@001a @#/ /drang nges rnam 'byed kyi dka' 'grel rtsom 'gro legs bshad snying po'i yang snying zhes bya ba bzhugs so/ / @001b @##/ /na mo gu ru manydzu g+ho ShA ya/ /tshad ma'i ston pa zla bral shAkya'i tog /zab rgyas bstan pa'i srog 'dzin byams 'jam dbyangs/ /de rjes bstan la drang nges 'byed pa po/ /shing rta chen po gnyis sogs gtsug na rgyal/ /rab 'byams zhing du rgyal bstan snying po'i don/ /nyi ltar gsal mdzad 'jam dbyangs bla ma dang/ /de nyid dgyes bzhad 'jigs med smra ba'i dbang/ /rdo rje can zhabs padmar spyi bos 'dud/ /'di phyir phan dang bde ba legs pa'i lam/ /ji snyed gsungs pa'i snying po thar pa'i sgo/ /ji bzhin gsal bar byed pa'i gdams pa mchog /'di nyid kho na thar 'dod 'jug ngogs yin/ /bdag 'bras gting mtha' dpog par mi nus kyang; ;the tshom tsam gyis srid pa chul byed la/ /rgyal kun dgyes pa bskyed pa'i phan yon gyis/ /yid rab 'phrog pas cha tsam 'byed la spro/ /gang zhig dge ba'i bshes kyis yongs bzung mthus/ /blang dor 'byed pa'i @002a @##/ /blo mig rab gsal zhing/ /yang dag lam bzang sgrub pa'i mos brtson can/ /skal ldan de dag dang bas 'dir zhugs shig /de'ang 'jam mgon rgyal ba gnyis pa'i thugs kyi bcud/ mdo dang sngags kyi gsung rab mtha' dag gi de kho na nyid gsal bar byed ba'i bstan bcos chen po legs par bshad pa'i snying po'i don 'grel ba la gsum/ bshad pa la 'jug pa'i yan lag /gzhung dngos kyi don; bshad pa mthar phyin pa'i tshul lo/ /dang po ni/ na mo gu ru/ zhes pa nas/ smra ba zla med 'dod rnams gus pas nyon/ /ces pa'i bar te/ thog mar 'gyur phyag dang sgo mtshungs par 'jam pa'i dbyangs la phyag byas pa ni sde snod gsum la mi 'dra ba'i 'gyur phyag byed tshul bkas bcad las 'byung ba bzhin/ 'di'ang theg chen gyi don dam ba'i mngon par 'du ba'i don yang yin mod/ gtso bor rje nyid kyis gang @002b la brten nas lam bzang 'di nyid thugs su chud pa'i yongs 'dzin thun mong ma yin pa bla ma lhag ba'i lha la bka' drin dran pas mchod par brjod ba yin te/ sngags rim las/ dmar ser sku yis yid 'phrog gang gi gtsug /mthon mthing ral ba'i zur phud lngas mdzes pa'i/ /'jam dbyangs de yis tshe rabs kun tu bdag /dgyes bzhin rjes su bzung ba'i drin las ni/ /zhes dang/ rim lnga gsal sgron las/ gang gi 'phrin las gzeg ma'i cha shas tsam/ /snying la zhugs pa yis kyang rnyed dka' ba/ /shin tu sbas don lhang nger gsal mdzad pa/ /rje btsun mkhyen pa'i gter des bdag skyongs shig /ces sogs gsung phal cher du de 'dra re 'byung zhing; khyad par du 'dir/ 'jam mgon bla ma'i drin gyis legs mthong nas/ /zhes gsungs pa bzhin no/ /de nas bshad ba'i sngon 'gro dngos la/ bstan ba'i bdag po la mchod par brjod pa/ de'i srol 'dzin rnams la mchod par brjod pa/ bstan bcos rtsom par dam bca' ba/ snod ldan nyan par bskul ba rnams su yod pas/ dang po ni/ bde 'byung zhes sogs sho lo ka gnyis te/ de'ang shamb+huH ste bde 'byung ni dbang phyug chen po/ me b+ha khA hanH ste sbrin la zhon ni brgya byin/ hir N+ya garwhaH ste gser gyi mang la can tshangs pa/ a nam gaHkhus med dang/ de la pa ti sbyar na lus med bdag po ste 'dod lha dang/ dA mo darH ni snga ma rnams tha gu'i lto bar @003a @#/ /bsgyur ba ltar byas pa yin la/ de'i rgyu mtshan tshig gter 'grel pa las/ byas ba'i dus na tha gu'i ska rags bcings pa'o/ /zhes gsungs kyang/ 'dod 'jo 'gyur gsar las/ dA mo darH ste me tog lto 'o/ /zhes dang/ grags pa dang/ snying rje dag rol pa dang/ sel ba'i don gyis me tog gi chun po rnams 'di'i lto ba la ldan pa'i phyir/ des nye bar mtshan pa/ zhes sogs 'byung ba legs te/ me tog gi thod bcings sogs la gzhon nu'i rgyan du gsungs pa ltar/ 'di'ang byis pa gzhon nu'i skabs me tog gi chun po lto ba'i ngos su bcings pa yin nam snyam mo/ /'dod 'jo shong ston gyi 'gyur las/ me tog lto ni lha mo grags ma zhes bya ba khyab 'jug gi chung ma'o/ /des me tog phreng ba mgo la 'jog par 'dod pa lam sleb pas lto ba la bzhag go /de yis nye bar mtshon bas me tog lto can no/ /zhes 'byung ste; snga ma dang mi mthun pa rgya dpe ma 'dra bar mngon/ dbang phyug la bde 'byung zhes pa'ang gnyan ston gyis lha mo u ma la brten nas bde ba 'byung ba la bshad pa ni rang las bde ba 'gyur tshul bshad dgos rgyu la gzhan las bde ba 'byung tshul bshad pa de sdug bden la kun 'byung gi sgra bshad pa bzhin 'brel med pas/ dka' 'grel las/ mchog tu dga' ba'i gzugs 'chang ba'i bde 'byung @003b zhes gzhan gyis mthong na bde dge thams cad 'byung ba'i gzugs dang ldan par gsungs pa legs te/ rab 'byor zla bas/ shi zhes pa ni mi zad pa dge ba'i don can no/ /zhes pa nas/ shamb+huH ste bde 'byung ma dge 'byung ngo/ / zhes gsungs la/ de las thar pa sogs 'thob pa dge 'byung gi don dang/ gnas skabs su dga' ba skyed pa bde 'byung gi don yin cing/ de dbang phyug gi yon tan brgyad kyi tha ma dga' mgur gnas pa'i don yang yin pa'i phyir te/ spyan ras gzigs brtul zhugs kyi 'grel bshad du dbang phyug gi gzhung drangs pa las/ thar pa'am yang na lha yi lus/ /gang du bdag nyid 'dod pa dag /thams cad 'dod pa thob 'gyur bas/ /des na dga' mgur gnas zhes bya/ /zhes 'byung ba'i phyir; sprin zhon yang kha cig sprin gyi shugs 'chang ba'i glang po che zhes myur mgyogs la bshad kyang/ 'dod 'jo las/ sprin chen po glang po che'i gzugs 'dzin pa'i sa srung bu la sogs pa rnams 'di'i bzhon pa yin pas/ zhes shin tu che zhing dal gyis g.yo bas brjid pa'i nyams dang sbyar ba yin te/ glang po'i skyes rabs las/ ston ka'i sprin nam na bun gyi tshogs rlung gis bskyod pa bzhin du tshur 'ongs pa mthong/ zhes gsungs pa lta? gser mngal ni ye shes snying po kun rdze cus kyi 'grel pa byang bzang gis mdzas par/ chung dang me'i dkyil 'khor gyur par gyur cing/ me'i dbus su sgong chen po 'od' bar zhing gsal bar gnas pa de smin cing brtol ba las 'jag rten gyi mes po tshangs pa chen po @004a @#/ /padma'i mngal las skyes shing padma gnas pa gdong bzhi pa zhig byung ste/ des 'jig rten rnams sprul pa'o zhes zer ba tshangs pas 'dod pa ste/ zhes me dkyil gyi dbus su gser gyi sgong smin pa las byung bar bshad dran pa'i gzhung las/ gser gyi mdog can rab mdzes ba'i/ /sgo nga chu las rang byung ste/ /de las rang nyid tshangs pa skyes/ /rang byung zhes su rnam par grags/ /sgong dum bu gnyis gyur des/ /mkha' dang sa ru de nas chags/ /zhes sgong chu las byung ba dang/ degs nas nam mkha' dangs gzhi byung bar bshad de/ rgya nag she'u'i srol 'dzin pa dag dang por thun dun zhes gnas sa so sor ma phye ba'i 'thib por yod la/ de nas yang zhing gsal ba'i cha steng du 'phags pas gnam dang/ lci zhing rnyog pa'i cha thur du babs bas sa byung zhes smra ba'ang 'di 'dra zhig la brten par snang/ lus med ces pa dbang phyug chen po lha mo u ma mchod cing dka' thub la gnas ba na dga' dbang phyug gis mda' lnga 'phangs bas dka' thub las nyams pas/ de bdud kyi byed par shes nas dbang phyug khros te nyi ma zla ba me'i mig gsum gyi dbus ma me'i mig las me sbar bas bdud sdig can bsregs te lus med par byas zhes mngon brjod las 'byung ngo/ /mda' lnga ni sgron gsal las/ dregs par byed pa dang/ rmongs par byed pa dang/ kun tu rmongs par byed pa dang/ brgyal bar byed pa dang/ sems med par byed pa ste mda' lnga'o/ /zhes gsungs/ rgyal ba'i lha'i sdeng sbyor gyi rgya cher 'grel las/ dgod byed rab tu 'du byed dang/ /rmongs @004b byed de bzhin pa rgyal bar byed/ /'chi byed rnams ni 'dod dbang gi/ /mda' lnga rnams su rab tu grags/ /zhes gsungs/ rab 'byor zla bas/ mda' lnga ni smyo byed dag sred byed dang/ rmongs byed dang/ skems byed dang/ 'chi byed ces bya ba rnams so; ;zhes gsungs pa rnams ming 'dogs mi 'dra'ang/ sgron gsal gyi mchan las/ 'dod chags rgyas shing myos par byed pas dregs pas byed pa/ zhes pa nas/ mi g.yo bas ro bzhin du byed pa sems med par byed pa/ zhes gsungs pa dang sbyar na don 'dra la/ tshig gter 'grel par myos byed 'dra byed sogs lnga dang/ mngon brjod gzhan las gsod byed rjed byed sogs lngar bshad pa rnams 'dra mi 'dra ba brtag dgos/ tha gu'i lto ni bshad zin la/ sogs sgras bsdus pa gzhon nu gdong drug /tshogs bdag /nyi ma/ zla ba/ sgra mkhan phur bu sogs sdud do/ /de ltar na gzhung 'dis sangs rgyas bcom ldan 'das la bstod tshul yod de/ 'jig rten gyi lha chen po rang rang gi gnas na 'khod pa'i tshe blo gros dang mthu stobs rdzul 'phral sogs 'gran zla med par rlom pa rnams kyang bcom ldan 'das kyi drung du nye bar sleb pan nyi ma'i 'od kyis me khyer bcom pa bzhin zil gyis mnan pas khengs dregs bsnyil te gtsug gi cod ban gyis gi zhabs kyi padmar 'dud bas na sangs rgyas ni lha'i yang lhar gyur tshul gyi sgo nas bstod pa'i phyir/ de dag gi don la cung zad mtha' dpyad na/ kha cig na re/ tshangs pa chos can/ sgong skyes yin par thal/ gser gyi sgong las skyes pa'i phyir/ der thal/ lung sngar drangs pa de'i phyir zer na/ ma @005a @#/ /khyab ste/ gser gyi kha dog can gyi padma sgo pa'i dbyibs lta bu zhig las skyes pas de ltar bshad kyi/ sgo nga mtshan nyid pa las skyes pa ma yin pa'i phyir/ 'dod mi nus te/ rdzus skyes yin pa'i phyir/ der thal; lha dang dmyal ba bar do ba gsum gang rung la rdzus skyes kyis khyab pa'i phyir/ mdzod las/ dmyal ba rnams dang lha rnams dang/ /srid pa bar ma rdzus te skyes/ /zhes gsungs pa'i phyir/ der ma zad gzugs khams kyi lha rnams dang po skye ba'i tshe bong chod rdzogs shing gos dang bcas par rdzus te skyes ba'i phyir/ mdzod las/ gzugs can rnams/ /kun rdzogs gos dang bcas nyid/ /ces so/ /de la kho na re/ skye gnas bzhi so sor bshad kyang rdzus skyes sgong skyes 'gal mi dgos par thal/ sgong skyes dang mngal skyes kyang mi 'gal ba'i phyir/ der thal/ sgong las skyes pa'i bya de mngal skyes yin pa'i phyir/ der thal/ mngal las skyes pa'i phyir nam khyab/ 'on drod gsher skyes kyang yin par thal/ pha ma'i khu khrag dang lus kyi drod las skyes pa'i phyir/ khyab pa 'grig/ yang kha cig /gser gyi sgo nga chu dkyil nas byung bar bshad pa mi 'thad par thal/ kun btus 'grel par me dkyil las byung bar bshad pa'i phyir na ma khyab/ gnyi ga rig byed la grags pa'i gtam rgyud bkod pa tsam yin gyi/ don dngos gnas ma yin pa'i phyir te/ rig byed las tshangs ba dbang phyug gi sa bon las sprul ba dang/ khyab 'jug gi lto ba'i padma las skyes pa @005b dang; yang tshangs pa rang nyid kyis 'jig rten thams cad byas par bshad pa dang/ khyab 'jug gi sgra don brtan g.yo kun la khyab cing 'jug pa bcus don byed pa la bshad nas/ yang khyab 'jug skrag ste gzhan du pros tshul bshad pa dang/ tshangs pa sgong skyes/ khyab 'jug mngal skyes/ dbang phyug bdag las skyes par bshad pa sogs 'gal 'du sna tshogs bshad pa dngos gnas su khas blangs ma rung ba'i phyir/ don dngos po la 'jig rten chags pa'i tshes lam brten pa'i gnas rnams pas rim nas chags pa dang/ brten pa rnams mas rim nas chags dgos la/ 'dir de gnyi ga bsres nas bshad snang ba'i phyir ro/ /kho na re/ 'jig rten chags pa'i tshe thog mar tshangs pa chen po byung zhes bshad mi rigs par thal/ 'jig rten gsar du chags dus bsam gtan gnyis pu dang gsum pa nas brtsams te chags pa'i skabs kyang yod pa'i phyir nam khyab/ rtags grub ste/ bskal ba snga ma mes zhig na phyi ma bsam gtan dang po nas mgo brtsams te chags dgos la/ snga ma chu dang rlung gis zhig na phyi ma bsam gtan gnyis pa dang gsum pa nas brtsams te chags dgos pa'i phyir/ des na gzhung phal cher ro las thog mar tshangs pa'i 'jig rten chags tshul gsungs pa ni bskal pa 'di'i dbang du byas pa yin pas/ 'di'i snga ma'i bskal pa de me 'jig gis zhig pa yin par gsungs so/ /dogs pa 'di la brten nas brgyad stong 'grel chen las/ tshangs pa'ang kha @006a @#/ /cig na re/ bsam gtan bzhi par byung ba yin te/ 'jig pa me dang chu dang ni/ /rlung gis rnam pa gsum du 'gyur/ /zhes bya pa'i tshul gyis go rim bzhin du dang po la sogs pa bsam gtan gsum ni 'jig pas de nyid ni yun ring por gnas ba'i phyir bdag po nyid du mngon par rlom pa'i phyir ro/ /zhes zer ro/ /gzhan dag ni gzhan du 'chad de 'od gsal gyi lha'i ris las zhes sogs yongs grags dang mthun pa gcig ste gnyis mdzad do/ /byas pa la/ 'o na gser 'phreng las/ gtso bo gcig tu zad ba'i las bsags pa'i phyir dang/ log lta'i gnas yin pa'i phyir/ zhes gsungs pa'ang spyir btang ma yin par bskal pa 'di'i dbang du byas pa yin par thal/ de 'jig rten chags pa'i thog mar ma phyung na thams cad rang gis sprul snyam pa'i log rtog skye don med pa'i phyir na/ ma grub ste/ der log lta skyes pa 'gro pa'i sgrib pa lta bu las dbang gis yin pa'i phyir/ gzhan du na 'phags pa rnams der mi skye ba dang/ dang po'i sas bsdus kyi g.yo sgyu bshad pa sogs rnam gzhan du ma 'jig par 'gyur ro/ /yang kha cig /dga' rab dbang phyug la lus med bdag po zhes bshad pa mi 'thad par thal/ de la lus med ces bshad pa'i phyir na ma khyab/ khyab par thal/ lus med dang lus med kyi bdag po so sor 'jog dgos pa'i phyir na'ang ma khyab ste/ mngon brjod kyi skabs su 'dod pa dang 'dod lta gnyi ga dbye ba ma byas par ming thun mong du @006b sbyar ba yin pas/ sgra de 'dod lha la sbyar pa'i tshe rgyu mtshan sngar bshad pa ltar yin la/ 'dod pa'am 'dod chags la sbyar ba'i tshe de la lus med kyang sems can rnams kyi snying la gnas te srid pa'i kun sbyor sna tshogs rtsom pas/ yid la nyal dang lus med du bshad pa'i phyir/ dper na spyod 'jug las/ gnod pa'i tshogs rab 'phel pa'i rgyu gcig pu/ /bdag gi snying la nges par gnas 'tsha' na/ /zhes gsungs pa bzhin no/ /des na 'dod sred la lus med dang/ dga' rab dbang phyug gis sems can rnams la thabs sna tshogs kyis 'dod sred bskyed nas srid par 'ching bar byed pas de'i bdag por bshad pa yin no/ /'ga' zhig khams gong ma la ltos te 'dod khams pa rnams lus chung bas med pa dang 'dra zhing/ 'di de'i bdag po yin pa'i phyir zer ba don med de/ gzugs can dang po dpag tshad phyed/ /'od chung rnams kyi ltag yan chad/ /lus ni nyis 'gyur nyis 'gyur te/ /zhes gsungs pas/ ltos sa ltos 'jog gis 'bras bu che ba man chad lus med du 'gyur ba'i phyir ro/ /'dir bcom ldan 'das la lha chen po rnams kyis btud tshul gyi sgo nas bstod pa'i rgyu mtshan la'ang/ kha cig na re/ de mdo las/ lha dang mi rnams kyi ston pa zhes gsungs pa dang; skabs gsum pa dang dbang po'i dgra /zhes sogs kyis 'gro ba ma lus pa'i gtsug rgyan du gyur tshul gsungs pa dang don 'dra zer na/ shin tu mi 'thad par thal/ de sgrub phyogs nas de dag srid zhi'i 'jigs pa las skyob @007a @#/ /pa'i skyabs su gyur tshul gyi sgo nas bstan pa yin la/ 'dir lha chen po de dag gis lam ltar snang bstan pa rnams bcom ldan 'das kyis gsung gi 'od zer gyis rmeg med du bcom ste smra ba zla med par gyur pa de'i sgo nas bstod pa yin pa'i phyir/ der thal/ snga ma ni/ 'dren pa mnyam med ston pa bcom ldan 'das/ zhes pa ltar brtse ba chen po sogs rgya chen ba'i yon tan gyi sgo nas bstod tshul yin la/ phyi ma ni/ smra ba zla med 'dren mchog shAkya'i tog /ces pa ltar zab mo lta ba'i sgo nas bstod tshul yin pas skabs 'dir de gtso bor byed dgos pa'i phyir/ der thal/ nang ba'i bstan pa bcom ldan 'das kyis phye ba dang/ phyi pa'i bstan pa 'jig rten pa'i lha chen po rnams kyi rjes su 'brangs pa yin la/ kla klo rnams lha ma yin gyis byas pa'i gzhung gi steng nas lta sgom gtan la dbab rgyu med kyang de la skyabs su bsten cing tshur stong grogs byed pas lha min gyi rjes 'brang du bshad la/ de'i rgyu mtshan gyis de gsum snga ma snga ma las phyi ma phyi ma dman pa'i phyir/ rtags par pa grub ste/ tshangs pa/ khyab 'jug/ /dbang phyug gsum gyis phyi pa'i grub mtha' bstan tshul grags che la/ brgya byin smos pa'i rgyu mtshan spyir tshangs pa rtag zhi bas byas pa'i sgra mdo sogs yod kyang/ /sgra'i khung gtugs sa brgya byin grags che bas rig byed de la zhen pa rnams brgya byin tshad ma'i skyes bu lta bur 'dzin pa 'gog ched dang/ bdud sdig can ni byed pa sna tshogs kyis skye bo rnams @007b yid bsgyur te ston pa'i bstan pa las rgyab kyis phyogs par byed pa'i 'gal zla yin pas 'dir dngos su smos pa yin pa'i phyir/ gong gi rtags grub ste/ bdag cag gi ston pas gzhan sde'i ston pa sogs smra ba ngan pa thams cad zil gyis mnan nas smra ba zla med par gyur ba dang/ rang nyid kyi bstan pa la gzhan gyis klan ka'i skabs med pas smra ba bla na med par 'gro ba'i rgyu mtshan mthar thug zab mo rten 'byung gi de kho na nyid rang dbang du bstan pa'i 'di nyid yin pa'i phyir/ legs bshad snying po chung bar/ khyod kyi smra ba zla med par/ /mthong ba'i rgyu mtshan rten 'byung gi /lam 'di nyid/ ces dang/ smra ba bla na med pa'i rgyu/ /zhes gsungs pa'i phyir/ tshul 'di mdo dang klu sgrub yab sras kun gyi dgongs pa yin te/ sdud pa las/ mi yi seng+ge she rab pha rol phyin brten nas/ /mu stegs can mang skrag byed 'jig rten sgra yang sgrogs/ /zhes dang/ rtsa she las/ gang gis rten cing 'brel bar 'gyur/ /nas/ /rdzogs pa'i sangs rgyas smra rnams kyi/ /dam pa/ zhes gsungs la; de'i don 'grel pa tshig gsal las/ rten cing 'brel par 'byung ba ji skad bstan pa thugs su chad pa'i phyir de bzhin gshegs pa nya gcig don phyin ci ma log par gsungs pa nyid du gzigs shing/ pha rol po'i smra ba thams cad byis pa rdol thabs smra ba dang 'dra bar thugs su chud nas/ slob dpon shin tu dang pa dang ldan par gyur pas/ slar yang bcom ldan 'das pa khyad par du mdzad pa ni smra rnams kyi/ /dam pa/ zhes bya'o/ /zhes gsungs pa'i phyir/ don 'di rang cag rjes @008a @#/ /'jug rnams kyi nyams len du'ang go dgos te/ rang gi ston pa tshad ma'i skyes bur mthong na de'i bstan pa kho nar 'jug pa las/ gzhan 'jig rten pa'i lha chen po dag gi rjes su'ang 'brang mi rigs na/ ra'i? skar rgyal gyi chos lugs lta bu mi ma yin phra mo res bstan pa dang/ nyams myong ba na bun gyi snang ba la brten pa'i man ngan zab mor grags pa rnams la 'jug gi mi 'os pa smos ci dgos pa'i phyir/ des na lha las phul byung gi bstod pa'i 'grel pa slob dpon shes rab go chags mdzad pa las/ ri bo te sir song ste phyin pa dang/ lta chen po dgra bcom pa'i dge 'dun rnams bsod snyoms stob pa la brtson pa dang phrad de/ de las sangs rgyas bcom ldan 'das nyid ni srid pa gsum gyi bla ma'i dam pa yin no zhes brten pa dang nges ba rnyed de/ sangs rgyas kyi bstan pa la zhugs nas/ zhes dang/ des mdzad pa'i khyad par 'phags bstod kyi 'grel pa las kyang snga ma'i lo rgyus rgyas pa dang/ de nas de bzhin gshegs pa'i gsung rab kyi chos rnams kha na ma thob med pa yin par shes pas rig byed kyi tshig rnams rtsa ltar bor te/ zhes gsungs pa ltar yin pas/ chos lugs ltar snang la mgo ma 'khor bar rgyal ba kun gyi gshegs gshul 'jam mgon bla mas gsal bar phye ba 'di lta bu la slob dgos pa ni mchod brjod dang po 'di'i don gyi snying po yin no/ /de nas zab rgyas kyi bka' bab byams 'jam dbyangs gnyis la mchod par brjod pa ni/ mkhyen brtse'i zhes sogs te/ rgya mtsho @008b ni gting mtha' dpag dka' ba/ rlabs 'phreng g.yo ba/ rin po che'i 'byung gnas su gyur pa'i khyad chos gsum med dang ldan pa ltar/ 'di gnyis kyang mkhyen brtse'i gting mtha' dpag dka' ba'am/ yang na mkhyen pa ni zab mo'i de kho na nyid dang ro gcig tu gyur pas gting dpag dka' ba dang/ brtse bas gzhan phan gyi thabs mtha' yas pa la gzhol bas rgya chen ba'o/ /khyad par gnyis pa ni/ spyir spyod pa phyin drug sogs du ma dang/ khyad par du mdo sde rgyan las/ sangs rgyas 'khor gyi dkyil 'khor ston pa'i rnam pa shes/ /zhes gsungs pa ltar/ mdzad pa bcu gnyis la sogs pa'i tshul gyis rgyal ba'i mdzad pa thams cad rang gi khur du len pa 'khor los bsgyur ba'i sras dang blon po chen po lta bu ste/ dge 'dun nyi shu'i mdor/ byang chub sems dpa' sems dpa' chen po gang dag bdag nyid kyi lus de bzhin gshegs pa'i sku lta bur sprul nas/ zhes sogs dang/ byang chen gang dag sems dang po bskyed pa nyid kyis byang chub tu 'tshang rgya zhing chos kyi 'khor lo bskor te/ zhes sogs lta bu'o/ /'di 'ang de gnyis byang sems yin pa'i dbang du byas pa'o/ /khyad par gsum pa ni/ de gnyis legs bshad thams cad kyi gter du bstan pa'i shugs la legs bshad 'di thams cad kyang rtsab sangs rgyas bcom ldan 'das nas de gnyis la brgyud de rim par 'ongs pa kho na yin pa'i tshul bsten cing/ 'dis mtshon te gdams pa gang yin kyang dam pa bar mchad pa las brgyud de 'ongs pa chu mgo gangs la thug pa lta bu zhig @009a @#/ /dogs par bstan pa yin no/ /shing rta'i srod 'byed gnyis la mchod par brjod pa ni/ bde gshegs gsung rab/ ces sogs byung/ de'i don la kha cig /dgongs 'grel dang blo gros mi zad pas bshad tshul ltar gyi shing rta'i srol gnyis phye bar bstan zer mi 'thad par thal/ 'di'i gsung rab ces pa gtso bor de gnyis tsam la byed pa'ang mi 'thad/ tshul zhes pa bshad tshul tsam du byas pa'ang mi 'thad pa'i phyir/ dang po grub ste/ 'di'i bde gshegs gsung rab ces pa dang/ 'og tu/ 'khor ba las grol ba la rgyal ba'i gsung rab la drang nges 'byed dgos/ de'ang gsung rab la drang nges 'byed par lung bstan pa'i shing rta chen po dag gi rjes su 'brang dgos/ zhes pa'i gsung rab la drang nges 'byed mkhan gyi shing rta'i srol 'byed dngos bzung nas mchod brjod byas pa yin pas gong 'og gi gsung rab 'dra dgos pa gang zhig/ de ltar na gsung rab spyi dang gtso bo sher mdo la byed dgos pa'i phyir/ der thal/ dgongs 'grel dang blo gros mi zad pa'i med gnyis drang nges 'byed byed kyi gzhung sde mig lta bu yin gyi/ gang la drang nges 'byed pa'i gzhi'i mdzod lta bu sher mdo gtso bar byed dgos pa'i phyir/ der thal/ dbu ma pa smos mi dgos la/ sems tsam pas kyang sher mdo mdo sde kun gyi gtso bo dang/ de'i ched du bya ba'i gdul bya ni dgongs 'grel gyi ched du bya ba'i gdul bya las dbang po rno ba'i sams tsam pa kho nar 'dod pa'i phyir/ 'og tu 'chad do/ /rtags zur gnyis gnyis pa grub ste/ tshul gnyis zhes pa bshad @009b tshul tsam la mi byed par/ drangs su 'jog pa'i lam mi 'dra pa gnyis pa byed pa'i phyir/ der thal/ smra sgom mtshon cha las/ tshul ni 'dra dang smad pa dang/ /sgo dang sdom pa mtshan nyid dang/ /thabs dang rig pa don dang 'dod/ /legs pa dag la 'jug pa las/ /zhes tshul gyi sgra don bcur phye'ang lam gyi gsal kha ma byung la/ rnam bshad rigs pa las/ tshul gyis sgra ni bden pa dang/ lam dang 'brel 'byung rig pa dang/ /zhes gsungs bas/ lam nis lam gyi lam kho na byed pa ma yin par lam srol la'ang sbyor dgos shing/ de ltar na rgyal ba'i yum rnam pa gsum gyi dgongs don mthar thug dbu sems kyi lug su 'grel ba'i lam sgrol chen po gnyis phye ba gzhung gi don du 'jog dgos pa'i phyir/ rgyal ba'i bstan pa mchog ces pa'ang mchog gi sgra nye tshig tu byas te bstan pa spyi la sbyar yang rung la/ 'on kyang zhib tu brtags nas dpal mgon klu sgrub ni zab mo'i lam gyi bka' ba dang/ 'phags pa thogs med rgya che ba'i lam gyi bka' ba yin pas/ gnyig bsdoms te zab rgyas zung du 'jug pa'i theg pa mchog gi lam bzang gsal bar mdzad pa'i don du byas na leg pas/ bstan pa mchog ces pa'ang thabs shes la bral du ma song ba'i theg chen gyi bstan pa la bya'o/ /de nas/ shing rta chen mo'i srol gnyis legs bzur zhes sogs kyis shing rta'i srol 'dzin rnams la bsngags shing/ de'ang/ zla ba grags ba'i zhabs zhes pa myan gyis dbu ma dang/ dbyig gnyen zhes sogs kyis sems tsam pa'i srol 'dzin gtso bo @010a @#/ /rnams smos pa yin te/ tshig don go sla'o/ /rtsom par dam bca' ba ni/ gzhung lugs mang thos/ zhes pa nas/ shin tu brtse ba'i bsam pas bdag gis bshad/ /ces pa'i bar byung/ de'ang gzhung lugs mang thos zhes sogs kyi ngos 'dzin la/ gzhung lugs mang du thos pa rngog lo/ sa paN/ bu ston sogs dang/ rigs lam la ngal ba mang du bsten pa phya pa chos seng sogs sang chen brgyad du grags pa dang/ mngon bar rtogs pa'i yon tan gyis mi dman pa kun mkhyen dol bu ba sogs su mkhas pa 'ga' zhig gsuras ba ltar so sor sbyar yang rung la/ 'di nyid kyi mjug tu 'ang/ rlabs chen spyod la ring nas zhugs pa yi/ /rgyal sras rig gnas kun la mkhas pas kyang/ /shin tu dpag dka' zab cing rgya che'i gnas/ /gsungs pa bzhin thun mong du sbyar na go ba ster phul che ste/ dam pa de dag re re bzhin spyod phyogs rgya che ba'i lam gyi mngon par rtogs pa'i yon tan du ma dang ldan zhing skyes thob kyi blo gros phun sum tshogs pa'i steng du mdo sngags rig gnas sogs kyi gzhung lugs la thos bsam rgya chen po mdzad/ khyad par lta ba'i gnad don tshol bar 'dod nas rigs pa'i lam la skyo ngal gyi 'du shes med par 'bad pa bsten kyang rtogs par ma nus pa'i de kho na nyid kyi don de 'jam mgon bla ma nyid kyis 'o la kha sogs su dka' spyad shugs drag pos pas ga sbyang dang gzhung don la dpyad ba/ khyad bar du @010b mgon po 'jam pa'i dbyangs dge ba'i bshes gnyen du bzung nas tshul bzhin du bsten cing des rjes su bzung pa'i bka' drin las rnyed tshul bstan pa yin no/ /'di dag gis bstan bcos rtsom pa'i rgyu tshogs slob dpon snga ma'i man ngag dang ldan tshul; nang gi don rtogs shes rab dang ldan tshul gnyis kyang tshang bar bshad pa yin te/ sangs rgyas nas bzung dam pa bar mchad pa dang/ khyad par mgon po 'jam pa'i dbyangs kyis rjes su bzung tshul gsungs pas rgyu tshogs dang po bstan cing/ drin gyis zhes pa'i shugs la rang stobs kyis rtogs par mi nus zhes khengs bsgyung ba 'ang mdzad do/ /legs mthong nas zhes pas rgyu tshogs gnyis pa gsung rab kyi dgongs pa ma nor bar gzigs pa'i mkhyen rab phun sum tshogs pa bstan/ shin tu brtse ba'i bsam pas zhes pas brtse pa phun sum tshogs pa bstan cing gdul bya nges legs su 'khrid par byed pa la thabs 'di las lhag pa med pas bstan bcos rtsom rigs par bsgrubs pa'ang yin no/ /'dis mtshon skabs du mar snga ma mang po'i lugs bkag kyang ming bzung ma mdzad pa de dag gi lta ba la nor ba byung yang spyod phyogs mi nub par bskyangs pa'i bka' drin che ba'i gnad kyis yin la/ rkang pa gnyis par ngal ba med bsten zhes kyang dpe kha cig tu 'byung ste don la khyad par cher med do/ /snod ldan nyan par bskul ba ni/ bsten pa'i de nyid ces sogs rkang pa gnyis byung/ mdo dang sngags kyi bstan pa gang la brten nas kyang bla na med @011a @#/ /pa'i byang chub sgrub ba la bstan pa'i snying po de kho na nyid kyi don 'di las gzhan du 'dar med pas/ de nyid thos bsam sgom pas gtan la dbab par bya ba'i phyir thog ma kho nar bsam sbyor phun sum tshogs pa'i sgo nas tshul bzhin du nyan par gyis shig ces bskul ba yin la/ snga phyi bsdoms pas dgos sogs chos bzhi bang bstan te/ gnas 'di ni zhes pa yan gyis brjod bya dang/ bstan pa'i de nyid rtogs pa'i rnam dpyod ces pas de kho na nyid kyi don rnam par 'byed pa'i shes rab bskyed pa gnas skabs kyi dgos pa dang/ smra ba zla med ces pas de'i don goms pa mthar phyin nas smra ba ngan pa thams cad zil gyis mnan te gdul bya rnams byang grol la 'god pa sangs rgyas kyi go 'phang mthar thug gi nyid dgos su bstan cing/ de dag phyi ma phyi ma snga ma dang 'brel bde 'brel ba yin pas shugs kyis thon pa'i phyir/ de dag gi mtha' cung zad dpyad na/ kha cig na re/ 'di'i dgos sogs chos bzhi'i 'brel pa de 'brel ba mtshan nyid pa ma yin par thal/ 'brel pa la gzhan sdes rtog btags sna tshogs yod kyang/ dpal chos kyi grags pas bdag gcig 'brel dang rten byung 'brel gnyis su grangs nges par gsungs ba gang zhig/ 'di de gnyis gang yang ma yin pa'i phyir/ dang po grub ste/ rnam 'grel las/ de phyir de tsam dang 'brel ba'i/ /ngo bo nyid kyis ngo bo nyid/ /ldog par 'gyur ba'am rgyu yis ni/ /'bras bu 'khrul ba med pa'i phyir/ /zhes @011b sogs gsungs shing/ de las 'phros te 'brel ba brtag bar tshul de rgyas bar bsgrubs pa'i phyir zer na/ /gong gi rtags phyi ma grub ste/ 'di'i 'brel ba rten 'brel gyi 'brel ba la byed ba'i phyir/ der thal/ 'jog po'i gtsug rgyan blangs na dug zhi bar bshad blta bu dgos pa bshad kyang de'i thabs ma bstan pas skye bo'i don du mi 'gyur bde 'dra ma yin par/ sgrub byed kyi thabs dang thabs de las byang ba'i dgos pa gnyis 'brel chags su 'byung ba'i thabs thabs byung gi 'brel pa la byed pa'i phyir/ rnam 'grel las/ 'grel pa dang ni rjes mthun thabs/ /skyes bu'i don ni rjod byed dag/ /ces gsungs pa'i phyir/ yang kho na re/ de tsam gyis bde'i rgyu 'bras kyi 'brel bar ma 'grub bar thal/ dgos sogs chos bzhi 'dren pa'i tshe brjod bya dang dgos pa nyid dgos zhes 'dren dgos pa gang zhig/ de'i brjod bya la stong nyid kyang yod/ nyid dgos la mi gnas pa'i myang 'das kyang yod pa'i phyir na ma khyab/ de gsum rgyu 'bras su 'brel tshul 'chad pa'i tshe brjod bya tsam la mi byed bar brjod bya'i don de nyid bstan bcos de'i bshad pa la byed cing/ de dang gdul byas de'i don rtogs pa gnyis rgyu 'bras yin pa'i phyir dang/ nyid dgos la sbangs rtogs gnyis ka yod kyang brjod bya dang dgos pa la brten nas 'byung rgyu de rtogs ba'i chal gtso bor byed dgos pa'i phyir/ gser 'phreng las/ bstan bcos dang dgos pa'am/ dgos pa gnyis pa 'bras su 'brel ba ste/ zhes gsungs ba'i phyir/ khyab ste/ brjod byad bzhes ma gsungs par bstan bcos dang zhes @012a @#/ /gsungs pa de/ dang po bstan bcos las bshad/ de nas de thos bsam sgom pas rim gyis nyams su len dgos pa shes pa'i ched yin pa'i phyir te/ mdo sde rgyan las/ 'di na dang por thos la brten nas tshul bzhin yid la byed pa 'byung/ /tshul bzhin yid la byed las yang dag don yul ye shes 'byung/ /zhes so/ /yang kha cig na re/ gzhung 'dis bstan pa mtha' dag gi de kho na nyid gtan la phab pa mi 'thad par thal/ mdo phyogs kyi bstan pa'i de kho na nyid gtan la phab kyang/ sngags kyi bstan pa'i de kho na nyid gtan lam phab pa'i phyir/ der thal/ sngags kyi lam rim gnyis sogs gtan la ma phab pa'i phyir na ma khyab/ 'dis sngags kyi lam lha'i rnal 'byor dang rtsa rlung sogS gtan la ma phab kyang/ sngags lam gyi snying po 'od gsal ye shes kyi yul gtan la phab pas sngags kyi de nyid mthar thug gtan la phab par 'gro ba'i phyir/ der thal/ sngags lam la brten nas sgrib gnyis spong ba la'ang dngos gnyen mdo lugs kyi stong pa nyid 'di 'dzin stangs kyi yul du byas nas sgom dgos kyi/ 'di med na sngags lam mthon po sgom khul byas kyang thar lam tsam du 'ad mi 'gro ba'i phyir/ rje brtsun red mda' pa'i dris lan las/ sngags kyi rdzogs rim rnams la'ang mtshan nyid kyi lta ba'i myong ba 'don lugs 'di med pas/ de rkyang pa byas na lta ba'i go yul tsam yod kyang lam du gtan mi 'gro/ zhes dang/ rje bla mas dka' bzhi pa shes rab dpal bzang la gdams pa las/ zang @012b mo spros pa dang bral ba'i don la ni sngags dang phar phyin khyad par med par mkhas pa gong ma rnams bzhed pa legs par mthong bas zab don gyi go ba ni dbu ma'i bstan bcos las btsal na sngags las rtogs sla bar mthong ngo/ /zhes gsungs shing stong thun las kyang/ dus kyi 'khor lo'i rgyud kyi dgongs pa na/ zhes pa nas/ 'khor ba'i rtsa ba gcod byed kyi gnyen po ni bdag med rtogs pa'i shes rab nyid yin par bzhed pa la pha rol tu phyin pa'i dbum pa dang mi mthun pa cung zad kyang med do zhes shes par bya'o/ /zhes gsungs pa'i phyir/ der ma zad sngags dang phar phyin gnyis kyi lta ba'i de kho na nyid mchog dman du bzung na rtsa ltung du 'gyur bar gsungs te/ 'grel chen dri med 'od las/ grub pa'i mtha' ni shes rab kyi pha rol tu phyin pa dang sngags kyi tshul la de kho na nyid kyi le'u'o/ /de la smod pa gang yin pa de ni drug pa'o/ /zhes so/ /mdor na 'di nyid kyi mjug tu/ gsung rab kyi drang nges phye nas de kho na nyid gtan la 'bebs pa'i shing rta'i srol gnyis po 'di ni pha rol tu phyin pa'i theg pa'i skabs su rgyas mdo kyang/ gsang sngags kyi gzhung 'grel pa'i paNDi ta dang grub thob rnams kyis kyang de gnyis gang rung zhig dang mthun par de kho na nyid kyi don gtan la 'bebs pa las gzhan pa'i phung gsum med pas tshul 'di ni gsung rab mdo sngags mtha' dag gi de kho na nyid gtan la 'bebs pa'i lam du shes par bya'o/ /zhes gsungs pa 'di gon bstan pa'i snying po stong pa nyid ces pa dang/ bstan pa'i de nyid rtogs pa'i rnam dpyod @013a @#/ /ces pa rnams la phyogs re btsam ma yin pa'i go ba mtha' chod pa ster zhing legs bshad snying po che chung gi ming btags ba'i mtshan gyi don yang shes par 'gyur ro/ /yang kha cig bstan bcos la 'jug pa'i yan lag dgos sogs bzhi bshad pa mi 'thad par thal/ bstan bcos la 'jug pa'i sngon du de bzhi rtogs mi dgos pa'i phyir/ der thal/ de'i brjod bya rtogs pa la de kho na nyid rtogs dgos pa gang zhig /de bstan bcos la zhugs nas bzod 'byung dgos pa'i phyir te/ bstan pa'i de nyid rtogs pa'i rnam dpyod ces pas zhugs pa'i dgos pa bstan pa gang zhig /'di'i 'brel pa rgyu 'bras kyi 'brel pa yin pa'i phyir/ rtags re re nas khas zer na/ gong du ma khyab ste/ de'i sngon du de gzhi rtogs mi dgos kyang don 'gyur gyi the tshom bskyed nas 'jug pa'i rgyu byed pa'i phyir/ 'thad ldan las/ gang phyir 'jig rten don gnyer ni/ /the tshom las kyang 'jug phyir ro/ /zhes dang/ be'u bum sngon po las/ don 'gyur don mi 'gyur bdag la/ /the tshom za na'ang 'jug ldog rgyur gsungs/ /zhes gsungs pa'i phyir/ de 'dra'i the tshom tsam yang bsod rnams dman pa la skye dka' zhing skyes na phan yon shin tu che ste/ bzhi brgya ba las/ bsod nams chung dus chos 'di la/ /the tshom tsam yang skye mi 'gyur/ /the tshom zos pa tsam gyis kyang/ /srid pa hrul por byed par 'gyur/ /ces gsungs pa'i phyir/ legs bshad sa ha ka ra'i tshal/ /longs su sbyad pas @013b rab myos pa/ /lag ldan glal ba'i kha sgo las/ /lung rigs dri bzang ci yang spro/ /kwa yo snyan tshig gcam bu'i glu dbyangs kyis/ /rna ba gcer ba'i rkang drug ma yin par/ /mde rgyud mgrin pa'i rdza rnga rnam stong du/ /'khrol ba mkha' 'gro dkar po'i rjes su zhugs/ ' /gnyis pa gzhung dngos kyi don la/ drang nges 'byed dgos pa'i rgyu mtshan/ drang nges ji ltar 'byed pa'i tshul/ phye ste gang gi rjes su 'brang dgos par bstan pa dang gsum/ dang po la dngos kyi don dang; de nyid shes byed kyi mdo dang sbyar ba gnyis/ dang po ni/ 'phags pa yul 'khor skyong gis/ zhes pa nas/ rigs pa'i sgrub byed dang ldan pa'i phyir ro/ /zhes pa'i bar byung/ 'di la spyi don dang mtha' dpyad gnyis/ dang po ni/ 'khor ba las grol ba la rnam thar sgo gsum gyis bsdus pa'i de kho na nyid rtogs dgos/ de rtogs pa la drang don gyi gsung rab btsam la sbyangs pas mi chog par nges don gyi gsung rab cig la thos bsam tshul bzhin du byed dgos/ gang la rten sa'i mdo de'ang nges don yin pa de nges don du ston pa'i lung yod pa tsam gyis go mi chod de/ mdo las bden par grub ma grub dang phyi don yod med sogs mi mthun pa sna tshogs gdul bya'i dbang gis gsungs yod pas/ mdo'i sgras zin la bstan tshad khas blang du rung bas khyab pa sbyir ma grub pa bzhin du/ 'di ni drang don gyi mdo'o/ /'di ni nges don gyi mdo'o/ /'di ni nges gsungs tshad de ltar gnas pa'i bye brag gi khyab pa'ang ma grub ste/ 'dir bstan 'khor lo bar ba dgongs @014a @#/ /'grel las drang don du bshad kyang nges don du gnas pa dang/ tha ma des don du bshad kyang drang don du gnas pa'i phyir ro/ /des na lung tsam rgyu mtshan du byas nas kyang drang nges kyi mdo so sor 'jog mi thub la/ rang cag lta bus blo stobs kyis kyang so sor 'byed mi thub/ paNDita dang grub chen yin tshad kyi gsung gi rjes su 'brang nas kyang 'byed mi thub pas/ gsung rab la drang nges 'byed pa por rgyal ba rang nyid kyis lung bstan pa'i shing rta chen po gnyis gang rung zhig gi rjes su zhugs te drang nges 'byed dgos/ de'i rjes su 'jug tshul yang des mdzad pa'i gzhung bklag pa tsam la mi zer bar/ rgyal ba'i gsung rab kyi dgongs pa mtha' gzhan du 'dren pa'i go las mtha' dag bkag nas 'di nyid kho nar gnas dgos zhes dngos stobs kyi rigs pas sgrub tshul gyi srol phye ba'i rigs lam dri ma med pa de dag la brten nas legs par dpyad de gtan la 'bebs dgos so/ /de ltar na gtan la dbab bya'i don gyi mthar thug pa chos rnams kyi gnas lugs stong pa nyid dang/ gtan la 'bebs byed kyi mthar thug pa shing rta chen po'i rigs lam rnam par dag pa'i dpyad pa kho na la thug go/ /de'ang/ stong pa zhi ba skye ba med pa'i tshul/ /zhes stong pa nyid kyi don de'ang rnam thar sgo gsum du phye nas gsungs te/ stong ba zhes pas rang gi ngo bo bden pas stong pa'i stong pa nyid dang/ gdod nas sam thog ma nas don dam par skye ma myong bas gzod ma nas zhib ste mtshan ma med pa dang/ ma 'ongs pa na'ang don @014b dam par skye bar mi 'gyur bas skye ba med pa ste smon med dang gsum du gsungs so/ /spyir rnam thar sgo gsum gyi 'jog tshul la du ma yod de/ mdzod las/ mtshan med zhi ba'i rnam pa dang/ /stong nyid bdag med stong nyid du/ /'jug pa'o smon pa med pa ni/ /de las gzhan bden rnam pa can/ /zhes stong bdag med gnyis rnam par thar pa'i sgo stong pa nyid dang/ sdug bden gyi lhag ma gnyis dang/ kun 'byung gi khyad chos bzhi lam gyi bzhi rnams smon med dang/ 'gog bden gyi khyad chos bzhi ni mtshan med du bshad de/ gzugs sogs yul lnga/ skye rga mi rtag pa ste 'du byas kyi mtshan nyid gsum/ pho mo'i mtshan ma gnyis te mtshan ma bcu dang bral ba'i phyir ro/ /lam gyi bzhi la de mtshang zhing mya ngan las 'da' ba'i tshe lam sun 'byin pa'i lam gsum gyi sgo nas rgyun bcad de nges par 'byung ba'i gnas yin pa'i phyir smon med du bshad do/ /theg chen thun mong ba'i lugs ni/ mdo sde rgyan las/ ting 'dzin gsum gyi spyod yul ni/ /bdag med rnam pa gnyis po dang/ /bdag tu 'dzin pa'i rten dang ni/ /de rtag nyer zhi yin zhes bya/ /zhes dang/ 'grel pa don gsal skabs bzhi par bden bzhi'i khyad chos bcu drug la sbyar ba gcig dang gnyis yod pa cung mi 'dra ste/ rgyan gyi bdag med gnyis zhes pa dbyig 'grel las/ stong pa nyid kyi ting nge 'dzin ni gang zag dang chos la bdag med pa'o/ /zhes bdag med gnyis gsungs shing/ 'grel pa don gsal las de khyad chos bcu drug gi nang gi stong bdag med tsam las chos kyi bdag @015a @#/ /med ma bshad la/ 'grel pas lam gyi bzhi mtshan med la sbyar kyang/ rgyan las lam gyi bzhi gang la'ang ma sbyar te/ bdag 'dzin gnyis shes pa dang/ spong ba dang spangs pa mngon du byed tshul tsam gsungs pa yin gyi/ bden bzhi'i khyad chos bcu drug la sbyar ba ma yin pa'i phyir/ bsdu ba las/ kun btags pa'i ngo bo nyid la brten nas ni rnam par thar pa'i sgo stong pa nyid rnam par bzhag go /gzhan gyi dbang gi ngo bo nyid la brten nas ni rnam par thar pa'i sgo smon pa med par bzhag go /yongs su grub ba'i ngo bo nyid la brten nas ni rnam par thar pa'i sgo mtshan ma med pa rnam par bzhag go/ /zhes bdag gnyis su kun btags ba ltar rnam par mi rtog pa dang/ bdag tu 'dzin pa'i rten ma dag pa'i gzhan dbang la rgyab kyis phyogs pa dang/ de rtag tu zhi ba'i myang 'das yongs grub kyi ngo bo nyid mngon du byas pas zag med kyi dga' bde 'grub cing srid pa'i bde ba sogs la smon pa las 'da' bar 'gyur ba ste; rgyan las/ rnam par mi rtog rgyab kyis phyogs/ /rtag tu dga' dang ldan pa'o/ /zhes sogs gsungs pa'i phyir/ 'dir rgyu chos kyi sdom bzhi la sbyor tshul sogs mang ste/ rgyan gyi TIkka rnams las shes dgos shing mdor bsdus gzhan du bshad zin/ theg chen thun mong ma yin pa'i rnam thar sgo gsum la rgyu 'bras ngo bo gsum la sbyar ba dang/ bya byed las gsum la sbyar ba sogs las/ dang po ni rnam snang mngon byang las/ sems ni rang dngos med phyir dang/ /rgyu dang 'bras bu @015b spangs pa'i phyir/ /ces dang/ shU nya ta'i sngags don bshad pa'i thad kyi sgrub thabs gun bzang las/ ngo bo nyid dang bral phyir stong pa ste/ /de bzhin rgyu dang bral phyir mtshan ma med/ /rtog pa rnams dang bral phyir dngos po ni mas lus smonpa las ni nge par grol/ /zhes gsungs te/ lam don dam par rgyu las ma skyes pa dang/ don dam par ma grub pa dang/ don dam par 'bras bu mi 'byin pa zhes sbyor na lam gyi do gsum lam rang nyid kyi steng du bzhag nus la/ de'i rgyu don dam par ma grub pa zhes sogs su sbyar na mi nus so/ /bya byed las sbyang ba ni/ spyir 'khor gsum mi dmigs par bshad pa thams cad 'di yin la/ khyad par du gsang 'dus rtsa rgyud le'u gnyis par/ dngos po med pas sgom pa med/ /bsgom par bya ba bsgom pa yin/ /de ltar dngos bod dngos med pas/ /bsgom pa dmigs su med pa'o/ /zhes pa 'di la tshul bzhi'i bshad pa 'byung ba las spyi don gyi skabs su rgyu 'bras ngo bo gsum la sbyar ba de nyid bshad kyang yig don gyi skabs su 'di nyid bshad do/ /de'ang bya ba ste bsgom bya'i yul gyi dngos po dang/ byed pa ste sgom byed kyi lam gnyis don dam par ma grub pas/ des de bsgom pa'ang don dam par ma grub par 'gyur te/ rtsa she las/ lam la rang bzhin yod na ni/ /bsgom pa 'thad par mi 'gyur ro/ /zhes don dam par grub na bsgyur du med pa la bsgom pa don med pa'i phyir/ de ltar gsum bshad kyang rnam par thar ba'i sgo stong pa nyid du 'dus te/ klu sgrub kyis mdzad pa'i byang chub kyi tshogs las/ rang bzhin med @016a @#/ /pas stong la stong pa ni/ /yin dang mtshan mas ci zhig byed par 'gyur/ /mtshan ma thams cad log par gyur pa'i phyir/ /ma lus smon pa las ni nges par grol/ /zhes gsungs pa'i phyir/ khyab ste/ yin dang zhes pa ni yin na zhes pa dang 'dra la/ smra sgom tshon cha las/ rgyu mtshan don gyis bstan pa dang/ /zhes na'i sgra rgyu mtshan la 'jug par bshad pas 'di'ang rgyu mtshan ston pa'i tshig yin pa'i phyir/ sngags rim las/ stong pa nyid dang mtshan med dang smon med gsum brjod ba sgra'i dbang gis tha dad par bzhag kyang/ don dam par stong ba kho nar gzhan gnyis 'dus par gsungs pa ni/ byang chub kyi tshogs las/ rang bzhin med pas stong la zhes sogs gong gi lung de drangs pa'i phyir/ mtha' dpyad pa la/ kha cig na re/ khyod kyis drangs pa'i yul 'khor skyong gis zhus ba'i lung de mi 'thad par thal/ lung de yul 'khor skyong gis zhus pa'i mdor med pa'i phyir na/ mkhas pa kha cig bod du 'gyur ba'i mdo 'dir med kyang dbu ma snang ba sogs su drangs ba 'dir bkod ba yin pas mi 'gal zer/ gnyis ka mi 'thad par thal/ yul 'khor skyong zhus bod du 'gyur ba 'dir yang de yod pa'i phyir/ der thal/ yul 'khor skyong gis zhus pa chung du logs su bzhugs pa der med kyang/ dkon mchog brtsegs ba'i chos kyi rnam grangs bco brgyad pa yul 'khor skyong zhus kyi le'u'i nang du yod ba'i phyir te/ de nyid las/ stong pa zhib skye ba med pa'i tshul/ /mi shes pas ni 'gro ba 'khyams 'gyur te/ /thugs rje'i @016b thabs tshul rigs pa brgya dag gis/ /de dag rnams ni 'dzud par mdzad pa lags/ /zhes 'byung ba dang snga ma gnyis 'gyur khyab tsam las gcig tu snang ba'i phyir/ der thal/ dge slong dag gam mkhas rnams kyis/ /zhes sogs kyang dri med 'od rwa 'gyur du 'dir drangs pa bzhin 'byung yang/ 'bro 'gyur las/ bsregs bcad brdar ba'i gser bzhin du/ /mkhas pa rnams kyis yongs brtags nas/ /bdag gsung blang bya dge slong dag /gus pa'i phyir ni ma yin no/ /zhes 'byung la/ 'gyur gzhan zhig tu; bsregs bcad brdar ba'i gsar bzhin du/ /legs par brtags la nga yi bka'/ /mkhas pa dag gis blang bya yin/ /dge slong ngag gis gus phyir min/ /zhes 'byung ba tshig ris mi 'dra'ang mdo gcig yin pa bzhin yin pa'i phyir/ kha cig /dngos po med bas sgom pa med/ /ces sogs kyis bya byed las gsum la sbyar ba'i rnam thar sgo gsum kho na bstan zer na/ mi 'thad par thal/ des rgyu 'bras ngo bo gsum la sbyar ba'i rnam thar sgo gsum yang bstan pa'i phyir/ der thal/ shU n+ya ta'i sngags don la rgyu 'bras ngo bo gsum la sbyar ba'i rnam thar sgo gsum bshad dgos pa gang zhig /de'i sngags don dang dngos po med pas zhes sogs don 'dra ba'i phyir/ dang po grub ste/ sgrub thabs kun bzang las; ngo bo nyid dang bral phyir stong pa ste/ /de bzhin rgyu dang bral phyir mtshan ma med/ /rtog pa rnams dang bral phyir dngos po ni/ /ma lus smon pa las ni nges par grol/ /zhes gsungs pa'i phyir/ gnyis pa grub ste/ mdor byas las/ dngos po @017a @#/ /med pas sgom pa med/ /ces pa nas/ tshigs bcad 'di yis rgyu mi rgyu'i/ /bdag nyid che rnams stong par bsgom/ /cho ga'i sbyor ba 'di yis ni/ /ye shes sa gzhir byin gyis brlabs/ /zhes gsungs pa'i phyir; yang kha cig /khyod kyis bya byed las gsum la sbyor ba'i tshul de mi 'thad par thal/ stong nyid de gsum du phye ba'i nang gi las ma yin pa'i phyir/ der thal/ de'i nang gi bya ba yin pa'i phyir te/ bsgom bya sgom byed gnyis su phye ba'i nang gi bsgom bya yin pa'i phyir na ma khyab/ khyod ltar na/ tshad mas gzhal bya rtogs tshul dang srog gcod lta bu'i bya byed las gsum gyi nang gi bya ba la'ang gzhal bya dang bsad bya de 'jog rigs par thal/ der yang gzhal bya dang bsad bya zhes zer ba'i phyir/ khyab pa 'grig /'dod mi nus te/ gsum du phye ba'i tshe de gnyis las su 'jog dgos pa'i phyir/ gser 'phreng las/ las su bya ba gang bsad spang bya ba dang/ skyed pa po gang gis gsod pa po dang/ bya ba'i rang bzhin bsad ba ste/ zhes dang/ rnam 'grel TIka chen las/ 'bras bu ni mtshon bya/ tshad ma ni mtshan nyid/ gzhal bya ni tshad ma dang 'bras bu de gnyis kyis sgro 'dogs bcad bar bya ba'i yul lo/ /de ngag ni rim pa bzhin bya ba dang/ byed pa dang/ las kyi bdag nyid du brjod do/ /zhes gsungs pa'i phyir/ gzhan yang khyod ltar na tshad ma mdo las/ bya ba med pa'ang ma yin no/ /zhes dang/ de'i rang 'grel las/ 'di la phyi rol pa rnams kyi bzhin du @017b tshad ma las 'bras bu don gzhan du gyur pa ni med kyi/ zhes bya ba rdzas gzhan med kyang bya ba gtan med du mi 'gyur ba'i skyon spong mdzad pa 'brel med par thal/ bya ba de byed pa las rdzas gzhan du ma grub pa'i khas blang rang la med pa'i phyir/ der thal/ khyod kyis bsad bya de bya bar bzhag pa gang zhig /bsad bya de gsod pa po'i bdag nyid du khas len pa bzhad gang yin pa'i phyir/ bya ba zhes pa gzhan gnyis la ltos nas bzhag tsam pa ma gtogs de las don gzhan du gyur pa med pa 'di bya byed las gsum du phye ba'i skabs thams cad la 'dra ste/ rnam 'grel las/ dngos su tha dad med par 'dod/ /bya ba byed pa'i tha snyad dag/ thams cad de ltar rnam par gnas/ lhas kyang/ thams cad de lta'i rnam pa can nye bar btags pa'i rang bzhin yin gyi/ dngos po la brten pa can ni ma yin no/ /zhes gsungs pa'i phyir/ kha cig /spyir rnam par thar pa'i sgo gzhan gnyis stong pa nyid du 'du'ang/ bum pa lta bu'i rgyu 'bras ngo bo gsum la sbyar ba'i nang gi mtshan med smon med gnyis de'i stong nyid du'ang 'du tshul med zer na/ mi 'thad par thal/ bum pa'i rgyu bden par med pa mtshan med dang/ bum pa'i 'bras bu bden par med pa smon med du byas pa'i tshe bum pa'i stong nyid du mi 'du'ang/ 'jog tshul de kho na nges pa'i phyir/ der thal/ bum pa don dam par rgyu las ma skyes pa dang/ des don dam par 'bras bu mi skyed pa gnyis kyang mtshan med dang smon med du 'jog dgos pa'i phyir/ der thal/ mngon rtogs rgyan las/ rnam thar sgo gsum shes pa dang// @018a @#/ /zhes pa'i bshad bya'i yum gyi mdo las/ chos rnams ngo bo nyid ma mchis pa/ skye ba ma mchis pa/ 'gag pa ma mchis pa/ zhes chos re re'i steng du'ang khyad par de dag sbyang nas gsungs pa'i phyir/ der thal/ de'i rgyu mtshan gzhi bum pa gcig pu la'ang bden par zhen pa'i tshe/ rgyu las skyes pa'i cha nas bden par lta ba dang/ 'bras bu skyed pa'i cha nas bden par lta ba sogs sna tshogs 'byung bas/ de 'gog ched du rnam thar sgo gsum gyi dbye ba mdzad pa'i phyir/ tshangs pas zhus pa las/ bcom ldan 'das/ gang dag chos 'ga' zhig skye ba'am 'gag par 'tshal ba dang de dag la ni sangs rgyas 'byung ba ma lags so/ /bcom ldan 'das/ gang dag la 'khor ba dngos por 'tshol bde dag ni 'khor ba las 'da' ba ma lags so/ /zhes sogs gsungs pa'i phyir/ bya byed las gsum la sbyar ba'i tshe 'ang bsgom bya sgom byed bsgom pa'i bya ba gsum bden pas steng ba rim bzhin mtshan med smon med stong nyid gsum du 'jog cing phyi ma'i nang du snga ma gnyis 'dus pa'i phyir/ dang po grub ste/ gser phreng las/ rnam par thar pa'i sgo mtshan ma med pa rdzogs par bsgom pa nyid kyis sems can gyi gzugs nas rnam mkhyen gyi bar la mtshan mar 'dzin pa spong bar gnas pa ste/ zhes yul la bden zhen bkag pa'i ldog cha nas gsungs pa gang zhig /lugs 'dir yul sngon po sogs rgyu dang sngo 'dzin sogs 'bras bur 'jog cing rgyu dang mtshan ma rnam grangs su 'byung @018b ba'i phyir dang/ smon pa'i yul ni 'byung 'gyur gyi 'bras bu yin par grags che la/ sgom byed yul can yang de gnyis las 'bras bur 'jog dgos pa'i phyir/ stong pa nyid rang gi ngo bo'i steng nas 'jog pa go sla/ rtags zur phyi ma grub ste/ bsgom ba'i bya ba ni bsgom bya sgom byed gnyis tshogs kyi steng nas 'jog dgos pas de bden stong du gzhan gnyis kyang 'dul/ bsgom bya bden stong dang sgom byed bden stong gnyis gcig gcig gi nang du mi 'du ba'i phyir/ de la kho na re/ bum pa don dam par ma skyes pa bum ba'i stong nyid ma yin par thal/ bum pa gzhan skye med pa bum pa'i stong nyid ma yin pa'i phyir/ der thal/ myu gu gzhan skye med pa myu gu skyes ba'i stong nyid yin par dbu ma'i mtha' dpyod du gsungs pa'i phyir na ma khyab; myu gu'i skye ba gzhir byas nas skye ba zhes par btags tsam gyis ma tshim par bdag las yin nam gzhan las yin zhes btsal ba'i tshe dpyad bzod du ma grub pa myu gu skye ba'i stong nyid yin pa la dgongs pa'i phyir/ khyod ltar na gang zag don dam par ma skyes pa chos kyi bdag med phra mo yin par thal/ de de'i skye ba'i steng nyid yin pa gang zhig /lugs 'dir bdag med gnyis stong gzhi'i sgo nas 'jog pa'i phyir/ 'dod na/ gang zag don dam par grub pa cung zad kyang med par mthong nas don dam par skyes ma skyes the tshom za ba zhig yod par thal/ bdag med gnyis kyi rtogs rim 'thad pa'i phyir/ kha cig/ rang rgyud pa'i lugs la myu gu don dam par 'jig pa med pa myu gu'i stong nyid yin gyi/ thal 'gyur @019a @#/ /ba'i lugs la de ma yin par thal/ snga ma'i lugs la myu gu 'jig pa myu gu'i tshogs pa'i chos kyang/ thal 'gyur ba'i lugs la de ma yin pa'i phyir/ der thal/ thal 'gyur ba'i lugs la myu gu 'jig pa myu gu'i rjes su grub pa'i phyir/ der thal/ de'i lugs la myu gu'i 'jig pa dang myu gu'i zhig pa don gcig pa'i phyir/ rtsa shes TIka chen las/ skabs 'di dag tu tshig gsal las 'jig ba zhes gsungs pa ni rang nyid zhig pa'ang 'jig par bzhed pa'i dbang du mdzad kyi/ pha rol po ni zhig 'jig 'gal bar 'dod pas/ zhes gsungs pa'i phyir na ma khyab/ de gzhan rnams de gnyis kyi gcig rtag la gcig shos mi rtag pas rigs 'gal bar 'dod kyang/ rang lugs gnyig 'dus byas su rigs 'dra bar 'dod ces pa'i don yin pa'i phyir/ 'og tu 'chad do/ yang kha cig/ /rnam thar sgo gsum med par thal/ zhi sgo gsum med pa'i phyir na/ kha cig /ma khyab ste gzhung las rnam thar sgo gsum gyi tha snyad sbyar yang zhi ba'i sgo gsum gyi tha snyad ma sbyar ba'i phyir zer yang/ rang lugs/ der thal/ zhi sgo gnyis pa med pa'i phyir na ma khyab/ rtags grub ste/ bzhi brgya pa las/ zhi sgo gnyis pa med pa dang/ /zhes gsungs pa'i phyir/ khyod rang la bden pa bzhi med par thal/ bden pa gsum pa med pa'i phyir te/ yab sras mjal ba las/ bden pa gsum pa 'ga' yang yod min te/ /zhes gsungs pa'i phyir/ kha cig na re/ rang rgyud pa'i lugs la'ang zhi sgo gnyis pa med par @019b thal/ bzhi brgya pa las de ltar gsungs pa gang zhig /klu sgrub yab sras gnyis la gzhung phyi mo'i dbu ma pa zhes thal rang kun gyis tshad mar byed pa'i phyir na ma khyab/ lung de'i 'phrar/ bdag med ces ni bya bar brjod/ /ces 'byung bas/ gang zag dang chos kyi bdag med phra rags so sor ma phye ba'i bdag med spyi tsam de zhi ba'i sgor bzhag nas/ de las gzhan du gyur pa'i zhi sgo med pa lung de'i don du 'dod pa'i phyir/ gong du 'dod mi nus te/ gang zag rang rkya thub pa'i rdzas yod du 'dzin pa'i blo de 'khor ba'i rtsa bar 'dod pa'i phyir/ khyab ste/ de'i rgyu mtshan gyis bden med ma rtogs kyang rang rkya thub pa'i rdzas yod kyi bdag med par mthong zin goms na 'khor ba las grol nus par 'dod pa'i phyir/ rgyan las/ nyon mongs shes bya lam gsum gyi/ /zhes sogs gsungs pa'i phyir/ kho na re/ blo de 'khor ba'i rtsa bar 'jog pa dang/ de dang 'dzin stangs dngos 'gal gyi ye shes zhi sgor 'jog pa gnyis yin khyab mnyam yin par thal/ rang rkya thub pa'i rdzas yod kyi bdag med par rtogs pa'i ye shes zhi sgong 'jog pa'i rgyu mtshan 'thad pa'i phyir na ma khyab ste/ theg chen thun mong ba ltar na thar pa gtan med du 'dzin pa blo kun btags yin pas 'khor rtsar mi 'thad kyang/ de'i zhen yul med par rtogs pa'i ye shes sogs kyi sgor 'jog pa gong du bden bzhi'i khyad chos dang sbyar ngas 'grub la/ thun mong ma yin pa ltar na'ang smon med kyi ye shes la 'du byed sdug bsngal du mthong ba gcig yod par dgongs pa rab gsal las gsungs ba'i phyir/ 'phrod don du ma yod kyang @020a @#/ /rgyas par gzhan du bshad zin/ kha cig na re/ de dag thugs rje mnga' bas thabs tshul dang/ /zhes pa'i thabs de thabs shes kyi thabs dang/ rigs pa brgya dag ces pa'i rigs pa de shes rab phun sum tshogs pa la byed zer na/ de la mi byed par thal/ de thabs sna tshogs kyis gdul bya kha drangs pa la byed pa'i phyir/ der thal/ rtsa she las/ bdag go zhes ni bstan gyur cing/ /bdag med ces kyang bstan par gyur/ /ces dang; 'phags pa lhas/ dam pa min la bdag 'dzin mchog /bdag med ston pa ma yin no/ /zhes pa ltar gdul bya blo dman pa la gang zag gi bdag yod pa dang/ rang 'dzin rtogs pa'i zhen gzhir rang mtshan gyis grub pa dang/ bden grub dang/ mthar thug theg pa gsum du grub pa sogs gsungs pa'ang blo 'tsham par kha khrid de mthar de kho na nyid dang mi gnas pa'i myang 'das su 'khrid pa'i thabs yin pa de la byed pa'i phyir/ dper na/ skas gdang 'og mar 'dzegs pa de gong mar 'gom pa min yang de'i thabs su 'gro ba bzhin yin pa'i phyir/ rim lnga las/ thabs la 'di rdzogs pa'i sangs rgyas kyis/ /skabs kyi rim pa lta bur gsungs/ zhes gsungs pa'i phyir/ de rim gnyis tsam ma yin par lam 'og ma 'go ma nas gong ma gong mar 'khrid tshul kun la sbyor dgos pa spyod bsdus kyis de'i dgongs pa bkral nas rim gyis slob tshul bshad pa ltar yin pa'i phyir dang/ mdo las kyang/ yongs su mya ngan las 'das @020b pa zhes bya ba ni de bzhin gshegs pa rnams kyi thabs dam pa'o/ /zhes mthar thug theg gsum bstan pa de rdzogs byang du 'khrid pa'i thabs su gsungs pa lta bu yin pa'i phyir/ phyi ma ni yig don la'ang ma zhugs te/ 'dir rigs pa brgya dag ces pa rten 'brel dang gcig du bral sogs stong nyid sgrub byed kyi gtan tshigs sam rigs pa mtha' yas pa bstan pa'i don yin gyi/ rig pa ye shes zhes pa lta bu'i glo rig gi rig pa ma yin pa'i phyir/ yang kha cig na re/ de kho na nyid rtogs pa la gsungs rab la drang nges 'byed dgos zer na/ de kho na nyid rtogs pa la gsung rab kyi don la drang nges 'byed dgos par thal/ gsung rab la drang nges dgos pa'i phyir/ khyab ste/ gzhung 'dis bden gnyis kyi rnam gzhag rgyas par gtan la phab pa de gsung rab la drang nges 'byed tshul yin pa'i phyir/ dka' 'grel sogs thams cad kyis sa bcad byed pa'i tshe'ang/ gsung rab la drang nges 'byed pa don che bar bstan pa/ don chen po dang ldan pa'i gsung rab la drang nges 'byed tshul/ zhes smos pa'i phyir dang/ drang nges phye ma phye gsung rab la drang nges phye ma phye yin pas/ 'di'i mchod brjod du'ang shing rta chen po gnyis la drang nges phye tshul gyis bstod pa'i tshe drang nges phye ba'i gzhir/ bde gshegs gsung rab ces gsungs pa'i phyir/ rtsa bar 'dod na/ de kho na nyid rtogs pa la gsungs rab kyi don bden pa gnyis la tshad ma'i stobs kyis drang nges 'byed dgos par thal/ brjod bya don gyi drang nges 'byed dgos pa'i phyir/ khyab ste/ tshad ma'i stobs @021a @#/ /kyis nges pa ma rnyed na/ mos mnos yid dpyod tsam gyis phye'ang blo phugs su thag mchod par yod pas de la the tshom med par 'jug mi nus pa'i phyir/ rin po che gsum gyi gtam gyi sbyor ba las/ gal te yang dag dam bca' tsam zhig gis/ /nges pa rnyed kyang sgrub dang sum 'byin gyi/ /tshad ma'i stobs kyis nges pa ma rnyed na/ /'dam la btab pa'i phur ba bzhin 'gyur bas/ /yang dag bag chags brtan po 'jog mi nus/ /zhes gsungs pa'i phyir/ khyab ste; nges pa rnyed kyang zhes pa yid dpyod la mi sbyor na blo rig bdun po gang la'ang mi 'grig pa'i phyir/ gong du 'dod na/ de kho na nyid rtogs pa la bden gnyis tshad ma'i stobs kyis 'byed mi dgos par thal/ bden gnyis tshad pas rtogs pa la de kho na nyid rtogs pa sngon du 'gro dgos pa'i phyir/ ma khyab na/ rnam 'grel las/ dngos su glang chen khrus 'drar 'gyur/ /zhes pa de kho nar 'gyur ro/ /de la kho na re/ de kho na nyid rtogs pa la gsung rab la drang nges 'byed dgos zhes pa 'gog mi rigs par thal/ gzhung nyid las/ chos rnams kyi de bzhin nyid ni/ zhes pa nas/ de'ang rgyal ba'i gsung rab kyi drang ba dang nges pa'i don rnam par 'byed pa la rag las shing/ zhes gsungs pa'i phyir na ma khyab ste/ gsung rab kyi drang nges zhes pa ni/ gsung rab kyi nang nas drang don gyi gsung rab dang nges don gyi gsung rab gang yin so sor ngos bzung ba la byed pas/ rjod byed tshig gi drang nges yin pa'i phyir/ dka' 'grel las/ @021b chos rnams kyi gnas lugs mthar thug rtogs pa de gsung rab kyi drang nges 'byed ba la rag las te/ nges don gyi gsung rab zab mo zhig gi rjes su ma 'brangs par drang ba'i don gyi gsung rab tsam la brten nas de kho na nyid rtogs mi nus shing de la nges don gyi gsung rab ngos zin dgos/ de ngos zin pa gsung rab kyi drang nges tshul bzhin du byed pa la rag las pa'i phyir ro/ /zhes gsungs pa'i phyir/ des na gsung rab kyi drang nges zhes pa dang/ gsung rab la drang nges zhes pa mi 'dra bar thal/ snga ma/ kyi ni 'brel ba'i don yin te/ zhes pa ltar de'i nang gses kyi dbye ba 'byed tshul yin la/ phyi ma/ smon dang tshad 'dzin gzhi dang ni/ /zhes pa ltar/ de dpyad gzhir byas te de'i steng nas bden pa gnyis kyi rnam gzhag gtan la 'phebs pa'i don yin pa'i phyir/ de la kho na re/ de ltar yin na de kho na nyid rtogs pa la gsung rab kyi drang nges 'byed dgos pa'ang mi 'thad par thal/ de 'byed na tshad ma'i stobs kyis 'byed dgos pa gang zhig /nges don gyi gsung rab de rang gi bstan don la mi bslu bar rtogs pa la de kho na nyid rtogs dgos pa'i phyir/ rtags snga ma don gyis khas blangs shing phyi ma yid ches kyi rtags sbyor 'god lugs kyis grub pa'i phyir/ zer na/ rtags snga ma ma grub ste/ de gnyig 'dra mi dgos pa'i phyir/ der thal/ shing gcod pa la zor ngas mi chog kyang rtswa brang ba la des chog pa ltar/ don la drang nges 'byed pa tshad ma'i stobs kyis 'byed dgos kyang/ tshig gi drang nges 'byed pa yid dpyod @022a @#/ /kyis tsheg pa'i phyir/ der thal/ don gyi drang nges 'byed pa bsam byung gi skabs yin pas don spyi legs par shar te sgro 'dogs bcad nas 'byed dgos/ gcig shos thos byung gi shes rab kyis gtan la 'bebs lugs yin pas sgra spyi'i go ba chags pa'i yid dpyod kyis chog pa'i phyir/ mdo sda rgyan las/ mdo yi sde la sogs pa'i chos/ /mi gnyis don ni rab 'byed pa/ /mdo sogs ming la sems 'jog go/ /de nas de ni rim bzhin du/ /tshig rab dbye la 'jug byed cing/ /so so'i nang du tshul bzhin du/ /de yi don yang rnam par dbyod/ /ces gsungs pa'i phyir dang/ mdzod las/ thos sogs las byung blo rnams ni/ /ming dang gnyis ka don yul can/ /zhes thos byung ming la brten tshul yod pa'i phyir/ de ltar ma yin par don spyi'i nges pa rnyed pa la tshad ma dgos na sgra spyi tsam gyi nges pa de'ang tshad ma'i stobs kyis rnyed dgos zer ba lkug pa'i rigs 'gre kho nar snang ba'i phyir dang/ de 'dra'i rim pa zhig med na blo rim gyis sbyong tshul med par 'gyur ba'i phyir/ yang kha cig na re/ dbu ma pa rang lugs la drang nges kyi mdor 'jog tshul stong nyid gtso bor dngos su ston mi ston gyi sgo nas 'jog tshul ma gtogs med zer na/ mi 'thad par thal/ dgongs 'grel ltar sgra ji bzhin pa yin min gyi sgo nas drang des kyi mdor 'jog tshul yod pa'i phyir/ dbu ma pa'i lugs la de 'dra'i 'jog tshul yod 0kyang dbu ma pas de ltar 'jog mi dgos pa'i phyir/ der thal/ de'i lugs la grub mtha' bzhi ka'i 'dod @022b tshul yod pa'i phyir te grub mtha' bzhi ka yod pa'i phyir/ gzhan yang de mi 'thad par thal/ dbu ma pa rang lugs su khas len rgyu'i drang nges 'jog tshul la'ang snga ma'i 'jog tshul de ma yin pa yod pa'i phyir/ der thal/ 'dus pa'i rtsa rgyud las/ rin chen chen po kha dog lnga/ /yungs kar gyi ni 'phru tshad tsam/ /sna yi rtse mong nan tan du/ /rnal 'byor gyis ni rtag tu bsgom/ /zhes pa'i tshigs bcad gcig pur yang bskyed rim gyi phyag mtshan bsgom pa bstan pas drang don dang/ rdzogs rim pa'i rlung gi rdor bzlas bstan pas des don du bshad pa'i phyir/ der thal/ mdo lugs bzhin drang des la tshig so so ba mi dgos par tshig gcig la don gnyis su phye ste drang des su bzhag cho ga pas/ 'di ba nyes mtha' drug gi nang nas don mtha' la brten pa yin pa'i phyir/ ye shes rdo rje kun las btus kyi rnam bshad las/ drang des kyi bshad pa gnyis ni don so sor des la gzhung ni gcig tu des so/ /zhes dang/ pha rol tu phyin pa dang rgyud sde 'og ma bden gnyis ston pa'i cha nas drang don dang nges don du bzhag pa yod mod kyang/ zhes pa nas/ de dag gi drang des ni gzhung phan tshun du 'gal bas so so ba yin la/ 'dir ni drang des gnyis kyi bshad pa gzhung gcig la byed ba'i/ zhes gsungs ba'i phyir/ tshul de dpal ldan zla bas kyang gsungs pa thal 'gyur ba rang phugs la 'dod dgos pa'i phyir te/ sgron gsal las/ skal ngan rnams la rgyal ba yis/ /sbas te bshad pa drar ba'i don/ /yang dag don ni rab ston phyir/ /des @023a @#/ /pa'i don yang gsungs pa yin/ /zhes dang/ de'i mchan sgrags las/ yang dag pa'i don rdzogs rim yan las dang bcas pa ni rab tu ston pa'i phyir brang don gsungs par ma zad des pa'i don yang gsungs pa yin/ zhes gsungs pa'i phyir/ blo gros mi zad pa'i mdo las kyang/ mdo gang lam la 'jug pa'i phyir bstan pa de dag ni drang ba'i don ces bya'o/ /mdo gang 'bras bu la 'jug pa'i phyir bstan pa de dag ni des pa'i don ces bya'o/ /zhes lam la brten nas 'bras bur drang dgos pas drang don dang/ 'bras bu mthar thug grub nas de las gong mar drang du med pas des don du gsungs te mtha' drug gi drang des dang 'gros mthun ni/ /de ltar drang des kyi 'jog lugs sna tshogs yod pas gsung rab kyi don mtha' chod pa la de'i re re tsam gyis mi chog ste/ 'di nyid las/ gsung rab las drang des kyi 'jog tshul mi mthun pa du ma gsungs pas/ zhes gsungs pa'i phyir/ kho na re/ de 'dra'i drang des des drang des kyi go mi/ chod par thal/ gsung rab la drang des 'byed pa la dbu ma pa rang lugs kyi drang don kun rdzob bden pa dang/ des don don dam pa gnyis legs par 'byed dngos pa'i phyir zer na/ gang zag la sbyar tshe de ltar dgos kyang gzhung la sbyar na mi rung ste/ sa sde ldas kyang gsung rab la drang des phye ba'i phyir/ der thal/ drang des 'byed pa'i shing rta'i srol 'byed kyi bstan bcos yin pa'i phyir dang/ der ma zad brgyad stong don bsdus kyis kyang stong nyid bcu drug bshad pa'i phyir @023b te; des brgyad stong ba'i don na so gnyis su bkral ba'i phyir/ byas pa la/ 'o na slob dpon phyogs klang gis stong nyid bcu drug bshad par thal/ des brgyad stong ba'i don bgrel tshul mod pa'i phyir/ 'dod na/ drang des phye bar thal/ des bdon pa gnyis so sor bshad pa'i phyir na mi mtshungs te/ gzhung la sbyar na des drang des 'byed tshul la bshad pa las lhag pa med kyang/ gang zag sbyar na dam yin pa'i phyir/ der thal/ 'di ni drang don no/ /'di ni don dam pa'i/ /zhes smras pa tsam gyis bshad par 'jog kyang/ gang zag des drang des phye ma phye tshad ma'i stobs kyis phye ma phye la 'jog pa'i phyir/ snga ma ma grub na/ dngos smra rnams dang de'i gzhung las mtshan nyid gsum den gnyis bden bzhi khyad chos bcu drug chos kyi sdom bzhi lam lnga sogs gang yang ma bshad par thal lo/ /yang kho na re/ brgyad stong don bsdus mas stong nyid kyi lta ba bshad par thal/ des stong nyid bshad pa'i phyir/ rtags khas/ 'dod na/ des dbu ma'i lta ba bshad par thal/ de stong nyid kyi lta ba bshad pa'i phyir dang/ des gzhan dpang longs grub bden par grub cing kun btags bden par ma grub par bshad pa'i phyir/ khyab ste/ dbus mtha' las/ yod pas med pas yod pas na/ /de ni dbu ma'i lam yin no/ /zhes pa ltar sems tsam pa rnams de dbu ma'i don du smra ba'i phyir/ 'dod na/ de sems tsam pa'i lta ba bshad pa de dbu ma'i lta ba bshad pa yin par thal lo/ /zer na/ kha cig gong du ma khyab rtser yong/ des mtha' gnyis @024a @#/ /dang bral ba'i dbus ma bshad na sgro skur gyi mtha'ang ma bkag zer dgos pas zhib cha 'don/ gnyis pa shes kyi khungs dgod pa ni/ don gyi dbang 'di gzigs nas/ dge slong dag gam/ zhes pa nas/ zhes gsungs so/ /zhes pa'i bar byung/ 'di la'ang spyi don dang mtha' dpyad pa gnyis/ dang po ni/ gzhung tshig snga ma rnams kyis kyang rton bzhi gsungs pa yin kyang/ rtsa ba'i khungs 'di las 'phros pas/ 'dir rton bzhi 'chad tshul yod de; nga zhes dang/ gus phyir min zhes pa bsdoms pas sangs rgyas bcom ldan 'das gang zag khyad par can du grags pas gus pa tsam rgyu mtshan du mi byed pa ste gang zag la mi rton pa dang/ nga yi bka' blang bar bya zhes des gsungs pa'i bka' la tshad mar byas te chos la rton pa bshad/ yang nga yi bka' zhes dang/ gus phyir min zhes pa bsdoms pas bka' las gsungs pa rgyu mtshan du byas te bshad tshad sgras zin ltar mi 'dzin pas tshig la mi rton pa dang/ brtags la blang bar bya zhes pas dgongs don legs par brtags te 'dzin pas don la rton pa bshad/ bsregs bcad brdang ba'i gser bzhin du/ /legs par brtags zhes pas gser gyi phyi'i skyon yon rags pa tsam rtogs sla'ang/ gting na skyon yod med nan gyis rtog dgos pa ltar bstan don rags pa tsam shes sla'ang des mi doms pas drang don la mi rton pa dang/ dgongs pa'i gtir shin tu zab pa'i gnas lugs kyi don 'chol dgos pas des don la rton pa @024b bshad; gser la skyon yon phra rags dang mthun par brtag pa'i thabs me dang gcod byed brdar sogs rim par yod pa bzhin/ gnas lugs zab mo 'jal byed thos bsam sgom gsum dang/ phyi ma la 'jig rten las 'das ma 'das sogs yod pas snga mas mi chog par phyi ma phyi ma dang/ mthar mnyam gzhag rnam par mi rtog pa'i ye shes chos kyi dbyings dang ro gcig tu zhugs pa'i bang la slob dgos pas rnam shes la mi rton ye she sla rton pa bshad pa'i phyir/ rton bzhi rgyas par bshad pa'i gzhung ni blo gros mi zad pa'i mdo yin la/ de las don dang ye shes dang des don dang chos la rton par gsungs pa'i go rim ni thar 'dod rnams rgyal ba'i gsung rab kyi don gtan la dbab dgos pa dang/ de'ang tha snyad la'i shes pa tsam gyis don mthar thug 'byed mi nus pas de la gnas lugs rtogs pa'i shes rab dgos pa dang/ de'i sgo nas des don gyi mdo'i dgongs pa 'phyed tshul gsum sngar bshad de/ gang zag la mi rton chos nyid la rton pas ni/ dper na gang zag gi bdag yod bar gsungs pa de gdul bya dman pa la la las 'bras la des pa skyed phyir gsungs pa'i drang don yin gyi/ dgongs pa mthar thug chos dang gang zag gnyi ga bden par med pa 'dir gnas zhes drang des kyi mtshan gzhi ngos 'dzin pa'i don du mjug tu gsungs pa yin pa'i phyir/ kun mkhyen bla ma'i mtha' dpyod las/ blo bros mi zad pa'i bshad tshul gcig kha gang zag gi tha snyad la brten nas bden zhen mi bya bar bden med la yid rton @025a @#/ /pa gang zag la mi rton chos la rton pa'i don du'ang bshad/ ces dang/ blo gros brtan pa'i rgyan gyi 'grel bshad las/ gang zag gi rjes su 'brang ba ni ji lta bu chos kyi rjes su 'brang ba'ang ji lta bu zhe na; gang zag kyang yod par bltas/ chos kyang yod par bltas nas/ gang zag 'dis dge ba byas na ni bden pa mthong bar 'gyur/ mi dge ba byas na ni mi dge ba'i sdug bsngal mthong bar 'gyur ro zhes lta ba ni gang zag gi rjes su 'brang ba zhes bya'o/ /gang zag dang chos gnyi ga rang bzhin med par khong du chud pas gnyi ga la mi lta ba ni chos kyi rjes su 'brang ba zhes bya/ zhes gsungs pa'i phyir/ 'di ltar na gang zag la rang nyid kyang bzhag chog pa'am/ yang na dgag bya'i bdag la byed dgos te dpyad par bya'o/ /mdo sde rgyun las de'i go rim bzlog ste yongs grags 'di gsungs pa ni gdul bya spyi'i nyams len gyi rim par bsgrigs pa'i rgyan du byas pa yin la/ byangs las don la rton pa dang bo dang/ chos la rton pa gnyis par byas pa ni don gtso bor byas te nyan tshul dang/ don de'ang 'thad sgrub kyi rigs pa dang ldan pa zhig dgos par shes pa'i ched yin te rgyan gyi bshad pa la zur bskang pa yin pa'i phyir/ byangs las/ rton pa bzhi po de dag las ni mdor bsdun tshang ma nyid bzhi bstan te/ bstan pa'i don dang rigs pa dang/ /zhes gsungs pa'i phyir/ de'ang mdo sde rgyan las/ gtsug lag bstan pa'i chos dang ni/ /de'i don dgongs pa can dang ni/ /des don tshad ma ldan pa @025b dang; ;de'i don brjod med thob pa gzhes rton bzhi'i ngo bo dang/ spong dang ji skad bshad pa dang/ /log par yang dag shes pa dang/ bcod dang? bcas pa thob pa dag/ /'dir ni dgag par bstan pa yin/ /zhes dgag bya bzhi dang/ mos dang rnam par dpyod pa dang/ /gzhan las ji bzhin thos pa dang/ /brjod pa med pa'i ye shes las/ /brtan rnams nyams par mi 'gyur ro/ /zhes phan yon bzhi gsungs so/ /sa'i dngos gzhir gang zag bzhi la sbyar ba dang dus bzhi la sbyar ba gnyis gsungs la/ byang sa las tshad ma bzhi dang sbyar ba rnams rton pa so sor re re bzhin sbyar chog la/ kun btus su rigs pa bzhi/ rgyan dang theg bsdus su dgongs pa bzhi dang ldem dgongs bzhi gsungs pa rnams spyir gsung rab kyi don gtan la 'bebs tshul yin pas rton bzhi dang gnad 'dra'ang rim pa bzhin sbyor mi dgos so/ /byang sa la/ rton pa bzhi po thams cad kyis ni byang chub sems dpa' yang dag pa'i sbyor ba rtsom pa la zhugs pa'i des par 'byin pa 'khrul pa med pa mngon par gsal bar byas pa yin no/ /zhes pa ltar byang chub sgrub pa'i lam nyams len gyi rim pa thams cad gsal bar bstan pa yin te/ dang po thos ba byed tshul yang bshad/ bsam tshul yang bshad/ sgom tshul yang bshad; de gsum re res mi chog bas ya ma bral bar byed tshul yang bshad/ rgyun gyi nyams len yang bshad pa'i phyir/ dang po grub ste/ thos pa byed pa la thog mar gang zag bzhi'i dang po tshul 'chos pa lta bu phyi'i rnam 'gyur skyes bu dam pa ltar @026a @#/ /bcos pa dang blun po'i grags pa tsam la brten pa ma yin par chos bzhin spyod cing chos kyi tshul legs par ston nus pa zhig la brten/ chos nyan pa'i tshe bang rgyang phan pa lta bu rtog dpyod med par tshig tsam gyi rjes su rgyug pa ma yin par don gyi cha la blang dor 'jug ldog gi/ /nad rnams gtso bor byas te nyan pa dang/ nyan bya'i chos kyang rang lta mchog 'dzin pa nyan thos sde gnyis lta bu rang blor ma shod ba rgyu mtshan du byas nas theg pa chen po'i des don gyi mdo rnams spong pa de 'dra ma len par/ rang gi khong du ma chud pa rnams des don rtogs pa gzhan las mnyan cing thos par byed pa dang/ mnyan pa'i dgos pa'ang thos pa tsam lhur len pa'i gang zag lta bu thos lo dang shes lo'i grags pa 'dod pa tsam dang gshag 'gyed pa'i rtsod pa la chags pa tsam ma yin bar/ gnas lugs rtogs pa'i shes rab la brten nas rnam grol sgrub pa'i thabs su mnyan pa kun slong rnam dag gis zin pa dgos pa'i phyir/ dang po ni sa'i dngos gzhi las/ 'brel ba'i gtam gyis rnam par des par byas nas shes pas rtog par bya ba yin gyi/ spyod lam tsam gyis ma yin no/ /zhes so/ gnyis pa ni byangs las/ don 'dod pa'i phyir gzhan las chos nyan par byed kyi/ tshig 'bru legs par sbyar ba 'dod pa'i phyir ma yin no; ;zhes so/ /gsum pa ni rgyan las/ gzhan las ji bzhin thos pa dang/ /zhes dang/ blo brtan gyis/ so sor rton pa gsum pas ni stong pa dang bdag med par bshad pa'i chos dag bdag gis khong du ma chud na nga rgyal med par byas nas de'i don @026b shes pa dag las bdag med pa dang stong pa'i don gyi tshul nyan par byed de/ zhes so/ /bzhi pa ni de nyid las/ so sor rton pa bzhi pas ni rnam par mi rtog pa'i ye shes thob par bya ba'i phyir 'bad cing rtsol bar byed kyi/ zhes so/ /gnyis pa bsam bas des pa skyed tshul yang bshad de/ rang gi zhen phyogs tsam ma yin par tshad mar gyur ba'i ston pa'i gsung gi rjes su slob bdag gos/ slob tshul yang gsung gi tshig gzung ba tsam ma yin par lung don la 'thad sgrub kyi rigs pas dpyad pa gtso bor byas te gtan la 'bebs dgos/ gtan la dbab bya'ang gang byung gis mi chog bar gang la yid rton par byas na thar ba'i gong du bgrod nus des pa'i don zab mo stong ba nyid kyi tshul slob dpon klu sgrub lta bus bkral ba bzhin gtan la dbab dgos/ rtogs ba'i blo'ang blos byas kyi lta bsam yin dgag gi stong ba lta bu gzhal pas mi chog par dgag bya bcad tsam gyi stong ba med dgag de nyid rtogs pa zhig dgos pa'i phyir/ dang po ni byangs las/ rigs pa dang/ zhes dang; 'di nyid las/ rigs pa dang 'gal ba'i grub pa mtha' khas len na smra ba bo tshed ma'i skyes bur mi rung/ zhes dang/ lha las phul byung gi bstod pa las/ bdag ni sangs rgyas phyogs mi 'dzin/ /ser skya sogs la mi sdang yang/ /gang zhig rigs par ldan pa'i tshig/ /de nyid ston par yongs su 'dzin/ /zhes dang/ blo brtan gyis/ tshad mar gyur ba ni sangs rgyas bcom ldan 'das te/ zhes so/ /gnyis pa ni byangs las/ bstan pa'i don dang/ zhes dang/ sa'i dngos gzhi @027a @#/ /las; thos pa lhur blang bar mi bya yi/ don la bsam par bya/ gzhal par bya/ nye bar brtag par bya'o/ /zhes dang/ 'di nyid las/ drang ba dang des pa'i don rnam par 'byed pa la rag las shing/ de gnyis rnam par 'byed pa'ang 'di ni drang ba'i don no 'di ni des pa'i don no zhes pa'i lung tsam gyis nus pa ma yin/ zhes so/ /gsum pa ni/ des don tshad ma ldan pa dang zhes pa'i thad kyi dbyig 'grel las/ tshad ma dang ldan pa'i don no/ ston pa tshad mar gyur ba'am/ des tshad mar mdzad pas des par byas shing/ zhes dang/ blo brtan gyi 'grel bshad las/ de bzhin gshegs pas lung bstan pa slob dpon klu sgrub la sogs pa lta bus gnyis su med par bshad pa'i don la rton pa ni tshad mar gyur bas bshad pa'i don la rton pa zhes bya/ zhes dang/ 'di nyid las/ gsung rab kyi drang des 'byed par lung bstan pa'i shing rta chen po dag gis drang des kyi dgongs pa bkral cing de'ang des don gyi gsung rab kyi don gzhan du 'dren pa la gnod byed dang/ gzhan du drang du mi rung bar don der des pa'i sgrub byed kyi rigs pas legs par gtan la phab pa zhig gi rjes su 'brangs nas dgongs pa 'tshol dgos/ zhes gsungs la/ rton pa'i sgra mi bslu ba la'ang 'jug cing des don yang mi bslu ba'i don du 'gro bas thad 'dir byangs las/ rton pa dang zhes gsungs so/ /bzhi pa ni blo gros mi zad pa'i mdo las/ rnam par shes bzhes bya ba ni rnam par shes pa gnas pa bzhi @027b ste; bzhi gang zhe na/ 'di lta ste/ /rnam par shes pa gnas pa na gzugs la nye bar 'gro zhing gnas so/ /rnam par shes pa gnas pa na tshor ba la nye bar 'gro ba dang/ 'du shes la nye bar 'gro ba dang/ 'du byed la nye bar 'gro zhing gnas ba ste 'di ni rnam par shes pa zhes bya'o/ /zhes pa nas/ chos la rnam par rig pa 'di ni rnam par shes pa zhes bya'o/ /gzhan yang nad nye bar zhi zhing phyi rol tu rgyu ba med pa dang/ ye shes la rton pas chos gang yang mi rtog cing rnam par mi rtog pa 'di ni ye shes zhes bya'o/ /zhes dang/ blo brtan gyis/ rang bzhin gyis stong bar khong du chud cing gzugs la sogs pa'i yul la mi rtog pa ni ye shes zhes bya/ zhes kun rdzob kyi snang ba bkag nas bden ston gtan la dbab par gsungs so/ /rnam shes kyi gnas pa bzhir bshad pa'i rgyu mtshan/ 'dod khams pa rnams 'dod yon lngas bsdus pa'i gzugs la sred pa dang/ bsam gtan bzhi tshor ba rigs bzhi la sred pa dang/ gzugs med dang po gsum nam mkha' mtha' yas so snyam pa lta bu'i 'du shes kyis bcings pa dang/ srid rtser de 'dra'i 'du shes tshun chad med kyang las nyon gyis bcings pa'i 'du byed mdor bas de dag gis sa bsdus pa'i sems la rnam shes dang/ khams gsum las 'das pa 'khor ba'i 'ching ba dgrol byed kyi sems la ye shes su byas par blo brtan gyis gsungs la/ blo gros mi zad pa'i mdo 'grel dbyig gnyen gyis mdzad pa las/ 'du byed la nye bar 'gro ba ni 'gog pa'i snyoms par 'jug pa'i rnam @028a @#/ /par shes pa thog ma 'gog pa'i snyoms par 'jug pa na/ de'i bya ba byed par dmigs shing bcol ba'i phyir 'du byed la nye bar 'gro ba zhes bya'o/ /yang na srid pa'i rtse mo'i rnam par shes pa ni tshe'i 'du byed yun ring por gnas pa de la brten cing gnas pas na 'du byed la nye bar 'gro zhing gnas ba zhes bya ste/ 'di ni rnam par shes pa'o/ /zhes gzhan rnams 'dra'ang 'du byed la nye bar 'gro ba'i don tshul gnyis gsungs so/ /de ltar na rton pa bzhi la/ rigs pa tshad ma/ don tshad ma/ rton ba tshad ma/ ye shes tshad ma zhes kyang grub mtha' chen mor gsungs so/ /sgom pa byed tshul yang bshad de/ dang por sgom gyi go las che shos ni gzhung chen mo rnams phyi'i go rgya gcod byed tsam du bzung nas yal bar dor te man ngag tu grags ba re la nyams len snying por byed pa mang yang/ sangs rgyas las mkhas pa su'ang med cing/ de ni thugs rje lhag par che bas don du 'gyur na mi gsung mi srid pas/ de'i gsung rab la man ngag gi rgyal por go nas mos pa byed dgos/ dka' la sgras zin 'gal ba yod kyang dgongs pa'i don la dpyad na 'gal ba med pas bstan pa thams cad 'gal med du rtogs dgos/ de ltar byas pas drang don rnams kyi rim gyis khrid nas mthar des don la sbyor bas de nyams len gyi snying po dang gzhan rnams de'i yan lag tu go ste gsung rab ma lus gdams ngag tu 'char dgos/ gdams par shar ba na nyin mtshan med bar nyams su blangs te mi rtog ye shes kyis myang 'das su bgrod dgos pa'i phyir/ dang po ni rgyud bla ma las/ gang @028b phyir rgyal las ches mkhas 'ga' yang 'jig rten 'di na yod min te/ /ma lus de nyid mchog ni tshul bzhin kun mkhyen gyis mkhyen gzhan min pas/ /de phyir drang srong rang nyid kyis bzhag mdo sde gang yin de mi dkrugs/ /thub tshul la shig phyir de yang dam chos la ni gnod pa byed par 'gyur/ /zhes dang/ rgyan las/ mos dang/ zhes dang/ blo brtan gyis/ drang srong chen po sangs rgyas bcom ldan 'das kyis bshad pa'i gsung rab las ji skad 'byung ba bzhin du de'i rjes su 'brang gi/ gang zag so so tha dad pa mi mthun pa ston pa'i tshig la mi snyegs pa ni zhal nas gsung ba'i chos ston pa zhes bya ste/ zhes sangs rgyas rang nyid kyis gsungs pa de dor mi rung bar bshad de/ gtsug lag bstan pa'i chos dang ni/ /zhes pa der 'gyur khyad zhugs par snang/ /gnyis ba ni rgyan las/ rnam par dpyod ba dang/ zhes dang/ blo brtan gyis/ dgongs pa dpyod pas na nyams par mi 'gyur te/ ci'i phyir zhe na/ sgra ji bzhin du bzung nas dgongs pa log par drangs pa ni nyams par 'gyur gyi/ dgongs pa'i don phyin ci ma log par bzung na nyams par mi 'gyur ba'i phyir ro/ /zhes so/ /gsum pa ni legs bshad snying po chung bar/ khyod kyis ji snyed bka' stsal pa/ /rten 'brel nyid las brtsams te 'jug /ces dang/ yul 'khor skyong gis zhus pa las/ de dag thugs rje mnga' bas thabs tshul dang/ /rigs ba brgya dag gis ni 'dzud par mdzad/ /ces so/ /bzhi pa ni rgyan las/ brjod ba med ba'i ye shes/ zhes dang/ TIka chen de nyid snang ba las/ ye shes ni sgom byung gi shes @029a @#/ /rab dang/ de'ang gtso cher stong nyid mngon sum du rtogs ba'i 'phags pa'i ye shes yin cing/ zhes so/ /bzhi ba thos bsam sgom gsum ya ma bral bar byed tshul yang bshad de/ gang zag la mi rten chos la rton pas thos pa rgya chen po byas te chos kun chub par byed/ tshig la mi rton don la rton bas gang thos pa de'i don rnams mi brjed bar 'dzin par byed/ drang don la mi rton des don la rton pas dgongs pa nye bar brtags te sgro 'dogs bcad nas thos pa'i don la bsam byung gi nges pa rnyed par byed/ rnam shes la mi rton ye shes la rton pas thos bsam tsam gyis chog shes mi byed par thos don nyams su blangs te sgom byung gi ye shes skyed pa'i phyir/ sa'i dngos gzhi las/ dus bzhir chud za bar 'gyur ba dang/ chud za bar mi 'gyur ba'i phyir gang zag bzhir rnam par bzhag ste/ chos kun chub par byed ba'i dus dang/ 'dzin pa'i dus dang/ don la nye bar rtog pa'i dus dang/ chos kyi rjes su mthun pa'i chos sgrub pa'i dus las rton pa bzhir rnam par bzhag pa yin no/ /zhes dang/ byang sa las/ rtog pa'i ye shes la snying por lta ba yin gyi/ thos pa dang bsam pas chos dang don rnam par shes pa tsam la ni ma yin no/ /zhes so/ /lnga pa rgyun gyi nyams len nam spyod tshul yang bstan te/ gang zag bzang ngan lam ltos bar don du 'gyur na sus bshad kyang nyan dgos pa dang/ kha nas bshad shes bas mi chog gi /sgo gsum gyis ci byed don dang ldan pa dgos pa dang/ don yang phugs su mi bslu ba @029b zhig dgos pa dang/ mdor na ci byas thar po'i rgyur 'gro ba zhig dgos pa'i phyir/ dang po ni byang sa las/ phal pa'i skad kyis chos ston na'ang byang chub sems dpa' don la rton pas ni gus par byas te nyan par byed/ ces dang/ de'i don kun mkhyen bla ma'i mtha' dpyod du/ don zab na phal pa'i skad dang phal pas ston kyang gus par byed/ ces phal tshig gis bshad par ma zad bshad mkhan mi phal pa zhig yin na'ang smras pa don du 'gyur tshe 'dor mi rung bar gsungs te/ 'jam mgon sa paN gyis/ legs bshad byis pa dag las kyang/ /mkhas pa rnams ni yongs su len/ /dri zhim 'byung na ri dwags kyi/ /lte ba las kyang gla rtsi len/ /zhes pa ltar su dang 'grogs kyang legs bshad len shes pa zhig dgos so// gnyis pa ni blo brtan gyis/ 'jig rten las 'das pa'i chos ni don te/ de la rton pa ni don la rton pa zhes bya'o/ /'jig rten gyi chos thams cad ni tshig ces bya ste/ de la rton pa ni tshig la rton pa zhes bya'o/ /zhes 'jig rten gyi bde 'byor thams cad ni ming snyan yang don bslu brid las med pas don ldan bslu ba med pa'i chos rnam dge kho na zhig bya dgos par gsungs so/ /gsum pa ni blo gros mi zad pa'i mdo las/ mdo gang las kyi bya ba la 'jug par bstan pa de dag ni drang ba'i don zhes bya'o/ /mdo gang las dang nyon mongs pa zad par bya ba'i phyir bstan pa de dag ni nges pa'i don zhes bya'o/ /zhes chos kyang sdig spong dge ba sgrub ba chung du dang thun mong ba'i mngon mtho'i chos skor tsam gyis mi chog par/ las nyon zad par @030a @#/ /spangs pa'i nges legs thar ba'i rgyur 'gro pa zhig dgos par gsungs pa yin no/ bzhi po ni blo gros mi zad pa'i mdo las/ gzhan yang dmigs pa las rnam par shes pa skye ba dang/ yid la byed pa las rnam par shes pa skye ba dang/ kun tu rtog pa las rnam par shes pa skye ba 'di ni rnam par shes pa zhes bya'o/ /gang yang 'dzin pa med pa dang/ snyems pa med pa dang/ dmigs pa med pa dang/ rnam bar rig pa med pa dang/ rtog ba med pa 'di ni ye shes zhes bya'o/ /zhes mtshan 'dzin dang rnam rtog gi spros pa mtha' dag zad pa'i dag pa gnyis ldan gyi dbyibs dang ro gcig ba'i ye shes mngon du byed nus ba zhig dgos par gsungs so/ /yang dge slong dag gam zhes sogs kyi tshigs bcad des lung dpyad gsum gyis dag pa'i tshul yang bstan te/ ka ma la shI las/ de la bsregs ba ni mngon sum dang chos mthun par bstan pa'i phyir ro/ /bcad pa ni rjes su dpag pa dang chos mthun par bstan pa'i phyir ro/ /brdar ba ni yid ches pa dang chos mthun par bstan ba'i phyir ro/ /zhes rigs thigs kyi phyogs snga ma mdor bsdus su gsungs so/ /rton bzhi'i rnam gzhag 'di las 'phros pa grags che'ang gong gi rtsa tshig rnams kyis rton bzhi bshad snyam pa dang/ rton bzhi'i khongs 'dir rgyal ba'i bstan pa la slob tshul gyi man ngag cha tshang ba'i sdom chen po zhig yod snyam pa su la'ang mi 'dug pas cung zad rgyas bar bshad ba yin no/ /mtha' dpyad pa la kha cig na re/ gdul bya'i bsam tshod ltar thar pa thob @030b pa'i thabs su mi bden pa de gang zag la mi rton ba'i don dang/ ston pas drang nges kyi gsungs rab ji snyed cig gsungs pa thams cad thar pa thob pa'i thabs su bden pa de chos la rton pa'i don yin te/ kun mkhyen chos 'byung gi gsung las; gang zag de rnams kyi bsam tshul sna tshogs pa ltar du thar ba thob ba'i thabs su mi bden gyi/ de'i bsam tshul dang mthun par ston pas drang nges kyi chos sgo sna tshogs su gsungs pa thar pa thob pa'i thabs su bden pa de gang zag la mi rton chos la rton pa'i don yin te/ zhes gsungs pa'i phyir zer/ don la rung yang rtsod blo 'phel phyir cung zad spro na/ mu stegs gcar bu ba chos can/ chos la rton bar thal/ ston bas chos gsungs tshad thar pa thob pa'i thabs su bden pa'i phyir te/ ston pas drang nges kyi sde snod gsungs tshad thar 'dod kyi don la mi bslu ba'i bsnyan bcos rnam dag yin pa'i phyir/ 'dod mi nus te/ chos la mi rton par gang zag la rton pa'i phyir/ sa'i dngos gzhi las/ dang po ni tshul 'chos pa'i gang zag gi bye brag gis so/ /zhes gsungs ba'i phyir/ khyab ste/ gcer bu pa rnams nang du chos kyi nyams len med par phyi'i kun spyod dka' thub sogs chos ltar bcos pa la yid ches nas dam bar 'dzin pa yin pas/ de las go bzlog ste rang lugs kyi rton ba dang po bzhag pa yin pa'i phyir/ bzhi brgya ba las/ shAkya gos med bram ze rnams/ /chos ni rim bzhin yid dang ni/ /mig dang rna ba yis 'dzin pa/ /des na thub pa'i gzhung lugs phra/ /zhes dang/ de'i dang TIka @031a @#/ /las; shAkya pa dang/ gos med gcer bu pa dang/ bram ze gsum po rnams kyi chos rim pa bzhin du yid dang mig dang rna ba yis 'dzin pa de'i phyir thub pa'i gzhung lugs phra bas/ zhes nas/ gcer bu bya rnams lus nyi lhags kyis gzir zhing gtsang sbra spyod pa dang bral bas mthong ba kho nas go ba dang/ zhes gsungs ba'i phyir/ yang kho na re/ gsung rab thams cad thar ba thob pa'i thabs su bden pa tsam der mi 'jog gi/ de'i thabs su bden par 'dzin pa de chos la rton pa'i don yin zer na/ de'i thabs su bden par 'dzin pa'ang mi rung bar thal/ de'i thabs su bden par 'dzin pa'i blo de bden 'dzin yin pa'i phyir/ lam bsgom byar bden par 'dzin pa'i blo de bden 'dzin yin pa'i phyir/ lam bsgom byar bden par ma grub pa stong nyid yin pa'i phyir te/ rgyud las/ dngos po med pas sgom ba med/ /ces gsungs pa'i phyir/ yang kho na re/ de'i thabs su bden par rtogs pa de de'i don yin zer na/ mi 'thad par thal/ de'i thabs su bden par bzung na 'dzin tshul phyin ci log tu 'gro ba'i phyir/ ma grub na/ de'i thabs su bden par 'dzin pa'i tshad ma dang/ de'i thabs su bden par med par 'dzin pa'i tshad ma gnyis yod par thal ba dang/ der 'dzin pa'i rig pa ye shes dang/ der 'dzin pa'i ma rig pa gnyi ga yod par thal ba sogs spro sla zhing/ 'dod mi nus te/ 'gal ba la mi 'khrul ba'i tshad ma med pa'i phyir/ yang kha cig/ gsung rab thams cad thar pa thob pa'i thabs su mi bslu @031b bar rtogs pa de chos la rton pa'i don yin zer na/ drang nges phye ma thag pa'i gang zag chos can/ khyod kyis de ltar rtogs par thal/ khyod chos la rton pa'i phyir te/ rton pa bzhi'i sgo nas drang nges phye ba'i phyir/ 'dod na/ gsung rab thams cad thar 'dod kyi bsgrub bya'i don la mi bslu bar rtogs par thal/ 'dod pa'i phyir/ 'dod na/ gsung rab thams cad rang gi bstan don la mi bslu bar rtogs par thal lo/ /'dod na/ chos thams cad rtogs par thal/ gsung rab mtha' dag rang gi bstan don la mi bslu bar rtags pa'i phyir/ khyab ste/ yid ches kyi rtag sbyor la brten nas lung de rang gi bstan don la mi bslu bar rtogs pa la de'i bstan bya'i shin lkog gi chos de'ang rtogs dgos pa'i phyir/ der thal/ las 'bras kyi 'brel ba phra mo yid ches kyi rtag sbyor la brten nas sgrub tshul dang rtogs tshad yod pa'i phyir/ yang kha cig na re/ rgyud rtog gsum las/ rtog cing dpyod pa'i rtog ge ba/ /de la sbyor ba'i dngos grub ring/ /zhes gsungs pas/ gsung rab mtha' dag tshad mar byed dgos kyi/ de'i don la 'thad mi 'thad kyi brtag dpyad byed mi rung zer na/ brtag dpyad byas pa tsam gyis tshad mar ma bzung bar mi 'gro bar thal/ lung so so'i dgongs pa btsal te sgras zin mi mthun pa'i rgyu mtshan shes nas 'dor len byas pa de nyid gsung rab tshad mar byed lugs yin pa'i phyir/ der thal/ mdo sde rgyan las/ spong dang ji skad bshad pa dang/ /zhes rton pa dang po'i ldog phyogs lung so so'i sgras zin mi mthun par mthong nas spong ba @032a @#/ /dang; rton pa gnyis pa'i ldog phyogs tshig tsam la rton pas lung thams cad kyi sgras zin ji skad bshad pa bzhin du 'dzin pa gnyi ga chos las nyams byed dang ma dad pa'i rgyur 'gro ba'i phyir/ theg pa chen po la dad pa rab tu sgom ba'i mdo rnam bshad rigs par drangs pa las/ bcom ldan 'das kyis sgra ji bzhin du tshul bzhin ma yin pas tshos rnams la rab tu rnam par 'byed na theg pa chen po la dad ba'i 'byung gnas su mi 'gyur ro/ /dgongs pa can gyi don ni sgra ji bzhin ma yin par tshul bzhin yid la byed na theg pa chen bo la dad pa'i 'byung gnas su 'gyur ro/ /zhes sogs kyis sgra ji bzhin pa kho nar bzung ba la brtan nas khas mi len pa'i lta ba dang/ ngan g.yo'i lta ba sogs lta ngan nyer brgyad 'byung tshul gsungs pa'i phyir/ mdo rang nyid kyi 'gyur las/ dad ba skye ba'i gnas su 'gyur ro/ /zhes 'byung/ gzhan yang gsung rab kyi don la yid ches kyi nges bskyed tshul med par thal/ lung tsam gyis go mi chod cing rig bas dpyad pa byas na gsung rab la tshad mar ma bzung ba'i skyon du 'gyur ba'i phyir/ rtags khas/ des na gsung rab la tshad mang byed dgos kyang byed tshul shes pa gal che ste/ mos blo tsam phyis gang gsung sgra ji bzhin du bzung na rton pa dang po gnyis kyi zlog zlar 'gyur pas; rgyal ba'i dka' las 'byung ba'i dri ma med ba'i rigs pa'i lam zhes don dngos po'i sdod lugs la dpyod pa'i rigs pa dri ma med bzhig gis drang nges 'byed ba de gsung rab la tshad ma byed lugs kyi mchog yin pa'i phyir/ sngags rim @032b dang mtha' dpyod myu gu las/ gzhung khugs rnams su rigs bas bsgrubs pa ltar rigs pas grub pa dgos gyi/ de dag tshur mthong la shin tu lkog gyur yin pas sgrub byed lung tsam du zad do zhes smra ba ni/ bdag ni ston pa gzhan spangs nas/ bcom ldan khyod la skyabs su song pa 'di ni bdag rang gi 'dod pa tsam du zad kyi sgrub byed ci yang med ces rang gi skyabs 'gro'i mtshang sgrogs par zad do/ /zhes dang/ de'i tshe lung gnyis ni bden ba'i don can yin min dpyod pa'i gzhi yin pas rtsod gzhi sgrub byed du mi rung ba'i phyir/ rigs pa nyid kyis bden pa'i don can yin min dbye bar bya'o/ /zhes dang/ 'di nyid las/ mthar gtugs na dri ma byed pa'i rigs pa nyid kyis 'byed dgos/ zhes gsungs pa'i phyir/ kha cig ngag snang sbyong ba'i khul byas te gsung rab las dgag sgrub spang blang dang yod med yin min sogs sgras zin mi mthun par gsungs pa thams cad sgra ji bzhin par rang lugs su khas len pa ni blun po'i gtam 'gal 'du'i phung po yin te/ sdom gsum rab dbye las/ kha cig theg pa rangs na/ /bden pa yin zhes kun la sgrogs/ /'jig rten pha rol med pa sogs/ /lta log thams cad bden par 'gyur/ /ci ste sangs rgyas theg pa kun/ /rangs sa na ni bden snyam na/ /'di yang cung zad brtag par bya/ /sangs rgyas gsung la drang ngon dang/ /nges don rnam pa gnyis su yod/ /ces sogs dang/ thub bstan byi dor las/ de tsam gyi 'gal 'du'i phung po'ang 'gal 'dur mi rig pa las ches cher blun pa'i skyes bu gang zhig yod/ blun pa'i rtags blan med bde nyid gang zag ngo mtshar ba'i sgrub byed du @033a @#/ /ji ltar rung/ zhes gsung pa'i phyir/ kha cig na re/ sher mdo chos can/ gang zag la mi rton chos la rton zhes pa'i chos la 'jog mi rigs par thal/ tshig la mi rton don la rton zhes ba'i tshig gam yi ge la 'jog pa'i phyir te/ blo gros mi zad pa'i mdo las/ de la don ni gang/ yi ge ni gang zhe na/ mdor na chos kyi phung po stong phrag brgyad cu rtsa bzhi bstan pa 'di ni yi ge zhes bya'o/ /zhes gsungs pa'i phyir zer na/ gong du ma khyab ste/ dper na skas kyi them pa bar ma de 'og ma nas yar bgrod sa'i them pa gong ma dang/ de'i steng mar bgrod ba'i tshe 'dor rgyu'i them pa 'og mar 'jog pa mi 'gal ba bzhin yin pa'i phyir/ des na gang zag yin na gang zag la mi rton zhes pa'i skabs kyi gang zag dang/ dgos pa can gyi tshig yin na de'i skabs kyi chos yin pas khyab/ rjod byed kyi sgra thams cad tshig la mi rton zhes pa'i tshig dang/ gtan la dbab bya'i chos thams cad de'i skabs kyi don yin/ stong nyid las gzhan pa'i chos thams cad de'i skabs kyi drang don dang/ lam gyi bsgom bya'i rnam pa thams cad de'i skabs kyi nges don yin/ 'phags pa'i mi rtog ye shes las gzhan pa'i blo thams cad de'i skabs kyi rnam shes dang/ lam thams cad de'i skabs kyi ye shes la 'jog dgos pa'i phyir/ byis pa la/ kho na re/ de mi 'thad par thal/ srog gcod kyi las dang dmyal ba'i sdug bngal sogs don la rton zhes pa'i don dang/ nges don la rton zhes pa'i nges don gnyi gar 'gro tshul med pa'i phyir zer na/ ma grub ste/ ngan 'gro'i @033b sdug bsngal bsam pa'i tshe tshig brjod pa tsam gyis mi chog par don gyi rnam pa blo yul du 'char ba zhig dgos/ mi dge bcu spong ba la'ang so so'i ngo bo sgra sbyi tsam ma yin par don legs par des nas sbyong dgos pa'i rgyu mtshan gyi de'i skabs kyi don la bzhag chog pa'i phyir/ de bzhin du de'i skabs kyi nges don la'ang bzhag chog ste/ de gnyis so sor ston pa'i mdo yod pa gang zhig /de 'dra'i mdo la drang nges 'byed pa'i tshe rang gi bstan bya'i gtso bo de nges don du 'jog dgos pa'i phyir/ der thal/ de 'dra'i mdo la rton pa bzhis drang nges 'byed tshul yod pa'i phyir/ kha cig na re/ skabs 'dir byangs las nag po bstan pa dang chen po bstan pa zhes gsungs pa de 'khor pa'i nyes dmigs ston byed dang/ zhi ba'i phan yon ston byed la sbyor zer na/ 'o na de gnyi ga don gcig yin par thal/ khyod kyis sbyor tshul 'thad ba'i phyir/ 'dod mi nus te/ de gnyis 'gal ba yin pa'i phyir/ der thal/ 'khor bar 'khyam byed kyi rgyu kho na ston pa de nag po bstan pa dang/ 'khor ba'i 'ching ba dgrol byed kyi gnyen po ston pa de chen po ston par 'jog dgos pa'i phyir/ mdo sde rgyan gyi gya TIk las/ nag po bsnyan pa la gnyen po'i dmigs pa ston pa med pas/ bnyen po'i dmigs pa ston ba la chen po ston pas khyab bo/ / zhes dang/ byangs 'i 'grel pa yon tan 'od kyis mdzad pa las/ nag po bstan pa dang chen po bstan pa rnams kyang lang dag pa ji lta pa bzhin du rab tu shes so zhes bya ba ni/ mdo sngel 'jug cing/ 'dul ba la snang la/ chos nyid dang @034a @#/ /mi 'gal bde ni chen po bstan pa yin la/ de las bzlog pa ni nag po bstan pa'o/ /zhas gsangs shang/ rnam bshad rigs pa las kyang/ mdo sde la 'jug /'dul ba la snang/ chos nyid dang mi mthun ba med pa gang yin pa de sangs rgyas kyi gsung yin te/ chen po ston pa tshad ma nyid yin pa'i phyir/ zhes gsungs pa'i phyir/ lam thams cad 'di'i ye shes su 'gro tshul yod de/ 'khor ba'i phun tshogs la zhen pa rnam shes su byas ba'i tshe/ 'khor ba'i phun tshogs la zhen pa log pa'i nges 'byung gi bsam ba ye shes su byed dgos ba'i phyir/ 'khor ba'i phyogs kyi blo rnams rnam shes dang/ myang 'das kyi phyogs su gtogs ba rnams ye shes su bla gros mi zad par gsungs la/ bden bzhi shes pa ye shes su sa'i dngos gzhir gsungs pa'i phyir/ yang kha cig na re/ rton pa bzhi'i sgo nas drang nges 'byed pa mi 'thad par thal/ de dbang rtul la sbyar na mi rung ba gang zhig /dbang rnon la'ang mi rung ba'i phyir/ dang po grub ste/ dbang rtul gyis lung la yid ches byas te the tshom med pa 'jug pas dad ba'i rjes 'brang dang lung gi rjes 'brang du bshad pa gang zhig/ de ltar na tshig la mi rton don la rton ba'i don mi tshang ba'i phyir/ gong gi rtags gnyis pa grub ste/ dbang rnon gyis de kho na nyid ma rtogs ba'i gong du nges don gyi mdo sde la rton par mi byed pa'i phyir/ der thal/ rton pa ni yid ches pa'i don yin pa'i phyir dang/ dbang rnon des nges don gyi mdor yid ches kyi dang ba skye ba'i sngon du brjod bya de kho na nyid rtogs dgos ba'i phyir/ @034b 'grel pa don gsal las/ gzhi dang lam dang rnam pa thams cad skye ba med par yongs su shes pas tshigs su bcad pa'i don gyi mtshan nyid kyi yum la gnod pa ma mthong nas/ zhes pa nas/ gdon mi za bar srid pa nyid do/ /zhe sangs par bzung nas de la rab tu dang bskyed par byed pa nyid do/ /zhes gsungs pa'i phyir/ khyab ste/ de'i rgyu mtshan dres don gyi mdo rnams rjod byed mi bslu bar rtogs par de brjod bya nges don tshad mas grub pa la brten nas 'byung dgos pa'i phyir/ rnam 'grel TIka chen las/ brjod bya rtogs pa'i bstan pa tshad mas grub pa'i sgo nas rjod byed lung gi bstan pa skyon med par grub pa yin la/ de skyon med par grub pa na de'i rtags kyis ston pa tshad ma'i skyes bur grub par byed pa yin cing/ zheb gsung pa'i phyir zer/ de la kha cig gis/ de mi 'thad par thal/ nges don gyi mdo sde skyon med du grub pa dang nges don rtogs pa dus mnyam pa'i phyir/ der thal/ shin lkog ston pa'i lung bstan don la mi bslu bar rtogs pa dang de'i bstan bya'i shin lkog rtogs pa dus mnyam pa'i phyir; zer ro/ /snga ma mi 'thad par thal/ dbang rnon la'ang de khon nyid rtogs pa'i sngon du nges don gyi mdor yid ches 'byung ba'i phyir/ der thal/ de kho na nyid rtogs pa'i sngon du nges don gyi mdor thos sogs kyis 'jug pa yod pa'i phyir/ khyab ste/ yid ches cung zad kyang med par de la 'jug pa blun po'i spyod tshul yin pa'i phyir dang/ 'thad ldan las/ gang phyir 'jig rten don gnyed ni/ /the tshom las kyang 'jug phyir ro/ /zhes pa de gtso bor dpyad nas 'jug pa'i dbang rnon gyi 'jug @035a @#/ /tshul bshad pa yin ba'i phyir/ der thal/ dbang rnon gyis mdo de la gnod byed mi 'jug par mtheng nas mtha' gcig tu mi 'thad par 'dzin pa'i sgro 'dogs chod la/ rtse gnyis pa'i sgro 'dogs chod zin pa min yang/ don 'gyur tsam las cha mnyam pa'i the tshom yang cher mi 'byung bas de la yid ches rnyed par bzhag chog pa'i phyir/ der thal/ de dus yid ches rnyed kyang slar de'i don la tshad mas nges pa rnyed de sgro 'dogs lhag med du chod pa na yid ches shugs drag tu song ste mi ldog ba'i dang ba skye ba'i phyir te/ 'grel chung gi don yang de yin pa'i phyir/ de ltar ma yin na/ de kho na nyid rtogs pa'i sngon du de ston pa'i bshes gnyen bsten mi dgos par thal/ de 'dra'i bshes gnyen ngos zin pa dang de la yid ches skyes nas bsten pa la de kho na nyid rtogs dgos pa'i phyir te/ de'i gdams ngag la de yin pa'i phyir/ rtags khas/ 'dod mi nus te/ rgyan las/ dge ba'i bshes kyi mgon bcas pa/ /'di mnyan pa yi snod yin no/ /zhes gsungs pa'i phyir/ des na thog mar de kho na nyid rtogs pa'i yon tan dang ldan par tshad mas rtogs mi nus kyang/ stong nyid rtogs pa'i rtags kyi lus ngag gi spyod pa sogs gsung rab nas 'byung ba dang gzhung don 'chad lugs sogs la bltas nas rang gis dpyod cing gzhan la'ang dris te yid ches nas bla mar bsten dgos pa'i phyir/ thar lam gsal byed las/ 'o na/ de ltar dpyad ba'i tshe ston bar 'dzin pa'i sngon du de la byang grol gyi lam mkhyen pa'i yon tan yod par shes sam mi @035b shes; shes ni rang nyid kyi sdug bsngal zhi ba'i thabs shes zin pa'i phyir de tshol bdon med la/ mi shes bar bsten na ni bsten par bya ba dang bsten bar bya ba min ba'i rnam dbye mi phyed par thog mar gang phrad ba de bstan bar rigs so zhe na/ skyon med de/ 'di ni rtogs ldan gyi bshes gnyen tshul ba'i tshul yin la/ de la ni thog mar don dags pa tshad mas shes shing chung zang phra ba'i yon tan yod pa yid dpyod kyis kyang shes par 'gyur zhing/ gzhan la dris pa dang grags ba sogs las kyang phyogs tsam rtogs par bya'o/ /zhes gsungs ba'i phyir/ de ltar ma yin na stong nyid rtogs pa nam yang mi srid par thal/ de la sngon du de ston pa'i bshes gnyen tshad ldan zhig mos gus kyis tshul bzhin bsten pa med mi rung yin pa gang zhig /de'i sngon du de ngos zin pa dang yid ches kyis mos gus skye ba mi srid pa'i phyir/ rtags khas/ de ltar na stong nyid kyi lta ba rnyed ba'i sngon du de ston pa'i bla ma dang gsung rab la rton pa'i yid ches tsam 'byung ba mi 'gal bar thal/ la ma rim las/ de 'dra'i lta ba'ang drang don la mi rton nges don la rton pa gcig gis pa tsal dgos/ zhes gsungs pa'i phyir/ lugs phyi ma nges don ston ba'i lung gnod med du mthong ba dang nges don rtogs pa dus mnyam pa'ang mi 'thad par thal/ shin lkog ston pa'i lung gnod med du mthong na shin lkog go don de rtogs bsam khyab pa'i phyir/ der thal/ shin lkog ston pa'i lung de sgrub kyi chos can dang/ dbyad pa gsum gyis gnod pa med pa de sgrub kyi rtags yang dag yin ba'i phyir/ 'di'i 'khrul gzhi ni shin lkog bstan pa la @036a @#/ /rang tshig 'gal ba sogs kyi gnod pa med par rtogs pa de yid ches rjes dpag la thug snyam par snang yang/ de ma yin te/ thar lam gsal byed las/ shin tu lkog gyur ston ba'i skabs su snga phyi dang dngos shugs 'gal ba med pa yid ches rjes dpag gis grub pa mi 'thad de/ da dung de ma skyes pa'i phyir/ dngos stobs kyi tshad mas kyang ma grub ste/ de shin tu lkog gyur gyi don la mi 'jug pa'i phyir zhen/ skyon med de/ nang 'gal med pa dngos stobs kyis grub kyang/ shin tu lkog gyur gyi don de grub mi dgos ba'i phyir ro/ /zhes gsungs ba'i phyir/ byod ltar na/ sbyin pas longs spyod khrims kyis bde/ /zhes pa'i lung chos can/ rang gi bstan bya'i don la mi bslu ba yin te/ dbyad gsum gyis dag pa'i lung yin pa'i phyir; zhes pa'i sbyor ba'i rtags rtogs na bsgrub bya rtogs pas khyab par thal/ de'i rtags de'ang yid ches rjes dpag gis 'grub dgos pa'i phyir/ rtags khas/ khyab ste/ de yid ches rjes dpag tu 'gro sa'i yul ngos 'dzin rgyu yod pa'i phyir/ des mtshon te lugs snga ma la sbyor ba de'i shes 'dod chos can rtogs pa la bsgrub bya rtogs pa sngon du 'gro dgos par thal ba'ang 'phen no/ /kho na re/ spyin pa btang ba las longs spyod 'byung bar bshad pa la gnod pa med pa de yid ches rjes dpag kho nas bsgrub dgos par thal/ de dngos stobs kyi rigs pas sgrub lugs med pa'i phyir zer na/ ma grub ste/ gnas skabs kyi rkyen gang la brten nas bde ba 'byung ba dang mi 'byung za gnyis dngos 'gal yin pa sus kyang @036b mngon sum gyis grub pa bzhin/ spyin pa las longs spyod 'byung mi 'byung gnyis kyang 'gal dges pa shes sla la/ gsung rab las kyang de 'dra'i bshad pa gong 'og mi mtshungs ba byung na don de la gnod pa grub na'ang/ de 'dra dngos dang don thob gang la'ang ston rgyu mi rnyed bas/ gnod pa mi 'jug par dngos stobs kyes grub pa yin pa'i phyir/ dper na phyi rol pa kha cig chags sogs 'khor ba'i rtsa bar 'dod cing/ khrus dang gtsang sbra sogs kyis 'khor ba las grol bar bshad pa der gnod pa ston pa'i tshe/ khrus kyi 'khor ba las grol ba la mngon sum gyi gnod pa ston ma thub kyang/ chags sems mngon du gyur pa na khrus byas pas de la cung zad kyang mi gnod pa mngon sum gyis grub pas/ de la dbag na de'i rtsa bcan gyi 'khor ba la'ang mi gnod par go nus pa'i phyir/ rnam 'grel las/ chags sogs chos min rtsa ba dang/ /khrus kyis chos min dag 'gyur ba'o/ /zhes dang/ TIka chen las/ gang zhig gang gi rgyu la mi gnod pa des ni de'i 'bras bu 'joms bar nus pa ma yin te/ mngar ba dang snum pa'i rdzas kyis bde kan la mi gnod ba bzhin/ chu'i khrus kyis kyang sdig pa'i rgyu chags sogs la gnod pa ma yin no/ /zhes bya ba 'gal khyab dmigs pa'o/ /zhes gsungs pa'i phyir/ des na rtags yang dag gang yin kyang tshul gsum dngos stobs kyis grub pa dang/ de'ang mthar mngon sum la thug pa zhig dgos te/ spyi don rigs rgyan las/ rtags yang dag thams cad kyi tshul gsum mthar dngos po stobs shugs kyis grub dgos pa'i phyir ro/ /zhes gsungs @037a @#/ /pa'i phyir/ kha cig na re/ dpyad pa gsum gyis dag tshul/ mthong pa mngon gyur ston ba'i cha la mngon sum tshad mas gnod pa med ba/ mthong ba lkog gyur ston ba'i cha la dngos stobs rjes dpag gis gnod ba med ba/ shin tu lkog gyur ston pa'i tshal yid ches rjes dpag gis gnod pa med pa zhes bshad rigs par thal/ khyod kyis bsregs bcad brdar ba'i sgo nas gsar gyi skyon yon phra rags la rtog tshul gsum dang dpe don sbyor lugs 'thad ba'i phyir/ 'dod na/ mi 'thad par thal/ dpyad gsum gyis dag pa'i lung yin na gzhal bya'i gnas gsum char ston pa'i nges pa med pa'i phyir te/ shin lkog kho na ston pa'i lung yod pa'i phyir/ khyab ste/ mthong ba mngon gyur mi ston na de ston pa'i cha la gnod pa yod med dpyad don med pa'i phyir/ sde bdun rgyan las/ des na/ mthong dang ma mthong dngos po yi/ /zhes sogs kyi don yang mthong ba mngon gyur ston pa'i cha la zhes sogs su sbyor rgyu min gyi/ khyod kyi brjod byas mthong ba mngon gyur du 'jal ba'i mngon sum gyi tshad mas kyang gnod pa med/ ma mthong ba lkog gyur du 'jal ba'i tshad mas kyang gnod pa med/ rang tshig 'gal ba sogs kyis kyang gnod pa med ba'i lung yin pa'i phyir zhes sbyor rgyu yin no/ /zhes gsungs pa'i phyir zer na/ de ni sngams bshad tshul gyi rnam grangs tsam yin gyi/ mkhas grub thams cad mkhyen pa rang gi bzhed pa min te/ TIka chen rigs pa'i rgya mtsho las/ 'o na khyad par gsum ldan gyi lung zhig gzhir byas nas de rang gi brjod bya la mi slu bar sgrub pa yin na/ @037b rtags gang gis bsgrub par bya zhe na/ mthong ba mngon gyur ston pa la mngon sum gyis gnod pa med pa/ dper na spon po mngon gyur du bstan pa la mngon sum gyis gnod pa med cing grub pa dang/ gzhan dag mngon gyur du 'dod pa'i spyi don gzhan sogs mngon gyur min par bstan pa la mngon sum gyis gnod pa med pa lta bu dang/ mthong ba lkog gyur gyi don ston pa la dngos po stobs shugs kyi rjes dbag nyid kyis gnod pa med pa/ dper na 'phags pa'i bden pa bzhi gtan la phab pa la dngos po stobs shugs rjes dpag gis gnod pa med cing grub la/ gzhan dag lkog gyur du 'dod pa'i bdag dang gtso bo sogs bkag pa la rjes dpag gis gnod pa med pa lta bu dang/ ma mthong ba'i dngos po shin tu lkog tu gyur pa'i don de dag lung fde las ji ltar bstan pa ltar khas blangs pa la lung la brten pa'i rjes dpag gis kyang gnod pa med cing/ rang tshig snga phyi 'gal pa dang dngos shugs 'gal bas kyang gnod pa med pa/ dper na chags sogs sdig pa'i rtsa ba'ang yin/ khrus dang mar mer ldugs pa sogs kyis sdig pa dag pa'ang yin pa'i gzhi mthun bkag pa dang/ sbyin pa dang mi 'tshe ba sogs chos su bshad pa la nang 'gal med pa ste/ de ltar dpyad pa gsum gyis dag ba de khyad par gsum ldan gyi lung 'di'i rang gi brjod bya la mi slu ba'i rgyu mtshan yang dag yin no/ /zhes gsungs pa'i phyir/ gnyi ga mkhas grub thams cad mkhyen pa'i gsung yin kyang/ TIka chen ni dpyad pa rdzogs dus kyi phyi rtsom yin pas dbang btsan dgos la rtsa ba dang mthun tshabs che bas de bzhin byed dgos @038a @#/ /te; de'i thad kyi rnam 'grel le'u dang por/ mthong dang ma mthong dngos po yi/ /don de dag la mngon sum dang/ /rjes dbag rnam pa gnyis kyis kyang/ /gnod med 'di yi mi slu pa'o/ /zhes dang/ le'u bzhi bar yang/ mthong dang ma mthong pa dag la/ /rigs pas grub dang rang tshig gis/ /gnod med bstan bcos gang yin de/ gzung bar bya phyir dpyod 'jug 'gyur/ /zhes gsungs ba'i phyir/ khyab ste/ don de dag la/ zhes dang/ ma mthong bdag la/ zhes don de dang de bstan pa la gnod pa med par gsungs kyi/ don de rtogs pa'i mngon sum sogs kyis gnod pa med pa'i don yin na/ don de rtogs pa'i mngon sum dang/ /zhes sogs drug sgra byed dgos kyi/ gnas gzhir byed mi rigs ba'i phyir/ kho na re/ shin lkog ston pa la lung la brten pa'i yid ches rjes dbag gis gnod pa med par rtogs pa mi 'thad par thal/ shin lkog de bsgrub bya yin pas de rtogs pa'i yid ches rjes dpag de dus ma skyes par khyod kyis sngar bsgrubs pa de yin pa'i phyir/ 'dod mi nus te/ rjes dpag rnam pa gnyis zhes pa'i gnyis po ngos 'dzin rgyu yod pa'i phyir zer na/ 'di la dpyad gzhi cung zad snang go/ /gzhal bya'i gnas gnyis pa la yid kyi mun sel du ma mthong ba lkog gyur ces 'byung yang/ TIka chen du mthong ba lkog gyur ces gsungs pa'ang phyi ma ltar byed dgos te/ slob dpon chos mchog gis/ rten mig mthong bas kyang mthor bar brjod do/ /zhes dbang rten mthong ba'i sgo nas mig mthong bar 'jog pa bzhin/ cung zad lkog gyur ni shin @038b lkog la ltos te mngon gyur dang nye bas mthong bar 'jog pas mthong bar 'jog par lam gsal byed las gsungs pa'i phyir/ ?ri/ mi rtag pa rtogs pa'i rjes dpag gis mi rtag pa mthong bar thal/ de mthong ba la mngon sum du mthong mid go du? phyir/ 'dod mi nus te/ bden pa mthong ba'i so skye med pa'i phyir te/ bden pa mthong la 'phen pa med/ ces gsungs pa'i phyir dang mdo las chos mthong ba chos thob pa sogs 'phags pa kho nar sbyar zhing/ gzhi 'grel las kyang/ kyi mig ces bya ba 'phags pa'i bden pa bzhi mthong bas te rgyu du zhugs pa'i 'bras bu zhes bya ba'i tha tshig go/ /zhes gsungs pa'i phyir zer na/ ma khyab/ khyod dang la dbus mtha' las/ de la don mthor rnam par shes/ /de yi khyad par sems las byung/ /zhes gtso sems de'i rang stongs kyis don gyi ngo bo tsam mthong bar bshang ba dang/ rnam 'grel las/ rjes dpag rnam gnyis rang don ni/ tshul gsum rtag las don mthong yin/ /zhes gsungs pa go bzlog rigs par thal/ rjes dang ga yin na tshul gsum ba'i rtags la brten nas bsgrub bya ma mthong bas khyab pa'i phyir te/ de mthong na mngon sum du rtogs dgos pa'i phyir/ rtags khus/ yang kho na te/ dpyang gsum gyis ngag pa'i lung gis sbyin pa las longs spyod 'byung ba sgrub mi nus bar thal/ sbyin bas long spyod khrims kyis bde/ /zhes pa'i lung/ gis sgrub mi nus pa'i phyir/ der thal/ de 'dra'i lung chos can/ rang gi bstan bya'i don la mi slu pa yin te/ dpyad gsum gyi dag ba'i lung yin pa'i phyir/ @039a @#/ /zhes bkod pa'i tshe/ lung des sbyin pa las longs spyod 'byung bar sgrub pa ma yin pa gang zhig /'god tshul gzhan med pa'i phyir/ dang po grub ste/ TIk chen las/ 'dis ni dpad gsum gyis dag pa'i lung spyin pa las longs spyod 'byung ba'i sgrub byed dang/ mi 'byung bal gnod byed du bstan pa yin gyi/ sbyin pas longs spyod khrims kyis bde/ /zhes pa sbyin pa las longs spyod 'byung ba'i sgrub byed dang/ mi 'byung ba la gnod byed du bstan pa ma yin zhing/ zhes gsungs pa'i phyir na/ ma khyab ste/ lung de rtags su bkod nas sgrub pa min zhes pa'i don yin pa'i phyir/ gong du 'dod na/ shin lkog thams cad sgrub byed la dpyad gsum gyis dag pa'i lung rang ldog de ma gtogs med bar thal/ lung bye brag pa yin na de ma yin dgos pa'i phyir/ 'dod na/ thams cad sgrub byed kyi lung gcig yin pang thal lo/ /yang kha cig/ /mi rtag pa ston pa'i lung rtsod gzhir bzung nas de ltar bkod chog zer na/ mi 'thad par thal/ mi rtag pa sgrub pa'i tshe byas pa'i rtags lta bus sgrub na sla bas de ltar byed pa dgos pa med pa'i phyir/ sde bdan rgyan las/ 'o na sgra mi rtag par sgrub pa la'ang sgra mi rtag par ston pa'i lung chos can/ khyod rang gi bstan bya'i don la mi slu ste/ dpyad pa gsum gyis dag pa'i lung yin pa'i phyir/ zhes bkod na skyon ci yod ce na/ dgos pa med pa'i skyon yod de/ lung de dpyad pa gsum gyis dag par sgrub pa las sgra mi rtag par tshad mas grub par sgrub gos la/ de sgrub pa la sgra mi rtag par @039b sgrub pa'i rtag 'god dgos pa'i phyir ro/ /zhes gsungs pa'i phyir dang/ rnam 'grel las/ dpyod pa kun la bstan bcos ni/ /zung zhes lugs 'di su yis byas/ /gnas gsum par ni 'phos pa na/ /lung 'dren pa ni mkhas pa'i lugs/ /zhes gsungs pa'i phyir/ rten bzhi'i rnam gzhag 'di rnams spyi bshad kyi skabs yin bas thal 'gyur ba'i lugs ltar byed dgos la/ blo gros mi zad pa'i mdor gsungs tshul de dbum pa'i lugs las gzhan du 'dran pa'i thabs med pa lta bu zhig yin pas bshad gzhi'i dbang gis blo brtan gyis kyang de'i don klu sgrub kyi bzheng tshul gtso bor byas nas gsungs so/ /de ltar rton bzhi'i rnam gzhag cung zang bshad ba'ang/ kun mkhyen bla ma'i mtha' dpyod du gsungs zin pa'i dgag gzhag lung rigs rnams tshur drangs na mang gis dogs te ma bkod par/ der kha skong gi tshul du byas pa yin pas don gnyer can rdams gnyi ga sgrags nas dpyod dgos te/ skabs 'og ma rnams la'ang de bzhin du bya'o/ /ston pa mchog de'i thugs kyi bcung/ / rten 'brel zab mo rtogs pa'i thabs/ rton bzhi'i rnam gzhag bshad pa 'dir/ /bNen nas blo mi ga 'byed par mdzod/ /'dzam gling khor yug yangs par thub bstan la/ /sna tshogs ri mor byid rnams phyag gi yul/ /mi mnyam las 'dir brtson par 'grib kyi/ /grogs can skyo ba'i rgyang gla phyogs bcur len// //gnyis ba drang nges ji ltar 'byed pa'i tshul la gnyis/ mdo sde dgongs 'grel la brten pa'i phyogs dang/ blo gros mi zad ba'i mdo la brten pa'i @040a @#/ /phyogs so/ /dang po la gnyis/ mdo sde nas ji ltar gsungs pa'i tshul dang/ de'i don thogs med sku mched sogs kyis bkral tshul lo/ /dang po la'ang/ mdo sde la 'gal spong gi dri ba/ 'gal ba de sbong ba'i lan/ ngo bo nyid gsum gyi ngo bo ngos bzung ba/ de dag gi grub pa'i don zhus tshul dang bzhi/ dang po ni/ dgongs 'grel las/ bcom ldan 'das kyis rnam grangs du mar phung po rnams kyi rang gi mtshan nyid kyang bka' stsal/ ces pa nas/ don de nyid bcom ldan 'das la bdag yongs su zhu lags so/ /zhes gsungs so/ /zhes pa'i bar gyis dri ba'i gzhung bkod cing/ 'dis ni mdo sde kha cig tu ngo bo nyid med pa sogs su gsungs pa dang/ zhes pa nas/ mi bskyud pa ni mi brjed pa'o/ /zhes pa'i bar gyis de'i don go dka' ba rnams bkral ba yin no/ /de'ang dgongs 'grel la dri lan mi 'dra ba'i le'u bcu yod de/ dang po rnam rig tsam gyi de nyid gtan la 'bebs pa dgongs pa nges 'grel dang tshul bzhin kun tu dri ba gnyis kyi dri lan gyi le'u/ gnyis pa chos nyid rtog ge'i spyod yul las 'das par ston pa chos 'phags kyi le'u/ gsum pa bden gnyis ngo bo gcig la ldog pa tha dad pa'i tshul ston pa blo gros rnam dag gi le'u/ bzhi ba chos kyi dbyings su dbyer med par ston par rab 'byor kyi le'u/ lnga pa kun gzhi gtso bor ston pa blo gros yangs pa'i le'u/ drug pa mtshan nyid gsum ston pa yon tan 'byung gnas kyi le'u/ bdun pa ngo bo nyid med pa sogs su gsungs pa'i drang nges so sor 'byed pa don dam yang dag 'phags @040b kyi le'u/ brgyad bzhi lhag gi rnam gzhag ston pa byams pas zhus ba'i le'u/ dgu pas bcu'i rnam gzhag ston pa spyan ngas gzigs kyis zhus ba'i le'u/ bcu pa sangs rgyas kyi sa'i yon tan ston pa 'jam dpal gyis zhus pa'i le'u rnams so; ;dka' 'grel las rab 'byor gyi le'u ma bgrang ba ni/ kha cig /rgya nag 'grel chen du gleng gzhi'i le'u ste dang po'o/ /zhes 'byung ba dang/ 'di nyid las kyang 'og tu gleng gzhi'i le'u zhes 'byung bas de ltar na le'u bcu gcig tu 'gyur bsam bgrang ba yin zer yang/ de ni mdo gzhan bzhin gleng gzhi rdzogs mtshams nas le'u byas kyang don gyis thob pa la dgongs pa yin gyi/ rab 'byor gyi le'u gzhung rang na le'ur byas nas yod la/ gtan la dbab pa bsdu bas kyang de bzhin drangs ngas 'dor thabs med do/ /des na dka' 'grel gyi dgongs pa ni/ rnam bshad snying po rgyan las/ sa bcu'i dbang phyug byang chub sems dpa' bcus ston pa la dri ba mi 'dra ba re re mdzad pa'i/ zhes gsungs pa dang/ mdo'i gleng gzhir sems dpa' bcu'i mtshan smos kyang rab 'byor ma byung bas le'u de sems dpa' bcu'i dis lan gyi grangs ma yin pa la dgongs so/ /sems dpa' bcu yod kyang dang po gnyis la dri lan le'u gcig las med pas rab 'byor gyi le'u ste bcu yin la/ de dag gis sems tsam pa'i lugs kyi gzhi lam 'bras bu'i rnam gzhag cha tshang bar ston te/ theg bsdus las/ shes bya'i gnas dang mtshan nyid dang 'jug dang/ /de yi rgyu 'bras de rab dbye ba dang/ /bslab pa gsum dang de 'bras spangs pa dang/ /ye @041a @#/ /shes theg pa mchog gyur khyad par 'phags/ /zhes shes bya'i gnas kun gzhi dang mtshan nyid ces pa'i mtshan nyid gsum ste/ de bzhi'i sgo nas gzhi'i rnam gzhag gtan la 'bebs/ der 'jug ces drod rtse dang/ bzod mchog dang/ mthong lam gsum na kun btags gzhan dbang yongs grub gsum la 'jug tshul dang/ de yi rgyu 'bras zhes phyin drug dang/ de rab dbye zhes sa bcur 'byed tshul dang/ bslab pa gsum zhes pas bslab pa gsum du bsdu tshul te lam gyi rnam gzhag gtan la 'bebs/ de 'bras spangs pa dang zhes pas mi gnas pa'i myang 'das dang/ ye shes zhes pas ye shes chos sku ste gnyis kyis 'bras bu'i don gtan la 'bebs pas dgongs 'grel dang khog mthun kyang don tshan re re dang le'u re re so sor sbyor dgos pa ma yin te/ le'u brgyad pa dang dgu pas lam bstan/ bcu pas 'dras bu bstan la/ gzhan bdun kas gzhi'i rnam gzhag gtan la 'bebs pa'i phyir/ de dag las 'dir don dam yang dag 'phags kyis mdo sde la 'gal spong gi dri ba zhus nas drang nges phe ba'i tshul gtso bor 'chad pa yin no/ /de'ang bcom ldan 'das kyis rnam grangs du mar phung po rnams kyi rang gi mtshan nyid kyang bka' stsal/ skye ba'i mtshan nyid dang/ 'jig pa'i mtshan nyid dang zhes pa ni/ rgyal po gzugs can snying po la gdams pa'i mdo las/ rgyal po chen po/ gzugs la skye ba'ang yod/ 'jig pa'ang yod/ de'i skye ba dang 'jig pa'ang shes par bya'o/ /rgyal po chen po tshor ba dang/ zhes sogs yin/ spangs @041b ba dang yongs su shes pa'ang bka' stsal ces pa ni/ mdo de nyid las/ rgyal po chen po/ 'phags pa nyan thos thos pa dang ldan pa de ltar mthong ba ni gzugs la'ang yid 'byung bar 'gyur ro/ /tshor ba dang/ 'du shes dang/ 'du byed dang/ rnam par shes ba la'ang yid ja byung bar 'gyur ro/ /yid byung na 'dod chags dang 'bral lo/ /'dod chags dang bral na rnam par grol bar 'gyur ro/ /zhes spangs pa dang/ de'i 'phror/ rnam pad grol na bdag gi skye ba zad do/ /tshangs par spyod pa bsten to/ /bya ba byas so/ /srid ba 'di las gzhan mi shes so/ /zhes rnam par grol ba'i ye shes mthong bar 'gyur ro/ /zhes pas yongs su shes pa bstan par byas na go rim dang mthun la/ yongs su shes pa'i don phung po lnga'i ngo bo bdag tu ma grub par shes pa la sbyor na gong du/ /rgyal po chen po de lta bas na khyod kyis gzugs gang ci yang rung/ zhes pa nas/ de dag thams cad la 'di ni bdag ma yin no/ /bdag ni 'di ma yin no/ /'di ni bdag gi bdag ma yin no/ /zhes de bzhin du yang dag pa'i shes rang kyis ji lta ba bzhin du blta bar bya'o/ /zhes pa'i don du bya dgos so/ /phung po rnams ji lta ba bzhin du skye mched rnams dang/ rten cing 'brel bar 'byung ba dang/ zas rnams kyi yang bka' stsal ces pa ni/ mngon bar 'byung ba'i mdo las gsungs pa ral pa can lnga brgya dang 'od srung chen po sogs la gdams pa rnams yin nam snyam yang dpyad dgos la/ bcom ldan 'das kyis rnam grangs du mar bden pa rnams kyi rang gi mtshan nyid kyang bka' stsal/ yongs su shes pa dang/ @042a @#/ /spangs pa dang/ mngon du bgyi ba dang bsgom ba'ang bka' stsal/ ces pa ni 'den bzhi'i chos 'khor te/ de'ang chos kyi 'khong lo'i mdo zhes chos 'byung gsan yig rnams su mdo zur ba zhig byas 'dug na'ang; mngon bar 'byung ba'i mdor sangs rgyas dang po bltams tshul nas brtsams te rim par gsungs pa'i nang gi lnga sde la chos 'khor bskor tshul gyi thad de logs su bkol ba yin pa bltas pas shes so/ /bcom ldan 'das kyis rnam grangs du mar khams rnams kyi rang gi mtshan nyid bka' stsal/ khams sna tshogs pa nyid dang/ khams du ma pa nyid dang/ spangs pha dang yongs su shes pa'ang bka' stsal/ ces pa'i mdo ni spyir mngon pa sde bdun nang gi khams kyi tshogs lta bu bye smras bkar 'dod kyang mdo sde pa kha cig dgra bcom pa gang pos byas pa dang/ la la de'i ming can so so skye bos brtsams par 'dod pa'i rtsod pa can yin la/ 'dir ched du bya ba'i gdul bya nyan thos sde gnyis la gsungs shing/ de gnyi gar rtsod med du khungs byed pa'i mdo zhig dgos pas khams mang po'i mdo bya ba 'di yin par mngon no/ /bcom ldan 'das kyis rnam grangs du mar dran pa nye bar bzhag pa rnams kyi rang gi mtshan nyid kyang bka' stsal/ ces pa nas/ 'phel zhing yang ba nyid du bka' stsal la; zhes pa ni dran pa nyer gzhag sogs kyi nang gi yin la/ dran nye 'ang lo tsa ba kha cig theg chen gyi bkar bzhed kyang theg dman gyi yin par dkar chag 'phang thang ma sogs su gsungs pa ltar yin no/ /de dag so sor khyad par sbyor chul rnams kyi @042b nang nas cung rtogs dka' ba ni phung po lnga la rang gi mtshan nyid dang/ skye ba deng/ 'jig pa dang/ spang ba dang/ yongs su shes pa lnga sbyar ba'i dang bo'i don/ rgya nag 'grel chen las/ rang gi mtshan nyid ces bya ba ni bye brag gi mtshan nyid yin te/ ji skad du gzugs ni thogs pa dang bcas pa'o/ /zhes bya ba nas/ rnam par shes pa ni rnam par rig pa'o/ /zhes bya ba'i bar du bshad pa lta bu'o/ /zhes thun mong ma yin pa'i 'jog byed dam mtshan nyid la sbyar yang/ 'di nyid las/ mdo nyid las kun btags kyi skabs su rang gi mtshan nyid kyis grub pa la gsal bar gsungs pa'i phyir dang/ kun btags la'ang thun mong ma yin pa'i mtshon byed yod pas mtshan nyid ngo bo nyid med pa kun btags la bshad du mi rung ba'i skyon du 'gyur ba'i phyir ro/ /zhes gsungs pa bzhin yin pas mi 'thad la/ khyad par phyi ma gnyis kyi don 'grel chen de nyid yas/ kun nas nyon mongs ba'i gzugs kyi phung po gang yin pa de gtan spangs par bya'o/ /kun nas nyon mongs pa ma yin ba'i gzugs kyi phung po gang yin pa de ni yongs su shes bar bya'o/ /yang na kun 'byung ba'i don gyi mtha' gang yin pa ded ni gtan du spangs bar bya'o/ /sdug bsngal gyi bden pa'i mtha' gang yin pa de ni yongs su shes par bya'o/ /zhes zag bcas nyer len gyi phung po lnga spang ba dang/ zag med kyi phung po lnga yongs su shes pa la sbyor tshul gcig dang/ zag bcas kyi phung po lnga'i rgyu las dang nyon mongs pa spong ba dang/ phung po de lnga rang gi ngo bo nad dang 'dra bar yongs su shes @043a @#/ /par bya ba la sbyor tshul gcig ste gnyis gsungs pa la 'dir dgag pa ma mdzad pas 'gal ba med par mngan/ byang phyogs so bdun la khyad par brgyad sbyar ba'i phyi ma gnyis la/ phyir zhing 'byung ba dang/ 'phel zhing rgyas pa zhes kyang wen tsheg gis bshad pa'i don ni gnyen po skyes pa de nyid mi bskyud pa ste ma brjed pa tsam ma yin par yang dang yang du mngon du byas te goms bar byed pa dang/ de ltar goms pa'i stobs kyis gong nas gong du 'phel zhing 'phel ba de'ang mchong dang chu'i drod bzhin mtha'i tshad bzung du yod pa de 'dra ma yin pa de 'dra ma yin par mtha' med du rgyas pa'i don no/ /mtha' dbyad pa las/ kha cig na re/ bcom ldan 'das kyis dang po yul war Na sir/ zhes pa nas/ 'phags pa'i bden pa'i bden pa bzhi'i rnam pa bstan ba'i chos kyi 'khor lo/ /zhes gsungs pas/ dri zhus kyi 'khor lo dang po la brjod bya bden bzhir brtsams pas khyab zer na/ rgyal po la gdams pa'i mdo las/ rgyal po chen po gzugs la skye ba'ang yod/ 'jig ba'ang yod ces sogs kyi mdo chos can/ der thal/ de'i phyir/ 'dod mi nus te/ phung po rnams kyi rang gi mtshan nyid kyang bka' stsal/ ces pa'i dngos bstan gyi mdo yin ba'i phyir/ khyab ste/ bden bzhi la brtsams pa ni rnam grangs du mar bden pa rnams kyi rang gi mtshan nyid kyang bka' stsal ces so sor phye ste gsungs pa'i phyir/ der thal/ rang 'dzin rtog pa'i zhen gzhir rang mtshan gyis grub pa ston par khyad med kyang @043b gang la brtsams pa'i gzhi mi 'dra ba'i mdo so sor yod pa'i dbang gis dang po'i dri bzhu dus rnam grangs du mar zhes yang yang smos la/ bar pa'i skabs 'gres rkang phyes ma phyes kyi khyad tsam las gzugs nas rnam mkhyen gyi bar thams cad ngo bo nyid med mnyam du gsungs tshul 'dra bas dri ba 'god tshul tshan gcig tu bsdus nas zhus pa yin ba'i phyir/ kho na re/ 'o na bden pa bzhi'i rnam pa bstan pas zhes dmigs kyis bkar ba la dgos pa med par thal/ der bden bzhi las brtsams ma brtsams ci rigs yod pa'i phyir na/ ma khyab ste/ nyan thos sde pa'i rigs can rnams kyi blo dang bstun pa'i gsung rab kyi don gtan la 'bed tshul gtso bo'i dbang du byas pa yin pa'i phyir/ der thal/ bye mdo gnyis mngon pa mdzod kyi gnas dang po gsum kas sdug bden/ de nas gnyis kyis kun 'byung/ de nas gsum gyis 'gog lam bstan ba lta bu bden bzhi'i sted nas gtan la 'beb par byed/ sems tsam pa rnams phyi don med pa dang rnam rig tsam du bsgrub pa'i ched mtshan nyid gsum gyi sgo nas gtan la 'beb ba gtso bor byed/ dbu ma pa rnams snang stong zung 'jug dang thabs shes zung 'jug bsgrub pa'i phyir bden pa gnyis kyi sgo nas gtso bor gtan la 'beb pa'i phyir/ kha cig gzugs la skye ba yod ces sogs kyi mdo tshig 'di rgyal po la gdams pa'i mdo rnams su med zer ba mi 'thad de/ da lta dkar chag sogs su rgyal po la gdams pa'i mdo'i ming btags pa rnams kyi nang na med kyang gzugs can snying pos bsu ba zhes pa'i mdo @044a @#/ /der yod la/ de rgyal po gzugs can snying po la gdams ba yin pa'i phyir/ kha cig /bzo sbyang gzugs can snying por gsungs pa yin zhang/ de'i nang du gzugs skye ba'ang ma yin/ de'i skye ba dang 'jig pa'ang shes par bya'o/ /zhes 'byung bas de yin zer ba'ang mi 'thad de/ mdo de ji lta bas mngon bar 'byung ba'i mdo'i nang du yod la/ der gzugs skye ba'ang yod ces sogs 'byung bas/ 'di 'gyur skyon nam rgya dpe ma dag ba min pa'i phyir mdo gnyis bsdur na shes la/ bzo sbyang gzugs can snying po dang rgyal po gzugs can snying po zhes ba'ang ming 'dogs lugs tsam yin par 'dul ba lung dang gleng 'bum las gsugns so/ /kha cig na re/ rgyal po chen po zhes sogs kyi mdo chos can/ phung po rnams kyi rang gi mtshan nyid kyang bka' stsal ces pa'i dngos bstan gyi mdo ma yin par thal/ dri ba zhus ba ltar dogs pa yod pa'i 'khor lo dang po ma yin pa'i phyir/ der thal/ de'i sgras zin la dogs pa med pa'i phyir te/ gzugs la skye ba yod pa gang zhig /'jig pa'ang yod ba'i phyir zer na/ ma khyab ste/ de'i sgras zin la rang 'dzin rtog pa'i zhen gzhir rang mtshan gyis grub pa'i skye ba dang 'jig pa bstan pa yin pa'i phyir/ byas pa la kho na ra/ mi 'thad par thal/ der skye 'jig yod ces pa tsam las gong 'og gang du'ang rang 'dzin rtog pa'i zhen gzhir rang mtshan gyis grub ces pa'i tshig zur tsam yang med pa'i phyir/ khyab ste/ gzhung rang gi tshig la med na nan gyis 'dis de ston dgos zhes smra ba ni/ @044b rnam 'grel las/ /nan gyis khyod 'di 'dod byas pa/ /gsal bar dbang phyug spyod pa yin/ /zhes pa de kho nang snang ba'i phyir zer ba la/ gzhan dag na re/ skyon med de/ 'di'i ched du bya ba'i gdul bya nyan thos sde pa yin zhing de'i lugs la skye 'jig yod na rang 'dzin rtog pa'i zhen rtog pa'i zhen gzhir rang mtshan gyis grub dgos pa'i phyir zer/ phyi ma la mngon par 'byung ba'i mdo las/ 'od srung/ nga ni khyod kyi ston pa yin no/ /khyod ni nga'i nyan thos yin no/ /zhes ba dang 'dul ba'i bslab bya ston pa'i 'khor lo dang po rnams chos can/ khyod kyi sgras zin la'ang don de dang de rang 'dzin rtog ba'i zhen gzhir rang mtshan gyis grub par bstan par thal/ khyod kyi ched du bya ba'i gdul bya nyan thos sde pa'i rigs can yin pa gang zhig /de'i lugs la ston pa dang nyan thos sogs la rang 'dzin rtog pa'i zhen gzhir rang mtshan kyis grub pas khyab pa'i phyir/ khyab pa khas/ 'dod na/ de dag la dgongs gzhi gang la dgongs zhes dris nas dogs pa gcod dgos bar thal/ de dag rang 'dzin rtog pa'i zhen gzhir rang mtshan gyis ma grub bzhin du grub ces gsungs pa gang zhig /ston pa la 'khrul pa mi mnga' ba'i phyir/ 'dod mi nus te/ 'di nyid las/ bslab bya gsungs pa la 'dir dogs pa gcod mi dgos ba bzhin no/ / zhes gsungs pa'i phyir/ rang lugs la gong du ma khyab ste/ gdul bya der skye 'jig sogs yod par bstan tshad rang 'dzin rtog pa'i zhen gzhir rang mtshan gyis grub par ston mi dgos kyang/ gong du drangs pa'i skye 'jig yod ces @045a @#/ /pa'i tshig gis de ston dgos pa'i phyir/ der thal/ sngar gdul bya de'i blo ngor bung po lam ltos pa'i tshugs thub kyis dbang sgyur ba po'i bdag dang/ des dbang bsgyur bya'i phung po so sor yod cing/ de las logs su bdag phung 'jog tshul mi shes pas de phyugs dang phyugs rdzi ltar ltos med kyi so so ba zhig ston rgyu med kyang/ rang rang 'dzin pa'i rtog pa'i zhen gzhir nga zhes rang gi mtshan nyid kyis grub pa zhig yod la; de'i zhen gzhir nga de'i blang bya'i phung po zhes rang g mtshan nyid kyis grub pa zhig kyang yod/ de yod pas phung po de len pa'i skye ba dang/ 'dor ba'i 'jig pa'ang sgro btags tsam ma yin par zhen gzhi der yul kho rang gi ngos nas tshur rang mtshan gyis grub rgyu zhig yod ces bstan ba yin pa'i phyir/ der thal/ de'i rgyu mtshan gyis tshig zin la skye 'jig tsam gsungs kyang/ brjod don ngo bo la kun btags gzugs rang 'dzin rtog pa'i zhen gzhir rang mtshan gyis grub ba dang/ khyad par la kun btags pa ste gzugs kyi skye bar 'dzin rtog pa'i zhen gzhir rang mtshan gyis grub ba sogs su song ba yin pa'i phyir/ dgongs 'grel las/ gzugs kyi phung po skye'o zhe'am/ 'gag go zhe'am/ gzugs kyi phung po spang ba dang yongs su shes pa zhes ngo bo nyid kyi mtshan nyid dam bye brag gi mtshon nyid du ming dang brdas rnam par bzhag pa gang lags pa de ni kun btags pa'i mtshan nyid lags/ zhes gsungs ba'i phyir/ de'i rgyu mtshan @045b gyis 'di'i sgras zin ltar skye ba dang 'jig par dmigs shing 'dzin pa thams cad chos kyi bdag med pa'i don las phyin ci log tu gyur pa'i mngon pa'i nga rgyal gyis bslang ba sha stag tu 'gro pa'i phyir te/ rab 'byor gyi le'u las/ phung po'i skyeb dmigs pa dang phung po'i 'jig pa dmigs pa dang/ zhes pa nas/ tshe dang ldan pa 'di dag ni chos rnam pa sna tshogs dmigs pa'i mngon par rtogs pa ston pas shes pa brda sprod par bgyid cing 'di ltar don dam pa thams cad du ro gcig pa'i mtshan nyid ma 'tshal bas tshe dang ldan pa 'di dag thams cad ni mngon pa'i nga rgyal can mngon pa'i nga rgyal gyis mngon du zin cing shes pa brda sprod pa bgyid pa sha stag lags so/ /zhes gsungs ba'i phyir/ 'on kyang gdul bya de la gnas skabs su de ltar ston dgos te/ de ltar ma bstan na rnam smin myong ba po'i bdag dang/ rnam smin gyi phung po sogs 'jog mi shes pas las 'dras la yid ches dang 'khor ba la skyo ba sogs mi 'byung ba gang zhig /gang zag gi bdag med la ltos pa'i dbu ma'i lam yang sgrub mi nus pa'i phyir/ dang po grub ste/ don dam yang dag 'phags zhus kyi le'u las/ de la sems can gang dag dang po nyid nas dge ba'i rtsa ba ma bskyed pa/ sgrib pa yongs sum dag pa/ rgyud yongs su ma smin pa/ mos pa mi ma nga pa/ bsod nams dang ye shes kyi tshogs yang dag par ma grub pa de dag la ni ngas skye ba ngo bo nyid med pa nyid las brtsams nas chos ston te/ de dag gis chos de thos nas rten cing 'brel bar 'byung ba'i 'du byed rnams la mi rtag pa nyid du nges shing @046a @#/ /mi brtan ba nyid dang/ yid brtan du mi rung ba nyid dang/ 'gyur ba'i chos nyid du shes nas 'du byed rnams lam yid sngang dar byed skyo bar byed do/ /yid sdang bar byas skyo bar byas nas sdig pa las phyir zlog ste/ de dag gi sdig pa gang yin pa de mi byed cing dge ba la rten par byed do/ /zhes sngon la skye ba ngo bo nyid med pa ste gzhan dbang rgyu 'bras kyi blang dong tsam la 'jug thabs dang/ 'on kyang skye ba ngo bo nyid med pa nyid da la/ mtshan nyid de bo nyid med pa nyid dang/ don dam pa ngo bo nyid med pa nyis yang dag pa ji lta ba bzhin du mi shes pas 'du byed thams cad las yang dag par skyo bar mi 'gyur/ yang dag par 'dod chags dang bral bar mi 'gyur/ yang dag par grol bar mi 'gyur zhes chos bdag ma bkag bas 'khor ba phra rags thams cad las grol byed du mi 'gyur bar gsungs te/ bzhi brgya par/ bsod nams min pa dang bor bzlog /ces pa dang gnad gcig go/ /rtags gnyis pa grub ste/ gang zag gi bdag med la ltos pa'i dbu ma sgrub ba la bdag med rtogs pa'i blo des rtag mtha' 'gog kyang/ gdul bya dman pa'i rigs can rnams de'i sngon du rtog pa'i zhen gzhir rang mtshan gyis grub pa re zhig 'dzin du ma bcug na chad mthar ltung ste dbu mar mi 'gyur ba'i phyir/ der thal/ don dam rtogs pa la tha snyad tshad grub rtogs pa sngon du 'gro dgos pas thabs dang thabs byung du 'jug pa las gsungs pa bzhin gang zag gi bdag med sgrub pa la'ang de'i sngon du stong gzhi @046b chos can gyi bdag dang phung btsam bkag bar mi 'gro ba zhig byed dgos pa gang zhig /bdag lta goms ches ba'i gdul bya dman pa'i rigs can la rtog pa'i zhen gzher rang mtshan gyi ma grung ba'i ling dor zhig yod par ma bstan na sems kyi snang cha tsam zhig yod byas kyang skra shad dung smig rgyu'i chu lta bur go nas skur 'debs kyi mtha' sel mi nus ba'i phyir/ dang po grub ste/ byang chub sems 'grel las/ chos can yod na chos rnams la/ /'jig rten na ni dpyor pa 'jig /ces gsungs pa'i phyir/ gnyis pa grub ste/ 'khor lo dang por rang 'dzin rtog pa'i zhen gzhir rang mtshan gyis grub par gsungs pa'i dgongs gzhir gang zag gi bdag med 'jog pa'i rgyu mtshan yod pa'i phyir/ 'og tu 'chad do/ /de la khon ro/ de'i ched du bya ba'i gdul bya'i rgyud kyi dang po'i sgras zin ltar 'dzin pa'i blo de chos can/ tshad ma yin par thal/ rang yul la gsar du sgro 'dogs gcod byed yin pa'i phyir/ der thal/ bdag phung sogs med par lta ba'i log rtog gcod byed yin pa'i phyir te/ de sel ba'i thabs su 'gro ba'i phyir na/ ma khyab ste/ dber na thag khra la sbrul du 'khrul nas skrag ba'i tshe/ de shing ge lcug ma yin zhes bstan na skrag pa sel ba'i thabs su 'gro'ang/ shing gi lcug mar 'dzin pa'i blo des sbrul 'dzin gyi sgro 'dogs bcad pa ma yin pa'i phyir/ dbu ma snying po la ni sbrul zhes 'khrul/ /'khri shing bzlog par shes pa ni/ /gnyen po'i phyogs kyis shes par 'gyur/ /zhes so/ /khyod rang la theg chen tshogs lam @047a @#/ /ba'i rgyud kyi sems bskyed chos can/ chos kyi bdag tu 'dzin ba'i sgro 'dogs gcod byed yin par thal/ chos kyi bdag 'dzin sa bon dang bcas ba spong ba'i thabs yin pa'i phyir te/ ngo bo nyid sku thob pa'i thabs yin pa'i phyir/ khyab ba 'grig/ 'dod na/ chos kyi bdag med nges byed yin bar thal/ chos kyi bdag 'dzin gcod byed yin pa'i phyir/ khyab ste/ rnam 'grel las/ nges pa dang ni sgro 'dogs yid/ /gnod bya gnod byed dngos po'i phyir; ;zhes gsungs ba'i phyir/ yang kha cig na re/ khams sna tshogs dang khams du ma zhes ba'i don/ khams bco brgyad bo de dag la nang tshan mi 'dra ba'i khyad par yod pa dang/ gdags gzhi'i tshul gyis sems can thams cad la khyab pa'i ldog cha nas ming gnyis btags btsam las don la khyad med par thal/ rgya nag 'grel chen las/ khams bco brgyad po dag gcig la gcig tha dad pa'i mtshan nyid gang yin pa de ni khams sna tshogs pa zhes bya'o/ /khams bco brgyad po de dag nyid sems can chad med pa rnams kyi bye brag tu gyur ba ni khams du ma nyid ces bya'o/ /zhes gsungs ba'i phyir na/ ma khyab ste/ slob dbon wen tsheg gis de ltar gsungs kyang rang lugs la de mi 'thad ba'i phyir/ der thal/ 'og nas ngo bo nyid gsum ngos 'dzin gyi skabs su/ phung bo skye mched rten 'brel khams zas rnams dri zhus kyi rim ba bzhin gsungs pa'i khams kyi thad du/ khams drug dang khams bco brgyad po dag gi khams nge rel 'ang de bzhin lags so/ /zhes gsungs pa dang 'di gnyis @047b don 'dra dgos pa'i phyir/ 'di nyid las/ khams sna tshogs dang khams du ma la 'grel pa rnams kyis gzhan du bshad kyang 'og nas 'byung ba'i mdo dang sbyar na khams drug dang khams bco brgyad la bya'o/ /zhes gsungs pa'i phyir/ de la kho na re/ de gnyis kyi don rgya nag 'grel chen ltar 'thad bar thal/ rnam par gtan la dbab pa bsdu ba las kyang/ khams sna tshogs pa nyid gang zhen/ khams bco brgyad po dag ban tshun mtshan nyid tha dad pa nyid gang yin pa'o/ /khams du ma nyid gang zhe na/ de dag nyid sems can sna tshogs dbag tu med pa'i rab tu dbye bas gnas pa'o/ /zhes gsungs pa'i phyir na/ ma khyab ste/ de ni ba ru ra'i mdo las/ bcom ldan 'das kyis dge slong dag dper na ba ru ra'i phung po 'phang du dbag tshad tsam rgyar yang dbag tshad tsam zhig yod par gyur la ba ru ra'i phung po de las 'ga' zhig gis lo brgya brgya 'das shing ba ru ra re re zhig blangs te/ ba ru ra 'di ni khams che ge mo zhig tu dor ro/ /ba ru ra 'di ni khams ga ge mo zhig tu dor ro zhes de skad zer na/ ba ru ra'i phung po de ni nyung pha kho nang zad pa dang yongs su gtugs par 'gyur gyi/ khams ni de ltar yongs su gtugs pa ma yin no/ /zhes dang/ de'i don bzhin mdo sde rgyan las/ khams rnams dang ni mos pa dang/ /zhes sems can gyi khams dang mos pa sna tshogs par gsungs bde dang sgo bstun pa'i bshad tshul yin gyi/ dgongs 'grel gyi khams sna tshogs dang khams du ma zhes pa 'di'i dbang du byas pa'i bshad tshul ma yin pa'i phyir/ der thal/ dgongs @048a @#/ /'grel las khams kyi dri ba 'god pa'i mdo ni gtso bor khams mang po'i mdo yin pas/ de dang rgyan gyi rten sa'i mdo gnyis mi 'dra ba'i phyir te/ ngo bo nyid med pa'i rgyan gyi 'grel bshad las/ ji skad du bdu ra'i mdo las bshad pa lta bu'o/ /zhes pa nas/ gsung rab las 'byung ba'i khams kyi don gang yin zhen/ mi lag sogs ba'i khams kyi dbye ba bstan pa dang/ khams mang po'i mdo dang sbyar na ni khams kyi dbye ba rnam ba mang go zhig yod do/ /zhes gsungs pa'i phyir/ khyab ste/ 'dir ba ru ra'i mdo las bshad tshul bkod zin pa'i rjes su gsung rang las zhes 'byung ba ni dgongs 'grel gyi bshad pa 'di la snyegs dgos pa dang/ nga khams mang po'i mdo dang sbyor dgos ba'i don yin pa'i phyir/ yang kho na re/ 'di khams mang po'i mdo dang sbyar na'ang mi 'grig bar thal/ der khams bco brgyad kyi rjes su khams drug tshan dang bzhi tshan gsum tshan du ma gsungs la/ 'dir khams drug las ma smos ba'i phyir na/ ma khyab ste/ spyir de nas gsungs ba'i khams lhag ma rnams khams bco brgyad du 'du'ang/ bdag med gtan la 'bebs pa la skyes bu gdags gzhi khams drug la brten tshul shes dgos pas/ de dngos su smos na lhag ma rnams des mtshon nas go nus pa'i phyir/ dang po grub ste/ gang spel las/ khams bco brgyad bo de dag ni drug tshan gsum dang/ bzhi tshan gcig dang/ sum tshan drug dang/ gnyis tshan gnyis su ste bzhi bcu rtsa bzhi ru 'gyur ro/ /zhes dang/ de ltar na khams bzhi bcu @048b rtsa bzhi bo de dag ni khams bco brgyad bo de dag tu 'gyur ro/ /zhes gsungs pa'i phyir/ gnyis pa grub ste/ rin chen 'phreng ba las/ skyes bu sa min chu ma yin/ me min rlung min nam mkha' min/ /rnam shes ma yin kun min na/ /de las gzhan na skyes bu gang/ /skyes bu khams drug 'dus pa'i phyir/ /yang dag ma yin ji lta bar/ /zhes sogs gsungs pa'i phyir/ dri ba zhus tshul la kha cing/ /'dir bstan 'khor lo dang bor gzugs nas rnam mkhyen bar rang gi mtshan nyid kyis grub mnyam dang/ bar pas de ma grub mnyam du gsungs pa sgras zin 'gal bas dogs pa zhus zer ba ni/ dang bor stong nyid nyi shu sogs 'gres rkang brgya rtsa brgyad khyad gzhir ma bzung bar phung sogs nyung shas shig bzung bar gsungs pas khegs la/ kha cig /der zhib cha phye ste gzugs nas byang phyogs bar rang gi mtshan nyid kyis grub mnyam du gsungs pa la zer ba'ang/ phung sogs 'dus byas rang mtshan gyis grub par bstan na/ dngos shugs kyis bstan don la dpyad pa gsum gyis dag ste nges don du 'gro bas dri mi dgos pa dang/ la la dang bor phung sogs rang 'dzin rtog pa'i zhen gzhir rang mtshan gyis grub mnyam dang/ bar bas der med mnyam du gsungs zer pa'ang/ bar pa nges don du thal bas 'gog tshul sogs kyi sgrub byed rnams kun mkhyen bla ma'i yig char gsal/ de la kha cig na re/ 'khor lo dang po gnyis kyi phung sogs rang gi mtshan nyid kyis grub mnyam dang ma grub mnyam du bstan ba mi 'thad gsung mi @049a @#/ /rigs par thal/ de stong thun gyi dgongs pa yin pa'i phyir/ der thal/ stong thun las/ dang bor phung sogs rang gi mtshan nyid kyis yong mnyam dang/ bar ba las thams cad rang bzhin med mnyam du gsungs kyi/ rang bzhin yod med dngos su phye nas ma gsungs bas drang don dang zhes gsungs ba'i phyir na/ ma khyab ste/ chos rnams la rang gi mtshan nyid kyis grub ba'i ngo bo nyid yod ces ba'i tshig yod mnyam yin bal dgongs par bstan zin pa da yin pa'i phyir/ yang kha cig/ phung po rnams kyi rang gi mtshan nyid kyang bka' scal ces pa'i rang gi mtshan nyid de rang 'dzin rtog pa'i zhen gzhir rang mtshan gyis grub ba la byed par gsungs pa mi 'thad par thal/ de rang gi mtshan nyid kyis grub pa la byed pa'i phyir/ der thal/ de'i rang mtshan de phung sogs kyi steng du yod kyang kun btags kyi steng du med ba zhig yin pa'i phyir/ der thal/ de rgya nag 'grel chen las thun ming ma yin pa'i mtshan nyid du bshad pal/ 'di nyid las de sta na kun btags la'ang thun mong ma yin pa'i 'jog byed yod pas rang mtshan de kun btags kyi steng du'ang yod par thal ba 'phen tshul yod pa'i phyir/ khyab ste/ dgag bya'i rang mtshan la byed na dgongs 'grel las phung sogs thams cad kyi steng du 'gog rgyu'i gtso bo yin pas der kun btags dmigs kyis bsal dgos don med pa'i phyir/ des na 'dir/ mdo nyid las kun btags kyi skabs su rang gi mtshan nyid kyis grub pa la gsal bar gsungs zhes pa de gzhan du kyog mi dgos par sgra sor bzhag gi rang mtshan la byas @049b chog cing/ mdo tshig kyang mtshan nyid ngo bo nyid med ces ba de min gyi/ rang gi mtshan nyid kyis rnam par gnas pa ni ma yin zhes ba de la snyegs dgos zer na/ 'o na/ phung bo rnams kyi rang gi mtshan nyid kyang bka' stsal ces pa'i dngos bstan gyi 'khor lo dang bo'i mdo de nyid kyi sgras zin sgra ji bzhin pa yod par thal/ de'i sgras zin la phung bo rang mtshan gyis grub ba 'jog pa'i phyir/ der thal/ de'i tshig zin gyi rnag mtshan de rang mtshan dngos la byed pa'i phyir/ byas ba la/ kho na re/ de la khyab pa med de/ de'i tshig zen gyi skye 'jig dang yongs su shes pa spangs ba sogs nas 'phel zhing yang ba'i bar thams cad dgag bya la mi byed par/ skye 'jig la sogs pa de dang de dngos la byed kyang bka' stsal tshul skye sogs de dang de dngos bka' stsal pa ma yin par/ de dag rang 'dzin rtog ba'i zhen gzhir rang mtshan gyis grub par bka' stsal pa yin pa'i phyir/ 'di 'ang de dang 'dra zer na/ 'o na/ mdo tshig des phung po rang mtshan gyis grub pa de nyid rang 'dzin rtog pa'i zhon gzhir rang mtshan gyis grub par bka' stsal pa yin par thal/ 'dod ba'i phyir/ 'dod na/ 'di ni sdu/ bsngal 'phags pa'i bden pa'o/ /zhes pa 'dis sdug bden rang mtshan gyis grub ba de rang 'dzin rtog pa'i zhen gzhir rang mtshan gyis grub pa bstan ba yin par thal/ snga ma la de'i phyir/ 'dod na/ des sdug bden gyi steng gi khyad pa ral kun btags pa'i kun btags de sgras zin la bstan pa yin bar thal/ sdug bden rang mtshan gyis grub pa sdug bden gyi khyad chos yin pa'i phyir/ 'dod mi nus te/ 'dod mi nus te/ 'di ngo po la bzlas pa yin ba'i phyir dang/ ngo bo la kun @050a @#/ /btags ba'i kun btags ston byed cig yod dgos pa'i phyir te/ khyad gzhi ngo bo ma bshad par khyad chos kho na ston mi rigs ba'i phyir/ des na 'di nyid las rang mtshan gyis grub pa la byed gusngs pa'ang dgag bya'i rang mtshan gzhir bzhag yin te/ snga logs de mthag tu/ rang gi mtshan nyid kyis yod par gsungs ba ci la dgongs zhes gsungs yod pa gang zhig /de'ang rang mtshan dngos la byed na phung sogs der gsungs pa'i dgongs gzhi dri mi dgos pa'i phyir/ 'on kyang kun btags dmigs kyis bsal ba'i dgos ba yod de/ dgongs 'grel las kun btags mtshan nyid ngo bo nyid bar gsungs ba'i dgos pa ni 'khor lo dang pos rang gi mtshan nyid gsungs ba de 'gog ched yin pas de'i rang mtshan de yod na/ 'di'i mtshan nyid ngo no nyid med pa 'di 'jog mi thub pa'i phyir ro/ /kha cig na re/ yig char/ rang gi mtshan nyid kyang bka' stsal ces pa'i rang mtshan de/ zhes ba nas/ mdo las rang gi mtshan nyid kyi rnam par gnas pa ni min pas/ zhes gsungs pa mi 'thad par thal/ 'dod pa'i phyir/ 'dod mi nus te/ 'di nyid las/ mdo nyid las kun btags kyi skabs su rang gi mtshan nyid kyis grub pa la gsal bar gsungs pa'i phyir/ zhes gsungs pa'i phyir zhes 'phang pa 'brel med par thal/ rang gi mtshan nyid kyang bka' stsal ces pa dang/ kun btags kyi skabs su rang mtshan gyis grub pa la gsungs zhes pa'i rang mtshan de dgag bya'i rang mtshan la byed/ rang gi mtshan nyid @050b kyis rnam par gnas pa ni ma yin zhes pa'i rang mtshan de rang mtshan dngos la byed pa'i phyir na/ ma khyab/ sbyir rang mtshan gyis grub pa dang rang 'dzin rtog pa'i zhen gzhir rnag mtshan gyis grub pa gnyis phyogs mi 'dra'ang/ kun btags rang mtshan gyis grub na rang 'dzin rtog pa'i zhen gzhir rang mtshan gyis grub dgos pa'i phyir/ der thal/ dgongs 'grel 'dir gzhan dbang kun btags kyis stong pa yongs grub tu byas pa yin pas/ kun btags kyang sgro btags tsam ma yin par gzhan dbang bzhin du bden par grub na/ gzhan dbang gi steng du kun btags pa'i mtshan nyid ngo bo de yod dgos pa'i phyir/ der thal/ gzugs gzugs 'dzin rtog ba'i zhen gzhir snang tshul dang sdod tshul de'ang rang mtshan gyis grub dgos pa'i phyir/ 'di ni rigs pa'i 'phul dang go ba shin tu zab pa zhig yin no/ /dri ba'i ngo bo la kha cig tshig gis khyab zer/ gzhan dag na re/ don dam yang dag 'phags kyi rgyud kyi mdo gnyis sgras zin 'gal ba de ci yin snyam pa'i dogs pa de 'jog dgos zer/ snga ma la/ don de nyid bcom ldan 'das la bdag yongs su zhu lags so/ /zhes pa'i tshig 'di 'khor lo dang po dang bar pa gnyi ga'i dri ba yin bar thal/ dri ba la tshig gis khyab pa gang zhig /tshig de las gzhan 'gog rgyu med pa'i phyir/ 'dod na/ 'khor lo dang po'i dri ba dngos su zhus par thal/ mdo de zhu byed kyi tshig dngos su 'byung ba'i phyir dang/ dang po'i dri ba yin na dngos su zhus pas khyab pa'i phyir te/ de yin na bar pa'i dri ba yin pas khyab pa'i phyir/ rtags khas/ @051a @#/ /'dod mi nus te/ dka' 'grel las/ 'khor lo bar pa'i dgongs gzhi dngos su dris shing/ shugs la 'khor lo dang por phung sogs rang gi mtshan nyid kyis grub par gsungs pa'i dgongs gzhi'ang don gyi dris ba yin pas/ zhes gsung pa'i phyir/ gzhan yang dri ba la tshig gis ma khyab par thal/ brgya byin gyis rab 'byor la yid kyis dri ba byas par sher mdo las gsungs pa'i phyir/ byas pa la khon re/ ma khyab ste/ ngag tu mthon par yid kyis dri ba byas ba'i dri ba de'ang tshig tu bzhag chog pa'i phyir/ der thal/ rje btsun gyi ngag tu ma thon gong gi zugs la bzhugs pa'i rgyan dang/ rgyan gyi tshig bzung ste yid skyor byed pa'i dus kyi rgyan sogs sgra yin par gsungs pa'i phyir zer na/ de ltar byas tsheg gas med pa sprul ba'i lus bzung nas chos nyan par gsungs pa de sbrul pa bsdus ma thag chos de brjed mi 'gro bas yid skyor byed pa 'jog dgos la/ de'ang sgra spyi'i phreng ba rim par shar btsam la mi byed na 'jog dka' zhing/ snga ma rna shes kyis thos tshul dang zin pa'i 'byung ba las gyur tshul yang 'jog dka' bas dpyad dgos te/ rnam 'grel las/ byed pa rnams kyi sbyor ba'am/ /yid kyi bzlas pa don med 'gyur/ /sgra ni rna ba'i spyod yul yin/ /zhes dang/ TIka chen las/ sngags sgra rang mtshan pa dang yid la shar ba'i sngags kyi spyi'i rang bzhin rnams so sor ma phye bar/ zhes sogs rig byed pa dang rtsod tshul yang shes dgos so/ /gong gi lugs phyi ma de'ang mi 'thad par thal/ @051b don dam yang dag 'phags kyis gdul bya gzhan la dogs ba skye ba sel ba'i phyir pa na sems kyis zhus pa yin gyi/ khong rang la mdo gnyis sbrus zin 'gal ba ci yin snyam pa'i dogs pa med pa'i phyir te/ dgongs 'grel las/ don dam yang dag 'phags khyod kyis lta dang mir bcas pa'i skye dgu'i don dang/ phan pa dang 'de ba'i phyir zhugs te/ de bzhin gshegs pal khyod don 'di nyid 'dri bar sems ba de legs so/ /zhes gsungs ba'i phyir dang/ de 'od zer chen bo'i dbang bskur thob pa'i gang zag yin pas sngar ma shes pa gsar du shes rgyu med pa'i phyir/ rnam bshad las so/ /rang lugs la bar pa'i dri ba dngos su zhus ba'i shugs la dang po'i dri bzhus par 'gro tshul yod de/ dang bor cha ma phye bar thams cad rang mtshan gyis grub ces pa'i mdo tshig bka' stsal/ bar bas cha ma phye bar rang mtshan gyi ma grub ces bka' stsal tshul gnyi ga bkod de/ bar pas cham phye bar de ltar gsungs pa de ci la dgongs zhes dngos su dris ba na/ tshig gi nus pas cham phye bar gsungs pa de drang don du 'gro ba'i rgyu mtshan lta bur song bas cha 'byed rgyu zhig yod par go zhing/ de ltar na dang por yang cham phye bar gsungs tshul bkod ma thag pa ltar yin pas de'ang dris par 'gro ba yin no/ /yig cha rnying par phye don yod par dngos su ston pa'i 'khor lo dang po dang/ rang 'dzin rtog pa'i zhen gzhir rang mtshan gyis grub bar dngos su ston ba'i 'khor lo dang bo gnyis mdo so so bar gsungs te/ rgyu mtshan yang 'di nyid du/ 'khor lo dang po las phyi rol gyi dbang du byas pa'i @052a @#/ /gzung 'dzin gnyis gsungs pa drang don du 'gel ba'i dgongs gzhi ni/ zhes pa nas/ gnod byed ni phyi rol 'gog pa'i rigs pa rnams so/ /zhes pa'i bar gyi gzhung 'dis dang po de drang don du 'grel tshul bstan chos rnams la ngo bo dang khyad par du btags pa'i kun btags ni chos kyi khams dang skye mched yin pas de gnyis lam phye bar rang gi mtshan nyid kyis grub par gsungs pa'ang drang don no/ /zhes pa'i gzhung 'dis phyi ma drang don du 'grel tshul bstan pa'i phyir gsungs pa la brten nas/ kha cig /phyi don yod par ston pa'i 'khor lo dang po dang/ rang 'dzin rtog pa'i gzhen gzhir rang mtshan gyis grub bar ston pa'i 'khor lo dang po gnyis mdo so so ba yin zer na/ mi 'thad par thal/ gnyi ga dngos bstan la ma sbyar na mdo de gnyis don gcig pa'i phyir/ ma grub na/ phyi don yod par dngos su ston pa'i 'khor lo dang po chos can/ rang 'dzin rtog pa'i zhen gzhir rang mtshan gyis grub par ston pa'i mdo yin par thal/ 'dir bstan 'khor lo dang po yin pa'i phyir/ 'di nyid las; 'khor lo dang po las phyi rol gyi dbang du byas pa'i gzung 'dzin gnyis gsungs/ zhes 'dir bstan 'khor lo dang por bstan pa'i phyir dang/ rang gi mtshan nyid kyis grub par gsungs pa yang drang don no/ /zhes yang sgras phyi don bstan pa drang don du 'grel bar ma zad/ rang 'dzin rtog pa'i zhen gzhir rang mtshan gyis grub par bstan pa'ang drang don du 'grol ces pa yin pa'i phyir/ skye mched rnams kyi rang gi mtshan nyid kyang bka' stsal ces pa'i bshad bya'i mdo las/ mig dang @052b gzugs la brten nas mig gi rnam par shes ba skye'o/ /zhes pa lta bu phyi don yod par ston pa'i 'khor lo dang por mi 'jog na/ phyi don ston pa'i 'khor lo dang po'i mtshan gzhi mi rnyed pa'i phyir/ des na mdo gcig yin kyang drang don du 'grel ba'i sgo gnyis so sor yod pa yig cha'i dgongs pa yin no/ /zab brling dgos pa sna tshogs rgyal pa'i bka'/ /gya tshom mi 'byed dgongs pa'i phugs btsal te/ /phra zhi ba rigs pa'i dpyad pa ltung len pa/ /rgyal sras don dam yang dag 'phags bzhin brjod/ /drang nges gsung rab nam mkha'i mthar/ /dris zhus 'khor los bgrod pa na/ /dran dbang chen por rlom rnams kyang/ /dregs pa'i ral pas la bsnyil/ '/gnyis pa 'gal pa de spong pa'i lan la/ ngo bo nyid med par gsungs pa'i dgongs pa bshad pa dang; ma skyes ba sogs su gsungs pa'i dgongs pa bshad pa gnyis/ dang po la mdor bstan/ rgyas bshad/ de dag gi dpe bstan pa/ dgongs gzhi de ltar bkral dgos pa'i rgyu mtshan bshad pa dang bzhi/ dang po la bshad bya'i mdo 'god pa ni/ dgongs 'grel las/ don dam yang dag 'phags/ ngas chos rnams kyi ngo bo nyid med pa rnam pa gsum po 'di lta ste/ zhes pa nas/ ngo bo nyid med par gsungs so/ /zhes pa'i bar dang/ de'i don 'chad par/ bsdu ba las kyang; zhes pa nas/ sems dang ldan pa su zhig smra/ /zhes pa'i bar phung/ gnyis pa rgyas bshad la gsum las/ mtshan nyid ngo bo nyid med pa ston pa ni/ gal te ngo bo nyid med par gsungs pa'i chos rnams/ zhes pa nas/ phyi ma ltar @053a @#/ /'dzin pa ni yod do/ /zhes pa'i bar byung/ skye ba ngo bo nyid med bston par/ ngo bo nyid med pa gnyis pa ni dgongs 'grel las/ zhes pa nas/ ngo po nyid med par gsungs pa min pa'i lugs so/ /zhes pa'i bar byung/ don dam pa ngo bo nyid med pa ston pa la/ ngo bo nyid med pa gsum pa la 'jog tshul gnyis las/ zhes pa nas/ don dam gzhan du grub ma grub ni 'chad par 'gyur ro/ /zhes pa'i bar gyis 'jog tshul dang po'i dbang du byas pa'i don dam pa ngo bo nyid med pa dang; don dam pa ngo bo nyid med pa'i 'jog tshul gnyis pa'ang dgongs 'grel las/ zhes pa nas/ mi bzhed pa'i lugs so/ /zhes pa'i bar byung/ gsum pa de dag gi dpe bstan pa ni/ ngo bo nyid med pa gsum po dpe ji dang 'dra ba ni dgongs 'grel las/ zhes pa nas/ dkyus na gsal po/ /zhes pa'i bar byung/ bzhi pa dgongs gzhi de ltar bkral dgos pa'i rgyu mtshan ni/ ngo bo nyid med par gsungs pa'i ngo bo nyid med tshul ni de ltar bshad kyi/ zhes pa nas/ skye 'gag rang gi mtshan nyid kyis ma grub na skye 'gag med par 'gyur pa'i lugs so/ /zhes pa'i bar byung/ de dag gi don 'chad pa la spyi don dang mtha' dpyad pa gnyis/ /dang po ni/ 'khor lo bar ba las chos thams cad ngo bo nyid med par gsungs ba'i dgongs gzhi yod de/ mtshan nyid ngo bo nyid med pa/ skye ba ngo bo nyid med pa/ don dam pa ngo bo nyid med pa gsum la dgongs pa'i phyir zhes pa mdor bstan gyi don sbyor yin zhing/ dka' 'grel las/ kun btags mtshan nyid ngo bo @053b nyid med pa/ gzhan dbang skye ba ngo bo nyid med pa zhes sogs gsungs pa ni go bde ba'i phyir yin gyi/ mdor bstan skabs nas mtshan nyid gsum ngo bo nyid med pa gsum dang sbyar zin na rgyas bshad du mtshan gzhi dri mi dgos par thal ba yig cha ltar ro/ /bsdu ba las/ bcom ldan 'das kyis ci la dgongs nas ngo bo nyid med pa zhes gsungs she na/ smras pa/ 'dul pa'i dbang gis de dang der ngo bo nyid med pa nyid rnam pa gsum la dgongs nas gsungs te/ zhes dang/ sum cu pa las/ ngo bo nyid ni rnam gsum gyi/ /ngo bo nyid med rnam gsum la/ /dgongs nas chos rnams thams cad ni/ /ngo bo nyid med bstan pa yin/ /zhes pa'i lung gnyis drangs pa'i dgos pa ni/ jo nang pas sher mdo las chos thams cad ngo bo nyid med par gsungs pa kun rdzob kyi chos thams cad la dgongs kyi don dam la dgongs pa min zhes zer ba 'gog ched yin te/ sher phyin gyi mdor chos thams cad ngo bo nyid med mnyam du gsungs pa'i rgyu mtshan gyis dris zhus kyi mdor cil dgongs nas chos thams cad ngo bo nyid med pa sogs su gsungs zhes dri dgos byung zhing/ lan du'ang/ don dam yang dag 'phags/ ngas chos rnams kyi ngo bo nyid med pa nyid rnam pa gsum po 'di lta ste/ mtshan nyid ngo bo nyid med pa nyid dang skye ba ngo bo nyid med pa nyid dang don dam pa ngo bo nyid med pa nyid la dgongs nas chos thams cad ngo bo nyid med pa'o zhes bstan to/ /zhes gsal bar gsungs pa dang 'gal ba'i phyir/ byas pa la/ mdo'i tshig zin tsam du chos thams cad ces gsungs kyang @054a @#/ /kun rdzob pa'i chos thams cad ces pa'i don du drangs dgos zer na/ ma yin te/ khyod kyis dbu ma chen por 'dod pa'i thogs med sku mched gnyis kyis kyang de ltar dgongs pa ma drangs par/ snga ma sgra sor bzhag gi 'bru mnan 'dug pa'i phyir zhes de gnyis drangs pa yin no/ /klu sgrub yab sras kyi lugs las phyi rol tu gyur tshul gsungs pa ni stong nyid bden grub tu 'dzin pa gsor mi rung gi lta bar gsungs pa sogs yin la/ sems tsam pa'i skabs 'dir klu sgrub kyi bzhed pa dang mthun mi dgos kyang/ theg chen gyi grub mtha' smra ba yin tshe shing rta chen po gnyis gang rung zhig dang mthun dgos pa dang/ 'di thogs med sku mched kyi bzhed pa dang mi mthun par bsgyubs zin pas/ klu sgrub dang ma mthun tshe theg chen gyi grub mtha' las brgal bar bstan pa yin cing/ pha rol pos/ thams cad kyi dgongs pa 'dril pa'i lugs su byas kyang thams cad las rgyab kyis phyogs par gyur tshul gsungs pa yin no/ /de ltar na dgongs 'grel las dris lan gyi skabs bden pa gnyis kyi chos thams cad ngo bo nyid gsum du bsdus nas dgongs gzhi bkral cing/ rtsa ba sher mdo rang las 'grel rkang brgya rtsa brgyad so so nas ngo bo nyid med pa dang/ khyad par stong nyid kyi ming gi rnam grangs thams cad nas smos te ngo bo nyid med par gsungs yod bzhin du/ des ngo bo nyid med par gsungs rgyu'i chos kyi nang na don dam med ces zer ba don la dpyod pa'i sems lta ci/ tshig thos pa'i rna ba can zhig gis kyang smra mi 'os so/ /rgyas bshad la @054b chos rnams kyi mtshan nyid ngo bo nyid med pa gang zhen/ /zhes pas mtshan gzhi dris shing/ kun btags pa'i mtshan nyid gang yin pa'o/ /zhes pas kun btags de'i mtshan gzhir bstan/ de ci'i phyir zhe na/ zhes pas de'i rgyu mtshan nam sgrub byed dris shing; 'di ltar de ni ming dang brdas rnam par bzhag pa'i mtshan nyid yin gyi/ rang gi mtshan nyid kyis rnam par gnas pa ni ma yin pas de'i phyir de ni mtshan nyid ngo bo nyid med pa nyid ces bya'o/ /zhes pas dgag phyogs nas rang gi mtshan nyid kyis ma grub pa dang/ sgrub phyogs nas ming dang brdas bzhag pa tsam yin pa'i phyir/ zhes rgyu mtshan gsungs pa yin no/ /'on kyang 'di pa'i lugs kyi ming brdas bzhag tsam gyi don dang/ rang mtshan gyis ma grub tshul de thal 'gyur pa'i 'jog tshul dang bstun na rags pas/ lugs 'di'i rang mtshan du 'dzin pa la thal 'gyur lugs kyi de chang yang/ de la 'di tshang mi dgos so/ /de bzhin du skye ba ngo bo nyid med pa'ang mtshan gzhi dang rgyu mtshan dris lan gnyis kyi sgo nas bstan la/ sgrub byed ni dgag phyogs nas rang dbang pa'i skye ba'am ngo bo nyid kyis pa'i skye ba med pa dang/ sgrub phyogs nas rgyu rkyen gzhan la brten pas so/ /don dam pa ngo bo nyid med pa 'jog tshul gnyis kyi snga ma'i dbang du byas pa ni/ chos rnams kyi don dam pa ngo bo nyid med pa gang zhe na/ rten cing 'brol bar 'byung ba'i chos gang dag skye ba ngo bo nyid med pa nyid kyis ngo bo nyid med pa de dag ni don dam pa ngo bo nyid kyis ngo bo nyid med pa yang yin no/ /zhes gzhan dbang de'i mtshan gzhir ngos bzung ste/ rgyu mtshan ston pa la/ @055a @#/ /de ci'i phyir zhe na/ don dam yang dag 'phags/ chos rnams la rnam par dag pa'i dmigs pa gang yin pa de ni don dam pa yin par yongs su bstan la/ gzhan gyi dbang gi mtshan nyid de rnam par dag pa'i dmigs pa ma yin pas de'i phyir don dam pa ngo bo nyid med pa nyid ces bya'o/ /zhes rnam dag lam gyi dmigs pa mthar thug la don dam du byas pa'i don dam der ma grub bas don dam pa ngo bo nyid med ces btags par gsungs so/ /'jog tshul gnyis pa'i dbang du byas pa'i don dam pa ngo bo nyid med pa ni/ gzhan yang chos rnams kyi yongs su grub pa'i mtshan nyid gang yin pa de'ang don dam pa ngo bo nyid med pa nyid ces bya'o/ /de ci'i phyir zhe na/ don dam yang dag 'phags/ chos rnams kyi chos bdag med pa gang yin pa de ni/ de dag gi ngo bo nyid med pa nyid ces bya ste/ de ni don dam pa yin la don dam pa ni chos thams cad kyi ngo bo nyid med pa nyid kyis rab tu phye ba yin pas/ de'i phyir don dam pa ngo bo nyid med pa nyid ces bya'o/ /zhes rnam dag lam gyi dmigs pa mthar thug yin pas na don dam pa dang/ chos bdag bkag tsam ma ma med tsam gyis rab tu phye ba'i med dgag yin pas na ngo bo nyid med pa zhes bshad de/ 'di dang snga ma la don dam par grub pa'i ngo bo nyid med pa dang don dam par skye ba med pa zhes zer ba ni lugs gzhan yin no/ /de dag gi dpe ni/ kun btags rtog pas btags tsam du grub pa mkha'i me tog lta bu dang/ gzhan dbang gi gtso bo yang dag pa ma yin pa'i kun rtog la 'khrul pa'i bag chags kyi dbang @055b gis gzung 'dzin gnyis su snang ba sgyu ma lta bu dang/ kun la khyab cing rang gi dgag bya de med pa tsam la btags pas phongs grub ni nam mkha' dang chos mtshungs so/ /de ltar dpe dang gtan tshigs du ma'i sgo nas ngo bo nyid med pa gsum gtan la phab ste/ sher phyin gyi mdor chos thams cad ngo bo nyid med gsungs pa'i med lugs ni 'di ltar shes dgos kyi/ sgra ji bzhin par bzung na mtshan nyid gsum ka la skur 'debs su 'gyur te/ gzhan dbang yongs grub gnyis rang gi mtshan nyid kyis ma grub pas de gnyis gtan med du 'gyur zhing/ kun btags ni rang nyid rang mtshan gyis ma grub pas ye she du mi 'gyur na'ang 'dogs pa'i gzhi gtan med pa'i dbang gis ye med du 'gro pa'i phyir te/ thams cad kyi rtsa ba gzhan dbang gi skye 'gag sogs blo 'khrul pas btags tsam ma yin par rang mtshan gyis grub pa zhig kun gyi gzhir dgos par bshad pa yin no/ /mtha' dpyad pa la/ kha cig na re/ mdor bstan dngos bstan gyi mtshan nyid ngo bo nyid med pa stong nyid yin zer na/ mdong bstan gyi mtshan nyid ngo bo nyid med pa nyid dang zhes pa'i mdo tshig 'di stong nyid dngos su ston pa'i mdo tshig yin par thal/ de'i dngos bstan gyi mtshan nyid ngo bo nyid med pa stong nyid yin pa'i phyir/ 'dod na/ don dam pa ngo bo nyid med pa dngos su ston pa'i mdo yin par thal/ 'dod pa'i phyir/ 'dod na/ de'i mjug thogs su don dam pa ngo bo nyid med pa smos mi dgos par thal lo/ /gzhan yang mdor bstan dngos bstan gyi mtshan nyid ngo bo nyid med pa chos can/ khyod kyi dgag @056a @#/ /bya la rang nyid gang gis stong ba yongs grub tu 'jog pa'i skabs kyi dgag byas khyab par thal/ khyod 'gog bden las gzhan pa'i stong nyid yin pa'i phyir/ 'dod na/ mdor bstan dngos bstan gyi mtshan nyid med pa de don dam pa ngo bo nyid med pa yin la/ de'i dngos bstan gyi don dam pa ngo bo nyid med pa de mtshan nyid ngo bo nyid med pa yin zhes go bzlog rigs par thal/ dang po khas blangs shing phyi ma'i med rgyu der rnam dag lam gyi dmigs pa mthar thug la don dam du byas pa'i don dam gcig kyang bshad pa'i phyir te/ rgyas bshad kyi skabs su de la 'jog tshul gnyis byas nas dang por de bshad pa'i phyir/ gzhan yang/ mdor bstan dngos bstan gyi mtshan nyid ngo bo nyid med pa chos can/ khyod rang gi stong gzhi chos can la khyab cing dgag bya'i bdag bkag tsam gyi rab tu phye bas nam mkha' dang dpe don sbyor rigs par thal/ khyod de 'dra ba'i chos kyi bdag mang phra mo yin pa'i phyir/ 'dod mi nus ta/ rtog pas btags ba tsam ma gtogs rang gi mtshan nyid kyis ma grub pa nam mkha'i me tog dang dpe don sbyor rigs pa'i phyir/ dgongs 'grel las/ nam mkha'i me tog ji lta ba de lta bur ni mtshan nyid ngo bo nyid med pa nyid blta bar bya'o/ /zhes dang/ 'di nyid pas/ kun btags nam mkha'i me tog dang 'dra ba ni rtog pas btags tsam gyi dpe yin gyi/ shes bya la mi srid pa'i dpe min no/ /zhes gsungs pa'i phyir te/ rang rgyud pa rnams shes bya la mi srid pa'i dper 'dod kyang/ sems tsam pa dang @056b thal 'gyur ba gnyi gas rtog pas btags tsam gyi dper 'dod pa'i phyir/ byas pa la/ kho na re/ de dper byed tshul thal rang sems tsam pa gsum mthun par thal/ rang rgyud pa'i thad kyi legs bshad snying po las kyang/ mtshan nyid ngo bo nyid med do zhes gsungs pa'i kun btags ni zhen yul de don dam par kun btags pa de yin la/ de nyid ming dang brdas bzhag par gsungs pa ni sgra rtog gis btags pa tsam du zad pa'i don no/ /zhes gsungs pa'i phyir na/ ma khyab ste/ sems tsam pa dang thal 'gyur ba gnyi ga'i lugs la rtog pas btags tsam yin na shes bya la mi srid mi dgos kyang/ rang rgyud pa'i lugs la de dgos pa'i phyir/ der thal/ rang rgyud pa'i lugs la kun btags kyang rang mtshan gyis grub pa'i phyir te/ shes rab sgron me las/ kun btags pa med pa ma yin te/ zhes dang/ de'i thad kyi legs bshad snying po las/ 'dir yod med ni mtshan nyid ngo bo nyid yod med yin pas/ zhes gsungs shing/ rje'i byang chub bla ma'i dris lan las kyang/ rang rgyud pa rnams tha snyad du rang gi mtshan nyid kyis grub pa khas len pas don dam par rang bzhin khegs kyang kun rdzob tu rtog pas btags pa tsam min pa'i rang mtshan 'dod la/ zhes gsungs pa'i phyir/ khyab ste/ snga ma phal cher bden grub khas mi len na rang gi mtshan nyid kyis grub pa'ang khas mi len pa gzhir bzhag byas kyang/ rang rgyud pa rnams rang mtshan khas len pa'i khungs gsal shos kun btags mtshan nyid @057a @#/ /ngo bo nyid med par bshad tshul 'di yin pa'i phyir/ yang kha cig na re/ mdor bstan gyi mtshan nyid ngo bo nyid med pa stong nyid yin par thal/ yig cha las/ 'dir dngos su bstan pa'i de chos kyi bdag med phra mo la 'jog/ ces dang/ snga ma'i med rgyu de shes bya la mi srid/ ces dang/ dngos bstan gyi mtshan nyid ngo bo nyid yin na rang 'dzin rtog pa'i zhen gzhir rang mtshan gyis grub pa dang/ der rang ngos nas grub pa rnams yin pas khyab pa'i phyir/ zhes gsungs pa'i phyir zer na/ ma khyab ste/ lung snga ma'i gong 'og gnyi gar mtshan nyid ngo bo nyid med pa tsam ma gsungs par de'i don zhes gsungs shing/ don stong nyid du 'gro tshul 'dis ngo bo nyid la bdag tu sgro btags pa'ang yod pas tshig la de bkag pa ltar brjod kyang/ don 'chad pa'i tshe des sgro btags pa ltar du med pa zhes bshad dgos shing/ de ltar byas na stong nyid du 'gro pa'i don yin pa'i phyir/ lung phyi ma gnyis kyis kyang mi gnod de/ de'ang kun mkhyen chos 'byung gi gsung gzhir bzhag nas tshig sna bsdus par snang ya/ de nyid las/ snga ma shes bya la mi srid/ phyi ma yod pa'i phyir/ dang po grub ste/ gzhi grub sna snga ma'i mtshan nyid ngo bo nyid med pa zhes pas dngos su bstan pa'i med rgyu'i mtshan nyid kyi ngo bo nyid der med pas khyab pa'i phyir/ der thal/ de yin na rang 'dzin rtog pa'i zhen gzhir rang mtshan gyis grub pas khyab pa'i phyir dang/ zhen gzhir rang mtshan gyis grub par sgro btags pa ltar du'ang ma grub pas khyab pa'i phyir/ zhes der rang mtshan gyis grub pa dang/ grub par @057b sgro btags pa gnyi ga gsungs pa gig cha phyi ma'i dgongs par yang gnas pas rang lugs de'i mtshan nyid ngo bo nyid la sgro btags pa'ang bzhag nas de ltar grub pa shes bya la mi srid pa dang/ de ltar grub pa la chos bdag gis khyab pa'i don yin pa sogs sngar dang 'dra pa'i phyir/ de la kho na re/ mdor bstan gyi mtshan nyid ngo bo nyid la rang 'dzin rtog pa'i zhen gzhir rang mtshan gyis grub par sgro btags pa dang/ brtag pa mtha' bzung gi de'i zhen gzhir rang mtshan gyis grub pa gang rung gis khyab par thal/ de la rang nyid gang gis stong pa yongs grub tu 'jog pa'i skabs kyi kun btags kyis ma khyab kyang/ de'i skabs su mkho pa'i kun btags kyis khyab pa'i phyir zer na/ mdor bstan dngos bstan gyi de la des khyab kyang/ mdor bstan tsam la me khyab ste/ gang chag gi bdag tu grub pa dang/ grub par sgro btags pa gnyis kyang mdor bstan gyi mtshan nyid ngo bo nyid de yin pa'i phyir/ der thal/ de'i shugs bstan gyi mtshan nyid ngo bo nyid yin pa'i phyir/ der thal/ mdor bston rgyas bshad 'di dag gis chos kyi bdag med kyi dbang du byas pa'i mtshan nyid gsum par ba'i dgongs gzhir dngos su bstan nas/ gang zag gi bdag med kyi dbang du byas pa'i de gsum dang po'i dgongs gzhir shugs la bstan pa yin pa'i phyir/ der thal/ nyan thos kyi thar par 'grod byed kyi rnam dag lam dres gzhan dbang kun btags kyi stong phar sgom tshul gcig kyang 'di'i zhar la ston dgos pa'i phyir te @058a @#/ /dgongs 'grel las/ de la sems can nyan thos kyi thag pa'i rigs can rnams kyis kyang lam 'di nyid dang sgrub pa 'di nyid kyis grub pa dang bde ba bla na med pa'i mya ngan las 'das pa thob par 'gyur la/ zhes gsungs pa'i phyir/ yang kho na re/ rang 'dzin rtog pa'i zhen gzhir rang mtshan gyis grub pa chos can/ mdor bstan gyis dngos su bstan par thal/ mdor bstan dngos bstan gyi mtshan nyid ngo bo nyid yin pa'i phyir na 'gal bya ba?/ khyod rang la phyi don chos can/ sems tsam pa'i rang lugs la khas len par thal/ sems tsam pa'i rang lugs kyi dgag bya yin pa'i phyir/ khyab pa 'grig /yang kho na re/ de chos can/ mdor bstan dngos bstan gyi mtshan nyid ngo bo nyid ma yin par thal/ de'i dngos bstan gyi mtshan nyid ngo bo nyid med pa yin pa'i phyir na/ ma khyab/ rtags grub ste/ dgongs 'grel las/ mtshan nyid ngo bo nyid med pa gang zhe na/ kun btags pa'i mtshan nyid gang yin pa'am/ zhes gsungs pa'i phyir; khyab ste/ de'i mtshan gzhi dris pa yin pa'i phyir/ tshig la zhib cha dgos/ kha cig na re/ kun btags chos can/ khyod la mtshan nyid ngo bo nyid med pa zhes bya ste/ khyod ming brdas pa zhag pa tsam yin gyi rang mtshan gyis ma grub pa'i phyir/ zhes ba'i sbyor ba de rgyas bshad kyi don sbyor du dka' 'grel las bkod pas de ltar khas len dgos zer/ kha cig/ don sbyor de ltar bkod pa la yig char/ kun btags rang mtshan gyis ma grub pa de skabs @058b 'dir dngos su bstan pa'i mtshan nyid ngo bo nyid med pa'i don yin par thal/ sbyor ba 'thad pa'i phyir/ 'dod mi nus te/ mdo sde pas de tshad mas grub pa'i phyir/ zhes dgag ba mdzad lugs kyis 'di'i rang mtshan gyis med pa der mdo sde bsam rtogs pa zhig dgos bas/ sbyor ba 'god tshe dgag phyogs nas rang 'dzin rtog pa'i zhen gzhir rang mtshan gyis ma grub pa'i phyir zhes 'god dgos zer ba gnyi ga mi 'thad par thal/ dka' 'grel gyi dgongs pa skabs thob kyi kun btags 'di gzhir bzhag yin pas/ sngams kun btags spyi tsam rtsod gzhir bzung ba mi 'thad/ yig chas dgag ba mdzad tshul yang rtsod gzhir kun btags spyi ldog bzung ba la yin gyi/ rtags chos 'god tshul la ma yin pa'i phyir te/ rang lugs skabs su rang 'dzin rtog pa'i zhen gzhir rang mtshan gyis grub par sgro btegs pa rtsod gzhir bzung ba ma gtogs/ rtags chos sngar bzhin bkod pa'i phyir/ de ltar 'god kyang dgos par thal/ mdo nyid las/ ming dang brdas rnam par bzhag pa'i mtshan nyid yin gyi/ zhes pas sgrub phyogs nas ming brdas bzhag tsam yin pa de bstan/ rang gi mtshan nyid kyis rnam par gnas ba ni ma yin/ zhes bas dgag phyogs nas rang mtshan gyis ma grub ba de bstan pa gang zhig /'di'i mi gnas rgyu'i rang mtshan de dgag bya'i rang mtshan la mi byed par/ rtog btags tsam ma yin ba'i rang mtshan nam bden grub la byed pa'i phyir/ 'di nyid las/ kun btags la med rgyu'i mtshan nyid kyi ngo bo nyid ni rang @059a @#/ /gi mtshan nyid kyis grub pa'am gnas pa la bya'o/ /'dir rang gi mtshan nyid kyis yod med bstan chod ni ming dang brda la ltos nas bzhag ma bzhag yin la/ zhes gsungs pa'i phyir/ byas pa la kho na re/ de mi 'thad par thal/ rang 'dzin rtog ba'i zhen gzhir rang mtshan gyis grub brtsod gzhir bzung yang/ rtags chos sngar bzhin byas na de dngos med du mdo sde pas rtogs zin pas/ de la grub zin grub par thal ba'i skyon so na gnas pa'i phyir zer na/ bshad par bya ste/ kun btags spyi ldog dang nam mkha' lta bu rtsod gzhir bzung ste rang mtshan gyis ma grub ba'i phyir zhes 'phang na tshig gis bstan tshod de tsam las go rgyu gzhan med la/ 'dir de ltar sgro btags pa rtsod gzhir bzung nas rang mtshan gyis ma grub pa'i phyir zhes 'phang ba na de'i don go tshul khyed par ba zhig yod de/ de'ang rtog pa'i zhen gzhir rang mtshan gyis grub par sgro btags pa'am snang ba de rang mtshan gyis grub na rtog pas par btags tsam min par don steng nas bden par grub dgos/ de grub na snang tshul de ltar grub bam ma grub dpyad pa'i tshe dpyad bzod kyis rnyed don mthar thug tu 'gro la/ lugs 'dir rang 'dzin rtog pa'i zhen gzhir rang mtshan gyis grub ma grub dpyad pa'i mthar dpyad bzod du grub pa chos bdag dang/ der ma grub pa chos kyi bdag mad phra mor 'jog pa'i phyir/ des na kun btags spyi ldog tsam ma yin par skabs kyi kun btags 'di nyid gzhir @059b byas pa na mtshan nyid ngo bo nyid med pa tshig zin gyis bstan tshod tsam de stong nyid du mi 'gro'ang/ de'i steng nas ngo bo nyid med tshul rigs pa'i 'phrul gyis bsgrub pa'i don de stong nyid du 'gro bas/ 'di nyid las/ 'dir rang gi mtshan nyid kyis yod med bstan tshod ni/ zhes tshig gis bstan tshod dang don gyi thob tshod gnyis yod par gsungs shing/ yig char mtshan nyid ngo bo nyid med pa'i don zhes pa yang yang gsungs pa yin no/ /skabs 'dir mtshan nyid ngo bo nyid med tshul bshad pa'i kun btags la kun btags spyi tsam ma yin par/ rtog ba'i zhen gzhir rang mtshan gyis grub par sgro btags pa de 'dzin pa go rgyu che zhing mdo'i dgongs pa mthar thug yin te/ yon tan 'byung gnas kyi le'u las/ rab rib can gyi mig la rab rib kyi skyon chags pa de lta bur ni kun btags pa'i mtshan nyid blta bar bya'o/ /zhes dang/ shel shin tu gsal ba la nor bu rin po che aNDa rnyil dang/ mthon ka chen po dang/ padma rA ga dang/ margad dang/ gser du lag bar 'dzin pa de lta bur ni gzhan gyi dbang gi mtshan nyid la kun btags pa'i mtshan nyid du 'dzin par blta bar bya'o/ /zhes blo 'khrul bas log par sgro btags pa'i snang cha dang sbyar nas kun btags ngos 'dzin dgos par gsungs pa'i phyir/ de la'ang kha cig na re/ rtog ba'i zhen gzhir rang mtshan gyis grub par sgro btags pa de rang mtshan gyis grub na'ang/ de'i don rigs pa'i 'phrul gyis chos bdag tu mi 'gro bar thal/ bum ba rang mtshan gyis grub na'ang de'i don rigs pa'i @060a @#/ /'phrul gyis chos bdag tu 'gro don med pa bzhin yin pa'i phyir/ zer na/ de gnyis mi mtshungs te/ 'di rang mtshan gyis grub na chos bdag tu 'gro tshul sngar ltar yin cing/ rang mtshan gyis ma grub na gtan nas med mi dgos la/ gzhan dbang rang mtshan gyis ma grub na gtan nas med dgos kyang/ rang mtshan gyis grub na chos bdag tu thal mi dgos ba'i phyir/ dper na mi nam mkhar 'phur thub na ya mtshan yin kyang mi thub na skyon yod mi dgos; bya nam mkhar 'phur mi thub na skyon yod pa yin kyang thub na ya mtshan min pa bzhin yin pa'i phyir/ de ltar yang 'di nyid las/ kun btags rang gi mtshan nyid kyis grub par 'dzin pa chos kyi bdag 'dzin du 'dod ba'i kun btags ni/ phung po la sogs ba la 'di gzugs so zhes ngo bo dang/ 'di gzugs kyi skye ba'o zhes sogs khyad par du ming dang brdar btags pa'i dngos po'o/ /zhes gang la rang mtshan gyis grub par bzung na don gyis chos bdag tu 'gro ba'i kun btags de kun btags bye brag pa zhig dgos par gsungs so/ /yig cha kha cig tu rnam grangs pa'i kun btags rnams rtog pas btags tsam yin kyang/ mtshan nyid yongs chad kyi kun btags rnams rtog pas btags tsam ma yin te/ de dag rtog bsam bzhag pa'i phyir/ der thal/ blos ma bzhag pa'i phyir te/ blo'i yul du byar mi rung ba'i phyir zer/ gzhan dag na re/ nam mkha' dang sgra rtag stong sogs kyang ming brdas bzhag tsam man te/ nam mkha' ming brdas 'jog mi dgos shing/ sgra rtag @060b stong ming brdas 'jog mi nus pa'i phyir/ der thal/ nam mkha' brda mi shes pa'i ba lang lta bu'ang g.yang sa mthon por phyin pa'i tshe thog reg bkag pa'i stong sang gi spyi shar te 'jigs skrag skye bas de'i rnam pa 'char ba ming brngal ltos mi dgos pa'i phyir dang/ sgra rtag stong ni dngos bo'i stobs shugs kyi rigs bas bsgrub dgos kyi/ brda dang grogs pa tsam gyis 'jog mi thub pa'i phyir te/ 'di nyid las kyang/ de dag gi mang po zhig ming dang brdas 'jog mi nus pa'i yod pa yin yang rang gi mtshan nyid kyis grub pa min te/ rtog pas btags tsam yin pa'i phyir/ zhes gsungs ba'i phyir zer/ snga ma mi 'thad par thal/ rtog pas btags tsam la yod pas khyab pa bshad zin to/ /zhes dang/ 'di nyid las kyang/ 'dir rang gi mtshan nyid kyi sa yod med las; ming gi tha snyad kyi dbang gis ma bzhag pa'i yod ba mi srid kyang ming gi tha snyad kyi dbang gis gang bzhag thams cad yod par ston pa min par bshad zin to/ /zhes dang/ 'di nyid las kyang/ 'dir rang gi mtshan nyid kyis yod med bstan tshod ni ming dang brda la ltos nas bzhag ma bzhag yin la/ bzhag pa la'ang yod pas ma khyab cing/ zhes gsungs pa'i phyir/ gnyis pa la rang 'dzin rtog pa'i zhen gzhir rang mtshan gyis grub pa chos can/ ming brdas bzhag tsam ma yin par thal/ brda mi shes ba'i gang zag la'ang khyod kyi rnam pa 'char ba'i phyir te/ dgag bya'i bden snang 'byung ba brda la mi ltos pa'i phyir/ 'dod mi nus te/ mdo sde dgongs 'grel gyi de skabs 'di'i kun btags kyi mtshan gzhir @061a @#/ /dngos su bstan nas de'i rgyu mtshan ston pa na/ 'di ltar de ni ming dang brdas rnam par bzhag pa'i mtshan nyid yin gyi/ zhes ming brdas bzhag tsam du gsal bar gsungs pa'i phyir/ gsum pa la khyab pa med de/ sgra rug stong ming brdas bzhag tsam yin kyang/ de ming brda tsam gyis 'jog mi nus pa 'gal ba med pa'i phyir/ der thal/ de ming brdas bzhag tsam yin zhes pa'i tsam sgras rang mtshan gyis grub pa gcod la/ rang mtshan gyis ma grub par khas len yang dgos; ming brda tsam gyis bzhag pa yin zhes pa'i tsam sgras de 'jog byed sgra rtag stong ngo zhes pa'i sgra tsam dang/ de ltar zhen ba'i 'dod dbang tsam gyis bzhag pa las dngos po'i stobs shugs kyi rigs pas 'jog byed yod pa gcod la/ de ltar khas len mi rung ba'i phyir/ phyi ma grub ste/ ri bong can zla ba zhes pa'i sgras brjod du rung ba lta bu 'dod pa tsam gyis 'grub pas grags pa'i rjes su dpag bya dang/ sgra rtag stong lta bu dngos stobs kyi rigs pas 'grub dgos pas dngos stobs kyi rjes su dpag byar 'jog pa'i phyir/ rnam 'grel le'u bzhi pa las/ sgra ni brda la brten pa can/ /de yang 'dod tsam brten pa yin/ /sgra yis grub pa ma grub min/ /de ltar sgra byung grags pa gsungs/ /zhes dang/ gal te la lar de grub na/ /de ni dngos stobs las grub yin/ / brda 'gog med las skyes pa yi/ /grags pa zhen bya'i rjes su dpag/ /ces sogs gsungs la/ thar lam gsal byed las kyang/ don gang la'ang 'dod pas brda sbyor ba 'gog pa med pa'i stobs las skyes pa'i grags pa zhes bya ba'i rjes su dpag ba/ @061b zhes gsungs pa'i phyir/ gzhan yang de dag gis sgra rtag stong ming brdas bzhag tsam ma yin par 'dod pa dang/ rtog pas phar btags tsam du 'dod na nang 'gal yin te/ ming brda zhes pa'i brda ni rtog pa la byed pa'i phyir dang/ khyod ltar na de chos can/ rtog pa tsam gyis bzhag ba yin par thal/ rtog bas bzhag tsam yin pa'i phyir/ rtags khyab khas/ 'dod na/ dngos stobs kyi rigs pas sgrub mi dgos par thal/ rtag pas stong ngo snyam du zhen pa'i rtog pa tsam gyis 'jog thub pa'i phyir/ 'dod mi nus te/ byas pa khyod sgrub pa'i dngos stobs kyi rtags yang dag yin pa'i phyir/ yang kha cig na re/ 'di'i mtshan nyid ngo bo nyid med ces pa'i med rgyu'i ngo bo nyid de rang bzhin gyis grub pa la byed par thal/ lhag mthong chen mo las/ de la mtshan nyid ngo bo nyid med pa'i mtshan nyid ni rang gi mtshan nyid dam rang bzhin yin la/ sems tsam pas de med pa kun btags la 'dod kyang gzhan dbang la mtshan nyid de yod pas rang bzhin yod la/ zhes gsungs pa'i phyir na ma khyab ste/ de ni rang mtshan gyis grub ba dang rang bzhin gyis grub pa la khyad mi 'byed pa'i thal 'gyur ba'i lugs bshad skabs yin pa de'i dbang du byas ba'i phyir/ de bzhin du grub mtha' chen mor/ 'khor lo tha mas kun btags rang bzhin med pa dang gzhan dbang yongs grub rang bzhin gyis yod pa dang don dam par yod tshul bshad pa'i mdo gnyis drang don dang/ zhes gsungs pa'ang dgongs pa de ltar 'grel dgos kyi/ dgongs 'grel las kun btags rang bzhin med par bstan @062a @#/ /pa'i don du mi rung ste/ thal 'gyur ba'i lugs la stong nyid bstan par thal ba dang/ sems tsam pa'i lugs la kun btags ye med du bstan par thal ba'i skyon gnyis su 'gyur ba'i phyir ro/ /yang kha cig na re/ sems tsam pa'i lugs la'ang rang gi mtshan nyid kyis grub ba'i don dang/ rang ngos nas grub ba'i don khyad 'byed mi rigs par thal/ snga ma'i don yang rang gi gdags gzhi'i ngos nas btsal na rnyed rgyu yod pa la byed dgos ba'i phyir/ der thal/ de ltar 'dod pa rang rgyud pa man chad thams cad 'dra ba'i phyir/ thal 'gyur ba'i thad kyi legs bshad snying po las/ gang zag gi tha snyad btags pa tsam gyis mtshim par de'i tha snyad gang la btags pa'i gdags gzhi de ji ltar yin dpyad cing btsal nas 'jog na gang zag rang gi mtshan nyid kyis grub par 'jog pa yin te/ rang sde bye brag tu smra ba nas dbu ma rang rgyud pa'i bar thams cad kyis de bzhin du 'dod do/ /zhes gsungs pa'i phyir na/ ma khyab ste/ de dag gis chos gang yang btags don btsal nas rnyed dgos par 'dod pas/ don gyis thal 'gyur ba'i lugs kyi rang mtshan der khas blangs song ba'i don yin pa'i phyir/ der thal/ sems tsam pas kun btags rang gi mtshan nyid kyis ma grub par 'dod pa ni ming brdas bzhag tsam yin pa'i rgyu mtshan gyis yin la/ de'ang gdags gzhi'i ngos nas btsal na rnyed rgyu zhig yod par 'dod bas/ thal 'gyur bas gzhal che kun btags rang mtshan gyis grub pa las ma 'das pa'i don yin pa'i phyir/ de nyid las/ 'o na sngar rnal 'byor @062b spyod pa bas gzugs sogs kyi ngo bo dang khyad par du btags pa'i kun btags yod par 'dod pa la rang gi mtshan nyid kyis grub pa bkag nas ming dang brdas bzhag par bshad pa dang 'gal lo snyam na/ skyon med de de ni ming dang brdas 'jog nus pas rang gi mtshan nyid kyis ma grub ces smra ba yin gyi/ de la rang gi ming btags pa'i btags gzhi btsal na mi rnyed par mi 'dod pas 'di pas bshad pa'i rang mtshan gyis grub par 'dzin pa yod do/ /zhes gsungs pa'i phyir/ des na kha cig mtshan nyid gsum la bden par grub ma grub kyi khyad par yod kyang rang gi mtshan nyid kyis grub mnyam yin zer ba dang/ la la rnam 'grel las/ rang gi mtshan nyid gcig gzhal bya/ /zhes pa'i don du bsam nas gzhal bya la rang mtshan gyis khyab par smra ba rnams shin tu mi 'thad de/ gzhal bya la rang mtshan gyis khyab na spyi mtshan med dgos/ yul la rang spyi gnyis med na yul can tshad ma gnyis kyang med dgos pa'i phyir/ sde bdun yid kyi mun sel las/ spyi mtshan gzhal bya ma yin par smra ba ni rjes su dpag pa tshad ma yin par smra ba rgyang 'phen ba'i rang lugs 'dzin pa ste/ zhes so/ /yang kho na re/ nyan thos sde ba'i lugs la kun btags rang mtshan gyis grub bar thal/ de rang 'dzin rtog pa'i zhen gzhir rang mtshan gyis grub ba'i phyir/ der thal/ gzhi grub ba'i phyir/ khyab ste/ de dag gi lugs la rang 'dzin rtog pa'i zhen gzhir rang mtshan gyis ma grub na yod bar 'jog mi thub pa'i phyir/ 'di nyid las/ don smra gnyis kyis gzugs sogs rtog pa'i zhen @063a @#/ /gzhi dang brda 'dogs pa'i gnas su rang mtshan gyis grub pa khegs na yod par 'jog mi shes te/ tshad ma pa la grags pa'i rang mtshan ni min no/ /zhes gsungs pa'i phyir zer na/ lung de khyod kyi lugs la gnod byed yin gyis sgrub byed min te/ lung des don smra gnyis kyi lugs la chos gang yang ming brda 'jug pa'i gzhir gnas tshod kyi dbang gis grub pa khegs na yod par 'jog mi shes kyang/ tshang ma pa rang la grags pa'i rang mtshan de khegs na'ang yod par bzhag chog ces pa'i don yin par shin tu gsal ba'i phyir/ stong thun las/ 'dir mdo sde pa sogs kyis brda 'dogs pa'i gnas su rang mtshan gyis grub pa khegs na yod par 'jog mi shes zhes pa ni gzhal bya gnyis phyir sogs kyi skabs der mdo sde pa rang la grags pa'i rang mtshan de la mi byed de/ mdo sde pas nam mkha' nam mkha'i ming 'jug pa'i gzhi yin pa dngos por mi 'dod pas de gzhal bya gnyis phyir sogs kyi skabs kyi rang mtshan min kyang yod par 'jog la/ 'on kyang nam mkha' nam mkha'i ming 'jug pa'i gzhir nam mkha' rang gi gnas tshod kyi dbang gis grub par 'dod cing/ de ltar ma grub na nam mkha' yod par 'jog mi shes so/ /zhes gsungs pa'i phyir/ khyab ste/ de ltar kun btags kyi chos rnams rang 'dzin rtog pa'i zhen gzhir rang mtshan gyis grub ces dngos su khas mi len yang/ rigs pa'i 'phul gyis don thob la khas blang song yod ces pa yin te/ dngos su khas blangs pa dang rigs pa'i @063b 'phul gyis khas blang song ba gnyis bsre mi rung ba'i phyir/ stong thun las/ nam mkha' dang myang 'das sogs nam mkha' dang zag pa sogs kyi ming gang la 'jug pa'i gnas su rang gi gnas tshod kyi dbang gis grub par med sde pa 'dod pa de la mdo sde pa rang gis rang mtshan gyi ming ma btags kyang sems tsam pa ltar na mdo sde pas de la rang mtshan gyi don khas blangs par song ba'i don te 'di rtogs pa shin tu gnad che bar yod do/ /zhes gsungs pa'i phyir/ byas pa la/ 'di'i tshad ma pa la grags ba'i rang mtshan bden grub la byas nas bden grub bkag kyang yod par 'jog mi shes zhes pa'i don yin zer na/ snga ma'i nyes pa son gnas te/ mdo sde pa chos can/ khyod kyi lugs la rang mtshan gyis grub ma grub ces pa de bden par grub ma grub kyi don du grags shing don la'ang gnas par thal/ khyod la grags pa'i rang mtshan de bden grub la byed rigs ba'i phyir/ rtags khas/ 'dod na/ khyod kyi lugs la bden par med na rang mtshan gyis med bas khyab par thal/ de gnyis don gcig ba'i phyir/ 'dod na/ kun btags chos can/ der thal/ de'i phyir/ byas pa la kho na re/ 'o na don smra gnyis kyis zhes dmigs kyis bkar ba la dgos pa med par thal/ sems tsam bas kyang gzugs sogs ming brda 'jug ba'i gnas su rang gi gnas tshod kyi dbang gis grub pa'am rang ngos nas grub pa khegs na yod bar 'jog mi shes pa'i phyir/ der thal/ des yod na rang ngos nas grub @064a @#/ /pas khyab par 'dod pa'i phyir te/ rtags yang dag yin na rang rgyud kyi rtags yang dag yin pas khyab par 'dod pa'i phyir zer na/ gong du ma khyab ste/ spyir sems tsam pa'i lugs la rang ngos nas grub pa dang yod pa tsam don gcig yin gyi/ de dang rang mtshan gyis grub ba don mi gcig la/ 'on kyang ming brda 'jug pa'i gzhir rang ngos nas grub pa dang/ der rang mtshan gyis grub pa don 'dra yi/ der yod pa tsam la der rang ngos nas grub pas ma khyab pa'i phyir/ der thal/ ming brda 'jug ba'i gnas su zhes pa'i rnam dbye bdun pa'i tshig gi nus pas der rang ngos nas tshur grub na ming brdas phar btags pa la mi ltos dgos pa'i phyir/ de'i rgyu mtshan gyis stong thun las/ ming gang la 'jug pa'i gnas su nam mkha' dang myang 'das sogs rang gi gnas tshod kyi dbang gis grub par mdo sde pa 'dod/ ces dmigs kyis bkar nas gsungs pa yin pa'i phyir/ yang la lan re/ mdo sde pas kun btags rang mtshan gyis ma grub par khas len kyang de ltar rtogs pa ma yin par thal/ kun btags rang mtshan gyis ma grub par rtogs na rang 'dzin rtog pa'i zhen gzhir rang mtshan gyis ma grub par rtogs dgos pa'i phyir/ der thal/ thar lam gsal byed las/ spyis stong par nges na bye brag gis stong par nges pa'i khyab pa grub bo/ /zhes gsungs pa'i phyir dang/ de tha snyad tsam du'ang rang mtshan gyis ma grub par rtogs nas rang 'dzin @064b rtog pa'i zhen gzhir rang mtshan gyis grub ma grub the tshom za ba mi srid pa'i phyir/ zer na/ lung don de ltar ma yin par thal/ spyis stong bar nges na bye brag gis stong pas khyab pa 'grub tshul sgras stong par nges na dung sgras stong pas khyab pa grub pa dang/ gzhi der me med par rtogs na tsandan gyi me med par rtogs dgos pa lta bu spyi dang bye brag gi khyad par tsam las rang gi ngo bos stong tshul la khyad med pa rnams yin gyi/ rang mtshan gyis grub pa dang rang 'dzin rtog pa'i zhen gzhir rang mtshan gyis grub pa gnyis ni tshig la rang mtshan zhes pa tsam 'dra'ang don gyi spyi blo dor 'char tshul shin tu mi 'dra ba'i phyir/ khyod rang la gzhi bum pa lta bu cha bcas dang mi rtag pa gang rung du nges na rtag gcig rang dbang can du grub pas stong par nges dgos par thal/ de mi rtag par rtogs nas mi 'jig pa'i rtag pa yin min dang/ cha bcas su rtogs nas cha med kyi gcig pu yin min the tshom za tshul med pa'i phyir dang/ spyir cha med kyis stong pa rtogs na bye brag cha med sogs khyad par gsum ldan gyis stong pa'ang rtogs dgos pa'i phyir/ rtags khas/ bum pa kha zhabs sogs kyi cha dang bcas par rtogs na bum pa rtag gcig rang dbang can du grub pas stong pa rtog dgos pa dang/ sems can yin na rtag gcig rang dbang can gyi stong pa rtogs pas khyab par thal lo/ /gzhan yang mdo sde pas kun btags rang mtshan gyis ma grub ba rtogs kyang rang 'dzin rtog pa'i zhen gzhir rang mtshan gyis ma grub pa rtogs mi @065a @#/ /dgos par thal/ des kun btags dngos med du rtogs pa gang zhig /de ltar na spyi mchan du rtogs dgos la/ spyi mtshan du rtogs na rang mtshan gyis ma grub pa rtogs dgos pa'i phyir/ 'di nyid las/ zhen yul gyi rang ldog rang mtshan gyis grub pa 'gog na rjes dpag tshad ma'i gzhal bya spyi mtshan dngos por med pa mdo sde bas grub zin pas mi 'thad do/ /zhes gsungs pa'i phyir/ khyab ste/ des zhen yul gyi rang ldog rang mtshan gyis ma grub pa rtogs zin ba'i sgrub byed du de spyi mtshan dang dngos med du rtogs zin pa bkod pa de chos can kun btags la'ang 'dra ba'i phyir dang/ der ma zad khyod ltar na mdo sde bas rtog pa'i zhen yul gyi rang ldog kyang rang mtshan gyis ma grub pa ma rtogs par thal/ rang mtshan gyis ma grub par rtogs na rang 'dzin rtog pa'i zhen gzhir rang mtshan gyis ma grub pa rtogs dgos pa gang zhig /de chos kyi bdag med phra mo yin pa'i phyir/ 'dod na/ rang 'dzin rtog pa'i zhen gzhir rang mtshan gyis ma grub pa'i don zhen yul gyi rang ldog rang mtshan gyis ma grub pa la byas chog par thal/ de la mdo sde pas grub zin grub par thal pa'i skyon mi 'ong ba'i phyir te/ mdo sde pas de brub ma zin pa'i phyir/ des zhen yul gyi rang ldog bden par ma grub pa'i don du dgongs pa 'grel pa'ang khegs so; ;byas pa la kho na re/ mdo sde pas de'i zhen yul gyi rang ldog rang mtshan gyis grub par 'dod par thal/ de'i zhen yul yin pa'i cha de rang mtshan gyis grub par 'dod pa'i phyir/ 'di nyid las/ gzugs la sogs pa brda 'dogs pa'i gnas dang rtog @065b pa'i zhen gzhi yin pa de rang gi mtshan nyid kyis grub pa la skyon der mi 'gyur ro/ /zhes nyan thos sde pa dag smra mod kyang 'dra'o zhes gsungs pa'i phyir na ma khyab ste/ rtog pa'i dngos yul sgra don gyi spyi'i snang bde nyid don de'i ngo bor dang mtshan gyis grub na brda 'grel la mi ltos pa'i skyon yod kyang/ gzugs rang nyid gzugs 'dzin rtog pa'i zhen gzhi yin par rang mtshan gyis grub pa la skyon der mi 'gyur zhes pa'i don yin pa'i phyir/ gzhan yang mdo sde pas kun btags rang mtshan gyis ma grub par rtogs par thal/ des kun btags rtogs pa'i phyir/ khyab ste/ rtog pas btags tsam kun btags kyi mtshan nyid yin pa gang zhig /de rtogs na tsam sgra'i don rang mtshan gyis grub pa bkag nas rtogs dgos pa'i phyir/ de la kho na re/ rang rgyud pas kyang kun btags rang mtshan gyis ma grub pa rtogs par thal/ des kun btags rtogs pa'i phyir/ 'dod mi nus te/ kun btags rang mtshan gyis grub par dam bca' ba'i grub mtha' smra ba yin pa'i phyir zer na/ rang rgyud pa rnams kun btags kyang thal 'gyur ba'i lugs kyi rang mtshan der 'dzin pa smos mi dgos la/ sems tsam pa ltar gyi rang mtshan der 'dzin mi 'dzin dpyad par bya ba cung zhig yod de rang rgyud pa'i skabs su bshad par bya'o/ /des na thal 'gyur ba dang sems tsam pa gnyis kun btags rang mtshan gyis ma grub ces zer ba dang/ rtog pas btags tsam yin zhes zer ba 'dra'ang tsam sgras gcod tshul dang rang mtshan gyis ma grub tshul khyad che ste/ mdo sems gnyigs kun btags sems tsam ba'i lugs kyi @066a @#/ /rang mtshan der ma grub par 'dod kyang/ thal 'gyur ba'i lugs kyi rang mtshan der grub par 'dod pa'i phyir/ der thal/ de ming brda lam ltos par rang ngos nas ma grub par 'dod kyang spyir rang ngos nas grub par 'dod pa'i phyir/ 'di nyid las/ thal 'gyur bas yod pa rnams ming gi tha snyad kyi dbang gis bzhag pa dang ches mi mthun pas rang gi mtshan nyid kyis yod med kyi don yang mi mthun no/ /'on kyang 'di'i rang mtshan gyis grub par 'dzin pa yod na thal 'gyur ba'i rang mtshan gyis grub par 'dzin pa'ang yod la/ gzhi 'ga' zhig snga ma ltar mi 'dzin kyang phyi ma ltar 'dzin pa ni yod do/ /zhes dang/ thal 'gyur ba'i thad las kyang/ btags gzhi btsal na mi rnyed par mi 'dod pas 'di pas bshad pa'i rang mtshan gyis grub par 'dzin pa yod do/ /zhes gsungs pa'i phyir/ khyab ste/ des dgos pa gcod pa kun btags la byed dgos pa'i phyir/ lung snga ma'i don la'ang kha cig/ /gzhi de sems tsam pa'i lugs kyi rang mtshan gyis grub par 'dzin pa'i blo yin na thal 'gyur ba'i lugs kyi rang mtshan gyis grub par 'dzin pa'i blo yin pas khyab kyang/ thal 'gyur ba'i lugs kyi rang mtshan gyis grub par 'dzin pa'i blo yin na sems tsam pa'i lugs kyi rang mtshan der grub par 'dzin pa'i blo yin pas ma khyab ces pa'i don yin zer ba mi 'thad de/ kun btags sems tsam pa'i lugs kyi rang mtshan gyis grub par 'dzin pa'i blo de log shes dang/ thal 'gyur ba'i lugs kyi rang mtshan gyis grub par 'dzin pa'i @066b blo de don mthun yin pas de gnyis gzhi mthun du 'gro tshul med pa'i phyir/ des na sems tsam pa'i lugs kyi de la thal 'gyur ba'i lugs kyi de'i 'dzin tshul tshang dgos la/ thal 'gyur ba'i lugs kyi de la sems tsam pa'i lugs kyi de'i 'dzin tshul tshang mi dgos pa'i don yin pa sogs yig char gsal ba ltar yin no/ /byas pa la/ 'o na/ kun btags ming brdas bzhag pa la ma ltos par rang ngos nas grub par 'dzin pa'i blo de la kun btags rang ngos nas grub pa'i 'dzin pa'i 'dzin tshul tshang bar thal/ lung don 'thad pa'i phyir/ 'dod na/ de chos can/ khyod kyis kun btags rang ngos nas grub par 'dzin par thal/ 'dod pa'i phyir na/ ma khyab ste/ kun btags rang ngos nas grub pa de'i 'dzin stangs kyi yul ma yin pa'i phyir; der thal/ de'i 'dzin stangs kyi yul med pa'i phyir te/ log shes yin pa'i phyir/ khyod rang bzugs gzugs 'dzin tshad ma las rdzas gzhan du yod par 'dzin pa'i rtog pa chos can/ khyod kyis gzugs yod par 'dzin par thal/ khyod la yod pa'i 'dzin tshul tshang pa'i phyir/ der thal/ yod pa'i 'dzin tshul gyi steng du lhag par sgro btags nas 'dzin pas yod mthar lta ba dang der lhung ba sogs su bshad pa yin pa'i phyir/ 'dod mi nus te/ gzugs yod pa de'i yul gang yang ma yin pa'i phyir/ yang kho na re/ de chos can/ blo don mi mthun ma yin par thal/ khyod la don mthun gyi 'dzin tshul tshang ba'i phyir/ der thal/ yod ba'i 'dzin tshul tshang ba'i phyir na/ ma khyab/ de'i 'dzin tshul la phyin ci log gis ma bslad pa'i don mthun @067a @#/ /gyi cha cung zad kyang med pa'i phyir/ der thal/ rgyal dbang blos/ ser po la 'khrul zhing dbyibs lam 'khrul pa'i 'dod pa'i don thob pa'i phyir mngon sum nyid du rnam par bzhag go /zhes log shes yin kyang 'dzin tshul la don dang mthun pa'i cha gcig yod par bzhed pa dang/ chos mchog gi 'thad ldan chung ba las/ log shes yin na shing dang ji ltar phrad ce na/ cung zad kyang phrad pa med de/ zhes dang/ de bas na log ba'i shes pa gang yin pa de las ni don grub ba ma yin la/ zhes de'i 'dzin tshul la don dang phrad pa'am mthun pa'i cha cung zad kyang med par bzhed pa'i lugs gnyis byung yang phyi ma 'thad pa rje yab sras kyi dgongs pa yin pa'i phyir/ tshad ma mdo'i dar TIka las; bdag nyid chen po rnams kyi bsam pa rig par dka' mod/ 'dren ba dam pa rnams phyi ma 'thad par bzhed pas phyi ma ltar khas blang bar bya'o/ /zhes gsungs pa'i phyir/ 'di mdo sde pa dang thun mong ba'i lugs gtso bor byas pa yin la/ sems tsam pa'i lugs la rgyal dbang blo'i bzhed tshul de'ang mi rung ba cher med par le'u gnyis ba'i mtha' dpyod du gsungs so/ /kha cig na re/ gzhan dbang skye ba ngo bo nyid med pa'i don/ gzhan dbang gzhan dbang las mi skye ba la bshad pa yig char bkag pa mi 'thad par thal/ de'i don de la byed dgos pa'i phyir/ der thal/ dgongs 'grel las/ bdag nyid kyis ma yin pas/ de'i phyir de ni skye ba ngo bo nyid med pa nyid ces bya'o/ /zhes dang/ bsdu ba las/ rang mi @067b skye ba ni skye ba ngo bo nyid med pa nyid ces bya/ zhes gsungs la/ 'di nyid las kyang/ bdag nyid kyis ma yin pas zhes bya ba ni bdag nyid kyi skye ba'o/ /zhes gsungs pa'i phyir na/ shin tu ma khyab ste/ lung de rnams su bdag nyid kyis ma yin zhes dang/ rang mi skye ba zhes gsung gi/ bdag nyid las mi skye ba dang/ rang las mi skye ba zhes ma gsungs pa'i phyir/ dper na rgyal po'i pho brang lta bur gzhan gyis 'khrid dgos pa la gzhan sus kyang ma khrid par zhugs na rang dbang du zhugs pa'am rang nyid zhugs zhes zer ba bzhin/ rgyu rkyen yod med gang la'ang ma ltos par rang nyid rang dbang du skye ba la 'dod rgyal gyis skye ba'am ngo bo nyid kyis skye ba'am ngo bo nyid kyis skye ba zhes zer zhing/ de rgyu med las skye tshul rgyang 'phen gyi 'dod pa lta bu yin/ mtha' bzhi'i nang gi bdag skye ni rgyu rkyen zhig la ltos pa gzhir bzhag ste/ rang dang ngo bo gcig pa'i rgyu las skye 'am ngo bo tha dad pa'i rgyu las skye dpyad de ngo bo gcig pa'i rgyu las skye bar bzhag pa grangs can pa'i lugs lta bu yin pas ches mi 'dra ba'i phyir/ des na skye ba ngo bo nyid ces pa gzhan dbang gzhan dbang las skye ba lta bur 'dod mkhan des ngo bo nyid kyi skye ba zhes pa bdag skye la byed 'dod par snang mod/ bdag skye'ang bum pa bum pa las skye ba la mi zer gyi/ rang dang bdag nyid gcig pa'i rgyu las skye ba la zer ro// 'on kyang bye smras rang dang bdag nyid gcig pa'i rgyu las skye ba khas len pa ni dus mnyam la bsam gyi/ sa bon gyi dus na myu gu'ang mngon par mi gsal ba'i tshul gyis yod pa de 'dra mi 'dod pas bdag skye'i don med do/ /rgyu 'bras gcig gcig gi @068a @#/ /dus na de dang de'i ngo bor med na sems can su'ang sangs rgyas kyi ngo bor grub dus med dgos pas/ da ltar yod kyang grangs can dang mi mtshungs te/ 'dir de'i tshe de yin pa tsam la bsam zhing/ grangs can gyis ? gu'i dus na yod pa'i myu gu'i rang bzhin de ga myu gu'i rgyu dus na'ang yod dgos kyi/ gzhan du 'brel med pa las 'byung bas bye ma las kyang snum 'byung bar thal ba 'phen pa sogs rnams 'grel le'u dang por/ gal te ldog ba spangs pa yi/ /zhes sogs ltar yin pas 'di dang ches mi mtshungs so/ /'dir chos rnams kyi skye ba ngo bor nyid med pa zhes 'byung bas 'dus ma byas rnams kyang chos rnams zhes pa'i dngos bstan tsam yin la/ skye ba ngo bo nyid med pa'i don tshang mi dgos zhes yig cha'i sgras zin la gsungs kyang/ 'og tu 'dus ma byas la gzhan dbang dang skye ba ngo bo nyid med pa btags pa tsam 'jog tshul rigs 'gre sbyor dgos sam dpyad par bya'o/ /zhes kha tshon ma bcad pa'i dgongs pa btsal dgos so/ /yang kha cig na re; yig char skye ba ngo bo nyid med pa'i don rang gi mtshan nyid kyis grub pa'i skye ba med pa la byed par thal/ ngo bo nyid med par smra ba thal rang gnyis kyis de ltar bshad pa'i phyir na ma khyab/ ces gsungs pa mi 'thad par thal/ /thal rang gnyis kyis de ltar mi 'dod pa'i phyir/ der thal/ thal 'gyur ba'i de'i don sems tsam bas bzhag pa ltar yin par 'dod pa gang zhig /rang rgyud pa ltar na bden grub kyi skye ba med pa la byed dgos kyi/ rang mtshan gyis grub pa'i skye ba med na skye ba gtan med @068b yin dgos pa'i phyir/ zer na/ snga ma grub cing phyim ma khyab bo/ /byas pa la/ dang po grub ste/ thal 'gyur pa rnams dgongs 'grol las gsungs pa'i ngo bo nyid med pa gsum gyi don sems tsam bas bshad pa ltar yin par bzhed pa'i phyir na/ ma khyab ste/ des dgongs 'grel sems tsam ba'i rang gzhung du bzhed pas/ de las gsungs pa'i mtshan nyid gsum dang ngo bo nyid med pa gsum gyi 'jog tshul sems tsam pa rnams kyis 'dod pa ltar yin kyang/ rang lugs de dang sgo mi bstun par 'jog dgos pa'i phyir/ 'jug par rang 'grel las/ 'phags pa blo gros mi zad pa la sogs pa'i mdo sde dag las rgya cher bstan pa'ang rtog bar bya'o/ /phyogs tsam zhig ni brjod par bya ste/ zhes sogs dang/ dgongs pa rab gsal las/ dgongs 'grel las ngo bo nyid gsum bshad pa drang don du 'grel na rang lugs kyis de gsum 'jog tshul ji ltar yin snyam pa la de'i phyogs tsam ston pa'o/ /zhes gsungs shing/ 'di nyid las kyang/ dgongs 'grel gyi mtshan nyid gsum gyi rnam gzhag rnal 'byor spyod pa'i lugs su 'chad na/ zhes dang/ dgongs 'grel gyis bzhag pa dang mi mthun yang ting nge 'dzin rgyal po dang blo gros mi zad pas bstan pa dang mthun no/ /zhes gsungs pa'i phyir; de ltar na dgongs 'grel las gsungs pa'i skye ba ngo bo nyid med pa'i don rang dbang du mi skye ba la sems tsam pas 'dod pa ltar yin kyang/ thal 'gyur ba rang lugs kyi skye ba ngo bo nyid med pa'i don ni/ ma bros pas zhus pa las/ @069a @#/ /gang zhig rkyen las skyes pa de ma skyes/ /de la skye ba'i rang bzhin yod ma yin/ /zhes dang/ lang gshegs las/ blo gros chen po/ rang bzhin gyis ma skyes pa la dgongs nas sangs chos thams cad ma skyes par gsungs so/ /zhes dang/ sher phyin brgya lnga bcu par yang/ chos rnams thams cad stong pa ste/ /rang bzhin med pa'i tshul gyis so/ /zhes sogs la brten nas rang bzhin gyi skye ba med pa la byed pas 'dir yang de nyid gsungs pa yin no/ /de ltar min na thal 'gyur ba'i lugs la dgongs 'grel nges don gyi mdo yin par thal/ des rang gi mtshan nyid kyis grub pa'i ngo bo nyid med pa dang/ rang bzhin gyi skye ba med pa la sogs gtso bor dngos su ston pa'i phyir/ 'dod mi nus te/ grub mtha' rtsa bar/ thog mtha' drang don bar ba nges pa'i don/ /zhes gsungs pa'i phyir/ gong gi rtags zur gnyis pa'ang mi 'thad de/ rang rgyud pa rnams mdo sde dgongs 'grel rang gzhung du byed pas de'i skye ba ngo bo nyid med pa'i don yang sems tsam pa dang mi 'dra bar bden grub kyi skye ba med pa la byed cing/ rang rgyud pa'i gzhung rnams su bden grub la rang bzhin gyis grub pa'i ming gis bshad pa'ang mang bas de dang bstun nas btags pa tsam yin pa'i phyir/ mdo sde spyod pa'i thad kyi legs bshad snying po las/ gzhan dbang bden par grub na ji ltar snang ba ltar grub dgos pas sgyu ma bzhin du mdo las gsungs pa mi 'thad par bzhed pas de rang bzhin gyis stong pa dgongs 'grel gyi don du 'chad pa'o/ /zhes dang/ rnal 'byor spyod pa'i 'thad las @069b kyang; skye ba ngo bo nyid med par bshad pa ni mkhas pa rnams brten nas 'byung ba gang yin pa de rang bzhin stong pa nyid do zhes 'dod pas/ zhes gsungs pa'i phyir/ des na rang bzhin gyis med pa zhes bshad tshad thal 'gyur ba ltar gyi dgag bya phra mo der byed mi dgos te/ 'di nyid las/ tha snyad du yod pa la'ang de'i ngo bo nyid dang rang bzhin dang de'i rang gi mtshan nyid sogs su thal 'gyur ba'i gzhung nas bshad pa'ang mang la/ rang gi ngo bo nyid kyis ma grub pa dang ngo bo nyid kyis ma skyes pa dang rdzas su ma grub pa la sogs pa slob dpon 'di'i gzhung na'ang mang bas dbye dka' bar snang/ zhes gsungs pa'i phyir/ skabs 'dir rje bdag nyid chen po dang kun mkhyen bla mas rang bzhin med pa zhes gsungs pa ni gzhan gyi shan shor ba min gyi/ rang rgyud pa'i rang gzhung mang por de ltar gsungs pa la brten pa yin cing/ de dag gis de ltar gsungs pa ni mdo las rang bzhin gyis skye ba med par gsungs pa rnams bden grub kyi skye ba med pa'i don du drangs pa'i ched yin pa'i phyir/ 'di nyid las/ mdo gzhan las ngo bo nyid las skye ba dang rang bzhin gyis skye ba med par gsungs pa dang don gcig tu slob dpon 'di bzhed la/ de nyid don dam par skye ba med pa'i don du bzhed do/ /zhes gsungs pa'i phyir/ des na bdag nyid chen po rnams kyis don dam par skye ba med pa la rang bzhin gyis skye ba med pa'i sgras bstan pa ni/ mdo'i sgras zin gyi don gzhan du 'grel ba'i tshul rtogs pa'i phyir yin pa shes par bya'o/ /don dam pa ngo bo nyid med pa la 'jog tshul gnyis gsungs pa'i don dam dngos ni phyi ma yin la/ snga ma n @070a @#/ /dogs pa gcod pa'i yan lag tsam yin no byas pa la/ kha cig na re/ 'jog tshul dang po'i don dam pa ngo bo nyid med pa'ang stong nyid yin par thal/ gzhan dbang bar chad med lam gyi gzigs ngor ma grub pa stong nyid yin pa'i phyir nam phyag dmigs ba mthar thug tu ma grub pa de'i don yin pa'i phyir na'ang ma khyab/ 'o na gzhan dbang don dam bden par ma grub pa stong nyid yin par thal/ ye shes dam ba'i don zhes pa de yin pa'i phyir/ khyab pa 'grig/ 'dod mi nus te/ gzhan dbang don dam bden ba dang stong nyid du 'dzin pa'i bdag 'dzin mi srid cing/ de ma yin par rtogs pa la stong nyid rtogs mi dgos la/ gzhan dbang phyi rol don du grub ma grub dpyod pa'i dpyad bzod du mdo sde pas kyang 'dzin cing/ de'i stong ba rtogs pa'ang stong nyid rtogs dgos bas mi mtshungs pa'i phyir/ gzhan dbang rnam dag lam gyi dmigs ba mthar thug tu 'gyur snyam pa'i dogs pa che lugs kyang kun mkhyen chos 'byung gi gsung ltar na 'di'i dgos pa thal rang gnyis la 'byung ba ste/ de'ang sems tsam bar gzhan dbang rnam dag lam gyi dmigs par khas blangs pa'i steng nas bden grub kyi khas len yod pas/ de'i dmigs par bden par grub na de'i dmigs par grub pa'i grub lugs de don gyi sdod lugs mthar thug tu 'gro dgos pas dmigs pa mthar thug las 'os med cing/ kun btags dmigs ba tsam yin kyang rdzun par grub pas skyon med snyam pa yin la/ lan du de gnyis bden grub tu mtshungs kyang bsgoms na @070b bdag 'dzin dang 'dzin stangs 'gal ba'i sgo nas spong ma spong gi khyad yod de/ sgra dang sgra mi rtag pa sgra 'dzin mngon sum gyi snang yul du mtshungs kyang rang la dmigs rtag 'dzin ldog mi ldog gi khyad yod pa dang 'dra bar gsungs te legs par bshad pa'o; ;snang yul la zhib cha dgos/ 'di nyid las sgra mi rtag pa la dmigs pas sgra rtag 'dzin ldog kyang sgra la dmigs pas de mi ldog pa dper bkod pa'ang sgra dang sgra mi rtag pa gnyi ga de'i yul yin pa'ang mtshungs/ bden par grub pa'ang mtshungs kyang/ bsgoms pas rtag 'dzin ldog nus mi nus kyi khyad yod pa dper byas pa yin no/ /kha cig /de'i rgyu mtshan yod de/ chu nang du nyi zer phog ba'i 'od rtsig ngos su thol gyis byung ba na de nas shar ba'i nyams 'byung yang don la chu'i rang mdangs yin pa ltar/ don dam gtan la 'beb ba na phyi rol gyi yul snang rags pa log pa'i tshe sems las logs su mthong rgyu gzhan med pas sems don dam dpyod pa'i rnyed don mthar thug tu 'gyur snyam ba'i dgos pa che la sems tsam ba'i gzhung rnams su/ yang dag ma yin kun rtog yod/ /ces pa lta bu gzhan dbang ngos 'dzin pa'i tshe sems gtso bor byas pa mang bas gzhan dbang rnam dag lam gyi dmigs pa mthar thug tu 'gyur snyam pa'i dgos pa che zhes pa'i gzhan dbang yang sems la byed zer ro/ /mi 'thad de/ spyir sems kyi ngo bo tsam mthong ba de la sems tsam gyi lta ba rnyed bar 'dod mkhan dang/ der ma zad dbu ma'i lta ba mthar thug dang 'od gsal phyag rgya chen po'i lta ba'ang de @071a @#/ /la ngo sprod byed pa'i bod snga phyi mang po byung mod kyang/ sems tsam pa la de lta bu'i khas len med pas/ de'i lugs la 'brel med kyi dogs gcod de lta bu mdo las gsungs pa'i gnas med pa'i phyir/ der thal/ dgongs 'grel las/ ngo bo nyid de kho nas ngo bo nyid ma mchis ba nyid chos la bdag ma mchis pa de bzhin nyid rnam par dag pa'i dmigs pa gang lags pa de yongs su grub pa'i mtshan nyid lags/ zhes dgag bya bcad tsam gyi chos nyid khon rnam dag lam gyi dmigs par gsungs pa'i phyir dang/ theg bsdus las/ mi zhig mig ni btsums pa ltar/ /rnam rtog med pa'i shes de 'dra/ /zhes pa 'phags pa'i mnyam gzhag ye shes la dgag bya'i stong pa tsam las mi 'char bas snang med du bshad pa'i phyir/ nyan sa las kyang/ de'i tshe sems dgag pa lta bu snang mod kyi/ zhes sbyor lam la bshad na mthong lam lta ci smos pa'i phyir te/ theg bsdus kyi/ shes bya'i gnas dang mtshan nyid der 'jug dang/ /zhes pa'i 'jug tshul la/ drod rtse gnyis/ bzod mchog gnyis/ mthong lam rnams su 'jug tshul mi 'dra ba gsum so sor bshad pa ngos 'dzin rgyu yod pa'i phyir/ rin chen don grub kyi drang nges rnam 'byed las/ chos thams cad kyi steng gi gzhan dbang chos can/ khyod la don dam pa ngo bo nyid med pa zhes brjod pa'i rgyu mtshan yod de/ chos rnams kyi steng gi sgrib pa zad par byed pa'i dmigs pa mthar thug pa de don dam yin la/ khyod dmigs pa der ma grub pa'i rgyu @071b mtshan gyis de ltar brjod pa'i phyir zhes bshad do/ /snga ma mang pos chos thams cad kyi steng gi gzhan dbang la rang rang 'dzin pa'i tshad ma lta bu gzhan dbang dngos gnas re dgos par 'dod pa de'i dbang du byas pa yin na mi 'thad par slar 'chad par 'gyur la/ chos rang rang der bzhag nas de'i gnas lugs gtan la 'bebs pa'i tshe stong gzhi rang nyid dmigs pa mthar thug tu 'gyur snyam pa'i dgos pa che ba dang/ kun btags la dogs pa chung shes pa'ang kun btags spyi tsam ma yin par chos de dang de'i steng gi ngo bo dang khyad par la kun btags pa'i kun btags la byas na bshad rung tsam yin kyang dgongs pa rnal mar mi 'gro ste/ dmigs pa mthar thug ces pa 'dzin stangs la byed pas de'i dmigs yul yin na de'i 'dzin stangs kyi yul du 'gyur snyam pa'i dgos pa mi che ba'i phyir dang/ ngo bo dang khyad par la kun btags pa'i kun btags ni rigs pas 'gag bya'i gtso bor bshad pa la de'i bsgrub bya mthar thug tu 'gyur snyam pa'i dgos pa chung ngu tsam yang skye ba'i gnas med ba'i phyir ro/ /kha cig de la skyon 'phen pa na/ kun rdzob rnams rang gi steng gi rnam dag lam gyi dmigs pa mthar thug tu 'gyur ram snyam pa'i dgos pa sel dgos kyang chos nyid la de mi dgos te/ de rnam dag lam gyi dmigs pa mthar thug yin pa'i phyir/ zhes zer ro/ /de'ang mi 'thad par thal/ bum pa'i gnas lugs btsal ba'i tshe bum pa'i stong nyid de'i dmigs pa mthar thug tu 'gro'ang/ bum pa'i stong nyid kyi gnas lugs btsal ba'i tshe bum pa'i stong nyid de'i @072a @#/ /dmigs pa mthar thug tu mi 'gro ba'i phyir/ byas pa la kho na re/ stong pa nyid stong ba nyid rtogs pa'i ye shes chos can/ stong nyid khyod kyi rnyed don yin par thal/ khyod stong nyid rtogs pa'i ye shes yin pa'i phyir na 'dir ma khyab; 'dod mi nus te/ stong nyid stong nyid kyi steng gi dam ba'i don dam pa ma yin pa'i phyir/ der thal/ de'i steng gi yongs grub ma yin pa'i phyir te/ de'i steng gi gzhan dbang yin pa'i phyir/ sgom bde'i yig cha sogs su kun btags la dogs pa chung zhing gzhan dbang la dogs pa che ba'i rgyu mtshan yod de/ dgongs 'grel las gzhan dbang stong gzhir bzung yang kun btags sogs 'dus ma byas rnams stong gzhir ma bzung pa'i phyir/ zhes 'byung ngo/ /'dus ma byas stong gzhir ma bzung ba mi 'thad par thal/ dgongs 'grel las/ khams bco brgyad po dag gi khams re re la'ang de bzhin lags so/ /zhes chos khams sogs stong gzhir bzung ste de la sgro btags pa'i kun btags dang/ de bkag pa'i stong pa yongs grub tu bshad pa las lhag pa'i stong gzhir 'dzin lugs med pa'i phyir/ kho na re/ de'i gzhan dbang stong gzhir bzung ba yin gyi/ kho rang stong gzhir bzung ba min zer/ 'o na/ khams bco brgyad po gang yang stong gzhir bzung bar mi 'gro bar thal/ chos khams la de ltar bstan pas kho rang stong gzhir bzung bar mi 'gro ba gang zhig /de dang gzhan rnams stong lugs khyad med pa'i phyir/ 'dod na/ skabs don stor bar 'gyur ro/ /yang kha cig/ gzhan dbang la dogs pa chel/ @072b kun btags la chung ba'i rgyu mtshan gzhan dbang gi chos nyid stong nyid yin la/ kun btags kyi chos nyid ma yin pa'i rgyu mtshan gyis yin zer ba ni/ stong nyid bcu drug med par thal ba sogs kyis 'gog tshul dang/ 'di las 'phros te yig cha rnying par/ rang rgyal gyi mthong lam bar chad med lam 'gog ba chos bzod du song ba'i yul la 'gog bden rang 'dzin rtog pa'i zhen gzhir rang mtshan gyis grub pas stong pa 'jog pa dang/ 'gog bden phyi rol don 'dzin gyi blo lhan skyes med pa dang/ 'gog bden rang rkya thub pa'i rjas yod kyis stong pa de chos bzod du song pa'i yul la mi 'jog par bshad pa gsum ga khas blangs mi rung pa'i tshul sogs yin cha ltar ro/ /'jog tshul gnyis pa'i don dam pa ngo bo nyid med pa'i don 'jog tshul la mi 'dra ste/ gong du mtshan nyid ngo bo nyid med ces pa'i med rgyu'i mtshan nyid mi 'dra ba dang/ skye ba ngo bo nyid med pa'i med rgyu'i skye ba'ang rgyu med las skye ba dang chos bdag gi skye ba la byed tshul gyi lugs mi 'dra ba re re bkod pa bzhin/ ngo bo nyid med pa gsum pa'i skabs su don dam pa'ang yin la/ dgag bya'i bdag gi ngo bo nyid bkag tsam gyis rab tu phye ba yin pas don dam pa ngo bo nyid med bzhes bshad pa sems tsam pa'i lugs dang/ chos can gzhan gyi steng gi dgag bya bkag tsam gyi don dam yin par ma zad/ chos nyid rang gi ngo bo'ang don dam par grub pa med pas don dam pa ngo bo nyid med pa zhes bshad ba dbu ma pa'i lugs gnyis mi mtshungs pa'i phyir/ 'di nyid las/ yongs grub 'di ni chos rnams kyi bdag gi ngo bo rnam par bcad pa tsam yin pas chos rnams kyi don dam pa ngo bo nyid @073a @#/ /med pa zhes gsungs kyi/ dgag pa'i rang gi ngo bo la rang gi mtshan nyid kyis grub pa med pas ngo bo nyad med par mi bzhed ba'i lugs so/ /zhes gsungs pa'i phyir/ yig char/ thal rang gnyis kyis de ltar bshad kyang skabs 'dir sems tsam pa'i lugs yin pas/ zhes 'byung ba ltar/ don dam pa ngo bo nyid med pa'i sgra bshad tshul phyi ma 'di thal rang gnyigs bzhed kyang gtso bor thal 'gyur pa'i lugs yin la/ rang rgyud pa rnams dgongs 'grel dang sgo bstun nas sgra bshang tshul snga ma'ang rang lugs su khas len pa'i phyir/ dbu ma snang ba las/ de'ang tshad mas yang dag par grub pa'i bdag nyid kyis don dam pa zhes kyang bya la/ ngo bo nyid med pas rab tu phye ba'i phyir ngo bo nyid med pa nyid kyang yin no/ /de'i phyir 'di ni don dam pa ngo bo nyid med pa yin no/ /zhes gsungs pa'i phyir/ dgongs 'grel las don dam pa ngo bo nyid med pa'i don dgag bya bcad tsam gyi med dgag la gsal bar gsungs kyang/ jo nang bas de las bzlog nas sgrub ba rang dbang pa'i ngo bo rtag brtan ther zug rgyu rkyen gyis 'du ma byas pa/ stobs sogs kyi yon tan thams cad rang chas su ldan zhing 'khor ba'i chos thams cad kyis stong pa'i zag med ye shes shig tu 'dod de/ nges don rgya mtshor/ dag pa ye shes kyi kun gzhi 'khor ba'i chos thams cad kyis stong bas gzhan stong rtag brtan g.yung drung ther zug dang/ zhes dang/ yang des brtsams pa'i bka' bsdu bzhi par/ chos 'khor gsum par gsungs pa'i zab mo kun/ /kun rdzob ma yin don dam bden pa yin/ /mi rtag ma yin rtag brtan @073b ther zug yin/ /kun btags ma yin yongs grub ye shes yin/ /dngos smra ma yin dbu mchen po yin/ /zhes dang/ rtag pa 'dus ma byas kyi ye shes dang/ /rtag pa 'dus ma byas kyi rgyal ba lnga/ /rtag brtan ther zug g.yung drung rig ma lnga/ /zhes dang/ yang nges don rgya mtshor/ gang gis dag pa ni kun btags gzhan dbang gang yin pa kun rdzob kyi gzugs la sogs pas dag pa ste/ zhes snying po'i mdo bcur grags pa rnams kyi tshig ris la 'khrul nas bde gshegs snying po de nyid zag med ye shes dang/ yongs grub rtag brtan ther zug pa mtshan dpe sogs sangs rgyas kyi chos rnams dang yang rang chas su ldan par 'dod de/ rgyud bla mar/ lus can la yong zag pa med pa'i shes ba sbrang ma'i rtsi dang 'dra/ /zhes pa zag med ye shes dngos su 'khrul pa yin zhing/ de nyid gzugs sku rgyal ba lnga sogs kyi bdag nyid du smra ba ni/ 'dis dag ba'i bdag ces btags ba sngar gyi ye shes de'i steng du kun rdzob rnams bkag pa na med dgag tsam ma yin par ye shes de nyid yin pa la mtshan dpes bkra ba'i stong gzugs kyi sku zhig 'dzin stangs su 'dod pas/ dus 'khor gyi chos skad cung zhig bsres pa yin te/ 'di la bsam nas rin chen tog gi dbang bo rdo rjer/ mtshan nyid theg par thun mong ma yin pa'i sngags sbyar nas bshad pa de 'dra dol po bam yin pa sngon chad ma byung zhes bshad do/ /kho na re/ des yongs grub dngos por khas len pa mi 'thad par thal/ dngos med du khas len pa'i phyir/ der thal/ stong thun las/ stong gzhi bde gshegs snying po dngos med de snyid gzhan dbang dngos po 'dus byas kyi tshogs kyis stong ba'i gzhan stong gzhung de dag gis @074a @#/ /bstan no snyam du bzung nas/ zhes gsungs pa'i phyir na/ mkhyab ste/ spyir bde gshegs snying po dngos med yin pa la dgongs pa'am/ de dag gis dngos por khas blangs kyang rgyu rkyen gyi 'du ma byas par 'dod pas dngos bo'i don med pa la dgongs pa'i phyir/ ye shes yin kyang rgyu rkyen gyis 'du ma byas bar 'dod pa'i rgyu mtshan nges don rgya mtshor mdo drangs pa las/ sangs rgyas thams cad kyis kun tu nan tan du btsal yang de bzhin gshegs pa'i snying po skyes pa ma brnyes te/ sems can thams cad la sangs rgyas kyi dbyings ma skyes pa mtshan dang dpe byad bzang po mtha' yas bas brgyan pa'i dbyings yod do/ /zhes chos sku'i yon tan thams cad thog med nas rang chas su yod pas sngar med pa gsar du skye rgyu med la/ 'on kyang sems can gyi dus na dri mas bsgribs pa dang/ sangs rgyas tshe sgrib byed dang bral ba tsam gyi khyad par yin par 'dod pa'i phyir/ 'di dag gis gzhi 'bras ngo bo dbyer med dang/ mthar thug gi yon tan 'chad pa'i tshe bral ba dang bskyed pa'i 'bras bu zhes brda sbyor tshul mi 'dra bar byed pa'i rgyu mtshan yang 'di la thug pa yin no/ /gong du 'dod mi nus te/ des dngos por khas len par ma zad rtag dngos gnyis ga'i gzhi mthun du khas len pa'i phyir/ der thal/ rtag pa rang byung dang zag pa med pa'i ye shes kyi ngo bo gnyi gar khas blangs pas nang pa sangs rgyas ba'i lugs las brgal zhing/ rang gis tshad mar byed rgyu'i gzhung thams cad dang rgyab 'gal du song ba yin pa'i phyir/ sgra tshad pa rin chen rnam rgyal gyi @074b bde gshegs snying bo'i mdzes rgyan las/ ye shes kyi ngo bo rtag pa yin kyang rkyen la ltos nas don byed na/ 'di ni grangs can pa dang dpyod pa gnyis kyi gzhung brtsugs pa yin pas rigs pa'i dbang phug rnam gnysi kyis rgyas par bkag zin to/ /zhes dang; sdom gsum rab dbyer/ kha cig grangs can lugs bzhin du/ /yod ba'i dge ba zhes bya ba/ /rang byung du ni grub par 'dod/ /de la bde gshegs snying po zer/ /zhes dang/ kar lan klu sgrub dgongs rgyan las/ rnam 'grel las bshad pa'i lta ba de thogs med sku mched bzhed pa'i dbu ma chen po'i lta ba yin na/ rnam 'grel dbu ma chen po'i bstan bcos su bzhed dgos shing de ltar bzhed pa'ang 'dug pas/ gzung 'dzin gnyis med kyi ye shes rtag dngos su bzhed pa nang 'gal te/ zhes sogs gsungs pa'i phyir/ gzhan yang jo nang bas stong nyid bden grub dang sgrub pa rang dbang bar 'dod par thal/ des bden grub bcad tsam gyi med dgag ni stong nyid dngos ma yin chad steng du 'dod pa'i phyir/ der thal/ de'i rgyu mtshan gyis 'khor lo bar pa chad stong de tsam zhig bstan pas sgra ji bzhin pa min la/ 'khor lo thams gzhan stong bden grub bstan pas nges don du 'dod pa'i phyir/ kar lan las/ yum rgyas 'bring bsdus gsum las chad stong med dgag tsam zhig bstan gyi/ sngar bshad pa'i gzhan stong chen mo bden grub de ma bstan par bzhed pa dang/ zhes gsungs pa'i phyir/ de'i rgyu mtshan gyis 'khor lo bar par bden med du gsung rgyu'i chos kyi nang na don dam bden pa zhig med par 'dod de/ stong thun las/ don @075a @#/ /dam ma chud par kun rdzob 'ba' zhig rang bzhin med par bstan pa'o zhes smra ba ni/ zhes gsungs pa'i phyir/ 'dod tshul de ni 'di nyid las/ stong pa nyid dang chos kyi dbyings dang de bzhin nyid la sogs pa don dam pa'i rnam grangs thams cad smos nas de dag la ngo bo nyid med par gsungs pas/ mdo sde de dag las chos rnams ngo bo nyid med par gsungs pa'i chos kyi nang na don dam med do zhes sems dang ldan pa su zhig smra/ zhes gsungs pa bzhin mngon sum la bsnyon gdeng ba khon yin no/ /'di la jo nang pa na re/ der chos kyi dbyings sogs rnam grangs du ma'i sgo nas smos pa dang/ stong nyid bcu drug dang nyi shu sogs kyi dbye ba byas te nge thams cad rang bzhin med par gsungs pa ni rang stong med dgag de nyid la rnam grangs dang dbye ba dum byas te bden med du bstan pa yin gyi/ gzhan stong chen mo la de 'dra'i dbye ba byas nas rang bzhin mad par bstan pa min pas klan ka de kho rang la mi 'jug ces zer ro/ /'on kyang des skyon spong mi nus par thal/ dgongs 'grel dang thogs med sku mched kyi gsung sgra ji bzhin bar khas len kyang/ sher mdo las stong nyid bden med du ma bstan par 'dod pa nang 'gal kho na yin pa'i phyir/ der thal/ dgongs 'grel sogs nas gsungs pa'i don dam ba ngo bo nyid med pa dang yongs grub de kho rang lugs kyi gzhan stong chen mo la byed na/ ngas chos rnams kyi ngo bo nyid med pa rnam pa gsum po 'di lta ste/ mtshan nyid ngo bo nyid med pa nyid dang/ skye ba ngo bo nyid med pa @075b nyid dang/ don dam ba ngo bo nyid med pa nyid la dgongs nas chos thams cad ngo bo nyid med pa'o zhes bstan to/ /zhes pa'i skabs kyi de la dgongs nas ngo bo nyid med par ston pa'i mdo 'khor lo bar pa las 'os med pa'i phyir/ gal te gzhan stong chen mo 'dir bstan 'khor yo bar ba'i dgongs gzhi yin kyang/ 'khor lo bar pas de rang bzhin med pa ston mi dgos snyam na/ gzhan stong chos can/ 'khor lo bar pas khyod bden med du gsungs par thal/ 'khor lo bar pa las khyod bden med du gsungs pa'i dgongs gzhi thun mong ma yin pa 'jog rgyu yod pa'i phyir/ der thal/ yongs grub don dam pa ngo bo nyid med pa de yin pa'i phyir/ der thal/ kun btags rnams rang bzhin med par gsungs pa de mtshan nyid ngo bo nyid med pa la dgongs pa dang/ gzhan dbang ngo bo nyid med par gsungs pa de skye ba ngo bo nyid med pa la dgongs pa dang/ yongs grub ngo bo nyid med par gsungs pa de don dam pa ngo bo nyid med pa la dgongs zhes mtshan nyid gsum so so'i steng nas ngo bo nyid med lugs thun mong ma yin pa re sbyar nas de'i dgongs gzhir 'jog dgos pa gang zhig /gzhan stong chen mo ni don dam pa ngo bo nyid med pa dang sbyor rgyu'i yongs grub de yin par khyod rang gis khas blangs pa'i phyir/ rtags zur snga ma grub ste/ sum cu ba las/ ngo bo nyid ni rnam gsum gyis/ /ngo bo nyid med rnam gsum la/ /dgongs nas/ zhes gsungs pa'i phyir/ khyab ste/ ngo bo nyid ni rnam gsum gyis/ ngo bo nyid ni rnam gsum zhes pa mtshan nyid ngo bo nyid la sogs pa gsum gyi ngo bor ma grub pa'i ngo bo nyi @076a @#/ /med pa gsum zhes kha cig zer yang/ de ltar ma yin par gzhan dbang la sogs pa'i mtshan nyid gsum gyi ngo bo nyid de rang rang la thun mong ma yin pa'i ngo bo nyid med lugs re yod pa de gsum dang sbyar nas dgongs pa len dgos kyi/ khyad ma phye bar rang bzhin gyis grub pa'i ngo bo nyid med mnyam du 'khor lo bar bas gsungs pa ltar khas len mi rung zhes pa'i don yin pa'i phyir/ sum cu pa'i 'grel pa blo brtan gyis mdzad pa las/ rang rang gi mtshan nyid kyis yod pa ltar gyur pa'i ngo bo nyid do/ /ngo bo nyid med pa rnam pa gsum ste/ zhes dang/ dul ba lhas mdzad pa'i 'grel bshad las/ gzhan gyi dbang la sogs pa'i ngo bo nyid rnam pa gsum gyis ngo bo nyid med pa rnams gsum la dgongs nas/ zhes gsungs ba'i phyir/ khyab ste/ 'dis sgrub phyogs nas gzhan dbang sogs ngo bo nyid gsum gyi sgras bstan pa de dgag phyogs nas ngo bo nyid med pa gsum du 'jog dgos shing/ de'i dgos ba'ang 'khor lo bar pa'i dgongs ba 'grel ba'i ched yin pa'i phyir/ des na yig char snga ma'i ngo bo nyid gsum phyi ma'i ngo bo nyid med pa gsum gyi mtshan gzhir bstan par gsungs pa'i dgongs pa'ang de yin no/ /de la'ang kho na re/ jo nang pa'i lugs la 'dir bstan 'khor lo bar ba'i dgongs gzhi 'grel mi dgos bar thal/ de'i lugs la 'dir bstan 'khor lo bar ba sgras zin sgra ji bzhin ba yin pa'i phyir/ der thal/ bar bas bden med du gsungs rgyu'i chos kyi nang na don dam med pa gang @076b zhig ;kun rdzob thams cad bden med du jo nang pa rang gis kyang khas len pa'i phyir te/ stong thun gyi lung sngar drangs pa de'i phyir zer na/ ma khyab ste/ der gzugs sogs bden grub bkag tsam don dam du bshad ba'i cha nas kyang drang don du 'grol/ chos la bden bar grub ma grub kyi dbye ba 'byed rgyu med par ma grub mnyam du bshad pa'i cha nas kyang drang don du 'gro bar bsam pa yin pa'i phyir/ jo nang pas chos nyid sgrub pa rang dbang bar bzhag pa ni/ dgongs 'grel las/ 'du byed rnams kyi bdag med btsam dang ngo bo nyid med ba tsam nyid don dam pa'i mtshan nyid yin par/ zhes dang/ chos thams cad kyang ngo bo nyid med pa nyid kyis rab tu phye ba yin pas/ zhes sogs rang gis khungs gtugs sa'i mdo rnams las dgag bya rnam par bcad tsam gyi med dgag tu 'jog par gsal bar gsungs pa dang rgyab 'gal du gyur tshul yig char 'byung ba bzhin no/ /kha cig na re/ 'jog tshul gnyis pa'i don dam pa ngo bo nyid med pa la chos kyi bdag med phra mos khyab zer na/ mi 'thad par thal/ dngos bstan gyi de la chos kyi bdag med bra mo dgos kyang shugs bstan la gang zag gi bdag med bra mo yod pa'i phyir/ der thal/ 'khor lo dang po'i dgongs gzhi gang zag gi bdag med kyi dbang du byas pa'i don dam pa ngo bo nyid med pa rgyus par bshad pa'i gzhung ngos 'dzin rgyu yod pa'i phyir/ byas pa la kho na re/ 'jog tshul gnyis pa'i don dam pa ngo bo nyid med pa la gang zag gi bdag med phra mo mi yong bar @077a @#/ /thal; de la yongs grub dgos shing gang zag gi bdag med phra mo yongs grub ma yin pa'i phyir/ der thal/ 'phags pa'i mnyam gzhag ye shes kyi 'dzin stangs kyi bdag med de la gnyis yod kyang yongs grub ni de'i nang gi chos kyi bdag med gcig pu yin pa'i phyir/ dbus mtha' las/ rnam dag spyod yul rnam gnyis te/ /gcig pu kho nar brjod pa yin/ /zhes gsungs pa'i phyir na/ /shin tu ma khyab ste/ lung don de ltar gtan ma yin pa'i phyir/ der thal/ rnam dag lam gyi spyod yul la dgag bya mi 'dra ba'i bdag med gnyis yod kyang/ de gnyi ga mtshan nyid gsum gyi nang nas yongs grub gcig pur 'jog dgos zhes pa'i don yin pa'i phyir/ blo brtan gyi dbus mtha'i 'grel bshad las/ rnam bar dag pa'i spyod yul 'di rnam pa gnyis ni yongs su grub pa'i ngo bo nyid gcig pus brjod de/ zhes gsungs pa'i phyir/ kha cig spyod yul zhes pa dmigs yul la byas nas rnam dag lam gyi spyod yul la gzhan dbang kun btags gnyis yod kyang 'dzin stangs kyi yul yongs grub kho na yin zer ba'ang gzhung gi don min par 'dis shes so/ /gzhan yang bdag med gnyi ga yongs grub dang chos dbyings stong nyid sogs su 'jog pa 'dra bar thal/ dbus mtha' las/ gang zag dang ni chos rnams kyi/ /dngos bo med 'dir stong pa nyid/ /ces dang/ 'grel bshad las/ ye shes rnam pa gnyis kyi yul ni chos nyid yin pas/ zhes gsungs pa'i phyir/ gzhan yang khyod rang la gang zag gi bdag med phra mo kun btags yin par thal/ yod ba gang zhig/ @077b gzhan dbang yongs grub gnyis gang yang ma yin pa'i phyir/ 'dod na/ bden par ma grub par thal/ kun btags yin pa'i phyir/ 'dod na; nyan thos kyi myang 'das bden par ma grub par thal/ gang zag gi bdag med bden par ma grub pa'i phyir/ khyab ste/ nyan rang gis chos kyi bdag med mi sgom pas de'i ngo bor sgrib pa zad don med cing/ nyan rang gi mthong lam par chad med lam chos bzod du song ba'i yul gyi bdag med de bden par ma grub pas de'i ngo bor sgrib pa zad pa'i 'gog bden de'ang bden par grub tshul med pa'i phyir/ gong du 'dod na/ gzhan dbang bden bar ma grub bar thal/ 'khor ba bden par ma grub pa'i phyir/ der thal/ myang 'das bden par ma grub pa'i phyir/ khyab ste/ gzhan dbang yongs grub gnyis bden par grub mnyam yin dgos ba'i rtsa ba'ang 'di la thug pa'i phyir/ rtsa shes TIka chen las/ 'phags pa'i yul gyi rang sde dngos bor smra bas kyang 'khor 'das la bden bar grub ma grub kyi khyad par mi 'byed/ ces gsungs pa'i phyir dang/ 'khor 'das gnyis gcig bden bar med na gcig shos kyang bden par med dgos pa'i rgyu mtshan/ 'khor mkhan dang grol mkhan gnyis la bden par grub ma grub kyi khyad 'byed tshul med pa'i dbang gis yin pa'i phyir/ chos yang dag bar sdud pa las/ sdug bsngal ni 'du byas te/ rdzun pa bslu ba'i chos so zhes ma smras sam/ rab 'byor gyis smras pa/ rigs kyi bu smras so/ /byang chub sems dpa' tsom pa med kyis smras pa/ btsun ba rab 'byor/ chos gang rdzun @078a @#/ /pa yang dag ba ma yin pa de la ni 'gog pa med na/ khyod sdug bsngal de 'gog par ga la 'gyur/ zhes so/ /byas pa la kho na re/ sems tsam bas gang zag gi bdag med don dam par mi 'dod par thal/ stong thun las/ /sems tsam pa dang dbu ma rang rgyud pa dag gang zag gi bdag med don dam bden par mi 'dod cing/ zhes gsungs pa'i phyir na/ ma khyab ste/ de grub mtha' bzhi po gang rung gis bdag bkag pa'i stong par 'dod rgyu'i phyag rgya bzhi'i ya gya la gyi bdag med tsam la byed pa'i phyir/ yig char/ gang zag gi bdag med don dam bden pa'ang yin mod/ stong thun las de don dam ma yin la gang zag gi bdag 'gog pa'i rigs pa kun rdzob dpyod byed du gsungs pa gang zag gi bdag med spyi ldog la dgongs gsungs pa'i spyi ldog gi don yang de la byed dgos so/ /spyi ldog ces pa'i don la kha cig rang ldog zer pa dang/ la la phra rags gnyis su ma phye ba'i gang zag gi bdag med tsam la byed zer ba mi 'thad de/ bdag med don dam yin na bdag med rang nyid don dam yin dgos pa'i phyir dang/ de gnyis su ma phye ba'i bdag khegs na bdag khegs dgos pa'i phyir ro/ /sgom bde'i yig cha sogs su/ stong thun las/ yongs grub ni gzhan dbang gi steng du bdag 'dzin gnyis kyis kun btags ba ltar grub pas stong ba'i de bzhin nyid de/ zhes pa la brten nas gang zag gi bdag med yongs grub yin pa stong thun gyi dgongs par byed cing/ yang lugs snga ma la brten nas don dam bden pa ma yin par @078b 'dod pas/ der de bzhin nyid du gsungs ba'ang gang zag gi bdag med kyi dbang du byas pa'i de bzhin nyid tsam yin par bshad do/ /de la 'o na/ gang zag gi bdag med chos can/ stong nyid yin par thal/ 'dus ma byas gang zhig /bden par grub pa'i phyir/ khyab ste/ dbus mtha' las/ yang dag ma yin kun rtog yod/ /de la gnyis po yod ma yin/ /stong pa nyid ni 'di la yod/ /ces bden grub la yang dag pa ma yin pa'i kun rtog ste gzhan dbang dang stong nyid gnyis su kha tshon chod par gsungs pa'i phyir/ gal te stong nyid yin kyang don dam yin mi dgos zer na/ mi 'thad par thal/ de nyid las/ stong pa nyid ni mdor bsdu na/ /de bzhin nyid dang yang dag mtha'/ /mtshan ma med dang don dam dang/ chos kyi dbyings rnams rnam grangs so/ /zhes de rnams don gcig ming gi rnam grangs su gsungs pa'i phyir/ gzhan yang de chos can/ don dam yin par thal/ mnyam gzhag rnam par mi rtog pa'i ye shes dam pa'i don yin pa'i phyir/ der thal/ rnam dag lam gyi dmigs pa mthar thug yin pa'i phyir/ der thal/ yongs grub yin pa'i phyir/ khyab ste/ dgongs 'grel las/ rnam par dag pa'i dmigs pa gang lags pa de ni yongs su grub pa'i mtshan nyid lags te/ zhes gsungs pa'i phyir/ gzhan yang gang zag gi bdag med chos can/ de bzhin nyid yin par thal/ gang la dmigs nas nyon sgrib zad pa'i 'gog bden thob byed kyi dmigs pa mthar thug yin pa'i phyir/ khyab ste/ kun btus las/ de bzhin nyid la dmigs @079a @#/ /nas gang du zag pa dang bcas pa'i dngos po 'gag pa de 'gog pa'i mtshan nyid do/ /zhes gsungs pa'i phyir/ byas pa la kho na re/ nyan rang gi gtso bor bsgom bya'i bdag med de yongs grub ma yin par thal/ de gzhan dbang yin pa'i phyir/ stong thun las/ sems tsam bas gzhan dbang dang kun rdzob bden pa yin na gang la dmigs nas kun nas nyon mongs pa 'phel bar 'gyur pa'i dmigs pa yin pas khyab pa dang/ gang la dmigs nas sgrib ba rnam par dag par 'gyur pa'i dmigs pa yongs grub kho na yin par khas blangs nas/ nyan rang rnams kyis nyon mongs pa ma lus bar spong ba'i ye shes kyi dmigs pa gzhan dbang yin pas khyab ding/ yongs grub la dmigs pa mi srid do zhes smra ba ni grub pa'i mtha'i nang 'gal ba chen po'o/ /zhes gsungs pa'i phyir na/ ma khyab/ de dbu ma ba'i lugs 'chad pa'i skabs yin pas dbu ma pas gzhal na gang zag gi bdag med de tsam zhig don smras kyang rtogs pas de gnas lugs mthar thug pa'i yongs grub tu sems tsam pas kyang khas len 'os med la yongs grub tu mi rigs shing bden par grub na gzhan dbang las 'os med pa'i rigs pa'i 'phul gyis nang 'gal bstan pa yin pa'i phyir/ 'on kyang sems tsam ba rang lugs la rang la nang 'gal med dgos bas de rnam dag lam gyi dmigs pa dang yongs grub gnyi gar khas len pa yin no/ /de ltar ma yin na/ nyan rang gis gang la dmigs nas sgrib pa dag par 'gyur pa'i dmigs @079b pa med par thal/ de la yongs grub dgos pa gang zhig/ /gang zag gi bdag med yongs grub ma yin/ gang zag gi bdag med las gzhan du de'i dmigs pa mthar thug 'jog rgyu med pa'i phyir/ rtags zur re re nas stong thun gyi lung des 'grub bo/ /kha cig na re/ gang zag gi bdag med don dam bden pa yin na grub mtha' bzhi gang rung gi phyag rgya'i ya gyal la 'dod rgyu'i bdag med de'ang don dam yin dgos par thal/ mang bkur sde lngas kyang de'i ya gyal gyi bdag med de rang rkya thub pa'i rdzas yod kyi bdag gis stong bar 'jog pa'i phyir/ der thal/ des rang rkya thub pa'i rdzas yod kyi bdag stong ba bdag med phra mor khas len pa'i phyir/ der thal/ des rtag gcig rang dbang can gyi bdag gis stong pa bdag med rags pa dang/ de ltar 'dzin pa'i bdag 'dzin kun btags su 'dod pa'i phyir/ dbu ma'i mtha' dpyod las/ 'di pa'i lhan skyes rdzas yod dang/ rang sde gzhan gyi lhan skyes rdzas yod dang/ rang sde kun gyis kun btags su 'dod pa'i khyad par gsum yod de/ zhes pa nas/ mi 'jig pa'i rtag pa dang cha med pa'i ril por 'dzin pa de gsum pa yin pa'i phyir/ zhes gsungs pa'i phyir na/ mkhyab ste/ phal che bal dgongs pa'i phyir/ gong du 'dod mi nus te/ des rtag gcig rang dbang can gyi bdag tu 'dzin pa de bdag 'dzin lhan skyes su 'dod pa'i phyir/ stong thun las/ rang sde kha cig rtag gcig rang dbang can gyi gang zag tu 'dzin pa bdag lta lhan skyes su 'dod/ ces gsungs pa'i phyir/ byas pa la @080a @#/ /kho na re/ mang bkur sde lngas rang rkya thub pa'i rdzas yod kyi bdag khas len par thal/ des rang rkya thub pa'i rdzas yod kyi bdag gis stong pa khas mi len pa'i phyir na/ ma khyag /bdag rang rkya pa'i rdzas su yod na phung po las ngo bo tha dad par brjod du med zer don med la/ rdzas yod kyi bdag gis stong bar khas len na'ang brjod du med zer don med pas rdzas yod dang rdzas yod kyis stong pa gang du'ang khas ma blangs par brjod du med byas ba yin pa'i phyir/ kha cig na re/ gang zag gi bdag mad rtogs pa'i lta ba de dbu ma'i lta ba yin par thal/ gang zag gi bdag med de dbu ma yin pa'i phyir na/ ma khyab/ yang de chos can/ don dam dpyod pa'i rigs shes kyis red don yin par thal/ 'dod pa'i phyir/ 'dod na/ khyod rtogs pa'i rigs shes de don dam dpyod pa'i rigs shes yin par thal/ 'dod na/ nyan thos sde pa'i rgyud kyi gang zag gi bdag med rtogs pa'i rigs shes chos can/ don dam dpyad nas rnyed pa'i rigs shes yin par thal/ khyod gang la rigs shes su song pa'i yul de khyod kyis rnyed pa gang zhig /yul de don dam yin pa'i phyir na/ rnam ba gcig tu ma khyab/ 'dod mi nus te/ nyan thos sde bas don dam ma rnyed pa'i phyir/ der thal/ des dbu ma'i lta ba ma rnyed pa'i phyir te/ de rtag chad kyi mthar lhung ba'i grub mtha' smra pa yin pa'i phyir/ 'di dag blor bde pa mi 'dug kyang grub mtha'i nang 'gal yin pas khas len de tsam gyis @080b 'grig par bya dgos te/ stong thun las/ 'gog bden yin na de bzhin nyid yin pas khyab par 'dod pa la dbu sems kyi mkhas pa su'ang mi mthun pa med do/ /de ltar na/ nyan thos 'phags pa chos can/ khyod kyis chos nyid mngon sum du rtogs par thal/ khyod kyis 'gog bden mngon sum du rtogs pa'i phyir/ rtags gsal dngos su khas blangs shing/ khyab pa'ang don gyis khas len pas mchog tu lci ba'i nang 'gal gyi khung chen po'o/ /zhes gsungs pa'i phyir/ de'ang don dam pa ngo bo nyid med pa la 'jog tshul gnyis mdzad pa'i 'jog tshul dang po ni 'jog tshul gnyis pa'i don dam gtan la 'beb dgos pa'i rgyu mtshan go ba'i phyir yin te/ thog med nas 'khor bar 'khyams pa ni rang gi snang tshul 'di tsam la bden par zhen te de'i rjes su 'brangs nas chags sdang gis las sna tshogs bsags pa'i dbang gis yin pas/ 'khor ba'i rtsa ba gcod pa la snang shas 'di nyid 'gog dgos/ de'ang mig btsum pa bzhin mi snang bar byed pa min gyi/ da lta'i snang tshul 'di tsam la gnas lugs su mi zhen par/ gnas lugs stong pa nyid kyi don gzod btsal dgos pa yin no/ /de ltar ma yin par da lta sems can rang dga' ba rnams mthong thos rnam par shes rgyu'i 'du byed kyi mtshan ma stong gzhi gzhan dbang gi snang tshul 'di tsam las lhag pa gnas lugs kyi don lkog gyur cig btsal rgyu med na so skye thams cad kyis kyang bden pa mthong zin par thal ba dang/ rnal 'byor pa rnams don dam pa'i gnas lugs tshol ba don med par thal ba sogs su @081a @#/ /'gyur pa'i phyir/ blo gros rnam dag gi le'u las/ gal te 'du byed kyi mtshan nyid dang don dam pa'i mtshan nyid tha dad pa ma yin par gyur na ni/ des na byis pa so so skye bo thams cad bden pa mthong ba yin par yang 'gyur/ zhes dang/ rnal 'byor ba dag 'du byed rnams la ji ltar mthong ba dang/ ji ltar thos ba dang/ ji ltar bye brag phyed pa dang/ ji ltar rnam par shes pa las gong du don dam pa yongs su tshol bar yang mi 'gyur ro/ /zhes gsungs pa'i phyir/ dbu sems gnyis ci tsam gyis gnas lugs mthar thug tu 'gro ba'i don dam gyi 'jog mtshams mi 'dra'ang/ da lta'i snang tshod 'di tsam la zhen na 'khor bar 'ching ba dang/ 'khor ba las grol byed kyi lam du 'gro ba la snang tshod de tsam zhig gnas lugs su zhen pa de 'gog dgos par bzhed pa 'dra ba'i phyir/ rnam bshad dgongs pa rab gsal las/ snang gzhi de nyid kun byang gi 'ching grol gnyi ga'i rgyu yin pa'i phyir ro/ /dbu sems gang gi lugs kyis kyang da lta sems can la snang zhing/ snang bltar du bden par zhen pa'i zhen yul des zhen yul des stong bar bstan pa gcig yod na stong nyid rtogs pa lam du 'gro ba yin gyi/ zhes gsungs pa'i phyir/ ngo bo nyid med pa gsum bo bod dag dpe'i sgo nas ston pa la bshad bya'i mdo ni/ dgongs 'grel las/ de la 'di lta ste dper na nam mkha'i me tog ji lta ba de lta bur ni mtshan nyid ngo bo nyid med dpa nyid blta bar bya'o/ /don dam yang dag 'phags de la 'di lta ste/ dper na sgyu ma byas pa ji lta ba de lta bur ni skye ba ngo bo @081b nyid med pa nying blta bar bya'o/ /don dam ba ngo bo nyid med pa nyid de las kyang gcig kyang blta bar bya'o/ /don dam yang dag 'phags de la 'di lta ste/ dper na nam mkha' ni gzugs kyi ngo bo nyid med ba tsam gyis rab tu phye ba dang thams cad du song ba ji lta ba de lta bur ni ngon dam pa ngo bo nyid med pa de las chos bdag med pas rab tu phye ba dang thams cad du song ba gcig blta bar bya'o/ /zhes gsungs so/ /de la kha cig na re/ kun btags kyi dper nam mkha'i me tog bkod pa de gtan med kyi dper 'dod mkhan med par thal/ legs bshad snying por/ rtog pas btags pa tsam gyi dpe yin gyi/ shes bya la mi srid pa'i dpe min no/ /zhes gsungs pa'i phyir na/ ma khyab/ sems tsam pa dang thal 'gyur ba'i lugs la gtan med kyi dpe min yang rang rgyud pa'i lugs la de yin pa'i phyir/ gong du bshad zin/ yang kha cig na re/ gzhan dbang sgyu ma dang 'dra ba mi 'thad par thal/ de bden par grub pa'i phyir na/ ma khyab ste/ sgyu ma dper byed kyang bden par ma grub pa'i dper byed mi dgos ba'i phyir/ 'di nyid las/ gal te dgongs 'grel las gzhan dbang sgyu ma bzhin du gsungs shing/ rgyan las kyang 'dus byas thams cad sgyu ma bzhin du gsungs pas bden par grub pa de dag gi don min no zhe na/ sgyu ma la sogs pa bzhin du bshad pas bden par mi ston pa'i nges pa med de sgyu ma la sogs pa dper byed lugs la rag las so/ /zhes gsungs pa'i phyir/ des na 'dir sgyu ma dper bkod pa ni/ mdo sde rgyan las/ ji ltar sgyu ma de bzhin du/ /yang dag ma yin kun @082a @#/ /rtog 'dod/ /sgyu ma'i rnam pa ji lta bar/ /de bzhin gnyis su 'khrul pa brjod/ /ces sngags rdzas kyis mig bslad pa bzhin du gnyis snang 'khrul pa'i bag chags kyis bslad pa la brten nas phyi rol don du snang yang phyi rol gyis stong pa'i dper bkod nga yin pa'i phyir/ yongs grub nam mkha' dang dpe sbyar ba ni/ nam mkhas gzugs can thams cad la khyab cing rang gi ngo bo thogs reg bkag tsam la 'dzeg ba ltar/ yongs grub kyis chos can thams cad la khyab cing rang gi ngo bo dgag bya bkag tsam gyi med dgag la 'jog pa'i don du ches gsal bas/ 'dis kyang jo nang pas yongs grub sgrub ba rang dbang bar 'dod pa legs bar bsal ba yin no/ /de ltar mtshan nyid gsum rang rang gi steng gi ngo bo nyid med tshul dang ma sbyar bar/ 'khor lo bar ba'i sgras zin ltar du rang bzhin gyis grub pa'i ngo bo nyid med mnyam du khas blangs na skur 'debs su 'gyur ba'i tshul dgongs 'grel las/ nga'i dgongs te bshad pa zab mo yang dag pa ji lta ba bzhin du rab tu mi shes te chos de la mos kyang chos 'di dag thams cad ni ngo bo nyid med pa kho na yin no/ /chos 'di dag thams cad ni ma skyes pa kho na'o/ /ma 'gags pa kho na'o/ /gzod ma nas zhi ba kho na'o/ /rang bzhin gyis yongs su mya ngan las 'das pa kho na'o zhes chos kyi don sgra ji bzhin kho nar mngon bar zhen par byed do/ /de dag gzhi des na chos thams cad la med par lta ba dang mtshan nyid med par lta ba thob nas kyang chos thams cad la mtshan nyid thams @082b cad kyis skur pa 'debs te/ chos rnams kyi kun btags pa'i mtshan nyid la'ang skur pa 'debs/ chos rnams kyi gzhan gyi dbang gi mtshan nyid dang yongs su grub pa'i mtshan nyid la'ang skur pa 'debs so/ /de ci'i phyir zhe na/ don dam yar/ dag 'phags 'di ltar gzhan gyi dbang gi mtshan nyid dang yongs su grub pa'i mtshan nyid yod na ni kun btags pa'i mtshan nyid kyang rab tu shes par 'gyur na/ de la gang dag gzhan gyi dbang gi mtshan nyid dang yongs su grub pa'i mtshan nyid la mtshan nyid med par mthong ba de dag gis ni kun btags ba'i mtshan nyid la'ang skur ba btab pa yin pa'i phyir te/ de lta bas na de dag gi mtshan nyid rnam pa gsum char la'ang skur pa 'debs ba zhes bya'o/ /zhes gsungs/ de ci'i phyir zhen zhes pa man chad gyis mtshan nyid gsum ga la skur 'debs su 'gro ba'i rgyu mtshan bstan pa yin la/ 'on kyang gzhan dbang yongs grub gnyis la skur 'debs su 'gro ba'i rgyu mtshan dngos sum gsungs par/ kun btags la skur 'debs su 'gro ba'i rgyu mtshan gsungs ba ni dogs pa che chung gi dbang gis yin te/ snga ma gnyis rang gi mtshan nyid kyis grub pas de rang mtshan gyis ma grub par bzung na skur 'debs su 'gyur ba rtogs sla la/ kun btags rang gi mtshan nyid kyis ma grub bas de la skur 'debs su 'gyur tshul shes dka' ba'i dbang gis yin pa'i phyir/ sems tsam pa'i lugs la gzhan dbang yongs grub bden par grub cing/ kun btags bden bar ma grub ba ni mdos dogs pa gcod tshul 'dis kyang legs par 'grub mod/ 'on kyang mdos dmigs @083a @#/ /'byed tshul rje bla mas gsal bar mdzad pa'i bka' drin las da lta kun la rlung ltar grags ba yin gyi/ de'i sngar ji bzhin shes ba dkon par byung snang ngo/ /gzhan dbang yongs grub gnyis bden bar med na gtan med dgos la/ kun btags bden bar med kyang gtan nas med mi dgos pa'i tshul ni/ dper na thag pa sbrul du grub pa med kyang thag khra sbrul snang med mi dgos la/ rtsa ba'i thag khu med na thag khu med na thag khu sbrul snang yang gtan med dgos pa bzhin te/ snga ma ni blo 'khrul ba'i snang cha tsam yin pas 'jog byed gzhan med kyi blo la snang tsam mam rtog pas btags tsam gyis 'jog nus pa ltar/ kun btags rtog pas btags tsam gyis 'jog nus la/ thag khra ni don rang gi ngos nas thag khrar grub pa blo'i snang btsam gyi dbang gis bzhag pa min pa zhig dgos pa ltar/ gzhan dbang nges par rang mtshan gyis grub pa zhig dgos pa'i phyir/ der thal/ thag khra sbrul du rlom pa dang/ 'dra bar blos rlom tsam yin na thag pa'i sbrul der gzhan la 'tshe ba sogs kyi nus pa med pa ltar/ gzhan dbang la'ang 'bras bu skyed pa sogs kyi nus pa med dgos pa'i phyir/ rnam 'grel las/ gal te kun la nus med na/ /sa bon sogs ni myug sogs la/ /nus mthong gal te de kun rdzob/ /'dod na ci ste de ltar 'gyur/ /zhes gsungs pa'i phyir/ khyab ste/ de'i don ngo bo nyid med par smra bas 'dus byas thams cad don dam par med pa smra ba ni don gyis 'bras bu skyed pa'i nus pa med par khas blangs song bas/ sa bon gyis myu gu bskyed pa lta @083b bu 'jig rten gyis mthong ba dang 'gal la/ de bskyed kyang bskyed pa kun rdzob tu yin no zhes smra ba ni/ ngas mi de mthong yang mthong ba rdzun yin zer ba ltar 'brel med dngos 'gal gyi tshig yin pa'i phyir/ der ma zad skye ba med na skye ba sngon du 'gro ba'i 'gags pa'ang med dgos la/ de gnyi ga med na las dge sdig las 'bras bu bde sdug 'byung ba'i las 'bras dang/ las nyon 'gags pa'i thar pa thams cad la skur 'debs su 'gro ba'i phyir/ des na sems tsam pas gzhan dbang bden grub tu sgrub pa'i dgos pa'i gtso bo las 'bras kyi rnam gzhag 'grub ba'i ched yin pas/ stong thun las gzhan dbang gi ngo bo bden par med na 'bras bu skyed nus kyi rdzas su med dgos la/ zhes gsungs te/ 'dir rdzas ni rang ngos nas 'bras bu skyed pa'i mthu dang ldan pa zhig la 'dod pas rgyu 'bras 'jog pa la de nges par dgos par 'dod pa'i phyir/ de skad du 'jug par yang/ de skad du 'jug par yang/ gzhan gyi ltar na rdzas la chags pa ya/ /'jig rten grags pa'i rnam gzhag kun kyang brlag /ces gsungs te/ thal 'gyur brdzas yod bkag pa'ang 'di yin gyi/ rdzas gcig tha dad kyi rdzas nyer len sogs la byed pas mi 'gog go /de'i phyir rdzas gcig yod kyang rdzas grub yod mi dgos te/ bden pa'i gcig yod kyang bden grub yod mi dgos pa bzhin no/ /de ltar ma phye na rnam bshad dgongs pa rab gsal las/ bum pa ni rdzas min te gzhal bya yin pa'i phyir/ dper na rmi lam gyi bum pa bzhin no/ /zhes sun 'byin pa de lta bu la sogs pa'i yul la 'jig rten gyis gnod kyi/ zhes 'jig rten gyi dngos po 'jig rten na grags bas sel ba yin pas mi rung bar gsungs pa'i phyir @084a @#/ /dang; rdzas rin thang tshang ba med na pham pa gnyis pa'ang med par 'gyur ba'i phyir/ 'di pa'i lugs la rang bzhin gyis med na de las lhag pa'i 'gag rgya zhig med par 'dod kyang/ dbu ma ba rnams ni 'grel pa don gsal las/ dngos po thams cad byung ba nyid nas rang bzhin gyis ngo bo nyid med pa la kun rdzob tu'ang 'gag go zhes bya ba 'gag pa dang/ zhes pa ltar rang dus nas bden par grub pa'i rang bzhin zhig med kyang blol snang ba'i dbang tsam gyis slar 'gag pa'ang bsnyon med du bzhag chog pa ni zab pa brgyad kyi nang nas 'gag pa zab pa yin pas dngos smra'i blor ma shong bar 'chad do/ /gzhan dbang bden bar grub dgos pa'i rgyu mtshan de ltar yin du chug kyang kun btags yongs grub 'dus ma byas su 'dra ba la bden par yod med gang gis dbye zhe na/ sngar gyi dpe des 'grub ste thag khra'i sbrul snang de 'khrul pa tsam gyis bzhag pa yin kyang/ sbrul gyis stong pa de rlom pa tsam gyis mi 'grub par don steng du gnas pa zhig dgos te rlom pa tsam gyis 'grub na thag khras kyang stong par rlom pas/ des stong par 'gyur dgos pa la mi 'gyur ba ni sngam dngos po'i gshis su grub pa'i rtags yin pas/ 'dir yang yongs grub de nyid dngos po'i gshis su 'gyur ba la rlom tsam min pa zhig dgos par gsungs so/ /gzhan ngag na re/ de lta na thag pa sbrul gyis stong pa dang/ shes bya dang nam mkha' sogs don dam du 'gyur ro zhe na/ rlom pa tsam gyis 'jom mi nus kyang rlom pas bzhag tsam yin pa mi 'gal tshul gong du bshad zin cing/ de chos nyid la mi mtshungs/ @084b te de 'jog byed gtso bo 'phags pa'i mnyam gzhag so so rang rig pa'i ye shes yin la/ thag khra sbrul gyis stong pa sogs 'jog byed gtso bo tshur mthong gi gnyis snang 'khrul pa'i rtog pa yin pa ngo bo nyid med par smra ba khyod kyang 'dod pa'i phyir khyab ste/ snga ma gang gi ngor 'jog pa de'i ngor gzhi de khegs dgos la/ phyi ma'i sbrul gyis stong ba'i thag khra nges pa'i shugs kyis stong pa de'ang nges dgos shing/ de'i snang cha tsam las zur na stong pa gtan la dbab tu med pa'i phyir/ stong nyid la spros bral zhes bshad kyang med dgag thams cad lam bshad pa'i phyir/ des na mdo sde rgyan las/ ji skad bshad bzhin don min bcom ldan dgongs pa shin tu zab/ /mkhas pa rnams kyis tshul bzhin brtags na chos 'dis skrag mi 'gyur/ /zhes pa ltar/ sher mdor rang bzhin med bar gsungs pa sgra ji bzhin du zhen mi rung ba'i lugs yin pas/ lugs 'dir de ltar zhen na med par lta ba dang mtshan nyid med par lta ba can du 'gyur bar gsungs so/ /de gnyis kyi don yang rgya nag 'grel chen las/ med par lta ba dang mtshan nyid med par lta ba'o/ /lta ba gnyis po 'di la'ang bshad pa rnam pa gnyis yod de/ kha cig na re/ med par lta ba zhes bya ba ni gzhan gyi dbang dang yongs su grub pa med par skung ba'o/ /mtshan nyid med par lta ba zhes bya ba ni kun btags med par skur ba'o/ /zhe'o/ /zhes sogs kyis mtshan nyid gsum la cha phye nas sbyor tshul gsungs pa'ang/ 'di ltar gzhan gyi dbang gi mtshan nyid dang/ zhes sogs la 'grig pa ltar snang yang/ med par lta ba zhes pa mdor bstan dang/ @085a @#/ /mtshan nyid med par lta ba zhes ba rgyas bshad du byed dgos te/ kun btus le'u gsum par/ bcom ldan 'das kyi chos kyi me long chen po'i chos kyi rnam grangs las gsungs pas/ byang chub sems dpa' sgra ji bzhin du tshul bzhin ma yin par chos rnams 'byed pa la lta ba ngan ba nyi shu rtsa brgyad 'byung ste/ lta ba ngan pa nyi shu rtsa brgyad po dag gang zhe na/ mtshan mar lta ba dang/ btags pa la skur pa 'debs pa'i lta ba dang/ kun rtog la skur pa 'debs pa'i lta ba dang/ de kho na la skur ba 'debs pa'i lta ba dang/ zhes sogs drangs shing/ de'i don kun btus dar TIka las/ med lta rang gi ngo bo'i sgo nas bstan pa gcig /de la yul gyi sgo nas phye ba gsum/ zhes gsungs pa'i phyir/ khyab ste/ med lta rang gi ngo bo'i sgo nas mdor bstan/ de la yul gyi sgo nas phyen/ btags pa ste kun btags dang/ yang dag pa ma yin pa'i kun rtog gzhan dbang dang/ de kho na yongs grub yin pas mtshan nyid gsum la skur ba 'debs pa gsum du phye ste mtshan nyid med par lta ba dang sbyar na/ gong du/ chos thams cad la mtshan nyid thams cad kyi zhes sogs dang ches 'grig pa'i phyir/ kha cig na re/ gzhan dbang de ltar yin kyang kun btags lugs 'dir yang 'khor lo bar bas rang mtshan gyis med par gsungs pa ltar 'dzin rung bar thal/ de rang mtshan gyis ma grub pa'i phyir na/ ma khyab/ 'khor lo bar gsungs pa ltar gyi rang mtshan gyis ma grub pa dang/ thal 'gyur ba'i 'dod pa ltar gyi rang mtshan gyis ma grub pa gnyis khyad par med pas/ @085b kun btags de gnyis gang du'ang 'dzin mi rung ba'i phyir te/ yong na rang ngos nas yod dgos pa gang zhig /de gnyis kas rang ngos nas med par bzung ba'i phyir/ yang kho na re/ sher mdos kun btags rang mtshan gyis ma grub par ma bstan par thal/ des bstan pa ltar gyi kun btags rang mtshan gyis ma grub par 'dzin ba de kun btags rang mtshan gyis ma grub par 'dzin pa ma yin pa'i phyir na/ ma khyab ste/ rang ngos nas ma grub par bstan na rtog pas phar btags tsam du ston dgos la/ de bstan na rtog btags tsam ma yin par grub pa khegs dgos pa'i rgyu mtshan gyis 'di'i zha ral bstan bar bshad pa yin pa'i phyir/ kho na re/ de de'i sgras zin sgra ji bzhin pa ma yin par thal/ 'dod pa'i phyir zhe na 'dod pa kho na ste/ de'i sgras zin tshad mas bsal ba gang zhig /'di tshad mas grub pa'i phyir/ kho na re/ gzugs nas rnam mkhyen gyi bar chos thams cad rang mtshan gyis med pa 'di'i sgras zin sgra ji bzhin pa ma yin par thal/ de'i phyir na/ ma khyab ste/ chos thams cad la cha ma phye bar gsungs pa'i gnad kyis sgra ji bzhin par mi 'gyur ba'i phyir/ kha cig gong du 'dod drigs te/ chos thams cad rang mtshan gyis ma grub pa'i phyir te/ chos thams cad kun btags yin pa'i phyir zer na/ gzugs nas rnam mkhyen gyi bar gyi chos thams cad bden med du bshad pa'i bshad srol chen po de ngo bo nyid med par smra ba'i shing rta'i srol ma yin par thal ba dang/ chos thams cad ngo bo nyid med par gsungs pa sgra ji bzhin du rung bar thal ba dang/ sems tsam pa'ang ngo bo nyid med par smra ba yin par thal ba sogs spro @086a @#/ /sla'o; ;gnyis pa ma skyes pa sogs su bshad pa'i dgongs gzhi 'chad pa la/ ngo bo nyid med pa'i tshul de ltar yin na/ skye ba med pa sogs gang la dgongs nas gsungs she na/ zhes ba nas/ kun las btus las de ltar bshad do; ;zhes byung/ de la bshad bya'i mdo ni dgongs 'grel las/ don dam yang dag 'phags/ de la mtshan nyid ngo bo nyid med pa nyid la dgongs nas chos thams cad ma skyes pa/ ma 'gags pa/ gzod ma nas zhi ba/ rang bzhin gyis yongs su mu ngan las 'das pa'o zhes bstan to/ /de ci'i phyir zhe na/ don dam yang ngag 'phags/ 'di ltar rang gi mtshan nyid kyis med pa gang yin pa de ni ma skyes pa yin/ ma skyes pa gang yin pa de ni ma 'gags pa yin/ ma skyes pa dang ma 'gags pa gang yin pa de ni gzod ma nas zhi ba yin/ gzod mnas zhi ba gang yin pa de ni rang bzhin gyis yongs su mya ngan las 'das pa yin/ rang bzhin gyis yongs su mya ngan las 'das pa gang yin pa de ni yongs su mya ngan las bzla bar bya ba cung zad kyang med de de'i phyir mtshan nyid ngo bo nyid med pa nyid la dgongs nas/ ngas chos thams cad ma skyes pa/ ma 'gags pa/ gzod ma nas zhi ba/ rang bzhin gyis yongs su mya ngan las 'das pa'o zhes bstan to/ /don dam yang dag 'phags/ yang don dam pa ngo bo nyid med pa nyid chos bdag med pas rab tu phye ba la dgongs nas chos thams cad ma skyes pa/ ma 'gags pa/ gzod ma nas zhig rang bzhin gyis yongs su mya ngan las 'das pa'o zhes bstan to/ de ci'i phyir zhen/ 'di lta don dam pa ngo bo nyid med pa @086b nyid chos bdag med pas rab tu phye ba ni rtag pa rtag pa'i dus dang/ ther zug ther zug gi dus su rnam par gnas pa kho na yin la/ de ni chos rnams kyi chos nyid 'dus ma byas pa nyon mongs pa thams cad dang bral ba yin te rtag brtag pa'i dus dab/ ther zug ther zug gi dus su chos nyid de nyid kyis rnam par gnas ba 'dus ma byas pa gang yin pa de ni 'dus ma byas pa'i phyir ma skyes pa dang ma 'gags pa yin la/ de ni nyon mongs pa thams cad rang bral ba'i phyir gzod ma nas zhi ba dang rang bzin gyis yongs su mya ngan las 'das pa yin te/ de'i phyir don dam pa ngo bo nyid med pa nyid chos bdag med pas rab tu phye ba la dgongs nas bas chos thams cad ma skyes pa/ ma 'gags pa/ gzod ma nas zhib ba rang bzhin gyis yongs su mya ngan las 'das pa'o zhes bstan to/ /zhes pa'o/ /'di la'ang spyi don dang mtha' dpyad pa gnyis/ dang po ni sher mdo las skye 'gag sogs rang bzhin med par gsungs pa sgra ji bzhin par pa zung na las 'bras dang rten 'byung gi rnam gzhag thams cad la skur 'debs su 'gro bas dgongs pa gzhan du 'grel dgos la/ 'grel tshul skye sogs rang bzhin med ces pa de rang gi ngo bos grub ba'i rang bzhin med pa min gyi/ dgag bya'i rang bzhin dang gnas lugs la rang bzhin du byas pa'i rang bzhin de gnyis kyi dbang du byas pa yin no// de'i tshul yang dang po mdor bstan gyi mtshan nyid ngo bo nyid med ba'i mtshan gzhi rang 'dzin rtog pa'i zhen gzhir rang mtshan gyis grub pa dang grub par sgro btags sogs ni skabs 'di'i mtshan nyid ngo bo nyid med pa'ang yin pas/ de ni sgro btags ba tsam @087a @#/ /las rang gi mtshan nyid kyis ma grub pa gong du ngo bo nyid med par gsungs pa'i dgongs gzhi 'chad pa'i skabs su song zin pa de'i dbang du byas te/ des rigs 'gros sbyar nas rang 'dzin rtog ba'i zhen gzhir rang mtshan gyis grub pa'i skye sogs med pa'ang ma skyes pa sogs su gsungs pa'i dgongs gzhir bstan pa yin te/ 'di ltar rang gi mtshan nyid kyis med pa gang yin pa de ma skyes pa yin zhes ma skyes pa'i rgyu mtshan la rang mtshan gyis med pa bkod kyang/ rang mtshan gyis med pa'i rgyu mtshan ma bkod pa yin no/ /gnyis pa don dam pa ngo bo nyid med pa ma skyes pa sogs su gsungs pa'i dgongs gzhir ston tshul yang/ stong gzhi gzhan dbang gi rang bzhin nam gnas lugs mthar thug ni don dam pa ngo bo nyid med pa'i mtshan gzhi yongs grub yin la/ rang bzhin mthar thug de ni sngon dang phyi ma'i gnas skabs nam gyi tshe'ang skye 'jig dang nyon mongs kyis bslad pa sogs med par rang bzhin rnam dag gcig tu gnas pa 'gyur med yongs grub ces bshad ba yin pas/ de'i dbang du byas nas ma skyes/ ma 'gags/ gzod ma nas zhi ba sogs su gsungs pa yin no/ /skabs 'dir skye ba ngo bo nyid med pa dngos su ma gsungs pa ni de'i rang ldog gtso bor bkar ba min gyi/ de'i mtshan gzhi gzhan dbar logs su bkar ba yin te/ rgya nag 'grel chen las/ gzhan dbang skye ba med pa sogs kyi dgongs gzhir ma gsungs pa ni rten cing 'brel par 'byung ba'i don med pa ma yin par bstan pa'i phyir yin/ zhes rgyu 'bras kyi rnam gzhag 'jog pa'i ched yin @087b par gsungs la/ gong du'ang rang mtshan gyis ma grub pa'i rgyu mtshan gyis ma skyes par bsgrubs pas lugs 'dir skye na rang mtshan gyis skye dgos pa'i khungs gsal shos yin no/ /'di nyid las/ rtag pa rtag pa'i dus ni snga ma snga ma'i dus dang/ sher zug ther zug gi dus ni phyi ma phya ma'i cus la rgya nag 'gral chen las bshad do/ /zhes bshad pa bkod nas dgag pa ma mdzad pas rang lugs su khas len rung la/ sa'i dngos gzhir/ rtag pa'i dus dang theng zug gdus su rgyu la 'bras bu yod pa kho nar mi rung ste/ zhes gnyi ga snga ma'i dus kyi rnam grangs su gsungs pa ltar byas kyang chog ste/ sngon thog ma med pa'i dus zhes 'byung ba bzhin no/ rnam bshad rigs par/ gzugs rtog pa dang pa brtan pa dang ther zug pa zhes bya ba ni mdo sde'i dum bu'o/ /de la rtag pa ni mi rtag pa nyid med pa'i phyir ro/ /brtan pa ni skad cig mar 'jig pa med pa'i phyir te dus gzhan du gnas pa nyid kyis so/ /ther thug ni rgyud 'jig pa med pa'i phyir ro/ /zhes gsum ga phyi ma'i dus la sbyar te/ dngos po rnams slar 'jig pa dang/ de'ang skad cig gis 'jig pa dang/ der ma zad rgyun dang bcas pa 'jig pa gsum las bzlog ste bshad pa lta bu sna tshogs yod pas gcig tu nges gzung mi dgos so/ /gzhan dbang gzod man sa zhi ba dang/ rang bzhin gyis yongs su mya ngan las 'das par gsungs pa gnyis kyi dgongs gzhir ma bstan pa ni/ mdo sde rnams su 'khor ba dang kun nyon gyi cphyogs rnams 'dus byas kyi rab tu phye ba dang/ chos sku myang 'das sogs rnam byar gyi phyogs rnams 'dus ma byas/ @088a @#/ /kyis rab tu phye bar gsungs pa mang la/ khyad par du sems tsam pa'i skabs 'dir gzhan dbang gi gtso bo yang dag pa ma yin pa'i kun rtog la bshad pa mang zhing/ blo gros rnam dag gi le'u las kyang/ don dam pa'i mtshan nyid kun nas nyon mongs pa'i mtshan nyid du gtogs pa ma yin/ zhes dang/ 'du byed kyi mtshan nyid kun nas nyon mongs ba'i mtshan nyid du gtogs pa/ zhes 'byung bas/ de ma zhi ba 'khor ba'i phyogs dang kun nyon gyi phyogs shas che ba la dgongs nas gzod ma nas zhi ba dang rang bzhin gyis mya ngan las 'das par gsungs pa gnyis kyi dgongs gzhir ma bstan pa yin no/ /mtha' dpyad pa la/ kha cig na re/ skye ba ngo bo nyid med pa de ma skyes pa sogs su gsungs ba'i dgongs gzhi ma yin par thal/ 'di nyid las/ skye ba med pa sogs gang la dgongs nas gsungs she na/ 'di ni ngo bo nyid med pa dang po dang tha ma la dgongs nas gsungs te/ zhes gsungs pa'i phyir na/ ma khyab/ ma skyes pa sogs su gsungs ba'i dgongs gzhi dris ba'i lan du skye ba ngo bo nyid med pa la dgongs tshul ma gsungs pa'i don yin pa'i phyir/ 'dod mi nus te/ de'i dgongs gzhir 'phags pa thogs med kyis bzhed pa'i phyir/ kun btus las/ kun btags pa'i ngo bo nyid la mtshan nyid ngo bo nyid med pa dang gzhan gyi dbang la skye ba ngo bo nyid med pa dang yongs su grub pa la don dam pa ngo bo nyid med pa'i phyir ro/ /ma skyes pa ma 'gags pa gzod ma nas zhi ba rang bzhin gyis mya ngan las 'das pa zhes 'byung ba'i dgongs pa gang yin zhe na/ ji ltar ngo bo nyid med pa de ltar ma skyes so/ /ji ltar ma skyes pa de @088b ltar ma 'gags so/ /ji ltar na skyas pa dang ma 'gags pa de ltar gzod ma nas zhi'o/ /de ltar rang bzhin gyis yongs su mya ngan las 'das so/ /zhes dang/ 'di nyid las/ ngo bo nyid gsum gyi rang rang gi skabs kyi ngo bo med rgyu de'i dbang du byas nas ji ltar ngo bo nyid med pa de ltar ma skyes pa dang na 'gags la gzod ma nas zhi ba dang/ gdod nas mya ngan las 'das pa'ang yin pa la dgongs nas kun btus las de ltar bshad/ ces gsungs pa'i phyir/ khyab ste/ de ltar byed pa rje btsun gyi dgongs pa yin pa'i phyir te/ rkyen las; phyi ma phyi ma'i rten yin bas/ /ngo bo nyid ni med pa yis/ /skye med 'gag med gzod nas zhi/ /rang bzhin mya ngan las 'das ba grub/ /ces gsungs shing/ gong du/ rang dang rang gi mtshan nyid du/ /zhes sogs gtso bo gzhan dbang la sbyar te dus gsum du skye ba ngo bo nyid med tshul gsungs pa ni mdo'i dgongs pa kha bskangs ta mdo sde'i rgyan du 'gyur tshul gyi man ngag yin pa'i phyir/ yang kha cig na re/ skye ba ngo bo nyid med pa de spyir ma skyes pa sogs su gsungs ba'i dgongs ba'i dgongs gzhi yin kyang/ dgongs 'grel las de de'i dgongs gzhir ma gsungs par thal/ 'di nyid las/ skye ba sogs med pa'i gzhi ngo bo nyid med pa bar pa la mi mdzad pa dang/ zhes gsungs pa'i phyir na/ ma khyab ste/ dgongs 'grel las ma skyes pa sogs su gsungs pa'i dgongs gzhir ma gsungs zhes pa skye ba ngo bo nyid med pa'i rang ldog min gyi/ de'i gzhi ldog gzhan dbang de ltar dngos sum gsungs pa yin pa'i phyir/ 'di nyid las/ skye 'gag med par gsungs ba gzhan dbang la dgongs pa min la/ zhes lung gi don 'grel pa'i tshe gzhan dbang gi ming gis @089a @#/ /smos la/ yig char yang/ mdo 'dir gzhan dbang skye 'gas med pa sogs kyi dgongs gzhir dngos su ma bstan pa/ zhes gsal bar gsungs pa'i phyir/ gong du 'dod mi nus te/ dgongs 'grel las skye ba ngo bo nyid med pa de skhes? pa sogs su gsungs ba'i dgongs gzhir dngos su bstan pa'i phyir/ der thal/ ma skyes pa sogs su gsungs ba'i dgongs gzhi dris ba'i yan gyi skabs nas dngos su ma bstan kyang/ 'og tu mdo'i don gdul byas go tshul mi 'dra bar ?da pa'i skabs su gsal bar gsungs ba'i phyir/ dgongs 'grel las/ don dam yang dag 'phags/ 'di la de bzhin gshegs pa ni ngo bo nyid med pa nyid rnam pa gsum po de dag nyid la dgongs nas/ drang ba'i don gyi mdo brjod ba'i rnam pas de lta ste/ chos thams cad ngo bo nyid med pa/ chos thams cad ma skyes pa/ ma 'gags pa/ gzod ma nas zhi ba/ rang bzhin gyis yongs su mya ngan las 'das ba'o zhes ston no/ /zhes gsungs pa'i phyir/ 'di la yig char skye ba ngo bo nyid med pa ma skyes ba sogs su gsungs ba'i dgongs gzhir dngos su ma bstan na jo nang ba la skyon bstan pa dag gis kyang gnod par gsungs pa'i tshul ni/ don dam pa ngo bo nyid med ba bar ba'i dgongs gzhir dngos su ma bstan na bar bas yongs grub rang mtshan gyis med bar gsungs ba'i dgongs gzhi dngos su ma bstan par 'gyur bas/ 'dir drang don du dngos su bkral ba'i 'khor lo bar pa der yongs grub rang mtshan gyis med par ma bstan par 'gyur zhes bkag pa yin pa la/ rang lugs la'ang @089b skye ba ngo bo nyid med pa gzhan dbang ma skyes pa sogs su gsungs ba'i dgongs gzhir dngos su ma bstan na/ gzhan dbang ma skyes pa sogs su gsungs ba'i dgongs gzhi dngos su ma bstan par 'gyur te/ kun btags rang mtshan gyis med ba la dgongs nas gzhan dang dam skyes ba sogs su gsungs zer don med cing gzhan dbang rang steng na de'i dgongs gzhir dngos su bstan pa'i skye med cig med pa'i phyir/ 'dir dngos su drang don du bkral ba'i 'khor lo bar pa der ma skyes pa sogs su gsungs ba'i chos kyi nang na gzhan dbang med ces smra dgos par 'gyur ba'i don no/ /'di dag la dbag na'ang skye ba ngo bo nyid med pa de mtshan nyid gsum du phye ba'i tshe gzhan dbang kho na rang ngos nas ma grub bar gsungs ba'i dgongs gzhi dang/ don dam pa ngo bo nyid med pa yongs grub kho na rang ngos nas ma grub par gsungs pa'i dgongs gzhi yin chod du snang ste/ de min na skye ba ngo bo nyid med pa gzhan dbang ma skyes par gsungs ba'i dgongs gzhir dngos su ma bstan kyang don dam pa ngo bo nyid med ba der dngos su bstan byas chog pas jo nang bar brjod pa'i skyon 'jug don med ba'i phyir/ gong du yig cha'i gsung zin dgongs pa yin min brtag dgos zhes pa'i rgyu mtshan 'di yin no/ /de la kho na re/ don dam pa ngo bo nyid med pa de ma skyes pa sogs su gsungs pa'i dgongs gzhi ma yin par thal/ de gzhan dbang ma skyes pa sogs su gsungs ba'i dgongs gzhi ma yin pa gang zhig /yongs grub don la'ang skye ba med ba'i phyir/ rtags dang po khas zer na/ ma khyab ste/ mdo las chos thams cad skye ba med @090a @#/ /mnyam du gsungs pa de mtshan nyid gsum ga'i steng na go rgyu thun mong ma yin pa re yod pas de'i dgongs gzhir bkral ba yin pa'i phyir/ khyed ltar na bum pa 'ang mtshan gyis skye ba med par gsungs pa de chos sku'i ngo bo gong 'phel du 'gro rgyu med pa la dgongs par thal/ skye med brgyad ga khyad med du chos thams cad skye ba med par gsungs ba'i dgongs gzhir 'jog rigs pa'i phyir/ kha cig na re/ 'dir bstan 'khor lo bar pas gzugs nas rnam mkhyen gyi bar gyi chos thams cad ma skyes bar gsungs par thal/ ma skyes pa sogs su gsungs pa'i dgongs gzhi 'chad rigs ba'i phyir na/ ma khyab ste/ rang gi mtshan nyid kyis ma skyes par gsungs ba'i dgongs gzhi yin ba'i phyir/ 'dod mi nus te/ des gzugs sogs ma skyes par ma gsungs pa'i phyir /las dang nyon mongs sogs 'gag pa med par bstan pa'i phyir/ yang kho na re/ dgongs 'grel las gzhan dbang skye ba ngo bo nyid med par gsungs ba'i dgongs gzhir dngos su bstan par thal/ gzhan dbang skye ba ngo bo nyid med par gsungs pa'i dgongs gzhi dngos su bstan pa'i phyir na/ ma khyab/ rtags grub ste/ gzhan dbang don dam par skye ba med par gsungs pa'i dgongs gzhi dngos u bstan pa gang zhig /gzhan dbang gi skye ba don dam par med par gsungs pa'i @090b dgongs gzhi'ang dngos su bstan pa'i phyir/ dang po grub ste/ gzhan dbang gi steng gi ngo bo nyid med pa thog mtha' gnyi ga de yin pa'i phyir/ gnyis pa grub ste/ gzhan dbang skye ba'i steng gi mtshan nyid gsum ga de yin pa'i phyir/ kha cig 'dir mya ngan zhes pa kun nyon du gsungs pa sems tsam pa'i lugs su byas nas ngo bo nyid med par smra ba'i lugs la dgag bya bden grub tu 'dod ces khyad 'byed pa mi rigs te/ gnyi ga'i lugs la kun nyon yin pa'i phyir/ byas pa la kho na re/ dbu ma ba'i lugs la mya ngan der kun nyon mi yong bar thal/ rang bzhin gyi myang 'das de stong nyid yin pa'i phyir na/ ma khyab/ rtags grub ste/ bzhi brgya par/ /mdor na chos ni mi 'tsho bar/ /de bzhing gshegs pa rnams kyis gsungs/ /stong nyid mya ngan las 'das par te/ /'dir ni de gnyis 'ba' zhig go/ /zhes dang/ de'i dar TIka las/ des na mtho ris thob byed kyi chos ni mi 'tsho bar de bzhin gshegs pas gsungs so/ /thar pa thob par byed pa'i chos ni chos rnams rang bzhin gyis grub bas stong pa nyid rang bzhin gyi myang 'das dang/ zhes gsungs pa'i phyir/ kun nyon kyi chos rnams stong nyid kyi dgag byar mi'i rigs pas de skabs 'di'i mya ngan la bzhag nas rang bzhin gyi myang 'das stong nyid du bya tshul ji ltar yin snyam na/ rtsa she las/ las dang nyon mongs rnam rtog las/ /de dag spros pas spros ba ni/ /stong pa nyid kyis 'gags bar 'gyur/ /zhes dang/ zla ba'i 'grel pa tshig gsal las/ las dang nyon mongs pa log pas skye ba log pa de'i phyir stong pa nyid kho na spros pa thams cad log ba'i mtshan nyid can @091a @#/ /yin pas/ rang bzhin gyis mya ngan las 'das pa zhes bya'o/ /zhes pa ltar yin te/ dper na nam mkha' gzugs can gzhan gyis bsgribs ba'i tshe de'i bdag nyid du song na nam mkha' gdos bcas su 'gro ba la/ der ma song bar thogs reg bcad tsam du gnas pa de ga nam mkha' yin pa ltar/ sems kyi ngo bo dri mas bsgribs kyang rang bzhin la ma zhugs par rang bzhin las nyon gyi spros ba de dag gis dben zhing rnam par dag pa'i cha de rang bzhin gyi myang 'das yin te/ slob ba'i tshe mya ngan de rang bzhin la ma zhags ba'i cha nas rang bzhin gyi myang 'das zhes bya la/ mi slob ba'i tshe mya ngan de rang gi ngo bo tsam yang bsgrib mi nus pas myang 'das dngos kyi sgra thob ba'i phyir/ des na rang bzhin gyi mya ngan dang de'i tshig zur gyi mya ngan don mi gcig ste/ rang bzhin smos pa'i dgos ba yod pa'i phyir dang/ dper na gser gyi rang bzhin la zhugs pa'i btsa' med ces pas de'i rang bzhin la zhugs pa'i btsa' yod pa bkag kyang spyir btsa' yod pa mi 'gog pa ltar/ rang bzhin la zhugs pa'i mya ngan de stong nyid kyi dgag bya yin kyang de'i tshig zur gyi mya ngan tsam la stong nyid kyi dgag bya dang med pa mi dgos pa'i phyir/ sems tsam pa'ang theg bsdus sogs nas 'byung ba ltar sems kyi rang bzhin dri mas ma bslad pa'i 'od gsal bar khas len kyang ngo bo dri mas bsgrib tshul rtog btags tsam ma yin bar dri ma kho rang gi ngos nas de sgrib byed du skyes bar 'dod pa de dbu ma bas gzhal na rang bzhin bslad pa'i don du 'gyur te/ de ltar bsgribs pa yin na 'bral mi rung bar 'dod pa'i phyir/ @091b sems tsam pas de ngo bo sgrib pa tsam du 'dod de/ de 'dra zhig ma byung na sgrib par rlom tsam yin pas sgrib pa dngos su mi 'gyur la/ de'i phyir gang zag thams cad sangs rgyas su 'gyur zhing kun nyon gyi chos rnams ye med du 'gro bar 'dod do/ /gnad 'dim go bar rang bzhin shes pa'i tshig tsam la re bas grub mtha'i gting dpog ga la nus te/ mthar thug theg gcig dang theg gsum 'dod pa'i rtsa ba'ang 'dis byas so/ /de la kha cig na re/ sems kyi rang bzhin dri mas bslad pa dang dral ba de skabs 'di'i myang 'das kyi don yin par thal/ gong 'og gi 'chan tshul 'thad ba'i phyir/ 'dod na/ de stong nyid yin par thal/ 'dod pa'i phyir/ 'dod mi nus te/ chos nyid gzhan dbang gis stong pa stong nyid du 'chad pa dol po pa sogs kyi lugs yin pa'i phyir zer na/ blo'i shed ma phye ba rnams la dogs pa 'di skye ba shin tu bden pas bshad par bya ste/ pha rol pos yongs grub gzhan dbang gis stong par bshad pa ni lang gshegs las stong tshul bdun gsum pa'i thams phyogs bum bas stong pa lta bu don gzhan gyi rten brten pa'i tshul du grub pas stong pa yin la/ stong gzhi'ang yongs grub rang la byed dgos/ 'dir bshad pa ni dri ma sems kyi rang bzhin la zhugs na rang bzhin dang de gnyis yul dus gnas skabs gang la ltos te dbye mi rung yin dgos pas/ sems kyi rang bzhin mthong ba'i ye shes rnam par mi rtog pa'i ngo bor yang dri ma las nyon bag chags dang bcas pa de dag gi spros pa khegs mi nus pas/ ye shes de'i ngor las nyon gyi dri ma yod pa rang bzhin gyi mya ngan dang chos nyid kyi dgag byar bshad pa yin pa gang zhig /rig @092a @#/ /shes kyi dor kun rdzob kyi chos yod pa rig do'i dgag byar dol po pa ma yin pa dag gis kyang 'dod dges pa'i phyir/ des na 'di'i stong gzhir sems de nyid yod ste/ sams steng du tshes bdag pa btsal mthar sgrub phyogs nas rnyed rgyu zhig byung nas sems steng gi chos bdag yin dgos pa'i phyir/ de lta ma yin na gnas lugs kyi ngo bo bsgribs pa'i dri ma gyi stobs kyis zad cha'i 'gog bden de stong nyid ma yin par thal/ gnas lugs kho rang gi bdag nyid slong byed kyi dri ma gdod nas zad pa de chos nyid ma yin pa'i phyir/ rtags khas/ khyab ste/ de gnyis las phyi chos nyid du 'jog pa la dogs pa'ang cher med la/ snga ma ni lam byi stobs kyis yin zhing/ chos nyid ni bcos ma ma yin bzhig dgos snyam nas rang rgyud pa sogs 'gog bden chos nyid ma yin par bzhed pa dang/ sems tsam pas dri ma zad pa lam gyi stobs kyis yin kyang gang gi ngo bor zad pa'i chos dbyings ni nam yang 'gyur ldog med pas sems kyi rang bzhin gdod nas gnas pa de yin pa'i skyon med bar smra ste/ 'dir yang rtag brtag pa'i dus dang ther zug ther zug gi dus su rnam par gnas pa'i rgyu mtshan gyis skye 'gag med cing kun nyon dang bral bas rang bzhin gyi myang 'das su gsungs pa'ang/ rgyud bla mar rnam gzhag rnam pa bcu'i nang nas gnas skabs kyi don ngo bo sgrib byed yod med kyi ming 'dogs so so bar byas kyang rang bzhin nam yang dri mas bslad pa med pas snga phyi'i dus kun tu mi 'gyur bar gnas pa 'gyur ba med pa'i don du bshad pa/ theg bsdus las/ gzhan du mi @092b 'gyur ba'i phyir yongs grub bo/ /zhes yongs grub kyi sgra don yang de ltar gsungs pa dang/ rgyan las phyi ma phyi ma'i rten yin pas zhes pa ltar dkyus gcig tu song ba dgos kyi/ skye 'gag med pa tsam gyi rgyu mtshan du snga phyi'i dus kun tu rnam par gnas ba'i phyir zhes bkod pas mdo'i don mi rdzogs so/ /gzhan yang sems kyi rang bzhin la dri ma'i bslang pa ma zhugs pa chos nyid yin par thal/ sems kyi rang bzhin 'od gsal pa chos nyid yin pa'i phyir/ rnam 'grel las/ sems kyi rang bzhin 'og gsal te// dri ma rnams ni blo bur ba/ /zhes gsungs ba'i phyir/ khyab ste/ 'di'i rang bzhin 'di gsal ba de chos nyid la byas nas nam mkha' dang dpe sbyar/ dri ma glo bur ba sprin dang dpe sbyar nas de nam mkha'i ngo bor zad pa ltar dri ma chos dbyings su zad par 'dod pa'i phyir/ phar phyin mtha' dpyod du rang bzhin dri mas ma bslad pa'i shes byed la theg bsdus kyi/ chu khams gser dang nam mkha' zhes sogs drangs pa le'u dang po'i chos nyid rgyas bshad kyi skabs yin pa gang zhig /le'u bzhi par yang/ chos kyi dbyings ni rang bzhin gyis/ /rnam par dag phyir nam mkha' bzhin/ /gnyis ni glo bur byung ba ste/ /zhes gsungs pa'i phyir/ 'di'i gnyis zhes pa dag ma dag gnyis yin la/ zhib cha 'grel bshad du gsal/ dri ma sems kyi rang bzhin la ma zhugs pa de chos nyid du 'chad tshul gzhan yang yod de/ rnam 'grel thar lam gsal byed las/ sems la bdag 'dzin gyi mun pa bab pa des rang bzhin la ma zhugs pa'i don te/ zhugs na bdag 'dzin gyi 'dzin stangs sems kyi gnas lugs la ji ltar @093a @#/ /yod pa de dang mthun par 'gyur la/ de lta na bdag med med cing bdag yod par 'gyur ro/ /zhes bdag 'dzin de'i zhen tshul don gyi sdod lugs su song ma song la gsungs pas/ des bzung ba ltar ma grub pa dri ma rang bzhin la ma zhugs pa'i don du gsal bar bstan pa'i phyir/ de ltar ma go bar chos nyid dri mas bslad ma bslad kyi dogs pa 'brel med snyam nas rang bzhin de ldan min zhig tu smra ba sogs mthong rgya chung bas blo su dog par thad do/ /mdo yi dgongs pa 'grel pa'i tshul/ /mdo rgyas gnyis su gsungs pa rnams/ /mdo dang bstan bcos gung bsgrigs te/ /mdo tsam gtam du bsnyad pa yin/ /chos dkar 'od kyis 'khyud pa padma'i spyan/ /dbang 'byor rgya mtshos mi ngoms rgod ma kha/ /bkol ba'i bstan 'dzin mkhas pa ku na'i tshal/ kun la bdud rtsi'i mchod yon sbrengs sam snyam/ !//gsum pa ngo bo nyid gsum gyi ngo bo ngos bzung ba la/ kun btags kyi ngo bo nyid/ gzhan dbang gi ngo bo nyid/ yongs grub kyi ngo bo nyid gsum du yod pas/ de gsum re re bzhin dri bas mtshams sbyar/ bshad bya'i mdo bkod/ mdo'i don bshad pa gsum gsum gyis gtan lA 'bebs par/ kun btags mtshan nyid ngo bo nyid med pa nyid yin na kun btags nyid gang yin snyam na/ zhes pa nas/ kun btags kho nas ngo bo nyid med pa la yongs grub tu byed ces pa'i don no/ /zhes pa'i bar dang/ ngo bo nyid phyi ma'i don las 'phros te jo nang pa la 'gal ba ston tshul/ 'dus byas 'dus ma byas kun rdzob don dam @093b thams cad kyi steng nas mtshan nyid gsum 'jog lugs 'dra tshul dang bcas pa ston par/ de nyid gong mas/ zhes pa nas/ don dam yang dag 'phags kyis ston pa la gsol ba'o/ /zhes pa'i bar byung/ bshad bya'i mdo gsum ni dgongs 'brel las/ bcom ldan 'das kyis bka' stsal pa'i don bdag gis 'di ltar 'tshal te rnam par rtog pa'i spyod yul kun btags pa'i mtshan nyid kyi gnas 'du byed kyi mtshan ma la gzugs kyi phung po zhes ngo bo nyid dam bye brag gi mtshan nyid du ming dang brdas rnam par bzhag pa dang/ gzugs kyi phung po skye'o zhe'am/ 'gag go zhe'am/ gzugs kyi phung po spang ba dang yongs su shes ba zhes ngo bo nyid kyi mtshan nyid dam bye brag gi mtshan nyid du ming dang brdas rnam par bzhag pa gang lags pa de ni kun btags pa'i mtshan nyid lags te/ de la brtan nas bcom ldan 'das chos rnams kyi mtshan nyid ngo bo nyid med pa nyid 'dogs par mdzad lags so/ /zhes dang/ rnam par rtog pa'i spyod yul kun btags pa'i mtshan nyid kyi gnas 'du byed kyi mtshan ma gang lags ba de ni gzhan gyi dbang gi mtshan nyid lags te/ de la brten nas bcom ldan 'das chos rnams kyi skye ba ngo bo nyid ma mchis pa nyid dang don dam pa'i ngo bo nyid ma mchis pa de las gcig kyang 'dogs par mdzad lags so/ /zhes dang/ rnam par rtog pa'i spyod yul kun btags pa'i mtshan nyid kyi gnas 'du byed kyi mtshan ma de nyid kun btags pa'i mtshan nyid der yongs su ma grub cing ngo bo nyid ma mchis pa nyid chos bdag ma @094a @#/ /mchis ba de bzhin nyid rnam par dag pa'i dmigs pa gang lags pa de ni yongs su grub pa'i mtshan nyid lags te/ de la brten nas bcom ldan 'das don dam pa ngo bo nyid ma mchis pa de las gcig 'dogs par mdzad lags so/ /zhes dang por gzugs phung gi steng nas tshan gsum gsungs la/ de nas/ gzugs kyi phung po la ji lta ba bzhin du phung po lhag ma rnams la'ang de bzhin du sbyar bar bgyi lags so/ /phung po rnams la ji lta ba bzhin du skye mched bcu gnyis po dag gi skye mched re re la'ang de bzhin lags so/ /srid ba'i yan lag bcu gnyis po dag gi srid pa'i yan lag re re la'ang de bzhin lags so/ /zas bzhi po dag gi zas re re la'ang de bzhin lags so/ /khams drug dang khams bco brgyad po dag gi khams re re la'ang de bzhin lags so/ /zhes dang/ sdug bden la gzugs phung gi skabs bzhin rgyas bar gsungs pa'i mjug tu/ sdug bsngal 'phags pa'i bden pa la ji lta ba bzhin du bden pa lhag ma rnams la'ang de bzhin du sbyar bar bgyi lags so/ /bden pa rnams la ji lta ba bzhin du dran pa nye bar gzhag pa rnams dang/ yang dag pa'i spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ lam gyi yan lag rnams kyi yan lag re re la'ang de bzhin du sbyar bar bgyi lags so/ /zhes gsungs nas mthar yang dag pa'i ting nge 'dzin la sbyar te yang gong bzhin rgyas par gsungs so/ /'di la spyi don dang mtha' dpyad pa @094b gnyis; dang po ni/ ngo bo nyid med pa gsum po de'ang ngo bo nyid dam mtshan nyid gsum las logs su med kyang/ dang ba'i dgongs gzhir ston ba na sgrub phyogs nas mtshan nyid gsum gyi sgras ma bstan pa dgag phyogs nas ngo bo nyid med pa'i ming gis btags te bstan pa ni/ bar bas ngo bo nyid med par gsungs pa de rang bzhin gyis grub pa'i ngo bo ye nas med pa min gyi/ med tshul 'di dang 'di 'dra ba ra la dgongs pa yin no zhes gdul byas go bde ba'i phyir de ltar btags pa yin no/ /des na btags chos ngo bo nyid med pa gsum nges pa la gdags gzhi ngo bo nyid gsum nges dgos pas 'dir de ngos 'dzin tshul gsungs so/ /de'ang sgra rtog gis sgra btags pa tsam gyi cha ni kun btags kyi ngo bo yin la/ ri bong rwa lta bu med rgyu'i kun btags sam mtshan nyid yongs chad kyi kun btags dang/ spyi mtshan dang nam mkha' lta bu rnam grangs pa'i kun btags gnyis su yod kyang/ 'di'i dngos bstan ni gzugs rang 'dzin rtog pa'i zhe na gzhir rang mtshan gyis grub pa'am grub par sgro btags pa lta bu ngo bo la kun btags pa dang/ gzugs kyi skye ba rang 'dzin rtog pa'i zhen gzhir rang mtshan gyis grub pa dang grub par sgro btags pa lta bu khyad par la kun btags pa gnyis su mdzad pas/ shugs bstan gang zag gi bdag la sbyar te ngo bo dang khyad par la kun btags pa gnyis kyang yod do/ /sgra don yang spyi'i dbang du byas na rang gi ngo bo sgra rtog gis kun tu btags pa tsam yin pa la byed cing/ 'dir bstan gyi dbang du byas na rab rib can gyi mig la skyon chags @095a @#/ /pa'i dbang gis zas la skra shad mthong ba bzhin gzhi gzhan dbang gi steng du log par sgro btags pa'i cha tsam la byed de/ dang po ni theg bsdus las/ kun tu rtog pas ji ltar kun tu rtog cing dmigs pa gang dang mtshan mar 'dzin pa dang/ mngon bar zhen pa gang dang/ ngag kun nas slob ba gang dang/ tha snyad gang dang/ sgro 'dogs pa gang gis kun tu rtog /ces so/ /gnyis pa'ang de nyid las/ rnam pa gang gis gzhan gyi dbang gi ngo bo nyid la kun tu btags pa de ni de la kun tu rtog pa'i ngo bo nyid do/ /zhes dang/ yon tan 'byung gnas kyi le'u las/ rab rib can gyi mig la rab rib kyi skyon chags ba de lta bur ni kun btags pa'i mtshan nyid blta bar bya'o/ /zhes gsungs shing/ khyad par du 'dir khyad chos gsum ldan gyi gzhan dbang gzhir bzung nas der sgro 'dogs tshul dang bcas gsal bar gsungs pa yin no/ /rgyu rkyen la ltos nas byung ba gzhan dbang gi ngo bo/ de la 'khor ba'i gnas lus rgyu bcas lta bu ma dag pa'i gzhan dbang/ 'phags pa'i mnyam rjes kyi ye shes sangs rgyas kyi gzugs sku lta bu dag pa'i gzhan dbang gnyis yod/ sgra don ni gong du drangs pa'i mdor/ 'di ltar de ni rkyen gzhan gyi stobs kyis byung ba yin gyi bdag nyid kyis ma yin pas/ zhes pa ltar rgyu gzhan la ltos dgos pas na gzhan dbang zhes bshad pa yin la/ yang theg bsdus su/ skad cig las lhag par bdag nyid gnas par mi nus bas na gzhan gyi dbang zhes bya'o/ /zhes skad cig gnyis par sdod pa'i dbang med par 'jig dgos pa'i cha nas @095b kyang gzhan dbang du gsungs so/ /sgrib gnyis ci rigs kyi gnyen po'i rnam dag lam gyi dmigs pa mthar thug gang zhig /rang gi dgag bya bcad tsam gyi de bzhin nyid ni yongs grub kyi ngo bo/ de la gang zag gi bdag bkag tsam gyi yongs grub dang; chos bdag bkag tsam gyi yongs grub gnyis/ de re re la'ang nang stong pa nyid sogs nyi shu yod/ sgras brjod kyi phye na/ bsgom bya'i don stong ba nyid ni don don dam dang/ de sgom byed kyi lam ni sgrub pa don dam dang/ de la brten nas de bzhin nyid mngon du byas pa'i thob ba don dam ste gzhi lam 'bras bu la sbyar ba gsum/ yul dang yul can la sbyar te 'phags pa'i mi rtog ye shes lta bu phyin ci ma log pa'i yongs grub dang/ chos rnams kyi gnas lugs 'gyur ba med pa'i yongs grub gnyis su'ang mdzad do/ /sgra don yang dper na/ rab rib dang bral ba'i mig gis nam bltas kyang don dngos gnas pa de nyid ji lta bar snang ba bzhin/ 'phags pa'i mnyam gzhag ye shes kyis ji ltar gzigs pa bzhin dag ma dag sngon dang phyi ma'i dus gang gi tsho'ang 'gyur ldog med par yul gyi gnas lcags mthar thug tu gdod nas grub bas yongs grub ces bya ste/ yon tan 'byung gnas kyi le'u las/ mig yongs su dag cing mig la rab rib kyi skyon chags pa dang bral bar gyur pa mig de nyid kyi rang bzhin gyi spyod yul ma nor ba'i spyod yul de lta bur ni yongs su grub pa'i mtshan nyid ba lta bar bya'o/ /zhes gsungs pa'i phyir/ yongs grub kyi rnam grangs so so'i sgra don rgyas bar phye ste dbus mtha' las/ de bzhin nyid @096a @#/ /dang yang dag mtha'/ /mtshan ma med dang don dam dang/ /chos kyi dbyings rnams rnam grangs so/ /zhes dang/ gzhan min phyin ci log ma yin/ /de 'gog 'phags pa'i spyod yul dang/ /'phags pa'i chos kyi rgyu yin phyir; ;rnam grangs don te go rim bzhin/ /zhes rim ba ltar/ gnas tshul de las gzhan min pas de bzhin nyid/ phyin ci ma log bas yang dag pa'i mtha'/ dgag bya'i mtshan ma 'gog pas mtshan med/ 'phags pa'i ye shes dam pa'i spyod yul gyi don yin pas don dam pa/ gang la dmigs te bsgoms na 'phags pa'i chos kyi rgyur 'gro bas chos kyi dbyings te/ dbyings kyi skad dod d+hA tu zhes pa skabs 'dir rgyu la byed par 'grel pa las gsungs so/ /stong nyid kyi sgra don 'dir mi gsal yang; kun btus las/ ci'i phyir stong pa nyid ces bya zhe na/ kun nas nyon mongs pa mi rgyu ba'i phyir ro/ /zhes gsungs so/ /yongs grub kyi mtshan nyid la stong thun las bdag 'dzin gnyis kyis kun btags pa ltar gyis stong pa'i de bzhin nyid/ ces gsungs la/ dka' 'grel las/ de ltar stong thun du gsungs kyang chos kyi bdag med ma gtogs gang zag gi bdag med yongs grub mtshan nyid pa ma yin/ zhes gsungs na'ang/ yig char sgras zin de nyid rtsom pa po'i bzhed pa dngos min par gsungs shing/ grub mtha' rtsa bar/ bdag gnyis brtag pas stong pa yongs grub ste/ /zhes pa rtsa 'grel gyis kyang stong thun bzhin gsungs pas/ rang lugs bdag med gnyis ka yongs grub tu byed dgos te/ gong @096b du dbus mtha' rtsa 'grel sogs kyi shes byed rgyas par bkod pa bzhin yin la/ der ma zad mdo 'dir lan gyi skabs nas gsungs pa'i ngo bo nyid med pa gsum la 'khor lo dang po'i dgongs gzhi gang zag gi bdag med kyi dbang du byas pa'i de gsum dang/ bar pa'i dgongs gzhi chos kyi bdag med kyi dbang du byas pa'i de gsum ste tshan gnyis 'byed dgos/ de lta na skabs 'dir gsungs pa'i ngo bo nyid gsum yang de'i mtshan gzhir gsungs pa yin pas/ bdag med gnyi ga'i dbang du byas ba'i mtshan nyid gsum gsum 'byed dgos par 'grub cing/ de 'dod na/ gzhan dbang gang gis stong par bsgrub rgyu'i kun btags la gang zag gi bdag dang chos bdag gnyis yod cing/ bdag de gnyis rnam par bcad tsam gyis stong ba gnyi ga rnam dag lam gyi dmigs pa mthar thug dang yongs grub tu 'jog dgos pa mdo tshan gsum ga'i 'brel gyis shes pa'i phyir/ der ma zad theg dman rnams kyi nyon sgrib rnam par dag byed kyi dmigs pa gang zag gi bdag med phra mo dang po'i dgongs gzhi dang/ theg chen pa rnams shas sgrib rnam par dag byed kyi dmigs pa chos kyi bdag med bar pa'i dgongs gzhir byas te gnyi ga mdo 'dir dngos shugs kyi tshul du bstan pas/ 'dir theg pa thams cad la yang dag par zhugs ba zhes gsungs pa dang/ yang theg pa che chung gnyi ga'i bsgom bya'i yongs grub mi 'dra'ang gnyi ga 'di nas bshad ba'i gzhan dbang kun btags kyis stong pa'i yongs grub tu rigs 'dra ba'i @097a @#/ /dbang gis mdo nyid las/ kun gyi rnam dag lam ni gcig bu 'di yin te/ /rnam bar dag ba'ang gcig ste ba nyis pa gang yang med/ /de phyir theg pa gcig pa 'di ni 'dogs byed kyang/ /sems can rigs ni rnams sna tshogs med pa min/ /zhes theg ba gsum ka'i rnam dag gi lam dang rnam dag gcig bar gsungs pa yin ba'i phyir dang/ lang gshegs las kyang/ shes bya'i sgrib pa ni chos la bdag med ba mthong ba'i bye brag gis rnam par dag par 'gyur ro; ;nyon mongs pa'i sgrib pa ni gang zag la bdag med pa mthong ba'i bye brag gis rnam bar dag par 'gyur ro/ /zhes gsungs pas kyang theg pa che chung gnyi ga'i bar chad med lam yang rnam dag lam mtshan nyid bar 'grub pa'i phyir bdag med gnyis kyang rnam dag lam gyi dmigs pa mthar thug tu 'grub bo/ /des na rje btsun gyis/ rnam dag spyod yul rnam gnyis zhes gsungs pa'ang bdag med gnyis kyi dbang du byas ba'i thar lam 'dzin stangs mi 'dra ba gnyis mdo de dag tu gsungs pa de'i dgongs pa 'grel ba'i phyir yin te/ theg dman la rnam dag lam mtshan nyid pa med na rnam dag thar ba mtshan nyid pa'ang med par 'gyur ba'i phyir ro/ /de'ang 'di nyid las/ tshig dang po gsum gyis kun btags 'dogs pa'i gzhi bstan la/ zhes pa ltar/ rnam par rtog pa'i spyod yul zhes dang/ kun btags pa'i mtshan nyid kyi gnas zhes dang/ 'du byed kyi mtshan ma zhes ba gsum gyis gzhan dbang de nyid kun btags 'dogs pa'i gzhir gyur @097b tshul khyad par gsum gyi sgo nas gsungs so/ /de la spyod yul ni mdzod gnas bdun par/ rnam pa rnam pa spyod yul dang/ /zhes pa lta bu dmigs yul gyi ming la spyod yul du btags pa skabs du mar 'byung zhing/ 'dir yang rgya nag 'grel chen las; gzugs kyi phung po la sogs pa ni rnam par rtog pa de'i dmigs pa'i rkyen yin pa'i phyir de'i spyod yul zhes bya'o/ /zhes gsungs te/ 'di'i dmigs rkyen zhes pa snang ba'i dmigs rkyen nam/ dmigs rkyen btags pa ba la 'chad dgos so; ;kun btags pa'i mtshan nyid kyi gnas zhes pa kun btags 'dogs gzhi yin pas go slal/ 'du byed kyi mtshan ma ni rgya nag 'grel chen las/ 'du byed ni lta ba'i rnam pa ste 'du byed la bye brag tu dmigs pa'i shes pa'o/ /mtshan ma ni rgyu mtshan gyi rnam ba ste dmigs bar bya ba'i mtshan ma'o/ /zhes dang/ 'du byed kyi mtshan ma zhes bya ba ni 'dus byas kyi rnam pa ste/ thams cad kyang gzhan gyi dbang gi rnam pa'i mtshan nyid do zhe'o/ /zhes thun mong ma yin pa'i khyad par gyi sgo nas des dgos pa la 'chad tshul gcig dang/ mtshan ma zhes pa mtshan nyid la byas nas 'dus byas kyi mtshan nyid dam 'dus byas kyi ngo bor grub ba tsam la bya tshul gcig ste gnyis bkod nas phyi ma bzang bar bshad kyang snga ma gnad che ste; 'dus byas kyi chos rnams blo yul du byed pa'i tshe rang rang gi thun mong ma yin pa'i mtshan ma ste mi 'dra ba'i khyad par gyi rgyu mtshan re re shar ba'i sgo nas des dgos la/ 'dus ma byas rnams spyi'i rnam pa yid la bya dgos pa ni myong bas @098a @#/ /'grub pas/ lugs 'dir yang de rang spyi'i don du mi 'dod kyang snang tshul de ltar 'dod dgos pa'i phyir/ 'dra dang mi 'dra nyid phyir dang/ /zhes pa'i thad kyi rnam 'grel TIka chen las/ 'dra ba ste rang snang yul du byed ba'i shes pa la thun mong bar snang ba dang/ mi 'dra ba ste rang snang yul du byed pa'i shes pa la thun mong ma yin par snang ba gnyis su nges pa'i phyir/ zhes sogs dang/ rgyu mtshan gzhan ni yod pa na/ /blo ni yod dang med phyir ro/ /zhes sogs rtsa 'grel rnams kyis kyang 'grub pa'i phyir ro/ /dgongs pa rab gsal las/ gzhan dbang la khyad par gsum yod de/ phyi rol med par 'byung ba dang/ rang bzhin gyis yod pa dang/ don dam par spros pa yin no cog gi yul ma yin pa'o/ / zhes pa ltar/ sems tsam pas gzhan dbang gi ngo bo 'dod tshul brjod pa'i skabs su 'jug pa las/ phyi rol gzung ba med par 'byung 'gyur la/ /yod dang spros kun yul min rang bzhin yod/ /ces khyad par gsum sbyar ba dang cung zad mi 'dra ba'ang gnad mtshungs te/ phyi rol med kyang rmi lam gyi glang po ltar rnam rtog gi snang cha tsam du yod pa ni phyi rol med par 'byung tshul dang rnam par rtog pa'i spyod yul gyi don gnyis kar 'brel lo/ /rang ngos nas thun mong ma yin pa'i rnam pa gtod pa'i mthu dang ldan pa ni rang bzhin gyis grub lugs dang 'du byed kyi mtshan mar 'jog tshul gnyi ga yin te/ 'di nyid las/ dang pos gang gi yul yin pa dang/ gnyis pas kun btags kyi gdags gzhi dang/ gsum @098b pas rang gi ngo bo bstan to/ /zhes gsungs pa'i phyir/ don dam par sgra rtog gi yul ma yin pa ni kun btags pa'i mtshan nyid kyi gnas su gyur pa dang gnang gcig ste/ bdag tu 'dzin pas phyin ci log tu bzung ba ni kun tu sgro btags pa'i rdzun pa yin gyi/ don dam ba ma nor ba de de'i yul du byed mi nus pa'i phyir/ dgongs ba rab gsal las/ don dam par sgra rtog gi spros ba kun te thams cad kyi yul min ba'i rang bzhin can du yod de/ phyi nang gi mngon bar brjod pa ni dngos su na brtag pa'i rnam pa 'dzin pa'i phyir ro/ /zhes gsungs pa'i phyir/ mtha' dpyad pa la/ kha cig na re/ gang zag gi bdag med la stong nyid bcu drug dang nyi shur dbye ba mi 'thad par thal/ gang zag gi bdag med gtso bor nyan thos kyi bsgom bya yin la/ stong nyid bcu drug tu phye ba theg chen gyi lam gyi dbang du byas pa yin pa'i phyir/ der thal/ de srid zhi gnyi ga'i mtha' 'gog pa dang chos gzugs kyi sku gnyis sgrub pa sogs kyi dbang du byas pa yin pa'i phyir/ der thal/ dbus mtha' las/ za ba bza' dang de yi lus/ /gnas kyi gzhi ni stong ba nyid/ /de yang gang gis ji ltar mthong/ /gang phyir de yang stong pa nyid/ /de gnyis thob par bya ba'i phyir/ /rtag tu sems can phan bya'i phyir/ /'khor ba gtang bar mi bya'i phyir/ /dge ba mi zad bya ba'i phyir/ /rigs kyang rnam par dag bya'i phyir/ /mtshan dang dpe byad thob bya'i phyir/ /sangs rgyas chos rnams dag bya'i phyir/ /byang chub sems dpa' sgrub par byed/ ces longs spyod byed spyad bya spyod pa'i @099a @#/ /rten de'i zhing rnams la nang phyi gnyi ga chen po stong pa nyid bzhi dang/ gzung ba dang 'dzin par zhen pa bkag pa'i stong pa nyid stong pa nyid dang don dam ba stong pa nyid gnyis lam dang 'bras bu'i dge ba gnyis sgrub pa'i 'dus byas dang 'dus ma byas stong nyid gnyis rnams theg pa che chung thun mong du sbyar rung yang/ mtha' las 'das pas rtag tu sems can gyi don sgrub pa/ thon ma dang tha ma med pas 'khor ba mi 'dor ba'i rang bzhin/ dor ba med bas lhag med kyi tshe'ang gzhan yal bar mi 'dor ba/ rang bzhin stong ba nyid kyis rang bzhin gnas rigs sbyong ba/ rang gi mtshan nyid stong pa nyid kyis mtshan dpe sgrub pa/ chos thams cad stong pa nyid kyis stobs dang mi 'jigs pa sogs sangs rgyas kyi chos thams cad sgrub pa rnams byang sems ma gtogs pa la mi 'brel zhing/ 'di'i mjug tu'ang/ byang chub sems dpa' sgrub par byed/ /ces gsungs pa'i phyir na/ ma khyab/ dang po nas thabs shes zung 'brel du nyams su blangs na rjes su bdag med bsgom pa'i lag rjes la de lta bu 'byung yang dang po nas thabs khyad par can gyis ma zin na bdag med bsgoms kyang de 'dra 'ong don med pa'i phyir/ der thal/ byang sems kyis mi rtag sdug bsngal sogs bsgoms pas srid mtha' khegs byed du 'gro'ang/ nyan rang gis de bsgoms pa srid mtha' khegs byed du mi 'gro ba bzhin yin pa'i phyir/ gong du 'dod mi nus te/ chos thams cad stong pa nyid kyi bar bcu bzhi po de dbye tshes su byas nas de'i dbye gzhi la bdag med gnyi ga 'dzeg dgos pa gang zhig/ @099b dngos po med pa stong pa nyid dang dngos po med pa'i ngo bo nyid stong pa nyid gnyis spyir dbye chos stong nyid bcu drug gi grangs yin kyang/ 'dir thams cad kyi mthar zur du gsungs pa dgos dbang gis yin pa'i phyir/ dbus mtha' las/ gang zag dag ni chos rnams kyi/ /dngos po med 'dir stong pa nyid/ /de dngos med pa'i dngos yod pa/ /de ni de las stong nyid gzhan/ /zhes dang/ 'grel bshad las/ zab po la sogs pa 'di la stong pa nyid gang yin ngo bo nyid ni ji lta bu zhe na/ de'i phyir/ gang zag dang ni chos rnams kyi/ /zhes sogs gsungs pa'i phyir/ zur phyi ma grub ste/ dbye gzhi bdag med gnyis dang dbye chos stong nyid bcu bzhi po de thams cad kyang rang gi ngo bo dgag bya bkag tsam du 'jog dgos par shes pa'i phyir dngos po med pa stong pa nyid dang/ yang de dgag bya'i dngos bo med tsam la bzhag pa na gtan med du 'gyur ram snyam pa la dgag bya bcad tsam de nyid rnam dag lam gyi dmigs pa mthar thug tu yod par go ba'i phyir dngos po med pa'i ngo bo nyid stod pa nyid bzhag pa yin pa'i phyir/ 'grel bshad las/ gang zag dang chos su sgro 'dogs pa bsal ba'i don du dngos po med pa stong pa nyid rnam par bzhag go /stong pa nyid la skur pa 'debs pa bsal ba'i phyir dngos po med pa'i ngo bo nyid stong pa nyid do/ /zhes gsungs pa'i phyir/ bod snga ma mang pos dbu ma pa'i lugs kyi stong nyid bcu drug dang/ sems tsam pa'i lugs kyi stong nyid bcu bzhi'am bcu bdun du grangs nges par 'dod pa'ang mi 'thad de/ snga ma dbus mtha'i tshig @100a @#/ /zin tsam la 'khrul bar sna yang de bcu bzhi'i steng du tha ma gnyis bsnan pas stong nyid bcu drug tu 'gyur ba dbus mtha' rang las gsal ba'i phyir dang/ dbyig 'grel gyis kyang/ stong pa nyid rnam pa bcu drug bro 'di lta ste/ zhes gsungs pa'i phyir/ phyi ma'i blo rtse dgongs 'grel byams zhus kyi le'u las mtshan ma bcu'i gnyen po stong nyid bcu bdun du gsungs pa de la bsam par snang gang sher mdo ltar stong nyid bcu drug gi grangs nges kyang mi 'dod bam yin pa'i phyir/ blo brtan gyi 'grel bshad las/ nang stong ba nyid ces bya ba nas dngos po med pa'i ngo bo nyid stong pa nyid ces bya ba'i bar du stong ba nyid rnam pa bcu drug po de ni shes rab kyi pha rol tu phyin pa las 'byung ngo/ /zhes gsungs pa'i phyir/ 'di dag gis kyang lugs 'dir bdag med gnyi ga stong nyid yin par go nus la/ de'i sgrub byed 'ga' zhig gong du bshad zin cing da dung yang 'chad par 'gyur ro/ /phyis kyi TIka byed phal mo che na re/ skabs 'dir 'dus byas 'dus ma byas kyi chos thams cad kyi steng du khyad par med par mtshan nyid gsum gsum sbyor dgos pa dang/ de'i nang gi chos nyid gtan la 'bebs pa'i gzhi gzhan dbang la khyad par gsum ldan gyi gzhan dbang mtshan nyid pa zhig dgos par gsungs la/ 'dus ma byas thams cad la khyad par de gsum tshang bas/ de dag 'dzin pa'i tshad ma rnams de dang de'i steng gi gzhan dbang la 'jog dgos te/ chos nyid gtan la 'bebs pa la dpyod pa'i gzhi rang mtshan gyis grub pa zhig dgos pa'i phyir dang/ @100b stong gzhi bden grub cig med na yongs grub kyang bden med du 'gro bar sems tsam pa'ang khas len pa'i phyir/ dang po grub ste/ rnam 'grel las/ rang gi mtshan nyid gcig gzhal bya/ /yod mad nyid du dpyod rnams kyis/ /don byad las 'grub phyir ro/ /zhes gsungs pa'i phyir/ gnyis pa grub ste/ dbu ma pa'i thad du 'di nyid las/ chos rnams rang gi mtshan nyid kyis gnas tshul ji ltar yod dpyod pas don dam du yod pa la chos can med na chos nyid yan gar bar gnas pa'i mthu med pas; gzhan dbang gi rten 'grel la rang bzhin gyis grub pas stong na yongs grub kyang rang mtshan gyis ma grub par 'gyur zhes lugs snga mas kyang smra la/ zhes dang/ rtsa shes TIka chen las/ bden par grub pa'i rten rdzun pas byed pa 'gal ba'i phyir/ tshul 'di la dbu sems gnyi ga mthun no/ /zhes gsungs ba'i phyir/ des na chos rang rang dang/ rang 'dzin tshad ma dang/ de nyams myong gi rang rig rnams kyi chos nyid yin khyab mnyam yin pas 'dus byas stong pa nyid dang 'dus ma byas stong ba nyid kyang mi 'gal zhes zer ro/ /dang po rnam 'grel gyi lung don khyod ltar ma yin par thal/ de'i don spyir gzhal bya tsam la rang bzhin gyis grub mi dgos kyang/ rtog btags tsam min pa'i gzhal bya la rang mtshan gyis grub pa dgos zhes pa yin pas/ de'i rigs pa chos nyid gtan la 'bebs pa'i dmigs pa la sbyor na'ang chos nyid gtan la 'bebs pa la dmigs pa rang mtshan gyis grub pa mi dgos kyang/ rtog btags tsam ma yin par rang ngos nas de'i @101a @#/ /dmigs par 'gro ba la rang mtshan gyis grub pa zhig dgos zhes pa yin la/ khyod kyis de go bzlog nam gzhal bya tsam dang chos nyid gtan la 'bebs pa'i dmigs pa tsam la'ang rang mtshan dgos zhes bshad pa ni gzhung don la zhib tu ma brtags pa'i skyon yin pa'i phyir/ TIka chen las/ blos btags min pa'i gzhal bya ni rang mtshan gcig pu'o zhes pa ni shes bya chos can/ rang spyi gnyis kyi nang nas don rang ngos nas grub pa'i gzhal bya rang gi mtshan nyid gcig bu yin te/ mngon par 'dod pa'i don byed pa'i nus pa yod med nyid du dpyod pa rnams kyis mngon par 'dod pa'i don bya ba'i nus pa rang spyi gnyis kyi nang nas rang mtshan de kho na la grub pa'i phyir/ zhes dang/ thar lam gsal byed las/ don du gnyer bar bya ba'i 'bras bu yod med rnam par dpyod pa'i rtog ldan rnams kyis don bya ba ni rang mtshan gcig pu de las 'grub pas/ zhes dang/ gzhal bya yin na rang mtshan yin pas khyab ba gzhung 'dis bstan par 'dod pa zhib tum brtag pa ste/ zhes gsungs pa'i phyir/ rtsa 'grel gung ma bsgrigs par drangs na 'di 'dra yod do/ /'di nyid kyi lung rlangs pa'ang spyir don dam par yod med tsam ma yin par rig shes kyis dpyad bzod pa'i dgag bya'i don dam der chos can dang chos nyid gnyi ga yod med mtshungs dgos pa'i don yin pa/ gnas tshul ji ltar yod dpyod pa'i don dam du zhes gsal bar gsungs pa de yin no/ /rtsa shes TIka chen gyi lung don yang chos nyid rang @101b ngos nas grub na de'i rten yang rang ngos nas grub pa zhig dgos kyi/ rang ngos nas grub grub ltar snang yang btags don btsal na rnyed rgyu med pa zhig gis mi chog pa'i don yin pa'i phyir/ yig char lung 'di'i don dam yang lugs rang rang gi dgag bya'i don dam la sbyar ba mkhas pa snga ma'i bshad pa bkod ba tsam yin te/ lung de'i 'phror/ rnal 'byor spyod pa'i mkhas pa rnams kyang yongs grub bden par grub pa la de'i rten gzhan dbang bden par grub dgos par mthong nas gzhan dbang bden par grub ste zhes gsungs pa gang zhig /sems tsam pa'ang rang lugs kyi dgag bya'i don dam der grub pa mi 'dod pa'i phyir/ yul dang yul can gnyi ga'i chos nyid kyi gzhi mthun bzhag pa'i dbang gis lhas sbyin 'dzin pa'i rnam mkhyen gyi stong nyid lhas sbyin gyi stong nyid yin pas/ lugs 'dir rang bzhin rnam dag gi char gyur pa'i ngo bo nyid sku'ang 'jog dga' zhes paN chen bsod grags kyis gsungs la/ sgom bde'i yig char/ de 'dzin pa'i rnam mkhyen gyi chos nyid lhas sbyin gyi chos nyid min yang/ lhas sbyin dang de 'dzin rnam mkhyen rdzas gzhan gyis stong pa gnyi ga'i chos nyid yin pa'i phyir/ zhes 'byung ngo/ /gnyis kas kyang de'i rgyu mtshan du rnam 'grel las/ de phyir gnyis stong gang yin pa; ;de ni de yi'ang de nyid yin/ /zhes gsungs pa'i phyir dang/ 'ang sgra'i don yod pa'i phyir zer/ thar lam gsal byed las kyang/ gzung 'dzin rdzas tha dad gnyis kyis stong pa'i stong nyid gang yin pa de ni chos can/ gnyis @102a @#/ /med kyi shes par ma zad gnyis snang de yi'ang de kho na nyid yin te/ zhes 'byung bas/ gnyis snang zhes pa gzung bya la byed dgos shing/ de ltar na gzung 'dzin gnyi ga'i chos nyid kyi gzhi mthun bzhag par 'dug snyam pa skye'ang/ de'i don 'chad tshul de ltar ma yin par thal/ de gzung 'dzin gnyi ga'i stong nyid kyi bzhi mthun yod pa'i don min gyi/ gzung 'dzin gnyi ga'i stong nyid kyis stong tshul mthun pa'i don yin pa'i phyir/ der thal/ rtsa shar ba byed nyer lnga par/ mya ngan 'das mtha' gang yin pa/ /de ni 'khor ba'i mtha' yin te/ /zhes tshig zin la myang 'das kyi stong nyid de 'khor ba'i stong nyid yin pa lta bu zhig yod kyang/ de'i don 'chad pa'i tshe rigs pa'i rgya mtsho las/ mya ngan las 'das pa'i yang dag pa'i mtha' stong nyid kyis stong tshul gang yin pa de ni 'khor ba'i yang dag pa'i mtha' stong nyid kyis stong tshul yin te/ zhes 'khor 'das gnyis dgag bya'i bdag gis stong tshul 'dra ba'i don du gsungs pa ltar/ 'dir yang phyi yul dang nang gi shes pa gnyi ga gzung 'dzin rdzas gzhan gyis stong mnyam yin pas/ gnyis stong gi de kho na nyid de gnyi ga'i steng du gnas tshul dbyer med pa'i don yin pa'i phyir/ der thal/ gong du/ de phyir don dang shes pa la/ /zhes sogs kyis gzung bya dang/ yongs gcod nang yin phyi rol ltar/ /zhes sogs kyis 'dzin pa rdzas gzhan bkag nas/ de'i don bsdur/ de la gcig ni med pas kyang/ /gnyis ka'ang @102b nyams par 'gyur ba yin/ /de phyir gnyis stong gang yin pa/ /de ni de yi'ang de nyid yin/ /zhes 'byung ba'i phyir ro/ /gzhan yang lhas sbyin dang de 'dzin rnam mkhyen rdzas gzhan gyis stong pa gnyi ga'i stong nyid du bsgrubs pa ni rtsong ba gzhi med yin te/ de 'da'i stong pa gzhi ma grub pa'i phyir/ sems tsam pa ltar na'ang rgyud tha dad pa'i gang zag gi sems dang rdzas gcig tu mi 'gro bar bsgrub pa la rgyud gzhan grub pa zur du gsungs pa'i phyir/ rgyas par 'og tu 'chad do// de la kho na re/ rnam mkhyen dang lhas sbyin gnyi ga'i stong nyid kyi gzhi mthun yod par thal/ de gnyi ga'i steng gi stong nyid 'gal bam yin pa'i phyir/ ma grub na/ de gnyi ga'i steng gi stong nyid chos can/ khyod yin na gang dran dran yin dgos par thal/ khyod 'gal ba yin pa'i phyir zer na/ de sgra sbyar te rtags ma grub kyi lan 'debs/ yang de gnyi ga'i steng gi stong nyid yin na gang dran dran yin dgos bar thal/ /de gnyi ga'i stong nyid 'gal ba yin pa'i phyir na/ skyon can gyi lan 'debs/ 'dod mi nus te/ de gnyi ga rang 'dzin rtog pa'i zhen gzhir rang mtshan gyis grub bas stong pa de de gnyi ga'i stong nyid yin pa'i phyir/ ma grub na/ de chos can/ de gnyi ga'i stong nyid yin bar thal/ de gnyi ga'i steng gi don dam dpyod pa'i rig shes rjes dpag gi rnyed don yin pa'i phyir/ der thal/ de gnyis rang 'dzin rtog pa'i zhen gzhir rang mtshan gyis ma grub bar rtogs pa'i rjes dpag gi gzhul bya yin pa'i phyir/ der thal/ de ltar @103a @#/ /rtogs pa'i rjes dpag yod pa'i phyir te/ de gnyi ga rang 'dzin rtog pa'i zhen gzhir rang mtshan gyis ma grub pa yin pa'i phyir/ yang kha cig na re/ de gnyi ga'i steng gi stong nyid 'gal ba ma yin par thal/ de gnyi ga'i steng gi yongs grub 'gal ba ma yin pa'i phyir/ der thal/ de gcig yin pa'i phyir te/ de gnyi ga'i steng gi dgag bya bcad tsam gyi de bzhin nyid de de'i mtshan nyid yin pa'i phyir dang/ dbu sems su'i lugs la'ang gzhi lam rnam gsum gyi steng du dgag bya chos bdag 'gog pa'i tha snyad 'ba' zhig sgrub kyi rtags yang dag 'jog tshul re yod pa'i phyir zer na/ 'on ka bum gnyi ga'i rang bzhin mthar thug gcig yin par thal/ de gnyi ga'i chos nyid gcig yin pa'i phyir/ rtags khas; 'dod na/ de gnyi ga'i ngo bo dang rgyu 'bras bu thams cad kyang gcig yin par thal/ de dag re re nas mtshon bya yin pa'i phyir/ rtags don gyis khas/ 'dod na/ de gnyis ngo bo dbyer med yin par thal lo/ /gzhan yang nam/ mkha'i steng gi gzhan dbang la de 'dzin tshad ma sogs nam mkha' las don gzhan zhig bzhag pa 'brel med yin par thal/ de'i steng du mtshan nyid gsum sbyar ba'i dgos pa de'i steng gi chos kyi bdag 'dzin 'gog pa dang yongs grub gtan la 'bebs pa'i phyir yin pas/ de la med mi rung du nam mkha' kho rang gzhir bzung ba dgos pa'i phyir te/ gnod 'joms mkhan po 'gog pa'i skabs su rnal 'byor spyod pa dang dbu ma pa su'i lugs la'ang chos kyi bdag med kyi yongs grub gtan @103b sa 'bebs pa na stong gzhi gang la bya dgos ba ni chos kyi bdag 'dzin gyis gzhi gang la chos bdag tu gzung ba de la rag las te/ dper na thag pa la sprul du bzung nas skrag pa'i sdug bsngal bsal bar 'dod na thag ba stong gzhir gzung nas de sbrul gyis stong ngo zhes bstan dgos pa ltar/ gngul bdag tu gzung ba'i gzhi gzhan dbang de ji ltar gzung ba ltar gyi kun btags kyi bdag gis stong ba yongs grub pa yin pas stong tshul de 'dra'i stong nyid bsgom na bdag 'dzin gyi gnyen por 'gro ba yin gyi; stong gzhi dang stong tshul gzhan zhig byas na 'dre shar sgo dang glud nub sgo'i dpe ltar gnad du mi 'gro tshul gsungs pa dang dngos su 'gal zhing/ der ma zad gzugs phung la sbyor nas mtshan nyid gsum gsungs pa'i tshe kho rang gzhan dbang byas te de'i steng du ngo bo dang khyad par la kun btags tshul/ des stong ba yongs grub tu 'jog tshul bcas rgyas par gsungs te/ phung po gzhan bzhi nas byang phyogs sde tshan bdun gyi par thams cad la mtshan nyid gsum gsum de ji lta ba bzhin byed dgos par 'od rang nyid kyis dngos su gsungs shing/ 'di nyid las kyang gdags gzhi sngar bzhin la zhes yang yang gsungs bzhin du gdags gzhi'i gzhan dbang 'jog tshul gzugs phud dang sdug bden sogs kyi tshe dngos su gsungs pa de bzhin du mi 'jog par logs shig nas btsal ba mdo bstan bcos gnyis ka dang 'gal tshul sogs yig cha ltar ro/ /yang gzugs dang gzugs 'dzin tshad ma'i chos nyid yin khyab mnyam ma yin par thal/ gzugs phyi don gyi bem por ma grub pa chos nyid yin kyang/ @104a @#/ /gzugs 'dzin tshad ma phyi don gyi bem por ma grub ba chos nyid ma yin pa'i phyir/ der thal/ de mdo sdebs kyang rtogs pa'i phyir te/ des de shes par rtogs pa'i phyir/ khyab ste/ rnam 'grel las/ rnam shes bem bo'i rang bzhin las/ /ldog par rab tu bstan pa yin/ /zhes gsungs pa'i phyir/ yang mdo las/ gbugs nyid kyang mi dmigs na gzugs kyi de bzhin nyid dmigs par ltag la 'gyur/ zhes dang/ rtsa shes TIka chen las/ rnal 'byor spyod pa'i mkhas pa rnams kyang yongs grub bden par grub pa la de'i rten gzhan dbang bden bar grub dgos par mthong nas/ zhes pa'i don du bsam ste yongs grub bden grub yin phyin de'i stong gzhi'ang bden par grub dgos zer na/ nam mkha'i stong nyid stong nyid ma yin pa'am nam mkha' bden grub tu thal ba'i skyon 'byung tshul dang/ bum 'dzin rtog pa'i chos nyid bum pa'i chos nyid yin na bum pa med pa'i sa phyogs su bum 'dzin rtogs pa'ang med par thal ba sogs kyang yig char gsal ba ltar ro/ /gzhan yang nam mkha'i gzhan dbang la nam mkha' rang nying 'jog dgos par thal/ rnam brtags kyi nam mkha' la nam mkha' rang nyid 'jog dgos pa'i phyir/ der thal/ gzugs phung gi steng du rnam brtags kyi gzugs kun btags kyi gzugs chos nyid kyi gzugs gsum du phye ba'i rnam brtags kyi gzugs la gzugs rang nyid bzhag ste/ stong gzhi rnam brtags kyi gzugs de nyid dgag bya kun btags kyi gzugs kyis stong ba chos nyid kyi @104b gzugs ma gzugs kyi yongs grub tu bzhag pa gang zhig /gzugs kyi steng du de gsum 'jog tshul ji lta ba bzhin phung khams skye mched 'dus byas 'dus ma byas thams cad la khyad med du sbyor dgos pa'i phyir/ dang po grub ste/ dbyig gnyen gyi dbus mtha'i 'grel bar/ gzugs la rnam pa gsum ste/ kun btags ba'i gzugs ni gang gzugs kyis kun btags pa'i ngo bo nyid do/ /rnam par btags pa'i gzugs ni gang gzugs kyi gzhan dbang gi ngo bo nyid de de la gzugs su rnam par rtog par byed do/ /chos nyid kyi gzugs ni gang gzugs kyi yongs su grub pa'i ngo bo nyid do/ /zhes gsungs pa'i phyir/ khyab ste/ de la gzugs su rnam par rtog par byed do zhes pa 'dis rnam brtags kyi sgra don bstan par blo brtan byis bshad pas/ gzugs kyi bya snyad gang la 'dogs pa'am gang la 'di ni gzugs so snyam du 'dzin rgyu'i mtshan gzhi de nyid dgos par bstan pa yin pa'i phyir/ gnyis pa grub ste/ de nyid las/ gzugs la ji lta ba de bzhin du tshor ba la sogs pa'i phung po rnams dang khams dang skye mchod la sogs pa rnams la'ang sbyar bar bya'o/ /zhes dang/ blo brtan gyi 'grel bshad las/ gzugs la gsum du phye ste ngo bo nyid gsum du bsdus ba de bzhin du tshor ba la sogs pa'i phung po rnams dang khams dang skye mched la sogs pa la'ang sbyar bar bya'o zhes bya ba ni/ tshor ba dang/ 'du shes dang/ 'du byed dang/ rnam par shes pa'i phung po dang/ khams dang/ skye mched rnams dang/ rten cing 'brel par 'byung ba'i yan lag @105a @#/ /rnams dang/ gnas dang gnas ma yin pa rnams dang/ dbang po ranms dang/ dus gsum dang/ bden ba bzhi dang/ theg pa gsum dang/ 'dus byas dang/ 'dus ma byas te tshor ba la sogs pa dang/ khams la sogs ba de dag kyang kun btags pa dang/ zhes sogs gsungs pa'i phyir/ de skad du mngon pa kun btus las kyang/ phung po dang khams dang skye mched kyi rab tu dbye ba ni rnam ba gsum ste/ kun tu brtags pa'i mtshan nyid kyis rab tu dbye ba dang/ rnam par brtags pa'i mtshan nyid kyi rab tu dbye ba dang/ chos nyid kyi mtshan nyid kyis rab tu dbye ba'o/ /zhes ba nas/ rnam par brtags pa'i mtshan nyid kyi rab tu dbye ba gang zhe na/ phung po dang khams dang skye mched de/ dag nyid do/ /zhes de'i steng gi rnam brtags sam gzhan dbang la de dag rang rang kho na 'jog par gsung gi gzhan zhig btsal nas 'jog bar ma gsungs so/ /yig cha 'ga' zhig tu chos thams cad kyi steng gi ngo bo nyid gsum la khyad par de gsum 'dra bar sbyor dgos na mtshon bya'i steng gi ngo bo nyid gsum la'ang rnam brtags kyi mtshon bya/ kun btags kyi mtshon bya/ chos nyid kyi mtshon cha gsum du 'jog dgos la/ de ltar na kun btags dang chos nyid kyang mtshan nyid du thal ba'i skyon 'phang ba ni rigs pa'i rnam grangs tsam du zad de/ de gsum du phye ba'i kun btags kyi mtshon bya zhes pa mtshon bya'i kun btags la byed kyi/ kun btags mtshan nyid du byas nas de'i mtshon bya bzhag @105b pa ma yin pa'i phyir/ der thal/ rjod byed rnams ni smra ba po'i brjod 'dod kyi dbang gis don ston pa'i phyir/ khyod ltar na kun btags kyi gzugs dang chos nyid kyi gzugs kyang med par thal/ kun btags chos nyid gnyis la gzugs shig 'jog tshul med pa'i phyir/ 'dod mi nus te/ dbyig 'grel sngar drangs pa dang/ nyi khri las kyang/ byams pa/ gzugs kyi rab tu dbye ba ni gsum gyis shes par bya ste/ yongs su btags pa'i gzugs dang/ rnam par btags pa'i gzugs dang/ chos nyid kyi gzugs so/ /zhes gsungs pa'i phyir/ yang kha cig na re/ yongs grub yin na khyod kyi stong gzhi chos can du gyur pa'i 'dus byas re yod pas khyab par thal/ 'di nyid las/ chos can 'dus byas la chos kyi bdag rnam par bcad tsam gyi spros pa med dgag la chos kyi bdag med kyi yongs grub tu 'jog ba shin tu gsal ba'i phyir/ zhes gsungs pa'i phyir na/ ma khyab ste/ de jo nang bas chos can la stong nyid bzhag nas de gang gis stong na 'dus byos kyi tshogs kyis tshur stong pa yongs grub tu bshad pa mdo'i don min gyi/ 'dus byas chos can la bzhag nas de dgag bya kun btags kyis stong pa yongs grub tu phar 'jog pa mdo'i don du gsal zhes pa yin pa'i phyir/ des na 'dus byas dmigs kyis bkar ba'i dgos pa'ang kun mkhyen chos 'byung gis gtso che bar dgongs par gsungs pa'ang rung mod/ gtso bo ni phyogs snga mas 'dus byas rnams gang gis stong rgyu'i dgag bya la bzhag pa de bzlog @106a @#/ /nas 'dus byas stong gzhir byas te dgag bya la kun btags shig 'jog dgos zhes pa yin pas phyogs snga'i 'dod ba brjod tshul gyi dbang gis yin no/ /kha cig lung 'dis kyang yongs grub la chos kyi bdag med phra mo dgos bar bstan zar ba ni ma brtags pa ste/ 'dir gong 'og gnyi gar chos kyi zhes smos bas chos bdag bkag tsam de chos kyi bdag med kyi yongs grub tu bshad pa'i shugs la gang zag gi bdag bkag tsam de gang zag gi bdag med kyi yongs grub tu lhag par 'grub pa yin gyi/ yongs grub tsam la chos bdag bkag pa dgos par ston pa'i gnas med pa'i phyir ro/ /de bzhin du 'di nyid las/ chos la zhes sogs kyis chos kyi bdag med de bzhin nyid ces brjod ba gang la dmigs nas bsgoms pas sgrib ba dag par 'gyur bde nyid yongs grub tu ngos bzung ngo/ /zhes pa'i lung 'dis yongs grub la chos kyi bdag med kho na 'jog par bstan zhes smra ba'ang ma brtags ba ste/ de ni dgongs 'grel gyi mdo tshig de'i dngos bstan gyi dbang du byas bar gsal la/ theg chen slob pa'i bsgom bya'i chos kyi bdag med de yongs grub tu 'jog pa'i rgyu mtshan ston pa la/ gang la dmigs nas bsgom pas sgrib pa dag par 'gyur pa zhes gsungs pa'i shugs kyis theg dman rnams gang la dmigs nas bsngoms pas sgrib bdag par 'gyur pa'i gang zag gi bdag med de'ang yongs grub tu sgrub nus ba'i @106b phyir ro/ /yang kha cig /bdag gnyis su sgro btags pa ltar grub bas stong pa'i de bzhin nyid yongs grub kyi mtshan nyid dang/ chos bdag tu sgro btags pa ltar grub pas stong ba'i de bzhin nyid chos kyi bdag med kyi dbang du byas pa'i yongs grub kyi mtshan nyid sogs su 'jog rigs par thal/ grub mtha' chen mo las/ rang rkya thub pa'i gang zag ga bdag dang chos bdag gnyis su bdag 'dzin gnyis kyis sgo btags ba ltar du grub pas stong ba'i de bzhin nyid de longs grub kyi mtshan nyid ces gsungs pa'i phyir na/ ma khyab ste/ go thob kyi dbang du byas ba tsam yin pa'i phyir/ gong du 'dod na/ blo des yongs grub rtogs na bdag med gnyi ga rtogs pas khyab par thal/ yongs grub rtogs na bdag 'dzin gnyigs sgro btags pa ltar grub pas stong brtogs pas khyab pa'i phyir/ 'dod na/ theg chen mthong lam bar chad med lam chos can/ der thal/ de'i phyir/ 'dod na/ bdag 'dzin gnyigs sgro btags pa ltar grub pas stong ba chos can/ chos kyi bdag med phra mo yin bar thal/ theg chen mthong lam bar chad med lam gyi 'dzin stangs kyi yul yin pa'i phyir/ 'dod mi nus te/ gang zag gi bdag med phra mo yin pa'i phyir/ der thal/ nyan thos mthong lam bar chad med lam gyi 'dzin stangs kyi yul yin pa'i phyir/ rtags khas/ gzhan yang chos kyi bdag med phra mo chos can/ gang zag gi bdag med kyi dbang du byas pa'i yongs grub @107a @#/ /yin par thal/ gang zag gi bdag tu sgro btags pa ltar grub pas stong pa'i de bzhin nyid yin pa'i phyir/ der thal/ de bzhin nyid yin pa'i phyir/ khyab ste/ chos yin na gang zag gi bdag tu grub pas stong pa'i chos yin pas khyab pa'i phyir/ sogs spro sla/ kho na re/ stong nyid yin na khyod la stong gzhi 'dus byas shig yod dgos par thal/ stong nyid du ma zad 'dus ma byas gang yin kyang rang 'dog pa'i gzhir 'du byas re yod dgos pa'i phyir na/ ma khyab rtags grub ste/ rtsa she las/ gang zhig brten nas ma yin pa'i/ /dngos med yod pa ma yin no/ /zhes dang/ thar lam gsal byed las/ 'on 'dus ma byas kyi nam mkha'i shes bya yin min dpyod pa'i rten gyi dngos por ji ltar ru bzhen/ de la thog mar 'dus ma byas/ kyi nam mkha' yod med the tshom za ba bsal nas de sgrub dgos pa yin la/ de'ang mig shes la snang ba'i bar gyi snang ba mngon par skabs yod kyi gzugs 'di mngon sum du tshad mas grub pa gzhir bzung nas/ der thogs pa'i reg bya yod med dpyad nas thogs pa'i rig byas stong par nges pa na 'dus ma byas kyi nam mkha'i mtshan nyid de legs par grub pa yin pas der yang dpyad par bya ba'i gzhi dang yod med dang dpyod pa'i chos kyang dngos po nyid la zhen par shin tu gsal lo/ /zhes gsungs pa'i phyir/ yang kha cig /dgongs 'grel las/ ngo bo nyid de kho nas ngo bo nyid ma mchis zhes pa'i don/ yig char/ mtshan nyid gsum po gang gi med rgyu'i ngo bo nyid yin zhen/ kun po btags kho na'i rgyu'i ngo bo nyid la bya la/ ngo bo nyid gzhan @107b gnyis kyi med rgyu'i ngo bo nyid la mi byed ces ston pa la ngo bo ting de nas/ zhes gsungs pa'i phyir/ zhas pa'i don du bsam ste/ ma mchis rgyu'i ngo bo nyid ni ngo bo nyid ni ngo bo nyid med pa gsum gyi dang po'i med rgyu'i mtshan nyid ngo bo nyid dang/ gnyis pa'i med rgyu'i skye ba do bo nyid dang/ gsum pa'i med rgyu'i don dam pa ngo bo nyid gsum gyi dang po kho na la byed zer na/ mi 'thad bar thal/ yig tsha'i dgongs bskabs thob go rtsa che chung gi dbang gis yin pa'i phyir/ der thal/ 'di'i ma mchis rgyu'i ngo bo nyid la don dam pa ngo bo nyid med pa zhes pa'i med rgyu'i ngo bo nyid de lang yongs kyang/ de yongs grub ngos bzung ba'i zhar byung tsam yin la/ dgag bya ngos bzung ba'i ched du gsungs ba ni mtshan nyid med pa yin pas de gtso bor byas pa yin pa'i phyir/ khyod ltar na don dam pa ngo bo nyid med ces pa'i med rgyul chos bdag gi yong bar thal/ kho na'i sgras de bkag pa'i phyir/ rtags khas/ 'dod na/ don dam pa ngo bo nyid med pa la chos kyi bdag med phra mo mi yong bar thal lo/ jo nang pa la skyon ston mtshams kyi gnad kyang 'di na yod de/ sngar bshad pa ltar chos nyid sgrub pa rang dbang bzhig bzhag pa de sher mdo'i skabs su stong gzhing bzung nas bden med du gsungs zhes sgrub ba mi rung bas/ de la sher mdos sto pa nyid bden med du bstan bar sgrub pa'i tshe 'di ltar/ sher mdo chos can/ khyod kyis stong nyid bden med du bshad par thal/ /khyod kyis dgag bya'i bdag bcad tsam gyi med dgag de bden med du bshad pa'i phyir/ de la khyab ba yod bar thal/ @108a @#/ /stong nyid la dgag bya de bcad tsam gyi med dbag gcig dgos ba'i phyir te/ de ltar dgos pa jo nang pa khyod kyis nges don mthar thub tu 'dod rgyu'i mdo sde dgongs 'grel gyi skabs su/ ngo bo nyid de kho nas ngo po nyid ma mchis pa nyid chos la bdag ma mchis pa zhes sogs kyis gsal bar gsungs pa'i phyir/ zhes 'gog dgos so/ /yang rnam pa gcig tu na ngo ba nyid de kho na'i ngo bo nyid ma mchis zhes pa de ngo bo nyid med pa gsum gyi med rgyu'i ngo bo nyid gsum gyi nang nas gcig kho na'i ngo bor ma mtshis pa'am bkag tsam lam sbyar bar/ mtshan nyid gsum la ngo bo nyid gsum du byas pa'i nang gi kun btags kyi ngo bo gcig pu bkag tsam la 'jog gi /gzhan dbang yongs grub gnyis kya ngo bo bkag pa la mi 'jog ces kho na'i sgras mtshan nyid gzhan gnyis gcod pa'i don du sbyor rung ste/ dgongs 'grel las/ kun btags pa'i mtshan nyid der ma grub cing ngo bo nyid de kho nas/ zhes gsungs pa'i phyir/ khyab ste/ 'di nyid las/ ngo bo nyid de kho nas zhes kun btags kyi ngo bo nyid gong du smos ba la gsungs nas kho nas zhes pas ni gzhan gcod pas ngo bo nyid gzhan gnyis kyi ngo bo nyid ma mchis pa la mi byed kyi/ kun btags kho na'i ngo bo med la yongs grub tu byed ces ba'i don no/ / zhes dang/ mdo 'dis stong tshul bstan pa nges don du 'dod ba dang ngo bo nyid tha ma ngo bo nyid dang bo gnyis kyis stong ba yongs zung tu 'dod ba'ang 'gal ba'o/ /zhes gsungs pa'i phyir/ der ma zad 'di nyid las/ sdug bden la ni gdags gzhi @108b sngar bzhin la sdug bsngal gyi bden ba'o zhes ngo bo dang sdug bden yongs su shes bzhes bye brag tu ming dang brdas bzhag pa kun btags dang/ gzhan dbang sbar bzhin dang yongs grub kyang sngar dang 'dra la ngo bo nyi bde kho na ngo bo nyid ma mchis ba zhes gsungs shing/ de bzhin du bden pa lhag ma la'ang sbyar ro/ /zhes gsungs pa'ang jo nang pa'i 'dod tshul de la lung 'gal ston pa yin te/ gong gi gzugs phung dang 'dir sdug bden gyi steng du yongs grub 'jog tshul mdo tshig zur tsam yang mi 'dra ba med pas yongs grub sngar dang 'dra zhes pas chog mod kyang/ de'i steng du ngo bo nyid de kho nas ngo bo nyid ma mchis ba zhes gsungs zhes bsnan ba'i dgos pa ni de dag gis chos la cha phye nas kun rdzob pa rnams rang gi ngo bo bden grub kyis stong pa dang chos nyid kun rdzob pa'i chos gzhan gyis stobs zhes bshad kyang/ mdo las gong 'gog dang du 'ang khyad ma phe bar gzugs phung nas 'di'i bar thams cad la rang gi ngo bo kun btags kyis stong pa yongs grub tu 'jog pa dang/ khyad par 'di'i mjug de ma thag 'gog lam gnyis kyang smos par 'gyur bas kun byang gang la'ang chos nyid kyi 'jog tshul khyad med par go ba'i ched du mi 'khyug ba'i gzer btab pa yin par dgongs nas rje bla mas rdo rje'i tshig 'di gsungs pa yin pa'i phyir/ yang kho na re/ 'dir mtshan nyid gsum gsum sbyar bar gsungs so zhes pa 'brel med par thal/ gsum gsum sbyor mkhan mdo yin pa gang zhig/ de ltar na gsungs so zhes pa mdo las gzhan gcig la ngos 'dzin @109a @#/ /dgos pa'i phyir na/ mgrub ste/ gnyi ga le'u 'di'i nang gi yin kyang mdo tshig so so ba yin pa'i phyir/ der thal/ mtshan nyid gsum sbyor mkhan ni dri bzhus pa'i lan du ston bas bka' stsal pa'i mdo tshig yin la/ phyi ma ni bdag gis go lags zhes don dam yang dag 'phags kyi yar zhus pa'i tshig yin pa'i phyir/ gzhan yang chos thams cad la mtshan nyid gsum gsum sbyar ba'i nang gi gzhan dbang der gzhan dbang mtshan nyid bzhig dgos par bsam nas rang rang mi 'jog par gzhan re btsal nas 'jog pa ni skabs don gyi dgos pam rtogs pa yin par thal/ de'i dgos bstong nyid gtan la 'bebs pa la thog mar stong gzhi ngos bzung/ de nas de'i steng du 'gog rgyu'i dgag bya ngos bzung/ de nas des stong pa'i yongs grub ngos 'dzin pa'i ched yin pas stong gzhir 'gro mi 'gro gtso che ba ma gtogs gzhan dbang mtshan nyid pa yin min la ltos don med pa'i phyir/ der thal/ 'di nyid las mtshan nyid gsum gsum gyi 'jog lugs byas zhes pa'i tshig gi nus pa 'don lcags don de dngos ma yin kyang phyogs tsam 'dra ba la tshul dang lugs kyi sgra 'jug bas/ 'dir 'dus ma byas rnams kyi gzhan dbang la gzhan dbang gi don dngos mtshang yang/ stong gzhi yin pa'i cha nas gzhan dbang du 'jog lcags byas chog pa'i don du kun mkhyen chos 'byung gis gsungs pa bzhin yin ba'i phyir/ stong gzhir 'gro tshul gyi sgo nas gzhan dbang gi sgra bshad lugs yod @109b de; rtog ge 'bor ba las/ kun btags ba dang yongs su grub pa gzhan dag la dbang bas te/ kun btags pa dang yongs su grub bde dag gi rten yin pa'i phyir gzhan gyi dbang gi ngo bo nyid do/ /zhes gsungs pa'i phyir/ dper na mi gcig rang la gtad so med bar grogs bzang ngan gyis gar khrid yin ba der gzhan gyi dbang du 'gro zer ba ltar/ stong gzhi rang ngos nas yang dag ba dang phyin ci log gang du nges pa skyeng mi nus kyang/ bdag 'dzin gyis log par sgro btags pa'i cha nas kun btags pa'i snang tshul dang/ 'phags pa'i ye shes kyis phyin cim log par gzigs pa'i cha nas yang dag pa'i gnas tshul bzhag pa yin pa'i phyir te/ gzhi gcig pu de la dmigs par khyad med kyang 'dzin stangs dngos 'gal du song ba yin bas thun mong gi dmigs ba'i dbang du byas nas gzhan dbang dang/ 'dzin stangs so so'i ngo la ltos te mtshan nyid bzhan gnyis bzhag pa yin pa'i phyir/ de la kho na re/ nam mkha'i steng ge gzhan dbang la skye ba ngo bo nyid chod tshul bshad du med kyang/ de'i steng gi gzhan dbang 'jog tshul yod pa'i khyad par 'thad bar thal/ 'dod ba'i phyir/ /'dod na/ nam mkha' la skye ba ngo bo nyid med tshul gcig bshad du med bar thal/ nam mkha'i steng gi gzhan dbang la de med ba'i phyir/ rtags khyab khas/ 'dod na/ nam mkha' gzhan dbang du byas nas de'i yongs grub gtan la 'bebs tshul gcig med ba'i phyir te/ de la skye ba ngo bo nyid tshul gcig bshad du med pa'i phyir na/ ma khyab/ bram @110a @#/ /ze'i bu sna nyag chos can/ khyod song ge yin tshul bshad du yod par thal/ khyod la seng ger bshad tshul gcig yod pa'i phyir/ khyab pa 'grig /gong du 'dod mi nus te/ der bshad tshul gcig yod na de yin mi dgos pa'i phyir/ don dam pa ngo bo nyid med par bshad tshul yod kyang de ma yin pa gzhan dbang lta bu yod pa'i phyir/ yang kha cig na re/ blo de'i dmigs yul yin na blo de'i spyod yul yin dgos bar thal/ rnam par rtog pa'i spyod yul zhes ba de'i dmigs yul la byed pa'i phyir na/ ma khyab/ 'dod na/ rnam mkhyen chos can/ theg chen mthong lam bar chad med lam gyi spyong yul yin par thal/ de'i dmigs yul yin pa'i phyir/ der thal/ gzhi grub pa'i phyir/ khyab ste/ des chos thams cad kyi steng gi stong nyid chos dbyings kun 'gro'i tshul gyis rtogs pa'i phyir dang/ de rnam mkhyen gyi steng gi chos kyi bdag 'dzin kun btags kyi dngos gnyen bar chad med lam min pas bdag 'dzin de dang dmigs pa gcig la dmigs nas 'dzin stangs dngos 'gal du 'gro dgos pa'i phyir/ gong du 'dod mi nus tshe/ sems can gyi mngon sum gyi spyod yul ma yin ba'i phyir/ der thal/ sems can gyi mngon sum gyi spyod yul dum gyur pa'i las 'bras kyi 'brel ba phra mo dang sangs rgyas kyi gsang ba bsam mi khyab 'jog rgyu yod pa'i phyir/ mdo las/ rgyal sras rang rgyal rnams dang nyan thos kun gyis kyang/ /spyod yul ma gyur rdzogs sangs rgyas kyi gsang @110b ba 'di/ /zhes dang/ mdzod 'grel rgyal sras ma las/ gang dag de bzhin gshegs pa'i ye shes kyi spyod yul du gtogs pa kho na yin pa de dag /ces gsungs pa'i phyir/ yang kha cig na re/ gzugs de gzugs kyi ngo bo dang khyad par la kun btags ba'i kun btags kyi gdags gzhi yin par thal/ dgongs 'grel las kun btags pa'i mtshan nyid kyi gnas zhes gsungs shing/ de'i don 'di nyid las/ gnyis pas kun btags kyi gdags gzhi dang/ zhes gsungs pa'i phyir; 'dod na/ gzugs kyi steng gi kun btags yin na gzugs khyod kyi gdags gzhi yin dgos par thal/ ngo bo dang khyad par la kun btags pa'i kun btags la de'i phyir/ 'dod na/ gzugs de gzugs la mo gsham gyi bur 'dzin pa'i rtog pas sgro btags ba'i cha dang/ des bzung ba ltar gyi mo gsham gyi bu gnyi ga'i gdags gzhi yin par thal/ de ltar 'dzin pa yod pa'i phyir te/ rnam rtog la mtha' med pa'i phyir dang rtog pa de log shes su khas len dgos ba'i phyir/ 'dod na/ mo gsham gyi bu'i gdags gzhi'i phung po lnga yod par thal/ gdags gzhi phung po lnga la btags pa'i kun btags shig yod pa'i phyir te/ phung po lnga de'i gdags gzhi yin par khas zlangs shing ngo po dang khyad par la kun btags ba'i kun btags yod par yongs su grags pa'i phyir/ zer na/ don la 'gal ba cher med pas tha snyad grags tshod dang mthun ba'i lan 'debs/ khe cig na re/ rtsa shes rnam bshad las/ rang sde dngos por @111a @#/ /smra bas kyang 'khor 'das gnyis la bden par grub ma grub kyi khyad par mi byed gsungs ba mi rigs bar thal/ de la khyad 'byed ba'i dngos smra ba yod ba'i phyir na/ mkhyab ste/ skabs 'dir gtso bo sems tsam par dgongs ba'i phyir/ gong gi rtags grub ste/ mdo sde pa de yin ba'i phyir/ der thal/ des 'khor ba dngos po dang myang 'das rtag par khas len pa gang zhig /rtag dngos gnyis la rim bzhin bden med dang bden grub kyis khyab pa khas len pa'i phyir/ der thal/ snam la kun rdzob tu yod pa dang spyi mtshan gyis khyab pa dang/ phyi ma la don dam du yod pa dang rang mtshan gyis khyab par khas len pa'i phyir te/ rnam 'grel las/ don byed nus pa gang yin pa/ /de 'dir don dam yod pa ste/ /gzhan ni kun rdzob yod pa'o/ /de dag rang spyi'i mtshan nyid bshad/ /ces gsungs pa'i phyir/ ngo bo nyid med gsum gyi gzhi/ /ngo bo nyid ni rnam gsum gyi/ /ngo bo gsal bar ngos 'dzin tshul/ /ngo mtshar rig spags rgyal po 'di/ /rgya rnams dgyes byed mchong ba'i sprin gyi gzungs/ /mkhas pa dga' byed shes rab zlo 'phel sngags/ /rgol ngan mthar byed dmod ba'i drag sngags te/ /sgra tsam 'dod la ni rtso'i ma ni yin// ! //bzhi pa de dag gi grub pa'i don zhus tshul la/ dri bas mtshams sbyar ba/ bshad bya'i mdo 'god pa/ mdo'i don bshad pa gsum/ dang po ni/ de ltar na gsung rab la chos rnams rang gi mtshan nyid kyis yod pa dang chos rnams rang gi mtshan nyid kyis ma grub par ston pa dang/ rang @111b gi mtshan nyid kyis grub ma grub legs par phye ba'i mdo sde gsum byung zhing dang ba kyang ngo bo nyid yod med legs par bye me phye gnyis su 'gyur la phya ba zhi don gzhan du drang bar mi bya ba bas nges ba'i don dang/ ma phye ba ni dan gzhan du drang dgos pas drang ba'i don yin la/ de la'ang gnyis yong pas mdo sde gnyis drang don dang gcig nges don du sngar bshad pa rnams kyi shugs kyis shes par 'gyur ro/ /shugs la gnas ba'i don de nyid dus kyi rim pa'i sgo nas 'khor lo gsum dang sbyar ba'i drang nges su 'gyur tshul don dam yang dag 'phags kyis ston pa la zhus pa ni/ zhes byung/ nyes pa ni/ dgongs 'grel las/ bcom ldan 'das kyis dang pod yul bar NA sir drang srong smra ba'i dwags kyi nags su nyan thos kyi theg pa la yang dag par zhugs pa rnams la 'phags pa'i bden pa bzhi'i rnam ba bstan pas chos kyi 'khor !lo ngo mtshar rmad du byung bsngon lhar gyur pa'am mir gyur pa sus kyang mthun par 'jig rten du ma bskor ba gcig rab tu bskor te/ bcom ldan 'das kyis chos kyi 'khor lo rab tu bskong ba de'ang bla na mchis pa skabs mchis pa drang ba'i don rtsod pa'i gzhi'i gnas su gyur pa lags/ bcom ldan 'das kyis chos rnams kyi ngo bo nyid ma mchis ba nyid lus brtsams/ skye bam mchis pa dang 'gag pa ma mchis pa dang gzod ma nas zhi ba dang rang bzhin gyis yongs su mya ngan las 'das pa nyid las brtsams nas theg pa chen po la yang dag par zhugs pa rnams la @112a @#/ /stong pa nyid smos pa'i rnam pas ches ngo mtshar rmad du byung ba'i chos kyi 'khor lo gnyis pa bskor te/ bcom ldan 'das kyi chos kyi 'khor lo bskor ba de'ang bla na mchis pa skabs mchis pa drang ba'i den rtsod pa'i gzhi'i gnas su gyur pa lags kyi/ bcom ldan 'das kyis chos rnams kyi ngo bo nyid ma mchis pa nyid las brtsams/ skye pa ma mchis pa dang 'gag pa ma mchis pa dang gzod ma nas zhi ba dang rang bzhin gyis rengs su mya ngan las 'das pa nyid las brtsams nas theg pa thams cad la yang dag par zhugs pa rnams la legs par rnam par phye ba dang ldan pa ngo mtshar rmad du byung ba'i chos kyi 'khor lo gsum pa bskor te/ bcom ldan 'das kyis chos kyi 'khor lo bskor ba 'di ni bla na ma mchis pa skabs ma mchis pa nges pa'i don lags te rtsod pa'i gzhi'i gnas su gyur pa ma lags so/ /zhes gsungs so/ /gsum pa la mdo'i tshig don dang/ de nas 'byung ba'i drang nges kyi tshul bshad pa gnyis/ dang po ni/ de la 'khor lo dang po bskor ba'i gnas zhes sogs dang/ gnyis pa ni/ de 'dra ba'i 'khor lo dang po la bden bzhi'i chos 'khor dang zhes sogs gsungs/ 'di la spyi don dang mtha' dpyad pa gnyis/ dang po ni/ mdo tshig 'di dag gis 'khor lo gsum gyi rnam gzhag ston tshul yang/ bcom ldan 'das kyis zhes chos 'khor bskor ba'i dus dang/ yul bar NA sir zhes sogs kyis gang du bskor pa'i @112b gnas dang/ nyan thos kyi theg pa la zhes sogs kyis theg pa dman pa'i sde snod la gtso bor brten pa'i gdul bya dang/ bden pa bzhi'i zhes sogs kyis gang las brtsams pa'i brjod bya dang/ chos kyi 'khor lo zhes do'o dang/ ngo mtshar zhes sogs kyis che ba dang/ de'ang bla na ma chis pa zhes sogs kyis drang nges kyi khyad par te 'khor lo dang po don tshan brgyad kyi sgo nas bstan to/ /phyi ma gnyis la gnas dang dus dngos sum gsungs kyang snga ma'i shugs kyis sbyor dgos la/ rgya nag 'grel chen du mdo drangs pa na/ drus gnyis pa'i tshe zhes dang/ dus gsum pa 'dir zhes phyi ma gnyis la'ang dus kyi khyad par dngos su gsung snang ngo/ /de la 'khor lo dang po bskor ba'i gnas par NA si zhes ba'i don ni/ kun gzigs lnga pa chen po'i gsung las/ wa ra Na phub dang a si ral gri ste sngon yul der 'khrugs pa shin tu dar bas go mtshon rgyun du bsten pas phub ral can nam/ yang na wa rA 'khor mo dang na si 'jigs par bzhed pa dang/ paNDi ta 'ga' zhig chu bo wa ra Na dang a si'i bar gyi yul yin pas mtshams sbyar bas war ra NA si yin gsungs/ /zhes 'byung ste/ phyi ma ni bye brag bshad mdzod las/ ci'i phyir wa ra NA si zhes bya zhe na/ smras pa/ 'di ni chu klung gi ming yin te/ de las mi ring ba na rgyal po'i grong khyer brtsigs pas/ de'i phyir grod khyer 'di'ang par NA si @113a @#/ /zhes bya'o/ /zhes gsungs pa rgya nag 'grel chen du drangs ba dang mthun no/ /drang srong lhung ba zhes pa'ang/ bkod pa chen po bstan pa'i mdo las/ tshe gcig gis thogs pa'i byang chub sems dpa' nam lhums su 'jug par dgongs pa na/ lha'i bu dag 'dzam bu'i gling du babs nas rang sangs rgyas rnams la 'phags pa dag zhing 'di yongs su spangs pa'i rigs so/ /de ci'i phyir zhe na/ lo bcu gnyis na byang chub sems dpa' yum gyi lhums su 'jug pa 'gyur ro/ /zhes smras pa dang/ de'i tshe yul bar NA sir rang sangs rgyas lnga brgyas lha'i bu'i tshig thos pas 'dug pa'i stan las langs nas nam mkha' la tA la bdun tsam du 'phags te/ mes rang gi phung po bsregs nas yongs su mya ngan las 'das kyi shA ri raM 'ba' zhig nam mkha' las babs pas/ de'i phyir gnas 'di drang srong lhung ba'i gnas zhes bya'o/ /zhes gsungs la/ rgyud sde spyi rnam las sangs rgyas 'od srung 'jig rten du 'byon pa'i gong du de ltar byung bar bshad do/ /bye brag bshad mdzod du/ sngon drang srong lnga brgya nam mkha' la 'gro ba na rdzu 'phrul nyams te/ gnas 'dir lhung bas de ltar btags pa dang/ drang srong mchog sangs rgyas rnams kyis chos 'khor thog ma bskor ba'i gnas yin pa'i cha nas drang srong smra ba @113b zhes kyang 'byung ngo/ /slob dpon yang dang bden pa'i brjed byang las/ dus dang por yul bar NA si ri dwags kyi tshal drang sror 'dus pa'i gnas su zhes bya ba ni yon tan rnam pa gsum dang ldan pa'i phyir gang zag rnam pa gsum rtag tu der 'du'o/ /zhes tshul dang chu dang gnas kyi yon tan gsum dang ldan pas/ sangs rgyas 'jig rten du byon pa'i cho 'khor 'phags pa'i tshogs 'du ba dang/ de ma yin pa'i tsho res 'ga' rang sangs rgyas du ma 'dul/ res 'ga' 'jig rten pa'i drang srong du ma 'du bas drang srong 'dus pa'i gnas zhes pa yin par bshad do/ /de bzhin du/ ri dwags du ru mang po gnas pa dang/ sha ba sbrum ma'i don du ri dags kyi rgyal pos srog btang ba'i rkyen gyis rgyal pos de rnams la mi 'jigs pa byin pa dang/ chos 'khor bskor ba'i tshe ri dwags sha ba gsum rtag par chos nyan du 'ongs pa sogs la brten nas ri dwags kyi nags dang/ ri dwags byin pa'i tshal dang/ ri dwags rgyu ba'i gnas zhes sogs du mar bsgyur ro/ /'khor lo bar pa ni bya rgod phung po'i ri/ mgon med zas sbyin gyi kun dga' ra ba/ gzhan 'phrul dpang byed kyi lha'i rgyal po'i khang pa/ ka landa ka'i tshal te gnas bzhir 'dus pa bcu drug tu gsungs par bshad pas dgongs 'grel gyis gnas gcig tu ngos ma bzung ngo/ /'on kyang grags che ba bya rgod phung po'i ri yin la/ de'i sgra don ni/ sa lu ljang pa'i mdor brag bya rgod kyi mgo'i dbyibs lta @114a @#/ /yod bas de ltar btags par gsungs la/ lo rgyus kha cig tu sher mdo gsungs pa'i tsho zhing gzhan nas byang sems du ma bya rgod kyi gzugs su sprul te chos nyan par 'ongs pas yin par bshad kyang/ rgyan snang las/ de bzhin gshegs pa rnams kyis rgyal ba'i yum ston pa la/ byang chub sems dpa' la sogs pa'i tshogs chen po'i khur yul gzhan gyis 'degs par mi nus pa nyid kyis mngon par byang chub pa'i gnas dang 'dra par 'dod par bya ba/ rin po che sna tshogs kyi phung por gyur pa yod pa gang yin pa ni bya rgod kyi phung po'o/ /lha la sogs pa bsod nams 'dod pa rnams chos brgyad la sogs pa'i dus tshigs rnams su 'du ba rgya cher byed pa zhes bya ba'i nges pa'i tshig gi tshal gyis na ri'o/ /zhes g+hr-i d+ha ku TaH dang par bta'i nges tshig gi steng nas gsungs so/ /'di la dpag na ting nge 'dzin rgyal po sogs mdo sde 'ga' zhig tu bya rgod phung po'i ri 'di bskal pa snga ma rnams la yod par gsungs pa'ang sgra ji bzhin du rung ste/ bskal pa 'jig pa'i tshe'ang mngon par byang chub pa'i gnas rdo rje gdan ni mi 'jig par gsungs la 'di'ang de dang 'dra par mngon no/ /de bzhin du 'khor lo tham bskor ba'i gnas kyang gcig tu nges bzung ma mdzad pa yin te/ slob dpon yang dag bden pa'i brjed byang las/ gal te yangs pa can du bzhugs nas zhes bstan na des zhing @114b yongs su ma dag pan bzhugs par bstan par 'gyur bas mdo dang mi mthun par 'gyur ro/ /zhes dang/ gnas bdun du 'dus pa rgyod kyis gsungs par 'gyur te/ mdo las 'byung ba bzhin du rig par bya'o/ /zhes dgongs 'grel yangs pa can du gsungs pas de gtso bor smos pa yin gyi/ 'khor lo tha ma bskor ba'i gnas de kho nar ma nges par gsungs pa bzhin 'thad de/ lang gshegs lnga'i grong khyer du gsungs la/ rgyan stug las/ 'dod pa dang gzugs dang gzugs med pa dang 'du shes med pa'i sems can rnams las 'das te sangs rgyas kyi zhing stug po na/ zhes 'og min du gsungs tshul gleng gzhi'i skabs su 'byung ba'i phyir ro/ /de'i rgyu mtshan gyis rgya nag 'grel chen las kyang/ chos kyi 'khor lo gsum pa ni gnas gnyis su bzhugs nas gsungs te/ zhing yongs su dag pa dang zhing yongs su ma dag pa/ zhes bshed do/ /'on kyang phal ched du yangs pa can smos pa ni dgongs 'grel 'khor lo gsum pa'i gtso bo yin la/ de yangs pa can gyi yi dwags kyi rgyal po'i chos kyi khang par gsungs pa'i rgyu mtshan gyis yin no/ /dus kyi khyad par 'khor lo dang po la dus dang por zhes gsungs pas/ phyi ma gnyis la bar pa dang tha mar zhes pa don gyis 'thob cing/ thun mong ba'i dbang du byas na thog mar gsung rim de bzhin byed pa phal cher mthun kyang/ so so'i lo grangs la 'khrungs lo dang 'das lo'i rtsi tshul sogs ma 'dra ba'i dbang @115a @#/ /gis bshad tshul sna tshogs yod de/ chag lo tsA bas dang po lo bdun/ bar pa so gcig /tham bdun nam dgur bshad pa ni rgya nag 'grel chen dang mthun/ khro phu lo tsA bas gsum dang sum cu dang bcu gnyis su bshad/ bstan pa gsal byed rgyan gyi 'od zer las dang po lo bdun ma long ba dang/ bar pa bcu gnyis/ tha mnyer brgyad du bshad/ mchims chen pos bdun dang/ nyer bdun dang/ bcur bshad kyang/ bu ston rin po ches/ dus kyi nges pa 'di rnams kyi khungs gsal ba kho bos ma mthong ngo/ /zhes gsungs ba ltar lo rtsi tshul gyi bshad rgyun tsam las rtsod med kyi khungs dang mi ldan zhing bden bzhi'i chos 'khor lta bu sangs rgyas tshul bstan pa nas mya ngan las 'da' tshul gyi bar du gsungs pa lung sde bzhis grub tshul kun mkhyen bla mas gsungs pa ltar ro/ /gdul bya ni dang por nyan thos kyi theg pa la yang dag par zhugs pa zhes dang/ bar par theg pa chen po la yang dag par zhugs pa zhes dang/ tha mar theg pa thams cad la yang dag par zhugs pa zhes gsungs te/ gtso bor nyan thos kyi sde snod la brten pa dang/ theg ba chen po'i sde snod la brten pa dang/ theg pa gong 'og gnyi ga'i sde snod kyi dgongs pa 'tshol ba'i gdul bya rigs gsum du phye nas gsungs so/ ;gang las brtsams pa'i brjod bya ni/ 'khor lo dang por 'phags pa'i bden pa bzhi'i rnam pa bstan pas/ zhes gsungs shing/ bar pa dang tha ma gnyis la chos rnams kyi ngo bo nyid ma mchis pa @115b las brtsams skye ba ma mchis pa/ 'gag pa ma mchis pa dang/ gzod me nas zhi ba dang/ rang bzhin gyis yongs su mya ngan las 'das pa nyid las brtsams nas/ zhes khyad med du ngo po nyid med pa sogs lnga las brtsams pa 'dra bar gsungs so/ /'on kyang ston tshul mi 'dra ste/ tha ma la legs par rnam par phye ba dang ldan pa zhes 'byung zhing/ bar pa la mdo'i 'gyur 'dir stong nyir smos pa'i rnam pas zhes 'byung yang/ rgya nag 'grel chen du bsgyur skabs mi mngon pa'i rnam pas zhes bsgyur bas 'gyur de legs par 'di nyid du gsungs so/ /de'i rgyu mtshan mtshan nyid gsum gang la'ang bden par grub pa'i phyogs gsal bar ma bstan par stong phyogs gtso bor byas nas bden par med mnyam du gsungs te/ yod pa mkhyud pa'am sbas pas na mi mngon pa'i rnam pa zhes gsungs ba yin par de nyid du bshad do/ /de ltar mi mngon pa zhes bsgyur na 'brel chags pa ni phyi ma legs par phye zhes pa'i tshig gi nus pas kyang shes te/ mdo de gnyi ga ngo bo nyid med pa las brtsams par 'dra'ang/ gcig gis bden par yod med gsal bar phye zhes pa'i shugs la gcig shos kyis gsal bar ma bye ba go ba'i phyir/ 'on kyang legs par phye zhes pa bden par grub pa'i phyogs dang/ bden grub kyis stong pa'i phyogs gnyis su phye ba la byas na/ snga mas stong phyogs gcig pu gtso bor byas pa go nus pas de'ang 'brel med pa min no/ /chos kyi 'khor lo zhes pas ngo bo bstan cid/ de'ang bye brag smra ba rnams ni mdzod las/ @116a @#/ /chos kyi 'khor lo mthong ba'i lam/ /zhes bltar rtogs pa'i chos 'khor la mthong lam gyis khyab pa dang/ lung gi chos 'khor la bden bzhi'i chos 'khor gyis khyab bar 'dod cing/ de gnyis kyi nang nas kyang chos 'khor dngos ni snga ma kho nar 'dod do/ /de la 'khor lo'i ming 'dogs pa'i rgyu mtshan ni mdzod las/ myur bar 'gro sogs rtsi bas sogs phyir/ /zhes dpe don sbyor tshul gnyis gsungs te/ 'khor sgyur gyi 'khor lo ni bgrod pa myur ba/ sa gzhan dang gzhan du 'gro ba/ yul 'khor dbang du ma bsdus ba rnams sdud pas na ma rgyal ba las rgyal ba/ bsdus zin brtan par byed pas rgyal ba rnal du 'god pa/ mtho ba la 'bar ba/ dma' ba la 'bab pa drug dang nos mthun par mthong lam gyi skad cig re res kyang yongs su shes pa dang spong ba sogs kyi bya ba byed pa/ bden pa'i dmigs rnam snga ma snga ma dor nas gzhan dang gzhan la 'jug pa mthong spang sngar ma spangs pa spong ba/ spangs brin brtan par byed pas 'gog bden thob pa/ khams gong ma'i bden pa la dmigs pas 'phar ba/ 'og ma'i bden pa la dmigs pas 'bab pa rnams yin pa'i phyir/ mdzod rang 'grel las/ myur du 'gro ba'i phyir dang/ 'dor ba dang 'jug pa'i phyir dang/ ma rgyal ba las rgyal bar byed pa dang/ rgyal ba rnal du 'god pa'i phyir dang/ 'phar ba dang 'bab pa'i phyir te/ myur bar 'gro ba la sogs pas ni de lta bu yin no/ /zhes so/ /rtsibs sogs @116b phyir zhes pa'ang de nyid las/ btsun pa dbyangs sgrogs na re/ 'phags pa'i lam yan lag brgyang pa ni rtsibs la sogs pa dang chos mthun pa'i phyir 'khor lo zhes bya ste/ yang dag pa'i lta ba dang rtog pa dang rtsol ba dang dran pa rnams ni rtsibs lta bu yin no/ /yang dag ba'i ngag dang las kyi mtha' dang 'tshob rnams ni lte ba lta bu yin no/ /ting nge 'dzin ni mu khyud lta bu yin no zhes zer ro/ /zhes 'phegs ma yan lag brgyad dang sbyar nas gsungs te/ 'khor lo'i gzhan du sgrod byed dam yul yongs su gcod byed rtsibs yin pa ltar/ gzhal bya rang stobs kyis rtog byed dang bsgom pa'i bya bar 'jug byed yang dag pa'i lta ba sogs yin pas de bzhi gcod pa'i rtsibs dang sbyar/ rtsibs kyi rten gzhi lte ba yin pa ltar shes rab dang ting nge 'dzin gyi rten gzhi tshul khrims yin pas tshul khrims kyis bsdus pa'i yang dag pa'i ngag sogs gsum rten pa'i lte ba dang sbyar/ rtsi bas rnams mi 'thor bar sdud byed mu khyud yin pa ltang shes rab kyang bying rgod kyis mi g.yeng bar dmigs pa la gnas byed yang dag pa'i ting nge 'dzin yin pas de sdud pa'i mu khyud dang sbyar ro/ /bden bzhi shes pa la sbyor tshul yang yod de/ rgya nag 'grel chen las/ ji ltar shing rta'i 'khor lo lte bar rus su gnas pas rtsibs lte ba la brten pa dang mu khud kyis lteb bsdus pa de bzhin du mthong ba'i lam las sdug bsngal dang kun 'byung ba'i bzod pa dang shes pa ni rtsibs lta bu'o/ /'gog pa'i bzod ba dang 'gog pa'i shes pa ni lte ba lta bu'o/ /lam gyi bzod @117a @#/ /ba dang lam gyi shes pa ni mu khyud lta bu yin te lam thams cad la dmigs pa'i phyir ro/ /zhes gsungs te/ sdug kun gnyis ni yongs su gcod bya dang/ 'gog bden mngon du bya rgyu'i snying po yin la/ de ltar byed mkhan lam yin pa la bsam par snang ngo/ /rgyan las/ shes byam rgyal rgyal ba'i phyir/ /dran pa dag ni kun tu spyod/ /ces pa'i dbyig 'grel tu/ shes bya ma rgyal ba rgyal bar bya ba'i phyir te/ dper na 'khor los sgyur ba'i 'khor lo rin po che yul ma phebs pa 'bab pa lta bu'o/ /zhes pa ni byang chub yan lag bdun rgyal srid sna bdun dang sbyar ba'i ya gyal tsam yin pas 'di dang mi 'dra'o/ /bden bzhi'i chos 'khor la bzlas pa gsum dang rnam grangs bcu gnyis su byed pa 'dra 'ang ngos 'dzin mi 'dra ste/ bye smras 'di ni sdug bsngal 'phags pa'i bden pa'o zhes sogs ngo po la bzlas pa dang/ sdug bsngal shes par bya'o/ /kun 'byung spang bar bya'o/ /'gog pa mngon du bya'o/ /lam bsgom par bya'o/ /zhes bya ba la bzlas pa dang/ sdug bsngal yongs su shes so/ /kun 'byung spangs so zhes sogs byed pa la bzlas po yin zhing/ bzlas pa re re'i mthar mig skye/ shes pa skye/ rig pa ? blo skye zhes zhi bzhi byung pas rnam grangs bcu gnyis dang/ yang ngo bo la bzlas pa der bden bzhi'i ngo bo la bzlas pa bzhi yod pa ltar byi ma gnyis la'ang bzhi bzhi yod pas bzlas pa bcu gnyis su byas nas re re'i mthar mig @117b skye sogs bzhi sbyar bas rnam grangs zhe brgyad du 'gyur ro/ /'on kyang sum tshan dang bcu gnyis tshan du mtshungs pas sngar bshad pa dang ma 'gal te/ dber na dge slong gnas bdun la mkhas zhes bde zag bcas nyer len gyi gzugs phung la sbyar na de'i ngo bo dang/ de'i rgyu kun 'byung dang/ de 'gog ba dang/ der 'gro ba'i lam dang/ de dag gi phan yon dang/ nyes dmigs dang/ ji ltar nges par 'byung tshul bdun lam khas pa yin pas/ phung po gzhan bzhi'i steng nas bdun re ste mkhas bya'i gnas so lnga 'byung yang bdun tshan du 'dra bas de ltar bshad pa bzhin yin pa'i phyir/ mdzod 'grel las/ gsum tshan dang bcu gnyis su chos mthun pa'i phyir lan gsum du bzlas te rnam pa bcu gnyis zhes bshad de/ chos gnyis dang gnas bdun la mkhas pa bstan pa bzhin no/ /bzlas pa 'di dag gis ni grangs bzhin du mthong ba dang sgom pa dang mi slob pa'i lam rnams bstan to zhes zer ro/ /zhes gsungs pa'i phyir/ mdo sde pas de bkag nas bzlas pa gsum gas mthong lam skye bar bskor ba yin la/ rnam grangs bcu gnyis kyang 'di ni sdug bsngal 'phags pa'i bden pa'o/ /zhes pa lta bu rnam grangs rer rtsebs lugs 'dir bzlas pa bcu gnyis dang rnam grangs zhe brgyad byar med do/ /mig blo shes rig bzhi ngos 'dzin tshul yang sna tshogs yod de/ rnam bshad prigs pa las/ zag pa med pa'i shes rab ni mig go /the tshom med pa'i phyil shes pa'o/ /yang dag par @118a @#/ /don du 'gyur ba'i phyir rig pa'o/ /rnam par dag pa'i phyir blo ste/ nges pa'i tshig gi tshul nyid kyis na rnam par dag pa'i phyir blo yin no/ mig la gzhan pa dang/ nor pa dang/ rnyog pa nyid med pa yang dag par bstan ba'i phyir rnam gsum gyis khyad par du byed pa yin no/ /zhes chos kyi mig khyad gzhir byas te/ de la byed las tha dad pa'i ldog cha nas gzhan gsum btags par gsungs shing/ rgyan snang las kyang/ mngon sum du byed pa'i don nyid kyis na zag pa med pa'i shes rab kyi mig skyes so/ /the tshom med pa nyid kyis na shes pa'o/ /yang dag pa'i don nyid yin pa'i phyir rig pa'o/ /rnam par dag pa nyid yin pa'i phyir blo skyes so/ /zhes gsungs/ yang rnam bshad rigs pa las/ gzhan yang bzlas pa gsum dag la thog mar mthong ba ni mig go /ji ltar mthong ba la rnam par dpyod pa ni shes pa'o/ /gnyis po de nyid ji snyed yod pa can nyid la brten nas rig pa ste/ ji snyed yod ba la 'dzin pa'i phyir ro/ /ji ltar yod pa can nyid la brten nas blo ste/ yang dag pa ji lta ba bzhin du rtogs pa'i phyir ro/ /zhes dar/ log rtog 'gog tshul gyis bzhi'ang gsungs pas/ snga ma dang rgya nag 'grel chen las/ de la mig ces bya ba ni 'di lta ste chos su bzod pa'o/ /shes pa ni 'di lta ste chos su shes pa'o/ /rig pa ni 'di lta ste rjes su shes pa'i bzod pa'o/ /blo ni 'di lta ste rjes su shes pa rnams so/ /zhes pa gnyis phyogs mthun nam snyam/ bu ston @118b chos 'byung las/ bzlas pa re rer mig skyes so/ /shes pa dang rig pa dang blo skyes so zhes/ sbyor ba dang/ bar chad med pa dang/ rnam grol dang/ khyad par gyi lam skyes par bstan pa ni rnam grangs bcu gnyis so/ /zhes lam rang rang gi sbyor dngos rjes la sbyar ba ni bye smras bzlas pa gsum mthong sgom mi slob lam gsum skye bar bskor ces 'dod pa dang 'grig /phyis kyi yig cha du mar mthong sgom mi slob lam gsum sbyor lam dang bzhi la sbyar ba dang/ rnam grangs bsdu ba las/ mig ni mngon sum gyi dngos po 'dzin pa'o/ /shes pa ni lkog tu gyur pa'i rigs 'dzin pa'o/ /rig pa ni dngos po ji snyed yod pa la 'jug pa'o/ /blo ni ji lta ba bzhin du rjes su rtogs pa'o/ /zhes 'byung ba sogs bshad tshul gzhan yang yod do/ /mthong lam kho na chos 'khor du byed pa'i rgyu mtshan ni/ gser 'phreng las/ bye smra rnams mthong lam kho na chos 'khor du 'dod de/ lnga sde la war NA sir chos bstan pas kun shes ko'u di na+ya la mthong lam skyes pa na gnod sbyin rnams kyis chos kyi 'khor lo bskor ro zhes bsgrags pa dang/ zhes gsungs pas/ rgyu mtshan 'di la dpag na mthong lam gyi nang nas kyang de'i tshe gdul bya de dag gi rgyud la skyes pa'i mthong lam 'ba' zhig chos 'khor du byed dgos par mngon no/ /de ltar na gtan la dbab bya'i gtso bo'i dbang du byas te 'dir bstan 'khor lo dang po la bden bzhi'i chos 'khor dang/ bar pa la mtshan nyid med pa'i chos 'khor zhes btags so/ /tha mal @119a @#/ /rgya nag 'grel chen las don dam rnam par nges pa'i chos 'khor zhes btags kyang/ rje bla mas legs par rnam par phye ba'i 'khor lo zhes gsungs so/ /snga ma'i rgyu mtshan ni don dam yang dag 'phags zhus kyi le'u 'di'i mjug tu/ chos kyi rnam grangs 'dir bstan pa 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ don dam yang dag 'phags/ 'di ni don dam pa nges pa'i don bstan pa yin te/ 'di ni don dam pa nges ba'i don bstan pa zhes bya bar zungs shig /ces pa 'di la brten par snang yang/ de 'dra re le'u rang rang gi mthar 'byung ba'i sger gyi ming yin pas khyab chung la/ 'khor lo gsum du phye nas so sor ming 'dogs pa'i tshe 'khor lo tha ma la mdo rang nyid las legs par rnam par phye ba dang ldan pa zhes brjod bya ngo bo nyid gsum la bden par yod med kyi khyad par lags par phye ba'i sgo nas ming btags pa ni snga ma gnyis la ming 'dogs tshul gyi 'gros dang mthun zhing/ lang gshegs sogs 'di 'dra ba gzhan la'ang 'brel chags pas khyab che bar dgongs te rje bla mas 'di gtso bor mdzad pa yin snang ngo/ /ngo mtshar rmang du byung ba sngon lngar gyur pa'am mir gyur pa sus kyang mthun par 'jig rten du ma bskor ba zhig rab tu bskor te zhes che ba bstan cing/ khyad par du 'khor lo bar pa la ches bo mtshar rmad du byung pa zhes bsnan nas gsungs pa ni brjod bya stong pa nyid rgya cher ston @119b pa'i sgo nas mdo sde kun gyi gtso bor gyur pa'i don no/ /ngo mtshar rmad du byung ba zhes pa ni brgyad stong 'grel chen las/ /rgyu khyad par du 'phags pas ngo mtshar ro/ /'bras bu phul du byung bas rmad du byung pa'o/ /zhes rgyu tshogs gnyis dang mkhyen brtse nus pa mthar phyin pa las byung bas ngo mtshar ba dang/ 'bras bu so so'i skal pa bzhin rnam grol gsum la sbyar te/ de las lhag pa byar med pas rmad du byung bar gsungs shing/ sgron gsal las/ ngo mtshar du gyur pa ni kun rdzob kyi bden pas so/ /rmad du gyur pa ni don dam pa'i bden pas so/ /zhes gsungs pa/ grub mtha' chen mor/ sngon chad de 'dra ma mthong bas ngo mtshar ba dang/ de 'dra ma thos pas rmad du byung ba zhes gsungs so gzhan sus kyang ma bskor ba ni de'i bdag rkyen du gyur pa'i rnam mkhyen ma thob par de bskor ma nus pa yin te/ mdo las/ rnam ba thams cad mkhyen pa nyid ma thob bar chos kyi 'khor lo bskor bar mi nus so/ /zhes gsungs pa'i phyir/ chos kyi 'khor lo rab tu bskor bde'ang bla na mchis pa zhes sogs kyis drang nges kyi khyad par bstan la/ de dag so so'i don ni/ bla na mchis pa ni gu ru zhes pa bla ma dang gong ma gnyi ga'i skad dod yin zhing/ na gnas gzhi'i don yin pas/ de'i bla na'am gong na de dang mi mthun pa'i nges don gyi mdo gzhan yod pa dang/ skabs mchis pa ni 'dis bshad pa ltar khas blangs pa la rgol ba gzhan gyi klan ka'i skabs yod pa ste gnod byed brjod rgyu rnyed pa dang/ drang @120a @#/ /ba'i don ni de'i rgyu mtshan gyis sgras zin la bshad ba ltar khas len mi rung bar dgongs pa gzhan du 'dren dgos pa dang/ rtsod pa'i gzhi'i gnas su gyur pa ni mtshan nyid gsum la bden par yod med kyi khyad par gsal bar ma mdzad pas rjes 'jug rnams de'i dgongs pa rnal ma yin min la mi mthun par rtsod pa 'byung pa'o/ /rgya nag 'grel chen las/ 'di ltar chos kyi 'khor lo 'di stong ba nyid mkhyud cing yod pa nyid du bstan pas drang ba'i don yin la 'khor ba dang mya ngan las 'das pa'i rgyu dang/ 'bras bu dang gang zag la bdag med pa yongs su rdzogs par ston cing/ chos stong pa nyid kyi rigs pa ston par mi byed pas/ de'i bstan pa 'di ni gong na khyad par can yod pa'i bstan pa dang/ skabs khyad par can yod pa'i bstan pa dang/ gzhan dag gis gzhig par bya ba dang/ sde ba nyi shu bo rtsod par smra bdag gi gnas su gyur pa yin no zhes bya ba'i tha tshig go/ /zhes drang don du 'gro tshul thog mar smos te/ de'i rgyu mtshan gyis bla na mchis ba sogs gsum du 'gyur tshul gsungs so/ /'dir skabs khyad par can yod ces pa dang/ 'og tu/ phyis mchog tu gyur ba'i skabs med ces pa gnyis don lam zhugs pas rjes rang lugs su ma mdzad la/ wen tshegs rang nyid kyis rgol ba dang bcas pa zhes bsgyur ba dang yang ma 'brel te/ 'gyur de'ang rjes gsungs tshul 'di la shin tu 'grig go /khyad par gzhan gsum la dgag pa ma mdzad pas rang lugs kyi 'grel tshul dang/ @120b don mthun no/ /'dir bstan 'khor lo bar pa la'ang bla na ma chis pa sogs bzhi gsungs pa phal cher snga ma ltar yin la/ 'di'i gong na nges don gyi mdo gzhan yod ces pa ni sgras zin ston tshul gyi sgo nas yin no/ /slob dpon yang dag bden pa'i brjed byang las/ bar ba 'di ni theg pa chen po theg pa chung du las tha dad par ston pa'i phyir nges pa'i don ma yin pa'o/ /da dung theg pa gcig yod pa'i phyir gong ma dang bcas ba'o/ /theg pa chung du ba dag dang tha dad ba'i phyir theg pa chung du ba dag dang 'thab cing rtsod par 'gyur ba'o/ /theg pa gcig gis rnam par 'jIg pa'i phyir rgol ba dang bcas ba'o/ /zhes bshad pa ni mi legs par 'di nyid du gsungs la/ mi legs tshul bar pa'i skabs su dang po'i sgras zin bkag kyang dgongs gzhi ma bstan pas de gtan nas don ma yin par bstan pa lta bur song ste theg pa chung du ba dag dang tha dad dam rgyab 'gal du song zhing de'i dbang gis mi mthun pa'i rtsong pa 'byung ba dang/ 'di'i gong na sngags kyi theg pa yod cing des zil gyis gnon pa'i don du bshad de skabs dang ma 'brel bar song ba'am/ yang na bar pas mthar thug thag chen gyi theg pa gcig pu las ma bshad pas drang don sogs su bsgrubs pa ste/ theg pa gsum po rang lam gyis sdug kun ma lus par zad pa'i rnam grol thob nus mi mtshungs par thag dman gyi zhi ba nyi tshe bar bshad pas drang ba'i don dang/ mthar thug theg pa gsum char ston pa'i mdo dgongs 'grel sogs brjod bya @121a @#/ /rdzogs pa'i mdo gzhan rang gi gong na'am bla na yod pa dang/ theg dman gyi sde snod sogs las nyan rang dgra bcom thob nas theg chen du mi 'jug par bshad par dang phyogs cam yang mi mthun pas rtsod pa'i gnas dang/ mthar thug theg gsum ston pa'i dgongs 'grel sogs lung rigs kyis 'jig pas skabs mchis ba'am rgol dang bcas zhes pa yin na'ang/ 'dir ngo bo nyid gsum bden par yod med bshad pa gtso che yi/ theg gsum dang theg gcig lta bu brjod bya sna re'i sgo nas mi 'byed pas mi 'thad pa yin nam dpyad par bya'o/ /tha ma la chos kyi 'khor lo bskor ba 'di ni bla na mchis zhes sogs gsungs pa sngar gyi bla na mchis ba sogs bzhi go bzlog ste/ 'di'i gong na gzhan med pa/ rgol ba'i skabs med pa/ sgres zin gyi don der nges pa/ zhib tu phyi nas gsungs yod pas mkhas pas brtags na rtsod pa'ong don med pa yin no/ /rtsod pa med ba'i don slob dpon yang dag bden pas/ theg pa chung du bkun gyis bgrod par bya ba yin pa'i phyir rtsod ba med pa'o/ /zhes pa la dpag na rigs can gsum gas 'di la ched du brten nas rang gi thar pa 'thob nus pa dang/ theg pa thams cad la yang dag par zhugs pa'i don yang der 'dod dam snyam la/ de lta na mi 'thad pa'og tu 'chad par 'gyur ro/ /mtha' dpyad pa la/ kha cig na re/ 'di'i mtshams sbyor du shugs la gnas zhes pa'i don/ grub don gyi skabs 'dir 'khor lo gsum gyi tha snyad so sor sbyar ba @121b ma gtogs/ de'i sngon la bden bzhi'i chos 'khor dang mtshan nyid med pa'i chos 'khor zer ba tsam las 'khor lo dang po sogs kyi tha snyad ma byung ba yin te/ de'i rgyu mtshan gyis 'dir yang 'khor lo dang po gnyis drang don zhes ma gsungs par/ mdo sde gnyis drang don dang gcig nges don du sngar bshad pa rnams kyi shugs kyis shes par 'gyur ro/ /shugs la gnas pa'i don de nyid/ ces gsungs pa'i phyir zer na/ de mi 'thad par thal/ de'i sngon nas 'khor lo dang po sogs kyi tha snyad byung ba'i phyir/ der thal/ bden bzhi'i chos 'khor bskor ba'i tshe lha rnams kyis 'dzam bu'i gling du spon ma byung ba'i chos kyi 'khor lo bskor ba mthong ngo zhes bsgrags tshul mngon par 'byung ba'i mdo las gsungs shing/ shed mdo gsungs pa'i tshe lha rnams kyis a la la 'dzam bu'i gling du chos kyi 'khor lo gnyis pa bskor ba mthong ngo zhes bsgrags par brgyad stong pa'i rnam mkhyen mjug sdud kyi skabs su gsungs pa'i phyir dang/ gnyis pa 'jog pa la dang po zhig yod dgos pa'i phyir/ yang kha cig 'khor lo dang po gnyis drang don yin pa dang/ tha ma nges don yin pa re re nas grub don yan la dngos su ma bstan cing/ 'dir bla na mchis pa sogs tshan gnyis kyis dang po gnyis drang don du dngos su bstan/ bla na mchis zhes sogs kyis tha ma nges don du dngos su bstan pa'i phyir zer ba'ang mi 'thad par thal/ gong gi dris zhus dang lan sogs kyis dang po gnyis drang don du dngos su bstan pa'i phyir/ der thal/ de ni ming dang brdas rnam par bzhag pa tsam @122a @#/ /yin gyi zhes sogs kyis kun btags rang gi mtshan nyid kyis ma grub par bstan nas 'khor lo dang po'i dngos la gnod byed bstan/ 'di dang ngo bo nyid med pa gzhan gnyis te gsum gas 'khor lo bar pa'i dgongs gzhi bstan/ de ni rkyen gzhan gyi stobs kyis byung ba yin gyi zhes sogs kyis gzhan dbang bden grub tu bstan pa dang/ rnam par dag pa'i dmigs pa gang yin pa de ni don dam yin la zhes sogs kyis yongs grub bden grub tu bstan nas 'khor lo dang po'i dgongs gzhi dang bar pa'i dngos la gnod byed bstan/ da'i dgongs te bshad pa zhes sogs kyis drang ngon gyi mdo'i sgra ji bzhin par zhen na rtag chad kyi lta bar 'gyur tshul rgyu mtshan dang bcas pa gsal bar gsungs pa'i phyir/ khyab ste/ grub don gyi skabs 'dir drang ba'i don no zhes pa'i tshig tsam byung yang drang don du sgrub pa la de gtso mi che bar drang don du byed dgos pa'i rgyu mtshan dgongs gzhi dgos pa dngos la gnod byed sogs bstan pa gtso che zhing de grub don gyi gong nas dngos su gsungs pa'i phyir/ byas pa la/ 'o na 'dir shugs la gnas pa'i don zhes pa de bsnyegs pa zhig med par thal/ 'khor lo dang po drang don yin pa sogs 'di'i shugs bstan du bshad pa 'ang min/ 'khor lo so so'i tha snyad shugs kyis thob yod kyang sngar dngos sum grags pa'i don yang ma yin pa'i phyir na/ ma khyab ste/ gong gi dris lan rnams kyis 'khor lo dang po dang bar pa gnyi gas @122b cha ma phye bar rang mtshan gyis yod mnyam dang med mnyam du bka' stsal tshul dang de la gnod byed 'bab tshul dngos su bstan/ dang po'i dgongs gzhi shugs la bstan cing bar pa'i dgongs gzhi'ang dngos su bstan pa'i shugs kyis cha phye nas ston pa'i nges don gcig yod par 'grub la/ tshan gsum po de dus snga phyi bar gsum du gsungs pa yin pas go rim de'i sgo nas 'khor lo gsum zhes pa'i tha snyad dang mdo tshan gsum ga ming don sbyor dgos na'ang/ de dris zhus sogs kyi shugs la thon pa ma gtogs dngos su ma gsungs pa grub don 'dir dngos su gsungs zhes pa yin pa'i phyir/ de ltar byas na kun mkhyen bla ma'i phar phyin mtha' dpyod las/ bka' thams cad bsdus na dus dang por gsungs pa'i 'khor lo dang po dang/ dus bar par gsungs pa'i 'khor lo bar pe dang/ dus thams gsungs pa'i 'khor lo tha ma gsum du grangs nges pa'i phyir/ de ltar grangs nges par dgongs 'grel dris zhus kyi shugs la bstan pa'i phyir/ zhes dang; des 'khor lo dang po dang bar pa gnyis la dri ba dngos su bstan nas tha ma shugs la bstan pa'i phyir/ zhes de'i shes byed du shus la gnas don zhes sogs drangs pa'i dgongs pa'ang legs par go nus te/ dris lan gnyigs dang po dgongs gzhi dngos su dris pa dang lan btab pa med kyang dri ba'i gzhi 'god pa'i tshe bka' stsal tshul dngos su thon yod pas tha ma la ltos na de'ang gsal ba'i rgyu mtshan gyis yig char 'khor lo dang po dang bar pa gnyis @123a @#/ /la dri ba dngos su bstan zhes gsungs pa yin/ tha ma shugs la bstan pa'i phyir zhes pa der dri ba'i shugs la bkod ces ba'i don min gyi/ cha ma phye ba gnyis drang don du bshad pa'i shugs kyis cha phye ba'i nges don gcig yod par shugs la bstan cing/ yang snga ma gnyis kyi steng du de bsnan na 'khor lo gsum du 'gyur tshul yang shugs la bstan ces pa yin te/ 'dir 'khor lo dang po gnyis drang don dang tha ma nges don du sngar bshad pa'i shugs kyis shes ma gsungs par/ mdo sde gnyis drang don dang gcig nges don du zhes gsungs pa'ang spyir de'i sngon du 'khor lo dang po dang gnyis pa'i tha snyad med pa min kyang/ le'u 'dir grub don gyi gong du 'khor lo so so'i tha snyad dang drang nges sbyar nas bstan pa med la/ gtso bor ni 'khor lo dang po gnyis zer ba la tha ma zhig yod dgos shing/ de'i tha snyad sngar ma byung ba'i dbang gis yin no/ /kho bo'i mchan 'grel du 'di dang mi 'dra tsam zhig gris yod kyang yig cha'i khog bsgrigs na 'di ltar byed dgos par snang ngo/ /gnyan ston gyi dka' 'grel las 'khor lo phyi ma gnyis la ngo mtshar rmad du byung ba tsam smos shing/ dang po la de'i steng du sngon ltar gyur pa'am rir gyur pa sus kyang mthun par 'jig rten du ma bskor ba gcig rab tu bskor ces pas 'khor lo dang po yin par bstan ces bshad pa mi 'thad de/ 'dir sngon zhes pa ston pa 'jig rten du ma byon gong la byed kyi/ mdo de gsungs pa'i sngon tsam la mi byed cing ma bskor @123b ba'ang tshangs pa sogs gzhan gyis ma bskor ba la bya yi/ ston pas sngar ma bskor ba la mi byed pa'i phyir/ gzhan du na sher mdo'ang 'khor lo dang po yin par thal/ nyi khri las tshangs pa'i 'khor lo 'jig rten na dge sbyor ngam/ bram ze'am/ lha'am/ bdud dam/ tshangs pa'am/ gzhan sus kyang rung ba'i chos dang ldan par 'jig rten du bskong bar ma nus pa/ zhes gsungs pa'i phyir/ khyab pa 'grig /des na ston pa nya gcig ma gtogs pa gzhan sus kyang bskor mi nus pa'i tshangs pa'i 'khor lo'am chos kyi 'khor lor 'jog tshul gsungs pa yin pas 'khor lo phyi ma gnyis la'ang sbyor dgos so/ /yang kha cig 'dir bstan 'khor lo dang po yin na bden bzhi'i chos 'khor yin pas khyab pa dang/ bden bzhi gang rung las brtsams nas rang 'dzin rtog pa'i zhen gzhir rang mtshan gyis grub par ston pas khyab par thal/ mdo las/ 'phags pa'i bden ba bzhi'i rnam pa bstan pa'i zhes gsungs shing/ 'di nyid las/ bden bzhi'i rnam pa bstan pa'i zhes ba ni brjod bya gang las brtsams nas bstan pa'o/ g/zhes dang/ de 'dra bu'i 'khor lo dang po la bden bzhi'i chos 'khor dang/ zhes gsungs pa'i phyir na/ ma khyab ste/ nyan thos sde gnyis kyi blo dang 'tsham pa'i gnas lugs gtan la 'bebs tshul mngon pa mdzod ltar bden bzhi dang sbyar ba 'di yin pas de gtsa cha la dgongs ba'i phyir/ der thal/ de gnyis kyis 'khor lo dang po'i don gzhan bden bzhi'i steng nas gtan la 'bebs/ ngo bo nyid med par smra bas bar @124a @#/ /pa'i do nang bzhin bden gnyis sam snang stong gnyis tshogs pa'i steng nas gtan la 'bebs shir rgyur sde gong 'og gi lam dang rim gnyis snga rjes ? rim sos kyang 'di gtso por byas/ sems tsam pas 'khor lo tha ma'i don bzhin ngo bo nyid gsum gyi steng nas gtan la 'bebs pa'i phyir/ grub mtha' rtsa bar/ 'khor lo dang po'i don bzhin don smra gnyis/ /bar mtha'i lugs bzhin dbu sems gnyis bzhag phyir/ /grub mtha' bzhi yang thub dgongs mchog dman bzhed/ /ces dang/ rgya nag 'grel chen las/ ri dwags kyi tshal du chos bstan pa gang yin pa de ni bden pa bzhi rnam par bzhag pa'o/ /rgyal byed kyi tshul du chos gsungs pa gang yin pa de na bden pa gnyis rnam par bzhag pa'o/ /yang pa can du chos bshad pa gang yin pa de ni bden bden pa rnam par ma bzhag pa ste/ zhes dang/ ngo bo nyid rnam pa gsum dang ngo bo nyid med pa rnam pa gsum las brtsams nas yod pa dang med pa'i rigs pa ma lus shing yongs su rdzogs par ston pa gang yin pa de dag ni dus gsum pa'i bstan pa'o/ /zhes gsungs pa'i phyir/ des na 'khor lo so so'i rtsom gzhi la gang gtso che de'i dbang du byas pa yin gyi/ khyab mtha' bzung ba min te/ 'dir bstan 'khor lo par pa la'ang bden pa gnyig khyad gzhir bsrung bsam khyab pa'i phyir/ der thal/ de la brtsams zhes pa dgongs pa der 'bab pa tsam la bshad tshul gcig yod kyang skabs 'dir khyad gzhir bzung @124b ba la byed pha'i phyir/ rtags zur dang po grub ste/ rje bla mas/ khyod kyis ji snyed bka' stsal pa/ /rten 'brel nyid la brtsams te 'jug /ces gsung rab thams cad zab mo rten 'byung las brtsams par gsungs shing/ dgongs 'grel byams zhus kyi le'u las kyang/ chos 'di dag thams cad ni de bzhin nyid la gzhol ba/ de bzhin nyid la 'bab pa/ de bzhin nyid la babs pa/ zhes sogs gsungs pa'i phyir/ zur gnyis pa grub ste/ skabs 'di'i bden bzhi la btsams pa'i mdo la bden bzhi khyad gzhir bzung ba dgongs pa'i phyir te/ dris zhus kyi tshe bung po lnga/ skye mched bcu gnyis/ rten 'brel bcu gnyis/ zas bzhi/ bden pa bzhi/ khams bco brgyad/ byang phyogs so bdun te sde tshan bdun la brtsams nas bka' stsal tshul so sor gsungs pas de dang de'i dngos bstan gyi mdo ma 'dris par so sor 'jog dgos kyi/ de thams cad bden pa rnams kyi rang gi mtshan nyid kyang bka' stsal ces pa'i dngos bstan gyi 'gres rkang lnga pa'i mdor 'jog pa 'brel med pa'i phyir/ zhib par kun mkhyen bla ma'i gsung ltar ro/ /yang kho na re/ rgyal po chen po gzugs la skye ba yod ces sogs kyi mdo 'dis bden bzhi gang rung la brtsams par thal; des sdug bden las brtsams pa'i phyir/ der thal/ des zag bcas nyer len gyi phung po las btsams pa gang zhig /de sdug bden yin pa'i phyir na/ ma khyab/ 'on phung po la brtsams na khams dang skye mched gnyis @125a @#/ /la'ang btsams pas khyab par thal/ de dag phan tshun gcig gis gcig bsdus pa'i phyir/ 'dod mi nus te/ gdul bya dbang po rno 'bring rtul gsum la ltos te de gsum la rtsom tshul so sor 'jog dgos pa'i phyir/ mdzod 'grel las/ ci'i phyir bcom ldan 'das kyis phung po la sogs pa'i sgo nas ston pa rnam pa gsum rtsom par mdzad ce na/ smras pa/ 'dul ba rnams kyi/ rmongs dbang 'dod rnam gsum gyi phyir/ /phung po la sogs gsum bstan to/ /zhes gsungs pa'i phyir/ des na brjod 'dod dang pha rol pos go tshul la ltos kyi/ chos de yin pa tsam gyis mi chog pa'i phyir te/ phung po rtogs na sdug bden rtogs pa dang/ bum pa mthong na sdug bden mthong bas ma khyab pa'i phyir ro/ /byas pa la/ de'ang khyab par thal/ sngon 'dzin mig shes de gzugs 'dzin mig shes yin pa'i phyir/ der thal/ mdun gyi dam bca' ba 'di'i rgyud la gzugs 'dzin mig shes mngon du gyur ba'i skabs shig dang de'i mtshan gzhi 'jog rgyu yod pa'i phyir na/ ma khyab ste/ gzugs ma rtogs pa'i gang zag kyang 'jog rgyu yod pa'i phyir/ yang kha cig na re/ we na tsheg gis bla na mchis pa sogs kyi don bshad tshul 'dir 'god pa'i tshe gzhan gyis gzhig par bya ba zhes pa rtsod pa dang bcas pa'i don du sbyar ba mi 'thad par thal/ wen tsheg gis de skabs mchis pa'i don du bshad pa'i phyir/ der thal/ de'i 'grel par/ skabs khyad @125b par can yod pa'i bstan pa dang/ gzhan dag gis gzhig par bya ba dang/ sde ba nyi shu po rtsong par smra ba dag gi gnas su gyur pa yin no/ /zhes 'byung bas/ gzhan dag gis gzhig par bya ba dang zhes pa de gong de ma thag tu/ skabs khyad par can yod pa'i bstan pa dang zhes pa de'i mjug tu yar sbyar nas bshad dgogs kyi/ sde ba nyi shu po zhes sogs kyi mgor mar sbyor rgyu ma yin pa'i phyir/ der thal/ bla na mchis pa sogs kyi don 'chad pa'i tshe de nyid kyi 'grel pa las; chos kyi 'khor lo bskor ba 'di mchog tu rmad du byung zhing de las lhag pa'i mchog gzhan med pa'i phyir bla na med pa zhes bya'o/ /phyis mchog tu 'gyur ba'i skabs med cing phyis gzhig ba'i skabs med pa'i phyir skabs med pa zhes bya'o/ /yod pa dang med pa yongs su rdzogs par bstan pa'i phyir nges pa'i don yin zhing rtsod pa smra ba rnams kyi gzhi'i gnas ma yin pa'o/ /zhes gzhan gyis gzhig tu med pa de skabs med tshul dang sbyar ba 'dis gzhan gyis gzhig nus pa de skabs yod tshul la sbyor ba go nus pa'i phyir dang/ 'di nyid las kyang skabs med pa'i snga ma gtogs pa zhes des skabs med pa la bshad tshul gnyis byas par gsungs pa ltar skabs yod pa la'ang bshad tshul gnyis byas na gong 'og mthun par 'gyur ba'i phyir zer na/ gong 'og gi tshig ris tsam la bltas tshe de ltar yin kyang rje'i dgongs pa shin tu brling bas 'di bzhin byed dgos te/ thog mar skabs yod med ces pas skabs kyi don @126a @#/ /ji ltar 'chad shes dgos so/ /de'ang sgron gsal las/ le'u de bzhin chog dang/ /dum bu de bzhin rim par phye/ /zhes pa ltar/ le'u ni ba ritsetshe daH zhes don tshan so sor gcod ba dang/ chog ni ka wa zhes sgrub bar byed pa'i thabs la 'jug cing thabs de rtog par byed ba'i don du'ang 'gro bas la lar rtog pa zhes bsgyur/ paNDa 'am dum bu zhes pa sde tshan dum bur gnas pa dang/ sarga ni rim pa gnyis dang theg pa gong 'og lta bu rim par phye ba la 'jug cing de dag don gcig ming gi rnam grangs su gsungs la/ rgyan las sbas don mngon rtogs rim par bgrod tshul bstan pa'i cha nas skabs brgyad du byas pa yin pas/ gser 'phreng las skabs zhes pa'ang le'u sogs dang don 'dra bar gsungs so/ /yang skabs kyi sgra 'jug tshul rnam pa gcig ni/ kun btus 'grel pa rgyal sras ma las/ mngon par skabs yod pa ni de las gzhan zlog par byed pa'i reg bya dang bral ba'o/ /zhes bar snang skya seng lta bus gzugs gzhan 'gog mi nus par go 'byed pa la mngon par skabs yod kyi gzugs su bshad pa ltar don zhib tu ma phye ba'i dbang gis rgol ba'i rtsod pa 'gog mi nus par klan ka 'jug tu rung pa la'ang skabs kyi sgra 'jug go /des na wen tsheg gis snga ma bzhin lam gong 'og lta bu dman mchog gi rim par phye rgyu yod pa'i don du bsam snang bas skabs yod med kyi khyad par yang 'di'i dgongs pa rtogs na phyis de las lhag cig rtogs rgyu yod med la 'dod 'dug pa'i phyir/ der thal/ de'i @126b 'grel pa las/ phyis mchog tu 'gyur ba'i skabs zhes bshad pa'i phyir/ khyab ste/ rgol ba'i skabs yod med lam sbyang bar mchog tu 'gyur ba'i skabs yong med la sbyar ba'i phyir/ de la khyab pa yod par thal/ de las mchog tu gyur pa'i mdo yod pa la byas na bla na mchis ba'i don bshad ba dang zlos la/ der phyir gyi sgra'ang sbyor mi dgos bas 'dir gdul bya rang nyid kyis mdo don rtogs tshul la sbyor dgos pa'i phyir/ byas pa la khon de wen tsheg gis kyang skabs med pa'i don rgol ba'i klan kas 'jig pa'i skabs med pa la 'dod par thal/ de'i 'grel pa las/ phyis gzhig ba'i skabs med pa'i phyir skabs med pa zhes bya'o/ /zhes gsungs pa'i phyir na/ ma khyab ste/ rgol ba'i klan kas gzhig mi nus ba'i don yin phyis zhes smos don med ba'i phyir/ der thal/ rgol ba'i klan kas gzhig nus na dus der yang gzhig nus pa 'dra ba'i phyir/ khyab ste/ 'di'i gzhog tshul ni spyod 'jug las/ rnal 'byor pa yang blo khyad kyis/ /gong ma gong ma rnams kyis gnod/ /ces pa ltar rang gi gdul byas mdo de'i don rtogs nas rang gi bsam ngor med las lhag cig rtogs rgyu med pa lta bur bsams kyang phyis de dang mi mthun pa'i mdo zab mo gzhan gyi dgongs brtogs pa na sngar gyi dam bca' gzhig ba de skabs 'di'i gzhig tshul yin pa'i phyir/ der thal/ dgongs 'grel bzhin mthar thug theg pa gsum ka'i lam gyi bgrod tshul tshang bar rtogs pa na sher mdo ltar mthang thug theg pa @127a @#/ /gcig tu 'dzin pa'i dam bca' 'jig pa lta bu yin pa'i phyir/ der thal/ 'dis bshad tshul rnams slob dpon yang dag bden pa khungs su byas par snang zhing/ de'i brjed byang las/ theg pa gcig gis rnam par 'jig pa'i phyir rgol ba dang bcas pa'o/ /zhes bar pa'i khyad par gyi bshad pa sngar drangs pa bzhin theg pa ma rtogs pa gong ma skyes pa na 'jig par bshad cing/ 'khor lo tha ma'i thad du'ang/ theg pa chung 'du ba kun gyis bgrod bar bya ba yin pa'i phyir rtsod pa med pa'o/ /rtsod pa med pa'i phyir gzhig tu med pa'o/ /gzhig tu med pa'i phyir rgol ba med pa'o/ /zhes 'byung ba'i phyir/ 'dis sgrub tshul la dpag na'ang gzhig tu yod med rtsod pa yod med la sbyar bslob dpon 'di'i dgongs par byed dgos par mngon no/ /slob dbon 'di gnyis kyis theg pa thams cad la yang dag par zhugs pa'i don yang dgongs 'grel la brten nas rang gi gdul bya theg pa gsum ga'i rigs can rnams kyis rang lam la brten nas mthar thug gi sar bgrod du yod pa la 'dod par snang ste/ rgya nag 'grel chen las/ gnyis pa ni theg pa chen po'i gang zag gi ched du'o/ /gsum pa ni theg pa gsum ga'i gang zag gi ched du'o/ /zhes gsungs pa'i phyir/ kho na re/ wen tsheg gis skabs med pa'i don bshad tshul phyi ma mdo de las gong mar gyur pa zhig gi don rtogs nas 'dor du med pa la bshad mi rigs par thal/ de rgol pa gzhan gyis gzhig tu med pa la @127b byed pa'i phyir/ der thal/ rang lugs la de ltar yin pa gang zhig /de'i don bshad tshul rang lugs dang 'dra ba'i phyir/ der thal/ 'di nyid las skabs med pa'i sngam ma gtogs pa zhes dmigs kyis bkar bas gzhan rnams 'dra ba des shes pa'i phyir zer na/ 'di la dpyad gzhi cung zad snang yang lugs gnyi gas gzhig tu med par bzhag pa tsam 'dra ba la dgongs sam snyam/ kha cig na re/ wen tsheg gis rtsod pa'i gzhi'i gnas su gyur pa'i don bshad pa'ang mi 'thad par thal/ 'khor lo dang po'i sgras zin gyi don la rtsong pa smra ba por nyan thos sde pa mi yong ba'i phyir/ der thal/ 'di sgra ji bzhin par mi rung zhes rtsod pa 'god ba por nyan thos sde ba mi yong ba'i phyir na/ ma khyab ste/ 'dir nyan thos sde pa rnams kyis rtsod ces pa der mi 'thad ces rtsod pa min gyi/ de rang lugs su 'thad pa gzhir bzhag gi steng nas de'i dgongs pa 'grel tshul la rtsod pa yin pa'i phyir/ der thal/ 'khor lo dang po las rang gi mtshan nyid kyis grub grub ces gsungs khang yod med kyi mtshams gsal bar ngos gsal bar ngos bzung ste 'di las lhag na rtag mthar ltung/ 'di las gzhan na chad mthar ltung zhes zhig tu phyeb med pa'i dbang gis sde pa bco brgyad dang/ mdo sde ba snga phyi gnyis sogs nang phan tshun rtsod pa 'byung ba'i don yin pa'i phyir/ rgya nag 'grel chen las/ sde pa nyi shu po rtsod par smra ba dag gi gnas su gyur pa yin no zhes bya ba'i tha tshig go /zhes gsungs pa'i phyir/ zhib cha 'di ltar ma byas na rang lugs la'ang @128a @#/ /skabs mchis pa dang rtsod pa'i gnas su gyur ba gnyis zlos par thal ba'i skyon spong mi nus so/ /yang kha cig /'dis stong pa nyid mi ston zhing yod pa bstan pas drang don du bshad pa'ang mi rung bar thal/ yod ba bstan pas drang don du 'gro don med la/ stong nyid ma bstan pas drang don du bshad pa ngo bo nyid med par smra ba'i lugs yin pas skabs 'chol ba'i phyir zer na min te/ 'khor lo dang por stong pa nyid ma khyud cing yod pa ston pa dang; bar pa la yod pa mkhyud cing stong pa nyid ston pa zhes 'byung bas/ snga ma'i don kun btags rang mtshan gyis ma grub pa mkhyud pha ste sbas nas chos thams cad la rang mtshan gyis grub grub ces pa'i tshig mnyam par bka' stsal ba'i don yin/ phyi ma rang mtshan gyis grub pa chos gang gi steng du'ang ma bstan par rang mtshan gyis med mnyam du gsungs ba'i don yin pa'i phyir/ der thal/ der thal/ 'di'i stong nyid ces pa rang lugs kyis chos nyid bdag med phra mo la mi byed bar rang mtshan gyis ma grub pa tsam la byed pa'i phyir/ der thal/ stong nyid smos pa'i rnam pas zhes pa'i don chos kyi bdag med la mi byed pa'i phyir ce/ kha cig gis de ltar bshad kyang rjes rang lugs sum mdzad pa'i phyir; 'di nyid las/ stong nyid smos pa'i rnam pas zhes pa'i don chos kyi bdag med bstan pa la 'grel pa kha cig gis bshad/ ces gsungs pa'i phyir/ gzhan yang bar pa'i skabs su yod pa mkhyud cing stong nyid bstan ces @128b pa'i stong nyid de rang mtshan gyis grub pas stong pa tsam la byed dgos par thal/ de stong nyid dngos la byed na mtshan nyid gsum ga'i steng du 'jog dgos kyang 'di cha phye ste kun btags tsam la sbyar ba lan pa'i phyir/ der thal/ 'khor lo tha ma'i skabs su yod med rdzogs par bstan ces pa'i don 'khor lo dang po gnyis kyis de las re re sbas nas re re btsams bstan kyang/ 'dir mtshan nyid gsum gyi steng du cha phye nas phyogs gnyig rdzogs par bstan pa yin pa'i phyir/ der thal/ de ltar ston pa'i tshig kyang bye brag tu phyen dgongs 'grel las/ rang gi mtshan nyid kyis rnam par gnas pa ni ma yin pas/ zhes dang/ rkyen gzhan gyi stobs kyis byung ba zhes sogs sngar drangs brnams dang/ lang gshegs las brtag pa'i dngos po med pa nyid/ /gzhan gyi dbang ni yod pa yin/ /sgro 'dogs pa dang skur 'debs pa'i/ /mtha' la rtog pa rnam par brlag /ces pa lta bu yin pa'i phyir/ yang kha cig na re/ 'dir bstan 'khor lo dang po gnyis po gang rung yin na khyod kyi gong na nges don gyi mdo gzhan yod pas khyab pa dang/ 'dir bstan 'khor lo tha ma yin na khyod kyi gong na nges don gyi mdo gzhan med pas khyab par thal/ bla na mchis pa dang blan ma mchis pa'i don bshad tshul 'thad pa'i phyir/ 'dod na/ rim bzhin bdag cag gi ston pa'i thugs rgyud kyi 'khor lo dang po gnyis dang/ slob pa'i rgyud kyi 'khor lo tha ma re re nas chos can/ der thal/ de'i phyir/ 'dod mi nus te/ sngam don dam pa'i @129a @#/ /skyabs yin pas de las mchog tu gyur pa'i chos med pa gang zhig /phyi ma kun rdzob pa'i skyabs yin pas ngo bo gong 'phel du 'gro dgos pa'i phyir na/ ma khyab ste/ de'i gong na nges don gyi mdo gzhan yod med ni brjod bya sogs kyi sgo nas yin gyi/ ngo bo mchog dman gyi dbang gis ma yin pa'i phyir/ gong gi rtags grub ste/ rgyud bla ma las/ spangs phyir zhes dang/ chos rnam gnyis gtan gyi skyabs gnas ma yin te/ zhes dang/ de'i rtsa ba'i dpal 'phrong gi med las/ chos zhes bgyi ba de ni/ zhes pa nas/ skyabs 'di gnyis ni de'i yan lag gi skyabs zhes bgyi ste skyabs kyi rab ma lags so/ /zhes gsungs pa'i phyir/ rang lugs la 'dir bstan 'khor lo dang po gnyis gang rung yin na khyod kyi gong na nges don gyi mdo gzhan yod pas ma khyab par thal/ bar pa mtshan nyid med pa'i chos 'khor de'i gong na nges don gyi mdo gzhan med pa'i phyir/ der thal/ sangs rgyas 'jig rten du byon pa'i dgos pa'i gtso bo gdul bya 'khor pa las sgrol ba'i ched yin la/ 'khor rtsa gcod byed stong nyid rigs pa'i rnam grangs dang sgo mtha' yas pas gtan la 'bebs pa la sher mdo las lhag pa med pas de mdo sde kun gyi gtso bo'am gong mar 'jog dgos pa'i phyir/ der thal/ de ltar yin pa gleng gzhi dang yongs gtad kyis shes shing de'i rgyu mtshan gyis de ltar 'dod pa dbu sems gnyis ka mthun pa'i phyir/ rnam bshad snying po rgyan las/ @129b rnam par rig pa tsam gyi shing rta'i srol phye ba ltar na/ zhes pa nas/ drang pa'i don yin yang rnam par mi rtog ba'i ye shes kyi dmigs pa 'gyur ba med pa'i yongs grub kyis bsdus pa'i stong pa nyid rgyas par gtan la 'bebs pa mdo sde rnams kyi gtso bo yin/ zhes gsungs pa'i phyir/ gzhan yang sher mdo dang dgongs 'gral gnyis kyi nang nas kyang sher mdo gong mar byed dgos par thal/ de'i ched du bya ba'i gdul bya gnyis kyi nang nas sher mdo'i ched du bya ba'i gdul bya gong mar byed dgos pa'i phyir/ der thal/ des dgongs 'grel sogs lam brten par shar mdo'i dgongs pa rtogs nus la/ gcig shos kyis de ltar mi nus pas de la ltos te dbang po rtul ba'i phyir/ rnam bshad las/ mdo sde rnams kyi gtso bo yin zhing de'i ched du bya ba'i gdul byas ni mdo sde gzhan gyis dgongs ba bkral ba la ltos mi dgos par dgongs pa rdzogs par rtogs shing sgra ji bzhin par mi 'dzin no/ /mdo dgongs 'grel lta bus de'i dgongs pa gsal bar phye nas bstan dgos pa'i rigs can rnams ni theg pa chen po'i rigs can yin yang snga ma las dbang po dman pa yin la/ zhes gsungs pa'i phyir/ khyab ste/ theg pa gsum gyi sde snod dang rgyud sde bzhi'i gong 'og gi khyad par thams cad gdul bya'i dbang po mchog dman gyi rim pa yin gyi/ bka' rang gi ngo bo la mchog dman dbye dka' ba'i phyir/ gzhan yang de mdo sde kun gyi gtso bor byed rigs par thal/ dgongs 'grel las kyang 'khor lo thog mtha' gnyis la @130a @#/ /ngo mtshar rmad du byung ba tsam las ma smos shing/ bar pa la ches ngo mtshar rmad du byung ba zhes khyad par 'byed don yod pa'i phyir/ byas pa la/ de mi 'thad par thal/ tha ma la shin tu ngo mtshar rmad du byung pa zhes 'byung ba'i phyir zer na/ de ma dag pa yin te/ rtag brtan par ma dang rgya nag 'grel chen las de ltar 'byung yang/ sngon gyi dpe dag pa du ma dang gtan ba dbab pa bsdu par drangs pa sogs sum 'byung bas rje bla mas kyang ma bkod pa yin ba'i phyir/ yang kho na re/ bar pa la dgongs 'grel las bla na mchis pa zhes gsungs pa mi 'thad par thal/ de'i gong na nges don gyi mdo gzhan med pa'i phyir na/ ma khyab/ brjod bya ston tshul gyi sgo nas bla na mchis par bzhag pa yin pa'i phyir/ der thal/ brjod bya'i sgo nas mchog dman 'byed tshul bstan pa'i snying po stong pa nyid kyi rnam gzhag rgyas mi rgyas kyi sgo nas yin/ de ston tshul gyi sgo nas khyad 'byed tshem spas par sgra ji bzhin du ston mi ston gyi sgo nas yin pa'i phyir/ dper na 'jig rten na gtso bo rgyal po yin kyang las don gsal por ston pa la blon po bzang ba'i skabs srid pa lta bu yin pa'i phyir/ yang kha cig na re/ 'dir bstan 'khor lo dang po'i ched du bya ba'i gdul bya la theg dman gang zag gis khyab/ bar ba'i de la theg chen gang zag gis khyab/ tha ma'i de la rigs can gsum g.yod par thal/ rim pa bzhin mdo las/ nyan thos kyi theg pa la yang dag par zhugs pa rnams la zhes dang/ theg pa chen @130b po la khang dag bar zhugs pa rnams lo zhes dang/ theg pa thams cad la yang dag par zhugs pa rnams la zhes gsungs pa'i phyir na/ ma khyab/ 'di'i theg pa zhes pa de dang de'i lam la mi byed par de'i lam 'bras gtso bor ston pa'i bka' la byed pa'i phyir/ der thal/ 'khor lo dang po'i tshed du bya ba'i gdul byas 'khor lo dang po la ched du brten nas gang zag gi bdag med kyi dbang du byas pa'i mtshan nyid gsum rtogs nus pa dang/ bar ba'i gdul byas bar pa rang nyid la brten nas de'i dgongs gzhi chos kyi bdag med kyi dbang du byas pa'i mtshan nyid gsum rtogs nus pa dang/ tha ma'i ched du bya ba'i gdul byas ja la brten nas 'khor lo gsum ka'i dgongs pa dang drang nges kyi khyad par sogs rtogs dgos pa de rim bzhin nyan thos kyi theg pa dang/ theg pa chen po dang/ theg pa thams cad la zhugs tshul yin pa'i phyir/ zhib par kun mkhyen bla ma'i gsung du gsal/ des na kun mkhyen chos 'byung gis kyang/ nyan thos kyi theg pa la'ang dag par zhugs pa zhes pa'i skabs kyi theg pa de 'khor lo dang po la byed/ theg pa chen po la yang dag par zhugs pa zhes pa'i skabs kyi theg pa de 'khor lo bar pa la byed/ theg pa thams cad la yang dag bar zhugs pa zhes pa'i skabs kyi theg pa de 'khor lo gsum ka la byed rigs pa'i phyir/ zhes gsungs so/ /kho na re/ de mi 'thad par thal/ theg pa zhes pa 'dir bgrod pa'am 'dis bgrod pa'i lam la byed dgos kyi/ de ston @131a @#/ /pa'i gzhung la byed pa 'brel med ba'i phyir zer na/ ma grub ste/ rtog ge 'bar ba las/ 'bras bu dang bcas pa'i pha rol tu phyin pa drug ces bya ba'i lam dang de snyon par byed pa'i gtsug lag kyang theg pa chen po zhes bya ste/ zhes dang/ blo brtan gyi dbus mtha'i 'grel bshad las/ theg pa chen po 'di ston pa'i mdo sde la sogs pa bshad pa gang yin pa de dag kyang theg pa chen po yin no/ /zhes gsungs pa'i phyir dang/ der ma zad ngo bo nyid med pa'i rgyan gyi 'grel bshad las/ rigs la theg ba nye bar btags pa'i phyir ro/ /zhes theg pa de dang de'i rigs la de'i theg par bshad pa'i skabs kyang yod pa'i phyir/ gzhan yang de mi 'thad par thal/ mdo gcig gi ched du bya ba'i gdul bya la theg pa che chung gnyi ga'i gang zag 'ong mi srid pa'i phyir/ der thal/ theg pa che chung gi mdo'i gzhi mthun mi srid pa'i phyir/ khyab ste/ theg pa che chung gi sde snod du 'jog tshul ched du bya ba'i gdul bya'i sgo nas yin pa'i phyir/ dka' 'grel las/ theg pa che chung gi gsung rab gnyis ched du bya ba'i gdul bya theg chen gyi rigs can dang theg dman gyi rigs can gnyis la gtso bor dgongs nas gsungs ba'i cha nas rim pa ltar so sor 'byed par sngags rim chen mo sogs rje'i gsung rab ji snyed cig las gsungs shing/ ched du bya ba'i gdul bya'i sgo nas theg pa che chung gi gsung rab gnyis so sor mi 'byed na de gnyis so @131b sor 'byed pa'i sgo gzhan med pas/ zhes gsungs pa'i phyir/ khyab ste/ de'i rgyu mtshan theg pa gsum so sor 'byed byed ni bsam pa sems bskyed rgya che chung dang/ gang la ched du brten pa'i sde snod dang/ de nas bshad ba ltar gyi sbyor ba dang/ des bsgrub pa'i tshogs rgya che chung/ de la brten pa'i 'bras bu mchog dman te lngas 'byed dgos pa'i phyir/ mdo sde rgyan las/ bsam pa dang ni bshad nyid dang/ /sbyor ba dang ni tshogs dag dang/ /'grub pa'i rab tu dbye ba yis/ /theg la rnam pa gsum du 'dod/ /ces dang/ de'i dbyig 'grel las/ dman pa rnams ni nyan thos kyi theg pa'o/ /'bring rnams ni rang sangs rgyas kyi theg pa'o/ /mchog rnams ni theg pa chen po ste/ bsam pa ji lta ba dang/ 'dod pa ji lta bar chos bshad pa yin no/ /chos bshad pa ji ltar de la sbyor ro/ /sbyor ba ji lta bar tshogs sogs so/ /tshogs ji lta bar byang chub yang dag par 'grub bo/ /zhes gsungs pa'i phyir/ de la kho na re/ de mi 'thad par thal/ 'dir bstan 'khor lo dang po'i ched du bya ba'i gdul bya byang sems yod pa'i phyir/ der thal/ skabs 'di'i nyan thos kyi theg pa la yang dag par zhugs pa de la byang sems yod pa'i phyir na/ ma khyab/ rtags grub ste/ re zhig 'khor lo dang po'i sgras zin tsam bstan nas gang zag gi bdag med la bkri dgos pa'i byang sems yod pa gang zhig /de skabs 'di'i nyan thos kyi theg pa la zhugs pa'i don yin pa'i phyir/ der thal/ dang po'i gdul byas dang po la brten nas do tsam @132a @#/ /zhig rtogs nus la/ bar pa'i dgongs gzhi chos kyi bdag med rtogs mi nus pas de nyan thos kyi theg pa tsam la zhugs par bshad/ tha ma'i gdul byas tha ma la brten nas 'khor lo snga ma gnyi ga'i dgongs gzhi gang zag dang chos kyi bdag med gnyig tshar bar rtogs nus bas thag pa thams cad la zhugs par bshad pa yin pa'i phyir/ 'di nyid las/ 'khor lo dang po gsungs pa'i gdul bya ni gang zag gi bdag med kyi dbang du byas pa'i mtshan nyid ngo bo nyid med pa rtogs pa'i snod du rung la/ chos kyi bdag med kyi dbang du byas pa'i mtshan nyid ngo bo nyid med pa rtogs pa'i snod du mi rung ba la gsungs par dgongs 'grel gyis shugs kyis 'grel pas/ legs par rnam par phye ba'i chos 'khor theg pa thams cad la zhugs pa'i ched du gsungs pa'i don ni de'o/ /zhes gsungs pa'i phyir/ der ma zad bye mdo gnyis la nyan thos pa dang/ dbu sems gnyis la theg chen pa zhes pa'ang de dang de'i sde snod la brten nas grub mtha' 'dzin tshul yin gyi/ snga mar byang sems dang phyi mar nyan rang 'phags pa thams cad yong bas nyan thos dang theg chen gang zag dngos la byed mi rung ba'i phyir te/ stag lo sogs sngam mang pos theg pa gsum dang grub mtha' bzhi sbyar ba sogs 'brel med mang du bshad pa'i 'khrul gzhi'ang 'di 'dra yin pa'i phyir/ thub bstan byi dor las/ theg chen pa'i grub mtha' dang theg chen pa'i gang zag gcig tu 'khrul ba'i nor ba chen po ste/ zhes dang/ stong thun las kyang da bzhin gsungs la/ grub mtha' rtsa bar/ @132b theg gsum la sdud gsum 'dod lnga ba dbye 'khrul/ /zhes par 'grel gyis kyang khegs so/ /gong du 'dod mi nus te/ theg pa dman pa'i sde snod kyi ched du bya ba'i gdul byar theg chen gang zag 'jog pa 'brel med yin pa'i phyir/ der thal/ theg pa chen por 'gro ba la theg pa chen po'i sde snod la slob pa sogs bdun gyi sgo nas 'jog pa'i phyir/ rgyan las/ dmigs pa che ba nyid dang ni/ /de bzhin sgrub pa gnyis dag dang/ /ye shes brtson 'grus rtsom pa dang/ /thabs la mkhas par gyur pa dang; ;lang dag 'grub pa chen po dang/ /sangs rgyas 'phrin las chen po ste/ /chen po 'di dang ldan pa'i phyir/ /theg chen zhes ni nges par brjod/ /ces dang/ 'grel ba las/ chen po nyid rnam pa bdun dang ldan pa'i phyir theg pa chen po zhes nges par brjod de dmigs pa chen po nyid ni mdo'i sde la sogs pa'i chos rgya chen po dpag tu med pa dang ldan pa'i phyir ro/ /zhes gsungs pa'i phyir/ de la kho na re/ 'dir bstan 'khor lo dang po'i ched du bya ba'i gdul bya la theg chen gang zag med pa sogs mi 'thad par thal/ dang nges rnam 'byed kyi mtha' dpyod las/ 'o na/ 'khor lo dang po'i ched du bya ba'i gdul bya la nyan thos kyis khyab pa dang/ 'khor lo bar ba'i ched du bya ba'i gdul bya ba la theg chen gang zag gis khyab par thal/ 'dod pa'i phyir/ 'dod na/ de mi 'thad par thal/ zhes sogs kyis sgrub tshul yod pa'i phyir na/ ma khyab ste/ dang po gnyis nyan thos kyi theg pa dang theg pa chen po la zhugs zhes pa'i theg pa gnyis de dang de'i lam dngos la byed na theg pa @133a @#/ /thams cad la zhugs zhes pa 'di theg pa gsum ga'i lam dngos la byed pa las 'os med pas gtso bor de 'gog pa yin la/ yang der theg dman rigs can dgos kyang theg dman lam zhugs mi dgongs pas pa rol po nyan thos kyis khyab par 'dod ba'ang bkag chog ba'i phyir/ yang kha cig /'khor lo dang po'i skabs su nyan thos kyi theg pa la zhugs zhes pa ni nyan thos dngos la byed par thal/ dgongs lde ma dgongs kyi sgo nas drang nges 'byed tshul 'khor lo dang por gang zag gi bdag med la gzhug pa'i phyir phung sogs bstan bde dgos dbang gis gsungs pas gzhug pa ldem dgongs su 'gro tshul shes nas drang don du 'grel pa dang/ bar pas chos thams cad ngo bo nyid med par gsungs pa de rang bzhin gyis grub pa'i ngo bo gtan nas med pa ma yin par mtshan nyid gsum so so'i dbang du byas pa'i med lugs re yod pas mtshan nyid ldem dgongs dang/ don gzhan la dgongs par shes nas drang don du 'grel pa yin pa gang zhig /snga ma'i sgo nas bstan par gzhug dgos kyi gdul bya der nyan thos kyis khyab pa'i phyir/ der thal/ blo gros brtan pa'i rgyan gyi 'grel bshad las/ nyan thos dag mi skrag cing bstan bar gzud pa dang chos yod par bshad pa'i sgo nas gang zag la bdag med par rtog par bya ba'i phyir gzugs la sogs pa'i chos yod ces bshad par ni rjes su gzhug pa'i dgongs pa zhes bya'o/ /zhes gsungs pa'i phyir na/ ma khyab ste/ phal che bas dgongs pa'i phyir/ mkhas @133b grub rtog dka'i snang bar theg pa thams cad la zhugs zhes ba dgongs 'grel gyi ched du bya ba'i gdul bya de theg chen rigs can yin kyang dbang po rtul bas theg pa gzhan du bkrir rung ba la gsungs pa'ang snga ma'i bshad pa bkod tsam yin pas rang lugs su mi rung ngo/ /kha cig na re/ 'dir bstan 'khor lo tham gsar du bskor pa'i tshe de'i ched du bya ba'i gdul bya med par thal/ de dus kyi gdul bya la theg pa thams cad la yang dag par zhugs pa'i don mtshang ba'i phyir/ der thal/ des 'khor lo tha ma la brten nas 'khor lo dang po gnyis kyi dgongs don ma rtogs pa'i phyir/ der thal/ de la brten nas de gnyis kyi dgongs pa rtogs dgos kyi gang zag yin pa'i phyir/ der thal/ de'i tshe 'khor lo tha ma gsungs ma thag yin pa gang zhig /de la brten nas snga ma gnyis kyi dgongs don rtogs pa dgos sogs chos bzhi'i nang gi dgos pa yin pas/ de'i sngon du de'i brjod don la thos sogs kyis zhugs pa 'gro dgos pa'i phyir/ gzhan yang 'di nyid las/ gdul bya ni theg pa thams cad la zhugs pa ste snga ma gnyis ni theg pa che chung so so ba yin la/ 'di ni gnyi ga'i dbang du byas pa'o zhes gsungs pa dang yang mi 'grig par thal/ khyod kyis bshad tshul ltar na 'khor lo bar pa'i ched du bya ba'i gdul bya'ang theg pa thams cad la zhugs par 'jog dgos pa'i phyir/ der thal/ des 'khor lo dang bo dang bar pa gnyi ga'i dgongs gzhi rdzogs par rtogs pa'i phyir/ khyab ste/ de theg pa thams cad la zhugs pa'i don yin pa'i phyir/ @134a @#/ /rtags khas/ ma khyab mtshams kyi rtags grub ste/ tha ma'i ched du bya ba'i gdul byas de ltar rtogs pa gang zhig /bar ba'i gdul bya ni de las kyang lhag par dbang po rno ba zhig yin pa'i phyir/ des na 'dir/ theg pa thams cad la yang dag par zhugs pa'i ched du gsungs pa'i de'o/ /zhes sogs kyang 'khor lo thams 'khor lo dang po gnyis kyi dgongs pa 'grel tshul ston pa yin gyi/ de'i ched du bya ba'i gdul bya ngos bzung ba min te/ yang dag par zhugs pa'i don de'o zhes ma gsungs par/ yang dag par zhugs pa'i ched du gsungs pa'i don de'o zhes 'byung ba'i phyir/ des na so sor zhugs pa dang thams cad la zhugs pa'i go don so so'i dgongs don la dgos pa skyes pa dang snga ma gnyi ga'i dgongs don la dogs bskyes nas zhugs pa'i don yin zhes paN chen bsod grags kyi drang nges rnam 'byed las bshad do/ /de mi 'thad par thal/ gsung 'dis de'i ched du bya ba'i gdul bya ngos bzung ba yin pa'i phyir/ der thal des gdul bya ji lta bu zhig gi ched du gsungs tshul bstan pa yin pa'i phyir/ der thal/ gdul bya ni theg pa thams cad la zhugs pa ste zhes des gdul bya ngos bzung ba yin pa bsnyon med la/ de'i tshed du gsung par yang gzhung tshig gis dngos su thon cing rang gis kyang khas blangs pa'i phyir/ khyab ste/ gdul bya 'di lta bu zhig gi ched du gsungs zhes ston pa la de lta bu'i gdul bya de ngos 'dzin dgos pa'i phyir/ bar ba'i gdul bya theg pa thams cad la zhugs par thal ba'i skyon @134b yang 'dra bar thal/ bar pa'i gdul bya des 'khor lo dang po gnyi ga'i sgras zin la dogs pa zhugs pa'i phyir/ der thal/ dang po'i sgras zin ltar rang mtshan gyis yod mnyam du bzung na rtag mtha' dang/ bar pa'i sgras zin ltar rang mtshan gyis med mnyam du bzung na chad mthar 'gro tshul la dogs pa chod de sems tsam gyi lta pa mthar thug rnyed pa'i phyir/ byas pa la/ de 'gal khyab yin te/ dang po'i sgras zin la dgos pa chod na der dgos pa chod dgos pa'i phyir zer na/ 'o na bar ba'i sgras zin la'ang dgos pa med par thal/ der dogs pa tshad pa'i phyir/ der thal/ de'i dgongs gzhi rtogs ba'i phyir/ rtags khas/ gong du 'dod mi nus te/ der dgos pa skyes pa'i phyir/ ma grub na/ der dgos pa zhugs pa de theg pa de la zhugs pa'i don du rang gis khas blangs pa dang 'gal lo/ /kho na re/ dgongs 'grel gyi ched du bya ba'i gdul byar theg pa che chung gnyi ga'i gang zag yod par thal/ dgongs 'grel theg pa che chung gnyi ga'i mdo'i dgongs 'grel yin pa'i phyir/ der thal/ de 'khor lo rim pa gsum ga'i dgongs 'grel yin pa'i phyir/ der thal/ 'khor lo gsum ga'i drang nges kyi khyad 'byed pa'i dgongs 'grel yin pa'i phyir na/ ma khyab/ tshad ma rnam 'grel chos can/ phyi rol pa'i lta bston pa'i bstan bcos yin par thal/ phyi nang gnyi ga'i lta ba'i khyad par 'byed pa'i bstan bcos yin pa'i phyir te/ ston pa bstan pa lta ba gsum gyi sgo nas phyi nang gi khyad par 'byed @135a @#/ /pa'i bstan bcos yin pa'i phyir/ khyab pa 'grig /gong du/ der thal/ 'khor lo gsum ga'i dgongs pa 'grel pa'i phyir na/ ma khyab ste/ bar pa'i dgongs pa gtso bor 'grel cing dang po'i dgongs pa zhar byung tsam du 'grel ba yin pas dang po'i dgongs 'grel du mi 'jog par yig char gsungs pa bzhin yin pa'i phyir/ byas pa la/ yig cha'i bshad tshul la'ang nang 'gal yod par thal/ bka' bstan bcos skabs kyi mtha' dpyod las/ 'khor lo gsum ga'i dgongs 'grek kun btus dang/ dbu ma snang ba dang/ dbu ma rgyan lta bu/ gsung rab thams cad kyi dgongs 'grel lam sgron dang/ lam rim gnyis dang thub dgongs lta bu/ zhes 'byung bas de dag kyang theg pa che chung gnyi ga'i bstan bcos su 'gyur dgos pa'i phyir zer na/ mi mtshungs te/ dgongs 'grel gyis theg pa che chung gnyi ga'i mdo'i dgongs pa 'grel kyang gtso che chung yod/ kun btus kyis de gnyi ga'i dgongs pa 'grel tshul la gtso che chung med par cha mnyam du 'grel pas gnyi ga'i dgongs 'grel du 'jog dgos kyang ched du bya ba'i gdul bya theg chen rigs can yin pas ngo bo theg chen gyi bstan bcos su 'jog dgos pa'i phyir/ kho na re/ kun btus theg chen gyi bstan bcos ma yin par thal/ grub mtha' chen mo las/ kun btus las longs sku'ang ma bstan la/ sa bcu la'ang ming tsam las med pas theg chen gyi dgongs 'grel min no/ /zhes gsungs @135b pa'i phyir na/ ma khyab ste/ theg chen thun mong ma yin pa'i de min zhes pa'i don yin pa'i phyir/ 'dod mi nus te/ rgyud sde spyi rnam las/ sngom rnam pa gnyis ni 'khor lo tha ma'i dgongs 'grel lta ba gtso bor ston pa'i bstan bcos te/ zhes gsungs pa'i phyir/ gzhan yang theg pa che chung gi sde snod mi 'gal bar thal/ gtan la dbab pa'i sde de theg pa che chung gnyi ga'i sde snod yin pa'i phyir/ der thal/ de de gnyi ga'i mngon ba'i sde snod yin pa'i phyir/ der thal/ kun btus las/ gtan la dbab par bstan pa'i sde ni gnyi ga'i mngon pa'i sde snod do/ /zhes gsungs pa'i phyir na/ ma khyab ste/ de la nang gses kyis theg pa cha chung gi mngon pa gnyis 'byed rgyu yod pa'i don yin pa'i phyir/ yang kho na re/ theg pa che chung gnyi ga'i sde snod kyi yin pa yod par thal/ theg pa che chung thun mong gi sde smod kyi yin pa yod pa'i phyir na/ ma khyab/ 'o na theg pa che chung gnyi ga'i lam gyi yin pa yod par thal/ theg pa che chung thun mong gi lam gyi yin pa yod pa'i phyir/ der thal/ skyes bu che 'bring thun mong gi lam gyi yin pa yod pa'i phyir/ der thal/ mi rtag sogs bcu drug rtogs pa'i lam de yin pa'i phyir te/ rje bla mas/ lam mchog gnyis kar dgos pa'i thun mong lam/ /zhes gsungs pa'i phyir/ de la kha cig nyan thos dang byang sems sde snod mi 'gal bar thal/ de gnyi ga'i lam gyi gzhi mthun med kyang sde snod kyi gzhi mthun bzhag chog pa'i phyir/ der thos dang rang rgyal gnyi ga'i sde @136a @#/ /snod kyi gzhi mthun bzhag chog pa'i phyir na/ ma khyab/ rang rgyal gyis kyang nyan thos kyi sde snod la snyen nas lam la slob bam gtogs rang gi sde snod zur ba med pa'i phyir/ rtags zur dang bo grub ste/ kun btus las/ rang sangs rgyas kyi theg ba gang zhe na bdag nyid mngon bar rdzogs bar sangs rgyas ba'i bsam pa can dang nyan thos kyi sde snod nyid la dmigs nas chos kyi rjes su mthun pa'i chos bsgrub pa/ zhes gsungs ba'i phyir/ zur phyi ma grub ste/ de'i rgyu mtshan gyis bka' thams cad nyan thos kyi theg pa'i chos 'khor dang/ byang sems kyi theg ba'i chos 'khor gis su grad sa des ba'i phyir/ myang 'das rgya nag ma las/ rigs kyi bu gzhan yang gang zag la rnam pa gnyis te/ dbang bo 'bring dang dbang bo rab bo/ dbang bo 'bring la ni wa ra sir chos kyi 'khor lo bskor te/ dbang po rab la ni mi'i na nas sgyu mchog gi rgyal bo lta bu byang chub sems dpa'i 'khor lo bskor ro/ /rigs kyi bu dbang po tha ma la ni de bzhin gshegs pas chos kyi 'khor lo mi bskor te/ dbang bo tha mches bya ba ni leg sreng can dag go /zhes gsungs pa'i phyir/ 'dis ni paNDi ta gzhan phan bzang pos rigs med la mngon mtho'i chos 'khor zu rang bskor zer bdang/ bam zes dzdza nas rang rgyal rigs can la de'i chos 'khor zur du bskor zer pa gnyis kyang legs so/ /yang kha cig theg ba che chung gi mdo'i yin pa yod par thal/ dbu sems gnyi ga'i mdo'i yin pa yod ba'i phyir/ der thal/ sher mdo de yin ba'i phyir/ @136b der thal/ de de gnyi gas rang gzhung du khas len ba'i phyir na/ ma khyab ste/ rang rang gis de ltar khas len kyang sems tsam pas gzhal na cig shos kyi rang gzhung du ma song ba'i phyir/ der thal/ des da dgongs pa can yin pa ma shes par sgra ji bzhin du zhen nas nyams par byas pa yin gyi/ rang gzhung byas te gtan la phab par ma song ba'i phyir/ rnam bshad rigs pa las/ de lta bas na theg pa chen po ni dgongs pa can gyi don yin pa'i phyir nyams bar byed kyi gzhung du byas pa ma yin no/ /zhes gsungs pa'i phyir/ yang kho na re/ 'on ngo bo nyid med par sma ba'i rang gzhung du gyur pa'i mdo zhig med par thal/ 'khor lo bar mtha' gnyis gang yang der mi rung ba'i phyir/ 'dod mi nus te/ de'i rang gzhung du 'gyur ba'i mdo zhig med na mdo gang gi'ang dgongs pa ma yin par 'gyur ba'i phyir zer na/ de'i rang gzhung du gyur pa'i mdo ril po zhig 'jog dka' la sher mdo lta bu de'i rang gzhung min kyang grub mtha' de de'i dgongs pa phal par 'gro ba 'gal ba med pa'i phyir/ kha cig na re/ rtsod pa'i gzhi'i gnas su gyur pa ma lags zhes pa'i don de'i sgras zin ltar khas blangs pa la mkhas ba'i rtsod pa mi 'byung ba'i don yin zer na/ mdo sde dgongs 'grel gyi sgras zin la gnod byed ston pa'i mkhas pa med bar thal/ de'i don 'thad ba'i phyir/ 'dod na/ thal 'gyur ba la mkhas pa med par thal/ des dgongs 'grel gyi sgras zin la gnod byed ston pa'i phyir/ der thal/ de'i sgras zin la gnod byed bstan nas drang don du 'grel pa'i phyir/ @137a @#/ /'jug pa las/ rnam bde lta'i mdo sde gzhan yang ni/ /drang don nyid du lung 'dis gsal bar byed/ /ces drang don dgongs pa can du gsungs pa'i mdo ngos 'dzin pa na/ rang 'grel las/ rnam ba de lta bu'i mdo sde gang yin zhen/ ji skad du dgongs pa nges par 'grel ba'i mdo las/ btags pa dang/ gzhan gyi dbang dang/ yongs su grub pa zhes bya ba'i rang bzhin gsum bstan pa/ zhes sogs gsungs pa'i phyir/ des na dgongs 'grel gyi sgras zin la rgol ba'i mkhas pa gtan med pa ma yin par thal/ de 'dra'i mkhas pa tsam yod kyang brtag pa mtha' chod par byas pa'i mkhas pa med pa'am/ yang na mdo rang gi ston tshul zhal mi gsal ba'i dbang gis de'i dgongs pa de ltar yin nam min zhes rtsod po'ang bon med pa'i don yin pa'i phyir/ 'di nyid las/ rtsod pa yod med ni mdo de'i don ngo bo nyid yod med ston bas de ltar gtan la phab pa yin min la mkhas pas brtags na rtsod pa med pa la bya yi/ rtsod pa gzhan med par ston pa min no/ /zhes dang/ grub mtha' chen mo las/ mdo 'dis de ltar bshad mi bshad la kha mi gsal ba'i dbang gis rtsod pa med pas rtsod bzhi'i gnas min pa lags kyi/ de ltar bshad kyang dbu ma ba lta bus mi 'thad ces rtsod ba med pa nim yin no/ /zhes gsungs ba'i phyir/ de'ang mdo de'i don la rtsod ba'ong tshul la mdo rang gi sgras zin mi gsal ba'i dbang gis mdo de'i dgongs ba de ltar yin nam min zhes rtsod pha gcig dang/ @137b mdo de'i dgongs pa de ltar yin par thag chod kyang de dgos dbang yin pas rang lugs su mi rung zhes rtsod tshul dang gnyis yod pa las/ thal 'gyur bas dgongs 'grel phyi don la rtsod tshul ni phyi ma yin pa'i phyir/ kha cig na re/ ngo bo nyid med pa sogs lnga po de 'khor po bar mtha' gnyi ga'i rtsom gzhir 'jog pa 'dra bar thal/ 'di nyid las/ 'khor lo gsum pa brjod bya gang las brtsams pa bar pa dang 'dra zhing/ zhes gsungs pa'i phyir/ 'dod na/ ngo bo nyid med pa sogs lnga bo de 'khor lo bar mtha' gnyi ga'i sgras zin sgra ji bzhin pa yin par thal/ 'dod pa'i phyir na/ ma khyab ste/ bar mtha' gnyi gas de ldag la brtsams zhes pa de gnyi ga'i dgongs pa mthar thug tu 'jog pa'i don yin pa'i phyir/ gong du 'dod mi nus te/ 'dir bstan 'khor lo bar pa'i sgras zin sgra ji bzhin pa ma yin pa'i phyir/ der thal/ de'i sgras zin sgra ji bzhin pa'i ngo bo nyid med ba ni chos thams cad la rang bzhin gyis grub pa'i ngo bo nyid med pa sogs la byed dgos pas de'i sgras zin ltar gyi de lnga tshad mas bsal ba yin/ tha ma'i sgras zin gyi ngo bo nyid med pa ni mtshan nyid gsum rang rang gi ngo bo nyid med lugs re sngar bshad pa ltar yin pas snga phyi'i ngo bo nyid med pa sogs ming 'dra'ang don mi 'dra ba'i phyir/ kho na re/ ngo bo nyid med pa sogs lnga bar pa'i sgras zin sgra ji bzhin pa yin par thal/ bar pa'i sgras zin la ngo bo nyid med pa sogs su gsungs pa'i phyir na/ ma khyab ste/ ngo bo nyid med pa sogs su ming mthun pa'i grags @138a @#/ /tshod dang bstan dgos ba'i phyir/ ma grub na/ 'dir bstan 'khor lo bar pa las ngo bo nyid med pa sogs su gsungs pa'i dgongs gzhi dri mi dgos par thal/ de las ngo bo nyid med pa sogs sum gsungs ba'i phyir/ der thal/ de'i sgras zin la de ltar ma gsungs ba'i phyir/ rtags khas/ yang kha cig na re/ 'di nyid las/ mdo snga ma gnyis kyi sgra ji bzhin pa'i don la skyon gyi skabs yod la 'dir med pa ni sgra ji bzhin pa'i don de las gzhan du drang dgos mi dgos kyi rgyu mtshan gyis yin la/ zhes 'khor lo dang po gnyis kyi dgongs pa gzhan du 'dren dgos par mthong nas de'i rgyu mtshan gyis mdo de gnyis sgra ji bzhin par mi rung zhes bsgrub pa mi 'thad par thal/ sngon du de'i sgras zin la gnod byed mthong nas de rjes dgongs pa ji 'dra zhig tu 'dren dgos snyam du dgongs gzhi tshol ba la 'jug pa yin pa'i phyir/ dper na don smra'i grub mtha' la gnod byed mthong nas sems tsam du 'jug pa yin gyi/ sems tsam pa'i grub mtha' 'thad ldan du go nas de rjes don smra'i grub mtha' la gnod byed mthong pa ma yin pa dang/ thar ba don gnyer bcos min skyes nas gzod 'khor ba la zhen log skyed pa ma yin pa bzhin yin pa'i phyir zer na/ 'dir bshad pa'i rim ba ni dogs pa skye tshul gyi khyad dge yin te/ pha rol po kha cig 'di snyam du chos thams cad rang bzhin med par gsungs pa po dang cha phye nas gsungs pa po gcig yin pas gcig gi sgras zin khas len la gcig khas mi len pa nang @138b 'gal te/ phyi ma shes byed du rung na snga ma shes byed du rung dgos so zhe na/ gsungs pa po la phyogs gcig nas 'khrul pa byung ba yin na khyod bden yang/ ston pas ni mkhyen bzhin du gsungs pa yin pas de la rang gi lugs gcig dang/ gdul bya'i dbang gis yin pa gcig ste gnyis 'byed dgos la/ de ltar 'byed pa'ang rigs pas 'byed dgos pas mkhas pas mtha' chod par dpyad na rtsod ba mi 'jug pa ni 'khor lo tha ma yin pas mdo de gnyis kyi sgras zin la'ang 'thad mi 'thad kyi dbye ba byed rung zhes pa'i don yin te/ mdor bsdun ston pa'i bka' la 'di ni drang don no/ /'di ni nges don no zhes gya tshom du drang nges 'byed mi rung bas/ sngon la mdo de'i dgongs pa de kho na ltar gnas sam gzhan du 'dren dgos zhes legs par brtags te de nas drang nges 'byed dgos zhes pa yin pas go rim 'chol ba'i skyon med do/ /kha cig stong thun las/ de'i phyir gsung rab yin pa la 'khor lo gsum gang rung gi mdo yin pas ma khyab kyi/ gsum du phye ba ni gtso bo'i dbang du byas ba'i dbye ba'o/ /zhes ba'i don du bsam nas bka' la 'khor lo gsum gang rung gis ma khyab bar 'dod pa mi 'thad bar thal/ de dris zhus kyi 'khor lo gsum gang rung yin pas ma khyab ces ba'i don yin pa'i phyir/ der thal/ de'i gong de ma thag tu/ dgongs 'grel las 'khor lo rim pa gsum gsungs pa ni/ zhes pa nas/ lnga sdel sham thabs zlum por bgo bar gsungs pa lta bu rnams bdag med gtan la 'bebs tshul mi 'dra ba @139a @#/ /gsum gyi sgo nas drang nges so sor 'byed pa 'di 'dra ba'i drang nges dpyod pa'i gzhir 'ong don med de/ sham thabs zlum por bgo bar gsungs pa'i ston tshul ni bdag med ston tshul gsum po gal yang ma yin pa'i phyir ro/ /de'i phyir gsung rab ces sogs gsungs ba'i phyir/ khyab ste/ dri ba zhus nas drang nges so sor 'byed rgyu'i chos 'khor gzhir bzhag 'dug ba'i phyir te/ de ni 'di nyid las/ rang gi mtshan nyid yod pa sogs su ston pa'i/ khor lo drang don du ston ba yin gyi/ zhes sogs dang/ 'og tu'ang/ mdo sde gzhan rnams 'di'i drang nges dpyod pa'i gzhir 'od don med de/ /zhes gsungs ba'i don bsdus nas bkral ba yin pa'i phyir/ des na gsung rab thams cad chos 'khor gsum du 'du bar thal/ gser 'phreng las/ chos 'khor gsum gyis gsung rab thams cad bsdus pa dang/ zhes gsungs pa'i phyir/ khyab ste/ spyir chos kyi sgo mo mtha' yas kyang de thams cad sde tshan du bsdus na dus thog mtha' bar du gsungs par mi 'du pa med pas 'khor lo rim pa gsum du byas pa yin pa'i phyir/ rnam bshad las/ chos kyi 'khor lo thor bur gsungs pa rnams kyi don phyogs gtsig tu go sla bar bsdus nas chos kyi 'khor lo rim pa gsum gyi ming gi tha snyad kyis dngos su gsungs/ zhes dang/ 'di nyid las kyang/ dus kyi rim pa'i sgo nas 'khor lo gsum dang sbyar/ zhes gsungs pa'i phyir/ khyab ste/ spyi khyab tu 'khor @139b lo gsum gyi rnam gzhag dus kyi rim pa'i sgo nas 'jog par grub na skabs 'dir drang nges su 'jog rgyu'i mdo gsum yang go rim ltar dus kyi rim pa de dang 'grig yod pas/ bye brag 'dir bstan 'khor lo gsum gya 'jag tshul yang des 'grub pa'i phyir/ de ltar na dus dang por gsungs pa'i mdo 'khor lo dang po'i mtshan nyid du 'jog pa gzhung 'di'i dgongs par shin tu gsal te/ 'di nyid las/ dus dang por bden pa bzhi la brtsams nas rang gi mtshan nyid yod pa sogs su gsungs pa'i 'khor lo dang bor drang don du ston pa yin gyi/ dus dang por gsungs tshad kyi gsungs tshad kyi gsung rab thams cad la min te/ dper na dus dang por war NA sir lnga sde la sham thabs zlum bor bgo bar bya'o/ / zhes pa la sogs pa'i bslab bya gsungs pa la 'dir dogs pa bcad mi dgos pa bzhin no/ /zhes gsungs pa'i phyir/ khyab ste/ 'di'i dogs pa gcod lugs ni gong du 'khor lo dang po gnyis drang don dang tha ma nges don zhes pa'i tshig yang yang byung ba la/ 'on 'khor lo dang po thams cad drang don yin nam zhe na de'i nang nas rang gi mtshan nyid yod pa sogs su gsungs pa drang don yin gyi 'khor lo dang po thams cad min te/ lnga sde la sham thabs zlum bor bgo ba la bslab par gsungs pa lta bu dus dang por yang gdul bya'i dbang gis sna tshogs shig gsungs bas de thams cad la dogs pa gcod don med ces pa yin pa'i phyir/ gal te dus dang por gsungs pa'i mdo 'khor lo dang po'i @140a @#/ /don min na 'khor lo dang po thams cad drang don ma yin te/ dus dang bor gsungs pa'i mdo la bslab bya tsam ston pa'ang yod ba'i phyir zhes pa'i rtags chos la 'brel ci'ang med de/ dper na/ dngos po la ldan min gyis ma khyab par thal/ don byed nus bar gyur ba'i gzugs shes ldan min gsum g.yod pa'i phyir/ byas na 'brel pa ma gtogs/ dngos po la ldan min gyis ma khyab par thal/ shes byar gyur ba'i rtag pa'ang yod ba'i phyir byas na 'brel med pa bzhin yin pa'i phyir/ des na grub mtha' lhun po'i mdzes rgyan las/ rje bla mas dus dang por gsungs pa'i mdo yin na 'khor lo dang po yin pas khyab par gzung gis dogs nas de 'gog pa'i ched du gsungs/ zhes lung 'dis dus dang bor gsungs ba'i mdo la 'khor lo dang pos ma khyab pang bstan gsungs pa'ang mkhas pa snga ma'i bshad pa'i rnam grangs bgod pa tsam yin te/ thams cad la min gsung ba 'khor lo dang po tsam yang min pa la byed na/ 'khor lo dang po tsam la'ang rang gi mtshan nyid yod pa sogs su gsungs pa zhig dgos bar 'gyur pa la 'dir de ltar gsungs pa'i 'khor lo dang po zhes smos pas de ltar ma gsungs pa zhig kyang bstan pa'i phyir dang/ rje btsun dam pa des kyang spyir bka' thams cad 'khor lo gsum du 'du bar yang yang gsungs pas 'khor lo dang po la dris zhus kyi 'khor lo dang bos khyab par mi bzhed snang ba'i phyir ro/ /gal te bka' thams cad spyir 'khor lo gsum du byangs @140b nges kyang sbya'i 'khor lo gsum ni brjod bya phyogs mthun gyi sgo nas 'jog tshul rgyud sde spyi rnam las bshad pa de yin gyi/ dus dang bor gsungs pa'i mdo sogs gsum la byed pa min zer na/ 'o na 'di nyid las/ 'khor lo gsum pa ngas don du bshad pa'ang sngar bshad pa ltar legs par phye ba rnams yin gyi thams cad min pa ni mdo nyid las kyang shin tu gsal la/ dber na mya ngan las 'da' khar 'dul ba mdor bsdus zhes bya ba rung mthun du grags pa gsungs kyang de mdo 'dis nges don du ston pa min pa bzhin no/ /zhes gsungs pa'i dgongs pa ji ltar 'grel/ gong du thams cad min zhes pa de 'khor lo dang po tsam yang min pa la byed pa ltar na 'di 'khor lo tha ma min zhes ba'i don du 'gro dgos la/ de lta na 'khor lo tha ma thams cad 'khor lo tha ma min zhes par 'gyur ro/ /des na min rgyu de dri ba zhus nas nges don du 'grel rgyu'i mdo dang/ thams cad ces pa 'khor lo tha ma la byed dgos te/ 'khor lo tha ma la grub don gyi skabs 'dir bla nam mchis zhes sogs kyis nges don du bshad rgyu des khyab bam zhe na/ de'i nang nas legs phye'i chos 'khor rnams de yin gyi/ 'khor lo tha mtsam la 'dir nges don du bshad rgyu'i mdos ma khyab ste/ 'dul ba mdor bsdus rung mthun du grags pa de ston pa mya ngan las 'da' khar gsungs pas 'khor lo tha ma yin kyang 'dir de nges don du sgrub mi dgos pa bzhin zhes pa'i don yin pa shin tu gsal ba'i phyir dang/ de 'dod na/ 'dul ba mdor bsdus de 'khor lo tha ma yin na 'dir nges don du @141a @#/ /bshad rgyu'i mdo yin bas ma khyab kyi skyon la 'jog rigs par thal/ 'dod bde'i phyir/ 'dod mi nus te/ dus tha mar gsungs ba'i mdo 'khor lo tha ma'i don du byas te de la 'dir nges don du bshad rgyu'i mdos ma khyab ba'i skyon la bzhag pa ma yin pa gang zhig /brjod bya phyogs mthun gyi 'khor lo tha ma la des ma khyab pa'i skyon du'ang mi 'jog /dris zhus kyi 'khor lo tha ma la des ma khyab ba'i skyon du'ang mi 'jog ba'i phyir/ dang po ma grub na dngos/ gnyis pa ma grub na/ 'dus ba mdor bsdus chos can/ brjod bya phyogs mthun gyi 'khor lo tham ma yin par thal/ brjod bya phyogs mthun gyi 'khor lo dang po yin pa'i phyir/ der thal/ lung sde bzhi de yin pa'i phyir/ rgyud sde spyi rnam las/ bden pa bzhi'i chos kyi 'khor lo bskor ba'i mdo ni 'khor lo dang po'i mdo dngos yin zhing/ de dang brjod bya phyogs mthun gyi sgo nas 'dul ba lung dang/ mdo blan ba nyer gzhag dang/ mdo rgya cher rol pa dang/ mdo sde las brgya ba dang/ mdo sde rtogs brjod brgya pa la sogs pa'ang 'khor lo dang po'i mdor gtogs so/ /zhes gsungs pa'i phyir/ gsum pa ma grub na dris zhus kyi 'khor lo tha ma la 'dir nges don du bshad rgyu'i mdos khyab par thal/ de la legs phyi'i chos 'khor gyis khyab ba'i phyir dang/ 'di nyid las/ nges don du bshad pa'ang sngar bshad pa ltar legs par phye ba rnams yin/ zhes gsungs pa'i phyir/ bya ba ste/ yin zhes pa'i yin rgyu dang thams cad min zhes @141b pa'i min rgyu gnyi ga bsre mi rung ba'i phyir/ des na rje bla mas ma khyab ba'i skyon 'jog tshul 'di'ang dus tha mar gsungs ba'i mdo 'khor lo tha ma'i don du 'jog rgyu'i dbang du byas bar mngon te/ mya ngan las 'da' khar zhes smos ba'i dgos pa dus tha mar gsungs pa go pa'i ched yin la/ de bzhi 'khor lo tha mar 'bad med bdu grub pa'i dbang du byas bar snang ba'i phyir ro/ /de bzhin du 'khor lo dang po la dris zhus kyi des ma khyab pa'i skyon du sham thabs zlum por bgo ba la bslab par gsung ba bzhag pa'ang lcang phran chogs las/ sham thabs zlum byor bgo ba' bslab gar bya'o zhes pa ni dang por bcas pa'i 'dul ba yin la/ zhes sogs gsungs ba des dus dang por gsungs pa'i mdor grub pa thugs la bzhag nas des 'khor lo dang bor sgrub sla pa'i dbang du byas ba yin te/ lung sde bzhi'i na 'khor lo gsum gyi cha 'byed rgyu yod pa 'di dus kyi rim ba'i dbang du byas pa ma gtogs gang la'ang mi 'grig go /spyir 'khor lo gsum gyi 'jog tshul la dus kyi rim pa'i dbang du byas pa dang/ brjod bya phyogs mthun gyi dbang du byas ba gnyi ga rang lugs su khas len dgos kyang/ khyab mtha' bzung ba'i tshe dus kyi rim pa'i de gtso bor byed dgos te/ kun mkhyen bla mas kyang rgyu sde spyi rnam ltar na zhes brjod bya phyogs mthun gyi 'khor lo gsum du 'byed tshul gsungs nas mjug tu rgyu de sde spyi rnam gyi lugs yin no/ /zhes gsungs pa'i tshig gi nus pa la dpag na de ltar bshad lugs @142a @#/ /byas chog kyang 'dir bshad bya rtsa ba'i gzhung gi dngos zin dang mthun tshangs che zhing spyi khyab tu 'jog bde ba ni dus kyi rim pas 'jog tshul 'di yin pa bde gtso bor byer dgos ba'i don yin pa'i phyir/ yang kho na re/ 'khor lo gsum dus kyi rim pa'i sgo nas 'jog mi rung par thal/ de gsum cig car bskor ba yin pa'i phyir te/ thun mong ma yin pa'i gdul bya la de yin pa'i phyir/ khyab ste/ cig car bskor na dang bo bskor ba'i dus su bar mtha' gnyis kyang bskor ba yin ngas dus snga phyi'i sgo nas 'jog tshul med pa'i phyir zer na/ khyod rang la 'khor lo gsum cig car kho nar bskor ba yin bar thal/ rim can du ma bskor ba'i phyir/ der thal/ rim can du bskor na dang po 'di bskor/ de rjes 'di bskor zhes snga phyi'i rim pa yod dgos pa'i phyir/ 'dod mi nus te/ gdul bya thun mong ba la rim can du bskor ba'i phyir dang/ thun mong dang thun mong ma yin pa gnyi ga dngos gnas par khas len dgos pa'i phyir/ gzhan yang khyod ltar na 'khor lo gsum brjod bya'i sgo nas kyang bzhag mi chog bar thal/ 'khor lo dang po'i mdo tshig des bar mtha' gnyis kyi brjod don yang bstan pa'i phyir/ der thal/ 'khor lo dang po bskor ba'i gsung gcig phu nges par mtha' gnyis kyang bskor ba'i phyir/ khyab ba 'grig /rtags grub ste/ don tshad med ba'i mdo rgya nag 'grel chen du drangs pa las/ de bzhin gshegs pas ni gsung gcig tu chos kyi 'khor lo gsum gsungs par mdzad do/ /zhes gsungs pa'i phyir/ 'khor lo gsum tsam du ma @142b zad sems can thams cad la rang rang gi khams dang 'tsham pa'i dris lan brjod bya mi 'dra ba de snyed kyang gsung gcig gis 'doms pa'i phyir/ bden pa po'i le'u las/ 'di lter sems can kun gyis nges pa'i tshig /mang po dag gis dus gcig zhu zhus na/ /sems kyi skad cig gcig la thugs chud nas/ /gsung dbyangs gcig gis so sor lan kyang 'debs/ /zhes dang/ lam rim chen mo las/ 'jig rten gyi khams kyi sems can gang yod kyis dus gcig tu dri ba mi 'dra ba kho na re re/ nas dris kyang sems kyi skad cig gcig dang ldan pa'i shes rab kyis gzung nas gsung gcig gis dri ba thams cad kyi lan mdzad cing de rnams kyis kyang rang rang gi skad du go bar 'gyur/ zhes gsungs pa'i phyir/ ston pa'i ngag tu gyur ba'i bden bzhi'i chos 'khor des theg chen rigs can la chos kyi bdag med dngos su ston na de'i ched du bya ba'i gdul bya theg chen ba zhig kyang 'jog dgos pas theg pa che chung gi mdo dang 'khor lo gsum gyi ngos 'dzin 'cho 'khar thal ba 'phen tshul dang lan gyi zhib cha 'byed tshul kyang shes dgos so/ /kho na re/ 'khor lo gsum gyi 'jog tshul dus kyi rim pa'i tho nas mi 'jog par brjod bya'i sgo nas 'jog dgos par thal/ 'di nyid las/ dgongs 'grel las 'khor lo rim pa gsum gsungs pa ni 'khor gyi 'du thebs dang ston pa'i sku tshe'i tshigs la sogs pas 'jog pa min gyi brjod bya'i ngos nas yin no/ /zhes gsungs pa'i phyir na/ ma khyab ste/ dris zhus kyi 'khor lo bsam du 'byed byed kyi gtso bo 'khor gyi 'du @143a @#/ /thebs dang sku tshe'i tshigs kyis 'jog pa ma yin par bdag med gnyis ston tshul dang dgag bya 'gog tshabs che chung gi sgo nas 'jog ces ba'i don yin pas des sbyir 'khor lo gsum dus kyi rim pa'i sgo nas 'dzog pa la me gnod pa'i phyir/ der thal/ 'khor 'du thebs dang sku tshe'i tshigs zhes ba skabs 'di'i dus kyi sgo nas 'jog tshul ma yin pa'i phyir te/ dang po ni mdo sde bskal bzang las/ 'dus pa dang bo la ni dge slong stong nyis brgya lnga bcu'o/ /zhes lteng rgyas 'od srungs 'khor bcas lnga brgya/ g.ya 'od srungs 'khor bcas lnga brgya/ mchog zung 'khor bcas nyis brgya lnga bcu ste brgya phrag phyed dang bcu gsum gyi dge 'dun la 'dus ba dang bor gsungs bas 'khor lo dang po de rnams la bskor ba dang/ de bzhin du bar pa 'dus pa gnyis pa la gsungs pa sogs man zhes pa'i don yin/ 'dus pa dang po la gsungs pas 'khor lo dang por 'jog na sher mdo 'ang 'khor lo dang por 'gyur te/ gleng gzhir brgya phrag phyed dang bcu gsum zhes 'byung bas stong nyis brgya lnga bcu po der snang ba'i phyir/ 'di la kha cig /gleng bzhi la lar lnga stong zhes 'byung bas rgyas 'bring bsdus gsum bskor yul mi gcig zer/ de mi 'thad par thal/ de gnyis kyi zhu ba bo mthun par 'byung zhing/ zhing dag sbyor ba'i thad du gang+ga'i lha mo lung bstan par 'dra bas dus gcig la gsungs pa gdul byas thos tshul gyis rgyas bsdus byung ba ma gtogs mdo snga phyi @143b ba ma yin pa'i phyir te/ 'grel ba don gsal las/ de la bsdus sogs rab dbye bas/ /khyad par yod pa kho nar zad/ /ces gsungs pa'i phyir/ 'on kyang de gnyis kyi grangs mi mtshungs pa ni gsungs ba'i tshig la rgyas bsdus kyi snang tshul mi 'dra ba rung ba ltar/ gsung yul gyi 'khor la'ang mang nyung gi snang tshul mi 'dra ba 'gal ba med mod/ sngam 'ga' zhig gang zag bgrang na lnga stong yin kyang stong nyis brgya lnga bcu'i dge 'dun zhes 'byung bas/ bzhi tshan du bsdebs te dge 'dun bgrang na stong nyis brgya lnga bcur 'gyur zhes zer pa dpyad dgos so/ /sku tshe'i tshigs kyi sgo nas 'jog tshe sku tshe'i stong smad par gsum du gsungs pa la byed dgos kyang bden bzhi'i chos 'khor ni dgung lo so lnga pa'i sa ga'i nya la sangs rgyas bde nas brtsis pa'i zhag zhe dgu la rags rtsis kyis chu stod zla ba'i tshes bzhi dang/ zhib rtsis la zhag mi thub dong ba'i dbang du byas na tshes drug la bskor ba yin/ de'i phyi lo nag zla'i tshes bco lnga la sher mdo dang dus 'khor rtsa rgyud mnyam du gsungs pa yin pas gang du zla ba bcu tsam las med par sku tshe'i stod yin min gnyis 'byed mi thub pa'i phyir/ dus 'khor rtsa rgyud las/ ston pas bya rgod phung po ru/ /chos bstan dpal ldan 'bras sbungs su/ /shes rab pha rol phyin dzul bzhin/ /de bzhin gsang sngags tshul rab gsungs/ /zhes gsungs pa'i phyir/ 'o na dus dang po dang bar par yang 'jog mi thub par thal/ bar du zla ba bcu las med pa'i phyir na/ mi mtshungs @144a @#/ /te/ de gnyis brjod bya sogs ches mi 'dra la/ phyi ma'i tshe lha rnams kyis 'khor lo gnyis la bskor ba mthong ngo zhes bsgrags pa lta bu snga ma las logs su grags chen po byung bas sna tshod de dang bstun pa yin zhing/ sku tshe'i bar du 'jog pa la de 'dra'i rgyu mtshan ci'ang med pa'i phyir/ phar phyin mtha' dpyod las/ 'khor lo gsum byed pa sku tshe'i tshad dang 'khor 'du thebs kyis mi byed de/ thun mong gi snang ba gtso che ba sogs shes dgos/ zhes gsungs pa'i dgongs pa'ang de yin te/ dper na klu sgrub kyi chos sgra dang po gnyis kyi bar du cher ma 'gyang la/ chos sgra gsum pa dang bar du lo brgya phrag du ma 'gyang zhing de'i bar la rtsom pa mdzad pa mang yang chos sgra gsum po grags che tshul dang bshad pa'i sgo mi 'dra tshul gyi steng nas bzhag pa yin pa'i phyir/ del kho na re/ sangs rgyas tshul bstan pa'i phyi lo sher mdo dang dus 'khor rtsa rgyud gsungs pa mi 'thad par thal/ de dus kun dga' bo 'khor du med pas de'i tshe sher mdo gsungs pa yin na/ mdo'i gleng gzhi las/ gang zag gcig ma gtogs pa ni 'di lta ste/ tshe dang ldan pa kun dga' bo'o/ /zhes gsungs pa dang 'gal/ dus 'khor rtsa rgyud ni 'greb chen dri med 'od las/ sag zla ba'i tshes bco lnga'i nyin bcom ldan 'das shAkya thub pa mngon par rdzogs par sangs rgyas nas chos kyi 'khor lo bskor zhing theg pa gsum ston par mdzad de/ bcu gnyis pa nag pa nyal shrI d+hA n+yA ka Ta kar chos dbyings gsungs gi dbang phyug @144b gi dkyil 'khor gsungs so/ /zhes gsungs pas/ bcu gnyis pa zhes pa dang bstun na sangs rgyas ba'i lo der gsungs par byed dgos/ theg pa gsum ston par mdzad de zhes pa dang bstun na 'khor lo gsum pho phal tsher bsgor zin nas mya ngan las 'da' rgyu'i lo de'i nag zla la byed dgos pas/ dus 'khor ba snga ma rnams lugs de gnyis gang rung re 'dod pa ma gtogs de'i phyi lo'i nag zla la byed pa lugs gang dang yang mi mthun pa'i phyir zer na/ skyon dang po mi 'jug par thal; sher mdo gsar du gsungs pa'i tshe kun dga' bo med kyang de thos ba'ang 'dzin pa'i mchog yin pas phyis bskyar nas gsungs pa'am/ sangs rgyas kyi mthus dge slong gzhan las thos pa'ang sangs rgyas las thos par bzhag chog pa dang; 'di skad bdag gis thos zhes pa'ang don 'grel tshul gsum du byed dgos pa rnams rgyan snang les zhib tu gsungs pa yig char gsal ba ltar yin pas/ don gyi sde tshan dang le'u'i go rim nges gzungs sogs bka' bsdu ba'i dus dang bam grangs sogs bsgyur ba'i dus su bkod pa yin gyi thog ma nas 'di ltar yod mi dgos pa'i phyir/ 'o na de dus kyi brgyad stong ba la gleng gzhi dang yongs gtad ma tshang na le'u so gnyis dang sho lo ka brgyad stong ma long pas brgyad stong bar 'jog mi thub pa'am/ de la yang tshang na phyis kyi de la lhag pas brgyad stong ba ma yin par thal lo zer na/ gsar du tshes ba'i lo'ang lo mtshan nyid pa yin pas zla ba bca gtis tshang dgos kyang lo gsar ma thag zla ba bcu gnyis pa @145a @#/ /grub mi dgos pa dang/ sems ni snga mas byang chub bar/ /zhes sogs kyi rigs pa ltar yin bas skyon mi 'jug go/ /dus 'khor rtsa rgyud kyang de dang mnyam du gsungs pa la 'gal ba med par thal/ 'grel chen gyi bcu gnyis bzhes pa de sangs rgyas ba'i sa ga zla bde nas brtsis pa'i bcu gnyis pa la byas nas kyang bshad chog pa gang zhig /lo de'i bcu gnyis par byed na'ang de dus 'khor rang lugs yin pas yongs grags la de ltar khas yen mi dgos pa'i phyir/ dang po grub ste/ bu ston dang mkhas grub rjes kyang de ltar gsungs bas dus 'khor ba la de 'dra'i bshad pa ma byung ba mi 'thad pa'i phyir/ mkhas grub TIka chen las/ sangs rgyas ba'i dus de nas brtsis pa'i zla ba bcu gnyis pa nag pa'i zla ba/ zhes gsungs pa'i phyir/ gnyis ba grub ste/ mkhas grub nor bzang bas dus 'khor lugs la lo mgo nag zla nas 'dzin pa dang gnas 'dzin pa gnyis bshad pas/ de ltar na sangs rgyas pa'i lo de'i bcu gnyis par byas chog ba'i phyir/ rtags grub ste/ lug khyim gyi ri mo shar ba nas lo mgo 'dzin dgos la/ de rab byung gi lo lta bur hor zla gsum pa'i tshes gcig nas shar na'ang tshes zhag gi zla bas khyim zhag gi zla ba'i dod ma thub par zhag gcig ma long tsam re lhag pa bsags nas de'i phyi lo lug khyim gyi ri mo tshes bcu gcig la 'char ba'i lo de gnyis la yar ngo sngon 'gro can gyi nag zla lo mgor byed dgos/ de'i @145b phyi lo zhag bcu gcig ba gnyis phyi nur byas pas rags rtsis kyis hor zla gsum pa'i nyi shu gnyis la 'char bas lo der mar ngo ston 'gro can gyis ga zla ba lo mgor byed dgos pa'i phyir/ zur phyi ma der thal/ nyi mas nag pa'i skar khyim gyi cha gsum la longs spyad zin te bzhi char sleb pa nas lug khyim gyi ri mo shar dus lug khyim dang sa ga mnyam du rdzogs pa zhig yod la/ lo der lug khyim dang sa ga sbyor dgos pas lo mgo 'ang de nas 'dzin pa'i phyir/ dri med 'od las/ ltun po'i lho'i dum bu 'dir lug la nyi ma gnas pa dbyid kyi dus sa ga zla bar byed do/ /zhes gsungs pa'i phyir/ des na mkhas grub thams cad mkhyen pa'i dgongs pa'ang 'grel chen du nag zla'i tshes gcig dang lug khyim sbyar ba'i bshad pa mang bas der sgo bstun pa tsam yin gyi/ ri mo 'char snga phyi'i dbang gis lo mgo 'dzin tshul mi 'dra bar byed pa 'di mi bzhed pa min te/ mkhas grub rje'i rigs ldan dris lan las/ dus bzhi'i mthar zad byed kyi lo dpyid zla ra ba'i gnam stong la gza' thams cad skar mnam gru'i steng du stongs pa la zhugs nas nges pa thams cad stong par 'gyur zhing/ slar yang nang par nas nges pa thams cad kyi mgo rtsom pa na lo rab byung zla ba dpyid zla 'bring po nag pas nya ba/ gza' nyi ma skar sbyor pa rnams sel/ byed pa b+ha waM rnams shar nas nges pa thams cad rim bzhin du 'byung ba yin pas/ de'i phyir lo'i dang po rab byung dang/ zla ba'i dang po nag zla/ rgyu skar dang po tha skar/ @146a @#/ /gza'i dang po nyi ma/ sbyor ba'i dang po rnam sel/ byed pa'i dang po b+ha waM du byas pa lags/ zhes gsungs pa'i phyir/ khyab ste/ zla ba dang po na gzlar byas ba ni de 'dra'i dus bye brag pa'i dbang du byas pa yin gyi/ lo thams cad la nges gzung min par gsungs pa'i phyir/ kho bo'i phar phyin gyi mchan du phyi de lo zhes pa la bshad tshul gzhan zhig byas yod ba/ de skabs gong gi rtsod pa ma song bar lugs gnyi ga'i zhi ba cha ma phyed pa yin no/ /kho na re/ nag zla dang sa ga gnyi ga nas lo mgo 'dzin tshul gnyis yod pa mi 'thad par thal/ lo snga mar nag zla nas lo mgo bzung na phyi mar sa gnas lo mgo 'dzin tshul med/ lo snga mar sa gnas lo mgo bzung na phyi mar nag pa nas lo mgo 'dzin tshul med pa'i phyir/ dang po grub ste/ de ltar na zla bshol ma yin par lo gcig po de'i mgo mjug la nag zla gnyis 'byung ba'am lo de'i mjug gi dbo zla dang phyi ma'i lo mgo'i sa ga zla ba gnyis kyi bar nas nag zla zhig chad par thal ba'i skyon 'byung ba'i phyir/ gnyis pa grub ste/ lo snga mas gnas mgo bzung phyi ma nag zla nas mgo bzung na lo snga ma der nag zla ma tshang bar thal ba'am/ lo snga phyi'i nag zla gnyis bstud nas 'ong bar thal ba'i phyir zer na/ yar ngo mar ngo'i ming 'dogs lugs tsam so sor song ba yin gyi/ zla ba bcu gnyis la chad lhag byung ba min pas skyon med tshul gyi zhib cha yod par snang yang skabs ma yin pas ha cang ma spros te dpyod pa'i sgo tsam bstan pa yin no/ /des na sher mdo gsungs pa dang mnyam du dus 'khor @146b rtsa rgyud gsungs par bshad pa la/ 'grel chen las theg pa gsum ston par mdzad nas zhes pa'i lung gis kyang mi gnod de/ des mdo phyogs kyi theg pa gsum dang sngags kyi rgyud rnams gsungs zhes pa yin gyi/ gsungs pa'i go rim bstan pa min la/ mya ngan las 'da' ba'i lo gsungs na'ang sangs rgyas pa'i phyi lo ma gsungs mi dgos pa'i phyir/ nyi mthang pa'i dus tshigs las/ ston pa mngon par rdzogs par sangs rgyas pa'i phyi de lo nag pa zla bar dus 'khor rtsa rgyud gsungs par khas len pa dang/ de rjes slar yang mya ngan las 'das lo lcags 'brug la dus 'khor rtsa rgyud gsungs par khas len pa gnyis la nang 'gal cung zad kyang med de/ ston bas gdul bya'i ngo bor dus dang por rtsa rgyud snga phyi rim par du ma gsungs pa la 'gal la ba cung zad kyang med pa'i phyir te/ dper na ston pas gdul bya'i ngo bor sher phyin gyi mdo dus snga phyi rim par du ma gsungs pa'i phyir dang/ khyad par bka' brgyad stong pa gcig po de gdul bya'i ngo bor dus snga phyi rim par lan gnyis gsungs pa bzhin yin pa'i phyir/ zhes gsungs pa'i phyir dang/ dpal 'phreng gi mdo'ang grong khyer mza' med du byon nas bu mo dpal 'phreng la gsungs te slar rgyal byed tshal du byon nas kun dga' bo la gsungs tshul mdo rang nyid las gsal bar gsungs pa'i phyir/ 'dis kun dga' bo la bskyar nas gsungs ba mi 'thad zer ba rnams khegs so/ /theg pa che chung gi bka' bsdu ba po'i rnam gzhag ni skabs 'dir dogs ba chung yang spyir mkho che bas cung zad bshad na/ nyan thos @147a @#/ /sde ba sngam rnams theg pa chen bo'i mdo sde sangs rgyas kyis ma gsungs pa'i sgrub byed du kun dga' ba sogs kyis sde snod gsum bsdu ba'i tshe ma bsdus pa'i phyir zhes zer te/ phyogs snga 'god pa'i skabs kyi dbu ma snying po las/ theg chen sangs rgyas gsugn min te/ /mdo sde sogs sum bsdus phyir/ /rig byed mtha' yi lta ba bzhin/ /zhes gsungs pa'i phyir/ des la grub mtha' gong mas lan byed tshul yod de/ kun dga' bo sogs kyis ma bzung na bka' ma yin pas mkhyab par nyan thos sde pa rang la grags pa'i lung gis bsgrubs pa dang/ kun dga' bo sogs kyis ma bsdus kyang sdud pa po med mi dgos tshul gnyis yod pa'i phyir/ dang po grub ste/ de la grags pa'i lung btsun pa bla ma'i mdo sde las mdo de 'dzin pa'i nyan thos btsun pa bla ma gcig pu las med par gsungs pa dang/ kun dga' bo'i mdo las rang nyid ston pa'i drung nas lo nyi shu lhag tsam la dngos su nyan cing des sngar gsungs pa'i chos phung nyis stong tsam zhig dge slong gzhan las thos par gsungs la/ sngon gyi lo de snyid cig tu nyis stong po de las ma gsungs par khas len mi nus pas de'i rtags kyis kun dga' bos lung thams cad ma bzung bar 'grub pa dang/ bar li'am 'od sel gyi mdor rta cang shes bzang po'i rte'u zhes bya ba'i mdo zhig gsungs pa de'ang des ma bzung bsogs de 'dra du ma yod pa'i phyir zer/ dbu ma snying por sdoms tshig bkod pa las/ bla ma kun dga' ba ta li/ /sdug bsngal @147b phung pos pa dang/ /'char byed stong ba 'char ba dang/ /gang po slangs pa dam pa dang/ /mya ngan 'das dang yul 'khor skyong/ /zhas bya gzhan yang 'gro ba'i mdo/ /rtsa ba'i sdud par mtshang pas/ /rgyas pa min par rtogs par bya/ /zhas 'byung ngo; ;tshigs bcad de rnam bshad rigs par bkod pa las/ bla ma kun dga' 'od sel dang/ /sdug bsngal phung ston nas ston dang/ /'char ka stong nyid chu las skyes/ /gang po sa mtsho chu shing dang/ /mya ngan 'das dang yul 'khor skyong/ /'gro ba'i mdo dang de bzhin gzhan/ /yang dag bsdus pa'i gzhi nyams phyir/ /mtha' dag min par rtogs pa yin/ /zhes 'byung ste/ 'gyur khyad tsam las rgyu dpe la gcig tu yod par snang zhing 'dren rgyu'i mdo rnams kyang gcig pa yin par snang ngo/ /'on kyang tshig rkang tham gnyis la/ rtsa pa'i sdud par ma tshang bas/ /rgyas pa min par rtogs par bya/ /zhes pa'i 'gyur ltar na bka' bsdu ba'i dus nas mtshang bar byed dgos la/ de lta na kun dga' bos mdo sde thams cad bzung ba min par bshad pa dang 'grig /yang/ yang dag bsdus pa'i gzhi nyams phyir/ /mtha' dag min par rtogs par bya/ /zhes pa dang/ de'i thad kyi 'grel pa las/ yang dag par bsdus pa'i gzhi 'od srungs chen po la sogs pa dgra bcom pa rnams kyis mdzod ba gang yin pa de'ang da ltar nyams te/ zhes pa ltar na de dag gis bsdus kyang da lta yongs su grags par yod mi dgos zhes par 'gyur la/ de ltar byas na de rnams kyis bsdus pa'i lung yang da lta sde pa so @148a @#/ /sos 'don tshul mi 'dra ba mang bas gang bsdus pa ltar gnas yod bar ma des pa dang/ sher mdo kun dga' bos bsdus kyang khyed rnams la grags mi dgos zhis skabs don dang yang 'grig bas 'grel rgyag tshul gnyi gar rang lugs su byed dgos so/ /gzhan yang theg chen gyi mdo 'ga' zhig de rnams kyis sam bsdus kyang bka' min mi dgos par thal/ de ma bsdus pa'i rgyu mtshan bka' min nas ma bsdus ba min gyi/ de dag gi yul min nas ma bsdus pa yin pa'i phyir/ rtog ge 'bar ba las/ bdag cag gi rtsa ba'i sdud par byed ba bo nyan thos ma yin te/ theg ba chen po'i gsungs rab ni de dag gi yul ma yin ba'i phyir ro/ /zhes gsungs pa'i phyir/ gong gi rtags zur gnyis pa nyan thos chen bo rnams kyis ma bsdus kyang/ de sdud ba bo med mi dgos par thal/ de phyag na rdo rje sogs kyis bsdus pa'i phyir/ rtog ge 'bar ba las/ theg ba chen po sangs rgyas kyis gsungs pa yin te/ rtsa ba'i sdud bar byed ba bo kun tu bzang po dang/ 'dzam dbyangs dang/ gsang ba'i bdag po dang/ byems pa la sogs pa rnams kyis bsdus pa'i phyir/ zhes dang/ rgyan snang las/ de bzhin gshegs pa'i gsang ba bstan pa'i dbang du byas nas bskal ba bzang po pa'i de bzhin gshegs pa thams cad kyi gzugs kyi sku dang dam pa'i chos kyi tshogs bsrung ba la rnam pa thams cad du bdag por byas ba yin ba'i phyir dang/ phyag na rdo rje dbang bskur ba la sogs pa las bstan pa gtad pa yin pa'i @148b phyir dang/ gzhan rnams kyi khyad par brjod ba med pa'i phyir na lcang lo can na bzhugs pas bcu'i dbang phyug rdo rje 'dzin pa chen pos 'jig rten thams cad rjes su gzungs ba'i phyir shes rab kyi pha rol tu phyin pa'i mdo sde rin po che sdud par gsol pa 'debs pa 'phags ba byams pa la sogs pa byang chub sems dpa'i tshogs rnams la 'di skad ces bya ba la sogs pa gsungs pa yin no zhes sngon gyi slob dpon rnams 'chad do/ /zhes gsungs pa'i phyir/ rtog ge 'bar bar kun bzang gsang bdag las logs su byas pa ni gnyis med rnam rgyal gyi rgyud sgron gsal du drangs pa las/ kun tu bzang po ni gnas brtan kun dga' bor gyur to/ /zhes pa'i tshig ris ltar byas pa yin la/ rang lugs de gnyis gcig tu byed dgos te/ sgron gsal las/ btsun pa kun dga' bo la sogs pa sdud par byed par ci'i phyir 'jig rten du grags/ smras pa/ kun dga' bo ni 'dir byang chub sems dpa' chan po kun tu bzang po ste phyag na rdo rje yin la/ rdo rje 'chang chen po'ang de nyid las gzhan ma yin te/ zhes gsungs ba'i phyir/ de'i rgyu mtshan yang phyag na rdo rje dkyil 'khor du bcug ste dbang bskur ba'i gsang mtshan kun tu bzang po yin pa'i phyir te/ lag na rdo rje dbang bskur ba'i rgyud las/ lag na rdo rje dbang chen bo bskur bas byang chub sems dpa' kun tu bzang po dbang bskur nas de nyid la bstan pa gtad do/ /zhes gsungs pa'i phyir/ de la kha cig /theg chen gyi bka' bsdu ba po de ltar bzhag ba mi 'thad bar thal/ rgyu nga sde spyi rnam las/ @149a @#/ /kha cig theg chen gyi bka' bsdu ba byung tshul la bcom ldan 'das mya ngan las 'das nas rgyal po'i khab kyi lho phyogs kyi ri bi nas sra b+ha wa zhes bya bar byang chub sems dpa' 'bum phrag bcu 'dus nas 'phags pa 'jam dpal dang/ byams pa dang/ phyag na rdo rje gsum gyis rim ba bzhin theg pa chen bo'i mngon pa 'dul ba mdo sde'i sde snod gsum bsdus zhes zer ro/ /de ni mi 'thad de/ zhes pa nas/ ewaM gyi yi ge gnyis kyi brda rdo rje 'chang nyid kyis bshad pa dang 'gal/ /zhes gsungs ba'i phyir na/ ma khyab ste/ thun mong ba'i lugs kyi bka' bsdu ltar sangs rgyas mya ngan las 'da' tshul bstan rjes su de rnams kyis bsdus pa min zhes ba'i don yin pa'i phyir; mdo phyogs la'ang chos yang dag bar sdud pa las/ dge slong dag /nga'i gsung rab rnams kyi thog mar/ 'di skad bdag gis thos pa dus gcig na zhes bya ba la sogs pa dang/ bar du mtshams sbyor gyi tshig rnams chung la sdus shig /ces dang/ lang gshegs las kyang/ 'di skad bdag gis thos la sogs/ /shAkya seng ges bshad ba yin/ /zhes 'byung yang/ slar 'di ltar sdus shig ces rjes su gnang ba yin gyi/ bsdus yin pa'i gleng gzhi'i don bshad ba min bas rgyud las gleng gzhi'i yi ge bzhi bcu'i don bshad pa sogs dang mi 'dra ste/ sgron gsal gyi mchan las/ mdo sde'i phyogs nas bcom ldan 'das mya ngan las 'das rjes su sde snod gsum gyi bsdus @149b mdzad par gsungs pa bzhin du 'dus pa sogs la de ltar 'dod ba shin tu mi rigs to/ zhes gsungs ba'i phyir/ tshul 'dis kyang brgyad stong ba yod na gled gzhi nas bzung da lta'i 'di bzhin yod mi dgos par 'grub ste/ de dgos na sangs rgyas mya ngan las ma 'dus par du brgyad stong ba ma byung bar thal ba'i phyir ro/ /'o na kun dga' bo nyan thos ma yin par khas len na mi zhen/ gcig tu kha tshon gcod mi rung ste/ de la sprul ba gcig kyang yod la snyan thos dngos gnas gcig kyang yod pa'i phyir/ dang po grub ste/ thub bstan byi dor las/ sras sgra gcan 'dzin dang/ kun dga' bo dang/ lhas sbyin rnams kyang bye ba phrag brgya la sogs par gsungs so/ /tshul 'di ltar gsungs pa las na rgyal bo zas gtsang ma la sogs pa de dag kyang de dang de'i tshul bstan pa'i sprul sku yin gyi/ gang zag rang rgyud ba min no/ /zhes dang/ mkhas grub rje'i dus 'khor zin bris las/ de la kun dga' bo rgyud don mi shes pa'i chags bral gyi dper smos pa ni/ chags bral gyi spyod pa dang/ rgya chen po'i sbyod ba dang/ chags can gyi spyod pa gsum gyi nang nas kun dga' bo dang bo la spyod pa'i tshul bzung ba nyid kyi cha nas/ zhes gsungs pa'i phyir/ 'di mdo lugs la'ang 'dod dgos te/ sum cu rtsa gsum pa'i le'u las/ 'jig rten mgon po khyod ni 'jig rten mthong ba bzhi na/ /de snyed kyi ni shA ri'i bu dang gsus bo che/ /ka pi na dang nam gru ka ta ya na'i bu/ /gang po dang ni rab 'byor 'od srung @150a @#/ /mthong bar gyur/ /thos brgya mtsho lta bu'i dge slong kun dga' bo/ kun tu sangs rgyas rnams la zhu ba bdag gis mthong/ /zhes sangs rgyas gang du byon ba'i 'jig rten gyi khams bye ba phrag brgya sogs su'ang de nyid kyi mchog zung kun dga' bo sogs yod par gsungs pa'i phyir/ 'di ni deng dus chen po'i gos rer sleb pa na 'brel med kyi skyes rabs mang po kha bdag byas te/ dang por sangs rgyas/ bar du tshogs bsags/ mthar 'khor ba'i gting rdor ltung ste chags sdang gi 'khor lo bskor ba'i rnam thar rnams dang mi mtshungs par tshad ma'i lung gis grub pa'i yul yin no/ /gong gi rtags gnyis pa grub ste/ stong thum las/ de dag thams cad sprul pa'i nyan thos yin pas nyan thos mtshan nyid pa min pa'i phyir skyon med do zhe na/ 'o na lnga sde bza' bo nyan thos kyi rigs can ma yin pa'i phyir/ de dag ched du bya ba'i gdul bya'i gtso bor byas nas gsungs pa'i 'khor lo dang bo'i mdo theg dman gyi sde snod ma yin par thal zhing; bcom ldan 'das kyi dngos kyi 'khor na nyan thos mtshan nyid pa'i mtshan gzhi gzung rgyu su zhig yod pa smros shig /ces gsungs pa'i phyir/ kho na re/ mdo dran ba nyer gzhag brjod bya phyogs mthun gyi 'khor lo dang por 'jog ba mi 'thad bar thal/ de theg chen gyi mdo yin ba'i phyir/ der thal/ mdo rang nyid las/ dran pa nye bar bzhag ba zhes bya ba theg pa chen bo'i mdo/ zhes gsungs pa'i phyir na/ mkhyab ste/ bu ston chos 'byung las/ 'di lo tsA ba theg @150b chen du mdzad/ dkar chag chen mo dag las theg chung du bshad do/ /zhes pa ltar yo tsA bas bsgyur dus de ltar bshad ba tsam yin pa'i phyir/ 'on kyang rgyed bel lar yang theg chen du bshad ba yod par mngon to/ sa'i stod 'grel las/ lung yang nyan thos kyi theg ba ni 'o gnas brjod par bya'o/ /theg pa chen po brjod bar bya ste/ 'phags pa dam ba'i chos dran ba nye bar bzhag ba'i mdo las/ zhes bar srid kyi sgrub byed du 'dren ba'i skabs theg chen gyi lung yin rgyu byas te drangs snang ngo// yang kha cig na re/ bka' thams cad chos phung brgyad khri bzhi stong du grangs ma des par thal/ nyon mongs pa'i sbyod pa la brgyad khri bzhi stong du grangs ma nges pa gang zhig /chos phung gi grangs ni sems can gyi nyon mongs pa'i spyod pa'i sgo dang bstun nas de snyed cig gsungs pa yin ba'i phyir/ dang po grub ste/ mdo las/ 'gro ba spyod pa'i sgo rnams ji snyed pa/ /de snyed chos kyi sgo la rab zhugs te/ /zhes dang/ mdzod las/ spyod pa rnams kyi gnyen por ni/ /chos kyi phung po mthun par gsungs/ /zhes gsungs pa'i phyir/ gnyis ba grub ste/ nyon mongs ba'i spyod pa brgyad khri bzhi stong zhes bshad pa ni gdul bya dbang rtul la bstan pa'i drang don yin gyi/ dngos gnas la der mi 'dus pa'i phyir/ gsang ba bsam gyis mi khyab pa'i mdo las/ sems can gyi spyod pa brgyad khri bzhi stong zhes 'byung bas ni sems can dbang po mthu chung ba rnams gzung ba'i phyir de bzhin gshegs pas bstan gyi/ zhes ba nas/ spyod ba gang yin pa de dag skal btsam du bstan kyang @151a @#/ /de dag re res kyang de bas lhag bar 'gyur ro/ /zhes gsungs ba'i phyir na/ mkhyab ste/ rkyen 'di kho na dang 'byung tshul yang 'di kho na nyes dmigs 'di tsam kho na skyed bzhes kha tshon bcad ba'i spyod pa bye brag pa zhig ngos bzung ste 'di lta bu brgyad khri bzhi stong las med ces grangs nges pa dang/ chos phung gcig la'ang sho lo ka sogs kyi tshad bzung ste 'di 'dra ba brgyad khri bzhi stong las med ces grangs nges byed mi nus pa'i don yin ba'i phyir/ der thal/ nang gses re re la dbye ba tshad med pa yod kyang spyi sdom gyi grangs nges byas chog ba 'gal ba med ba'i phyir/ der thal/ phung po lnga dang khams bco brgyad po re re la'ang dbye ba mtha' med ba yod kyang spyir 'dus byas thams cad phung po lngar grangs ngas ba dang/ chos thams cad khams bco brgyad du grangs nges pa mi 'gal ba bzhin yin ba'i phyir/ rtags grub ste/ de'i nang gi spyod pa sna gcig gi gnyen po rdzogs pa la'ang mngon gyur cung zad mgo gnon pa las dang po ba'i skabs nas bzung/ de'i bag chags shes sgrib phra mo spong ba'i rgyun mtha'i ye shes dang des drangs pa'i rnam grol lam gyi bar skyes bu gsum gyi lam yongs su rdzogs ba zhig dgos pa'i phyir/ der thal/ de'i rgyu mtshan gyis spyod pa sna gcig gi gnyen po cha tshang yang nyan thos rnams kyis mi shes pa'i phyir/ phal chen sde pa'i lung las/ 'jam dpal gzhon nur gyur pas gnas brtan rab 'byor la 'di skad ces smras so/ /gnas brtan rab 'byor gang de bzhin gshegs @151b pas sems can gyi sbyod pa brgyad khri bzhi stong zhig mkhyen pa de khyod kyis shes sam/ rtogs sam/ mthong ngam/ de dag dang mthun par gtam brjod par byed nus sam/ smras pa/ 'jam dpal de ni ma yin no/ /zhes gsungs shing/ 'di las 'phros te nyan thos kyis de mi shes shing chos thams cad ngo bo nyid kyis mnyam par byas ba zhes bya ba'i ting ngo 'dzin thob pa'i byang sems kyis sems can gyi spyod pa mtha' dag shes te de dang mthun par chos ston nus pa dang de'i rgyu mtshan gyis nyan thos rnams byang sems la phyag bya bar bshad do/ /kho na re/ rab 'byor gyis nyon mongs ba brgyad khri bzhi stong gi gnyen po cha tshang bar shes bar thal/ des nyon mongs brgyad khri bzhi stong tshang bar spong phyed kyi gnyen po shes pa'i phyir na/ ma khyab/ rtags grub ste/ des nyon mongs thams cad kyi gnyen po sgom shes pa'i phyir te/ nyon mongs thams cad spangs pa'i phyir/ gong du 'dod mi nus te/ nyon mongs yin na khyod kyi rtsa bar gyur pa'i chos kyi bdag 'dzin yod bas khyab pa'i phyir/ khyab ste/ sangs rgyas kyis de bstan pa'i dgongs pa dang/ gdul byas de'i nyams len yongs su rdzogs pa la rtsa ba bag chags dang bcas pa spangs te slar slob rgyu med ba zhig dgos ba gang zhig /nyan rang gi theg ba ni re zhig ngal bso ba'i drang don yin pas de'i dgra bcom rnams ni shes sgrib kyi 'jigs pa dang bcas shing slob pa bya ba dang bcas pa kun rdzob pa'i skyabs su gsungs pa'i phyir/ yang kha cig /rnam bshad las/ 'di ni bla na ma mchis pa zhes nye tshig smos pa'i @152a @#/ /mtshan gzhir mdo sde dgongs ba nges 'grel ril po 'dzin pa'ang mi 'thad de/ der sa bcu'i dbang phyug byang chub sems dpa'i bcus ston pa la dri ba mi 'dra ba re re mdzad pa'i dris lan gzhan rnams 'di'i mtshan gzhir 'brel med ba'i phyir ro/ /des na byang chub sems dpa' don dam yang dag 'phags kyis drang don dang nges don zhus ba'i lan ston pas bka' stsal pa de nyid yin/ zhes gsungs pa la brten nas 'di ni bla na ma mchis zhes nye tshig smos pa'i mtshan gzhir don dam yang dag 'phags zhus kyi le'u gcig pu 'dzin zer na/ mi 'thad par thal/ skabs 'dir legs bar phe tshul ngo bo nyid gsum la bden par yod mnyam dang/ med mnyam dang/ yod med cha phye pa gsum la drang nges su 'jog tshul dris lan gyis gtan la phab pa'i grub don yin pa'i phyir/ khyab ste/ de ltar na ngo bo nyid gsum la bden par yod med khyad par legs par phye ba'i mdo thams cad nges don du 'dis grub dgos pas de thams cad 'di ni bla na ma mchis pa dang nges pa'i don du bshad pa'i mdor 'jog dgos pa'i phyir/ der thal/ de dag nges don du sgrub pa 'dir skabs su ma bab pa dang sgrub mi nus pa gang yang ma yin pa'i phyir te/ dper na mdo re re nas ma smos kyang mtshan nyid gsum la cha ma phye bar rang bzhin gyis med mnyam du ston tshul 'dra ba'i mdo tshig yum rgyas 'bring bsdus pa gang gi nang du byung yang 'dis drang don du bstan par 'gro ba bzhin yin pa'i phyir/ des na yon @152b tan 'byung gnas kyi le'u/ tshul bzhin kun tu dri ba'i le'u gnyis kyang de yin la/ der ma zad lang gshegs dang rgyan stug po bkod pa/ 'od srung gis zhus pa rnams kyang de'i mtshan gzhir 'ongs te/ 'di nyid las/ 'di ni zhes nye tshig smos pa ni dem thag tu smos pa'i legs par rnam par phye ba'i 'khor lo dgongs 'grel dang de bzhin du phye ba rnams la zer ba yin gyi/ zhes gsungs pa'i phyir dang/ de bzhin phyed rnams zhes mang tshig smos pa'i dgos pa yod pa'i phyir/ des na kun mkhyen bla mas/ bstan tshul 'di ni zhes brjod bya'i ngos nas bshad pa'i mtshan gzhi legs bshad snying po ltar dang/ chos 'khor bskor bzhin ba'i le'u 'di ni zhes brjod byed la sbyar na rnam bshad lcar bya'o/ /zhes brjod bya rjod byed la so sor sbyar te yang sras dgongs pa gcig tu sgrubs pa ni legs bshad chen po yin te/ rjod byed kyi cha nas nye tshig smos ba'i tshe bskor bzhin pa 'di ni zer dgos bas lang gshegs sogs yong don med kyang/ brjod bya'i cha nas nye tshig smos pa'i tshe mtshan nyid gsum la bden par grub ma grub kyi khyad par phye ba'i 'khor lo tha ma 'di ni zer dgos pas rang dang ston tshul mtshungs pa'i mdo lang gshegs sogs thams cad yong ba'i phyir te/ grub don 'di 'khor lo tha ma legs phye'i chos 'khor thams cad kyi grub don yin pa'i phyir/ de la kho na re/ lang gshegs 'dir bstan 'khor lo tha ma ma yin par thal/ de 'dir bstan 'khor lo tha ma dngos ma yin par de dang brjod bya phyogs mthun gyi 'khor @153a @#/ /lo tha mar 'jog dgos pa'i phyir/ der thal/ grub mtha' chen mo las/ 'khor lo tha ma'i mtshan gzhi dgongs 'grel dang de'i 'phags zhus kyi le'u gnyis dngos yin la/ phyogs gtogs rgyan stug po bkod pa sogs yin/ dbu ma pas gzhal na lang gshegs/ mdo sdes bcu ba/ de bzhin gshegs pa'i snying po'i mdo sogs 'khor lo tha ma'i phyogs min kyang/ sems tsam pas 'di dag drangs nas sher phyogs drang don du bsgrubs pas legs phye'i phyogs gtogs kyi mdor 'jog dgos/ zhes gsungs pa'i phyir na/ ma khyab ste/ de rnams kyis brjod bya ston tshul dang 'dra ba'i don yin pa'i phyir/ yang kha cig yig char dgongs 'grel ril po 'dir bstan 'khor lo tham ma yin par gsungs ba mi 'thad par thal/ dgongs 'grel ril po dang dgongs 'grel don gcig yin pa'i phyir/ der thal/ dgongs 'grel ril po ge dgongs 'grel gyi le'u bcu tshogs pa'i gtsung gcig yin pa'i phyir/ der thal/ dgongs 'grel ril pho ra le'u bcu yod pa'i phyir te/ de dang dgongs 'grel gnyis la mang nyung med pa'i phyir na/ ma khyab ste/ ril po zhes pa yongs rdzogs kyi don yin pa gang zhig /dgongs 'grel gyi le'u bcu yongs rdzogs dang dgongs 'grel mang nyung 'byed mi thub kyang le'u bcu yongs rdzogs la le'u bcu re yod par khas len mi rung ba'i phyir te/ de ltan le'u brgya yod par thal ba'i phyir/ dper na mdun gyi skyes bu lan 'debs pa po 'di'i lus yongs rdzogs dang 'di'i lus la che chung dang gcig gi go sar gcig chud mi chud kyi khyad med kyang @153b lus yongs rdzogs la yan lag lnga dang dbang po lnga sogs yod bar 'jog mi thub pa'i phyir/ lus yongs rdzogs la mig yod bas brgya byin lta bur thal ba dang/ lus yongs rdzogs la skra dang so sen sogs skye bar thal ba dang/ med na dbang po lnga tshang ba'i mi lus gcig med par thal ba sogs tshig gi 'khri tshul shes sla zhing rigs lam byang ba'i yan lag tu spros pas chog go /'khor lo gsum gyi drang nges 'jog tshul dgongs 'grel las gsungs pa 'di sgri chung zhin par 'dod pa'i lugs su rlo ma yang/ mdo'i dgongs don las gzhan du song ba mang ste/ 'di nyid las/ kha cig mdo 'di la brten nas dus gsum par gsungs pa'i mdo thams cad nges don du bsgrubs nas gzhan sde'i rigs can bdag tu smra ba la zhen pa rnams drang ba'i phyir du gsungs pa 'ga' zhig sgra ji bzhin par 'dod cing/ chos nyid ma gtogs pa'i chos can thams cad 'khrul pa'i blos rlom pa ma gtogs pa rang gi ngo bos grub ba cung zad kyang med cing chos nyid bden par grub pa'i bden mi bden rnam par phye ba ni sngar bshad ba'i legs par rnam par bye ba'i don du 'dod do/ /zhes pa ltar gyi phyogs snga smra ba po ni dol bo shas rab rgyal mtshan sogs snying po rtag brtan 'dod pa rnams yin la/ de dag gis rang gi grub mtha'i khungs su byed rgyu'i mdo ni bde gshegs snying po'i mdo; 'phags pa gzungs kyi dbang phyug rgyal pos zhus pa'i mdo/ mya ngan las 'das pa chen po'i mdo/ sor mo'i phreng ba la phan ba'i mdo/ dpal 'phreng seng ge'i nga ros zhus pa'i mdo/ ye shes snang ba rgyan gyi mdo/ 'phel ba dang 'gri @154a @#/ /pa med par bstan pa'i mdo/ rnga bo che chen po'i mdo/ rnam par mi rtog pa la 'jug pa'i gzungs/ mdo dgongs 'grel rnams yin zhing de bcu la je mo nang pas snying bo'i mdo bcu zhes zer ro/ /yang 'di nyid pas gzhan dag gis ni mdo 'dis drang nges bye ba ltar yin na phyogs snga mas smra ba ltar 'gyur ro snyam nas drang nges kyi tshul de sgra ji bzhin pa min no zhes 'gog go /zhes gsungs pa'i phyogs snga ma'ang rgyud sde spyi rnam las/ bu ston rin bo ches mdo bcu po de bka' tha ma'i mdo yin zhing/ mdo de dag las jo nang pas 'dod pa ltar du bstan pa'i dbang du mdzad nas/ de dag drang don du bzhed la/ ngo bo nyid kyi sku dang bde gshegs snying po don gcig par mdzad nas de sems can gyi rgyud la med par bzhed cing bka' bar pa khon nges don du bzhed do/ /mdo bcu po de brjod bya phyogs mthun du 'dod pa mi 'thad de/ zhes sogs gsungs so/ /yang la las ni drang nges kyi tshul 'dir gsung ba sgra ji bzhin du byed kyang 'dod la/ sher mdo drang don byed ma bde bas 'gal ba spong bar 'dod nas bar mtha' gnyis kyi mtshan gzhi go bzlog nas 'jog ste/ stong thun las/ dgongs 'grel las 'khor lo tha ma nges don du gsungs pas 'khor lo tha ma nges don yin zhing des na shes rab kyi pha rol tu byin pa rgyas 'bring bsdus gsum sogs 'khor lo tha ma'i mdo yin no zhes zer ro/ /zhes dang/ rnam bshad las/ 'khor lo bar mtha' gnyis kyi drang nges kyi tha snyad sor bzhag byas nas mdo'i mtshan gzhi go zlog pa ni don la cung zad @154b kyang ma dpyad pa tshig 'ba' zhig la brten par gsal lo/ /zhes gsungs pas/ 'di ltar smra ba'i bod snga ma mang po byung la/ yar 'brog pa rin chen tog gis kyad/ chos kyi 'khor le gsum pa ni/ /sher phyin pa la chen chos pad dkar/ /de sogs khyab byed dbu ma che/ /zab yangs rtsong ba dang bral ba'o/ /zhes dang/ yum las chos skor lan gnyis zhes/ /'byung phyir 'khor lo bar par 'dod/ /cen bden mod gzhung 'di'i don/ /theg chung gcig shos gnyis su 'dod/ /dper na sde snod gsum gnyis bzhin/ /zhes 'khor lo gsum skos kyi gdang bu ltar phyi ma phyi ma mtho ste/ de'i phyir sher mdo 'khor lo tha ma yin la/ dgongs 'grel sogs snying po rtag brtan ston pa'i mdo rnams 'khor lo tha ma min te rtag brtan bshad pa drang don yin zhing 'khor lo tha ma nges don du gsungs pa'i phyir/ sher mdo rang nyid las chos kyi 'khor lo gnyis pa bskor ba mthong ngo/ /zhes gsungs pas kyang de 'khor lo bar pa yin par mi 'grub ste/ 'di'i gnyis pa zhes pa 'khor lo gsum gyi gnyis pa min gyi theg pa dman pa'i chos 'khor dang theg chen pa'i gnyis su phye ba'i gnyis pa yin te/ dper na mdo sde rgyan las/ sde snod dag ni gsum mam gnyis kyang rung/ /zhes pa'i sde snod gnyis pa la sde snod gsum du phye ba'i gnyis pa mi dgos pa bzhin yin pa'i phyir zhes 'dod cing dol po ba tshig ngan gyis tshar bcang mdo/ dgongs 'grel snying po rtag brtan ston pa'i mdor rang gis kyang khas blangs nas thog tog dang dbang po rdo rje sogs bri @155a @#/ /ba'i ngal pa byas pa ni ral gri dgra la shor te shubs kyi steng nas dpa' skad 'don pa dang 'dra bas snying po ci'ang med do/ /'di'i 'khrul gzhi 'ang snyid po rtag brtan dang bde gshegs snying po don gcig tu 'khrul pa dang; gzungs rgyal gyi mdo las gsungs ba'i gdul bya bkri ba'i rim pa gsum dang dgongs 'grel gyi 'khor lo gsum rim ba bzhin du sbyor dgos par bzung zhing de gsum snga ma sde ma las phyi ma phyi ma mchog tu 'gro dgos snyam du 'khrul ba'i skyon yin te/ stong thun las/ kha cig 'phags pa gzungs kyi dbang phyug rgyal pos zhus pa'i mdo las/ rigs kyi bu dper na 'di lta ste/ nor bu mkhan mkhas pas nor bu sbyong ba'i tshul/ zhes pa nas/ 'dis 'khor lo rim pa gsum gyis rim pa bzhin bde bar gshegs pa'i snying po la sgrib pa'i dri ma rags pa dang phra ba dang shin tu phra ba dag sbyong bar bstan pa yin la/ de'i phyir 'khor lo tha ma nyid nges pa'i don no zhes smra'o/ /zhes pa ltar ro/ /de mi 'thad ba'i tshul yang de nyid las/ de ltar na dpe don chos mthun sbyor ba na nor bu gcig nyid sbyong byed gsum gyis rim can du sbyong ba ltar/ gdul bya gcig nyid kyi rgyud kyi dri ma phra rags gsum sbyong byed 'khor lo gsum gyis rim can du sbyong bar khas len dgos la/ de ltan dgongs 'grel las 'khor lo gsum gyi gdul bya'i rigs tha dad par bshad pa dang 'gal ba'i phyir dang/ rang gis kyang gdul bya'i rigs tha dad du smras pa dang khas blangs 'gal zhing/ bcom ldan 'das kyis chos kyi 'khor lo bskor ba'i ched du @155b bya ba'i gdul bya yin na theg pa gsum la rim can du 'jug pas khyab par thal ba'i phyir ro/ /gzhan yang phyir mi ldog pa'i chos kyi 'khor lo'i gtam zhes pa ni mthar thug theg pa gcig tu ston pa la zer ba yin la/ 'khor lo tha ma las mthar thug theg pa gsum du bstan par gong du bshad zin pa ltar yin pas 'brel med do/ /zhes dang/ rnam bshad las/ mdo sde 'di nyid du gzhan dbang yongs grub bdon par grub pa dang mthar thug theg pa gsum du bstan la/ de bzhin gshegs pa'i snying po'i mdo dang/ 'phags pa dpal 'phreng gi mdo la sogs bar chos thams cad bden pas stong zhing dri ma glo bur ba yin pa dang/ mthar thug theg pa gcig tu bstan par theg pa chen bo rgyud bla mas legs par bsgrubs pas de dag gi don gcig yin min bsam par bya ba yin no/ /zhes gsungs so/ lugs snga ma gnyi gas snying bo'i mdo bcu zhes brjod bya phyogs mthun du byed na'ang/ dgongs 'grel gyis mthar thug theg pa gsum du ston la/ dpal 'phreng gi mdo dang de bzhin gshegs pa'i snying po'i mdo sogs las mthar thug theg pa gcig tu bstan pa dang/ yang dgongs 'grel gyis drang nges su 'jog tshul sgra ji bzhin pa yin min gyi sgo nas bshad la/ yi shes snang ba rgyan gyi mdos blo gros mi zad pa ltar bden gnyis gtso bor bstan tshul gyi sgo nas bshad pa sogs gnad tshes la mi mthun pa mang du yod pas phyogs gcig tu byar mi rung ba'i tshul sogs kyang stong thun na gsal bas der shes par bya'o/ /skabs 'dir snying @156a @#/ /bo'i mdo bcur grags pa'i nang gi bde gshegs snying po'i mdo de drang nges gang yin snyam na 'di la kha cig na re/ de drang don yin par thal/ gzhan sde'i lta ba la goms pa tsho ba 'ga' zhig rjes su gzung ba'i phyir gsungs pa'i drang don dgongs ba can gyi mdo yin pa'i phyir/ phar phyin mtha' dpyod las/ snying po rtag brtan gsung yul gzhan sde 'am sngon gzhan sde'i lta bar goms ches pas re zhig gang zag gi bdag med thun mong pa'ang bstan mi rung ba'i gang zag yin la/ zhes gsungs pa'i phyir/ khyab ste/ de bzhin gshegs pa'i snying po'i mdo de snying po rtag brtan ston pa'i mdor mi 'jog na jo nang pas khungs su byed cing sgra ji bzhin par 'dod rgyu'i mdo bcu'i nang du snying po rtag brtan ston pa'i mdo gcig med dgos la de mi rigs pa'i phyir te/ 'di nyid las/ gzhan sde'i rigs can bdag tu smra ba la zhin pa rnams drang ba'i phyir du gsungs pa 'ga' zhig sgra ji bzhin par 'dod cing/ zhes gsungs pa'i phyir dang/ mdo de logs su yong na snying po'i mdo bcu gcig byed dgos pa'i phyir/ gzhan yang jo nang bas grub mtha'i rtsa bar byed rgyu'i bde gshegs snying po'i mdo de rgyud bla mar rigs sgrub byed dpe dgu don dgu sogs kyi bshad bya rtsa bar gyur pa'i de bzhin gshegs da'i snying po'i mdo la byed bar thal/ stong thun las/ snying bo'i mdo la sogs pa rnams kyi dgongs pa 'grel ba'i tshe ni rgyud bla rtsa 'grel tu mthar thug gi theg pa gcig tu bshad/ ces dang/ rgyud sde @156b spyi rnam las/ de dag gis bde gshegs snying po dang rdzogs pa'i sangs rgyas kyi ngo bo nyid sku don gcig cing/ bden par grub pa/ rtag brtan ther zug/ /'dus ma byas kyi mtshan dpes brgyan pa/ sems can thams cad kyi rgyud la 'khor ba thog ma med pa nas nyon mongs pa'i sbubs na rang chas su yod pa de dpe dgu don dgu'i sgo nas bstan par 'dod la/ zhes gsungs pa'i phyir/ khyab ste/ dpe dgu'i dang po gleng gzhi'i tshul gyis bstan cing/ lhag ma brgyad gzhung don dngos byas te ston pa'i mdo de bzhin gshegs pa'i snying po'i mdo 'di nyid las gzhan du 'os med pa'i phyir zer na/ skyon de dag mi 'jug par thal/ lang bshegs las drang don du 'grel rgyu'i snying po rtag brtan ston pa'i mdo ni drang don yin zhing de'i ming la'ang gzhung du mar bde gshegs snying po'i mdo zhes bshad/ de rang nyid bod du ma 'gyur bas da lta yig cha sogs su drangs yod pa 'di de'i bshad pa lang gshegs su bkod pa'i tshig rnams yin/ rgyud bla ma'i bshad bya dpe dgu don dgu sogs ston pa'i de bzhin gshegs pa'i snying po'i mdo da lta bod du 'gyur yod pa 'di ni nges don stong nyid gtso bor gtan la 'bebs pa sher mdo dang 'dra ba'i phyir/ rgyud bla dar TIka las/ de bzhin gshegs pa'i snying po'i mdo'ang sher phyin gyi mdo dang 'dra bar/ zhes pa nas/ de bzhin gshegs pa'i snying po'i mdo sgra ji bzhin pa min pa'i drang don du byed na 'og nas khams bstan pa'i dgos pa ston pa'i rtsod lan 'brel ba cung zad kyang med par 'gyur/ @157a @#/ /zhes gsungs pa'i phyir te/ sems zhum sems can dman la brnyas pa dang/ /zhes sogs kyi skabs su sher mdo dang mi zlos pa'i rtsod spong mdzad pa gang zhig /mdo gnyi ga brjod bya ston tshul mi 'dran zlos sa snyam pa'i rtsod pa 'od don med pa'i phyir/ de la kho na re/ lang gshegs su bkod pa'i tshig de ji lta ba bzhin da lta 'gyur ba'i de bzhin gshegs pa'i snying po'i mdo 'dir med kyang/ lang gshegs kyi mdo 'de'i gong 'og kun tu bshad pa'i don bsdas nas bkod pa yin pa'i phyir/ der thal/ lang gshegs su bde gshegs snying po'i mdo bkod pa las/ rang bzhin gyis 'od gsal pa rnam par dag pas thog ma nas rnam par dag pa mtshan sum cu rtsa gnyis dang ldan pa sems can thams cad kyi lus kyi nang na mchis par brjod de/ zhes pa ni de bzhin gshegs pa'i snying po'i mdo'i dpe dang po'i skabs su/ ji ltar de bzhin gshegs pas sprul pa'i padma kha dog ngan pa/ dri nga ba smad par 'os pa mngon par dga' bar 'gyur ba ma yin pa 'di dag dang/ de bzhin gshegs pa'i gzugs mdzes pa gzugs bzang pa blta na sdug pa dag padma'i snying po 'di dag la skyil mo krung bcas shing 'khod de/ zhes ba nas/ nyon mongs pa'i sbubs su gyur ba de dag gi nang nang 'dra bar ye shes dang ldan pa/ mig dang ldan pa'i de bzhin gshegs pa mang po 'khod cing skyil mo krung bcas nas mi g.yo bar 'khod pa mthong ste/ nyon mongs pa thams cad kyis nyon mongs pa can du gyur pa da dag @157b gi nang na de bzhin gshegs pa'i chos nyid mi g.yo zhing srid pa'i 'gro ba thams cad kyis mgos pa dag mthong nas/ zhes dang/ dpe bdun pa'i skabs su/ sems can nyon mongs pa sna tshogs kyi dkri bas dkris par gyur ba rnams kyi nang na'ang de bzhin gshegs pa'i lus bci 'dra ba yod par mthong ngo/ /zhes dang/ ngas ni nyon mongs dkris pa'i nang dag na/ /rgyal ba'i sku ni mnyam par gzhag gyur la/ /de ni g.yo ba med cing mi 'gyur yang/ /zhes dang/ dpe lnga ba'i skabs su; sems can thams cad kyi mngon par zhen pa'i yid la byed pa khyim lta bur gyur pa'i 'og na de bzhin gshegs pa'i snying po stobs dang/ mi 'jig pa dang/ ma 'dres pa dang/ sangs rgyas kyi chos thams cad kyi mdzod kyi gter chen po yod kyang/ zhes sogs kyi tshig sna bsdus pa yin/ yang lang gshegs su bkod pa'i lung gi 'phror/ bcom ldan 'das kyis rin po che rin thang chen po gos drim can gyis yongs su dkris ba ltar/ phung po dang khams dang skye mched kyi gos kyis yongs su dkris ba/ 'dod chags dang zhe sdang dang gti mug gi zil gyis non ba/ yongs su rtog pa'i dri mas dri ma can du gyur pa/ rtag pa/ brtan pa/ ther zug par ni brjod na/ zhes ba'ang dpe bdun pa'i skabs su/ yongs su dkris ba bde bar gshegs pa'i gzugs/ /rin chen byas pa ras dum dkris pa de/ /zhes sogs dang/ dpe drug pa'i skabs su/ de bzhin gshegs pa'ang 'jig rten na gnas ba/ 'dod chags dang zhe sdang dang gti mug dang/ sred pa dang ma @158a @#/ /rig ba'i nyon mongs pa'i phyi shun gyi sbungs kyis kun tu dkris par mthong ngo/ /zhes dang/ dab lnga pa'i skabs su/ der de lo ni mi nyung ba zhig tu/ /de ltar gnas kyang mi 'jig chos can no/ /zhes rtag grtan du gsungs pa'i phyir dang/ dpal 'phred kyi mdo las/ de bzhin gshegs pa'i snying po ni rtag brtan ther zug pa lags so/ /zhes 'byung la/ snying po rtag brtan ston ba'i mdo zhes pa spyi ming yin pas sger du 'jog mi dgos kyi snying po'i mdo bcu ka der 'jog ces zer 'dod ba yin nam snyam/ 'on mngon rtogs rgyan las/ de ltar mdzad brgya che'i phyir/ /sangs rgyas khyab bar nges par brjod/ /de nyid zad pa med pa'i phyir/ /rtag pa zhes kyang brjod pa yin/ /zhes ba 'dis kyang sems can thams cad kyi rgyud ba sangs rgyas rang chas su yod pa dang de nyid rtag brtan ther zug tu bshad par thal/ der yang thams cad la khyab ces pa dang/ rtag ces pa'i tshig ris tsam byung ba'i phyir/ byas pa la/ mi mtshungs te/ rgyan gyi des sangs rgyas kyi mdzad pas khyab pa la de ltar bshad pa yin pa'i phyir zer na/ de bzhin gshegs pa'i snying po'i mdo don yang de ltar yin te/ rgyud bla mas mdo de'i dgongs pa bkrol ba yin bar phyogs gnyi ga mthun la/ der sangs rgyas kyi skus thams cad la khyab tshul drang nges kyi gsung rab sogs mdzad ba 'phrin las kyis khyab pa dang/ 'khor 'das gnyi ga de bzhin nyid du ro gcig pa dang/ ma 'ongs pa na sangs rgyas kyi sa'i yon tan mtha' dag 'byung rung gi rigs gnyis yod pa @158b dang gsum gyi don du bkral ba'i phyir/ der thal/ rgyud bla ma las/ rdzogs sangs sku ni 'phro phyir dang/ /de bzhin nyid dbye med phyir dang/ /rigs yod phyir na lus can kun/ /rtag tu sangs rgyas snying po can/ /zhes mdor bstan te rgyas bshad du dpe don bco brgyad sbyar nas gsungs pa'i phyir/ khyab ste/ sangs rgyas kyi skus khyab ces pa'i khyab lugs 'di ltar go dgos kyi/ rgyu tshogs gnyis gang yang ma bsgrubs gong nas sangs rgyas rgyas rang chas su yod par bzung na mdo 'di'i dgongs par gtan mi 'gro zhes pa yin pas/ jo nang bas mdo 'di'i dgongs ba len tshul phyin ci log tu song yod pa rgyud bla mas mdo 'di 'grel tshul la bltas na shin tu gsal ba'i phyir/ der thal/ rgyud bla mas 'grel tshul 'di legs par gon 'di'i bshad bya'i bde gshegs snying po'i mdo sogs brjod bya sher mdo dang phyogs mthun bar sems bden stong gtso bor bstan pa yin pas/ rtag brtan gyi snying po bden grub ma bstan par ma zad 'gog byed mthar thug tu song yod bar rje bdag nyid chen pos gsungs pa'i phyir/ rgyud sde sbyi rnam las/ rje rin po che'i bzhed pas bka' bar pa'i phyogs mthun gyi mdo/ bde gshegs snying po'i mdo dang/ gzungs kyi dbang phyug rgyal pos zhus pa'i mdo dang/ ye shes snang ba rgyan gyi mdo dang/ sor mo'i 'phreng ba la ba na ba'i mdo dang/ 'phags pa dpal 'phreng gi mdo la sogs pa'i dgongs pa gtso bor 'grel la/ dgongs pa thal 'gyur du gnas shing 'phags pa thogs med kyis kyang thal 'gyur du bkral bar bzhed de/ @159a @#/ /jo nad pa'i grub mtha' la 'di las gnod ba med gsung ngo/ /zhes gsungs pa'i phyir/ kho na re/ de bzhin gshegs pa'i snying po'i mdo sogs brjod bya phyogs mthun gyi 'khor lo bar pa yin par thal/ lung de'i don 'thad pa'i phyir/ 'dod na/ 'khor lo bar ba yin par thal/ 'dod pa'i phyir na/ ma khyab/ 'dod mi nus te/ 'khor lo gsum pa yin pa'i phyir/ rgyud bla dar TIka las/ slar yang bla ma'i rgyud 'khor lo gsum ba de bzhin gshegs pa'i snying po'i mdo la sogs pa/ zhes gsungs ba'i phyir te/ rgyud bla ma'am phyi ma dngos ni de bzhin gshegs pa'i snying po'i mdo sogs la byed pas 'dir bshad bya'i ming 'chad byed la btags pa yin pa'i phyir/ der thal/ rgyud ces pa sems kyi chos nyid la byas nas de gtso bor gtan la 'bebs pa'i 'khor lo bar pa sher mdo rgyud snga mar bzhag ste/ 'khor lo gsum pa de bzhin gshegs pa'i snying po'i mdo sogs de la ltos pas rgyud phyi mar bzhag pa yin pa'i phyir/ 'dus ba phyi ma las/ rgyud ni rgyun zhes bya bar grags/ /rgyun de rnam pa gsum 'gyur te/ /gzhi dang de bzhin rang bzhin dang/ /mi 'phrog ba yis rab phyi ba/ /zhes gsungs pa'i phyir/ khyab ste/ de gsum las rgyu rgyud dam rang bzhin gyi rgyud de 'dir bshad bya'i gtso bor byas pa'i steng nas sgra don bshad dgos pa'i phyir/ de tsem mdo sngags gnyi ga 'dra la chos nyid kyi pos 'dzin mi 'dra 'ang gyu rgyud sems kyi chos nyid la 'jog pa tsam dbu sems gnyi ga'ang 'dra ba'i phyir/ sbas don kun gsal las @159b shAnti pa dang a b+hyAka ras rgyud da sems kyi chos nyid la bshad do/ /zhes gsungs pa'i phyir/ de bzhin gshegs pa'i mdo'i tshig ris tsam la sems can rnams kyi nang na sangs rgyas kyi sku dang ye shes yod ces pa 'ga' zhig byung mod kyang/ skabs gzhan du sems can thams cad la de bzhin gshegs pa'i chos nyid chud mi za ba yod pas/ zhes dang/ sems can 'di dag ni rtag tu de bzhin gshegs pa'i snying po can yin/ zhes zhib cha phye nas gsungs yod pa de ma phye bar gsungs pa'i skabs rnams la sbyor dgos ba spyi lugs yin pa'i phyir dang/ mngo'i mtshan la'ang de bzhin gshegs pa'i snying po'i mdo zhes 'byung ba'i snying po ni rigs sa mkhams la byed dgos pa gang zhig /rgyud bla ma las/ rigs khams sbrang rtsi dang 'dra 'di gzigs nas; ;zhes dang/ thogs 'grel las/ 'dir khams kyi don ni rgyu'i don no/ /zhes gsungs pas/ khyed cag sangs rgyas kyi rgyu yod par gsungs pa rgyu mtshan du byas nas 'bras bu sangs rgyas yod par 'dod pa ni grangs can pa'i lugs ngan gra mnyams pa yin no/ /kho na re/ snying po rtag brtan ston pa'i mdo'i sgras zin 'gog mi rigs par thal/ snying bo rtag brtan khas len dgos pa'i phyir/ der thal/ de bzhin gshegs pa'i snying po mi 'jig ba'i rtag pa dang/ rgyun ji 'chad pa'i brtan par khas yin dgos pa'i phyir na/ ma khyab/ khyod rang la kun gzhi'i rnam shes gang zag gi bdag tu khas len par thal/ de gang zag gi mtshan gzhir gyur pa'i bdag tu khas len ba'i phyir/ khyab pa 'grig sher mdo 'khor lo tha ma yin [@text incomplete;@]