@#/ /skabs bzhi pa'i bsdus don rgyal mkhan po grags pa rgyal mtshan pa la gnang ba bzhugs so/ / @001 @##/ /sbyor bzhi'i rin chen rdul brtsegs ri bo'i spor/ /sgrib 'bral dbyings rig dbyer med lding khang na/ /lnga ldan longs spyod rdzogs pa'i 'chi med gtso/ /snang brnyan bye ba brgyar 'gyed des skyongs shig /gzhi shes mjug sdud mdo tshan bcu dgu sogs/ /spyod pa khyad par can gyi le'u yi/ /mdo tshan gsum gyi mkhyen gsum rjod byed skabs/ /gsum pa rdzogs pa yin par bstan zin nas/ /de yang thos tsam min par bsgom dgos phyir/ /dbang du bya phyir yang zhes gsungs pa las/ /gzhung la sbyar nas yang sgra rjes gcod 'khrul/ /lo chen mtshams sbyor gzhung tshig snga gyi la; ;shes dang sgom pa'i sgra las ma byung phyir/ /de de tsam phyir yin pas mi zlos lo/ /gang thos de nyid bsgom byar gzhung brgyas 'grub/ /la la dang po gsum du mkhyen gsum gyi/ /rnam pa mi gsal @002a @##/ /phyir na mi zlos zer/ /rgyu 'bras la sogs don dang lam gsum sogs/ /shes rnam ci rigs der yang gsal phyir min// ! rang lugs yul ngos byed las gsum phyir te/ /thob bur phye ba 'dir bsdus bsdus bsgom phyir/ /skabs 'dis lhan cig gsungs la thor bu'i don/ /tshang ba las kyang lhag phyir 'dis chog go /ma yin mkhyen gsum so so'i mtshan nyid dang/ /sgom byed sbyor shes dgos pa gzhan phyir te/ /ldog cha tsam dang sgom byed kyis bsnyad phyir/ /gsum pa byed las sogs kyang mi mtshungs te/ /de zhi ba dang gnyen po'i sgras bstan phyir/ /rims nad zhi dang zhi ba'i thabs brjod bzhin/ /dang po bsdus sgom don yang lo chen gyi/ /gzhi yi nyer bdun lam gyi sum cu drug/ /rnam thar rnam gsum bar chad med lam bzhi/ /de bzhin nyid bcas don dam don gcig las/ /stong dang bdag med gzhi lam dbye bas bzhi/ / @002b sems dpar rjes mthun rnam mkhyen rnam pa'i stong/ /lnga po stong pa nyid kyi rnam pa'o/ /gzhi lam dbye bas 'gog lam zhe gnyis dang/ /rnam pa'i mtshan med 'gog lam bar chad med/ /zhe lnga mtshan med do smon med bco brgyad de/ /sdug kun gzhi lam dbye bas bcu drug steng/ /kun 'byung bar chad med dang smon med do/ /stong mtshan thun mong sdug bsngal dngos nyid med/ /gsum ka'i thun mong de bzhin nyid rnam ste/ /thun mong rnam thar kyang bsdus gtso bo ni/ /lhag ma chos can rnam pa brgya gnyis bcas/ /ngo bo rgyu 'bras bden stong spros bral du/ /bsdus nas bsgom pa bsdus sgom don du 'dod/ /don gcig bden med yin pa'i phyir bsam na/ / lhag la thal bar 'gyur zhes lam sgrig gsungs/ /mdo sgra tsam la brten nas mi rtag sogs/ /rang ldog mi 'dren chos nyid 'dren na yang/ /rang ldog ji snyed rnam par 'dod dgos shing/ /grangs phan kun rdzob rnam pa brgya dang gnyis/ /dngos su'ang khyed 'dod de dag sgom ma ma min/ /bsgom na sgom tshul 'chad tshe 'chad dgos phyir/ /'grel tshig bsgyur nas stong tsam bsgom gsungs 'gal/ /mi sgom rtag 'dzin gnyen por mi rtag sogs/ rim gsungs rtsa ba 'grel ba kun dang 'gal/ /kha cig zhi lhag yul du bsdus 'dod 'khrul/ /sems bskyed zhig nas la rag ha cang phyir/ /rang lugs mkhyen gsum rnam kun rnam rdzogs kyi/ /'dzin stangs yul du sdud @003a @#/ /pa bsdus sgom don/ /sgra don ma nges rnam rdzogs sbyor ba bzhin// ! gzhung gi don la rnam rdzogs spyi don dang/ /thar cha nas bzung rgyud la skye rim gnyis/ /dang po sbyar sa rnam pa sbyor mkhan rten; ;sbyor ba'i ngo bo skyon yon mtshan nyid drug /rgyas bshad don dang mdor bstan shes rnam bdun/ /der yang dngos dang sgom byed sbyor rnam gnyis/ /de phyir mdor bstan rkang ba dang po yis/ /zlog phyogs 'gal zla'i rnam ldan shes rnam bstan/ /rnam ba'am bye brag ces pas rtag 'dzin dang/ /bder 'dzin la sogs so so'i bye brag gi /ngos skal gnod byed 'dzin stangs 'gal ba bstan/ /mtshan nyid ces pas 'dzin stangs 'gal ba de/ /gong du bshad pa'i shes rnam sbyor rnam gnyis/ /gnyen bor 'jog byed mtshan nyid yin bar gsungs/ /kha cig rnam pa'i mtshan nyid 'chad byed du/ /byed pa rnam bshad las ni bkag go zar/ / bden bzhi'i steng du rtag 'dzin la sogs pa/ /'joms byed gnyan por 'gyur tshul ma sbyar bar/ /rnam ba shes rab bo zhes 'dra kha yan tsam/ /bshad na dgos bstor bde don yin/ /de phyir gzhi med rnam par ma song bar/ /rnam ba'i don du mdzad pa yab sras mthun/ /tshig gsal gzhi yis gzhi shes shes pa zhes/ /lam dang rnam pas rnam mkhyen bstan no zer/ /rnam pa de la kun mkhyen nyid gsum gyi/ /shes rnam rtsa bar gsungs phyir mtha' rkyang @003b min/ /rje sogs las dang byed pa'i rnam pa la/ /don rnam shes rnam tha snyad rim sbyar ba/ /gsung rab tha snyad min zhes kha cig zer/ /rtsa bar 'phags pa'i bden pa bzhi dag gi /rnam pa zhes pas don rnam gsal bar gsungs/ /de bzhin shes pa'i rnam pa'ang ye shes kyi/ /rnam bzhes ni rig byin gsungs phyir ro/ /don rnam shes rnam gnyis las bsgom bya dngos/ /gang yin kha cig rtsod pa don chung ste/ /mi rtag bsgoms pas de blo sgom 'gyur zhing/ /stong nyid bsgoms la sher phyin bsgoms gsungs phyir; ;kha cig mthong lam bar chad med lam gyi/ /ye shes bsgoms na shes bsgom 'gyur zer/ /ma nges de lta min na ye shes der/ /mnyam par bzhag blo med bar thal bar 'gyur/ /khyed cag bsgom byar byas na 'dzin stangs su/ /byed dgos snyam pa 'di yis nongs pa'i phyir/ /sgom tshul sna tshogs dbye ba shes dgos te/ /stong dang bden bzhi 'dzin stangs yul byas bsgom/ /byams sogs yul can ngo bor bskyed nas bsgom/ /tshogs la dbang stobs rjes mthun rnam pas bsgom/ /so skyes mkhyen gsum rtogs rigs sgo nas bsgom/ /phal bas dngos brgyad mtshan nyid rjes dpyod bsgom/ /rgyal kun gsang gsum smon lam rnam pas bsgom/ /la sogs 'phros don sna tshogs shes par bya/ /rang lugs 'dzin stangs yul rnam shar ba'i sogs/ /rang gi mi mthun phyogs la gnod byed kyi/ /cha bzhag rig pa gnyen po'i mtshan nyid de/ /cha bzhag 'dzin stangs mi gsal kha cig dang/ /rang gi mi mthun phyogs med rnam mkhyen sdud/ /'dir bstan de ni 'dir bstan gnyen po'i don/ /cha bzhag ma smos sbyor rnam gtso phyir dpyad/@004a @#/ /gnyen po lam zhugs kho nar 'dod mi rigs/ /spong gnyen tsam min gnyen po sna tshogs te/ /gang gang skyon mthong rnam par sun 'byin gnyen/ /rkun po 'byin 'dra'i spong gnyen bar chad med/ /bral thob 'dzin pa'i gzhi gnyen rnam grol lam/ /de yan khyad par lam rnams thag bsring gnyen/ /bye smra rnam grol lam yang 'dir 'dod lo/ /gzhan yang tshul khrims skyes bu chung dur yang/ /yod phyir gnyen po min na mdzod sogs las/ /mchan nyid mi mthun phyir rang 'byung bzhi dang/ /mi mthun gnyen pos ring pa khrims dang 'chal/ /shar nub yul gyi ring zhing 'das ma 'ongs/ /dus kyi ring ste bzhi gsungs gnyis par 'gal/ /kha cig gnyen po yin na spang byar der/ /'dzin stangs dngos 'gal dgos 'dod 'khrul pa ste/ /'du shes kun mchog mi rtag 'du shes su/ /gsungs phyir bden 'dzin gnyen por gzhol phyir dang/ /bdag med rnam gnyis rtogs pa'i ye shes gnyis/ /chags bar dngos 'gal yin ba chags ba de// 'dzin pa gnyis phyir sgrib ba gnyis kar 'gyur/ /kha cig mdo yis don rnam tsam bstan zer/ /ma mchis zhes pas don dang sher phyin zhes/ /shes rnam gsungs shing gzhan yang ci rigs bar/ /rgyal dang rab 'byor gnyis kyis don shes kyi/ /rnam pa gnyis ka gsungs phyir mi 'thad do/ /la la rgyas bshad shes rnam gtsor bstan te/ /lam gyi rnam ba de snyed bstan phyir zer/ /shes rnam yin kyang skabs 'dir shes rnam du/ /byas te ma bstan phyir na mi 'gal lo/ /kha cig gnyen por 'dzin @004b stangs rnam 'char na/ /bar chad mad la 'dzin stangs 'char 'gyur zhing/ /'dod na rang yul 'char ram zhen min/ /yul la dmigs yul la sogs sna tshogs shing/ /'dzin stangs bdag med phra rags gang rung phyir/ /tshig la gzab cing shugs yul gsungs pa dbyad/ /rgyas par bshad gsum dang po gzhi shes la/ /grub 'phral 'gyur ldog mi rtag med pa'i don/ /don dam rmongs pa'i nyer yin sdug bsngal te/ /yang na skad cig las lhag mi skye dang/ /bdag dben bdag gi ba yis mi brdzi bzhi/ /sred pa bden med kun 'byung nam mkha' 'dra/ /rab tu skyed byed tshul bzhin ma yin pa'i/ /yid byed rtog dpyod la sogs brjod du med/ /yang na rtog dpyod med phyir rjod byed med/ /yang srid rkyen gyis tshor sogs ming bzhi med/ /'gog ba gzhan gyi rgyud du 'gro ba med/ /gtan du zhi phyir rkyen gyis mi 'phrog ste/ /dag snying gzung med la sbyar gser 'phreng bzhed/ /chos dbyings nyid phyir thar ba mi zad de/ /chos nyid dri bral 'gog ba skye ba med/ /lam la nyon sgrib gnyen po rnam bzhi ste/ /lam sgom byed po don dam rig ba bo/ /gong mar 'pho bo nyon mongs 'dul ba bo/ /bdag med rtogs pa'i mthong lam zag med bzhi/ /'pho ba rgyan bzang 'chi 'phor bshad kyang min/ /nyon mongs gnyen bo rdzogs phyir lhag bcu gcig /'os med rigs pas shes sgrib gnyen por 'grub/ /de spangs dka' phyir mthong sgom gnyis phye bar/ /mnyam gzhag gtso dang mnyam rjes spel ma ru/ /dus ring 'byung phyir zag med zag bcas 'byed/ /slob dpon lam 'dis rang rgyal sdud ba'i phyir/ /shes sgrib gnyen po gsungs @005a @#/ /la lo chan gyis/ /rang rgyal sdud dgos zhes ba shes rnam gyi/ /dbang byas yin na don rnam bshad skabs 'chol/ /don rnam yin na de 'di ga la dgos/ /bden pa dang po gsum dang mtshungs zhes zer/ /rgyal bas sdug kun spong phyir lam bsgom zhes/ /gdams te bskyed byar yin gyi shes byar min/ /'dir yang gzhi shes 'ba' zhig skabs yin phyir/ /lam 'dis gzhi shes rang gi ngo bo'i sogs/ /mtshon slad rang yin tshul gyis bsdus bas na/ /dmigs par bsdus pa'i tshul dang gal mtshungs/ /gal te khyod ltar dmigs pa'i dbang byas kyang/ /nyan rang rang rgyud lus tshor sems chos tsam/ /dmigs phyir dman zhes dbus mtha'i 'grel bar gsungs/ /'phags pas 'di'i zhes dgag tshig ma mdzad phyir/ /theg pa gnyi ga'i shes sgrib gnyen po kun/ /bzhed kyi slob dpon ltar min gsungs pa yang/ /mi rigs des kyang mthong sgom nyid gsungs phyir/ /tshig gsal phyi ma 'di gnyis sgom gcig bur/ /gsungs pa 'grel chung 'gyur la bde 'dra yang/ /snang ba gnyis dang mi mthun phyir na dor/ /de yang sgom la ngo bo nyid med lnga/ /mthong la phyi don kun nyon rnam bya ba dang/ /bag chags dbye ba'i spros dang rtogs pa'i rlom/ /phyi don rtogs pa thob zin nyams med drug /tha mar gser 'phreng stong nyid mi g.yo gsungs/ /'di dag legs ldan 'dod tshul lam sgrig gsal/ /'dir bstan gtso bo rnam gzhag rten shes nas/ /rjes su gzung phyir sems dpa'i bskyed bya tsam/ /yin phyir dman la min zhing brgyal la'ang min/ /skabs 'dir gtsor bstan lam shes 'ja gzhi shes nyid/ / @005b ma cig bdag med mngon sum rtogs pa'i blos/ /zin ba'i theg dman shes rab rtogs rigs te/ /gzhi shes dmigs la log zhugs gnyen por 'dod/ /gzhi shes dmigs par log zhugs bden 'dzin yang/ /yod cing mi rtag rtogs blo de'i gnyen bor/ /mi rigs 'dir bstan gnyen bo rnam pa'i don/ /sngar bshad bzhin du 'dzin stangs 'gal dgos shing/ /gnyen bo tsam la bsam na skabs 'chol phyir/ /gang gi gnyen bo bya yul sgrib ba la/ /mtshan nyid zur du cha bzhag ma smos par/ /thar dang thams cad mkhyen la bar gcod sgrig /rim bzhin sgrib gnyis don du kha cig 'dod/ /bzhan dag snga ma'i skyon du bden 'dzin 'phen/ /'jig tshogs lta ba'i gdon gyis byang chub mchog /thob la bar du gcod phyir snga ma zhig /dgra bcom bden 'dzin ldan phyir gnod tsam gyis/ /bar gcod mi dgos phyir na gzhan de'ang khegs/ /sgrib de gnyis su nges kyang? ma khyab ste/ /stobs kyi sgra don dbang bo'i rdo rje bzhin/ /gang la thogs pa med tshul 'chad ba'i skabs/ /gnas dang gnas min mkhyen pa la sogs drug /shes sgrib go chas 'thums pas 'bigs byed dang/ /bsam gtan rnam par mkhyen sogs khams gcod pa'i/ /snyoms 'jug sgrib pa'i rtsig ba gzhig byed gsum/ /srid pa'i 'dab rgyas nyon mongs ljon shing che/ /gcod byed zag zad stobs su rgyud blar gsungs/ /'on kyang bying phra dge la rags pa ni/ /msgrib? lung ma bstan du bshad ba'i phyir/ /sgrib gnyis pas gzhan snyoms 'jug sgrib gang dbyad/ /snyoms 'jug sgrib la sgrib bas khyab gsungs shing/ /las sgrib de pas bzlog phyir de nyid la/ /ngo tsha khril med dang ldan med dam dpyad/ /gzhan yab @006a @#/ /sgrib pa'i 'jog tshul du ma ste/ /dbus mtha' rtsa 'grel sgrib pa'i le'u las/ /sgrib ba chen po nas bzung phar phyin dang/ /khyad par 'grol sgrib bcas bcu gsungs shing/ /de mi tha ma gnyis kyis bsdus pa yi/ /kun rmongs nyer gnyis bcu gcig gnas ngan len/ /sgrib gnyis las gzhan kha cig chags sgrib dang/ /thogs sgrib gnyis kyang sgrib gnyis las gzhan zer/ /mi 'thad ji lta ji snyed la rmongs pa'i/ /cha nas phye yang shes sgrib dang gcig phyir/ /kha cig 'dod chen chos la sdang ba dang/ /su stegs bdag lta nyan thos 'jig sred dang/ /rang rgyal brtse med sgrib bzhi'ang gnyis min zer/ /snga gnyis srid mthar ltung byed nyon sgrib dang/ /phyi gnyis zhi mthar ltung byed bden 'dzin gtso/ /gnyen po mos pa la sogs bzhi yi 'bras/ /gtsang bde rtag bdag dam pa'i phar phyin bzhi/ /gzhi shes bzhin du rang gi dmigs rnam gcig /byas nas nyams len gzhi shes sbyong ba'i don/ /dmigs pa bden bzhi rnam pa gzhi shes kyi/ /'dzin stangs nyer bdun gang rung sgom pa yi/ /rab phye sems dpa'i sbyor ba 'dir dngos su/ /gtsor bstan sems dpa'i gzhi shes sbyor ba'i don/ /de dag don la kha cig shes sgrib rags/ /shes sgrib min te rags pa yin pa'i phyir/ /bdag 'dzin rags pa bdag 'dzin min bzhin zer/ /shes sgrib yin ba rnam dag skabs kyis 'grub/ /kha cig byed po bdag med rtogs sogs bzhi/ /bco lngar dbyi ba'i don rnam ma yin te/ /lam gyi rnam pa sgom byed yin phyir zer/ /ma nges lam steng 'dir bstan don rnam la/ /lam de'i 'dzin stangs @006b yul zhig mi dgos phyir/ /de ltar med pa nas bzung mi g.yo'i bar/ /gzhi la sbyar byir lam la mtshams 'byed byed/ /dngos su med kyang 'dod chags bral rnam nas/ /dngos med dngos nyid bar zhes don gyis 'thob/ /rgyud blar mngon rtogs rim dang 'dir gsungs pa; ;rgyu 'gres don rim phyir na 'gal ba med/ /kun 'byung spong gnyen sgo nas rnam pa brgyad/ /lam la dam bca' 'thad pa'i sgo nas bdun/ /sdug bden rang spyi'i sogs lnga 'gog bden la/ /stong nyid sgo nas rnam pa bcu drug ste/ /rnam bshad ltar na phan yin rnam pas so/ /dang po bdag med mngon mthong ye shes de/ /ma 'ongs la 'dun mi 'bral 'dod chags dang/ /yang srid la dga' gsum gyi gnyen po ste/ /thob 'dod chags bral zhen bas mi gnas dang/ /sred bzhi pa'i ye shes gsum yin phyir/ / gser 'phreng 'dun pa yul nges la gsungs dpyad/ /de bzhin chags sdang rmongs gsum gnyen po ste/ /de yi zhen tshul med ba'i rnam can phyir/ /bdag 'dzin gyur ba'i zhe sdang 'di yis 'grub/ /gtsang bde sogs gsum kun rtog gnyen po ste/ /kun nas nyon mongs zhen yul med rtogs phyir/ /rang dbang sems can nyid du mngon zhen ba'i/ /gnyen po yin te de med mthong phyir ro/ /de ltar mdo las kun 'byung spang bya ru/ /shes phyir dngos sum bstan gnyen po brgyad/ /bstan te 'dir ni spong gnyen sbyar nas gsungs; ;lam sogs gsum gyi dngos dang 'thad pa ni/ /sems can tshad med thar ba'i go 'byed de/ /srid bzhi'i mtha' dang ma 'brel 'byed phyir ro/ /chos dbyings ngo bor tha dad med rtogs te/ /gzhan mchog mi 'dzin rdzogs byang sgrub phyir ro/ /yon tan @007a @#/ /bsgrubs kyang rnam par mi rtog ste/ /thob dang ma thob gzhal du med rtogs phyir/ /'di'i mdor chad ma'i tha snyad gsungs bar ni/ /nyi snang drangs phyir shes rab rin chen sogs/ /tshad ma phyogs glang yab sras blos byas las/ /rgyal bsam gsungs thal rang mi 'dod ces/ /smra ba khegs so 'on kyang brgyad stong dang/ /nyi khri rgyan snang sogs su tshad med la/ /bsgyur cing nyi snang las ni 'di ltar gsungs/ /chags med rnam par mngon mthong nges 'byin te/ /'thad ba ma gsungs gdul bya nye ba'i dbang/ /'o na gser 'phreng rnam ba nyer bdun dang/ /so drug dag la dam bca' 'thad pa'i mdo/ /grangs mnyam yod cing rnam mkhyen rnam pa yi/ /byang phyogs sde tshan bdun la mdo bdun dang/ /so bzhi'i rnam thar snyoms 'jug spong lam la/ /re re ltag ma bcu gsum re re ste/ /so dgu'i sde tshan bzhi dang tha ma gsum/ /so sor byas ba'i bdun gsungs ci zhe na/ /mdo las nam mkha'i rang bzhin nyid phyir zhes/ /'thad pa gsungs kyang der bstan rnam pa ni/ /dam bca'i rnam par gcig ste brgyad stong las/ /chags ba ma mchis slad du chags med ces/ /gsungs phyir snga phyi'i lung la 'gal ba med/ /sdug bsngal rang mtshan bzhi dang spyi yi gcig /'jig phyir mi rtag 'phags dang mi mthun sdug /rten byed bdag stong rang nyid bdag ma yin/ (/! sgrub pa'i dam bca' dang 'thad pa'i mdo ni/ nyi khri las/ bcom ldan 'das 'di lta ste/ shes rab kyi pha rol tu phyin pa 'di ni gzhal du ma mchis pa'i pha rol tu phyin pa'o/ /bcom ldan 'das kyis bka' stsal pa/ chos thams cad kyi tshad dmigs su med pa'i phyir ro/ /zhes tshad ces pa las tshad ma zhes mi 'byung yang/ nyi snang du/ ji ltar de @007b la bya ba'i rnam par rtag pa med ces bya zhe na/ gzhal du med pa'i rnam pas chos thams cad kyi tshad ma dmigs su med pa'i phyir ro zhes gsungs pa yin no/ /zhes mdo drangs pa yig char yang sor bzhag mdzad pa'i snga ma 'gyur skyon yin nam dpyad gzhi yod de/ 'di'i brgyad stong bar mang/ bcom ldan 'das chos nyid tshad ma mchis pa nyid kyi slad du 'di ni gzhal du ma mchis pa'i pha rol tu phyin pa'o/ /zhes gsungs shing/ 'dir slad du zhes pa phyir na zhes 'thad pa'am rgyu mtshan du ston byed yin no/ /rgyan snang las kyang/ gzhal du med pa zhes bya ba gsungs te/ chos nyid tshad ma ma mchis pa'i slad du thob pa yongs su nyams pa dang/ zhes sogs gsungs so/ /nges 'byin la'ang dam bca' dang 'thad pa'i mdo sngar ltar so sor yod de/ nyi khri las/ gsol ba/ bcom ldan 'das 'di lta ste/ shes rab kyi pha rol tu phyin pa 'di ni chags pa ma mchis pa'i pha rol tu phyin pa'o/ /bcom ldan 'das kyis bka' stsal pa/ chos thams cad nam mkha'i rang bzhin yin pa'i phyir ro// zhes gsungs/ 'on kyang lam rig sgrub pa gsum gyi skabs su bstan pa dang mi 'dra ste/ de dag gi dam bca' dang 'thad bas bstan pa'i rnam pa gnyis don mi 'dra ba dang/ blor 'char tshul/ 'dzin stangs so so ba yod la/ 'dir nam mkha'i rang bzhin zhes pa'ang chags pa ma mchis pa las sogs su go rgyu dang sgom tshul med de/ brgyad stong bar/ bcom ldan 'das/ chos thams cad chags ba ma mchis pa'i slad du chags pa ma mchis pa'i pha rol tu phyin pa'o/ /zhes gsungs pa'i phyir/ khyab ste/ 'di'i 'ang slad du zhes pa rgyu mtshan ston byed yin pa sngar dang 'dra bas/ dam bca' dang 'thad pa gnyis bskyar nas gsungs ba tsam las mi 'dra ba med pas shes so/ /de'i phyir lung snga phyi 'gal ba med tshul shes so/ /bden bas stong ba spyi yi mtshan nyid do/ /phyi dang nang sogs bden 'dzin spangs pa yi/ /'gog pa bcu drug steng gi stong nyid rnams/ /'dir bstan 'gog bden rnam pa bcu drug @008a @#/ /phyir/ /de rtogs sbyor ba don dam rnam can gsungs/ /kha cig lam shes skabs gsungs sbyor ba kun/ /don dam rnam can 'dod pa mi rigs te/ /ma 'ongs sred pa'i zhen phul med bde/ /don dam min yang de yi 'dzin stangs phyir/ /gzhan du sems dpa'i las shes sbyor ba la/ /theg ba gsum gyi rtogs rigs med 'gyur phyir/ /gnyen bo'i rab dbye shes bar mi 'gyur ro/ /theg chen rtogs rigs 'dir bstan sbyor ba yang/ /kun rdzob rnam can lam gyi gnyis sogs mang/ /srid zhi'i mtha' gnyis sel bar byed ba'i phyir/ /sdug bden steng gi gzhi shes sbyor bzhi yang/ /sems dpa'i rgyud la lam shes sbyor bar gnas/ /kha cig lam nges rtogs bya de nyid kyi/ /rnam ba'i don du 'dod kyang mnyam gzhag blo/ /rang gi shes rnam yin phyir/ mi rung ngo/ /! rang lugs lam shes don rnam gang yang rung/ /shar nas sgom pa'i sems dpa'i sbyor bde/ /'di yid dngos bstan lam shes sbyor ba'i don/ /'dir bstan lam shes 'dod sred ma spangs shing/ /gtso bor mi spong rgyud kyis bsdus pas na/ zag bcas sgras bstan rnam grangs zag bcas phyir/ /rgyu yi lam shes kho na yin bar gsungs// ! rnam mkhyen rnam par nyan thos byang sems la/ /yod dang rjes mthun rnam mkhyen rnam pa dang/ /sangs rgyas kho na'i thun mong min rnam gsum/ /'di la kha cig rnam mkhyen kho na dang/ /rten yang sangs rgyas kho nar bshad skabs phyir/ /gang zag gsum la yod cing mkhyen gsum du/ /dbye ba mi rung zhes rtsod lan la yang/ /kha cig 'phags tshogs yon tan yar ldan du/ /bsdus phyir gzhi shes lam shes btags @008b pa zer/ /kha cig rgyur bshad tsam las rnam mkhyen gyi/ /ma yin gzhi lam rnam bar gong bgrang zer/ /dang po mi 'thad khyod kyis rtsa ba las/ /lam gyi bden ba'i rjes mthun gsungs phyir ro/ /bsam na 'gal khyab yin te de yi don/ /cha 'drar mi byed de la yod pa dang/ /mthun bar rgyal la yod pa'i don phyir te/ /chos sku'i skabs su 'di la zhal 'phangs phyir/ /gnyis pa rgyur bshad ba yang mi rigs te/ /mkhyen gsum phyed pa'i don dang rang rang gi /rigs 'dra gar skyed ji ltar sgom tshul sogs/ /shes phyir rnam mkhyen nyid la so bdun sogs/ /phye bar tshig gsal mkhon po nyid kyang bzhed/ /de phyir bar chad med dang drod sogs kyang/ /gsungs pa rgyun la dgongs phyir 'gal ba med/ /gser 'phreng ltar na yul du bsdus pa ste/ /snga mar mi zlos der ni mkhyen pa gnyis/ rtogs byed dang 'dir rtogs byar bstan phyir dang/ /'di ni der brten rnam kun yul can phyir/ /yul la bden gsum yod kyang lam bsdus na/ /shes rnam rkyang ba min phyir de bsdus 'gyur/ /der yod dang mthun thun mong zhes bya yi/ /'phags pa 'og mar dun mong rnam mkhyen zhes/ /mi smos dman mchog yon tan 'gal phyir gsungs/ /kha cig chung 'bring thun mong lam bzhin zer/ /so bdun so bzhi nyan thos byang sems dang/ /thun mong gsungs pa rtogs rigs phyir min te/ /rigs can gsum don sgrub slad sems dpa'i der; /rnam thar gsum sogs dman ba'i rtogs rigs mang/ /de bzhin 'dir bstan byang phyogs so bdun mang/ /dman ba'i rtogs rigs min de 'dir bstan gyi/ /dran nye sems dpa'i bsgom bya gtso zhing de/ /dman pa'i de las bcu gnyis mdo sde rgyan las/ rnyed dang @009a @#/ /gnyen po dag dang ni/ /de bzhin du ni 'jug pa dang/ /dmigs pa dang ni yid byed dang/ /thob pa'i sgom pa khyad par 'phags/ /mthun dang rjes su 'jug pa dang/ /yongs su shes dang skyes pa dang/ /chen po dang ni mchog nyid dang/ /bsgom dang yang dag 'grub la gzhan/ /zhes gsungs/ /khyad 'phags te/ /theg mchog shes rab gsum rten mtshan 'dzin gnyen/ /gzhan bden bzhir 'jug sems can kun lus dmigs/ /mi dmigs yid byed de bzhin thob pa'i ste/ /lus bral phyir min mi 'bral phyir yang min/ /kha cig chos sku zag? phur gnyis la sbyar/ /la la zhir 'jug min yang 'dod la sbyar/ /phar phyin dang mthun nyan rang rjes su'ang 'jug /sgyu 'drar yod shes bsam bzhin srid par skye/ /rang bzhin rno bas bsgom pa chung ngu'ang che/ /dag sar 'dres ba nye bar sgom phyir mchog /shin tu bsgom pas lhag med zad mi 'gyur/ /bcu ba'i sa dang sangs rgyas yang dag 'grub/ /kha cig stobs bcu thun mong zer yang min/ /ngo bo thun mong min te sems dpar med/ /bsgom byar yang min rgyal bas mi sgom phyir/ /so rigs 'thob la chags thogs sgrib ba spangs/ /dgos phyir dgu bar rgyan gsung rjes mthun tsam/ /rang lugs thun mong don ni rang nyid gar/ /gtogs pa'i sde tshan 'phags pa 'og ma la/ /yod ba'o rang gi sde tshan zhes brjod na/ /thub pa'i byang phyogs sde tshan zag med kyi; /ye shes sde tshan yin phyir tshig gis gnod/ /rgyas bshad so bdun so bzhi so dgu bas/ /dang por spyi dang so so'i rnam gzhag gnyis/ /dang po sde tshan dbye bas rnam pa bdun/ /sgom tshul tshogs lam chung 'bring che gsum dang/ /sbyor lam gnyis gnyis mthong @009b sgom rim bzhin gtso/ /dang por 'phrul dang mthong la'ang lam med min/ /bye smra tshogs gcig sbyor bzhi sgom mthong la/ /rim sbyar byang lag sngar smos grangs bstun zer/ /tshul 'di nyan thos la sbyor rmongs gtam mo/ /ming gi ldog chas so bdun rdzas su bcu/ /dad pa rtson dran dang shes rab ting 'dzin dga'/ /btang snyoms rtog dang shin sbyang tshul khrims te/ /ngag dang las mtha' 'tsho gsum thams bsdus/ /bsdu bar byang phyogs la ni dad sogs lngas/ /ma bsdus tshul khrims gsum dang shin sbyang dga'/ /btang snyoms drug gam tshul khrims bsdoms na bzhi/ /gsungs te rtog ba shes rab rdzas phyir bkol/ /de ltar byas na so bdun rdzas dgur 'dus/ /rdzu 'phrul ting 'dzin 'dun sogs rkang pa ru/ /bye smra 'dod phyir 'dun sems dpyod pa'i rdzas/ /bsnan bas bcu gsum nyid du 'gyur ram dbyad/ /grub mtha' gong mas rdzu 'phrul sbrul sgyur dang/ /rkang bting 'dzin 'dun sogs de rgyur bzhed/ /dran nye ngo bo las tshor sems chos bzhi/ /gang rung la dmigs rang spyi ci rigs su/ /sems pa'i shes rab rigs gnas mkhyen ba'o/ /kha cig ting 'dzin shes rab mtshungs ldan 'dod/ /rdzas mtshungs nyams phyir rang bzhin dran nye dang/ /shes rab ldan min ting 'dzin ting 'dzin dang/ /mi ldana'ang 'brel ba'i dran nye yin zhes 'dir/ /dmigs pa dran nye ma gtogs dngos yin te/ /sgyong? gyung? yon tan kun kyang yin gsungs phyir/ /lus sogs bzhir dmigs rang spyi'i mtshan nyid du/ /rtogs byed dran nye'i don du kha cig smra/ /mi 'thad lam ma zhugs na yod phyir dang/ /lus tsam yang ???@010a @#/ /dran nye gsungs phyir te/ /rang lus sems can kun gyi lus su dang/ /de nyid rgyal sku'i gnas su sems pa yi/ /dran nye gtsug na rin chen mdo las so/ /mdo don 'gro ba'i sdug bsngal rang blangs te/ /de lus bde chen zag med skur mos zhes/ /kha cig 'dod kyang lung de'i mjug thogs su/ /chos nyid rnam par gsungs te bslab btus ltos/ /yig char spyi mtshan gsungs ba'i dgongs pa'ang yin/ /dmigs pa lus tshor sems chos bzhi ka la/ /phyi nang gnyi ga'i dbye bas gsum gsum ste/ /rang gi mig dbang sogs dang phyi yi yul/ /! gtsug na rin chen gyi lung de'i 'phror/ ji ltar de bzhin gshegs pa'i sku zag pa med pa ltar rang gi lus kyi chos de la'ang de bzhin du rtog go /de zag pa med pa'i chos la mkhas pas sems can thams cad kyi lus kyang de'i mtshan nyid du rab tu shes so/ /zhes gsungs/) gzhan gyi lus la dmigs ba'i tshor ba gsum/ /rim bzhin yin te gzhan gsum la yang mtshungs/ /lus ni gnas ngan len gyis rab phye zhing/ /tshor ba kun 'byung gtso bo sred ba'i rgyu/ /bdag med na yang skrag bar mi 'gyur te/ /sems nyid 'gog ba thob pa'i gzhir yod phyir/ /chos tshul blang dor shes pa'i lam bsgom ste/ /de ltar rim bzhin bden pa bzhir 'jug cing/ /mi rtag sdug bsngal la sogs gzhir mang 'jug /dgos pa bdag gi gnas dang longs spyod dang// dngos dang kun byang gzhir lta spong phyir gsungs/ /sgom tshul lus la lus rjes lta sogs te/ /rang lus 'ang rtog ba'i gzugs brnyan keng rus kyi/ /rjes su lta par rgyal sras ma las gsungs/ /sgom tshul gzhan yang thog mar 'jug pa'i rgyu/ /'dun dang @010b ma? skyes skyed byed brtson dang rtsol/ /skyes ba mi nyams byed rgyu rang la brten/ /spro dang gzhan 'tshes mi skyo mthun ba'o/ /khyad par byed rgyu yon tan chung ngus kyang/ /rlom pa'i chog 'dzin phyir nur med sogs bzhi/ /rtsol pa 'di yang phying rgod spong byed phyir/ rdzu 'phrul rkang pa'i sgom dang khyad med pas/ /mnyam bsgom mnyam thob yod de rgyu mtshungs phyir/ /don spyi chags ba'i ltad mo 'di yin no/ /de bzhin spong ba sgom tshe 'bad brtson gnyis/ /gsungs pa'ang rim bzhin phying rgod gnyen por sbyar/ /'di yi sgom tshul khyad par gser 'phreng gsal/ /dran nye'i sgra don bye brag smra ba rnams/ /shing gshag khye 'u 'am 'dzer bas 'dzin ba ltar/ /dran ba'i stobs kyis shes rab dmigs pa la/ /'jog par 'dod kyang slob dpon shes rab kyis/ /rnam par phye de dran bas 'jog par gsungs/ /spong gnyen blang dor la spro brtson 'grus kyi/ /cha nas bzhag mkhyen yang dag spong pa ste/ /yang dag 'jog pa zhes kyang mdzod 'grel gsungs/ /kha cig spang gnyen blang dor la brtson tsam/ /de don smra ba mi 'thad lam min phyir/ /kha cig yang dag spong bar nyer len gyi/ /dran nye sngon song dgos par 'grel gsungs lo/ /ngo bo nyid kyis de gnyis rgyun gcig tu/ /mi rung brtson dang shes rab rdzas gzhan phyir/ /spyi tsam yin yang mnyam du thob rung ba/ /gong du sgom tshul bshad pas shes phyir ro/ /spong bzhi gnyen po stobs ba ni? bsdud tshul yang/ /sdig skyes spong brten dang sun 'byin stobs/ /ma skyes mi skyed nyes las ldog ba'i stobs/ /skyed dang spel ba gnyen po kun spyod stobs/ /zhes su mchims gsungs lam @011a @#/ /rim mchan bu las/ /sdig skyes spong ba ldog dang sun 'byin stobs/ /ma skyes mi skyed rten dang gnyen po'i stobs/ /gsungs kyang snga ma legs pas bzung bar bya/ /bya ba sgrub pa'i yul dmigs ting nge 'dzin/ /don gnyis sogs kyi 'byor ba'i gnas byed ba'i/ /cha bzhag mkhyen pa rdzu 'phrul rkang ba'i don/ /rdzu 'phrul 'byor ba'o rkang pa gnas yin te/ /dbus mthar der gnas las su rung ba nyid/ /don rnams thams cad 'byor bar 'gyur zhes gsungs/ /de ni ra d+hi pA da'i don yang yin/ /kha cig nyes lnga'i gnyen po 'du byed brgyad/ /ldan ba'i ting 'dzin 'di yi don du 'dod/ /byis par yod cing rgyal la med phyir 'khrul/ /lam zhugs slob pa gcig la'ang 'du byed brgyad/ /mi ldan zhi tshe rtsol ba skyon yin phyir/ /gus sbyor 'dun dang rtag sbyor brtson 'grus dang/ /sems kyi sa bon gdams don dpyod bzhi las/ /'dun brtson sems dang dpyod ba'i ting 'dzin bzhi/ /sgrub pa'i 'di byed bsdus na thabs bzhi ste/ /dad bdun rtsol gsum 'bad par phyed ba'i thabs/ /shin tu sbyangs pa phan 'dogs thabs yin zhing/ /dran dang shes bzhin gtod par byed ba'i thabs/ /shes bzhin 'phro ba shes par dbyig 'grel gsungs/ /ting 'dzin nor dang phying rgod kun po gnyis// gang la dmigs kyang rung ste srung ma bzhin/ /'du byed dang ni btang snyoms gnyen po'i thabs/ /sgrub pa drug ste mthong ba spyan lnga'o/ /gdams ngag mngon shes drug gis 'doms par gsungs/ /gnas pa'am ting nge 'dzin gyis sprul pa'i rtse/ / @011b sems dpa'i smon lam mchog dang dbang bcu dang/ /rgyal ba'i ma 'dres chos rnams sgrub par byed/ /bden bzhir yid ches sogs kyis dbang byed ba'i/ /dad sogs gtsor gyur rigs gnas mkhyen pa de/ /dbang po'i don no kha cig 'phags pa'i lam/ /skyed la rang dbang gyur pa'i mkhyen par 'dod/ /nyan thos sbyor lam pa de gzhan rkyen gyis/ /'gro bar gsungs phyir rang dbang can min no/ /rnam byang dbang po dad sogs lngar ma nges/ /mtshungs ldan rnam byang dbang po gsungs phyir ro/ /bye smra lam ma zhugs kyi dad brtson gnyis/ /dbang por 'dod do dge pa gzhan gsum yang/ /sgra don rgyan bzang dbang po lnga yi steng/ /'phags chos bsnan te rim rim dbang byed zer/ /rang lugs 'phags lam 'grub la dbang byed pa'o/ /mngon gyur mi mthun phyogs bcom rab khye ba'i/ /bzod pa yan gyi dad sogs mkhyen pa de/ /stobs kyi don no kha cig dbang po lnga/ /stobs su 'dod kyang drod rtse'i rjes thob tu/ /mi mthun phyogs kyi ma dad 'byung srid phyir/ /stongs min mi mthun phyogs dang 'dres phyir ro/ /khyab ste stobs ni gnyen po 'ba' zhig phyir/ /de la kha cig ma dad nyon mongs kyi/ /sa phyir 'phags par yod cing dkon mchog la/ /drod du'ang ma dad lta ci the tshom yang/ /zad par 'og nas gsungs phyir mi 'thad zer/ /gang las drod sogs 'jog pa'i bdag med der/ /yin te mi mthun phyogs zhes bkol phyir dang/ /rang gi ngos skal ma dad ma bcom na/ /bzod ba'i dbang por stobs kyis ma khyab gsungs/ /dbang stobs gnyi ga'i mngon par rtogs pa la/ /sbyor zhing 'brel yang ring sbyor nyer 'brel lo/ /de nyid mngon sum rtogs @012a @#/ /ba'i dran sogs kyis/ /bsdus pa'i mthong lam yan gyi mngon rtogs te/ /zad mi skye shes byang chub yan lag don/ /yan lag rgyu'o rdzogs byed la yang 'jug /bden bzhi'i gnas lugs mthar thug mngon mthong zhes; /kha cig 'dod kyang nyan thos lam gyis khegs/ /bsdu bar de la rtog pa'ang gsungs phyir ro/ /'o na de nyid rtogs pa'ang mi rigs te/ /de nyid mthong la stong nyid dgos phyir de/ /rdzas yod bdag med de nyid min phyir zer/ /bdag med rdzun pa yin phyir theg dman gyi/ /'phags rnams bden pa ma mthong thal bar 'gyur/ /mi rtog shes rab gtso phyir rang bzhin dang/ /dran ba mi g.yeng gnas kyi yan lag ste/ /brtson pas so skyes sa las nges par 'byung/ /dga' ba lus sems phan 'dogs yan lag go ;nyon mongs med pa'i yan lag rnam gsum ste/ /nyon mongs med gzhi'i yan lag shin tu sbyangs/ /nyon mongs med gnas yan lag ting nge 'dzin/ /nyon mongs med pa'i ngo bo btang snyoms so/ /rgyun gyi rgyal byed dran pa 'khor lo ste/ /shes rab mtshan 'dzin 'joms pa'i glang po che/ /myur du rtogs par byed pa brtson 'grus rta/ /chos tshul snang bas rab dga' nor bu'i 'od/ /'di gnyis go rim thal 'phreng yi ge nor/ /shin sbyangs med bde ster btsun mo ste/ /mkho dgu'i 'byung gnas ting? 'dzin khyim bdag mchog /btang snyoms 'dor len byed pa'i blon po'o/ /rang 'bras 'phags lam skyed ba'i rigs gnas kyi/ /mkhyen pa 'phags lam yan lag mtshan nyid do/ /sgra don 'phags pa'i lam gyi gzhir gyur pa'o/ /kha cig 'phags @012b lam yan lag sgom lam dang/ /sbyar ba mi 'thad mthong la yod phyir zer/ /ma khyab dbyig gnyen gyis kyang sbyar phyir dang/ /de cho so bdun 'thob par rgyan gsungs phyir/ /'on kyang rgyun zhugs zhugs pas mthob ste/ /mi lcogs med na dga' ba med gsungs phyir/ /mthong don rjes su dpyod ba'i lta ba dang/ /de don gzhan la ston byed rtog pa ste/ /ngag lus khrims dag ngag dang las kyi mtha'/ /yang dag 'tsho ba lus ngag gnyi ga'i ste/ /tshul 'chos kha gsag gnyis sogs spong phyir ro/ /rnyed 'dod yid gcug smra ba kha gsag ste/ /nor bsngags gzhog slong ngo sbyin bdag drung phyin te/ /khyod drung dgra bcom byin pa bsod nams che/ /zhes brjod thob kyis 'jal bar nyi snang gsungs/ /bye smra rnam rig ma yin gzugs med na/ /yan lag brgyad po ma tshang 'gyur zhes smra/ /de nyid gzugs su mi 'dod sde dag gis/ /sgom tshe'ang ngag des dngos su brjod dam ci/ /zhes rtsod lan du bye smra de min yang/ /mnyam gzhag de las langs pa'i rjes thob tu/ /log pa'i ngag la mi 'jug rgyu mtshan can/ /dngos su mthong phyir de yi rgyu mtshan gyis/ / rigs min sdom pa thob par bzhag go zer/ /'o na sems pa'i khyad par thob pas kyang/ /rung ste dngos su brjod pa mi dgos shing/ /de yang rgyu mtshan yin phyir mgo mtshungs so/ /sgom spang rim pa du ma spong dgos kyang/ /mi skyod gnyen po bsgom la yang dag rtsol/ /rgyu mtshan rnam gsum mi brjed dran pa ste/ /zhi gnas rgyu mtshan rgod tshe mi sdug pa/ /bsgoms pa'o rab tu 'dzin pa'i rgyu mtshan ni/ /bying tshe sdug pa'i mtshan ma yid la byed/ /btang snyoms rgyu mtshan lhun grub 'jug pa'i tshe/ /rgyun bsring ba la @013a @#/ /dbus mtha'i 'grel bshad gsungs/ /mngon shes sogs sgrub yang dag ting 'dzin no/ /de brgyad bsdun bzhi ste lta ba ni/ /mnyam gzhag mthong don yongs gcod yan lag dang/ /rtog pa de don go byed yan lag ste/ /las gsum sta khrims yo byang bsnyungs pa la/ /gzhan yid ches par byed pa'i yan lag go /gnyen po'i yan lag rtsol dran ting 'dzin te/ /sgom spong dang ni bying rgod rnam gnyis dang/ /khyad 'phags yon tan gegs rnams 'joms phyir ro/ /ngag sogs gzugs su 'dod rnams lus ngag las/ /rdzas gzhan phyir na bcu gcig rdzas su 'gyur/ /sems dpar yod pa dang mthun gnyen po'i lam/ /sprul pa'i lam dang mthong chos bder gnas lam/ /'das lam spong lam sangs rgyas lam drug las/ /rnam thar sgo gsum mdo las bstan tshul ni/ /lta bas byas pa'i rnam pa dmigs med ces/ /stong pa'i rnam pa stong dang bdag med gnyis/ /mtshan med ston bar rnam rtog dmigs med ces/ /mtshan 'dzin zhi dang zhi byed 'gog lam bstan/ /rgyu mtshan can zhes bsgyur dgos gser 'phreng gsal/ /smon lam dmigs su med ces smon med de/ /srid smon sel phyir sbug kun rnam ba drug /'di la 'chad tshul gzhan yang du ma ste/ /bsdu bar stong mtshan smon med sgras bstan der/ /thos bsam sgom gsum mo stong nyid la sogs kyi/ /ting 'dzin sgras bstan skye 'phags sgom byung gnyis/ /rnam thar sgras bstan 'das lam sgom byung nyid/ /snga snga spyi dang phyi ma bye brag phyir/ /mchims mdzod dang bor sgom dang gnyis pa la/ /sgom byung 'das lam ma bzhag @013b 'thad bar dka'/ /bye smra lam yang sun 'byin lam gsum gyis/ /gcod phyir smon med la bsnan gzhan rnams mtshungs/ /rgyan las stong bar bdag med rnam gnyis dang/ /smon med dmigs ba sdug bsngal phung po sogs/ /de dag nye bar zhi ba mtshan med phyir/ /bcu drug sogs la dngos su ma sbyar zhing/ /thun mong thun mong ma yin gnyis ka yang/ /bsdus phyir stong pa rdzas yod bdag? tsam min/ /bka' btags phyag rgya gnyis kyis smon med dang/ /gsum pas stong ba bzhi bas mtshan med 'grub/ /rnam thar brgyad las sprul pa'i lam gsum ste/ /rten gyi gang zag theg chen tshogs lam che/ /theg dman lus mngon byed dang rgyan bcas so/ /kha cig mdzod ltar mi nyid kho na zer/ /byang sems gzugs dang 'dod ltar skyes pa'ang yod/ /sems rten 'dzod las rnam thar gsum ba ni/ /bzhi par brten yang rnam thar dang po gnyis/ /bsam gtan dang po gnyis po ci rigs te/ /'dod dang dang po'i sas bsdus kha dog la/ /chags bral gnyen por mi sdug bsgom par 'dod/ /gong der chags dang pral phyir mig shes 'ang med/ /grub mtha' gong mas rnam thar gsum ka yang/ /rab mtha'i bsam gtan bzhi par brten par gsungs/ /nyi snang gzugs med gsungs pa de thob na/ /gzugs kyi 'du shes gzhig bsla par dgongs/ /yig char bsam gzugs gang rung gsungs pa'ang de/ /gzhan du bsam gtan gzugs med par 'gal byed/ /'dod nas srid rtse'i bar du song 'ong gnyis/ /slar yang 'dod nas bzhi ba'i bar song ste/ /mthun par bya ba rab kyi don yin zhing/ /mtha' ni bsam gtan bzhi par bye smra 'dod/ /gong mas de don rab kyis @014a @#/ /mthar phyin ces/ /bsdoms sde der gyur pas ma gtan bzhi ga 'dod/ /gzugs kyi 'du shes bzhag dang gzhig pa ni/ /'bras dus gzhan don sgrub tshul sna tshogs phyir/ /sdug dang mi dang mi dga' gsungs kyang bsam gtan bzhi/ /thob ste dga' ba 'dod kyi/ /gnyen por ro mnyam sdug ba'i rnam thar te/ /dga' dang mi dga' gsungs kyang bsam gtan bzhi/ /thob ste dga' ba spangs phyir 'dod la dgongs/ /dmigs yul che chung bzang ngan sna tshogs so/ /sgra don 'byung cha snyoms phyir snyoms 'jug dang; /rang sa'i kun dkris ma 'dres rnam thar ro/ /rnam thar snga ma phyi ma'i sngon 'gro bar/ /gsungs phyir dang po gsar thob lus mngon byed/ /bzhag par dka' phyir rten gyis mtshams dpyad/ /'das lam bsam gtan gzugs med 'gog snyoms dgu/ rim gyis 'thab phyir mthar gyis snyoms 'jug go /'gog snyoms rten la kha cig mir nges zer/ /la la gzugs med rten la gsar skye 'dod/ /phyi nas gzugs su'ang bsgom la gsar thob mir/ /mdzod las gsungs phyir gnyis ka rim bzhin khegs/ gser 'phreng la brten rgyal la med ces zer/ /mi 'thad chos skur snyoms 'jug dgu gsungs shing/ /myang 'das la sogs mdo sde du mar gsungs/ /sems rten rtsom pa dang por srid rtse dang/ /phyi nas sa dgur brten pa yum las gsungs// yid la byed pa ting 'dzin rtsal sbyong phyir/ /dgag bya tshor 'dur gsang 'gog pa ste/ /ngo bo zla grags sa bcu'i mdor brten nas/ /gtso bo chos nyid steng du tshor 'du sogs/ /bkag pa'i zag med ye shes la 'dod cing/ /'phags seng tshor 'du rags/ @014b pa bkag cha dang/ /de la mnyam gzhag yul can gnyis char bzhed/ /mdo sems tshor 'du rags pa bkag tsam gyi/ /ldan min la 'dod 'di la kha cig gis/ /rgyal tshab de la 'das lam mi bzhed de/ /'das lam stobs kyis thob pas 'das lam du/ /bzhag ces rnam bshad las ni gsungs phyir zer/ /de mthus thob pa tsam la dgongs phyir te/ /rnam thar skabs su de las tshor ba dang/ /'du shes rags bzhi bar gnas pa'i las/ /gsungs phyir khyab ste rags pa smos don phyir/ /de dang 'gog snyoms mi 'dra'ang ma yin te/ /'phags pa'i 'phrog? snyoms zur du ma gsungs ba/ /rnam thar skabs dang gcig pa'i rgyu mtshan phyir/ /gzhan yang de la 'das lam yod min na/ /ye shes sde tshan nyer gcig med par 'gyur/ /de bzhin zla ba'i chos nyid mnyam gzhag blo/ /'phags seng tshor 'du rags bkag ldan min la/ /bzhed ces rnam bshad tshig zin la gsungs kyang/ /de bskyed ngo bor bskyed pa la dgongs so/ /snga ma rjes thob pa la yod med dpyad/ /gzhan yang 'phags lam min na zhir gnas lam/ /gsungs par 'gal te zhi dang rnam thar sgras/ /bstan pa 'das lam nyid du bsdu bas 'grub/ /mdzod las phra ba phra ba'i mjug thogs su/ /gsungs phyir phra mo yod de gzhan du na/ /sems ldan grangs su mi 'gro de lus kyang/ /rul bar 'gyur zhing lung yang mchod sbyin mas/ /zhus par dge slong 'gog la snyoms 'jug de'i/ /rnam shes lus dang ma bral gsungs par 'gal/ /rang gi grub mtha'i gang zag ngos 'dzin mdo/ /grub mtha' bzhi ka mthun grub de las kyang/ /ji ltar yan lag tshogs rnams zhes sogs kyis/ @015a @#/ /phung po bzhi tshogs dgos gsungs der yang 'gal/ /de phyir de tshes sems yod 'dod ba ni/ /sa yi snying bo 'khor lo bcu ba sogs/ /theg pa che chung mdo sde du mar gsungs/ /spyod 'jug 'gags pa slar yang skye 'gyur te/ /'du shes med pa'i snyoms 'jag bzhin zhes dang/ /nyan sar tshig ris de mtshungs gsungs med kyang/ /dgongs pa tshor 'du rags pa bkag par mngon/ /don gsang las gsungs 'dod tshul gsum yod de/ /kha cig tshor 'du bkag tsam brtag 'gog zer/ /thal 'gyur ba yi 'gog snyams yul dang mtshungs/ /la la de bkag cha yi ldan min zer/ /gzhan dag de bsgom sems kyi bag chags te/ /langs ba'i tshe yang de dang ldan phyir zer/ /dang po mi 'thad ma mtha' 'ang kun btus ltar/ /'du byed phung por 'thad kyi rtag bar min/ /rang lugs 'thad ldan gnyis pa yang min te/ /rnam par thar ba yin phyir shes pa nyid/ /gser 'phreng de tshe dbyig bshes sems 'dod pa/ /theg bsdus sogs las bkag cing sku mched kyi/ /gzhung las gzhan du mkhas pas ma bkral phyir/ / theg chen spyi yis mes med 'dod phyir te/ /rtag tu yid shes 'byung zhes spyir bstan nas/ /sems med gnyid dang brgya la rnams bsal phyir dang/ /'jug shes yod na kun gzhi med kyang de/ /shi bar thal ba'i skyon brjod 'brel med do/ /de phyir sems med yin kyang snyoms 'jug tu/ /gsungs brgyu ming 'bras la btags pa'am/ /'di yis 'byung pa snyoms pa la dgongs shing/ /rgyal ba'i ye shes chos skur bshad ba yang/ /mngon du byed bar nus pa la dgongs zhes/ /rgyas par gsungs pa'i dgongs pa btsal bar bya/ /mdo @015b las drug par 'gog pa 'thob gsungs pa/ /lugs 'dir dus la sbyor gyi 'dzin stangs min/ /nyi ma'i snying bor zhag bdun las lhag 'dir/ /zhugs na sems dpa'i spyod las nyams gsungs pa/ /theg dman lta bur zhi bder zhen pa yis/ /zhugs la dgongs te pad dkar sogs kyis shes/ /spong ba'i lam la bar chad med lam bzhi/ /chos shes rgyun mthar sbyar yang thub dgongs las/ /mthong lam la gsungs 'phags seng dgongs bar mthun/ /sangs rgyas lam la spyin sogs phar phyin bcu/ /gang du gtogs pa'i sde tshan mtshan nyid pa/ /'og mar med pa'i rigs gnas mkhyen pa de/ /thun mong ma yin rnam mkhyen rnam pa'i don/ /dbye na mi mthun phyogs kun las rgyal zhing/ /de yis brdzi bar mi nus rigs gnas stobs/ /gnas dang gnas min mkhyen pa la sogs bcu/ / 'khor dbus spangs rtogs chos rton 'jigs med pa'i/ /cha bzhag mthar thug mkhyen pa mi 'jogs pa'o/ /cha bzhag med na mthar thug gzhi shes kyang/ /der 'gyur dgos la theg dman rtogs rigs phyir/ /thun mong ma yin rnam par 'gal phyir ro; /'on kyang sangs rgyas kho na'i rtogs rigs su/ /mi 'thad de bzhin nyid rnams sems dpa'i yin/ /rigs 'dra snga ma 'phags pa 'og mar med/ /smra ba'ang mi rung nyer len las skyes phyir/ /rang don spangs rtogs gnyis dang gzhan gyi don/ /par gcod chos dang nges 'byung lam ste bzhi/ /dam bcas pa la rgol med mi 'jigs bzhi/ /'chad bya 'chad byed spobs pa so sor ni/ /chags thogs med par so sor gzigs pa yi/ /rigs gnas mkhyen pa so so yang dag rig /rang gi sde tshan 'phags pa@016a @#/ /'og ma dang/ /cung zad tsam yang ma 'dres rigs gnas kyi/ /mthar thug mkhyen pa sangs rgyas ma 'dres chos/ /dbye na rtogs pa spyod pa 'phrin las dang/ /ye shes ma 'dres drug drug gsum gsum mo/ /stobs bcu mi 'jigs bzhi dang dran nye gsum/ /thugs rje che dang bco brgyad bye smra'i lugs/ /ye shes las 'phros dus gsum rnam gzhag la/ /chos skyob dngos 'gyur gser bum bcom bzhin zer/ /dbyangs sgrogs mtshan nyid shas che chags bzhin zer/ /dbyig bshes gnas skabs rtsis kyi rde'u bzhin 'gyur/ /ma bu gzhan gzhan 'gyur 'dod sangs rgyas lha/ /dang po mi 'thad grangs can lugs phyir ro/ /gnyis pa mi 'thad mtshan nyid 'chol phyir ro/ /bzhi pa mi 'thad gsum gar thal phyir ro/ /gsum pa cung bzad 'on kyang bya ba sogs/ /byed dang mi byed gnas skabs med par 'gyur/ /kha cig dus gsum dngos por 'dod bzhin du/ /skyes la 'gag dang skyes lam 'gag pa/ /skye rgyu yod kyang ma skyes dus gsum zer/ /de dag dngos po rang lam brtsis par/ /smra mkhan de la ltos te bzhag pa'i phyir/ /'gags zin nga las nu dang ma skyes ba'i/ /'khor sgyur dung sogs yod min med min 'gyur/ /rang lugs dngos po gzhan zhig 'gag cha dang/ /dngos gzhan skye rgyu yod kyang ma skyes cha/ / 'das dang ma 'ong ngo gnyis ka med dgag nyid/ /kha cig skye gnas 'jig gsum mnyam grub zer/ /skye ba rgyu dus yin la gzhan gnyis ni/ /de yi khyad chos yin kyang tshig la gzab/ /skad cig gsungs pa'ang rdzogs par grub zin nas/ /skad cig las lhag @016b mi sdod don yin te/ /rab byung lo ni mgo zla'i tshes gcig dang/ /mnyam grub bcu gnyis zla bar sdod phyir ro/ /kha cig 'das pa'i mi yod dran phyir na/ /ma khyab dran mkhan de la ltos phyir ro/ /bum pa zhig pa bum pa'i 'das pa ste/ /'on kyang bum pa'i dus su ma 'ong ngo/ /skabs don 'das dang ma 'ongs da ltar yang/ /gzigs tshul da ltar byung bar gzigs min yang/ /da lta'i dus su snga phyi'i byung tshul kun/ /mngon sum gzigs phyir ye shes ma 'dres pa'o/ /de bzhin nyid dang rang byung sangs rgyas kyi/ /rnam pa gsum la shes rnam sbyor dgos te/ /rnam mkhyen bden stong dang ni rang rgyal dang/ /sangs 'phags mig shes gsum kyis ma nges phyir/ /de gsum don ni rim bzhin yang dag mthar/ /mi ldang tshul gyis mnyam gzhag ye shes dang/ /slob dpon gzhan la ma ltos rang byung gi /chos rnams kun la mnga' bsgyur ye shes dang/ /chos kun rnam ba ma lus mngon sum du/ /rtogs pa'i rigs gnas mthar thug mkhyen pa'o/ /rnam grangs zag bcas zag med sgras brjod tsam/ /yin gyi zag bcas dngos min sngar bshad do/ /bdag 'dzin dngos su 'joms pa'i sbyor ba'i rten/ /kha cig byang sems thams cad sher phyin gyi/ /snod rung zer zhing la la phyi nang gi /bshes gnyen gnyis ldan byang sems thabs cad zer/ /bye smrar gyur pa'i byang sems dang po'i skyon/ /'di ni dman sgrib la gnas gsungs pa dpyad/ /nyan snod sems tsam byang sems gnyis pa'i skyon/ /'dir bstan sbyor ba bsgoms ba'i nyan thos kyang/ /yod phyir de ni sems dpar ma nges so/ /rang lugs rgyal bsten de las dge rtsa bskrun/ /theg chen @017a @#/ /bshes kyis zin pa gsum tshang pa'i/ /'dir bstan gdul bya 'dir bstan nyan pa'i snod/ /thos bsam sgom gsum lam gyi sngon 'gro phyir/ /lam zhugs lam ma zhugs dang rigs can gsum/ /nyan snod nyan thos de yang snod rung min/ /tshigs bcad gnyis pas bstan pa rnam bzhi ste/ /sangs rgyas bsnyen bkur de la the tshom dri/ /sbyin sogs spyod dang bshes kyis byin brlab bzhis/ /rim bzhin nyan dang tshig 'dzin don mi brjed/ /tshul bzhin yod byed snod de gtsor byas kyang/ kyang/ /dang po kun la dgos phyir spyir zhes gsungs/ /tha ma kun la dgos pa gzhung kun mthun/ /nyan 'dzin thos pa'o bsam sgom tha ma gnyis// ! de nas bsgom bya sbyor ba'i ngo bo ni/ /gzhi lam rnam gsum bden stong spros bral du/ / bsgom pa'i rigs gnas sems dpa'i rnal 'byor ro/ /kha cig de 'dra'i zhi lhag zung 'brel zer/ /mi 'thad tshogs lam la yang yod phyir ro/ /'dis ni mngon sum mthong bar 'dod pa'ang khegs/ /dbye na gzugs sogs yul la gnas bkag dang/ /sbyor ba der yang ma zhen rnal 'byor bkag /zab dka' tshad yod gsum ste ngo bos lnga/ /tshogs lam nas bzung rgyun mtha'i bar du 'jug /de phyir kha cig de lnga'i gnas skabs la/ /lhag ma bcu bzhi bzhag cing tha ma ni/ /sbyor ba de dag 'grub pa'i rgyu 'o zer/ /tshigs chen yun ring rtogs pa 'ang dang po lnga'i/ /gnas skabs yin pa mi rung stong nyid la/ /spag pas spangs te ngan 'gror 'gro gsungs phyir/ /mtha' gsum rim bzhin gzhi lam rnam gsum gyi/ /chos nyid zab @017b dka' tshad med rtogs pa ste/ /gser 'phreng gzhi shes tha mal las lhag zab/ /lam shes nyan rang thun mong ma yin dka'/ /rnam mkhyen khyad par 'gror med gsum rtogs gsungs/ /shAntis gsum la gnas dang rnal 'byor bkag /gnyis gnyis dbye bas sbyor ba nyer gsum 'dod/ /rten gyi sgo nas tshogs chen la sogs brgyad/ /'phel 'grib med sogs sbyor ba'i rtogs thabs bzhi/ /ston byed mdor yang sher phyin la spyod tshe/ /gsungs phyir thabs shes zung du 'brel tshul lo/ /rin chen sbyin sogs 'bras gnyis dus kyi gcig /rim bzhin tshogs gcig nges 'byed cha la bzha/ /ljon gsar dbe yis mthong lam byang chub nye/ /ma dags la sbrum ma nye ba'i dpe'i/ /sangs rgyas myur des bdun dri ma ni/ /mngal sbub 'dra bar rgyud blar gsungs phyir dang/ /de grol las brgyad pa la gzhan nur grags/ /der lnga chos 'khor skor ba'i sbyor ba'i nus/ /thob phyir gzhan gyi don dang 'phel 'grib med/ /khams gsum chos dang chos min sogs mi mthong/ /bsam mi khyab dang rnam par mi rtog pa'o/ / 'bras bu'i sgo nas gnyis te dgu pa la/ /so rig bzhi yis sems can smin byed phyir/ /rgyun zhugs nas bzung bla med byang chub bar/ /ster ba'i 'bras bu rin chen sbyin byed dang/ /bcu par nyes sel rnam dag sbyor ba'o/ /dus kyi sgo nas sa mtshams sbyor ba ste/ /brgyad par rtsol med 'jug phyir lo zla'i mtshams/ /mi dgos phyir na tshogs nas bdun pa'i bar/ /'di dag don la kha cig tshegs chen gyi/ /sbyor bar stong nyid rtogs pa med ces zer/ /mi 'thad dbang rtul tshogs lam chen po yi/ /stong @018a @#/ /nyid rtogs pa'i zhi gnas de yin phyir/ /kha cig dbang rnon rgyud la 'dod kyang min/ /kha cig yung bstan thob pa'i sbyor pa yis/ /thob gsungs gcig tu thob zin kho na zer/ /la la rgyal las dngos thob kho nar 'dod/ /gzhan dag de gnyis bkag nas 'thob ces pa/ /ma 'ongs tshig ste nyi snang dgongs par smra/ /gsum ka mi 'thad dngos su thob pa'am/ /dus dar sangs rgyas med kyang sngar thob mthus/ /mi ring gzhan gyi'ang lung ston rgyan snang gsungs/ ! spro phyir sbyor ba'i mjug tu yon tan te/ /theg chen sbyor ba bsgom stobs kyis thob pa'i/ /theg chen lam zhugs rgyud kyi yon tan no/ /sbyor lam bzhi dang sa bcur gzhon nu dpal/ /sbyar yang bcu bzhi tshogs nas sangs rgyas par/ /kha cig skyon rnam skye ba'i gegs yin phyir/ /yon tan 'di rnams sbyor ba'i rgyu'o zer/ /de rgyu ltar zhog nus dang nus can yang/ /min te phan yon gsungs phyir 'bras bu'o/ /kha cig sbyor bsgom rten yod tan de/ /theg chen sbyor ba'i yon tan don du 'dod/ / pa la theg chen sbyor ba bsgom stobs zer/ /dang po mi 'thad theg dman la yod phyir/ /gnyis pa yang min sbyor pa gsar bsgom tshe/ /rgyal kun bsrung phyir bdud kyis mi tshugs kyang/ /sbyor bsgom sngon song min phyir yon tan min/ /kha cig sems dpa' kho nar 'dod kyang 'dis/ /yon tan lnga bar chen po gsum gsungs so/ /gser gling pa dang ar sogs tshan pa gnyis/ /rim bzhin rgyu dang 'bras bu'i yon tan 'dod/ /kha cig snga phyi ming don sbyor dgos zer/ /rang lugs @018b rim bzhin bsgrub bya sgrub byed de/ /che 'dir rgyal bas byin gyis brlab pa'i phyir/ /tshe rabs gzhan du bdud bcom yon tan 'byung/ /tshe 'dir bsgom pa rgyal ba'i dgongs thob phyir/ /tshe rabs gzhan du dgongs shing mkhyen nyid 'byung/ /tshe 'dir bsgom pa ye shes kyis gzigs phyir/ /gzhan tshe rgyal bas mngon sum mdzad par 'gyur/ /'di gsum rim bzhin dgra yi mtshon bcag dang/ /gnyen la go bskon lag tu mtshon gtang bzhin/ /sbyor ba'i nus pa chung 'bring che gsum mo/ /lhag kyang de ltar bsgrub bya sgrub byed sbyar; /drug par 'gros te bstan pa'i gnas tshad dbyad/ ! theg chen sbyor ba skye gnas gong 'phel gsum/ /ci rigs gegs byed cha nas bdud las su/ /bshad de sbyor ba'i skyon kyi mtshan nyid do/ /'on kyang bdud las dngos su med nges te/ /cha 'bra'am bdud las rgyu phyir bshad pa mang/ /kha cig skye gnas gegs su 'dod mod kyang/ /ma yin sbyor brgyud gdan la yod phyir/ /skyon gyi dbye ba 'gal rkyen nyer gsum ste/ /don shes bar gcod spobs pa'i dbang bya ba/ /tshogs chen bul dang myur ches mi brtan gnyis/ /sgo gsum gnas ngan len gyi dbang byas gsum/ /theg chen nyams byed rgyu bdun yul mang la/ /rtog sogs g.yeng ba'i rgyu brgyad rang brten zhing/ /bdud kyis 'byed sogs mtha' gsum gzhan brten no/ /mthun rkyen ma tshang snyoms las kyis nyams sogs/ /gnyis brten nyer gcig rang brten 'gro gnyis so/ /yang na rim bzhin rang gzhan thun mong dang/ /rang dang gzhan brten bcu bzhi gnyis bdun no/ /nyams byed rgyu bdun tshogs lam man chad dang/ /gzhan yang phal cher spyor lam man chad de/ /phra mo ma dags @019a @#/ /bdun bar du yod/ /tshogs pa'i chos spyod skabs su dbon slob gnyis/ /ma mthun stobs kyis mi sbyor skyon yin gyi/ /slob dpon mkhas pas slob ma mi mkhas kyang/ /'khrid ba skyon min dam pa'i lugs srol lo// ! de ltar skyon yon blang dang dor pa'i sgos/ /sbyor ba sgom la mtshan nyid shes dgos phyir/ /mdo las shes mtshan la sogs rnam bzhi las/ /phye bas go gcig gsungs ba rje btsun gyis/ /bsdus te byed sgrub las sgrub gnyis su mdzad/ /gzhon nu dpal gyis shes mtshan la sogs bzhi/ /rim bzhin phyogs chos rjes khyab ldog khyab dang/ /dpag byar 'dod kyang yin 'god yod 'god gnyis/ /gang gi dbang du byas kyang ma nges te/ /sangs rgyas la yang shes mtshan yod byor dang/ /sbyor ba'i ngo bo nyid mtshan med phyir ro/ /'on kyang 'dir bstan shes mtshan sangs rgyas la/ /med de 'di ni sbyor ba'i shes mtshan phyir/ /kha cig ku mA ra yi de 'thad de/ /byed pa'i nus dang mi ldan rnam bcad nas/ /ngo bo nyid la nus ldan rjes 'gro bsgrubs/ /khyad mtshan gyis ni nyan rang la sogs la/ /ldan pa gcod pas ldog khyab 'grub phyir zer/ /de tsam rdzes ldog khyab pa'i don min zhing/ /ngo bo nyid du sgrub phyir slob par nges/ /de la mkhyen gsum med phyir chos can nyams/ /gau ma'i dgongs bar mdzad de lo chen gyis/ /sbyor ba nyi shu'am rang bzhin sbyor ba lnga/ /mtshan gzhi'i ngo bo nyid ni mtshon bya dang/ /byed mtshan khyad mtshan gnyis ni mtshan nyid de/ /me ni mtshan gzhi sreg byed mtshan nyid dang/ /me yi tha snyad bya rung mtshon bya dang/ /mtshan mtshon gzhi gsum @019b yongs gcod tshad ma la/ /mtshon par bshad bzhin 'dir yang shes mtshan gyi/ /sbyor ba de dag byed pa khyad par dang/ /ldan par rtogs phyir mtshon ba zhes bya la/ /'on kyang 'dir bstan bcu drug phrag gsum gyi/ /byed mtshan khyad mtshan gnyis lam dmigs phyir/ /mtshon pa dngos min don yang de yi yul/ /yin phyir yul gyi sgo nas bstan to zer/ /mi 'thad de bzhin gshegs 'byung zhes sogs kyis/ /shes mtshan zhe brgyad dngos su tshig zin la/ /bstan pa rtsa 'grel kun gyis 'grub pa'i phyir/ /yul gyis yul can 'gangs tsam ga la yin/ /sher 'byung sngar bshad mkhyen gsum la brten pa'i/ /bden rnam bcu drug rtogs pa shes mchan dang/ /de gsum thabs shes grogs kyis zin pa'i sgos/ /skyed phyir skyon rnams kun bral rnam dag tu/ /'byung ba'i ldog cha nas ni kyang mtshan zer/ /rnam pa'i skabs dang 'di yi mkhyen gsum sbyor/ /ming tsam 'dra yang skyed tshul mi mtshungs te/ /snga ma bcu drug bden rnam mkhyen cha dang/ /'di ni de bzhin gshegs pa 'byung sogs yul/ /zhe brgyad mkhyen pa'i cha nas 'jog phyir dang/ /khyad mtshan kun mkhyen gsum la sbyar ba yang/ /nor te slob dpon gzhi shes bsal phyir ro/ /byed mtshan sbyor rnam sangs rgyas skyed byed du/ /mtshon te 'di yi mtshan nyid byed tshul zer/ /don du sangs rgyas skyed byed yin mod kyang/ /'dir ni mtshan tshul de ltar ma yin te/ /gzhung lam 'bras bu'i sher phyin gsum shes te/ /'bras bu don gnyer ji bzhin skye ba la/ /lam gyi mtshan nyid legs par shes dgos phyir/ /lam nyid rang gi byed pa la sogs la/ /sbyor ba'i mtshan nyid ming gis @020a @#/ /bstan phyir ro// ! rang lugs la yang mtshon tshul du ma ste/ /me yi tsha ba lta bu rang mtshan dang/ /mi rtag bdag med la sogs spyi mtshan dang/ /byas dang mi rtag la yang ma byas dang/ /rtag sogs ldog chas dbye ba'i mtshan nyid dang/ /ma khyab khyab ches gnyis bkag rigs mthun tsam/ /der bsgrub rigs mi mnyun sel mtshan nyid dang/ /don la mi dgos 'ang log rtog sel ba'i phyir/ /smos pa log rtog sel ba'i mtshan nyid sogs/ /yod kyang 'dir ni rigs? mi mthun sel dang/ /ldog cha'i mtshan nyid gtso ste sbyor ba la/ /shes khyad byed do ldog pas dbye phyir te/ /sbyor la rtogs dang 'phrin las mthar thug ste/ /don gnyis phun tshogs skyed pa'i nus ldan par/ /shes byed gnyis kyi mi ldan rnam gcod du/ /mtshon zhing nus pa de gzhan la phod na/ /theg chen lam gyi dka' spyad mi dgos kyang/ /khyad mtshan gyis ni nyan rang la sogs pa/ /gzhan la ldan pa rnam gcad tshul gyis mtshon/ /khyad mtshan 'di yi shes mtshan so gnyis ni/ /nyan rang sbyor ba las ni rang ldog sgos/ /khyad par zhugs par bstan kyang gzhi shes kyi/ /bcu drug de ltar ma bstan de dag ni/ /zin byed dbang gis nus pa'am rdzas kyi khyad/ /zhugs kyang rang ldog sgo nas 'phags min phyir/ /kha cig skabs gsum par bstan zin dbang byas zer; /sgom lam gyis bsdus sbyor ba'i khyad mtshan ni/ /'og tu 'chad 'gyur phyir zhes mkhas grub gsungs/ /bar ba mthong lam smos pas de nyid kyis/ /rgyu 'bras sbyor sgom gnyis kyang mtshon par gsungs/ /gser phreng/ ngo bo nyid kyang mtshan @020b nyid yin mod kyi/ /dang po gsum la ltos nas tha ma 'di/ /rang bzhin nam mtshon phyar bshad ces gser phreng gsungs/ /mtshan mtshon tshul yang bya 'og ma bab pa yi bla khang bzad de nyid bya rog de bstan nas/ /shes la mtshon par bshad pa tsam yin gyi/ /rnam par bzhag 'jog mtshan mtshon dngos min phyir/ /sbyor bar ma zad sbyor ba'i nus pa yang/ /mtshon byar bshad la 'gal ba yod min te/ /nus dpag kun can dngos po gcig phyir ro/ /dbye na 'dir bstan shes mtshan sbyor ba'i don/ /mkhyen gsum dmigs ba gang rung la dmigs nas/ /de bzhin gshegs pa 'byung ba shes pa sogs/ /gtso bor gyur pa'i 'dir bstan sher phyin no/ /de la gzhi lam rnam mkhyen sbyor ba gsum/ /don ni gzhi shes dmigs pa ltar dmigs nas/ /de bzhin gshegs 'byung shes sogs bcu drug gi /cha nas bzhag pa'i 'dir bstan lam sher phyin/ /dang po'o de bzhin lam shes ltar dmigs nas/ /stong nyid mtshan med shes sogs rnam mkhyen ltar/ /dmigs nas sangs rgyas nyid kyi chos shes sogs/ bcu drug cha bzhag 'dir bstan lam sher phyin/ /rnam mkhyen sbyor ba'o sbyor dang shes mtshan gnyis/ /'chol bar mi sems sbyor bar byed las sgos/ /shes mtshan la sogs ming gis bstan tsam las/ /mtshan nyid sbyor las gzhan gyur yod min phyir/ /mtshon bya lta bur mtshon zhes gsungs phyir ro/ /'dir bstan gzhi shes shes mtshan bcu drug po/ /gzhi shes sbyor ba yin kyang gzhi shes kyi/ /shes mtshan 'chad byed dngos bstan ma nges te/ /'jig rten 'jig med ces pa'i dngos bstan gyi/ /zin byed bden med @021a @#/ /rtogs pa'i lam gsungs phyir/ /rgya che zhes bya sems kyi gnas lugs te/ /tha snyad yon tan 'grub rung chen por myur/ /grangs kyis gzhal bar mi nus tshad med dang/ /sems de dbang shes la ni bstan med par/ /ma zad sangs rgyas spyan lngas bltar yang med/ ! g.yo ba sogs te 'du bkram bcu ma pa bzhi/ /de las lung ma bstan lta bcu bzhi ste/ /sngon mthar brten pa 'jog rten rtag sogs bzhi/ /phyi mthar? brten pa mtha' ldan la sogs bzhi/ /myang 'das la brten grol bdag grong phan chad/ /'byung dang mi 'byung gnyis ka gnyis min bzhi/ /lus srog la brten rdzas gcig tha dad gnyis/ /sgrub pa mi rung dgag pa der mi 'os/ /de phyir lung ma bstan par ma bshad gsungs/ /rtsa shes TIka chen gsungs tshul de las gzhan; /grol bdag legs ldan sangs rgyas nyid la gsungs/ /gser 'phreng bdag gam sems can tsam la sbyar/ /mtha' dang mi ldan rtag dang grol bdag 'byung/ /grangs can la brten g.yo ba'i lta ba gsum/ /zlog phyogs rgyang 'phen la brten 'du ba gsum/ /gser 'phreng mtha' ldan mtha' ni phyi ma'i char/ /mdzad de grangs can pa la mtha' ldan sbyar/ /gcer bu pa dag bum pa'i gnas skabs ni/ /zhig kyang rang bzhin mi 'jig smra ba'i phyir/ /dgag sgrub cha mnyam bkram pa'i lta ba gsum/ /gnas ma bur brten zlog phyogs bcum pa gsum/ /bdag 'dzin min yang khyad gzhi btags bdag la/ /brten phyir khyad chos 'dzin pa log zhugs so/ /rnam mkhyen shes mtshan ston byed gzhung tshig der/ /de bzhin nyid kyi chos brten zhes gsungs so/ /brjod dang @021b shes mdzad mngon sum mdzad gsum don/ /kha cig thos bsam sgom gsum dbang byas zer/ /yang na nyan thos byang sems sangs rgyas gsum/ /yang na gdul bya spyi la brjod mdzad cing/ /smin pa rnams la sgom pa'i shes par mdzad/ /rnam grol gdul byas mngon sum mthong mdzad do/ /bsam mi khyab sogs bcu drug tsi rigs kyis/ /theg dman las 'phags cha bzhag lam sher phyin/ /sems dpa'i khyad mtshan sbyor ba'i mtshan nyid do/ /gzhan la phan bde skyob sogs byed pa'i chos/ /bcu gcig cha bzhag 'dir bstan lam sher phyin/ /'dir bstan sems dpa'i byed mtshan sbyor ba ste/ /dang po dgu dang mtha' gnyis rim pa bzhin/ /'grel chen gnyis las sbyor ba gsum dang sbyar/ /'grel chung zhi shes tsam gyi ldog pa nas/ /gsum las mi nus phyir na gong gsum smos/ /gling la rnam pa gsum sogs gser 'phreng gsal/ /mtshan gzhi'i sbyor ba'i don ni shes khyad byed/ /gsum kyis mtshon pa las sgrub kyis bstan pa'i/ /sbyor ba'i dngos nyid sems dpa'i ye shes so/ /gzhi shes sbyor gzhi gsum gyis mtshon nam dpyad/ /dgos te rtsod spong don yang 'di yin no/ /'di bzhi'ang gzhung gi dngos bstan zin byed gtso/ /'dir bstan mtshan nyid go gcig tshogs lam nas/ /rgyun mtha'i bar ro gzhan du rgyal bar 'byung// ! thar cha nas bzung rgyud la skye rim la/ /grangs med gsum gyi thog ma ngos bzung ste/ /rgyan gyi ched blu'i gdul bya ngos 'dzin dang/ /de nas smin byed lam gyi skye rim dang/ mngon rtogs khyad bar can gyi skye rim gsum/ /dang po sngar bshad mkhyen gsum rnam pa dang/ /mtshan nyid bzhi sogs bsgoms@022a @#/ /mthus 'ga' zhig la/ /thar cha grangs med tshogs dang mnyam 'byung ste/ /dad dang dran par mkhas phyir mi ldog cing/ /brtson 'grus mkhas pas 'jug sems bskyed phyir dang/ /ting 'dzin shes rab mkhas phyir lta ba yi// dpyad ba rdzogs phyir ro de las dang po gnyis/ /theg chen 'jug sgo'i sngon 'gro dngos gzhi ste/ /de nas gsum pas spyod pa spyi bslab dang/ /phar phyin mtha' gnyis slob tshul mtha' gnyis so/ /mdo yi tshig zin dad sogs chung 'bring dang/ /dbang po rtul 'bring nyan rang la yin phyir/ /byang sems ming gis btags nas gsungs pa las/ /byang sems nyid la rigs can gsum 'dod 'khrul/ /kha cig rtsa bar bshad pa'i rno rtul yang/ /theg dman la 'dod mi rigs de gnyis ni/ /rdzogs byang don du gnyer bar mtshungs pa la/ /rno rtul dbang gis dka' bla gsungs phyir ro/ /kha cig rno rtul gnyis su ma nges te/ /'bring bo'o zer yang de ni rtul pos bsdus/ /dad sogs lnga la mkhas pa'i rigs gnas kyi/ /thabs shes khyad bar can gnyis kyis zin pa'i/ /rang bzhin gyi ni dbang rnon chos mngon rtogs/ /'di yi dngos bstan thar pa cha mthun don/ /gzhan ni thabs shes nyi tshes zin pa dang/ /rang bzhin dbang 'bring dbang rtul mngon rtogs so/ /thar pa'i cha la phan phyir thar cha ste/ /lus rten sems rten gnyis ni sems bskyed bzhin/ /rgyan brten yul lnga gang rung rtogs dgos kyi/ /theg chen rigs can de ni bstan bcos 'di'i/ /ched du bya ba'i gdul bya'i don gsungs shing/ /gdams dang rjes bstan gang rung dbang byas na/ /der gyur 'phags pa yod @022b gsungs dpyad bya ste/ /bden pa mngon sum mthong tshe lung gi chos/ /gzings dang 'dra phyir ched du mi brten bas/ /rgyan las rtog ger ched du brten pa dang/ /dam bca' gzhan du 'gyur phyir ma nges dang/ /chos kun yul du mi byed ma khyab dang/ / kun rdzob tsam las don dam ma mthong dang/ /spobs pa yongs su gtugs pa'i skyo ba can/ /'di lnga so skye kho nar sbyar phyir ro/ /blo brtan rtog ge'i gzhung la sbyar te bshad// ! gnyis pa smin byed lam la dngos dang ni/ /mngon rtogs go rim log rtog spangs pa gnyis/ /mnyam gzhag shes rab sgom tshul sngar bshad nas/ /rjes thob brtse sogs thabs kyi rtogs rigs rnams/ /'dir gsungs bsdoms pas sbyor lam yongs rdzogs 'gyur/ /'dir ni rtsa ba'i tshig dang sgo bsdung te; /drod sogs spyi la sbyar yang snang ba gnyis/ /phyi ste mnyam byams gnyis dang phan sogs gsum/ /pha ma'i sems sogs lnga dang drod gsum sbyar/ /tshig gsal sems mnyam kho nar drod chung sbyar/ /sdig las ldog cing gzhan dgod bsngags brjod dang; ;sbyin sogs la gnas gzhan 'god bsngags ba brjod/ /nang stong nyid la gnas sogs rtse mo gsum/ /bden bzhir shes spong sogs byed gzhan 'god dang/ /rgyun zhugs 'bras sogs shes kyang mngon mi byed/ /mthong sogs la gnas gzhan 'god bzod pa gsum/ /sems can smin dang mngon shes skyed pa dang/ /rnam mkhyen bskyed cing gzhan 'god chos mchog gsum/ /kha cig rtsa bar sems can dmigs pa dang/ /bden shas rnam par gsungs kyang slob dpon gyis/ /bden @023a @#/ /shes dmigs par byas te dmigs pa yi/ /sems can chad pa'i phyir na mi 'thad zer/ /slob dpon rtse mo bzhin du gzhan la yang/ /sbyor gsungs phyir na sems can chad pa dang/ /bden pa dmigs par gsungs pa'i skabs med do/ /rtsod tshul 'di ni spyi la mi rung dam dbyad/ /rang lugs gtso bor thabs chas khyad par du/ /byas pa'i sems dpa'i rgyud kyi don mngon rtogs/ /theg chen nges 'byed cha mthun don yin no/ /mngon rtog go rim log rtog spong tshul ni/ /kha cig sbyor mthong sgom gsum skabs drug tu/ /gsungs kyang mi zlos dang po gsum gyi de/ /bsgom bya mi mtshungs phyir na mi zlos shing/ /bzhi par sa brgyad ye shes che chung gsum/ /lnga par dgu dang bcu pa'i stod cha dang/ /drug par bcu pa'i smad char sbyor mthong sogs/ /ming gis btags pa'i phyir na mi zlos so/ /phyi ma 'di la yig char stod cha gsungs/ /de dag de yi rgyu mtshan rtsa ba las/ /bag la nyal kun 'joms zhes gsungs phyir dang/ /kun mkhyen nyid gsum chos rnams yongs rdzogs par/ /gsungs phyir zhe na mtshungs te skabs dang por/ /spyor lam skabs su dag pa lnga gsungs dang/ /dpa' bar 'gro dang rlom zad gsungs phyir ro/ /de dag mos sgom tsam dang rgyur gnas la/ /'dod na khyod kyi de yang de dang 'dra/ /de phyir rkyang ba'i dbang byas mi rigs te/ /phyir mi ldog rtags rdzogs rjes slob ba'i chos/ /bshad zin da ni mi slob dge 'dun zhes/ /gnyis su phyi phyir sa brgyad gcig bur 'gal/ /sdud 'grel slob dpon snga ma'i phyogs bzung ste/ /gsungs kyang rang lugs khug pa'i dbang byed @023b pa; /'grel chen bzhin no de yang skabs drug las/ /dang po gsum ni blang bya'i dbang byas shing/ /gzhan gsum nyams su len byed dbang byas la/ /nang gses kyi yang mi 'dra sbyor ba gsum/ /rim pas re re tsam zhig bsgom snyam pa'i/ /log rtog bsal nas mnyam du 'jug phyir ro// ! gsum pa mngon rtogs gong ma skye rim la/ /sbyor mthong sgom gyi phyir mi ldog rtags dang/ /sku gsum 'grub byed lam gsum bshad pa gnyis/ /kha cig rtags ni lus ngag mtshan ma zer/ /der gyur bden zhen mngon gyur log cha dang/ / the tshom mi khom zad cha byams yid sogs/ /lus ngag mtshan ma min phyir mi 'thad do/ /gzhan dag rtags ni gzhan gyis dbog pa'i dus/ /kho nar bsams te sbyor lam thob ma thag /med ces smra ba dag kyang 'dis khegs so/ /kha cig rtags 'di 'bras rtags kho na dang/ /la la rang bzhin rtags 'dod gzhan dag ni/ /gtan tshigs sgo nas dbog pa med ces zer/ /gsum ga mi 'thad mdo las 'bras rang gnyis/ /ci rigs sgo nas rtogs pa gsungs phyir ro/ /g.yo can sems dang lus ngag mi mthun kyang/ /lus ngag sgo nas dpog ba mi 'gal te/ /dam pa rnams ni dgos dbang ma gtogs pa/ /nang gi sems dang spyod pa mthun phyir ro/ /kha cig gzugs las ldog sogs rtags zhe bzhi/ /gang rung thob pa'i sems dpa' phyir mi ldog /dge 'dun don du 'dod pa rgyal bas khegs/ /slob pa'i dbang byas na yang mthong lam pa/ /dbang rtul de yis rtags rnams ma thob kyang/ /slob dang phyir mi ldog gnyis yin phyir 'gal/ /rong ston mdags la sbyor ba'i sgos/ /phyir mi ldog rtags thob kyang bsam @024a @#/ /pas min/ /rang tsam don du thar pa 'dod phyir te/ /lung las ji srid sa brgyad ma thob pa/ /de srid theg pa dman pas 'jigs gsungs phyir/ /zhes zer sems bskyed nyams pa'i byang 'phags mtshar// lung 'di rgyud bla dang ni lang gshegs zhes/ /mang po 'khrul yang rdo rje rtse mo'i yin// ! rang lugs bsam sbyor gnyis sgos gzugs sogs la/ /bden zhen mngon gyur ldog sogs rtags zhe bzhi/ /gang rung thob pa'i sems dpa' phyir mi ldog /rtags thob byang chub sems dpa'i don du 'dod/ /sbyor mthong sgom la nyi shu bcu drug brgyad/ /sbyor lam bzhir yang bcu gcig drug gnyis gcig /mthong lam skad cig bcu drug gsungs pa ni/ /shes bzod bcu drug lag rjes lus ngag gi /bya bar rgyu yi ming gis btags pa'o/ /re rer rnam brtags dang mtshan ma gsum/ /de yi khyad par 'grel chen gnyis la ltos/ /mthong lam las 'phros dbang po nyer gnyis la/ /kun btus bsdu ba mdzod kyi bshad tshul mang/ /sgom lam khyad chos ngo bo dbye ba gsum/ /dbye ba las 'phros grangs dang byed pa la/ /rtsod pa spong tshul gnyis so dang po ni/ /grangs med la sogs bstan pa zhes sogs gsungs/ /'di yi bden pa dbu ma rang lugs kyi/ /bden pa gnyis la 'gre sogs 'dod kyang min/ /rdzas sam dngos po rang mtshan don dam dang/ /ldog pa spyi mtshan kun rdzob bden pa ste/ /dngos po gcig kyang ldog pa tha dad phyir/ /byed par don dam tha snyad la ltos pa'i/ /rtsod pa gnyis so bri 'phel don dam par/ /med par thal ba 'dod pa @024b kho na dang/ /tha snyad du ni re re ba sogs kyi/ /min yang ma nges rten 'grel tshogs pas so/ /chos sku 'grub byed srid zhi mnyam nyid sbyor/ /ngo bo rjes thob sogs kyi skabs su yang/ /bden 'dzin mngon gyur skye ba'i skabs bcom pa'i/ /cha nas bzhag pa'i dag sa'i ye shes so/ /kha cig stong nyid rtogs pa kho nar 'dod/ /dag sa'i bdag med phra rags gsum rtogs pa'i/ /ye shes gsum yang shes rab cha yin zhing/ /chos sku'i lag rjes gtso bor 'jog byed phyir/ /'dir gsungs rtags 'dis shes rab cha kun 'grub; /gser 'phreng tshogs lam la yang sbyor ba gsum/ /sgom tshul gsungs par 'khrul nas thob bo zhes/ /kha cig 'dod kyang mi 'thang rjes kyi tshe/ /bden 'dzin mngon gyur go skabs ma bcom phyir/ /rtsod tshul 'di dag kha cig dbu sems dang/ /kha cig thal rang kho na'i rtsod tshul zer/ /la la de gnyis mi 'thad 'di dag ni/ /mdo las dngos bstan rtsod pa yin phyir zer/ /gsum ka mi 'thad 'di la don smra dang/ /sems tsam rang rgyud pa'i rtsod tshul te/ /thal rang sems tsam gsum gyi lan re yang yod pa'i phyir te grub mtha' rang rang gi /bden gnyis 'jog mtshams phra rags mi mtshungs phyir/ /mdor gsungs grub mtha'i rtsod tshul min dgos na/ /grub mtha'i rtsod tshul mdo don min par 'gyur/ /kha cig gzhan gsod rmis pa mngon zhen gyis/ /bsad pas srwog gcod las lam rdzogs par smra/ /rmi lam mi la sems med phyir na de/ /mi 'thad pham bsad bar thal bar 'gyur/ /de phyir phyi nas las lam rdzogs gsungs pa/ /gnod sems byas bsags tshang ba yin nam dpyad/ /rong ston der sdig @025a @#/ /gsog na pham pa yang/ /'byung zhes rtsod de bcas dbang ma dgongs so/ /'di las 'gros te mdor gsungs klan ka ni/ /las med las 'bras don dam thal ba dang/ /lung 'gal rmi lam las gsog thal ba bzhi/ /nyin yang las med klan ka dang po'o/ /don dam du 'dod kun rdzob tun dpe/ /ma grub zhen pas gsos na bri 'phel phyir/ /'o na rmi lam las kyang bri 'phel du/ /'gyur phyir don dam thal ba gnyis ba'o/ /las ni dmigs bcas skye phyir mngon zhen gyis/ /'phel ba bden phyir ma yin rdzun phyir min/ /gnyis par brgyad stong bde gshegs las gsog 'phangs/ /dmigs bcas skyen mdo las chos rnams kun/ /dben gsungs lung 'gal klan ka gsum pa'o/ /dben pa don dam skye brdzun phyir rung/ /rmi lam las lam rdzogs 'gyur bzhi ba ste/ /rab 'byor ma 'ongs rgyal 'byung don yod phyir/ /byams par kha 'phangs des kyang klan ka yi/ /'khor gsum mi dmigs gsungs te don gyi lan/ /de nas longs sprul 'grub byed zhing dag dang/ /thabs mkhas gtsor bstan kun kyang tshogs gnyis 'bras/ /khyad bar thabs mkhas 'bras bu bdud las rgyal/ /bdud kyang bzhi ste gang zhig 'chi ba ni/ /nye bar len ba'i phung po phra rags dang/ /gang gis 'chi ba nyon mongs bag chags bcas/ /'chi ba'i ngo bo phra rags 'chi bdag bdud/ /de las 'da' ba'i bar gcod 'dod lha dang/ /de yi byed pa ci rigs lha'i bu'i bdud/ /kha cig bdud bzhi rgyun chad mi rigs te/ /'dod lha de ni sangs rgyas 'gyur phyir zer/ /ma khyab ngan 'gro rgyun 'chad gsungs @025b phyir ro/ /bdud bzhi rags ba tsam las 'da' tshul ni/ /theg dman lhag med tshe dang dgra bcom tshe/ /gnyis las rnam grol tshe dang mthong lam tshe/ /rim bzhin phyi ma theg chen sbyor lam dus/ /gzhan gsum sa brgyad tshe'o kha cig gis/ /rags pa mi sbyor theg dman gang zag bzhing/ /sngar bzhin bshad pa mi rigs bdud bzhi'i g.yul/ /cig car bcom dang lhun grub 'phrin las kyi/ /gter mnga' sku gsum mngon gyur dus mnyam phyir/ /tshul 'dir 'bad pa las byung legs byas mthus/ /thos ba'i rjes 'jug sgrub ba mthar phyin cing/ / khyad bar byams mgon nyin byed shar ba'i tshe/ /gsung gi bdud rtsi'i ro yis tshim par shog / ! shes bya'i 'khor lo yangs ba'i 'chi med lam/ /bgrod pa'i mkhyen dpyod zla shel 'dzum rlabs can/ /legs bshad ga bur thigs pa 'bum g.yo ba/ / dpal ldan bla ma snying gi mun sel rgyal/ /skabs bzhi pa'i tshig don kun tshang zhing/ dka' gnad rnams gsal bar phye ste mdor bsdus pa 'di lta bu zhig dgos zhes gsol ba yang yang btab ba bzhin/ rje bla ma mtshan brjod par dka' ba dkon mchog bstan pa'i sgron me dpal bzang po nyid dgung lo nyer lnga bzhes pa me rta'i lor lha ldan mtshan btags gnang nas mdo smad du phebs khar phebs rgyu'i gra sgrig dang/ don gnyer ba grangs med pa la 'dod chos mang po gnang dgos pas brel ba shin tu che stabs phyag dpe la gsar du gzigs long ma byung bang? 'phral du thugs la gang bzhugs rnams sgo mang bla ma sangs rgyas rdo rje'i sku skye grags brgyal mtshan bdag la dpal ldan 'bras spungs chos sde chen por 'dzin chos su brtse bas rjes su gnang ba yin no// //rgyal bstan spyi// @026a @#/ /dang 'jam mgon bshad sgrub bstan/ /'phel rgyas 'grol bde skyid 'byung ba'i slad/ /dad? ba brgya ldan pho brang gan mdzod nas/ /chos sbyin 'dzad med gang+ga'i rgyun 'di spel/ /sarba mang+ga laM// // @026b (blank page)