dngos 'gal du 'gyur ba'i phyir/ lugs gsum pa sngar lta brnyed pa tsam gyis mi chog kyang sngon de ma thag tu lta ba'i dpyad pa tshar re byas nas mi rtog par gang bzhag nges don bsgom pa yin zer ba'ang mi 'thad de/ lta ba'i dpyad pa byas pa'i 'phror gnyid mthug po log pa'ang nges don bsgom par thal ba'i phyir ro/ /lugs par pa gnyigs thos bsam gyi dus lta ba btsal dgos par 'dod kyang/ lta bskyong ba'i sgom dngos gzhi'i dus sngar btsal ba'i lta ba de stor nas gzhan zhig bsgom pa ni dkyus gzhan du bstan nas rta gzhan du brgyug pa ltar thos bsam sgom gsum 'brel med du song ba yin te/ be'u bum sngon mo las/ kha cig thos bsam dus na rigs pas/ /rang bzhin med par gtan la phab la/ /sgom dus mi rtog 'ba' zhig bsgom @036a @#/ /zer; ;de lta na ni 'brel med stong nyid/ /logs su bsgoms phyir gnyen por mi 'gyur/ /zhes gsungs pa ltar ro/ /gung ru rgyan bzang bas kyang phyogs snga'i 'dod pa de rang lugs su byas snang ste/ khong gi gsung las/ dgag bya bkag shul gyi 'dzin stangs sbyor ba 'di mkhas grub dge legs pa rang gis rtsal bshad byas pa'i kha 'dzin ri bo dge ldan pa yongs kyis sgrog par snang/ rje rin po che dang bla ma rje btsun red mda' ba gnyis dgag bya ngos 'dzin phra zhib dpyod tshul bag tsam rtsing zhib las/ mnyam gzhag skyong tshul 'dra/ zhes gsungs mod kyang/ de ni mkhas grub rje'i rang bzom yin par rje rang gi bzhed pa yin brtsa shes TIka chen sogs gsung rab rnams la bltas pas shes shing; khyad par du lhag mthong chen mo las/ 'dir gal che ba ni ma rig pas sgro btags pa'i 'dzin stangs sun phyung ba'i sgo nas de'i ldog phyogs rang bzhin gyis stong ba'i stong pa nyid kyi steng du nges pa shugs drag bskyed nas stong nyid sgom dgos ba yin gyi/ bdag 'dzin dang ma rig pa'i 'dzin stangs sun ma phyung bar stong nyid zur ba zhig la byas nas bsgoms kyang bdag 'dzin la ci'ang mi gnod pas/ 'dre shar sgor gnod pa la glud nub sgor gtong ba dang 'dra'o zhes gong ma rnams gsungs pa mad par snang ngo/ /zhes gsungs te/ lta ba dngos gzhi'i dus bdag med kyi 'dzin stangs can du byed dgos pa bo to ba sogs bka' gdams gong ma rnams dang rje bla ma dgongs pa gcig tu 'bab bar snang ngo/ /dwags po @036b bkras rnam pa sogs phyir bas pa kha cig rje'i gsung de la dgag pa byas te rang lugs lta ba gtan la phab nas sgom dus mi rtog pa kho na sgom pa'i shes byed du/ sdud par/ chos rnams rang bzhin med par yongs su shes gyur pa/ /'di ni shes rab pha rol phyin mchog spyod pa yin/ /zhes dang/ ting nge 'dzin rgyal por/ mtshan ma med pa la ni de gnas na/ /chos rnams thams cad stong par rtag tu shes/ /zhes dang/ dkon mchog sprin las/ ngo bo nyid kun tu btsal na stong par rtogs te/ de ltar rtogs pas mtshan ma med pa'i rnal 'byor la 'jug go /zhes sogs rang bzhin gyis stong par shes shing rtogs pa'i tshul gyi lung kho na drangs nas gang du'ang mi rtog par bsgrubs pa ni rang gis rang la co 'dri bar zad do/ /khyad par du 'phags pa chos kun 'gro ba'i mdo las/ sems mnyam par bzhag na yang dag pa ji lta ba bzhin shes par 'gyur ro/ /zhes gsungs pa 'di snga ma rnams gnas lugs bsgom pa'i tshe dpyad ba mi gtso bar/ sems rtse gcig tu mnyam par 'jog pa kho na lhur byas na lta ba rnyed 'ong ba'i shes byed mthar thug tu rtsi'ang/ de'i dgongs pa ma nor ba ni rje bla mas/ sems urtse gcig pa la 'jog pa tsam zhig goms na yang dag ba'i don rtogs par 'gyur ro zhes pa'i don ma yin gyi/ mnyam par bzhag ba'i sems kyis zhes sbyor rgyu yin la de'i don yang mnyam par bzhag pa'i zhi gnas kyis dmigs pa la sems brtan par byas pa'i 'og tu/ shes rab kyis de kho na la brtags na yang dag pa'i don rtogs pa'i ye shes skye ba@037a @#/ /gsal bar bshad pa yin te/ sgom rim dang po las/ 'di ltar gang gi tshe zhi gnas kyis dmigs ba la sems brtan bar byas pa de'i tshe shes rab kyis rab tu brtags na yang dag pa'i ye shes kyi snang ba 'byung ste; de'i tshe snang ba byung bas mun pa bsal ba bzhin du sgrib pa phyung ngo/ /de gnyis ka'ang mig dang snang ba bzhin du yang dag pa'i ye shes 'byung ba la phan tshun mthun par gnas pa yin gyi/ snang ba dang mun pa bzhin du mi mthun pa ma yin no/ / ting nge 'dzin ni mun pa'i ngo bo nyid ma yin te/ ci zhe na/ sems rtse gcig pa'i mtshan nyid de ni mnyam par bzhag na yang dag pa ji lta ba bzhin rab tu shes so/ /zhes bka' stsal ba'i phyir te/ shes rab dang shin tu mthun pa yin gyi/ mi mthun pa ma yin no/ /zhes gsungs so/ /zhes mkhas pa ka ma la shrI la'i gsung shin tu gsal bar bkod yod pa 'di yin pas/ sgom rim khas len na rje'i bka' srol 'di las 'da' ba'i thabs med do/ /legs bshad 'di'i mtshan la'ang zhi lhag gnyis kyi dka' gnang rgyal ba'i dgongs pa phyin ci ma phog bar bshad pa zhes 'dug ba'ang rje nyid kyis btags par snang zhing/ bka' rgyud phyi ma rnams mi rtog pa kho na la tsom 'jog byed pa 'gog pa'i phyir dmigs phug pa'i dgag pa gnad che shos su snang yang/ shog byang nyung ba'i skyon gyis rang phyogs pa rnams la legs bshad chen por ma grags shing/ gzhan phyogs pa rnams kyis kyang dgag lan sogs ma byas 'dug go /lugs bzhi ba lta ba'i skyong tshul dngos gzhi'i skabs @037b stong nyid kyi 'dzin stangs ma shor ba dgos kyang/ de la rtse gcig tu gnas pa tsam gyis chog zer ba'ang mi 'thad de/ stong nyid kyi 'dzin stangs mdor yang 'jog sgom kho nar byas na zhi gnas kyi skyong tshul rkyang bar 'gro yi/ so sor rtog pa'i dpyad sgom lhag mthong gi skyong tshul mi tshang ba'i phyir/ dwags po bkras rnam pa sogs phyi rabs pa kha cig rje bla mas lta ba dngos gzhi'i skabs su 'dzin stangs bzhag pa ming thad bar ma zad/ de skabs su'ang dpyad sgom dgos par gsungs pa de lhag par mngon sum gyi nang du rjes dpag bcug ba lta bu'i 'gal ba zhig tu go nas 'bral med kyi dgag pa sna tshogs byas pa'i zhar la rang gi de nyid gsal bar bstan snang ste/ jo bo'i dbu ma'i man ngag gi don du byas nas dang po so sor rtog pas dpyod dgos kyang lhag mthong gi sgom dngos gzhi'i tshe so sor rtog pa'i blo'ang med dgos zhes de thos bsam gyi shes rab la byed rgyu lta bu dang/ yang sgom byung gi so sor rtog pa'i shes rab kyis stong nyid mngon sum du gzhal ba de lta ba tshol byed dngos min zhing lhag mchog gi sgom mtshan nyid pa'i sa mtshams kyang de nas 'dzin pa dang/ lung rigs kyis dpyad pa ni sgra don can gyi rtog pa las ma 'das la/ de ma rig pa'i rnam rtog yin pas mi rtog ye shes kyi spangs byar bshad pa dang/ yang paNDi ta'i lugs kyi lung dang rigs pas dpyad de rjes dpag gi sgo nas lta ba gtan la 'bebs/ ku su lu'i lugs kyis gtso bo mnyam par bzhag ste mngon sum gyi sgo nas lta ba gtan la 'bebs pas phyi ma 'di ltar rtogs pa mang zhing/ lung rigs kyis dpyad pa'i sgo @038a @#/ /nas rtogs pa srid mtha' tsam yin zer ba dang/ lung rigs kyis dpyad pa la brten nas skyes ba'i bden stong gi 'dzin stangs de stong 'dzin las ma 'das bas lta ba yang dag tu mi 'gyur zer ba sogs me phar khuis pas smar tshur tshig ste snga phyi 'gal ba kho na smras so/ /de la 'o na ku su lu'i lugs ltar dpyad bdor nas mnyam gzhag gtso bor byas te stong nyid rtogs ma thag pa'i theg chen rigs can de chos can/ 'phags par thal/ sgra don gyi spyi la ma brten par mngon sum tshad ma'i sgo nas stong nyid rtogs pa'i gang zag yin pa'i phyir/ yang sbyor yam par thal/ stong nyid rtogs pa'i lhag mthong thob ma thag pa yin pa'i phyir/ yang tshogs lam ba man chad cig yin par thal/ stong nyid rtogs ma thag pa yin pa'i phyir te/ mngon sum gyi sgo nas rtogs ma thag pa gang zhig/ 'di thos bsam gyi dpyad sgom dang rjes dpag sngon du mi sgrub mkhan de yin pa'i phyir/ thos bsam gyi dpyad pa la brten pa'i rjes dpag gis stong nyid rtogs pa srid mtha' tsam du'ang med par thal/ de ma rig pa'i rnam rtog yin pa gang zhig/ ma rig par gyur pa'i rig pa ye shes srid mtha' la'ang med pa'i phyir/ sgom byung gi so sor rtog pa'i shes rab kyis stong nyid mngon sum du rtogs pa'ang med par thal/ de'i tshe so sor rtog pa med pa'i phyir te/ mes bud shing bsregs zin nas me shi ba'i dus su me med pa bzhin yin pa'i phyir/ rtags rnams re re nas khas blangs so/ /'di'i 'khrul gzhi ni/ so sor rtog ba'i shes rab @038b ces pa'i rtog pa dang/ sgra don 'dres rung gi rtog pa dang/ rtog dpyod kyi rtog pa thams cad bsres shing/ mtshan 'dzin dang 'dzin stangs gcig tu byas/ bden zhen dang zhen yul gcig tu byas/ mi rtog pa la rtsis su byas kyang mi rtog pa'i don skabs thob kyis cir yang mi rtog pa'i yid byed bkag tsam dang/ bden par mi rtog pa'i gnas lugs kyi lta ba dang/ chos nyid mngon sum du gzigs pa'i 'phags pa'i mi rtog pa la byed tshul so sor yod pa ma shes pa'i skyon du snang ngo/ /des na rang lugs stong nyid kyi 'dzin stangs ma brjed par yod pa tsam gyis lhag mthong sgom tshul mtshan nyid par mi 'gro ste/ de tsam zhig stong nyid rtogs pa'i zhi gnas la'ang yod kyang des go mi chod pas/ nyon mongs kyi bag la nyal bcom nas myang 'das thob pa la bdag med pa'i don der so sor rtog pa'i lhag mthong gi dpyad sgom gtso bor byed dgos pa'i phyir/ ting nge 'dzin rgyal po las/ gal te chos la bdag med so sor rtog /so sor de brtags gal te bsgom pa na/ /de ni mya ngan 'das thob 'bras bu'i rgyu; ;rgyu gzhan gang yin des ni zhi mi 'gyur/ /zhes dang/ sgom rim par pa las/ zhi gnas tsam 'ba' zhig goms par byas pas ni/ zhes pa nas/ shes rab kyi snang ba 'byung ba med par bag la nyal chom bar mi 'gyur ro/ /zhes gsungs ba'i phyir/ de la kho na re/ nyon mongs spong ba ga lhag mthong sgom dgos par kho bos kyang 'dod la/ 'on kyang dpyad sgom dgos pa min te/ mi rtog pa'i lta ba bsgom pa de lhag mthong gi sgom yin pa'i phyir ro zhes zer ro/ /'di dag gi blo rtse ni ji snyed @039a @#/ /ba'i sgom thams cad zhi gnas kyi sgom dang/ ji lta ba'i sgom thams cad lhag mthong gi sgom du byas par 'dug kyang/ de gnyis dmigs yul gyi sgo nas 'byed pa min gyi/ yul de la rnam par mi dpyod pas 'jog sgom gtso bor gyur pa dang/ rnam par dpyod bas dpyad sgom gtso bor gyur ba'i sgo nas 'jog pa'i phyir/ dgongs 'grel las/ du zhig zhi gnas kyi dmigs pa lags/ bka' stsal ba/ gcig ste rnam par mi rtog pa'i gzugs brnyan no/ /du zhig lhag mthong gi dmigs pa lags/ bka' stsal pa/ gcig kho na ste rnam par rtog pa dang bcas pa'i gzugs brnyan no/ /du zhig gnyis ka'i dmigs pa lags/ bka' stsal ba/ gnyis te dngos po'i mtha' dang dgos pa yongs su grub pa'o/ /zhes gsungs pa'i phyir dang/ 'di'i rnam rtog dang bcas ma bcas blos sgom tshul yin gyi re re la'ang ji lta ji snyed gnyi ga yod pa ni sher phyin man ngag las/ de la ji snyed pa yod par gyur pa dang/ ji lta ba bzhin du gyur pa la rnam par mi rtog pa'i gzugs brnyan du gyur ba ni zhi gnas kyi dmigs pa'o/ /ji snyed pa yod bar gyur pa dang/ ji lta ba bzhin du gyur pa la rtog pa dang bcas pa'i gzugs brnyan du gyur ba ni lhag mthong gi dmigs pa'o/ /zhes gsungs shing/ gnyis ka'i dmigs par gsungs pa'i dngos po'i mtha' la'ang ji lta ji snyed gnyis su 'byed par kun btus las gsungs pa'i phyir/ de bzhin du mdo sde rgyan las kyang/ chos kyi ming ni bsdoms pa'ang 'di/ /zhi gnas lam du shes bar bya/ /lhag mthong lam ni di don rnams/ /rnam par dpyod par shes par bya/ /zhes zhi gnas kyi dmigs pa'i @039b don de nyid lhag mthong gi dpyad pa gtso bor gyur ba'i sgo nas bsgom par gsung gi/ gnyi ga'i bsgom bya'i don so so bar ma gsungs so/ /zhig nas kyis rtse gcig tu bsgoms pa'i don de lhag mthong gi dpyod pa'i sgo nas gting tshugs par byed dgos ba gzhung spyi lugs yin te/ zla ba sgron me'i mdo las/ zhi gnas stobs kyis g.yo ba med bar 'gyur/ /lhag mthong gis ni ri dang 'dra bar 'gyur/ /zhes zhi gnas kyi mthus gnas skabs mi g.yo ba tsam gyis mi chog bas lta ba ngan pa gzhan gyis drang du med pa'i nges pa brtan po shes rab kyis dpyad pa'i mthu las 'byung dgos bar gsungs la/ lhag ba'i bslab pa dang phar phyin tha ma gnyis kyi go rim sgrub tshul yang 'di yin zhing/ sbyong 'jug las kyang bsam gtan gyi skabs zhi gnas sgrub tshul gsungs te/ shes rab kyi le'ur dpyad pas gtan la 'debs tshul rgya cher gsungs pa dang/ 'jug par/ rnal 'byor pa yis bdag ni 'gog bar byed/ /ces zhi lha gzung 'brel thob pa'i rnal 'byor ba des rigs pa'i rnam grangs du ma'i sgo nas bdag 'gog par gsungs pa'i phyir ro/ /des nad lta lung dang rings pa'i gtan tshigs kyi sgo nas dpyad pa'i sgom de rtog pa yin kyang 'dor byar byed mi rung gi/ 'phags pa'i mi rtog ye shes skye ba la nges par sgom dgos pa ni/ sgom rim tha ma las/ rnam par rtog pa'i ngo bo nyid yin du zin kyang tshul bzhin yid la byed pa'i ngo bo nyid yin pa'i phyir rnam par mi rtog pa'i ye shes 'byung bar 'gyur bas na se shes de 'dod pas de la brten par bya'o/ /zhes 'phags pa'i ye shes thob 'dod na de'i nyer len zhig @040a @#/ /so skyes dus nas sgrub dgos la/ de'ang rtog pa las gzhan mi rnyed pa'i phyir ro/ /rnam par mi rtog par 'jug pa'i gzungs sogs las yid la mi byed par gsungs pa'ang dgag bya bden grub tu snang zhing zhen pa'i don mi mthun gyi yid byed 'gog pa yin gyi/ yid byed thams cad 'gog ba min te/ sgom rim dang po las/ shes rab kyis ba rtags na mi dmigs pa gang yin pa de der yid la mi byed pa la dgongs kyi/ yid la byed pa med ba tsam ni ma yin te/ zhes gsungs ba'i phyir/ jo bo'i dbu ma'i man ngag las gsungs pa sogs kyang 'di dang don 'dra bar shes dgos so/ /de ltar ma yin bar tshig zin ltar yid byed yin tshad 'gog dgos na/ blo gros rgya mtshos zhus ba las/ dran med yid la byar med pa'i; ;dran pa nye bar bzhag pa sgom/ /zhes dang/ 'phags pa sangs rgyas bgro ba'i mdor/ dran pa nye bar bzhag pa la gnas pa ji lta bu lags/ smras pa/ chos thams cad dran pa med pa/ yid la byed pa med pa'o/ /zhes gsungs pa bzhin dran pa yin tshad kyang 'gog dgos la/ de 'dod na sgam po pas/ dran pa'i rgyal po ma yengs lta bsgom/ /zhes dang/ 'bri gung pas/ dus gsum sangs rgyas kyi gzhung lam de/ /dus rgyun chad med pa'i dran pa yin/ /dran ba yengs med ma shes na/ /lus ngag tab tab kyi kha na med/ /ces sogs khyod rang gi khungs gtugs sa rnams kyi dran bsgom gyi dngos gzhir gsungs pa dang 'gal bar 'gyur ro/ /mdor na ci'ang yid la mi byed pa lta ba'i sgom gyi yang rtser bzung ba @040b 'di rnam grol sgrub pa'i don du ngal ba byas tshad chud zos su gtong ba'i log rtog chen po yin te/ stong thun las/ ci'ang yid la mi byed ba gnas lugs bsgom par bzung bas ni/ bdag med par yang bsgom du mi rung bar 'khrul bas 'khor ba'i rtsa ba bden 'dzin dang 'dzin stangs dngos su 'gal ba'i lam nyams su len pa bkag ste/ bdag 'dzin gyi 'dzin stangs la ci'ang mi gnod pa'i nyams len 'di lta bu la 'bad pas/ rang cag bod kyi nyams len pa mang po zhig gis tshe ril por 'bad nas gnas lugs bsgom par rlom kyang bdag 'dzin kha bri ba tsam yang mi 'ong ba 'di nyams su len tshul phyin ci log tu song ba'i 'bras rtags yang dag yin par shes par gyis shig/ ces sogs dang/ grub mtha' chen mor de dag gis gdul bya 'khrid tshul mi 'thad ba sogs don tshan lnga re re bzhin grub snying gi gzhung dang sbyar te bkag pa ltar ro/ /bkras rnam pa'i phyag chen rnam bshad 'di phyag rgya ba'i khrod na gzhung bshad rgyas shos dang rje bla ma 'gog mkhan du snang bas zur tsam spros pa yin la; blo gros kyi rtsal yod na rje'i gsung rab rnams dang bsdur nas zhib dpyod byas tshe nor bu dang mching bu'i dbye ba shes bar 'gyur ro/ /gnyis pa don bsdu ba ni/ nyams myong brda yi tshig thang de/ /phan 'ga' srid kyang gol ba mang/ /dgag sgrub sbyor ba kun tshang ba/ /khyod gsung thar 'dod yongs kyi gsos/ /zhes byung/ de'ang sa rnying kar 'brug sogs thams cad las rje bla ma'i lta ba khyad bar du 'phags pa yin na/ de dag gi lta ba rnams rgyal ba'i dgongs pa mthar thug tu ma son par @041a @#/ /khas len dgos pa/ de 'dod na grub mtha' de dag la'ang mkhes pa dang grub pa'i dbang phyug bstan 'dzin gyi skyes chen mang du byon pa de dag la'ang smad bar 'gyur ro snyam na skyon med de/ de dag gi thog ma'i khungs gtugs sa rnams kyi khong du'ang rgyal ba'i dgongs ba'i gnad rtogs shing grub pa'i go 'phab mthon por gshegs pa 'ga' zhig byon pa rnams dgongs pa'i gtad so rje bla ma'i bzhed tshul 'di dang shin tu mthun te/ dper na mar bas lta ba'i khungs gtugs sa mai tri ba min zhing/ des de bzhin nyid ji lta ba zla ba'i man ngag la brten nas rtogs dgos par gsungs pa dang/ rje btsun mi las don dam par bgegs su ma zad sangs rgyas kyang med la/ tha snyad bden pa'i dbang du byas nas thams cad yod par gsungs pa dang/ rje btsun grags pas kyang chos rnams don dam bar med la/ tha snyad du rten 'brel bslu ba med par gsungs pa sogs rje'i gsungs dang mgrin gcig tu 'bab pa rnams la smad par 'gyur ba'i gnas med do/ /'on kyang dper na 'jig rten na mi gnyis la grong khyer zhig rgyus yod pa 'dra'ang/ de'i lo rgyus gzhan la bshad pa'i tshe brjod tshul mkhas mi mkhas kyi dbang gis go bskyed lugs sna tshogs 'ongs ba ltar/ rang gis lta ba rnyed kyang gzhan la de'i go ba dbyis phyi nas skyed mi thub ba'ang yod la/ yang dam pa 'ga' zhig gnas skabs kyi gdul bya de'i rgyud tshod gzigs nas de'i thang ka'i gdams ngag re phog pa gdul bya gzhan dag gi rgyud la mi 'tsham pa dang/ skabs 'gar rang rang gi thugs la 'khrungs pa'i rtogs pa khyad par can gyi nyams myong dang rdzogs rim mthon po'i skabs kyi lam nyams su len tshul dmigs bsal @041b can 'ga' zhig gsungs brgyud tshod der ma phyin pa rnams kyis sgras zin ltar nyams su blangs pas chos dang gang zag 'dzol nas 'gro ba sogs kyi skyon byung ba mang bas/ rjes 'jug mang shos de dag gi lta ba las rnying bka' rgyud pa sogs kyi lta bar grags tshod dang bstun nas dgag gzhag byas pa yin gyi/ rtsa ba'i slob dpon rnams kyi bzhed pa'i dbang du byas na lta ba'i dbye ba cher med do/ /de skad du'ang rim lnga gsal sgron las/ bram ze chen po'i do ha sogs kyang sngar bshad pa'i lam mthon bo'i skabs de dag tu spros pa gzhan dor nas lhan skyes kyi ye shes kyi skor nyid snying bar byas te skyong dgos pa'i tshul ston pa yin pa la/ lam la 'jug pa'i thog ma nas dbang po rnon de ltar byed pa'i cig car ba'i lugs bstan te snyam du 'khrul 'dug pas/ grub snying gi skor rnams lhag bar yang blo zhib par byas te dpyad dgos/ zhes gsungs so/ /bu ston sogs kyis dmangs do ha tshang ldan dang gzhan gnyis brdzus mar bzhed la/ rje bla mas smras zin ltar rung mi rung ci rigs yong kyang gzhung tshad ldan yin pa'i phyogs mdzad pa 'di la dgongs te/ phyag chen yang gsal sgron mar/ do ha sogs nas gsungs pa ni sngags lam mthon po'i nyams len yin gsung ba bka' gzhan du mi 'gyur ba yin te/ zhes gsungs shing kun mkhyen bla ma'i grub mtha' chen mor yang/ mar mi dag gi phyag chen ni mtshan nyid pa yin mod/ bar skabs nas chos phug sna tshogs nyan mkhan mang pos grub snying skor nas/ shing rdos li rang bzhin gyi/ /lha rnams la yang phyag mi bya/ zhes sogs @042a @#/ /dang/ bla med rdzogs rim gyi mnyam gzhag na rnam rtog bya mi rung bar bshad pa rnams las dang po ba'i dbang rnon gyis nyams su len lugs yin par bsams shing/ hwa shang gi lugs dang mthun par go nas hwa shang gi yas bab la cig car dang mas 'dzegs nim gyis pa btags nas gzhi lam lta spyod de ltar byas la/ zhes gsungs te/ sdom gsum rab dbye las/ yas bab dang ni mas 'jog gnyis/ /rim gyis ba dang cig car bar/ /ming 'dogs bsgyur ba ma gtogs pa/ /don la rnam par dbye ba med/ /ces pa'i ming bsgyur lugs kyang 'di bzhin yin par snang ngo/ /de ltar dam pa gong ma 'ga' zhig rang gi nyams myong dang sa kha ma mthon po'i skabs kyi gdams pa thad ka'i rgyud tshod dang 'tsham pa re tsam gsungs pa des gnas skabs kyi gdul bya 'ga' zhig la phan thogs kyang gzhan mang po yam gol bar 'gro ba'i nyin che ste/ dper na nus pa rkyang sel skabs kyi sman sna re re ba'i tshig thang des nang khams gzhan ma 'dros pa'i sna re ba dang; nad stobs chung ba 'ga' zhig la phan thogs kyang 'dus pa'i nad stobs che ba rnams la btang na nad gzhan dang gzhan slong ba'i skyon du lung ba bzhin no/ /'o na klad pe las kyang/ cig car ba yi sman chen de/ /rim gyis pa yi dug tu 'gyur/ / rim gyis pa yi sman chen de/ /cig car ba yi dug chen yin/ /zhes gdams pa de gdul bya'i rgyud tshod dang sbyor dgos pa phyag rgya ba rang gi gzhu nas kyang gsungs bam yin na ma zhe na/ der de ltar gsungs bar ma zad/ des na sbyangs ba'i 'phro can la @042b cig car ba ni bstan par bya/ /sems can dang po'i las can la/ /rim gyis pa ni bstan par bya/ /zhes cig car ba'i ngos 'dzin yang skye ba snga ma rnams su la mthun mong ba dang sngags lam 'og ma rnams sngon du song zin pas tshe der sgom sgrub byas ma thag nas sngags kyi rtogs pa gong ma mngon du 'gyur mkhan zhig la gsungs kyang/ rjes 'jug rnams de las go bzlog ste las dang po pa la dbang bo rno rtul gnyis su byas nas dbang rnon des dang po nas cig car ba'i lugs bzhin nyams su len bar go ba'i nor pa byung ba yin pa'i phyir te/ sngags dang phyag rgya rab gnas sbyin sreg sogs mi dgos par gsungs pa'ang sngags lam mthon po'i skabs la ma sbyar bar dbang rnon gyis dang por phyag chen sgom pa'i dus nas mi dgos pa'i don du bshad cing/ de rgyu mtshan du byas te phyag rgya chen po'i lam 'di mdo sngags gnyi ga'i lam du mi gtogs pa'i gseng lam zhig yin par 'dod pa'i phyir/ bkras rnam pa'i phyag chen rnam bshad las/ bram ze chen po nyid kyi gzhung la dpyad na snying po'i lam zhes gseng lam zhig tu bzhed par snang ste/ do ha las/ theg pa chen po bla med snying po'i lam 'di ni/ /'bras bu lam du 'khyer bas gdod nas 'bras bur gnas/ /zhes dang/ dkyil 'khor ba dang sbyin sreg pas stong zhing/ /sngags dang phyag rgya rab gnas la sogs rnam bral ba/ /rgyud dang bstan bcos kun gyis sgrub bar mi nus pa'i/ /rdo rje ye shes 'di ni rang bzhin gnas na mdzes/ /zhes dang/ rgyud med sngags med bsam bya bsam gtan med/ /de kun rang yid 'khrul bar byed pa'i rgyu/ /@043a @#/ /zhes dang/ mar me ci dgos lha bshos de ci dgos/ /de la ci bya gsang sngags bsten pas ci/ /zhes pa la sogs pa gsungs pas lam rang gi ngo bo bsang sngags la ma ltos bar bshad cing/ zhes bris 'dug pas/ sngags lam mthon po'i nyams len las dang po pa la sbyar ba mi 'thad ces bkag pa de khas blangs med bzhin btsan thabs su brgal ba ma yin par kho rang rnams kyi rang lugs su khas blangs yod pa 'dis shes par snang ngo/ /tshig zin la rgyud med sngags med bsam bya bsam gtan med ces gsungs pa tsam rgyu mtshan du byas nas sngags kyi phyogs ma yin par bsgrubs na/ brtag gnyis las kyang/ sngags kyi bzlas med dka' thub med cing sbyin sreg med/ /dkyil 'khor can yang med cing dkyil 'khor yang ni med/ /ces dang/ kun spyod las/ dkyil 'khor pa yang med cing dkyil 'khor med/ /sngags bzlas med cing dka' thub sbyin sreg med/ /ces gsungs la/ mngon brjod las kyang de bzhin 'byung bas de dag kyang sngags lam stos pa'i gseng lam du smra bar gyis shib/ /yang de dag phyag chen sngags lam du mi gtogs tshul la/ rjes dpag lam du byed pa mdo/ byin rlabs lam du byed pa sngags/ mngon sum lam du byed pa phyag chen/ gzhi spong ba mdo/ gzhi bsgyur bsngags/ gzhi shes pa phyag chen/ dbang rtul tshogs kyi lam du 'jug pa mdo/ dbang 'bring thabs kyi lam du 'jug pa sngags/ dbang rnon shes rab kyi lam du 'jug pa phyag chen/ zhes sogs zer yang/ mdo rgyud dang paN grub tshad ldan gyi khungs med cing sgrub byed med par dam @043b bca' tsam du zad pas/ de las sgrub rgyud rang gi gdams pa'i chu mgo lta bu rje btsun mi las/ phyag rgya chen po lta ba'i rdzong/ /nA ro chos drug sgom pa'i rdzong/ /zhes sogs kyis gtum mod ba 'od gsal la brten nas phyag chen rtogs pa dang/ 'jug sgo dbang dang byin rlabs bya/ /zab mo snyan brgyud kyi gdams ngag byin/ /zhes thog mar dbang mnos te gsang sngags kyi lugs tshad ldan du byed par gsungs pas/ bka' srol de ma nub par byas na legs so/ /de'i rgyu mtshan gyis mkhas grub nor bzang rgya mtshos bka' dge dgongs pa gcig tu bsgrubs pa'ang bka' brgyud kyi khungs gtugs sa gong ma 'khrul med kyi dam ba de rnams rje bla ma dang dgongs ba gcig bar bsgrubs pa yin gyi/ phyi rabs ba sems mi rtog pa'i ngang du had por 'jog ba tsam la lta ba'i yang rtser byed pa rnams kyi 'dod tshul de dang rje bla ma'i bzhed srol gnyis mthun par bsgrubs pa min no/ /de bzhin du rdzogs chen gyi lta ba'ang thog ma nas skyon dang bcas pa min yang bar skabs su sre lhad zhugs bas dri bcas su song zhing/ rjes 'brangs 'dod yon gyis dbyen sbyos pa 'ga' zhig lta ba mthon po'i 'ud la brten nas spyod pa bag med du gyur pas bstan pa'i gzhi ma 'dul khrims sogs la shin tu gnod par byung/ de'i dbang gis lo chen rin chen bzang po dang/ zhi ba 'od/ tsa mi lo tsA ba/ chag lo/ rngog/ mgos lo/ sa paN/ 'bri gung dpal 'dzin sogs kyis lung rigs du ma'i sgo nas chos rnam dag ma yin par bsgabs/ mkhas pa mang pos tshad ldan du bzhed ba'ang byung la/ 'on kyang don dngos gzhi gong du smos pa ltar yin te/ @044a @#/ /jo gdan bsod nams lhun grub kyis mdzad pa'i rje'i rnam thar las/ rdzogs chen gyi lta ba 'di rnam dag yin min zhus pa la rje'i zhal nas/ rnam dag yin kyang phyis kyi mi mkhas pa du mas blos byas kyi lhad bzhugs 'dug/ ces gsungs/ 'o na bla ma rin po che nas lhad bsal mdzad par zhu zhes gsol bar/ de 'dra'i 'dun pa mchis kyang da lta gsang 'dus rgyud 'grel/ sgron gsal gyi mchan dang bsdus don/ mtha' dpyod/ bde mchog rgyud 'grel sogs rtsom bas long mi 'dug gsung/ zhes 'byung ba bzhin yin zhing/ don la rgyal ba'i bstan pa mtha' dag rgyal ba'i dgongs ba bzhin gsal bar mdzad pa na/ de dag la ched du dgag ba ma mdzad kyang dper na thig drang por btab ba'i tshe ya yo sogs kyi skyon shugs la thon 'gro ba ltar rnam bar dag ma dag gi dbye ba ngang gis phyed par 'gyur ro/ /rje bla ma'i gsung rab rnams ni sbyor ba tshang zhing sbyor tshad dman lhag tu ma song ba'i sman de ngo skal gyi nad sel stobs che la nad gzhan mi slong ba ltar/ mdo sngags kyi gzhung dang lam mtho dman gyi nyams len gang gsungs pa'i tshe'ang thad ka'i gdul bya la nges pa ster phul che bar ma zad/ gdul bya spyi la phan pa kho nar 'gyur bas gsungs tshul gzhan las ches khyad du 'phags so/ /de'ang mdo tsam smos na/ nyams su blang bya'i chos dang nyams su len mkhan gyi rgyud tshod ma 'dzol pa'i 'tsham pa zhig dgos par yongs su grags kyang/ de dang 'tsham mi 'tsham rtogs tshul gong ma'i nyams len de ga bskyangs na skye skye 'dra ba tsam gyis go mi chod de/ rtogs @044b pa 'og ma ma skyes par gong ma skye tshul med pas de'i tshe 'og ma 'og ma'i rtogs pa nyams 'og tu chud ma chud mas rim nas lta dgos pa dang/ de'ang nyams snang dang rtogs pa'i rtags ltar snang la yid brtan mi bya bar/ mdo rgyud dang shing rta chen po'i dgongs pa ltar gyi de'i tshad du phyin ma phyin zhib mor brtag lugs dang/ rtogs pa 'og ma skyes pa'i tshe des chog shes mi bya bar gong ma la slob cing/ nyams len gong 'og thams cad 'brel med du dum bur chad pa ma yin par snga ma snga ma phyi ma'i smin byed du 'go bas lam gyi lus gcig tu 'dril ba dang/ de la brten nas bstan pa thams cad 'gal med du rtogs ba dang/ gsung rab ma lus gdams ngag tu 'char ba ste/ mdor na bsgom bya'i ngo bo ma nor ba/ grangs ma chad pa/ go rim ma 'khrugs pa/ tshig don gyi cha phra mo re la'ang mdo rgyud kyi khungs dang bcas pa/ dri ma med pa'i rigs pa'i sgrub byed dang bcas pa/ bla ma dam ba'i man ngag dang bcas ba/ sgo gang nas nyams su blangs kyang bstan pa'i gnad thams cad de'i steng du gru bzhi lam lam 'grig 'ong ba ni/ bsag sbyang gi rgyab rten dang bcas te brtson pa shugs drag la rgyun ring bos blo gros zhib mor byas te zhal skyin gyi legs bshad rnams la dpyad na shes par 'gyur ro/ /de'ang 'bras legs par smin pa zhig la sman pas nad 'dir gzhan ci'ang mi dgos ba rtol na legs zhes de bzhin byas te sos pa na/ phyis 'bras smin ma smin gyi nad pa du mas des dpe byas te pa rtol bas srog la gnod ba sogs skyon sna tshogs 'byung ba dang/ snga ma la sman pas 'bras ma smin @045a @#/ /pa'i dus na rtags 'di 'dra 'byung bas de'i tshe sman sogs 'di lta bu byed dgos/ khyod kyi 'di smin 'dug pas brtol dgos zhes zhib cha phye nas bshad na gzhan la'ang phan ba zhig 'byung ba ltar/ snga ma rnams lam gyi go las de tsam du mtha' bcad nas ma bkag cing/ rje bla mas rgyal ba'i bstan pa la 'khrul pa'i dri ma zhugs tshad lung rigs kyis legs par bkag/ slan chad kyang log rtog skye ba'i gnas yod pa rnams dogs ba khong nas bslars te skye mi rung du mdzad/ tha na brda spyor tshul re tshun chad kyang shing rta chen po'i gzhung du grags ba kho na ma gtogs gang byung mi mdzad cing/ ming tsam gyi steng nas 'khrul pa skye nyen yod pa tshun chad kyang bsal nas gser sbyang btsom lta bur byi dor mdzad pa yin te/ dper na bka' brgyud gong mas cig car ba zhes pa sbyang ba'i 'phro can la 'dod pas don gyi cha nas 'gal ba med du chug kyang/ rjes 'jug rnams ming de la brten nas dbang rnon la lam gyi rtogs pa gong 'og thams cad cig car skye ba lta bur 'khrul te dang po nas rdzogs rim gyi spyod pa byas pas chud zos su song ba mang ngo/ /des na de 'dra'i tha snyad tsam yang byed mi rung ste shing rta chen po'i gzhung dang 'gal zhing rang gi khas blangs dang yang 'gal ba'i phyir; dang po ni rim lnga las/ thabs 'di rdzogs pa'i sangs rgyas kyis/ skas kyi rim ba lta bur gsungs/ /zhes go rim nges can du gsungs la/ spyod bsdus las/ go rim ji lta ba bzhin du bslab bar bgyi'am/ yang na bla ma'i man ngag @045b tsam gyis de dag skad cig tsam gyis so sor snang bar bgyid/ rdo rje slob dpon gyis smras pa/ rim gyis 'jug pas bslab par bya yi/ /cig car ni ma yin no/ /zhes rim gyis slob ba ma gtogs cig car 'jug pa'i sgo med tshul lang gshegs dang dpa' bar 'gro ba'i mdo gnyis drangs nas bsgrubs pa dang/ ka ma la shI las kyang dpe don du ma'i sgo nas de ltar bsgrubs pa bzhin no/ /rang gi khas blangs dang yang 'gal te/ cig car ba dang rim gyis ba'i don sbyang ba'i 'phro can yin min la byed na cig car ba'i sngon du rim gyis pa 'gro dgos shing/ rim gyis pa'ang cig car par 'gyur dgos la/ khyod kyis de gnyis rgyud tha dad du byas ba'i phyir/ de skad du'ang rim lnga gsal sgron las/ lam 'dir 'jug pa'i gdul bya'i bzang shos rin po che lta bu la'ang las dang po ba'i gnas skabs shig med na ni lam la ma ltos par dang po nas grol ba'i skyon du 'gyur pas/ las dang po ba'i gnas skabs 'dod dgos so/ /zhes dang/ 'on te skye ba snga ma mang por lam 'og ma sbyangs pa'i mthu ldan 'ga' zhig lam 'og ma rnams nas 'khrid mi dgos par gong ma nas 'khrid bas cho ga ba la bsams nas cig car bar sman ni/ mthong lam skye ba la tshogs sbyor gyi lam sngon du 'gro dgos mi dgos dpyod pa na/ tshogs sbyor sngon du 'gro mi dgos pa'i rgyu mtshan du mthong lam tho ba zin nas sngon du 'gro mi dgos zhes smra ba dang 'dra bas bzhang gang gyi gnas so/ /zhes gsungs ba ltar ro/ /tha snyad sbyor tshul re tsam gyis kyang go ba nor ba skyed srid pas/ @046a @#/ /rje btsun rol ba'i rdo rjes/ 'on kyang gzhung lugs la sbyang ba chung rnams/ /tha snyad sbyor tshul zhig ma mkhyen yin srid/ /kho bo khyed cag la mi gsum lags/ /zhes gsungs pa bzhin te/ rje'i legs bshad rnams la zur phra mo de tsam gyi skyon chags pa'ang rnam pa thams cad du mi srid do/ /rje thams cad mkhyen pas khrid la sogs pa'ang gdul bya spyi khyab tu phan pa kho na gtso bor mdzad de/ rje nyid kyis bla ma dbu ma pa la phul ba'i zhu 'phrin las/ dpal mar me mdzad ye shes kyi gdams ba byang chub lam gyi rim pa'i mtshan nyid dang sngags kyi theg pa'i lam gyi rim ba phyin ci ma log par gtan la phab pa nyid ya mtshan par mthong nas slob ma bkri ba'i rim pa rnams de kho na'i steng nas byed kyin yod/ gdams ngag de'ang gsung rab dgongs 'grel gyi bstan bcos man ngag mtha' dag lam gyi rim ba gcig tu dril nas ston par snang bas 'chad shes pa dang/ nyan shes pa gnyis kyis bshad cing nyams su blangs na man ngag chung chung du ma zad gsung rab mtha' dag gi gung 'grig nas 'ong bar snang bas khrid kyi rnam grangs mang po ston pa ma byas/ zhes dang/ spyir da lta bod na gsang sngags dang mtshan nyid kyi gdams pa mtha' yas ba zhig snang zhing de rnams kyang sangs rgyas byang sems lam brgyud ba mi snang bas yid ma res gsungs pa tsam gyi rgyu mtshan las gzhan 'god rgyu ma rnyed na thad ka thad ka'i blo ngo 'ba' zhig tu song nas lam gyi gnad ma 'phyugs ba zhig la nges pa rnam dag skye ba'i thabs mi 'dug/ des na gzu bor gnas pa'i @046b sgo nas blo dang ldan pa rnams kyis lam 'phyug med cig 'tshol na/ mdo sde dang rgyud sde rtsod med gang dang yang mi 'gal zhing de dag nas zin pa de'ang shing rta chen po gcig gi rigs pa'i rjes su 'brangs nas drang nges legs bar phye ste mtha' gzhan du drang du mi btub bar rigs pas gnod med du 'grub pa zhig med mi rung du snang/ zhes bka' stsal ba de bzhin no/ /gnyis ba rang lugs 'thad ldan bzhag pa la/ rjod byed lung la drang nges phye ste gus bas rjes su bslab tshul/ brjod bya don byi drang nges phye ste stong pa dang rten 'byung 'gal med grogs su shar tshul/ de'i sgo nas gzhi lam 'bras bu'i rnam gzhag thal 'gyur ba'i thun mong ma yin ba'i lugs kun la nges ba rnyod tshul gsum/ dang po ni/ yod dang med pa'i phyogs 'jig pa/ /bdag nyid chen po khyed dag ni/ /stong dang rten 'byung don gcig par/ /gsung mchog mtshungs pa med par bzhed/ /ston pa mchog der bstod pa'i sgo/ /kun gyi bla mar gyur ba yang/ /rten cing 'brel 'byung gsungs pa ru/ /klu sgrub zhabs dang khyod kyis gzigs/ /zhes byung/ de'ang dpal mgon klu sgrub lung ston pa na lang gshegs las/ yod dang med pa'i phyogs 'jig pa/ /nga yi theg pa 'jig rten du/ /bla med theg chen rab bshad nas/ /zhes gsungs pa de mdo'i skabs su don dam par yod pa dang tha snyad du med ba'i mtha' gnyis bshig nas dbu ma ba'i shing rta'i srol 'byed pa dang/ sgron gsal du sngags bla med kyi theg pa dang khyad par du mtha' gnyis spangs pa'i zung 'jug gi don gsal bar byed ba'i lung bstan du sbyar ba ltar/ bod 'dir yang rtag chad kyi lta ba sna tshogs bas bstan @047a @#/ /ba'i snying bo bcom ste phyogs stong pa lta bur gyur pa na rje bla mas rgyal ba'i dgongs ba bzhin du gsal bar phye ste sangs rgyas kyi mdzad pa mdzad tshul dpal mgon klu sgrub ji lta ba bzhin yin pas/ de la sangs rgyas gnyis pa zhes ston pa'i mtshan 'chang ba'i dge slong du 'gyur bar rnga bo che'i mdo las lung bstan pa dang/ rje bla ma 'jam dpal rtsa rgyud du lung ston ba'i tshe/ sa yi steng 'di stongs ba na/ /khyod nyid byis pa'i gzugs can gyi/ /sangs rgyas mdzad pa byed bar 'gyur// zhes gsungs pa gnyis shin tu 'dra bar yod do/ /de'i don bzhin bdag nyid chen po 'di gnyis kyis rgyal ba'i bstan pa la bya ba rgya cher mdzad pa'i tshul yang cha thams cad nas shin tu 'dra la/ de'i nang nas snying por gyur pa ni yod med kyi mthar mi lta ba'i lam thun mong dang thun mong ma yin pa'i sgo nas srid pa'i 'ching ba gcod tshul gsal bar phye ba nyid yin zhing/ de la thog mar yod med kyi mtha' gnyis khegs dgos pa dang/ de'ang drang nges 'byed ba la ltos shing 'khor lo dang po'i don bzhin gang zag gi bdag yod pa sogs su gsungs ba drang don dang/ rang 'dzin rtog ba'i zhen gzhir rang mtshan gyis grub par gsungs ba nges don du byas ba dang/ 'khor lo tha ma'i don bzhin mtshan nyid gsum bden bar yod mnyam dang med mnyam du gsungs pa rnams drang don dang/ gzhan dbang yongs grub gnyis bden par grub cing kun btags bden par ma grub par gsungs pa nges don du byas pa'i drang nges kyi tshul 'di gnyis ni gdul bya'i bsam ngo tsam yin gyi/ des yod med dam rtag chad kyi mtha' @047b legs par mi khegs so/ /des na snang tshul rten 'brel sna tshogs su snang ba'i kun rdzob kyi tshul dang mthun par gsungs ba drang don dang/ sbrang rtsi ro gcig ba ltar gnas lugs rang bzhin gyis stong bar ro mnyam du gsungs ba des don du byas pa'i drang nges kyi tshul 'khor lo bar pa'i dgongs pa mthar thug pa 'dis rtag chad kyi g.yangs ma lus par bkag ste theg pa gsum gyi thar pa'i lam gsal bar byed bas mdo sde 'di nyid mdo sde kun gyi phul dang rtse mor gsungs so/ /de lta bu'i drang nges kyi mdor 'dzog pa'i tshul 'di ni/ blo gros mi zad pa'i mdo las/ nges pa'i don gyi mdo sde ni gang/ drang ba'i don gyi mdo sde ni gang zhen/ mdo sde gang dag kun rdzob sgrub ba bstan pa de dag ni drang ba'i don zhes bya'o/ /mdo sde gang dag don dam sgrub pa bstan pa de dag ni nges pa'i don zhes bya'o/ /mdo sde gang dag tshig dang yi ge sna tshogs ba bstan ba de dag ni drang ba'i don zhes bya'o/ /mdo sde gang dag zab mo bltar dka' ba rtogs par dka' ba bstan pa de dag ni nges ba'i don zhes bya'o/ /zhes ba'i dgongs pa yin zhing/ rgyud bla mar yang/ phra mo zab mo'i tshul bstan pa/ /sbrang rtsi ro gcig pa bzhin te/ /rnam pa sna tshogs tshul bstan pa/ /sna tshogs sbubs snying bzhin shes bya/ /zhes gsungs so/ /mdo de'i sgras zin gyi don de ltar nges pa dang sgras zin khas blangs mi rung bas dgongs pa gzhan du 'dren dgos pa la drang nges su 'jog pa ni mdo sde dgongs 'grel gyi lugs yin zhing/ blo gros mi zad par gsungs pa ni mod des bstan don de nyid chos de'i gnas lugs mthar thug tu song ba nges ba'i don dang/ de tsam gyis chos de'i gnas @048a @#/ /lugs mi rdzogs pas mthar thug gi don gzhan du btsal dgos pa drang don du byas te snang tshul dang gnas tshul gyi sgo nas drang nges su 'jog pa ni rtsa ba bden grub med par khas blangs pa la thug go /sems tsam pas kyang phyi rol don du snang yang snang ba ltar du ma grub pas snang tshul dang gnas tshul mi mthun pa tsam zhig 'dod kyang/ 'di ni bden grub kyi zlog zlar 'gro rgyu'i snang tshul dang gnas tshul mi mthun pa'i rdzun pa la byed dgos pas dbu ma pa'i lugs dang 'grigs shing khyad par thal 'gyur ba'i lugs la legs par gnas so/ /drang nges kyi don snga ma grags che'ang phyi ma 'di ltar zab mo'i mdo sde rnams la drang nges 'byed pa lta ci/ de lta bu'i drang nges kyi 'jog lugs shig yod par shes pa'ang rje bla ma 'ba' zhig gi bka' drin yin no; ;sems tsam pa man chad ltar na ngos don gyi lung gis drang don du gsungs pa rnams 'gog kyang/ lugs 'dir de mi 'gog bar ma zad/ nges don rang bzhin gyis stong pa de'i gnad kyis drang don sna tshogs su snang ba bsnyon med du 'byung ba dang/ drang don rten 'brel sna tshogs kyi snang ba 'di cir yang bsgyur du rung ba'i gnad kyis nges don rang bzhin gyis grub pa'i gtad so med par nges ba ster ba ste stong pa rten 'byung dang/ rten 'byung stong pa'i don du gsungs pa'i 'dis bcom ldan 'das smra ba bla na med pa'i tshad ma'i skyes bu dang/ de ltar gsungs pa'i bka' rnams gsung rab ma lus pa'i nyid khu mchog tu nges pa rnyed pa ni lung la drang nges 'byed pa'i tshul yin no/ /stong pa dang rten 'byung don gcig tu gsungs pa'i lung la ma dros pas zhus pa sogs @048b drangs pa ni shin tu go sla ba'i mtshan gzhi tsam smos pa yin gyi/ spyir nges don gyi gsung rab rnams su rang bzhin gyis grub ba la rnam gzhag gang yang mi 'thad par gsungs pa thams cad kyis rang bzhin med ba la rgyu 'bras bya byed kyi rnam gzhag 'thad bar 'grub pas stong brten 'byung gi don du gsungs ba yin zhing/ rgyu rkyen dang cha shas 'dogs byed kyi rnam rtog sogs la ltos bar gsungs pa kun gyis rang dbang ba'i dngos bo med par 'grub pas rten 'byung stong pa'i don du gsungs pa yin la/ de gnyis don gcig ba'i tshul ni 'og tu 'chad par 'gyur ro/ /de'ang gdul bya thar par 'khrid byed dngos ni gsung rjes su bstan pa'i cho 'phrul yin pas/ sku gsung thugs kyi mdzad pa kun las gsung gi mdzad ba mchog tu gsungs la/ der gdul bya la gnas skabs dang mthar thug tu phan ba'i sgo mang du gsungs na'ang/ gso dpyad skar rtsis sgra tshad sogs dang/ rtsa rlung gi man ngag/ zhi lhag gi rnal 'byor la brten nas mngon shes rdzu 'phrul bsam gzugs kyi snyoms 'jug sgrub tshul sogs ni 'jig rten ba'i lha chen po rnams dang/ phyi rol pa'i ston pa rnams kyis kyang bshad pas rang gi ston pa'i thun mong ma yin pa'i khyad chos su mi 'gyur ro/ /des na rigs pa drug cu pa'i 'grel pa las/ sangs rgyas bcom ldan 'das nyid ni rten cing 'brel bar 'byung ba gsungs pa nyid la rgyu yin zhing/ rten cing 'brel bar 'byung ba gsungs pa nyid ni sangs rgyas bcom ldan 'das nyid la rgyu yin te/ zhes gsungs ba ltar/ gzhan sus kyang 'doms par ma nus pa gdul bya thar par 'khrid pa'i sgog cig bur gyur pa gang@049a @#/ /zhig rang dbang du ston ba'i sgo nas sangs rgyas bcom ldan 'das nyag gcig smra ba bla na med ba'i tshad ma'i skyes bur sgrub byed kyi legs gsung mchog tu pha mtshan mtshungs ba med ba ni stong ba dang rten 'byung don gcig khar gsungs ba 'di nyid yin ste/ rtsod zlog las/ gang zhig stong dang rten 'byung ngag /dbu ma'i lam du don gcig par/ /gsung mchog mtshungs pa med par bzhed/ /ces dang/ rje nyid kyis/ gang gang rkyen la rag las pa/ /de de rang bzhin gyis stong zhes/ gsungs pa 'di las ya mtshan pa'i/ /legs 'doms tshul ni ci zhig yod/ /ces gsungs so/ /gnad 'di la sangs rgyas gnyis pa klu sgrub dang rje bla ma dgongs pa gcig tu snang bas bstan pa'i gnad mthar thug ngos zin na de 'dra zhig 'od dgos kyi/ 'khor ba'i rtsa ba bdag 'dzin 'gog thabs la blo kha tsam yang ma phyogs par man ngag than thun re bsgoms te rtsa rlung gi nus ba cung zad 'byongs bas mngon shes rdzu 'phrul phran tshogs dang/ gzhan phan ltar snang tsam byung bar rmongs pa'i skye bo rnams kyis bkur bas rab yang yon tan mthar thug tu rlom pa ni chos kyi gnad ma go ba yin te/ de las ches cher lhag ba zhig phyi ba'i bstan pa la brten nas kyang bsgrub nus pas/ rang gi ston pa thugs rje can gyi bstan pa skyon med pa 'dir zhugs ba'i dgos ba thun mong ma yin pa stor ba yin no/ /de skad du'ang red mda' ba'i dris lan las/ gnas lugs la nges shes til tsam 'drod rgyu med pa'i rtsis dang/ snod bcud kyi rnam gzhag dang/ bskyed rim 'khor bcas kyi cho ga'i sbras spros dang/ rtsa @049b rlung sogs kyi gtam mang bo la mgo myos myos kyi bar du sems bar gda' bas don chung/ de bas nyan bshad pa rnams la bdag med la dmigs pa'i go yul rags pa re 'thad byas ba mngar ba 'ong bas/ thar pa'i rgyur 'gro ba nyan bshad ba tsam drag par gda'/ zhes gsungs te/ de'i rgyu mtshan gyis bzhi brgya bar/ the tshom zos ba tsam gyis kyang/ /srid pa hrul bor byed par 'gyur/ /zhes gsungs so/ /de ltar rten 'byung zab mo'i de kho na nyid gsungs pa la nges pa gting tshugs pa'i yid ches rnyed na/ gsung rab gzhan rnams la'ang yid ches rnyed bar 'gyur te/ bzhi brgya pa las/ sangs rgyas kyis gsungs lkog gyur la/ /gang zhig the tshom skyes gyur pa/ /de yis stong pa nyid bsten te/ /'di nyid kho nar yid ches bya/ /zhes dang/ rnam 'grel las; gtso bo'i don la mi bslu'i phyir/ /gzhan la'ang rjes su dpag ba yin/ /zhes gsungs/ 'brel ba don gsal las mchod brjod kyi dgos don skabs su gzhi lam rnam gsum bden med du gsungs pa la nges pa rnyed na/ rang sras 'phags bzhi'i don bsgrub ba'i nus ba'i yon tan gsungs ba la yid ches skye bar bshad tshul yang 'di yin no/ /de ltar lung gi bstan pa mtha' dag gdul bya'i don la mi bslu bar nges ba rnyed ba na/ bstan ba'i ngang tshul shes nas ston pa la/ /yid ches rnyed ba zhes 'byung ba bzhin/ sangs rgyas la dad pa bsgom ba de'ang g.yam la rgyug tsam ma yin bar shes nas dad ba thob pa zhes bya ba bu chung ma la yid rton pa bzhin blo snying 'gel thub pa zhig 'byung ngo/ /bstod pa byed tshul yang nang gi dad pa dang sgo mthun ba zhig dgos pas/ bstod pa'i sgo 'di @050a @#/ /nyid mchog tu gzigs nas rtsa shes kyi dbur/ gang gis rten cing 'brel bar 'byung/ /zhes dang/ mjug tu/ gang gi thugs brtses nyer bzung nas/ /lta ba thams cad spangs pa'i phyir/ /dam pa'i chos ni ston mdzad pa// go tam de la phyag 'tshal lo/ /zhes gsungs shing/ gzhan yang rigs ba drug cu la dang bstod tshogs rnams las kyang 'di'i sgo nas bstod pa gtso bor mdzad de/ legs bshad snying po las/ rang bzhin gyis stong pa rten 'byung gi don du gsungs ba 'di nyid rang gi ston pa smra ba gzhan las khyad par du 'phags pa'i 'phags chos bla na med par gzigs nas slob dpon gyis gzhung mang por bcom ldan 'das la rten 'byung gsungs pa'i sgo nas bstod de/ zhes gsungs shing/ rje bla ma nyid kyis don 'di nyid kyis gzhung btsugs te bstod pa legs par bshad pa'i snying bo mdzad do/ /mkhas grub smra ba'i nyi mas kyang/ gang zhig stong nyid zab mo'i rda sgra dbyar dus kyi ni sprin gyi dbyings/ /rten cing 'brel ba byung nam mkha'i sgo las rgyun chad med par sgrogs pa yis; ;bdag tu lta ba'i tsha gdung kun sel chu char dus su 'bebs mkhas pa/ /zla med ston ba snying rje'i chu 'dzin g.yo'i de la phyag 'tshal lo/ /zhes gsungs te/ rgyan gyi nyams/ don gyi 'gang/ dpe don gyi 'brel gang thad nas ngo mtshar bas tshigs bcad dam du ma la kha lag mi dal ba rnams kyis 'di 'dra re'i rjes su bslab na ngal ba don yod do/ /gnyis ba brjod bya don gyi drang nges phye ste stong pa dang rten 'byung 'gal med grogs su shar tshul ni/ shas cher stong la mos blo yis/ /rten cing 'brel @050b 'byung 'gog byed ba/ /snang bas bsgribs pa de dag gi /blo mun stug po gang gis sel/ /lta bas rang bzhin btsal ba'i phyir/ /ma rnyed pa yis khegs 'gyur la/ /ma rnyed gdags gzhi 'gog min pas/ /rjes kyi ming tsam lhag mar mthong/ /ming tsam der yang bya byed kun/ /bsnyon med myong bas grub ba yi/ /rjes 'gro skyon yon blang dor kun/ /brtson bas spyod pa rnams par dag/ /snang stong rim pas chad rtag mtha'/ /sel ba grub mtha' kun 'dod kyang/ /bzlog ste smra ba 'di kho nas/ /brgyud ma'i klan ka mtha' dag bsal/ /zhes bya ba smras te/ de'ang sho lo ka dang pos stong ba dang rten 'byung 'gal bar 'gro mi rung ba dang/ gnyis bas mi 'gal tshul/ gsum pa dang bzhi bas mi 'gal bar ma zad grogs su 'gyur ba'i tshul ston to/ /de'ang kha cig lta ba mtho snyegs kyis rang bzhin med pa'i phyogs la mos lo byas kyang/ de dang rgyu 'bras rten 'byung gi rnam gzhag rgyab 'gal du bzung nas tha snyad pa'i phyogs 'gog pa ni sgrub byed la gnod byed du bzung ba'i go log chen po yin te/ legs bshad snying po las/ rang gi mtshan nyid kyis ma grub na bcing grol dang blang dor dang rgyu 'bras la sogs ba med bar 'gyur ro/ /zhes smra ba ni rang gi mtshan nyid kyis grub pa'i rang bzhin gyis stong ba'i sgrub byed mthar thug pa la gnod byed mthar thug bar 'dzin ba yin no/ /zhes dang/ lhag mthong chen mo las/ rang bzhin 'gog ba'i rigs pas skye ba dang 'gag pa'i rten 'brel bkag na ni lha bdud du bab ba ltar gyur nas dbu ma'i don ji lta ba bzhin rnyed ba'i gegs chen por 'gyur ba yin no/ /zhes gsungs so/ /de ltar lha bdud du bab ba bzhin go ba phyin @051a @#/ /ci log tu song na dbu ma'i lta bar 'khrid tshul med de/ budd+ha bA li ta las/ rten cing 'brel bar 'byung ba'i shes pa'i snang bas gti mug gi mun pa bsal zhing shes rab kyi mig gis dngos po rnams kyi ngo bo nyid med pa mthong ba de'i tshe gnas med pa la 'dod chags dang zhe sdang dag mi skye'o/ /zhes gsungs pa ltar/ rten 'byung gi rigs pa'i nyid 'od kyi snang ba la brten nas rtag chad kyi mthar lta ba'i blo mun bsal te rang bzhin med pa'i don mthong dgos rgyu la/ rten 'byung de rang bzhin med pa'i don sgrib byed du song na de las gzhan du de gsal bar byed ba'i thabs med ba'i phyir ro/ /de'ang bod kyi dbu ma bar blo ma ba phal mo ches rgyu 'bras bya byed thams cad 'khrul ngo tsam las don du med do zhes dbyangs su sgrogs ba'i rtsa ba ni/ gnas lugs tshol ba na mtha' bzhi gang du'ang dpyad ma bzod pa'i tshe rigs pa des skye sogs thams cad khegs par 'dug snyam du rigs shes kyis ma rnyed pa dang/ rigs shes kyis bgag pa gnyis don gcig tu 'khrul ba yin te/ lhag mthong chen mo las/ gal te de dag rigs pas dbyad mi bzod na rigs pas khegs ba'i don yod pa ji ltar 'thad snyam na/ 'di ni rigs bas dpyad mi bzod pa dang/ rigs bas gnod pa gnyis gcig tu 'khrul ba ste/ zhes so/ /'di mi 'thad pa dpe'i sgo nas kyang shin tu rtogs sla ste/ ba lang zhig ra ba'i nang du btsal te ma rnyed phan nang der yod pa khegs kyang ba lang de spyir yod ba tsam khegs don med pa ltar/ don dam dpyod ba'i rigs pas 'tsal rgyu'ang chos rnams kyi rang gi ngo bos grub pa'i rang bzhin btsal ba yin pa de rnyed rgyu ma byung ba na rang bzhin @051b khegs par 'gro yi/ skye ba tsam btsal ba min pas de khegs don yang med do/ /de'i phyir/ lta bas rang bzhin btsal ba'i phyir/ /ma rnyed pa yis khegs 'gyur la/ /ma rnyed gdags gzhi 'gog min pas/ /rjes kyi ming tsam lhag mar mthong/ /zhes smos ba yin no; ;de skad du brgya ba'i 'grel ba las/ kho bo cag ni 'dir dngos po rnams rang gi ngo bos grub pa 'gog gi/ mig las sogs pa byas shing rten cing 'brel bar 'byung ba las kyi rnam par smin pa nyid ni mi 'gog go/ /zhes dang/ rtsa shes TIka chen las kyang/ rang bzhin yod med tshol ba yin gyi/ yod med tsam tshol ba min bas/ dpyad nas ma rnyed pa na rang bzhin yod pa khegs kyi/ mig la sogs pa khegs pa gtan ma yin/ zhes gsungs pa'i phyir/ de ltar ma yin par mu bzhi gang las kyang mi skyen/ de las gzhan skye tshul med pas gtan nas mi skye bar 'gyur dgos so zhes smra ba ni dpal ldan zla ba'i gsung gi zlog zla kho na yin te/ des/ gang phyir rgyu med pa dang dbang phyug gi /rgyu la sogs dang bdag gzhan gnyis ka las/ /dngos rnams skye bar 'gyur ba ma yin pa/ /de phyir brten nas rab tu skye bar 'gyur/ /zhes mtha' bzhi las mi skye ba'i rgyu mtshan gyis lhag par yang skye 'gag sogs kyi rnam gzhag 'jog thub par gzigs nas/ rab tu skye bar 'gyur zhes nan tan du gsungs ba la/ khyod kyis rgyu mtshan des gtan nas mi skye bar 'gyur ro zhes go log chen por song ba'i phyir/ des na don dam par mi skye zhes ba dang/ rgyu la brten nas 'bras bu skye zhes pa gnyis khas blangs dngos 'gal lta bur go ba ni/ rnam 'grel las/ gal te kun la nus med na/ /sa bon @052a @#/ /sogs ni myug sogs la/ /nus mthong gal te de kun rdzob/ /'dod na ci ste da ltar 'gyur/ /zhes pa lta bu dngos smras rtsod tshul yin gyi/ dbu ma pas brtags na de zhi ba cha phyes yod pa ma shes shing rna ba snying tshor bas bsnyon 'dod ba yin te/ rigs ba drug cu pa'i 'grel pa las/ gal te brten nas skyes ba gang yin pa de ni skyes pa kho na ma yin nam/ de ji ltar ma skyes ba'i sgras brjod bar bya bar 'gyur ci ste ma skyes so zhes brjod na/ 'on te brten nas skye'o zhes brjod bar mi bya'o; ;de'i phyir phan tshun 'gal ba nyid kyi phyir 'di mi rigs so zhe na/ kye ma kye hu da rna ba dang snying med bas kyang brgal bar 'gyur ba 'di ni kho bo cag la dka' ba zhig bab bo/ /gang gi tshe kho bo cag gis gang brten nas skye ba de gzugs brnyan bzhin du rang bzhin gyis ma skyes so zhes smras ba de'i tshe rgol ba'i go skabs ga la yod/ ces gsungs ba'i phyir/ zhib cha 'byed tshul 'di ni rgyal ba rang nyid kyis gsungs ba yin te/ lang gshegs las/ blo gros chen po/ rang bzhin gyis ma skyes ba la dgongs nas ngas chos thams cad ma skyes pa'o zhes gsungs so/ /zhes rang nyid kyi dgongs pa bkral ba ltar yin gyi/ rang bzhin gyis ma skyes ba dang ma skyes ba la khyad med na/ gang gang gi dgongs gzhir 'jog pa 'brel med par 'gyur ro/ /de na 'di la dgongs te rtsa shes las/ stong nyid don ni ma rtogs pas/ /de phyir de ltar gnod pa yin/ /zhes rang bzhin med byas pa na ye med du go nas rnam gzhag thams cad zhig 'gro ba de rang gi blo skyon yin bas/ go lugs tshul mthun du yod na rang bzhin med @052b byas tshe rgyu 'bras kyi rnam gzhag la nges ba je brtan du 'gro ba dang/ rgyu 'bras mi bslu tshul bshad ba na rang bzhin gyis stong ba la nges ba lhang gis 'dren bas/ stong brten 'byung gi don dang/ rten 'byung stong pa'i don du 'char dgos gsungs ba yin te/ rin po che bsags pa bstan ba'i mdo las/ kun nas nyon mongs pa'am rnam par byang ba de ni brten nas 'byung ba'i don te ma mchis pa'i don to/ /ma mchis ba'i don ni brten nas 'byung ba'i don du mkhas pa rnams kyis rtogs te/ zhes gsungs pa'i phyir/ des na 'di gnyis phan tshun gcig gcig gi don du 'gro tshul ni/ lto ldir ba bum pa'i don du bzhag pa lta bu min zhing/ gcig dngos su brjod pa'i sgras gcig shos don gyis 'phangs pa'ang min/ gcig dngos su rtogs pa'i tshe gcig shugs la rtogs pa lta bu'ang ma yin gyi/ rang bzhin med ba shes pa'i dbu ma pa'i blo ngor gcig gis gcig la go ba ster lugs shig yin bar rtsa shes TIka chen las gsungs so/ /de'i don du byas te dga' blo'i lta khrid las/ dang por lta ba tshol ba'i tshe rten 'brel gyi stobs kyis stong nyid nges pa dang/ rjes su stong nyid rtogs pa'i mnyam gzhag de'i stobs kyis rjes thob la rten 'brel sgyu ma lta bur 'char ba'i don du bshad mod kyang/ de la mtha' gnyis cig car sel tshul ma tshang zhing/ de tsam zhig rang rgyud bas kyang 'dod pas lugs 'di'i thun mong ma yin pa rang gi ngo bos ma grub pa la go ba ster nyul chung bas 'di bzhin 'chad dgos te/ dper na bran zhig la bya ba 'di 'dra zhig byed rgyu se yin bris par/ de'i tshod nged kyis mi shes zhes lan btab ba na rje bo'i dbang la ltos dgos bar go ba dang/ snga ma'i lan du de rje bos @053a @#/ /shes mod ces bshad ba na rang la de'i dbang med bar don gyis go ba bzhin/ rang bzhin gyis med ces bshad pa na de'i don gtan med kyi don du mi go bar rgyu rkyen rten 'brel tshogs pa la ltos ba'i don du go ba dang/ rten 'byung zhes bshad pa na byung ba tsam zhig mi go bar/ gzhan gang la'ang mi ltos pa'i rang dbang zhig med par go zhing de ni rang bzhin med pa'i don yang yin te/ brgya ba las/ gang la brten nas 'byung yod ba/ /de ni rang dbang mi 'gyur ro/ /'di kun rang dbang med pa ste/ /des na bdag ni yod ma yin/ /zhes so/ /gal te gdags gzhi phung sogs kyi ngos nas cung zad kyang grub rgyu med na/ tshig gis ri bong ra'ang brjod chog bas de tsam gyis yod bar ga la 'jos thug don la med ba rang du 'dug go snyam na; gdags gzhi'i ngos nas grub ba 'gag shul na ming tsam lhag mar lus rgyu dang/ de'i rjes su 'byung ba'i rtog pa'i snang cha tsam la phan gnod bya byed sogs kyi rnam ba 'jig rten rang dga' ba la'ang bsnyon med du 'char zhing/ snang tsam de'i tha snyad tsam du don de dang de byed pa la tha snyad ba'i tshad ma gzhan gyi gnod ba mi 'jug pas 'jig rten gyi shes ngo la ltos te bden bar bzhag ba yin cing/ ri bong rwa dang rtag ba'i bdag sogs kyi ming tsam brjod kyang de'i snang ba 'phral gyi 'khrul rgyu la ltos pa dang/ snang ba ltar don byed pa la tha snyad ba'i tshad ma gzhan gyis gnod bas snga ma dang mi 'dra'o/ /de ltar na ming tsam lhag mar lus zhes ba'ang de dang de zhes pa'i sgra tsam yod pa la mi byed kyi/ ming gis phar btags tsam po de'i steng nas bya byed sogs kyi rnam gzhag @053b 'thad ldan du 'jog thub pa zhig dgos te/ rtsa shes TI ka chen las/ bskyed bya skyed byed yod na rgyu 'bras kyi don yod pas ming tsam mo zhes pa mi 'thad do snyam pa'ang mi rigs pa'i rgyu mtshan tsam gyi sgras ming min pa'i don yod ba dang/ don tshad mas grub pa mi gcod pa dang/ ming du btags pa tsam du yod ces bas kyang ming gi tha snyad kyi dbang gis ma bzhag pa'i yod pa mi srid kyang ming gi tha snyad kyis gang bzhag thams cad yod par ston pa min/ zhes dang/ mkhas grub rje'i lta khrid chen mo las/ skabs der skyong tshul la mkhas pas mnyam gzhag gi nges ngor lhag ma cung zad kyang ma lus kyang/ de las rjes thob tu tshur langs nas bkag pa de'i shul na lus bci 'dug bltas pa na/ nga zhes sogs kyi ming tsam zhig yus pa dang ming de'ang rtog pas gzhi med du sbyar ba'i rtog btags ming rkyang tsam du zad bar nges pa lhang gis 'dren thub pa dang/ ming rkyang de'i don la dpyad pa ci'ang ma byas bar ming rkyang de'i rjes su 'brangs nas zhugs bas/ las gsog pa po dang/ myong ba bo dang/ bza' btung sogs dam pa'i chos 'di 'bad p ()g bas grub nas rten 'brel dang stong nyid mi 'gal zhing zung du 'jug pa'i tshul la nges ba snying thag pa nas skye lugs khas bshad pa tsam gyi rjes su 'brang ba'i grub mtha' 'cha' ba skad byed ba'i dus kyi nges ba skye lugs dang shin tu mi 'dra ba zhig 'ong ba yin/ zhes gsungs pa'i phyir/ las dang bo pa'i skabs tshul 'di blo ngor 'char dga' 'ang/ mtha' gnyis dang bral ba'i lam la bag chags thebs pa'i phyir du mos ma no tsam gyis kyang de ltar bsam dgos te/ rtsa shes TIka @054a @#/ /chen las/ bskyed bya skyed byed rang gi mtshan nyid kyis grub pa la 'jog pa goms ches pas/ de bkag pa na ming gi tha snyad kyi dbang gis bzhag pa tsam la de dag 'jog ba blo la mi bde 'ang/ 'jog tshul gnyis las ni med la; snga ma mi 'thad na phyi ma la 'jog pa 'os med do snyam du blo de'i phyogs su drangs dgos so/ /zhes gsungs te/ rang blta bur shin tu brtse ba'i thabs mkhas kyis gdams pa yin zhing/ bden pa gnyis kyi nang nas kyang stong phyogs ni dbu ma'i rigs ba rnams kyis mtha' so sor bkag ste cung zad ba char sla la/ de las kyang ming tsam der bya byed 'thad ldan du 'jog thub pa'i snang phyogs 'di ches 'char dka' ba yin par mngon no/ /'on kyang bsag sbyang rlabs po che sogs rgyu tshogs cha tshang ba'i sgoms nan tan du bslab na nam zhig snang stong gnyis cha ral nges pa brtan po skye bas go las thams cad khegs nas blang dor je zhib dang brtson pa je cher song bas lta ba ci tsam rnam par dag pa bzhin gyis sbyod pa'ang rnam bar dag ba 'byung ba'i phyir 'di nyid du/ ming tsam der yang bya byed kun/ /bsnyon med myong bas grub pa yi/ /rjes 'gro skyon yon blang dor kun/ /brtson pas spyod ba rnam par dag /ces smos ba yin la/ de skad du dpal ldan zla bas/ de la de yi rjes su 'gro ba'i yon tan 'byung/ /rtag tu tshul khrims yang dag blangs nas gnas par 'gyur/ /sbyin pa gtong par 'gyur zhing snying rje sten par byed/ /bzod pa sgom byed de yi dge ba'ang byang chub tu/ /'gro ba sgrol ba'i bya phyir yongs su bsngo byed cing/ /rdzogs pa'i byang chub @054b sems dpa' rnams la gus bar byed/ /ces dang/ bzhi brgya ba'i 'grel ba las/ rang bzhin stong ba nyid kyi gtam la gus par gyur na/ de de dang mthun pa'i rkyen nye bar bsgrubs pa'i sgo nas ji ltar stong ba nyid la dang ba 'phel bar 'gyur ba de ltar bya zhing/ snying rje che ba dang/ bcom ldan 'das de bzhin gshegs ba la byas pa gzo zhing/ bdag nyid kyi dam pa'i chos kyi bar chad kyi rgyu mtshan g.yang sa chen po'i rgyu yongs su spangs bar 'dod pas/ yang ba la brten pa dang sbyin dka' ba'ang sbyin pa dang/ bsdu ba'i dngos po bzhis kyang bsdu bar bya ste/ dam pa'i chos 'di 'bad pa thams cad kyis skye bo dam ba'i chos kyi snod du gyur pa la nye bar bstan par bya'o/ /zhes gsungs te/ lta ba'i go ba ci tsam 'phel ba bzhin las 'bras la rtsis je cher song na/ byang chub sems 'grel las/ chos rnams stong ba 'di shes nas/ /las dang 'bras bu bsten pa gang/ /ngo mtshar bas kyang 'di ngo mtshar/ /rmad byung bas kyang 'di rmad byung/ /zhes ngo mtshar rmad du byung ba rgyal ba dgyes ba'i lam bzang po rnyed ba yin gyi/ lta ba mthon po'i bud la brten nas spyod ba bag med du byed pa ni phung khrol chen po yin te/ stong thun las/ tshul khrims la sogs pa rnams la/ de dag ni nges don mgo ba rnams la yin gyi/ nges don go ba la spros bcas de dag gis ci zhig bya zhes zer ba dang/ re zhig gzhan ngor las 'bras la slob pa skad zer ba gnyis las/ rang steng nas de bsgrub mi dgos par 'dod pa la khyad med pas rang gzhan thams cad yub bar byed pa'i yam chen po la gnas nas dan 'gro'i sgo 'byed par byed cing/ stong p @055a @#/ /nyid kyi go ba phyin ci log tu song ba'i 'bras rtags yong dag tu shes bar gyis shig/ ces gsungs pa'i phyir/ bod snga ma mang pos dbu ma ba lta ba mtho bas klu sgrub lugs kyi byang sdom gus bas zhes smra ba'ang 'khrul ba'i 'di'i shan zhugs pa'i gtam yin pas mi 'thad par thub bstan byi dor las gsungs shing/ sngon 'ga' zhig gis rje btsun mi la la chad lta ba yin zhes skur ba zhus pa'i lan du/ nga chad mchad nga'i spyod ba la stos gsungs pa'i dgongs gzhi zab mo 'di yin no/ /ming zhig por grags kyang mtshan 'dzin gyi 'ching ba ma zhig bar tshul khrims kyi ska rags zhig ba'i 'chal po rnams spyod pa'i zhib tshag dang tshul khrims kyi dang tshugs dge ldan pa ya yod kyang lta ba kho bo cag mtho zhes zer yang/ rgyu'i dbang du byas na mdo rgyud dgongs 'grel lhag pa shes rab kyi bslab ba rnam dag cig 'ong ba tshul khrims dang ting nge 'dzin rnam dag cig sngon du song ba la rag las bar gsungs pas/ dam ba gong ma rnams spyod pa rnam bar dag na lta bu lhas ston gsungs ba ltar yin/ 'bras bu'i dbang du byas nas lta ba ma nor ba rnyed pa'i tshe spyod pa je dag tu 'gro tshul gong du drangs ba ltar yin la/ der ma zad mngon rtogs rgyan las/ rtag tu tshangs bang sbyor nyid dang/ /'tsho ba rnam bar dag nyid dang/ zhes sogs kyi thad kyi 'grel pa don gsal las/ rnal 'byor pa rnams kyi tha snyad ni sems 'dul ba'i dgos pa'i dbang ma gtogs pa thams cad du rtog pa dang mthun pa kho na yin no zhes shes par bya ba'i phyir nye bar btags nas bshad de/ de lnga ma @055b yin na rnal 'byor pa'i rgyud la so so rang gi rig pa'i skad cig ma rnams ji ltar gzhan yid ches bar byed ba'i mtshan nyid dag yin/ zhes byang sems kyi mthong las mnyam gzhag skabs chos nyid mngon sum du gzigs pa de/ rjes theb kyi tshe tshul khrims rnam par dag pa sogs kyi spyod pa'i sgo nas dpog cing yid ches skyes par gsungs pa'i shugs kyis spyod pa rtsing hral du byed kyin lta ba mthon por khas 'che'ang yid brtan med par gsungs pa yin no/ /de ltar na 'chal po de dag gis bshad tshul ni/ lta ba phun sum tshogs pa'i rgyu 'bras gnyis ka dge ldan pa la yod kyang/ lta ba dngos gzhi kho rang tshol yod do zhes smras pa yin pas/ rgyu 'bras go 'dzol ba 'di lta bu ni nang ba sangs rgyas pa'i chos lugs la go ba rags pa tsam yang ma chags pa'i blun gtam du shes par bya'o/ /gang zhig bshes gnyen dam pa'i mgon dang bcas shing/ tshul bzhin dpyod pa'i shes rab kyi rtsal dang ldan pas snang stong grogs su shar bde las lam gyi yon tan thams cad spungs pa bzhin du 'byung ste/ gzhi la bden gnyis zung 'jug tu song ba'i gnad kyis lam la snang phyogs thabs kyi cha las 'bras la yid ches kyi dad ba dang/ nges 'byung gi bsam pa/ byams snying rje byang chub kyi sems la sogs pa nas kun rdzob sgyu ma'i sku'i bar bsod nams kyi tshogs ma tshang ba med pa dang/ stong phyogs shes rab kyi cha bdag med pa'i lta ba phra rags nas don gyi 'od gsal bar ye shes kyi tshogs ma tshang ba med pa 'byung zhing/ de lta bu'i zab rgyas gnyis tshogs sa ma thabs shes zung 'jug gi nyams len la brten nas srid zhi gnyis ka'i mtha' @056a @#/ /bkag pas 'bras bu sku gnyis zung 'jug 'grub ste/ rigs pa drug cu par/ dge ba 'di yis skye bo kun/ /bsod nams ye shes tshogs bsags pas/ /bsod nams ye shes las byung ba/ /dam pa sku gnyis thob par shog /ces gsungs pa bzhin/ dbum pa'i lugs thun mong ma yin pa'i gzhi lam 'bras gsum gyi 'jog tshul khyad du 'phags pa yin no/ /gnad 'di la dgongs te rgyal ba byams pas mngon rtogs rgyan gyi skabs su bden gnyis la 'doms pa'i gdams ngag de ston pa na/ sgrub dang zhes gsungs pa'ang theg chen rigs can rnams kyis don du gnyer bya mthar thug sku gnyis las med pas/ de sgrub byed kyi lam yang bden pa gnyis la brten pa'i thabs shes kyi cha gnyis pod las gzhan med cing/ gnyis po de med du mi rung bar tshang dgos pas/ de gnyis 'doms byed la sgrub pa'i ngo bo la gdams pa zhes gsungs pa yin no/ /der ma zad bden ba de gnyis kyi dbye gzhi la'ang snga ma mang pos sna tshogs bshad kyang/ rje bla mas/ shes par bya ba'ang kun rdzob dang don dam pa'i bden pa gnyis su zad do/ /zhes yab sras mjal ba las gsungs ba khungs su drangs te shes bya bden gnyis kyi dbye gzhir bsgrubs ba'ang/ yod ba dang gzhi grub bden gnyis kyi dbye gzhir bzhag pa dang mi 'dra bar/ blo kha nang du bskor te rnam grol don du gnyer ba la med mi rung du shes par bya dgos pa 'den pa gnyis su nges pa'i don yin ngas/ shes bya zhes pa'i ming tsam la'ang nyams len gyi gnad go rgyu zhig yod pa rigs lam smra ba rnams kyis dgongs par mdzod cig /de ltar bden @056b gnyis snang stong 'gal ba med pa'i phrogs su shar na rang gi rgyud la zab rgyas kyi nyams len gong 'phel du 'gyur bar ma zad/ rgol ba gzhan gyi klan ka thams cad kyang rigs pa'i 'phrul des dka' tshigs med par zlog thub pa'i tshul ston par/ snang stong rim pas chad rtag mtha'/ /sel ba grub mtha' kun 'dod kyang/ /bzlog ste smra ba 'di kho nas/ /brgyud ma'i klan ka mtha' dag bsal/ /zhes smos so/ /mtha' gnyis sel tshul 'di ni grub mtha' gzhan sus kyang blo'i ra bar ma chud pa'i thal 'gyur pa rang gi chos skad thun mong ma yin pa yin te/ rje bla mas rje btsun red mda' bar phul ba'i zhal gdams las/ de'ang spyir stong pas yod mtha' dang snang bas med mtha' sel ba 'di rgyad 'phen gyi bar la thun mong ba yin pas/ thal 'gyur ba'i khyad chos la snang bas yod mtha' dang stong bas med mtha' sel zhing/ stong nyid rgyu 'bras su 'gro tshul shes dgos la/ zhes dang/ rgyu la brten nas 'bras bu 'byung ba mi slu bar mthong ba'i blo de nyid kyis blo gzhan la ltos med du dmigs gtad zhig pa'i stong pa'ang 'ong ba'i tshul dang/ rgyu 'bras mi slu ba'i gtan tshigs de nyid kyis rtags gzhan la ltos med du yod mtha' sogs dang bral ba'i stong bar 'grub pa'i tshul las rgyu 'bras mi slu ba la gting nas nges shes 'drongs shing/ de gnas dmigs gtad thams cad zhig ba'i zhen med kyang 'ong ba yin/ zhes gsungs shing/ de dag gi gnad bsdus te lam gtso las/ nam zhig res 'jog med par cig car du/ /rten 'brel mi slu mthong ba tsam nyid nas/ /ngos shes yul gyi 'dzin stangs kun @057a @#/ /'jig na/ /de tshe lta ba'i dpyad pa rdzogs pa lags/ /gzhan yang snang bas yod mtha' sel ba dang/ /stong pas med mtha' sel zhing stong ba nyid/ /rgyu dang 'bras bur 'char ba'i tshul shes na/ /mtha' 'dzin lta bas 'phrog par mi 'gyur ro/ /zhes gsungs so/ /de'ang than rgyang 'phen pas kyang kho rang gi lugs de rtag chad kyi mtha' dang bral bar chos ste/ da lta mngon sum gyi tshad ma la snang ba'i don 'di rnams bskur ba mi 'debs ba snang bas med mtha' sel tshul dang/ 'jig rten pha rol sogs dngos su snang rgyu med pa rgyu mtshan du byas nas 'gog pa de stong bas yod mtha' sel tshul yin zer ro/ /des mtshon pa'i gzhan sde so so la rang rang gi lugs kyi mtha' gnyis 'gog tshul re yod la/ rang sde bye brag smra bas dus gsum rdzas su grub pas chad mtha' dang/ dngos po rnams rgyun gyi mthar 'jig cing gsum ldan gyi bdag med bas rtag mtha' sel zhes 'dod/ mdo sde pa rnams dngos po skad cig gis 'jig pa dang rang rkya ba'i bdag med pas rtag mtha' spong la/ phyi don rang rig sogs yod pas chad mtha' spong zhes zer/ sems tsam bas phyi don bkag pas rtag mtha' dang/ nang sems kyi bdag nyid tsam du grub pas chad mtha' khegs par bzhed/ rang rgyu dang rnams bden par med pas rtag mtha' dang/ tha snyad tsam du rang gi ngo bos grub bas chad mtha' sel bar bzhed pa las/ de gnyis go bzlog ste snang ba rgyu mtshan du byas te gdags gzhi'i ngos nas ma grub pa dang/ rang bzhin gyis stong ba rgyu mtshan du byas te snang ba @057b cir yang 'char rung bar bsgrubs pas mtha' gnyis sel tshul 'di ni/ gong du smos ba ltar/ stong pa zhes pa dang rten 'byung zhes ba don go tshul gcig tu 'ba' ba la thugs pas/ gtan tshigs pa di la mthe'a gnyis cig car sel ba'i rigs pa'i rgyal po zhes gsungs so/ /lta ba tshol ba'i cho 'gal zla dmigs pa dang 'brel zla ma dmigs pa'i rtags kyis sgrub tshul mang yang/ rten 'brel gyi gtan tshigs 'di'i sgo nas bsgrub na chad mthar gol ba'i nyen chung bas mchog tu bsngags shing/ rnam lnga rnam bdun mu bzhi skya 'gog sogs kun gyi rtsa ba 'di la thug tshul 'jug pa las gsungs pa ltar ro/ /de ltar stong pa dang rten 'byung don gcig tu 'doms ba'i gsung dbyangs seng ge'i nga ro bsgrags pa na/ phas kyi rgol ba'i gcan gzan phra mo mtha' dag gi spobs pa phrogs shing/ ltag 'og gang du'ang 'gal 'du med pas klan ka'i go skabs dang bral nas smra ba bla na med par gyur ba yin te/ rje nyid kyi zhal nas/ phas rgol mtha' dag 'joms pa dang/ /ltag 'og 'gal 'dus stong ba dang/ /skye dgu'i don gnyis ster byed pa/ /lugs 'dir kho bo spro ba 'phel/ /zhes gsungs shing/ don 'di la dgongs te 'jig rten las 'das par bstod pa las/ rten cing 'brel bar gang byung ba/ /de nyid khyod kyis stong par bzhed/ /dngos po rang bzhin yod min zhes; ;mnyam med khyod kyi seng ge'i sgra/ /zhes dang/ dbu ma rtsa bar/ rdzogs pa'i sangs rgyas smra rnams kyi/ /dam pa zhes gsungs la/ legs bshad snying por yang/ bde 'byung sbrin la zhon dang gser gyi mngal/ /zhes sogs dregs ldan kun gyis @058a @#/ /btung bar gsungs pa'ang gos mtho bar gsungs pa min gyi/ phyi rol pa rnams lta ba'i khungs gtugs lha chen po de dag yin la/ bcom ldan 'das kyis rten 'byung zab mo'i sgra dbyangs bsgrags pa na/ de dag gis smras pa rnams byis pa'i rdol gtam lta bur gyur pas spa bkong ste gus ba lhur blangs pa'i don te/ der ma zad lam rim gsol 'debs su zab mo lta ba'i skabs sangs rgyas kyi che ba brjod tshul/ smra ba zla med 'dren mchog shAkya'i tog /ces gsungs pa'ang lta ba'i dbang du byas pa'i yon tan ci tsam brjod kyang 'bab sa 'di las ma 'das pa'i gnad mthar thug gsungs pa yin te/ gnad shes pa zhig gis brtags na rje'i gsung tshig re re la'ang don gang zin dang tshig 'grig pa tsam ma yin bar; don de ston tshul de las gzhan du 'da' sa med pa kho na yin par shes par gyis shig/ gsum pa gzhi lam 'bras bu'i rnam gzhag thal 'gyur ba'i thun mong ma yin pa'i lugs kun la nges brnyed tshul la/ lung kun dgongs pa mthar thug lugs 'dir 'bab tshul 'phros dang bcas pa'i sgo nas mdor bstan pa/ lung so so'i sgras zin 'dor len byed tshul gyi sgo nas rgyas par bshad pa gnyis/ dang po ni/ bdag bstan rgyu 'bras rtogs pa'i phyir/ /gsung rab ma lus gdams par shar/ / 'gar yang mi bdem mchis bas/ /lta ba'i dbyad pa yongs su rdzogs/ /zhes byung/ de'ang gsung rab ma lus gdams ngag tu 'char ba la bstan pa thams cad ba gal med du rtogs dgos/ de'ang thams cad dngos zin mthun 'gal ba'i dogs pa @058b skye don med kyang mi mthun pa mngal/ khyad par du mdo 'ga' zhig nas gdags gzhi la ltos med kyi rang rgya ba'i bdag rigs pa'ang mod bar gsungs/ 'ga' zhig tu mid rkyang tsam las gdags gzhi'i ngos nas grub rgyu zhig kyang med bar gsungs pa lta bu sgras zin gyi dbang du byas na nam mkha' dang sa gzhi ltar ches ring bas/ de gnyis dgongs pa'i gnad la ltos te mi 'gal bar don gcig tu 'bab tshul shes dgos so/ /de ji ltar yin na/ rtsa shes rab byed bco brgyad pa las/ bdag go zhes ni btags gyur cing/ /bdag med ces kyang bstan par gyur/ /sangs rgyas rnams kyis bdag dang ni/ /bdag med 'ga' med ces kyang bstan/ /zhes dang/ thams cad yang dag yang dag min/ /yang dag yang dag ma yin nyid/ /yang dag min min yang dag min/ /de ni sangs rgyas rjes bstan pa'o/ /zhes phyi ma'i rnam smon sogs la yid ches chung ba rnams la bdag yod bar bstan to sdig pa las ldog pa'i thabs mdzad/ de las cung zad gong ma rnams la rags pa'i bdag med bstan te 'jig lta ltod bar mdzad/ gdul bya mchog la bdag dang bdag med gang yang rang bzhin gyis ma grub pa bstan nas nyon mongs thams cad zad bar byed ba yin gyi/ gdul bya snga ma la dang por gang zag gi bdag yod par ma bstan na las 'bras la yid ches kyi 'jig rten ba'i yang dag ba'i lta ba tsam yang mi skye zhing/ rgyu 'bras mi bslu ba'i rten 'brel rags pa tsam yang go mi thub la/ de bstan na rim gyis blo sbyangs pas rten 'brel gyi 'jog ma tshams je zhib tu song ste mi rigs phar @059a @#/ /btags tsam gyi rten 'brel phra mo rtogs shing dgag bya ma lus par khegs nas 'jig rten las 'das pa'i yang dag pa'i lta ba'ang drangs yod pa'i phyir/ 'di ni bzhi brgya par/ bsod nams min pa dang bor bzlog / bar du bdag ni bzlog pa dang/ /tha mar lta zhig kun bzlog pa/ /gang gis shes de mkhas pa yin/ /zhes gsungs pa dang yang gnad gcig go /rtsa shes kyi yung gnyis pa'i don yang dngos po rnams skad cig gis mi 'jig pa dang/ 'jig pa dang shes ngo gnyis la ltos te gnyis ka dang/ don dam la ltos te gnyis min du gsungs pa'i sgras zin mi mthun yang/ gdul bya'i blo dang 'tsham bar khrid de mthar de kho na nyid la 'jug thabs 'ba' zhig yin pas/ phugs 'gal ba mang bar gsungs pa yin no/ /de ltar na bstan pa thams cad 'gal med du rtogs tshul gnas skabs so so'i dgos pa dang dgongs pa'i phugs rtogs te sgras zin ma mthun yang don 'gal ba med par shes pa zhig dgos kyi/ dag snang sbyong khul byas te bdag yod par gsungs pa ltar du'ang 'thad/ med par gsungs pa ltar du 'ang 'thad zer ba dang/ de bzhin du grub mtha' phyogs zhen med pa'i gang zag bzang po yin zer ba'i grags pa dang rnyed bkur 'dod cing/ gtso bor skyon yon ma phyed pa'i rdzun phugs bzang rdzu la brten te theg pa rangs na thams cad bden pa yin zhes rung mi rung dang yod med yin min sogs 'gal ba ltag sbrong kyi rigs thams cad mthun tshul go yod rgyu'i zob byed pa ni/ thub bstan byi dor las/ rang nyid skye bo phal ba blun po 'ga' zhig gi blo @059b yul du grub par bya ba'i phyir dang/ rnyed bkur cung zad 'du ba'i sgo mi nyams shing gong du 'phal ba'i phyir tsam du shes bzhin du chos ma yin ba chos su ston par byed pa ni/ zhes pa nas/ rang gzhan bslu zhing sangs rgyas kyi bstan pa nyams par byed pa'i phyir/ zhes dang/ so so'i 'dod ba dngos su 'gal ba ltag sprod kyi phung po chen po de dag thams cad rang lugs la khas blangs kyang 'gal 'du'i phung po 'ba' zhig khas len dgos pa'i gnad ci'ang ma rig par de ltar smra ba yin na ni/ de tsam gyi 'gal ba 'du'i phung po'ang 'gal 'dur mi rig pa las ches cher blun pa'i skyes bu gang zhig yod/ blun pa'i rtags bla na med pa de nyid gang zag ngo mtshar ba'i sgrub byed du ji ltar rung/ zhes gsungs pa bzhin/ grub mtha' gcig la'ang go ba ma chags pa de grub mtha' rab 'byams shes pa dang/ gcig la'ang yid ches ma rnyed pa de thams cad la dag snang sbyangs bar 'khrul ba gnas ma yin pa'i log rtog chen po yin no/ /kha cig grub mtha' thams cad 'thad par smra ba de chos spong gi sgo khegs pa'i phyir yin rgyu'i khul byed kyang des go mi chod de/ chos ma yin pa chos su smra ba dang/ chos la chos ma yin par smra ba gnyis ka chos spong du 'gro ba khyad med par rnam par 'thag ba thams cad bsdus pa'i mdo las gsungs pa'i phyir dang/ dper na mi gnyis ma mthun pa'i tshe gcig bden zhes bshad na cig shos mi bden pa des ko thub ba bzhin/ las 'bras yod par 'dod pa mi 'thad ma byas kyang/ las 'bras med par bshad pa 'thad byas pa tsam gyis snga ma mi 'thad bar khas blangs pa yin pa'i phyir ro/ /'o na paN @060a @#/ /chen thams cad mkhyen pas/ nyams myong can gyi rnal 'byor pas/ /brtags na dgongs pa gcig tu 'bab/ /ces dang/ dag snang nor bu'i bod kyis khyab na logs/ /zhes gsungs la/ kun gzigs lnga pa chen pos kyang/ ris med grub mtha'i bur shing 'o ma sogs/ /'dra min mngar ba'i khyad chos kun myong ba/ /gcig tu gdams par shar bdag gi dbang/ /zhes 'dor len mi rigs par gsungs pa ma yin nam zhe na/ shin tu ma yin te; gzhan dag la'ang 'phral yun du phan ba'i gdams ngag gi ro mngar ba'i cha re len rgyu yod kyang/ rang ldog ma 'dres par shes te 'dor len mkhas dgos pa dang/ 'dor len byed pa'i rgyu mtshan rang gzhan gyi rgyud la bstan pa'i snying po ma nor ba sgrub ba'i lhag bsam dag pa ma gtogs chags sdang phyogs ris kyis spong mi rung ba'i don te/ mu stegs can la smad mi bya/ /zhes sdang zhugs kyis gzhan sde'ang smod mi rung bar sbyong rgyud las gsungs na/ ston pa gcig gi rjes 'brang nang phan tshun lta ci smos pa'i phyir/ der ma zad kun mkhyen lnga pas de ltar gsungs pa ni gangs ljongs bstan 'gro spyi'i mgon mdzad dgos pa'i dbang gis kyang yin te/ yi dam chos srung gi sgrub 'phrin lta ci smos/ bla ma'i rnal 'byor gyi gtso bo rig 'dzin gdung sgrub yin la/ de'i smon lam gyi mjug tu/ de phyir sde bzhi'i dpag bsam yongs 'du'i ljon/ /mtsho skyes byin rlabs dpyid kyi ma ma yis/ /nye bar bskyangs las grub pa'i don gnyis 'bras/ /longs su spyod pa'i dga' ston rgyas gyur cig /ces @060b gsungs shing/ mdzad byang gi mjug tu 'ang/ dge bas bur rgyal bod kyi khams bde zhing/ /bde ba'i thabs tshul sgrub pa po rnams kyi/ /thugs kyi bzhed don lhun gyis grub gyur cig /ces rang bstan gyi gdams ba zab mo rnams kyi mthar mchog 'grub pa'i rgyur bsngo tshul las mi 'dra ba mdzad pa'i dgongs gzhi shes dgos so/ /des na rang cag las dang po ba rnams ni/ rgyal dbang bskal bzang rgya mtshos de nyid yang gsal gyi mjug tu/ dmar ser ye shes lus can la 'khu ba'i/ /byed po blo bzang grags pa'i legs bshad chus/ /ma rtogs log rtog the tshom 'ching ba'i dri/ /bkrus nas rnam 'byed bzhin ras ngoms pa'i tshe/ /snying la mngon 'dod rgyas pa'i yid ches kyis/ /phyogs gzhan dga' ba'i mdza' ba lhod par gyur/ /ces gsungs pa bzhin/ gzhan la sdang zhugs byed don med la 'gram chu'ang ldang mi dgos te/ rang gis thar pa dang thams cad mkhyen pa'i lam gang zhig bsgrub 'dod na'ang rje bla ma'i legs bshad dri ma med pa rnams kyis mchog rgyu ci'ang med bas long bas glang rnga bzhin gcig tu 'jus nas bsdad na zhe gtsang zhing phugs dge bar 'ong ngo/ /de ltar rgyal ba'i gsung rab thams cad kyi dgongs pa 'gal med du go na/ de'i rjes su 'brang ba'i grub mtha' mi mthun pa so sos de'i dgongs tshod lo nam lon gyi skyon yon legs par phyed de nor ba rnams 'dor ba dang/ nor ba gcig yod pa rgyu mtshan du byas nas grub mtha' der gtogs thams cad changs cig tu spong ba ma yin bar de'i nang nas legs ba'i cha rnams len shes pa 'byung/ tshul de la legs par 'phrig tshud pa na blang dor dgag@061a @#/ /sgrub kyi gnad gang la'ang mi 'phyug pa'i gzer thabs pas sgo gang nas bsams kyang stong ba dang rten 'byung don gcig ba'i nges bar cher 'gro ba las 'gal 'du reng? rong? lta bu'i mi bde ba cung zad kyang med bzhig 'ongs la/ / de'i tshe lta ba'i dpyad pa yongs su rdzogs pa yin te/ rje'i gsang rnam rin po che'i snye ma las/ lta pa'i dpyad pa rdzogs ba'i tshad ni/ lung rigs kyi lam nas drangs pa'i seb rnyed nas blos don der thag bcad kyang gting nas mi bde ba'i rnam pa med bzhig 'ong de dus don de la dpyad ba rdzogs pa yin no/ /zhes mgon po 'jam pa'i dbyangs kyis gdams tshul gsungs pa ltar ro/ /gnas 'di ni kha nas bshad tshul 'grig pa tsam gyis mchog par/ rgyud thog tu tshur bskor te rang gi nyams myong dang sbyar nas nges dgos pa zhig yin pas/ thams cad gzigs ba chen po rje btsun 'jigs med dbang po'i lta mgur 'grel ba las/ stong dang rten 'byung gzhi gcig gi steng du thabs dang thabs byung du 'jog ba'i/ zhes ba nas/ bka' zhig lta ba rnyed na lta ba'i dpyad pa rdzogs pas khyab zer ba ni gnad 'di mgo ba'i 'ol tshod du snang ngo/ /zhes gsungs so/ /rje nyid ni gnad kyi don dgongs pas 'di shin tu zab pa dang ngo mtshar che bar bzhag kyang/ deng dus phal mo che rang la go ba ma chags pa'i blo skyon gyis stong nyid dang dbu ma'i lta bu gnyis la lde chung dus ngo ste bshad rin mi chog pa tsam du rtsib ni mkhas pa'i bzhad gad kyi gnas so/ /gnyis pa lung so so'i sgras zin pa dor len byed tshul gyi sgo nas rgyas bar bshad pa ni/ dpyad bzod shes pa @061b ma grub cing/ /phyi don snang ba bsnyon med pas/ /kun gzhi rang rig yod min la/ /don dang zhig ba dngos por sgrub/ /mdor na ngo bos stong ba dang/ /phan tshun brten nas btags pa gnyis/ /'gal med grogs su shar ba yis/ /rnam gzhag thams cad 'thad par gzigs/ /zhes byung/ de'ang spyir dpal ldan zla bas 'jug pa rtsa 'grel las gtso bor drang don du sgrub dgos pa'i lung lnga gsungs pa sogs la brten nas thal 'gyur ba'i 'dod tshul thun mong ma yin pa'i khyad chos brgyad du grags te/ dka' gnad brgyad kyi zin bris las/ gzhi'i skabs su tha snyad du'ang kun gzhi dang rang mtshan khas mi len cing phyi don khas len pa dang/ lam gyi skabs su/ de kho na nyid rtogs pa'i thabs su rang rgyud dang rang rig khas mi len cing/ sgrib gnyis kyi 'jog tshul dang/ nyan rang la chos rang bzhin med bar rtogs pa khas len pa'i tshul dang/ 'bras bu'i skabs su sangs rgyas kyis ji snyed pa mkhyen pa'i tshul te/ khas len pa'i dam bca' bzhi dang/ mi len pa'i phyogs bzhi'o/ /zhes pa ltar/ rang mtshan dang/ rang rgyud kyi rtags/ kun gzhi/ rang rig bzhi mi 'dod pa dang/ phyi don dang/ nyan rang gis stong nyid rtogs pa/ bden 'dzin nyon sgrib tu 'dod pa/ sangs rgyas kyis 'khrul snang med bzhin ji snyed ba gzigs pa ste sgrub phyogs bzhi dang bcas brgyad yod pa las/ dang po la rang mtshan tha snyad du'ang med pa'i sgrub byed 'jug pa rtsa 'grel las bzhi gsungs pa sogs ni gong du bshad zin cing/ gzugs sogs dang de'i rang mtshan so sor 'byed rgyu med par dpas smras 'dod bar ltag mthong chen mo @062a @#/ /sogs su gsungs pa ltar yin pas/ des na de dang rtsod pa'i tshe chos can mthun snang ba med la/ gzhan grags tsam las rang rgyud kyi rtags med bas khyad par gnyis ba des 'grub bo/ /nyan rang gis stong nyid rtogs pa ni zab mo'i lta ba de nyid theg pa gsum gas thar pa thob byed kyi bgrod pa gcig pa'i lam yin par gong du bshad zin pa de yin la/ thar pa thob pa'i gags kyi gtso bo nyon sgrib yin par grub mtha' bzhig mthun pas bden 'dzin nyon sgrib tu 'dod pa'ang des 'grub bo/ /sangs rgyas kyi sar ji snyed pa mkhyen pa mi 'jog pa ni kun rdzob rnams 'khrul ngo tsam las don la med par 'dod pa'i log rtog gi dbang yin pas/ gong du dgag bya khyab che ba bkag pa dang/ stong pas rten 'byung la mi gnod par don gcig tu 'gro tshul bshad pa rnams kyis 'grub bo/ /des na 'dir khyad chos bar ba kun gzhi dang rang rig mi 'dod cing phyi don 'dod ba ste gsum dang/ brgyad kyi grangs su med kyang las 'bras kyi 'brel ba'i rten du gal che ba zhig ba dngos por sgrub ba ste bzhi gtso bor smos pa yin no/ /de'ang dpyad bzod shes pa ma grub ces kun gzhi dang rang rig med pa'i sgrub byed bstan/ phyi don snang ba bsnyon med ces pas phyi don yod pa'i sgrub byed bstan no/ /zhig pa dngos por 'grub ba'i sgrub byed mthon pa'i skyon med de/ snga ma don shes yod med mtshungs par bsgrub bde'i rigs 'gros kyis ma zhig pa'i las kyang dpyad bzod du med la/ zhig pa las 'bras bu 'byung ba'i tha snyad bsnyon med pas/ las ma @062b zhig pa dang zhig ba gnyig dngos po yin min 'dra bar bsgrubs pa yin la/ 'di ni khyad chos brgyud du byed pa'i tshe las 'bras kyi rten la kun gzhi mi dgos par bshad pa'i khongs su bsdus kyang chog go /de la dang po kun gzhi khas mi len pa'i khyad par ni; sngon gyi bod mkhas ba mang pos bshad rgyun rdor 'phreng dang byang chub sems 'grel tu kun gzhi'i tha snyad tsam 'byung ba la 'khrul nas klu sgrub yab sras kun gzhi bzhed cing de 'dus pa'i rgyud kyi dgongs pa yin par smra'o/ /de dag ni tha snyad tsam la 'chel ba yin zhing/ rje bla mas ni tshig la mi rton par don gyi ngos nas brtag dgos par gzigs te/ kun gzhi 'jog na dbus mtha' las/ don dang sems can bdag rnam rig /ces sogs kyis de'i steng gi bag chags smin ba las don du snang ba tsam ma gtogs phyi don med pa dang/ sum cu bar yul snang ba tsam las nges pa 'dren mi nus shing ma sgrib lung ma bstan kho nar gnas ba dang/ las kyis bag chags bzung ste rnam smin 'byin tshul gsum de dag nas bshad pa bzhin khas len dgos kyi/ rtsa ba'i khungs gtugs sa de rnams nas bshad pa'i mtshan nyid rnams mtshang bzhin du blo gang yang rung ba zhig la kun gzhir byas pa dgos pa med par gsungs so/ /khyad par gsum re re nas mi bzhed de/ byang chub sems 'grel las/ shes bya med par shes pa med/ /ces sogs kyi don sems yod med mtshungs par gsungs ba 'jug pa dang 'dra bas dang po mi 'thad/ ye shes rdo rje kun las btus kyi TIkkar 'byung ba bzhin 'dus pa'i skor las stong pa bzhi dmigs rnam 'gyur tshul dang/ thams cad @063a @#/ /stong pa 'od gsal gyis stong nyid rtogs tshul gsungs shing/ phyag chen thig le las de bzhi dga' ba bzhi'i ngo bor 'grub tshul gsungs la/ kun gzhi 'dod na des 'chi sems byed dgos pas khyad par gnyis pa mi 'thang kun gzhi med na las chud za ba'i skyon spong zhig ba'i steng nas byed tshul 'jug ba ltar yin pas gsum ba mi 'thad do/ /kun gzhi mi bzhed pa'i rtsa ba rigs pas dbyad bzod med pa la thug ste/ stong thun las/ kun gzhi khas len nam pa rtags ma dpyad bar 'jug pa'i tha snyad pa'i shes pa gnod med kyis 'grubs med pas kun gzhi zhes ba'i ming btags don ji 'dra zhig tu grub btsal na rigs pas rnyed dgos la/ de lta na rang bzhin gyis grub pa'i don mi 'dod bzhin du khas len dgos par 'gyur ro/ / zhes gsungs pa'i phyir/ des na lugs 'dir kun gzhi ston pa'i lung rnams dgongs gzhi gzhan du 'grel dgos la/ de'ang 'jug 'grel las/ stong pa nyid kho na kun gzhi'i rnam par shes pa'i sgras bstan/ zhes gsungs te/ 'phags pa thogs med kyis kyang theg bsdus su kun gzhi'i sgrub byed du drangs ba de/ rgyud bla'i 'grel bar bde gshegs snying po'i sgrub byed du drangs pas 'di dang dgongs pa gcig tu 'bab bo zhes rje yab sras kyis gsungs pa'ang sngon ma grags pa'i legs bshad chen po yin no/ /gnyis pa rang rig mi 'thad pa'ang rgyu mtshan gtso bo rigs pas dpyad bzod med pa la thug pa snga ma dang 'dra ste/ stong thun las/ thal 'gyur ba rang rig khas mi len pa'i rgyu mtshan rang mtshan tha snyad du'ang khas mi len @063b pa la thug/ ces gsungs pa'i phyir/ de la thug tshul yang rang rig 'dod mkhan rnams kyis de 'jog lugs ni/ rnam 'grel las/ rtag tu bdag la nang mngon phyogs/ /zhes dang/ rtog ge 'bar ba las/ sems tsam pa rnam shes ni gnyis su snang ste/ rang snang ba dang/ yul du snang ba'o/ /yul du snang ba'i rnam shes ni phyi rol gyi yul gyi rnam par gyur nas rang snang ba'i rnam shes kyi yul du 'gyur ro zhe na/ zhes phyogs snga 'god pa'i skabs su gsal bar gsungs pa bzhin/ gzung 'dzin gyi gnyis snang med par kha nang kho nar phyogs te/ rang dang gzung rnam gnyis ka rig cing/ gzhan gang gi'ang rnam ba shar ba la mi ltos pa'i 'dzin rnam yan gar bar bzhag pa yin la/ shes pa rang gis rang rig gam gzhan gyis rig ces btags don tshol ba 'di bdag las skyes sam gzhan las skyes zhes btags don tshol tshul las kyang thal ches pa'i dpyad lugs yin pas/ de ltar byas nas rnyed rgyu zhig byung na dgag bya bden grub tu 'gyur ro/ /rang gis rang rig ste bya byed gcig tu gyur ba de 'dra ci tsam bsams kyang 'char rgyu med bas sgro btags kho na yin te/ gzhan du na mar mes mar me gsal ba dang/ mun bas mun ba bsgrib ba/ mes me bsreg pa sogs dgos nga' rtsa shes dang rtsod zlog/ zhib mo rnam 'thag gsum gar gsungs la/ spyod 'jug tu ral gris rang la mi gcod pa'i dpe dang gtsug na rin po che'i mdo'i lung sogs kyis bkag ba'i phyir/ sems tsam bas rang rig sgrub byed kyi gtso bo ni dran pa'i rtags kyis bsgrubs pa 'di yin la/ de thog mar 'god mkhan phyogs glang yin pas/ @064a @#/ /tshad ma rang las mkhas pa zhes zer ba'i rgyu mtshan gtso bo de yin par grag go /sgrub tshul ni sngon po sngar ma mthong bar rjes su dran tshul med ba bzhin/ sngo 'dzin yang rang dus su ma myong na 'gag rjes su dran tshul med la myong na gzhan myong thug med kyis khegs pas rang myong las 'os med snyam pa yin no/ /ma bzung bar yang yod ces byar mi rung/ zhes 'jog byed tshad ma med na yul de 'jog mi thub pa lugs 'dir yang 'dod kyang/ rang myong gzhan myong de 'dra btsal nas 'jog mi dgos te/ sngon po dran pa'i dran shes kyis sngo 'dzin mig shes kyang 'grub pa'i phyir/ de'ang dgongs pa rab gsal las/ sngon po grub pa nyid kyis sngo 'dzin de 'grub ste/ zhes dang/ tshad ma 'grub pa la gzhal bya grub pa tsam gyis mi chog par tshad ma rang las tshad ma 'grub pa gzhan dag 'dod pa ltar yin na gzhal bya la ma ltos par tshad ma 'grub par 'gyur ro/ /zhes gsungs pa ltar/ sngon po dran pa na sngo 'dzin gyis khyad par du byas te ngas mthong ngo snyam du dran pa yin gyi/ mthong byed dang ma 'brel ba rangs mthong snyam du dran tshul med pas/ dran pa des sngon po dang sngo 'dzin gnyi ga yod par grub pa yin no/ /des na sngon po grub pas sngo 'dzin grub tshul ni/ stong thun las/ tshad mas gzhal bya gzhal bar grub pa nyid kyis tshad ma grub pa'i zhes pa ltar/ sngo 'dzin gyis sngon po grub ba'am gzhal ba de la ltos te rjes kyi dran bas sngo 'dzin grub ces pa yin gyi/ sngon po gzhal ba'i mig shes der yul can kho rang yang grub ces pa gtan min te/ de @064b ltan bar chad med lam gyis kyang rang nyid 'grub pas rdzun snang can du 'gyur ba'i phyir/ rang rig sgrub byed dran pa mi 'thad tshul spyod 'jug tu dpe'i sgo nas gsungs pa rang re'i yig char gsal ba ltar yin la/ gtsug lag phreng ba'i spyod 'jug TIkkar de'i dpe lo rgyus dang bcas pa zhig bkod 'dug pa ni skabs don dang cung zad kyang mi 'brel lo/ /khyad par gsum pa phyi don khas len pa'i tshul ni/ sems tsam pa rnams phyi don med par thams cad sems kyi bdag nyid tsam du bsgrubs pa'i khungs mdo sdes bcu pa las/ khams gsum po 'di ni sems tsam mo/ /zhes dang/ lang gshegs las/ phyi rol sanng ba yod min te/ /lus dang longs spyod gnas 'dra bar/ /sems ni sna tshogs snang bas na/ /sems tsam du ni ngas bshad do/ /zhes sogs 'dren par byed kyang/ de la lugs 'dis lung snga mas sems las don gzhan ba'i byed pa po bkag pa yin gyi/ phyi don bkag pa min zhes lan 'debs la/ lung phyi mas phyi don bkag na'ang de sgra ji bzhin ba min zhes lan 'debs so/ /de'i rgyu mtshan ni/ sems dang phyi don gnyi ga sher mdo las bden bar med mnyam du gsungs/ chos mngon ba las bden bar grub mnyam du gsungs ba la/ gcig yod gcig med ces 'dod ba 'di lung gnyi ga dang mi mthun zhing bden pa gnyis gang gi dbang du byas kyang mi rung ba'i phyir/ 'jug pa las/ de dag shes rab tshul mdor sangs rgyas kyis/ /mchungs bar spangs shing mngon ba'i chos las gsungs/ /bden gnyis rim pa 'di dag bzhig nas kyang/ /khyod kyi rdzas ni bkag pas 'grub mi 'gyur/ /zhes @065a @#/ /so; ;'di ni klu sgrub yab sras gnyi ga'i dgongs pa yin te/ byang chub sems 'grel las/ shes pas shes bya rtogs pa ste/ /shes bya med par shes pa med/ /ces dang/ bzhi brgya pa las/ gcig yod gcig med ces bya ba/ /de nyid min zhing 'jig rten min/ /zhes gsungs pa'i phyir/ kha cig thal 'gyur ba'i lugs la phyi don gyi tha snyad tsam yod kyang don dngos gnas la thams cad sems kyi bdag nyid yin par bshad pa 'di nyams myong gi gdams pa zab mo yin zer/ 'di ni yod na rang ngos nas yod pas khyab pa zhe phugs su 'tshang ba'i dbang gis phyi don 'jog na'ang blo la ma ltos par rdul phra rab tshogs pa'i ngos de nas tshur ling de grub rgyu zhig dgos par go ba'i nyams myong go log min te/ sngon po dngos gnas la sngo 'dzin gyi blo dang bdag nyid gcig yin na de gnyis rgyu 'bras min dgos la/ dpal ldan zla bas/ ji ltar der ni gzugs brnyan sogs stong las/ /shes pa de yi rnam par skye 'gyur ltar/ /zhes gzugs brnyan 'dzin pa'i mig shes gzugs brnyan las skye bar gsungs ga'i phyir/ phyi rol don du grub tshul dngos gnas pa 'di yin gyi/ rwa co zeng nge zhig logs na med do/ /mdor na lugs 'dir phyi don bzhag chog pa'ang rang bzhin med pa la thug ste/ 'di bdag sems tsam pa gnyi ga'i lugs la phyi don gyi snang ba yod pa 'dra'ang/ sems tsam pa'i lugs la de tsam gyis phyi don yod par 'jog mi thub/ thal 'gyur ba'i lugs la thub pa yin no/ /'o na rmi lam du snang ba'i ri po sogs kyang dngos gnas par @065b 'gyur ro snyam na/ de ni sang dus kyi tha snyad pa'i blos khegs par 'gyur la/ phyi don gyi snang ba la de 'bra'i gnod pa mi 'jug go /gal te de'ang rdul 'dus pa dang re re ba gang gi ngos nas snang zhes dpyad pas khegs so zhe na/ de ni don dam dpyod tshul yin la/ de ltar byas tshe sems kyang skad cig re re ba dang tshogs pa gang gi steng nas grub dpyad na rnyed rgyu med pa phyi don dang 'dra'o/ /des sems bden grub khegs kyang sems tsam zhig mi 'gog ba bzhin/ snga mas phyi don bden grub 'gog kyang phyi don tsam mi 'gog pa'ang shin tu mtshungs so/ /des na phyi rol don gyi ngos nas ma grub kyang/ phyi don du snang ba tsam gyis phyi don 'jog thub pa ni stong pa rten 'brel gyi don du shar te/ ming rkyang btags yod tsam la bya byed mtha' dag rung ba'i gnad kyis yin te/ legs bshad snying po las/ lugs 'dis kyang phyi rol rang gi mtshan nyid kyis grub par mi bzhed mod kyang/ de la phyi rol med dgos mi dgos kyi sgo nas mi mthun pa yin no/ /de'i phyir spyir chos gang rung zhig rang gi mtshan nyid kyis med par 'jog shes na don shes yod med 'byed mi nus ba'i rigs pa legs por go nus la med na mi nus so/ /zhes gsungs te zla med ba'i legs bshad yin no/ /khyad par bzhi ba zhig ba dngos por sgrub pa la/ de ltar sgrub dgos pa'i rgyu mtshan/ sgrub tshul dngos gnyis kyis shes dgos pas/ dang po ni las kyi rnam smin chung mi za ba la nges pa skyed pa'i phyir yin te/ rtsa shes las/ gal te smin pa'i dus bar du/ /gnas na las de rtag par 'gyur/ /gal te 'gag na 'gag gyur pas/ /'bras bu ji @066a @#/ /ltar 'byung bar g'yur/ /zhes phyogs snga bkod cing de la grub mtha' gzhan gyis skyon spong byed tshul/ ji ltar dbangs rgya zhes sosg ltar chud mi zab dang thob ba dang kun gzhi sogs kyi steng nas byed kyang/ lugs 'dir de dag mi dgos par las 'gags kyang de ngo bo nyid kyis 'gags pa ma yin pas/ de'i zhig pa tha snyad tsam du yod pa de las 'bras bu'ang tha snyad tsam du 'byung ba 'gal ba med pa'i phyir/ 'jug pa las/ gang phyir rang bzhin gyis de mi 'gag pa/ /de phyir kun gzhi med kyang 'di nus phyir/ /la lar las 'gags yun ring lon las kyang/ /'bras bu yang dag 'byung par rigs par gyis/ /zhes gsungs pa'i phyir/ de'i thad kyi 'jug 'grel du/ rtsa shes las/ gang phyir de ni ma skyes pa/ /de phyir chud zar mi 'gyur ro; ;zhes pa drangs pa'ang rang bzhin gyis skyes na 'gag pa med pas 'bras bu la skabs mi 'byed pa'i don du'ang rung mod/ 'dir rang bzhin gyis ma skyes pas rang bzhin gyis mi 'gag pa 'grub la/ des chud mi za ba bsgrubs pa yin no/ /zhig pa dngos bor sgrub byed dngos ni/ mdo sde rnams su skye ba'i rkyen gyis rga shi zhes shi ba la rgyu gsung zhing gang zag de shi ba ni de zhig pa yin pa'i phyir/ der ma zad dngos po rnams skad cig gis 'jig pa de 'dus byas yin bar nang ba'i grub mtha' smra ba kun mthun la; 'jig pa 'dus byas yin na zhig pa'ang 'dus byas yin dgos te/ skad cig gnyis par mi sdod ba la rgyu yod cing/ ma bsdad pa la rgyu med pa 'gal ba'i phyir ro/ /don 'di ni tshig gsal las/ 'jig ba bdus byas su khas blangs nas 'dus @066b byas skad cig mar smra ba ltar na/ rgyu med bas 'jig ba med ba'i phyir dngos po skad cig gis 'jig pa dang bral ba rnams ji ltar 'dus byas su 'grub/ de'i phyir thams cad mi 'grig par 'gyur ro/ /zhes sogs kyis 'dus byas kyi mtshan nyid bzhi mi 'thad bar thal ba dang/ gang yang rgyu las mi skye bar thal ba dang/ sngar med gsar skye'i rigs pa dang/ 'jig rten gyi grags pa bzhi'i sgo nas bsgrubs so/ /de'ang gtso bor skad cig gis zhig ba dngos por bsgrub pa yin zhing/ 'dir 'jig pa zhes gsungs ba ni zla ba rang nyid kyis dngos po de zhig ba'ang de'i skye 'jig gnyis kyi nang gi 'jig par bzhed pa de'i dbang du byas pa yin par rtsa shes TIka chen las gsungs te/ 'di dag gi rtsa shes las/ dngos dang dngos med 'dus byas yin/ /zhes gsungs pa'i dgongs pa rjen par phyung ba yin no/ /rigs pa drug cu pa las/ rgyu zad nyid las zhi ba ni/ /zad ces bya bar dmigs pa ste/ /zhes sogs kyis gtso bor rgyun gyi zhig pa dngos por bsgrubs pa yin te/ de'i 'grel bar/ 'jig rten na rgyu zad pa kho nas zhi zhing log pa gang yin pa de ni zad ces bya bar dmigs te/ zhes mar dang sdong bu zad pa mar me shi ba'i rgyu dang/ zas zad pa bu shi ba'i rgyu/ chu zad pa 'bras nyams pa'i rgyu sogs su 'jig rten na grags pa ltar 'jog par gsungs so/ /'di la stag lo'i grub mtha' kun shes su/ yan lag la dpyad bum pa mi rnyed dang/ /skad cig la dpyad zhig pa rnyed pa 'gal/ /zhes skyon ;brjod pa ni/ ming rkyang btags yod tsam la rgyu 'bras 'jog tshul blos ma 'chun par/ yod na rang gi ngo bos grub dgos pa'i@067a @#/ /log rtog phugs su 'tshang ba'i gtam yin te/ rje bla mas zhig ba dngos por 'jog tshul ni/ skad cig snga phyi'i sting du btags don btsal te 'thad pa bcug nas bzhag pa ma yin gyi/ ma brtag ma dpyad pa'i 'jig rten gyi tha snyad rang dga' ba la grags tshod kyi steng nas bzhag pa yin cing/ de dpal ldan zla ba'i dgongs pa rma med pa yin pa'i phyir/ rigs pa drug cu pa'i 'grel pa las/ 'bru dang bu dag brlag pa chu dang zas med pas byas par smra'o/ / gzhan yang 'jig rten na grags pa'i don ni 'jig rten na grags pa kho nas bzhag par bya yi/ 'thad pas ni ma yin te 'jig rten gyi tha snyad ni 'thad pa dang 'gal ba'i phyir/ zhes gsungs so/ /des na stag lo rang nyid mdo sems kyi rigs pas zhig pa dngos po 'gog pa ni ming rkyang tsam gyi tha snyad pa'i 'jog mtshams 'di ma zin par/ tha snyad 'jog skabs su'ang btags don btsal nas ba zhag pa'i skyon yin te/ stong thun las/ 'das ma 'ong gi 'jog tshul 'di ni rgyus 'bras bu skyed pa'i tshul rigs pas btsal ba'i sgo nas 'jog pa dngos po rang gi mtshan nyid kyis grub pa khas len pa rnams la mi 'thad kyang/ rgyu 'bras bya byed la sogs pa'i dngos po thams cad ma brtag ma dbyad par ming tsam gyi sgo nas 'jog pa la shin tu 'thad pa yin/ zhes gsungs pa'i phyir/ don 'di ni lugs 'dis las 'bras chud mi za bar 'jog tshul gyi rtsa ba med mi rung du go dgos pa zhig yin kyang/ bod 'dir sngar gzhan gyis mthon pa rje bla ma gcig pus gsal bar mdzad pa yin te/ rtsa shes TIka chen las/ 'das @067b ma 'ong gi 'jog tshul 'di ni/ zhes pa nas/ lugs 'di la shin tu gal che 'ang grags chur bar 'dug pas zhib tu bshad do/ /zhes gsungs pa'i phyir/ rje btsun rol ba'i rdo rjes kyang/ phyi don ma bshig pa'i blo 'tshub ba mi dgos/ /don smra sde gnyis rnams dgyes dgyes mdzod cig /rang rig ma yin kyang tshad gzhal 'thad pas/ /rnam rig smra ba kun dgyes dgyes mdzod cig /rang mtshan ma grub kyang rten 'brel bkra bas/ /shar gsum mkhan po kun dgyes mdzod cig /ces dang/ kun mkhyen bla mas mdzud pa'i de'i 'grel pa las/ phyi don ma bshig par rang bzhin gyis ma grub pa khas len pa mi rigs so snyam pa'i blo tshab tshub mi dgos/ zhes sogs ltar/ don smra bas phyi don 'jog tshul rdul cha med bsags pa'i steng nas tshur blo la rnam pa gtod byed du rang gi ngo bos grub par bzung ste rang bzhin med na phyi don med dgos la/ phyi rol gyi snang ba mngon sum du grub pa 'di la skur ba 'debs tshul med snyam du blo 'tshe ba lang nas rtsom gzhi'i rdul de dag kyang ma reg par bcas ma reg par med sogs mi 'grig ba du ma nan gyis bsgrubs te sgro btags pa yin la/ 'dir de 'dra mi dgos bar phyi don snang tsam gyi sgos de'i tha snyad ma shig bar 'jog pa dang rang bzhin med pa 'gal don med do/ /de bzhin du rang myong gzhan myong sogs btags don tshol ba'i ngal ba mang po'i sgo nas rang rig sgrub mi dgos par tshad mas yul gzhal ba dang/ de la ltos te rjes kyi dran pas yul can tshad ma'ang 'grub pa ste/ yul dang yul can ltos nas grub pa'i rten 'brel gyi gnang kas ma rig 'jog mi dgos pa dang/ gdags @068a @#/ /gzhi'i ngos nas grub ba med kyang ming rkyang btags yod tsam la rgyu 'bras rten 'brel gyi rnam gzhag byas chog pas rang rgyud khas len mi dgos pa ste/ thal 'gyur ba'i thun mong ma yin pa'i khyad chos dpal ldan zla bas gzhan dang thun mong ma yin par rtsa shes la 'jug tshul gnyis gsungs pa'i gnad rnams dang sbrags nas yab sras gnyi ga'i dgongs pa gting phyin bshad du yod la/ dus ji tsam snyigs kyang skyon yon rnam dbye shes pa'i mkhas pa re re tsam 'byung srid pa'i don du 'gyur mod kyang 'dir de tsam mo/ /de dag gi don bsdus nas/ mdor na ngo bos stong pa dang/ /phan tshun brten nas bdags pa gnyis/ /'gal med grogs su shar pa yis/ /rnam gzhag thams cad 'thad par gzigs/ /zhes smos so; ;'di ni rtsa shes las/ gang la stong pa nyid rung ba/ /de la thams cad rung bar 'gyur/ /zhes pa'i dgongs pa ste/ TIka chen las/ rung lugs thams cad ni yod pa la 'grel pas bshad cing de'ang dbum pa'i lugs yin par gsungs/ zhes pa ltar/ blang dor rgyu 'bras kyi rim pa dang gzhi lam 'bras bu'i rnam gzhag thams cad 'gal 'du med par rang lugs su bzhag chog pa'i rtsa ba stong ba dang rten 'byung don gcig tu shar ba 'di yin te/ rin chen phreng ba'i dar TIka las/ gzhi lta ba gtan la 'bebs pa'i tshe bden pa gnyis tsha reg dang grang reg ltar ma song bar/ zung 'jug tu ma shes na/ lam gyi tshogs gnyis dang/ 'bras bu sku gnyis kyi rnam gzhag legs par mi shes pas bden gnyis kyi rnam dbye la mkhas par bya'o// @068b zhes gsungs pa'i phyir/ de dag gis lta ba'i gnad gsal bar mdzad tshul bshad zin nas/ gnyis pa sgom pa'i gnad gsal bar mdzad tshul mdo tsam zhar byung du smos pa ni/ nyon mongs 'ching gcod klu sgrub kyi/ /lta ba'i ral gri 'dzin byed pa// sgom pa'i dpung ba brtan po'i thabs/ /mtha' yas sa sde bzhin du gsungs/ /bod sgom gzhung du mi tshol bar/ /med sar 'bad pas 'tshol zhing skyong/ /drod rtags phra mos rlom rnams kyi/ /sgom pa'i man ngag dpe zla min/ /zhes byung/ de'ang snga rabs pa mang po zhig 'jog sgom gyis gnas cha bsgrub pa dang/ dpyad bas sgro 'dogs gcod pa gnyis snga ma sems sdud byed dang /phyi ma sems 'phro byed yin pas gcig gcig gi 'gal zlar 'gro zhes smra ba ches mi rigs te/ sems gnas pa'i brtan cha med par dpyad kyang shugs chung la/ mi dpyod par bzhag pa kho nas sgro 'dogs cung zad kyang mi chod pa'i phyir/ dper na lag pa brtan po'i shugs med par sta re gting du bsnun mi thub la/ sta re brtan por byas te bzung bsdad pa kho nas kyang shing mi chod pa bzhin yin pas /nyon mongs pa'i 'ching ba gcod pa la gcod byed dngos sgrub lugs kyi zab mo lta ba'i ral gri yin kyang/ de 'dzin pa'i thabs su zhi gnas sgrub tshul sogs sgom pa'i rim pa rnams sa sde nas 'byung ba ltar nyams su len dgos pa'i phyir/ sgom rim dang po las/ de lta bas na ting nge 'dzin gyi lag gis sems bzung ste/ shin tu cha phra ba'i shes rab kyi mtshon gyis gzugs la sogs pa la log par rnam par rtog pa'i sa bon gyi zug rdu sems de la yod ba bsal bar bya'o/ /de ltar byas na rtsa ba nas phyung ba'i shing dags @069a @#/ /la mi skye ba bzhin du rtsa ba med pas na log par rnam par rtog pa'i sems kyang skye bar mi 'gyur ro/ /zhes dang/ rje'i gsung gi zhi lhag gi dka' gnad las kyang/ dper na lag pas sta re bzung nas shing sdong gcod pa na/ lag ba shin tu 'dar na/ sta re shing spong la ji tsam brgyab kyang shing sdong gcod mi nus pa bzhin du/ zhi gnas sngon du ma grub na dpyod pa'i sems la gnas pa'i rtsi 'byar rgyu med pas ji tsam dpyad kyang mi mthun phyogs 'joms pa'i stobs mi 'byung ngo/ /stobs ldan gyi lag pa shin tu brtan pas rno ba'i sta re bzung nas bcad na shing sdong myur du gcod nus pa bzhin du/ zhi gnas kyi ting nge 'dzin shin tu brtan pa'i lag pas bzung ba'i sems kyis shes rab kyi mtshon rnon po thogs te/ de kho na nyid la dbyad pa goms na mi mthun phyogs 'joms pa'i stobs dang ldan par 'gyur ro/ /zhes gsungs pa'i phyir/ de so sor shing rta chen po gnyis la gtso bor brten dgos pa'i rgyu mtshan ni spyir gnyis gas gnyi ga gsungs mod kyang/ rang rang la zab rgyas kyi gdams pa'i bka' bab tshul mi 'dra ba yod pas/ gdams pa'i gnad yongs su rdzogs par 'byung ba de dang der med mi rung du brten dgos ba yin no/ /des na rje bla ma'i rnam thar/ 'dzam gling rgyan drug mchog gnyis zhes grags pa'i/ /gzhung la phyogs re ba dang rags pa res/ /tshim par ma byas kun la zhib tu sbyangs/ /zhes pa ni de dag gi gzhu pa la spyi bam gyi gong pa rags pa re chags pa bshad yam 'gro ba tsam ma yin par/ de dang des gang rtsal du bton nas 'chad lugs dang/ bshad srol mi 'dra bar byed @069b tshul; bshad lugs kyi 'gros mthun yang dgongs pa'i gtad so mi gcig pa'i dbye ba/ rigs pa'i rnam gzhag shin tu phra zhing zhib pa'i khyad par rnams ku sha'i rtse ltar ma 'dras bar gzigs nas than lung tshig gcig 'dren na'ang rtsom pa po'i dgongs tshod ji lta ba bzhin gzigs te 'dren pa las/ rang gis 'chad rgyu de dang tshig ris mthun tshad mi 'dren pa rje rang gi khyad chos yin te/ mkhas grub rje'i gsung las/ da lta blun po mang pos snyan brgyud rang yin zer ba'i chos tsho la'ang/ gang zag de tsho rang rang gi de 'dra'i chos de lung 'di nas kyang gsal bar bshad/ 'di 'dra nas kyang gsal bar bshad ces lung mig gis mthong tshang 'dren ba mang du snang ste 'gal ba yin/ zhes dang/ klong rdol grub dbang rin po ches/ dpal ldan sa skya ba'i lam 'bras ni; zhes ba nas/ stong nyid gyi don bshad pa'i tshe rgyan drug gis gtsos pa'i 'phags yul gyi gzhung che ba thams cad kyi grub mtha' so sor ma phye bar lta ba gang yin thams cad gcig tu bsres te 'chad pas mkhas pa dgyes pa'i legs bshad zur cung zad nyams pa yin/ zhes gsungs pas mtshon/ grub mtha' gzhan gyi mkhas brtsod med du ma'i rtsom par gzhung mthong tshad kyi nang du/ rang bzhin med pa/ ngo bo nyid med pa/ spros pa dang bral ba/ gnyis su med pa zer ba'i tshig gang byung thams cad lta ba mthar thug gi khungs su drangs yod pa bsnyon mi dgos par de dag gi gzhung da lta yod pa la bltas pas chog go /rje'i gsung la gong 'og gi skabs bsres bde 'dra gcig kyang ston rgyu med par ma zad/ dper na rigs mi gcig pa'i mi drug gis @070a @#/ /nga'i phu'i lugs srol bzhin byed dgos byas pa'i tshe tshig brjod lugs 'dra'ang bsam tshod mi 'dra ba ltar/ paN grub kyi gsung tshig zin 'dra ba la'ang thugs rtse mi 'dra ba mang bas so so'i zhi 'dod shes dgos par nan tan du gsungs te/ legs bshad snying po las/ tha snyad du yod pa la'ang de'i ngo bo nyid dang rang bzhin dang de'i rang gi mtshan nyid sogs su thal 'gyur ba'i gzhung nas bshad pa'ang mngal/ rang gi ngo bo nyid kyis ma grub pa dang ngo bo nyid kyis ma skyes pa dang rdzas su ma grub pa la sogs pa slob dpon 'di'i gzhung na'ang mang bas dbye dka' bar snang na'ang/ dgongs 'grel las/ zhes sogs kyis rang bzhin dang rang bzhin med ces ba'i tshig byung tshad don gcig byas na 'gal ba du ma 'ong bas/ rtsa ba'i lung gi dgongs pa 'grel tshul nas gzung mgo mjug thams cad gung bsgrigs te rang rang gi dgongs tshod dpog pa'i sgo nas shes byed du 'dren dgos par gsungs pa 'di grub mtha' rgya mtsho'i de nyid 'byed pa la mi 'phyug pa'i gzer 'debs tshul rje bla ma mgon po 'jam pa'i dbyangs dang dbyer mi byed pa'i gtan tshigs shig yin no/ /der ma zad spon dang phyis kyi mkhas rlom phal mo che blang dor gyi gnas mdo rgyud tshad ma nas sgra ji bzhin par gsungs pa la dgongs pa len pa'i zol gyis mi dgos par rtog dpyod byed cing res 'ga' rgyud rdzus ma dang paN grub chen po rnams la kha g.yar ba'i gzhung la'ang rtog dpyod med par mdzad byang chub 'gyur byang du gang yod bden bar bzung nas khungs su byed pas cha mi mtshungs so/ /rje thams cad mkhyen pas ni/ rgyud @070b las; sangs rgyas kun gyis mthun par gsungs/ /mchog tu rtag ba'i bka' yin no/ /zhes pa ltar/ dam tshig dang sdom pa bstan pa'i rigs la lag len dog phyogs nas bzung ste sgra ji bzhin ba gtso bor mdzad/ paN grub kyi gzhung yongs grags rnams ma yin pa la de'i gsung rtsod med gzhan dang bsdur ba/ rjes 'jug chen po rnams kyis drangs ma drangs/ de dang bshad pa sgo bstun ma bstun sogs bsdur te dpyad tshul mdzad pa 'di ni rjes 'jug thos brgya chen po 'dod pa la phan pa'i man ngag mchog tu zungs shig; de ltar bstan pa'i gnad rang rang la thugs bskyed dang rten 'brel gyi dbang gis bka' bab tshul so so ba yod pas skabs der de dang de'i dgongs pa gzhir byed dgos la/ khyad par lta sgom gnyis kyi skabs 'dir shing rta chen po gnyis la khungs byed dgos kyi/ 'di dag gi gzhung rgya mtsho lta bu rnams bzhag nas man ngag tu grags pa than thun re la ngal ba byed pa ni/ sa paNDi tas/ yan lag brgyad ldan chu 'gram du/ /ba tshwa'i khron pa brko ba bzhin/ /gsungs pa lta bu yin no/ /'di la dgongs te lam rim chen mo'i zhig nas kyi mjug tu/ mdo dang dgongs 'grel bstan bcos chen mo las/ /legs gsungs ting 'dzin sgrub pa'i rim pa ni/ /rjod byed pa rling bas blo gros chung rnams kyis/ /ji bzhin ma rtogs rang gi blo yi skyon/ /gzhan la bsgos pas gzhung bzang de dag la/ /mi rtog skyong ba'i gdams ba med snyam nas/ /yod pa'i gzhung du ma btsal med pa'i sar/ /'bad ba du mas 'tshol zhing rnyed par sems/ /de 'dras phyi rol ba dang nang pa yi/ /ting 'dzin rnams kyang phyed par @071a @#/ /mi 'gyur na/ /theg pa mchog dang theg pa dman pa dang/ /rdo rje theg dang pha rol phyin ba yi/ /ting nge 'dzin gyi khyad par gang yin pa/ /ji bzhin phyed par 'gyur ba smos ci dgos/ /tshul de mthong nas gzhung lugs chen mo yi; ;ting 'dzin skyong tshul go sla'i dag gis bshad/ /gzhung lugs che la lo mang sbyangs pa yi/ /grogs dag rang gi nor bu rin po che/ /dor nas gzhan gyi mching bu ma len par/ /rang la rin chen yod pa mkhyen par mdzod/ /khyed kyis sbyangs pa'i gzhung las gdams pa'i don/ /logs su med pa gzigs nas thub dbang gis/ /mang du thos pa na gsan ba de'i zhes/ /gsungs pa de yi don la'ang dpyod par rigs/ /cir yang mi rtog 'jog ba'i zhi gnas lam/ /dang por sgrub pa'i tshul dang grub pa'i tshad/ /legs par dmigs phyed go ba ma rnyed kyang/ /snying rus tsam la re ba'i bsam gtan ba/ /de dag gis kyang da dung mkhas pa la/ /brten nas skyong tshul ji bzhin shes bar mdzod/ /de lta min na rgyal ba'i bstan pa la/ /re zhig ngal so byas na gnod pa chung/ /de ltar byams pa thogs med kyi/ /gzhung gi zhi gnas sgrub pa'i tshul/ /bshad pa 'di yang rgyal ba yi/ /bstan pa'i du gnas phyir ro/ /zhes gsungs pas/ rje nyid kyi ring lugs ri bo dge ldan pa'i bka' srol 'di ni sgom ba'i sgo nas gzhan las khyad par du 'phags tshul gyi gnad gal che ba rnams ni rang la blo gros kyi mig yod na gsung 'di rnams kyi steng nas kyang shes par yod do/ /de bzhin du thub bstan byi dor las kyang/ 'phags pa klu sgrub yab @071b sras kyi dgongs don dpal ldan zla ba grags pas bkral ba ji lta ba bzhin du/ rang bzhin gyis grub pa tha snyad du'ang khegs kyang las 'bras la sogs pa'i bya byed thams cad gzhan ngo tsam la skye la mi dgos par rang lugs la'ang tshad grub tu khas blangs pas chog pa'i rten 'brel dang stong nyid zung 'jug dri ma med pa'i rigs pas legs par pheb pa'i lta ba las gzhan pa mkhas rmongs gang gis bzhag pa'i lta ba yin kyang lta ba nor/ mdo'i don byams chos dang sa sde dang dbu ma sgom rim sogs kyis rgyas par 'gral ba ltar/ zhi lhag so so'i tshogs brten pa dang/ dmigs rten gyi khyad par dang dbyad sgom dang 'jog sgom gyi rnam dbye dang/ sems gnas pa'i thabs dgu dang spong ba'i 'du byed brgyad dang ldan par byas nas bsgoms pas zhi gnas dang lhag mthong rjes mthun pa grub pa'i tshad/ de nas zhi lhag mtshan nyid tshang ba thog mar so sor grub pa'i tshad/ de dag gi go rim/ de nas zhi lhag zung 'brel gyi ting nge 'dzin mtshan nyid tshang bar gyur ba'i tshad/ de dag gi thog mtha' bar gsum du myong ba ji ltar skye ba'i tshul lus sems la 'byung ba'i rtags kyi khyad par/ bying rmugs gnyis kyi ngos 'dzin dang khyad par/ 'phro rgod gnyis kyi ngos 'dzin dang khyad par/ de dag gnyen po gang gis ji ltar sel tshul/ dran shes bzhin gnyis kyi ngos 'dzin dang khyad par/ de gnyis skabs gang du tshul ji ltar bsten tshul sogs mtha' dag par shing rta chen po de dag gi dgongs pa ji lta ba bzhin du phyin ci ma log par shes nas gtan la pheb ba zhig med ba'i thos bsam bdag gis zhi lhag gi bshad pa dang/ bsam gtan bdag gis man ngag @072a @#/ /zab zab mor ming btags pa'i ting nge 'dzin bsgrub pa'i rnam gzhag ji tsam zhig byas kyang phal cher nor ba las ma 'das/ zhes gsungs pa bzhin yin zhing/ gol ba'i mtha' 'gog tshul du ma zhig gong du lha bsgom tshul 'dogs ba gcod pa'i skabs su'ang bshad zin to/ /de dag gi snying po bsdus te go bde bar byed na/ kun mkhyan bla ma'i gsung gi dge ldan chos 'byung las/ sgom pa'i sgo nas gyang khyad par du 'phags te/ bod kyi bsam gtan pa rnams zhi gnas gsar du bsgrub pa'i tshe gnas cha gtso bor byas te shes pa 'phangs legs par bstod de bsgrags nas me rtog par 'jog pa dor nas rig pa'i gzengs kyang smad legs par bsgrims ba'ang glod bas glod rab la sgom rab ces smra ba ni/ bying ba dang sgom gnyis kyi khyad par ma phyed pas dman la/ rje bdag nyid chen pos 'phags pa thogs med sku mched kyi gzhung gi rjes su 'brangs te ting nge 'dzin gsar du sgrub pa'i tshe gnas cha tsam gyis mi chog par gsal cha'i bar dang ldan pa dgos la/ de'i bsems gnas pa dgu stong sa drug yid byed bzhi'i sgo nas ting nge 'dzin gsar du sgrub tshul dang/ dran ba dang shes bzhin gyis dogs 'don tshul dang bying rgod phra rags kyi ngos 'dzin/ zhi lhag gzung 'brel gyi rnal 'byor sgrub tshul sogs rgyal ba'i dgongs bar bzhin legs par gtan la phab pas lhag bting nge 'dzin gyi yon tan khyad par du 'phags pa dang ldan pas so/ /zhes gsungs pa ltar ro/ /kha cig sgom ltar snang de 'dra la brten nas lha sku sogs gyi nyams snang ni rigs 'char ba dang/ @072b 'byung 'gyur sogs phran tshegs shes pa'i mngon shes cha 'dra tsam 'char ba dang/ rdzas sngags sam mi ma yin 'ga' zhig bsten pa'i nus pas grub rtags phra mo tsam ston pa dang/ ting nge 'dzin gyi ngang du nyin zhag du ma 'khyongs shing rlung gi nus pas ras rkyang thub ba sogs nus pa ltar snang gis yid chi ma ste bstan pa'i snying po lhag pa ting nge 'dzin gyi bslab pa'i mchog tu rtsi ba dang/ sngags kyi lam mthon por rlom pa sogs ni chos kyi gnad mgo ba yin te/ sgra sgyur mar bas/ nyams rmi lam dang 'dra ba'i 'khrul snang 'dis/ /bsam brlag byis pa dang 'dra ba'i sgom chen bslus/ /gsungs pa bzhin nyams snang tsam du lha sku sogs shar ba la yid brtan med par ma zad slu brid kyang mang bas/ de 'dra la rnam gsum rigs dbye'i sgo nas brtags dgos par yig chung nyer gcig las gsungs pa/ lha'i nyams snang 'khrul med yin kyang byams snying rje sogs kyi grogs dang mi ldan na snying po med tshul bka' gdams glegs bam ltar yin zhing/ der ma zad lha'i nga rgyal brtan rung las 'bras khyad du bsad pas dmyal bar lhung ba tsa na kSha'i dge slong lta bur 'jam dpal rtsa rgyud las gsungs so/ /mngon shes rdzu 'phrul phra mo la'ang snying po med de/ sngon rdzi zhig nag phyogs kyi klu skar rgyal bya bas byin gyis brlabs te nam mkhar 'phags nas chos bstan te skye bo rnams bslus pa na lo chen rin bzang phebs nas gzigs ba tsam gyis sa la lhung zhing cha lugs sngar bzhin gyur pa dang/ ston pa dar yug pa bya bas jo bo'i mdun du 'byung 'gyur 'ga' zhig thogs pa med par bshad kyi na yod pa'i tshe@073a @#/ /grogs byed kyi mi ma yin pa skrad pas ci'ang smra rgyu med par song ba lta bu shin tu mang ngo/ /nges na gzugs brnyan gsal pa'i me long las/ rgyal dang rgyal sras tshang ldan mkhas pa'i gzhung/ /kun gyis bshad pa'i ting 'dzin sgrub tshul gyi/ /ming tsam mthos blun po'i log chos la/ /'bad nas bsgom pa bsam gtan gzugs brnyan yin/ /nyes ba lnga spong 'du byed lan lag brgyad/ /legs bar bsten pa'i tshul la mi mkhas bar/ /har sgom bying ba lteng bos rtog med la/ /sgom du 'khrul pa zhi gnas gzugs brnyan yin/ /bdag 'dzin nyon mongs cha tsam ma bri yang/ /lus kyi 'byung ba cung zad snyoms ba dang/ /nyams len mi shes 'khrul ba'i ban bun gyis/ /blun bo'i mgo skor grub rtags gzugs brnyan yin/ /zhes gsungs la/ de 'drabs rnam grol bsgrub pa la phan rgyu ci'ang med ba'i rgyu mtshan gyis/ tshad ma rnam 'grel yas/ gal te ring mthong tshad yin na/ /tshur shog bya rgod bsten par gyis/ /zhes gsungs te/ bza' btung gar rnyed dang/ phan gnod cung zad shes ba'i mngon shes phran tshegs dud 'gro mang bo la'ang yod/ rtsa awa zos ba'i ra yug gis kyang rdo la rmig rjes 'jog thub/ phyi bas rlung thun gcig gis zla ba drug re tsam 'khyongs shing/ stag gzig gis thig le nyin zhag tu 'dzin thub ba lta bu sna tshogs yod la/ de dag las brgya 'gyur gyis lhag pa phyi rol pa la yod pas/ de tsam gyis rnam grol sgrubs po rnams la nye bar mkho ba'i skom rnam dag tu mi 'gyur te/ bstan pa'i snying po lhag pa'i ting nge @073b 'dzin gyi ngo bor gyur pa'i sgom ni gong du zhi lhag gnyi ga tshang dgos tshul gyi skabs su bshad pa ltar srid pa'i rtsa ba gcod pa'i lhag mthong gi gzhir 'gro ba zhig dgos so/ /gsum pa spyod ba'i gnad gsal bar mdzod tshul snga ma gnyis kyi don bsdu dang/ sgrags te zur tsam smos pa ni/ mdor na lta sgom spyod pa'am/ /rnam dag lhag pa'i bslab gsum srol/ /gzhan las ches cher 'phags pa yis/ /rgyu yi theg pa nyin mor byas/ /zhes byung/ de'ang nang ba'i bstan pas bsdus ba'i tshul khrims dang/ ting nge 'dzin dang/ shes rab gsum po de la mdo sde rnams dang 'phags yul gyi gzhung phal mo cher lhag pa'i bslab pa gsum gyi ming gis btags nas bstan la/ bod yul 'dir lta ba sgom ba spyod pa gsum du grags so/ /de'ang gzhan phyogs ba phal mo che lta sgom kho rang rnams mtho bar rlom zhing sgrogs pa las/ spyod pa'i zhib tig dge lugs las khong tsho lhag mi zer gyi/ spyod pa dge lugs zhib kyang kho rang rnams la de 'dra med ba de bsrung mthub pa min gyi/ de 'dra la ltos ma dgos pa yin rgyu'i khul byed do/ /mdo sde las tshul khrims la brten nas ting nge 'dzin dang/ de las shes rab skye bas bslab pa gsum gyi go rim nges can du gsungs la/ phyi ma gnyis dgongs 'grel dang mdo sde rgyan sogs su zhi lhag gi go rim gsungs pas kyang 'grub bo/ /ting nge 'dzin gyi bslab pa la tshul khrims gzhir dgos pa'i rgyu mtshan/ bslab btus su ting 'dzin sgrub byed kyi gtso bo dran shes yin la/ de tshul khrims kyi mthus 'byung bar gsungs te/ so so thar ba'i mdo las @074a @#/ /sems rta kha glan dka' ba la/ /mthun pa'i gzer rnon brgya pa yi/ /srab ni so so thar 'di yin/ /zhes sems phyin ci log gi yul la bag med du rgyug ba btsan thabs su zlog pa la tshul khrims mchog tu bsngags pa'i dgongs pa'o/ /der mzad nyan sa dang sgom rim las zhi gnas kyi tshogs mang du gsungs kyang tshul khrims rnam par dag pa gtso bor mdzad la/ tshogs ni samb+har zhes yang dag par 'grub pa'i dngos bo'i don yin pas rgyu de yod na 'bras bu de 'grub la med na mi 'grub pa yin gyi/ rgyu gzhan zhig la yod par khas blangs nas 'bras bu kho rang la yod bar smra ba ni 'bras bu rgyul mi 'khrul pa'i rigs lam la go ba ma chags pa'i rnam 'gyur yin no/ /des na de dag gi bshad tshul des kyang bstan ba'i snying po bslab gsum rnam par dag ba'i nyams len dge lugs ba la yod par don gyis 'phang ba yin no/ /de'ang rje bla ma 'ba' zhig gi bka' drin yin te/ tshig spyi'i bshad sgrub rtags kyi dge sbyong gis/ /thub bstan ming tsam lhag mar gyur ba'i dus/ /bslab gsum lung rtogs rgyal ba'i dam chos kun/ /khyod kyis nyin mor mdzad/ ces gsungs pa ltar/ rje bla ma 'jig rten 'dir ma byon pa'i gong du bstan pa ming gi lhag ma tsam du gyur te/ thog mar sdom pa 'bog pa'i skabs brtan mkhas kyi yon tan dang ldan blta ci; bsnyen rdzogs tsam yang ma bsgrub par gzhan gyi mkhan po byed ba dang/ ltung ba bshags pa dang/ bsdams ba dang/ byin gyis brlab bar 'os ba so sor shes par byas te/ des las la mi sgrib par byed tshul gyi gnad ci'ang med pa dang/ mtshams @074b kyi nang der las gral du ma gtogs pa'i dge slong mang po bsdad nas bya ba gzhan byed cing/ las gral du gtogs ba rnams kyang cha lugs dang spyod lam tha dad ba sogs mi mthun pa gnyis dang ma bral ba khon byed ba dang/ bsgrub byas kyang thog ma nas chang dang phyi dro'i kha zas lta bu spong mi thub snyam pa'am/ zhag grangs kha shas rer spong rgyu'i rtsis byed pa sogs bral dgos pa'i nges pa lnga dang ma bral bar byed la/ ldan dgos ba'i rtags dang cha byad brnyan po tshun chad tsam yang med par lhan pa re tsam dang/ phor pa tshun chad gtod pa dang/ che ga tshig phyed kyang ma 'khrul ba dgos rgyul/ dpe thog nas klog pa sogs lag len skyon chags bas bstan pa rin po che'i rmang gzhi mi tshugs par byed pa byung/ bar du bsrung tshul yang thos bsam gyi skabs tshul khrims bag yongs su byas chog ces yid srub snying la zhugs pa'i gtam rlung ltar grags te/ myos 'gyur btung ba dang/ 'phyar g.yeng sogs khyim pa sun 'byin du 'gyur pa'i las bag med du spyod ba dang/ than rab byung gi cha lugs kyang ched du dor bas shan rim par zhugs te/ snam sbyar dang; lhung bzed/ gsil byed la sogs pa'i ming tsam yang shes pa dkon par gyur tshul sogs rnam thar dad pa'i 'jug ngogs dang thub bstan byi dor rnams su gsal ba bzhin yin no/ /rje bla ma ni sku phreng du mar chos 'dul ba'i bstan ba'i srog 'dzin ba'i thugs smon gyi mthu grub pa yin te/ bla chen por gyur pa'i tshe bstan pa'i me ro gzhi nas gsos shing/ de rjes kun mkhyen mtsho sna par 'khrungs pa'i tshe 'dul brgya mtsho'i dgongs don nyin mo bzhin du gsal bar mdzad/ sku tshe 'di la'ang bstan ba'i @075a @#/ /rtsa bar dgongs nas 'phags ba nye bar 'khor bzhin du chas 'dul ba'i lag len phra zhing zhib ba mtha' dag rang gis nyams su bzhes/ gdul bya rnams kyang tshul de la gtso bor bkod ba'i rnam thar gtsang ma ston pa zhal bzhugs pa'i dus dang 'dra ba zhig byung ste/ tha na dga' ldan du mkhar las mdzad pa'i skabs kyang gnas mal gyi gzhi sogs nas 'byung ba bzhin phyag lan du btab pas de tsam yang bstan ba'i btsas su gyur ba byung ngo/ /rgyal ba rnag nyid kyi lung las kyang/ gang na las kyang yod/ nan tan byad pa'ang yod bde ni dam pa'i chos gnas pa zhes pa gyi'o/ /gang na las kyang med/ nan tan byed ba'ang med bde ni dam pa'i chos zhig ba zhes bgyi'o/ /zhes bstan pa gnas mi gnas 'dul ba'i lag len yod med kyi sgo nas 'jog par gsungs mod kyang/ gnad 'di ma rtogs pa'i pho tshod can mang po zhig lta ba rtogs pa dang/ sems ngo mthong ba gal che yi/ spyod ba gal mi che ste lta bston ba'i snod du mi rung ba'i dbang rtul la phan pa'i ched tsam yin zer ba dang/ kha cig kho bog 'dus gas kyi rnal 'byor ba yin bas so thar la re mi dgos zer/ la la theg chen ba rnams so thar la ltos mi dgos par ma zad 'der dgos te/ so thar gyi sdom pa ni rang don yid byed kyis kun nas bslang ba'i sdom pa yin bas bsam bde ma log na byang sngom mi skye zhing/ byang sems la bsam bde skyes na byang sdom gtong ba'i phyir zhes so thar gyi sdom pa dang theg dman gyi bsam pa gnyis so sor ma phyed ba'i 'chel gtam sna tshogs smra'o/ /de dag shin tu mi 'thad de/ sems ngo la cer gyis bltas @075b nas bsdad ba gcig pus chog na sgrub sla ba'i thabs de 'dra zhig yod bzhin du khrims nyis brgya lnga bcu rtsa gsum sogs bsrung bya mang bo 'di snyed cig gsungs pa sangs rgyas thugs rje chung ba'am ma thabs ma mkhas par 'gyur ro/ /theg chen pa la so thar mi dgos bar smra ba'ang log pa'i gtam chen po yin te/ sngags kyi dngos lcu bsgrub ba la rmang gzhi lta bur tshul khrims gal che bas/ de med na rgyud sde nas gsungs ba ltar gyi phan yon 'byung ba'i gnas med ba ni/ 'jam dpal rtsa rgyud yas/ zlos pa 'di la tshul khrims nyams/ /de la grub pa mchog med cing/ /grub ba 'bring po'ang yod min te/ /grub pa tha ma'ang yod ma yin/ /tshul khrims 'chal la thub dbang gis/ /sngags 'grub bar ni ma gsungs te/ /myang na 'das grong 'gro ba yi/ /yul dang phyogs kyang ma yin no/ /byis ba ngan ba 'di la ni/ /sngags 'grub pa ni ga la yod/ /skye bo tshul khrims 'chal 'di la/ /de la bde 'grog la yod/ /mtho ris su yang mi 'gyur zhing/ /bde ba mchog tu'ang mi 'gyur na/ /rgyal bas gsungs ba'i sngags rnams ni/ 'grub par 'gyur ba smos ci dgos/ /zhes dang/ dbung bzang gis zhus ba las/ sngags kyi rtsa ba dang por tshul khrims te/ /de nas brtson 'grus dang ni bzod ba dang/ /rgyal ba la ni dad dang byang chub sems/ /gsang sngags la ni de lo med ba'o/ /ji ltar mi dbang rin chen bdun ldan pa/ /skye ba med bar skye dgu 'dul bar byed/ /de bzhin sngags pa yon tan 'di 'dun dang/ /ldan bar gyur na sdig pa 'dul par byed/ /ces gsungs so/ /tshul khrims kyang sngags kyi thun mong ma yin pa gcig pus mi chog gi/ @076a @#/ /so thar ni bstan pa'i rtsa ba yin pas de shin tu gtso bor mdzad pa yin te/ 'jam dpal rtsa rgyud las/ sangs rgyas bstan ba rim chen sgron/ /'bar ba'i snod ni dka' thub can/ /dur smrig 'dzin ba shAkya'i sras/ /dge slong rnams ni gtsor 'dod phyir/ /zhes dang/ rgyud rdor phreng las/ gang gi dur smrig mthong ba yis/ /lha min sa yi 'og tu bros/ /gdug pa sdigs par byed pa'i mchog /dge slong rdo rje 'dzin pa bya/ /zhes gsungs la/ de nyid bcu zung sogs kyi mtshan nyid tshang bar 'dra'ang rten gyi sgo nas dge slong rdo rje 'dzin pa mchog tu gyur pa dang/ dge slong rdo rje 'dzin pa yod bzhin du khyim pa'i rdo rje 'dzin pa la mchod cing gus par byed pa bstan pa'i dbu 'phang smad pa yin pas mi rung tshul yang/ dus 'khor rtsa rgyud las/ de nyid bcu ni yongs shes pa/ /gsum las dge slong mchog yin no/ /'bring ni dge tshul zhes bya ste/ /khyim gnas de las tha ma'o/ /zhes dang/ sa thob ma gtogs slob dbon ni/ /khyim gnas gang tshe mchod byed ba/ /de tshe sangs rgyas chos dang ni/ /dge 'dun rnams la gus med 'gyur/ /lha khang sogs kyi rab gnas sogs/ /rtags can gyis ni rtag tu bya/ /gnas gcig dag na gsum yod na/ /khyim pa gos dkar ldan pas min/ /zhes gsungs so/ /byang chub sems dpa'i dbang du byas na'ang khyim ba las rab byung la ched du bsngags te/ mdo sde rgyan las/ de lta'i sdom brtson khyim pa yi/ /byang chub sems dpa' las khyad 'phags/ /zhes gsungs ba'i phyir/ des na kho bo theg chen pa yin pas so thar mi dgos zer @076b pa ni/ rang gis bslab ba bsrung ma nus pa'i rdzun phugs theg chen la bkal ba nyid du yongs bzung nas/ /de lta de btang rnam par gnas/ /rab byung sdom pa btang nas ni/ /sngags kyi sdom pa'am byang sems kyi/ /sdom pa yang ni gzung mi bya/ /zhes so/ /der phal cher bsrung bar ma nus pas/ /byang chub sems dpa'i sdom pa dang/ /'gal ba nyid du yongs bzung nas/ /de lta de btang rnam par gnas/ /rab byung sdom pa btang nas ni/ /sngags kyi sdom pa'am byang sems kyi/ /sdom pa yang ni gzung mi bya/ /zhes so/ /der mzad dpung bzang gis zhus ba las/ rgyal ba ngas gsungs so so thar ba yi/ /tshul khrims rnam dag 'dul ba ma lus las/ /sngags ba khyim bas rtags dang cho ga spangs/ /lhag ma rnams ni nyams su blang bar bya/ /zhes so thar gyi sdom bam blangs pa'i khyim pas kyang bcas kyang 'ga' zhig ma gtegs so thar bzhin bsdud dgos par gsungs pa la/ go bzlog nas so thar gyi sdom ldan sngags bas kyang de bsrung mi dgos zhes smra pa ni bdud kyi cho nge'o/ /de 'dra'i rigs la bde gshegs bka' 'das sogs spyi dang bye brag gi ltung ba char bzhin bab pas sngags sdom gyi'ang dri tsam mi khro'o/ /lta ba rnam par dag na de'i tshod kyis spyod ba rnam dag 'ong tshul gong du bshad zin pa ltar yin pas/ lta ba mtho ba'i mngon rlom gyis spyod pa rtsing hral du byed ba ni lta ba log par song ba'i rtags yin no/ /de sgra du nA ro pa'i lta ba mdor bsdus las/ de ltar lta ba mnor bas/ /sgom ba dang ni spyod ba dag /dngos dang mthun pas byang chub 'thog /dkyus bstan pa yi rta bzhin no/ /lta ba yongs sum mthun na/ /sgom pa spyod ba 'khrul 'gyur bas/ /'bras bu ji bzhin mi @077a @#/ /'thob ste/ /dmus long dmigs bu med ba bzhin/ /zhes dang/ 'brom rin po ches/ mi smyon pa la la 'di skad zer/ /chos thams cad stong pa'i gnas lugs yin/ /don de la las dang 'bras bu med/ /nga kha sgor gang byung rtog med za/ /khong rtog bcas rnams ni phung zhes zer/ /mi kho bo de las bzlog ste smra/ /zhes dang/ chos thams cad rdzun pa'i snang ba yang/ /gzugs med na gzugs brnyan ga las 'byung/ /de rgyu so brdzun yang 'bras 'byung bas/ /las khyad du mi gsod nyams len pa'i/ /da lta ba brgyud pa'i bka' gdams yin/ /zhes gsungs pa ltar ro/ /de ltar na rje thams cad mkhyen pas ni rgyal ba dbang bo'i tog gi spyan sngar dam bcas ba bzhin lta ba rnam par dag pa'i srol phyes ba de'i shugs kyis sgom pa dang spyod pa'i chal lhang zhugs pa thams cad kyang bsal nas rjes 'jug mtha' dag bslab gsum rnam bar dag pa'i dpal la sbyor bar mdzad de/ rgyu pha rol tu phyin pa'i theg ba nyin mo bzhin gsal bar byed pa la 'gran zla med pas bstan 'dzin kun gyi gtsug rgyan du gyur pa yin pas ma cig lab sgron gyi lung bstan bas/ da lta byang chub sems dpa' snying stobs che/ /snyigs dus log spyod bod du byung ba'i tshe/ /gang gi zhing du sangs rgyas par grags pa/ /khrims 'chal dpag yas yang dag khrims la sbyor/ /thub nyid srol btong bstan pa'i cha rtags 'dzin/ /bstan pa gsal bar byed ba'i dge slong mchog /ces ji ltar lung bstan ba bzhin no/ ! /gnyis ba gsang sngags kyi bstan ba'i snying po gsal bar mdzad tshul la/ mdor bstan/ rgyas @077b bshad gnyis/ dang po ni/ gsang chen rgyud sde rab 'byams kyi/ /dbang dang dam tshig lam dang 'bras/ /kun la gol ba'i mtha' bkag ste/ /gsang ba'i gnad kun rdzogs par bkral/ /zhes byung/ de'ang rje bla mas gsang sngags kyi bstan ba gsal bar mdzad tshul gyi rgyung sde bye brag pa re re'i bshad srol dang/ nyams len gyi gnad gsal bar byas pa tsam ma yin par/ gsang chen rgyud sder ba 'byams kyi gnad spyi don gyi tshul du gsal bar byed pa rdo rje 'chang chen po'i lam gyi rim pa dang/ gsang sngags la 'jug pa'i sgo dbang gi rnam gzhag 'dus ba dang gshed skor nyid kyis dngos su gsungs shing/ bde dgyes dus 'khor sogs bla med dang/ kun rig sogs 'og ma'i dbang gi rim pa cha tshang ba nyid kyi phyag pa zhes dang gsung rgyun khon bu chen rnams kyis spel bas cha nyams can nas dag ther thon pa byung/ de nas dngos grub kyi rtsa ba dam tshig dang sdom pa tshul bzhin du bsrung ba yin pas rtsa ltung rnam bshad sogs su dgag sgrub gnang gsum gyi mtshams dang/ yan lag tshad ma tshang gi zhib cha/ ltung ba 'dag pa'i thabs sogs ma tshang ba med par gsungs shing/ khyad par du thun drug gi rnal 'byor sogs kyi sgo nas ltung ba bsngo bgrang byas te shas rgyud ltung bsam gos ba'i thabs la 'bad pa kho na nyams len gyi snying por byed pa'i srol btsugs/ de nas mgon po 'jam pa'i dbyangs kyis gsungs pa bzhin gsang ba de 'jigs gsum gtso bor gyur ba'i rim gnyis sogs ji ltar nyams su len pa'i tshul ngo bo grangs dang go rim mnor ba rgyud sde'i dgongs pa grub chen gyis ji ltar bkral ba bzhin tshang la ma nong ba'i srol bzang po phye zhing/ @078a @#/ /gzhan rje rang gis dngos su ma mdzad pa rnams kyang bka' bab kyi bu chen so sos nyid kyi gdams ba'i bdud rtsim tsang ba med bar ji lta ba bzhin yi ger btab ste rgyud sde gong 'og thams cad kyi lam nyams su len tshul 'bras bu lag rjes 'grub tshul dang bcas pa gsal bar phyes pas rdo rje theg pa'i zab gnad mtha' dag la phyin ci log tu zhugs pa'i log rtog gi drim ma lus par zungs phyung nas lang dag pa'i srol bzang 'di nyid byung ba yin no/ /de las lam dang 'bras bu'i rnam gzhag rgyas bshad du 'chad par 'gyur bas/ 'dir dbang gi skor dang dam sdom sogs bshad srol gzhan las byad du 'phags tshul brung ma skyob na/ /sngags pa phal cher sngon gyi byung ba sogs dang 'dra chos sbyar ba'i rang gdab mang du byas kyang/ dbang gang la brten nas lam dang 'bras bu gang zhig 'grub pa'i nus pa 'jog pa'i lag rjes kyi sgo nas grangs dang go rim kun la nges pa ster ba rje bla ma'i bshad srel 'di 'drab ma byung zhing/ dbang gi khog nas lam 'bras kun la go ba chags par byed pa la lam 'bras kyi gnad lam 'khrul ba zhig dgos pas/ de'ang rje'i bka' drin la ltos tshul 'og tu 'byung ba ltar ro/ /der ma zad dbang gi cho ga phyag bzhes bsdebs tshul yang/ kha cig rgya gzhung gi dkyil chog mang po na yob tshad dkyil chog re re'i ster du spungs pas 'jug pa mi bde zhing/ thams cad khyad med du song nas gang gtso bor byed dgos pa'i gnad ngos mi zin pa dang/ kha cig spyi 'gro'i lag len tsam gyis thams cad la go chod par byas pas sogs chos thun mong ma yin pa gal chen rnams tshad pa sogs @078b kyi skyon mang du byung ngo/ /rje bdag nyid chen pos rgya gzhung gi sgrub dkyil sogs cho ga'i yan lag mi gsal ba kha skong dgos pa'i tshe/ dkyil 'khor so so ba yin kyang bshad rgyud thun mong ba yod pa rnams de 'dra nas bskangs shing/ de ltar med tshe rtsod med kyi paN grub nges phan tshun rgyas 'gebs ji ltar mdzad pa'am/ lam gyi chings byed tshul phyogs mthun pa sogs yid brtan du rung ba'i rgyu mtshan dang bcas te 'dor len byed pa las/ rgya gzhung yin tshad dang/ kha gsal ba kho na la rtsis su mi mdzad pas gzhan gyis kha skong lugs dang ches mi 'dra ste/ dper mtshon na dbang don de nyid rab gsal las/ rtsa rgyud bshad rgyud gnyis las gsungs pa'i dbang/ /gsang ba grub par rdzogs rim dbang tsam bshad/ /rim lnga spyod pa bsdus pas bskyed rim gyi/ / dbang dgu rdzogs rim dbang rnams mdor bsdus gsungs/ /der gsungs dbang dgu klu yi byang chub kyis/ /rgyas bar bshad pa'i gzhung rnams gur bsgrigs shing/ /de yi kha skong zla ba grags pa dang/ /sgra gcan 'dzin dpal bshes gnyen nA ro pa/ /'jigs med 'byung gnas dam tshig rdo rje yi/ /gzhung gis med mi rung rnams kha bskangs pa/ /'di ni dkyil chog 'di yi khyad par te/ /de phyir 'dir 'bad ngo mtshar med pa min/ /zhes gsungs ba bzhin te/ 'dus pa'i dbang gi rnam gzhag gsungs pa na/ rtsa rgyud le'u dang po/ bzhi pa/ brgyad pa/ bcu drug pa rnams su mngor bsdus tsam gsungs pa dang/ bshad rgyud rdor 'phreng le'u de bzhi bar dbang gzhan rnams yongs rdzogs gsal bar bstan cing/ dbang bzhi ba le'u gnyis par gsungs ba dang/ rgyud phyi mas bum dbang@079a @#/ /sngo mi tshig tsam dang bar pa gnyis gsal bar gsungs pa sta rtsa bshad kyi rgyud las byang ba dang/ de'i skor gyi gzhung gsang ba grub pa bar dbang gong ma gsum tsam gsungs la/ rim lnga dang spyod bsdus su dbang bzhi mdor bsdus tsam gsungs/ dbang gong ma gsum rim lngar gsungs pa des go chod par byas te/ lhag ma rgyas shing gsal bar bshad pa'i gzhung klu byang gi dkyil chog nyi shu ba yin la/ dpal ldan zla ba/ thags rje dpal zhabs/ sgra gcan 'dzin dpal bshes gnyen/ a b+hya kla ra sogs kyang nyi shu pa 'di khungs su mdzad pas rje nyid kyis kyang nge gzhir mdzad do/ /gzhan phyogs kyi khrod na dbang gi rnam gzhag dpal sgang lo tsA ba'am karma 'phrin las gnyis pa'i dbang TIka 'di rgyas shos lta bur 'dug la/ der rje'i gsung rab rnams la'ang dgag gzhag du ma byas 'dug mod/ 'on kyang rang nyid kyis gang la brten pa'i khungs smos pa na klu sgrub kyis mdzad pa'i dkyil cho nyi shu ba zhes gtso bor smos 'dug la/ gzhung der slob dpon gyi dbang dang dbang bzhi ba'i bshad tshul du ma nor ba dang/ mtshan ma 'god ba'i skabs rtsa rgyud dang mi mthun pa mang po byung zhing/ sgron gsal du'ang mtshan ma 'god tshul sogs klu byang gi dkyil chog la zhal 'phang mdzad pa las 'phags pas mdzad pa'i sgros tsam yang ma byung bas gzhung de slob dpon la kha g.yar pa'i rdzus ma yin no/ /des na dbang Ta'ika de 'dra ni rtsa ba'i khungs btsal lugs nas bzung ma dag par snang bas/ phu rnyog ma'i rdzing las chu dwangs shig 'ong ba'i gnas med do/ /dbang TIka der zung 'jug gsal bar bya rgyud la rig pa'i @079b dbang lnga sbyar yang 'gal ba med tshul gsungs pa la/ kho bo ni paNDi ta'i gsung las sangs rgyas kyi bka' btsan par 'jog go zhes sgra gcan 'dzin dpal bshes gnyen lta bu la'ang dgag ba byed cang/ rang gi bsam ba dang mthun na paNDi ta zhig min tshad khungs su byas chog pa 'dod dbang tsam du zad do/ /rigs pa'i sgrub byed de 'dra yin na slob dpon klu sgrub kyis chos thams cad bden med du gsungs kyang 'khor lo dang por bden grub tu gsungs pas/ rigs tshogs las rgyal ba'i bka' btsan no byas bden grub khas len dgos par 'gyur ro/ /de'i dgongs pa gzhan du 'grel dgos pas rigs tshogs ltar 'thad snyam na/ ye shes thig le'i rgyud las bya rgyud la dbang gnyis tsam ma gtogs ma gsungs kyang bkag pa'ang med pas/ zung 'jug gsal bar 'jam dpal gyi rgyud la brten nas rig pa'i dbang ldag byas chog par gsungs pa ltar khas len dgos te/ phyogs gnyi ga rgyud sde nas gsungs par 'dra ba la/ spyir btang dmigs bsal gyi dgongs pa len lugs sgra gcan 'dzin dpal bshes gnyen lta bus gsungs pa mi bden par rang gis mthong tshad tsam bden par rtsi ba ha cang ham pa ches pa yin no/ /rje thams cad mkhyen pas rtsa bshad kyi rgyud dang paN grub kyi gzhung gang la'ang ma gzigs pa dang dgongs pa thugs sum chud pa gcig kyang mi srid bas/ mig ldan gyis snang ba'i khrod nas bya ba byas pa bzhin skabs gang la'ang 'dor len go log pa de lta bu mi srid do/ /'on 'phrin las gnyis pa'i dbang TIktu/ rje'i sngags rim las dung chos su lta bskyed pa la bshad khungs med gsung ba shin tu rig 'thad de/ slob dpon mtsho skyes kyi kye rdor 'grel pa padma can du/ thams cad @080a @#/ /chu las kham phor du/ /cung zad blugs te rnam rgyal gyi/ /bum ba baM las skyes pa yi/ /rin chen bum pa'i steng bzhag bya/ /der ni dkyil 'khor bskyed bya ste/ /dam tshig bdag nyid rdzogs pa dang/ /ye shes dkyil 'khor spyan drangs te/ / zhabs bsil la sogs rim pas dbul/ /dam tshig pa dang lhan cig bya/ /mchod pa rnams kyis tshim par bya/ /me tog sbos sogs rol mo yis/ /'bad pa yis kyang mchod par bya/ /dril bu dag ni dkrol bar bya/ /zhes sogs drangs pa bzhin/ rjes dus 'khor ma gtogs par dung chos su lha bskyed pa'i khungs med gsungs kyang khungs gsal po yod pa 'di ma yin nam zhe na/ 'di 'dra pa ni mun pas snang ba la gsal 'debs yin te/ der/ bum pa baM las skyes pa yi/ /rin chen bum pa'i ster bzhag bya/ /der ni dkyil 'khor bskyed bya ste/ /zhes pa bum pa baM las bskyed cing/ kha la mchod yon 'bul snod kyi dung chos bzhag/ bum pa'i nang du dkyil 'khor bsgoms nas mchod bstod bzlas pa sogs byed dgos pa'i don yin pa'i phyir/ tshigs bcad snga ma de rnams kyis bum par lha bskyed nas mchod pa 'bul tshul yan chad bstan/ de nas bstod cing bzlas ba'i skabs dung chos kyi steng du gzungs rdor bzhag ste gzungs thag bzung nas bzlas ba byas/ mjug gi mchod bstod 'od zhu byed tshul dang bcas ston pa la/ bstod pa dag ni de la bzlas/ /khu tshur g.yas pas mthar bzung ste/ /me tog 'phreng btags rdo rje ni/ /bum pa chu yis bkang pa yi/ /kham phor steng du bzhag par bya/ /'khor lo'i rtsar bzhin gyis gnas las/ /de nas mchod dang phyag byas te/ /de nas chu yi tshul gyis ni/ /bum @080b pa ru ni gnas par bya/ /zhes gsungs pa yin pa'i phyir/ khyod ltar 'di thams cad kyis dung chos su lha skyed tshul bstan pa yin na/ gzhung der de las gzhan bum par lha skyed tshul ston pa'i tshig gcig kyang med bas skabs don stor bar 'gyur la/ tshig 'grel de bzhin byed dgos tshe/ kham phor steng du bzhag par bya/ /'khor lo'i rang bzhin gyis gnas las/ /de nas mchod dang bstod byas te/ /zhes 'byung bas kham phor steng gi gzungs rdor yang lha'i 'khor lor bsgoms nas mchod bstod byed dgos par 'gyur ro/ /der ma zad steng du dung chos bzhag/ nang du dkyil 'khor bsgom zhes ba tsam gyis steng gi dung chos de'i nang du dkyil 'khor bsgom dgos par 'grub na/ g.yas rdo rje/ g.yon dril bu 'dzin pa zhes pas kyang g.yas kyi rdo rje de'i g.yon gyis dril bu 'dzin dgos par 'gyur te tshig gi rnam dbye tsam yang ma phyed pa'i skyon no/ /phran tshegs de tsam la'ang rje'i gsung 'khrul pa med pas mtshon byed tsam smos pa yin gyi/ zhib par gsung rang rang las shes dgos la/ mngon rtogs re'i zhal phyag rgyan cha lugs gsung skabs kyang rgyud dang grub chen gyi gzhung gung bsgrigs te/ dang por bsregs bcad brdar ba'i gser bzhin dpyad pa rdzogs par mdzad nas gsung ba ma gtogs/ gcig dpe gcig 'gebs kyid lta'i rtsom rgyug lta bum yin pa ni/ sa bzang ngag dbang gis brgal ba zhus pa'i lan rje rang gis gsungs pa lta bu la bltas na blo gros kyi mig can zhig yin tshe/ mkhas grub smra ba'i nyi mas/ rtog ge la sbyangs rgol ba mtha' dag gis/ /lan brgyar dpyad kyang mgon po khyod kyi gsung/ /cha tsam rnam pa gzhan du g.yo ba spangs// @081a @#/ /zhes gsungs pa'i don la yid ches kyi nges pa rnyed bar 'gyur ro/ /rje bla ma ma byon gong der dbang gi skor la log rtog gi gnas che ba gnyis byang ste/ gcig ni thub bstan byi dor las/ da lta gang dag dus 'khor gyi dbang bdun sngon du ma bskur zhing/ rdul tshon gyi dkyil 'khor du gtan nas ma zhugs pa dag la'ang dbang gong ma rnams thog mar bskur nas sbyor ba yan lag drug gi rdzogs rim dag ston par byed pas phyogs kun tu khyab bo/ /zhes gsungs pa bzhin/ 'jig rten pa'i dbang bdun ma bskur bar gong ma gong chen sogs bskur cing rdzogs rim ston pa dang/ rgyud sde gzhan la'ang bum dbang mi skur bar dbang gong ma gsum bskur ba byung ngo/ /de ltar 'ongs pa'i rgyu mtshan ni/ dbang po rnon pos grol byed rdzogs rim bsgom pas chog gi/ bskyed rim gyi dgos pa med snyam pa'i log rtog la brten pa yin zhing/ de'i rtsa ba 'khrul pa'i gzhan ngo tsam las don cir yang ma grub pa'i stong lta la zhen nas/ kun rdzob thabs? kyi cha gang la'ang rtsis med du song ba'i dbang gis yin no/ /'di ni shin tu mi 'thad de/ dus kyi 'khor lo'i rgyud las/ de dag thams cad nges bar 'jig rten pa ste mchog gi snying rje yin lam gyi rgyu ru nges par bstan/ /zhes gsungs la/ nA ro pa'i dbang mdor bstan gyi 'grel par yang/ 'jig rten pa'i dbang rnams kun rdzob kyi bden pa dngos su sgrub par byed cing/ don dam pa'i bden pa'i rjes su mthun par gyur pa yin/ zhes byis pa 'jug pa'i dbang bdun po de dag kyang brgyud nas mchog tu mi 'gyur pa'i bde ba 'grub pa'i smin byed kyi rgyur gsungs pa'i @081b phyir dang/ ri bo dag kyang ma smin mi la gsang ba byin las so/ /zhes dkyil 'khor du 'jug cing dbang bskur rim bzhin ma byas par gsang ba bstan na ston pa po la rtsa ltung bdun pa 'byung bar gsungs pa'i phyir/ brtag gnyis su rten me tog med par brten pa dri mi 'byung ba'i dpes bskyed rim med par rdzogs rim mi 'byung tshul gsungs pa sogs rim gnyis kyi grangs dang go rim nges tshul rje'i gsung rab las mtha' yas par 'byung ba rnams kyis kyang khegs te/ 'bras bu rim gnyis go rim nges bar 'grub na/ de'i rgyu smin byed dbang yang grangs dang go rim nges bar 'grub pa'i phyir ro/ /der ma zad stong pa dang rten 'byung don gcig tu rtogs te snang stong grogs su shar ba na tshogs gnyis zung du 'jug tshul gong du bshad pa bzhin yin pas rim pa gnyis kyang zung du 'jug pa la des pa rnyed par 'gyur bas gsang sngags la mtho snyegs byas pa gcig pus mi chog gi/ de'i lam gyi rmang gzhi thun mong ba lam gyi gtso bo rnam gsum gyi steng nas zin dgos pa yod do/ /gzhan yang gsang sngags kyi lam dang 'bras bu thams cad thog mar dbang gis rgyud smin par byas pa la rag las/ dbang gi rtogs pa'i gzhi 'dzin lta bu thams cad rnal 'byor gyi sems bskyed pa yin/ de'i byang chub kyi sems gnyis po de skabs der gsal btab pa tsam gyis mi skye bas/ sngar nas skyes bu gsum gyi lam la blo sbyangs ba zhig dgos/ des na skas kyi gdang bu mas rim nas yar 'dzeg pa lta bu ri bo dge ldan pa'i bka' srol 'di bzhin byas na go las chung las chod che ba/ zhe gtsang zhing rtag thub pa zhig 'byung ngo/ / @082a @#/ /yang dbang gi skor la log rtog che ba gcig ni/ dbang bzhi ba'i rnam gzhag rgyud sde las shin tu sbas pa'i tshul gyis gsungs pa'i gnad ma rtogs par lus gnad 'cha' zhing sgom thag gtod pa sogs spros pa je mang du btang yang ston rgyu'i don dngos gzhi nor ba byung ste/ thub bstan byi dor las/ dbang bzhi pa mchog tu mi 'gyur ba'i bde ba la ngo sprad kyang de mngon du byed pa'i thabs lus gnang lta stangs byas te rnam rtog gi sbro bsdu thams cad dor nas ci la'ang mi sems cir yang mi 'dzin yid la byed pa thams cad spangs nas lhong kyis glod la zhog mdzod de ltar rim gyis bsgoms pas dbang bzhi pa rgyud la skye bar 'gyur ro zhes brjod do/ /zhes smra zhing don 'di nyid dus kyi 'khor lo'i rgyud kyi dgongs pa yin par 'dod do/ /yang kha cig snod rung gi dbang bzhib bskur ba'i skabs su/ ye shes 'di ni ches phra zhing/ /rdo rje nam mkha'i dkyil lta bu/ /zhes sogs kyi don du bsams nas/ slob ma lus gnad 'cha' bcug ste nam mkha' la mtha' dbus dang kha dog dang dbyibs la sogs pa yod med brtags nas med par nges pa na rang gi sems kyang de dang mtshungs par thag bcad nas dbang gsum pa'i dus su skyes pa'i bde stong gi ye shes la mnyam par bzhag ste de dang chos thams cad kyi gnas lugs dbyer med du ngo sprad cing/ gnas lugs de ni yod med dang stong mi stong sogs gang du'ang tshig gis brjod du med cing blos bsam par mi nus so/ /zhes smra/ zhes dang/ gzhan phal che bas mthun par dbang bzhi ba hwa shang gi sgom rkyang pa la ngo sprad do/ /zhes gsungs pa ltar ro/ /'di'i rtsa @082b pa'ang lta ba'i go ba gnad du ma song ba la thug pas/ rje blams lta ba rnam par dag pa'i srol phye ba nyid kyis log rtog 'di 'dra phal cher gyi rtsa ba'ang bcad pa yin no/ /kha cig stong pa'i ngo bo ma nor yang de dang 'dra ba'i lhan skyes tsam dbang bzhi pa'i don du ngo sprod ba'ang mi 'thad de/ ngo sprod rgyu'i don gyi dbang bzhi pa la zab ba thugs bde stong gi ye shes dang/ rgya che ba'am gsal ba lha'i sku ngo bo gcig tu tshogs pa'i bden gnyis zung 'jug dgos shing/ bde stong gi ye shes ni de'i ya gyal gcig tsam yin pa'i phyir/ kha sbyor las/ zab cing rgya che la mos na/ /tshig gi rin chen dbang bskur bya/ /zhes gsungs la/ de'i zab rgyas kyi ngos 'dzin klu'i blos/ zab cing rgya che zhes bya ba/ /rnam par rtog med zab pa ste/ /rgya che sangs rgyas rnams kyi sku/ /'di ni bden pa gnyis su bshad/ /kun rjob dang ni dam pa'i don/ /phye ste so sor shes nas su/ /de nas gcig tu 'dres byas pa'i/ /zag med go 'phang bsgom par bya/ /zhes dang/ grol ba'i thig le las/ mkha' bzhin dri med kun 'byung ba/ /brtag bral zab mo nyid ces bya/ /phyag rgya chen po'i gzugs 'chang ba/ /sgyum 'ja' tshon lta bu ru/ /rang dang gzhan gyi rgyud sbyong ba/ /yang dag gsal ba zhes bya ste/ /zhes gsubs so/ /dbang bzhi ba'i don la thugs bde stong gi ye shes gcig pus mi chog par sku thugs gnyis tshogs dgos pa rgyud dang grub chen kun gyi dgongs pa mthun te/ grub chen dril bu zhabs kyis dbang bzhi ba bsam mi khyab kyi rim pa las shes dgos par gsungs shing/ de'i don 'chad pa na/ 'di ni ngo bo nyid kyi sku/ /ma ning zhes byar brjod pa ste/ /'ga' @083a @#/ /zhig tu ni zung 'jug ces/ /zhes 'dus pa sogs su zung 'jug gi ming gis btags la/ 'dir ma ning gi go 'phang zhes btags pa ste/ de'ang pha ma'i rgyud du 'byed tshul bzhin/ phar 'jog byed sgyu ma'i sku dang/ mar 'jog byed bde stong gi ye shes re re ba tsam ma yin par gnyis ka'i don tshang ba lam ning du bshad pa'i phyir dang/ dri med 'od las kyang/ sangs rgyas kyi gzugs brnyan khams gsum pa zhes pa rgyu'o/ /de las skyes pa'i 'bras bu ni 'gyur pa med pa'i bde ba bcu drug phyed phyed thig le 'chang ba ste/ de bzhin gshegs pa rnams kyi shes rab ye shes chen po zhes brjod do/ /zhes gsungs la/ 'di'i shes rab chen po zhes pa rtsa rgyud las/ bzhi pa ye shes dag pa ste/ /zhes gzung 'jug la ye shes kyi skur bshad pa dang mthun par dbang bzhi pa la byed dgos par dbang mdor bstan las/ bum pa gsang ba shes rab dang/ /slar yang shes rab chen po nyid/ /ces gsungs pas shes so/ /rgya gar du dbang bzhi pa'i 'dod tshul ltar snang bcu bdun tsam byung ba dag gi dbang phyug grags pas yan lag bdun ldan rtsa 'grel tu bkag la/ bod snga rabs pas rtog btags kyi bshad pa sna tshogs byas pa phal cher yang der 'dus so/ /de ltar dbang bzhi pa dpyis phyin par 'jog mi shes ba ni rim pa lnga pa zung 'jug gi don mgo pas lan cing/ de rje bla mas gsal bar mdzad tshul 'og tu 'chad par 'gyur ro/ /kha cig 'di snyam du dbang bzhi pa dbang gi mthar thug yin pa la/ der nyams myong rgya chen po zhig skyed rgyu med par tshig gis brda @083b zhig sprad la tsam gyis chog par byed pa dge lugs pa'i phyag len 'di cha mi mtshungs zhes zer ro/ /de ni dbang bzhi par tshig dbang zhes pa'i ming tsam la rtog dpyod ma zhugs shing/ dge lugs ba smod pa'i zol gyis rgyud dang grub chen gyi gsungs la brgal ba yin te/ sambu Tar/ tshig gi rin chen dbang bkur bya/ /zhes dang/ lwa ba pas/ dbang bskur ba bzhi pa bla ma'i zhal las shes par bya ba ni/ zhes pa nas/ bstan pa'i ngo bo nyid kyi chig gis sbyin par bya'o/ /zhes gsungs la/ grub chen dpal 'dzin gyis kyang de ji lta ba bzhin gsungs te/ slob ma'i rgyud la skabs der dbang snga ma rnams dang 'dra ba'i nyams myong skye rgyu med kyang/ bla mas brda sprad pa la brten nas 'bras bu zung 'jug gi go 'phang ni yan lag bdun ldan 'di lta bu zhig yin par 'dug snyam du smra spyi'i go ba chags pa de dbang bzhi pa tshig tsam gyis sbyin lugs yin pa'i phyir/ de nyid yang gsal las/ 'phreng ba las kyang tshig kho na'i zhes rnam gcad kyi tshig gis dbang gzhan ltar slob ma la nyams su myong rgyu yod ba gcod do/ /zhes gsungs pa'i phyir/ 'di ni dpe'i sgo nas kyang rtogs par sla ste/ dper na mda' gzhu 'chos ba'i dgos pa'i gtso bo 'phen pa'i don yin kyang/ mda' gzhu so sor bcos zin na 'phen pa logs su bcos mi dgos par 'phen tshul bslab pas chog pa ltar dbang gong ma rnams kyis kun rdzob sgyu ma'i sku dang/ don dam 'od gsal gyi ye shes 'grub pa'i nus pa khyad par can zhig bzhag yod na/ 'dir de gnyis zung du 'jug tshul brda sprad pa tsam gyis chog la/ snga ma gnad du ma song na 'dir lus gnad dang lta @084a @#/ /stangs mang po zhig byas kyang dal ba tsam du zad pa'i phyir ro/ /'di'i gsol 'debs la'ang/ khyod zhabs padma'i bka' drin gyis/ /gtso bo dbang bskur rnam gsum thob/ /de ring rin chen bzhi pa yang/ /bka' drin gyis ni bskyab tu gsol/ /zhes 'byung ba de dbang gong ma gsum song zin nas/ de bzhi pa gnang ste dbang bzhi grangs tshang bar mdzod ces pa min gyi/ dbang snga ma gnad du ma song tshe bzhi pa zhus par dgos pa med kyang/ bdag gis gong ma rnams thob pa'i bka' drin gyis sgyu 'od gnyis so so nas 'grub pa'i nus pa khyad par can sems la bzhag song bas/ da ni de gnyig zung du 'jug pa'i tshul gyis rgyud la 'grub pa'i nus ba skyed pa'i phyir dbang bzhi pa stsol cig/ ces pa yin no// des na dbang bzhi pa dang 'brel ba'i mchod pa'ang bde stong gi ye shes bsgoms pa tsam la snga ma mang pos bshad pa ni nor ba'o/ /'o na paN chen thams cad mkhyen pas kyang/ don dam byang chub sems mchog khyod la 'bul/ /zhes gsungs pa ma yin nam zhe na skyon med do/ de dang bshad rgyud rdor phreng las/ bcu bzhi pa ni don dam ste/ /zhes dbang bzhi pa don dam byang chub kyi sems su gsungs pa sogs ni bde stong gi ye shes tsam la mi byed par/ le'u gnyis ba'i sgron gsal las zung 'jug la don dam byang chub kyi sems su gsungs pa der byed pas sku thugs gnyis ma tshang ba'i skyon med do/ /dam tshig dang sdom pa'i rnam gzhag la/ 'jam mgo nas baN sogs rigs lnga'i sdom gzung gi cho ga'i mthar skye bar bzhed kyang/ phal @084b mo che zhig sngags kyi sdom pa dang dbang gi rtogs pa gnyis gcig tu 'khrul te/ rang rang gi dbang ma rdzogs par du sdom ba tshang bar mi skye ba dang/ dbang thob na sngags sdom yang thob dgos pas bya spyod la'ang sngags sdom 'dzin dgos par 'dod do/ /sngags rim las/ skye ba'i dus ni 'bog chog lan gsum byas ba'i mthar skye yi/ chu dbang phyin chad kyi dbang bskur pa la mi ltos te/ rtse mo las/ sdom pa gsum la bkod nas ni/ /de nas dkyil 'khor bstan par bya/ /zhes sngags sdom la bkod pa'i 'og tu lha ngo ston par gsungs pa'i phyir ro/ /zhes dbang gi mgor rigs lnga'i sdom gzung byas pa'i tshe skye pa rang lugs su mdzad/ bya spyod la sngags sdom 'dzin mi dgos pa'ang rtsa ltung rnam bshad las/ bya spyod kyi dbang bskur ba la thun mong ma yin pa'i dam tshig mang po snang na'ang/ bcas pa dang 'gal na rtsa ltung skyed pa'i theg chen gyi sdom pa ni byang sems kyi sdom pa kho na yin pas/ de'i rtsa ltung rnams shes par byas la bsrung mngo/ /zhes gsungs so/ /dI la 'brug pa pad dkar gyi sdom gsum rgyan rtsa 'grel dang/ dpal sgang pa'i dbang TIk rnams su dgag pa'i ngal ba mang du byas kyang snying po mi snang ba'i tshul ni/ de dag na re/ dbang gi cho ga don med du thal/ dbang bskur ba sngags sdom thob ba'i ched yin la/ dbang gi sngon du sngags sdom thob pa'i phyir zer yang/ dbang dngos gzhi sngags sdom thob pa'i ched yin pa ded cag la ma grub pas sgrub byed ba sgrub bya dang mtshungs shing/ de ltar na khyod rang la sngags sdom blangs pa don med par thal/ de slob dpon gyi dbang yan chad nod pa'i phyir@085a @#/ /yin pa gang zhig/ sngags sdom ma thob gong nas dbang gong ma rnams thob zin ba'i phyir/ rtags phyi mkhas blangs shing snga ma grub ste/ lwa ba ba'i dkyil chog las/ dbang bskur ba lnga po tsam 'dod na ni sngar bstan ba'i slob dpon gyi sdom ba mi gzung bar/ zhes sogs kyis slob ma'i dbang tsam las mi skur na sngags kyi sdom ba mi 'dzan bar bshad cing/ de bzhin du kun dgar snying po/ shAnti ba/ a b+hya klar/ ratna rak+Shita rnams kyang bzhed pa'i phyir/ de slob dpon gyi dbang gi ngo bor gyur ba'i sdom pa mi 'dzin pa'i don yin zer na/ slob ma'i dbang tsam las mi skur na slob dpon gyi dbang mi skur zhes par 'gro bas/ 'brel med kyi dogs gcod de 'dra baN grub chen po rnams kyis gsungs pa'i gnas med do/ /yang bskyed rdzogs kyi lam bsgom par khas blangs pa tsam gyis bskyed rdzogs kyi rtogs ba thob bar thal/ rigs lnga'i sdom pa khas blangs pa tsam gyis de thob pa'i phyir zer ba'ang/ lam bsgoms nas skye dgos pa dang sdom ba khas blangs ta thob dgos pa'i khyad par ma gyed pa'i 'chal gtam yin te/ khyod rang la byang sems skye 'phags kyi lam thams cad kyang slob par khas blangs pa tsam gyis dus der skye bar thal/ byang sems kyi sdom pa khas blangs pa kho nas skabs der skye thub pa'i phyir/ ma grub na byang sdom skye ba la rgyun mtha'i ye shes skye dgos bar thal lo/ /yang so thar dang byang sdom 'bog chog dngos gzhi ma rdzogs par skye ba yod bar thal/ dbang chog dngos gzhi ma rdzogs par sngags sdom @085b skye ba yod ba'i phyir zer ba'ang/ dbang chog sdom pa'i 'bog chog tu 'khrul ba sor bzhag tu snang bas gtan tshigs dang bsgrub bya mtshungs la/ so thar gyi sdom pa thob bar cho ga dngos gzhi rdzogs dgos pa'i dpe'ang ma grub ste/ mdo rtsa bar/ gzhan brjod pa'i dus na dge tshul nyid bzhin no/ /zhes bdag brjod dang gzhan brjod kyi mtshams su skye bar gsungs la/ dge slong gi sdom pa'ang brjod pa tha ma'i cha gnyis pa rdzogs mtshams su skye ba yin gyi/ gsol bzhi yongs rdzogs tshang mi dgos pa 'dul 'dzin thams cad kyis bzhed pa'i phyir/ yang pad dkar gyi sdom gsum rgyan las/ la la sdom gzung dus su 'di rdzogs zer/ /rigs su ma skyes de yi brtul zhugs ci/ /dbang med sngags 'di'i rtsa ltung 'byung bas gnod/ /ces sogs rtsa 'grel gyis rigs ba'i dbang lnga'i sgo nas rgyal ba rigs lnga'i rigs su skyes ma zin bar rigs lnga'i dam tshig bsrung ba don med pa dang/ rtsa ltung ni dbang thob ba la bcas pa yin pas dbang sngon du ma thob bar rtsa ltung 'byung tshul med ces zer ro/ / dran pa rnal du zhog cig/ sangs rgyas byang chub sems dpa' kun/ /zhes pa nas/ bdag gis sdom pa ma lus gzung/ /zhes ba'i bar lan gsum rjes zlos byas pa'i tshe/ sdom pa bzung ba yin nam min/ min na khyad rang gis kyang sta gon nam dngos gzhi'i mgor sdom pa bzung dus zhes yang yang bshad pa dang/ skabs 'dir yang/ la la sdom bzung dus su zhes smras pa dang dngos su 'gal lo/ /skabs dor sdom pa bzung ba yin na der bzung ba'i sdom pa de la bsdam bya dbang srung bya zhig yod dam @086a @#/ /med; rigs lnga spyi bye brag gi dam tshig rnams yin zer na/ rgyal ba sras bcas dbang du bzhag ste rigs lnga'i dam tshig bsrung ba'i sdom pa bzung nas/ da dung rigs lnga'i dam tshig bsrung mi dgos zhes smra ba 'di las lhag pa'i log rtog dang nyes bshad cig med do/ /'phrin las gnyis pa'i dbang TIka tu'ang/ skabs der khas blangs pa'i dam tshig rnams kyang bsrung bar dbang ba ma yin te/ dper na bar ma rab byung skabs su rab byung du khas blangs kyang rab byung gi sdom pa bsrung ba dge tshul lam dge slong du sgrub pa'i cho ga la ltos pa bzhin no/ /zhes bris snang ba'ang bab col te/ dam tshig khas blangs tshar na de mi bsrung ba'i rang dbang med par rdo rje 'chang gi bcas pa bzhin byed dgos zer bam gtogs/ blangs tshar yang bsrung ba'i dbang med zer ba ni dpyod ldan su'i yang rna bar mi 'gro'o/ /gal te slar dbang thob rjes su bsrung rgyu rnams ngos bzung ba tsam yin snyam na/ de ni sdom ba bsgrag pa'i don yin cing lan gcig gis chog la/ bsgrag bzung gnyis so sor yod cing khyod rang yang sdom bzung zer bzhin pa de yin pa dran bar gyis shig/ bar ma rab byung dper bkod ba'ang mi 'thad de/ de'i tshe bslab pa'i gzhi lnga'i steng du nyams pa rnam gsum spong ba khas blangs pa yin la bsrung yang dgos/ blang 'das so drug sogs bsrung mi dgos la khas kyar ma blangs pas ded cag gi dor dpe ma grub cing/ khyed rang rnams sdom pa khyi la rdeg pa'i rdo bzhin blangs kyin bsrung mi dgos par 'phen pa'i phyag len zhig yod pa yin na cha ma @086b 'tshal to/ /yang kho na re/ rdo rje dril bu phyag rgya yang/ /yang dag nyid du gzung bar bgyi/ /zhes pa'i skabs su dam tshig gsum bzung ba yin na rdo rje slob dpon gyi dbang gi ngo bo'ang dam tshig gsum 'dzin pa las gzhan med pas logs su mi dgos par 'gyur ro/ /zhes zer ba'ang don yin te/ slob dpon gyi dbang gi ngo bo dam tshig gsum 'dzin pa la 'jog tshul brtag gnyis su gsungs ba ltar/ rdo dril gyis mtshon don gsung dang thugs kyi dam tshig dran bzhin ba'i ngang nas rang lha skur bsgoms te phyag rgya dang 'khyud pa las byung ba'i bde stong sbyar ba yin la/ sdom bzung skabs su dam tshig de gsum srung sems bskyed de khas blangs ba la dam tshig de gsum bzung ba zhes pa yin pas don ches mi 'dra'o/ /khyod ltar na theg pa gsum gyi dam chos ma lus pa 'dzin par khas len pa'i sdom pa bzung na theg pa gsum gyi dam chos ma lus pa bzung bas khyab pa dang/ sbyin pa rnam bzhi rtag tu spyin/ /zhes khas blangs na sbyin pa rnam bzhi btang bas khyab par 'gyur la/ sangs rgyas kyi go 'phang thob bar bya'o zhes dam bcas ma thag sangs rgyas kyi go 'phang yang thob par khas len dgos par 'gyur ro/ /des na bya ba de byas pa dang/ de bya'o snyam pa'i srung sems bskyed pa gnyis skabs mnor bar gyis shig/ yang khyed cag sngags kyi rtsa ltung bskyed pa'i rten la dbang rdzogs par thob pa dgos zhes pa'ang mun sbrul yin te/ sngags sdom bzung zhing slob ma'i dbang tsam thob pa des rtsa ltung gi gzhi la zhugs shing yan lag tshang na ltung ba 'byung la rtsa ltung mi 'byung tshe ltung ba de'i ming la ci zer/ rdo rje 'chang gis @087a @#/ /bcas ba'i rtsa ltung dang sbom po gang yang ma yin pas blo bzo'i ltung gsar zhig tu 'gyur ro/ /dgag pa ltar snang gzhan yang mang tsam bris 'dug kyang snying po mi snang bas lan gyi ngal ba ma byas so/ /'di dag gi rang lugs la sdom pa'i ngo bo dbang dus su bskyed pa'i rtogs pa la 'dod cing/ de'ang bla med ltar na bde stong dbyer med kyi ye shes dang/ 'og ma'i mtshan bcas mtshan med kyi rnal 'byor sogs la 'dod pas/ 'og ma gnyis la'ang sngags sdom med na sngags lam ma yin par 'gyur snyam du bsam snang se/ de ltar na bya spyod kyi skabs sngags sdom de cho ga ji lta bu zhig gis len/ ltung ba gang gis sdom pa gtong ba'i rtsa ltung thun mong ma yin pa ji 'dra yod pa dpyad dgos so/ /de'ang 'brug pa pad dkar gyis dam tshig gsum bkod pa'i rgyud las 'byung ba ltar bdag 'bul ba lan gsum byas pas sngags sdom 'dzin par 'dod pa ches mi 'thad de/ rgyud der bdag 'bul ba lan gsum byas pa'i sgo nas sdom pa 'dzin pa yin par gsungs kyang; des 'dzin rgyu'i sdom pa byang sdom yin pas/ de bya rgyud la byang sdom gyis chog pa'i shes byed yin gyi/ sngags sdom dgos pa'i shes byed ma yin pa'i phyir te/ bdag 'bul gyi sgo nas len rgyu dang/ dkon mchog gsum la bdag skyabs mchi; ;zhes sogs rkang pa bzhi'i sgo nas len rgyu'i sdom pa 'dra ba gang zhig/ phyi ma byang sdom len byed yin pa kun mthun pa'i phyir/ dang po grub ste/ kun snying gi rnam snang sgyu dra'i 'grel pa las/ sangs rgyas byang chub yid kyis gzung/ /zhes @087b bstan pa 'dis ni byang chub tu sems bskyed pa yin la/ des na bdag 'bul ba byas pa yin pas logs shig tu ma gsungs par shes par bya'o/ /gang gi byang chub tu sems bskyed pa des ni thams cad yongs su btang ba yin no/ /zhes byang sdom bzung ba dang lus 'bul ba gnyis gcig go gcig gis chod par gsungs pas gnyi ga byang sdom len chog tu grub pa'i phyir/ dpal sgang bas kyang bya rgyud kyi sngags sdom la bdag 'bul ba'i sdom pa zhes btags ba'i 'khrul gzhi'ang 'dis byas so/ /gal te; sangs rgyas byang chub yid kyis gzung/ /zhes lan rgyu de'ang sngags sdom du khas len na bya rgyud kyi dbang la med du mi rung ba'i byang sdom chad/ der mi dgos pa'i sngags sdom lhag/ thun mong ba'i sdom pa ma blangs bar thun mong ma yin pa'i sdom ba blangs te bstan pa'i 'jug rim 'chol ba sogs nyes pa du mar 'gyur ro/ /de bzhin du gsang ba spyi rgyud las slob ma la sdom pa 'dzin du gzhug dgos par gsungs nas 'dzin tshul ston pa na/ dang po gsum la skyabs su btang/ /de nas bla mas byang chub sems/ /ma bskyed pa ni bskyed par bya/ /bskyed pa dag kyang dran par bya/ /zhes skyabs 'gro rtsom byed du byas te byang sdom 'dzin pa las gzhan ma gsungs la/ 'jam dpal rtsa rgyud las sngags la slob pa'i tshe chos gcig ldan nas brgyad ldan gyi bar dgos par gsungs pa'i nang gi gsum ldan gyi thad du/ sems can thams cad yongs su mi gtong pa nyid dang/ byang chub sems dpa'i tshul khrims kyi sdom pa bsrung ba dang/ rang gi sngags yongs su mi gtong ba nyid do/ /zhes sdom pa la byang sdom gcig pu las ma gsungs pas shes so/ / @088a @#/ /pad dkar gyis bya rgyud la sngags sdom 'dzin dgos pa'i sgrub byed du sngags nyams su len dgos par gsungs pa 'di bkod pa ni/ ral pa yod pa'i rtags su mgo yod pa bkod pa ltar sgrub byed kyis yongs pa'i rnam 'gyur ches gsal ba yin no/ /de ltar bya rgyud kyi sngags sdom len pa'i cho ga'i khungs brtol ba 'dis der gtogs kyi bshad pa thams cad sgro btags kyi sbun pa 'byar ba yin par shes so/ /'di la dgongs nas rje bla ma'i rtsa ltung rnam bshad du/ bya spyod kyi rgyud rnams kyis theg pa mchog gi sdom pa 'dzin pa'i chog rnams ni 'jug sdom 'dzin pa kho nar snang bas rigs lnga'i sdom pam yin gyi/ byang chub sems dpa'i sdom pa 'dzin pa la gdon mi za bar go bar bya'o/ /zhes gsungs te rdo rje'i tshig yin no/ /pad dkar gyis; chad lta dkon mchog gsum spong byang sems spong/ /dbang bskur spong dang bla mar 'khu ba lnga/ /'jam dpal rtsa rgyud las gsungs dpung bzang gis/ /zhus las mtshams med lnga dang nye ba lnga/ /snying nas dkon mchog gnod byed bcu gcig go/ zhes bsdoms pas bya rgyud la rtsa ltung bcu drug bshad cing/ de'i shes byed du dpung bzang gis zhus pa las/ gang zhig dgra bcom pham gsod pa dang/ /zhes pa nas/ phung po 'di la grub pa thob mi 'gyur/ /zhes dang/ mchod rten 'jig cing byang chub sems dpa' gsod/ /ces pa nas/ gsang sngags dngos grub sgrub kyang yongs mi 'thob/ /ces sogs 'dren par byed do/ /snga mar byang sdom gyi dbang du byas kyang rtsa ltung 'byung la/ rtsa ltung yin pa'i sgrub byed/ phung po 'di la grub pa thob mi @088b 'gyur/ /zhes pa dang/ dngos grub mi 'grub par gsungs pa tsam shes byed du mi 'gro ste dpung bzang gi lung de'i 'phror/ bya rog la sogs gzeb kyis bcing byas na/ /'di dang pha rol tu yang 'grub mi 'gyur/ /zhes dang/ rta rgyug lcag 'ju glo rdeb rnams mi bya/ / gang zhig sems can na dang sdug bsngal la/ /byams pa'i bsam pa brtan po med pa dang/ /las de rnams dang ldan par gyur pa de/ /dngos grub nam yang 'byung bar mi 'gyur ro/ /zhes gsungs pas/ bya rog gzeb tu bcug pa dang/ rta lcag gis brab pas kyang rtsa ltung 'byung bar 'gyur ro/ /der ma zad nya nas las/ mtshams med pa'i las lnga po de dag byas shing bsags la yongs su ma spangs na yongs su myang na las 'da' zhing 'phags pa'i lam thob pa'i skal ba med pas na de'i phyir de dag ni las kyi mtha' log pa zhes bya'o/ /zhes dang/ mdzod las/ 'phags dang mtshams med byed pa dang/ yang dag log pa nyid du nges/ /zhes mtshams med bsags la ma sbyangs pa'i rten der myang 'das thob mi srid par gsungs la de spyir btang yin pas/ khyod ltar na mtshams med yin tshad rtsa ltung yin dgos pa dang/ sangs rgyas kyis sdom pa blangs ma blangs thams cad la khyad med par rtsa ltung du bcas par khas len dgos par 'gyur ro/ /'jam dpal rtsa rgyud las/ kye rgyal ba'i sras de'i phyir ngas 'dir chad par lta ba dang/ dkon mchog gsum spong ba dang/ byang chub kyi sems spong ba dang/ dbang bskur ba spong ba dang/ bla ma la 'khu ba zhes bya ba lnga po 'di ni rtsa pa'i ltung ba yin par bstan te/ chos de dag las gang yang rung ba zhig spyod na/ de slar sbyang ba ma byas na sngags @089a @#/ /pa'i tha snyad med cing/ dngos grub kyis bon nyams ba dang/ tshig pa dang rul bar brjod do/ /ci'i phyir rtsa ba'i ltung ba zhes bya zhen ji ltar shing ljon pa rtsa ba nas chad cing skam pa na yan lag dang nyid lag thams cad bskam par brjod pa de bzhin du chos lnga po 'di dag spyad na'ang/ bzlas pa dang/ bsdam pa dang/ /gtsang sbral sogs pa'i chos rnams 'bras bu khyad par can mi skyed cing/ bskams pas na rtsa ba'i ltung bar brjod do/ /zhes drangs pa ni shin tu gsal yang; rje'i legs bshad rdo rje'i ri bo la sdang zhugs kyi sen mos ma tshugs pa na bya thabs zad nas rang gi rjes 'jug rmongs zhen can rnams mgo po skor ba'i phyir sen mo gas pa'i khrag gis brag la ri mo bris pa lta bur rdzun lung bcos ma gsar du bsgrigs par snang gi/ 'jam dpal rtsa rgyud na lung de med do/ /rje'i gsung rnams la nyes par bshad pa'i phung po yin no zhes skur pa 'debs shing/ rang la blo rtse med bzhin du rdzun gyis dgag pa byed tshul 'di la bltas na/ kun gzigs lnga pa chen po'i tshe bdag 'khrul spong las/ thams cad mkhyen pa padma dkar po zhes/ /grags snyan g.yu 'brug sngon mo'i skad la za/ /rtar rngog skam po 'dis kyang de 'dra'i mtshan/ /'dzin pa phal gyi dgongs mthil mdzub mos lon/ /zhes gsungs pa bzhin phyogs lhung gis 'ud brgyab ste mkhas pa'i grags pa che ba las phu thag thung bar snang ngo/ /dpal sgang pas kyang 'di'i rdzun lung gi rjes der rtog dpyod med par hab rgyug byas snang/ de bzhin du zhwa dmar drug pa la sman thang dkon mchog lhun grub @089b kyis thag rgyas e rung bris bar/ rung ba'i shes byed 'dul ba lung gi yin zer ba shog byang gnyis tsam drangs pa la/ khong the tshom zos te lung sde bzhi mun tu zhib mor btsal yang ma rnyed pas/ shwa dmar drug pa kho rang gi bsnyen rdzogs kyi slob dpon yin kyang zhen pa log ste/ dpon slob thams cad mkhyen pa ni gnang rgyu mang zhes skur pa btab pa'i lo rgyus lta bu/ khong rnams lta ba mtho drag ste gang shar chos sku'i yo lang du song bas ci byas kyang chog pa de 'dra'i phyag len rang cag ri bo dge ldan pa la ma tshugs pa ni rje bla ma'i bka' khrims drang po 'di 'ba' zhig gi bka' drin yin no/ /'di dag bya rgyud la rtsa ltung yod pa'i khungs jo bo'i dam tshig bsdus ba sogs la brten par snang yang/ der grangs tsam la'ang 'khrul zhing khungs 'dren tshul gyis kyang jo bo'i min par/ rtsa ltung rnam bshad/ mkhas grub rjes rgyud sde spyi rnam sogs su gsungs pa ltar yin/ bo dong paN chen gyi rgyud sde spyi rnam du de jo bo'i yin pa gzhir bzhag ste bu ston la dgag pa zhig kyang byas 'dug rung don du mi snang zhing/ khong rang gis bslab bya dgu las logs pa'i rtsa ltung dgur bshad na'ang/ 'dren dus brgyad las ma byung 'dug go /spyod rgyud la'ang snga rabs pa nang po dang/ dpal sdang pa/ pad dkar sogs kyis/ dam chos spong ba/ byang chub kyi sems spong ba/ ser snas nor mi gtong ba/ sems can la 'tshe ba'i rtsa ltung bzhi dang/ mi dge bcu la zhugs pa'i rtsa ltung bcu ste bcu bzhir byed cing/ de rnam snang mngon byang gi don du smra'o/ dang po na ma snying gi mdo/ gnyis pa thabs la mkhas @090a @#/ /ba'i mdo/ gsum pa dang bzhi pa byangs las rtsa ltung du gsungs te byang sdom gyi spang bya'i rtsa ltung yin pas/ sngags kyi thun mong ma yin pa zhig de'i grangs su med do/ /mi dge bcu la pham par smra ba'ang lung don gyi dmigs 'byed tshul ma shes pa yin te/ rnam snang mngon byang las/ dge ba bcu'i las kyi lam 'di rnams kyi sdom pa nyams pa dang shin tu rtsa ba nas chad par 'gyur ba zhes sogs kyis byang chub sems dpa'i mi dge bcu spong gi sdom pa'i tshul khrims da nyams byed kyi rtsa ltung gang yin dris pa la/ sngar gyi rtsa ltung bzhi gsung ste/ rten gyi gang zag so thar gyi sdom ldan yin na des sdom pa nyams pa tsam du byed pa dang/ min na de byung ba'i tshe sdom pa gang yang shul du lus rgyu med pas rtsa ba 'chad par gsungs pa yin gyi/ snga ma bzhi las logs su gyur pa'i rtsa ltung mang po zhig gsungs pa ma yin pa'i phyir/ rtsa ltung rnam bshad las/ snga ma yin na rtsa ltung bzhis byang sems kyi dge bcu'i sdom pa nyams kyang so thar gyi sdom ba yod la/ phyi ma yin na sdom pa gnyis gang yang med pas rtsa ba nas chad ba zhes dgongs par gsungs so/ /zhes mi dge bcu spong gi sdom pa nyams byed kyi rtsa ltung zhig gsungs pa la mi dge bcu rtsa ltung du bshad par 'khrul ba blo ha cang rtsing ba yin te/ khrims nyis brgya lnga bcu rtsa gsungs bsrung ba'i dge slong gi sdom pa gtong byed kyi pham pa bzhi bshad pa la/ dge slong gi sngom pa gtong byed kyi pham pa nyis brgya lnga bcu rtsa gsum du go ba dang khyad par med pa'i phyir ro/ /rnal 'byor rgyud kyi rtsa ltung bcu bzhi 'dren tshul gzhan @090b phyogs pa phal cher/ rigs so so la dkon mchog gsum dang/ rdo rril slob dpon gsum dang/ sbyin pa bzhi dang/ chos gsum dang/ mchod bste bcu bzhi yod pa de las 'das ba'i rtsa ltung bcu bzhi zer zhing/ de'i shes byed du de nyid bsdus pa'i 'grel chen las/ de bzhin gshegs pa thams cad kyi tshul khrims ni/ ji ltar dus gsum mgon po rnams/ /byang chub tu ni nges mdzad pa/ /zhes bya ba la sogs pa phas pham pa bcu bzhi las ldog pa'i mtshan nyid can no/ /zhes gsungs pa'i phyir zer yang/ sems bskyed pa'i zlog phyogs dang phyag rgya spangs pa gnyis ma bgrang bas rang gi gtan tshigs rang gis bsal ba yin no/ /yang pad dkar sogs kha cig dkon mchog gsum spangs pa gcig tu byas te/ phyag rgya spangs pa dang/ las kyi dam tshig spangs pa gnyis bsnan nas gzhan sngar bzhin byas te bcu bzhi yin zer yang/ sems bskyed spangs pa ma bgrang bas rang gi sgrub byed dang 'gal bson gnas so/ /der ma zad sdom pa bsgrags pa'i skabs su/ rtse mo las/ sangs rgyas chos dang dge 'dun te/ /dkon mchog gsum la skyabs su song/ /zhes pa nas/ mchod pa'i las kyang ci nus bya/ /zhes pa'i 'phro de mthag /de las gzhan ba bcu bzhi ni/ /phas pham par ni rab tu bshad/ /ces rigs so so 'di mtshig de las gzhan pa sbyi'i dam tshig rtsa ltung bcu bzhi bsrung pa sogs dgos zhes pa yin par shin tu gsal phyir/ gzhan dag rnams de'i lung don yang rigs lnga'i dam tshigs gong du bstan pa de las gzhan bste/ de las 'das ba'i rtsa ltung bcu bzhi zhes pa yin zer yang mi 'thad de/@091a @#/ /shAnti pa dang rgyal ba bzang po'i gsang ba de gnyis kyi dkyil chog tu sdom pa bsgrags brtse mo'i 'di bzhin byas bas bla med kyi skabs su 'ang rigs so so'i dam tshig bcu bzhi po de las 'das pa'i rtsa ltung bcu bzhi bshad par 'dod dgos la/ de ltar na spyir bla med kyi rtsa ltung nyer brgyad 'jog dgos par 'gyur te/ de las gzhan zhes pa la bla med dang rnal 'byor rgyud kyi 'grel rgyags lugs mi 'dra ba gnyis byed tshul med pa'i phyir/ des na rnal 'byor rgyud dang bla med gnyis rtsa ltung bcu bzhi'i khog 'dra bar rtsa ltung rnam bshad las gsungs pa'i don bsdus te go sla par brjod na/ kam d+he nu'i sbyong rgyud kyi 'grel par/ ral gcig ma sogs khyad par can la smad na rtsa ltung bcu bzhi bar 'gyur/ zhes bla med kyi skabs bud med spyi tsam la smad pas rtsa ltung du 'gyur ba de las khyad 'byed tshul gyis gzhan rnams rtsa ltung ngu 'jog lugs 'dra bar go nus so/ /de bzhin du dpal mchog las/ dngos grub dam tshig sdom pa 'di/ /khyod kyis rtag tu bsrung bya ste/ /sangs rgyas kun gyis mthun par gsungs/ /mchog tu rtag pa'i bka' yin no/ /gang zhig bskyed pa tsam gyis ni/ /sangs rgyas nyid du dogs med pa'i/ /byang chub sems ni btang mi bya/ /zhes sogs kyi 'grel par phyag rgya spangs pa dang dam chos smod pa la rtsa ltung du gsungs pa'ang gzhan rnams mi bskyod pa'i rigs kyi dam tshig dang 'od dpag med kyi dam tshig gi dbang du byas zer yang/ rang lugs rtsa ltung bcu gsum pa dang drug pa'i dbang du byas pa yin zhing khyad par du snga ma la pham par 'gyur @091b tshul gsal bar gsungs pa'i dogs pa bla med la bdud rtsi lnga sogs kyi dam rdzas smad yas ltung ba der 'gyur ba yin kyang/ skabs 'dir lag pa'i phyag rgya dang rdo dril sogs la dgos pa med ces spangs na rtsa ltung du 'gyur ba'i khyad par 'byed pa'i phyir yin no/ /de ltar na de gnyis ka rigs lnga so so'i dam tshig dang/ spyi'i dam tshig gnyi ga'i nang du yod par 'dra'ang/ 'dir spyi'i dam tshig gi grangs 'dren de'i dbang du byas pa yin te/ 'di'i dkyus su phung bo smod pa dang/ byang sems gtong ba'ang gsungs la/ de spyi'i dam tshig gi grangs yin pa'i phyir dang/ shAnti pa sogs du mas bla med kyi skabs su'ang dpal mchog gi lung de dag sdom pa sgrog byed du byas pa'i phyir ro/ /sngar bshad pa'i dmigs bsal gnyis po de tsam ma gtogs rgyud gnyi ga rtsa ltung 'jog mtshams 'dra zhing/ bla med kyi bshad pa grags che bas mkhas pa mi gsum sogs ma ga'i slob dpon rnams zur bshad ma mdzad pa yin gyi/ bla med dang gtan mi 'dra pa zhig yod na dngos grub kyi rtsa ba dam tshig las gal che ba med pas/ de'i bcas mtshams yan lag gang dgos sogs gsal bar gsungs rigs la/ ma mtha'ang rkang grangs cha tshang ba zhig gaM ma gsung tshul med ba'i phyir ro/ /bla med kyi sdom pa'i spang bya rtsa ltung gi grangs 'dren tsam la mi mthun pa med cing/ nang gses gyi 'dod tshul ci rigs 'byung ba smos kyis mi lang bar rje'i gsung rab las shes dgos/ thob dus la dpyad pa gong du song zin pas/ 'dir pha rol po rnams sdom pa'i ngo bo bde stong gi ye shes su sgrub tshul la dpyad na/ de dag de'i shes byed du brtag gnyis las @092a @#/ /sangs rgyas kun gyi sdom pa ni/ /e waM rnam par rab tu gnas/ /e waM rnam pa'i bde chen po/ /dbang las yang dag shes par 'gyur/ /zhes 'dren pa ni sdom pa zhes pa'i tshig tsam la 'chel ba'i phyin ste/ de'i don ni/ lhan skyes kyi bde chen 'dren pa la rdo rje'i lus la gnad du bsmun dgos shing/ de'ang/ e yi rnam pa lha mo spyan/ /zhes sogs ltar lus kyi gnad che ba rtsa 'khor gyi gnas so so dang/ khyad lar du/ rnal 'byor ma lus dbus su ni/ /a yi rnam pa sdom pa'i gnas/ /zhes gtum mo lam gyi rmang rdor byed pa'i lugs 'dir dang lor lte ba'i gnas su sdom dgos la/ sdom tshul lte ba'i gtum mo sbar bas spyi bo'i haM yig zhu ste a haM ngam dphyid dang thig le gnyis gnas der gcig tu sdom pa 'dren byed rtags kyi e waM grung du 'jug tshul dang/ de las skyes pa'i bde chen dang stong pa nyid gnyis dbyer med du sdom pa lam gyi e waM dang/ de nyid bzhon ba'i rlung dang bcas pa las grub pa'i sku thugs ngo bo gcig tu sdom pa 'bras bu'i e waM du 'gyur zhes pa yin gyi/ sdom pa'i tshul khrims bshad pa ma yin pa'i phyir/ sdom pa zhes pa'i tshig tsam la brten nas tshul khrims kyi sdom par 'grub na/ mdo sde rgyan las/ chos kyi sdom ni rnam pa bzhi/ /byang chub sems dpa' rnams la bshad/ /ces dang/ chos kyi ming ni sdom ba'ang 'di/ /zhes gsungs pas/ 'dus byas thams cad mi rtag pa/ zag bcas thams cad sdug bsngal ba sogs bkar btags kyi phyag rgya bzhi'ang byang chub sems dpa'i sdom par khas longs shig / @092b de nang pa'i grub mtha'i gnad kun der 'dus pa la byed pas mi 'dra snyam na/ 'dir sdom zhes pa'ang theg pa gsum gyi lung rtogs kyi chos lam dang 'bras bu thams cad byed las kyi sgo nas der 'dus pa la sdom pa zhes pa yin te/ brtag gtis rnam bshad mkha' 'gro'i gsang mdzod las/ de ltar lhan skyes kyi bde chen gyi ngo bor sdom pa der theg pa gzhan gyi lam gyi gnad thams cad byed las kyi sgo nas 'dus shing sdom par 'phags pa'i bden pa bzhi dang/ sde pa bzhi'ang 'khor lo bzhi dang sbyar bas bstan no/ /zhes dang/ lam gyi gnad thams cad byed las kyi sgo nas 'du bar 'gyur ro zhes bstan pa'i rgyud don 'chang tshul rdo rje 'chad rang nyid dang dbyer ma mchis pa'i rje thams cad mkhyen pa'i gsung ngag 'di lta bu gon blo gros dang ldan pa dag gi yid rang dbang med par dga' ba rgyas pa'i gzhan dbang du ci'i phyir mi 'gyur/ zhes gsungs pa ltar yin pas/ rjes 'jug blo ldan yod na tshul 'di dag gis kyang rje bla ma rjes su dran par bya dgos so/ /lam dang 'bras bu'i rnam gzhag la'ang/ slob dpon 'jam dpal grags pas snying po rgyan las gsungs pa ltar/ kha cig bskyed rim ni dbang rtul kha 'khrid byed tsam yin pas mchog sgrub byed rdzogs rim gyis chog zer ba dang/ kha cig stong nyid bshad pa gnas skabs kyi log rtog 'gog ched tsam yin pas sangs rgyas thob pa la bskyed rim gyis tshogs rgya chen po dang bcas te rang lhar bsgom pas chog zer ba sogs mi 'thad pa mngal/ rim gnyis la bral mi rung ba tsam sngar nas grags che'ang/ de'i rtsa ba mthar thug bden @093a @#/ /gnyis ya bral du ma song pa 'di la thug nang nga/ rje bla ma ma byon gong du de gnyis thags mkhan gyi rkang stabs bzhin res 'jog kho nar song bas/ lam gyi lus gzhan la'ang nges pa gting tshugs pa shin tu dka' bar gyud de/ /rje nyid nas zab mo'i lta bdag ther mdzad pa de'i shugs kyis rdo rje theg pa'i lam gyi gnad thams cad kyang legs par 'grigs pa dper na rmang gzhi bde ba la mkhar brtsigs pa lta bur byung ba yin no/ /sngags lam gyi rtsa ba yang dag pa'i lta ba la thug pa ni 'jam dpal rtsa rgyud las/ chos gcig yang dag par bsams na byang chub sems dpa' sems dpa' chen po'i sngags 'grub par 'gyur te/ gcig po gang zhe na/ 'di lta ste chos thams cad spros pa med pa'i rnam par rjes su mthong ba'o; ;zhes gsungs la/ ngan song sbyong rgyud dang/ sgron gsal le'u bco lnga pa'i mchams sbyor sogs su'ang sngags kyi dngos grub thams cad 'grub pa yang dag pa'i lta ba la rag las par gsungs so/ /sngags lam yang gong 'og nyi tshe ba tsam ma yin par rgyud sde rab 'byams la sbyang pa mthar phyin nas bshad sgrub kyis gsal bar mdzad pa yin te/ nyid kyi rtogs pa brjod pa las/ rgyud sde 'og ma gsum gyi lam gyi tshul/ /mi shes de yis rnal 'byor bla med rgyud/ /rgyud sde kun gyi mchog tu thag bcad kyang; ;dam bca' tsam du zad bar legs mthong nas/ /gsang ba spyi rgyud legs par grub pa dang/ /dpung bzang gis zhus bsam gtan phyi ma sogs/ /bya rgyud rigs gsum spyi dang bye brag gi /rgyud sde rnams la ring du 'dris par byas/ /zhes sogs so @093b so'i thad du gsungs ba bzhin rgyud sde bzhi ga'i dbang lung khrid man ngag/ gar thig dbyangs rta tshun chad cha phra mo tsam yang ma lus par khyung po lhas pa dang/ rje btsun red mda' ba/ thugs sras rin chen rnam rgyal/ chos kyi dpal pa/ grags pa byang chub sogs rdo rje slob dpon du ma las gsan cing/ rgyud dang rgyud 'grel thams cad la sbyangs/ de dag gi dgongs pa'i don thog mar rang rang gi dbang rnam par dag ba mnos te dam tshig tshul bzhin du bsrung ba gzhir byas pa'i steng nas bya rgyud rigs gsum gyi lam rnams lha drug gi rnal 'byor du bsdus nas nyams su len tshul bsam gtan phyi ma'i man ngag ji lta ba dang/ spyod rgyud kyi lam rnams rnam snang mngon byang gi dgongs pa sangs rgyas gsang bas bkral ba ltar/ phyi nang gi yan lag bzhi bzhis bzlas brjod byed tshul mtshan med kyi rnal 'byor dang bcas par slob tshul dang/ rnal 'byor rgyud kyi lam mtshan bcas lha'i rnal 'byor dang po sbyor ba sogs ting 'dzin gsum gyis bsdus tshul cung sla'ang/ mtshan med kyi rnal 'byor zab mo'i don sgom tshul mi gsal bas shin tu rtogs dka' ba de/ paN chen sangs rgyas gsang bas rtsa rgyud de nyid bsdus pa dang bshad rgyud rdo rje rtse mo gnyis sbyar zhing/ cha mthun gyi rgyud du mas kha bskangs te 'grel pa a btar nas gsal bar gsungs shing/ kun dga' snying po'i dpal mchog 'grel chen dang/ shAkya bshes gnyen gyi ko sA la'i rgyan du'ang ting 'dzin sgrub tshul sogs sgom rim tham bzhin gsal bar gsungs pa'i tshul mtha' dag gung bsgrigs te rgyud don nyams su len tshul cha tshang ba dang/ bla med kyi lam @094a @#/ /rnams rim pa gnyis su bsdus te slob tshul/ so so'i gegs sel bogs 'byin spyod pa dang bcas pa/ rang rang gi lag rjes thun mong ma yin pa 'grub tshul sogs rgyud kyi don thams cad lung dang rigs pa nyams myong gsum gyi rkya bar nas bton te ji lta ba bzhin thugs su chung/ snga ma rnams kyis ma rtogs log rtog gi dri mas sbags pa thams cad drungs phyur ste gsang chen rdo rje theg pa'i bstan pa rin po che 'jig rten kun tu gsal bar mdzad pa yin no/ / gnyis pa rgyas par bshad pa la/ pha rgyud kyi lam gyi snying po sgyu lus kyi rnam gzhag gsal bar mdzad tshul/ ma rgyud kyi lam gyi snying po 'od gsal gyi rnam gzhag gsal bar mdzad tshul/ de gnyis ngo bo gcig tu sbyor ba zung 'jug gi rnam gzhag gsal bar mdzad tshul gsum/ dang po ni/ bden med snang stong lha sku sogs/ /pha rol phyin dang 'og mar yang/ /grags pa tsam las 'dus pa'i gnad/ /bdag byin brlab sogs rim pa yi/ /sbas don snang med gyur pa na/ /rgyud don 'phags pa yab sras kyi/ /dgongs pa ji bzhin gsal mdzad de/ /pha rgyud kun gyi spog rtsa bzung/ /zhes byung/ de'ang gang gi dgongs pa'i gnad phyin ci ma log par rtogs na gsung rab mtha' dag la mi 'jigs pa'i spongs pa ster ba/ mdo sde kun gyi zam tog dang/ rgyud sde kun gyi rgyal po/ khyad par du pha rgyud stong phrag sum cu rtsa gsum gyi phyi mo lta bur gyur pa ni dpal gsang ba 'dus pa yin par gzigs te/ de'i gdams pa ji ltar btsal ba'i tshul ni/ mtha' dpyod @094b rin po che'i myu gu pas/ rje btsun dam pa kumArati'i zhal snga nas dang/ bu ston zhabs kyi slob ma rje btsun dam pa khyung po lhas pa'i zhal snga nas dang/ rje btsun dam pa chos kyi dpal ba gsum ga bsdoms pa la brten nas 'phags skor gyi chos skor rnams bdag gis yongs su rdzogs par mnos/ zhes gsungs pa ltar/ de'i gdams pa phyogs re tsam gyis mchim bar bshes gnyen dam pa du ma las cha lag yongs su rdzogs pa gsan/ khyad par du 'dus pa'i lam gyi dka' ba'i gnad shin tu sbas pa'i gsang don phra zhing phra ba rnams ni mgon po 'jam pa'i dbyangs kyis dge ba'i bshes gnyen mdzad pa la brten nas thugs su chud pa'i tshul/ rim lnga gsal sgron las/ gang gi 'phrin las gzeg ma'i cha shas tsam/ /snying la zhugs pa yis kyang rnyed dka' ba/ /shin tu sbas don lhang der gsal mdzad pa/ /rje btsun mkhyen pa'i gter/ zhes dang/ gang zhig rtogs na mtha' dag gsung rab la/ /mi 'jigs spobs pa mchog ster 'dus pa'i lam/ /ji bzhin gsal mdzad 'jam dbyangs bla ma/ zhes gsungs pa ltar ro/ /'o na phyi'i rkyen dge ba'i bshes gnyen bsten tshul de ltar la/ nang gi rkyen thos bsam mdzad tshul ji lta bu snyam na/ rtogs brjod las/ smra ba'i dam pa klu sgrub 'di skad gsung/ / rtsa ba'i rgyud du lam gyi gnad rnams ni/ /mtha' drug tshul bzhi'i rgya yis btab ste gnas/ /de ltar bshad pa'i rgyud kyi rjes 'brang nas/ /bla ma'i man ngag las ni shes byar gsungs/ /tshul de gnad du bzung nas man ngag gi /mthar thug @095a @#/ /mdor byas spyod bsdus rnam gzhag sogs/ /'dus pa 'phags pa'i skor gyi phran kun la/ /ring du 'dris bar byas te rtsa ba'i rgyud/ /sgron ma lta bur gsal bar byed pa la/ /brten nas bshad rgyud chen po lnga dang ni/ / legs par sbyar la 'bad pa chen pos sbyangs/ /sbyangs pas 'dus pa'i rim gnyis spyi dang ni/ /khyad par rdzogs pa'i rim pa'i gnad kun rnyed/ /ces gsungs te/ 'dus pa'i lam spyi dang khyad par rim lnga'i man ngag gi gnad mthar thug rnams yong ba'i 'byung khungs lta bu rtsa rgyud yin kyang/ der gsang rgyas btab nas shin tu sbas pa'i tshul du yod pa bshad rgyud dang ma sbyar bar rtogs mi nus la/ rtsa bshad sbyor tshul yang bla ma'i man ngag med na rin po che lta bu'i gang zag gis kyang rang dbang du shes mi nus te/ rim lnga las/ dpal ldan 'dus pa'i rgyud du ni/ /de nyid 'di dag rgyas btab gnas/ /bshad pa'i rgyud kyi rjes 'brangs te/ /bla ma'i kha las rtogs par bya/ /zhes gsungs pa ltar ro/ / de'ang rgyud rdor 'phreng las rdor bzlas rgyud sde 'og ma gsum du sbas par gsungs pa lta bu ma bstan pa'i sbas pa ni rgyud der btsal yang rnyed rgyu med la/ 'di ni rgyud kyi nang du cha tshang bar bstan yod kyang bla ma la ltos pa'i phyir du mi mngon par byas pa'i sbas pa yin pas man ngag gis kyang rgyud kyi nang na mi mngon pa'i tshul du yod ba de gsal bar byed pa yin par go dgos kyi/ rgyud na med pa'i zab gnad gces dgu ston byed kyi man ngag cig logs na yod par go ba ni rgyud la @095b gus pa skye ba'i gegs log rtog che shos yin par gsal sgron las gsungs so/ /man ngag gi skad dod u pa de sha zhes pa nye bar rtogs par byed pa'am/ bde blag tu rtogs par byed ba zhes pa yin pas/ mdor byas/ rim lnga/ spyod bsdus sgron gsal sogs kyang rje yab sras lta bu la man ngag gi mchog tu 'gro'ang/ deng dus kyi gdul bya rnams de'i sgo nas kyang rgyud don bde blag tu rtogs mi nus bas/ de dag gis rje'i gsung rab rim lnga gsal sgron/ rim lnga gdan rdzogs kyi khrid yig /rnam gzhag rim pa'i rnam bshad sogs dang/ sgron ma gsal ba'i don/ dkyus mchan/ zur mchan/ bsdus don/ mtha' dpyod bzhis gtan la phab pa 'di dag man ngag gi snying por byas nas rtogs dgos so/ /rje'i legs bshad 'di rnams la brten nas kyang go mi nus na/ rje bla ma dang mgon po 'jam pa'i dbyangs dbyer med du bltas te tshogs gsog sgrib sbyong gsol ba 'debs pa sogs la 'bad dgos kyi/ rje'i gsung 'di las kyang gsal du btang nas bshad par 'dod pa ni gzhung nyog por btang ste don gyi 'gang sgrib pa ma gtogs snga ma las gsal du 'gro ba'i thabs med do/ /de'ang lam gyi sngon 'gro la phal cher sngon 'gro'i khrid chen bzhi zhes de tsam rtsal du 'don yang/ des dam tshig dang sdom pa thams cad bsrung bar mi 'gro la/ dam sdom tshul bzhin bsrung ba'i khongs su de thams cad 'du bas/ sngon 'gro'i mchog ngos zin dgos par sngags rim dang 'bal ser zin bris sogs su gsungs pa dang/ lha sgom tshad bskyed rim dang/ @096a @#/ /rlung gi rnal 'byor dang bcas te stong nyid sgom tshad rdzogs rim du 'khrul pa mang po sngon byung yang/ bskyed rim la sku gsum lam 'khyer gyi gnad tshang pa dgos tshul dang/ snyigs dus kyi tshe thung gcig la 'tshang rgya ba'i rten khams drug ldan gyi dzambu'i gling pa kho nar nges pas/ skye shi bar do gsum dang sbyor ba'ang skye gnas bzhi ga dang sbyor pa rgyud kyi dgongs par mi 'gro bas mngal skyes kho na la sbyor dgos pa dang/ bskyed rim gang yin kyang rgyud sde nas gsungs pa'i spyi chings re gzhir byed dgos shing/ sgom khyer mi 'dra ba rnams la'ang phan tshun lam gyi dod thub brtsis te lag rjes cha tshang ba 'byung lugs dang/ sgom tshul ji lta bu zhig byas na lus dkyil sgom par 'gro tshul dang/ de la lha so gnyis yod pa bzhin phyung ba'i dkyil 'khor la'ang lha so gnyis yod par sgrub lugs/ tha na tshogs zhing gi skabs bla ma gsal 'debs pa'i gnas/ ye shes kyi sa'i skabs stong nyid sgom lugs mdo phyogs las khyad 'byed tshul sogs cha thams cad la dag ther mdzad ba smos kyis mi lang la/ rdzogs rim gyi skabs su'ang rdo rje'i lus kyi gnas lugs/ thog mar gang la gnad du bsnun pa'i yul rgyud so so'i sgos chos mi 'dra ba'i khyad par/ de thams cad mthar gang du gzhol tshul/ dben gsum dang gtum mo sogs dong thub rtsi lugs tshun chad mi 'dra ba'i khyad par mang na'ang/ gtso bor gyur pa ni 'bras bu gzugs sku'i nye rgyu slob pa'i zung 'jug gi sku dang/ de'i nye rgyu rim pa gsum @096b pa'i sgyu ma'i sku rlung las sgrub tshul gsal bar bshad pa 'di nyid lugs 'di'i khyad chos bla na med par gzigs shing/ gangs ri'i ljongs 'dir sngon chad sus kyang ji bzhin mthon pas 'di nyid rtsal du bton nas legs par bshad pa yin no/ /de nyid gtso bor gtan la 'bebs dgos pa'i rgyu mtshan yang theg chen rigs can rnams kyis don du gnyer bya'i gtso bo gzhan don yin la/ gdul byar dngos su snang nas don sgrub byed gzugs sku yin pas chos sku bzhin du gzugs sku'ang rnam pa mthun pa'i rgyus bsgrub dgos par ma zad gzugs sku gtso bor bsgrub dgos/ de'ang tha ma la brten ma brjes par tshe gcig la 'tshang rgya ba'i tshe nyer len gyi phung po de ga mtshan dpes brgyan pa'i skur 'gyur mi rung la/ der 'gyur rgyu'i nyer len zhig med kyang mi rung bas/ rlung sems tsam las grub pa'i gnyug ma'i lus kyis de'i nyer len byed par grub ste/ mdo lugs sogs dang mi 'dra bar bud med tshe gcig la 'tshang rgya ba'ang bzhag chog pa 'di'i gnad kyis yin par bskyed rim dngos grub rgya mtshor gsungs so/ /'di ni sgrub byed dang po gzugs sku'i rgyu thun mong ma yin pa'i sgo nas sgrub tshul yin la/ gnyis pa sbyang gzhi'i gnad thun mong ma yin pa'i sgo nas sgrub tshul ni/ gzhi dus kyi sems can 'chi ba'i tshe stong pa bzhi'i mthar rlung sems tsam las bar do grub pa bzhin/ lam gyi 'od gsal gyi mthar sgyu ma'i sku 'grub lugs de dang rnam pa mthun pa zhig dgos pa yin la/ lha bskyed tshul gyi gnad la brten nas sgrub lugs gong 'og gi chog kun tu stong pa'i dang las lhar ldang@097a @#/ /bre bshad kyang phal cher mos ngo tsam yin pas/ dngos gnas su de ltar ldang ba sgyu ma'i sku 'grub lugs 'di yin zhing/ thabs shes ngo po dbyer med pa'i gnad kyis sgrub tshul rdzogs rim mthon po'i skabs bsag sbyang gzhan la mi ltos par bde stong gi ye shes kho na chig dril du bskyangs kyang mdo lugs lta bu zhi mthar lhung nyen med par tshogs gnyi ga rdzogs tshab che ba ni ye shes de'i bzhon pa'i rlung las gzugs sku bsgrubs pa 'dir bsod nams kyi tshogs mtha' yas pa thams cad kyi dod thub pa'i gnad cig tshang ba 'di'i stobs yin par gsungs te/ blo gzu por gnas shing rnam par 'byed pa'i shes rab dang ldan na rgyu mtshan 'di dag re re'i sgo nas kyang lam srol rmad du byung ba 'di nyid la yid ches kyi nges pa brtan po gzhan gyis bkri bar mi nus pa'i gting tshugs pa rnyed par 'gyur ro/ /zab mo'i gnas 'di nyid gang la brten nas rtogs tshul yang/ spyir gong du smos pa bzhin 'dus pa'i rgyud don mtha' dag man ngag las shes dgos na'ang/ 'di ni gces nor gyi snying po bzhin du lhag par sbas pa'i gnad kyis man ngag la brten tshul yang gzhan las lhag pa zhig dgos te/ rim lnga gsal sgron las/ sngags kyi dka' gnas phal che ba bla ma'i man ngag la ltos dgos par gsungs pa'i nang nas/ sgyu lus kyi gdams pa bla ma'i man ngag la ltos ba ni gzhan dang ye mi 'dra ba'i ltos tshab shin tu che ba zhig snang ngo/ /zhes gsungs pa'i phyir/ de shin tu gsang bar byed pa'i rgyu mtshan yang/ rim lnga las/ @097b bdag la byin gyis brlab pa'i rim/ /gang gis rnyed par ma gyur ba/ /mdo sde rgyud dang rtog pa la/ /de yi ngal ba don med 'gyur/ /zhes sgyu lus sgrub tshul ji lta ba zhig ma byung na/ bde stong dbyer med kyi ye shes sogs sgo mtshul shes shing 'bad pas bsgrubs na'ang tshe de la sangs rgyas thob mi nus pa dang/ bdag la byin brlab rim thob pa/ /gtso bo sangs rgyas kun bdag nyid/ /tshe 'di nyid du sangs rgyas ni/ /the tshom med par thob par 'gyur/ /zhes 'di'i gdams pa legs par mnos te grub na skye ba de nyid la 'tshang rgya bar nges pas phan yon dang dgos pa bla lhag tu che ste/ rgyal ba rdo rje 'chang la'ang gdams pa'i nying khu 'di las lhag ba ston rgyu med par thugs kyi gsang mdzod dam pa'i yang snying gcig pur gyur pa yin no/ /de ltar shin tu zab pa'i dbang gis bod 'dir sngar byon pa'i bstan 'dzin chen po lung dang rtogs pa'i yon tan rgya che zhing/ smra ba'i spobs pa gzengs mtho ba gang gis kyang gnas 'di 'phags pa yab sras kyi dgongs pa ji lta ba bzhin shod thub pa ma byung ste/ 'di'i man ngag gi mthar thug rim lnga spyod bsdus gnyis yin kyang/ dgongs pa shin tu brling bas snga ma rnams de la brten nas go ma thub pa na/ rje mgos dang mar pa'i man ngag la rten par byed do/ /de'i nang nas kyang rgyud kyi khongs na gnas pa'i dmigs rim mang po mar ba'i man ngag gi rgyun las byung la/ mar pa'i man ngag ltar ma zhugs pa ni rim lnga bsdus pa nyid yin kyang/ mar pa la kha g.yar ba'i rim lnga'i khrid yig rdzus ma dang/ mar pa'i gsung rgyun rim par brgyud pa gser sdings pas zin bris su @098a @#/ /btab pa'i gzhung nyer gsum tsam byang ba'i nang na/ bar nas lhad zhugs pa dang/ snga ma'i gsung ji bzhin ma zin pas yid brtan mi thub pa mang du yod na'ang/ de thams cad mar ba'i man ngag 'khrul med du bzung nas de la brten pa'i dbang gis nor ba sna tshogs byung ste/ sgyu lus kyi ngos 'dzin don bzhi mar/ 'phags pa yab sras kyis sgyu ma snang la rang bzhin med pa dang lus lha'i lus la bzhed pas/ lha sku snang la rang bzhin med ba zhig yin/ zhes dang/ a thung shad lta bu 'od zer lnga dang ldan par gnas pa de rlung sems kyi lus yin pas/ zhes sogs dang/ rim lnga gdan rdzogs las/ thig le la sems gtad nas bsgoms pa slob pa'i 'od gsal dang/ 'jog pa'i tshe thig le stong pa las lha skur langs te spyod yam bya/ zhes 'byung la/ 'khor lo can du 'ang mi shigs pa'i thig le bsdus pa'i thig le lha yab yum gyi skur shar ba me long nang gi gzugs brnyan lta bu sgom pa yin/ zhes me long nang gi gzugs brnyan lta bu de sgyu ma'i don du bshad/ don lnga mar/ lha sku gsal stong snang la rang bzhin med pa ngos gzung dang bral ba de sgyu lus su byas so/ /zhes bshad pas phal cher phyogs 'dra la/ gser sdings pa'i man ngag la la gsung sgros snga phyi'am rtsom pa po'i blo'i khyad kyis mi mthun par rim lnga gdan rdzogs kyi dmar khrid las gsungs so/ /de dag la brten nas snga rabs pa phal cher sgyu ma'i sku'i don rang bzhin gyis grub pas stong yang tha snyad tsam du snang ba bden stong sgyu ma lta bu la byed zer/ kha cig de tsam byas na sngags lugs su mi 'gro bas/ @098b zhal phyag rgyan cha lugs sogs kyi rnam pa snang yang/ don dam par ma grub pa'i lha sku snang la rang bzhin med pa me long nang gi gzugs brnyan lta bu la byed zer/ la la a yig 'od zer lnga ldan dang mi shigs pa'i thig le yongs su gyur ba las lha sku snang stong gnyis tshogs su skyed pa yin zer ba sogs sna tshogs shig byung ngo/ /'di dag ni 'phags pa yab sras kyi dgongs par ma son pa tsam du ma zad/ de dag gis sgyu lus kyi don du mi 'gro bar gsungs pa de de'i don du smras pa yin te/ spyod bsdus las/ gang mdo sde la sogs pa'i tshul la zhugs pa dang/ bskyed pa'i rim pa la gnas pa'i sgom pa po rnams kyang chos thams cad sgyu ma lta bu dang/ rmi lam lta bu dang/ gzugs brnyan lta bu zhes dper brjod cing lhag par mos kyang/ de rnams dpes bdag la byin gyis brlab pa'i man ngag ye shes tsam gyis yid kyi rang bzhin gyi lha'i sku rdzogs par 'gyur ba shes par mi 'gyur ro/ /zhes nges don gyi mdo sde rnams la zhugs te bden stong sgyu ma lta bu'i don phu thag chod par go'ang/ de tsam gyis skabs 'di'i sgyu ma'i don mi rtogs par gsungs pas lugs dang po khegs/ bskyed rim gyi skabs sgyu lus kyi don mi tshang bar gsungs shing/ de'i tshe sgom pa'i 'khor gsum bden med du nges pa'i nges shes khyad par can dang ma bral ba'i ngang nas lha'i rnal 'byor bskyangs pas skye mched kyi lha so so'i spyan dkar nag gi cha tshun chad ma 'dres par shin tu gsal zhing dwangs pa 'ja' tshon bzhin du thogs pa med par snang ba la'ang sgyu lus kyi don med par gsungs bas/ rgyud sde @099a @#/ /kun gyi thun mong ba lha sku snang stong gnyis tshogs tsam sgyu lus su 'dod pa'i lugs gnyis pa khegs/ bskyed rim gyi longs sku'i lam 'khyer skabs su'ang mi shigs ba'i thig le dang/ a yig dang hUM yig 'od zer lnga ldan sogs las lha sku'i rnam par bzhengs tshul yod pas lugs gsum pa'ang khegs pa'i phyir/ des na a yig sogs gnyug ma'i lus su bshad pa'i 'khrul gzhi ni/ des mtshon pa'i srod 'dzin shin tu phra ba de nyid gnyug ma'i lus su gsungs pa'i dgongs pa ma lon pa yin no/ /yang 'ga' zhig na re/ 'di'i sgyu ma lta bu'i don yang bden stong sgyu ma lta bu la byed rigs te/ rim lnga las/ de bas 'di ltar 'gro ba kun/ /sgyu ma lta bu 'dir bshad de/ /sgyu ma lta bu'i ting 'dzin gnas/ /thams cad de dang 'dra bar 'byung/ /zhes rang rgyud la sgom pa bzhin du sems can thams cad dang/ de nas snod kyi 'jig rten thams cad kyi steng du'ang kha blos te sgom tshul/ bdag ji 'dra ba de 'drar sems can thams cad shes/ /sems can thams cad ji 'dra de 'drar chos kun shes/ /zhes sdud pa las 'byung ba ltar gsungs pas bden stong sgyu ma lta bu las gzhan la sbyas na mi 'grig pa'i phyir zer yang skyon med de/ rang gi gnyug ma'i lus rlung sems tsam gyi rang bzhin can de phung po rags pa las logs su phye ste 'jog shes pa na/ sems can thams cad la de lta bu'i rlung sems tsam gyi lus bra mo re yod par shes shing/ de nas snod thams cad kyang rlung sems @099b kyi rnam 'phrul du shes pa'i don yin pa'i phyir/ kha cig skabs 'di'i sgyu ma'i don mdo phyogs dang rgyud sde 'og ma las ma gsungs na/ spyod bsdus su sgyu ma'i sku bshad pa'i skabs rnam snang mngon byang gi lung dang rnam shes 'pho ba'i mdo las gsungs tshul smos pa ji yin snyam na/ snga ma ni 'ja' tshon lta bu'i lha sku sgrub tshul 'og mar yang yod pas/ 'dir de las khyad thon pa zhig dgos par gong dang/ de nyid 'di'i rgyu ma'i sku dngos min yang de la gzhol ba'i thabs mkhas yin par go ba'i tshed yin te/ spyod bsuds kyi lung 'dren tshul la de 'dra ba gzhan yang mang ngo/ /lung phyi ma ni tha mal pa shi ma thag par do'i yus chu'i nang du gri pham shar ba ltar shin tu phra ba/ yan lag tshang zhing khams kyis gzhig mi nus pa de 'dra zhig 'byung par gsungs pa dper byas te/ thabs dang mi ldan pa la bar dor 'ong rgyu'i rlung sems de thabs mkhas mchog gis zin na 'od gsal gnyis kyi mthar phung po rnying pa las go sa logs su phye ba'i sgyu ma'i skur ldang tshul dang rnam pa shin tu 'dra bas/ dpe de nyid gsal bar mdo sde las gsungs zhes pa yin gyi/ des mtshon rgyu'i sgyu ma'i sku gsal bar bstan zhes pa min no/ /rgyud sde 'og mar 'ja' tshon lta bu'i lha sku sgrub ba bshad kyang/ bsgrub gzhi phung po phra rags 'byed tshul gyi zur tsam yang med la/ bla med kyi bskyed rim skabs su phung po phra rags 'byed pa dang/ de las lha skur ldang ba bshad kyang gnyi ga mos de tsam yin/ 'pho ba dang grong 'jug gi gdams pa 'ga' zhig las phung po phra rags phye ste/ phra ba de nyid rdo rje @100a @#/ /'chang gi skur sgom par bshad pa'i phra rags 'byed pa dngos gnas yin kyang lha skur langs ba mos ngo tsam yin pas/ de'ang skabs 'di'i sgyu ma'i sku sgrub lugs dang shin tu mi 'dra bar gsungs so/ /phra rags 'byed lugs kyang 'pho ba dang grong 'jug gi skabs snying gnas rnam shes 'don pa'i dmigs pa yang yang byas te logs su 'byed pa yin pas/ der stong ba bzhi'i 'char tshul sogs 'od don med la/ 'dir sa chu la thim pa sogs gzhi'i 'chi rim ji lta ba bzhin bsdus te 'od gsal gyi mthar phung po rags pa las logs su 'byed pa yin pas spam las stobs shin tu che ba'i zab gnad dang bcas pa yin no/ /gnad 'di dag legs par gon rdzogs chen pa rnams phung po 'od skur grol ba'i zab khyad kyi kha bo 'brug ltar sgrogs pa rnams dpyad mi bzod pa chu shing gi snying po bzhin du shes par 'gyur te/ snang bzhi'i lam gyis mthar gtugs pa chos nyid zad pa'i snang ba'i skabs snying ga'i a yig las 'od lnga dang/ 'od kyi lam las thig le dang a hrIHsogs grangs med 'phros pas nang thams cad gang ste lus 'od phung du khyom khyom/ de rnams ba spu'i khung bu nas phyir thon 'jig rten kun tu khyab pas snang srid thams cad 'od phung du khyom khyom/ de'i tshe rang gi lus kyang yod du mi tshor bar skyil krung mnyam gzhag gi phyag rgya can 'od lus sgyu ma tsam zhig tu 'char bas/ sha lpags rus gsum gyi snyigs ma skra dang so sen tsam shul du lus te phung po rags pa 'od skur grol @100b pa yin/ de'i dus na phyi'i 'byung bzhi nang gi 'byung bzhi la thim pas phyi'i 'byung ba zad/ nang gi 'byung bzhi phyi'i 'byung bzhi la thim pas nang gi 'byung ba zad/ kun gzhi phra mo shes sgrib dar gyi yol ba tsam de'ang bsal bas gsang ba sems kyi rtog tshogs zad/ dang sam 'od skur song bas lhun grub rin po che'i sbubs na bum nang gi mar me bzhin rig pa chos skur sangs rgyas te 'khyil ba gzhon nu bum sku 'grub pa yin zhes zer ro/ /'di lta bu'i 'bras bu sangs rgyas kyi go 'phang dang de sgrub pa'i lam ni ngo mtshar ba'i gnas te/ mdo lugs ltar 'khor ba'i rtsa ba bden 'dzin gyi ma rig pa ngos 'dzin tshul/ de'i zhe na yul dri ma med pa'i rigs pas bkag ste stong nyid gtan la 'bebs tshul/ gtan la phab rjes thabs khyad par can dang yam bral bar bsgoms pas sbyor mthong sgom pa'i lam rnams rim par 'grub tshul/ de'i go rim bzhin sgrib gnyis rags pa nas rim gyis spong ba'i gtam phyogs tsam yang med/ theg pa'i rtse rgyal du sgrogs kyang sngags lugs su 'jog byed lha'i rnal 'byor tsam ma gtogs sbyang gzhi sbyong byed sbyar ba'i sku gsum lam 'khyer gyi rnam dbye ci'ang med/ thun mong ma yin pa rlung gis 'khor rtsa byed lugs dang/ srog rtsol gyi rnal 'byor la brten nas rlung dbu mar zhugs gnas thim gsum byed tshul/ bden pa gnyis kyi rdzogs rim cha tshang bas 'bras bu chos gzugs kyi sku gnyis 'grub tshul sogs rgyu 'bras mgo mtshungs pa'i sgrub byed go rim thar chags su bgrod lugs 'ol spyi dang phyogs 'gro tsam yang med par/ snying ga'i @101a @#/ /a yig las 'od dang thig le spros pas lus dang snod bcud thams cad 'od phung du khyom khyom shig shig byas pa tsam gyis chog pa dang/ mthong sgom gyi spang bya rags pa spong rgyu'i sgros med par shes sgrib dar yol tsam de sel ba skad byed pa dang/ sangs rgyas pan bum nang gi mar me bzhin 'od kor re 'khyil nas bzhugs yod bya ba ni gsung rab kyi brda rags pa tsam yang ma chags pa'i rgan pos byis pa chung du las sangs rgyas ngo sprod pa lta bu ras bris kyi sku brnyan 'od kor can nam/ shel sgo'i nang du bzhugs pa'i gser sku lta bu 'od lam me ba zhig ma gtogs/ spangs pa dang rtogs pa'i yon tan gyi rnam pa dang/ de dag lam gang gi lag rjes su 'ong tshul cha tsam yang ma shar ba'i hol bshad du snang ba'i phyir ro/ /'byung ba'i thim tshul de'ang mi 'thad de/ 'byung ba rim gyis thim zhes pa 'byung ba de dang des bya ba byed pa'i nus pa nyams pa dang/ 'byung bzhi'i rlung thim pa la byed pa'i mdo sngags kyi khyad tsam ma gtogs/ sa chu la thim pa sogs zer lugs nang pa sangs rgyas pa thams cad mthun/ rgyang 'phen pa rnams 'chi ba'i tshe nang gi 'byung bzhi phyi'i 'byung bzhi la thim/ rnam par shes pa nam mkha' la thim ste rgyun chad pas skye ba phyi ma med ces zer pa yin la/ 'dir de'i lugs ngan de nyid gzhir byas pa'i steng du phyi'i 'byung bzhi nang gi 'byung bzhi la thim zhes pas gang yang min pa zhig byas te/ phyi nang gi 'byung ba gnyis phan tshun rim can du thim pa yin na/ snga ma phar thim tshar ba'i @101b rjes su cig shos tshur thims ri gzhi ma grub cing/ mnyam du thim pa yin na mar me gnyis lhan du shi ba ltar gnyi gdus mnyam du 'gag song ba yin gyi/ gcig gcig la thim pa'i don med do/ /der ma zad phyi'i 'byung ba bzhi zhes pa gang zag de'i rgyud kyis ma bsdus ba'i 'byung ba la byed na tshur thim dgos don med cing/ gal te dgos na thog ma med pa nas 'jig rten thams cad stong par 'gyur ro/ /'phags yul gyi grub chen sku lus ma spangs par mkha' spyod du phebs zer ba rnams ni ral pa'i thor cog bcings te dpal he ru ka'i rnam pas mkha' 'gro'i gnas su phangs zer ba las/ skra dang so sen rnams byi ste phebs pa'i lo rgyus med la/ sgyu lus mngon du byas pa'i tshe der 'gyur rgyu'i lus ni phra ba gnyug ma'i lus min pas/ de'i tshe 'ga' zhig phung po rags pa dang 'brel ba chad nas 'gro ba'ang yod/ 'ga' zhig gzhan don du phung po rnying pa de la 'jug pa yod kyang/ de'i tshe lus rags pa de sgyu lus kyi gnas khang lta bur song ba yin gyi/ sgyu lus dngos su gyur ba min/ lus rags pa dor ba'i tshe'ang yongs rdzogs dor ba yin gyi/ phyed dor phyed mdor ba'i yam zung de 'dra zhig 'ong don med de/ lus byings 'od skur grol thub na/ skra dang so sen yang 'od skur grol mi thub pa'i rgyu mtshan ci'ang med do/ /des na sbyod bsdus las/ sa ma thug gyur pas rab tu rang gnyid log /'bras bu ma smin byas pa'i las rnams kyis/ /skye 'di rlung ni slar yang 'jug par 'gyur/ /'bras bu smin par gyur na rlung 'di nyid/ /'jig rten 'chi @102a @#/ /ba gzhan du myur 'gror 'gyur/ /zhes 'ga' zhig gnyid log pa'i tshe'ang rlung gi rang bzhin rmi lam gyi lus de phung po rags pa las thon nas lha yul sogs su 'dod yon la spyad cing sngar gyi lus der gnas pa'i 'phen pa ma zad na phyir zhugs chog pa dang/ 'phen pa zad na lus phra rags gnyis 'brel chad pas shi 'phos par gyur pa 'di sgyu lus phung po rags pa las logs su 'byed tshul dang rnam pa shin tu mthun pa'i dbang gis sgyu lus mtshon byed dpe bcu gnyis gsungs pa'i nang nas kyang rmi lam gyi dpe 'di go ba ster phul che bar gsungs te dpal ldan 'dus pa'i dgongs pa rma med pa yin no/ /sgyu lus sgrub pa'i man ngag gi gnad rna bas kyang thos ma myong ba la 'od skur grol lo zhes pa'i grags pa che che mo phal cher grub mtha'i phyogs lhung gis bslang ba'i zol sbyor du snang ste/ sangs rgyam pa'i yig 'jog mang por khrid yig rig 'dzin zhal lung gi bskyed rdzogs zab mo nyams su blangs pas drug brgya grub chen blo bzang dkon mchog phung po 'od skur grol lo zhes yang yang bris snang na'ang/ drug pa rgyab pha bong kha nas shi ba'i ro gsang thabs kyis rgad po zhig la khur bcug ste/ lha sa'i gong gi rag rgyab nas gtsang po la bskyur tshul rgad po de nyid kyis nyi mthar dpon slob la zhus shing/ khong gis stag phu rin po che sogs mang po la gsung snang ngo/ /rdzogs chen pa rnams 'bras bu'i yon tan brjod pa'i tshe/ skye ba dang rlung sems la dbang ba'i stobs kyis sems can gzhan 'chi ga'i tshe de la rig ba bcug ste ka dag tu bzhag na pha rol po des las bzang @102b ngan dang/ lam la sbyangs ma sbyangs gang la'ang ltos pa med par rang dang mnyam du de ma thag 'tshang rgya/ zhes zer ba'ang rnar mi 'ong ba'i tshig ste/ bsngags 'os bsngags bstod las/ /phyi yi yan lag stobs kun ni/ /khyod kyis yang dag bsgrubs lags te; ;nang gi stobs dag ma tshang bas/ /byis ba rnams ni sdug bsngal bsten/ /zhes gsungs pa ltar/ sangs rgyas kyi ngos nas thugs rje nye ring med par 'jug kyang/ sems can rang rang gis rgyu ma bsgrubs pa la sangs rgyas kyis kyang bya thabs med bar gsungs pa ltar yin gyi/ sems can rang rang gis las bsags ma bsags la ltos pa med na phyogs bcu'i rgyal ba kun gyis sems can rnams da lta'i bar du 'khor bar bskyur nas 'jog pa'i gnas med do/ /rgya gar grub chen spyod pa'i tshad du phyin pa rnams rang rang gis mdzad pa sna tshogs ston yang/ slong ma rgyud smin ma smin thams cad la khyad med du phyag rgya gtod pa sogs srol med/ bod 'dir bla ma 'khrul zhig tu grags pa mang po zhig grub pa'i mtshan ma dang bstan 'gro'i don 'di la dgongs par 'dug snyam ba'i rgyu mtshan ci'ang med bzhin du/ rgyud dang grub chen gyi gsung dgongs pa can rnams la khag bzhag ste rang nyid ci dgar spyod par ma zad/ slob ma la'ang rgyud tshod rtogs rgyu med par gang dran byed du bcug /slob ma col chung rnams kyang rang blo rang la lkog tu ma gyur pas gnas skabs rang la de 'dra'i rtogs pa med pa shes kyang/ chos kyi kha po 'di lta bus 'khrul te sangs rgyas kyi go 'phang zhig glo bur gnam 'bab kyi tshul du thob rgyu yod par re ba dang/ 'dod yon kyis dbyen sbyos@103a @#/ /bas gang dran lag len du btab pa la brten nas 'dod pa'i dngos grub 'ja' lus su 'od lam kyis 'gro ba'am/ bya nam mkha' la 'phur ba bzhin chags thogs med par song nas 'gro ba'i don mdzad rgyu ma 'ong ba'i khar/ mi 'dod pa'i sdug bsngal a pha rgad por song ste gza' nyog gi lto ma phyid bar mgo se ye re 'tshol sgrub kyis a thang chad pa bar du byung snang ngo/ /'di rnams la dag ma dag gi sgyu lus dang/ dag pa'i sgyu lus la'ang slob pa ngang mi slob ba'i zung 'jug gi yar 'gro rgyu'i sgyu lus gnyis sogs so sor 'byed rgyu'i re ba med pas/ gong 'og thams cad bsres pa'i dong por 'od sku 'grol zhes pa 'di bshad pa yin 'dug na'ang/ de sgyu lus sgrub tshul gyi phyogs na'ang med do/ /der ma zad sgyu lus kyi rnam gzhag dpyis phyin pa rje bla ma ma byon par du grub mtha' gzhan dag la'ang legs par phyed pa ma byung bas/ stag lo'i 'gyod tshang du/ rim gnyis mtha' dag khyad par sgyu lus la/ /sngon med legs bshad gter chen khyod la 'dud/ /ces bsngags shing/ dus 'khor spyi don du'ang rje'i gsung gi sgyu lus kyi skor la bsngags brjod yang yang mdzad pa ni gzur gnas mkhas pa'i rtags yin no/ /de bzhin du kun gzigs lnga pas kyang; sgyu lus sind+hu wa ra'i 'dab ma'i kha/ /mkhas rlom nyi zla'i 'od kyis phyed min pa/ legs gsung rked med kha yig gzegs ma'i chang/ /'thor tshe 'dab brgyab de rang dbang ci/ /zhes gsungs pa'ang rang bzhin brjod pa kho nar snang ngo// @103b sgyu lus su ldang ba'i mtshams kyang yab sras lnga'i gzhung du mi gsal zhing/ rje mgos dang lag smi sogs lugs ldog gi stong pa gsum pa'i mthar ldang bar bzhed pa'i bshad tshul tsam sngags rim du 'god par mdzad na'ang/ rje rang nyid kyis dpyad pa yongs su rdzogs pa'i dgongs pa mthar thag gsal sgron las 'byung ba bzhin 'od gsal las langs pa dang dus mnyam par sgyu ma'i sku 'grub pa ni/ bdag byin brlab kyi rim par chu las nya myur du ldan ba dang/ spyod bsdus su gnyid log pa las myur du sad pa'i dpes 'od gsal las sgyu ma'i skur bzhengs pa'i dpe gnyis dang shin tu 'grigs shing/ bzhi la 'chi ba 'od gsal 'gags pa dang mnyam du bar do 'grub pa dang rnam pa mthun pas/ bshad tshul 'di'ang sngon med ba'i legs bshad kyi skyes chen po yin no/ /de ltar na sngar bas ba rnams mdo lugs dang thun mong ba bden stong sgyu ma tsam la skabs 'di'i sgyu ma'i don du byed pa dang/ rgyud sde 'og ma gsum dang bskyed rim sogs kyi thun mong pa lha sku snang la rang bzhin med pa tsam la sgyu ma'i don du byed pa ste spyi don gyi sgyu ma'i bshad tshul de tsam ma gtogs/ sbas don gyi sgyu ma rim pa gsum pa'i sgyu ma'i sku dang/ mthar thug gi sgyu ma zung 'jug gi ya gyal sgyu ma'i sku rnams so so'i ngo bo rlung gi nyer len las sgrub chul/ dag ma dag gi khyad par dang 'od gsal gyis spyod tshul/ ldang ba'i mtshams dang dpe bcu gnyis kyis mtshon ba'i gnad mi 'dra ba ji lta bu yod pa rnams legs par 'jog ma shes pa na rje bla mas bdag byin brlab kyi rim pa dang/ spyod bsdus/ le'u bcu gnyis pa dang @104a @#/ /bco lnga ba'i sgron gsal sogs kyi man ngag la brten nas rtsa bshad kyi dgongs pa legs par bkral ba 'dis dpal gsang ba 'dus pa tsam du ma zad/ pha rgyud mtha' dag gi lam gyi srog rtsa bzung ba yin te/ gang gi sgo nas pho rgyud du 'jog pa'i 'jog byed thun mong ma yin pa sgyu ma'i sku 'di nyid yin pa'i phyir ro/ /de'ang rang gi ngos skal lta bu rnam par bzhag 'jog gi dbang du byas pa yin gyi/ ma rgyud la'ang 'di nyid gal mi che ba min te/ sngags bla med kyi gdul bya mtha' dag gis don du gnyer bya'i gtso bo ni zung 'jug rdo rje 'chang gi go 'phang yin zhing/ de 'grub ba la gang zung du 'jug rgyu'i ya gnyis po so sor bsgrubs dgos pas/ dus 'khor gyi skabs 'di'i dod stong gzugs kyis chog par gsungs pa rgyud sde gzhan dang mi 'dra ba'i bshad srol yin pa ma gtogs/ bde dgyes sogs ma rgyud gzhan gyi lam rnams nyams su len pa'i tshe/ sgyu lus sgrub tshul gyi gnad 'dus pa dang mthun par ma zad/ de dag rang rkyang la brtan nas sgyu ma'i sku sgrub pa'i gdams pa cha tshang ba rtogs mi nus pas/ med mi rung du gsang ba 'dus bas kha bskang dgos pa'i phyir/ ma rgyud la'ang sgyu lus sgrub lugs med mi rung du shes dgos tshul 'khor lo sdom pa'i phyogs mthun gyi rgyud mkha' 'gro rgya mtsho las/ lha yi rnam pa'i rnal 'byor bdag /skad cig mngon sum byed pa po/ /lugs ma la sogs rnal 'byor gyis/ /rnam par byas pa'i dbyibs su 'gyur/ /stong nyid rnal 'byor rang bzhin gzugs/ /bdag byin brlab pa'i mtshan nyid de/ /bdag byin brlab gral rnal 'byor pa/ /sbun skog dum bu bzhin @104b shes bya/ /'di 'dra'i mtshan nyid mchog gyur pa/ /skye bo phyugs rnams kyis mi shes/ /de phyir sgyu 'phrul 'di bsgoms na/ /bla na med pa'i byang chub 'thob/ /ces sgyu ma'i sku sgrub tshul ma shes na sbun skog bzhin du snying po med pa dang/ shes na byang chub myur du 'thob par gsungs so/ /de sgrub pa'i tshul 'khor lo sdom pa'i rtsa rgyud kyi cha du ma'i sbas don gyi tshul du yod pa las/ de nyid sger du 'chad pa'i tshig logs su bkol rgyu med la/ bshad rgyud mngon brjod le'u bzhi par/ rtag tu snying la gnas pa ye/ /zhes sogs kyis sgyu lus bstan par dril bu bas gsungs/ /sdom 'byung gi le'u gsum par/ kun rdzob skye ba 'byung ba las/ /dngos med kyang min chad med phyir/ /lhan skyes chos rnams thams cad kyi/ /lhan skyes dga' ba'i rang bzhin dang/ /rang byin brlab dang rang byung ste/ /zhes pas sgyu lus bshad cing/ le'u gnyis par skye shi bar do gsum gyi rnam gzhag gsal bar gsungs nas/ de dang mthun par sgom pa'i skyed rim le'u bcu gsum pa nas rgyas par gsungs pa'i shugs kyis 'chi rim dang mthun par bsgoms pa'i 'od gsal las bar do dang mthun pa'i sgyu lus 'grub tshul yang gsungs pa yin no/ /'on kyang bde mchog rang gi bshad rgyud kho nas gsal mi thub pas/ der 'dus pas kha bskang dgos pa gsal sgron las; bde stong dbyer med kyi lam dang sgyu ma'i sku gnyis las phyi ma ches rtogs dka' la/ de'ang lugs mchog tu gyur pa 'di nas rtsad bcad nas gzhan la 'khyer shes dgos so/ /zhes gsungs shing/ kha skong tshul yang rje nyid kyis rdzogs rim dngos grub @105a @#/ /snye ma dang/ sbas don lta ba'i mig 'byed sogs su ji ltar kha bskangs nas gsungs yod pa de bzhin du shes dgos pa yin no/ /ma rgyud kyi nang na sgyu lus kyi bshad pa cung zad kha gsal ba kyai rdor gyi skor yin la/ de las 'byung pa'i tshul ni brtag pa phyi ma'i le'u gnyis pa las/ ji ltar sgyu ma rmi lam dang/ /ji ltar bur ma'i srid yin pa/ /rtag tu goms pa'i sbyor ba yi/ /dkyil 'khor nyid ni de bzhin 'dod/ /ces sgyu ma mkhan gyis sbrul pa'i skyes bu bzhin du yan lag dang nyid lag tshang zhing/ rmi lam bzhin du rags pa'i lus las logs su phye ba/ tha mal pa'i 'chi ba 'od gsal las bar srid 'grub pa bzhin/ lam gyi 'od gsal las sgyu ma'i skur ldang tshul rdor 'phreng dang dgongs pa lung ston ji lta ba bzhin gsungs la; de'i mjug thogs su/ phyag rgya chen po'i dbang bskur bar/ /ji ltar shes pa'i bde chen po/ /de yis 'di ni byin rlabs yin/ /zhes phyag rgya chen po lhan skyes kyi ye shes mtshon byed dbang gsum pa'i bde chen ngo sbrang pa de'i rgyun gyi 'od gsal las ldang tshul dang/ slar yang de'i rgyun yang yang goms pas dag par byas te byin gyis rlob tshul 'dus pa ltar gsungs so/ /rtsa rgyud kyi gnad 'di dag shin tu gsal bar bshad rgyud rdo rje gur las gsungs te/ de'i le'u bzhi bar; rang yang rang byin brlab pa yis/ /byin gyis brlab par bya ba yin/ /cho ga'i rim pas rim pa yis/ /de nas mtshan ma mtshon par bya/ /dang po sprin gyi rnam pa ste/ /gnyis pa du ba lta bu'o/ /gsum pa srin bu me khyer dngos/ /bzhi pa @105b mar me gsal 'bar ba'o/ /lnga pa rtag tu snang ba ni/ /sprin med nam mkha' lta bu'o/ /thams cad mkhyen pa'i rgyu de ste/ /dngos grub nges 'jug nye ba yin/ /zhes sgyu ma'i sku gang las 'grub pa'i 'od gsal gyi ye shes dang/ de'i mjug thogs su/ phyi nas sgyu ma'i rnam pa ltar/ /rmi lam rnam ba skad cig 'gyur/ /khams gsum rgyu dang mi rgyu ba/ /ma lus lus pa med par 'grub/ /'jig rten khams ni thams cad du/ /ji srid rdo rje'i lus can rnams/ /ye shes phung po'i blo ldan pa/ /'di yi rjes su thams cad 'brang/ /zhes 'od gsal nam mkha' lta bu de las sgyu ma dang rmi lam ltar rlung sems tsam gyi lus su skad cig gis ldang tshul mdor bstan la/ de'i rgyas bshad le'u bcu bzhi pa las/ rang byin rlobs pa'i sbyor ba ru/ /zhes sogs sho lo ka bdun gyis 'od gsal sgrub tshul dang/ de nas/ he ru ka dngos bem po min/ /zhes sogs sho lo ka lngas sgyu lus bshad pas/ rtsa bshad gung bsgrigs na rgyud don la mi 'phyug ba'i gzer thebs par 'gyur ro/ /'on kyang rtsa bshad kyi don 'gel tshul 'di ltad byed dgos pa rgya 'grel rnams su mi gsal zhing/ bod kyi TIka byed snga ma rnams la gtad som byung ba rje bla mas sngon med legs bshad kyi srol phyes pa la brten nas mkhas grub smra ba'i nyi mas brtag gnyis rnam bshad du gsal bar gsungs pa yin pas/ lam 'di'i sgrub pa lhur len pa'i skye bo blo gros can rnams kyis kyang tshul de shes bar bya dgos so/ /de ltar na sgyu ma'i sku'i rnam gzhag lam rtogs log rtog gi dri ma bsal te 'doms par mdzad ba 'dis gsang chen rgyud sder ba 'byams kyi srog bzung zhing/ rig pa 'dzin pa @106a @#/ /mtha' dag la zung 'jug nor bu'i gling du 'grod pa'i 'jug ngogs nye bar mtshon pa yin no/ /gnyis pa ma rgyud kyi lam gyi snying po 'od gsal gyi rnam gzhag gsal bar mdzad tshul ni/ phyi nang phyag rgya'i spros pa las/ /gang gis rgyas gang bde nyid don/ /ma mthong rnams kyang mig phye ste/ /ma rgyud gnad la shid zan btang/ /zhes byung/ de'ang gur gyi bcu gsum pa las/ shes rab pha rol phyin pa'i thabs/ /'di ni rnal 'byor mar brjod do/ /phyag rgya chen por ba sbyor bas/ / gang phyir de nyid la 'jug pa/ /rnal 'byor ma yi rgyud ces bya/ /zhes pha ma'i rgyud gnyis su phye ba'i nang nas rnal 'byor ma rgyud du 'jog byed dang/ thugs chos sku 'grub pa'i rgyu'i gtso bo bde stong gi ye shes nyid yin la/ de sgrub pa'i tshul la shes rdo rje kun las btus las/ rdo rje dang padma yang dag par sbyor ba ni sems dang sems las byung ba dag gi thabs su gyur ba'o/ /sems dang sems las byung ba mnyam par sbyor ba ni/ bde ba chen po'i ting nge 'dzin gyi thabs su gyung pa'o/ /zhes dang; rim lnga las/ sgyu ma dag ni thams cad las/ /bud med sgyu ma khyad par 'phags/ /zhes gsungs pa ltar/ /las dang ye shes kyi phyag rgya sogs la brten nas bsgrub dgos kyang/ bde ba de dang stong nyid kyi lha ba sbyor rgyu med na bde stong dbyer mi phyed pa'i ye shes zhes gtam kham po che smras kyang/ bde chen de nyon mongs pa'i gnyen po mthar thug tu 'gro byed kyi gnad ma shes pa yin pas 'khor rtsa gcod byed du mi 'gyur bar ma zad/ srid bar 'ching byed kyi chags bar bdag 'bar @106b 'gyur nyen che ba'i phyir/ sar ha'i do ha las/ khyim dang khyim na de yi gtam smra yang/ /bde chen gnas ni yongs su shes pa med/ /ces dang/ snying rje dang bral stong pa nyid zhugs gang/ /des ni lam mchog rnyed pa ma yin no/ /'on te snying rje 'ba' zhig bsgoms na yang/ /'khor ba 'dir gnas thar ba 'thob mi 'gyur/ /zhes gsungs pa'i phyir ro/ /de lta na'ang kha ba'i ljongs 'dir ma rgyud kyi lam la dga' ba lhur byed pa sngon dang phyis su byung ba mang po zhig na/ phyi'i phyag rgya padma can la sogs pa bzhi'i brtag thabs/ rigs kyi dbye bas rtsa sad par byed tshul/ dbab zlog dgram gsum sogs kyi man ngag khon tshol zhing lag len skyong ba thabs lam par grags pa'i skor dang/ nang lus kyi rtsa 'khor la gnad du bsnun pa gtso bor byas te rdub pa dang dgang ba sogs bum pa can gyi rnal 'byor dang/ me dmigs ci rigs kyis gtum mo sbar zhing/ de las spyi lo'i haM yig zhu ba'i 'bar 'dzag gi rim pas dga' bzhi 'dren pa dang/ phal mo che gtum mo phal ba sbar bas kyang lus dod skye zhing/ des dgun ras rkyang thub pa tsam la rdzogs rim mthon por 'khrul pa phyag rgya par grags pa'i skor sogs mang du byung ngo/ /de dag gis rtsa rlung la gnad du bsnun lugs dang bde chen 'dren tshul sogs kyang rgyud sde'i dgongs pa ji lta bar song ba nyung ste/ rim lnga gsal sgron las/ byang sems phab pa de ner bur ma sleb pa'i gong gi gnas rnams nas bcon thabs kyis bzlog pa dang/ rdo rjer sleb na de ma thag tu bzlog pa'i 'dren mang po dang/ btsan thabs su bzlog pa de'ang lus lam khrems na nad skyed par mthong nas @107a @#/ /'grims pa'i tshul rnams snga ma mang pos byed mod kyang/ rlung d+hU tIr thim nas byang sems zhu ba dang/ de ltar min pa'i zhu ba'i khyad par phye nas/ de la byang sems gzung dka' sla dang/ de btsan thabs su zlog dgos mi dgos dang; bzlog pa lus lam 'dra man nad du 'gyur mi 'gyur gyi khyad par phyed pa'i rnam gzhag mi snang ngo/ /zhes gsungs shing/ phyag rgya bzhi'i khyad par sogs kyang ji bzhin ma phyed tshul mkhas grub rje'i yig chung nyer gcig tu gsungs pa ltar ro/ / des na bde stob dbyer med kyi bde ba'i cha sgrub tu la yang ji lta ba rje bla ma'i bka' drin gyis shes dgos la/ khyad par du bde bde la rgyas 'debs byed dang/ gang la mnyam par 'jog pa'i yul gyi stong pa nyid rtag chad gol ba'i mtha' las 'das pa'i ji lta ba nyid ni rje bla ma nyag gcig gis gsal bar mdzad pa yin no/ /de lta bu'i zab mo'i lta ba dang sbyor rgyu med par lha'i rnal 'byor dang rtsa rlung sogs sngags kyi nyams len zab mor grags pa ji 'dra'i zhig 'bad pas nyams su blangs kyang gzugs brnyan tsam las mi 'ong ste/ rje bla mas rje btsun rang mda' bar phul pa'i gdams pa las/ mtshan nyid kyi theg pa'i gnad gsum gong du bstan pa rnams kyang shes/ sngags kyi thabs lam gyi gdams ngag kyang yod pa klu sgrub dang zla grags 'dra ba de mtshan nyid theg pa rkyang pa'i gdul bya las myur pa dang ches khyad par du 'phags pa yin gyi/ mtshan nyid kyi lam gyi gnad med pa'i sngags kyi thun mong ma yin pa'i gdul bya de mtshan nyid kyi gdul bya las dman/ zhes nges 'byung byang sems yang dag pa'i lta ba gsum med par sngags kyi nyams len @107b bskyabs kyang sa chod shin tu chung bar gsungs la/ de bzhin du gsang phu ba chen po dkon mchog tshul khrims la stsal ba'i bslab bya las kyang/ stong nyid kyi lta ba ni sngags dang pha rol tu phyin pa'i phyogs gnyis 'dra bar gsungs shing/ zhes pa nas/ de'i go ba tshol lugs la ni pha rol tu phyin pa las lhag pa ci'ang med cing/ lung rigs pa mdo sde'i phyogs gsal bas/ zhes sogs dang/ de kho na ltar nges par byed pa'i rigs pa'i bstan bcos rigs tshogs la sogs pa rnams yin no/ /zhes sngags lam gyi'ang lta ba'i khungs gcod sa mdo phyogs dang/ khyad par du rigs tshogs la gdams pa'i snying por byed dgos par gsungs pas/ kha cig sngags lam mthon po'i 'ud kyis sbos te rigs tshogs lta bu cing yang mi rtsi ba ni chos kyi gnad mgo ba'i rtags yin no/ /de skad du stong thun skal bzang mig 'byed las/ rdo rje theg pas 'gro ba rnams kyis kyang thabs mkhas pa'i khyad par mtha' yas pa dag gis zin pa'i sgo nas bsgom par bya ba'i de kho na nyid ni/ dbu ma rigs tshogs kyis gtan la phab pa'i stong pa nyid 'di kho na yin gyi/ 'di las khyad par du gyur pa ci'ang med par theg pa gsum gyi gang zag mchog dman thams cad kyis bsgom bya'i de kho na nyid ni gcig pu 'dir zad pa yin la/ de'ang dpal gsang ba 'dus pa sogs kyi rgyud dang/ grub chen gyi gzhung du mas sgrub tu yod mod kyi/ zhes sogs gsungs so/ /de lta bu'i lta ba'i rgyas 'deb khyad par can yod na 'dod mon gyi rol pa ji tsam che ba bzhin gyis me la bud shing bsnan pa ltar sred sogs nyon mongs spong ba'i nus pa je cher 'gro la/ dug sman du sgyu re @108a @#/ /byed lta bu'i gnyen po yang dag pa'i lta ba med na bde ba ji tsam 'phel ba'i tshod kyis sred pa je 'phel du song ste sdug bsngal ba'i rgyu las mi 'ong ba'i phyir/ rim lnga gsal sgron las/ 'khor 'das ma lus pa'i rang bzhin stong nyid shes pa'i stong ba dang sbyor rgyu med par dbang po gnyis sbyor las byang sems mi 'pho ba tsam gyi bde bsgrub pa ni/ srid pa'i rtsa ba bden 'dzin gyi ma rig pa la ci'ang mi gnod pas/ bde ba de ji tsam du spyad pa bzhin bden 'dzin des drangs pa'i sred pa ji 'phel du 'gro bas/ skom sred can gyis smig rgyu la chur 'du shes nas zhugs pa dang 'dra bas de 'dra ba ni smad la/ zhes gsungs pa'i phyir/ tshul 'di rje bla mas ji ltar gsungs pa bzhin rgya gar grub chen rnams kyang mgrin gcig tu gsungs te/ dpal sar has; ma lus rang bzhin gang gis mi shes pa/ /kun tu ru'i skabs su bde chen sgrub pa ni/ /ji ltar skom pas smig rgyu rnyed pa bzhin/ /skom nas 'chi yang nam mkha'i chu rnyed dam/ /zhes dang/ gsang ba grub pa las/ de bzhin de nyid med bzhin du/ / ngo mtshar che ba ltar byed pa/ /ji srid nam mkha' gnas pa'i bar/ /shi ba'i 'og tu dmyal bar 'gro /zhes de kho na nyid kyi lta ba med par 'dod pa'i bde ba la dga' dga' ltar spyod pa dmyal ba'i rgyur gsungs shing/ de bzhin du de kho na nyid grub par rgyud drangs pha las kyang/ de nyid de nyid kyis shes nas/ /gang zhig lha mo la brten pa/ /de 'grub 'gyur gyi gzhan du ni/ /dmyal ba chen por ltung bar 'gyur/ /zhes gsungs so/ /bod snga ma mang po zhig dang por grub chen gyi lad mo byas te phyag rgya bsten yang gnyen po @108b med pas sred pa 'phel 'gro ba mthong nas bde ba'i ngo bo la cer gyis bltas pas rang yal du 'gror 'jug cing/ de bde stong sbyor ba'i don du rlom pa ni bde stong gi gnad phyogs tsam lang ma go ba'i blun po'i rang bzo yin te/ bskyed rim dngos grub rgya mtsho las/ bde stong sbyor ba'i don ni bde ba skyes pa na de la sred pa skyes kyis dogs nas/ bde ba'i ngo bo la cher bltas pas 'di yin med du yal song ba la mi byed kyi/ bde ba nyid stong nges pa'i 'dzin stangs can du skyes pa bde stong sbyor ba'i don yin pa'i phyir ro/ /de ltar stong nyid rtogs pa gong nas gong du khyad zhugs pa tsam gyis bdag 'dzin mgo gnon pa'i nus pa phul du byung bar 'gyur bas 'khor ba'i rtsa ba la gnod byed stobs ldan du 'gyur ba yin te/ de'i phyir bskyed rim 'khor ba'i rtsa ba la gnod byed du 'gyur ba'i gtso bo'ang sgo 'di nas yin no/ /zhes gsungs pa'i phyir/ rje rgyal ba gnyis pa'i legs bshad kyi cha shas 'di tsam gyis kyang/ mdo sngags rgyab 'gal du 'dzin pa dang/ mchog sgrub pa la bskyed rim mi dgos par 'dod pa dang/ stags la bsnyad nas spyod pa bag med du byed pa'i log rtog mang po zhi gcig car du ldog par 'gyur ro/ /de lta bu'i bde stong dbyer med du sbyor ba'i lam de nyid rnal 'byor ma'i rgyud thams cad kyi brjod bya'i snying po yin kyang/ khyad par du 'khor lo bde mchog gi skor nas shin tu gsal zhing rgyas par gtan la 'bebs pas/ de nyid ma rgyud bye ba bcu drug gi tog lta bur bsngags pa yin te/ red mda' ba'i dris lan las/ bde stong gi rnam gzhag kyai rdor sogs nas dngos su bstan kyang/ bde ba de gang las byung ba'i rgyu shes dgos la/ de la spyir bde stong@109a @#/ /sbyar nas nyams su len ba la bde ba mtshan nyid pa khyad par can 'bar zhing 'dzag dgos la/ bde ba'i ngo bo la che chung dang/ gang du 'bab pa'i tshad dam/ mtshams gang nas dga' ba bzhir 'jog cing/ dga' ba bzhi por re la'ang bzhi bzhir yod cing/ yas bab kyi dga' ba dang mas brtan gyi dga' ba/ bde ba che chung dang lugs 'byung dang lugs ldog 'ong tshul so so'i rnam gzhag rgyas par shes dgos shing/ stong pa la mtshan nyid theg pa nas bshad pa las zur du med kyi/ de stong tshul mtshan nyid theg pa nas phul du byung ba'o/ /bde ba'i ngo bo byang sems de lta bu 'beb byed ni/ nges don gyi mkha' 'gro ma gtum mo rdul gyi me sbar bas 'bebs dgos shing/ der 'bar zhing 'dzag pa la phyag rgya dang mnyam par sbyar dgos pas phyag rgya la'ang bzhir yod cing/ de bzhi po so so'i ngo bo sten tshul/ mnyam par sbyor tshul/ sbyar nas bde chen 'dren tshul/ bde chen re res spang bya ji ltar spong zhing gang spangs pa'i rtags thob ba/ dga' ba bzhi po'i khyad par/ gtum mo'ang rtsa gang rung gi nang nas 'bar bas snying ga sogs kyi rtsa mdud grol mi thub pas/ ro rkyang gi rlung dbu ma'i nang du zhugs dgos/ zhugs gnas thim gsum byas pas/ spyi bo mgrin pa snying ga lte ba sogs kyi rtsa mdud grol 'ong pa yin no/ /rtsa rlung de dag las rung du 'gro ba la sbyi bo la sogs pa'i rtsa gnas rnams su yul nyer bzhi'i dpa' bo dang dpa' mo bsgoms pas rtsa rlung las rung du 'gyur ba yin no/ /des na phyag rgya bzhi'i skor/ lus kyi rtsa gnyis phra rags kyi gnas tshul/ de dag gi rlung dbu mar 'jug @109b pa/ rig ma dang snyoms par zhugs nas bde chen 'dren lugs sogs dpal 'khor lo bde mchog gis ston pas/ des na dpal 'khor lo bde mchog gi skor la mkhas par byas shing rgyud la skyed dgos te/ rgya gar 'phags yul dang bod rnams su lam 'di la brten pa'i grub chen sa'i rdul ltar shin tu mang zhing rnal 'byor byed ba sha stag go /zhes gsungs pa ltar ro/ /de ltar ma rgyud kun gyi gtso bor gyur pa 'khor lo bde mchog yin par gzigs te/ khyung lhas ba dang/ bla ma dam pa bsod nams rgyal mtshan sogs las lU nag dril gsum gyi dbang dang/ gong gsum sde chen pa las jo lugs/ sa lugs/ mar do lugs kyi 'khor lo sdom pa'i bshad bka' yongs su rdzogs pa'i rgyun bu ston thams cad mkhyen pa nas nye bar brgyud pa'i man ngag cha tshang bar gsan/ rtsa rgyud kyi TIka chen dang/ bskyed rdzogs kyi rnam bshad sogs mdzad de 'di'i thun mong dang thun mong ma yin pa'i bshad rgyud phyogs mthun dang bcas ba'i ngos 'dzin/ bshad rgyud kyis rtsa rgyud 'chad pa'i don gyi gtso bo rdzogs rim yin la/ de'i tshul nag po pa'i dpyid thig tu sgo legs par bstan cing/ lU dril gyi gzhung na rtsa rgyud kyi gzhung 'dis rim gnyis 'di ston zhes gsal kha byas ba med na'ang/ rim gnyis gsung tshul gyi man ngag legs par shes nas 'di rtsa rgyud kyi thad 'di'i dgongs pa bshad rgyud 'di la brten nas bkral bar 'dug snyam du rtsa bshad sbyar ba'i gnad kyang go nus tshul dang/ 'phags yul gyi grub chen so so'i bzhed srol mtha' yas pa'i dbang gis bod 'dir yang bshad rgyun mi 'dra ba bcu bzhi tsam byung na'ang thams cad kyi gtso bo lta bu lU nag dril gsum dang/ de'i dgongs pa'i bcud @110a @#/ /bsdus pa'i bshad srol ni nA ro ba'i man ngag yin pas/ de'i dgongs pa su ma ti gi rti'i nyung du'i mtshams sbyor bzhin byas na rgyud don mtha' dag la go bster phul che zhing/ khyad par du khung gcig pas mdor rgyas sbyar tshul gyi steng nas lam gyi lus gcig tu 'dril ba'i nges pa khyad par can skyed lugs dang/ nang gses kyis phye na grub chen so so'i rten khungs kyi bshad rgyud ma 'dra ba'i dbang gyis rten dang brten pa rim dang cig car bskyed tshul/ rgyu rdor 'dzin gyi khyad par sku mdog zhal phyag sogs kyang mi mthun tshal/ rigs kyi dbye bas phyag mtshan gyi khyad/ lus dkyil sgom mtshams dang sgom tshul/ than sngags cung zad mi 'dra ba tshun chad bzhed pa mi 'dra ba yin pas so sor zhib tu phye ste gsang mthil lam gyi snying po mkha' 'gro'i kha rlangs thol le ba thams cad gsal bar phyes nas don gyi gnad phra rags gang la'ang phyin ci log tu gol ba'i gnas med par mdzad/ khyad par du gang dang bde stong sbyor ba'i yul kyi stong ba nyid ni sngar bshad pa bzhin rigs tshogs rnams su gsungs pa las lhag pa zhig rnam pa thams cad du med la/ de nyid rje bla mas 'jig rten gsum du gsal bar mdzad pa'i tshul rgyas par gong du bshad zin pa ltar yin no/ /tshul de dag gi sgo nas ma rgyud kyi bstan pa ming gi lhag ma tsam du song pa na/ rje bla mas shi gso'i sman gyis bslang ba ltar mdzad pas/ 'dir yang/ ma rgyud gnad la shid zan btang/ /zhes smos pa rnam thar brda tshig ma'i don bzhin yin te/ rnam thar brda tshig ma las/ shid zan zhes pa'ang de nas go/ zhes pa'i don mkhas grub @110b rjes bkral pa las/ nub sngon ma'i dus su bcom ldan 'das 'khor lo bde mchog rten dang brten pa'i dkyil 'khor gyi bris sku zhig gi 'og na phar la bde mchog gi tshes bcu'i mchod pa byed pa'i bkod pa zhig bris/ de 'og na shid zan gtong ba yin zer ba'i yi ge zhig bris 'dug/ de la nub bdun pa'i dus bcom ldan 'das 'khor lo bde mchog gi chos skor rnams dus phyis gangs ri'i khrod 'dir shi ba ltar gyur pa la/ rje rin po che 'dis legs par gsal par mdzad pa ni mi shi ba'i rjes su shid zan gtong ba lta bu yin zer ba'ang de'i tshe go zhes gsung pa'o/ /zhes 'byung ba bzhin no/ /man la lam 'di dag glang lo'i zla ba bcu gnyis pa'i nang du byung tshul/ bya g+hra'i gong gi tsandra ni/ /zhes sogs kyis bstan par gsungs pa la/ kun gzigs lnga pa chen pos lo zla'i zla bar mAs las tsandra mi 'jug ces dgag pa mdzad/ rje 'jam dbyangs bzhad pas/ kubdza zhes pa yul 'ga' zhig na sgur mo dang mdzes ma la'ang 'jug pas nor sa yod pa de gab tshig la sbyar chog pa'i tshul/ gzhan du grags pa'i sgra yi ni/ / zhes daNDis bshad pa ltar yin la/ tsandra'ang tshur bod skad du bsgyur tshe bla pa las gzhan zer rgyu med la/ bod skad du zlab byas tshe lo zla'i zla ba go thub pas/ rnam thar gsang ba'i gnad gab pa'i dus gang tshig gi lugs dang bstun pa la 'gal ba med par gsungs/ kun mkhyen lnga pa chen po ni snyan ngag la mkhas pa rtsod med yin pas de bzhin bzhed kyang mchi ste/ rgya skad kyi ming slos phyin rgya gar na don de la de ltar grags pa dgos na/ bi krita zhes ba lta bu dgos kyi/ lcags stag sogs sbyor thang gi 'dogs @111a @#/ /lugs yin pa'i phyir dang/ 'dir yang bya g+hra zhes pa lo la byed pa kun gzigs chen po nyid kyis gyang sor bzhag gnang 'dug ba'i phyir ro/ /kyai rdor gyi skor lam 'bras su gsal bas dri ma bsal rgyu med par sngags rim las gsungs na'ang/ der sgyu lus kyi rnam gzhag kha 'gengs dgos la/ de rje'i gsung las shes dgos pa sngar bshad pa ltar dang/ 'od gsal gyi yul stong pa nyid kyi rnam gzhag kyang sdam kha cig/ kyai rdo rje'i thun mong ma yin pa'i bshad rgyud gur gyi drug pa las/ yul dang dbang po'i rang bzhin ni/ /sems las phyi rol gyur med kyang/ /gzugs sogs so sor snang pa rnams/ /sems nyid kho na snang ba yin/ /zhes sogs la brten nas sems tsam gyi lta ba dang mthun bar 'chad kyang/ de sems gtso bor bshad pa tsam yin gyi/ rgyud 'di'i dgongs pa mthar thug gi lta ba dbu ma kho nar gnas tshul rtsa rgyud du grub mtha' bzhi'i rim pa'i lta pa gsungs pa dang/ gur las kyang/ kun rdzob tu ni 'jig rten yod/ /dbyad pas gir na'ang 'jig rten ci/ /zhes chos thams cad don dam par med mnyam dang/ tha snyad du yod mnyam yin la don shes yod med mtshungs par gsungs pas/ lta ba'i thad 'di'ang rje bla ma'i drin gyis gsal bar byas ba yin no/ /dus 'khor gyi skor la'ang 'jig rten dang 'jig rten las 'das pa'i dbang yongs rdzogs/ 'grel chen dri med 'od kyi steng nas rgyud kyi bshad pa/ phyag lin gyi mdzub khrid/ sbyor drug gi nyams khrid sogs dang/ de'i cha lag rdo rje snying 'grel/ phyag rdor stod 'grel/ nA ro ba'i 'grel chen/ rtsis kyi lag len dbang bcas par zhib @111b tu sbyangs pas phyi nang gzhan gsum gyi rnam gzhag thun mong ma yin pa thams cad thugs su chud/ bka' rtsom dngos gzhi cher ma mdzad kyang rgyud dang man ngag gi gnad mtha' dag yes par bkrol ba'i gsung bshad lan du mar mdzad nas mtha' gzhan du 'dren pa'i log rtog gi dra ba thams cad bcad/ de nyid kyi zhal las ji ltar 'ongs pa bzhin mkhas grub smra pa'i nyi mas TIka chen dang mngon kyi dkyil sogs mdzad pa yin pas/ don gyis rje rang gis gsungs ba dang khyad med do/ /khyad par phyis kyi dus 'khor pa phal cher lta ba'i 'dod pa mdor bstan pa sogs kyi tshig zin la 'khrul nas thal 'gyur ba'i lugs kyi stong ba ni phung po rnam dpyad kyi chad stong yin la/ rnam kun mchog ldan gyi stong nyid ni zag pa med pa'i yon tan thams cad rang chas su rdzogs pa'i chos nyid bden par grub bzhig yin/ zhes gsor mi rung gi lta bas bslad pa na/ ngan rtog chu 'dzin gyi phreng ba de nyid lung dang rigs pas lhag med du bsal ba 'dis dus kyi 'khor lo'i lugs bzang yangs pa'i lha lam gsal bar byas pa yin no/ /des na mkhas pa'i dbang po yid bzang rtse ba'i gsung las/ bstan pa'i bdag po yin pas gzhan gyi bshad pa brgya tshar bas/ rje 'dis bshad pa lan re mdzad pa'ang bstan pa'i rgyun la phan tshe/ zhes 'byung ba bzhin rgyal ba'i dam chos ma lus pa 'dzin pa'i smon lam grub pa'i dbang gis da lta rgya mtsho'i mthas gtugs par dus 'khor gyi bshad sgrub gtsang ma'i srol ma nub bar yod pa thams cad rje bla ma'i 'phrin las kyi cha shas las byung ba kho na yin/ de'i rgya mtshan gyis dpyal smad seng ge rdzod du @112a @#/ /bzhugs pa'i tshe dus 'khor dpa' bo gcig pa'i zhal gzigs shing/ lam 'di la khyod rgyal po zla ba bzang po lta bu gcig 'ong ngo/ /zhes lung bstan nas dbugs dbyung par mdzad ba yin no/ /gsum pa de gnyis ngo bo gcig tu sbyor bzung 'jug gi rnam gzhag gsal bar mdzad tshul ni/ bde stong dbyer med smra ba na/ /de nyid ya gyal gcig gyur ba'i/ /bden gnyis dbyer med gtam 'di yang/ /khyod kyis 'jig rten gsum du bsgrags/ /zhes byung/ de'ang snga rabs pa phal mo che rim ba lnga pa'i zung 'jug gi don 'chad pa na/ bde ba chen po dang stong pa nyid gnyis dbyer mi phyed par zung du 'jug btsam la zung 'jug gi don du smra ba ma gtogs/ de lta bu'i bde stong dbyer med de nyid ya gyal gcig tu byas nas/ de dang ya gzhan zhig bsdoms te zung 'jug tu 'jog tshul zhig yod pa gtan nas ma shes so/ /bde stong dbyer med tsam la skabs 'di'i zung 'jug gi don mi tshang ste/ rim lngags la sgron las/ bde stong dbyer med de nyid la rnal 'byor ma'i rgyud kyi bshad pa mdzad pa mang pos bde stong zung 'jug dang bden gnyis gzung 'jug ces bshad cing/ 'phags lugs gyi zung 'jug gi don kyang de la 'chad pa yod mod kyang/ mgon po klu sgrub kyi lugs kyis ni sngar bshad pa'i don gyi lhan skyes kyi bde stong dbyer med de tsam la zung 'jug tu mi byed do/ /zhes gsungs pa'i phyir/ snga rabs pa rnams kyis zung 'jug legs par 'jog ma shes pa'i rtsa ba mthar thug ni/ rim pa gsum pa'i sgyu ma'i don bden stong sgyu ma tsam la byas pa'i dbang gis de la bde stong dbyer med kyi stong pa'i don tsam @112b las go rgyu lhag po ma byung ba na/ zung 'jug gi zung du 'jug rgyu'i yal bde ba dang stong pa nyid gnyis las gzhan ma rnyed par/ de gnyis zung du 'jug pa tsam zung 'jug gi don mthar thug tu smras pa yin no/ /rje bla mas ni bde stong gnyi ga thugs kyi khyad par du byas te yul dang yul can bsdoms nas don dam pa'i bden pa zhes ya gcig tu bzhag/ gzhan don gzugs sku sgrub byed sgyu ma'i sku la shun rdzob kyi bden pa zhes ya gcig tu bzhag ste/ de gnyi gzung du 'jug pa la skabs 'di'i zung 'jug gi gtso bor ngos bzung ba yin zhing; de ni rim lngar zung 'jug tu 'jog tshul gtso phal sna tshogs pa nyer gcig gam/ nyer gsum gsungs pa'i nang nas gnad che shos/ de nyid shes pa'i rim pa bzhin/ /rang byin brlab pa dang 'od gsal shes/ /de dag kho na 'dus pa gang/ /'di ni zung 'jug rim ba 'o/ /zhes bdag byin brlab pa dang 'od gsal gnyis zung dang/ de gnyis 'dus bzung 'jug tu bshad pa dang/ kun rdzob dang ni don dam gyi/ /rnam dbye so sor shes nas ni/ /gang du yang dag 'dris gyur pa/ /zung du 'jug par de bshad do; ;zhes kun rdzob dang don dam gnyis zung dang/ de gnyis 'dus pa zung 'jug tu gsungs pa de yin la/ 'di ni 'dus pa phyi ma las/ dngos dang dngos med mi zad gtso/ /stong nyid snying rje mi phyed pa/ /byang chub sems zhes bya ba yin/ /zhes zung 'jug gi byang chub kyi sems ni dngos dang dngos med gnyis 'dus pa la bshad cing/ dngos dang dngos med gnyis kyang de nyid las/ gang zhig dngos med shes rab ste/ /thabs ni dngos po'i mtshan nyid do/ /zhes bshad la/ sbyor ba yan lag drug gi drug @113a @#/ /pa'i thabs shes snyoms par 'jug pa'i don 'chad pa'i tshe sgron gsal du thabs kun rdzob kyi bden pa dang/ shes rab don dam pa'i bden par gsungs pa rnams gung bsgrigs na'ang sgyu lus dang 'od gsal zur du 'jug pa de zung 'jug gi gtso bor byed dgos pa 'grub bo/ /dpal mgon klu sgrub dang rje bla ma gnyis lta spyod mdo sngags gang gi thad du'ang bstan pa gsal bar mdzad tshul gyi rnam thar 'dra ba'i dbang gis mdo las lung ston tshul yang mtshungs pa sngar bshad pa bzhin yin la/ klu sgrub lung bstan pa'i lang gshegs kyi lung/ yod dang med pa'i phyogs 'jig pa/ /nga yi bstan pa 'jig rten 'dir/ /bla med theg chen rab bshad nas/ /zhes pa mdo lugs kyi bstan pa gsal bar byed pa'i lung bstan du sbyor skabs rtag chad kyi mtha' dang bral ba'i dbu ma'i lam gsal bar byed pa tsam la sbyar yang/ sngags kyi bstan pa gsal par byed pa'i lung bstan du 'grel ba'i tshe/ srid zhi'i mtha' 'gog byed sgyu 'od gnyis dang/ de zung du 'jug pa'i don gsal par byed pa'i lung bstan du sbyor dgos pa'i phyir/ sgron gsal gyi mchan las/ rtsa rgyud la don zab mo dum zhig yod kyang sgras zin tsam gyi bshad pa la brten na dag ba'i sgyu ma zung 'jug ma rnyed pa dang/ de nyid ma 'ongs pa nasus ston 'dri ba ni/ rlung sems gnyis tsam las bsgrubs pa'i sgyu ma 'od gsal du zhugs pa'i 'od gsal gyi rlung sems gnyis tsam las dag ba'i sgyu ma'i skur 'khrungs ba'i sgyu lus dang/ lhan skyes bde ba chen pos de kho na nyid @113b mngon sum du rtogs pa'i 'od gsal gnyis ngo bo gcig tu sbyar pa'i zung 'jug ni rtogs dka' ba'i mthar thug pa yin bas de nyid sus ston zhus pa yin te/ zhes gsungs pa'i phyir/ don 'di ni dpal ldan zla bas bshad tshul ji lta ba yin te/ lang gshegs kyi lung 'di 'dren pa'i mtshams sbyor du bstan pa'i snying po 'di lta bu sus ston zhes dri ba bkod pa ni snga 'grel yin pas/ der don 'di sus ston 'dri rgyu'i don dang/ mdo lung gi 'dis ston zhes pa'i ston rgyu gnyis po 'dra dgos pa gang zhig/ dri ba'i tshe sgron gsal las/ yongs su dag pa'i lha'i rnal 'byor yang rtog ba thams cad las yang dag par 'das pa/ so so rang gi rig pa/ sangs rgyas rnams kyi spyod yul phung po rin po che'i za ma tog gi nang na gnas pa/ yod pa dang med pa'i phyogs gnyis dang bral ba/ yi ge'i rjes su 'brang ba rnams dang/ rtog ge pa rnams kyi yul ma yin pa/ bla ma'i man ngag 'ba' zhig las shes par bya ste/ 'di lta bu'i lha'i de kho na nyid de bzhin gshegs pa yongs su mya ngan las 'das bstan mtha' das gdan gcig tu pa sdud pa po rnams kyang med par gyur pa phma ma'i dus na/ sangs rgyas kyis yang dag bar bshad pa 'di rgyun mi 'chad par su zhig gis ston par 'gyur/ zhes gsungs pa'i phyir/ des na lung 'dis kyang gang gsal bar byed rgyu'i bstan ba'i snying po zab ba'i mthar thug bzung 'jug gi don du gsungs la; ;der zung du 'jug rgyu'i ma gnyi ga so sor gsal bar ma byas bar zung 'jug gsal bar byed tshul med pa'i don don gyis de gnyi ga gsal bar byas na bstan pa'i snying po yongs rdzogs gsal par byas pa min par grub cing/ rje bla mas kyang mdo sngags thun @114a @#/ /mong ba'i lam gyi srog 'od gsal stong ba nyid kyi lta ba dang/ sngags lam gyi thun mong ma yin pa'i bsgrub bya 'dus pa'i zab gnad sgyu lus kyi rnam gzhag gnyis sngon dbang bo'i tog gi spyan sngar dam bcas pa bzhin gsal bar mdzad pa'i lung bstan 'di'i don yang legs par tshang ba yin no/ /gsum pa bstod pa'i don bsdu ba la/ gsang sngags 'jig rten spyod ba dang/ /zhes pa nas/ rdzogs ba'i srol 'di khyod kyis byes/ /zhes pa'i bar byung/ de'ang sho lo ka dang po/ gsang sngags 'jig rten spyod pa dang/ /lta ba yid byed bkag tsam du/ /gyur tshe dbang po'i tog gi drung/ /dam bcas bzhin du khyod kyis gsos/ /zhes bstan pa'i snying po log rtog gi dri mas sbags te ming tsam du gyur pa gsos tshul dang/ de'ang rgya chung du tsam ma yin par sangs rgyas 'jig rten du byon pa ltar sa steng kun tu gsal bar mjad pa'i tshul/ sangs rgyas mdzad ba byed pa ru/ /lung bstan pa yang mchog 'di ste/ /gang las khyod ni rjes dran pa'i/ /yon tan zla dang bral ba'ang 'di/ /zhes pas bstan la/ bstan pa cung zad nyams ma thag pa yin na gso sla'ang/ de lta ma yin par ston pa dang dbang du gyur ba'i dam pa rnams 'das nges na ring lon zhing/ ngan rtog gi dri mas yang nas yar du sbags pas nad gting du song ba bzhin ches gso dga' ba'i skabs yin pa ni/ thub dbang chos kyi nyi ma de/ /zhi ba'i dbyibs su gzhol gyur na/ /ring zhig 'das te chos kyi sras/ /rgyal ba'i gdung 'tshob khyod nyid 'khrungs/ /zhes bshad do/ /de @114b lta na'ang rgyal ba'i dam chos 'dzin pa'i smon lam gyi mthu yongs su grub pa'i stobs kyis bstan pa'i me ro gzhi nas gsos shing/ de'ang phyogs re tsam ma yin bar mdo phyogs bslab pa gsum dang/ gsang sngags rgyud sde pa zhis bsdus pa'i bshad sgrub kyi bstan ba'i cha shas yongs su rdzogs pa gsos pa'i tshul ston par/ bag yod brtul zhugs lhag bsam spyod/ /bde stong ting 'dzin mtha' bral lta/ /thub bstan mtha' das gdan gcig tu/ /rdzogs pa'i srol 'di khyod kyis phyes/ /zhes smos pa yin no/ /de la gsang sngags kyi spyod pa'i go las dang lhad 'jug byed kyi ngan rtog che shos ni/ der nyon mongs lam du 'khyer ba'i nus pa phul du phyin pa rnams kyi dbang du byas te 'dod yon la ci dga' spyod par gsungs pa la snyad btags nas nang na rtogs pa'i yon tan med bzhin du/ phyi'i sbyod pa gang dra ma 'dzem med du sbyad de/ bla ma'i dam tshig sogs la cir yang mi rtsi bar las 'bras khyad du gsod cing/ zhes sdang gi dbang du song nas rkyen cung zad tsam la mngon spyod kyi las byed/ 'dod chags kyis dpye na sbyos bas glang po che lcags kyu med pa bzhin du skyod cing rang la ltos tshad kyang yog pa'i lam der khrid nas dang gzhan thams cad phung khrol la sbyor ba yin pas/ snyigs ma'i dus kyi mthar skyon de lta bu 'byung tshul rgyal dbang nyid kyis lung bstan te/ dgongs lung ston las/ rnal 'byor pa ni bdag ces smra/ /chos ni g.yo yis byed par gyur/ /de ni 'dus pa mi shis par/ /dam tshig la sogs spyod byed par/ /dam tshig la sogs spyod byed la/ /gsar ba srung bar mi byed cing/ /thams cad du ni rab tu ston/ /mngon sum@115a @#/ /sangs rgyas 'dra ba yi/ /slob dbon smod cing bkur mi byed/ /skad cig gis ni khong khro zhing/ /de bzhin skad cig gis rjes chags/ /ma dang sring mo bu mo ste/ /bsgrod min la ni 'gro pa dang/ /pha ma gsod cing de bzhin du; ;srog chags gzhan rnams gsod par byed/ /de bzhin rdzun gyi tshig smra zhing/ /khyad par du yang rku bar byed/ /gzhan gyi chung ma'i thad 'gro zhing/ /smad pa gzhan yang byed par 'gyur/ /de nyid ye shes 'byung ba yi/ /dam tshig rnams ni des mi shas/ /nyes pa cung zad tsam la yang/ /mngon spyod dag ni byed 'gyur la/ /rnal 'byor rab sbyor dman pa yi/ /sngags pa la ni 'grub mi 'gyur/ /rtag tu phyi rol bstan bcos dga'/ /de yi sbyor la mkhas pa dang/ /rang gi dam tshig yongs srangs te; ;lcags kyu med pa bzhin du spyod/ /ces gsungs so/ /de bzhin du 'phags mchog spyan ras gzigs rgyal po'i tshul 'dzin pa chos rgyal srong btsan sgam pos kyang rang gi 'dul zhing kha ba can 'dir ma 'ongs pa na bstan pa'i srad 'di lta bu 'byung pa thugs kyis ma bzod par/ phyi rabs pa rnams chos dang chos min mi nar ba'i phyar snyigs dus su 'byung rgyu thams cad tshes shin tu gsal bar lung bstan te/ de'ang nag phyogs kha rgyal ba na bdud rigs kyi lha 'dres byin gyis brlabs pas/ gnas skabs su nus pa che che lta bus rkyen se la sogs la phan thogs pa dang/ lha mthong 'dre mthong gi mngon shes phra mos bden bden 'dra ba re bshad pas col chung rnams skyabs kyi mthar thug tu 'dzin cing/ de'i rjes su zhugs pa na sangs rgyas kyis @115b ma bstan cing/ sngon byon mkhas pa tshad ldan gyis ma gsungs pa'i gdams pa nam mkha' nas bab pa yin/ sa 'og nas thon pa yin/ rmi lam du lhas bstan pa yin/ 'di las zab pa med ces 'brel med kyi kha po sgrogs shing/ don mu stegs kyi lugs dang mthun pa blo sna thur du 'khrid pa'i chos lugs 'dra min mang po gsar du bcos/ cha lugs yam zung dgu gyon/ ye shes phab pa yin zer nas 'dres brlam pas rgyud bslad de tshangs spyod la rig ma gtod pa sogs kyis bstan pa'i rmangs gzhi 'jig par byed pa/ ming chos kyi mthar thug dang theg ba rim dgu'i rtse rgyal du sgrogs kyang/ don 'jig rten tha mal pa'i nang nas kyang ma rabs kyi spyod pa smad 'tshong dang 'dra ba/ 'ching phyed kyi bdag 'dzin ma zhig par sdom pa'i tshul khrims zhig pa'i zhig po log spyod mkhan rnal 'byor par brdzus pa mang po 'byung tshul dang/ lta ba'i gol sa yul cir yang mi grub pa la dgag sgrub blang do sogs cing dbyar med pas/ de'i ngang du yid byed dran 'dzin thams cad bkag ste sems lung ma bstan du had de bzhag na chos sku'i rang zhal mthong ba dang lta ba rtogs pa yin gyi/ rtsol bas byas pa'i chos kyis byang chub mi 'thob ces med par lta ba'i phyogs bzung ste kun rdzob khyad du gsod cing lus ngag gi dge sbyor sogs 'gog par byed pa 'byung tshul mtha' dag mngon sum du gzigs te gsungs pa ni/ maNi bka' 'bum gyi rgyal po bka' che mas las/ rig par smra zhing rnam bar smra ba yi/ /ston pa rnams ni nam langs skar ma bzhin/ /de nas dkar po'i phyogs rnams mthu @116a @#/ /chung ngas/ bdud khyi stobs rnams rgyas par 'gyur pa yis/ /pha dud kyis byin brlabs gang zag mang po 'byung/ /gzi brjid che zhing stobs kyang che ba dang/ /nus pa che zhing mthu yang che ba dang/ /mngon shes phra mos bden tshig 'ga' sgrub cing/ /de rnams rtog chos mang po byed par 'gyur/ /sangs rgyas bstan pa lta 'dre mang pos dkrugs/ /'dra min chos lugs mang po ston byed cing/ /blo gros phyin ci log tu sgyur par byed/ /med par lta ba'i phyogs kyi cha bzung nas/ /kun rdzob bden pa khyad du gsod pa 'byed/ /lus ngag dka' thub 'gog par byed pa 'byung/ /phyogs med ris med byar med zer pa dang/ /rgyu zad rkyen zad lhun grub zeng ba dang/ /lung ma bstan gyi lha 'dre mang du 'byung/ /sangs rgyas ma bstan mkhas pas ma bgyis pa'i/ /da lta lha yis bstan zhes 'dre chos byed/ /de rnams 'gong po 'dre yi chas dgu gyon/ /ra glag khyi glag re ba zo mon gos/ /rtsid zhwa b+he log gos dkar lus la gon/ /ber ka dbyug pa sna tshogs thogs pa 'byung/ /bsod snyoms pa zhes grong sgo 'grim pa dang/ /lto rgyab ched du dka' thub drag po yis/ /rang gi lus la gnod pa byed pa 'byung/ /mngon tshan can gyi gra gsang 'dod phyir du/ /sngags kyi theg pa glu ru len pa 'byung/ /dge ba'i chos spyod glu dang bro 'khyed// bsam gtan dran pa nyams la byed pa 'byung/ /med par lta ba ltang rtogs par byed/ /smyon thabs can la rtogs ldan byed pa 'byung/ /the tshom can la dam par 'dzin pa 'byung/ /smra ba ma las la gdams ngag can du byed/ /rmongs pa rnams la @116b zhig po zer pa 'byung/ /log spyod mkhan la rnal 'byor ba zhes zer/ /lung ma bstan la chos kyi sku zhes zer/ /rnyed grags 'dod la chos bshad mkhan po zer/ /chos lugs yin zhes bab col mang po smra/ /'dres brlams pa la ye shes 'bebs zhes zer/ /bdud kyis spro ba skyed byin rlabs zer ba 'byung/ /gdams ngag zer zhing log chos mang du smra/ /gdams pa zer nas mu stegs gsang tshig ston/ /de ltar log pa'i rgyun la zhugs pa yis/ /bud med pho spyod tho co byed pa 'byung/ /rang lugs nyams shing 'jig rten chos lugs nyams/ /de yis rang nyid ngan 'gror 'khrid par byed/ /rgyu 'bras bden par mi shes mi dge sna tshogs spyod/ /chos dang chos min mi byed ngo tsha med par spyod/ /log spyod dag la shin tu dad par 'gyur/ /byas pa'i chos kyis byang chub mi 'thob pas/ /ma byas lhan grub chos gcig dgos so zer/ /byed ma nus rnams de la dad par 'gyur/ /dge ba'i bshes ltar snang ba yid 'grogs 'khrid/ /sngags pa kha cig sngags la rtsing chos byed; ;dam chos yon la bltas nas gsang ba sgrog /gser chos zer zhing chos la rin thang gcod/ /'ga' zhig ma thos rgyud kyang 'chad par byed/ /la la dbang ma thob par dbang skur byed/ /la las dbang bskur zer nas yon yang sdud/ /rnyed bkur dag la chags shing 'dod la zhen/ /rang gi rlung sems dbang du ma 'bus par/ /gra sang ba shes rab ye shes mngon sum bskur/ /de dag smad 'tshong bsten dang khyad par med/ /la las dge slong shes rab ye shes ni/ /bud med dang sbyor dbang ni @117a @#/ /skur bar byed/ /sdom khrims zhig nas dmyal bar 'phen par byed/ /de ni log pa'i ches la spyod pa yin/ /zhes gsungs pa ltar ro/ /'on gsang sngags la zhugs kyang 'dod yon pa ci dgar spyad mi chog na theg pa che chung gi gnang bkag mi 'dra ba'i khyad med par 'gyur ro snya ma na/ gnang bkag mi 'dra ba bden mod kyang/ theg dman sogs las bkag pa gnang ba'i yul ni de dag las rtogs pa gong mar gyur pa'i sngags pa la yin gyi/ lam nyams len skabs de dag la'ang mi sleb cing/ tsha grang bkres skom sogs kyi rkyen thog tu bab pa'i tshe sgyu ma lta bur lta mi thub pa 'jig rten rang dga' ba dang khyad med par/ 'dod yon la spyod pa'i tshe sgyu ma lta bur rol ba skad byed pa ni 'dod zhen gyi gtam rang gis rang bslu brdzun shob kho na yin te/ slob dpon mtho btsun gtso legs kyis mdzad pa'i gsang sngags kyi tshul la 'jug pa las/ yang dag pa yi rnal 'byor ba/ /dngos med rtogs shing brtse ldan pa/ /rgyal pas 'di gsungs bden mod kyi/ /da ltar 'di 'dra 'ga' ma mthong/ /rdzogs sangs rgyas ltar 'jig rten 'dir/ /ci bder gnas bya gang smra ba/ /khyod la rdzogs sangs mtshan ma'i cha/ /yod par ci yi phyir mi snang/ /gal te sngags kyi bstan pa la/ /snod du gyur pa khyod yin na/ /bdag cag dam tshig la sdang bas/ /'gal ba smra bar gyur pa yin/ /gal te zas skom sgo nas ni/ /rdzas sogs mnyam par slob byed na/ /sbyin la sogs pa'i lam gyis ni/ /mi slob ces pa ngo mtshar che/ /gal te sgyu ma @117b ltar gnas pa/ /'di la khyod kyis brten bcas na/ /bkres skom grang sogs gnod pa la/ /khyed kyi sgyu ma gang du sog/ /'jig rten gnyen gyis sngags pa la/ /tshogs can khyad par can gsungs pa/ /de tsho khyod la yod min pas/ /rgyu med 'bras bu gang las byung/ /zhes gsungs pa'i phyir/ de ltar na snyigs ma'i skye bo rnams bsod nams dman zhing nyon mongs pa'i dbang du song ba dang/ nag phyogs kyi bdud rigs kha rgyal ba'i dbang gis gsang sngags 'chal bar spyod pa dang/ blo'i mthu zhan pas lta ba blos byas dang nyi tshe ba 'ba' zhig tu song steng na rtog dang log spyod shin tu dar ba'i tshe/ rje bla mas sngon bskal pa dpag med kyi snga rol nas yang dag pa'i lam 'di nyid spel bar dam bcas shing rgyal ba smas dang bcas pas mgrin dbyangs gcig gi sgo nas snying stobs chen po zhes ched du brjod pas bsngags pa mdzad pa'i don bzhin du ngan rtog gi dri ma ma lus par bsal te/ bsregs bcad brdar ba'i gser bzhin bsre lhad cung zad kyang med pa mdo sngags bshad sgrub zung du 'jug pa'i bka' srol gyis nub rgya ba la gyi mtshams nas shar rgya mtsho'i par du khyab par mdzad pa yin no/ /don 'di la dgongs te rgyal ba rang nyid mya ngan las 'das pa'i rjes sa steng thams cad stong pa lta bur gyur pa na/ slar yang sangs rgyas 'jig rten du byon pa dang 'dra bar bstan pa yongs su rdzogs pa'i srol phye nas sangs rgyas kyi mdzad pa ston pa'i rgyal pa gnyis par 'gyur tshul yang yang lung ston par mdzad de/ 'jam dpal rtsa rgyud kyi le'u nyer brgyad pa las/ de dus 'jigs su rung ba yi/ /de tshe sems can chos ldan min/ /rtag tu chos la mi gnas @118a @#/ /shing/ /rgyal po rnams ni ma rung yid/ /mi dang mi ma yin rnams ni/ /kun kyang bstan la rnam par sdang/ /ngas bshad chos kyi mdzod rnams ni/ /de yis thams cad 'jig par 'gyur/ /zhes dus shin tu snyigs mar song nas sangs rgyas kyi bstan pa nyams tshul dang/ bskal pa bsam mi khyab par sngon/ /gzhon nu khyod kyi smon lam 'di/ /sangs rgyas 'jig rten gang su dag /'jig rten gnyan gyur mya ngan 'das/ /de dag bstan pa'i don du ni/ / dus dang dus su bya'o zhes/ bdag ni byis pa gzhon nu'i gzugs/ /dus kun tu ni rnam par spyod/ /sngags kyi gzugs kyis sems can la/ /de dag der ni rnam par 'dul/ /gzhon nu khyod kyi smon lam 'di/ /sngon chad du ni byas pa yin zhes sangs rgyas rnams 'das rjes su byis pa'i tshul bzung ste de dag gi bstan pa'i srog 'dzin pa'i phyin thugs bskyed rlabs po che sngar nas mdzad tshul/ da ni byis pa'i gzugs thob 'gyur/ /des na khyed la bshad par bya/ /skye bo skyabs ni med ba dang/ /sangs rgyas zhang ni stong pa na/ /sngags kyi gzugs kyis sems can la/ /byis pa'i tshul gyis yang dag shod/ /sems can mang po 'dul byed cing/ /phun sum tshogs pa spyin byed la/ /dus kyi tha ma de yin/ /sems can kun la mchog sbyin byed/ /'jig rten nga ni mya ngan 'das/ /sa yi steng ni stong gyur na/ /byod nyid byis pa'i gzugs gi ni/ /sangs rgyas mdzad pa byed par 'gyur/ /de tshe dgon chen rab dga' ba/ /kha bcan na'ang yod pa yi/ /chu po gser dang ldan @118b 'gram du/ /nga ni mya ngan 'da' bar 'gyur/ /zhes bstan pa 'di 'ang ches shin tu nyams dams par gyur pa na tha mal pa'i gzugs su byin nas sangs rgyas kyi mdzad pa ston cing/ kha ba can gyi ljongs 'dir dga' ldan rnam par rgyal ba'i gling 'debs pa dang/ de'ang dgon pa gcig pu tsam ma yin par dgon pa'i ming grub mtha' spyil thogs pa ltar rib dga' ldan pa'i lugs srol gtsang ma 'byung tshul rgyal pa rang nyid kyis kyang pha shul bu la gtod pa bzhin chos kyi rgyal srid 'jam dbyangs la gtad nas mya ngan las 'da' tshul dang bcas pa bstan la/ lha mo dri ma med pas zhus par yang/ byang phyogs gangs ri'i rgyud kyi sar/ /dge ba ldan pa'i sa phyogs su/ /dam pa'i chos ni rgyas par 'gyur/ /zhes dgon pa dang grub mtha'i mtshan gsal bar gsungs so/ /'jam dpal rtsa rgyud le'u nyer bzhi par bstan pa gso ba'i thabs su dgon pa 'debs pa'i sngon der cho 'phrul gyi zla ba'i yang ngo smon lam gyi dus mchod btsugs te/ nyin re bzhin dkon mchog la mchod pa dang dge 'dun la bsnyen bkur byed tshul/ lhag par bco lnga'i mtshan mo mchod pa rgya chen po 'bul tshul bcom ldan 'das kyis lung bstan te 'gog pa rir gter du sbas pa'i tshogs dung sogs gter nas 'byin rgyu rnams thar chags su lung bstan yod pa ni rnam thar gyi go rim dang lung gis gsungs tshul gung bsgrigs te blo gros zhib mos dpyad na shes so/ /de bzhin du le'u nyer dgu pa las/ gzhon nu khyod kyis yongs zhus pa/ /bu khyod 'jam dpal rab tu nyon/ /nga ni 'jig rten mya ngan 'das/ /sa steng stong par gyur pa dang/ /chos kyi mdzod kyang @119a @#/ /'jig pa dang/ /nyan thos rnams kyang 'das pa na/ /rkang gnyis dam pa ston pa yi/ /gzugs brnyan mchod rten dag kyang bya/ /sbos dang dri dang byug pa yis/ /mchod dang bsnyen bkur bya ba dang/ /rnam pa sna tshogs gos mchod dang; ;gzhan yang nor bu'i gdub kor rgyan/ /rnam pa sna tshogs bza' dang bca'/ /yang dag sbyor ba dbul bar bya/ /zhes pas kyang jo bo la dbu rgyan dang/ cho 'phrul gyi mchod pa 'bul tshul sogs bstan cing/ der ma zad le'u so drug par/ dang por yi ge ba grags dang/ /ston pa'i gzugs brnyan don yang byed/ /blo ldan dang por yi ge ma/ /de bzhin sdom brtson dad pa 'byung/ /zhes dag bstan pa de chos ster du/ /rnam par nyams shing snang med la/ /ston pa'i gzugs brtan yid du'ong/ /byed par 'gyur bar the tshom med/ /thams cad byang chub lung bstan te/ /nga yi byang chub mchog thob 'gyur/ /de bzhan 'jig rten sbyin gnas 'gyur/ /spid pa gsum gyi mthar ya 'byed/ /sngags dang rgyud la mngon brtson pas/ /grags pa 'dzin par shes par bya/ /zhes pas kyang rgya skad dang bod skad kyi dbang du byas pa'i rje bla ma'i mtshan sgra gsal bo dang/ jo bo rin po char dbu rgyan phul nas shin tu mdzes shing yid du yong ba byed pa bstan/ ston pa'i gzugs brnyan don mang byed/ /ces bas kyang des sri zhu rgya chen bo bstan pa nam gnas par du mi nyams pa'i srol tshugs par mdzad bde lung bstan pa yin no/ /khyad par du le'u 'di'i mgor rgyal gar gnyid thog mar 'khrungs tshul/ rab tu byung zhing bka' ba spyad lugs/ sangs rgyas nas chas @119b 'khor bskor ba dang/ mu stegs pham par mdzad pa sogs sku tshe 'di'i mdzad pa rags rim zhim gsungs tshong ? 'jam dbyangs la gtan pa yin/ /nga ni 'jig rten mya ngan 'das/ /zhes dngos kyi gdul bya rdzogs nas 'jam pa'i dbyangs la rang gi bstan pa gtad de rgyal tshab tu bskos nas mya ngan las 'da' ba'i tshul dang/ de nas/ sa steng stong par gyur pa na/ /de nas 'jam dpal sems can la/ /sangs rgyas mdzad pa byed par 'gyur/ /thub dbang yongs su mya ngan 'das/ /dam pa'i chos ni bsrung pa'i phyir/ / de tshe rtag tu srung bar ni/ /'jam pa'i dbyangs ni 'gyur pa yin/ /zhes dus kyi tha mar bstan pa'i srog 'tshin pa'i rgyal pa gnyis par 'gyur ba lung bstan to/ /le'u so bzhi pa dang so lnga par bstan pa bsrung pa'i don du yi dam gshin rje'i gshed la byed cing/ de la brten te snying rje'i sgo nas drag las gyed tshul dang/ sum cu par lcags mkhar skabs kyi phyag rgya'i gnad 'ga' zhig kyang gsungs pa dang/ gong du chos rgyal gyi sngags sogs kyang gsungs pa thams cad ri bo dge ldan pa'i bka' srol 'di'i yi dam chos srung du gtso bor gsungs pa yin par zhi ba tu brtags na shes so/ /der ma zad dge ldan gyi bstan pa 'di chos bzhin skyong pa'i rgyal po sbyin bdag rnams kyang lung bstan/ thog mar/ nga ni sa steng mya ngan 'da'/ /kha ba can gyi nang dag tu/ / sa la'i nags ni 'byung bar 'gyur/ /zhes sogs kyis spyir bod yul thog mar chags tshul dang/ lha ldan yul zhes bya ba yi/ /gangs can ri yi nang gnas pa/ /rgyal po mi mi lha zhes bya/ /zhes srong btsan sgam po nas rim par gsungs pa'i mthar/ @120a @#/ /sa srung dang ni pe'u dang/ /'od ldan nyid ni phyi ma yin/ /zhes be'u ste glang dar ma dang/ da nas 'od ldan te 'od srung gi bar rgyal po rim par byang yang/ 'od srung nas bod sil bur 'thor te spyi'i rgyal po mi 'byung ba dang/ de 'og khugs ni rnam zhig cing/ /phyi rol skye dgus nye bar sbyod/ /ces dang/ tha mar char rgyal ngang tshul te/ /kla klo rnam pa sna tshogs yin/ /zhes phyogs gzhan gyi rgyal po mang po'i dbang du 'gro ba dang/ khyad pa hor sog gis dbang byed par gsungs/ de tshong la yul bdag po ni/ /mtshon gyis 'thab yas rnam par 'jig /ces phal pos sde gzar bslang yang kho rang pham par 'gyur tshul rnams gsungs la/ de'i mjug thogs su/ rgya yul kun pa brten pa yi/ /rgyal po dbyig gi snying zhes bya/ /sde chen stobs kyang che ba dang/ /blon po rgya che nyid dang ni/ /skye bo rtsa lag rab tu mang/ /kla klos btud dang rnam par rgyal/ /ston pa'i bstan pa de gtso byed/ /gzhon nu bdag nyid che po nyid/ /de yi sngags ni rab bsgrub pa/ /mthu ni chen po dang ldan pa'i/ /rig pa'i rgyal po yi ge brgyud/ /dpa' po che zhes rnam par grags/ /phun sum tshogs pa'i gnas chen yin/ /de yi byis pa'i blo yis ni/ /rgyal srid phyir ni rab smon byas/ /gang gis dran pa tsam gyis ni/ /sangs rgyas nyid du nges 'gyur ba; ;mi bdag rgyal thabs nyid kyi phyir/ /de ni bskal ba mi nyung 'gyur/ /mchog gi sbyin pa bla na med/ /bsam pa tsum gyis thob la nyid/ /tshangs sogs lha rnams thams cad la/ /ma lus lung ni stsol byed na/ /lha ngan phal pa dag dang ni/ /mi ye 'jig rten smos cig dgos/ /lo @120b ni brgya dang lnga bcur 'tsho/ /grags chen lha yi gnas su 'gro/ /chos kyi bdag tid de mthar gyis/ /byang chub dam pa thob par 'gyur/ /gzhon nus yongs su bshad pa yi/ /rig pa 'di ni de yul du/ /de ni myur du 'grub 'gyur gyi/ /rig pa gzhan ni nam yang min/ /byang chub sems dpa' dpa' po che/ /'jam pa'i dbyangs ni 'od chen po/ /mngon sum de yi yul dag na/ /byis pa'i gzugs kyis bzhugs pa yin/ /grub pa'i zhing mchog dam pa la/ /mi ni mongs su sgrub par 'gyur/ /rgyal po tu ruShka zhes bya/ /byang phyogs la ni yang dag brten/ /sde chen brtson 'grus che ba ste/ /de yi gnas su 'byung bar 'gyur/ /shing shun gyon yul ma gtogs pa/ /kha che'i mthar thug ka shir bcas/ /di ni dpag tshad bdun brgya dang/ /'bum phrag gnyis kyis bdag tu/ /de tshe dus gyi tha ma la/ de tsho tho tshom med par 'gyur/ /zhes sogs kyis 'jam dbyangs gong ma'i rgyal srid 'di 'di nyid lung bstan pa yin te/ sbyir rgya nag gi rgyal srid tsam sangs rgyas 'jig rten du ma byon pa'i gong nas yod na'ang/ 'dir bod kyi rgyal rabs dang/ de rjes gzhan ma pos 'dzin cing/ de'i mjug tu 'byang bar gsung ba'i dus tshong rgyal rabs 'di dag la 'grigs pa dang/ dpag tshad nyis 'bum lhag pa'i sa la dbang byed par gsung ba'ang mtha' skor yin na 'dzam gling spyi'i tshad dang mi 'grigs kyang/ rags rtsis kyis zheng du dpag tshad bzhi brgya dang/ mchur dpag tshang lnga brgya'i sa de re'u mig tu bgos na dpag tshad nyis 'bum tsam 'byung la/ da lta sog bod thams cad dbang du bsdus pas yul gyi khyon yang de tsam mtha' 'byung bar ssnang/ rtsa brgyad stong gi gtsug lag khang/ /de yi dus su yod par 'gyur/ /zhes dang/ lha khang dag ni mang po byas/ /stong phrag brgyad cu rtsa gcig@121a @#/ /gi/ /mchod rten mchog ni de bzhin byas/ /theg pa chen po mchog chos dang/ /de bzhin sangs rgyas rnams kyi yum/ /'jig rten shes rab pha rol phyin/ /de yi yul du rab gnas byas/ /zhes 'byung la/ dgon sde dang gtsug lag khang sogs rgya che zhing grangs mang ba rgyal rabs 'di'i skabs lta bu sngar gang la'ang ma byung snang bas kyang dge ldan pa dngos mchod yon du 'brel ba'i skabs kyi rgyal rabs 'di rnams gtso bo yin bkra shes so/ /der ma zad rgyal po dum lung bstan pa'i dgos pa'ang bstan pa'i sbyin bdag byed rgyu'i dbang du mdzad pa yin la/ 'jam dbyangs gong ma'i rgyal rabs 'di rnams ni thun mong ma yin par 'jam dbyangs bla ma'i ring lugs 'di'i sbyin bdag dang rgya brten du gyur pa mthun grub pa yin pa'i phyir dang/ rje'i rnam thar du dang po ri bo rtse lnga nas phebs pa'i rmi lam dang/ mya ngan las 'das te ri bo rtse lngar phebs tshul du ma yod la/ 'dir yang/ 'jam pa'i dbyangs ni 'od chen po/ /mngon sum de yi yul dag na/ /byis pa'i gzugs kyis bzhugs pa yin/ /zhes pa rnams gung bsgrigs pa'i tshe tsinI rgyal khams 'di nyid 'jam pa'i dbyangs kyi 'dul zhing yin pa tsam du ma zad rgyal po rnams kyang 'phags mchog 'jam pa'i dbyangs kyis rang nyid kyi bstan pa bsrung ba'i phyir du byin rlabs dang sprul pa'i zlos gar mdzad pa yin par sems so/ /der ma zad/ yi ge ha ming slar log nas/ /kla klo'i rgyal pos rab tu mchod/ /yi ge ha bya dge dang ldan/ /dge ba'i don gyi lus kyis ni/ /ji ltar 'dod pa'i 'gros dag gis/ /rang gis yul ni nyid du phyin/ /de nyid kyi ni las byas pas/ rgyal srid dga' dang ldan pa 'thob/ /ces pas kyang kla klo ste sog po'i rgyal po kau shi han gyis dge ldan pa'i bstan pa la sri zhu @121b cher byas te bod ljongs mtha' dag lha 'bangs su sbyar bas dga' ldan pho brang pa'i chab srid 'byung ba'ang lung bstan pa yin no/ /de ltar na 'jam dpal rtsa rgyud 'di ni thun mong ma yin par rje bla ma dang ri bo dge ldan pa'i bstan pa 'di'i dbang du byas nas gsung bar snang bas zhib tu drangs pa yin gyi/ gzhan mdo rgyud du ma dang/ rgyal po bka' chems/ bka' gdams glegs bam/ slob dpon gyi bskul byang dang gter yig tshad ldan du ma/ ma cig gi lung bstan sogs sngon byung ba dang/ skabs der lho brag pa dang/ rtogs ldan pa sogs la lhag pa'i lhas lung bstan la rnams su mtshan sgra dang dgon pa'i gnas/ sku tshe snga phyi/ gang du 'tshang rgya ba dang 'phrin las kyi rgyun sogs lung bstan ches mang ba ni rnam thar rnams dang/ lung bstan gsal ba'i me long sogs su blta bar bya yi/ 'dir mang gis dogs bsam bris so/ /de ltar sangs rgyas kyi mdzad pa byed par lung bstan ba'i mdzad pa'i gtso bo ni mdo sngags zung du 'jug pa'i lam bzang 'di nyid yin la/ de'ang yul phyogs re re tsam ma yin par/ sa steng 'di na sangs rgyas kyi bstan pa'i srol gtsang ma gang yod rje 'di'i bka' drin gyi cha shas kho na yin te/ byang shamb+ha lar mang rje bla ma'i ring lugs 'di nyid dar rgyas su yod tshul paN chen thams cad mkhyen pas ye shes kyis sgrib pa med par gzigs nas gsungs pa zhal las dngos su thos so/ /des na rje bla ma'i yon tan rjes su dran pa rnams kyis kyang rnam thar gyi snying po ngos zin par byas te/ thub bstan yang snying gsal bar mdzad pa'i tshul 'di'i sgo nas rje bla ma rjes su dran par bya'o/ /bstan pa gso tshul yang sngon gyi dus bzang po'i skabs cha shas re tsam nyams na'ang mkhas grub kyi skyes bu skar tshogs bzhin du bkra bas/ phyogs mtha' dag nas phyir gso ba @122a @#/ /dka' tshegs med kyang/ rje bla ma 'byon pa'i gong der bstan pa ha cang nyams nas yun ring bas ming gi lhag ma tsam du song ste gzhan sus kyang gso ba'i thabs med pa lta bur gyur yod snang ste/ bstan pa spyi'i dbang du byas na bshad sgrub gyi cha thams cad nas nyag phra ba'i tshul/ tshig spyi'i bshad sgrub rtags kyi dge sbyong gis/ /thub bstan ming tsam lhag mar gyur pa'i dus/ /zhes gsungs pa ltar dang/ zhib bar dad pa'i 'jug ngogs las gsungs pa ltar yin zhing/ khyad par sngags kyi bstan pa de'i sngon nas cher nyams pa'i tshul sdom gsum rab dbye las/ des na nyan thos theg pa ni/ /nyams kyang gzugs brnyan tsam zhig snang/ /rdo rje theg pa'i bstan pa la/ /gzugs brnyan tsam yang mi snang ngo/ /zhes gsungs pa bzhin yin zhing/ rje'i sngags kyi gsung rab du ma'i mjug tu'ang/ ring nas nyams pa'i lam gyi gnad 'byed pa/ /zhes dang/ sngon chad phyogs 'dir mngon du ma gyur pa'i/ /zhes dang/ lam 'di ches cher nyams pa gso phyir dang/ /zhes dang/ bde mchog bshad sgrub shin tu nyams pa 'di/ /zhes gsungs pa rnams kyis shes so/ /lta ba'i skor yang ring mo zhig nas nyams yod pa'i tshul/ rtsa shes TIka chen las/ don 'di phra zhing shin tu rtogs dka' pas/ /ring mo zhig nas ches cher nyams par gyur/ /ces dang/ legs bshad snying por/ de tshe ring nas nyams pa'i rtogs dka'i gnas/ /gang gis btsal bas rnyed pa'i rigs pa'i lam/ / zhes sogs gsungs pa ltar ro/ /mdor na 'jam dpal rtsa rgyud las/ sa yi steng 'di stong ba na/ /zhes dang/ de tshes steng bstan pa ni/ /rnam par nyams shing snang med la/ /zhes sogs gong du drangs pa ltar/ thub dbang chos kyi nyi mnyer zhi'i dbyings su gzims shing/ rgyal @122b ba'i bstan pa la dbang du gyur pa'i dam pa gong ma thams cad 'das te/ rnam par dag pa'i bshad sgrub kyi snang ba nub bas 'jig rten gyi khams thams cad mun pa'i gling lta bur gyur cing/ thar lam phyin ci ma log par ston pa'i gling dang dbung gnyen med pa na/ rgyal ba'i gdung mi 'chad par 'tshob pa'i sras mchog rgyal ba gnyes pa 'jam mgon smra ba'i zla ba de nyid thugs bskyed rlung gi shing rtas drangs te/ thub bstan nam mkha'i rgyan du shar bas thar 'dod yid kyi mun pa bsal te phan bde'i lam bzang gsal bar mdzad ba yin no/ /bstan pa'i cha re re tsam 'dzin cing sbel ba la'ang phan yon dang gdul bya'i don bla bas bo che 'byung zhing/ bod 'dir sngon chad byon pa'i skyes mchog phal cher gyis bstan pa la bya ba mdzad tshul yang rje'i rnam thar la ltos na mdo'am sngags/ bshad pa'am sgrub pa gang rung re gtso bor bton pa'i phyogs re ba kho na yin la/ rdza nyid ni bskal pa mu mtha' yas pa'i snga rol nas rgyal ba rnams kyi dam chos ma lus pa rgyal ba'i dgongs pa bzhin du 'dzin pa'i smon lam yongs su grub pa'i stobs kyis sngon thub pa'i dbang po de nyid kyis mchog 'bring dman pa'i gdul bya so so'i skal ba bzhin rgyu 'bras kyi theg pa'i chos kyi sgo mo ji snyed cig stsal ba thams cad rjod byed yi ge na gcig kyang ma lus par bden bzhi'i chos 'khor nas rgyud rgyal gsang pa 'dus ba'i bar dang/ brjod bya 'dul ba'i bcas rkyang phra mo nas bden gnyis dbyer med zung 'jug gi bar thams cad gru bzhi lam gyis 'khyer shes pa'i bstan pa yongs rdzogs kyi srol phyes pa yin te/ kun gzigs lnga pa chen pos mdzad pa'i dmigs pa rtse ma'i TIkka las/ de tsam gyis mkhas pa thams cad kyi gtsug na mngon par mtho bar mi 'gyur te/ bka' gdams kyi sku mched @123a @#/ /gsum dang/ glang shar sogs bdag pas gzhan gces 'dzin pa'i sems dpa'/ lce 'brog mar mi sogs sku tshe de'am bar dor zung 'jug brnyes pa'i grub thob/ rdog bu sogs gnas lnga rig pa mkhyen pa'i bla ma mtha' klas pa byung bas so zhe na; rigs pa de ni 'jug pa ma yin te/ bshad ma thag pa'i mkhas grub de dag phyogs gcig tu bsdoms na dam pa 'di'i yon tan dang mtshungs na'ang/ re re bzhin nas dod mi snyoms pa'i rgyu mtshan/ bstan pa snga dar la lo paN rgyal blon byang chub sems dpa' rnams dang/ phyi dar la bka' gdams gong ma sogs rgyal pa'i sras po de rnams kyi byang chub kyi sems las lhag pa 'di la mi mnga' 'ang/ 'di nyid kyi tha snyad dang gsang sngags yongs su rdzogs pa de dag la med pas so/ /de bzhin du snga dar gyi rje 'bangs nyer lnga dang/ phyi dar gyi lo chen 'brog mi/ dkar po rnam gsum/ mar mi sogs grub pa'i dbang phyug de dag gi bskyed rdzogs kyi yon tan gyi cha nas phan tshun snyoms na'ang/ so so thar pa'i sdom pa gsum gyi tshul khrims dang/ grub mtha' rnam bzhi'i bzhed gzhung/ sgra tshad sogs shes bya ji snyed pa'i yon tan gyi cha nas mchog dman yod do/ /de bzhin du rdog shod dpang bu ston sogs gnas lnga rig pa mkhyen pa rnams kyis thos bsam la sgro 'dogs bcad pa'i cha nas khyad par med kyang/ bla ma mgon po 'jam dpal dbyangs kyi bka' drin la brten nas dpal mgon 'phags pa klu sgrub kyi thun mong ma yin pa'i bzhed pa dngos bstan stong nyid kyi lta ba dang dpal gsang ba 'dus pa'i sgyu lus sogs gnad gsang zab mo sngon chad mkhas pa dang grub pa rnams kyi mkhyen pa'i yul du ma 'tshal ba mtha' dag dam pa 'di nyid kyis gtan la @123b phab pa mngon sum gyis grub pa 'di'o/ /zhes grub mtha' ris med kyi lha sgom spyod pa'i khyad par dang/ dam pa gong ma kun gyi rnam par phyag rjes thams cad mkhyen cing gzigs nas gsungs pa yin la/ yang de nyid kyis mdzad pa'i rje'i bstod pa dpyid kyi rgyal mo'i glu dbyangs las/ rmad byung rnam thar gtsang ma'i khrims dang ldan/ /rlabs chen rgyal sras spyod pa'i snying stobs che/ /bde stong mchog gi rim gnyis rnal 'byor spyod/ /blo bzang rgyal ba'i bstan dang mjal par shog /ces phyi 'dul ba'i kun spyod rnam par dag pa'i dang tshugs bka' gdams pa'i rnam thar gtsang ma la gnas shing/ nang du thun mong ba gzhan phan byang chub kyi sems dang/ thun mong ma yin pa lam rim pa gnyis kyi snying po bde stong dbyer mi phyed ba'i ting 'dzin zab mo'i rnal 'byor la spyod pas bstan pa yongs rdzogs rang gi nyams len gyi lus gcig tu 'dril zhing/ rjes 'jug mchog dman gyi don du 'gyur ba rgyal ba dgyes pa'i lam bzang yongs su rdzogs pa'i bka' srol bla na med par gsungs te/ tshul 'di ni bshad rgyud rdor 'phreng gi re bzhi pa las/ nang ni gsang 'dus la rab dga'/ /phyi rol nyan thos kyi spyod pa/ /de lta'i man ngag rim pa yis/ /slob ma rnams la rjes su bstan/ /zhes dang/ mkha' 'gro ma rdo rje gur gyi brgyad pa las/ nyan thos spyod pa skyong byed cing/ /sngags kyi theg pa'i rim bar gus/ /zhes gsungs pa rnams kyi dgongs pa ji lta ba yin no/ /des na bstan pa thams cad gru bzhi lam gyis 'khyer zhes pa'ang/ dam pa 'ga' zhig sho'i rde'u ji ltar 'phang yang gru bzhi lam gyis 'bab pa bzhin/ nyams len gyi sgo gang nas brtsams kyang bstan pa'i gnad thams cad de'i nang su khrig khrig 'dus nas 'ong @124a @#/ /ba la bzhed pa dang/ la la sde snod gsum dang rgyud sde bzhi/ bslab pa gsum dang sngags kyi lam ste lung rtogs kyi gru bzhi bzhir byas nas de thams cad tshang ba'i don du bzhed la/ rje ngag dbang byams pa'i dris lan zhig tu skyes bu chung 'bring gi nges 'byung gi bsam pa rnam dag 'khor bcas yan gru gcig/ man ngag bdun bslab bya phar phyin dang po lnga dang bcas pa gru gcig/ shes rab kyi phar phyin mtha' bo lda dang bcas pa gru gcig/ shes rab kyi phar phyin mtha' bral lta ba'i skor gru gcig/ gsang sngags rdo rje theg pa'i skor gru gcig tu 'jog/ ces lam gyi gtso bo rnam pa gsum sngags dang bcas pa la gsungs pa rnams bshad tshul gyi rnam grangs tha dad pa tsam las don gcig ste/ tshul khrims kyi bslab pa'i gtso bo so thar gyi sdom pa ni/ mdo rtsam ba las/ nges par 'byung ba tshul khrims kyi dbang du byas te/ zhes gsungs pa bzhin rtsa ba nges 'byung gi bsam pa la thug cing/ theg chen gyi thun mong ma yin pa'i ting nge 'dzin gyi bslab ba'am bsam gtan gyi pha rol tu phyin pa'i gtso bo ni/ rgyan snang las/ theg pa gzhan dang ma 'dres pa'i sems rtse gcig pa dang/ zhes pa ltar dman pa'i yid byed sogs kyis g.yeng mi nus pa'i byang chub kyi sems la byed dgos te/ spyod 'jug tu'ang bsam gtan gyi le'ur sems bskyed chogs 'dzin tshul sogs gsungs pa'i dgongs pa'ang de yin no/ /des na 'brom chos kyi rgyal pos bstan pa thams cad gru bzhi lam gyis 'khyer shes pa nga'i bla ma zhes jo bo la thun mong ma yin pa'i mos gus bskyed pa ltar/ rang cag ri bo dge ldan pa rnams rje bla mas bstan pa thams cad gru bzhi lam gyis 'khyer tshul jo bos gsungs pa las kyang ches shin tu gsal bar @124b phyas pa 'di'i sgo nas rje bla ma la mi phyed pa'i dad pa shugs drag po skyed cing/ de'ang dang ba'i dad pa gcig pu ma yin par/ rje btsun bla mas nyams len de ltar mdzad/ /thar 'dod bdag kyang de bzhin bskyang 'tshal lo/ /zhes pa'i don bzhin rang gis kyang lung rtogs kyi bstan pa mtha' dag gru bzhi lam gyis 'khyer nus pa zhig byung na snyam ba'i mngon 'dod kyi dad ba dang/ de ltar 'ong ba'i thabs tshang la mnor ba rje bla mas rje bar bstan yod ba 'di bzhin nyams su blangs na nges par 'grub pa thag chod snyam pa'i yid ches kyi dad pa blo 'khul nges pa bskyed de blo dang brtson ba'i rtsa la gang yod kyis lag len du 'debs pa dang/ da lta dngos su mi nus pa rnams kyang nam zhig ji lta ba bzhin du sgrub nus pa zhig 'ong snyam du smon pa byed cing/ de ltar nus par skyabs gsum kun 'dus kyi ngo bo 'jam mgon bla ma nyid kyis byin gyis brlab tu gsol/ zhes gsol ba 'debs pa dang/ de'i don du tshogs gsog sgrib sbyong la 'bad pa sogs sgo mtha' dag nas shes rgyud la yang dag pa'i lam gyi bag chags brtan po thebs nges su bya'o; ;gnyis pa de'i rjes su slob pa'i phyir smon pas mtshams sbyor ba mjug gi don dang bcas pa ni/ deng dus yab rje'i srol bzang yang/ /snyigs ma mun pa'i rdul gyis khebs/ /ltar snang ba shes gnyen du ma yis// skye bo nyam nga'i g.yang du 'khrid/ /kye hud dge ldan pa bstan pa 'di/ /dpal dang 'byor bas rab rgyas kyang/ /bshad dang sgrub pas ma ches phra ba/ /bsam gyin snying nas shes pa 'phyo/ /zhes pa'i sho lo ka gnyis kyis rje bla mas dka' ba brgya phrag gi sgo nas gsal bar phyes @125a @#/ /pa'i srol bzang po de'ang dus kyi rim pas ches nyams par gyur pa la skyo ba'i tshul dang/ lhag mas dad ba dang skyo shas zung gi sgo nas 'dod bya'i don la smon lam btab pa yin no/ /de'ang dper na lam phan tshun thams cad la g.yang shin tu che ba'i sar lam mkhan mkhas pas de'i gseb nas bgrod bde ba'i lam skyon med pa zhig btsal te srol btod kyang/ mun sros na lam ji lta ba bzhin mthong mi nus la/ de'i steng du rdul sogs kyis lam dang lam ma yin pa thams cad cha mnyam par g.yogs na lam gyi dbyings tsam yang shes mi nus so/ /de'i tshe rang nyid gar 'gro gtol med ba'i khar gzhan zhig gis 'dir bgrod na legs zhes g.yangs ngos su khrid na de'i rjes su 'brang bar 'gyur zhing mi ring bar g.yang du ltung bar 'gyur ba bzhin/ 'jam mgon bla ma thugs rje chen po dang ldan pa de nyid kyis yang dag pa'i lam gyi srol phyes kyang dus yun ring 'gyangs te da lta skye bo rnams blo'i mthu rim bzhin bri bas rmongs ba'i mun ba 'thib cing snyigs ma'i brlang spyod sna tshogs pa'i rdul gyis g.yogs nas bstan pa'i srol mi mngon par byas/ dam par khas 'che'ang dam pa'i tshul dang mi mthun pa sdom pa gsum gyi nyams len dpa' chad rtsod rtsom gsum gyi yon tan ci'ang med par chags sdang g.yo sgyu'i 'khor lo bskor te rnyed bkur 'du 'dzi 'ba' zhig don du gnyer ba ming dge ba'i bshes gnyen du btags pa du mas rigs mthun gyi sgrwa slob rang gi rjes su zhugs pa thams cad la rgyal ba'i dgongs pa dang mthun pa'i gdams pa sna re'ang ston rgyu med par dgra 'dul gnyen skyong tshe 'di'i snang shas sgrub pa'i thabs kho na bstan te blo sna thur du 'khrid pa ches mang la/ yang dag pa'i dge @125b ba'i bshes gnyen dang/ de'i rjes su tshul su bzhin du slob pa nyung bas dus dan snyigs ma'i ngang tshul 'di lta bu bsam gyin skyo ba'i gnas yin no/ /kha cig 'di snyam du da lta ri bo dge ldan pa'i bstan pa rgya bod hor gsum kun tu dar zhing/ grwa tshogs dang sbyin bdag sogs gang sa nas 'phel rgyas che bas grub mtha' gzhan thams cad las dbu 'phang mtho ba deng dus 'dra ba sngar ma byung ba lta bu yin pas bstan pa ches cher dar skabs yin gyi/ nyams dams pa'i dus ga la yin snyam na/ rnyed bkur snyan gsum kho na don du gnyer ba dag de ltar sems pa bden yang/ thar pa don du gnyer ba rnams kyis bla ma'i yon tan/ bstan pa'i 'phel 'grib/ rang gi gtan 'dun gang bsam na'ang sbun pa dang snying po mnor bar/ dgos pa'i gtso bo ngos zin pa 'di gal che ste/ mkhas grub smra ba'i nyi mas/ dam pa rnams kyi chos kyi khri/ /legs bshad smra ba'i dpal gyis mtho/ /'jig rten phun tshogs dpal rnams kyis/ /khyim gyi rgyal po mthon por byed/ /gang dag rgyal ba'i gsung rab kyi/ /dgongs don smra la nus med pa/ /longs spyod ldan pa'i skyo bo ni/ /mang yang bstan la dgos nus med/ /legs bshad 'od brgya'i snang ba can/ /bshes gnyen nyi ma gcig gis kyang/ /thub bstan gling bzhi ma lus pa/ /cig car nyid du gsal bar nus/ /zhes gsungs pa ltar/ stobs 'byor mnga' thang kha drag dbang che sogs ni 'jig rten gyi rgyal srid sogs khyim pa'i dbang du byas pa'i dpal 'byor rgyas tshul yin la/ chos kyi dbang du byas pa'i dpal 'byor ni rgyal ba'i dgongs pa bzhin du legs par bshad pa'i dga' ston 'gyed cing de don nyams su len pa khon yin gyi/ rnyed @026a @#/ /bkur 'du 'ji sogs bstna pa nyams byed yin par dpal dang byung ma nor ba dgos pa'i phyir te/ /sangs rgyas kyi sde snod kyi mdo las/ shA ri'i bu de lta mod kyi bcom ldan 'das 'od srung gis de bzhin gshegs pa shAkya thub pa'i gsung rab de ni ltag par rnyed pa dang bkur sti byed pas nub par 'gyur ro zhes lung bstan te/ shA ri'i bu 'di ltar chos 'dul ba 'di ni rnyed pa dang bkur stis myur du nub par 'gyur ro/ /shA ri'i bu dpen na mi dbul po zhig gis gter chen po rnyed nas gzhi de las bde ba dang yid bde ba nyams su myong ngo/ /shA ri'i bu de bzhin du ma 'ongs ba'i dus na/ dge slong dag 'di ltar khyim pa la brten pa dang/ phu dud byed pa dang/ bkur sti byed pa dag 'byung bar 'gyur ro/ /shA ri'i bu de la khyim ba gang dag gis dge slong gang dag kyang 'jig rten gyi zang zing gis zang zing la mgron du 'bod par 'gyur zhing/ mi dbul bo gter la chags pa bzhin du/ dge ba ma mthong bde dag 'jig rten gyi zang zing gis yid bde bar bya ba'i phyir/ de dag gi las kyi mtha' rim bzhin du byed par 'gyur ro/ / de ltar na dge slong da dag kyang 'jig rten gyi zang zing lhur len par 'gyur te/ 'jig rten gyi zang zing gis 'khol pas chog mi shes pa dang/ nye du la 'dod par 'gyur ro/ /bdag nyid shes bzhin du khyim pas shes bar bya ba'i phyir bdag nyid dgra bcom pa yin par sgrogs par byed do/ /de dag de ltar shes par byed pa yongs su tshol ba na sangs rgyas kyi byang chub 'dor bar 'gyur ro/ /zhes dang/ gzi brjid can gyi mdo las/ rnyed pa dang bkur sti la brten pa'i dge slong gi kun nas nyon mongs pa @126b bye ba phrag dgu bcu rtsa dgur 'gyur te/ de dag gis mtshams med pa'i sa thob par 'gyur ro/ /zhes gsungs shing/ lhag pa'i bsam pa bskul ba'i mdo las kyang/ rnyed pa dang bkur sti ni gcig tu pa med pa'i rtsa ba yin par brtag par bya'o/ /rnyed pa dang bkur sti ni dge ba'i rtsa ba 'phrog par brtag par bya'o/ /rnyed pa dang bkur sti na di rgyal dang/ rgyags pa dang/ dregs pa skyed par brtag par bya'o/ /zhes sogs gsungs la/ zla ba snying po'i mdor yang bstan pa 'jig pa'i rgyu mang du gsungs pa'i gtso bo 'du 'dzil dga' bar bshad do/ /khyad par du dge ldan pa'i bstan pa 'di la gnod pa'i rkyen che shos 'dod yon la g.yeng bas khyer ba 'dis byed par jo bo yab sras kyis lung bstan te/ bka' gdams glegs bam las/ 'dod yon bdud kyi g.yab mo 'byung/ /zhes 'di'i lung bstan gyi skabs su gsungs la/ rje bla mas kyang de la dgongs te lhung bzed kha sbub pa'i steng du mchod rten brtsigs nas 'dod yon la mnan ba byas tshul dam pa'i gsung las 'byung ba ltar ro/ /des na gang zag khyad par can srid pa'i phun tshogs la zhen pa gting nas log pas rnyed bkur sogs kyis cung zad kyang kha 'khrid mi nus ba re gnyis la gos 'bum ri pa dang/ khang ba brtsegs pa lnga brgya pa'ang 'os par 'dul ba'i mdo las gsungs pa ma gtogs/ snyigs ma'i skye bo col chung rnams la rnyed bkur byung ba ni chos kyi bar chad du 'gro ba las mthun rkyen du 'gro ba nyung ste/ de'i phyir mnyam med jo bo chen pos/ bsod nams zer ba'i 'du 'dzi de yang bdud kyi bar chad yin pas spongs/ /zhes gsungs so/ /de@127a @#/ /ltar na bstan pa'i 'phel 'grib ni stobs 'byor che chung gis mi 'jog la/ der ma zad phyi'i cha lugs tsam dang/ phyag skor ba/ gar thig/ 'bri mchod sogs yus kyi dge sbyor kho nas kyang bstan pa bzung par mi 'gyur/ ngag gi bzlas brjod klog 'don rta dbyangs sogs kho nas kyang bstan pa 'dzin mi nus par/ sangs rgyas kyi bstan pa ni gtso bor sems kyi steng nas 'jog dgos pa'i phyir te/ bzhi brgya pa las/ shAkya gos med bram ze ste/ /gsum po rnams kyi chos yid dang/ /mig dang rna bas 'dzin byed pa/ /de phyir thub pa'i gzhung lugs phra/ /zhes gsungs pa bzhin no/ /sems steng nas 'dzin tshul yang ma mtha' 'khor ba mtha' dag sdug bsngal du shes nas de las thar 'dod bcos ma tshun chad dang/ bdag med phra rags kyi don la sgra spyi'i go ba rags pa re tsam chags na'ang thar pa'i sa bon 'jog nus la/ de med par rtsa rlung dang lha'i sku sgom pa sogs zab zab 'dra ba ji tsam bsgom ste snang ba ban bun gyi rtags thon pa byung yang 'khor ba'i 'khor lo bskor ba las med de/ grub chen skal ldan rgya mtshos/ chos stong nyid snying rje'i snying po can/ /'di'i dmigs khrid gtso bor mi byed par/ /lus 'phrul 'khor gtum mo'i rlung sbyor sogs/ /ngo mtshar yang rgyal pa phus gter yin/ /zhes gsungs pa ltar yin pas/ gang 'dzin rgyu'am gang la nan tan bya ba'i yul gyi bstan pa ngos zin par bya dgos so/ /des na tshul khrims yang dag par ldan pa'i mdo las/ dge slong dag /shes pa ni 'grib/ srog ni 'chad/ tshe'i 'du byed ni 'dor/ ston pa'i bstan pa'ang nges par 'jig @127b par 'gyur na ci'i phyir brtson 'grus dang brtul ba brtan pos sgrub par mi byed/ ces gsungs pa ltar 'tsho ba'i srog ni ri gzar gyi 'bab chu bzhin myur du 'gro zhing/ phan bde'i 'byung gnas sangs rgyas kyi bstan pa'ang nyi rgas kyi grib so bzhin 'grib par nye ba'i ngang tshul bsam ste brtson 'grus dang brtul ba brtan pos thos bsam sgom gsum gyi sgo nas snying po ci lon byed cing/ long bas glang rnga zin pa bzhin tshe rabs thams cad du yang dag pa'i lam bzang 'di dang mi 'bral ba'i phyir smon pa'i mtshams sbyor nan tan du bya dgos pas/ 'dir/ zab rgyas chos kyi de nyid don/ /ji bzhin 'doms pa ches dkon yang/ /'khrul bral khyod gsung glegs bam rnams/ /gdung sel dbugs dbyung mchog sbyin 'gyed/ /cas dam ba gong ma rnams zhi bar gzhol zhing/ da lta bstan 'dzin gyi skyes bu dang dge ba'i bshes gnyen du grags pa mang na'ang/ zab rgyas kyi gdams pa'i gnad ji lta ba bzhin 'byed par nus pa'i rnam dpyod can sa steng 'dir shin tu dkon no/ /'on kyang rje bla ma'i legs bshad rnams ma nub par yod la/ rang gis nyams su len nus na sngon byon pa'i mkhas grub de dag thams cad dang dngos su mjal yang gsung rgyu 'di las lhag pa med pas/ de dag kun gyi zhabs pad bsten pa'i dod por legs bshad 'di rnams la legs par sbyangs nas nyams su lon pas yid kyi gdung ba sel ba zhig byed dgos pa yin te/ rim lnga gsal sgron las/ sa 'dis mkhas grub brgya stong gi /rin chen khur chen 'dzin pa'i tshe/ /'bad pa du mas de rnams kyi/ /spyan sngar so so'i legs bshad len/ /dus kyi dbang gis de nyams tshe/ /de dag rnams kyi thugs kyi bcud/ /yi ger bkod pa'i @128a @#/ /gzhung mang rnams/ /bla ma'i man ngag la brten nas/ /legs par sbyangs te len pa ni/ /de yi dod du mkhas pas shes/ /zhes gsungs pa ltar ro/ /lam srol bzang po de dang tshe rabs phyi ma rnams su'ang mi 'bral ba'i phyir smon ba la/ rgyal kun dgongs pa mthar thug dang/ /dbyer med gyur ba khyod kyi bstan/ /gang du ji bzhin gnas pa der/ /rtag tu skye ba 'dzin par shog /ces chos sgrub pa'i rten khyad par can 'grub par smon pa dang/ phyogs rer ma gyur thos pa'i chos/ /bsam dang sgom pas nyams blangs nas/ /rgyal ba dgyes pa'i lam bzang po/ /tshang la ma nor rnyed gyur cig /ces bstan pa spyi la slob par smon pa dang/ rtag tu 'jam dbyangs bla ma yis/ /rjes bzung lta bas rgyas btab pa/ /rdo rje theg pa'i myur lam gyis/ /byang chub bde slag thob gyur cig /ces khyad par du bstan pa'i snying po mthar thug pa zab mo'i lta ba dang gsang chen rdo rje theg ba zung du 'jug pa'i lam bzang 'di la bslab ste myur du rdzogs byang thob par smon lam btab pa yin no; ;de'ang dus gsum phyogs bcu'i rgyal ba thams cad kyi dgongs bzhed dang mdzad pa'i mthil sems can gyi don kho na yin la/ gdul bya rigs can gsum gyi don sgrub pa'i thabs tshang la ma nor ba rje bla ma'i bka' srol dri ma med pa 'di las lhag pa nam yang dbyung du med pas/ tshul 'di rgyal ba thams cad dgongs pa gcig dang dbyangs gcig tu 'bab pa'i bstan pa'i snying po mthar thug tu nges shing/ de la yun du slob pa la bstan pa'i srol de nyid bsre lhad sogs kyis ma spags pa'i rgyun rnam @128b bar dag pa gang du dar ba'i zhing khams su chos sgrub pa'i 'gal rkyen thams cad dang bral zhing/ mthun rkyen thams cad tshang ba'i rten phun sum tshogs pa brgyud mar thob pa la rag las pas/ de'i rgyu sdom pa gsum gyi bcas mtshams sogs tshul khrims rnam par dag pa gzhir byas la/ sbyin pa dang bzod pa sogs kyi grogs dang bcas pa'i rgyu tshogs ma tshang ba med par bsgrubs nas legs smon dri ma med pas mtshams sbyor ba gal che ste/ rin chen 'phreng bar nges legs bsgrub pa'i gzhir mngon mtho gsungs pha dang; rgyan las 'phrin las phyi ma nyer drug gi gzhir 'gro ba zhi ba'i 'phrin las gsungs pa ltar ro/ /rten de dag la'ang tshul khrims kyi rmang gzhi brtan pa'i steng nas thos bsam sgom gsum la slob pa'i tshul/ thog mar thos pa'i gnas skabs su thos pa sna re tsam ma yin par rje bla ma'i rnam thar bzhin gsung rab dgongs 'grel dang bcas pa thams cad la thos pa mtha' chod par byas/ de'ang thos lo tsam dang kha phyir bltas sum song bar/ rang sems 'dul pa dang rnam grol sgrub pa'i thabs 'ba' zhig tu khyer te/ gang thos pa'i don de la bsam pa'i sgo nas sgro 'dogs bcad pa'i nges pa gting tshugs par byas/ sgom pas nyams myong khyad par can skyes te chos dang rang sems pa'i chu 'dres pa bzhin ngo bo gcig tu song bas thos bsam sgom gsum ma ma bral ba gcig grogs su gcig 'gro ba'i tshul gyis rgyal ba dgyes pa'i lam bzang po mtha' dag grangs ma chad par yongs su tshang la/ ngo bo ma nor ba/ go rim ma 'khrugs par rgyal ba'i dgongs ba bzhin du nyams su blangs pas lam gyi rtogs pa mtha' dag gegs med bde blag tu skye bar smon pa ste/ @129a @#/ /mdzod las/ tshul gnas thos dang bsam ldan pas/ /sgom pa la ni rab tu sbyor/ /zhes pa ltar bstan pa spyi la slob pa'i tshul lo/ /khyad par yab rje rgyal ba gnyis pa'i lugs bzang 'di la slob pa'i phyir bye brag tu smon pas mtshams sbyor ba ni/ spyir sangs rgyas thams cad mnyam nyid gsum gyi sgo nas dbyer ma mchis kyang/ sdom 'byung dang rim lngar/ 'di ni rang byung bcom ldan 'das/ /lhag pa'i lha ni gcig bu nyid/ /ces pa ltar/ rang cag rnams gang la las 'brel lhag par tsha ba'i lha skal ni rje bla ma 'di nyid yin zhing/ rje rang gis kyang dang por thugs bskyed tshul gyi rten 'brel bzhin mdo sngags zung 'jug gi lam bzang 'di'i bdag po lta bu yin pas/ des na tshe rabs kyi phreng ba thams cad du rje bla mas theg pa mchog gi dge ba'i bshes gnyen mdzad nas dgyes bzhin rjes su 'dzin pa dang/ rang gis kyang rtag tu dus chos 'phags bsten pa ltar sgo gsum bran du phul te mi mnyes pa skad cig kyang mi sgrub par mnyes pa gsum gyi sgo nas mnyes par byed cing; gsung gi bdud rtsi ngoms pa med par mnos te pha rol tu phyin pa'i lam gyi snying po zab mo dbu ma'i lta ba dang/ gsang chen rdo rje theg pa'i yang snying bde stong zung 'jug gi lam bzang gnyis tshogs kyi sgo nas bskal chen grangs med sogs la mi ltos par myur ba nyid du phra rags srid pa'i rgya mtsho brgal te/ bla na med pa'i byang chub nor bu'i gling du phyin nas/ nam mkha'i mthas gtugs pa'i ma rgan sems can thams cad kyang pad dag pa'i lam gyi gru gzings 'di la brten nas rang gis brnyes pa'i go @129b 'phang mchog la 'grod par gyur cig ces dge tshogs chud mi zab nyi phyir smon lam rnam par dag pas rgyas btab pa yin no/ /mjug gi don sbyar byar ni/ zhes 'jam mgon rgyal ba gnyis pa la bstan pa'i snying po gsal bar mdzad pa'i tshul las brtsams te bstod pa don dang ldan pa zhes bya ba 'di ni gzhung brgya sna ba'i dbang phyug il gogs na en ti ni she re ge thu rdor ma pa ngag dbang yon tan gyis bskul ba'i ngor/ 7 btsun pa dkon mchog bstan pa'i sgron mes bshad sgrub bstan pa'i 'byung gnas dpal ldan bkra shis 'khyil du sbyar ba'i yi ge pa ni dge slong dkon mchog kun dga'o/ /zhes pa ste gzhan rnams go sla la/ don dang ldan pa zhes pa ni snyan ngag mngon brjod sogs kyis bcings pa'i tshig sbyor kho na gtso bor byas te 'grig 'grig 'dra'ang kun byang gi gnad ci'ang mi ston pas don med pa dang/ 'jig rten gyi dpal 'byor mnga' thang sogs yon tan ma yin pa la yon tan du byas pas don log pa lta bu ma yin par/ brjod bya shin tu 'gangs che ba bstan pa'i snying po gsal bar mdzad tshul gyi sgo nas bstod pas na don dang ldan pa zhes smos pa yin no/ /de ltar bstod pa'i dgos pa'am phan yon ni/ dkyil chog nyi shu pa las/ de bzhin gshegs rnams la bstod pa/ /de la sangs rgyas rdo rje sems/ /rang nyid grogs por nye bar gnas/ /zhes bla ma dang lhag pa'i lhas sdongs grogs mdzad de lam gyi rtogs pa skye sla bar gsungs la/ mdo sde bad dkar las/ g.yeng pa'i sems kyis sangs rgyas phyag 'tshal zhes/ /tshig gcig lan 'ga' brjod par byas pa yang/ /de dag kun gyis byang chub mchog 'di 'thob/ /ces kun @130a @#/ /slong khyad par can gyis ma zin par kha tsam gyis bstod pa dang phyag 'tshal lo zhes smras na'ang zhing gi mthu bsam gyis mi khyab pas/ nam zhig na byang chub 'grub pa'i sa bon bzhag ste 'khor ba mtha' can du byed par gsungs shing/ yon tan legs par mthong ste dad gus rtse gcig pas bstod pa byas na zung 'jug rdo rje 'chang gi go 'phang ring min bde blag nyid du thob par 'gyur ba ni/ 'dus pa'i rtsa rgyud le'u bcu bdun pa las/ sangs rgyas kun gyis bskul ba yis; ;bstod tshig zhi ba 'di rnams kyis/ /rdo rje longs spyod bstod na ni/ /de yang sangs rgyas 'dra bar 'gyur/ /zhes gsungs so/ /smras pa/ gang yang sa gsum nyin mor byed la snang ba'i gter de kun las rgyal/ /gcan gzan ri dwags phra mo'i sder bcas gdong lnga 'bar ba'i zil gyis gnon/ /'di na rgyal ba'i dgongs pa gsal byed pha rol rgol ba'i snyems phrogs pa/ /mtshungs med rgyal ba gnyis par nges rnyed tshad mas drangs pa'i phyag bgyid do/ /de sras slob mar bcas pa thams cad dang/ /kun gzigs rgyal dbang paN chen thams cad mkhyen/ /'jam dpal dbyangs dngos bzhad pa'i rdo rje sogs/ /gzhal dka'i bka' 'drin phung po bsam zhing dad/ /thub pa chen pos chos kyi sgo/ /brgyad khri bzhi stong phye ba las/ / snying po'i nor ni rdo rje theg /mtha' bral phyag rgyas btab pa'o/ /de tshul ji bzhin 'byed pa ni/ /bstan la ri mor bya ba'i las/ /mchog tu gzigs pa'i thugs bskyed mthu/ /yol med rgya mtsho'i rba rlabs bzhin/ /srid 'gro ya ngar 'phyan @130b pa 'chel da ri rten/ /dmus long zhi ba'i grong 'jugs mkhan te/ /rgyal kun mdun sar kun bzang mchod pa'i sprin/ /brjod pa don ldan ched brjod 'di bgyis so/ /'dis mtshon rang gzhan dge tshogs bsdoms pa'i mthus/ /bstan 'dzin skyes bu mchog rnams zhabs brtan cing/ /bslab gsum dur smrig 'chang bas nor 'dzin khyab/ /'gro kun phan bde'i dpal la spyod gyur cig /tshul khrims rnam dag nyes ltung snyog mas dben/ /ting 'dzin rlabs 'phrer bye ba spro zhing sdud/ /shes rab gting zab rgyud sde nor bus gtams/ /dge ldan bstan pa'i chu mtsho rgyas gyur cig /bdag sogs 'gro kun rmad byung bkod pa ru/ /bde gshegs seng geng ros rjes bzung ste/ /legs gsung snying po'i lam bzang mngon gyur nas/ /mkha' mnyam 'gro ba'i mgon du 'gyur bar shog /ces 'jam mgon bla ma tsong kha pa chen po la bstan pa'i snying po gsal bar mdzad pa'i tshul las brtsams nye bstod pa don dang ldan pa'i rgya cher 'grel ba bstan pa'i de nyid snang bzhes bya ba 'di ni 'jam mgon bla ma'i lugs bzang shar phyogs rgya mtsho'i mtha'i bar du spel ba la rlabs po che'i thugs bskyed kyi mthu grub pa khri chen nam mkha' bzang mchog gi sprul pa'i sku rin po chas gsung nan chen pos bskul ma gnang bar brten/ dpal ldan bla ma dmigs pa med pa'i thugs rje chen po dang ldan pa rje btsun ye shes rgyal mtshan dpal bzang po dang/ nges pa don gyi thams cad mkhyen cing gzigs pa chen po rje btsun dkon mchog 'jigs med dbang po'i zhal snga nas rnam gnyis kyi bka' drin la brten nas rje bla ma'i bstan pa la shes nas dang pa thob pa'i btsun pa dkon mchog bstan pa'i sgron @131a @#/ /mes rab byung bcu bzhi pa'i bgrang bya lnga ba skyes bdag ces pa lcags mo lug gi lo nag pa zla ba'i yar tshes dge par mgo brtsams shing/ yang khri chen mchog gi sprul pa'i sku rin po che nyid nas dge ldan bstan pa'i 'phel rgyas kyi don kho na thugs la bzhag ste gser zangs las bsgrubs pa'i rgyal ba seng ge ja ro'i snang brnyan thog tshad bzhi pa gtsug lag khang dang bcas gsar bskrun gnang ba'ang lo 'dir legs par grub ste/ snron gyi zla ba'i yar tshes 'phrod sbyor phun sum tshogs par spyan dbye'i cho ga bgyis pa'i tshe rten nyid kyi drung du smon lam rnam par dag pa'i mtshams sbyor dang bcas mthar phyin par bgyis pa'i yi ge ba ni b+hik+Shu ratna Anantas bgyis pa 'dis kyang rje rgyal ba gnyis pa'i lugs bzang dri ma med pa phyogs dus kun tu dar zhing rgyas la yun ring du gnas par gyur cig/ // @131b blank